ȚHIAN PATHUM By Hriata Tea

Kan group pawn lam a mi, thuziak tha tak tak lak khawm...
Ngaia
Site Admin
Posts: 25813
Joined: April 30th, 2016, 4:07 pm

ȚHIAN PATHUM By Hriata Tea

Unread post by Ngaia » March 7th, 2019, 9:24 pm

ȚHIAN PATHUM.
.
By Hriata Tea
.
Thingtlang tlangval mah ni ila, ka kê a khi lo. Ka vawih uih heklo. Mahse, han chhuan tur dang engmah neilo ta chu, ka koki ah thingtum bawk ka chhuang leh țhin. Ka dar hi, ka engkim nghahna leh inghahna ber ani hial awm e. Ipte pui phei chu, nitin a inbâng ngei ngei țhin.
.
Mahni hna leh Lo lam hnâ han thawh awl châng hian, ramvah leh luikal ka châk lutuk hi, mawnga hawlh ang mai pawh nilo, Ek lawr țhut ang mai hian ka awm hle hle thei țhin lo a.
.
Fur ruahtui baw hawk, a hul țan a. Rilru pawn lui lam mawlh a ngaihtuah leh tawh. sangha lo lut thar man châk in, ka rilru chuan pân hnâi lâ ang mai in, min tur leh ut ut tawh a. Chutih lai mek chuan.
.
Tlai khat chu, țhenawmpa, ka țhian leh kapû ni bawk. Buh țawih tui chhuan fim, hâw vanglai ka tawng fuh a le,, kei ang bawk a, luikal châk rilru pu ve reng mai ka țhiante pahnih nen, Luikal kan han sêp rawtui tak tak chu, Lu lam alo kâi tawh nen, sangha te chu kan han man lian thei rem rem khawp ah.
.
KA ȚHIAN TE.
.
(An chhiarve lo turah ngai ang)
Khâng hunlai khan, Tunlaia, Kutphah party ho hmalakna, buh țawih tui nilo. Asen chi hi kan hmu phak ve lo a, a bûr ruak thar deuh kan hmuh fuh châng a, a kuangbang lo tling sen ve zeuh kha kan hmuh chhun ani mai awm e. Mahse, Zo buhfai ngei mai han bilh a, Dar bel liana han chhuan ngat mai chu, Tunlai a sen chi te hi chuan, tluk lo han han tak a ni. Hrawk ah hian lem zawngin, lo hne dek dek tu hi awm tel hial se a duhawm rum rum țhin. Chutiang chhuân lam panga Mîsitiri dikri(Master te master degree) nei, Thlah tute ațanga, Zu chhuang hnam leh thlah nilo mahse, Zu chhuang tur hrim hrim a lo piang ti ta ila, kan sawi sual lutuk lo ang chu maw.
.
Fatu nikhua pawh a, chaw chhûm tur a an ruat kher țhin kha ania. Eng bêl pawh nise, a chhûm rum tuitawk thiam em em vek mai a ni.
.
A ruih tawh chuan, thil hi a hre em em vek mai a. A hriatloh thil hi chu sawi fuh tur a vang thei vawng vawng khawp mai. Aizawl hi țum nga vel chu kum hnih kar dan ai zing hauhlo in a kal ve tawh maithei.
.
Zu no hnih a in hi chuan Aizawl velah a khawsa tlangpui a. No thum ațanga, no nga vel a in tawh chinah chuan, Primary pawh chhuak hawt lo kha, a sap ram fan thu ah lutin, english an telh buh nuaih mai țhin chu, keini a mah ang bawk a, lehkhathiam lo tan kha chuan ngaisang lutuk lemlo mah ila, a ngaihthlak nawm in, a hmunawm tel hial țhin.
.
Keimahni bi bâwn again, dawnt sitawt mi, tih ang reng te, kan va hawi â thei hû hû țhin e aw.. An ruih takzet tawh hnu ah phei kha chuan, phak you, te kha ati vak vak zel a. Fair fight atih tawh chinah phei chuan a che peih tawh ngailo hrim hrim..
