NGHAFUAN VENG IN BY Hriata Tea

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

NGHAFUAN VENG IN BY Hriata Tea

Unread post by Ngaia » February 18th, 2018, 10:12 pm

nghafua.jpg
nghafua.jpg (18.66 KiB) Viewed 8239 times
NGHAFUAN VENG IN.
Post kal lai tur ka zawm kal thei rih silo a. Post hlui ka rawn vawm lut leh thâwr mai. La chhiar lo te in awm takin. Chhiar tawh ten min ngaidam teh u aw..

Chuan, ka phalna tello chuan, copy paste leh group danga post chhawn ka remti lo.
********
By, Hriata Tea
.

Zanlam a, kan lo tum lawk tawh ang ngeiin. Zing zingah, buhfai zan sawm riak nen, u'Zika chu ka zui chhuak a. Kan kalna tur hi a hlat tham em avanga, zingkara chhuak ta kan ni. UZika ramchhuak in, nghalim fuan tur, inhawrkhawm a hmuh avangin, a rawn haw leh nal nal a. Bawng dawh tur in kan chhuak ta ani. Ramchhuak a, kal te an nih ngawt loh chuan, ramvak leh luikal in, an tlawh pawh ngailo a, khua atang a hlat avang hian, luisa leh ramsa pawh anla tam reng ani.

He kan kalna tur phùng lui pawh hi, lèn la den ngai miah loh na lui ani a. Uzika sawi dan takah kan phurh theih tawk, sangha rêp kan hawn ngei ka ring tlat a, ka phûr in, ka tha tho kher mai. Silai leh lèn nen, kan in ak bawr viau mai a. Upa in, "Luisa leh ramsa veh kawp chu, kan hlawhchham ve ve duh" ti mahse, ramsa veh nan a, silai chu keng pawh kan ni lemlo a. In ven nan, leh inthlamuan na ani ber ang chu, savawm leh sakei mawlh ka hlau a. Silai ken loh chu ka ngaihngam thei tlat lo. UZika’n, an tam zia thu leh an len bik zia, asawi te chu ngaithla dauh dauh chungin, phurtakin kan kal țauh țauh a.
Chawhnu lam dar 2 velah a hmun kan thleng a, luikam hmun rem, nuam țhalaiah, kan in nghat a. Luite pakhat țan chhan in, keiin riahbuk ka sual a. U Zika’n, rawngbawl pahin, kan bawng dawh tur a tah thung a.

Lui lam mawlh chu ani, hmuhnawm ni. NGhalim chu, luihnar lam panin, an rawn sur chho, dum leh khup khup țhin a. A țhen kan buk țan chhan tur luite ah chuan, fuan tur in an rawn lut chho mek bawk a. Ka awm hle hle thei tawh lo. Hetiang taka tam sangha hi, luiah kala hmu ngai tlat lo. Kan lèn ken chu ka phawrh lawk a, a fuan tur inhawrkhawm luite ami chu kava khuh a. Ka lèn kan khawm meuh chuan, a zahve pawh ka man tlat lo. U Zika chuan, khatin luia den ang in, an khawm ngailo. Nghalim fuan chu tih dan bik a awmve a tiin, atih dan tur min hrilh a, athlang hret a, hah chawl bawk khawm chu ka zuk khuh leh a, ka man ta țeuh mai. Ka phur zia leh nuam ka tih zia kha aw..

U Zika chuan, duhtawk rih rawh, anla tam dawn chauh alawm. Bûk kha han peihfel thuai thuai la, chawei kham ve leh, luimawng lam kan zuk dawh dawn nia ati a. A bawm tah zawh hmasak chu, kan Bùk bul luite chhuah ah chuan, a zuk dawh a. Ka man sa chu chhum in, bawm dang atah zawm leh nghal a. Keipawn hmanhmawh leh phur zetin, bùk chu ka sak chhunzawm a.
Chawei tur a, min rawn koh chuan, abang khat chauh pin tur ka nei tawh a. Khua pawh alo tlai ruih tawh mai.

NGhalim man thar dìai mai, chakawk hnah tlem nen a chhum pawlh chu, kan han thur mum sang mai a, a tui pai lehnghal. Atui hang lah chu, mangpui kan mang ang tih hlauhawm khawpin, atak țha a. Zingchaw la eilo kan ni bawk a. Kà khatin, chaw kan han bar a, nghalim mum ti khal țalh chu, a tlawnin kan hnawh lut leh a, biangpuar țâwlh țâwlh in kan țhial a. Ka biangpuar te chu, țhiante chal emaw tiin, ka melh leh zuk thin. A tui tak țha ngeih ngawih kha deuh sek chuan, kan han tleuh thla zui a, man hla rem rem tak ani.
.
Chaw te kan eikham fel chuan, kan insiam a, luimawng lam panin, bawng dawh tur chuan kan chhuk thla ta a. Buk bul luite ah pawh luh chhoh tumin anlo inhawr khawm leh tuau tuau tawh a. Bawng kan dawh tawh tho bawk a, kan chhuk san ta a ni. UZika bawmrang tah chu pahnih ve ve in kan in ah sem a. Luimawng lam chu luite chhuak dang zawngin, kan zawh thla zel a. Luite chhuak apiang ah kan dawh thla pah zel bawk a. . Thim chhiat hma in, bawm pali chu kan dawh zo a, bùk lam panin, len chu ka dèng chho a. Lên den ngai loh tih takah, man anuam em em mai a. Lendeng ringawt pawh hian riak ila, a hlawh chham theih hauh lo ang. Ka sangha hming hriat ngai loh pawh kan man țeuh mai. Buk kan thlen chhoh meuh chuan, man hnem tak kan ni. . Bùk bul luite a, bawm ah chuan, alo tla khat vek tawh a. A rêpna tur pher kan tah a. Meipui kan chhep bawk a, kan rêp ta nghal a. Tuna kan man zawng pawh hi, haw pui tham alawm le kati a, uZika pawh anui ve huk huk mai, Rawngbawl pahin, sangha rep kan vil a, buk bulah phei chuan, kan rùt khât tawk reng ta mai a. Chawei kham a, luimawng lam zuk en tum chuan, chaw kan ei a. Chaw kan eilai chuan, lui tui han pal rik bàrh bàrh hi ka hria, ka’n han en phei a, athim vek avangin hmuh theih ani lo. A reh ve leh mai bawk a, ramsa in luitui an kan ni mai ah ka ngai a. Chaw kan ei laklawh bawk nen, kan ngaihsak zui lem lo. . Buk kwta ka tui lak ah chuan, ka chawei kham chuan, kut ka sil a. Kam țhuahna tui hmuam ri zawt zawt chung chuan, kan sangha rèpna mei chu, chhaem țhat tum in ka pan phei a, mei pawh alo rem tawh a, a våm dùr ham thung. Ka ding chawt. ka ka țhuahna tui hmuam lai pawh ka lem khawlh mai. Kan sangha rèpna sirah chuan, alo țhu thim map mai a, meidùr eng ah chuan, a lang dum rùn a. A lian tih a hriat hle ani. Muangchanga tawlh hnung chungin, bùk chu ka pan hret hret a. U Zik,, hmehèn nen lo chhuak vat rawh tiin, ka au a. U Zika pawh alo chhuak nghal vut a. Kan kawh hmuh chu, a hmehèn chuan an chhun a. Keipui lian țha zet hi alo ui țhut vùng mai. A chhing ang dùar duar a, bûk chhungah lutin silai leh torchlight kava la vat a, kan sangha rêp rim chuan, a ko ani ber ang chu, a hnar lèn in kan sangha rèp chu, a hnim leh thut thut țhin a. U Zik kan kâp dawn mi kati a. Kap lo ve, sakei te hi chu, pasalțha, ramvachal an ni a, zah ve tur ani. Keini ang bawk a, sapeltu anih hi. A ril ațam ania nge. A ramvak a hlawhtling vak lo aniang. Khaw maw chempui kha min ban teh ati a, ka chempui pek nen chuan apan phei ta mai a, keipui chu rùm deuh ham ham chungin, atawlh hnung ta hrut hrut a, uZika chuan, sangha rep lian țha țha chu, sakei a pe ta a ni. Rùm deuh ngul ngul chungin, luikam țiau fai laiah chuan, a ei ta a. . Tim dai leh ip ru chawih châwih chungin kalo thlir reng a. U Zika chuan, mei chu chhawm țha in,. Buk kawt ațang chuan, a thil ei lai chu kan thlir a, hmeh en a kan èn reng chung chuan, muangchangin a ei malh2 malh a, min melh leh rulh rulh țhin. A hmuh nawm ngei mai. A lian țha ropui si, a ngèng ngulh mai a, amitmeng rùm tak zahawm riau si, a ze țial mawi tak, mam zar mai te kut lawnga beih chu sawi loh ka ulbun te chu, ka sit ngawih ngawih mai ani. A eizawh chuan, a inliak fai lup lup a. Luitui chu kân pheiin, kawrkam lehlam ah aperkai a, ala rawn thlir zui vung vung hnu chuan, thinghmunah alut bo ta ani. Ka thaw huai mai, u Zika chu huai kati in, ka ngaisang zual khawp a, an sawi ang tak tak a, pasalțha leh rilru țha ani tih ka hriat phah a, a bulah chuan ka thlamuang hle ani.

Sa akah tam tawh zia te hrevek mah ila, a țawng tam loh avang hian, a sakah dan chanchin pawh a sawi ngailo reng reng a. Sakei ringawt ngaihtuah leh uZika’n atih dan vel mithla reng chunga, zial ka pak talh talh lai chuan, patling han kùk raih ri chuan, ka ngaihtuahna ata, minti harh zawk mai. Chutah thing tlu tur, han in elh tliak riin a zui a, atlu thawm ri vung hlarh hlarh chu, mausawp ri pawp pawp zingah chuan, a in vaw ri ta dur a, an kùk ta chuah chuah mai. Zandar sawm vel ani a, tun ang hun a, hetiang lai hmun a, chutiang thawm kan hre ta chu, makti takin u Zika chu, ka en hau mai. Ani chuan, Ramhuai ho lo vat an nih chu, engmah anilo. NGaihsak duh suh. An thawm ringawt kha ani mai, khawvar hnuah areh vek mai ang. Engmah an kit in, an sat thlu tak tak ngailo ati awlsam mai a. An sat ri tluar tluar a. An in au leh lung lung țhin a, an sawi tak erawh hriat fuh a har khawp.

Thla ral lam pawh alo chhuak sang tawh fu mai. Kan awmna lai pawh arawn én phak ruai ruai tawh a. Kan bùk awmna hi, a fuh in ahmun hi anuam em em mai a. Lui kuang zau lai tak, pharh zawl dup mai ani a. Ramngaw chhah tak mah nise, van vàr, zautak in alang thei a. Arsi pe tuarh mai han thlir phei chuan. Lunglen veng veng pawh awl tak ani.

Kan thlen atang khan, awl hman miahlo in, mawngvawm ba an sawi ang vat vat in, kan phe char char ani a, han țhut chawlh takah chuan, ka chau ta deuh aniang. Ka muthlu deuh titih der mai a. U Zika’n, iva chau awm ve,, mei kha han tuah țha la, arawn tih takah chuan, ka harh zawk a. Mei chu kan chhawm țha a. Tuikhawh ah chuan, ka hmai kan phih a. Bûk a, bel chu la in, sangha rêp na meipui sirah chuan, thingpui ka chhuang a. Sagharêp chu, kan ban a, zial zuk pahin, ka ei mai mai a. U Zika bawmrang tah mek chu, min zirtir ve la, kan tah sawt deuh ang chu, kati a. I duh athu aniang chu, kha hnang hi lo hlai la, ka tah lai hi, kan zo anga, kan țan dawn nia ati a.

Hnâng ka hlai mawlh mawlh lai chuan, ral leh lam lo vat te chu an reh ta duak mai a, an in bia ni ngei tur ani. An in chhawn vau reng a. Ral lehlam ațang chuan, mikhual in nei ami, ti tlat hian kan hre pek a, u Zika lah chu, hreve awm ang pawn alang lo. Ngaihsak zui duh biklo in, kan tah lai ho hi, luimawng lamah bawk emni kan dawh ang tiin, kan zawt a. Nilo e., bûk chhaklamah ve thung le. Tihian, bûk chhak leh thlangah kan dawh anga, alai ațang hian kan vil dawn alawm. Kan tah lai hi zo ila, kan dawh thar ho kha, kan zuk en dawn nia ati a.

Ka thingpui lum chu, ka siam a. Sangha rêp nen kan hmeh a. Atui duh sur sur khawp mai. Luimawng lam ah kan bawng dawh en tur chuan, kan inak chhuak leh a. U Zika chuan, bawmrang lian fal bik deuh atah thar chu, a ak luah a. Kan inzui thla hnak hnak a.

Alo tla țha hlawm khawp a. A țhen phei chu, alo liam hial tawh a. Kan bawmrang ken thlak chu, a khat vek a, aleng lo ho zawng chu, ipte puiah kan ak tawp mai ani. Ka phûr in, nuam kati bawk a. Hah reng reng ka hrechang lo. Bûk kan thlen chhoh chuan, arêpna kan siam belh a, ka ur tluk tluk mai ani. Sangha rep rim chu, a nam vung vung mai a, a khat tawkin, ka ei deuh reng bawk a. U Zika chuan, kan hah tawh bawk a, nikhat atan chuan, duhtawk ila, mut chawlh phawt a țha, kan la rim dawn chauh si a, sangha rêp pawh zanin chu, vil lo mai ang. Ti khan han chhawm țha deuh la, kan mutsan dawn nia ati a.

Zanrei ti ila, zinglam ani tawh mah ang chu, mut kan tintuah a. Chutih lai chuan, luihnar lam ațang chuan, tu,tu,te nge in nih rawn ti mai hian ka hria a. Ka mengphawk deuh aniang, u Zika chuan, Tuitu(sava) hram anih chu alo ti vat a. Ka hlau chu ka ti duh chiah lo na a. Keini ang dawih deuh tan chuan, han hawi phawk hru hru na tur, thawm mak tak tak atam kher em ani. Kan mut hnu ah pawh ala rawn phun(hram) bul bul a. Keimah chauh ni ila zawng, tute emaw ang deuh in, ka hming ka hrilh ve ruai maithei ani.

Ka chau deuh bawk a, ka lo mutui hman viau mai, luimawng lam ațanga, mi țhahnem tak rawn chho thawm chuan, minti harh zawk mai a. U Zika lah a mutui em em mai sia, luitui an rawn pal rik bàwrh bâwrh te chu, alo hnai chho zel a, an țawng nak nak te pawh ahriat chian viau a, an sawi tak erawh ka hre fuh thei lemlo. Kan bûk zawn anlo thlen chuan, an reh dak mai. An phun ta sar sar mai a, engvang nge maw ni ka tiril a khur der der mai nia, min rawn veh chho ni hian ka hre tlat pek a. Hlauh vanga u Zika han kaih thawh ngawt chu, ka hreh bawk si, hlauh ang ngei ngeiin, buk chu an rawn sawi ta lawp mai a. Ka phu chiang kher mai, bûk kawt a, kan mei chhem chu, khawih tu awm tih hriat zet in, a țêk chuaih chuaih a. Chumi eng thlar ah chuan, bùk kawngka han pel vuai vuai, thla hi a lang leh zoh țhin a. U Zika chu kan en a, a mutui sèk sùk lutuk chu ka haw ngawih ngawih mai. Han kaihthawh ngawt lah chu, tlawmah ka la ve angreng sia, a rawn ngai ho leh viau ang tih ka hlau ani.

Bûk kawt ah chuan, an phun sar sar reng a. Sangha rèp han in bun tawlh ri avang chuan hreh chung chung in, hlau lo tur a, infuih ru mawlh mawlh chung chuan, ka light, lukham bula ka dah chu la in, ka silai chu ka chuh vat a. Hlau leh khur ru zawih zawih chung chuan ka pen chhuak ta ani. Mahse, engmah hmuh tur a awmlo. Hnu hma tak ngial pawh ka hmu eih lo. Chuvang hlei hlei chuan, ka hlau zual a. Sangha rêp lo la pangngai thlap chu en in, a ùr na mei chu kan chhawm țha a, ka tuah alh rual chiah chuan, ka hnung ah hlimthla hian, mi rawn pel fua mai a, ka inher zawk a. Mahse, engmah ka hmu chuang lo. Bûk chhunga u Zika han khuh kharh kharh ri kan hriat chuan, ka thlamuang huai huai mai. Buk ah chuan lut in, mut ka tintuah a. Buk thlanga phun sur sur ri chu, ngaihsak lo lui tlat in ka muhil ve ta ani.

Ka harh hlawl mai, u Zika zai rùt rût ri ka hriat chuan, ka nui suk a. A zai ka vawikhat hriatna ani. Nì a chhuak tawh tih ka hriat rual chuan, ka zak chem chem mai. Ramriahna ah upa zawk in min thawh khalh a, a sangha chhum rim chuan, a rawngbawl sa ka ei dawn ani tih min hrilh a. Ka inthlahrung kher mai. Phak zetin, ka tho chhuak a, buk kawta tui khawh ah chuan, ka in phih phur phura. U Zika chuan, sangha thar lam alo rep dul tawh mai. Bûk bula tla ringawt ani thei lo. A tam lutuk, zingah i zuk rut elaw, tinge min kaihthawh loh kati a. Nizanah silai nen min veng a, i mutui lai ka kaitho duhlo che lawm. Ati a. A nui ruh ruh a, zana a khuh kharh kharh khan, alo harh reng tih ka hrethiam mai. U Zika chu kan pui sawk sawk a, patê pathum ngawt kan tah leh hnu chuan, chawei kan siam a, zing lama alo man thar, nghalim la fuan lo. Atui pai ngei mai, kiar huar mai chu, ka'n thur khu vut vut mai a, atui hang eng kùk mai, tle nuar nuar chu, mau thei ah, kan bun lut a, sangha rêp fip, ram rap, ti khal tralh chu chhawp telin, puar el euh in, tukthuan kan han ei a.

Chawei atui bawk aniang, chhun chaw tur nen a, kan chhum lawk chu, kan eizo țhak mai ani. Sangha puar hi zawng, pum adam bik a, chuti nilo se, hrehawm khawpin, ka puar ngei ang. Zial te zu chawl in, kan bawk zal a. U Zika chuan, naktuk lam chu, tu emaw zawk zawk sangha rep dah hian kan haw angai ang. An tam țan dawn chauh ani a. A vanglai alo thlen hunah phei chuan, kan vil hneh lo zawk hial ang ati a. Lui hnar lam dawh tur zawng chuan, kan chhuak chho ve thung a, lèn ka den chho pah bawk a, nuam tak ani. Lên han den a, an han su kat nawk nawk mai țhin hi chu, alian țha tih a hriat em em a, nuam tak ani. Kan bawng ken pawh pahnih kan dawh tawh a, a pathum na tur chu, kham pangper sangtak atanga tui lo khawh thla, lungpher hrula a, luipui a rawn fin na, lai ah chuan dawhna tur khuap in, u Zika chuan, a buaipui a. Keiin a chhak lí chu, dèn tum in, ka pan chho a, ka lèn ka vawrh hma hret chuan, uzika bawng dawh tum na mek chung zawn, khâm pangper atang chuan, patling rawl lian leh thum kuar mai hi, a rawn kùk thut mai a, ka phu zawk nghe nghe ani. Ka hawi vual vual lai chuan, u Zika chuan, chhâwn suh aw...ram mi anih kha, arawn ti a, hmeichhe nui awr awr ri kan hriat zui leh rual chuan, ka mur chuai chuaih mai. Helai luikam dinglam hi, kham bang mam pur mai, sangtak in, thui fe chu, luidungah ah a in khawh chho zui mai a. A kam lehlam erawh, hmun zawl rai nuam tak ani thung a. Leilet atan pawh duhthusam ani. Țang ru țeuh chung chuan, lui hnar lam chu, ka zawh chho ve zel a, bawng pawh panga kan dawh a, kan ken zawng chu, kan dawh zo ta bawk a, buk lam panin kan chhuk leh a. Lui mawng lam aiin, dawh tam zawk mah ila, luite chhuak a inhlat loh avangin, kan thleng tawi zawk a, sangha pawh kan man hnem leh khawp mai. NGhalim tui pai te chu dah hrang in, nghahrah leh nghate dang dang nen chuan, kan chhum pawlh a. A lian țha țha kan rep bawk a. Chhun chaw kan fak zawh chuan, u Zika chuana Khawinge, sangha ringawt zawng a hne awm emai, chawhmeh kan zawng ange, therhlo ilo fahran pawh a it awm alawm mawle tiin, silai nen a in ak chhuak a. Keipawh luimawng lam pan in, nghafuan rut tur chuan, ka chhuak ve nghal a.

