THE GARDEN OF EDEN
Scene 1
Class room chhung chu a beng chheng hle a, College zirlai rawlthar leh tleirawl rualte chu an ti ti bawrh bawrh a. Class room-a Lecturer te an la rawn luh hma hi chuan heti ang hi zirlaite awmdan a ni reng a ni.
Kum 2020 Ramtuk thla (February) ni 19-a ni. Professor Conley Hauhnar class chhung a lo luh rualin zirlai te chu an reh nghal thap a, Prof. Conley hi Lecturer ni mah se, kum lamah a la upa lo, tunah hian a kum 33 na a hmang tan chauh a ni. A hmel a tha hle a, fit 5’11 laia sang a ni, hmai dung sei lam deuh, ngo veng vawng, hmeichhiate duhzawng tak a ni.
Dik tak chuan a zirlai nula thenkhatte pawhin an star rawn a ni ber. Cambridge University atanga M.A zir chhuak ngat a ni, a subject chu History a ni.
Midangte zirtir thiam tak a ni a, a zirtir lai chuan zirlaite pawhin ngaihnawm ti takin an ngaithla thin a, kum lama a la upat lutuk bik loh avangin zirlai nula thenkhat ten an en dan chuan a ti lai ve deuh lek lek thin; mahse, a zirtir hnaah erawh buai phah nan a hmang ngai lo.
Kum 33 mi chauh ni chunga Professor ni thei hi he khawvel ram zauah pawh hian an tam hauh lovang. Mizote zingah phei chuan an la awm miah lo.
Zirlai an tan ta, zirlaite pawhin an ngaithla uluk hle, hmeichhe thenkhat erawh chuan an zir lai aiin an zirtirtupa chu an en uluk zawk mah niin a lang. History subject na na na chu Prof. Conley hian a hre hneh hle a, zirlaibu pawh a keng ngai lo, khawvel history leh mizo history te pawh chik taka lo zir tawh a ni a. Zirlai ngawr ngawr zirtir mai lovin, an zirlai pui tur thil pawimawh tak tak a sawi thin, hei tak hi a ni a zirlai te pawhin a zirtir chu ngaihnawm an tih bik thin ni.
Bell a rawn ri a, class room chu zirlai ten an chhuahsan nghal sap sap a, Conley erawh class room ah a la thu reng a, college a thawh a, history zirtir chu nuam ti viau thin mah se, a ngai reng zirtir mai chu nin chang a nei thin. A duh dan takah chuan a thiamna te chu a tak taka hman chhuah a duh a, a sawia sawi ringawt mai chu a ning ve deuh thin a ni. Mahse, a hlawh hmuhna a ni miau a, ban mai chu a ui ve si.
Scene 2
Helhkam nei runa class room chhunga a awm lai chuan putar pakhat, kum 60 chuang mah tawh hmelpu, hmai tluak ret rut, mitmeng thip tak, fit 5’6 vel a sang, tiang, a vawnna lam hockey stick anga kual hawl hi a lo lut a.
“Ka pu eng nge ni ta, puih theihna ka nei che em,” tiin Conley chuan a han zawt a. Putar chuan, “Nang hi Professor Conley Hauhnar i ni em?” a ti a. A tiang hawl lai chu chhuatah a khawng kauh kauh a.
“Aw, ni e, eng thil nge ni ta ka pu?”
“Nang hi thlan chhuah pali zinga pakhat i ni, i thian thar turte pawh rei lo teah i hmel hriat mai ang, khawngaih takin naktuk dar sawmah ka inah lo kal ta che,” putar mitmeng thip tak chu a nelawm hran lo hle.
“Ka pu min hai chu a ni lo maw, khawiah nge i awm pawh ka hre si lo; tin, eng thil nge tih kan tum pawh ka hre bawk si lo,” bah deuh nuai hian a ti a.
Putar chuan, “Naktuk dar sawmah chuan lo kal la i hre mai ang, hei hi ka card a ni, ka in awmna chu i zawng chhuak thei ngei ang,” tiin card chu a pe a, a chhuak ta nghal a.
Conleya chu a in ngaihtuah buai kher mai. Eng thil nge maw ni ang le,’nang hi thlan chhuah pali zinga pakhat ini ’ a awmzia a hre lo kher mai. In a thlen hnuah pawh a la inngaihtuah buai nasa mai, tuten emaw fiamthu thawh nan an hmang pawh a ni thei; mahse, kha putar khan fiamthu hmel a pu tlat si lo.
Engpawhnise a tuka putar in zawn chhuah ngei chu tha a ti ta a. Rilru a siam fel hnu chuan tui takin a mu ta siai siai a. Zing dar ruk leh a chanve ah a harh a, inthiar pahin Vanglaini chanchinbu a chhiar a. Mahni a parawl a nih avangin ei leh in tur pawh amahin a siam vek thin, vawi hnih chu awmpui tur a duh thu chanchinbuah a chhuah tawh, tun thlengin chhangtu an la awm ta lo a ni.
Chaw a chhum a, fridge a Sangha trin a dah chu a kang zui a. Dar riat a rik chuan tukthuan a ei kham fel der tawh. Sana a han en a, muang changin a insiam a. Putar-in card a pek kha a han en nawn leh a. Lalthanliana, Tlangnuam, Phone nambar a inziak a. ‘Zawn chhuah a har vak dawn loh hi’ a ti a, a bike a la chhuak a, Tlangnuam lam pan chuan chak vak lovin a tlan chho ta a. Eng thil tak ni ang maw tiin a ngaihtuah neuh neuh a.
Scene 3
THE PLAN
Lalthanliana in chu cement concrete chhawng hnih a ni a. A hnuai zawk chu dawr atan miin an luah a.
Conley chuan kawngsir remchang laiah a bike chu a hung a, dawr lam chu a pan phei a, dawr nghaktu chu nu upa lam deuh, hmai pawh chuar ve tawh tak a ni.
“Ka pi, khawngaihin Pu Lalthanliana te in awmna min hrilh thei em,?” tiin a han zawt a. Pitar chuan, “ Vala, hei hi a lawm Pu Thanliana In chu, inchung lamah khian a awm ang,” nui deuh sang chungin a ti a.
“Ka lawm e ka pi,” tih pahin inchung lamah chuan a chho ta a. Kawngkhar bell a hmeh hmain a sana chu a han en zawk a, zing dar 9: 54 chiah a ni.
Bell chu a han hmet a, rei loteah tlangval dawlh kai zek zawk, fel hmel tak, kum 18 vel hmel pu hian kawng chu a rawn hawn sak a. “He inah hian kan lo lawm a che Professor,” a ti a. In chhungah chuan an inzui lut ta a.
Inchhung chu a changkang kher mai, chhuatah chuan marble mawi tak a inphah a. Inleng kawmna pindanah chuan TV lian zet mai hi a inhung ruau mai bawk. TV in hunna piah lawkah chuan computer a awm bawk. Bangah chuan Lemziak nalh tak tak a intar chuai a; tin, milim hlui pui puite, mihring luruhte, bawm mawi tak takte a in hung del dul bawk.
Inlengkawmna pindanah chuan nimina a hmuh putar kha in ngaihtuah muk hmel takin a lo thu a, kawngkhar rawn hawn saktu kha chu pindan dangah a lut zui nghal daih a, Putar thutna ep chiahah chuan tlangval hang lam deuh, hnar ngul nalh tak a thu a, putar bulah chuan mi pakhat kum 50 vel hmel pu, sam var vek, mitmeng thip tak hi a thu bawk.
Putar chuan, Conley chu thu turin a han sawm zui nghal a. Conleya pawh ngawi rengin an bulah chuan a thu ve ta a. Putar chuan, “Kan kim tep e,” ati a, a sawi zawh rual chiahin kawngkhar bell chu a rawn ri leh ta a. Nichina Conleya kawngkhar rawn hawn sak tu bawk kha a pindan atangin a lo chhuak a, kawngkhar chu a va hawn sak a, Inlengkawmna pindan ah hmeichhe pakhat hi a rawn hruai lut nghal a. A ni erawh chu a pindan ah a lut bo leh ta daih a.
Putara chuan, “Thu rawh, eng vanga rawn tlai nge i nih,?” a han ti zui a. “Traffic Jam vang a ni, pawi ka ti khawp mai,” ati a.
Remruata leh midang pahnih te chuan lo lut thar chu hmuhnawm ti takin an lo en thap a, hmeichhia, sam dar thleng vela zuah, ngo veng vawng, fit 5’7 vel laia sang, hmeltha zet mai a ni.
Putar chu a rawn ding a, “ Awle, tunah chuan kan kim ta, thu pawimawh tak ka sawi dawn a, ka sawi zawh hma chuan tuman zawhna min zawh loh hram ka duh dawn bawk, ka sawi zawh ah erawh in duh apiang min zawt thei ang,” a ti a. Midang te chu an ngawi thap a. An hmel han enin putar thusawi tur chu hriat an chak hle tawh tih a hriat mai.