.
Țhu kawisawi zet chung khan, a meng peih hrâm hram chunga, țhutthleng bân beng(vuan) țhelh nawk nawk chungin, an tho țial țial a, tui dehna lama pai chhur chhur pahin, sapțawng te mai mai. Ka thiam ve emmm.. Dawn baw si kaw.. te kha atia. Mên țu men, tihpah a, a tilte phawr țhelh in, a kekawr a zunkhum te kha a hre zui ngailo hrim hrim.. a lum tak ang dur dur a ati duh lek țhin. A inzun khum ani reng sia.
.
PAKHAT VE THUNG.
.
A ni hi chu, țawng tam lutk lo. Â phual mai, pawisak nei map lo. Hlauh leh hlauh loh nei lemlo tak. A ruih erawh chuan, khêk duar duar chi ani thung a. A palian ber a, a â ber bawk. Kan bâwl nasa thei fû nâ a. Min bum leh khut țhin roh.
.
Kan tir kat nasa ber a. Kan tih ngamloh leh tih duhloh apiang kan tihtir ani ber awm e. Zu chhuang chi ve tho ania, a zu chhuan chhuah hmasak a in zawh zel avangin, a chatthla in, a bân a rawh hmin lek lek tawh a. Tuarchhel tak a ni.
.
Luikal leh ramvah a hrat hle a. Buhfai no hnih lek nen pawh karkhat te a ramvak bo țhin.
.
KEI VE THUNG.
.
Mahni an inpuan ngailo. Haha,,,
.
THIAN PATHUM TE CHU.
.
Khitiang mipahnih te nen a, kan ti-ti chu luikal kan sawi phur a le. Bomb vawm pah a, len den zâi relin, kan inrawt phur ta kher mai. Mahse, tunge bomb vawm ta ang, keichu ka vawm duh hauhlo ania kan tih chuan, a palian zawk pawh in, "keipawh ka vawm duhlo. Kapa kut khi ka hmu nitin a. Arâ a vawn chauhin ka hmu mawi țhin" alo ti ve bauh a. (a pa kut hi bomb in, a kutzungpui tin chin leh zungchal leh zunglai nen thlawh sak in, a zungte leh zungte û chiah zuahin, alo keng puak tawh a ni.)
.
Kan han ngawi deuh rên râwn a. A pate ber chuan, "keiman ka vawm ngam alawm. Mau pûm chungah chuangin sangha tlâ te ka vawm țhin a, ka man hnem thei kher asin, tun hnu ah hi chuan sanghate an tlem ta bawk nen, kan vanglai kha chuan, kêp tan bunah, a fuse kha, kêp rual hmawkin kan han tan a. Sangha tlâ kan han vawm țhin ania, a nuam thei asin aw".. anti vang vang a. Kei aiin kumkhat chauh in a upa zawk tih ka hreve reng asin le.
.
A zân a zânin, bomb lei tur kan zawng a. Tlawn nga leh a kêp sawm kan hmu fuh hlauh mai. A tuka kal ngei tumin kan in țhen darh ta hlawm a.
.
LUI LAMAH VE THUNG
.
A tuk zingkarah chaw fûn nen kan thawk chhuak a. kan khaw luite pakhat chu chhuk zawnga zawh thlak a. Luipui a fin hma deuh a. Nghatân kurung chu vawm thlak zai kan rel a. Kan chhuk zawh ta a ni.
.
Zu pai ka phalloh avangin, an phun deuh nung nung reng a. Mahse, kei lah in, bomb vawm tur kan nia, tih chi loh ka tihsak tlat bawk si. Lungawi vaklo a. Kan chhuak kha ani bawk a. A pate ber pawh ani leh nilo ang in, a țawng tlem angreng khawp a. Lui kan chhuk zawh zel a. Kurung kan zuk thleng thla ta.
.
A chhak, lungpher ko sanglai ațang kan zuk bihthla a. Alo tling dum ngûk mai chuh, sangha hi an awm duh hmel ngawih ngawih mai leh nghal a. Kan phûr lutuk chu sangah vawm tur e tilo chuan, kan khêk leh ang râwih râwih a.