Lèn den hi nuam kati hrim hrim a. A hlimawm a, lèna han man ngei hi chu, anawm dan a dang riau ani. Ka hrat lak ve hrim hrim bawk nen, haw lama ka dèn theih dawn loh avangin, ka chhuk den thla a, a thlang ber atang ka rùt chho ta a, patè ah kawtin, ka bawr chho khawp mai. Bùk thlen hma deuh chuan, u Zika silai rì ni awm tak, kan ral hriat ruai ruai a. Engtak kap ang maw ti rilru neuh neuh chungin, bùk chu ka thleng chho a. A rêp hmasa ho zinga, a fip țha țha chu khawm in, ka rùt vek a, man thar ho chu, ka rêp leh a. Thingpui inpah a, sangha rep kalo tep chuk chuk lai chuan, lui hnar lam atanga, uzika'n sakhi a rawn puak thlek nghawlh nghawlh chu kava hmu a, rangtakin ka pan vat a, kava chhawk a. A lian țha in, amam nalh zer zawr khawp mai. Tikhan, uipum rawhin kan rawh anga. Puah a awlsam ber meichher tur han sat la, keiin, arawhna tur kalo siam ange ati a. Mau ro sat tur chuan, mau hmunah ka lut a, tel lian telh tawlh pali chu, phel sa vekin, ka pu phei a, uzika pawn sakhi chu, thingtuai in a thil tlang a. A rawhna tur dawhsän ah chuan alo hlang diam tawh a. Phurtakin kan rawh a, rawh fai hnu a, u Zika’n an chan chu, a hnehsawh bawk a, hmuhnawm ngei mai. Kan bel ken lah, chaw no ruk leng lek ani si a. A sa zawng kan rep a, a chek ringawt pawh siamna in daih heklo, phulraw ùm lian deuh sat in, bel a, kan siam theih bak zawng chu, phulraw úm ah chuan, kan duhlai lai part chikim chu, kan dah a, tui tlem telh in, meipui ah chuan, kan han àwm a. Nghafuan rùt turin, kan kalsan ta ani.

Chhuk zawnga lenden hi, a buai thlak zawk avangin, luihnar lam a kal, ka thlang a. Len chu nuamti takin, ka dèng chho nghauh nghauh a, kan bawng dawh pawh alo tla țha tawh hlawm khawp mai. Ala liam em lo bawk a, chhuk zawnga rùh tur in, ka chhohsan zel a, patling rawn kùk na zawn bik lai phei kha chu, alo tla khat thùr mai a. A thlang lí thuk lo te, pharh zau tak si ah chuan, nghalim hlir mai hi, limawng dap chhuak vekin, an bawk thim khup mai a, an phu mur mur chu hmuhnawm tak ani. Bawng ami chu, kava rùt then a. La zo vek lo in, a hnar lam ka pan san ta rih a. Ka silai ah chuan, ka len alo bat leh țhin a, ka ning deuh chuan, Chhuk lama lakah tiin, luikam ah chuan ka hnutchhiah ta nge nge a.

Ka lendèng chu kalo tui deuh aniang, atawpna ber ka thlen chhoh hma hret chuan,tui han ri bawrh ri ka hria a. kan hawichhuak vat a. Ka chhaklawk suar zau lai ah chuan, savawm lian zet hi ka han hmu phut mai. ka silai kan dap vat a. Ka hnutchhiah tih ka hre leh hnuhnawh. Lungpui phenah ka biru vat a, ka thlir ta ringawt mai ani. Minlo la hmu lo hlauh chu, ka vannei khawp mai. NGhalim fuan tur ho chu, man tum in, alo um kual nasa mai a. A lian si a, atan zawng ante deuh ani. A man hleithei tlat lo. An ding ur ur mai chu, alian țha vau vau khawp mai. A âwm a vi(V) kulh mai a. A hmul buk tak chuan, ati lang chum zuala, a rawn chhuk thla anih vaih chuan, kan in hmuchiang nasa mai dawn si a. Chemtum nen a, mal beih atan chuan, ka duhloh ber te zing ami ani. Kei aiin atlan chak zawk dawn bawk si, vaukam lama bihruk dawn lah in, ka pan phei chu min hmu chiang tawh dwn si a. A rawn chhuk hnai ang tual tual a. Kei lah thinphu dèp dêp in, lungpui phenah chempui nen, kalo țhu thlan dup a. Ka silai ah kalo ning vel khanglang chu, ka inchhir ngei mai. Han keng ila zawng, hetiang mai mai hian chawhmeh hlau in, ka țhu thinphu dup dup bik hauh lo ang.

A rawn thleng thla nge nge dawn ni maw tiin, kalo beih dan tur leh tihdan tur ka ngaihtuah a, ka ngaihtuah hmasak apiang chu a hnuhnung in ațhiat a. Ka au vak anga, ka sapatal(inhrosa chugin) vak mai ang tiin. Ka inring ru ran a. Bek ah thlantui aluang zaìh zaih mai. Hun chu akal muangin, a thawpik thlak takzet ani. Mahse, vanneihthlak takin, luihnar lam panin akal ta hlauh mai. A hnar alèn vut vut khan, ka rim a hria em maw ni. Ka thaw huai huai a. lui hnar lam pan a, mawngbial zeta akal her chho mùt mût chu, ka hmuhnawm thlir leh thei ta. Kawia aliam chiah chu, ka lèn ka dah a, fimkhur takin, ka zui chho vat a, ka hlauh ang ngei ngeiin, kan nghafuan dawh chu ahan hmuh ta ngei mai, țhutchilhin alo ei mual mual a. A eizawh hnu chuan, dawh țhat leh chu, hnailo mai, kan bawng dawh chu, a pawt chhe vek a, a puar deuh nge ni, a àng vak vak a, hawi vual vual chungin, kawrkamah chuan alut phei ta ani.

Ruh tur awm tawh heklo. Thleng chho kher lo in ka let thla a, a dawt chiah chu Ka rùt thla ta a. A thlang lawk ah khan, an chawl zo vek emaw tihtur in, an vang pharh mai. Ka silai dah chu kan la a. Ka thinrim thar leh hnuhnawh a. Hei chen ak tawh a, kalo ak tlang law law lo chu aw.. Pawi mange, Sahräng kala kap lo asin le. Kati vawng vawng mai. An bawhkhawm tam na ka zuk thleng chu, fuan tum anlo inbawhthuah tup tup mai a. Mahse, kan bawng dawh ber a awm tlat lo. Makti takin kan hawikual a, hmuh tur a awm reng reng lo. Kan dawhna lai hmun chu, kan belchianga hnuhma engmah hmuh tur a awm bawk silo. He bawm la sawn tu hi, a thlawk thei anih ngawt loh chuan, hnuhma hnutchhiah lo in, bawm hi alak theih tlat lo. Bälu lei leh țiau lung inpawlh, huh nem vek ani a. Hniakhnu zawng, a chiang duh ngang mai. Luite pawh ani lo a. Lungbang sangtak atanga rawn luang phuh thla ser ser hi ani. Lungpher chungah tak arawn luang darh a. Lungpher chung pawh, fur tuitam laia a khawhna khuar kalh pawh a hriat a, tui atling fim kang mai ani. Chu lungpher tawp leh a hrul vel a, luang darh chu, vaukam hrulah, luitui a fin hma in, aluang kawive hlek chauh ani.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2018, 10:12 pm

Makti a, ka hAwihäi vel chuan, lungbang sang leh mam tak var deuh pur chu, ka thlir kual vung vung a, tui rawn khawh thlakna hrul mai ah chuan, pùk niawm tak hi ka han hmu a, naubän par eng mawi tak hi, ka han hmu bawk a, chu puk niawm tak hmaah chuan,a kawtzawl ang in chhawrdawh a awm a, chu chuan, puk niawm tak ka tih pawh chu, a hliah deuh a, a chunglam chiah ka han hmu thei ani. A sirah chuan, kalkhan niawm tak, chhawrdawh/tohläwt(helai hi ka sawifiah thiam chiahlo) hi, a in khawh phei zar zar a, lungbang tawp chu azuk thleng tih ka chhuidawn thei a. Hnim leh thing pawh ațo phei bik zai zai ani. Pùk ang tak bawk chu enchiang leh in, vaukam lehlam ah pheiin, ka thlek nasa mai a. Mahse, ka hmu chiang thei tlat lo. Fur lai chu nise, tuna ka hmuh zawng pawh hi tuikhawh in a hliah ngei ang. Luikuang zimlai ani a, pùk ang ka tih ber chu, lungbang san zawng alai tak ang vel a awm ani a,(aipawn hniam maithei) ka innghat a, ka lawn zuam ber, thingkung ah chuan lawn in, ka thilhmuh chu, kan belchiang lehzual a.

Pùk zawng alo ni na meuh mai, a kaw bial pap mai a. Kun chunga luh hal hal theihna tur ani. Pùk kawngka bul mai ah chuan, kan bawng dawh pawh kava hmu ta ani. Mak kati in, miräp zawk hial a, patling han kùk rik na nen pawh khan, a intu vel chiah bawk si, ka lawnna atang chuan, ka chhùk thla sawk sawk a, ka bungrua, chu khawm in, bùk lam chu, hmanhmawh zetin ka pan thla ta a.

Bawmrang khat zet chu ka rùt tho mai. U Zika chu, alo thleng daih tawh a, thingpui min pek pah chuan, diklo deuh a awm ami, ka rinaiin i thangrei daih mai, i rawn rùt hnem deuh anih kalo ring a, patè pahnih khat ngawt ka zuk rùt asin, Ati a. Thingpui inpah chuan, ka thiltawn te chu ka hrilh a, rawngbawl pah chuan, ngun takin alo ngaithla a. Silai te, hnutchhiah ngawt ngawt tur ani hleinem, i silaimu te kha, apuak thei ngei tur ani tih, i chiang bawk tur ani. Sanghal pawh tawk la, luidungah chuan, a mangan vang pawn a bei thut thei che tih hre reng rawh. He ram hi. Ram chang țha leh, tunhma ațanga anlo tlawh serh tawh țhin ani a. Hnang kha han hlai la, bawmrang(patè) tah pahin ka hrilh dawn che nia, ati a.

Phulraw um a, ka sakhi chek up chu, kan thur a, meipui sațha tak ani bawk a, alo kang hek huam tawh a, ala pawp hman em lo deuh ani. Atui chu bun chhuak in, a sa pawh, changel hnahah kan bun khu vat vat mai a. Hnanghlai pahin, kan hmawm leh zauh țhin a. Athin, alùng, a bìng, leh chek var te chu, atui ngei mai, atui tak țha ngeih ngawih chu, kan dùt leh khalh țhin bawk a, uZika pawn țhial chap chap pahin, tihian asawi ta ani.

Nikum vel atang chauh khan, helai ram vel hi ka fang ve țan a. A hlat tham avanga mi kal veivak tam lo mai mai tur ah ka ngai a, mahse, kan khaw hmarlamah lèm, mi anthleng thui thei viau a, helai sa tamna zawk leh kan khaw tana kal awlsam zawk lam nisi, han kal vel sawitur hi an vang viau ani. Kan khuaah hian mipathum chu,kal țhin ka hria a, chung mite pawh chu ankal ngai ta vaklo aniang. Kan pasalțha pu Dengvunga te, pu Vawmțhianga leh pu Satindala te khi anni a. Keini ang rual chu, akal tawh an kal nawn duh ngailo ani. Kei erawh an sawi ang thil hi chu, tawng ve țhin mah ila, min khawihna hlei lo chu, ka hlau in, ka sim phah lemlo a. Ka tawn ve hma atang an sawi dan chanchin chu ka hre daih tawh ani.

Ka sawitak zing ami. Pu Satindala awmpui venga pu Ruala pa khi ania. A pa sakah theih hmingchawia, Satindala tih ani. Apa ang bawk a, sakap thei niin a hming pawh apu zo khawp mai. A sawidan chuan helai luikam lehlam mualdung chho ah khian, i pùk hmuhna chungzawn, tlangdung chhuahchhawng ah khian, sìhpui a awm a, hmanlai ațang tawh in, kan khua mai bakah khawțhenawm engemaw zat hian, chi teng nan an hmang țhin a. Mahse, kalnawn leh ngam chu tlem te anni. Pakhat tal hi chu an thi haw ziah mai leh nghal a. An thiltawn erawh tuman an sawichhuak ngailo ati a. A mah Pu Satindala chuan, atak ngei a atawn ve chu. Tihian min hrilh ani.

Kapa hian heram hi zanriaka vak lo turin min rawn fo a. Ka zawm lem hlei lo a. Midang ankal ve ngailoh avang tak hian, sa pawh antam hle a, kùt sa zawng a, ka chhuak chu he ram hi ka panding nalh a, sanghal emaw, sazuk emaw kah ngei tum ka ni a, phùng lui hnar lam ka thlen chuan, sazuk hnu thar zet mai ka hmu ta a, kan chhuizui ngial a, a hnaih ka rin ang aiin ka hmu fu thei ta lo tawp mai a. Khua atlai lam tawh nen, riahbuk sualin, phùnglui kamah chuan, rawng ka bawl a, varihaw zanriah hmeh atan a, ka kah chu kalo puah mek laiin, luihnar lam ațang phùngnu lian zet mai, hnute uai duai hi arawn chhuk thla buan buan mai a, ka silai chuh in, kalo nghak a, ka bul arawn thlen chuan, engkhaw sawi set set lo in, ka changel bùk zar chu, an pet darh vek a, ka meichhem lai chu an rap hlum leh a. A lian in, a hmelchhe rapthlak si a, min ei mai ang tih ka hlau khawp a. Ka kap ngawt gam bik silo. A khawsak dan chu, ka thlir ringawt mai ani. Ka lam rawn hawiin, haw rawh ka ram chhung anih hi, meikhu ten min ur leh nghal a, ka fate lawm ah ka hawn mai ang che. Ka ar țial ilo talh ngawt leh nghal, Haw vat rawh ati ta mai a. A sawi zawh rual chuan, ka varihaw puah mek chu khaiin, luihnar lam pan chuan, min kalsan ve leh mai a. Luhlul chhuah a, han awmzui chi ah ka ngailo a. Ka insawn ta ani.

Chumi zan chuan, chaw ka nghei nghe a. Zingah ka riahna bula vahrit lo kal chu, kap in, chu chuan ka inhnangfak a. Sazuk hnu bawk chu, buaipui leh in, ka chhuizui leh ta char char a. A hnu arulchuk fo mai leh nghal a, ramril lam Pan in, a hnu chuan mi hruaizel a. Ka veh ang bawk a, keimah min veh tu awm ve hian ka hre tlat pek a, a changin, ka hnunglamah a awm a, ka sirah te, hmalamah te, awm in. Min bihthla reng hian ka hria, mualdung kawn kan chuang chhuak chu, sazuk khan pui ka han pawh hlawl mai a. A hnu te chu a chiardup mai ani. Kan belchiang deuh a. Sa țum khan pui tak tak ani tìh ka hria ani. Sazuk mai nilo. Sakhi, sanghal, saza. Aa..sa tinreng iti mai teh ang. Ka phur in ka hlim khawp a. Channa tur thingkung rem deuh melh pahin, kan vak zau deuh a, mualzawl pharh nuam zetah hian, zairum kung țhutna rem zet mai ka hmu fuh ta a. Phurtakin ka lawn ghal a, duh ai chuan, asang lek lek mai. Thingkung dang ten khaw hmuh min hliah tam mah mah ani. Mahse, hmun dang zawn buai leh ai chuan ka țhu nghet ta tho a. Ka zawn taka lo chhuak chiah ka hmu thei dawn a, mahse, chu erawh kah thluk ngei ngei theihna tur ani thung. chuvang chuan Ka pawiti talo ani. Min zuitu ka tih khan, min kiansan ta niin ka hria a. Ka muang leh charh tawh mai. Behliang mun hun vel ani tawh ang tih ah chuan, thawm ka hreta a. Ka inring pênpâwn hle ani. Thawm chu ka lampanin arawn kal ri sat sat mai. Sanghal ni ngei in ka hria a. Rilru ah sazuk beisei viau mah ila, tawn hmasak chu kah mai ka tum a, kalo nghak ta ani. Mahse, thawm chuan, ka zawn sa țum khan chu zawh lo in, ka sirlamah min hel ta tlat a. Min pelh lai chuan, han phun sar sar leh nuihza insum tak han nui ri hi ka hria a. E..sa anilo tawp mai tiin ka inthlah dul ta a. A hnu rei vaklo ah chuan, ka hmazawn lam atang bawk chuan, hmeichhe han nui har har ri hi alo chuak leh a. Ka lampan chuan, arawn nui phei kar kar mai a. Hetianglaia nula nuiri han hriat tak mai chu mak kati viau ani. Lasi nula ka tawng dawn aniang ti rilru chungin, ngun takin, kalo thlir reng a. Lasi nula turah riak ka ngaih avangin, hmuhchian loh hlau in, kalo thlir ngun khawp mai. A rawn hnai zel a. Aza viau ni tur ani ala nui har har reng a. Ka hmuh theihna chin, ka zawn fai lai arawn chuang chhuak chu, sakhi tuai, mam nalh zet hi arawn lang hlawl mai. Ka tum loh lutuk ka hmuh avang chuan, ka hau hian ka thlir reng a. Anui ri pawh ala ngai reng ani. Ka hmazawn takah chuan dingin, ka lam hawiin mi rawn chhoh nuih vur vur ta mai. Kan inthing harh a, ka silai chuan kan tin a, ka hmu zui ta hauhlo mai, mitkhap kar lek chhungin alo bo daih. Thawkleh khatah ka bek ah tak mai, beng kìu rum rum khawp in, min han beng mai a. Ka tla teuh kher asin. Ka silai pawh pawh ka thlauh țep ani. Min beng na bawk a. Ka thin pawh arim kher mai. Tunge inih tiin, ka hmingchhal meuh in kan cho zui a. Ka hnuai ațang chuan, aw lian țeng pherh zet hian, chhuk nghal rawh. Helai kawngpui hi, hringmi tan awm phal ani lo arawn ti ta mai a. Kan hawi thla a, engmah hmuh tur a awm silo. Kan insiamrem dawn lai chuan, chhuk rawh kati, ti leh ka awmna Zairum kùng, uipum tiat vel alian chu, arawn sawi ta mai a. A hneh lawp lawp bawk a, min sawi tla țhelh ani. A thingkung han sawi ațang reng mai, cho mi ah ka ruat lo a. Hmanhmawh zetin, mawngtam za chuai chuai chungin, ka chhuk thla ta a. Engmah chu ka zuk hmu ta lo hlauh a, ka tlawmngai ve deuh chuan, meizuk kan siam te te a, muangchangin phùnglui kàn a haw tur chuan, ka kalsan ta ani.

Thuife chu min zuitu a awm nghe nghe a. Mahse, ka hriatloh laiin, min kiansan ve mai, phùnglui kam ka thlen thlaka, lui kuang fai ka chhuah phei hma chiah chuan, ka thlang hret vaukam lehlam atang chuan, zukchal ki hreu mawi zet hian, luitui chu kän tum in, ka awmna lam vaukam thlir hian, alo hawi vauh vauh mai a, a ki han zawh dan velh velh te chu hmuhnawm tak ani. Luitui arawn dai veleh ka kap ang tiin, kan țhu hniam a. Ka silaimu pawh, musau kan chhuan belh te te a. Phurtakin kalo nghak ta ani.