Scene 4
TREE OF LIFE
Putar chuan, “A hmasain inhmel hriat tirna nei hmasa phawt ila a tha ang, hei hi Lalmawizuala a ni, Zuala tiin an ko thin, ani hi MPS a ni,tin, hei ka bula thu hi doctor a ni Lalngaihawma (Awmte-a) a ni ; tin hei kan hmeichhe neihchhun hi Lalduhzuali a ni, Rilru lam doctor a ni. Tin hei hi, Conley Hauhnar, Cambridge University atanga inzir chhuak ngat a ni. Kei hi chu Putara min ti mai rawh u, awle thil awih awm lo tak pawh a ni mai thei, awih ngei ngei tur pawhin ka beisei nghal ngawt lo che u. Amaherawhchu he thil hi thudik a ni, Bible ah ngei pawh a inziak a ni.
Pathianin mihring pahnih Adama leh Evi a siam kha kan hre theuh ang, an chenna turin huan mawi tak mai Eden-ah a siam saka, a hmingah pawh Eden Huan tih a ni. He Eden huan ah hian thingkung hlu tak pahnih a awm, pakhat chu a chhia leh a tha hriat theihna thing a ni, tin, huan lai takah chuan Nunna Thing a awm bawk, Adama leh Evi te chuan Pathian in ei loh tura a tih a chhia leh a tha hriatna thing rah chu an ei ta a. Tichuan, Adama leh Evi te chu Eden huan atang chuan hnawh chhuah an ni ta a.
Chu huan chu he kan chenna khawvelah hian a la awm reng a ni. Mi tamtakin he huan awmna hi zawn chhuah tumin an lo bei tawh, Michael Drosnin phei chuan, ‘The Exist Garden’ tih lehkhabu ropui tak a lo ziak tawh nghe nghe a ni. Bible a kan hmuh dan chuan he Eden-a huan ah hian Pison lui a luang lut a, he Pison lui hi Havilla zawng zawng hual tu a ni. Tin lui pakhat hming chu Gihon a ni, he Gihon hian Kus ram chu a hual vel bawk. Lui pakhat Hiddekel an tih chuan Eden huan hi a chawm bawk a ni.
Engvangin nge, nangni hi hetah hian ka koh khawm che u tih ka han sawi tawh ang e,” Putar chuan a bul dawhkana rial no a tui chu a han in khawlh a.
A sawi zawm leh nghal a, “Tichuan, he Eden Huan hi zawng chhuak turin ka duh che u a ni, chutah chuan Nunna thing a awm, chu thing rah ei te chu kum khuain an thi tawh dawn lo a ni, keimah ngeiin heng thil te hi tih duh mah ila, ka kum a lo upa tawh a, ka zuan a zang tawh lova, ka tan tih ngaihna a awm tawh lo. Ka tih theih loh ti turin nang ni pali hi ka thlang ta che u a ni. Internet atangin in chanchin kimchang ka hria a, eng ang mi nge in nih pawh ka hria, in blog pawh vawi tam tak ka chhiar tawh bawk. Pawisa tam tak ka nei; mahse, tunah hian chuap cancer ka neih avangin rei ka dam dawn tawh lo tih ka hria a.
“He Eden huana Nunna Thing chiah hi ka tan chuan dam leh theihna tura thil beiseiawm a ni tawh, chuvangin ka sum neih zawng zawngte chu he Eden huan zawn chhuah nan hian ka pe dawn che u a ni. Tunah chuan in duh apiang min zawt thei tawh ang,” Putar chuan a ti a, hah hmel takin thuthlengah chuan a thu leh ta a.
Chuti ang thu mak lutuk chu awih tur nge awih loh tur tih pawh an hre lo, mi pali te chu an ngawi thap a, Putar chuan, “Zawh duh in nei lo em ni,?” a han ti nawn leh a.
Chutah, Conley chuan, “Ka pu, hei hi thil theih loh hul hul hual niin ka hria, kei chuan thil awmze nei lova ka hun hman ral hi ka duh lo a ni, ka tel ve lo mai ang e,” a ti a.
Midangte pawh chuan Prof.Conley-a thu chu an rawn zawm sap sap a.
THE GARDEN OF EDEN
Chapter Two
SCENE 1
Putar chu chauh hmel takin a rawn ding chhuak leh a, “Naute u, in thusawi chu ka hrethiam e, in tan awih ngaihna a awm lo reng a ni. Kum sawm liam ta kum 2010 February ni 19 zan khan ka pa library ah lehkhabu chhiarin ka thu a,eng dang mah ngaihtuah lova lehkhabu ka chhiar mawlh mawlh lai chuan current a rawn thim a. Tichuan Mombati ka chhi a, lehkhabu chu ka chhiar zawm leh a, rei pawh ka chhiar hman lo, ka lo muthlu sek a ni ngei ang, ka mombati chhit chu a lo alh ral tep tawh, ka harh zawk a, mombati chuan a hunna dawhkan a ti kang a, a alh ta hluai mai, ka pa Library chhungah chuan kang mei a chhuak ta a ni.
Hmanhmawh takin choka lamah ka tlan phei a, tui tin hnih zet khai chungin mei alh chu ka thelh mit thei hram a; mahse, vanduai thlak takin lehkhabu zawng zawng chu a kang chhe hman deuh vek a ni ber, lehkhabu pakhat erawh chu him pialin a lo awm a, a bula lehkhabu dangte chu a kang ut chhe vek lawi si, tichuan chu lehkhabu chu ka la a, ka han en chiang a, Map a ni tih ka hre ta mai a ni.
Ka pa chuan min boralsan tawh, keimah ang bawkin lehkhabu chhiar peih em em a ni a, lehkhabu pawh a ngah hle bawk. Ka pa library ah hian hun awl ka neih chang apiang chuan ka awm thin a ni.”
Putar thusawi chu ngaihnawm ti takin mi pali te chuan an ngaithla thap a.
“ Chu lehkhabu chu lehkhabu mak tak mai a ni tih ka hre ta a, vawi tam tak zirin ka chhiar chhuak tawh a. A lehkhabu hming chu “ The Garden Of Eden’ tih a ni, a ziaktu pawh ka pa ngei a ni bawk, lehkhabu ka han ti hluai tak naa, a nihna takah chuan kut hmanga ziak, chilh khawm a ni. A hmaa ka sawi tawh ang khan lehkhabu-ah chuan Map a awm a, chu Map chuan Eden huan awmna lai a ti lang tlat a ni, chu Eden-a huan chu he kan chenna khawvelah hian a la awm a, ka thih hma ngeia zawng chhuak turin nangni pali hi ka thlang chhuak ta che u a ni, chu Eden huanah chuan Nunna Thing chu a la ding reng bawk,” a ti a.
Mi pali te chuan an bangbo kher mai, Eden huan tih lam chu an lo ngaihtuah ngai hauh lo. A awm ngei a ni tih erawh chu Bible atangin an hria. Mahse, khawiah nge a awm tih erawh hriat chhuah rual niin an hre lo a ni.
SCENE 2
Putar chuan Map chu a han pharh ta a, “Hei hi Hiddekel, a ni, hei hi Gihon a ni, hei hi Euphates a ni, heti ang hmun zawng zawng hi tun thlengin hmuh theihin ala awm reng a, Euphrates atang hian in hna bul chu in tan dawn a ni,” a ti a, a tawng hnem tawh avangin a chau deuh hle tawh tih a lang.
Arabia ram thlaler lum huam huam mai chunga an thlawh lai chuan Conley chu a in ngaihtuah nasa hle, an thil tih tum huphurhawm zia chu a ngaihtuah neuh neuh a.
Mahse, phurna tak a nei tlat. Eden Huan chu he khawvelah hian a lo la awm tak tak a nih chuan an hmuhchhuah ngei a ring tlat a ni.
Duhzuali pawhin an thil tihtur chu awih har a ti khawp mai. Fiamthu mai maite pawh ang a ti lek lek zawk, a kuta Map chu a han en a, Euphrates lui luanna bul a pen tui sen hmanga chhinchhiahna inziak chu a en a. A bangbo a ni.
Thiamna hrang hrang hrang nei mi pali te chuan an hna tan turin hma an la ta a, Khawiah nge Eden chu a awm ang le?
SCENE 3
Euphrates luipui luang cham dul mai chu zawhin mi pali te chuan an tum ram chu an pan zel a. Harsatna leh buaina tam tak an hmachhawn a ni.
Thlawhna chu Tel Aviv ah a tum a, Conley chuan, “Tiru le, room hauh lawk sak kan ni tawh a, chutah chua i va in dah lut phawt teh ang u,” a ti a. A thiante pawh chuan Conley-a thu chu an zawm nghal dial a.
An bungruate an dah that hnu chuan, hna bul tan turin an thawk chhuak tan ta a ni. Euphrates lui lam panin thian pali te chu an kal a. Arabia thlaler lum vin tuk mai chu tawrh hahthlak tham zet a ni ve a ni.
Euphates lui chu a luang cham duai a, chu lui chuan hmasang ata tawh ropuina danglam tak a lo nei tawh thin. Mahse, tunah chuan tunhmaa a ropuina ang kha a pha tawh lo. Eng kim mai chu a buarchuarin ahnawk neih nuaih tawh a. Pyramid tla bal hem huam te leh vaivut inthuah thip urh te chu hmuh tur awm chhun a ni mai.
Awmtea chuan, “Hei hi maw kan tih tur chu,” tiin bang bo zetin a thiante chu a han en a.
