PASTOR FANU BY Ramdinsangi_Ralte (Completed)

Ngaia
Site Admin
Posts: 25813
Joined: April 30th, 2016, 4:07 pm

Re: PASTOR FANU BY Ramdinsangi_Ralte (Completed)

Unread post by Ngaia » October 24th, 2021, 4:10 pm

Kanu chu a be bawrh bawrh reng a, kei erawh min melh thaduh derlo chuan ka nuih a ti za angreng khawp mai, hetiang a naupang chhia lutuk a akhawsak chang hi chuan, min hmangaihzia leh ka lak a apangchan zia hi ka hmuthar leh thin. Sumdawnna lam ah erawh arintlak in apuitling viau lawi bawk si a, midang te zah tur in a awmthiam em em bawk a, kalak a apangchan viau hian kalo hlim veng veng zel.








Kan in kan thlen chuan kanu chuan "Mambawih inrawn lutkawi dawn em? Min rawn ti a, kanu zawhna pawh chhang lemlo chuan Rinhlua chu ka va melh a. "Tihtur ka la nei bawk sia, Zorini te nufa hi ka va thlah anga, hotel lamah let leh nghal ka ngai dawn sia kan rawn chawl lo zawk mai ang" nui sang a kanu en pah chuan a lo ti thum dut a. Ka chungah a lungawiloh em em lai pawh in, kanu hmuihmai danglam miah lo a nuisang a la be thei chu eilo zet chuan kalo ner sak a.









Kan tlan chhuah leh hnu pawh chuan min be miah lo chuan motor chu a khalh mawp mawp a. "Alpha ipa hian ka lakah lungawi loh na a nei anih hmel, min be duh miah lo a" Alpha be mawlh mawlh chung chuan Rinhlua chu ka en reng a, ka thu sawi vang chuan min rawn melh zawk a. A thaw deuh hawk a, kawngsir remchang laiah chuan motor chu a ti ding ta nge nge a, tawng mai lo chuan motor steering bawh chuan minrawn melh vung vung a. Nui var var chung chuan "Eng thil chuan nge ilung ti awilo chu min han hrilh teh le? Ka tih chuan a mit ko chu a rawn san zuk a. "Tunge khapa kha? Khatiang a ka bialnu inti tatu deuh a ka awm ve reng lai a rawn be tu kha tunge? A rawn ti hriam hrawih a.








Ka mit lo chet kual tir ralh pah chuan " Thikthu chhiat kan bansan tawh emaw ka lo tia. Alpha ipa hian mipa dang a thik vang in min tihtauh khum ania, engtin nge kan tih ang? Ka tih chuan a rawn rum nghut a. "Thudang sawi kawi lo kha tunge khapa kha? Inumber te a la dilzui che ania, kei tih loh mipa dang imelh ka duh lo, mipa dang kiang ah nuih pawh nui tawh suh" a rawn tih chuan ka lo nui chhuak hawk a.







"Enteh Rinhlu ka hmangaih che tih chu kan pahnih hian kan hre chiang ve ve alawm, mi in min biak chuan tha tak a lo chhan chu thil mawi hnai tak ani, mi in tha deuh a min biak lai a ka lo tum khum vuau chuan midang ten engtin nge min ngaih ang? I hriat ang in kei chu midang te tanpui thin tu ka ni a, hlim hmel pu reng chung a midang ka hma chhawn hi angai a sin, chubak ah msa nen khan kan vawihnih in hmuh na chauh ani a, thik chi pawh ani lo hrim hrim" ka tih chuan a ngawi vung vung a.





"Khapa kiang a ihlim hmel khan min ti na alawm, kei tih loh mipa dang kiang a hlim tak a inui hmel khan mahni insitna min siam sak a sin, khapa ka thik lutuk vang khan keimah ka in thunun zo ngang lo anih kha, kei hi ihlimna ber i engkim a engkim nih ka duh a, ka nunah ipawimawh ang bawk hian, inunah hian pawimawh ve ila ka duh a" a rawn tih chuan.







"Ka nunah chuan Pathian tih loh ah chuan i pawi mawh ber a lawm, ka thinglung hmangaihna kawl tu ini a he ka thinlung ah hian nangmah nilo mipa dang in hmun an chang lo a, an chang ngai bawk hek lo ang" ka tih chuan min rawn hnaih nghal ruak a, a kut hlai hlup a ka hmai rawn chul zauh pah chuan "ka tihpalh aw Bawihi, ka hmangaih lutuk vang che hian ka chan mai ang che tih ka hlau a, khapa kha be tawh miah suh aw" naupang chhia lutuk a arawn tih leh chuan ka lo nui leh hak a.








Hepa hi chuan kathin atih rim viau rual hian minti nui leh nge nge thin, huat ka tum pawh hian ka haw thei hlawl lo chu anih hi. Chhan hriat hleih loh a min biak duh loh vang khan titauh khum ve katum teh reng nen, tunah pawh minti nui leh ver ver tawh chu ania.










"Tumah ka be chhe ringawt thei bik hlei nem, min ring rawh, nang lo mipa dang chhai kual leh tur chuan ka buai mah mah tawh tih ihriat kha, tunah chuan Alpha nu ka ni tawh mipa dang ithik buai a ngai miah lo, tul hlei lo ah nangmah i inti hah thlawn mai mai" ka tih chuan "Alpha hian nu chauh nilo, pa pawh a mamawh tel tih hi ingaih tuah ve ngai em? Bawihi kan inneih vat hi angai ania, kan fapa hian nu leh pa a mamawh tih kan hriat ve ve kha, ipa te inneih chung chang hi lo sawipui vat la, kanu chuan kan inneih hi a remti thlap tawh ania, home lamah ka puihna imamawh tel tho bawk si, a rang lamin innei vat zawk ang" a rawn tih chuan a thu sawi chu a dik na lai chen a awm ve tho bawk in ka hria ai.








Alpha ka enkawl a ngai a home enkawl a ngai bawk si, zep loh chuan bul kan tan chauh chung hian ka hah rimtawng ve tak meuh meuh a, home lam ah mihring kan pun belh ve zel bawk si, kanu leh pa ten min rawn pui reng lo phei se chuan, keimah mai chuan home enkawl hi ka ti thei kher lo mai thei ani. Lehlam ah Ngurpuii kalo sun ve bawk nen, mihring ve tho ka ni a, nathei leh chau thei ka ni ve miau bawk si a. Ringtu nunah hian nguichang ni leh chauh chang ni te hi alo thleng ve lo thei silo a, hetiang hun alo thlen chiah hian nasa leh zual a Pathian hnen a chakna dil a tawngtai angai thin.





A kut a hum vang vang chung chuan a mitah chuan chiang zet hian ka en a. "Irilru tur chu ka hrethiam lutuk alawm, ka chhungte chu ka lo sawipui ve dawn ania, karlo ah Alpha hi a lo thanglian anga, nu leh pa a nun kawng kaihruai tutur a mamawh dawn chauh si a, chubak ah inu pawh keiman ti ti pui ka duh bawk a, kan lo innei thei dawn anih pawh in, ka dinhmun en hian mo dang angin in inlam ah ka lawi thei dawn silo a, chuthil chuan ka rilru hi a ti buai ve khawp mai. Zep loh chuan pasal nei thei dinhmun ah hian ka ding in ka in hre mawlh lo a, chumi anih rual chuan ka kalsan thei bik silo che a" ka ti sep a.





Ka hnar rawn piai zeuh phah chuan "Bawihi kan pahnih hian home chu kan enkawl dawn a lawm, harsatna tamtak ilo paltlang tawh ka ngaihtuah chuan, tun a kan buaina hi chu nep te ani, lungngai miah suh aw. Pathian in kan tan a tha turin ro min relsak zel dawn a lawm" a rawn ti sup a.






Kan tawng thawm velah Alpha muhil pawh a rawn rak that that a. "Bawihtea hi tuman kan hau hlei nem" ti chung chuan ka lo be mawlh mawlh a, a ban te takte chu a rawn vai ve liap liap a, reilo te hnu ah a muhil leh nghal mai a. Ka hmui chuan a chalah chuan dimte in ka zu fawp de de a, ka chezia chu Rinhlua chuan chik fe hian min lo en ngur ngur a.









"Bawihi mahni hrin nimiah lo nausen pawm chu aharsa ngawt ang tiraw?...Lehlam ah mi bawraw tak tak, chhungte pawh in an enkawl theih loh i enkawl angai bawk si a, hengthil zawng zawng ka hmuh vang hian alawm itha tichak leh zual tur a ikiang a awm vat ka duh em em thin ni. Diktak chuan nang hi ka ngaihtuah takzet che ani. Ihmaw Bawihi Ngurpuii tur a hrai tu kha ka hrechhuak tawh a sin" a rawn ti sup a.






Meng phawk hra chung chuan "I hrechhuak tawh maw? Tunge Ngurpuii tur a hrai tu chu? Ka lo ti nghal vat a. Alpha ka kuah loh na lam ka kut chu rawn hum in a hmui lum thur thur chuan a rawn fawp zauh a. "Zorin Ngurpuii tur a hrai ani tih min hrilh tirh phat atang khan rinhlelh ka nei nghal a lawm, ka ring sual miah lo bawk. Home hawn ni khan Rinzuali nau kha ka hmu a, khalai hmunah khan tihtur aneih awm reng reng ka hriat loh vang Khan ka hmu sual mai mai anih ka ring a. Ngurpuii chung ah khatiang thil a rawn thlen tak ah kha chuan khanu bak kha anih ka ring ta lo a, tual thattu fa te anni bawk a, an thisen ah hian tualthah hrehna pakhat mah an nei lo" a rawn tih chuan ka mitah chuan mittui a rawn tling nghal pam a.











Ka thu hriat chuan minthawng mai bakah , mak tih na te rapthlak tihna in ka khat tawh zawk. Ka malchung a Ngurpuii fapa Alpha tui tak a mu chu ka thlir reng a. "Enge Ngurpuii khan a lakah tihsual a neih a? A nunna hial a lak tak mai le, keimah vang hian Ngurpuii khan a nunna a chan tihna emni? Ka ti chhuak sep a. Ka mittui chu ka biangah chuan a rawn luang thla nghal zaih zaih a.








Ka mittui luang rawn hruk phah chuan "Bawihi nangmah vang anilo, khanu khan Josepha hi angaizawng alawm, joseph-an Ngurpuii hmangaih tak vang khan Ngurpuii nunna kha a laksak phah ta anih kha. He thil hi joseph-an a hre chhuak anih ngat chuan ani ang mipa luhlul lutuk hian tual a thah phah ve mai ang tih ka hlau khawp mai, engtia hma han lak tur nge pawh ka hre tawh lo" a rawn tih chuan ka thuhriat rapthlak lutuk vang chuan ka hamhaih zo vek tawh.










"Setana hi a sual ngawt mai tiraw? Rinzuali leh a pa tunah tualthah thubuai vangin jail bang an zut mek ah, tinge insiam that a hnek in thilsual dang an tih leh zel mai chu le? Diktak chuan Rinzuali khan min thah hial tumin ka lakah khang thil zozai kha ti mahse, hetia keimah vang a jail a tang hi ka rilru a nuam thei reng reng hlei nem, ka lakah thilsual tamtak ti mahse ka thinglung chhungril ber hian ka ngaidam vek a, a mah hmuh a ka ngaihdam vek thu hrilh hi ka duh zawk a. An lo daisual tawhna zawng zawng ah khan inchhir a, Pathian lam anlo hawi theih nan an pafa tan nitin ka tawngtai sak reng thin zawk a sin. Tunah Rinzuali nau in a u leh a pa hnung zuiin Ngurpuii nun na min laksak leh hi ka hrethiam thei lo, engtin nge pawisawi lo leh hmeichhe vanduai em em chungah Khan kha thil kha a tih tak mai le?. Engtik ah nge he buaina hian min kian san ve ang? hengthil zozai vang hian ka chau hluah hluah tawh" Rilru buai nuaih chuan ka ti tham tuak a.







"Chuvang a lawm kan inneih vat a ngaih, ichungah hian engthil thalo mah a thlen ka phal tawh lo, ka hmeichhe hmangaih hi ka venhim angai a lawm, chumi tur chuan kan inneih vat a ngai, hetia nangmah ngaihtuah reng reng a ka awm reng chuan ka chau chhe zo takngial dawn, aral akhat atang chuan duh ang ang in kan in ngaihsak thei tak tak silo a, keilah hotel lamah ka hun tam zawk ka hman alongai ve bawk nen" Rinhlua chuan a rawn ti leh sup a.






Rinhlu-an tunhnai a inneih alo rawt chhen chhan chu ka var ta kuar in kahria, Rinzuali te unau hi kei chuan hmelma ang in ngai velo mah ila, anni tan chuan hmelma ka ni miau si a, tualthah hrehna pakhatmah an nei bawk silo a, chuthil vang chuan Rinhlua hian min hlauh thawn pui a, min venhim theih nan inneih alawt rawt tluk tluk nita ber in ka hria.






Home kan thlen chuan rei thu khawmuang lo in min haw san nghal a, a kal dawn ah chuan "Bawihi zanah ka rawn kal leh mai ang aw, hnathawh tur tlem ka la nei a haw hma ka ngai sia" a rawn tih chuan "zanin chu rawn leng lo mai rawh, kan thil sawi chungchang kha kanu leh Pa te ka titi pui a ngai dawn sia, zanin chu min ngai viau dawn mah la rawn kal lo phawt rawh aw" ka tih chuan a nui suk a.





"Thu lawm awm ka hriat dawn phawt chuan kum tamtak chhung pawh ka nghak thei ang che chu" nui vur vur chung chuan a rawn ti a. "Lo hlim viau hrih teh suh kan inneih anlo phal loh chuan chuti der chu kan ni mai dawn ania aw" ka tih chuan "Ka lo tawngtai char char ang, nangpawh lo tawngtai ve rawh aw, hetia in thlah reng ngai lo a kan awm dun vat hi a ngai ania" a rawn tih chuan a hnung ah chuan namin "Kal phawt rawh, tlailam hurserh kan hman ahun dawn ania" ka tih chuan ka chal ah chuan a rawn fawp zauh a nui vur vur chung chuan a motor dah na lamah chuan a pan thauh thauh a.






Hunserh kan hman zawh ah ka pa ka call a, zan lamah thil pawimawh sawipui tur ka neih thu leh, kanu nen riak nghal tur a ka beisei thu chu ka hrilh a. Kapa nen kan inbiak zawh chuan kanu leh pa kiang ah chuan engthu nge ka sawi hmasak ang tih chu ka ngaihtuah a. Rinhlu-an inneih a duh thu ka hrilh hmasa phawt anga chumi hnu ah Ngurpuii thihdan chungchang chu sawi a tha zawk in ka hria a.









Zanlam inkhawm hmang hman turin kanu leh Pa an rawn thleng phei a, ka pa in thu a sawi nghe nghe a. Ngurpui-in min kalsan leh tak si avang hian, kanu leh pa te hian kan inlam ah ai in home ah hian hun an hmang tam zawk a, kanu phei chuan kan chhungkua a home enkawl hi a duh a, ka pa in keini kan awm chuan Mambawihi hian a rawngbawl na ah hian a in thlahdah phah ang, hlawhtling tur chuan hreawm tamtak paltlang angai thin, chubak ah tawrhchhel te hi azir angai, a ti ve tlat thung a.








Home adin atang in minrawn pantu kan ngah tawh khawp mai. Pathian zarah harsatna em em tawk lo in kanla kal chho ve bek bek zel chu ania, mi sawmnga chuang zet hnathawk tu te nen kan awm ve tawh vang in kan home pawh a reh lutuk tawh lo a, inkhawm kan ban chuan thu khawmuang tawhlo in, ka room ah chuan kanu leh Pa nen kan pathum chuan kan in zui lut nghal tham tham a. Khumah chungah chuan ka thu a kanu leh pa chu chair ah an thu thung a.









Ka pa chuan "Mambawih engthu nge min sawipui iduh chu han sawi tawh la? A rawn tih chuan ka zam ru ve khawp mai. Ngurpuii kan thlahliam na pawh karkhat awrh chauh a la ni a, kan chhungkua in kan tuar em em vek a, chutih lai kar a pasal neih lo sawi chu ka hreh ve khawp mai. Ka kut tin sik niap niap chung chuan kanu leh pa chu ka melh tawn sek. Kanu chuan "Mambawih engmah sawihreh angailo ania, thuchhia leh atha zawng zawng inthlen ngamna tur in ipa nen hian intan kan awmreng alawm, intan tihtheih em em neilo mah ila, kan tihtheih a awm anih chuan kan hnungchhawn ngai hauh lo ang cheu" alo ti ve siam siam a







"Pa ka thu sawi tur hi hunlo intih viau pawh ka ring a, mahse sawipui ve hrim hrim cheu ka duh bawk sia. Englo ania Rinhlu-an inneih vat a duh a, hman ni lawk ah Ngurpuii kan chan a, inhriat ang in Alpha hi ka pawm angai a, lehlam ah home enkawl alo ngai ve bawk si a. Rinhlu-an in neih vat a ka rawngbawl hna hi theih tawp a min puih a duh a, chubak ah thildang a la awm bawk a. Ngurpuii thihdan chung chang ah khan" ka tih chuan ka nu leh pa chu an in melh zawk a.









Ka pa chuan "Mambawih pasal neih iduh phawt chuan kan dang miah lo ang che, chubak ah Rinhlua hi ka ring tawk a, a rilru puthmang chu ka hriatthiam pui khawp mai, kan mamawh hun a piang ah ihe lo in buai chung chung pawh in min tanpui reng zel a, hetia home i enkawl tak atang phei hi chuan ngaihtuah ina zual a, home ah hian mi bawraw tak tak an awm si a, hmeichhe awmnem zawk ilo ni ve bawk nen Rinhlua chuan a ngaihtuah ngawt ang che, in inneih chu keini chuan kan remti lutuk a lawm. Marawh chu Rinhlua nu ngaihdan te in hriat hmasak phawt atha in ka hria a, mo dang angin an inchhung ah ilawi lut ve thei dawn silo a, a nihna tak ah chuan Rinhlua zawk helai hmunah hian a rawn in suan luh ve mai angai dawn sia, a fapa mal neih chhun ani si a, aremti kher lo mai thei ani" ka pa chuan a rawn ti chuar chuar a.







"Rinhlua nu chuan kan inneih chu a remti thlap ni in Rinhlua chuan a sawi a, mahse keimah ngei in hmaichhan ah sawipui ka duh a, hotel enkawl alo ngai bawk nen a rilru chu a buai ve khawp mai" ka tih chuan kanu pawh chuan "Ni e chhungkua in in pahnih chungchang hi chu ngun thluk zawk a kan rel ho chu angaih ka ring" a lo ti ve vat a.








Ka pa chuan "I u te ho pawh kan rawn ve phawt anga, kan thu thlukna hi Rinhlua chu la hrilh hre duh lem lo la, i u te ho in engtiang in nge rilru an put kan hre silo a, i u te ho chu ka lo be kual phawt anga" a tih chuan ka lo bu nghauh nghauh a.








"Nu, pa Ngurpuii thihdan chung chang kha eisual vang a thi ani lo ania, Rinzuali nau khan turin a lo hrai alawm, Rinhlua-an a chhui chhuak vek tawh a. Min hrilh tirh phei chuan ka awih lo hial zawk a, an pafa thum em em a tualthah thubuai han neih chu rapthlak ka ti lutuk a" ka ti chhuak sap a. Kanu chuan "Ni e, Ngurpuii kha tur a hrai ani tih kha i u te khan min hrilh tawh a, irilru anat lutuk an hlauh vang in engmah ka hrilh hre duh lo che a, mahse ilo hre tho bawk sia, thil a nih tur ang a ni zo tawh a kan chhui zui tir duh lem lo a, mahse Rinhlua chuan tual that tu chu a lo chhui chhuak leh tho bawk si a, engtia hma han lak chi nge ni dawn le? Pu siama te chhungkaw tan kan tawngtai nasat teh lul nen, setana hian min ti buai teh zawng e" ka nu chuan a rawn ti sap a.






"Engtia hma han lak tur nge pawh ka hrelo, thil sual titu hrereng chung a engmah kan tih loh chuan Dan bawhchhia kan ni ve thei tho bawk si, he mi chungchang ah pawh hian chhungkua kan in rawn khawm chu angai dawn anih hi, engpawh chu nise i u te ho kan koh haw leh nge nge chu angaih hmel khawp mai, tual that tu za len tak a a vah kual reng zawng in, midang tan pawh a him miah lo tih na ania. Pathian chungah kan rinna kan nghah a tun aia nasa a arawngbawl hna ka thawh nasat zual zel hi angai ania, setana hian kan rawngbawl hna ti thuan awp tur zawng hlir hian min bei bawk si a" ka pa chuan a rawn ti a.







Ka mut hmun ah chuan pasal nei tur ang in ka in dah chhin a. Rinhlua kiang a ka awm hun tur te ka suang tuah a, a sawi ang tak tak khan ani nen chuan he home pawh hi tun aia tha hian kan enkawl theih ka ring nghet tlat tawh. Hun harsa tamtak kalo paltlang tawh a, tunah chuan keimah chauh a thaler khawhar tak a vak kual vak kual thin kha, ka kiangah min support tu tamtak an awm tawh a, keimah ka in thlahdah mai ang tih te pawh ka hlau rum rum tawh, a hma zawng kha chuan ar pan chuk tuilo khawp khan miten min sawi chhia kha ania, tunah erawh chuan ka rawngbawl hna thawh a vang a min chibai tu an tha hnem tawh khawp mai, harsat na tamtak ka lo paltlang tawh zo zai te rilru na tak a ka tah zawih zawih lai te khan lo beidawng in, ka rawng bawl hna hi lo bansan ni ila chuan, tun dinhmun hi ka thleng hauh lo ang. Lalpa hian a mite hi min thlahthlam ngai lo a, min chawisang zawk thin tih atak ngei a chang tu kalo ni ve reng mai.






Ngurpuii ka chan erawh hi chu ka tuar na takzet a, natna vang a thi chu nise chuan tun ai hian ka dam zawk deuh tur hi ania, a chung a thilthleng vang hian hreawm ka ti hluah hluah a, kei nen hian lo intawng ta lo ni ila, Josepha nen hian an inhre lo anga, a la thi miah lo ang mawle ti te hian ka ngaihtuah fo thin. Leh lamah ka kutah midang tamtak an innghat mek a, thlarau lam ah nasa leh zual a ka in chher hriam sauh sauh angai bawk si, rilru mumal pawh put theih loh chang ka nei ve fo bawk, ringtu nun ah hian nguichang ni leh chauh chang ni alo thleng lothei thin silo a, hetiang hun alo thlen chiah hian nasa leh zual a Pathian hnen a kan tawngtai angai thin.










Ka pa in "Mambawih inu nen Pathianni kan hman pui law law mai ang cheu, inlam ah kan khua a har tho bawk si a" min tih chuan ka lawm ru ngang mai, ka pa a awm hi chuan inkhawm leh sermon ang chi hrim hrim min chhawk vek thin a, bul kan tan tirh ai thlawt chuan hma kan sawn in home a rawn awm te pawh an zal tawh khawp mai, fahrah leh chhungte neilo an nih loh chuan home a an awm theih hun chhung kan bithliah vek a, chumi piah lamah erawh chuan an mahni in awm zui an duh erawh chuan kan lo pawm thlap thung.







Saturday hi chu in tihfai nan hun kan hmang tlangpui a, home tual vel leh hnim sam ngai leh bawlhhlawh ti fai in kan phe suau suau a, hmeichhe ho in thuamhnaw suk ngai kan lo su ve bawk a, ka pa chuan "Mambawih sawlai hmun zawl saw a zau tha tho bawk sia, volleyball coat siam sak ila a tha in ka hria, taksa sawizawi na tha tak ani dawn bawk a" a rawn tih chuan "Atha ngawt tak ang. Pathian thu ringawt kan sawipui reng chuan an lo ning ve thei a, rilru tih thawven nan han infiam te chu thil tih chi tak ani ang chu" ka lo ti nghal vat a. "Keiman leingai ho chu ka lo lamkhawm anga, arang lam in kan siam vat dawn ania" ka pa chuan ati ve bawrh bawrh a.






Home gate a track rawn tlan lut mek chu mak tih hmel deuh chuan kan hnathawh theuh chawlh san chuan kan lo thlir thap a, home tual ah chuan a rawn din tak avang chuan track lam pan chuan Enge thil awmzia zawh fiah tum chuan ka tlan phei nghal vat a. "Eng thil nge nita ngai? hamhaih ru ang reng tak chuan driver track chhung a tang a rawn tumthla chu ka lo zawt vat a, Awmpuia leh mipa then khat chu kan bulah chuan an rawn kal ve nghal a.










