*ABISAGI* BY Ramdinsangi Ralte (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: *ABISAGI* BY Ramdinsangi Ralte

Unread post by Ngaia » September 8th, 2019, 5:56 pm

Abisagi...POV





Ka harh leh meuh chuan damdawi in ah ka lo mureng tawh a, umanghaki kha eng tin nge a awm ve tak ang?



A thih loh hram ka beisei, uzothana kha chu a thi tih ka hria a, ka ngaihtuah na chu a buai ta map mai, he damdawi in ah hian tu nge min hruai ta ang le.?




...Harsa ti zet chuan thawh ka tum a mahse ka ke chu an lo cher khawng luk a, ka lu pawh an tuam vek bawk a....ka mutna sir ah chuan ka hriat ngai miah loh, mi pahnih an lo thu reng bawk a, tute nge min awm pui tu te hi ni ta ang? Kawng lehlam ah chuan ka chhungte hmel ka hmulo chu ka thaw huai lawi bawk a...pa upa lam deuh leh a bul a thu nu chuan ka harh tih chu min rawn hmu vat a, ka harh chhuak chu an lawm hmel em em leh nghal a.!




Ka mumang ah khan ka nu nen kan in kawm char char kha ania, ka nu chu ka zawng kual a ka nu hmel reng reng ka hmu tawh bawk si lo, ka hrilh hai lek lek, engkim chu a chianglo ruai vek a, nu khawnge I awm ti chuan ka phun sap a, ka bul a awm nu chuan mami ibul ahi kan awm reng a lawm hlau thawng reng reng suh doctor ten an enkawl che a nga idam leh vat dawn a lawm ti in awka zai dam em em hian min hnem mawlh mawlh a...!!!





Chutia duatna lah ngaihsak na awka nem em em mai ka han hriat chuan ka hnuk a ulh viau leh nghal a.





Kan accident atang khan min tanpui tu zonuntluanga te chhungkua chuan min buai pui chawt a, in thlahrung viau mah ila engmah tih theih ka nei der bawk si lo, himtak in damdawiin min thlenpui tawh a, minla buaipui chhunzawm leh zel chu mak ka ti ve reng, tunge kanih pawh an hre awm tawp si lo a, ka pa ka rilru ah a rawn lang a...min ngaihtuah ve angem?





In a tangin ka tlan bo chu ani si a, a fanu ka nih miau a vang in min ngaihtuah ve tho chu ka ring thin, ka pa kha mi sual a nilo a ka nu hrawn vang khan tih at in a awm mai chauh a ni...hmelhriat loh kar a han dam loh meuh chu hre awm tak a ni ri ngawt, eng harsat na pawh tawk mah ila ka pa hnen a kir leh ai chuan hetia hmel hriat loh kar a khawsak hi ka la thlang tho tho....!



A chhan chu kapa lak a ka lungawiloh na te kha apunlun nasa lutuk a, ka neihchhun kapa in kut min thlak kha kapai damthei tlat lo ani....!



Thudik hriat chhuah kha tlemtla pawh in hantum ve se chuan tihsual ka neih loh zia kha a hre mai tur ania,. Afanu hian engtiang a nasa in nge buaina ka tawh kha hriat chhuah a tum miah lo kha ka haw hluah hluah.






Hun leh ni a liam vezel a, ka beisei ai in ka dam chak a, ka chhungte chanchin ka hre ta miahlo a, a dertal pawh a min zawn te chu kala beisei ru ve deuh tho a, mah se kei hian hmangaihtu ka neih loh zia ka hriat chian phah deuh deuh nimai hian ka inhria...!




Ka vannei kati dawn nge zonuna te chhungkua hian min thlahthlam mai lo in min enkawl a, hetiang bak hian ka chhungte pawh khan min duat in min ngaihsak chuang in ka ringlo, thlakhat dawn damdawi in ah ka awm hnu ah damdawiin a tang ka chhuak ve thei dawn ta hlauh a.!




Doctorin damdawiin a tang ka chhuah theih tawh thu minhrilh lai chuan ka rilru a vak kual nasa khawp mai...!




Engtin nge ka awm dawn pawh ka hre mai lo a, tumah pan turlah ka hrehek lo, min enkawl tutur zonuna hnenah khan min zawnsak tur khan ka ti ngei a, mahse tumah an rawn kal thei bawk si a...ka damchian hma chu hotel velah ka awm mai a niang chu ka tih lai in...zonuna te chhung in an inlam ah min hruai haw an tum ta tlat a.... In thlahrung viau mah ila an thuthluk na ka hnial thei ngang lo ani...ka chan a chauh em avang chuan a thu hnialthei dinhmun ah pawh ka ding hek lo.




Zonuntluanga hi, palian zet mai ani a sipai a ni bawk a....sipai nih chu a inhmeh hluah hluah hian ka hre thin, damdawi in a ka harh chhuah a tang khan min awmpui ngun viau thin a, mahse a mah a palian in mi tawng tam zawk zawk ani bawk silo a, ka zah in ka bul a a awm chuan ka lai em em zel ri ngawt a...!



Zep loh chuan hmel tha ka ti in pa hi ka ti ngawih ngawih ani mai, mizo mipa ah hian hetiang a hmeltha leh pianthiam hi anlo awm ve reng tawh tih ka hriat chhuah phah a, zonuna hi chu sappui mingo leh thlangkawrvai karah pawh a zahpui awm lo hrim hrim ang...!




Minn ngaihsak a min han buai pui vel te hian nuam hi ka lo ti veng veng thin, mahse a mah ka ngaih tuah a ka thinlung a hlim veng veng thin lai hian, ka thinlung chungril atang hian, nupui nei mai tawh tur ani tih ka in hrilh ru mawlh mawlh thin a...A ruk hian kalo na ru vawng vawng thin.



A bialnu a nupui ni mai tawh tur tetei nula chhe lo em em a nei tlat...zonuna a nei tur hi ka awt in van nei ka ti bik hluah hluah, an chhungkua an fel ropui si a, an in chhung ah hian lei vanram chu a awm ni ber in ka hria, ka nu damlai a kan chhungkua inpawh leh hlimtak a kan awm lai kha min ti ngai zual thin.



Zonuna nupui neih na tur thil vel buaipui in an chhungkua an in buatsaih mup mup tawh a, leh lam ah kei buaipui ka lo ngai ve reng bawk si a, in thlahrung a na duh rem rem khawp mai...mahse in thlahrung hauh lo tur in an chhungkua hian vawitam min hrilh cham chi thin a, ka in thlahrun na erawh a kiam phah chuang der lo.





Nitin tetei a rawn kal thin a, zonuna te in a ka awm ve hi min hmu thei lo riau hian ka hre thin, a tawngkam leh chezia ah lan tir lo mah se...zonunan min biak leh min buaipui vel hian a awm a ti nuam lo ni ber in ka hre thin.




A ni tel in zonuna nen pawh kan inpawh ve tial tial a, chutih rual chuan ka duh nate chu a pung ve tual tual a, ka mipa duh hmasak ber chu mi palsal nimai tawh tur anih miau a vang chuan a ruk in ka na ngawih ngawih a, hun reilo te chhung in zonuna zunzam chuan hrui angmai in min phuar bet tawh a, engti kawng zawng pawh in he ka rilru hi ka lan chhuahtir a thiang si lo....!!





A mah lah chuan minduat in min ngaihsak em em reng a, tetei nen an inneih natur ah buaipui tur tamtak nei mahse min thlahthlam ngai chuang miah lo, a lak a Kim ki dek a ka awm thin na te kha lak bo ang hlauh ani tawh, a kiang ah chuan ka nui in ka chanchin te pawh hahdam tak in ka sawi ve ngai tawh a...!





A tang ah bei in hun rei tak ka lo up beh tawh nat za zawng zawng te chu ka tah chhuah pui ta hial a, ka rilru tawp ipik lutuk pawh a kiam ta huai hian ka hria.!





Ka malruh tliak vang hian duh duh in ka che zung zung thei lo a, ka taksa dang hliam neuh neuh erawh a dam fel tawh ti ila ka kut zungchal bul a darthlalang them luh na erawh a ser nung ta tlat a, ka kut a ti nalh lo zo ve k hian ka hria a Ka en chhen thin a, ka lung awi lo viau mai...hmeichhe tak sa a ser awm neih nuaih hi mawi lo ka ti thin hle a, ka kut a langsar zet a ser a awm pawh chu ka lung awi thei meuh lo...!





Inchhung chet vel ka khawih ve an phal bawk si lo a, ka mut loh leh ka thu tlawk tlawk thin a, ka awm dan chu ka ning hluah hluah tawh..han dam that ver vawr a, duh duh a tei kual te chu ka chak tawh zek zek.




Ni khat chu kawtzawl a thut hah chawlh na tur an siam thuthleng ah chuan thu in ka kut ser bawk chu ka melh leh vung vung a, ka kut rawn khawih tu an awm vang chuan ka phu nasa ngang mai.





Nui hawk hawk chung chuan chiang zet hian zonuna chuan min lo en run a.


"Thla chu nei la ithlawk sang awm ti in min fiam zui nghal zat a!


Zah a vang in ka hmai a sen tawn tawn thei...!



Ka kut a hum chu thlah chuang miah lo chuan ka bulah chuan min si chet hian a rawn thu nghal zat a, ka kut ser nung chu a en vung vung a.



"I kut ser hian irilru a la riau in ka hria ka rawn kal lai pawh hre miah lo khawp in ilo thlek char char a a ti sup a!



A lu chu a thing deuh mut mut a.!



"Chu tah thum dut hian chhinchhiah na tha tak anih dawn hi, ihmel pawh thlak vek mah la ikut a tang hian ka hre chhuak zel dawn tlat che a a ti sup a.!



Lei chhuah zauh chung chuan 'sual thlak e ka lo ti sap a', za zet chuan a nui leh hawk hawk a....!


A nui lai chu tawp thut in "Abi he ikut ser hi ka tan chuan chhin chhiah na a nih hi, doctor te khan ikut a darthlalang kehthem tang kha an lo hmu miah lo a, nikhaw hre lo a i awm lai khan ikut hi ka vuan a, ka hmuh chhuah ani bawk a, chuan ikut a ser awm hi i inhmeh lutuk tlat tih pah chuan ka kut ser chu a fawp zauh a.



Ka lo mur chhuak vek thei...! Ahmui thiltithei zet in ka tisa reilo te a tawh zawng ringawt pawh khan, kalo thawchham hman lo chauh ani....he pa hi ka ngaina tawh mah mah, a tir khan hetiang tak hian ka ngaina dawn tih chu hria ila an in ah pawh hian ka awm miah lo tur hi ania.!




Tun atanga nirei lo te ah nupui a nei a nga hmeichhe dang ta liau liau a ni tawh a nga, tun a min ngaih sak ang hian min ngaihsak a rem tawh dawn der si lo a...!




Ka khua hi a har lawk ngawih ngawih ka nu thih hlim a ka khawhar na te kha a rawn let leh ni mai hian ka hria....!



"Thil ngaih tuah a rilru kawm vak vak hi bansan tawh teh tih pah a ka tukhum a min rawn nam buk lawp vang chuan ka harh chhuak chiang ngang mai.!!




Enge ilo ngaih tuah leh tak chiam chiam a? ibul ah ka awm reng chung pawh in suang tuah na ah cheng in boruak ah in lianpui ilo sa leh hman tawh a nia, rilru kawm vak vak hi a tha lo sim rang rawh ti in thutak fa hran chuan min zilh zui hrep a.




"Lokal teh thil hmuh tir tur che ka nei tih pah chuan dim lo baksak hian min pawt tho zawt a, ka awi ah thawt thei in thiam lo lutuk hmel chuan min en a, ngaih dam min dil nghal zat bawk...!



Kain rin hma hauh in zo zet hian min pawm kang nawlh a, in chhung lam pan chuan min pen pui nghal thauh thauh a, min dah thla teh mi in minlo hmu reu reu a nge ka tih pawh chuan a ke pen chu a bahlah phah eih lo reng reng.!!




"Beidawng zet chuan lungtum biak ang mai ka ti hlak hlak a!!



A rawn nui nghawr deuh dat a...!

"I va rit em em ve nula ve si rit reuh lutuk ka thlauh mai ang che a rawn tih chuan tlak hlau fa hran chuan a nghawngah ka kut chu rang zet in ka suih nghal vat a, kha ti mai tur kha a lom ti pah chuan a la nui vur vur zui a...!



A duh na ah hi chuan a chim awm thiam thin a nia.!



Ka room ah min dah dawn emaw tih naklai in Inchung lam pan na step ah chuan min pen chhoh pui thauh thauh a "Enge hetah min hruai a?...."misualpa" min dah thla rawh ka ti chul a, ngawi mai mai teh ka pawngsual dawn che a tih phei chuan hlauthawng tawh tak ka ni, a awm ah chuan ka chum vak vak a.!!


" Misualpa" ka sawi dawn min dah thla rawh ka tih leh tal chiam ka rual a, a lo in ring hman lo nen min la thlauh tep zui, awm mai mai teh tuhnen ah nge isawi chuan anga? kan thleng dawn a tih chuan engmah ka sawi buai peih tawh lo.




Room zau zet ah chuan min pen luh pui a, dim te hian min nghat a...!


"Ka mitah Chiang zet a min en chung chuan enge ang itih ? Tih pah chuan room chhung chu a melh kual a. Thawk lak halh pah chuan a mawi tak zet iroom a mi? ka lo ti thuai a, aw tih nau a lu chu a bu zauh a, room chhung chu a zau in a nuam kher mai...!



Thil engkim chu a nih na tur ang thlap a remfel leh duan vek ani, khum lian leh mawi zet chuan ka mit a la chat a, muang chang chuan khum lam ah chuan ka bai phei sawih sawih a....utetei chu a hmel that ang chiah in a mit a fing in thil mawi a hre hle mai, nupui fing leh hmel tha tak inei tur hi thinlung tak in ka lawmpui che tih hi ka hrilh tawh che em? ka ti sap a.



Min chhan mai loh a vang chuan a hmel en tur in a lam ka va hawi a, ka hmuh sual nge a hmel chu a hlim lo riau hian ka hria a, sawi sual ka nei ti dawn ila a nupui tur fak na bak ka sawi si lo a, boruak chu a nuam lo zo vek hian ka hria.




Laptop keng chung hian min rawn pan a, lo kal teh thlalak en tir che ka duh vang a nia ka room ah hian ka hruai che tih pah chuan laptop chu a khawih nghal mual mual a, a kut a len em a vang chuan laptop te chu ka hmu te zo vek, thlalak hi a rawn hmet chhuak nawlh a ka lamah chuan laptop chu a rawn nawr phei a.




Sipai hmun a an thla lak hrang hrang chu a in dawt te te in uluk tak hian ka en a, ani in a lo comment nghal zel a, sipai uniform te chu a inhmeh bik hluah hluah....!



Tlang pang vurin a bawh var vau vel a a lak te chu nawm hmel ka tih thu ka sawi chuan ka la hruai ang che ka nupui inih hun ah a rawn tih chuan, phawk lutuk chuan ka en nghal haw a.




"Enge tun a ithil sawi zawh chiah kha?bah nak chuan ka ti a, ka nupui inih hun ah a ti ami kha?



Thla thar mai ah nupui a nei dawn a, ka nupui inih hunah min ti a nih chu a sawi sual a nih ring in a mah chu ka en reng a,,, a awm dan chu a danglam der lo leh nghal, ngei zet chuan fiamthu reng lo teh ka ti ta ri ngawt a..!!!





Khum a tang chuan a tho vut a, a palen em vang chuan khum chu a che deuh dawt a, enge maw ngaihtuah ni awm tak hian penthum vel a pen sawn a, ka lam hawi chuan a rawn in her vut a...!



Mitmeng vawt ruih hian min en vung vung a, a khawsa zia chuan min ti hlau lek lek tawh...!




Room chhung chu a reh tlawk tlawk a, a chezia mak lutuk vang chuan awm dan tur pawh ka hre lo hul hual...hnuai lam chu ka melh ta ngawt ngawt a. Eng tik lai in nge ka bul ah a rawn thlen tih pawh ka hre hman lo.




" A ban tha chak zet chuan min rawn kuah a 'Abi' nang hian min ti buai lutuk tih hi i hria em? Nupui ka nei tur hi ka phur in ka hlim viau iring ti raw?




Ka hlim lo a ka phur hauh lo bawk, a chhan chu sawi chhun zawm lo chuan min kuah na chu a thlah thut a ka lak a tang chuan a inla hrang nghal rawk bawk a. A khawsa zia chuan min ti ham haih leh zual....!ka lungphu chu rang zawih zawih tak hi a ni ri ngawt he pa khawsa zia hian min ti mang ang tlat.




