ANALUA E. BY Ramdinsangi Ralte

Ngaia
Site Admin
Posts: 8829
Joined: April 30th, 2016, 4:07 pm

ANALUA E. BY Ramdinsangi Ralte

Unread post by Ngaia » May 6th, 2016, 7:28 pm

Ruah lah chu namen loin a sur buan buan a, thli lah a thaw vuk vuk reng bawk si. Chutihlai karah a khattawk in kawl a phe zawr zawr a...ring zet zet in trek a tlari dum dum reng a, nichin mai khan khawvel a ka mipa hmangaih ber Lalremsanga chu he khua atang hian um chhuah anitih ka hriat chuan awm ngaih na reng reng ka hre lo. Ka mitsulh niber in ka hria.

Zanin berkher chu ka thiannu zualtei te inlam ah, inneih na thiltur vel buaipui tur chhuan lam in kalo valeng khanglang a. Tunlai angin phone te hi chu awm ve nise chuan remsanga pawh hian alo zintur thu min hrilh lawk thei anga, heng buaina hi kan hmachhawn angai lotur.

Kanin ka thlen chuan kankawt velah chuan zorama leh a thiante ho chu anlo awm laih laih a, hepa zorama hi sipai ani a ka tleirawl chhuah phat atrang in min ngaizawng tawh nghe nghe, mahse a mizia leh hawiher vel hi katei thei thak lo thung...kankhua ang thingtlang khawte ah chuan a awmthei pawl niin amah hi sipai tranglai hlawh neite aloni vel nen, chutia minhel tareng chu ka chhungte chuan neitur in minnawr tluk tluk reng thin.

Engang pawn zorama neitur chuan ka chhungten min nawrlui mahse, ka thinlung hian duh leh hmangaih anei tlat tawh avang in ka theih tawpin ka chhungte chu ka dodal vethin.

Inchhung kalut chu, kanu chuan mikhual tlangval pakhat zobawk khua inti rawnlen atum a, A chaltlai lutuk a zorama leh a thiante leh khawtual tlangval hoin an ngaithei lo a. Tunmai khan khua atrang in an nam chhuak ta anih kha aloti bawrh bawrh a.

Nilo nilo remsanga maw, chutia ka bialpa min hruaitur a kalo beisei reng, tuma pawisawi miah lo chu hekhua atrang hian tun ang zanthim khawchhe karah hian anlo um chhuak tih ka hriat chuan ka rilru na lutuk chu kan chhuatlai ah chuan nikhaw hreloin katlu tawp a.

Ka harh chuan ka nitein duattakin minlo kuah a...nite ka rilru a damtheilo remsanga kha ka hmangaih a sin, ani khan min rawn hruai huntur kei hian kalo nghak reng a sin....Nilo a kalthei lo katho lawk a nihliap chhuar chung a kandah chu lain remsanga umtur chuan ka tlan chhuak ta. Khua athimin ruah a sur nasa em em a,ringtak a tapin remsanga chu ka au tuar tuar a...hlauh reng reng ka hretawh hauh lo, kankhua atrang a khawhnai ber hi km7 velzet a hla ani a...zokhua kan nih avang hian ramngaw tamtak kanla nei a, katha neih zawng zawng sawmkhawm in...chuzan rapthlak zetah chuan hlauh pawh sawi theiloin ka hmangaih remsanga chu thimtham zingah chuan ka um a.

Ka aw neih zawng zawng chuan ringtak a auin remsang minlo nghak rawhtiin ka au vak vak a, thlithaw leh ruahpui sur ri buan buan bak thawm hriattur a awm lo. Thuitak ka um hnu chuan ka beidawng lutuk chu ka thuhnawk a, chu ramngaw thimtak hnuai ah chuan lungchhe vankaiin ka tap hawm hawm a.

Reife ka trah hnu chuan, rilru natak chungin kakir leh ta tunang zanreh ah thlipui leh ruahpui karah hian hmeichhia mahni chauh a ramngaw thim leh trih bai awmzet a kal chu thil namai anilo, mahse remsanga ka hmangaih na chuan umlo theilo ah min siam si engthil mah hi hlauthei ka nilo.

Chauzet in huh zawr hnuang chung chuan kakal pai nawk nawk a, Athim em avang chuan kawng pawh ka hmuthei lo, kawl a rawn phet chiah chuan a eng ring chuan ka kal chak sauh sauh thin. Thuife kakal hnu chuan kapa leh ka unaute minrawn um nen kan intawk hlawl a...ka chauh tawngkhawng em avang chuan nikhawhrelo chuan ka awm leh a.

Hemi zan atrang hian nasa takin ka damlo ta char char a, ka rilru leh taksa hi a dam mawlh lo ani. Ti khawp a ka damlo chung pawh hian ka chhungte lah chuan zorama min neih tir chu anla tum fan a, ka hmangaih remsanga lah chu a reh hmak bawk si...thih daih ka chak rum rum thin, ka chan hi analua ani e.

Ka hming chu zohmingsangi ani a, jojo tiin min ko maithin. Kankhua hi thingtlang khawlian vaklo ani a...mahse a chhung a chengte erawh kan in lung rual hle, kan unau hi pali kan ni a ka ute pahnih chuan nupui pasal neiin inhrang an chang ve ve tawh a...ka u chiah mipa leh kanu leh pate nen kan khawsa vemek thung.


Keipawh nulat ka hre chho vetan tawh a, kan khua ah rau rau chuan atober pawl te zing ami kani ve awm e.ka tleirawl chhuak phat pawh hi bawrtu ka ngah hle reng a....chung zingah chuan zorama pawh hi a tel nghe nghe a.

Keimah ah beiseitur mitmeitha a hmuh loh vang in, mi a nita lo chu kanu leh pate ah a bur chat reng a, ka ngei thin khawp mai.

Kanu nau hi aizawlah pasal neiin a awm ve a, nikum maikhan a pasalin a boralsan nghe nghe a...ka nutei a damloh vang in a fate anla te si a, awmpui turin ka chhungte chuan aizawl lamah min tir liam veta.

Tleirawl mai kala ni a, chutia khawpui nun kahan tem chu nuam ka ti hle. Khawpui boruak nge nge chu thingtlang lam ai chuan alo tha a...thlakhat vel ka awm chuan ka tisa a mam chak in ka nalh ngei mai, ka nutei pawh a tha chho ve hret hret a...kankhua angin zar buaitu neih loh chu a hahdam thlak in ka thawveng ru veng veng, kanutei pawh a dam chho ve zel a eirawng bawl chetvel a peih vetawh avangin...ka thian kawmngeih ber zualtei lehkhazir a helai a awm mekte inluah ah chuan chaw ei a riak nghal turin ka phei a.

