ZORI BY PC Malsawmzuala

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

Re: ZORI BY PC Malsawmzuala

Unread post by Ngaia » January 11th, 2017, 9:57 pm

In chhawng hnih, lian angreng tak kawng ân maia mi chu ka zawn mek in chu a ni tih tlangval pakhat chuan hrilhin min kawhhmuh a. A sawi ang deuh tak tak chuan an lo hausa phian a nih dawn hi mawle ka ti rilru nauh nauh a.

Kawngsir zau lai deuhah chuan ka bike chu ka hûng ve ngât a, en mai chuan petrol a haw tur tur duh hmel viau mai!

An garage kawngkhar nei lemlovah chuan Bullet Bike dum, Zori Scooty leh Sawrkar motor, Designation plate-a Join Director, ....Department tih inziak hi a awm bawk a. Doorbell ka hmeh dawn meuh chuan ka zam ve deuhin ka hria.

"Lo lut rawh" tih chu fiah manglo hian ka hre ruai a, kan lut ta chawm mai kha a nia. Nula pakhat hian thleng a lo sil mawlh mawlh a. Bedroom ațang chuan Patling pakhat a lo chhuak mek bawk.

"Lo leng rawh, Engnge ni i duh?" chu pa chuan a rawn ti a, ka chhan hmain Bedroom ațang chuan Zori a lo lang ve nghal zat a. Naupang kum 4 mi vel tur hi a rawn kaichhuak a.

"E, I lo kal tak tak elaw.. Lal âpa, hei hi kan țhianpa a nih hi, a fel teh mai nia, kan in min rawn hmuh pui ve rawh ka tia, hei a lo leng a nih hi." tih pah chuan patling țhu mek pa chu a va melh a, min rawn melh leh pa chuan "Hei hi kan pa a nia, hei hi kan fapa naupang zawk. A u hi room lamah a awm a niang"

Khu thei chu ni ila ka va'n khu ral chak dawn teh reng em! Hnar chu hnar chu a chuanglurh lurh mai nia mawle. A pasal nen chuan kan han inchibai leh rih a. Țhuthmun te chu ka han rem ve bawk tak nain awmngaihna ka hre thlawt lo, engnge kan sawi chin takngial pawh ka hre lo thei hial nia mawle.

Rei ka țhu lo chiang kher mai! Chhuanlam dap chawpin ka haw ta nal nal a.

A zialo. Mi nu ngaihzawn chu a zia mawlh lo a ni.

Mutthilh a har duh ngang mai. Engatinge pasal neilai a ni tih a insawi mai loh le aw.. tlaiah te khan nula riakah ngaiin ka lo duhâm hle kha a nia! Ka zak lutuk. Rizai hnuaiah chuan ka han inpiai vel thul. Tihngaihna thlawt a awm lo a ni.

Chawhma dar 11 velah dawra ngaihtuah mumal lo zet a ka țhut lai chuan Zori chuan min rawn phone a. Ka la lo chiang asin. Vawithum lai mai a rawn tih pawh chuan ka laksak duh ta bik lo kha a nia. Em em lutuk a...Thinrim ngaihna pawh ka hre lo ka zak hle a ni tawp mai.

Chawhnu herah dawhkan hnuaia pen ka tih tlak zawnga ka kun kût kût lai chuan ka hmaah chuan hmeichhe boot tle zet mai chu ka hmu ta thut mai a. Phuzuk chung chuan kan hawichhuak a, Zori a lo ni reng a.

"Engkim kha ka thiamloh vek a ni" a bag hrui hmeh nep nep pah chuan a ti hul hak a. Ngawireng chuan ka'n en vang vang a, thinrim ngaihna pawh ka hre lo. Ka lungawi chuang der bawk silova.

"Țhu ta che.."

"Inhmuh a ngai tawh lo asin, engatinge i lo kal kher?" ka ti a.

"Ka hria lawm. Mahse, lo kal a țul tlat bawk sia."

"Hlawh emaw, chutiang lam pawisa ka duh lo ka tih kha"

"Chumi chu ka lo kalchhan ber anilo asin. Harsatna dang ka neih vang a lo kal ka nia, nanglo chu min pui thei tur an awm silova"

"Eh.. pasal i neih reng kha. Ani chu tihtir mai la"

"Ka sualna vanga ka chhungte tihbuai hi ka duhlo a ni. Nupa ințhenna tham a ni bawk si nen"

"Kei min tihtir tho sia..."

"Khawngaihtakin hrethiam hram rawh" a țawng ring hran lo. Lawma te pahnih kan piah deuhah chuan an țhu ve reng bawk nen. Keilah chuan ka ngaipawimawh ve teh chiam bawk si lova.

"Sawi rawh, ka pui ang che chu ka ti chuanglo a nia" ka ti deuh nghat a.

A phone chu a phawrh rak rak a. Number save loh ațanga sms a dawn chu min rawn hmuhtir a.

'I thiltih hi ka hria e, Hetiang mai maia tlawm chi ka ni lo. FIR ka thehlut ang a, mi bungraw suasam case in ka man tir khawp ang che. I thlen chin chu ka thleng ngam e' tiin.

Ka țawngchhuak ngaichang chuan min en ran a..

"I hlau a mi?"