Duhzuali chuan uluk takin map chu a lo en vang vang thung a, “Heti ang map hi tu siam nge maw ni dawn le, tunlai khawvelin kan hman mek map nen hian a in ang lo tlat a ni,” a ti a.
Conley chuan, “Genesis bu hi a ziaktute ngei pawhin hmanlai thil, an hriat chian tak tak loh, chhui fiah theih tawh si loh an ziak ve mai a ni. A hnu zela ziak chhawng (Copy) tute pawhin an tisual palh thei bawk, Eden Huan hi he khawvelah hian a awm tak tak meuh em tih pawh hi ngaihtuah fe tham chu a ni hrim hrim,” a rawn ti ve bauh a.
Tel Aviv ah ei tur chakkhai eng emaw zat an lei lawka, tui an mamawh dawn tih an hriat avangin ei tur lam ai mahin tui an pai tam zawk a ni.
SCENE 4
Khua a tlai lam ta, unau hmel hai vel a ni tawh ang, kal zel chi rual niin a lang tawh lo. Puanin kaih parh theih chi an ken chu an kai parh a, thlaler vaivut zingah chuan mut zai an rel ta hlawm a. Mut hmunah thukhawchang sawiin eng emaw chen chu an han inkawm tlang leh rih a, Historian tih takah Conley chuan thil a hre viau mai, midang chuan a khabe liam an châng a ni deuh ber mai.
Eden Huan chungchanga a ngaihdan a sawi chu midangte chuan an ngaithla thap a, “Hebrai tawnga Eden awmzia chu, nuam, hlimawm (delight, Pleasure)- tihna a ni a, Bible a a lan dan ah Eden hi huan ni in a lang lo, huan hming ni lovin Eden- ramah huan a awm zawk niin a lang. He huan chanchin ziaktu hi Palestina ram a awm ni ngeiin a lang a, a chhan chu Babulon leh Assuria ram te pawh chhak lam tiin a sawi tlat a ni. Hebrai ho ngaihdanah phei chuan Babulon ram hi mihring lo din chhuahna leh finna lo chhuahna nia ngaih a ni nghe nghe awm a sin, “ a ti a.
Mawizuala chuan, “ Hei map atanga a lan danin Tigris leh Euphrates inkar lui ruam Mesopotamia ramah Eden huan hi a awm ngei niin a lang,” a rawn ti ve leh a.
Ngaihdan hrang hrang sawiin an inkawm bawrh bawrh a, zan dar 1 rik dawnah an muhil ta chauh a. Zan boruak pawh chu chhun lam ang thovin a lum huam huam reng mai.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE GARDEN OF EDEN BY Puitea Tuallawt
THE GARDEN OF EDEN
CHAPTER THREE
“Faith-Acceptance of which we imagine to be true, that which we cannot prove,”
Dan Brown
Scene 1
Ni sat dan chu rapthlak tham a ni. Thlaler zaupui mai inpharh duai maiah chuan mi pali te chu chau tawh tih hriat takin an kal hnak hnak a, tawng peih pawh an awm tawh lo. Engtia rei nge he thlalerah hian an la kal dawn an hre lo, engkim mai ren a ngai tih an hria, an tui pai pawh nikhatah rial no hnih bak in awih loh tiin thu an thlung thlap a. An hmalam zawng zawng chu thlaler vek a ni a, ram ngaw emaw tui emaw hmuh tur reng reng a awm lo, thlaler ram ro vaivut ro leh pui takin ro a relna hmun a ni tlat. An map kena a lan dan chuan tunah hian Israel ramri chin pelin chhak lam hawi zawngin an kal zel a ni.
Lalngaihawma chuan, “Heti ringawt te chuan tui hal dang charin kan thi thuai dawn a nih hi, kan putara khan keini ho hi min tih hlum vek a tum a ni ngei ang,” a han ti teh ngawt a. A dang ro lutuk chu thawk pawh a thaw tha hlei thei tawh lo, an hmalam a han en thin, thingkung emaw hnimhnah emaw, hmuh tur a awm lo, daihlim lah chu hmeithai ina til zawn ang maia vang a ni. An tui neihchhun lah chu a tlem sawt hle mai si.
“Duhzual, khawngaihin tui no khat kha min han thlit leh hram mai teh, ka dang ro lutuk hi awm ngaihna pawh ka hre tawh lo,” Mawizuala chuan a rawn ti a.
Duhzuali chuan, “Ni love, thu kan tiam tlang tawh, ni khatah tui no hnih bak in awih a ni lo, vawiinah no hnih theuh kan in tawh,a bak chu tuman kan beisei thei tawh lovang,” a ti khauh bur mai si.
Mawizuala chau lutuk leh dangchar tuihal tawh si chu thlaler vaivut zingah chuan a tlu ta thlawp a.A hmui duk chur mai chu a thi ser ser bawk a. Hriat theih chang changa zawi hian.”Thiante u min kalsan mai rawh u, kei chu helaiah hian ka tawp dawn, Tel Aviv lam pan ka tum ang, compass pakhat min pe ula, ka inhai kaw ve thei mai ang,” a ti ta thlawt mai.
Zep lovah chuan midang pathum Duhzuali , Awmtea leh Conley te pawh an chau tawh khawp mai.
Conley chuan, “Duhzual, naktuka ka tui in ai kha Mawizuala hi pe mai teh, a thi thei tak tak mai dawnin ka hria, khawngaihin,” a han ti a.
Duhzuali chuan inthiam lo deuh takin a tuithawl hnungpuak chu vaivut zingah chuan a han nghat a, rial no khat pap hi a han thli chhuak a, ni khaw hre mang lova let reng Mawizuala kaah chuan a zu far tir kauh kauh a, Mawizuala chu a rawn che deuh a, harsa ti takin a mit a rawn meng a, a bula Duhzuali lo thingthi niai leh a kuta tui awm chu a han hmu a, “Khawngaihin,” tiin a phun sap a, a maimitchhing zui leh ta nghal a.
Mangang takin Duhzuali chuan Mawizuala chu a han nem nawk nawk a, Awmtea leh Conley te pawhin an rawn thut chilh ve tawh a. A dinhmun a tha lo hle tih chu tumah in hrilh an ngai lo.
Conley chuan Mawizuala awm chu a han nem dawt dawt a, Mawizuala ka atang chuan chil phuan a rawn chhuak nguah nguah a, a mar chu a han dek a, phu tur a lo awm tawh lo.
Conley chuan hnuk ulh teuh chungin Mawizuala awmah chuan thawk tir leh tumin a la nem ngat ngat a, a bul lawka thu Awmte-a chuan, “Professor, inti hah duh tawh suh, Mawizuala chu a kal tawh,” tih pahin Conley darah chuan a rawn dawm a.
Scene 2
Pali kha pathum an ni ta, a la dam chhunte pawh eng ruai an ni tawh lo. Tui awmna hmun an thlen vat loh phei chuan he thlaler koham tak hian a lem zo vek dawn tih a chiang reng mai.
An thianpa ruang kalsan chu har an ti tlang kher mai. Vaivut zinga a han inphum riral ringawt mai tur chu ngaihthiam a har a ni. A hma lawk pawn an bula a kal ve a, a hlim thei a, fiamthu a thawh peih reng a, an zavaiin an uiin an ngai theuh a ni.Ruang bulah ding hualin an kutah an inkai theuh a, Lalpa tawngtaina an sawi rual a.
Duhzuali chu a inthiam thei ngang lo, Mawizualan tuisik no khat chauh a dil laia a lo pe duh lo kha a ti dik lo nasa hle niin a hria, Mawizuala thih chhan pawh chu amah ngei chu niin a inhriaa, hrehawm a ti kher mai.
An hmalama thlaler in pharh cham duai mai chu an han thlir vang vang a, an map kena a in chhinchhiah dan chuan he thlaler hi a dung lam Km 60, a väng lam Km 50 vel zet a zau a ni.
Tunah hian km engzat nge an kal tawh tih an hre lo, hmalam chu an tawng pawng pan tawp ringawt mai a ni. An chauh tawh hlawm em avangin inbe peih pawh an awm tawh lova; tin, an thianpa thihna chuan a nghawng na hlawm hle a. Rei lo teah an thianpa chan ang chu an chang ve thei tih an inhre tlang vek bawk, chuti ang rilru an neih miau avangin phur taka tawng chu har tak a ni tawh reng a ni.
Mawizualan a boralsan hnu atang chuan an tuisik pai pawh bituk awm lovin an mamawh ang tawk tawk an in ta hlawm a; mahse, Mizo tlawmngaihna dik tak nei an nih theuh avangin chuti anga tui in tur phal rai a nih avang ngawtin tui chu duh tawk tawkin an in phah chuang lo, thiante tan an kian zel duh zawk a ni.
Scene 3
Thlaler vaivut inthuah thip muk tlat kara ni thum leh zan thum zet hun an hman hnuah ral khat hla taka hmun hring deuh niawm tak lo awm chu an hmu ta, Conley chuan a map ken chu a han en nghal vat a, chu map atanga a lan dan chuan chu lai chu Tigris leh Euphrates inkar niin a lang. Chu lai hmun chu Eden chu ni ngeiin a lang bawk. An lawm em avangin tui hal leh hah pawh hre chang tawh lo, an tha thum tawh te chu tuaitharin a rawn awm leh a, hmanhmawh takin an thil hmuh lam pan chuan an kal hlawm a.
