Dah lo ila, i vui dawn si a.
Dah ta ila, a thui lutuk a,
I chhiar peih dawn si lova....
Mahse, i vui ai chuan
Ka dah ta mai a...i tan
THE CODE
1998, NOV. 21:
Zirtirtunu chuan a hmaa naupang thu tlar thapte chu a tarmit phen atang chuan a han thlir a. Heng naupang duhawm tak takte hi nakumah chuan pawl dangah an insawn tawh hlawm ang. Thenkhatte hi chuan sikul dangah High sikul an kal zawm tawh emaw a ni bawk ang. Ni e, thenkhat hi chu he khawvelah hian vawi khat mah a hmu leh tawh ngai lo mai thei a sin.
Naktuk atang chuan kum tawp exam result nghakin sikul an chawl vang vang tawh dawn a ni. Zirtirtunu chuan a tarmit hmai chu zawi tein a han hru a, a tarmit hmai a balh vang erawh a ni lo, hei hi a tih thin dan reng a ni. A kut lehlama a tiang ken te reuh te chul hliau hliau chungin zirlaiten an hriat than tak a aw fiak thak chuan thupek a han chhak chhuak a.
“Naktuk atang chuan sikul in chawl vang vang tawh dawn a. Vawiin hi kan inhmuh tawp ber pawh a ni tawh mai thei a ni. Chuvangin tunah in note bu phek laihawl kha pawtthla ula, in duh a piang, milem emaw, thu tawi emaw, he sikul in hmuh dan emaw, ka chunga in lung awi lohna emaw, in lawmna emaw, engpawh, in duh duh, han ziak theuh teh u. A ziakzo a piangin min rawn pe ang a, in haw nghal thei ang.”
Naupangte chuan zirtirtu thu zawmin an duh apiang an ziak a. Ziah tur hre lo, thiante tih dan ngaichang pawh an awm nual. Naupangten an thilziak an zawh hnu chuan zirtirtu chu amah chauhin class room chhungah chuan khawhar takin a thu a. Naupang ho thil ziak chu a mal te tein a enkual den den a. Hmeichhe naupang pakhat, Mawizuali thil ziak a hmuh chuan mak a ti deuh a. A tarmit chu a han sawi rem deuh a, chiang lehzualin a han en a.
‘14a.m.250212F’
A mak hle mai.
Naupang thenkhat chuan amah an ngainat zia thu te an ziak a, thenkhatin ama lem an ziak a, thenkhatin sikul building lem an ziak bawk. An thil ziak reng reng chu, duhdah leh hmanhmawh taka ziak a nih hlawm avangin a mawi hran lo; mahse, zirtirtu chuan ngaihlu takin chung lehkhaziak hrang hrangte chu a class room bookshelf-ah uluk takin a khung tha ta hlawm a.
2011, OCT 11:
Remruata chuan a tawp nan a nu ruang chu mittui tla zawih zawihin a han thlir nawn leh a. Naupang tê a nih laiin a pain a thih san a, a nu enkawlna hnuaiah seilianin, khawvel hi a lo hmachhawn ve thin. Zirtirtu tih takah a nu chu kawng engkimah a khauh em em a, hun vawn dik a ngai pawimawh a, engkim mai a hmun leh a hun dik taka tih hi a nunphunga thil nghet tak a ni. A fapa Remruata pawh a thunun tha hle a, pa nei lo a ni tih hriat hauh lovin a enkawl seilian a ni.
Kum thum liam ta vel atang khan a nu chuan thisen sang a nei a ni tih an hre chhuak a. Damdawi pawh a ei reng thin, mahni in enkawl uluk tak a nih avang leh a hun dik taka damdawi ei thin a nih avangin a natna pawh a lang chhuak khât hle a. Mahse, tun hnai ni hnih vel chhung khân, tlemin a zia a dang deuh a, damdawi pawh vawi hnih lai a ei theihnghilh a, hei hi a pawi zui ta pawh a ni mai thei e.
Nizan dar 10 vel khan mu tura a pindan lam a pan laiin a tlu a, ka pawh chhâwn lovin a boral zui ta nghal mai a ni. Remruata chuan a nu tel lova khawvel han hmachhawn chu a lo la ngaihtuah chhin ngai reng reng lo, a nu chu a engkima engkim a ni a, a ring em em a, tisual theiah a dah ngai lova, thi tur phei chuan mumang lamah tak ngial pawh a la mang chhin ngai lo. Mahse, engkim mai chu rang takin a lo thleng phut a, tunah chuan amah chauh a ni ta. Kum a laklawh tawh em avangin sikulah a nu ai a kal a ngai zui a. A nu sulhnu chul riai mai han hmuh chu a tan thil nuam tak a ni hauh lo.
FORETELL
Sikul ban hnuah, a nu sulhnu te enkualin class room-ah khawhar takin a thu a. A tih tur hre lovin class room bookshelf chu hawngin lehkha hlui te a enkual vel a. Tih palh thil thu takmeuhin kum 13 liamta kum 1998- a a nuin sikul naupang te hnena farewell note a ziahtir chu a hmu chhuak ta hlauh mai a ni. Naupang ten a nu lem ang vak lova an ziah te chu hmuhnawm ti takin a en kual a, sikul naupang te chuan a nu chu an ngaina hle tih an thilziak vel atang chuan a lang thei a ni. A tawp berah hmeichhe naupang Mawizuali thilziak chu a hmu a.
‘14a.m.250212F’
Engtihna nge maw ni dawn le? Thil dang en san leh mai a han tum a; mahse, chu thil chuan engtin emaw tak hian a mawlh tlat mai. Chalk a la a, blackboard ah chuan lian kelh kawlhin a han copy a. He thil ziaktu hian eng thil emaw tak chu ziah a tum a ni ngei mai. A tawpa F chu engtihna nge ni ang. A nu hnam hming kha Fanai a ni a, chuti a nih chuan Fanai tih na a ni thei ang em? Hawrawp tinte chu pahnih te te in a han then hrang chhin a.
‘14/a.m./25/02/12/ F’
‘a.m.’ chu ‘ante meridiem’ tihna angah a han dah chhin a. A hma chiahah 14 a awm a, chuti a nih chuan zing lam dar 2 tihna a ni thei. Awmzia a nei tan riau mai. 25, 02 leh 12 a la awm. 25 chu ni (date) lo ni ta se, chuti a nih chuan 02 chu thla (month) angah a ngaih leh theih ang. 12 chu kum (year) angah a dah leh theih ta chiah bawk. Chuti a nih chuan, kum 2012, February 25, zing lam dar 2, tih a lo chhuak ta chiah mai a ni. A tawpa F chu Fanai tihna ni ta se, eng nge a awmzia ni ta ang? FANAI tih chuan a hmaa thu nen inkungkaihna neiin a lang tlat lo.
F chu English angah chantir a tul a ni mai thei. F-Foretell, F- Fire, emaw F- Fine, awmze dang daih pawh a nei thei tho. Foretell a nih chuan hrilh lawkna tihna a ni ang. Eheu!! he hmeichhe naupang hian engemaw hrilh lawk a tum a ni mai lo maw? Mahse, eng thil nge hrilh lawk a tum? Hriat theih rual a ni tawh si lo.
THE MISSING CHILD
Eng thil emaw, hmanhmawh thlak riau awm hian a hre thar thut a. Tu nge he lehkha ziaktu Mawizuali hi ni ang, he thil hi kum 13 liam taa a ziah a ni a, khatih lai khan pawl 7 a zir a, chuti a nih chuan kum 13/14 emaw a ni ang. Tunah chuan kum 26 emaw a ni daih tawh ang. Tunah hian Mawizuali chu khawiah nge a awm ang le? Zawn chhuah ngei tul tihna a nei thar thut a. Mahse, han zawn tan mai dan erawh a bangbo kher mai.
Sikul principal Pu Thankima chu a phone a.
“Hello, ka pu, kum 1998 a pawl sarih zirlai naupang Mawizuali chanchin hriat ka duh deuh a.”
“Eng a tan nge i hriat duh a?” tiin Pu Thankima chuan a rawn chhang a.
“Han hriat duhna ka nei thut a lawm mawle,. pawl sarih a zir lai khan ka nu hian a zirtir thin a ni awm a. Eng emaw ka nu chanchin han sawipui zawk ka duh deuh a ni.”.
Pu Thankima chu a han ngawi deuh vang vang a, eng emaw tak a ngaihtuah a ni ngei ang.
“ I han sawi takah chuan ka hrechhuak ta e, kha hmeichhe naupang te kha a mak reuh riau a. Thian pawh a kawm ve ngai meuh lo..”
“Aw...a nih tak chu, tunah hmuh ka duh a, a address min hrilh thei ang em?” Remruata chuan a phûrna chu a thup hlei thei tawh lo.
“ A pawi khawp mai, kum 1998, exam chawlh dawn ni chiah November 21-a a sikul bang kha inah a haw thleng talo a ni; nia, kha mi ni khan a bo a ni. Zirtirute pawh a mah zawngin kan thawkchhuak ve nghe nghe a lawm.”
“A bo a, a va mak ve.”
“ Chanchinbu hlui lamah i duh chuan thil thlen dan kim chang chu i la hmu thei mah na.”
Remruata chuan phone chu a dah a. Lehkha mak tak a ziah ni chiah khan a bo. A mak hle mai.
2012, February 25...
Remruata chuan sana a han en a, zing dar 1 a lo pel leh hial tawh mai. Tun lai chu zan lamah mut a hmu mumal lo thin, a taksa chu a chau hle tih a hria a. A mut lah a chhuak der mai si lo. A hmaa lehkha phek zawr tak in pharh chu a han en nawn leh vang vang a.
A dawhkana phone rawn ri thut chuan a ti phu zawk a. Hmanhmawh takin a han la a,
“Hello,” tiin a han chhawn a.
“ Remruat, Aizawl Bazar a kang a nia.”
Remruata chuan a phone ken lai chu a thlauh bawl a, a hmaa lehkha ziak chu a han bih hnai a. F chu Foretell ni lovin FIRE tihna a ni chiang mai!!
CODE : THE CLOSE ENCOUNTER
RECAP:
Remruata chuan sana a han en a, zing dar 1 a lo pel leh hial tawh mai. Tun lai chu zan lamah mut a hmu mumal lo thin, a taksa chu a chau hle tih a hria a. A mut lah a chhuak der mai si lo. A hmaa lehkha phek zawr tak in pharh chu a han en nawn leh vang vang a.
A dawhkana phone rawn ri thut chuan a ti phu zawk a. Hmanhmawh takin a han la a,
“Hello,” tiin a han chhâwn a.
“ Remruat, Aizawl Bazar a kâng a nia.”
Remruata chuan a phone ken lai chu a thlauh bawl a, a hmaa lehkha ziak chu a han bih hnai a. F chu Foretell ni lovin FIRE tihna a ni chiang mai!!
INVESTIGATE:
Nitin chanchinbute chuan Aizawl Bazar kan thu chu an chhuah chuai chuai a. Engvanga mei chu kang nge a nih? Tih palh thilthu nge, misual an inrawlh zawk? engmah chhui chuah tak tak theih a ni lo. Remruata chuan zing thingpui in pahin chanchinbua Aizawl Bazar kan dan chipchiar an ziah chu uluk takin a chhiar a. Mawizuali lehkhaziak khan heng thil lo thleng tur zawng zawngte hi a lo hre lawk vek tihna em ni ang? Kha hmeichhe naupang khan a thil ziah awmzia hi a ziah hunlai khan a hria ang’em? Engati nge lehkha a ziah zawh hnu lawka a khuangcher bo tak hmak mai le? Thil mak tak chu a inphum a ni ngei mai.
Inrinni a ni a. Sikul chawlh a ni. Tukthuan a ei sawk sawk a, Mawizuali nu leh pate hmu turin a thawk chhuak ta nghal a. Khawpui lunlai a pelh hnu-ah, step te reuh te a zawh thla a, kawngpui a lo awm a, vei lamah a kual a, Mawizuali te in chu a hmu thei ta. Sana a en a, zing dar 10: 20 chiah a ni. Kawngkhar chu a han kik karh karh a.
Nu upa lam, chêr leh hâng deuh kum 60 vel bawr (Mawizuali Nu) hian kawngkhar chu a rawn hawng a. Kawngkhar bula a hmelhriat loh tlangval lo ding a hmuh chuan tlemin a han tim deuh a. “Eng nge ni ta?” a ti a. Remruata chuan nui deuh sak chungin “Hei hi Mawizuali te in a ni em?” a ti a.
THE VISITOR
Inchhung chu a zau vak lo, inlengkawmna pindanah chuan putar kum 70 bawr vel hmelpu (Mawizuali Pa) hian thingpui in chungin TV a lo thlir vung vung a. Remruata chuan ama chanchin tlem azawng leh he ina a lo kal chhan te a han sawi luam a. Mawizuali nu leh pate chuan an fanu kum 13 liam taa bo pil tawh chanchin han thar thawh leh chu an phur hle tih an hmelah pawh a lang thei a ni.
Mawizuali pa chuan, a TV enlai chu hmet hlumin, a thut dan chu a han siam rem a. A tarmit hlui tawh tak chu phelhin dawhkan chungah chuan dimtein a han dah a. Muang churh hian a fanu chanchin a hriat theih ang ang chu a sawi ta a.
“Nia, kha mi ni khan a nu nen inah kan awm a, a lo haw tak lawk loh avangin kan ngaih a tha lova, thenawmte in atangin an zirtirtu te kan va telephone a, a lo haw daih tawh thuin min rawn chhang si. Kan buai zui ta a ni.”
Remruata chuan ngunthluk takin Mawizuali pa thusawi te chu a ngaithla kar a, a pawimawh lai niawm a a hriat te chu note bu teah a chhinchhiah zel bawk a. “Ka hriat duh pakhat chu, amah Mawizuali nungchang hrim hrim kha a ni. Danglam deuh hlekna a nei em?” a ti a. A tir atanga la tawng chhuak ve miah lo Mawizuali nu chu a rawn tawng chhuak ve ta thung a, “ A danglam em em pawh ka hre hran lo. Mahse, a zia kha a zâwi ve a, a tawngtam vak lo. Thian pawh a kawm ngai lem lo. A pindanah a inkhung deuh chawt a ni ber. Kan fa neih chhun takmeuh a nih avangin kan duat ve a. Kan lo duat sual deuh pawh a ni mahna. Mahse, mi zingah mawi lo taka a chet awm thawm erawh kan hre miah lo,” a ti a, a hmeichhe rilru no a chhuak tep niin a lang.
“A nih leh, a bo hma ni vel khan thil danglam deuh eng emaw tak a chungah a thleng em. Thil ho te pawh ni se, nidanga thleng ngai vak lo eng emaw tal, han ngaihtuah let teh u,” Remruata chuan a phurna chu thup har a ti kher mai.