Driver chuan "Home thil tur kan rawn dah dawn anih hi, engmah an rawn sawi lawk lo emni? A rawn tih chuan kan hrilh hai zual sauh a. "Chutiang kan bungrua tur an rawn dah dawn tih thu kan dawng hauh lo mai, in kalna tur inhai ani mai lo maw? Ka tih chuan driver pawh chuan hrilh hai hmel deuh chuan "Ava mak awm ve chutia engmah in hriat si loh chuan, kan bungraw dahna tur hi kan hriatsual tidawn ila. Robboni home ta tur ti khan pi te khan ansawi chiang viau bawk sia, ngawi teh u, kan phone lawk ange enge thil awmzia? ti nuah nuah chung chuan motor ah chuan lawn chho leh in a phone chu a han la a.








Ka pa in "Mambawih engthil nge nita? A rawn tih chuan "Inbungrua tur kan rawn dah dawn an rawn tia, khawi atang mah in thilpek kan dawn tur thu kan hre silo a, driver hian han be chiang sela thil awmzia kan hre vat mai ang" ka lo ti vat a.






Driver in an pi te biak a tum mek lai chuan Rinzami car a rawn thleng chawpchilh ve nghal zat a, car chhung a tang chuan Rinhlua nu a rawn chhuak tel ve bawk a. "Bungrua chu inla hlang thla nange? Pi zual-in a rawn tih tak avang chuan thil awmzia ka var uar thei. "Kanu engthil nge ni a? Robboni home thil tur kan rawn dah dawn anti sia engmah keini lam in hriat kan nei bawk silo a, an rawn kalsual anih kan ring a kan lo chi ai hman viau a sin" ka lo ti vat a. "Ekhai aw Bawihpui-an engmah a rawn hrilh na cheu nge, buhfai leh chawhmeh ilo leh mamawh tur dang dang kan rawn lei anih hi" nu zual-in a tih chuan nuam lo ka ti ru ngang mai.






Ka hmelah chuan ka rilru puthmang ka lo ti lang deuh aniang Rinzami chuan "Angel nuam lo ti duh reng reng suh, Nute-i hian kan home tan hian thil enge maw tih ve a duh a, a thil pek lawm tak a lo dawn mai hi keini chuan kan tih tur a nia lawm" arawn tivat a. Rinzami min biak na pawh chhang tawh lemlo chuan inchhung lamah ka lut nghal daih a, ka thaw chhuak nghal hawk bawk a, khatiang a tam thilpek Rinhlua nu hnen a tang a kan dawng khan ka thawk a ti buai tlat a.







Ka phone chu phawrh in Rinhlua ka call nghal zat a, rei pawh a ring hma chuan "Bawihi tunang hun ah min rawn be ngai silo a, home lamah buaina a awm emni? Zangkhai fe chuan a rawn ti sup a. "Buaina na chu a awm lemlo a, mahse" ka ti hman chauh a. "Min ngai ani maw? Nui hawk hawk chung chuan a rawn ti a. "Ka ngaih vang che a ka rawn bia che ah ilo ngai chu ingai sual anih chu, inu hian engthil nge arawn tih hi? Nangman titur in iti zawk nge? Ka ti hmawk hmawk a.






"Bawihi kanu chuan engthil nge arawn tih a? Hriat thiam loh hmel fe chuan a rawn ti sup a. "He tiang thilpek zozai hi enge a awmzia? Home tanpui na pe tur hian inu hi iti lo tak tak maw? Ka tih chuan leh lam atang chuan a rawn rum hawk a. "I van ho tak, thil liantham a thleng emaw ka ti hman a lawm, tukkin khan kanu chuan home tan thil enge maw tih ve a duh thu a sawi ngei tak kha, enge mamawh inneih lo zawt tur che in min ti tak a sin mawle, ka lo theihnghilh daih a keima thiam loh anih chu. Bawihi kanu thil pek cheu kha lawmtak in lo dawn sak tawp rawh u, a fanu ini mai tawh dawn a, engtin emaw tal a chhawk zangkhai ve che aduh anih kha, keipawh ka rawn thleng vat ang, tun sunday chu ka nu ho in Rinzami nen rawn hmanpui cheu kan tum a" a la rawn ti tak deuh deuh a.










"Naaa, hetiang thil hi kanu lak atangin dawn ka beisei hauh hlei nem, chubak ah a tam bawk si ka in thlahrung a lawm. Pathian zarah kan nitin eichawp hi chu kan haihchham bik miah lo a, tun hi avawikhatna leh atawp na ni thei se ka duh khawp mai. Engpawh nise bungrua chu a rawn thleng vek tawh tho a, lawm takin kan lo pawm mai aniang chu, tlaiah kan inhmu dawn ania ka nu leh Rinzami an lo hrilhhai lutuk palh a nge" ti in kan inbiakna chu ka ti tawp a.












Pawn a ka chhuah leh chuan bungrua ho chu an lo hlang thla zo tep tawh a. Ka nu leh nu zuali chu an lo nuidun hawk hawk a, nu zuali chuan Alpha chu a lo pawm a, duat tih hriat tak hian a lo fak mawlh mawlh a. Ka rilru ah Josepha a rawn lang zawk a, Rinhlua ten chawlhni min rawn hmanpui antum rau rau chuan, home lamah rawn kal ve se tlemin a rilru tawt lutuk pawh a tih zia awm phah ka beisei a, ka phone chu phawrh in ka call ta nge nge a.










Rei pawh a in ring hma chuan "Zorin pawimawh a awm emni? Min rawn biak ve teh mial a? A rawn ti tham tuak a. "Ka rilru ah i awm reng a, Rinhlua te nufa leh Rinzam-in home ah chawlhni rawn hman antum a rawn kal ve turin ka duh che a, khatia lungngai a indawm kun reng tur kha chuan ka phal lo che, home leh Alpha ka enkawl a ngai a ka duh angin ka ngaihsak thei bawk silo che a, ka ngaih tuah takzet che tih hi ihria em? Ngurpuii chuan min kalsan tawh a, engtik ah mah kan hnenah hian a rawn kir thei tawh dawn lo tih chu ihriat ve tho kha, keini nungdam a la awm te hi chu hmalam pan a kan kal zel angai ania, chubak ah Alpha pawh ihmu khat tawh lutuk, nitin hian a thanglian ve zel a Ngurpuii hian a mah kan hriat rengna turin, fapa duhawm tak min la hnuhchhiah tal alawm tiraw? Kan lo beisei reng dawn che ania aw, vawiin ah ihman loh pawh in naktuk ah tal rawn kal ang che aw" ka ti nghal bawrh bawrh a.







Lehlam a tang chuan a rawn thaw ri hrawih a. "Zorin ithu sawi chu ka hrethiam a lawm, Ngurpuii nen khan nitam pawh kan inzui hman lo a, khatiang thil kha kan tawng ta si a, diktak chuan home a rawn Kal pawh kha ka huphurh a, kan sulhnu tamtak hmuh tur a awm bawk si a, mahse ka tlanchhe reng thei bik lo ang, thil chu anih tur angin a thleng vek tawh bawk sia, keimah tak pawh hi ilakah kain thlahrung viau a sin, Ngurpuii thihna vang hian midang zawng aiin ituar tih ka hre ve tho si a, imi sawmna chu rawn tih hlawhtlin ngei kalo tum ange" a rawn ti sup a.








Rinhlua nu bungraw rawn lei ho kan remfel zawh meuh chuan a lo tlai rawk tawh a, zanriah eihma a inbual fai hmasak ka duh vang chuan Rinzami hnenah chuan "Chaw eihma ka han tleuh zawk ange aw? Inrawn lei hnem lutuk a ka thlanin min bual nasa lutuk" nui var var chung chuan ka ti a. "Helam chu rawn ngaihtuah suh, helai a ka awm chhung chuan hahdam tak khan awm tum teh, kalo chhawk zangkhai ve ang che, rawn pui tur che in hunawl ka nei thei mang bawk silo a" Rinzami chuan a lo ti nghal var a.







Inchhung a ka luh chuan ka nu te pahnih leh ka pa chu muk zet hian an lo titi ho a, nu zuali chuan "Bawihi bungrua chu in dahfel tawh emni? Hetah hian rawn thu ve lawk teh" min lo ti nghal sawk sawk a. "Nu hetiang thil zozai rawn lei hi angai miah lo a sin, nidangah chuan rawn ti tawh suh aw kanlo pawm tawh miah lo ang" ka tih chuan an phathum chuan an nui hawk hawk a.










"Ka fanu tan ka tih ve theih tawk anih hi, ruihhlo ngai tamtak i enkawl angai a, eitur lamah tal rilru hah a i awm loh nan tiin ka rawn lei ta mai a lawm mawle, nidangah pawh mamawh in neih chuan engmah kalak ah sawihreh ineih ka remti miah dawn lo ania" a la ti tak ang deuh deuh a.











Ka pa bul a thut thlak pah chuan "Thil pawimawh sawitur a awm anih loh chuan in bual phawt ka lo rilruk deuh a sin, a lum lutuk a ka thlan a tla nasa bawk sia ka ban deuh chuap a" ka tih chuan nu zuali chuan "Pawimawh em em chu nihran lo e, han in bualfai phawt rawh, titi ho na hun chu kan la ngah a lawm. Bawiha pawh a rawn thleng har tawh lo ang" a lo ti nghal vat a. A malchung a Alpha muhil chu ka en vang vang a.









"Ka fapa chuan api malchung a mut chu nuam a tihle anih hi, amuttui hmel nasa mai" ka tih chuan "Bawihi Alpha pi tak tak nih vat vat hi ka duh tawh ania, ka tute awm a han pharbuai vel ka chak tawh zia hi ihria em? Rei mih nghah tir tawh loh hram ka beisei" a rawn tih chuan zah a vang chuan ka hmai a lo sen tawn tawn thei. Thildang sawi tawh lo chuan ka room lamah chuan ka chhoh san ta daih a.








Alpha nen hian thisenah inzawm na neilo mah ila kei leh ka chhungte zawng zawng hian kan hmangaih em em vek a, Ngurpuii duhthusam ang ngei a hmangaih na nen a tha tak a enkawl seilen hi ka thil tum ber ani reng a.







A lum ka ti bawk a, ka inbual chu ka hman hmawh lo kher mai, ka inbual zo bathroom a tang a ka chhuah chuan, khum chungah Rinhlua a lo thu run a, amitmeng ti zim sun hian min lo melh de sawr sawr a. Lai ru zet chuan "Ilo thlen na arei tawh em? Ka ti ringawt a. Nui hawk chung chuan khum atang chuan rawn ding chhuak in "Naupangchhia viau thin lo teh, khatia lai rual pawh ini tawh lo" a rawn tih chuan ka lei chu kalo chhuah khum zauh a.









"Ka lai bawk lo e aw, ka hmuthut che a minti hamhaih a lawm, chubak ah hetia room chhung a min lo nghak lo hian inhnuai lamah te lo awm ve hle hle tur che alawm, midang in min ringhlel anga sin" ka tih chuan ka lampan chuan a rawn pen phei pawk pawk a. "Ka ngai tawh che alawm, i inbual rei ropui si minute hnih lek pawn rawn chhuak tlai nila chuan bathroom chhungah khan ka rawn luhkhung ang che mawle" ti sup chung chuan a ban thachak zet chuan ka kawngah a rawn kuah zui nghal zat a. A taksa si chet a min "Kangai che" a rawn ti sur sur a.












A awmah chuan lo namin "Duhtawk teh kawr pawh ka la hak loh hi, midangin min rawn hmu palh ange" ka tih chuan ka biang tawn tawn ah chuan dawm in "Bawihi inthlak vat vat la inhnuai lamah kalo zu chhuk hmasa ange, mahse rei lo la chawi ei an peih tawh ania, chhung inkhawm hman a ngaih kha" ka hmui rawn khawih zauh pah chuan a rawn ti sup a. Min chhuahsan nghal nul nul a.













Chesawn lo chuan ka awmna ngai ah chuan ka ding deuh vang vang a, anitel hian Rinhlua hi ka duh zual zel nimai hian ka hria, kalak ah mawilo takin a khawsa ngai tawh lo a, min hmangaih zia hi min hriat nawn tir fo thin. Home lam a chawlhni rawn hman antum chhan pawh hi kan inneihna tur thil vel vang anih ka ring thiam mai a, tuntum zet chu kan inhnar theih pawh ka ring tawh lo. Keipawh hian Rinhlua thlazar hnuai a hahdam tak a awm hi ka thlahlel ve tawh ngawih ngawih bawk si a.












Inhnuai a ka chhuk thlak chuan Josepha pawh a lo thleng tawh a. Zep loh ah chuan ka sawmna kha arawn tih hlawhtlin tak tak pawh kalo beisei lo a, chutia arawn thleng phei ve hlawl chu ka lawm ru ngang mai. Alpha chu khawr zet hian alo pawm ve ngei a, karkhat lek chhungin a lo cher hman ngang mai, zan a mutha lo tih hriat zet in a mit hnuai a val kulh a, a hmel chu a chauh hmel ngawih ngawih, a lam pan a kal phei chung chuan "I rawn kal thei chu ka lawm hle mai, chaw i eitha lo ani maw iva cher em em ve? Ka ti nghal bawrh bawrh a.












Min chhan hma chuan Rinzami chuan "Zorin helai a rawn kaltur hian engtin nge sawm nachang ilo hriat zawk a? Alpha pawh apa Josepha a rawn thlen meuh chuan a hlim luat vang in a khek ve chul a lawm" nui var var chung chuan a rawn ti a.
Midang ho pawh chuan joseph-an Alpha apawm chu hmuhnawm tih hmel fe chuan an en thap a.











"Alpha chauh hi a hlim hleinem, keipawh hi helai hmun ka rawn thlen rual khan ka zang hawk thei asin, Zorin tinge ahma te khan home a lengtur hian min rawn sawm loh a?. Mahni chauh in room chhung thim zetah ka lo inkhung bo char char a, tunah chuan nun awmzia ka hrethar leh in ka hria" nui suk suk chung chuan josepha chuan a rawn ti ve sup sup a. Athusawi leh ahmel awmdan erawh a in persan hlauh thung a, khawhar ngawih ngawih hmel a pu miau sia.







Zanlam ah erawh chuan inkhawm banah Rinzam-in thla eng lawm ang u tiin rawtna a siam a. Awmpuia chuan phur fe hian "guitar kava la ange kan zai ho anga anuam viau ang, thla eng hnuai a party pawh kan nei khat tawh a lawm le" a lo ti nghal bawrh bawrh a. Rabboni home hi khawpui daifem a awm ani bawk a, midang venthawn tur an awm lemlo bawk nen, an rawtna chu kalo pawmpui ve mai a, chubakah Alpha min enkawl chhawk turin api te pahnih an awm tho bawk nen, rilru tih thawven nan atha riai dawn hian ka hria a, home tualzawlah chuan kan inzui chhuak ta dam dam a, Rinhlua chu ka bulah chuan rawn thuin min rawn kuah hlun a, ka bengbul ah chuan "I ngaihtuah ka hria ania aw" a rawn ti sur sur a.







Ni e, he lai hmunah hian kumhnih hmalam kha chuan, he home hi ading ang tih mumang ah pawh kalo mangphan chhin ngai reng reng lo, he hmun hi chu nu leh pa te pawhin tihngaihna an hriat tawh loh ruihhlo ngai te fuankhawm na hmun thin kha ani miau a, he hmunah hian kan nunhlui tamtak inphum a lo awm tawh miau si a.










Rinhlua en chung chuan "He laihmun hi kan nun bul intan na hmun ani a, misual leh awmtha duh lo te fuankhawm na hmun thin kha, tunah chuan thlarau bo te chhanchhuah na hmun thianghlim ani tawh chu anih hi. Lalpa remruat dan hi mihringte hriat thiam phak rual anilo, thla a eng emaw, ruah a sur emaw pawh nise, he hmunah hian thil sual titur khan kan fuankhawm zantin thin kha ania" ka ti sap a.









"Ka nupui nimai tur hi ka chhuang lutuk che, ithawhrim na vang liau liau in engkim hi a in thlak danglam zel chu anih hi tiraw? A hmui a ka hmai rawn nul thuak thuak chung chuan a rawn ti a. Tlem a lo in lakhran deuh pah chuan "Insum deuh teh, midang mit ti kham zawng in kan awm athiang lo ania, home a awm te hian kan nundan hi min chhiar a min thlir reng ani tih hi theihnghilh miah suh" ka tih chuan a rawn nui chhuak huk a.










"Bawihi zanin chu tawm ila? Ka bengbul ah a rawn tih rual chuan a nakah chuan kalo nghawk sawk a. Midang hriat hlau fe chuan ka hawikual nghal zak zak a, anilah alola nui khur char char zui. "Ka fiam che anih kha, ihming ti hliau tur leh izahawm na ti chhe thei tur zawng a awm te chu ka tum hauh lo" ka kut rawn hum vang vang chung chuan a rawn ti a.







Awmpuia guitar nen a rawn kir tah ah chuan kan zai ho ta dal dal a. Zan arei telh telh a kan zai tui tual tual a. Inchhung lam a awm te pawh in min rawn fin ve zel a, kan rinphak bakin nuam kan ti tlang ta phian a, ka pa in "Mut zai rel tawh rawh u khai, zingah in tho thei lo ange, a rawn tih tak ah chuan inchhung ah chuan mutur in kan inzui lut ta diak a.







Alpha chu ka nu in kan lo mutpui mai ang atih vangin Rinzami nen kan mudun dawn a, Josepha leh Rinhlua chuan mipa ho awmna lamah mutur in min pheisan a, Rinhlua nu erawh ka room ah mu ve thung la ka tih chuan alo in thlahrung khawp a.









Rinzam-in "Nu-te inthlahrung lo khan va mu mai mai teh, keini chu thalai kan la nih hi khawihmunah pawh mu ila engmah hreawm a awm lo ania" a rawn tih ve tak ah chuan min hnial duh ta bik lemlo a.







Muthmun ah chuan Rinzami nen chuan kan titi char char a. Rinhlu-an palai rawn tirh a tumthu ka sawi chuan alo phur ngang mai. "Enteh zamte diktak chuan pasal neithei dinhmun ah hian ka ding hian ka in hrelo a, mahse min hmangaih em em tu Rinhlua hnar reng erawh ka thei bawk silo, a chang phei chuan home kan lo din hi kan tih loh tawp tur kanti emaw ni aw ka ti hial thin a sin" thaw halh chung chuan ka ti a.






"Chutiang zawng chuan ngaihtuah tawh miah suh, he hmun hi Lalpan ahun na hmun che tih hi ka hria asin, he rawngbawl hna hautak zet thawk tur hian Pathian in a chher hriam vek tawh che a, harsat na chhumpui leh ruahpui te chu lo thleng pawh nise, ringtu te tan chuan eitur kan lakna hmun ani zawk thin tih min hrilh thin kha. Ka nute-i hi chu engmah venthawn angai lo, hmanni ah pawh kanin ah arawn leng a, ka nu leh pa te kiang ah Bawiha te inneih hunah chuan home lamah ka awm ve daih ang phur zetin a rawn tih kha. Hotel lam chu engmah rilru tihhah na tham a awm miah lo, sum leh pai hi chu he lei a kan awmchhung atan chauh ani a, Bible ah pawh leiah sulrul leh tuiek in a eichhiat a an rehpawh theih na ah intan ro te khawlkhawm suh u. Vanah sulrul leh tuiekin a tih chhiah theih loh a, rukru ten an reh pawh theih loh na ah intan ro te khawlkhawm zawk rawh u atih kha. Heng khawvel thil te vang mai mai a kan rawngbawl na kan thlahthlam anih chuan, malsawm na min petu Pathian hi kan ti lungawi lo mai ang, he home hi engtik ah mah chhuanchham in a awm ngailo ang tih hi ka rindan ani, kan thiltih hi Pathian in min hriatpui miau a, he home atang hian Pathian rawngbawl tu ropui tak tak anla rawn zi chhuak nuk dawn asin" a rawn ti sep sep a.







Rinzami lam hawi chuan ka in let thak a, akawng ah chuan ka ban chuan ka va kuah a. " Kangai thin che asin, tunhma te kha chuan nangmah hmutur che in kaduh duh hunah ka rawn kalthei a, tunah chuan helai hmun khawhar takah hian ka hun leh ni ka hmang ral ve zel chu ani sia, ka u nen in in neih hunah phei chuan hmun dangah min awmsan angai dawn sia, ka khua hi a har lawk veng veng thin, nang hi chu ka thian tha ber leh ka laizawn abgmai ini si a, Ngurpuii tal kha chu ladam se chuan ka khua ahar lo deuh tur ania" ka tih chuan ka kutah chuan alo hum vat a.






"Hotel enkawl tawh lo in home ah hian ka rawn insuan lut ve mai dawn emni? A rawn tih chuan "Chutiang thil chu ngaihtuah tawh miah suh, inu leh pa te tan innghah na awmchhun ini a, tunah chuan ichhawk zangkhai ve ahun tawh a lawm. Ti daih ila Ngurpuii that tu kha Rinhlu-an a hrilh tawh che em? Ka tih chuan "Tur a hrai anih thu chiah kha ka hria a, tunge titu chu ni reng reng a? A rawn tih chuan ka thu hriat ang ang chu ka hrilh mawlh mawlh a. Zamte engtia hma han lak tur nge pawh kan hrelo, josepha hian thil thlendan diktak hi hrelo se kan duh a, a bialnu kha mi tu emawin turin a hrai tih a hriat chuan tualthah a hreh dawn hauh lo tih Rinhlu-an a sawi a" ka ti lawi rat a.






"Tualthat tu thisen kai pawh nise an pafa thum em em chuan hetiang thil rapthlak anti duh hi mak ka ti emai, zorin hemi te chhungkaw lakah hian ifimkhur hle angai dawn ania, Josepha pawh hi thudik hrilh hriat a, he nu hi thuneitu te kut a pek mai hi afuh ka va ring ve, hetia zalen tak a a awm chuan tute tan mah a him miah lo ania" Rinzam-in a rawn tih chuan ka lungphu chu a rawn rang nghal dawt dawt a. "Pathian hnenah hian an chhungkaw tan banglo in ka tawngtai reng thin a sin mawle, he thil hi chu naktuk lamah sawi ho ila thain ka hria, muhil tawh ang hmiang" ka tih chuan "muttui le Alpha nu" arawn tih chuan kalo nui hak a.







Ka phone ah darzat en ka tum chu Rinhlua msg a lo intlar dul a. Ka reply loh vang chuan alo vui nasa tawh ngang mai. "Imuhil tawh emni? " Zamtei nen kan titi tui deuh a imsg pawh kalo hmu miah lo a" tih kava thawn chuan min rawn reply rang ngang mai. "Kei aia pawhmawh inunah hian tudang nge la awm cheu dawn a?, ibulhnai a ka awm reng chung pawh hian ka kuahin ka fawp thei silo che a" tih a rawn thawn chuan ka nui sak a, tunah pawh hian a unaunu a thik leh mek tih ka hriat vang a nui ka ni...cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:11 pm

"I farnu pawh ithik tawh chu ania, inupui kanih hunah phei chuan jail tangah minsiam thei hialin karing" tih kava thawn chuan "Kaduat viau ang che" rang fahran chuan minrawn reply vat a.









"Bawihi ka muhil theithlawt lo pawnah lo chhuak lawk teh" tih arawn thawn chhun zawm nghal zat a. Rinhlua msg ka chhiar rual chuan ka lungphu chu arawn rang nghal dawt dawt thei, hetiang a naupang chhia zet a han chet leh zauh aching thin hian minti mangang thin khawp mai. "Atih chiloh lutuk, chubak ah naupangchhia pawh inihtawh loh hi, puitling lo deuh hian awm fo thin lo teh" ti in ka reply nghal vat a.








"Angel ila muhil nange? Mutchhuak aw zet a Rinzam-in minrawn tih chuan ka lungphu chu arang zual sauh a, ka whatsapp msg chu arawn lut nghal zut zut reng bawk a. Rinzami vek chuan "Tunge tunang hunah msg rawn thawn chiam chiam che a? iphone ri khan min ti muhil theilo ania" arawn tih leh lek phei chuan Rinhlua ka haw hlur tawh. Rinzam-in azawhna ka chhan hun nghak a minlo en reng tih ka hmuh chuan, zawite chuan "Tigera mawle, pawnah lo chhuak lawk rawh arawntia, thil hi atimak thei khawp mai i unaupa hi chuan" katih chuan, zawite chuan Rinzami chu alo nui hak a.








