PASTOR FANU BY Ramdinsangi_Ralte (Completed)

[Ngaia]

Ka room atang a Rinhlua pen chhuak thawm chu ka ngaithla reng a, a kepen ri chu a hla tial tial a ka in thlahdul ve riai riai a, kha tiang khan kan inah min hmutur in a rawn kal ka lo beisei hauh lo, a farnu tan hmeichhia ahmuhsit em em bulah ah arawn kal vang vang chu ani sia, Rinzami chu vannei ka ti bik hluah hluah.







Ka phone chu la in Rinzami ka call ta nge nge a, min chhang dawn tawh lo emaw ka tihhnu ah phone chu a pick ve hram a.






"Angel nangmah ini tak tak em? Khawnge i awm bo daih a? min kalsan ve daih emaw kalo ti hman asin" tah aw tiau hian arawn ti a, atawng bahlah nasat danah a rui hle tih ka hrethiam mai a, khang thlakhat chhung zawng khan mahni inkhawngaih vangin, min mamawh ngawih ngawihtu rinzami vawikhatmah be lo a kalo awm kha ka inthiamlo hluah hluah. ka thiante kalo hlamchhiah ta mai chu mawl ka inti hle bawk.







" Ka tihpalh aw, accident chhete ka tawk a, ka ngalruh atliak a tawng lamah harsatna ka tawk bawk a ka rawn belawk theilo che a, ilakah ka inthiam lo takzet jordana laka ka thutiam ka tih puitlin theih loh vang pawh in pawi kati" in kalo ti chuai raih a.






"Accident itia mi? engtin chiah nge i awm? ireh ta hmak sia ka betlang thei bawk silo che nen min kawm duh tawhlo anih kalo ring a ka rilru a lo na lutuk a, ka rawn kal dawn ami tunah? a tih chuan rawnkal buailo turin kalo ti vat a. Ka chhungten rui chung a Rinzami anhmuh ka duh loh vang ani zawk mah a.






"Thiani thlakhat dang minlo nghak leh thei ang tiraw? chuan damdawi kha lo tih loh hram hram tum bawk la, ibulah ka awm thei silo a mahni in theihnghilh rak khawp a rui a i awm chuan ka ngaihtuah lutuk vang che hian ka damchak theilo ang, ka duh dan tak phei chuan lo rui tawh miah lo la ka duh zawk, jordana duhdan pawh ani tih ihriat kha", ka tih chuan a rawn tap chhuak leh hawk a.






" Angel ka ngai takzet che iduh ang leh jordana duh dan ang chuan awm kalo tum ang tha deuh in in enkawl la lo let leh vat rawh aw" a tih chuan ka let vat tur thu kalo sawi vat a.







" Enteh ka thian ka aiawh in thil pakhat min tihsak tur a ngenche ka duh a" Ka tih chuan "Enge ka tihsak ang che? ka tih theih zawng a nih phawt chuan tih hlawhtlin ngei kalo tum ang" a rawn ti nghal var a.






"Awmpuia kha a bulah lo awm in lo kawmhlim thin turin ka duh che a" Ka tih chuan mak ti zet in a rawn khek raih a, "mak ti viau suh rilru hahna thuktak anei a amah tihlim turin a bulah lo awm tlat rawh aw chu chu ithei angem? ka tih chuan "ka lo tum ang, engpawh nise lo dam vat vat rawh kangai tawh che ka hmuchak che itel lo chuan ka Kim lo" a rawn ti leh chiam a.






"Awmpuia mawlh kha aw lo thlahthlam hleksuh ang che" ka ti leh tawk tawk a, "aw le aw le boss Lalawmpuia chu kan phone nghal nghe nghe ange" a tih chuan kan inbiakna chu kan ti tawp ve thei ta hram a, ka thiante be miahlo a kalo awm reng chu mawl ka inti telh telh mai.





Ka duh ang tawk a ka dam that hunah ka rilru a Ka thiltum liantak ti puitlin turin ka ke hi ka penchhuak tak tak tawh ang tiin rilru ka siam sauh sauh a.





BA ka zirzawh hma deuh atang khan, ruihhlo ngai leh hmeichhia rahbi tleu tawh te tanpui duhna chu ka thinlung ah hian a awmlian hle a. A tirah chuan chu thil tih ka duhna chu areh ve mai ka ring a, mahse kalo rindan ang chu ani ta hauh lo mai, anitel in ka bul mai a chhanchhuah ngai ngawih ngawih nunkawng dik zawh hleithei tawhlo a sualin a tih buai mekte thisen chuan min au nimai hian ka hria.





Ka phak tawk in Pathian ka rawn ve a. "Lalpa hethil hi irawngbawl tur a min kohna ani em? Ti in Pathian ka zawt chamchi thin.





Ruihhlo ngai leh rahbi tleu tawh te chhanchhuah duhna ka thinlung chhung a awm reng chu, thla li teh meuh a liamhnu pawh chuan ka rilru ah reh a hnek in a awm nasa zual sauh a, ka zirna pawh in a tuar phah lek lek thin.





Zankhua a ka tawngtai tlarvar chang pawh a tam ngang mai, ka mizia lo danglam ta pawh chu ka chhungte chuan mak anti in enge ka buaina chu min zawt reng thin, ka hriat loh karin ruihhlo ngai te kiangah ka awm ta fo a, ka thinlung duhdan chu ka zawm chu ani tan ta der a.





Ka thiankawm te vang chuan mi sawisep ka kai chho tan a. Atirah chuan mite minsawi dan mawilo tak tak chuan nasa tak a min nghawng in ka rilru hi a hah takzet a. A hma aia nasa in Pathian hnenah "Lalpa tuna ka kawngzawh mek hi iduhdan leh minkohna ani em? ti in ka zawt ta ngat ngat a.





Zankhat chu Pathian aw chiang takin ka hria ti ila a dik ber ang. Kan bulmai ah sualin a phuarbeh mek chhanchhuah ngai tamtak an awm a, mipat hmeichhiatna leh ruihhlo in thalai tamtak nun a suat mek bawk si a. Ringlo te hnenah ramthim ramro ah chanchintha hril turin mi tamtak kan ram hian kan thawnchhuak chur chur thin a, mahse kanbul mai a kan unaute chhanchhuah ngai tak tak hi kanlo hlamchhiah in kanlo hmuh hmaih reng a.





"Nunkawng dik anzawh leh theih nan tanpui tutur anngai a, anni chhanchhuak tur hian nang hi ka duh che ani". Chiang lutuk a Pathian aw ka hriat meuh chuan mahni insitna hlir in ka khat a, ka tap nasa hle bawk.





"Lalpa he kawng zawhtur hian ka tling tawk lo a sin, hmeichhia mai kani a kei tehlul hian engtin nge nunkawng dik zawh turin ka hruai theih ang?, mite min sawichhiatna tawngkam chhete ka dawn pawhin ka zam chhe nghal vek thei ania? ka tih chuan.






Kan sual te tlannan krost a an khengbet lai chu chiang lutuk hian ka hmu a, mahni hreawm pawisa lo a nitin a krost putur in bible ah chiang takin min hrilh tawh a, kei hian kan Lalpa hnungzui in a tuarna zawng zawng tawmpui chung a, sualin a bawihbeh mek te chhanchhuak tur a kohna ka dawn chu hmuh fiahtira ka awmzan chuan zankhua in ka tap a ka tawngtai reng bawk a.




Israel fa te aigupta sal a antanna atang a hruai chhuak tur a mosia Pathian in a koh khan chhuanlam hrang hrang a siam anih kha, khatiang ang chiah khan keipawh in min kohna chu pawm harsa ka tih em vangin chhuanlam ka siam nasa a , mahse ihmaah ka dingzel dawn alawm minti tu Pathian vang chuan...Min kohna chu lawm takin ka lo chhang let ve thei ta hram a.






Lehkha ka zirthat loh teh reng nen thatak in BA ka zo veta mai a, ka chhungten zirzawm leh tur a mintih pawh chuan kalo hnar fithla thak a, ka mizia danglam mek chuan ka chhungte a ti buai tan a. Tunhma a khawlai leng ngai hlei lo kha nitin zantin ka vakchhuak a, thlakhat aliam leh meuh chuan ka chanchin mawilo tak chuan kanveng a tuam chhuak vek tawh.





A tirah chuan ka beidawng ve lek lek a, ka chhungte lak atangin dodalna ka tawk nasa bawk a, hreawm ta ber chu ka chhungte kiangah tak ngial pawh ka thil tihmek chhan ka sawi aremlo chu ani.




"Lalpa nang chuan kansual te tlan nan inun hial ihlan a kei hian itana hreawm chhete ka tawrh pawh hi na kati in ka tuar chhuak zolo lek lek chu ani sia, khawngaih in chakna minpe lulteh" tih chu ka tawngtai thupui ber ani.





Ruihhlo ngai te chhanchhuak tur chuan, anmah ni ang leh an dinhmun a ding chunga nunkawng dik zawh tirtur a ke kapen angai a, an nundan ang a nungin inpawh takin ka ti ti pui thei a, a takin ruihhlo ti ve kher lo mah ila ka landan chuan addict leh hmeichhe hurherh tak ka ni tawh.





Tunah chuan mite min sawidan ah ka buai tawh lo a, an zavai in kawngdik ah hruai theilo mah ila ka rawngbawlna chhete chuan rahtha a chhuah ve zel tih ka hmuh chuan ka thinlung hi hlimna in a khat thin.





Lalrinhlua...POV





Naupang te ka nih in accident vangin ka pa in min boralsan tawh a, kanu chuan kei leh ka pa kalsan tak kan hotel chu a enkawl chhunzawm zel a, a kumtel in kan sumdawnna huang pawh kan zauh ve hrat hrat zel a, ka pa u ka pa puia hian kan nufa min ngaihtuah in kan sumdawnna ah pawh min pui nasa kher mai.






College ka kal ve dawn takah chuan kanu in "Bawihpui college hi chu phai lamah zir zawmla ka duh a nakin lawk ah kan hotel te hi ikutah a awm ala ngai dawn a, mi ningkhawng hriat nan leh nangma tan hrim hrim pawh phai lam a college izawm hi ka duh" a tih tlat avang chuan, a mah a kalsan chu hreh viau mah ila pune lamah college zirzawm turin ka liamsan ta nge nge a.






BA ka zir chhung zawng hian ka haw khat khawp mai, exam chawlh kan neih chang chuan hotel lar deuh te zirchiang tur in hmun hrang hrang ah ka zin kual a hmelhriat pawh ka ngah hman khawp mai, kanu in min beisei dan ang thlap chuan ka hun ka hmang ti ila ka sawi sual awm lo e.






BA final exam hma deuh in ka pa puia chuan min rawn bia in ka cousin Rinzami ka pa puia fanu mal in ruih hlo a khawih nasat dan leh inutei nen hian tih ngaihna kan hre tawh lo Bawihpui rawn haw la BA final exam chu helam ah inei mai anga inau hian a ngaina che a kan thusawi a ngaihthlak duh loh pawh nang chu ithu a awih thin em kha a rawn tih vang chuan ka rilru a buai ve map map khawp mai.






"Pa pui keimah mai chuan thuthlukna ka siam thei rih lo kanu kalo rawn ve phawt anga, chubak ah Zamtei chu biak ka lo tum dawn ania" ka tih chuan "Bawiha ikutah kan in nghat ania" a rawn ti tak ang tawk tawk a.







Rinzami chanchin chu kanu ka atang in kalo hrethawi nelnual tawh a, Hmeithai fapa ka nih ve tho vang in a bialpa jordana anti ta emaw ni kha ka lo khawngaih ve ngawt a, kanu pawn in inutei te hian anti mah mah tawh a ni arawn tih nghe nghe tak kha.





Zamtei nen karkhat tha zet an in kawl ve renrawn hnu ah ka nute-in hnuk chhuak in jordana nu a thi a a thih atang thlakhat lek ah mak takin jordana pawh a thi ve leh mai a, ka nau ahmangaihna chu an nufa tan chuan anchhia ang mai a hlauhawm ani.






Zamtei chuan jordana thi chu a tuar thiam lo lutuk a ruih hlo ah atlan ta chiam a ni awm e, ka khawngaih in ka lainat takzet ka bialnu in mipa dang lak a min phatsan vang khan ka tuar em em a ka â lo choh anih kha, an ni erawh induh leh thlahlel ngawih ngawih chungin pawh then in an awm a, kei mipa pawh in ka at pui loh choh chu ka farnu hmeichhe rilru nem lutuk tan chuan tawrh chhuah ahar veta viau ang le.






Kanu pawh chuan ipa puia meuh in mangang a arawn ngen che chuan rawn haw mai rawh a lo ti ve a, laklawh zet chuan Mizoram lamah ka rawn chuang chhuak leh ta rum rum a.







Zamtei ka hmuh chuan ka beisei phak bak in a nun a lo hlauh tawh a, ka hmel ahmuh rual chuan engmah sawilo in min kuah in a tap char char.





"Zamte he tiang tak hian minlo ngai tih hria ila chuan tun aia hma zawk ah lo haw tur hi ka nia" ka ti sup a, "keimah choh ka in ngaihtuah thei bik hleinem kan chhungkaw sumdawnna zawng zawng hi iko ah a in nghat a tun atang a rim tak a i thawh angai tih kahre ve rengsia" tap tiau chuan a ti a.






Mizoramah BA final exam pawh tluang tak in ka nei zo a ka haw atang a thlahnih chhung chu thildang ti hman miah lo in Rinzami ka buaipui char char a, ani pawh zawi zawi in a rilru a fim ve tial tial a, a nu leh pa pawh an lawm kher mai jordana te nufa lak ah an inthiam lo hle a mahse engmah a sawt tawh lo thatak khan lo sawirem ve mai sela chuan rilru hah a anrum angai lo tur hi ania, tute pawh hian mahni tuhrah kan seng anlo tih hi alo dikzia anti chiang khawp mai.







Zamtei a thatchhoh ve takzel ah chuan kanu in "Bawiha iputea te han tlawh la ka va duh ve, kan phahnih choh hi kan ni a, ka unau neihchhun iputea lah khawchhak tawp ah daih a han awm a, a pension tawh tho a aizawl lam ah rawn pem mai sela kaduh hetiang a unau inhlat lutuk a awm zawng a buaithlak emai chhiat that tawh in, helam ah keini nufa kan malsi a kan sumdawnna ah kan in daih lo hle bawk nen antheih ang ang in minpui ve thei bawk a nga" a tih chuan kanu thusawi chu dik ka ti hle.