A lan dan chuan darkar khat velah hmun hring awmna chu an thleng mai turah an ngai a; mahse, darkar 5 zet an kal leh hnu pawhin an khawmual hmuh chu an la thleng thei ta chuang lo, tlai thim pa ar ek a ni tawh a, khaw thim chhiat tak tak hmaa thlen ngei tumin theihtawp chhuahin hmun hring awmna lam chu an pan tawk tawk zel a.
Mahse, Rih artui phur ang chauh an ni, tui lah chu rial no hnih vel bak an nei tawh si lo, ei tur an pai pawh zing lamah an ei zo vek tawh. An tum ram chu an thleng vat lo a nih vaih chuan helai thlaler nelawm loh zetah hian an tlu hlum vek dawn tih an hre tlang theuh a, an hmanhmawh a ni.
Hmun hring awmna chu map-in Eden ram awmna hmun a kawhhmuhna lam a ni chiah bawk. Eden chu hmun hming niin a lang, chu mi hmunah chuan Huan pakhat a awm tih chu an hriat dan a ni bawk.
.
Eden huan atang hian lui pali a luang chhuak a, chungte chu Pison, Gihon, Hiddekel leh Euphrates a ni. Tuna an awmna lai hi Tigris leh Euphrates inkar vel niin an hria. An hma lawka khawmual chu Eden chu ni ngeiin a lang.
Khua a thim chiang ta hle mai; mahse, mi pathumte chuan riahbuk sual mai pawh tum lovin an beisei ram lam chu an pan tauh tauh a, hmun hring an hmuh atang a darkar 12 vel zet an kal leh hnuah hmun hring awmna chu an chuang kai ta hlawl mai a ni;mahse, a tu a te pawh chu an chau tlang tawh hle a. Hmun hring awmna an thlen rualin tui inkhawh thla ri niawm tak hi an hria a, thei leh thei lovin chu lam chu an pan leh ta hlawm.
An beisei ang ngeiin tui khawhthla chu a lo awm ngei a, chu tui khawhthla chuan lui lian tak mai a siam a, tui an hmuh rualin an zuang lut nghal bawr bawr a. An hlim em avangin an ri chel chul mai a ni.
Scene 4
Duh thala tui an chên hnuah, thingbuk zar hlim hnuaiah thuin, an map ken chu an han pharh a, pen tui sena in rinbial na lai tak chu Eden-a huan awmna chu niin a lang, an chauh tawh em avangin riahbuk sual phawt an ti thlu a. Mei an chhêm a, an bag-ah chu lukhamah hmangin thingbuk hlim hnuaiah an mu ta hlawm a. Mihring sulhnu hmuh tur reng reng a awm loh danah, he lai hmun hi mihring tumahin an la tlawh pawh ngai lo niin a lang.
Khaw var chian fe hnuah an tho sang sang a, Conley chuan a sana a han en a; mahse, sana chu a lo thi reng mai. A han thing nawk nawk a,engmah a sawt si lo.
“Duhzual, i sana han en ve teh,?”tiin a han zawt a.
Duhzuali chuan a sana chu a han en ve nghal vat a, a lo thi ve tho mai, Awmtea sana pawh a thi ve hmak bawk. An ngaih chu a tha vak lo tlang hle a ni.
Boruak chu a thiang nuam hle a, Thingkung ding te chu an lianin an upa tawh hle tih a hriat theih bawk. Luiah chuan sangha chi hrang hrang an leng nuai nuai a, ei tur lamah chuan an phang dawn lo tih an hre nghal mai.
Coley leh Awmtea chuan an chemte ken hmangin thing an suih zum a, sangha chu chhun tumin lui lamah chuan an phei a, chutih lai chuan Duhzuali chuan mei a lo chhem ve mek bawk. Rei lo têah sangha lian zet mai pahnih kengin Conley leh Awmtea te chu inti thei zetin an rawn lang a, Duhzuali mei chhemah chuan an sangha man chu an rawh a. Tui ti takin an ei ta hlawm a.
Helai hmun hi Eden ram chu ni ngeiin a lang; an map kenah chuan Eden hmun chu pentui senin a inrin bial kalh a;mahse, Eden-a huan awmna lai tak chu khawiah nge tih erawh chhinchhiahna a awm tlat lo.
Tukthuanah chhangthawp khawro tlemte an la neih chu an ei a, Conley chuan ruahmanna a han siam ta a, “ Duhzuali hi hmar lamah kal se, nang Awmte, kan hma lam ah hian kal la, kei, chhim lamah ka kal ang, ni tlak hma in hetah hian inhmuh khawm leh vek kan tum dawn nia,” a han ti a. Tichuan kawng hran theuh zawhin an inkal san ta hlawm a ni.
He Eden khawmualpui hi eng ang chiaha zau nge a nih hriat theih a ni lo, Conley chuan a compass hmangin an awmna lai chu zawn chhuah a han tum a; mahse, compass chuan hna a thawk thei tlat lo. Khawl thil lam reng reng chu he khawmual ah hian hman theih a ni lo, a mobile phone pawh a thi (switch off) hmak mai a ni.
Scene 5
Duhzuali chuan a chem kenin kawng a sial chawp zel a, an awmna hmun hi khawi lai nge ni ang le? Eden chu a ni tak tak chiah em tih pawh ngaihtuah tham fe niin a hria.
Awmtea pawhin ram pilril lam chu a pan zel a, thingkung lian pui pui te chuan a hmalam kawng chu a hliah thim mup a. A bul velah chuan nungcha chi hrang hrang an chiar nawk nawk a.
Chawhnu lam a ni tawh, Conley hlimthla pawh chu a lang sawl puau tawh a, a hma lawka lui luang ri hawr hawr chu a va hmu ta, hei hi Pison lui emaw Gihon lui emaw a ni thei mai ang em. Hmanhmawh takin lui awmna lam chu a pan phei a.
Tuiah chuan a han zuang lut nghal bawrh a, hah dam huai huai huaiin a inhria a. Duh tawka tui a chen zawh hnu chuan hmalam panin a kal leh ta a, rei lo teah a hma lawkah chuan chhimbal niawm tak zam phui chuk mai hi ava hmu ta ni.
Hmanhmawh takin chu lam chu a pan phei a. Chhimbal zam chuaina hmun a thleng tep tihin a taksa chu a rawn hik chuai a, electric current chak takin a man ang mai ni berin a hria, a let nghal tawp a, a kut ding lam chu a ban puam bul takah a chhum nghal hmawk a, thisen a chhuak nghal zawih zawih a, a mit sulh sulh a, “Duhzual, Awmte, ka hmu e, ka hmu e,” a ti a, ni khaw hre lovin a tlu ta nghal a.
THE GARDEN OF EDEN- 4
“....chutichuan mihring chu a hnawt chhuak ta a; tin, nunna thing kawng chu vêng turin Eden huan chhak lam pangah chuan Cherub-te leh mei khandaih vir tawn zawk zawk chu a awmtir ta bawk a.”
-Genesis 3:24
RECAP
.....Hmanhmawh takin chu lam chu a pan phei a. Chhimbal zâm chuaina hmun a thleng tep tihin a taksa chu a rawn hik chuai a, electric current chak takin a man ang mai ni berin a hria, a let nghal tawp a, a kut ding lam chu a ban puam bul takah a chhum nghal hmawk a, thisen a chhuak nghal zawih zawih a, a mit sulh sulh a, “Duhzual, Awmte, ka hmu e, ka hmu e,” a ti a, ni khaw hre lovin a tlu ta nghal a....
MISSING PROFESSOR
An sawi lawk tawh angin Duhzuali leh Awmte-a te chuan an riahbuk sualna lam chu an pan leh tawh a, a rual deuh thawin an thleng a ni. Mei an nuna an sangha ei bang la awm chu an han rawh leh a, rei lo teah Prof.Conley pawh a rawn lang mai turah an ngai a ni. Mahse, an beisei angin Conley chu a rawn lang ta mai hauh lo.
Reife an nghah hnuah pawh Conley hmel a rawn lan tak mai loh avangin an ngaih a tha lo hle mai. Khua lah chu a thim chiang tawh nasa si, han vah chhuah na chi rual a ni tawh si lo. Tui vak lovin an mu a, a tuk khaw en ruala Conley zawn chu an ti thlu ta a ni.
Khaw en rualin Duhzuali leh Awmtea chu an tho nghal a, Awmtea’n sangha pakhat a va man leh a, hmanhmawh takin an rawh sawk sawk a, an ei zawh hnuah Conley zawng tur chuan an chhuak dun ta a.
Conley sulhnu chu chhui a har vak lo, an kal zel a, tlai ni tlak hma hretin ram palaileng a thisen chiah piah nuaih kara Conley lo tlu reng chu an va hmu ta a ni.
Hmanhmawh takin an pan phei nghal a. Thisen luang kawi nuai zingah Conley-chu ban dinglam nei tawh lovin a lo let hlawm reng a. Thisen a hloh hnem lutuk avangin nikhua a hre tawh lo. Awmtea chuan a mar chu a han dek a, chhan tlak a awm tawh lo tih a hre thei nghal mai.
GATES OF EDEN
Duhzuali chuan an hma lawka chhimbal niawm tak zam paw phuai mai chu ava hmu ta a, “ Awmte, han en teh, kan hma saw, chhimbal a ni tiraw?” a han ti a.