“ Nia, eng emaw chu a thleng a lawm. A hma zan khan a nia, zan laiah a tre chhuak vak mai a. A nu nen hian kan va ngaihven vat a. Mumang tha lo a mang a nih kan ring a. A pindana kan va luh chuan, thil mak deuh mai a awm, a pindan chhung kha a lo eng phut mai, amah Mambawihi lah a lo tap hlawp hlawp mai a. A hlau hle niin a lang. A pindan tukverh pakhat a lo inhawng nghe nghe.”
“Eng in hmuh chu, electric eng a ni mai lo maw ?Thildang hmuh a nei reng em?” Remruata chuan a bianga thlanfim lo luang sar sar chu a han hru tawk a.
“Electric eng chu a ni lo chiang khawp mai. A pindan light kha a in off vek tlat. Tukverh atanga lo eng lut kha niin a lang. Kan luh hnu reiloteah khan a eng kha a chuai a, a ral leh ta mai niin ka hria. A nu hian eng nge a hmuh chu a zawt a, ‘thil eng deuh ka hmu, tukverhah lo luh an tum a, ka che thei bawk si lo’ tiin a chhang niin ka hria. A ni lawmni Mami nu?” tiin Mawizuali pa chuan a nupui chu a han mitmei zauh a.
Remruata chuan Mawizuali pindan chu han fan kual ve hrim hrim a dil a. Inchung lamah an inzui chho ta hlawm a. A bo ni a a awm dan ang deuh chiahin, engmah khawih sawn lohvin pindan chu an lo sawngbawl a. Remruata chuan engkim mai chu uluk takin a enkual dan dan a, tukverh inhawng an tih pawh kha a han hawng nawn leh ngat a. Pindan chu te fel kher khawr, thawveng hak mai. Nuam reuh tak a ni.
THE NEW CODE :
Duh thala Mawizuali pindan an en kual hnuah, inhnuaiah lamah an chhuk thla leh ta a. Remruata chuan a iptea Mawizuali thilziak a ah chu phawrhin a, a nu leh pate hnenah chuan a han entir a. “Hei hi a awmzia in hria em? Kum 13 liam ta, a bo dawn ni a, Mawizualin a ziah kha a nia,” a ti a. Uluk takin lehkhaziak chu an han en a, a ngaihna an hre vak lo tih an hmelah a hriat theih. “Ka hrethiam lo tawp mai,” Mawizuali pa chuan a rawn ti bauh a.
“A mak hle mai. Kan fanu kutziak ngei chu niin a lang si. I han sawi takah chuan, a dawn tukah khan, thil mak deuh min zawt a. Ka chhang thiam hlei lova,” Mawizuali nu chuan a rawn ti ta khauh mai a. Remruata chuan phur zetin, “ Eng thil nge a zawh che, i la hre thei em?” a lo ti nghal var a.
“17p.m151212 tih hi eng number nge i hria em? tiin min zawt a. A mak em avangin ka theihnghilh thei ta miah lo a ni. A awmzia lah ka hre hek lo. Nizan ka mumangah mi mak deuh deuhin he number hi min hrilh a, a tia.”
Remruata chuan number chu a note bu ah a chhinchhiah nghal thlap a.
Mawizuali te in atanga a haw hnuah Remruata chuan number chu uluk takin a han chhut a. A hmaa mi ang deuh bawk khan eng emaw hrilh lawkna lam thil ni ngeiin a ring a. A inziah dan pawh a hmaa mi nen kalhmang thuhmuh niin a lang. 15/12/12 Tlai lam dar 5, tihna niin a lang. Eng thil nge ni ta ang le?
VANISH
Zing dar 2:13 chiah a ni. Remruata muhil lai chu phone ri rawl rawlin a kai harh a.
“ Hello, eng nge ni ta.”
“Remruat, nangmah i ni em. Mawizuali pa ka nia. Khawngaihin i lo kal lawk hman em.”
“Eng thil nge ni ta?”
“ Mambawihi ka hmu a ni. Khawngaihin lo tlan vat teh.” boruak fawn ri hlup niawm tak hi phone ah chuan a rawn ri a, a thi zui nghal daih a.
Remruata chu a perh tho nghal zawt a. A insiam nghal sawk sawk a. Bike a ti nung a, hmanhmawh takin Mawizuali te in lam panin a tlan ta nghal a.
Mawizuali te in a thlen chuan, mi thenkhat hi an lo awm nual a. Inchhungah a lut tlang nghal a.
Inlengkawmna pindan ah chuan khawtlang hruaitu ni awm tak tak eng emaw zat an lo thu a. Police pahnih an awm ve bawk. Chhun lama Mawizuali pa thutna ah khan Mawizuali nu a lo thu a. A hmel phelh phung atang chuan a tap zo hlimhlawl tih a hriat theih.
“Ka pi eng thil nge thleng ta, in pain min rawn phone a, hei ka lo tlan phei nghal vat a ni,” tih pahin Remruata chu Mawizuali nu bulah chuan a thu ve nghal a.
“ Kan pain a rawn phone che a maw? A va mak ve. Hei a awmna chin kan hre lova, kan buai zo tawh a nih hi...?”
“Min rawn phone ngei a lawm, Mawizuali ka hmu a tia, phone kha a thi zui nghal daih a.”
“A mak hle mai. Zanin kan mut hnu rei vak lovah khan, Mawizuali pindan lamah thawm ka hria a tia. Engmah ka hre ve bawk si lo. I beng chhe ri a niang ka tih san a. Mahse, a ngaih kha a tha thei ngang si lova, ka han en fel lawk ange a tia. A hnu rei vak lovah, tre ri thrawt ka hria a. Ka han ngaihven zui nghal a. Kan pa chu hmuh tur a lo awm tawh lo. A bo ringawt mai a ni. Tukverh kha a lo inhawng a...” Mawizuali nu chu a tap fap fap a.
CODE: THE ORIGIN
THE LIGHT 1984
Thansangi chuan a khawharna leh a hrehawm tihna chu a thup thei tawh ngang lo a ni. An nupa chuan kawng engkimah malsawmna zawng an dawng hle. A pasal chuan sawrkarah hna tha tawk tak a chelh a, eizawnna lamah pawh harsatna an nei lo. Mahse, kum sawm lai an inneih hnuah pawh fa hmel an la hmu thei si lo. Doctor ah pawh vawi tam an kal tawh. Eng mah dik lohna an nei lo ve ve a. Mahse, fa an nei thei tlat si lo.
An nupain khumah inkuah chialin an mu a. Pathian hnenah pawh vawi tam fa an dil tawh. Mahse, Pathian chu a ngawi reng mai si.
“Nu-i, lungngai lutuk mah ta che, engtikah emaw chuan fa chu kan la nei ve em em ang. Beidawng lovin Pathian kan dil zel dawn a lawm,” Chhuanvawra aw-ah chuan beidawng ri a tel ve tho mai.
“Keizawng ka beidawng tawh a ni. Fa lak mai te hi ka duh rum rum tawh mai,” Thansangi mittui chu a far fap fap a.
Pathianni zan a ni. Zan dang ang bawk a ni. Sana chuan zan lai dar 12 a hawlh tep tawh a. Thansangi chu mutchhuakin a rawn zêm chiai chiai a, a pasal awm nghengin a muhil zui ta siai siai a. Chhuanvawra chuan a nupui hmel dang bel mai chu lainat takin a thlir ngawih ngawih a. Tun thleng maia fa an nei thei reng reng lo mai chu beidawnthlak a ti ve ngawih ngawih tawh a ni. A ni pawh rei lo teah, mutchhuakin a rawn man ve riai riai a, a ngaihtuahna pawh a darhsarh tial tial a. Chutih lai tak chuan choka lama thawm ri deuh hem hem hi a han mang hriat ruai a.
A nupui tih harh hlau takin khum atangin zawitein a tho chhuak tham tham a. Khum bula a tarmit dah chu a han vuah a, choka lamah chuan zawitein a phei a. An nupa mutna pindan kawngkhar a hawng chiah chu a mit a vai nghal chuai a ni ber. Choka leh inlengkawmna pindan chu a lo eng phut mai. Rang takin a tarmit a la thla a, a mit a hup nghal a.
Eng emaw thahrui chak tak hian a taksa chu a rawn tham bet a, boruakah a kang chho nghal ruai ruai a. A mit hupna chu a han hawng a, hnai teah hian mit pahnih lian kel kul hian a lo en reng tih a hmu nghal a. A hlauh em avangin a tha a khur nghal dawt dawt a. Kut pahnih cher thik thiak, kut zungtang pathum chauh nei hian thil zum lian pui hi a rawn lek chhuak a, a hnung zang ruh chhuk thla ah hian a rawn vit lut a. A thip zawr zawr a. Nikhua a hre lo zui ta nghal a ni.
A tuk zingah chuan a nupuiin choka chhuata a lo let reng chu a rawn kai harh a. Zan lam thil thleng chu mumang ang ruaiin a la hria a. A mumang mai mai nge a tak tih erawh a ngaihtuah chhuak zo lo.
UN-IDENTIFIED DAUHGTER
Chhuanvawra chunga hetiang thil a thlen hnu thla khatah a nupui Thansangi chu a rai a. Thla li chiah naute a pai tihin, nausen duhawm tak Lalmawizuali chu a rawn hring ta a ni.
Kum 2, a nihin Mawizuali chu a tawng thei tawh a. Kum thum a nihin ziak leh chhiar a thiam tawh. Naupang mak danglam tak a ni. Thian a kawm ngai lova, in chhung a chhuahsan ngai lo tluk a ni. A pa office kal hlanin a nu bulah a tap chawt a. An in nufa hneh hle a ni.
A ngen nasat em avangin kum 7 a tlin champhaah, inchung lamah ama pual pindan an siam sak a. A mu hrang ve ta a ni. Tul tawpah lo chuan a pindan chu a chhuah san ngai lova. Lehkha a chhiar peih em em a, nikhatah lehkhabu pa 4 te a chhiar zo hman vek thin. Thil vawi khat a hriat tawh chu a theih nghilh ngai lova. Sikul exam na lamah pawh pakhatna a ni zar zar ringawt mai a ni.
Pu Chhuanvawra te nupa chuan an fanu chu an chhuang hle a, an neihchhun takmeuh a nih avangin kehthei dawm takmeuhin an dawm a, a duh apiang an tih sak a. An duat vawrtawp a ni ber.
Naupang dang ang a ni lo tih chu an hre chiang khawp mai. Mahse, mite zingah chuan an thup tlat a. Miten an fanu chu midang aiin a danglam bik a ni tih an hria ang tih an hlau zek zek reng mai a ni.
1998 NOV. 20 / RECALL
Zan dar 9 a ni. Chhuanvawra te nupa chuan mut an tintuah mek. An fanu Mawizuali pawh a pindan lamah a chho tawh. Naktuk hi kumin chhunga a sikul kai tawp a ni tawh dawn a. A tuk leh lam atang chuan an chawl vang vang tawh dawn a ni.
Mawizuali chuan a mut hmain diary tawi te a ziak a. Rizai pawt pharhin a mu zui nghal a. A muhil dawn siar siar tihin, a pindan tukverh, a khum mawng lama awm chu a rawn intheh hawng rawp a. Thil eng nasa tak hi a rawn zam lut a. Boruak fawn ri hlup hlup hian pindan chhung chu a luah khat vek a. Tukverh atanga thil eng rawn zam zingah chuan mihring hlimthla niawm tak hian sawl puauin a rawn fawn lut riai riai a. Eng nasa tak hring deuh nghulh hian Mawizuali taksa chu a hual vir muai muai a.
Mawizuali hlau lutuk chu a tre chhuak a, a tap zui nghal hlawp hlawp a. Chutih lai tak chuan a thawm hriain a nu leh pate an rawn tlan lut a. Tukverh atanga eng lo lut pawh chu a chuai chawpchilh nghal a.
A nu leh paten an chhuahsan hnu pawhin Mawizuali chu ala meng kar a. A bengah chuan eng thawm emaw ni hi a ri mum mum a, number mak tak tak hi a inluh thelh sup sup a. A mangang lutuk chuan a beng a han hup ringawt thin. Mahse, a thil hriat chu a fiah telh telh si.
TAKEN
Sikul atangin hmanhmawh takin in lam a pan a. Sikul chawlh lawm nan a nu leh paten bazar pui an tum a, a nghakhlel tawh hle a ni. An in peng a thlen dawn laiin, boruak khauh tak rawn fawn ri hlup hlup a hria a. A ding chawih a, thawm ri mak tak hian amah chu a kal hual pup pup a. Vawilehkhatah, chunglamah a kang chho ta nawlh mai a ni.
Tlai dar thum ah pawh an fanu a la rawn haw loh avangin Pu Chhuanvawra te nupa chu an mangang tawh hle a. An thenawmte phone atangin sikul lam an va call a, an fanu chu a rawn haw daih tawh tih an rawn hrilh ta si. Khawtlang punin, an fanu chanchin ngaihvenin an buai zui ta a ni.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE CODE BY Puitea Tuallawt
2012 FEB 26
(DARK NITE)
Kum 13 liam taa an fanu bo chungchang ngaihvena tlangval pakhat, Remruata a rawn lang hlawl mai chu mak an ti nupa hle a. Mu tura an inbuatsaih laite pawhin Pu Chhuanvawra te nupa Remruata chungchang chu an la sawi dun barh barh a. An fanu zawn hmuh leh theih beiseina te pawh an neih phah rum rum a ni.
Zan dar sawm pelh hnuah Pu Chhuanvawra chuan inchung lama thawm ri deuh hiau hiau chu a mang hriat ruai ruai a. A nupui a kai harh a. Mahse, Pi Thansangi chuan eng thawm mah a hre ve si lo. Pu Chhuanvawra ngaih erawh a tha thei ngang lo, a mobile phone-a light hmet engin inchung lamah a mahin a han chho ta a ni.
Thawm ri hiau hiau chu a ring tial tial a, a beng chhe ri mai zawng a ni lo tawp mai. Mawizuali pindan kawngkhar chu dimtein a han hawng a. Pindan chhungah chuan eng zungzam mak tak hi a lo inkhawh thlur sung mai. Pu Chhuanvawra mit chu a vai nghal ruai a, rang takin chhun lama Remruatan a pek, number kha a dial nghal vat a. Pindan tukverh inhawng atang chuan, mihring hlimthla a hmu a.
“Remruat, nangmah i ni em. Mawizuali pa ka nia. Khawngaihin i lo kal lawk hman em,” Pu Chhuanvawra aw chu a khur dawt dawt a. Hlimthla chu a lo hnai zel a. Eng zam vel karah chuan a fanu Mawizuali chu chiang takin a hmu a. Kum 13 liam taa a hmel ang chiah kha a la pu a ni.
