THE BLACK MAN
(Season One Complete)
“You have to dream before your dreams can come true.”
-Dr. Kalam
FIRST ACTION
Mitthi chu hmeichhia kum 19 vel hmelpu a ni.
A rapthlak kher mai. A nghawng chu a bung lo chauh a, a vunchhiain a awh der der a ni ber. A hnute veilam chu hlehthlak a ni bawk.
Inspector Rinmuana chu a ner sawk a, luak lo turin a insum hram hram a, “Hei, eng thil nge ni ta mai, ava rapthlak ve le!” a bula thlalatu chuan thla a la mawlh mawlh a. A namailo kher mai.
“Engtikah nge a ruang hi inhmuh chhuah, engtik hunlai vela thleng nge a nih rin dan in nei tawh em? Tunge a nih in hre tawh em?” Inspector Rinmuana chuan rawmawla a hmai hup pahin a han ti deuh duah a. Ruang kiltu zinga constable pakhat chuan, “Tukin zing dar 8 vel khan bawlhhlawh paih tum tlangval pakhatin a va hmu chhuak a ni. Nizan thil thleng a nih hmel. Tunge a nih kan la hre lo,” polythene dum a ken chu hmuh pahin, “Hetah hian a phone leh a purse chu a awm,” a ti a.
Ruang tlukna chu bawlhblawh paihna hmun a ni a. Bawlhhlawh tenawm tak tak nen a inchiahpiah deuh nuai(h) avangin a tuihnai hran lo kher mai. “Thla in lak zawh tawh chuan la sawn tawh teh u, a hmuh a hrehawm em mai, chanchinbumi lam pawh an rawn lang leh tep tawh ang, heti ang taka an hmuh hi a tha ka ti lo, post-mortem turin la sawn rawh u,” tih pahin Rinmuana chuan a bike hunna lam a pan phei nghal a.
Constable pahnih chuan tim deuh dui hian ruang chu an hnuk sawn a, an bula ambulance lo dingah chuan an hläng lut ta nghal a.
“Ruang hmu hmasatu tlangval chu ka hmu duh a nia, office lamah rawn hruai phei ang che u,” tih pahin Rinmuana chuan a bike R15 chu a tinung a. Office lam panin a tlan ta nghal a.
HOTEL
A hming chuan hotel chu a ni ve ngei chhap a; a hming chauh tak tak a ni ber, pindan pathum a awm a, pindan tinah chuan khum pakhat leh dawhkan chawrche zet zet pakhat theuh a awm a. Tui in tur dahna bucket pakhat theuh a awm bawk.
Reception Counter hranpa a awm lo. Hotel chhak lamah chuan rangva in lian vak lo a awm. He inah hian choka leh hotel neitute mut pindan a awm. He choka hi reception counter a ni nghal mai. Hotel enkawltu chu a neitunu ni nghal Zaithangi a ni. Kum 6 dawn lai chu he hmun hi a lo enkawl tawh a. Hotela lo thleng thinte chu a enkawl hneh hlein a inhria, sawi nuam a tih ber pawh a mikhualte a enkawl dan vel chu a ni ber. A pasal Hmingmawia erawh chu zu heh zet mai a ni. An nupa hian fa an nei lova, vawi tam tak doctor pawh an rawn tawh. Tun thlengin fa hmel an la hmu ta chuang lo a ni.
Zirtawpni tlailam a ni, thim pa ar ek a ni tawh. Hmingmawia chu a hnathawhna atangin rui nam phial phualin a lo haw a, inchhûng a luh rualin a riltam tawh thu a rawn phun luh pui nghal mawlh mawlh a. “A rawn rui leh ta chhur e, ninawm lutuk!” tih hluk pahin Zaithangi chuan zanriah tur a buatsaih nghal a.
Chaw ei pahin Zaithangi chuan, “Mikhual tha deuh kan nei leh dawn a ni awm e, chhûnah khan min rawn phone lawk a, zanin dar 7 velah ka lo thleng ang a rawn ti a,” a han ti a.
“Eng mikhual maw, vawi engzat nge heti ang thu lawilo sawi hi sim tura ka tih dawn che. I damdawi i lo ei theihnghilh leh pek a ni lo maw? Mawl-chhah-nu,” Hmingmawia chuan ner nungin an chawhmeh chu a enkual dun dun a.
Zaithangi chuan,“Damdawi ei ka ngai tawh lo ka tih ka tih kha mawle, ka tha vek tawh. Doctor pawhin lo kal a ngai tawh lovang, i dam tawh min ti a lawm,” a ti a. Luhlul hmel takin a hawi tau zui hmak a.
“E he he, damdawi i ei loh vang chiah a ni hi, khaw’nge,” tih pahin a tho hluai a, mut pindan lamah a lut phei a, damdawi mum thum a rawn keng chhuak a. “Hmeli, kha ei ringawt rawh...khaa...ka barh luih hma che hian ei la a ni mai,” tiin damdawi chu a nupui hmaah chuan a va dah tau bur a. “Ei rawh,” a ti leh hmuk a.
“Ei a ngai tawh lo ka tih ka tih chu mawle, i va han suaksual zozai tak. Ka ei atâkah,” tiin a hmaa damdawi chu a beng per chuai a.
Hmingmawia thin a thawk ta. Dawhkana chaw leh chawhmehte chu a pet dar chuai chuai a, “Nang ka lo nei kher kher che hi chu ka va inchhir tak em! i â tawh a nih hi, ka thu i awih loh chuan i la bawraw telh telh anga ti nia,” tih pahin pindan lamah a lut bo ta daih a.
‘I va han rapthlak buan buan tak e aw, heti ang pasal han nei chu, ka va rethei tak em’ tiin a phun sep sep a. Chhuata thleng leh eitur darh nuai(h) chu a dah fel sawk sawk a.
Mut pindana a va luh ve chuan a pasal chu khumah tui deuh hian alo mu hnar bur bur tawh a, “Ninawm lutuk,” tih sup pahin a pasal kawisawi zet mu chu a han mut rem tira, rizaiin a khuh tha a, choka lamah a phei leh ta nghal a.
BLACK STRANGER
Sana a han en a, dar sarih rik nan minit 3 chiah a awm tawh. Chhuna rawn phone tu mikhual kha a lo thleng tep tawh ang. Darthlalangah a han inen a, a sam pawr deuh lai chu a han tuai mam thuak thuak a. Kawngkhar an rawn kik ta chiah a.
Phur fein kawngkhar chu a va hawng a. Mi pakhat, kum 45 vel hmelpu, hmai dâng var deuh lup, cher ria lam, fit 5’10 vela sang, mitmeng fiah kel kawl, hnar zum nalh angreng tak, hmui pan thler thlawr, kamis dum leh kekawr dum ha, bag dum tereuhte khai hi a lo ding a.
“E, i lo thleng ta maw, ka lo nghak reng tawh che a sin,” mikhual pa hmel vawt ruih mai chuan a ti hlau deuh lek lek mai.
“Nia, hei ka rawn thleng thei hram e,” mikhual chuan a ti a.
Zaithangi chuan, “Khu, khulai mai khu a nia hotel chu, a vaiin a ruak vek a, i duhna berah i inghat thei ang, ti rawh ka zu hruai ang che,” a ti a, hotel lam pan chuan an chhuk thla dun ta a.
THE BLACK MAN-0.2
‘You may say, i’m a dreamer,
But i’m not the only one,
I hope somday, you’ll join us’
INVESTIGATE
Inspector Rinmuana office chhung chu a lum tha ham ham hle. Muang zeta ceiling fan vir chik ri tuat tuat chuan boruak lum a chhêm kual vel mai mai ni berin a hriat.
A hmaa tlangval thu chu a thlan hluam a, lum a tih hmel kher mai. Rinmuana chuan, “Tu emaw han rinhlelh theih mai awm chi hmel hmuh i nei reng reng em, han ngaihtuah nawn leh teh,” a ti a.
Tlangval chuan, “Chuti ang engmah ka mu lo, ruang ka hmuh khan ka hamhaih nghal vek a, bawlhhlawh pawh kha ka paih hman ta hleinem. Ka tlan haw leh nghal nal nal a, inah ka inngaihtuah fim hnuah, ka chhungte ka hrilh a, ka pain police hrilh vat chi a nih chu a tia, hei kan rawn hrilh ta che u a ni. Chu bak engmah hriat mumal ka nei bik lo,” a ti a.
Chu tlangval hnen atang chuan eng thu pawimawh mah hriat tur a awm lo tih chu a hrethiam nghal mai a. “Aw le, i haw thei tawh ang, kan mamawh che chuan kan rawn hriattir leh mai ang che,” a ti a. Tlangval chhuah hnu chuan dawhkana mobile phone leh purse te chu a han belchiang a. Phone chu Nokia kutchhuak, colour lo, a man tlawm chi a ni. Purse ah chuan cheng za note thar vak lo pariat a awm a, lipstick pakhat leh powder bur, in en theihna darthlalang awm chi pakhat a awm bawk.
Phone book chu a han hmet chhuak a, a vaiin hming 47 chiah a in save, hming in save dan lah chu a mumal lo angreng viau a, lamtawi deuh hlir a ni bawk. Balance Rs.29 a awm a, sms pack Rs.57 chiah a awm bawk. Phone-a hming awmte chu a mal malin a call tan ta nghal a. A hmasaber chu a call tlang thei lo nghal phawt. A dawttu ‘asagi’ tih chu a call tlang thei ta, “Hello, hei hi Asangi a ni em?” a han ti a.
“Aw ni e, eng nge ni ta, tunge i nih, hei hi Marini phone a ni sia, a bialpa em ni?” a rawn ti a.
“Ni love, police ka nia, englo, thil chhui lai kan nei a, he phone neitu hi i thiannu em ni?” Rinmuana chuan a aw chu a ti nem hram hram a.
“Ni e, Marini chu ka thiantha ber a nia law, engtin nge a awm, i bulah a awm em ni?”
“Awm chiah lo, Asang, i thiannu chungah thil tha lo tak a thleng a, khawngaihin ka office ah lo leng lawk ta che.”
“Khawiah, khawi i office ah maw?”
“Hetah police station-ah , hlauthawng duh suh. I thiannu tanpui a ngaih avang a nia, khawngaihin lo leng phei ta che. I awmna sawi la, motor in ka naute ka rawn lam tir dawn che nia.”
“Ka hman lo viau a sin mawle, aw le, hetah, Zarkawt traffic point bulah ka lo awm ang; mahse, ka rei vak hman lo a nia.”
“Aw le, aw le, lutuk, ka naute ka rawn kal tir nghal e,” Rinmuana chuan phone chu a titawp nghal a.
THE OWNER’S
Zaithangi chuan tukthuan rawng a bawl mek a, zawite tein a zai rat rat bawk a. Mikhual han neih hrim hrim hi nuam a tih zawng tak a ni. Tun tuma an mikhual phei hi chu a hmel pawh a tha, a polite hmel viau bawk si. Nakinah, remchang a awm veleh a la kawm chiang ngat ang mawle. A pasal zu ngawl vei teh thlawt ai chuan han titi khawchanpui vel pawh a nuam zawk ngei awm si a.
Hminga chu ham tum buauin a rawn tho chhuak a, nizan lamah a lem hnem deuh avangin a lu a la hai bur a, a ril a tam viau bawk. Hmai a phih zawhah a nupuiin thingpui a rawn pek chu a in a, “Zaii, damdawi i ei tawh em?” a han ti bung nghut a. Zaithangi chuan, “Ei a ngai tawh lo ka tih ka tih kha mawle, doctor pawhin i tha tawh min tia lawm, ka ei dawn tawh lo,” tiin a chhang a.
“Vawiinah doctor chu ka zawt ang, dawt i sawi vaih chuan i chak lo khawp ang, hre rawh.”
“I duh leh zawt la ti nia, a lawmawm khawp ang chu. Taka nizan i mut hnu khan mikhual, chhun lama min rawn phone lawktu ka tih kha a lo thleng a, a fel hmel roh khawp mai.”
Hmingmawia chu a nui suk a, “Zaii, tu mikhual mah an rawn thleng lo,” a ti a.
“Hei, tukthuan pawh ka chhum kep vek a lawm.”
Sana a han en a, “E, dar riat a ri dawn der tawh mai, chaw ei turin ka zu ko ang e,” tih pahin hotel awmna lam panin a chhuk thla nghal a.
Hmingmawia chuan rilru hah hmel deuhin a nupui chhuak ta chu a en zui vang vang a. ‘A va han manganthlak mai mai thin tak em! Engtia tih chi nge maw ni dawn ni,’ tiin a phun nung nung a.
Zaithangi chu rei lo teah a rawn lut leh thuai a, “Chaw chu ka zu pe mai ang e, a rawn ei chho hreh deuh a niang,” tih pahin thlengah chaw a khawrh a, plate teah chawhmeh a suak chhuak a, “Ka rawn chhoh leh veleh keini pawhin kan ei ve nghal mai dawn nia,” tih pahin chaw leh chawhmeh chu hotel lam panin a chhukpui nghal a.
Dar kua rik dawnah chaw chu an ei ve ta a. Chaw ei pahin Hmingmawia chuan, “Zaii, heti anga i awm zel chuan i bulah ka awm reng peih dawn miah lo a nia, enkawl deuh i ngai a ni. Damdawi inlamah te hian i awm duh mai lawm ni?” a ti a, a ni leh ni lo angin a aw chu a dam ve duam roh a. “Eng nge damdawi ina awm a ngaihna, ka tha vek tawh a lawm, doctor pawhin harsatna i nei tawh lo, i dam var tawh min tia lawm.”
Chaw ei dawhkan thawhsan pahin Hmingmawia chuan, “Vawiinah hna atangin ban hma deuh ka dil ang a, doctor chu keimah ngeiin ka va hmu leh ang e,” a ti a. Pindanah lutin a insiam zui nghal mawlh mawlh a.
SECOND MOVE
Mak a ti kher mai. A hriat tirh phei kha chuan a awih thei lo;mahse, a ruang an hmuhtir hnu kha chuan awih loh theih a ni ta si lo. Nimina Inspector Rinmuana nena an inkawm dan zawng zawngte kha a ngaihtuah let neuh neuh a, a thiannu Marini kha a hrechiang ve thawkhat chuan a in hria. Protective Home atanga in chhar an ni. Mite chuan KS tiin hmusit viau mah se, an dinhmunin a zir loh em avanga heti ang dinhmuna ding ta hi an ni ve ve a. An dinhmun a in an em avangin an inngainat zual phah a, midang pawh an kawm ngai meuh lo, an pahnih chuan an inkawm deuh chawt thin a ni.