"Umh... keimah chuan tihngaihna ka hre hauh si lova lawm.."

"Nangmah vang hian ka rilru hi a hrehawm hle tawh a sin. Inhmuh pawh hi ka duh tawh tehchiam lo. Engatinge pasal neilai i nih thu i sawi loh? Kha thil kha thlenglo thei a ni asin" ka tih chuan a menghnuai raih a.

"Ka thiamloh vek a ni. Kan office a ka hmuh tirh ațang che khan mi vanduai tak ka ni tih ka inhria asin, eng ang paw'n min ngai la ka dem lo che ka thiam loh vek a ni"

"Ka thiamloh tih ringawt khan engmah a siamțha chuang silo alawm, vawiin bak hi kan inhmu tawh lovang. A țul a nih leh phone in kan inbe mai dawn nia"

Min chhang hranlo, hnuailam bih chuan a ngawireng a.

"Va haw la, thildang buaipui lovin message kha chhang la, a hman huntur zawt la, kan inhmuhna hotelah khan inhmuhpui tum rawh. Chawpchilh deuh lovin, i inhmuhpui theih chuan a bak chu ka kutah awm rawh se. Ruahmanna ka lo siam ang. Chuan... min rawn hmuhchhan chu kan zovin ka hria.."

"Coffee kan indun phawt thei angem?" A hmel chu a pha dai a, khawngaihthlak zawk hian. "Ka'n lak tir ange" ka tih chuan rang takin "Dawrah" a lo ti sap a.

"Haw pahin in mai rawh, kan pahnih chuan a remlo nimai teh seh" ka tih sak a.

"Khawngaihin, tun chiah....." ka chhang lem lo.

"Khawngaihna awmzia chu i hria tiraw..? Ka ngen che nih chu, tihnat belh che ka tumna a ni lo a nia."

"A rem lo, ka khawngaih lo che tihna a ni lo, a rem lo a ni"

Min melh vang vang a, a mittui luang ngiai ngiai chu hruksak chak viau mah ila ka bân ka lek kang duh ta bik lo a ni. A har chu ka ti ve tho asin. Ka duhzawng tak a lo ni thlu ngang a niang chu.

A ding a, a bag ațang chuan envelope uk hi a rawn phawrhchhuak a, ngawirengin dawhkanah a dah a. A chhuak zui ta kha a nia.

Chair hnunglam ngheng chuan ka maimitchhing vang vang a. Ruak ta riau hian ka inhre tlat pek a nih chu mawle. Țah vak emaw, auvak ka chak! Ka sa pup pup te hian a nia ka hriat ni.

Envelope chu ka'n hawng a, Cheque a lo ni a. Rs 1000000/- cheque mawle!! Ka meng phar awn maithei! Phar vak lo mai thei bawk. Ka inhmu chiah silova. Mak erawh ka ti!

A tam ka ti hle a ni.

Lawma leh Mapuii te ke ve tur leisak ila a țhat dawn hi ka ti rilru a. Re 1 pawh ka pe let lovang. Min tawrhtir man hi Pawisa fai hian a phu pawh ka ti bik nek lo.

Inbuatsaihlawk ngai thil ka neih tak kha mawle.

"Lawm, Laptop leina tur i hria ang em?"

"Hria e, eng ang chi..?"

"Ka hre chuang nang, țha ve pangai ni mai a, tunlaia an hman tlanglawn deuh. Mahse, kenkual awlsam tur, hlai deuh nilo ka duh a"

"A tam ang chutiang te chu, enga tana hman tur nge a?"

"Kan project kha kan la zofel lo a nih hmel viau a ni. Chhunzawmna turin ka mamawh dawn a..kan zawh fel hunah Bike i hlawh thei ang" a phur nasa mai.

Mapuii a lo ngawi duh bik hauh nang, "Engzat nge sanction awm dawn a, eng company nge ka book ve ang aw.." a lo ti zui nghal zat a. "Beisei sang ve siah'..." Lawma nen chuan an han inhnial leh rih a.

"Naktukah i chhuak mai ang chu tiraw. Laptop bakah thildang pawh lei ngai a awm nual dawn a, Projector te.. neuh neuh" ka lo ti a.

"A hmanhmawh thlak tut tut lo mi! Tunah pawh ka la lei hman zan ang" nuisang chung chuan a ti a.

"Naktuk chawhmalama kan leifel chuan a tawk mai ang. Chupawh kan hman nghal theih pawh ka ring chuang lo. Lo inrinlawk kha ni mai a"

"Umh, țhat chu.. Bike chu lo book lawk ila..duh huna lak theihloh a hlauhawm a, nghah reng chu ninawm ang.." a ka pawh zen ila min seh a rinawm tawh lo khawp mai.. Ka ek eirawh pawh ti ila 'nia nia nia' a tih zawh vek tawh ka ring hial!

"Naktukah kan hmanrua tur chu han leifel phawt la, ka chhuah a ngaih tak loh leh chawhnu lamah Mapuii nen inchhuak mai dawn nia.."

