THE LOST SOLDIER BY Puitea Tuallawt

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

THE LOST SOLDIER BY Puitea Tuallawt

Unread post by Ngaia » May 21st, 2016, 10:49 pm

THE LOST SOLDIER

‘Wake up, you sleeping person!
Rise From Death,
..Christ will shine on you..;
-Ephesi 4:14

MENTAL ILLNESS
Eng thil tih mah a tui thei tawh lo, a awmdanah chuan eng emaw dik lo a awm niin a hria a ni. Rilru lam doctor rawn mai tur em ni ang tiin a inkhap a inkhap buai a. Mahse, a landanah rilru buai leh chiang lo hmel a pu chuang si lo. Chumi ni chuan dawr nghah pawh a phur thei ngang lo. Tlai lam dar li rik rual chiahin a bag a khai nawlh a, in lam panin a haw ta nghal vang vang a.

‘A lo thleng leh ngei dawn, a lo thleng leh ngei ngei dawn nia’

SOUL PATIENCE
A beng a han hup ringawt thin, a reh thei chuang si lo. In a thlen veleh a thawmhnaw a phelh sawk sawk a tui vawtin a inleih tleng nghal thuak thuak a. Chau zetin khum lam a pan phei a, bawk nghal thlawrh a. A taksa tang mar trung reng mai chu a thlah dul riai riai, muthilh tuma a mitmitchhing tan lai mekin a khum thlanglam darthlalang phena mi tu emaw parda phena lo ding reng chu a va mu ta a ni.

Rang lutukin khum atangin Tluangpui chu a thu chhuak nghal hlawl a, a mutchuak zawng zawng pawh areh chawpchilh nghal vek.

“Eng nge i duh?” a aw chu a khur dat dat a.

FACE TO FACE
Pindan chhung chu boruak vawt tak hian a rawn luah nghal pup a, tukverh parda kara mihring lo lang kha Tluangpuii khum bulah amah hmachawn zawng tak hian a rawn ding ta. A hmel chu a lang dava deuh riai a, lungngaihna thurun thlak tak vei nei ni hian a lang. A kut lehlamah chuan AK 47,chul tawh tak, China ho kutchhuak niawm tak hi a kenga a,bung deuh nghut hian, “Ka fa leh ka nupui ka hmu duh a ni?”

“Eng vanga heti anga lo awm nge i nih?”

“Kum 1969 khan MNA (Mizoram Natioal Army) ah ka inpe ve a, khatih lai khan kan fapa chu kum ruk mi chauha ala ni nghe nghe a sin. Tichuan, Tualbung inkah tum khan ka chaldarah tak hmelma silai ka dawng fuh palh a...taka tun hi eng kum nge ni tawh,,”

“Kum 2012 July.”

Mak tih hmel takin chu sipai chu a inngaihtuah vung vung a,“Khawngaih takin ka fa te hmu tur chuan min pui thei ang em?”

“Khawi vengah nge an awm i la hre thei em?"

“Hre teh meuh mai, Vaivakawn vengthlang lamah an awm ang, keimahni in leh lo ngei a ni a.”

REUNION
Minit 20 vel zet taxi an chan hnuah an hmu ta hram a. Thlarau tawng chu driver chuan a hre ve thei lem lova, Tluangpuii pawh a ngawi ran a, thim pa ar ek a ni tawh, thlarau chuan dam diai hian ‘Tah khan le’ a rawn ti a. Tluangpuii chuan taxi chu a din tir a, an chhuk dun ta a. Driver chu rei lo te lo nghak lawk turin an tia.

Tluangpuii chuan kawngkhar bell chu a han hmet ri ral ral a. Rei deuh fe hnuah tlangval liam tha thelh thawlh tak mai, inkhaithli nalh zaih mai hian kawngkar chu a rawn hawng a, Tluangipuii chuan la hmuh ngai; mahse, a hmel landan ah chuan sipai fapa kha a ni ang tih a ring nghal thlap mai.

Han sawi zui leh dan tur a vang kher mai. “I pa chungchanga lo kal ka nia.”

“Ka pa aaa, min hai a ni lo maw ka pi, pawi ka ti khawp mai, hetaha awm ve tawh lo.”

“Nia ka herthiam che kei pawh a tir chuan ka awih lo hul hual ve tho a sin, anih i nu a dam tha em em?

“Vanduaithlak takin ka nu chu nikum september thla khan chuap cancer avangin a thi tawh, tunah chuan ka nupui leh kan fapa kum 13 mi nen chuah kan awm a ni. A hrim hirm thuah ka tawng a mawi lo zawngin min lo lak kawih sak lo la, ka pa nen chuan tun hnaiah in inhmu reng reng em ni?”

“Hei kan bula hi a ding reng a lawm.”

“Ekhaia, nang hi i chiang lo deuh a ni lo maw...??

Thlarauin a hrilh ang zelin Tluangpuii chu a tawng a.

“Kum 6 mi inih lai chuan kekawrbul chauh lo chu i ha duh miah lo va, i hnungzang chhungthlaah khan ser lian ang tak a awm, chu chu sikula in insualnaa vang a ni, I pain thing hmangin silai a siam sak tin che a. I duh a, in ral lemchan kha nuam i ti em em a, mahse i pa a thi tih a hriat hnuah....”

“A tawk.. atawk..” a biangah mittui luang ngiai mhiai .

Pawn bahlarah chuan nu hmeltha tak pakhat hian naupang duhawm tak hi a kai . An rawn thlir reng a,

“Anih ka pa chu tunah hian kan bulah a aw ve reng tih na em ni?”

“Aw.”

“Ka pa, ka ngai thin lutuk che a sin, ka nu khan a thih dawn thlengin i hming a lam a. Enteh saw i mo leh i tupa saw, an hmel tha a ni.” a insum thei tawh lo a biangah mittui s luang dir zawih zawih a.Tluangpuii pawh tap chhuak lo turin a insum hram hram a.

Midang te hmuh ve theih hauh loh chuan an bul vel chu a rawn eng riai riai a, thlarau chuan a fapa darah chuan ava beng thak thak a. Boruak karah chuan eng mak danglam tak hi a rawn in hawng huau a, Tluangpuii te chuan an hmu ve thei lo... chu eng mawi tak chhimbal ang maia zam paw chukah chuan a ni chu a lut a, a tham ral ta riai riai a..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)