"Angel angai ve che anih chu, va chhuak lawk mairawh. Ubawiha chuan itan a thalo tur zawngin engthilpawi mah zuk ti suh, aluhlulzia chu ihriat ve tho kha, va hmulawk la arawn lettir leh vat tho ang che tih ka sawichiang ngam bal...athuhrim ah midangte in ngaihzawng angin hunthawl pawh innei hleithei ve lo a, engemaw chen ah chuan ibialpa hi ihriat thiam ve angai ania" atih chuan. Rinhlua chu "Ka rawn chhuak dawn" tih chauh chuan ka va reply ve ta nge nge a.









Thawmdim zet chuan kawngka lam pan chuan ka kal tham tham a, inchunglam a kan lo mu lo hlauh chu ka lawm rilru kher mai, inchungah mu ila chuan ka thawmah ka nu leh pa te ka tiharh emaw ania nga. Pawn ka chhuah rual chuan kawngka bula Rinhlua lo ding run chu kahmu hmasa ber a, thla eng in achhun loh nalai deuh theihai buk hnuai lamah chuan min kaiphei nghal hlawk hlawk a, inhmatawn chuan kanding taran a.









Ka darah chuan aban pahnih chu rawn nghatin chiang fahran hian min en vung vung a "Luhlulnu rawnchhuak tur a katih tirh che khan rawn chhuah ve vat maitur che ania, ibialpa min ngaihsak hman leklo khawp in ibuai a, kangai in ka thlahlel ve ngawih ngawih che tihtal chu min hriatsak ve tur hi inia" titau aw deuh chuan arawn ti sur sur a, ka kut pahnih chuan akawngah chuan kalo kuah vat a.








"Kangai lutuk che a karawn chhuak chu anih hi, athuhrim ah, tleirawl in ngaizawng angmai a hetia awmtur hi chu kan ni in ka hrechiah lo" katih chuan rangzet hian "Bawihi ka hnaih a i awm leh ka hmuh phak a i awm reng chung pawh hian, ka duh ang in ka hnaih in ka khawih thei silo che a, innei tawh mai ang, hetia awm reng hi kathei tawh lo nangmah vang hian zan pawh kamu thathei tawh lo chu anih hi" a chal a kachal rawn si chung chuan ati sur sur a.








Innei tawh mai ang, hethu hi ka beng hriat ah vawitam a sawi tawh a, chhan na fumfe ka pe mai thei thin lo, ka thinlung a thu awm chuan Rinhlua hi pasal a neih a akiang a awm tluk a duh leh thlak hlelh anei mawlh lo, mahse ka thinlung in aduhdan ang ngawt hian ka awm thei miau silo a. midangte ang a mahni duh lam lam hawi a thlekawi mai mai thei ka ni miau silo a, ka ko ah hian mawhphurh na sangtak a innghat tlat si a. Mahni nuamtih zawng ringawt a nun hman hi, ringtu diktak tan chuan thil theih ani lo tih hi kan inhrilh nawn fo angai thin.









"Bawihi minchhang teh, ka kiang a awm hi iduh velo emni? arawn tih chuan ka kut chuan a hmai chu ka lo chul sak riak riak a. "Enteh Rinhlu, inupui nih tluk a chak leh thlak hlelh hi ka nei bik reng reng hlei nem, chumi anih rual chuan engmah ngaihtuah chiang hmasa lo a thil kan tih chuk chuk erawh a rem ber lo ania, Ngurpuii kan chân na pawh thla em ala vei lo a. Chutih lai kar a pasal kalo neih rum rum hi thil thaber anilo a, mahse hei erawh hi chu ka tiam ang che. Nang hi arang thei ang ber in pasal ah kanei ang che tih hi, chumi athlen hma chuan dawhthei tak a minlo nghah angai dawn ania aw" ka tih chuan nghet zet hian min kuah hlu hlu a.












Ka nghawng ah chuan ahmui lum thur thur chuan rawn fawp in, akut hlai hlup chuan ka biang tawn tawn ah chuan arawn khuap nghal zat a, ka hmui ah chuan duhthawh fe chuan arawn fawp vang vang a. "Hetia fawh reng mai che hi kaduh, ka kham thei hlawl lo che" nui ngawr dat chung chuan arawn ti thum dut a.










Chhan mai dantur ka hriat loh vang chuan akawng ah chhuan nghet fahran chuan kalo kuah ve hle hle a, Min thlah rual chuan "Kalawm e aw, va lut tawh rawh, tunah chuan tuitak in ka muhil thei tawh ngei ang le" nui thum hak chung chuan a rawn ti leh sup a. "Min fawp tur ringawt in zanlai lai ah min rawn ko chhuak chu ania, chintam chi ani miah lo ang, tuntum chu ka hrethiam ang che" ka tih chuan "Bawihi ka fawh na che kha nangpawh in nuam itih ve tho kha aw. A lehpek chu a awm karing tawh lo, hetia rukru ang mai a kohchhuah che ngai tawh lo hian ka ta ini tep tawh alawm. A ni lawmni?" inring tawk fahran a arawn tih chuan kalo nuih sak a.












"Anih chuan min thlah tawh la, ka va lut tawh ange" ka tih chuan nui hawk chung chuan min rawn fawp leh hram a. Min kuahna a phelh rual chuan in chhung lam pan chuan ka kal nghal hlawk hlawk a, kawngka ka luh rual chuan ka va hawi let leh hram a kandin na hmun ngai ah chuan alola ding reng a, kal tawh tur chuan kakut chuan ka va hui zauh zauh a, dimtak chuan kawngka chu kalh in kan mutna hmun lam pan chuan ka let leh tham tham a.








Rinzami tihharh hlau fe chuan abulah chuan ka in thawlh nghal kak a. "Tigera chuan ava rawn let tir leh hma si che ve" Rinzam-in arawn tih chuan ka phu zawk thei. "Awi minti phu lutuk, ilo muhil daih tawh ang chu tih naklai in" katih chuan alo nui nghawr dat a. "Ramri inva pel em lo ang chu maw" chimawm fe a arawn tih chuan anak ah chuan kalo kawm sak zauh a, alo inring lo bawk nen arawn rak deuh that a, rang fe chuan ahmui kalo hup vat a, zanlai lai ah kan han nui dun leh chiam pek a, midang tihharh kan hlau bawk si, nuih aza laklawh tawh bawk nen thlan sa phung in nuihza insum si in kan awm a.









Tawkfang kan nuih dun hnu ah Rinzami chuan "Angel Ubawiha nen hian innei vat ula ka duhpui che, ngunthluk zawk a thil ka ngaihtuah hian, pasal ineih thuai hi Pathian remruat dan anih hi karing bur tawh, mihring lam buaina hi chuan tawpin tai anei tak tak dawn chuang silo a, Ubawiha ikianga i awm tawh chuan ka ngaihtuah lutuk na che pawh hi a zia phah sawt bawk anga, pakhata lah hian neih che chakin a phi ruai tawh bawk si a, kan hun kaltawh ka chhuikir chang phei chuan, hetia in lo in hmangaih ta em em mai te hi mumang pawh a ang ka ti rum rum thin. In pahnih khan in in ngeihlo viau thin anih kha tiraw? arawn tih chuan kalo nuih tawp.






"Thudik tak zawk chu maw, khatih hunlai zawng pawh khan Rinhlua hi ka hmangaih daih tawh zawk alawm, anipawh khan ka rilru ang chiah kha alo pu ve a, kan rilru kan lo inhmuh tawn loh vang khan kan lo inhal mai mai zawk alawm, buaina tamtak karah pawh kan in hmangaih na hian tunah zet chuan par achhuang ve tak tak dawn ta ni in kahria" Rinzami kuah hlan chung chuan ka ti sar sar a.






Min rawn chhan let tak mai loh vang chuan kalu chu beng kang in, ahmel kava en chuan tuitaka muhil in alo thaw sak sak tawh a. A hmai ngo ser asam in akhuh hnawk niaih chu hui kian sak pah chuan "Nang ka tawng che hi ka lawm e aw, nang nen hian intawng lo ila chuan, ka hmangaih Rinhlua nen hian kan in tawng leh kher in ka ring lo" ka ti chhuak sep a muthilh tum chuan ka mit chu ka chhing ve ta riai riai a.








Ka tum ang ngawt chuan ka muhil mai thei tlat lo, kumhnih liam ta a ka hringnun lo hman tawh dan hautak zet te kha ka mitthla ah arawn lang thar leh uar uar a, enge ka chungah lo thleng dawn tih pawh hre miah lo khan, ruihhlo ngai leh rahbi tleu tawh te kiang a hun hmang tur khan penchhuak in, kalo ar khawthim dai ve mawp mawp thin kha ania. Rinzami hi lo awm lo se chuan himdam tak hian ka tunhun hi ka thleng zo kher lo maithei ani. Pathian in ka rawngbawlna kawng a ka tha tichak turin ka hma ah arawn hung a, jordana a chan avang a dam thlakhlelh na pawh nei tawhlo khawp a nun beidawng thin kha, tunah chuan Pathian vang liau liau in khawvel a mihlim ber ti in kan sawi thei hial tawh ang chu. Pathian kutah atluk luh ngamna hian tunah chuan, ka unaupa mipa rilru tha em em nen a intawn tir a. Ufela kiang ah hian a hlim dawn ani tih hi ka beng ka hriat chian tluk in ka hrechiang ani.










Zing ka thanharh chuan Rinzami pawh kabul ah alo mu tawh lo a, ni alo chhuak uar tawh a, zanlam ka menrei deuh vang chuan ka lu arit deuh luk a, ka mit thip lutuk chu ka nuai deuh chawt chawt a. "Ka Angel hmeltha chu alo aharh ve tawh anih hi" ka mutna lam pan a nui var var chung a Rinhlu-an arawn tih chuan rum fe hian kalo melh khai khai a.






"Eheu kan tho fuh vaklo avan ang ve, trek tla tur ang mai a min lo melh tak chiam mai le" min kuah hlun pah a nui hawk hawk chung a arawn tih chuan "Nangmah vang vek" kalo ti bak hlar a. Abeng pawt zauh chung chuan "sorry lutuk ka Angel duhawm te, Zamte-in in menrei thu asawi a kan kaitho lawk duhlo che anih kha, chubak ah helai a kan awm chhung chuan hahdam tak in awm la kan duh theuh bawk a, a awmzia chu ihah thin zia hriatpui tu te vek kan nih vang ania, han in en mahteh icher tawh zia hi, hman a ka hmeichhe hriat thin Zorinsangi kha i nitawh lo emaw ka ti hial dawn alawm, kha nula kha chu kawlh viau mah se akhal in amahah khan mipa te duhthusam akim vek thin anih kha".atawng laklawh lai chu kalo pawtchat vat a.









"Tiger engthil chu nge sawi itum a? Khatia sawi kual duah lo khan isawitum tak chu sawi ve ta maila!...nangmah leh tawngkam thlum tak hi a inhmeh ve hlawl lo, kalsawn teh intihfai ka duh ania. E chuan thil pakhat nula khal iduh iti tiraw? Kei hi cher min tibawk a, iduhthusam ang hmeichhia neitur chuan ila tlai lo e, nupa kan nih hnu ah chuan rilru ithlak kual hni hne kha arem tawh dawn lo ania" athusawi lo pawt chat chuan kalo ti hmawk hmawk a, ka tawng hnem lutuk chu mak ka in ti hial zawk, chutiang bawk in Rinhlua chuan ka deuh hau chuan chik zet hian minrawn en kal a.






Akut chuan ka chalah chuan rawn dek in "ikhua chu asik bawk silo a, ka Angel duhlai hian tinge khatia min ankhum tak chiam mai le aw, tun a alandan kha chuan nupui thinchhe tak, zing thawhphan lana thei deuh ka nei dawn anih hmel riau mai, mahse apawi katilo engtiang pawh in awm thin mahla hmangaihna vangin ka ngaidam zel tawh mai ang che" nuisuk chung chuan arawn ti a.







Ka zingtho mood chhe lutuk vang chuan keipawh ka in thiam bik chiah chuang lo, zahzel ah Rinhlua bulah chuan tawlh hnai in abiang ah chuan ka va fawp zauh a. "Ka tihpalh aw ka hmangaih em em pa" ka tih chuan thli thaw ang mai a rang chuan alamah min hnuk hnai in min rawn kuah vak a.









"Nangni pahnih khan engthil nge inlo tih leh tak a? tih ri avang chuan kan in thlah rang ngang mai, khum lam pan chuan Rinzami chu aphone hum chung chuan arawn tlanphei hlawk hlawk a.









"Ubawih, Angel hei han en ve teh u, special report ah hian Rinzuali nau intih hlum thu anrawn post ania. Hei en mah teh u, tukkin khan aroom chhung ah alo inkhai hi an hmu ani awm e. Josepha a awm ve sia aruk in ka rawn hrilh cheu, thil thlendan teh nuaih hi ka hrethiam lo" Rinzami chuan thawk la kawk kawk chung chuan arawn ti a.





Rinhlua chuan Rinzami phone ken phih thlak sak hlawk chung chuan. "Khawimaw kalo en chhin, special report meuh a an post chuan dawt muhlum chu anilo tawp ang. Avan mak ve! 00 amah ngei chu anih hi, pawisawi lo nunna alaksak vang in a sawhkhawk a tuar zolo anih chiah hi" phone en vung vung chunga arawn tih chuan chechang lo chuan an sirah chuan kalo ding khawng reng a.








Rinzuali te chhungkua hian nunna hlutzia hi an hre ve hlawl lo, mihring kannih chhung hian tumah fel famkim kan awmlo a thil tisual thei vek kan ni a, Romawii pawh khan thikthu vangin pawisawi miahlo a that a, josepha a aduhna khan khathil rapthlak tak kha atihtir a, josepha hi neithei dawnlo pawh nise, ahmangaih na vang khan midang kiang a hlimtak a awm turin han kaltir mai se chuan, tunah hian mahni nunna lakduhna hial khawp a nun beidawng hian a awm kher lo tur ania, thil reng reng hi site A chauh thlir lo in site B pawh kan thlir tel ve zel angai a. Setana hian kan thlarau chatuan a tih boral tumin kiltin atang hian min veh reng bawk si a. Romawii thlarau chantur ka ngaihtuah chuan ka khawngaih in ka chhungril nun hi arum vawng vawng nimai hian ka hria.






"Nangni pathum kha enge hetah inla tih reng a? sana en nachang te hre ve ula, chhung inkhawm hman ahun tawh tih hrechang leklo chuan engthil nge inlo en a?... joseph-an arawn tih chuan kan pathum chuan kan hawi rual thawt a. "Nangni ho hian kalak ah hian zep innei chu ani em lo maw? khatia thlahrang hmu ang hrim a min melh phawk hru hlawm a? arawn tih leh lek phei chuan ka lungphu alo thlawk chhuak lo chauh ani. Kan thuhriat hi kan hrilh ve ang nge? kan la zep zeldawn tih han inrawn khawmna hun eih a awm lo, kan bulah chuan arawn ding ve run tawh a.











"Eng nilo e, chanchinthar kanlo en ho a. Rinzuali nau kha aroom ah alo in awkhlum ani awm e, chuthil chu ania kanlo en" Rinzam-in bah nuaih a arawn tih chuan kalo hlauthawng ve em em ringawt a.







"Romawii chuan dam apeih tawhlo a anunna atitawp ani ve mai a, chuthil chuan kei nen enge inzawm na aneih a? khatia min hmuh rual a hlauhthawn hmel deuh a min lo en kher, kalak ah hian thuruk innei tih hi tun mai a in awmdan kha chuan ati chiang viau chuan ka hria. Thian vek kan ni a, engkim zep then awm miah lo a min hrilh ka phut cheu ania, engpawh chu nise chhuak phawt ang u minlo nghak rei lutuk ange" arawn tih chuan kan pathum chuan kan inmelh hrek hrek a, engmah sawi zawm tawh lo chuan josepha chu kan zui chhuak dam dam a.












Ka hma a chaw awm chu ka lemthei thlawt lo, fianrial a Pathian hnen a tawngtai ka mamawh ngawih ngawih nimai hian ka hria. Rinzuali te chhungkua in, Pathian an hmuh ve theih nan kha leh chen kalo tawngtai ve fan fan a, khang ka dil na te khan rahtha chhuah lo in, sualin thihna ruamah ahnuklut ta mai chuan min ti na em em a, ka nunram hi achau hluah hluah. Rinhlua chuan ka pa hnenah chuan thil awmzia a hrilh mawlh mawlh a.










Rinhlua nu pawh Romawii thih thu chuan athawng ve hle tih ahmelah alang thei. "Midang chung a khawngaihna leh lainatna nei miah lo a awm thin, midang rilru natak a hliam thin tu te hian asawh khawk hi an tuar leh ngei ngei thin. Bible in thilthalo titu te avangin intilungngai duh suhla, fello tak a ti te chu awt hek suh, hlobet angin ahthluk in an awm thuai anga, hnim hring angin anla vuai dawn si a. alo tih kha Pa siama khan Bawiha pa kha pawisa vangin min thahsak a, kha pawisa hmang khan kum tamtak chhung nuam sa tak in anun lo hmang tawh mahse, tunah hian enge an chungah thleng ta hi? Rosum leh pai hian hlimna famkim min pethei lo a, rohlu ber chu krista zawk hi ani a, kan nunah hian Lalber se khawvel a mi hlimber chu kan ni mai, Bawiha pa ka chan tirh kha chuan piantharna awmzia hi kala hrengai lo a, ka pasal thihna kha ka tuarthiam lo em em bawk a. mahse Pathian ah lawmna thar ka chan atang chuan, tuarna ah pawh hlimna thuruk ka chhar thar a. Lawm chung a Pathian rawng bawl mai hi ringtu te tih mak mawh ani" arawn ti dap dap a.











"Mambawih ipuar hunah iroom lam ah kan han inkawm fal lawk dawn em niang, ichaw eikham ah rawn chho mai ta che" athleng chawi chunga chawei dawhkan thawhsan pah a ka pa in arawn tih chuan, ka chaw eilai pawh bar zo lo chuan ka tho ve nghal zat a. Romawii thih na hian kan hun hman nuam tak chu min rawn tih chhiatsak ta vek ani ber mai.










Ka kut te silin ka ha ka nawt leh te te a, ka pa nen chuan ka room lamah chuan kan inzui chho hnak hnak a. Room chhung kan luh rual chuan "Mambawih tunah khan ithlarau lam nun ana tih ka hmuthei asin, bial ka vawn chhung zawng pawh khan hetiang a mahni nun hlut zolo a intihlum hi kalo tawng ve zauh zauh tawh thin a, an thlarau chatuan hremhmun a an kaltur ang a ka suangtuah chang hian, namen lo in kana ngawih ngawih thin asin. Rinzuali nau pawh hian kan chhungkaw chung ah thilpawi tawpkhawk ti mahse, kan Pathian thu in kan hmelma te hmangaih tur a min tih miau avang in nangpawh hian itawngtai pui reng thin tih ka hriatpui che a, ka fanu, kan tawngtai na zawng zawng te hi chhan in awm vek lo mahse kan beidawng mai tur anilo a, nasa leh zualin kan tawngtai sauh sauh zel hi angai ania, khalai chair ah khan lo thula, iluchung ah kut nghat in kalo tawngtai sak ang che aw" dam diai a ka pa in mintih chuan ka lungchhe kher mai.










Rinzuali te unau in kan chung a thil thalo anlo tih tawh zawng zawng ngaihtuah chuan, hetia dinhmun duhawmlo zet an han tawng chho hi an chawh lo ti ngawih ngawih tur kanih lai in, ka lainat em em lawi si a. Pa siama ngei pawh kha kohhran upa hial ani a, rinna kawngah afate khalh ngiltur anih meklai in piantharna tak tak nei lo in Lalrawng alo bawl a,a mihring pui te chu minbum thei ani maithei e. Pathian hi chu keini mihringte tan han bum chi rual anilo. phuba lakhmang Pathian pawh ani ve tlat.










Ka pa in min tawngtai zawh chuan ka zang hawk thei. "Tualthattu ber athih tak si ah chuan kan buaina pakhat chu chinfel in a awm ta niin kahria. I pasal neih tur chungchang chu vawiin lamah i u te ho chu kalo be kual dawn ania, Zuali te nufa lah a siruk lain anrawn thawk chhuak chu ani hrim tawh a, keini fanu akar hetiang tak a min duhder hi kan phulo in azahthlak hial zawk" ka pa in arawn tih leh chuan kalo nui sak sak a.









"Tlai ninem ah huan hi fangkual ang u, home lam chu upa ho hian anlo uap lum thei tho dawn a, hetiang a inkawm ho na hun zalen pawh kan neikhat tawh alawm le" joseph-an arawn tih chuan athiltum chu kanlo man thiam nasa ngang mai, alak a kan thuzep ruk min zawh aduh vang in hun remchang a dap tih chu mi â nileng tan lo chuan han hai chi rual anilo, josepha luhlul zia chu kan hre vek tawh a, athu hriat duh a hriat hma chu min umzui char char leh duh dawn tih chu thil chiang sa ani. Chuvang tak chuan home chhung ah chuan kan ni neih nuaih tawh sia, hun zalen leh engthawl inkawm ho natur dap tih kan hre khiau a








A hriat loh chuan kan pathum chuan engtia han tih chi nge nidawn tih chu kan inrawn khawm ve nak nak a. Rinhlua chuan engkim thudik zep then nei miahlo a hrilh hriat ve mai chu a finthlak arinthu a sawi chuan, Rinzami nen chuan kanlo pawmpui khawp mai. Joseph-an thudik a hriat hun a athinrim hmachhawn erawh kan hreh tlang theuh lawi a ...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:11 pm

Hawi khawthawn paha huan chhung vel fan kual kan duhthu, Rinhlu-an ka pa te ahrilh lai chuan kanlo ngawi thap a. "A thangawt tak ang chu, thian ho in kawmkhawm na hun tha pawh in nei thei tawh lo tluk chu anih hi, engmah engto neilo khan va leng khawthawng teh tak un, thalai nih hi chuan thian za ho a han in kawmkhawm te kha alo nuam thin khawp asin" ka pa in arawn tih chuan kan inkhawmna thuamhnaw thlak tur chuan kan kal darh nghal sang sang a.









Choka lam ah pawh zanriah tur mi thenkhat in anlo buatsaih tan der tawh bawk a. Ka room ah chuan Rinzami nen chuan, josepha chungchang bawk chu insiam pah chuan kan sawi dun mawlh mawlh a, tualthat tu ber athi tawh bawk a tih chu kan in thlamuan na ve ber ani mai si a. Ngurpuii thihdan diktak ahriat hun a athawn dantur leh, engtin chiah nge akhawsak leh ang tih kan hriat sa miau loh avangin, thudik ahriat hun tur chu kan huphurh tlang ani ber mai.









Kawrfual ka chawn thleng vel par deuh chiai chu ha in, achung ah jacket ka ha leh tawp a, huan chhung a tei hawi kual tur kan nih inhrereng in, fila sneakers ka leithar chu ka bun leh tawp a ka in peih chu ani nghal der a.






"Angel nang hi chu engtiang pawh hian in thuam la inalh pui em em vek zel a, ka hmuh ngun poh che leh ka unaupa mit fingzia leh, hmeichhe hmeltha a hriat zia hi ka hrethar leh thin, tunah pawh khan hmuh inuam lutuk tlat" Rinzam-in arawn tih chuan "I u te chuan hmeichhe khal deuh aduh alawm, ka bulah enge asawi ihrelo anih kha aw, hman a zorinsangi kha i ang tawh lo icher tawh lutuk te min ti vel anih chu" lungawi lo deuh a kalo tih chuan za fahran hian minlo nuih tlawrh tlawrh a.






"A nuihzat thlak miah lo ania aw" tum bar bar chunga kalo tih chuan "I chhang thiam lo emai, min neihloh ihlauh khawp hi, lo tihtur alawm, isawidik ati lutuk anga angawi hmak mai dawn alawm" nui var var chung a mintih chuan ka lo nuih hak a..."I unaupa hi chuan awm chintawk hi ahrehlawl lo" kalo ti ve hmar hmar a.









"Ahmangaih hluah hluah lutuk vang che anih chiah chu, itello hian engmah atithei tawh lo chu anih hi" Rinzami tawng bawrh bawrh lai chuan..."In varei em em ve, inneih zawng zawng phurh chhuah intum zawk nge? Awmpuia chuan arawn ti lung lung a. "Kan lo kal" tiin ring fahran chuan Rinzami chuan alo chhawn ve vat a.








Inhnuai kan thlenthlak rual chuan "Hmeichhe ho tak hi chu, enge inhriat a in in siam rei theih viau mai le?, kan nghah na lamah cheu kan tlai vek dawn alawm" Awmpuia chuan alo ti barh barh a. Awmpuia âng vel chu Rinhlua leh Josepha chuan lo zawm ve in, min hauhrawn hi ani ringawt.










