PARAWL DINHMUN TLEM TE By, Hriata Tea

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

PARAWL DINHMUN TLEM TE By, Hriata Tea

Unread post by Ngaia » March 7th, 2019, 9:22 pm

PARAWL DINHMUN TLEM TEE,,,,,

By, Hriata Tea

Belval vala val ve ta chu, mahni pocket money tal hlawhchhuak lo leh mu hlawm tawl reng tur chuan, taksa pawhin, alo peih reng bik heklo. Hrisel loh avanga mut beh ninawm zia hi damloh hunah alo hriat ber. Dam sen țelțul chunga mut burh burh hi chu, pialral kai dawna chawlh lawkna ang alo ni.
.
Mifate anga rin leh chuan tur neive talo chu pocket money bakah, ei leh intur alo ngai a. Țhianten an nu lehpa te thlazar hnuaiah nupui ka nei e antia. Harsatna leh sum mamawhna san zia te, buai thlak antih thu leh mamawh lo tamzia min han hrilhve khanglang țhin hi chu, vuak vawih nawk nawk mai ka châk țhin. Kei aia tihtur an ngahna hi pakhat chiah ka hria. Thosilen an keu ruala tihtur bawk lo awm hi ani mai.
Chungte lek lek, thil huphurh awmlo ber ani awm e… zanin chu kalo awl ang che ti ta ila, an phal teuh lo.
.
Keia buaina hi chu na mai lo tak asin. Ka tawn ang hi tawngin, tuna an dinhmun hi han thlir se zawng. An mit a kalh loh pawn, an hmui a sawi hrim hrim.
.
Tlaiah chau hnep hnawpin kan haw a. Inbual hma hauhin, rawngbawl kan țan leh a. Châk vang leh atui emai tih vang ni miahlo in, chawbel sirah artui kan kang a. A hmin rualin, artui bawk kan chhum leh a. Engdang vang anilo. Rilțam tawh lamah chuan, a hmin hma apiang ka mamawh tawh tlat. Ei tihtui ve changa sangha țin kan kar hawng ve țhin te hi chu, kei katan chuan, induhna tham ani asin.
.
Mahni a awm hi thil na mai lo tak alo ni, in daihloh hi, kawng engkimah anasa bik a. In thurual viau si hian, mahni a tûm bur hi awl tak alo ni. Inhlawhna hmuh țhatloh țum phei chuan, harsatna namên lo in min tlakbuak zui nghal a. Țhiante rui phurin, chawei an rawn tum tlat țhin te hi, a huatthlala thei rum rum nia mawle…
.
Harsat lai leh chawheh lai an in nang fu hlauh țhin te hi, a pawi thui thei teh asin. Eichhiat avanga thau theih tawh loh naklaiin, chawei tui laia, han in diet ve khanglan hi chu, a mi nghawng hi na dep dep tak a ni.
.
Ei leh in chhiat luat vanga, a hranpa ngat a, vitamin ei ngai chin han nih hi chuan, vitamin hnathawh lo lang. Chaw eituina rau in min han chênchilh hi harsatna hnar alo ni leh țhin bawk si.
.
Tunlai chhanah, phone țha mi neih ang pui pui nilo mahse, FB leh Whatshap support ngei kan duhve leh bawk si. He phone hian, min awm hlim viau mahse, ka wallet aia ka sum thun ngunna zawk ani a.. a pung thei der silo. Keiaiin sum a heh zawk. Min awm hlim na zawng zawng ai hian, ka buai phahna hi alo tam zawk daih mai.
.
Chhun lama hman ve talo chu, hman ve hun, zan darsarih ațang. Kan hmet ri țan a. Nawi phur țum phei chuan, zinglam darkhat ah te kan han chawlhsan ve hram a. Chu erawh mut hma țum ani hlauh thung.
.
Karei!!! Maw,,!! Zing thawh ka tlai leh ta, mit ek lawk thlak mawlh mawlh pahin, tui dehna ka pan a. Hets hmaiphih hman kani tawh lo. Chawbel nge ka vawn dawn, buhfai no,? Buhfai sil loh in chhum loh tur,,, țhâp hman ani tawh lo. Sil pahin, a hûm ka thlang nil nual a. um,abak chu, ei paha thlêi ah dah ang ti rilru chungin, ka chhuangkai a. A sirah artui bawk.
.
Hman hmawh phelengin, chaw ka ei a. Tiffinah artui leh bawk..
.
Inthiar turin, bathroom ka pan a. Inthiar pahin hmai ka phih a.Há ka nawt bawk a. A châng phei chuan, hmul meh fai te nen ka kawp vek țhin. ketin thlenga hleh mual mual chang lah ka nei fo.
.
Êk hi alo va hlu tak em… katan chuan, hun chep tak kara, min tuaifai tu hun duhawm chan a chang a. Fak loh rual alo nilo. Nge ni vei, Êk chhuah tur neiloh hlaua nitin eitur zawng vek kan in pel leh suau suau dawn alawm le..

