PRISONER
A lu hai muai muai chu tih reh tumin a han inthing nawk nawk a. Helai hmunah hian engtin nge a lo awm ngawt theih. A ngaihtuahna chii rii nuai mai chu tih fim tumin a hmai a han chul pawk pawk a. A pindanah Zorinsangi thlalak a en laiin mi tuin emaw a nghawngah a rawn rek a, ban tha chak zet maiin. A mit sulh sulh lai leh, a pindan chhûng a hmu phe ruai lai kha a han ngaihtuah chhuak a.
Ni, a rektu khan a rek bet hneh lutuk a, a tal chhuak thei ngang lo a ni tak e. Tichuan, helai hmun thim rek ruk, thaw pik zetah hian a lo awm ta mai a ni. A chunga heti ang ti duhtu hi tu te nge ni ta ang.? Kha zawng hmelchhephak Goldy leh a thiante kha an ni thei ang em?
Beidawng takin a thu hnawk a. Engpawh nise, tun dinhmunah hi chuan helai hmun chhuahsan mai dan hi a awm hmel loh khawp mai. A bul velah chuan tuifawn ri niawm tak ri deuh hulh hulh hi a hre thei a. Boruak vawt tak mai hian a tiril chu a hmet a, chu chuan a tha a ti zawi tlat lehnghal.
THE DISCOVERY
Putar chuan a bawp khawkherh chu muangchangin a han phelh a, a ipte atangin Diary niawm tak, pawr deuh fep fawp hi a rawn phawrh a, “Hetah hian tlem azawng chu a inziak a lawm,” a ti sup a. A mitmeng de sawr sawr chuan a thusawi laia rilru a pek nasat zia chu a tilang chiang ngawt mai.
Remruata chuan putar kut atangin Diary chul rep rawp chu a han la a, midang hmuh theih turin a hma dawhkanah chuan a pharh a, hawrawp sin leh fiah fai takin a inziak a, chhiar a nuam hle.
“A chhunga thu inziak zawng zawngte kha ka kutzungpui tlukin ka hrechiang a, ka vawng vek tawh a ni. En lo pawhin ka sawi chhuak thei vek tawh,” putar chuan thuthleng nghenchhan chu duhdah zet hian a ngheng a.
Rinzuala chuan diary chu hawi sanin“Chuti a nih chuan, chhiar kher ngai lovin, nangman a pawimawh lai niawm leh hre tura mi duh te chu tikhan min hrilh la a that dawn chu,” a rawn ti khauh a.
Putar chuan a bula tui inchhawp chu tlemte a han inkhalh a, “Nia, chuti ang chuan ti ila a fuh zawkin hun pawh kan hmang tlem zawk ang,” a ti a. Remruata ngaihdan hriat duhin a han mitmei zauh a. Remruata pawhin a remti tih hriatnan a lo buk khum nghat a.
Putar chuan a thutna a han siamrem leh te te a, a sawi tan ta a.
“Hebrai tawnga Eden awmzia chu, nuam, hlimawm (delight, Pleasure)- tihna a ni a, Bible a a lan danah Eden hi huan niin a lang lo, huan hming ni lovin Eden- ramah huan a awm zawk niin a lang. He huan chanchin ziaktu hi Palestina ram a awm ni ngeiin a lang a, a chhan chu Babulon leh Assuria ram te pawh chhak lam tiin a sawi tlat a ni. Hebrai ho ngaihdanah phei chuan Babulon ram hi mihring lo din chhuahna leh finna lo chhuahna nia ngaih a ni nghe nghe awm a sin, “ a ti a.
Zorinsangi chuan, “Hei map atanga a lan danin Tigris leh Euphrates inkar lui ruam Mesopotamia ramah Eden huan hi a awm ngei niin a lang,” a rawn ti ve leh a.
Remruata chuan, “ Genesis bu hi a ziaktute ngei pawhin hmanlai thil, an hriat chian tak tak loh, chhui fiah theih tawh si loh an ziak ve mai a ni. A hnu zela ziak chhawng (Copy) tute pawhin an tisual palh thei bawk, Eden Huan hi he khawvelah hian a awm tak tak meuh em tih pawh hi ngaihtuah fe tham chu a ni hrim hrim,” a rawn ti ve bauh a.
Putar chu a nui a, “A awm tak tak ngei a, an hmuchhuak ngei bawk a ni,” a ti sup a.
HARD TARGET
Putar thusawi hriat zawm chaka an reh that lai takin Zorinsangi cell phone chu a rawn ri char char a, “Oh, tikhan lo sawi zawm rawh u, ka va chhang lawk ang e,” tih pahin a pindan lamah Zorinsangi chu a inthiar fihlim nghal a.
“Hello,” tih pahin khumah a bawk nghal ar ar a.
“Zorinsangi i ni em?” chuti ang mipa aw chu tun hmain a la hre ngai hauh lo.
“Aw ni e, tu nge ni, eng nge ni ta?”
“Lalmuanpuia tih hming hi i hre ngai em?”
“Aw, hria e, ka thianpa a lawm,” Zorinsangi chu a thu chhuak nghawl zawt a, Muanpuia chungah chuan thil tha lo tak a thleng a ni tih rinna a nei nghal a ni.
“Nung dama hmuh i la duh a nih chuan, tunah khan pawnah chhuak nghal rawh.”
Thil awmdan zawh chian deuh a duh khawp mai. Mahse, phone a rawn betu chuan fiamthu a thawh hauh lo tih a hre tlat. Inlengkawmna pindana a pate pathum pawh be hauh lovin bathlar lamah ngawi rengin a chhuak nghal a. “Hei, pawnah chuan ka ding tawh e, khaw nge Muanpuia chu....” a sawi zo hman ta lo, a nghawng, a hrawk bâwk bul hi a rawn thip zawr a, a mit nghal sulh a. A phone kenlai chu a thlauh ri bawl a. Nikhua a hre lo zui ta nghal a.
THE GARDEN
“Khaw en rualin Duhzuali leh Awmtea chu an tho nghal a, Awmtean sangha pakhat a va man leh a, hmanhmawh takin an rawh sawk sawk a, an ei zawh hnuah Prof. Conley a zawng tur chuan an chhuak dun ta a.
Prof Conley sulhnu chu chhui a har vak lo, an kal zel a, tlai ni tlak hma hretin ram palaileng a thisen chiah piah nuaih kara Prof Conley lo tlu reng chu an va hmu ta, hmanhmawh takin an pan phei nghal a. Prof.Conley ban dinglam bung chu an va hmu a, thisen a hloh hnem lutuk avangin nikhaw hre lovin a tlu a ni. Awmtea chuan a mar chu a han dek a, chhan tlak a awm tawh lo tih a hre thei nghal mai.
Chutih lai chuan Duhzuali chuan an hma lawka chhim bal zam chu a han hmu a, “Awmte, han en teh, kan hma saw, chhimbal a ni tiraw,” a han ti a.
“Ni ngeiin a lang; mahse, chhimbal te chu vanah chauh a zam thin si, engtin nge leiah chhimbal a zam theih ang ni.”
Duhzuali leh Awmtea chuan makti takin chhimbal zam chu an en a. Hei hi Eden Huan kawngkhar chu a ni thei ang em. Prof. Conley kut bung leh he chhimbal zam hian inzawmna a nei ang em?
Duhzuali leh Awmtea te chuan an kut a inkai dun rial chungin Chhimbal niawm tak zamna lam chu muang changin an pan phei dun ta a. An hnaih telh telh a, chu chhimbal zam karah chuan chem lian pui niawm tak in vai vir zawk zawk hi an hmu a, an hnung tawlh dawrh a. Chhimbal emaw an tih chu chhimbal tak tak ni lovin kawngkhar ni zawkin a lang, chu kawngkhar chu chem lian leh sei tak vir tawn zawk zawk hian a hliah a, kawngkhar a lut tur chuan chem vir tawn zawk zawk chu paltlang ngei a ngai tih pawh a chiang ta.
Duhzuali chuan hlauh avanga khur hlawk hlawk chungin, “Awmte, saw saw Eden huan luhna kawngkhar chu a ni ngei ang, mahse, luh ngaihna a awm lo a nih saw....” a han ti a.
Awmtea chuan a bag atangin Enlenna a han phawrh chhuak a, uluk takin enlenna hmang chuan a han en a, hlauh avang khur hlawk hlawk chungin a enlenna chu a thlauh nghal bawl a. Amah pawh a thingthi nghal hnawk a.
Duhzuali chuan rang takin Awmtea chu a han kuah vat a, a enlenna thlauh chu chharin chhimbal zam na lam chu a han thlir ve ta a, mihring pianhmang anga lang, an hnung lama thla lian pui nei pahnih ding hi a va hmu a, Vantirhkoh ni ngeiin an lang, chung mi pahnih te chuan khandaih lian pui hi an keng a, hmuh hman loh khawp a rang hian an khandaih chu a in vai vir kual zawk zawk a.
Duhzuali chu a thingthi hnawk a. Eden huan chhung a luh chu mihring tan tih ngaihna reng reng a awm lo tih a hmu chiang ve ta a ni.Haw lehna tur kawng a han ngaihtuah a,a bing mum mum ni berin a inhria, tun dinhmunah chuan haw leh chu a tina tin chhin ngam rual a ni tawh lo. He Eden-a Huan kawngkhar bulah hian a lei hringnun hunbi chu a chhiar tawp mai dawn em ni ta ang le.
Awmte-a chu beidawng takin a bawk thlawp a. Eden huan chu he khawvel-ah hian a lo la awm ngei a, mahse, midangte hnenah engtin nge a puanzar theih tak ang. Khawvela huan ropui leh mawi ber kawngkhar bulah hian a lei hringnun hunbi chu a chhiar tawp ve mai dawn ta em ni ang le....” putar chuan a thusawi lai chu a mitthlaah chiang takin a hmu ni ngeiin a lang.
THE DARKEN
A hrawk bawk bul thip zawr zawr avangin Zorinsangi chu a rawn harh hlawl a. A mit vai mum mum chu tihfiah tumin a han nuai nawk nawk a. Mahse pindan chhung chu a thim em avangin mumalin engmah a hmu thei lo.
A bul lawkah chuan eng emawni thim deuh hlun hi a awm a. Eng nge a nih hriat tuma khawih a tum lai takin a rawn che a. Pindan thim ruai kara chauh hmel taka Muanpuia lo bawk phek reng chu a hmu ta a.
PRINCESS OF THE NECKLACE
“Faith-Acceptance of which we imagine to be true, that which we cannot prove.”
-Dan Brown
LOST
“Muanpui, Muanpui, harh teh,” tih pahin a luah a han sawi nawk nawk a. A rawn rum tiah tiah a, chau tih hriat takin a rawn meng a, lainat taka a mah lo en rengtu Zorinsangi hmel dâng bel chu a han hmu a. Thei leh thei lovin a thu chhuak a, “Hetah engtin nge i lo awm ve, an man ve che em ni Sangte?” Zorinsangi a ngaihtuah lutuk na chuan ama harsatna neih pawh a theihnghilhtir nghal vek a ni.
“Aw, kawta ka awm lai, ka nghawngah eng emawin min rawn kap a niang, nikhaw hre lovin ka tlu a, ka harh leh chuan hetah hian ka lo awm ringawt. Hei hi eng hmun nge, khawnge kan awmna hi?”
“Ka hre bik lo, kei pawh room-a ka awm lai, min rawn man a lawm mawle..Goldy leh a thiante ho thiltih a nih i ring em?” Muanpuia chuan Zorinsangi kut vawt ngiak chu a chul sak hliau hliau a. “Goldy te chu an inrawlh ka ring lo,” Muanpuia awma bei thlawp chunga tah hawm hawm tak a nap a. “Engtin nge an inrawlh lovang tih i hriat ngawt ni, nang lehzel an rawn hruai ve leh che hian hmelma intawm kan nei tih a ti chiang, chuti ang mi chu Goldy bak tumah an awm hleinem,” Muanpuia chuan beidawng ang reng takin an tanna pindan thim rup leh vawt vin tuk mai chu a han enkual a.
“Ni lo, hriatna ka nei a ni, ina ka awm laiin mi pakhat, ka hriat ngai loh hian min rawn phone a, nangmah hi nung dama hmuh che ka la duh a nih chuan, pawnah chhuak turin thu min pe a, tichuan, an thu awihin ka chhuak ta ngei a. Mahse, engmah ka tih hman hmain kha silai mu zum te khan ka nghawng a rawn verh sawt a, nikhua ka hre lo zui ta a ni. Goldy leh a thiante thiltih chu a ni lo tih ka sawi ngam sak;mahse, tute nge an nih chiah erawh chu ka hre bik lo,” Zorinsangi chuan a thi a han hrechhuak zawk a, rang takin a han dap a, a lo awrh tawh hauh lo mai.
“Eng thil nge ni ta, thil tih bo i nei em ni Sangte?” Muanpuia chuan a hmui rep chu a leiin a han tihuh zauh a.
“Aw, pawi lutuk ka thi a bo daih, ka va’n ui tak em,” tih pahin chhuatlai chu a enkual ruai a. Mahse, pindan chhûng chu a thim em avangin thil bo zawn chu buhpawla hriau bo zawn ang chauh a har a ni.
I AM
Putara chuan, a thawnthu sawi lai chu a sawi tawp a. A thusawi a ngaihnawm em avang leh a mak chungchuan em a vangin Rinzuala leh Remruata te chuan tawng chhuah mai nachang pawh an hre lo hial a ni.
“Tichuan eng nge in ngaihdan ni ta le?” Putar chuan muang changin a bawp a han khawkherah, a thil sawi tak te kha a mitthlaah chiang takin a hmu a ni.
“A nih leh chutiang mi ropui rualte pawhin an hlawhchham pui chu keini tan phei chuan a tina tin chhin chi loh tawp a nih chu, a thu hrimah kei hi eng atan nge min tih i la sawi lovang....” Remruata thusawi chu a kar laklawhah a rawn pawt chat a. “Nia, i sawi dan hi a dik nachen a awm a lawm; mahse, thil pakhat, hlu tak, ka nei a ni,” putar chuan a biang a han sawlpawn a.
“A nih chuan, han sawi ta che mawle,” Rinzuala chuan putar chet vel dan muang churh mai leh thupuifun zet mai chu a ning tan deuh lek lek tawh a ni.