Kanu nau pute muanpuia hi khuangthing ah tunah hian a awmmek a zirtirtu hna athawk thin a mahse kumtir lam khan a pension tawh a, kanu in aizawl lamah rawn awmthlase aduh a phone atang ringawtin engmah a sawifel theih loh atih vang in keimah ngei hankal a aizawl lama pem tur a han hmin ka tum a ni ber a.






Ka car chu kengin biahte lam atang in ka kal a Ka chhuak zing bawk a khuangthing khua chu ka thleng har lutuk lo a, putea te chhung in minlo hmuh chuan anlo lawm hle a, anni nupa hian fanu hlir pali ngawt annei a kei mipa awmchhun chu min duat in min ngaina hlawm hle reng bawk a, khuangthing kazin laitak chuan yma conference an lo thleng a mikhual an tamin anlo ri mup mup a putea te pawh in mikhual anlo ngah ngang mai, ka kal hun berkher chu fuhlo kati ru khawp mai ka rilru te te chuan hetiang luih luih kar ah eng thil mah ka sawipui thei dawn tawp lo ka ti nauh nauh a.






Nikhat chu ka hmangral ve ta mai a, putea te chuan champhai lam mikhual annei a nula pawh pakua lai mikhual annei a, an mitmeng atang chuan min huat loh zia hmu mah ila hmeichhia hian ka rilru leh ka mit hi anla tawh lo hrim hrim, sumdawnna ah duhtawk a in sawrbing chiah chu ka duh dan a ni.






Ka thlen tuk ah chuan putea nupui ka pitei
leh ka farnu te rawngbawl chu ka lo pui ve a, an teber kimkimi chuan "Aubawih ilo awm ve hi nuam kati e unaupa kan nei ve silo a chawbel rit tawk tawk te zo zetin ichawithla a keini chuan kan chawi zo ve silo a ilo awm ve hian nuam ka ti, kan mikhual nula ten hmeltha sexy bawksi an ti reng zel bawk chesia nuam ka ti e" a rawn tih chuan kan nui dar dar a.





Pitei chuan chu "mikhual nula chuan i u bawiha chu anlo hmutai hle ani maw? ven deuh angai anih chu" then tha hian alo ti ve vat a, kimkimi bawk chuan "Au bawiha hi chu a hmeltha bawk em a lawm ka u chu nilo se ka at chilh ve tho ang" a rawn ti leh barh barh a.





Nui ruh ruh chung chuan "kimte unaupa neih ichak chuan aizawl ah kan bulah inrawn pem a ngai anih chu aizawl ah in awm chuan unaupa hmeltha leh sexy deuh inei tawh anga nula ho in an tlawn luai luai mai ang che" ka tih chuan "yess nu aizawl ah pem ang u kan khua hi chu a hla si kawng a chhe si" a lo ti nghal char char a.






"Enge inlo sawi nak nak a?, ka tello in inlo hlim hle ani maw? pute-an a rawn tih chuan pitei chuan "kimkimi hian kan mikhual nula te ti ti alo hreru pek a. Bawihpuia hi hmeltha leh sexy an lo ti viau ani awm e" a rawn tih chuan kan vai chuan kan nui ho leh tlawrh tlawrh a.





An kiang a awm a hahdam thlak takzet mipa vawt zet tawng mai mai ngailo kani a, an kiang ah hi chuan ka tawng ve duah zel hmeichhe hlang e tilo hian mi anrel ve ngailo a ka ngaisang viau reng a.






Putea chuan. "E tak a nu-i pastor in min rawnbia a a fanu zorini kha thisen petha chawimawi tur zingah anlo ti tel ve a zanin ah arawn kal dawn a in inah rawn in nghat se arawn ti tak asin" a tih chuan.






Pitei chuan..."A nih tak chu mawle zorini chu a va titha ve, tun a an chawimawi tur ho hi vawi sawmhnih petling chin antia a la naupan teh reng nen a fakawm reuh hle mai a, vawikhat a pa in bialfan a arawn hruai bak kha ka hmu leh ta miah lo a, college aizawl lamah a kal ta dah bawk sia hmuh leh a chakawm a felin a ngainatawm bak ah bawihi te unau ho pawh hian an ngaina em em vek a" a lo ti zui bawrh bawrh a.






Tu chanchin tak sawi ni maw mikhual anneih belh leh dawn anih hmel ti chuan ka farnu te salad chan chu ka pui ve mawlh mawlh a.






Kimkimi vek chuan..."Pa uzorini alokal dawn maw? yess kavan lawm tak. Aubawih uzorini chu hmeltha iti ngawt ang a fel bawk si nupui ah neila ka ti e" a rawn tih chuan putea chuan leh ta mai mai thin che hian arawn ti vat a.






Nui var var chung chuan "ka naute-in tha atih viau chuan kan nei mai dawn ami aw? Ka tih chuan a la phur em em zui a. A u te chuan i â bengbuang lutuk ubawiha te chuan bialnu hmelthadeuh anei reng tawh a lawm" an lo tih chuan a la lunghnur hmel em em leh nghal a.






Rawngbawl kan zawhfel meuh chuan mikhual ho an rawn haw tak tak a, a then an inbual nghal a kan hnihthum deuh avang in athen in chaw an ei nghal mawlh mawlh a, ka nau kimkimi chu ka bulah a tap deuh chawt a mikhual nula in min melh deuh chuan min rawn hrilh nghal vat zel a kalo nui suk suk reng a.





"Au bawih uzorini chu a hmeltha tak tak a fel bawk si, nula dang angin a felder velo afel tak tak nupui ah neidaih la ka duh e" thutak zet chuan a rawn ti leh a, kimkim-in chutiang tak a a hmeichhe ngaihsan chu hmuh ka chak ve ta deuh hlek a.






Khawthim chuan kan in sengfel ve thei tawk a, ka naute ho usher annih vang in an kalhma angai a, pitei nen hmun hnawk kan thian vek a, ka room a inbual tura kaluh ve meuh chuan dar sarih a ri tep tawh a





Ka bag atang chuan towel leh boxer chu lain inbual turin bathroom ah kalut nghal a...ka che chau nasa mai bawksia tuisik vawt vervawra ka in phuhtir sang sang chuan ka harh hawk thei.





Ka towel chuan in hruhul mawlh mawlh in ka boxer chu ka ha a, bathroom atang a ka penchhuak chiah chu hmeichhe te that vang chuan ka ding chiang kher mai, ka hmaah chuan hmeichhe pakhat panty leh bra chiah ha chuan a lo ding têng mai.






sexy ka tih em em thin panty sen leh bra sen ha a ka hma a hmeichhe hmeltha leh pian nalh lutuk ding vang chuan chetsawn mai nachang pawh hrelo chuan ka ding kâ hau thei.






A ni pawh min hmuthut chu a hamhaih ve ngang aniang a chesawn maibik lo a. "Ohhh nilo nilo i awm tih ka hrelo a khawngaih in bathroom ah khan lut leh rawh" bah naka arawn tih tak ah chuan ka harh chhuak ve zawk khum a akawr chu lain a hma lam chu a inhliah ve tai a ka hmuhman vek tawh thosia nui suk chung chuan bathroom ah chuan kalut ve leh mai bawk a.






Hmeichhia reng reng hian ka mit anla tawh ngailo ka lo ti ve thin a, tunlawk a ka awmdan ah kha chuan ka thutiam ka hlenzolo chha chu anih kha ka lungphu rang lutuk ah chuan tihdanglam a ka awm nasatzia chu puitak a ni.






A panty sen leh bra sen kher kher alo ha vei bawk nen ahnute chhing kawh lah a bra in akhuh zawh loh rawn lang sexy lutuk kha adul thepzaih leh kawngfek rat te amawngbawr vawng leh viau bawk si te amah ah khan hmeichhia a thatna zawng zawng kha a awmkim vek, a sam seizet in roll kawi ngiat te khan ati lang sexy zual ngawih ngawih second reilo te chhung khan ahmel leh pian zawng zawng kha ka memory ah hian ka lo save hman vek.





A mah suangtuah nasat lutuk vang chuan eng tiang a rei nge kalo din pawh ka hrechiah lo bathroom kawngka rawn kik koh koh chung chuan.





"Ilo chhuak thei tawh ang ka hman tawh" arawn tih rual chuan kalo nuisuk a. A aw ah chuan a zahzia a hriat theih, mikhual nulate zing ami kha chu ani lo tih ka chiang a ka nau in a ngaihsan em em pastor fanu antih chu anih ngei ka ring nghet thlap.






Kawngka ka hawn rual chuan room kawngka a achhuak tur chu kava hmuhman hram a, a pen hman hmawh lutuk chu ka nuilo theilo rukru tlanchhia ansawi ang mai ani.





A kawrfual khup khuh awrh hak chuan a ti lang sexy ngawih ngawih amawng alian in mipa it zawng hi ani tawp. Mahse a inchei dan chu ka duh hauh lo mipa dangin it zet a anlo melh ve ka duh loh vang ani. Ka ngaihtauhna vang chuan ka nui chhuak hawk a.






Putea titi pui ka duh vang chuan pandal lamah pawh ka kal duh ta lo a, mahse inleng a neih vangin hun remchang ka la hmumai theilo zui a, thlanglam veranda ah chuan chhuak in railing chu ka bawh ar ar a, ka room chhung chu alang chiang viau in chhunglam atang erawh chuan minrawn hmu ve thei lo athim vek vang in.





Pastor fanu hmelthai zalen tak a ka thlir theih natur a nih vang chuan anban hun kalo nghak char char tawp.





Ka bialnu Tluangtei nen kan inzui chhung zawng khan ka duat in sex ah pawh ka ti lawm hle khan ka hre thin a, a mah a chhelo in an hausa a hnamdang karah college khata kal kan nih vang khan kan inzui nghal chawt a, mipa dang lak a min kalsan hma zawng kha chuan ka hlim in ka khawvel hi a par vulchuk nimai khan ka hria a.





Phatsan ka nih atang khan hmeichhia hi ka ring leh tawh ngailo a, hmeichhia hi ka chakna phuhruk nan bak ka duh tawh lo. Tuman he ka lungphu hi antih danglam kalo rin tawh loh lai in kha nu zet kha chuan a ti phurang lam hret chu a nih kha.






Room kawngka chu arawn in nam hawng riai riai a, rawn lut mai lo chuan alu arawn dak hmasa zet a min zawng tih ka hriat vang chuan ka lo khi suk suk a, hawi kual zak zak chung chuan a bag atang a jeans kekawr pawl tak zet chu a phawrh a a kawr pawh phelh lo chuan a ha mawlh mawlh a, a half neck leh jeans jacket chu phawrh in a kawrfual hak chu a hlip mawlh mawlh a.







Hmeichhe inthlak lai lo enthlak chu a mawilo ka ti in thing ka inti khawp mai, mahse saw hmeichhia sawn ka duh loh dan deuh in min awmtir mek a nih si hi.






A kawr a hlip zo a bag ah chuan a hnawh lut tawp a, a chezia hmuh nawm lutuk vang chuan kalo khap phal lo reng reng, thawh lawk a va kuah nawk nawk hi ka chak ber a in thlak zawh chuan thawhuai chung chuan hman hmawh fe in room chu a chhuahsan nghal hlawk hlawk a...cont

[Ngaia]

Tlawm tawp khawk in hmeichhia in minsiam tawh a, hmeichhe lakah hian ka rilru hi pek leh mai mai hi ka tum tawh lo hrim hrim kha ania, kha hmeichhia zet kha chuan hmeichhia ka lo hmuhdan leh ngaihdan chu min paihthlak sak chiang ngang mai.







Ka chhungril ah hian engtin emaw tak hlim ruk riauna hi ka nei a, keimah chuan kalo khi leh suk suk thin...kimkimi ka room ah a rawn lut a min zawng tih hriat tak hian a hawi kual vat vat a, "khawnge maw Au bawiha chu a lo kal hman daih le? a ti ri pawh ka hre reng a, va pawh duh lo chuan thlanglam veranda ah chuan ka la ding reng a.






Inchhung a ka luh phei chuan pawn lamah an lo chhuak vek tawh a kha nula bullet chung a lo thu vang chu ka va hmu hmasa ber a, putea nen chuan an inbe mawlh mawlh a






kimkim-in "Au bawih khawnge ilo kal daih a? uzorini kha ilo hmu em? ti a min rawn biak na pawh chu chhang ta mai lo chuan kawngka ah chuan ka ding luah a, min rawn en tih ka hriat vang chuan ka lo lai chhe ve leh ringawt a, rawn hawinawn tawh miahlo chuan chakzet chuan a tlan chhuak ta vuk vuk a.






Kha hmeichhia khan ka thinlung min ruksak nimai hian ka hria a tlanliam chiah chu kalo ruak huai a, hmuh leh chakna hian ka khat nghal vek ka room lam ka pan ding nghal nalh a kimkim-in min rawn zui ve nghal zat a.





" Au bawih ka zawhna che kha minla chhang miah lo a nia aw, uzorini nen khan in inbia em? a hmeltha ti raw" a rawn ti leh barh barh a, ka rilru chuan a hmelthat mai bak ah a nalh em em bawk ka lo ti a.






Uluk zet a minlo en kiau tu ka nau kimkimi chu en in..."A hmeltha ka tih zawng anilo lo chubak ah a kawr hak te kha a chhing mah mah a nih kha pastor fanu in chei nan chuan a uchuak deuh chu anih kha, hmeichhia hi chuan puan in han bih hnap hian in mawipui ber" ka tih chuan lungawilo fe chuan a tum bar bar a.






"I mit a va thing tak uzorini ang a hmeltha leh nalh tumah an awm lo pandal ah pawh uzorini ah mi mit a fu vek hmeltha anti hlawm lutuk ringawt" a thlavang hauh lutuk a arawn tih chuan ka lo nui hawk a.






"Ka naute khanu ai kha chuan ka mitah itha fe zawk" ka tih chuan "imit kha ihaw hunah entir vat ang che" a lo ti leh hmarh hmarh a, lungawilo fe chuan min chhuah tauhsan nghawng nghawng a.






Muhil thei lo chuan khumah chuan ka inlet sek a, zorini taksa nalh lutuk chu ka mitthla ah hian chiang lutuk hian a cham reng a hmuh leh mawlh chu ka chak a, khanu khan minti buai zo vek conference tiak thleng in a hmel hmuh beisei in ka ring ka lo fan reng a hmuh tur reng reng a awm tawh lo.






