PASTOR FANU BY Ramdinsangi_Ralte (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: PASTOR FANU BY Ramdinsangi_Ralte (Completed)

Unread post by Ngaia » October 24th, 2021, 4:06 pm

Kan zik nek nek chhungin khua alo thimfel leh der tawh a, zanriah Kan ei mek laiin Josepha arawn lut nawlh a, chaw kanlo ei mek tih a rawn hmuh chuan a zak lutuk chu a hmai a sen tawn tawn thei. A hmel awmdan ka va hmuh chuan ka nuih hi a lo za khawp a, kanu leh pa pawh an inmelh a annui tet tet a, tute pawh nise nula rimtur a an chaw eilai em em a valuh chu anzak ve tho ang chu.









Kanu chuan "Bawiha zakduh reng reng suh, keimah ni thiam loh zawk hi alawm, sana hi enla zanriah eihun ani tawh reng reng hleinem" a rawn tih chuan, a lu thak lo pui chu a hiat nauh nauh a. Josepha lai chhe lutuk hmel kan en chuan Ngurpuii nen chuan za lutuk hian Kan nui chhuak a.









Ka pa chuan "Tlangval tan nula rimhun leh hunlo a awm chuang hleinem, titeh kan chaw hi rawn bar ve hrim hrim teh, ithian nu te pahnih hi an mawl emai chaw eiah sawm nachang che pawh an hrelo" a rawn tih chuan "ka lawm lutuk e, zanriah ka lo eitawh sia nidang ah ni zawk mai rawh se, zorini Khan vawiin khan motor ah a thil tur a theihnghilh a rawn pek ka tum a" a rawn ti lawi rut a.










Nui then tha chung chuan "Tikhan lo thu rawh thingpui tuitawk ka lum sak dawn che ania, ivanfel em em ve, tlaiah khan rawn biak che ka tum mek laiin phone call dang a rawn kal leh sia ka rawn biak theihnghilh daih che alawm, ithil min present ka ngaihhlut loh vang a theihnghilh ka ni miah lo ania, nangman min fiam peih lutuk vang vek" ka tih chuan kanu chuan "Enge inlo in present vel a, Kan hriat ve chi ani em? A lo ti vat a.









Kanu lam chu nui var var a en chung chuan "Nu vawiin ah khan Josepha hian min bazarpui manah ti in kawr min leisak lui talh a, kan tan thil min tihsak hnem tawh tehlul nen hian, alak a kan ba hi rulh let na hun pawh min siamsak a tum ve reng reng lo a" ka ti lawng lawng a.








"Ka lakah ba nei angah ila inngai reng dawn anih chuan ka lungawi lo tawh viau ang" joseph-an a rawn tih chuan ka pa chuan alo tan ve vat a. "Mambawih Josepha sawi kha adik chiah, midang te tanpui a duh ve ani mai a, khatiang rilru kha pu tawh miah suh" min rawn tih chuan inti thei tawk chuan Josepha chuan min rawn melh a, ka lei ka lo chhuah khum vak lai chu ka pa chuan a rawn hmu leh hman sia "khaih khaih mambawih, tu nula in nge mahni inleng te khatiang a chhiatkhum chiam ngai le" a rawn tih chuan kan vai chuan Kan nui leh dar dar a.










Inleng neih reng lai a reitak chaw ei chu thilmawi ani chiah a ka hriat loh vang chuan ka kham ta vat a, Josepha bulah chuan va thu phei in a kawr min leisak chu ka phawrh chhuak a. "Nu ka kawrthar hi han enteh a mawi a sin aw, a nalh mai bakah hian aman a to bawk si, ka ha ngam lo ang tih pawh ka hlau rum rum" ka tih chuan kanu chuan.










"Mambawihi thin hi chu aw, ithianpa in kawrmawi tak duhsak takin a leisak che a, ingai hlu hle tur ani. Joseph Mambawihi ilo kawm duh hi chu ichungah kan thinlung tak in kan lawm hle ania, a upat ve tawh tehreng nen hian fa tlum ber tihtak ah naupang chhia ang mai a han khawsak te hi ala ching reuh a, ilo hriat thiam hram hram angai ania" a rawn ti nghal sawk sawk a.










"Kanu hetia naupangchhia deuh a khawsak vel hi zorini ti zorini tu alawm anih, min ti hlim thin teh mai ania, arilru a tha a abul a awm hi anuam ka lo ti hle thin a sin" a lo ti ve vat a.








"Tikhan ka awm ve reng lai in ka chanchin ringawt sawi kha tawpsan tawh teh u, Useph thingpui chu kan lum ang che aw" ka tih chuan nui hawk hawk chung hian "Haw hma tir min va tum awm ve a, tunah ka rawn thleng ve chiah a thingpui min intir nghal itum ngawt a? A rawn tih chuan kapa chuan "Haw hma lah lo e ileng ve reng ang chu, mambawih thingpui sen hang kha rawn lum teh kei pawh hian ka in ve duh a lawm" a rawn ti ve bauh bauh a.










Thingpui ka chhuan pah chuan "A thlum, asen, ahang, a al leh akha i in zawh vek hma chuan ihaw ka phal miah lo ang" Josepha va en pah a ka tih chuan anvai chuan za em em hian anlo nui a. Kanu chuan "Kan fanu ve hi chu khati tlat zel kha ania, sepha hrethiam zel mai rawh aw" ti chul chung chuan thupha min han chawi sak leh nghal zung zung a. Josepha a rawn thlen tak a tang chuan, tlailam a kan lungngaihna te kha kan theih nghilh zo ta vek emaw tih tur khawp in hlim takin kan nui tlang leh thei tawh a. Haw a tum pawh chuan hawhma ihlauh em kha ka tih tlat avang in dar sawm rik dawn ah a haw ta chauh a.











Josepha haw hnuah inchhung chu ka tifai leh thuak thuak a, mu tur in room lamah ka chho ve ta chauh a. Mutdawn tawngtai ka neih zawh fel hnu ah chuan ka phone chu ka khawih ve ta choh a. Rinhlua msg a lo in tlar leh dul tawh a. "Enge itih? Josepha a rawn leng leh em? Min reply duh loh danah a rawn leng ani Chiang mai. Zorin tlai a ka thusawi kha ka ti tak tak ania aw. Ka ngai che tih hi ka sawi lo thei lo min haw suh aw, ka hmangaih che tih ihriat kha" tih vel chu a lo thawn dul a.










Rinzam-in "Angel kan va in hmukhat ve? naktuk ah inhmu ila Ubawiha te inhualna party a haktur te leiin kan bazar pah bawk anga" tih min rawn thawn chu ka reply nghal vat a. Min rawn call zui nghal zat a.








"Angel itha takzet em? Ka ngaihtuah lutuk che a, ka unaupa vang hian ilakah ka inthlahrung zo vek" a rawn ti nghal tawng a. "Ka tha lutuk min ngaih tuah miah suh aw, engkim a lungawi zel theih hi ringtu nun a thil pawimawh tak ania lawm" nui hak hak chung a ka tih chuan a rawn chek tlak tlak a. "I nui ri te kha alem e, ka unaupa ihmangaih zia ka hriatpui vek che a, tap vak vak mahla ka dem hauh lo ang che, kei hian itan enge tihsak theih che ka neih tih ka ngaihtuahna vang hian ka rilru hi a hmanhlel viau bawk a nia" a rawn tih chuan.









"Engmah chutiang thil ngaihtuah buai a ngai miah lo, kantan a tha tur zelin Pathian hian kan chungah ro a rel thin a lawm. Pathian remruat hi keini mihring ten kan tih danglam theih rual ani hleinem naktuk ah chuan kan inhmu dawn ania, a tlai tawh sia thawh ihai palh ange muhil tawh ang" ti in Kan inbiak na chu ka ti tawp a.








Zing thawh hma hi kan naupan tet atang a kanlo chinthan tawh anih vang hian mengrei deuh thin mah ila ka tho hma thin khawp mai, ka pa hian ka u te ho nen hian. Bible in mu reisuh ilo pachhe hlauh dah ange, tih thu ngei kha keini a fate thinlungah hian chi ang in nghet takin min tuhsak tawh miau a.











Rinzami nen chhuah dun Kan tum a vangin, zingkar ah Ngurpuii nen bawngkawn bazar a Kal pah in puanthan kan endun nghal a, puanthan hring takzet chu i inhmeh dawn ivun ango bawk si ti in min thlan sak a, a duh ang thlap in min han chei teh se ka tih vang chuan a sawi ang ang chu ihe lo chuan ka lo pawmpui thlap a, ka kawrthui na tur atan a mamawh kan lamkhawm vek hnuah inlam pan chuan ke in Kan inzui haw hnak hnak a, raipuar a nih vang in ka kal chak pui duh lemlo a, a naupai na pa chu engang a mi tenawm leh bawlhhlawh pawh lo ni tehreng se, naute lo piang mai tur chu kan chhungkua hian a lo pian hun Kan nghak hlel in Kan hmangaih lawk em em vek a ni tawp.










In Kan thlen chuan kan chawhmeh lei ho chu kanu chuan a lo phawrh nghal mawlh mawlh a, kei ni pahnih erawh chu Ngurpui-in mesurment te min laksak in ka kawr thar min thuisak tur lam ringawt ah chuan kan lo phar buai ve thung a, paper ah hian ka kawr design tur chu a lo drow lawk diam leh nghal a, a sawi ang tak in lem ziah pawh a lo thiam ngang mai, ka kawrtur a thuizawh hun tur chu ka lo nghakhlel zek zek tawh a, nui var var chung hian "Uzorin ikawrtur hi a sial dawn em avang in nikhat thilthu a han khawih zawh mai chi ani dawn hauh lo ania, inhualna party hma chuan Kan zo fel hman tawk ang" a tih chuan ka hmuchak tawh asin le ka lo ti nang nang a.











Rinzami nen Kan inhmuh chuan minrawn kuah chung chung a. "Angel ka rin ai daih in ka hmu tha che, kalo rin dan chuan rilru nat vang a lungngai hmel pawr fip fep hmel iput ka lo ring a, mahse ani miah lo mai, ihmel kha a nung sar mai a hma zawng ai Khan ka hmu thazawk che" a rawn ti chul a. Nui var var chung chuan "Zorini hmeichhe tuarchhel leh mahni in thunun thei tak ka ni tih kha ilo theihnghilh tawh emni? Ka lo ti ve vat a.









"I tuarchhel ve dan hi ka pawm zawng ani ve hauh lo, nang hi ka thian mai nilo in ka unaunu nila ka duh a lawm"Rinzam-in min rawn tih chuan ka lo nuih hawk hawk a. Rinhlua nen min tuahrem tum viau mahse engmah lo mai ah alo in ti buai thlawn mai mai ani. Rinhlua Khan vawikhat mah anupui
a tan min sawm reng reng lo tih hrengat se chuan a sa leh ngawt ang chu.









Chawhnu lamah bazar tur in kan chhuak hman dawn chauh tih Rinzam-in min hrilh chuan "Sawi sa ve tur che ania, inlamah tih tur ka ngah teh reng nen kalo ti hlak hlaka. "Ka ngai ve tawh che alawm, ti hian awm ve mai mai rawh, englai mai pawh a buai reng hi engtik ah nge bansan itum a? A tih chuan ka lo nui sak a. "Enteh thiani. Tunlai chu Rinhlua vang hian ka rawngbawl hna pawh hi ka thawk tha hlei lo a, keimah ka in khawngaih na hian duh lo teh mah ila min hneh leh nge nge thin anih hi" ka tih chuan "He kawng hi nangmah ni thlan ngei chu ani sia lawm, hlimna tur awng a awm reng lai in natna in thlang miau a" a rawn ti hmarh hmarh a.










"Khalam kha chu duhtawk teh sawi pawh ka peih tawh lo, inhual na party na tur vel chu in peih thawkhat tawh ang chu maw? Ka tih chuan "Umm kan in peih tawh chu ani thawthang mai, khawpui pawnlam ah an resort lamah daih a ni dawn a" a tih chuan "Resort an lo nei reng amaw? Ka lo ti hliai a.









"Nei ang chu, an resort khu chu sum lakluh nan chuan an hmang lutuk lo a, foreigner ho hian an hmang tlang pui thin, ihmuh hunah chuan nuam iti in ingaina ve ngawt ang" a rawn ti bawrh bawrh a Rinhlua hi kum sawmthum vel awrh chauh ani a, sumdawn na line ah hi chuan a ni tluk hi an awm pawh in ka ring lo. Hetia en a nelawm lo leh thutak run reng si hian midang rilru hneh theih na riau hi anei tlat bawk si a.








"Rinzam-in phone call a dawn tak ah chuan dressing table hma ah chuan ding in ka hmai ka hnawih tha thuak thuak a. "Angel isam lem kha han la thla chhin teh, eng chen nge isam chu anih tawh reng reng a? Ka hnung lam atang a Rinzam-in a rawn tih chuan "I ho e, a latawi lutuk a tho sung mai, ka sam a than chak loh vang hian a lawm ahmawr takngial paih pawh kha ka ui thin" tih pah chuan ka samlem chu ka lathla zui nghal zat a.









"E he a van lo thang nasa tawh ve, mahse tun kha enkawl a buaithlak hun lai tak anih dawn kha, tlangval sual sam zuah buk i ang emai a" a rawn tih chuan Kan nui dun chiam a. "Ka hman hmawh vang in ka rawn khuih pial hman lo anih hi, ka khuih mam than zel a lawm" ka tih chuan sam lem vuah miah lo pawh khan i inhmeh ka ti e" a rawn ti chhuak hliai a, min tih hlimdan tur hi a hre thin khawp mai.









"I sam chungchang ringawt kha kan lo sawi a. Angel hotel atang min rawn bia a , Kan hotelah buaina chhete a chhuak ani awm e, ti hian minlo nghak rawh aw, ka rawn let leh vat ang" a rawn tih chuan "kalo Kal ve dawn em ni? Ka lo ti vat a "Angai lo e, ka rei dawn hlei nem anu te an chhuak bawk sia, inah hian lo awm zawk rawh " a tih chuan "aw le hetah ka lo nghak mai ang che, mahse rei suh aw" ka lo ti niah niah a.









Rinzami chhuah hnu chuan a room a tang in living room lamah ka chhuk thla a, khum a ka mutna ah ka kawr chu ka lo delh chuar deuh a. Nimin a Josepha kawrfual min leisak kha ka ha nghal a, kawrfual sin te te a par, a dum leh var in pawlh ka khup hnuai thleng vel lek a fual arh deuh laih hi ania, a chungah jeans jacket ka ha leh tawp a, ka samlem tawi rual hmarh chu ka vuah bawk a hmeichhe naupang hi ka ang takzet, boot ka ngal rek thleng vel a flat ka bun bawk a, ka lang simple hle rual in keimah pawh inhmuh nuam ka inti ve khawp mai.








Kekawr hi ka ha ngailo ang tluk ani a enge maw chang hi chuan ka ha ve zauh zauh tho a, rawngbawl hna hautak zet ka thawh atang hian ka inchei danthin thlengin ka thlak hlawk tawh, zahawm tak leh mi hmuh atan pawh a mawihnai ka inbel thin a, pastor fanu ka nih vang hian midang ngaihdan veng thawng reng reng in ka in chei thin anih kha, tunah chuan khang ka incheina up zet te kha ka paih vek a, simple leh thuamhnaw hak nuam chi inbel mai hi ngaiah ka nei tawh.






Rinzami te nula an khawlam ah anu damloh vangin a haw bawk si a, mahni te chauh a inlian zet chhung a awm chu a reh ngangi mai, Rinzami kalo zui ve mai lo chu ka in chhir leh rum rum tawh. Ka tihtur hrelo chuan play store ah games ka download a ka lo khel vel mai mai a, ka khelh rei tak deuh hnu chuan ka khel tui ta phian ani chek ang chu, ka lam pan a penthawm a rawn awm takah chuan Rinzami anih ka rin avang chuan. Amah pawh en lemlo chuan "Ka rin aiin irawn let leh hma daih, in chingfel thei ta em ni? Kalo ti sap a.








Min rawn chhan mai loh vang chuan ka games khelh chu chawlh san in ka hawi chhuak ta nge nge a. Rinzami a ni awkawng lo mai, ka hma ah chuan Rinhlua in kuangkuah hlun chung hian ban nghen in that chhe fe a lo ding run ka hmuh chuan ka phu zawk thei. Ka beisei miah loh mihring ka hmuh vang chuan ka chi ai nghal vek. Ka awmdan lai lutuk chu nuihzat hmel fe hian khi suk suk chung chuan minlo en ngur a.









T-shirt dum nghawng bial ahma lam thuilo te a in zai hawng leh ke kawrbul navy blue body fit a hak chu a inhmeh hluah hluah, a sam chu a chhip lam tlem in a zuah buk deuh a, duhdah zet hian a phir kawi niaih a, chapal a bun leh tawp. Hetiang thuamhnaw a ha lai hi ka vawikhat hmuhna ani, inhmeh ka ti viau bawk.







"Ka van hmuhnawm awm ve" a rawn tih chuan kalo en char char tih ka hre ve chiah. Ka zak lutuk chu ka sa pup pup thei. "Zak duh suh" nui suk suk Chung a minrawn tih phei chuan kalo lai zual sauh a, mawl leh lutuk tinge engmah ngaihtuah lo a ilo en reng a? Ka rilru chuan ka inhau mawlh mawlh ringawt.







"Enge hetah hian irawn tih a? Kalo ti bak hlar a. Ka lam pan chuan a bawpsei zet chu a rawn pen phei pawk pawk a, mitmeng zim sun a min melh chung hian "Enge rawn ti se mintih a?, nangmah hi ka rawn ru dawn che mawle" thutak fe a arawn tih chuan "Engmaw isawi a? Kalo ti vak a, ka thut na atang chuan ka ding chhuak ve hluai a. Engmah sawi lo chuan ka chhip atang ka ke ler thleng chuan min rawn en chhuak dap anih chu.







"I va nalh ve a, chhuah intum em ni? A rawn tih takah chuan keimah min hmutur a rawnkal anih chu ka ring ta lemlo a, tihpalh thil thu in Kan in hmufuh palh ah ka ngai hmiah. "Rinzam-in min bazar pui rawh atia, min sawmchhuak te te a hotel ah buaina chhete a awm anrawn ti a min kalsan leh daih sia kalo nghak mek anih hi" ka ti nawi niah niah a.








"Nutei te an awmlo emni? A rawn ti sup a, kalu ka lo buk khup ringawt a. "Nizan ah inhmuh iduh silo a hetia tum loh deuh a kan in hmufuh leh hlawl hi Pathian remruat ah ngai mai ang aw" a rawn tih chuan kalo ner sak a. "I ngaihdan kha paih bo mai teh inhmuh chhan tur kan nei tawh lo tih Kan hre chiang dun viau in ka hria" kalo ti hmarh hmarh a.








Min si chet chuan ka hma ah chuan a rawn ding a, kalo tawlh hnung ve vat a, sofa in min dan avang chuan ka thu ta ringawt a. "Kalsawn teh" ka ti bak hlur a. Nui hawk chung chuan "He tiang ang huntha hi Kan nei leh thei ang tih hi mumang ah pawh kalo mangphan ngamtawh hlei nem, zorin ka ngai takzet che ania. Tinge ka msg min reply duh miah loh a? a la rawn ti tak deuh deuh a.









"Tinge hetia i awm ve ziah a? Nupui inei tep tawh a, min enliam ve mai mai thei lo em ni? Hetiang a i awm reng te chuan ka tan thil iti harsa zual mai mai ania" ka tih chuan "Zorin kan inhmu hi ihlim ve miah lo emni? Josepha chuan engtin fakau nge irilru hi alo neih tawh a? A kiang ah kha chuan inui reng a, ka bulah hian tinge ihlim ve theih miah lo?
Min hmangaih ani lawmni inru mai ang" a rawn tih chuan a thusawi chu a ti fiam anih ring in phawk zet hian kalo en hu a.








"I fiamthu tiraw? Ka ti chhuak sep a. "Zorin fiamthu thawh hmel ka pu emni? Iduh phawt chuan inru mai ang, hetiang ringawt chuan ka kalsan thei lo che. Ka dam chhung hian ka neih loh che chuan ka hlim ve ngai tawh dawn lo tih ka hrechiang lutuk" a tih chuan ka hnuk a ulh tlat anih chu. "Rinhlu khatiang thu kha chu khawngaih takin sawi tawh lo hram teh! keimah vang a ka chhungten mualpho na dang an hmachhawn leh tur hi ka ngaingam tawh lo, chubak ah awmdun thei Kan nih loh zia chu Kan hre chiang dun ve ve" ka ti chhuak sep a.









Ka hma ah chuan rawn thingthi in ka kut chu a rawn hum vang vang a, a hmel chu a buai ve nuaih ni mai hian ka hria. "Zorin Pathian hi a awm tak tak anih chuan tinge min awmdun tir mailoh? Kan in hmangaih ve ve a, hetiang ringawt a inthen tur hi Kan nilo a sin. Rinzuali lakah hian rilru pek ka tum ve poh leh a lak ah hian ka hel zual ting nimai hian ka hre thin. Hetiang ringawt hi chuan kadam khawchhuak zo lo mai dawn hian ka hre thin a sin" a rawn ti sup a.








"I sawi vek tawh kha, hetiang hian awm tawh lo teh puitling tak a awm turin ka duh che. Enteh Rinhlu he khawvel ah hian in hmangaih em em, mahse awmdun thei lo hi keimahni chauh lo pawh mitam tak an awm tih hi hria la ka duh. Rinzami a rawn kir hma in minlo va hawsan tawh rawh, hetiang a Kan awmdun lai midang in anhmuh hi ka duh lo ania, chubak ah thil mawi pawh ani lo " ka tih chuan nghet zet hian min rawn kuah a.








"Zorin ka kalsan thei lo ang che, mipa dang bula hlim tak a inuihmel ka hmuh khan ka chhungril natzia hi ka sawi fiah thiam lo zawk, kei hi mimawl tak ka nih hi, nimin a Josepha nen ka hmuh dun atang cheu khan midang tan ka phal loh zia che hi ka hrechhuak tawh, inru ila mualpho na chu tuar dun mai ang" a rawn tih chuan min kuahna atang chuan talchhuah tum in kalo nam vak a.









"Nanghi i â zo vek tawh anih hi, engtik ah mah chu thil chu a thleng ngai lo ang, kei hi tu nupui mah ka ni dawn lo, nangmah emaw josepha pawh nise mahni thutiam a ding theilo mipa hi ni ve miah suh ang che, engkim tha tak in Kan sawi dun vek tawh kha, nang leh kei hi awmdun tur chuan Kan tlai lutuk tawh tih kan hre ve ve. Khawngaih tak in ilo sahkuak tawh kawng chu zawh la, hnunglam a hawi kir lo in hmalam pan tawh tur in ka duh che" ka tih chuan a rawn thaw hawk a.








Keimah vang a an inhualna a sut leh tur ang a ka suang tuah zawng ringawt pawh in ka tim sung sung thei. Rinzuali nen hian in nei tur in thu lo thlung tawh kher lo se chuan. Rinhlua nei tur hian huai takin ka dingchhuak ve ngam tur hi ania, tunah chuan chhungkaw pahnih in thu anlo thlung tawh sa hi ka tih chingpen sak thei lo hrim hrim. A rawng ka bawl mek Pathian remtih zawng pawh ani lo ang.






"Zorin nupui ka neih chu iduh tak zet maw? Ka mit a min en kal chung chuan a rawn ti chhuak sup a. "Umm nupui ineih ngei chu a ngai a lawm" ka lo ti sep a, engmah sawi lo chuan min en vang vang a. A hmai chu a kut zungtang sei thlurh chuan a tuai nauh nauh a. "A tha a lawm, kei hian nupui chu ka nei ang. Nilo nupui ka neih ngei ngei hi a ngai zawk, zorin ka tihpalh aw itan hian thil ka ti harsa zual sauh zel chu anih hi, kei hi chuan natna bak engmah ka pe ve thei lo che chu anih hi, ihlimna siam sak che hi ka thiam ve hlawl lo chu anih ber hi" a ti sup a.








"Khatiang zawng kha chuan ngai miah suh, nang hian min ti hlim thin lutuk a sin, ka lak ah hian min hmangaihna kha lanchhuah tir dan ithiam lo a, chuvang ringawt chuan natna min siam sak ani reng reng lo. I tan hian bang lo in ka lo tawngtai reng thin a lawm, keimah ni hlimna tur choh ngaihtuah thei kan ni bik hlei nem, a hmasa berah chuan inu ngaihtuah la, mo a nei ve tawh tur in a tih hlimzia ihria tiraw? Chutiang bawk in Rinzuali, ani pawh Khan a hmangaih lutuk che, a hmangaih em che avang in khua a hmu lo thin mai zawk ani, nangmah choh in ngaihtuah lo khan a hmangaih che ani tih hi hriatsak la, alak a irilru puthmang pawh a dang lam ve thei mai ang" ka ti chhuak sep a.








Ka kut chu a kut lianpui chuan a rawn hum a. A lamah chuan min pawt hnai dawrh a. "Zorin ka fawp dawn che aw, tuntum chu min hnial thei tawh miah lo ang" a rawn ti sup a. Lo hnial chu ka duh a, mahse tunbak hi Rinhlua hi ka fawp thei tawh kher in ka ring bik lo, a kut lian pui chuan ka hmai tawn tawn ah chuan a rawn khuap a, duhthawh lutuk chuan ka hmui ah chuan a rawn fawp a, ka lo dawh tawp ringawt chu ngaithei lo in "Bawihi min chhang let ve rawh" a rawn ti sup a.









Keipawh hian a fawhna te hi ka thlahlel ve tho tih ka hria, zawi te chuan ka lei chu ka ti che ve tial tial a, a hma aia uar chuan min rawn fawp leh a, thlahlel lutuk chuan a kawng ah chuan ka kut pahnih suih zawm meuh chuan ka kuah a, Kan in thlah hleithei meuh lo. Bul kan tan tha leh zel a, tun hi Rinhlua nen kan tawpna tak tak ani tawh tih ka ngaihtuahna avang chuan ka lung a rawn chhia a, ka mittui chu ka biang ah chuan a ruan luang ngiai ngiai a. Tun hi ka chaklohna mittui tih tlakna hun anilo tih chu ka hria a, mahse ka mittui hi ka dang zo ngang bawk silo.






"Bawihi tap lul teh suh, imittui tla lai hmureng chung hi chuan kalsan che ka thei dawn miah lo ania aw" a rawn tih chuan "Ka tap hlei nem, ka hlim vangin ka mittui hi a rawn tla a lawm" tap aw tiau a ka tih chuan,, a chal chuan ka chal chu nalo te hian a rawn tauh det a, "Dawtsawi hi ithiam ve hlawl lo, tun ang hunah hi chuan hlimvang in itap dawn miah lo tih ka hriat loh iring emni? A rawn ti sup a.









Rinhlua lak atang ka in lakhran rual chuan ka ruak huai thei. Ka sana bih zauh chung chuan "Rinzami chu a va rawn kir har tawh tak" ka ti chhuak sep a. Min rawn nuihsuk chung chuan "A rawn let tawh in ka ringlo" a rawn ti sup a. "Maw enge a rawn let tawh in ka ring lo itih awmzia chu? , nang ni pahnih hian ruahman na insiam ani thei em? Ka rindan hi a dik tih min hrilh miah suh" ka ti bak hlur a.