“Nia, chu ka thuruk hriat chu, Eden-a huan luhna chahbi a ni, kawngkhar pui zawk kha chu Cherub ten ngûnhnam vir tawn hmanga an ven tlat a vangin a luh theih loh. Mahse, kha chauh kha kawng awmchhun a ni lo.”
Remruata leh Rinzuala chuan putar thu sawi chu an bengkhawn chiang kher mai. “Tichuan, han sawi zawm vat la,” Remruata chuan a lo ti hluk a.
“Nia, hei hi thuruk tawp khawk a ni. Eden thlang lamah hian luh theihna hmun a awm a. He kawng hi a ni, Evi leh Adam thlemtu Rulpui tar pawhin luh nana a hman chu, hei han en chiang teh u” tih pahin putar chuan a hmaa map inziahna hlui tawh chu a han kawk kual a.
“A khawilai berah nge chu chu a awm, hriat fuh theih tak tak pawh a ni dawn em ni. I suangtuahna leh i lunglenna romei anga a zam velin a siam, nangmah pawhin i awih zui leh tak thil te hi a lo ni daih pek ang e,” Rinzuala chuan rinhlelh rukna a neih chu a thup buangbar vel peih lo law law a ni.
“Euphrates lui hi Eden atang rawn luang chhuak nia hriat a ni. Eden kawngkhar pakhat zawk chu Euphratess lui, litengsawl hmun pakhatah a ni, hresa tan lo chuan hmuh ngaihna reng reng a awm lo bawk,” putar chuan a ti a. A biang thlantui luang chu rawmawl var hian a han hru pawk pawk a.
THE CELL
“Ka thi (necklace)chu aw, ka va ui tak em,” Zorinsangi chuan a chunga thil mak tak tak thleng indawt zut mai chu a hlau deuh tan tawh a ni. “He in hi eng in nge pawh ka hre lo, tui fawn ri niawm takte ka hre thul tin a vawh dan hi a turu hrim hrim. Heti ang te chuan rei lo teah kan buai dawn tho tho,” beidawng tih hriat takin Muanpuia chu a thu ngui bar a.
A thi a bo ta tlat mai. Tunah chuan eng thiltihtheihna (power) mah a nei tawh lovang. An mahni rubo tute hian eng emaw tak chu hriat an nei a nih hmel khawp mai. Tu te tak ni ang mawle...?
Chhun leh zan a danglam lo, chu pindan hing leh thâng deuh nghur chuan a chhunga mi pahnih te chu a ti chau tial tial niin a lang.
King Mogun chuan a hmaa darthlalang hmai-hlaipui chu hmuhnawm ti takin a thlir vung vung a, beidawn hmel zet a Muanpuia leh Zorinsangi te an thu ngui bar chu nui vur vur chungin a en a. A kut dinglam veh (vet?) nana a hman Zorinsangi thi chu duh tih hriat takin a han en leh ringawt thin. He thil nen hi chuan khawvel chungah roreltu a la ni thuai dawn tih a chiang tlat a ni.
Colonel Meek chuan, “Khaw maw, thi chu, eng ang chiah nge a nih te pawh hriat ve a chakawm e,” a rawn ti bauh a.
THIRD COMING
Darthlalang hmai hlai puiah chuan a fanu Zorinsangi leh Mipa pakhat, hmeltha tak, hmeichhe duhzawng chi hmel pu ngawih ngawih te, insi riala an thu dun chu a hmu reng a.
“Vaza, tun tum chu midang kal ve tawh thung se tiin Council chuan thu a rem ta,” Commander Sora chuan a thutna chuam bik lam chu a pan phei mek a. “Commander, khawngaihin min kaltir ve hram rawh u, council thu chhuak ka zah lohna lam ni lovin, Zorinsangi hi ka fanu a ni. Tunah hian harsatna a tawk mek bawk, chu chu keima mawhphurhna a ni lovem ni?” a thusawi avanga chuan a lung a rawn chhe thar a, a biangah mittui a rawn luang nghal zawih zawih a.
“Vaza, i hria a lawm, englai mahin council thuchhuak hi tih danglam thiang a ni ngai lo, midang kal tur chu ruat fel nghal vek a ni, tunah hian kal turin a inpuahchah mek tawh zawk hial ang,” Commader Sora chuan Vaza a lainatna chu hmelah tih lan loh hram tumin a tang teuh a ni ber.
...WITHOUT NECKLACE
Muanpuia chuan mak ti takin Zorinsangi chu a thlir vung vung a,”Eng nge i tih dawn, i lu a na em ni Sangte?”
“Khawngaihin min lo be buai suh,” Zorinsangi chu a thingthi a, a mit a chhing tlat bawk, a kut pahnih te chua a tham belh bawm a.
Sangtei hi a rin ang a lo ni dawn miah lo mai, zep nak emaw, a hlau deuh hial a ni. Inchung sang atanga Sintex barrel lian rawn tla kha a mitthlaah a lo lang zawk a, nia, khami tum khan Sangtei bawk hian a ni lawm ni rawn chhanchhuak kha. A sarhu lai bak khan engmah a lo ngaihtuah zui tak tak lem lova.
An tanna pindan thim rup mai chu a rapawm kher mai. A thaw a hah ngawih ngawih tawh, phur fahran lo hian chhuatah a mu leh ta nge nge a.
DISTANCE POWER
King Mogun-a kuta invet kual Zorinsangi thi chu a rawn kiu vang vang a. An rilru a nuam chiah lo tih hriat takin Colonel Meek leh King Mogun te chuan thi chu an en ran a.
Minit khat vel a kiu vang vang hnuah, thi locket chu a rawn êng ta a. King Mogun chuan rang takin a kuta a veh thi chu chhuatah a theh thla nghal vat a.
THE EMPIRE STRIKES BACK
“The whole world is a comedy to those that think, a tragedy to those that fell’
- Horace Walpote
VISION
Kawngkhar a rawn inhawng tial tial a, colonel Meek chu nui vur vurin a rawn pen lut a, chu veleh a hnunglam atangin Muanpuia chuan a rawn bawh phei rawp a, pindan thim rup chhungah chuan an let dun nghal tawp a. Zorinsangi chuan eng ber nge tih tur a hre mai lo.
Muanpuia chuan tha tawp chhuahin colonel Meek-a nghawngah chuan a rek bet a; mahse, chaw leh tui tel lova rei tak lo awm tawh avangin a taksate chu a chak tawk tawh lo hle mai. A thlanfim tla bawrh bawrh leh a mitmeng dava diar tawhte chuan rei a tang thei dawn lo a ni tih a ti lang chiang hle a ni. A thahrui a zawi tial tial a, a kut thlak a na lo telh telh a, colonel Meek lah chu rin ai takin a lo chak phian mai si. Muanpuia chuan chau rau ek a thai ti tih tan ta.
Hlauh avanga khur dar dar chungin Zorinsangi chu a rawn tho chhuak a, a pheikhawk bunlai chu phelhin Muanpuia kut atanga tal chhuah tuma tan la mek colonel Meek a lu-ah chuan a rawn hlap ta pawp pawp mai a. Pheikhawk hnuai chu thinga siam a nih avangin a sakhat tha hle a, colonel Meek-a lu atang chuan thil phuan hring deuh nghulh hi a rawn baw chhuak hak hak. A rum nghut a, nikhaw hre lovin a let ta reng a.
Muanpuia chu chau tih hriat takin colonel Meek a bulah chuan a bawk hle hle a, “In tiharh rawh Muanpui, kan hmanhmawh a ngai a nia, he pa hian thian dang a la nei ngei ngei ang,” tih pahin Zorinsangi chuan a pheikhawk chu a bun tha mawlh mawlh a. “Aw le, kal rawh, ka rawn zui ang che,” tih pahin Muanpuia chu chau fein a rawn tho chhuak a, kawngkhar inhawng lam pan chuan an inkai chhuak dun ta a.
Pindan êng ut maiah hian an va lut a, an tanna rip chhûng kha a thim em avangin an mit a vai nghal rum rum a. Tlanchhuahna lam tur zawnga an hawi kual ruai laiin, an hmaah chuan mihring hlimthla hi a rawn lang zuai a. Zorinsangi chuan khur dar darin Muanpuia chu a pawm bet nghal thlawp a. Hlim thla chu a rawn lang fiah tial tial a, a kuta hmanraw mak tak keng chungin King Moguna a rawn lang ta hlawl mai a ni.
King Mogun a hmuh rualin Zorinsangi chu a te chhuak thawt a. Muanpuia chuan rang takin Zorinsangi chu a din hliah nghal vat a; mahse, a tlai lutuk hman ta, King Moguna thil ken chu a tek de zuai a, mei alh hlawm fit 3 bial vel hi a rawn inphuh chhuak zawk a, Muanpuia taksa chu a kawng zawn velah hian bung nghal hmawk a, thisen leh tisa them a leng nghal chuai bawk.
THE MISSION
Commander Sora chuan a hmaa hmehkhep intlar tuar zinga hmehkhep var chu a han hmet a. Boruak lawng chhuat zawl lai chu fit sawmhnih bial vela zau hian a tawlh hawng ruai ruai a. Eng zungzam chak tak hi a de tek chuai chuai bawk a.
Mi pakhat, fit 5’10 vela sang, cher lam deuh, hmai dung sei, mitmeng thip tak. Khabe invuah nghet tlet tlawt hi boruak lawng chhuat inhawng mek atanga eng zungzam de tek chuai chuaiah chuan zawi muangin a pen lut a. A lang fiah lo tial tial a, eng zungzam zingah chuan zawi muangin a tham ral raih raih a.
Commander Sora-in hmehkhep hring hmeh tuma a kut a lek kan lai takin, khawi lam atanga rawn chhuak nge tih pawh hriat lohin Vaza a rawn lang zawr a, eng zungzam zingah chuan dan hman rual lohin a zuang lut nghal zawk a. Commander Sora chu, “Vaza ti suh,” tiin a te chhuak thawt a. Mahse, Vaza chu hmuh tur a awm tawh lo. Sora chuan Lungawi lo tih hriat takin hmehkhep hring chu a hmet a. Boruak lawng chhuat inhawng chu a tawlh khar leh ta riai riai a.
LOST ALARM
Putar chuan a hmaa thu mi pahnihte chu beisei nei tak hian a han thlek vang vang a.
“I thil hriat hi a dik takmeuh ang maw ka pu,” Rinzuala chuan a kut thlan dup mai chu a malpuiah a han tat nawk nawk a. “Dik e, a dik ngei tih ka chiang a, midangte hlawhchhamnaah khan kei chu ka hlawhtling ngei dawn tih ka chiang a ni,” tih pahin putar chuan dawhkana map inziahna chu a kik karh karh a.
“A nih leh, chung mi pali i sawite zingah chuan damkhawchhuak an awm em, engtin nge heng thil zawng zawngte hi nang putar hian i hriat theih reng reng, tunge hrilh che,” Remruata chuan a rawn ti ta khauh mai a. Chutiang zawhna hawihhawm lo tak mai chuan mi thenkhat chu a ti thinrim viau mai thei, mahse, putara erawh chuan thinrim hmel a pu hauh lo.
“Nia, i zawhna hi zawh awm tak a ni. Heng mi pali Eden huan zawngtute chanchin hi ka hrechiang khawp a sin, a chhan chu an zingah ka tel ve tlat a ni. Nia, ka thiante pathum chu an boral tawh, kei chauh hi ka la dam a ni,” a thusawia a inrintawk zia chu putar hmelah chuan a lang chiang hle. (Heng mi paliten Eden Huan an zawnna chanchin hi tunah hian HUAPZO INPUIHTAWNNA group lamah episode indawta chhuah mek a ni. PT)
An titi kal tluang a reh deuh laiin Rinzuala chuan, “Mambawih, hei i pute nen hian thingpui min rawn lum ta che, a hang khan kan duh hlawm ang aw,” tiin a fanu Zorinsangi chu a han ko a. Mahse, tuman an rawn chhang lo. “Mambawih, Mambawih,” changtu an awm chuang lo. “Khawnge maw i awm le?” tih pahin Zorinsangi pindan lam panin a phei a. A pindanah pawh a lo awm chuang lo. Bathlar lamah a chhuak phei a, Zorinsangi mobile phone lo let bal chu a hmu ta a.
RELOADED
“Sangte, Sangte, harh teh, harh teh, engtin nge i awm?” Muanpuia chuan Zorinsangi chu a sawi nawk nawk a.
Pindan chhung thim rup mai chu a hma zawng aiin a vawt tawh a. Zorinsangi chu chiang lo riai hian a rawn meng a, amah ngaihtuah tih hriat taka lo kuah bet chial tu Muanpuia chu a han hmu a. Dan rual lohin a biangah mittui a rawn sur nghal zung zung a. “Muanpui, min kalsan suh aw,” tiin a phun sep sep a. “Sangte, ka kalsan dawn hleinem che, engati nge, engtin nge i awm a, i harh thei bawk si lova, ka hlauthawng lutuk a..i nuam sam lo deuh em ni?” tih pahin Muanpuia chuan a sam thur bamah chuan a chul sak hliau hliau a.
“Thil tha lo tak ka hmu a ni.”
“Eng thil tha lo maw i hmuh, min han hrilh ve teh. Mumang i lo nei tihna em ni?”
“Ni lo, mumang a ni lo. Kan hmalam hun tur ka hmu a ni. Mahse, engmah ka thunun thei lo. Ka thi kha kan neih let leh vat a ngai a ni, engtin nge kan tih tak ang Muanpui.”
“Sangte, lungngai reng reng suh, tih dan tur ka lo ngaihtuah char char a lawm. Nakinah, tu emaw chu min ngaihvenin an la rawn lut ngei ngei ang, kawngkhar bulah ka lo biru ang a, tupawh rawn lut se, ka lo kuk hlum nghal dawn a ni. Tichuan, kan tlanchhuak nghal dawn nia, lungngai suh, a har lovang, hetia min tantir reng danah hian min thah mai chu an la tum lo tih a hriat a, chuti a nih chuan ei leh in tur te pawh min la rawn pe hrim hrim ang,” a thusawi chu amah Muanpuia ngei pawh chuan rin theih a duh ngawt mai.
“Nia, tu emaw chu a rawn lut ngei dawn a ni,” Zorinsangi chuan a ti chuai raih a.
THE KING DESTINY
King Mogun leh Colonel Meek te chuan hmuhnawm ti takin chhuat laia Zorinsangi thi an laksak rawn eng de sawr sawr chu an thlir dun reng a.