Marini berin a awm loh san tak avangin mahni chauhva a feh chhuah a ngai tawh a, mi lah chu an tlem viau mai. Zan hmasa lamah a che fuh vak lova, pawisa lah chu a nei tlem tawh viau lehnghal. Zaninah dawrtu a hmuh loh phei chuan a che buai viau tawh mai thei a ni. A nun dan chu a ning ngawih ngawih tawh a;mahse, heti baka nun dan dang a hre bawk si lo.
Zan dar riat a ri tawh. Amah rawn beiseitu awm hmel reng reng a la hmu lo. Tukin atangin engmah a la ei mumal lova, a ril lah chu a tam tawh viau mai. Dar kua minit 10-in a la ri lo tihah dawrtu pakhat chu a hmu ta hram a.
Chu pa chuan kamis dum leh jacket dum, lukhum nei hi a inbel a, bag lian vak lo hi a khai a. Zan thim a nih avangin Asangi chuan a hmu chiang thei chiah lo. Ngo lampang, hmel pawh chhe lo tak a ni tih chu a hre thei.
“Engzat nge ka pek ang che,”a aw ri chu a tham deuh tuak a.
Heti anga frank deuha dawrtute hi a ngaina vak ngai lo. An hmuhsit vang niin a hre tlat thin. “Cheng zanga a ngai ang.” A nihna takah chuan cheng zahnih bak a la ngai lo;mahse, he pa hi chu a ngainat chi a ni lo tlat, a in chhiar to lui ve deuh ngat a ni.
Kawrdum ha pa chuan, “Aw le, a to viau naa ka pe ang che. Ti rawh, hmun rem deuh ka hria a nia, min zui rawh le,” a ti a. Asangi pawh chuan ihe lovin a zui ve nghal mai bawk a. A pum chu a ri ruih ruih a, a riltam tawhzia a han hrechhuak leh hnuhnawh a. Duh leh nakinah, an khawsak zawh hnuah in eipuar lam chu a la ngaihtuah chhunzawm ang chu. Tunah chuan cheng zanga hlawh chhuah phawt a tul hrih tlat....
THE BLACK MAN- 0.3
“Ngai teh, hei hi ka hriat chhuah tak chu a ni: Pathianin tluang taka nung turin mihringte a siam a, anni erawh chuan an tikhirhkhan zo vek a ni tih hi.”
-Thuhriltu 7:29
WAKE UP CALL
A khum bula phone ri ral ral chuan a ti harh zawk a, a mit a nuai nawk nawk a. Sana a han en a, zing dar 3:46 a ni. Tun ang hunah te tunge maw rawn be duh ta le? A pawimawh viau a ni mahna. Phone chu a la kang a, “Hello,” a han ti a.
“Ka pu, nula pakhat ruang chhar a ni a, nimin piaha i office a lo kal kha a ang khawp mai. A hmaa mi ang bawkin, a rapthlak khawp mai.”
“Khawiah nge?”
“Hunthar veng, lei tlahniam bulah a nia, engmah kan la khawih sawn lo.”
“Aw le, ka lo kal nghal,” phone a dah a.
Inspector Rinmuana chu a harh chiang ta kher mai. A hmai a phih thuak thuak a, pawna a bike dah chu a tinung a, hmanhmawh takin Hunthar veng lam panin a tlan thla ta nghal a.
Ruang chu thisenin a chiahpiah nuai a, a rapthlak kher mai. A en thuak pawhin Marini thiannu, Asangi kha a ni tih a hre thei nghal mai. A nghawng chu a bung hmawk a, a hnute veilam chu hlehthlak a ni. A hnuhma atanga a lan danin a tihlumtu hi a zei hmel khawp mai. A hmanraw hman pawh a hriam thawkhat hle ang tih a rin theih.
A bula constable hnenah chuan, “Engtika in hmuh nge?” tiin a han zawt a.
“Zing dar thum leh a chanve rik hma hret niin ka hria. Taxi driver leh a passenger pahnih zu in haw lamin an hmu a ni. A hmu hmasatute chu i biak duh chuan saw, sawlaia saw an la awm.” tih pahin a piah deuhva taxi ding chu a kawk a.
Tlangval pahnihte chu an ruih hmel hle a. Thu zawh fiah tlak pawh niin an lang lo. Taxi driver erawh chuan rui hmel a pu lo va, “Phunchawngah mi ka zu drop a, ka haw chhoh lamin RV-ah tlangval pahnihte hian min lo phar ding a, ka rawn phur chho ve nghal a,” a ti a.
Rinmuana chuan, “Han rinhlelh theih awm chi hmuh i nei em? Eng pawh, a thawi tal pawhin, mihring hmel emaw, motor emaw te pawh,” tiin a han zawt a. Taxi driver chuan, “Chuti ang ka hmuh pawh ka hre lo. Kawngsir hnimin a hliah deuh avangin hmuh mai a harsa angreng a. Kei pawhin tihpalh thil takmeuhin ka hmu a ni. Ka tlan pel hman tawh a; mahse, ka ngaih a tha lo deuh a, ka back leh a, ka va en chiang a, ka hmu ta chauh a ni,” tiin a chhang a.
A rin ang vel chiah a ni. Taxi driver hnen atang chuan a thattu chhui chhuah theihna tura thil tangkai engmah puak chhuah tur a awm lo. Ruang chu post-mortem turin an la bo tawh a. Inah pawh haw tawh lovin Rinmuana chuan office lam a pan ding nghal a.
PROFESSIONAL KILLER
Ni hnih dan lekah ruang pahnih, rapthlak taka tihhlum an awm ta der mai. A thattu lah chu a bibo hneh ngang mai si, han rinhlelh a, han chhui zui tur thil engmah a hnutchhiah duhtlat lo. Misual naran zawng a ni lo tawp mai, professional killer tak tak an hmachhawn dawn niin a lang. An man vat loh chuan midang pawh a that leh ngei ang. Chanchinbumiho lah chuan police ho demna thu an chhuah tan pang tawh a. Chet lak dan tur lah a bangbo mup mai bawk si.
Post mortem result-ah chuan tualthattu chu mi zai thiam tak a ni tih a lang a. A hmanraw hman pawh chemte naran mai ni lovin, doctor hovin mi zai nana an hman ang chi a nih hmel. A mi thahte a sawngbawl zui duh dan atang hian he tualthattu hi mi pangngai zan lo niin a ngaih theih bawk.
Marini kha KS kan tih ang chi niin a lang a, tuna thi leh ta Asangi pawh hi chuti ang mi tho chu a ni bawk. Rinmuana chuan ngunthluk takin a ngaihtuah a, he tualthattu hian KS ho hi a haw hle a ni thei ang em? Asangi leh Marini kha an thih hmain pawngsual an ni lo ve ve a. He tualthattu hi mi hurherh an tih ang chi chu niin a lang lem lo. A thah takte hi a mimalin a hua nge, KS an nih avangin a that zawk? Nge ni a hmuh remchan hmasak an nih avangin a that mai zawk? Chhan leh vang tha tak neia that a nih chuan chhui chhuah a awl zawk mai thei. Mahse, chhan mumal nei miah lova, a hmuh remchan avanga that ringawt mai a nih chuan chhui a har zawk mai thei. A chet leh dan tur pawh rin lawk ngaihna a awm dawn miah lo tihna a ni thei bawk ang.
Chutih lai chuan constable pakhat hian tlangval hmel fel veng vawng, inthazawh hmel tak hi a rawn hruai lut a. Rinmuana chuan. “Eng nge ni ta, hei hi tu nge?” tiin a lo zawt nghal var a.
“Ka pu, he tlangval hi taxi driver a nia, a biak duh thu che a sawi a, ka rawn hruai a ni.”
“A ni maw, tlangval eng nge i hming? Eng thilah nge min biak duh tak?” a ti a.
Tlangval chuan, “Ka pu, ka hming chu Rinsangliana a nia, thiante chuan RS tiin min ko mai thin, ih englo...nizan khan Asangi leh mi pakhat ka phur a.”
Inspector Rinmuana chu a thu ngil nghal zawt a, a phur kher mai, “Eheu, a va lawmawm ve. Asangi thih thu kha i lo hria ang chu maw?” tiin a han zawt nghal a. Rinsanga chuan, “Aw, hria e, tukinah ka thianpa taxi driver ve thovin min hrilh a, ani hi a ruang va hmu hmasatu kha a ni nghe nghe a,” a ti a.
“A nih tak chu, a ni nen pawh khan kan inbe nual tawh a lawm; mahse, hriat a nei tam vak lo, nizan thil vel chu han sawi chiang ta che.”
“Salvation Temple kawt khi ka dinna thin a nia, nizan dar 9 vel kha niin ka hria. Asangi leh mipa pakhatin min hmang a.”
“Khawiah nge i drop?Asangi kalpui pa chu i hmu chiang em, eng ang hmel pu nge a nih?”
“Hunthar veng petrol pump bul thleng ka hruai. A bak chu ka hre zui tawh lo. Mipa zawk chu sang deuh, fit 5’10 vel lai pawh a ni mai thei. Vun ngo deuh, kekawr dum leh jaket dum lukhum nei ha a nia, bag tereuhte a khai bawk.”
THE CLINIC
Kum hnih lai liamtaah khan ama pualin clinic a hawng ve a, nurese pahnih chhawrin damdawi dawr a nei kawp nghal bawk a. Doctor Muanchhana hi doctor hna a zirlai pawha a thiam pawl ni zar zar thin a ni a, dawr a hawn hnu pawhin dawrtu leh rawntu a ngah ve hle. Damdawi in liana thawh ai chuan hetia mahni thua eizawn hi a duh zawk daih a ni. Hmeichhe that lohna, chhul tha lo enkawl vel hi a specialist na lam a ni a, helam thilah hian dawrtu pawh a ngah deuh ber a ni.
Thla 3 liam taah khan Zaithangi nen hian an inhmelhriat tawh a. Zaithangi pasal Hmingmawia phei chu Helen Lowry School ah pawl sawm an zir laiin class khatah an awm dun a, an inkawm ve thin. Amaherawhchu Hmingmawia chuan zu in a chin chhoh tak avangin pawl sawm pawh a zir zo thei ta lo a. School atangin an hnawtchhuak a, khami hnu kha chuan an inkawm zui ta lo. Ani lahin phai lamah lehkha a zir zawm ta daih bawk si a, Hmingmawia nen chuan an inhmu ngai ta lo reng reng a ni. Thla thum liam taa a nupui Zaithangi a rawn hruai tum kha kum sawm liam hnua a vawi khat hmuh lehna chiah a ni.
Rilru hah hmel taka a dawhkan hmaa Hmingmawia thu chu a han en a. “Thianpa Hming, a buaithlak angreng khawp mai. In nu chu kar hmasa nilaini khan a lo kal a, damdawi ei a nih tawh thu leh, a dam tawh avangin damdawi ei a tul tawh lo niin a rawn insawi a. Ka’n hnial deuh ngial naa, ‘Ka dam tawh a lawm, engmah that lohna ka nei tawh lo,’ a ti tlat si a. A nih chuan damdawi chu lo ei chhunzawm lo phawt mai rawh ka ti ta mai a ni. Diktak chuan ei rawh pawh ti ila, a ei chhunzawm duh dawnin ka hre chuang lo a ni,” Dr.Muanchhana chuan a thianpa lungngai hmel chu hmuh hrehawm a ti khawp mai.
“Nia, a buaithlak khawp mai. Eng emaw chang hi chuan kei pawh, a dam vah tawh ni hian ka hre ve thin a; mahse, tunhnaiah hian a buai a zual leh deuh tlat mai a, damdawi a thlah tak vang hi a ni thei mai ang em ka ti deuh a ni,” Hmingmawia chuan a han ti a.
Dr.Muanchhana chuan, “Engtin nge tunhnaiah a awm a, a bawraw leh viau em ni?” a ti a.
“Bawraw em em phei chu a ni lo;mahse, tunhma ang deuh bawk khan hotel chungchang bawk a sawi leh sek tawh mai a, ka ngaih a tha thei ngang lo a ni.”
“Engtin chiah nge a sawi thin?”
“Aa..i bulah chuan sawi ta mai ila, a â let tawp tawh ni berin ka hria. Mikhual nei ang te’n a inhria a, chaw ka pe e te a ti thul, mang a ti ang duh khawp mai.”
Dr.Muanchhana chuan, “A nih chuan a damdawi kha lo ei chhunzawm tir dan lo zawng phawt mai la a tha ang. A ei duh ngei theih nan hmin i tum hram hram dawn nia,” a ti a. Hmingmawia chuan beidawn hmel zet hian, “Ka tum a lawm;mahse, a duh tlat lo. Nutling an ni ve tawh, a duh lo chung han barh luih ngawt lah chu a ni meuhin ka hre bik si lo. Damdawiin lamah te hian dah mai a tha lo maw te ka ti rum rum tawh a ni,” a ti a.
Dr.Muanchhana chuan, “Damdawi chu ei chhunawm tir dan lo ngaihtuah phawt mai teh. A theih ta ngang lo a nih chuan damdawiin lam chu kan ngaihven chhawm dawn nia,” a ti a.
THE BLACK MAN 0.4
THE PRIVATE
“I thawmhnaw suk te a ngai em? Hei ka insu dawn tho a, ka lo nuaisak ve dawn che em ni ang? inthlahrunna tur a awm hauh lo a nia,” Zaithangi chuan a han ti a.
Mikhual chuan, “Ka pi, thil pakhat ngen duh che ka nei a?” a ti a. Zaithangi zawhna chu chhan kher a tul a ti lo a ni mahna.
Zaithangi chuan mikhual pindan phiah fai mawlh mawlh pahin, “Eng nge ni ta, han sawi ta che,” a ti a. Mikhual chuan, “Khawngaih takin ka pindanah hian lo lut tawh lo la ka duh a ni. Thawmhnaw suk, tui khai leh hmunphiah vel chu keimah paw’n ka ti ve thei lo ang, midang nena inchiahpiah vak hi ka duh lo a ni. Heti ang ka nih vang hi a nia, helai hmun fianrial tak ka rawn pan kher na chhan pawh. Mahnia khawsak ngaina mi ka ni a, i remtih loh chuan thlenna tur hmun dang zawn mai pawh ka hreh lo,” a tawng chu a dam thlap naa, hlauhawmna riau hi a tel tlat.