.
Keini pahnih kan phûr vei nen, a bomb vawm tu tur ber chu, a phûr ve mang tlat lo mai. A tawi deuh hrut hrut a. Tinge, a vawm chi dawn loh ami tiin kan zawt a. "Ka hre bik lo" ati deuh hmuk a.
.
A palian ber chuan, "hei midang hnu hma pawh ala awm loh hi, a vawm chi ang. Vawm vat vat rawh. Sangha ka chhar châk tawh ania" alo ti phar phar a.
.
A nungchang zawng zawng hlauh vek khawpa țuan muangin, bomb chu an fit ta nuap nuap a. Keini lah in, hmuhnawm ti zetin, ennawm thlir tak hian kanlo thlir ve thung a.
.
An fit zo chu, meizial kalo țan sak vat a. Lungpher hmawrah chuan ava țhu phei ve ta ngei mai. Mahse,, ngaiteh. Kan țhianpa chu a khûr ta tlat mai. A chiri chu ani hauh silo. Bomb fuse leh meizial a'n chuktuah tur kut chu, kawlphe te ang em nilo mahse, puanțhui khawl chu a tluk hial ta ve ang. A dep fu hleithei der lo.
.
Chutia, chuktuah tum ngun ta na na'na chuan, a chuk fuh ve aniang chu, rangzet hian a vawm thla a. Kan lamah arawn tlanchhe phei nghal vut bawk a. Bomb vawm țhang a intih tehreng nen, chuti em em a hlau mai chu mak tak a ni.
.
Kurung li ațang kan awmna chu ft sawmhnih vel daih a sang ani a. A hlauhawm phak hauh loh tih chu ka hreve tho. Mahse, a vawmtu ber, hlau a rawn tlan ta chu, kan lo tlanchhe ve nghal mai bawk a. A chhak, Lui kawi bul ațang chuan, bomb puak ri kan han ngaithla ta anih kha.. arei duh vang vang teh e..
.
Meizial tlawn hnih zet kan zuk hnu ah pawh ala puak thei silo a. A ni chen chen tawh lo tih kan hre tlang vek tawh. I dep țhelh aniang kan tih lah chuan, dep fuh a inti nasa mai bawk si a. A deptu kan ni silo a. A tlawlh aniang tiin, ți ru deuh chungin kan panthla leh ta a ni.
.
Puak tur nise, a puah a hun daih tawh tih hre reng mah ila, ți dûk in kan chhuk thlir vung vung a. Vawm nawn leh mai rawh, a tlawlh aniang, kan chhar leh mai dawn nia kan ti chu, a huphurh hmel tawh ngang mai.
.
Phûrna leh thathona hmuhsak tur awm hauhlo chunga, a bomb fit lai chu kan lo cinema tlir leh a. A fit zawh hnu chuan, Lu pân hnathawh zet a, thawh țuih țuih pahin, " zu lo keng ila aw.." anti vawng vawng pek a.
.

Lungpher tohlawt ah bawk chuan, kut khûr dur dur in, a zial chu ava pak tulh tulh a. Kan lam rawn hawi phei pah chuan "minlo thlir reng lo khan, min rawn țhutpui ve ula" a rawn bui bui mai. Țhianpa lah chuan, "vawm mai mai teh, sangha tlâ pawh anih loh kha, a fuse te lah chu i insawi huai tehreng nen,I duh sei rêng ruang si A puak hman dawn emni" alo ti hmanhmawh a. An in melh rum dun mai mai sin aw...
.
"Vawm pawh i vawm ngam chai loh kha" ti nung nung chung chuan, a insiam rem sauh sauh a. Keini lah in, a hma a Kan tlanchhiatna lam panin, kan tawlh chhoh san thuai thuai pek a. Kan ti thlabar deuh emni aw kati ta rum rum mai.
.
A hma ang bawk a, a deh țhelh leh nawk nawk hnu chuan, a zial zuk chu pak ling țha in, an chhem leh ang zoh zoh a. chhak fe ațang keinin, dep thuai thuai rawh kan lo tive sek bawk a.