Thi locket chu a inhawng a, eng hring dal rii riai hi a rawn inkap chhuak a. Chuveleh King Mogun leh Colonel Meek te chu che lovin, an awm dan pangngai reng chuan an awm ta reng a. An hriatna leh ngaihtuahna zawng zawngte chu vawilehkhatah tihbovin a awm a. Thi locket atanga eng rawn inkap chhuak chuan pindan chhung zawng zawng chu a em paw nghulh mai a ni.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE CODE (Season 4) BY Puitea Tuallawt
THE EDGE OF TIME
“All the world’s a stage, all men and women are merely players.”
- William Shakespeare
ESCAPE
An tanna pindan lam pana tu emaw rawn pen ri phei thlap thlap hi an hria a. Chauh leh riltam pawh sawi theih a ni tawh lo, damkhawchhuah an duh a nih chuan chet lak vat a ngai a ni. Nia, hei hi Muanpuia’n a lo nghah ruk reng chu a ni. “Le, Sangte kawngkhar a rawn hawn rual chiaha a rawn hmuh nghal tur chein lo ding la, kei chu hetah, kawngkhar bul sêtah hian ka lo ding ang, a hnung lam atangin ka rawn bei dawn nia,” Muanpuia chuan an awmdan chu a han siam rem zung zung a.
Pen ri chu a lo hnai zel a, a ring tial tial a. An tanna pindan kawngkhar chu a ri deuh rap rap a, tu emaw chuan tala-in kawngkhar inkalh chu hawn a tum ni ngeiin a lang. Kawngkhar chu zawi muangin a rawn inhawng chik tiah tiah a. Colonel Meek chu nui thuin a rawn pen lut ta. Amah hmachhawn siaha Zorinsang lo ding vang chu a han hmu nghal a. Tawng chhuah tumin a ka a ang hman zuai a; a hnung lam atanga Muanpuia’n a rawn beih tak thut avangin a tluk bawksawp nghal nawi a.
Chhuat laiah chuan patling thankin zet tawh pahnih chu intihnat ngei tumin an let dun thial thial a, Muanpuia, chaw kaw puar ei lo zawk na na na chu a tan a phet tan niin a lang. Pindan sir kilkhatah Zorinsangi chu hlauh avangin a lo ding khur hlak hlak a. Colonel Meek-an Muanpuia chu a lehthal a, a chung lamah a tang ve ta. Muanpuia hmai vel chu a rim khawp mai.
Hlau hle mah se, Muanpuia chu puih a ngai tih hai rual a ni lo, Zorinsangi chuan hmanhmawh takin a pheikhawk chu a phelh a, Colonel Meeka lu-ah chuan a vaw ta thlawrh thlawrh mai a, Colonel Meeka lu atang chuan thil phuan hriang deuh nghulh hi a rawn baw chhuak hak hak a, rei lo teah nikhaw hre lovin a tlu ta a ni.
“In tiharh rawh Muanpui, kan hmanhmawh a ngai a nia, he pa hian thian dang a la nei ngei ngei ang,” tih pahin Zorinsangi chuan a pheikhawk chu a bun tha mawlh mawlh a. “Aw le, kal rawh, ka rawn zui ang che,” tih pahin Muanpuia chu chau fein a rawn tho chhuak a, kawngkhar inhawng lam pan chuan an inkai chhuak dun ta a.
Pindan êng ut maiah hian an va lut a, an tanna rip chhûng kha a thim em avangin an mit a vai nghal rum rum a. Tlanchhuahna lam tur zawnga an hawi kual ruai laiin, an hmaah chuan mihring hlimthla hi a rawn lang zuai a. Zorinsangi chuan khur dar darin Muanpuia chu a pawm bet nghal thlawp a. Hlim thla chu a rawn lang fiah tial tial a, a kuta hmanraw mak tak keng chungin King Moguna a rawn lang ta hlawl mai a ni.
King Mogun a hmuh rualin Zorinsangi chu a te chhuak thawt a. Muanpuia chuan rang takin Zorinsangi chu a din hliah nghal vat a; mahse, King Mogun chuan a thil tih tum chu thulh a tum ikhaw lo mai, a kuta silai niawm tak lawk ber bur a ken lai chu a rawn lek kang a.
THE THREE MAN
Rinzuala chuan kawt bathlar a, Zorinsangi phone lo let bak chu a chhar a. Inchhung lamah a luhpui zui ta nghal a. “Eng thil nge ni ta, khawnge Mambawihi chu,” Remruata chuan ngaihthat lohna a la nei hran hauh lo tih a hmelah a lang.
“Khawiah nge a awm ka hre bik lo; mahse, thil dik lo chu a awm chiang a ni, hei pawnah sawn a cell phone pawh a lo awm ringawt a lawn, bawihtei chuan heti ang thil tha te chu kawtlaiah a dah mai mai lo tawp ang,” Rinzuala chu a mangang deuh tan tawh tih a aw khur dar dar atang chuan a hriat theih tawh a ni.
“Khawiah emaw a kal lawk a ni lo maw, nula an ni ve tawh a, len duhna te pawh a nei a ni mahna, in ngaih ti tha duh lem suh u,” putar-a chuan a lo ti ve zauh bawk a.
Remruata leh Rinzuala te chuan, Zorinsangi chu tunge a nih an hria, a chunga thil lo thleng reng rengte chu tihpalh thilthua lo thleng ni lovin, ruahmanna fel fai tak atanga rawn chhuak a ni tlangpui thin.
“Khaw nge, a thiante ho kan phone kual lawk ang e,” tih pahin Remruata chuan telephone chu a han hmet kual a, “Hello Ziri, Zorinsangi nen in inkawm mial em?” “Kawm miah lo, college-ah chuan kan inhmu thuak ringawt, eng thil nge ni ta?” “Hello, vawiinah Zorinsangi nen in inkawm em?” “Kawm vak lo, chhunah erawh thingpui dawr pakhatah kan lut dun.”
Remruata chuan beidawng takin phone chu a dah a, “A thiante ho pawhin engmah an hre bik tlat lo , vawiinah class chu a kal ngei si lawi si,” a lu thak lo pui chu a hiat nauh nauh a.
“Kawta a cell phone a lo awm ngawt danah hian hmanhmawh taka hruaibo a ni tih a chiang. Tin, amah Zorinsangi pawhin lo inrin lawk nachang a hre lo bawk niin a lang, tu tehlulin nge bawihtei chungah chuti ang thlentir ta mai le,” Rinzuala chu tap lo turin a insum fan fan a. A hmai a sen tul tawh mai. “A hmasain police lam hriattir nghal phawt i la a tha ang, kan buaipui ang e,” tih pahin Remruata chu a vir nghal vut a.
RETURN FROM TOMORROW
King Mogun a chuan nui then thaw chungin a kut dinglam chu Muanpuia tin zawn chiahin a han dah a. Chutih lai tak chuan khawi atanga lo chhuak nge tih pawh hriat lohin mi pakhat, fit 5’10 vela sang, cher lam deuh, hmai dung sei, mitmeng thip tak. Khabe invuah nghet tlet tlawt hi a rawn lang thut a, King Mogun a dul bawr velah chuan a rawn hnek nghal pawp a, na ti lutukin King Mogun chu chhuatah a bawk phek nghal thlawp a, a phu zuk a, a kuta silai chu a hmet puak zui a; mahse, a tin zawn hlei thei ta lo, Muanpuii ni lovin, Muanpuia bul chiaha kawngkhar chu a phuh darh nghal chuai a. Chu veleh Zorinsangi chu a rawn che chhuak nghal vat a, King Mogunan thi awrh lai chu a va phelh nghal sawt sawta, ama nghawng ah a awrh nghal a.
Anmahni rawn tanpuitu chuan, min zui rawh u tih nan a kutin a han hui zauh a, Muanpuia leh Sangtei chuan thaw hlawp hlawp chungin an umzui ve ta nghal a.
An tlan zel a, pindan lian leh ropui tak tak, khawl thil mak pui pui lo ngir khup mai te chu hmuhnawm ti viau mah se, en rei hman a ni tlat lo. Sangtei te thiandun he an awmna hmun hi khawi lai nge anih pawh an hre lo. Pindan thawveng tak, boruak pawh duhthusam a nuamah hian an lut a, chu pindan bang zawng zawng chu darthlalang vek hman a ni.
“Ehe, hei hi eng nge a awm zia, sangha te pawh an awm mawle, a va mak ve,” Muanpuia chuan darthlalang phen a sangha vir hut hut te chu mak ti zetin a thlir a.
“In awmna hi tui hnuai a ni.”
“Tui hnuai a ni?” Zorinsangi leh Muanpuia te chu an rawn rual dun thawt a.
“Ni e, Rih dil hnuai fit 300 chuangah kan awm mek a ni, aw le, ka hming chu Sirus a ni. Nangni pahnih hi Zorinsangi leh Muanpuia in ni ang chu maw?”
“Ni e,” Muanpuia leh Sangtei chu an ka deuh ho a.
“Aw le, kan bul lawkah hian min hruaichhuak turin pakhat chuan min lo nghak reng a ni, tirawh u, min rawn zui leh nghal rawh u,” Sirus chuan hma a hruai a.
Pindan lian leh ropui tak tak eng emaw zat an kal pelh hnu ah, a hma zawng aiin an awmna boruak chu a rawn vawt zual deuh sawt a, Sirus chuan a ban rek veilama ngun niawm tak a bun chu a hmui zawnah a han dah chho a,“Vaza, rawn focus rawh le,” a ti a. A thil bun lai chu a rawn kiu vang vang a. Chutah, “ Le, ka kut ah hian chelh ve ve ru,” a ti nghal a. Sirus a kut veilam chu Sangtein a vuan a , a dinglam chu Muanpuia’n a vuan ve thung a. Sirus a taksa chu mit lawnga en ngam loh tur khawpa nasa hian a rawn êng chhuak pup a, rei loteah, an pathum chuan hmuh tur awm lovin an bo ta daih a.
THE UTOPIAN
A lu na lutuk avangin Colonel Meek chu a rawn harh hlawl a. Pindan thim khep khup chhungah, nikhaw hre lovin a lo tlu reng a ni tih a han hrechhuak hnuhnawh a. Khawnge an mi man pahnih te kha? A ngaihtuahna muthlu lek lek chu a rawn harhfim nghak kawk a. Pindan chhung chu a han enkual thuak thuak a, tumah an awm tawh lo. An mi man pahnihte chu an tlan chhuak a ni ngei mai. Mahse, puitu an nei a nih loh chuan, helai hmun atang hian chhuah ngaihna a awm chuang lo, khawiah emaw an biru ngei ang, nakinah an ril a tam ang a, an tui a hal ang a, anmahni an la rawn inpe mai ang chu. A hrim hrimah, khawnge maw King Moguna pawh hi a awm phiangsen le. Nep lutuk mai.
Lu hai muai muai chungin King Mogun pawh chu a tlukna hmun atangin a rawn tho chhuak a. A lu a hai nasat em avangin che lo chang lovin minit 2 vel lai chu a han thu vang vang phawt a. Chuah, thil pakhat hriat chhuah zawk a nei, a nghawng chu a han dap vat a, thi kha, ehe, a lo awrh tawh miah lo mai. Kha hmeichhe nikhua lo nu khan a lo chhuhsak leh hman ta a ni ngei ang. Khaw nge maw Colonel Meek pawh hi a awm daih reng reng le. Nep lutuk mai.
SIRUS THE DEFENDER
“Give me a place to stand, and i will move the Earth.”
-Archimedes
ESCAPE
“Nu Vaza, a va mak em em, engtin nge hetah i lo lan ve hlawl theih a, ka va’n lawm tak.”
“Bawihte, englai pawhin i bulah ka awm reng a lawm,” Vaza chu a nui seih a. Boruak lawng chu chak takin a thlawh chhuah tir nghal a. Rihdil tui dum thim ruih mai karah chuan an leu chho puat puat a. Vaza bulah chuan ngawi rengin Sirus chu a thu a. A landan hrim hrim chuan mihring hmel lam aiin khawl lam a hnaih zawk mah awm e. Muanpuia chu a hnung lam thuthlengah chuan chau takin a thu a, anmahni rawn chhanchhuak tu mi pahnih te chu tunhmain a la hre ngai hauh lo. Zorinsangin Vaza tia a koh, an chuanna lawng khalhtu hmel chu a hmuh hnu ang riauin a hria a, khawiah nge a hmuh tawh tih erawh chu a ngaihtuah chhuak thei chuang lo.
An chuanna lawng chu a thlawh chak em avangin rei lo teah Rihdil kam chu an thleng chho thuai a. “Hetah hian nangni pahnih chu chhuk tawh mai rawh u, in tan hlauhawm a awm tawh lovang,” tih pahin Sirus chuan lawng kawngkhar chu a hawng nghal a. Vaza chuan, “Sirus, hetah kan hnutchhiah ngawt thei lovang, an awmna hmun thleng turin hla tak an kal a la ngai dawn a sin, hei an chau tawh hle bawk si, kawng lakah an tlu hlum mai ang,” tiin a rawn hnial a.
“Thupek chu thupek a ni. Hnial theih a ni lovang,” Sirus chuan a ti nghut a.
“Naupang mai an la nih hi, thupek chu eng pawh ni rawh se, ka pawisa lo, i duh chuan nangmah khan hetah hian min lo nghak la, ka rawn lam haw leh mai ang che,” Vaza chu a meng tur khai a, a fanu thlavang hauh chu a ti na khawp mai.
“Lawng hi ka thu lovin khawiah mah i kalpui lovang, he mission ah hian hotuber ka ni, min hnial suh Vaza. Ka thu hi thutawp a ni mai, hei hi council thu chhuak a ni bawk.”
“A nih tak chu,” tih pahin Vaza chuan a thutna bula laser gun chu a rawn lek chhuak thut a, Sirus a lu-ah tak chuan a hlap ta bur mai a. Sirus chu a rum hawk a, nikhaw hre lovin a let hlawm ta reng a.
Boruak lawng atanga zawn chhuakin Muanpuia leh Vaza te chuan Rihdil kam sir hmun biru laiah Sirus chu an hnuk lut a.
LOST
Commander Sora chuan hmehkhep sen chu a han hmet nawn leh a, engmah a la rawn lang thei chuang lo. 2nd Commander Spock chu a ko phei a, “Sirus te hi kan hloh tlat mai, radar hian a man fuh thei tlat tawh lo, engvang nge ni ang, harsatna an tawk em ni ang?” tiin thil awmdan chu a han zawt chiang nghal a.
