ZORI BY PC Malsawmzuala

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

Re: ZORI BY PC Malsawmzuala

Unread post by Ngaia » January 11th, 2017, 9:54 pm

Security Lock a dah tlat lo! A phone lah chu tunlai atan chuan a chuti lua tawhlo leh nghal a! 512 ram vel zuk hmang a mawle! Memory Card te chu a hmang ve thlap thova, video folderah chuan whats app video leh zai pahnih bawr vel a awm chu zawng chu a ni mai. A Account vel a sign in takin tih thuah google velah chuan kan en kual a, [email protected] tih chu ka hmu ve mai a, a password lah ka hrethei lem hlei lova. Ka chhinchhiah ta thova, account dang a sign in miau siloh avang chuan. A memory card chu ka'n sehkeh daih maiah! Uluk deuha nawr zawm lehin card slot-ah chuan ka dahlut ve leh thei mai a. Hidden file a awm a nih pawhin a recover lo turah ngai ang!!

Chhuah pah chuan reboot chu kan hmet leh hram pek a! Ka akțha leh ta than mai kha a nia!

Pyjama chu halo sela chuan khumah chuan a lo mu dawrh huang a ka ti ngei ang. Pyjama a hak vang chuan a lang dawrh lo mai niin a lang. A bawp erawh a kar zau ve tawk viau. Patling pawh kan tlazep thei hial ang chu mawle.

A bulah chuan ka va tlu zal ve mai a, a pasal niawm tak chuan min lo kuah hnâp a. Reivaklo chu kan infawp. Mahse, rilru kan pe lo dun ve ve niin ka hria chuti teh chiam chuan kan peih rei dun lem lo. A boruakin a zir chiahlo te pawh a ni mahna le.

Reingial an nupa chungchang sawiin kan titi dun a, țhen mai a duhthu leh a hmangaih loh thu te chu min hneh tum tak chuan a sawi sep sep a. Theihtawp chhuahin ka'n fuih ve bawk a, a thênga thâwngah a thawk vak lo a niang dar 11:00 rik dawn țepa 'kan haw dawn ange' ka tih lai mek pawh chuan a meng phelh leh phang tawh mai a.

"Riak ve mai rawh, hetah hian kan mu ang a" a ti hlawl a.

"A khai! Em em a, a chi rihloh e chutiang te chu. Nidangah kan tan chuan hun ala herchhuak ve mai ang. Tunah chuan kan hun a la ni rih love" ka tih sak a. A menghnual deuh raihin ka hria.

In ka thleng a, ka zial zuk tur ka phawrh chuan Lucy pasal phone ka phawrh tel nawlh mai le! Eheu.. rûk ka ru ta tlat mai ka ti! Inhnuaia chhuk hunah ka dahkir leh mai ang chu ka ti rilru kha a nia. Ka lo theihnghilh zui daih mai a. A va'n zialo em ve aw.

Ka hming a rikchhuah ka rin chuan loh avangin mutmawh hnarmawhah chuan ka lêm hlei lova. An nupain lo inhauh phah vel mai mai teh se.

Room kawngkhar chu ka nuin min koh pah chuan a kik dawt dawt a, rangtaka inperh thovin hlauthawng ru zet chuan ka va hawng vat a. "Chaw kan ei a nia" a'n lo tiah! Hlauhthawn ang he hu chu a ni leh mang silova, nuih erawh a za viau lo. Dar 8:30 a lo ri tawh a nih khi mawle.

Dawr ka thleng fel zawt tihah Lucy chuan min rawn phone a, an pa a ngei thu te, a rilru hah thu te, 'tukin pawh a phone a hmu zo lo leh pek a.. a ka sawi peihlo, ka kham hluah hluah' a rawn ti bawrh bawrh a. Min ringlo chu a ni awm phawt a, 'a va zialo ve aw.. nangma'n i tuar zel bawk sia' te chu kan tihpui ve bawk a. "I lo chhuk dawn em? Ka ngai teh mai che nia aw.. lo chhuak vat rawh" a ti a.

"Chhuk chu ka tum ang, mahse ka hma lutuk lo maithei a, ka computer a chhia a, hna ti sawt lo zo vek alawm. In computer chhe lo se chuan i bulah rawn ti mai ila țha tur nia"

"Nih chu mawle, paihtur a tia, hei pawnah a hungchhuak bur mai, siam tlak a ti lo deuh a niang"

"A van chhe nasa awm ve, lo paih suh, a fan a la țhat takin ka lo en teh ang.. ka ta hi a chaklo lutuk a" ka tih chuan "awle" a ti ve mai a.

"Lo chhuk har lo la aw.." ala ti hram a.

Zori ka phone zui zat a, inhmuh ka duhthu leh dawrah nilo hmundangah nithei se ka duhthu ka hrilh a, ka hmasawnna te pawh kan hrilhthawi thuak a.

"Office ka thleng chiah a, engtinnge niang?" a rawn ti a.

"Ka hre nang chung te chu, i thu thu nimai lawm"

"Chawhnu lamah a pawi ang em? Ka thleng chauh a han chhuah leh nghal ringawt chu a nuam lo deuh a.."

"Awle, mahse ka hman kher tawh lo maithei a, i hman hunah i chhuah hmain min rawn be hmasa dawn nia" ka tih chuan a inthiamlo deuh niin ka hria. A pawi pawh ka ti chuang bik hauh law.

Lawma a lo thlengzui ve mai bawk. A țhut khawmuan hma hma chuan chanchin ka lo zawt var a.

"A number chu ka la a, Bengalore lam mi a ni awm e. Kan school kalpui țhin a ti maiin ka hria"

"A țhat chu, khawmaw a number chu.."

Pradeepa chu ka be ta nghal a, A password ka hriatloh thute chu sapțawng chheh mawi fahran lo chuan kan hrilh ve ngial a, ka hriat chin chu a pawiloh thu leh Engineer lai a nih ve thu te chu a rawn sermon duah a, company call received ang mai alawm mawle.

Recovery a theih leh theihloh tur te chu ka zawt uluk hle a, "A theih loh chu ka ti tawp ngam lo va, mahse, Tuna kan thawhna hi Google lam nen engtin emaw inthlunzawma thawk ve kan nih vangin bandh ngai kan tih leh kan report chin hi chu an ngaipawimawh ve viau a nia. Nangni phei chu North East ah a ni lawmi in awm, bandh kan nei nual alawm. Hel ho vang khan..an neih let chu ka ring tawh lo. Dawt sawi ve deuh te a ngai a.. account secure lo ti ten emaw.. keima'n ka'n hack phawt ang a, chuan ka lo report dawn nia."

"Engtinnge i hlawhtling a ni tih ka hriat tak ang?"