Zualtein minlo hmuh chuan kan auring ngei mai...inngai zetin kan inkuah vawng vawng a, kan awmdun tawh hi chuan kan rak chul thin a...zualtei u uroa pawhin min nuih tawp


Hlimtak in zanriah tur kan buatsaih a, nui bawk bawk in kan titi pah reng bawk a...chawei kan peih thuai a...chaw eikham chuan room lamah kan thian dun chuan kan phei a, khumah chuan mutzal pah in kan titi siam siam a. Abialpa chanchin te min hrilh a kan nui leh hawk hawk thin, kei erawh chuan bialpa kala neih ve chiah loh avang chuan phurtak in a titi chu kalo dawngsawng a....chutia khum a kan tawng suam suam lai chuan uroa chuan zualte ithiante anrawn leng ania arawn tih chuan rangtak a in perh tho in kan inzui chhuak rawl rawl a.

Zualtei te inluah zimtak a thuthleng pakhat inhung ah chuan tlangval pahnih hi anlo thu ran a...A bialpate tih ka hrethiam mai, tlangval pakhat zawk chu a hmeltha in a cool kher mai. Ka thiannu bialpa anih chuan aw ka thik ru nghal ringawt.

Zualtei chuan zeizet chuan dear heihi ka thiannu jojoi anih hi, nuisang chuan kanin chibai a zualtei bialpa hminga chuan heihi ka thianpa remsanga anih hi a tih chuan minrawn melh zeuh a.min chibaitur a arawn ding chhuak chu a palian in avan chhelo kher em, kankut a indek chiah chu ka trek chhuai thei. Thu ho zet zet sawiin darkhat kan mengthleng der a. An thian dun a an haw hnu chuan khapa remsanga ringawt khan ka rilru zukluah tehreng a, ka vawikhat hmuh naah ka vei nghal bur chu ania.

Tukthuan eikham chuan kanutei te inlam ah chuan kan thian dunin muangmar in kan phei a, zualtei te inlam ah chuan la awm ka chak takzet. Remsanga mawlh kha hmuh leh ka chak ani, A mizia pa zet khan minhip ngawih ngawih....hei hi ami hmangaih na chu le, in kanthlen chuan ka nutei chuan boihi ilova haw hma ve. Zualtei te hnen ah chuan awm hahdam deuh rih tur che ania aloti siam siam a. Zualtei chuan nuram sunday hmangturin ka rawn hruai leh dawn a lawm aloti thuai a ka thiannu remhre lutuk hi chu aw..kavan lawm tak em.

Tunkar zet chu ni a kalmuang kati ngang mai. Kartluanin remsanga ringawt ka ngaihtuah a, kalo veive ropui sia khatiang ang tlangval chhelo chuan bialnu a neih loh chu ka ring chiah bawk silo ..beisei ngam chiah loin ka awm reng a, khami zan khan rsa khan min thlir leh veng veng thin tih kha ka mitsir hian a hmu rureng a, miduh ve deuh ani thei angem le . Engpawh nise ka veizia thu hi chu zualtei ka hrilh angai ang...anin tihdan kawng kawng te pawh a hre mahna, a bialpa hminga thianpa anih khamaw tih chu ka in hnem na ber ani ringawt.

Atawp atawp ah chuan saturday kan thleng veta trawk e, zualtei pawh min hruai turin a rawn lang hma kher mai. Bazar nghal angaih dawn avang in ka inthlak natur kawr pathum vel chu bagah khung in kan chhuak ta nghal a...thui vaklo kan kal hnu chuan zualtei bialpa hminga chuan minlo nghak a, in a arawn kal ve chuan ka nutei ngaih a that loh an hlau alo nilek a, an thluak anrawn sawr ve hle maimaw....an pahnih ka en chuan kanui suk a.

Zualtei bialpa hminga hi aizawl mihausa fapa mal neih chhun ani a...An rosum te hi kan khua a zorama te angin a chapo pui vengai hauh lo kan nundan miltawk a minkawm a thiam em em a...tin zualtei hi a hmangaih bur bawk,,, keipawn hemite pahnih hi chu khuanu ruat annih ka ring nghet bur bawk. Engthilah mah hian zuin hau vengai miah lo a.

Kan bazar na senso chu hmingan atum vek a...A chhan chu tlai atangin sunday tlai thlengin chaw eikhawm char char kantum miau a...chubak ah sum leh pailam ah chuan a renawm vaklo khawp mai...hman senloh annei miau a...kathiani hi chu ala vannei dawn lellol ania o.

Kan bazar chhungzawng chuan rsa ringawt ka rilru ah a awm a,,, awm vese ka tihle a hmel hmuh hlan mawlh ka nghak hlel ani.

Hminga chu zualtei te inah rawn pengtawh loin a haw tlang nghal a, keini thiandun pawh bawrzetin zualtei te inlam kan pandun a.

Khua a lumin ka chau kher mai, tlailam anihtawh vangin rei thumuang tawhloin rawng bawl kantan nghal a...A zualpui kan siamzawh chuan zualtei chuan hei chu thilharsa anitawh lobawk a lova inbual rawh mintih chuan inbual tum chuan ka kalsan a. A lumbawk a muangchang in ka inbual a, kafai tha kher mai bualin atang chuan kawr ha lemlo in towel chu ka hnute chung a bih chuan ka chhuak zan zan a...midang awm an awm loh vang a duhdah zet a chhuak kani hrim hrim a...zualtei nen hi chuan saruak pawhin kan in awmkhum ngam hrim hrim a. Zualtei thawm a reh hle room lamah chuan inthlak turin ka phei a, tumloh zet a remsanga ka hmu chu ka phu nasa lutuk a ka towel bih chu a tlathla daih a...thuthlengsei ah chuan rsa a lo thurun a engtiklai in nge alokal reng reng ni. Engkim a hmuvek ka zak lutuk chu kasen trawn trawn thei...rangzetin minrawn panphei a towel chhuat a tla chu chharin minrawn tuam thavat a...ka chet ngaihna hrelo chu ka thutawp kha ania, rang fahranin room lamah chuan ka tlan lut vat a kazak lutuk chu awm ngaih napawh ka hre lo zualtei vangvek tinge remsanga a lo thlengtawh tih min hrilh loh...khawnge a mahpoh hi a kal daih ni. room ah chuan ka zah em avang chuan ka tawm tlat a.

Chutia ka chhuah takmai siloh ah chuan kawngka chu a rawn kik dat dat a, kalo lutdawn ania a rawn tih chuan khumah chuan kalo thutha vat a, kasirah chuan rawn thuin min enchik kher mai. Zah avang chuan kalo ip chawih chawih thei. A aw a thian kharh kharh a kakut chu rawn vuanin zamhmelzet chuan jojo kaduh lutuk che, tunkar chhung zawng khan nangmah hmuh leh chak hian hun ka hmang a sin kavawikhat hmuh na atang che khan ka duh nghal che, ka hmangaih che niin kahria anti chiah chu ka hallelui lo chauh ani.