Khuangthingah chuan karkhat lai ka cham a ka putea te nupa pawh tha tak in ka titi pui tawh a "chhungkua te kanlo inrawn khawm ve anga helam ah kohhran ah rawngbawl hna pawi mawh tak ka chelh mek a chutia han pem ringawt pawh chu thil dik a ni chiah em? Pathian te kanlo rawn anga chanchin kan in hrilh zel ang chu, inu ngaihdan pawh kha a dik reng a chhungkua karhla lutuk a han awm reng pawh a dik chuang lo a" a ti ve dap dap a.







Khuangthing a tang a ka hawnna pawh thlatam a vei tawh a zorini erawh in ka rilru leh ngaihtuahna a luah khat tlat a, ka theihnghilh thei reng reng lo, hotel kan zauh a nitin keima tawk ah ka buai em em reng a, kanu erawh hotel lamah ka chhawk theih tawh vangin hnathawh ka phal tawh lo a, pa ka neih tawh loh avang in kanu hi chuan rei tak min dampui se ka duh vangin ka duat em em hi ani tawp.







Aizawl ah an awm tih ka hriat vangin zorini chu hmuh beisei in ka mit ka len reng a kumnga hnu ah pawh hmuh tur a awm lo reng reng, ka cousin Rinzami erawh a nun a chhe telh telh a, zanlam ah a chhuak reng a thian ho tak tak kawp in nuam tawlin a phar kual vel mai mai a, zanreh hnuah inlam a haw loh a piang in pa pui-an min rawn be ziah a. A thim a var thlu lo in zawngtur in ka chhuak leh nge nge thin.







Zankhat chu Rinzami leng a la haw loh vangin pa pui-an minrawn be leh a, thlipui a tleh in ruah a sur nasa hle a hmeichhia zanlai pelh tawh pawh a la haw lo chu chhungte tan chuan ngaihtuah a na duh bawk si, Rinzami zawng tur chuan ka in khalh chhuak leh ta nge nge a.






Ka phone lah a la thei der bawk silo khawilai kawmkar ah emaw hian rui chungin a lo mu leh vel mai mai te ani thei angem? hlauh thawn na hlir chuan ka khat a, a khat tawk in ka call reng bawk a, beidawn tawh lamah a phone chu a lo la ve teh mial a.





Lehlam a tang chuan "tunge inih? a rawn ti nghal thawr a, Zamtei a nilo tih ka hriat chuan ka thinrim kher mai "tunge inih zawk Rinzami phone kha iruk sak ami? ka tih chuan a rawn teu ngang mai, a duh tawk a min ankhum hnu ah phone a la off hmak zui...ka call leh pawh chuan phone a pick duh tawh thak lo zui.






Ka thin chu a rim hlur tawh a, ruah hmi atla seng seng seng a thli pawh a la thaw vuk vuk a beidawng duh lo chuan ka call char char a, aning ta deuh a niang phone a rawn pik ve leh hram a an awm na ka zawh chuan tha tak chuan a rawn sawi ve ta mai a.







Chanmari ah kan cheng a zemabawk daiah daih an awm thu a sawi chuan ka thinrim hlur tawh, Rinzami lah biak tlak a awm bawk silo hman hmawh fe chuan an awmna hmun a sawi lam chu ka pan vang vang zinglam a nih tawh vang leh khaw chhiat vang in motor veivak an awmlo tluk deuh tho a ni a, ka speed pawh a muang zawk zawk lo khawp mai.






An awmna lai a sawi ka thlen chuan ka rap deuh reuh, inlian pui ding lurh hma ah chuan ka ding vang vang a rannung hram bak thawm hriat tur a awm lo inchhung chu a thim khup a, chulai hmun daih a anlo va awm chu mak kati in engti tih a chulai hmun va hria nge an nih tih chu ka ngaihtuah rauh rauh a.





Ka phone chu phawrh in ka call leh a ka tawng ve hma hma chuan "inchhung ah kan awm rawn lut rawh" tih leh phone off a rual a chu hmeichhe nungchang mawi hrelo lutuk chuan minti thinrim hlur tawh....!





Chhunlam ah nileng in hotel ah ka virbuai a zanah Rinzami zawng in mutmu tuah hman leklo in ka phar buai leh a ka chau tawngkhawng ve tak zet a, dawhtheih na pawh ka tlachham mah mah tawh ani.







Ka phone light hmang chuan inchhung ah chuan ka lut a, inchhung ka rah rual chuan chuan zurim hian inchhung chu a luah nghal vek a, thlanglam kil a phone light lo eng pap na lam chu ka pan ding nghal vat a.






Rinzami chu hmeichhe pakhat malchungah hian a lo mu bam a hmangaihna vang a hetiang a a nun a hmang ta mai hi ka lainat ngawih ngawih duh duh thing a nuamsa tak a nun hmang thei a nih reng lai in helai daikilkar ah ti hian rui in a chatthla mai mai chu ani sia.







Rinzami lo kuah tu hmeichhe nungchang mawi lo zet hmel ka hmuh chiah chuan ka mak ti lutuk chu au chhuak lo choh ani.. kha hmeichhia kumnga kalta a ka hma a ruak deuh thawthang a lo ding teu, ka theihnghilh theih miah loh kha ani chiang lutuk tih ka lungphu rawn rang dawt dawt ah chuan ka hre thei.






Mak ka tih leh em em chu zorini hi pastor fanu ka putea te khan anti sia hetiang ang hmun tawphnawk a ka hmu ve chu ani. A hmel hmuh leh beisei in hmun tin ah ka zawng a helai addict ho awm khawm na hmun berkher a ka hmuh hi ka ringpha lo hrim hrim.







Min hretawh lo a niang min huat hmel zet chuan min melh ram ram a, keilah ka thinlungin kumtam a lo vei leh ka theihnghilh theih loh ka hmuh vang chuan ka chi ai zo vek a.





Phone ah kan inbauh nghek tawh a vang chuan kan boruak chu atang tha nghal et awt khawp mai, kum kha leh chen ka thinglung leh mitthla ah nikhat te pawh ka theihnghilh theih loh laiin ani chuan min hre ve hauh silo a. A hriat miah loh in kalo vei ve em em laiin ani chu ti hian a lo rui thle mai mai chu ania.







Ka thinrimna chu ka thunun thei thlawt lo, ka tawngkhum dan pawh kha thil mawilo tak ani tih ka hriat rual in, khatia tawngkhum kha a phu ve reng reng in ka hretlat lawi si, Rinzami chu pawm in engmah sawi tawh lo chuan ka kalsan zui daih a.




A mah nghak ve tur a inchhung khawk rum rum khawp a min auh pawh chuan, ngaihsak duh tawh lo chuan ka kal mawp mawp a.







Ka chetdan chu mawilo ka tih deuh vang chuan Rinzami chu car chhung a ka mutfel tir hnuah car chu hung sawnin insir lam a thingbuk hnuai thim lai ah chuan ka tawlh phei a, inchhung a tang chuan hman hmawh fe hian a rawn pai phei tiang tiang chu ka lo thlir ngawih ngawih.







Kumnga liamta a ka hmeichhe vei em em kha chu a ni tawh hauh lo, tun a ka thlir mek saw chu hmeichhe dang daih addict mai ani tih chu ka thinlung ah hian a khat a. A hlau tih hriat fahran chuan a hawi kual zak zak a, thei leh theilo chuan scooty ah chuan lawn in hman hmawh hmel zet chuan khawchhung lam pan chuan a tlan ta vang vang a.







A hnung ah chuan muangchang in ka zui ve nghal vat a, ka hma ah chuan a tlan ve par par a khawilam nge a pan tih hriat Ka duh vang chuan ka zui ve zel a, bawngkawn kan thlen phei chuan kawng kual lai ah chuan a scooty chu a lo nawr ka va hmu hlawl a.







Enge maw a tih chu le? ka tih lai mek chuan kawng sir mai a inlian tak gate chu hawng in thawm dim hmel zet hian a scooty chu a nawr lut a. A chetdan maksak lutuk chuan min ti nui lo thei lo, a chhungte tih harh a hlauh vang a scooty ti thiin, a lo nawr lek chu lo ni in fing ve reuh lutuk ti chuan ka phun chhuak sup a.







An in ka hriat tawh vang chuan keipawh ka tlan chhuak zui nghal vat a. "Zorin kum tamtak liamhnu ah ka hmu leh thei hram che a, mahse kan in tawn leh dan hi ka beisei miah lo thil a ni" ti chuan ka rum chhuak hawk hawk a.





Rinzami te in ka thlen phei chuan khua a var tep tawh a, pa pui-an "Bawihpui haw lo in he tah riak ve mai rawh khua avar ruai tawh bawk si" min tih deuh tlat vang chuan kalo chau tawngkhawng ve deuh tawh nen ka riak ve nghal daih a.







Hotel ah file ka lo check mawlh mawlh lai chuan Zamtei a rawn lang nawlh a, rum zet a min melh rawm rawm chung chuan." Ubawih biak che ka duh ania" a rawn ti chang fak a.







Engthil chu hria nimaw? Min tih hah thin teh lul nen hian, inthlahrun a hnekin minla melh rum khai khai reng chu ani sia kalo ti rilru neuh neuh a.







"Tah khan minlo nghak rawh ka hna khawih lai hi kan zo fel phawt ange coffee ka lamsak dawn che em? ka tih chuan "coffee intur in ka rawn kal lo" a ti leh hmak a.







Zamtei awmdan chuan min ti hrilhhai ang reng viau mai, engti tih a zorini nen khan lo inhria nge maw an nih le?, ruihhlo ti reng reng hi an in hmangaih thei lutuk an tia khawiah emaw anti ho anga chutia in chhar chawp nge an nih ang...aaaaa enge henu hian min tih buai em em thin le amah vang khan rilru mumal pawh ka pu thei tawh lo anih hi.






Ka hna ka zawh fel chuan zamtei bulah chuan insawn phei in "enge sawi duh ineih chu? ka ti nghal thuai a. Min chhang mai lo chuan rum fe hian minhan melh leh te te a, ka hlau lo ve nasa mai sia.






"Nizan ah engthil chiah nge thleng? Angeli ka phone ru ah te ilo puh bawk a, sawlai ramhnuai ah sàwn a mah chauh in zanreh ah ikalsan bawk a, i che mawilo khawp mai Angeli kher kher rukru a ilo puh kha chu thil itisual nasa khawp mai, keimah vang in inlam pan theilo in khalai hmun reh tak ah khan min awmpui char char a. Ubawih ka hua che, ka thiannu lak ah mawilo tak a ichet vang hian ka haw lutuk che...zanah pawh min rawn zawng duh tawh suh chuan Angeli hnenah ngaihdam dil la ka duh bawk, a lo rui ve thin ani maithei mahse hmusit tak a itawngkhum kher kha angai miah lo mahni in saseng thei lo a ka ruih pawh in ani khan min veng tlat thin a alak ah hian lawm hluah hluah tur in ni zawk asin" , a thian nu thlavang hauh chu pena ve tak a ni.






Min ankhum in, engang pawh in awm se ka farnu ka duat em em kha ala ni reng a ka haw phal teuh lo.






Mahse thil hriat thiam loh ka nei tlat nizan a zamtei lo awmpui tunu kha zorini a ni sia, ka nau hian Angeli a ti bawk si a, a hming a thlak nge amah ngei kha chu ani bawk sia, khanu kha zorini emaw tiin kalo hai palh ani thei angem? Mahse ka lungphu rang lutuk vang khan amah ngei kha ani in ka hretlat bawk si.







"Tunge Angeli chu? kalo ti hmuk a, rang fahran hian "nizan a rukru a ipuh kha" a rawn ti bak hlar a.





"Huhh Angeli maw a hming? A hming leh a nundan kha a inhmeh vak lo anih chu, a hming thlak daih se a tha ngawt ang" eiloh hmel fahran a ka tih chuan zamtei chu alo per tan tan a.







"Lalrinhlu kha hmeichhia khan tanpui ka ngaih Chang a piang in min tanpui reng thin a Ka tan chuan Angel ang mai anih vang in Angeli kati mai a lawm, a hming te chu zorinsangi a nih kha" a rawn tih chuan kalo mitsulh thei.






Ka thil hriatchak chu ka hre ta ngei a, mahse ka lawm hauh lo, a mah ngei a ni tih phat rual anilo pastor fanu awmdan tur a ni miah lo tun a Zorini awmdan hi chu.







Ka chau hluah hluah... zorini vang hian ka rilru a hah leh zual a ka hmuh leh chiah khan ka hmangaih nimai hian ka hria, mahse a nundan ka ngaihtuah chuan hmangaih tlak a ni in ka hre tawh lo a theihnghilh ka duh em em rual in ka theihnghilh thei bawk silo.







"Naute min va haw san tawh rawh hna ka ngah lutuk foreigner mikhual kan nei nual dawn bawk si a tih tur a tam lutuk chubak ah inu birthday party na tur kha buaipui a ngai dawn bawk si" ka tih chuan phunnawi lo chuan a kal ve mai bawk a.






Kawngka a penchhuak tur chu rawn hawi let in, "Bawiha Angeli chu ngaihdam dil ngei ngei rawh aw" a rawn tih leh chuan ka nui suk ri ngawt a.







Zing chaw pawh kan inlam a eilo in hotel ah ka ei ta ringawt a, ka nu nen chiah a khawsa kan nih vang hian buai hle mah ila inlam ah chaw ei hram hi ka duh thin, kanu nen chiah a inlianpui a awm chu a rehin a khawharthlak thin khawp mai.







"Bawihpui nupui nei tawh rawh fa te innei anga ka tute enkawl hi kachak ve tawh a nia hetia khawhar tak a min thihtir hi itum a mi? kanu chuan min ti fo thin a, nupui neih ka tum loh thu in kalo chhang mai thin.






Chanmari ah pa puia te hotel lamah ka in khalh phei nghal thuai a party na hmun tur chei chuan kan buai nileng ta thak a, nileng in Rinzami hmel ka hmu lo a anu birthday ah hian rawn lang lo in khawilai daikil karah emaw a lo vak bo leh daih ang tih ka hlauh vang chuan ka call sek a, a la pickup duh der lo leh nghal a.





