PASTOR FANU BY Ramdinsangi_Ralte (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: PASTOR FANU BY Ramdinsangi_Ralte (Completed)

Unread post by Ngaia » October 24th, 2021, 4:04 pm

Min rawn ben leh tum a akut a rawn lek kang leh chiah chu, a banrek ah chuan kalo man chat a. A duh hun hun a kutthak hiah natur ka nibik hauh lo, pumrua ah kei aiin a lian zawk chuang lo a, insual ngai pawh nise a duh thal chuan min sawisa thei bik hauh lo ang.







"Engthil nge itih hi? nang hian iduh hun hun ah anchhe tinreng a mintawng khum in, kut minthlak tur hian eng fakau nge ilakah tih sual ka neih?" Thinrim lutuk chuan ka ti khur dar dar a.








Kan bul maiah Rinhlua damlo a muhil mek a, tihharh ka duh loh vangin ka aw pawh a zawi viau bawk. "Tihsual a? Nang mihurnu hian ka pasal tur min tawmpui mek anih hi, chu chu tihsual anilo iti dawn ami? Vawiin te kha chuan biakin chhungah mihlim thlarau mi te ang mai in ka hlimrui e bale e iti a, tunah ka pasal ni mai tawh tur ilo mutpui leh a, tenawmnu kei hian ka enliam mai mai tawh dawn lo che tih ka hrilh lawk chian viau che kha" a rawn ti tuar a.







A au ring ta lutuk chu khum lam chu ka va melh zawk a, che sawn lo a Rinhlua ala mut reng vang chuan ka hahdam deuh huai thei. A taksa sahal nasa lutuk ka hruksakna lamah Khan a kamis pawh ka phelh sak daih a, a tal velna ah a puan sin chu a lai thleng velah a lo in hlim thla vek a, chuthil Rinzual-in a va hmuh ngat phei chuan a mitmeng chu ramhuai mitmeng ansawi ang hi nimai hian ka hria, thinrim luat vang chuan a meng pawng zawr zawr thei.







"Zorinsang mihurnu, ka pasal tur ilo mutpui vang hian ka tichhe vek dawn che, nang hi dam thlak hlelhna pawh neilo rak khawp in ka siam ang che, ipa pastor pawh kha ka ti mualpho telbawk ang, in chhungkua hian khawvel a inlo piang chhuak ve hi inchhir ngawih ngawih tur in ka siam dawn cheu" thawchham lo chauh chuan a rawn ti chhuak bawrh bawrh a.








"Khatia thinrim a in hrosa chiam chiam lo khan, Rinhlua hi ipasal tur anih chuan a thlakhlelh theih nan che tanla tur zawk ini in ihreve lo maw?. Ipasal tur hian a damlo buaipui tur hian a bialnu nilo in kei mihur ti a i hmusit em em hi min thlang zawk miau bawk sia" nui hak chung chuan ka lo ti ve salh a.







"Zaktheilonu Rinhlua nen hian kan innei vat dawn, kan inneih natur pawh tihfel vek ani tawh, chuti chung chuan nang hian ani hi ilola hnaih ngam cheu amaw? Rinhlua hian min duhlo ah ilo ngai deuh emni? Min duh lo nise nupui a minneih hi a remti hauh lo ang" a rawn tih chuan Rinzuali thu rawn sawi vang chuan kalo na zawk thei.







Rinhlua hian nupui anei tawh dawn maw? Chupawh ka hma a dingmek hmeichhe nasa lutuk leh nghal hi, nupui nei mai tawhtur si chuan tinge kei hi minla umzui reng si?. Thil thlendan teh nuaih hi ka hrethiam lo hulhual.








Rinzuali nen an inneih tur thu hi ka benghriat ah Rinzam-in kamkhat mah a sawi kala hrelo a, a unaupa nupui neihna tur chu a hriatpui ve awm tho si a, nge ka hriat ve tul a tilo a min hrilh ve duh lo zawk?. Rinhlu-an nupui a nei dawn tih ka hriatna chuan ka thinlung chhung hi a ti kehchhe zo vek tawh.








"Midang pasal tur ilo mutpui vang chuan i inthiam lo ve ta deuh emni? Nilo nang te chuan mi pasal kawplai nei ngat kha ikawp duh zawk leh tak si" min hmusit tih hriat lutuk a arawn tih vang chuan ka kut chu kalo hum ruh ngawt ngawt a.








Keihian tu pasal mah ka kawp lo a ka mutpui bawk heklo, kawngdik anzawh theih nan ka tanpui mai zawk ani, ti a aukhum chiam chiam mai hi ka nap a. Engtik niah emaw chuan thudik hi alola langchhuak anga, mawilo tak a min tawngkhum tu te hi zakin anla kimki ve chiang khawp ang.







"In inneihna tur ah chuan ka lawmpui lutuk cheu, ipasal tur hian nang nilo in keihi minla rawn pan fo lo ang tih ka sawi theilo, ilo fimkhur hle chu angai ang" ka tih chuan "Nangnu hi zahna chang pawh hrelo" ti chung chuan ka sam chu a rawn kek nawk a, ka sam lem a kut a aken chu mak tih hmel lutuk chuan a en reng a.







A awmdan chu insiam rem vat in ka samlem a kut a aken mek chu nui awr awr chung chuan a thlek kual a. "Samlem maw? I lu iziat kawlh tih kalo hre hauh lo a, nge iphal lo chung an mehkawlh sak zawk che, ilukawlh chhan kha chu rindan ka nei thiam Mai, nangni ang ho hi chu MHIP ten ansam an mehkawlh sak ve chawk thin tak kha" min hmusit lutuk a a rawn tih leh chuan ka samlem chu a kut atang chuan ka phih thla lawp a.
Hman hmawh tak chuan kalu ah chuan ka vuah tha leh mawlh mawlh a.







"Isamlem tello khan imawi zawk anih kha, khatiang hmel pu chung Khan ka pasal tur hian hmuve che sela engtin tak ngai ang maw? Mipa ang mai a ilukawlh lai a hmuh che chuan keimah ang tho hian anuihzat ve ngawt ang che" nui hawr hawr chung chuan a rawn ti zui leh zat a.







"Ilo ring sual let der anih chu, ipasal nimai tur hian ka lukawlh chung pawh hian nang ai chuan minla thlahlel fe zawk chu anih hi, ka thusawi dik zia chu tun a thil thleng mek hian a ti chiang thawkhat viau chuan ka hria" ka tih chuan a hmai ngo zet chu hmarcha tai ah a chang zo vek tawh.






"Mihurnu lo ngawi tak rawh, Rinhlua hian nang nge kei hi a thlan zawk tih chu ka entir dawn khawp che alawm, zorin khawngaih takin min tibuai tawh suh! Rinhlua ka hmangaih zia chu ihriat ve vek kha, tinge nang hian he tia min tih reng a, ipawi ka sawi anih chuan min ngaidam rawh tih ka sawi tawh kha, zanin ah pawh helai hmun ah hian ka pasal nen inlo mudun lai hmutur in minrawn ko a, engang pawh in Rinhlua hian min phatsan mahse ka hmangaihna hi a ti dang chuang lo, zanin a thil thleng min hmuhtir hi chu thleng lo ang ah ka ngai ang, chuvang chuan kan nun atang hian kalbo tawh mai rawh. Rinhlua nen in mutdun thu isawi kha chu ka theihnghilh vek ang, ikhawngaihna ka dil tak meuh meuh che" tap hlap hlap chung a Rinzual-in a rawn tih vang chuan mak ka ti lutuk chu kalo ang phuau thei.








"Zorinsang nang hian engthil nge itih hi?, ka nupui nimai tur bulah hian kan mudun tih thu ilo sawi vel amaw? vin lutuk a Rinhlu-an min rawn tih chuan Rinzual-in a awmdan a thlak thut chhan chu ka hre fiah nghal kuar thei.







Engtin nge chawp leh chilh khan a awmdan a tih danglam nghal hmak theih zawk? Rinzual-in tap tiau chung a Rinhlua a kuah lai chu mi â ang mai chuan kalo enmawl tawp. Lemchang thiam lutuk, engtin nge khatiang Khan chawp leh chilh a a mittui a tih tlak theih bik zawk le?, lemchan lamah kalse chuan a larpui ve ngawt in ka ring, ka ngaihtuahna vang chuan ka nui chhuak hak a.







Rapthlak tih hmel lutuk a Rinhlua minlo melh ngawt ngawt lai ka va hmuh chuan, ka nuilai chu chawp leh chilh in a reh riai riai a.







"Engmah kei hian ka tilo" Rinhlua melh kal chung chuan ka ti bah nak ringawt a.
"Dawt sawi kha bansan rawh, engtin nge chawp leh chilh in dawt min hrilhngam a?, kei hian ithusawi zawng zawng ka hriat hnuah idawt phuah chawp kha ringse min tia mi? engang a mawl ah nge nang hian minlo ngaih a? kei hian nang hi lo ring miah lo tur che kania sin, i nungchang leh khawsak dan tenawm lutuk ka hrevek chung che pawh hian rin che kala duh fan a. Tunah chuan engkim a tawp tak tak tawh, zorinsang helai hmun atang hian chhuak rawh" Rinhlu-an vin lutuk a min rawn tih chuan kalo phu zawk thei.







Thudik hriat hmasak tum miah lo a in umchhuah tir mai mai chu ka tum bik baulo, enge kei hian ka hlauh chuan ang?, helai hmun ah hian ka duhlo chung min hnuk thleng tu chu ka hma a thinrim lutuk a ding luah Lalrinhlua ngei saw anilo emni?







Ka tihsual nilo ah pawh ka tuar zel a ka thiamthu ka sawi ve zut zut ngailo... An duh duh in min tawngkhum reng a, chupawh ka tuar zel a Engkim hian chintawk anei tih ka hmuhtir hma chu kei hian he in hi ka chhuahsan bik hauh lo ang.






"Rinhlu thil ihresual anih kha, Rinzuali kha kei hian ka ko reng reng lo, chubak ah nang nen hian kan mudun lo a, kan mudun tih thu ka hrilh bawk hek lo" ka ti hman dek dek a.






" I dawt phuah chawp kha ka ngaithla peih lo zorinsang, he in atang a ka theh chhuah kher che hi inghak ami? Ka mit hmuh phak ah hian rawn inlan tawh suh" Rinhlu-an a rawn tih leh chuan, ka rilru na lutuk chu tap chung a aukhum vak vak mai hi ka duh a. Mahse min hmusit em em tu te hma ah hian ka mittui farkhat pawh hi a tlak ka remti lo.







"Helai hmun atang a min thehchhuah kher chu angai lo ang, ka duh lo chung nang hian min hruai lui ani lawmni? Engvang teh lulin nge min thehchhuah ngawt anga? In duh dan dan a min ankhum a min diriam tur hian naute lem pawh ka nilo, mihring vetho ka nih hi, in tawngkam chhe tak tak vang khan ka na ve theilo ah inlo ngai anih chuan inngai sual ve ngawt ang, thudik tak chu kei hian inupui hual kha ka ko lo a engthil mah a bulah ka sawi bawk heklo, helai hmun a rawn Kal a minrawn tibuai a kut hial minrawn thlak tu chu amah vek kha ania sin, helai hmun atang a chhuak tur an awm anih chuan, kei nilo in khanu kha ani" ka zung chal a Rinzuali kawk vah chung chuan ka ti a.







"Khawngaih takin duhtawk tawh rawh! Mintih dan zawng zawng pawh kha Rinhlua bulah hian engmah ka hrilhngailo, tinge keihi min huat em em a? Ipawi kalo sawi palh anih chuan min ngaidam tur in ka ngen ziah thin che ani lawmni" tap hlap hlap chung a Rinzual-in a rawn tih chuan, ka nuih za lutuk leh thinrim bawk si chuan ngaihtuahna fimpawh pu thei lo chuan ka nui nghek a.






Rinhlu-an ka banah na lutuk a minrawn phih rual rual chuan ka nui tawp chiang khawp mai.






"Hetiang em em hian ilo rapthlak animaw? Helai hmun a tang hian ka nupui nimai tur Rinzuali nilo in, nang hmeichhe bawlhhlawh hi chhuak tur chu ini" ti chung chuan kawngka lam ah chuan min phih kal dawt dawt a, kawngka chu chhuih hawng in pawnah chuan min nam chhuak lawp a.







"Zorinsang tikhan ka thiltih awmzia chu ihre Chiang tawh em? Ka nun a tang hian kalbo rawh" atih rual chuan kawngka chu a pawt khar thuai a.







A vawihnihna chiah ani, a a hma lawk Khan Rinhlua hian a hotel a tang Khan tun ang chiah hian min thehchhuak tawh. "A tha e ka Kal ang Lalrinhlu ka kal khawp ang, tun hi nang leh kei kan tawpna tak tak chu ani tawh e, itel lo pawh in khang kum chhung zawng zawng kha hlimtak in kalo hmang ral tawh a lawm. I tello vek in ka damchhung hun hi hlimtak in ka hmang ve tawh ang" in hum ruh ngar ngar chung chuan ka ti sap a.






Ka phone leh ka bag ka keng chhuak lo tih ka hriat rual chuan thinrim lutuk a ka kal lai chu ka ding chawt a, ka let leh ang nge heti hian ka kalzel zawk dawn ti ah chuan ka rilru a insual bap bap a.








Ka thinlung chuan kha inchhung a va kir leh chu a duh lo hulhual, mahse ka bag leh ka phone tello chuan engmah ka ti theilo, ka huaisenna zawng zawng sawmkhawm in Rinhlua min namchhuah na inlam ah bawk chuan ka kir leh ta nge nge a.








Kawngka kik tum chuan ka ban ka lekkang hman zuau tawh tih ah, chhunglam atang chuan kawngka chu a rawn inhawng thut a, ka phu nasa lutuk chu ka thlawk lo choh, ka bag leh phone lek va va chung a, nuisawng a Rinzuali ka hma tak a rawn ding nen chuan kan in hma chhawn leh ran a, ka tawng ve hma hauh chuan.








"Ka tih reng Khan, nang ai chuan Rinhlua hian min thlang zawk chu ani tih hi, thil thlen dan kha ilo beisei dan ani chiah lo anih pawh in ilo pawm hram mai aniang chu, ibag hi la la kalbo nghal
vang vang rawh, mahni tumtawk hrelo hmeichhe mawl lutuk chu pawn a thehchhuah chiah inchan ani" ti chung chuan ka bag leh phone chu leiah chuan a rawn paih pawp a, kawngka chu a khar zui nghal hmak a.







Ka phone ka en rual chuan missed call alo tam ngang mai, Rinzami leh Awmpuia ka chhungten minlo biak antum a, keilah chuan Rinhlua damlo ka buaipui vangin tumah ngaihtuah lo in a mah ka enkawl a, ka lak a lawmthu a sawi ve dan chu pawn a min namchhuah chiah ala nizui.







"Zorinsang mimawlnu Lalrinhlua lak atang hian enge ila beisei cheu a?, khang thil zawng zawng ichung a atih hnuah pawh ila ngaihtuah em em a, ani chuan nanghi rinna che pakhat mah neilo in kha hmeichhe thusawi chiah kha angaithla duh anih kha, tun a tang chuan hepa vang hian tihnat in iawm tawh tur anilo, ihnathawh mek ah hian in sawrbing la, irawngbawlna hi mipa pakhat vang mai mai chuan ti thuanawp tawh miah suh ang che" ka inti mawlh mawlh a.






Khami zan thil thlen hnu atang kha chuan Rinhlua ka hmu ngai tawh lo a, Rinhlua ka pehhel na lamah Rinzami pawh ka hmuh khat phah ta viau bawk a, min mamawhna a neih chuan min hmutur in a rawn Kal mai thin.







Home pawh peihfel ani thawthang tawh a, rawng an kah zawh chuan kan mamawh tur ang bungrua lamkhawm a luah luh maitawh tur ani a. Rinzami nen home hrang hrang kalphung zirchiang turin kan lengkual reng a, engmah inbuatsaih lawkna awm lo a home din a arkhawthim dai ve ngawt chu thil thaber ani dawn lo a, sul lo su tawh te tihdan zulzui a kan kalphung tur ruahmanna felfai tak a kan duan lawk vek angai ve bawk a.







Home pakhat kan kalna a putar pakhat thusawi chu ka thinlung ah hian a thi theilo a.
"Mami nangni hi chu in vannei bik ngawt mai, in duh duh nei a nuam intihna hmun a piang a in Kal theih lai hian, keini hi chuan helai hmun khawhar tak ah hian kan damchhung ni hi kan hmang ral dawn chu ania.






Enteh khulai huan mawi deuh khu ihmu em?, khulai hmunah khuan nitin mai hian mi tamtak rawn kal in hlim tak in an au chelchul reng a, khung hmun ah te khuan han kal ve a khawvel parmawina chên ve tur a piang kan ni mawlh silo, ti hian nitin a neinung fa ten khawvel nawmna anchenlai khu mittla lo leka lo thlir hi kan chantawk khuarel chu ani mai sia, hringnun hi chu a fair lo teh zawng e, mi fa ten sum hman senloh anneih lai in keini chuan kan in humhimna hmun tur kata ti a han sawi vetur in leh lo chhete pawh kan nei ve silo a, mitha leh thilphal te zarah ka dam khawchhuah ve natur eitur kan hmu ve tawk tawk chu a nih hi" a ti khur bauh bauh a.







Chu putar in kan thlang lam a picnic spot sidar thing awmze nei tak a ding thluahna hmun, mittla lo lek a athlir vawng vawng nalam chu ka mit chuan enin ka thlir ve ta reng a.







"Ka pu khulai huan ah khuan lo kal ve thei dawn tala engtin nge i awm ang?" ka tih chuan a ngawi deuh vang vang a, "khulai hmun nuam leh mawi tak ah khu chuan ka kalin ka intihlim ve ang tih hi mumang ah pawh kala mangphan chhin ngailo" a rawn tih chuan a hmel ah chuan chulai picnic spot a kal a chak ve zia chu ka hmuthei.







Rinzam-in kan bul arawn thlen ve tak ah chuan chu putar nen kanlo titi dunna chu duh tawk in." Haw ihman tawh emni? Kalo ti vat a. " I hman chuan kei chu ka hman reng tawh a lawm, kapu nen hian in inkawmtui lutuk a karawn tibuai duh lawklo zawk cheu a" nui var var chunga a tih chuan putar pawh chuan. " E khai aw, bawihi ithiannu hi kalo titi pui nasa lutuk a, inbuai awm tehlul nen inhun hlutak kati khawbaw zo vek ang kati" inthlahrun hmel tak chuan a rawn ti ve leh bauh bauh a.







"A nih chuan kapu kan hawsan tawh mai ang che aw, hmutur cheu in kalo Kal leh vat ang, ithilchak deuh kha itih theihna tur in Pathian hnenah nitin lo tawngtai ziah rawh aw, dam leh hrisel tak Khan lo awm la, ikal duhna hmun leh itih chak em em tih puitlin a a awm theih nan chuan hrisel tak a ilo awm reng a ngai ania" ka tih chuan.







"Kal tawh rawh u intlai lutuk ange, Mami nula fel leh hmeltha tak i ni.Pathian in mifel tak inih vang hian malsawmna tamtak in a vur ngei che ka ring " a rawn tih chuan Rinzami a lo meng kual ralh a.







Kha putar duhthusam tih puitlin sak duhna chuan ka khat a, engtin nge pawisa ka neih theih ang? Thawhchhuah engmah ka nei bawk silo, khang tar ho an damchhung ni hmang zo lek lek tawh te duhthusam hnuhnung tih puitlin sak tur Khan engthil emaw tak ka tih a ngai in ka hria.







Mahni inchhung lumah khum dup nuam leh eitur tuihnai tak tak ei a inthei kan nih laiin, chenna hmun tur pawh nei velo, mithil phal te tanpuina nghak a damchhung hun hmang ral mek mi tamtak kan bulhnai ah anlo awm tam hle tih ka hriat chuan, ka lainat in puihtheih ka chak em em a, nu leh pa thlazar hnuai ah duh duh ei in thei a ka awm chu vannei ka inti hluah hluah.







Home kan peihfel chuan zalen tak a ka vah chhuah reng a remchang tawh dawn lo a, thim a var thlu lo in ka rawngbawl hna chu thahnemngai tak in ka thawk ve mawp mawp zel a.







Nikhat chu ka hmuh fo thin sangpui-an anupui lo titi pui tur in min rawn ngen a, chupa chu middle school zirtirtu ani a, aizawl atang a hla vaklo ah zirtirtu hna thawk lai mek ani, kum sawmthum pel awrh chauh pa lian leh hmeltha tak ani reuh a, tun a anupui nen chuan fa la naupang te te pathum an nei tawh nghe nghe a, an fate school tha zawk ah kaltir anduh avang chuan nupui fanau te tello in a va thawhna khua ah chuan in te luah in amah chuan a va parawl ve ta nawk nawk a, mipa hrisel tha pangai tak hmel chhe bawk silo chu a thawhna khua ah chuan nula tamtak chuan,mipa nupui fanau pawmlai nei tih hre reng chung si a lo iai lemlo anlo awm ve thluah a.






Sangpui-an min hrilh dan chuan. A tirah chuan chung nula min hawlo tih hriat lutuk a mitmei minhmuh reng thin te chu ka ngaihsak ngai lemlo, kan inlam ah ka nupui fanau te eitur leh zirna tur ka thawkchhuak thei chu ka lungawi tawk em em thin, hun a kal deuh a mipa hrisel tha veng vawng tilrehloh na nana chu, nupui te kiang ah kanlo mulo rei tak ah chuan insum har kati chho ta telh telh a, zantin nupui te kianga muthin mahni te chauh a han CRP mut tak kuk reng chu ka tlin lo lek lek ta fo mai.







Kan thawhpui pa fanu tleirawl it awm zet ankhua a ka thawh tirh atang a min ngaizawng em em tu chu ka fiam ta zauh zauh a, hun a kal deuh hnu chuan chu nula nen chuan kan in kawp chu ani ta der a.







Nupui fanau nei duah tawh chung a bialnu neih chu a tirah chuan ka rilru a nuam theilo a, lehlam ah sex lamah ka tuihalna chuan min awmtir hle hle thei bawk silo, rilru pangkhing deuh chuan ka awm reng a, tleirawl sual pawh la nei ngailo Khan zu tem zeuh zeuh ka ching chho a.







Chhumlo chatlo a inzui ta reng chu karlo ah ka bialnu nen chuan kan tlangthang chu anita der a, reilo te ah bialnu neih thu chuan ka nupui beng a thleng ta vat a, ka nupui leh ka fa la naupang te te bialnu dang ka neihsan tak te chu midang lak a ka kalsan hlau in, ka thawhna khua ah chuan ka kiang a cheng ve tur a anrawn thlen meuh chuan kei hi ka zak ngawih ngawih, ka nupui rilru hah vang a lo cher ta kuang hmel hmuh chu ka zak in hreawm ka ti em em a, kan fate naupang engmah la hrethiam ve lo ten minngai leh thlahlel em em chung a. Apa apa ti a min ko mawlh mawlh ri te chuan ka thil tih pawizia min hriatnawn tir awn awn thin.







Khang mahni inthiam lohna ka neih te kha insiam that nan hmang lo in zu ka intam phah sauh a, harhfim a ka nupui keimah vang a lungai hmel hmuh kha ka thei thlawt lo ani, zu ka ruih tawh chuan ngaihtuahna a lo mawl zo a, lehlam ah ka bialnu englai pawh a minlo beisei ve em em rengtu nen chuan kan che sual leh nge nge thin.








Ka nupui fanau ten min rawn fin atang a thlathum hnuah ka bialnu rai thu chuan kan chhungkua chu a rawn deng a, ka nupui tap chung a kan inluah chep zet room chhung a atlan luh lai chuan, nuber lungchhe lutuk a tap hmel anhmuh vang chuan kan fate naupang engmah hrethiam lo te chu anlo tap ve chuah chuah a.