"Yesss... " Mapuii chuan a lo ti fahran a. Lawma lah chuan, "Min kalpui tur nu hi a lo phur ve bawk sia maw..! Ka thlah haw țhin dawn che nia" A'n tihsak ngeiah. Thil ka leisakin pakhat chauh leisak bik ngai hek lo. Mapuii hian a hrekar a niang chu. Ka naute pahnih hi chu duat an phu a ni, an fel emai. An bank account ka siam rûkah pawh singkhat ve ve ka dahsak tawh. Nakinah an la mamawh ngeiin ka ring.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:58 pm

'A thinrim lutuk, ka tih vekah a ngai' 'Police ka ruai dawn a ti' 'Ka ti mualpho khawp ang che a ti' tih vel hlir chu zanah chuan message ka dawng țeuh a. 'Țha deuhin lo bia la, thinrim lovin inhmuhpui dan chu ngaihtuah la.. i thiam dan zawng zawng hmangin thlêm chhuak rawh' ka ti châwr mai kha a nia.

Eng ang pawhin min tihbuai emaw, Zori chu tihbuai emaw pawh tum se ka'n hlaulo teih teih khawp a. Ka hlauh ber zawk erawh chu FIR an lo thehlut ang a, Zori chu an lo man mualpho hman ang tih ka hlau ber! Mi zawng zawng hmaah a sual puansak kher kha a țha ka ti hauh si lo. Chu erawh chuan ka rilru a kap viau. An inbiakna kara lo tlak zeh chu dikin ka hre chiah bawk silo.

'Ka insawi fihlim thei hram e, naktuk dar thumah Hotel room-ah chuan ka final pui thei. Mahse, ka hlauthawng nia aw...engtinnge ni dawn?' Dar 10:00 pelh hnu chuan a rawn ti ta a.

"Lungngai suh, tihdan tur ka rawn hrilh dawn che nia" tih ringawt hi ka thawn let a.

Zing chu thawh ka hailo chiang kher mai. Tihtur ber awm silo chuan ka hmanhmawh khu ruai a, Hotel enfel tur chuan dar 7 velah ka chhuak ta nge nge kha a nia.

A hmaa Zori nen kan hun hmanna single room chu nilengin ka hauh a, receptionist hnenah chuan 'chawhmaah kan rawn kal anga, chawhnu lamah midang, keini pawh kan rawn kal leh tho ang' ti chuan a kal tur te nen lam chuan ka hrilh kauh kauh kha a nia. A man thiam em ang chu maw a in ha nalh teh zawr ringawt a, a chhaw chheih a nge maw le.

Ka tlanhaw leh nghal vang vang a, tukțhuan an lo peih hle tawh a ni ka chhungte pawh chuan. Chaw eikhamah chuan ka inbual fai ser sawr a dawr lam pan ka tumlai takin ka nu chuan ka u te ina thil pekawi tur chuan min han ti mauh pekah! Hmanhmawh nen chuan a intu chiah lo deuh a ni e.

Aizawlah pawh veng tlabirh, veng tlabirhah pawh a keltil ber pawlah an khawsa a, motor lian luh chu sawiloh bike pawhin thlen theih chin a nei a, ke a kal a la ngai hram pek a! Hmeichhiate hi an lo huaisen hi ka tia, an duhna lamah chuan an hrehawmna deuh tur pawh nise an pan lawng lawng zel mai chu a nih hi maw.

Ka pek zawh hnuah dawra tlang ta mai lo chuan Projector ka enkual nghal e ka tia, dawr inhawng a la tam bawk silo, beidawngin kan dawr lam ka pan leh ta ngawt mai kha a nia.

Lawma leh Mapuii an lo awm der tawh a, a engamah hma chuan Lawma nen chuan kan châkkhai lam tur chuan kan inzuichhuak leh nghal daih a. Ani hi a hawiharh chi a ni bawk a kutke berah hmanloh theih pawh a nilo.

Kan dawr piah deuh lawkah chuan a lo awm reng chu niin. Projector chu a țul a'n ti lo khawp a. A nihna takah chuan thil țul ber pawh a nilo reng a. Keilah pek chuan, "Big screen-ah hnehna kan puang dum dum ang chu le" ka'n tih sak mai pek a!

Ka bike țawngțâwl zetah chuan bawr fe hian kan inphur lêt dun a, Car changkang fe ațanga an balhla eina kawr lo thehchhuah chu ka biang dinglam ngatin ka lo dawngsawng leh nghal vei nen, Lawma chuan mi nuih tak kiah kiah a. Ka nuih a za ve mang hlek lo. Khatiang Car mantama chuang chunga kawngpuia bawlhhlawh thehchhuak nulh nulh leh lawi si kha thil inhmehlo tawpkhawk niin ka hria. Inti changkang deuhin Sunglass phenah an khap leh fuk fuk awm sia, an car man a to vanga ngaisang turah min ngai emawni... hlawm tak chuan a!

Dawr kan han thleng chu ka hard disc thuh rûk chu phawrhin dawr computer-ah chuan ka vuah leh a, Lucy te nupa lanna video zawng leh hnamdang niaqmtak nula lanna chu kan Laptop leitharah chuan ka seng lut a, a hun leh hmunah chuan bomb chaktak a ni ringawtin ka ring. Pu Roluaha te fiamthu en ang ngawt chuan a thlirtu ten an nuihliam pui dur dur chu ka ring hauh lo.