"Thudik chu ani bawk sia lawm, ka farnu hian a thiannu hi ka nupui nitur in a la beisei tlat si che a, min rawn call a nang nen hian inru mai rawh u min rawn tia lawm" a tih chuan Rinzami chungah ka lawmlo ngang mai. Engtin nge mi pasal hual nimai tur nen a inru tur a min tih theih zawk? Tun a thil thleng mek hi nizan a arawn sawi chiah kha ani tih ka hrechhuak chiah.








Kei hian pasal neih kala inpeih reng reng lo, hmachhawp liantak Kan nei tih a hre ve vek bawk sia, eng rilru pu in nge heng ruahman na atthlak lutuk hi a lo siam theih zawk ni? "Ka haw dawn" lungawi lo lutuk a ti chung chuan Ka ding hluai a. Rinhlua chuan min rawn man bet in "Zorin thinrim lo teh, tun bak nang nen hian hetiang a awmdun na hun tha hi Kan nei thei tawh lo maithei a sin, ikiang a zalen tak a hun hmang turin, ka hnatul zawng zawng kalsan in ka rawn pan ruak ruak che tih hi min hriat sak ve la" ngen ngawl zet chuan a rawn ti a.








Min man beh tlat avang chuan ka talchhuak thei der bawk silo, ka tah a chhuak hlur tawh. Ka kawngah chuan a ban tha chak zet chuan min kuah bet run a, a taksa khauh tung thlawp zaih chuan min kuah bet a, ka bengbul ah chuan rawn kun hniam in "I rimtui tak te hi ka theihnghilh thei tawh lo ang, theih nise hetiang a damchhung a itaksa dek reng chung a awm reng theih hi ka duh" a rawn ti sup a. Chhuak lutuk chuan ka lo tap chhuak hawk a.







Rinhlua hi ka hmangaih a, a sawi ang chiah khan tun hi zalen tak a Kan awmdun theih na hun hnuhnung ber chu ani tawh tih ka hai bik lo, nileng chuan Rinhlua bulah chuan ka awm ve ta nge nge a, ka rilru mangan na leh ka natna te chu insum miah lo in atang a bei chung in ka intap thawl hawk a, inhnial buai miah lo in Pathian hma ah thingthi in kan in hlandun thei chuan min ti zang hawk thei.







Rinhlua te inhual na party a kal tur chuan Ngurpuii kawrfual min thui sak chu ha in ka insiam mawlh mawlh a, ka hlim loh dan chu pui tak ani, kanu leh pa Ngurpuii chuan ka nalh zia chu minlo hrilh ve char char bawk mahse ka nui lui thei ngang lo. Kanu chuan "Bawihte khatiang hmel pu chung kha chuan inhualna party ah chuan ikal thei meuh dawn ang maw? Ka ngaihtuah riau mai che, kei chuan kallo mahla pawi ka tilo" a rawn tih chuan theih tawp a in thunun chung chuan kanu chu ka nuih sak a.









"Nu ka Kal ngei ngei angai alawm. Rinhlua bulah Kal turin ka lo tiam tawh a, min ngaihtuah suh puitling ka nih tawh hi. Pathian in chakna min pe anga ka paltlang ve thei mai ang" in ringtawk lo zet chuan ka ti chhuak sep a. Darthlalang hma ah chuan ding in ka hmel ngui lap mai chu ka thlir reng a, nalh tak in ka inchei a, mahse ka inchei chhan ber Rinhlua lah zanin a tang hian midang ta chiah ani tawh dawn bawk si. Ngurpuii sawi ang khan zanin hian a damchhung a min hriat reng theihna tur atan mawi tak a in chei mai choh ka ni.








Ka kawrfual hring takzet hak chuan ka vun chu a kap eng zual a, a hmalam chu ka malte thleng lek a chhing ni in hnunglam erawh a fual thla vek a, a nghawng a zau in ka hnute a khuh teng teng choh tih ang vel ani, mahse a nalh tak zet Ngurpuii kutchhuak ka vawikhat hakna tur a ni a, ka lawm viau thung, hundang chu nise ka kawrhak sexy angreng tak hi ka pa hian hak a phal miah lo ang mawle. Rinzam-in kan inah minrawn lam thlap a, tute mai pawh hian min ngaihtuah vek ni mai hian ka hria.







Rinhlua te resort Kan thlen chuan a thleng tlai pawl kan lo ni tawh a. Rinhlua nu chuan Rinzami chu inva tlai ve Kan lo tan san tep cheu a lawm alo ti bawrh bawrh a, a hlimzia leh phurzia chu a hmelah chuan a langchhuak vek thei.











Ka piah a Rinhlua leh Rinzuali induh hmel fe a kut inkai rial anlo ding dun lam chu ka melh leh zauh zauh thin a. A khat tawk in Rinhlua chuan Rinzuali bengbul ah chuan ava hrilhru leh zeuh thin tih pawh ka hmuh hmaih hek lo, ka din na hmun a tang chuan ka lo inhum ruh leh ngawr ngawr thin. A landan chuan Rinzami nen an inhual tur chu a phur viau nimai hian ka lo hria a.









Engvang a Rinhlua min sawmna kha pawm a, helai hmun ah hian kal ve ngawt nge ka nih chiah le? Rinhlua hi mipa ka duh hmasak ber leh tun thleng a kala duh reng ani a, mahse ani leh kei chu awm dun tur a piang kan ni velo...ka thiantha ber Rinzami cousin ani bawk a, an inneih ni em pawh a la nilo a, inhual na party chauh a lawm tiin Rinhlua min sawmna pawh hnial duh ta lo kha ka nia.











Mi hausa leh neinung anni bawk a, inhual na party pawh an mahni resort khawpui pawnlam ah daih an buatsaih a, aizawl a tang a hla angreng viau leh nghal a chuti chung chuan mihring kan tha hnem ngang mai.










"Zorin tikhan lo awm lawk rawh aw, ka rei lo ang" tih leh kan piah a mipa rual lo ding khawm laih lam chu a panding nghal nalh a, a thian hlui te an nih ka ring ve ngawt a ka la hmu ngai lo tlat a, Rinhlua ang tiat vel tho mipa chhelo zet nen chuan in chibai in an nui dun nghal hawk hawk a, an inpawh hmel danah a nun a mi pawimawh tak chu anih ka ring ve ngawt a. Josepha ka zawng ru deuh a ka hmu mai lo leh nghal a, a rual a Kal turin minduh a. Rinhlu-an min ngen angin Josepha pawh zui duh lo in Rinzami rual in ka kal ta mai kha ania.










Ka kalchhan ber Rinhlua a lah chuan min ngaihsak a hnek in. A nupui nimai tur Rinzuali ringawt a buaipui a, nilo tinge kei hi min rawn buaipui ngawt ang le? Kei te chu a tan engmah ka ni tawh lo ang hrim in kamkhat mah in min rawn be lo hrim hrim zawk.









" Nangnu hi helai ah hian enge irawn tih ve a? Mi pasal duhlai irawn zui leh zawk nge? Ka hnung lam atang a hmeichhe awki ring lutuk in a rawn tih tak ah chuan Rinhlua te lak a tang chuan ka mit la sawn in ka hnunglam chu ka hawi nghal vat a.









"Minbia emni?, enge isawi awmzia kha ka man hauh lo ania? Ka tih chuan hmeichhe pathum lo ding zing a pakhat chuan min rawn panhnai in, eng khaw sawi set set lo chuan a intur ken chuan min rawn theh ringawt a, ka laka a chet dan mawilo lutuk vang chuan ka sa ve nghal phat a, "nang hi tunge inih a? ipawi sawi kanei emni hetia min rawn tih ringawt a? vin zet chuan ka ti tuar a, ka hmai leh ka kawr ah chuan coffee nge eng thil ber nge pawh ka hre lo a huh ban chuap a.









"Helai hmun hi nang ni ang hmeichhe hurherh lutuk rawn tel ve na tur chi ah ingai emni? Ka unaunu te inhual na party anih hi, zahna chang hre lo hian hmuntin ah hmuh tur in awm reng thei a, haw nghal vat rawh helai hi mihur tan awm ve rengna chi anilo" ring lutuk a rawn tih leh chuan midang ho chuan min rawn en thup a, minrawn tihdan teh tlawng chu ka thin chu a rim ve reng, mahse khingsawn chi ah ka ngailo anrui lutuk mah mah ani, anpawi ka sawi ka hrelo a chutia min rawn ti ringawt pawh chu hreawm kati hluah hluah tawh.









Kan sir vel a ding te chu an inhrilh ru sar sar reng a. "Enge ila din reng a helai hmun atang hian kal sawn nghal rawh" tih leh ka sam a rawn tham chu a rual a kalo dang hman ngang lo, nilo khatiang teh thut a arawn chet kha kalo ring miahlo zawk, ka samlem vuah chu a tham thla nawk a. A kuta ka samlem aken chu nuisawng chung chuan alek kang va va a, samlem ka vuah tih hi engtin nge a hriat theih zawk? Tum sa ran in ka samlem kha a rawn pawt thla tih ka hai miah lo.










"Ohh MHIP te khan isam an met kawlh tih kalo theihnghilh tak he samlem hi chu imamawh tawh lo tawp ang, he isamlem tello hian tikhan imawi daih zawk" tih pah chuan ka samlem chu swimming pool ah chuan a theh thla nghal daih a....anthian thum chuan min kalhual in annui chiam chiam a.









"Lo ngaithla teh u, henu hi pastor fanu ngat anih hi, A hmel hi chiang tak in rawn en rawh u, inbialpa inpasal te kha ala rawn thlem mai thei ania, mi pasal duhlai ngat lo chu a kawp tha duh miah lo ania" ti in a au chiam chiam a...tumah minrawn puih tum a ke rawn penchhuak an awm lo hrim hrim, an in hrilh ru sur sur hlawm a hmuh nawm ti zetin minlo thlir thup ringawt a.










"Engthil nge Inlo tih kha?...kalsawn nghal rawh u" Rinzami awki ring lutuk in a rawn tih chuan an ngawi nghal thap a..."Zorin awi ka duh theilo" Joseph ijacket kha rawn phelh mai teh min kuah pah chuan a ti chul a, Josepha pawh chuan a jacket chu a phelh ve nghal mawlh mawlh a engmah sawilo chuan minrawn khuh nghal vat a, a hmel ah chuan ka lukawlh a hmuh vang a mak a tih zia chu hai rual ani lo.







"Engthil nge Inlo tih hi inhria em?. Ka enliam mai mai dawn miah lo cheu ania, nangkha ithil tih vang hian iunaunu pasalneihna tur thleng hian nghawng a nei thui viau ang" Rinzam-in thinrim aw khur dar dar a atih chuan kan bul vel a ennawm thlirtu te pawh chu an phun mur mur a.









"Engthil nge thleng a" Rinhlu-an hriam hrawk a rawn tih pah chuan min rawn melh zawk a, a hmelah chuan thinrim na hlir ka hmu thei. Rinzami vek chuan "Enge thleng tih chu inupui tur naute kha ilo zawt mai dawn ania, zorini laka a chetdan mawilo lutuk vang hian ka ngawi mai mai dawn hauh lo ania, nangni inhualna party tihvel a awm ve reng hi atulna pawh ka hre nek lo e, kan lo han haw zawk ange, Joseph min thlah mai ta che" tih leh min kaih sawn chu a rual a.








Josepha chuan min rawn kuah in mipui kar atang chuan min kalsawn pui hlawk hlawk a, ka tap lo a ka tawng bawk heklo, mi â ang mai chuan a tih dan ang ang chuan kalo awm tawp. ka lu min mehkawlh sak tih hi mihrang ah chuan Rinzuali chiah khan a hria a, chupawh Rinhlua nen min rawn hmuh dun zanah Khan, hetiang a ruahman na tenawm tak ka chung a siam nan hian remchang ah alo hman duh ka lo ring pha miah lo, tunlawk a thilthleng zawng zawng kha Rinzuali ruahman na vek ani tih ka hai mawlh lo.







Motor parking kan thlen hma deuh chuan Rinzami chuan "Josepha Angeli kha lo awmpui rawh aw, thil chinfel lawk tur ka nei", tih leh party na hmun lam a tlan kir leh chu a rual a. Rinzami kha dangtur in Josepha chu hrilh ka duh a mahse ka thiltawn rapthlak lutuk vang Khan ka aw ka chhuah thei lo, ka tawng anih chuan ka tap chhuak nghal ani mai.








Kan piah a thawm a rawn rik tak hluai ah chuan Josepha chuan min rawn en in "Zorin engthil nge thleng a? Va kir leh mai ang aw, pawi iti em? Min rawn tih chuan ka lu chu kalo buk khum zauh a. Josepha chuan ka banrek ah kai in resort lamah chuan hman hmawh zet in min kalpui hlawk hlawk a.







Rinzami nu aw in. "Bawihte harhteh engtin nge i awm, khawngaih in min tanpui rawh u, ka fanu hi a thi thei lo ang a thih ka phal lo. Bawihpui ifarnu hi itanpui a ngai" tap chung chuan alo au vak vak a, lei a Rinzami lo let reng chu an lo kil tuau tuau a. Rinzami pa in "Bawihpui icar va la chhuak rawh damdawiin ah kan tlan nghal a ngai" a rawn tih chuan Rinzami lam pan chuan mipui karah chuan ka in hnawh phei rawk rawk a. cont





A tlai tawh bawk si, ka edit hman tawh ngang lo, in mit Khan lo edit ve tawh mai ru aw.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:07 pm

Rinzami nu leh Rinhlua nu chuan Rinzami chu anlo ko mawlh mawlh a, anbul ah chuan va tlanphei hlawk hlawk in leiah chuan hlau thawng lutuk chuan ka zuk thu thla hnawk a. " Nu enge zamtei chungah hian thleng a? Tap pur chung chuan Ka ti chhuak thei hram. Rinzami awmdan chuan min ti mangang em a tin ni. Hetiang teh thut a biak theih loh a awm mai dan hi,a nu leh pa te pawh in achhan sawi tur reng reng anhre bik lo.








"Zorin ithian nu chungah hian enge thleng kan hrebik lo, tah hian nikhaw hrelo hian a lo tlu ringawt a" Rinzami nu chuan hlau thawng aw khur dar dar chuan a rawn ti a, a mittui chu a tla zawih zawih a. Rinzami kut zawi ngiai chu humin "Zamte thiani harhteh! ichungah enge thleng a? tinge hetiang hian i awm a? Keimah vang em ni? Hetiang hi chuan awmlul tehsuh minti hlau thawng ania, khawngaih in harh hram teh" ka ti mawlh mawlh a.









"Nu, nute lo awm sawn rawh u, zamtei kha car chhungah kan dah luh vat angai ania, Joseph inhual na cancel anih thu hi lo puang mai ta che, damdawiin ah rangtak a kan kal vat angai" Rinhlu-an a rawn tih chuan Kan lo awm sawn vat a. Rinhlua chuan Rinzami chu zozet hian a pawm kang nawlh a car a park na lamah chuan hmanhmawh zet hian a pen pui nghal pawk pawk a. Rang tak in Rinhlua chu ka zui ve nghal vat a, car kawngkhar chu anlo hawng sa diam tawh a.










Car bulah chuan Rinhlua chu lo dingin. "Zorin carah hian lut la zamtei hi lo pawm rawh aw, Nute chi ai lutuk suh u, Zorini hian zamtei hi lo pawm se nang chu a hma ah hian nute rawn thu rawh, nu nang chu Pa puia carah rawn chuang mai rawh aw" a ti nghal zung zung a.










Ka malchung ah chuan Rinzami chu a mu zawi ngiai a ka ko mawlh mawlh reng a. Rinzami chung a thil thleng hi keimah vang a thleng ah ka ngaih avang chuan ka inthiam lo in hreawm ka ti hluah hluah a. Thinrim tak a party na lam a atlankir leh tur kha lo dang tur hi ka nia sin mawle, keimah ringawt kalo in ngaihtuah a, ka thiannu keimah vang a engmah tih hreh nei lo hi ka lo ngaihtuah thlen loh vangin he tiang thil hi a Chung ah a thleng ta chu ania.










A khat tawk in Rinzami chu ka ko reng a, a nu lah a lo tap char char bawk a. "Bawihpui tlan chak deuh teh" tiin Rinhlua chu a lo tur sek bawk a. A hma in engmah natlawk na pawh a nei bawk silo a, thil chinfel lawk tur ka nei ti in Joseph a nen khan party na lamah min kirsan leh kha ania, engthil chiah nge a chungah thleng? mi kut a tuar ti dawn ila a taksa ah hian hliam engmah hmuh tur a awm bawk silo a. Ka mittui chu hlauh thawn luat vang in a far nguah nguah a. Rinzami chungah hian engthil emaw thleng ta se ka in ngaidam thei tawh ngai lo ang.









Motor khalh mawp mawp chubg chuan Rinhlu-an front glass atang chuan min rawn melh pah zauh zauh a. "Zorin khatiang Khan awm lo teh, damdawiin Kan thleng anga a tha leh mai dawn a lawm" min hnem tum chuan a rawn ti ve ngial a, a thilsawi Khan chhete mah hian min ti hahdam lo hrim hrim.










Civil hospital kan thlen chuan doctor leh nurse in min lo hmuak sa diam a, mak pawh ka ti hran lemlo mihausa leh thilti thei tan chuan engmah thil harsa a awm miau lo alawm, Josepha leh Rinzami pa, Rinzuali te ho pawh chu an rawn thleng chawp chilh ve nghal a. Hospital kawtah chuan anchhung leh khat thenrual tha te anrawn in hawr khawm luih luih bawk a, damdawiin chhung ah mi tamtak luh a theih miau bawk silo a, midang karah chuan Rinzami dinhmun ngai chang chuan kalo awm ve ran a, ka rilru chuan Pathian hnen ah Rinzami nunna min zuahsak turin ka tawngtai mawlh mawlh reng a.







Rinzami chu damdawiin chhunga zuiluh a a kut vawnsak chung a tawng thlamuan ka duh ngawih ngawih, mahse ani nen chuan thian tha tak choh Kan ni a, a thisen zawmpui a chhungte a kiang ah an awm angai bawk si, gate bulah chuan phei in security ho bulah chuan ka va ding a. Rinzami dinhmun a tha em tih ngaichang chuan hlau thawng tak chung chuan ka awm a. Damdawiin chhung lam atang chuan josepha step a arawn chhukthla ka hmuh chuan thaw dep dep chung hian ka lo en reng a.









Josepha chuan min rawn pan nghal vat a, a hmel ah chuan min ngaihtuah hle tih ka hre thei, "Zorin tinge hetah hian ilo awm reng a?, ithiannu bul hnai ah awmtur inia sin? ICU ah andah lut chiah a, engmah result kala hrebik lo a" a rawn tih chuan. "A chhungte a kiangah an awm angai bawk sia" ka lo ti sep a.









"Lo kal teh, hmundang ah va inbe teh ang, tun dinhmun ah chuan engmah tih theih Kan nei hrih chuang lo" min rawn tih chuan "Hmun dang a kalsawn ka duh lo, tah hian Kan inbe thei tho a lawm" mittui khap per sak sak chung chuan kalo ti a. Ka kut ka hlauhthawn em avang a khur dar dar chu a rawn hum chat a. "Rilru fim iput angai ania, hetiang a mi â angmai a lo awm hi a tul miah lo, lo Kal teh helai hmun a midang tan ennawm chhuah reng lo hian i in thiarfihlim hrilh angai a lawm" tih pah chuan min kal sawnpui hlawk hlawk a.








Joseph-an ka kut kai chung a min kalpui hlawk hlawk vang chuan, midang lo awm ve ho chu anlo in hrilh ru sar sar hlawm a. En nawm thlirtur awm ang hrim in minlo en huang huang hlawm chu ka haw takzet. Mahni lo mah a rilru hah naklai a. Tlem a mi awm loh na lai deuh kan thlen chuan min dinpui ve chiah. Ka hma ah chuan rawn dingin chik zet hian min rawn en vang vang a.









"Zorin isam kha engtik lai in nge khatia ilo meh a?, i inhmeh hle mai, nang hi chu ihmeltha a engtiang pawh hian awm la inalh em em reng chu anih hi" Rinzual-in engmah hrelo angmai in, minfak ang a lang si in min nuihzat zia chu arawn lantir nimai hian ka hria, henu hian helai thleng thleng hian engvang a min rawn umzui zel nge maw anih phiang sen le?, tunah rih hi chuan antawngkam chhe tak tak hriat ka mamawh lo ang bawk in a hmel hmuh pawh hi ka peih lo.








Rinzuali min rawn tawng elhsen chiah Khan, ka samlem kha ka lu ah hian a invuah tawh lo tih ka hrechhuak leh hnuhnawh a, hei vang anih chiah hi joseph-an gate bulah khan midang tan ennawm chhuah reng a ngailo ti a min lo kaihsawn ni, ka lu a kawlh emaw eng tin pawh lo awm ila, tunah chuan eng ah mah ka ngai buai peih tawh lo, Rinzami dinhmun hlauhawm ah a dinmek lai hian ka landan tihvel mai mai ah buai hman ka nilo.









"Enteh Rinzuali tun dinhmun ah chuan khatiang thu hriat kha ka chak lo hulhual, khatiang a engmah hrelo ang mai a lem irawn chan kual kher kha angai miah lo ania, zanin a ka chunga thil thleng pawh kha iruahman na ani lo ang tih tunge sawi thei? khawngaih in minlo va kalsan hrih teh, thawk lak ka mamawh takzet ani" ka ti chhuak hrawih a.



"Engthilmah kei hian kati hauh lo, ichunga thilthleng vang khan ithat leh that loh rawn hriat kaduh mai choh ania. A landan chuan ithathmel viau kha" tih pah chuan, dak vah hian a pensawn nghal hlawk hlawk a.




Joseph-an zawhna ngah lutuk hmel a min rawn en chuan hmui phun chuan "Nidang ka hrilh fiah ang che" ka ti sep a, a coat ip te a tang chuan scaff rawn phawrh in "Zorin hei hi khum rih mai rawh" tih pah chuan ka kutah chuan a scaff chu a rawn hmeh bel chawt a. Ihe lo chuan ka lu ah chuan josepha scaff chu khumin ka suih nghal mawlh mawlh a. "Ti kha chuan hmuh inuam ta deuh a lawm. I kawr kha a val var phuar ania, chubak ah ihmai te kha, mahni pawh in veng zolo khawp a dawihzep ilo nireng ani maw? Min rawn tih chuan Josepha kiang a ka thiamthu lo sawi vel chiam ka peih hrih lo.








"Amak e. Joseph tawng reng lo teh, nidang ah izawhna neih zawng zawng chhanna chu ka pe em em ang che, tunah hi chuan thildang ka ngaihtuah hman lo. Rinzami tunah dinhmun hlauh awm takah a dingmek anih hi" ka ti chhuak hliai a. "Aw le aw le, engmah ka sawi tawh lo ang, mahse thil pakhat tun atang chuan kei hian ka venghim tlat tawh ang che tih ka intiam nawn leh e, khang chinghne rual ho in chhantu neilo beram anseh ang mai kha chuan, nanghi anduh anmak chuan antina tawh ngai lo ang che, anngam anih chuan kei hi min hmachhawn phawt angai tawh ang" thinrim hmel em em chuan a rawn ti hriam hrawih a.








"Zorin hetah hian ani maw ilo awm daih a? Ithiannu chu ICU ah kan dahlut fel tawh a, a ngaihtuah awm loh ania. Nute-in zu ko rawh zamtei rawn hmu ve rawh se atia" Rinhlu-an min rawn tih chuan a mitah tak chuan kalo en kar a. A hmelah chuan a lawm lo tih ka hremai, helai hmun a Josepha nen min rawn hmuh dun vang hian a thinrim leh tawh bak ani dawn lo.









Josepha chuan "Bawiha damdawiin chhung ah zui luh vut vut anphal loh kha, Zorini hian a thiannu a ngaihtuah lo ah ingai deuh ni in ka hria. Rinzami a ngaihtuah lutuk vang in samlem a vuah tawh lo tih pawh a lo theihnghilh hmin vek anih hi, gate bulah sawn rilru mangang lutuk in a lo ding a, sawng ho lah sawn mak tih hmel deuh in anlo en ang huang huang a, inupui tur nau te ho chet dan kha chu a mawilo khawp mai, nangmah ngei in kha party ah Khan kaltur in isawm ani lawmni? I mikhual khatiang a lo dawng sawng a ti mualpho leh tur si chuan. Zorini kha party ah khan kaltur a sawm loh mai tur ania" lawmloh hmel lutuka Rinhlua melh ngur chuang chuan a rawn ti hmuk a.









Rinhlua chuan inthiam loh hmel deuh chuan min rawn melh vang vang a, kut humruh ngawt ngawt chung chuan, Ka kawrhak val deuh phengphung chu a rawn thlek leh vung vung a, ka scaff khum ri va nen nuamlo ka lo ti ngawih ngawih, min sawmlui talh lo se chuan khatiang zahna kha ka tawng miah lo anga. Rinzami chungah pawh engthil mah a thleng hek lo ang mawle, khami te ho kha an eng pawi nge ka sawi a, khatiang tak a min rawn tih mualpho? tinge mi te hian min enliam ve mai mai theih miah loh ni? Engtin emaw tal min sawizui loh leh ka tan zahna tur hlir min siam sak reng thin ni!.








Josepha chuan ka banrek ah rawn vuan chung chuan "Zorin kal ila, ka rawn kalpui ve ang che, athuhrim in nangmah a thlahfal ngam chi pawh inih hrep loh hi, ibulvel ah hian chinghne rualin sehtumin anveh reng bawk si che a" Rinhlua melh chung chuan tawngkam meinei fe chuan a rawn ti sup a. Engmah sawilo chuan Rinhlua chu kan sir ah chuan alo in humruh ve fun a.








"Tun hi thusawi duahna hun anilo tih chu ka hretho a, mahse tinge ka bul a Kal duh lo in Rinzami kha ilo zui a?, Zorin thilthlen dan kimchang ka rawn hmu hman lo na in, Rinzuali nau te ho khan nuihza siam nan anlo hmang che ani tiraw? Tinge nang hi hetiang hian i awm reng a, inihna ni miah lo ah tih mualpho a i awm reng hi ka hmu thei tawh lo" a rawn ti hmuk hmuk a.









Joseph-an ka kut a vawn lai chu lo vaisawn in, Kan kal laklawh lai chu ka ding chawt a. " A mak e.Engmah ka sawi peih hrih lo tih ka hrilh tawh che kha! midang anglo tak in idanglam emaw kalo ti che a, nangpawh hi midang ang tho inih hi" thinrim zet a ka tih chuan Josepha mitah chuan natna a rawn lang zawk a.






Josepha Chung ah ka thinrimna ka leih baw ringawt chu ka inthiam leh chiah lo si lo a. "Ka tihpalh ka rilru hi a hah tawngkhawng ve em ani, khatiang a ti tur che kha ka ni miah lo, min ngaihtuah zia chu ka hria alawm. Khang ho kha ka khing sawng anih chuan an mahni ang lek kha ka nidawn tih ka hriat vang in engmah tilo a ngawi mai choh ka ni, tunge ka nih chiah chu mi zawng zawng hriat ah ka sawi chhuah kher angai lo, keimah leh Pathian inkar a fel chuan ka lungawi tawk vang ani" ka ti chhuak sep a.








