A LO MAK THEI NGEI MAI!! BY Toni Râlte

Group siam tirh atanga like tu 1000 nei chin zawng zawng dahkhawmna
Ngaia
Site Admin
Posts: 25813
Joined: April 30th, 2016, 4:07 pm

A LO MAK THEI NGEI MAI!! BY Toni Râlte

Unread post by Ngaia » March 29th, 2017, 5:02 pm

A LO MAK THEI NGEI MAI!!
.
_ Toni Râlte
.
Ka home pagea lo lang apiang chu en pawh en mang hlei loin, Like Button ka hmeh sak zung zung hlawm a. Net chak lai a lo ni bawk a. A nuam par par viau mai. Chutah thlalak pakhat ka like rual chuan k'n ennawn leh kher a..a chhan chu a chhe lo thlawt a lawm.
.
A room ni ngei turah hian khumah a thu a. Kekawr bul tawite a hak avang leh kawr dum bahder fit zet a hak avang chuan a bawp mawi leh sei zen zawn te, a awmbawr var hai te chu a lang no sar a. Keini ang mipa mit râwp tan chuan enliam mai a har a lawm. Comment petu tam zawk chu mipa an ni miau bawk a! Kei pawn ka kutzungpui hlei zet chu ka thunun zo ta lo va.
.
"Chhe lo ve lehhh.." Tih tê hian ka comment ve a. A lo reply ve vat. "lawm yeee" tiin. Tichuan, comment box atang chuan ka kawm chho ta zel a. A lo felin kawm a nuam phian a. Mahse, mipa dang a chhan let dan nen a danglam tehchiam chuang lo. Ka lista a lo awm reng chu mak ka ti angreng. Ka hmu ngai si lo a..nidangah. A proname pawh a danglam vei phian a..
.
"Mi sehhel Lateyee wralte" tih ngat a nia! A pic dang ka en kual zel a. Ka lipse hneh angreng. Pic tam tak a nei hran lo naa..a neihchhunah erawh a lang tha thei kher mai. A cute ngawih ngawih a ni mai. Thutlukna ka siam ta der a. He nu hi ka bialnu a ni ngei tur a ni tiin. K'n huphurh lo ve ngawt a! Mahni tawka luck inti ve nafam chu hlawhtlin ka inbeisei ve tlat!
.
Sas ka neih lohna pawh thla 2 zet a ni ve ta reng mai. Ka bialnu hnuhnungber Senteii khan kei aia tha leh fel, hmangaihtu zawk nia a hriat lakah min phatsanin, kei chu hnawl ka lo ni tawh a. Ka la na ve kher mai. Mahse, hun a liam a. Thla.khat hnuah chuan ka dam ve leh deuh mai. Mipa thothang tha ve tak, a changa nam ve zeuh zeuh thei, chhungte thawhchhuahsa hmanga Bike nei ve ngawt, a hminga class kal ve ţâwk ţâwk ka ni a. Lerh chu ka inti lo. Ka luck vang hian a lerh loh theih lo alawm
.
Lateyee inti chu ka inbox chho ta a. Min be tha ve viau. A duhawm zia ka ngaihtuahin inboxtu a ngah ngawtin ka ring. Mahse, a ho e mai.
.
"I ce lo hy ka ti goih2"
.
"K vn lom ..k phu lo" ti vela zantin han inchhaih han inchhaih takah chuan, ka duh ber leh amah hnaih lehzual theih nan a number chu ka dil ve ta a. A phal lo kual vel nain ka ngen ngawl ve bawk nen...min pe ta hram a. Min pek zan chuan ka call nghal a.A ring quit thak.
.
Whatsapp lamah ka tuan leh a. A dp te chu aw..a va chhe lo tak. Bethlehem vengthlanga an awm thu te, HBC ah 6th sem a zir mek thu te leh an unauah amah chiah hmeichhia anih thu te ka hre tawh. Keipawn ka chanchin thenkhat chu ka share ve nual.
.
Whatsappah chuan kan intext ta tluk tluk a. Ka call hian a la ngai miah lo chu vawitam ka zawt tawh a. A rooma a charge lai anih loh leh a inbual.lai te, an tawngtai lai te, a inkhawm hlan te a lo ni zel a. Chutianga chhuanlam a siam chuan a last seen a hide ngei ngei bawk thin. Ka call vak duh ta lo va. Video call a ka call lahin, "kan lang chhe thei si" a ti tlat zel..a awm ve tho mai.
.
