LADY HEXUS : THE SAGA
MISSING VAZA
A hmangaih, a nupui duh lai Zopuii an vuiliam ni chuan Rinzuala chu a inngaihtuah nasa kher mai. An sulhnu zawng zawngte lah meivapah a chang zo ta si. Engati nge heti ang hi a chûngah a thlên bik le? Engati nge Vaza pawh hi tûn thlênga a la rawn inlan loh? Khaw nge maw a awm reng reng le?
Vaza tih hming ringawt pawhin amahah nghâwng ala neih nasat dan chu mak a inti zawk hial a ni. An hlim dun lai ni te kha, pangpar kuhmum, par hman ta si lo ang mai khan a chuai ta si. Zopuii a hmangaihna kha hmangaihna dik tak ni tih a ringhlel ngai lo, atan pasaltha tak pawh ni vein a inhria. Ani pawh nupui fel tawpkhawk a ni a, sawiselna tur a hre lo. Mahse, Vaza erawh chu a danglam a ni. Eng nen mah tehkhin theih a ni lovang. Zopuii a hmangaihna chu tuifinriat, tui tam tak ngawi renga a tling pum ang mai hi a ni a, Vaza a hmangaihna erawh chu tuikhawhthla, chak taka luang baw hawk hawk ang hi a ni.
Remruata leh Hmangaihzuala te nen inthurualin, Vaza sulhnu zawng zawngte chu an chhui let leh vek a. Zorinsangi te a rawn chhanchhuah tuma a car khalh te pawh kha an hmu chhuak nghe nghe. Mahse, amah Vaza ber chu hmuh tur a awm tawh tlat si lo. Nitin, beiseina säng tak nen an thawk chhuak a; tlaiah, beidawng leh chau takin an haw leh nge nge thin.
2030 ACE
Van boruak atanga thlir thlak chuan fanghmir chaw zawng phu mur mur te pawh an ang hial awm e. Mizoram Chief Minister hratkhawkheng Zoremsanga hming chawia din, Zorem University College zirlai rualte chu college compound zau tham takah chuan an insulpel nuk nuk a. Chik zawka han en hnaih chuan chûng zirlai rualte chu Mizo hlang an ni lo tih pawh a hriat theih a ni.
College compound hmar lam depah chuan concrete building hrawl tak, hlui leh un pui hi a ding khâwn uaih a, he building hi kum 2013 a an sak tan kha a ni. Kum 2 chhung zet an sa nghe nghe; mahse, a sak dan phung leh a ruhrel duan dan hrim hrim a fuh tawk loh avangin, luah zui tlak a ni lo; a uiawm hle. A hnuai ber (ground floor) erawh chu zirlai naupangten motor dah nan an hmang a. A tangkai phian. Kum 2020 khan he building hlui ep chiahah hian building thar lian leh changtlung zawk an din thar leh a, hei hi tuna college class room atana an hman mek chu a ni. Ral khat atanga thlir pawhin a hmuhnawm tham hle mai.
Chu building chhûnga pindan pakhatah chuan zirlai naupang 60 rual vel hi an awm a. Class neih tan hmain minit 10 vel chiah a awm tawh. Zirtirtuin class room a rawn pan phei a, mipa ho chuan an thutna lam an pan nghal sang sang a. History hi zirlai thenkhat chuan an subject nin ber zing a mi a ni. Zorinsangi erawh chuan nuam a ti viau thung. Zirtirtu chuan a zir tir mawlh mawlh a, a ngaithla peihin an ngaithla a, a peih lovin an ngaithla lo mai a. Colege kal pha chinte chu puitlinga ngaih an ni. Pawl hniam zawkte anga inthununna khauh tak lekkawh a tul ve tawh lo a ni.
Banga sana inkhäi chuan chawhnu dar 3 a kâwk chiah a. Dar a rawn ri rang rang a, zirlai naupangte chuan an zirlaibu chu an bag-ah an thun lut nghal mawlh mawlh hlawm a. “He mi chapter hi in lamah lo chhiar zui ang che u,” tia zirtirtuin a ngenna pawh chu barah an khawn tawh hlawm lo. Class lak laia meng tha peih mang lo, muthlu nguai nguai hote pawh ban dar a rik meuh chuan mitdel serh khawih sak ang maiin an vir nghal vut vut mai. Kum tam tak liam ta atang khan heti ang hi zirlai tam takte khawsazia a lo ni tawh reng a ni.
Class room a chhuansan hnuah Zorinsangi chuan college garage-a scooty var a dahna lam chu a pan phei nghal a. A bul vela zirlai naupang inkal thelh nuk nuk te chuan an rawn nek nawlh nawlh hlawm a.
ALERT
A hma atang rengin a nghet lo sa tawh, nizan lamah ruahpui vanawn a sur zui leh chiam avangin a nghet lo tawh sa chu a derthawn belh lehzual ang tih a chiang reng mai. College principal Jimmy-a chuan rilru nuam vak lovin, college buiding hlui zawk chung zawla Sintex barrel lian an hun chu a thlir vung vung a, barrel nghahchhan cement chhuat chu a hlui tawh em avangin a khi deuh tuar tawh a ni.
2nd year zirlai Lalmuanpuia chuan college building hlui hnuai (ground Floor) a garage phuahchawp angreng tak an khawr chawp lam chu a pan phei mek a. Chutih lai chuan a lu-ah ruahmal niawm tak hian a rawn tlak fap a, khua a thain, ni a kêng tha viau si, engtin nge ruahmal a rawn tlak theih mai le? Ngaihtha vak lovin chung lam a han hawi chho a, building hlui chung fit 80 chuang maha sang atanga Sintex barrel lian zet mai a lam pana rawn tla thla chu a hmu phe vuai a. Principal Jimmy-a chuan a office tukverh atangin sintex barrel tla thla lai chu chiang takin a lo hmu ve reng a. Mangang takin a au tuar a.
Zorinsangi chuan a scooty dahna a thleng phei chiah, patling mangang te thawt thawm a hriat avangin a hawi chhuak nghal vat a. Engkim mai chu rang takin a thleng a ni ber mai. Thil awmdan a hmuh rualin a thi locket chu rang takin a khawih nghal vat a. Sana vir lai a tawp chat a. Boruakah sintex barrel a ding chawih bawk.A tihtur chu hrilhnawn a ngai lo. Che lo chang lova chung lam hawia ding khawng reng Muanpuia chu a bawhthlu nghal rawp a.
Sana a vir a, barrel lian zet mai chuan lei a dêng nghing lawih a. Muanpuia chuan a bul lawka sintex barrel hrawl pui mai let hual chu mak ti takin a thlir thlawk tlawk a. Chutih lai chuan Principal Jimmy a pawh a office atangin hmanhmawh takin a rawn tlan chhuak mek bawk. Eng thil nge thleng ta tih ngaihvenin zirlai naupang dangte chuan an rawn din hual nghal tuau tuau bawk a.
Thil chinchang an zawh tam hmain Zorinsangi chuan a scooty a tinung a, hmanhmawh takin in lam a pan nghal a. Muanpuia’n mak ti taka a thlir liam lai pawh chu a hmu hman ta lo a ni.
WHO ARE YOU?
Lehkha zir a han tum ngial a, a tui thei ngang lo. Vawiina a thil tawn mak tak kha a mitthlaah a rawn lang chuai chuai a, Barrel kha a hmu hman chiang lutuk tlat, a chung zawnah tak a rawn tla a, a rawn delh ngei dawn tih pawh a hrechiang a ni. Mahse, a han harh chhuah khan hmun hran daihah a lo awm ta si. Engtin nge khatiang kha a nih theih? A bul hnaiah tumah an awm lo tih a hre chiang. Thil mak tak a ni. Thih pawh huama amah rawn chhanchhuaktu khä tu nge ni ta ang le? Kha tleirawl duhawm lutuk kha tun hmain a hmuh ngai awm pawh a la hre lo. 1st year zirlai pawh a ni maithei. Naktuk ah zawn chhuah ngei a ngai a ni. Lawmthu takngial pawh a hrilh hman ta si lo.
A dawhkana mobile phone chu a rawn khur char char a. A rawn phone tu hming chu a han en phawt a, “Ninawm teh sek,” tih sup pahin phone chu a han hmet nung a.“Hello, eng nge ni ta?” tiin a han chhâwn a.“Duat, i tha tak tak maw, ka ngaihtuah lutuk che a,” hmeichhe aw no nalh angreng tak a ni.“Ka tha ka tih ka tih tawh kha, engtin mah ka awm lo. Min ngaihtuah a ka lawm e, mahse, ngaihtuah ka ngai lo,” “I thinrim em ni duat?” a pangchan hmel hle.“Thinrim lo, ka chau, mut hahdam ka duh, mangtha phawt,” a rawn mangtha let ve pawh nghak lovin phone chu a hmet hlum a.
Vawiina rawn chhanchhuaktu tleirawl hmel kha a mitthlaah a rawn lang leh chiai chiai a. Naktukah a phone number dil ngei a tul a ni. Mahse, ngaihzawng te pawh a lo nei mai thei a. Pawi lo, phone number dil ringawt te chu a pawina a awm lo ve. Khumah chuan phur lo zetin a mu a. Banga sana inkhai chu a chek kauh kauh a.