Engmah sawi lo chuan min en reng a, ka tawngkhum na khan a ti na viau anih ka ring. "Joseph tikhan awm lo teh, nang tal chuan ka dinhmun hi min hriatthiampui a ngai ania" ka ti chhuak leh sep a. Engmah a la sawi duh loh cheu avang chuan ka thaw chhuak hak a. "Ka kal ania ititau thlemna hun ka nei lo" tih leh kalsan ka rual a. Pen nga pawh ka pen hman lo ang tih ah chuan, ka ban rek ah chuan a rawn man a, rum zet chuan ka lo melh vak a. Nui vur vur chung chuan " Khatia min melh rum vak vak lo khan min rawn zui vat mai teh" a rawn ti sup a.








Ka hriat miah loh in ka lo nui chhuak hawk anih chu, hepa bulah hi chuan rei a thinrim theih loh reng reng, ka tawngkhum na vang Khan ka lak ah a thinrim ah ka lo ngai a, thlem lungawi pawh ka tum hran chuang lo. Mahse a mah zawk hian ka rilru buai nuaih nuaih lai pawh hian min ti nui thei anih chu.








ICU chhung a tang chuan mit sen ram hian ka chhuak a, Rinzami nu chuan min lo kuah vat a. Engmah sawi lo chuan kan thu ngawi tlawk tlawk ringawt a, kan bulah chuan midang ICU a an chhungte awm ve ho pawh chu an awm ve nual a, min enduh hlawm em em leh nghal a, ka kalna hmun a piang a hetia tute mai pawh in a min en hrek hrek reng bik hi ka kham hluah hluah tawh. Midang mitmei veng reng lo a zalen tak a awm ve hi ka chak ve thin.








Kan ep chiah ah chuan Rinhlua pawh a lo thu ve run a, ka hawi phei a piang in mit la sawn miah lo hian min lo en ve hman ziah leh nghal a. Rinzami hetiang hi ni ta lo se chuan Rinzuali pasal hual a ni tawh awm sia, ka rilru ngaihtuahna chu a kalthui angreng khawp mai. A coat suit hak chu a inhmeh kher mai, a mal sei thlurh chungah chuan a kiu chu nghat ve ve in a khabe chu a kut pahnih chung ah chuan a nghat a, mit la sawn miah lo hian min en char char anih chu. A rilru ah chuan enge angaihtuah ve ang tih hriat chu ka chak kher mai.










Rinzuali abul a arawn thut ve takah chuan ka hawi sawn vat a, vawikhat te mah biak chu sawi loh melh pawh a lo melh chhin eih lo reng reng anih chu. Rinhlua nu chuan Rinzuali chu a lo be nghal mawlh mawlh a, inhualna chung chang vel an sawi tih chu ka hria a, antawng zawih un em avang chuan anthusawi zawng zawng erawh ka hre vek thei lo.







Ka bulah chuan Josepha chu rawn Kal in. "Zorin inlam ah kan va haw zawk dawn emni? Engmah tihtheih em em Kan nei bawk silo a, in tifai zet la atul anih leh zan atlai tak tak hma in kan let leh zawk dawn ania" a rawn tih chuan Rinhlua chu ka va melh vat a, a hmel chu a lo rum leh ul tawh, Josepha nen a kan inzui hi hmuh hreawm a tih zia min hrilh tawh tak kha, engang pawh in Josepha kiangah ka awm phal lo sa teh mahse a ni lo hi chu belh tur dang ka nei miau bawk silo a. Rinzami lah he tiang hi a nitawh bawk si a.








Rinzami nu chuan "Ni e zorin va haw rawh u, eng em ka ti lo turah ngai ila rawn kal leh kher pawh angai lo ania, va mu hahdam tawh zawk rawh u. Bawihpui inhnuai lam a inthian te ho pawh kha min tinsan tur in ti rawh, an hmaizah awm hlawm emai" a rawn ti nghal vat a. Rinhlua chuan chiang fahrana min melh chung chuan "Min hawsan tur chuan ka hrilh tawh hlawm a lawm, Kan la awm rih ange anti deuh tlat a" a rawn ti sup a.








"Nu thil thleng a awm chuan min rawn be vat rawh aw, Kan rei lo ang ka va in tifai zuai anga kan rawn kir leh vat ang" ka ti leh te te a Joseph a nen chuan Kan inzuichhuak nghal dat dat a.









Rinhlua...pov




Mihring nun a hun pawimawh ber chu Kan pianni leh nupui pasal Kan neih ni hi ani e anlo ti thin a, nupui ka nei tur hi ka phur ve hlawl lo, keimahlo ang takin ka nu erawh a phur em em thung a, Kan nufa choh a awm hi a khawhar thlak thin em avang hian, tu te neih a chhungkaw dang te ang a fa mo neih a chak zia thu hi min sermon khum ngun khawp thin reng a. Zorini lak ah beisei tur a awm a ka hriat tak loh ah chuan ka nu ka khawngaih ve bawk si nen. Chhan thatak ka neih ve bawk vangin Rinzuali nupui a neih hi remti ta mai kha ka nia.









Ka sumdawnna vang in inlam ah ka nu kiangah hun ka hmang tam thei silo a, mahni te chauh a khawhar taka a awm thin vang hi ania nupui nei vat tur a min tih fo thin na chhan, nupui ka neih chuan han ti ti pui tur te anei tawh anga, fa Kan neih phei chuan khawhar hman lek lo a atute buaipui a ngai anga, chu thil chuan mo neih a ti chak zual em em thin ani.









Zorini nihna diktak ka hriat tawh hnu ah khan ngaihdam ka dil vek a, mahse mahni hmasial takin nupui ah ka sawm thei lo anih kha, Rinzuali nei tur in palai kan leng vek tawh a, engkim kan inneih na tur kan tih fel vek tawh vang ani. Chubak ah nupui hual ka nei tawh tih Zorin-in a hrevek tawh bawk si a, engang pawh in ka ta nitur in ngen mah ila min pan dawn lo tih ka hmu tlang ve vek a.









Rinzami erawh chuan Rinzuali ka nei tur chu min duhpui ve hlawl lo a, vawitam ka thuthlukna thlak leh turin min ngen a. Zorini nen a kan in rem leh theih nan pawh ruahman na a siam nasa a, a duh ang leh beisei ang a kan inrem theih tak si loh avang hian min thinrim khum reng thin. Joseph-an Zorini neih ngei tum a ahnaih ka hmuh chiah khan ka kehchhe vek, midang tan a phal silo hian ka ta nitur in ah ka sawm thei bawk silo.









Josepha spot a Zorini leh Josepha hlim em em a anlo inchhaih ka hmuh khan ka thinrim lutuk kha ka insum theihna ka hlauh vek, Josepha ka rek hlum lo choh anih kha, joseph-an Zorini ka hnaih iphal loh nachhan diktak chu minhrilh ta che? a tih chuan chhanna mumal ka pe thei lo. Nupui nei mai tawh tur ka ni tih a hre ve vek a, chuti tiang Chung a Zorini ka hmangaih thu ka sawichhuak anih chuan, joseph-an min ngaihnep dan tur zia ka ngaihtuah a, zorini nen Kan inkar thu hi ka sawi thei lo.








Josepha bulah Zorini ihnaih ka phal loh na chhan chu inat ka duh loh vang ani, nakin ah engvang in nge hnaih lo tur a ka tih chhan che chu ila hre mai ang ka tih chuan ka thu sawi zawm duh lo in, luhlul chhuah in Zorini neih tum in tan a la nasa zual sauh a, a tum ang mai mai chuan awmtir ka tum bik hauh lo. Zorin-i hian ka hmangaih ang chiah in min hmangaih ve tho tih ka hriat chian em vang in, nupui ka neih hma chu josepha bul tanpui lo turin ka ngen phah a ngai hial a.








Kan inhualna party ah pawh Josepha zui lo in Rinzami nen an rawn Kal a, resort an rawn thlen rual Khan a mah hmu nghal lo mah ila Zorini rawn thleng tawh tih ka lungphu hian alo hrethei, Kan piah lawk ah chuan Nute-i te nen an dingkhawm laih a, a kawr hak inhmeh zia chu sawi fiah dan pawh ka hrelo hial zawk, a hmelthat em vang hian hmeichhe dang hian anthik vek ni ber in ka hria.








Kan mi sawm te kiang a hlim hmel put der a ngai te chu ka ning hluah hluah, Rinzual-in Zorini a hmuh rual a ahmel landan in thlak hlawk te chu ka hmuh hmaih miah lo, henu hian engthil emaw tak chu Zorini lak ah a tih leh ngei ka rin avang chuan. Zorini te pawh ngaihsak duh lo in Rinzuali bulah chuan ka awm chawt a, Pune a ka awmlai a ka thian ten min rawn fin tak ah chuan kan ti ti luam a. Kan piah swimming pool bul lam atang a hmeichhe tawng lawng lawng thawm arawn awm tak ah chuan pool lam chu Kan hawi rual vek a.









Sawmsang-an "Bawiha in ti buai an awm anih saw" a tih rual chuan pool lam pan chuan hman hmawh tak in Kan tlan phei nghal a, kalo hlauh thawn ruk ang ngei in thil athleng tih ka hriat chuan thinrim lutuk hian ka thaw chhuak hawk thei. Rinzuali nau te thian ho chuan Zorini chu an lo din hual laih a. Rinzami chuan thinrim lutuk hian anni ho chu a lo ankhum tawn tawn a, Kan mi sawm te ho chuan anlo en thup a. Pool chhung a Zorini sam lem lo lang lap lap ka hmuh rual chuan ka kawchhung hi thinrim vang chuan a so let bulh bulh thei.









Rinzami chuan hmaisen teuh hian thil thlendan ka zawh chuan "I nupui tur nau te kha zawt mai rawh" min tih khum tawn tawn hnu ah Josepha nen chuan Zorini chu an kalsawn pui daih a. Kan inhual na party boruak chu anti chhevek, pawisawi lo leh thil thlendan hriat thiam loh hmel lutuk a. Rinzuali lo awm der vel chu a banah chuan ka la lawk a ka Kai sawn nghal dawr dawr a. He tiang chiah hian ka hotel ah Khan Hriatpuia nupui in Zorini a rawn sawisak hrep tum Khan a awm tawh. He nu hi inbum nawn tir mai mai ka tum tawh bau lo.








"Zorini tibuai lo hian i awm thei thlawt lo emni? Ka ti thlawt. "Bawiha Zorini chungah engmah ka tilo, helai hmun kan thlen a tangin ka bulah i awm char char a, enge tivak se min tih a? khanu vang khan ti khawp hian inupui tur chung ah hian i thinrim na ilantir thei ania, khanu thlavang ihauh vang Khan kei hi hetiang hian min ti duh a maw? I hmangaih viau anih te chuan tinge kei nilo in kha mihur nu kha ineih mai lo" tap pur chung chuan min rawn ti anih chu.









"Lalrinzual Zorini chungchang khatiang a sawi ngam tur kha tunge inih? Mihur itih kha tunge anih kei hian ka hrilh ang che aw. Ka tawng leh hma chuan Kan piah a tang chuan anrawn au chul a. Engthil nge thleng leh ta ngai? Tih pah chuan thawm rawn chhuah na lam chu ka pan nghal ruak rauk a, ka nutei tap ri ka hriat rual chuan hlauh thawn na hian ka khat nghal vek. Rinzami hming lam a an lo koh vak vak vang chuan ka hlauhthawn na chu a zual sauh a, mipui kar ah chuan ka inhnawh lut rawk rawk a. Rimzami nikhaw hrelo a leiah a lo mu zawi ngiai ka hmuh rual chuan ka mit sulh thei.









Nute-in tap chung chuan car la chhuak vat tur chuan min rawn ti a, chetsawn mai nachang pawh ka hrelo, he tiang boruak duhawm lo tutuk hi zanin ah hian a thleng ang tih rin ngaihna reng reng ka hrelo. Hman hmawh lutuk in motor ka park na lamah chuan ka tlan phei a, Josepha chuan min rawn um zui ve nghal vat a. "Bawiha i chahbi min lo pe rawh keiman i motor chu ka rawn la chhuak ang" a rawn tih chuan ka kekawr a car chahbi ka ah chu phawrh in Josepha chu ka pe vat a.









Nichin lawk ah pawh thinrim lutuk in min ankhum zo chiah kha ani sia, engvang a hetia biak theih loh a awm ta mai nge anih? Nilo, ithi thei lo ang tih pah chuan Rinzami mutna lam chu hman hmawh lutuk chuan ka pan phei leh a, pa pakhat hian damlo kha lo bawr lo hram teh u ti in a lo au lauh lauh a. Rinzami te awmna ka thlen chuan Zorini Rinzami kut vuan chung a lei a a lo thusawp nuaih chu ka en tlawk tlawk. A sam chu tlemin lo thang ve deuh tawh mahse midang tan chuan thilmak leh en nawm thlir a anthlir chu thilmak vak pawh ani awmlo e.










A mah lam inngaihtuah miah lo chuan Rinzami kut vuan chung chuan a lo tap a, harh tur in ako mawlh mawlh bawk a, Rinzami leh Josepha nen an pathum khan haw turin ankal tawh sia, thil thlen dan kimchang engmah kala hrebik silo a. Rinzami pawm chung chuan car lam chu ka pan hlawk hlawk a. Car chhung ah pawh chuan a tap char char a. Rinzami nen an inngainat zia ka hriat chian em avang in a rilru mangan tur zia chu ka hriat thiampui khawp mai.










Hospital kan thlen chuan doctor leh nurse in min lo hmuak a, hman hmawh tak in damdawiin chhungah kan nawr lut nghal rum rum a. Damdawiin Kan thlen Khan chhungkhat laina thlen rual tha te anlo pungkhawm hnem hman tawh bawk nen Kan ri deuh luai luai a, Zorini pawh ka hmu tawh lo.








ICU a Rinzami kan dah luh fel hnuah pawh Zorini hmel ka hmuh mai loh vang chuan ngaih ven tur in inhnuai lamah ka chhuk a, thian te ho chuan Rinzami chanchin min lo zawt buai ve sek a, thlang lam pang a Zorini leh Josepha lo ding dun ka hmuh vang chuan thinrim lutuk in ka in hum ruh teuh thei, tun hi thinrim hun ani lo tih chu ka hria mahse ka in control thei ngang lo. A thian nu nikhawhrelo in ICU ah kan dahlut fel chiah ani a.A ni lah chuan helai hmun ah hian mipa a lo awmfal pui mai mai thei chuan minti thinrim a, a mipa awmpui berkher lah ka thiantha ber Josepha a la ni zui a. Josepha ka thik zia chu pui tak ani.







An bul ka thlen chuan rual chuan, theih tawp a in thunun chung chuan Nute-in Rinzami hmutur a atih thu chu ka sawi chhuak thei hram, mi â nileng an nilo a ka lawmlo tih chu sawichhuak lo mah ila an lo hrethiam ani chek ang chu, josepha chuan thil awm zia min lo hrilh fiah nghal zung zung a. Ka thinrim ka in sum zawh loh ka hlauh vang chuan ka kalsan daih a.








ICU chhung a tang a mitsen ram a zorini rawn chhuak chu ka lo en reng a, ka hmazawn ah chiah chuan Nute-i bulah chuan thu in an inkuah chial a, a karfual hma lam chhing zet chuan athut phei chuan a mal chan ve a khuh pha chang chang choh ani, a kawr in a khuh chin bak a mal leh chawn thla no zet mai khuh tu awm lo a lang thla fai vek chuan thawk ngaihna pawh minti hrelo. Mipa dang ho in it hmel lutuk a anlo thlir ve dauh dauh te chuan min ti â lo choh tawh.









Mipa tawh phawt chu ka thik fai vek tawh, ka coat chu phelh sawk sawk a va khuh sak mai hi ka duh rum rum tawh a, a mah lah chuan a taksa lang thui lutuk chu hria awm ang pawh in a awm miah lo leh nghal a. Joseph-an inlam a inthlak tur a arawn sawm chuan a lo hnial chhin eih lo hrim hrim. An kal chhuah rual chuan ka awm hle hle thei tawh lo, ka thutna atang chuan ka tho hluai a, Rinzual-in "Bawiha enge itih dawn? Min rawn tih chuan tha tak chuan "eitur ka zu lei lawk ange" ka ti sup a inhnuai lam pan chuan hman hmawh tawk in ka tlan thla hlawk hlawk a. Mahse ka hmu pha tawh lo, thinrim zet chuan mithi dahna inbang chu ka hnek chawrh a, ka kut a rawn na nghal ut ut thei.







Thaw ipik lutuk chuan step ah chuan ka thu hnawk a, Kan inhualna tur kan thulh thei hlauh chu ka lawm rual in Rinzami dinhmun thalo tak a ading mek chuan minti mang ang viau bawk si, leh lamah josepha leh Zorini inzui lai ka hmu ve kur bawk si. Ka hah hluah hluah, engmah lei ta lemlo chuan damdawiin lamah bawk chuan ka chho leh a, ka piah lawk a tawng ri sar sar ka hriat vang chuan Josepha leh Zorini an ni thei mai a ngem tih ka ngaihtuah vang chuan ka ding chawt a, thawm dim tak chuan phun ri sar sar ka hriatna lam chu ka pan phei a.








"Zorini chung a titur a min tih ang zawng zawng in ka ti vek a, Josepha inei thei ang tih mintiam vek a, mahse tunmai ah Khan Zorini nen anrawn inzui leh tho kha. I ruahman na ang thlap in thil a thleng a, ithutiam ang in Josepha ka neih theih nan min puih a ngai tih theih nghilh miah suh".







Ka thu hriat vang chuan ka dingkhawng nghal awt thei, anhmel va hmu kherlo mah ila Rinzuali te unau an ni tih ka hai lo nasa mai. "Mate lungngai suh, ka pasal tur thian pa anih saw, Josepha chu ita ah ngai hmak rawh. Kan mi hurnu vang khan irilru tihah duh miah suh, zanin Khan i che tha takzet a samlem iphih thlak lai kha kalo hmu reng a lawm pool a ipaih thlak lai te Khan ka hlim lutuk vang Khan ka lo nui chhuak tep a lawm. Midang in ten hmel lutuk a an en lai kha ilo hmu ve em?khatih lai khan ka lo hlim veng veng a sin". Ti chung chuan Rinzuali chu a nui awr awr a.









"Kan mi tenawmnu vang in Kan inhualna tur a chhe zo vek, tun a tak ah nikhawhrelo in ka awm e lo tih, hetiang ai te chuan thih nghal law law tur ania, Kan zawng hmelchhe nu hian Rinhlua ka neih hi a hlau hluah hluah tih ka hrelo emaw atia, lo ngawi tak rawh se, Rinhlua hi ka nei anga an chhungkaw in laichinna hi ka ti chhe vek a nga hmelma ah ka chantir dawn khawp alawm" Rinzual-in a rawn tih leh chuan "Chu thil chu engtikah mah a thleng ngai hauh lo ang, zanin ah hian ka thil lo nghahhlelh tak chu a thleng ta hram e. Nang ramhuai nu hi nupui ah ka neih duh tak tak che ilo ring reng reng ami? ti Chung a anlam pan a ka pen chhuak chu an unau chuan phung hmu ang mai chuan hlau thawng lutuk hian min lo en rual thawt a. cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:07 pm

"Bawiha thil ihresual anih kha, matei nen hian fiamthu Kan lo thawh mai mai a lawm. A ni ti raw mate? Bawiha hi kan fiamthu thawh kha han hrilh fiah ve teh" Rinzuali chuan a rawn ti bah nak a. Bahlah map lo chuan chawp leh chilh in dawt a sawimar nghal zat ngam ania.








"He tiang khawp a Kan in man chiang chung pawh hian dawt min hrilh talh chu ila tum a maw? Rinzual, he tiang em em a mihring lem hi chu inih ka lo ring pha lo a sin. Rinzami Khan a lo sawi dik chiah ani, nang ka lo nei hman lo che hi chu Pathian hnenah lawmthu awm mawlh rawh se, nang nen hian inneih chu sawi loh, eng inhualna mah Kan nei ngai lo ang" ka tih chuan dak vah chung hian min rawn en a.










Ka thusawi ngai pawimawh lo lutuk tih hriat fahran hian a rawn nui chhuak awr awr a. "Tun a ithil sawi zawh tak chiah kha chu ifiamthu ah ka ngaihsak mai ang che, nang hian kei tih loh nupui dang inei ngai lo ang, chuan thil pakhat ilo hriat reng tur atan ka duh chu. Rinzami ohh nilo kha zawng hmelchhe nu kha, a rawn harh chhuah ve leh inhual na kan nei ang" confi lutuk chuan min la rawn tih khum sak sak ngam anih chu.










"Lalrinzual nang hian ka ka lungphu hi chhe te mah in ila iti danglam chhin eih ngai lo hrim hrim, inhual na neihpui che ka tum chhan diktak hi ihre duh em? phuba ka lak duh vang mai chauh ani. Awmpuia te lawmthu sawi zanah pawh khan Zorini irawn tih dan kha kalo hrelo ah ingai emni? Eng ang tak in nge lemchan ilo thiam tih ka hriat duh vang in i chetdan ten awm lutuk kha ka haider anih kha, he tiang khawp a tenawn chung hian kohhran ah mi thianghlim ber awm ang hrim in rawng ka bawl e te chu inla ti ve leh nghal a, nang ni ang mihring hian a lawm kohhran hmai ti bal thin, mahni leh mahni inbum reng tawh lo khan in siam that tum ve tawh ang cheu" ka tih chuan ka hma zawn ah tak rawn ding in hmai zangthal vah hian min rawn en a.













"Thudang sawi duah lo khan tha tak in awm hle hle mai rawh, minnei duhlo anih ngat chuan kut dawh tur in inu nen sawn ka siam ang cheu" min rawn tih chuan ka lo nui chhuak hawk a.













A dar tawn tawn ah chuan vuan in. "Nang hian kutdawh ah min siam ang maw? Chu tiang thil a thlen hma chuan in chhungkua sawn jail ah ka khung zawk dawn cheu emni? Nang hi tual thattu fanu dik tak chu ilo ni e, tunah chuan i lo hmuhsit em em thin mihur tih ngat a ikoh thin Zorini ai khan mi zawng zawng hian an hmusit tawh ang cheu. Engvang in nge ka hmangaih ber kalsan in nang hi ka thlan na chhan che ihre duh em? Phuba ka lak duh vang in mawle, lo ngai reng rawh naktuk ah chuan ipa kohhran upa saw tualthah thubuai ah man a ni ang" ka tih chuan an unau chuan an inmelh zawk a.










Kha thu kha sawi chhuak tur ka la ni miah lo, mahse he hmeichhia hian ka nu nen kutdawh ah ka siam ang cheu min tih vang Khan ka in sum zo ngang tawh lo ani. Rinzuali pa vang hian kanu nen rethei leh baihvai takin Kan lo awm thin tawh vang anih kha. Kumtam tak chhung ka thinrim na ka lo up beh tawh chu zanin ah hian ka puakchhuah tir anih chu.










"Rinhlu khatiang dawt muhlum khan ka pa puh tum miah suh aw, tu te nge kan nih hi minla hre chiang lo ania nge, kan tawngkam khat lek hmang hian in chhungkua hi kan ti chhe vek thei cheu tih hria la. Uzualtei kiangah khan ngaihdam dil la tun a ithil sawi zawng zawng kha Kan hai der sak vek ang che" Rinzuali nau in a rawn tih chuan za lutuk hian ka lo nui a, he mi te unau hi tawngkam a vau zam mai mai theih an ni dawn miah lo tih chu ka lo rin lawk dan chiah ani.









"Tu te nge innih tih chu keitluk a hrechiang hi an awm dawn em ni, sum leh pai duham luat vang a mahni thian te that duhtu mihring fa te innih hi, in ah inhaw rual in ipa hnenah khan ithian pa pawisa iruk sak a, a hrechhuak leh sia ithat emni? ti in va zawt ula thudik tak chu va hriatchhuah tum zawk rawh u, helai hmun ah hi chuan engmah tih tur in nei ve tawh lo, Kan lemchan chu zanin hian tawp tawh rawh se" ka tih chuan Rinzuali chuan ka hmai a min ben tum chuan a kut a rawn lek zuau a. A ban rek ah chuan lo man in lei char ah chuan ka theh thal tawp a.










"Lalrinhlu nang hian min pumpelh thei chuang lo ang, min nei duh lo a nih chuan inu saw thi tluk ah ilo ngai dawn ania, kha mihurnu kha inu in a mo a tan a pawm duh iring reng reng emni? Inu in mo a tan a duh ber chu kei hi ka ni, keimah chiah hi" Rinzual-in a rawn tih chuan ka lo nui chhuak leh hawk a. Ka nuihzat vang a nui chiah pawh ka nilo ka thinrim em vang in ka nuichhuak ni ber in ka hria.










"Kanu chuan a pasal hmangaih em em sum it vang a that tu fanu chu mo a tan a duh tawh ka va ring lo ve, nang ni hnial buai rengna hun ka nei lo tlat, in unau khan dawhtheih na chhe te ka la neih lai hian min kalsan rang rawh u" tih pah chuan keimah zawk chu ka pen sawn nghal hlawk hlawk a.









Kum kha leh chen thuruk ka lo pai tawh chu ka au chhuah pui ve thei ta chu ka thawl hawk thei, ka car park na lamah chuan Kal in chak zet chuan ka tlan chhuak a, thinrim na chuan ka chhungril a tang hian min rawn hnawh up up ni mai hian ka hria. Car ka tih din rual chuan nghet lutuk hian car steering chu ka hum ngawt ngawt a, ka thinrim na ka thunun theih hma chu che sawn lo in ka thu reng a, tlem a ka in bengdaih hnu chuan car a tang chuan muang chang in ka pen chhuak a, thlan lung lo ding tlar tuar lam chu ka thlir vang vang a, kha mi duham pa vang khan, ka pa khan Kan nufa bul a awm thei lo in he mitthi khua ah hian min awmsan a ngaih phah a sin.











Thlan tam tak kal pel in ka pa taksa kan zalh na hmun lam chu ka pan a. Kum tamtak chhung khawhar tak a lo ding tawh ka pa thlan lung hma ah chuan ka thingthi hnawk a. Ka inti pa chang thei thlawt lo, ka pa thlanlung hit thlur chu kuah in ka tap chhuak hawk a. Tun hi ka pa in min kalsan hnu a ka tah vawikhat na ani, ka pa thihna a mawhphur tu chungah phuba ka lak hma chuan, ka mittui hi vawikhat pawh a far lo ang ti in ka intiam vang in ka pa ruang chungah Khan ka mittui far khat pawh a far lo.











" ka pa i awmna hmun chu nuam iti em? Ka nu nen hian minngai ve thin ngawt ang tiraw? Keini pawh in Kan ngai che asin. Pa ifapa hi minhan enteh, ilak a ka thutiam kha hlenchhuah in a awm tawh dawn a sin, khapa ithian tha tak ang mai a lemchang a inun na hlutak laksak tu che kha, ifapa hian hremna ka pe thei tawh dawn a sin, pa kumtam tak chhung ilo nghah tawh phuba chu ifapa hian ka la ve thei tawh dawn tih ihria tiraw? Rimtak a isum thawhchhuah sa tenawm tak a alaksak hnu ah che inun na pawh zuah duh lo in helai hmun khawhar tak ah hian Kan nufa lak a tang la hrang che in a awm tir che anih kha.










Pa ipawisa thawhchhuah sa hmang Khan an chhungkua in nuam tin reng anchen lai a kan nufa retheih thin zia kha ihria tiraw? Kha thil sual ti tu khan engmah zahna leh hreawm tihna nei miah lo in chapo tak in a vak kual reng thin a sin. Tunah chuan engkim a tawp vek tawh, naktuk khawvar tur hi an chhungkaw tan chuan chhiatna bul intan na tur chu ani tawh ang. Pa tunah chuan thlamuang tak in ihahchawl thei tawh ang" ka pa thlan kuah chung chuan Ka phun mawlh mawlh a.