.
Mifa te hnathawk tur hi chu, nalh thei ang berin an chhuak a, an hnathawh thawmhnaw te chu, keia sunday dress nen pawh khaikhin chi ala nilo. Thawmhnaw bawm hran neiin, an hai let vum ther thur a, ti chung chuan, hak tur ka neilo an la ti nia…!!
.
Pheikhawk nise, a bawm hran hlak nei ngat si khan, bun tlak ka neilo anti bawk a. Keive chuan, bun tlak loh pawh ka neilo hrim hrim. ka chapal hi, ka chhehchhawl ani a, ka hnathawhna ani bawk a. Ka incheina ani leh a.. a rit phurh hi, namailo tak ani. Thilnung nive ta se,, a dam niin a tlin tawh kher lo ang.
.
Pa chhiat hian, mawlna hi a kengtel deuh roh nge, ka mawl sa ve hrim hrim zawk. Țhiante zingah sil damdawi mamawh changin, chintawk hre lêk lo a, vâu tui tlak hnem ber kan ni leh tlat țhin a. Chutah zet zawng, mifingte pawh chhaih mawl theitu chuan, kei ang te lek lek chu, khawhmuh phe vek khawpin min han hrual ta mai ale,,, khawlai dunga hûk pup pup chi kalo ni hlauh erawh fin vang ni miahlo a, ka vanneihna ani thung.
.
Zanlama ka chêt dan hre miahlo in, atukah kan tho phak chup a. A țhing rim nam thur thurin, Artui bawk chu ka hmeh leh a. Artui liana ni awm tak kalo ni e,,,,, ka hne thei miahlo erawh hi chu, atui ka tih bik vang nilo mahse, ka vanneihna ropui tak ani thung si.
.
Kawtkaiah kan chhuak a, tuktin mai rinawm taka minlo nghak țhin tu, ka duhlai ka enchim loh. Ka tana inpe ral țhak țhin, ka ruihsual châng pawh a, min hawpui thlap țhintu, ka duhdan dana ka herkawi theih, phunnawi miahlo a. kum hei peh chen minlo dawh ngar ngar țhin tu, Aw,,, katan i hlutzia hi hre reng chungin, ka dimdawi tak silo che a maw…
.
Hei kan thlek vang vang che hian, thawmhnaw thar chu i mamawh ve tih ka hai biklo. Mahse, kava tihsak ngai silo che em. Um,,, kan inkhawl anga,, kala tuam mawi ve khawp ang che… Ehê,,!!! Nizan khan chirhdiakah ka bawh thlu che ni maw… avan zialo em aw… pawi lutuk… pem liantham te inei em aw,,, vawin chu, min thurualpui theilo ang kati,,, i tello chuan, țan hunah ka thleng thei tawp lo ang. Kava han in tawh dawn lo chiang tak em. Zet u zu, ZU hiiiii…..
.
Chutianga rilru a be mawlh mawlh chuan, mitana thirchhe hlawm kalthei, katan erawh phuloh thirțha eltiang ka bike chu, kan thlek thuak thuak a. Pem liantham a awmlo aniange,,, ka hmeh rualin, thatho zetin arawn rum ham ham a. A pû phûrloh zia leh thatho loh zia, hre hauhlo in, min phur liam leh ta a ni.
.
Chutiang reng renga tuktin feh chhuak țhin chu ni mah la,, ka neih belh lo a, ka nghei lek lek reng zawk si… mi hi engtin nge an hausak thur thur theih bik le,,, umm,,, ninawm chutiang ngaihtuah a țullo. Retheih ka hmasak tawh a, hausak bak chu hmabak a awm hleinem tiin, ka inhnem chawp a.
.
Thlasik mawlh mai hi aw…. Kei katan zawng ava thlasik thei vawng vawng tak em.
.
Vawt ti em em in, in kan thlenga. Inbualfai nana tui han lum lah chu, gas nghei hlaua uikawm luatah, ka lum ngam der silo a. Tuisik thlâu lum angai ani. Khawinge, mipa kani ani lawmni, tiin kan inseh ruh a. Thih leh thih ti rilru chungin, bathroom kan pan a. A lum phah thei deuh lawng maw,, tih rilru pu chungin, tuivawt chu, kan thlau ngat ngat a,,, ka thlâu lum tawk viau tawh ang chu maw…
.
E,, taka thil pakhat ka hrechhuak. in leih hmasak ber, a nokhatna hi avawt duh anti ziah sia,, khawinge,,, no khatna hi paih ila,, ano hnihna in inleih thut ang.
.
Hûk hûk,,,,, anâ,,,, awh. A vawtttt....lutuuukkkkk…. Min chhan ruu….. tih mai chak rum rum khawpin ka inbual khu rum rum a.. heh duk churin, khabe sai hlawk hlawk a, kekawrte kan su zui țhin hi chu maw… ngaihtuah zui duh su.. avawt thei emai.
.
Khaw vawh luat vanga, inbual ngailo a, tihdan tactic thar te hi, kei lungmawl hian, ka hmuchhuak ve leh khut țhin, chung chu maw,,, mipa bik chauh kan hrilh ru ang che u. Hmaiphih pahin, i lu i tuai huh anga, i zun pahin, tilte hmawr hmetping la, vawili vawinga vel chutianga i țhuah hnuah fai taka kutsil ani mai. Tichuan, hmel fai vur, taksa bal zetin i leng tawh mai dawn ni.
.
Um,, duhtawk rih ang. Min nuih zat vaih. Asei tawh in ka hria.. Thirchhe zawn ka ngai. A neitu phalna lo a, copy paste chawt chawt hi ching ve lul suh ka țhian.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)