Hlim hle mah ila ka in thup trang trang a...a chhan chu hmeichhe sihhnip angtak a lan ka duh loh vang ani ka ngawih takreng ah chuan a kut chuan ka khabe chu rawn dawmin chiangzetin min fawpta....mipa ka vawikhat kiss na ani a, ka zeilo takzet mahse avan nuam si em a thlum veng veng niber in ka hria. Zualtein ringzet in aw arawn then tak kharh kharh ah chuan rangzet a inthlah in kan innuih sak a...kanin zuichhuakve nghal a, ka thinlung hi lawmin anui ver ver nimai in ka hria. Tunah chuan a vawikhat nan bialpa pa leh chhelo zet kanei veta..

Zualtei leh hminga chuan minlo nuih thaw a. Kanlaidun lutuk chu kan vai nuih tavek a...tumah mitmei ventur an awm chuanglo bawk a hlimtak in zanriah kan kilho a, A kawp tete in kan thuvel thlap a. Ka hlim takzet, remsanga pawh ka nutei te inlam ah a rawnleng zantin animai..engmah buaina em em awmlo in kan nichho vezel a, nitin hian kanin hmangaih na hi a tam telh telh ani bermai...kan pahnih karah hian tumah mamawh dang kan nei reng reng lo rsa ankhua zobawk ah a haw tihloh ah chuan kanin zui chawt thin.

Kan zik nek nek chhungin kum a lovei dawn tareng mai...mahni khawlam ah kristmas hmang a kan haw ve ve a trul si a...kan haw hma chu atam thei angber awmdun kantum a, kan haw hmani chuan bazarah kalin chhungte hawntur eng eng emaw kanlei nual a...rsan kawr nalhzet minleisak a...kei erawh chu ka nutei te awmpuitur a kal mai kanih avangin sum thawh chhuah nei veta lo chuan thil hlutak leisak natur ka neih loh vangin holam ta ka leisak ve a...tlailam ah kanin ah chaw einghalin zanah reivaklo a len hnu ah in thlahlel hle mah ila min hawsan ta a.

Atukzingah keini pawh zualtei te unau nen kan khawlam ah kan haw veta nal nal a, keini thian dun chu kan ngui nghiai mai. A chhan chuan kan bialpa te ngaih luat vang ani sia, tluangtak in kankhua kan thleng a ka chhungten minlo ngaitawh hle.

Buaina liantham a thleng lehta zorama bawk chu arawn haw ve leh tlat mai...khawpui a awmta nana na chu kalo tuai nalh nasa mai si a...namen loh in min rawn birh leh ta tluk tluk mai, kavan ning tak em. Remsanga kangai takzet tunlai angin phone a inbiak mai natur a awm ve silo. Lehlam ah ka chhungten zorama anlo pak huam huam reng bawk si, kan inchhungkhur ah hian lamtang pakhat mah kanei veder silo..zorama lah chuan min neih ngei tumin tanhmun a khawh tha sauh sauh mai si a.

Rilru na reng reng in kristmas ka hmang zo ve a. Ka chhungten pasal minneih luihtir an tum bawk si katan chuan kan inchhung chu ralram ani ringawt, kumthar a rawn thleng a. Nang ihmunah kei ka hmunah tih ang khan mitin te chu mahni kawng theuh zawhin an phe leh sung sung a...kei erawh chu ka chhungten pasal min neihtir antum avang in aizawl lamah ka chhuk an remti ve talo.

Mangang takin zualtei te inah ka tlan phei a, a khumah chuan ka bawk thlawp a ka rilru a mangang ani...remsanga thawntur leh kha ka ziak mawlh mawlh a. Ka mittui hi hruksen rualloh in a luang nguah nguah a...Atawp nan remsanga chauh ka in nghah na anih tawh thu zualtei hnenah chuan uluktak in ka chah a...thiannu ka chanchin chu engkim i hriat kha remsang a chu a bul a trangin engkim ilo hrilh fiah anga....Anilo chu pasal neuh ka tum miahlo a hruai hun nghak in kalo thlir reng ang tih kha ilo sawi bawk dawn ania aw...zualtei chuan mittui tling pamin minlo melh kal a...lungchhe zet a katap chu min kuah vang vang a...chhunzawm tur



Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » July 4th, 2016, 10:09 pm

2Na

Ka rilru tawt bunruah naber zualtei a awmtak siloh ah chuan, ka khua a har thin hle. Zorama pawh kan inah a rawn riak lo chauh ani ber e, anui hmelte hi katen ngawih ngawih. Remsangan engtin nge a ngaih ang minngai leh min hmuh chak em em in a rawn phei anga...keilah chu kan inchhungkhur ngei ah jail tang ang chauh kani tawh si a....zorama hi ka neiduh lo takzet remsangan minrawn hruai hun nghakin hun leh ni ka hmang liam ve zel a.

Ka minghah ber remsanga lahin thawm a rawnnei thei silo, ka mangang tawh takzet. Ka chhungte lahin min vehthlem hi ani tawh ber a, kanu hepa hi kanei duhlo hmangaih dang kanei tawh a sin ka tih chuan. Minhringtu kanu ngei mai chuan ka hmaiah min beng sawk a, he mi chapo pa hian engtin chiah nge ka chhungte hi alo dawi at tawh ni...remsang tinge ireh rengmai le nghaktu nih chu reitak ani...lehkhatal in chanchin minrawn hrilh vetur ania...thereng vuakthlak ang hlauh in a reh hmak bawk si. Remsanga nghakin hun leh ni ka hmang ral ve zel a...hetiang anih takah chuan ka chhungte hi zorama neitur hian reitak ka dan theih ka ringtawh lo...ka chakna leh ka innghah na ber in engmah riva a rawn neih tak siloh ah chuan.

Zorama pawh a chhuk leh ta nge nge e...mahse minneitur in a rawn kir leh nghal dawn tho a...thopik lutuk zualpui chu a reh ve deuh e, chhura a awm talo e phungpuinu in ati ang deuh kha kani ber e...ka hlauh leh ninber a awm talo chu ka nuam huai thei.

Mahse tinge remsanga hian engmah thawm arawn neih loh le...zualtei nise a reh bawk si, Aizawl ah chhuk ka duh hle a..mahse bialpa kanei tih ka chhungten an hriat vangin an phallo bur mai bawk si.