Ka nu silchar ah dawr bungrua la tur in a kal vang in ka pa nen chiah inah kan awm a, ka pa kha kanu ai hian ka ngaina zawk a, nuamsa tak a kanu nen min awmtir a duh vang Khan sum tamtak thawhchhuah tum in a zin kual reng thin, inah a awm ve chhunah hi chuan kan pafa hian kan inkuah chawt thin. Kanu a zin a vangin zinglam ah school ah min thlah a. "Bawiha tha deuh in lehkha zir rawh aw, in miss te thu awih la ka fapa hi lehkhathiam leh mi ropui tak mi te Chung a leng nitur in ka duh che ania, ka form min siam thatsak mawlh mawlh pah chuan a ti a.












"Pa ithu ka awih ang, miss te thu pawh ka awih a nga, apa ti hmingtha tur hian lehkha nasa tak in ka zir anga mi ropui tak ka la ni dawn a lawm" ka tih chuan ka pa chuan "ka fapa hi chu ivan ni Chiang tak em, Bawiha ka ring che ania aw, tlaiah inu zin a lo haw dawn a kan pafa in Kan hmuak dawn ania, school inban hunah ka rawn hruai leh ang che" a tih hnu ah school lam pan chuan ka tlan hnak hnak a, school chhung ka luh hma chuan ding in ka hawi let leh a, ka pa chuan min lo bye bye lauh lauh a.











Khami ni kha ka pa nungdam a ka hmuh tawp ber na tur ani dawn tih hria ila chuan ka kalsan miah lo ang mawle. Kanu zin haw hmuak turin ka pa nen tlai ah kan kaldawn tih ka hriat vang chuan ka hlim em em a, tlai ni vat vat se ka ti kher mai.









Ban a hun chuan ka pa in ka rawn lam ang che min tih vang Khan hmanhmawh deuh in gate lam pan chuan ka tlan a, ka pa hmel hmuh ka in beisei teh lul nen ka pa hmel reng reng ka hmu lo a, hna thawh laklawh a nei anga a rawn tlai deuh dawn anih ring in gate bulah chuan ka pa nghak chuan ka lo thu reng a, kan miss te haw tur chuan "Bawihpui tinge ila haw ve loh a? Min rawn tih chuan ka pa in minrawn hruai tur thu ka lo hrilh vat a.










" I pa chu Kan lo nghahpui dawn che emi? Min tih chuan miss te hnenah chuan min hawsan tur in ka lo hrilh vat a, Kan school chu a reh vek tawh a, ka pa nghak in rei tak chhung gate bulah chuan ka thu a rawn lan tih ni a neih tak si loh vang chuan, Kan inlam pan chuan lunghnur ru deuh chuan ka haw hnak hnak a, ka pa ka hmuh hunah chuan min rawn hruai loh vang in chhuah chhal nasat ka tum ruh ngang mai.










Kan tual ah chuan ka pa motor chu a lo ding a, inchhung ka lut tur chu, chhung lam ah chuan thinrim tak a in hau thawm ka hria a, kawngka chhete a lo in hawng deuh a tang chuan ka bih dek dek a, ka pa leh a thian pa siama chu thinrim em em hian an lo inhau a, ka pa khatiang reng reng a athinrim hmel kha ka la hmu ngai lo.










Pawisa chung chang ah an inhau tih chu ka hria a, ka pa pawisa chu pa siama chuan a ruk sak a nih hmel an inhauh dan a tang in, ka pa chuan "Zanin ral hma ngeia ka pawisa kha min rawn pe let lo anih chuan ka thian tha ber pawh ni mah la police ka man tir mai che angai ang, kha pawisa kha ka nupui leh ka fapa te nuamsa tak a ka awm tir theih nan a rim tak a ka thawhchhuah anih kha". A tih chuan pa siama chuan.












"Pawisa ka pek ai che chuan ka that zawk mai ang che, a tih chuan ka hlau lutuk chu inchhung ah lut ngam lo in pawn lam ah chuan ka tlankit leh a. Pa siama rawn chhuah hma chu kanu in, Kan inbul a sidar kung buk tha zet a phun phen ah chuan ka tawm char char a, rei fe hnuah pa siama chu a rawn chhuak a, kalsawn mai lo chuan a hawi kual vak vak a.










Pa siama kal liam hnu fe ah thaw dep dep chung chuan inchhung lam pan chuan ka chhuak ve ngam chiah a, in chhung ka luh chuan a lo reh thiap a, ka pa chu ka au a min chhang miah lo, inah a awm tih ka hrechiang bawk si a, a ai ring chuan ka ko leh a min la chhan mai loh vang chuan room chhung lam ah tlan lut in ka va zawng kual a, mahse ka pa hmel reng reng ka hmu lo a, mangang tak chuan inchhung ah chuan ka tlan kual a, inhnuai pan na step pawh hawn mai theih a ka pa in a siam lo in hawng ka hmuh vang chuan inhnuai lamah a awm anga ka koh na a hre thei lo anih ring in inhnuai ah step ah chuan ka tlan thla a, step tawp ber bul chhuat a ka pa thisen nen a lo mu kawi nuaih ka zuk hmuh chuan hlau thawng lutuk in inchung lamah chuan tanpui tu ko tur in ka tlan kir leh a.










Kan thenawm khawveng ho chu ka pa bawihsawm tur in an rawn tlan khawm a, ka pa chu a thaw a la awm e antih a vang in damdawiin ah rang tak in tlanpui nghal ang u an ti a. Kan then awm ten ka pa damdawiin lam a an phur liam lai chu tap Chung in ka thlir reng a, patling ho in step ah a lum anih hmel a lu a sawh na khawp mai an tih ri chu ka hre ruai ruai chauh ani.









Ka pa an phurh Liam a tang a darkar khat hnu velah kan inah chuan mipui an rawn pungkhawm sup sup a, Kan in chhung chu an rawn singsa mawlh mawlh a. Kanu zin pawh a lo la thleng lo a, kanu zin lo hmuah kan tum teh lul nen, ka pa chu a thi a rawn ti anih chu, mi zawng zawng chuan ka pa chu accident in a thi ti mahse kei chuan ka pa thih chhan dik tak kha accident anih ka ring lo a. Pa siama nen an inhnial lai ka hriat a vang khan pa siama khan ka pa chu a that a nih ka ring a, pawisa pek kir ai chuan ka pa kha thah ah a vau anih kha.











Khatih lai khan naupang te mai chauh ka ni a, ka pa leh pa siama in hauh dan chung chang pawh kha tu hnen ah mah ka sawichhuak ngamlo a, chubak ah inchhung a lut lo a kanu sidar buk hnuai a ka biruk vang khan ka inthiam lo a, in chhungah Khan lo lut nghal chu ni ila ka pa kha a thi miah lo tur hi ania, pa tling pahnih thinrim eng phiar a an inhau ri ka hriat vang Khan ka hlauh em avang a kha tia biru ta mai kha ka nia.










Kanu a awm bawk si lo. Zinrami te nufa chuan min lo awmpui chawt a, Nute-i phei chu a tap char char a. Ka pa ruang Kan inchhung a an rawn zawn luh lai pawh chuan ka lo en reng a, pa siama chuan ka pa ruang chu rawn zui in a tap hawm hawm a. "Thianpa vawiin ah pawh hlim tak in Kan la inkawm reng ani lawm ni? tinge hetiang a min kalsan tak mai le? Bawiha pawh a hrilh hai lutuk a lawm" a rawn tih chuan pa siama tap chu rapthlak ti lutuk hian ka en tawp.







Ka pa nen khan hlimtak in an inkawm lo tih chu kei hian ka hrechiang khawp mai, ka pa kha khatih hunlai khan kum sawmthum vel awrh chauh a la ni a, khatiang a step a han lum hlum mai mai thei chi ah ka ngai lo, midang chuan accident ah an ring nghet thlap a, kei chuan ka pa chu thah ngei anih ka ring tlat, ka pa khatiang a ka va hmuh hma lawk khan pa siama kha kan in atang in hlau thawng tak leh midang hmuh hlau tak a arawn chhuak ka hmu bawk a. Engmah Chiang tak a ka pa a that lai ka hmuh loh vang khan ka thil hmuh leh hriat te kha tuma hnen ah mah ka sawi chhuak lo a, ka nu leh Pa puia tak ngial pawh ka hrilh hek lo.









Kanu zinhaw ka pa ruangin a lo hmuah vang khan nikhaw hrelo in a awm a, khatih hunlai a ka rilru mangan zia kha, kum tamtak liam tawh mahse khang thil thleng zawng zawng te kha nimin lawk a thil thleng ang mai in ka mitthla ah hian chiang tak in ka la hre vek. Ka pa Kan vuiliam hnu ah pawh pa siama chuan kan nufa chungah that chhuah in min rawn ngaih ven reng a, pa siama hmel ka hmuh ngun poh leh phuba lak chakna Khan ka khat thin. Ka pa ruang chungah khan a thih dan diktak ka chhui chhuah ngei tur leh phuba ka lak ngei ngei tur thu ka intiam a, phuba ka lak hma chuan ka tap miah lo ang tih ka tiam bawk anih kha.









Ka pa tello a hringnun hman kha kanu nen khan Kan thiam mawlh lo, nitin hian ka pa Kan ngaih a zual in ngai kan awh thei tawh lo a, kanu pawh in ka pa a ngaih em avang khan kum khat chuang engmah ti thei lo in mi â ang mai khan a awm tawp a, nitin mamawh a lo tam ve bawk sia pawisa thawkchhuak turin kanu in ngai a awh thei silo a, khatih hun lai a kan retheih zia kha pui tak ani. Pa puia mangang khan an inlam ah Kan nufa in min hruai haw ta ri ngawt a.










Kanu pawh in tlem tlem in ngai a rawn awh chho tan a, pa pui-an sumdawnna bul min tansak leh in hotel a siam chho a, vawiin thleng hian hotel hmang a sumdawn na chu kan la kalpui ta reng a, ka pa thihdan a thil fel tawk lo awm chu a ruk in ka chhui reng a, pa siama pawh in min thlah thlam lo in ka pa damlai ang tho Khan kan chhungkaw tan thian tha tak a la ni reng a, ka pa thih a tang a kum hnih thum lek ah chhung kaw berh ve tak ni thin kha an rawn hausa thut a, khata tang khan ka pa that tu a nih ka ring nghet thlap tawh.











Vawiin ah khan kum sawmhnih panga kal ta a ka pa thihna a mawhphur tu, pa siama man theihna tur evidence zawng zawng ka thian pa inspector Rodinpuia kutah ka hlan fel vek tawh a. Rinzuali kha phuba ka lak theih nan a nupui ah neih tum mai chauh ka ni, Zorini ka nun a alo lan a tang khan ka rilru pawh a ti buai viau reng a, kha tiang nungchang thalo tak a nei emaw ka tih lai pawh khan ka hawisan thei lo a ka hmangaih bur a. Ka buai na zawk chu Zorini nen Kan inkawp chuan pa siama ka chhuina tur a tan Rinzuali hman ka duh bawk si a, ka lo thawh rim ve na te a thlawn vek ang tih ka hlauh vang mai chauh a Zorini bultan pui duh rih lo ka ni.










Rinzuali kha nupui ah neih tumna tak tak pakhat mah ka neilo, ka pa phuba ka lak theihna tur a tan a rahbi hnuhnung ber anih vang in kha inhual na pawh kha awm chauh ani a, mahse ka beisei loh zawng in thil a thleng a. Rinzami he tiang hian a awm leh ta bawk si a, kha inhual na party ah khan Rodinpuia leh a nau te ho khan kan mi sawm te hmaah tualthah thubuai vang in pa siama kha mualpho tak a rawn man tur anni a, mi sualte hian vanneih na anlo nei ve ani chek ang chu zanin pawh khan a la him hlauh zawk anih kha.










Ka pa thlan chungah kum sawmhnih panga chhung ka mittui ka lo khawl tawh sa zawng zawng te chu ka leih bua a, ka in sum buai peih vel lo hrim hrim. Ka phone a rawn rik tak ah chuan ka suangtuah na ram a tang in ka harhchhuak ve thei hram a. Phone ka pick rual chuan kanu in "Bawiha khawnge i kal daih a? Engmah sawi lo in ikal bo daih a" a rawn tih chuan ka tawng chhuak mai thei lo, ka tahna avang in ka aw a lawi zo vek a. "Bawiha itha em? Kanu in min rawn tih leh tak ah chuan "Nu motor ah ka lo muhil a ka rawn chho ang min ngaihtuah suh" ka ti lawi rut a.









Ka sana ka en chuan zinglam darkhat a lo ri daih tawh a, ka pa thlan chu ka kuah leh vang vang a. "Pa kanu chu rawn ngaihtuah tawh suh aw, ifapa hian thatak in ka lo enkawl ang tunah chuan chawl hahdam tawh rawh aw" ka ti leh sup a muang chang in ka pa thlan chu ka kalsan a.









Tunah chuan tihtur pakhat chiah ka nei tawh. Zorini ka ta anih vat theih nan engtin nge bul ka tan pui leh tak ang?. Joseph-an a lo duh ve hian engkim a rawn chawk buai vek, ka thianpa hian midang ang lo tak in Zorini thatna leh mawina hi a lo hmuthiam tlat a, hlat tur a ka ti chung pawh in a thian pa hi min phatsan in Zorini neih tum in ke a pen lui zel tho a. Ka thian tha ber ni mahse ka hmangaih ka neih let leh theih na tur a tan ka kawng dal tu anih dawn chuan tihnat ka hreh hauh lo ang, engmah hrilh lawk lo ka nilo a warning Chiang tak in ka pe vek tawh miau a. Ka thusawi a zawm duh loh vang in a na anih pawh in a ma duh thlan na ani tawh tlat.









Hospital ka thlen chuan an lo reh thiap tawh a, security pawh an lo muthlu lap lap a. Muang chang in ICU lam pan chuan ka kal zel a, Josepha dar nghen chung a Zorini lo muhil bawrh bawrh ka va hmuh rual chuan ka in hum ruh nghal teuh thei. Zorin-in keimah nilo mipa dang taksa a tawk hrim hrim hi ka hmu thei ngang lo, khang a nihna diktak ka hriat chhuah hma zawng pawh khan mipa dang in a taksa mawi lutuk an duhtawk a an suasam sak vel tur ang a ka ngaih vang khan ka thik lutuk vang khan Zorini lak ah hian ka thinrim na kha ka hrithla fo thin anih kha.









Ka tihnat ngun leh keimah ka inti na ngun ani ringawt, a kawr sexy zet pawh a lo thlak fel vek tawh a, Josepha erawh chu keimah ang tho in a incheina ngai nen a la in duang thlap thung a. Khawdang hawi lek lo a Zorini leh Josepha ringawt ka lo melh ngur ngur lai chuan ka nu chuan. "Bawiha he tah hian rawn thu phei ta che tinge khatah Khan idin reng a? Min rawn tih takah chuan ka mit chu ka la sawn ve thei hram a.








Ka tawng thawm vel ah chuan Zorini chu a rawn che talh talh a, a rawn meng chhuak hlawl a Josepha lak a tang chuan inthiam loh hmel deuh chuan a in la hrang vut a, min rawn melh nghal vat a, rum lutuk hian ka lo melh ngur a, a mit a la sawn rang ngang mai. Josepha chuan "Muthilh leh tum rawh ichau lutuk ang" duat hmel fe chuan a beng bul ah chuan a va ti sur sur a. He tiang em em a Josepha ka huat hi ka la hrelo.








"Ahh ka muhil nasa tawh a lawm, ka mut pawh a chhuak tawh lo" a ti niah niah a. Nute-i chuan Josepha chu "Min hawsan tawh mai rawh u, engmah tih theih Kan nei chuang silo a, in Chau lutuk ang, sepha nang phei chu ibuai thei ropui si" a rawn tih chuan Josepha chuan Nute-i chu "in thlahrung duh reng reng suh tlangval chakvak tan he tiang zan men tih vel te chu engmah tham ani lo ania' ti in a lo chhang thuai a.









Ka rilru chuan Josepha chu haw nal nal se hi ka lo ti ngang mai, Rinzami a ngaihtuah vang pawh nilo in Zorini bul a awm a thlakhlelh vang a haw duh lo ah ka ngai a, ka thian pa lak a rilru ka pu chhe ta viau mai te chu ka in haw hlur thei. Ka thian tha ber ni mahse ka hmangaih min chuhpuitu ani miau a, in beihna tual zawl ah chuan thian tha pawh hmelma ang mai a kan awm a ngaih chang a awm miau a lawm.








"Bawiha Rinzuali kha iva thlah haw ta emni a hmel ka va hmu tawh lo ve? Ka nu in min rawn tih tak ah chuan ka lo in sangmar leh teuh tawh. Ka pa phuba ka lak duh vang in kha chen amei angmai in kalo zuikual tawh a, a hming hriat tak ngial pawh hi ka peih tawh lo. Ka nu in ka chhan na nghak a min lo en reng avang chuan theih tawp a in thunun chung chuan an chanchin engmah ka hriat loh thu chuan ka lo chhang hmuk a.








"Bawiha tinge an in thleng iva thlah loh a, inhual na tur lah hetiang teh nuaih Kan nih tak avang in Kan thulh leh a ngai sia, Rinzuali pawh a hmai zah awm a lawm" ka nu in a rawn tih chuan ka thut na atang chuan ka ding chhuak hluai a, corridor lamah chuan thinrim deuh chuan ka chhuak nghal daih a.









Thinrim na ka ngah sa tawh teh reng nen ka mit hmuh phak a Zorini leh Josepha in sirial a an thudun lai engmah tilo a lo thlir reng chu ka thei lo, engtin nge Zorini kiangah ka in sawifiah tak ang?, a landan chuan Josepha nen hian thian sa tliah mai mai chu an ang tawh chiah lo a lawm. Nupui ka neih hma chu josepha bul lo la tanpui hrih lo tur Khan ka ngen chiang viau bawk si a, mahse he nu hian ka thu sawi te kha engah mah a ngai miah lo a nih hi, Josepha ka thik zia pawh a hre vek a min tihnat ve a duh vang in min run luih zawk nge pawh ka hre lo.











Ka ruahman na zawng zawng Rinzami vangin a puitling thei lo a, ka lo ruahman lawk ang Khan thil thleng se chuan Zorini saw Josepha bulah nilo sawn ka kiang ah hian awm tawh tur ania, engkim a khawlo zo vek tawh. Ka pa phuba lak ka duh lutuk na hian dawhtheih na min tlakchham tir em em a, ka thinrim na te hi ka thunun hlei thei thin lo a bik tak in Zorini lakah ka thinrim hma a, ka thlak hlelh ngawih ngawih lai a mipa dang kut a lo vawn hian min ti mang ang in ka kehchhe zo vek zel.









Ka lam pan a ke pen thawm rawn awm pawh chu ka ngaih ven peih lo, ka bul a an rawn din tak ah chuan ka lo melh zawk a, Zorini chuan mit sen ram hian min lo en reng a. A hmel landan chu a thalo tak zet, party na hmun ah khan Rinzuali rilru chhiat lutuk vang in tul miah lo ah nasa tak a tih mualpho in a awm a, khathil vang pawh khan a rilru a nat dawn teh lul vei nen, tunah a thian tha ber Rinzami he tiang hi a ni leh a, rilru nat pawh sawi thei lo in a thian nu vang in mang ang tak in a awm mek ani si a, a hmel pawr phang leh a hmai dang lap mai te chu en reng hreawm ka tih vang in ka mit chu ka la sawn vat a.











"Bawiha nang hi i awmdan hi a dik miah lo ania, rilru fim iput hram hram angai in ka hria. Zamtei chu eng em a ti lo turah ngai ila inhual na tur chu nitha dang a rawn her chhuak leh dawn a lawm" joseph-an min rawn tih chuan. "In hualna Kan neih theih loh vang a hetiang ang a awm hi ka ni miah lo, ka hmeichhe hmangaih ilo hnaih vang hian ka thawk iti buai zo vek a nih hi" tih khum tawn tawn mai hi ka duh a.








Nui suk chung chuan "ka tha a lawm ka mut chhuak tih reh nan ka lo hawi khawthawng vel mai mai anih hi" pangai tak chuan ka lo chhang ve mai bawk a. "I tha tak tak maw? I nu te ho khan va mu hahdam tur in min nawrlui tlat bawk sia, Zorini hi ka va thlah phawt anga duh keh kei chu ka rawn kir leh ang" joseph-an a rawn tih chuan ka lungphu hi thikna vang in a rawn danglam leh nghal vek tawh.









Zorini melh ngur chung chuan "Keiman Zorini chu ka va thlah mai ang, nang pawh naktuk ah hnathawh ingai leh dawn sia mut hahdam ingai alawm, chubak ah Kan tibuai lutuk che a ihmai zahawm tawh hrim hrim, engmah tihtheih Kan nei chuang lo a, intih harh phah in Zorini chu ka va thlah mai ang. Helai a lo nghah ngawt ngawt ringawt chu a ninawm ve bawk si" ka tih chuan Josepha chuan " Min ti buai reng reng lo, harsat na inneih chuan kan phak tawk a tanpui cheu chu kan tih tur Chiang sa alawm anih, a tul anih chuan hna te chu ka thawk rih lo mai ang. Chubak a Zorini va thlah zawk teh chu thil harsa pawh ani lo a" a rawn tih chuan Zorini va thlah tir chu ka tum bau lo.









"Thiana ka thusawi chu pawm mai rawh, Zorini chu keiman ka va thlah mai ang, lo kalru hetia inhnial buai reng lo hian kal vat ang u khua a tlai zel ania" tih leh pen sawn chu ka rual a. Engmah sawi tawh lem lo chuan an pahnih chuan min rawn zui ve mai bawk a.







Motor park na ka thlen chuan Josepha chuan Zorini chu "Bawiha thlah che chu i hreh em? Nuam lo itih dawn chuan ka thlah hreh hauh lo che ania" a ti leh hram a. Ka insum zo tawh lo lek lek chu ani e. "Ahh hreh lo e, min ngaihtuah suh tui deuh in muthilh itum dawn ania, naktuk ah kan inhmu leh dawn ania" Zorin-in a tihmek lai chuan "In sawi zo tawh em? A tlai zel ania ka lo ti hmuk a.








Josepha chuan a car kawng khar chu pawt hawng in "Bawiha thilthleng a awm anih chuan min rawn be vat rawh aw, ka kal nghal mai ang" a rawn tih chuan ka lo buk khum zauh a. Zorini chu ka motar lam pan chuan ka thlah chak loh hmel lutuk chuan a rawn pen phei chhat chhat a, a kawrfual hak arh zet thli in a chhem len hawk hawk chu a kut chuan a lo siam rem sawk sawk a. Ngawi reng chuan kawng ka ka hawn sak ah chuan a thu lut nghal tharh a.








Motor chhung a ka thut luh pawh chuan min rawn melh miah lo hian kut kuangkuah than chung hian hma lam chu amelh deuh ngar ngar a. Min ngaihsak lo lutuk chu ka thin in a tuar leh pek lo, tunlawk ah Josepha ngaih sak em em in a be siam siam a, ka bulah lem ka nei lo ang hmak in angawi leh tlat lawi si chu ka haw hlur mai. "Chutiang fakau a ka thlah iduh loh te chuan Josepha awm lai khan sawi tur che alawm" ka ti hriam hrawih a. Motor chu ti nung in ka tlan chhuak zui nghal zat a.








Min rawn en miah lo chuan "ka duh loh thu ka sawi loh tawp kha" a rawn ti chhuak sep a. A sawi dik reng engmah a sawi reng reng hlei nem, keimah nilo Josepha kianga a awm char char vang Khan a lak ah hian ka lungawi lo mai zawk ani. Engmah sawi tawh lo chuan motor chu ka khalh mawp mawp a. Ramhlun lam a kal lo in kawng leh lamah chuan ka peng daih a, engmah sawi lo chuan a la ngawi kar a, chaltlang road a tlan chho lo in Chanmari west lamah chuan ka tlan thlakpui tak a vang chuan phawk fe hian min rawn en a.








"Enge heti lam ah hian ikal a? Min thlah dawn ani lawm ni? Chi ai fe chuan a rawn ti chul a. Nui suk chung chuan "ka thlah mek che chu anih hi" ka lo ti duh lek a. "Bawngkawn ah Kan haw dawn a enge helam ah hian min kalpui si? a rawn tih chuan ka lo nui hawk a, Ni e tunah hi chuan ka rilru ipik lutuk theihnghilh a ka hmangaih kiang a hahdam tak a awm hi ka mamawh ber rih tlat.






"I mak e Lalrinhlu, min chhang rawh enge he lai ah hian min kalpui a? a rawn tih leh chuan ka va melh zawk a, phawk hra hian min lo en kal a. "Bawngkawn a haw turin kawng pakhat chauh a awm hlei nem mawle" ka tih chuan ka ban puam ah chuan min rawn chum tawk a, ka rin loh dan deuh a a rawn chet a vang chuan ka lo nui chhuak hawk hawk a. Hei chiah hi a lawm ka lo thlak hlelh em em chu Zorini kiang a rilru hahdam tak a awm hi.







"Ti khan min ti miah suh aw, Kan in hualna tur Rinzami damloh vang in kan thulh a ngai a kan lawm ngei chu angai ang chu, Bawihi nupui hual ka nei leh lo hi ilawm ve miah lo emni? Thutak zet a ka tih chuan a hmui sexy lutuk chu a pet zauh a, in sumpar lek lo a va fawh nawk nawk ka chak dan chu pui tak ani. "Zanin ah inhual lo mah ula nidang ah inla inhual leh dawn tho a" a rawn tih chuan car chu ka ti ding dawt a.









A lam ah chuan hawi in a mitah chuan ka melh ngur a. "Bawihi inhual na tur a awm leh dawn anih chuan nang leh keima inhual na chauh ani tawh ang" ka tih chuan phawk zet hian min rawn en leh a. A landan duhawm zia hi a in hre ve miah lo emaw ni le.










A rawn tawng chhuah leh hma chuan "Bawihi ka hmangaih che ka tih kha, nang mah lo hi nupui ah neih ka tum reng reng lo, ka hmangaihna che lan chhuah tir theih loh na chhan lian tak a awm vang ania, chuthil vang chuan ka hmangaihna che hi ka lan chhuah tir thei lo mai chauh a lawm. Thil tamtak hrilh tur che ka nei a, kum tamtak chhung a ka lo thup bo char char ka thuruk hi zanin ah ngei i hnenah hian sawi ka duh ani , chu mi ka hrilh hma che chuan kei hi min ring la ka duh. Rinzuali kha nupui ah neih ka tum tak tak hlei nem, nupui ka nei dawn anih chuan nangmah chiah hi ka nei ang che" tih pah chuan ka lam ah chuan pawt hnai in ka kuah vang vang a.










A rawn tan deuh tung tung vang chuan "Bawihi awm hle hle teh, he tia kuah che hi ka chakna arei lutuk tawh, i kiang a chawlh hahdam ka thlak hlelh teh lul vei nen, nang lah chuan Josepha ringawt min pan san a" lungawi lo deuh chuan ka ti chhuak sup a...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:09 pm

Nang hian Josepha ka pansan che ah ingai amaw? Josepha te chu ka nunruak luahkhattu a lawm anih. A awmzia chu nangmah vang a natna ka tawrh zawng zawng te hi Josepha vang hian ka tawrhchhuah theih phah a, ka lakah a tha in min tih hlim dan a hre em em bawk a. A kiang a ka awm chuan nangmah ka ngaihtuah vang a ka natna te hi lak bo in a awm thin a, hlim takin ka nuih theih phah thin a lawm" a ti chhuak hliai a.










