THAWNTHU TAWITE PAHNIH TE HI!! BY Puitea Tuallawt

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

THAWNTHU TAWITE PAHNIH TE HI!! BY Puitea Tuallawt

Unread post by Ngaia » May 21st, 2016, 10:00 pm

THAWNTHU TAWITE PAHNIH TE HI!!

MITDEL ZURUI

Peih lo hle mah ila, tûan tûlnain min näng si a, peih loh sawi hman a ni lo. Khawlum uap churh mai hnûaia han chhuah chu thil nuam hnai tak zawng a ni hauh lo mai. Mitin mai chu an hmanhmawh em em vek ni hian ka hmu a. He khawvel hi a lo upa ta a, a vânglàinite chu hun thuneihna hnûaiah lokir leh ngai tawh lo turin a inhlûmbo zo tawh a. Nia, he hringnun khawvel hi a châknate chawpin a boral mek a ni.

Kawngsir remchâng laia thu, mitdel, tarmit dum vuah, microphone chawrche zet nena lo zai ngawng ngawng chu ka hmuh hnu ang riauin ka hria a, a bula lehkhakhawng bawm dawh, hlui leh chul zetah chuan chêng hnih thir pathum leh chêng 5 tlang pakhat chiah a awm a.

Milian leh hausa tih hriat tak tak, rangkachak thi leh bengbeh ropui tak nena kal ri chhuk chhuk hote chuan an mitsir pawhin an melh lo. A bianga thlantui luang zawih zawihte chuan a hringnun thimzia leh beidawnthlak zia chu chiang takin a pholang a ni.

A thutna zâwn ka thlêng phei a, ka wallet atangin chêng sâwm tlang ka phawrh a, a bâwm dawha pawisa ka thlak hmâin chu mitdel pa hmêl chu chiang lehzualin ka han en a, 'ka hre chiang mai he pa hi!'. Hmânah pawh zu a ruih avangin khawtlâng duty ten an kamkhat tawh nghe nghe. Mitdel luhlul leh ngeiawm fahran mai a ni. Hêng a kutdawhna atanga a sum hmuhte pawh hi zu man atan a khawhral leh ngei ang!

Ka pawisa chu chêng sawm lek ni mah se, ani zu man tur mai mai atan chuan ka ui thar thut a. Pawisa pe lova kalsan mai ka tum laiin ka thinlungah zawitêin he thu hi a lo ri a., "In hmangaitute chauh in hmangaih hian lâwmman eng nge in hmuh ang? chhiahkhawntute pawhin chuti angin an ti ve lâwm ni?" tih hi.

Thil tam tak ka ngaihtuah a, ka buai mai mai a lo ni. Ka pek tawh berte chuan ata a ni tawh a, ata chu a duh duhnaah hmang ang hmiang, keia lo sawi sak tur eng nge awm tehchai ni. Lehkhakhâwng bâwmah chuan ka chêng sawm zawr tak chu ka thlak a.

'Tin, tupawh hêng mi tê tak zinga pakhat hnênah hian, zirtir a nih avanga tui vawt no khat chauh pawh pe apiang chuan, tih tak meuhvin ka hrilh a che u, an lâwmman chu an chân tawp lovang,' Matthai 10:42
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
KA HMANGAIH CHE ANU

(He thawnthu tawi te hi khawia ka hmuh nge ka hre tawh lo. Ka kutchhuak chu a ni lo chiang bal. Tu ziak nge ka hre tawh si lo. A mawi ka ti em a, ka han dah tel a ni.)

He thawnthu tawi te hi a mawi reuh mange:

Dawhkana lehkha chi hrang hrang chingfel a nu ber a buai em em laiin, a fanu kum 5 mi chu a naute lem kiangah a lo infiam a.

A inpeih hnu chuan a fanu chu a ko a, a malchunga thu turin a sawm a,

Hmeichhe naupangte chuan, " Anu, ka hmangaih lutuk che, min koh avang khan ka lawm em em a ni," a ti a. A nu mitah a enkal a.

"Bawihte, tak tak maw? Min hmangaih avangin ka lawm e. I naute lem nen khan inhlim dun viau emaw ka tia,"

"Hlim dun tho e, mahse, anu, naute lem hmangaih chu ka ning."

"Ngati ta nge bawihte?"

"Naute lem hmangaih chu ka ning tlat, min hmangaih let ve thei ngai si lova."

"Anih leh chuvang chuan em ni kei hi min hmangaih?"

"Ni tho; mahse, chu aia chhan tha zawk a awm."

"Anih leh Bawihte, min hrilh teh...."

Hmeichhe naupangte chuan a nu chu a kuah chial a.

" Anu, ka tet laia hmangaih nachang che ka hriat loh chhung zawng pawha min lo hmangaih avang khan tunah hian ka hmangaih em em che a ni," a ti reuh a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)