HRAITE KHAWNGE, I CHÛN VE KHA. By Hriata Tea

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

HRAITE KHAWNGE, I CHÛN VE KHA. By Hriata Tea

Unread post by Ngaia » March 7th, 2019, 9:23 pm

HRAITE KHAWNGE, I CHÛN VE KHA.
By Hriata Tea
.
Eng ang mi nge maw anih a, hetia a hnutchhiah mai che le,, hringnun kawng chhuk chho ah hian, a rahbi pelhin, a in bilh sual ta mai emni. Nge ni a, mualphona leh hrehawm hmachhawn ngamlo in, a hnutchhiah zawk che.

Eng ang hmeichhia nge maw inih a, i hrinchhuah tawh i rila rah ngei i fa chu hetia kawngsira hnutchhiah ta mai nge inih le.

Nangpawh zuâpa i ralthuam bil i lêklam vang a, i chituh lo țiak hi. Hawisanin i hnungchhawn leh si ang maw.. A chunnu vehthlemin, rinawmna thu thlum i fah a, i chi tuh alo țiak ta maw tihah i hmui thlum em em kha, khâkna akhat alo chang zota. Chumi hrin chhuah hrailêng chan hi dâwn dun mawlh teh u.

Hraitê kava lainat che em… i khawvel êng rawn hmuh dan hi athim lua ani tiro. Mi chûn leh zuâ te chuan in ê, an hrailêng famchang tawh hnu pawh, vawt ati ange tiin, an tuam lum tak țawk țawk a. Nangzawng i damlai ngei pawn tuamlum i hlawh silo. I tuihal dan tur dâwn lo lêkin, khawlai lei chârah hnutchhiah ini ta si.

Țap chungin, khawvel eng ah, i rawn inhai chhuak a, i chan chauh lai berin kalsan leh ensan ini zui a. Mahni i in enkawl theih hun tal nghak che sela kava ti em. Hetiang maia hnutchhiah hi nilo la zawng. Hringnun ah hian, nui hmel i thawh ve ngei awm si a. Kava han lainat che em aw… i chûn nu chu, eng ang hmeichhia nge maw anih phiansen chu le…

Aw,,, vawt itih dan tur leh dangchara i awm dan tur dâwn lêklo in an hnutchhiah si che a maw.. Theih nise, i tuihal awrawl hrephak ila kavati em. Ka țangah pawmin, ka tuamlum ang chia, ka neihtawk min țawm pui anga, ka sin ang sin in, ka ei ang i eive mai tur….

I nunkhua tur chu, engang pawh nise. Hetia laiking faneih a, kalsan mai che hi i phû reng emni le,,, Nilo, nilo, tihsual nei tur pawn, i tawmna puk ațang engmah hrelo in ilo chhuak ani si. Chhia leh țha i hriat hma hauhin, mahni nawmsakna zawngtu, hringnun chên a, țhat lai parmawina thliak tute, nawmchen duhna chuan, i hringnun rawn in hâi chhuahna khawvel hi nangmah mai a sual chhuak turin maw an hnutchhiah tak che. I chan hi e, i phû reng vang ani biklo asin.

Tuam lum che a, awm tlei leh tih nuih iar iar che hi, i phû zawk asin. Mahse, i duhawmna leh pawisawi lohna hmuh kân in, khawlai vaivut leh hnim zingah hnutchhiah ini si. Aw,,, i awrawl hretu tal an awm lo emni. Nge ni a, beng an chhut ngawn san zawk che. I awm hmun sawn turin, pên chu sawiloh. Khâpkhat lek pawh ila in hâikal thei awm silo.

Kei ang mirethei fa pawh hi e, ka pianhlimah tuam lum kani a, hringtu chûn duhawm leh ngilnei hnûntui dâwt tirin, ka țap min thlem asin.

Nangzawng silhpuan nem atan, van sang khi hnutchhiah che in, thleh nêm ah tualchar maw an phah sak che. anva rawng lua em. Vawt in a hmet ang chia, hrehawm tiin, i in lêng at at anga, i tâl ve viat viat awm si a tiraw,,. I tui ahal anga, sawi thei silo in, awrawl tawpa țah mai loh chu, enge i hmabak. I dang alo ro zual anga, i țah nasat luat vangin, i awrawl alo chuai ta,,, tuihal dangchar leh vawt ti a, hringnun hman liam mai loh chu, itan kawng dang a awm talo maw…

Hmm,,, a țha e, liam lul ang che, itan nawmna leh hlimna ani zawk dawn asin. Hringnun khawvel râwng tak hi kalsanin, lei leh van siamtu chung Pathian hnenah chuan kal ta la, anin duatten alo kuangkuah ang che, chu hmunah chuan, tuihal vangin, i țap tawh lo anga. Vawt tiin i khur tawh heklo ang. Rilțam leh hrehawm tuarlo ten, hlimna nuiri chhuah ve tawh la. Pa âng chhungah muangten leng ang che aw… Lalpa lo hmuak ang che aw,, kha nau duhawm leh riangvai kha. Duatten lo pawm hram ang che aw..

Hrai riangte, Mangțha le...

Pic hi ka hmuh avanga, ka sawikual mai mai ani a. Thutak hla takah lak awihloh aw...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)