'A nuam awm vei...
Sawi ngaihna pawh a awm lo, la la la la'

Kan projector lei te chu dawrah chuan kan han enchhin kual vel a, a țhat hmel khawp mai.

"Sound a tel dawn lo a mi?" Lawma chuan a ti a.

"Ngailo mai rawh se, a chianloh phah chuang hleinem, ken tur a tam phah mai mai dawn a, vawiin chu Mapui in va chhuah hman hmel ta lo ve aw.." ka tih zawm a.

"Naa... fair awm love..." a nui var var a.

"Naktuk lamah in kal mai dawn nia, ka buai tawh em lovang chu maw.."

"A pawi lo..a ho lutuk Lawma hi a chiri loh chuan a țha nimai" kan nui ham ham a.

Lawma nen bawk chuan kan bungraw keng chuan kan inphur chhuak leh ta a. Hotel-ah chuan kan va in set-up vel kha a nia. Hnuhma thup a har bawk si. Kan duh angthlap chuan kan ti hleitheilo chu a ni e.

Kan dah fel thawkhat ta tih chuan kan han check leh thlap a, a țha. A felfai viau turah ngai ang. Mikhual thleng turin kan in peih ta e.

Dawr lamah bawk chuan kan in phur haw leh ta rih kha a nia.

"I chhuak em?"

"Chhuak e..dawrah ka awm"

"Dar 2:30 velah lo phei la, thil engnge maw ti dun teh ang"

"Engthil maw?"

"Țha deuh a ni mai, ka lo surprise ang che"

"Kan pa dawrah a awm ve reng sia, chhuahsan daih chu.."

"A ho emai.. ka haw hma dawn i ti 'nga ni mai lawm"

"Engthil nge sawi ve mai la..."

"Sawi mai phal chi pawh a la nilo lawm, lo kal phawt la.."

"Van sual tak... lo kal lo ta ila..?"

"I damchhungin i chân hlen tawh ang"

"Naaa... ti bawk si. Awle, ka lo tum ange, min duat loh vaih.."

"Kan tum dawn nia, tlai lo la aw.. bye muah muah.."

"Ok. bye muah..."

Lucy pawh kan programme tihlawhtling tura a lo thawhchhuah ve a ngai tlat mai si a. An nupa kal leh zel dan tur chu an pahnihin an ngaihtuah fel ve tawh mai ang chu.

Kan țhian pakhat ukil ngei mai kha 'mamawh huna koh theih turin lo awm rawh' ka'n ti thla ve ngawt a. 'Nangni case aia serious zawk fe ka buaipui' ka tih chuan a nuih a za ngang mai.

Sana lah chu a kal muan tehlul nen a chek ang tlak tlak a. Tuai vir mawp mai a chakawm duh hle mai ka ti. Lawma chuan chhuah a chak tih ka hre reng mai a, kal rawh ka ti duh bik bawk silo. Mawngvawmba ang mai chuan a vir deuh sek pek a!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:58 pm

Zori a lo lang hlawl mai le..

"Min hrethiam rawh. Awmngaihna ka hre hlawllo a ni" a ti ngawt a.

"Office-ah ka awmthei thlawt lova ka lo chhuak tawp. Inhmuh i duh lo viau tih chu ka hria a, mahse pantur dang ka nei bawk silo a.."

"Chuti em em.. engnge buai viauna tur a awm a mi?"

"Ka hlauthawng alawm. Thil țhalo tak thleng dawn tlatin ka hria a.."

"Hmeichhia țhin tak hi chu aw... inngaihtuahna zawng zawng hi a tak emaw inti ta țhin a!

"Kan vaiin a rualin inhmu tlâng vek ila a buaithlak viau a mi?"

"A rem țeuh lo alawm"

"Thil țhalo ka chungah a thleng hman thei asin..."

"Hlauthawng mah ta che. I tum kha chiang la, chumi tihlawhtling tur chuan huaisen takin awm la a dik a ni mai. I hlauhthawn tlat chuan hlawhtlin a har anga sin"

"Mi hriatthiamna hi tlem tal nei ve la..Nangmah anga rilru paukhauh kan nih ve loh hi.." a tih chuan a dik ka ti viau lawi bawk si.

"Engnge i mamawh...?"

"Thlamuang taka awm ka duh.... umh a theih chuan i bulah.."

"Hei i awm reng alawm..."

"I customer ang chauhin a lawm ka awm tunah chuan.."

"Engtia awm nge i duh a?"

"I âwma beia țah ka chak ber..."

"E he...veltu che an awm bawk silo haha"

"Nui bawk suh...ka nun hi țahpui tham a awm ve bawk.."

"Țap lo hram mai la...keichu mi hnem ngaihna vak hi ka hre ve lo nia.. en tawp a ni mai"

"Hmm... i van sual tak.."

"Ania lawm.. hmeichhe țap thlem dan ka thiam lo"

"Sual a..." a men pur tawhin ka hria.

"Mawhh...??" ațang bawkin a'n țan țha leh a.

"Eng chu maww....?"

"Chhuak ang..."

"Tehngawt chuan a..."

"Mawh mawh mawh....."