"Ka hack chuan a password ka show thei dawn alawm, software te hi a changkang tawh a tunah chuan.. password chu ka rawn thawn che ang a, luh ilo tum dawn nia"

"Ok, A nih leh a back up file vel, document te en duh ta ila a theih angem?" Ka tih chuan min chhang zuzi hle a, " Tum hrim hrim chuan a theih mai chuan ka ring a, mahse, eng application nge back up nan a hman te kan hriat loh chuan a buaithlak duh awm e, chutiang lam chu ka khawih ngai lo. I duh chuan midangah ka reffer mai ang che, mahse, underrule a nih vangin sum erawh chu i inhuam angai viau ang" a ti zui a. A rinhlelh awm lo turah ngai ang aw.

"A ranglamin ka duh a, Zanin a i buaipui hman chuan ka lawm ngawt ang, i account number lo sawi la, advance ka rawn thawn ang che"

Zan a khawih tur chuan kan inbefel ta kha a nia, a account number te chu a rawn thawn duh bik țhak nang. 'Ka thawh hmain hlawh ka la ngai lo' a ti ve tlat!

Lucy te inlam chu zuk chin fel law law ka duh vang chuan chhuk lo theilo niin ka hria a, kal hma deuh ila chawhnu lamah Zori nen inhmuh kan tum bawk si chuan hun a indaih zai thei deuh mahna. Mapuii nen an awm tho vangchuan dar 11 rik țep chuan Lawma te chu ka chhuahsan leh ta kha a nia.

An kawmthlanglam ațang bawk chuan ka kal leh a. A lo inkalh avang chuan Lucy chu kan phone a, a ring fe hnuah mipa hian a lo la pick up zui a, "Lucy awm em?" "Thil leiin a chhuak lawk a, engnge ni ta, an pa ka nia. Ka phone ka tibova hei a phone vawiin chu ka hmansak lawk a" chheheu leh!! "A, eng ni hran love, a țhianpa ka nia, hmanni khan Oven lei ka duh thu ka sawi a, dawrah lo kal rawh a tia, a awm leh awm loh ka rawn zawt duh mai mai mawle." "Lo kal rawh, lo kal rawh, a rawn thleng ve deuh chauh alawm, engngemaw leiin a chhuak lawk a niang, a reilovang" "Awle, ka lo kal dawn nia" hmeli mai mai chu leh!!

An kawt lamah chuan ka chhuak chho leh a, computer chhia pawh chu a lo awm bal a, an garage lam pan chuan ka kal phei a, min hmu an awm leh awmloh te chu kan hawikual leh rih a, an in a fal vang chuan min hmu an awm pawh ka ring lem lo. Garage chu hawngin ka lut a, Lucy pasal mobile phone chu chhuatah dahin kan țum chawrh chawrh a, a hmaite chu a keh nuaih a, a battery invuahna lai chu tui tlem leih ka chak viau a, tui ka hmu mai bawk silo. Tlemtein ka'n zunkhum ngeiah! Car ațanga tlachhuak, motorin a chil per leh anga lang thei tur chuan bangkil lam deuh si, hmuh loh theihloh ni bawk si laiah chuan ka dah a. Chu pawh siamțhat tur chi a nih ka ring lo lehpek hle mai! A thla te ka'n lak ngei kha!!

CPU kang chhia chu lain kawngthlang lamah chuan ka chhukpui a, a herhna vel engmah ka keng bawk silo. A hard disc box chu thlawn ka duh viau a sin mawle.
Hrui ka zawng chawp a, a vang viau mai lehnghal, mi huanpal phuarna thirzai chu ka phelh țhen a, engtin tin emawni ka bike seat hnunglamah chuan ka țawnbet a, ka tlan haw ta vang vang a.

Dawra in pawmlûk chunga ka luh chuan Zori a lo awm reng a, phawk fe hian min lo en a. Keilah chuan 'E, i lo kal nimaw' tih liam puat pahin screw driver nen ka thil ken chu ka hawlh nghal rawk rawk a. Hard disc ka phawrh fel chuan "kha le.." tih pahin a hma dawhkanah chuan ka va dah a. A ngaihna hrelo zet chuan min en hau mai pek a!

Hard disc bawk chu țhutchilh lehin a chhung chu kan hawng leh a ka Acid kahluhin a eichhe hneh lutuk chu ka nui ringawt a. Hard disc thla chu ka la leh mawlh mawlh a, Zori hmel chu zawhna hlirin a khat tawh.. Mapuii leh Lawma lah chuti bawk.

"Mapui, engnge maw ei teh ang u ka ril a țam tawh a nia, inla eibiklo tiraw?" an beisei loh ang daih chuan kan tih zawm a.

"Eilo e, engnge in duh dawn a..?"

"I duh duh lam rawh kha keima'n ka lo treat ang che u" Zori chuan tih pahin Rs Zanga hi a phawrh a, "Va hmansak rawh, an hausa rapthlak" ka lo tih zawm bawk a.
Customer buaipuia Lawma a virkual lai chuan "Hei hi a computer a nia" ka ti sap a. Ka phone a thlalak chu kan entir leh a, "Hei hi a phone..." hmuh hmaih neih hlau niawm tak chuan uluk zet hian a'n thlek kual a, a zoom in a, zoom out leh thul. "A account leh dawr computer kan khoih theih chuan kan zofelah kan ngai thei tawh ang chu"

A hmelah chuan eng rilru nge a put ka hrethiam hauh lo. Hlim hmel ai chuan inseh ruh a ang mah zawkin ka hria.

Ka phone mantlawm ber mai chu a rawn ri țat țat a, Lucy a lo ni a, ka'n chhang thuai a, an pa a awm a hnai a ni ngei ang min biak danah chuan "dawrah em em chuan ka lo kal lo mai ang, a chiloh." tiin hnu ka khar a. Zori hmel bawk chu a nalh lo leh pek asin!

Mapuii'n eitur a rawn lak te chu kan han ei phawt a, chutih mek lai chuan Zori chuan message min lo thawn hman! "Kan chhuak dawn lo mi?" tiin.

"Chhuah ka duh chhan ber ka zo tawh a.."

"Mahse, nangmah vangin halfday ka dah phah ringawt.."

"Tihian dawr min nghahpui nimai lawm.."

"Naaa... sual lo mai teh. Hetia awmreng hi nuam lo nia"

Kan pahnih chuan inbe phakrengin kan in message tak lauh lauh a. Ka bulah chuan lo kal pheiin dawhkan phenah chuan ka banah a hmer vak a, "Chhuak ang ka tih chu" a ti sap a. Nûr nang nang chuan min melh bawk a.

"Khawnge kan kal ang?"

"A rem remah.."

Titau chak deuh, tau țha ngam silo awm hian a awm reuh a, min dinchilh a, min kheuh sek sek a ni ber e. A tawpah a tawpah chuan zâwng hnuhnung ang lawp lawpa kan in phurhchuah leh tak nge nge kha.

"Khawiah maw kan kal dawn?" Ka ti țha leh a.

"I duhna naah"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:55 pm

_____________ _____________
ZORI
-II-
[12.5.2016-17.6.2016]

"Hmuifangah kan leng mai dawn mi?"

"Aih, ka duhlo, inah awm ang"

"Awmna tur ka hre lova...Hmannia kan kalnaah khan a rem angem?"