Ka hriat thin zonuna kha a ni tawh miah lo, nelawmna reng reng neilo mihring ang hlauh a ni tawh...chhuat ah chuan ka pen ri kauh kauh a, balcony ah chuan a kekawr ipte zen chuan a va ding luah a.




Zotlang phaizawl a buh hring cham put mai chu nitlatur chuan a chhun tle sur a, che sawn map lo hian a thlir vang vang a...Kan boruak rit ta lutuk chu engtia han thlak danglam tur nge pawh ka hremai lo.



"Ana lutuk' ka rakri ah chuan hman hmawh lutuk hian kalam panin a rawn tlan nghal dawr dawr a, ka ruahman na chu fuh tizet chuan aruk chuan kalo nui sak a.



Khumbul chhuat ah chuan ka thusawp nuaih a. Thli ang mai a rang chuan ka bul a rawn thleng in arawn thingthi nghal rawk a.!


" Abi engtin nge i awm a? I insawh na ami? Hreptak hian indim ve ta che a ti sup a...Ka insum thei tawh thlawt lo zazet chuan ka nui chhuak a. Iti der maw? Enge ihriat a min ti hlauthawng a lawm rum nghut chung chuan a ti a. Ka tihder na in a thawk tha lutuk chu ka nuih a za tawp thei der lo leh nghal, palianpui mai ka tihder vang a tlan pharvel han hmuh chu a nuihzat thlak dangdai em ani...!


Ring zet chuan Abisag Vanlalhmangaihtluang duhtawk teh a rawn ti thawt a...ka nuitawp chiang ngang mai.




Hneh zet chuan a awmah chuan min pawm bet a, awka zaidam em em hian bawihte ka tihpalh inat hi ka phal lo, ka ngaihtuah che a sin, khatiang fiamthu atthlak lutuk hmang kha chuan min chhaih tawh ngai suh ang che...Ihria em? Min ti leh anglawi a.!




Ih i awmdan hi ka hrethiam lo, ipawi ka sawi ami? I mizia a in thlak thut thut bawk sia bahnak chuan ka han ti a.!



A mit chu a chhing vang vang a, minla kuah run bawk si. Midang chuan minrawn hmu chiah se chuan mak min ti ve viau ang le!


Minthlah tawh teh, iban a sek ropui si minkuah nasa lutuk a thawchham in ka thi mai dawn a sin ka tih chuan. Harh chhuak zawk ang mai hian min kuah na a tang chuan a inla hrang vut a.




Uzonun i awmdan hi ka hrethiam lo e, rilru hahna deuh inei ami? Utetei nen in inhau zawk nge? Ka ti hap a..min enrun chung chuan. A hmai chu a tuai puat a.



Engmah hi ihrethiam si lo a, engti nge ka tih dawn che le beidawn hmel fe chuan a ti leh a..."kei hian ka ti buai che tih na ami? "Kalbo tur in minduh em? Kei hi ka kalbo mai dawn a mi? Ka tih chuan...kalbo kha chu imumang ah pawh ngaihtuah suh khawiah pawh awmla kei hian ka rawn zawng chhuak leh tho ang che a ti leh lawi bawk si.



A hmel ka en chiah chu mak ka ti hial zawk, chiang lutuk hian hmangaihna a khat mitmeng hian min en ngawih ngawih ni mai hian ka hria, ka lu chu ka thing nawk a.


Thil nithei anilo, ani hian minduh thei lo ang...Ani chuan hmangaih a neireng a lawm, ni reilo te ah nupui ah a la nei dawn zui Abisagi imumang a tang khan harh chhuak vat teh ka inti ru mawlh mawlh a.




A thaw ri leh hawk a, e nge maw vei chu a nei chiang a lawm...!


" Kalak ah hian zep inei ami? Ka chhungte chungchang hriat inei zawk nge? I awmdan hi min ti hlau ania kati lawi rat a.



Ka kut chu lakang in a hmer ngawt ngawt a, sawitur nei ang deuh chuan a ang zuau a...Nilo keimah vang hian inat ka phal lo zawi em em chuan a ti a, ka kut a vawn chu thlah in tukverh bulah chuan a va ding leh daih a.



Min ti hamhaih vel vek, miin thil hriat chakawm deuh in ansawi a. Sawitlang leh duh tak tak silo hrechak bawk si ang hian ka awm a. Ka thinrim lek lek tawh a.



Inhnuai lam a tang in ka nu in min ko ri ka hriat a vang chuan, muang chang in zonuna room chu ka chhuah san a,,,ka chevel thawm chu hria ang pawn a awm chhete eih lo, ngeng zet chuan a ding luah a, pawn ka chhuah rual chuan ka va hawi let leh hram a...pawn lam en chu an tukverh bul ah chuan ala ding reng a, a awm dan chuan min ti hrilh hai viau mai....!




Nang hian min ti buai a ti a mi kha? Kei hi ka lo nin awm viau em ni le!


Nupui hmeltha leh fel em em a nei dawn a a phur miah lo maw thil awm dan teh nuaih hi ka hrethiam tawh lo, step a chhuk chu ka tan a har sa khawp mai ka ke lehlam ka hmang tha ngam bawk silo a mawng tawlh chuan muang chang hian ka chhuk thla a, ka in khawngaih hluah hluah...!



Thil mak deuh deuh a sawi a, min hre lo ang mai a awm in min ngaihsak leh duh miah lo a, ka thin te chu a rawn rim thar leh ut ut a, sual leh lutuk mai...keimah hriat tawk chuan ka phun nang nang a, ka hnunglam atang chuan zozet chuan min chawi kang leh nawlh a, tap aw tuau chuan min dahthla teh keimah pawh in ka kal ve thei reng katih chuan..."Ikal theilo katia mi ala ti duhlek leh nghal a.!! Cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 8th, 2019, 5:56 pm

A khawsa zia hi ka hrethiam thei thlawt lo, darkar reilo te chhung khan a mizia a thlak kual zut nimai hian ka hria.!!



Mi tawngtlem tak ni a ka hriat thin kha. A duhna ah chuan min hnial khan a hre thei ropui si, ka hnial buai peih tawh lo chu ka ngawi ta kar a.




Choka a kanu rawngbawl na lamah chuan min la pawm lut ta deuh deuh a, kanu chuan maktih hmel deuh chuan "Abi bawihi i inti na leh ami inrawn inpawm luh tak lu lu? A lo ti sawk sawk a, ka nu zawh na ka chhan hma chuan zonuna chuan....Nu engmah thil thalo a thlenglo kan nupa room tur ka endik tir a, step kal a tan a harsa tih ihriat vetho kha...Amah a a kal chuan a tlaivar thak ang chu mawle a lo ti leh hman hmawh tawh a...!





Hepa hian eng thil nge a hriat pawh ka hre nek lo e, a tawngkam tin mai ah hian min khei zawng hlir hian thu a sawi a...Han huat tur em em ni silo, huat loh dawn a ngei awm bawk si hian a awm thiam em em leh nghal a.




"Kanu chuan. Bawihi i u te room tur chu enge ang itih a mawi iti em? Nuisang chuan minti a...!





" Uar fe chuan a mawi takzet!



" Lawithat zanah an nupa muthma in lo mutkhalh a nia ka duh ka ti fiamthu ve chul a...kanu chuan lo mut khalh la chuan an talbuai dun ang chu aw ti in ka fiamthu chu a lo chhunzawm ve zat a.




Infiamthu thing deuh kha duhtawk tawh teh u, nu zanin chu chaw eihma a ngai dawn ania! Tetei te inah len ka duh keimah min enkur chung chuan a rawn ti kher a. Tetei hming a lamrik zawng ringawt pawh in keimah ah hian thikna rilru a rawn awm nghal a, ka hlimhmel te chu a reh nghal riai riai a.!




Thu mak pui pui a sawi ni a tang khan zonuntluanga nen kan in pawh ta lo riau a, min pehhel a ni mah zawk in ka hria,,, an in neih nitur a hnai tawh a Tetei nen pawh an in zui nasa zual a, hlim tak a an awm dun ka hmuh chang hian keimh ah hian che a awm thin a...ka lo na ru vawng vawng thin.!




Zonuna hi ka duh a ni engtik ah mah ka ta ni ve ngai lo tur ka lo duh ve ringawt avang chuan keimah ah hliam ka in siam a, ka hlim ve na zawng zawng te chu lak bo in a awm leh vek tawh...!!!



Ka hmangaih berin hmeichhe dang kut a vuan lai chu kei hian ka hmu ngam dawn em ni?



Zonuna lah a mizia a inthlak thawk a, inchhung ah hian ka awm velo ang hlauh in min hmuh kan tawh a, hein ah hian enge kei hian ka la tih reng? Ka chhuah san tawh mai dawn nge....ka rilru chu buai map map tak ani.!



Anu leh pa te ka hmai zah em vang in an in neih thleng chu an bul a la awm rih chu ka thuthluk na ani a, zonunan nupui a neih zawh ve leh keipawh in ka tum ram pan tur in he in hi ka chhuah san ve nghal ang ti in rilru ka siam sauh sauh a.



Bialpa ka la nei ngai lo a, ka mipa duh ve hmasa ber lah nupui nei mai tur a la ni zui vanduai na hi ka chungah hian a hlawm hlawm hian a rawn thleng tup tup niber hian ka hre thin, ka thinlung chhung hi chem hriam tak avih ang mai in a na ngawt ngawt a, hlim ber awm ang tak a ka awm a tul bawk si...!




Ka nu in in neih ni a ka haktur kawrthar min leisak a tum a, designer in in ah min rawn kal chilh thlap a, he inchhung thisen a inzawm na pakhat mah ka neih bawk si loh na ah hian hmangaih na leh duh sak na ka va dawng nasa ta malh malh em..
.




Ka chung a an that na hi eng tik ah mah ka rul seng ngai lo ang, zonuna ka lak a tang hmelhriat loh ang hmak in inla hrang lo phei se chuan nuam ka ti ve deuh tur, min fiam in ka bul ah rawn nui leh hawk hawk se ka duh em em a, mahse chung ka thil duh leh beisei te chu beisei na thamral mai chauh an ni lawi si a....!



Kangai ani, inkhatah cheng mah ila kan inbe ngai tawh lo a, min biak duh miau siloh chuan han biak hmasak ka ngam bik silo. Tinge zonuna kher kher hi ka nunah a lo luh?





Ni khat chu ka nu te tihtur pawi mawh an neih vang in an chhuak bo diak a, zonuna pawh zing a tang in a hmel ka la hmu miah lo a, a nupui neih nan karhnih khat bak a awm tawh lo a, a buai ve hle aniang kan in hmu khat lutuk tlat ka ngai ngawih ngawih..!




Ngai in ka thla hlel ve em em mah ila, engmah a sawt der bawk si lo khawhar em em a ka lo awm lai chuan tetei a rawn lang nawlh a, nui var var chung chuan enge ka an tawh tih vel chu min zawt siam siam a, a pasal tur ka lo duh ve vang hian ka lakah rilru sual pu ang ah ka puh niber hian ka inhria a.



Ka rilru ngaih tuah na sual hi ka nu khan hria se chuan min hau ngei ngei ang la dam se chuan, mi reng reng sawisel leh puhchhiat a phal ngai lo anih kha...keimah zawk hian Tetei hi ka ngai thei lo in ka lakah rilru kawi pu ang in ka ngai tlat ni in ka inhria a, a lak ah ka in thiam lo kher mai.




Ani lah chuan min ngaih tuah em em a ka dinhmun chhiat zia hria in tanpui ka ngaih phawt chuan min puih hreh miah loh thu a sawi chu ani si a, aruk tak chuan ka lo zak ru chem chem thei...!



Zonuna nen an intawn dan chanchin hlim tak a a sawi lai te chuan ka lo awt em em a, kan ti ti kar lak a a thu rawn sawi rik chuan ka beng a verh zar mai, kanu te hian min duat em em emaw ka tih lai hian min ning in hnawk min lo ti viau tur chuan ka ring phal lo.



Tawngsual inti deuh chuan tetei chuan Abi ka lo sawi chhuak palh a, engmah hre lo ang in awm rawh aw ka nu ten min haw lutuk palh ang rilru hah hmel fe a a tih te chuan ka tah hi a chhuak hluah hluah tawh.




Kalo piang ve kher kher chu pawi hi ka ti vawng vawng, ka zak em em bawk zonuna nu leh pa ten an inlam a min hruai haw an tum khan lo hnial tlat tur kha ka nia sin.



'A' ka in ti lutuk chu tah vak mai hi ka duh tawh a, tetei lah sawi sual in ti em em chuan a che sek a, ka khawngaih letling zawk, tanpui ingaih chuan min hrilh hreh suh aw ti mawlh mawlh chung chuan rilru nawm loh hmel deuh chuan min haw san a...!




Ka room ah chuan lut in chhuak em em hian ka tap a, mahni inchhung ah pawh lenglo hi engtin nge mi inchhung a lengtur ah ka lo in ngaih reng reng ni, pawisa tamtak ka nei a hotel ah pawh ka awm thei reng sia.!





Kei hian engthil fakau chunge an chhungkaw lakah hian ka la beisei fo ni! Chhungkua ka mamawh a, an chhungkua hian ka nu damlai min hriat chhuah tir thin a. Anvai mai hian min duat in min duhsak em em vek ah ka lo ngai a sin!!





Ka ngaihtuah nasat pauh leh tetei thilsawi kha thudik anih ka ring lo a, mah se zonuna ka lak atang a in thiar fihlim vek a. Athil sawi vel ka chhui kir neuh neuh a, thudik chu a lo ni ve reng thei tho bawk si.


Ka lo rua hman lawk na te thlak in hein hi zonuna te in neih hma in ka chhuah san mai angai...tetei khan dawt a sawi chu ka ring bawk si lo, a sawi kha a dik a nih chuan zonuna te chhungkua hian lemchan an lo va thiam awm ve ka lak ah rilru chhe tak an put chu ka ring phal bawk si lo, engkim hi a dik lo in a buai vel vek ni mai in ka hria.




Tunah tak hi chuan pan tur ka hre lo a, ka rilru hah chu ka diary bu chu phawrh in ka rilru tawk lutuk chu nidang a ka lo tih fo tawh thin ang in ka ziak ta mawlh mawlh a, zonuna te chhungkua ka tawn a tang hia ka thian tha ber ka diary pawh ka lo hre chang tawh reng reng hlei nem le.




Kanu te an rawn haw pawh chuan room ah ka tawm reng a, an hmel hmuh chu ka hreh tlat a, ka pianna nu leh pa ang tak tak in thla reilo te chhung khan ka lo ngai fel hman vek tawh tih ka hre chhuak bawk.



Hemi te chhungkuah hi ka lo ngaina tawh lutuk mah mah ani!


Kanu chuan bawihi inuam sam lo ami ?chhang tui deuh ka lo hawn che a thingpui ka lo lum anga rawn in rawh aw ti in ka room ah chuan a rawn lut a, tetei thu sawi kha ka beng ah a rawn ri nawn leh awn awn a, lemchang ni a ka ngaih tlat a vang chuan ka chhang peih thlawt lo, engmah sawi lo chuan room chu a chhuah san leh mai a.




Ka khawsa zia chu tha ka ti bik lo, a der tal pawh a min ngaih sak peih te chu lawm hlum lo chauh tur ka ni zawk a nia, phur lo zet chuan khum a tang chuan ka tho a, ka diary chu lukham hnuai ah chuan ka rawlh lut a, ka hmai te chu ka tap tih an hriat loh nan ka hnawih tha mawlh mawlh a....!




Rilru pawnlawi zet chuan hlim ber awm fahran chuan ka nui der vak vak a, tlai thim hnu ah zonuna pawh a rawn haw a, a ruk chuan a chezia chu kalo mitmei ru reng a, nidang ang bawk in min be lem lo chuan a room ah a chho leh daih a...!



He in chhung ah hian ka lo hnawksak tak zet anih hi tih ri ngawt chu ka rilru ah a awm tawh ...ka muthnu ah pawh chuan ka in ngaihtuah nasa reng bawk a, ka duh ang in ka la dam tha lo a...kal tak ngial pawh ka la kal ngil thei lo a, engpawh nise naktuk khua lo var se he in chhung hi ka chhuah san phawt mai ang ti in rilru ka siam fel ta ringawt a.




Ka thuamhnaw ka ken luh ho chu ka bag ah ka khung fel diam a, ka pa in ka chhuah san tirh a ka pawisa ken ho pawh a ngai te in ka la kawl Kim deuh vek a, pawisa tam tham fe chu la chhuak in min lo enkawl vang a ka lawm thu sawi na tur leh zonuna te in neih na lawmpui nan ka dah hrang diam a.!



Ka mut ve meuh chuan khua a var ti tih tawh a, nui ri har har in min tih harh a vang chuan luna bur chung in ka tho a, tetei leh zonuna pawh chhuah na tur an nei leh a niang in siam peih sa at in ka nu te nen chuan an lo ti ti mawlh mawlh a.!