.
Chutah le,, a dep fuh ni ngei tur a ni. A ding hluai a. A bomb ken erawh apaih mai hauhlo. A bih vung vung a. A fuse chu a zuk chhêm leh zeuh a. Kurung lamah a vawm dawn emaw tih naklaiin, Thlabar leh mangang âw zet hian, "tlanchhe ru" tihpahin phawk hru hian, kan lamah arawn vawm chho ta mai a. A ni lah chu, a bomb vawm na tur zawk kurung ah chuan a zuangthla daih mai leh nghal a. Kareiii,,,, ava tlanchak theih kher em... Phit țha dun mai mai tak kan ni. Mawngah meikhu pawh chhuak se, ka inhrethiam em em ang.
.
Bomb hlau a, luidung a kan han intlansiak chho zet chu, puitak a ni. Val țhankin ve ve, kekawrte chauh hâ, Ipte pui ak. Luidung khawkrawk kara kan han tlanchhe lai kha, min hmu tu awm ngat se chuan, a nuih azat viau loh pawn. Hlâu in a tlanchhe ve hrim hrim.
.
Ipte pui te chuan, mawngtam kha, a vaw hman zeuh zeuh chauh awm asin. Kan dress ngaihtuah phei chuan, Uchang pahnih intlansiak te pawh kan ang thei awm e.
.
Peih tawk tak meuh meuh kan tlanchhiat hnu ah, hah vanga thaw țha hleithei lo chung chuan, lungpui phenah ka țhu thaw hlawi hlawi a. Engtia thui nge ka tlan tawh ka ngaihtuah rihlo. Bomb erawh apuak ri kala hre hauhlo mai. Ka țhianpa kha, ka hma ah a tlan emaw ka ti a. Ka hmu zui tawh heklo. Bomb puak thawm ngaithla chung chuan ka thaw hlawi hlawi a.
.
Fimkhur leh ți zet chungin, luimawng lam thlir tumin ka dâk chhuak dâk dâk a. Ka thlang lawk, hlam thum vel lek lungpui phen ațang chuan, ka țhianpa pawh mawngtam huh hluam chungin, luimawng lam alo thlir ve vung vung chu ka zuk hmu a. A kekawrte chu, a mawng alo la pawp zui. A mawngpawp zawna, a vun rawng chu, dum ve khik khek tak a ni. A dum hlui da bei, mai leh nghal a.
.
Chutia țhianpa kan hmuh takah chuan, a mawngtam hlui lo langte chuan, min thlamuan suai suai hian ka hria. Kan vei leh eng helh ber mai, bomb puak thawm chu kala hre silo a. Ka thlang lawka awm ka țhianpa, luimawng lam thlir vung vung tu chu, zuk bia in. A PUAK TAWH EMMM.. ka'n ti chu,, karei,, karei,, kava zawt sual chiang teh reng em..
.
A phu nasa lutuk chuan, a inphênna ber lungpui chu zuankhûmin, a thlang lî ah chuan, an thlawk lût ri bûrh mai pek a. Mihring hi, thlâ neilo pawn kan lo thlawk ve thei chiang khawp mai. Ka chiang a ni. Ka chiang. Ka hmu tawh bik tlat.
.
Chuti tak mai a. Ka țhianpa phu nasa chu, ka nuih ati za hauhlo. Ka inthlahrung lutuk chu, ka țawng zui tawh lo reng reng. Muangchang hian, ka tawmna lungpui phenah, inthlahrung zetin ka țhu pil riai riai mai a ni.
.
.
Khawnge i awm. Min rawn ti țeng chhuaih tu chu ka țhianpa âw ngei ni mahse, kala hre ngai bik hauhlo. In thlahrung leh zawt sual inti zet chung chuan, Hmui hup ti tih in, ka ding lawr leh țual țual a..
.