Hrep tak a, He nu hi chuan min va ti buai chiang tak em!. Hahdamna hun pawh min pe ve ngai meuh lo chu anih hi.






Ka hna ah ka in sawrbing a ka rilru zawng zawng ka pek lai pawh hian zorini Kha ka theihnghilh ngailo a,vawihnih nan ka nunah a rawn lang leh nawlh a kha hmeichhia khan minti chau zo vek tawh.






Nute-in..." Bawihpui inau a la rawn haw miah loh ania" a rawn tih chuan kalo thaw hrawih a tinge henu hian mintih buai em em zel le?. "Nute ka lo zawng dawn ania in rilru lo tihah miah suh u ka rawn hruai haw ngei ngei ang tih ka tiam che" ka tih chuan lawmthu min hrilh zui mawlh mawlh a.







Hmanzan a anlo awmna hmun kha ka rilru ah a rawn lang hmasa ber a, thimhlim ani bawk nen fraffic jam ah ka tang rei bawk si ka thinur hluah hluah, "hmeichhe rui zawng kual reng reng hian ka thi dawn anih hi" ka ti chhuak sup a.







Khawchhung ka tlanpelh chuan, khawpui daifem a huan zau tak ah chuan ka tlan lut a thawm a lo reh thiap a, in chu a lo in kalh thlap a tumah an awm hauh lo, hman hmawh tak chuan ka kir leh a.





A khat tawk in Rinzami chu Ka call pah reng bawk a. A phone te hi enga tan nge atih ni biak tlang theih ngai bawk siloh.






Hmun hran hran ka zawnkual hrep hnu ah beidawng takin hotel ah chuan ka let a, stage a Rinzami ding ka va hmuh vang chuan ka thaw huai thei, a lan dan chuan a rui miah lo a ang hle bawk anu tan thil present tur a neih thu a sawi lai chuan a hmel tha tak chu a nung sar a.





"Angel i in peih em? a rawn ti chiah chu ka phu zawk thei. A hming ringawt pawh hian ka lungphu a ti buai thei ania.






Party a kan mi sawm te kar ah chuan hmalam chu ka pan phei rawk rawk a, stage a hmeichhe rawn chhuak vang chuan ka ding khawng lah thei.






A kawrfual nghawng zau zet a kawngfek ti lang chiang em em, a mawng atang a arh thla laih a hak te chu a inhmeh ngawih ngawih, chu tah a kawrfual hak chu a sen kher a la nizui.






Hmeichhe hmeltha takin thuamhnaw Sen an inbel hian sexy ka ti riau zel leh nghal a, engtak chu hemi te pahnih hian tih tum chu nimaw ka tih mek lai chuan zamtei chu kalsawn in zorini chu stage ah chuan a ding vang a enge thleng leh zel dawn ti a kan ngaihchan thuap lai chuan music a rawn ri a zorini chu a lam nghal a.






Mak kati lutuk chu ka mit pawh khap phal lo chuan ka en ngawih ngawih, a lamthiam a ni tih bak sawitur ka hrelo.A kawrfual kak atang a a mal no zet lo lang te chu a mawi tih hian a sawi fiah tawk lo niber hian ka hria.






Nute-in "awi ka naute engthil nge itih hi?surprice ropui tak a ni" a ti mawlh mawlh chu ka va en zawk a a mittui a lo tla phung a hlimna mittui tih ka hria.






Zorini a lamzo chiah chu boruak hi a ri nghal nuaih nuaiha Zorini ah chuan party na a lo kal te mit a fu vek a mipa dang ka thik vang chuan kalo thinrim hlur ringawt tawh. "Zorinsangi ihmel chauh a tha emaw ka tia lam pawh ilo thiam hle si a, nang hi ka theihnghilh mai mai dawn hauh lo che" ka ti sup a.






Pa puia te chhung nen chuan an dinna lam ah ngawt chuan ka mit a fu a, papuia te nupa hetiang tak a anhlim hmel hi ka hmuh loh na chin pawh ka hre tawh lo, va fin ve tum chuan, an lam pan chuan ka pen phei pawk pawk a.







"Ka zawn nasat zia che hi ihria em? I phone kha enga tan nge itih a biak theih hian awm ve thin rawh" rum lutuk a melh chung chuan Rinzami chu ka ti a.






Rinzam-in awl sam fe chuan "ka awmna ka hrilh che in ka surprice tur hi a chhe vek dawn a sin" nui var var chung chuan minlo tih khum zat zui a, ka zawn nasat zia hi hria se chuan min nuih lo tawp ang... kan bulah chuan zorini chu ngawi reng hian a lo ding ve a, tinge a bul a ka awm chiah hian tihnat hi ka chak tlat thin ni, ka rilru lo pui in tawngkam kha zet in ka tawng khum leh hram tawh.






A hmel tha lutuk a natna rawn lang zawk pawh ka hmuh hmaih hauh lo, engvang a tihnat chak em em nge ka nih le? kumnga chhung he ka thinlung a tang hian ka dah bo thei lo a ka nun a arawn lan leh takah ah hian a nun dan bawlhhlawh lutuk ka hmuh hian minti na viau tlat lawi ani.






Zamte-in min rawn melh hrawk chu hmulo derin zorini chu tih elna a khat hian ka tawng khum salh salh reng a, ka pawi a sawi pawh ni hlei lo chutia han tihnat ve reng reng chu nuam ka ti riau lawi a, ka rilru ah a awm reng a zantam amah vang hian muhil thei lo in ka awm phah fo a phuba ka lak ve na ah ka ngai hmak.






"Ubawih Angeli hi ngaihdam dil rawh rukru a ipuh vang khan" Rinzam-in a rawn tih chuan ka chhanna vang chuan a hmel chu a dang nghal lawp lawp a.






Ka mitah chuan chiang zet a min rawn en in "i sawidik chiah ngaihdam min dil na chhan tur inei miah lo", keima tawngkam ngei hmang chuan min rawn chhang let fak fak a, a kut no zet chuan a awm zawn chu a dawm vang vang a. "Minlo hre thiam teh u pawnlam ah thlifim ka va dawng lawk a nge" tih leh kal sawn a rual a.







Zorini kal chhuah rual chuan Rinnzami chuan min an khum hrep a..."Engvangin nge ka thiannu lakah khan inunrawng em em?, itawngkam in a tihnat zia kha ihmu thiam ve lo ami? va zawng la an inthleng thlah thlap ang che chutiang a iti lo anih chuan ka hmel ihmu tawh ngailo ang" min tih khum hnu ah anu te lamah chuan min kalsan zui daih a.







Zorini tihnat kha ka duh bik reng reng lo, ka hmangaih thu hrilh ka chak a sin, mahse hmangaih tlak loh khawpa a nun a lo hmang hian minti thinrim mai chauh a ni, hotel hnathawk pakhat hnenah beer min laksak tur in ka ti a ka dang te hi a ro zovek ka mitthla ah zorini lam lai chu a rawn lang a, kha a kawrfual hak phen a ataksa mawi lutuk kha ka hmuh tirh ang chiah khan kala hre vek.








Beer ka in teuh pawh in ka rui thei der lo, peih lo fe chuan zorini zawng tur chuan ka thochhuak a, ka hmuh mai loh a vang chuan a haw tawh a nih ka ring ve tawp a, Rinzami hnenah a lo zualko tawh loh hram ka beisei....party boruak chuan minti chau hluah hluah tawh, mut hahdam ka duh vang chuan haw mai tum chuan, Hotel chu ka chhuahsan a.






Hotel piah kawngsir a hmeichhe ding reng ka va hmuh chuan ka pan phei leh ta nge nge a, a landan chuan mi nghah a nei ni in alang, ka hmel a hmuh rual chuan a in humruh nasa ngang mai.






A phone lah a ri ngun phian a zamte-in thlah haw tur a min tih vang chuan kalsan mai chu ka tum bik lo a, a mi nghah chuan a rawn hruai theilo anih hmel khawp mai.







Mipa a ni ngei anga khawiah nge kal antum? ka ngaihtuahna vang chuan ka thinrim leh tun tawh a, ka in sum leh thei tawh lo ka duh loh dan ang berin ka tawng khum leh hmiah hmiah tawh.






Thinrim lutuk a min kalsan chu ka zui ve nghal vat a, kuah nawk nawk hi ka chak hluah hluah, motor rawn tlan pawh en leklo a kawngpui a pen lut ka hmuh chuan ka phih let nawk a, ka hlauthawng lutuk chu ka duh aiin ka vin hret.






Hmeichhe kawlhrawng ang tak a lang si hi a dawih in a zia hi anu zem mai bawk si, ka hrawk hrep hnuah pawh ka khawngaih leh nghal zel addict nilo phei se chuan nupui ah ka sawm daih tawh ang chu mawle.






Ka car ka lak chhung chuan a lo thu tawm kak a car chhungah a luh rual chuan a muhil nghal daih a nih chu, kal natur a sawi bawk silo a zemabawk lamah chuan ka tlang pui leh ta ringawt a huan bul hmun biru lai deuh ah chuan car chu park in car a tang chuan ka chhuk a motor hnung a puanlum ka dah chu phawrh in car hnung ah chuan ka mut that tir a ka khawih vel pawh chuan a harh lo reng reng.






A kawrfual kak kar a amalpui rawn lang var haih chuan ka mit ala chat a ka insum thei tawh ngang lo a hmui ah chuan ka fawp vang vang a, "zorin ka ngai che asin hmuh leh che hi ka in ring reng a, tunah kahmu ta che a, mahse nang chu ahma a ka hriat zorini kha ilo nitawh silo, engtin nge katih dawn che pawh ka hretawh lo" ka ti sup a, puan chu sintir in ka en char char a ka enning thei lo...henu hi ka hmagaih takzet ani ka thinlung chuan hmangaih Mahse a nun hmandan hi ka thil ngainat loh ber thil ani tlat.






Zamtei nen an inzui chawt avang in zamtei chhuanlam in ka hmu deuh reng a, ruih leh party na vel a kal bak hi hna an nei ve hlawl lo. Zorini pastor fanu meuh hetiang a a nung ho hi ka la hre thiam thei chuang lo, ruih mai duh tawk lo a mipa hrang hrang a kawp kual ngat phei hi chu enliam mai mai harsa kati thin.








Zankhat chu ka nau lam turin addict ho awm khawmna hmun lam chu ka pan leh a, zamtei chu rui zet hian a lo lam nghawng nghawng a, ka hmuh chak ber ka hmuh loh vang chuan ka hawikual ruai a, inchhung ah chuan ka hmu hauh lo zamtei chu motor ka dah na lamah hruai in.






"I nu leh pa in anngaihtuah tawh ang che haw ang" ka tih chuan..." Angeli tel lo chuan ka haw thei lo Angeli zu zawng phawt rawh a rawh" ti niap niap a motor ah chuan a bawk zawi thlar a.






Inchhung lamah chuan Lutin zorini chu ka lo nghak ta ringawt a, minute sawmhnih vel zet ka thut hnu chuan thlanglam balcony a tang a mipa pakhat nen anrawn in kai lut chu ka zu hmu fuh a,chu pa ka thik lutuk vang chuan, ka kut chu kalo humruh ngawt ngawt thei.






Mipa nen nuam an lo chen vel mai mai a kei in hetah ngawirengin ka lo nghak a, chupa bengbul ah chuan a va hrilh ru sar sar a. Nui ver ver chung hian chupa kut ah chuan kaiin lam na lamah chuan a pen pui dawt dawt a.







Zorini ka huatna chu ka thup thei ngang lo, rum lutuk chuan ka melh ngawt ngawt a. Hawi sawn miah lo a ka en reng chu min rawn melh zauh a , a rawn hawi nawn leh ngat a ka lam pan chuan a rawn kal a.







"khawnge zamtei? a rawn tih chuan car chhungah a awm thu ka hrilh chuan haw san mai turin min ti leh chu ka thin lo rim sa tawh nen, pawnah chuan ka hnuk chhuak dawt dawt a.







"Hei Tiger min thlah teh" a rawn tih chuan ka ding chawt thei. "Tunah khan engtin nge min koh kha Tiger min ti em ni? Minhan ko nawn leh teh" ka tih chuan, ka neilo ang hmak chuan a ngawi daih a.






" Car ah khan lut rawh" ka tih chuan min rawn hnial leh nghal chat a, "ka chuang theilo scooty kan keng a khalh haw angai alawm" atih chuan "ka khalh haw tir daih tawh" ti in dawt ka hrilh ringawt.






"Maw" phawk lutuk chuan a rawn ti nghek a..."Helai hmun a mahni a riah leh iduh anih chuan rawn chuang lo tawp rawh" tih leh car a thut luh chu ka rual a hman hmawh tak chuan a rawn lut ve nghal vat.






Chefuh inti zet chuan kalo nui ru suk suk reng a.
An inkawt ah ka din chuan mak a la ti em em zui, an inchhung a alut hreh lutuk hmel chu ka khawngaih letling zawk hmeichhe awm ho tak a ni tih hrereng chung hian ui ang mai in ka um kawi reng tho si a, inchhung a luh dawn thleng chuan ka thlir reng a, a hmel ah khan haw a chak loh zia lah a lang chiang hle bawk si a.






Engvang a hetiang a nung ta mai hi nge a nih hriat chak na chuan ka khat a, putea te nen khan an in hretha viau a khuangthing ka han zin a tang kumkhat hnuah an rawn chhuk ve ta nge nge kha ania..engtin nge kalo hriatchhuah miah loh putea te hnen a tang in zorini chanchin kimchang chu ka hrechhuak vek ang.






Zingah hotel a ka kal hmain putea te inah chuan ka kal ta vat a.





" Pute pastor fanu zorini khan damdawi vel hi a lo khawih ve thin ani maw? Ka tih chuan.

"Engtin nge ilo hriat a zorini chu? pitei zawk chuan a lo ti thuai a.


" Khuangthing a ka rawn zin khan ka hmu tawh a lawm, chubakah ka pa puia fanu Rinzami nen khan an inkawm thin a. Pastor fanu meuh nun dan a tan chuan inhmeh lo ka ti em a" ka tih chuan.