Zaithangi chuan a hmunphiah chu a hum nghet sauh a, “Anih chuan, heta ka lo kal thin pawh hi i lo ning viau tihna a ni maw? a tirah khan engkim sawi tur che a lawm, chuti a nih chuan chaw pawh hmun danga mi i ei mai a va ngai awm ve?” a ti a. A lungawi chiah lo hmel chu hmuh a nuam hran lo hle.
“Nia, thingpui dawr velah pawh inhnawhpuar theihna chu a tam a lawm. Tun atang chuan chaw min chhum kep tawh lo la ka duh a ni. Thlen man chu i tih ang zat zat ka pe mai ang che. Sum lamah chuan ka buai lo,” a hmelah chuan a thinrim nge, a lungawi tih engmah a hriat theih loh.
Zaithangi chuan, “ I duh dan chu zawm ka lo tum tawh ang e,” a ti a, hmunphiah chu a dah tau sawk a, mikhual pindan chu a chhuahsan ta nghal a.
THIRD MOVE
Zan dar 8 a ri chiah. Tlai lamah ruah tlem a sur avangin boruak chu a vawt deuh vur a. Vaivakawn leh Hunthar veng inrina laiah taxi a ding a. A hnunga chuang Zualtei chuan taxi driver hnenah chuan, “ A va rei tawh ve, hei dar riat a pel tawh a nia. A vawt ropui si, haw daih mai ka duh tawh a nia. Heti ang mi punctual lo lutuk hi chu ka kawp chak zawng pawh an ni lo,” a ti bal bal a.
Taxi driver chuan, “I va tawng peih mai mai e aw, a lo thleng tep ka tih ka tih chu mawle. Zanin ataka eng nge maw i hmanhmawh khuk riai reng le? Tih tur dang i nei pawh ni hlei lo,” a ti nung nung a.
Chutih lai chuan, mi pakhat kekawr dum leh kawr jacket dum , lukhum nei ha, bag te reuh te khai hi taxi hnungah chuan a rawn lut ve chiah a, driver chuan, “Kha ka tih reng kha, lo phun lo phun a ngai hleinem. A hun takah chuan a rawn rah keuh mai a lawm,” a ti a, Rangvamual lam panin motor chu a tlan tir ta nghal a.
INVISIBLE STRANGER
“Zaithang, chuti ang mikhual an awm lo tih hi vawi engzat nge ka sawi dawn. Damdawi kha ei la, mu nghal rawh,” Hmingmawia zu rui lungpuam chu a meng sen tul a, a nelawm loh kher mai.
Zaithangi chuan, “Ka mu lovang, ka mu dawn lo. Kan mikhualpa awmdan khuan ka ngaih a ti tha lo a ni. A bag ah te khuan eng nge awm reng reng. Englai pawn a keng reng ringawt mai,” a ti a. Hmingmawia chuan, “Hmm.. i â let tawp tawh a nih ber hi. Lo kal teh, thil awmdan chu chiang takin ka’n hmuh tir teh ang che,” tih pahin a nupui banah chuan nghet zetin a man a, kawmthlanga in hlui rup tawh pan chuan a kai thla ta nawk nawk a.
“Tlawh pawh a duh lo teh mai a nia, kal lovang, khawi, min thlah teh zawnga, min thlah rawh ka tih chu,” tiin Zaithangi chu a rak tuar tuar a. Hmingmawia lah chuan dim lo baksak hian a nupui chu a kai thla nawk nawk a. An kawmthlang in hlui tlabal tawh tak kawngkhar chu dim lo zet hian a han tlawh hawng rawk a, “Hei, mi â nu, en ta che, khawnge i mikhual pa chu a awm tak. En rawh, en rawh, he in hi kum 6 chuang lai tuman an luah tawh lo. Mikhual bag khai an awm hek lo, i at chhah luattuk vang mai mai a ni. I suangtuahna hi a tak emaw ti ziah suh,” a ti tuar tuar a.
Zaithangi chuan, “A awm a lawm, a awm chiang lutuk. Nang zungawlveipa khan engmah i hre ve bawk lo. Ka mit ngei hian ka hmu a ni. Tunah chuan a leng chhuak rih a niang,” a ti ve fan a. Pindan chu a enkual ruai a.
Inchhung chu a hmuar uar tawh a, a sir bera pindan kawngkhar chu Hmingmawia chuan a han tlawh hawng rawk a, “En ta che, mi mawl nu, en rawh, khum te hi, mihring mutna hnu niin i hria em ni?” a ti tun tun a. Pindan kawngkhar pahnih dangte pawh chu a tlawh hawng zel a, a nupui chu a entir zel bawk a.
Chung pindan pathumte chu hun rei tak rauhsan tawh tih hriat takin maimawm ril leh hmuarin a bawh chet chuat tawh hlawm a. Khum awmte lah chu hun rei tak mut nana hman tawh loh tih hriat takin a paw ther thur mai bawk.
“Khawiah nge i mikhual bag khaia chu a awm a, min han hmuh ta che.”
“Nimin kha chuan a awm ngei a lawm. Tukin zingah pawh tukverh atangin ka hmu chiang lutuk ringawt,” Zaithangi chuan a la ti hram a. Hmingmawia chuan dawh theih loh hmel zetin, “I â let tawp tawh a nih ber hi, Zaithang. He inah hian tumah an awm lova, mikhual bag khai pawh an awm hek lo. Khum te hi en ta che, hun rei tak mut nana hman tawh loh a nih hi,” a ti tun tun a.
CORPSE
Nula chu a nghawngah zai bun a ni. A hnute veilam pawh hleh thlak a ni bawk. Ni 6 chhungin hmeichhe pathum, rapthlak taka sawisak hlum an awm ta.
‘A ngai bawk a ni leh ta, kan man chhuah hunah chuan a va chak dawn lo rua em!’ tiin a ngaihtuah a. Tunah chuan tualthattu chhui theihna tur hmanrua pawh tlem a zawng chu an nei tawh a lawm. Kamis dum leh kekawr dum ha, englai pawha bag dum te reuh te khai reng thin. Fit 5’10 vel, cher ria deuh, ngo lampang.
Mahse, engtin nge ni ang? Engtia zawn chhuah tur nge ni ang? Bul tanna tur a vang kher mai.
Dawhkana phone chu a rawn ri rang rang a, phone lak kan pahin, Rinmuana chuan, “Police station, eng nge ni ta?” a ti a.
“Thianpa Rin, nangmah em ni, Muanchhana ka nia.”
“Aw ni e, ekhai thianpa i dam thin maw, in biak a va khat ve le!”
THE BLACK MAN 0.5
(Season One Complete)
“Mi nungdamte chuan an la thi dawn tih an hre si a, mitthi erawh chuan engmah an hre lo va, lawmman an nei tawh ngai lo va, hriat reng pawh an hlawh tawh hek lo.”
-Thuhriltu 9:5
RECAP
Nula chu a nghawngah zai bun a ni. A hnute veilam pawh hleh thlak a ni bawk. Ni 6 chhungin hmeichhe pathum, rapthlak taka sawisak hlum an awm ta.
‘A ngai bawk a ni leh ta, kan man chhuah hunah chuan a va chak dawn lo rua em!’ tiin a ngaihtuah a. Tunah chuan tualthattu chhui theihna tur hmanrua pawh tlem a zawng chu an nei tawh a lawm. Kamis dum leh kekawr dum ha, englai pawha bag dum te reuh te khai reng thin. Fit 5’10 vel, cher ria deuh, ngo lampang.
Mahse, engtin nge ni ang? Engtia zawn chhuah tur nge ni ang? Bul tanna tur a vang kher mai.
Dawhkana phone chu a rawn ri rang rang a, phone lak kan pahin, Rinmuana chuan, “Police station, eng nge ni ta?” a ti a.
“Thianpa Rin, nangmah em ni, Muanchhana ka nia.”
“Aw ni e, ekhai thianpa i dam thin maw, in biak a va khat ve le!”
BASIC
“Nia, eizawnna kawng a in ang ta lo deuh a ni. A tih tak tak theih tawh lo a ni.”
Inspector Rinmuana chuan, “Eng thil nge ni ta, nang meuhin min rawn biak tak ni?” tiin an thusawi chu a han her danglam a.
Dr.Muanchhana chuan, “A..hei, tunlai chanchin hi mawle, tualthah chungchang vel hi...” a ti a, a riat deuh niah niah a.
“Nia a buaithlak angreng khawp mai. Hma han lak dan tur lah kan bangbo ru viau mai lehnghal.”
“ Englo a nia thianpa, chanchinbuah khan ka lo chhiar a, tualthattu pianhmang leh a incheina vek kha.”
“I hriat mi niin i hria em ni?” Rinmuana chu a phur deuh sawt a.
“Ni chiah lova; mahse, an sawi ang mi niawm tak kha ka damlo enkawl pakhatin a hmuh thu min hrilh a. Engmah phei chu a ni lo mai thei.”
“Ngawi teh thianpa, i thil sawi chu a pawimawh dawn riauin ka hre tlat mai. I damlo enkawl chu a hming min hrilh phal em?”
“Hrilh phal e, Pi Zaithangi a nia, chhul lam tha lo, pangngai zan lohna nei thin a nia, mi â bawraw lutuk phei chu a ni lo. A sawi dan chuan tualthattu lan dan chanchinbua an ziah ang mi chiah kha mikhual a nei a ni awm a sin, thutak khuka khukpui chi a nih leh nih loh phei chu ka hrethiam chiah lo, amah Pi Zaithangi hi ka sawi tawh ang khan, tlemin a pangngai lo deuh thin a.”
Rinmuana chuan, “Finfiah ngei a ngai a nih chu, ka rawn inkhalh phei nghal e. I damlo enkawl Pi Zaithangi chu tunah khan i bulah a awm em ni?”
“Awm ti ila, pawnah sawn ka koh luh hun nghakin a thu mek a.”
“A that chu, ka lo tlan phei nghal e,” phone a dah a, bike a tinung a, Dr. Muanchhana clinic lam panin a tlan phei ta nghal a.
THE WOMAN
Dr.Muanchhana leh Zaithangi chuan thingpui an lo indun mek a, “E, o lo thleng ta maw, i rang vat vat hla mia, thingpui ka’n chah sak nghal ang che,” Muanchhana chuan inchibai nan a kut a phar chhuak nghal a.
Rinmuama chuan, “A ngai lo, ka lawm e, ka rawn in zo chiah a. Ka puar hrih e, hei hi em ni Pi Zaii chu?” Dr. Muanchhana ep chiaha thu nu pakhat, hmai hlau phei phuk hlauh nei niawm taka meng deuh hru reng mai chu a han mitmei pah zoh a.
“Aw, a nih kha, ti khan inkawm nghal mawlh mawlh mai rawh u.” Dr. Muanchhana chuan a thingpui in lai chu tlem te a han lem belh leh hlek a.
Rinmuana chuan, “Ka pi, i mikhual pa chanchin chu han sawi chiang teh le,” tih pahin Zaithangi bula chair-ah chuan a thu ve nghal a.
“Tukin chanchinbuah ka lo chhiar ve a, kan mikhual pa nen an in ang riauin ka hria a ni. Bag tereuh te khai thin, jacket dum, lukhum nei ha. Ngo lampang, cher sang deuh tih vel kha a ni lawm ni?” Pi Zaithangi chuan a han ti a.
Rinmuana chuan ,“Nia chiah mai, chuti ang chiah chu a ni e. In mikhuapa chu tunah a la awm em?” a ti a, a hmanhmawh thar deuh thut a.
“Awm ang, chhunah chuan a chhuak ngai lo; mahse, tlawh pawh a duh miah lova, mahni chauha awm duh mi niin a in sawi a lawm. Kei takngial pawh a pindanah chuan luh a phal hleinem.”
“Ka pi, in in awmna chu min hrilh ta che. In mikhual pa chu tualthattu hi a lo nih tak tak hlauh chuan rang taka man nghal kan duh a ni. A hrim hrim thu-ah nangni tan pawh chuti ang mikhual neih chu a hlauh thei viau dawn a nia.”
Zaithangi chuan an in awmna lai vel chu thiam vak lovin a han sawi a. Rinmuana chuan, “Ka inthlahrung viau naa, khawngaihin min kalpui thei ang em ka pi?” a han ti a. Zaithangi chuan, “Thei e a, hei tih tur pawh ka nei tawh lo, haw ka lo tum chiah a....”
“A that chu, ka naute ka’n phone nghal ang e,” tih pahin Rinmuana chuan mobile phone a phawrh chhuak nghal a.
THE EMPTY HOUSE
In chu a hlui tawh hle a. Hun rei tak luah hnum tawh loh niin a lang. Rinmuana chuan a kawnga a puakruk pai chu a phawi a, a bulah constable pahnih hi tiang kengin an awm bawka.
“Khawngaihin kawng hi lo hawng lawk teh,” kawngkhar chu a han kik karh karh a. Tuman an rawn chhang hauh lo.
“Rawn hawng teh, i rawn hawn duh loh chuan kan tichhe dawn a nia.”
Engmah chhanna a awm chuang lo.
Rinmuana chuan kawngkhar chu a han nam deuh sawk a, awlsam tein a inhawng ta mai a. Rang takin an lut nghal. Tumah an awm lo.
Pindan pathum awmah chuan an lut chhuak vek a, tumah an hmu tlat lo. Maimawm ril inzam kawi duah leh khum tlabal zet, hun rei tak mut nana hman tawh ngai loh tih hriat tak te chu an hmuh chhun a ni mai. Mihring sulhnu zawngin uluk takin pindan chhung chu an en kual vek a, tualthattu sulhnu awm ang hmuh tur pakhat mah a awm lo.
BLACK STRANGER
Chawhmeh tur a lu vel malh malh chungin Pi Thansangi chuan nizana a mumang hlauhawm deuh kha a ngaihtuah a, a mumangah chuan nau a lo nei dawn a, doctor pahnih hmai tuam hian a dul chu an lo zai tet hlawih hlawih a, naute chu a pum atangin an lo la chhuak a, naute hmel chu a han e a, mit chiah a nei, nar leh ka a nei lo. A mam thla pul mai a, a rap lutuk chu a te tuar tuar a, a harh hlawl a, thlanchhiain a lo bual huh zuih a.
Chutih lai chuan kawngkhar bell a rawn ri val val a, a ngaihtuahna atangin a harh hlawl mai, a phu zawk a, a alu velna chemte chuan a kut zungpui a zai palh a, a thu duh phian lehnghal.