BEYOND STAR WAR
EXPLORER 23
Ral khat atang a lan dan chu chhêm thei lianpui ang mai hi a ni ber. Van thengreng zau pui maia a tawlh zul zul lai han hmuh ngat phei chuan a rapawm lek lek zawk a ni. A sir bangah chuan EXPLORER 23 tih hi rawng dumin a inziak kuau a. A hnuai chiahah, UTSC tih hi lian a senin a inziak bawk. A len tham em avangin hla fê atâng lo phei chuan eng thu nge inziak tih pawh hriat fuh mai theih a ni lo.He boruak lawng hi Utopian mithiam rual ten a siam nan kum khat leh a chanve chuâng mah an hmang a ni. Kum 2000 B.C.E atang khan HUN(time) hrang hrangah zinkualin Utopian te tâna chênna tur hmun tha leh him zawngin van thêngrêng zau takah a lo leu kûal tawh thin a ni. He boruak lawng hi an hlut hle a, mi nazawng tan phei chuan khalh thiam chi a ni lo.
Kum 2050 BCE khan, Planet Utopia hmar lam dep, englai pawha vur tlak reng na hmunah khawvela la awm ngai lo thlawhna mak danglam tak mai hi van atangin a rawn tla a. He thil hi Utopia sawrkar chuan rang takin a hup bet nghal a. Mi pui vantlang hnenah chuan, ‘thil mak danglam engmah a thleng lo, balloon zawk a tla tiin thil nihna diktak chu an thup bo ta a ni.
He thlawhna (UFO) hi Utopia sawrkar chuan zirchiangin, an bel hnai a, tichuan, Explorer 23 hi an lo siam chhuak ta a ni.Explorer enkawl tur hian UTSC (Utopia Time and Space Control) chuan pilot tha zual bik 23 thlang chhuakin, training hautak zet mai an paltlang tir a. Chûng mi thiam rual 23 te chu UTSC lamin an duhthusam thlapa an exam kual hnu-ah explorer 23 enkawl tur hian a ruat fel ta chauh a ni.
Explorer 23 lawng captain Ophelia chuan an hmaa boruak hlawm inthuah thip urh mai kara boruak lawng bial chei chui lo ding thim muk mai chu mak ti takin a thlir vung vung a. Kum tam tak van boruakah an lo zin chhuak ve tawh, boruak lawng chi hrang hrang pawh an lo hmu ve fo tawh; mahse, tun tuma mi ang ema hrawl hi chu a la hmu ngai hauh lo, a chhungah chuan tute nge chuang a, khawi lam mite boruak lawng nge ni ang tih han rin mai dan pawh a bangbo hle mai, “Sergeant Elius, chhinchhiahna kha an hmuh theih turin han kap eng teh le, hmanhmawh lo khan aw,” tih pahin Captain Ophelia chuan a bula thu, pa hmai tluak ret rut, mitmeng lian tak mai darah chuan a han khawih zauh a.
Commander Sora chuan an mahni rawn hnaihchilh mektu boruak lawng sei zet zut chu a thuthmun atangin a lo thlir reng a.“Vaza, hmelma an nih i ring em?”“Hriatthiam a har khawp mai, inring renga awm a tulin ka hria,” Vaza chuan muang changin a thir lukhum chu a khum tha nghal mawlh mawlh a.Explorer 23 hmalam khawi lai emaw atang chuan eng zungzam pawl deuh ruih hi a rawn inkap chhuak ta a.
FACE OFF
Muanpuia chuan uluk vak lovin a bike chu a han hru thuak thuak a; chutih lai chuan a cell phone a rawn rum char char a.
A rawn phone tu hming a han en phawt a, ner deuh sawk chungin,“Hello,” a ti bung nghut a.“Duat, i kal tawh em, i la kal loh chuan min lo nghak la,” hmeichhe aw chu a nalh phian mai.“Ka hmanhmawh, ka nghak hman lo che ka tih ka tih kha, i duh hun hunah rawn kal ve mai rawh,” tih hmuk pahin phone a dah hlum a.A tlan chak bawk a, rei lo têah college a thlêng phei thuai a. Garage chu a han enkual a, a hmuh duh ber scooty var chu a la awm lo phawt mai.
A bike a hun that hnuah library lam a pan phei a. A hma kâra a lehkhabu hawhte pek let pahin lehkhabu dang a en kual zui nghal a. Chutih lai chuan a hmeichhe nghah ruk ber chu library chhûngah a rawn lut ve chiah bawk.Zorinsangi chuan jeans kekawr hlui lam tawh, rawng dal deuh, a khup zâwn pawr deuh fap leh T.Shirt dum lian deuh hek hawk hi a ha a. A hmel nungsar mai leh a mitmeng fiah kel kawl tak te chuan a ti lang duhawm zual kher mai. Muanpuia chuan lehkhabu intiang ur phên atang chuan a lo thlir reng a.
Nimin khan a lo hmu chiang lo tawp a nih hi le!! Zorinsangi hmelthat dan chu ‘ropui’ tih hluai tham ni hialin a hre thar leh hnuhnawh a.A rukin a hnaih phei hret hret a, midang hmuhah chuan lehkhabu en kual vel niawm takin a lang thung. “Hi, Muanpuia ka nia, i tha maw?” Zorinsangi dinna bulah chiah chuan a ding ve nghal a.“Tha lawm, i tha zawk maw, Zorinsangi ka nia?” a biang a sen deuh tan tan a.“Aw ka tha e, nimin kha, lawmthu pawh ka hrilh hman ta si lo che a, ka lawm lutuk ringawt.”“A ho lutuk, lawmthu sawi a ngai hleinem, ka lo awm remchang hlauh a, a tizia a nih kha..” an thusawi dan chu nuam a ti chiah lo tih Zorinsangi hmêlah chuan a lang thei.
“Chhûnah canteen ah inhmu ila, ka trit ang che,” Muanpuia chuan a thinphu dut dut ri chu tih tawp theih a duh kher mai. Chutih lai chuan hmeichhe pathum, inhnawih tai hler hlawr tak hi thawven hmel zetin library ah chuan an rawn inzui lut a. An zinga pakhat chuan, Muanpuia a hmuh ve leh, “Hetah i lo awm reng a ni maw, ka rawn zawng che a,” tih ham ham pahin a rawn pan phei nghal a.Chûng hmeichhe pathum te a hmuh rualin Zorinsangi chuan, “Ka kal phawt mai ang,” tih pahin lehkhabu pahnih chu librarian hnênah a keng phei a, hawh turin a ziah fel tir zui nghal a.
THE GIRL FROM YESTERDAY
Class lak chhûng zawngin a rilru-ah Muanpuia chu a lang reng a. A nungchang ngaihnobei tak te khan a hneh ngawih ngawih a ni ber mai.
Mahse, kha hmeichhia kha tute nge ni ang? A rawn ngamtlak dan velah khan a ngaihzawng a nih ngei a ring. Zirlai pawh a ngaihtuah tha hlei thei lo, a rilruah thikna a rawn awm a, chutiang chu a hriat ngai loh thil a ni. Ngaihzawng hi a la nei ve ngai lova. A thianten an sawi chang pawhin ngawi rengin alo ngaithla ve mai thin. Eng emaw châng chuan bialpa han neih ve chhin chu a chäk ve deuh thin.
Mahse, bul tan dan tur a hre lo a ni.Chhûn chawlh veleh canteen lam a pan phei nghal a. Muanpuia chu hmuh leh a chak a ni. Coffee a lama, a in mek laiin, a hmuh chak em em Muanpuia chu a rawn lut a; mahse, nichina hmeichhia khan a hnungah a rawn zui lut ve tlat mai. A rilru a na zawk a. Hei hi em ni a thianten thikthu an lo tih thin kha ni ang le. Nuam a tih zawng a ni lo kher mai. Muanpuia leh a thiannu chu dawhkan pakhat kilin an thu dun a, hmeichhia chuan eng emaw hi zawi te têin a sawi sar sar a, a nui leh ar ar thin.
A hlimin nuam a tih hmel hle. Coffee in na man a pe a, chhuah tuma kawngkhar lam a pan mek laiin a hnunglam atangin a kut dinglamah tu emaw hian a rawn chelh a. A hawi let a, Muanpuia chu a hmu a. “Ka lo hmu lawk lo che a, la kal bik suh.”Zorinsangi chuan Muanpuia hmeichhe thutpui kha a va en zawk a, “Ka kal phawt mai ang, in laklawh hmel em mai,” tih pahin Muanpuian a chelhna kut chu a phiat thla a, pawnah a chhuak zui ta nghal a.
ANGRY
Dar thum pelh hnu deuhah class an bang a. A scooty dahna lam a pan laiin, “Zorinsang, lo ding lawk teh,” tiin an rawn kova. Hawi let tuma a inher dawn lai takin hmeichhe pakhat leh mipa pahnih hian an rawn din hual nghal a.