March thla kan thleng dawn ruai tawh a...kanu leh pate remruat na angin zorama pawh minnei turin a rawn kir leh tawh a...tinge hepa hi ka chhungte hian heti tak a anduh maile, remsanga a rehtak vung vung si ah chuan ka beidawng ve tanta...Ankhawlam ah bialnu te neiin min theih nghilh ta aniang tih rilru kapu tan a, hetiang khawp hian amahvang in ka tuar nasa tawh a...mahse tinge ka buaina lak atang a min chhan chhuak tur a ke a rawn pen miah loh le, zeploh ah chuan a lak ah khan ka engkim ka hlan tawh asin ka thianghlim na chenin...hmangaih na min hlan laikhan a der mai maw minlo hlan,,, inchhir a sawt tawh silo mipa lakah kan thianghlim na kan hlan hian min hmangaih sauh turah kalo ngai a...mahse anilo min kalsan ta anih hi....remsang tinge heti hian min tih ka hmangaih lutuk che a sin.

Ani em em tawh lo e, tunah chuan ka duh miahloh trang belturin, hmangaih miahloh run ah chuan ka lawi mai aniang chu...ka chhungte phur lutuk hmel chuan ka lung anti chhe ngawih ngawih...tinge heti khawp a mintina tur hian hmangaih kalo neih kher ni...remsang ibulah khan ka hlim a sin...mahse ka hlimni te kha areilo lulai emai pawh a.

Ka pasal neih nitur pawh ruatfel anita...zorama te hi kan khua ah nana na chuan an ropui ve a...min lawmpui tu pawh ka ngah kher mai, mahse kava lawm ve silo em...zorama hi chu a mah hmangaih em em tutan chuan pasal thatak ani dawn asin le...Ahmel ka hmuh ringawt pawh hian ka uak lo chauh ani sia...damchhunga chengdun tur chuan katrah khua a seidawn mange...zualtei pawh mothian tur anih vangin hawtur in kan chah tawh a...Atawp nan vawikhat tal remsanga hmuh leh kavan chak tak em.

Zualtei a rawn thleng chho ta...hmanhmawh takin an inlam ah ka tlan phei a, remsanga chanchin hriat ka chaktawh lutuk vang ani...zualteiin thiannu remsanga chu mas hmanga a haw atrang khan vawikhat mah alarawn pheilo...uhminga nen pawh mak kanti deuh a engmah chanchin uhminga pawh a rawn hrilh lo tlat.. mahse lungngai miah suh aw thiannu, vawin khan remsanga chanchin ngaihven turin hminga pawh zobawk lam panin a chhuak a...pasal ineih hma chuan nangmah hruai tur in arawn thleng hman em em ang ati charh charh a.

Enge a awmzia remsanga hian buaina atawk amile...chupawh nise lehkha talin a chanchin a rawnsawi tur ania sin...kan inneih nan nithum bakin min dang talo, beidawng zet a zualte zorama chu ka neih nge nge a ngaidawn anih hi ka tih chuan ka thiannu chuan min lainat vangin a in sut hlap hlap a...katap nasa lutuk hi a hmai te a bui luk a. Kalo piang ve hi apawi kati mi fate chuan an duh leh hmangaih ber te annei a...kei vezawng tihluih nain ka huat ngawih ngawih ka nei dawn ania...ka chan hi analua e.

Khua a nuam lo in ruah a sur reng a...ka ipik lutuk chu chhuanlam siamin zualtei te inlam ah ka lengphei a, reife ka va awm a katap deuh reng a mahni nunna em lak chu kangambik silo beidawng zet chuan kan inlam pan chaun ka haw hna hna a...hemi zan hian remsanga chuan minhruai turin kankhua alolut ve chiah a....vanduai thlak takin kanin awmna ka pasal nimaitur zorama te thian ho a lozawt fuh kher kher a....mifing kherek zorama chuan ka hmangaihber remsanga anitih alo hremai a...kut hial lo thlakin anlo namchhuak anih kha .

Ka pasal neihni a thleng ta...mahse kei erawh tho chhuak tur ka awm talo, chaw ka eithei lo a mumal reng reng kanei thei lo ka dinhmun a thatloh em vang chuan khawtlang mipuite min kanin anrawn phu hut hut reng a....monu tur ber ka damloh tak ah chuan kan inneih nitur pawh sawn a trul leh ta.

Zualtei pawh zirlai alanih vangin reitak khua ah min champui theilo a...a chhuk hmani chuan remsanga tan lehkha min ziahsak a, engmah titheilo in khumah ah kamu reng a...hmuiphun in ka hmangaih ber tatur lehkhathawn tur chu kasawi a. Zualtein alo ziak zel a...remsanga hmangaih vang in engmah titheilo leh chethei miahlo ni mah ila ka mittui chu a luang ngiai ngiai reng a...ka chau lutuk chu ka mengpeih tawhlo...zualtei pawh insiam te angaih vangin min hosan a.

Tlem tlem chuan ka tha chho ve hret hret a...ka chhungte pawh ka thih teuh em vang chuan an inchhir ve deuh chuan ka hria...zorama pawh pute nei anihtlat vangin sipai hmunlam ah a liam ve ta truang truang a..kan buai zo tavek anih hi.

Tunah chuan thra tawh tak kani...mahse engmah ka eithei hauh lo, ka luak a chhuak in ka uak reng a...kanu ngaih a thata hauh lo, ka pasal neitur rilru buai lutuk velvang khan ka thlabi an thi ka neilo tih kalo hre hauh lo...keihi karai maw.

Lawmtur nge lawm lohtur, tunah hian remsanga fa thlathum mi kapai mek anih chu...kanu in thinrim zetin min melh tlawk tlawk a...kut min thlak turin ka taksa a chhiat em vangin sawisak tlak ka awm silo...thinrim takin min chhuah san nghawng nghawng a.

Ka chhungte ngaihdan ka pawi salo...ka hmangaih remsanga fa kapai chuan minti hlim em em a, mahse ka hlim nate hian a daih rei angem le, keimah kala chaklo bawk nen kanu chuan rilarah nana na chu min lainatin kapa lakah ka naupai chu a zep tlat a...keipawh indawmkun reng hman kani lo tih hria in eitur tha tha eiin ka naute tan kain ti hlim hram hram thin.

Keimah damlo chaklo kalo nibawk nen khawlaiah ka chhuak vaklo hrim hrim bawk nen, tuman karai tihreng an hrelo keimah pawh in ngai ka awh chho vetran mek zel a...kanaupai in thlali hmel a hmutawh a, mahse chuti vakin karaitih hresa tan lo chuan karai tih chu a hriat hauh lo.