Kawngkhar bell chu a la ri val val a, “Ngawi lawk rawh, ka rawn hawng dawn e,” tih pahin a kutzungpui chu a bula towel chuan a han hru fai thuak a, thi a chhuah zui loh nan a hmet ping nghal a. Tho chhuakin kawngkhar chu a va hawng a. Mi pakhat, kum 45 vel hmel pu, kamis var ban bul, leh kekawr dum ha, bag tereuh te khai hi pawnah chuan a lo ding a....
A hnuai ah season 2...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE BLACK MAN BY Puitea Tuallawt
BLACKMAN IS BACK
“Ka zawn chhuah a, thir kutkawl ka buntir hma chuan tlawmsan thei ka ni lo.”
-Inspector Theo Arthur Khiangte Gooner
FIRST SCENE
The Aquarius Killer thah a nih tak hnu atang khan Aizawl khawpui chu ralmuang takin a awm leh tawh. Krismas rim a nam det det tawh avangin bazar pawh a lun leh tan viau tawh a. Mitin maiin an hma lawka lal pian champhaphak lo thleng tur chu nghakhlel takin an thlir a. Nun a zalen a, boruak a nuam a. Engkim mai hi engthawl thlak tak angin a lang a ni.
Tlai thim pa ar ek a ni tawh a, bazar-ah erawh mipui an la innek nulh nulh a. Tlai lamah thil zuartuten an thil zawrh hralh loh hlauin a man an ti tlawm thla duai duai thin tih te chu nu benghawng chin leh chinchang hre chinte chuan an hre ru ve kar tlat a ni.
Zion street chhuk thlakna laia mi pakhat kekawr leh kawrfual khup thleng vel lukhum nei ha lo chhuk thla chhut chhut pawh chu tuman an bengkhawn lo va, khua a vawh deuh tawh avangin chuti anga inthuam chu thil mawi lutuk chu ni hran lo mah se; boruak inlumlet vel chuan inhmeh viauin a lantir tlat a ni. A bag dum tereuhte khaiah chuan eng thil nge awm tih tuman an ngaihsak lo va, ngaihsak hman pawh an ni hlawm bawk lo.
THE whre
Rinnungi leh Jojo (pherh) te chuan chhun lamah Diazapam strip khat ve ve leh khuh damdawi chak chi um khat ve ve an in tawh avangin an hawi her a zangin zion street sirtuaka dawr la inhawng apiangah chuan thawmhnaw leh eng thil tle reuh emaw lei tum niawm takin an en thla duat duat a, dik chauh chuan heng mite pahnih hian cheng sawm bak an nei tawh miah lo. Eng thil mah lei thei an ni tawh lo, an rui phur velin an zawt kualin lei tur niawm takin an dawn kual vel mai mai a ni.
Bazar chawhmeh zawrhna nghaphih, dangpuithu leh sangharep, zakkha leh thlan, rim chhe luang uih nghur zingah chuan an tei lut a, an hnung lawka kawrfual dum hain a bag ken lai a phawrh pawh chu an hre lo va, hre mah se, an bengkhawn lo vang. Jojo leh Rinnungi ten an nghawng thip zawr an hriat chu he khawvela an thil hriat hnuhnungber a ni ta der mai, chawhmeh zawrhna bulah chuan an thu sawp thla dun nawi a, an nghawng atang thi lo chhuak chu rawmawlin an tuam a. Midangte chuan eng nge thleng ta tiin an rawn bawr a. Kawrfual dum ha erawh chu hmuh tur a awm tawh lo.
INVESTIGATE
Inspector Rinmuana chu Champhai lamah transfer a ni tawh. Mi thenkhat sawi danin Champhai nuthlawi hmeltha nen an in chu-kha viau a ni awm e. Inspector Theo Arthur Khiangte chuan a ai a awh tawh a. Inspector Theo hi la naupang tak, mi ti thawt thawt lo, a aia hnuaite pawh nise, a mah aia upate chu zah thiam tak. Insepector hrawn nuam leh zahawm thawkhat tak a ni.
Rang takin Blackman a file hlui te chu a hai chhuak nghal a, tunhnaia mi pahnihte thihnaah hian Blackman hi a inrawlh nia rinna nghet tak a nei a ni. Thu ngaihnawm Huang lamah chiang kuang vak lovin Inspector Rinawman a lo chhui tawh dan report a ziah luh te pawh chip chiar takin a chhiar nawn leh thlap a. The Aquarius Killer thattu pawh kha he Blackman ngei hi niin a lang. Telephone a la kang nghal a.
“Hello Sir. Theo Arthur ka nia, Aizawl atangin.”
“Hello Theo, eng thil nge ni ta?” Rinmuana aw-ah chuan mutchhuak leh hah hluah hluah hmel a hriat tel theih.
“Vawiin tlai lam dar 5 leh 6 inkar vel khan Blackman kha a che leh ta niin hriat a ni.”
“Awih awm loh loh anih chu, kha pa kha mi tak tak pawh a ni lo Aquarius Killer zawk kha a lawm, amah lah a thi tawh si,” Rinmuana aw ah chuang ning hmel a hriat tel theih a.
“Sir, anih leh Aquarius Killer thattu kha tu nge?”
Phone chu a reh vang vang a “ I bial a nia, nangman zawng chhuak la ti nia.?” phone a thi nghal hmak a. Inspector Theo Arthur chuan lungawi vak lovin phone chu a dah a. Facebook-a Puitea Tuallawt intiin, Blackman chungchang a ziahna chip chiar vak lo Thu Ngaihnawm Huang Docs a a dah, police record ang duang pawha ziah ni lem lo, a ngaihnawm tur zawng ringawta a thleh ki kawi vel chu tui lo zetin a chhiar nung nung a. “Hrep tak chuan,” a ti hmuk a.
SECOND MOVED
Zirtawp zan dar 9:5 a ni. Suiliani chuan Treasury square velah, mipa pawisa ngah deuh bem tur zawngin a hmel varung ve zet chu a lenkual sek a. Venghlui lam atanga pa pakhat kawrfual dum ha a lu khuh veka akawr fual nena inzawm lukhum khum rawn chho mek chu lo biak lum lam tumin a lo din hnaih a.
“Fawr ila zanin chu?”Suii hi Tahan a tanga rawn chhuk, thingpui dawr vela inhlawh fa, a hmel pawh artificial tanakha avanga fai ve ving veng hi a ni reuh a. Sum a mamawh em em vang pawh a ni hran lo. A hur herh kherh khawloh buruhseh vanga heti anga zanlaia mipa kawp tur zawng thin hi a ni.
“Nia mawle,” kawrfual dum ha pa aw ri lo chhuahna chu khuakhurum mawngnei lo atanga rawn fawn chho hi a ang ber mai.
“Eng nge i bag khaiah khan i dah a, sum hlir em ni?” Suii chuan a thusawi awmzia dik tak chu hria se. He zawhna hi a zawt hauh lo vang. Mahse, hriat lohna hian mihring hi a ti a thin a ni.
“Ni deuh mai, leh thir(iron) lam chi tlem, khawiah nge ni ang. City park lamah phei ila.”
“All zaw..”
City park lam pan chuan an inzui phei ta a. Chu chu he khawvelin Suilianmangi dam lai, Tahan Zaliankhuaia fanu an hmuh hnuhnun ber a ni ta.
THEO ARTHUR THE INSPECTOR
Inspector Theo Arthur chuan City Park a tualthahna awm chu zan dar 12 rik dawnah a hre ve chiah. Police Gypsy hmangin a naute nen hmanhmawh takin City park lam chu an pan phei nghal a.
Ruang chu a rapthlak kher mai. Chan sawm darh vek a ni.
Tu nge a nih pawh hriat theih a ni lo;mahse, a zungbun atangin thingpui dawr lama a thawhna nuin an mi chhawr lai Suiliani ngei a ni tih a hre thei chauh a ni. Theo Arthur chuan zing dar khat velah a bianga thlantui luang chu a rawmawl fai vak lo chuan a han hru thuak thuak a.
“Kan zawng sen a chu....” tiin a phun nung nung a.
Police thlalatu thiam bik ten ruang chu thla an la mawlh mawlh a, finger print te pawh an chhui viau; mahse, tualthattu hian kutkawr chhah tawk tak a bun avang a kut ze thla engmah hmuh tur a awm tlat lo. Professional killer zawng a ni ngei chhap e.
Zan dar thumah pawh office a la chhuahsan lo. He Blackman inti hi tu nge a nih ang. A chanchin ziaktu Puitea Tuallawt pawh hi tu nge a nih reng reng. Thawnthu a phuahchawp mai mai nge? Thil hriat ruk a nei zawk. Dawhkana bell chu a han hmet ri tuar a, constable Zomawia a lo lut a, salam a rawn buk khawng nghal at a.
“Thu teh Zomawi?” inthlahrung deuh takin Zomawia chu chair-ah chuan a thu tung ut a.
“Sir Rinmuana nen khan he Blackman hi in lo chhui dun tawh tiraw?”
“Yes Sir; mahse, Sir Rina khan Aquarius Killer a thah a nih hnu khan case kha a ti tawp ta mai a. Blackman inti ber lah kha hmuh zui tur a awm ta bawk si lo va.”
“A nih tak chu, mahse, hei i hriat angin tun hnaiah a rawn che leh ta tih a chiang a. I mi puihna ka mamawh hle dawn a ni. Sir Rinmuana lahin min puih a tum hmel tawh si lo. Eng emaw, thil ho te emaw, mak deuh emaw, danglam deuh emaw, eng emaw tal kha mi case chungchangah khan min hrilh duh i nei em?”
“Nei hran lo, ti ila, nei deuh tho mai..aaa..engmah kha a chiang lo nuai vek a..” thupha chawi aw deuh dui hian a ti a.
“I hriat apiang, ho te pawh ni se, avaiin min hrilh teh.”
“Aquarius Killer khan a nupui a that phawt a, tichuan amah a inthat zui nghal niin thu kha a tawp titih a, chuti ang tak chuan case pawh kha khar ni tain ka hria. Mahse, kei chuan ka ring lo.”
“Eng nge i rin loh chhan chu, pehhel kual lovin i rindan chu sawi rawh.” Theo Arthur aw chu a vin deuh that ta mai.
“Ih eng lo, Sir, Aquarius Killer khan Ulhbun hmangin tual a that thin a; mahse, he Blackman hi chuan chemte a hmang thin, doctor ho inzaina chemte ang hi. Aquarius Killer leh a nupui ruang pawh kha ka mit ngeiin ka hmu ve a, Blackman a sulhnu chiah a ni. Eng vanga that nge a nih chu ka hre hauh lo. Mahse, Aquarius Killer khan a nupui thatin amah a inthat zui nghal lo tih chu ka rin dan ding reng a ni.”
“Zomawi, ka lawm e. Mi fing tak i ni, i hna atang pawh hian i la kaisang vat ang. A nih chuan, Aquarius Killer leh a nupui an thahna hmun thlalak vel in neih ang ang min han pe teh.” Zomawia chu salute pe auh chungin a tho a. Pindan dangah a lut ta nghal a.
Thlalak kenga Zomawia a rawn luh leh chuan Theo Arthur chuan coffee a lo in mek a, thlalak chi hrang hrang sawmhnih chuang dawn lai chu computer ah scanner hmanga la lutin a chik zui ta a. “Zomawi, nang chu lo va haw tawh rawh, a tlai tawh e.”
“Sir, ni lo ve, ka la awmpui ve zawk ang che.”
“Zomawi, ka lawm e.”
Thlalak chu chik takin Inspector Theo Arthur chuan a en kual dan dan a.
“Ka zawn chhuah a, thir kutkawl ka buntir hma chuan tlawmsan thei ka ni lo.”
-Inspector Theo Arthur Khiangte Gooner
FIRST SCENE
The Aquarius Killer thah a nih tak hnu atang khan Aizawl khawpui chu ralmuang takin a awm leh tawh. Krismas rim a nam det det tawh avangin bazar pawh a lun leh tan viau tawh a. Mitin maiin an hma lawka lal pian champhaphak lo thleng tur chu nghakhlel takin an thlir a. Nun a zalen a, boruak a nuam a. Engkim mai hi engthawl thlak tak angin a lang a ni.
Tlai thim pa ar ek a ni tawh a, bazar-ah erawh mipui an la innek nulh nulh a. Tlai lamah thil zuartuten an thil zawrh hralh loh hlauin a man an ti tlawm thla duai duai thin tih te chu nu benghawng chin leh chinchang hre chinte chuan an hre ru ve kar tlat a ni.
Zion street chhuk thlakna laia mi pakhat kekawr leh kawrfual khup thleng vel lukhum nei ha lo chhuk thla chhut chhut pawh chu tuman an bengkhawn lo va, khua a vawh deuh tawh avangin chuti anga inthuam chu thil mawi lutuk chu ni hran lo mah se; boruak inlumlet vel chuan inhmeh viauin a lantir tlat a ni. A bag dum tereuhte khaiah chuan eng thil nge awm tih tuman an ngaihsak lo va, ngaihsak hman pawh an ni hlawm bawk lo.
THE whre
Rinnungi leh Jojo (pherh) te chuan chhun lamah Diazapam strip khat ve ve leh khuh damdawi chak chi um khat ve ve an in tawh avangin an hawi her a zangin zion street sirtuaka dawr la inhawng apiangah chuan thawmhnaw leh eng thil tle reuh emaw lei tum niawm takin an en thla duat duat a, dik chauh chuan heng mite pahnih hian cheng sawm bak an nei tawh miah lo. Eng thil mah lei thei an ni tawh lo, an rui phur velin an zawt kualin lei tur niawm takin an dawn kual vel mai mai a ni.
Bazar chawhmeh zawrhna nghaphih, dangpuithu leh sangharep, zakkha leh thlan, rim chhe luang uih nghur zingah chuan an tei lut a, an hnung lawka kawrfual dum hain a bag ken lai a phawrh pawh chu an hre lo va, hre mah se, an bengkhawn lo vang. Jojo leh Rinnungi ten an nghawng thip zawr an hriat chu he khawvela an thil hriat hnuhnungber a ni ta der mai, chawhmeh zawrhna bulah chuan an thu sawp thla dun nawi a, an nghawng atang thi lo chhuak chu rawmawlin an tuam a. Midangte chuan eng nge thleng ta tiin an rawn bawr a. Kawrfual dum ha erawh chu hmuh tur a awm tawh lo.
INVESTIGATE
Inspector Rinmuana chu Champhai lamah transfer a ni tawh. Mi thenkhat sawi danin Champhai nuthlawi hmeltha nen an in chu-kha viau a ni awm e. Inspector Theo Arthur Khiangte chuan a ai a awh tawh a. Inspector Theo hi la naupang tak, mi ti thawt thawt lo, a aia hnuaite pawh nise, a mah aia upate chu zah thiam tak. Insepector hrawn nuam leh zahawm thawkhat tak a ni.