"Chhuahna hun a awm tawh hleinem.. nangphei chu keini aiin i chet hma a ngaih kha"

"Hman bawk, darkhat chauh ala nih khi. Darthumah alawm kan tih, hun la tam lutuk.." a ti ve zel bawk si.

"Lawma ka rawn phone mai dawn che nia, darthum velah aw.. lo inring lawk la. Bike i rawn khalh phei mai dawn nia, drawer-ah hian chabi chu ka dah" tih pah chuan mi nupui pawmlai ngei mai lakah chuan țang zolovin ka chhuahpui leh ta zan zan kha a nia leh!

A mawh love, a zûna ka uai tluk zetin ka lakah hian a tuiral ve tih ka chiang. Chutiang pahnih intawng karah chuan thingtlang nula țang laklawh an sawi ang maia țang reng thei nih chu thil awlai tak ni mawlh hek lo.

Amah lah hian ka țan hmun dûp deuh lai hi a'n man fuh thei em em khawp mai lehnghal a. Han inla rum ve viau dawn mah ila ka zia a man laklawh ni ber hian ka hria. Rinloh mual, dâm lam depah hian kan la mualpho roh ang tih pawh a hlauhawm hlel love.

A sikuti chuan ka phurchhuak ta kha a nia. 'Khawilam nge ka panpui ang aw' ka tih rilrûk lai chuan Coffee dawr lam chu ka rilruah a lang lian ta ber a, chu lam hawi chuan a break ka'n hmeh phei nual kha. Sikuti khalh ve ngai heklo, clutch leh break hriatpawlh miau chuan... bakah ka hriat hnu paw'n ka la hmet lui nual tho mai!!

Coffee nokhat lek te chu rei dawm tur ni mawlh heklo, kan inzo thuai a, amah lah chu kei ai aichuan a la hmanhmawh zawmah lehnghal a! Kan chhuak chiah chu 'ka khalh ve hun' a'n ti ngeiah! Keia break hmet aia uar mah zawk chuan min phur bu phei lawp lawp pek a nih kha! A ngainatawm tawk lek te hian min khawsak khum zel bawk si.

Hotel kan booked lam chu min panpui tih hairual a ni tawh lo. Amah lah chuan engmah a sawi duh malek reuh lehnghal a, keilah chuan zawt tange ka ti duh bik lem hlei lova.

Room a kan han lut chiah chu khumah min keuh thlu a ni ber e. Keipui koham sa seh ang maiin a lawm a khawsak le.. keini ang mi zakzum chuan ke zungpui kan kawm țang țang mai alawm le! Hihii..

Duhaiin thawmhnaw a thawl chak hret chu a ni e. Kekawr chauh ka ha tawh! Ani lah chuan a brazzier a hlip leh mek chu a ni sia maw..

A lo kunhniam chiah tih chuan ka'n pawm bet tlat maiah! Talchhuak zo heklo, a duh angin a che thei tawh bawk silo a'n mengrang kual vel chu ka lo nuih a. Ani lah chu a lungawilo nasa..

"Hetiang hi ka duhloh vang alawm inhmu lovang ka tih" ka tih sak a. Ka samah chuan a'n țham vak ringawtah..

A chezui ta bik lo, ka chungah chuan ngawirengin a bawk hle hle a. Ka'n kamkhat deuh mai pawha keimah zawk hian tawrh har ka va ti si ve mawle.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:59 pm

"I pasal fanaute pawh an zahawm lutuk. kan pahniha duhdan ringawta khawsak chu a țha lo. I inzêp luat vanga vawikhat kan chesual kha a tawk viau. Kha bak kha chu thlen nawntir loh hram a țha"

"Nia nia nia, a dik alawm.." ngeiawm zet chuan a'n tiah!

"I pasalin hetiang hian nula dang khawsakpui țhin se i duh bik dawn mi?" ka tih chuan a inbeng kang hluai a. Ngunthluk fe a min thlek hnuah a rawn bawk leh mai a.

"Chutiang chu engtiklai paw'n a thleng asin" a taksa chu a țangru țeuh tih hairual a ni lo.

"A thleng lovang, mi pangai tak a nih hmel viau kha.."

"Ka pasal a nia, ka hrechiang ve viau asin. Min hnial duhlo mai rawh. Sex te hi engtianga rei nge kan hman dun tawh lo i hre duh em?" a țap chak viau tawh a ni.

"Thil hi a lo va mak ngai ve mawle.." ka ti ringawt a, sawizui vak tur hrechuang hek lovi.

"A mak a ni satliah lo, a rapthlak mah mah asin. Dam hi ka tan chuan thlakhlelh chhan tur vak a awmlo. Inchhung nuam bawk silo, khawilai mah hi ka tan a nuam hleinem.. i bula reilo te ka awmpawh i phal bawk si lova, ka hlim ve hi i phallo alawm nang pawh hian..."

"Chutiang zawnga ngaihtuah tur a ni ngai hleinem, i fate vang chauh pawhin dawh hram hram la, engtikah emaw chuan a inhmuchhuak em em ang"

"Ka ring lem lo khawp mai. Naupangho vangin maw dawh tura min tih? Anni vang hian ka buaina hi a zual asin"

"Khai, mahni fate chu buaina thlentu chu nilo hram rawh se"

"Ka hrin an nilo. Fa ka la neilo. Kan pa nupui hmasa fate an nih saw.. a nu hian rosum vel a duh nihmiang a rawn tibuai reng a, a pa lah ngaihzawng a nei awl lova, a riak bo thul..ka tawrh ang hi i tuar zo ngût lovang...." a ti khur dar dar a.