“Eng thil nge ni ta?” Remruata chuan thaw hlawp hlawpin a rawn chhang a.
“Mambawihi ka hmu a ni. Khawngaihin lo tlan vat teh.”
Eng hring deuh nghelh nghulh hian a rawn bawh chuai chuai a. A fanu, a hmangaih em em Mawizuali chuan a kut a rawn phar chhuak a, Pu Chhuanvawra chuan a mobile phone ken lai chu a thlauh a, a fanu kut chu a lo chelh a.
Pindan chhung chu vawilehkhatah a thim nghal vek a. Tumah an awm tawh lo.
Van chung sang takah hian thlêng khai khup ang deuh, kum deuh pel pul, a sir tuaka eng in kap chhuak chek chuk hi a vir chur chur a. A lan dan a rapthlak tehlul nen, thawm reng reng a chhuah lo. Mit lawnga hmuh hman loh khawpa chak hian a vir thuak a, van sang lehzual panin a leu chho ta puat a.
THE OTHER SIDE OF TIME
UNKNOWN GIRL:
Engtin nge ka han sawi chhuah tak ang le? Ka hmu ngei a, ka bia a, thil tam tak kan sawi dun a. Hringnun hi kan chên dun a. A bulah chuan nun hi a parh hawrh hawrh a. Mahse, pangpar kuhmum, par chhuak ta si lo ang chauh a ni ta si.
Amah nena kan inhmuh hmasakber ni kha ka la hre reng mai. Pisa lamah kan buai deuh avangin ni dang zawng aiin ka bang tlai a, in lam ka pan meuh chuan thim hmul a ni tawh. Kan in pêng ka thlen dawn laiin, kawngsirah mi tu emaw lo mu hlawm reng hi ka hmu a. Zu rui a nih ringin kalsan mai ka tum a; mahse, ka kal pelh dawn laiin ka han en chiang a, hmeichhia a ni tih ka hmu a. Tim deuh dui chungin ka han belchiang a, zu rim a nam hauh lo. Hmeichhia, hmeltha tak, te lam deuh, ngo paw thek mai a ni. Kaihharh tumin ka han sàwi nawk nawk a. A rum tiah tiah a, a rawn meng a.
Inah ka hruai lut a. Zanriah kan ei dun a. Engvanga kawngsira lo mu hlawm reng nge a nih ka zawt a. Min chhan ngaihna hre lo leh hrilhhai hmel takin min en a.
“Engtin nge an koh thin che?” ka ti a.
“Vaza,” tiin min chhâng a.
Chutiang hming chu ka vawikhat hriatna a ni. A chaw eina thleng a thawh san a. Kawngkhar bulah dingin pawn lam a thlir vang vang a.
“Khawiah nge ka awm, min hrilh thei em?” a bang bo hle tih a hmelah hai rual a ni lo.
“Aw hrilh thei e, hei hi kan in a ni. Kawngsirah nikhaw hre lovin i lo let reng a, kan in a hnai tho bawk a, ka hruai haw che a ni. Chaw te han ei kham fel ila, ka thlah haw dawn che nia,” ka ti a. Hnem ka tum a.
“Vawiin hi eng ni nge?” a zawhna mak tak chuan min ti phu deuh zawk a.
“Ni 17, Zirtawpni a ni.”
“Eng kum leh thla nge?” ka nui a. Min zawt fiam mai mai a nih ka ring a. Mahse, a hmelah chuan ti der hmel a lang si lo.
“Kum 2012, February thla a ni. Engtin nge ni leh thla, kum zat lama i hriat loh theih le. Tu nge i nih?” ka ti a. Ka ngaih a tha chiah lo a ni.
“Sawi mah ila i awih chuang lovang. Min tanpui avangin ka lawm e,” a ti a. Khawhar leh lunglêng ngawih ngawih hmel a pu a.
...WITH LOVE!!
Haw na tur in a nei lova, kalna tur a hre hek lo. Hmun hming a sawi ve te chu ka hriat ngai loh vek an ni. Accident avangin a hriatna a hlauh then tawh niin a lang. A thil hriat ve chhun te chu thil awm lo leh hmun lo awm lo te an ni a. Zawn hmuh pui ngaihna reng reng ka hre lo. Kalna tur a hriat miau loh avang leh chhungte pawh a neih loh avangin ka bulah a cheng ve a. Engin nge min mawlh ka hre lo, he hmeichhia hian ka rilru a luah tlat a. A hmel danglam tak chuan ka thinlung hi a chhun keh a. Ka tuiral zo a ni.
Ni e, tichuan, hmangaihna hruihrualin kan inrin lawk hmain min phuar bet dun ta a ni. Chu chu a ni, Vaza nena kan chanchin chu. Chu chu a ni pangpar kuhmum, par chhuak ta si lo thawnthu bul tanna chu.
Hringnun hi kan tan a par a, nun hi a chhekin kan chhek per chhiai chhiai a. Engkim mai hian rim thar leh rawng thar an par chhuah pui a. Hmalam hun a eng a, hriatrengna hi hriatreng tur tharin a rawn luah lan zung zung a. Vaza nen chuan hmangaihnaah kan kûr dun takmeuh a ni.
“U Rin,tu nge ka nih pawh i hre chiang si lova. Engtin nge hetiang taka min duat a, ka tana in inpek zawh vek mai ni?”
“Ka hmangaih che a lawm Vaza; engkim dang zawng ai pawhin.”
Vaza-i zûn zâm chuan zaman hmâwng thing ang maiin min phuar a. Tal chhuak turin chakna reng reng ka nei tawh lo. A mizia mak danglam takte chu hrethiam lo mah ila, ka pawm vek a. Amah ka duhzual phahna a ni zawk. Hei hi hmangaihna sal tângte hlapui chham thin chu a ni reng lovem ni?
Chaw a ei tlem em ema, tui a lâwm em em thung, hmuhnawm ti taka tui a en vawng vawng lai ka hmu fo a. Mak ka ti deuh thin. Tui hlutna leh, kan hman tangkaina te min zawt fo a. Nula, puitling ve uaih tawh siin, tui tangkaina leh hlutna min han zawt chu a awm ang lo hlein ka hria a; mahse, a hriat duh apiangte chu ka theih ang angin ka hrilh fiah vek thin.
Hnim hring, thlai, thingkung chanchin te min zawt a, science lam zirmi ka nih lem loh avangin sawifiah vak dan ka thiam lo hle a. Lehkhabu leh internet lamte pawh ka bih ngun phah hle nghe nghe a ni. Heng thil mak tak tak min zawh thin nachhan hi ka hrethiam lova. Ka zawh lahin a nui mai thin si.
CONFUSE
Zan reh tak a ni. Vaza chu ka bulah tui takin a mu a. Kei erawh chu eng emaw helhkam riau ka neih avangin ka muhil thei tlat lo. Ka zi ka zi a. Ka ruh chuktuah te hi na thumin ka hria a. Mut tih chhuah nan ka laptop ka tinung a, Vaza nena ka thlalak dun, chiang tak pawha ka la en hman loh thenkhat hmetchhuakin ka thlirkual a.
Kar kalta mai khan, min ngen nasat em avangin Champhaiah kar khat chamin ka zinpui. Hmun hming a hriat ve chhun tlemte zinga pakhat Rihdil-ah ka hruai nghe nghe. Rihdil bul vela kan thlalak dun ka en lai chuan thil mak angreng tak ka hmu ta thut mai a ni. Hei hi a hmain ka hmuh awm pawh ka hre lo. Ka han en chiang lehzual a. Mak ka ti nasa ta mai a ni.
Khuma Vaza mu lai chu ka han en a, ka ngaih a tha thei ta reng reng mai lo. Thil a hriat loh zia te, zawhna mak tak tak min zawh thin te, a nungchang mak lutukte, nidanga ka lo namnul mai mai thinte kha ka rilruah chiang takin a rawn lang ta zut zut mai a ni. Laptop chu ka off a, choka lamah inphih harh turin ka phei nghal a. Uluk zetin ka inngaihtuah ta vang vang mai a ni.
THE TIME TRAVELLER’S
Mut leh ka han tum a, ka thei ngang tawh lo. Hlauhthawnnain ka khat a. Thil eng emaw ka hriat loh a awm ni tih rinna thuk tak ka nei a ni. Vaza chu zawtein a luah ka han chul a, a harhvang tih ka hriatna a rei tawh. Ka rin lawk ang ngeiin a rawn harh a, chiang takin ka mitah min rawn en a.
“U Rin, i mu thei lo em ni?”
“Duat, thlalak kha ka en a.”
“Eng thlalak maw?”
“Rihdil a kan thlalak kha.”
Vaza chu a tho nghal hluai a. Min kuah thlawpa, chhuak em emin a tap ta zawih zawih mai a ni.
“U Rin, ka hmangaih che.”
“Duat, keipawhin ka hmangaih lutuk che a lawm. Engati nge i tah?”
“Ka kalsan tep tawh che a ni.”
“Khawiah nge min kalsan dawn?” ka ti a.
“I hriat phak loh HUNAH, sawi mah ila i tan awih theih chi rual a ni lovang.” Vaza mittui chu ka awm-ah a far fap fap a.
“Duat, ka awih emaw awih lo emaw, min hrilh hi i ba a ni..” ka ti a.
Nghet takin min kuah a, “Kum 2150 A.C.E atanga lo kal ka ni. Kan thlawhna chetsual avangin hetah hian ka awm palh mai a ni,” a tawng chu a zawi hle a; mahse, ka hrefiah lutuk tlat.
Chutiang thil chu ka tan hriatthiam phak rual a ni lo. Vaza chu a â ta ngei a ni tih ka ring a. Ka khawngaih takmeuh a. Mahse, a mitmeng ka han en a, mi a hmel â pu hlawl si lo.
“Khawiah nge min kalsan dawn?”
“Ka awmna hmun leh hun an hre tawh, min rawn lam turin an lo kal thuai tawh ang.”
“Tu ten nge rawn lam dawn che Duat?” ka ti a. Awih vak lo mah ila, awih lo thei dinhmunah ka ding hrih si lo.
“Commander Sora leh a hoten.”
“Tu nge Commander Sora chu?” ka ti a, ka zawt chik lui a.
“Commander Sora chu thlawhna enkawltu a ni. Lak bo a nih hmaa a hming chu Mawizuali a ni.”
Mawizuali chanchin chu ka pate Remruatan min hrilh tawh tlatin ka hria. Hmeichhe pakhat, kum 13 a nih laia bo ta daih kha. (The Code)
GOODBYE VAZA
Kar hnih liam hnuah Rihdil- ah kan kal dun leh a. Zanlaiah, Rihdil chung zawna eng zungzam mak tak lo zam thla muai muai chu ka hmu a. Ka hmangaih chu ka hriat phak loh hunah lak bo a ni ta. Pangpar kuhmum chu a par chhuak zo ta lo. Thawm chhuah hauh lovin min kalsan a, mittui leh lunglenna chauh a ni min hnutchhiah.
THE SAND OF TIME
‘I van, i kut chhuakte,
Thla leh Arsi i ruathote khi, ka ngaihtuah chang chuan,
Mihring hi eng nge maw a niha, i hriat reng thin ni?
Mihring fapa pawh hi eng nge maw a niha, i kan thin ni?’ ka ti thin.’
(SAM 8:3-4)
PRELUDE
Bêlkang khaw VCP Pu Lalzama zan mutui lai chu a harh hlawl a, a bula a nupui tui taka mu hnar sêk sêk chu a han en a. Engvanga harh hlawl nge maw a nih le? A mit a han nuai nawk nawk a, chhun lamah hna a thawh rim deuh avangin a taksa chu a sil thûm mai.
Pawn lamah chuan kal thawm ri thlap thlap a han hria a. Tun ang zan khupruh pelh sawlh tawh lamah tute nge ni ang? A hâm bai bai a, mut leh tuma rizai a pawh chhoh lai takin kawngkhar a rawn inhawng rawp a, vai sipai pathum hi an rawn lut a. Pu Lalzama chu khum atangin a zuang tho nghal zawk a. Mahse, a tlai hman hret, silai a ri thâwr a, khum bul chhuatah thisen chhak chhuak bawrh bawrh chungin Pu Lalzama chu a let thla thlawrh a.
Chumi zan chu Bêlkang khaw tan chuan zan rapthlak a ni. India vai sipai te chuan rawn luhkhungin, mi tam tak an kaphlum a, an hmeichhiate pawngsualin, khaw var chian hmain khua chu an hâl zui bawk a ni. Belkang khuaah hian MNF mi leh sa an awm pawh a ni lo, an sulhnu hmuh tur lah a awm a ni zeng lo. Vai sipaiho chet dan hi a nunrâwn thlâk takmeuh a ni.
FREEDOM FIGHTER [Bunghmun 22/3/1966]
Mizo sipai Lt. Col.Chuaudinga’n Bêlkang khaw thil thleng a han hriat chuan, a thin a rim kher mai. “Hetiang lutuka nunrâwng leh sualte hi chu kan kah ngei a tul a ni,” a ti nghal tûn tûn mai. Vai sipaite rawn kal zelna tur nia an rin Bunghmun khua chu a hote nen an pan zui ta nghal rum rum mai a ni.
Belkang leh Bunghmun khaw in ramri na bulah Vai sipai te lambun tumin Lt. Col. Chuaudinga leh a hote chuan tan hmun an khuar zui ta nghal a. March 23, 1966 Thawhtanni zingah Vai sipai te chuan Bunghmun khua chu an rawn lut tan ta. Khaw chhung an rawn luh hma hretin Mizo sipai te chuan silai an hmet puak zui ta a. Hlauhthawn nei lem lova hmalam rawn pan mek vai sipaite chuan, an rin loh lam atanga silai mu rawn ving ta fur fur mai an han hriat chuan, an hlau hle mai. Kawngsir hnimbuk rem laiah an tawlh lut nghal sung sung a. An hma zawn chu an pawng kah ve nghal ringawt bawk a. Silai mu chu ruahpui vanawn ang maiin a sur ta bur bur mai a ni.
Lalhnuaithanga LMG Gunner chu a beng an rawn kah thler sak hawk a, a let nghal tawp mai. Tlang sang zawk lam panga trang 2nd Lt. Ronguauva leh Capt. Lalthangvunga te chuan vai sipai chu an rawn chhuk kah ve reng bawk. Mahse, mizo sipaiten an lo beisei lawk ai daihin vai sipai te chu an tam daih mai. Sailothanga chuan a grenade pai chu a la a, a pin a han phawi a, “Vai ho sawn nei ve rawh se,” tih pahin vai sipai awmna lamah chuan a han vawm phei, grenade chu a puar thawr a, vai ho rual khat hi an tre huk a, chuti chung chuan vai sipai te chuan an rawn pan phei lui zel tho mai.