"Ka hrelo, ka'n phone chhin a nge aw.."

"An office-ah chabi lamkual a ngai dawn nih chu, 'ka keng daih a' a ti. Kal kual mai ang" a ti a.

An office kawtah chuan chabi kengin a țhiannu chuan min lo nghak a, Zori aichuan a u deuhin ka ring, a hmel erawh ka ngainat loh chi tak mi a ni thung a, min en chik em em khawp leh nghal.

"Fimkhur ula aw.." a'n la tizui a.

In kan zu thleng chu a lum bawk a, ka inphelh thawl nghal sawk sawk a, ka insil zui bawk a, tawnzau leh boxer chauh hain a lum vang chuan ka awm zui mai a. Zori erawh chu khawlum tuar a chak deuh a ni mahna a engmah chu a danglam lem hlei lova.

TV hmachhawnin sofa-ah chuan inngheng rialin kan țhu dun a, kan hmaa TV erawh chu kan en lem lo thung. Kan inchula kan infawp mawlh mawlh a ni ber e.

Rei a dawl biklo, brazzier leh panty nen Sofaah chuan a zâl ve ta zuar mai a, tun țum chu Nula virgin te a ni lemlo bawk chhuah ka tum hran lo khawp mai, a cho a, a el a, a cho chhuak ve nimaiah ka ngai.

Chutia tiamchin awm lova ramtiam pan tura kan inbuatsaih mek lai chuan hmeichhe ralthuam țhaber zinga mi ka hmu ta tlat mai. Ngawireng chuan ka en ta vang vang a. A nuam a ti bik chiahlo a niang, saisir zawng chuan in letin a mu ta ngât a.

"Zor.."

"Umh.."

"I duh loh chuan sawi țhat mai tur che nia"

"Ka duh reng vang a ni lo asin, ka mittui tihtlak kha ka tum lo, mahse.. ka dang zo ngang lo a ni"

"Ka tilui lovang che. I rilru zawng zawng ka neih hunah hlimtakin kan la awmthei ang chu" ka ti hmak a.

"Ka thiamloh vek a ni. Keimah hian i bula awm ka thlakhlelh vang hian bul ka țan zel bawk sia..i lungawilo a nih pawhin ka dem lo che. Ka thiamloh a ni"

"In ha rawh" ka tih chuan engmah sawibuai lovin a thawmhnaw chu a ha sat sat a.

"Kan inhmuh fal kher a țul tawh lovang. Hnathawktu leh a ruaitu inkar thilah bak chuan" ka ti a.

Min en ran ran a, sawiduh tam tak nei hmel a pu a, chutiang tluk zet chuan keipawh ka nih ve tho ka ring.

"Chutiang chauh chuan maw....?" min en tawh chiah lo. Tukverh lam chu a melh vang vang a.

"Aw.. harsatna i nei a mi?"

"I bula awm te ka chak ve țhin a, a reng chu theihloh mahse engemaw chang tal chuan..Mahse, i ngaihzawng nen in inkar tibuaitu nih chu ka duh lova"

"Hm.. ngaihzawng chu nei ila chuan tunah pawh hian i bulah ka awm ka ring chiahlo deuh."

"A hma chuan i neilo pawh a ni mai thei, mahse tunhnaia i mizia țang hian danglam a awm tih chu ka hre ve viau asin" a ti a.

"Hm.. chu chuan ngaihzawng ka nei tih a kawk kher chuang hleinem"

"A ni maithei, mahse, rilru kan pek dan a zir hian kan langchhuak mai țhin alawm"

"Chuti chu ka thutlukna siam a dik a nih chu" ka tih chuan "Eng chu maw ?" Maktih hmel zet hian a rawn ti hau a.

"Inhmuhfal tawh loh ka tih kha.."

"Engnge a dikna chu?"

"Rilru kan pek dan a zir hian kan langchhuak mai țhin i ti a, i rilru i pe ka ti bik hauh silova"

"Hei bak hi chu pek leh tur che ka nei pawhin ka hre lo, sex hman hi a chakawm tih chu ka pha bik lo, i tan pawh ka nundan țhin avangin zuamawm tak ka ni ang tih ka ring. Mahse, Kan inkar hi sex vang nilo se ka duh vang a ni pakhat. Kan hmalam hun atan a țhaber lo chu thuhran nise.. Ka taksa lah nang aia lepse hneh an awm chuanglo asin"

Chhan mai dan tur ka haihchham ru deuh tlat mai nia mawle.

"Sex kher pawh nilo ta se, hei chen hi kan inhre ve tawh a, kan awmdan hi chu țhianțha bak pello tur kan niin ka hria"

A ngawi ta vang vang a. Chhanna hriattur a awm zui ta lo.

Haw dawnah meuh chuan âm zetin kan in fawh leh pek kha mawle, a sim hleihtheih love.

Ngaihtuaha tibuai tlattu pakhat ala awm a, an dawr chabi spare neih dan tur a ni. Lawma nen kan han ngaihtuah ngial pawhin tihngaihna kan hre hlawl bawk silo. Dawr computer kan tih chhiat har chuan in lama mi tur computer a lei ang a, a lo copy kual hman ang tih a hlauhawm bawk si. Lucy pasal lah chu dawrah a țhu regular ropui bawk sia. A luhai thlak kher mai.

A pawna security awm chu engtin tin emaw a tih theih mai ka ring a, an rolling shutter chabi neih dan ber chuan min tibuai. Hmanzan khan an pa bag check nachang ka hre lo kha ka mawl ka ti emai.. A ngaihtuah tlem thlak țhin mange aw.

A tukah chuan chabi neihtheihdan ngaihtuah tur chuan Syo Enterprise lam chu risk la in ka pan ta chawt a. Kawngdang hrechuang heklovi.

Lucy te nupa pawh chu an lo awm ngei a, "Nimin khan ka rawn kal leh hman ta silova," te chu kan va ti lut luam a, "Nia, i ngeiawm zet zawt khawp mai" Lucy chuan nuisang chungin a lo ti a. An pa chuan min ngaihven teh chiam pawhin ka hre lo.

An chabi dahna chu kn melhkual ngial țhin a, ka hmu hauh bawk silo. An dawhkan pawhdawh velah an dah a nih teh chuan beisei a bo viau ang le.

Ka phone a lo nghawr dat dat a, kan en chuan Lucy message a lo ni a,

"A chhuak dawn, la hmanhmawh suh" tiin.

Ka va hawi phei chu a lo nui var var a..

Dawr bungrua chu ka'n thlek kual vel a, chutia ka kal kualna lamah chuan kawngka lam depa Washing Machine chungah chuan chabi bawr ka hmu ta hlauh mai le! Rinloha uibuk sa a ni hawt alawm le.

"Coffee lo in la hei ka thli a nia" Lucy chuan a ti lar lar a. "Awle"tih pah chuan chabi bawr chu ka ak zui nghal a, ipte chu a ki țha duh khawp mai!