Rang takin Blackman a file hlui te chu a hai chhuak nghal a, tunhnaia mi pahnihte thihnaah hian Blackman hi a inrawlh nia rinna nghet tak a nei a ni. Thu ngaihnawm Huang lamah chiang kuang vak lovin Inspector Rinawman a lo chhui tawh dan report a ziah luh te pawh chip chiar takin a chhiar nawn leh thlap a. The Aquarius Killer thattu pawh kha he Blackman ngei hi niin a lang. Telephone a la kang nghal a.
“Hello Sir. Theo Arthur ka nia, Aizawl atangin.”
“Hello Theo, eng thil nge ni ta?” Rinmuana aw-ah chuan mutchhuak leh hah hluah hluah hmel a hriat tel theih.
“Vawiin tlai lam dar 5 leh 6 inkar vel khan Blackman kha a che leh ta niin hriat a ni.”
“Awih awm loh loh anih chu, kha pa kha mi tak tak pawh a ni lo Aquarius Killer zawk kha a lawm, amah lah a thi tawh si,” Rinmuana aw ah chuang ning hmel a hriat tel theih a.
“Sir, anih leh Aquarius Killer thattu kha tu nge?”
Phone chu a reh vang vang a “ I bial a nia, nangman zawng chhuak la ti nia.?” phone a thi nghal hmak a. Inspector Theo Arthur chuan lungawi vak lovin phone chu a dah a. Facebook-a Puitea Tuallawt intiin, Blackman chungchang a ziahna chip chiar vak lo Thu Ngaihnawm Huang Docs a a dah, police record ang duang pawha ziah ni lem lo, a ngaihnawm tur zawng ringawta a thleh ki kawi vel chu tui lo zetin a chhiar nung nung a. “Hrep tak chuan,” a ti hmuk a.
SECOND MOVED
Zirtawp zan dar 9:5 a ni. Suiliani chuan Treasury square velah, mipa pawisa ngah deuh bem tur zawngin a hmel varung ve zet chu a lenkual sek a. Venghlui lam atanga pa pakhat kawrfual dum ha a lu khuh veka akawr fual nena inzawm lukhum khum rawn chho mek chu lo biak lum lam tumin a lo din hnaih a.
“Fawr ila zanin chu?”Suii hi Tahan a tanga rawn chhuk, thingpui dawr vela inhlawh fa, a hmel pawh artificial tanakha avanga fai ve ving veng hi a ni reuh a. Sum a mamawh em em vang pawh a ni hran lo. A hur herh kherh khawloh buruhseh vanga heti anga zanlaia mipa kawp tur zawng thin hi a ni.
“Nia mawle,” kawrfual dum ha pa aw ri lo chhuahna chu khuakhurum mawngnei lo atanga rawn fawn chho hi a ang ber mai.
“Eng nge i bag khaiah khan i dah a, sum hlir em ni?” Suii chuan a thusawi awmzia dik tak chu hria se. He zawhna hi a zawt hauh lo vang. Mahse, hriat lohna hian mihring hi a ti a thin a ni.
“Ni deuh mai, leh thir(iron) lam chi tlem, khawiah nge ni ang. City park lamah phei ila.”
“All zaw..”
City park lam pan chuan an inzui phei ta a. Chu chu he khawvelin Suilianmangi dam lai, Tahan Zaliankhuaia fanu an hmuh hnuhnun ber a ni ta.
THEO ARTHUR THE INSPECTOR
Inspector Theo Arthur chuan City Park a tualthahna awm chu zan dar 12 rik dawnah a hre ve chiah. Police Gypsy hmangin a naute nen hmanhmawh takin City park lam chu an pan phei nghal a.
Ruang chu a rapthlak kher mai. Chan sawm darh vek a ni.
Tu nge a nih pawh hriat theih a ni lo;mahse, a zungbun atangin thingpui dawr lama a thawhna nuin an mi chhawr lai Suiliani ngei a ni tih a hre thei chauh a ni. Theo Arthur chuan zing dar khat velah a bianga thlantui luang chu a rawmawl fai vak lo chuan a han hru thuak thuak a.
“Kan zawng sen a chu....” tiin a phun nung nung a.
Police thlalatu thiam bik ten ruang chu thla an la mawlh mawlh a, finger print te pawh an chhui viau; mahse, tualthattu hian kutkawr chhah tawk tak a bun avang a kut ze thla engmah hmuh tur a awm tlat lo. Professional killer zawng a ni ngei chhap e.
Zan dar thumah pawh office a la chhuahsan lo. He Blackman inti hi tu nge a nih ang. A chanchin ziaktu Puitea Tuallawt pawh hi tu nge a nih reng reng. Thawnthu a phuahchawp mai mai nge? Thil hriat ruk a nei zawk. Dawhkana bell chu a han hmet ri tuar a, constable Zomawia a lo lut a, salam a rawn buk khawng nghal at a.
“Thu teh Zomawi?” inthlahrung deuh takin Zomawia chu chair-ah chuan a thu tung ut a.
“Sir Rinmuana nen khan he Blackman hi in lo chhui dun tawh tiraw?”
“Yes Sir; mahse, Sir Rina khan Aquarius Killer a thah a nih hnu khan case kha a ti tawp ta mai a. Blackman inti ber lah kha hmuh zui tur a awm ta bawk si lo va.”
“A nih tak chu, mahse, hei i hriat angin tun hnaiah a rawn che leh ta tih a chiang a. I mi puihna ka mamawh hle dawn a ni. Sir Rinmuana lahin min puih a tum hmel tawh si lo. Eng emaw, thil ho te emaw, mak deuh emaw, danglam deuh emaw, eng emaw tal kha mi case chungchangah khan min hrilh duh i nei em?”
“Nei hran lo, ti ila, nei deuh tho mai..aaa..engmah kha a chiang lo nuai vek a..” thupha chawi aw deuh dui hian a ti a.
“I hriat apiang, ho te pawh ni se, avaiin min hrilh teh.”
“Aquarius Killer khan a nupui a that phawt a, tichuan amah a inthat zui nghal niin thu kha a tawp titih a, chuti ang tak chuan case pawh kha khar ni tain ka hria. Mahse, kei chuan ka ring lo.”
“Eng nge i rin loh chhan chu, pehhel kual lovin i rindan chu sawi rawh.” Theo Arthur aw chu a vin deuh that ta mai.
“Ih eng lo, Sir, Aquarius Killer khan Ulhbun hmangin tual a that thin a; mahse, he Blackman hi chuan chemte a hmang thin, doctor ho inzaina chemte ang hi. Aquarius Killer leh a nupui ruang pawh kha ka mit ngeiin ka hmu ve a, Blackman a sulhnu chiah a ni. Eng vanga that nge a nih chu ka hre hauh lo. Mahse, Aquarius Killer khan a nupui thatin amah a inthat zui nghal lo tih chu ka rin dan ding reng a ni.”
“Zomawi, ka lawm e. Mi fing tak i ni, i hna atang pawh hian i la kaisang vat ang. A nih chuan, Aquarius Killer leh a nupui an thahna hmun thlalak vel in neih ang ang min han pe teh.” Zomawia chu salute pe auh chungin a tho a. Pindan dangah a lut ta nghal a.
Thlalak kenga Zomawia a rawn luh leh chuan Theo Arthur chuan coffee a lo in mek a, thlalak chi hrang hrang sawmhnih chuang dawn lai chu computer ah scanner hmanga la lutin a chik zui ta a. “Zomawi, nang chu lo va haw tawh rawh, a tlai tawh e.”
“Sir, ni lo ve, ka la awmpui ve zawk ang che.”
“Zomawi, ka lawm e.”
Thlalak chu chik takin Inspector Theo Arthur chuan a en kual dan dan a.
| Link: | |
| BBcode: | |
| HTML: | |
| Hide post links |
BLACKMAN THE SHADOW
" And war broke pout in heaven;Michael and hi angels fought with the dragon; and his angels fought. But thei diid not prevail, nor was a place found for them in heaven any longer."
-Revelation 12:7-8
RECAP
“Ih eng lo, Sir, Aquarius Killer khan Ulhbun hmangin tual a that thin a; mahse, he Blackman hi chuan chemte a hmang thin, doctor ho inzaina chemte ang hi. Aquarius Killer leh a nupui ruang pawh kha ka mit ngeiin ka hmu ve a, Blackman a sulhnu chiah a ni. Eng vanga that nge a nih chu ka hre hauh lo. Mahse, Aquarius Killer khan a nupui thatin amah a inthat zui nghal lo tih chu ka rin dan ding reng a ni.”
“Zomawi, ka lawm e. Mi fing tak i ni, i hna atang pawh hian i la kaisang vat ang. A nih chuan, Aquarius Killer leh a nupui an thahna hmun thlalak vel in neih ang ang min han pe teh.” Zomawia chu salute pe auh chungin a tho a. Pindan dangah a lut ta nghal a.
Thlalak kenga Zomawia a rawn luh leh chuan Theo Arthur chuan coffee a lo in mek a, thlalak chi hrang hrang sawmhnih chuang dawn lai chu computer ah scanner hmanga la lutin a chik zui ta a. “Zomawi, nang chu lo va haw tawh rawh, a tlai tawh e.”
“Sir, ni lo ve, ka la awmpui ve zawk ang che.”
“Zomawi, ka lawm e.”
Thlalak chu chik takin Inspector Theo Arthur chuan a en kual dan dan a.
BLACK SHADOW
Thlalak sawmhnih chuang mah te chu a han enlawr dan dan a, Aruarius Killer inchhunga inthahna rapthlak uchuak tak thleng chu a ti chiang thawkhat hle. Mahse, Blackman a finger print emaw a sulhnu han chhui zuina tur a vang kher mai. Thil chiang tak pakhat erawh chu a awm, chemte hriam tak hmanga tual a thah hnu hi chuan Blackman thawmhnawah hian thisen leh sulhnu bawlhhlawh tak eng emaw chu a kai ngei ngei ang tih hai rual a ni lo.
Nge ni? Muang changa tual a thah hnuah a thawmhnaw te thlakin emaw sufaiin dim diamin emaw he inchhung hi a chhuahsan ta chauh zawk. Chuti ang a nih vaih chuan khawlaiah pawh engthawl takin a kal chhuak leh mai dawn tih a chiang reng a ni.
Thlalak pakhat chuan a mit a la deuh zawr mai, computer screen-a actual size a lang chu a han zoom chiam a, Inspector Theo Arthur chu a phu zawk a ni ber e. Lu keh sawm darh nuaia Aquarius killer thuthlenga kawisawi taka thu hnung lawkah chuan hlimthla, thil dum lampang, landan rapthlak eltiang hi a hmu ta tlat mai. Constable Zomawia lah chu a lo haw tir hman tawh si. He thlalaka hlimthla dum deuh run lo lang hi tunge ni ta ang. Inspector Rinmuana ten inchhung an va luh khan eng thil mah, minung sulhnu an hmuh loh thu kha report ah chiang takin a inziak thlap si.
A bul dawhkana coffee chu a han in leh; mahse, a lo dai duak tawh a, a pik chhuak thawt a. He Blackman hi mihring nge thlarau sual inlar tih thuah a chiang thei ta hauh lo mai le? Engtin nge tualthahna pindan a chhuahsan vek tawh hnuah he hlimthla mak tak hi helaiah hian a lo awm theih, Rinmuana ten thla an lak lai leh mitthi ruang an bihchian lai velte khan he thlarau dum (Black Shadow?) hian a lo awm chilh reng tihna em ni ang.!! Ni ta se, eng nge a tih ang. Blackman a sulhnu a lo thup pui tihna em ni, thlalak siamtu te pawh hian he hlimthla hi an hmu miah lo tihna em ni, record hlui a han hai chhuak, engmah chuti ang thu ziak a hmu si lo. Zing dar 4 a ri ta chiah.
A ham bai bai a, a ham a piang lah hian a mittui hi a tla ziah leh nghal. Khua a vawt vin tuk a, khawfing pawh a hruihrual chah fel hmawh tawh a. Mahse, a thil chhuiah chuan, Blackman han chhui chhuah theihna a duh khawp a la hmu mawlh si lo. Hui ham...
Pawna a R15 Bike chu a rap nung a, mit bui deuh churin a chenna lam panin a tlan haw ta nghal a. Thahnem ngai zual thenkhat chuan dawr an lo hawng tan tawh. Theo Arthur chuan, chung mite taimak dan chu thil mak a tling ni hialin a hria a;mahse, tih tak emah chuan a ni pawh, a duty hun pel rakin hna a thawk ve tho a lawm. A hlawh lah chu chengkhat pawhin a pun phah dawn a ni hlei law!
THE STILETO
Zing dar 4:37 chiah a ni. Sana en lo mah se, mihringten hun an vawn dan chu engkim amahah hriat theihna a awm vek a ni. A mihrinna a rawn chhuah chuan pa tha tawp thang a ni, a ramhuai zia a rawn chhuah erawh chuan tualthah hmang, thisena tui hal huam huam reng mai hi a ni thung.
A hma lawkah chuan hmeichhe pakhat, Jeans kekawr tight teng tawng, uih hmel zet leh T.Shirt rawng mumal pawh sawi thiam har khawpa par chuai mai ha hi a kal pai deuh tiang tiang a.
A bag atangin Stileto chemte, bakmeh chem tluk zeta hriam chu muang changin a phawrh a, hmeichhia chu zawi muangin a pan phei a. Vana Pa Hall kawt hungna thil khama chau awm zet hmeichhia han in uai tang hnawp chu a pan hnai a, a hrawk bawk ah tak chemte chuan vawi khat a han hrut chho hrawk a. Thisen tharlam tak hi a rawn baw chhuak hawk hawk a. Hmeichhia chu thir pal vuan titih chuan a thu sawp thla nawi a.
A ipte atangin Italian stileto, a pianhmang pawh danglam tak hi a rawn phawrh a. Chu mi hmang chuan nula thinhnuah chuan a pir chho hrawih a. Vana Pa Hall kawt chu thisen in a chiah pawlhsawp nghal nuai a. Zing kar a la nih avangin mi vei vak an la tam lo, tin, khua la var chian chiah loh avangin, ral a tang rawn hmutute pawh awm se, thil danglam thleng angin an rawn hmu kher lo mah na.