Kan inbe thuk tial tial a..inhmuh te kan sawikai a. A nuam ţan. A buai ve theih em vangin hun remchang kan nghak a. A pic ka hmuh hmasak ber ruala ka ngaihdan kha ka thlak titih tawh a. Zep loh chuan khatianga taksa lang tam angreng taka thla alak khan mizo tlangval thenkhat te ang thoin "Hmeichhe nungchang mawi leh zahawm tak" chu ni lo turah ka lo dah deuh a. Mahse, kan han inkawm chian tak tak hnuah chuan, An Kohhran KŢP ah a inhman ve zia te, a zai thin thu te leh khawharinah pawh a kal ve ziah tih te ka hria a. Mi te hi an landan ang ngawt an lo ni lo tiin ka ngaihdan chu ka sirthlakpui ve ngawt a! A chhan pakhat erawh amah ka ngainain ka veina a nasat tawh vang a ni zawk.
.
Inrinni zing tawkah ka nuin chawhmeh lei turin min tir pek a! Ka va phur lo ber tak. Hmai pawh phih lo in ka kal a. Lei tur a ziah ho chu ka lei diat diat a. Sangha lei tura stepa ka chhuk thla chu min tawk zawnga lo chho hmeichhe pathumte zinga pakhat chuan ka ke pen a ti tawp chat mai . AMAH NGEI KHA A NI.
.
An walk zo, bazar pah an ni maithei. An dress atang chuan. Kan intawh tak tak hmain min rawn hmu ve a. Veivak an tam lutuk lo bawk a. Kan mit pawh a intawng fuh khawp mai.Ka lo nuih deuh sak a. Makti hmel deuh taka a thiante a nghawk deuh salh salh chu ngaihthat loh nan ka hmang lem lo. A lai ve ni maiah ka ngai a. Mahse, melh pawh min melh eih tawh loin, min kalpel ta hmak mai! Ka rilru chu a ti deuh nghulh mai. Ka thin a rim ut ut bawk.
.
Inah ka haw a. Chaw pawh ka ei tlem kher mai. Eikhama ka phone ka han en chuan, "Morning...tho tawh la" tih a lo awm a. Ka sa zak mai. Zawngi chu leh..
.
"Morning..i walk chu a nuam bawk maw? "
.
"Ka tho ve deuh chiah..walk te chu kahase'
.
"Min lo zahpui tih ka hre lo va..ka lo be tawh lovang che" ka lung a awi lo takzet a ni. Ni e, mahni tawka induh ve tawk tak ka nihna chuan be tawh lo turin min nawr tlat tawh atin ni.
.
A reh vang vang hnuah, "James, tihpalh. Tukin kha chu ka lai lutuk a. Ka hmu thut bawk che sia..min ngaidam rawh" a rawn ti a. Ka va call a. A pick up mial a! Mahse, a ngawi vung vung si. Hello ka tih vak vak pawhin a rawn tawng duh si lo . ka off leh tawp.
.
Nilengin ka mood a off thei mawle. Zanah chuan whisky ka lem ta sek a. Ka kai phur tan tihah ka call leh a. A reject a. "Hla kan zir" tih a lo thawn. Ka chatthla daih..
.
Zingah chuan "Morning..hmelthapa, tho tawh rawh lem" tih a lo hnutchhiah leh a.
.
"Vawiin chu inhmu tawh ang" a reh leh daih. An venga va kal tawp ka tum ta a. Ka bike ka silfai lai tak chuan, min lo call anih chu!!
.
"Hello"
.
"James, ege i tih?"
.
"Bike ka sil.mek a. Lo kal ka tum" tih chiahin ka chhang a. A bulah tuemaw an awm aniang. Inhrilhru ang deuh hian an phun sur sur a..eng nge an sawi phei zawng ka hre lo. Chutah, "James, vawiin chu ka nuteii Durtlang ami te inah kan chhungkua in chaw kan eikhawm dawn a. Ka hman loh hmel" a aw chu a tham chhel a. Ngaihno a bei riau. Ka lungawi chawpchilh ve mai bawk a.
.
Chutiang chuan Aizawla awm ve ve siin inhmu hleithei loin kan tangkhang ta reng mai. Ngaiah ka nei tawh hial. A thikthu a rawn tichhe thei viau a. Mahse, keipawh a chhe lo bik lo. Ka thian Bethlehem ami te chu ka zawt thin a. Ka fb sas chu an hre fuh hleithei lo. A pawi lo. A tuallim vak lo tihna a ni mai. Kei lah inchhungkhur buaina avangin ka chhuak hleithei bik si lova.
.
"Duat, i ngaihdan ang ngawt hi ka ni dawn si lo va. Ka rilru a hah" tih te..
.