An pa la chu a chhuak mai dawn maw tia, computer chu a la hmet tak mawlh mawlh a maw. A ding hluai a, coffee chu a'n tlak pawp a, 'ka va kal ange aw' a ti ta hram a.

A chhuak fel ta maw tihah chuan toilet lam panin ka lut ve nghal a, hmaih ka nei leh pek! Khawiahnge chabi thla chu ka nemkai tak ang? Sahbawn ka zawng a, Handwash chiah a lo awm a, chu lah chu hmehchhuah chi a la ni ta lai a! Manganthlak zawk hian a.

Chhuah paha "Kuhva ka'n lam lawk ange" ka tih chuan "Hei a awm alawm" a lo ti khauh a, "Ka heh lutuk" tih pah chuan ka chhuak lui ta thova. Pitar ângthei deuh nu dawrah chuan Sahbawn sen pali lai ka va lei ta ringawt a. Ka chhuanlam ber Kuhva lah chu ka theihnghilh teuh em em khawp lehnghal a.

Kekawr ipteah nen, kawrhma ipteah nen sahbawn sen chu ka ak kim ta kha a nia. Toilet lama luh leh nghal thu awm bawk silo lai chu a buaithlak. Chabi nen, Sahbawn nen chuan ka puar mah mah țep chu a ni e.

Oven pakhat chu ka va chawi chhuak a, a chungbal vel chu ka'n khawih kual lui a, "Hei hi ka la mai dawn mawni le" ka'n ti a. Lucy lah chuan ka tum tak tak emaw a ti a ni ngei ang. "A la hmanhmawh thlak loh, ila mamawh lo emai" a lo ti fahran a. Ka kut bal sil turin toilet lamah bawk ka luhsan leh ta kha a nia.

Rolling shutter chabi 4 lai a awm a, khâr hnih a awm vangin. Pahnih chauh ka tih dawn chuan a inkhinglo palh ang tih ka hlau si. A pali chuan a țul em em in ka hre bawk silo. Pathum chu ka nemkai ta a, pakhat chu khingneilo a awm ngei ang.

Ka va'n thawveng ta em! Hmabak hlenchhuak ta riakah a ni ka inngaih ni. Zori ka pawm vawng vawng hun tur te, a hlim leh lungawi hmel turte mawlh chu mitthlaah a lo lang uaih uai a.

Nui ru var var chung chuan toilet ațang chuan ka chhuak a.

An nau ten min rinhlelh ka hlauh ve si avang chuan a man pe thlap chuan oven chu ka hawn sak ta bawk a. "Ka rawn tlawh kawi ang che hawpahin" ti a min thlah thlap kha Lucy pawhin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:56 pm

Pradeepa account a pawisa thun paha chabi siamtir tur chuan Lawma a chhuak a. Mapuii nen dawr kan nghak ve thung a, kan inpawh ve thawkhat viau. A sual hran lemlo bawk a.

"Ka pu buai, engnge kan ei dawn? Ka ril a țam a nia" a rawn ti a.

"Hnute tui ka duh kei chu" ka lo ti khauh a.

"Kel hnute mi i duh?"

"Eh, mihring hnute ngat le..."

"Ve bawk che chuan a.. i luck loh nen. I hlau ang!" a nui zui kak kak a.

"Ve zawk a che, ka hnêksak hrep mai ang che.."

" I hmaah pawh hlím mah ila i chetngam pawh ka ring lo ve a, i chil i lem khulh khulh ringawt ang" a ti leh pek a.

" Haha... ka virgin nual tawh alawm, mi hi ringlo viau suh aw.."

"Awi... I nu hnute bak i la khawih lovang a, Lawma hi inzirtir tir rawh. A zei hrawt hrawt a nia, engmaw kan ei dawn tak?"

"Haha Lawma hi ka zirtir alawm. Bawng soup ka duh kei chu a tui tamna!!"

"Pawt pawt lo mai teh" tih pah chuan a chhuak zui a.

Dar 2 velah Lucy chu a lo thleng a, 'ka theih hnu' ti niawm tak chuan a rawn leng halh halh khawp mai pek a. Rem leh rem lo chuan mi nûl sek mai pek a!

Lawma chuan rawn luh pahin "Kha le ka zo ve" tih leh chabi pathum chu rawn thehphei a rual pek a! Khai aw.. han fimkhur ve deuh se țha tur asin mawle. A dawr neitunu tih a hre ve der bawk silo. Ka țhutpuinu tak pawh chuan a hrethiam bik chuang lo bawk a ngawirengin pawisa bawmah chuan ka dah lut nghal daih a.

Bangkil lama țhu kan ni bawk a ka țhutpuinu chuan min ngam khawp mai. Dawhkan phenah chuan a kawrfual chu ka'n hlim sak a, kawmthlang pain 'nula bawp te chu khamkhawk saisu ang mai hi ni sela' a tih ang deuh tak tak kha niin ka hria. A ngo var țhiang rual mai a, a vawng țha leih lawih bawk si. Chul thlen chin chin chu a kau phei zel a ni ber e.

Thlarau rah chikhat, thûr deuh ni silo insumtheihna ang chi kha a pai tam bik lemlo a niang a thaw leh hak țhin a, a mitmeng a val tap tawh mai a. A kut veilama ka malpui a vawnna pawh a hmer nghet sawt viau!

"Panty phelh la.."

A phelh ve mai tak tak a! A panty chu nutling hakah chuan a te mah mah chu ni. Ka malpuiah kher chuan a rawn bang leh nghal a.

A phelh fuh lutuk lo tlat mai, dawr kawngkaah chuan ka pa a rawn pen lut ve leh chiah a. Khawngaihthlak awm zawk hian.

"Ka pa a lo kal" ka ti sap a. A panty pawh hak na hman awm heklo pawisa bawmah bawk chuan ka hnawh lut leh ta ngawt a. Ka pa lah chuan min țhutchilh rei phian lehnghal a, nidanga rawn kal ngai a zeng pawh ni silo.

Lucy chuan SMS in 'min zu dah rawh' a'n ti ngeiah!!

Ka pa lah a haw duh mai silova, Lucy chu a tlawm hmasa ta zawk a, nûr zetin min mangțha ta kha a nia. Ka pa lah chu a mitthi râl hawlam hmanhmawh mawlh heklo mawle. A haw tur chu Lawma'n bike in zuk dah se ka'n ti ngial a, a duh bau lo. Mapuii hnenah chuan "pawisa va la mai rawh taxi in haw rawh se" ka ti a. Taxi pawh pharsak thlap loh chuan a kal duh leh pek lovang tiin Taxi chu lak sakin ka hawtir thlap a.

Dawr ka lut leh chu Mapuii chu alo nui chiam chiam pek a. A ngaihna hrelo zet chuan ka en hauva.

"Lawma drawer saw va en teh.." a la nui tak kiah kiah a. Lawma chuan a va pan phei vut a. "Tenawm lutuk" tih pah chuan ani pawh chuan min rawn nuih leh pek a. 'Engnge maw ni le' tiin kan va en ve kher a, Lucy kekawrte kha lo niin, a va'n zialo țhin e aw...