Hmeichhia chu canteen-a Muanpuia thutpui kha a ni nghe nghe. Ngaihtha vak lovin amah dinhualtute pathum chu a han enkual a, “Eng nge in duh a?” a ti sap a.“Nangmah hi kan duh che mawle,” tih pahin mipa ngo vir ver, hmai zum deuh, beng parh veh vawh, hakuh lek lek hian a kutah a rawn man bet a. “Min khawih hlek suh u, in va zak thei love a,” tih pahin Zorinsangi chuan chu pa hmaiah chuan a beng ri nghal thlawp a. “Kut te min thlak ngam vel ka ti,” tih pahin bengparh a chuan a rawn tham nghal nawk nawk a, a thianpa vai ang deuh mai chuan a rawn pui ve nghal bawk.
Zorinsangi mangang tal vel chu ngaithei lo tih hriat zetin bengparha chuan a hmaiah tak a rawn hnek ri leh chawm mai.An zinga hmeichhe tel ve chuan, “Garage chhûngah hnuk lut rawh u, mi’n min rawn hmu ang e, thil zirtir hlak ka duh a nia,” a ti vei ham ham a. Tlangval chak tha lai pahnih tha chu chelh rual ni hek lo le, garage lamah chuan an hnuk lut phei hrawih hrawih a, a hmaia an hnekna chu a nat em avangin a lu a hai muai muai a.
A hmui dinglam sir chu a kak thi ser ser bawk.Garage chhûng hmun biru lai deuhah chuan an muttir a, bengparh-a khân a ke dinglamin a nghâwng ah a rah sak a, pakhat zawkin a pum zâwnah a rap bawk. Inti thei zet hian hmeichhia chu a vei tuak tarh tarh a, “Ka hming chu Goldy a ni, i lo la hriat loh takin kan hrilh che a nih chu, he college ah hian ka thu bera, tuman ka kawng an dal ngai lo tih i lo hre tawh dawn nia aw Mate,” tih pahin a han vei nuih deuh sak a.
“Eng nge i pawi ka sawi a, ti nge hetia min tih?” Zorinsangi mitmu rawng chu a inthlak danglam tial tial a ni tih tuman an hmu thiam hauh lo.
“Muanpuia kha ka ta a nih kha, kan inkarah lo inrawlh tawh suh, i hria em,” Goldy chu a in ang thinrim chawp zel niin a lang.
“Muanpuia nena in inkarah ka inrawlh lo bawk. Ka ngaizawng bawk lo.
”“Mate, dawt chu sawi lo mai rawh, canteen-a i melh dan te kha ka haiin i ring em ni,” tih pahin Goldy chu a bulah a rawn thingthi a , a hmaiah tak a rawn beng ri thlawp a.
THE HELPER
Chutih lai tak chuan Muanpuia a rawn lang ve hlawl mai, thil awmdan a han hmu chiah chu a alh nghal lo chauh a ni ber. Zorinsangi rap bettu mipa pahnih te chu a rawn bawh phei nghal ruak a, a rem lai laiah a hnek zui nghal bawrh bawrh a. Bengparha leh a thianpa chuan intiam rual lawk ang mai hian Muanpuia chu an beih rawn ta. Mi pahnih tha na na na chu pakhat tha ai chuan a chak deuh a ni, Muanpuia chan chu a chhe tial tial a, thei leh thei lovin, “Zorinsang, tlan chhe rawh, vat,” tiin a rawn hrilh hram a.Zorinsangi chu a tlûkna atangin a rawn tho chhuak a, a thawmhnaw-ah chuan vaivut a kai paw thur mai.
A mit meng chu a hring vek a. “Nangni pahnih kha, khawih tawh suh u,” tlangval pahnih te chuan chhete pawhin an tha an thlah phah lo.Zorinsangi chuan a thi locket chu a han khawih zauh a, vawi lehkhatah amah chu hmuh theih lohin a tham ral ta daih a. “Hei insual tawh teh suh u, kan hmelchhenu kha a bo daih a nia aw, a mak lutuk,”Goldy aw tial ruan mai chuan hlauh a nei tih a ti lang chiang khawp mai..
Chutih lai tak chuan, Goldy samah chuan tu emaw hian a rawn kek thle awrh a, chiang zetin a tlu zui nghal. “Tu nge min rawn kek kha,”Muanpuia leh tlangval pahnih te pawh chu chau tih hriat zet hian an rawn thu chhuak. “Tuman an kek lo che,” bengparha chuan a ti sup a.“Min kek chiang a lawm, ka hnung lam atangin.”Bengparh a chuan eng emaw sawi leh tumin a ka a ang hman zuau tawh, a ka chhungah vaivut hi a rawn lut huk mai.
A khuh nghal bawrh bawrh a, a thawk chhuah zawngin balu nawi chu a rawn phuh chhuak chuai chuai a. Khawi lama vaivut zo zai nge maw ni le? A mak hle mai. Tu emaw chuan a ka khat tunin vaivut an rawn barh a ni ngei mai.Bengparha thianpa chu hlauh luat avangin a khur titih tawh, chutah a hlauh ang ngei ngeiin a bek bâwrah tak tu emaw hian a rawn hlap pawp mai. A awp nghal rawk a. A hlau lutuk chu a zun fep a far fap fap thei hial a ni.
Muanpuia chuan thil awmdan chu makti takin a thlir a, Zorinsangi ber lah chu hmuh tur a awm bawk si lo. Mi pathumte chu a in tre chhawk a ni ber. An taksa khawi lai lai emawni chu a thum pawm pawm reng mai.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE CODE (Season 3) BY Puitea Tuallawt
SORA and OPHELIA
Commander Sora chuan, “Rang takin radar kha ti nung rawh u. An thil rawn kah chhuah saw, eng nge a nih lo chhui nghal bawk ang che u,” a ti a.
Thupek pe thang a nih zia chu a aw nghet chat leh, mahni inring tawk taka a hawi valh valh chuan a ti chiang khawp mai.Captain Ophelia chuan, “Hydrogen bomb kha hman theih nghal turin lo peih sa thlap ang che u,Remna thu sawi pui kan tum ang, an duh loh chuan, an thu thu a ni tawh mai,” a han ti a. Number hi a let zawngin khawl hian a rawn chhiar zui nghal a, 9,8,7,6,5,4,3,2,1...
THE GIRL WHO SAW TOMORROW
STAR TREK!
Commander Sora chuan thil awmdan chu uluk takin a thlir reng a. An mahni êpa ding, boruak lawng sêi zêt zût chu khawi atanga lo kal nge a nih? Engti tura helai hmunah hian lo awm ve ngawt nge a nih?
Chuti ang lawng pian mak tak chu tunhmâin ala hmu ngai bik hauh lo. Van thengreng zau takah hian, hmelhriat loh boruak lawng an hmuh reng rengin inralrinna dar an ti ri ziah thin. Hriat phäk loh leh chhui chhuah phâk rual loh khawpa zau, vanthengreng (space) ah hian thian bulfuk tak an neih a hre lo. Chuvangin anmahni ni lo midang reng reng chu hmelma ena en nghal tawp mai hi an damkhawchhuahna tura thil pawimawh tâwpkhâwk a ni tih a hriatna a rei tawh a ni.
Captain Ophelia chuan, ‘inhmelhriattirna êng zûngzâm’ an kah chhuah hnu pawh a, an beisei ang chhânna an hmuh tak mai loh avangin a hote hnênah chuan inrâlrinna thu a chhäk chhûak zui ve nghal a.
Boruak lawng lian pahnih te chu van boruak zâu leh reh ruih maiah chuan ngawi rengin an ding thim mûk a. A che hmasa zawk zawk chu dingchang tur an ni maiin a lang. Capt.Ophelia chuan weapons section lam chu be pawpin, “Laser beam kha kap chhuak thei turin lo inring nghal rawh u, a tul chuan hydrogen bomb pawh kha hman mai tur,” a han ti a.
Commander Sora chuan an hmaä boruak lawng hnuai lam kawngkhar tawlh hawng tual tual chu a en reng a, “Defence system kha load nghal rawh u , hêng mite hian chêt an tum niin a lang ta e,” tiin thupek a han chhäk chhuak zui ve nghal zat a. Boruak lawng pahnih te chu inkhuainuai turin an inep ta rûn mai,
Chutih lai tak chuan thil mak a lo thleng ta phut a. Awihawm loh zawk hial khawpa mak chu.
Vanthengreng zaupui mai leh midum kawchhung ang maia thuk thim muk ruih mai chu chhûm var, chhah tak hian a rawn tuam hlup a. Inkah mai tuma intintuah uaih tawh, boruak lawng pahnih te chu thunun theih lohin a awm zui nghal. Captain Ophelia chuan, “Eng nge thil awm zia, laser beam chu hman theih turin inbuatsaih fel tawh em?” tiin a han zawt a. Weapons section lam enkawl tu, mipa, kum 30 vel hmelpu, ngo veng vawng, hmai dung sei deuh hian “Captain, engmah kan ti thei lo, khawl zawng zawng a thi vek, emergency line pawh a hman theih chuang lo?” tiin a rawn chhang a.