Zanlam ah remsanga ka mumangah ka hmu nasa lutuk a...a fa kapai vangin lawmthu minlo hrilh mawlh mawlh reng a...duatzet in minlo pawm vawng vawng a, kamang athat em vang chuan ka tho tlai hle, kanuin rawng alo bawl karh karh a, bawihi hethu hi ipa kan hrilh ngei a ngaitawh chaw eilai in ka sawi anga engmah lo sawi suh aw atih chuan ka hlauthawng a sin aw ....ka pa chuan engtin nge a ngaih ang ka thin a phu dep dep mai. Ka room ah ka phei vat a ka naute a che dat dat a...bawihte hlau miah suh apu chuan engtin mah min tidawn hleinem tiin ka dul kiar ve pang chu ka chul heuh heuh a...ka pa hmachhawn chu ka huphurh ani.

Ka hlauh ang ngeiin kapa thin a rim kher mai...kut em chu min thlak lo a mahse zohmingsang ihmel hi ka hmu peih hrih lo, min chhuahsan hrih ang che ati mauh mai...kanu in pa-a chutiang em em chu thleng suh se amah ataksa a chak lo si engtin nge raipuar chung hian mihrang bulah a khawsak theih ang lo ti mahse...kapa sailo lunglian chuan a thu a zuk duh tlat silo a..ka nutei hnenlam ah lozuk awm hrih maitur in kanu chuan min ti a...ipa lungawi veleh kalo hruai ang che...naute hrisel tak i neih theih nan irilru tihah lola chaw eitha rawh aw...ka thawmhnaw min siam pui pah chuan ka tan a thatur min hrilh mawlh mawlh a...aizawllam pan chuan ka liam veta rawih a.

Ka tumdan tak chuan ka nutei panlo in remsanga pan katum a, hetiang hi ka dinhmun anitawh tho a inneih maihi atha kati a...engtin nge remsangan alotih ang a hmangaih in afa ngei paiin ka pan dawn ani si a...nu leh pa chhuahsan e tilo chuan ka hlim ru veng veng a. A chhan chu ka hmangaih ber kiangah ka awmtawh dawn vang ani.

Aizawl ka thlen chuan remsanga inluah lam chu kapan a...ka phur em vang chuan ka taksa chakloh ai chuan ka kalchak a, a inluah ka thlen chuan a loin kalh bur a ka hrilh hai kher mai...khawnge a awm tih zawhtur mai an awm silo a uhminga te inlamah ka phei a hminga te in hi remsanga te in bullawk ah ani a....kawngka ka kik karh karh a hminga nuin minlo chhang vat a, hminga pawh a lolen chhuah daih vang chuan beidawng ru em em in ka chhuak leh ta hna hna a....Kawng a kakal lai te chuan remsanga tawk thut tur ang hian kain ngai tlat anih chu...ka hawi ka hawi a, ka riltam avang chuan kapum a ri rak rak a...bawihte lo nghak rawh chaw tamtawk ka eidawn a lawm kati a zualtei te inlam pan chuan kakal hnak hnak a...tinge maw tumah hmuhtur in awm loh le.

Zualtei te in kawngka chu ka kik karh karh a...ka thiannu in min hmu chu a hrilhhai hmel tawp...keilah chu ka thawmhnaw nen ka bawr angreng si a, ka bag vel chu lathla in min kuah lut vat a...Enge thil awmzia tih chu hriat chak hmel takin min melh a.

Tunah hian remsanga fa thlali mi kapai mek a, khati teh nuaih kan nih vang khan karai tihreng kalo in hrelo a...kapain kanin chhuahsan phawt turin minti a..zualte remsanga hi khawnge hminga pawh chuti bawk...remsanga ka pan hmasa a a lo awm miah lo a in alo inkalh bur bawk si....hminga pawh a awmlo a hetah a awm ka ring ania khawnge maw anlen ni ka tih chuan zualtei mittui a tla ringawt anih chu.

Nui ver ver chung chuan tinge itrah ringawt iho emai...tunah chuan ka zalentawh a lawm he ka naute hian apa nen kan awmdun theih nan min chhuah zalen ta anih hi ti chung chuan ka dul chu ka chul heuh heuh a...zualtei pawh zalo zetin a tawn trah nuih ringawt a kalkawng ah ka chauh deuh vang chuan ka muhil nghal thuai a.

Ka harh hma a sin aw...tunah chuan ka nautepa la hmulo mah ila kan inhlat tawhlo tih ka hriat vang chuan ka hlim hle, ka rawnchhuk tih a hriat chuan hmanhmawh zetin a rawn tlan dawr dawr awm sia...naute chanchin an hre bawk anga a thidang thei ang, tinge zing zing ah i khik vur vur reng ni zualtein min rawn tih chuan remsanga ka ngaih tuah a kalo ti thuai a.

Zual chaw ivan chhum hnem ve katih chuan paber a rawn ei vedawn a atimai a...remsanga ani chiangmai ka thiannu hi chu aw katan hian avan hlu kher em...room ah tlan lutin lan nalh lo hlau takin kava in chei thuai thuai.

Jojo chaw ei ang u hmiang a rawn tih chuan...remsanga a rawn thlengtawh aningei ang nui vur vur chuan ka chhuak phei a...ka hmuhtum ani hauh lo hminga zawk ani, Ahh khawnge remsanga hi bangbo zet chuan ka zawt a...an pahnih chuan anin melh ralh a thildiklo a awm chiang mai...nizanpawh khan zualtei a trah ringawt kha..

Hlauh thawn nain min tuam nghal hlup hlup a...mawh u khawnge remsanga kati tuar a, hminga chuan jojo inbengdai teh thu phawt ang u thil awmzia chu keiman ka sawi ang atih chuan ka hlauthawng telh telh....hrechak si huphurh bawk si chuan ka awm a.

Jojo khamizan inkhua atranga rsa anrawn um chhuah khan rilru na zetin arawn haw thla a...ilakah a lungawi lo kher mai in inkawt ngeiah sawisak rawn ani a athlavang hauh turpawh a ipen chhuak lo kha na atiber ..khata trang khan zu a in char char a mi a angmai in a khawsa ani ber e, chutia zu nen a a khawsak takah chuan a inluah kawmchhak nula rini nen kha inkawp chhoin an innei tamai a...zualtei rawn chhuk in thil awmzia a rawn sawi khan engkim a tlai zovek tawh ani...rsa leh rini pawh rsa te khawlam ah an phei a hei anrawn kir leh ta rihlo anih hi.

Ka thu hriatin min thawng lutuk chu ka taksa chaklo nen ka talbuai rang kher mai...zualtei leh hmingan min buaipui a reitak damdawiin ah ka awm a...zualtei lehkha zirlai alo ni bawk nen englai pawh a min buaipui a hman lo a ka nutei te inlamah min la phei a.

