SHORT ARTICLE - HMINGTEA JAHAU

Kan group pawn lam a mi, thuziak tha tak tak lak khawm...
Ramdini Jahau
Posts: 57
Joined: April 9th, 2021, 8:00 am

SHORT ARTICLE - HMINGTEA JAHAU

Unread post by Ramdini Jahau » September 13th, 2021, 8:08 pm

Thu a tama, hla a tam bawk a, heti zawng hian ngaihtuahna hmang dawn teh ang aw!



Mizote, kan thlah tu te, kan pi leh pu te hun ah chuan lu la hman in rûn hnam kan ni tih chy a lung fing deuh chuan kan hre vek awm e. Lal awp na hnuai a awm kan ni a. Lal leh Lal te thu in bah fuh loh leh ram zauh duh a vang te, Lal leh Lal in kar a hmelma lo awm ve thin te avangin khua leh khua te an in rûn fo thin tih pawh kan hria.



Hun alo kal zêl a, a tawi zawng in sawu mai ila, chanchin tha in min rawn luh chilh a, kristian ram kan lo ni ta. Eden bawhchhiatna avang a thiam loh chang kan lo ni ta tih te chu kan lo hre chho ve ta zel bawk a, ngaihdam na tello chuan thi mai tur leh chutuan hrem hmuna kal mau tur kan lo ni ta, a va rapthlak êm!!



Khawngaihna, lainatna, hmangaihna chauh chu kam beisei leh kan innghahna a ni ta. Vawiin ni thleng a nang leh kei, duh duh sawi a, duh duh ei leh in thei a duh duh thawk thei, nuamsa tan a kan la khawsak theih na chhante hi i ngaihtuah ve ngai em le ? Krista hmangaihna chuan kan sual zawng zawng phur in, kan sual ngaihdam na tur in i tan leh ka tan kraws lerah athisen hlu tak a luantir a nih kha! Aw hmangaihna khawngaih lainatna âw sual ngaihdamna chu ani, a va hlu êm !




Evi leh Adama tihsual kha an ko kir leh a, an siam tha leh a nilo, tih that, siam that leh theih pawh a ni lo, ngaihdama, theihnghilh sak a siam that a awm chhun a ni.



Car- mawi tak leh changkang tak i nei a, i lawm êm êm a chhuang pawh i chhuang viau a ni. Tuktin mai in i hru fai hliau hliau reng a, i car- chuan i nun ah hmun a luah tam hle mai. Nitin i khalh chhuam a, nuam i ti êm êm ani. Duh leh bazar nan, duh leh i thiante leh chhungkhat laina te in a kal nan, duh leh i hnathawhna hmun a kal nan i hmang fo thin, a nuam ani ti raw ?!



Mahse le ni khat chu hlim tak a i car- khalh lai chuan Motor dang i tawk ta hlauh mai le, kawng zim lai deuh ani leh nghal, in tawk thut in nih avang in in side- lam ah chuan i tlan thuai a, mahse kawng zim a nih bak ah lei nghet lo deuh lai a lo ni leh zel a, i car- i chhuan êm êm nen chuan i beisei ngai loh na hmun kawng thlang ah chuan in tla ta. Vanneih thlak tak in kham sang leh hmun awih tak a ni lo hlauh mai, mahse i car- leh nang chuan tanpuitu in mamawh ta.



I lû i tuam bûr a, i ban vei lam ruh pelh awrh chung chuan i thu ta luau mai, i chet sual thu hria in i chhung leh khat te, i thenrual tha te an rawn lang nak nak hlawm a, thu chi hrang hrang an sawi theuh hlawm bawk.



Nakin deuhvah chuan i thian pakhat, i mizo pui ngei mai, khawvel ram zawng zawng a i ram neih chhun Mizoram-a i chênpui ngei mai chuan i che sual chu pawi a tih thu te, i car- chu i tluan pui a rin loh thu ts, nakinah chuan i nunna hial pawh in a la tuar mai lo vang tihpawh a sawi theih loh tih thu te, i car- i duat êm êm pawh chu tlâwm te in hralh mai la, a mah in a lo lei mai dan tur te chu a sawi bawrh bawrh a, a chhuak ta daih a.



A hnu deuhvah chuan i thian pakhat, i mizo pui ngei, i ram neihchhun a i chên pui bawk chu a lo lût leh a, i chêt sual thu a hriat har avang a alo lan mai theih loh thu te a sawi nuah nuah hnu ah, mihrang te, mi tupawh ni ila chetsual palh te hi a awm ngai thin tih te, kan vawi khat chet sual a vang a rilru hnual mai lo tur te, mahni in enfiah a, in siamthat nan hman a pawimawh thu te leh i car- i khalh leh hun ah pawh a hma ai a i thiam sawt zawk a rin thu te chu a sawi kauh kauh va.



I chet sual avang a thu chi hrang hrang i hriat zing ah eng nge pawm nuam ber ang le? Ngaihtuah ve mai mai rawh!



Mizote hi hnam lungrual tak kan ni thin, Kristian na in min luh chilh hnu ah phei chuan hnam in hmangaih tak kan lo nita zel ani. Chhiartu duhtak vawiin ni ah nang leh i chhungkua te zing ah tih sual palh nei lo an awm loh avang ringawt in i Mizo pui te tih sual palh hi dem lutuk lo hram hram teh khai, kan tu leh fate chunga thil thleng tur hi tumah hian kan hre lawk bik lo a nia, kan intodelh loh zia hria a, kan thenawm State te'n min diriam mêk lai hian mizo tak in, Kristian nun dik nen inlungrual in i intawngtai sak zawk ang u hmiang. Dam chhung ni te an rei silo!






[Eng ber ah nge ka post ang tih ka hre silo a, tah hian ka rawn dah lut tawp mai aw]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)