"Min hriatchian hnuah pawh min hnawl suh aw" tih te a ching chho a. Hmeichhe dan alawm ka tihsak mai. An confi lo thar thut thin ve a. Nungchang zahpuiawm leh sihhnip tak anih ka rin lohna chu a pic ka dil fo va. Sexy ve deuh taka a lakna ang ka dil chang paw'n min thawn duh ngai hauh lo. Ka tihtauh khum ngial pawhin min rawn thawn duh ngai hauh lo .
.
Nikhat chu document pawimawh xerox turin ka chhuak a. Dawra ka awm lai chuan, nula pahnih an lo lut ve a. Pakhat zawk chuan jean kekawr pawl da lampang tawh hain, t_shirt var mawl tak a ha a. Chapal kaih a dum a bun a. Bag dum te takte a ak bawk a. A sam chu a thlah hniang bawk a. Ka hmu tawh tih ka hria. Ni e, Lateii a ni chiang lutuk.
.
Va be thut loin, call ka tum ta a. A number chu hmetchhuakin, ka call ta a. A ring ngei e. Amah chu ka melh pah kar bawk a. Ka rin aiin a bag a zen har tlat. Aw a zen ta e. A phone hlai zet chu phawrhin engemawni a type mial mial a. A ak leh daih. Maktiin ka meng bial kawk kawk mai. A reject pawh a ni si lo. A phone kha vibrate a a dah loh chuan a ring chhuak tur a ni bawk si. Chutia Lateii melh chunga hawihai taka ka benga phone dah chunga ka din lai chuan lehlam atangin ka phone chu an lo la ta a! Aw tham chil chel khan" Umm" a rawn ti a. Lateii a ni lo . Ani miah lo. Ring lutuk tak mai hian, "Late" k'n ti mai a'h! Lehlam atangin, "Eih" a rawn tih rualin, ka hmaa ding Lateii chu a rawn lehhawi zawk a. Min en ta reng mai. Chhei le..kei hian ka hai nge..an hming a lo innag..nge phir an lo ni zawk..ka buai a ni..ka buai.
.
Ka chhuah vat loh chuan ka mualpho mai dawna ka hriat avangin ka lehkha pawimawh ka khung sawk sawk a. Chhuah tuma ka inher lai chuan, "Thianpa, min hria tiraw?" Aw fiak thak ri chuan a rawn ti a.
.
"Ka ..ih..englo ania. Kan inbe thin maw ka tia" ka ti ta law law a. A hamhaih deuh a. Reilote. Chutah a thiannu melh pahin, "Ka hrethiam.." A ti sap a. Ngawi rengin an chhuak ta daih a. Ka zak lutuk chu ka tap lo chauh a ni. Dawra awm ve ho lah chuan min melh hrek hrek bawk si. Khawvel hi tawp thut mai se ka va ti em...ka zak..
.
Khumah muin ka hun tawn mak tak chu ka ngaihtuah a. Lateii pahnih an awm nge Phirpui a lo nei zawk? "Ka hrethiam e" a tih khan awmzia engemaw tak zawng anei ang mawle..
.
Fb ah ka lut a. Ka luh rual chiaha ka home pagea lo lang chuan engkim a rawn phochhuak ta. Kei erawh ka zak a. Ka thinrim em em bawk a ni.
.
"Nang, tuai hur lutuk hian ka thlalak hmangin mipa hrang hrang i lo bawl kual a. Nangmah vang hian ka buai tam tawk ta e. Police hmel hmuh lo inring ang che. Hremna chu i hmu dawn khawp mai" tih thu hi Lateyee a lo tag a. A lo tag tu chu "LATEII RALTE KAWLNI" a lo ni! Ka harh chhuak ta. Ka va mawl em..
.
Tuai pakhatin rei tak chhung min lo bawl amaw? Ka thil tawn zozai kha mi pangngai tan chuan ngaihthatna chi a ni tawh lo chung pawhin Lateyee hmelthatna khan min zem hneh lutuk a. Rinhlelh nachang ka lo hre hauh lo a ni. A chiang ta vek e. Inbiak a duh loh chhan te, kan inbiak tuma phun sur sur te, walk chungchang te, anihna diktak ka hriat huna a rilru hah tur thu te..aaa a tam.mai. kei hi ka lo mawl em a. Min bum a niang..emaw ka lo rin lutuk avangin min lo bum ani ngei ang.
.
Tihngaihna vak ka hre lo a. Ka hawi lawl lawl a. Khawvel hian min nuihzat ni maiin ka hria. Tichuan, heti hian ka inhnem ta ngawt a.
.
"Kei chauh lo pawh a bumna thanga tâng an awm ve awm tho e mai" tiin.
.
Ka thian, nangpawh fimkhur ang che.
.
(Ka thian pakhat thiltawn behchhana ka ziah a ni e



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)