HEAVEN’S GATE’S
Darthlalang hmai hlaipui inpharh duai mai chu vawilehkhatah a rawn thim ta mup mai. Commander Sora chuan mak ti deuhin a en vung vung a “Hei engti zia nge ni ta mai, hmelma ten min rawn bei ta tihna a ni thei em?” a han ti a. Defence system lam enkawltu Major Vaza chuan, “Commander, pawi ka ti khawp mai, radar-in hna a thawk thei tlat lo, engmah chinchang kan la hre thei bik lo a ni, tunah hian siam that hna thawh mek a ni e,” tiin a rawn chhâng a.
Chhûm vär chhah tak mai rawn inpáng-aw-zial mup mup chu a darh zau tial tial a, boruak lawng pahnih, inhmatàwna ding mek te chu a rawn zêm tan chiai chiai a. Khawl zawng zawng hman theih loha a awm tak vek si avangin Commader Sora chuan dawhthei takin thil lo thlêng tur chu a nghâk tawp mai a ni. Hun thuhnuaiah a awm loh avangin atan rei leh rei lo a awm ve chuang lo a ni.
Chhûm chháh tak vir muai muai kârah chuan mihring pakhat kawrfûal var thianghlim tak mai ha hi fiah lo ruaiin a rawn lang a. Sora leh Ophelia te chuan an mahni lawng ve ve atangin thil awm dan chu mak ti takin an thlir reng a. Mihring hlimthla chu a rawn lang fiah telh telh a. Mi pakhat fit 10 vel dawn laia sáng, mipa nge hmeichhia a nih hriat hran har tak, sam buang tle ser mai hi a rawn lang ta a. A kawrfual var hak chu a êng paw chûk a , mit làwng ringawt phei chuan en rei ngam chi ziazang a ni lo. A hnung lamah chuan sava thlà ang deuh, lianpui mai pahnih hi a invuah a. A kut dinglamah Ngunhnam hrawl tak hi a keng bawk a.
THE NEW EXPERIENCE
A piantirh ata a vawikhat nan, mi pakhat, Muanpuia tih hming neitu chu mut hmunah a ngaihtuah ve tan ta. Ngaihzawng a la nei ngai miah lo, bialpa an neih hian hmeichhiate hi engtin nge an awm thin tih pawh a hre chuang lo. Ngaihtuah loh a tum ngial pawhin, a mitthlaah a lo lang a, a lo ngaihtuah zui leh veng veng thin. A ngaizawng tihna a ni thei ang em? Engati nge a ngaihtuah reng mai le? A khaw hmu a fiah lo tial tial a, a mit ko chunglam a rawn rit telh telh a, tui takin a muhil ta siai siai a.
Zing dar 5 rik hma hretin a khum bula alarm a set chu a rawn ti char char a, a harh hlawl mai. Muanpuia chu mumangah hmuh a chak tehlul nen, a hmu thei der si lo. Nidangah chuan class kal hi thih hreh tak hian a hreh hlur thin; mahse, vawiin chu a phûr thar riau a ni. Rinzuala leh Remruata te chuan thingpui sen hâng in pahin Zorinsangi chu hmuhnawm ti takin an thlir a, an hmangaihzia chu an mitmengah pawh a chhiar theih hial a ni.
Muanpuia hnênah chuan a ngaizawng a ni tih hrilh chawm mai tur a ni ang’em? Engtin nge inngaizawngte hian thil an sawi thin, engmah a hre lo.
Scooty ken a han tum uk naa, a peih leh chiah lo deuh, pawnah chhuakin college bus lo thlen hun tur chu a nghâk ta zawk a. Minit 5 vel a nghah hnuah, bus chu a rawn lang ta hlawl a. Hmanhmawh takin bus chhûngah chuan a lut a, thutna ruak pakhat chiah a awl. Tlar hnung ber dawt tu-ah chuan a vêi em em Muanpuia chu amah chauhin a thu a. A lut phei zel a, zak leh tim deuh dai chungin, “Hetah hian ka lo thu thei ang em?” tiin a han zawt a. Muanpuia chuan a earphone vuah chu la thlain, “Sorry tobs, ka lo ngaithla tui lutuk a, engtin maw i sawi?” tiin a rawn zawt nawn leh a.
“Hetah hian thut i phal em? ka tia,” Zorinsangi chu a zah avangin a hmai sen tan tan a.“Phal tehreng mai, lo thu rawh, lo thu rawh.” Muanpuia nui hmel chu hmuhnawm a ti kher mai. He pa hi chu a tha thlawt a ni e.“Ka lawm e,” tih sep pahin Muanpuia bulah chuan a thu ve ta a.“Nimin kha pawi ka ti ngawt mai, an lo khawih na hman viau che’m?” Muanpuia chuan cell phone leh ear phone te chu iptea a thun nghal a. “Khawih na hman love, min rawn chhan kha ka lawm lutuk a, ka sawi thiam lo zawk. Ka lawm a ni tawp mai.”“Kei pawh chhan thei che a ka awm kha ka lawm a sin.
Mahse, pahnih kha chu ka hneh lo lam deuh chu niin ka hria, tak-a, kan buai lai vel khan i bo daih a, i kal sawn lai ka hre bawk si lo...” Muanpuia chuan, nimin a thil thlêng kha a han ngaihtuah nawn leh a, mak tihna riau a nei tlat a ni.“Nia, ka kal ta daih a, ka inthiam lo lutuk, min hrethiam rawh aw,” thil awmdan dik tak chu hria la chuan, min hlau anga, biak pawh min be duh tawh awm si lo, a ti rilru niap niap a.
Thil dang engmah an sawi dûn leh tawh lo. College an thlêng a, room hranah ve ve class an neih avangin inbiak zawm zelna tur remchang a awm lo tluk a ni. Zorinsangi chuan zirlai pawh a ngaihsak hlei thei tawh lo,nizana a ziah, ‘Muanpuia ka hmuh huna ka sawi tur’ tih vel chu a han en nawn leh a; a nui a. Engati nge Muanpuia bula a awm apiang hian a awmdan a theihnghilh tlat zel le? Sawi tur a hual sa zawng zawngte lah an bo vek zel bawk si.
STARAn college ah nä nä nà chuan Muanpuia chu star a ni. Football leh table tennis a thiam hle a, a hmel that bakah a chapo lova, an hausak zia lah tun an hai a ni zeng lo. Chapo mi nisela, chapo pui tham zet thil chu a ngah mai, mahse,a chapo ve ngai tlat lo a ni. Chapo tawk leka rethei leh chapo tawk leka hausa hi an awm thin. A ten zawng tak an ni ve ve.
Kha tleirawl duhawm tak kha, a lo ngaihtuah leh vung vung thin. Mak tih deuh erawh a nei, nimin thil thleng kha a han ngaihtuah nawn leh a. Goldy khan mi pahnih te kha a ruai a nih a ring a. Zah nachang lah an hre der lo lehnghal. Dik chauh chuan, Goldy hi hmelchhe zawk zawk chu a ni hauh lo, Aizawl mi hausa hlun fanu a ni. Inchei a thiam a, incheina tur a ngah bawk a. College a kal tan tirh 1st year a zirlai khan a star thei lutuk. Mahse, a ti lang ngam ngai lo.
Goldy a biak pawh hmasak ber tum chu college-in Vaivakawn field a sports an neih tumin a ni. House 4 ah an inthen a. Blue, White, Green leh Red ah te, vanneih thlak takin Goldy nen chuan Green house ah an awm dun hlauh mai.
Football final chu blue leh green house ten an khêl a. Green house lamin 3-1 in an hneh. Hêng goal thum lutte hi Muanpuia thun vek a ni. An khel zo chiah a, green house nula hovin players te in tur, tui vawt an rawn sem nghal a.
Goldy chuan tui vawt rawn pek a tum a, tihpalh thilthu takmeuhin a no ken lai a ti tla palh a, chu veleh vaivawih aia rangin a lo chhar sak vat a. An inbe zui ta a, an inbe zel a, an lut thuk tial tial a. Mahse, rei lo tê-ah Goldy mizia dik tak chu a rawn lang tan ta, chu chu a duhzawng a ni ta chiah lova ni. An inkar thu chu tihtawp a duh a. Goldy lah chuan Muanpuia rilru hre hek lo le, a duhna chu a ti lang nasa tial tial a ni ber. Chutianga thil hnawk leh chingchivet nuaiin a bawm khah lûk laia Zorinsangi han ngaihtuah tak vang vang mai chu..!
A phone number dil nachang a lo hre lo kha a pawi ngei mai. Naktukah ngei ngeiin a zawt tawh ang. Zorinsangi hmel chu a mitthlaah fiah takin a lang a.
THE MOGUN EMPIRE
King Mogun chuan tleirawl tituai nalh tak, hmel nung sar mai, Zorinsangi thlalak chu a thlir vung vung a. “I hmel lah chu a tha reuh phian a,” a han ti sup a. Colonel Meek chuan radar scope hmangin an bul vel thil awm te chik takin a en lawr dun dun a.“He hmun hi Rih Dil an ti a ni awm e, helai bawr vela khawsa te hian an ngaihlu viau mai, tlawh tu pawh an rak hle thin niin a lang. Kum 50 BCE khan helai hmunah hian Nexx ho kha an thlawhna chawpin an chesual a. Tuiah hian an tla hlum ta a ni. A hnu kum rei fe thleng khan an boruak lawng atanga Magnesizer put chhuak nasa lutuk avangin he dil hi a fawn chiam thin a ni awm e.