" kim ki dek chuan ka va fin a, ka nu chuan hlim hmel sar chuan min lo be leh siam siam a.!



Ka tho tlai lutuk chu nuam lo ka ti ve reng...nizan khan mutmu ka tuah that loh vangin thawh ka hai phah ringawt sia...tuk thuan pawh an lo ei fel vek tawh.



Ka rilru natna chu ka thup hlei thei ngang lo a niang ka nu chuan ka awm dan danglam chu a rawn man chak khawp mai.



Kabul ah chuan rawn kalhnai in, bawihi i nuam sam meuh na nge? ti in ngaih tuah hmel zet chuan min en in ka chal chu a kut nem thep chuan a rawn dek a, i khua chu a sik bawk si lo a...na inei ami i mal a nuam lo nge a ti zung zung a.




Ka rilru chuan lemchan na bawk maw ka ti sap a, nui sak chung chuan nu ka tha lutuk nizan ka mengrei deuh a ka lu a nuam lo deuh mai chauh a lawm Ka lo ti vat a.




Zonuna chuan chik zet hian min en ngur ngur a nuam lo hi ka ti ngawih ngawih...Avawikhat melh ringawt pawh hi katan chuan tawrh har tak ani...!



Muang chang chuan choka lam ah chuan ka phei a, tetei chuan min rawn zui vat a zawi te hian "Abi itha em ? engmah isawi chhuak lo ti raw?, ka ngaihtuah lutuk che a mut pawh ka muhil tha thei hlei nem, a rawn ti sar sar a lainat na a khat mitmeng hian min en vang vang a, min ngaihtuah suh ka tha lutuk a lawm hawih hawm tak chuan ka lo ti liam ve mai mai a...!





Zonunan mate ihman chuan kan kal mai dawn ami a rawn tih chuan kan hawi rual thawt a, ngaihthat hmel vak lo chuan min lo en leh reng tawh...!



Ka hmuh tawp na tur ani tih hria in ka mit chu la sawn duh lo in Chiang em em hian ka en ve char char!! ka rilru chuan "Zonuntluang kumkhua a tan mangtha aw, min puih na zawng zawng ah khan ka lawm e....ka dam chhung in ka hre reng tawh ang che ka hmangaih che ka ti mawlh mawlh a, tetei chuan a banah inti tatu zet a kuah in an in zui chhuak nghal a, an lan theih chhung chu ka thlir reng a.!




Ka mittui chu engtik lai in nge a rawn luan chhuah ka hre lo reng reng, ka biang ah chuan a rawn lum thla pap pap a, ka nu in bawihi chaw ei nghal rawh aw nileng in imuhil a nga i Luna chu a dam var mai ang a rawn ti nghal bawrh bawrh a!!!


Kanu in a hmuh hlau tak chuan ka mittui chu ka hruhul vat a.

Chak lo viau mah ila kanu ngaih that nan tak tak chaw chu ka ei a, chaw ei kham chuan ka nu chuan tui leh nachhawk na mum khat hi min rawn pe a, damdawi kha ei la va mu vang vang rawh damlo thei ini lo ania a tih chuan engmah sawi lo chuan damdawi chu ka ei ve mai a, mo nei tur an ni bawk a inleng pawh an awm deuh zut tawh a, engmah sawi lo chuan room lam chu ka pan a...!




In ka chhuahsan tur thu hi engtin nge ka hrilh tak ang?, ka kal bo tur chu an hlim viau ang tih chu ring mah ila engtia han sawi tur nge tih ngawt chu ka rilru luah tu a ni leh ta room chhung ah chuan ka vei tawn chhen a, rei lo te emaw ka tih chhung in dar 12 a lo pel der tawh a, ka zam lutuk chu ka tha te hi a khur der der tawh a..!!!




He tia tawi khaw muang mai mai hman ka nilo "Abisag" itih tur chu huai tak in ti vat mai rawh ti in ka in fuih mawlh mawlh a, room kawng ka chu tlem a hawng in inleng awm leh awm loh chu ka va bih a, an lo reh thiap tawh a...!



Nu khawnge i awm? ti chuan ka au a, Inchung lam a tang chuan bawihi min ko a mi? ti chung chuan a rawn chhuk thla dat dat a, ilu na chu a la reh lo a mi? a rawn ti nghal zung zung a...ka rilru chuan he ti khawp a min duat leh min ngaih sak tu hian hnawk sak min ti in min ning thei dawn em ni ka ti nauh nauh a,.lemchan na mai chu a nithei dawn em ni?



Ka bul a rawn thlen chuan a kut ah chuan ka lo vuan a, nu lo kal teh thil sawitur ka nei a tih pah chuan sofa ah chuan ka thut pui a....hrilh hai hmel tak chuan min en ha a, a va pawi mawh awm ve enge isawi duh a han sawi la a ti ve mai bak a....!



"Muang chang chuan thawk ka han la leh te te a, nu kei hian ka chhuah san tawh mai ang che u ti in bul kan han tan tawng a, mak ti lutuk chuan min en a! maw eng thu nge i sawi?


" Abi chhuah thu isawi ami a ti nghal thawt a, nu ka Chung a in that na zawng zawng hi ka dam chhung pawh in ka rul seng tawh lo ang che u, tunah chuan mahni ke a ka din a hun ve tawh in ka hria, hetia in thlazar hnuai a ka awm reng chuan engtik ah mah keima ke ngei hian ka ding thei ngai lo ang, tunah chuan ka rilru ka siam fel vek tawh ka tum ram ka pan hi a hun tak zet tawh nu min hrethiam ti raw, he tia in kiang a khawsak reng chu ka chak na meuh mai...mahse ka nuam tih leh chak zawng ringawt a awm thei ka ni bawk si lo a, vawin hian ka chhuah san ang che u nghet charh chuan ka ti a.




"Bawihi eng thil nge isawi hi, mama nupui neih ni pawh a thleng tep tawh a, chhuah iduh tal chuan kan dang thei lo che, mahse in neih zawh ah chhungkua a ngaihtuah tur in ithu sawi kha chu dah rih ang aw min thlem ti tih chuan a ti a, ka kut ah chuan nghet zet in a hum ran a...!




Sawi leh mai tur pawh ka hre tawh lo, ka tawngkam thiam na chuan a daih tawh thlawt lo...!



Duat zet in ka sam chu a rawn chul a bawihi keini chuan mihrang ang in kan en ngai reng reng lo che a sin, pathian in fanu min pek belh ti in ipa nen pawh kan lo lawm ve em em a, ka kiang ah hian awm reng la tih hi kan duh thusam ber a ni....!




"in chhuah san chu tun a tan chuan sawi chhuak tawh rih lo la..i awm loh chuan mama pawh in nuam a ti lo ang, nupui nei mai tur a ni a a hlim na te tih chhiat sak i hlau lo a mi?...nang hi a mawh phurh na ah ngai in he in hi a rawn hruai thleng che a, a hlim ni ber tur ah iti lung ngai dawn a sin a ti leh sep sep a.




A lungngai lo ang, min ning tawh lutuk a biak pawh min be duh tawh lo a sin,,,he in ah hian phurrit leh hnawk sak mai ka ni tih chu ka inhre ve bawk a lawm ka rilru chuan ka ti a....!




'Nu min hrethiam rawh ka kal a ngai...ka tlai mai dawn tih pah chuan ka ding hluai a, ka theih tawk a hman hmawh chuan ka room lam chu ka pan a ka nu chuan min rawn zui ve tih pawh ka hria a pen ri a tang in.



Ka bag chu ka khai a pawisa ka dah hran chu kanu kut ah chuan ka hmeh bel chawt a, nu hei hi min pawm sak rawh ka lawm thu sawi nan, pawisa tam tak chu a ni lo tih ka hria mahse inlak a ka lawm thu sawi nan min pawm sak hram dawn a nia kati a...!



Room a tang chuan ka pen chhuak ta nghal a, ka nu chuan pawisa keng chuan min rawn umzui leh a "Abisag" lo ding teh i pawisa hi i chhuak duh talh anih pawh in la let rawh,,, pawisa vang a en kawl che kan ni hlei nem keini chuan kan fa ang tak in kan en kawl zawk che a sin tih pah chuan pawisa chu min pek let a tum a, kei in pawisa chu min pawm sak hram tur in ka ngen bawk a, kan in chai na lam ah ka mal na pawh ka ngaih sak thei lo a thip tha kher mai.




A tawp atawp ah chuan ka pawisa pek chu lungthlu lo zet chuan min pawm sak a, mittui tling pam in chu inchhung a tang chuan min thlah liam ve ta hram a.!!!




Kanu sana min pek ka bun chu ka en a, darkhat a lo ri der tawh a khawi lam nge pan ber tur pawh hre lo chuan ka din ren rawn a, ka malpui chu a na ngut ngut a ka chet pui nasat lutuk vang tih pawh ka hre reng, doctor in hunrei tak chhung indim tur in min ti nghe nghe a nih kha..!




Ka dinhmun in a zir miau bawk si lo a na ka tawrh phah a ngai ta a nih hi, ka chan chau lutuk chu khawlai ah chuan, tumah vengthawng lo a tah chiam chiam mai chu ka duh a, ka lo tum dan kha chuan tahan lam pan kha ka rilruk ania ka mal a nat em avang chuan thui tak motor Chuang thei chi zia zang ni in ka in hre lo.



Taxi ruak lo tlan chu lo phar ding in ka thu lut ve thawr a...!




Champhai ka vawikhat kal na ani a, thlahnih dawn awm tawh mah ila pawn vawikhat mah ka chhuak bawk si lo nen hotel awm na tak ngial pawh ka hre mai lo a, driver hnen ah chuan hotel tha ber a min hruai tur in ka ti ta ri ngawt a. Ka na tlem a azia hun ah tahan lam chu ka pan mai a ngai dawn ta anih chu.!!




Zonuntluanga...POV




Abisagi lak a ka rilru put hmang chu a dik thei tlat lo a...Amah a hleitling in a nu em em a, a mitmeng lian kelkawl chuan ati lang zahawm hle, tin a hnar a zum nalh hle bawk...A hmui fawh chak awm zet a hmui hnuai lam tlem a chhah deuh tap te chuan ka mit hi a la hliah hliah...A sam chuan a mawng a vaw pha a, a buang thang bawk a, a in hmeh chiang ani...tetei a kum tel ka lo zui ve tawh ka hmangaih emaw ka lo tih thin kha, Abisagi ka nun a a lo lan a tang hian ka hmangaih lo ani tih ka hre chhuak tawh!




Mahse ka tlai mah mah tawh ka bul mai ah ka hmeichhe hmangaih awm ve reng mahse thil engkim tih fel vek ani tawh a, tetei nen kan inneih natur chu ka titawp ngawt thei bik si lo.




"Mi hmangaih tur hian hun rei a lo ngai reng reng hleinem...!


A ni tel hian Abisagi ka duh na hi a zual zel a ni ber mai, ka duh zia hi ka lan chhuah tir a nih chuan ka 'hmangaih' hi a na dawn a ni tih pawh ka hai mawlh lo, ani pawh khan min duh ve tih ka hriat vang ani...A lak a ka rilru put hmang hi ka sawi chhuah theih loh ni.




Abisagi ka ngaih tuah vang hian zantam ka muhil tha thei tawh lo, ka kiang a hlim tak a a nuih te hian ka tan khawvel hi a par vul chuk ni mai hian ka hre thin, ka ta nithei ngai lo tur si tinge min hmangaih tir ti in Pathian meuh pawh kachhal fo thin, engmah hi ka siam tha thei tawh Chuang si lo a....!




"Tetei nen kan in neih a ngai dawn tho tho si a, thil thleng ngai lo tur beisei a in ham buai reng pawh chu dik ber lo a ka hriat vang chuan Abisagi pawh ka pehhel ta ngar ngar a, mahse ka ngai a ni, a tel lo chuan ka nun hi a ruak a ka chau ngawih ngawih thin....!



Tetei ka thlah thlam ngawt thei si lo ka nun dan chu ka kham hluah hluah a, nitin inhmu mah ila ka be ngai lo a inthla hrung tak a min en hrek hrek ka hmuh phei hi chuan kuah vawng vawng hi ka chak thin.




Zanlam ah Abisagi ka ngaihtuah na vang in ka muhil thei lo a, ka tho hma lo viau bawk, tetei nen chhuah dun kan ngaih vang in peih lo fe chuan ka tho a, ka intih fai zo inhnuai a ka chhuk chuan Abisagi hmel ka hmu mai silo a, kanu chu ka zawt ta ringawt a ka nu chuan a la rawn tho chhuak miah lo tih thu a sawi chuan a na leh anih ka ring a...!



Amah ka ngaih tuah lutuk vang chuan, ka thin a phu zawih zawih thei ka nu chu iva ngaih ven lo ami? ti chuan ka vin titih a, mak tih hmel zet chuan ka chhung te chuan min en thap a, ka nu chuan ka va kaitho dawn ami? a tih chuan ka pa in a damkawr nen mama te in neih tur boruak vel nen a chau ve aniang kaitho duh suh a thawh hun ah chaw chu ei mai rawh se a tih chuan ka pa chu ka haw kher mai....!



"Abisagi ka rilru ah a awm reng vang chuan chawpawh ka lem tha hlei thei meuh lo, tetei lah a rawn thleng hma nasa mai si a.




"He nu hi ka kham hluah hluah tawh".




A dan pangai te in a nui leh har har tawh a, ka chhung te nen an inbiak lai chuan Abisagi pawh a rawn chhuak ve hlawl a, ka nu chuan a that leh that loh thu a lo zawt nghal vat a, a mut that loh vang in a lu a nat deuh thu a sawi te chuan ka lo na ve em em a, duat tak a en kawl ka chak kher mai, min melh zawk a choka lam ah chuan ngawi reng in a lut nghal daih a...!




"Tetei chuan rang zet chuan a zui lut ve nghal a, in a tang a kan chhuah dawn te chuan Chiang em em hian min en kal a, a hmel ah chuan khawhar na te nat na te hi a inpawlh nuk nimai hian ka hria, mitmeng vawt zet a min en reng vang chuan ka ngaih te chu a tha lo leh rum rum mai, thil thalo lothleng tur ang mai hian e nge maw hian min mawlh tlat..!




Tetein john ka pu te in ah peng lawk ang a rawn tih chuan ka phu zawk thei, Abisagi ringawt ka ngaih tuah a ...ka awm a nuam thei thlawt lo, kan tih tur tih fel a inlam a haw vat vat ka duh vang chuan tihtur pawi mawh tak tak inei anih loh chuan peng khaw muang rih lo teh ang ka ti hluk a....!



Min hnial buai lem lo chuan a mit a san zauh a, tetei lak ah pawh that ka chhuah der hleithei tawh bar lo, nileng chuan kan thian te tlawh kual in kan then nileng der a, tetei ka thlah zawh ve leh inlam pan in chak zet in ka tlan haw a, vawin a tang chuan ka pehhel tawh lo ang a hma ang khan a kiang ah awm in hlim tak a awm dun leh kha ka duh tawh ani...!



Hun rei nilo mahse a kiang ah hlim tak leh thlamuang tak a awm ka chak lutuk tlat.



In chhung ka lut chu an lo reh thiap a kanu leh Abi ka u te nupa ka au a... tu man min chhang lo, ka ngaih tha lo chu Abi room ka pan a pawn lam ah a lo in kalh a, khawnge maw an awm zawh vek le ? ti chuan ka nu te room ah ka phei leh a ka nu chu khum ah mu in a lo tap a, an khum bul dawhkan chung ah chuan pawisa tam tham tak hi a lo darh nuaih bawk a..




Nu idam lo ami? Khawnge midang ho hi ka tih chuan ka nu chuan tah aw tiau hian mama Abi in min chhuah san a rawn tih chuan ka thisen kal lai te hi a khang vek mai hian ka hria..!


"Ka hriat sual anih ring in, nu eng maw i sawi a? ka ti tha leh ngat a.



Ka nu thil sawi chu dawt anih ka rin a vang chuan Abisagi room lam ah chuan ka tlan phei leh a, dawt a ni lo a bag leh thuamhnaw engmah hmuh tur a awm tawh lo, ka rilru mang ang lutuk chu tih ber tur ka hre lo chhuat lai ah chuan beidawng lutuk chuan ka thu hnawk a.!!! Cont








Note__Ka buai lutuk a ka rawn dah hma thei lo a...Edit lo in ka rawn vawmlut tawp...chhiar a har anih pawh in lo ngai thiam hram mai ru aw😁😁

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 8th, 2019, 5:57 pm

Ka rilru ham haih lutuk vang chuan, enge tihtur leh tihloh tur pawh ka hre mai lo a, awm ngaih na reng reng ka hre lo.