"In van che rang em em ve..kan awm ve reng sia" Mapuii chuan a ti leh pek a. "Ngawi mual mualho hi in lo nung zek a nih hi a" a la ti hram.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:56 pm

Zanlama min puitura ka duh vang chuan Lawma chu ka haw hmatir a, Mapuii lah chuan min kap deuh sek leh nghal a! "

"A period dawna a thlak a nih kha, a theihnghilh a niang" te chu kan ti khawmawi ve tak nain min awihsak duh meuh lo chu a ni e.

"Nu zanin chu damlo ka han menpui ve leh dawn nia aw, kawngka ilo kalh leh mai dawnnia" "Chhunah in chhuaklo thei bawk silova, indim deuh ula chu a țha mange aw" antui hang hawp pah chuan a ti a.

"Hrisel țhat lai a lawm, zankhat menrei te chu engah a thawk tak tak hleinem" ka pain a lo ti lawi a.

"Tlaideuh hlekah ka kal chauh ang, zantir lam hi chu an awm ve neuh neuh a, Dar 10 leh 11 chho vel ațang hian an in hawsan zung țhin tawh mai sia, an reh hnuah law law kal ila, peih chen chen han menpui ila..."

SYO ENTERPRISE :

Dar 11 ah inhmuhna tura kan ruahmanah chuan Lawma nen chuan kan inhmu ta ngei a. Harsa turah tehchiam kan ngailo bawk a, kan enghelh teh chiam lo a ni ber mai.

"Kutkawr kha ka lo nei tawh miahlo a nia" a rawn ti heu mai a leh! Leina tur dawr a awm tawh bawk silo. Tihdan a awm mai ang ti chung chuan Syo Enterprise lam pan chuan kan inphurchhuak dun ta a.

Zan lama chawzawng chi te pawh hmuh tur an awm nual mai. Taxi pakhat nula pathumin an lo din hual țaih mai bulah chuan ka ding a. Lawma chuan a hriatthiam hmelloh kher mai!! Rangtakin nula te chuan min lo chiau au thuai a, an aia nalh bulah pawh ralthuam kan hmang lo thei a, anni bulah phei chuan insum thei tak hi ka ni ringawt.

Taxi driver chu ka zuk berbawr sar sar a, Condom man tlawm chi chu panga lai min lo pe a! Nasat hmel tawp ta nih chu.

Lawma'n bike a khalh ve thung a, kan tlanchhuak leh ta nghal a. Syo Enterprise thlen hma kawiah chuan ka chhuksan a, a ni a tlan tlang thung a, muangchanga kalin anmahni hmuthei chin ațang chuan ka thlir ta ran a. Security duty nen chuan an ti ti tui hmel khawp mai. No te pawh kan ruahman lawk ang ngeiin an dawm dun tak saw le.

Ka rinaiin an rei ta! Kuhva eiin Cigarate te chu kan hip leh vang vang a. Boruaka nuam tawk viau. A lum bawk silo, a vawt bawk silaw. Lirthei tlan awm zeuh zeuh chuan harsatna min thlen ang em aw..

SMS alo thleng ta. 'Kan kal e'

Ka zuk hawithlak chuan bike-ah chuan an lawn dawn mek a. Kan ruahmanna fuh tluang lutuk chu a mak ka ti hial zawk! Zu tlem a keng a, an kham loh ngei tur. Chumi lakbelh pui tur chuan a phurchhuak daih!

Veranda light eng chuan min ti buai ta viau mai. An dawr chung lah building neitu te luah lai a ni bawk si. Tawngpawng vawm ngawt dawn ila midang kan tih harh a hlauhawm bawk si. Hladeuh fe ațang chuan helkualin dawra current an lakluhna hrui chu ka zawng kual a, ka hmu mai bawk silo. Rolling shutter pahnih inkarah chuan metter box ka va hmufuh ta hlauh a, chumi ațang chuan chhui zuiin an building hnunglam ațang chuan current an pawt a ni tih ka hrethei ta a.

Mahse, inchungzawlah a ni daih mai an lakluhna lai chu. Chu lah chu inneitu inchhung ațang lo chuan a luh theih hmel bawk siloh. Huiham.. inhnuai lamah bawk chuan ka chhuk leh a, lukhum hmathlawk khumin ka jumper lukhum ka khum tel bawk a, tihdan dang ka hriat chuanloh vang chuan metter box awmna lam chu ka pan phei ta a. CCTV pawnlamah an lo dah ru a nih chuan ka che fuh lutuk lo mai thei a ni. Dawr chhungah bak kha chuan ka hmulo ngei maiah.

Metter box lah chu han ban phak mai ala nilo leh ta nghal a, engngemaw dawhsan tur kan zawngkual leh rih a, a vang khawp mai lehnghal a. Rod bung, țangphel vel tur hi kawngsir tuiluankawrah chuan ka hmu hlauh a, dinsanna tur dang hmu chuang heklo le ka hmuh chhun keng chuan ka let leh ta a.

Chhuat ațang chuan ka han hawlhphak zan a, metter box-a a luhna lai chu kar phawi tumin ka kar ta ngat ngat a, a lo nghet phian a niang a dawk duh bik der lo.

Ka condom-ah chu ka hrechhuak thut a, ka'n bun țha leh rih a, hrui uaifual lai deuh, bang dep lo laiah chuan ka'n hlap ngheng mai a, a chat chiang khawp mai. Current lah a thim chiang bawk.

Rolling shutter chu a hnuai vahluh theih tawk velin ka'n kuai chhova, chabi pawh zawn buai ngai tawhlo tur leh a awlsam zawk nana ka vuah nghal ve ve a, a chîk tak țuah țuah a, hman hmawh theih pawh a ni meuh lo.

Ka vak lut ta. A thim mep mep kher mai. Kawngkhar ka pawhthlak leh hnu chuan ka Phone light chu hmangin Computer lam chu ka va bitum nghal a. CCTV te nen an thlunzawm vek vang chuan chu aia pan hmasak tur chu ka hrechuang tlat lo. CCTV tak phei chu battery back up awmlo chi a ni lehnghal a, a nun pawh ka ring chiah lo.

Phone light hmang chuan CPU chu ka țhiat darh a, ka kutah condom ka vuah ve ve bawk si, chet zung zung chu a har angreng khawp mai. A hard disc chu thlawnin ka bag a mi a țha tawhlo, a siamtute pawhin tihngaihna an hriat tawhloh chu ka vuah ve leh thlap a. Minute 10 hnu velah chuan computer chu ka tifel ta. Plug a a invihluhna an off ve thlap te chu ka'n on sak leh a. Ka lighter chuan current luhna lai pin leh CCTV cable vihluhna lai pin chu ka hliau sawr vel a, current short emaw an ti mai dawn asin!!

