HMANGAIHNA CONCEPT episode 1

Kan group pawn lam a mi, thuziak tha tak tak lak khawm...
Law vl
Posts: 9
Joined: September 4th, 2022, 8:51 am

HMANGAIHNA CONCEPT episode 1

Unread post by Law vl » September 4th, 2022, 11:50 am

HMANGAIHNA KAN TIH TEH FO HI

Hmangaihna hi aw...romei zám ang te hian hmuh theih ni se, a then tu tute emaw hmangaihna te hi chu a zâm nasa thei ngawt ang le, a nih loh leh zo-chhûm angte hian zingin hmuh theih ni sela,emaw vân dum pawla chhûm paw chek angtein hmu thei ilang chuan ni êng pawh hi kan hmuh ka ring lo hial asin.A chhan chu khawvel hi hmangaihnain a khat dâwn si a.

Hmangaihna kan tih hi kawng hrang hrangin
a nasain, a nêp ve leh thei leh pek a, chhûngkaw inhmangaihna dân a dang a, thian tha inhmangaihna a dang daih a. Hmeichhia leh mipa, nula leh tlangval inngaizâwngte inkâra hmangaihna phei chu a chi a dangin a hran hlauh thung.

Hmangaihna hi zawng engtikah mah
mihringte nunah a dai dawn lo a nih hmel.
Mihringte nuna bet tlat, thliar hran hleih theih lohin,Pathianin min dahsaka. A chang chuan, min tihlimin min tilawma , achang leh mittui thlem chhuaktu hmanruaah te atang reuh a. A daihzaiin a no theilo lehngha. "A tawp hmak tawh," an tih pawhin , khawngaih lainatnain bul a tan leh thin.

Nula leh tlangvalte inkârah phei chuan inzêp hlei thei lo khawpin a țang a, a siam puitling a, an inkârah palai hna thawkin nasa thei ang berin thu a sawi thin.
Hmangaihna hi zawng a mak ngawt
mai. Hmangaihna zûna uai laklawhte phei chu an lung a lêng a, an chaw ei a tui thei lo va, zân pawh an mu hlei thei lo va, chêr phah nâna hmangte pawh an awm hial nia mawle!

Nula tlangval inkâra hmangaihna hi kawng 3-a sawi theih a ni a:-

Hmangaihna ze dik :
Hmangaihna dik tak, chhungril tak atanga rawn intuh hi ani kan ti thei ang. A tloin a nghet duh a, a tak a, a ngêt ve ngai lo.
Sapho-in 'true romantic love' an tih ang hi a ni ang chu.
Hmangaihna dik tak, fiah fel fai êm êm leh kumkhaw daih hmangaihna a ni kan ti thei ang.

Taksa hmangaihna:
He mi huang chhûngah hi chuan mi, a taksa mawina leh nalh tih vânga hmangaihna piang chhuak hi a ni a. Taksa duhawmna, îtawmna atanga lo piang hmangaihna 'Physical love' tia sap hovin an sawi thin hi a ni.

Fel tih vânga hmangaihna piang:
Mi nungchang mawi leh tha, an fel an fin vang te pawh a ni ang, khawsak rêl fel thiam tih vang emaw, heng zawng zawng atanga piang chhuak hmangaihna hi a ni a, Sap-hovin a 'Spiritual love' an ti thin.

A chunga kan sawi tâk hmangaihna chi thum te khi a duhawm ber chu hmangaihna ze dik tak khi a ni a. Sapin "True Love' an tih hi a ni a.
Hmangaihna ze dik takah chuan a thinlung zawng zawngin a hmangaih a, a inpumpêk tawp mai a. Retheih leh hausakah a buai ve lo. Lehkha thiam leh thiam loh-ah a buai hek lo. Mihring inhmangaihna azawngah chuan a hluin a duhawm ber tih i lo hre dawn nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)