Abisag in kan in a chhuah san thu in min deng chiah kha ka tliak hnawp ni mai hian ka hria, he tiang teh thut a in a chhuahsan hi ka ring pha miah lo a sin...!



Ka tho lawk a ka nu te room lam ah bawk chuan ka tlan kir leh a, ka nu chu hre awm ti em em hian a lo indawm kun ngawih ngawih a, a hma ah chuan ka va thing thi rawp a...!




"Nu engtik khan nge a kal? ti nge min rawn biak miah loh?



" A la dam chiang lo tih pawh i hre ve reng a ni lawm ni, eng tin nge kha tiang chung khan ilo kal tir ri ngawt theih a?, mang ang lutuk chuan ka au tawn tawn a..."ka nu chuan bawiha ka rawn call nasa lutuk che, phone ila thei hleinem...dan chu ka tum ve nasa lutuk a sin' mahse a rilru kha ka sawh sawn sak thei ngang lo ani inupui neih thleng tal awm tur a ka ngen ngawih ngawih pawn min ngaithla duh reng reng lo in sut hraih hraih chung chuan a ti a...!!!




Ka tho lawk a hman hmawh zet chuan Abisagi zawng tur chuan ka bullet chuan ka tlan chhuak a, a la kal hla lo tawp ang, heti mai hi chuan ka kaltir ngawt theilo...hmun hran hran ah tlan kual in ka mit ka len a..buhpawl kar a hriau bo zawn ang hlauh ani...hmuh tur reng reng a awm lo, hotel ah ka kal kual leh vek a chugah pawh chuan hmuh tur a awm miah lo,,, ka theih ang chin chin chu ka zawngkual tawh...khua in min thim hnan ta der a, beidawng lutuk chuan inlam pan chuan ka in khalh haw a...!



In chhung a ka luh chuan ka farnu te ho leh ka nu leh pa chu an lo awm Kim thap a, tetei pawh a lo awm ve a, ka chhungten chanchin an lo va hrilh ve anih karing...'ka pa 'chuan mama enge chan chin? iva zawng hmu ta em a lo ti thuai a,,, ka pa zawh na chhang tur pawh chuan chak na ka nei ngang lo...!





Ngawi reng chuan ka room lam ka pan a, tetei chuan minrawn zui ve nghal zat a.!



"John!

Tetei lam chu hawi in...!


Engmah ka sawipeih rihlo, minlo va hawsan phawt teh ka ti hmuk a, ka mizia hretur khawp in kan inzui reitawh ka tih tawh kha, engmah sawi lo chuan inhnuai lamah chuan a penthla dat dat a!



khum ah chuan ka bawk thlawp a ka hriat loh kar in ka mittui a lo tla reng a nih chu...!




Mahni tawk a inti pa ve tak kani a, ralram ah hreawm tamtak ka paltlang tawh a. Ka mittui hi farkhat pawh a la far chhin ngailo a sin...Abisagi vang in he ka mittui hlutak hi a a tla mek anih chu.




Abisagi kaduh leh hmangaih zia chu, min kalsan a tang hian ka hre fiah lehzual!



Tinge kei hian be duhlo in ka lo hel char char thin, a lak a ka rilru puthmang lan chhuah tir ka hlauh vang chauh a inla hrang kha kani a sin...ka be tawh ngai silo a ka hua emaw tiin min chhuahsan a nithei angem?




Abi khawnge i awm? ka venghim tlat ang che ka tih kha, ti nge engmah sawi lo in min chhuah san i tel lo chuan ka nun hi a famkim lo a sin, ilak a ka rilru puthmang lanchhuah tir theilo mah ila, ka mit hmuh phak a ilo awm ve ringawt pawh kha katan chuan thil hlutak pawisa tamtak pawh in a lei theih loh ani tih ihre lo ami?kei mah chuan ka phun bul bul reng a.




Abisagi tel lo chuan kan in chhung hi a nuam famkim thei tawh lo, tute mai pawh hi kan nguai zo vek ka nu in a tuar na zual a, a tap reng bawk a hun rei lo te chhung kan nunah a rawn lut a, min kal san leh meuh chuan awm dan kan thiam lo in kan nun a ruak a, kan thinglung min ruk sak ni ber in ka hria.!




Kan theih tawp in ka zawng a a mah lo hmu leh hria reng reng an awm bawk si lo...!



kan in neih na tur lah a hnai tawh bawk si...ka nupui neih natur in ka rilru a luah tawh lo a, ni reilo te chhung ka hriat hmeichhia vangin ka buai zo a, phur em em a nupui neitur a mahni khawlam pan tu zonuntluanga kha ka ni tawh lo, mihring rilru hi hetiang tak hian sawi danglam in a lo awm thei ang tih rin ngaih na pawh ka lo hre ngai lo a.



Abisagi vangin hun rei chhung in ka rilru chu sawinghin in a awm ta mai si a.



"Zankhat chu ka rilru hre awm lutuk, muhil thei bawk silo chu Abisagi room ah chuan ka chhuk thla a, room chhung ah chuan a rim te chu a lo la nam chek a, ka ngai lutuk chu au chiam chiam mai hi ka duh ..!




A khum ah chuan ka bawk a, a lukham ah chuan ka hmai chu ka phum vang vang a. Abi ka ngai che ka hmangaih lutuk che a sin, khawngaih tak in lo kir leh hram teh, engtin nge engmah min hrilh loin min kalsan ringawt theih zawk, ka hlatah i awm chuan kei hian ka venghim thei dawn lo che a sin ka ti mawlh mawlh a.




Tunah tak hi chuan Abisagi hi lo kir leh ni ngat se chuan mualpho leh zah pawh dawn lek lo in ka nupui neih na tur hi ka ti tawp khawp ang le.. !




Lukham ah chuan a sam rim te chu a lo nam veng veng a, a lukhawm chu kuah in ka hnim vang vang a, Hmangaih na vang in patling pawh naupang chhia ang mai in ka tap anih chu...!




Lukham ka lasawn chu lukham hnuai ah khan note bu in zep chu ka la chhuak nawlh a, rang zet chuan ka thu chhuak nghal a, ka thil hmuh vang chuan ka meng phar awk thei...!



"Abisagi diary ngei ani a theih nghilh a ni chiang khawp mai, hmanhmawh zet chuan ka keu a, chhiar chak na ka nei tlat a...mi diary lo chhiar pawh chu dik in ka hre chiah bawk si lo, mahse ka insum thei tawh thlawh lo, diary chu chhiarin, ka keu lawr vel mai mai a...!



Adiary a a thu ziah hnuhnung ber ka zu hmu chiah chu ka thin hi a phu dawt dawt thei, hei vang hi a nih chiah hi ihman hmawh em em a kan in a lo chhuah san...!



Engtin nge ka nu hian hetiang thil hi a tih theih zawk, Abisagi chungah leh nghal, khawvel a nu zawng zawng zingah nutha leh felber tiin kalo chhuang ve thin a sin.!


Thin ur lutuk chuan ka nu leh pa te room chu ka pan a, zanreh tih lam reng ka ngaih tuah thei tawh lo.




Ka nu te room kawngka chu ka chum dawt dawt a, ka thinrim lutuk chu ka in bengdai thei thlawt lo, Abisagi vang hian nu leh pa te zah em em thin tu khan, ka aw ka vin ka hman khum ngun ta viau mai,,, mahse ka in thiam lo hran lo, Abisagi ka hmangaih em vang ani, ka nun ah a rawn lut a...Ka thinlung Lalnu a nih meuh chuan mi pasal ni mai tawh tur ka ni tawh miau a, khuanu ruat loh 'D' neih chu a lo na em a ni...!




Midang ta nitur in ka phal lo a, ka ta ani thei bawk si lo...!



Kanu te room kawng ka chu a aia ring chuan ka chum leh chiam a... ka nu chuan phawk zet a min en chung hian kawngka chu a rawn hawng a, ka pa pawh ka thawm ring lutuk vang chuan a rawn tho ve nghal a.. Mama enge tun ang zan reh ah i rawn tih? a rawn ti dam dup a..




Thinrim vang a mengsen rum chung chuan ka nu chu ka melh a...!




Ka nu Abisagi kha ka venghim ang che ti in thu ka tiam a sin, engvang in nge tetei bulah hnawksak itih zia thu ilo sawi.?..


I enkawl peih lo anih pawn ka kiang ah hian i sawi thei mai lo a mi? Nu Abisagi kha ka hmangaih a sin, a lak a ka rilru put dan kha ka duhdan a nibik lo a, mahse ka dang thei lo, infapa hi ka in thunun zo ngang lo ani...!Nupui neimai tawhtur ka ni a, keimah vang a zahna intawrh ka duh loh vangin he ka thinlung a hmangaihna awm hi ka thup ve hram hram a sin ka ti tuar tuar a, ka thawm hria chuan zualtei leh ka u te nupa pawh ka nu te room ah chuan an rawn tlan lut a.




Ka nu chuan phawk lutuk a min en chung chuan mama eng engmaw tun a ithil sawi kha?, ka hre sual zawk em ni?...



Kei hian Abisagi kha ka ngaithei lo in hnawk sak ka ti itia mi a rawn ti bah nak a, ka pa chu rawn in rawlh vat in mama ithil sawi kha enge a awm zia...Eng rilru pu in nge inu chu i rawn puh chhiat ringawt a, Abisagi ngaihtuah vang in mutmu pawh a tuah tha thei lo a nia a rawn ti chuar chuar a, ka thinrim vang chuan ka tawng hlei thei tawh lo...!



Abisagi diary chu ka keu a hei hi chhiar rawh u Abisagi diary a theih nghilh a nih hi tih pah chuan ka pa chu ka pe a.




Abisagi diary an han chhiar chiah chu mak an tih em a vang in thlahrang hmu ang mai chuan an meng phawk zo vek...ka nu chu a rawn tap chhuak hawk a.



A ni lo ani thei lo ang, engvang in nge tetei hian he tia min tih...pa-a mama min ring rawh u Abi ka duat leh ka ngainat zia in hriat kha, kan chhungkaw nun a alo lang hi ka hlim phah em em a sin, a va pawi tak em Abisagi khan eng ti hmuh in nge min hmuh ang, kei zawng hre awm ka ti emai bawiha Abi kha zawng hmu leh rawh aw, ka ning lo a sin hnawksak ka ti bawk hek lo, a damlo en kawl kha nuam ka ti lutuk a sin...Amah enkawl kha ka la kham lo tih hrilh ka duh a ti sep sep a.





Kan chhungkua chuan kan thu hriat chuan min thawng vek nimai hian ka hria...ka pa chuan in ineih ni pawh a thleng tep tawh a, eng rilru pu in nge tetei hian he tiang thil hi a tih reng reng ni...boruak a ti khawlo zo vek, mama naktuk zing ah ko phei la thil awm dan kan zawh chian a ngai a nih chu...Eng pawh chu ni se zan a rei tawh thil chu a nih tur ang a ni za vek tawh in room theuh ah kal ula han mu leh tawh rawh u a ti a, engmah sawi zui tawh lo chuan ka pa te room chu kan chhuah san ta dial a.




Khum a mu chung chuan, Inchung chu mit khap miah lo chuan ka thlir reng a, chhe te mah in ka mut hi a chhuak thei lo...Abisagi ringawt chuan ka rilru a luah khat a, tunah hian khawiah nge a awm ang le? A kenat vangin a muhil thei lo angem? Mangchhia in a tih buai loh hram ka beisei...Lalpa Abisagi kha min venhim sak hram rawh aw tiin ka tawngtai reng a.




Tetei chet dan chu a fair ka ti hlawl lo, ka thin rim viau bawk, a lo ngai thei lo viau a nih pawh in he tiang a chet a la kher hi a nun rawn thlak deuh mah mah ani...



Ka ngaihtuah na pawh a kal thui ta khawp mai naktuk ah a mah thil awmzia ka zawt anga, kan in neih na tur thleng pawh a tih tawp chu ka hreh ta hauh lo...Anat ka duh loh vangin mahni in ka tuar tlawk tlawk a, kanu thleng thleng a lo hnuk lut hi chu a ti deuh mah mah ani!

Hmeichhe rilru tha leh nunnem em em ni a ka lo hriat thin khan, engvang in nge hetiang thil hi a tih tak...lo in nei ta tehreng pawh ni ila kan inchhung ah chuan lawm a hlawh tawh kher in ka ring lo...A chhan chu Abisagi kha ka chhungte hian an ngaihna vek a, dawt phuah chawp hmang a kan in a tang a alo um chhuah ve ringawt vang leh kanu dawt a alo puh vang hian kan inchhung ah chuan a hma ang mai mai kha chuan a tlang nel theitawh kher lo ang.




Khawvar tleng pawh chuan chhin khat mah ka chhing lo hrim hrim, kan boruak tawn teh nuaih vang chuan ka chau zo ni ber in ka hria, nupui neih lam ka rilru ah a lang tawh lo a...Abisagi ngaih tuah vang chuan ka chau zo tawh, amah in kal pawh a la kal tha thei lo a, eng tin nge kha tiang chung khan a khawsak ang...,!



La hma viau mah se tetei chu a Ka call lo thei tawh lo, rin loh deuh in phone a lo pickup ve mial a, pangai thei ang ber chuan kan inlam a rawn phei tur in ka hrilh a, a la hlauh thawn hmel em em zui leh nghal a, john enge pawi mawh a awm ami? tun ang zing kar kar ah a rawn tih chuan thil pawi mawh sawi dun tur kan nei ka ti bul hmuk a, phone chu ka off ta hmak a...A rilru chu a nuam lo ve ngawt ang le.




Tetei rawn thlen hma chuan ka lo in bual fel vek tawh a, ka chhungte te pawh keimah ang tho in an mubik miah lo a nih hmel zing darnga ah chuan kan tho Kim thap tawh, thingpui inpah in engmah sawi lo chuan kan thu ngawi thiap a, chhungkaw inpawh leh in kawm ngeih tak ni thin kha kan boruak tawn teh nuaih vang chuan tumah in be tur pawh kan awm lo....!



Dar ruk pelh hret ah tetei chu a rawn thleng ve hram a, ni dang ang bawk in engmah thleng lo ang mai chuan a rawn nui leh har har tawh a...ka pa chuan tete he tah hian rawn thu phei ta che zing kar kar ah kan rawn ko che a aw dam dup chuan a ti chuar chuar a.



Thil thleng a awm ami? ngaih that loh hmel zet chuan tetei chuan a ti a...engmah tisual lo ang hrim chuan, kapa chu a la nui ver ver thei reng a...ka nu mi zaidam leh nunnem zet mit a tang chuan tetei a huat zia chu ka hmu thei.





Ka bulah chuan a rawn thu thla ve nghal mai a, tumah in engmah kan sawi ta silo a, kan mitmei chu hrethiam in a nui hmel chu a reh riai riai a... !




"Ka pa chuan a aw a han thian khurh khurh a, tetei chu chiang zet a en chung chuan "Tete Abisagi bulah khan sawi inei em? In in neih na pawh karkhat vel lek in min dang tawh a, heti teh thut a in chhuah san duh na rilru a pu ta thut hi Thil dik lo a awm ni in kan hria a, a mah lah kha a la dam chiang tha thum bawk si lo a a tih chuan tetei chuan mak tih hmel zet chuan min melh zawk a, chutah hnuai lam chu a melh ta daih a.




Ka nu chu a insum thei ta ngang lo tete Abisagi bulah khan sawi inei a ni lawm ni?ti nge i ngawih reng a? ni reilo te hnu ah kan fanu ini mai tawh dawn a, eng rilru pu in nge kha hmeichhe khawngaih thlak tak kha i um bo a rawn ti vin that a,..!



La duh tawk mai lo chuan, ka nu chuan' nang chuan hmangaih tu nu leh pa u leh nau ila nei a...Abisagi kha chuan tumah a nei ve lo, kan tan chuan fanu ang a ni a..tinge ilo en liam ve mai mai thei lo a mi? Chutah dawt in minla puh ngam zui a, kha hmeichhia khan i chung ah enge tih sual a neih?



"A kal dawn thleng khan i dawt phuah chawp kha a sawi lang reng reng lo, ilak ah rilru chhia a pu ve lo a sin...ka ten che ka haw lutuk che ihmel hmuh pawh hi ka peih nek lo e a ti ta phian phiar mai a.





Ka nu hian keimah ang tho in Abisagi kha a lo ngai na in a hmangaihna tih ka hre chhuak ve chiah...!



Ka pa chuan mama nu insum teh, tha tak in i sawi ho zawk teh ang u ti in ka nu chu a lo khap ve thuai a.