Putea chuan...."A ningawt mai pu sawma te nupa chu ka lainat khawp mai, zorini vang hian anzak a mi hmai eng hmuh pawh hi nuam anti lo a. BA a zirzawh hma deuh atang khan ti sawn a nung chho tan a...Engvang a saw tiang thil saw thleng nge an chhungkua sawn anhrebik lo bialpa a neih anhre bawk silo, ti sawn chhunzan in a vak chhuak a zorini saw chu ka ui khawp mai a hmel tha bawk si, khawbung bial a anrawn awm lai te kha chuan nula fel tak ani a , engthil in nge sawtiang a nun hmanngai khawp a lo siam ta pawh a chhungte pawh in anhre lo, ti sawn a tan banglo in an tawngtai char char ringawt mai anih saw" atih chuan a nu leh pa te chu ka khawngaih ve hle ringawt a.







Chhungkaw zahawm tak anni a, an fanu neihchhun nun dan vang chuan an chhungkaw hmingthatna zawng zawng te a chhe zo vek chu ani sia.






Khami zan, an in a ka thlah zan atang khan zorini ka hmungai ta miah lo a, Rinzami pawh zorini areh tak hmak avang chuan a khua a harin a nunphung a buai zo leh vek tawh.






Zorini lah biak tlang theih loh in a awm a, thlakhat hnuah pawh a rawn lang tawh ngai reng reng lo, ka hmuchak a Ka ngai ngawih ngawih tih hi phat buai pawh ka tum lo, a hmel hmulo a ka awm chuan keimah ah hian kimlo a awm tlat a, mahse ka bialnu nitur in ka pawm thei lawi silo.






Zorini a bo tak vang vang atang in, Rinzami atal bawraw chho ve leh a, tumah hian min hmangaih lo ka mi hmangaih te hian min kalsan zel ti in a tap reng a, duh ai chuan a rui regu ta mah mah a, Rinzami vang chuan a chhungte chu sawi loh keipawh ka buai a zorini chanchin hretur a an in a kal chu ka tih theih awm chhun ani.







Bawngkawn lam pan chuan ka inkhalh chhuak ta nge nge a, zorini te in ka thlen chuan chhuak mai lo chuan car atang chuan an in chu ka thlir reng a, building mawi tak a ni areh hle bawk.






Engtia thlakhat chuang zet zorini bo ta hmak nge anih hriat tum a kal Ka nih vang chuan, an inlam pan chuan huphurh ru angreng tak chuan ka pen chhuak ta nge nge a.






Doorbell ka hmeh chuan min rawn chhang mai lo, hmeh nawn leh ka tum mek lai chuan, nu upa lam tawh te fel ran hian kawngka a rawn hawng a, bangbo hmel zet chuan "Lo leng rawh enge iduh ve teh mial a? chik fahran a min en chung hian a ti a.






"Zorini thianpa ka nia, a mah hmutur in ka rawn kal a, inah a awm em? ka tih chuan min chhang lawk lo chuan chik leh zual chuan min thlek leh vang vang a, zan a mu tha lo tih hriat zet hian a mithnuai te chu a val kung a, a mah ango chu thuhran alang dang ngawih ngawih.






" Mambawihi chu a room ah a awm a, thlakhat liam ta khan a accident a tikhan lo thu la ka han bia a nge" Inchung lamah chuan a chho nghal vat a.






An inchhung chu a nuam takzet bang ah chuan an chhungkaw thlalak lianpui uluk tak a frame thlap hi an lo tar a, an mawi takzet zorini phei chu a nalh leh zual puan hring no zet hi a bih a. A puan nen a inmil thlap kawr thui mawi zet a ha bawk a a unaupa te erawh chuan coat suit an ha vek a chhungkaw zahawm tak anni tih a lang chiang hle.






Ding meuh in bang a thlalak intar ka lo thlir lai chuan anu chu alo let leh tawh tih reng reng kalo hre hauh lo...."tlangval mambawihi chu ala kal thei silo a a room lam ah ihan chho mai dawn ami? a rawn tih chuan bangbo zet chuan kalo en deuh hu a.







"Kala in hmelhriat tir miah lo che a, rinhlua ka nia bawihpui ti in minko mai dawn ania, anih chuan zorini chu ka han hmu a nge" tih leh pen sawn ka rual a, step a ka pen chho tur chu ding leh in zorini nu lam chu ka en leh te te a " kapi zorini chu engtia chesual nge anih chiah le. nichin khan a kal theilo iti than in ka hria" ka ti leh te te a.






Hnuailam melh chung chuan "step ah a lum a angalruh a tliak a" atih chuan ka lungphu chu hlauh thawn luat vangin a thum nghal dup dup thei.





"Avan zialo tak engmah pawh kanlo hre ve hleinem ka han chho phawt ange" ti leh kal chhoh ka rual a.






Zorini nu min hrilhna room ka thlen chuan kawngka bulah ka ding renrawn a, he tiang em em a zamchhiat hi ka neih pawh ka la hrelo dim te chuan kawngka chu ka nam hawng a khum chung a zorini lo mu bam ka hmuh chuan ka thinzawn hi a na veng veng, ka rin phak bak in he hmeichhia hian ka nunah nghawng a neih nasat zia min hriat thar tir leh nimai hian ka hria.





Amutna lam pan a ka kal lai chuan min lo en reng a. A nuilo a min be bawk hek lo, min hmuh vang a mak ti hmel pawh a pu chuang lo, a hmel chu a kaw dak a ka hmuh hnuhnun ber lak chuan cher tak ani, min biak miah loh vang chuan kan ngawidun tlawk tlawk a, theih tawp a in infuih chung chuan ka tawng chhuak ta nge nge a.






Rinzami chanchin ka hrilh lai chuan a hmel chu a inthlak dawrh a pawi ti tak hmel pu hian min lo en reng a,,,, tunah chuan mawilo tak tak a tawngkhum ngam chi zia zang anilo ka sawitur ang ka sawi zawh chuan tha takin Rinzami a lo biak tur thu min hrilh a min hawsan tawh rawh a ti nghal nghal zat a.






Biak leh hlau awm ang hrim chuan lehlam chu min hawisan daih a, kal mai lo chuan ka la thu deuh reng a....min biak duh tawhmiau siloh vang chuan ka chhuah san ta hnu hnu a.






Inhnuai ka thlen thlak chuan anu chuan "in inkawm tha thei maw? alo ti vat a, tha tak a kan ti ti dun theih thu ka sawi chuan a lawm hmel em em a, "ihaw hma in thingpui in phawt rawh aw mambawhi hmutura irawn kal chu Ka lawm hle mai a khua ahar lutuk a kan be tawng zo tawh mang lo a" a ti siam siam a.






Thingpui kan in lai chuan kan awmna veng leh kan chhungkaw chanchin te min zawt a, kan hotel vel chu a hriat thu sawi in kanu leh pa erawh a hre lo anih hmel, ka nau Rinzami vang a zorini hmutur a lo kal Ka nih thu te chu ka hrilh ve mawlh mawlh a. Thingpui kan in zawh a thu muang tawh loin ka hawsan ta vat a...cont

[Ngaia]

Zorini kava hmuh ni atang khan Rinzami buaipui ngai khawp in aruingai tawh lo a, zorin-in alo bia tih ka hrethiam mai a, mak katih ruk em em zawk chu! hmeichhe rui thle ve mai mai thin khan hetiangtak a Rinzami a chhungte pawhin kan enkawl that hleih theih loh athunun thei tlat mai hi ani.







Pa puia te nupa pawh Rinzami nungchang inthlak danglam vang chuan an lawmhle a, rui chhia leh buaipui ngai in awm tawh lo mahse, kan veng ami tho officer lerh zet pu saia fapa nen an inzuingawrh hle veta thung a...chutianga mipa azui nasa chu hauh tinah pawh kan tin duh lemlo ruiloa a awm vang hrim hrim pawh hian kan lawm tawk em em miau a.







Thla khat dang a liam leh pawh chuan zorini hmel hmuh tur a la awm lo cheu a. A ruktak chuan hmuh ka chak ngang mai Rinzami a chanchin ka zawt ngam chiah bawk silo a.






Hna vangin nitin ka phar buai a akhat tawk in ka zin kual reng bawk a, champhai leh lunglei lamah hotel din belh ka tum avang in ka rilru hnalam ah ka seng nasa a, zorini ngaihtuah ngut ngut lo in ka awm theih phah a, a khawsak dan zawng zawng ka hrevek a theihnghilh mai ka duh em em rual in ka theihnghilh thei der bawk silo.







Hmeichhe fel leh tha tak tak min duh der ve tu an katve fer fur a, zorini theihnghilh nan ngaihzawng han neih ve mai te chu ka duhta rum rum a. Kanu in ngaihzawng te neia nupui nei tawh turin min duh em em tho sia, kan chhungkaw thian tha tak leh kan sumdawnpui te fanu Rinzuali nen chuan kan inzui ve ta nge nge a.






Rinzuali hi ahmeltha in anungchang amawihle a, mahse a mah hian minhipna chhetemah anei miah lo, zorini laka ka rilru puthmang a danglam theih tak hlauh in ti a han kawp ve ta mai ka nia. Rinzuali lakah pawh aruktak chuan ka inthiam bik chiah lo.







Kum tamtak liam hnuah bialnu ka nei leh chu ka awm huih hian ka hria a, ka thinlung chhungril ber chuan ka bialnu atan chuan zorini ala thlangfan a... mahse nupui chu sawi loh bialnu tlak a ni hlawl silo a, Rinzuali nen kan inkar thu chu kanu pawh ka la hrilhhre duh lemlo, mo neih achak tawh vei nen nupui a neivat turin min nawr leh nasa dawn tih ka chian em vang ani.







Rinzuali hi hmeichhe fel tak ani a. A hmeltha in a nungchang a mawi hle bawk tih ka sawi tawh kha, a nu zem reuh leh nghal, alandan mai chuan nupui atan pawh iai nachhan tur ka hrelo hrim hrim...in ngaizawng dang te angin kan inzui tam lo a ka ngaihsak tawk lo ti ila a dik ber ang chu, chutiang chung chuan a phunnawi ngai lo a han tihtauh tih vel hi a nei ngailemlo, kan in hmuh ve Chhun pawh in hlimtak in min be siam siam reng a.







Buaithlak ta ber zawk chu bialnu ka nei reng chung pawh a zorini ka thinlung atang a ka paih bo thei miah lo chu ani...ka kawppui lak a ka rilru put hmang chu fair lo ti hle mah ila karilru thlakin engmah kati danglam thei chuang der silo a.






Zorini hmel ka hmuh loh na pawh thlathum a liam leh tawh a tunah chuan a dam tha var tawh in ka ring, keimah a ka awm chang hian kalo ngaihtuah leh veng veng thin, engtin nge a nun a hman chhoh ve zel ang? A hma ang khan a la rui reng tho angem? Ka thinglung atang hian ka paih bo theilo tih ka inhrechiang telh telh.







A nihna ang ang a pawm a ka bialnu nitur a kalo sawm mai lo kha pawi ka ti leh hnu hnawh a, tunah chuan Rinzuali bialpa ka ni tawh achhan leh vang awmlo a hanthen leh ringawt lah a fair ka ti tawh chiah silo laklawh zet in ka awm nita ber in ka hria.







Nikhat chu kan restaurant hawn thar ah ka mikhual pawimawh te nen thil ei a, kan titi ho lai mek in zorini leh pu saia anrawn inzuilut hlawl a, a hmel ka hmuh lohna areitawh a, kathil eilai thulh thak chuan mit la sawn thei lek lo chuan kalo thlir ngawih ngawih ringawt, ka mikhualte min biakna pawh chu ka hrechang tawh reng reng lo.






Engti tih a pusaia nen a rawn inzui lut hlawl nge annih? tih chu keimah a zawhna lian tak awm chu ani, pusaia lah ka mihring hriat chian em em ani a, kan hotel ah pawh nula vawitam arawn awmpui tawh a, tun a hmeichhia akawp mek chu zorini hi a ni tihna ani thei angem?.








Ka rilru ana ti ila ka sawi sual lo tawp ang, ka awmdan a dik tawh miau loh avang chuan kawm tlak ka awm tawh hlawl lo a, ka mikhual te pawh chuan min chhuahsan vat a, kalsawn mailo chuan ka thutna atang chuan zorini leh pu saia chezia chu inhum ruh teuh in ka lo thlir ve reng a.







Customer kan ngah vangin min rawn hmu ve lem lo bawk a, thil ei pah chuan inpawh hmel fe chuan an nui dun hawk hawk reng a, thawh lawk a pu saia chu va phih thawh lawp tak hi ka nâp a.







Rei mawitawk an thuthnu ah rawn tho chhuak in , an bill pe turin ka thutna lam ah chuan anrawn inzui phei a, ka zawn anrawn kal lai chuan minrawn hmu ang tih hlauzet in ka lo kûn ringawt.






Engvang a anhmuh hlau a biru ve ringawt nge ka nih? An mahni zawk hi zak a kimki zawk tur ani reng sia.






A sam seizet chu achhip atang in bari laitak ah then in thlurhnih in a phiar thla sang a, jeans kekawr a pian tilang chiang em em rawng da lam ha in T-shirt var thianghlim sar alai langlo vel chiah chiah a ha, a sneakers var thazet abun bawk a. A nalh tih bak sawi tur a awm lo, bill anpek zawh chuan inpawh hmel fe chuan pawnah an inzui chhuak a.






Ka sir a hmeichhe thenkhat lo chawl ve ho pawh chuan an thil ei thulh thak chuan anlo en ve reng a, anchhuah rual chuan "khanu kha pastor fanu mî pasal kawp hrat zet ansawi kha ani tiru?, a hmelthat teh reng nen tlangval pawh kawp sen loh tur ahmuh dawn vei nen mi pasal pawmlai kher kher han kawp duh tlat mai chu" anzinga pakhat chuan ati nghal bawrh bawrh a.






Athian nu chuan "Isawidik chiah ahmel enmai kha chuan mi pangai chunglam ami niawmtak anih vei nen, hmelthat hian awmzia alonei vak biklo anih hi, drugs a ti thin antia officer sumngah bak akawp duh tawp nang, pastor fanu ve meuhsi azaktheilo in atenawm ngawt mai! Anni ang ho hian hmeichhia min ti hmingchhia zak map lo in tikhan ualau takin anrawn inzui ngam ania. MHIP te hian an sam te hi meh kawlhsak vek se kati ania" alo ti ve bawrh bawrh a.






Zorini chanchin ansawidan chu ka tan ngaihthlak reng chu a nuam hauh lo, ruih mai duhtawk lo in mipa nen a kawp kual tawh chu ani sia, ka ten hluah hluah khatiang hmeichhia ka lo duh leh theihnghilh thei lo chu ka inhaw hle bawk.







