IN HLAU VE AWM THO E... by Hriata Tea

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

IN HLAU VE AWM THO E... by Hriata Tea

Unread post by Ngaia » March 7th, 2019, 9:03 pm

Ka kawngka kik ri chu, chhunglam atang chuan, nula aw mawi no nalh lutuk tak ni lemlo, thum kuar mai hian lo leng rawwh, tiin minlo chhawn a. Phur takin, ka lan țhat theih dan ber tur posi nen lut turin, kawngka chu kan hawng ri țuah țuah a.
Inti hmelțha fahran in ka pen lut ta. Mahse, ngawiteh pawilutuk, ngahnge maw kawng enlo a, kan kal leh thurh thin aw.. Kawngka ah chuan naupang dalna thing anlo kham chu ni pek in, ka tum dan leh duhdan ni miahlo posi chu ka hmang lut ta ani.
Tluk hlau zetin an inchhungah chuan ka petek lut ta nawk nawk mai a. Ka speed lah chu ka control zawh rual loh in, a chak vei phian leh nghal, brake han hmeh emaw rah mai tur nei tawh heklo i, ka hlauh ang ngei ngei in, bangkil lam a, an chair hun khawm ah chuan hnapkhir leng chuai in, kava intauh ding ta hram a. Chhun eng ni phei se, ka luphut pawh a lêng chum chum hial in ka ring.
Kan hawichhuak chu insum tak si, țhen țha in, i na em, i na em. Minlo ti tliar2 a. Na ti a, țhen ru tlawk tlawk chung chuan, ana lo e. Kan ti khawmawi ve bawk a. Ka rilru chuan, awi,,, kanu ana lutuk tihpaha țah hluam hluam ka chak takzet ani. haw leh nghal nal nal mai tur nge ka leng zui ang. A eng amah anuam chuanglo.
Zah tawh naklaia, an nuihza insum, an țhen țhu reng hlawn chu ka ngei ngawih ngawih mai. Mahse alo hmu tu tan chuan, ka luh dan posi leh ka mengphar vel lai kher kher kha chu hmuhnawm hlimawm tak ani ngei ang. Ka dem ngawt thei biklo. Ka tan erawh zahna tih piahlam ani. Ka zankhat lenna tur, anih mai bakah, khualkhua ala ni zui bawk si.
Ka tih ngaihna hrelo chuan, nui ru kan ti ngawt a, sah țeh ang hukin, an nui ang duar duar a, ka tlangnel chu ani zui ta mai bawk a. Mahse, ka nula rim tur ber chu, anui tawp hleithei lo. Hriat chhuah dang anei chiang mai. kan intawn dan khan zir țhuai hek lo le.
Kan inhmuhna kha tuikhur ani a. Ka inbual zo in, ka kekawrte kalo suk mek laiin, nula hi tuichawi tur in alo kal a. Ka kekawrte chu sawr hula hak leh mai tum ka nih avangin, ka su hauh hauh a, kawrphelh in, puan (towel) ka veng a, atui thal zo chu, inla hawihhawm fahran in, kalo chawi ang che tih pah chuan ka pan phei a, inla sek ru zet leh chak hmel thei ang ber a lang turin. Tui țin chu kan chawi nawlh a, ka hmazawn a, țhu nula chu, alu ah nghah sak tum a, ka chawikan sang lai tak chuan, ka puanven a inphelh ta mai a. Karei,,!!! Kekawrte ka ha miahlo. Nula hmazawn ah tak chuan, ka birthday suit diktak nen ka ding ta teu mai, Hmeichhe ta bil liau liau tura duan, ka taksa abet. Thlawhloh ram dum zinga ka thingtuluang khai uai te chu, angai ngaiin, a bul vel sam fai ngailoh tih hriat reng, buk par chhup te nen chuan an lag vek mai si. Ka bawp kan kherh deuh țang a. Hliah phak heklo. Thildum hi chhun engah alangsar zual leh nghal.
Ka posi mawlh chu ani, kavan duhlo mai mai tak em. Ka tui ținn chawi laklawh lai berkher a aw.. Nula lah chuan, tihngaihna hre hek lo. Awii... atia. A maimit chhing ta ringawt a. Alu ah chuan, bawp chip deuh chaih chunga, mawng ti er tarh chung hian Ka chawi zo a, ka puan chu la in ka veng tha ta vat a. Zah vanga khu ral lo chauh chung chuan, ka zaklo awm ta mai mai a. Nula chu kei aiin, azak zawk mah in ka hria.
Chu chuan minti ngam zuala, ka hawrualpui ta zeih ani. An inte zawt chhuakin, țhianpa min fuihna leh a thu min râwn bawhzuiin, ka han leng ta ani a. Kava han che țhing thei beh buh tak em.
An nui talo bawk a. Inleng dangte nen chuan titi in, an khawchhung a ln khâtna lai ruam, kawngpui dung tho si, kawrpui chu an sawi hrâng ta riau mai a. Ka kaltlang na ngei ngei tur ani leh nghal, hlau ru viau e tilo chuan, ka bengkhawn viau lawi si.