THE INVISIBLE BLACKMAN
R15 chu chak tawk takin a tlan tir par par a, Vana Pa Hall kawt a thlen dawn lai vel chuan eng emaw ngaihthat lohna riau hian a rawn bawm a. Eng nge a nih chiah erawh a hre lo. Tlemin a lan muang deuh a, a va thlen phei chuan hmeichhe pakhat tawp deuh hneng hnuang, a nghawng leh a dul vun inzai pawp kara a ril rawn lawr tut chu a hmu a.
A kawnga a Mobile phone pai chu rang takin a phawrh a, Aizawl PS lam a phone nghal ruai a. Thisen chu a la lum vat vat a, tualthattu chu a la awm hla lo tawp ang. Treasury square lam a va en phei, mi pakhat a dum vek a inthuam, bag te reuh te khai venghlui lam pan tuma a inher liam dawn lai mek chu a hmu phe vuai a, Theo Arthur chuan a kawnga a puakruk pai chu a phawrh a, Bike chu tinungin a um phei ta nghal. Venghlui chhukthlakna a thleng phei thuai a. A mi um chu kea kal a ni bawka, a umpha hma hle.
“Nang kha ding rawh, tualthah nia rinhlelh inih avangin ka man a che, i bag ken lai pawh kha thlauh thla nghal rawh,” zan lam a tlai var thak bawk nen, a aw pawh a lawi deuh lek lek, a hlauh vang erawh a ni lul lo.
Blackman a pawh chu thuawih takin ding ve mai a. Mahse, Theo-a thupek dang te chu zawm tum hmel a pu hauh lo.
“Vawi khat ka sawi nawn leh ang, ka thupek anga i tih loh chuan ka kap ang che. i bag ken kha leiah dah la, ban pahnih phar chungin helam rawn hawi rawh,” police aw phawi dik takin a han ti leh a.Heti anga Theo Arthur a tawng tawh hi chuan a naute ho pawhin trik pawh an ti ngam tawh ngai lo thin. Mahse, tuna a hma fit sawm emaw leka ding kawrfual dum lukhum nei khum erawh hi chu a naute zinga mi a ni lo tlat. Tin, a chezia hrim hrimah chuan hlauthawng hmel emaw zam hmel emaw hmuh tur a awm miah lo.
Khua pawh a var fel thawkhat tawh, venghlui chhuk thla taxi stand ah pawh taxi pasarih vel lai anin tlar thla thliai a, drivers te pawhin Theo Arthur a leh hmai pawh lang chiang thei lo khawpa Kawrfual lukhum dum khum a hatu pa chu ngawi rengin an thlir thap.
Chutih lai tak chuan an awmna hmun vel boruak chu sawi thiam hlei theih loh boruak up leh pik rimchhe zet hian a rawn ur huk a, an mahni lo thlirtu taxi driver te pawin an hnar an hup nghak chawn chawn a, Theo erawh chuan a puakruk ken chu che map lovin a tin ran reng a. Van atangin chhûm dum tûr chhah ngun mai hi Blackman chung zawnah chuan a rawn in inbuk thuah tup tup a, hmuh pawh a hmuh chian hlei theih tawh lo.
Inpector huaisen Theo Arthur Khiangte chuan a puakruk chu a hmet puak ta thawr a, zing kar a ni bawk a, puakruk puak ri chu a ring tha dum dum hle mai.
Hmanhmawh takin Blackman lamah chuan a tlan phei nghal a. Mahse, engmah hmuh tur a awm lo, ruang a awm lo va, thisen a awm lo va, Blackman a leh a sulhnu engmah hmuh tur a awm lo. Chhum dum tûr ngûn mai rawn in pangawzial mup mup karah khan mikhual mak tak Blackman chu a thâm ral ta ringawt mai a ni.
WHEN? AND WHY?
Inspector Theo Arthur chu, Police Chief Lianzuala office-ah inthlahrung takin a thu zum dai a.
“I kap ngei a maw Inspector?”
“Ka kap ngei tih chu taxi driver pasarih emaw vel lai pawh khan an hmu ang. Aw Sir, ka kap ngei a ni.”
“Chuti a nih chuan i kah thelh tihna a nih chu, in inkar lah fit 10 emaw lek niin i sawi si. I va themtlaw awm ve, Inspector te chu i la inti ve leh nghal a.”
“Sir, ka kap fuh tih ka hria a ni. A thinhnunah tak ka tina, ka kap fuh chiang a ni.”
“A nih khaw nge i ruang chu?”
“Ka hre lo Sir, engmah hmuh tur a awm lo. Chhum dum tur ngun mai hian a rawn hual a. Amah chu a khuangcher bo ta hmak mai a ni.”
“Awih awm loh loh a nih chu. Heti angin ka bulah dawt sawi hlek suh. Tu nge ka nih i hria em?”
“Hria e, Sir; ka zakin hrehawm pawh ka ti hle mai; mahse, dawt erawh ka sawi lo.” Theo Arthur chuan insum har a ti ve tlat tawh. He Police Chief pa hnar tawk hler hlur zu heh hmel zet hian a awih emaw awih lo emaw thil thlen dan chu a sawi ang kha a ni mai. Amah (Theo) ngei pawhin a hrethiam bik hlei nem.
“Inspector Rinmuana khan hlawhtling takin he case hi a lo buaipui tawh, a hlawhtlin lawm nan an mahni khua ngei Champhaiah ka transfer ta nhe nghe. Nang hian eng hlawhtlinna nge i neih ve tawh?” zawhna chu a dengkhawng khawl khawl kher mai.
“Ka pu, eng hlawhtlinna mah ka nei lo;mahse, i awih emaw awih lo emaw ka pawisa lo. He Blackman inti hi mihring a ni lo. Ramhuai leh mihring thlahpawlh zawk pawh a ni mahna..”
Chief Lianzuala chu za zet hian a nui a, a nui danah chuan ti el rawngkai a tel bawk,”A lo nih tak chu mawle..hahahaha...chuti chu Police hna hi bansanin Pastor lam hna te hi i ngaihven zawk mai dawn em ni ang, chhui chhuah i duh talh si a nih chuan...” Chief in a elsenna chu tawrh har a ti kher mai.
“Ka pu, vawi khat tal remchang(chance?) min pe leh hram rawh. Vawi khat chauh ka dil a che. Ka hlawhchham a nih chuan, ka ruang emaw ka police bagde ngei hian i kut a rawn thleng ang.” a sawi zawng chuan a thaw a chham lo chauh a ni.
“Aw le, i tum a ruh bawk a, han ti leh ta poh ta che, ka lo thlir reng ang che.”
"Ka lawm e Sir," din chhuah pahin Theo Arthur chuan Police chief chu salute a pe a, pindan atang chuan a chhuak zui nghal a.
Police Chief office a chhuahsan dawn laia Inspector Theo Arthur Khiangte thinrimzia leh tlawmngaih zia chu sawi hian a siak lo va, sawi loh hian a suak zawk. “Blackman, mihring emaw ramhuai emaw thlarau sual emaw pawh ni la pawi ka ti therte lo, ka la man tho tho dawn che ka pa fapa ka nih hi hre rawh. Uisa ei thluak hian tih theih loh a nei bik lo tih hi he pa (Police Chief) nen hian ka la hriattir dawn che u a ni’ tiin a phun sep sep a.
" And war broke pout in heaven;Michael and hi angels fought with the dragon; and his angels fought. But thei diid not prevail, nor was a place found for them in heaven any longer."
-Revelation 12:7-8
RECAP
“Ih eng lo, Sir, Aquarius Killer khan Ulhbun hmangin tual a that thin a; mahse, he Blackman hi chuan chemte a hmang thin, doctor ho inzaina chemte ang hi. Aquarius Killer leh a nupui ruang pawh kha ka mit ngeiin ka hmu ve a, Blackman a sulhnu chiah a ni. Eng vanga that nge a nih chu ka hre hauh lo. Mahse, Aquarius Killer khan a nupui thatin amah a inthat zui nghal lo tih chu ka rin dan ding reng a ni.”
“Zomawi, ka lawm e. Mi fing tak i ni, i hna atang pawh hian i la kaisang vat ang. A nih chuan, Aquarius Killer leh a nupui an thahna hmun thlalak vel in neih ang ang min han pe teh.” Zomawia chu salute pe auh chungin a tho a. Pindan dangah a lut ta nghal a.
Thlalak kenga Zomawia a rawn luh leh chuan Theo Arthur chuan coffee a lo in mek a, thlalak chi hrang hrang sawmhnih chuang dawn lai chu computer ah scanner hmanga la lutin a chik zui ta a. “Zomawi, nang chu lo va haw tawh rawh, a tlai tawh e.”
“Sir, ni lo ve, ka la awmpui ve zawk ang che.”
“Zomawi, ka lawm e.”
Thlalak chu chik takin Inspector Theo Arthur chuan a en kual dan dan a.
BLACK SHADOW
Thlalak sawmhnih chuang mah te chu a han enlawr dan dan a, Aruarius Killer inchhunga inthahna rapthlak uchuak tak thleng chu a ti chiang thawkhat hle. Mahse, Blackman a finger print emaw a sulhnu han chhui zuina tur a vang kher mai. Thil chiang tak pakhat erawh chu a awm, chemte hriam tak hmanga tual a thah hnu hi chuan Blackman thawmhnawah hian thisen leh sulhnu bawlhhlawh tak eng emaw chu a kai ngei ngei ang tih hai rual a ni lo.
Nge ni? Muang changa tual a thah hnuah a thawmhnaw te thlakin emaw sufaiin dim diamin emaw he inchhung hi a chhuahsan ta chauh zawk. Chuti ang a nih vaih chuan khawlaiah pawh engthawl takin a kal chhuak leh mai dawn tih a chiang reng a ni.
Thlalak pakhat chuan a mit a la deuh zawr mai, computer screen-a actual size a lang chu a han zoom chiam a, Inspector Theo Arthur chu a phu zawk a ni ber e. Lu keh sawm darh nuaia Aquarius killer thuthlenga kawisawi taka thu hnung lawkah chuan hlimthla, thil dum lampang, landan rapthlak eltiang hi a hmu ta tlat mai. Constable Zomawia lah chu a lo haw tir hman tawh si. He thlalaka hlimthla dum deuh run lo lang hi tunge ni ta ang. Inspector Rinmuana ten inchhung an va luh khan eng thil mah, minung sulhnu an hmuh loh thu kha report ah chiang takin a inziak thlap si.
A bul dawhkana coffee chu a han in leh; mahse, a lo dai duak tawh a, a pik chhuak thawt a. He Blackman hi mihring nge thlarau sual inlar tih thuah a chiang thei ta hauh lo mai le? Engtin nge tualthahna pindan a chhuahsan vek tawh hnuah he hlimthla mak tak hi helaiah hian a lo awm theih, Rinmuana ten thla an lak lai leh mitthi ruang an bihchian lai velte khan he thlarau dum (Black Shadow?) hian a lo awm chilh reng tihna em ni ang.!! Ni ta se, eng nge a tih ang. Blackman a sulhnu a lo thup pui tihna em ni, thlalak siamtu te pawh hian he hlimthla hi an hmu miah lo tihna em ni, record hlui a han hai chhuak, engmah chuti ang thu ziak a hmu si lo. Zing dar 4 a ri ta chiah.
A ham bai bai a, a ham a piang lah hian a mittui hi a tla ziah leh nghal. Khua a vawt vin tuk a, khawfing pawh a hruihrual chah fel hmawh tawh a. Mahse, a thil chhuiah chuan, Blackman han chhui chhuah theihna a duh khawp a la hmu mawlh si lo. Hui ham...
Pawna a R15 Bike chu a rap nung a, mit bui deuh churin a chenna lam panin a tlan haw ta nghal a. Thahnem ngai zual thenkhat chuan dawr an lo hawng tan tawh. Theo Arthur chuan, chung mite taimak dan chu thil mak a tling ni hialin a hria a;mahse, tih tak emah chuan a ni pawh, a duty hun pel rakin hna a thawk ve tho a lawm. A hlawh lah chu chengkhat pawhin a pun phah dawn a ni hlei law!
THE STILETO
Zing dar 4:37 chiah a ni. Sana en lo mah se, mihringten hun an vawn dan chu engkim amahah hriat theihna a awm vek a ni. A mihrinna a rawn chhuah chuan pa tha tawp thang a ni, a ramhuai zia a rawn chhuah erawh chuan tualthah hmang, thisena tui hal huam huam reng mai hi a ni thung.
A hma lawkah chuan hmeichhe pakhat, Jeans kekawr tight teng tawng, uih hmel zet leh T.Shirt rawng mumal pawh sawi thiam har khawpa par chuai mai ha hi a kal pai deuh tiang tiang a.
A bag atangin Stileto chemte, bakmeh chem tluk zeta hriam chu muang changin a phawrh a, hmeichhia chu zawi muangin a pan phei a. Vana Pa Hall kawt hungna thil khama chau awm zet hmeichhia han in uai tang hnawp chu a pan hnai a, a hrawk bawk ah tak chemte chuan vawi khat a han hrut chho hrawk a. Thisen tharlam tak hi a rawn baw chhuak hawk hawk a. Hmeichhia chu thir pal vuan titih chuan a thu sawp thla nawi a.
A ipte atangin Italian stileto, a pianhmang pawh danglam tak hi a rawn phawrh a. Chu mi hmang chuan nula thinhnuah chuan a pir chho hrawih a. Vana Pa Hall kawt chu thisen in a chiah pawlhsawp nghal nuai a. Zing kar a la nih avangin mi vei vak an la tam lo, tin, khua la var chian chiah loh avangin, ral a tang rawn hmutute pawh awm se, thil danglam thleng angin an rawn hmu kher lo mah na.
THE INVISIBLE BLACKMAN
R15 chu chak tawk takin a tlan tir par par a, Vana Pa Hall kawt a thlen dawn lai vel chuan eng emaw ngaihthat lohna riau hian a rawn bawm a. Eng nge a nih chiah erawh a hre lo. Tlemin a lan muang deuh a, a va thlen phei chuan hmeichhe pakhat tawp deuh hneng hnuang, a nghawng leh a dul vun inzai pawp kara a ril rawn lawr tut chu a hmu a.
A kawnga a Mobile phone pai chu rang takin a phawrh a, Aizawl PS lam a phone nghal ruai a. Thisen chu a la lum vat vat a, tualthattu chu a la awm hla lo tawp ang. Treasury square lam a va en phei, mi pakhat a dum vek a inthuam, bag te reuh te khai venghlui lam pan tuma a inher liam dawn lai mek chu a hmu phe vuai a, Theo Arthur chuan a kawnga a puakruk pai chu a phawrh a, Bike chu tinungin a um phei ta nghal. Venghlui chhukthlakna a thleng phei thuai a. A mi um chu kea kal a ni bawka, a umpha hma hle.