Ka beng hriat a Josepha chung chang a sawi dan chuan min ti lawm miah lo, ka kuahna atang chuan namsawn deuh in a mitah chuan chiang tak in ka en a. "Josepha chuan kei aiin inun ah pawimawhna anei lian tawh zawk tih isawi tumna emni? Ka tih chuan a lu chu min lo thinkum nar nar a.






" Nilo nang te chu ka hmangaih ber inia lawm, Josepha chu ka thian thatak ania, ka tan mi pawimawh tak a ni ve tho bawk a, nang nen a kan in laichinna ang lo deuh hian ani nen kha chuan thian tha tak ang mai Kan nia lawm" a rawn tih chuan ka lo thaw huai a.









"Keimah nilo mipa dang hnaih lo la ka duh, thian ang pawh in, ka hmangaih hi mipa dang in an lo hnaih ve ka phal lo chu chu hre reng ang che. A hma kha chuan ka pa phuba lak ka duh vang in ilak ah hian engmah ka ti thei ngai lo a, ka duh ang pawh in ka duat in ka ngaihsak thei lo bawk che a, zanin a tang chuan nangmah ngaihsak hi ka
hnapui ber ani tawh ang, chuan nang pawh ka bul hnai ah ka mit hmuh phak ah hian i awm reng a ngai tawh ang" ka tih chuan a hmui chu min tih pawrh khum zauh a.









Rang zet chuan kalam ah chuan pawthnai in ka kuahzui nghal vawng vawng a, ka in lak hran hnu chuan a hmel chu kan thlek leh vang vang a, min hnial buai miah lo a ka kiang a ala awm duh hi ka lawm hlum lo chauh ani. "Bawihi zan in a ikawr rawn hak anga itaksa langtam lutuk kha chu rawn ha tawh ngai miahsuh ang che, ka hmeichhia mipa dang in it hmel lutuk a anlo melh ve kha ka duh miah lo ania" ka ti zui nghal sup a.










Tlem a rawn nuisak chung chuan "I tan ka rawn in chei a lawm, zanin ah Khan nang hi ka chan hlen tak tak dawn che emaw ka tia, idam chhung a itheihnghilh theih tawh ngai loh tur khawp a nalh in, ihma ah Khan rawn inlan ka duh a, mahse nang te chuan melh khat te pawh min melh chhin miah lo anih kha" ti tau aw deuh hlek a arawn tih chuan a hmai mam hen ah chuan ka lo chulsak riak riak a.









"Engtiang pawh in awm la ka tan chuan inalh ber reng a lawm, kawr ha miah lo a i awm pawh khan inalh hlei hlei ka lo tia sin" ka tih chuan min rawn chum taih a. " Sual thiam viau thin lo teh " a lo ti nang nang a. "Zorin ka hmangaih che kan intawn zan atang a tun darkar thleng hian he ka thinlung hi min ruksak daih tawh tih hi ihria em? Ka lungphu te hi nangma tan chiah a phu thin asin. Nang nen hian hun harsa tamtak Kan lo paltlang dun tawh a, zanin atang hian ka bialnu tak tak ini duh a ngem? Ka tih chuan a hmel chu a buai nak a.









"Engtin nge Rinzuali ve thung kha?, in inhualna thulh rih mah ula nidang ah inhual na inneih a la ngai dawn tho sia" ka lo rin lawk ang chiah in a rawn ti chhuak sap a.









"Inhualna a awm leh dawn anih chuan nang leh keima inhualna ani tawh ang tih ka hrilh tawh che kha. Nilo inhualna neihkher hi atulna ka hrelo, Rinzuali kha nupui ah neih tak tak ka tum loh vang khan, khang inhualna te kha chu siam mai choh alawm ka nih, ani kha chu ka pa phuba ka lak theih nan ka hmanraw pakhat mai chauh ania sin, zanin ah hian thil engkim Chiang tak a hrilh che ka duh a, nang nen hian bul Kan tan dawn anih chuan thuruk awmtawh lo in bultanpui che ka duh a" ka tih chuan "I lakah thuruk zep tur pawh ka nei tawh hlei nem" a lo ti vat a.









"Nang hian ka lakah thuruk nei lo mahla kei hian thuruk lian tham tak ka nei a lawm, chu thil ka hrilh duh vang che ania helai ah hian ka hruai che" ka tih chuan "Mahse helai hmun ah hian kan awm reng thei hleinem, hospital lamah ilet a hun tawh viau in ka hria" a rawn ti chhuak leh hliai a.








"Ka thuruk hi zanin ah ka hrilh loh che chuan khawvar hunah chuan thuruk a ni tawh dawn lo a sin" ka tih chuan mak tih hmel fe chuan min rawn en ha a.








"Tun ah chuan Rinzami kiangah i awm a ngai alawm, a hma pawh khan ikal bo char char tawh a, a nu te pawh in ingaihsak lo ah anlo ngai thei a. A hma khan khawnge ikal bo daih a?. Rinzuali nen in chhuak dun ah ka lo ngai a" a rawn tih chuan ka lo nui suk a, Rinzuali nen awm dun tur ang a min lo ngai chu atthlak ka ti viau bawk.









"Rinzuali nen awmdun ah min ngaih a vang in lungngai tak in ilo awm ani maw? Ka pa hmutur in ka kal a, thu tamtak hrilh tur ka neih vang ania" ka tih chuan "I pa ihmu maw? Ka lo hriat dan chuan ipa chu a thihna a rei tawh sia, engtin nge ipa chu ihmuh theih ala thi lo tihna emni? A rawn tih chuan ka lo nui leh suk a.










"I thil hriat te kha a dik vek a lawm, ka pa chu kum sawmhnih panga kal ta Khan a thi tawh a lawm, thlanmual ah ka kal a, a mah that tu lak a phuba ka lak theih tawh tur thu ka hrilh a" ka tih chuan "I pa kha accident vang a thi nilo in thah itih na emni? A rawn tih chuan ka taksa chu kalo in sangmar leh nghal teuh a.









"Ni e. Ka pa kha accident vang a thi a ni lo a thah ngei ania lawm, ka nu leh Pa puia te pawh hian midang ang tho in accident vang a thi ah an ngai vek a, mahse kei chuan Chiang tak in ka pa kha thah ngei ani tih ka hriat vang in, phuba ka lak theih hun tur hi nghakhlel tak in ka lo thlir reng thin a sin" ka ti chhuak hrawih a.










"I lo hriat sual palh ve thei tho asin, midang zawng zawng pawh in accident vang a thi ah an ngai vek a" a rawn tih chuan ka kut chu ka lo hum ruh leh vak tawh. "Ka hriat sual miah lo, ka pa thah a nih lai khan inah ka awm ve a lawm, naupang mai ka la nih a vang Khan ka hlau thawng em em a, chubak ah a that lai ka mit ngei a ka hmuh loh vang Khan engmah ka sawi chhuak ngam lo a, tunah chuan puitling ka ni tawh a ka pa khawngaih thlak tak tan Khan huai tak in ka ding ve ngam tawh ang" ka tih chuan chik zet hian minlo en a.









"Phuba la tur in ka duh lo che. Pathian thu in phuba reng reng lalo tur in min tih kha" a rawn ti chhuak hliai a, he hmeichhe rilru nem lutuk hian min ti buai. "Bawihi ka pa that tu chu tunge tih min zawh itum miah lo emni? Ka ti chhuak sup a.
"Dik tak chuan phuba lak tih vel hi ka ngaina ve chiah lo a" zawi te chuan a rawn ti chhuak sep a.








Zorini ang hmeichhia hi chuan tu lakah mah phuba lak chu a duh hauh lo ang, a mah hmusit a ti duhdah tu te pawh hi a haw ve ngai reng reng lo a, a tawngtai sak reng zawk thin. A kut nemthep chu la kang in ka hmui chuan ka fawp zauh a. "Bawihi misual chuan a thil tihsual man chu a rulh ngei angai a lawm, ka pa a thah vang a inthiam loh na pawh nei miah lo a, khawlai a leng vel thin ka hmuh a piang hian ka thaw te hi a chham lo chauh zel a sin" ka ti chhuak sup a.








"I pa that tu chu min hrilh ve thei em? a rawn ti ve ta hram a. "Rinzuali nupui a neih ka tum chhan diktak chu a pa sawn ka pa a thah vang ani. A awmzia chu phuba ka lak duh vang in, ka pa leh Rinzuali pa saw tunhma chuan thian tha tak an ni a, pa siam-an ka pa khan pawisa tam tham zet a nei tih a hrechhuak a, a nupui fanau te chawm nan pawisa a mamawh a nih chuan ka pa hnen ah khan thatak in dil mai se, ka pa khan athiantha ber anih vangin alo pek phal dawn teh lul nen, pawisa chu a lo ruksak vek a, ka pa in a thian pa in a pawisa dah that a ru vek tih a hriat khan tha tak in pe let tur in a ngen a, mahse pa siama sawn ka pek let ai che chuan ka thah mai che angai ang a tih ri kha ka hria a, pa siama Kan in a tang a chhuah hnu rei vak lo ah ka pa kha inhnuai ah thisen in a bual zuih in ka zuk hmu a. Hospital an panpui nghal a mahse chhan theih a ni ta lo ani.








"Bawihi khatih hun lai khan lo huaisen deuh ila chuan ka pa kha a thi miah lo ang, pa siama nen an inhau thawm ka hriat Khan ka hlauh em a vang khan ka biru a, ka pa lak a ka inthiam loh vang in phuba ka la ngei ngei ang ti in ka pa ruang chungah Khan ka intiam a" ka tih chuan min rawn kuah vat a.







Engmah sawi lo mahse min kuahna ringawt vang chuan ka hahdam huai huai thei, min kuahna chu phelh in a kut chuan ka hmai chu a rawn chul a, a vawikhat nan ka hmui ah chuan a hmui chuan a rawn chuk tuah nghal zat a, tawngkam in thu sawi chiam lo mahse Zorini hian ka thinrim beng daih dan chu a hre khawp mai.








"I rilru tur chu ka hriatthiam pui che, i rilru pawh a na hle tih pawh ka hria, mahse thil pakhat nang hi misual leh pawisak nei lo ang a i awm ka duh lo, Rinzuali pa chungah chuan phuba la pawh nila ipa kha a rawn tho leh dawn chuang em ni? Enteh Rinhlu ithil tih tur hi chiang tak in ngaihtuah nawn leh la ka duh, kum 25 liam ta a ipa thihna kha accident nilo in thah ani tih inu in a hriat chuan a tuar chhuak zo lo ang, hun kal tawh chu liam tir tawh la, kan hma hun chauh thlir chung in bultan dun zawk ila ka duh a" a rawn tih chuan ka ngawi reng a.









Tawng lo a ka ngawih reng a vang chuan ka kut chu a rawn vuan a. "Ka thil sawi khan a ti thinrim che em ni? Misual te sualna chu keini lo thung rulh kher angai em ni? Kei chu rawngbawltu ka nia misual te chungah chanchin tha athlen theih nan he ka nun hian thu ka hril thin. Rinzami pa saw kohhran upa ani tih ka hria a, kum tamtak Liam tawh a ipa thihna chungchang ah tualthat tu ah puh in iman tir anih chuan kohhran tan pawh mualpho na nasa tak ani ngei ang. He tiang zawng hian han ngaihtuah ve chhin teh, pu siama hnenah chuan ipa athah vangin Pathian hming a ingaihdam thu hrilh la, nasa tak in nang hian chanchin tha ihril zawk dawn a sin" a rawn tih chuan Zorini chu ka melh tlawk tlawk.









Khatiang zawng Khan vawikhat mah ka la ngaih tuah ngai lo hrim hrim, ka pa a thah a vang in hre awm leh zak tak a siam chiah ka rilru hian a ngaih tuah thin. Ka lo ruahman lawk dan ang in thil kal se chuan Rinzuali pa hi lock-up ah a awm tawh ngei ang chu. Mahse engmah a la thleng hauh lo, ka thil tum hi Pathian in rem a ti lo ani thei mai angem?.






Ka rilru chu a buai nuaih nuaih ti ila a dik ber in ka hria. Zorini lak atang chuan inla hrang in car kawngkhar chu ka nam hawng rawp a. Pawn ah chuan ka chhuak zui nghal vut a. Ka pa phuba ka la thei lo tur ang a ka in ngaihtuah vang chuan ka rilru a dam thei lo a, ka kawchhung atang hian min rawn hnawh up up ni mai hian ka hria, kha leh chen ka lo thawhrimna rah chu ka seng ve thei tawh dawn a, tunah a vawrtawp ka thlen chhoh lai mek in rawng tak a ka pa thattu kha ka ngaidam leh si ang maw? A theih loh a theih loh hrim hrim ti chuan ka au chhuak tuar a.








Ka hnung lam atang chuan ka kawngah rawn kuah in ka hnungzang ah chuan ka taksa thlawp zaih in a rawn bei a. A kut chu ka lo hum thuah ve nghal zat a. Kan dinna lai hi Bawngkawn leh Edenthar in kar, hmun reh lai deuh ah ani a, kawng sir mai a ding Kan nih vang chuan motor tlan an awm zauh zauh a. Chutia kawngsir a mipa leh hmeichhia lo in kuah chial ta chu motor min rawn tlanpel ho chuan mak min ti ngawt ta ve ang chu.








"Enteh Rinhlu ka thilsawi khan a ti buai che ani tiraw? I rilru damna tur anih phawt chuan engpawh ti la ka sawisel hauh lo ang che. Khathu kha engvang a rawn sawi chhuak chiam nge ka nih pawh ka hrebik lo. Ka thil sawi vang khan ka lakah ithinrim viau emni? In thlahrung lutuk a arawn tih chuan a kut ka vawn chu phelh in a hma zawn ah chuan ka inher vut a. Ka kut pahnih chuan a hmai chu ka khuap a. Ka mitah pawh min en ngam lo chuan hnuai lam a melh tlat a.








"Bawihi min enteh, engtin nge ilak ah ka thinrim tur ang khan ingaih theih zawk a?. Nang hi tihnat che ka phal tawh lo, ka hmangaih che a sin. Ka pa phuba ka la thei lo tur ang a ka suangtuah zawng ringawt pawh hian ka thawk a buai vek thei a sin. Bawihi min hrethiam rawh thil ti sual tu chuan hremna a hmuh ngei a ngai a lawm" ka tih chuan engmah a sawi tawh lo. Ka awmah chuan a rawn bei thlap a, ka hnungzang chu a rawn beng thek thek a. Emgmah sawi lo mahse hetia a awm hian ka lo nuam huai huai zel anih chu.









"Kan kal tawh dawn em niang? a rawn tih chuan ka mit chu ka meng chhuak riai riai a, "helai kawngsir ah hian kan din reng chuan mi in mak min ti lutuk a nge" a rawn tih leh chuan ka kuahna chu phelh in car lam ah chuan ka Kai phei a. Car chhung Kan thutfel chuan "Kan tha tawh em" nui ver ver hian min rawn ti, he tiang ang mihring rilru tha leh ngilnei hi an awm theih pawh ka lo ring ngai miah lo. Rinzam-in Angel ti hlir a alo ko thin te kha tunah chuan mak ka ti tawh hauh lo mai.








"Bawngkawn sairang peng kan chhuah chhoh chuan ka banah chuan min rawn khawih zauh a "Hospital ah kan pahnih in let leh ang, nangmah chauh a kalsan che ka duh lo a" a rawn tih chuan ka va melh leh zawk a. Kawngsir deuh ah chuan car chu ti ding in "Bawihi mu hahdam zawk rawh, ithiannu chuan eng em ati nang naktuk ah irawn phei zawk anga" ka tih chuan a lu chu min lo thin khum nar nar a.









"Ka muhil thei dawn chuang lo, diktak chuan Rinzami hawsan kha ka duh lo a. Josepha kha ka haw loh chuan a haw duh dawn si lo a chuvang a lawm engmah sawi lo a ka zui che" a tih chuan ka hnial buai duh ting lo, a sawi ang tak tak Khan Rinzami a ngaihtuah vang in a muhil dawn miah lo tih ka hria. Ka sana chu ka bih zawk a darthum a lo ri tep tawh a. Ka lam ah chuan pawt hnai deuh in a hmui ah chuan ka fawp leh vawng vawng a. Hospital lamah bawk chuan Kan tlanphei leh a.










Kanu te ho in Zorini nen min rawn hmuh chuan mak anlo tih hmel nasa mai, Rinzuali khan Zorini chungchang hi thalo tak tak in ka nu benghriat ah hian a sawi nasa a, ka nu hmel ah chuan Zorini nen Kan inzui lut min hmuh rual Khan lawm loh na ka hmu zawk a, mahse nu fing tak ani a engmah a lawm loh na atilang chhuak dawn lo tih ka chiang a. Nidang ah thil awmzia kala hrilhfiah ngei a ngaih hmel.







Nute-i chuan "Zorin tinge ilo let leh a? A lo ti nghal zat reng a. Minrawn melh zawk pah chuan "Nute ka thian tha ber dinhmun hlauh thawn awm ah a awm lai hian engtin nge ka lo mut bo mai mai theih anga" a lo ti ve vat a. "Josepha kha chu naktuk ah hna thawh ngei ngei angai bawk sia ka hnar haw thei hram a, Zorini hi chu ka hnar haw thei ngang lo anih hi" ka lo ti ve thuai a.







Engmah ti lo a thut ngawr ngawr chu a ninawm takzet. Zorini lah Nute-i bulah a thu daih bawk si, ka phone chu phawrh in msg chuan "Ka ngai che" tih chu ka va thawn ri ngawt a. Ka msg a en rual chuan min rawn melh vat a a rawn nuisak a. Msg chu a type ve nghal mial mial a. "I bul lawk ah ka thureng sia minla ngai cheu amaw? tih a rawn thawn let zat a. "Nute-i kha ka thik" tih ka thawn chuan a hmel awm dan chu ka lo en reng a at thlak tih hmel zet chuan min rawn melh a. Khawvar rak thleng chuan awmhmun ah msg in Kan in be char char a.










Zing dar nga velah Zorini ka va thlah a. A nu pawh a lo tho tawh a, min lo hmuh ve leh chuan "Bawihi zamtei chu enge a chanchin, kan ngaihtuah lutuk a mutmu pawh Kan tuah tha thei meuh lo" a lo ti nghal siam siam a. Zorin-in Rinzami dinhmun tlangpui chu a hrilh nghal zung zung a. A hmelah chuan Rinzami a ngaihtuah hle tih chu a lang reng mai. "Rinhlu thingpui in nghal rawh u aw, I chauh awm tehlul nen Mambawihi irawn thlah leh bawk sia" min rawn tih chuan ka hming a lo hria chu mak ka lo ti ngang mai.









"Mak iva tih hmel ve? Kanu hi chu a hriatna a tha teh mai ania aw, ka dam loh lai a ilo kal khan ihming ihrilh tawh kha" nui var var Chung a zorin-in a rawn tih chuan mak ka la ti tho mai. "Bawiha ka hriatna that vang em em pawh ani miah lo ania, ihming hi chu mambawihi leh josepha te ka atang in ka lo hre ve fo a lawm. In inhual na lah chu in thulh leh angai ta sia, a zialo khawp mai hun tha dang a rawn awm ve leh mai ang" a rawn tih chuan Zorini chuan min rawn melh zawk a.








Thingpui kan in lai chuan inchung step ah chuan hmeichhe raipuar a rawn pen thla chhat chhat a, ka hmel a rawn hmuh chuan phawk zet hian min rawn en reng a. Ka lo en ve reng avang chuan a awmdan chu a siam rem nghal vat a, Kan lam pan a rawn kal chung chuan "Uzorin ithian nu chu enge a antawh" a rawn ti nghal bawrh bawrh a. Zorin-in Rinzami chanchin a lo hrilh nghal vat a. "Bawiha Ngurpuii anih hi ka unau nu" a rawn tih chuan ka lo chibai vat a.









Zorini hian laizawn a neih ka hre silo a, Ngurpuii a tih hi ka unau nu a ti bawk si, a cousin a nih ka ring ve ta ngawt a. Thingpui kan inzawh hma deuh in kanu in min rawn call a. Rinzami harhchhuah tawh thu min rawn hrilh chuan ka ding chhuak zawk thei. "Zamtei a harh tawh anih chu" Zorini bulah chuan hlim zet in ka ti chhuak hluai a.









"Kal nghal ang" zorin-i chuan hlim lutuk hian a rawn ti nghal tut tut a, Rinzami a harhchhuah tawh vang chuan naupangchhia ang mai hian a phi cheng tawh. "In phihfai phawt la, a harh tawh rau rau chuan hman hmawh bak leng a kir leh nghal kher pawh a ngai chuang hlei nem" ka lo tih chuan "Anih chuan ka reilo ang" tih leh inchung lam a tlan chhoh a rual a. Zorini nu pawh chuan Rinzami harhchhuak leh a lawm zia chu a sawi ve mawlh mawlh a.









Nghah rei angai lo ngang mai, a kawr hak chu a rawn thlak a, t-shirh fual a chawn thleng vel arawn ha chhuak a, a banah chuan kamis tial a rawn bat bawk a. "Kal nghal mai ila" a rawn ti sep a nizan lamah a tlaivar tih a hmel ah a lang miah lo, a hmel chu hmuh anuam kher mai. Kan tlanchhuah rual chuan "I unaunu kha kava hreve lo ve? Ka ti nghal zat a. "Pathian min pek anih kha, a chanchin zawng zawng sawi dawn chuan a thui lutuk a. Kan intawn hma chuan hmeichhe vanduai leh mal tak ani a, tunah chuan a mal tawh lo kan chhungkua min nei tawh a" a rawn ti chhuak hliai a. A chanchin chu ka zawt thui duh ta bik lem lo a.









Damdawiin kan thlen chuan Rinzami chu cabin ah an lo sawn fel diam tawh a, kanu leh Pa puia te nupa chuan anlo thut bial laih a, Zorini nen Kan in zui lut min lo hmuh chuan min lo nuih var var a. Nizan lam ah nikhaw hrelo in a awm tih pawh a hriat loh, dam pangai ang var ani tawh.







Rinzami chuan "Nu Angeli leh Ubawiha anlo thleng tawh tho a, inlam ah va hahchawl tawh rawh u, engmah natna ka nei bawk si lo a" a rawn tih chuan "Ni e nute Zorini nen hian kan lo awmpui ang, in chau lutuk a nge ngaihtuah awm anih tawh loh hi" ka lo ti ve nghal vat a.









Kanu te chhuah fel hnu chuan Zorini nen chuan min melh tawn sek a, a khat tawk in a nui rah rah bawk a. Zorin-in "Enge khatia lawm loh a inuih reng a? A rawn tih chuan a rawn nui dir leh tlak tlak a. A mah ngaihtuah vang in zankhua in rilru hah reng reng in Kan awm a, a rawn harh ta cheng a, chhan awm hlei lo in a nui reng ringawt chu hriatthiam har tak ani.








"Ka nui a nih chuan nuih chhan ka nei ani ve mai a lawm, ka hlim lutuk hi ka nuilo theilo a lawm" la nui reng chung chuan a rawn ti a. Zorini nen chuan mak ti deuh in Kan inmelh a, a la harh chiang chiah lo anih ka ring rum rum bawk. A nih loh vek pawh in a tlukna velah a thluak a sawh khawlo te ani thei mai angem? Ka thil ngaihtuah vang chuan phawk lutuk in Zorini chu ka va melh a, ani pawh chuan ka ngaihtuahna ang chiah a lo ngaihtuah ve aniang, ngaihthat hmel loh fe chuan min rawn melh ve reng a.










"Khati Khan mak tih hmel deuh Khan awm teh suh u, ka tha vek ka thluak a buai miah lo ka thluak hi a fim mah mah zawk" a rawn tih chuan "I thluak a fimlo Kan ti reng reng lo che" zorini chuan a lo ti vat a. "In rilru in intia lawm, nang ni mimawl pahnih hian min tih mangan zia hi inhre der silo a, inrawn inzui lut ka hmuh cheu Khan ka lo hlim lutuk a ka nui lo thei lo, ka khi reng chu anih hi" a rawn ti chhuak barh barh a.









"La nui leh nghal suh, mintih mangan zia hi hria la chuan inui tawh miah lo ang mawle" tap teuh a zorin-in a rawn tih chuan Rinzami chu a nui tawp riai riai a. "Angel ka tih palh lutuk aw, i lungngaih na kha hlimna ah chantir ka duh viau a sin" a rawn tih chuan "I duhna chu tih hlawhtlin in a awm tawh hi, tunah chuan ka hlim tawh lutuk ka hlim hi ani tawp" Zorini chuan a lo ti vat a.









"Kha Kan va that tawh hmel si ve" rawn ti tu lam chu kan hawi rual thap a. Kawng ka bulah chuan inkhai bawr zet hian Josepha chu a lo nui vur vur a. Ka thian tha ber mah nise ka elpui ni a ka hriat tlat avang in Josepha chu ka lo lawm teh chiam lo. Kan lampan a rawn pen phei thauh thauh Chung chuan "Coffee leh a seh hmeh ka rawn lei chho nghal a, engmah inla ei ka ring lo a" a rawn ti nghal bawrh bawrh a.









Rinzami chuan "Val senior tih tak ah thil hi chu ingaihtuah kim teh zawng e, ka riltam tawh zia hi kan ei teuh anga ani mai alawm" a lo ti var a. "I dam lo sia engmah i eitheih ka ring lo a ka rawn lei kep ve reng reng lo che aw" joseph-an a tih chuan a tum nghal hmak a, Josepha din loh na lamah chuan a in let nghal thak a. Nuih za zet chuan Zorini nen chuan Kan lo en a.









"Khaih khaih khaih, ka fiamthu anih kha nangma eitur liau liau in a lawm heng zawng zawng hi ka rawn lei a, ei ve i phal loh chuan Bawiha leh Zorini hi chuan engmah an ei ve lo ang" nui hawk hawk Chung a joseph-an arawn tih chuan rang lutuk hian a rawn in let leh vat a. Rinzami khawsa zia naupangchhia lutuk vang chuan kalo nui leh suk suk a, min thihsan mai ang tih ka hlau thar leh hluah hluah mai.








Tukthuan ei hma deuh in Josepha leh zorin-in min haw san a, kei erawh chaun Nute-i te rawn kir leh hma zawng chu Rinzami ka lo awmpui a ngai dawn thung a. Joseph-an Zorini a thlah tur chu duh lo viau mah ila lo phal loh ringawt lah thil tih chi ani der bawk silo,, ka awm hi anuam thei ngang lo.









"Ubawih i rilru kha tihah lutuk duh teh suh, Zorini te chuan nangmah bak hi hmangaih a nei chuang hlei nem mawle, I thian pa thik hmel lutuk a i en kha ka hriatthiam loh iring emni? Kha tiang khan nagmah in tihhah vak a ngai lo ang" Rinzam-in min rawn tih chuan "ka thik bawk lo" ka lo ti ve ngei a, ka thik rapthlak mai bawk sia.







"Ubawih inpuanna tur ka nei a, ka hrilh che anga minhau miah suh aw" Rinzam-in a rawn tih chuan. A thil sawi hriat thiam loh hmel deuh chuan ka lo en deuh haw a. "Kha tia min melh run lo Khan min hau lo ang tih mintiam phawt la" a rawn tih chuan "Enge sawi phawt la" ka lo ti hmuk a.