Ka farnu te pawh chuan tetei chu huat hmel zet hian an melh a, tetei chu a tap ta pur a...In sut hlawp hlawp chung chuan, john kha thil kha ka duh vang a ti ka ni reng reng lo...nangmah thiam loh vek ani, khanu a lo lan a tang khan i danglam vek a, kha hmeichhia khan nang hi min laksak a ni lawm ni? Khanu kha i duh tih ka hriat loh ring reng reng suh, ka pasal ni maitur hmeichhe dang in min chuh buai hi ka rem ti lo a...chu vang chuan ka thil kha ka ti ta mai anih kha.



Ka thiam loh ah min puh fai vel bik thei lo ang zam miah lo chuan a rawn ti ve ta piap piap a.



Rapthlak ti zet chuan ka chhung te chuan an en tlawk tlawk ringawt.!



Tetei hian a sawi dik a ni, nupui hual nei reng chung si a hmeichhe dang hmangaih tu chu ka ni ngei mai...mahse Abisagi vang khan tetei hun reitak chhung ka lo zui ve tawh kha thlahthlam ka tum ngai miah lo.



Abisagi nen kan inkar chu thil thleng palh ang ah ngaih ka tum lui hram hram zawk a...tinge tetei hian hun thawl min pek a tum miah loh, min Hmangaihi a nih chuan dawh thei tak in min lo nghak mai se, englai mah in a natna tur thil tih pawh ka tum hek lo.





Kan boruak tawn teh nuaih vang chuan ka pa bulah chuan tetei nen kan in neih na chu tih tawp mai ka duh thu ka sawi a, ka pa chuan remti chiah lo mah se, lo in nei ta teh reng pawh ni ila kan boruak tawn vel vang hian nupa inrem tak kan nih theih a ring bik lo a niang a rem ti ve mai a.





Tetei nen kan in neih na tur tihtawp kan duh thu chu palai tir in kan va thlen a, an chhungkua chu an lo thinrim ngang mai, kan veng ah chuan lar het het tak hi kan ni ringawt...!



Ka chan chin chu mawi lo tak tak in an sawi ta luai luai a, tetei laizawn ten dawt awihawm zet zet in an phuah thiam nasa mai si a, kanu leh ka farnu te pawh in mintih dan em em chu, a lutuk deuh lo maw antih pawh in, ka pa eng engmah kan sawi ve a rem tih loh a vang chuan kan ngawi ta mai mai a.



Tetei nen kan inkar kan ti tawp ta bawk a Abisagi chu zawng hmuh ngei tum in beihpui ka thlak a, ka zawn nasat pauh leh beidawn na khua a sei hi a ni ringawt...






Note....Edit pawh ka edit hman rih lo, zanin chu a tawi lo tirih lo mai ru aw...A ngaih nawm lo ngawt ang, next ah seitawk in ka rawn dah ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 8th, 2019, 5:58 pm

Tetei nen kan in neihna tur ka chhuchat ringawt chu dik ka inti bik hauh lo, hmangaih dang neireng chung a tetei nupui a neih chu a dik chuang in ka hre lo...ka thinlungin titur a a duh ka kaltlangpui tawp mai ani, katuar ngai dawn pawh nise tilo thei lo kani tlat, tetei chu ka khawngaih lutuk! Athil tih kha a dinhmun ang ah chuan tu te pawn an tih ve tho karing...Hmangaihna tel lo a chhungkua din kha ka theih loh vang ani..!





"A mah a hmel a tha a, hmangaih tu tak tak a la tawn leh vat ka ring tlat ani...kei ai a fel leh hmeltha tawng tur leh, hlim tak a a nun hmang tur in ka duhsak em em ani!!!





Keichuan natna tamtak ka petawh a, ka pek theih loh hlimna vawrtawp pe tutur a tawn ngei theih nan pathian kutah ka nghat tawp ani, chu thil chauh chu a lak a ka pektheih a ni tawh si a.!





Abisagi zawng reng reng in hun ka hmang liam ve zel a, kan awm ho chhung khan a chhungte chanchin vawikhat mah a sawi ngai lo a, phone tak ngial pawh kha a khawih ngailo a...A chhungte chanchin hriat a duh loh vangin phone a khawih duh lo ah ngai in, tumah khan phone lam kan lo sawi pui ngai lo a...!



Min han chhuah san takah chuan. Atawp tawp hi a ni mai, zawn ngaih na reng reng kan hre lo...khawilai ah emaw kan hmufuh hlauh te a nih ngawt loh chuan, champhai khawpui chhung chu kan dap Kim thawkhat tawh a, kapa phei chuan champhai ah a awm a ring tawh lo a...keimah zawk hi kala beidawng duhlo mai zawk a, ka ngaih tuah nasat pauh leh a tawp telh telh bawk si, khawilam chu nge a pan tak ang le?...





He tiang em em hian hmeichhe pakhat vang in ka nun hi a buai ta mai si a, ka chawlh pawh kar lo ah a zo der a...mahse Abisagi zawng hmu lo chuan khawiah mah kal ka tum tawh lo, ka tui na em em sipai a tan a ram venhim ka duh thin na te chu hmeichhe pakhat lek vang in chakna leh tuina ka nei tawh lo...!




Sawmtea ka zu bia a 'Abisagin ' engmah sawilo a min chhuahsan thu ka hrilh chuan pawi ti tak in a thaw hawk a...thianpa ka tih reng kha kha hmeichhia khan hmeichhe naran a ni lo, a hmelthat na kha chu thu hran nise a nungchang mawlh kha a mawi em em a, mipa te duhthusam zawng zawng nei tu hmeichhia a ni!!


Abisagi zunah i uaidawn tih hi chu kalo rinsa ve reng ania...Tetein a lo tawrh phah ta anih chu, engpawh nise "mi" hmangaihna khurah a tluk luh tlat tawh chuan dan theih ani tawh lo a, thianpa ivanduai na hi a thuah hnih riau mai...tawngtai nasat ingai ania, kan lungngaih leh hreawm na te hi pathian hnenah thlen lo a, inhnem nan zu hanin mai te hi thil tha ber ani lo ania! Arawn ti leh duah a..!


Tetei chu ka khawngaih khawp mai, a duh zia che pawh ka hriat pui vek a' in neih na i titawp chu a tan mualpho na rapthlak tak a ni bawk si a, eng pawh nise Abisagi chu helam ah pawh ka lo ngaih ven ve anga, khawvel hi a zim tawh khawp ania ihmu leh em em ang lunngai miah suh ti in min hnem ve mawlh mawlh a.!!!





Tuk khat chu chaw kan eilai in ka pa chuan,, mama i chawlh hun i hmang zo tawh sia engtik ah nge chhuk itum a? In pu te lam i be tawh reng reng em? ti in min zawt phwng a, ka chhungte zawng zawng hian Abisagi lak a ka rilru put hmang an hre vek tawh a...he tia a bo ta daih hi min lainat in min tuar pui em em vek a, a kal bo a tang in thlakhat a liam tawh a, beidawng miah lo in kan la zawng reng a.!!





Ka chhungte chuan ka pa zawh na ka chhan huntur chu an ngai chang thap a, pa sipai a tang in ka bang dawn...!



Abi chanchin hre lo in engmah ka ti thei lo, Abisagi khan ka hmangaih a ni tih hi a hre lo a sin, nupui ka nei dawn tih hre reng chung khan a lak a ka rilru put hmang kha ka hrilh thei ngang lo ani!! ka hmangaih pawh venghim zo lo tu hian engtin nge kan ram hi ka venhim theih teh lul ang...sipai a tang in ka bang a nga kan dawr pakhat zawk hi ka en kawl ve mai ang, chubak ah ikum te a upa tawh a. Sumdawn na lam chu i chawlh san a hun ve tawh hrim hrim bawk a ka tih chuan, ka nu leh ka farnu te chu mak tih vang in an mengphawk nasa mai.





Ni e mak chu an ti khawp ang, ka chhungte hian sipai a ka tan hi eng lai mah in an remti ngai lo a, mahse keimah in ka duh tlat a vang in tute mah in min dang zo lo kha ania...!




Tunah chuan Abisagi vang in sipai a tang in bang tur in ka rilru ka siam fel vek tawh, ka nu chu a mittui a luang zawih zawih a...ka fapa lungngai miah suh aw, Abisagi chu kan zawng hmu leh em em ang...Abi khawnge maw i awm le? itel lo chuan kan chhungkua hi kan famkim tawh lo a sin Aw Lalpa ka fanu kha min lo venhim sak tlat rawh aw tah aw tiau chung chuan a rawn ti a.





Kan chhungkaw nawmna em em chu! Thil engkim inpawh tak a kan sawi ho thin hi ani, kan rilru a thu awm te kan nu leh pa te kiangah ngaihngam takin kan thlen ngam a, chuchuan chhungkua Minti inpawh leh zual thin.




Abisagi kha a zan mu
mangchhia hian a ti buai nasa em em thin a, a muhil hi nasa tak in a au in a tap reng thin a...chutiang a a awm tawh chuan a nu hi a ko ngei ngei thin....!



Ka nu a mah enkawl nasa ber tu a lo ni bawk nen mangchhia in a tih buai chang a tap chung a anu a lam tak ziah a vang chuan ka nu hian Abisagin nu a mamawh zia a hre chiang a, ka farnu te ang chiah in a hmangaih phah a, min chhuah san hi kei aiin a tuar lo bik chuang miah lo..!!





Hun leh ni a ral a, kan mualpho na pawh zawi zawi in a reh chho ve zel a, chutih rual chuan tetei erawh in a nun a thlak thawk a, vengkhat nula fel kohhran ah pawh kan chhuan vawr ni thin khan zu in te a ching ta tlat a...!




A ruih sual chang hian tap chung in min rawn be fo leh nghal a, anchhia min lawh in min au khum chiam chiam thin' mi nun ti chhe tu ka ni chu hre awm ka ti a...keimah vang a tetei nun a chhe ta vek chu pawi ka ti ngawih ngawih...!



Hetiang a nun hmang tur hian ka duh lo a, hlimtur in ka duh em em si a....Achang leh a hnen a kir leh turin min ngen thul.




Abisagi ka zawng hmu thei bawk si lo...ka nun hi a chau hluah hluah a, tlangval sa tha nelh nawlh nithin kha ka mutthat loh leh rilru hah nen ka cher in ka bawrchhawr em em a, min hre chiang fe tan lo chuan keimah ka ni tih an hre lo ang....sumdawn na lam ah ka pa leh zualtei ka pui thei hek lo, mi ang ang mai in ka tal mawl tawp a, ka chhung te pawh an mang ang tawh viau mai.





Abisagin min kal bo san atang in thlanga hial a lo vei ve ta reng mai, fapa mal chhungte in nghah na awm chhun ka ni bawk si a lungngai a in dawm kun reng thei ka nih miau loh a vang in, sumdawn na lam ah ka rilru pe in nasa takin ke ka pen veta a...!



kan dawr pawh in hma a sawn in sumdawn na Huang kan zauh ve zel a...engmah ti lo a awm ai chuan hna rimtak a han thawh tak ah chuan Abisagi ka ngaih tuah ngut ngut na te pawh a bo phah ve deuh thin a, chutiang chu ni mahse ka hmuh leh ngei chu ka la beisei fan a.




" Leirem rah tum a ke ka pen ve mek laiin!



Kan chhungkua ah thil duhawm lo tak a thleng ta tlat mai, min chhang tu ka u mazuali pasal leh Tetei an tlan dun thu in kan chhungkua min rawnden chiah chuan, ka thinlung hi hreawm ti in a rum vawng vawng thei....!



keimah vang a ka unaunu leh zel in a lo tawrh phah chu pawi ka ti ngawih ngawih, engtin nge ka u mazuali hmel ka hmuh ngam tawh ang...ka nu in min rawn hrilh tirh phei chuan min fiam a nih ka ring a, mahse dawt a ni bawk si lo...ka u in tap chung a min rawn biak chiah khan engkim chu a tak tak a ni tih ka pawm ve chiah.





Tetei lak a ka chet dan kha a fair lo tih ka pawm thlap, tun thleng hian ka in thiam bik reng reng lo, mahse midang hmangaih nei reng chung a nupui a neih luih kha a dik in ka hre lo a...!



ka thinlung in a dik ni a ka hriat kha ka ti mai ani a, tinge Tetei hian kha thil kha a pawm ve mai loh, a hmel tha in tlangval tha tak tak a mah duh tu an kat fer fur a, ka lak a phuba lak nan ti nge ka u nun a tih chhiat kher le, mi pasal pawmlai chhutsak a mi chhungkua a tih chhiat a vang hian a hlim phah dawn chuang em ni?




"Min hua a nih pawh in ka lak ah a thinrim na chu leihbaw mai sela, tinge ka farnu chung ah heng thil hi a tih kher...?



Tete he tiang khawp hian ilo nep a ni maw, kan inkar a Abisagi lo tlazep pawh kha thil thleng palh ni lo in, pathian remruat a nih ngei ka ring ta e...tunah chuan ilak a ka in thiam loh na zawng zawng te kha lak bo a ni tawh ang ti in ka phun mawlh mawlh a...ka thinrim hle bawk.





Ka pa in min rawn phone leh in, mama dawr chu hnathawk ho kut ah khan dah la inlam ah rawn haw mai teh...kan thiltawn hi chhungkua a ngaihtuah ho ngai thil ani tlat min rawn tih vang chuan tawi khaw muang lo chuan inlam pan in ka in khalh haw zui nghal a....!




Ka u mazuali hmel hmuh chu ka hu phurh ngei mai, in ka thlen chuan an lo awm Kim thap tawh a, ka u chu ka nu chuan a lo kuah a, a hmel ah chuan a tah nasat zia a lang vek a....!



A pasal a hmangaih zia hretu kan ni a, kum tamtak chhung an lo chengdun tawh a...fa nei lo mah se an in hmangaih dun zia hretu vek kan ni, fa an lak a tang phei chuan chhungkua hlim tak an ni a, kei hi unaupa laktlak loh tak chu ka lo ni a nih hi...Abisagi chu sawi loh ka farnu te pawh ka venghim zo lo chu a ni si a...keimah vang hian ka hmangaih ten buaina an tawrh phah zel zawng a nih hi.




Ramsanga chhungten ka umazuali te nufa chu, kan inlam a haw phallo in, an hauh deuh bur a, a pa phei chuan in leh lo zawng zawng hi in nufa tan ka dah vek ang. Kan fapa mah nise a mazuali lak a a chetdan hi ka lungawi lo hrim hrim, a duh danin a kal tawh a chhungkua kan nih na a chhuchat vek tawh...Ani chuan a duh a thlangfel tawh a kalak atang hian rochan tur engmah a nei tawh lo ti mahse...kapa chuan mazuali te nufa chu a hruai haw ta tho a, a pasal ber in midang a neih tawh chuan he in ah hian engmah tihtur a nei tawh hleinem, kan fanu a ni a enkawl chu ka tihtur ve reng ani a ti a...!



Kapa thuthluk na chu keipawh in ka pawmpui thlap, ka u te nufa hi ka theih tawp in ka enkawl anga hlimna tamtak pek chu ka bat ani!





Abisagi kan nunah a rawn lan a tang hian kan chhungkua ah thil mak tak tak a thleng ta reng mai anih hi, a mah lah chu a reh hian a reh vawng vawng mai bawk si a, ka u rilru na lutuk hmel ka hmuh chang phei chuan ka in thiam loh na a zual sauh thin...!




Tetei kha lo nei tlang ta lo lo ila, he tiang thil teh hrep hi ka u hian a tuar a ngai lo tur hi ania... !




"Mahni inthiam loh na ka nei nasa zual sauh a,Ka chhungten ka rilru hreawm lutuk chu min hriat thiam pui em em a, kapa in bawiha inthiam lo duh reng reng suh, kan chhungkaw chung a thil thleng te hi pathian in kan tan a tha tur in a remruat ah pawm hmiah rawh...He thil a lo thlen dawn vang te hi ania nge mazuali hian ramsanga fa pawh a hrin theih miah loh...chubak ah hmeichhe fel leh tha tak ni a kan lo ngaih thin tetei nihna diktak hailan in a awm bawk a, lo in nei ta pawh ni ula inu leh ifarnu te hian an tuar vek tho ang ti in min hnem ve mawlh mawlh a.




Hun leh ni a liam a, mazuali pawh in a Chung a thil thleng te chu pawmdan a thiam chho ve hret hret a, kan inchhung khur a lungngaih na chhum zing pawh ani tel in lak kian in a awm ve hret hret a.



Kapa in mazuali a awm ve tawh sia sumdawn na huang te hi zauh ila, thawmhnaw dawr mazuali enkawl tur in hawng ila, ipatluanga ka be tawh a, China an kal leh dawn hunah mazualin han zui ve se...champhai ah bungrua kan stock a nga hmun hrang hrang ah kan sem bawk anga, mazuali tan pawh rilru na a indawm kun reng ai chuan a that zawk ka ring a tih chuan.