“Nang kha ding rawh, tualthah nia rinhlelh inih avangin ka man a che, i bag ken lai pawh kha thlauh thla nghal rawh,” zan lam a tlai var thak bawk nen, a aw pawh a lawi deuh lek lek, a hlauh vang erawh a ni lul lo.
Blackman a pawh chu thuawih takin ding ve mai a. Mahse, Theo-a thupek dang te chu zawm tum hmel a pu hauh lo.
“Vawi khat ka sawi nawn leh ang, ka thupek anga i tih loh chuan ka kap ang che. i bag ken kha leiah dah la, ban pahnih phar chungin helam rawn hawi rawh,” police aw phawi dik takin a han ti leh a.Heti anga Theo Arthur a tawng tawh hi chuan a naute ho pawhin trik pawh an ti ngam tawh ngai lo thin. Mahse, tuna a hma fit sawm emaw leka ding kawrfual dum lukhum nei khum erawh hi chu a naute zinga mi a ni lo tlat. Tin, a chezia hrim hrimah chuan hlauthawng hmel emaw zam hmel emaw hmuh tur a awm miah lo.
Khua pawh a var fel thawkhat tawh, venghlui chhuk thla taxi stand ah pawh taxi pasarih vel lai anin tlar thla thliai a, drivers te pawhin Theo Arthur a leh hmai pawh lang chiang thei lo khawpa Kawrfual lukhum dum khum a hatu pa chu ngawi rengin an thlir thap.
Chutih lai tak chuan an awmna hmun vel boruak chu sawi thiam hlei theih loh boruak up leh pik rimchhe zet hian a rawn ur huk a, an mahni lo thlirtu taxi driver te pawin an hnar an hup nghak chawn chawn a, Theo erawh chuan a puakruk ken chu che map lovin a tin ran reng a. Van atangin chhûm dum tûr chhah ngun mai hi Blackman chung zawnah chuan a rawn in inbuk thuah tup tup a, hmuh pawh a hmuh chian hlei theih tawh lo.
Inpector huaisen Theo Arthur Khiangte chuan a puakruk chu a hmet puak ta thawr a, zing kar a ni bawk a, puakruk puak ri chu a ring tha dum dum hle mai.
Hmanhmawh takin Blackman lamah chuan a tlan phei nghal a. Mahse, engmah hmuh tur a awm lo, ruang a awm lo va, thisen a awm lo va, Blackman a leh a sulhnu engmah hmuh tur a awm lo. Chhum dum tûr ngûn mai rawn in pangawzial mup mup karah khan mikhual mak tak Blackman chu a thâm ral ta ringawt mai a ni.
WHEN? AND WHY?
Inspector Theo Arthur chu, Police Chief Lianzuala office-ah inthlahrung takin a thu zum dai a.
“I kap ngei a maw Inspector?”
“Ka kap ngei tih chu taxi driver pasarih emaw vel lai pawh khan an hmu ang. Aw Sir, ka kap ngei a ni.”
“Chuti a nih chuan i kah thelh tihna a nih chu, in inkar lah fit 10 emaw lek niin i sawi si. I va themtlaw awm ve, Inspector te chu i la inti ve leh nghal a.”
“Sir, ka kap fuh tih ka hria a ni. A thinhnunah tak ka tina, ka kap fuh chiang a ni.”
“A nih khaw nge i ruang chu?”
“Ka hre lo Sir, engmah hmuh tur a awm lo. Chhum dum tur ngun mai hian a rawn hual a. Amah chu a khuangcher bo ta hmak mai a ni.”
“Awih awm loh loh a nih chu. Heti angin ka bulah dawt sawi hlek suh. Tu nge ka nih i hria em?”
“Hria e, Sir; ka zakin hrehawm pawh ka ti hle mai; mahse, dawt erawh ka sawi lo.” Theo Arthur chuan insum har a ti ve tlat tawh. He Police Chief pa hnar tawk hler hlur zu heh hmel zet hian a awih emaw awih lo emaw thil thlen dan chu a sawi ang kha a ni mai. Amah (Theo) ngei pawhin a hrethiam bik hlei nem.
“Inspector Rinmuana khan hlawhtling takin he case hi a lo buaipui tawh, a hlawhtlin lawm nan an mahni khua ngei Champhaiah ka transfer ta nhe nghe. Nang hian eng hlawhtlinna nge i neih ve tawh?” zawhna chu a dengkhawng khawl khawl kher mai.
“Ka pu, eng hlawhtlinna mah ka nei lo;mahse, i awih emaw awih lo emaw ka pawisa lo. He Blackman inti hi mihring a ni lo. Ramhuai leh mihring thlahpawlh zawk pawh a ni mahna..”
Chief Lianzuala chu za zet hian a nui a, a nui danah chuan ti el rawngkai a tel bawk,”A lo nih tak chu mawle..hahahaha...chuti chu Police hna hi bansanin Pastor lam hna te hi i ngaihven zawk mai dawn em ni ang, chhui chhuah i duh talh si a nih chuan...” Chief in a elsenna chu tawrh har a ti kher mai.
“Ka pu, vawi khat tal remchang(chance?) min pe leh hram rawh. Vawi khat chauh ka dil a che. Ka hlawhchham a nih chuan, ka ruang emaw ka police bagde ngei hian i kut a rawn thleng ang.” a sawi zawng chuan a thaw a chham lo chauh a ni.
“Aw le, i tum a ruh bawk a, han ti leh ta poh ta che, ka lo thlir reng ang che.”
"Ka lawm e Sir," din chhuah pahin Theo Arthur chuan Police chief chu salute a pe a, pindan atang chuan a chhuak zui nghal a.
Police Chief office a chhuahsan dawn laia Inspector Theo Arthur Khiangte thinrimzia leh tlawmngaih zia chu sawi hian a siak lo va, sawi loh hian a suak zawk. “Blackman, mihring emaw ramhuai emaw thlarau sual emaw pawh ni la pawi ka ti therte lo, ka la man tho tho dawn che ka pa fapa ka nih hi hre rawh. Uisa ei thluak hian tih theih loh a nei bik lo tih hi he pa (Police Chief) nen hian ka la hriattir dawn che u a ni’ tiin a phun sep sep a.
| Link: | |
| BBcode: | |
| HTML: | |
| Hide post links |
BLACKMAN HELL GATE'S
(Final Chapter)
RECAP
Ka pu, vawi khat tal remchang(chance?) min pe leh hram rawh. Vawi khat chauh ka dil a che. Ka hlawhchham a nih chuan, ka ruang emaw ka police bagde ngei hian i kut a rawn thleng ang.” a sawi zawng chuan a thaw a chham lo chauh a ni.
“Aw le, i tum a ruh bawk a, han ti leh ta poh che, ka lo thlir reng ang che,”
Police Chief office a chhuahsan dawn laia Inspector Theo Arthur Khiangte thinrimzia leh tlawmngaih zia chu sawi hian a siak lo va, sawi loh hian a suak zawk. “Blackman, mihring emaw ramhuai emaw thlarau sual emaw pawh ni la pawi ka ti therte lo, ka la man tho tho dawn che ka pa fapa ka nih hi hre rawh. Uisa ei thluak hian tih theih loh a nei bik lo tih hi he pa (Police Chief) nen hian ka la hriattir dawn che u a ni,’ tiin a phun sep sep a.
NEVER GIVE UP
Garage-a bike a dah chu a han hrufai thuak thuak a. Nizan lamah a mut miah loh avangin a mut chhuak tawng khawng luuk chu a ham bai bai reng tawh mai. A kaw ruak lutuk avangin a pum lah chu ri chur chur reng mai leh nghal. A phone a rawn ri ral ral a. Tun dinhmunah kher kher hi chuan tumah a be peih lo,reply lovin a a ak tha leh daih a. Tennis Court bul a thlen phei chuan kawngsiraha ding lawk a. Chu lai hmuna Fu tui chu no hnih a han tlak pawp a, a harh deuh kawk mai.
Zodin Cinema Hall a dawn laiin a phone chu a rawn ri leh ral ral a.
“Ninnawn pherhhrep chuan le..? tih pahin “Hello,” vin thakin a han ti a..
“ Sir, tukin zingkar khan Vaivakawn Field pavillion bulah tualthaha a thleng leh a ni awm e.”
“ Tualthattu chu hmu an awm a ni awm e; mahse, naupang kum 13 emaw lek a nia, a sawi thiam lo angreng a. Pavillion bulah zing hma deuhah hmeichhe pakhat samkhir deuh hmai hnawih (make-Up) hmang nasa deuh mai, mit dum huam a nia, chuan, pavillion thutnaah a thu a, a rui deu a ni mai thei a mihlu leh lawp lawp thin a.
Inkhelh hmain zing dar li ah ka tho ziahah Vaivakawn field ah hian vawi 5 tal a kualin ka tlan chhuah ziah thin. Kanan venga awm kan ni.” a ti a.
“Tichuan?” Theo Arthur Khiangte chu a helhhawlh titih tawh a ni ber.
“Chuan, mi pakhat kawrfual dum,lukhum nei chi, leh kekawr dum ha, kha a lo lang a.”
“Khawiah maw a lo lan, eng ang hmelpu nge i hria em?” Theo Arthur chuan cheng sawm note a han phawrh a, “Kha hei hi poket money-ah aw”, naupang chuan lawm takin pawisa chu a la a.
“Tichuan kha cheng sawm i hlawh ta bawk a, i hmuh a piang ho te te pawh han sawi chhuak vek teh?”
“Vaivakawn pavillion chhunga hmeichhe thring deuh pakhat ruih hmel deuh pal ngheng a ding awn deuh bui kha a va pan phei a, chu kawrfual dum ha pa chuan bag te reuh te a keng a. Chuan,hmeichhe bul a thlen phei veleh a bag chu a hawng a, lumet hovin hmui hmul an mehna ang chi hian a hrawkah a zai thler ta hlawih mai a.
A tir chuan mizo film an chang emaw ka tia, sadawr atangin keimahin ka en reng a lawm,hmuhnawm ti deuh, hlau deuh bawk siin ka en reng a
“Chutih lai chuan kawr dum ha pa chuan chemte a hma a mi aia a nalh zawk mah hi a rawn phawrh leh a, nula dulah khan a thai kak chho duai a, a lukhum tla lek lek chu a han siam tha a, a hmel pawh ka hmu chiang a ni,” a han ngawi deuh dat a.
“Mihring a ni miah lo Alien a ni chiang mai ka pu Police.”
Naupangin ‘ka pu police, tia a ko chu lawmawm riau hian a hria a ni..”A nih leh Mama chu kawrfual dum ha pa chu khawiah nge a kal tak zel i hmu em?”
“Aw hmu, a tum dan tak kha chuan hmeichhia kha chan darh sawm vek a tum niin a lang a; mahse, nangma bike ri kha a hriat tak vang nge, rang takin a inpete ah chuan a chemte te chu a dah tha sawksawk a. Dinthar lam kawngah hmanhmawh takin a phei ta a ni.;” naupang fel tak i nih hi tikhan va haw tawh phawt mai rawh. Helai hmun vel hi a hlauhawm riau mai. Mahse, min an zawh che pawhin ka hre lo ti tlat ang che chuti a nih loh chuan nangmah kha an puh daih thei che nia,” tiin Theo Arthus chuan a han sawi thaih zauh a. Naupang hmelah chuan hlauthawng leh hlauhlawp hmel a lo lang nghal a. Hman hmawh zetin an veng Upper Kanan lam pan chuan a tlan haw ta hlawk hlawk a.
FACE TO FACE
RI5 chu a tlawh nung dawt a, Venghlui lam pan chuan chak mangmakhen hian a lim kawh phei puat puat a. Kawipui deuh a thlen dawnah kawrfual dum ha pa chu a umpha ta.. A bike chu kawngsirah a nem thlu nawk a, puakruk a phawi a, hmehpuah nghal mai theih turin a dah nghalthlap bawk a.” A tawp ta, thih emaw damchhung lungin tan emaw i duh a nih loh chuan helam rawn hawi la, i bag kha min rawn pe la, i ban pahnih kha a chunglamah phar nghal bawk ang che.”
Blackman chu zawi muangin a rawn in her a, a lukhum dum hlun mai chu a han hlip kiang a, chu ta hmel lo lang tluka rapthlak tih a la nei ngai lo reng reng. A trim deuh chuai a. A puakruk kenna [pawh chu a thlan hlup tawh a, “ I bag kha rawn theh phei rawh,.”
“Hei chu ni lo ve.”
“Eng a, ka thu i hnial dawn tihna em ni, eng thil nge i bag ah chuan i dah a?”
“ I duh duhin che rawh,he bag erawh hi chu i hmuh a thiang lo,”
HELL GATE’S
“vawi sawm ka chhiar chhunga i rawn theh phei loh chuan ka kap ang che, ka ti tak tak.”
“ Vawikhat.”
Vawihnh” Vawithum....”...( a chhiar zel a) Mahse Blackman chuan zam hmel a pu lo a, hlauthawng hmel pawh a pu hek lo.
“Inspector Theo Arthu Khiangte, he bawm chhungah hian chemte stileto Italy a Dr. Barbanos Miloson ta ka lei chhawn sak a ni.”
“Chu pawh ni se,i thusawi engtin nge ka ring ngawt thei ang, khawi i bag chu min han pe vat mai teh.”
Blackman chuan ngeiawm deuh tak hian chu kawnglaiah tak chuan a theh thla a, ti khan chhar ve tawh mai rawh, kei chuan ka kalsan hrih phawt mai ang che,” a ti a. A kal ta nul nul mai.
Thoe Arthus chuan, Puakruk cheng a kau a, vawi hnih a hmet ri ngat dawt dawt a, Blackman chu kawngsirah a let hlawm vir nawk a.
Inspector Theo Arthur chuan khawlaia Blackmana Bag chu chhar pahin Blackmana ruang awmna lam chu a pan thla nghal nghal a. A mar phu a han dek a, a phu tawh lo, mahse, thil mak danglam tak a rawn awm zui ta. Blackman a taksa chu vawi leh khatah a tawih chhe nghal vel a, ruhro hlawm tawp hi a ni ta ringawt mai, chumi thleng tur chuan minit khat vel chiah a ngai.
Bangbo tih hriat takin Blackmana kut a chelhna, nichin lawka mihring pangngai taksa ni si, tuna taka ruhroa rawn chang ta vek chu ten hmel zet hian Arthur chuan a paih dawrh a. A naute ho a phone a, ambulance rawn hruai nghal turin a ti bawk a ni. A ni Arthur erawh chuan bag chu hawnin in lam a pan ta nghal a.