MCB (Main Circuit Box??) ka'n zawng kual leh a, ka phone a nghawr tawh bawk si, Lawma te an rawn kir tawh dawn tihna. Hmanhmawh pheleng a ka zawn hnuah bangkil chhaklamah chuan ka han hmufuh ta hram a, current kal diklo awm anga a lan theih dan tur ang berin plug chu ka kuai thla vek a, mi bîk tan lo chuan ka sulhnu chhui chu a awlsam bik hauh lovang le.

Rangtakin ka vâkchhuak leh a. Dimte bawk chuan kawngkhar chu tlawh thla lehin, thawm ka hriat hma chuan ka inti fel hman a. Mahse, current luhna ka vuakchhiat tak kha engtia tih chi nge maw ni dawn le? Zawm leh ngawt dawn ila ka han ban phak mai bawk silo. Rilru hmanhmawh nen thlanfim a bawl țak țak tawh mai.

Ka phone a rawn nghawr leh pek a, vawikhat chiah meesage inthawn tur kan tih vang chuan harsatna a nei a nih ka ring ta deuh a, pawnah ka awm tawh thova tiin phone chu kan en a, a hmasa zawk lo lut kha ' Celebrate the IPL win ! Get 50% off + 50% Cashback above Rs.1100. Only for next 24 hours. Use Gift Voucher-IPL50 at checkout @ http://msg.gd/s/NZmWof/a1jea9' tih company message lek a lo nia!! A va'n ngeiawm duh teh lul!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:57 pm

Ka dawn hnuhnung zawk chu Lawma warning message a lo ni a. An rawn thlen har ka rin loh vang chuan ka lo biru a, reivak pawh nghah ngai lovin an rawn thleng mai reng a. Bike chu dawr ațanga in pangana velah chuan a ding a, ka'n en chian chuan an security pa chu a rui zawr hle a ni tih hairual a ni lo. Lawma chu a kuah țawk țawk a, a inhamtang ve hram hram a ni ber e. Lawma chu fimkhur zet hian a chhuk a, chu pawh engdang vang a nilo, a phurh pa chu a tlak a hlau a, dawm chungin a chhuk!!

Kawngpuiah chuan an inhnuk a ni ber e. Dawr veranda kil lamah chuan an inkuah phei nawk nawk a, hlauhthawn tur awm a ka hriat loh vang chuan ka va fin ta nge nge a.

"A chatthla e lo?" ka va ti a.

" Dose hniam em alawm.., a insawi pawr teh reng nen"

"Khilai current hrui khi ka vaw chat tawp a, tih vak ngaihna ka hre lo, banphak a ni silova, kalsan mai ang" ka tih zawm leh a.

"Tihdan zawn hram chu a va țha ve, tihdam aiin inven a țha zawk an tih kha" a'n ti daih ah!

Pakhat ai chuan pahnih thluak nge nge chu a lo rintlak zawk a niange kan in kokichhuan ta ur ur a. Current erawh a eng ta hauh lo mai le! Haha... a chhunga MCB ka kuaithla vek alawm a eng hauh lovang le.. Lawma kan hrilh a, 'A van manganthlak țhin e aw' a ti nang nang a.

Bangkila security chatthla pa chu a chhip ațangin tui bottle khat zetin Lawma chuan an leih mai pek a, a harh chian hma chuan kan haw ta vang vang a. Khawvar dawnah chuan a vawt ti chu a harh chiang kak kak khawp chuan ka ring.

Ka mut pawh a tui hrep lo. Ka thiltihho chu ka'n ngaihtuah a, sual em emin langlo mahse rilru a ti nuam chuang hauhlo. Chu a chhapah rinhlelh thil vanga FIR te an thehluh phei chuan dinhmun a phet ve viau thei bawk. Chu em chu a thlenglo turah ngai ang.

A tuka Dawra Oven ka herh mawlh mawlh lai chuan Lawma a lo thleng ve chiah a, "Tinge, i lei ve chauh a i țhiah leh a?" a rawn ti a. "Nizan kan ramchhuahna kha ka va thlithlai ang chu ka ti deuh a, chhuanlamah hei hi ka va repair tir mai loh chuan..."

Ka bike lah chu a nung thei der lo mai lehnghal a, Taxi chuan Syo Enterprise chu ka pan phei țha leh ta a.

A la hma deuh bawka an thlengkim vel hlawt chauh a nih ka ring. An phusa nasa khawp mai. An current pawh chu a thim hmak mai le! A neitu pa chu hmuh a nuamlo kher mai, "Electrician chu in koh em?" âwka vin lek lek chuan an ti rawl nen. Nachhawkna pek mai chi emawni dawn ni. Ka nuih a za tih chu hriase chuan min vawhlum hial duhin ka ring.

An nau pakhat chuan, "Engnge i duh?" min lo ti ve hram a, kei oven pawm bawr țeuh chunga lut kha ka ni bawk si a, kilkhatah an chetla ka lo thlir tui deuh a ni ngei ang. "Hei nimina ka oven lei kha a transformer a kang a, insiam thei angem ka ti deuh a"

"Warranty Card i keng em?"

"Keng lo, nizan khan ka hawng a keima'n,"

"Nangma'n i hawn tawh chuan warranty i claim thei tawh nang"

"Nia, ka hre thova, warranty claim lovin third party-a in siam theih tho chuan ka tih vang a lo kal zawk ka nia"

"Theih tho awm tak a nia, mahse hei vawiin chu kan current a chiang lova, kan la buai nih hi. A harsat loh chuan chawhnu lamah emaw i lo kal leh mai dawn mi? Tunah chuan siam ngaihna pawh awm chuang bawk silova"

"Khawi vengah nge in awm a?" an pu ber chuan a rawn ti lawi a. Ka sawi hla rap mai mawle!

"Tikhan i phone number nen dah la a ni mai lawm, hawnkual a, rawn ken leh te chu a buaithlak mai mai alawm" a rawn ti a.

Lawma number lian kelh kawlhin ka ziak a, a chungah kan bel ta kha a nia. Ngaihngam zet chuan ka hawsan ta daih a. Chêk a chêkah ka faifuk hawlo chauh chu a ni e.

Lawma chuan chinchang min lo zawt var a, 'Duhthusam paw'n ka confirm hman lo, țha turah ka ngai" ka ti liam ringawt a.

Dar 2 velah chuan dawrah Lucy a lo lang leh hlawl mai a, a hmel chu nidang a ang chiah lo, lungawi hmel a pu tlat lo. Ka lo chiau au vat a. "Thil pawimawhah ka be duh che.." "Ka ngaithla alawm hei.." "Helaia sawi chi a ni chiah lo mai thei." A ti tak phian leh nghal a, ka rilru a nuam ta hauh lo mai le. Min man chhuak ta mai emawni dawn le aw.

Hotel room pakhatah chuan kan țhudun ta ran a, a sawi mai chak lo nge ni a vehkual rei hle mai a.

"Kan pa hi ka țhen dawn, ka tlin tawh thlawt lo" a rawn ti chhuak hlawl mai a! Ka thêp suai suai maiin ka hria!