Ka thil tih sual vang chuan kan chhungkua tudang mah ngai lo a hlim em em thin kha min vawdarh ta vek a, ka nupui chuan a thuamhnaw siam in kan fate nen aizawl lamah min hawsan leh ta hna hna a, ka nupui haw atang ni hnih hnuah ka pa rawn kal in min rawn ankhum chiam a, ka pa khatiang tak a athinrim hmel kha ka piana hnuah vawikhatmah kala hmu ngailo.








Ka sawnthlakna nu nge ka nupui fanau te ka duh zawk tih chu duh min thlan tir a, lehlam ah ka nupui fanau te keimah a annun zawng zawng in nghat mek an awmlai in, leh lamah ka bialnu kafa pai mek tu keimah vang a tlangrel phur ve mek a awm bawk a, tunge ka thlanzawk ang tih ah chuan thuthlukna ka siamfel thei lawk lo, ka pa chuan "inupui fanau te thlang lo a isawn thlak nanu mi pasal initih hrereng chung a lo kawp lui duh talh tu che hi ithlang anih chuan ichhungte hi kan thi tawh ah ingai dawn ania, chumi nilo a inupui bul a ngaihdam idil a ithil tih sual thin zawng zawng te isim thei dawn anih chuan ihna thawh mek hi bansan in aizawl ah ka rual in ilo hawnghal thei ang" a tih chuan, naupang pathum fahrah ai chuan pakhat fahrah tir chu ka thlang ta zawk a.







Ka pa nen aizawl ah kan rawn haw a, ka nupui kiangah pawh ngaihdam ka dil a mahse a rilru ka tihnat sak in, natak a ka lo hliam tawh vang chuan vawiin thleng hian ka kiang ah ala rawn kir duh ta lo a, zorin kei chu ihriat ang in nangmah vang liau liau in Pathian ah lawmna thar changin ka thil lo tih sual tawh zawng zawng vang in ka inchhir a, kha ka chhungkua ka khawvel lo ni tawh thin te erawh ka nei let thei tawh lo, nang hian ka nupui in arilru athlak a min ngaihdam ve theih nan minpui hram rawh" a tih chuan ka hma a mipa a thil lo tih sual tawh in anun avuak let mek inchhir ngawih ngawih a thu kun reng chu ka en tlawk tlawk a.







"Sangpui kei chuan engmah puih theihna che ka neilo, mahse thil pakhat kan mangan na zawng zawng thlenna tur Pathian kan nei a, a hnenah ka dil phawt chuan anin minlo tanpui zel ang" ka tih chuan a mittui a parawl kuang a.







Sangpuia nen kan inbe zo haw tur a ka kal lai chuan, kawngsir restaurant tual a hmeichhe pakhat, mi thei eilai riltam hmel lutuk a lo thlir dauh dauh chu ka va hmufuh a, ka scooty chu parkna remchang ka hmuh ve leh scooty chu hung thain chunu va be tur chuan ka tlan pelh tawh lam ah chuan ka kir leh a, a dinna ngai ah chuan lola ding in restaurant chhung lam chu mitkhap miah lo hian a lo thlir ngawih ngawih a.







A kut cher chhezet chuan a airbag ah lai hluitawh zet hrui ah chuan a vuan tang a, va pawh mai lo chuan a sir deuh atang chuan kalo thlir reng a, chu hmeichhia chuan tanpui a ngai takzet em tih ka hriat mai bik loh vang chuan ka rilru in Pathian ka rawn a, kalsan mai harsa ka tih em avang in abulah chuan va kalin kava beta nge nge a.






Nuisang chung chuan "Thiannu sawlai atang sawn kalo thlir reng che a, hetah hian ding in restaurant chhung a mi thil ei saw ila en char char a, kei hian puih theihna che kanei em? Restaurant chhungah sawn va lutin thil kanva ei ve dawn em niang? Ka tih chuan zahhmel lutuk chuan a kun ngaih a.







"Titeh helai hmunah hian dingreng lo hian a chhungah sawn va lutin iva in hnawh puar ve teh ang, heta kan din reng chuan ka pum hian eitur ka mamawh tawh lutuk tiin a rawn ri ruk ruk tawh ania" ka tih chuan a kut cher tak chuan a pum chu a dawm vat a.







"Ehe nang pawh keimah ang tho in iril a lo tam ve ani maw? Lo kal la kan riltamna zawng zawng ti reh turin an eitur neih ho saw iva eizawhsak vek teh ang, i eichak zawng a piang ka leisak ang che vawiin hi ka tan ni pawimawh tak ani a, mi tu emaw riltam eitur leisak tur awm se tiin Pathian hnenah kalo dil a, ka dilna te min tihhlawh tlin sak turin Pathian in nanghi ka hma ah a rawn tir che anih ka ring tlat" ka tih chuan a hmel ah chuan hlimna a rawn lang a.







A kutah chuan vuan in restanrant chhung ah chuan ka kailut dawr dawr a, dawhkan ruak lam chu panpui in, chair pakhat chu pawh chhuak in ka thut tir a, a hmaah chuan amah ep chiah chuan ka thu ve nghal tharh a, dawhkan chung a menu chu la in enge kan order ang, zangkhai vah a ti chung chuan menu chu ka chhiarthla dandan a, menu chu a lamah hnawl phei in I duh duh kha i order thei ang, aman ah buai angai lo ka tih chuan ilam ang ang kha kalo ei ve ang inthlahrun hmel tak chuan a rawn ti tham tiak a.







A rawn tawng chhuak ve ta nge nge e, hlimna vang chuan ka nui ru sak a, waiter chu ko in eitur chi hrang hrang chu ka order a, order kan nghah chhung chuan zawh duh ngah viau mah ila kala insum hram hram a, riltam lai a tawng vak vak peihawm loh zia chu ka hrechiang hnehsawh tawh lutuk tlat.







Waiter in eitur a rawn chhawp chu lo ban in, a hma ah chuan kalo dah nghauh nghauh a. "Inthlahrung miah lo Khan ei teuh ang che aw, i eitlem chuan nuam ka ti miah lo ang" ka tih chuan a rawn nui sak a, a nuihmel te chu a duhawm in mi hiptheihna riau hi a nei reuh leh nghal a.







"Eitur min leisak vang hian ka lawm e" a tih sap hnu ah, a hma a eitur ka chhawp chu hawi chhuak tawh miah lo hian tui tih hmel deuh chuan a ei bawrh bawrh a. A thil ei lo thlir reng chung chuan engvang a chutiang tak a riltam a awm nge anih ang tih chu kalo in zawt ve char char.








A hma a eitur awm zawng zawng a eizawh fai vek hnu chuan a pum chu a chul hauh hauh a, a mitmeng lian kelkawl ah chuan mittui a rawn tling nghal pam a. Hrilhhai lutuk chuan "Thil diklo a awm emni? Ithil ei ah khan ngeih loh zawng inei nge? imit ah Khan mittui a tling vek ania" ka lo ti vat a.







Tawngkam a min chhang lo chuan a lu chu a thing nar nar a, a mittui chu a hru mawlh mawlh a, rei vak lo hnu ah chuan "Ka ril a tamtawh lutuk a, eitur min leisak vang hian ka lawm e aw! Ni hnih chhung chu engmah ka ei tawh lo a, nang hian minrawn hmu in eitur te hi min leisak lo nila chuan, vawiin hi nungdam a ka tuarchhuah theih tawh pawh ka ring lo" a rawn ti tham tiak a...cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:04 pm

"A awmzia chu, kei hi Pathian in ihnenah iriltamna te tih rehsak tur a arawn tirh ka nih ngei dawn chu, engvang a ni hnih chhung teh meuh engmah eilo a lo awm ta mai nge maw inih chiah le?" ka tih chuan "ka chanchin hi sawi dawn chuan a thui lutuk ingaithla peih lo ang " a rawn ti chhuak sap a.







Tikhan minlo nghak la, bill te ka va pe fel phawt anga hmun remchang ah kan inkawm mai mai dawn emni?" Ka tih chuan minlo buk khum zauh a.
Restaurant a tang kan inzui chhuah leh lai chuan khawi hmunah nge ka hruai ang tih kalo ngaihtuah char char, Rinzami te hotel ah ka hruai mai dawn nge, hmundang ah?.







Mc kan tlanpelh dawn chuan a "sawlai hmun ah sawn kan va titi mai mai dawn ami? Ka tih chuan scooty chu remchang ah ka park a. Mc kawt ah chuan kan thudun a, kan bul velah chuan midang pawh chawlhahdam anlo awm ve nuk nuk hlawm a.







"Ni hnih chhung teh meuh chaw nghei ingaihna chhan chu min han hrilh teh le" nui var var chuan kati a. " Ka chanchin ka hrilh hma che in ihming kala hremiah lo a, ka hming chu Ngursangzuali a nia Ngurpui min ti mai dawn ania" a rawn tih chuan " Ohh nidawn tak zorinsangi ka nia kei ai chuan ila nau hmel deuh zawk bawk a. Uzorini min ti mai rawh aw" kalo ti vat a.







"Ka chanchin ngaihnawm loh zet chu kan hrilh ang tawh ang che aw" a rawn tih chuan kalo bu nghat a.






"A hmasa ber ah chuan keihi fahrah kani, ka naupan laiin kanu leh pa te arualin accident vang in ka chan a, kanu nau ka pute-an ka nu leh pa te min boral san hnu ah min enkawl a, ka putea kha zungawl vei ani a, kum sawm pahnih mi lek ka nihlai in ka putea chuan min pawng sual a" a mittui chu a hru zauh a.








A thusawi chu ka rinloh lam thildaih anih vang chuan Rinzami te hotel a kalo hruai ta lo chu ka inchhir ngang mai. "Ngurpui hmundang ah kan kal zawk mai dawn emni? I thil minhrilh tur leh kan awmna hmun hi a inhmeh chiahin ka van hrelo ve, midang te hian itap lai anhmuh che chuan mak anti lutuk ang" ka tih chuan a lu chu alo thing vat a. "Nilo e ka tap tawh lo ang" a tih hnuah a thusawi chu arawn chhunzawm leh a.







"Chutia ka pute-an min pawngsual a tang chuan midang kiang ah sawi lo turin min vau bet char char a, naupang mai kala nih vang leh ka putea ka hlauh vang khan, pawngsual ka nih dan leh ka putea min tihdan chu tuma hnenah sawichhuak lo in ngawirengin ka tuar ngawt ngawt a, kumkhat chhung kha chu a nupui ang mai khan hmeichhe naupang kha min sawngbawl ta thin anih chu.









Chhungte dang belh tur ka hrebawk silo, rilru na leh hlauthawng reng reng chuan ka hun ka hmang liam ve zel a, ka taksa a thanglian ang bawk in ka rilru pawh a fing ve tulh tulh a, ka putea pawh in a hma ang mai mai Kha chuan min khawih ngam bik tawh lo a, mahse a kuthnuai a awm ka nih miau vang chuan inven senloh chang ka la ngah tho mai.







Nikhat chu, kan khua ah chuan aizawl atang in nu pakhat hi arawn zin a, chu mikhual nu chu ka pa farnu ka nî alo nireng tih ka hriat tirh a ka lawm zia kha sawifiah dan pawh ka thiamlo zawk. Ka ni chuan kanu leh pa thlan lung te mawihnai tak in a tung vek a, ka pa in kanu vang a an in a chhuahsan dan leh ka pu in a tuithlar thu te chu a sawi melh melh a, ka pa boral hma kha chuan ka u hi ka rawn ngaihven ngamlo a, ka pa a thih takah chuan ka u zawngchhuak tur in ka rawn Kal a, ka u chuan minlo thihsan reng tawh hi alo nia, mittui hru fap fap chung chuan ka ni chuan ati a.







Ka ni chuan aizawl lamah kan bulah i awm anga lehkha te izirtha leh dawn ania a tih chuan ka hlim lutuk chu ka mittui a tla hial a, ka ni chuan ka putea hnen ah chuan aizawl lam a min enkawl chhawk ve tawh tur thu a sawi chuan ka putea chuan a remti talo a, ka ni chuan ka putea chu a bul a ka Kal ve chu phal hram turin ngen takte in ngen mahse a remti thei chuang lo, ka pute-an ka kalsan a phal loh chhan chu ka hrechiang khawp mai ka ni in min hawsan hun a hnai tawh si a, ka pute-a lak a ka zalen theihna tur chu kawngkhat chiah a awm tawh a chu chu ka putea min tih dan zawng zawng sawichhuah chu ani.








Ka pute-an min pawngsual thin tih ka ni in a hriat chuan a thinrim em em a, ka FIR thehlutin ka putea chu Kumtling lo hmeichhe naupang pawng sual vang a man in tun thleng hian jail ah ala tang a.






Ka ni chuan kan in, kanu leh pate min hnutchhiah ve chhun chu min hralhsak a, a sawi dan hmang chuan he khua ah hian idamchhung in i kir tawh dawn lo a he in hi hralh mai atha ati a. Keipawhin ka ni thuthlukna chu kalo pawmthlap bawk,
Ka ni nen chuan aizawl ah kan rawn chhuk a, aizawl ka rawn thlentirh chuan kum laklawh anih vang in school ka lutnghal mailo a, kumthar atang in zirna ka chhunzawm ve ta chauh a.







Engmah venthawn tur awm lo a tuitak a zanah ka muhil ve thei ta ringawt pawh chu nuam kati em em a, ka taksa pawh in a ngeih a ka vun cher leh ro ri re thin te chu anlo bo zo a, tleirawl tituai ka pu chho chu keima tawk ah chuan ka nalh ve ta khawp mai.







School lamah pawh min duh der tu ka tawng ve nual thin a, mahse mipa reng reng hi ka hnaih duh lo hrim hrim. I hmuh ang hian tunah chuan nula puitling kalo ni ve tawh a, ka ni chuan hrisel loh na eng eng a nei chho a a bawrhsawm ta hle a, zirna pawh chhunzawm tawh lo in inlam ah ka tih theih ang tawk tawk thawk in ka khawsa chho ve ta nawk nawk a.







Uzorin khang ka thiltawn rapthlak tak tak te khan min kiansan tawh ah ngai in rilru thlamuang tak a ka awm ve tawh hnuah, vanduaina bawk chuan minla kiansan reng reng lo ani tih chu kani pasal in min pawngsual ni Khan ka hrechhuak ve chiah.







khami ni atang Khan ka rilru thlamuan ve na zawng zawng te kha lakbo in a awm nghal vek a, ka tunhma nunah Khan ka kir leh nimai in ka in hria. Mite chuan anhmangaih ber te hnenah an zahawmna an thianghlimna anhlan anih lai in, kei ve chu ka laina ka chhungkaw neihchhun te chuan rapthlak tak in he ka zahawmna hi min tih bawrh ban sak ani."







A mittui chu a dang zolo keipawh chuti tho, ka hma lawk a hmeichhe vanduai lutuk tap mek chu kalo kuah vat a, engmah sawi lo chuan ngawi reng chuan in kuah in kantap dun char char a.







Ka kuahna atang chuan inla hrang in "A van zialo tak, mi in mak minti viau anih hmel min en hrek hrek mai" nui sak chung chuan a rawn ti a.







"Ka innghahna neihchhun ka ni pasal chuan min beisei ta fo a, kum tling lo a sex hmang chu an hurduh antih hi chu keimah ah chuan dawt vek ani, sex hi ka hua a ka ten hluah hluah bawk.
Nikhat chu kani damdawiin ah inentir turin a kal a, ka ni pasal pa Hruaia pawh hna thawk turin ka ni chhuah hma in a chhuak ve bawk a, in chhung sekrek khawih a ka lo chet mawlh mawlh lai chuan ka hnunglam a tang a min rawn kuah in, ka hnute rawn hrawm nawk nawk tu chu tunge a nih ka hai lo nasa.







Nidang ah pawh ka ni a chhuah hlek hi chuan min pawngsual theih nan hun remchang a dap ruai thin, ka ni ka neihchhun liau liau hrisel tawh lo tak bulah chuan, a pasal in min pawngsual thin tih ka hrilh theilo ahriat rual chuan a tuarzawh ka ring lullo.







Lo dan tum in theihtawp chhuah ve thin mah ila palian leh thau lam mah mah ani a, min delhna ringawt pawh chu ka tan han namsawn theih chi zia zang ani lo, chu tia chhuat lai a pa hruai-an a duh tawk a minchen lai chuan ka ni a rawn lut hlawl a, a thil hmuh rapthlak lutuk vang chuan nikhaw hrelo in a tlu hial a.









A rawn harhchhuah leh hnu chuan ka ni pasal chuan thiam takin "Ngurpui hian min thlem reng a, nang ilo hrisel lo a nupa nun kan hman loh na alo rei tawh bawk nen, ka bul mai ah min lo beisei ve em em tu lo awm vereng chu ka rilru ngaihtuahna a buai zo a, khatiang thil kha a thleng ta mai anih kha, nu-i min ngaidam rawh ka thiam loh a ni miah lo ivahnu vek hi a lawm engkim bultum tu, kum tling lo a sex lo hmang tawh a ni a, mipa a mamawh reng thin ang tih ngaihtuah na chang kanlo hrelo a" thiam tak chuan ka ni bulah chuan a ti zung zung a.






"Ka ni chuan Ngursangzuali, ini nangmah enkawl tu che lakah hian hetiang thil hi itiduh amaw? Enge ini hian pek loh che ka neih ? Ka pasal kher hi chu min tawmpuiin min laksak tur ani lo a sin, tun ah hian he in a tang hian chhuak nghal rawh, nang hi katan ithi tawh kan mithmuh ah rawn inlan tawh ngaisuh" thinrim lutuk chuan minti a.







Ka ni te in ka chhuahsan a tang vawiin hi ni hnihna chiah ani, pantur dang ka hrelo a chenna tur ka nei heklo, pawisa ka inhnawhpuar natur pakhat mah ka neilo a, hnathawh tur eng emaw tal hmuh beisei in he khawpui chhung ah hian nihnih chhung ka vak kual tawh a, tuman ka dam khawchhuah theih nan eitur leh hna min pe thei lo, ka riltam lutuk ka kalsawn thei tawh lo a, khalai min rawn hmuhna hmun ah Khan midang thil eilai kha kalo thlir ngawt ngawt mai anih kha" a rawn ti chhuak sap a.







Tunang lai khawvel ah mi anchangkang tawh a, eitur neilo a riltam a vakvai an lola awm ve reng tih ka hriat chuan mak ka ti em em a, Ngurpuii kutah chuan ka hum chawt a.."Enteh Ngurpui engmah lungngaihna tur a awm lo, nang hi Pathian in ka hnenah a rawn hruai thleng che anih hi, ka hnathawh tih puitlinna hmanraw hmasa ber nitur in ka hma ah nang hi Pathian in a hung che anih hi" ka tih chuan ka thusawi chu a hriatthiam loh hmel ngang mai.







"Uzorin Pathian hi a awm tak tak ka ring lo, Pathian chu awm nise hetiang dinhmun harsa leh hreawm tak ah hian min awmtir reng phal dawn em ni? Kanu leh pa te a rual in ka chan a, chutah rawng taka pawngsual kani bawk a, Pathian hi awm se chuan ka chungah heng zozai hi a thleng bik lo ang" a tih chuan a huntawn rapthlak lutuk vang a Pathian awm tak tak a ring lo hial chu ka dem hran miah lo.







Ka sana bun chu ka bih zauh a, "A lo tlai duai tawh anih hi inlam ah kan haw tawh dawn em niang? Ka tih chuan a hmel chu a dul raih a. "Uzorin haw natur ka nei velo" a rawn ti tham tiak a.






A kut chu lain ka hum vang vang a." Ngurpui tun darkar atang chuan haw natur in ka nei lo titawh ngawi suh ang che. Tunah chuan ihmaah inthar liantak leh nunthar in a hmuak mek che, chu hmunah chuan pawngsual itawk tawh lo anga hnawh chhuah ini tawh ngai hek lo ang, iril a tam tawh ngai bawk hek lo ang. A hausakna ren rual loh chu kan chen tawh dawn si a. I awmdan tur chu Lalpa chungah nghatla amah chu ringla aman a ti vek ang, kha thu ah khan in nghat la i buaina te a kiang vek tawh mai ang, lo Kal teh kan inlam ah ihaw vat teh ang, ka chhungte kiang ah ka laizawnnu thar hi ka hmelhriat tir chak tawh ania" ka tih chuan min zui ringawt chu a hreh hmel angreng riau a.







"Ka rual a rawn haw ve chu iduhlo ami? Ka ti leh ta nge nge a. "Uzorin khawiah mah hawna tur dang ka nei chuang hlei nem, ka buaina zawk chu nangin minlo pawm ringawt mah ila ichhungten kei fahrah vakvai chenna tur pawh neilo hi minlo pawm ve thei dawn ami? A rawn tih chuan ka lo thaw hawk a.








"I inthar tur chuan lawm tak in a lo pawm ngei ang che, engmah lungngaihna tur a awm lo, nang nen hian hna tamtak kan la thawk dun anga, riangvai chanhai te hnenah chanchin tha kan la hrildun ngei a ngai a lawm" ka lo ti vat a.







"Uzorin ithusawi kha ka hrethiam lo e" a rawn tih chuan "Engmah minzawt rihsuh, engkim a tak a ihmuh hunah chuan nangmah a zawhna awm zawng zawng te kha ka chhan che ngailo in chhanna ihmu vek mai ang, titeh ihaw tawh teh ang" ti chung chuan ka scooty dah na lamah chuan ka Kai phei hlawk hlawk a.








"Ngurpui ilo hlauthawng ange, kei hi pastor fanu ka nih hi, kanu leh pa chuan lawmtak in anlo pawm ngei ang che tih ka tiam a che" ka tih chuan a hmel chu a thlamuan hmel huai a.
Inchhung a Ngurpui nen kan inzui lut ka pa in minlo hmuh chuan a hmel chu a buai deuh nak a, Ngurpuii lah chuan bag a ak ran bawk si nen, ka pa hmel a zawhna awmtur awmang chu ka hrethiam nghal mai.







"Mambawih ilo haw maw? Kha khawilam nula nge irawn hruai a? Ka pa in hlimhmel tak a min rawn tih chuan " Ngurpui hei hi ka pa anih hi, pa ka unaunu thar Ngurpuii anih hi, ka rawngbawl hna hlawhtlinna tura rahbi hmasa ber Pathian min pek liau liau anih hi, pa ka room lamah kan han in tifai anga, muang mar in kan sawi ho dawn ania" ka tih chuan ka pa chuan. "Aw le aw le han intifai vat rawh u, in intihfai chhung in thingpui kalo lum ang inu a chhuak lawk a" a rawn ti nghal zung zung a.







Ka room kan thlen chuan Ngurpui chu a hawi hrak hrak a. "Enge ang itih? Thlakhat a ral hma chuan he room hi kan pahnih room tur ani rih ang, engmah inthlahrung lo Khan nuam ti deuh in i awm dawn ania, kan inchhung ah hian rilru thlamuang tak in i awm thei ang" ka tih chuan min rawn kuah thlawp a.







"Uzorin nang hi ka tawng lo ang che tih hi ka van hlau tak em? Kanu leh pa ten ka tan vantirhkoh an rawn tirh ini tiraw? Tap tiau chung chuan a ti a.






Angeli, vantirhkoh, Rinzami pawh in a bialpa thitawh jordan-an atan vantirhkoh a rawn tirhah min ngai a.Chutia tho chuan Ngurpuii pawh in minlo ngai ve tho maw? "Vantirhkoh chu ka ni em em bik lo e, mihring ve tho ka nia, na vethei lungngai ve thei tho kani" nui hak hak chung chuan ka ti a.







"Va inbual hmasa la, I inbual chhung in ka pa kalo bia ang" ka tih chuan a lu a bu ngat a, a bag hlui tawh lam chu a hai rak rak a, a bag chhung chu ka mitsir chuan kalo melh ru ve reng a, bag chhungah chuan thuamhnaw mumal pawh engmah a awm lo.







"Uzorin ka ni te inah Khan ka silhfen neih ve chhun chhun ka hnutchhiah vek a, towel minhawh thei mai angem? In thlahrung tak chuan a ti a. Towel ka pek hnuah inbual tur chuan bualin ah chuan a lut nghal a, Ngurpuii inbual chhung in ka pa kalo titi pui lawk ang kati takna chu. Ngurpuii bag chhung a thuamhnaw tha hmuh tur a awm miah lo tih ka hriat vang chuan ka pa titi pui talo chuan, ka almera chu hawng in ka kawr vawihnih khat chiah kala hak te, a la tharhlak te chu ka phawrh chhuak teuh a.