"Hm..engtia rei nge in inneih tawh?"

"Kum thum a tling țep, fa neih a duh bawk silo, ka chan hi a chau ngawih ngawih. An ina cheng ve pakhat ang chauh ka ni, a fate lakah pawh theihtawp chu ka chhuah ve in ka hria, hrinloh na na na chu an mittlunglo deuh te a awm maithei. Mahse, hei aia țha chuan tihngaihna ka hre chuang lo"

"A nih chu, theihtawp i chhuah na na na chuan engkawngah pawh a hlawhtlinna a la lang em em ang, beidawng lova dawh hram hram theih i mamawh a nih chu tiraw..?"

"Umh..mahse, engemaw palh a awm pawhin nangtal chuan min dem lovang tiraw..?"

"Dem ngailo tura awm hram i tum dawn lawm, harsatna te hi kan tawrh zawh loh tur a awm ngailo a nia"

"Hm..sawi tawh lovang...min fawp teh"

Dar 2:15 velah chuan ka chhuahsan ta a. Dawrah bawk letin Lucy ka lo nghak kha a a nia. 'Kan pa hi chhuah a tumin ka hria, ka'n nghak lawk ange aw..' tiin min rawn message a. A chhuak chiang khawp ang le.

2:40pm velah chuan Zori message ka dawng a, 'Hotelah khan a duh tlat lo. Tourist Lodge-ah zawk a ti tlat a nia." Tiin. Eheu... ruahmanna a sukuk zo vek dawn tlat mai la ti. A va buaithlak țhin e aw.. Engtinnge kan tih tih tak ang. Felfai nalh taka chet kan tum teh reng nen chuan le.

Lawma paw'n tihngaihna vak a hre bik tawh lo. Lodge-a kalchilh mai chu kan tih theih chhun a ni. Han kalchilh ta ila roomah inkalhkhum ta se engtinnge hma kan lak tak ang? Reception counter-ah Chabi spare kan dil chhuak thei angem? Zawhna hlir, buaina hlir mai a ni.

'Ta se ta se' ti a ngaihtuah a, awmhmun a a harsa zawng hlir a thlirkual vak aichuan a hmuna kal a a remdan ang ang a ruahmanna siam chilh zung zung mai chu ka duh dan a ni. Chutiang a inring mai tur chuan Lawma pawh ka hrilh a.

"Hotel a kan hmanruate kha?"

A"Tikhan lo awm phawt mai rawh se, tihngaihna a awm tawh lo. Mimawl tak kan hmachhawn lo a nih hi. Laptop kan ken chuan a tawkah ngai mai ang. Duh ang thlip thlepin a theihloh a nih hi" ka ti a.

Laptop kengin Lawma chu Lodge lam pan chuan Taxi-in a kal liam ta kha a nia. Lucy a lo la thleng pek lo. Ka phone chu la chhuakin kan call a, Dawr kawt maiah chuan a lo thleng leh lawi bawk si a.

Kawrbah fual, khup khuh awrh tur hain a chungah chuan Jacket a ha a, boot rawngsang a bun a, a bag khai nen. A tawk tiu teu viau mai.

Țhutkhawmuan a duh hmel viau! A duhna tihpuitlinsak erawh ka ba bik em em pawhin ka hre lo. Amah vanga kan tlai phah a nih phei chuan a savun boot bun nen lam chuan ka kangpuak duh hial mai thei a ni.

Hawh awi.. ka bike lah hi a rithei a pui a tam tawh lutuk a, a khawhmuhna te pawh hi Cellotape te nena țangkawp lo chuan a engduh bawk silo. Jerusalem luhpui tura Sabengtung tlawmtak ang mai kha a ni. A chuanga te hi an pawimawh țhin hrim a. Mawng er tawrhin a rimtuina zawng zawng nen Lucy pawh ka hnungah a țhut ve vauh hi mawle.

"Lodge-ah kal ang aw." ka tih chuan a hmel chu hlim tih mai piah lam hi niin ka hria, chu aia fiaha sawidan ka thiam hauh lo. A mitmeng fiah kelkawl tak mai te chuan 'amen amen' tih melh hian min melh niberin ka hria.

Nuam a thai ngût emaw ilo thlir dawn teh ang hmiang.

Lodge chu kan han thleng a, boruak chu a dai duk hian ka hria a. Receptionist bulah chuan Lawma pawh Laptop bag kuah run chungin a lo ding a. Kan lut min hmu chu a phu zuk roh lehnghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:59 pm

Ka phone message tone alo ri ral a, "Hmanhmawh ruuu...". A pawi thui hmain chetlak a ngai asin.

"Lawma engtinnge?"

"Ka pu hian chabi min pe phal bawk silova.. buaithlak khawp mai. An luhna chu la reilo, ka hmu hman reng a.."

Lucy lah chu a lo hawi â ve hle ringawt a, khawngaihthlak awm zawk hian.