Tin, hun rei fe chu Nexx ho thlawhna light kha a êng a, zan lamah phei chuan tui chhûng hi a chhun êng pup thin a, hêng laia khawsa hnam mawl ho te hian pathian thil tih a nih an ring a ni awm a sin.”King Mogun chuan, “Ehh, i lo va hrechiang ang reng si ve a. Chûng thilte chu khawi atanga i hriat nge ni reng reng? tiin a han zawt zui nghal var a. “Explorer 23 te logbook ah khan a inziak vek a lawm,” tih pahin Colonel Meek chuan a hmaa hmeh khep sen rawn de va va chu a hmet nghal a.
UNDER-WORLD
MICHAEL (Angel of Death)
Chhûm inbawh thuah tup tup kara mi êmkhalh thei kawrfual vâr de sût mai ha fiah lo riaia rawn lang chu, rei lo têah a rawn lang chiang tial tial a, a kut dinglama ngunhnam hrawl zet mai a ken chu a tek chhuai chhuai a. A hnung lama sava thla ang deuh, thla lianpui pahnih rawn chawr chhuak te chu a inzâp hliau hliau a. A lan dan hrim hrim chu a rapthlakin a ropui danglam kher mai.
Commander Sora chuan chuti ang thil chu vawi khat mah a la hmu ngai hauh lo. A rorumna leh paukhauhna zawng zawngte chu tui vawta thir ling rawlh luh ang maiin a dai nghal riai riai a. Hun rei tak atanga a lo neih ngai tawh loh, HLAUHNA mak tak maiin a thauah a rawn man a. A hote zawm tur thupek, chhâk chhuah tur pawh a nei tawh lo. An boruak lawng lam pana chu thil rapthlak tak mai a rawn thlawh phei delh delh lai chuan hlauh luat avangin Sora chu a khur dar dar a.
Captain Ophelia chuan, an hmelmate lawng lam pana milianpa thlâwk phei duai duai lai chu a en reng a. Helai hi eng hmun nge ni ang le? An Radar compass lah chu awmze nei hauh lovin a vir kual chur chur ringawt mai si. Hun liam tawh-ah (past) nge an din a, hun lo la awm tur-ah(Future) zawk tih pawh a ngaihtuah thiam tawh hek lo. Milian-in a kut khingkhat chauha Sora te boruak lawng a châwi kâng lai leh, an mahni hnuchhawn zawnga kawng danga a thlawh liamtir lai chu rapthlak ti takin a thlir ngawih ngawih a.
An chuânna boruak lawng lam pana milianpa a rawn thlawh phei duai duai lai chuan Captain Ophelia mangang lutuk chu a thidang ta hial a ni.
THE SCROLLInlêngkawmna pindanah chuan Rina, Remruata leh putar pakhat, kum 70 vel hmelpu sam var veu vou hi thingpui no dawmin an lo titi mawlh mawlh a. Zorinsangi college bang lo haw pawh chu atu amah chuan an lo chiau au hran lo, thuthleng awl remchangah a bag a theh thla tawp a, a pate bulah chuan thuthmun ava rem ve nghal sawt sawt a.
“Tun hmâin i nu nen khân sikul hmun khatah kan thawk dun thin a, i nu kha nu fel tak a ni a, ka ngaina takmeuh a ni. Heti ang tiat fapa a nei che tih ka lo hre lawk lova, hmanni deuh khan i nu lehkhathawn hlui te ka chhiar kual e ka tia, fapa Remruata tih hmingpu a neih thu a lo inziak a, a hun lai khan ka lo chik lem lova, ka lo hmuh hmaih a ni mahna, ka theih anga rangin ka rawn zawng chhuak ta vat che a ni,” Putar chu a hah hmel hle a, a hrawk bawk chhung lamah chuan a tawng zawnga hnawhtu eng emaw tak a awm niin a lang.
“Tichuan hei, min rawn zawng chhuak ta chu a nia, eng thil nge ka hnên atang hian beisei i neih reng reng le?” Remruata chuan a thingpui inruahna no chu dawhkanah a hûng a. “Thil tam tak hrilh tur che ka nei a ni, amaherawhchu, midang hriat ve a rem dawn lova..” tih pahin putar chuan Rinzuala leh Zorinsangi te chu inthlahrun hmel deuh hian a han en a. Remruata chuan a bawp khawkherh chu a han phelh a,“Aa..anni hi chu ka fate, ka chhûngte tak tak an ni, anni bula i sawi hreh thil chu kei pawhin ka ngaithla duh bik lovang,” a ti ta tlat a. Hei hi a ngaihdan dik tak pawh a ni bawk.
Putar chu tlêmin a nui deuh a, “Aww..a nih leh, i duh dan chuan ni ang hmiang, ka sawi tan hmain bawihi, tuisik in tur mi va lak phawt ta che,” tiin Zorinsangi chu a han mitmei a.
Zorinsangi tui rawn lak chu a han lem khawlh khawlh a, chutah thutna a han siam rem leh te te a, a ipte atangin lehkha zial hlui tawh ang reng tak hi dim tein a rawn phawrh a, a chet vel dan hrim hrim chu a muangchangin hmuh a hahthlak hle, “Hei hi a bul chu a nia,” tih pahin lehkhazial chu a pawtpharh a.
Chu lehkhazial hlui tawh takah chuan map lem niawm tak hi fiah lo riaiin a inziak a, hmanlai saptawng (Old English) niawm takin eng thu emaw hi a inziak thluai bawk. Midangte chuan hmuhnawm ti takin putara lehkhazial phelh chu an thlir thap a, chu lehkhazial hlui tawh tak chuan thawnthu ropui tak a keng tel ngei ang tih a rin lawk theih tlat a ni.
“He lehkhazial hi kum 20 liam taa ka pu min hnutchhiah a ni. Uluk takin han en mah teh u, heng hi map a ni tih pawh in hre thei mai ang; mahse eng map nge, khawi lai hmun kawhhmuhna nge tih in hriat loh chuan in tan awmzia a nei vak lo mai thei bawk. Kei erawh chuan, ka kutzungpui tlukin hêng lehkhaa thu inziak leh map lem te hi ka hre bel tawh a, a tak taka a awm dan tur pawh ka mangphan fo tawh a ni,” putar chuan duh tih hriat takin a lehkhazial ken lai chu a zut hliau hliau a.
“Eng map nge ni ngai, eng nge a awmzia?” Rinzuala chuan a rawn ti bauh a.
“Nia, hei han en teh u, helaia thil inrin thla hi Euphrates a ni, a bul a mi hi, Hiddekel tuipui an tih chu a nih hi, a sir lama te deuh hleka inrin kawi thliai thliai pahnih hi Gihon leh Pison lui te an ni, tichuan, eng map nge a nih rindan in nei tawh em?” putar chuan thuthlêng nghênchhan chu a hnungzâng rem thlapin a han nghêng ar ar a.
“Hêngte chu Bible a mi a nih hlawm hi,” Remruata chuan a lu thak lo pui chu a hiat nauh nauh a.
Putar chuan a awki a han ti zawi a, phûn deuh sur sur hian, “Nia, hêngte hi Genesis ah khan chiang takin a inziak vek a ni, a hmun hma te pawh hi tun thlengin a la awm vek bawk, hêng lui lian pali te hi Eden huan atanga rawn luang chhuak vek an ni. Ti chuan he map awmzia hi in hre fiah tawh em?” a han ti a. A thil sawi lai phur puizia chu a mitmeng rawn de sawr sawr chuan a ti lang chiang kher mai.
“Eden huan kawhhmuhna map i tihna a ni maw ka pu?” Rinzuala chu a nui var var a, an thil buaipui vel chu a awihzawng a ni lo tawp tih pawh a hmelah a lang nghal bawk.
“Ni e, he lehkha hi Eden huan awmna hmun kawhhmuhna map a ni, thudik a ni ngei tih finfiahna pawh ka nei nual a sin Vala,” Rinzuala nui hmel chuan a ti lawm chiah lo tih putar a chetvel dan chuan a ti lang.
Remruata chuan “Aaa...engpawhnise, engvang Eden huan awmna chu hre duh nge maw i nih reng reng le?” a rawn ti ve thung a. Putar chuan lehkhazial chu thleh that mawlh mawlh pahin “Nia, hei tak hi a pawimawh lai chu a ni, kha eden- huanah khan thingkung pahnih a awm a, pakhat chu a chhia leh a tha hriatna thing kha a ni, kan thlahtu bul Evi leh Adama te khan Pathian dan bawhchhiain kha thing rah kha an ei tih pawh Bible-in chiang takin min hrilh a ni; mahse, thing pakhat zawk, Nunna Thing erawh kha chu khawih chet miah lohvin a la awm ta reng a ni; tun thlengin,” a han ti a. A dang ro ti hnawng turin a bula tui inchhawp chu tlemte a han lem leh khalh a.“Nunna Thing maw,” Remruata leh Rinzuala chuan an rawn ti rual thawt a.“Aw ni e, Nunna thing, thih theih tawh lohna thing mawle.”