Spock chuan hmehkhep sen chu a han hmet nawn ve leh a, lu thing nar nar chungin, “Ka va hrethiam bik lo ve mawle, he signal reader AD 2356-a Dr. Billings an a siam chhuah kha a ni, chhe thei lo tura ngaih a ni, a tha tawk hle tih pawh finfiah a ni tawh bawk, Sirus te hian anmahni kan zawm theihna hi an ti tawp a nih loh chuan, harsatna an tawk tihna a ni mai, a tha lo khawp mai,” a ti nung nung a.
“Radar lamah thil felhlel a awm leh awm loh enfiah ula, chuti ang engmah a awm lo a nih chuan harsatna an tawk a ni ngei ang. Rihdil 2036 ah kal nghal turin lo inpeih ang che u,” tiin Sora chuan thupek a chhak chhuak zui ta nghal a.
Khawl lam expert pathum te chuan endik hna an thawk zui nghal mawlh mawlh a, rei fe an enkual hnuah pawh thil dik lo engmah an hmu lo. Spock chuan, “Commander, ka rin lawk dan chiah a ni, keimahni lamah chuan engmah dik lo a awm lo, Sirus te hian an signal an off a nih a rinawm. Chuti a nih loh vek chuan, chhiat an tawk a ni mai thei, tunah hian an lawng hi a puakdarh vek tawh pawh a ni mahna,” a ti ta a. “Awle, engpawh nise, an chinchang hre tura kan thawh chhuah nghal chu a tul a ni, kan inpeih chuan,TIME-HOLE lam i pan nghal ang u,” tiin Sora chuan thutawp a siam zui ta a.
FAILURE
Inspector Sangpuia chuan a hmaa mi pahnih thute chu inthlahrun hmel takin a en a. “Kan theihtawp chu kan chhuah ve a lawm, tunah pawh kan la zawng reng, dawhthei takin lo nghak ve phawt mai teh u, kan duhthusam ang diak diakin thil hi a thleng kher lo ve bawk a ni,” tih pahin a kut dinglama pen a ken chu dawhkanah a khawng kauh kauh a. “Tunah ni hnih a liam tawh a, engmah in la hmu chhuak lo a nia, engti zawnin nge in zawn reng reng le, a mak chu ka ti khawp mai,” Rinzuala chuan a thinrimna chu thup har a ti tawh kher mai.
“Ka pu, inbeng dai hram hram teh, i fanu chu kan zawng hmu em em ang. Hun kan la mamawh a ni, zep thu cheng lo, tunlai chu ramri-ah buaina kan tawh avangin kan naute tam zawk chu lamah chuan kan tir bo a, mihring kan indaih lo ve deuh bawk a ni. Report thenkhat bawhzui loh pawh kan la ngah khawp a sin,” Inspector Sangpuia chuan dawhtheihna a tla chham ve tan mek niin a lang.
Remruata chuan an boruak chu a tha lo mai dawna a hriat avangin, “Ni e, i sawi dik a lawm, engkim a tha leh mai turah ngai ang, theihtawp in lo chhuahnaah kan lawm takmeuh a ni,” tiin a rawn inrawlh thuai a.
Rei vak lo hnuah Rinzuala leh Remruata chuan police station chu lungdam zan lovin an chhuah san dun ta a. An haw kawng tluanin police ho nep a tihzia leh a lungawi loh zia sawiin Rinzuala chu a phun mawlh mawlh a. Zorinsangi a ngaihtuah lutuk avangin zan hnih lai chu mutmu a tuah tawh lo va, inchhung han luh pawh chu nuam a ti lo kher mai. Thuthleng seiah chau zetin a thu hnawk a. Remruatan tuisik a rawn lak pawh chu in lovin a bulah chuan a dah a. A rilru tawt up up mai chu bengdaih theih rual a ni lo.
Chutih lai chuan pawn lamah, thawm han ri deuh vung vung hi an hria a. Remruata chu hmanhmawh takin a tho chhuak a, kawngkhar hawngin pawn lam thawm chu ngaihvenin a chhuak nghal a. Rinzuala erawh chu che lo chang lovin thuthlengah chuan zawi zetin a mu nun a, a engtih tha mah a tho ve thei lo a ni ber.
“Rinzual, lo chhuak hmanhmawh teh, hei Zorinsangi te an lo haw a nia.”
Rinzuala chu a inperh tho nghal zawt a, hmanhmawh takin pawn lamah a tlan chhuak a, Zorinsangi leh Muanpuia te pahnih chu a va hmu nghal a. A mumang mai a ni lo tih hriat nan a mit a han nuai nawk nawk a. Lawm luat avangin a tap lo chauh a ni ber. A fanu chu a va pawm thlawp a.
Lei atanga fit 60 vel a sang atangin Vaza chuan a hmangaih Rinzuala’n a fanu a pawm vawng vawng lai chu mit tla lo chauhin a thlir reng a. A mittui avangin a hmu phe riai a. “Dam takin aw Rin, kan fanu kha lo enkawl tha ang che,” a ti sep a, van thengreng zau tak lam panin a chuanna lawng chu a thlawh chhoh tir ta puat a.
SIRUS THE DEFENDER
A lu hai muai muai chu a han thing nawk nawk a. Zan a nih tawh avangin a bul vel chu a thim ruih a. Boruak a vawt hle bawk. A lu chu a na fik ngar ngar a. A hnawm deuh chuap danah thisen pawh a chhuak a nih hmel hle.
Insehruh teuh chungin a han thu chhuak hlawl a. Thla eng chuan a bul vel ram chu a en paw ruai a, Rihdil tui thim ruih mai thla engin a han chhun cham po mai chu a rapthlak lek lek mai. Engtin nge Vaza khan a chungah khati ang thil kha a tih duh mai le? Vaza nen chuan mimal taka inhuatna an nei hauh lo; pawl khat an ni a, hotu pakhat thupek hnuaia kun tlang thin an ni. Special Pilot (pilot tha chungchang bik) an nih ve ve avangin hna (mission) thenkhat phei chu an lo thawk dun fo tawh. Hnathawh pui nuam tak pawh a ni.
Khang an mi chhanchhuah pahnih te kha tunhmain a hre ngai lo. Council-in engvangin nge nge a ngaih pawimawh em em nachhan pawh a hre hek lo. Ti tura ruat a nih avangin he khawvel hun liam tawhah hian a lo kal a, a hna chu phunnawi lovin a thawk mai a ni. Zawhna zawh duah hi Sirus a tih dan a ni ve lo. Council-in, a thluakah ‘mission chip’ an phum a, he ‘chip’ ah hian eng nge a tih tur leh tih loh tur engkim a awm vek, chumi ang chuan hna a thawk mai a ni. Engvangin nge Vaza kha a lo tel ve ngawt pawh a hrethiam chiah lo. Council-in amah (Sirus) pui turin an rawn tir niawma a insawi kha a ring tawk mai a, Vaza khan dawt a hrilh a ring hauh lo.
Kum tam tak liam taa commander Sora-in a rawn chhan chhuah lai kha a la hre reng. Utopian Parallel World-ah a naupan lai hun zawng zawng deuh thaw thlamuang takin a hmang a; mahse, vanduaithlak takin Planet Mother Utopia chu a chhiat tak avangin, time parallel-in balance a hloh ta a, engkim mai a dik lo zo ta a ni, an khawvel innghahna lungphum 6th Dimension tower chu tlu chhiain, blackhole chuan an chenna khawvel chu a rawn hip a, boral mai hmabaka an awm laiin commander Sora leh a hoten a rawn chhanchhuak ta a ni. A tan chuan Commander Sora chu pathian a ni ber a. A laka rinawm chu a thupui pawimawh tak a ni.
Rihdil kam boruak vawt vur mai chuan a tiril a luh ngat ngat a, a thaw khu ham ham a, a thluaka ‘mission chip’ chuan eng thupek mah a rawn pe lo. A reh hmak mai si. Engtia hmalak tur nge a hrethiam lo takmeuh a ni. Vaza khan a rawn ngaihven leh ang em? Eng thil nge tih a tum chiah? Engvangin nge khang mi pahnih te kha a ngaih pawimawh em em? A tan eng nge an nih?
Rihdil kam sira rilru buai taka Sirus-a din vang vang lai chuan, thawklehkhatah, Rihdil tui chu a rawn fawn hlup hlup a, tui chhung atang chuan, boruak lawng, bial chei chui hi a rawn invawrh chhuak lawp a.
“All the world’s a stage, all men and women are merely players.”
- William Shakespeare
ESCAPE
An tanna pindan lam pana tu emaw rawn pen ri phei thlap thlap hi an hria a. Chauh leh riltam pawh sawi theih a ni tawh lo, damkhawchhuah an duh a nih chuan chet lak vat a ngai a ni. Nia, hei hi Muanpuia’n a lo nghah ruk reng chu a ni. “Le, Sangte kawngkhar a rawn hawn rual chiaha a rawn hmuh nghal tur chein lo ding la, kei chu hetah, kawngkhar bul sêtah hian ka lo ding ang, a hnung lam atangin ka rawn bei dawn nia,” Muanpuia chuan an awmdan chu a han siam rem zung zung a.
Pen ri chu a lo hnai zel a, a ring tial tial a. An tanna pindan kawngkhar chu a ri deuh rap rap a, tu emaw chuan tala-in kawngkhar inkalh chu hawn a tum ni ngeiin a lang. Kawngkhar chu zawi muangin a rawn inhawng chik tiah tiah a. Colonel Meek chu nui thuin a rawn pen lut ta. Amah hmachhawn siaha Zorinsang lo ding vang chu a han hmu nghal a. Tawng chhuah tumin a ka a ang hman zuai a; a hnung lam atanga Muanpuia’n a rawn beih tak thut avangin a tluk bawksawp nghal nawi a.
Chhuat laiah chuan patling thankin zet tawh pahnih chu intihnat ngei tumin an let dun thial thial a, Muanpuia, chaw kaw puar ei lo zawk na na na chu a tan a phet tan niin a lang. Pindan sir kilkhatah Zorinsangi chu hlauh avangin a lo ding khur hlak hlak a. Colonel Meek-an Muanpuia chu a lehthal a, a chung lamah a tang ve ta. Muanpuia hmai vel chu a rim khawp mai.
Hlau hle mah se, Muanpuia chu puih a ngai tih hai rual a ni lo, Zorinsangi chuan hmanhmawh takin a pheikhawk chu a phelh a, Colonel Meeka lu-ah chuan a vaw ta thlawrh thlawrh mai a, Colonel Meeka lu atang chuan thil phuan hriang deuh nghulh hi a rawn baw chhuak hak hak a, rei lo teah nikhaw hre lovin a tlu ta a ni.
“In tiharh rawh Muanpui, kan hmanhmawh a ngai a nia, he pa hian thian dang a la nei ngei ngei ang,” tih pahin Zorinsangi chuan a pheikhawk chu a bun tha mawlh mawlh a. “Aw le, kal rawh, ka rawn zui ang che,” tih pahin Muanpuia chu chau fein a rawn tho chhuak a, kawngkhar inhawng lam pan chuan an inkai chhuak dun ta a.
Pindan êng ut maiah hian an va lut a, an tanna rip chhûng kha a thim em avangin an mit a vai nghal rum rum a. Tlanchhuahna lam tur zawnga an hawi kual ruai laiin, an hmaah chuan mihring hlimthla hi a rawn lang zuai a. Zorinsangi chuan khur dar darin Muanpuia chu a pawm bet nghal thlawp a. Hlim thla chu a rawn lang fiah tial tial a, a kuta hmanraw mak tak keng chungin King Moguna a rawn lang ta hlawl mai a ni.
King Mogun a hmuh rualin Zorinsangi chu a te chhuak thawt a. Muanpuia chuan rang takin Zorinsangi chu a din hliah nghal vat a; mahse, King Mogun chuan a thil tih tum chu thulh a tum ikhaw lo mai, a kuta silai niawm tak lawk ber bur a ken lai chu a rawn lek kang a.
THE THREE MAN
Rinzuala chuan kawt bathlar a, Zorinsangi phone lo let bak chu a chhar a. Inchhung lamah a luhpui zui ta nghal a. “Eng thil nge ni ta, khawnge Mambawihi chu,” Remruata chuan ngaihthat lohna a la nei hran hauh lo tih a hmelah a lang.
“Khawiah nge a awm ka hre bik lo; mahse, thil dik lo chu a awm chiang a ni, hei pawnah sawn a cell phone pawh a lo awm ringawt a lawn, bawihtei chuan heti ang thil tha te chu kawtlaiah a dah mai mai lo tawp ang,” Rinzuala chu a mangang deuh tan tawh tih a aw khur dar dar atang chuan a hriat theih tawh a ni.
“Khawiah emaw a kal lawk a ni lo maw, nula an ni ve tawh a, len duhna te pawh a nei a ni mahna, in ngaih ti tha duh lem suh u,” putar-a chuan a lo ti ve zauh bawk a.
Remruata leh Rinzuala te chuan, Zorinsangi chu tunge a nih an hria, a chunga thil lo thleng reng rengte chu tihpalh thilthua lo thleng ni lovin, ruahmanna fel fai tak atanga rawn chhuak a ni tlangpui thin.
“Khaw nge, a thiante ho kan phone kual lawk ang e,” tih pahin Remruata chuan telephone chu a han hmet kual a, “Hello Ziri, Zorinsangi nen in inkawm mial em?” “Kawm miah lo, college-ah chuan kan inhmu thuak ringawt, eng thil nge ni ta?” “Hello, vawiinah Zorinsangi nen in inkawm em?” “Kawm vak lo, chhunah erawh thingpui dawr pakhatah kan lut dun.”
Remruata chuan beidawng takin phone chu a dah a, “A thiante ho pawhin engmah an hre bik tlat lo , vawiinah class chu a kal ngei si lawi si,” a lu thak lo pui chu a hiat nauh nauh a.
“Kawta a cell phone a lo awm ngawt danah hian hmanhmawh taka hruaibo a ni tih a chiang. Tin, amah Zorinsangi pawhin lo inrin lawk nachang a hre lo bawk niin a lang, tu tehlulin nge bawihtei chungah chuti ang thlentir ta mai le,” Rinzuala chu tap lo turin a insum fan fan a. A hmai a sen tul tawh mai. “A hmasain police lam hriattir nghal phawt i la a tha ang, kan buaipui ang e,” tih pahin Remruata chu a vir nghal vut a.