“Ni ngeiin a lang; mahse, chhimbal te chu vanah chauh a lawm a zam thin, engtin nge leiah chhimbal a zam theih ang ni,” makti takin an hmaa chhimbal niawm tak eng paw phut mai chu an thlir dun vawng vawng a.
Hei hi Eden Huan kawngkhar chu a ni thei ang em? Conley-a kut bung leh he chhimbal zâm hian inzawmna a nei ang em?
An kuta inkai dun rial chungin an hmaa chhimbal niawm tak zam paw chuai mai awmna lam chu muang changin an pan phei dun ta a. An hnaih telh telh a, boruak a vawt tial tial a, an thaw khu hlat hlat a, chutah thawm rapthlak tak mai, ri fur fur mai hi an hre ta. Chu chhimbal zam karah chuan, thil êng tle vur mai, chhuk leh chho zawnga lo invai vir tawn zawk zawk mai hi an hmu ta, thlabar takin an te chhuak dun rawi a, inring hman lek lovin hnung lamah an tlu dun nghal hawl hawl a.
THE GUARDS
Chhimbal emaw an tih chu chhimbal tak tak ni lovin kawngkhar ni zawkin a lang, chu kawngkhar chu chem lian leh sei tak vir tawn zawk zawk hian a hliah a, kawngkhar a lut tur chuan chem vir tawn zawk zawk chu paltlang ngei a ngai tih pawh an hmu chiang ta.
Duhzuali chuan thlabar takin Awmtea chu a kuah bet tlat a, “Awmte, saw saw Eden huan luhna kawngkhar chu a ni ngei ang; mahse, luh ngaihna a awm lo a nih saw....” a han ti a. An awmna hmun chu a vawh em avangin an taksa chu a hit na vawng vawng a.
Awmtea chuan khur bauh bauh chungin, a bag atangin entlang a han phawrh a, uluk takin an hmalam chu a han thlir a, hlauh avang khur hlawk hlawk chungin a entlang chu a thlauh nghal bawl a. Beidawng tih hriat takin a rum chhuak hawk a.
Duhzuali chuan rang takin Awmtea entlang thlauh chu chharin chhimbal zamna lam chu a han thlir ve ta a, mihring pianhmang anga lang, an hnung lama thla lian pui nei pahnih ding hi a va hmu a, Vantirhkoh ni ngeiin an lang, chung mi pahnih te chuan khandaih lian pui hi an keng a, hmuh hman loh khawp a rang hian an khandaih chu a in vai vir kual zawk zawk a.
Eden huan chhung a luh chu mihring tan tih ngaihna reng reng a awm lo tih a hmu chiang ve ta a ni. Haw lehna tur kawng a han ngaihtuah a,a bing mum mum ni berin a inhria, tun dinhmunah chuan haw leh chu a tina tin chhin ngam rual a ni tawh lo. He Eden-a Huan kawngkhar bulah hian a lei hringnun hunbi chu a chhiar tawp mai dawn em ni ta ang le?
Vawt tih avanga khur bauh bauh chung Awmte a chuan, a hmalama chu a thlir tlawk tlawk a. Eden huan chu he khawvel-ah hian a lo la awm ngei a ni; mahse, midangte hnenah engtin nge an puanzar theih tak ang. Khawvela huan ropui leh mawi ber kawngkhar bulah hian engmah ti thei si lovin a tham ral mai dawn em ni ang le?
CHAPTER THREE
“Faith-Acceptance of which we imagine to be true, that which we cannot prove,”
Dan Brown
Scene 1
Ni sat dan chu rapthlak tham a ni. Thlaler zaupui mai inpharh duai maiah chuan mi pali te chu chau tawh tih hriat takin an kal hnak hnak a, tawng peih pawh an awm tawh lo. Engtia rei nge he thlalerah hian an la kal dawn an hre lo, engkim mai ren a ngai tih an hria, an tui pai pawh nikhatah rial no hnih bak in awih loh tiin thu an thlung thlap a. An hmalam zawng zawng chu thlaler vek a ni a, ram ngaw emaw tui emaw hmuh tur reng reng a awm lo, thlaler ram ro vaivut ro leh pui takin ro a relna hmun a ni tlat. An map kena a lan dan chuan tunah hian Israel ramri chin pelin chhak lam hawi zawngin an kal zel a ni.
Lalngaihawma chuan, “Heti ringawt te chuan tui hal dang charin kan thi thuai dawn a nih hi, kan putara khan keini ho hi min tih hlum vek a tum a ni ngei ang,” a han ti teh ngawt a. A dang ro lutuk chu thawk pawh a thaw tha hlei thei tawh lo, an hmalam a han en thin, thingkung emaw hnimhnah emaw, hmuh tur a awm lo, daihlim lah chu hmeithai ina til zawn ang maia vang a ni. An tui neihchhun lah chu a tlem sawt hle mai si.
“Duhzual, khawngaihin tui no khat kha min han thlit leh hram mai teh, ka dang ro lutuk hi awm ngaihna pawh ka hre tawh lo,” Mawizuala chuan a rawn ti a.
Duhzuali chuan, “Ni love, thu kan tiam tlang tawh, ni khatah tui no hnih bak in awih a ni lo, vawiinah no hnih theuh kan in tawh,a bak chu tuman kan beisei thei tawh lovang,” a ti khauh bur mai si.
Mawizuala chau lutuk leh dangchar tuihal tawh si chu thlaler vaivut zingah chuan a tlu ta thlawp a.A hmui duk chur mai chu a thi ser ser bawk a. Hriat theih chang changa zawi hian.”Thiante u min kalsan mai rawh u, kei chu helaiah hian ka tawp dawn, Tel Aviv lam pan ka tum ang, compass pakhat min pe ula, ka inhai kaw ve thei mai ang,” a ti ta thlawt mai.
Zep lovah chuan midang pathum Duhzuali , Awmtea leh Conley te pawh an chau tawh khawp mai.
Conley chuan, “Duhzual, naktuka ka tui in ai kha Mawizuala hi pe mai teh, a thi thei tak tak mai dawnin ka hria, khawngaihin,” a han ti a.
Duhzuali chuan inthiam lo deuh takin a tuithawl hnungpuak chu vaivut zingah chuan a han nghat a, rial no khat pap hi a han thli chhuak a, ni khaw hre mang lova let reng Mawizuala kaah chuan a zu far tir kauh kauh a, Mawizuala chu a rawn che deuh a, harsa ti takin a mit a rawn meng a, a bula Duhzuali lo thingthi niai leh a kuta tui awm chu a han hmu a, “Khawngaihin,” tiin a phun sap a, a maimitchhing zui leh ta nghal a.
Mangang takin Duhzuali chuan Mawizuala chu a han nem nawk nawk a, Awmtea leh Conley te pawhin an rawn thut chilh ve tawh a. A dinhmun a tha lo hle tih chu tumah in hrilh an ngai lo.
Conley chuan Mawizuala awm chu a han nem dawt dawt a, Mawizuala ka atang chuan chil phuan a rawn chhuak nguah nguah a, a mar chu a han dek a, phu tur a lo awm tawh lo.
Conley chuan hnuk ulh teuh chungin Mawizuala awmah chuan thawk tir leh tumin a la nem ngat ngat a, a bul lawka thu Awmte-a chuan, “Professor, inti hah duh tawh suh, Mawizuala chu a kal tawh,” tih pahin Conley darah chuan a rawn dawm a.
Scene 2
Pali kha pathum an ni ta, a la dam chhunte pawh eng ruai an ni tawh lo. Tui awmna hmun an thlen vat loh phei chuan he thlaler koham tak hian a lem zo vek dawn tih a chiang reng mai.
An thianpa ruang kalsan chu har an ti tlang kher mai. Vaivut zinga a han inphum riral ringawt mai tur chu ngaihthiam a har a ni. A hma lawk pawn an bula a kal ve a, a hlim thei a, fiamthu a thawh peih reng a, an zavaiin an uiin an ngai theuh a ni.Ruang bulah ding hualin an kutah an inkai theuh a, Lalpa tawngtaina an sawi rual a.
Duhzuali chu a inthiam thei ngang lo, Mawizualan tuisik no khat chauh a dil laia a lo pe duh lo kha a ti dik lo nasa hle niin a hria, Mawizuala thih chhan pawh chu amah ngei chu niin a inhriaa, hrehawm a ti kher mai.
An hmalama thlaler in pharh cham duai mai chu an han thlir vang vang a, an map kena a in chhinchhiah dan chuan he thlaler hi a dung lam Km 60, a väng lam Km 50 vel zet a zau a ni.
Tunah hian km engzat nge an kal tawh tih an hre lo, hmalam chu an tawng pawng pan tawp ringawt mai a ni. An chauh tawh hlawm em avangin inbe peih pawh an awm tawh lova; tin, an thianpa thihna chuan a nghawng na hlawm hle a. Rei lo teah an thianpa chan ang chu an chang ve thei tih an inhre tlang vek bawk, chuti ang rilru an neih miau avangin phur taka tawng chu har tak a ni tawh reng a ni.