Darkar khat chuang an inral sai tawn ta. An intam hleih em avang leh silai mu an in ngah hleih em avangin a lambuntu zawk Mizo sipaite dinhmun chu a chau telh telh niin a lang.
Lt. Col Chuaudinga chuan 2nd inches mortar pu hnenah chuan, “Vai sipai awmna lam saw han kap leh teh,” a han ti a. Mortar pu chuan Vengtlangsang lam chu a han kap a; mahse, vai ho awmna a kah fuh leh fuh loh a hmu thei lo. An awmna hmun vel zawng zawng chu silai zen khu in a bawh chuai chuai a, khua pawh a hmuh fiah hleih theih tawh meuh loh a ni. Lt. Col Chuaudinga chuan, silai mu an nei tlem tan hle tih a hria, ngaihtuahna thar hmangin a hote hnenah chuan, “Ti hian, hmanhmawh lovin, kap let reng chungin insaseng dan i ngaihtuah tan ang u,” tiin thupek a han chhuah a.
Mizo sipaiten insaseng tuma an tan hmun an thawh san lai tak chuan chung lamah thawm a rawn awm a, India sipai indo thlawhtheihna (fighter) pahnih an rawn lang thut mai. Chu zet zawng an beisei loh tawp thil a ni. Thlawhna atang chuan puakrang silai a rawn ri nghal zawih zawih a. Mizo sipaite te chu an thal nghal tawp tawp mai. Lei lama vai sipai te lah chuan an mahni puitu thlawhtheihna an han hmuh takah chuan huaisenna thar nen hmalam an rawn pan, thawm rapthlak tak nen an rawn ri phei hum hum tawh mai. Mizo sipai chan chuan mai-an chan pawh a tluk ta lo.
Hlau, thlabar leh mangang taka mizo sipaiten an thihna tur ngen mu an lo sepui ruah tawrh tlawk tlawk lai tak chuan, Bunghmun leh Belkang khaw inkar chu thawk lehkhatah eng nasa tak hian a rawn chhun a. Van chung khuh hlup khawp a lian thlawhna bial chei chui hi a rawn lang ta thut mai a ni. Lt. Col. Chuaudinga leh a hote chuan mak ti takin chung lam chu an thlir thap a. India indo thlawhtheihna pahnih te chu awmze nei lo tawp hian an vir chuai chuai a, pilot te chuan an thunun thei lo tih a lang reng mai.
Chu hun remchang chu chuhin Lt. Col Chuaudinga leh a hote chu an insaseng ta a ni.
THE SHIP
Hmeichhe naupang kum 13 vel hmelpu Commander Sora chuan a hmaa darthlalang lianpui ah chuan lei lama thil thleng mek chu a lo thlir reng a. Mizo sipaiten hmun him an thleng ta tih a hmuh hnuah, a hmaa thil hring rawn pawng chhuak de neuh neuh zinga pakhat chu zawi tein a han hmet a. An thlawhna atanga eng nasa tak in kap chhuak chu vawi lehkhatah a tawp nghal hmiah a.
A hmaa thil herhna kual mum deuh pel pul chu fimkhur takin a han herh a, darthlalang hmaiah chuan number hi a let zawngin a inchhiar vir thla char char a. ‘1620 BCE’ a rawn lan rual chiahin a thil herh lai chu a ti tawp a. “THIERA : ATLANTIS, ” a ti sap a.
Van boruakah chuan khuarkhurum niawm tak, kaw ruak zau tak hi a rawn in hawng a. Commander Sora chuanna lawng chu a thlawk lut ta nghal a.
Chu van lawng chuan boruak khauh leh sak tak hi a tawn tlang a ni ngei ang, a nghing deuh lawih a, a chhung a chuang thenkhatte chu an tre deuh that a. Darthlalanga 1620 BCE’ tih inziak chu ‘2012 ACE’ ah a rawn inthlak thut a. Commander Sora chuan, hmanhmawh takin a hmaa thil herhna chu a han dawm nghal vat a, tha tawp chhuahin herh let a tum a. Mahse, vawilehkhatah thlawhna chhung chu a thim nghal mup a. Thil sakhat eng emaw tak hi a su a ni ngei ang. A ri nghal bur a.
(DARK NITE)
Kum 13 liam taa an fanu bo chungchang ngaihvena tlangval pakhat, Remruata a rawn lang hlawl mai chu mak an ti nupa hle a. Mu tura an inbuatsaih laite pawhin Pu Chhuanvawra te nupa Remruata chungchang chu an la sawi dun barh barh a. An fanu zawn hmuh leh theih beiseina te pawh an neih phah rum rum a ni.
Zan dar sawm pelh hnuah Pu Chhuanvawra chuan inchung lama thawm ri deuh hiau hiau chu a mang hriat ruai ruai a. A nupui a kai harh a. Mahse, Pi Thansangi chuan eng thawm mah a hre ve si lo. Pu Chhuanvawra ngaih erawh a tha thei ngang lo, a mobile phone-a light hmet engin inchung lamah a mahin a han chho ta a ni.
Thawm ri hiau hiau chu a ring tial tial a, a beng chhe ri mai zawng a ni lo tawp mai. Mawizuali pindan kawngkhar chu dimtein a han hawng a. Pindan chhungah chuan eng zungzam mak tak hi a lo inkhawh thlur sung mai. Pu Chhuanvawra mit chu a vai nghal ruai a, rang takin chhun lama Remruatan a pek, number kha a dial nghal vat a. Pindan tukverh inhawng atang chuan, mihring hlimthla a hmu a.
“Remruat, nangmah i ni em. Mawizuali pa ka nia. Khawngaihin i lo kal lawk hman em,” Pu Chhuanvawra aw chu a khur dawt dawt a. Hlimthla chu a lo hnai zel a. Eng zam vel karah chuan a fanu Mawizuali chu chiang takin a hmu a. Kum 13 liam taa a hmel ang chiah kha a la pu a ni.
“Eng thil nge ni ta?” Remruata chuan thaw hlawp hlawpin a rawn chhang a.
“Mambawihi ka hmu a ni. Khawngaihin lo tlan vat teh.”
Eng hring deuh nghelh nghulh hian a rawn bawh chuai chuai a. A fanu, a hmangaih em em Mawizuali chuan a kut a rawn phar chhuak a, Pu Chhuanvawra chuan a mobile phone ken lai chu a thlauh a, a fanu kut chu a lo chelh a.
Pindan chhung chu vawilehkhatah a thim nghal vek a. Tumah an awm tawh lo.
Van chung sang takah hian thlêng khai khup ang deuh, kum deuh pel pul, a sir tuaka eng in kap chhuak chek chuk hi a vir chur chur a. A lan dan a rapthlak tehlul nen, thawm reng reng a chhuah lo. Mit lawnga hmuh hman loh khawpa chak hian a vir thuak a, van sang lehzual panin a leu chho ta puat a.
THE OTHER SIDE OF TIME
UNKNOWN GIRL:
Engtin nge ka han sawi chhuah tak ang le? Ka hmu ngei a, ka bia a, thil tam tak kan sawi dun a. Hringnun hi kan chên dun a. A bulah chuan nun hi a parh hawrh hawrh a. Mahse, pangpar kuhmum, par chhuak ta si lo ang chauh a ni ta si.
Amah nena kan inhmuh hmasakber ni kha ka la hre reng mai. Pisa lamah kan buai deuh avangin ni dang zawng aiin ka bang tlai a, in lam ka pan meuh chuan thim hmul a ni tawh. Kan in pêng ka thlen dawn laiin, kawngsirah mi tu emaw lo mu hlawm reng hi ka hmu a. Zu rui a nih ringin kalsan mai ka tum a; mahse, ka kal pelh dawn laiin ka han en chiang a, hmeichhia a ni tih ka hmu a. Tim deuh dui chungin ka han belchiang a, zu rim a nam hauh lo. Hmeichhia, hmeltha tak, te lam deuh, ngo paw thek mai a ni. Kaihharh tumin ka han sàwi nawk nawk a. A rum tiah tiah a, a rawn meng a.
Inah ka hruai lut a. Zanriah kan ei dun a. Engvanga kawngsira lo mu hlawm reng nge a nih ka zawt a. Min chhan ngaihna hre lo leh hrilhhai hmel takin min en a.
“Engtin nge an koh thin che?” ka ti a.
“Vaza,” tiin min chhâng a.
Chutiang hming chu ka vawikhat hriatna a ni. A chaw eina thleng a thawh san a. Kawngkhar bulah dingin pawn lam a thlir vang vang a.
“Khawiah nge ka awm, min hrilh thei em?” a bang bo hle tih a hmelah hai rual a ni lo.
“Aw hrilh thei e, hei hi kan in a ni. Kawngsirah nikhaw hre lovin i lo let reng a, kan in a hnai tho bawk a, ka hruai haw che a ni. Chaw te han ei kham fel ila, ka thlah haw dawn che nia,” ka ti a. Hnem ka tum a.
“Vawiin hi eng ni nge?” a zawhna mak tak chuan min ti phu deuh zawk a.
“Ni 17, Zirtawpni a ni.”
“Eng kum leh thla nge?” ka nui a. Min zawt fiam mai mai a nih ka ring a. Mahse, a hmelah chuan ti der hmel a lang si lo.
“Kum 2012, February thla a ni. Engtin nge ni leh thla, kum zat lama i hriat loh theih le. Tu nge i nih?” ka ti a. Ka ngaih a tha chiah lo a ni.
“Sawi mah ila i awih chuang lovang. Min tanpui avangin ka lawm e,” a ti a. Khawhar leh lunglêng ngawih ngawih hmel a pu a.
...WITH LOVE!!
Haw na tur in a nei lova, kalna tur a hre hek lo. Hmun hming a sawi ve te chu ka hriat ngai loh vek an ni. Accident avangin a hriatna a hlauh then tawh niin a lang. A thil hriat ve chhun te chu thil awm lo leh hmun lo awm lo te an ni a. Zawn hmuh pui ngaihna reng reng ka hre lo. Kalna tur a hriat miau loh avang leh chhungte pawh a neih loh avangin ka bulah a cheng ve a. Engin nge min mawlh ka hre lo, he hmeichhia hian ka rilru a luah tlat a. A hmel danglam tak chuan ka thinlung hi a chhun keh a. Ka tuiral zo a ni.
Ni e, tichuan, hmangaihna hruihrualin kan inrin lawk hmain min phuar bet dun ta a ni. Chu chu a ni, Vaza nena kan chanchin chu. Chu chu a ni pangpar kuhmum, par chhuak ta si lo thawnthu bul tanna chu.
Hringnun hi kan tan a par a, nun hi a chhekin kan chhek per chhiai chhiai a. Engkim mai hian rim thar leh rawng thar an par chhuah pui a. Hmalam hun a eng a, hriatrengna hi hriatreng tur tharin a rawn luah lan zung zung a. Vaza nen chuan hmangaihnaah kan kûr dun takmeuh a ni.
“U Rin,tu nge ka nih pawh i hre chiang si lova. Engtin nge hetiang taka min duat a, ka tana in inpek zawh vek mai ni?”
“Ka hmangaih che a lawm Vaza; engkim dang zawng ai pawhin.”
Vaza-i zûn zâm chuan zaman hmâwng thing ang maiin min phuar a. Tal chhuak turin chakna reng reng ka nei tawh lo. A mizia mak danglam takte chu hrethiam lo mah ila, ka pawm vek a. Amah ka duhzual phahna a ni zawk. Hei hi hmangaihna sal tângte hlapui chham thin chu a ni reng lovem ni?
Chaw a ei tlem em ema, tui a lâwm em em thung, hmuhnawm ti taka tui a en vawng vawng lai ka hmu fo a. Mak ka ti deuh thin. Tui hlutna leh, kan hman tangkaina te min zawt fo a. Nula, puitling ve uaih tawh siin, tui tangkaina leh hlutna min han zawt chu a awm ang lo hlein ka hria a; mahse, a hriat duh apiangte chu ka theih ang angin ka hrilh fiah vek thin.
Hnim hring, thlai, thingkung chanchin te min zawt a, science lam zirmi ka nih lem loh avangin sawifiah vak dan ka thiam lo hle a. Lehkhabu leh internet lamte pawh ka bih ngun phah hle nghe nghe a ni. Heng thil mak tak tak min zawh thin nachhan hi ka hrethiam lova. Ka zawh lahin a nui mai thin si.
CONFUSE
Zan reh tak a ni. Vaza chu ka bulah tui takin a mu a. Kei erawh chu eng emaw helhkam riau ka neih avangin ka muhil thei tlat lo. Ka zi ka zi a. Ka ruh chuktuah te hi na thumin ka hria a. Mut tih chhuah nan ka laptop ka tinung a, Vaza nena ka thlalak dun, chiang tak pawha ka la en hman loh thenkhat hmetchhuakin ka thlirkual a.
Kar kalta mai khan, min ngen nasat em avangin Champhaiah kar khat chamin ka zinpui. Hmun hming a hriat ve chhun tlemte zinga pakhat Rihdil-ah ka hruai nghe nghe. Rihdil bul vela kan thlalak dun ka en lai chuan thil mak angreng tak ka hmu ta thut mai a ni. Hei hi a hmain ka hmuh awm pawh ka hre lo. Ka han en chiang lehzual a. Mak ka ti nasa ta mai a ni.
Khuma Vaza mu lai chu ka han en a, ka ngaih a tha thei ta reng reng mai lo. Thil a hriat loh zia te, zawhna mak tak tak min zawh thin te, a nungchang mak lutukte, nidanga ka lo namnul mai mai thinte kha ka rilruah chiang takin a rawn lang ta zut zut mai a ni. Laptop chu ka off a, choka lamah inphih harh turin ka phei nghal a. Uluk zetin ka inngaihtuah ta vang vang mai a ni.
THE TIME TRAVELLER’S
Mut leh ka han tum a, ka thei ngang tawh lo. Hlauhthawnnain ka khat a. Thil eng emaw ka hriat loh a awm ni tih rinna thuk tak ka nei a ni. Vaza chu zawtein a luah ka han chul a, a harhvang tih ka hriatna a rei tawh. Ka rin lawk ang ngeiin a rawn harh a, chiang takin ka mitah min rawn en a.
“U Rin, i mu thei lo em ni?”
“Duat, thlalak kha ka en a.”
“Eng thlalak maw?”
“Rihdil a kan thlalak kha.”
Vaza chu a tho nghal hluai a. Min kuah thlawpa, chhuak em emin a tap ta zawih zawih mai a ni.
“U Rin, ka hmangaih che.”
“Duat, keipawhin ka hmangaih lutuk che a lawm. Engati nge i tah?”