RETURN FROM TOMORROW
King Mogun a chuan nui then thaw chungin a kut dinglam chu Muanpuia tin zawn chiahin a han dah a. Chutih lai tak chuan khawi atanga lo chhuak nge tih pawh hriat lohin mi pakhat, fit 5’10 vela sang, cher lam deuh, hmai dung sei, mitmeng thip tak. Khabe invuah nghet tlet tlawt hi a rawn lang thut a, King Mogun a dul bawr velah chuan a rawn hnek nghal pawp a, na ti lutukin King Mogun chu chhuatah a bawk phek nghal thlawp a, a phu zuk a, a kuta silai chu a hmet puak zui a; mahse, a tin zawn hlei thei ta lo, Muanpuii ni lovin, Muanpuia bul chiaha kawngkhar chu a phuh darh nghal chuai a. Chu veleh Zorinsangi chu a rawn che chhuak nghal vat a, King Mogunan thi awrh lai chu a va phelh nghal sawt sawta, ama nghawng ah a awrh nghal a.
Anmahni rawn tanpuitu chuan, min zui rawh u tih nan a kutin a han hui zauh a, Muanpuia leh Sangtei chuan thaw hlawp hlawp chungin an umzui ve ta nghal a.
An tlan zel a, pindan lian leh ropui tak tak, khawl thil mak pui pui lo ngir khup mai te chu hmuhnawm ti viau mah se, en rei hman a ni tlat lo. Sangtei te thiandun he an awmna hmun hi khawi lai nge anih pawh an hre lo. Pindan thawveng tak, boruak pawh duhthusam a nuamah hian an lut a, chu pindan bang zawng zawng chu darthlalang vek hman a ni.
“Ehe, hei hi eng nge a awm zia, sangha te pawh an awm mawle, a va mak ve,” Muanpuia chuan darthlalang phen a sangha vir hut hut te chu mak ti zetin a thlir a.
“In awmna hi tui hnuai a ni.”
“Tui hnuai a ni?” Zorinsangi leh Muanpuia te chu an rawn rual dun thawt a.
“Ni e, Rih dil hnuai fit 300 chuangah kan awm mek a ni, aw le, ka hming chu Sirus a ni. Nangni pahnih hi Zorinsangi leh Muanpuia in ni ang chu maw?”
“Ni e,” Muanpuia leh Sangtei chu an ka deuh ho a.
“Aw le, kan bul lawkah hian min hruaichhuak turin pakhat chuan min lo nghak reng a ni, tirawh u, min rawn zui leh nghal rawh u,” Sirus chuan hma a hruai a.
Pindan lian leh ropui tak tak eng emaw zat an kal pelh hnu ah, a hma zawng aiin an awmna boruak chu a rawn vawt zual deuh sawt a, Sirus chuan a ban rek veilama ngun niawm tak a bun chu a hmui zawnah a han dah chho a,“Vaza, rawn focus rawh le,” a ti a. A thil bun lai chu a rawn kiu vang vang a. Chutah, “ Le, ka kut ah hian chelh ve ve ru,” a ti nghal a. Sirus a kut veilam chu Sangtein a vuan a , a dinglam chu Muanpuia’n a vuan ve thung a. Sirus a taksa chu mit lawnga en ngam loh tur khawpa nasa hian a rawn êng chhuak pup a, rei loteah, an pathum chuan hmuh tur awm lovin an bo ta daih a.
THE UTOPIAN
A lu na lutuk avangin Colonel Meek chu a rawn harh hlawl a. Pindan thim khep khup chhungah, nikhaw hre lovin a lo tlu reng a ni tih a han hrechhuak hnuhnawh a. Khawnge an mi man pahnih te kha? A ngaihtuahna muthlu lek lek chu a rawn harhfim nghak kawk a. Pindan chhung chu a han enkual thuak thuak a, tumah an awm tawh lo. An mi man pahnihte chu an tlan chhuak a ni ngei mai. Mahse, puitu an nei a nih loh chuan, helai hmun atang hian chhuah ngaihna a awm chuang lo, khawiah emaw an biru ngei ang, nakinah an ril a tam ang a, an tui a hal ang a, anmahni an la rawn inpe mai ang chu. A hrim hrimah, khawnge maw King Moguna pawh hi a awm phiangsen le. Nep lutuk mai.
Lu hai muai muai chungin King Mogun pawh chu a tlukna hmun atangin a rawn tho chhuak a. A lu a hai nasat em avangin che lo chang lovin minit 2 vel lai chu a han thu vang vang phawt a. Chuah, thil pakhat hriat chhuah zawk a nei, a nghawng chu a han dap vat a, thi kha, ehe, a lo awrh tawh miah lo mai. Kha hmeichhe nikhua lo nu khan a lo chhuhsak leh hman ta a ni ngei ang. Khaw nge maw Colonel Meek pawh hi a awm daih reng reng le. Nep lutuk mai.
SIRUS THE DEFENDER
“Give me a place to stand, and i will move the Earth.”
-Archimedes
ESCAPE
“Nu Vaza, a va mak em em, engtin nge hetah i lo lan ve hlawl theih a, ka va’n lawm tak.”
“Bawihte, englai pawhin i bulah ka awm reng a lawm,” Vaza chu a nui seih a. Boruak lawng chu chak takin a thlawh chhuah tir nghal a. Rihdil tui dum thim ruih mai karah chuan an leu chho puat puat a. Vaza bulah chuan ngawi rengin Sirus chu a thu a. A landan hrim hrim chuan mihring hmel lam aiin khawl lam a hnaih zawk mah awm e. Muanpuia chu a hnung lam thuthlengah chuan chau takin a thu a, anmahni rawn chhanchhuak tu mi pahnih te chu tunhmain a la hre ngai hauh lo. Zorinsangin Vaza tia a koh, an chuanna lawng khalhtu hmel chu a hmuh hnu ang riauin a hria a, khawiah nge a hmuh tawh tih erawh chu a ngaihtuah chhuak thei chuang lo.
An chuanna lawng chu a thlawh chak em avangin rei lo teah Rihdil kam chu an thleng chho thuai a. “Hetah hian nangni pahnih chu chhuk tawh mai rawh u, in tan hlauhawm a awm tawh lovang,” tih pahin Sirus chuan lawng kawngkhar chu a hawng nghal a. Vaza chuan, “Sirus, hetah kan hnutchhiah ngawt thei lovang, an awmna hmun thleng turin hla tak an kal a la ngai dawn a sin, hei an chau tawh hle bawk si, kawng lakah an tlu hlum mai ang,” tiin a rawn hnial a.
“Thupek chu thupek a ni. Hnial theih a ni lovang,” Sirus chuan a ti nghut a.
“Naupang mai an la nih hi, thupek chu eng pawh ni rawh se, ka pawisa lo, i duh chuan nangmah khan hetah hian min lo nghak la, ka rawn lam haw leh mai ang che,” Vaza chu a meng tur khai a, a fanu thlavang hauh chu a ti na khawp mai.
“Lawng hi ka thu lovin khawiah mah i kalpui lovang, he mission ah hian hotuber ka ni, min hnial suh Vaza. Ka thu hi thutawp a ni mai, hei hi council thu chhuak a ni bawk.”
“A nih tak chu,” tih pahin Vaza chuan a thutna bula laser gun chu a rawn lek chhuak thut a, Sirus a lu-ah tak chuan a hlap ta bur mai a. Sirus chu a rum hawk a, nikhaw hre lovin a let hlawm ta reng a.
Boruak lawng atanga zawn chhuakin Muanpuia leh Vaza te chuan Rihdil kam sir hmun biru laiah Sirus chu an hnuk lut a.
LOST
Commander Sora chuan hmehkhep sen chu a han hmet nawn leh a, engmah a la rawn lang thei chuang lo. 2nd Commander Spock chu a ko phei a, “Sirus te hi kan hloh tlat mai, radar hian a man fuh thei tlat tawh lo, engvang nge ni ang, harsatna an tawk em ni ang?” tiin thil awmdan chu a han zawt chiang nghal a.
Spock chuan hmehkhep sen chu a han hmet nawn ve leh a, lu thing nar nar chungin, “Ka va hrethiam bik lo ve mawle, he signal reader AD 2356-a Dr. Billings an a siam chhuah kha a ni, chhe thei lo tura ngaih a ni, a tha tawk hle tih pawh finfiah a ni tawh bawk, Sirus te hian anmahni kan zawm theihna hi an ti tawp a nih loh chuan, harsatna an tawk tihna a ni mai, a tha lo khawp mai,” a ti nung nung a.
“Radar lamah thil felhlel a awm leh awm loh enfiah ula, chuti ang engmah a awm lo a nih chuan harsatna an tawk a ni ngei ang. Rihdil 2036 ah kal nghal turin lo inpeih ang che u,” tiin Sora chuan thupek a chhak chhuak zui ta nghal a.
Khawl lam expert pathum te chuan endik hna an thawk zui nghal mawlh mawlh a, rei fe an enkual hnuah pawh thil dik lo engmah an hmu lo. Spock chuan, “Commander, ka rin lawk dan chiah a ni, keimahni lamah chuan engmah dik lo a awm lo, Sirus te hian an signal an off a nih a rinawm. Chuti a nih loh vek chuan, chhiat an tawk a ni mai thei, tunah hian an lawng hi a puakdarh vek tawh pawh a ni mahna,” a ti ta a. “Awle, engpawh nise, an chinchang hre tura kan thawh chhuah nghal chu a tul a ni, kan inpeih chuan,TIME-HOLE lam i pan nghal ang u,” tiin Sora chuan thutawp a siam zui ta a.
FAILURE
Inspector Sangpuia chuan a hmaa mi pahnih thute chu inthlahrun hmel takin a en a. “Kan theihtawp chu kan chhuah ve a lawm, tunah pawh kan la zawng reng, dawhthei takin lo nghak ve phawt mai teh u, kan duhthusam ang diak diakin thil hi a thleng kher lo ve bawk a ni,” tih pahin a kut dinglama pen a ken chu dawhkanah a khawng kauh kauh a. “Tunah ni hnih a liam tawh a, engmah in la hmu chhuak lo a nia, engti zawnin nge in zawn reng reng le, a mak chu ka ti khawp mai,” Rinzuala chuan a thinrimna chu thup har a ti tawh kher mai.
“Ka pu, inbeng dai hram hram teh, i fanu chu kan zawng hmu em em ang. Hun kan la mamawh a ni, zep thu cheng lo, tunlai chu ramri-ah buaina kan tawh avangin kan naute tam zawk chu lamah chuan kan tir bo a, mihring kan indaih lo ve deuh bawk a ni. Report thenkhat bawhzui loh pawh kan la ngah khawp a sin,” Inspector Sangpuia chuan dawhtheihna a tla chham ve tan mek niin a lang.
Remruata chuan an boruak chu a tha lo mai dawna a hriat avangin, “Ni e, i sawi dik a lawm, engkim a tha leh mai turah ngai ang, theihtawp in lo chhuahnaah kan lawm takmeuh a ni,” tiin a rawn inrawlh thuai a.
Rei vak lo hnuah Rinzuala leh Remruata chuan police station chu lungdam zan lovin an chhuah san dun ta a. An haw kawng tluanin police ho nep a tihzia leh a lungawi loh zia sawiin Rinzuala chu a phun mawlh mawlh a. Zorinsangi a ngaihtuah lutuk avangin zan hnih lai chu mutmu a tuah tawh lo va, inchhung han luh pawh chu nuam a ti lo kher mai. Thuthleng seiah chau zetin a thu hnawk a. Remruatan tuisik a rawn lak pawh chu in lovin a bulah chuan a dah a. A rilru tawt up up mai chu bengdaih theih rual a ni lo.
Chutih lai chuan pawn lamah, thawm han ri deuh vung vung hi an hria a. Remruata chu hmanhmawh takin a tho chhuak a, kawngkhar hawngin pawn lam thawm chu ngaihvenin a chhuak nghal a. Rinzuala erawh chu che lo chang lovin thuthlengah chuan zawi zetin a mu nun a, a engtih tha mah a tho ve thei lo a ni ber.
“Rinzual, lo chhuak hmanhmawh teh, hei Zorinsangi te an lo haw a nia.”
Rinzuala chu a inperh tho nghal zawt a, hmanhmawh takin pawn lamah a tlan chhuak a, Zorinsangi leh Muanpuia te pahnih chu a va hmu nghal a. A mumang mai a ni lo tih hriat nan a mit a han nuai nawk nawk a. Lawm luat avangin a tap lo chauh a ni ber. A fanu chu a va pawm thlawp a.
Lei atanga fit 60 vel a sang atangin Vaza chuan a hmangaih Rinzuala’n a fanu a pawm vawng vawng lai chu mit tla lo chauhin a thlir reng a. A mittui avangin a hmu phe riai a. “Dam takin aw Rin, kan fanu kha lo enkawl tha ang che,” a ti sep a, van thengreng zau tak lam panin a chuanna lawng chu a thlawh chhoh tir ta puat a.
SIRUS THE DEFENDER
A lu hai muai muai chu a han thing nawk nawk a. Zan a nih tawh avangin a bul vel chu a thim ruih a. Boruak a vawt hle bawk. A lu chu a na fik ngar ngar a. A hnawm deuh chuap danah thisen pawh a chhuak a nih hmel hle.
Insehruh teuh chungin a han thu chhuak hlawl a. Thla eng chuan a bul vel ram chu a en paw ruai a, Rihdil tui thim ruih mai thla engin a han chhun cham po mai chu a rapthlak lek lek mai. Engtin nge Vaza khan a chungah khati ang thil kha a tih duh mai le? Vaza nen chuan mimal taka inhuatna an nei hauh lo; pawl khat an ni a, hotu pakhat thupek hnuaia kun tlang thin an ni. Special Pilot (pilot tha chungchang bik) an nih ve ve avangin hna (mission) thenkhat phei chu an lo thawk dun fo tawh. Hnathawh pui nuam tak pawh a ni.
