KA THI BY Puitea Tuallawt

[Ngaia]

KA THI (Cotober 26, 2012: 11:30 am)

THUHMA

Vawiin October 26, 2012 hi ka tan chuan theihnghilh theih loh ni rapthlak leh hahthlak ka dam chhunga ka la tawn ngai reng reng loh thil ka tawnna ni a ni. Mahni mualphona tur pawh ni se, sawi zel mai hi thuziak mite tih tur chu a ni si.

Ka dam lo va, ka ke vei lam hi tun hmain ruihhlo avangin a chhe tawh a;mahse, vanneih thlak takin kum 2009 khan ka malpui vun la thlain hmun li laiah an bel leh a, a him tha viau a, tharum thawhna lam chi hna reng reng thawk tam lo tur hriattir ka ni.

Tun hnai thla khat liam ta vel atang khan ka ke vei lam artui chung chiaha an belna a rawn khawk tlat mai.A na ngar ngar hle a, kal pawh ka kal tha thei ta lo a ni ber. Hmun dangah erawh tha lo pawh a awm lem lo.

Damdawi Brufen ka ei a, ka vun belna rawn chhe leh lai chu uluk takin ka dressing a, hma pawh a sawi leh tan deuh niin ka hria. Tta se ka tih luat avangin hmu tha chawp pawh ka ni thei e. Eng pawh nise, tuna ka thil sawi tur hi dawt a ni lova . Ka mumang mai lah a ni hek lo.

A na a rawn chuah chuan a thral a rawn thoh a, ka khasik hian namen lovin min tuam nghal a, ka tlun a, a buaithlak ve duh ang reng thin. Heti thleng hi thuhma chinah dah ta ila.

HRIAT LOH KARIN
Damdawi chak tak tak ka ei avang leh ka chaw ei a tui thlawt bawk si loh avangin ka chau hle a, chutah chhapah zan ka muhil thei mumal bawk si lo. Kan in hi a chhawng a ni, a chungberah keimmmmmmahin thawl fein ka aw, a hnuai (Kawng ân)-ah ka nu pindan, chawieina pidan TV enna leh sitting room hran pa te reuh te tein kan siam ve diat diat a.

Zan ka mu thei ngai lo tih a hriat avangin ka nu hian zing lamah hi chuan chaw tur pawhin min kai tho ngai lem lo, kan in ep chiahah hian ka nu Lalhleii’n, dawr a siam ve chhang a, hmunphiah, thingfak leh bawlhhlawh ruhna, mei hawl thuk, êm, chemte, chempui leh adt. a zuar a, ka nu nen chauha chaw ei hi chu a nuam kan tih loh thin avangin zing tukthuan kilpui atan kan sawm thin; tukkin pawh dar 10 rik dawn ruaiah ka tho chhuak ve chhak chhak a, ka nu chu ka nu Lalhleii dawrah a lo thu, min rawn hmu a, kut zai zarzirin, chaw in ei tawh em? ka ti a. A lu a thing a.

Kawngkharpui chu a inhawlh kalh ringawt a, ka lut a, hmai ka phih zawhah ha ka nawt leh a. Hetih lai hian ka nu leh Ka nu Lalhleii chu an lo lut a, tukthuan kan siam zui nghal mawlh mawlh a. ka ke chu a na fik ngat ngat hle mai; mahse, ka sawi chhuak duh lem lo va, chaw pawh chu bar thum vel awrh ka bar a, ka kham san ta ringawt a.

Hnathawh tur ka ngah tih ka hria: mahse, ka peih rih ngang lo va, TV IMEM channel ah chuan speker senior ve lam pakhat ni ngei tur hian thahnem ngai sawm palingkawh duah leh tlawk zetin Pathian thu a sawi a; uluk deuhin han ngaithla ila chuan ngaihnawm fe tur pawh niin ka hria. A awki a han tih squam flow vel dante chu a bu a mi ang thlap a ni mai. Vanglaini chanchin bu ka chhiar pah bawk, news ka en pah zauh zauh reng bawk a.

KA IN HMU
Ka nu chu thenawmte invelah ni lum ai tumin a chhuak, keimah chauhin TV chu ka en a, chu tih lai chuan taksa hi chauh namen lo hian a rawn chau a, ka mit sulh sulh a, engtin chiah nge ka awm ka sawi thiam tawh tlat lo. Pindan veilam thuthlengseia mu ka ni, chuta tang chuan TV pawh ka en Mahse, pindan dinglam atanga en angin ka inhmu ta tlat mai a ni.

Chutah ngaitha vak lovin ka an hawi kual a, thuthlengsei a tla lek lek a mi pakhat mu hi ka hmu a, ka han en chianga keimah ni tlat in hria. Ka han belchiang leh zuala, keimah ka ni tih ka hre ta, vawileh khatah hlauhna hian min rawn thram thut a, hetia ka buai vel chhung hi ka hre thiam lo, kan nu thiante pahnih hi an lo kal a, ka mut dan teh nuai chu a fel hlel tih an hmu a ni ngei ang, “Puia Puia,” tiin min kaih thawh tumina ka awmah te an nem a, an bulah ka dinga engkim chu ka hmu vek a. Keimah ringawt ka ingaihtuah avang a ni ngei ang, tlarau tha le thlarau tha lo pawh ka mu ka hre lo.

Hremhmun emaw vanram emaw pawh engmah ka hmu chuang lo. Mahse,ka hmuh loh avangin chung hmunte chu a awm lo tak tak ti erawh chuan ka tangkaizakl

Rei a ni lo ve, minit 15 hnuah chuan ka rawn harh leh hlawl mai Min lo dinhual tuau tawh mai. A hrilhhai thlak duh khawp mai.

(He thu hi a thuziah hnuhnung ber a ni ta a ni)