“Ka kalsan tep tawh che a ni.”
“Khawiah nge min kalsan dawn?” ka ti a.
“I hriat phak loh HUNAH, sawi mah ila i tan awih theih chi rual a ni lovang.” Vaza mittui chu ka awm-ah a far fap fap a.
“Duat, ka awih emaw awih lo emaw, min hrilh hi i ba a ni..” ka ti a.
Nghet takin min kuah a, “Kum 2150 A.C.E atanga lo kal ka ni. Kan thlawhna chetsual avangin hetah hian ka awm palh mai a ni,” a tawng chu a zawi hle a; mahse, ka hrefiah lutuk tlat.
Chutiang thil chu ka tan hriatthiam phak rual a ni lo. Vaza chu a â ta ngei a ni tih ka ring a. Ka khawngaih takmeuh a. Mahse, a mitmeng ka han en a, mi a hmel â pu hlawl si lo.
“Khawiah nge min kalsan dawn?”
“Ka awmna hmun leh hun an hre tawh, min rawn lam turin an lo kal thuai tawh ang.”
“Tu ten nge rawn lam dawn che Duat?” ka ti a. Awih vak lo mah ila, awih lo thei dinhmunah ka ding hrih si lo.
“Commander Sora leh a hoten.”
“Tu nge Commander Sora chu?” ka ti a, ka zawt chik lui a.
“Commander Sora chu thlawhna enkawltu a ni. Lak bo a nih hmaa a hming chu Mawizuali a ni.”
Mawizuali chanchin chu ka pate Remruatan min hrilh tawh tlatin ka hria. Hmeichhe pakhat, kum 13 a nih laia bo ta daih kha. (The Code)
GOODBYE VAZA
Kar hnih liam hnuah Rihdil- ah kan kal dun leh a. Zanlaiah, Rihdil chung zawna eng zungzam mak tak lo zam thla muai muai chu ka hmu a. Ka hmangaih chu ka hriat phak loh hunah lak bo a ni ta. Pangpar kuhmum chu a par chhuak zo ta lo. Thawm chhuah hauh lovin min kalsan a, mittui leh lunglenna chauh a ni min hnutchhiah.
THE SAND OF TIME
‘I van, i kut chhuakte,
Thla leh Arsi i ruathote khi, ka ngaihtuah chang chuan,
Mihring hi eng nge maw a niha, i hriat reng thin ni?
Mihring fapa pawh hi eng nge maw a niha, i kan thin ni?’ ka ti thin.’
(SAM 8:3-4)
PRELUDE
Bêlkang khaw VCP Pu Lalzama zan mutui lai chu a harh hlawl a, a bula a nupui tui taka mu hnar sêk sêk chu a han en a. Engvanga harh hlawl nge maw a nih le? A mit a han nuai nawk nawk a, chhun lamah hna a thawh rim deuh avangin a taksa chu a sil thûm mai.
Pawn lamah chuan kal thawm ri thlap thlap a han hria a. Tun ang zan khupruh pelh sawlh tawh lamah tute nge ni ang? A hâm bai bai a, mut leh tuma rizai a pawh chhoh lai takin kawngkhar a rawn inhawng rawp a, vai sipai pathum hi an rawn lut a. Pu Lalzama chu khum atangin a zuang tho nghal zawk a. Mahse, a tlai hman hret, silai a ri thâwr a, khum bul chhuatah thisen chhak chhuak bawrh bawrh chungin Pu Lalzama chu a let thla thlawrh a.
Chumi zan chu Bêlkang khaw tan chuan zan rapthlak a ni. India vai sipai te chuan rawn luhkhungin, mi tam tak an kaphlum a, an hmeichhiate pawngsualin, khaw var chian hmain khua chu an hâl zui bawk a ni. Belkang khuaah hian MNF mi leh sa an awm pawh a ni lo, an sulhnu hmuh tur lah a awm a ni zeng lo. Vai sipaiho chet dan hi a nunrâwn thlâk takmeuh a ni.
FREEDOM FIGHTER [Bunghmun 22/3/1966]
Mizo sipai Lt. Col.Chuaudinga’n Bêlkang khaw thil thleng a han hriat chuan, a thin a rim kher mai. “Hetiang lutuka nunrâwng leh sualte hi chu kan kah ngei a tul a ni,” a ti nghal tûn tûn mai. Vai sipaite rawn kal zelna tur nia an rin Bunghmun khua chu a hote nen an pan zui ta nghal rum rum mai a ni.
Belkang leh Bunghmun khaw in ramri na bulah Vai sipai te lambun tumin Lt. Col. Chuaudinga leh a hote chuan tan hmun an khuar zui ta nghal a. March 23, 1966 Thawhtanni zingah Vai sipai te chuan Bunghmun khua chu an rawn lut tan ta. Khaw chhung an rawn luh hma hretin Mizo sipai te chuan silai an hmet puak zui ta a. Hlauhthawn nei lem lova hmalam rawn pan mek vai sipaite chuan, an rin loh lam atanga silai mu rawn ving ta fur fur mai an han hriat chuan, an hlau hle mai. Kawngsir hnimbuk rem laiah an tawlh lut nghal sung sung a. An hma zawn chu an pawng kah ve nghal ringawt bawk a. Silai mu chu ruahpui vanawn ang maiin a sur ta bur bur mai a ni.
Lalhnuaithanga LMG Gunner chu a beng an rawn kah thler sak hawk a, a let nghal tawp mai. Tlang sang zawk lam panga trang 2nd Lt. Ronguauva leh Capt. Lalthangvunga te chuan vai sipai chu an rawn chhuk kah ve reng bawk. Mahse, mizo sipaiten an lo beisei lawk ai daihin vai sipai te chu an tam daih mai. Sailothanga chuan a grenade pai chu a la a, a pin a han phawi a, “Vai ho sawn nei ve rawh se,” tih pahin vai sipai awmna lamah chuan a han vawm phei, grenade chu a puar thawr a, vai ho rual khat hi an tre huk a, chuti chung chuan vai sipai te chuan an rawn pan phei lui zel tho mai.
Darkar khat chuang an inral sai tawn ta. An intam hleih em avang leh silai mu an in ngah hleih em avangin a lambuntu zawk Mizo sipaite dinhmun chu a chau telh telh niin a lang.
Lt. Col Chuaudinga chuan 2nd inches mortar pu hnenah chuan, “Vai sipai awmna lam saw han kap leh teh,” a han ti a. Mortar pu chuan Vengtlangsang lam chu a han kap a; mahse, vai ho awmna a kah fuh leh fuh loh a hmu thei lo. An awmna hmun vel zawng zawng chu silai zen khu in a bawh chuai chuai a, khua pawh a hmuh fiah hleih theih tawh meuh loh a ni. Lt. Col Chuaudinga chuan, silai mu an nei tlem tan hle tih a hria, ngaihtuahna thar hmangin a hote hnenah chuan, “Ti hian, hmanhmawh lovin, kap let reng chungin insaseng dan i ngaihtuah tan ang u,” tiin thupek a han chhuah a.
Mizo sipaiten insaseng tuma an tan hmun an thawh san lai tak chuan chung lamah thawm a rawn awm a, India sipai indo thlawhtheihna (fighter) pahnih an rawn lang thut mai. Chu zet zawng an beisei loh tawp thil a ni. Thlawhna atang chuan puakrang silai a rawn ri nghal zawih zawih a. Mizo sipaite te chu an thal nghal tawp tawp mai. Lei lama vai sipai te lah chuan an mahni puitu thlawhtheihna an han hmuh takah chuan huaisenna thar nen hmalam an rawn pan, thawm rapthlak tak nen an rawn ri phei hum hum tawh mai. Mizo sipai chan chuan mai-an chan pawh a tluk ta lo.
Hlau, thlabar leh mangang taka mizo sipaiten an thihna tur ngen mu an lo sepui ruah tawrh tlawk tlawk lai tak chuan, Bunghmun leh Belkang khaw inkar chu thawk lehkhatah eng nasa tak hian a rawn chhun a. Van chung khuh hlup khawp a lian thlawhna bial chei chui hi a rawn lang ta thut mai a ni. Lt. Col. Chuaudinga leh a hote chuan mak ti takin chung lam chu an thlir thap a. India indo thlawhtheihna pahnih te chu awmze nei lo tawp hian an vir chuai chuai a, pilot te chuan an thunun thei lo tih a lang reng mai.
Chu hun remchang chu chuhin Lt. Col Chuaudinga leh a hote chu an insaseng ta a ni.
THE SHIP
Hmeichhe naupang kum 13 vel hmelpu Commander Sora chuan a hmaa darthlalang lianpui ah chuan lei lama thil thleng mek chu a lo thlir reng a. Mizo sipaiten hmun him an thleng ta tih a hmuh hnuah, a hmaa thil hring rawn pawng chhuak de neuh neuh zinga pakhat chu zawi tein a han hmet a. An thlawhna atanga eng nasa tak in kap chhuak chu vawi lehkhatah a tawp nghal hmiah a.
A hmaa thil herhna kual mum deuh pel pul chu fimkhur takin a han herh a, darthlalang hmaiah chuan number hi a let zawngin a inchhiar vir thla char char a. ‘1620 BCE’ a rawn lan rual chiahin a thil herh lai chu a ti tawp a. “THIERA : ATLANTIS, ” a ti sap a.
Van boruakah chuan khuarkhurum niawm tak, kaw ruak zau tak hi a rawn in hawng a. Commander Sora chuanna lawng chu a thlawk lut ta nghal a.
Chu van lawng chuan boruak khauh leh sak tak hi a tawn tlang a ni ngei ang, a nghing deuh lawih a, a chhung a chuang thenkhatte chu an tre deuh that a. Darthlalanga 1620 BCE’ tih inziak chu ‘2012 ACE’ ah a rawn inthlak thut a. Commander Sora chuan, hmanhmawh takin a hmaa thil herhna chu a han dawm nghal vat a, tha tawp chhuahin herh let a tum a. Mahse, vawilehkhatah thlawhna chhung chu a thim nghal mup a. Thil sakhat eng emaw tak hi a su a ni ngei ang. A ri nghal bur a.
| Link: | |
| BBcode: | |
| HTML: | |
| Hide post links |
FEB.17, 2012. AIZAWL:
Rina chuan a pum ri ruih ruih chu a ngaithla vung vung a, sana a han en a, tlai lam dar 5 a ri tep tawh. A ril tam zia chu a han hre chhuak zawk a. Tuna ang hunah pawh hna tul avanga Pisa a la chhuahsan thei lo fo mai chuan a thin a tirim deuh hlur tawh mai. A hmaa file inhung hnawk nuai chu ning tih hriat takin a han keu zawm leh nuap nuap a. A mit lah chu a thip hlur tawh mai lehnghal, “Ninawm hlawmkhawm mange,” a ti sup a.
Dawhkana a mobile phone dah chu a rawn ri rang rang a, a file keu lai chu a khup thawk a.
“Hello Pate Remruat,” tiin a han chhawn nghal a.
“Zanriah i ei tawh em ka nau.”
“Ei nang le, ka pum a ri ruih ruih tawh, office ah ka la awm mawle,” Rina chu a nui deuh a.
“ E...chuti chu a remchang lutuk, vawiin chu chaw rawn ei phei la, i duh leh i riak nghal ang chu, englo kha kan chhut dun leh ang chu mawle.”
“Naktuk chawlh a ni tho bawk a, ka rawn kal zawk dawn nia, zanin chu ka chau em mai. Ka haw tlang phawt zawk ang, taka Pate, i sawi dan khan, tun thla ni 27 hi a ni lawm ni, lehkhaa thil inziak khan a sawi.”
“ Niang chu mawle..mahse, F hian eng chiah nge a sawi kan hriat loh chuan awmzia a nei chuang lo. A hun lo thleng phawt se kan hre chhawm mai ang chu.”
“Nia, hmeichhe naupang kut hlei thil ziak mai mai pawh a ni mai thei, a ziaktu ber lah a bo tawh i ti bawk sia, aaa...a hun lo thleng se a chiang mai ang,” Rina chuan office banga sana inkhai chu a han en pah zauh a. Dar 5:20 chiah a ni.
“A nih naktuk chu ka lo beisei ang che aw...haw tawh rawh, office hna te chu thawh zawh tak tak a awm ngai lo. I pa ta emaw hi iti ta thin a.”
“Nia...i sawi dik hmel. Awle, rokhawlhna dangin min tlakbuak a nih loh chuan naktuk chu ka rawn kal ngei ngei ang,” Phone chu a hmet hlum a. A thaw huai a. Remruata chu a pate unau zinga naupang ber a ni. Nu hrang fa a nih avangin a naupang fal hle a. Mahse, Rina chuan a ngaina ber a. Kum lamah pawh an inthlauh lutuk loh avangin an titi pawh a rual viau thin reng a ni.
Minit 20 vel file a khawih zawm leh hnu-ah, a tho chhuak a. In lam panin a haw ve ta nghal a.
An in peng a thlen dawn laiin kawng sira mi tu emaw lo mu hlawm reng hi a hmu a. A han en chiang a, hmeichhia a ni tih a hmu a.
MISSING PILOT
Boruak lawng chhung thim mup chu vawi lehkhatah a rawn eng pup a. Commander Sora chu chhuat atanga a rawn tho chhuak a. A hmaa darthlang hlaipui inkhawh thla zurah chuan, 2012, A.C.E tih hi fiah takin a lo la inziak a. A bula thil herhvirna khawl mum deuh pel pul chu a han herh leh a, number chu a vir let char char a, 1620 B.C.E a thlen thlengin a herh a.
An chuanna Boruak lawng chu a vir kual muai muai a. Van thengreng kawrawng thuk takah chuan a inkhawh lut nghal puat a. Chutih lai tak chuan Putar kum 70 vel hmelpu hian, “Commander Sora, Section 4 pilot BrendaVaza, kan hmu zo lo,” a rawn ti a.
LOST IN TIME
Beyond this place of wrath and tears
Looms but the Horror of the Shade,
And yet the menace of the years
Finds, and shall find, me unafraid.
- William Earnest Henley
SALVATION
Some where in Jerusalem:
Ni sa vawl vawl hnuaia mipui pung khâwm sahawk hulh hulh chuan boruak a ti rit hle. Mihring luruh niawm tak, tlang biboh leh titau takah chuan thing kawkalh pathum hi a ding tlar thap a, chu thing kawkalh behchhan chuan mi pathum hi che lo châng lovin an phar kak reng bawk. Mipui pungkhawm thinrim phun mur mur karah chuan Rom sipai hnar tawk leh sek phiar pui pui hi thlan tla hluamin an vei tei kual ruai a. Thinrim tih hriat takin an au tuar tuar reng bawk.