Khang an mi chhanchhuah pahnih te kha tunhmain a hre ngai lo. Council-in engvangin nge nge a ngaih pawimawh em em nachhan pawh a hre hek lo. Ti tura ruat a nih avangin he khawvel hun liam tawhah hian a lo kal a, a hna chu phunnawi lovin a thawk mai a ni. Zawhna zawh duah hi Sirus a tih dan a ni ve lo. Council-in, a thluakah ‘mission chip’ an phum a, he ‘chip’ ah hian eng nge a tih tur leh tih loh tur engkim a awm vek, chumi ang chuan hna a thawk mai a ni. Engvangin nge Vaza kha a lo tel ve ngawt pawh a hrethiam chiah lo. Council-in amah (Sirus) pui turin an rawn tir niawma a insawi kha a ring tawk mai a, Vaza khan dawt a hrilh a ring hauh lo.
Kum tam tak liam taa commander Sora-in a rawn chhan chhuah lai kha a la hre reng. Utopian Parallel World-ah a naupan lai hun zawng zawng deuh thaw thlamuang takin a hmang a; mahse, vanduaithlak takin Planet Mother Utopia chu a chhiat tak avangin, time parallel-in balance a hloh ta a, engkim mai a dik lo zo ta a ni, an khawvel innghahna lungphum 6th Dimension tower chu tlu chhiain, blackhole chuan an chenna khawvel chu a rawn hip a, boral mai hmabaka an awm laiin commander Sora leh a hoten a rawn chhanchhuak ta a ni. A tan chuan Commander Sora chu pathian a ni ber a. A laka rinawm chu a thupui pawimawh tak a ni.
Rihdil kam boruak vawt vur mai chuan a tiril a luh ngat ngat a, a thaw khu ham ham a, a thluaka ‘mission chip’ chuan eng thupek mah a rawn pe lo. A reh hmak mai si. Engtia hmalak tur nge a hrethiam lo takmeuh a ni. Vaza khan a rawn ngaihven leh ang em? Eng thil nge tih a tum chiah? Engvangin nge khang mi pahnih te kha a ngaih pawimawh em em? A tan eng nge an nih?
Rihdil kam sira rilru buai taka Sirus-a din vang vang lai chuan, thawklehkhatah, Rihdil tui chu a rawn fawn hlup hlup a, tui chhung atang chuan, boruak lawng, bial chei chui hi a rawn invawrh chhuak lawp a.
| Link: | |
| BBcode: | |
| HTML: | |
| Hide post links |
THE UNFORGETTABLE MAN
(The Code, Season 4, Chapter 6)
“Tin, khawpui ri pasarihte chuan an aw an chhuah veleh ka ziak dawn a ; tichuan, “Khawpui ri pasarihte thusawi chu zep tlat la, ziak suh,” tiin vân atangin aw ka hre ta a.’
-Thupuan 10:4
UN-RECOVERED
Rihdil tui chu a inchhek per chhuai a, thlawhna bial chei chui, tui hnuai atanga rawn dawk chhuak chu van sâng lamah chak takin a invawrh vir chho nawl nawl a. Sirus chu rang takin hnimbuk phênah a tawlh lut nghal thuai a. Helai luipui hnuaiah hian eng emaw tak zawng a awm a ni ngat mai le.
Vaza chuan a thlah liam tak Zorinsangi leh Rina te chu mitthlaah a hmu zui chuai chuai a, a lung a lêng kher mai. Thil dang ngaihtuah chang hauh lova Rihdil lam pana a thlawh mek lai chuan a bul lawka boruak lawng bial chei chui rawn inkhawh chho fua chu a hmu phe ruai a. Hlauhthawnnain a khat nghal. Khawnge Sirus kha a awm tak ang. A kal bosan chhûngin harsatna a lo tawk em ni ang le? Tun maia a bul lawka boruak lawng rawn lang thuak kha tu te nge an nih. Signal a off avangin Commander Sora ngaihtha lo hian a rawn zawng ta mai em ni ang le?
A hnuailam chu a han thlir thla a, Sirus an thuhrukna chung fit 20 emaw lekah thlawhna chu a thlawh tir a; mahse, Sirus a hmel awm ang reng reng a hmu hauh lo mai. Thlawhna tum tir tuma a herrem mek laiin, a nghing lawih a, boruak lum pup hian a rawn bual hlup a. Tute emaw chuan an rawn kap a ni ngat mai le. A thlawhna chu a biling a balangin Rihdil chhûngah chuan a vir lut thla ta nawk nawk a.
“Ka kap fuh e,” tih pahin Colonel Meek chuan Vaza thlawhna, Rihdil-a a pil lut bawr(h) lai chu thlir vung vung a.
SIRUS THE HELPER
A lu hai muai muai chu a han thing nawk nawk a, Rihdil chhûnga Vaza thlawhna inbirh lut thla nawk nawk chu a thlir ran a. Thlawhna bial chei chui, Vaza thlawhna rawn kap thla tu chu Rihdil chung zawnah a ding vung vung a. Rei lo têah van thengreng sang zawk lam panin a inkhawh chho zui leh ta thuak a.
Thlawhna bial chei chui a thlawh bo rual chiahin Sirus chu Rihdil ah chuan a zuang lut nghal bawr(h) a, tui vawt tak mai chuan a taksa a rawn dek hik vawng vawng a. Tui hnuai mawng lam pana Vaza thlawhna tla thla riai riai lam chu panin a liluh zui ve ta nghal a.
Thlawhna kawngkhar chu chhunglama a inkalh tlat a vangin a hawng mai thei lo, hawn ngei tumin a kuai fan fan a. Tui vawt tak mai chuan a tiril a luh tlat tawh avangin thapui a chhuah hlei thei tawh si lo. Vanneihthlak takin Colonel Meek-an a kahna avangin thlawhna hmai darthlalang chu tlem a khi deuh tih a hmu ta. Nikhaw hre lova Vaza let hlawm reng pawh darthlalang keh karah chuan phe ruaiin a hmu thei a ni. A la chhuak vat a nih loh chuan rei lo teah boruak tlachhamin a thi thuai dawn tih a hria.
Tui hnuaia a awm rei tawh avangin amah ngei pawh a thaw a chham lo chauh ve tho si. A thahrui neih zawng zawng sawm khawmin thlawhna hmai darthlalang chu a han tlawh chawrh chawrh a, tui khauh leh vawt vur mai chuan chet a ti sak tulh mai bawk si. Tha tawp chhuahin darthlalang chu a tlawh chawrh chawrh a, a beidawn dawn tawh lamah darthlalang chu a kehdarh ta chhawk a. Hmanhmawh takin Vaza chu a pawm chhuak a, tui pawn lam panin a hleuh chho ta nghal a.
SORA’S SHIP
Commander Sora chuan Rihdil tui champo mai chu beidawng takin a thlir vung vung a. Khawiah nge Vaza leh Sirus te chu an awm tak ang. He tuipui nelawm loh tak mai hian a lembo zo tawh em ni ang le?
“Commander, tuihnuai khu kan dap mai dawn em ni ang?” 2nd Commander Spock chu a tihdan pangngai angin Sora bulah chuan khawng auhin a ding a. He pa zet hi chuan mihring aiin khawl lam a hnaih zawk. A thinlungah hian khawngaihna leh hmangaihna te hian hmun a chang ve vak lo, a tan chuan Commander Sora thupek chu engkim dang zawng aiin a pawimawh a. Nun hi chhiarkawp ang maia dik leh felfaia hman tur niin a hria a. Lainatna, khawngaihna leh hmangaihna tih vel hian a tan awmzia a nei ve lem lo.
“Spock, Time and Location hi a dik chiah maw, kan awmna hi hmun leh hun dik a ni tih i chiang chiah em?”
“Commander, engkim a dik vek e,” Sora-in chuti ang zawhna a han zawt chu a rilru a na deuh hial mai. A tan chuan dikna hi a pawimawh a, engkim mai a bu ang thlapa tih hi a duh dan leh a tih thin dan a ni. Second khat lek pawh a chhut sual ve ngai lo. Chhiarkawp danah chuan 2+2=4 a ni, chu bak dikna dang a awm thei lo. Engti kawng mahin 2+2 chu 5 emaw 3 emaw a ni thei lo. Dikna pakhat, sual thei lo a awm; nia, chhiarkawp dan ang thlap hi Spock a tih thin dan chu a ni.
“Awle, ka ring tawk che lawm Spock, khati ang zawhna ka zawh avang che khan min ngaidam ang che. Nang chu i dik reng thin a ni tih ka hria a lawm,” Sora chuan a 2nd Commander Spocka darah chuan a beng thap thap a.
An thlawhna chu a len tham em avangin Rihdil bul velah chuan han tum (landing) thei rual a ni si lo.
“Sergeant Trace, tuihnuai zu enfiah turin lo inbuatsaih nghal ta che, Little Champ (boruak lawng tê chi) kha i keng dawn nia,” tiin Sora chuan thupek a chhuah zui ta nghal a. Sergeant Trace chu a thuthmun atang a rawn ding chhuak a. Phur takin inbuatsaihna pindan lamah a lut phei zui ta nghal a.
THE UNFORGETTABLE MAN
Tui rihna chuan a delh avangin Vaza chu a rit zual kher mai. Sirus-a chau lutuk chu a var pap tawh. Tui pawn lam thleng chho turin fit 50 vel lai a la awm. A tiril khur dawt dawt chu tih reh ngaihna pawh a hre tawh lo. Chau takin tui chu a hleuh chho zel a.
Tuipawn lam a thlen chhoh dawn tepah Sirus-a thawk chu a chham titih ta, tha thawp chhuahin Vaza chu vaukam ah a nawr chhuak chho nawk a, thahrui tawp chhuaha hleuh kai hram tumin a han inhai leh buan buan a; mahse, a ka chhungah tui a rawn lut bawrh bawrh a, a vai ruai a, a chakna zawng zawngte chu mumang ang maiin a tham ral riai riai a, tuichim phak loh a Vaza let hlawm reng chu a hmu phe riai a, engkim a thim ta mup a.
Tui hnuai thûk zawk lampana Sirus-a pil thla riai riai chu Vaza chuan a hmu hauh lo.
RE-UNION
Zorinsangi chuan tuihnuai pindan pakhata Muanpuia nen khungbeh an nih dan te, Vaza leh mi pakhatin an rawn chhanchhuah dan te chu a sawi siam siam a. Remruata leh Rinzuala te chu ngaihnawm leh mak ti takin an ngaithla kar a. Vaza hming a sawi lai chuan Rinzuala hmel chu hmuh theih khawpin a rawn danglam nghal a. Mahse, engmah a rawn sawi chhuak lo.
Darkar chanve emaw liam ta khan Muanpuia pawh a chhungten an hruai haw tawh a. Nasa taka a khua a sik zui chiam avangin Zorinsangi pawhin a ngaihtuah viau a. A tuk lama kan ngei a tum thu pawh a sawi nghe nghe.
SPOCK THE UNPERFECT
Sergeant Trace chuan Little Champ (Boruak lawng te chi) chu a han ti nung hlat hlat a. Rihdil chhung lam pan chuan a bir thlak tir zui ta nghal a. SRV (Sea Radar Vision) chu tinung nghalin, tuihnuai chhung kil tin mai chu uluk takin a thlir kual zel a. Vaza te thlawhna hmelhmang awm reng reng hmuh a nei lo. Tuihnuai thuk leh zual dap tumin tui thuk lam chu a pan thla zel a.
Tuihnuai chhung thuk takah chuan boruak lawng hrawl zet mai hi a zu hmu ta. Vaza te thlawhna erawh a ni hauh lo mai le. Chu boruak lawng sir pangah chuan Explorer 23 tih hi fiah takin a inziak kulh a. A kil sir khawi lai lai emaw chu a eng thut bawk a. A chhungah mihring an awm ngei niin a lang. Rang takin Commander Sora hnenah a thil hmuh chu hrilh thu a thawn chho nghal vat a.
Commander Sora chuan Sergeant Trace a thu rawn thawn chu mak ti takin a lo ngaithla kar a. “Spock, hei hi thil ni thei lo tawp a ni, engtin nge Explorer 23 hi hetah a lo awm ringawt theih, thil dik lo a awm a ni, khawi maw Time and Location view kha han tinung teh, ka lo thlir chiang teh ang,” tiin a Spock chu a han hrilh a.
Spock chuan TnL View chu a han tinung a, ‘2045 BC Unknown’ tih hi a rawng lang ta kulh mai a. Mak ti takin Spock chuan TnL View hmai darthlalang chu a han beng kuk dawt dawt a; mahse, engmah a danglam lo. Hei hi 2036 AD Rihdil, ni lovin 2045 BC Unknown’ a ni.
Tisual ngai lo, chhiarkawp ang maia dik, Spock chuan a chhût sual ve ta em ni ang le?
MISSING IN ACTION
THE UNPERFECT
Sergeant Trace chuan Little Champ (Boruak lawng te chi) chu a han ti nung hlat hlat a. Rihdil chhûng lam pan chuan a bir thlâk tir zui ta nghal a. SRV (Sea Radar Vision) chu tinung nghalin, tuihnuai chhûng kil tin mai chu uluk takin a thlir kual zel a. Vaza te thlawhna hmêl hmang awm reng reng hmuh a nei lo. Tui hnuai thûk leh zual dap tumin tui thûk lam chu a pan thla zel a.
Tui hnuai chhûng thûk takah chuan boruak lawng hrawl zet mai hi a zu hmu ta. Vaza te thlawhna erawh a ni hauh lo mai le. Chu boruak lawng sir pangah chuan Explorer 23 tih hi fiah takin a inziak kulh a. A kil sir khawi lai lai emaw chu a eng thut bawk a. A chhungah mihring an awm ngei niin a lang. Rang takin Commander Sora hnenah a thil hmuh chu hrilh thu a thawn chho nghal vat a.
Commander Sora chuan Sergeant Trace a thu rawn thawn chu mak ti takin a lo ngaithla kar a. “Spock, hei hi thil ni thei lo tawp a ni, engtin nge Explorer 23 hi hetah a lo awm ringawt theih, thil dik lo a awm a ni, khawi maw Time and Location view kha han tinung teh, ka lo thlir chiang teh ang,” tiin a Spock chu a han hrilh a.
Spock chuan TnL View chu a han tinung a, ‘2045 BC Unknown’ tih hi a rawn lang ta kulh mai a. Mak ti takin Spock chuan TnL View hmai darthlalang chu a han beng kuk dawt dawt a; mahse, engmah a danglam lo. Hei hi 2036 AD Rihdil, ni lovin 2045 BC Unknown’ a ni.
Tisual ngai lo, chhiarkawp ang maia dik, Spock chuan a chhût sual ve ta em ni ang le?