THE TRAP
Zan dar riat rik nan minit tlemte chauh a awm tawh. Muanpuia chuan a zirlai bu chu a khup thawk a. A laptop chu tinungin khumah a thut kai pui a. Inlengkawmna pindan lama a farnu nui ri har har chu a hre pha riai riai a.
Cell phone hmanga Zorinsangi thla a lo lak ruk thenkhat laptop-a a thun luh thar hote chu hmuhnawm ti takin a thlir kual a. Hmeichhe dang angin make up a hmang tam ve lem lova, a thawmhnaw hak pawh simple tak a ni tlangpui. Mahse, a duhawmna chu thup bo theih rual a ni si lo.
A pindan thlanglam tukverh chu a rawn intheh hawng rawp a. A phu zawk mai. Pawn lamah thli a tleh pawh a ni si lo, ngaihtha vak lovin tukverh chu a va kalh tha a. Tukverh darthlalang phen atang chuan pawn lam chu a han thlir kual thuak thuak a, mihring vei vak hmuh tur an awm hauh lo. A reh thap a, thlifim tak ngial pawh a tleh lo. Khum lam a pan phei leh dawn lai takin a nghawngah tu emaw hian a rawn rek bet chawt a, au chhuah a han tum ngial a; mahse, au chhuak thei rual a ni lo, a thaw thei tawk tawk chauh a ni.
Amah rawn rek bettu chu hmuh tumin a tal fat fat a; mahse, tumah a hmu thei lo. A chhungte lah chu inlengkawmna pindan lamah TV enin an awm daih si. A mit a vai ruai a, a lu a hai muai muai a, amit sulh sulh a, a thaw a chham tan ta. A hrawk bawk bul setah hian hriau zum tak hi a rawn invit lut thawih a. A thip zawr zawr a, nikhua a hre lo zui ta nghal a.
A rawn harh chhuah leh chuan a bangbo kher mai. A mit a han nuai nawk nawk a, helai hmun hi a pindan kha chu a ni lo tawp mai. “Ka nu, ka pa, khaw nge in awm?” tiin a han rûm chhuak hawk a. A bul vel khawi lai emaw a tui far ri kauh kauh bak chu thawm dang hriat tur reng reng a awm lo. Thei leh thei lovin a han thu chhuak a, a lu a rawn na ut ut a, inring hman lêk lovin a luak nghal bawr a.
King Mogun chuan Muanpuia rawn harhchhuak tan mek chu darthlalang hmai hlai pui atang hian a lo thlir reng a, “Chaw chah tha tak chu a ni ngei ang le, a theih anga rangin Lady Hexus hnenah a bialpa kan man thu hi hrilh nghal ang che” a han ti sup a. Colonel Meek chuan nui var var chungin a lu a bu nghat nghat a.
Commander Sora chuan, “Rang takin radar kha ti nung rawh u. An thil rawn kah chhuah saw, eng nge a nih lo chhui nghal bawk ang che u,” a ti a.
Thupek pe thang a nih zia chu a aw nghet chat leh, mahni inring tawk taka a hawi valh valh chuan a ti chiang khawp mai.Captain Ophelia chuan, “Hydrogen bomb kha hman theih nghal turin lo peih sa thlap ang che u,Remna thu sawi pui kan tum ang, an duh loh chuan, an thu thu a ni tawh mai,” a han ti a. Number hi a let zawngin khawl hian a rawn chhiar zui nghal a, 9,8,7,6,5,4,3,2,1...
THE GIRL WHO SAW TOMORROW
STAR TREK!
Commander Sora chuan thil awmdan chu uluk takin a thlir reng a. An mahni êpa ding, boruak lawng sêi zêt zût chu khawi atanga lo kal nge a nih? Engti tura helai hmunah hian lo awm ve ngawt nge a nih?
Chuti ang lawng pian mak tak chu tunhmâin ala hmu ngai bik hauh lo. Van thengreng zau takah hian, hmelhriat loh boruak lawng an hmuh reng rengin inralrinna dar an ti ri ziah thin. Hriat phäk loh leh chhui chhuah phâk rual loh khawpa zau, vanthengreng (space) ah hian thian bulfuk tak an neih a hre lo. Chuvangin anmahni ni lo midang reng reng chu hmelma ena en nghal tawp mai hi an damkhawchhuahna tura thil pawimawh tâwpkhâwk a ni tih a hriatna a rei tawh a ni.
Captain Ophelia chuan, ‘inhmelhriattirna êng zûngzâm’ an kah chhuah hnu pawh a, an beisei ang chhânna an hmuh tak mai loh avangin a hote hnênah chuan inrâlrinna thu a chhäk chhûak zui ve nghal a.
Boruak lawng lian pahnih te chu van boruak zâu leh reh ruih maiah chuan ngawi rengin an ding thim mûk a. A che hmasa zawk zawk chu dingchang tur an ni maiin a lang. Capt.Ophelia chuan weapons section lam chu be pawpin, “Laser beam kha kap chhuak thei turin lo inring nghal rawh u, a tul chuan hydrogen bomb pawh kha hman mai tur,” a han ti a.
Commander Sora chuan an hmaä boruak lawng hnuai lam kawngkhar tawlh hawng tual tual chu a en reng a, “Defence system kha load nghal rawh u , hêng mite hian chêt an tum niin a lang ta e,” tiin thupek a han chhäk chhuak zui ve nghal zat a. Boruak lawng pahnih te chu inkhuainuai turin an inep ta rûn mai,
Chutih lai tak chuan thil mak a lo thleng ta phut a. Awihawm loh zawk hial khawpa mak chu.
Vanthengreng zaupui mai leh midum kawchhung ang maia thuk thim muk ruih mai chu chhûm var, chhah tak hian a rawn tuam hlup a. Inkah mai tuma intintuah uaih tawh, boruak lawng pahnih te chu thunun theih lohin a awm zui nghal. Captain Ophelia chuan, “Eng nge thil awm zia, laser beam chu hman theih turin inbuatsaih fel tawh em?” tiin a han zawt a. Weapons section lam enkawl tu, mipa, kum 30 vel hmelpu, ngo veng vawng, hmai dung sei deuh hian “Captain, engmah kan ti thei lo, khawl zawng zawng a thi vek, emergency line pawh a hman theih chuang lo?” tiin a rawn chhang a.
HEAVEN’S GATE’S
Darthlalang hmai hlaipui inpharh duai mai chu vawilehkhatah a rawn thim ta mup mai. Commander Sora chuan mak ti deuhin a en vung vung a “Hei engti zia nge ni ta mai, hmelma ten min rawn bei ta tihna a ni thei em?” a han ti a. Defence system lam enkawltu Major Vaza chuan, “Commander, pawi ka ti khawp mai, radar-in hna a thawk thei tlat lo, engmah chinchang kan la hre thei bik lo a ni, tunah hian siam that hna thawh mek a ni e,” tiin a rawn chhâng a.
Chhûm vär chhah tak mai rawn inpáng-aw-zial mup mup chu a darh zau tial tial a, boruak lawng pahnih, inhmatàwna ding mek te chu a rawn zêm tan chiai chiai a. Khawl zawng zawng hman theih loha a awm tak vek si avangin Commader Sora chuan dawhthei takin thil lo thlêng tur chu a nghâk tawp mai a ni. Hun thuhnuaiah a awm loh avangin atan rei leh rei lo a awm ve chuang lo a ni.
Chhûm chháh tak vir muai muai kârah chuan mihring pakhat kawrfûal var thianghlim tak mai ha hi fiah lo ruaiin a rawn lang a. Sora leh Ophelia te chuan an mahni lawng ve ve atangin thil awm dan chu mak ti takin an thlir reng a. Mihring hlimthla chu a rawn lang fiah telh telh a. Mi pakhat fit 10 vel dawn laia sáng, mipa nge hmeichhia a nih hriat hran har tak, sam buang tle ser mai hi a rawn lang ta a. A kawrfual var hak chu a êng paw chûk a , mit làwng ringawt phei chuan en rei ngam chi ziazang a ni lo. A hnung lamah chuan sava thlà ang deuh, lianpui mai pahnih hi a invuah a. A kut dinglamah Ngunhnam hrawl tak hi a keng bawk a.
THE NEW EXPERIENCE
A piantirh ata a vawikhat nan, mi pakhat, Muanpuia tih hming neitu chu mut hmunah a ngaihtuah ve tan ta. Ngaihzawng a la nei ngai miah lo, bialpa an neih hian hmeichhiate hi engtin nge an awm thin tih pawh a hre chuang lo. Ngaihtuah loh a tum ngial pawhin, a mitthlaah a lo lang a, a lo ngaihtuah zui leh veng veng thin. A ngaizawng tihna a ni thei ang em? Engati nge a ngaihtuah reng mai le? A khaw hmu a fiah lo tial tial a, a mit ko chunglam a rawn rit telh telh a, tui takin a muhil ta siai siai a.
Zing dar 5 rik hma hretin a khum bula alarm a set chu a rawn ti char char a, a harh hlawl mai. Muanpuia chu mumangah hmuh a chak tehlul nen, a hmu thei der si lo. Nidangah chuan class kal hi thih hreh tak hian a hreh hlur thin; mahse, vawiin chu a phûr thar riau a ni. Rinzuala leh Remruata te chuan thingpui sen hâng in pahin Zorinsangi chu hmuhnawm ti takin an thlir a, an hmangaihzia chu an mitmengah pawh a chhiar theih hial a ni.