“Ka fanu, Atlantis-a thil thlen dan pawh engkim i hria, tih theih kan neih miah loh kha. Hetah pawh hian engmah tih theih a awm chuang lo. Thil liam tawh chu a liam tawh, tui baw hnu a ruh theih tawh ngai loh.”
“Ka pa, en ve phawt mai teh.”
Commander Sora chuan a hmaa darthlalang pharh hlai puiah chuan a hnuaia thil thleng mek chu mittui tling piau chungin a thlir vawng vawng a. Van boruak zau tak chu eng emaw tak hian a thunun tlat niin a lang, hun chu muang takin a her muai muai a, tlai lam a lo nih chuan thing kawlkalh-a an khenbeh mi pathumte chu an thi dawn hnai tih hriat takin an tal aih aih a, an chal châng a ni ngei mai. A lai taka an khehbeh pakhat chu van lam hawiin a au chhuak thawt a. Chutih lai chuan chhum dum chhah tak hi van hliap phui mup khawpa nasain a rawn inpang-aw-zial thim muai muai a.
Boruak lawng chu a nghing dawt dawt a. Tek a tla ri rum rum a, kawl a phe eng zawr zawr a. Lei leh van chu a nghing dur dur a. Engkim mai chu awmze mumal nei lovin a tawlh dul dul a. Vawilehkhatah a thim ta vek a.
Boruak lawng sana chu awmze nei lovin a vir kual chur chur a. Commander Sora chuan herh dik tumin a kuai fan fan a. Mahse, engmah thunun theih a ni ta lo. Van thengreng kawrawng thuk tak lam panin, Commander Sora leh a hote chuanna boruak lawng chu mu leh mal nei hauh lovin a bir thla ta vawn vawn a.
RELOAD
14, December 2012
10:46 a.m : Aizawl.
Remruata chuan a note bu-a number inziak chu a han ennawn leh a.
17p.m151212
Kumin February 25 zing lam dar 2 vel khan Aizawl bazar chu namen lovin a kang a. Kha meipui rapthlak tak kha hmeichhe naupang Mawizuali thil ziakah khan, a ni leh thla, kum leh darkar nen lam fiah takin a lo inziak thlap mai kha a ni. Tunah hian Mawizuali’n a bo dawn ni-a, a nu hnena a thil sawi hnuhnung ber number mak tak mai chu a kutah a keng reng a ni. Vawiin hi December 14, zirtawpni a ni. Naktuk hi ni 15/12/12 chu a ni ta chiah mai. Eng thil nge lo thleng leh ta ang le?
Remruata chuan a lu thak lo pui chu a han hiat nuap nuap a. Thil lo thleng tur chu hre lawk pawh ni se, mihring tan dan theih a ni dawn em ni? Nunna hial thap ngai dawn pawh nise, a huam a lawm. Mahse, engmah a hre lawk bik si lo.
Sikret a phawrh a, meitalh a han talh tek chhak chhak a. Chutih lai chuan, tu emaw hian a rawn ko a. “Eih, tu nge ni?” tiin a han chhâwn a. Eng thawm mah a hre zui leh si lo. A bengchhe ri mai zawng niin a hre lo. Kawngkhar ava hawnga, pawnah tumah an awm lo. “A tu mai mai chu nge maw ni le,” tih nung nung pahin kawngkhar chu a khar leh a. A thu fel chiah tihin, an rawn ko leh. Uluk takin a han ngaithla chiang a. Pawn lam atangin tuman an ko lo, a bengah tu emawin a hming ngeia kovin a rawn bia a ni zawk. A mak hle mai.
“Eng nge ni?” a han ti ngawt a.
Phun ri mur mur a hria a. A han ngaithla chiang a.....
PLAN
Electric Bulb pakhat chauh a inchhit avangin pindan chhung chu a êng vak lo. Dawhkan pakhat kilin mi pali an thu kual thap a.
“Naktuk tlai lam dar 5 ah chiah in che ang. Engkim ruahman lawk vek tawh a nih avangin tihsual theih a ni lovang. Huaisenna tlem in neih chuan a tawk mai. In hmanrua tur pawh peih fel vek a ni tawh,” an pali zinga an hotupa ber niawm tak, hmai zum deuh, mitmeng thip leh kareh zim angreng tak, dawkan sir kil dinglam ber hmachhawna thu chuan a han ti a.
An zinga tleirawl hmel deuh ber, sam phir, meng bui deuh lek luk chuan, “In tih ang ang a ni mai. Keini chu kan inpeih tawh a lawm. Thupek chiah kan nghak tawh,” a ti a. A ha bal sen thut lang sungin a nui suk a.
THE TARGET
4:56 pm. Minister Office
Minister chuan a pisa dawkana chanchinbu hrang hrangte chu a en lawr dan dan a. Kumin chhunga Mizoramin chhiatna a tawh tam tawh zia chu rapthlak tham niin a hria. Tih tur leh hmachhawp tam zia te, hmasawnna kawnga ram kechheh chak tawk lohzia te. Engkim mai chuan duhthu a sam lo a ni. Chanchinbute lah chuan sawrkar demna leh chirh thehna lam rawngkai hlir mai an thai bak chek chuk mai si. Khua hi a var mawlh lo a ni.
Zan lamah meeting an neih dawn avangin in lamah pawh haw loh law law mai a tum a.Theitui leh a hmeh tuihnai tawk tak a ei chuan a ril a tam chhe lutuk lovang chu. Thingpui thlum sa ver vawr han inkhawlh khawlh a chak viau a; mahse, nikum atang tawhin zun thlum natna a nei tih a hre tawh a. Thil thlum lam reng reng ei insum a ngai tlat a ni.
A dawhkana chhiahhlawh kohna dar chu a han hmet ri a. Minit khat hnu velah a pisa kawngkhar chu a rawn inhawng a, hmaituam pahnih hi an rawn lut a. An kutah puakruk an keng tih a hmuh chuan a tawm deuh chawih a.
“Tu te nge in nih,” Minister chuan a hlauhna chu tih lan loh hram hram a tum hle.
Hmaituam pakhat zawk chuan “I nunna,” a ti thawp sut a. A puakruk chu hmehpuah tumin a lek kang nghal a.
Chutih lai tak chuan, pawn lamah thawm ri tuk tuk hi awm a. Hmaituam pahnihte chu an han in en zawk a. “Chu eng thawm nge ni ta mai?”
“Ka hre miah lo,” Minister chuan thil awmzia chu a hre lo tak tak a ni.
Pawn lam atangin tu emaw hian pherh zetin “Nangni pahnih kha, in silai ken lai kha leiah dah ula, pawnah ban phar chungin lo chhuak rawh u,”a rawn ti lauh lauh a.
Hmaituam pahnih te chuan an puakruk an hmet puak rual dun thawr a. Minister chu a thutna atangin a let thla nghal tawp a. A awm atangin thisen tharlam tak hi a rawn luang chhuak nghal tiam tiam a.
Silai rik rual deuh thawin police uniform ha sawm thum rual dawn lai hi inchhungah an rawn tleh lut nghal huk a. Hmaituam pahnihte chuan, an silai cheng chu kauin an mahni leh an mahni an intin a, an hmet puak zui nghal a. Police hotupa niawm tak, hmai bem lei luai, zu heh hmel zet, hnar tawk deuh, hmui chhah telh tulh chuan, a puakruk ken lai chu a paiah thun luh pahin, “Kan tlai hret a ni maw, a va zia lo ve le. Information rawn petu Remruata inti kha rang takin ka hmu duh a nia, lo phone nghal ang che u,” a ti zui nuah nuah a.
THE NEW WORLD
Commander Sora chu luhai muai muai chungin a rawn ding chhuak a. An chhuanna lawng chu thunun tumin a han bei leh hram hram a. Mahse, ngai a awh hleithei tawh tlat lo. Khawi lai lai emaw chu a alh a, a khu vung vung bawk a.
Boruak lawng chuan thil sakhat eng emaw hi a su dawt a. A ri rum rum a. A hmaa engmah lang thei tawh lo darthlalang hmai hlaipui chu a rawn eng nghal a, khawmual ruak, a bul vela tui tling pum mai hi a rawn lang a. Chumi piah lawka tlang inchhawrdawh, tolawt laiah chuan, lawng lianpui, kûm deuh pheu phuau thing hmanga siam hi kawi zetin a lo bawk vûng a.
Commander Sora chuan kawngkhar a hawng a. A pen chhuak nghal a. Midangte chuan hlauthawng tih hriat takin Commander Sora in tui a dai per chhak chhak lai chu darthlalang phen atangin an thlir thap a.
RISE AGAIN THE MACHINE
‘....Miin, En rawh, hei hi a thar a ni, a tih theih reng reng a awm em ni?
Kan awm hma daiha lo awm tawh reng a ni’
Thuhriltu 1:10
NOA’H ARK
Commander Sora chuan lawng kawngkhar chu a han chum dawt dawt a. Chhung lamah eng thawm mah a awm hauh lo.Kawngkhar piah lam fit sawmhnih velah chuan lawng bang chu a kaw deuh huau a, chu lam chu panin bang kaw kar atangin lawng chhung chu a han bih a. Mihring hmel hmuh tur a awm lo. A rimchhe hle a, Commander Sora chu a ner sawk a.
Boruak lawng atang chuan putar kum 70 vel hmelpu, hrisel hmel tak, hmai tluak deuh reu ruau hi a rawn chhuak a, Sora awmna lam pan chuan a bai phei saih saih a.
“Ka fanu, lo kir rawh. Kan kal chhuah a hun tawh. Hetah hian tumah an awm tawh lo. Vaza kan hruai chhuah vat a tul tawh a nia, kan nauten a awmna hun leh hmun pawh an hre fuh tawh e. Kan lawng pawh thlawk chhuak turin an siam tha tawh bawk, i thupek chiah kan nghak tawh a ni,” putar chu hah hmel takin a thaw hlawp hlawp a. Sora chuan lawng lam hawiin a kut a han phar chhuak a, a kutphahah chuan thil bial, fim rilrel hi a rawn chawr chhuak a, a eng de nghal zawr zawr a. “Ka pa, ka rawn kal e, thla kan la lawk a ni,” a ti a. Boruak lawng lam pan chuan a phei ve ta nghal a.
Rihdil chung zawna boruak lawng a thlawh vir chur chur lai chuan, Rihdil kamah chuan hmeichhe pakhat hi chung lam hawiin a ding a. A bul lawkah chuan tlangval pakhat hi mak tih hmel taka chunglam enin a hawi kual ruai bawk a. Pilot pakhat hian, “Vaza chu kan hmu ta e,” a rawn ti lauh a. Commander Sora chu a nui sak a. A hmaa hmehkhep hring pakhat chu a hmet nghal a.
THE PROBLEM
August 2016. AD
Somewhere in Aizawl
Thim hmul a ni tawh. Rina chuan a bike chu zawi muangin a tlan tir dat dat a. Motor vei vak a tam avangin tlan chak ngam pawh a ni meuh lo. A hnunga chuang a nupui Zopuii chuan zei lo zet hian a pasal kâwngah chuan a kuah tat a. Kum 3 liam taah khan Rina leh Zopuii te hian kohhran dan thianghlimin inneihna thuthlung an lo chhâm dun tawh. Nupa inhmangaih leh entawn tlak tak pawh an ni ngei chhap mai. Zopuii hi nu tê lam deuh, ngo ving veng, chhungkaw ngelnghet leh sakhaw mi tak atanga lo chawrchhuak a ni. St.Joseph Hospital, Aizawl-ah Nurse hna a thawk a. A hna pawh a thiamin, a inpe zo hle a ni.
“Zopui, engtin nge maw kan tih dawn le, in doctor ber lah khan beiseina min siam sak lo riau mai bawk si,” Rina chuan hmalam pana a bike khalh lai tlan tir zel pah chuan a han ti a. Thli fim a tleh heuh heuh avangin a tawng ri chu hriatchian a har viau nghe nghe. Zopuii chuan a pasal kâwnga kuah ngheh sauh pahin, “Ka hrethiam tawh bik lo. Dam chhunga fa han neih loh ringawt mai chu ka ngaihtuah ngam lo. Kan Adopt ve mai dawn em ni te ka ti tawh, ka beidawng riau a ni,” a ti a. Thli thaw a vangin a maimitchhing siar siar a.
Kum 3 zet hnuah pawh fa hmel an la hmuh loh avangin an rilru a hah dun viau tawh. Mi zinga han sawi chhuah vel a nuam chiah si lo. Hrehawm an ti nupa hle a ni. An in peng thlen hma deuhin kawng kawi a awm a, chu lai hmun an tlan thlen lai tak chuan, an bul lawkah chuan tek a rawn tla de zuai a. Rina chuan a bike chu a tlawh ding nghal dawt a. Zopuii chu a pasal hnungzangah a bei thlawp a, a te chhuak nghal thawt bawk. Bike a tluk loh nan Rina chuan a kein lei a rah khalh zai zai a. Kawng sir thim lai deuh ah chuan eng emaw hi a khu vung vung a.
Thingrem a ang lek lek, a tle vur a, a khu vung vung a, a dung lam fit 4 vel leh avang lam fit 2 vel niin a lang. Rina chu bike atangin a chhuk a, chu thil chu en chian tumin a pan hnai nghal a. Zopuii chuan hlauthawng takin a pasal banah a lo vuan a, “Ka hlau a nia U Rin,” a ti a. A khur dar dar a. “Hlau suh, ti khan lo awm la, eng nge a nih kan en chiang ange,” tih pahin a nupuiin a ban a chelhna chu zawitein a phiat thla a.
Bâwm pang kil sirah chuan hawrawp mak takin eng thu emaw hi a kualin (circle) a inziak a. A hmalam pangah chuan darthlang killi nei, fit 1 bial vel hi a bang behchhan chuan a awm a. Darthlalang hmai chu a paw thur a. Rina chuan, fimkhur leh hlauthawng ru takin darthlalang hmai chu a han chul fai a. Bawm chhung chu chiang takin a hmu thei ta. A phu zawk a, a tawlh let dawrh a.
“Eng nge ni ta U Rin?” Zopuii chu a rawn sarak thawt a.
“Naute,” Rina aw chu a lawi rut a.
“Eng naute maw? kal ang U Rin, haw vat ang.”
“A chhungah sawn naute a awm ka tia lawm.” Rina aw chu a vin lek lek a.
“Haw ang, kalsan ang U Rin, Ramhuai a niang,” Zopuii aw chu a khur dawt dawt a.
“Chutin kan kalsan ngawt thei lovang, khawng’e kan la chhuak dawn chhin teh ang. Min rawn pui rawh,” Rina chuan bawm awmna lam chu a pan phei leh a. A hnungah khur dat datin Zopuii chuan a rawn zui a.