"Pathian leh a kohhran hmaah in intiam tawh a, chuti maia ințhen awlsam chu a dik ka va ti silo ve"

"Awlsam a nih loh chu kan boruak i hre vek a, heti chunga inkawp reng hi engnge a țulna? Hremhmunah kan awm a ni ringawt alawm."

"A harsa ang tih chu ka hria alawm, mahse, ila tuarchhuak em em ang, dawhtheih te pawh hi a ngai ve a nia, beisei leh duh ang diak diak hian thil hi a thleng vek țhin bawk silova"

"Ka dawh ve thawkhat chuan ka inhria. Kohhranah a inhmang em em a, a nunah hian hmuh tur a awm thlawt bawk silo. A rawngbawlna ka zahsak vang chauha chhuahsan lo mai ka ni tawhin ka hria"

"A khai chutiangin rawngbawlna leh mihring nun an khaikhin ngai hleinem, tumah tling zo an awm lo, famkim lo leh fello te te in rawng an bawl hian Pathianin mal a lo sawm zawk a ni ngai. Kan in dem a, kan insâwt vak vak hian rahțha a chhuah lem lo a nia" ka ti a.

" A nih tak chu a, i tawrh a ni lova i hrethiamlo a nih chu. Mipa hi inlo in ang vek a nih hi a" a ti hlak hlak a.

A darah chuan kuahin dimtein a chalah chuan ka fawhsak a, min kuah a, ngawireng chuan a awm hle hle a.

"Dawr ka thleng a, biak pawh min lo be țha duh lova, a cousin te manhlannaa kal kan tum avangin chu lam chu ka sawi dek dek a, min vin hrep ringawt a, dawrah a hmain current chianglo vangin an lo buaihrep tih ka hre bawk si lova, hnathawkho hmaah min ankhum hrep a.."

"A nih tak chu mawle, a zialo hle mai. Engpawh nise, boruak te chu a țha ve leh mai anga sin. Nupa nih chuan lungawiloh changte chu a awm lo thei lova, a dawh zawk awm te pawh a ngai alawm"

Nghet zeta min kuah chung chuan a inhnit faih faih a.

Zori nen zanriah kil dun tura kan intiam lawk tawh avang chuan a haw har ang tih ka hlau hle a. Kan awmrei tak deuh hnu chuan a duh vaklo chung chu hnațul chhuanlamin ka hawpui ta a. A hawtlang ve em turah ka'n ngai ngawt a.

Dawr ka thlen chuan Hard disc ka rûk chu computer-ah ka vuah a, ka'n check ngial pawh chuan engmah chu ka hmu mang bawk silova. Hidden file zawng zawng software hmanga hawngkim thawkhata ka inhriat hnu pawh chuan engmah ka hmu zo lo!

A va ho ta ve aw...

Ngaihdan mawl deuh ka hman tawh mai loh chuan software leh thildangin hmuthei heklo. Folder awm zawng zawng chu a size en zelin ka hawng ta char char a, chutah pawh a vang tho. Hmeithai zinga englo zawn an sawi ang chauh a ni.

Galery a folder zawng zawng ka enchhuak dap a, khawiahmah chuan ka thil zawn a chu a awm lo. A bula Syo document tihah pawh chuan engmah a awm leh chuang lo. A hard disc chu partion pathumah chauh a țhen avang chuan a dah loah ka ngai hmin ti tih tawh a. Bei nge sei rûndung tiin Back up folder lam chu kan lut leh a, a vang bawk e maw.

Application, Software tih vel hlir a awm bawk si, a awm hmel leh pek lo khawp mai ka ti.

Autorun tih zip file chu kuthlei thiltih takmeuh mai hian ka explore a, a chhungah chuan Folder a lo awm nual mai a, Honeymoon, Nude , couple, Tlangval tih te.

Honeymoon chuan mit a la ber bawk a kan hawng hmasa ber kha a nia, puitak a ni! Lucy nena an honeymoon hmanglai ngial ngan tak mai chu a lo ni a. Video clip sawm chuang mah awmin, silai tel lova an nupa indo lai hlir mai chu. Ka țhu mar nghal awt awt mai mawle! A hmuhnawm, en man hla tak a ni ringawt.

Nude folder chu ka'n hawng leh a, chu erawh chu thlalak hlir a ni thung. Lucy thlalak a tam ber a, midang pawh pahnih pathum vel chu an awm ve in ka hria. Keimah zawk hi ka hah ru țeuh tawh mai. Ka nikhua lo hehe.

Tlangval tih folder pawh chu thildang tehchiam a nih ka ring ta chuang lova, ka han hawng a, video clip pathum a lo awm bãm a, pakhatna chu Lucy nen a an inkhuainuai lai bawk a ni leh. Lucy channa vek a ni leh pek ang ka ti aw.. A pahnihna chu midang an ni ta, ka hriat zawng pawh a ni lo nasa, Manipuri lam hmel a pu deuhin ka hria.

A tawp berah chuan ka duh ka hmu ta! Amah Zori ngei chu khum chungah a lo mu tlawn zuah mai le! A țhat vanglai tak ningei tur hi a nia a taksa engkim mai chu a dik em em vek mai. A hmel lah chu melh kawk kawk ngai khawpin a ni a fuh ni.

Video Camera pangai tak a lak a ni tih hriat reng hian a quality a țha phian hlawm lehnghal a, a tu a mah chu hai ngaihna awmlo khawpin an fiah țha kêk kûk hlawm khawp mai.

A changtunu a lo thleng ta tlat mai sawle... Mit a la a ni satliah mai tawh lo a kawrfual hakin a khuh chin zawng zawng nen mitthlaah a lang zut zut mai a, ka țhutna ațanga ka thawh kân vaih chuan ka silai load sa vang chuan ka mualpho chhiava a ni mai!

Ka bul alo thlen meuh chuan movie ka lo en fel than hman tawh a.

"I buailoh nen min lo sawm mai tur che alawm, movie i en mai mai tho kha" a rawn ti a.

"Ka en ve chiah alawm, ka buai ve mah naklaia" ka tih chuan awih vaklo tih hriatreng hian a ner nang a.

Hawhma a duh vang chuan dar 3:30 velah chuan kan chhuak dun ta a, Hotel biru ve ang reng tak mai kan pan dun a. Duh ai chuan a la hma deuh chu a ni e.

Pafa pawh ni lem lo, thisena inzawmna nei bawk silo Hotel rooma awmdun ta chu tihtur dang a vang viau mai. Kan eitur order lah chu dar 4:45 a lo thleng tur chauh a ni bawk si..

Zelthel zetin khumah chuan ka mu a, ani a vaițhut ât thung a. Kan thiltih dan zawng zawng chu muangchangin ka'n hrilh dap a, ngaihnawm tih hmel zet chuan alo ngaithla dauh dauh a. Hard disc ka kawl thu erawh ka hrilh ta lem lo. Engngemaw palh a lo thlen tak thutin inven nan ka mamawh ngei dawn si a.

Inngaihtuah mûk hmel zet chuan a melh ngai a melh veng veng a. A banrekah chuan chelhin ka bulah chuan ka pawt mu a. Ka awmah chuan a lu nghatin a bei tlan a.