Fanu mal kani a silh leh fen na nana chu ka hak sen loh kanu leh pa ka unau te hian min leisak a, he lai hmun a khung bo reng ai chuan silhfen tha haktur neilo ten tangkai tak a anlo hak hi a tha fe zawk.







Ka almera pakhat chu ka ti ruak vek a, chhuat ah chuan thuamhnaw chu ka dah vum hnur a, pheikhawk puan kekawr pawnfen hak loh ka ngah lutuk. Ngurpuii hian nei vek rawh se ti chung chuan ka thawmhnaw bawm dang chu ka hawng zel a, kan room chu a hnawk khat vek tawh.







"Uzorin enge izawn a? room chhung hi thuamhnaw hlir in a khat vek a" ngurpui-in a rawn tih chuan. " I kawrtur ka lo zawng kual mawle, khang kha ha chhin la iduh a piang chu almera ruak ah Khan ikhai tha vek dawn ania, kawr te chu hak senloh kanei reng alawm lungngai miah suh" ka tih chuan a hmel ah chuan hlimna a rawn lang chhuak a.







"Nurpuii kan chhung kaw nun a arawn luh ni atang khan kan inchhung chu a hma zawng aiin a nuam leh zual a, ka u te phei chuan farnu thar lawmnan haw khawm neih vat a ngai anrawn ti reng thin, uzohminga lah in Ngurpuii chu an bulah awm mai turin a lo sawm ve reng a, mahse ka phal teuh lo mai.






Rinzam-in home ah engmah min tihpui thei dawn lo a, Ngurpuii hi ka kut ke ber tur ani tlat, kanu in in ka chhuah san hun tur a huphurh em em a, "Nu enge ilungngaih em em a, ka pa nen home ah in rawn cheng ve thei reng alawm" ka tih chuan "chutiang ngaihtuah na chang ka lo hremiah lo a tha ngawt tak ang, kan hun tamzawk rawngbawlhna thawk in hmun hrang hrang ah kan awm kual a, hetia engmah tilo a awm reng ai chuan midang tan malsawmna nitur in kan la tar chhe lutuk reng reng lo" phur lutuk chuan a rawn ti a.






Ka sling bag pakhat a ATM cards lo awm va ka hmuh chuan thil ka hrechhuak zawk thei, uzohminga khan ka duhna hmun a piang a ka hman tur in, pawisa he cards hmang hian ila chhuak thei ang a tih tak kha. He ATM cards hi ka nei tih kalo hrechhuak har lutuk chu pawi ka ti ngei mai, kha putar duhthusam tih puitlin sak chak na Khan ka khat a, pawisa ka neih mai loh vang Khan ka rilru a thil awm reng chu kati hlawhtling theilo kha ania.







Scooty chu la chhuak in Nazareth home lamah chuan ka tlan vang vang a, home enkawl tu ber pu ruata chu va hmu in, an home a tar ho zawng zawng intih hlimna hmun a hruai chu ka va dil ta rawih a, rinzami nen an home ah hian kan leh luh zauh zauh tawh avangin minlo hresa bawk nen, thatak a minlo dawng sawng in ka dilna chu lawmtak in minlo phalsak a.








"Tun a tang a nihnih hnuah anmahni hruai tur in kalo Kal leh ang, ka chhuahpui hma in picnic spot lamah pawh reservation siam te angai dawn a", hlim zet chuan ka ti barh barh a.







Rinhlua ka nun atang a kalbo hnu Khan Pathian hnenah ka tawngtai nasa a, kan rilru anat loh nan engthil emaw tal ka rilru lapeng theitur ka dil thin anih kha, tunah chuan min duhlo a min hmusittu vanga natreng kha ka tum tawh lo a, thahnem ngai takin kan bul lawk a chhanchhuah ngai te chhanchhuak tur in ka ke ka pen ve tauh tauh thin.







Pathian hian kan thatna tur in ka chungah rem a ruat thin a. Rinhlua lo chân pawh ni ila katan thiltha zawk rem min ruatsak ka ring tlat thin.
Rinhlua chanchin ka hrengai tawh lo a, a hma zawng kha chuan ka rilru ah a awm reng thin vang hian a chanchin engtin tin emaw ka hre leh mai thin a, tunah chuan nupui nei mai tawh tur a ni a, ka hnena asawi angchiah Khan alak atang ka kalbo mai hi katan kawng awmchhun leh thil thaber a ni tawh.







Tar ho ka hruaina tur spot chung chang chu google ah ka enkual a, ka thilzawn ka hmuh rual chuan ka thaw huai a, biak theihna number chu ka ka phone ah chuan ka chhu nghal mawlh mawlh a, ka call zui nghal zat a ka nghahhlelh lutuk vang nge min chhang har kalo ti hman viau tawh tih ah chuan phone chu anrawn pick ve hram a.






Mipa aw thum tha zet chuan "Joseph picnic spot a ni e, puihtheihna che kan nei em? A rawn ti zang vah a, rang tak chuan ka thil duh chu kalo hrilh nghal zung zung a, aremchan phei chuan zanhnih khat vel riah kan duh dawn a, mi sawmhnih tha vel riahna leh mutna hmun a awm thei dawn em? Tih te chu ka zawt fiah nghal vek a.








Kan duh leh mamawh ang chu anneih thu leh thatak a minlo dawnsawn tur thu minhrilh hnu ah kan inbiakna chu kan ti tawp a, nikhat chhung a tan lek hruai chhuah kha ka dil a, ka ngaihtuah chiang leh a riahna hmun tur a awm tho bawk a, nihnih thum tal hunnuam tak anhman theih nan hruaichhuah chu ka rilruk leh a, home neitupa ka va phone leh chuk chuk a, "tar sawmhnih rual zet enkawl chu nangmah choh chuan a hautak lutuk ang tih ka venthawn pui deuh che tihloh ah chuan ithil duh chu kan remtih pui lutuk che alawm" a lo ti ve mai bawk a.






Dan leh dun mumal tak siam a home hi din leh enkawl ani a, chutia mahni duh duh a an enkawl na hnuai a awm mek te lo va hruaichhuah chu thil thaber ani chiah lo tih hre ve tho mah ila, kha putar duhthusam tih puitlin kha ka duh miau bawk si a, kan home dinna turah pawh ngaihtuahna thar min pe nasa khawp mai.






Tar hnu ah hian rilru a naupang thar leh thei tih ka pa in a sawi chu kala hrereng a, bazar ah Kal in antan present tur ka leisak nual bawk a, tar chaklo ten, andamchhung a an hriatreng tur khawp a hunnuam tak anhman ngei theih nan keimah pawh ka phak tawk in ka inbuatsaih a, ka chhungte lam a tang pawh in supportna ka dawng tha a, keimah chauh chuan anvai a buaipui chu harsa deuh mahse Ngurpuii alo awm ve hlauh chu Pathian remruatna zel ani.







Ngurpui-in a vanduaina belhchhak sak tur a nau alo keng leh kher chuan nasa takin a mah ah nghawng anei a, khatia kan inchhung a kan sengluh ni a tang khan keini chhungkua chuan kanlo pawm nghal thlap a, amah pawh a hlim ve hle tawh anih kha, nau a pai tih a hriatchhuah ni ah Khan a rilru a mangang in kan chhungkaw lakah a in thlahrung em em a, kei chuan englai pawh in ka buaipui reng hman lo a, kanu leh pa ten Pathian thu nen nitin zantin an enkawl a tunah chuan ngai kan awhtan tawh a, intihlim tur a kankal tur chu Ngurpuii tan tak pawh hian thil tha tak anih ka beisei tlat ani.







Zingah hma tak ah tho in ka inbualfai vek a, kan thil ken tur ka siam sa ho chu ka check leh thlap a, ka phur tawh lutuk chu ka helhhawlh ni mai hian ka hria, kan kalna hmun tur hi khawpui daifem mai anih vang in reitak kalngai anilo bawk a kan hman hmawh duh lemlo a.







Bus nen Nazareth home lam kan pan lai te chuan ka hlim lutuk chu ka awm hle hle thei lo, home tual zawl ah chuan tar swmhnih rual zet chuan minlo nghak thap a, anhmel a hlimna leh phurna ka hmuh vang ringawt pawh chuan ka mittui a tla hial thei, bus a tang a ka chhuk rual chuan naupang chhia ang mai hian minlo bawr tiau tiau a, an hakthlak tur vel chu ankhai ve far hlawm a.






Pakhat te te chuan muang chang in busah chuan kan luh tir a, home enkawl tu te nen eng eng emaw kan sawi ho hnu ah Joseph spot lam pan chuan kan tlan chhuak zui nghal a.







Ralkhat a tang choh in kala hmu a, a hmun kan tlan luh chuan a nawmzia ka mit ngei in ka hmu a, ka pu khan hei vang alo anih chiah hi kal ve chak em em a nitin a lo thlir vawng vawng thin ni, bus a tang kan chhuk fel vek hnuah kan riahna tur room lampang chu kan pan a, building liantak lo ding lurh lam ah chuan hnathawk ho chuan min hruai a, inchhung kan luh rual chuan ka lo rinphak bak in a changkang daih zawk, hetiang hmun nuam leh changkang rilru tih thawvenna tur kan lo nei ve reng tawh ani tih ka hrethar ve chiah.






Hnathawk te zing a pakhat chuan. "Miss in riah na hmun tur chu kan pu in a biktak in alo ruahman sak cheu a, nuam intih ve ngei pawh ka ring" nui var var chung a a rawn tih chuan "Pathian hi chu a tha teh zawng e" kalo ti sap a.






Hnathawk tu tlangval zuanzang zet chuan hma hruai in kan zui damdam a, "Pitar putar chakvak tawhlo tak tak in ni sia, inhnuai lamah hian intan veivah a awlsam zawk nan room kan lo buatsaih a, inchunglam ah hmun thengthaw nuam zawk awm mahse, helai hmun hi kan pu in intan athat ber aring a, helai hmun hi mi tamtak in anrawn tlawh tawh a, nang ni ang reng reng a mikhual pawimawh hi kanla nei ngai lo, helai a reservation in rawn tih atang khan nuam tak a hun inhman theih nan kanlo in puahchah ve char char a" ati bawrh bawrh a.






Room kawngka a hawn rual chuan tar ho chu an in zuilut dam dam a, hun reilo reilo te chhung in room chhung chu hlimna nuiri chuan a luah khat nghal vek thei. Hetiang tak hian kan tan anlo in buatsaih ang tih rin ngaihna pawh ka hrelo reng reng, mipa leh hmeichhe mutna tur chu anlo dah hrang thlap a, inchhung chu mawitak in anlo chei bawk a, birthday party hmun tur te pawh ang kati rum rum thei.







"Hetiang tak hian minlo dawngsawng tha ang tih rinngaihna pawh kalo hrelo a, inpu chu ka hmuthei a ngem? A lak ah lawmthu sawi senloh kan ba in ka hria" ka tih chuan "Nichin mai Khan a thianpa nen anrawn thleng ve chiah a, huan chhung vel hi anfang dun a nih kha" a lo tivat a.







Hnathawk tu tlangval chuan "mamawh in neih chuan hetah hian minrawn bia ula rang tak in kan rawn kal vat ang, hun nuamtam hmang tur in duhsakna ka hlan acheu" nui sang chunga atih hnu ah min chhuahsan a.






Kan thlenna room chu ka hawikual vel a anuam tih piah lam ani, room chhung decoration ah ringawt pawh hian sum tamtak anseng dawn tih chu thil chiang sa ani, room kan luah manah ringawt pawh hian cheng tamtak sen a ngai dawn tih ka hria a, mahse hlimna hi a pawimawh ber a, pawisa chu engzat pawh lo chawi ngai dawn se pawi ka ti miah lo.





Hnathawk pali mipa pahnih leh hmeichhia pahnih in min vil chawt a, in tihhlimna chihrang hrang chu tihdan tur te zirtir in minlo pui ve zel a, minlo dawnsawn dan tha lutuk chu mak ka ti lutuk chu ka insum thei tawh ngang lo a, zinglam a minlo welcome tu tlangval bulah chuan "Hetiang hian helai hmun a lo kalte hi inlo buaipui vek tihna emni? Ka tih chuan min nuih var var a.





"Buaipui vek lo e, nangni chu kan mikhual pawimawh tak in ni a, kanpu ber he spot neitu in titur a min tih ang a hetiang a lo dawngsawng mai chauh cheu hi kan ni e, tiang em em a angai pawimawh cheu hi keini pawh hian mak kanlo ti viau a, mahse inlo thlen a ka hmuh chiah che Khan mak kati vak tawh lo" a tih chuan a thu sawi vang chuan mak kalo ti leh zual a.







"Inpu chu ka hriatzawng ani hauh lo mai, in mikhual te inlo dawnsawn dan vereng ah kalo ngai deuh a" ka tih chuan "Pu josepha nen in in hrelo maw? chutiang nisi tinge hetiang tak a nangmahni lo dawng sawng tur cheu a a buai phili chung le!? Mak tih hmel deuh chuan a ti ve nuah nuah a.







Chhunah nileng in thil chi hrang hrang kan ti a, zanlam ah chuan chhunlam a antal hah deuh vang in hma takah an muhil nghal bawrh bawrh a, ka mut lah chu a chhuak lo nasa mai bawk sia, ka bul a pitar leh putar hnar ri bawrh bawrh vang chuan ka muhil ve thei dawn chuang a ka hriat loh vang chuan, pawn boruak thianghlim dawng tur in ka chhuak leh ta nge nge a.






Kan thlenna room ka chhuahsan chiah chu keimah ni chauh lo pawh chulai hmunah chuan anlo awm ve teuh tih ka hrechiah, music ri ring tak leh nui ri lo chhuahna lam chu muang chang chuan ka pan a, night club a lo awm reng tih ka va hmuh chuan ka mengphar awk a. Nula tlangval engmah lungkham nei lemlo a lo phu suau suau chu reivak lo chhung chu ka thlir ngawt ngawt a.






Building chhung ka chhuahsan rual chuan thla a lo eng hle tih ka hreve chiah, ka cardi hak chu thlithaw in a rawn chhem zawng chuan a phe hlap hlap a, ka awm zawnah chuan ka pawt tawm hlan a, thla eng lutuk in huan chhung a swimming pool a rawn chhun tle ser ser chu a mawi danglam takzet, pool sir a thutna ah chuan thu in pool chu hmuh nawm ti fe chuan ka thlir vawng vawng a.







Keimah a ka awm chiah chuan Rinhlua bawk ka ngaihtuahna ah alo lang leh chu ka haw takzet, tunah te hian enge atih ve ang le? A hmel ka hmuh khat tawhzia ka ngaihtuah a, hmuh ka chak in ka ngai takzet. Kalak ah a sual viau chung pawh hian ka haw thei tak tak lo, midang ta nimai tawh tur anih vang hian a lakah ka beidawng tawh a, theihnghilh ka tum ve meklai pawh hian ka rilru ah a rawn thar leh thin si a.






"Kha ivamal ve a? Ka rawn zawm ve thei che angem? Min rawn titu lam chu ka hawi vat a. Ka bul lawk a mipa lian tak lo ding luah chu ka melh zawk a, ka rilru kalo kawm nasa lutuk a ka bulah midang anlo awm ve tih reng reng kalo hremiah lo chu thilmak tak ani. Thla eng ah chuan a hmel chu a lang thim deuh khap a, mitmeng de sawr sawr a minlo melh reng chung chuan minlo nuih var var a.








"Ahh aw aw le lo thu ve rawh, thla a eng nuam bawk sia, helai hmun mawi leh nuam lutuk hian ka bul ah midang an lokal tih pawh hrelo khawp in minlo siam a lawm le" nui var var chung chuan kalo ti sawk sawk a. "Ni e, a mawi takzet ani" ti ve sup chung chuan ka sirah chuan a rawn thu ve nghal zat a.





A rawn thut rual chuan a rimpa zet chuan ka hnar a rawn verh nghal zar thei, ka bul lawk a mipa uap na zet a rawn thut ve vang chuan ka lai deut tlat leh nghal a, tunge anih pawh ka hre bawk silo han biak mai dan tur ka hriat loh vang chuan ka ngawi deuh vang vang a.






"Helai hmunah hian intihlim tur a rawn kal vetho inih hmel a, mahse a landan chuan ihlim loh hmel riau in ka hria, helai hmun nuam zet hian atihlim zo lo zawk che nge? a rawn tih chuan kalo nui hak a.





"Ni lullo mai, ka damchhung hian tunang reng reng a hun hlimawm hi ka tawn leh theih ka in ring tawh lo, ka hlim lutuk takzet. Hetiang tak a hmun ralmuang leh midang venthawn ngailo a ka awmthei hi ka lawm viau bawk a sin" uar tak chuan kalo ti ve tan tan a.








"A dangdai hle mai, ka rawn hmuhdan ah che kha chuan rilru na ngawih ngawih hmel ipu tlat sia, kalo ringsual duai anih chu. Ni e thil reng reng hi alandan ang ngawt a tehtur ani miah lo, nangmah in helai hmunah hian mal leh khawhar em em in ilo awm emaw ka tih lai in, ihun tawntawh zawng zawng a hun nuam leh hlimawm ber leh hun ralmuang ber alo ni daih sia" nui hawk hawk chung chuan a rawn ti sup a.






"A dik chiah alawm, mifing tak ini thil awmdan imanchak emai" ka tih chuan a nui leh hawk hawk a. A nuihmel thazet chu thla eng hnuai ah chuan kalo thlir ngawih ngawih, maktak in chupa hmel ka hmuh chuan Rinhlua ka hrechhuak rum rum a.






"Kan thudang a lai chuan, ka la in hmelhriat tir miah lo che a. Josepha ka nia Joseph Lawmsangzuala" a rawn tih chuan kalo meng phawk hra a. "Nang hi helai hmun neitu kha ini maw? Ihming chiah hi kalo hria a, kalo hre mailo che chu mindem thei hauh lo ang aw. Tun hi kan vawikhat inhmuhna ani miau sia. Zorini ka nia ka hmuthei che chu ka lawm hlemai, nilo hmuh che hi kalo duh lutuk zawk a" nui hak chung a ka tih chuan, chiang zet hian min rawn en vang vang a.







"Engthil ah chuan nge hmuh minlo duh a? I duh ang chuan hei min hmutawh a lawm" a rawn ti leh sup a.





"Lawmthu hrilh che ka duh a. Nazareth home a tarho rawn hruai tu kha kania, minlo dawnsawn danah khan ilakah hian lawmthu sawilo thei ka nilo, i thiltih zawng zawng vang khan midang hlimna i siamsak nasat zia hi ihria em? Khang tar chak tawhlo tak tak, chhungte enkawl a duat tu pawh nei velo te tan a hlimna vawr tawp ilo siam sak vang khan, lawmthu hrilh tur che a ka hmuh ngei che angai a lawm" ka tih chuan alo nui hawk a.








"Lawmthu hrilhtur an awm anih chuan nang tluk a lawmthu hrilh phu hi an awm hauh lo ang le, keini chuan kan eizawnna anih ang in kan tihtur kanlo ti mai chauh a lawm, nang chuan ihun leh sum tamtak sen huam in anni ho kha helai hi irawn hruai thleng ania, ithiltih ropui lutuk hian min hneh em a min rawn biak a tang khan, khatiang Khan ruahmanna kha kalo siam ve mai chauh a lawm" a rawn tih chuan midang lak a tang a fakna ka dawn ngai loh zia ka ngaihtuah chhuak a ka hnuk a ulh lek lek a.







"Enteh joseph. Ithu rawn sawi chuan min veltap lo chauh a lawm, fakna hi midang te lak atang hian dawn kalo beisei ngai hauh lo a, mifel tak ka atang a fakna ka dawng chu ka lawm hle mai" ka tih chuan chiang em em hian min lo en leh vang vang a.






"I chhungril a thatna awm kha ka hmuh theih vang aniang, nang ang a rilru tha leh midangte tan a inpe zo hi tu mihring chuan nge lo sawichhe duh reng reng ang che ni"? a rawn tih chuan "Min ring sual let der anih chu, kei te chu tumah hian ka hmelhriat nih anduh reng reng hleinem, nangpawh hian minla hrechiang lo a minfak ve mai mai anih kha, min hriatchian hunah chuan midang ang tho in min diriam in chil minla chhak khum lo ang tih a sawi theih loh" ka ti zuai raih a.







"Chuthil chu engtik ah mah a thleng ngailo ang. Zorin min ring rawh kei chuan ichhungril a thatna awm kha ka hmuthei ka tih kha, nanghi mi tupawh in antina che anih chuan nangmah tanpui turin zanin la la atang hian ihmaah ka lo ding zel ang tih ka tiam a che" a rawn tih chuan kalo meng phawk vak a.





"Mi nen insual angaih pawh in katan chuan isual pui zel thei tak tak ang maw? Ka tih chuan " Thei teh reng e a, tumah in antihnat che ka phal ngai hauh lo ang" thu tak lutuk a arawn tih chuan kalo nui hawk hawk a.







"Chung em chu thleng lul suh se, keimah vang a ihmai a khem nen nuan chuan ka inthiam thei ngai dawnlo a sin" ka tih chuan " kei in pawi ka ti ve hlei nem, nangmah chhan nan a kalo hliam a nih chuan min enkawl tutur ngaihtuah ran chung in lawm tak in kalo pawm ang" nui hawk hawk chung a rawn tih chuan a banbul ah chuan ka va chum taih taih a, alo nui uar zual sauh a.







Ka mutna hmun a ka let leh hnu pawh chuan Josepha ringawt chu ka ngaihtuah a, a bul a awm anuam in min tihhlim dan ahre em em a. Josepha kha Rinhlua lo ni zawk se ka ti ngei mai, englai pawh a natna min siam sak reng tu ka hmangaih mauh mai si a. Chupawh ka ta ni ve ngai miah lo tur leh nghal. Josepha kha chuan vawikhat min hmuhna atang Khan minring thlap a, midangten min hmuh dan leh endan ang Khan min en ve miah lo, a bulah kha chuan mi pangai ang chiah in ka awm in ka nui ve hawk hawk anih kha...zep loh ah chuan Josepha kha ka ngaina takzet ani tih ka pha thei hauh lo ang....cont







Next a tang chuan Josepha zorini nunah a rawn in rawlh tawh dawn sia. Rinlua a talbuai tan dawn chauh. Ka story beitham te mai minlo hlutsak a comment minlo pek thin vang hian lawmthu ka sawi mawl mawlh e, in comment na hian chakna thar min pe thin tih ka sawi tawh thin kha, ka mit a chaklo a thui tak ka type thei lo a, minlo hrethiam hram hram ru aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:04 pm

Zanlai anihthleng chuan muhil theilo chuan ka lettawn sek a, helai hmun kan thlen atang khan Rinhlua ka ngaihtuah nasa ta lutuk chuan min tibuai niber hian ka hria, Josepha nen kan intawn atang phei kha chuan maktak mai in Rinhlua nen ka khaikhin reng a, engti kawng zawng emaw tak hian inan na riau annei hian ka hria a. An mizia erawh a hrang hlauh thung a, Josepha atawng duh in a bula awm anawm em em laiin Rinhlua erawh chu atawng mawh in, a nelawm loh em em thung lawi sia.








Ka muthilh theih thlawt loh avang chuan, ka phone lukham hnuai a ka dah chu ka la chhuak leh ta nge nge a. Ka whatsapp messages ka en chuan Rinzami messages chu ka en hmasa ber a. "Angel biaktlang ivahar ve? engtik ah nge inrawn haw dawn? Inlo haw ve leh minrawn hmu rawh aw, thil pawimawh tak sawidun tur kan nei ania" tih a rawn thawn ka hmuh chuan, engthil pawimawh nge minhrilh tur aneih chu ka ngaihtuah chiam pawh in ka hrechhuak mai thei lo.







Messages dang ho pawh chu ka enkual dan dan a. Sangpuia leh Awmpui-an minrawn biakna ka en zawh chuan, number ka save loh msg lo awm ve reng chu open mai lo chuan ka phone chu ka hum vang vang a. Tudang nilo in Rinhlua number tih ka hriat chian em vang ani.