"Nizan a nikhaw hrelo a ka awm kha ka tider a" a rawn tih chuan "Eng maw isawi a? Ka lo ti vak a. "Minhau suh ka tih reng kha, nangmah leh Zorini tan vek a ti ka nia lawm. Kha tia ka tih mai loh kha chuan Rinzuali kha inupui hual ani mai dawn sia, nangmah ni pahnih lah in in rem thei bawk silo a kha bak tih dan tur ka hretawh hlei nem" a rawn tih chuan ka nui chhuak hawk ri ngawt.









"I thil sawi kha iti takzet amaw? ka ti chhuak sup a. "Umm khatiang a ka tih mai loh kha chuan indam chhung in rilru na leh hreawm ti reng reng in in awm dawn tih ka hria a, zankhat chhung nikhaw hrelo a awm der a ICU a han awm chu thil tih zen zen chi ani maih lo, a hreawm tak zet ani mahse Zorini nen ka hmuh dun cheu khan ka lemchan kha a hlawh tling viau in ka hria a ka hlim khawp mai, ka hmangaih te pahnih inhlimna tur anih dawn phawt chuan, zankhat hreawm chu sawi loh kumkhat chhung pawh ICU a awm ka hreh lo" a rawn tih chuan ka lo thaw hawk a.










Kan unau hian kha inhualna kha thlen tir loh dan tur kan lo ngaihtuah ve ve a, mahse kan ruahman na erawh a dang mai chauh ani. "Ka thil tih vang Khan lawmthu min hrilh itum ve miah lo emni a? lungawi loh hmel deuh a Rinzam-in a rawn tih chuan ka lo nui suk a. A sam ah chuan va chul pah in "Ka lawm lutuk hi awm dan tur pawh ka hrelo anih hi, engtia khang thil te han ngaihtuah chhuak thei nge maw inih le? Ka ti hluai a.










"Ubawih nikhawhrelo a ka awm der chhung zawng Khan thil hriatchhuah ka nei a, ka chhung te ho in min lo hmangaih zia ka hre thar leh a, damdawiin Kan pan lai a zorin-in mangang lutuk a min tah khum lai khan ka rawn tho leh tep ani" a rawn tih chuan rum deuh hian ka lo melh a. "Khatiang thil kha fiamthu na chi ani miah lo ania aw, ching tawh reng reng suh" ka tih chuan min tum khum bar bar a.







Thutak deuh chuan "Mate Rinzuali kha nupui ah neih ka tum bik reng reng hlei nem, Nizan khan khatiang khan rawn awm lo mah lah inhualna neih pui ka tum reng reng lo, khatia irawn awm Khan ka ruahman na iti khawlo zo vek zawk a sin" ka tih chuan "Enge iruahman na chu, Rinzuali neih tak tak tum silo te chuan tinge Angeli rilru hah a isiam si, nupui inei tur Khan a ti â lo chauh sia" a rawn ti hmar hmar a.








"Ka thil hrilh tur che hi ngun deuh in lo ngaithla rawh aw, he thu hi keimah tih loh kanu leh Pa puia tak ngial pawh hian anla hrelo a, Rinzuali ka zui na chhan kha chu a pa saw ka chhui duh vang ania, a hmawr Kan bawk dawn tep ah nang hian ka ruahman na irawn ti khaw baw zo vek a, mahse Zorini nen Kan tan liau liau khang thil kha ti inih vang in ka ngaidam mai ang che" ka tih chuan mak tih hmel deuh in min rawn melh a.









"Rinzuali pa ka chhui chhan hriat iduh tiraw? Pa siama saw ka pa that tu anih vang ani" ka tih chuan "Pa te a kha accident nilo in Rinzuali pa sawn a that amaw? A rawn ti chhuak hluai a. "Ni e khang thil zawng zawng a thlen lai Khan inah Khan ka awm ve alawm, pa siama khan ka pa kha thah ah avau lai ka hria a, Kan in atang a chhuah hnu lawk ah ka pa kha thi chhawng in Kan chhar nghal anih kha, khatih lai khan finfiahna engmah ka nei lo a chubak ah naupang mai ka nih vang Khan ka hlau a engmah ka sawi chhuak ngam lo a, tunah chuan ka pa that tu ngei ani tih finfiahna zawng zawng nen ka nei vek tawh" ka ti hriam hrawih a.








"Ka hrethiam thei lo, pa siama chu patea thian tha ber ani sia, chubak ah tunthleng in Kan chhungkaw tan thian tha tak a ni reng bawk a" hriat thiam loh hmel deuh in a rawn ti chhuak hliai a.







" A dik a lawm, sawng anchhungkaw hausak na zawng zawng saw ka pa pawisa hmang a an neih vek anih saw, a thian pa pawisa a ruksak vang in nuam sa tak in michungah a len theih phah a. Nizan khan inhualna party ah Khan Kan misawm te hma ah mualpho tak a man tir ka tum a, nang lah in engmah hre lo in inhualna tihtawp tumin khatiang Khan chet ilo la ve bawk a" nui suk Chung chuan ka ti a.









"Tinge ahma Khan min hrilh ve loh? Tualthat tu leh a fa te zahna pawh nei lo a chapo tak a vakvel ho tlawm lai tluk a thil hmuh chak ka nei hlei nem" a rawn tih chuan Rinzami chu ka lo en vung vung a. "Mate finfiahna zawng zawng chu police kut ah ka theh lut vek tawh a, mahse Zorin-in phuba la lo tur in min duh ve thung a ka rilru abuai khawp mai" thaw hawk chung chuan ka ti sup a.








"Ka nu nen hreawm na min thlen zo zai vang khan thah ve ka chak lutuk, mahse tualthat em tur chuan ka huaisen tawk velo ania nge, a thil tih sual vang khan a chungah hremna natak pek ka duh, Khang Kan natna tawrh ang zawng zawng kha an chhungkua sawn tuar ve se, Kan thil lo paltlang tawh zo zai kha tawrh let tir ve ka duh" ka tih chhuak hrawih a.









"Chuthil chu an Chunga thil thleng ngei ngei tur chu ani, rawngbawlna kawrah hmang a hmai thinghawng anvuah saw phih thlaksak a hun ve tawh a lawm, midang an lo tihnat tawh na zo zai phuba chu lak in awm mawlh rawh se, an chhungkaw tlachhe lai chu kut kuang kuah in nui Chung a lo thlir tluk a chak ka nei lo" Rinzam-in a rawn tih chuan "Zorini ve thung chuan ka pa athah a vang in Pathian hming in ka ngaihdam thu hrilh tur in min duh ve thung a sin" ka lo ti sup a.










"He hmeichhe thinglung thianghlim lutuk hi chu aw, Rinzual-in a tih dan thin zawng zawng te ngaihtuah chuan an chhungkua tih mualpho a an awm lai lo thlir chu thil chak awm ber anih dawn vei nen hian, Zorini hi ka tawng lo ang tih hi ka van hlau em, ani hi awm lo se chuan vawiin ah hian nungdam in ka awm tawh awm si lo a" a ti vawng vawng a..cont





A ngaihnawm ngut lo ang, ka mit thip a zual a ka khaw hmuh a fiah lo ruai tawh mai...next ah chuan Zorini pov lamah kan lut leh tawh ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:09 pm

"A nih chuan engtia hmalak nge itum a? Rinzam-in min rawn tih chuan chhan na fum fe ka pe thei tlat lo, ka duh dan chuan, ka lo ruahman lawk tawh ang khan pa siama chu man tir ngei ka la duh fan, chubak ah nizan lam ah Khan Rinzuali te unau beng hriat ah Khan, an pa saw tualthah thubuai ah an man tur thu Chiang tak in ka lo sawi tawh a, engmah ti lo a ka awm leh si chuan an mizia ka en in min ngaihdan tur chu ka mitthla thiam sa ruak mai.










"Zorini sawi ang khan engmah ngaihtuah chiang hmasa lo a chet lak ringawt chu a fuh ber in ka hre ta lo, tualthat tu chuan a phutawk hremna chu a hmuh ngei a ngai dawn a, chu mi anih rual chuan kanu leh i pa bulah engkim thudik zawng zawng hi Kan hrilh hriat hmasak phawt angai ang, in rin lawk na pakhat mah awm lo a he thu rapthlak zet hian ka nu a deng anih ngat chuan, phuba lak Kan tum na lam ah hian kan ropui lo viau mai thei ani" ka ti a.










"A dik a lawm, Nute-i Kan lo ngaihtuah thleng miah lo a, ruahman lawk ang in nizan ah te khan thil thleng sela chuan rilru nat luat vang in Nute-i hi nikhawhrelo in a awm theih hial in ka ring, chhungkua in rawn tlang ila upa zawk te zai ngai a rilru ngaihtuah na fim pu chung in he thil hi Kan tih angai ang, thu ho mai mai leh palzam mai chi ani silo a" Rinzam-in a rawn tih chuan athu sawi chu dik ka ti viau bawk.










Rinzuali te lam erawh anreh zui hmak a, thudik Kan hriat chhuah tawh vang hian tunah chuan rilru hah leh mang ang deuh in an awm ngei pawh ka ring, eng ang pawh in lo inven tum ve mahse an tlai tawh mah mah ani, ka pa thih dan chung chang a ka hriat duh ang chi chu ka hre vek tawh a, mi chapo te hnuh hniam hun chu a thleng ve dawn ta anih hi, chutiang nilo se chuan tun thleng thleng in an reh ka ring hauh lo.












Rodinpuia pawh ka be tawh a, kan ruahman lawk ang a thil a awm tak loh rau rau ah chuan hman hmawh vut vut lo a chet lak a that zawk ka rin thu ka hrilh a. Dinpuia pawh in " kum tamtak liam tawh a thil thleng anih vang hian thil tih zung zung a harsa tawh dawn a, kan fimkhur viau chu angaih ka ring chubak ah kan beih tur te hi mi namai lo tak anni a, an hausak na hian nasa tak in tanfung a neih tir dawn tih hi kan hriat lawk a ngai a, chu mi anih rual erawh chuan kan finfiah na neih a tang erawh hi chuan engti kawng zawng mah in a tal chhuak thei hauh lo thung ang" a rawn ti a.









Tun anglai khawvel ah chuan thudik hi a dingchang hlei thei tawh thin lo, sum hian thudik a din chan tir thei lo thin a. Mi rethei leh harsa deuh tan phei chuan rorelna dik tak hmuh hi a harsa tawh em em a, mahni dikna ah pawh thiam loh chantir in an awm leh mai thin. Mi hausa leh neinung tan erawh dân hian awmzia a nei vak lo, an hausak na leh hmingthan na hmang in engkim an chingfel zung zung mai thin.









Zorini vang liau liau in finna leh remhriat na ka neih phah ka ti lo thei lo, ka pa phuba lak ka duh lutuk na lam ah hian kan chhungkua thleng in kan tawrh phah thei tih lam lam reng ngaihtuah na chang ka lo hre miah lo, ka thinrim na hian ngaih tuah na fim min neih tir thei lo a, enge thil thleng zel tur tih lam dawn miah lo in ka lo kal ve mawp mawp ringawt tih na a nia. Thinrim na leh huat na hian kawng dik lo lamah min lo hruai peng thei viau tih ka hrechhuak bawk.









Doctor in zankhat tal damdawiin ah la awm turin min ti mahse, engmah dam loh na hran Rinzam-in a neih miau loh avang in, chhun lam ah damdawiin atang kan in la chhuak nghal a. Rinzam-in kan inhualna tur min dan a tum vang a na der a ni tih hi, Kan chhungte leh Zorini beng hriat ah a thawi pawh in Kan sawi lang ngam lo hrim hrim.










Ka nu leh ka pa puia bulah thu pawimawh tak sawi tur ka neih thu ka sawi chuan, Kan inhual na chung chang ka sawi pui dawn emaw an ti a. Kanu in "Bawihpui inhual na tur kha chu hetia Kan thulh a nih rau rau chuan. Pu siama te chhungkua nen a hun leh ni kan rel that leh a fuh ber ang" a lo tih chuan " Nu inhual na chung chang kha chu ngaihtuah pawh ngaihtuah buai duh tawh suh u" ka lo ti hmuk a.









Ka thusawi mak tih hmel zet a kanu in "Bawiha enge ithil sawi awmzia kha? Rinzuali nen chuan inhual na inneih ngei chu a ngai sia lawm, chhungkua in ruahman na Kan siam vek tawh a. Nge inhual lo a inneih nghal mai induh zawk? A rawn tih chuan Rinzami chuan. "Nute Ubawiha thusawi kha a dik a lawm, a thusawi tur kha lo ngaihthlak sak ve phawt mai teh u, mahse nute ithuhriat tur vang hian i intih pa chan hram hram angai dawn ania" a rawn ti ve vat a.










"Eng thil nge chutia intih pachan ngai tur khawp a thu lian tham chu sawi reng ta cheu" pa pui-an a rawn tih chuan ka thusawi tur ngai chang chuan an vai chuan min en thap a.








"Nu, pa pui ka pa kha accident vang a thi ani hlei nem, thah a nih kha" ka tih chuan maktih vang in anlo ka hau thei. "Bawiha chutiang thil te fiamthu thawh na chi pawh anih loh tawp chu, kum tamtak liam tawh a thil thleng tawh ania, engtia chutiang thil rawn sawi chhuak leh nge maw inih le? Pa pui-an min rawn tih chuan "Ka fiamthu lo ka pa kha thah ania lawm, kha thil thlen lai khan ka awm ve reng asin, ka pa kha athian pa siama nen nasa tak in an inhau a saw ramhuai pa sawn ka pa min thah sak a lawm" ka ti zo chu ka nu chu thuthlenga tang chuan a tla nghal hnawk a. Hei chiah hi ani Zorini lo sawi lawk kha, kanu hian a tuar thiam dawn hauh lo tih hi.










Pa puia nen engkim kan sawi dun a, tual that tu anih miau vang in pa siama pawh man tir chu Kan pafa thu thluk na ani. Ka pa min thahsak vang khan kei chuan he khawvel ah hian pa ti a kohtur ka nei ve tawh lo, ani erawh chuan jail a tang dawn a ni mai a, Kan nufa lak a athil tih sual ngaihtuah chuan a lak a phuba ka lak ve na chu nep tak ani.






Zorini...pov








Rinzami a rawn tha chhuak leh chu ka thinlung tak in ka lawm a, chu mai bak ah Rinlua nen Kan inkar buaina zawng zawng thawk leh khat a akiang ta duak mai chu ani, hmeichhe dang kut vuan tur in ka thlah liam dawn emaw ka tih vang in ka na em em a, mahse ka lo beisei miah loh thil chu rawn thleng in. Rinzami ti Khan a awm leh ta bawk si a, chuta chhap ah Rinhlu-an Rinzuali nupui atan neih a tum tak tak loh thu leh phuba vang chauh zui ani tih min hrilh khan ka hlim rual in mak ka ti em em a, Rinhlua hian a thinrim lutuk vang hian khua hmu lek lo in chet a la ang tih ka hlau em em bawk a, phuba la lo tur in ka thurawn nghe nghe a, mahse ka dan theih tak tak ka ring lo. Rinhlua ang mipa rilru lian leh luhlul lutuk thinlung hneh sak chu thil theih loh tluk ah ka ngai.









Tuk pumin damdawiin ah Kan awm a, tukthuan eihma deuh in joseph-an min thlah phei a, Kan Kal dawn a Rinhlua hmel awmdan Khan ka nuih a ti za viau bawk, a thian pa a thik lutuk vang Khan a hmai te kha a sen vek thei ania, hetia kan inkar a that leh tak ah hian a pangchang thar ni ber in ka hria, a thikthu a chhiat viau hian nuam ka lo ti zawk, min hmangaih ve takzet ani tih ka hriat chian phah bawk a.









In ka thlen chuan Josepha pawh rawn lut kawi lo in a tlan chhuak leh nghal a, ka chhung ten Rinhlua nen Kan in zui haw ngawt chhan chu hriat chak lutuk in minlo zawt nghal chul a. Ka hmel a hlimna chhiar sen loh awm hi ka chhung te hian an hai lo nasa lutuk tlat. Rinhlua nen kan inkar thu chu zep nei miah lo in ka hrilh nghal vek a.









Ka pa in "Mambawih ka tih reng kha. Pathian in Kan tawngtai na te min tih thlawn sak loh zia chu chiang takin a rah kan hmuh nghal mai hi. A lam a rilru diktak pu tu chung ah chuan a chak zia tilang tur in min kalsan ngai hlei nem, remchang hmasa ber ah Rinhlua chu chaw ei ah sawm la in hmelhriat tirna fumfe zawk in min neih tir ang chu" a ti dam duam a.









Mang ang tak chung in Lalpa ka au a, ani chuan ka tawngtai na tlawm tak kha min lo hriat sak reng tih a tak a ka hmuh a vang in ka lawm em em a, Kan room lamah tlan chho in Pathian hnenah Lawmthu sawi in ka tawngtai a. Rinhlua te nufa tan leh Rinzuali pa tan ka tawngtai bawk a. An mahni tanpui thei lo mah ila tawngtai pui hi an tan ka tihtheih sang ber ani tlat.











Buaina chhete te ka tawh zawng zawng hi ka chhungte kiang ah ka thlen ngai lo a, nizan a Rinzuali nau te min tih dan zawng zawng pawh kha engmah ka sawi chhuak lo, ka chhungte hian min hmangaih a ka lungngaih chuan ka chhungte hi an lunngai ve nghal ani mai a, chuvang chuan min in min chirhthehna zawng thu nawi eng eng emaw hi chu kei mah in ka pai tawih ve mai thin.











Chhun thingpui kan in lai in Ufela a rawn lut hlawl chu phung hmu ang mai in Kan lo en thap a. "Enge kha tia hmuh thiang loh hmu angmai a phawk deuh chuan min en reng hlawm a? Nui vur vur chung a arawn tih chuan "I rawn haw tur thu engmah isawi silo a, tinge engmah irawn sawi loh kalkawng ah te tawh sual rawn tawk ta la engtin nge kan awm anga?, engmah min hrilh lawk lo a hetia rawn haw hi ching tawh miah suh" kanu chuan a lo ti hlak hlak a.











Ni e kanu rilru tur chu ka hriatthiam pui khawp mai, Kan zin dawn reng reng in kawng lak ah tawh sual Kan tawh loh nan Pathian hnen ah min hlan thlap thin a, hei hi chu anlo chin than tawh anih vang in Ufela Khan a rawn haw tur engmah a hrilh loh vang in, kawnglak a himtak a a rawn Kal theih nan anlo tawngtai pui silo a kha tiang a lo hau ti tih kha ania.










"Nu kalo thlen tawh hi, nidang ah chuan ka hrilh ziah tawh ang cheu. Thil pawimawh vang in hman hmawh tak a ka rawn chhoh rum rum angai a, ka rawn be hman ngang lo cheu anih hi" Ufela chuan beng pawt zauh chung chuan a ti a.









"Eng chung chang ah chuan maw chutia hman hmawh bak leng a irawn chhoh a? Ka pa in Ufela arawn tih ve chuan, chhan na fumfe a pe thei tlat lo a, kanu leh Pa te hi dawt an hrilh ngai miah lo a, enge maw thil zep a nei tih chu a hmel buai deuh nak ah chuan ka va hrethiam mai..."Pa zanlam ah ka rawn chhoh chhan dik tak chu sawipui cheu ka duh a, hun tlemte min pek hrih ka mamawh ania" a rawn ti sap a.











A tawng lai te chuan a confi lo ngawih ngawih, ka unaupa fel lutuk hi engthil chiah chuan nge lo ti buai tih hriat chu ka chak viau bawk a. Ufela ka lo en reng lai chuan "Mate lo Kal teh inbiak Kan ngai ania, iroom lamah han chho lawk teh ang" min tih chuan nui vur vur chung chuan "Nang hi idik miah lo ania, sawn te hi ilo thlak ani mai lo maw? Ka tih chuan ka lu ah chuan a rawn nam bu lawp a.










"Mawl loh loh hian mawl teh suh" min rawn tih chuan kanu te pathum chu an lo nui char char a. Ka pa pawh chuan "Mambawih khatiang thil kha chu fiamthu na chi ani miah lo ania,. I u kha pastor hna zahawm tak chelh mek tu anih kha, chu tiang thil ah chuan a fihlim tih ka chiang a lawm" a lo ti ve vat bawk a.








"Sawi tawh suh u, engtin nge khatiang thil in ngaih tuah theih zawk" Ufela chuan a rawn ti bai bai a ka ban rek ah chuan rawn vuan in chho vat teh ang tih pah chuan min kalpui hlawk hlawk a.
"Room kan luh ruah chuan "Enge min sawipui iduh a, a va pawimawh awm ve? Ka tih chuan a thil sawi tur chu a sawi chhuak huphurh deuh a niang a thaw deuh hulh a.









"Khatia thaw hulh hulh lo Khan sawi tur chu sawi vat teh ka hre chak tawh ania" ka tih chuan min rawn nuih suk a.









"Mate Rinzami enge a chanchin, kanu in nizan Khan nikhawhrelo in a tluk thu min rawn hrilh a" a tih chuan "Chu vang chuan mamit atang in irawn tlan haw vang vang amaw? Mak ti fe chuan ka ti chhuak phawng a.










"Khatiang Khan mak ti viau lo teh. Rinzami nen Kan inkarah hian inhip tawn na riau kha a awm tlat a, Kan in hmangaih dun tih ka sawi na anih chu, engmah a la hrilh bik lo che a nih hmel imeng phawk danah khan" a rawn tih chuan mak ka tih luat vang in kalo nui hawk hawk a.









"Ka unaupa leh ka thian thaber maw? Nuam dawn lutuk ka lawmpui lutuk che" tih pah chuan ufela chu ka va kuah chang chang a. Ka inlakhran rual chuan "He thu hi engtia rei nge Kan lak ah hian zep itum a?, Rinzami pawh in engmah a sawi bawk hek lo, ka lawmlo ka laka thuruk inzep vang hian" titau aw deuh chuan kan ti tha leh hnuhnawh a.










"Mate zamtei nen Kan pahnih in Kan inkar thu hi hrilh che kanduh a, ka rawn haw remchan ve leh hrilh che Kan lo tum reng a lawm, mahse zamtei hetiang a nih tak ah chuan tum ang in Kan awm thei dawn ta lo anih hi, zamtei chu min va hmuh pui vat angai ania. Ka hlauthawng takzet tih ka hmel ah hian ihmu thei mai lo emni? A rawn tih chuan ka lo nui hak a.











"I van mawl tak em, min rawn call mai tur che ania, min ran call nachang chu hria la, ibialnu chu a harh tawh a damdawiin a chhuah san fel tawh tih ka lo hrilh mai tur che hi ania" ka tih chuan a lu chu a tuai deuh puat a. "Aaa chutiang si se ka ngaihtuah kil kel hman tawh lo, ka hlau thawng lutuk tih chiah hriat ka nei tawh a lawm" nui vur vur chunga a rawn tih chuan "Chu Pathian hnen ah ihlan miah lo tihna emni? Ka lo ti vat a. "Mate iho thei emai, chung te em em theihnghilh turah min ngai emni? zamtei chanchin ka hriat rual rual Khan thingthi in Pathian hnenah ka tawngtai nghal vek. Pathian ringtu ka nih hi" a lo ti ve sup a.










"Ka unaupa Pathian rawngbawlna chiah rilru a pethin khan, hmeichhia alo buaipui ve ta hi awih harsa ka la ti viau mai. U engtik nge anu te i hrilh ve dawn ibialnu neih thu hi? ka tih chuan an zam hmel em em khawp a. "Khatia zam chiam a ngai lo, mihring te chu Pathian in nupui pasal innei a chi thlah pung tur a asiam kan nih hi, keipawh ka hmangaih nen Kan inkar engkim ka hrilh vek tawh, Pathian hnenah min tawngtai pui a Kan buai na pawh a fel vek tawh" ka tih chuan "mate bialpa inei maw? Min rawn ti hluai a.










"Umm nizan a tang khan bialpa ka nei ve alawm" ka tih chuan awih loh hmel lutuk chuan min en a. "Ka ring thei lo, ka farnu neih chhun hian bialpa a nei ve tih hi" a rawn tih chuan "Bialpa ka nei ve thei lo turah min ngai deuh emni? Mihring ve tho ka nih hi, nula ka la nia nula ah pawh hmeltha leh pianthiam, ka bialpa nih chak hian tlangval tam tak an rawn in tlar thup reng a lawm" in ti thei deuh chuan ka lo tih khum a.










"Mahse mate ngaihzawng ineih chuan irawngbawl hna hi ihlamchhiah phah ang tih ka hlauh thawn pui deuh che ania, setana hian Kan pan na lai te ah hian ringtu te hi min rawn bei chat zel ania, fimkhur hle rawh aw" min tih chuan "Ka hria a lawm, chutiang kawng ah chuan min ring thei ang, thlemna a tam poh leh tlanchhuah na rem chang a awm zel a lawm. Ngaihzawng vang mai mai a ka rinna ka ti chhe dawn anih ai chuan, ngaihzawng ka nei lo mai ang. Khawvel ah hian Pathian ai a thlan tur thil hlu leh tha reng reng a awm ka hre ve lo" ka tih chuan "Nang hi chu ivan ropui tak em, Pathian hian finna leh remhriat na tam tak in mal a sawm che anih hi" a rawn ti sup a.








"A nih chuan inbual fai vat la, ithinlung Lalnu hmutur a kan kal vat angai ania, irawn haw thu te ihrilh tawh hrim hrim em? Ka tih chuan "Engtin nge ka hrilh anga? a biak theih loh kanu in a tih vang in biak tinah ka ruat lo hrim hrim a lawm" a tih chuan "Aw le Kan va surprice anga ani mai a lawm, in in hmu khat sia a lo lawm viau in ka ring. Nge nang ni pahnih hi kan hriat loh hian inlo in hmu ru ziah zawk? Ka tih chuan rum tawk in min rawn melh a.








"Bialnu chu ka nei ani maithei, ka rawngbawl hna kalsan tur khawp chuan bialnu ka neih duh ilo ring reng remg emni? Mi hi ingaidam thei emai aw" a rawn tih chuan "Ka rilru hi a thliarkar rilru riau a, engkim hi ka ngaidam nghal zung zung zel Rinzami nen inlak ah ngat phei hi chuan " kalo fiam zui zat a. "I sawi zo tawh em ka inbual tawh dawn" a rawn ti chul a.








Kanu chuan gate thleng in min rawn thlah a. "Felte engthil pawimawh nge tihtur inneih chiah le?, inau ila hruai tel leh nghal a, nizan a tlaivar a mut hahdam a mamawh viau a sin mawle" a rawn tih chuan Ufela bullet hnung a thu vang chung chuan "Nu Kan unau hian Kan in date dawn mawle, zanah thu lawmawm ngaithla turin lo in buatsaih rawh u aw, chuan nu Ufela sa ngainat ber kha tlai ah lo siam bawk la, thil lawmtur Kan nei a nia" nui var var chung chuan Ka lo ti a.









"Engthil tak chu ni maw? Min hrilh tlang ve mai mai ula, nileng in hrechak deuh a min awmtir kher chu enge angaih na awm a? A rawn tih chuan "Nu Kan Kal a nia lo inbuatsaih tha la" Ufela pawh chuan nui hawk hawk chung chuan a rawn ti a.