"A tlaitawh intih chuan kan thulh leh mai dawn emni? nuiduh miah lo a Rinzam-in arawn tih chuan an pathum chuan an ngawi thap a. "Kal ang u" tih pah chuan kanu in Alpha alo awih darh darh nalam chu pan in, abiang chum biang ah chuan ka fawp zauh a. "Ka naute hmeltha api te thu lo rawh aw, nu hnute kha chu ka siam sak vek tawh kha atuihal hunah lo hnektir mai ru aw" ka tih chuan kanu chuan "Rawn ngaihtuah duh reng reng suh, nang ai fe chuan naute enkawl chu ka thiam zawk in karing" minlo ti khauh a, pawnlam ah chuan Rinhlua te kalna lampan ah chuan ka tlan chhuak ve ta dawr dawr a.







Kan home hi a view anuam in kan tuaihnum tha bawk a, han len khawthawn nan chuan duhthusam ani ringawt, ahma a aneitu Rinawma te chhung khan, thlai puitling tamtak anlo belsa nual a, heng thlai rah hmang pawh hian sum enge maw zat chu ka hailuh theih kan in beisei bawk a. Theidang kan phun belh ve reng a, karloh ah anlo puitling ve zung zung zel a, home kan in enkawl natur thil tamtak heng thei ho hian min phuhruk sak theih kan ring bawk a.







"Helai ah hian thu chawl ang u" Joseph-an arawn tih chuan, fianrial a bethelna atan thingtuai hmang a thuthleng kan siam ah chuan kan thu tlar dal a. Rinhlua chuan ka kut ka malchung a ka dah chu arawn hum nghal chat a. "Tukkin a thil thleng chungchang ah khan kalak ah zep innei ni a hriat na ka nei tlat a, enge maw min hrilh tur in neih ka ring a" Josepha vek chuan arawn ti leh a.







"Romawii thihna chung chang kha emni insawi chu?, enge keini nen inzawm na aneih a? ani kha chuan Zorini a ti buai ve chuang emni? Rinzuali lah jailah atang mek sia" bang bo fe chuan Awmpuia chuan arawn ti a.










Rinhlua chuan ka kut chu arawn hmer na deuh salh a, rang fe chuan ahmel chu ka lo en vat a, ani pawh chuan minlo melh ve run a. Nui sak chung chuan kalo buk khum zauh a. Josepha lam chu hawi leh in "Thianpa Romawii khan angaizawng che tih hi ihre ve reng reng em? ati hmasa leh te te a. Awmpuia nen chuan mak tih hmel deuh chuan Rinhlua chu an en a.







"Chutiang engmah ka hre hauh hleinem, chubak ah Rinzuali nen inneih intum lai kha chuan vawitam kan inhmu a, an in ah pawh kan chuangkai reng reng a, chutiang lamhawi zawng chuan kalo chik ngai miah lo a. A awmzia chu Romawii khan min ngaihzawng tih ka hre ve miah lo, chubak ah anni ang naupang te chu ngaihzawn tinah pawh ka lotin lo hrim hrim bawk a, Romawi-in min ngaizawng tih chu ka vawikhat hriatna ani" joseph-a chuan arawn tih sup a.









"Romawii khan nang hi a atchilh che alawm, Rinzuali khan anau hnen ah khan Angeli atihbuai reng chuan, nang hi pasal ah aneih theih nan che apui dawn tih atiam a, Ubawiha leh Rinzuali inhual na party an neih dawn zan a thilthleng pawh imitngei in ihmuh ve vek kha, kha chauh lo pawh ahma pawh in Romawii leh athian te ho khan Angeli hi mi zingah tih mualpho tumin an bei nasa thin khawp asin" Rinzami chuan arawn ti vat a.







"Chutiang thil a awm tih kei hian kalo hre ve reng reng hleinem, chu ka hriat miah loh in Zorini hian keimah vang in beih alo tawk reng zel ani maw? Zorin ka tihpalh lutuk aw, azialo hlemai Romawii khan minlo ngaizawng pawh nise kei hian enge tih dikloh kaneih? , engmah hriat ka nei ve reng reng hleinem" joseph-an hriat thiam loh hmel fe a arawn tih chuan Rinhlua chuan.



"Ni e, nang chuan engmah tih dikloh inei miah lo, kha hmeichhia khan a atchilh tlat che avang khan ichanchin zawng zawng, enge itih a tunge ikawm thin tih zawng zawng kha a chhui ruk vek che chu iring thiam ve mai anga. Ngurpuii nen in inkarthu pawh alo hre vek tihna ania...Thianpa ilak a kan zep zawk tak chu, Ngurpuii thihna chung chang kha ania" arawn tih chuan ka rilru chu alo na thar leh nimai hian ka hria.





"Ngurpuii thihdan ah khan thil fel tawk lo a awm tihna emni? han sawichiang deuh ula, tinge kei hian thu dik tak hi engmah ka hriat ve ngai miah loh a?, kei hi inthian ah min ngai ve tak tak lo emni? lungawilo lutuk a joseph-an arawn tih chuan, Rinzami chuan josepha lam chu apan vat a, akutah chuan vawn sak in inbengdai tur chuan alo hrilh vat a.






"Ka thian tha ber naupantet atang a ka kawm ini a, nangin min hriatchian ang bawkin kei pawh hian ka hre chiang che a, iluhlul zia leh iduh loh thilah chuan pawisak ineih loh zia ka hriat chian em avang hian alawm ilak hian thuruk ka neih. Ngurpuii kha nangmah vang hian turin Romawii khan ahraihlum tih ka hrilh rual che chuan, nang hi tualthat tu ini ve mai dawn tih hi ka hria asin, ka thian tha ber hi tualthattu niin ikut kha itihbalh ve ka phal loh vangin engmah kan hrilh ngam lo che a" Rinhlu-an a rawn tih chuan josepha chu Rinhlua lamah chuan rawn tlan phei in, a kamis nghawng ah chuan arawn tham nghal nawk a, an palian dun angreng sia kalo hlauthawng ngang mai.










"Chuthil chu tunah min hrilh chauh amaw? keimah vangin ka hmeiche hmangaih kha turin an hraihlum tih hi tunah min hrilh ve chauh amaw? nanghi tunge inih a? kathiantha ber ti a inchhal chung si hian engtinnge chutiang thu liantham chu kalak ah hian izep theih zawk a!.? Rinhlua hmai ah chuan a hnek ri nghal chawk a. Ka hlau lutuk chu ka lo rak thawt thei, Awmpuia leh Rinzami chuan josepha chu anlo chelh bet nghal vat a.





"Sepha insum teh, ithian te hian nangmah kan ngaihtuah vang che alawm engmah kan hrilh ngam loh che, khathu kha ihria anih chuan tual ithat ve mai dawn asin, Ngurpuii chu kan chan tawh a, nang leh zel chan che kan duh tawh hlei nem" Rinzami chuan alo ti vat a.










"Dam ka duh hleinem, Ngurpuii kha ka hmangaih asin, ni reilo te chhung chauh ka ta ani chung khan kei hian ka ngai in ka thlahlel em em ani tih hi in hrelo emni? atel lo a ka nun ruak zia hi nangni ka thiantha in ti te hian min hriatpui ve reng reng emni? ka hmangaih ber that tu chu athih hnu ah chiah min hrilh ve chauh amaw? kei hian he ka kut hmang ngei hian ka hmangaih min thah sak vang a hremna pek ka duh asin" ring zet a au tuar tuar chung chuan ati a, lei ah chuan thusawp nuaih in a au chhuak nghal tuar a.








Josepha awmdan chu hmuh hreawm ti lutuk chuan kalo melh ngawt ngawt a. Enge kalo tih ve tur pawh ka hrelo.




Rinhlua chuan rangtak a panin josepha chu ava kuah vat a..."Thianpa insum rawh keini hian nangmah kan ngaihtuah vang che a, khatiang thil zawng zawng kha ilak a zep kan ni tih hi hriat thiam tum hram rawh. Min en teh, kalak ah hian ilungawi loh chuan ilungawi hma chu kut min thlak mai rawh" atih chuan josepha chuan nghet zet hian alo kuah a.








"Thiana, ka tihpalh lutuk kutthlak tur che kha kani miah lo asin, ka thu hriat hian min thawng em atin ni, kei hi dam tlak pawh kani lo, ka hmangaih ve apiang te hian tinge min kalsan bik zel a?. Kei hian hlim hi ka phu velo emni? Enge katih sual bik a, hetiang thil zozai hi ka tuar angaih bik" mit sen rum a Rinhlua en chung chuan arawn ti tham tuak a.




Kalo hlauthawng lutuk chu tawng nachang pawh ka hre velo, Rinhlua khan alo sawi dik chiah ani, Ngurpuii thih dan chungchang thudik kha josepha hi lo hrilh ngat ila chuan, tunah hian tual thah vang in jail bang azut tawh ngei ang le. Ka rilru pawh tlem tlem in arawn fim ve tial tial a, josepha leh Rinhlua awmna ah chuan phei in an bulah chuan ka thu ve nghal vat a.


Josepha kut ah chuan vuan in akut khur dar dar chu damdep hian ka chulsak hliau hliau a.




"Enteh Sepha. Pathian hian kantan atha turin kanchung ah ro minrel sak thin tih hi khawngaih in pawm thiam tum hram rawh. Ngurpuii kha tur a hrai ani tih chiah kha kan hria a, tunge a titu erawh kan hresa bik lo a. Athihdan vang khan kan rilru ana in kan tuar thiam lo em em vek asin, tualthat tu diktak chu Romawii ani tih keini pawh in nimin piah mai khan kan hre ve chiah alawm, thudik hi kan hrilh che chuan ithinrim vang in khaw hmu leklo in isapatal dawn tih kan hriat avang in, ilakah thudik tak kha zep mai chauh kan ni. Nangman phuba ilak ngai lo in, Romawii chungah Pathian in rorelna dik a thlentir tih hi kan zavai hian kan pawm thiam angai, phuba reng reng la lotur in min tih kha. Thil thalo titu te avang in inti lungngai duhsuh la, fello taka ti te chu awt hek suh. Hlobet angin ahthluk in an awm thuai anga, hnimhring angin anla vuai dawn si a. Bible in alo sawi vek tawh kha, keini tih ngai lo in chunglam khian thil tisual tu te chungah chuan akut arawn lek mai alawm" ka sep sep a.









Rinzami pawh chuan "Angeli thusawi kha adik chiah ania. Ngurpuii chuan Pâ angchhung ah min chawlhsan tawh a, he khawvel hreawm tak a awm kan Pathian chuan phal tawh lo in, ahnen ah lungngaih awm tawh loh na hmun ah ahruai tawh alawm, keini ho pawh hian he khawvel hi engtik ni ah emaw chuan kanla chhuah san vek dawn a, chu mi ni athlen hma chuan kan nun hi Pathian tan kan serh thianghlim a arawng kan phak tawk a kan bawl hi angai asin, isua ringtu te nunah hian phuba lak chakna rilru kan neih hi athiang lo, ngaidam theitu kan nih hi angai ania, jordana ka chan vang khan kanu leh pa te saw ka haw em em thin tih nang pawh in ihriat ve tho kha.







Kha ka rilru a huatna awm khan a ni telin kanun kha a eichhe telh telh a. Angeli nen hian intawng lo ni ila chuan tunah hian inbulah hian nungdamin ka awm ve tawh lo ang, tunah chuan minhan en teh u, ka rilru a huatna tamtak setan-an alo tuh tawh zawng zawng kha paih bo in. Pathian hming in kanu leh pa te ka ngaidam a. Tunah chuan chhungkaw lungrual tak kan nih theihphah a. Remna siamtute chu an eng athawl e; Pathian faa vuahin anla awm dawn si a. tiin Bible in minlo hrilh vek tawh kha. Kan chung a thil diklo titu te kan ngaihdam a krista avang a kan tuar hram hram hian, kantan vanah kan lawmman tamtak a awm tih kan hriat reng angai ania" arawn tih chuan Rinzami thusawi chuan min hneh takzet.





"Mate, ithusawi chuan minhneh hle mai, kei pawh hian ithusawi atang khan thil tih ngei ngei tur ka nei in kahria, pa siama ka hmuh thuai angai ang, ka pa chung a athil tih vang khan isua hming in ka ngaidam tih hrilh ka duh ani, kuhun liam tawh zawng zawng kha phuba ka lak theih nan kalo hman hlel thin a, he ka rinna mitdel hi ithusawi khan min tihvar sak tih ihria em? khawihmun ah pawh keini ringtu te hi remna siamtu kan nih angai, tlawmna tello chuan khawihmun ah mah remna a awm thei ngai lo ang" Rinhlu-an arawn tih chuan ka hnuk hi alo ulh tûn thei. Kan beisei miah loh lamah Lalpan thil ropui tak min lo tihsak reng si a.








"Hawh u kan zavai hian Pathian hmaah inhlan tharna inei ho teh ang u, ti in rawtna ka siam nghal chul a, kan tawngtai zawh meuh chuan kan boruak rit tak chu vawm bo ang hmak ani. Ngurpuii min kalsan atang a ka thinlung tak a ka hlim ber tum ani tih ka sawi ngam bal.
Ngaihdam indil tawn in kanhan in chibai ang lawp lawp a, josepha pawh ahmel hmuh ahahdam in a thinlungah, keini tih theih piahlam ah Pathian thlarau thianghlim in hna min thawh sak tih ka hria a ka lawm kher mai.







"Nang pahnih hi engtik nge inneih chu intum a? Awmpui-an arawn tih chuan. Nui ruh ruh chung a min rawn melh chung chuan "Zorin-in amen min pek hun hun animai, keini lam chu kan in peih reng tawh a, achang phei hi chuan minnei duh tak tak lo anih te hi ka ring rum rum zel, min nei tur hian lo nawr ve deuh teh u" Rinhlu-an fiamthu titak deuh a arawn tih chuan anlo nui dar dar a.






Anpathum chuan kut beng rual in "Amen chu pemai rawh" anlo tirual thap thap a, an pathum a anin thurual ta vel lutuk vang chuan kan nui ho leh dar dar a.






Rinhlua kutah chuan vuan in ahma ah chuan hawisang vah chuan ka ding a. "Ka thinlung Lalpa amen le" ka tih chuan mengzau kawk chung chuan ataksa si chet chuan min kuah bei thlawp a, kan thiante pathum chuan uar zet hian kut anlo beng leh dar dar a.








"Ithusawi kha isut thei tawh miah lo ania aw!.. hriatpui tu pawh kanei vek bawk a, tunah chuan palai hmel hmutur khan lo inring ringawt mai rawh ka angel hmelthanu" a rawn tih chuan kalo nuih ver ver a. "Ka chhungte hnen atang a inneih remtihna pawh zanin lam hi chuan ihriat tawh ngei ka beisei" ka tih chuan Rinhlua hmel chu hlimna vang chuan a eng sawt sawt thei.








"Thianpa ka lawmpui lutuk che, tun atang a reilo te ah pa ini ve mai tawh dawn sia. Zorini ang hmeichhe ropui lutuk nupui a ineithei tur hi kathik takzet bawk che" joseph-an arawn tih chuan "Khati khan lo tilo teh, ithianpa hian athik leh palh ang che, nang chu sawiloh afarnu thleng hian athik zo vek zel ania, aaa in ngaihtuah that leh hial ani kaduh ni, pasal thikthu chhe deuh neih chu ka peih lo leh deuh e" ka tih chuan ka hnarah chuan arawn piai vak a.






"Sualthiam viau lo teh" arawn ti hluk a.

"Thianpa, inneih hun chu Zorini ilampui ngei ngei angai ania aw, iduhloh vaih chuan ka dinpui lo ang che" nui vur vur a joseph-an arawn tih chuan, invan chimawm hlawm tak ati nung nung a.





"Khatikhan lo phur viau suh u, Zorini pa ka kheuh vaih chuan inneih arem tilo bur mai tur ania" Awmpui-an arawn tih chuan. Rinzami chu pum dawm meuh in alo nui a. "Ubawiha beidawng hmel tur ka mitthla chhin a kanui lo theilo, inneih chu remtilo ngat se chuan TNT pangpar huan ah kan indahluh angaih hial karing" mittui tla phung chung chuan arawn ti a.








"Insualthiam hlemai, min sawisa chiam chiam ringawt a, haw daih ang u kan awm rei tawk tawh e" Rinhlu-an arawn tih chuan home lam pan chuan muang chang in kan kir leh dal dal a. Kanu ten minlo hmuh chuan hun hlimawm tak inva hmang tih in hmelah ahriat theih mai e, han in tifai ula chhung inkhawm neih ahun dawn ania anlo ti ve bawrh bawrh a. kan boruak zangkhai ta lutuk chu nuam ka ti ru hle.





Zanlam ah midang mut tawh hnu ah kalo rinlawk sa angin, Rinhlua nen kan inneih dan tur chung chang chu kan sawi ho a, ka pa-in ka u te ho alo rawn kual vek tawh a, anni chuan kan thuthluk na apiang min pawmpui thu anlo hrilh hlawm a. Rinhlua nu pawh alawm ngang mai.






"Zuali, ihmuh ang hian kan fate pahnih hi anlo innei remthei hlauh anih chuan, mo dang te angin in inlam ah arawn lawilut thei dawn silo a, he thil hian kan rilru pawh atibuai ang reng viau asin" kanu in atih chuan nu zuali chuan.






"Ekhai, khatiang thil avang kha chuan in rilru tihhah angai miah lo, Zorini dinhmun zawng zawng te chu engmah zep ngailo in kan hmutlang vek alawm, mitamtak nu ani tawh a, helai hmun ah hian amah mamawh tu tamtak an awm mek a, kan inchhung a arawn lawiluh hi chu atir atang khan kalo beisei ngamlo sa hrim hrim alawm, inhriat ang in keini chu tihian kan nufa te chauh hi kanni tlawng a, kan hun tam zawk hi chu home lamah hian kan hman arinawm tawh zawk a, Bawiha pawh hian hotel lam hi chu a enkawl zui ngailo in mifel tak kan hotel enkawl tutur ka hual fel diam tawh a, kan beisei ang a thil akal thei anih chuan an pahnih hian home hi enkawl se kaduh zawk a, sum leh pai hi chu kan neih tam pauh leh adang kan duh belh leh zel a, mihringte hi chuan duham chinlem hi kannei thei lo a, aram leh afelna te hi kan zawn hmasak ve angai alawm" arawn tih chuan ka pa pawh in nu zuali thusawi chu alo pawmpui ngang mai.







Kan mut tawh hnuah Ufel-an Rinzami arawn video call a. "Matei chu lo insum rih deuh tur hi ania, min tih khalh atum thawt thawt a" Ufel-an arawn tih chuan Rinzami chuan ka thlavang alo hauh vat a. "I hrelo emai dantheih anni tawh lo, ka unaupa hi an inneih vat loh chuan pangpar huan ah kan indah angai thei hial ang chu. Angeli fa te chuan kan fate anla vel fo dawn anih hmel khawp mai" alo ti barh barh a.







Ufel-an "Zamte enge ilungngaih. Matei fate chu upa zawk mahse kan fate chu an ngam dawn teuh lo mai" arawn tih chuan "in ninawm" kalo ti bak hlar a. Utete-an min rawn call tak ah chuan an inbiak na pawh ngaihsak zui lo in, mutna atang tho chhuak in thlanglam balcony ah chuan ka chhuah san daih a.







"U minlo va call har ve" katih chuan inkhawm banah upa ho nen an thutfual thu arawn sawi vat a. "Mate pasal min neihsan chu itum ve tak tak amaw? kan mitah hi chuan naute ila nireng asin mawle" arawn tih chuan "Nupui neih intum silo a, keiman kaneih mai lohten" kalo ti vat a. Nupui neih sawi hi chuan, thudang asawi kai nghal vat zel tih ka hriat avang in sawilang kher kani reng a. Romawii in tihhlum thu ka pa ka atang alo hriat thu te chu min hrilh a, tlailam a kan hun hman dan vel ka hrilh vek bawk a. "ka naute kavan chhuang thin tak che em!.. i u teho hian kan tluk mawlh lo che" hahip chuan arawn ti a.





Utetea nen kan in inbiak zawh ah whatsapp ah kalut leh zuai a. Rinhlua msg alo awm leh vang tawh. "Bawihi, vawiin ah vawikhat mah ihmui thlum tui zet kha ka fawp miah lo a, ka kimlo ka muhil leh thei miah lo ang" tih arawn thawn ka hmuh chuan ka nui ringawt..."Min kohchhuah leh kha chu tumbuai duh tawh suh, ihlawhtling dawn chuang lo" tih ka va thawn chuan "Tun atangin min induh khum tan tader tihna emni? arawn ti nghal zat a. "Kan inneih hma chu min tawk tawh hrih lo ang" ka tih chuan hmaisen hlir arawn thawn tuar a, minrawn call zui nghal zat bawk a....cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:11 pm

"Bawihi, thlakhat hnuah kan in neih lo ngai ta se engtin nge niang?, naktuk zingkar ah kan haw phei hma in inhmuh tum ang aw" arawn ti thum dut a, a awmdan maksak thei lutuk hi engtia han tih chi nge pawh ka hrelo, zingkar ah inhmuh a larawn rawt talh chu ania.





"Josepha chu atha em? lo ngaihven deuh rawh aw" katih chuan alo rum nghut a. "I phakar" arawn ti hluk a. "Enge ka phakar na? joseha ngaihven tha turin ka ti mai che alawm" ka tih chuan "kan thusawi ki thlak itum anih kha, thianpa chu amu tawh ka ngaihven reng alawm, naktuk ah kan haw hmain chance kan nei thei ang tiraw? arawn tih leh chuan kalo nui hak a.









"Luhlulpa, zingkar ah chuan chance neih chu iduh tak tak amaw? katih chuan "I sawidik tlangval hrisel thatak ka ni tih hi itheih nghilh tawh emni? ilakah hian hetiang khawp hian ka insum thei hi thil mak tak ani, chu vang chuan ka fawp duh che anih pawhin mindan tum phet lo khan ka thusawi hi zawm ve mai thin rawh" arawn ti hluk a. "Aw le, ithu ang zelin le, kan thawh hma deuh chu angai dawn anih chu, ihriat ang in helai ah hi chuan kan ni nuaih tawh a, chance neih chu a harsa ve ngawt ang, josepha kha lo en thlithlai reng rawh aw, ka ngaihtuah teh mai ania, itawngtai na ah khan lo theihnghilh lo bawk la, mutawh ila atlai tawh ang reng sia" ka tih chuan kan in mangtha ve thei hram a.








Zan lam ah ka rilru ka kawm nasa a, chubak ah josepha ka ngaihtuah vei bawk nen, ka mengrei leh phian sia, ka mut ve meuh chuan zing darhnih alo pel duai tawh. Ka hnar ah thil eng in emaw a cheh bet tlat vang chuan ka thaw tha theilo a, chiang fahran chuan ka meng chhuak kawk thei.









"Mutduhnu, nizan a kan thil sawi kha ilo hretawh miah nange? nui vur vur chung a Rinhlu-an arawn tih chuan. Rum lutuk a melh chung chuan "I â sia maw. Thawchham a min thih tir itum emni? kalo ti bak hlur a.









A ban a sana chu a thlek zawk a, engmah sawilo chuan min rawn en leh nghal vung vung a. "I ti tak tak emni a? helai hmun ah hi chuan eng chance mah aneih theih loh, chubak ah midang mit tikham thei zawng a kan awm athiang lo hrim hrim bawk" ka tih chuan a tum deuh hmuk a, hetiang tak a min thlahlel ta em em mai hian ka ngaih te pawh ati thalo rum rum thei.






Kan sir a Rinzami tui tak a muhil thaw sak sak chu, engkhaw sawi set set lo chuan thawk leh khat ah atung tho nawlh a. A chezia maksak lutuk vang chuan kalo meng phar awk thei. Kei ai mah chuan Rinzami chuan mak ati zawk aniang, thawh phan pawh nei miahlo chuan, meng phar awn awn chung hian "Enge â? arawn ti lawi rat a.






Mi mutui lai chutia han tun thawh nawlh mai chu Rinzami rawn hrilh hai lutuk vel nen kalo nui chhuak hak a.









"Tho rawh. Bawihi nen chance kan nei lawk dawn" thutak zet a arawn tih ngat phei chuan Rinzami nen chuan mak kan ti leh zual a. Rinzami tih ngaihna hrelo lutuk pawh chuan, hrilhai hmel fe chuan min rawn en a. "I â tawh takzet anih hi" lu thing nar nar in Rinhlua melh rum hrep chung chuan ka ti hmar hmar a.











Ka thusawi ngai pawhmawh lo fe chuan "Mate minlo va chhuah san lawk teh, areilo ang kanu in min nghak tawh ania" thutak deuh zawk a atih chuan Rinzami pawh chu mit nuai chat chat chung chuan room atang chuan engmah sawi buai eih lo in, kal bu lak lak chung chuan a chhuak ve mai bawk a.