Khami zan, khathil thlenzan Khan Rinhlua number ka delete nghal vek a, thudik hriat hmasak tum hauh lo a, anupui hual lemchanthiam lutukin dawt a minpuhna zawng zawng awih a, khawngaihna leh lainatna nei miah lo a, pawn a min thehchhuah zan atang khan a number ka neih ve reng a tulna ka hretawh lo a, a nun atang kalbo tur a mintihna zawm in, a number thleng a delete vek kani.








Khatiang khawp a thil athlen tawh hnu ah engvang a msg minla rawn thawn leh cheu nge maw anih ang le? Dawt a min puhin minrawn diriam a tum leh bak anih ka rin loh vang chuan, a msg pawh chhiar lo chuan ka delete nghal daih a, enge a rawn sawi ang tih ka ngaihtuah vang chuan ka rilru a buai leh tho bawk si, hepa hi chuan min ti buai hneh ve chiang a lawm.








Ngurpuii pawh tuitak in a muhil tawh a, kan mutna piah deuh a pitar mu ho zing atang chuan natuar rum leh dat dat awmthan a ka hriat vang chuan ka lu chu bengkang in, thawm lo chhuahna lamah chuan ka beng chu ka chhi ran a, natuar rumri arawn awm leh tak ah chuan, rangtak in ka mutna atang chuan tho in pitar mutna lam chu midang tih harh hlau zet in ka pan phei tham tham a.









A tuber nge tih ka hriat mai loh vang chuan thawm rawn chhuah tu ber chu ka zawng phei dan dan a, a sir kil ber a mu pitar chu a rawn rum leh tak dat dat ah chuan ka pan nghal vat a.








"Kapi idamlo emni? I enge nâ? Tinge min rawn koh mai loh a? Ka ti nghal zung zung a. "Ka pum hi ana lutuk a, chhunlam a kan thil ei kha ka pum hian a zo meuh lo anih hi" a rawn ti khur dar dar a. A khua a sik em tih hriat tum chuan a chal chu ka kut chuan ka dehsak vat a, a hmai te chu a lo thlan huh hliam a, ka khawngaih lutuk chu ka tap lo choh tawh.








"Tikhan lo awm lawk rawh aw, nachhawkna ka va la lawk ange" ti chung chuan kan mutna lamah chuan ka let leh vat a, ka bag chhung a damdawi ka ken ho chu la chhuak in, tui chu no ah ka thli chhuak a pitar mutna lamah chuan ka let leh nghal vat a, damdawi ka eifel tir hnu chuan remtak in ka mutthat tir a. "Kapi lungngai miah suh aw, idamdawi eikhan reilo te ah a rawn chhawk vat che anga imuhil leh siai siai mai ang, hetia idam loh chuan naktuk ah hun hlimawm tak ihmang ve thei lo anga idamthat var angai ania" ka ti mawlh mawlh a.







A mutna sirah chuan thu in a pum nalai a sawi chu ka chulsak hauh hauh a, ka rilru chuan Pathian hnen ah ka tawngtai mawlh mawlh a, hetia kapi hi a damloh reng chuan kan hun hman hlimawm zet hi a ti khawbaw zo vek ang tih ka hlau ve em a tin ni.








"Mami va mu leh tawh, ka tha tawh ania" a rawn tih chuan "Kapi kei chu min ngaihtuah duh suh, imuthilh hma zawng chu tihian kalo awmpui ang che" ka tih chuan min chhang tawh lemlo a. Darkar chanve tha zet ka thutpui hnu chuan, nachhawkna Khan a chhawk ta aniang, a muhil tih hriat takin a rawn thaw ri sak sak a, chutia a tha leh hlauh chu ka lawm ngei mai.








Chhunlamah khan thil chi hrang hrang an eiduh leh chakzawng kalo eitir chiam kha mawl ka inti viau bawk, ankum a upa tawh a, an pumpui a chaktha tawk tawhlo ang tih lam reng reng ngaihtuah nachang kalo hre miah lo a. Tlai leh puar takin awm se tih ka duhpui lutuk nalam ah, engmah ngaihtuah chiang hlei lo a kalo hrai chiam vang khan, engthil emaw ka pi chungah hian thleng tase engtin nge ka tih ang?, ka ngaihtuahna vang chuan ka hlau thawng leh hnuhnawh ngang mai.







Ka mut ve meuh chuan khua avar lo choh tawh, ka ngaihtuahna chu a kalthui khawp mai. Tun atang a ni reilo te ah home enkawl maitawh tur kani a, pitar pakhat pumna vang ringawt pawhin ka mangang em em a, engang mihring nge ka enkawl ngai ang? addict chhungte pawhin tihngaihna anhriat tawh loh te, nausen pitar putar thleng pawh in ka kutah hian mitam tak anla innghat ve ngei a nga, chung hun ah chuan chaktak a ka awm theih nan Pathian puihna ka mamawh reng dawn a, keimah mai chuan engram mah ka thleng dawn hauh silo a.








Zing ka thanharh chuan room chhung chu aloreh thiap tawh a, ka hawikual a tumah anlo awm tawh lo, ka sana chu ka bih vat a, zing darsawm a lo ri va tawh.







Thawh ka hai chhia va chu loni in, ka mutna atang chuan tho chhuak in ka zimar ar ar a, tukverh ah chuan ka dak chhuak a, pool sir ah chuan anlo in hawr khawm laih laih a, a landan chuan anhlim tlang hle ani tih a hriat reng, ka pum rawn ri ruk ruk ah chuan ka riltam tawh zia ka hrechhuak chiah, ka intihfai zawh chuan T-shirt thawl hnek hnawk var tha zet leh jeans kekawrbul dum takzet, ka khup chung hret thleng vel hi ka ha a, chapal kaih ka bun leh tawp a, lukhum hmathlawk dum ka khum leh hnuah pawn lam a ka thian te va fin ve tur chuan ka chhuak ta vat a.








Anbul ka va thlen chuan, swimming pool chhungah chuan putar thenkhat chuan tui anlo cheng a. An cheng ti ila anlo inchiah zawk mah aniang chu, minlo hmuh rual chuan minlo au chul a.







Lai zet chuan "Tinge tuman min kaihthawh loh a, ka muthilh chhung in hun nuamtak inlo hmang tih ka hremai" ka tih chuan "Nizan lamah Khan imumang lo tih kan hrevek a lawm, imutthat loh chuan idamlo ve mai anga sin" minlo ti ve liam liam hlawm a.








"Ka damlo ve thei hleinem, keite chu robot ang chiah a lawm ka nih" ka tih chuan an nui dar dar a. Ngurpui bengbulah chuan "min kaihthawh tur ania, azialo e tukthuan an eitawh em? Ka va ti sa sa a.
"Zingkar atang in sawlai tlangval chhelo lutuk sawn i ai alo awh vek alawm, a mah sawn kaihthawh che a phal tlat lo a" Josepha melh zak zak chung chuan a ti a.







Ngurpuii nen kanlo inbiak mawlh mawlh lai chuan Josepha pawh chuan, kanbul a rawn thleng ve chawpchilh a. Ngurpuii lah chu a kalsawn nghal daih zui a, ka lolai lutuk chu zalo fe chuan kalo nuih ringawt a.







"Irawn tho tha thei maw? Nizan lamah ka pi te zingah sawn damlo an awm tih kalo hria a, tinge minrawn kaihthawh mailoh a? ithutpui tlaivar deuh thak antia i chau viau in karing" min chhuah chhal titih chuan, nui var var chung hian a rawn ti a.







"Chau lah lo e, Ngurpui-in zingkar atang ilo buaipui vekthu minlo hrilh zo chiah a, lawmthu ka hrilh leh ngei che angai anih hi, kan rawn kal chu kan tihah lutuk che a ka inthlahrung rum rum tawh" ka tih chuan ka kutah chuan a rawn vuan a, makti fe chuan kalo melh phawk hra a.







"Zorin ka lakah hian lawmthu sawi iba miah lo ania aw, ka duh reng vang a lo pui mai choh a lawm kanih, ka sawi tawh kha ithil tih te lak chuan kei a lo tih ve hi chu a ve lek chauh a lawm anih, engmah ila ei miah lo ani tiraw? min rawn tih chuan makti fe chuan kalo en ha a. Josepha hian tinge min hriatchian em em mai le?, engmah kala eilo tih thleng thleng in a hrethei vek ania. Chubakah midang te min endan ang a min en ve miah lo te hlei hlei hian ka mak tihna ati zual ting a.







"Engmah kala ei miah lo tih engting nge ihriat a?"kalo ti vat a. Vanvadak meuh chuan a nui hawk hawk a, anuih zawng a aha var rual tha zet lolang te chu inhmeh riau hian ka lo hrepek a.







"Ka chalah chuan akut zungchal chuan a rawn kawk zauh a, helai ah hian engmah ila eilo tih a inziak vek a lawm, titeh keipawh engmah kala eibik miah lo. Kan pi leh pu te ho tihlim tur chuan puar tak leh hrisel taka kan awm hmasak phawt angai ania, thil eng emaw tal kan ei phawt chu angai ang chu, lokal teh iva in hnawhpuar hmasa ve phawt teh ang" ti chung chuan ka kutah lain min kai dawr dawr a.







Tun hi kan vawihnih inhmuhna chauh ani a, hun reitak lo inhre thin tawh ang mai in, kan inpawh in kan infiam nghal bawrh bawrh thei chu thil mak tak ani ve reng reng.







"Thil kan eidawn chuan Ngurpuii ka hrilh ve phawt a ngai alawm" ka tih chuan min vawnna chu a thlah ve mai bawk a. Ngurpuii bulah chuan "kan va inhnawh puar ve lawk ange, ilo enkawl thei ang tiraw" ngaihtuah hmel deuh a ka tih chuan " Lo ngaihtuah suh, thatak in ka lo enkawl ang. Thil pakhat Uzorin saw tlangval nen sawn in inhmeh lutuk tlat, a endan ah che sawn a duh che tih ka hremai" a rawn tih chuan kalo lai chhe leh em em tawh a.







A lampan a ka kal lai chuan kut kuangkuah at chuan nuisang hian minlo en reng a, ka ke pen te chu a buai zo vek hian ka hria a. Rinhlua nilo mipa dang lakah hian hetiang tak hian ka zamchhe thei ang tih rin ngaihna pawh kalo hrelo. Ka jeans kekawr bul lo ha kher kher chu ka inchhir leh rum rum mai, tlangval chhelo lutuk bulah ka awm dawn tih kalo ngaihtuah thleng pha hauh lo a.






Restaurant chhungah chuan min luhpui a, midang chawl pawh anlo awm nual a, dawhkan ruak lo awmah chuan kan thu ve mai dawn emaw tih naklai in. "Zorin lokal rawh helam ah" ti chung chuan ka banah min rawn kai leh a, inchung lamah chuan min chhohpui a, thil eitur kan ni in ka hre bawk sia inchung lam a min hruai ta daih chu kalo buai ru tawh ngang mai.






Chhawnghnihna kan thlen chhoh chuan ka meng kawk kawk thei. "Hei zet chu ropui lutuk" ka ti chhuak hliai a. Josepha pawh chu a rawn nui ve hawk hawk a. "Nuam itih zawng ani em" a tih chuan tawngkam a chhang lo chuan kalu chu kalo buk khum nghek a.




"Helai hmun hi chu mikhual pawimawh te chawlh na bik ania" a tih chuan "Mikhual pawimawh ka ni ve bawk silo a" kalo ti vat a. Nui vur vur chung chuan "Ilo pawimawh viau maithei a sin" a rawn ti sup a, a hmel thutak ta lutuk chuan ka awm ati nuam leh chiah silo a. A hnungzang ah chuan nalo te chuan ka va chum taih a "Uang uang thin lo teh" kalo ti hlak a" kan pahnih chuan kan nui leh rih a.







"Kan eitur chu rei pawh nghah ngailo chuan an rawn chhawp a, ka riltam tawh bawk a ka einghal bawrh bawrh a, ka thil ei minlo enreng tih ka hriat vang chuan ka zak leh hnuhnawh khawp a. "I danglam takzet ani, hmeichhe dang zawng zawng aiin" thutak lutuk a arawn tih chuan ka thil ei lai chu chawl meuh in a mitah tak chuan ka melh kal a.






A mah vek chuan "Ei leh rawh ila eitlem lutuk ipuar lo ange" nui ruh ruh chung chuan a rawn ti leh zat a. "Enge tunlawk a ithil sawi kha a awmzia? idanglam tih vel kha" ka tih chuan a nui leh hawk hawk a, hepa nuih handuhzia hi Rinhlua ve kha chu anuilai hmel pawh ka hmu ngai manglo ania. Ani nen kha chuan an inang hlawl lo, mahse Josepha hian Rinhlua min hriatchhuah tir zel bawk si.






"Zorini hmeichhe dang nen chuan in danglam hlak a lawm, lanmawi tum a lemchang kual vel miah lo a imizia ang ang a i awm tawp tawp te hian ithinlung thianghlim zia a ti lang chiang zual sauh alawm, nula tamtak thil kalo eipui ve tawh a, ka hmaah hian tu nula mah hian tun a ithil ei ang Khan engmah an ei ngam ngailo reng reng, inlak zei tum lutuk in tlemte an ei a, nang chu ini ve hauh lo, zak tittet lo a ka hma a thil i ei bawrh bawrh thei kha ihmuh nawm ka ti" a rawn tih chuan kalo nui sak a.






Restaurant atang kan chhuah chuan thu ho te te sawi in Josepha chuan fiamthu a thawh a, kalo nuihpui ve nghek nghek a, ka kutah chuan vuan in "Kan thil ei kha kan sawimuk lawk dawn ami? A rawn tih chuan "Engtin" kalo ti vat a. "Aw kan tlan ang mawle, kan tlan zawng in kan thil ei te chu kan pumpui ah a insawi muk nghal vek mai ang" a rawn tih chuan mittui thla phung chuan ka lo nui a.






Ka kutah chuan nghet zet a min chelh chung chuan "1 2 3 ah tlan ang aw" a rawn tih chuan "I ti tak tak emni? Naupang chhia ti lutuk chuan kalo ti a. "Ti tak tak e, thil eipuar hlim a exer lak chu a common lo iti ve tho lo maw? a tih chuan "I van ho reuh tak ibulah karkhat awm ila chuan ka nuih hnem lutuk vang hian ka thau zo vek thei in ka ring ania" ka tih chuan "I thau pawh in ka mitah chuan imawi tho tho" fiamthu chuan a rawn ti leh zat a.







"Tar ho intihhlim pui tur in ka rawn hruai a keimah hian ka hlimpui ta ber anih hi" thutak deuh zawk a ka tih chuan "Zorin hlim hi iphu ve reng alawm, engah chuan nge ihlim loh bik teh lul ang le? Ka bul hnai a i awm chhung chuan ihmeltha tak ah hian hlim nuihmel ka hmuh reng angai ang chu" tih pah chuan ka biang tawn tawn ah chuan rawn piai in ka hmai chu nuirawh le ti chung chuan a pawt vak a.





"Misualpa ichak dawn lo lutuk" ka tih rual chuan a tlanchhe nghal daih a. "Ti kha chuan Bingtaituki chiah chiah ini tawh" nui vak vak chung chuan a rawn ti a. "Lawmsangzuala lo ding rawh" ti chung chuan ka um ve zel a.






Ka hma tak a car rawn ding dawt ka hmuh rual chuan ka nuilai chu chawp leh chilh chuan a ral nghal riai riai a. Rinhlua maw? Tunang hunah enge helai hmun ah hian a rawn tih ve ang le? Hmuh loh der tum sateh mah ila, rum lutuk a min rawn melh kur a vang chuan birukna hun a awm tawh lo, ka mithmuh ah rawn inlan tawh ngaisuh a tiri chu ka bengah chuan a rawn rinawn leh tluk tluk a.






Rinhlua hian kei hi min hmuduh tawh reng reng hlei nem, ka ngaihtuahna avang chuan ka in her vat a, hman hmawh tak a tlanchhiat ka tum chu josepha chuan "I va chau hma ve kalo paw mai dawn che em niang? Nui var var a min rawn kuah chung chuan a rawn ti a. Josepha min biakna pawh chu ka ngaihven thei tawh lo, kan bul lawk a minlo melh run tu mihring vang chuan kalo hlim ve na zawng zawng te kha thawk leh khat ah lak bo in a awm nghal vek tawh.







Car kawngkhar ring lutuk a rawn inkhar ribur vang chuan kan hawi rual thawt a. "Ehe Bawiha nang maw? Tunang hunah kalo beisei miah lo che a" tih pah a joseph-an Rinhlua bul lam pana min kaih phei lai chuan kalo tang teuh a. A hmel chu thinurna meipui alh hluah hluah ang mai hi ani, engvang a chutiang tak a thinrim nge anih? Rinhlua rawn thinrim chhan awmang tur ka hre bik lo, a hmaah ka inlan leh vang in a thinrim te pawh ani mahna le.







Josepha biakna chu kamkhat mah a chhang lo chuan. Joseph-an ka kut a vawn na chu a mit chuan a melh ngur a, chutah Ka mit tak a min rawn en chung chuan "Thiana kan inbiak angai" a ti hriam hrawih a. Josepha pawh chuan Rinhlua thinrim hmel chu a hmuh hmaih bik hauh lo. Ka bengbulah chuan rawn kun hnai in "Minlo va pheisan mai ta che, ka thianpa hi a mood a fuh vak loh a nih hmel, ka va be lawk anga ka rawn zawm ve vat ang cheu" a rawn ti sar sar a.







Ka kalsawn dawn chuan ka va melh leh hram a, min seh mai dawn emaw tih tur khawp chuan minlo la melh rum a, ka chhip atang a ka keler thleng chuan a melhchhuak vek a, a hmelah chuan min hmuhsitna leh diriamna engmah ka hmulo thinrim na chiah ani ka hmuh ni...Cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:04 pm

Kan hun hman hlimawm lutuk ti chhe vek tur a engvang a rawn inlan kher kher nge anih phiangsen le? A tello pawh hian ka hlim in ka nui ve thei tih ka hre ve dawn choh a, ka hlimna neih ve chhun pawh min rawn tih chhiatsak leh vek tawh. A rin ang mai mai chuan ka awm tawh bik lo tawp ang. A hriat thin zorini tihnat awlsam tak, a mithmuh lai a mittui titla fo thin hmeichhia kha ka nih tawh loh zia hi kei hian ka hmuh tir dawn khawp a lawm.









Mahse ka thil hriatthiam loh chu, Josepha nen khan an inhriat that hmel viau tih joseph-an a biak danah khan a lang reng a. Amah nilo mipa ka ngainat leh, a kiang a rilru thlamuang tak a ka awm ve theihna awm chhun Josepha nen Khan, eng in laichinna nge anlo neih ang? tih chu keimah a zawhna awm lian tak chu ani.








Ngurpuii te bul ka thlen phei chuan nisa ah anlo in pho ar ar hlawm a. Ngurpuii chuan "Ka rin aidaih in irawn kir leh hma, khawnge kan tlangval hmeltha-a kha a awm tak daih a" ka hnunglam melh pah chuan a rawn ti sa sa a. "Hna pawimawh tihtur anei lawk a, ka rawn kalsan ta mai" ka tih chuan chik zet hian min melh vang vang a. "Diklo a awm emni? I hmai kha adang vek ania" a rawn tih chuan "engkim a tha vek a lawm" aw ka zangkhai vah chuan kalo ti leh vat a.








Ka kâ hian ka thatthu sawi mahse ka chhunglam hi kha mihring vang Khan a buai leh nuaih tawh, kan intawn hmasak ber atang khan a huhang na lutuk hian min uap churh thin a, a chezia induh tawk lutuk te, a bialnu ni chuang miah silo a ata ang mai a min cheibawl thin te kha. A duh am vang nge? Min zahloh hrim hrim vang tih pawh ka thliar hrang thiam tawh lo chu ani ber a.








Josepha Khan ka rawn fin vat ang cheu a ti kha ania arawn kir leh ta miah lo a, chutiang bawk in Rinhlua pawh ka hmu tawh hek lo, tar ho karah chuan nuihmel ka pu ve tak na in ka thinlung takin ka nui thei tawh lo a, zan pawh riak tawh lemlo a hawpui mai chu ka duh ta rum rum a.
Chhun thil kan eilai in tlailam ah kan haw tawh maidawn emni? Ka tih chuan anhmel chu a dul deuh raih hlawm a, keimah chiah kalo in ngaihtuah a, khapa ka hma a arawn inlan leh vang Khan hreawm ka tih em vang in ka hnathawh mek hi kalo hlamchhiah hman thelh anih chu.








Tuman min chhang mai bawk silo a. "Aw le aw le ka fiam cheu anih kha, helai hmun a kan kal hi nuam inti takzet em tih hriat ka duh a, zanin chu kan riak leh anga naktuk lamah erawh chawhma lamah kan haw ve tawh thung ang" ka tih chuan anrawn nui var var hlawm a.







Nileng chuan Josepha hmel ka hmu leh ta miah lo a, kan kiangah hun a hmang ve turah kalo ngai kha kalo tisual chhiava anih hmel khawp mai.
Zan hmasa ang bawk in, thla eng hnuai ah chuan swimming pool thla eng in a chhun tlet sur lam hawi chuan ka thu leh vang vang tawh a...Rinhlua bawk chuan ka ngaihtuahna arawn luah khat leh nghal vek tawh.







A thinrim hmel rapthlak lutuk te chu ka mitthla a arawn lang leh uar uar a, Spartans pasaltha huai sen leh rothap lutuk Leonidas-a te kha ka tehkhin rum rum thei, amah a palian bawk si a, kan inhmuh loh chhung in a kha be hmul a lo zuah buk vel vei nen, khatiang hmel pu chung pawh khana langpa leh zual sauh anih kha.











Ka sir a rawn thu ve chu tunge tih zawhbuai kangai tawh lemlo, a rim a tang chuan josepha tih ka hrethei mai a, engmah sawi mai lo chuan pool lam chu a en ve vung vung a, rei mawitawk a thut hnu ah chuan "Zorin Rinhlua nen Khan inlo inhre thin tawh emni? Nilo in inkarah thilthleng a awm tawh zawk nge? Min en miah lo chuan a rawn ti chhuak sup a, tunah tak hi chuan ka hriat thin Josepha kha ani tawh miah lo, a lang cool ruih ani mai.








Ka lo beisei loh lamdaih a rawn sawi vang chuan minti hamhaih phian lawi a, tuna Josepha awmdan hi ka ngaina hauh lo. Rinhlua min ti hrechhuak nasa zual tlat, ka chhan takmai loh avang chuan minrawn thut hnaih in, ka kut hit thlar tawh chu a kut lum thur thur chuan a rawn hum a.







"Zorin ka zawhna che chu minchhang teh" a rawn ti leh sup a. "ka kut a hum chu la sawn in tuikhuah lam chu ka hawi leh daih a "Kha mihring sual lutuk nen khan eng in laichinna nge neise mintih a?, khapa lak ah khan diriamna bak engmah hmuh ka nei ngailo" ka tih chuan a rawn nui hawk a. "Kalo ring reng a, in inkarah hian engthil mah a thlen kalo ring lo kha ka ring dik chiah ani" a tih chuan Josepha chu ka lo en reng a.









Engvang a Rinhlua nen chuan inzawm na kan neih leh neih loh min zawt tlat nge anih le? Rinlua nen kan inhria tih thleng in a lo hre leh zel bawk sia.
"Enteh Joseph engtin nge Rinhlua nen kan inhria tih chu ihriat a?" Ka ti ta nge nge a. Nui vur vur chung chuan " ka hriat dan a pawimawh ber lo, in inkarah eng inzawmna mah a awm lo hlauh chu ka lawm khawp mai" a ti leh duah a.








"Chung zawng zawng ai chuan Rinhlua nen Khan entia inhria nge innih zawk a?, vawiin Khan ilakah Khan a lungawi vak lo a ang ka lo tia" ka tih chuan a dar chu a chet zauh a. "Thinrim tih piah lam ani, ka lakah hian thil pakhat min dil a, chuthil chu ka tih hlawhtlin sak thei lo a, vawiin pawh Khan min khawih mai kha pawitihna a nei lo hrim hrim" nui ruh ruh chung chuan a ti a.