Luitui chu arawn dai țan ta a, a fimkhur khawp mai. A hawikual vulh vulh mai a, a ki mawi lutuk chu, kapu leh kapa kah zingah pawh atluk tur an awmlo. Phur leh thatho zetin, ka silai zukchal kahna atan liau liau a ka zèn thun, muk taka sawh. Mupui chunga, musau chhuan ngei mai chuan, ngun thluk takin kan tin a, a tho chhuan kan bih chhuak chu, chu sazuk ki hreu mawitak ah chuan, naute țhu ka hmu ta tlat mai. Silai bih lo a, ka en chuan ka hmu hauh lo. Ka mitvai mai mai ania nge, tiin kan tin leh a ka hmu chiang ngang mai, naute chuan, mi rawn nuih ver ver leh nghal a, silai a, ka ka tin na chu lasawn in, luitui arawn kan phei chu, it rilru takin ka thlir ta ringawt a. Kapu khan, hetiang hi ramhnuaia i hmu anih chuan, kah mi ani lo tih i hre dawn nia ti a, min chah ka hriatchhuah avanga kap lo ka ni. Silaia tin lo chung pawn ka hmu thei tawh a, nui ri ker ker chung chuan, min thlir reng a. Ka enve reng bawk a. Sazuk mawlh chu ani ka it ni. A ki mawlh chuan min hneh a, kah luih mai pawh ka duh ut ut mai. Ka thlang te ah chuan. Rawn perkaiin vaukam arawn chuang chhuak a, ka sira mi rawn kalhpelh lai te chuan, mitkhap lo lekin kalo thlir ngawih ngawih mai ani. An liam hnu chuan, keipawh in ngaihtuah harh in, ka tum fuh loh țum anih hi a, tiin haw zai ka rel ta a. Khua pawh alo tlai chhe țep tawh a. Thim chhiat hma a aram chhuahsan tum in ka kal ta par par a. Thingthelh ram ka thlen chuan, sava zanriak ka zawng a, vahrit pakhat leh rung mal pakhat ka kap a, rawngbawl in ka in eipuar a, thingkungah riak in atuk khawvar ve leh inlam ka pan zui ta zel a. Thirdengpa zau kumthum leng țul pik chu helin, kawng tlangpui ka pan a, feh kawngpui ka thlen hma hret in, ka sir lama naute han nui kek kek kan hriat chuan, sazuk ki a naupang chuang nuiri chiah chiah kha niin ka hria, kan hawi vel a, sanghal sum ruk vel zet tur, a buala lo in nawt hauh hauh hi kava hmu a. NGuk hruih hruih chunga a inbual lai chu ka veh hnai a, ka kap ta ani. A fuh chiang bawk a, athi tur chalchang ke leng awt awt bak chu a che zui lo reng reng, chutah naute han nui kek kek ri hi, ramlam panin, ari zawi tial tial a, a chuanna ka kah duh loh avang khan, sanghal min rawn pe ah ka ngai hmiah a. Kawngpuiah chhuakin, kawngkal ka hmuh ang ang ka pun a, kan zawn haw ta a. A hnu ah pawh ka kal leh fo a. Mahse, ka sa channa kha chu ka tlawh zui ta biklo ati ani, ati a.

Sawitur zawng atam mai. He lui in phùng lui hming aput chhan pawh, ka sawi tak ang khan, pu Satindala tawn hma atang daih tawh in, phùng an hmuh ngun avanga a hming pawh phuah anni a. Khuta kan bawng dawhna thlang ber dawt chiah, vaukam lehlama lungpui lian, chungzawl durh kha, phung piring chhutna anih kha, piring nawi pawh atam in, a chhutna lung pawh pathum ngawt a awm nghe nghe kha,

kan riahluh atang hi chuan, ala chhu thar lo tih, ka hmu ani ati a. Pa’tê chu pahnih kan tah zo a, chawei kan tintuah a, mizopa thleng renawm loh tak mai, changel hnah chu phahin, chaw kan han khawrh a, alai hawlh kua in, sakhi chek kan han thur khu vut vut mai a. Puar el euhin chaw kan han ei a. U Zika chuan, naktuk lam chu kei ka han haw anga, tlangval ngal chak zawk mah nila, ka fapa ka ngaihtuah riau mai, kan riah luh dawn khan, a damsam meuh lo chung kha, ka kalsan ta ani a. Chanchin hriat ka duh pah si a, nangin ilo veng mai aniang chu, zankhat bak ka han riak lo anga. Atukah ka rawn lut leh nghal mai ang ati a. Chawte kan eikham ta bawk a, khuapawh athim zui titih deuh der mai a. NGhafuan rùt tur chuan, kan inak chhuak leh ta a.

Tun țum chu, luimawng lam ka chang ve thung a, bawng dawh țhat angaih avangin, u Zika chu, athiam zawk ani bawk a, luihnar lam apan a, keipawh bawmrang lian fe pahnih kawt in, luimawng lam ka pan thla a, luikam dinglam chhak, tlang atang chuan, patling a rawn kùk vau vau mai a. Veilam pangper ațang chuan, anlo chhawn chuah chuah a. Nuam ti chiahlo mah ila, hlauh zawng ka hlau bik hauh law.. A mawngber atanga ruh chhoh tumin, ka chhuk thla zel a, u Zika sawi phûng piring chhutna chu ka zuk thleng a. Ka hmuhchian ve châk avangin, ka’n lawn kai a, ka light chuan ka chhun kual a. Piring kawr zawng atam ngei mai. A chhutna lung chu, la in kan thlek vel a, lung satliah ngawt zawng a ang lo deuh ani. A chang tha in, adum fim lek lek niin ka hria. Zanthim anih vang ni maw.

I theih tawk ahla ah paih mahla alo awm leh tho ang atih chu fiah nan, ka theihtawk ahla luikam thing hmun lamah chuan, kan vawm liah liah mai a. A dang pahnih pawh chu, a hran ve ve ah, theihtawka na in ka vawm bo sak ta bawk a. Lui chu zawhthla leh in, amawng ber atang chuan ka rùt chho țan ta a. A vanglai athleng chho țan anih hmel khawp mai, alo liam deuh vek tawh a, bawmrang pahnih bakah iptepuiah ka ak chho hnawk mai a. Ka rit viau na chungin, rit kati phallo. Ka phûrna in min hneh bawk nen, hah lutuk lo in bùk chu ka thleng chho ve mai a. U Zika pawh alo awm tawh a. Zialzu chungin sangha rep alo vil a, ka in nghat a. Ekhai.. Iva rawn rùt hnem em em ve. Keichu, pa’te khat bak ka rùt hleinem. Khilai lungbang i pùk hmuhna lai ah khian, an chawl chho khùp mai a, chhaklam pahnih te kha chu an vang pharh mai. Khilai lungbanga kan dawh khi a lùn dawn cher cher khawp e tiin, minlo be bawrh bawrh a. A repna siam belh leh mai angai ani. Ka hawn tur hi, la ur deuh kala duh sia, zanin a man thar nilo zawng hi ka phur haw anga, a rih loh deuh nan zanin chu ur char char ka duh ani ati a. A repna kan siam belh a, nghalim kezungpui tiah dawn dawn rual chu, an dul var lang sarin, kan han bun kawkalh rui mai a. Kan hai rual duak duak a, changel hnahin kan khuh a, kan ur tluk tluk mai ani. Thingpui inpah in kan han thu muang deuh a, u Zika chuan ka haw hlana rammi i lo tawng fuh anih chuan, kut thawh hmasa tu ah țang lo la, hlau miahlo in hmachhawn tawp la, entin mah ati na theilo ang che tiin, thu țha tak tak min fah mawlh mawlh a. Kan han zi mar a, nghafuan rùt tur bawk chuan, kan thawkchhuak leh a, angaite in luimawng lam chu ka pan thla leh a, naktuk lama kawngkal hah tur anih bakah luihnar lam kal chu ka phùr tehchiam lo bawk nen. U Zikan lui mawnglam kal a chuh pawh ka dan a, ka kal zawk nachhan ani pakhat a, luimawng lam hi kal ahahthlak deuh bakah, kan ruh hnemna zawk zel ani bawk si a, a țhalai zawk tan chuan, kalna tur zawk ve reng pawh ani.

Zan dar sawm vel ani a. Thla ral lam chu ala rawn chhuah loh avangin, luidung pawh athim khup mai a, van lam han hawi chuan, arsi ape tuarh a, nghafuan uap khawdur alo kiang tawh tih ka hrechiah. Van var pawl riai mai chuan inlam min ngaihtir veng veng a. Mahse, chu lam ngaihtuah hman ani lo. Ka hmehen cell thum pawh a eng a chuai raih tawh mai, u Zika chah angai ani, ti rilru nauh nauh chug chuan ka chhuk zel a, chakai vak chhuak ka hmuh fuh te chu ka man zauh zauh a, a engti dan nge ni, zanin chu, dumdé an tam em em mai a, ka hmaiah te an su nauh nauh a, ka thawmhnaw ah pawh an bet ang fir fer a, ka kal eng noh noh ani ber e. A mawng ber ațang chuan, ka rùt chho leh ta nghauh nghauh a, a pathumna ka rùt zo in, bawng chu kalo dawh țhat lai mek in, ramhuai lo vat ho in thawm an rawn nei leh țan ta. Thing an han sah rik tluar tluar te chu, a hriat chian hle ani. An thawm, Thingtlu tur han auh ri tuar tuarh leh mau puak ri te chenin. Mihring lo vat thawm nen danglamna awmlo. An in au a, an kùk khât tawk reng bawk a. Bengkhawn zui duhlo in, ka dawh țha zo a, ka inkawt chho leh ta pùr pur a, a hma ang bawk a tam chu rùt haw leh in, bûk chu ka han thleng chho a, tun țum chu min haw khalh lo ve tlat mai, areh țhap a, kan sangha ùr na mei pawh alo rem duak tawh a, aling sen hùam chuan, alo ur mai mai tawh ani.

U Zika nghah pah chuan, sangha chu kan rèp a, thingpui hang ka in a, sangha rèp ka hmeh chap chap a. U Zika chu ava thangrei ve mawle, lèn te hi akengtel nge mawni tiin, buk chhùnga ka lèn zar(khai) chu kan en a, ala inkhai țha reng bawk si. Alo thlen ve mai dawn hi. Atla țha deuh ania nge tiin, ngaihțha zän lo chung chuan, ka inhnem chawp a, alo thlen hun a, a induh takin, thingpui kalo chhuang a. Chu pawh aso hlawk hlawk tawh. Chhùna ka thil hmuh leh hriat te avang khan, ka ngaih reng ațha theilo. A tawp ah zawng, luihnar lampan in ka chho ve ta nge nge a, engmah athleng lo anih tak leh ka chhawk ani mai tiin, pa’te pahnih ka kawt chho a, bawng dawhna hmasa ber ka thlen chuan, alo tla khat thur mai a, chhuk zawnga lakah akalsan anih ringin, ka pa’te ken ah chuan, kan rùt chhuak a, chhuk paha lak turin, pate nen chuan, ka hnutchhiah a, pakhat chu khaiin, ka chho tlang zel a. Kan la intawk miahlo mai chu ka ngaih reng ațha theilo. Bawng dawh pahnihna ka thlen pawn kala hmu chuang lo a, ngaihțhalo zetin sangha chu, ka pa’te khaiah chuan, ka rùt leh a, lak thlak turin ka kal chhohsan leh ta ani. Ka ngaih ti tmțhalo tu ber lungbang pùk awmna chu, ka thleng chho țep tawh a, ka silai pawh ak lo in, akèn in ka keng tawh ani. Ka hùm nghet sauh sauh a, thla rallam pawh in, lungbang mampur chu, arawn chhun var ruau tawh a, luidung pawh a ên èng deuh ri ruai a. U Zika erawh a light èng takngial pawh kala hmu lo.

Bawng dawhna lungpher ka thlen chho țep tih chuan, bawng dawhna lungpher lampana lui kân phei hi, thlaeng deuh rèi ruaiah chuan, ka han hmu dum zoh zoh a, u Zika ni maw...tiin ka thaw huai huai mai. Muangchangin ka pan chho a, irit deuh anih ka ringa ka rawn chhawk ang che katia, ka rawn chho nih hi, tih läng lâng pah chuan ka pan chho zel a, lui luang ri avang chuan, ka țawng chu a hrelo nge ni, min chhang hauh lo. Bawng dawhna bula ațhu thim map mai chu kava hmu a, ka rawn pheive dawn em. tiin kan au a, min chhang chuang hauhlo mai. Che map lo in ațhu rùn reng mai a, athim deuh vang nge, alang lian viau mai leh nghal a, u Zika chuan atiat hauhlo tih ka hrechhuak thut a, ka light chuan, kava chhun(èn) a. Karei,,!! u Zika awzawng ani lo. A hmel han chhiat dan em em chu, sawifiah thiam chi anilo. Mitkhap map lo in min melh kùl mai a. A hmul dur mai bawk si, zawng pachal lian tak a ang ber ani. A mit chu asen rùm mai a, a engkim mai chuan mi räp em em vek bawk. Kan bawng dawh chu a țhutchilh run mai bawk si. U Zika ka hmu bawk silo. Ka silaia tin reng chung chuan, ka huaisenna zawng zawng sawmkhawm in, tunge inih kan ti hram a. A bu nghuta, ka lam hawi chuan an awm hniam deuh a, ka light eng hnuai atanga min thlir tum niawm takin, awp hniam chung chuan mi melh kuau mai si. Chutah bawma nghafuan tla ho chu, a țham chhuak a, a bar ta hawng hawng mai. Ka kah mai chuan, ka hliam ting anga, mi ching hrep ang tih ka hlau si. Kalsan turin ka hnungchhawn ngam tawh silo. Ka inti huai chawp a, hnawhsawn ngei tumin, kan pan phei a, ka lam rawn hawi reng chung chuan, a che hrut a, ka hmu ta miahlo mai. Khawilam nge apan, azuang nge athlawk hre heklo. Ka light chuan kan chhun kual pup pup a, tlemin min muan deuhin ka hre nghe nghe. A hnai zawk chu chhuk lama lakah tiin, ka kalpel chho a. Ka meichher ek kan nawr thla țhawt țhawt a. Kan lek kang leh chiah chu, hlimthla hian min pel zuk a. Min rawn tai fuh deuh thuak in ka hria. Ka mur sung sung hial ani. Mani lo maha hlauh tawh sa nak alaiin, ka thlang lawk meichher èn phak loh deuh chinah chuan, luitui akan phei thawm, atui han pal rik bäwrh bawrh kan hre zui leh nghal a. Luimawng lam pan chuan ari thla parh parh a. Ka ipte a ka light chu phawrh in, kan zuk chhun èng a. Engmah ka hmu zui hlei lo a. Nuamti lo zet chung chuan, ka kal chhoh san leh a. Ka bawm hnutchhiah ka thleng chho țep. Chhûn eng chu ni se ka hmu thei tawh ngei ang tih ah chuan, lung nal ka rap fuh a. In ring hman heklo. Ke pali vawr suau in kan tlu pek a. Ka meichher lah chu ari sùr a. A thim nghal hmak mai. Ka chhak lawk lui hnarlam ațang chuan, hmeichhe aw hian za em em in, milo nuih ker ker mai a. Ka ding chhuak vat a. Ka ipte a ka torchlight ah chu, ding dir tluk tluk chung chuan kan phawrh vat a. Ka țang deuh hru tawh a. Hmeichhe nuiri insum deuh tak chunga nui ker ker chuan, ka hmulthi ati ding sung sung mai. Hmanhmawh takin ka sangha bawm hnutchhiah chu ka khai a. Buk lampan in ka chhuk thla ta sawk sawk a.

Bùk ka thlen thlak chuan ka innghat a. U Zika chu enge a an tih en turin, bùk chhung chu kan dak lut a. Ka thil va hmuh chu le,,,, Ka mi hmuh hmelchhe zet, hmul dur mai khan u Zika chu, nausen kan pawm ang mai hian alo pawm a. Țhu chungin alo sùk(äwi)pui hliau hliau mai. Alen em avangin, țhu chung chuan, bùk chung a tawng țep ani. Min hnungchhawn deuh si, saisir in a țhu a. Uzika lah chuan meng var ru chung hian minlo melh kul mai a. A hmel chu räpwm tak ani. Mahse, amah u Zika nihna ang erawh pakhatmah alang lo. Ka thawm hria a, a pawmtu rawn hawichhuak chuan, min hmuh ve leh u Zika chu ka ta anih hi, ti niawm fahranin laksak hlau ang hrim in, an pawm nghet sauh a. Sangha rêp na bula ka silai tun chu kava la a, ka let leh chuan, alo awm ta miahlo mai. Uzika erawh bangkil lamah tuizet in alo la muhil bawrh bawrh a. Mi räp deuh roh avangin, ka țhut hnaih ngam lawk lo a. Ka light eng a, ka enfiah hnu chuan, kan hnaih chilh a. A khawsik alo sang nasa mai a, Ka mangang ngei mai. Tui vawtin kan dep ngawt a. A bak tih ngaihna dang hre hek lo. Sangha rèp vil pahin, ka menpui tlawk tlawk ringawt mai ani.

Zanrei ti ila, zinglam ani tawh zawk ang chu, dar2/dar3 vel bawrah chuan, a khawsik chu areh a. Keipawh ka chau tawng khawng tawh bawk nen. Ka mutsan ve ta ani. Bùk kawta u Zika han khuh kharh kharh ri chuan, min ti harh zawk a. Ni a chhuak daih tawh tih ka hrethiam nghal. Rangtakin ka tho a. UZika sangha chhum rim leh sakhi rep rawh(hem) rim chu kan hip vang vang a. Hmaiphih tur in ka chhuak zui ta nghal a.

U Zika chuan, zai deuh rùt rût chung hian, sakhi sarep alo pawt țhet mek a, han hmawm zauh pah chuan, nem,,nem,..ti ang deuh hian, țhial pahin azai zawm leh mai a. Ka mitmei ru reng a, ilo tho tawh maw, tihpaha min rawn melh chuan, zanlama achung a thil thleng kha ahre hauhlo anih hmel. Mak kati in ka mumang leh mitvai mai anilo tih ka chiang si.

Thingpui sen hâng in pahin sakhi sarep tlang khat chu kan hmeh a. Tinge maw min kaihthawh țhin loh le, ka ti a. I mu tui em mai a, i chau anih ka ringa, ka kaitho lo duhlo che alawm. Tukin chu keizawng ka haw dawn vang nge, ka tho harh țha veng vawng khawp mai. Taka, nizan kha kalo haw lai awm ka hre miahlo nia mawle.. Kan ngaihtuah ngial pawn ka hrechhuak zo tlat lo. Ka mumangah erawh phùng lianzet hian minlo um a. Kalo tlanchhe nasa mai a. Ka thaw hah lutuk leh chau tawh thinrim chuan ka kap ta a. Ka harh hlawl a. Ka thaw huai huai mai. Khua alo var vek tawh sia. Ka tho zui ta ani ati a.

Ka sawi ang nge sawilo ang. Hrilh ta ila, a awih angem tiin, ka hrilh ang nge hrilh lo ang tih ka inngaihtuah a. Sawi loh chu țha rih a, ka hriat avangin chawei ka siam ta daih a. Chawei lai chuan, mahni a zankhat lo riah chu ka huphurh zia ka ngaihtuah vel mai mai a. U Zika chuan iva ngawichawi ve, i lungleng deuh tawh emni arawn ti zauh a. Teh nang aw... I haw hlan a ka ramvah dan tur kalo ngaihtuah mawle. Luidungah ringawt kan țuan a. Han vah theng thawt pawh a chakawm alawm le. Sa lah antam hmel si a, sahräng han kah a, hmanlai thangchhuahpa dinhmun ang kha han neihve pawh a chakawm alawm le. Sakei chu sawi loh. Thangchhuah nan a kah ngai, kah tur hi kala ngah teh asin. Tumpang sial leh sai pawh lo dah țha ta ila, sazuk, savawm bakah rulngan leh muvanlai kala hmabak a. Vahluk chên in mwle,, Salian tham erawh hmu pawh ni ila, kan kal dan nen inrem hek lo, ka kap kher lo ang. Mahse, lo vah khawthawn ve hrim hrim ka chak ani, tiin kan chhang teh duah a.