Rinzami chhuah fel rual chuan "I mak thei e, mi mutha hle hle lai khatia han tih ringawt chu, min fawh iduh vang ringawt in khatiang a at thlak khan irawn khawsa tih hi awih harsa ka ti hial zawk " ka ti nghal tan tan a. Khum ah chuan kuangkuah hlun in athu run a, kei erawh thinrim teuh in ahma ah chuan ka ding ran a.











Ka banrek ah chuan rawn manin "Rawn thu phawt la, ka fawh duh ngawr ngawr vang che a helai a rawn kal ka ni hleinem, matei kha chu a murei lutuk a tho tawh se ka tih vang in ka fiam anih kha, chubak ah kan rual a haw atum phei chuan tun thleng thleng a mut ahun tawh hlei nem" arawn tih tak ah chuan ka lo in sangmar teuh pawh chu ka thlah dul ve leh ta deuh a.










"Min fawh iduh vang ringawt in khatiang khan irawn khawsa ta chiam ah kalo ngai alawm" nem deuh zawk chuan ka ti ve ta nge nge a.









"Fawh che chu ka duh tho alawm, englo ania nizan lam a kanu in asawi tawh ang khan, kan inneih hunah hotel hi midang kutah dah rih phawt kan tum sia, chutiang thil vel ka buaipui angaih dawn avang in vawiin atangin ka phar buai char char angai tawh dawn a. A awmzia tak zawk chu kan inneih hma chu ka duh ang in ka rawn hmu tam thei tawh dawn lo che a, phone atang a hrilh ai che chuan, hmaichhan ah hrilh che ka duh a. Minlo ngai viau angem? ka dar a min rawn kuah pah chuan arawn ti sup a.







"Kan inneih pawh in hotel te chu i enkawl thei tho ang chu, helam ah chuan engmah harsat na a awm hleinem min ngaihtuah lutuk anih kha. Pathian zarah vawin ni thlengin buaina em em tawk lo in kanla awm ve zel chu anih hi. A thuhrim ah tunge hotel chu enkawl tir itum reng reng a? a t-shirt nghawng khawih niap niap chung chuan ka lo ti sep a.












"Ka pute-a fanu upa ber Maremi kha ihria tiraw? atih chuan, ka hria tih entir nan kalo buk khum zauh a. "Helam a anrawn chhuk thlak hnu lawk khan phai lamah lehkha zir in a awm bo nghal char char a, hetia inneih kan duh tak si ah chuan kanu in hotel enkawl tur hian alo ko haw a, thil tihdan kal phung engmah ala hriat loh avang in, kan inneih hma chu engkim ka zirtir a ka hrilh hriat angai dawn a, chubak ah kan inneih na thil tur vel ka buaipui nghal char char angai dawn bawk a, hmutur che in ka rawn kal hman lo anih pawh in kan inbe reng thei tho a" atih chuan.







"Pa muanpuia te chhung chu an damtha reng reng em? engmah an chanchin isawi ngai silo a" ka tih chuan andam that thu in min chhang vat a. "Tak in Bawihi kimkimi kha ihria tiraw? kan inhmuh hma hauh atang khan ka nupui atan nang hi min lo duhpui tawh a, kan innei dawn tih a hriat chuan aphur teh ang chu aw, vawiin ah hrilh nghal tak ila atha ang" arawn tih chuan kalo nui hak a.











"Alo nula vetawh ngawt ang, ka hmuh lohna arei tawh bawk sia" kimkimi hmeichhe naupang cute zet ngaihtuah neuh neuh chung chuan ka ti a.
"Bawihi kan tlai mai dawn phone in chanchin ka rawn hrilh zel mai ang che" ti sup chung chuan min kuah na chu phelh in ading nghal vut a, kei pawh chu min pawt tho ve nghal zat a, ahma ah chuan min pawt hnai in engmah sawi tawh lo chuan min rawn fawp nghal vawng vawng a.







Aw thian kharh kharh ri arawn awm takah chuan min thlah nghal vut a. Nui then tha chung a Rinzam-in minlo en reng kan hmuhrual chuan ka lai ru ngang mai. "He nau zet hi chu, tinge hunlo deuh ah hian arawn lan ve sek thin chu le? a hriat tawk lek chuan Rinhlua chu a phun bul bul a.







"Ka thiamloh ani miah lo ania, tinge ka rawn kal apiang a khatia inlo inhip ngawng ngawng ve hman ziah, mi neih ve loh nei ang mai over dun lutuk. Nangni pahnih hi min awhfik zawk emaw ni le?nui sawng chung chuan arawn in sawi khalh nghal zat zat a.










"I tilui anih kha, inpa arawn haw hun ah chuan ichaklo ve khawp ang, i unaupa chimawm zia hi ila hre chiang lo anih hi" Rinhlu-an arawn tih chuan Rinzami chuan minrawn siai zauh a.
"La na thei bawk sia, pawn ah sawn Nute-in anghak reng tawh che, kei chu tukthuan eikham ah muangmar in ka rawn haw ang" atih chuan inphih fai lem lo chuan Rinhlua te nufa haw tur thlah tur chuan ka chhuak mawl ve tawp a.









"Josepha kha engtia awm nge atum ve a? ka rilru a arawn lan deuh thut vang chuan Rinhlua chu ka zawt phawng a.









"Nizan kha amutha meuh lo a, ka rawn kalsan lai kha chuan ala mutui angreng sia ka kaitho duh ta lo a, lo ngaihven deuhrawh aw" atihchuan lo ngaih tuah lutuk lo tur in ka hrilh thlap a. "I bulah chuan ka ngaihtuah hlei nem" thutak fe a arawn tih chuan "min bawl" ka lo ti hman hmawh a. Min chhan let leh hma chuan "Bawiha ivan rei leh ta si ve, nangmah ber ber in chhuah hma tur iti sia" Nu zuali chuan alo ti bawrh bawrh a.










Rinhlua te nufa tlanliam hnu chuan Alpha chu kanu kut atang chuan laksak in abiang chum biang ah chuan ka fawp zauh a. "Ka naute hmeltha inu hian ka ngaihsak lo che iti em? Api te khan an ngai che a, tun atang chuan anu hian ka duat leh ber ang che aw" pawm chung chuan Alpha chu ka be mawlh mawlh a.









"Ti chung khan pasal neih chu itum ve chu ani sia maw" kanu in arawn tih chuan "Nu pasal ka neih hi angai alawm, ka fapa hian pa a mamawh vat dawn a, khawnge apa tih min zawh hun ah engtin nge ka chhan anga?. Ka hmangaih ber leh min hmangaih tu ka nei dawn a ka lo hlim viau asin" ka tih chuan "keipawh ka hlim lutuk alawm" min ti leh ang lawi a.








"Nu vawiin ah emni in haw phei ve nghal ang? ka tih chuan "midang an haw leh diak dawn sia ikhua alo har lutuk thei a, ipa khan an infiam na tur thil vel chhun lam ah ka va ngaihtuah dawn emni te kha atia, kanla haw san rih lo ang cheu" atih chuan ka lawm ngang mai.









"Mambawih choka lam saw lo va enpui zawk la, khawi Alpha chu kalo la leh rih ange" kanu in atih chuan, ihe lo in Alpha chu kalo pe ve mai a, inchhung lam a kanu aluh hnu chuan choka lam pan chuan ka kal ve nghal a, mipa building lam atang a josepha, towel a dar a bat hnak chung a zawi fe a arawn phei ka hmuh chuan choka a kal ta lo chuan josepha chu ka pan ta zawk a.






"Good morning" nui sang chung chuan kalo ti var a.






"Morning" ti in zawi fe hian minlo chhang a.

"Nizan lam imu tha vak lo a van nih hmel ve" ka tih chuan zalo fe hian a khi suk a.

"Zep loh ah chuan mutha vaklo, thianpa te chu ankal tawh emni?...mi te han kaihthawh ve thin tur hi ania" arawn ti nuah nuah a.

"An liam deuh chiah, engtia awm nge itum?. ka lo ti leh thuai a.

A lu thaklo pui chu a hiat nuah nuah a..."Zorin thil min tihpui la ka duh a, itheih lohpawh in apawi chuanglo a" atih chuan.

"Han sawi phawt la". Kalo ti vat a.

"Rinzuali te inah kal kaduh a" arawn tih chuan ka beisei loh deuh thil arawn sawi vang chuan kalo meng phar awk a. Ka awmdan chu ka siamtha leh nghal vat a.


"Romawii chu nimin khan an vuiliam tawh a, enge Rinzuali te inah chuan kan va tih ang?. kalo chhang rang lutuk chu ka inthiam lo leh hnuhnawh khawp mai.


"An vui tawh tih chu ka hria a lawm, mahse an inah kal ka duh tlat alawm" atih chuan josepha awmdan chuan kangaih ati thalo ngang mai.
"Thil thalo tih itum em lo ang chu tiraw?. Ka ngaihtuah takzet che ania" ka tih chuan anui leh suk a.








"Engmah chu tiang rilru hah natur a awmlo, min kalpui ang tiraw? atih leh chuan ka lo ngawi rauh rauh a.







"Rinzuali te inlam a lo va inlan ve pawh chu an boruak tawn ri va nen hian afuh ber in ka van hrelo tak, mahse kal iduh tlat chuan ka hnial chuang miah lo che a. Engpawh chu nise tawngtai tam la ka duh a, i sumdawn na lam pawh ihlamchhiah rei ta viau ania, pachang takin hmalam pan tum hram la" josepha lainat fe a en pah chuan ka ti sep a.










"Sepha ila haw bik nange?. Rinzam-in arawn tih chuan chhang lo chuan alo bu nghut a. "Enteh Zamte Rinzuali te inlam ah min kalpui rawh atia, enge ingaih ve dan? kalo ti nghal thawr a.






Rinzami pawh chuan "Sepha a tihchi ber lo ang, ithinrim na khan thil thalo zawk atihtir mai ang che, nimin lamah kan sawi vek tawh a. Kan chung a thilthleng te hi kan pawmthiam mai angai ania, nunthar in bul tan tum ve hram rawh. Pathian in ikawppui tur mitha tak itan alo ruat zawk anih ka ring tlat ania, jordana ka chan lai kha chuan amah lo midang ka nunah hian ka sengluh leh theih ka inring tawh lo a, mahse alo ni miah lo. Hmangaih dang ka nei tawh a, mipa dang ka nun a ka lakluh vang hian amah kha ka theihnghilh ta pawh ani chuang lo, anni chuan min kalsan tawh a, anlo kir tawh ngai dawn loh avangin, hmalam kan pan ve hi angai tih hi pawm thiam hram tum teh" arawn ti ve duah a.










"Nangni pahnih hi enge inhriat a?. inngaih ang kha engthil mah tih ka tum lo, keimah vangin Romawi-in anunna a chan phah ve tho alawm, tunah chuan ka thinlung a huatna hi ka dah bo vek tawh. Huatna hian engthil tha mah athlen ngailo, chuvang chuan aruang ni ah thlahliam ve theilo m ila Romawii chu vawiin ah tal va thlah liam ve kaduh a, engmah tihtheih nei tawhlo mah ila va inlan ve a anu tal kan va thlamuan ve angai alawm" josepha-an atih tak ah chuan keini pahnih chu kanlo thaw huai a.










"Anih chuan keipawh hotel lamah kal lo in Romawii thlan thutna ah chuan ka rawn zui ve ang cheu, setana hian hetiang khawp hian an chhungkua hi a nghaisa tawh a, harhchhuak in thinlung leh tihtak zet a Pathian an auh hi ahun ve tawh khawp in kahria. Angel chaw ei hi an peih dawn tawh angem? arawn tih chuan "ka hre miah lo choka lamah chuan kal kalo tum mek a, tlemin intihhma deuh tum ila atha ang" kalo ti vat a.










Rinzuali te inlam kan panhma in. Rinhlua kan kalna tur vel ka va hrilh chuan minlo hlauh thawn pui hle a. "Bawihi ka rawn kal ve maidawn emni? arawn tih chuan. "Min ngaihtuah suh, kan tha ang chubak ah hna chinfel tur ingah bawk si" ti in kalo hnar vat a. Kan inbiakna ka tihtawp dawn thleng chuan min ngaihtuah zia thu ringawt arawn sawi leh a, thil thalo thleng a awm anih chuan ka rawn bia ang che katih chuan kan inbiak na ka titawp thei hram a. Rinhlua rilru puthmang chu ka hriat thiampui khawp mai, achhan pawh Rinzuali te mize diktak ahriat chian ve em vang ani.











Rinzuali te in kan thlen phei chuan alahma deuh bawk a inleng pawh anlo ngah vaklo a. Rinzuali nu in minlo hmuh chuan minlo lawm teh chiamlo tih ahmel ah chuan hai rual anilo, zamru zet chuan nu Hmingi chu panin, Romawii chung a thilthleng pawi ka tihzia chu ka hrilh a.









"Nu hming kanlo tawngtai pui reng thin cheu ania aw" ka tih chuan alo ner sak a. Engmah sawilo chuan midang rawn thleng thar te lamah chuan min kalsan zui daih a. Nu hmingi chetdan chuan minti hrilhhai letling khawp mai. Min lo lawm vaklo anih pawh in ader tal chuan minlo biak that ve ka ring ve ngawt a, ka lo ringsual chhia va khawp mai. Josepha leh Rinzami te pahnih chu ka hmuh mai loh vang chuan ka mit lenkual in ka zawngru deuh vat vat a.












Khawiah nge maw anglo kalsawn hman mawh le? keimah chuan ka phun nuah nuah a. Ka hnunglam atang chuan "Hetah hian enge irawn tih ve a? kan chhungkaw chhiat tawhna hi minrawn deuh sawh tumin irawn kal emni? Rinzual-in rum fe a min melh chunga arawn tih chuan, min puhna leh ka rilru puthmang in anglo lutuk vang chuan kalo meng phawk hra a.











"Haw nghal rawh, kan chhungkua hian ihmel hmuh hi kan peih reng reng lo ania" arawn tih leh chuan kalo in humruh fun a.










"Enteh Rinzual, tun a ithusawi kha chu ka hrelo ni rawhse, tunah hian rawn deuh sawh leh elrel tur cheu a rawnkal ka nilo , chubak ah in chhungkua hi ka haw ngailo cheu. Ka lak a ithiltih vang pawh khan huatna che pakhat mah ka neilo a. Pathian hming in ka ngaidam vek che asin, vawiin ah pawh hian Romawii thlahliam turin kan rawn kal anih hi, in chhungkaw chung a thilthleng hi pawi ka ti lutuk" kalo ti dam diai a.









"Nangnu hian matei chunga thilthleng hi pawi iti chiah ang maw?. karing hauh lo che, nangni ang mihring hi chuan mi rilru hneh theihna riau hi innei tak alawm tiraw. Ka mipa hmangaih ber Rinhlua pawh min chhuhsak tawh chu anih hi, kan nunah irawn lan atang hian kan chhungkaw chungah hian vanduaina arawn thleng zel chu anih hi. Zorin ka ngaihdan diktak che ihreduh em?. tunah hian he ka kut hmang ngei hian thah che hi ka chak zek zek asin" mit sen rum a Rinzual-in min tih khum sak sak lai chuan rapthlak ti lutuk hian kalo melh tlawk tlawk a.










"Hetah animaw ilo awm daih a? kan hmelhriat te kan hmu a kan inbiak chhungin ilo bo hman daih a" Rinzam-in arawn tih chuan ka chil kalo lem khalh ringawt a.









"Uau nangni pahnih pawh maw? helai hmunah hian hmuh cheu kanlo beisei hauh hleinem, nangni chinghne beramvun sin ho hian helai ah hian tihtur innei ve in ka hre hauh lo mai, chuvang chuan minlo va hawsan rih phawt teh u. Nangni in awm ve chuan kanau khawngaihthlak tak thlarau kha achawl hahdam thei in ka ring hauhlo" josepha melh ngar chung chuan ati leh sak sak a. Josepha kut ah chuan Rinzami chuan alo chelh vat a.









"Zuali rilru min put chhiat tir mah mah in kahria, keini hian Romawii rawn thlah liam ve kan tum mai alawm, inlak ah hian eng rilru chhia mah kan pu hauh lo ania, intan hian kanlo tawngtai reng thin asin" Rinzam-in arawn ti dek dek a.









"Chhuak rawh u, inhmel hi kahmu peih reng reng lo" vin zet a Rinzual-in arawn tih chuan inchhung a awm ve dang ho pawh chu kan lamah chuan an rawn hawi thap a.









"Kal mai ang u. Mi rilru chhe lutuk te hi chuan an rilru ang chiah hi midang in anpu ve ah anngai vek thin alawm, anihna takah chuan keini hi thinrim tur zawk kan nih lai in minlo thinrim khum hlauh zawk a, ihaw mai teh ang u" joseph-an arawn tih chuan "Haw rawh u, vawikhat mah kan in lam hawi hian inke kha rawn pen tawh suh u, nangni ho hi kan chhungkaw tan chuan anchhia mai inni" Rinzuali chuan arawn ti leh bawrh bawrh a.









"Zualte enge ni ta bawrh bawrh a, khatia inleng te ilo an khum tak chiam chiam mai le? Pa siam-an dam thluam a Rinzuali arawn tih chuan, keini thian ho chuan Pa siama chu kan lo en nghal thap a. .cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:11 pm

"Zuali, khatiang kha inleng te lo lawm dantur ani in ihria em? pa siam-an Rinzuali arawn tih rual chuan, inthlahrun hmel fe chuan kei ni thian thum chu min melh kual rulh rulh a. "Pa, anni ho hian kan inah hian engmah tihtur annei miahlo, kan dinhmun chhe lutuk min nuihzat tur a rawn kalte lo lawm chiam hi kan bat ani miah lo bawk, heng vanduaina kan tawn zozai hi anni ho vang vek hi ania sin, chumi hrereng chung chuan hlimtak in kalo dawngsawng ang maw? Ateuh lo lutuk, anhmel hmuh hi ka peih hrep lo e" rum fahran a min melh chung a arawn tih chuan. "Lalrinzual ngawi rawh ka tih chu" pa siama chuan arawn ti hriam hrawk a.







Kei ni thianthum chu nuamlo ti fe chuan kan in melh kual hrek hrek tawh a. "Pa siam kan va haw mai ange, vawiin ah hian nangmah ni rawn diriam tum a lo kal kan ni miah lo a, inchhiat tawh tuarpui tur cheu a rawn kal mai kan ni tih minlo hriatsak dawn ania" Rinzami nen hamhaih luat vang a tawng na chang pawh kan hriat loh laiin, mipa ber tihtak ah josepha chu arawn tawng chhuak vat a.








"Nilo e, Zuali thilsawi kha chu men ah minlo thlak sak hram teh u, anau thihna hian amahah nghawng anei nasa lutuk a, inhriat thiam ah kan ti aniang chu" a rawn ti dam thluam a.
A pa thu rawnsawi vang chuan, Rinzuali chu lungawilo fe hian inchung lamah chuan atlan chho hlawk hlawk a.







Pa siama vek chuan "Tikhan lo awm ve reng rawh u aw, tlailam ah zanriah min kilpui ve nghal turin ka sawm cheu ania, ka fanu hun hnuhnung min hmanpui tur a inlo kal hi ka thinglung takin ka lawm ania, Zualtei nu kiangah hun hman tam deuh ka duh bawk sia, kan fanu thihdan hian anghawng na lutuk a, tunah pawh hian Rinhlua vang liau liau in ka fanu ruang rawn thlahliam thei kanni a, jail lama kan kir leh hunah pawh ka nupui hi minlo ngaihven sak reng turin ka ngen duh cheu a, ka kalsan ang cheu , minlo hrethiam mai ru aw" hmel ngui ruih a arawn tih chuan, pa siama chu kalo lainat ngang mai.







Ka hmangaih Rinhlua pa that tu ni mahse, ahmel ah chuan inchhirna leh hreawm tihna hlir ka hmu thei, mihring siamthat nan khawdur angai anlo tih thin hi pa siama nunah hian a langchiang viau in ka hria, ka rilru chuan kalo tawngtai pui ve mawlh mawlh a, kum tamtak liam tawh a athil tihsual chuan rawn vawlet in, an chhungkua chu ani tel hian an kehchhe mek zel mai chu ani si a. "Lalpa tanpui hram teh" ka rilru a ti mawlh mawlh chung chuan kalo thaw chhuak hawk a.








"Kan haw mai dawn em ni? Katih reng kha, helai hmun ah hian lawm kan hlawh teh chiamlo chu anih kha, Rinzuali te ang ho hi chuan engmah inchhirna an nei ve tak tak ngailo ang, thil ti sualtu zawk in thiamloh minlo chantir lek lek chu anih hawt kha" phun sar sar chung a Rinzam-in arawn tih chuan, Josepha nen chuan kanlo ngawi reng a.








Kan tihtur ber kan hlenchhuak tawh tho bawk a, keipawh chuan haw mai pawh chu ka pawiti vak tawh bik chuang lem lo a. Josepha chu ka mitmei chuan ka va rawn deuh a, ani pawh chuan "Haw mai ang u, helai hmun a kal kalo rawt ta kher kher chu thil atthlak tak ani, lo in lanlo law law ila tha tur hi ania, anthil tihsual ah inchhir ahnek in thil, thleng engkim ah khan mawh phurtu ah minlo puh titih der chu anih tak tak kha" lawm hmel vak lo chuan arawn ti ve sup a.







Khawhar lenpui tur te pawh inkhat deuh thaw in anrawn lut tawh a, khuangpu tur te pawh chu zai inpeih fe in anlo thufel at tawh a. Pa siama pawh biak lumlam atul tawh a kan hriat loh vang chuan pawn lamah chuan kan in zuichhuak leh ta dial a.
Kan motor park na kan thlen chuan kan ding bial taih a.







"Engtia awm nge intum? kan tihtur chu kan tlakfel der tawh chu ania, kei chu inlam ah haw tlang nghal mai ka duh" Rinzam-in arawn tih chuan josepha chuan minrawn melh vat a. "Keipawh home lamah ka let leh nghal mai ang, vawiin ah ka pa in an intihhlim natur thil vel a va lei a, tihtur atam dawn sia, hetiang a kan awm tak rau rau chuan ka kir leh nghal zawk mai ang, sepha nangmah zawk hi inlam ah ihaw dawn nge home lamah irawn kir ve leh dawn? Ka lo ti thuai a.






"Home ah chuan ka rawn kir ve leh mai ang, zamtei va drop phawt ila, chutia hna thawhtur a awm phei chuan muangchang tawh lo in ikal vat teh ang u" tih leh motor a thut luh chu arual nghal zat a.






Rinzami te in lam pan a kan tlan lai chuan "Sepha isumdawnna lamah hian irilru pe ve deuh tawh la kaduh khawp mai, iawmdan vang hian inu pawh a mangang tawh viau ania, mi rilru puitling tak i ni a isumdawnna ah hian inthlahdah athiang lo tih chu ihriat chian viau kha, tunah hian spot thar an siam leh nghal a, i elpui te lakah hian i customer te hi ihlauh thiang lo hrim hrim. A thaber ni reng tur in ngaihtuahna thar isiam ahun tawh viau chuan ka hria" Rinzam-in arawn tih chuan kei pawh chuan Rinzami thilsawi chu kalo tuihnih ve luam a.








"Inthil sawi chu adik khawp mai, tunah chuan ka normal leh vek tawh e. Lo lungngai lo phawt mai teh u, ngaihtuahna thar nen ahma aia tha nitur in sangtak ah ka invawrh leh ngei ngei ang tih ka tiam che u" joseph-an arawn tih chuan Rinzami nen chuan kanlo thaw huai a.








Rinzami te inah pawh lutkawi tawh lo chuan home lam pan chuan kan tlankir leh vang vang a. "Zorin khawvel hi chu lungngaihna leh buaina hlir hian akhat nimai hian ka hria, ilak a ka rilru put thin dan zawng zawng te kha chu sawi ngailo in ihrevek a. Ngurpuii nen a hun reilo te chhung a kan inkar a hmangaihna lo pianchhuah mai dan te kha, tunthleng hian keipawh hian kala hrethiam thei lo, hetiang tak hian kei tlangval senior lam tawh hi hmangaihna vangin ka talbuai theih hi kalo ring ngai miah lo asin, chupawh ka fa nilo midang fa paimek tu lakah leh nghal, atirah kha chuan Ngurpuii kha a chanchhiat luat vang khan ka lainat thin a, kha kha khawngaihna kha engtik lai khan nge hmangaihna ah alo inthlak ka hre bik lo. Ngurpuii nen kan inkar hmangaihna kuhmum, rawn parchhuak ve det det kha, mi nunrawng lutuk te vang a thliah a a awm ta mai hi hriatthiam har kala tireng mai, hmeichhia te chu neih senlo ka hmu ve tho sia, mahse tinge ka hmeichhe duh ve te hian min kalsan bik zel tih hi keimah leh keimah ka inzawt nawn fo thin asin" hmel ngui riai a joseph-an arawn tih chuan kalo khawngaih kher mai.