Haw veleh a mu nghal siai siai a. Darkar 6 vel zet thawhphan eih pawh nei lova a mut hnu-ah a rawn harh chhuak hlawl a. Khum bul dawhkana Bag savun dum nem thep a siam, man to hmel tak, fit khat leh a chanve ai te hret a nih hmel. Phur leh tha tho takin zirpper chu a phelh a, Blackmana sawi ang ngei khan chemte Intalian mithiam kutchhuak pali lai hi uluk taka a paia in khung thlapin a lo awm a.
Mahse, thil pakhat Blackman an a sawi tel ve miah loh a awm, chu chu Bawm killi nei, rawng in ang rem fuh tur ang chi hi a ni, tih tur teh vak a nei hrih tawh lo bawk a, Plactic Piece rem chu a han ti nawn tlau tlauh a, darkar khat dawn a beih hnuah a rem dik ta, ahring zawng a chungah, a sir zawngah a var, adinglamah a pawl, a hnuai lamah a dum.
A rem fel thei ta chu a thaw huai a, mahse, chu puzzle box chu a mahin a rawn viu muai muai a, a kar atang chuan meikhu niawm tak a rawn zam chhuak chuai chuai a. Minit 3 hnu vel lekah Theo Arthur room ah chuan hmel rapthlak pui pui pali hi meikhu zam vel atang chuan an rawn lang a, thawm rapthlak tak mai. “ A na lutuk, min pui ru, a va na tak em,” tih vel thawm rap thlak tak tak hi Theo room ah chuan a rawn ti ta nuai nuai mai. An zinga phan chang deuh ber chuan,”Hei hi eng nge a nih i hria em?” tiin a rawn zawt ta khauh mai.
SEOL
Pindanah chuan boruak rim chhia leh ruang tawih rim leh na tuar tre vawn vawn ri hi a hriat theih vek a. Theo chuan zam aw deuh tak hi. “Hremhmun kawngkhar hawnna chahbi a nih hi.” Mi pali te chu an nuih huah huah a, an nuih dan te chu a rapthla hel a, an hmel lah chu sawi sak hrep hnu ang mai hian a lang hlawm a.
Theo Room lai vel takah chuan boruak kawrawng hi a rawn in hawng a, Theo Arthur duh lo chung chung chu chu boruak kawrawng ah chuan mi palite hneh sawh zet hian an nam lut a. Chu mi rual chiah chuan. Boruak inhawng chu a phui leh nghal vek a. Pindan chungah chuan eng thil mah thleng lo ang maiin a reh tlawk tlawk a.
Hremhmun kawngkhar kha Box Puzzle hmang khan a lo hawn theih tihna a lo ni.
Police rualin Arthura pindan chu uluk takin an check kual vel a, an beidawn dawn tawh lamah. S.I Lalmuansanga chuan dawkan hnuaia puzzel box lo let bal chu a hmu a. “Hei chu le, ka fapa tan kan hawn sak teh ang., a lawm dawn em mai Theo pawhin a phal puzzel box lutuk tho ang,” tih pahin a ipteah a ak tha a.
THE END
(Final Chapter)
RECAP
Ka pu, vawi khat tal remchang(chance?) min pe leh hram rawh. Vawi khat chauh ka dil a che. Ka hlawhchham a nih chuan, ka ruang emaw ka police bagde ngei hian i kut a rawn thleng ang.” a sawi zawng chuan a thaw a chham lo chauh a ni.
“Aw le, i tum a ruh bawk a, han ti leh ta poh che, ka lo thlir reng ang che,”
Police Chief office a chhuahsan dawn laia Inspector Theo Arthur Khiangte thinrimzia leh tlawmngaih zia chu sawi hian a siak lo va, sawi loh hian a suak zawk. “Blackman, mihring emaw ramhuai emaw thlarau sual emaw pawh ni la pawi ka ti therte lo, ka la man tho tho dawn che ka pa fapa ka nih hi hre rawh. Uisa ei thluak hian tih theih loh a nei bik lo tih hi he pa (Police Chief) nen hian ka la hriattir dawn che u a ni,’ tiin a phun sep sep a.
NEVER GIVE UP
Garage-a bike a dah chu a han hrufai thuak thuak a. Nizan lamah a mut miah loh avangin a mut chhuak tawng khawng luuk chu a ham bai bai reng tawh mai. A kaw ruak lutuk avangin a pum lah chu ri chur chur reng mai leh nghal. A phone a rawn ri ral ral a. Tun dinhmunah kher kher hi chuan tumah a be peih lo,reply lovin a a ak tha leh daih a. Tennis Court bul a thlen phei chuan kawngsiraha ding lawk a. Chu lai hmuna Fu tui chu no hnih a han tlak pawp a, a harh deuh kawk mai.
Zodin Cinema Hall a dawn laiin a phone chu a rawn ri leh ral ral a.
“Ninnawn pherhhrep chuan le..? tih pahin “Hello,” vin thakin a han ti a..
“ Sir, tukin zingkar khan Vaivakawn Field pavillion bulah tualthaha a thleng leh a ni awm e.”
“ Tualthattu chu hmu an awm a ni awm e; mahse, naupang kum 13 emaw lek a nia, a sawi thiam lo angreng a. Pavillion bulah zing hma deuhah hmeichhe pakhat samkhir deuh hmai hnawih (make-Up) hmang nasa deuh mai, mit dum huam a nia, chuan, pavillion thutnaah a thu a, a rui deu a ni mai thei a mihlu leh lawp lawp thin a.
Inkhelh hmain zing dar li ah ka tho ziahah Vaivakawn field ah hian vawi 5 tal a kualin ka tlan chhuah ziah thin. Kanan venga awm kan ni.” a ti a.
“Tichuan?” Theo Arthur Khiangte chu a helhhawlh titih tawh a ni ber.
“Chuan, mi pakhat kawrfual dum,lukhum nei chi, leh kekawr dum ha, kha a lo lang a.”
“Khawiah maw a lo lan, eng ang hmelpu nge i hria em?” Theo Arthur chuan cheng sawm note a han phawrh a, “Kha hei hi poket money-ah aw”, naupang chuan lawm takin pawisa chu a la a.
“Tichuan kha cheng sawm i hlawh ta bawk a, i hmuh a piang ho te te pawh han sawi chhuak vek teh?”
“Vaivakawn pavillion chhunga hmeichhe thring deuh pakhat ruih hmel deuh pal ngheng a ding awn deuh bui kha a va pan phei a, chu kawrfual dum ha pa chuan bag te reuh te a keng a. Chuan,hmeichhe bul a thlen phei veleh a bag chu a hawng a, lumet hovin hmui hmul an mehna ang chi hian a hrawkah a zai thler ta hlawih mai a.
A tir chuan mizo film an chang emaw ka tia, sadawr atangin keimahin ka en reng a lawm,hmuhnawm ti deuh, hlau deuh bawk siin ka en reng a
“Chutih lai chuan kawr dum ha pa chuan chemte a hma a mi aia a nalh zawk mah hi a rawn phawrh leh a, nula dulah khan a thai kak chho duai a, a lukhum tla lek lek chu a han siam tha a, a hmel pawh ka hmu chiang a ni,” a han ngawi deuh dat a.
“Mihring a ni miah lo Alien a ni chiang mai ka pu Police.”
Naupangin ‘ka pu police, tia a ko chu lawmawm riau hian a hria a ni..”A nih leh Mama chu kawrfual dum ha pa chu khawiah nge a kal tak zel i hmu em?”
“Aw hmu, a tum dan tak kha chuan hmeichhia kha chan darh sawm vek a tum niin a lang a; mahse, nangma bike ri kha a hriat tak vang nge, rang takin a inpete ah chuan a chemte te chu a dah tha sawksawk a. Dinthar lam kawngah hmanhmawh takin a phei ta a ni.;” naupang fel tak i nih hi tikhan va haw tawh phawt mai rawh. Helai hmun vel hi a hlauhawm riau mai. Mahse, min an zawh che pawhin ka hre lo ti tlat ang che chuti a nih loh chuan nangmah kha an puh daih thei che nia,” tiin Theo Arthus chuan a han sawi thaih zauh a. Naupang hmelah chuan hlauthawng leh hlauhlawp hmel a lo lang nghal a. Hman hmawh zetin an veng Upper Kanan lam pan chuan a tlan haw ta hlawk hlawk a.
FACE TO FACE
RI5 chu a tlawh nung dawt a, Venghlui lam pan chuan chak mangmakhen hian a lim kawh phei puat puat a. Kawipui deuh a thlen dawnah kawrfual dum ha pa chu a umpha ta.. A bike chu kawngsirah a nem thlu nawk a, puakruk a phawi a, hmehpuah nghal mai theih turin a dah nghalthlap bawk a.” A tawp ta, thih emaw damchhung lungin tan emaw i duh a nih loh chuan helam rawn hawi la, i bag kha min rawn pe la, i ban pahnih kha a chunglamah phar nghal bawk ang che.”
Blackman chu zawi muangin a rawn in her a, a lukhum dum hlun mai chu a han hlip kiang a, chu ta hmel lo lang tluka rapthlak tih a la nei ngai lo reng reng. A trim deuh chuai a. A puakruk kenna [pawh chu a thlan hlup tawh a, “ I bag kha rawn theh phei rawh,.”
“Hei chu ni lo ve.”
“Eng a, ka thu i hnial dawn tihna em ni, eng thil nge i bag ah chuan i dah a?”
“ I duh duhin che rawh,he bag erawh hi chu i hmuh a thiang lo,”
HELL GATE’S
“vawi sawm ka chhiar chhunga i rawn theh phei loh chuan ka kap ang che, ka ti tak tak.”
“ Vawikhat.”
Vawihnh” Vawithum....”...( a chhiar zel a) Mahse Blackman chuan zam hmel a pu lo a, hlauthawng hmel pawh a pu hek lo.
“Inspector Theo Arthu Khiangte, he bawm chhungah hian chemte stileto Italy a Dr. Barbanos Miloson ta ka lei chhawn sak a ni.”
“Chu pawh ni se,i thusawi engtin nge ka ring ngawt thei ang, khawi i bag chu min han pe vat mai teh.”
Blackman chuan ngeiawm deuh tak hian chu kawnglaiah tak chuan a theh thla a, ti khan chhar ve tawh mai rawh, kei chuan ka kalsan hrih phawt mai ang che,” a ti a. A kal ta nul nul mai.
Thoe Arthus chuan, Puakruk cheng a kau a, vawi hnih a hmet ri ngat dawt dawt a, Blackman chu kawngsirah a let hlawm vir nawk a.
Inspector Theo Arthur chuan khawlaia Blackmana Bag chu chhar pahin Blackmana ruang awmna lam chu a pan thla nghal nghal a. A mar phu a han dek a, a phu tawh lo, mahse, thil mak danglam tak a rawn awm zui ta. Blackman a taksa chu vawi leh khatah a tawih chhe nghal vel a, ruhro hlawm tawp hi a ni ta ringawt mai, chumi thleng tur chuan minit khat vel chiah a ngai.
Bangbo tih hriat takin Blackmana kut a chelhna, nichin lawka mihring pangngai taksa ni si, tuna taka ruhroa rawn chang ta vek chu ten hmel zet hian Arthur chuan a paih dawrh a. A naute ho a phone a, ambulance rawn hruai nghal turin a ti bawk a ni. A ni Arthur erawh chuan bag chu hawnin in lam a pan ta nghal a.
Haw veleh a mu nghal siai siai a. Darkar 6 vel zet thawhphan eih pawh nei lova a mut hnu-ah a rawn harh chhuak hlawl a. Khum bul dawhkana Bag savun dum nem thep a siam, man to hmel tak, fit khat leh a chanve ai te hret a nih hmel. Phur leh tha tho takin zirpper chu a phelh a, Blackmana sawi ang ngei khan chemte Intalian mithiam kutchhuak pali lai hi uluk taka a paia in khung thlapin a lo awm a.
Mahse, thil pakhat Blackman an a sawi tel ve miah loh a awm, chu chu Bawm killi nei, rawng in ang rem fuh tur ang chi hi a ni, tih tur teh vak a nei hrih tawh lo bawk a, Plactic Piece rem chu a han ti nawn tlau tlauh a, darkar khat dawn a beih hnuah a rem dik ta, ahring zawng a chungah, a sir zawngah a var, adinglamah a pawl, a hnuai lamah a dum.
A rem fel thei ta chu a thaw huai a, mahse, chu puzzle box chu a mahin a rawn viu muai muai a, a kar atang chuan meikhu niawm tak a rawn zam chhuak chuai chuai a. Minit 3 hnu vel lekah Theo Arthur room ah chuan hmel rapthlak pui pui pali hi meikhu zam vel atang chuan an rawn lang a, thawm rapthlak tak mai. “ A na lutuk, min pui ru, a va na tak em,” tih vel thawm rap thlak tak tak hi Theo room ah chuan a rawn ti ta nuai nuai mai. An zinga phan chang deuh ber chuan,”Hei hi eng nge a nih i hria em?” tiin a rawn zawt ta khauh mai.
SEOL
Pindanah chuan boruak rim chhia leh ruang tawih rim leh na tuar tre vawn vawn ri hi a hriat theih vek a. Theo chuan zam aw deuh tak hi. “Hremhmun kawngkhar hawnna chahbi a nih hi.” Mi pali te chu an nuih huah huah a, an nuih dan te chu a rapthla hel a, an hmel lah chu sawi sak hrep hnu ang mai hian a lang hlawm a.
Theo Room lai vel takah chuan boruak kawrawng hi a rawn in hawng a, Theo Arthur duh lo chung chung chu chu boruak kawrawng ah chuan mi palite hneh sawh zet hian an nam lut a. Chu mi rual chiah chuan. Boruak inhawng chu a phui leh nghal vek a. Pindan chungah chuan eng thil mah thleng lo ang maiin a reh tlawk tlawk a.
Hremhmun kawngkhar kha Box Puzzle hmang khan a lo hawn theih tihna a lo ni.
Police rualin Arthura pindan chu uluk takin an check kual vel a, an beidawn dawn tawh lamah. S.I Lalmuansanga chuan dawkan hnuaia puzzel box lo let bal chu a hmu a. “Hei chu le, ka fapa tan kan hawn sak teh ang., a lawm dawn em mai Theo pawhin a phal puzzel box lutuk tho ang,” tih pahin a ipteah a ak tha a.
THE END
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)