A hmingah kawr aû tiin an phuah a, zanlaiah nutling rawl hi ringzetin ațe leh duar duar țhin tih te. Tunlai phei chu anasa zual tih thu te ansawi a. Ka kal hma in lo hre lawk ila tha tur aw.. An sawi zel dan phei chuan, ramhuai ram bik niin an ring hial a, an khaw pasaltha ramvak haw pawn, phùng lianzet mai hnute awrh hnuk hi a hmu a, a kap ta a, awi ka nu.. Ti chungin luikawr dungah chuan, atlan thla a. Zankhua maiin, luikawr ruam atang chuan, awi ka nu, tih thawm ari zankhua țhak a. Khawchhung hnaivai ami te chuan an hrevek ani awm asin., Kawngkal lungțhil a, lo vawm a chin bak ah, thisen ten alo theh thin anti.
An sawi hrang nasa tulh tulh a, ka hlau telh telh mai thung. Ka luh dan in azir loh avanga min bawl zui ta nge an nih anga, Anti tak tak tih lah hriat va ni suh. A enga pawh chu nise, ka hlauhna anep phah chuanglo. Haw alo hun a, ka hlau tih ngawt thu awm hek suh. Inti pa chawp in, ka haw kawng chu ka zawh țan ta ani.
Thlenin nu khan, lenglo mai rawh atih lai khan, chhuak lo ila țha tur. Ka lighter torchlight chhawm hmang chuan, ka haw hnak hnak a, an sawi hran lai ber ruam kan lut tur chu, ka huphurh ru ngang mai. Kawrruam chu A thim zual bik deuh a. Mahse, thim chhah lutuk zawng ani biklo. Ka pathian hla hriat chhun chhun chu ka sa rat rat a, pathian hla ka hriat tlem zia, ka inhre chhuak chiah. Ka hriat ang ang chu sa in ka kal ve zel a. Kawrruam chu ka lut thuk phei telh telh a. Ka zai ring tulh tulh bawk.Kawr ruam zum lai ka thleng phei tep tih chuan, riat deuh nawk chunga phun deuh bul bul thawm ka hreta mai. hlau leh khur chungin ka pan phei zel a, ka thil va hmuh chuan min va ti phuchiang kher em. Kawngsira(culvert) parapet an siam tlar phei zinga pakhat chu ngheng in, hmeichhe pakhat hi alo țhu kun ngul mai a, asam chu a thlah hnuang mai a, a hreu bum mai bawk si. ka light èng lo zet chuan chhun in, kal pelh tum chuan ka hel phei da da a.
Arawn hawi chhuak chu, asam kar atang chuan, arawn meng bial hrû mai, a hâ kuh angreng tak hi alang var țhu roh a. Ka hlau lutuk chu chak zetin, ka lim phei ta phut mai. chu ve leh ka lam panin arawn tlan ve nghal phut bawk a. Ka hlau lutuk chu, ka tlan țe phei ruai ruai mai ani.
Kava hawilet chu, min rawn um pha țep mai leh nghal a, au ruai ruai chung chuan ka tlan zel a. Arawn țe pheive ruai ruai mai bawk a, hlauh vang hian kan lo chak ber anih dawn hi. Hetiang reng renga chak hian, kala tlan ngailo.(sipai lakna ni zawk se aw..ka tling chiang ngawt ang.)
Mahse maw..ka rei..!!! Ka tlanchak tehlul nen, kan hawilet leh chu ka sir lawk ah alo awm tawh a, min rawn nuih țhu mai. Ka phu nasa lutuk chu enge ka tih pawh ka hre hman lo. ka hlau leh mangang thlabar lutuk kha ani ber ang chu. Ka bawhthlu țhuai a. Bawhbet reng chungchuan, kan au țe tak tak anih kha.
Anii lah au ruai ruai chung hian, talchhuah tum in a țang ve nasa mai. Ka hlau bawka thlah ngam tawh heklo. Ka thatawp chhuahin ka pawm nghet ngang mai.
Ka au tuarh tuarh reng lai chuan, tu emaw hian min rawn pawm tho a, kan hawichhuak chu, mi anlo tam phian tawh niin, ka thlenin kalo tlan thleng țep tawh tih ka hreve chiah.
Ka Ramhuai bawhbeh chu, an kaitho ve ta mai. Makti takin ka en reng a, ala riat nuah nuah reng bawk a, engtizia nge ti a, patling ho in min zawhna chu, ka hmuh țan dan atang kan sawi chu, An nui ta hawk hawk hlawm a. An khaw mi anglo leh țawngtheilo Hmeichhia lehnghal, hlau in kalo sa rak chiam chiam tih kan hriat chuan, ka zak kher mai. Ka che fuh thei thlawt lo a nie Val hi. Ka tih ngaihna hrelo chuan, nangni pawh ni ula, IN HLAU VE AWM THO E. Kati ta ringawt a.
Ka thlenin lam pana haw kan tum chu, ka silipar bunlai chu, ahrui chiah kalo chep tawh ni rengin. A chhuatphah chu kan zawng kual a, ka ramhuai bawhthluk na bulah chuan kava hmu a, ka chil tlem kan chhak phawrh phawrh a. Ka silipar hrui bawk chu kan hmuam nal pawk pâwk a. bilhluh sawt sawt pah chuan, ka thlenin panin ka haw ve ta ani.
Whatshap leh group danga i post duh anih hlauh chuan, min hrilh hriat chu i bat ani. min chhiarsak duhtu leh min comment sak tute chungah ka lawmthu hi an tan malsawmna ah chang mawlh rawhse.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)