"Rinhlua meuh in thil a dil che chuan athil dil che chu a hlu viau aniang maw? Ani ang mihausa chuan a duh duh a neithei zel awm tho sia" ka lo ti hliai a. Josepha chuan alu chu a thing nar nar a "A mamawh hauh lo, a mamawh loh zia chu ka hre chiang a lawm. Mahse engvang a khatiang tak a ka chung a athin arawnrim chhan kha ka hrelo, ka thianpa khatiang tak mai a athinrim hmel kha ka vawikhat hmuhna ani ve tho, chuvang ania chhunah pawh Khan ka rawn zawm ve tak loh cheu" a ti zui duah a.








"Naktuk chawhma lamah kan haw tawh dawn a". Kan thusawi ki chu ka thlak ta daih a. "Haw inva tum leh hma si ve, inhaw daih chuan kan spot chu a reh leh tlawk tlawk dawn anih chu" a rawn tih chuan a thusawi awih lo lutuk hian ka lo en a.
"Nitin helai hmun ah hian mitam tak anrawn Kal vut vut reng a, keini sawmhnih khat lek awm loh vang a areh zo vek dawn han tih chiam na chhan tur awmang a vang ve e" ka tih chuan minlo en vung vung a.








"Ka sawi thiam bik chiah lo, helai hmun inrawn thlen atang Khan ka nun hi famkim ta riau hian ka hria a, eng pawh chu nise inhaw hnu ah pawh tunang hian inpawh tak a la awm zel ka duh a, in inlamah te pawh kala rawn lenglut ve duh dawn sia inumber minlo pe vela " a rawn tih chuan ka lo nui hak a. "Enteh Joseph keihi minhnaih duh tak tak ka ring miah lo ania, nizan lam a ka thusawi kha ihretawh lo zawk nge? ka hmelhriat nih takngial pawh hi anzakthin ania" ka tih chuan. "ka zak ve hleinem" luhlul hmel zet chuan a rawn ti leh a.








"Anih chuan tun a min hriat ang hmeichhia hi lo nilo ta ila ka thian nih chu ila duh cheu dawn ami? Ka tih chuan "Duh tehreng mai, thian lo deuh thleng pawh in mawle" rang lutuk chuan a rawn ti a. A thil sawi chu ati tak tak em tih hriat tum chuan ka en vat a, a lo thutak nasa mai bawk sia.








"Zorin miten an sawidanah che ka buai ve lemlo ania, nangmah tak tak hi anhmuh thiam loh vang anih kha, kei chuan nangmah a thatna awm hi ka hmuthei vek a, chuvang tak chuan hnaih che ka duh phah reng a lawm" a mah vek chuan a rawn ti leh a.






Tuntum tih loh hmundang ah kan la inhmu ngai bawk silo a, he tiang tak a joseph-an min ring hi mumang te pawh a ang ka ti zawk hial mai.
"Aaa iti ve mai mai a nih kha, naktuk thawh ka hai leh palh ang ka luhsan mai ang che" ka tih chuan " " Chutia imutdaih dawn chuan helai hmunah hian awmchhan tur ka nei tawh bik chuang hlei nem" a tih chua kalo nui sak a "Engteh johseph Rinhlua chuan ka chanchin ikiangah sawi anei em" ka insum thei tawh thlawt lo, thil zawh chi ani em tih pawh ka ngaihtuah hek lo, ka ka atang hian a rawn chhuak ve tawp nimai hian ka hria.








"Zep loh chuan nanghi hnaih lo tur che in min ti a" a rawn tih chuan "Engvang chuan maw minhnaih chu a phal loh? ka zawt rang lutuk chu ka in thiam leh chiah silo a..."A mak ka ti em alawm engvang a ka hnaih a i awm chu phal lo ve ngawt nge anih ang? Ka ti nawi niah niah a.







"A chhan chu ka hrilhthei lo che, ka thian thaber in thil min ngen hmasak ber chu, ihmel pawisawi lo leh tha lutuk vang hian ka zawm thei lo ania, ichungchang ah kher hi chuan ka thian thaber mah nise a duh ang hi ka zawm thei lo ani" a rawn ti sup a. Rinhlua rawn lan atang Khan Josepha mizia pawh a dang vek a, ka chungchang ah hian anlo inhau chiam ani thei angem? tih zawhna chu keimah ah hian a awm lian khawp mai.







Kan room thleng min thlah deuh thlap a, kawngka ka hawng tur chu ka banrek ah a rawn manchawt a, kala phu nasa em em zui a. "Zorin a la hma tho sia club lamah sawn zanin chu kan va lam ve dawn ami" a rawn tih chuan ka lu kalo thin khum vat a. "Pawm hram teh ka, muhil thei dawn chuang silo a, nula tlangval tamtak anlam luih luih na karah sawn va in ti thawveng ve teh ang" inla khawngaih thlak deuh chuan min sawm char char a, peih lo viau mah ila kan lak a athatna ka rulh let ve theihna anih beisei in ka zui ta nge nge a.







Ka banah Kai chung chuan club lam chu min panpui hlawk hlawk a, ani nen hian ni hnih kan in hriatna chiah ani a, ka kutah hian a vuan ngun ta khawp mai tih chu kalo ngaihtuah daih thung a. Club chhung boruak ri hulh hulh ah chuan min Kai lutin midang karah chuan kan in hnawh phei tawlh tawlh a, nula tlangval engto nei miah lo a lam suau suau ka hmuh rual chuan ka lung a rawn leng vawng vawng thei.





Rinzami te pianthar hma kha chuan hetiang hian zantin kan hun kan khawhral thin anih kha, tunah chuan kha hmun a Kal thin te ho kha kohhran leh khawtlang ah mi hmantlak tak tak te an ni vek tawh a, thil sual ti a inhmukhawm thin mah ni ila khang hun kha Kan damchhung hian kan tawng leh tawh awm silo a.








Ka biang tawn tawn ah chuan a kut lianpui chuan a rawn khuap a, ka lam a arawn kun hnaih chuan min fawp dawn emaw tiin ka mit ka lo chhing ringawt, ka bengbul ah chuan "Zanin chu engmah engto nei miah lo in ihan lam dun tak tak ang aw, ihmelah Khan nuihmel kala hmu miah lo ania" a rawn tih chuan kalo meng rang nasa, ka zak lutuk chu ka sa pup pup thei.






Rinhlua Khan a duh duh hunah ka phalna la hmasa miah lo Khan min fawp tawp zel a. Rinhlua ang turah ka lo ngai chu ka lo ring sual chhiava deuh chu ani, ka phalna la hmasa thlap lo chuan ka chungah chet a la dawn miah lo tih lo hretur hi ka nia sin mawle.







Kan han lam tak ah chuan ka thawveng hawk hian ka hria, lam hi nuam ka ti in ka ngaina a, ka hnathawh hautak zet vang hian lamna hun pawh ka nei thei tawh meuh silo a, joseph-an min sawm lai kha chuan peih lo viau mah ila, amah aiin nuam kati fe tawh zawk in ka hria. Music thangtha zet karah chuan inbiak deuh lawng lawng angai thin a, kan inbiak dawn chuan tlem a in awm hnaih in Kan bengbul ah kan sawiduh chu kan in hrilh mai zel a, a khat tawk in kan nuidun leh hawk hawk thin a.







Kan hawna tur bus a rawn thlen chuan bus ah chuan anlut sang sang a, hun nuam tak kan hmang ani tih anhmelah chuan a lang chiang khawp mai, Kan bill pek ka tum chuan Josepha chuan a lo dawng duh ta tlat lo chuan min ti mangang khawp mai, kan ti hautak nasa mai bawk si a. Pek luih ka tum pawh chuan a thinrim hlur tawh mai sia, keilah in pawisa pe lo chuan haw ka tum bik bawk si lo, kan thu a inhmuh theih loh vang chuan reitak chhung kan inhnial phah a.








"Ti hian timai ula tha inti em? An bill chu a zat ve lo dawnsak mai ila, sir nangin pawisa dawn iduh lo a nula hian pawisa pelo a haw a duh bawk silo a , ka sawi ang Khan in rem mai teh u" manager in mangang zet a a rawn tih chuan Josepha chu a ngawi ngul a. "Pawisa pelo cheu chuan ka haw dawn miah lo ania, diktak chuan kan bill pawh hi hei aia hian a tam zawk daih turah kalo ngai a" ka tih chuan a rawn rum deuh hawk a.









"Luhlulnu manager sawi ang khan inremsiam mai ang, helai hmun hi ka ta ania keiin pawisa angailo ka tih chuan lo pawm ve mai tur che ania" lawmloh hmel fe chuan a rawn ti hmuk a. "A lo thlawn a rawn tihek tur cheu in helai hmunah hian ka rawn Kal reng reng lo aw, pawisa la duhlo ni ngat la chuan ihmel pawh hi inthlahrun vang in ka hmu ngam tawh teuh lo" ka tih chuan a rawn nui hawk a, a nuihmel ka hmuh leh theih vang chuan ka lo thaw hawi thei.








"Tunge a thlawn in helai ah hian in rawn kal ti reng reng cheu a?, a thlawn te chuan kei sumdawng mi hian ka awmtir phal cheu ilo ring reng reng emni? Thildang in min rul ang kalo tih vang mai zawk alawm" a rawn tih chuan ka lo mengphawk hra a.






"Tikhan makti hmel deuh Khan awm lo teh, ithingpui lumsa intur a rawn len fo katum tih kha itheihnghilh tawh emni? Thingpui tui tawk zantin min lumsak anga, iba min rulhna ah ka ngai mai dawn alawm" nui vur vur chung a arawn tih chuan "Chimawmpa" tih hlak phah chuan a banbul sek tha zet ah chuan ka hnek sak chawrh a.







"Ana hmeichhia ve si ikutthlak ava na ve? Nangnu hi i eizawnna tur ihai chhiava anih hi" a rawn tih chuan ka hnek tha leh ngat a. Kan awmdan naupang chhia lutuk vang chuan, hnathawk kan bulhnai a lo awm ve ho pawh chu anlo nui tha hlawm a.






Nazareth home a tar ho kan thlah fel thlap hnuah. Ngurpuii nen chuan kan inlam kan pan nghal vang vang a, kanu leh pa chuan gate bulah minlo hmuak a, zawhna anlo ngah ngang mai. "Nu zawhna inneih ang ang kha chu Ngurpui Khan chhanna ape vek thei ang cheu, hna chungchang ah Rinzami ka va hmuh nghal angai dawn a, ka chhuah hmain ka han inbual zawk zawk ange" ka tih chuan kanu chuan "Mambawih tunah inlo thleng ve chauh a, i chau lutuk ang chhuak hrih lo Mai rawh naktuk lamah pawh in sawidun thei tho lo emni? a rawn tih chuan "Nuuuu" ka lo ti vak a.








"Aw le aw le idamloh ka hlau alawm, ichauh tawngkhawng lutuk chuan idamlo mai ang tih ka hlau em alawm" a rawn tih chuan "Pathian in min veng reng thin tih kan hriat vek kha" kalo ti vat a. Ka pa leh Ngurpuii chu anlo nui hawk hawk a.







Ka inbual zawh chuan ka insiam nghal mawlh mawlh a, ka Kal hmain Rinzami ka call hmasa leh te te a, minlo nghah tur thu a rawn sawi chuan thu khawmuang tawh lo chuan ka in khalhchhuak leh nghal a. Rinzami te hotel ka thlen chuan manager chuan a room bikah a lo nghak reng tawh che chho tlang nghal mai rawh minlo ti vat a. He hotelah hi chuan ka mikhual tawh lemlo a luh leh chhuah lamah hi chuan buaina ka nei ngai lemlo, hnathawk ho zawng zawng hian an pi ber thian tha tak ka ni tih anhre vek miau a.







Rinzami room ka penluh rual chuan "A pawimawh hmel bawk sia, kan inah pawh chawl khawmuang lo in ka rawn Kal nghal vang vang ania" kati lut nghal bawrh bawrh a. Engmah sawi loh chuan minlo nuih var var ringawt a.






"Khatia nui ringawt lo Khan enge min hrilh tur ineih chu sawi nghal vat teh, ni hnih chhung khan ithil min hrilh tur hriat chak vang hian ka awm anuam thei der lo ania" ka tih chuan "Lo thu phawt mai teh" a rawn ti sep a, a thutna ep chiah sofa single ah chuan that chhe zet chuan ka thu thla hnawk a.






"Angel thudik a hre vek tawh" tih ringawt chu a rawn sawi a. "Eng thudik maw? Tunge thudik chu hria a? Hrilh hai zet chuan ka ti chhuak hliai a. "I nihna diktak hi Rinhlu-an a hre vek tawh, khawi atang a ahriat nge chu ka hrelo a, thudik tak alakah ka zep a vang in thinrim lutuk in min rawn chhuahchhal a" a rawn tih chuan kalo nui hak a.








"Angel anuihzat thlak miah lo ania. Inihna diktak a hriat chhuah vang hian Ubawiha kha a buai vek alawm" a rawn tih chuan kalo nui leh hawk a. "Thudik tak chu lo hria pawh nise enge a lo buai ve vak na chhan tur awm chuang a? thu pawimawh tak min hrilh tur inei emaw tiin, kanu leh pa te zawhna pawh chhang hman lo in ka rawn pan ve tawk tawk che a" lawm lo lutuk a ka tih chuan Rinzami chu a ding hluai a.






"Angel khatiang khan lemchan tum buai ve duh teh suh, ka hrechiang lutuk che ka unaupa ihmangaihzia hi ka hrelo emaw ti miah suh, ilak a a sual em em lai pawh khan ihaw thei tak tak lo chu anih kha" a rawn tih chuan Rinzami thusawi dik zia chu a hrechiang ber tu ka ni tlat bawk sia.






"Ka nihna diktak chu lo hria pawh nise engmah a danglam thei tawh chuang hlei nem. Rinhlua ka hmangaihna hian tawp chin a nei te pawh ania nge, tunah chuan a tlai tawh lutuk, ani nen kha chuan khuanu ruat kan nilo ania nge, a lakah Khan engmah beisei leh chuan tur a awm hlei nem, a mah ka hmangaihna avang a ka hlawhchhuah chu natna chauh ani, ani khan ka hmel hmuh a duh tawh loh thu ka mit a min en chung hian chiang tak in minhrilh tawh a sin, chuvang chuan amah theihnghilh tum in hmalam ka pan ve mek chu anih hi" ka ti chuai raih a.







"Engmah a la tlai lo, in pahnih hian in in hmangaih ve ve a, chu chu nangni pahnih hian inpawm duh lo mai zawk ani, mahni inbum reng lo hian inhmu ula tha tak in sawidun rawh u, huntha inneih lai hian in inchhungeng lui tlat anih chuan nakin ah inla inchhir ang, in at dun zia in hriat chhuah meuh chuan engkim hi alo tlai zo vek tawh zawk dawn asin" Rinzam-in a rawn tih chuan.






"Nupui hual anei tawh chung hian alatlai lo ila ti cheu dawn emni? Rinhlua khan a nupui hual nen a tibuai tawh lo tur Khan min hrilh chiang khawp a sin. Ka tihsual ni miah lo ah thudik hriatchhuah tum miah lo in, kei hi mi dawheh lutuk ah min puh anih kha, kha hmeichhia a nupui hual Rinzual-in ka sawi loh pui sawi a min puh vang khan, a inchhung atang in min thehchhuak tih te kha iunaupa chuan a hrilh miah lo che aniang maw?. Enteh thiani, kei chu ihmuh ang hian hna hautak zet thawk thin ka ni a, hmangaih ka neih ve hi Pathian hian a rem a ti lo ah ka ngai hmiah tawh" ka ti chang fak a.






"Angel khang thil kha chu inihna a hriatchhuah hma daih a thil thleng anih kha, titeh hetia in chhungeng tlat lo hian vawikhat tal Ubawiha hi hmu ve hram rawh, chumi hnuah chuan engmah a la danglam lo anih chuan ka nawrlui tawh miah lo ang che, ithuthlukna siam chu lawmtak in ka pawmpui thlap tawh ang che. Nakin a in inchhir leh natur ka duh loh vang hian vawikhat tal chu in pahnih hian sawidun rawh u" a rawn tih chuan ka ngawi reng a.





"I hmu ang ti raw Angel? a rawn tih chuan ka lu chu ka thin khum a. "Enteh thiani Rinhlua hian min hmangaih tak tak hleinem, minduh mai chauh ani, min hmangaih tak tak ni se tunge ka nih tih hi Chiang takin hriatchhuah a tum hmasa phawt tur ania, keingei pawh hian minhriat chian tumla engmah a la danglam lo tih ka hrilh mawlh mawlh pawh in, ani khan hmeichhe hurherh ti in ka zahawmna thleng hian min diriam asin, zamte min hrethiam mai rawh Rinhlua lakah hi chuan ka beidawng tawh tak tak ani" ka tih chuan a lo thaw ri leh hak a.







Ka thutna ah chuan rawn kalin, ka hmaah chuan a rawn thingthi ringawt a. "Tho teh engthil nge itih hi? Ka lo ti hliai a. Ka kut pahnih chu rawn hum hnan in "Angel ubawih-an a tih natzia che chu ka hria alawm, a mah pawh in ilak a athil tih zawng zawng ah Khan a inchhir a pawi a ti takzet a sin, ihria em? Ka unaupa hian naupangte anih laiin a pa accident vangin a chan anih kha, a pa a hmangaih leh a thiantha ber a chan lai pawh Khan kan hmuh lai hian a mittui a tla ngai miah lo, ilak a a lo sual thin em avang Khan hreawm a ti lutuk a ka hmaah ngei hian a tap hial a sin, chu ringawt pawh chuan a hmangaih zia che hi ati chiang tawk tawh viau lo emni? a tih chuan chhan dan tur mai pawh ka hre tawh lo.








"Vawikhat chiah chance pek leh chu remti mai rawh. Rinhlua hi ka unaupa anih rual in nangpawh hi khawvel a ka thian tha ber leh ka nun a mi pawimawh tak ini ve tho, in pahnih ah hian tu emaw zawk thlan ngai dawn sela thlan tur bik ka hre miah lo ang cheu, a awmzia chu ka nunah hian in pawimawh dan a inchen chiah. He tiang zawng hian ngaihtuah ve la, nupa tamtak inkar buaina ichinfel pui thin a, a tu zawk emaw zawk zawk khan lo ngaidam in chance vawikhat chiah lo pe duh lo ta se, engtin nge an nupa chu an inrem leh theih teh reng ang ni? tlawm zawk an awm khan mi pahnih inkarah remna alo awm thin tih ihriat ve tho kha" a rawn tih chuan Rinzami chu ka lo melh ngawt ngawt a.








"Rinhlua chance pe tur pawh in kan inkarah hian chance pek ngai tur khawp in eng in laichinna mah a awm hlei nem, ka hmangaih tih chu ka pha hauh lo, ka lo hmangaih ani ve mai a, chubak ah ka haw lo a ka lakah inthiam loh na tur engmah a nei reng reng lo, ka hmuh tawh loh hi a tha zawk in ka hria, kha anupui hual Khan a lo hrechhuak leh anih ngat phei chuan kan inchhungah min rawn luhkhung duh tawh hial ta ve ang chu, keimah vang a ka chhungte an nalai hi hmuh leh ka duh tawh lo takzet" ka ti chhuak hliai a. Rinhlua hmuh leh kher chu a tulna ka hretawh lo tak tak miau a, nupui anei mai tawh dawn a midang inkar a tlazep ka ang dawn riau a hriatna ka nei tlat bawk a.







Rinzami thusawi zawng zawng te pawh kha adik ka ti in ka pawm thlap, midang ngaidam thei tu chu mi ropui tak anni tih pawh ka hria. Rinhlua pawh ka thinlung takin ka ngaidam thlap a, nilo ka haw tak tak ngai lo zawk, chumi anih rual chuan ka ngaihdam tawh thu hmaichhan ngei a va hrilh kher chu a tulna ka hre hranpa tawh lo, nakin lawk ah midang ta ani thuai tawh dawn a, a nupui tur nen an inkarah boruak thalo thlentu ka ni thei tlat.








Rinzami-i lah in beidawng duh miah lo chuan vawikhat chiah hmu leh hram turin min thlem ve char char a, kan thian dun thu inhmuh loh tumber ala ni hial ta ve ang chu. "Angel keimah vang tal in vawikhat chiah Ubawiha hi hmu leh hram rawh, ihmu duhlo anih chuan ka unaupa hi ka chan tawh ah ingai fel hmak thei ang" a rawn tih chuan Rinzami chu enge thil awmzia tih mitmeng chuan ka en reng a.








"Ahh englo ania Ubawiha kha ka lakah a thinrim lutuk ka tih kha, a lakah inihna diktak thudik ka hrilh loh vang Khan a lungawi lo lutuk a, ka unaupa ihmangaih tih ka hriat ang tho hian Ubawiha pawh hian a hmangaih che tih ka hre bawk a, nangmah runluih nan a Rinzuali a kawp kher kha ka haw lutuk a, a pawi ta ber chu engkim a tir te a kalo ngaihthah kha ani. Rinzuali hi ka mi hriatchian lutuk ani a, ka unaupa nupui nitur hian engmah tlinna a nei lo. Saw hmeichhia saw thlanlung hnawihvar , a chhung a ruang tawihlung uih vut vut awmna ang chiah ani, kohhran kawrah hmang a langmawi ve mai aruk a engkim ti thei vek anih saw, hetiang tak a thui hi an Kal ang tih rin ngaihna reng reng ka lo hrelo a. Nangmah chiah hian saw ramhuai nu lak atang sawn ka unaupa hi ichhanchhuak thei. Ihmangaih ber nun chhe vek lai ihmuduh lo anih loh chuan Ka unaupa hi ihmuh ngei ngei a ngai" a rawn tih chuan ka rilru a buai ve nak thei.







Rinzuali kha hmeichhe tha tak ani lo tih chu ka hre ve tho a, Rinzami sawi ang em em a mi rapthlak leh tenawm ani ang tih kalo ring pha ngai miah lo, min thik thin em vang khan khatia kalak ah mawi lo tak a khawsa thin ah ka lo ngaihsak mai kha ania, tihtheih em em pawh nei lo mah ila Rinhlua hmuh chu ka remti ve ta hram a, engmah ka tih danglam theih chu ka ring em em chuang lo a.









Rinzami chuan "Angel zanin ah inhmu nghal mai rawh u aw" phur hmel lutuk a arawn tih chuan kalo phur ve hlawl lo, amah ka hmaizah em vang a Rinhlua hmuh remti ve mai choh ni in ka inhre tlat pek a.






*Enge zanin kher kher ah hmuh angaihna?, tunah Khan call la chutiang fakau a min biak a duh chuan hnathawh tur ngah viau mahse hun rawn insiam ve mai rawhse " ka tih chuan Rinzami chuan "aw aw le kan be nghal a nge" a ti sawk sawk a. Rinhlua abiak lai pawh chuan ngaih venlo awm ang tak chuan ka lo awm lui tlat a.





Nui ver ver chung chuan "Angel a rawn Kal nghal dawn anih chu, tha deuh in lo be rawh aw" a rawn tih chuan "Lungngai duh suh" ka lo ti ringawt a. "Anih chuan hnathawh tur kala ngah sia inhnuai lamah ka lo zu chhuk ang aw, ti khan lo nghak la arawn thleng har lo tawp ang" a tih chuan kalo bu ngat a min chhuahsan zui nghal nal nal a.







Nimin lawk ah pawh kan inhmu reng a, kalak a inthiam lo hmel a put awm ang pawh ka hremiah silo a, Rinzami sawidan kha chuan ka lakah a inthiam lo hle bawk si, enge a bulah chuan ka sawi anga engtia lo hmachhawn tur nge pawh ka hrethiam bik chiah lo.







Rinzami sawi ang tak tak in arawn thleng rang khawp mai, inthlahrun hmel fe chuan room chhung ah chuan a rawn pen lut pawk pawk a. Nimin kha chuan a in zuah buk viau sia a rawn in met fai leh vuk tawh a, a khabe hmul buk zet kha inhmeh zawk mah hian kalo hria a.