"Khawi roomah nge ka pu an awm hrim hrim a,?" tiin duty pa chu ka'n zawt a.

"Inchungah room no 4ah" a ti ve mai a.

"A țhat chu, kawngka kan hawntir mai dawn nia, chu'ng em em te chu inkhap bik nang tiraw anmahni lo hawn te chu?" Ka ti zui zat a.

"Khap bik em em love chungte em em chu" a ti ve mai a.

"A nih kan han chho mai ange, kan phone mai ang" tiin kan pathum chuan inchunglamah chuan kan inzui chho ta țham țham a.

"Lucy, thil sawi nuam a ni chiah lo a, mahse i hriat dawn tho vangin ka hrilh tlang law law ang che nga, i pasal leh hmeichhe pakhat tunah hian room-ah an awmdun a, chumi vanga helai hmuna kal hi kan nia" ka ti rawih a.

"Enga? Ka pasalin nula a tawmpui maw..?" a phawk tak zet. Ve sasawi che chuan nang pawhin tlangval i tawmpui fo alawm ka lo ti rilru țhuai țhuai a.

"Umh.. chuvang a nia kan hruai che. Thil inthup hailan kan duh vangin. Mahse hei i hriat angin an roomah kan lut thei lo chu a nia, phone in kawngka hawntir turin i ti thei ang em?" Ka chhimbudawi kual vel nge pawh ka hrethiam ta ber lo keimah tak pawh hian.

A hmel chu hmuh a nuam lo viau. A țawng țha duh bawk silo. A phone chu a phawrh ta mual mual a.

"Thinrima tih vakna hun leh hmun a nilo a nia aw.. remchang zawn thiam tur" tih pah chuan phone a la chhuak lai mek chu ka lo mitmei ralh a.

"Hello, khawnge in awm a...chutia nimaw, mahse hei in awmna Lodge-ah khan kan lo kal ve a, in room kawtah khan ka nghak che a, kawngkhar hi ilo hawng chhin dawn mi niang..?" phone chu a dahsan a ni ngei ang Lucy chuan a screen chu a en vut vut a.

Kan han nghak deuh vang vang a, second chhiar chhung pawh a rei ta. Minute khat a liam fel zawt tih chuan biakțhat leh tum niawm tak chuan a phone chu a'n lek kang leh a. Chutih laimek chuan room kawngkhar chu a lo ri rak a.

Lawma nen chuan kan din hnaih thuai a, a rawn hawng chiah tihah chuan phungthlu map lovin ka'n lut nghal rawp mai pek a. Lawma chu kawngka biang nghengin a ding thung a, Ka hnungah Lucy a lo lut bawk. Engtinnge an nupa kha an inbakkaih ka ngaihven zui teh chiam lo. Zori ka lam pana lo tlan phei chu ka lo kuah chawt a.

"Ka lawm e, a huntakah in lo thleng a.." a in sut faih faih a.

"Khawnge room chabi hi?" ka tih chu Lawma chuan alo hre phak a niang "Hei ka keng e.. ka kalh" tih pah chuan kan lam pan chuan a lo phei a. Lucy pasal khan kawngka a rawn hawnnaah khan a ngaihtuah zuilo a ni ngei ang le.

Kan hual awk ta.

Lucy chuan a pasal chu a lo sual a ni ber mai. An pa lah chu a ngawi ngal mai thung a. Engngemaw chen chu ngawirengin kan han thlir ren rawn a.

Room chhung chu single room lian hek hawk, double bed awmlawi si a ni a, bungrua teh chiam a awm lo. Tukverh bulah chuan dawhkan lian vaklo leh plastic chair an hung a, chu zawng chu a ni deuh mai. Bangah chuan Almirah, fitsa ho kha a awm hmel thung.

Khum lu lamah chuan plug a awm avangin dawhkan chu ka chawi phei a, Laptop chu ka hung rem nghal mawlh mawlh a. Video play mai theih tura ka dah hnu chuan an nupa inbakkaih lam bawk chu ka hawi leh a.

"Lucy duhtawk rih teh u. Nakinah khalam chu in sawifel dawn nia, helamah hian tih tur kan nei e" fiah kak chuan ka han ti a.

"Lo phei hnai ula.." ka tih chuan Lucy chu a lo phei ve mai a, an pa erawh chu bang ngheng chuan a la ding ngawi ngal thung a.

"Lucy thil tam tak sawifiah tur a awm. Uluk takin lo ngaithla la kan sawi zung zung ange. Helai hmeichhe awmve, in pa nena lo awm dun hi inpa bialnu hlui, an college kal laia mi a ni" ka'n han ti țan dek dek a, "Zawngi.. i va zakthei love a...!!" tiin bitum an tum nghal ngawt a. Lawma chuan lo dang betin an karah chuan a lo inrawlh thuai a.

"Ka sawi zawh hma chu lo insum rih phawt teh, tichuan inpa hian an inngaihzawnlaia an sex hmanglai video la in a dah țha a, a tawi zawngin kan sawi ange, tichuan in inneih hnuah pawh chu video chu hmangin mutpui turin a vau țhin a, a mutpui duhloh chuan tih leakout-ah a vau țhin" "Tenawm pa.... ka lo ringdik chiah che a nih chu hur a, hur uchuak pa" a'n rawn tih chhunzawm leh mai pek a!