Mittui tling pam chung chuan josepha lam chu ka hawi a. "I tan a khuanu ruat kan nih loh vang mawle, ita tur diktak chu ihma ah hian arawn inhung mai ang, chutih hunah chuan hmangaihna vang hian ina nawn leh tawh ngailo ang tih ka sawi ngam bal, Ngurpuii nen in inkar a hmangaihna chaktak arawn thleng ang chiah khan, itan aruat ihmeichhia tur diktak ihmuh hunah chuan hlim takin inui leh thei dawn alawm, sepha, nupui ineih hma hi chuan rilru hahdam takin ka awm theih pawh ka ring chiah lo, engpawh chu ni se Pathian kutah engkim hi thlen in amah ah in nghat phawt mai ila, rinna in Abrahama pawh khan ramtiam lam apan tih kan hriat kha, keini mihring te buaina hi chu keini lo chinfel theih pawh ani chiah lo, Pathian kut a tluk luh mai hi kan tihtheih sang ber chu anih hi, kei te hi min han enla, mi zawng zawng hmusit leh chil chhak rawn ka nih thin kha, kan chung a vanduaina lo thleng zawng zawng te vang hian kan chauh phah tur anilo a, rinna kawnga intahhriam nan kan hman thiam angai tih ka hrilh duh che a. Engpawh chu ni se, bang lo in tawngtai fan fan phawt ila, kantan nithar duhawm tak chu alo her chhuak ve leh mai thin ania" ka ti dap dap a.






"Zorin, kanun a ka thiltawn tawh zing a duhawm ber mai chu nang kalo tawng che hi ani. Ka thianpa hi ka lawmpui hle bawk, nangang hmeichhe tha lutuk nupui a anei thei tur bik che hi ka thik rum rum thin ania aw" nui hawk hawk chung a arawn tih chuan aban ah chuan kalo chum taih a.





"Iti zahtak thei e, hmeichhe dang te aia ka that bikna vak a awm reng reng lo, mi tu te pawh hian thatna lai te theuh hi kan nei vek alawm" nui vur vur chung chuan kalo ti thuai a.






"Rinhlua nen chhungkua indin hun tur hi ka mitthla thin a, nangni pahnih vang hian riangvai chanhai te tan kawl a lo eng ta ruak tur chu ka suangtuahna hian ka hmulawk asin, hmangaihna nasa tak nen inthlazar hnuai ah hian mitam tak in hahchawlhna anla hmu zel dawn si a. In pahnih inkar hmangaihna buaichuar tak ni thin, thawk leh khat a lo felfai ta kuar te hi ingaihtuah ve thin em? Heng zawng zawng hi Pathian a rinna inghah tlat thin vang tih hi, mimawl ber tan pawh hriat thiam loh chi rual ani lo e" thutak zet chuan a rawn ti sup a.






Home kan thlen chuan ka pa bazar pawh alo haw tawh a, volleyball net zar na tur ban khur athen in anlo lai tlauh tlauh tawh a. Kanu chuan Alpha chu alo paw muhil tawh a. Josepha nen kanhmel ahmuh rual rual chuan minrawn pan vatin. "Mambawih inva rawn let leh rang si ve? minlo ti nghal var a.







Josepha zawk chuan "Nia tiraw, kan tih loh tawp tur kan va ti a, lawm kan va hlawh lo chiang teh ania" nui vur vur chung chuan arawn ti chhuak phawng a. "Inthiamlo viau teh suh, Romawii thihna chungchang ah kan tuarpui tih leh, antan banglo in kan lo tawngtai reng thin tih kan va sawi ringawt pawh kha thil tha tak ani hrim hrim alawm, anni khan hmelma angin minlo ngai mahsela, kan haw velo tihtal kan va lantir kha thil hlawk thlak tak ani tawh hrim hrim" kalo tih chuan kanu pawh chuan "Mambawihi ngaihdan kha ka pawm zawng tak ani, kan tawngtaina te hian engtik ni ah emaw chuan rahtha ala chhuah ve em em ang" alo ti ve bawrh bawrh a.




"Ka va inthlak anga hnathawk ho te saw ka va pui ve tawh ange, siam zawh vat a inkhelh nghal ka duh, chubak ah tunlai chu exer ka la tha bawk silo a, ka fit lo riau leh nghal a" joseph-an arawn tih chuan kanu nen chuan kanlo nui var var a.







"Han inkhel tak teh u, in infiam lai lo thlir chu achakawm tawh tak alawm" kanu chuan alo ti thuai a. Keipawh chu inthlak tur chuan inchhung lamah chuan ka lut zui ve nghal zat a. Ka inthlak fel chuan ka phone chu ka bag atang chuan phawrh in, whatsapp msg chu ka inkual thuak thuak a. Rinhlua msg pawh alo awm ve vang a.








"Bawihi intha em? ka ngaihtuah riau cheu ania" tih arawn thawn ka chhiar chu ka nui sak a. Rinzuali te inah kan kaldawn tih ka va hrilh pawh khan minlo ngaihtuah sa viau reng a, a msg ka reply lawk bawk silo a minlo ngaihtuah tawh viau chu ka ring sa tho a.






"Kan tha e, home ah kan let fel leh der tawh" tih chu ka va thawn nghal vat a. Rei pawh ka nghah hma chuan ka phone chu arawn ri nghal zat a. Min rawn call tu chu tudang nilo in Rinhlua ani chiah reng a.






Phone ka lak rual chuan "Bawihi intha takzet maw? invan let leh hma si ve, nge thilthleng a awm zawk? min ngaihtuah tih hriat fe chuan arawn ti sup a. Kan thiltawn vel chu zepthen awmlo chuan kalo hrilh nghal malh malh a, pa siama mizia mak katih zia te chu kalo sawi chul a.







Leh lam atang chuan arawn thaw chhuak hawk a, chutah ban deuh charh hian "Bawihi pa siama chu hmanni khan jail ah ka zu hmu alawm" arawn ti sup a. "Tinge engmah minhrilh ve loh a, ka kalpui vetur che ania, itan chuan ani hmuh chu thil nuam tak ani dawnlo tih ka hria a, engkim atha em? kalo ti vat a.






"Nangmah vang liau liau alawm, reitak chhung ka pa phuba lak tum a kalo beih ve tawhna te kha tunah chuan abo zovek tawh. Bawihi pa siama hnen ah chuan enge kasawi tih min zawt dawnlo emni? arawn tih chuan "Enge isawi a? kalo ti vat a. "Pathian hming in ka ngaidam che tih ka hrilh a, chuan maw enge thleng zel tih ila hreduh em? atih chuan angawi dat a, aw ka tih nan kalu chu kalo bu zauh a. Min hmu thei lo tih kalo hrechang tawh miah lo, nui suk chung chuan "Enge thleng minhan hrilh teh? kalo ti dam dap a.






"Ka pa lak a athiltih sual zawng zawng ah khan, kei hian Pathian hmingin ka ngaidam tih ka sawi rual khan pa siama chu atap zawih zawih alawm, keipawh ka insum thei bik lo a, tap chung in kum tamtak hmelma ang mai a kalo en thin nen khan kan inkuah a, kha ka thiltih vang khan ka inchhir hauh lo, kan hmelma te hian kan hmangaih hi anlo mamawh ngawih ngawih tih ka hriat thar leh phah a, tunah chuan min delhtu phurrit zawng zawng te kha lak kian sak in ka awm tawh a, ka dam chhung hian midang lak a phuba lak hi ka tum leh tawh ngai hauh lo ang. Tun aia hma ah khan pa siama hi lo ngaidam ni ila chuan, tun a an chhungkaw chung a thilthleng zozai pawh hi athleng miah lo ang mawle" a rawn ti sup a.







"Tunah hian enge ka tihchak deuh ihre duh em? Kalo ti chhuak sep a. "Hremiah lo mai, min han hrilh la' arawn titha ve mai bawk a. "Tun tak hian kuah vawng vawng che ka chak lutuk, chuan maw ithil tih vang khan ka chhuang lutuk che ania aw, ngaidam theitu nih nawm zia atak a hretu inithei hi ka lawmpui takzet che, ka hmangaih em em pa" ka tih chuan arawn nui hawk a.




"Ka angel te, keipawh hian ka ngai lutuk che asin, ka rawn hmu hmanlo ang che kati tawh na chu, ka insum leh theih pawh karing tawh chiah lo, zanlam ah reilo te tal nangmah hmutur che a rawnkal kaduh riau" arawn tih chuan kalo nui har har a.






"Insum la, zingah kan inhmuh tawh kha, tunah chuan kan inneihna tur thil ibuaipui angai alawm, ithil thil tihtur ichinfel hma leh ikiangah ka awm hma thei dawn tih ihriat tho chu ka ring a" ka tih chuan "Min ngailo ve sia maw, aw le, aw le kalo kal lo ang, mahse kan inhmuh hunah chuan kathu thu in i awm angai ang" arawn tih chuan "Awle boss ithu ang zelin le, eng pawh chu ni se hna thawk leh tawh rawh, keipawh tihtur ka nei a volleyball court an siam mek a, josepha pawh aphur ngang mai" ka tih chuan "Sepha chu ala haw lo maw? Bawihi" arawn ti deuh vak a.







"Um ala haw lo chu anih hi, tunah chuan ka normal leh tawh e chu atia lawm, lo ngaihtuah suh, ithianpa hi mi rilru puitling tak ani tih ihriat ve tho kha" ka tih chuan "Chutiang lam anilo, ibulah a awm theibik kha ka thiik alawm" pangchang zet a arawn tih chuan kalo nui hawk hawk a. "Thik duh reng reng suh, kadam chhung zawngin ibulah ka awm reng dawn tih kha theihnghilh lola aw, phone kha dah tawh rawh le, kan hna ve ve ithawk tan leh tawh teh ang" ka tih chuan engmah sawinawi tawh lemlo chuan phone chu a off tha ve nghal mai bawk a.







Pawn a ka va chhuah chuan, volleyball court chu anlo siam zo fel der tawh a, ball chu anlo beng laih laih tawh a, va pawh mai lo chuan rilru hlim veng veng chung chuan anche vel chu kalo thlir dauh dauh a. Josepha pawh aphur ber ber ah alo tang leh tawh a.





Rinhlua nen pawh phone kaltlangin kan inbe awllo a, nihnih chhung chu kan inhmu tawh lo a, palai hmel lahmu chiah lo mah ila engkim kan chhungten an sawifel sa diam tawh a. A ni tur vel ruat fel ang chauh ani tawh bawk a, kan inneih na thil vel buaipui in aphar buai thei khawp mai.





Asawi ang tak tak in karkhat dawn chu min hmuturin home lamah arawn lang lo ve teh mial a, asawidan in "kan inneih hmangei a, maremi hi hotel enkawl theitur khawpa hmantlak ah chhuah hman kaduh bawksia, ani arintlak zawh poh leh kei kalo hahdam ting anga" atih ve nuap nuap khamaw.






Ka pa nen kan titi dun mawlh mawlh laiin Rinhlu-ab minrawn call hlawl a. "Bawihi zanin chu karawn kaldawn ania aw, ka awmthei tawh thlawtlo, karkhat chhung hi hetiang em em hian animaw alo rei a? arawn tih chuan kalo nuih char char a. A rawn sawi thutak em em mai bawk si chuan minti nui lo thei lo.







"Kan inneih hma chuan kan inhmu tam thei tawh dawnlo tih isawi atang khan ni ruk chiah ala liam sia, tunah min hmulo a i awmtheih tawh thlawt loh thu irawn sawi leh chu ania" nui kar kar chung chuan kalo fiam zauh a.






"Tunah hian ka uang lo nasa viau ania aw, ka rawn hmulo che anih chuan kan inneih ni thleng tur hian kadam zo thei lo hial in karing asin, athuhrim ah minngai ve miah lo tihna emni? Keiin itello a awm harsa katih em em lai hian, nang hian minngai ve miah lo zawk" lawmlo aw lek lek a arawn tih ngat phei chuan ka nuih aza zual sauh a.






"Saibung tiat pui tawh si hi tinge inaupan chhiat theih em em bik le? kangailo bik che tihna lam nilo in, chhungkua din mai tawh tur kan nih vang hian, ka ngaihna che hi naupang chhia zet a tilang velo in, puitling tak a awmin ka tuar mai mai zawk alawm, kangai lutuk che hi theih nise itaksa ah khan vangvat ang mai a beh reng mai asin kaduh ni" nuih insum zet a katih chuan arawn rum hawk a.






"Nang zorinsangi ka hmangaihna che ah hian puitling tak a awmkher angaihna ka hre ve hauh lo mai, ka thinlungin aduh dan ang hian naupangchhia deuh a rawn hmuh che kaduh zawk fan chu anih si hi, chuvang chuan zanin ah hian ka rawn leng dawn hi anitawp mai ani" arawn tih leh lek phei chuan ka insum thei tawh thlawt lo, za lutuk chuan ka nui chhuak ta chiam a.




"Enteh Rinhlu kan fiamthu hlut na chu keitak hian kangai che in, isawi ang chiah khan kan inhmuh loh chhung lek pawh kha rei kati ve tho mai, inpeih vat vat la palai hmel hmuh vat vat kaduh tawh zia hi ihrelo zawk ang, ka nun zawng zawng hi nang nen a hman dun hi kaduh em asin, chuan thil pakhat hma deuh ah rawn kal rawh aw, kalo hmuak ang che, kan awmna a inhlat ve sia kan awmdun rei thei dawn silo a" ka tih chuan.
"Anih chuan tihtur tlem a zawng kala nei a, kan thawk vat vat anga kalo kal vat ang" kan inbiak na arawn titawp rang lutuk chuan min ti hrih hai letling zawk hial a.







Kanu leh pa in min uap reng thei ani bawk a, home han enkawl pawh chu a hahthlak em em lo a, a chang chuan tunhma ang tho khan zanlam ah ka teichhuak ve leh zauh zauh a. Rinhlu-an zanlam a ka vahchhuah chu a remti vak lo a, mahse kan inneih hunah phei chuan ka duh ang in pawnlam a ka rawngbawl hna hi ka thawk thei tawh in ka ringlo a, chubak ah ka rawngbawlna min dip tur chuan hmangaih viau mah ila Rinhlua hi pasal ah ka neih theih ka ring lo hul hual a, arang thei ang ber a ti ti pui ka duh viau bawk.






A hma te kha chuan, pasal ka neih theih tak tak hi kalo inring ngailo thin kha ania, mi zawng zawng hmuhsit leh kawhrawn ka nih lai te kha chuan, katan hian mipa, min hmangaihtu hi an awm vetheih ka ring ngai lo, chenna bulbal neilo a kumhnih taltap kalo vahvaih ve na te kha Pathian hian minlo theihnghilh bik sak reng reng lo, katan kawng min ruatsak in, tunah chuan kalo suangtuah phak loh dinhmun ah min dah in, midang te tan malsawmna nitur in dinhmun sang takah minlo hung ve reng tawh, ka rawngbawl hna thawhna kawngah hian hlawhchham rak chang pawh ka ngah ve thin khawp mai.








Lal isua krista hnungzui hi harsa kantih em em lai hian, sual kawng zawh hi kan awlsam leh viau thin si a, heitak hi a buaithlak lai tak chu ani, ringtu ten kan chaw lakna hnar ber. Bible chhiar leh tawngtai aia thil nuam hi khawvel ah hian atam tawh lutuk a, kawng nuam zawk ni a kan hriat lamah hian kan thle liam dual dual zel zawng chu anih hi.






Ka pa in "Mambawih pasal ineih hma chu home lamah kan awm ve rih ang, thil tul leh pawimawh i indap khawm ve angai anga, chumi chhung chu kei hian i ai kalo awh rih mai aniang chu, amah erawh chu, ka awm ve vang ringawt hian i inthlahdah thiang miahlo ania aw" atih chuan kalo bu nghauh nghauh a.








"Pa, pasal ka neih hi irilru tak tak in tha iti em? Ka tih chuan angawi vung vung a. "Mambawih hmeichhia inia, mipa te ai hian hmeichhia te hi chu in hnuaihnung zawk a, chubak ah in awmnem zawk bawk a, home ah hian addict, rilru ngaihtuahna fim pawh hmang thei tawhlo te an awm ve nuk bawk a, diktak chuan he home enkawl tur a kan in ichhuahsan tirh te kha chuan mutmu pawh ka tuah hleithei meuhlo asin, ipa hian Pathian ah rinna kalo nghat tawklo deuh te pawh ania nge, i in humhim na tur atan leh, he home khaipa ber tur pasal ineih hi atul takzet zawk asin, Rinhlua nen in inneih hunah chuan ipa hi rilru hahdam taka ka awm ve theih tawh ka ring" arawn ti chuar chuar a.








Ka pa bulah chuan va thu in, ka va kuah vang vang a. "Pa, kanu nen inkianga hun ka hmang tam theilo lutuk hi hreawm kati thin, tlema kanla naupan lai deuh kha chuan irawngbawlna hmunah khan ka awm ve mai thin a, zirna avangin chhungkua kan awmho thei tawhlo a, tunah ipention ve chauh a kan awmhran angai leh bawksia, kan naupan lai te kha kangai thin asin aw, kanu nen inthlazar hnuaia kan unau a kan awm thin lai te kha, ka pasal neih hma chhung min rawn awmpui thei tur hi ka lawmzia ihria em? Ka pasal neihni tal chuan kan inchhung atang ngei a pasal neih hi ka chak ve asin aw, mahse tunah chuan ihmuh ang hian chhungkaw hran kanei tawh bawksia" kati sep sep a.







Ka pa chuan duat fe hian ka samah chuan arawn chul hliau hliau a. "Ka fanu, ipa hian ka chhuang che asin, ichhungte kianga nuamsa tak a awmthei reng ini chung pawh a, mahni nawmna kalsan meuh a midang te tana i inhlan thei hi aropui takzet, midangte angin ithil tih chakzawng te hi ti ve thei lo mahla. Vanah lawmman itan a awm ani tih hrereng la, chumi hrereng chung chuan itheihtawp chhuah zel ang che aw, inu nen hi chuan kan kum te alo tam ve tawh a. Bible in mihring damchhung kum asawi kanlo thleng ve titih der tawh a, tunang hian kan uap theih tawhloh hun che pawh alo la thleng anga, hun harsa tamtak ipaltlang angaih ni te pawh alo la thleng ngei dawn a, chung hunah chuan ibeidawng thianglo ania, sual hian kan chakloh na lai hi ahre em em a, chuthil hmang chuan minrawn bei chat thin a, entur diktak i entlat chuan ihnungtawlh ngailo anga, itluchhe heklo ang, joba nun kha theihngilh ngaisuh ang che, tun ang hian irawngbawl hna hi atluang purh reng dawn miah lo ania" ka pa thu minhrilh chu ngun tak in kalo ngaithla a ka thinlung phek ah ka ziak nghal thlap bawk.







Ka phone rawn rik takah chuan ka pa minkuahna atang chuan ka in lahrang vat a, number lawng chauh anih vang chuan tlem chuan ka hamhaih deuh a, phone ka pick rual chuan, hmeichhe aw sin lam deuh hian "Zorini ini em? arawn ti sep a. Ka pa minlo en ve rengtu chu melh zauh in "Aw ni e, enge nita? khawi atangin nge aw, inumber hi ka nei silo a kavan hremai lo che" kalo ti thuai a.







"Ani dawn teh tak e, in hmelhriat tir hmasak nachang che kalo hrelo a, maengi ka nia, tunah hian Lrm hospital ah kan awm mek a, ka rawn biak chhan zawk tak che, chu ka pasal vang hi ania, amah chu ila hria em ka hrelo a. Ramchhana kha ania, ka pasalin asawidan chuan, in inhmuh atang khan kumkhat avei tawh a, amah tak ilo hretawh lo anih pawh in kan pa hian hmuh che aduh a, tunah hian adamlo mek a, anihna takah chuan athimek zawk, zorin khawngaih in ka pasal hmutur hian ilo kal thei angem? A kal hma in hmuh ngei che aduh tlat sia" arawn tih chuan kalo hrilh hai angreng khawp mai.







Kumhnih chuang rawng ka bawl chhung khan mi tamtak ka hmu in ka kawm kual thin a, tuna arawn sawi hi tu ber nge ka hremai thei tawh tlat lo ani, mitthi mai tawh tur in chutia minhmuh aduh tlat si chuan, ka rawn hmu theilo ang lo tih chi lah chu ani der bawk silo, ka rilru abuai ru angreng khawp mai.





"Zorin, ka pasal duhthusam hnuhnung ber chu irawn puitlin sak thei ang tiraw? tunah ngei hian irawn hmu thei angem? A dinhmun hi atha vaklo a, zanin hi kan daih tawh kher lo maithei ani" beidawn hmel lutuk a arawn tih chuan namen lo hian ka lungphu arawn rang a.





"Aw le, ka rawn kal nghal dawn ania, ka rawn thlen hunah ka rawn call ang che" ti in kan inbiakna chu kan ti tawp a. Phone adah rual chuan ka thaw chhuak hawk thei...cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 4:11 pm

"Aw le, ka rawn kal nghal dawn ania, ka rawn thlen hunah ka rawn call leh mai ang che aw" ti in kan inbiakna chu kan ti tawp a. Phone adah rual chuan rilru nuam zan lo chuan ka thaw chhuak hawk thei.





"Mambawih, tunge rawnbia che a? I van mangan hmel ve mawle" ka pa in minrawn tih chuan thil awmzia ka hrilh nghal mawlh mawlh a. "E khai, chutiang chu thil awmdan anih chuan muangchang thei inih tawhloh tawp chu, va inhalum thuai thuai la, damdawiin ah chuan va kal vat tawh" ka pa in mintih chuan ka room lamah chuan tlan lutin ka inthlak vat vat a.







Ka bag ah chuan Bible chu ka khung nghal mawp mawp a. Ka room ah chuan ka pa chuan minrawn zui lutin. "Mambawih, tunah hian mi pakhat thlarau nun ikutah a in nghat mek ani tih hriala. Pathian rinchhan in itheih tawp iva chhuah dawn ania, helai hmun atang hian tawngtaina in ipa hian kalo pui ang che" ka pa in atih chuan athilsawi awmzia pakhat mah ka hrethiam hauh lo.







Thildang pawh ti khawmuang tawh lo chuan ka pa nen chuan kan inzui chhuak hlawk hlawk a, ka scooty chu la chhuak in ka tlanliam dawn thleng chuan ka pa chuan minlo thlir reng a.
Ka rawngbawlna kawng ah hian thil tamtak ka lo tawng ve nual tawh a, tun a damlo thi lek lek in min hmuh aduh ang thil hi chu vawikhat mah ka la tawn loh vang hian, engtia han hmachhawn chi nge ka hre hauh lo, a lu chung a kut nghat a tawngtai mai loh chu tih theih ka neih ka hre hek lo.





Rilru tawngtai na nei reng chung chuan Lrm hospital lam chu ka pan ve mawp mawp a, rawngbawltu thenkhat te ang a, pulpit tlang atang a Pathian thu tlangau pui thin ka ni lo a, tihdam rawngbawl hna thawk thin ka ni hek lo, keia kar chutiang taka min hmuh duhtu chu tu chiah nge anih hriat ka chak viau bawk, hmanhmawh bakleng a tlan ka ni bawk a karlo ah damdawiin pawh chu ka thleng thuai a, maengi chu call in ka thlen tawh thu ka hrilh nghal vat a.






"Min lo nghak lawk rawh ka rawn hruai ang che" arawn tih chuan gate bulah chuan kalo nghak ta ran a, rei pawh ka awm hma in damdawiin chhung lam atang a, hmeichhe cher lampang, ngo veng mai rawn chhuak mek chuan ka mit alo la nghal chat a, zawn nei ang deuh chuan a hawi kual ruai a, gate bul vel ah chuan mihring awm kan thahnem ve deuh vang nge, minrawn hre pawh mai thei biklo ani chek ang chu, a phone hum chu a bih in ahmet nghal mawlh mawlh a, ka phone arawn ri ve nghal chiah bawk.







Phone pickup ta mai lo chuan ka ban chu kalo vai zauh a, kei ai chuan a landan ah a upat hmel deuh zawk vang chuan "Umaeng" tiin ka lo ko vat a, amit in minrawn hmuh rual chuan kalam chu arawn pan nghal vat a. "Ka beisei aiin irawn thleng hma leh sia, keimah zawk hian lo hmuak tur che hi kania sin mawle, kan rawn tibuai ta chiam che sia ka inthlahrung khawp mai" tiin thupha a chawi zui mawlh mawlh a.