Zorinsangi. POV




Thlahnih chhung pawn chhuak lo a ka inkhung meuh chuan min ti â thei tak ngial dawn hian ka hria a, zan a chhuah ka hrat a, zurim nam rum rum in ka haw reng a ka chhungten ka vahchhuah loh nan ka ngalruh min kawntliaksak bawk a. ka ngaihtuah ngun poh leh ka nuih te hi a za letling hial zawk a, ka thiltawn mek hi thil dangdai ve tak chu ani teh zawng e.






Han damthat ver vawr a duhthal a hanchet chhuah chu kachak tawh a, ka mipa duh em em Rinhlua lah in min hmusit nasa mai bawk sia, tun a ka nundan ang hian awm lo in pastor fanu fel deuh kha la ni ila chuan ka pasal anih loh vek pawh in ka bialpa anih ngei pawh ka ring.







Mahse tunah chuan duhthlan tur dang ka nei tawh lo, mipa vang mai mai a ka rawngrawngbawl hna pawimawh tak hi ka hlamchhiah arem tawh lo a, mite min ngaihdan ah chuan ruihhlo ngai leh hmeichhe hurherh ber kani tawh, chu chu keipawh in ka pawm thlap tawh bawk.








Tlem a kazia deuh hnuah mamit lamah ufel-an a bulah awm turin minrawn hruai a, mamit ah thlahnih zet chu ka awm ve ren rawn a, ka chhungte pawh in ka tha ve deuh tawh tur ah ngai in an lawmhle a, a hma aiin min duat zual sauh a... uzohminga phei chuan min ngaihtuah in nitin vawitam min rawnbia a, ka ngalruh khawng tliak tu nimahse ka thatna tur anih arin vanga khatiang thil kha ti ania, huatna chhete mah ka nei heklo, kalakah a in thlahrung lutuk hi ka lainat letling zawk.







Ka damthat vervawr hnuah aizawl ah ka let leh a, Rinzami leh Awmpui-an min lo ngai tawh ngang mai karkhat chhung chu pawn chhuak lo in inah ka inkhung ve renrawn a, tunhma ang chiah khan kan chhungkaw hlimna chuan van atawng a, ka nundan thalo Ka simta ah ngai in ka chhungte an lawm em em a.







Thla a vei leh meuh chuan angai te bawk in khawlai ah ka hun tamzawk ka hmang leh tawh a, ka chhungte hlimna pawh zawi zawi in ka ti keh chhe leh vek tawh, kanu phei chu abeidawng lutuk a adam loh phah hial a, keimah vangin chhungkua in tukzan tha kannei leh thei tawh meuh lo, ka chhungten home ah min dah hial anduh takah phei chuan ka rilru siam in kan in chu ka chhuahsan ta nge nge a.






Ka duhdan chuan ka thiltih chhan diktak hi ka chhungte kiangah sawi fiah kaduh a, mahse ka duhdan chu chunglam duhdan ani ve hauh silo, awmna fumfe pawh neilo in mipa hrang hrang nen hotel ah hun ka hman loh leh hmeichhe inzuar ho kiang ah kahun ka khawih ral a.






Kan in ka chhuahsan hlim phei chuan kanu nikhaw hreloin atlu a reitak ICU ah dah ngai in a awm phah hial a, mihring vetho ka ni a keimah vang a kanu thi thei mai dinhmun a adin meuh chuan ka kehchhe ve tak meuh meuh, tap chung in damdawiin lam ka pan a, mahse ka pa leh ka unau ten kanu hmuh min phalsak lo nasa mai beidawng lutuk in damdawiin tual ah ka thu tlaivar zantin a, ka chhungte zawng zawng pawh ka tan chuan hmelma an ni faivek tawh.







Rinhlua pawh ka hmu zauh zauh a, tunah chuan bialnu fel leh hmeltha tak anei tawh nghe nghe a. A bialnu nen ka hmuh dun apiang hian ka rilru alo na in abialnu chu ka thik hluah hluah thin, hnathawh ka neilo a chenna fum fe kanei heklo ka mamawh ang leina tur pawisa erawh ka nghei bik chuang miah lo.






Rinzami erawh in a nundan asim faivek tawh a, tunhma ang khan inzui thei tawh lo mah ila kan la inbe reng a, A khat tawkin hmuturin an inah ka kal fo thin.






Nikhat chu Rinzami hmutur in an inlam ah ka kal a, hotelah hna chhete thawh tur ka nei a inah minlo nghak rawh atih vangin an inlama tlang ka ni a, a nu leh an nula te ho inah anlo awm a Rinzami nu chuan min lo lawm thiam leh ngang mai, a birthday a ka lamsak atang khan min be chhe ngailo hrim hrim, ka chanchin mi min sawidan zawng zawng an hrevek chung hian ka lak ah antha em em reng a, thil mak ve tak chu ani.







Thingpui ka in zawh ah Rinzami room lamah chawlh hahdam phah a lo nghak tur in ka luhsan nghal a, rei pawh ka awm hman lo Rinhlua arawn lang nawlh a minhmuthut chu reilo te chhung chu a hmel a buai ve nak a, helai hmuna minhmuh chu a beisei bik hauh lo tih ahmel ah chuan alang chiang hle.







Lairu zet chuan "idam maw inhmuh ava khat ve" kalo ti ta ringawt a, min chhang lo chuan min elhsen hmel fahran chuan a nui chhuak huk a, chuta a thu rawn sawi chuan minti kang lawp thei.






"Nangni ang hmeichhia hi han hmuh nachhan tur cheu avang ve em alawm, hmeichhehur kawpkual duh chi kan ni ve bawk silo a" arawn tih chuan ka thinlung chhung hi meisa tak in akang hluah hluah ang mai hi ani, kalo be ta palh palh chu ka inchhirna in van atawng hial ta ve ang chu.








Ka mittui tla ahmuh ka hlauh vang chuan hnuai lam ka bih ta ngawt ngawt a, thilsawi chu anei tih ka hria mahse enge asawi pawh kahre tawh lo reng reng.







Ka dar a arawn khawih vang chuan "min tawk hlek suh" ti tuar chung chuan kalo aukhum nghek a, min pawisak loh hmel fahran chuan arawn nui chhuak leh hawk a...."khatiang khan minhlau awm ang deuh a lemchan der kha atullo ang, mipa imamawh zia te chu sawilan kher ngailo in ihriat chian khawp kha, i mipa mamawh lutuk in mi pasal pawmlai thlengin i zuikual duan duan reng ani lawm ni? a rawn tih leh chiah chuan ka mittui chu hru tawk in ka ding ve nghal phat a.






Min hmuhsitna tawngkam na tak tak vang chuan kalo zamrukna te chu a bonghal vek. A mitah chuan zamlo baksak chuan ka melh kal a "Lalrinhlu thil hrechiang hleilo hian min puhchhe ngawt suh" ka ti ve ngat a.







"Huh thil hrechiang lo a?, tunhnai a ka hotel a mipa chi hrang hrang rawn hruailut zut thin kha nangmah hi ini lo ami? Ilo mak hle mai ka ten lutuk che" arawn ti hriam hrawih a.






Mintenzia chu atawngkam mai pawh nilo ahmel leh chezia ah chuan alangfai vek, tiang khawp a min hmusit tu hi ka thinlung in mipa zawng zawng zing a athlan awmchhun chu ani ve tlat bawk si. Ni e Rinhlua hian asawidik chiah alawm, hotel ah chuan mipa ka hmungun nameuh mai, mahse ka thiltih hian chhan anei miau alawm, alandan mai hi chuan athusawi te kha adik reng phatna tur engmah ka hre tlat lo. Chhan dan tur ka hriat loh vang chuan ka ngawi ta reng a.







"He tiang em em a mi nunhniam ini tih hi kalo hrelo a, ihmelhriat nih pawh hi ka zakin ihmel hmuh pawh hi ka peih lo, ka hmuh a piang che hian ka luak lo choh zel" a rawn ti leh kher a, ka thinrim lutuk chuan khua hi kahmu tawh lo hrim hrim ka hma a mipa min hmusit em em tu chu ka sual ani mai in ka hria.







Ka chetdan teh thut vang chuan Rinhlua pawh a hamhaih ve ani ngei ang, a tir ah chuan ahmai ka hamna leh asambuk lam mah mah ka keh nawk nawkna chu alo dawh mawl ve tawp a.







"Nangnu hi enge ihriat a? hrep tak che chuan iduh tak tak elo, zirtirna pek deuh hlak ingai anih hi" ti chung chuan khum ah chuan min thehthlu tawp a, duhtawk mai lo chuan a taksa lianzet chuan min rawn bawh nghal zat a.







"Mipa imamawh viau anih chuan imamawh chu keimah hian kan pe ang che", ti chung chuan ka kut pahnih chu manbet in ka lu chung lamah chuan a nembet hmiah a, ka hmui ah chuan dim baksak lo chuan min rawn fawp nghal tawn tawn a, ka ke chuan ka tha tawp in ka lo tlawhve vak vak a, mipa ah pawh palian leh thahrui ngah lutuk anih vang in ka hneh lo ngang mai.







Ka kawr chhung ah rawn zenlut in ka hnute chu a rawn hrawm nawk nawk a, ka rilruna lutuk chu ka tha azawi vek tawh, Rinhlua lo dodal turin tha pakhat mah ka nei tawh lo min khawih ang ang chuan kalo dawh hle hle a, ka kawr chu pawt hlip in aduhtawk chuan min hrawm bawrh bawrh a, ka mittui chu alo sur nguah nguah a niber in kahria, a duh tawk a ka taksa chulkual chung chuan.







"khamaw ka tih reng kha mindang tur pawh in ichet theih tawh der loh kha, ka khawihna che nuam iti lutuk a imittui a tlaphung thei ania" ka hmui ah bawk chuan dim baksak lo a rawn fawp leh ngawr ngawr in thawk leh khatah a inla hrang nghal daih a.







"Ka mutpui duh tak tak che chu lo beisei duhsuh, nangni ang hmeichhe kawplawr lutuk mutpui duh tur khawp chuan ka mit ahniam lo ania, mipa diktak ila tawng lo a zirtirna kan pe hlak che anih kha" ti in room atang chuan a chhuak nghal nal nal a.





Chesawn mai lo chuan khumah chuan Rinhlua min kalsan ang ang chuan ka awm tawp a, kana tihbak sawitur ka hrelo, midang min tawng khum na vel hi chu ka theng leh thawng ah pawh a thawk ngai lo a, menah ka thlakthei maizel a nih kha, Rinhlu min tawng khumna thumal tin khan ka thinglung hi chemzum takin a vit tlang zawt zawt niber in ka hria.






Rinzami arawn thlen hun ah hetiang teh nuaih a min rawn hmuh chuan buaina a chhuak thei dawn a ka hriat vang chuan ka insiamtha mawlh mawlh a, tunlawk ah khan Rinhlu-an min hmuhsit in min tenthu a sawi anih Kha. Ka mipa hmangaih ber in min hmuhdan ah hian ka lungawi thei ngang lo ani.






"Zorinsang Rinhlua Kha chu theihnghilh hmak tawh rawh a hmuhsitzia che pawh ihriat Kha, kha mihring khan ihmangaihna hi a phuhlawl lo" ti in ka infuih ve mawlh mawlh a.






Ka thaw ipik lutuk chu Rinzami room atang chuan ka chhuak leh ta nge nge a, mahni a ka awm chuan ka lo ngaihtuah leh ngut ngut zel a, kanat tam phah mai mai zawk avang in midang kiang a ka awmtam afuh zawk ka ring, hna chhete thawh tur kanei minlo nghak rawh ti si Rinzami rawn haw har ta lutuk chu lo nghah loh law law ka duh rum rum tawh.






"Zorini tlai chaw ei ve nghal rawih aw, ithiannu in ka rawn haw hma leh thei dawn lo a, biakna tur pawi mawh kanei bawk sia minlo nghak char char rawh se ati ania" Rinzami nu in min rawn tih chuan ka phone aroom chhungah bag ah ka dah tih ka hrechhuak leh hnuhnawh a, engthil tak min sawipui tur nei nimaw kati rilru nauh nauh a.







Zanriah eidawn ah Rinzami pawh arawn thleng ve thei hram a, "zorin ilo chhuak hman daih ang tih ka hlauhzia chu, ka han in tifai ve phawt anga chaw eikham ah muangmar in kan ti ti dawn ania" arawn ti lut bawrh bawrh a.






Tun a Rinzami hi chu a hma a ka hriatthin kha ani tawh lo mithar hlak ani tawh a, a pa pawh in an hotel akutah dah in nitin a buai em em reng tawh a duh duh hun ah ka hmu in kan chhuak dun thei tawh silo a, a chang chuan ka khua a har ru viau thin.






Zanriah eikham ah a room ah kan inzuilut nghal a, "engthil nge min sawipui iduh a avan pawi mawh awm ve? ka ti nghal tawl a.





"Lo thu phawt la inkawmna hun kanla ngah lutuk zanin chu ka bulah riak ang che aw, kan riahdun lohna chin pawh ka hretawh lo" a tih chuan, "mi hmuh tur ka nei" kalo ti vat a nersak pah chuan "Cancel mai rawh nang nen a ti ti dun pawh akhat tawh alawm" a ti nghal vat a. A sawi dik reng kan thiandun hian hunthawl kan mamawh takzet tawh ani.







" Enteh zorin tunlai chu ka rilru ah thil vei kanei a, ka chhungte hnenah pawh kala sawi ri miah lo a, ka thianthaber inia sawi pui phawt che kaduh a. Englo ania thla hmasa atang khan home din ringawt ka rilru ah a awm a, in leh lo chenna neilo te ruihhlo ngai anchhung ten anduh tawh loh leh fahrah te chenna tur din hi ka duh ani, home din chu thil awlsam tak chu ani dawn miah lo a, jordana te nufa ka ngaihtuah a, an dinhmun baihvai tak leh chenna tur in neilo a an vahvaih dan te kha mit a hmutu ka ni bawk a, tunlai chu he thil ringawt hian ka rilru a luah a" Rinzami thu rawnsawi vang chuan kalo mengphar awk a.






"Mahse ka rilru tibuai deuhtu chu home chu lo dinta tehreng pawh ni ila tunge enkawl ta ang? ka pa in hotel ka kutah a dah vek a ka chhawk zangkhai ve thei dawn choh a han bansan lah nithei in kahre bawk silo, nangmah ka ngaihtuah chang che phei hi chuan home din hi ka duh takzet chenna fumfe pawh neilo a ivak kual ka hmuh hian ka rilru hi ana thin hle a sin" a ti leh sep sep a.