Mawizualan a boralsan hnu atang chuan an tuisik pai pawh bituk awm lovin an mamawh ang tawk tawk an in ta hlawm a; mahse, Mizo tlawmngaihna dik tak nei an nih theuh avangin chuti anga tui in tur phal rai a nih avang ngawtin tui chu duh tawk tawkin an in phah chuang lo, thiante tan an kian zel duh zawk a ni.
Scene 3
Thlaler vaivut inthuah thip muk tlat kara ni thum leh zan thum zet hun an hman hnuah ral khat hla taka hmun hring deuh niawm tak lo awm chu an hmu ta, Conley chuan a map ken chu a han en nghal vat a, chu map atanga a lan dan chuan chu lai chu Tigris leh Euphrates inkar niin a lang. Chu lai hmun chu Eden chu ni ngeiin a lang bawk. An lawm em avangin tui hal leh hah pawh hre chang tawh lo, an tha thum tawh te chu tuaitharin a rawn awm leh a, hmanhmawh takin an thil hmuh lam pan chuan an kal hlawm a.
A lan dan chuan darkar khat velah hmun hring awmna chu an thleng mai turah an ngai a; mahse, darkar 5 zet an kal leh hnu pawhin an khawmual hmuh chu an la thleng thei ta chuang lo, tlai thim pa ar ek a ni tawh a, khaw thim chhiat tak tak hmaa thlen ngei tumin theihtawp chhuahin hmun hring awmna lam chu an pan tawk tawk zel a.
Mahse, Rih artui phur ang chauh an ni, tui lah chu rial no hnih vel bak an nei tawh si lo, ei tur an pai pawh zing lamah an ei zo vek tawh. An tum ram chu an thleng vat lo a nih vaih chuan helai thlaler nelawm loh zetah hian an tlu hlum vek dawn tih an hre tlang theuh a, an hmanhmawh a ni.
Hmun hring awmna chu map-in Eden ram awmna hmun a kawhhmuhna lam a ni chiah bawk. Eden chu hmun hming niin a lang, chu mi hmunah chuan Huan pakhat a awm tih chu an hriat dan a ni bawk.
.
Eden huan atang hian lui pali a luang chhuak a, chungte chu Pison, Gihon, Hiddekel leh Euphrates a ni. Tuna an awmna lai hi Tigris leh Euphrates inkar vel niin an hria. An hma lawka khawmual chu Eden chu ni ngeiin a lang.
Khua a thim chiang ta hle mai; mahse, mi pathumte chuan riahbuk sual mai pawh tum lovin an beisei ram lam chu an pan tauh tauh a, hmun hring an hmuh atang a darkar 12 vel zet an kal leh hnuah hmun hring awmna chu an chuang kai ta hlawl mai a ni;mahse, a tu a te pawh chu an chau tlang tawh hle a. Hmun hring awmna an thlen rualin tui inkhawh thla ri niawm tak hi an hria a, thei leh thei lovin chu lam chu an pan leh ta hlawm.
An beisei ang ngeiin tui khawhthla chu a lo awm ngei a, chu tui khawhthla chuan lui lian tak mai a siam a, tui an hmuh rualin an zuang lut nghal bawr bawr a. An hlim em avangin an ri chel chul mai a ni.
Scene 4
Duh thala tui an chên hnuah, thingbuk zar hlim hnuaiah thuin, an map ken chu an han pharh a, pen tui sena in rinbial na lai tak chu Eden-a huan awmna chu niin a lang, an chauh tawh em avangin riahbuk sual phawt an ti thlu a. Mei an chhêm a, an bag-ah chu lukhamah hmangin thingbuk hlim hnuaiah an mu ta hlawm a. Mihring sulhnu hmuh tur reng reng a awm loh danah, he lai hmun hi mihring tumahin an la tlawh pawh ngai lo niin a lang.
Khaw var chian fe hnuah an tho sang sang a, Conley chuan a sana a han en a; mahse, sana chu a lo thi reng mai. A han thing nawk nawk a,engmah a sawt si lo.
“Duhzual, i sana han en ve teh,?”tiin a han zawt a.
Duhzuali chuan a sana chu a han en ve nghal vat a, a lo thi ve tho mai, Awmtea sana pawh a thi ve hmak bawk. An ngaih chu a tha vak lo tlang hle a ni.
Boruak chu a thiang nuam hle a, Thingkung ding te chu an lianin an upa tawh hle tih a hriat theih bawk. Luiah chuan sangha chi hrang hrang an leng nuai nuai a, ei tur lamah chuan an phang dawn lo tih an hre nghal mai.
Coley leh Awmtea chuan an chemte ken hmangin thing an suih zum a, sangha chu chhun tumin lui lamah chuan an phei a, chutih lai chuan Duhzuali chuan mei a lo chhem ve mek bawk. Rei lo têah sangha lian zet mai pahnih kengin Conley leh Awmtea te chu inti thei zetin an rawn lang a, Duhzuali mei chhemah chuan an sangha man chu an rawh a. Tui ti takin an ei ta hlawm a.
Helai hmun hi Eden ram chu ni ngeiin a lang; an map kenah chuan Eden hmun chu pentui senin a inrin bial kalh a;mahse, Eden-a huan awmna lai tak chu khawiah nge tih erawh chhinchhiahna a awm tlat lo.
Tukthuanah chhangthawp khawro tlemte an la neih chu an ei a, Conley chuan ruahmanna a han siam ta a, “ Duhzuali hi hmar lamah kal se, nang Awmte, kan hma lam ah hian kal la, kei, chhim lamah ka kal ang, ni tlak hma in hetah hian inhmuh khawm leh vek kan tum dawn nia,” a han ti a. Tichuan kawng hran theuh zawhin an inkal san ta hlawm a ni.
He Eden khawmualpui hi eng ang chiaha zau nge a nih hriat theih a ni lo, Conley chuan a compass hmangin an awmna lai chu zawn chhuah a han tum a; mahse, compass chuan hna a thawk thei tlat lo. Khawl thil lam reng reng chu he khawmual ah hian hman theih a ni lo, a mobile phone pawh a thi (switch off) hmak mai a ni.
Scene 5
Duhzuali chuan a chem kenin kawng a sial chawp zel a, an awmna hmun hi khawi lai nge ni ang le? Eden chu a ni tak tak chiah em tih pawh ngaihtuah tham fe niin a hria.
Awmtea pawhin ram pilril lam chu a pan zel a, thingkung lian pui pui te chuan a hmalam kawng chu a hliah thim mup a. A bul velah chuan nungcha chi hrang hrang an chiar nawk nawk a.
Chawhnu lam a ni tawh, Conley hlimthla pawh chu a lang sawl puau tawh a, a hma lawka lui luang ri hawr hawr chu a va hmu ta, hei hi Pison lui emaw Gihon lui emaw a ni thei mai ang em. Hmanhmawh takin lui awmna lam chu a pan phei a.
Tuiah chuan a han zuang lut nghal bawrh a, hah dam huai huai huaiin a inhria a. Duh tawka tui a chen zawh hnu chuan hmalam panin a kal leh ta a, rei lo teah a hma lawkah chuan chhimbal niawm tak zam phui chuk mai hi ava hmu ta ni.
Hmanhmawh takin chu lam chu a pan phei a. Chhimbal zam chuaina hmun a thleng tep tihin a taksa chu a rawn hik chuai a, electric current chak takin a man ang mai ni berin a hria, a let nghal tawp a, a kut ding lam chu a ban puam bul takah a chhum nghal hmawk a, thisen a chhuak nghal zawih zawih a, a mit sulh sulh a, “Duhzual, Awmte, ka hmu e, ka hmu e,” a ti a, ni khaw hre lovin a tlu ta nghal a.
THE GARDEN OF EDEN- 4
“....chutichuan mihring chu a hnawt chhuak ta a; tin, nunna thing kawng chu vêng turin Eden huan chhak lam pangah chuan Cherub-te leh mei khandaih vir tawn zawk zawk chu a awmtir ta bawk a.”
-Genesis 3:24
RECAP
.....Hmanhmawh takin chu lam chu a pan phei a. Chhimbal zâm chuaina hmun a thleng tep tihin a taksa chu a rawn hik chuai a, electric current chak takin a man ang mai ni berin a hria, a let nghal tawp a, a kut ding lam chu a ban puam bul takah a chhum nghal hmawk a, thisen a chhuak nghal zawih zawih a, a mit sulh sulh a, “Duhzual, Awmte, ka hmu e, ka hmu e,” a ti a, ni khaw hre lovin a tlu ta nghal a....
MISSING PROFESSOR
An sawi lawk tawh angin Duhzuali leh Awmte-a te chuan an riahbuk sualna lam chu an pan leh tawh a, a rual deuh thawin an thleng a ni. Mei an nuna an sangha ei bang la awm chu an han rawh leh a, rei lo teah Prof.Conley pawh a rawn lang mai turah an ngai a ni. Mahse, an beisei angin Conley chu a rawn lang ta mai hauh lo.
Reife an nghah hnuah pawh Conley hmel a rawn lan tak mai loh avangin an ngaih a tha lo hle mai. Khua lah chu a thim chiang tawh nasa si, han vah chhuah na chi rual a ni tawh si lo. Tui vak lovin an mu a, a tuk khaw en ruala Conley zawn chu an ti thlu ta a ni.