"In thlahrung duh reng reng suh, engtia ipasal chuan kei tehdaih min hmuh aduh tlatna chhan hi ihremial lo maw? ka tih chuan keimah ang tho in engmah a hriat bik loh thu asawi sap sap a.
"Kan lut nghal maidawn emni? umaeng-in arawn tih chuan kalo buk khum zauh a, damdawiin chhungah chuan inzui lutin, ngawireng chuan inhnuai lam step ah chuan min chhukpui a, chhawngthum zet step kan zawhthlak hnuah chuan.






"Helai hi ania" rawn ti sep in cabin no-411 na kawngka bulah chuan ding in minrawn leh hawi a, ka mi hmuhtur chu tunge tih ka hriatmai loh vang chuan ka zam luat ah ka kut te chu athlan huh dap thei, umaengi chuan dimte in kawngka chu pawt hawngin, ahnung ah chuan kalo zui ve zat a, cabin chhung ka penluh rual a ka hmuh hmasak ber chu, khum chunga damlo oxygen anlo pek mek leh, amutna sir a pitar tawh tak damlo kut vuan renga lo thu ngui lap chu ani.







Kan thawm a hriat rual rual chuan pitar chu rawn hawichhuak in "In lo thleng tawh ani maw? arawn ti tham tiak a, pitar zawhna pawh chhang lemlo chuan, damlo min hmuh duh em em tu chu tu chiah nge anih hriat tum chuan ka panhnai ruak ruak a. A taksa te chu acher hi amitkhur te chu atla duk tawh a, chubak ah oxygeb mask anvuah avang chuan tu chiah nge anih kala hremai thei hauh lo.






Umaengi chu a pasal mutna bulah chuan kalhnai in, a kut chuan ahmai chu a chul riak riak a. A bengbul ah chuan kunhniam in "Pa-a zorini alo thleng tawh ania" a ti sar sar a. A rawn chechang ta mai bawk silo nen, a nupui thusawi chuan athluak athleng pha tawhlo anih kalo ring hman rum rum tawh a.






"Pa-a ka tawng ihrethei em? ihmuh chak em em zorini kha alo thleng tawh ania" ring deuh zawk chuan umaengi chuan ati leh a, ngawireng a kalo en lai chuan rilru nat hmel fe chuan umaengi chuan minrawn melh a. A mitah chuan lungngaihna mittui chu atlingpam a.





Chutia engmah tilo a lo din tlawn ve reng chu nithei a ka hriat loh vang chuan. Ramchhana chu panhnai in, akut mihring kut atan pawh a mawilo khawp a cher chu ka vuan ve ta nge nge a. "Mami, ka fapa nen hian eng inzawmna nge inneih chiah chu hrelo mah ila, hetiang taka Ramte-an hmuh aduhna chhan che hi thil pawimawh tak anih ka ring a" sawizawm thei tawh lo chuan amittui chu ahru fap fap a.







"Ka pi lungngai miah suh aw! Engkim tithei Pathian kannei alawm, mihringten kan tihtheih phak bakah hian kan Pathian hi a che thin ania, heng thih leh natna te hi chu, mihring kannih chhung chuan tute chungah pawh alo la thleng vek dawn tih hi kan hriat reng angai asin" kalo ti ve mawlh mawlh a.







Ramchhana kut ka vawn chu arawn chet takah chuan, rangtak in kalo en vat a. Chauh hmel em em a, mitmeng vai riai a minrawn melh tawk tawk tu hmel ka hmuh chuan, ka lungphu hi a inthum rawn tluk tluk thei. Rangtakin a lulam ah chuan ka insawn hnai thuai a, ka hnenah sawiduh aneih ka rin vang chuan umaengi lam chu en in "Umaeng a oxygen mask hi kan lathla rih mai dawn emni? tiin kalo rawn vat a. Umaengi chuan a oxygen mask chu arawn lakthlak sak nghal zung zung a. A ka chu arawn tep deuh chiap chiap avang chuan tuisik chu a ka ah chuan farhnih khat ang tak tak hi afarluh sak leh a.








Umaeng-in a buaipui zawh chuan "Zorin ka lu bulah hian lo kunhniam teh" a âw te chu ari chhuak chang chang choh ani.
Rang fe chuan alu bulah chuan ka kunhniam thuai a. "Min hmuh iduh thu inupui hian arawn sawi a, enge tihsak theih che ka neih? I sawiduh chu insum miah lo in sawivek la kalo ngaihthlak sak ang che aw" ka lo ti sawk sawk a. A rawn mentirh ai thlawt chuan amitmeng pawh chu afiah deuh tawh a.







"Zorin, i Pathian chuan ilak a ka thiltih vang khan min hrem ta anih hi, kei hian ka vanglai huntha zawng zawng kha nawmchen nan kalo khawhral fai vek a, kha zan kha ila hre reng em? Hotel chhung a minrawn zui luh zan kha, ka neih ro sum hmanga nawmchen nan a hman che katum lai khan, kalo beisei loh tawp thil Pathian hming irawn lam rik vang khan ka lungawilo hle anih kha" a rawn khuh tak bawrh bawrh ah chuan, hlau thawng fe hian "Tawng tawh rihlo mai rawh, tlema izia deuh hunah isawi duh chu minhrilh mai dawn ania" ka lo ti thuai a.







Ka bulmai a natna khum a mumek hi tunge anih? tih chu ka hrechiang tawh ngang mai, kha zan a ka hmuh bak kha chu ka hmunawn ta miah lo kha ania. "Nang a Pathian khan engtin mah minti theilo, i sawi ve chhen Pathian ai kha chuan kei hi ka ropui fe zawk, i Pathian puihna tel lo hian ka duh duh nei in nuam tinreng ka chen thei. A hming ilamrik ve chhen Pathian chuan enge atihtheih chiah chu lo en an hmiang" ti chung a min diriam chiam tu mihring ngei kha ani.






"Zorin huntam ka nei tawh lo asin, kei hian kha zana ithu minhrilh te kha ngaithla duh lo in, thlarau thianghlim hming ka sawichhia anih kha, ka duhthlanna ngei in he khawvel parmawina te hi ka chen a, mahse kei hian kalo dawnthui lo em ani! Ka thih hun a ka thlarau kalna tur lam reng reng kalo dawn phak lo a. Thim lal tirhkoh ho te chuan, ka thlarau chatuan hremhmun a hruai tumin ka khum bulah hian min hual thup tawh asin, zorin arapthlak lutuk ka kalna tur hi ka duhlo, khawngaih takin i Pathian hnenah chuan ngaihdam min dilsak rawh, ka duh lo athim lutuk min kalsan rawh u" a ban chu a rawn vai zui ta chiam chiam a.







Khatiang khawp a damlo thahrui pawh nei tawh awmlo tak kha, umaengi nen chuan kan dawm hneh ta mang miah lo. "Kanu nurse va ko vat rawh" umaeng-in atih chuan pitar pawh chu nurse ko tur chuan a theih tawk a hman hmawh chuan a tlanchhuak zui nghal hlak hlak a. A tal chau ta deuh aniang, a awm sep dawrh dawrh chung chuan arawn thaw hrawih hrwih a, a mitmu var chiah lang hian a meng rang kuau bawk a, ka bag atang chuan ka Bible ah chu phawrh chhuak in ka keu phawk a.








"Ngaiteh, Pathian bawktê chu mihring zingah alo awm ta. Ani chu an hnenah a awm anga, Anni chu a mite an ni ang a, Pathian ngei chu an hnenah a awm ang a. An mit ata mittui zawng zawng a hru fai ang a. Thihna a awm leh thei tawh lo vang a. Lungngaih leh tah leh nat te pawh . A awm leh tawh hek lo vang. Thil hmasa te chu aral ta. He Bible chang ka chhiar zawh rual rual chuan amit chu a chhing ta riai riai a, ka hmuhtirh a alo awm ang chiah khan, che changtur pawh awmtawh chuang lo hian amu leh hle hle tawh.








Umaengi chuan mittui tla zawih zawih chung hian minrawn en a. Ramchhana nu leh nurse pahnih pawh chu hman hmawh bakleng hian anrawn tlanlut ve chiah a, chutia thatak a alo mu hle hle anrawn hmuh chuan anrawn hrilhhai letling phian a, nurse pakhat zawk chuan a bp vel chu arawn check nghal zung zung a, lehkha them a ziak pah mawlh mawlh chung chuan. "A dinhmun chu
ala ngai reng anih hi, thil danglam thleng a awm chuan minrawn ko hreh miahsu aw, doctor pawh arawn thleng tep tawh ang" atih hnu ah an inzui chhuak leh nghal mai a.







"Bawihi enge thil awmzia? Nurse ko tura ka chhuah lai kha chuan a talbuai viau bawksia, tunah lem ti hian alo mu leh hle hle bawk si a, dawtsawi te pawh ka ang emai" a nu in arawn tih chuan, umaengi chuan amittui chu a hru mawlh mawlh a.







"Ka pi, ka hmuhdan chuan ifapa thlarau hi Pathian leh setana hian an inchuh mek niin kahria, u ramtea hian khang athatlai ni zawng zawng ah khan Pathian rawngbawl duhlo in, setana duhzawng hlirin a hun a hmang ral a, he anatna khum atang hian, khang athil lo tihsual tawh zawng zawng te kha hrechhuakin. Pathian lamah inlamlet aduh a, mahse atlai tawh lutuk ani, kan Pathian hi khawngaihna leh zaihngaihna a khat Pathian ani a, tunah hian uramtea tan hian kan tawngtai sak angai! Keini chuan tihtheih kan neilo ani maithei e. Pathian hian tihtheih loh aneilo a, uramtea nunna hi a pawtsei thei ani. Ni lo aduh phawt chuan tun darkar ah pawh hian a ti damthei asin, kan theih tawpin Pathian hnenah tawngtai sak ang u" ka ti bawrh bawrh a.







Chhuat ah chuan kan pathum chuan thingthi in, kut insuih khawmin uramtea tan chuan kan theih tawp in kan tawngtai a. "Ka pa, uramtea dam leh theih nan kadil lo che. A thlarau ihnen a achawlh ve theih nan khawngaih takin inlamletna hun siamsak turin ka ngen zawk che, nang chuan chatuan a aboral iphal loh vangin, kei ichhiahhlawh hmang ngei pawh hian irawngbawl turin iko tawh a, mahse ikohna te haider in ahnawl che tih pawh kahria, nang chu khawngaihna leh zahngaihna akhat Pathian ini a, uramtea chungah hian izahngaihna lantir leh la, he a khualzin kawng azawh tawp mek lai hian, ilam alo pan theih nan huntha tlemte tal pe leh hram rawh" tiin tap zawih zawih chungin Pathian ka au a.







Natna khuma mu mek uramtea chu ka melh ngawt ngawt a, ka rilru ngauhtuahna akalthui ngang mai. Hetah khawhmun nghet kannei silo a, khaw lo la awmtur chu kan zawng zawk si a, he khawvel kan khualzin kawng kan zawhmek lai hian, haw leh maitur kanni tih hi tinge kan ngaihtuah ngai miah loh thin le? Khawvel hi chu achakna te chawp a boral leh maitur anih mek lai hian, kan haw huna kan chhawm luh theih miah loh thil buaipui in kan hman hlel a, kan nunna chunga thuneitu leh ro minrelsak tutur. Pathian hi kan theihnghilh zo ta mai emni? Pathian aia kan thlan zawk leh kan buaipui thin thil te hian, kan thihdawn darkar ah meuh chuan thlamuanna min pe leh thei chuang silo chu anih hi.







Doctor arawn thlen chuan, tlang takin uramtea dinhmun chu ahrilh a. "Hun tam anei tawh lo, chhungkua pawh inpun khawm mah ula asual lo ang" atih chuan umaengi chuan anu chu kuah in atap chhuak ta hlawp hlawp a. Tihtheih engmah ka neih loh vang chuan hreawm ka ti vawng vawng, ka rilru chuan ka tawngtai mawlh mawlh reng a, uramtea inlamletna huntha pe hram turin Pathian kalo nawr ve char char a, chubak pektur leh tihsak theih ka nei miau silo a.









"Zorin atlai tawh bawksia minva tinsan tawh mai rawh, doctor thusawi ihriat ve vek kha, tihtheih engmah kan nei tawhlo, ti hian ka pasal chu zawi zawiin kal tawh mai dawn anih hi, kan rawn tibuai ta chiam che sia azialo khawp mai" umaeng-in minrawn tih chuan, lainatna akhat mitmeng hian kalo en ngawih ngawih a.







Kum naupangte nisi in hmeithai ani mai tur chu ka khawngaih ani! Pasal rinawm lo tak anei chung hian, hmangaih leh dawhthei takin vawiin athih dawn darkar thleng hian a kiangah a awm reng a, uramtea hian anupui hmangaihna te hi lo hrethiam in, thatak khan anun lo hmang ni se chuan, tun dinhmun ah hian ading kher lo maithei ani, mitin te hian mahni tuhrah vêk kan seng theuh dawn si a.








"Umaeng, minti buai reng reng hleinem, home lam enkawl tur chuan kanu leh pa te an awm a, helai hmunah hian min mamawh zawkin ka hria, ti ringawt hi chuan ka hawsan theilo ang che u, hetah hian ka awm ve angai" ka tih chuan ahmel ah chuan thlamuan na ka hmu thei.






"Zorin, anihna tak ah chuan, ka pasal hian adam loh tantirh khan ihming hi alam tawh a, ka pasal mizia chu sawi kher ngailo in ihriat chu ka ring tho bawk a, khang hun lai kha chuan tun ang em em hian a dinhmun pawh ala hniam lo a, ihming a lam rik reng lai khan lo zawngchhuak vat tur che hi ka nia, nang hi kalo rindan chuan uramtea hmeichhe kawp thin inih ka rin vang khan, ihming alam chhen pawh khan kalo ngaihven sak duh lo a. Tunah chuan ka pasal hi titi pui tlak pawh a awm tawhlo anih hi, tunah hian kei hi ka pasal lakah hian ka inthiam lo takzet asin" beidawng lutuk chuan arawn ti tham tiak a.






Umaengi thu minhrilh vang chuan ka chhungril hi pawitih luat vangin a rum vawng vawng thei, a sawi ang khan minrawn zawngchhuak vat chu nise uramtea hian inlamletna huntha ala nei tur hi ania, thihdawn ruai a pianthar tum hian awmzia anei meuh angem ka hrebik lo ani.







Tlailam a arawn buai chiam tihloh kha chu, muhil chiah chiah ang mai hian a awm a, zan dar sarih pelh hret ah chuan, nula hmeltha zet hian cabin chhung ah chuan naupang pahnih hi arawn kailut a. An rawn luh rual rual chuan naupang pahnih chuan umaengi lam chu pan in "A nu " tiin an bawh rawk rawk a. Umaengi chuan an unau chuan duat taka lo kuah in "Zorin kan fate annih hi, hetiang hi kan dinhmun anih taksi vang hian, inlam ah ka awplum hman meuh silo a, kan fate hian min ngai ve tawh lutuk a" a rawn ti sep sep a.







Umaengi te nufa za ka en chuan ka lungchhe em em ringawt a, sual setana vanga naupang pawisawi ve miahlo ten, he khawvel a pa tihtur annei ve tawhlo tur te chuan minti thinrim hluah hluah tawh.





"U, damdawiin pawnlam ah khian chhungkhat laina leh thenrual tha te an awm nual tawh a, inlam pawh atheih ang ang chu kan in buatsaih lawk tawh a" khum chung a damlo engmah hretawh lo melh vang vang chung chuan arawn ti sep a. Uramtea chu panhnai in. A kut chu a humsak ngawt ngawt a, ahmui chuan achalah chuan chuktuah in a fawp zui vang vang a. "U thlaphang miahsuh aw! I nupui leh ifate chu keiman kalo enkawl vek ang, u tang fan fan rawh! I chhungte hian kanla thlahlel lutuk che asin" tah insum fe chuan ati tham tiak a. Hawichhuak miahlo chuan thlanglam kil a bathroom lam ah chuan atlan lut nghal hlawk hlawk a.







"Kan pa farnu anih kha, ani chiah kha unau anei a" umaengi chuan arawn ti leh sap a. Naupang hmuhlai a tah aduh loh vangin a inthiar fihlim tih kalo hrethiam mai a.






"Zualte, mama, ipa hi mangtha tawh rawh u aw, anî ho khan inlam ah lo va haw leh tawh rawh u, keini pawh kanlo haw vat ang" afa te kuah ngawih ngawih chung chuan harsa ti fe hian arawn ti chhuak a. A hmeichhia zawk chu anu kuahna atang chuan rawn talchhuak in, khumchung a athih hun nghak mek apa lam chu apan a, a chalah chuan fawpin "A pa, lo tho tawh la, kan ngai tawh che ania, anu in mama nen feldeuh in lo awm ula, ipa nen kanlo haw vat ang atia, ani thu pawh kan awih a, lehkha pawh thadeuh in kanlo zir thin asin, apa lo dam vat vat rawh aw" atih chuan ka mittui chu ka dang zo ngang lo.








"Bawihte, ipa hi mangtha ve rawh le" umaeng-in afapa atih chuan ka en thei tawh thlawt lo, a fapa chu pawm kangin khumah chuan a hlang tih ka hria. "A pa, min infiampui turin lo haw vat rawh aw, ani leh au zualte-in min infiampui peih silo a, anu nen hian min kalsan char char a, tutu-a (an ui hming)pawhin min infiampui duh lo a, lo harh tawhla minngai ve lo emni? ati lauh lauh ri te chuan ka lung ati chhia in tahchhuah hawm hawm hi ka chak ber.







"Bawihte, ipa kha fawp rawh le" umaeng-in a fapa atih chuan, mittui tla zawih zawih chung hian ka hawichhuak ta nge nge a, mipa naupang duhawm zetin a pa a fawp lai chu rilru ipik hluah hluah chung hian ka lo melh tlawk tlawk a, ka chhungte hi lo boral ve ta pawh nise, tuna ka awm ang bak hi chuan ka kehchhiah theih chuan ka inring lo.






Nula in a chhuahpui dawn thleng chuan, mipa naupang zawk chuan "Anu naktuk ah apa nen khan lo haw rawh u aw" ala rawnti ang tawk tawk a, tunah hian a pa hi athi mek tih lah an hrethiam ve mangtak silo a. "Pa-a ifate thusawi kha ihria tiraw? Dam vat turin anduh che anih kha! tinge hetiang a i awmreng a? I fate khan anngai tawh che asin" umaeng-in a pasal a biak mawlh mawlh lai chuan ka phone chu a rawn nghawr dar dar a. Ka pa in minlo call lek chu niin.







Home ka chhuahsan atang khan, engmah chanchin kala hrilh hre miahlo a, minlo ngaihtuah tawh viau ang chu, ngawireng chuan bathroom lam chu ka pan hnak hnak a, bathroom kawngka ka kalh fel leh te te hnu ah ka pa call chu ka pick ve choh a.






"Mambawih enge chanchin? Engmah irawn sawi silo a, kanlo ngaihtuah tawh viau che ania" ka pa chuan arawn ti chuar chuar a.




"Pa, athalo athalo takzet! Pa minlo tawngtaipui reng tiraw? Tunah hian athi mek asin. Pathian ah inlamlet aduh a, mahse atlai tawh lutuk ani, inlamletna hun reilo te tal peturin Pathian hnenah ka dilsak a, pa ka beiseina neih ve te hi athleng thei angem tih pawh ka chiang ngam tawhlo, tlaiah khan arawn harh zawk a, chiang vaklo chuan thû tlem chu arawn sawi a. Pathian hnenah ngaihdam dila atawngtai theih nan minute reilo te tal rawn harh leh hramse ka duh ngawih ngawih" tap tiau chung chuan kalo ti a.




"Bawihi kan mangan na Pathian hnen ah kanthlen tawh a. A bak chu keini tihtheih ani tawh lo e, kan vaiin kanlo tawngtai reng ania. Pathian in kan tawngtaina te hi ahria a, kan dil zawng zawngte hi minchhang kher lo mahse, kan hnual phah tur anilo a, kan rinna kan ti nghet zual sauh sauh zawk tur ani. Kan thudang alai chuan Rinhlua arawn kal a, chanchin engmah ilo hrilh lo ani maw? arawn hrilhhai angreng lutuk a, hei tunah pawh alo la nghak ve reng che a, i awmzel dantur engmah irawnsawi mai ta silo a" arawn tih chuan, chhunlam a Rinhlua nen kan inbiakna ka hrechhuak zawk thei, karkhat dawn kan inhmu tawhlo a, min ngaih tawh em vangin buai pawh sawi theilo in minrawn hmuh atum kha ania, keilah helam ah kalo kal leh daih sia, ahrilh hai dantur zia ka ngaihtuah a, nuamlo kati ru ngang mai.








"Pa, ka rawn haw lawk theih ka ringlo, kan dinhmun hi asawi chian theih siloh a, minlo mutsan mai ru aw. Rinhlua chu biak angai in kahria, duhtawk phawt ang aw" ka tih chuan "Mambawih kanlo tawngtai reng ania, irilru kha tihnual reng reng suh ang che" ka pa chuan arawn ti leh chuar chuar a.







Ka pa nen kan inbiak zawh hnu chuan Rinhlua chu ka call nghal vat a. "Bawihi itha em? i pa in thil awmzia minlo hrilh a" arawn ti dam dup a. Min ngai em em in minrawn pan ve vang vang a, keilah hmuhtur ka awm dawn silo a, alungawi loh kalo hlauh rilruk tehlul nen. Rinhlua aw zaidam zet ka hriat meuh chuan ka men deuh pur a.






"Tihpalh aw, ka chi ai nasa lutuk a, engmah hrilh hre lo che in kalo awm a, inlam ah hna ingah dawn tehlul nen, ilak ah ka inthiamlo takzet" kalo ti hliai a.





"Bawihi, ka lakah hi chuan i inthiam loh angai miah lo ania, he tiang thil te hi chu a la thleng fo dawn tih ka hre sa alawm, kei hian irawngbawlna daltu nih katum reng reng lo, ikut ka vawn rual rual khan, irual a ke pen ka zir ve nghal asin, irawn haw thei dawn tawh em? arawn tih chuan kalo thaw huai thei. Hman a ka hriat thin Rinhlua leh tuna, ka pasal nimai tur Rinhlua hi chu mihrang hlak anni tawh, hetiang tak a hriatthiam na ngah mihring hi ani tih kalo hrengai miahlo.








"Enteh Rinhlu, ka awmchin tur kasawi chiang thei tlat lo, lo va haw mai rawh aw, remchang hmasa berah hmutur che in keimah ka rawn kal zawk mai ang" ka tih chuan leh lam atang chuan arawn thaw chhuak hawk a.







"Aaa, ka ngai tawh viau che asin! Lrm hospital ah tiraw in awm? Haw pahin ka rawn hmu ang che, a nih loh pawh in pawnah kalo nghak ang che aw, zanreh ah nangmah in ihaw ka phal lo, kalo nghak char char ang che" a rawn tih chuan kalo hnial buai peih vel lo. Angai lo pawh ti ila minlo nghak leh dawn tho tho tih ka chiang em atinni.







"Zorin, zorin kan pa hi arawn harh ania" bualin kawng ka umaeng-in arawn kik tak dawt dawt takah chuan. Rinhlua nen kan inbiakna chu ka ti tawp nghal vat a.






"Pa-a iharh tiraw? minhria em? Umaengi chuan a pasal chu alo be mawlh mawlh a. Rangzet a panhnai in "Uramte ilo harhchhuak leh chu kavan lawm tak em! Ka tawng ihrethei tiraw? Ka tih chuan meng â ruai chung hian minrawn melh a, ka thusawi a hrethei tih ka hriat avang chuan Pathian hnenah lawmthu ka sawi mawlh mawlh a.
"Uramte, Pathian in huntha dang a pe leh mek che anih ka ring, tunah hian tawngtai ang aw. Pathian hnenah i inhlan angai ania" a kut a vuan reng chung chuan kalo ti mawlh mawlh a.