Ka hma zawnah chiah chuan a rawn thu ve nghal zat a, tawng hmasa zawk nih chu kan hreh ve ve aniang kan ngawi dun reng a. Mipa zawk tihtak ah bul rawn tan ve ta hram a. "Zorin ilak a khatiang zozai pawi ka khawih hnuah minla hmuh duh vang hian ka lawm lutuk tih hi min hriatsak rawh aw" a rawn ti thum dut a.








"Engmah tihsual inei hlei nem, enge min biak iduhna chhan chu sawi vat vat la haw vat ka duh ania" kalo ti chang bawl a. Ka tawngkam chhuak nelawm loh lutuk vang chuan ka inthiam leh chiah si lo chuan nem deuh zawk chuan "Engthil nge min hrilh iduh a Zamtei khan minbiak iduh thu minlo hrilh a" ka ti tha leh a.








"Nia Zamtei sawi chu a dik a lawm, ngaihdam dil che ka duh a, ih kei hian ilakah hian tihsual tamtak ka nei tih ka hria a, ngaihdam theih loh khawp a tam ilakah hian tih sual ka nei a, ka lo at em vang ani, zorin min ngaidam hram rawh aw khang ilak a ka tawngkam mawilo tak tak khan keimah hi min vawlet mek anih hi" a rawn tih chuan ka lo nuih hak a.







"Enteh Rinhlu ka lakah hian engmah ngaihdam dilna tur khawp a tihsual inei lo, kei hian ka haw lo che, nilo ka haw ngai lo hrim hrim zawk che, tun atang chuan ka lak a ilo inthiam loh na zawng zawng kha paihbo hmak la, kan pahnih hian tun darkar atang hian kan kawng tur ve ve chu zawh dun tawh zawk ang" kalo ti chhuak hliai a.







"Min hmangaih ani lawmni? mipa dang lakah min kalsan itum tawh tih isawina ani thei em? Nimin Khan Josepha nen Khan ka hmu dun cheu a, ani bulah khan awm ithlang tawh tihna emni? Kut humruh ngawt ngawt chung chuan a rawn ti thum chhur chhur a, a thinrim a insum nasa tih a kut a hum ruh fun dan atang chuan ka hremai.







"Josepha chu ka hnaih theilo tihna maw? Nula ka nih hi, ka mipa duhzawng ka pan chu tunge min dal thei chuang ang, nang pawh in nupui inei vat dawn tho a, ka sawisel bik miah lo che kha. Josepha chu lo pan pawh ni tehreng ila min lawmpui viau kalo ring asin, chubak ah ithian tha ber ani sia" ka tih chuan a rawn ding hluai a. Mipa dang chanchin ka sawi chuan a thinchhiatna a rawn chhawk tho ni ber mai hian ka hria...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:04 pm

"Amak emai Rinhlu, engthil chiah hi nge kalak ah hian iduh a? I duh ang ngei in ngaihdam mindil tawh a ka ngaidam che tih chiang takin ka hrilh tawh bawk che a, enge a bak la awm cheu a? Ti hian kan inrem animai lawm ni? A mit tak a en kiau chung chuan ka ti sep a.








A kut chu a kekawr ip chhung ah chuan zen lut in chhuat ah chuan a veitawn sek a, a chezia chu makti zet in kalo tlir reng a. Ka zaidamna chuan a tlin tawh ngang lo ka thutna atang chuan tho chhuak in ka sling bag center table chung a ka dah chu banin "Kan sawi zawh tawh chuan ka kalsan tawh ang che, engmah rilru hahna tur inei tawh miah lo ania, nang hi ka haw reng reng lo che tih tunhnu ah chuan lo hrereng tawh rawh" ka ti chhuak hliai a.








"Kal suh, lakal rihsuh ihnenah hian sawitur tamtak ka nei" a rawn tih chuan ka ding leh rih a, a mah en thei tur chuan alam hawi chuan ka ding leh te te a "Engah maw ka kalloh tehlul ang le? Sawitur ineih te chuan enge ingawih reng si, hun hi a hlu a second khat lek pawh hi ka tan chuan a hlu viau a sin, helai hmunah hian khatia i teikual sek thlir reng tur hian hun ka nei reng reng lo" ka ti ve deuh salh a, ka lam pan chuan a rawn pen phei pawk pawk a, a kamis var thianghlim zet hak ban chu thlep mawlh mawlh chung chuan a kiu thleng chuan a pawt tawm chho tawk a. Ka hma zawn ah tak chuan a rawn ding luah a.









Ka mit ah tak min melh ngur chung chuan "Zorin nang nen hian sawitur tamtak kan nei a lawm, engtia bul han tan tur nge ka hremai lo a, engkim hi a buai nuaih tawh chu a nih hi, ilak a ka rilru put hmang hi ka hrethiam bik tawh chiah lo, tunah hian ihriat ang khan nupui nei mai tawh tur ka ni ngei alawm, mahse ka nun ah hian kimlo riau hi a awm tlat a, ihria em? Nang chuan midang te buaina tamtak tanpui in ichilfel sak thin a, itanpui ngai ngawih ngawih ang ah minngai thei ang, natna tamtak lo siam sak tawh thin tu che ang Khan minngai lo la, itanpui mamawh em em tu mipakhat ang ah minngai mai rawh" a rawn tih tak ah chuan tlem chuan kalo in thlahdul ve deuh a.









"Enge ibuaina tak chu sawi ta reng che? Keiteh lul hian puihtheihna che ka neih phawt chuan ka pui hreh hauh lo che, nakin lawkah chhungkua idin Mai tawh dawn a. Pathian in rem a tih chuan fa te pawh inla nei anga, rilru puitling tak iput angai reng a lawm" ka tih chuan ka kutah chuan rawn vuan in sofa lamah chuan min Kai let leh dawr dawr a, min thutfel tir hnuah ka ep ah chuan a rawn thu thla leh nghal zat a.










"Zorin kaduh che tih chu ilakah hian phatbuai pawh ka tum chuang lo, mipa dang tan hian ka phal lo che a, mahse khang hun kaltawh zawng zawng ah Khan nang hi ka neih theih nan che ka ke hi lo pen nachang ka hremiah lo a, ka hmangaih che tih kha kalo hrengai miah lo zawk ania nge, ka hmangaihna che ka hriat thiam miau loh vang khan mipa dang kut ivuan lai ka hmuh Khan ka hua che a, tihnat chakna che Khan ka khat ta thin ani.







Zorin midang te ang bawk in engmah hriat chian tum miah lo in mawilo tak tak in ka tawng khum fo che anih kha, khang hun chhung zawng pawh khan nangmah vang hian tihnat in ka awm reng thin a sin, I khawsak dan zahpui awm tak vang Khan ka hua che a, haw em em chung che Khan ka thlah thei chuang silo che anih kha, idinhmun ka thlir khan awmdun thei chi kan ni in ka inhrelo a, nangmah vang hian ka hmeichhe hmangaih miah loh kut ka vuan a, hmeichhe dang nei reng chung Khan nang hi kata chiah ini ah kala ngai fan a, kan inkarah eng inzawmna mah a awm lo chung khan ilak a ka chetdan thin chu nangpawh in ihriat ve vek kha, ka bialnu ang mai Khan ka cheibawl thin che anih kha.









Zorin heihi zawh che ka duh. Tinge nang hian thudik tak kha minlo hrilh ve mailoh? Nangmah vang a rilru bulbal pawh nei theilo a ka awm lai Khan tinge inihna dik tak kha minlo hrilh mai loh? Thudik tak kha minlo hrilh nila chuan vawiin ah hian ihmaah hian hetiang khawp a rilru na hian ka awm a ngai miah lo tur ania sin" a tawng lai chu tawp in hnuai lam a bih char char a.








Rinhlua thusawi vang chuan ka inthiamlo hulhual, a hmasa berah chuan keima thiam loh vek hi ani, midang te tan thiltha tak ka tih lai khan ka bul hnai a min hmangaih tu te hi ka lo tina reng zawk ani, ka chhungte tan zahna leh mualphona tamtak leh natna ka siam sak a, chumai nilo in ka hma a thu mek ka mipa hmangaih em em Rinhlua ngei pawh hi kalo tina ve reng ani, a sawi ang khan kha thudik tak kha upbeh Khan lo awm reng lo se chuan, ani nen hian kan intina tawn lo anga kan tawpna pawh tunang mai mai hi chu ani miah lo ang mawle.








"Kalo â takzet ani tiraw? Khathil, thudik ka zep reng vang khan nangmah choh hi tihnat in i awm reng reng hleinem! ka chhung te pawh ka tina in mualpho takin ka siam reng anih kha, khang hun chhung zawng khan thudik sawi chhuah kha aremlo hian ka hretlat a, addict kani tak tak lo tih miin an hriat chuan ka rawngbawl hna thawh ah khan tunang tak hian ka hlawhtling thei ngai hauh lo ang, keimah ngei pawh hian thudik ka zep tlat vang khan ka tuar phah ve nasa lutuk a sin ka tih chhuak sep a.










Min lo tihnat tawh dan zawng zawng ka ngaihtuah chuan Rinhlua hi hmusit tak a tawngkhum a tinat let ve mai chu ka mihring mihrin na hian a duh a, mahse, midang te hnen ah ngaidam thei tu nih a pawimawh zia ka sawi chamchi a, keimah ngei hian khang ka auhla te kha ka bawhchhe thei lo, mite chuan engang pawh in min hmusit in min ten mahse, ka thiam thu ka sawi ve zuah zuah a rem lo, ringtu nun ah chuan tlawmna nun neih angai a, kan nungchang leh kan chezia hmang hian chanchin tha midang te hnenah nasa takin kan hril thei tlat ani. Tawngtai dur dur reng chunga midang mil loh kan neihreng si chuan, enge kan tawngtaina chuan awmzia aneih chuan ang le?.









Ka hma ah chuan thu in, a kut chuan a chal chu atuai nauh nauh a, hetiang tak hian Rinhlua hi keimah vang hian a lo talbuai ve reng tih rin ngaih na reng reng ka hrelo, a hmelah chuan mipa inring tawk tak leh chapo larh thin kha hmuh tur a awm tawh lo a, tunhma a anungchang ang chiah kha lapu nise chuan ka tan pawh hian hmachhawn a awlsam fe zawk tur hi ania, mahse tun a ka hmachhawn mek Rinhlua hi chu a kehchhe mek ani.







"Enteh Rinhlu, Kha ilahria em? Ka ngalruh tliah tum kha, nangpawh min hmutur a irawn kal nghe nghe tak kha. Kha thil thlen chhan diktak kha ihre duh em? Ka tih chuan muang chang a rawn hawi chhuak in mit sen ram chuan min rawn en a.









"Thudik tak ka zep vang khan nangmah choh pawh nilo in ka chhungte pawh ka bum a, ka nungchang thalo lutuk vang khan kanu leh pa ka unau te kha an mangang em em a, zantin mipa hrang hrang hmuin zurim nam rum rum khan ka haw thin a, kan in pan lo a hmundang a ka riah zan pawh sawisen ani lo. Khami zan kan home a Rinzami irawn zawn zan kha kala hrereng, kan in thleng min thlah nghe nghe anih kha, inchhung a ka lut kha ka chhungte chu anlo reh thiap tawh a, an mu tawh ah ka ngai ve mai a, mahse kha zan Khan ka chhungte chuan ka nungchang thalo lutuk siam that nan rem anlo ruat a, ka ngalruh tliak accident vang a thleng emaw itih kha accident nilo in ka chhungte min vuak tliahsak anih kha" ka thusawi lai chu chawl in ka nui hak a.









Mak tih hmel lutuk chuan minlo en tlawk tlawk a.
"Khathil kha engvang a hrilh che nge ka nih ka hrelo, mahse nang hian hreve ngei la athat ka rin vang ania nge, kha thu kha ka chhungte tih mualpho ka duh vang a sawichhuak kani lo a, tumah in kha thil thlenchhan diktak kha anhre hek lo, khathil thleng vang Khan ka chhungte hi chhete mah in ka huat phah loh a, min hmangaih zia leh ka that an duh luat vang a khatia ka lak a thil ti mai chauh kha anni. A bulber ah chuan thudik kha zep lo ni ila khatiang khawp a hliam na kha ka tuar a ngai miah lo ang, khathu ka hrilh chhan che chu tun a inat ang chiah Khan keipawh hi kalo na ve reng thin ani tih min hriat sak reng la ka duh vang mai ani" ka tih chuan mit khap lo lek hian min en tlawk tlawk a.








"Zorinsang mimawlnu engtinnge ka han tih dawn che le? Thudik tak zep lo khan he rawngbawl hna hi ithawk thei reng a sin, mahse tunah chuan atlai zo tawh, nangmah ka dem rual rual che khan keimah pawh hi ka indem ve tho bawk. Minhriat chian deuh han tum la engmah a la danglam lo tih ihremai ang itih awmzia te kha kalo hrethiam ngailo a i nungchang bawraw lutuk vang a ka natna Khan, nangmah tihnat let ve chakna che Khan min siam thin ani" a tih chuan "Irilru puthmang chu ka hriatthiampui che alawm" kalo ti sep a.









"Zorin anihna tak ah chuan ka hmuh duh chhan che chu inihna diktak ka hriat chhuah vang a neih let leh tum che a hmuh duh che ka nilo a, mahni tanghma hai lutuk a ke pen ka tum heklo, nang hian ka hmangaih lutuk che ani tih hi lo hre ve reng la ka duh vang ani, khang hmeichhe hurherh leh addict mai mai ini emaw ka tih lai pawh khan kalo hmangaih reng tawh che a, tunthleng hian kala hmangaih reng che, ka thawk ve tek tek chhung chuan ka hmangaih reng bawk ang che. Kar leh ah khian Rinzuali nen kan inhual tawh dawn a, mipa kani a duh ka thlang fel tawh a, ka thuthlukna hi ka sut a thiang tawh hek lo ka hmangaih ngai miah loh tur nupui ah ka nei dawn a, tunah hian nang hian ka hmangaihna che hi lo pawm in ka kiang ah hian awm duh mah la. Rinzuali lakah thu ka tiam tawh a, ilak a ka tih ang bawk khan Rinzuali hi tihnat kher ka tum hek lo, hmeichhe tha tak anilo tih chu ka hre tho a, mahse engkim ah thu kalo thlunpui tawh lak ah chuan ka thutiam chu mipa ka nih ang ngei in ka hlen chhuak ang, zorin ka hmangaih che tih hi minlo hriat sak ve reng thin rawh aw, he khawvel ah hian kata ni ve ngai dawn lo mahla, thihhnu piah lam ah chuan kan intawng ve mial maithei a sin tiraw" nui hak chung chuan a rawn ti a.









Misual leh mahni thuduh lutuk mipa induh tawk lutuk ni a kalo hriat thin Rinhlua kha chu ka hma a thumek hi chu ani tawh lo, midang tihnat duh loh vang a mahni in pumpek zovek mipa zahawm tak chiah ani ka hmuh tawh ni.








"In hmangaih zawng zawng te hi an awmdun thei vek kherlo tih ihria tiraw? Kan duh ang zawng zawng ka nei thei vek bik hleinem khawvel ah kan awm miau sia, ihun kaltawh zawng zawng vang khan intina lo la, ihmalam huntur chiah thlir reng turin ka duh che ania" ka tih chuan a lu chu a bu zauh a, zalo zet chuan min rawn nuih suk a, keimah ang bawk in a nuih a zalo tih chu ka hre chiang khawp mai.







"Josepha Khan a duh che tih kha a hrilh tawh che em? Nimin a ka rawn hmuh dun cheu khan ka nalo ka tih chuan dawt ka sawi tih na aniang, hlimtak a in awmdun lai ka rawn hmuh cheu Khan ka thian tha ber kha thah hial ka chak anih kha rapthlak hian, ihnen a ka sawi duh tak zawk chu josepha kha ka thiantha ber leh ka mi hriatchian em em ani a, kata inih theih dawn loh rau rau chuan ani tluk a itan mipa tha kha an awm ngailo ang, kei chu min theihnghilh in hmalam ipan hi a hun ve tawh reng ania" a rawn tih chuan tah chhuah hawm hawm hi ka chak a, mahse ka in sum hram hram mai chauh ani.








Pathian thu in phuba reng reng lalo tur in min ti a, engang pawh in min lo tina tawh mahse kava tihnat let ve kher a ngaihna chhan ka hrelo, mi rilru chhe lutuk, midang itsik reng reng a nunhmang te hi khawvel a mi khawngaih thlak leh mirethei ber ah ka ngai ve tlat.








"Zorin inthlahrung viau mah ila kan inhualna ah chuan rawn kal ve ngei la ka duh a, itan thil hmuh nuam tak ani dawn lo tih hretho mah ila, ka thutiam puitlin tur hian huaisenna ka neih theih nan nang hian, ka mit a en chungin min thlah liam la ka duh ani" a rawn tih chuan ka thei lo ang lo tih mai hi ka duh a, mahse kalak ah a rilru put hmang zawng zawng a sawi vek tawh a, a ni chuan a thil tihsual vang a dawihzep tak a thlanchhe mai lo in huaisen takin a tihsual hremna tuar turin a in pumpek a, kei hian ka hmangaih ber hmeichhe dang lak a thlah liam chu ka duh lo zawk emni?







A sawmna chu pawm har ka tih em vang chuan ka ngawi reng a. "I lo Kal ang tiraw?, ihun kaltawh vang in intina tawh lola ihmahun chauh thlir zawk rawh mintih kha, khatiang chiah khan nang pawh i awm ve angai alawm, hetia chaklo tak a I awm reng chuan engtin nge keihian hmalam ka pan theih teh lul ang le? a rawn tih chuan ka mittui chu a rawn baw hawk a.







Ka nep inti pawh animai thei, hmangaihna hian ngaihdamna te dawhtheih nate a kengtel vek a, chuvang tak chuan ania Rinhlu-an khatiang khawp a min tihnat chang pawh khan ka huat tak tak theih thin miah loh. A chhan chu ka hmangaih miau a, ka hmangaihna hian a mah min thlakhlelh tir a, ka ngai ngawih ngawih thin anih kha. Lehlam kawng zawng a ka ngaihtuah chuan, khatih hun lai khan Rinhlua hian ka nihna diktak kha lo hria nise Kan induhtawn ve ve a, kan inkar a hmangaihna kuhmum hi a parchhuak ngei anga. Pathian hian Rinhlua hi a rawng ka bawlna daltu a nih a phal lo te pawh ani ta ve ang.






"I awmdan tur chu Lalpa chungah nghatla amah chu ringla. Aman ati vek ang" Hethu hi ka ka atang hian a rawn chhuak ve tawp, tunah hian ka hmangaih ber ka chan mek a, nilo ka chan tawh zawk, tinge kei hian Lalpa chungah rinna nghat lo a ka buaina hi lo chinfel ka tum? Khatiang khawp a hun harsa leh hlauhawm ka hmachhawn lai kha chuan Lalpa chungah ka rinna ka nghat a, ka kawng te min tih ngilsak thin anih kha. Hetiang a mahni in khawngaih vang a tap mai mai tur hi ka ni miah lo.







"I sawmna chu ka pawm e" nui var var chung chuan ka ti chhuak sep a. Rinhlua pawh a lo thaw huai a. "Zorin ka lawm e aw" nui suk chung chuan a rawn ti leh a, kalo nuih let var var a. Rinhlua nen kan tawpna tak tak chu a lo thleng ngei a, kha Kan in hmangaihna rawn kuhmum ve det det kha parchhuak ve thei talo mahse, ka hmangaihna hi chu a nung reng tawh ang, kha kan thawnthu ngaihnawm loh zet kha, tihtawp in awm tawh mahse ka thinlung ah hian ka vawng reng ang.







Rinhlua min chhuahsan hnu chuan ka tap chhuak hawk a, kan inbiak chhung zawng a kalo in sum ve na zawng zawng te chu ka leih baw hawk hawk nimai hian ka hria, kan pahnih inkar a inhmuh thiam lohna zawng zawng te kha chinfel in a awm ta cheng a, ka hmangaih ber chu ka chan tho bawk si.







Kalo rindan chuan a hriatthin ang a hmeichhe thalo kalo ni miah lo tih a hriatchhuah rual khan, mahni tanghma hai takin a ta ah min siam a tum kalo beisei a, mahse ka lo ring sual ani. Ani Khan minhmangaih thu minhrilh ve chauh a, hmeichhe dang kiang ah a thutiam tipuitlin turin min kalsan leh dawn tho si.







"Enge thleng a? Ubawiha nen chuan in sawifel thei ta em? rilru buai hmel lutuk a Rinzam-in min rawn tih chuan kalo kuah thlawp a, lungchhe lutuk chuan ka tap hlawp hlawp a, ka tah chhung zawng chuan engmah thudang sawi lo in minlo kuah in ka hnungah chuan a chul hliau hliau a. Duh tawk a ka tah hnu chuan ka thawl hawk thei.





"A landan chuan inbuaina chu in chingfel theilo Ava nih hmel ve? A rawn tih chuan kalu ka lo thin khum nar nar a.





"Engkim kan chingfel vek a lawm" kalo ti sep a "Chuti si tinge lungchhe vankai a itah? a rawn tih chuan ka tah chu a rawn chhuak thar leh a.





"Engkim chu kan sawifel ngei alawm, kalak a atih sual tawh zawng zawng vang khan ngaihdam min dil a, keipawh in kalo ngaidam thlap bawk. Rinhlua Khan a hmangaih ber ka nihthu leh a thawk ve tek tek chhung chuan min hmangaih reng tur thu a sawi a, mahse ani khan a thil lo tih sual tawh vang a midang in anlo tuar ve leh zel a duh lo a. A hmangaih miah lo nupui a neitur in min kalsan turin thuthlukna asiam ta anih kha" ka tih chuan a lo chek tlawk tlawk a.







"Inla mawl dun tluang zel ani maw? Engmah hi ala tlai lo asin. Rinzuali nen an inhualna tur hi puanzar ala ni reng reng hleinem, kawngdik zawh dun thei innih reng laiin kawng diklo zawh chu inthlang ta talh tho amaw? Vawiin ah hian huaisen tak a hmalam pan a ke inpen ngam loh vang hian inchhir in inla tap tlawk tlawk dawn ta anih hi" a tih chuan ka ngawi reng a.







Hotel a tang a ka chhuah chuan Rinzuali hmuthan hian ka inhria a, ka hawi let leh chuan tumah ka hmu lem hleilo a, ka hmuhsual anih chu ka ring ta ngawt a.





Zanriah eikham ah chuan chanchinthar en pah chuan kan lo titi laih laih a, ka phone a rawn rik vang chuan kan ti ti lai chu kan ngawi thap a. "Zorin invengah ka awm ania khawilai tak ah Khan nge inawm" joseph-an a rawn tih chuan kalo nui hak a. A lo len fo turthu kha chu a sawi ngei a chutiang teh thut thut a arawn kal chu kalo beisei miah lo.






Gate bulah chuan kalo hmuak a, ka bula bike rawn ding dat lam chu ka hawi vat a, nuisang chung chuan "I hmelah khan minlo beisei miah lo ani tih ka hrethei ania aw, ithingpui lumsa ka inchak tawh lutuk vang hian ka insum thei ngang lo a, ka rawn kallo anih chuan ka muhil thei dawn bawk silo nen, zahpawh dawn zo lo in ka rawn pan ruak ruak che anih hi" a rawn ti bawrh bawrh a.








"I mit kha i entir vat angai dawn anih chu, I lo lenhun tur hi tlumtea thlirin kanlo thlir reng zawk che alawm" fiam thu chuan kalo ti ve bawrh bawrh a. "Khatiang khan uang viau lo teh, itawngkam tha ah hian ka tawlh thlu anga ka rawn inlan sek chuan minlo ning leh hlesi ange" a tih chuan kan nuidun leh vak vak a. Hepa bul a awm hi chuan boruak hi a zang vah zel a, minti nui reng zel chu anih hi.