Laptop-ah chuan hnamdang hmeichhia niawm tak nen a sex an hmanglai chu kan hmet chhuak a. "Kan zawng mihurpa chu aw.... alo va rapthlap em em ve... Zawnga enteh i hmeichhe lu lai hi.. KȚP hruaitu ka ni e te chu in ti ve bawk a. i zak em i zak em?" tih pah chuan a tlan phei a, a va kek tak nawk nawk a.

Va kawih țhen pah chuan, "Țhianpa, a zialo khawp mai. Hmeichhe awmnem tak chunga i khawsak danin a zir tak miau siloh vangin hetia kan intih mai hi a ngai ta a ni, i hrethiam em ang chu.." kan ti sap a.

A'n dawih zep loh zia mai chuh! Muangchanga lo hawichhuakin ka mitah tak min en ngam nia mawle. A mitmengah tlawm hmel hmuhtur a awm hauh lo.

"Engnge ka tih theih chu inla hria ang" ala ti ram hmak zui leh ta nghal a, ka insum zo thlawtlo, vawikhat chu ka kuttum kan thlawhchhuah tir ngei kha... a âng baw zaih zaih mai. Lawma'n min lo dawm hman pek alawm mawle.

"I tihtheih chu kan lo nghak ang. I duhdan danin che rawh. I harddisc a thil awm folder pakhat lek pawh kha mi ka pek vaih chuan.... hm.. i thu thu..i chet hun kan lo nghak reng dawn che nia, nge in kohhran secretary ka lo thawn dawn mi?" Ka tih meuh chuan a harhchhuak zawk a ni ngei ang khawngaih a dil ta chul mai a, ngaihdam a dil kual a, Zori hnenah te ka hnenah te Lucy bulah te....

"Tikhan in nupa khan lo inchingfel ve mai teh u" chhuah pah chuan kan tih khum kher pek kha.

KHUANU SAMSUIH

Thawhțan zan a ni a, dawr bungrua a lo thlen avangin dar 12:00pm pelhah pawh chuan muția ho nen kan la vei lauh lauh a.
Kan piah maiah chuan Sikuti hi a rawn tlu ringawt pek a, kal phei duh lemlo chuan ka awmhmun ațang chuan ka thlir reng a. A khalhtu chu a rui deuh a nih ka ring. Hmeichhe tleirawl hmel fe hi a phur lehnghal a.

Chutia țhuthmun rem meuha ka thlir lai chuan kan piah deuh maia sumo ding sirah chuan hmeichhe pakhat ding hi ka hmu tel tlat mai pek a. A ruangam a lan dan chuan Zori a angkher mai. Mahse tun ang hunah a ni chu ka beisei silo.

Lodge-a kan in chachhuah kha karkhat lai a liam tawh a, kan inhmuhloh chu sawi loh. Vawikhat phone-a lawmthu a rawn sawi bak kha biak pawh kan la inbe leh lo kha a nia. Ka ngai rilru viau mai ngaihtuah chhuah leh takah chuan.

Chu nu lah chu a awm ngai chuan a awm reng a, ka hriatsual loh chuan kan lam a rawn hawi niin a lang. Midang awmpui a neih awm ka hmu bawk silova. Engtizia nge mawni dawn aw..

Kan bungraw unload chu ka tihpui chhunzawm ve leh mai a. Ka mitsir ru reng chungin ka va hmu ta hauh lo mai. Ka thil put lai chu ka dah sawk sawk a, ngaihtuah manghleilo chuan sumo lam pan chuan kan tlan phei chiam mai pek a!

Sumo bul vel chu kan melh kual thuak thuak a, engmah ka hmu lem hlei lova. Kan muția ho chuan min lo thlir țhap tih ka hre reng mai. Ka hmalama step a a chhuk tur chiah chu ka va hmu leh vuai a, ka tlan phei leh ta chiam a.

Step penna ka thleng chiah chu ka thawm a hria a ni ngei ang. Ding meuhin ka lam a lo hawi a. Ka rei Zori ngei lah zuk ni chuan... ava mak em!!

Step chu panga vel ka zuankhum mai thei... ka thlengthla rang kher mai. Kan inkuah chawt a. Duhthaw zet chuan kan han infawp mawlh mawlh a. A mittui luang ka hmuh chuan ka tawp lo thei ta lo.

"Engatinge... hetah kan inhmuh?" ka ti a.

"Kan pa nen kan ințhen.. Hmeichhe dang a rawn hruai lut a, ka awm ve a rem ta lo a ni" lungchhe aw tak chuan a ti sap a.

"Hrep tak chuan leh..." mahse... ka hmaa mi ka ennawn leh meuh chuan 'a pawi chai loh chu' ka ti rilru lo thei silo a ni.

Thlifimin a chalsam chhawlleng a chhemlen a huih țhat mawlh mawlh lai chuan a hmui khur der derah chuan lungchim takin ka fawhsak vawng vawng a.

Zanlai âr a khuang thliai thliai a......

A tawp ta...

©__________[ɐʞızɹɐp]__________®

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:59 pm

Story fb lamah a link hi ka dah tel thin tawh dawn a, in lo join theuh dawn nia
https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)