E...nih chuan lo vak khawthawng rawh. Kal hla lutuk lemlo la. He ram hi zawng, bo palh pawh awl tak ania, aram awmdan mualdung han in khawh kual vel hi a in ang tlang hlawm khawp a. Fimkhur ațha ania. Nghafuan pawh ilo vil hah lutuk ange. Zanah phei chuan, men hah vak duh tur ani lo tih pahin, ka puar lutuk dawn tiin, atho a. Kutsil pahin kam ațhuah a. Keipawh ka kham zui ve nghal mai bawk a. Țhu tawi khawmuang lo in, a haw chhuak zui nghal chu ani mai. Keipawh luimawng lam nghafuan zuk rùh phawt a, luihnar lam pùk leh aram vel thlithlai tum ru ran in, ka thawk thla ta phawt a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2018, 10:12 pm

A hmasa ho chu, ka tih dan ngaiin. Haw chhoh paha lakah tiin, ka rut chhuak te te a Ka hnutchhiah zel a. Phùng piring chhutna hmun ka thlen thlak chuan, finfiah tum in kan lawn a, kan enchiang chu. uZika sawi kha adik tlat mai. Ka lung vawm bo sak te kha alo awm leh thlap mai tak tak roh a. A chhut tharna pawh alo darh nawi nuaih mai. Ka phâwk lo chauh emaw tihtur khawpin athar lam hlawm ani.

A mawng ber ațang chuan ka ruh sa te chu ka khawm chho zel a. Bùk ka thlen chuan, kan rèp nghal sawk sawk a. Mahse, thingtuah ka tlachham dawn tlat. Zanlama fawm chawp ngailo turin kan fawm leh rih a. Duhtawk ka ngah meuh chuan darsawm ari tawh hial ang. Kan chawei bang tlem chu ka bawk mai mai a. Sangha rèp tlem nen ka pai a. Lui hnar lam ka pan chho leh ta ani. A tawn tirh ah chuan alo tla khat lo deuh a. Ka rùt chhuak a, a dang pawh ka rùt chho leh a. Lungbang puk hnuai ka thlen chhoh hma hret, lang phak vek tawh si ațang chuan, kan nghafuan dawh chu, naupag pakhat dum vek niin ka hre mai. Meihawl dum ang tak chu ani lo. Mahse, a hmul dum emaw, belmang hnawih dum emaw ang mai ni hian ka han hmu, chu chuan alo țhutchilh ran mai a. Min rawn hmuh ve leh chuan, luitui chu kan in, luikam ngaw chhung ah chuan alut bo ta daih a. He puk hnuai kan bawng dawhna hi ațha kati talo hle ani. Chuvangin naupang pawh chu ka umzui duh talo a.

Ka han thlen chhoh hnu pawh chuan, sangha lo tla chu ka rùt duh talo a. Mahse, nizan lama uZika bawm. Amah ka hmuhna bul lawka lo let ngat chu ka la a. Luihnar lam pan a ka chhoh pah chuan pùk lam chu ka thlir chho vang vang a. Puk kawt ațanga kham chhawrdawh inkham phei zui mai, țhenkhat laia thingkung pawh lian tak tak din na si, chu, ka thlir phei zel a. Ava chhuahna awm zawn chu ka chhinchhiah a. Luihnar lam ațanga kham chunga chhuah chhoh a, púk chu pan a, eng ang fakaua zau nge anih, sakei nge, savawm cheng anga. Saza zawk emni ang. Sathär te tan chuan, a kham hi a thui tawk lo a, azau tawk heklo. Helai luikam lungbang keini tan a, thui leh sang tak hi an ni kumkhaw chen nan chuan, a ho tham tih ka hria. Chuvangin, he kham chhawrdawh inkham phei zui maiah hian, a kal theih anih ngai chuan, sakei, savawm, saza a khwi emaw ber hian an luah loh chuan, ramhuai te tuallenna ani ngei ang. Kham ngau leh zawng ten riah nan leh chen nan hmang nise, anthawm ka hre tawh ngei awm si a. Mihring lam rawngkai thawm hriat leh hmuh ka neih vang hian, ka dawihzepna aiin, hriatchian ka chäkna chu ati chak zawk tlat ani. Hei hi ania, keini ang ramvah leh luikal hrat, sa lùng vei laklawh te minti hah țhin tu chu ni. Hlau chung chung pawh a, hlauhna dahțha a, hriat ngailoh leh hmuh ngailoh, hriat leh hmuh tum a, kan ring kan fän hram hram zelna chhan. Pùk chhaklam ami te pawh nizan lamah kan vel zui ta silo a. Alo tla țha phian mai. Amawng lamah phei chuan, athi hlir anlo awm tawh a. Ka rùt ta tho a. Vaukam tui nemna lai, ah chuan, ka chiah a. Khampang chu hel tumin ka chho ta zel a.

Lui kawi nga vel ka thlen chhoh chuan, kan bùk awmna lai hmun ang maiin, luikuang chu alo pharh duai mai a, lungbang chu hniam te ani tawh a, thinghmun hlang hian, a zuih tawpna atang chuan alo pharh chho dup mai ani. Ka rinaia alo thui tak loh ah chuan, phur takin kan in singsa a, zialzuk chawlh pahin, ka silai te chu kan endik a. Luikamah perkai in, thinghmun ngaw chu ka lut phei ta a. Varung leh varihaw te chu, ka țhawng darh ar ar a, thui erawh an tlan duh hauh lo. Kah leh awh ngailoh tih takah an ngam khawp mai, musep a han phuh pawh chakawm tak an ni. Mahse, hmuh hmasak apiang ka kah mai chuan, ka in ak seng lo ang. Ka tum ber pawh sakah lam ringawt ani heklo.

Ka kalzel a, tlangchung zawl kham tawntirh pawh ka thleng phei țan tih ka hria, engtiklai maha tuma la tuk dar loh, ramchang țha, thinghmun ngaw leh nghal chu ramvak mi ni lemlo tan chuan, a nelawm hran hauh lo ang. Thigkung te chu chhùra rual niawm amawi anni hlawm a, ngaw chhung ni em tlang mang loh, thim ruih mai leh dai raih si, thel nuam em em mai, chunglam han hawi ila, thighnah karah ni zung arawn in kap lut sung mai a. Phur leh thatho zet a, han vahkual vel chu nuam tak ani. Keini tan zawng khawpui chhunga Car manto leh nula nen a, tuallai len aipawn anuam a. Rilru ah engdang kan awt lo. Khawvel nawmsakna leh sum leh pai aipawh in, nunhlimna diktak minpe tlat ani. Silai leh amu kan lungkham ber a, a bak chu sakah tur zawn ani a. Kap lo mah ila, a nawmna kan la hlep tho tiin, hahthlak kan ti phal ngailo. Han kah ngat phei chuan, kan lawm hlei hlei. Mahse, he kan nuam tih zawng tak kan tuipui a, hah leh hrehawm pwisa hauh lo a, kan thawh peih ang hian, eizawnna kawngah han thawkrim ila zawng, retheih kan hmasak tawh a, hausak bak hmabak a awm hleinem tiin, kan inthlamuan uangthuang hauh lo tur. Salùng vei laklawh te hi chu, thlawhhma lakah an pachhe chawk reng ani.

Ka ngaihtuahna ho lam tak tak te chu dahțha in, hmalam panin ka kalzel a, zawngrual sawmthum ai tlem lo tur hi ka țhawng darh a, a pachal chuan hnu dalin, mi bauh khar khar reng mai a, ka kap zawt chak khawp mai. Mahse, zawng tih thinrim a, awm ngawt chu azahthlak kati deuh a, ala dam zui zel phah ta ani. Sawntlung pawngah dingin, ka hmalam ngaw chhung lo pharh zawl durh mai chu ka thlir vag vang a, thingding thelh țhuau kar ațanga ka hmalam fing hnih vel ah chuan ram chu alo pharh leh zual a. Chhuk deuh euh euh hlir in, Thing hmun zawl chamduai mai ka hmuh chu ka pan zel a. Khampang kan bawng dawhna chungzawn phei pawh ka hlat vakin ka rig tawh lo. Mahse, luidunga kal leh khawmuala kal chu in ang thei ani lo. A hlat zawk chang hi atam mah in ka hria, mahse, kal khan hriatchian apawimawh ber ang chu. Ka phùlrai hmuh na hmun kan thleng chu, sazuk leh sakhi ka ,țhawng tlan nual mai. Nuam kati in, han kah thluk ngei ngei theih tur pawh ka tawng tlat ani. Sakhi erawh ka ngaihsak lem lem lo. Aki hreu chin pawh ka kap ve tawh tlat. Sazuk erawh aki hreu chu sawi loh a eng a mah kala kap tlat lo a. A hmuhnawm bik in, insum chu har tak ani. Uzika haw lai nilo se, nghafuan veng ni kher lo in. Ramchhuak emaw ramvak satliah emaw ni ila zawng ka kap ngei tur ani nä ale.. Ka hmanhmawh avang leh ka tum ber chu puk ka hmuh kha, kham chhawrdawh phei zar zar ah khan akal theih em tih ani a. A hmawr tawp ka chhin chhiah rùk ran kha zawn hmuh ngei ngei angai tlat ani. Ka hmuh hma leh ka hrechiang hma ani dawn si a.

Ka kalna chu kawng ka bo ka hlauh avangin, lui dung ațanga, kham ko chung hnaih theih ang berah turin ka kal hram hram zel a. Kal harsa leh hrehawm deuh awm mahse, luidung chu kan bùk ka thlen theihna awm chhun ani tlat bawk si. Ka hlatsan thiang tlat lo. Mualdung pharh țha tak ka zawh lai mek chu, thingchang hmun pharh țha zetah lut in, thing din khät na lai ka pawh hlawl mai a. Chu hmun chu SIHPUI tak tak ani ngei ang, ngaw chhung ram zawl țha leh pharh dup ah si chuan, a hna awm silo in alo tling pum mai a, aluang liam ho chu chu hmun zawl ah chuan, alo lang var uar mai a. Ramsa hnu chu pui tak ani. Ka ramsa hniak hriat ngailoh pawh tamtak ani. A chiar dup mai a, a bul vel (tui tlinna bul) te chu a diak pherh lo reng reng aban chiar dup mai. He sih zet chu sakah ngei ngei na hmun tur ani ringawt alawm le kati vang vang a. Châng chak zek zek chung chuan ka kalpel zui ta hram a. Mihring thing kihna hnu hma hlui te kan hmuh takah chuan, uZika sawi kha ka hrechhuak uaih uaih a. Puk chungzawn ka thleg tawh tih ka hriat phah a. Chu chuan phùr na thar min pe a. Tun hma a chi teng ho sulhnu anih ngei ka ring bawk ani. Ramsial te pawh in an tlan țhin ngei ka ring. Hetiang reng reng a, sih pui hi kala hmu ngailo. Mahse, he hmun hi enge maw ti tak in, ami uap ana tlat. Hmuh theih siloh awm ve dang awm ang maiin, rilru ah hriatna mak tak ka nei ani. Mak ve deuh chu, he hmun ka thlen hma daih ațang tawh khan, hetiang hriatna hi chu ka nei tawh a. Mahse, he hmun ang em em hi zawng ani hauh lo. Chutianga zuitu leh enthlatu nei ni tlata ka inhriat apiang chuan, Ka chung lamah hian sai bâk kan tih ai lian daih si, dum renrùn lian zet mai hi arawn thlawk leh luap luap țhin a. Atir chuan, chu bâk rawn thlawk reng chu mak kati viau a, mahse ngaw chhung thim deuh ruih dai ruai mai ah chuan, zan ang bawkin a tuallim ni hmiang kati mai. Mahse, tunlawk a min rawn thlawh khum leh zuai zuai ațang khan, min uap tu chu areh huai mai a. Chuvangin alo lan apianga boruak nuam țhin chu ka hrechhuak ve chiah ani. Mak kati angreng viau a, mahse chulam ai chuan, ka kal tum na lam bawk chu ka ngaihtuah leh ta zawk a, he sih zet hi chu apui tham emai a, huai nei pawh nise a awm ve reng.

Sihhuai te hi ramhuai sual anni a.Mi sawisak pawh an ching ani. Sihhuai rau rau ah hnahthial sihhuai te hi an michhe ber a. An hmel pawh a chhia in, tet pawh an te ber a. An huatthu a chhia in, mi sawisak te hi an nuam tih zawng tak ani a. Ramtuileilo a, mi sawisak pawh an pawisa lo ani tih, ramhuai zawl in asawi te ka hrechhuak a. Hmalam panin ka kal mawp mawp a. Chhun chawfak hun apel hret tawh in ka ring, nî zung thing hnah kara rawn inkap lut pawh a her deuh tawh tlat ani.

Ka tum ram ber ka chhinchhiah pawh ka piah ral mualdung zing zum chu ani tawh in ka ring a. Ka chawfun leh sangha rep chu phawrh in, ka in hnangfak te te a. Tlang dung pawng lai ram lan thui theihna hmun ani bawk a, ramchin thlir pahin, ka vaihlo chan dip sa chu ka zial a, pak hlat hlat pahin ram chu ka thlir vang vang a. Lungti leng vawng vawng thei khawp a, rilru hneh thei ni hial in ka hria, a ram han mawi zia chu, pangpar mawi ti ve ngai reng renglo tan pawh thlir vawng vawng tham niin ka hria, kei ngei pawh lunglen na chhan tur nei hauh silo in,Lungmawl lunglen antih ang hian ka awm in ka hria. Ka tho a, ka kal leh ta mawp mawp a.

Ka tum ram pawh ka hnaih ta in ka hria. Ka chhinchhiah ruk ber thing ding awn leh pâng kung lian tak zawng chuan, tlang dung kham chung chu ka hrùt phei zel a. In ang alo tam khawp mai, ral thlir ngang kha ka ni a. Ka hmuh dan ang khan lang ve tawh hek lo. Mahse, ka kal tawh dan atang ka chhut a, ka hnaih tawh viau in ka hria. Ka rin ang ngeiin, ka hmalam mautlawn tluk hnih velah chuan, pângsen kung lianzet kava hmu ta a. Thing awn pawh ka pawh phei ta mai bawk a. Ding dun ang a, ka ral hmuh kha, a hmun ah zawng inhlat tak anni. Chu thing awn hnuai chiah ah chuan, kham chhawrdawh chu arawn chhuak a. A zawng hrim hrim a kal tan lo chuan, han hmuh mai mai chi anilo. A tawntirh ah chuan, saza hnu pawh alo chiar dup mai. Kan in siamtha a. Ka chempui pawh phawi mai awlsam turin a fawng kan ak lawr deuh a. Ka silaimu chu thlakin, hnaih chilh deuh a kahna chi. Musep angreng hraw pui pui ka hnawh khawm chunga, mupui kala chhuan leh na chu kan thun a. Ka lut phei țan ta ani. Hlam khat vel zeta zau ațanga intan in, alo arh phei deuh a, ramsa hnu pawh alang thei tawh lo. Hnuailam chu awih bung vut mai niin, chunglam lam amam chho pur bawk a, chhuk emaw chhoh emaw chu thil theih loh ani. Zawng leh kawr ngau te chuan an thei mahna, antan pawh harsa tak tur ani. Ka fimkhur em2 nachhan pawh, kham keite emaw rulpui emaw, saza chal kawlh tak emw tawk thut thei ka ni tlat a. Han in saseng na tur awm hlawl heklo. A che rang zawk zawk din channa ani ringawt mai dawn a. Ka chan chu chhe palh thei anihna atam hle ani. Ka silai a tlawlh(puaklo) anih vaih chuan, chuti hlauh ani mai. Kham chhawrdawh mah nise thing leh hnim ațo ve tho a. Thing lian tak tak leh sang tak tak te pawh a ding ve tho ani. En mai aiin, a hmun a han kal takah chuan alo zau phian roh a, a zimna lai pawh hlam khat vel zeta zau ani hlawm a, azau lai phei chu hlam li lai te pawh atling ani. Feh kawngpui ang maiin, kalkawng phei chu a fai țha a. Mahse, puk ka hnaih telh telh a, kawng pawh azim sawt hle. Hlam pawh tling lo te ani ta nawk mai. Chung lai thing ding leh hnim awmloh na hmun chu a
a hlauhawm duh bik in, hnuailam chuan min hip vung vung hian a hriat a. Khampang ngheng in, chakkai kalin muangchangin, sirsawn chuan ka tawlh phei hrut hrut a. Hnuailam ka en ngamlo. Ka tlak vaih chuan, ruang laih chhuah aipawn ka thi chiang zawk hial ta ve ang. Puk kawt kan thlir phei chu ka naupang hmuh khan, chiang em em hian minlo thlir deuh deuh mai a. Ka phu nasa lutuk chu ka tla țhelh nghe nghe ani. Ka hmu ve tih a hriat ve leh puk chhungah chuan alut ta zuk a, mihring ni tlat in ka hria a. Mahse, a dum vek bawk si, engtin nge alo awm leh hman theih. Kalkhan hrechiang tak ani nge, ramhuai ani zawk. Min lehkhalh a, lo awm leh hman anih chu ka ring chiah lo. Ramhuai ka hmu ni ah ka ngai a, ka hlauhna chu thup in, ka pan phei zel a. Ka awm zawng anuam chiah lo. Chutih lai tak chuan, bak lianzet kha alo thlawk leh fua fua a. A dum vek nia ka hriat kha ni eng ah chuan, asen uk deuh khurh zawk alo ni. Puk kawt kan thleng phei chu alo zau deuh ta bawk a, ka thaw huai huai mai. Thawk kan la a, puk kawngka chu kun ngai hauh lo a, luh han han theih ani tih ka hmu a. Ka light phawrh in kan pan hnai a, a chhung thim mup mai chu ka râp ru kher mai. Hlauhna in min man a, kir leh mai ka duh rum rum ani. Mahse, hei leh chen ka kal tawh a, sa kah theih kha zat kha ka kiansan a. Chuvangin ka luh ngei angai ani.

Puk chhung thim mup mai chu kan chhun èng a, a èn thui lo kher mai, a kaw tawp emaw bang emaw engmah ka chhun fuh lo. Luh tum a, kan kal chiah chu, kha bak lianzet mai khan min rawn su dawt mai, ka phuzuk nghe nghe ani. Min nam chhuak ni maiin ka hria, ka luh dawn apiang chuan mi thlawh hual pup pup a, min su zawt zawt mai ani. Han vai kiang pah chuan, Ka pen lut lui ta tho a. Ka luh rual rual chuan, puk chhung rim chhiatzia chu ka hre nghal. A thàng thur hùr ni berin ka hria, ka awm thei thlawt lo a, uak tuarh tuarh chungin ka chhuak leh a, kan insang phek a. Thawk ka lak ham ham hnu chuan, mi vir sek tu bak chu vai kiangin kan lut nawn leh a. Ka light chuan a chhun tawi tek tawk kher mai, pensawm vel kan kal chu thawk aharsa ta țalh mai. Boruak pawh apik in, a uap churh mai a. Ka thaw hleithei ta silo a, ka chhuak leh ta nge nge ani.

Luh thui theih anih tak loh ah chuan,haw leh mai loh chu, han tih dan vak ka hriat chuan loh avangin, khampang ah chuan ka tawlh phei leh ta hrut hruta. Puk rim kha, ka hnarah a chàm a, hrehawm tak ani. Chhawrdawh zau chin ka thleng phei chu, ka tlak hlau vel ka insum nasa bawk nen, mittui hnam sawk khawp in, kan uak tak tak mai pek a, ka thawl huai huai mai. Fimkhur takin ka phei zel a, ngaw chhung ka thlen phei leh hnu chuan, ka thu chawl a. Bùk pana, Ka kalna ngaia let leh nge, he mual tlangdung hi zawh thla in, bùk chu ka zawng thla dawn aw..