Ngurpui-in kanu leh pa kiang ah Josepha min buaipui dan zawng zawng a lo sawi vek tawh a, inchhung a kan inzui luh lai pawh chuan hlim hmel pu tak chung chuan anlo dawng sawng a, ka pa nen chuan an inkawm tui ta phian a, ka pa arawn rim hi ani ringawt. Rinhlua Khan Josepha nen hian hmalam pan dun turin min duh a, mahse. engtin nge amah hmangaih reng chung hian hmalam ka pan mai theih ang le?







Ka hmaah thawhtur tamtak in min hmuak mek a, mipa lak a rilru pethei pawh ka ni chiah in ka inhrelo. Rinhlua ka chan tawh tho tho a pasal neilo a home enkawl chu ka thuthluk na ani mah zawk. Cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:06 pm

Khami ni atang Khan Rinhlua erawh a reh ta hmak a, beisei tur a awm tawh loh zia ka hriat chian em avang in mahni intihnat fo ka duh bik lo a, josepha erawh a rawn lang zing malh malh khawp mai, Josepha hian kalak ah in hamtan tumin theihtawp chhuah mahse, hmalam pan tur a ke penpui ka thei ngang bawk si lo. Hmangaih dang neireng chung a bul tanpui ka theih loh ang bawk in, keimah ang a rilru natak a awm ka phal lo ani, mipa tha tak ani a amah hmangaih tu hmeichhe thatak a phu in ka hria.











Rilru lungngai leh beidawng tak a ka awm chung pawh hian ka hmaah tihtur tamtak in min hmuak miau si a, a ngai te in zantin ka chhuak a, awmna tur fumfe neilo home lam a rawn awm pawiti lo pawh an awm ve zel a, home Kan din ve anga tumah enkawl a tanpui tur kan nei leh silo ang tih te chu ka hlau thawng leh rum rum thin.












Home kan hawn ni ah Ufela leh Utetea pawh rawn haw antum a, chubak ah Ngurpuii kan chhungkua zinga alo tel atang khan anla hmu ve miah lo a, phone ah chuan anrawn be ve reng reng thin a, inthlahrung tak a awm anhlau thin hle. Keimah min en ang chiah in an farnu an thisen zawmpui angah an pawm nghal thlap thei a, hei tak hi ringtu te kan danglamna chu ani. Pathian ringtu diktak te tan chuan midang te chungah rilru chhetak a put theih tak tak ngai loh.











Rinhlua te inhual nitur pawh nithum chiah in a dang tawh a, Josepha an inneih hun ah thianah hman a tum vang in an ruahman na te chu loh theih loh in ka hriat ve zel angai a. A chang chuan min hmangaih thu minhrilh a, vawikhat te mah ata nitur a min sawm miah lo te khan min tina leh vawng vawng thin, ka rilru mangang lutuk hian Pathian hnenah ka mangan na te ka thlen reng a, ka ta nithei dawn lo mahse. A chhungkaw thar dinna tur ah hlim taka a awm theih nan banglo a tawngtai pui chu atan ka tih theih tawk ani tawh si a.











Rinzami pawh a unaupa te inhualna tur thil ah a buai thin hle a, inkawmna hun pawh Kan nei thei meuh tawh lo a. A lo beisei angin Rinhlua nen Kan inkar ah engmah thil danglam thleng a awm ta silo a, a ruktak chuan a lawmlo tih ka hre tho a, mahse a lawmloh rukna te chu engmah a tilang duh chuang lo a, a sawi ve ber ah pawh inla inchhir ang tih chiah ani, ka rilru mangan na te hi ka chhungte kiang ah ka sawi ngam bawk silo, chumi anih rual chuan Josepha ka nun a alolang chu Pathian remruat ah ka pawm hmak, ka hmangaih ber in nupui a nei mai dawn a, mal leh khawhar tak a ka awm tur hi Josepha hmang hian lak kiansak a ka awm vang ani.











Nikhat chu joseph-an min bazar puirawh a tih tlat avang in phur lemlo tak chuan kan in phurchhuak a, a mamawh lei ngai a ziah tlar dul kan lei fel meuh chuan ka chau angreng khawp mai, Kan kalna apiang ah lah min en hrek hrek zel a, mi min endan a ngai pawimawh lo lutuk chu mak ka ti hial zawk, min en mai duhtawk lo min lo la sawi zui ngat phei chuan hreawm hi ka lo ti ngawih ngawih thin a, engkim an thusawi zawng zawng chu joseph-an a lo hre ve vek zel bawk si.











"Min chhuahpui chu i inchhir rum rum tawh lo maw? a bul a va din hnaih pah a ka tih chuan a dar chu minlo sankhum zauh a. "Engvang teh lul chuan nge ka inchhir ngawt anga? Nuam ka ti lutuk hi min han en ta che, ka nuireng a ka biang ruh te hi a kham vek tawh hial a sin" tih pah chuan minrawn then khum vak a. He pa zet hi chu mi maktak ani, nuih loh ka tum pawh hian minti nui leh nge nge zel. Rinhlua ka tawn hma Khan lo intawng zawk ni ila ka ti ngei mai.











Ka dar a minrawn kuah thak pah chuan "Zorin khang hmeichhe ho thilsawi vang khan irilru kha tibuai duh teh suh, khang nangmah sawi chhetu ho kha engmah an nilo, ichungchang ansawi dan che kha an mahni nihna vek anih kha, han in en ta che, khawvel hmeichhe hmeltha ber thlang rawh min ti se chuan ka thlang hmasa ber ang che chu, ihmelthat em vang hian anthik lutuk che a ansawi chhe mai mai che anih kha, tumah hian keini aia hnuai hnung zawkte hi kansawi kansawi peih lo, Kan tluk loh te zel hi ania Kan sawichhiat thin, kei hi chuan ka ring thlap che" a rawn tih chuan ka mit chu kalo san khum zauh a.









"Ka ti tak tak alawm, ka rilru putdan diktak ka sawi ve em em a, khatia lo awm kher" tum viau chung a arawn tih chuan kalo nui hak a.










"Ka hmelthat vang nilo in ka bul a tlangval tihtauh tum mek chhelo lutuk bul a ka awm vang hian min thik zawk aniang" ka tih chuan a rawn khi leh var var tawh. "Chhelo minti tak tak em? Ka bengbul ah chuan a rawn ti sur sur a. Chutiang thil min rawn zawh thut avang chuan kalo lai leh nghal der tawh. "Chhelo minti tak tak lo animaw? a rawn tih leh tak ah chuan a beng dinglam a pawhsak zeuh pah chuan "I chhelo chiang a lawm, ibeng hi hei ai hian hlai lo deuh phei se chuan mark za ah za ani mai" ka tih chuan ivan sual thiam thei tak ka beng hi a hlai thlawt lo e aw" a rawn ti nuah nuah a.









"Tak tak in ka hmuhdan che dik tak ka hrilh ang che aw" ka tih chuan hrechak si huphurh tho bawk si hmel hi a Pu a, a chezia naupang chhia thei lutuk hian min ti hlim thin tak zet. "A hmasa ber ah chuan ihmeltha em em a, I smart bawk a, irilru a tha bawk si, i pian te hi a la nalhtel leh zel bawk nen, si zawng zawng neitu ang in ka hmu che asin" ka tih chuan a hmel chu a sen ve awp awp hian ka hria a.









Ka chal a min rawn kuk pawp pah chuan "Zoringsang minbawl tum miah suh aw, val senior te bawl itum mai mai" a rawn tih chuan "Ka bawl bawk lo che, bawltih tawngkam hmuchhuak tu hi ka hua, thu diktak sawi pawh in minbawl in ti zel a" ka chal tuai nauh nauh Chung chuan ka lo ti a. "Minbawl a lawm mawle" a rawn tih chuan kalo tum deuh hmak a. "Lokal teh iril atam tawh anih kha iphunchiar danah" tih pah chuan ka darah nghet zet a min rawn kuah in restaurant lam ah min kuah phei dawr dawr a.










"A mak e. Lawmsangzual mi in min en thup hi, hetiang a mi zing a min kuah fo hian nangma mawng ihlim mai mai tih ihrelo nge ihre duhlo derzawk" ka ti bak hlur a.









"I mak kalo ti viau zawk a sin, engtik a tang Khan nge midang ngaihdan ah hian ilo buai ve tak viau a? Ka hriat thin zorini kha chu hmeichhe huaisen leh midang te ngaihdan in a tih buai ve ngai loh mihring kha ani sia" a rawn tih chuan. A kut chu ka dar atang chuan ka paih thlaksak hmak a. Hepa mawl lutuk hian min ti mangang riau, keimah vang in midang in diriam tak a ansawi hi ka phal lo, midang ngaihdan ah chuan addict hmeichhe kawplawr leh hurherh tak kani a, keimah vang a mi in an hmuhdan tur ka hmuh tlang vang ani zawk.










A mit a en kal chung chuan "I tawng dan vel chu, hman a tang a lo in hretawh thin ang hrim a itawng vel a. Nangmah ka ngaihtuah vang che anih hi, keimah vang a midang in anhmuh dan tur che ka ngaihtuah vang a lawm, tlangval fel tak in addict mipa chi hrang hrang kawplawr thin a buaipui ti a ichanchin ansawi hi ka phal velo" ka tih chuan "Midang ngaihdan ah ka buai ve ngailo, ka hmeichhe buaipui mek hi tunge inih ka hriat chian tluk hian, midang in minlo ngaihdan turlam ka ngaihtuah ve ngai lo" chiang fek fawk chuan a rawn ti ram hmak a. Hei pawh a tihloh zawng ah chuan Rinhlua ang chiah a luhlul ve tho ani.










Han chhan vak ngaihna pawh ka hre mai tawh lo. "Tawngkam bungrua lah hi inei tha thei phian a" hmui phun chuan ka ti chhuak sep a. "Eng maw ithil sawi kha? I hmelchhe ropui si minti tiraw tunah Khan? a rawn tih chuan Ka insum leh thei pek lo ka nui leh nge nge a, Josepha kiang a ka awm hi chuan min delh tu rit tak te hi a kiang duak thin a ka nui hnem thei viau bawk chu anih hi.











"Zorin pa pakhat Sangha man thei deuh chanchin ka hrilh ang che aw" minrawn tih chuan kalo bu nghat a. Kan thusawi lai leh athil rawn sawi in persan lutuk vang chuan kalo hamhaih angreng viau nghe nghe a. " Khapa kha a lawm Sangha a man thei mai mai a sin aw, a nupui zing zun luang ah pawh khan len adeng a sangha a man thei zel antia sin" a rawn tih chuan kalo nui ring mah mah a niang Kan bul vel a mi te chuan minlo en thap a. A thilsawi ho lutuk chuan ka nuih a tiza em atin ni, amah leh a fiamthu kha a in mil ve thlawt lo chuan ka nuih a tiza lutuk tlat.










"Tute nge ka hmuh hi? Josepha en chung a, nuihzat hmel lutuk a nuisawng a rawn titu ka hmuh rual chuan ka lo tang nghal teuh a. Kan bulah chuan Rinhlua leh Rinzuali anrawn thleng chawpchilh nghal zat a. Tun dinhmun ah chuan anni pahnih hmuh hi ka thil mamawh loh ber te zing ami ani hial ta ve ang chu, ka hlimna neih ve chhun te pawh anrawn um bo nghal vek a nia.












"Zorini hi a peih lo chung min bazar pui rawh ka tia, a riltam deuh tawh vang nge ni a phunchiar lutuk a, hei in hnawhpuar Kan lo tum mek anih hi. In bazar ve ani maw? Nui var var chung chuan Josepha chuan a lo ti nghal bawrh bawrh a. Keini pathum inkar a boruak tang lutuk awm chu engmah a hrethiam ve lem lo anih hmel khawp mai. Chubak a Josepha hi chuan tute pawh hi a be chhe ngai lo hrim hrim a.









"Kan inhual hun a hnai tawh bawk sia, chakkhai leitur neuh neuh a tam angreng a tunlai chu nitin bazar tur a chhuah hi kan hnapui ber ani hawt alawm" min rawn ner khum nawng chung chuan Rinzuali chuan a rawn titha ve mai bawk a. An inhual tur thu chu ka hriat loh hlau awm hrim a arawn sawi ri tel kher chu kalo ngei tep ani. A nuihmel phen ah chuan min huatna leh min nuihzatna hlir ka hmu ni mai hian ka hria, ni e min nuihzat ngawt ta ve ang chu. Rinhlua nen kan inkar a thil awm hi a hre ve miau a Rinzuali tan hi chuan bawlhhlawh hnawksak tak ka ni miau a lawm.











Josepha leh Rinzuali an ti ti bawrh bawrh lai chuan Rinhlua nen chuan ka neilo ang mai chuan Kan lo ngawi dun kar reng a, a khat tawk hian min rawn melh leh zawk thin a, ka hmuh hnuhnun ber ai khan a cher deuh a hriatna ka nei a, chu mai bak ah a mithnuai a val kuau a, zan a mutha vak lo tih ka hrethiam mai a, a nupui neihtur ah hian a phur hlawllo tih chu mi mawl ber tan pawh hian a hriat theih vek ang chu. Rinzual-in no zet zet a amelh a akuah cheng cheng reng lai pawh in nuihmel a Pu eih lo hrim hrim.









Joseph-an thil ei ho a rawn rawt chiah phei chu ka duhlo lo tih mai hi ka nap a, min puih nasat teh lul veinen tun tum a thil tih zet chuan min va han ti lawm lo chiang tak, dawhkan pakhat kil chuan Kan pali chuan Kan thu bial laih a, ka hmazawn chiah a mipa hlim loh hmel lutuk thu run chuan min ti hah hluah hluah, min hmangaih reng tur thu ka beng hriat ah ngei chiang tak in a sawi a, a hmeichhe hmangaih ber nilo hmeichhe dang nupui a anei mai tur hian a ti hlimthei ngang lo anih ka ring.











"Ka savate iril alo tam tawh viau ani maw ingawih tak char char a" ka hnar piai zauh pah a joseph-an min rawn tih chuan ka lo tum hmak a. "I thinrim hmel sexy zia hi han in enteh" tih pah chuan a phone chu rawn phawrh in camera a rawn on nghal a, a phone hmai hlai zet a ka hmel ka hmuh rual chuan a rawn click nghal zat a.









"Chimawmpa uang viau zel lo teh" tih pah chuan a phone chu laksak tum in ka lo ban nghal uaih uaih a, za lutuk chuan a nui hawk hawk a. Kan bul vel a mi te chuan kan bengchheng an ti deuh nge ni min rawn en thap a.









"Naupangchhia viau zel lo teh, mi in mawl minti lutuk ange" a bengbul ah chuan ka va ti sar sar a. Ka tih dan ang chiah chuan ka bengbul ah chuan "Tihhlim che ka tum vang anih kha, ihmel kha lusun hlim hlawl ang mai in a awm alawm" a rawn tih chuan ka lo in siam tha nghal vat a.
In hmachhawn a thu nana na chu kan mit han intawn fuh leh zauh chu a awm lo thei lo a.Rinhlua ka va en chuan a hmai te chu a lo sen awp awp a, a kut chu hmuthei ngat ila chuan a hum ruh viau in ka ring. Josepha lah in min chhaih peih ropui bawk si.










"Joe nang hi ka rin ai daih in ihmeichhe kawp duh zawng class hi a hniam" Rinzual-in a rawn tih chuan Josepha nen Kan nui lai chu kan tawp chawt a. Rinhlua pawh chuan min rawn melh zawk a. Rinzuali thu rawn sawi vang chuan Kan boruak chu a tang nghal at ni mai hian ka hria, midang awmlai em em a khatiang tawngkam mawilo chhakchhuak duh tur khawp a mawl ani tih hi kalo hretel miah lo.









"Tu chungchang isawi nange? Chang belbawl a joseph-an Rinzuali a tih lai chuan hreawm kalo ti ngawih ngawih. "Tu chungchang nge ni vak chuang anga" tih pah a Rinzual-in min rawn melh zauh rual chuan Josepha chuan ka kut khur nasa lutuk chu a rawn hum nghal hmiah a.









Thimrim insum tih hriat lutuk a Rinzuali melh run chung chuan "Ka hmeichhe kawp lai hi a class hniam leh hniam loh chu kei hian ka hrechiang khawp mai" nel awm loh lutuk a rawn tih chuan Rinzuali chuan nui awr awr chung chuan "Joe ka fiamthu anih kha, la thutak lutuk duh teh suh nang ang tlangval to lutuk hi chuan Zorini te ang hmeichhia hi chu ikawp duh tak tak ka ring hlei nem" a rawn tih chuan Rinhlua chuan minrawn melh zawk a, a hmelah chuan a thinrim tih a hriat reng mai.








"Zorini te ang hmeichhia itih awmzia kha ka man hauh lo mai" Rinzuali melh ngur Chung a joseph-an a rawn tih chuan a kutah chuan kalo vuan vat a. "Ngai thutak lutuk duh teh suh, a fiamthu anih kha" kalo tih chuan Josepha pawh tlem chuan a in thlah dul ve leh ta deuh a, thildang rawn sawi leh ngat se chuan kut a thlak duh hial in ania ka rin ni, ka thlavang hauh chu pena ve tak chu ani.









Thil Kan ei chhung zawng chuan josepha chuan min ngaihsak zia chu ati lang char char a. Rinzuali chuan an inhualna tur Chung chang chu nuam ti fe hian a sawi zat zat reng a. "Bawiha inuamsam vak lo emni? Ingawi chawi riau mai" joseph-an Rinhlua en Chung a atih chuan a rawn nui suk a. A chhang dawn talo emaw ka tih hnu ah chuan "Ka tha e, tunlai chu Kan buaizia ihriat kha ka Chau rimtawng ve deuh mai ania" arawn tih chuan Josepha chu a lo nui hawk hawk a. "In duat viau ingai anih chu, nupui ineih hma hawt a chutia ikulcho mai te chuan a tha nang" ti in a fiam zui nghal bawrh bawrh a.









Hepa hian dawtsawi a thiam ve hlawl lo, engvang a hlimlo viau nge a nih chu ka hrechiang khawp mai, a hmeichhe hmangaih em em leh a thian thaber awmdun lai hmuh hi a tan chuan thil nuam a ni dawn hauh lo, joseph-an a biak pawh chuan a rultawk lek lek chuan a chhang bul hmuk hmuk a.
"Bawiha nupui neih itum tawh bawk sia, kei pawh hian nupui neih ve mai ka duh ve ta riau mai, inu in min in sawitheih khum nasa tawh bawk si a' joseph-an a rawn tih chuan Rinhlua chuan min rawn melh zawk a. A hmelah chuan natna hlir ka hmu nghal zut zut a.









Rinzuali chuan " Ni e nei ve vat rawh, Kan faten ifate an velh chuan inupui nei har lutuk hi i inchhir viau in ka ring a nia" a rawn tih chuan alo nui hawk a. Rinhlua nen fa an neih huntur chu kalo suang tuah reuh reuh a, ka mipa hmangaih ber a nei thei tur leh a fate nu a han ni thei tur bik chu Rinzuali chu vannei ka ti ngawih ngawih. Eng vang nge in hmangaih reng chung si a kan awm dun a rem ve loh?, mahni kanlo inbum rei lutuk a tunah chuan phengphehlepa khua kan tlai zo tawh.









Ka whatsapp msg a rawn luh a vang chuan ka bag a ka phone chu phawrhchhuak in msg chu ka en a, min rawn thawn tu ka hriat rual chuan ka hma a thu run lam chu ka hawi vat a, chik lutuk hian minlo melh ngur a. "Inbiak Kan ngai zanah kan hotel ah min rawn hmu rawh" tih Rinhlua hian min rawn thawn anih chu. Zamlo ve ham ham tak chu ani.









A hma ah ka thu reng chung hian msg min rawn thawn ania chupawh thupek. Engvang chuan nge inhmuh kan ngaihna chhan awm reng reng ka hre ve hauh lo, engkim kan sawifel dun vek tawh Khan ka hre sia. Ka hnenah chiang takin Rinzuali hnenah thu kalo tiam tawh hi ka bawhchhe theilo ati anih kha, enge tunah sawidun ngai la awm cheu anga?.








Ka reply loh avang chuan a phone chu a kheuh mual mual a, msg chu a rawn thleng leh a. "Zorin kalo nghak ang che in hmuh ngei ngei Kan ngai" tih a rawn thawn leh a, hman a Rinhlua ka hriat thin mipa luhlul leh thuduh zet kha ka a rawn let leh tawh ni mai hian ka hria, ka phone ka bih reng lai chuan "Zorin Kan inhual hunah khan irawn kal ve ngei ngei angai ania aw, irawn lan loh chuan kan lawmlo ngawt ang" tih pah chuan Rinhlua banah chuan va kuah in "Duat zorini hi a rawn kal ve ang tiraw? va nek talh talh pah chuan Rinzuali chuan a va ti a.









Rinzuali biakna chu chhang mai lo chuan minrawn melh zawk a, ka rilru te te chuan min sawm daih tawh kalo ti neuh neuh a. "Aw nia Zorin rawn Kal ve ngei ngei rawh aw" Rinhlu-an min rawn tih chuan ka chhan hma hauh in Josepha chuan. Ani ber akal loh ten partner ka nei ve nang nui hawk hawk chung chuan a rawn ti a. Ka lam rawn hawi chung chuan "Ka savate Bawihpuia te inhual party a Kal tur chuan keimah ngei hian ka rawn sawm ang che, i chhungte pawh kalo hrilh mai ang" a rawn tih chuan ka lo tumkhum hmak a.









"Savate" hmuiphun chuan ka lo tih khum sep a, a nuihzatna tawk hi an tling leh khawp a min fiam chhunzawm leh nghal char char tawh. Joseph-an min chhaih reng lai chuan ka msg tone chu a lo ri ve char char a. Rinhlua ka va melh chuan a phone a lo hmet mawlh mawlh a, amah bak ani dawn chuang lo tih ka hriat avang chuan ka phone ka en duh tawh thak lo, thinrim hmel tawk chuan rum zet chuan min rawn melh zui a.









"Joe Zorini nen hian in serious ve tak tak emni? Rinzual-in a rawn tih chuan rang lutuk chuan Josepha chu ka melh a, tinge henu hian thil awm ang lo deuh deuh hi a rawn phuh chhuah fo mai le? Min tawng el zawk nge pawh ka hrelo. Rinhlua ka hnaih a hlauh vangin Josepha nen hian min hmehbel talh a tum zawk nge? A thluak fing lutuk hian eng ruahman na nge siam leh a tum ang tih chu kalo ngaihtuah thleng hman vek.









Joseph-an a chhan hma chuan "Atlai tawh sia kan kalsan rih phawt mai ang cheu" tih sawk sawk pah chuan Josepha banrek ah chuan vuan in ka ding vut a. Josepha pawh ka chet dan teh thut vang chuan a hamhaih ani ve ngei ang phawk fe chuan min rawn en hu a. "Ah aw aw le Bawiha Kan kalsan rih mai ang che u, ka boss hi a hman hmawh deuh a" nui suk chung a Rinhlua te pahnih melh chung a tih chuan a banbul ah chuan ka lo chum taih a. "A mak e Lawmsangzual iboss ka ni bawk lo, tinge mizing ah hian min tihzah fo thin le" ka ti hlak hlak a.









Josepha car chhungah chuan ka thu ngawi reng a, ka huntawn mek hi engtia hmachhawn zel tur nge pawh ka hrethiam tawh bik chiah lo, msg ah khan Rinhlua Khan hotel ah min rawn hmu rawh a rawn ti leh anih kha, ka nat loh nan ka theih tawp in ka in control ve hram hram a, ka tan a harsat turzia ngaihtuah miah lo in a duh duh hi min sawikhum chu ani si a.











"I va ngawi thei ve a, diklo a awm emni? Rinzuali thil sawi khan a tibuai deuh che nge? Joseph-an min rawn tih chuan kalo nui sak a. "A sawi dik reng a lawm, ani chauh lo pawh in nang leh kei Kan inzui lai minhmu tu a piang chuan Rinzuali thu sawi kha an ngaihdan ani vek ang chu" ka tih chuan min rawn melh zawk a.