Chhungkua ah hian nu leh pa te mawhphurh na San zia hi Kan hriat a pawimawh, nu leh pa te hian an fate enkawl na kawng ah hian Pathian rawn Chung zel a an kal chuan, nu leh pa te leh fate inkar ah inpawhna thuk tak a awm thei anga, fa ten nu leh pa te an kawm ngeih loh a anlak a an thuruk pawh an hrilh ngam lo anih chuan kawng diklo an zawh vat thin, chhungkua hlim leh inngeih tak ah kan awm phawt chuan. He leiah hian vanram Kan lo tem lawk ani mai hian ka hre thin.







Rinzami te in Kan thlen chuan, anlo reh teh thap a. Damdawiin atang in an chhuak chiah sia inleng an lo neih ka lo ring ve deuh ngawt a, mahse tumah an awm lo emaw tih tur khawp in an lo reh deuh thiap bawk sia. Ufela lah chu a zam hmel nasa mai bawk si, ka phone chu phawrh in "Kan call chhin ang aw" ka phone lek kang zauh Chung chuan ka ti a.







Rinzam-in phone a lo pick rual chuan "Inah i awm em? ka ti nghal thawr a. "Awm e, ilo lengdawn emni? Anu te an chhuak vek a, mut hahdam iduh ka rin vang in leng tur in ka rawn sawm ngam chiah lo che a, ka khua ahar khawp mai. Chubak ah nizan thil thlendan chung chang vel pawh min hrilh tur ineih ka lo ring ve ngawt a" a rawn tih chuan ka lo nui hak a. "Ka hrilh chak tawh lutuk che hi ka za zek zek tawh, ka rawn Kal a kawngka bulah ka ding mek" ka tih chuan "Awi ivan fel tak kalo ngaihtuah mek lai che in irawn kal a, Ubawiha leh ka pa pawh police station ah an Kal a, ka room ah rawn tlang nghal mai rawh aw" a tih chuan phone ka dah nghal a.











Nui var var chung chuan Ufela chu ka siai zauh a, a chhungte an lo chhuak vek a, ka tih chuan "A damlo ani lawm ni an va ngaih sak lo ve" a lo ti hmuk a. "A tha vek tawh a lawm, engmah natna anei tawh chuang lo a, chubak ah thil pawimawh lutuk chinfel tur an nei a" ka tih chuan inchhung ah Kan in zui lut nghal a.







Rinzami room a ka pen luh rual chuan min lo nuih var var a. "Angel lo Kal vat teh nizan khan engthil chiah maw thleng a? Arawn tih chuan ka lo khap vat a. Khum a tang chuan kai thla in room kawngka lam hawi chuan ka dintir a, ka kut chuan a mit chu ka hup sak nghal zat a. "Angel nang hi enge itih hi? a rawn tih chuan "Ka surprice dawn che mawle, number pakhat a tang sawm thleng ichhiar angai ania, chhiar tan rawh le" ka tih chuan "I van naupang chhia tak" ti chung chuan thu awih tak chuan a chhiar ve mai bawk a.








Ufela chu kawng ka ah chuan nui vur vur chung hian a rawn lut a, Rinzami sawm a chhiar chiah chuan a mit ka hup na chu ka la thla a, a hma ah Ufela lo ding a hmuh chuan a hmui chu a hup chawt a, hmai sen tawn tawn chung chuan Ufela pawh ngaih sak lo chuan min rawn en a. Nui sang Chung chuan "Ka surprice na che chu ilawm vak lo emni? Ka lo tih chuan lai lutuk hian Ufela chu a va melh a, Rinzami awmdan chuan ka nuih a ti za ngang mai.







"Nangmah ngaihtuah em em in ka rawn haw ve vang vang a, min kuah dawn miah lo emni? Ufel-an a rawn tih chuan "Ahh ka lo beisei ngam miah lo che a, ka hmu thut che a ka hamhaih a lawm" a rawn tih chuan Kan lo nui vur vur a. A hmel ah chuan a hlim zia chu ka hmu thei, Kan thut fel hnu pawh chuan tleirawl ang mai chuan a la lai deuh tut a.








"Nang ni pahnih hian in inkar thu hi ka lakah hian engtia rei nge zep inlo tum reng reng a? Nui duh miah lo chuan ka ti a, Rinzami chu a in thiam loh hmel ngang mai. "Mate ithiannu hi tibuai reng tawh lo teh damlo anih hi" ufel-an min rawn tih chuan ka lo nui hawk hawk a. "Anih chuan inhnuai lamah ka lo zu chhuk ange, chance pek in ngai in ka hria, mahse chi thlah awih loh" ka tih chuan Ufela chuan "A mak e mate, khatiang zawng Khan fiamthu thawh ziah suh" min lo ti hlur a.










"Aw le aw le ka hria e, ka kalsan tawh ang cheu, inhun neih tlem te hi am tak in hmang rawh u, inhun a intan e" ti chung chuan Ka chhuah san nghal daih a. Keimah a ka awm chiah chuan Rinhlua ka ngai kher mai, ka be chak viau na in a buai viau ka ring bawk si, zing atang Khan vawikhat mah min rawn be leh tawh miah bawk silo a, han biak hmasak ringawt lah ka ngam bik chiah silo. Ka tih tur hrelo chu sofa ah chuan ka mu ar ar a, nizan lamah ka tlaivar vang chuan mut chhuak in min rawn zem chiai chiai a ka muhil nghal daih a.










Ka bul lawk a nui hak hak leh phun deuh sep sep a rawn awm tak ah chuan Chiang lo ruai hian ka harh a, ka nghawng chu a lo na ngang mai, ka mit ka men rual chuan, ka mutna ep chiah sofa ah chuan ka u leh Rinzami chu insi rial hian an lo thu dun a, min lo nuih vur vur a. Ham bai bai chung chuan "Ka lo muhil daih a lawm mawle, ka rawn bihthla ang che u ka tia sin le" ka nghawng tuai nauh nauh pah chuan ka ti a.









"Nula ve si hnar ring lutuk khatiang te chuan tunge nupui ah nei duh ang che" Ufel-an a rawn tih chuan "Maw ka hnar maw? Ka hnar ngai der silo a avan mak tak, ka mut dan a rem loh lutuk vang a ni chiang mai, min kaih thawh mai tur cheu alawm" ka tih chuan "Angel i u hian a fiam mai mai che anih kha" Rinzami chuan min lo ti vat a.








Sana ka en chuan a lo tlai tawh ngang mai. "E he ka lo muhil rei hle mai, ka nghawng nat dan em em hi mak ka ti reng a. U kan haw tawh mai dawn emni? Bazar ah penkawi lawk Kan ngai dawn sia" ka tih chuan Ufela chuan "Nia Zamte kan haw tawh mai ang, lo in enkawl tha rawh aw" a tih chuan Rinzami chu a lo bu nghat nghat a, inkai rial chuan Ufela nen chuan kawng ka lam an pan dun a. An inhmeh tak zet pumkhat a an insiam hun tur nen lam ka lo mitthla thleng hman vek pek a.









Ufela hnung a thu chung chuan Rinzami chu ka bye bye lauh lauh a, bazar lam pan chuan Kan tlan thla nghal vuk vuk a. Ufela kawng ah chuan kuah in a darah chuan ka bei deuh tlan a. "Zanah ibialnu chu i va rim leh dawn em? a beng bul ah chuan ka va ti sar sar a. "Engtin nge ka len theih tawh ang, kan chung chang hi kanu te hnen ah ka sawi angai a lawm" a rawn tih chuan ka lo nui hawk hawk a. "Aw iduh te chuan va rim tho la, in inhmu khat ve angreng bawk sia" ka tih chuan "Naupang chhia pawh Kan ni tawh hlei nem, chutiang a awm thei lo rual pawh Kan ni tawh hleinem mawle" a rawn tih chuan ka chal chuan ka va tauh dat a.









Bazar thlen hma deuh chuan a bullet chu a park a. "Enge bazar ah chuan tih tur Kan neih a? Mi in ka bualnu emaw antih leh che iduh vang zawk nge" nui hawk hawk chung a arawn tih chuan a ban ah chuan ka lo chum taih a. "Ka bazar pui peih che hi lawm hle rawh, ka bialpa lak chuan nang chu dumka ang vel ini ang chu" ka tih chuan za zet chuan anui chhuak a. "Ka makpa tur chu ka cham chhung hian hmuh ve hman hram ka duh ngawt mai, chutia ka nau lo duh ve tu chu engtiang tak a mit kalh nge anih hriat ka chak" a rawn tih chuan ka hmui ka lo ti pawrh vak a.








"Tak tak in mate zanin ah lengtur in sawm la, min in hmelhriat tir ve dawn lo emni? Ka hnar piai zauh pah chuan a rawn ti a. "A mak e tinge ka hnar hi in piai ziah a, ka hnar inti tawk zo vek dawn" ka tih chuan "I bialpa in ihnar a piai thin ani chiang mai. Ihnar kha tlem in kha ai khan tawk deuh se chuan ihmel tha sawt ang" a rawn tih chuan "Ninawm e, Kal ang" ti chung chuan a ban ah chuan ka kai a.









Bazar ah chuan chawhmeh chi hrang hrang chhe har deuh tur ka lei teuh a, sa rep ka lei nual bawk a. Ufel-an "Enga tan nge khang thil kha ilei chiam a? A rawn tih chuan ti Khan lo khai mai mai teh" ka ti duh lek a. A hawn tur a ka lei ani reng sia, a mah chauh a a awm vang hian thil a eitha lo ang tih ka hlau a, mahni a chaw ei hi chuan eitui a har thin bawk si chawhmeh tui hnai tak tak ei se ka duh vang ani. Utetea pawh kanu hian a khat tawk in chawhmeh a thawn fo thin a, nangmah ni chiah a in awm hian ngaihtuah cheu inti na zual nupui nei vat ula a tha ang ati ziah zel.








In Kan thlen meuh chuan tlailam dar nga a lo ri fel der tawh a, ka nu chuan kan thil lei chu a lo rem fel sawk sawk a. "Inrawn bazar rau rau chuan Tetea thawn tur rawn lei nghal tur cheu a lawm" a tih chuan "Ka lo theih nghilh chiang lutuk, Ufeltea hi a lawm a lo phun peih lutuk a duh ang pawh ka lei hman hlei nem" ka tih chuan "Nu min puh chhe mai mai anih kha. Bazar ah a bialpa ang mai in min pawt kual char char anih kha" nui ruh ruh chung hian a lo ti ve a.








"Unau inni tih hre miah lo in hmu dun ve cheu ila chuan kei pawh hian in ngaizawng ah ka ngai ve hrim hrim ang che u" Ngurpuii chuan a rawn ti ve bawrh bawrh. "Ngurpui a bialnu emaw min tih ziah vang hi ania min chhuah pui phet a tum thin" ka lo tih chuan Kan chhungkua chuan Kan nui dar dar a.








Nileng a Rinhlu-an min rawn be miah lo chu ka ngaih a tha zan tawh lo, a buai viau anih pawh in reilo te tal pawh min lo biak ve ka beisei a. Mahse msg tak ngial pawh min hnut chhiah miah lo. A pa that tu chung chang ah khan a la buai anih ka rin na chuan tlem in ka awm a ti nuam ve deuh a, zanriah ei Kan hman tawh avang in Ufel-an chhung inkhawm hun serh a hmang a...chaw ei lai chuan "Pa uzohminga te pawh ka la tlawh hman lo a, an naute thar pawh han hmuh ve ka duh bawk nen naktuk zing ah ka chhuah hma in han Kal lawk ang aw" a tih chuan ka pa chuan "Ni e in lo haw chhun ah hi chuan in tlawh hram hram angai a lawm, chhungkua pawh ni mah ila han inhmuh khat lutuk hian in ngainatna te a kiam phah thei a" a lo ti chuar chuar a.








Zanriah eikham a thleng vel Kan tih fel vek hnuah pawh Rinhlua a la reh vung vung a, ka mang ang deuh tak tak tawh a. Msg chu ka va thawn ta ringawt a. "I pa chung chang in buaipui tih Rinzam-in min hrilh a, ila buai viau em? Ka ngai tawh che ania" ka msg a en vek a min rawn reply miah lo chu mak ka ti viau tawh. A online reng tho bawk si a, min fiamkual anih te ka ring leh rum rum a. Tah chhuak teuh chuan veranda ah chuan ka thu reng a.








"Mambawih inchhung lamah hian rawn lut teh, ilo ti ho teh ang u" ka nu in min rawn tih chuan ka phone chu ka kawr ip te ah chuan ak in inchhung ah chuan ka lut nghal vat a. Living room ah chuan an lo thu Kim thap tawh a, ka va fin phei chuan Ngurpuii chu a rawn tho vat a "Room lamah ka lo han chho ange" a rawn tih chuan kan vai chuan Kan en thap a.









"Ngurpui thu leh rawh, khatiang Khan in thlahrung lo tur in Kan hrilh fo thin che kha, keini hi ichhungte Kan ni tawh. Chhe te mah in kan fa hrin te nen hian enhran na che Kan nei lo, he chhung kaw mi leh sa diktak ini tih in hre reng tawh rawh" ka pa in a rawn tih chuan Ngurpuii chu a thu leh zal zal a, in thlahrung lo tur a Kan hrilh ngun teh reng nen hian nau a lo keng vel nen hian, in kiltawih na chin a nei leh zel thin hi kan mangan na pakhat ani.









"Felte enge irawn haw chhan diktak chu min han hrilh tawh la, rawngbawl hna pawi mawh tak chelh tu ini a, thil ho mai mai ah chuan i inham buai duh chu ka ring lo a, i bial chhung kohhran ho te thlarau lam nun thatak a en kawl hi imawh phurh na liau liau ani a. A pawimawh ber ah chuan tawngtai hi kan thlah thlam thiang lo a, bang lo in ibialchhung mipui te tan itawngtai sak reng a ngai ania. Hman ni pawh Khan Hmunsam kohhran upa nen kan in hmu fuh a, a fak nasa khawp mai che a, midang te ka atang a fakna dawn hi a hriat a nuam em em rual in. Fakna hi Kan tan thlem tu a ni tih hi Kan hriat reng a ngai ania, chutiang bawk in sawichhiat na pawh Kan lo dawng anih pawh in hnual phah nan hmang mai loin mahni insiam that nan leh in enfiah nan Kan hmang hlauh zawk tur ani, Mambawih, Ngurpui ka thusawi te hi Feltea tan chauh ani lo ania aw, nang ni pawh in vawng tlat ang che u" a tih chuan Kan lo bu tliar tliar a.









Ufela chuan "Nu, pa ka rawn haw chhan dik tak chu, zamtei kha ania Zamtei nen Kan inkar thu hi , phone atang ringawt a hrilh cheu ka duh loh vang in engmah ka la rawn hrilh duh lo cheu a. Kawppui Kan thlang dawn anih chuan nang ni hian Kan tan atha tur chu keini ai chuan inhriat ka ring zawk bawk a, zamtei hi ka kawppui a tan a tha tawk angem tih ah hian nangni hian thuthluk na min siam sak ula ka duh a, keimah ni pahnih inkar ah chuan engmah harsat na Kan nei lo a, Kan inmil em em a chubak ah ka rawngbawl hna hi a hre chiang a, englai pawh in ka bia in ka ngaihsak hman lo Chung hian han thinrim pawh hi a nei ngai lo a. Keima lo ngaih dan ah chuan hmeichhe tha tak ani in ka hria a. A hnenah pawh ka sawi sa tawh tho a, nangni in Pastor nupui meuh tur chuan a tling lo e inti anih chuan ka kalsan mai angai dawn tih ka hrilh tawh bawk a. A mah pawh in ka thusawi te min hriat thiam sak vek a" a rawn ti sap a.







"E khai aw, thu lawmawm tak anih chu "Zamtei te chu Mambawihi thian tha ber ani a, keini pawh hian Kan lo ngai na khawp a sin. Tunhma in nunhlui thalo tak tak sawi tur nei ve mahse tunah chuan Pathian ah harhna a chang tawh a, khang a nunhlui thalo tak tak te kha Kan hriat sak reng tur ani lo a, Kan Bible ah pawh nawhchizuar ten van ram an luh khalh ang cheu min tih kha. In in hmangaih anih phawt chuan keini chuan iai na pakhat mah kan neilo, zamtei tluk a hmeichhe tha hi an awm chuang lo ang. I rawngbawl na kawng ah pawh nasa tak in a pui thei ngei ang che" ka pa in a rawn tih chuan Ufela chuan min rawn en vat a a thaw deuh huai a.








"Mambawih zamtei chuan damdawi te kha a khwih ve thin tiraw? Nitin zantin inzui ang tluk in ni a, nang tluk a hre chiang tur an awm ka ring lo a, i unaupa nupui tan chuan ipawm ve reng reng em? Ka nu in a rawn tih chuan "Nu damdawi chu a lo ti ve tawh thin ngei alawm, Pathian in a tidam tawh a, vawikhat mah ruihhlo vang hian a buai chhin eih tawh lo hrim hrim. A nunhlui te kha lo la kalsan vek lo ta pawh nise. Pathian in Ufeltea mawh phurh na atan a pek anih ka ring tlat, chhungkua lo din teh reng pawh nise, engmah harsat na an neih ka ring lo Pathian nung neitu kan ni a, Pathian nen chuan tih theih loh reng reng hi a lo awm hlei nem mawle, a rang lam in innei se ka duh ngawt a sin" ka lo ti vat a.









"Ni e Mambawihi sawi kha a dik chiah, mi sual sim te chung ah hian Kan Pathian hi a lawm thin a, mi sual an piang thar a, kohhran ah te in thlahrung takin an rawn tla lut ve a. Kohhran chhung a mi te vek hian rinna kawng a nausen mai la ni te lo dawmkan ai chuan, an lo tihsual tawh hmang in Kan lo bei thin a, nun kawngdik zawh ve anduh avang a lawm a hnek hian an mahni a chi tha rawn to hlim chu Kan lo dip ral sak thin hi a pawi ngawt a sin, an tunhma nun kan va hriat sak reng kha a tul ber tawh lo a, lawm tak a Kan lo kaih hruai hi ringtu dik tak tih mak mawh ani in ka hria" ka pa chuan a lo ti ve chuar chuar a.








"Ka pa vek chuan "Felte Pathian hnenah kan thlen zel anga, in inzui na a la rei lutuk lo bawk a, kumthar lamah in in hmangaih tlat anih chuan inneih lam chu Kan la sawi ho tha leh dawn ania. Tunlai chu Pathian malsawm na Kan dawng anih hi keini teh lul fa te hian duh leh hmangaih tu che u intawn thu Kan hre mawlh mawlh mai, thu lawm awm tak anih hi. Khawnge Pathian hnen ah Kan tawngtai ange aw" a rawn ti a.









Thil dang dang kan sawi kai zel a, ka phone ka bih deuh sek tawh a. Rinhlu-an min la rawn be miah lo chu mak ka ti tawp thei lo. Joseph-an min rawn call ta hlauh a, Kan room lamah Josepha be Chung chuan Ka chho nghal vat a. "Zorin iva reh ve a, Rinzami te inah irawn Len ve ka lo ring deuh a irawn lang silo a" a rawn tih chuan "Chhunlam ah ka leng tawh a, chubak ah ka u a rawn haw lawk a, naktuk ah a chhuk leh nghal mai dawn bawk sia han lenchhuah san theih pawh ani chiah lo a. Zamtei te inah chuan leng an tam viau em? ka lo ti thuai a, Rinhlua a awm ve em tih hriat ka duh deuh vang a zawt ka ni a.









"Leng chu an awm ve nual mai, nu leh pa deuh hlir an ni a, i hriat tur awm ang deuh ah chuan Bawihpuai a ni mai. E takin Bawihpuia pa thihchhan chung chang kha ilo hre tawh em? Rinzuali pa lo thah lek kha ania, vawiin ah Khan police in an la a, an lar khawp a sin kohhran upa lai alo ni ve si a. Rinzuali te unau ho pawh an chapo larh larh bawk a, mi pangai an nih chuan Zak a kun tlawk tlawkna tham ani" a rawn ti bawrh bawrh a.










Josepha nen Kan in biak lai chuan Rinhlu-an min rawn la call zui a, kha leh chen min rawn biak hun ka lo nghak a, Josepha min rawn biak ve leh a rawn call chu ka run ang reng khawp mai. "Call dang a rawn kal tlat naktuk ah kan in be leh dawn ania aw" ka tih chuan phone chu a dah ve mai bawk a.






Josepha nen Kan inbiak na ka ti tawp a, a rawn call nawn leh duh tawh thak lo, hepa han ngei awm zia hi, min biak chhung zawng in a rawn call char char a Josepha hi engvang a thik viau nge maw anih le? Ka hmangaih zia a hre vek chung hian a thian pa hi a la thik tho bawk si. Min rawn call leh mai ring in ka lo ngai chang reng a, a rawn ti nawn duh tawh der lo, WhatsApp ah ka lut vat a alo online reng tho bawk si ka msg a reply duh bawk silo. A awmdan mak sak lutuk chuan min ti mang ang hluah hluah, he tiang reng a a awm chuan bialpa neih hi ka tlin rei ngut lo ang ka ti chhuak sep a.










Tlawm zawk Kan awm loh chuan Kan inkar a buai chuar telh telh dawn a ka hriat vang chuan ka huaisen na zawng zawng sawm khawm in ka va call ta nge nge a. A lo pick-up duh thak lo, vawi li ka try nawn pawh in phone a pick duh miau loh vang chuan ka thinrim ve tak tak tawh a, chubak ah min fiamkual anih ka ring ta ber, ka tah a chhuak nghal ngawih ngawih. A tawp nan vawikhat ka va call leh a la duh chuang si lo, ka beidawng ve ta khawp mai. Josepha nen Kan in biak lai a min rawn call pawh kha min tih buai a duh vang ah ka lo ngai hmak tawh.







Whatsapp ah a online reng bawk si a, msg chu ka va thawn leh ta hram a, engmah min biak duh loh chhan hrelo chuan rilru nuam in ka thei ngang bawk si lo a.











"Enge ihriat a? I lak ah tih sual ka nei zawk nge, lung awi loh na ineih chuan min hrilh thei angem? Tih ka va thawn a. Ka msg pawh a hmu nghal vek a min rawn reply duh chuang lo a. "Rinhlu ka ring che asin, nang hian ka hmangaih na che hi infiam nan ihmang tih na emni? ka va ti leh a. Min la reply duh chuang si lo a, lunghnur deuh chuan ka phone chu khumah ka theh thla a ka hmai phih tur in washroom ah ka luh san daih a. Ka rilru na lutuk chu ka mittui a parawl kuang tawh.









Ka hmai ka phih zawh chuan mu tur in ka in tintuah nghal a, ka tawngtai zawh ah khumah chuan ka in thawlh ta kak a, ka mut hnu pawh chuan ka phone pawh ka khawih peih tawh lemlo ka rilru ana tam mai mai dawn a ka hriat vang ani.







Ka whatsApp ah mgs a rawn thlen tak ah chuan ka phone chu rang zet in ka ban a. Rinhlua msg a lo awm ve vang a. *Zorin nang hian min tihnat zia hi ihria em? Mipa dang hnaih lo tur in ka ngen lawm lawm chung che pawh in ka thusawi engah mah ingai lo hian min ti na khawp mai" tih a rawn thawn anih chu, tunge ka hnaih a tu mipa nge alo thik leh hman tawh ni....cont






Zanin pawh ka tlai leh ta..ka u damloh vang in Kan buai deuh a, ka type hma thei lo a chubak ah sei ve deuh a rawn dah ka duh thin si a, ka mit hi a fiah lo a athip em em bawk a, tunah pawh hian ka edit thei tawh lo a..in mit Khan lo edit mai ru aw.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:09 pm

Rinhlua awmdan zet chu thinrim ah pawh a kal tawh lo nuihzat thlak lamah a kal tawh zawk tlat, a thikthu a chhia tih chu ka hre tawh a hetiang leh lutuk hi chu anih ka ring miah la, nikhat em pawh in ngaizawng ang tak tak in Kan la awm lo a, mipa zawk si hian min rawn tih tauh khum nghal pang chu ania a hahthlak lam hret chu ani.










"Tu mipa bulah chuan nge ka lo awm leh hman tawh a?, kava hreve lo ve a chutiang a ithik ngai tur khawp khawp in? Tih chu ka va thawn vat a. Thlalak hi a rawn thawn a, Josepha pawh ibia anrawn ti nghal zat a. A thlalak rawn thawn ka en rual chuan ka nui chhuak hawk thei. Ufela nen Kan bazar tur inkai lai thlalak chu khawi atang a aneih nge maw nile? . Josepha ni se keima va call pawh ani lo a aman min rawn be zawk ani a. Mi in min biak chuan tha tak a lo chhan let chu thil mawi hnai tak ani bawk si a.










"Hepa hi ithik tihna emni? He tlangval vang hian maw nileng a min rawn biak duh loh na chhan" ka va tih chuan "Chhun lamah kha chuan police station ah kan awm nileng a ka rawn be hman lo che a. Ka biak theih loh vang che in rilru nuam lo deuh a ka awm lai in, nang lah chuan min ngaihtuah chang lek lo in mipa dang kut vuan in ilo lengkual vel mai mai a" a rawn tih chuan ka nuih a za telh telh. A msg reply tawh lo chuan ka va call leh a, tun tum chu a thinur a lo inbengdai tawh deuh aniang a lo pick ve teh mial a.











"Nileng in nangmah ngai em em in minlo biak hun ka lo ngai chang reng a, nang lah chu awm ze nei hlei lo ah ilo titau a" ka va tih chuan a rawn rum nghut a. "Zorin awm ze neilo ah ka thinrim lo, ka bialnu leh mipa dang inkai rial a an bazar dun lai hmu chung chuan tu mipa mah hi an nui vur vur thei bik in ka ring lo, vawiin tlai ah khan khapa nen khan ka hmu reng cheu, chubak ah khapa kha a hma pawh in ilo zui fo tawh a, kha mihring tlaktlai lo zet kha tu phiang sen nge anih a? Engvang a ka bialnu lo hnaih ngam ve ngawt nge anih? Eng inzawm na nge ani nen khan in neih a? A rawn ti hmuk hmuk a.










Ka nuih lah chu a za deuh tlat a, ka nui chhuak anih chuan a thinrim nasa ve bawk sia arun tawk atling leh dawn lutuk tih ka hre bawk si. Ufela chuan ka bialpa in a thik tih a hriat chhuah vaih chuan Rinhlua chu a rethei viau ang mawle.










"Mipa tlaktlai lo chu ani miah lo ania aw, kha tiang khan engmah hrechiang hlei lo khan tawng vak vak thin teh suh, chubak ah nang ang mipa fing lutuk te chuan ibialnu in tlangval dang azui lai ihmu anih chuan, a mipa zui chu tunge anih hriat chhuah itum zawk tur ani dawn lawm ni? khatia titau bur bur lo khan" kati hman dek dek a.










"Chu kei aiin itan zawk tihna emni" ka sawi zawh hma hma chuan a rawn ti leh hram anih chu. "A mak e Lalrinhlu ka sawi zawh hun te lo nghak ve phawt la, imipa thik em em kha ka unaupa anih kha, tukkin zingah pawh kan inah irawn kal ve reng sia, bangah kan chhungkaw thlalak in tar keukuau te kha ihmu ve em em lo emni? Chubak ah ibialnu ka nia ka hmangaih che tih pawh ihre ve kur tho sia tinge min va ring awm lo em em ve a? Ka lo ti zek a.