Muanpuia hnênah chuan a ngaizawng a ni tih hrilh chawm mai tur a ni ang’em? Engtin nge inngaizawngte hian thil an sawi thin, engmah a hre lo.
Scooty ken a han tum uk naa, a peih leh chiah lo deuh, pawnah chhuakin college bus lo thlen hun tur chu a nghâk ta zawk a. Minit 5 vel a nghah hnuah, bus chu a rawn lang ta hlawl a. Hmanhmawh takin bus chhûngah chuan a lut a, thutna ruak pakhat chiah a awl. Tlar hnung ber dawt tu-ah chuan a vêi em em Muanpuia chu amah chauhin a thu a. A lut phei zel a, zak leh tim deuh dai chungin, “Hetah hian ka lo thu thei ang em?” tiin a han zawt a. Muanpuia chuan a earphone vuah chu la thlain, “Sorry tobs, ka lo ngaithla tui lutuk a, engtin maw i sawi?” tiin a rawn zawt nawn leh a.
“Hetah hian thut i phal em? ka tia,” Zorinsangi chu a zah avangin a hmai sen tan tan a.“Phal tehreng mai, lo thu rawh, lo thu rawh.” Muanpuia nui hmel chu hmuhnawm a ti kher mai. He pa hi chu a tha thlawt a ni e.“Ka lawm e,” tih sep pahin Muanpuia bulah chuan a thu ve ta a.“Nimin kha pawi ka ti ngawt mai, an lo khawih na hman viau che’m?” Muanpuia chuan cell phone leh ear phone te chu iptea a thun nghal a. “Khawih na hman love, min rawn chhan kha ka lawm lutuk a, ka sawi thiam lo zawk. Ka lawm a ni tawp mai.”“Kei pawh chhan thei che a ka awm kha ka lawm a sin.
Mahse, pahnih kha chu ka hneh lo lam deuh chu niin ka hria, tak-a, kan buai lai vel khan i bo daih a, i kal sawn lai ka hre bawk si lo...” Muanpuia chuan, nimin a thil thlêng kha a han ngaihtuah nawn leh a, mak tihna riau a nei tlat a ni.“Nia, ka kal ta daih a, ka inthiam lo lutuk, min hrethiam rawh aw,” thil awmdan dik tak chu hria la chuan, min hlau anga, biak pawh min be duh tawh awm si lo, a ti rilru niap niap a.
Thil dang engmah an sawi dûn leh tawh lo. College an thlêng a, room hranah ve ve class an neih avangin inbiak zawm zelna tur remchang a awm lo tluk a ni. Zorinsangi chuan zirlai pawh a ngaihsak hlei thei tawh lo,nizana a ziah, ‘Muanpuia ka hmuh huna ka sawi tur’ tih vel chu a han en nawn leh a; a nui a. Engati nge Muanpuia bula a awm apiang hian a awmdan a theihnghilh tlat zel le? Sawi tur a hual sa zawng zawngte lah an bo vek zel bawk si.
STARAn college ah nä nä nà chuan Muanpuia chu star a ni. Football leh table tennis a thiam hle a, a hmel that bakah a chapo lova, an hausak zia lah tun an hai a ni zeng lo. Chapo mi nisela, chapo pui tham zet thil chu a ngah mai, mahse,a chapo ve ngai tlat lo a ni. Chapo tawk leka rethei leh chapo tawk leka hausa hi an awm thin. A ten zawng tak an ni ve ve.
Kha tleirawl duhawm tak kha, a lo ngaihtuah leh vung vung thin. Mak tih deuh erawh a nei, nimin thil thleng kha a han ngaihtuah nawn leh a. Goldy khan mi pahnih te kha a ruai a nih a ring a. Zah nachang lah an hre der lo lehnghal. Dik chauh chuan, Goldy hi hmelchhe zawk zawk chu a ni hauh lo, Aizawl mi hausa hlun fanu a ni. Inchei a thiam a, incheina tur a ngah bawk a. College a kal tan tirh 1st year a zirlai khan a star thei lutuk. Mahse, a ti lang ngam ngai lo.
Goldy a biak pawh hmasak ber tum chu college-in Vaivakawn field a sports an neih tumin a ni. House 4 ah an inthen a. Blue, White, Green leh Red ah te, vanneih thlak takin Goldy nen chuan Green house ah an awm dun hlauh mai.
Football final chu blue leh green house ten an khêl a. Green house lamin 3-1 in an hneh. Hêng goal thum lutte hi Muanpuia thun vek a ni. An khel zo chiah a, green house nula hovin players te in tur, tui vawt an rawn sem nghal a.
Goldy chuan tui vawt rawn pek a tum a, tihpalh thilthu takmeuhin a no ken lai a ti tla palh a, chu veleh vaivawih aia rangin a lo chhar sak vat a. An inbe zui ta a, an inbe zel a, an lut thuk tial tial a. Mahse, rei lo tê-ah Goldy mizia dik tak chu a rawn lang tan ta, chu chu a duhzawng a ni ta chiah lova ni. An inkar thu chu tihtawp a duh a. Goldy lah chuan Muanpuia rilru hre hek lo le, a duhna chu a ti lang nasa tial tial a ni ber. Chutianga thil hnawk leh chingchivet nuaiin a bawm khah lûk laia Zorinsangi han ngaihtuah tak vang vang mai chu..!
A phone number dil nachang a lo hre lo kha a pawi ngei mai. Naktukah ngei ngeiin a zawt tawh ang. Zorinsangi hmel chu a mitthlaah fiah takin a lang a.
THE MOGUN EMPIRE
King Mogun chuan tleirawl tituai nalh tak, hmel nung sar mai, Zorinsangi thlalak chu a thlir vung vung a. “I hmel lah chu a tha reuh phian a,” a han ti sup a. Colonel Meek chuan radar scope hmangin an bul vel thil awm te chik takin a en lawr dun dun a.“He hmun hi Rih Dil an ti a ni awm e, helai bawr vela khawsa te hian an ngaihlu viau mai, tlawh tu pawh an rak hle thin niin a lang. Kum 50 BCE khan helai hmunah hian Nexx ho kha an thlawhna chawpin an chesual a. Tuiah hian an tla hlum ta a ni. A hnu kum rei fe thleng khan an boruak lawng atanga Magnesizer put chhuak nasa lutuk avangin he dil hi a fawn chiam thin a ni awm e.
Tin, hun rei fe chu Nexx ho thlawhna light kha a êng a, zan lamah phei chuan tui chhûng hi a chhun êng pup thin a, hêng laia khawsa hnam mawl ho te hian pathian thil tih a nih an ring a ni awm a sin.”King Mogun chuan, “Ehh, i lo va hrechiang ang reng si ve a. Chûng thilte chu khawi atanga i hriat nge ni reng reng? tiin a han zawt zui nghal var a. “Explorer 23 te logbook ah khan a inziak vek a lawm,” tih pahin Colonel Meek chuan a hmaa hmeh khep sen rawn de va va chu a hmet nghal a.
UNDER-WORLD
MICHAEL (Angel of Death)
Chhûm inbawh thuah tup tup kara mi êmkhalh thei kawrfual vâr de sût mai ha fiah lo riaia rawn lang chu, rei lo têah a rawn lang chiang tial tial a, a kut dinglama ngunhnam hrawl zet mai a ken chu a tek chhuai chhuai a. A hnung lama sava thla ang deuh, thla lianpui pahnih rawn chawr chhuak te chu a inzâp hliau hliau a. A lan dan hrim hrim chu a rapthlakin a ropui danglam kher mai.
Commander Sora chuan chuti ang thil chu vawi khat mah a la hmu ngai hauh lo. A rorumna leh paukhauhna zawng zawngte chu tui vawta thir ling rawlh luh ang maiin a dai nghal riai riai a. Hun rei tak atanga a lo neih ngai tawh loh, HLAUHNA mak tak maiin a thauah a rawn man a. A hote zawm tur thupek, chhâk chhuah tur pawh a nei tawh lo. An boruak lawng lam pana chu thil rapthlak tak mai a rawn thlawh phei delh delh lai chuan hlauh luat avangin Sora chu a khur dar dar a.
Captain Ophelia chuan, an hmelmate lawng lam pana milianpa thlâwk phei duai duai lai chu a en reng a. Helai hi eng hmun nge ni ang le? An Radar compass lah chu awmze nei hauh lovin a vir kual chur chur ringawt mai si. Hun liam tawh-ah (past) nge an din a, hun lo la awm tur-ah(Future) zawk tih pawh a ngaihtuah thiam tawh hek lo. Milian-in a kut khingkhat chauha Sora te boruak lawng a châwi kâng lai leh, an mahni hnuchhawn zawnga kawng danga a thlawh liamtir lai chu rapthlak ti takin a thlir ngawih ngawih a.
An chuânna boruak lawng lam pana milianpa a rawn thlawh phei duai duai lai chuan Captain Ophelia mangang lutuk chu a thidang ta hial a ni.