DAUGHTER OF TIME
Bawm chu a han hung rem a. A rit phian mai. A han en chiang a, han pawh hawn mai na lai tur a vang kher mai. A chul fai thuak thuak a. A sir kil kual lai vel chu a dap kual ruai bawk. Zopuii chuan hlauthawng takin a hnung lam atangin a lo thlir kar bawk a. Chutih lai chuan bawm chu chu a rawn ri sur sur a. Rina chu a tawlh hnung dawrh a. Bawm kil sir velah chuan thil êng hring deuh hi a de kual zawr zawr a. Amahin a rawn inhawng ta tual tual a. Naute tap ri ngak ngak hi an hre zui nghal zat a.
Naute duhawm, baihvai tih hriat tak, enkawltu nei lo, tap ngak ngak a han hmuh meuh chuan a hmaa hlauthawng taka khur dawt dawt reng Zopuii hlauhna chu romei ang in a zâm ral nghal a, a pasal, a hmangaih ngawih ngawih bulah chuan a rawn thingthi a, chu naute duhawm tak, hmangaihtu ngai ngawih ngawih chu a rawn pawm ta a.
“Bawihte, tap tawh suh. I bulah kan awm reng dawn a lawm. Kan fanuah i tang dawn nia.,” naute mitmeng fiah tak chuan duat taka amah pawmtu chu chiang takin a rawn melh a, a tap a bang a. A kut te tak tê chuan thlahlel takin a rawn pawm bet chial a. Thlamuang tih hriat takin a nui seih a.
Naute chuan a nghawngah thi ti nalh zet mai, locket hring inkhai hi a awrh a. Chhak kawlkila chhawrthlapui rawn dak chhuak duk duk chuan hmuhnawm tiawm takin a rawn thlir ve a. Thi locket chu a rawn chhun tle zawr zawr a.
Rina chuan naute thi awrh lai chu a han en chiang a. A hmuhhnu ang riau hian a hria a. Locket chu zawitein a han chul a, amahin a rawn inhawng a, hmeichhe pakhat thlalak hi a lo awm a. “Vaza,” Rina chu a bing nghal mup a. Zopuii chuan duh ngawih ngawih tih hriat takin hmeichhe naupang chu a kuah hle hle a. “U Rin, kan fanu tur a ni mai tiraw, Pathianin kan dilna a chhâng a niang. Tu ta mah a ni lo tawp ang, kan ta tur liau liau a nih ka ring tlat,” a ti a. A naute pawm lai laksak chu a huphurhawm hmel khawp mai.
“Enteh, U Rin, in mitmu rawng a in ang chiah lehnghal, a mak ngei mai, a pa nih i inhmeh dawn lutuk.”
Rina chuan hrilhhai hmel takin van lam a en a. “Vaza, Vaza,” tiin a phun sep sep a.
THE LAST DAY OF PLANET UTOPIA
Captain Meek chuan, a hmaa Utopian sipai rual, chau tih hriat taka indawm kun ngawih ngawihte chu lainat ru angreng takin a thlir vung vung a. An awmna hmun chu minit hnih khat dan lek lekah a nghing dur dur reng a. Boruak lum lutuk chuan thawk a ti harsa kher mai bawk.Utopian Prophecy chuan kum 1000 liam taah khan Planet Utopia chhiat tur thu hi a lo sawi lawk daih tawh. Mahse, chung hrilhlawkna te chu Utopia lal King Mugon chuan mênah thlakin sipai chakna hmanga tih tawp theih inringin sipai rual tam tak te chu van sangah leh lei lamah a inralrin tir a.
Mahse, a hun a lo thlen meuh chuan, Utopian sipai rual maktaduai riat chuangte chuan, tih theih reng an nei lo. An chenna khawvel (Planet Utopia) chu lirnghing nasa tak leh Jupiter atanga mei alh hlâwm sa tak lo thlawk chuan nasa takin a sawisa a. Utopia mipuite chuan boral mai loh chu hmabak an nei ta lo.Captain Meek chuan a lukhum chhah bur mai chu zawi muangin a han thlawn a. Meipui sa tak Utopia lam pana rawn thlawk alh eng thla vut vut chu beidawng takin a thlir vawng vawng a.
King Mogun-a lal in chhungah chuan boruak lawng pakhat hi thlawh chhuah inpeih tawh tih hriat takin a thum ri vung vung a. A chhungah chuan King Mogun leh a chhiahhlawh rinawm, Colonel Zook te chu an thu thlan hluam a. Minit 4 hnuah King Moguna mimal boruak lawng chu van thengreng lam panin a inkhawh chhuak zawk a. Chutih lai chuan Jupiter atanga meialh hlawm rawn sur chuan Planet Utopia chu a deng dawt dawt a, rei lo teah Utopia chu mei alh hlawmah a chang zui ta a ni.
Colonel Zook chuan, nui vur vur chungin, “Chawlh hahdamna tur hmun remchang awm chhun chu Planet Earth chiah a ni. A bak chu a hla lutuk, kan thleng zo lovang,” tih pahin a hmaa boruak lawng herh kawina chu zawi muang a han herh vir a. King Mogun chuan a lukhum lawk bur mai hlih pahin, “Planet Earth chu pan rawh,” a ti sup a.
Rina chuan a pum ri ruih ruih chu a ngaithla vung vung a, sana a han en a, tlai lam dar 5 a ri tep tawh. A ril tam zia chu a han hre chhuak zawk a. Tuna ang hunah pawh hna tul avanga Pisa a la chhuahsan thei lo fo mai chuan a thin a tirim deuh hlur tawh mai. A hmaa file inhung hnawk nuai chu ning tih hriat takin a han keu zawm leh nuap nuap a. A mit lah chu a thip hlur tawh mai lehnghal, “Ninawm hlawmkhawm mange,” a ti sup a.
Dawhkana a mobile phone dah chu a rawn ri rang rang a, a file keu lai chu a khup thawk a.
“Hello Pate Remruat,” tiin a han chhawn nghal a.
“Zanriah i ei tawh em ka nau.”
“Ei nang le, ka pum a ri ruih ruih tawh, office ah ka la awm mawle,” Rina chu a nui deuh a.
“ E...chuti chu a remchang lutuk, vawiin chu chaw rawn ei phei la, i duh leh i riak nghal ang chu, englo kha kan chhut dun leh ang chu mawle.”
“Naktuk chawlh a ni tho bawk a, ka rawn kal zawk dawn nia, zanin chu ka chau em mai. Ka haw tlang phawt zawk ang, taka Pate, i sawi dan khan, tun thla ni 27 hi a ni lawm ni, lehkhaa thil inziak khan a sawi.”
“ Niang chu mawle..mahse, F hian eng chiah nge a sawi kan hriat loh chuan awmzia a nei chuang lo. A hun lo thleng phawt se kan hre chhawm mai ang chu.”
“Nia, hmeichhe naupang kut hlei thil ziak mai mai pawh a ni mai thei, a ziaktu ber lah a bo tawh i ti bawk sia, aaa...a hun lo thleng se a chiang mai ang,” Rina chuan office banga sana inkhai chu a han en pah zauh a. Dar 5:20 chiah a ni.
“A nih naktuk chu ka lo beisei ang che aw...haw tawh rawh, office hna te chu thawh zawh tak tak a awm ngai lo. I pa ta emaw hi iti ta thin a.”
“Nia...i sawi dik hmel. Awle, rokhawlhna dangin min tlakbuak a nih loh chuan naktuk chu ka rawn kal ngei ngei ang,” Phone chu a hmet hlum a. A thaw huai a. Remruata chu a pate unau zinga naupang ber a ni. Nu hrang fa a nih avangin a naupang fal hle a. Mahse, Rina chuan a ngaina ber a. Kum lamah pawh an inthlauh lutuk loh avangin an titi pawh a rual viau thin reng a ni.
Minit 20 vel file a khawih zawm leh hnu-ah, a tho chhuak a. In lam panin a haw ve ta nghal a.
An in peng a thlen dawn laiin kawng sira mi tu emaw lo mu hlawm reng hi a hmu a. A han en chiang a, hmeichhia a ni tih a hmu a.
MISSING PILOT
Boruak lawng chhung thim mup chu vawi lehkhatah a rawn eng pup a. Commander Sora chu chhuat atanga a rawn tho chhuak a. A hmaa darthlang hlaipui inkhawh thla zurah chuan, 2012, A.C.E tih hi fiah takin a lo la inziak a. A bula thil herhvirna khawl mum deuh pel pul chu a han herh leh a, number chu a vir let char char a, 1620 B.C.E a thlen thlengin a herh a.
An chuanna Boruak lawng chu a vir kual muai muai a. Van thengreng kawrawng thuk takah chuan a inkhawh lut nghal puat a. Chutih lai tak chuan Putar kum 70 vel hmelpu hian, “Commander Sora, Section 4 pilot BrendaVaza, kan hmu zo lo,” a rawn ti a.
LOST IN TIME
Beyond this place of wrath and tears
Looms but the Horror of the Shade,
And yet the menace of the years
Finds, and shall find, me unafraid.
- William Earnest Henley
SALVATION
Some where in Jerusalem:
Ni sa vawl vawl hnuaia mipui pung khâwm sahawk hulh hulh chuan boruak a ti rit hle. Mihring luruh niawm tak, tlang biboh leh titau takah chuan thing kawkalh pathum hi a ding tlar thap a, chu thing kawkalh behchhan chuan mi pathum hi che lo châng lovin an phar kak reng bawk. Mipui pungkhawm thinrim phun mur mur karah chuan Rom sipai hnar tawk leh sek phiar pui pui hi thlan tla hluamin an vei tei kual ruai a. Thinrim tih hriat takin an au tuar tuar reng bawk.
“Ka fanu, Atlantis-a thil thlen dan pawh engkim i hria, tih theih kan neih miah loh kha. Hetah pawh hian engmah tih theih a awm chuang lo. Thil liam tawh chu a liam tawh, tui baw hnu a ruh theih tawh ngai loh.”
“Ka pa, en ve phawt mai teh.”
Commander Sora chuan a hmaa darthlalang pharh hlai puiah chuan a hnuaia thil thleng mek chu mittui tling piau chungin a thlir vawng vawng a. Van boruak zau tak chu eng emaw tak hian a thunun tlat niin a lang, hun chu muang takin a her muai muai a, tlai lam a lo nih chuan thing kawlkalh-a an khenbeh mi pathumte chu an thi dawn hnai tih hriat takin an tal aih aih a, an chal châng a ni ngei mai. A lai taka an khehbeh pakhat chu van lam hawiin a au chhuak thawt a. Chutih lai chuan chhum dum chhah tak hi van hliap phui mup khawpa nasain a rawn inpang-aw-zial thim muai muai a.
Boruak lawng chu a nghing dawt dawt a. Tek a tla ri rum rum a, kawl a phe eng zawr zawr a. Lei leh van chu a nghing dur dur a. Engkim mai chu awmze mumal nei lovin a tawlh dul dul a. Vawilehkhatah a thim ta vek a.
Boruak lawng sana chu awmze nei lovin a vir kual chur chur a. Commander Sora chuan herh dik tumin a kuai fan fan a. Mahse, engmah thunun theih a ni ta lo. Van thengreng kawrawng thuk tak lam panin, Commander Sora leh a hote chuanna boruak lawng chu mu leh mal nei hauh lovin a bir thla ta vawn vawn a.
RELOAD
14, December 2012
10:46 a.m : Aizawl.
Remruata chuan a note bu-a number inziak chu a han ennawn leh a.
17p.m151212
Kumin February 25 zing lam dar 2 vel khan Aizawl bazar chu namen lovin a kang a. Kha meipui rapthlak tak kha hmeichhe naupang Mawizuali thil ziakah khan, a ni leh thla, kum leh darkar nen lam fiah takin a lo inziak thlap mai kha a ni. Tunah hian Mawizuali’n a bo dawn ni-a, a nu hnena a thil sawi hnuhnung ber number mak tak mai chu a kutah a keng reng a ni. Vawiin hi December 14, zirtawpni a ni. Naktuk hi ni 15/12/12 chu a ni ta chiah mai. Eng thil nge lo thleng leh ta ang le?
Remruata chuan a lu thak lo pui chu a han hiat nuap nuap a. Thil lo thleng tur chu hre lawk pawh ni se, mihring tan dan theih a ni dawn em ni? Nunna hial thap ngai dawn pawh nise, a huam a lawm. Mahse, engmah a hre lawk bik si lo.
Sikret a phawrh a, meitalh a han talh tek chhak chhak a. Chutih lai chuan, tu emaw hian a rawn ko a. “Eih, tu nge ni?” tiin a han chhâwn a. Eng thawm mah a hre zui leh si lo. A bengchhe ri mai zawng niin a hre lo. Kawngkhar ava hawnga, pawnah tumah an awm lo. “A tu mai mai chu nge maw ni le,” tih nung nung pahin kawngkhar chu a khar leh a. A thu fel chiah tihin, an rawn ko leh. Uluk takin a han ngaithla chiang a. Pawn lam atangin tuman an ko lo, a bengah tu emawin a hming ngeia kovin a rawn bia a ni zawk. A mak hle mai.
“Eng nge ni?” a han ti ngawt a.
Phun ri mur mur a hria a. A han ngaithla chiang a.....
PLAN
Electric Bulb pakhat chauh a inchhit avangin pindan chhung chu a êng vak lo. Dawhkan pakhat kilin mi pali an thu kual thap a.
“Naktuk tlai lam dar 5 ah chiah in che ang. Engkim ruahman lawk vek tawh a nih avangin tihsual theih a ni lovang. Huaisenna tlem in neih chuan a tawk mai. In hmanrua tur pawh peih fel vek a ni tawh,” an pali zinga an hotupa ber niawm tak, hmai zum deuh, mitmeng thip leh kareh zim angreng tak, dawkan sir kil dinglam ber hmachhawna thu chuan a han ti a.
An zinga tleirawl hmel deuh ber, sam phir, meng bui deuh lek luk chuan, “In tih ang ang a ni mai. Keini chu kan inpeih tawh a lawm. Thupek chiah kan nghak tawh,” a ti a. A ha bal sen thut lang sungin a nui suk a.
THE TARGET
4:56 pm. Minister Office
Minister chuan a pisa dawkana chanchinbu hrang hrangte chu a en lawr dan dan a. Kumin chhunga Mizoramin chhiatna a tawh tam tawh zia chu rapthlak tham niin a hria. Tih tur leh hmachhawp tam zia te, hmasawnna kawnga ram kechheh chak tawk lohzia te. Engkim mai chuan duhthu a sam lo a ni. Chanchinbute lah chuan sawrkar demna leh chirh thehna lam rawngkai hlir mai an thai bak chek chuk mai si. Khua hi a var mawlh lo a ni.