2045 BC
Chuti anga kum zat chhût dik loh chu Spock atan chuan fiamthua ngaih theih a ni lo. A ti sual tih a inhriat rualin a kun nghal ngawih a. Biak tawng huphurhawm khawp a ni ta.
Sgt. Trace chuan tuihnuaia van boruak lawng (Explorer 23. Garden of Eden chhiarte chuan he boruak lawng hi Awmtea phur bo tu kha a ni tih in hre thei ngei ang.) lo bawk vung mai chu a hnaih hret hret zel a. Boruak lawng chhûng chu a êng pup mai. A bul vel pawh a en pawl phut mai a ni. Sgt. Trace chuan, boruak lawng chhunga luhna turin zawngin a sirah chuan a hel kual zak zak a. Mahse, kawngkhar niawm hmêl hmang hmuh tur a awm miah lo.
Commander Sora chuan, tui hnuaia lut mek Sgt.Trace-an a rawn biak leh hun a lo nghak kar a. Chutih lai tak chu Rih dil tui chu a rawn fâwn hlup a. Rei lo têah a reh ve leh mai bawk a. Thli fim, thli thaw engmah a awm loh avangin chuti anga tui a rawn fâwn thut mai chu a ngaihthat thlak vak lem lo.
“Sergeant Trace, eng nge chanchin, tun maia tui rawn fawn hlup kha nangma tih em ni?” a ngaih a tha vak lo tih chu Sora hmelah chuan chiang takin a chhiar theih a ni. Tuma’n an rawn chhäng hauh lo.
“Sergeant Trace, Sergeant....min han chhäng teh,” chhángtu an awm chuang lo.
“Spock, i naute kha tui chhung lut turin lo inpeih rawh se,” tiin Sora chuan thupek a han chhuah zui nghal a. An boruak lawng chu Rih dil chung lawkah a ding vung vung a. Rihdil tuia boruak lawng thla lang sawl puau mai chu a rapawm thei lek lek hial a ni.
PRESENT DAY
A kiu bawk lai chi a thip fik ngar ngar a, a lu a na hle bawk. Thei leh thei lovin a han thu chhuak hlawl a. Amah (Vaza) pawh hi engtin nge helaiah a lo awm ngawt theih. Amah pawh hi tu nge a nih reng reng. A thawmhnu hak tle vur (Space Suit) mai chu mak ti takin a en a. A ngaihtuahna tih fim tumin a lu a han thing nar nar a; mahse, a sawt tlat lo. Tu nge a nih a inhre thei tlat lo a ni. Lu hai muai muai chungin a han tho chhuak a. A bul lawkah chuan tui thuk hmel tak hi a lì pung a.
Tu nge a nih? Hetah hian engvanga lo mu hlawm reng nge a ni? Khawiah nge a kal tak ang? in leh lo te a nei em? A hre thei tawh tlat lo. A han ngaihtuah ngial thin a; mahse, rei lo têah a lu a rawn na ut ut a, a tawrha tawrh zawh rual loh hian a rawn na thin. A beidawnthlak khawp mai. A hmasaberin tu nge a nih a inhriat chhuah phawt a ngai, chuti ang ti tur chuan mihring awmna hmun a pan vat a ngai a ni. A mihring pui hmuh inringin a hmalam kawng chu a zawh ve tawp mai a ni.
Khawpui chhûng a luh hnu chuan tlemin a ngaih a tha ve leh ta deuh; mahse, mite hnena ‘tu nge a nih’ tih hre duha han zawh pawp mai chu a huphurh a ni. Mihring a hmuh a piangte chuan mak ti takin an enzui vawng vawng zel a, a thawmhnaw hak (space suit) tle vur mai chuan mi mit a la hle tih pawh a hre thiam ta thuai a.
LADY HEXUS
Tlai a ni a, tlai dang ang bawk a ni. Zorinsangi chuan garage atangin scooty chu a la chhuak a, hmanhmawh vak lovin Muanpuia te in lam panin a tlan ta nghal a. Muanpuia chu khumah chauh hmel takin a lo mu bâm a, a hmêl pawr phung leh a mitmeng dava riai mai chuan a chauh zia a ti lang a ni. A nu Pi Pari chuan rawmawl huhin a chalah a lo hru hliau hliau a.
Zorinsangi chuan a bag atangin Sprite bur lian leh ei tur dang eng eng emaw a rawn phawrh chhuak a. Muanpuia bulah chuan a thu ve ta nghal a. “E, hei damdawi mum lian chi a lo thleng ta bawk a, kei chu ka lo va inthiar fihlim ang e, ti khan i duh leh a chal kha i lo dep chhunzawm mai dawn nia,” tih pahin Pi Pari chu a tho hluai a, Muanpuia pindan atang chuan a chhuak ta nghal a.
Pi Pari’n chutia a han chhaih fiam zauh chu a ruk tak chuan nuam a ti hle a ni. Rawmawl huh chuan Muanpuia chal vel ah chuan dim leh duat takin a hru hliau hliau a. Muanpuia a rawn harh tan mek a. Zorinsangi a han hmuh chuan a nui sak a, a hmelte pawh a rawn êng nghal sawt ni berin a lang. Thei leh thei lovin thawh kan a han tum a, “Tho suh, i la chauh kha, ti khan mu hle hle hrih rawh, i inthlahrung a nih kha,” tih pahin Zorinsangi chuan Muanpuia chu zawitêin a nem mu leh riai riai a.
Tleirawl pahnih inkara hmangaihna kuhmum rawn lang chhuak tan ta chu a par chhuak thei ang em?
THE KING
King Mogun chuan boruak lawng khalhna khawl vil run chungin Colonel Meek a khawsazia ngeng ngulh mai chu a ngaihtuah vung vung a. He pa hian a tham lo sawt riauin a hria. Utopia lamah te kha chuan a pheikhawk bal pawh a liah fai sak vek duh ang tih khawp khan a tlawm a; mahse, tunah chuan a zia a danglam tan ta tlat mai. Lal thupek meuh pawh a duh zawng te a nih loh chuan zawm tumna a nei ta miah lo bawk. Heng thil hi ngaihtuah loh pawh tum se, a rilru atangin a paih chhuak mai thei tlat lo a ni.
Colonel Meek lah chu a thawven hmel viau reng mai si. Khawpui chhungah an thlawh luh dawn tak avangin an fimkhur zual hle a, tlai lam dar 5 a ri hnai tawh. Boruak lawng khalh kawina bula TV screen ah chuan, thil pahnih hi insi deuh rialin a êng de va va a.
“A fuh dawn e, Laldy Hexus leh Muanpuia chu an awm dun ngei a ni. Hei hi a nia, an taksaah GPS phum a tha ka tih ka tih nachhan kha, i han remti lo vel a, i thu ang kha chuan kal ila, tunah hian heng mi pahnihte awmna hi kan chhuai chhuak tawh malek ang,” tih pahin Colonel Meek chuan ngaihno bei lo zet hian King Mogun chu a en run a.
An boruak lawng chu hmuh theih loh (invisible) a an dah tlat avangin police leh vantlang mipui te pawh an hlauhawm hran lo. Muanpuia te inchung zawn chho fit 30 emaw vel lekah hian thlawhna chu an dintir a. Colonel Meek chuan X Vision (entlang chi khat, thil hmuh tlang theih na) chu a han vuah a, Muanpuia leh Zorinsangi te chu chiang takin a zu hmu a, cho ka lamah chuan nu pakhat hian eng emaw hi rawt thlêngah a dêng sak sak bawk.
“An pahnihin an awm ngei e, engtin nge kan tih dawn, ruahmanna i nei em?” tih pahin colonel Meek chuan X vision chu King Mogun a han pe a.
“Anni pathum chauh khu an awm a nih hmel, a harsa lovang, silai kha keng la, choka lamah khuan i lut ang a, hmeichhe pakhat khu nikhaw hre lo tur tawk velin i kap ang a, mut pindan lamah thawm dim takin i phei ang a, an pahnih khuan i kap leh ang a; mahse, tih hlum kher a tul lo a nia,” tih pahin King Mogun chuan X Vision chu Meek a hnenah chuan a hlan chhawng ve leh a
(The Code, Season 4, Chapter 6)
“Tin, khawpui ri pasarihte chuan an aw an chhuah veleh ka ziak dawn a ; tichuan, “Khawpui ri pasarihte thusawi chu zep tlat la, ziak suh,” tiin vân atangin aw ka hre ta a.’
-Thupuan 10:4
UN-RECOVERED
Rihdil tui chu a inchhek per chhuai a, thlawhna bial chei chui, tui hnuai atanga rawn dawk chhuak chu van sâng lamah chak takin a invawrh vir chho nawl nawl a. Sirus chu rang takin hnimbuk phênah a tawlh lut nghal thuai a. Helai luipui hnuaiah hian eng emaw tak zawng a awm a ni ngat mai le.
Vaza chuan a thlah liam tak Zorinsangi leh Rina te chu mitthlaah a hmu zui chuai chuai a, a lung a lêng kher mai. Thil dang ngaihtuah chang hauh lova Rihdil lam pana a thlawh mek lai chuan a bul lawka boruak lawng bial chei chui rawn inkhawh chho fua chu a hmu phe ruai a. Hlauhthawnnain a khat nghal. Khawnge Sirus kha a awm tak ang. A kal bosan chhûngin harsatna a lo tawk em ni ang le? Tun maia a bul lawka boruak lawng rawn lang thuak kha tu te nge an nih. Signal a off avangin Commander Sora ngaihtha lo hian a rawn zawng ta mai em ni ang le?
A hnuailam chu a han thlir thla a, Sirus an thuhrukna chung fit 20 emaw lekah thlawhna chu a thlawh tir a; mahse, Sirus a hmel awm ang reng reng a hmu hauh lo mai. Thlawhna tum tir tuma a herrem mek laiin, a nghing lawih a, boruak lum pup hian a rawn bual hlup a. Tute emaw chuan an rawn kap a ni ngat mai le. A thlawhna chu a biling a balangin Rihdil chhûngah chuan a vir lut thla ta nawk nawk a.
“Ka kap fuh e,” tih pahin Colonel Meek chuan Vaza thlawhna, Rihdil-a a pil lut bawr(h) lai chu thlir vung vung a.
SIRUS THE HELPER
A lu hai muai muai chu a han thing nawk nawk a, Rihdil chhûnga Vaza thlawhna inbirh lut thla nawk nawk chu a thlir ran a. Thlawhna bial chei chui, Vaza thlawhna rawn kap thla tu chu Rihdil chung zawnah a ding vung vung a. Rei lo têah van thengreng sang zawk lam panin a inkhawh chho zui leh ta thuak a.
Thlawhna bial chei chui a thlawh bo rual chiahin Sirus chu Rihdil ah chuan a zuang lut nghal bawr(h) a, tui vawt tak mai chuan a taksa a rawn dek hik vawng vawng a. Tui hnuai mawng lam pana Vaza thlawhna tla thla riai riai lam chu panin a liluh zui ve ta nghal a.
Thlawhna kawngkhar chu chhunglama a inkalh tlat a vangin a hawng mai thei lo, hawn ngei tumin a kuai fan fan a. Tui vawt tak mai chuan a tiril a luh tlat tawh avangin thapui a chhuah hlei thei tawh si lo. Vanneihthlak takin Colonel Meek-an a kahna avangin thlawhna hmai darthlalang chu tlem a khi deuh tih a hmu ta. Nikhaw hre lova Vaza let hlawm reng pawh darthlalang keh karah chuan phe ruaiin a hmu thei a ni. A la chhuak vat a nih loh chuan rei lo teah boruak tlachhamin a thi thuai dawn tih a hria.
Tui hnuaia a awm rei tawh avangin amah ngei pawh a thaw a chham lo chauh ve tho si. A thahrui neih zawng zawng sawm khawmin thlawhna hmai darthlalang chu a han tlawh chawrh chawrh a, tui khauh leh vawt vur mai chuan chet a ti sak tulh mai bawk si. Tha tawp chhuahin darthlalang chu a tlawh chawrh chawrh a, a beidawn dawn tawh lamah darthlalang chu a kehdarh ta chhawk a. Hmanhmawh takin Vaza chu a pawm chhuak a, tui pawn lam panin a hleuh chho ta nghal a.
SORA’S SHIP
Commander Sora chuan Rihdil tui champo mai chu beidawng takin a thlir vung vung a. Khawiah nge Vaza leh Sirus te chu an awm tak ang. He tuipui nelawm loh tak mai hian a lembo zo tawh em ni ang le?
“Commander, tuihnuai khu kan dap mai dawn em ni ang?” 2nd Commander Spock chu a tihdan pangngai angin Sora bulah chuan khawng auhin a ding a. He pa zet hi chuan mihring aiin khawl lam a hnaih zawk. A thinlungah hian khawngaihna leh hmangaihna te hian hmun a chang ve vak lo, a tan chuan Commander Sora thupek chu engkim dang zawng aiin a pawimawh a. Nun hi chhiarkawp ang maia dik leh felfaia hman tur niin a hria a. Lainatna, khawngaihna leh hmangaihna tih vel hian a tan awmzia a nei ve lem lo.
“Spock, Time and Location hi a dik chiah maw, kan awmna hi hmun leh hun dik a ni tih i chiang chiah em?”
“Commander, engkim a dik vek e,” Sora-in chuti ang zawhna a han zawt chu a rilru a na deuh hial mai. A tan chuan dikna hi a pawimawh a, engkim mai a bu ang thlapa tih hi a duh dan leh a tih thin dan a ni. Second khat lek pawh a chhut sual ve ngai lo. Chhiarkawp danah chuan 2+2=4 a ni, chu bak dikna dang a awm thei lo. Engti kawng mahin 2+2 chu 5 emaw 3 emaw a ni thei lo. Dikna pakhat, sual thei lo a awm; nia, chhiarkawp dan ang thlap hi Spock a tih thin dan chu a ni.
“Awle, ka ring tawk che lawm Spock, khati ang zawhna ka zawh avang che khan min ngaidam ang che. Nang chu i dik reng thin a ni tih ka hria a lawm,” Sora chuan a 2nd Commander Spocka darah chuan a beng thap thap a.
An thlawhna chu a len tham em avangin Rihdil bul velah chuan han tum (landing) thei rual a ni si lo.
“Sergeant Trace, tuihnuai zu enfiah turin lo inbuatsaih nghal ta che, Little Champ (boruak lawng tê chi) kha i keng dawn nia,” tiin Sora chuan thupek a chhuah zui ta nghal a. Sergeant Trace chu a thuthmun atang a rawn ding chhuak a. Phur takin inbuatsaihna pindan lamah a lut phei zui ta nghal a.