Ka tho a, tlangdung zai zai zawh thlak a, bùk zawn chu, pawh dan ngaihtuah kati tlu ta ani. Lui awmna ber ka hriat chuan, luiah ka tla thla anga, kan bùk chu ka.pan tawh mai dawn ani tiin, bo na tur a awm hleinem. Ramchin hriat nan pawh ațha alawm kati a, ka kal ta nal nal a. Khua pawh atlai țan tawh khawp mai, thim hma chuan bùk ka thlen hman erawh kala ring. Ka chhuk a, ka chho a, ka phei a, ka lawn leh ang țâwk țâwk a, a chang in nuam sa takin ka kal a,
ka mual tlangdung zawh lai chu, sawntlung pawng sang lai, khawthlir na nuam zet mai ah ka chuang chhuak hlawl mai, kan nghafuan dawhna luidung leh ruam te chu alo lang pharh ut mai a, tlai ni tlak dawn, nî pawh kawlbulah suk chen lekin ala lang sen phût a, ruam rai ni em tawh loh lang fiah kak mai te chuan, hlaphuah tu te rilru ava dek dawn tak em. Lui lam chu kan enchiang a, kan bùk pawh alo lang ut mai. Kan buk tuala kan sangha rêp viltu vei vel chu makti zetin ka chhuk thlir vang vang a, meikhu in min hliah leh țhin avangin, ka hmu chiang thei tlat lo.

Ka kal dawna ka meituah kha nise, a khu hmuh tur a awm ka ring tawh lo. Chhawm țhat leh tuah alh țhat khu a ni tlat. Buk chhunga alut chu alo chhuak leh sangha rep chu alet kual niawm takin, ka zuk hmu dum nal nal a. Uzika chu a haw leh talo nge, a intihpalh vangin alo let leh emni dawn aw.. Haw nise in athleng deuh awrh ani awm si a. Rawn lut leh nghal ni ta se, rawn thlenna hman ala awmlo.

Rangtakin, bùk lampan chuan, mualdung chu ka zawh thla par par a, bùk lam mawlh ka ngaihtuah avangin, nghalbuala sanghal sum sarih vel zet tur, inbual chu ka țhawng tlan pek a, nghalchang diktak ngho var vah mai, tlan liam tur mawngtam chu ui zet in ka thlir liam vung vung a, han chhuizui pawh ka chak viau na a. Khua in min thim hnan ka hlau si a, ka kal leh ta zel a, bùk awmna zawn mual ni ngei a, ka hriat chu ka zawh zel a, phivawk no hruai ka hmachhawn thut mai, a kawlh țha kher bawk a, mi hmuh rual rual chuan, mi rawn phin phei ta mai a, ka kekawr tlang, ka chawn zawn arawn tai thler hrawih a. Rang takin ka bula thingzarah chuan

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2018, 10:13 pm

NGAFUAN VENG IN.2

By, Hriata Tea
.
Rangtakin ka bula thingzarah chuan ka uai chho a, ka hnuaiah chuan tha tho leh thinrim zetin, a phit ve dat dat a, ka kah dawn leh asa ka ei duh loh bakah, a no hruai ani bawk si. A kal sawn lawk duhlo leh nghal. NGhah paha meizuk ka siam lai chuan, akal kiang ve ta hram a. Aliam hma chu ka chhuk duhlo a ni. Mi rawn phin ve leh khanglang a nga, kan in chhaih khawtlai rei mai mai dawn si. A liam ve leh chhuk in, Bûk lam chu ka pan zui leh ta nal nal a,

Ngaw chhung chu athim deuh khung tawh a, ka hma lawk ah chuan, vahrit thla khawng ri leh, zanriak tur thlawk kai thawm ka hria a. Apa thlakhawng ri chu ari deuh hum hum a. Thawmdim takin ka pan phei a, sawmrual vel zet chu chunglam ah anlo fu țhup tawh a. Apa pawh athlawk kai ve leh chiah a. Hnuailama la awm te ai chuan, chunglam ami chu ka hmuchiang thei zawk bawk a. Ka silaimu chu musep in kan thlak a, phir tum ranin ka kap ta ani. Pathum pali vel lai chu anrawn tla ri phur phur a, ri deuh dap awmna lam chu panin pahnih chu kava chhar a, an thichiang ngang mai. Pakhat chu ala sawt zuk zuk thei a, kan um leh rih, thlawk thei tawh heklo, kava man ta nge nge a, a malpui leh thlaki alo tliak niin, min chuk hlawk hlawk chung chu, ka ak hmiah a. Buk lam pan chuan ka kal ta zel a. Kan bùk pawh alo lang thei ta. Muang zawkin bùk thlithlai pahin ka pan a. Ka sangha rep na mei alh hlap hlap chu ka hmu a, bùk chhungah chuan awm an awm leh awmloh hriat tum in, buk bul ațang chuan ka aw kan thian kharh kharh a. A reh vang vang mai.
Unuau hmelhai vel ani tawh a, buk chhung chu athim khap a, kan lut chu tumah an awmlo. Ka in nghat a, sangha rep endik tumin ka chhuak leh a, sangha rep chu alo pung thùr mai a. Țha takin alo inrep thlap a. Mei pawh chhawm țhat hlim ang mai in ala alh țha a. A inthiar lawk nge. NGhafuan rùt turin a chhuak zàwk ni. Bùk chhungah chuan lut pheiin, mei ka nun a. Uzika hnuhma leh bungrua engmah hmuh tur a awm lo. Engkim mai chu ka kalsan dan ngai ngai in alo la awm thlap si a. A tu chu nge maw ni dawn aw..ti rilru vang vang chung chuan, sangha rep chu kava enchiang leh ngat a, rùh thar leh rèp hlim ngei ani bawk si. Kan chawbel, sangha rep na meipui sira meiling thai chhuah thar ngei chunga in chhuang, changel hnah a khuangtuam thlap chu ka hmu a, ka'n chawi chhuaka arit nalh mai, ațawnna hnang hmerh chu ka phelh a,chaw chhum thar diai mai alo khu vat vat a. Kei aiin a chhum thiam daih. A rum tui tawk chiah ani. A chunglam pawh akaw sang mai. Ka chhin țha leh a. Buk chhungah lutin, ka vahrit kah te chu ka phawrh a, pahnih chu aletling zawng in ka khai a. Pakhat chu kengchhuak in, sangha repna mei éngah kava puah ta a. Ka puah zawh chuan, mizo buh țham thum vel nen, ka chhum pawlh a. A bawp pakhat chu meivil paha ei ah tiin ka hem a. Zial zuk vang vang pah chuan, sangha minlo rep sak a, chaw milo chhum sak tu chu tunge ni ang tiin, ka ngaihtuaha. Tu pawh chu nise, meivil pahin ka pawng nghah ve ta ngawt a.
CHutia kan awm chawlh takah chuan, kan nghafuan rùh chhawnna bawng chu kava hmu a, kan enchianga alo kim thlap mai. Nghafuan rùt chuan, a kal lo tawp tihna a ni. Inthiar nise, lo let a hun tawh bawk si. Ka in ngaihtuah buai lai chuan, ka piah lawk thinghmun lam atanga hmeichhe han nui har har ri lo chhuak chuan minti harh zawk a. Chulam chu kava hawiphei vat a, kalam pana lo phei dum nal nal chu kava hmu a, mei én chin leh chin lo ah chuan ading ta ani.

Hmeichhia zawng ani gei mai. A hmel erawh ka hmu thei lo. Ka enreng lai chuan, iva chhúm rimtui ve, lo lên iphal em arawn ti a. Ka makti hamhaih vel chuan, chhanna chang kalo hre lawk lo a. Ka barakhaih deuh che ni maw, min hrethiam rawh tih hlauh che ka tum lo ania.. A rawn tih leh takah chuan, ka harh deuh kâwk in ka hria. E..phal teh reng e,lo leng rawh kan ti buh deuh nuaih a. Ka lampana arawn phei ta chu kalo thlir reng a, mei èng chin arawn thlen a, a hmel kan hmu zet chu, karei..!! Hmuh thianglo ka hmu ta mai em ni le.

A kawr hak chu, van dumpawl ang mai a paw nalh leh ngotekherh ang deuh pawnfen chhing, khup khuh chang chang nen ka lampana arawn kalphei zan zan mai chu, mei eng mai mah nise, a hmelțhat zia hai rual anilo. A țhatna chuan, kan vel chu a chhun eng sùt ni ber in ka hria. A thawmhnaw ka sawi daih na chhan pawh, keini chu kan thawmhnaw hak leh inbel ten, min ti țha a. Ani erawh zawng, a hmelțhatna chuan, a thawmhnaw te chu ati mawi zawk tlat ani.

Ka bul arawn thlen chuan, nuih seih pahin, țhuthmun an rem a. Hringmi zingah amah han khing pha tur an awm ka ringlo. Min va enduh ve tinge, mak min ti deuh ami anti a. Zep țit țet lo in, nang anga hmelțha hi kala hmu tlat lo atin ni ka ti hlawl mai. Lawm hmel takin anui ver ver a, a biangsum te chu ava inhmeh bik tak em. Zanriah ila eilo tiraw.. I sa hem hi a hmin tawh anih hi tihpahin a hemna tul chawp chuan, an lek chhuak a, keipawh zanriah kala eilo a, i sa hem hi kan tem chhin aw tihpah chuan, tlem an piai thla a. A dang chu min han pe a, atui hle mai. Kan archhiar ami athau țha țha i kap ani a. Kapi vulh thau sa an nia, amah a awmlo hlauh a, i kap thei mai mai ani. Vawin nileng khan i bulah ka awm reng asin tihpah chuan, ka makti hmel chu min han nuih sak a. Ka hrilhfiah ang che tiin, ka ngaihtuahna chu hria niawm fahran in. Lasi ka nilo a. Khita kan chhak tlang huai lalfanu khi ka ni. Henglai ram zawng zawng hi kan thuhnuaia awm ani a. A chhunga cheng sihhuai, puk huai, khamhuai, bùng huai te leh phùng rual thlengin, kapa thuhnuaia awm vek anni. Vawiin khan zuilo che ila chuan, sihhuai leh pùk huai te khan, an sawisa ngei ang che. An zahngaihna ka dilsak che avangin, i him hram anih kha. Kallo tura ka duh che avang leh i zawlnu nih theih beiseiin, sakhi chal leh zukchal te ka rawn tawktarh a. Mahse, mak ka tih khawpin, i kap duh ta tlat silo a. Hringmi ho hi duhamna akhat leh huamhauh tak niin kalo hre țhin che u a. I kah duh tak loh ah chuan, ka båwih thei ta silo che a. I hnena inlar a, rawn kawm che hi ka tih theih tawk ani ta ani. Ka rawn pan rawih che anih hi.

I sagha rùh sak tur che leh rep sak tur che in, ka hote zing ami ka ruata. I hmuh ang in, chaw pawh an chhum sak vek che anih kha. Ka rinloh deuh in, kapi archhiar ami i kap leh lawi sia, keini tlänghuai te hi, mihring lakah kan sual ve ngailo a. Nangni hring mi te hian min tih buai a, min tih thin ur pawn kan dawh hram hram țhin che u asin. Inkawm nel a, inpawh taka awm ho hi kan chak țhin. Ka hmuh tirh cheu atțang khan, ka enthla deuh reng che a. Han pawh rawih che kha ka hreh si a. Chutih rualin lal kan nih avangin, henglai ram ah hian kan duh duh in kan tal thei biklo a. Huai dang tamtak an cheng ve a, kan thiltih theihna asan ber avang hian min hlauh tlawn a. Mahse, heng huai sual tak tak te hian remchang an hmuh phawt chuan, ka chungah pawh engmah anti hreh hauh lo ang. Remchang erawh pek ka tum lemlo. Khilai vawina i han kalna puk huai khi sual tak ani a. In nghafuan dawh pawh khi, dawh tawh lo la ațha ang. An ta chei ve tlat si a. I țhianpa pawh kha, a thla an man țep asin. Amah kha a huaiin a kawlhsen em a, an man thei talo mai zawk ani.

A hriatna kha ka tihbo sak anih kha. An buai dan engmah ahre hauhlo ang. Alo kal leh hma chu kan inkawm dun thei ang tiro.. anti a. Thei tehreng e le..nang in min kawm duh te chuan, ka remti thlap e. Anih i sachhum pawh ahmin tawh bawk a, chaw i ei ang hmiang. I țhianpa arawn luh leh hun chu, khi puk huai te nen khian, buaina in nei dawn ani. Mahse, ka hrilh lawk lo ang che. Chuti lo zawng kan inkawm tui theih loh phah ang tih siam siam pah chuan, sa bel leh chawbel chu buk chhungah a chawi lut a. Changel hnah phah in chawei asiam mawlh mawlh a, a che vel chu mit la lêk lo in kalo thlir ngawih ngawih mai ani. A pawnfen khuh baka a chawn lo lang var hai mai han mawizia leh ataksa lang lai no sen chek mai chu kalo thlir ngawih ngawih a. In lama hmeichhe ho ang tho in engkim chu ati ve thei vek bawk si. Thingtlang nu diktak chet dan aiin amawi zawk mah leh nghal, hetiang khawp a. Ti tuai nalh leh no țha, changpât (pagchat) pawh arap àt thei ange tih tur khawpa no ani a. A chevel erawh a zei thlarh thung si. Chaw kan han kil dun te chu ka zam chhe lek lek in ka hria, țhial mwi loh leh ei țawp te ka hlau hnuhnawh a. Ka puar nge puarlo pawh ka inhrelo. Chaw kan han eikham chu, nghafuan rùt tur in chhuah zui mai kan tum a. Ngawi rawh zanin na na chu kan awl ang che
Ti khan lo awm la, ka naute kan tir ange tihpah chuan, bùk kawtah ava chhuak a. An kùk räih a,

Kawt ah chuan, engemaw swiin an phun ta nak nak mai. Kava chhuah ve chuan, luimawng lam leh hnar lama palian zet zet pahnih kal liam tur chu ka hmu hman hram a. Kan sangha rèp chu tleirawl hmelțha zet, tai tèk mai hian alo vil a. Min nuih ver ver pah chuan, i sangha rèp hi ka ei dawn aw tiin, min han dil a. Nuih let suk pahin, i duhtawkin ei rawh, i duh athu ani mai kti var a. Sangha rèp chu la in a eita niap niap a. Ani pawh hi duailo tak ani. A hmețha takzet, a hmel pawi sawilo leh thianghlim tak chu, duhawmna a khat ani. Ala naupan hmel deuh e tih mai loh chu, a chuti, a kha ti, ti a han selna tur a awm hauh lo. A u zawk kan nula hmeltha-i chuan, e..taka hming pawh kalo la hrilh hauh lo che a. Mahse, kan țawng a, kan hming chu i hrethiam awm silo a. Hei ka nau hi, Lalno emaw note tiin emaw ko mai la. Keichu i duh duh min phuah la, min koh dan apiang ka pawm e, ati a. I hmeltha in i duhawm bawk a. Duhawmi ni mai ta che kan ti ve a. Nuih seih pahin awle, țha kati lutuk tiin, anui ver ver a. Tawrh ava har em, tirawh kan khua leh hetiang laia cheng hote ka hmuh tir ang che. Remchang lai atang kan ral thlir dawn nia. Kapa hian hringmi te nen a, inkawm hi akhap tlat a. Mihringte hian buaina bak min thlen lo. Kan chenna vat chereu in, min um tawlh reng ringawt ati țhin. Mahse, ka ní te ho zingah pawh hringmi te nen a, in zawl an awm nual tho. Naute, tikhan sangha kha lo rep sak rawh aw tiin, an chah a. AWle, hlimtakin inkawm rawh u, kalo rep vek mai ang t in, anui sen sen a.

Ti rawh le, i inring em tihpah chuan, Ka kawngah mi rawn kuahin, a hmeichia zawk chuan min chawi a, kan kang ta vu vu mai. Hnuailam kan en a, nghafuan rùt a atirh te kha anlo thleng chiah tih ka zuk hmu a. Kar lo ah an lang pha talo. A rimtui zet chu ka hip vang vang a. Min han kuah rial mai chu, ka tuiral lo chauh ani. Anuam kati veng veng mai.

Khawihmun nge pawh ka hriatloh tlang chhip lungpui tohlawt ah min țum pui a. Ram zawng alang chiang kher mai. Van thiang kuk mai chuan, luiruam te chu a kap eng ri riai a. Ram ngaw vek ni a. Ka hriat ah si chuan, mei eng de neuh neuh chu mual inhlat vaklo leh inhlat tak tak ah te chuan, anlo èg chuah chuah a. Ani chu ka dara rawn bei tlen pah chuan, sawng mei eng i hmuh te saw, i mit ka tihvar sak che avanga i hmuh an ni a. Keini tläng huai te chenna chu khita kan ral lehlam mualpawng bik siruk lo chhuak hnuai zawna èng de tuarh khi i hmu em. Khi khi kan khua chu ani. Kan hnuai fe a, èng awm de ve tiarh khi pèm kual chi ho anni a. Nangni hringmi te chuan, zana an èng in hmuh chang chuan, țaù meicher chhi inti țhin. Khu kan thlang ruam zawl laia mi khu sihhuai ho anni a. Lawm an nei ani maithei, zandang aiin an èng a nasa tlat. Kan dinglam rala èng lo chhuak saw chu, zana lovat ri i hriat țhin te kha anni a. Mi anti buai peih viau a. Mahse, tumah anti na ngailo thung. Mihring dawih deuh han tih țhaih hi nuam anti a. Thawm ringawt hian an che ber a. An phur viau chuan, hlim thla te pawh an thawh ve fo bawk. Intih hlim nan an hmang ber țhin ani. Anlo hlauh viau phei chuan nuam anti in, an uar tulh tulh țhin. An hlauh loh chuan, an peih rei ngailo. I zawlnu nih ka châk tehreng nen, ka tawktarh i kap duh ta silo a. Ka bâwih theih tak loh ah che chuan, i thu thu ah a in nghat a. Ramsa bakah hausakna thlengin, i duh apiang chu ka pe ang che. Mahse, ka tan i in serh tlat ve thung ang. I thu thu ani mai Ramsial leh sai te thlengin ka pe vek ang che. Rosum i duh pawn lunghlu puk kan nei a. I duh zat zat i thlang thei bawk ati a.

Chutih lai tak chuan, kan sangha rèp tu tleirawlte kha, kan bulah chuan inthlahrung taka a aw, thian kharh kharh chungin arawn lang hlawl mai. Kapi ka tihbuai che avangin min ngaidam la, mahse, ipa in a zawng che a, arang thei ang ber a. A hnena i inlan angai ani arawn ti a. Ani chu a ding hluai a, ehe..nithum chhung ngawt ka awmbo tawh tak, min hrethiam la ka kalsan phawt ang che. Ilo in ngaihtuah dawn nia, naute, an bùk thleng lo zu dah mai rawh aw. Zanin chu ilo kawm hlim mai dawn nia, ka kal ta nge. Kapa alo thinrim tawh viau ang tiin, hmanhmawh takin, ban vai lap lap chung chuan kan in thlah ta a. Ka ngai zui veng veng mai. Khawhar ta riau a inhriatna leh kimlo tlata in ngaihna ka nei a. A liam tak na lam ka thlir zui veng veng lai chuan, Ka bula tleirawl ding chuan, A hmelțha tiraw,, ngai veg veng mahla, a awm kati lutuk. Kan pi hi zawng tlâng huai lal dang te pawn an rawn beisei fo țhin asin. I vannei gawt mai. Mahse, ani zawng avanduai dawn anih hi, hringmi a duh miau si che a. Mahse, keipawh ni ila, lo hmu hmasa che ila zawng, i zawlnu nih tum in, ka buai ve tho ang. I rilru erawh a hmin zân lo tih ka hria. Ti teh in bùk lamah chhuk tawh ang hmiang, zan pawh arei dawn ta ati a. NGwirengin ka bu nghat a. Ka kawngah rawn dawmin, min chawi a, kan kang ta delh mai.