"Zorin, kei hian engkim ka mamawh ro sum leh pai ka nei a, mahse ka thihdawn ah meuh chuan, thlamuanna reng reng kanei silo, ka kalna tur hi athim lutuk. Ni khat lek pawh huntha dang nei leh ila chuan. Pathian tan ka hmang tawh ngei ang mawle! Thihna hlim kawrruam ka zawh chiah hian i Pathian kalo nuihzat em em thin kha a awm tih ka hretawh asin. Mahse ka tlai tawh lutuk, kei hian inlamlet nan hun ka nei tawhlo. Zorin Pathian kalo hnuchhawn leh arawngbawl tur a min ko tu ngei khan, tunah chuan min hnungchhawn veta, ka hun kalta zawng zawng te kha kohkir leh theih kavan chak tehlul em! Lalpa, kei hian khang huntha kaneih lai khan kalo hrengailo che a, setana duhzawng hlirin ka hun kalo hmang ral thin, ka thihdawn darkar athlen meuh chuan nang hi ilo awm ngei ani tih kahria a, ihnenah hian ngaihdam diltlakche pawh kani lo, misual kani a, ihremna chu ka phu ve reng ani. Aw Pathian hei choh hi kadil ang che, kei chuan ihnena awm ve turin thiltha tih pakhatmah ka neilo a, ka nupui fanau ka chhungte zawng zawng hian, iram anthlen vek theih nan ichanchin tha chuan anthinlung êntlang se, ka kalna tur a anrawn kal ve loh natur in andamchhung ni te chhiardan zirtir ang che aw" A thil sawi zawng zawng te chu a zawih em avang chuan ka hrekim vek thei lo a, mak katih tawp theih loh chu. A thihdawn darkar ah pawh ama tan dillo a anupui fanau te tan adilsak ta daih chu ani, thlamuan hmel tak hian amit chu achhing leh riai riai a, ka bul lawk a umaengi te nufa thahnemngai taka antawngtai mek chu ka melh zawk a. A kalta em tih hriat tum chuan amarphu chu ka dek vat a, zawite chuan alo la phu ve det det a.







A bengbul ah chuan kunhniam in. "Uramte katawng ihrethei tiraw? I rilru zawng zawng khan Pathian hnenah inhlan rawh, misual sim te hi kan Pathian hian alo lawm em em thin asin, "In sualte chu senlar angin awm tawh mah sela, vur angin a var ang. Senduk angin awmtawh mah sela. Beram hmul ang in a awm ang" atih kha, sual leh ramhuai ten anngam loh Pathian, mi zawng zawng chunga rorel tu chuan alo ngaidam em em ang che" ka ti mawlh mawlh a. Uramte a luchung ah chuan kut nghatin ka tawngtai zui mawlh mawlh a. Ka tawngtai zawh rual rual chuan umaengi chuan "Zorin, ka pasal hian vanram akai iring em? arawn tichhuk phawng a.







Chu zawhna kher chu chhandan tur ka hre hlawl lo. Mihring lam atang a ngaihtuah chuan, a pasal hian anun lo hman tawh danah vanram chu athleng zo hauh in ka ringlo a, mahse ahun tawp lamah chuan. He anun hi Pathian chakin atuihal ani.






"Umaeng, ipasal hi Pathian hian ahmangaih asin, chatuan a boral tur chuan a phal lo a, huntha a pe leh ni in kahria, vanram akai leh kai loh tur chu kei hian engmah kasawi theilo a. Engkim hi Pathin thu thu ani" ka ti sep sep a.






Zan dar sawm pakhat arik pawh chuan, uramtea chu arawn chechang ta miah lo a. "Bawihi hospital tual ah ka awm tawh ania, idamlo awmpui kha kan vengpa alo ni reng a, hei kan thenawm te ho pawh anlo awm a, rilru hahdam deuh khan awmla, min rawn ngaihtuah suh aw, uramtea dinhmun ngaichang in kan veng ho pawh an awm teuh ania" tih arawn thawn a.





Tumah tawng zairel lo chuan kan thu ngawi tlawk tlawk a. A khat tawk in nurse duty chu arawn lut reng a, tlailam a a talbuai ang kha chuan a awm tawh miahlo a, min hmachhawn zawng a thu uramtea nu chu ka melh leh vung vung thin a, kum upat hnu ah a fapa neihchhun a sun mek chu ani si a, engmah chanchin inhrilh kilkel lo mah ila, pa annei tawh lo anih ka ring ve ngawt a, kan lungngaih mangan ni a min thlamuan thin tu, pa kanla nei chu vannei ka inti hluah hluah.







Beiseina sangtak neiin zahpawh dawn lo in minrawn ko ve chu ani si a, kei lah chuan antan tihtheih ka nei der silo chu ka inthiam lo ru ngang mai. A khat tawk in rinhlua nen whatsapp atangin chanchin kan inhrilh reng a, engmah tilo a han thut tlawk tlawk tak ah chuan, darkar khat lek pawh chu rei tak ani. Kan damlo awmpui ber lah chu muhil ang mai in areh vung vung reng a.






"Umaeng, tinge icu ah in awm loh a? Uramtea dinhmun ka en hian icu ah dah âwmtak ania" ka ti chhuak phawng a.





"I sawi kha adik alawm, icu ah chuan thlakhat dawn kan awm a, doctor te sawi hmangin ka pasal hi beisei awm ani tawh silo a, icu a a awm kha chuan kan duh ang in akiang ah kan awm thei bawk silo a, hun tamzawk akiang a hman kan duh vangin ihmuh ang hian cabin lam a insawn hi kan dil ta ringawt anih hi" a rawn ti sep sep a.







Umaeng-in asawi tak ah chuan, an rilru tur chu ka hriatthiam pui khawp mai, tihtheih em em neilo mahse hetiang a akiang a an awm thei ringawt pawh hi, a chhungte tan chuan thil thlakhlelh awm tak ani ve hrim hrim bawk a.







Zanlai ani dawn ruai tawh a, uramtea dinhmun arawn danglam tan a. A ban chu thei leh thei lo hian arawn vai a, amit erawh ameng tawh hauh lo a, umaengi te nufa chuan thlabar hmel em em hian min melh dun a, kei mihring azawng a tawngkam thiam lo ber mai hian, han hnem ngaihna thak ka hrebik silo a, nurse duty ko tur chuan ka chhuahsan ta ringawt a.






Cabin a ka let leh chuan uramtea chu thawchham tihhriat lutuk hian a awm alo insep dawrh dawrh tawh a, tap chung in anupui leh a nu chuan anlo ko mawlh mawlh a, nurse in "ka pi, lo awmsawn rih lawk teh u" atih chuan umaengi chu kalo kuah vat a. Doctor sawi ang tak tak in zanlai dar sawm pahnih pelh hret ah uramtea chuan min peihloh san ta nge nge a.






U maengi te nufa chu an tap hawm hawm a. Rinhlua chu call in kan chanchin chu ka hrilh nghal vat a, rei vaklo hnu ah ruang la turin an chhungkhat laina te anrawn thleng thla a. Rinhlua pawh arawn lang ve nawlh a, minhmuh rual chuan rangtak a minrawn pan in. "Bawihi, itha em? ka kut a rawn chelh chung chuan ati sup a. Diktak a sawi chuan uramtea hnuk achah rual rual khan ka chhungril hi ana ngawih ngawih ti ila, ka sawi sual lo tawp ang. A lei taksa chu thi tawh mah sela. A thlarau a dam angem? tih chu keimah a zawhna liantak awm reng chu ani. Huntha kan neihlai ngei a Pathian lam kan hawi duh loh chuan uramtea chan chiah hi kan chan tur chu ani.







An in thlengin uramtea ruang chu ka zui ve a. An pa ruang bul a naupang pahnih hrilhhai hmel lutuk a hawi kual vel ka hmuh chuan ka tap chhuak ve leh ta nge nge a. Ni reilo te kalta khan Ngurpuii kan chan anih kha, lusun nat danzia chu atak ngei in kalo tawng ve tawh a. Umaengi te nufa za hian Pathian thlamuan na an mamawh takzet ani. Rinhlu-an "Bawihi, i scooty chu kan in ah dah ila ka motor in ka thlah mai ang che aw" arawn tih chuan kalo buk khum ringawt a. Darkar chanve tha zet kan thut hnu ah, Rinhlua nen chuan kan haw ta nal nal a.




Home kan tlen chuan zing dar khat apel va tawh a, car atang chhuak mai loh chuan Rinhlua lam chu hawiin, akut chu la in ka hum vang vang a. Engmah sawilo chuan ka chezia chu alo thlir dauh dauh a. "Ka lawm e aw" ka ti chhuak sep a, engmah sawi lo chuan minrawn nuih suk a, a ham zui bai bai a.







"Bawiha, mihring remruatna hi chuan sa remruatna pawh atluk loh zia chu zanin ah pawh atak ngeiin kan tawng leh chu anih hi tiraw? Kan hmahun tur ruahman in kan hmanhlel a, zanin a ka thil hriatchian tak em em chu, mihringten kan nunna chung a thu kan neih loh zia hi ani. Engtik ni ah nge kan thihdawn tih hi tuman kan hrelawk silo a, kan lei taksa hi athih hun ah, kan thlarau anun theih nan kan inbuatsaih lawk angai tih hi mi zawng zawng hian hria ila kaduh, uramtea khan athatlai hun te kha Lalpa tan hmang lo in, ama nuam tih zawng hlirin a khawhral a, athih dawn ah meuh chuan alo thlan zawk khawvel thil, ro sum leh pai te khan thlamuanna an pe thei silo a. A hnukchah dawn thleng khan ahun lo hman ral tak zawng zawng te kha, kohkir leh theih chu nise Pathian tan hman achakzia a sawi asin, keini chuan huntha kanla nei a, kan khualzin kawng kanlo zawhtawp hunah pawh, hlimtak a kan Lalpa Pathian kan tawh theih nan a rawng kan bawl hi angai takzet asin, ropuina te hmingthanna zawng zawngte neih kan duh vang hian theih tawp chhuah in hna kanlo thawk thin a, kan mihringpui te mithmuh a that ringawt hi atawk zolo a, he lei a kan awmchhung a kan thiltha lo tih ve te hian kan Pathian mit atlung zo meuh angem? He leiah hian kan lawmman kanlo hmu zo reng tawh mai ang tih ka hlau ngawt mai, kan thiltha tih te hi miten fel leh tha mintih theih nan kanlo ti mai mai lo ang maw? Eitur neilo hnenah eitur kan pek vangin mi zawng zawng hriat ah kan puanzar kher angai emni? Kan Bible pawhin. I kut dinglam in atih chu veilam in hresuh se, atih kha, kan Pathian hian kan thinlung hi athlir zawk si a, mihring mithmuh a mitha leh ropui ni a kanlo ngaihthin tamtak te hian. Pathian hnen anthleng zo dawnlo, khawilai daikilkar a rui thlep ve mai mai, mi in ka ui ka ar pawh antih duhloh te hian vanram hi minla luhkhalh dawn ania, kan landan a fel leh tha nih hi atawk zo tawhlo a, he kan thinhlung hi athianghlim angai ani" ka ti chhuak bawrh bawrh a.







"Bawihi, ithusawi zawng zawng kha ka hrethiam alawm, engpawh chu nise va lut tawh rawh, taksa achau lutuk ange, keipawh in zingkar atang in hnathawhtur ka nei a. Pathian in rem atih chuan zandang ah ka rawn kal leh mai dawn ania" a rawn ti sup a.





"Aw le, let tawh rawh, ihna ah ibuai tehlul nen kei hian buaina kathlen belh che ani ringawt alawm, dawhthei tak a minlo nghah vang hian ka lawm tak tak ani" a kut chu lakang in ka fawp zeuh a. A rawn nui zui suk a.






"Thatak a enkawl che hi ka rawngbawl hna ve ah ka ngai mai asin, kei chuan mite hnenah Pathian thu ka sawithiam ve lo a, kei hi ka nangmah vengtu rinawmtak ka nih hi" a rawn ti ve sup sup a.






Inchhung ka luh rual chuan, inkawmkhawm na hmun a ka pa lo thu reng chu ka va hmu hmasa ber a. A malchungah chua Bible a lo inpharh diai a, a kut chu a lo kuangkuah than a, alo muthlu ani ngei ang ka thawm ah pawh a rawn che chang lo hrim hrim.






"Pa, tinge ila mut loh a? a dar ah chuan ka sawi nawk nawk a. "Mambawih ilo haw tawh ani maw? kalo chhing sek anihdawn hi, ilo luh lai reng reng kalo hremiah lo a" zi mar tuah tuah chung chuan arawn ti a.






"Pa, uramtea chu a kal tawh, naktuk ah thilthlen dan kimchang chu kansawi dawn ania, mu phawt ang aw, khua pawh avar lek lek tawh ania" ka tih chuan mutur in kanu leh Alpha te mutna lam chu a pan chhat chhat a, a hnungah chuan zuiin "Alpha chu alo tap em lo maw? zanin chu keiman ka va mutpui ange" midang tihharh hlau tak chuan ka ti sar sar a.






"Mambawih iti harh mai mai ang, kanbul ah hian riak rawhse, chubak ah ichau dawn bawksi, ti khan tuitak khan va mu vang vang rawh" minlo ti vat a.
Ka mutfel atang a rei vaklo ah Rinhlua msg ka dawng a, in athlen tawh thu minrawn hrilh a, reply tawh lemlo chuan ka muhil zui ve nghal daih a.






Zanlam kamut tlem deuh vang leh ka tah nasat em vang chuan kalu arit deuh luk a, choka lam a kava chhuah phei chuan ka pa ho chuan thingpui no anlo dawmfar hlawm a, hman a rui thing ve tak tak thin khan. Pathian ah lawmna thar a neih meuh chuan kan hmuthing thei tawhlo. Mi mawl ber a kan ngaih pawhin Pathian abelh tlat chuan zahawm rukna riau hi anei tlat tawh.






"Zorin nizam lam ah imutlem sia tinge irawn thawh duh a? la mut mai mai tur che alawm" Awmpuia chuan minlo ti vat a.
Nui var var chung chuan "Thalai kanla nih hi, zankhat menrei tihvel vang mai maiin kan chhe pha hleinem" thingpui inthlit chung chuan kati bawrh bawrh a.







"I thianpa vuina ah chuan kal itum hrim hrim em? arawn tih chuan, reilo te tal va lan ve leh ka duh deuh thu chu sawiin, nizan lam a kan thiltawn chu ka sawi nghal bawrh bawrh a, ka pa chuan " Mambawihi, thianpa ang chiah khan mi zawng zawng hian secand chance kan nei vek dawn lo a, kan tun hun hi thatak a kan hman a, thi maithei tur a kan in buaihsaih hi angai ania" a lo ti ve chuar chuar a.






Zing tawngtai kan neih zawh ah, taksa sawizawina te kan nei a, hmeichhe thenkhat in tual anlo phiatfai a, mi chi hrang hrang, awmkhawm ni mah ila, Pathian awmpuina vang liau liau in inlungrual takin kan awm ho thei a, chhungkaw khat, thinsen a inzawmna nghettak nei ang chiah kanni. Ruihhlo ngai leh naupang chhumchhia te kan nih nuk vang hian, han buai deuh rak rak chang pawh atam ve thin viau a. Robboni home hi Pathian thlarau thianghlim in min chenchilh tlat vang hian, engtin tin emaw kan buaina te hi chilfel in a awm ve leh maithin. Mihring vetho ka nih vang hian, hmangaihna te dawhtheihna te ka neih theih nan hian, keimah maibak ah ka nu leh pa ka unaute hian banglo in min tawngtaipui reng thin.







Tukthuan eikham ah uramtea vuina a kal turin ka insiam nghal mawlh mawlh a, nizan lam ah ka scooty Rinhlua te inlam ah ka hnutchhiah daih vangin. Awmpuia inthlahtir mai ka rilruk a. Awmpuia hi kawng engkim ah kan kutke ber ni thin. Ani a lo awmvang hian pawnlam a ka chhuah ve chang pawhin rilru thlamuang takin ka awm ve theih phah thin.






Inhnuai lam a ka chhukthlak leh chuan josepha ka zu hmu hlawl a. "Alpha chu alo lawm ve durh durh a, joseph-an Alpha a chhaih vel ka hmuh chuan Ngurtei ka ngaithar vawng vawng. Ngurtei awmtawh lo mahse vawiin thleng hian josepha hian Alpha hi arawn ngaihven reng a, silh leh fen a mamawh tur a arin zawng hi chu arawn leisak ve reng thin.






"Kan tlangval senior chu khawilam thlichhia in nge rawn chhem lut che a? Tunang hun ah te irawn lan ve teh nawlh a? Nui var var chung a ka tih chuan. "Ka fapa hi ka ngai tawh em alawm, tunlai chu ka rawn tlawh khat bawk sia, ka hmuhloh karin alo thanglian sawtin ka hria" alo ti vat a.







"Pathian khawngaihna azarah ahrisel tha a, nu hnutetui a chawm loh anih hi ahriat bik miah lo asin. Bawihtea hi chu alo len hunah doctor thiam tak ani anga. Rabboni home doctor hi ala ni ang chu" hlim zet hian Alpha chanchin chu josepha kalo hrilh mawlh mawlh a.







"Zorini, doctor irawnsawi tak ah chuan, kan home hi kan pungchak angreng sia, hrisel dan inchenlo tak tak vek kanni hlawm a, doctor emaw nurse pakhat tal hi kan mamawh in ka hria, helai hmun a thawk tur chu keiman kalo ngaihven chhin dawn em niang? An hlawh tur kha chu keiman kalo tum ve mai anga, eizawnna avangin duhang in ka rawn langtam hman meuh silo a" a tih chuan athil sawi chu kalo rualawh ruk ve na ber anih vang chuan kalo lawm rilru ngang mai.







"I ruahman na chu tha kati lutuk, nidang ah kokim zawkin zamtei te ho nen la ngaihtuah ho ila atha ang, mitthi inlam ah kal kalo tum a, ilo awm rih dawn nge? ihaw ve nghal dawn" ka tih chuan "Nangmah hruaitur che in alawm ka rawn kal, Bawih-an minrawn bia a, i scooty an inlam ah ihnutchhiah vangin minrawn tirphei anih hi, nupui ka neih ve dawn hunah chuan mawng hung hman leklo in ka siam ve chiang khawp ang" nui vur vur chung chuan arawn ti a.








"I lo kal chu kavan lawm. Awmpuia inthlahtir mai kalo rilruk a, chutiang anih chuan kan kal nghal maidawn emni? katih chuan "A pawi hleinem, kalnghal mai ila" Alpha chu kanu malchungah chuan nghatin arawn tho ve nghal zat a. Motor khalh mawp mawp chung chuan "Nizan lam chu engthil chiah nge thleng a? Bawiha khan tlema zawng chu minhrilh ve nel nual tawh a" arawn ti sup a.






"Nizan lam thilthleng kha chu ka vawikhat tawnna anih vang khan awmdan tur pawh ka hre hlawl lo, damlo thi maitur khan minhmuh arawn duh mauh mai si a, uramtea kha atirah chuan tunge anih ka hremai bik lo a, mahse ani nen khan ka rawngbawl hna vang hian kan intawng a, midangte hnen a kalo tih thin ang bawkin Pathian in ahmangaihzia leh arawngbawl turin aduh thu ka hrilh khan a thinrim ngang mai. Ni e, ani kha chuan nawmchen nan minhman aduh laiin, Pathian in ahmangaih thu ka hrilh kha thil lawmawm tak chu ani miah lo ang tih pawh ka hria, khami zan khan Pathian hming sawichhia in amah aia aropui zawk thu min sawikhum nasa a, maktak maiin khathil uramtea kava hmuh khan ka rawngbawlna ah khan hlawhchham ah kalo ingai a, ka thiltih kha alo thlawn hauh lo chu anih hi, nizan khan ka laka a chetdan rawngtak vang khan ngaihdam mindil a, kei chuan khang thilthleng zawng zawngte kha kalo theihnghilh hial tawh anih lai in, chunglam khian alo la hrereng anih chu, khawvel hi chu a chenthiam thiam te ta alawm titu khan, athihdawn darkar ah meuh chuan Pathian hi a awm tak tak ani tih a hrechhuak a, engang pawhin inchhir in Pathian rawngbawl duh mahse atlai tawh lutuk ani, huntha a neihlai khan aring loti khawng tlat lo se chuan, athihdawn darkar ah khan thlamuang takin a chawl ve theitur hi ania. Kan vanglaini te hi kan chen thei nameuh mai, mahse Pathian in kanchung ah ro ala rel dawn tih hi kan hriat reng angai" ka ti bawrh bawrh a.






Krost thu hi boral mekte tan chuan âtna ani a, ka thinglung chhung a thu awm te hi ka kâ hian asawichhuak lo thei thin silo a, mi in Pathian a hriat loh chuan athu te hi ninawm ah anngai thin, rinna kawngah iluhthuk poh leh dodalna itawng hnem ting mai ang, chung ni athlen hun ah chuan.Entur diktak Pathian chauh enthin ang che.






Khawharin kan thlen phei meuh chuan alo tlai leh duai tawh, kan thlenphei atang a rei vaklo ah pastor in vuina hunserh ahmang zui nghal mai a.
"Zorin thlanmual lamah chuan kan kal ve duh kher dawn emni? joseph-an minrawn tih chuan "Kal duh lo ang, kan chhuak ta ro ro Rinhlua va hmuh ka duh deuh a, inneihna thil tur vel vang hian karkhat dawn chu fumfe takin kan inhmu tawhlo a, nizan arawn len tum lah kha, khatiang boruak kha kantawng leh ta bawk sia, tihtur dang ineih chuan minlo va hawsan mai la" ka tih chuan "Kan pahnih in kan ve phei dawn ania, ka eizawnna lamah hian ka buai ve lutuk a duhang pawh in ka tawiawm thei bik silo a, aruk tak chuan bawiha lakah pawh ka inthlahrung ve viau mai" a rawn ti ve luam a.








Josepha nen chuan Rinhlua hotel lam chu kan pan nghal nal nal a. "Bawiha chu kan kaltur thu ihrilh tawh reng reng em? arawn tih chuan " Hrilh hranpa chuang nang, kan va thawng thut ang chu ka tia" nui hak hak chung chuan kalo ti a.






"Zorin, Bawiha hian hotel hi midang kut ah dah hi atum tak tak emni? Ka thian pa hi ka hrechiang a, a sumdawn na ah pawh hian atui in a zawng zawng hian a in pe pumhlum vek thin kha ania, nangpawh in ihriat ve tho kha, ka thian pa hetiang tak mai a alo inthlak danglam ta thut hi a mak ve ngawt mai" a rawn ti sup sup a.







"I rilru tur awmang chu ka hriatthiam pui che in ka hria, tun hma kha chuan Rinhlua hian Pathian a hrengai miau lo a, mi a pianthar tawh chuan atunhma nun zawng zawng te kha kalsan in, nunthar in anun angai tawh zawk a, ka piangthar ti reng chung si a, kan ze thalo kan paih bo theih si loh chuan in enfiah kan ngai tihna ania, fakhla siamtu ten, ka tih thin te ka tih arem tawh lo. Ka tih ngai loh te tih a tul zawk a. An lo tih ang chiah kha Rinhlua nun hi ani, mihring kan nih chhung chuan kan ni tin mamawh, silh leh fen ei leh intur kan mamawh a, kan phaktawk in rim tak in hna kan thawh angai bawk a, chumi anih rual rual chuan. Malsawmna min petu Pathian theihnghilh rak khawp a thahnemngai a hnathawh hi a fuh ber lo ania" ka tih chuan a lo bu nghut nghut a.








"Zorin, ringtu nun hi ka ngaihtuah ngun poh leh ka rilru hi a buai nuaih nuaih thin. Ka phak ang tawk chuan Bible te ka han chhiar zau ve thin a, rinna kawngah nausen ang lek kan la nih vang hian thil hriathiam loh hi ka ngah ve thin khawp mai" a rawn ti leh sup a.






Ni e. Bible te hi vawitam chhiar thin mah ila, keimah ni ah hian tih nun a a awm loh chuan buai na tham a tling rêng a sin, i bible chhiar dawn te khan tawngtai thin la, kan Pathian thu hi, thiamtak a sawi a hriat ringawt hi a tawk lo a. A tak a nunpui mai hi a fuh zawk ania" ka lo ti bawrh bawrh a.






Hotel kan thlen chuan counter bul ah, Rinhlua leh maremi anlo in be mawlh mawlh a, josepha lo nghahphah in vafin mai lo chuan an chezia chu ka lo thlir dauh dauh a. Maremi chuan file ni awmtak hi a pawm tan a, Rinhlua thusawi chu a mit a enkar chung chuan uluk fe hian a lo ngaithla bawk a.







"Enge khatah khan ilo la din reng a? joseph-an minrawn tih chuan "Anla buai hmel sia, ka lo nghak che mawle" ka lo ti vat a.
"Zorin, Bawiha bul a mi saw tunge a? A landan chuan anvan inpawh hmel si ve, nang hi ilo thik a ni thei mai lo maw? En mai pawh in hmeichhe hmeltha tak chu anih reuh saw" Rinhlua te pahnih melh vung vung chung a arawn tih chuan ka lo nui hak a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)