Khaw en rualin Duhzuali leh Awmtea chu an tho nghal a, Awmtea’n sangha pakhat a va man leh a, hmanhmawh takin an rawh sawk sawk a, an ei zawh hnuah Conley zawng tur chuan an chhuak dun ta a.
Conley sulhnu chu chhui a har vak lo, an kal zel a, tlai ni tlak hma hretin ram palaileng a thisen chiah piah nuaih kara Conley lo tlu reng chu an va hmu ta a ni.
Hmanhmawh takin an pan phei nghal a. Thisen luang kawi nuai zingah Conley-chu ban dinglam nei tawh lovin a lo let hlawm reng a. Thisen a hloh hnem lutuk avangin nikhua a hre tawh lo. Awmtea chuan a mar chu a han dek a, chhan tlak a awm tawh lo tih a hre thei nghal mai.
GATES OF EDEN
Duhzuali chuan an hma lawka chhimbal niawm tak zam paw phuai mai chu ava hmu ta a, “ Awmte, han en teh, kan hma saw, chhimbal a ni tiraw?” a han ti a.
“Ni ngeiin a lang; mahse, chhimbal te chu vanah chauh a lawm a zam thin, engtin nge leiah chhimbal a zam theih ang ni,” makti takin an hmaa chhimbal niawm tak eng paw phut mai chu an thlir dun vawng vawng a.
Hei hi Eden Huan kawngkhar chu a ni thei ang em? Conley-a kut bung leh he chhimbal zâm hian inzawmna a nei ang em?
An kuta inkai dun rial chungin an hmaa chhimbal niawm tak zam paw chuai mai awmna lam chu muang changin an pan phei dun ta a. An hnaih telh telh a, boruak a vawt tial tial a, an thaw khu hlat hlat a, chutah thawm rapthlak tak mai, ri fur fur mai hi an hre ta. Chu chhimbal zam karah chuan, thil êng tle vur mai, chhuk leh chho zawnga lo invai vir tawn zawk zawk mai hi an hmu ta, thlabar takin an te chhuak dun rawi a, inring hman lek lovin hnung lamah an tlu dun nghal hawl hawl a.
THE GUARDS
Chhimbal emaw an tih chu chhimbal tak tak ni lovin kawngkhar ni zawkin a lang, chu kawngkhar chu chem lian leh sei tak vir tawn zawk zawk hian a hliah a, kawngkhar a lut tur chuan chem vir tawn zawk zawk chu paltlang ngei a ngai tih pawh an hmu chiang ta.
Duhzuali chuan thlabar takin Awmtea chu a kuah bet tlat a, “Awmte, saw saw Eden huan luhna kawngkhar chu a ni ngei ang; mahse, luh ngaihna a awm lo a nih saw....” a han ti a. An awmna hmun chu a vawh em avangin an taksa chu a hit na vawng vawng a.
Awmtea chuan khur bauh bauh chungin, a bag atangin entlang a han phawrh a, uluk takin an hmalam chu a han thlir a, hlauh avang khur hlawk hlawk chungin a entlang chu a thlauh nghal bawl a. Beidawng tih hriat takin a rum chhuak hawk a.
Duhzuali chuan rang takin Awmtea entlang thlauh chu chharin chhimbal zamna lam chu a han thlir ve ta a, mihring pianhmang anga lang, an hnung lama thla lian pui nei pahnih ding hi a va hmu a, Vantirhkoh ni ngeiin an lang, chung mi pahnih te chuan khandaih lian pui hi an keng a, hmuh hman loh khawp a rang hian an khandaih chu a in vai vir kual zawk zawk a.
Eden huan chhung a luh chu mihring tan tih ngaihna reng reng a awm lo tih a hmu chiang ve ta a ni. Haw lehna tur kawng a han ngaihtuah a,a bing mum mum ni berin a inhria, tun dinhmunah chuan haw leh chu a tina tin chhin ngam rual a ni tawh lo. He Eden-a Huan kawngkhar bulah hian a lei hringnun hunbi chu a chhiar tawp mai dawn em ni ta ang le?
Vawt tih avanga khur bauh bauh chung Awmte a chuan, a hmalama chu a thlir tlawk tlawk a. Eden huan chu he khawvel-ah hian a lo la awm ngei a ni; mahse, midangte hnenah engtin nge an puanzar theih tak ang. Khawvela huan ropui leh mawi ber kawngkhar bulah hian engmah ti thei si lovin a tham ral mai dawn em ni ang le?
| Link: | |
| BBcode: | |
| HTML: | |
| Hide post links |
THE GARDEN OF EDEN- 5
Scene-I
A thaw khu ham ham a, an awmna hmun vawt lutuk chuan a thisen zungzam zawng zawngte chu a hmet khawrin, a hmet tawm zo a. Awmte-a chuan thei leh thei lovin, Duhzuali chu a hnaih phei hram hram a. A vawh em avanga a thahrui te chu a inhmet chip a, bawkvak lo chuan a che sawn hleithei tawh lo a ni.
Duhzuala bula thlen phei chuan a chau tawh kher mai. Thei leh thei lovin, Duhzuali chu a han sawi nawk nawk a; mahse, a tlai lutuk tawh niin a lang. A taksate chu vur hlawm ang maiin a vawt hik ngut ngut a. Boruak vawt lutuk chuan a hmet a hmet hlum ta niin a lang. Beidawng takin a bawk hle hle a, thih chauh loh chu hmabak a nei tawh bik lo. Han kalsawn turin thahrui a nei tawh lova, a taksa te chu a khawngin a khawng uaih tawh mai a ni.
Ti hian, tu ma hriatpui lohvin, helai hmun tihbaiawm tak, Pathian anchhe dawng hmunah hian a tham ral ve dawn ta a nih hi. Tunah hian kum 34 mi chauh a la ni, he khawvelah hian a vanglai a la hmang dawn chauh, tih tur hmachhawp tam tak a nei a, thih chu a la inpeih mawlh lo; mahse, tunah chuan a duhthusam thil te chu thlanah a liampui a tul dawn ta a ni. A ruh chuktuah leh a thisen zungzam zawng zawngte hi a na fik ngawr ngawr a, a piah lawka Chhimbal zam paw chuai mai chu a hmu fiah lo tial tial a, a thaw hrawk a. Nikhua a hre lo zui ta a ni.
Scene-2
A pawn lamah chuan a dung zawngin Explorer 23 tih hi fiah takin a inziak kulh a, a pianhmang chuan meizial a ang ber awm e. A hrawl tham hle a. Van thengreng hmun khawhar takah hun rei tak chhung a lo zin kual tawh avangin engkim mai chu a lang hlui bum tawh a. Captain Ophelia chuan, a hnuai lama chhimbal niawm tak zam paw chuai mai chu mak ti takin a thlir vung vung a.
Mi pakhat thla pahnih nei, pa lian tak maiin, an thlawhna a chawisawn lawp lai leh, hriat phak loh hun leh hmuna a theh vir thla nawk lai kha theihnghilh har a ti kher mai. (He lai thu hi The Code, Under World tih ah khan a lang). Khami hnu atang khan, an hun chhiarna (time clock) chuan hna a thawk mumal thei tawh lova, tuna an awmna eng hun nge, eng kum nge tih pawh a hre thei lo a ni. Radar atanga an hmuh danin, I raq ram hmar thlanglam depah an thlawk mek niin a lang a; mahse, hei pawh hi rinngam thlap theih a ni chiah lo.
Chhimbal zam pawt chuaina hmun an thlen dawn laiin, “Khu lai hmun khu eng nge a nih i zu belchiang teh ang u,” tiin thupek a han chhuah a.
Explorer 23 (boruak lawng) chu van chungsang takah chuan a ding chawih a, ngil takin lei lam panin a hniam thla ta ruai ruai a.
Scene-3
A bul vela thawm mak tak rawn ri thla hum hum chu a mang hriat ruai a, thei leh thei lovin a han meng chhuak hram hram a, boruak lawng lianpui mai, sei zet zut van atanga lei lam pana a rawn tawlh thla duai duai chu a hmu phe ruai a. A mumang mai mai nge, thil thleng tak tak tih pawh a hre thiam tawh chiah lo. A chauh tawh em avangin a tan inthiarfihlim ngaihna a awm tawh lova, a hmaa thil lo thleng tur chu ngawi rengin a lo nghak tawp ringawt mai a ni.
Boruak lawng chu a lo hnai tial tial a, a sir kil tin mai chu a de chei chuai a, chhimbal zamna atanga fit 40 vel bawrah chuan a tum ta chut a. Awmtea chuan hmuhnawm ti tak leh hlau deuh roh chungin a lo thlir reng a.
Boruak lawng kil khawi lai emaw chu muang changin a rawn intawlh hawng riai riai a, eng zungzam pawl deuh phut hi a rawn inkap chhuak thlur sung a. Mihring hlim thla hi a rawn lang a, a fiah tial tial a, hmeichhe pakhat, fit 6’3 vela sang, pian nalh zet mai, sam dar thleng vela zuah, van lawn mite thawmhnaw (space suit) silver rawng tle vur mai ha hi a rawn lang ta a.