Kapa remruat na chu tha dawn riau in ka hria a, kanu leh ka farnu te pawh an phur tlang kher mai.




Vengthlang lunlai ah dawr tur zau nuam hek hawk luahtur ka putea ten an lo nei bawk si a, midang in lo luah mahse mazuali dinhmun engkim an hre ve vek a, leirem a rah leh theih na tur a tan kan remruat na chu tha anlo tih ve tho a vang in a luahtu te pawh chu in thlahrung tak in an han be rawn a....harsat na em em awmlo in an inbe fel thei ta hlauh a.




Dawr chhung te chu cheitha in, rawng kan hnawih thar vek a...luah lum anih hma hauh a tang in a nuam hek hawk khawp mai, mazuali pawh patluanga te nupa zui in China lamah bungrua la tur in an liam ve ta vawn vawn a.





Tetei leh ramsanga pawh ramsanga pa in, an inlam ah haw a phal lo bur bawk si a...makpa chhungkhung in tetei te in ah a lut ta ringawt a, mihring nun hi a lo in thlak danglam theih khawp mai, ka u nen an in neih lai te kha chuan..mipa fel leh hawihhawm tak kohhran leh khaw tlang ah pawh an hman tangkai ber thin ni si kha, tunah chuan a rui thle mai mai tawh a...!



"Tetei te chhung pawh in an ngaithei vak lo a ni awm e...!ramsanga pawh hian mazuali hi a hmangaih lutuk tlat, tetei nula hmeltha takin ka lak a phuba lak nan rilru neiran a a han chhai kual vel tak ah chuan, thlemna a do chu do zo loin sual khur thuk takah a zuang lut a...!




Engang pawhin inchhir mahse a sawt tawh lo, ka u hmeichhe rilru kalkhat lutuk rilru hi engtik ah mah ramsanga lamah hian a hawikir tawh dawn lo tih chu ka sawi ngam bal.




Mazuali te nufa anlo kir leh takah chuan kan inchhung pawh a reh lutuk bik tawh lo a, ka u fapa remrema mipa naupang duhawm zet chhawmchhaih nuam tawk lek a lo awm ve bawk nen, kan ri ve laih laih reng a...!




Abisagi chanchin ngaihven erawh chuan beng kan chhi ve reng a, tunah rih chuan a la reh viau mai...mumang lamah rilru a riak ta reng chu ka hmuh awl lo a...ka ngai vawng vawng thin!





Thlakhat zet China ah an thang hnu chuan mazuali te pawh an rawn haw ve hram a...An bungrua erawh a la rawn thleng lo a. Patluangan bungrua chu a rawn buaipui a, karkhat hnuah a rawn thleng thei dawn chauh a.




Mazuali zinhaw hmuakin chhungkhat laina thenrual tha te anlo lenglut sap sap a, kan ri ve laih laih reng a...China thilsiam tha tak tak min rawn hawn sak vek a, chemte nalh zet mai minrawn hawn a, a thil minrawn hawn dang zawng zawng aiin ka duhfal nalh, kan hlim tlang dar dar viau mai.





Ramsanga rui lutuk a a lo lan hma kha chu.

"Ramsanga hmel a hmuh chiah chu mazuali hmel a hlim na te chu chawp leh chilh in a reh riai riai a.


Mazual min ngaidam rawn nanglo chu hmangaih Ka neilo kei hian thil ka tisual a ni! Nang leh kan kan fapa tello hian nikhat pawh ka hlim ngai lo, khawngaih takin lo let leh hram rawh u, in tello chuan ka dam zo lo ang patling in tap chungin a rawn ti a.




Mazualin ramsang iduh ithlang tawh a, engah nge ka inchhir itih? Patling in ingaihdan in thil iti a, inchhir leh tur si chuan ti nge min phatsan, vawikhat mah kan in hi rawn rap leh tawh ngai suh...Tui a let leh hma chu ka ngaidam chuang lo ang che a ti ram hmak a.




Ramsanga lo rui lungpuam nen. Remrema chu a chuh a, kan buai ta nuaih nuaih mai a.



Remrema hlau lutuk chu a tap uar nasa mai si a, ka thinrim chu ka insum zo ta ngang lo, ramsanga chu ka hnek thal ta lawp mai a...kapa in minlo dang lo phei se chuan ka khawih na viau ngei ang le.




Ka room lamah min kuah lut rawk rawk a, kapa chuan...!mama ipa ka la awm hi nang chu lo ngawi rih rawh, ka la thawk ve tek tek chhung chuan inu leh ifarnu te venhim hi chu ka kut ah dah ang che, nang chuan Abisagi zawn hmuh dan ngaihtuah zawk rawh tiin min bengdai thei hram a.



Ramsanga rawn lan atang chuan mazuali pawh a ngui leh ta deuh tlat a, a hmangaih ber nun chhe mek si chu a enliam mai mai thei bik lo ani, keini chuan ingaihdam theih phawt chuan ithuthluk na a piang kan zahsak ah che kan ti a...mahse kir leh chu a tum reng reng lawi si lo.




Dawr bungrua a rawn thleng a, dawrthar a lo ni bawk nen... A inhralh thei in a buai ta hle a, ramsanga ngaihtuah in a rilru a pe hman ta meuh lo bawk a. Ka pa beisei na pawh a thleng dik chho ve ta zel e.




Zankhat chu ka room ah mazuali chu a rawn lut nawlh a, mam thil hrilh tur che ka nei a. Ka lo hawtirh khan hrilh tawh tur che ka nia, kan boruak tawn teh nuaih vang khan ka lo manghilh a, kan bungrua a lo thleng chhunzawm bawk nen, ka hrilh har ta lutuk che a..min haw suh aw a ti hmasa te te a.



"Engthil nge nita a? A va pawi mawh awm ve nui suk chung chuan kalo ti var a.




Englo ania. China ah khan thuamhnaw kan lakna hmun ah khan Abisagi ang deuh ka hmu a....China daih daih a a awm chu ka ring chiah bawk silo a, va hriat chian tumin ka va pan a, midang in minlo be khawmuang leh si a, alo bo daih hman a...Dawr neitu te ka zawt a anlo hre bik bawk silo a....ka hmusual a nih te ka ring deuh a.

Amah kha chu a ang khawp mai a ti a.



"Abisagi chung chang mazualin a sawi lai chuan, mitkhap miah lo chuan kalo en reng a, ka lungphu chu ka hre thei hial in ka hria!



"Engtin nge China ah daih chuan a han awm anga?


Tinge ihmuh tirh ah chuan ipan nghal loh a? Amah kha lo ni tak tak ta se engtin nge kan hmuh leh theih ang?


Abisagi ang deuh ka u in a hmuh a vang chuan, keimah ah beisei na thar a rawn awm leh a. Abisag khawihmun ah pawh awm mahla, khawvel hi fang chhuah vek ngai dawn pawh nise ka rawn zawng hmu tho tho ang che ka ti sap a.




China kaltur in visa engmah ka nei mai bawk silo, thawk leh khat ah thil a tih fel zung zung theih bik silo a, Abisagi zawng tur a kal ngei chu ka duh tlat bawk si...kan chhungkua chuan sawi hoin kawng kan dap ve reng a, hun leh ni te hi a ral duak duak ni mai hian ka hria.



Ka nu in " Mama" i u hian a hmusual ani lo maw? Enge china ah daih daih chuan a han tih anga? atih chuan.! Zualtei chuan tunlai ah , thalai rualin foreign a hnathawh an intih hmuh tawh a lawm nu, ka u mazuali chuan a hmuh sual ka ring lo, china ah hnathawk turin a kal anih ka ring tlat ti in kanu chu a lo hrilh fiah ve mawlh mawlh a.




Aw ka naute kha miram a hna han thawk tur chuan ka va lainat teh lul em! A malruh tliak vang khan han chet zung zung a harsat awm ropui si. Damtak in han hmu leh thei hlauh ula ka van duh teh lul em a ti vawng vawng a...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 8th, 2019, 5:58 pm

Abisagi__POV
Hotel kawt ah chuan ka ding deuh vang vang a, thil ka hre chhuak zawk...zonuna khan minrawn zawng a ngem le?

Hotel a ka awm chuan awlsam tein minrawn hmu vat anga! Thil a kal sual vek mai lo ang maw?



Taxi tlan chhuak tur lam chu ka theih tawp a chak in ka pan a, driver chuan thiannu theihnghilh inei emni ?hawihhawm tak chuan min lo ti a...!



Inthlahrung deuh tak chuan! Kapu champhai hi ka vawikhat kal na ania, private nurse han chhawr mai tur hi ilo hre mial em? Ka malpui ruh hi a tliak a, min enkawl tutur ka mamawh khawp mai! Damdawi in lam a awm lah ka peih tawh bawk silo a min puih theih chuan ka lawm ngawt ang ka ti sap a.



Driver chu a ngawi deuh vang vang a, beisei nei deuh chuan ka lo en kiau reng a.!



A phone chu a kekawr ipte atang chuan phawrh in a hmet mual mual a, lo nghak lawk rawh aw kan be chhin ange a tih chuan ka lo thaw huai thei.




Phone chuan tu emaw a be mawlh mawlh a, ka lam chu rawn hawi in! Thiannu hlawh zat tur kha isawi miah lo a? Phone la be reng chung chuan a rawn ti a...Nurse chu min hmuh sak thei anih hmel hle mai, rang zet chuan hlawh kha chu a chhe lo ang tha tak a min enkawl theih dawn phawt chuan a phut zat zat chu ka inhuam a lawm ka lo ti bah nak a.



Engpawh chu nise a mah nen hian han inbe ve reng reng ula a rawn tih chuan phone chu ka lo ban vat a, ka dinrei tawh vang chuan ka malpui na chuan min tur vet vet tawh a, na tih vang chuan ka ner leh sak sak thin a...Nurse nen kan inbiak chuan, zotlang ah daih a lo awm bawk sia hmaichhan a inbiak fel tha kan tih dun avang chuan taxi driver chuan zotlang lamah min phur thla leh ta a...!





Zotlang phaizawl champut mai kan tlan lai chuan. Zonuna ka hre chhuak uar uar a, aroom a tang khan phaizawl hi a lang chiang in a mawi takzet anih kha...tunah hian in ka chhuahsan tih a hre tawh angem le?



Engtin nge ka chhuak tih a hriat hun ah a awm ve ang aw!! Motar a din tak ah chuan ka ngaihtuah na a tang in ka harh chhuak ve nghal mai a, inlian pui kawt ah chuan min dinpui a, a hmun lah chu a rem in castle te pawh a ang ka ti rum rum a...!




Driver chuan " ka ni" kanlo thleng tawh ania tiin a ni chu a ko a...kawngka lianpui a tang chuan nu valai hmel zahawm zet hi a rawn pen chhuak a, nuisang chuan ka awm na lam chu a rawn pan phei a...nangmah hi maw damlo chu? nel awm tak chuan min rawn ti a.





"Aw ni e! Kan inhmu thei chu ka lawm hle mai tiin nui ver ver chung chuan ka kut chu a lamah ka phar chhuak vat a...!



Hawh teh inchhung lamah in be zawk teh ang ruhtliak ini bawk si a dinreng a tha lo e..Joseph nangpawh service duh tawh lo mai rawh, in tifai la chawl hahdam tawh mai rawh a ti nghal zung zung a.





Ka bag chu min khai sakin inchhung ah chuan kan in zui lut a...!



Hawi kual chung chuan in innei nuam hle mai ka ti sap a, nuisang chung chuan nuam chu a ni ve mai ka lawm lutuk e kan in hi ahmu tawh chuan min faksak ve chawk thin ania a ti leh bawrh bawrh a, minlo zuila helam ah hian inkawm ang hmiang a tih chuan ihe lo chuan ka zui ve zel a...!




Inchhung kil thlanglam deuh chu min panpui a, office ve angreng deuh hi room zau nuam zet hi a lo nei reng a...helai ah hian damlo enkawl ngai an awm chuan ka en thin a, ka office a nih ve hi, tah khan lo thu ta che tih pah chuan sofa chu a kawk zauh a.





Ka thu chiah chu ka hahdam sawng sawng thei, kamalpui chu ana tawh viau bawk!




"Note bu ni awm tak leh pen keng chuan min hmachhawn in sofa ah chuan a rawn thu thla ve nghal a..! Chik zet a min en chung chuan engtia intipalh nge inih a? Imalpui ruh maw tliak ti in min zawt a.



Accident kan tawh dan vel chu tawi kimchang takin ka hrilh mawlh mawlh a, ka thu sawi chhung zawng chuan uluk tak in a lo ngai thla a, ka thu sawi karlak ah zawhna minlo zawt ve zauh zauh tih loh chu engmah a sawi lo.




A note bu ah chuan enge maw a ziak leh zauh zauh a, indim ila ngai viau a sin...iruh tliak nalai chu minlo entir ta che ati a, kawrfual ka hak vang chuan ka kawr chu hlimin a en nghal dan dan a, ka malpui ruh tliah nalai an thuina bawr vel chu a hmet lawr dan dan a, a vung nasa hle mai...A huai sual ang tih a hlauh awm khawp mai! Tunah khan a na tiraw? Mintih chuan ka lu chu ka lo bu nghat nghat a.





"Anat viau karing a ni, ihliam hi a la dam lo a...indim ngaih lai in ikalkual pui vak a, tiang tal hawl tur ania sin mawle...Ana chhawk tur hian nachhawk na in ka vit dawn che ania a ti a, room kil lam a damdawi in rem dul na chhuar lam chu a pan a...!




Ti kha chuan reilo teah i na kha arawn chhawk vat mai ang, min jection zawh fel chuan a ti a! Lo in enkawl dawn pawh ni ila khawiah nge awm itum deuh reng reng a tih chuan, ka ngawi deuh vang vang a...!




"Champhai ah hian hriat ka nei lemlo a, ka ni tahan a mi tlawh tum a rawn kal ka ni a..beisei loh takin accident kan tawk leh ta sia, thlakhat lai chu damdawi in ah ka in enkawl tawh a, heti ringawt chuan khilai thleng thleng motor han chuan leh chu ka zuam chiah silo a, han in enkawl dam phawt ila chumi hnuah muangmar in ka chho mai aniang chu, hotel velah te ka thleng anih loh chuan han awm na maitur pawh ka neilo ka ti sap a.





Chutiang a awmna tur ila tifel lo anih chuan kan in ah hian kan in enkawl chhung chu i awm ve mai dawn ania, josepha leh kan awmpui nu nen chiah kan awm a...Maruati ka nia ka pasal in min boral san tawh a, ka u fapa sepha hian min awmpui chawt a..kan khua a har thei viau a nia engmah inthlahrun na tur a awm lo ang atih chuan.




Lawm a vang in ka tap lo chauh ani ber mai.
Amah vek chuan, hetah i awm thei anih chuan. Tutan ve ve pawh thil a awlsam phah dawn a, hlawh chungchang kha chu thlakhat ah singkhat sangnga ti ila na iti em? a tih chuan! Pawisa ah kha chuan harsat na ka nei lemlo thatak a min enkawl kha ka tan chuan a hlu in a pawi mawh ber zawk a ka lo ti ve vat a...!




A nih chuan i room tur te en ila room ruak chu kan nei nual a iduh na ber ah i awm mai dawn ania, han in tifai phawt la kan la inkawm leh zawk dawn ania a ti a.
"Pathian" hi chu a tha ngawt mai, hun harsa tak ka tawn chang pawhin min pui turin katan a mi fel tak tak te min pe thin a.





Umaruatin uluk takin min enkawl a, anitelin ka zia awm ve telh telh a...September ni 24 hi katan chuan ni hriat reng tur ani, ka hmangaih ber nupui neih ni leh ka birthday ani...zing a tang in ka nun a hlim lo a, ka chhungril a nat em avang chuan ka hmelah a lo lang chhuak aniang chu, umaruati chuan Abisag inuam lo deuh ami? Ihmel a hlim lo riau in ka hria a tih chuan..!




"Ka tha lutuk engmah na ka neilo ka lo ti thuai a.




Tu emaw hnenah ka rilru tawt lutuk hi ka bunruah a ngai niin ka hria, hmangaih na ah chuan mi pathum kan awm thei silo a, ka rilru put hmang hi ka haw hluah hluah...Hlim hi ka phu ve tawh asin, zalen tumin kan inchhung a tang in ka tlan bo tawh a, tunah hmangaihna tanin ah ka tang leh chu ani si a.





Umaruatin Abisag rilru Hahna inei anih chuan min hrilh la, kan rilru ipik lutuk te hi midang hnen ah kan bunruah ve thin a ngai chawk ania a nih chuan a thu sawi chu a dik ka ti viau mai...umaruati bulah hian in bunruak ila ka rilru tawt ipik lutuk pawh a zia ve deuh ka beisei a...!