THE UNFORGETTABLE MAN
Tui rihna chuan a delh avangin Vaza chu a rit zual kher mai. Sirus-a chau lutuk chu a var pap tawh. Tui pawn lam thleng chho turin fit 50 vel lai a la awm. A tiril khur dawt dawt chu tih reh ngaihna pawh a hre tawh lo. Chau takin tui chu a hleuh chho zel a.
Tuipawn lam a thlen chhoh dawn tepah Sirus-a thawk chu a chham titih ta, tha thawp chhuahin Vaza chu vaukam ah a nawr chhuak chho nawk a, thahrui tawp chhuaha hleuh kai hram tumin a han inhai leh buan buan a; mahse, a ka chhungah tui a rawn lut bawrh bawrh a, a vai ruai a, a chakna zawng zawngte chu mumang ang maiin a tham ral riai riai a, tuichim phak loh a Vaza let hlawm reng chu a hmu phe riai a, engkim a thim ta mup a.
Tui hnuai thûk zawk lampana Sirus-a pil thla riai riai chu Vaza chuan a hmu hauh lo.
RE-UNION
Zorinsangi chuan tuihnuai pindan pakhata Muanpuia nen khungbeh an nih dan te, Vaza leh mi pakhatin an rawn chhanchhuah dan te chu a sawi siam siam a. Remruata leh Rinzuala te chu ngaihnawm leh mak ti takin an ngaithla kar a. Vaza hming a sawi lai chuan Rinzuala hmel chu hmuh theih khawpin a rawn danglam nghal a. Mahse, engmah a rawn sawi chhuak lo.
Darkar chanve emaw liam ta khan Muanpuia pawh a chhungten an hruai haw tawh a. Nasa taka a khua a sik zui chiam avangin Zorinsangi pawhin a ngaihtuah viau a. A tuk lama kan ngei a tum thu pawh a sawi nghe nghe.
SPOCK THE UNPERFECT
Sergeant Trace chuan Little Champ (Boruak lawng te chi) chu a han ti nung hlat hlat a. Rihdil chhung lam pan chuan a bir thlak tir zui ta nghal a. SRV (Sea Radar Vision) chu tinung nghalin, tuihnuai chhung kil tin mai chu uluk takin a thlir kual zel a. Vaza te thlawhna hmelhmang awm reng reng hmuh a nei lo. Tuihnuai thuk leh zual dap tumin tui thuk lam chu a pan thla zel a.
Tuihnuai chhung thuk takah chuan boruak lawng hrawl zet mai hi a zu hmu ta. Vaza te thlawhna erawh a ni hauh lo mai le. Chu boruak lawng sir pangah chuan Explorer 23 tih hi fiah takin a inziak kulh a. A kil sir khawi lai lai emaw chu a eng thut bawk a. A chhungah mihring an awm ngei niin a lang. Rang takin Commander Sora hnenah a thil hmuh chu hrilh thu a thawn chho nghal vat a.
Commander Sora chuan Sergeant Trace a thu rawn thawn chu mak ti takin a lo ngaithla kar a. “Spock, hei hi thil ni thei lo tawp a ni, engtin nge Explorer 23 hi hetah a lo awm ringawt theih, thil dik lo a awm a ni, khawi maw Time and Location view kha han tinung teh, ka lo thlir chiang teh ang,” tiin a Spock chu a han hrilh a.
Spock chuan TnL View chu a han tinung a, ‘2045 BC Unknown’ tih hi a rawng lang ta kulh mai a. Mak ti takin Spock chuan TnL View hmai darthlalang chu a han beng kuk dawt dawt a; mahse, engmah a danglam lo. Hei hi 2036 AD Rihdil, ni lovin 2045 BC Unknown’ a ni.
Tisual ngai lo, chhiarkawp ang maia dik, Spock chuan a chhût sual ve ta em ni ang le?
MISSING IN ACTION
THE UNPERFECT
Sergeant Trace chuan Little Champ (Boruak lawng te chi) chu a han ti nung hlat hlat a. Rihdil chhûng lam pan chuan a bir thlâk tir zui ta nghal a. SRV (Sea Radar Vision) chu tinung nghalin, tuihnuai chhûng kil tin mai chu uluk takin a thlir kual zel a. Vaza te thlawhna hmêl hmang awm reng reng hmuh a nei lo. Tui hnuai thûk leh zual dap tumin tui thûk lam chu a pan thla zel a.
Tui hnuai chhûng thûk takah chuan boruak lawng hrawl zet mai hi a zu hmu ta. Vaza te thlawhna erawh a ni hauh lo mai le. Chu boruak lawng sir pangah chuan Explorer 23 tih hi fiah takin a inziak kulh a. A kil sir khawi lai lai emaw chu a eng thut bawk a. A chhungah mihring an awm ngei niin a lang. Rang takin Commander Sora hnenah a thil hmuh chu hrilh thu a thawn chho nghal vat a.
Commander Sora chuan Sergeant Trace a thu rawn thawn chu mak ti takin a lo ngaithla kar a. “Spock, hei hi thil ni thei lo tawp a ni, engtin nge Explorer 23 hi hetah a lo awm ringawt theih, thil dik lo a awm a ni, khawi maw Time and Location view kha han tinung teh, ka lo thlir chiang teh ang,” tiin a Spock chu a han hrilh a.
Spock chuan TnL View chu a han tinung a, ‘2045 BC Unknown’ tih hi a rawn lang ta kulh mai a. Mak ti takin Spock chuan TnL View hmai darthlalang chu a han beng kuk dawt dawt a; mahse, engmah a danglam lo. Hei hi 2036 AD Rihdil, ni lovin 2045 BC Unknown’ a ni.
Tisual ngai lo, chhiarkawp ang maia dik, Spock chuan a chhût sual ve ta em ni ang le?
2045 BC
Chuti anga kum zat chhût dik loh chu Spock atan chuan fiamthua ngaih theih a ni lo. A ti sual tih a inhriat rualin a kun nghal ngawih a. Biak tawng huphurhawm khawp a ni ta.
Sgt. Trace chuan tuihnuaia van boruak lawng (Explorer 23. Garden of Eden chhiarte chuan he boruak lawng hi Awmtea phur bo tu kha a ni tih in hre thei ngei ang.) lo bawk vung mai chu a hnaih hret hret zel a. Boruak lawng chhûng chu a êng pup mai. A bul vel pawh a en pawl phut mai a ni. Sgt. Trace chuan, boruak lawng chhunga luhna turin zawngin a sirah chuan a hel kual zak zak a. Mahse, kawngkhar niawm hmêl hmang hmuh tur a awm miah lo.
Commander Sora chuan, tui hnuaia lut mek Sgt.Trace-an a rawn biak leh hun a lo nghak kar a. Chutih lai tak chu Rih dil tui chu a rawn fâwn hlup a. Rei lo têah a reh ve leh mai bawk a. Thli fim, thli thaw engmah a awm loh avangin chuti anga tui a rawn fâwn thut mai chu a ngaihthat thlak vak lem lo.
“Sergeant Trace, eng nge chanchin, tun maia tui rawn fawn hlup kha nangma tih em ni?” a ngaih a tha vak lo tih chu Sora hmelah chuan chiang takin a chhiar theih a ni. Tuma’n an rawn chhäng hauh lo.
“Sergeant Trace, Sergeant....min han chhäng teh,” chhángtu an awm chuang lo.
“Spock, i naute kha tui chhung lut turin lo inpeih rawh se,” tiin Sora chuan thupek a han chhuah zui nghal a. An boruak lawng chu Rih dil chung lawkah a ding vung vung a. Rihdil tuia boruak lawng thla lang sawl puau mai chu a rapawm thei lek lek hial a ni.
PRESENT DAY
A kiu bawk lai chi a thip fik ngar ngar a, a lu a na hle bawk. Thei leh thei lovin a han thu chhuak hlawl a. Amah (Vaza) pawh hi engtin nge helaiah a lo awm ngawt theih. Amah pawh hi tu nge a nih reng reng. A thawmhnu hak tle vur (Space Suit) mai chu mak ti takin a en a. A ngaihtuahna tih fim tumin a lu a han thing nar nar a; mahse, a sawt tlat lo. Tu nge a nih a inhre thei tlat lo a ni. Lu hai muai muai chungin a han tho chhuak a. A bul lawkah chuan tui thuk hmel tak hi a lì pung a.
Tu nge a nih? Hetah hian engvanga lo mu hlawm reng nge a ni? Khawiah nge a kal tak ang? in leh lo te a nei em? A hre thei tawh tlat lo. A han ngaihtuah ngial thin a; mahse, rei lo têah a lu a rawn na ut ut a, a tawrha tawrh zawh rual loh hian a rawn na thin. A beidawnthlak khawp mai. A hmasaberin tu nge a nih a inhriat chhuah phawt a ngai, chuti ang ti tur chuan mihring awmna hmun a pan vat a ngai a ni. A mihring pui hmuh inringin a hmalam kawng chu a zawh ve tawp mai a ni.
Khawpui chhûng a luh hnu chuan tlemin a ngaih a tha ve leh ta deuh; mahse, mite hnena ‘tu nge a nih’ tih hre duha han zawh pawp mai chu a huphurh a ni. Mihring a hmuh a piangte chuan mak ti takin an enzui vawng vawng zel a, a thawmhnaw hak (space suit) tle vur mai chuan mi mit a la hle tih pawh a hre thiam ta thuai a.
LADY HEXUS
Tlai a ni a, tlai dang ang bawk a ni. Zorinsangi chuan garage atangin scooty chu a la chhuak a, hmanhmawh vak lovin Muanpuia te in lam panin a tlan ta nghal a. Muanpuia chu khumah chauh hmel takin a lo mu bâm a, a hmêl pawr phung leh a mitmeng dava riai mai chuan a chauh zia a ti lang a ni. A nu Pi Pari chuan rawmawl huhin a chalah a lo hru hliau hliau a.
Zorinsangi chuan a bag atangin Sprite bur lian leh ei tur dang eng eng emaw a rawn phawrh chhuak a. Muanpuia bulah chuan a thu ve ta nghal a. “E, hei damdawi mum lian chi a lo thleng ta bawk a, kei chu ka lo va inthiar fihlim ang e, ti khan i duh leh a chal kha i lo dep chhunzawm mai dawn nia,” tih pahin Pi Pari chu a tho hluai a, Muanpuia pindan atang chuan a chhuak ta nghal a.
Pi Pari’n chutia a han chhaih fiam zauh chu a ruk tak chuan nuam a ti hle a ni. Rawmawl huh chuan Muanpuia chal vel ah chuan dim leh duat takin a hru hliau hliau a. Muanpuia a rawn harh tan mek a. Zorinsangi a han hmuh chuan a nui sak a, a hmelte pawh a rawn êng nghal sawt ni berin a lang. Thei leh thei lovin thawh kan a han tum a, “Tho suh, i la chauh kha, ti khan mu hle hle hrih rawh, i inthlahrung a nih kha,” tih pahin Zorinsangi chuan Muanpuia chu zawitêin a nem mu leh riai riai a.
Tleirawl pahnih inkara hmangaihna kuhmum rawn lang chhuak tan ta chu a par chhuak thei ang em?
THE KING
King Mogun chuan boruak lawng khalhna khawl vil run chungin Colonel Meek a khawsazia ngeng ngulh mai chu a ngaihtuah vung vung a. He pa hian a tham lo sawt riauin a hria. Utopia lamah te kha chuan a pheikhawk bal pawh a liah fai sak vek duh ang tih khawp khan a tlawm a; mahse, tunah chuan a zia a danglam tan ta tlat mai. Lal thupek meuh pawh a duh zawng te a nih loh chuan zawm tumna a nei ta miah lo bawk. Heng thil hi ngaihtuah loh pawh tum se, a rilru atangin a paih chhuak mai thei tlat lo a ni.
Colonel Meek lah chu a thawven hmel viau reng mai si. Khawpui chhungah an thlawh luh dawn tak avangin an fimkhur zual hle a, tlai lam dar 5 a ri hnai tawh. Boruak lawng khalh kawina bula TV screen ah chuan, thil pahnih hi insi deuh rialin a êng de va va a.
“A fuh dawn e, Laldy Hexus leh Muanpuia chu an awm dun ngei a ni. Hei hi a nia, an taksaah GPS phum a tha ka tih ka tih nachhan kha, i han remti lo vel a, i thu ang kha chuan kal ila, tunah hian heng mi pahnihte awmna hi kan chhuai chhuak tawh malek ang,” tih pahin Colonel Meek chuan ngaihno bei lo zet hian King Mogun chu a en run a.
An boruak lawng chu hmuh theih loh (invisible) a an dah tlat avangin police leh vantlang mipui te pawh an hlauhawm hran lo. Muanpuia te inchung zawn chho fit 30 emaw vel lekah hian thlawhna chu an dintir a. Colonel Meek chuan X Vision (entlang chi khat, thil hmuh tlang theih na) chu a han vuah a, Muanpuia leh Zorinsangi te chu chiang takin a zu hmu a, cho ka lamah chuan nu pakhat hian eng emaw hi rawt thlêngah a dêng sak sak bawk.
“An pahnihin an awm ngei e, engtin nge kan tih dawn, ruahmanna i nei em?” tih pahin colonel Meek chuan X vision chu King Mogun a han pe a.
“Anni pathum chauh khu an awm a nih hmel, a harsa lovang, silai kha keng la, choka lamah khuan i lut ang a, hmeichhe pakhat khu nikhaw hre lo tur tawk velin i kap ang a, mut pindan lamah thawm dim takin i phei ang a, an pahnih khuan i kap leh ang a; mahse, tih hlum kher a tul lo a nia,” tih pahin King Mogun chuan X Vision chu Meek a hnenah chuan a hlan chhawng ve leh a
| Link: | |
| BBcode: | |
| HTML: | |
| Hide post links |
-
feli chawnghlut
- Posts: 1
- Joined: May 10th, 2016, 11:15 pm
awm tawh lo, hei bak hi chu ka hmu zo tawh lo, midang pawn inbox lamah min zawt nasa a, midan tan pawh ni nghal mai se, a ziaktupa hian a damlai khan a ziak zo hman ta lo niin ka hria hei hifeli chawnghlut wrote:a zawm a awm tawh lo a mi
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)