Awmtea chuan mak ti takin a lo thlir reng a, chu boruak lawng chuan an bul vel pawh chu a rawn ti lum deuh a. Rei lo teah hmeichhia chuan a rawn hmu ta thuai a, zawi muangin a rawn pan hnai a, tunah chuan a thi ve dawn ta e. Nia, a thiante, Prof. Conley te, Duhzuali leh Mawizuala te pawhin thlarau khawvel ah an lo nghakhlel tawh khawp ang chu. A chunga thil lo thleng tur chu nghakin a maimitchhing ta a.
A hmai bul seta a rawn thaw ham ham a, a kut veilam chu zawitein a rawn khawih a, a mar phu a la awm em tih a enchhin vel a ni ngei mai. Zawitein a han meng chhuak siar siar a, hmeichhia chu a bulah a lo thingthi a, duat takin a biangah a rawn chul sak a. Chutah, zo deuh maiin a pawm kang ta nawlh mai a. Boruak lawng awmna lam panin a pawm phei ta nawl nawl a.
Boruak lawng chhung an luh rualin a lum nghal hak a. Eng thil nge a chungah thleng ta, engvanga ti hlum mai lo nge an nih? A taksa a chauh em avangin thil tam tak a ngaihtuah bing hlei thei lo.
Scene 4
Pu Lalthanliana chuan Eden Huana Nunna Thing zawng chhuak tura a mi tirh palite chanchin chu thla hnih liam hnu-ah pawh engmah a la hre zui thei ta chuang lo. Arabia ram thlaler nunrawng tak chuan a lem bo zo ta em ni ang le.
A chuap cancer chuan a taksaah zung a kai nghet tial tial a, daktawr te pawh an beidawng tawh, Pu Thanliana tana beiseina awm chhun chu Eden Huan lai taka Thing, Pathianin Nunna Thing tia a hming a vuah chu a ni. Chu thing rah emaw a hnah emaw, a hnai emaw tal pawh eiin in thei se chu Thihna chuan a ngam hauh lovang, he khawvelah hian kumkhuain thihni hmel a hmu ngai dawn lo a ni. Mahse, Nunna Thing zawng chhuak tura a mi tirhte chanchin chu hriat zui tur reng reng a awm tawh si lo.
Mi pali a tirh chhuah atanga thla ruk liam hnu kum 2020 August 6 tlai lam dar 4:35 ah Pu Lalthanliana chuan Green Wood Hospital-ah a lei hunbi chu beidawng takin a chhiar zo ta a ni.
Scene-I
A thaw khu ham ham a, an awmna hmun vawt lutuk chuan a thisen zungzam zawng zawngte chu a hmet khawrin, a hmet tawm zo a. Awmte-a chuan thei leh thei lovin, Duhzuali chu a hnaih phei hram hram a. A vawh em avanga a thahrui te chu a inhmet chip a, bawkvak lo chuan a che sawn hleithei tawh lo a ni.
Duhzuala bula thlen phei chuan a chau tawh kher mai. Thei leh thei lovin, Duhzuali chu a han sawi nawk nawk a; mahse, a tlai lutuk tawh niin a lang. A taksate chu vur hlawm ang maiin a vawt hik ngut ngut a. Boruak vawt lutuk chuan a hmet a hmet hlum ta niin a lang. Beidawng takin a bawk hle hle a, thih chauh loh chu hmabak a nei tawh bik lo. Han kalsawn turin thahrui a nei tawh lova, a taksa te chu a khawngin a khawng uaih tawh mai a ni.
Ti hian, tu ma hriatpui lohvin, helai hmun tihbaiawm tak, Pathian anchhe dawng hmunah hian a tham ral ve dawn ta a nih hi. Tunah hian kum 34 mi chauh a la ni, he khawvelah hian a vanglai a la hmang dawn chauh, tih tur hmachhawp tam tak a nei a, thih chu a la inpeih mawlh lo; mahse, tunah chuan a duhthusam thil te chu thlanah a liampui a tul dawn ta a ni. A ruh chuktuah leh a thisen zungzam zawng zawngte hi a na fik ngawr ngawr a, a piah lawka Chhimbal zam paw chuai mai chu a hmu fiah lo tial tial a, a thaw hrawk a. Nikhua a hre lo zui ta a ni.
Scene-2
A pawn lamah chuan a dung zawngin Explorer 23 tih hi fiah takin a inziak kulh a, a pianhmang chuan meizial a ang ber awm e. A hrawl tham hle a. Van thengreng hmun khawhar takah hun rei tak chhung a lo zin kual tawh avangin engkim mai chu a lang hlui bum tawh a. Captain Ophelia chuan, a hnuai lama chhimbal niawm tak zam paw chuai mai chu mak ti takin a thlir vung vung a.
Mi pakhat thla pahnih nei, pa lian tak maiin, an thlawhna a chawisawn lawp lai leh, hriat phak loh hun leh hmuna a theh vir thla nawk lai kha theihnghilh har a ti kher mai. (He lai thu hi The Code, Under World tih ah khan a lang). Khami hnu atang khan, an hun chhiarna (time clock) chuan hna a thawk mumal thei tawh lova, tuna an awmna eng hun nge, eng kum nge tih pawh a hre thei lo a ni. Radar atanga an hmuh danin, I raq ram hmar thlanglam depah an thlawk mek niin a lang a; mahse, hei pawh hi rinngam thlap theih a ni chiah lo.
Chhimbal zam pawt chuaina hmun an thlen dawn laiin, “Khu lai hmun khu eng nge a nih i zu belchiang teh ang u,” tiin thupek a han chhuah a.
Explorer 23 (boruak lawng) chu van chungsang takah chuan a ding chawih a, ngil takin lei lam panin a hniam thla ta ruai ruai a.
Scene-3
A bul vela thawm mak tak rawn ri thla hum hum chu a mang hriat ruai a, thei leh thei lovin a han meng chhuak hram hram a, boruak lawng lianpui mai, sei zet zut van atanga lei lam pana a rawn tawlh thla duai duai chu a hmu phe ruai a. A mumang mai mai nge, thil thleng tak tak tih pawh a hre thiam tawh chiah lo. A chauh tawh em avangin a tan inthiarfihlim ngaihna a awm tawh lova, a hmaa thil lo thleng tur chu ngawi rengin a lo nghak tawp ringawt mai a ni.
Boruak lawng chu a lo hnai tial tial a, a sir kil tin mai chu a de chei chuai a, chhimbal zamna atanga fit 40 vel bawrah chuan a tum ta chut a. Awmtea chuan hmuhnawm ti tak leh hlau deuh roh chungin a lo thlir reng a.
Boruak lawng kil khawi lai emaw chu muang changin a rawn intawlh hawng riai riai a, eng zungzam pawl deuh phut hi a rawn inkap chhuak thlur sung a. Mihring hlim thla hi a rawn lang a, a fiah tial tial a, hmeichhe pakhat, fit 6’3 vela sang, pian nalh zet mai, sam dar thleng vela zuah, van lawn mite thawmhnaw (space suit) silver rawng tle vur mai ha hi a rawn lang ta a.
Awmtea chuan mak ti takin a lo thlir reng a, chu boruak lawng chuan an bul vel pawh chu a rawn ti lum deuh a. Rei lo teah hmeichhia chuan a rawn hmu ta thuai a, zawi muangin a rawn pan hnai a, tunah chuan a thi ve dawn ta e. Nia, a thiante, Prof. Conley te, Duhzuali leh Mawizuala te pawhin thlarau khawvel ah an lo nghakhlel tawh khawp ang chu. A chunga thil lo thleng tur chu nghakin a maimitchhing ta a.
A hmai bul seta a rawn thaw ham ham a, a kut veilam chu zawitein a rawn khawih a, a mar phu a la awm em tih a enchhin vel a ni ngei mai. Zawitein a han meng chhuak siar siar a, hmeichhia chu a bulah a lo thingthi a, duat takin a biangah a rawn chul sak a. Chutah, zo deuh maiin a pawm kang ta nawlh mai a. Boruak lawng awmna lam panin a pawm phei ta nawl nawl a.
Boruak lawng chhung an luh rualin a lum nghal hak a. Eng thil nge a chungah thleng ta, engvanga ti hlum mai lo nge an nih? A taksa a chauh em avangin thil tam tak a ngaihtuah bing hlei thei lo.
Scene 4
Pu Lalthanliana chuan Eden Huana Nunna Thing zawng chhuak tura a mi tirh palite chanchin chu thla hnih liam hnu-ah pawh engmah a la hre zui thei ta chuang lo. Arabia ram thlaler nunrawng tak chuan a lem bo zo ta em ni ang le.
A chuap cancer chuan a taksaah zung a kai nghet tial tial a, daktawr te pawh an beidawng tawh, Pu Thanliana tana beiseina awm chhun chu Eden Huan lai taka Thing, Pathianin Nunna Thing tia a hming a vuah chu a ni. Chu thing rah emaw a hnah emaw, a hnai emaw tal pawh eiin in thei se chu Thihna chuan a ngam hauh lovang, he khawvelah hian kumkhuain thihni hmel a hmu ngai dawn lo a ni. Mahse, Nunna Thing zawng chhuak tura a mi tirhte chanchin chu hriat zui tur reng reng a awm tawh si lo.
Mi pali a tirh chhuah atanga thla ruk liam hnu kum 2020 August 6 tlai lam dar 4:35 ah Pu Lalthanliana chuan Green Wood Hospital-ah a lei hunbi chu beidawng takin a chhiar zo ta a ni.
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)