Kristmas hmangtur a remsanga an khua a ahaw phei kha anu a boral thut a...chanchin minrawn hrilh na lehkha lah kan hmu ta silo a...titeh nuaih khan kan awm kha ani a..ka innghah naber a tliak ta, engtin nge keimah chauh hian khawvel hi ka hmachhawn ve tak ang le....remsang tinge thudik hretur tal in i hmangaih hi minlo nghah loh le...Avan pawi tak em...Apawi emai ikiang a chengtur hian eng hreawm zozai nge ka paltlang ngaibik le.

Ka naupai pawn thlaruk hmel a hmu veta...ka naute vang chauh hian ani kala nun ve trawk trawk ni...kawtzawl ah chuan mi veivak chu thlirin ka ding reng a...helai hmun ah hian vawitam remsanga nen khan hlimtak in kanla awmdun tawh anih kha....remsang kata nithei dawntawh lo mahla nangmah ka hriatreng theih natur chein fa minpek vang hian ka lawm e aw...ka mittui chu a sur zung zung a....ka nutein tukverh atrang in lainat takin min thlir reng a...tunhma a ka taksa mamkang thin te kha tunah chuan a cher kuang tawh a...ka chung thilthleng hi a thleng hi a nalua ani e. Cont

Writer te tiphur tu liker in tlem lutuk a ...tan han la teh unnnnnn.

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » July 4th, 2016, 11:19 pm

4Na

Remsanga ruang engmah hretawh lo chu ka thlir kham theilo....A hmel ngainat awm takte hi chatuan atan ka hmu thei tawh dawn silo a, rs hlimtak a ka awm kha iduhthusam ani tiraw. Mahse ka hlimna ber iliam tasi a....ka fapa hi awm lo se chuan kadam zo kherlo ang boihtea hian chakna minpe ani.

Rsa hi aizawl khawchhuak diktak nilo mahse...tlangval fel leh nunchang thatak ani a, thenrual tha tamtham fe chu alonei reng mai...mi amak amak atam amah thlah liamtur in anlo pungkhawm a...Abiktak in thalai antam hle kan nufa te chauh a min hnut chhiah bik chu a fair lo tak zet...Duat lo tho leh teh kan inhmangaih na zawng zawng te kha apar mawi na kanla chendun lo a sin....hreawm tamtak kan tuar chhuak tawh a kan hlim ve dawn chauh a tinge ikal leh si...kavan hrethiam lo tak em.

Angelte lenna ramah chuan remsang ifapa nen hian minlo nghak ang che aw....thlanmual lampan chuan rsa kuang anzawn chu tap chung in ka zui a, tha reng reng kanei lo zualtei leh hminga min chelh a ka rilru na lutuk hi mu leh malpawh kanei theilo...zohmingsang nanghi chu katan a khuanu ruat ini... ka kiang ah itarthleng a awmtur inih hi nui ver ver chung a mintih laite kha mitthla ah a cham reng a....tinge ithutiam te kha puitlin leh ngamlo tur te chuan min tiam le....duat ka phallo ithi theilo kala kham lo che ifapa pawhin ala hre chianglo che a sin....Anu hnenah hian khawnge apa atih hunah engtin nge ka chhan ang, ngaihtuah na a buai zota vawikhat mah in tawng leh tawh lotur a thihna kutvawt kan chung a lo thleng tamai hi na kavan ti em

Remsangan minkalsan ni atang khan ka khawvel chu a tawp vel nghal nimai hian ka hria.....zan ka mu theilo a engmah eichak na kanei lo....ka fapa pawh ka buaipui hleithei lo a, hun harsa tak paltlang tumin ka bei a mahse ka chau ani. Ka fapa tap tuar tuar ri chuan suangtuah na khawvel a ka cheng chu min tiharh zawk a....rsa a nen kan fapa hi keimah ka in khawngaih lutuk vang in kalo ngaih thah veng veng mai...ka inthiam lo hle ka fapa chu kanu kut a tang chuan lain duattak in ka chul a....kanu leh midang ho chuan hrilh hai hmeltak in min thlir thap a...hunrei tak chhung chu ka fapa hi hria awmpawn ka khawsa lo a, rsa thihna chuan keimah ah nghawng nasa tak neiin ka thlarau pawh mithite chenna pialral ah a awm ve tlat vang ani.

Ka fapa hian nikhua a hriat vehun ah chuan apa chanchin min la zawt ngei dawn si a....engtin nge ka chhan ang ka lusun na chuan min kiansan thei meuh lo...hminga leh zualtei chuan ka hlim theih nan rua hman na chi hrang hrang an siam reng a...mahse chungte chuan rsa min ngaihzual tir ting mai si a, duat khawnge maw i awm le lokir leh mairawh hlimtak a ikiang a awm kala chak emai....vanduai tah khua a sei lua e engang pawn zawng mah ila he khawvel ah hian ka hmangaih ka naute pa rsa kha katawng tawh dawn silo.

Kan zik nek nek chhungin kum chanve kan thleng chho a...inhrang a tang chuan in ngaihsak reng a harsa a, chuti chung chuan kathiante pahnih erawh hi chuan min thlah thlam meuh lo...nitin remsanga taksa an zalh na hmun chu ka pan ruak ruak thin...thihna avang a inthhen na hi zawng ana emai kan nunhlui ka hriat reng nate chuan nasa takin minti tap a...nitin mai hian rsa hi lohaw lehtur ang maiin kangai thin , khua avar a tlaini aliam a kabeisei na chu a thamral leh maithin.

Zankhat chu kei leh keilo angin ka mutui kher mai....mumang makzet kalo nei a remsanga nen hlimtak in khum nuam zet ah kanlo mudun a...duat ibulah hian ka mutawh dawnlo amaw kalo tia sin, ilo kir leh chu kavan lawm tak em min kalsan tawh suh aw kalo ti sap sap a....rsa chua nghetzet a min kuahin chiangtak in minlo en a boihi jojo tunbak hi ikiangah kamu thei tawh dawnlo a....kan fapa hian enkawl a inghah natur pa amamawh dawn a...nikhua a hriat tak2 hmain apatur mipa feltak neila ka duh ani...nunkawngdik a zawh theih nan a enkawl seiliantu pa amamawh dawn ani...boihi ka mawhphurh na hlen chhuak zolo a ka nunna tihtawp a awm maibik hi ka hrethiam theilo...ka fapa leh nang mah min mamawh ngawih ngawih tu in awmlai a ka khawvel tihtawp a awm vang hian he ka thlarau ngei maipawh hi thla muangtak in a chawl thei ngailo a...boihi lungngai a kun reng lo hian ding chhuak rawh kan fapa tan leh katan chauh tho chhuak la ka thlarau rethei hi thlamuang takin min chawlh tir vetawh ta che....Ahmel chu ka en a lungngaih na hlir in a khat a, mittui luang zawih zawih chung chuan a hmui hitthlar ah chuan lungchim tak leh duhthawh fe chuan ka fawp ngawih ngawih a....duat min ngaidam rawh aw keimah ka in khawngaih vangin ithlarau kalo ti rethei si a...nangmah leh ka fapa vang chauh in hlimtak a nun hman ka tumang ka tap nasa kher mai nghet takin min kuah reng a...jojo kavan ngaitak che em helei ah hian kata nitawh dawnlo mahla van innuam ah lungngaih awmtawh loh na ah kalo hmuak ang che aw...kakal a hun hnaita duat nghet takin min kuah rawh.