Rinzami thilsawi chuan ka beng a verh ngang mai, home din a tanpuingai te tanpui tluk a thilchak kha kanei ngai lo, ringlo karah chanchin tha hril turin missionary tamtak kan tir chhuak zung zung a, kan bullawk ah kan unau te tanpuingai leh chhanchhuah ngai tamtak an awm reng sia. Mi tlemte chuan he rawngbawl hna hi thawk ve bawk mahse kohhran leh khawtlang hian kan buaipui ahun ve tawh hian ka hre tlat a.







"I theih phawt chuan home din chu ti ngei ngei rawh Pathian in irawngbawlna tur a akohna che ani ngei ang" ka lo ti Rinzami nen chuan home din dan tur vel rei tak kan sawi dun a. "Zorin vawiin khan i unaupa ka hmu a sin" a rawn ti chhuak phawng a, ka chhungte ka hmuh khatzia ka hrethar leh a ka ngai hlawm kher mai.






"Tu ka u ber maw ihmuh? ka tih chuan "kha postor kha" a rawn ti sep a.


"Pastor chu pahnih an awm a tu zawk nge? kalo ti thuai a, "tunge a hming kha aw Fela ani ta in ka hria" a tih chuan " aw anih chu Ruatfela engti tih a inhmu nge innih? ka tih chuan a mit min siai khum zauh a.







"Kan hotel ah anrawn kal a ichanchin minzawt a hmuh che a duh takzet in ka hria, ichhungte hian an thlauhthla hauh lo che, kan inzui thin tih an hriat danah ichhungte tumah kala hmungailo a anni chuan minlo hrechat thei ania, inah hian haw leh la ka duhpui khawp mai che nula hetiang a vah kawi mai mai chu a mualphothlak alawm ichhungte tan pawh" a tih chuan ka lo thaw chhuak hawk a.






"Zamte kei chhuan chhungte kanei tawh lo, chubak ah khawlai a ka hmuh leh ka awmpui te hi ka chhungte chu anni mai Anni hian min mamawh zawk bawk" ka tih chuan, ka thusawi chu a lo pawmlo ngang mai.






"Angel ingaihdan ang ngawt kha anibik hleinem, nangin chhungte ka neilo ti mahla inu leh pa iunaute hian an ngaihtuah ngawt ang che, vawiin a i u ka hmuh khan ka chiang bawk, chuvang chuan hetia awmreng lo hian kir leh rawh engtiang pawhin lo nung khawlo tawh mahla ichhungte chuan anlo ngaidam em em ang che, kei hi minhan enteh ka nun danglam tawh zia hi, keimah atang hian nungchang a insiam that theih zia chu ihmu chiang viau lawmni? ka mita min enkal chung chuan ati bawrh bawrh a.






"Enteh thiani ifel tawh bik lutuk hi kala ring theilo hial zawk tun a inun hman mek dan hi ka lawmpui takzet che" ka tih chuan "Hetiang dinhmuna ka din theih chhan chu nangmah vang liau liau hi ani" alo ti vat a.





"Ni lullo mai keiin engmah tih kanei miah lo Pathian vang zawk a ni" ka lo ti thuai a.






"Zorin kalak ah hian zep inei ni hian ka hretlat a, diktak chuan tun a inundan kanhriat ang hi ini in ka hrethei lo, khang kan inzui chhung zawng khan zu leh damdawi iti lai hi kala hmumiah lo chubak ah, kha in kan home kan tih thin a rawn tlalut thin kan thian te ho pawh kha atam zawk chuan nun kawngdik anzawh vek tawh a, keimah ang bawk khan annun thim tak atang khan an mahni mai chuan chhuahna kawng an hrebik in ka hrelo a mak tak in kum hnih khat chhung lek in mi pangai ah anchhuak fur a, tunge hethil maktak ti tu hi ka ngaih tuah chian ngun poh leh ka rilru ah nangmah hlir ilo langzel" a tih chuan ka lo nui vak vak a.






" I van timak tak min en tache nang tluk a min hre chiang tu hi an awm dawn ami? zantin ruih chu sawi loh mipa hrang hrang kawp lawr thin ka nih hi tuman ka hmelhriat leh ka thian nih anduh reng reng hleinem, nang chiah hi ka dinhmun min hriat thiampuitu awmchhun inih hi" ka tih chuan "ka thian nitur a ilo piang hi ka lawm ka thinlung tak in ka lawm" a lo ti ve thuai a.







Rinzami te in a kan inhmuh atang khan Rinhlua nen kan inbe ngai tawh lo a, tihpalh thil thu a kan inhmuh pawh in ka tlanchhiatsan vat thin, a bialnu nen khan anla inzui reng a, nilo an inzui ngun mah mah zawk, ka hmuh dun apiang hian kana lo thei lo.







Zankhat chu zodin ah ka thian te ho nen chuan kan lo ding khawm laih laih a, athen te chu an phurchhuak hman tawh a, beisei loh zet in yma duty anrawn lang thut a mi panga chu min man chu ani der a, in pakhat ah min luhpui in minzilh ti ila adik ber ang.






He tiang kawng ka zawh atang hian vawikhat mah man kala tawk lo a, ka chanchin ngaihnawm loh zet leh zahpui awm tak erawh anhre deuh fur a, anzing a pakhat chuan ka samah chuan minrawn kek dak awrh a, "nang hi pastor fanu zahpui awmzet an tih kha ini maw?. Engtin nge atir khan kalo hriat loh theih zawk che? mi chhungkua itih buaizia hi ihria em? Mi pasal duhlai kawp ichin vang in nangmah vang hian hmeichhe tamtak antap tih ihria em? Ka farnu pasal ilo kawp avang khan an chhungkua an kehchhe hman thelh a, vanneih thlak lutuk in a pasal kha a inhmu chhuak hma ta hlauh a, lo inthen pheise chuan ka sawisa hreh miah lo ang che" tih pah chuan min thing deuh nawk nawk a.






Min khawih ang ang chuan ngawi reng in kalo dawh mawl tawp, ka thian te ho erawh hlauh luat avang in antap pur a ngaihdam an dil nasa ngang mai.






An zing a pakhat chuan "ila inla ngeng ve khanglang leh nghal a, sanga MHIP hruaitu te kha han ko teh ansam hi metkawlh sela an inhmu chhuak ve mahna zahna chang hrelo lutuk" a tih chuan ka thian te chuan tap chungin an lu mehsak lo tur chuan anngen ngawih ngawih a.






Ka tuar thei tawh thlawt lo anhma ah chuan dingin. " kapu anni hian thiam loh na an neilo he tiang titur hian keima thlem chhuah anni a, zandang ah he tiang hian anchhuak ngailo abul tumtu chu keimah hi ka nia, kalakah hian in tihtur ang ang chu ti mai rawh u, anni hi chu khawngaih in an inlam ah hawtir rawh u" ka tih chuan an ngawi thap a.






Ka thian te chu ka mitmei nghal vat a, zawhna eng eng emaw anzawh teuh hnu ah an kaltir ve mai a. Kei erawh chu ka sam seizet kalo chhuan ve em em thin chu dimlo zet chuan anduh duh nalai ah an chep thla hlawk hlawk a, vawikhat te pawh ka mittui atla lo hrim hrim.






Ka ngeng anti lutuk chu min piai ve deuh hlek a, ka ngainep ngawih ngawih thung, eng vang a he tiang kawng zawh hi nge kannih? chhanchhuah kan ngaihzia lam an ngaihtuah lo min hmusit in min diriam a nunkawng dik a min hruaitum ahnekin rawng tak in kan chung ah kut anlek zawk a nia. Hmangaih a enkawl kan ngaihzia hi hmuthiamse lainatna nen min lo tuam hlawm zawk tur hian nia sin.






Nungkawng diklo zawhmek hruaichhuah tum a ke pen chu tamtak anawm ve tho a, mahse mahni ropui leh hmingthat duh vang a lemchang antam lutuk vang hian kan ram hi abawlhhlawh zo tawh chu anih hi, tih tak em ah chuan hetiang a ruihhlo do a duty thin zingah hian ruihhlo leh mipat hmeichhiatna a fihlim lo hi antam ve chiang emai, he tiang mihring ho hi kanram thanmawh bawk anni. Mahni nihna anga lang ngamlo a hmai thinghawng vuah ho hi.






Ka jacket chu phelh in ka sam ancheh kuak nuaih chu ka khuh a, pawn ka chhuah rual chuan, ka tap chhuak hawk a, ka rilru ah Rinzami arawn lang hmasa ber zan arei tawh a a muhil tawh ngei chuan ka ring a mahse pantur dang ka hrelo, ka phone chu phawrh in ka call a ka rindan a dik chiah a muhil tawh ani ngei ang, phone a pickup thei miah lo.






Mi kawmkar remchang ah ka mu mai ang, hetiang teh hrep chuan tumah hmachhawn tlak kani tawh lo ka tih neuh neuh lai chuan, Rinzam-in minrawn call back ta hlauh a Ka lawm lutuk chu pick mai lo chuanka phone chu kalo en reng ringawt a. phone ka pick rual rual chuan.






"Zorin tunang hunah minlo call danah buaina itawk anih ka ring ringawt a, khawnge i awm? a rawn ti nghal zung zunga a aw atang chuan min ngaihtuah hle tih ka hre thei.




"yma duty in minman a khawngaihin minlo hruai thei angem? tunah chuan minchhuah tawh a, thiani ka thalo ka thalo takzet zodin ah ka awm" ka tih chuan "Khawiahmah lo kalsawn suh aw, ka rawn kal nghal minlo nghak reng rawh" tih leh phone dah a rual a.






Mi inbul thimlai ah chuan Rinzami chu kalo nghak a, khua athiang in thla a eng ruih a, ka hun kaltawh te ka chhut let a Ka chhungte ka ngaihtuahna ah anlo lang zut zut a, tunah hian keimah vang in kanu chu a tap leh mek maithei ani, nge minhaw viau zawk ang?, ka mipa duh ve em em Rinhlua ka ngaihtuah thleng a min hmuhsitzia kha, mintawngkhum dan zawng zawng te kha kabengah hian chiang lutuk hian arawn rinawn tluk tluk a, rilru thlamuang leh nuam taka nun hmang theireng kani ve bawk asin mahse he kawng hi zawh Ka thlang miau a vui thei kani in ka in hrelo.




"Lalpa ka chungah engthil pawh thlengse ka vui ngailo ang, katan itawrhna nasa tak lakah chuan tun a ka thil tawrh ve te hi chu neptak ani, khawngaih in chakna minpe zelrawh" tiin ka tawngtai mawlh mawlh a.







Ka rin aiin Rinzami arawn thleng rang a, ka birukna bula car rawnding chu kahre chiang lutuk tlat. Rinhlua car ngei ani Rinzam-in anun asim hma kha chuan he carah hian vawitam ka chuang ve thin tlat a lawm.






Rinzam-in ka hming a min rawn koh tak ah chuan ka birukna atang chuan ka penchhuak vat a, Rinhlua arawn hruaitel ve kher chu ka duhlo takzet min hmuhsit sa tawh tehreng nen min diriamna tawngkam dawn leh chu kachak hlawl lo.






"Nangmah in irawn kal turah kalo ngai a, enge ani saw irawn tih buai ve duh kher" a kalo ti sa sa a.



" Ka rawnhruai pawh ani chiah lo min rawn call khan hotel ah kanla awm alawm kan hmalak dantur kan sawidun a amah sawn minrwn zuilui zawk a lawm, lokal teh thil thlendan chu hotel ah let ila kan sawidun dawn ania" tih leh ka ban a min kaih a rual a.






Car chhung a kan thutluh chuan kalo in sehruh teuh a, Rinhlua chuan a hmalam glass atang chuan min rawn melh zawk a min eiloh hmelfe a anernawk chu kalo hmu hman hram.





"I Jacket kha tinge ikhum hlun a? la thla teh hmuh ihreawm" Rinzam-in min rawn tih chuan. " A theih loh" ka lo ti vat a, ka au ring mah mah ani, inthiam chiahlo chuan "Aaa englo ania kalu hi ana deuh a ti hian ka luna a tizia deuh a" bah nuaih chuan kati tha leh vat a





"Chupawh nise phelh teh khati lekluk chuan hmuh inuam lo" Rinzami chuan arawn ti leh hram a, nui hak chung chuan "Min enlo maila hmuh ka nuam ani mai" kalo ti vata.





"La nui leh nghal suh ka ngaihtuah zia che hi ihria em? Engtin nge antih che kut anthlak loh hram che ka beisei" a tih chuan "Min hmuh ang hian ka tha, zanin chu engkim hi afuhlo velvek mut hahchawlhna hun ka neih phah dawn a atha vek tho e" ka tih chuan min en tawp.







Kan tlan chhuah thleng chuan Rinhlua erawh ala tawng miah lo, aluak achhuak te pawh ani maithei ani, ka hmel ahmuh apiang a aluak achhuah thin thu kha kamit a en chungin asawi tawh tak kha mawle, hepa hi a eng pawi nge ka sawini? min haw ve em em ringawt a ka lakah hian asual ani tawp anau thiantha ber ka ni a ka lakah hian a der tal a thatchhuah ve tur ania.






"I lu chu ana viau ami? Khawi kalo hmehsak ang che" tih leh Rinzami chuan ka jacket khum rawn phih thlak chu arual a. "Nilo eng thilnge itih? ka tha tawh engmah na kaneilo " tih leh jacket chuan in khuh Ka rual a.






"Zorin eng engthil nge thleng hi? isam kha isam an tansak che maw? ring lutuk a Rinzam-in arawn tih chuan motor chu ading dawt a.






Kanlo inring lo bawk nen hmalam ah kan bu dun lawp a. Rinhlua chu hnunglam ah chuan arawn hawi nghal vut a ka samtan maksak lutuk hi a hmu tur anilo hrim hrim ka jacket chuan ka hmai nen lam chuan ka inkhuh nghal sawk sawk a, "Engmah anilo tinge idin kalvat zawk rawh" ka ti bah nuaih a.