Umaruat ipasal ichan khan engtin nge i awm? na iti in a hreawm viau ang tiraw? Vawin ah hian ka mipa hmangaih ka chan a sin! Ka hmangaih ber in vawin hian nupui a nei dawn.




Ka nunah a rawn luh ve meuh chuan hmeichhe dang kut a lo vuan tawh a, nupui nei mai tawh tur anih ka hre bawk a...Mahse chuti chung chuan he ka thinlung chhung ril ber a amah duh na hi ka dang thei lo, ani kha chuan ka hmangaih tih a hre miah lo asin! Ka inhnit ta hlawp hlawp a..!





Umaruati chuan rangtak in min rawn pan a, Abi ka hrethiam che...ka pasal ka chan ni khan awm ngaihna ka hre lo a sin, kan hmangaih ber te he khawvel a vawikhat mah hmu leh tawh lo tur a vui liam nat zia chu kei hian atak ngei in ka tawng tawh a lawm...Nang chuan a hmel ila hmuthei tal dawn a lawm ti in min hnem ve mawlh mawlh a...!





Umaruati chu katan nurse nilo in, laizawn a ni ringawt tawh a! Ka chanchin pawh a pawilo chin chu ka hrilh ve vek a, ka ruhtliak pawh a dam chu a ni deuh thothang tawh a...Ka 'ni' fanu mary biak ka duh bawk nen josepha phone min rawn leisak turin ka thawn a, tlem tlem a kalchhuak mai thei tur a in buat saih ka duh deuh tawh a.





Chumi hma chuan ka rilru a thil awm reng! Umanghaki te chhungkua tlawh hmasak phawt ka duh a, uzothana pawh ka ral ve a ngai in ka hria a.




Kan accident atangin thla thum a vei tawh a, phone ka nei lo bawk nen umanghaki te nufa chanchin engmah ka hriat chhunzawm tawh lo a...hmuh leh ngei ka duh bawk si a.
Umaruati hnenah chuan ka thil ruahman na vel chu ka hrilh a, ani pawh chuan iral ve ngei a ngai dawn anih chu alo ti ve a...khawilai nge an in pawn ka hre chuang lo a zokhawthar lamah hmelhriat te inei mial lo maw? Ka tih chuan umaruati chuan kan pa Thian te an awm a lawm.




Accident ah khan a insawh na hle kha itia, damdawi inlam ah te pawh lola awm thei a nia, chinchan kan zawt hmasa phawt a nge a ti a.





Phone a hman chhung chuan ka lo va intifai a nge tiin ka kalsan a, keimah a ka awmfal hi chuan zonuna ka ngai ngawih ngawih zel...Tetei nen hlimtak a hun an hmangdun tur ka ngaih tuah phei chuan hreawm kati zual thin, a hmel tak ngul leh pa riau si te...A taksa nalh leh infit tih hriat ngawih ngawih te, amah a engkim mai kha chiang tak in ka la hre vek...!



Uzonun vawikhat tal hmuh leh che kavan chak em! Ka ngai lutuk che ka ti sep sep a...ka mittui ka dang zo lo.




Umaruatin min rawn koh tak ah chuan ka hmai chu ka phih sawk sawk a, ka room ah chuan rawn lutin ithian te chu nimin khan aizawl a tang in anlo haw ve chiah a nih chu...naktuk ah sepha nen in zukal dawn ania a rawn ti bawrh bawrh a.





Umanghaki hmuh chu ka chak rualin ka huphurh ani! Ka mitthla ah chuan khazan rapthlak tak kha arawn lang zut zut a, zonuna nen kan intawn dan thlengin.




Ngaihtuah loh ka tum pawh in ka hriat loh karah ka lo ngaihtuah leh veng veng zel.
Zingkar ah zokhawthar ah kal ka tum avang chuan hmatak ah ka mu a, damdawi nen in enkawl ka ni bawk a ka muhil hma khawp mai. Ka mumang ah chuan kan accident zan bawk chu ka hmu leh a, ka hlau lutuk chu ka khur zawih zawih thei..!





"Abisagi' iharh em? Abi harh teh ti a min ko vak vak tu an awm a vang chuan ka harh hlawl a, mangan hmel fe chuan umaruati chuan min lo en a, Abi mangchhia inei ami?




"I au nasa lutuk a misual inah anrawn lut emaw ka ti hman a lawm, a hmel ah pawh a hlau thawng tih hriat lutuk hian a ti a.




"Ih mangchhia in min tibuai thin a, hun enge maw chen chu a reh tawh a, umanghaki ral tur a ka kal tur vel ah hian, kan accident vel ka lo ngaih tuah nasa deuh a chuvang anih ka ring ka ti sep a...ka taksa chuan thlantui in a leih zawr hneh hle a, ka inbual mai angai ni in ka hria ka ban vek mai ka tih chuan...umaruati chuan inbual la, thingpui ka lo lum ang aw a ti a.





Ka muhil laklawh lutuk in mangchhia in min tiharh ta sia umaruati nen chuan mu tawh lo chuan ka in kawm tlaivar ta thak a.




Zepthen pawh neitawh lemlo chuan ka chan chin chu ka hrilh malh malh a, kan pahnih in kan tapdun bawk a.



Zokhawthar ah pawh sepha nen chauh kal loin ka kalpui ang che min ti nghe nghe a, chubak ah ka enkawl man che kha chu engmah a ngai lo iduh chen chen ka kiang ah hian i awm dawn ania, ilaizawn ah min ngai la Ka lakah engmah inthlahrung lo in imamawh a piang isawi dawn ania a ti a.




Ka pawisa hi hetia kawl reng chu a dik in ka hre lo a, bank account hawn a ka dah loh chuan hetia ah kual reng hi buaithlak ka ti deuh a ka tih chuan, kha lam chu keiman ka lo buaipui dawn ania a ti awlsam et a.!




Zing hmatak ah zokhawthar lam panin kan chhuak a, kawng pawh rin aiin a lo tha a, rei pawh tlan lo in kan thleng thla thuai a.







Zokhawthar ep lam ram chu burma ram ani vek tawh a, ka kal tumna tahan kawng pawh a lang chho ruih a, burma ram atang a motor rawn tlan thla chu ka thlir reng a, a rawn khu thla luih luih a...chu kawngah chuan keipawh hi ka kal ve chu angai dawn sia ka huphurh ru khawp mai.






Umaruati thian te inah zing chaw kan ei te te a, chaw eikham ah muangmar in umanghaki te inlam ah chuan umaruati thiannu chuan min kal pui a.





An in leh lo atang chuan chhungkaw harsa zawk zawk anilo tih a hriat theih mai a, kawngka chu ka han kik kauh kauh a...tleirawl te hian minlo chhawn a, umanghaki hi a awm em le ka tih chuan mak tih hmel fe chuan min en kal a.





"Anute inleng inei ania tiin umanghaki chu a au a...tute nge ni a? ka rawn chhuak dawn room a tang chuan a rawn ti a, bang ah chuan uzothana thlalak leh mithi pangpar tamtham zet chu an tar dul a, reilo te chhung inhria mah ni ila ka mangan berlai amin pui tute an nih avang khan ka ngaina hman em em a.




Ka mittui chu danrual loh in a rawn far ta zawih zawih a, room a tang chuan tiang hawl chung chuan umanghaki chu a rawn chhuak ve mek a.




Ka hmel a hmu chiah chu thlahrang hmu ang mai ani! Awi ka duhthei lo Abisagi nangmah maw...damtak a ka hmu leh che chu ka van lawm em, Abi uzothana chu a awm ve tawh lo..pa-a minlo hmu em Abisagi a lo kal hi ringzet chuan a tap ta rawih rawih a, keilah insum thei bik hek lo in kuah chung chuan rei tawk fang chu kan tap dun a.






Kan thawm hria chuan thenawm khawveng ho pawh anlo tlan lut deuh nak nak a...umanghaki chuan ka kut ah chelh reng chung chuan. Abi kan accident a tang khan ibo ta daih sia, ithi nge idam pawh ka hre zui ta lo a...Mi sawi thawm ah hliam natak tuar chungin midang pun turin kawngpui lamah i in hai chhuak ani tih ka lo hria a, ka hliam nasat avang in ka tha chhuak lawk thei lo a, kanpa ruang tak ngial pawh vui liam thei loin ka awm a, ka rilru hi adam thei lo ani a ti sep sep a.





Uzothana leh an driver mawitea thlan kan tlawh ve ve a, kan tap leh nasa khawp mai...umanghakin riak turin min chelh tlat a, an awmpui nu chiah inah kan hnutchhiah bawk sia umaruati leh josepha chu an haw a...Ilo haw dawn hunah sephtean a rawn hruai mai ang che ati a.





Umanghaki nen kan mu a, a fapa bena erawh api ten an mutpui bawk a, accident kan tawh atang a kan hun hman chhoh dan ve ve chu kan in hrilh tawn a, a chang leh kan tap dun thul...zankhua in kan titi tlaivar ta thak a.





Karkhat dawn lai zokhawthar ah ka cham tawh a.





Rihdil lamah inti thawveng turin kal an rawt a, ka lo phur ngang mai, rihdil chu a hming chu ka hre ngun a ka la kal miah lo a, he dil hian story a ngah bawk sia a tak ngei a hmuh chu ka chak viau mai.





Ramri kan thlen thlak chuan intur eng eng emaw an lei a, kan ding deuh reng a.



Mi chitin chitang an in pel nuk nuk reng a, hmuh nawm ti deuh chuan ka thlir dauh dauh a.




Kan motor dinna sir ah chuan bullet dum hi a rawn ding dat a...ka lungphu hi a rang nghal zawih zawih thei, ka hriat tham lek chuan uzonuna ti chuan ka phun sep a...bike atang chuan chhuk in police duty na lam pan chuan a pen phei thauh thauh a, mitkhap leklo chuan ka thlir reng a, ka hmangaih ka ta ni thei silo, ka theihnghilh theih bawk si loh ngei mai chu ka hma lawk ah a awm a...han be tur tak ngial pawhin huaisen na ka nei tawh silo a..cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 8th, 2019, 6:01 pm

Kawng lehlam a ka ngaihtuah chuan. Ahmel ka hmu leh thei ringawt pawh chu ka lawm tawk em em a, hmangaih chan theuh theuh, kei chuan ralkhat a tang talin a hmel ka la thlir thei a...umaruati sawi kha a dik ka ti hle, apasal kha chu he khawvel ah hian hmuh tur a awm ve tawh si lo a...kei chuan kala hmu thei tal alawm le tiin keimah leh keimah chu ka in hnem kual vel mai mai a.!




Beidawn hmel deuh chuan a bullet lamah chuan a rawn pen phei leh pawk pawk a...!



Engtak chu helai hmun ah chuan rawnti nimaw ka lo ti neuh neuh a.




"A hmel ka hmu chiang deuh chu ka chhuah san lai nen chuan dang tak ani, a hmai vel chu a cher a vang in a lang hriam hle a...Akhabe hmul a ziah buk hle bawk, mahse a khawbe hmul chuan a ti langpa hliah hliah, amah a palian bawk si a hnehsawh zet chuan a bullet lian zet chu a kuai her pawp a...chak zet chuan a tlan zui ta vang vang a, zonuna tlanliam ta chuan ka ngaihtuah na min ruksak nimai hian ka hria ka ruak nghal huai thei..!





Rihdil kal ka phur vei nen engmah tih chak na reng reng ka nei tawh lo, umanghakin 'Abi iva nguai leh si ve? min rawn tih chuan, ka nui sak a ka phur na zawng zawng tunmai a bullet a tlanliam ta khan a tlanliam pui vek a lawm ka tih chuan.



"Amah kha ani tiraw?



Tinge engmah isawi loh a? Keimah pawh hian a lak ah lawmthu sawi ka ba a sin! Tinge ilo biak miah loh a? I hmangaih viau ani lawm ni! Nupui neitawh pawn nise ihmangaih na a bo phah chuang lo a, ithlak hlelh na a kiam chuang bawk hek lo, huai tak a idin chhuah ve a ngai a sin! Ihuntha neih chhun ah pawh engmah tilo in ilo thu mai mai thei a Minti bawrh bawrh a.!!

A aw ah chuan mindem na a lang thei a. Ka dinhmun khirh zia hi a hre der silo a.!


Ngui fe chuan, keimah chauh in a lawm hmangaih. Chubak ah zonuna kha chuan an in ka chhuahsan hma daih atang tawh khan min be duh tawh hleinem, an chhungkaw tan kha chuan hnawk sak mai chauh ka lo ni reng bawk nen...mimawl ber tan pawh han biak ngam chi zia zang a ni lo a lawm ka ti hulhak a.!




Rihdil kan thlen chhoh chuan dar sawm pakhat a pel tawh a, rinai daih in tlawhtu an lo tam a, a awm na hmun a thengthaw nuam bawk si nen, engmah engto neimiah lo a han kal nan ka awt kher mai...dil mawi leh nuam tak pawh chuan darkar reilo te kal ta a ka mipa hmuh ka ngaih tuah na chu min lak kian sak thei lo...!



Dil kam leh a chheh vel ah chuan nula leh tlangval an in tawllen hut hut ti ila ka sawi sual awm lo e.



A then in thla anla mawlh mawlh a, a then in tui an Cheng a, zu lo in karh karh tawk an awm bawk a...chu bak a foreign lam hmuh tur antam viau bawk...yma section ni awm tak hi bus khat in an rawn thleng ve leh bawk a, sap ho lo awm ve te chuan thla anlak pui sap sap a...!




An zing a pakhat chu sap pa ngo vuah mai bulah chuan a va ding ve a, kuah chung a lakpui a duh ve bawk si a, an mahni anlo insan hleih bawk si nen a awm ah chuan a kut chu a va dah a, chu sap pawh chu a rak tuar a...mipa emaw kan lo tih kha hmeichhia lek a lo ni a, a hnute ah kher kher a lo va tham sak bawk nen ka rilru hreawm na zawng zawng theih nghilh thak in ka nui ta chiam a, chu sap nu pawh chu a tlan sawn nghal daih bawk a.



Mittui tla phung in ka nuih phah a, a tih chi viau mai.
Dar nga rik hma deuh in zokhawthar ah kan haw thla a, umanghaki nu leh pa te leh uzothana chhungte ho nen chaw kan eikhawm a, zotlang lamah phei ka tum tawh vangin inthlah na ang reng deuh in chawhlui min buatsaih sak a, kei te lul minlo ngaipawi mawh a minlo ngai der ve chu ka thinlung takin ka lawm hle a.



"Umanghaki nauten min thlah tum viau mah se umaruatin ln josepha a rawn tir lui tlat a, kan kal dawn chuan umanghaki chuan a mittui a hru fap fap a...Burma ka chhoh dawn hunah ka rawn riak leh ang tiin kan in mangtha thei ta tawk a.




Ka buai na ber ka malruh tliak a dam fel thawkhat tawh a, umaruati nen bank account kan hawng a, ka sum neih ang ang chu ka hman chawp tur tih loh chu ka dah tha vek a...engtin emaw ka lo mamawh ta thut anih leh umaruatin pawisa chu la chhuak in min rawn thawn thei mai dawn a, burma lam a chho tur chuan ka in peih ta viau mai.





Ka kal dawn zan chuan, khawthim fel hnuah josepha bike in champhai ah kan tlan chho a, hmun biru deuh lai atang chuan zonuna te in chu ka thlir a...!



Ahma ang tho khan a la mawi reng a, ka lung chu a leng vawng vawng kanu emaw zonuna emaw an chhungkua a mi atu apawh chu nise pwnah chuan rawn chhuak se an hmel hmuh ka chak zek zek...darkar khat dawn kan ding tawh a, chu in lianpui chu a reh ruih a, beidawng tak chuan zotlang lam ah kan haw ta leh ringawt a.





Zing sumo ah zokhawthar chu ka pan mai ang katih pawh in umaruati leh josephan zokhawthar thleng min thlah lui tlat a..inthlahrun ana duh ngei mai.




Kalo intiam tawh angin zankhat umanghaki te bulah ka riak a, atukzing ah tahan lam pan chuan kan kal ta vang vang a.!!




Tumah hmelhriat ka nei bawk silo a, burma sipai kan hmuh phei chuan ka hlau thin khawp mai. Burma atang a Singapore kaltur ho nen kan chuang ho hlauh a, a then te phei chu burma lo zin fotawh anni nghe nghe a, eng eng emaw sawi in an ri nak nak a, a then te phei chu an an bialpa te chan chin an sawi tui khawp mai.!




Ka rilru luah tlat tu a awm miau avang chuan ka tawng ve peih thlawt lo..kawngtluang chuan ka rilru ka kawm a, ka taksa chu motor chhungah awm mahse, ka rilru erawh zonuna bulah chiah a awm!