"Engtikah nge ka mualpho ang tih ringawt ngaihtuah hian zan tam tak ka mutheilo țhin. Mangchhia ang maiin chhunzan zawmin ka ngaihtuahna a tibuai țhin a, Chung zawng zawng chu nangma'n min lak bo sak ta a, lawmthu sawi ngaihna pawh ka hrethiam lo viau a ni" a ti sep sep a.

"Lawmthu sawi a ngai hleinem, thil țhalo leh dan mitah pawh tlinglo tur, chuta kara mi vau nana la hman lehnghal kan nuaibo a ni mai a, tu kovah pawh tla se an tih ve tur tho a nia"

"Chu pawh ni se, ka tan chuan a hlu zual bik em em alawm. Nunthar min pe miau si a..., Ka neih zawng zawng nen pawh lawmthu sawi mah ila a man zo chuang lo ka ti"

Ka nâk thlurah chuan a zut zai zai a, tawnzau chauh ka hak vang chuan a thlen chin a hriat viau mai. Bathrooma a luh zawk khan alo intulh hman ni ngei tur a ni a rim pawh a dang zar mai. Sawhthing mothar rim ang ngawt chu a ni hauh lo nia!

A kut chauh a che lo chuan nunphung a tibuai chho leh țan ta. A mah a rawn tawlh chho tel ve zel bawk sia. Dim zet chuan ka hmui chu a rawn liak kual zai zai a. Ka dawh hle hle thiam map lo chutiang dei dei chu. A lu chu dawmin, em em a tih tur deuhthaw chuan ka'n keih let bawrh bawrh a.

"Thil chah lo thlen a hun țep a nia"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 11th, 2017, 9:57 pm

'Hmanhmawh rawh' a tihna nihmiang ka ti mai a, a laibu tuamna te pawh chu kan hai kiang hman ta lo! Vantirhkohte thlir ngam loh tur zawng tak maiin sual danchahna kulhpui chu țhiatin tiamchin awm hauh lovin ramtiam lam chu kan pan dun ta chiam mai kha a nia.

Thuamhnaw ka inbel mawlh mawlh lai pawh chuan a mut ngaiin che lo changlo chuan lehlam hawiin a mu ngawi reng a. A hnungzangah chuan ka chul chho zai zai a, a bengah chuan ka seh ner ner a. Ka lam hawi chuan kan kuai let a.

A biangah chuan mittui a luang ngiai ngiai a.

A mittui luang chu ka fawp zauh a. Min kuah chawih pah chuan a rum hawk a. Min kuahnghet viau, min hmer ngawt ngawt niberin ka hria.

"In ha ve tawh la, order lo thlen a hun dawn tawh a" ka tih chuan muangchangin a rawn dak chhuak a, mittui luang ngiai ngiai chung chuan min melh a, "Ka hmangaih che...." a sawi zo chiah chu a insum zo ngang lo. A țapchhuak hawk a. Ka hrethiam lo angreng viau mai. Min hmangaihna a țahpui daih mai chu engnge maw awmzia le.

"Nangchuan min hmangaih suh aw" a hmui chu a pet fan fan a.

"Engvangin maw..?"

"Ka la hrilh ang che.."

Muangchang chuan a thova, bathroom lamah chuan a va inphih fai vel a ni ngei ang a rei emai.

Thil kan eidun lai pawh chuan a ti ti a kal teh chiam hran lo. A mûk ru deuh tlat.

"Naktukah i thil tur ka lo tifel dawn nia"

"Eng thil maw?"

"Pawisa..."

"A ngailo ka tih tawh kha.."

'Hm' tih pah chuan a ner sak ringawt a.

"I hlim lo tiraw... ka ti lungawi zo lo che niin ka hria"

"Ka hlim a lawm. Ka rilru thildang kap tu a awm a chuvang chu nia, ka thiamloh a ni"

"Ka hriat ve a remlo tihna a mi?"

"A..ka la hrilh dawn che nia. Tunah chuan nilo se."

"Awle, a țha alawm,"

"Nangmaha lungawilo leh harsatna nei ka nilo a nia, ka harsatna lianber min tihfel sak a, i chungah chuan ka lungawi em em tih min hriatsak dawn nia"

"A tuartu chu ka ni lawi bawk sia..."

"Nia, ka thiamloh a ni. I bulah hi chuan hlim taka awm mai tur ka nih vei nen ka inthup thiamlo em a ni"

Dar 5:30pm velah chuan Hotel room chu kan chhuahsan dun ta kha a ni.

Mission Complete. Ka thawl ta huai e.

Ka inbual fai ser sawr a, Zori'n min sawmna tihlawhtling tur chuan an in lama kal turin ka inbuatsaih a. Thawmhnaw, Perfume leh engkim mai duhdan thlapa ka in belkhawm hnu chuan ka phone a lo ri ral ral a.

'Lucy'

"Aw, engngatinge tun ang hunah te?"

"A hun leh hmun a awm hleithei ta vak lo a nih hi. Engthil nge i tih hi?" a rawn ti tawng mai a.

"Engthil nge ni ka tih a?"

"Kan pa nen hian engnge inhuatna inneih? Engnge in pahnih inkarah hian awm han sawi teh?"

"Chutiang engmah a awm lo, inpa paw'n min hre reng reng hleinem. Keipaw'n ka hmu a ka hria nimai a, a hrana buaina emaw inkungkaihna emaw kan la nei ngailo hrim hrim"

"A mak ka ti emai.."

"Engnge thil diklo a awm a mi a?"

"A dawr computer a chhe leh vek tawh a"

"Engnge chu nen chuan inkungkaihna kan va nei silo ve"

"Hm.. in inkungkaih pawh ka ti chiah chuang lo, chhiatna i keng tel ve deuh pawh a ni mahna, ina a computer a kang chhia a, a phone a chhia in a chhar leh a, dawra a computer a chhe leh zel a, tumluih ang maiin.. amak em em ka ti ve deuh"

"Keipawh ka computer a chhe ve tho lawm, ngaimak vak lutuk duh teh suh" ka lo tih liam sak a.

"Kan pa nen insumdawnna velah inhuatna in nei anga i bitum ta mai emaw ka lo ti hman alawm, nang kher chu nilo la FIR ka thehlut duh hial maithei ni"

"Haha..min va'n ring țhalo ve aw.." ka nui hak a.

"Chu pawh a ni chiah lo. Nia, ka ring chiah bawk silo che a, mak ka ti bawk sia heti em em a a zawna chhiat nasat chu.."

"Thil i ngaihtuah nasa lutuk a, i ngaihtuah dan a diklo zo a niang.. zai te ngaithla tam la, mi zingah awm tam bawk la, mahni inngaihtuah vung vung lo khan" ti te chuan kan fuih ve bawk tak na a, ka rilru a nuam zo ta chuang lo. A thawi pawha an pa bula a sawi a nih chuan ani chuan ngaihtuah dan a thiam ngei ang le.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)