Tlâng huai Lalfanu hmelțha chu ngaiin a zunah ka uai ta mai em ni. Ka ngaih veng veng a, ka vei zui tak em em chu le.. Sai leh ramsial han kah te chu ka châk in, hausakna chhiarsen loh nen a, han inpenparh chu ka thlahlel hle si a. Engtin chuan kati dawn ni maw. Bùk kawtah chuan min han nghata, sangha lo rêp tu palian zet chu, atho thurh a, luimawng lampan chuan a chhuk ta nul nul a. Tleirawlte-i chuan, hei sangha pawh an rawn rút hnem khawp asin. Zan arei ta bawk a. I duh leh va mu tawh rawh. Zanin chu nangmah nen lam kan lo veng ang che. Pi ber thupek leh duhdan ani bawk a. Lungmuang takin va zal ang che. Kawl en ah kan țin san chauh dawn che nia ati a. Anih leh kava mu ange aw.. Vawin ka vak chau deuh aniang ka mut pawh a chhuak ve chiai chiau mai tiin, bùk chhungah chuan ka lut phei a. Mut hmunah ka in ngaihtuah nasa ngei mai. Sai ngho chhuak han kah a, ramsial ki țha han thal huah mai te chu, kalo chak leh suangtuah nasat ber ani țhin. Rosum lunghlu ala tawktarh tel bawk si. Chung zawng zawng tello pawhin, a hmelțhatna ringawt pawh, thihchilh tham ani si.

Hmanlai pasalțha lasi zawl ho khan, sa kah nan lasi kha an zawl deuh ber țhin ni a sawi ani a. He tlanghuai lalfanu hi lasi chu nilo mahse, lasi nula ansawi kalo hriat ve țhin ai pawh a, hmelțha zawk ni hialin ka hria. Mahse, kristian inti ve si in, Ramhuai chi hrang hrang zinga, tlâng huai lalfanu lo zawl ngawt chu, ka rilru leh thinlung takin dik kati thei silo. Pasalțha ni tur chuan, sakah theih chu ațul ber leh tih makmawh ani ngei mai. Mahse, pasalțha nihna a bet leh pawimawh tak tlawmngaihna, rinawmna, huaisenna leh midangte tan a, thlamuanna leh entawn tlak nih angai tela. Chung zinga pakhat mah chu, neih leh chhuan tur ka nei hauh lo. Hmanlai pasalțha te chu, tehkhin thei kani heklo. An hunlai leh tun hun a inang silo a. Engpawh chu nise, a bula awm zawng nuam kati in, ka thlahlel takzet ani. Hmuh leh ka châkna ringawt pawh hi, natna hrik nise zawng, chawp leh chilhin min ei hlum nghal ngei ang. A hmelțhatna zùn chuan, hrui lo in min phuar let tawp tawp ani ber. Mut hmuna ka leh sek danah a hriat mai. Enge maw ti tiin, ka hriatloh kar chuan kalo muhil ta aniang chu. Sava hram nak nak ri chuan, minti harh a, kawl pawh alo eng țha viau tawh. Buk kawta ka tuilak ah chuan, kan inphih harh a. Ka harh hma deuh a. Ka mumang chu ka hrechhuak zawk mai.

Ka mangah chuan, tleirawlte-i khan, hei kan hawsan tawh mai ang che. Phùng leh ramhuaite hnawt țiau tu kawlèng pawh alo hnai ta. I țhianpa pawh helam panin, arawn zing kal dawn anih chu. A rawn thleng har lo ang. Mahse, athu rawn ken erawh in hahpui deuh ngei ang le. Kan pui thei dawn hauh silo cheu a. Khawthim atanga arsi eng hmuh theih hmasa ber alo lan hun hma chu, kan tan puih theih inni silo. Lo fimkhur hle ang che u. Kapi hnenah chanchin hrilh turin ka kal tange tiin, ban vai la'p lap chungin aral ta riai riai kha ani a. Min kaitho kher lo in, mumang ramah min rawn bia ani ngei ang. An thil tih theih zia ka hriat belh zel chu ani si a.

Ka inphih fai zawh chuan, chawchhum ka siam a. Ka vahrit khai pakhat chu la thla in, ka puah a. Khawinge kan hem hmin teh ang. Mei avàm țha bawk a. Chhum ringawt zawng ațhing pawh ala awm tho alawm tiin, muang marin ka puah a. Zanlama ka thiltawn te chu ka ngaihtuah let a. A tak tak ngei zawng ani bawk si. Makti leh hlim ru tak si chuan, ka kiai suk a. Ka vahrit puah chu túl in ka thil tlang a. Sangha rèpna mei dùr ah chuan ka hem tlawrh ta suah suah a. A kawchhung erawh, sațhing belah ka thlak a. Chawbel suanin, ka chhuang kai ve ta thung a. A thin inphel pui tur ka nei dawn talo tih ka hriatin, zanlama hmelthate-in, athin hi inphel ang aw ti a, aphel lehlam min pek lai te kha ka hrechhuak a. Vahrit thin ka eitawh zawng zawng ah atui kala ti ber. Ka ngai veng veng mai chu ani si a. Intawn ni awm leh tak maw.

Uzika chu arawn zing chhuah anih chuan, chawhma lamah arawn thleng ngei anga, eng thu thar tak rawn keng ang mawle. Tlânghuai nula pahnih te khan, min hrilh lawk tlat mai si a. Eng thil tak ni ang maw tiin, ka vahrit hem lai, lehkual sek pah chuan, ka ngaihtuah rauh rauh a. Ka sa hem pawh ka tem filh deuh rul tawh a. Tui ti zet a, a bawp ti ka țhial chap chap lai chuan, luikam lehlam mau hmun tlem awmna chung chiah atang chuan, mihringin, chîri, chiri, chir chir, ti a. Ar kan koh ang chiah chiah thawm hi, ari lâng lâng a. A hnu lawkah nutling rawl bawk hian, rî teh, rî teh ti a, vawkchaw pe tur ko ri kan hre leh bawk a. Mak kati ngei mai, Ramhuai ho hian, ar leh vawk an vulh ve em ni dawn aw.. Mihring aw ang chiah mah nise, khawilam mihring mah heng laiah vawk leh ar vulh an awm lo ang tih chu, kapa hming tluk in ka hrechiang si. Hlauhna erawh ka nei lem lo. Tlânghuai lalfanu kha lo la tawng lo pawh ni ila, hetiang thawm kher hi chu ka hlau bik hauh lo. Mihuaisen hlauh neilo an tih te ang erawh kani lul lo mai.

Ka dawih in, engemaw hlek ah hlauhna ka nei hma em em a, ka hlauh avangin ka tlanchhe kher hran law.., hlau chung chung in, hlau lo ang leh tih luihna nen ka tuar lui țhin mai zawk ani. Mi huaisen pasalțha, thinphùt neilo te chu ka awh leh entawn aber anni zawk si a. Ka sa hem chu, ka in tem vir laklawh a. Ka intem puar thei mai dawn in ka hria a. Chawbel leh sațhing bel chu kan hnuk hnaia. Mizopa ramhnuai chawthleng, sil fai ngailo chu phahin, tukthuan ka ei zui ta ani.

Ka puar bawk a, dul zut hauh haub pahin, vaihlo zial ka pak talh talh a. Zanlama ka thiltawn bawk chu ngaihtuah a, ka țhut lunglen veng veng lai chuan, luihnar lama naupang thlabar țe ri niawm tak chuan, minti phuzawk mai. Ka beng dawh meuhin kan ngaithla vang vang a. Hriat zui tur a awm lem hlei lo a. Ka beng chhe ri mai mai ah ngaiin,uZika rawn thlen hma a, vawikhat tal nghafuan lo rùh leh tum in, ka insiam a. Nizan lama min awl tuten, an rùt hnem bawk a, arêp na kan siam ho pawh akhat leh dùl tawh. Thingtuah pawh min fawm sak ni ngei tur ani. Malpui tiat tiat leh banpuam tiah rual te chu avum thur mai a. Thingtuah zawng lungphan thlak loh kher mai. Luimawng lam ațang bawka țan chhoh leh tum chuan, ka chhuk thla leh hnak hnak a.


Zanlamah an rùh hneh deuh vang aniang, a hma ang in alo tla țha teh chiam lo tlat. Bawmrang pakhat lek khatin ka rùt zo der mai. Bùk ka thlen chhoh leh chuan, ní pawh alo tlangsang viau tawh a, sangha chu arèpna ah kan bun a. Huih rual pahin, arèp hmasa ho chu kan hnawl tawm deuh a. Mei chhawm țha in, athar ho chu kan ùr nasa bik deuh a. Thingpui hang kan in leh te te hnu chuan, luihnar lam chu ka pan chho ve leh ta ani.

A hnar lam phei chu atla țhalo zual dawn emaw tihtur in, a hmasa berah phei chuan, amawng dàp vel chauh alo tla a. Ruh pawh rùt nghal lo chuan, ka chhohsan ta zel a. Bawng dawh pahnihna ka bih dúk dûk lai chuan, luihnar lam atanga naupang țe thawm. Ka duh tawhlo. Ti awm tak ri khawk rawng rawng chu ka'n hre leh a. Ka dingmar zawt mai. Han ngaihthlak chian ngial pawn, ri han hriatzui tur awm heklo. Nizanah pawh ramhuai khua atam khawp kha mawle.. Lo saràk ve mai mai ang hmiang, min tihbuai loh ahnu tiin. NGhafuan chu ka rút chhuak a. Luihnar lam chu ka pan chho leh ta zel a. Khámpang per, pùk hnuai bawng dawhna ka han thlen chuan, alo ruak vek a. Mak paah kati lèmlo. He hmun hi chuan mi räp deuh roh hrim hrim. Kalpelh vat ka duh zawk țhin rèng ani. Lo tla khat vek pawh nise, ka rùt chuanglo ang. Hmelthate-i pawh khan, kalsan mai tur khan, min raw'n kha ani a. Pùk lam hawi chhoh zuk zuk pah chuan ka kal chho ta zel a. Thui pawh kala kal hma chuan, puk lam ațang chuan, naupang aw hian, à nuu,, ti a, țap hliam hliam chung hian, haw ka duuhh,, atih ri hi chia g em em hian arawn ri a. Ka ding chawt a. Ånuu...atih zui hliam hliam ri chu ka hrechiang hle ani.

Nimin lama ka naupang hmuh dum vek kha, ka hrechhuak a. Kha nau kha ani pek ang Tiin, ka kal chhohsan ta zel a. A hnarlamah chuan, engtham mah ka han rùt lem hlei lo a. Ka haw thlak lam chuan, țap ri chu hriat tur a awm tawh lo bawk a. Lungmuang takin ka chhuk thla ti ila, pùk zawn ka thlen lai tak chuan, pùk chhung rim ang chiah chiah kha, ka hre leh a. Ka uak thla tuarh tuarh mai.

Bwmrang chanve vel lek rùt in ka inkhai thla pár pâr a. Buk thlen hma lui kawi, buk chhak lawk ani tawh. Lui kam dinglam ka awmna zawn thla ah chuan, nghal mal lian zet hian, luikam lung leh țiau vel chu, chakai leh changpat azawng ni ngei tur ani. Alo naqr surh surh a, ka lam pan chuan arawn chhoh pah zel a, min la hmu lo tih ka hriat chuan, lungpui remchang phen in, ka țhu pil vat a. Ka silaimu chu thlakin, kan tin vag vang a. A rawn hwichhuak chiah chu ka kap ta ani. Sir zawng deuh a awm anih avangin, alu ah nilo a zakdawh ah alung pawh ngei tur a kap ka ni a, mahse, hawk dawt pahin azuang zawk mai. Ka țhelh emaw kati hman a. A țum leh chu tlan an tum a, mahse, a awp ta rup a, sanghal hlauhawm zia ka hriatchian tawh avangin, ka pawh thla nghal mai duhlo, ka silaimu kan thun leh te te phawt a, ala chet deuh uih uih avang chuan, fimkhur takin ka pan thla a. Thawh antum deuh uaih uaih a, atho thei silo a, hlamthum vel atang chuan, a chaldar takah ka kap leh ta a. A zal ta rawih rawih mai. A leng ut ut a, athi fel chu ani mai. Kan belchianga, a dar ruh kalo kap sawp vek niin, han tlan thei chi ziazang alo nilo. A ngho han țhat dan em em chu, ahmui ațanga rawn laqr chin pawh kutphah chen zet niin akawm kual vùn thei ani. Lungtum la in, angho hriam lai chu, ka chhu bil mawlh mawlh a. Ka nghafuan ruh te chu la in, uzika alo thlen tawh beisei in, amah nena lakah tiin, ka chhuk thlak san ta a. NGhalchang ngho chhuak kala kap ngailo bawk a, ka hlim kher mai.

Buk ka thlen thlak chuan, uZika aw zawng alo la thleng lo. Sangha te chu ka rep leh nghal mawlh mawlh a. U Zika lo thlen hun chu ka nghakhlel kher mai. Rei tawk fang ka nghah hnu pawh a, alo la thlen loh avangin, ka theih ang ang a hnuhthlak tum chuan, ka chho leh a. Kan hnuk chhin vel ngial a, harsa dawn a, ka hriat avangin, ka bung hmawk a, kapu thla ta tjawr mai ani. UZika alo thlen meuh chuan, kalo rèp dul tawh a, a kawchhung kalo puah mek a.

Khai a...ivan kap chal țha ber bur ve. Hetiang reng a, ngho țha kala hmu hauhlo tiin, a ngho chu an zut a, chhutbil nachang i hreve maw..khawia i kah nge ni reng reng. Hei asa pawh phurh haw tham zuk ni a. Khawinge, kan pui ang che ati nghal sawk sawk a. Ka tuilum chhuan ah chuan, avun te chu thlakin, apawt fai nghal sawk sawk a. Keichu sanghal vun hi atui ka tih lai ber ania. A țuang chhah te hlei hlei hi chhum hmin țhat chuan atui ania tih seuh seuh pah chuan, apawt fai mawlh mawlh a. Ka puah peih loh ber ani ve thung a. Alu sa chu kan hlep filh ral mai a. A khabe balin, alu chu a ngho nen ngei a hawn ka duh si a. Meipui sirah chuan kan hem zui a. A ruhkawl te chu ka hleh filh theih bak zawng chu ka paih tawp a. Kan inpuah zawh meuh chuan, chhun chawfak hun pawh alo pel dawrh tawh mai. Sanghal kawchhug hmehin, chhunchaw kan fàk a. Uzika chuan, kan thudang alai chuan, kan buai nek nek a, kalo mangnghilh daih alawm le. Kan riahluh ni, tlailam khan, dâm venga pu Țhiaua fapa naupang ber kha. An sikul kai banah ațhiante nen, tlailam sava vehin, thingthelh ngaw lamah an rawn vak ani awm e. Thim hnuah ațhiante haw rualin ahaw ve ta silo a. A țhiante lah chuan, apen bo lai awm an hre bawk silo. Thu chiangkuang zawh tlak awm hlawm heklo. Khawtlang anlo buai nasa mai a. Vawin ka rawn lut tur pawh hi, a inthlahrun awm duh khawp mai. Khawtlangin an zawng ani si a. Zingkarah ka rawn chhuak a, chawfun nena thawkchhuak ho nen Kan rawn kal ho a. Kan awmdan te sawiin, nangmah ko haw turin ka rawn kal ani ber mai. Helam lam hi chu athlen anring lo na a. An dap chinah erawh hnuhma engmah anla hmu silo a. Keini pawh chaw eikham ve leh hian haw ta mai ila, khawthim hnua in thlen kha, kan tan anuam zawk mah ang kati deuh a, enge i gaihdan anti a.

E...chutiang anih chuan, haw ngei angai zuk ni a. Mibo zawnga khawtlang an buai suau suau laia, heta lo awmbo reng zawng adik hleinem. Naupang hmimg chu tunge ni reng reng le... Tlante-a anti ta in kahria, tlangval ho kha chuan, an hre khawp a. Naupang fel tak ani awm asin mawle...i hriat zawng ani emaw chu... Hria e, ani ber kher chu, kuhva khawr leiah pawh ka tir fo alawm. Chutianga han bo ngawt turah pawh ka ngai hleinem ka ti a. Ania sin, amah hrechiang ho kha chuan, a kawngbo ani lo ang. Khawmu chawibo aniang anti hlawm a. Vawin an dap bak chu, helam hi hmabak ani deuh mai awm asin ati a.

Ka chaw eikham chu, kut silin ka kam ka țhuah a, hriatchhuah ka nei thut. Ka tui hmuam rik zawt chu, ka lemkhawlh mai. Kan ngaihtuah chianga ani tlat in Ka hre tulh tulh leh nghal. Tlang huai nula pahnih te thusawi nen kan hmehbel phei chuan, a chiang takzet in ka hria. Kha naupang dum vek kha, mihring ngei ni khan ka hre tlat reng ani. A țap ri te kha kan ngaihtuah chianga Tlante-a aw chiah chiah niin ka hreta tlat a. Khilai kham pùk huai khian a man ani chiang mai tih chu ka ngaihdan nghet hmiah ani. Ka thinrim thar thut a. Uzika’n, tinge i ngawih tak veng veng, ka biakna che pawh minla chhang lo ania, arawn tih chuan, ka harh zawk a.

Chhumbul zetin, kan la haw thei rihlo ang kan ti tawng a. Engati teh thut maw..ti a, min zawhna chu, chiang zawk in. Tlâng huai nula te tello khan, kan sawifiah a. Ani tak ang a.. Khilai puk ka kalpelh dawn te khian, nuamlo tihna hi, chhungrilah ka nei ziah tak asin. Kan ngaihtuah ngial țhin a. Hmanzan ka haw hma zan pawh khan, khilai puk hnuaia kan bawng dawh khi, ka kal pelh chhoh kha ka hria a. Ka rawn pelh thlak dan reng reng ka hrelo. Mak kati khawp mai. In sawi takah chuan, mak kati tulh tulh leh nghal. Ti teh ngaihtuah buai rei chi pawh anih loh chu i han chian vat teh ang tiin, a chawei lai chu thawhsan in, a kut asil sawk sawk a. Mahse, pùk chhung chu engtin nge kan luh tak ang, boruak ber a awm si loh chuan, kan nau apawh chu engtin nge an khung reng theih ang le anti vang vang a.

Ni e, ka luh kha chuan, arim chhia ka tih em avang leh hlau chung chunga, lut ngang kha kani a. Ka belchiang hman bik tlat lo ani. Khawi atang nge kan kal ang anti leh a. Luihnar lam atang khi chuan, ahla zawk a. Mahse, a hahdam thung. Kan buk sirah hian pheiin, tlangdung saw zawh chho zar zar ila, a hnai zawk ngei anga, mahse puk luhna khan erawh kan bo palh ahlauhawm thung si. I duhna lam lam ani mai kan ti a. Umm..chuti chu, a hnai lam ațang ipan teh ang. Kan bosan hla lo turah ngai ila, i kal phawt ang. Khua atlai mai dawn tlat ati takah chuan, silai te chu kan han endik a, muang khawtlai lo in, kan thawkchhuak ta ani.

Uzika zawng, u zawk ani na a, ramvak țhang tih takah a chak pur pur khawp mai. A hnunga ka kal leh ka um a. Ahma a, ka kal leh min nawr bawk a. Hahthlak tak ani. Mual awmdan leh thing din dan atang chuan, ateh ni hmiang kati mai a. Ka kal tawhna hnu chu kan hrut nawn mang hauh lo mai. He lamah ati a, alut zung zung mai ani. Ka tluk loh zia chu ka hre tulh tulh mai. Darkar hnih vel kan kal hnu chuan, kan hma lawk a. Pâng thing lianzet chu ka hmu a. U Zika chu au in, heta hi le tih pahin thing ding awn chu kan kawk a. Kan lut phei ta nghal a.