Ka thlang lung chunga, lo ding dir tluk tluk mai ka țhianpa hmel chu patling thinrim engphiar, pasarih vel hmel inbelhbawm ani ngei ang. Chempui hûm in a ding to mai a. A thinrim hmel chu ava zahawm duh rem rem tak. A chuanna lung te chu, a khel zo vek thei in ka ring.
.
Rei tawk fang, țawng miahlo a. Kan han inmelh vang vang hnu chuan, ka nuih a za thar ta tlat mai pek a. A thlawk lai hmel kha hmu miahlo mah ila, a posi leh a phu nasa lutuk lai kha, ka mitthla ah arawn lang ta chuaih chuaih mai. Ka insum hleitheilo chu, ka țhu pil leh ta riai riai a.. ka hmui hup in, ka'n țhu khûr ngat ngat mai chu, ava hrehawm hahthlak tehlul em..
.
"Rawn chhuak rawh, chhuk ang. A puak dawn lo aniang. Kan zawngsena mai mai chu a châk lo ang chu aw.. "a rawn tih ta'kah chuan, nuih insum nasat luat vanga, hah leh châu em em in ka dingchhuak a. A hmel kan hmuh leh takah chuan, ka phuh țhawt lo thei lo a ni.
.
Thinrim zet hian, khatiang hunah, hnunglam ațang, inbiak thut tur ani hleinem.. ka phu hlum lo a, i vannei zawk anih kha, an ti rum ul mai chu, nuih hi aza tulh tulh mai leh nghal a. Kava hah tehreng em. A thinrim hmel leh țawngka te chu, fiamthu thiam tak hi ani ta ber e. Ka nui hlum lo kha, a vannei ve tho.
.
Luimawng lama bomb vawm thiam, kan țhianpa laka ka thinrimna chu, he ka țhianpa phut nasat luat vang hian, chhembo sak ka ni a. A ni erawh thinrim mai mai tak a ni. A ke pên te chuan, lung te chu a per keh lo chauh ani ber e. Keilah chu, a hnunglamah ka nui khi thla vûn vûn thung.
.
Rinphak bakin kan lo tlanchhe thui a ni. Kan thleng thla har ngei mai.
.
A bomb rawn vawm chhoh chu, kan chhar thla a. Alo dep fuh awzawng silo a. Thinrim thlak rualin, nuih erawh ala za tulh tulh mai. Kan țhiana erawh hmuh tur a awm hauhlo. "Kurungah khuan a zuangthla daih sia, a tla hlum roh anianga" tiin ka țhianpa chuan hlauthawng mitmeng zet hian min rawn zawt a. A thinrim pawh a reh nghal vek tih ka hria. Mahse, kei erawh chuan, ka hlauthawng ve lemlo. Tui a hleuh thiam a. Kei aiin a hleuh huai zawk tih pawh ka hresa tlat. Mahse, A ni thinrim hian, a tawksil duh mai ang tih ka hlauh avangin. Tla hlum lo ang tih bak chuan ka chhâng duh lem hlei lo a. Pakhat lah, a pa tet ang anga, kawlh hra mai alo ni ve bawk nen, an in khuainuai mai a hlauhawm tlat a ni.
.
Hlauthawng mitmeng zeta, kurung lam thlir thlak vung vung pah chuan, a zuk au dût dût a. Tlahlum se, a rawn chhân che iring ami, khatia i auh dût dût a tihpahin, ringzet zet hian, luidung khawk rum rum khawpin kan âu a. Thlang lam hla fe ațang chuan, a rawn kûk vei râih raih a. Pakhat lah lo thinrim leh thar leh ti tih. "Kan hmela mai mai chu, minti mangang reuh mange, rawn kal teh se, bomb nen hian țawn kawp ila, kurung vawm nan hian kan hmang teh ang" ati chheu chheu mai. Engemaw ti ti in ka beng dai thei ta hram a ni.
.