Zawi zawi in remsanga chu ka kuah na atang chuan a ral riai riai a....kangai lutuk chu a hminglam in ka tap chiam chiam a....mangang zetin ka chhungte chuan minlo ko vak vak a, khatia remsangan min kalsan ka tap kha kalo tap chhuak nasa lutuk hi alonia...ka mumang kha ka rilru ah a awm reng mai rsa hian nunbul tan a hlimtak a awmtur in minduh ani tih ka hria.

Remsanga tello a nunbul tan zawng ka thei dawn em ni....Avan harsa thin tak em mahse rsa thlarau damtheih nan ka hlim a tul ani...chaw ka eilui hram hram a atam thei angber thenrual.ka kawm bawk a...nakin ah ka naute tan patha tak nitur ka zawn ala tul dawn bawk a...remsanga tluktur erawh he khawvel ah hian ka tawn kher pawh ka inring tawh lo.

Hun leh ni aliam a...ka lusun na chuan keimah ah nghawng nasa tak alanei reng mai....chutiang chu nimah se rsa tan hlimtak a hringnun ka hman a tul bawk si....ka fapa kumkhat tlin natur birthday alo thleng veta reng mai...lawmsak vengei kaduh rualin apa rsa ka ngaizual kher mai...ani nen khan dream tamtak kanlo neitawh si a, boihtea tan eng eng emaw leiturin bazar lamah ka chhuak phei a....birthday lawmnatur mamawh hrang hrang ka lei kual a...ka bawr kher mai zualtei leh hminga pawh an sawm theih reng nain kati buai tamtawh lutuk a ka in thlahrung ve bawk sia.

Inkhaibawr zet chuan chawhmeh zawrhna lam kapan phei a...mi pakhat chakzet a rawn kal chuan dim baksak lo chuan min rawn su chawrh a...kei taksa lo chaklo bawk si chu ka thal chiang ngeimai...ka thillei chu atla darh nuaih a enge maw ka hriat ni kalungchhe titih ringawt a...remsanga kangai ani ani kha chuan miin min sutloh nan minveng tlat thin a sin le.

Chesawn mailo chuan ka thu deuh reng a....thiannu na inei em kalo pui ang che aw....Aw lo chhuah nalam chu ka hawi phei a thlahrang hmu ang mai kani, ka ang phuau thei ah ih aw kati bah nuai a...A hmel chu ka enning thei lo ka bungrua a chhar chhung zawng chuan chesawn hauh loin ka enreng a remsanga chiah chiah ani....rsa nen kanin hmuh hmasak ber ni kha ka hre chhuak a khata ka lungphu ran ang chiah khan tunah pawh hian ka awm leh tawh....hmeltha minvan ti awm ve a nui vur vur chung chuan arawn ti a...zah avang in kalo sen awp awp thei.

Ahhh chutiang lam anilo ka hmel hriat tawh nen in in ang lutuk a...minpuih vangin kalawm e aw kati bahnak a...ka che buai lutuk chu minnuih zat tih hriat takin a khisuk a...khawimaw i bungrua chu kalo thlah ang che tiin min pawhthlak sak a...ka leiduh zawng zawng kan leifel chuan taxi lain kan in thleng min thlah a...An tlantur chu hawi letin naktuk hi ka fapa birhtday ania khawngaih in ilo kal vethei angem kati sap a...nui sak pah chuan nula emaw kati che a minu maw kalo puih che a...tak tak in kal karawn tum ang tih pah chuan a nui hawk hawk a...antlanliam ta nghal a, khapa kha tinge kavei em em rsa nen chuan an hmel chu a inang ngei alawm...mahse an mizia chu lei leh van angvel an ni...rsa kha chu mipa cool zet ani a...Ani erawh kha chu fiamthu duh zet ani thung...engpawh chu nise ka vei ru veng veng a....rsa thi hnu ah mipa dang vangin hetiang hian ka awm theih ka ringlo asin le..

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » July 4th, 2016, 11:20 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



ENG A TI NGE FB AH DAH MAI LO A, WEBSITE-AH STORY KAL LAI A LAST EPISODE KAN DAH THIN?

Kan writer te hi an thuziah avanga hlawh siamsak kan duh si a, mimal pawisa chuan kan in chawm zo dawn si lo a, member ten website a story in chhiar a, fakna lam thil milem lo lang in hmeh ve zeuh khan website hnenah fakna ti tu company lam in pawisa min pe ve zel a, chung pawisa chu writer te an topup man atan te an lo hmang ve thin a ni.

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » July 4th, 2016, 11:21 pm

5NA

Boihtea kumkhat a tlingve reng tawh asin....kan inchhung chu music riin a khat vek a, remsanga ka ngai lutuk chu ka hamhaih zovek vang khan engkim zualtei leh hming an anlo buaipui faivek a...anni pahnih hi chu katan hian anvan hlu tak em...Mi tamtak zi hut hut karah chuan rsa ka zawng ruai a, mahse asakhmel hmuhtur a awm silo hlim nani anih avang chuan lungngai a indawm kun a mawi chiah silo hlim hmeltak a thenrual thate lo dawnsawn chu ka hneru takzet...Arukin mihmuh hlautak in ka mittui chu ka hrureng a...ka fapa duat em em lam chu kava en a apa a chhunin a hlim hle tih alang...Aduhawm in milawm a hlawh hle a an inpawm chhawk chhen hlawm a.

Kan misawmte ankim thawkhat tawhbawk a....hminga chuan paber chan rawnchang in hunserh te kan hmang fel thuai a...zeplo chuan apatello a boihtea birthday kan lawm tamai hi hreawm kati in ka lungchhe lutuk ringawt...Athenin ei leh in anbeih laiin athen anlo lambawk a, chutia kanrik hut hut nakar ah chuan kawngka atang chuan remsanga hmel chiah chiah hi arawn lut chak chak a...rsa aloho ta emaw tiin kawngka lam pan chuan katlan phei ruak ruak a....rsa chu a thi a leihnuai thimtak a ataksa chu kan phumtawh tih hretho mah ila, keimah a beiseina awmvang chuan loho lehtur ah ka ngai nghet bur a...rsa iloho tamaw tinge ifapa nen hian chu chen2 min kalbo san min ngai velo ami. A awmah chuan beiin katap hliam hliam a midang ho chuan min en deuh thup a...zualtei leh hminga chuan minrawn panphei in ka thiannu chuan rangtak in room ah minkai lut a. Hminga pawh chuan chu tlangval nimin a minpui tupa rsa ang zetpa chu kai hrangin ngaihdam te dilin thil awmzia a hrilh mawlh2 bawk a.