Kham chhawrdawh lo awmphei zui mai chu, mak ati ve deuh aniang, hetiang te engtin nge, a awm irin zawk a, ka thlir ve fo a, hetianga kalna tham a zau hi anih ka ring reng reng hleinem anti a. Ka rilruah erawh, rulpui emaw, saza chal kawlh zet te, kham keite leh savawm tih vel tawh palh ka hlau leh viau tawh a. Mahse, pahnih kan ni tawh a. Silai kan keng ve ve bawk nen. A hma ai ngawt chuan, ka hlau nep ta deuh. Kawng zahve kan kal phei tawh ang tih ah chuan, naupang han khek raih raih ri kan hreta a. Ka phur sawt mai. A dik dawn e tiin, uzika chuan, min han kalpel a, kan hmanhmawh phei sauh sauh a. Mahse, kawng zimna laiah erawh hmanhmawh theih rual anilo. A hmanhmawh na chi heklo. Kan tlakpalh vaih chuan, kan sarep te nen, kan thih chian dan chu thuhmun reng ani dawn si a. Kan sangha rep te phei chu, an hmeltha zawk fe ang.

Bang nghengin fimkhur leh uluk zetin kan phei zel a. Kawngzim ațang tlem a, zau lai kan chuan chhuah chiah chuan, ka hma a kal u Zika chu, a ding thut a, kava su chawt nghe nghe ani. Ege a, kan tih chuan Saw enteh, saw chu mihring ang tak chu ani ngei mai, mahse, adum vek anih saw ati sap a. Kan thlek phei vat a. Pûk kawta lo awm chu, ka hmuh tawh hnu ngei kha niin, hnuailam alo thlir vauh vauh a, minla hmu lo ani ngei ang. U Zika chuan, han enchiang deuh teh, kan nau a chu, ani thei dawn awm em tihpahin, min kian a. Kan thlek vang vang hnu chuan, ani ngei e. A mah ngei anih saw, a dum vek avang sawn kalo hrelo mai mai ani. Chuti anih chuan, ipan hnai zel teh ang tiin, hma ahruai leh a. Kan hnaih phei zel a. Tunah chuan, pùk kan hnaih tawh bawk a, kawng pawh azim zualin, min hliah turin leh han inphenna tur hnim țo tak ngial pawh a awm tawh heklo. Min rawn hmu ta ngei a, a dinga anui deuhin ka hria, kan lam chu rawn pan tum niin alang. mahse, ko zim laiah chuan, a rawn kalphei ngamlo ani ngei ang. A ding ta reng a, kan hnaih phei zel a, a rawn kal hnai zel ang tih chu ka hlau leh hnuhnawh zawk, a mitmeng chu avai riai mai si a, nikhua ahre mumal lo tawp tih ahriat mai. Uzika chu ka rinaiin hmunsang angam daih mai. A mumal chiahlo tih ahriat vanga hmanhmawh nge chu ka hrelo a, a thlengphei thuai a. An pawm bet vat a, ka lam rawn hawi in, let phei vat la, hmun rem lai atang khan minlo veng ang che, eng thil pawh hmu la. Ate emaw alian emaw minti buai thei chi hrim hrim chu kap nghal ang che a rawn ti a.

Ka let phei leh vat a. Hmunrem leh zau lai atang chuan, kalo thlir a, ka silai pawh hmang mai thei turin, ka dar ah ka chhuang lawk diam bawk, han inpuak dawn in, inkalpui ngaihna awm silo. A be mawlh mawlh a, a chhang lem hlei lo a, han inpawm dawn se, buaithlak bawk si. U Zika chu a hmanhmawh hle tih ka hre thei a, Tlante-a lah chu, a hawi a ruai reng mai bawk si. Biak mawlh mawlh pahin, a rawn chhawm phei a, a banah a chelh sak in, kopang ngheng thlar chung chuan, a rawn nawr tawlh phei zel a, Tlante-a pawh sir zawng chuan, arawn tawlh phei ve zel bawk a. Țim uaih uaih chungin, kalo thlir reng ringawt mai ani. Han inpuih dan teh vak awm heklo le. Ka bul an rawn thleng țep tih chuan, amak amaka tam hi, puk chhung ațang chuan, bak lianzet zet mai an rawn thlawkchhuak hum hum mai. An hram ang chuah chuah a, bâk hram dan ni pawn ka hrechiah lo. An au nuaih nuaih ni berin ka hria, vansang lama, an thlawk chhuak chu, ahlawm in, an rawn let leh a, kan lam chu an rawn pan ta tlat mai. U Zika pawn ahmu ve reng a, a hmanhmawh zual phah hle, Tlante-a chu arawn nawr phei deuh dawt dawt a. Kalo ban phak veleh kalo pawt phei lawp a. U Zika pawh arawn zuang phei dawrh a. Bak rual chuan, min rawn su nawk nawk mai. Kan bawk hniam vat a. Khâm ko zim lai nise zawng min sut tlak loh vek pawn, kan talbuai anga, kan tlak phah ngei ang.

Tlante-a lah chu, a țe ruai ruai a. Ka duhlo, ka duhlo ati chul mai ani. bak rual chu, a satliah mai mai an nilo tih ahriat ta khawp mai. Ka mupui thun lai chu ka phawrh a. Musep hraw tak tak sawmhnih ngawt ka thunna chuan kan thlak a, bak rual rawn let phei leh țan mek te chu, kalo tin a. U Zika pawh in, kei ang bawkin, musep in athlak ve bawk a. Min thlawh pelh hma chu kap hauh suh ang che ati sup a. Ka bu nghat a. Kalo tum dan ve tho ani tlat. Vaki rual pawh, kan lampan zawnga lo thlawk, lo kah hi chu kah thlak an har a, min thlawh pel chiah hi, han kap zui ila, kah thlak an nuam bik tlat ani. Min rawn hnaih leh ta viau mai. Kan inkara kan dah Tlante-a chu, a rawn sarak leh ta chiam chiam mai a, ka duh tawhlo, min chhan ru, tiin a au a, atal vel nasa mai a. Tlanchhiat atum ni ngeiin ka hria, ka man hman hlauh a, tlem atlem ah kan tla dun lo chauh ani. Bak rualin min rawn su dawn chiah tih chuan, kan kun vat a, min thlawh pel chiah chu kan silai apuak rual țhawt a. Mihring natuar rum ri leh țe vawn vawn riin azui a. Kan bak kah tlak ho chu, kham hnuai lamah chuan, hmeichhe rawl nen, mipa rawl nen, ari thla chuah mai ani. An bo ta duak mai a. U Zika chuan, ti rawh le hmanhmawh ang, hma hruaila, an rawn thawh leh hma in, kawng zim lai hi pel phei vat ang u ati a. Ka ramvahna apianga ka ken tel ziah țhin, ka ipte pui hmun nghaktu,thingkunga sachan dawn a țhutna tur siam nan a, ka hman mai țhin. Satha hrui zungte tiat vel chu kan phawrh a. Tlantea kawngah chuan țawnin, lehlam lehlam chu kan inchelh sem a. Hma ka hruaia alaiah Tlante-a kalin, u Zika’n hnung adawl a. Kawng zim pawh azia deuh tawh a, hetiang lai velah hi chuan, hma zawngin akal theih a. Mahse, ahlauhawm na erawh anep chuang lo. Chuta karah kham ko leh kan hnuai luidung khawk rum rum khawp chuan, patling awrawl lianzet hi, thinrim tih hriat takin, arawn U ta ruah ruah mai a. Kan awmna khampang te chu, a nghing dur dur hialin ka hria. Ka țim sung sung a, zamawm duh tak ani. Ti ril a khur a, hlauhna in min man ti tih der mai. Kawng zau leh nuam chin kan thleng phei chu ka nuam deuh huai huai in ka hria.

U Zika chuan, patling rawl u ruah ruah chu, chhangletin, a hming an chhal khum a, in hrosak pahin, a silai a hmetpuak dur bawk a. A zamlo rawl ri chuan, min thlamuan suai suai mai. ka huai thar sawng sawng mai ani. Ni pawh alo tla țep tawh a. NGaw chhung kan han lut phei chu athim deuh khung mai. Kan velah chuan, hnahthel ari sung sung a. Thli ro atleh ham ham bawk a, kan naua chu, ațe țhawt a. Chumi rual chuan, ka tlu bawkvak hun hun mai ani. Ka thlunna hrui kha, ka banrek ah kalo hling tawh si a. Kan nau rawn lak tum tu, chhum dum ani ber ang chu, bàk lian tak han tih dawn chuan, thilnung ang ani silo. Mahse, Tlantea chu arawn khai lawp mai ani. Uzika lah chu alo inring hman lo aniang, a hrui chelh lai chu apit a. Keiin ka banrekah kalo thlung hlauh a. Ka inring hman bik silo chu min hnuk ta hawn hawn mai ani.

Ka insiam rem vat a. Thingbul tlawhchhanin ka pawt bet ta a. Ka banah țawn lo ila zawng ka chelh hneh hauh lo ang. Ka ban chu a chhum mai dawn emaw kati hman a. Uzika chuan, min rawn pui vat a. Chutah zawng, Tlante-a au ruai ruai chu a thlah a. Kan in hum thei ta hram ani. Ka àwm leh ban thip hler hlur chu, ngaihsak zui hman heklo, Tlantèa chu kan han buaipui vat a. A rawn harh chhuah chuan, amah pawh a harhfim ta, a mitmeng pawh afiah fai ta khawp mai. Mahse, hlauhna in ala man tih ahriat hle, min han hmu chu min kuah chung chung mai a. Hlau reng reng suh, hei i ute kan awm ania, kan veng tlat ang che. Ti rawh le, han inti pa la, kan hruai haw dawn che alawm tiin, ka’n hnem a. Kan bul vel a. Hnim leh thingkung che ri suau suau te chuan, ati hlau ani ngei ang. Ka dem hauh lo mai, kei ngei pawh hlauh vangin ka khur lo chauh ani si a. Naupang thlabar leh chhan ngai, thlamuantu mamawh em em in, min han kuah chúk chûk mai chuan, ka huaisenna neihve chhun te chu kaitho in, minti chak ani chauh zawk.

U Zika chuan ti teh, ikal vat vat teh ang, paw mai rawh, in hnung ka rawn dawl ange a ti a. Han pawm ralah chuan, alian ve uaih si a, arit tham bawk nen, thui lo te kan pawm a. Ka paw zui ta zawk a. Amah nen chuan ka in țawn(phuar) belhbawm ta ringawt mai ani. Bùk lam chu kan pan thla zel a, phei zawng te, leh chho deuh euh euh ten kan inpal ang nawk nawk a, hmanhmawh nen, hah nen, hnarah thaw pawh aleng manglo. Han rùm hluah hluah leh thinrim ang bawrh bawrh te chuan, min hual vel ani ber mai. Kan hmanhmawh a’talângin, kawng kan han bo leh rih thul, chu erawh rei anilo. U Zika a awm a, anin azawng hmu thuai zel zawk a. Kan hnung leh hma ațang mai bakah kan sir vel zawng zawng ah te chuan, min zui tu awm tih hriat zet in, an ri se su mai a. A changin min pel ang fua fua a, keini lah kan hmanhmawh tulh tulh a, tluk leh thawh a inzat reng mai. Kan tleng leh ang hawn hawn țhin a. Ka silai pawh ka chelh zolo lek lek țhin ani. Hmanhmawh nak alaiin, ka nau puak lah hlauh vangin alo tal țe leh chiam țhin bawk nen, a changa ka kang leh deuh auh țhin avangin, Tlante-a chu rawn lak antum țhin tih a hriat hle ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2018, 10:13 pm

Ngaw chhung chu athim tawh viau aniang, dumde an phe noh noh tawh mai, min zui dùl dul ni berin ka hria. Ka chau leh hah lutuk chu, thingbul nem in ka ding a, thawk la in ka awm sep dawrh dawrh khawp chuan, boruak kan hip a, van var lang ri ruai chu ka han melh vang vang a, arsi erawh hmuh tur anla awmlo nge, Ngaw chhung thing hnah ten min hliah avangin, ka hmu theilo mai mai zawk. Mahse, chutiang ngaihtuahna hun a awmlo. U Zika han rum nghut leh ha chang țhial bap bap ri chu ngaihven in, kan hawiphei vat a.

Mai mai cheu chuan, keimah Ralthat chhunga tu chhuan Lianzika, sa leh ral hma a zam ngailo. phûng leh huai hma ah ka sai ngailo. Hmel lan ngamlo lakah ka tlawm ngailo ang ti chungin, a tlu chu arawn tho chhuak a. Khawige ilo in nuai ila, ngam leh ngam chu, inring leh ringin ilo in hmachhawn ang u, rawn inlan ta che u, huai leh ramhuai hmaah ka zam ngailo ati a. A silai chu ak in, a chempui a phawrh a. Kan bul vela perhte leh thingtuai ding te chu asat thlu buan buan a. An reh ta duk mai.

Thawk leh khata an reh hmuk chuan, awm ati nuamlo mah mah zawk hial ani. Khuangchiri leh lei hrik hram ri tak ngial pawh hriattur awmlo in areh tlawk mai a. U Zik i kal leh tawh ang hmiang. Bùk pawh kan hnaih tawh viau in ka hria tiin, kan ko a. A chem chu akin, asilai lek kawh chung chuan, awle tirawh hmanhmawh lutuk tawh lo la. Bùk zawn kha kan pel hlauh ange. I kal ang u, ka hnunglam ațang min han phih thluk khanglan chu le ati a. Chhuk zawngin, tlangdung kan zawh thla leh ta char char a. Mau hmun kan pawh hlawl mai. Khua chu alo la thim aw zawng lo. Mahse, thim thet thet unau hmelhai ani dawn vel chiah tho. Ka light chu ka ak a. U Zika light eng ringin, hma ka hruai a. Ka silai a khamphei zawnga ka naupuak dawm nana ka hman chu, mau hmunah zawng, kalpui theih ni heklo. Ka darah batin, a dawt hnuailama dahin, hmalam hawizawng deuh chuan ka ak a. Hruizam leh mau in alo bat buai țhin chu ninawm tak ani. An reh hlen dawn emaw kati deuh tawh a. A teuhlo mai.

Hmalam panin kal kan tum ngiala mahse, lungbang sut ang mai ani. Uzik, engin nge min bat kan ti a. Min chhang ta hauhlo. Ka hawilet chiah chu, palian dum hmul der dur hian, minlo melh kuau mai a. A țhen ang țhu leh nghal, ka phuzawk na a, ka chiai rei biklo. Ka silai kan her rem tur chu, mau in alo dang ta tlat si a. Min chet khalh ta ani. Ka awm chu a thum dawt a. Ka leng nawlh mai. Ka thaw pawh asak nghal țalh, na ti leh harsa ti zetin ka tho ze țhalh țhalh a, ka dinchhuah rual chuan, ka hmazawnah alo ding leh tawh. Ka naupuak chu rawn țhamin an phih sawk a. Kalo inphuar zawm avangin, keimah chawp chuan, kan kang lawp a. Ka iptepuia ka chem chu kan zen a. Min nghah leh rual chuan, a ban chum beng buang sei leh hmul dur chu, ka theih tawpin kan vai pawp a, a au țe ri chu ring tak ani. Ka beng a khawrh rum rum mai. Min thlah chiang bawk a, kei lah ka tlu chiang bawk. Ka lampana arawn kalphei thinrim han inhrosa hmel leh mitmeng han râp awm zia chu, ka tho lawk theilo leh nghal, ka nau puakin min uai rih avangin, ka duh ang leh tum danin ka che hleithei silo. Min han man leh dawn chiah tih chuan, ka sirlam ațang silai arawn ri țhuai a. Patling natuar rawl țe ruai ruai ri in azui a, ari hla ta vang vang mai. Hmuh tur a awm talo.

Harsa ti zetin, ka chempui chuan kan in hawlh khalha mau kung ring chung chuan, ka tho chhuak ta hram a. Ka awmbawr na ut ut chuan, thawk ati harsa kher mai. Ka silai zawngin kan melh kuala, u Zika rawn thlengphei chuan, i țha em. A khawihna hman che em, arawnti sawk sawk a. Țhen ru deuh chawk chawk chung chuan, nalo ve kan ti hram a. Ka iptea ka light chu phawrh in, ka silai chu kan zawng kual a. Minlo lèn hla khawp aniang. NGe ka silai chu ka theh per zawk ni. Kan hmuhna ahla phian tlat. Thawk ka harsat avangin, ka naupuak chu u Zika’n apaw ve ta thung a. Ka harh phah deuh sawt in ka hria. U Zika chuan, thingtuai nguntang vel lek atan chhum hmangin, kan naua mawngah dawmin apua a. Hrui chuan, a intawn zawm nghal bawk a. Kan nau Tlante-a erawh thawm aneilo mange kalo tih rilruk reng kha, nikhawhrelo in alo awm reng niin, a marphu te kan deh chuan, arang zaih zaih khawp mai. Amah lah ala dum nuau mai si a. A khawngaih thlak takzet ani. Arim a chhe hle bawk a. A rangthei ang ber a. Buk thlenpui kan duh avangin, u Zika chuan apaw thle ngawk ngawk mai ani. Hnung kan dawl ve ta chu, ka hnunglam chuan, minti hmanhmawh khawp a. Na nei țul e tilo chuan, ka kalthei phian mai. U Zika chu amuang kati mah mah tawh zawk ani. Min rawn seh mai tur ang leh, min ban deuh zuau zuau niin, ka inhre tlat a. U Zika chu kalo nawr deuh nge ni. Ani chuan, kal mawp mawp pah chuan, i hnunglam kha veng ngun la, inring rengin awm ang che. Mahse, hawilet hauh suh. Keipawh ka hawilet zing deuh a, min zuam ta aniang. Min phih let tawp mai a, min han bawhzui kha chu, arimchhia in arit bawk si, kan au dawn che a. Ka auchhuak thei bawk silo nen, ka talchhuak zolo țep ani. Tlema tlemah ka rawn pui theilo țep che alawm tiin, abo daih chhan chu min hrilh a. Ka hnunglam ah chuan min man țhelh thuak thuak tu an awm tlat in ka hria, min zuive zel a. An rawn phun ang sur sur a. Mawng aza in, tukhum ahit țha duh ngang mai. Ka hawilet teuh țhin khawp a. Ka insum hram hram ani. Ka chawn vel chu arawn nul leh thuak thuak țhin a. U Zika chu ading dat a, kan piah ruam saw, kan buk ani tawh in ka hria atih rual chuan, kan riah chhunga kalo nin em em, luitui luang ri kan hria chu, ka lawm kher asin. Ruam thim map lam hawia kan din vang vang lai chuan, patling arawn nui khek uarh uarh a. Khawpui arawn ri zui ut ut bawk, thli arawn thaw zui hum hum a. Chutah le, kan thlanglam ah chuan, nutling mangang rawlin ruahthimpui alo thawh a, anfate an au chelchul ang mai hian, an in ko ta chul mai a. Van var chu chhumdumin arawn hliah a. Kan chungzawn leh kan bul vela thing leh hnah te chu, ari sung sung mai a, thliin mau keh an chhem ri hawr hawr mai te chu, arapthlak zo vek tawh ani.