"Nangmah i inngai hniam lutuk hi ka hua, chapo takin awmrawh chu kati miah lo a, mahse mahni in dahhniam lutuk hi chu atna chikhat ah ka ngai. Rinzuali khan ine pawh a ek lo che, midang chungchang sawi hi ka duh vak lo nain Engtin nge Bawihpuia hian Rinzuali te ang mihring lem lutuk hi nupui atan aneih duh zawk tih hi ka in zawt nawn fo thin asin" a rawn ti zui bawrh bawrh a.









Josepha hi ka rin phak bakin a lo fing fe zawk anih hi, kan vawikhat inhmuhna atang in mite min hriat dan ang mihring ka nilo tih a hrenghal chat a, tunah Rinzuali chungchang khatiang Khan a sawi leh a, keimah chiah hian Rinzuali hmai thinghawng vuah hi kalo hria emaw ka tih lai in. Josepha pawh hian a lo hai lo nasa anih hi. Mipa hi chu hmeichhia ang an ni velo a, an thuhriat te hi an sawi chhuak ve zut zut ngai lem lo a, Josepha meuh pawh in khatiang a Rinzuali chungchang a rawn sawi chhuak anih chuan a hrechiang ve thawkhat hle ani ngei ang.










Kan in kan thlen chuan ka hnar a rawn piai zauh pah chuan "Ka rawn lut kawi tawh lo mai ang aw, Kan inlam ah ka haw hma in spot ah kal zawk ka ngai dawn a, zanah ka rawn kal ang thingpui in tur in" a rawn tih chuan ka lo tum hmak a. "Kan thingpui hi a tui bik viau emni? Chubak a ka hnar hi piai ziah tawh suh ka hnar iti tawk zo vek dawn" ka tih chuan a ha var rual that lang vek chuan a nui leh a.









"I hnar a lo tawk zo ta vek anih phei chuan ka lawm hlei hlei ang chu, ka mitah hi chuan imawi ber reng tho ang" thutak zet a arawn tih a vang chuan ka lei ka lo chhuah khum vak a, car a tang chuan ka chhuk zui nghal daih a, "khatia rukru ang mai a tlanchhiat kher kha angai lo, i inpeih hma chu ka nawr lui dawn lo che ka tih vek kha" a la rawn ti hram a.









Hepa bulah hi chuan engmah ka ngaihtuah tha thei thlawt lo, he tiang khawp a tlangval hmeltha nula te buaipui rawn hian kei ve teh lul hi min duh der ve chu ani sia. Rinhlua vang hian hmalam ka pan thei lo a, kala intina zel chu anih hi.










Inchhung ka luh rual chuan Joseph-an min bazar pui manah ti a kawr min lei chu car chhungah ka theihnghilh daih tih ka hrechhuak hnu hnawh a, min duh zia thu a sawi a piang hian tawngkam a han hnar mai ka hreh vang hian ka tlanchhiat san rum rum zel a, nichin lawk pawh Khan engmah ngaihtuah hman lek lo in car atang ka chhuk San anih kha.










Ka theihnghilh tih a hriat chuan min rawn pe dawn tih chu ka hre tho a, va phone lo a ka ngawih reng chuan min leisak ani ve bawk sia ka duh vak lo ah angai ang tih ka hlau bawk si. Va biak ve reng reng tha a ka hriat vang chuan ka room ah tlang chho in ka phone chu ka phawrh a. Josepha call ka tum mek lai chuan ka phone chu a rawn ri a, a number save lo mah ila Rinhlua number tih ka hria, ka chhang ang nge chhang lo ang tih ah chuan ka rilru a insual buai kher mai, msg ah khan inhmuh a duh thu arawn sawi vek tawh si a.










Va hmuh kher chu ka tum chuang lo a, mahse engmah sawi Chiang lo a in nghahthlawn tir ringawt chu mi puitling lo zia ka ti deuh bawk si. Ka pick hma chuan a lo tawp hman a. Ka whatsapp ah chuan a msg a lo tlar dul a, hepa hi enge maw a hriat chu ni ka ti chhuak sep a, a rawn call zui leh nghal zat a.











Ka pick rual chuan "Tinge phone ipick duh miah loh a? Inah ithleng tawh tih ka hre vek ania" a rawn ti thum dut a. Engtin nge inah ka awm tawh tih te chu a hriat tawh reng reng ni? Min zuiru tidawn ila anupui hual bulah a awm bawk si a, Josepha a bia ani chiang mai.










"Enge iduh a? Kan inbiak a ngaihna chhan ka hre tawh hleinem" ka lo ti ve hmak a. Leh lam atang chuan a rawn thaw ri hawk a. "Zorin ti hian awm lo teh, Kan inbiak hi a tul takzet zawk ania" aw ril ruih a arawn tih chuan ka ngawi deuh reng a. "Zanah chuan min rawn hmu rawh aw, nge in inah Khan ka rawn Kal zawk dawn? A rawn tih chuan " Lo kal a ngai lo" rang lutuk chuan kalo ti vat a. Ka chhang rang leh lutuk chu ka inhaw takzet, ka rin lawk ang chiah in a rawn nui hawk a. "Ka rawn Kal chu ivan hlau awm ve? Josepha Khan Kan inkar thu hi a hriat ihlau ani thei em? Nge zanah rawn len a tum zawk? a rawn tih chuan a aw ah chuan thinrim na ri ka hrethei. Engvang a Josepha nen chuan min rawn hmehbel ve ringawt nge anih chhan pawh ka hre nek lo e.










"Josepha chu lo leng pawh nise enge a pawi vak na? Nang pawh in ka tan mipa tha ber anih thu min hrilh tawh kha, Kan inkarah eng pawh thleng se nang te chuan min lawmpui ber turah ka lo ngai a" ka ti chhuak hliai a.









"Zorin tikhan awm lo teh, ka rawn kal iphal loh chuan hotel ah ka lo nghak ang che sawidun tur kan nei ania" a rawn tih leh chuan "Sawi dun tur kan nei tawh lo, chubak ah naktuk naktip mai ah Rinzuali nen inhual na innei tawh dawn a, hmeichhe dang hotel a lo hmuh tih vel kha chu theihnghilh tawh zawk rawh" ka ti chhuak sep a.










"Inbiak ngei kan ngai sia lawm, nupui hual lai nei pawh ka la ni em hleinem, Kan inhmuh a rem loh na chhan reng reng ka hre ve hauh lo" luhlul lutuk chuan a rawn ti leh a. "Kan inhmu thei lo ang, keimah hian a remloh na ka hria alawm, engpawh nise isawi duh chu ti hian sawi mai rawh kalo ngai thla ang" ka tih chuan a rawn thaw ri leh hawk a.









"Zorin tinge engmah hi ihriat thiam theih miah loh le, ka hmangaih zia che hi ihretawh lo zawk nge? Khawngaih tak in zanin chiah inhmu ang, ka ngen ngawih ngawih che inhmuh chu remti hram rawh" a rawn tih leh chuan. A chhan na chu aih ani tawp, engang pawh in Rinhlua hi lo hmangaih pawh ni ila mi pasal nimai tawh tur ani a, mahni tanghma hai lutuk a lo va hmuh leh kha ka duh lo bur, zep loh chuan a kiang a awm tluk a duh leh thlakhlelh ka nei reng reng lo, ka thil duh nei tur a midang va tih nat kher kha ka mizia ani ve lo tlat.











"Enteh Rinhlu ka rawn hmu dawn lo che tih ka hrilh nawn leh ang che, ithusawi duh chu phone ah hian sawi thei ang. I sawi duh loh chuan intihfai ka duh a ka dah dawn ania" ka tih chuan a rawn phun hluk a. "Nang hian min hmangaih tih hi ka hriat sual ani hial lo maw? a rawn ti thum dut a. "Ka hmangaih leh hmangaih loh ah che chuan enge awmzia awm tawh chuang a?, ni reilo te hnu ah midang ta ini mai tawh dawn tho a lawm, isawi duh chu isawi dawn nge ka off dawn" ka ti nawn leh salh a.











"Zorin tunah chuan ilo danglam ta takzet anih hi, a hma kha chuan ka thu kha i awih thei viau bawk sia, tunah chuan inunah hian kei hian hlutna leh awmzia ka neilo ta hle ani tih chu ka hre thiam mai e. Thil ngen duh che ka nei a" a rawn tih chuan "Engthil nge kei teh lul hi min ngen duh a? Ka lo ti vat a.










"Zorin mahni tanghma ka sial in ka duham min ti pawh ani mai thei, he thil hi ibul a ka sawi loh chuan ka awm hle hle thei ngang bawk silo a. ka thil ngen duh che chu, nupui ka neih hma chuan Josepha hi bul tanpui lo la tih hi ka ngen duh che chu ani" a rawn tih chuan a thusawi mak ka tih em vang chuan ka lo meng phawk vak a.










" Nang pawh in nupui inei dawn a tinge Josepha nen bul kan tan chu iduh loh a? Ka rilru a rawn lang hmasa ber chu ka lo zawt let nghal vat a. "Zorin mipa dang in ikut an vuan lai hi ka hmu thei lo, ka hmangaih ber leh ka thiantha ber inzui lai hmureng chung chuan nupui ka nei thei lo ang, ichung a ka lo tihsual tawh zawng zawng hremna ka tuar mek a, khawngaih tak in Josepha hi bul la tan pui lo la ka duh" a rawn tih chuan "I duham hle mai" kalo ti chhuak sep a.










"Ka hria a lawm, nangmah vang hian duham tih hming ka put ngai dawn pawh nise pawi ka tilo, ka sawi tawh ang khan nupui ka neih hnu ah chuan in duh dan dan in inawm thei tawh ang, ka rawn ti buai tawh ngailo ang che" a rawn tih chuan "Nangmah chiah i inngaihtuah anih kha, kei hi engtin nge ni ve dawn?. Ka hmangaih ber in hmeichhe dang kut a vuan lai chu hlim tak in ka lo thlir ang che maw? Josepha hi awm lo se chuan ka thil paltlang mek hautak zet lak a tang hian ka dam khawchhuah zawh pawh ka inring tawh hlei nem" tap tiau chung chuan ka ti chhuak sep a.









"Ka tihpalh Zorin, khatiang Khan awm lo hram teh, keimah vang a imuttui a tlak reng ten engtin nge hahdam takin ka thlah theih ang che, nang leh kei hi kan inhmangaih ve ve a. Rinzuali nen hian kanla inhual em hlei nem, hetia damchhung a hreawm tak a natna insiam reng lo hian kawng chu a la awm ania" a rawn tih chuan. "A tlai tawh lutuk, keimah ni chiah kan in ngaihtuah thei bik hleinem, kei chu min ngaihtuah suh keimah vang a hmeichhe pakhat nun a chhe vek tur chu ka thlir liam mai mai theih iring emni? Ka tih chuan a rawn rum chhuak hawk a.









"Ni e ithei miah lo ang, nangang hmeichhe rilru tha lutuk hian engtin nge midang chu itihnat duh tehlul ang le?. Ilak ah khatiang khawp khan a nunrawng chung pawh in tihnat ila hlau ania, ka thianpa hi vannei ka tih rual in ka thik hluah hluah, nangang vantirhkoh ang mai a nunnem leh zaidam a nei mai tur che hi ka thik ani, nang ka neih leh theih nan che hian chance vawikhat chiah nei leh ta ila min lo la pawm thei angem? min rawn tih chuan chhan mai dantur ka hrelo.







"Enteh Rinhlu khatiang lam kha chu sawi tawh lo teh, engkim a tawp tawh zia chu Kan hriat chian dun viau kha, iduh ang ngei chuan Josepha nen chuan Kan inkar ah engmah a awm lo, engtin nge nang hmangaih reng chung che hian mipa dang kut ka vawn theih mai irin zawk a? Chubak ah pasal hi ka neive thei angem tih pawh hriat ani lo,ka awmdan tur zawng zawng hi Lalpa chungah ka nghat tawp a, kei hi chuan ka nunna chungah hian engthu mah ka nei ve hleinem" ka ti chhuak sep a.







Rinhlua nen kan inbiak zawh chuan ka tap zawih zawih, Kan in hmangaih tho si a kan awmdun hi a rem bawk silo, khang huntha Kan neih chhung zawng zawng kha intihnat tawn nankan lo khawh ral zo vek tawh a, tunah chuan Kan tlai tawh lutuk ani. Urhsun zet in Pathian hnenah ka tawngtai a, ka rilru mangan na te a hnenah ka thlen a, ka thawl hawk thei.








Ka inbualfai vek hnuah inhnuai ah ka chhuk a, kanu leh pa Ngurpuii te chuan minlo en thap a, inchhung a ka luh atang khan be miahlo in inchungah ka chhotlang daih tih ka hrechhuak hnuhnawh a, ka inthiam lo ve reng.






Kalo rinlawk ang chiah chuan kanu chuan "Mambawih thil diklo a awm emni? I hmel kha ava dik lo ve, harsat na ineih chuan kanlak ah hian engmah zep loin sawi vek rawh, khatiang hmel pu chung kha chuan kan en liam mai mai thei bik miah lo che ania, inzin haw a tang khan i awmdan a dik tawh lo a, engmah min hrilh loh vang in isawihun kan lo nghak tawp anih hi" a rawn nghal chat a.







Ka pa pawh chuan "Bawihte enge iharsatna chu engmah zeplo in min hrilh rawh, ilamah Kan tang tlat ania, Kan mangan na te chu keimah ni hian chingfel thei lo mah ila engkim tithei Pathian neitu Kan nih hi. A hnenah Kan dil chuan anin min tanpui dawn alawm" dam dup chuan a rawn ti ve bawk a. Ka nu leh pa in min ngaihtuah zia an hmelah ka hmuh vang chuan ka lungchhe ngawih ngawih a, an lampan a tlan phei hlawk hlawk chung chuan Ka tap chhuak hawk a.








An pahnih chuan min lo kuah in ka pa chuan "Ka fanu neihchhun chungah hian engthil nge thleng a? Hetiang tak a ka fanu duat ti lungngai tu hi engthil thalo nge ni ngai. Bawihte engkim min han hrilh teh ichhungte hian tihtheih Kan neih phawt chuan kan nunna hi hlan ngai hial dawn mahse Kan hlan hreh hauh lo ang" a rawn tih chuan ka pa chu va kuah in ka tap leh hawk a.








"Pa engmah tihtheih in nei tawh lo asin, ka lungngaihna hi Pathian hnenah vawitam ka thlen tawh alawm, mahse engmah a danglam thei lo Nu kei hian ka hmangaih ber ka chan mek a sin" tap chung chuan Ka ti leh a. Kanu leh pa chu ka thil sawi vang chuan mak ti in an in melh zawk a.







Kanu chuan "Mambawih enge ithil sawi kha han sawi chiang deuh teh? Tumaw ichan a ka fanu hian tu a hmangaih nge alo chan a? a rawn tih chuan kanu leh pa chu mittui kar atang chuan ka melh a. Ka thil tawrh mek hrilh chu ka hreh ngawih ngawih rual in an lakah hian thuruk neih ka duh tawh lo.







Kanu chuan ka kutah chuan rawn vuan in "Bawihte iharsat na chu ichhungte hnenah hian zep nei miah lo in sawi la, nangmah pawh ithawl hawk mai ang" a rawn tih chuan kalo tahnuih tawp. Ka pa pawh chuan "Bawihte chuti tak a lo ti mangang tu che chu min han hrilh teh le. Kan chhungkua hian kan harsat na te Pathian hnenah Kan thlen ho dawn ania" a rawn ti ve bauh bauh bawk a.








Ka mittui chu ka hru sawk sawk a, ka nu leh pa chu ka melh tawn zawk a. "Nu pa kei hian hmangaih ka nei a" ka ti chhuak sep a. Ka pa chu a lo nui hak a "Kan fanu hi alo puitling ve tawh ani maw? a rawn ti chhuak sup a. Kanu erawh chuan "Bawihte tunge ihmangaih chu? chupa chuan Hetiang khawp a lungchhe a siam tur che hian ichungah engthil fakau nge alo tih a? a lo ti ve thung a.








"Nu chupa chu nangpawh hian ihria, kha hman a ka damloh lai a minrawn kan tu Rinzami unaupa kha ania" ka tih chuan kanu chuan. "Kha tlangval ngainat awm zet kha maw? Kala hrereng a lawm kha tlangval Rinhlua kha kalo ngaina hle a sin" a rawn ti chhuak var a. "Nu khawbung a kan awmlai a khuangthing a thisen petha chawimawina ka neih tum Khan kan intawng a, khata tang khan ka hmangaih in nikhat te mah ka theihnghilh ngai lo. Aizawl a kan kir leh hnu pawh khan hmuh leh chak in ka zawng reng thin a, mahse hmuh leh chak a kalo zawn ruk reng thin nen Kan in tawn leh dan chu a hlimawm ta vak loh anih hi" ka ti chuai raih a.






"Bawihte nupui alo nei tawh tihna emni? Kanu in a rawn tih chuan kalu chu ka lo thing nar nar a. "Nu nangmah ni ang tho Khan Kan inhmuh leh chuan addict leh hmeichhe hurherh tak ah min ngai ve tho a, mahse khati chung khan ani pawh Khan min enliam mai mai thei bik chuang lo a, in ka chhuahsan lai pawh khan ka haw na turin in min leisak hial a, bul tan tha leh tur pawh in min sawm bawk a. Mahse khatih lai Khan ani chuan hmeichhe dang kut a lo vuan tawh a, a ni nen a bultan leh kha a rem thei ngang in ka hrelo a, chubak ah ka rawngbawlna leh ngaihzawng neih kha inmil thei in ka hrelo a.








Mipa dang nen Kan inzui lai min hmu fo a, kalak ah a thinrim in min diriam fo mahse min hawisan tak tak thei chuang lo, hmanni deuh khan a lo hriat thin ang hmeichhia kha ka nilo tih engtin tin emaw a lo hrechhuak a, kalak a alo sual thin em avang Khan ngaihdam mindil bawk a. Engvang in nge alakah thudik sawilo a ka zep ti in min zawt bawk a, khami ni khan ka thil hriat chak em em thin Rinhlua khan min hmangaih thu minhrilh a mahse ka hlim phah chuang lo chu anih hi" ka tih chuan kanu chuan.








"Bawihte nangpawh in ihmangaih tho a Rinhlu-an a hmangaih bawk che a tinge ila tah tho si? Hlim viau tur ini lawmni? A tih chuan ka mittui chu a rawn far kauh a. "Nu engtin nge ka hlim theih ang, khang hun chhung zawng Khan kan in hmangaih tawn ve ve tih hrelo in mahni kanlo inbum char char alawm, tunah chuan a tlai tawh lutuk. Rinhlua Khan min hmangaih thu min hrilh mahse nupui a nei mai tawh dawn a lawm, tun atang a nithum hnuah inhual na annei dawn asin" ka tih chuan ka tap chhuak leh nge nge a.









"Awi Lalpa ka duhtheilo ka fanu chungah hian engthil nge thleng mek hi? Ka nu chuan mangang lutuk chuan a rawn ti chhuak hawk a, kan bulah chuan Ngurpuii pawh chuan a mittui a lo hru ve char char a, ka pa erawh chu mipa ani bawk a atap ve lemlo a, ka thiltawn chuan a ti mangang ve hle tho a.









"Nu pa Rinhlua chuan hmeichhe dang kiang ah thu a lo tiam tawh chu kan inhmangaih tawn vang ngawt hian a chhuchat thei lo a, mahse ka thawk ve tek tek chhung chuan ka hmangaih reng ang che mintia sin, keimah ni vang a hmeichhe pakhat nun a chhe vek tur chu ka ngaingam bik lo a, ka hmangaih ber midang ta ani mai tur hian mintina in awm ngaihna pawh ka hre tawh lo anih hi" ka tih chuan ka tap chhuak leh hawk a.








"Rinhlua chu mipa diktak anih chu, Bawihte lungngai reng reng suh. Pathian hnenah Kan mangan na kan thlen anga mihring ten kan tih danglam theih loh pawh hi kan rin Pathian hian a ti danglam thei a lawm, khawnge Kan tawngtai ange" a tih chuan kanu nen chuan kan thu rem vat a, ka pa chuan Pathian hnenah ka buaina te chu min thlen sak in urhsun zet hian a tawngtai a. Ka pa a tawngtai zawh chuan "Bawihte lungngai duh tawh miah suh aw. Tawngtaina chhangtu Pathian hnenah kan mangan na kan thlen vek tawh a, enge kan chungah lo thleng tur chu lo thlir tawp mai ang u aw" a rawn tih chuan ka nui ve ta sak a.









Pathian chunga innghat tlat thin nu leh pa ka nei hi ka lawm hluah hluah, ka buaina te chu chawp leh chilh a lak kian sak in ka awm a, ka nun hi a hlim ta veng veng nimai hian ka hria a. Ka hmangaih ber nei thei dawn lo mah ila Rohlu ber isua ka nei a, engdang nge kala beisei chuan ang le?.








"Nu Rinhlua te chuan an inhual na party ah kal ve ngei tur in min beisei a" ka tih chuan kanu chuan min ngaihtuah hmel fe chuan min rawn en vat a. "Nu tikhan min en lo teh ka tha vek tawh ania, tunah chuan chaktak leh huai takin ka awm tawh dawn alawm, ka hmangaih ber chu hlimhmel pu chung in ka thlahliam ve thei tawh dawn avang hian ka lawm viau a sin" ka tih leh chuan a lo thaw huai a.









"Uzorin i hmangaih ber te inhual na party ah chuan a dam chhung a ahriat reng tawh tur khawp a nalh a ilan angai in ka hria, ti hian ti ila puanthan naktuk ah va lei ila ikawr hak tur chu keimah ngei hian thuisak che ka duh a" a rawn tih chuan Ngurpuii chu Kan en thap a. Nui var var chung chuan "Mak inva tih hmel ve? Ka unaunu hi a hmangaihte inhualna party ah chuan nalh tak a alan ka duh takzet alawm, chumi tur chuan kei hian ka thiamthil hi kalo thawh ve chu min remtih sak hram teh u" a rawn tih chuan kanu chuan "Ngurpui Bawihte nang hian puanthui ithiam maw? Maktih hmel deuh chuan a rawn ti a. A awih lo lek lek zawk hian ka lo hria a.









"Nu puanthui te chu naupang te ka nih lai Khan ka thiam tawh, kanu kha designer ani a ka tawngtheih tirh atang Khan kanu puanthui na bulah kalo awm in ka hmu nitin a, ka nulat hunah chuan nu nangmah ang hian designer thiam tak kani ve anga mi kawr tur nalh tak tak in ka thui ve ang ka ti reng thin. Mahse kha accident rapthlak tak Khan ka thil chak leh duh ber pawh ti puitlin thei lo in min siam ta chu anih hi" a rawn tih chuan Ngurpuii chu lainatna akhat mitmeng hian Kan en a.







"Ka fanu ithil chakber puitlin tur chuan ila tlai reng reng hlei nem, iduh phawt chuan he khawpui a designer thiamber hnuai ah hian puanthui chu izir leh dawn ania" ka pa in Ngurpuii a rawn tih chuan Ngurpuii chuan a mittui chu a hru zauh a. "Pa tunah chuan ka thilchak ber thin kha ka thlak tawh alawm Uzorini nen hian midang te tanpui turin Kan theih tawp Kan chhuah angai a lawm" a rawn tih chuan kanu chuan a va kuah vat a.








"Bawihte inu leh pa Kan nih hi engmah in thlahrun natur a awm miah lo ania, iduh leh mamawh apiang sawi la kan tihtheih a awm chuan tlanchhe lo in kan tihsak zel ang che, naktuk ah i u nen hian inva bazar anga puanthan chu inva lei dawn ania, ipa in Kan khawl alo tuai hnum thung anga, kan hman loh na arei deuh tawh a khawltel te a lo hnawih anga" ka nu in phur tak chuan a rawn ti chhuak bawrh bawrh a.








"Ngurpui ka kawrtur chu ithui thei tak tak dawn ami? Naute kha kan ngaihtuah a ngai alawm khawl irah chuan naute tan Khan a thalo ang" ka tih chuan a rawn nui hak a. A dul la thep zai chu a chul riak riak a. "Kan naute hian anutei kawr thui chu a duh vengei ang nui var var chung chuan arawn ti a..cont

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)