Min vawm na bomb chu kan lek vat vat a. A hlauhawm loh zia hrilh in, bomb chu vawm mai turin kan ti țan a. A hma a, Vawm ngam hauhlo leh bomb hlau a, tlanchhe chak em em si khan, a hlauhawm loh zia kan hrilh tak tak chu pui tak ani, pui tak. A fuse te chu kan tan chhum a. A hlang chuan kan dep zit vel a. A zît rei zia leh a hlauhawm loh zia hlir mai ka fah hrep hnu chuan, luimawng lama kan țhianpa tlanchhia pawh alo lang luau tawh a.
.
Kurung a rawn kai chho leh chu, a meng dawih dai tawh mai. A khawngaihthlak zawk takzet a ni. A țawng te thleng mai chuan ala khûr beuh beuh zui.
.
Pakhat lah in, diriam zetin, "i vawm khur nasa dawt dawt emai, sangha iti ți zo vek ang. Keiman kan vawm ange" alo ti zauh a. Pakhat lahin, rinloh takin, "i vawm ngam phawt chuan, haw hunah i duhtawkin, zu i in dawn nia", anti mai chuh. Fuh cher cher tak a ni.
.
A palian ber, atira hlau ber tu chuan, kutzungchal ai tawi hretin, a fuse chu an siam a. hlau chung chung tih hriat zet hian, an vawm ta ale,, tumah kan tlanchhe tawh biklo. Bawkkhupin, kurung chu kan bihthla far mai a. Bomb puah ruala, anrawn var chhuak suau mai chu, a hmuhnawm in, a hlimawm takzet a ni.
.
Hlawhchham tura in ngai tawh. Beidawnga haw mai tur a inruat kha kan ni tawh a. A palian ber in an vawm puah theih tak ah chuan, phûrzetin sangha kan chhar a. Vawikhat vawmah kg3 dawn mai kan han vawm thlu chu, a vawmtu leh keini ah, phûrna alo siam nasa ngang mai niin.
.
Lui dung kan chhuk vawm a. Len den thlak pah zelin, lui lian zawk kan pawh a. Lui lian zawk kurung vawm tum chuan, kan chho leh a. Lên den pahin, kan rin lai lai kan vawm chho ve zel bawk a.
.
A vawmtu lah in, a vawm apiangin, a ngam tulh tulh a. A fuse a tawi tial tial bawk a. Luipui zawk kurung ah te chuan, han luh chhoh ngai ani si a. Chunglam ațang a vawm theih bawk siloh. A luanchhuahna lam ațang a ha'n vawm phak bawk siloh a. sangha a awm kan ring bawk si.
.
Vawm huai tawh leh phûr tlâng tawh tih takah. A pate ber pawh in, a ze ngai a pu leh tawh bawk nen. A palian ber chu a bawl thiam narawh e. "Haw hun chu țhianpa a thu ber ang. a duhtawkin a in anga, keini chu min pek phal leh kan in ve thei chauh ang" alo ti leh zauh țhin bawk nen. Țhianpa chuan, "Rawnal khi pahnih vel han sat ula, ka chuanna tur kan dawh kai anga, a chhungah khian ka han vawm chilh ange, nangnin a thlangah hian, inlo châng dawn nia" ati hem mai le.
.
Rawnal chu kan han sat a. A chuanna tur chu lung keh kak kar țanchhanin kan han dawh a. Kan chhuk san ta a ni.
.
Duummmmm,,ummmm.. arawn tih zawh hnu lawkah, arawn var thla suau suau mai chu, a vawmtu engtin nge a awm kan ngaihsak hman tawh lo. Kan thal mawlh mawlh mai a ni. Nguntang chen chen pathum lai khai in ani pawh arawn chhuak ve ta bawk a. Kan hlawhtling haw kher asin aw..
.
Bomb vawm vawikhatna ah chuan, a man hnem ber pawl kan ni awm e.
.
In thlen hnu a, kan awm dan erawh sawi zui ta lo mai ila. Kan khêk ring hle a. Sapțawng te pawh ari nasa fu tih erawh. In hriatloh ka hlau.
.
Ho lam inti viau anih pawn ka dem lo che u. Min chhiarsak avang erawh chuan, ka lawm takzet a ni. Hlimtakin damreng ula, hriselna țha nei mawlh ang che u.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)