"Nahh i unaupa tih ka hre hlei nem, avan zahthlak tak, a hma pawh in hotel ah ka hmudun tawh cheu a, vawiin tlai khan kanu nen station a tang kan haw Kan bazar kual nghal a, khapa nen inkai rial a in rawn Kal kha kalo hmu cheu a. Ka thinrim lutuk kha ka rawn sawisa lo Kha a van nei khawp mai" a rawn ti thum dut dut a.









"Khapa ti kher suh aw, ibialnu unaupa a nih kha, a hmuh chak teh reng che nen nang lah chuan kutthlak duh khawp khawp in a chungah rilru chhia ilo pu ania, a lak a irilru put hmang kha hrena se chuan lengtur in sawm rawh min ti chhen tawh lo tawp ang" ka lo ti hlak hlak a.












"Bawihi" a rawn ti sup a "Enge ? Ngaih no bei vak lo chuan kalo ti ve hlar a. "Ka tihpalh aw, tul miah lo ah kalo thinrim chiam a min ngaidam thei a ngem?, tun atang chuan ka thikthu chhe lutuk hi sim ka tum tawh ang. Nilo tumah ka thik tawh miah lo ang" thutak lutuk a arawn tih chuan "Tumah ithik loh chuan min hmangaih tawk lo ah ka ngai dawn a sin" ka lo ti vat a. "Ka thikthu chhiat vangin kan boruak thalai ka ti chhe zo vek tep chu anih hi, ka ngai che ka lo Kal ang aw" a rawn tih chuan rang tawk hian ka mutawh a" ka lo ti vat a.










"Pawnah lo chhuak lawk la ka kuah che anga kha ihmui thlum zet kha ka fawp bawk anga ka haw leh nghal mai dawn alawm" a rawn tih chuan ka lo nui hak a. "Enteh Rinhlu ibialnu hian mitha famkim ka ni ka inti hauh lo, mahse chhungte mut reh a kohchhuah mai mai theih ang chi kha chu ka ni miah lo ania aw" ka lo tih chuan a rawn rum nghut a.









"Anih chuan naktuk ah hotel ah min rawn hmu lawk la Bawihi, keimah rawn kal chu duh viau mah ila hotel lamah hna ka ngah tawh lutuk a, ka ngai tawh bawk che a, tun dinhmun ah chuan ikiang a awm ka mamawh ber ka rilru tawt ipik lutuk hi min rawn en kawl dam vat loh chuan ka thi thei mai ang, ka thin te hi a chhe deuh hlur tawh ania" a rawn ti duah a.








"Thih thu kha fiamthu pawh in sawi tawh suh, keipawh hna thawh tur ka ngah lutuk, home a kan mamawh ang tur bungrua kan lam khawm tan tawh a, keima tawk ah ka buai ve viau ania aw, engpawh chu nise naktuk ah chuan ka rawn hmu lawk ang che, ipa case chung chang pawh min hrilh tur ineih ka ring bawk a, ikiang ah awm in hnem thei lo che mah ila ka lo tawngtai pui reng che ania aw" ka ti sap sap a.










Zanlam ah Rinhlua nen kan inbiak rei deuh vang in ka muhar deuh hlek a, kut hit zet in ka hmai min rawn chul sak avang chuan ka meng zawk thei. Ka khum lu bul ah Ufel-an nuih zat hmel fe hian minlo en reng a, a kut leh lam in tuino a keng ran bawk a, ka hmai min lo phihsak leh tawh..Kan naupan lai khan ka pa hian Ufela min rawn tih dan ang chiah hian zing hma tak ah a kut tui a tihuh in kan hmai a rawn chul ziah zel a, thlasik lai phei chuan vawt kan ti lutuk hi kan rak tuar tuar thin, ka lung te pawh a rawn leng rum rum thei.










Khum a tang ka thawh hma chu ka khum bulah chuan Ufela a ding reng a, ka tho chhuak chiah chu ka sam ka delh sual nasa lutuk chu a rawn nui hawk hawk a. "I sam kha engtin emaw siam tir la samlem hi vuah tawh lo mai la atha lo maw? I sam lem vuah khan isam a ti thang chak lo in ka hria" a rawn tih chuan ka lo ner vak a.









"He tiang sam pu chung hian mikar ah ka awm ngam dawn emni? thla hnih khat hnu ah chuan samlem vuah ka ngai tawh bik lo ang, zep loh chuan samlem vuah reng chu ka ning ve khawp mai" hmel ngui riai chuan ka ti a. Ka sam chung chang sawi hi chuan ka rilru hi a rawn na thar leh tlat zel anih chu.









Ufela ka pa in arawn ko a Uzohminga te inlam a leng turin an in zuichhuak nghal a, inhnuai a ka chhuk chuan kanu leh Ngurpui-in rawng an lo bawl dun a, an lam pan chuan ka kal nghal vat a. Ngurpui-in "Uzorin thingpui ka lo siam nghal ang che aw" min lo ti vat a "Ka lawm e, keimah in kan insiam ange. Ngurpui ka duh aiin inchhung ah hian iche hah ka tia, raipuar inih hi induat thiam rawh, eitur hrisel eitam la irilru leh taksa kha hahdam tak a i awmtir angai ania, duh leh zingkar ah chuan tualzawl vel ah khuan exercise te la la chumi tih loh ah chuan awm mai mai tawh ang che, inchhung sekrek khawih chu ka kutah dah vek rawh kei man ka ti mai ang" ka ti duah a.










Kanu pawh chuan ka thusawi lo chhunzawm in "Ngurpui Bawihte, naute hrisel tak ineih angai ania kan chhungkaw naute tur, chuvang chuan indim thiam la inchhung chet vel pawh engmah khawih tawh suh, naktuk a tang in bawnghnute pawh rawn dah se atha ang" ka nu chuan a lo ti ve bawrh bawrh a.









Ka pa te pahnih leng an rawn haw har phian a, Ufela thil hawn tur vel kan lo pack fel thlap a, chaw eitur in kan lo nghak a ni tawh mai a, room ah ka phone la tur in ka chho a Rinhlua msg a lo awm vang a. "Bawih vawiin chu rawn kal rawh aw" tih a rawn thawn a. "Ka rawn kal dawn ania, mahse ka awm rei hman lo hna thawh tur ka ngah lutuk" ti in ka va reply vat a, Josepha missed call a lo awm bawk a call back mai ka tum zet nain Rinhlu-an a thik ropui bawk si a, ka be duh leh ta lem lo a. Apawi mawh anih chuan min rawn call leh mai ka ring ve ngawt a.










Inhnuai lam atang ka nu in min rawn auh lawng lawng vang chuan ka phone hum chung chuan step ah chuan ka tlan thla hlawk hlawk a, ka pa chuan "Mambawih itlu sual ang tinge khatia irawn tlan vak vak kher" min lo tih chuan "Anu hian min au ring ropui si a thil hman hmawh thlak a awm anih ka ring a" ka lo ti nghal vat a.










"E takin Mambawih ka bulah hian rawn thu phei teh" a rawn tih chuan a kut a chanchin bu chu a en vung vung a. "Engthil nge nita" tih pah chuan ka pa bulah chuan ka va thu tharh a. "Helai chanchin bu ah hian kum sawmhnih panga kal tawh a tualthah chung chang an rawn ziak a, he tlangval kawlni hotel neitu pa hi ibialpa kha ani lawm ni? A pa that tu lah hi ka hmel hriat a ni a, kohhran upa a ni bawk a, hethil thleng hi thil nithei ani dawn emni mawle? ithianpa chuan he thil thlendan kimchang hi a hrilh ve reng reng che em? A tih chuan chanchin bu chu ka lo ban vat a.










"Thudik tak ania lawm, upa siama hi Rinhlua pa thian pa ania, pawisa vang in upa siama hian Rinhlua pa kha a that a, chanchin bu a an rawn ziah ang hian accident vang a thi ah an ngai vek a. Mahse khathil thlen lai Khan Rinhlua hi a lo awm ve a, pa Rinhlua hi a khawngaih thlak a sin, kum kha leh chen a pa thih dan hre reng chung si khan engmah ti thei lo in a awm a, tunah chuan a pa phuba chu a la ve thei ta anih hi" ka ti chhuak sep a ka pa pawh chuan "Rinhlua te nufa leh upa siama te chhungkaw tan Pathian hnenah kan tawngtai angai a nih chu" a rawn ti ve chuar chuar a.








Tukthuan eidawn ah chhung inkhawm ka pa in a hmang a Rinhlua te nufa leh pa siama te chhungkaw tan a tawngtai pui vek bawk a, chaw eikham ah Ufel-an a rawngbawl na hmun lamah min Kal san leh nghal a, a kal dawn ah Rinzami lo ngaih ven reng tur in min chah a, nui vur vur chung chuan "mipa dang lak ah min lo ven sak rawh ti law law la" ka tih chuan "nghal viau lo teh" min ti hlak a.







Rinhlua hmu tur in ka insiam mawlh mawlh a, Rinhlua ka hmuh zawh ah Rinzami nen home a kan bungraw mamawh tur ang ho kan enkual leh dawn a, ka kal chhuah hma in Rinhlua ka va be leh te te. "Hotelah i awm tawh em? Ka tih chuan "Zing a tang ka awm tawh alawm, ilo Kal dawn tawh em? Min rawn ti nghal vat a. "Umm ka rawn chhuak dawn chiah ka rawn thleng har lo ang scooty ka keng dawn a" ka tih chuan "Fimkhur deuh in rawn kal rawh aw, ka lo hmuak ang che" a rawn ti sup a.







Rinhlua nen kan inbiak zawh ah chuan ka in khalh chhuak nghal vang vang a, a sawi ang tak tak in min lo hmuak tak tak. Nui var var chung chuan min rawn pan vat a, engmah sawi lo chuan ka hmui ah a rawn fawp zauh a. "Engthil nge itih a? Rum deuh a melh chung chuan ka ti hlar a, nui suk suk chung chuan "Ka fawp che, ka bialnu hi ka fawp thei lo tih na emni? A ruk a sex va hman ai chuan he tia mi hmuh lai a infawh hi a thianghlim fe zawk" a tih chuan a sawi dik ka ti ve tho mai.











Ka scooty chu min park that sak vek a, scooty a park fel hnu chuan ka lo nghahna lamah chuan rawn kal in ka kutah chuan a kut lian zet chuan a rawn vuan a, hotel chhung lamah chuan min kai lut a. Hotel chhung kan lut chu a staff te ho chuan min lo en duh ngang mai, he hotel ah ngei hian a hma khan min lo theh chhuah tir tawh a, tunah min duat ani tih hriat hluah hluah in min kai lut leh ang lawi si a, a hnuai a hna thawk ho tan chuan mak tih loh chi pawh ani lo.











A office kan thlen hma chu engmah sawi lo in kan kal dun mawp mawp a, office chhung Kan luh rual chuan a lamah min pawt hnai in min fawp nghal tawn tawn a. Tawk fang kan in fawh hnu ah a awm hlai zet ah chuan min kuah bei hlu hlu a. "Bawihi ka bulah hian awm reng thei la ka duh e, palai rawn tirh nghal mai ka duh tawh ania" a rawn tih chuan ka lo nui hak a. "Thil awm anglo lutuk hi sawi thin lo teh, nikhat tha awrh chauh ibialnu ka la ni a palai tirh isawi ri nghal ringawt a" ka tih chuan a nui nghawr dat a. Min kuahna a tang chuan in la hrang in sofo lam ah chuan min Kai phei a.








A mah si chet chuan min pawt thu in, a ban sek tha zet chuan ka darah min rawn kuah nghal hlun a, ka khabe ah chuan rawn dawm in a lamah chuan min kuai her a hmui chuan ka hmui chu a rawn chuk tuah leh nghal chat a. "Bawihi kei chuan kum tamtak chhung teh meuh ka ta inih hun tur hi ka lo nghak tawh a sin, engtin nge nikhat lek ang ah ingaih theih zawk a? A chalin ka chal rawn tauh dat dat pah chuan a rawn ti sup a.











"Khang hun chhung zawng kha chuan ka ta ini ngai hlei nem, hmeichhe dang ta inih char char thin kha" ka tih chuan mit ti zim sun chung chuan min en in a lu chu a thing nur nur a.








"Kan boruak tawn hahthlak lutuk hian min ti chau zo tawh, ikiang a ka awm hian ka hahdam huai thin a sin, nizan Khan kanu hnen ah pawh kan inkar thu hi ka hrilh tawh a, zanriah kil pui che aduh a" a rawn tih chuan "Tun tut tut ah nilo, Rinzuali nen in inhual na inthulh fel chauh sia" ka tih chuan "Chu chauh chu maw? Ani kha chu theih nghilh daih rawh, Kan hmahun tur chiah ngaihtuah zawk ang. Bawihi kanu chu hmu vat zawk la ka duh a, ka pa thih dan diktak a hriat a tang hian ka pa kha asun tha leh ani ringawt, a bulah awm in ti ti pui la ka duh khawp mai" a rawn tih chuan anu awm dan tur chu ka hriat thiam pui khawp mai.










"Ka hrethiam a lawm inu rilru put hmang tur chu, lungngai lo la kan chhungkua in kan lo tawngtai pui reng cheu ania, chubak nang mah pawh in Pathian hnen ah in buaina hi lo thlen ve thin la ka duh bawk a. Pathian nen in inkar a that chuan ithil lo thlir dan zawng zawng hi a dang hlawk tawh mai ang, Lalpa nei tu chu engkim ah an lungawi thei thin ania, mihring kan nih chhung hi chuan thil tha lo tak tak kan chung ah a lo thlen chang a awm thin a. Vanduai ber emaw kan intih lai pawh hian keini aia chanchhia mi tamtak an lo awm ve reng tih ihriat angai in ka hria" ka tih chuan min melh vang vang a.









"Bawihi Pathian hnenah hian thinlung leh tih tak zet hian ka la tawngtai ngai miah lo, ka tet te atang in thinrimna leh phuba lak duh na hian ka thinlung hi a luah khat a, thil sual va ti em em lo mah ila Pathian ah hian pianthar na diktak ka la nei lo a, ka nun ah hian kimlo riau hi a awm tlat thin a sin" a rawn tih chuan a kut ah chuan ka lo vuan vat a. "Pathian hian a hmangaih che a sin, i pa awm tawh lo mahse vawiin thleng hian ipa awm loh lang miah lo in sumdawnna kawng ah mi hlawhtling tak ini a, tunah hi chuan Pathian lam ihawi hi a hun ve tawh tak zet, itan hian bang lo in ka lo tawngtai reng thin a, engtik ni ah emaw chuan he inun ruak hi luah khah in a la awm dawn tih hi ka hria a sin" ka tih chuan min lo kuah vat a.









A landan chuan rilru lian leh luhlul tak ang in lang mahse a chhungril nun hi a nem hle tih ka hre thei. Mi fate ang in pa te thlazar hnuai ah duh lam lam hawi a thlek kual vel mai mai a tan a rem ve lo a, a nu a mah a anun zawng zawng nghat tu hi tha tak a a enkawl a ngai a, Rinhlua hian hlim hi a phu ve tawh tak zet in ka hria. Kei hian ka theih tawp a tih hlim a, nun hlimna thuruk hi chhar tir ve ngei ka tum ruh tlat ani.









A hmai ah chuan ka chul sak riak riak a, a hmel ah chuan khawhar na thuk tak ka hmu thei. A mit ah chuan chiang tak a en kal chung chuan "Ka hmangaih che" ka ti sep a. Nghet zet hian min rawn kuah hlu hlu a.









Ka chhip ah chuan a hmui lum thur thur chuan a rawn fawp vang vang a. "Bawihi vawiin ah hian ka pa ka ngai vawng vawng tih hi ihria em? Min kalsan ni atang khan ka mittui hi farkhat pawh a far tir ka phal ngailo a, tunah chuan ka pa phuba chu ka laksak tawh a. Mahse ka nun hi a hlim lo a ka lawm chuang miah lo, ka pa kha lo let leh se ka duh em em a, mahse Kan nufa khawhar tak kiang ah hian a lo kir thei tawh silo. Keimah pawh ka in thunun zawh loh a ka kehchhiat mek lai hian kanu ka hnem a ngai a, ka tan hian a harsa tak zet a sin" a rawn ti tham tuak a.







A taksa lian zet chu a khur dar dar a, a hmel hmu thei lo mah ila a tap tih ka hrethei. Engmah sawi lo chuan nghet tak in ka kuah a, a hnung zang chu ka zawi te te hian ka beng thek thek a. "Lungngai miah suh aw, ibulah ka awm tlat dawn alawm. Tunah chuan ipa vang a ilungngaihna zawng zawng te kha dahtha in hmalam ipan ve ahun tawh a lawm, ipa pawh in hmalam ipan a hlim tak a i awm chu a duh ngei ngei ang" ka tih chuan nghet leh zual chuan min rawn kuah a.










A lungngaihna zawng zawng hi hnem ka duh a, mahse hnem dan tur ka hrelo, hlim tak in awm ve tawh se tih hi ka duh ber. "Enteh Rinhlu kan inneih hunah chuan fa tamtak kan nei anga, ifa ten an ti buai lai che hmuh ka chak tawh khawp mai, ipa in iduh thusam a tih puitlinsak theih loh zawng zawng te kha ifa te itih sak vek ang tiraw? Ka tih chuan a rawn nui nghawr dawt a. Ka chhip a rawn fawp leh vang vang chung chuan "Chutiang hun a thlen theih nan chuan kan inneih vat angai a lawm, Kan inneih vat loh chuan ka upa tawh si a fa tamtak Kan nei hman lo ang, chuvang chuan rei tak ka nghak thei dawn lo ania" a rawn ti tham tuak a.










"Pathian thu thu ani mai, tunah hian hmachhawp lian tak kan nei mek tih ihria tiraw? Kan awm dan tur chu Lalpa chungah kan nghat anga kan tan a tha tur zelin ro min relsak thin ania. Rinzami nen chhuah dun kan ngai sia ka kalsan thei tawh che angem? Ka tih chuan nghet leh zual in min rawn kuah a, a bulah awm rih tur in min duh tih ka hria, mahse engtik lai pawh in a kiang ah ka awm reng thei bik silo a.











"Bawihi reilo te chiah, ka la ngai rih che alawm" a rawn tih chuan ka lo nui hak a. "Kei pawh hian ka ngai che ikiang ah hian awm a ikut vuan a awm reng ka duh, mahse chu thil chu a theih hrih loh a ram leh a felna kan zawn hmasak ve phawt angai a lawm" ka tih chuan min kuahna chu a rawn thlah riai riai a. "Ka hrethiam a lawm Bawihi tunah chuan ka tha tawh in ka hria, ihaw hma in min rawn hmu leh hman angem? A tih chuan ka lu chu ka lo thin khum nar nar a "Ka rawn hmuh theih che ka ring tawh lo e, home lamah kan tlang a ngai dawn sia" ka tih chuan min rawn fawp leh vang vang a. "Awle anih chuan zanah ka lo leng mai ang aw" a tih chuan ka lo buk khum zauh a. Muang chang chuan a office a tang chuan kan in zui chhuak leh a.











Ka scooty bulah chuan rawn ding in "Min rawn be rawh aw hunawl ineih hunah, thil in eilai emaw te in kalo ngai chang reng ang che fimkhur la" a rawn ti sup a. Nui var var chung chuan lutuk lo lerh lo la" ka tih chuan ka hmui ah chuan a rawn tawk zauh a. "Kal tawh rawh ithiannu in a lo nghak hlel tawh ang che, kei pawh hna ah ka let a hun tawh" tih pah chuana sana chu a bih zauh a, ka tlan chhuak zui nghal vat a.











Scooty khalh chung chuan Rinhlua ringawt ka ngaihtuah a, khatiang tak a mal leh khawhar Khan a hun a lo hmang thin tih lo hria ila chuan khang min hua emaw ka tih lai zawng pawh khan lo hnaih lui tlat tur hi ka nia, mi sual leh luhlul tak ni a ka hriat ang kha a lo ni miah lo a, mipa rilru nem leh tihnat awl tak a lo ni ve reng zawk a. Muang chang chuan Rinzami te in lam pan chuan ka tlan dat dat a. An in awmna hi kawngpui a tang in a penhleh deuh a, kawngpui a tang a Rinzami te inlam pan a ka peng thla chu thui pawh ka tlan hman lo tih ah, bike chak zeta rawn tlan hian min rawn su thawi fua a, kawng awih lai deuh a ka tlan lai ani bawk si a, scooty chu ka kat kawi zawk a ka control hman tawh lo kawng thlang lung an lo rem na ah chuan scooty nen chuan ka thlawk liam fua a, thlang lam tuikawr khawkrawk zet ah chuan ka in sawh thla ri bur a. Ka taksa chu scooty chuan min delh bet tlat a, ka lu atang chuan thisen a rawn luang nghal zaih zaih a. Ka awm zawn chu a rawn na nghal ngut ngut a, ka tlan liam na atang a "Nula itha em? Mang ang tak a min rawn ti tu lam chu thei leh thei lo chuan ka hawi chho a, chhan ka tum a ka tawng chhuak thei tawh lo ka mit sulh sulh a engmah ka hre zui tawh lo.













Mu mang nuam zet ka nei a, pa pakhat nen hian huan mawi em em ah hian kan lo inkawm a, chupa chuan min lo duat in huan chhung a theirah te chu min lawhsak teuh a, huan chhung a pangpar vul chuk ah chuan phengphehlep an lo thlawk sep sep a, hlim em em hian chung phengphehlep te chu man tum in ka um kual a, ka tlan kual vel chu hmuh nawm tih hmel zet hian chu pa chuan min lo thlir reng a. "Ka pu helam ah hian lo kal ve rawh heng phengphehlep te hi an mawi tak zet a nia" ti in ka lam a kal tur chuan ka hui lap lap a.









"Bawihi ka kal a hun tawh luiral ah sawn min lo nghak a" khawhar hmel tak hian a rawn ti a. Hman hmawh tak chuan chupa lamah chuan ka tlan phei a, ka tlan kual nasat teh lul nen ka hah miah lo. A bulah chuan va ding in "ka pu helai hmun hi anuam iti ve lo emni? Khawiah nge kal itum a? Min kalsan daih chuan helai hmun ah hian keimah chauh in ka awm anga tumah kawm tur pawh ka nei tawh dawn lo a sin, ibulah chuan min hruai ve mai rawh keimah chauh a awm ka duh hlei nem" ka ti a.












"Nilo e, ka kiang ah chuan ilo kal thei rih lo ang, nang chu khawvel ah ikir leh angai alawm. Tihtur tam tak ila nei a, chubak ah nangmah hmangaih tu ten ikir hun nghak in lungngai takin an tap mek a sin" a tih chuan ral hlatak a tang a ka hming a min au vak vak ri chu ka hre ruai ruai a, ka hawi kir leh chuan chupa chu lui pui zau tak lam pan chuan a lo kal tawh a. "Kapu minlo nghak rawh ka lo Kal ve dawn" ti chung chuan luipui lam pan chuan ka tlan ve zel a, ka hnunglam a tang chuan ka hming a min ko thawm chu ka hre vuai vuai bawk a.










Luiral leh lam atang chuan a var vek a inthuam hi an lo ding teuh a, anlam a Kal tur chuan minlo hui ve reng a, hman hmawh tak chuan luipui lam pan chuan ka tlan ve zel a. "Ka pu minlo nghak ve rawh ibulah ka rawn kal ve dawn ka tih lawm lawm pawh chuan hman hmawh tak hian a kal ve zel a. Luipui ka thlen ve meuh chuan ani chuan lui chu a lo daikai tawh a. Lui daikai tum a ka pen chiah chu awring tak ka hming a min rawn ko ri ka hriat vang chuan ka ding chawt a. Ral leh lam a tang chuan "Nula kir leh rawh ihun a la thleng velo a lawm, ka nupui leh ka fapa te kha min lo enkawl sak dawn ania, lui ral leh lam ah hian kalo nghak reng ang, ka hmangaih lutuk tih kha min lo hrilh sak rawh dawn ania" a rawn ti lauh lauh a. Ka en reng lai chuan boruak ah chuan antham ral riai riai a.












Keimah te chauh chuan chu luipui kam ah chuan ka ding reng a, ka lungleng lutuk chu ka tap zawih zawih a. A khat tawk in ka hming a min rawn kohna ri chu ka hre reng a. Thawk leh khat ah ka mit leh sulh a, ka dang ro lutuk leh ka taksa na ngut ngut vang chuan ka mittui chu a luang ngiai ngiai a, ka chakna zawng zawng sawm khawm chuan "Tui ka duh" ka ti chhuak sep a. Ka aw a zawih em avang chuan ka thusawi tumah in an hre thei lo, ka mittui bawk chu a luang leh a.










Ka kut chu tih chet tum chuan ka bei a, a harsa tak zet ani ka taksa pum chu a na em em reng a. Ka kut tih chet tum a ka beih lai mek chuan "Bawihi iharh em? Ka pa bawihi hi amittui a rawn tla ania mipa aw in a ti ri te chu ka hre ruai ruai a. Doctor ko vat rawh u "Mambawih ka fanu ka tawng ihre thei em? Lungngai miah suh aw ibul a hi Kan awm vek ania kanu aw in a rawn tih chuan chiang lo ruai hian ka meng chhuak a.










"Pa-a Bawihtei a harh a nia, ka fanu a rawn harh tawh Lalpa ka lawm e aw ka fanu min pek let leh avang in" tap aw tiau a kanu in a tih chuan ka mittui chu a luang leh a. "Mama nu khatiang Khan awm lo teh Mambawihi hi iti manang anih hi" ka pa aw a rawn tih chuan ka mit chu ka chhing leh riai riai a. Tawng chhuah ka tum a ka dang a ro em a vang chuan ka aw a chhuak thei lo. Doctor in a la harh chiang lo a nih hi lo kalsawn teh u, Kan check anga na chhawkna in kan jection anga a rawn harh leh hun ah chuan atha tawh mai ang a ti a.









Ka banah chuan na chhawkna in min vih a tang a rei vak lo ah chuan ka taksa na te chu a dam huai huai a, ka taksa na a reh tak huai ah chuan mut chhuak in min rawn zem chiai chiai a, ka mut a chhuak em a vang chuanka mengpeih tawh ngang lo ka muhil zui leh daih a.









Ka harh leh chuan doctor sawi ang tak tak in ka nuam deuh huai tawh a, ka dang ro lutuk vang chuan ka tep chiap chiap a, ka khum sir ah chuan Rinhlua chu ka kut vuan in a lo muthlu lap lap a. Ka kut ka tih chet chuan a rawn meng chhuak phawng a, ka lo en reng tih a hmuh chuan "Bawihi ilo harh tawh maw? Min hre thei em? A rawn ti nghal mawlh mawlh a, a mitah chuan mittui a tling pam a. "Ka tui a hal" ka ti tham tiak a.









"Tui iduh maw? Tui chu no ah thli chhuak in lapua chu a chiah a, ka ka chhung ah chuan tlem te te in a rawn far luh tir a, ka tui a hal tawh em a vang chuan la pua chu ka lo fawp dek dek a. Ka dang ro hulh hulh pawh a reh nghal duak a. "Bawihi na inei em? Ikhawi lai nge na? Min kalsan dawn emaw ka lo ti hman a sin, Ilo let leh vang in ka lawm e aw, ka hmangaih lutuk che" a ti mawlh mawlh a, a mit a tang chuan mittui a rawn far koh koh a. Lo hnem ka duh lutuk a ka chauh em a vang chuan ka tawng chhuak peih der silo a...con






.


MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)