Kei reng2 pawh hi...nimin mai khan ka fapa birthday a kaltur hian kasawm reng sia...tinge inchhung a arawn lut kha rsa hmuh a kalo hmuh tlat le rei vaklo hnu ah hminga nen rawn lutin fiamthu te thawh in kan titi ta luam a.

Hei hi Lalbiakdika mama nen kan in kawp chhoh dan chu ani...mama chuan kan nufa chanchin a hriat chuan min lainat ve kher mai...tin atir atang khan a hmel duh zawng kalo nive bawk nen. Kei ngeipawh in ka hnarthei hauh lo ani hi rsan kan nufa tan vantirhkoh a rawn tirh ani tih karing nghet tlat.

Hun leh ni a kalve bek bek a...mama nenpawh kanin zui nasa deuh deuh a...amah a felin kan nufa in min care thiam em em a...tunah chuan rsa hmun ruak hi mama chuan zawi zawi in arawn luah khat ve tan ta....hminga leh zualtei te pawn min lawmpui ve em em a, boihtea birthday kan lawmzan a mama hmingaten an hmu thut kha chu...keimah angtho in rsa a rawn kirleh ah anlo ngai ve hial alo ni a...

Tunah chuan mama nen kumhnih zet kanlo inzui veta...rsa erawh ka thinlungah athi thei tak tak ngailo...zualtei leh hminga pawh nupa ah insiam in nupa kawprem tak ala nichho vezel a, hemite pahnih hi chu thihna chauh lo chuan engmah in a then theih ka ringlo.

Mama pawhin vawitam inneih arawt vetawh a...mahse keimah lam hi kala inpeih hleithei meuh lo...ka pasal vawikhat neih natur ania rsa nen khan kohhran leh sawrkar danin nupa kanla ni hman lo kha ani a...mama rawnleng chuan innei tawh mai ang tiin nasa takin min thlem a...mahse aw kapawh theih tlatloh avang chuan lungawilo zetin a haw tau daih a....Anuam lo kati takzet keimah leh keima kain thiam chawp a rilru nuam zanlo chuan kafapa duat kuah chuan kamu mengkar a...mama minrawn mangtha nan call emaw sms pawh arawn thawn miah lo chuan minti nahle... lungawilo zet chuan ka insawh tau nghawng nghawng a...engtin tin emaw chuan kalo muhil ve maibawk a....mumang ramah rsan min rawn be lehta, tuntum chu a lungawi loh hmel kher mai jojo nang leh kan fapa tan mama hi karawn tir asin tinge a sawm na che kha ipawm duhloh...kei chu chatuan atan kathi tawh he khawvelah hian kalo lettawh ngai dawnlo...ka thlarau thlamuangtak a a chawlh theih nan mama hi pasal ah lonei la...boihtea pa atan lo siam ang che minlo ti a, rilru na em em in katap zawih zawih a...akut vawt thler chuan ka mittui chu hruk atum a mahse a hruthei hauh lo...boihtean anu kazun a chhuak ti a minlo sawi det det vang chuan kaharh hlawl a...rsa kangai vawng vawng atang bel a minu te ang a hlimtak a hringnun hman ve kavan chak em...Ani chuan thlarau ram atangin pasal dang neiturin min tisi amaw...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122


Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » July 4th, 2016, 11:29 pm

Ka muhil theitawh hauh lo....thil tamtak ka ngaihtuah a, rsa ka channa pawh kumthum teh meuh a liam tawh a...Aduh dan ang ngei chuan pasal chu ka nei mawlh ang zing darthum ari lek lek tawh a...ka phone chu lain mama ka call ta tingawt a, zangvah hian minlo chhang a heihi ania mama minti duh leh em em tu chu a lungawi loh pawn katan biak hrehawm in a awm ngailo...mama thil sawitur kanei tunah ilo kalthei angem katih chuan ole ati sam et a.

Minute 15 hnuah kan kawtah ah chuan a bike arawn ding dat a...rangtak a kawngka chu lohawn in inchhung lam ah chuan kan inzui lut tham tham a...enge tunang zan2 ah isawiduh khawp a thu pawimawh chu ati sup a...kakut tin chu ka kheuh niap niap a...hnuailam bih ngar chung chuan mama inupui tur chuan minduh takzet em keimah maibak ah ka fapa hi iril arah ifapa ang takin i enthei angem kati thamtiak a...

Kadar leh dar ah chuan a kut pahnih chu nghatin chiang zetin min en a...jojo nang leh ifapa hi ka hmuh a ka hriat ni atang cheu khan ka hmangaih tawh cheu ati nghut a...duhthawh em em chuan min fawpta ngawn ngawn a, tunah chuan kaduh thusam ang ngeiin ka nupui inithei dawnta kati lungngai ngailo ang che u in nufa hian a ti mawlh mawlh bawk a.

Tunah chuan pasal kaneidawn tatak tak ta...kanu leh pa unau te leh kathiantha te tin remsanga chhungte hopawh ankim hle...naktuk mai hi pasal kaneih nitur anih tawh vangin a pawimawh chinchu kankim khawp mai...min hmangaih em em tu pasal ah ka neidawn a mahse tinge ka chhungril hi anat em em maile...inchungah chuan chhoin vanlam ka thlir vang vang a...arsi phe neuh neuh karah chuan thlapawh a lode ve kulh a....remsang naktuk a ka pasal tur hi nangmah kha loni zawk la kavan duh tak em...kan inkar a khuanu remruat kha kan dang zo silo...theih changse lokir lehla kavan ti em...duat tunah chuan ita chauh kani thei dawn tawh silo mahse maw ka hmangaih lutuk che...he ka thinkung atang hian ka dahbo ngailo ang che...Duat nangnen a kaninkar min dangtu thih na nunrawng kantawng hi ANALUA e tiraw.

Zanrei lamte alo nitawh nen naktuk mai a pasal neitur kalo nivei nen mutur in ka penthla chhet chhet a...ka hmangaih ber remsanga ta chauh kanih na zantawp ber ah chuan kan fapa tuitak a muhil sek sek chu muttui luang zawih zawih in ka thlir reng a...Naktuk khua avar hun ah chuan rsa ta nitawh lo in mama ta nitawh tur in ka muhil ta siai siai a...Atawp ta e.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 1 guest