THE SCROLLInlêngkawmna pindanah chuan Rina, Remruata leh putar pakhat, kum 70 vel hmelpu sam var veu vou hi thingpui no dawmin an lo titi mawlh mawlh a. Zorinsangi college bang lo haw pawh chu atu amah chuan an lo chiau au hran lo, thuthleng awl remchangah a bag a theh thla tawp a, a pate bulah chuan thuthmun ava rem ve nghal sawt sawt a.
“Tun hmâin i nu nen khân sikul hmun khatah kan thawk dun thin a, i nu kha nu fel tak a ni a, ka ngaina takmeuh a ni. Heti ang tiat fapa a nei che tih ka lo hre lawk lova, hmanni deuh khan i nu lehkhathawn hlui te ka chhiar kual e ka tia, fapa Remruata tih hmingpu a neih thu a lo inziak a, a hun lai khan ka lo chik lem lova, ka lo hmuh hmaih a ni mahna, ka theih anga rangin ka rawn zawng chhuak ta vat che a ni,” Putar chu a hah hmel hle a, a hrawk bawk chhung lamah chuan a tawng zawnga hnawhtu eng emaw tak a awm niin a lang.
“Tichuan hei, min rawn zawng chhuak ta chu a nia, eng thil nge ka hnên atang hian beisei i neih reng reng le?” Remruata chuan a thingpui inruahna no chu dawhkanah a hûng a. “Thil tam tak hrilh tur che ka nei a ni, amaherawhchu, midang hriat ve a rem dawn lova..” tih pahin putar chuan Rinzuala leh Zorinsangi te chu inthlahrun hmel deuh hian a han en a. Remruata chuan a bawp khawkherh chu a han phelh a,“Aa..anni hi chu ka fate, ka chhûngte tak tak an ni, anni bula i sawi hreh thil chu kei pawhin ka ngaithla duh bik lovang,” a ti ta tlat a. Hei hi a ngaihdan dik tak pawh a ni bawk.
Putar chu tlêmin a nui deuh a, “Aww..a nih leh, i duh dan chuan ni ang hmiang, ka sawi tan hmain bawihi, tuisik in tur mi va lak phawt ta che,” tiin Zorinsangi chu a han mitmei a.
Zorinsangi tui rawn lak chu a han lem khawlh khawlh a, chutah thutna a han siam rem leh te te a, a ipte atangin lehkha zial hlui tawh ang reng tak hi dim tein a rawn phawrh a, a chet vel dan hrim hrim chu a muangchangin hmuh a hahthlak hle, “Hei hi a bul chu a nia,” tih pahin lehkhazial chu a pawtpharh a.
Chu lehkhazial hlui tawh takah chuan map lem niawm tak hi fiah lo riaiin a inziak a, hmanlai saptawng (Old English) niawm takin eng thu emaw hi a inziak thluai bawk. Midangte chuan hmuhnawm ti takin putara lehkhazial phelh chu an thlir thap a, chu lehkhazial hlui tawh tak chuan thawnthu ropui tak a keng tel ngei ang tih a rin lawk theih tlat a ni.
“He lehkhazial hi kum 20 liam taa ka pu min hnutchhiah a ni. Uluk takin han en mah teh u, heng hi map a ni tih pawh in hre thei mai ang; mahse eng map nge, khawi lai hmun kawhhmuhna nge tih in hriat loh chuan in tan awmzia a nei vak lo mai thei bawk. Kei erawh chuan, ka kutzungpui tlukin hêng lehkhaa thu inziak leh map lem te hi ka hre bel tawh a, a tak taka a awm dan tur pawh ka mangphan fo tawh a ni,” putar chuan duh tih hriat takin a lehkhazial ken lai chu a zut hliau hliau a.
“Eng map nge ni ngai, eng nge a awmzia?” Rinzuala chuan a rawn ti bauh a.
“Nia, hei han en teh u, helaia thil inrin thla hi Euphrates a ni, a bul a mi hi, Hiddekel tuipui an tih chu a nih hi, a sir lama te deuh hleka inrin kawi thliai thliai pahnih hi Gihon leh Pison lui te an ni, tichuan, eng map nge a nih rindan in nei tawh em?” putar chuan thuthlêng nghênchhan chu a hnungzâng rem thlapin a han nghêng ar ar a.
“Hêngte chu Bible a mi a nih hlawm hi,” Remruata chuan a lu thak lo pui chu a hiat nauh nauh a.
Putar chuan a awki a han ti zawi a, phûn deuh sur sur hian, “Nia, hêngte hi Genesis ah khan chiang takin a inziak vek a ni, a hmun hma te pawh hi tun thlengin a la awm vek bawk, hêng lui lian pali te hi Eden huan atanga rawn luang chhuak vek an ni. Ti chuan he map awmzia hi in hre fiah tawh em?” a han ti a. A thil sawi lai phur puizia chu a mitmeng rawn de sawr sawr chuan a ti lang chiang kher mai.
“Eden huan kawhhmuhna map i tihna a ni maw ka pu?” Rinzuala chu a nui var var a, an thil buaipui vel chu a awihzawng a ni lo tawp tih pawh a hmelah a lang nghal bawk.
“Ni e, he lehkha hi Eden huan awmna hmun kawhhmuhna map a ni, thudik a ni ngei tih finfiahna pawh ka nei nual a sin Vala,” Rinzuala nui hmel chuan a ti lawm chiah lo tih putar a chetvel dan chuan a ti lang.
Remruata chuan “Aaa...engpawhnise, engvang Eden huan awmna chu hre duh nge maw i nih reng reng le?” a rawn ti ve thung a. Putar chuan lehkhazial chu thleh that mawlh mawlh pahin “Nia, hei tak hi a pawimawh lai chu a ni, kha eden- huanah khan thingkung pahnih a awm a, pakhat chu a chhia leh a tha hriatna thing kha a ni, kan thlahtu bul Evi leh Adama te khan Pathian dan bawhchhiain kha thing rah kha an ei tih pawh Bible-in chiang takin min hrilh a ni; mahse, thing pakhat zawk, Nunna Thing erawh kha chu khawih chet miah lohvin a la awm ta reng a ni; tun thlengin,” a han ti a. A dang ro ti hnawng turin a bula tui inchhawp chu tlemte a han lem leh khalh a.“Nunna Thing maw,” Remruata leh Rinzuala chuan an rawn ti rual thawt a.“Aw ni e, Nunna thing, thih theih tawh lohna thing mawle.”
THE TRAP
Zan dar riat rik nan minit tlemte chauh a awm tawh. Muanpuia chuan a zirlai bu chu a khup thawk a. A laptop chu tinungin khumah a thut kai pui a. Inlengkawmna pindan lama a farnu nui ri har har chu a hre pha riai riai a.
Cell phone hmanga Zorinsangi thla a lo lak ruk thenkhat laptop-a a thun luh thar hote chu hmuhnawm ti takin a thlir kual a. Hmeichhe dang angin make up a hmang tam ve lem lova, a thawmhnaw hak pawh simple tak a ni tlangpui. Mahse, a duhawmna chu thup bo theih rual a ni si lo.
A pindan thlanglam tukverh chu a rawn intheh hawng rawp a. A phu zawk mai. Pawn lamah thli a tleh pawh a ni si lo, ngaihtha vak lovin tukverh chu a va kalh tha a. Tukverh darthlalang phen atang chuan pawn lam chu a han thlir kual thuak thuak a, mihring vei vak hmuh tur an awm hauh lo. A reh thap a, thlifim tak ngial pawh a tleh lo. Khum lam a pan phei leh dawn lai takin a nghawngah tu emaw hian a rawn rek bet chawt a, au chhuah a han tum ngial a; mahse, au chhuak thei rual a ni lo, a thaw thei tawk tawk chauh a ni.
Amah rawn rek bettu chu hmuh tumin a tal fat fat a; mahse, tumah a hmu thei lo. A chhungte lah chu inlengkawmna pindan lamah TV enin an awm daih si. A mit a vai ruai a, a lu a hai muai muai a, amit sulh sulh a, a thaw a chham tan ta. A hrawk bawk bul setah hian hriau zum tak hi a rawn invit lut thawih a. A thip zawr zawr a, nikhua a hre lo zui ta nghal a.
A rawn harh chhuah leh chuan a bangbo kher mai. A mit a han nuai nawk nawk a, helai hmun hi a pindan kha chu a ni lo tawp mai. “Ka nu, ka pa, khaw nge in awm?” tiin a han rûm chhuak hawk a. A bul vel khawi lai emaw a tui far ri kauh kauh bak chu thawm dang hriat tur reng reng a awm lo. Thei leh thei lovin a han thu chhuak a, a lu a rawn na ut ut a, inring hman lêk lovin a luak nghal bawr a.
King Mogun chuan Muanpuia rawn harhchhuak tan mek chu darthlalang hmai hlai pui atang hian a lo thlir reng a, “Chaw chah tha tak chu a ni ngei ang le, a theih anga rangin Lady Hexus hnenah a bialpa kan man thu hi hrilh nghal ang che” a han ti sup a. Colonel Meek chuan nui var var chungin a lu a bu nghat nghat a.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)