Hmanhmawh takin, buk lam chu kan pan dawr dawr a. Khaw en lai nise zawng buk pawh kan hmu thei tawh ngei ang. Vanlam kan en țhin, arsi eng hmuh tur awm silo athim mup mai a. Kan thawmhnaw te chu thliin a chhem phe hlawp hlawp a. Thli chuan, min len kat leh nawk nawk țhin a. Mit a mim teh fo chu, aninawm duh khawp mai. Buk pawh kan hnaih tawh viau aniang. Mei rim pawh ka hrethei tawh tlat. Thawk leh khatah, ka torchlight hmai chu chhut keh ang chiahin, arik chhak rual chuan, athim hmak mai a. Ka hma akal u Zika light lah chuti bawk, athim a, anthim zia mai chu, mitdel mit angaihawm duh ram ram kher mai. Ding dun reng e tilo chuan, kan inhmu thei dér lo. Țawngka in kan in hmu a, chu bak chu, inhmuh pawh tum ila, puk thim a, zialbung zawn ang hlauh ani mai. U Zika chu kan dap a. Kan ko bawk a, thlanglam ațang mi rawn chhang ta daih mai. Khalam anilo. Lo kal rawh thli thaw hian meirim arawn len ania, i chhui teh ang kan ti a, areh vang vang mai. Hmalam pana kan kal chu amah pui roh chu kava su leh ang chut a. Ka phu nasa ngei mai. Iva kal hla hman em em ve, ka ko vak vak che asin alo la ti dah a. Khawilam nge kan bùk i hrethei em tiin, min zawt a. Hrethei mai ang. Min zui rawh ka silai kawm hi chelh la, i silai dawt kha kalo vuan ve bawk ange Kati a. Chutiang chuan, kan arkhawthim dai phei ta nawk nawk a. Mei rim lam chu ka pawng rin chhui phei ta ringawt mai ani. Kan bulvel ah chuan, eng emaw hian min rawn hrut leh thuak thuak țhin a, han rum deuh nghur nghur leh nui khek uar uar te chu, ka ngaihtuahlo lui ta ngat ngat mai ani. Mahse, hmalam ka pan thei talo. Lui luang ri leh meirim ka chhui dawn ber kha ani a. Meirim ka hre tawh lo. Puk chhung rim, thang uih hur kha ka hreta thung, lui luang ri lah chu, a changin, kan hnunglamah, a changin, kan thlang leh chhakah ari bawk si. Ka buaizo ta, hmalam kapan tur min dal tlat tu chuan, min chawikang niin ka hre leh nghal, englai in nge, u Zika silai dawt ka chelh chu ka thlah ka hre hauh lo. Ani lah kan ko a, min chhang ta hauh silo. Thawm rapthlak leh mak pui pui te kha, ka hriat loh karin alo reh duak mai a. Uzika chu ko in, ka bul vel chu kan pawng dap a, ka phar kual vel chuan, enge mawni nem deuh hi ka khawih fuh a, kan chul vel chu, a nui ta uar uar mai a, ka kut ka la let tur chu, ka banrekah aman chut a. Ka nghawngah arawn rek ta mai a. Ka hrawk bawk chungah arawn rek hlauh a, chuti nilo se zawng, reilote chhungin ka thi nghal ang. Min tha hneh ropui si, ka tan han chetve ngaihna awm thlawt heklo. Lei ka rap tawh hauhlo leh nghal, anui khek uar uar ri chuan, kala dam tih min hriat tir a, ka kut lehlam che thei chhun chuan, min rehna chu phelh kan tum a, pialtlep liluh tum ang maia harsa ani. Min han then kual ta tak tak a, thlawh dan nuamlo ber ani ngei ang. Engmah hmu theilo mah ila, ka khaw hmuh aphe țan tih ka hria, boruak pawh ka mamawh tam ta khawp mai. Chutihlai tak chuan, kawl han phe eng zuai zuai leh, khawpui ri dur dur chu kan hria a. Min țham tu chuan, min chelhna chu thlah chuang lo in, min nghata tlemin, min rehna an thlahdul hret bawk a, boruak hapin kalo thaw kawk kawk a. Kawl rawn phe eng zawr zawr chuan, ka hma a ding, lian leh hmelche zet hang dum hmuldur mai, hmel rapthlak zet chu arawn ti lang ta.

Ka mengphar awn awn mai. Ani lah chuan, ka hnunglam ral hlatak chu athlir ni ngei tur ani. Min enkhum in ahawi vung vung mai a. Han țe țhawt ri leh chiau chelchul ri te chu kan hre zui leh a. Ka dinna lei te chu a nghawr dur dur in ka hria, ramsa rual tlan hum hum ang maiin, ari țuk țuk a, țe ruai ruai leh mangang aurawl ri nuaih nuaih te chu ka mang hriat ruai ruai a. Ka theihtawpin, kan țang leh a, awmzia a awm lo. Mahse, khawvar kawleng ang maiin, ka bul vel te chu ka hmuthei ta, min rek bet tu chuan, thinrim mitmeng bial kulin min melh a, rùm deuh ngul ngul chung chuan, min han theh per lawp mai a. Lei ka den ruala thil èng sen thlawk zuai zuai leh au nuaih nuaih ka hriat te chu ka thil hriat tawp an ni. Ka khaw hmuh athim riai riai a, ka mit deuh sulh a. Engmah ka hre zui talo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 18th, 2018, 10:13 pm

NGHAFUAN VENG IN.3

By, Hriata Tea
.
Ka harh hlawl chu ka țhu chhuak awt mai. Mu leh rawh, mu rawh ka enkwl mek che ania ti a, minbe tu chu ka hmu vai ruai mai a, ka chau nghulh a, ka tlu leh hnawk mai. Ka meng peih thlawt lo ani. A țha leh thei angem, tih ri chu hmeichhe aw ani tlat. Kan meng lui ngial a, ka khaw hmuh erawh aphe vek mai. AW ațha leh thuai ang. A hliam hi ana em ani..tiin hmeichhe aw bawk chuan an chhang let a, ka awm chu kut nelthep hian rawn zutin, enge maw sawiin aphun niah niah a, ka thaw pawh apangngai thei țan in, ka harh deuh huai huai in ka hria, min bial luih niin ka hre ber, khawiah nge ka awm erawh ka hrelo. Ka hriatna te chu arawn pangngai ve zel a, ka bula țawng ri nak nak pawh ka hrefiah thei ta, an sawi erawh ka hre lo. Kan țawng ang ani tlat silo a. Kan țhuchhuaka, ka chhaklam a thawm ri nuaih nuaih leh țe rawng rawng ri te chu kan hre zui leh a. Patling thinrim rawl vin tak leh natuar țe rawng rawng te, lung lum ang mai a, ri dur dur karah chuan, țek tla ang mai a, ri dur leh phe sen zuai zuai si te chu ka hmu thei a,
I tha maw..tihpah a min rawn kuahtu chu, hmeltha-i ani reng mai. Ka hlauthawng hman lutuk a, kan rawn tlai țep ani. Apawi kati khawp mai anti a. A hmel leh awka ri ringawt pawh chu, ka tan zawng dam sawng sawng na tham atling sa reng. Khawnge tihpaha, kan hawi kual chuan ka piah deuh a mu, u Zika chu kava hmu a, ka zawh tum ber kan hmuh takah chuan, abula lo țhu Tlante-a chuan mi rawn pan vat a. Min rawn kuah chawt rual chuan ațap ta hliam hliam mai. Zawhna mitmengin, hmeltha-i chu, u Zika lam melh zauh pahin kan en a. A țha alawm, ngaihtuah duh suh. Kan damdawi thiam in a enkawl mek saw.. Keimahni lam ralthuam in a deng fuh tel alawm mawle.. Min hmu ve kherlo se kan tih avangin, kan mut chawlh tir rih mai ani ati zung zung a. Buk kawt maiah kan lo awm reng tawh alo ni a. Thawhchhuah pahin, Tlante-a chu kan kai a, a țap thlem hauh hauh pahin, sangha rep leh thingpui ka chhawp sak a. A riltam ngang aniang chu, a ei bawrh bawrh mai. Mawl inti ru zetin, kan chawbel leh sanghal sa chu kan chhawp leh hnuhnawh a. Muangchangin ei rawh aw. Engmah hlauhawm a awm tawh lo ania tiin. A lu a zut hauh hauh pah chuan, ani hi ațha meuh ang maw athiltawn hi atan chuan, arapthlak hle si a tiin, hmeltha-i chu kan zawt leh a.

.
Țha e, kha afel khawp mai. A thla an man lo hlauh a tihzia khawp mai. In chhan hneh em a, an la thei ta biklo anih kha, an beidawng thinrim in, inchungah an thiltihtheihna an hmang ta ani. Chu vang chauh chuan kan rawn inrawlh ve mai chauh ani. In haw dawnah, in hmuh hnua athiltawn rapthlak deuh te chu, a hriatna ata kan lak bo sak anga, ngai a awh leh vat mai ang ati siam siam a. Kan chhak lui hnar lam thawm pawh azia ta duak mai. An hmel tak ka hmuh theih si loh palian zet pahnih hian, u Zika chu dimdawi leh zo vah in, buk chhungah an suan lut a. Chhuk zawnga thlifim rawn tleh heuh heuh chuan, minti harh sawng sawng mai. Hmeltha-i chuan, ka naute an rawn thleng e atih zawh rual chuan, kan bula lo ding tleirawlte-i chu ka hmu nghal zat a. Api hmazawna han buk zauh pah chuan, kan khungbet ta e. Hrem deuh anlo ngai khawp mai. Min beih pawh anlo inpeih sa viau in ka hria, thawk rip viau lo phei ila, kan hneh kherlo ang. An lalpa reng a inluling mai. Thiltihtheihna alo nei ngah ta em ani. Kip-ku te pahnih in an beihrawna, an hneh thei hram ani. An puk kaw tawpah kan khung bet ta anih kha. I remtih hma chu hawn sak an nilo ang ati a. Kip-ku atih te chu hre velo mah ila, an mi chak bik te ni turah ka ngai mai ani. AWle ațha e. Hei naupang hi ti mu ula, han ti fai phawt teh u, tuia sil reh mai mai theih chi pawn ansiam hleinem. An mahni anga siam a. Sal chhawr a chhawr antum anih hi ati a.
.
Tleirawli chuan Tlante-a chu kaiin a pawm a. A muhil chu ani nghal der mai. An bo dun ta daih a. Hmeltha-i chuan, ngaihtuah suh. A taksa an tih dumna te kha anti fai anga, țha takin an rawn dah leh mai ang. Tuisik ringawt chuan, thlakhat chhung pawn inbual fai lo ang, in dân anga ni sarih in zawn hnua, in chawlhsan hunah, a thlarau chu anta niin, salah an chhawr tawh mai dawn ani. A ruang te khuareiah inhmuh leh ani chauh ang. An man dawn leh mantirh chuan, a awh leh duhzawngin anthlem phawt anga, an duat der anga, in ngaihsak loh hunah an zingah anla lut mai ang. Chu chu antum dan ani ati a.
.
Naktukah in haw tawh mai awm si a. Engtikah nge kan inhmuh leh ang le. I rawn ramvah leh hun chuan, chhing chungin min han ngaihtuah vang vang la, ka rawn hmu vat mai ang che. Keini zawng khawchhungah kan rawn lut ve thei silo. Kapa hian hringmi awmna khua reng reng tlawh aphal tlat lo ani. Mahse, amah zawltu te ațang engkim a hrethei vek thung. Hringmi zingah hian, kapa zawltu hi an awm nual țhin asin. Puithiam ang renga in ngaih leh zawlneia inchhal te zingah te, thil hrilhlawk thei leh hmu thei ho ah te hian, an awmve chawk ania. Mahse, tun angah zawng an awm tawh kherlo maithei. Min hawsan mai dawn si a. Min rawn ngaive angem le, anti vang vang mai chu, han kuaha pawm chuk chûk tak ka nap a. Ka insum hram hram a, âw..,hringmi han ni tehreng la kavan ti em, kati rilru vawng vawng a. Ka hmuh loh chhung reilote a, ka ngaihzia leh vei dan zawng zawngte kha, hrilh hrep tak ka nap a. Nausen pawm a, han pawm a piai nawk nawk pah a, fawh bawrh bawrh mai ka duh rum rum. Mahse, ani leh keichu, kan inkar ahla lutuk tlat. A zuna uai beh tlat ka hlauhna chuan min thunun hram hram zawk ani. Chuvangin, ka ngaihve dan tur leh hringmi zingah ani aia lungdumtu ka tawn loh tur zia te chu ka hrilh ve a. Vawiin in tal hah si a. Naktuk in haw dawn nen, i chau lutuk ange, tirawh ka mal hi han lukham la, kalo chawimu ang che ati a. I muhil pawh ka kawm zui thei tho che alawm ati a. Hnial duh biklo chuan, lungmuang takin ka mu ve ta a. Reiloteah ka muhil chu ani zui mai a. Mahse, mumang ramah pawh atak ang tho in kan inkawm zui ta zel a. Dam man a awm in, kava hlim tehreng em. Reilote chhung emaw ka tih laiin, anih leh tikhan tluang takin han haw ula, naupang zawng tute pawh intawk thuai anga, min han hre reng la, nangmah ngai em in, he ngawpui chhungah hian, nang tawn leh ni tur nghakin kalo thlir reng ang che. Rawn ramvak leh ngei ngei ang che aw..tiin, mitmeng dul raih in min thlir vawng vawng chung chuan, a ral ta riai riai a. Keipawh ka harh ve nghal hlawl mai, buk chhungah kalo mu reng niin.
.
Ka bulah Tlante-a chu tuizetin athaw sek sek a. A piah a mu u Zika pawh alo la muttui kher mai. Tlante-a chu a hmel pangngai leh vun pangngai pu in lungmuang takin alo muhil tawh ani tih ka hriat chuan, ka lawm kher mai. An mahni tih harh hlau takin, ka tho a. Buk kawta kan zimar vel chuan, kan phur tur lo in rem fel sa thlap chu kan hmu a. Hmeltha-i zet chu ka chungah avan țha em. Ngaih loh pawh tum ila, ngaihloh theih loh in min ngaihsak si ani. Amah ngaihtuah veng veng chung chuan, rawngbawl ka țan a. Sanghal sa leh sangha rep ka siam a. Chawbel ka chhuankai leh dawn laitak chuan, u Zika arawn tho a. Ekhai..iva tho hma ve, kha phur tur te thleng thlengin, ilo siam fel ut tawh mai ani maw arawn ti a. Nia, hei chhuah lam hma ila, thlen lam pawh kan hma mahna, hlawhtlin chikim in kan hlawhtling bawka haw pawh a phurawm sârh mai sia. Ka mu hleithei tawh lo alawm le. Ka helh hawlh deuh aniang ka ti ve ta ringawt a. Nizan lam chanchin leh boruak eng chen chiah nge ahriat hrelo mah ila, hmelțha-i sawi lawk kha rinhin, hmelțhai kutah ka in nghat tawp a. A sawi ang in ati ngei ang tih ka ring tlat ani. U Zika hmaiphih zo chu, thingpui leh sangha rep kalo chhawp a. Thingpui adut rik khulh hnu chuan, sangha rep chu an tep chuk chuk a.

.
Nizan zet chu le.., nang i awm hlauh a, zing tho tur pawhin kala dam hram anih hi, nang nge nge i pasalțha ngei mai anti ta ngei a. Han chhân dan tur ka haihchham avang chuan eng chen nge a hriata, eng ang thil nge ahmuh, ațawng ngaihchan phawt ka duh bawk si, ka ințawng awk ang tih hlau a, ka ngawih reng lai chuan, Tlante-a arawn tho a, amit rawn nuai chhuah chat chat pah chuan, khawnge kan awm kan haw dawn tawh em, â nu ka ngai tawh e..a rawnti a. Chaw eikham ve leh kan haw dawn alawm, i nu pawn angai tawh ngawt ang che. I hmai kha, kha lai tui khawh ah khan han phihfai la, thingpui kalo siam ang che kan ti vat a.

.
U Zika pawn, țhutna tur kawhhmuh in alo be sawt sawt a, khawnge palian rimchhe deuh deuh te kha an awm tak a, atirah an fel hle sia, a hnuah chuan min vaw peih lutuk, haw ka duh ka tih pawn an phal bawk silo. Ka riltam pawn, changpat te min eitir antum a. Sa anih hi anti zel a.. An sual lutuk ati bâi bâi a. Ka thingpui pek leh sangha rep chu țhial nuau nuau pahin, an thlek vung vung a. Atui kavan ti e, ati vang vang mai a. ka nuih aza deuh bawk sia, ka khawngaih bawk si nen. Ka țah nuih lek lek mai. U Zika chuan, engtin nge an bulah i kal theih a. Ka kal pawh ani lo. Ka țhiante nen sava vehin kan kal a, bâwng pa mawi deuh ka perh thla a. A la nung bawk si, athlawk hla thei tawh silo a, ka um zel a, ka man dawn ve leh athlawk leh a, ka um char char a, atawp ah khua alo thim a. Ka țhiante ka au a, min chhang bawk silo. Kawng ka hmu thei tawh silo a. Lungpui chungah riah tum a. Kalo țhut laiin, mi pahnih anlo kal a, kan hruai haw ang che anti a, an fel bawk sia, a changin min pua a, a changin min zawn a, min pawm leh țhin a, khâmah te min lawn pui a. An kal chak asin aw..kan thlawk a ang zawk. I riltam em antia, aw ka tih chuan, eitur tui deuh minpe a. Kalo muhil ta a. Ka harh chuan, pukah khan kalo awm reng tawh a. Enge maw ni hian Minlo zut(chulh) a, ka ke te kut te antih dum vek hnua ka hmai an rawn hnawih leh hnu chuan, engmah ka hre tawh lo. Ka harh chhuah apiangin, min zut nawn leh zel a, ka riltam pawn, changpat te min barh a. Ka ei duh loh chuan, min vua a, a hrehawm asin aw.. Ati ta reuh a.

.
A bak chu han sawi leh tur a hre hauh lo. Mak pawh keichuan kati lemlo. U Zika chuan, nimina kan rawn hruai lai che kha hriat ila nei em anti a. Aih engmah ka hrelo. Nizana min bawlh fai lai chiah kha ka hria, tihpahin min rawn melh a. Khai aw..hmingțhat ka hlawh vek mai dawn ani maw kati rilru vang vang a. Ka thiltawn ka zep duh miau si ale. U Zika chuan, i buai awm mang tak e.. Buka min puak phei lai leh min mut țhat tir lai vel kha chu ka mang hriat ruai ruai a. Thim thama ka auh vak vak lai che in. Enge maw eng deuh in min deng fuh niin ka hria, ka tluk hnu a, min bawihsawm lai pawh ka hrelo. Min mut țhat hnu kha chuan, hei ka rawn thawh hi ka harh leh na hmasa ber ani ati a. Engtin nge huai ho khan min kiansan tak dan pawh ka hrelo reng reng tiin, zawhna mitmeng nen min han en a. Buk kan thlen dawn a, athim mup hnu lawk khan, min kiansan ve ta mai. Amak kati zawk khawp asin, kan ti he haw a, anih chu mawle tiin, engmah min zawt zui ta biklo hlauh.

.
Chawei ka peih ta bawk a. Hlim takin tuk țhuan kan ei a. Kawnga ei atan, kan ei bang te ka fun a, muang marin, hlawhtling inti zet chung chuan, ka thinlunga chamreng tawh tur, hmeltha-i chenna hmun chu hlat sanin, khaw lam kan pan ta ani.

Ka lungleng leh khawhar chuan, hah pawh ka hrelo. U Zika han kuk ruih chuan minti harh zawk a. Kan lo kal thui fe tawh niin, midang thawm in an rawn chhawn ri kan hriat chuan, hmun rem laiah chawlin, chawfun chu kan țhet a. U Zika chuan, kuk leh raìh râih pahin, a silai a hmetpuak dur a. Chaw kan eikham fel vel tih chuan, mibo zawng ho pawh anlo thleng țak țak a. Hlimtakin chanchin kan inhrilh a. Kan phur te min chhawk a. Tichuan, khawlam panin kan inzui haw ta hlawm a. Atawp nan tiin, ka thinlung luahkhat tu, hmeltha-i chenna ngawpui chu anui hmel mitthla chungin ka thlir vawng vawng a. Tawn ni herchhuak leh tak ag maw.

A TAWP TA.

He post hi khawngaihin aneitu phalna tello chuan, copy past lo hram ang che. Chhiartute in chungah ka lawm takzet e.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)