Zan lamah meeting an neih dawn avangin in lamah pawh haw loh law law mai a tum a.Theitui leh a hmeh tuihnai tawk tak a ei chuan a ril a tam chhe lutuk lovang chu. Thingpui thlum sa ver vawr han inkhawlh khawlh a chak viau a; mahse, nikum atang tawhin zun thlum natna a nei tih a hre tawh a. Thil thlum lam reng reng ei insum a ngai tlat a ni.
A dawhkana chhiahhlawh kohna dar chu a han hmet ri a. Minit khat hnu velah a pisa kawngkhar chu a rawn inhawng a, hmaituam pahnih hi an rawn lut a. An kutah puakruk an keng tih a hmuh chuan a tawm deuh chawih a.
“Tu te nge in nih,” Minister chuan a hlauhna chu tih lan loh hram hram a tum hle.
Hmaituam pakhat zawk chuan “I nunna,” a ti thawp sut a. A puakruk chu hmehpuah tumin a lek kang nghal a.
Chutih lai tak chuan, pawn lamah thawm ri tuk tuk hi awm a. Hmaituam pahnihte chu an han in en zawk a. “Chu eng thawm nge ni ta mai?”
“Ka hre miah lo,” Minister chuan thil awmzia chu a hre lo tak tak a ni.
Pawn lam atangin tu emaw hian pherh zetin “Nangni pahnih kha, in silai ken lai kha leiah dah ula, pawnah ban phar chungin lo chhuak rawh u,”a rawn ti lauh lauh a.
Hmaituam pahnih te chuan an puakruk an hmet puak rual dun thawr a. Minister chu a thutna atangin a let thla nghal tawp a. A awm atangin thisen tharlam tak hi a rawn luang chhuak nghal tiam tiam a.
Silai rik rual deuh thawin police uniform ha sawm thum rual dawn lai hi inchhungah an rawn tleh lut nghal huk a. Hmaituam pahnihte chuan, an silai cheng chu kauin an mahni leh an mahni an intin a, an hmet puak zui nghal a. Police hotupa niawm tak, hmai bem lei luai, zu heh hmel zet, hnar tawk deuh, hmui chhah telh tulh chuan, a puakruk ken lai chu a paiah thun luh pahin, “Kan tlai hret a ni maw, a va zia lo ve le. Information rawn petu Remruata inti kha rang takin ka hmu duh a nia, lo phone nghal ang che u,” a ti zui nuah nuah a.
THE NEW WORLD
Commander Sora chu luhai muai muai chungin a rawn ding chhuak a. An chhuanna lawng chu thunun tumin a han bei leh hram hram a. Mahse, ngai a awh hleithei tawh tlat lo. Khawi lai lai emaw chu a alh a, a khu vung vung bawk a.
Boruak lawng chuan thil sakhat eng emaw hi a su dawt a. A ri rum rum a. A hmaa engmah lang thei tawh lo darthlalang hmai hlaipui chu a rawn eng nghal a, khawmual ruak, a bul vela tui tling pum mai hi a rawn lang a. Chumi piah lawka tlang inchhawrdawh, tolawt laiah chuan, lawng lianpui, kûm deuh pheu phuau thing hmanga siam hi kawi zetin a lo bawk vûng a.
Commander Sora chuan kawngkhar a hawng a. A pen chhuak nghal a. Midangte chuan hlauthawng tih hriat takin Commander Sora in tui a dai per chhak chhak lai chu darthlalang phen atangin an thlir thap a.
RISE AGAIN THE MACHINE
‘....Miin, En rawh, hei hi a thar a ni, a tih theih reng reng a awm em ni?
Kan awm hma daiha lo awm tawh reng a ni’
Thuhriltu 1:10
NOA’H ARK
Commander Sora chuan lawng kawngkhar chu a han chum dawt dawt a. Chhung lamah eng thawm mah a awm hauh lo.Kawngkhar piah lam fit sawmhnih velah chuan lawng bang chu a kaw deuh huau a, chu lam chu panin bang kaw kar atangin lawng chhung chu a han bih a. Mihring hmel hmuh tur a awm lo. A rimchhe hle a, Commander Sora chu a ner sawk a.
Boruak lawng atang chuan putar kum 70 vel hmelpu, hrisel hmel tak, hmai tluak deuh reu ruau hi a rawn chhuak a, Sora awmna lam pan chuan a bai phei saih saih a.
“Ka fanu, lo kir rawh. Kan kal chhuah a hun tawh. Hetah hian tumah an awm tawh lo. Vaza kan hruai chhuah vat a tul tawh a nia, kan nauten a awmna hun leh hmun pawh an hre fuh tawh e. Kan lawng pawh thlawk chhuak turin an siam tha tawh bawk, i thupek chiah kan nghak tawh a ni,” putar chu hah hmel takin a thaw hlawp hlawp a. Sora chuan lawng lam hawiin a kut a han phar chhuak a, a kutphahah chuan thil bial, fim rilrel hi a rawn chawr chhuak a, a eng de nghal zawr zawr a. “Ka pa, ka rawn kal e, thla kan la lawk a ni,” a ti a. Boruak lawng lam pan chuan a phei ve ta nghal a.
Rihdil chung zawna boruak lawng a thlawh vir chur chur lai chuan, Rihdil kamah chuan hmeichhe pakhat hi chung lam hawiin a ding a. A bul lawkah chuan tlangval pakhat hi mak tih hmel taka chunglam enin a hawi kual ruai bawk a. Pilot pakhat hian, “Vaza chu kan hmu ta e,” a rawn ti lauh a. Commander Sora chu a nui sak a. A hmaa hmehkhep hring pakhat chu a hmet nghal a.
THE PROBLEM
August 2016. AD
Somewhere in Aizawl
Thim hmul a ni tawh. Rina chuan a bike chu zawi muangin a tlan tir dat dat a. Motor vei vak a tam avangin tlan chak ngam pawh a ni meuh lo. A hnunga chuang a nupui Zopuii chuan zei lo zet hian a pasal kâwngah chuan a kuah tat a. Kum 3 liam taah khan Rina leh Zopuii te hian kohhran dan thianghlimin inneihna thuthlung an lo chhâm dun tawh. Nupa inhmangaih leh entawn tlak tak pawh an ni ngei chhap mai. Zopuii hi nu tê lam deuh, ngo ving veng, chhungkaw ngelnghet leh sakhaw mi tak atanga lo chawrchhuak a ni. St.Joseph Hospital, Aizawl-ah Nurse hna a thawk a. A hna pawh a thiamin, a inpe zo hle a ni.
“Zopui, engtin nge maw kan tih dawn le, in doctor ber lah khan beiseina min siam sak lo riau mai bawk si,” Rina chuan hmalam pana a bike khalh lai tlan tir zel pah chuan a han ti a. Thli fim a tleh heuh heuh avangin a tawng ri chu hriatchian a har viau nghe nghe. Zopuii chuan a pasal kâwnga kuah ngheh sauh pahin, “Ka hrethiam tawh bik lo. Dam chhunga fa han neih loh ringawt mai chu ka ngaihtuah ngam lo. Kan Adopt ve mai dawn em ni te ka ti tawh, ka beidawng riau a ni,” a ti a. Thli thaw a vangin a maimitchhing siar siar a.
Kum 3 zet hnuah pawh fa hmel an la hmuh loh avangin an rilru a hah dun viau tawh. Mi zinga han sawi chhuah vel a nuam chiah si lo. Hrehawm an ti nupa hle a ni. An in peng thlen hma deuhin kawng kawi a awm a, chu lai hmun an tlan thlen lai tak chuan, an bul lawkah chuan tek a rawn tla de zuai a. Rina chuan a bike chu a tlawh ding nghal dawt a. Zopuii chu a pasal hnungzangah a bei thlawp a, a te chhuak nghal thawt bawk. Bike a tluk loh nan Rina chuan a kein lei a rah khalh zai zai a. Kawng sir thim lai deuh ah chuan eng emaw hi a khu vung vung a.
Thingrem a ang lek lek, a tle vur a, a khu vung vung a, a dung lam fit 4 vel leh avang lam fit 2 vel niin a lang. Rina chu bike atangin a chhuk a, chu thil chu en chian tumin a pan hnai nghal a. Zopuii chuan hlauthawng takin a pasal banah a lo vuan a, “Ka hlau a nia U Rin,” a ti a. A khur dar dar a. “Hlau suh, ti khan lo awm la, eng nge a nih kan en chiang ange,” tih pahin a nupuiin a ban a chelhna chu zawitein a phiat thla a.
Bâwm pang kil sirah chuan hawrawp mak takin eng thu emaw hi a kualin (circle) a inziak a. A hmalam pangah chuan darthlang killi nei, fit 1 bial vel hi a bang behchhan chuan a awm a. Darthlalang hmai chu a paw thur a. Rina chuan, fimkhur leh hlauthawng ru takin darthlalang hmai chu a han chul fai a. Bawm chhung chu chiang takin a hmu thei ta. A phu zawk a, a tawlh let dawrh a.
“Eng nge ni ta U Rin?” Zopuii chu a rawn sarak thawt a.
“Naute,” Rina aw chu a lawi rut a.
“Eng naute maw? kal ang U Rin, haw vat ang.”
“A chhungah sawn naute a awm ka tia lawm.” Rina aw chu a vin lek lek a.
“Haw ang, kalsan ang U Rin, Ramhuai a niang,” Zopuii aw chu a khur dawt dawt a.
“Chutin kan kalsan ngawt thei lovang, khawng’e kan la chhuak dawn chhin teh ang. Min rawn pui rawh,” Rina chuan bawm awmna lam chu a pan phei leh a. A hnungah khur dat datin Zopuii chuan a rawn zui a.
DAUGHTER OF TIME
Bawm chu a han hung rem a. A rit phian mai. A han en chiang a, han pawh hawn mai na lai tur a vang kher mai. A chul fai thuak thuak a. A sir kil kual lai vel chu a dap kual ruai bawk. Zopuii chuan hlauthawng takin a hnung lam atangin a lo thlir kar bawk a. Chutih lai chuan bawm chu chu a rawn ri sur sur a. Rina chu a tawlh hnung dawrh a. Bawm kil sir velah chuan thil êng hring deuh hi a de kual zawr zawr a. Amahin a rawn inhawng ta tual tual a. Naute tap ri ngak ngak hi an hre zui nghal zat a.
Naute duhawm, baihvai tih hriat tak, enkawltu nei lo, tap ngak ngak a han hmuh meuh chuan a hmaa hlauthawng taka khur dawt dawt reng Zopuii hlauhna chu romei ang in a zâm ral nghal a, a pasal, a hmangaih ngawih ngawih bulah chuan a rawn thingthi a, chu naute duhawm tak, hmangaihtu ngai ngawih ngawih chu a rawn pawm ta a.
“Bawihte, tap tawh suh. I bulah kan awm reng dawn a lawm. Kan fanuah i tang dawn nia.,” naute mitmeng fiah tak chuan duat taka amah pawmtu chu chiang takin a rawn melh a, a tap a bang a. A kut te tak tê chuan thlahlel takin a rawn pawm bet chial a. Thlamuang tih hriat takin a nui seih a.
Naute chuan a nghawngah thi ti nalh zet mai, locket hring inkhai hi a awrh a. Chhak kawlkila chhawrthlapui rawn dak chhuak duk duk chuan hmuhnawm tiawm takin a rawn thlir ve a. Thi locket chu a rawn chhun tle zawr zawr a.
Rina chuan naute thi awrh lai chu a han en chiang a. A hmuhhnu ang riau hian a hria a. Locket chu zawitein a han chul a, amahin a rawn inhawng a, hmeichhe pakhat thlalak hi a lo awm a. “Vaza,” Rina chu a bing nghal mup a. Zopuii chuan duh ngawih ngawih tih hriat takin hmeichhe naupang chu a kuah hle hle a. “U Rin, kan fanu tur a ni mai tiraw, Pathianin kan dilna a chhâng a niang. Tu ta mah a ni lo tawp ang, kan ta tur liau liau a nih ka ring tlat,” a ti a. A naute pawm lai laksak chu a huphurhawm hmel khawp mai.
“Enteh, U Rin, in mitmu rawng a in ang chiah lehnghal, a mak ngei mai, a pa nih i inhmeh dawn lutuk.”
Rina chuan hrilhhai hmel takin van lam a en a. “Vaza, Vaza,” tiin a phun sep sep a.
THE LAST DAY OF PLANET UTOPIA
Captain Meek chuan, a hmaa Utopian sipai rual, chau tih hriat taka indawm kun ngawih ngawihte chu lainat ru angreng takin a thlir vung vung a. An awmna hmun chu minit hnih khat dan lek lekah a nghing dur dur reng a. Boruak lum lutuk chuan thawk a ti harsa kher mai bawk.Utopian Prophecy chuan kum 1000 liam taah khan Planet Utopia chhiat tur thu hi a lo sawi lawk daih tawh. Mahse, chung hrilhlawkna te chu Utopia lal King Mugon chuan mênah thlakin sipai chakna hmanga tih tawp theih inringin sipai rual tam tak te chu van sangah leh lei lamah a inralrin tir a.
Mahse, a hun a lo thlen meuh chuan, Utopian sipai rual maktaduai riat chuangte chuan, tih theih reng an nei lo. An chenna khawvel (Planet Utopia) chu lirnghing nasa tak leh Jupiter atanga mei alh hlâwm sa tak lo thlawk chuan nasa takin a sawisa a. Utopia mipuite chuan boral mai loh chu hmabak an nei ta lo.Captain Meek chuan a lukhum chhah bur mai chu zawi muangin a han thlawn a. Meipui sa tak Utopia lam pana rawn thlawk alh eng thla vut vut chu beidawng takin a thlir vawng vawng a.
King Mogun-a lal in chhungah chuan boruak lawng pakhat hi thlawh chhuah inpeih tawh tih hriat takin a thum ri vung vung a. A chhungah chuan King Mogun leh a chhiahhlawh rinawm, Colonel Zook te chu an thu thlan hluam a. Minit 4 hnuah King Moguna mimal boruak lawng chu van thengreng lam panin a inkhawh chhuak zawk a. Chutih lai chuan Jupiter atanga meialh hlawm rawn sur chuan Planet Utopia chu a deng dawt dawt a, rei lo teah Utopia chu mei alh hlawmah a chang zui ta a ni.
Colonel Zook chuan, nui vur vur chungin, “Chawlh hahdamna tur hmun remchang awm chhun chu Planet Earth chiah a ni. A bak chu a hla lutuk, kan thleng zo lovang,” tih pahin a hmaa boruak lawng herh kawina chu zawi muang a han herh vir a. King Mogun chuan a lukhum lawk bur mai hlih pahin, “Planet Earth chu pan rawh,” a ti sup a.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)