Tahan kan thlen chuan ka ni in minlo hmuak a, amah phei chuan minlo hretawh lo leh nghal a..Abi ilo va lian tawh em em ve, inu kha i chhun hle mai a ti chul a.




An inlam pan chuan kan kal ta nghal a .kani chuan engvang a ipa chu chhuahsan reng reng nge inih a? Ipa iti mang ang viau a nia, i u merin i chanchin sawi lo phei se chuan ka mangang viau ang ati hlak hlak a.




Kani hnen ah chuan ka dinhmun tlangpui chu ka hrilh malh malh a, kani pawh chuan min hrethiam in ka pa chu dem takte in a dem a..!




Abi ipa chuan remsangi a neih chhung chu ihaw tawh lo ang...mahni fate aia fahrawn te thawsawi a ring zawk hrim hrim pawh chu ka hua a ti hlak hlak a...Hmeichhia hi chuan kan dinhmun kan lo in hriat thiam pui a, kan lo intan deuh tham zel chu anih hi!




Tahan ah karkhat ka awm na chiah ah merry China a tang in a rawn haw a...min rawn hruai tur a ni mah zawk a, tih fel ngai tur ang ang te min buaipui vek a.



An thawh na company ah an thawmhnaw siam chhuah ho pack chu kan hna tur ani a, merry sawidan hmang in hlawh a that hmel a, rimtak a hna thawk tur chuan kain fuih ve sauh sauh a.





Thlakhat tha zen zawn tahan ah kan awm hnuah. Merry nen chuan China pan in kan kal leh a, kum enge maw zat lo awm tawh a ni a, eng mah buaina em em tawk lo in kan hnathawh na hmun tur kan thleng a...!



Atir ah kha chuan kan hna thawh chu ka thiam mai lo a, inhlawhfa ang phei chuan hna thawk ngai miah lo ka ni bawk nen hre awm kati viau mai...mahse hun a kal a hnathawh chu ngai ah ka nei chho ve tawh a.





Kumkhat leh tlem China ah ka awm ve ta reng a, kani in ipa a damlo a, rin aiin a tha lo khawp mai. Mertei nen khan rawn haw mai ula a tha lo maw a rawn tih chuan, ka riltu a buai khawp mai. Ka chung a thil thleng kha ka ngaih tuah chuan ka thinrim a, leh lamah chuan kapa ani bawk si..thuthluk na pawh ka siam mai thei lo a, kani lahin min rawn phone tlut tlut reng bawk si!




Kumkhat chuang kapa chanchin ka hre tawh lo a, a chanchin ka hriat leh meuh chuan thi leh damkar ah alo awm tawh reng si a.




Engpawh nise ka damchhung a ka inchhir leh dawn ai chuan kapa ka huat na te paih bo a Mizoram lam a haw tur chuan rilru ka siam a, ka sawi hmaih miah loh tur chu, ka nu hrawn khan ka pa a chhuah san a. Chubak ah zosanga kha a mah a in awk hlum bawk a, thil ti sual tute hi an che fuh reng thei bik lo tih ka hriat chian phah hle.




Ukhawla kani fapa in 'muse' ah minlo hmuak a, tahan ah pawh chawl khaw muang tawh loin Mizoram lam kan pan ta vang vang a, a chauh thlak duh khawp mai.




Kapa natna chiah hi doctor ten an hmu chhuak mai thei lo a, kani sawidan hmang in a mah a chau viau ani awm e...umanghaki te inah thingpui kan inkawi zawk a, min ngaihtuah ve ngang mai...!




"Abi chanchin minlo hrilh hre zel rawh aw min ti mawlh mawlh a, zotlangah zan kan riak a...umaruatin ka zui thla ve mai dawn che ami a tih chuan, ka hnial a kan tibuai lutuk ang che chanchin ka rawn hrilh zel ang che ka tih tlat a vang in min zui ta lo a.




Kumkhat hnuah champhai ah ka awm ve leh vang tawh a...Zonuna ka rilru ah a awm reng a, sipai ani a champhai ah chuan a awm ka ring chiah bik lo a..Tetei nen fa te pawh an neih ve tawh ngei ka ring, a nu leh pa zualtei te ho pawh hmuh ka chak em em rual in, keimah ah an hmel hmutur in huaisen na ka nei tawh lo, minlo buai pui tawh na zawng zawng kha chu pathian in a let tamtak in a rulh let ngei ka ring tlat ani.



Aizawl kan thlen thlak chuan khua a thim thawthang tawh a, kawnglak ah accident an lo awm vangin mizo kan nihna ah han tlantlang bik nih chu a mawi chiah si lo a kan tlai phah vek a.




Inah pawh pengkawi loin damdawi inah kan tlang nghal a, kani te nupa in ka pa chu an lo awmpui a, an sawi aiin a lo tha lo viau mai a..ICU ah an lo dah a, nikhaw hrelo a awm a vang in han tih theih em em kan nei lo a, a lo harh chhuah hun nghah ngawt ngawt mai chu ani ringawt a.





In ka chhuah san a tang in kan company pawh ka nu hrawn te nufa in an lo eichhe thawthang a, kapa in hnalam a buaipui theih tak siloh ah chuan kumkhat chhung lekin an tla chhe hman der a, pawisa duhthal a chentur a awm tak siloh ah chuan ka nuhrawn chuan kapa chu pasal dang a lo um san zui daih a...!




Ka thinlung chhung hi a na hluah hluah, keimah vang vek ani. Kapa kha lo chhuahsan lo ila chuan hetiang dinhmun ah hian a ding lek lotur hi ania.




Kan dinhmun a that theih tak siloh ah chuan, sumpai a ral duak duak a kapa enkawl nan, umaruati chu bia in ka pawisa lo khawl ve te chu minlo thawn mai turin ka hrilh a, amah ngei rawn chhuk ve a tum tak burah chuan ka hnial buai thei ta lo a.




Kani pasal leh an fapa erawh chuan min haw san a, engmah tih theih kan nei chuang lo a, tahan bazar bul mai ah workshop lian zet an nei a, an lun in hna khawihtur a tam avangin han zinbo reng thei an nilo hrim hrim bawk a.




Ka haw atangin karthum aral der tawh a, damdawi in ka chhuah san meuh lo a, ka kalsawn hlan in ka pa chungah thil tha lo a lo thlen palh ka hlau em em a, kanu ka chan tawh avang in ka pa leh zel hi chu min laksak lo turin pathian hnen ah ka dil reng thin.!




"Umaruati a rawn thleng thla tawh bawk a ka thawveng huai thei, doctor ang chiah in thiam na a nei a...kapa dinhmun vel chu doctor te be rawn in buaipui zung zung a, thil chinchang a hria in a lo awm ve chu ka hahdam phah hle.




Kapa ka ngaihtuah vangin mut ka hmu tam lo a, ka pawr takzet tawh a...kani ten inlam ah chawl hahdam turin min nawr luih tlat a vang chuan...inlam panin taxi lain ka haw a.




Traffic a zam nasat avang chuan zarkawt phei ah chuan muang chang in kan tawlh phei hret hret a...in thlen vat a muthilh vang vang chu ka chak tawh zek zek a. Kan la kal sawt lo viau zui leh nghal...ka rilru chuan kapa hi han thachhuak leh phawt se, kan sumdawn na tluchhe tawh hi dinthar leh ka chak et et a, kapa ithi theilo a nia...keimah chauh chuan min kalsan miah suh ang che ka ti mawlh mawlh a.




Zonuntluanga..POV



"Abisagi zawng tur chuan China ah patluanga nen kan liam ta nge nge a, ka u in a hmuh na dawr ah chuan kan han zawt kual a, mahse tuman an lo hre tlat lo.
Kan kaltawh ta sa sa tiin mizo hna thawk a kal ho kan biak theih ang ang chu kan be kual a...tumah in an lo hre bawk silo, patluanga phei chuan mazuali khan a hmusual a ni ngei ang tiin a beidawng tawh a...!



China khawpui hrang hrang ah kalkual in kan zawng a kan mi zawn lah chuan a vang viau mai bawk si a. Abisagi khawnge maw i awm le? Nangmah ngaihtuah vang hian ka a thei tak ngial dawn! Lalpa ka hmangaih Abisagi kha khawngaih in min hmuh tir leh rawh' tiin ka tawngtai reng thin.




Thlakhat chhung bak kan cham thei silo a, beidawng tak chuan lunghnur fein kan haw leh a..patluanga phei chuan mama Abisagi chu theihnghilh tawh la nunbul tan tha tawh rawh, kum sawmhnih pariat ini tawh a, nupui ineih angai tawh ania..beisei tur awmlo ibeisei reng chuan inat phah tam mai mai min ti nghe nghe a.




Patluanga thlir dan pawh hi a dik ve tho mai, mahse Abisagi lakah hian beidawn ka tum reng reng lo, pasal te neiin mipa dang kut a lo vuan tawh anih chuan nunbul chu ka la tan pauh ang chu...Engmah thu chiang ka hriat hma chuan Abisagi zawn hna hi tawp san ka tum reng reng lo.!





Ka chhungten min hmu chiah chu lainat nakhat mitmeng in min en ngawih ngawih a, umazuali phei chu a inthiam lo nasa mai!




"Beisei na lo siamsak miah lo tur che ka nia mama Abisagi kha ani ngei khan ka hre tlat bawk sia a ti nawi niah niah a...A mah a inthlahrung lutuk chu ka khawngaih letling a! I hmusual lo maithei a sin, kan hmufuh lo palh te pawh ani thei a..khitiang mihring tam lutuk na hmun a hmeichhe pakhat zawn hmuh chu a harsa em ani ka tih chuan thaw huai hmel hi a pu a.




Abisagin min chhuahsan a tang in kum khat a liam tawh a, khawilai ah emaw chuan a awm ngei dawn sia, khawlai a ka lengchhuak te hi Abisagi hmu tur ang mai hian ka in ngai a Ka hawi vak vak thin.




Kan dawr bungrua rawn thleng ah thil fel tawk lo a awm avangin aizawl ah ka chhuk a...Ka tih tur ang ang te chu muang chang loin ka buaipui nghal char char a, sawmtea hmuh phah in Abisagi te in ah pawh len ngei ka tum ruh hle a, sawmtea ka atangin Abisagi pa sumdawn na tlakchhiat dan te ka lo hre ve nelnual bawk a.




Pa hausa lutuk kumkhat chhung lek a a tla chhe ringawt chu sawmtea pawhin mak a tih zia te min hrilh a, chu mai bakah a nupui in a la uire san zui bawk a...!



Ka rilru chuan Abisagi natna leh hre awmna a pek lakah chuan a tawrh ve te chu a la nep khawp a lawm ka ti mai a.Chawhnu herah, thuampui ah kan bungraw phur truck zan chho tur a awm avang in bungraw tlem loads belh tur a awm avang in thuampui panin ka bike chuan khatla a tang in ka tlan phei a.




Zarkawt ka thlen phei chuan traffic a lo zam nasa ngang mai...ka rilru hmanhmawh viau mah se ka tlan sawt thei der lo a, din leh kal kan fawm ani ringawt.!




Tlem a ka tawlh hma leh deuh chu ka sirah chuan taxi hi a rawn ding ve dat a, kan aizawl khawpui lirthei tam leh kawngpui chep lutuk hi chu a buaithlak anih hi ti chuan ka phun sap a...ka sir a taxi ding lam chu ka melh zawk a, taxi chhung a hmeichhe thu chu a hmel hmulo mah ila a kut zungchal a sernung langsar zet awm ka zu hmu chu ka lungphu hi a tlawk chhuak lo chauh.



" Abisagi ! Amah ngei ani.




Ahmel hmulo mah ila a kut ser a tang khan ka Chiang lutuk tlat...phurna leh hlauh thawn na chu keimah ah a in chawhpawlh nuk mai, motor horn ri tuar tuar ah chuan ka harh chhuah zawk a, taxi ka bul mai a ding kha ka hmutawh hauh lo...!



ka hma lamah chuan taxi an tlan zut zut a, Abisagi chuan na ber kha ka hre thei ta hauh lo.




Ka hlauh thei tawh lo hrim hrim, ka hlauh leh anih chuan ka chan hlen tawh tak tak mai ang, ka tha te chu a khur ti tih a...motor tawt nen Abisagi hmuh tum chuan ka hawi kual ruai a, ka accident phah thelh a...minla hrawk hrep zui, thildang ngaihtuah hman Ka nilo mangang lutuk chuan ka tlan zel a.



Bawngkawn ka thlen phei chuan ka mi zawn chu ka hlauh chiang khawp mai.!




Ka phur lutuk luat a, ka bul mai a ka hmangaih hun reitak ka lo zawn tawh awm chu ka hlauh leh thei ania...Aizawl khawpui chhungah a awm ngei tih ka hriat na ringawt pawh chuan min ti lawn tawk tho mai.



Kan driver chu bia in bungrua vel chu amahin lo buaipui pui mai turin a kut ah ka dah a.





Bawngkawn ah sawmtea te inlam chu ka pan a, amah a awm dawn lo tih hre tho mahse ila tun dinhmun ah chuan sawmtea puihna ka mamawh dawn tlat a.!



Anu leh an nula chiah an lo awm a, chutia engmah sawilawk lemlo a ka va lang nawlh chu mak a lo ti hle a...sawmtea pawh ka rawn kal thu kala hrilh lo ka tih chuan phone rawh mama rawn haw hma rawh se, in in hmu khat bawk si a ti seuh seuh a.




Phone buai duhlo ang, a rilru ka ti chiai mai mai ka tih chuan, sawmtea nu chuan I inthlahrung a nih kha. Keiman kan bia ange a ti a, a phone lui ta tho a.



Rei rial loin a rawn haw nghal thuai reng a. Titau aw deuh chuan, ilo chhuk tur te chu mite pawh minrawn hrilh ve tur ania a ti nui nui a.



Nui hawk hawk chung chuan, hrilh ngai loin ka rawn pan chat che hi ka lo ti thuai a, lo kal rawh ka room lamah chho ang a tih chuan. A room lam ah chuan kan in zui chho a!



Tikhan lo muzal rawh, kan in tleuh zuai ange tih leh bathroom aluh a rual a, mu chung chuan darkar reilo te kal ta a Abisagi ka hmuh teuh zia chu ka ngaih tuah nauh nauh a, ka thin te chu a rim lek lek a.



Sawmtea a rawn chhuah chuan ka bulah chuan a rawn bawk ve nghal zat a...!



" Abisagi chanchin thuthar hriat inei em? a ti tawl a!


Chunglam melh vung vung chung chuan, sawmte Abi chu aizawl ah hian a awm ka ti sup a!



Ka thil tawn vel chu ka hrilh nghal mawlh mawlh a, sawmtea hmelah chuan phurna ka hmu thei.


Athu chhuak hluai a, thianpa tho vat teh Abisagi chu atawp atawp ah chuan izawng hmu ta e a ti chiam a!




Mak ti fe chuan sawmtea chu ka melh run a, engtin nge kha thu kha isawi theih. Abisagi chu kala hmu reng reng lo ka ti hmuk a!




" Engmah hrilh nachang che ka lo hrelo a. Abisagi pa chu tunah hian a damlo a. ICU ah a awm mek a, engtin nge ngaihtuah na chang ka lo hriat miah loh theih zawk, apa thihngam in ana a. Tu mahin mahni pate damlo thi lek lek chu an thlah thlam theilo tawp ang...tho vat teh Abisagi hmu tur in kal nghal ang tih pah chuan min pawt tho lawp a.





Naupang thilthar leitur hlim deuh hi a ang ka ti ber...Ka rilru ah chuan hlauh thawn na ka la nei tho mai, beiseina sangtak ka nei anga ka beisei angin Abisagi hmu leh silo ila keimah ka nat phah leh hrep awm si a.



Motor pawh kenglo chuan sawmtea min hruai nalam ah chuan ka kal mawl ve tawp a, in lian zet mai lo ding lurh lam chu min panpui a, ka lungphu chu rang tak ani ringawt.



In lianpui chu a reh ruih a, doorbell chu sawmtea chuan a hmet a...Tumah chuan min rawn chhawn lo a, ka zam luatah ka kut te chu a thlan huh dup tawh a.



Doorbell chu a hmet nawn leh a, inchhung lam atang chuan minlo nghak lawk ru a rawn ti lang lang a.!



Chu aw tham mawizet chu keimah ah hian a mikhual mawlh lo...ka hmangaih ka Abisagi aw ngei ani, rei lote ah kawngka chu a rawn in hawng a.



Hun reitak chhung ka lo zawntawh ka hmangaih Abisagi nen chuan kan in hmachhawn ta ran mai.!



A beisei loh lutuk min hmu tih hriat lutuk chuan a meng zau kawk a...! Cont




Note__kala edit hman lo zui a...click leh min tiphur tur a comment na kha inlak ah ka phut tlat ania aw😁

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)