Ka inkhuhna atang chuan ka hawichhuak tawh lo hrim hrim. " Hrep tak chuan engtin nge antih theih zawk? tunge he tiang thil hi ichungah ti? a ka zuah hauh lo ang ka ti mualpho dawn chiang lutuk" thinrim lutuk a Rinzam-in arawn tih chuan .





"Engmah tih sual anneilo ka nundan in a zirlo a ka phutawk ka hmuah ngaihmiah rawh, ka sam antan animai a samte chu reilote ah arawn sei leh vat dawn alawm" ka tih chuan.






" Zorin khatiang a lemchan der kher angai lo ka hre chiang lutuk che tunah khan irilru ana lutuk, isam iduatzia leh ahmawr tak ngial pawh paih iphal ngai loh kha engmah anilo te itih a, ka kiang ah hian engmah izep a i inthup angailo tah iduh pawh in tap rawh ka hrethiam lutuk che, kan mihring ho chu anvan chakdawnlo rua em lo ngawi tak rawh u" thinrim eng phiar chuan a ti piap piap a.






Rinhlu a erawh ka neilo ang hmak in angawi reng in motor chu akhalh mawp mawp a, min diriamna thu arawn chhakchhuak lo ringawt pawh chu ka tan a lawmawm tawh hrim hrim ka hliam ah hian chi rawn phul belh leh ngatse chuan ka tuar zo tawh lo ngei ang.





Music ringzeta arawn play tak ah chuan lungchhe vankai in Rinzami chu kuah in ka tapchhuak ta hlawp hlawp a, Rinhlua laka ka lawmber tum ani ngei ang. Ka rilru natna ka lo up beh ve tang tang te chu puak darh in ka tap chhuak ta hawk hawk nimai in ka hria, duhtawk a katah thawl meuh chuan hotel kawtah kan lo ding reng tawh a.






Motor a tang chuan chhuak in kalu khuh luk chung chuan hotel chhung ah Rinzami chuan min kuahlut a, room chhung kan thlen chuan Rinhlu-an min rawn zui ve zel tih ka hrechiah..."khawimaw ilu khuhna kha lathla tawh teh" Rinzam-in a tih chuan kalo tang tlat a.





"khawngaihin in pahnih khan min hawsan tawh rawh u, keimah chiah a awm ka mamawh" ka tih chuan...."ka hawsan dawn lo che ngaihtuah pawh ngaihtuah suh, nang pawh in hun harsa ka tawn a piang in min kalsan ngai lo ubawih nang chu lo va haw phawt rawh naktuk ah kan sawitha dawn ania" a ti nghal zat a.







Khumah chuan mu in blanket chuan ka in khuh nghal daih a, Rinhlua a awm ve run vang chuan ka thaw ipik ati zual a, ka landan mawihnai lo zet chung hi chuan minhmuh ka duhlo hrim hrim.





"Ubawih lo va hawphawt rawh a tlaizel ania nute-in a lo ngaihtuah tawh ang che" Rinzam-in a rawn tih leh chuan "zamte nang pawh in min hawsan phawt rawh ka ngaihtuah awm loh he tiang chung hi chuan tumah hmuh ka duhlo takzet" ka tih chuan.





" Amak e zorin engkim thil thlendan sawi vek rawh ithil ti sual lai rawnhmu a manche annih chuan sawi theih kan neilo khawlai a Inlo ding mai mai lai anman cheu a, isam an la met kawlhzui ania engtin nge engmah tilo a mu mai mai tur a min ngaih theih zawk ? Ubawiha nen hian ilamah kan tang tlat dawn alawm tu chungah nge kut an lek hi kan hriat tir ve angai alawm, kha damdawi hi eirawh khatia i inkhuh tlat te chuan engmah kawngro a sulo" arawn tih chuan naupang chhe nuar ang hrim chuan lungchhe em em in ka tap leh a, Rinzami chuan minrawn bawh in atap ve ta ringawt a.





" Pawnah kalo va chhuak ange" Rinhlua-an arawn tih chuan kanla tapdun reng a Rinhlua achhuah takah chuan kain khuhna atang chuan tho chhuak in darthlalang lianzet hma ah chuan kava ding a ka sam sei tak kha hmuhtur a awm tawhlo, ka chhipah te ka bekah te anchep kaw nuaih a, ka sam ka hmuh meuh chuan lungawi hlawl lo ka mittui bawk chu a rawn luang leh nghal zung zung a.






"Hreptak hlawm chuan ka rinphakbak ani hetiang em em a intih chu alutuk mah mah anih hi" rilruna lutuk aw khur dar dar chuan Rinzami chuan a rawn ti a "Naktuk ah kan mehkawlh tir law law anga samlem ivuah mai dawn ania" a tih chuan, ka tawng chhuak thei tawh lo hrim hrim, min vua se min sawisa se pawi ka tilo ka sam Ka duat leh ka chhuan ve em em ka rohlu ber min tansak dan hi na kati em ani pangang eiban ansawi chu nep tak ani.






Zing ah chuan ka sam chu ka lulei ah anziatkawlh vek a, Rinzam-in samlem ka nghawng thleng awrh rual hman mai min leisak chu ka vuah a, milem te pawh ka ang lek lek.






"Uau zorin nang hi chuan inhmeh loh pawh ineilo anih hi isam thar chu samsei ai khan i inhmeh fe zawk a nih hi i cute lutuk tlat" rinzami chuan ati chul a, a sawidik reng ka inhmeh lutuk tlat ka chalhma sam rual hmarh te chuan minti lang tleirawl sawt in ka hria.





Ka thiltawn duhawm loh lutuk vang a ka rilruna pawh tlem chuan a kianphah ve deuh a, kan lo rik chul lai chuan Rinhlua arawn penlut thauh thauh a, nizana a kawrhak ngai ala hakreng vang chuan inah haw lo in hotel room khawilai ah emaw ber a riak ve tih ka hrethiam mai a, ani leh ni lo in "kanva thattawh hmel si ve" nui suk suk chung chuan a rawn ti ve sup sup a.





"Ubawih zorini hi inhmeh iti ve tho em? asam thar hian athlak danglam hlawk ania, ka thiannu hi hmeltha ka ti lutuk a ka en kham thei lo reng reng" Rinzam-in a lo ti vat a...Rinhlu-an min melh leh vung vung thin chu Ka hmulo der hmak nakin lawk ah min diriam deuh deuh in minla tawngkhum leh anga ka bulhnai ah hian awm tam lo mahse ka pawi ka tilo zawk...cont






Note...Tlem in ziahsei ve deuh ka duhsia ka dah hma thei ngang lo, edit loh in ka rawn dah rih tawp..muang changin ka edit leh mai ang, chuan comment leh click kha min ngaih pawi mawh sak zel ru aw.

[Ngaia]

"Zorin nizan thil thlendan kimchang chu hansawi tawh teh" Rinzam-in a tih chuan Rinhlua chu ka melh zawk minlo en ve reng vang chuan ka hawi sawn rang ngei mai, hepa huhang hi ka zo thlawt lo.







Thil thlendan chu zepthen nei miah loin ka sawi vek a, atawp khar nan "Engmah tih dikloh an neilo ka nundan hian a zirlo a chuvang in hengthil hi ka chungah athleng anih hi. Anlak ah khan lungawilohna pakhatmah ka neilo, thil chu anihtur ang in athleng zo vek tawh a, phubalak te kha ilo tum tak tak ange, ithiannu nundan hian azir miau silo a ka mualphona zakhua asei mai mai ang" ka tih chuan Rinzami a lo thaw hak a.








"Hun han kal deuhse an thil tih lawmman hi ka la pe dawn tho tho" ala ti talh a..."chung hun ah chuan ka khap tawh hauh lo ang che" nui sak chung chuan kalo ti ve vat a, "nang hi enge isawi zawh chiah kha? min kalsan tur ang a ka ngaihtlat che chu le, ka hlat ah i awm hi ka phal miah lo nia, nang hi ka chakna leh kawng engkim a ka nunna hnar ber ini a, itel lo chuan engmah lo mai ka ni tih hi min hriat sak reng rawh " a rawn ti leh hlak hlak a.








Rinhlu a nen kan pathum chuan tukthuan kan ei ho a, hna a ngah awm teh reng nen eng tia kan bulah chuan awm ve run reng chu nimaw ka lo ti mai mai a, chubak ah nidang a huatna akhat mitmeng khan min en tawh lo a, atawng tlem em em bawk a. A piangthar tathut nge lem achang zawk tih pawh ka thliar hrang thiam lo.








Yma in min man atangin ni hnih aliam leh tawh a, chhuak lo in Rinzami te hotel ah ka inkhung deuh ngawt ngawt a. Rinhlua arawn lang ve zut a engmah chu asawi ve ngai lemlo a kan titi na karah ngawi reng in alo thu a, a chang chang in kan thusawi minlo zawm ve zauh zauh choh a.






Rinzami nunhlui kan sawi kai chuan sawitur a ngah ve ta khawp mai, kan inhmuh leh hmasak ber zan te sawichhuak in, alak a ka lawm loh danzia ka sawi chuan a nui ve hawk hawk a. "Nangpa hi kan bulah hlir i awm a ibialnu te ngaihsak ve ta che! alo lungawilo tawh viau in ka ring" Rinzam-in a tih chuan a nui suk a..."lungawi loh na tur thil engmah ka ti hleinem" a lo ti sam et a.







Rinzami chhuah zawk chhungin Rinhlua arawn lang leh nawlh a, tun nihnih khat chhung lek hian Rinzami te hotel ah hian hmuh tur atam malh malh khawp mai, kan pahnih chiah a kan awm dun hi chuan boruak atang nghal at zel a, sawi tur hrelo chuan nuam lo ti deuh in ka kuttin chu ka kheuh niap niap a.






"Zorin itha deuh tawh em? Pangai tak chuan a rawn ti sup a, a mah pawh en lemlo chuan "ka thasa reng a lawm" ka lo ti ve mai a. A ngawih tak vung vung ah chuan sawisual ka nei emaw tiin Rinhlua chu ka va melh dek dek a, chiang lutuk a minlo melh run vang chuan ka hawisawn rang ngang mai.








"Zorin tuna inundan hi ining ve tawh lo ami? Ithiannu hi enla, a nun dan thalo zawng zawng a bansan atang hian a nun hlimtawh zia hi, nangpawh he tia chenna fumfe pawh neilo a kual kual lo hian ichhungte kiang ah haw leh la nunbul tan tha leh rawh" a tih chuan ka lu chu ka lo thin khum ringawt a.






"Let leh thei tawh hleinem, chubak ah ka kalthui tawh lutuk, he tiang a nun hman hi nuam kati in kalo hlimviau zawk asin, kan inchhung a ka awm kha chuan ka chhungte rilru na hmel ka hmuh reng angai a, hetia zalen tak a Sava ang mai a duh duh lam hawia thlawh kual mai mai hi nuam ka ti daih zawk" ka tih chuan a rawn thaw ri hawk a.






Engmah sawi lo chuan min en deuh vung vung a, "hman a ka hriat zorini kha lani reng la thatur hi ania" a rawn ti leh sup a.




"Enge isawi awmzia chu?, nang nen chuan kum hnih khat bak kanla inhre silo a" ka lo ti vat a.




" Hman a ka hriat zorini kha chu pastor fanu fel tak leh midang tan inpe zo em em anih thin kha" a tih chuan kalo sen awp awp thei.





"Min hai ani ngei ang, hman atang tun thleng hian ka la danglam miah lo, hriat chian tum in minhan bel chiang deuh la chuan engmah ala danglam lo tih ihre mai in ka ring" ka tih chuan ka thusawi hriat thiam loh hmel deuh in min en vung vung a.





" Ila hre reng em? Khazan kha ka putea te in a thil thleng kha, ka hma ah khan hmeichhe duhawm em em alo ding reng anih kha" a rawn ti dek dek a...."Sawi tawh suh nangpa hi min lo la hrereng ani maw? Khangthil kha chu theihnghilh daih rawh hriat reng tlak pawh anilo" kalo ti sawk sawk a.






"Engtin nge ka theihnghilh phal teh lul ang, kha thil mawi leh duhawm lutuk kha ka mitthla ah hian a cham reng alawm, kha hmeichhe duhawmzet kha hmuh leh beisei in hmuntin ah ka mit Kalen kual ruai thin, ka hriatrengna ah hian a cham reng a ka theihnghilh thei ngai reng reng lo, mahse kha ka mi zawn, hmuh leh kachak em em pastor fanu ka tawn leh dan erawh kha chu alugawi thlak ta lo em ani? atih chuan kalo hnuai rawih rawih thei.






Rinhlua hian ka rilru ang chiah kha alo pu ve thin tih ka hriatna chuan minti lawm a, mahse tunah chuan hriat leh beisei tlak kani tawhlo ah angai tih chu atawngkam chhuak atang huan hai rual anilo. Chu thil chuan minti na ngut ngut nimai hian kahria.






" Zorin ka nau hruai tur a ka rawn kal zan a ka hmuh leh chiah che khan kei hi beidawng lutuk in ka rum asin, ka hmuhchak leh hmuh leh ka duh ngawih ngawih hmeichhia kha ka hma ah rui zetin ilo thu anih kha, a tir a kalo zawng chhuak lo che kha pawi ti in ka in haw ngawih ngawih, kha hmeichhia ka thinlung min ruksak tu kha ila ngai reng a, mahse engkim a lo danglam zo vek tawh, ilak ah mawilo tak tak in ka che fo a, ilaka ka awmdan thin zawng zawngte kha ka duhdan a ni bik miah lo, hetiang dinhmun a ilo ding ta ka hmuh vang hian ka hua che a, mahse ka thinlung leh ngaihtuahna atang hian ka dahbo thei silo che chu anih hi, zorin in inah let leh la nang nen hian bul tan that leh ka duh ani" a tih chuan mak ti lutuk in Rinhlua chu ka en tlawk tlawk.








Lalrinhlua hian kha zan a thilthleng maksak lutuk kha a lo la theih nghilh bik miah lo, min hretawh lo ah kalo ngai char char a, mahse minlo la hreve reng anih chu. Lawm tur nge lawm loh tur tih pawh ka hrelo, Rinhlua hi ka duh in ka hmangaih tih chu kei tluka hrechiang tu hi an awm lo, mahse tunah chuan engkim adanglam zo tawh a let leh thei ka ni tawh lo, chubak ah bialnu nei lai mek ani bawk.







"Minlo la hriat ve reng vang in ka lawm hle mai, mahse min hmuh ang hian kei chu bultanpui tlak kani tawh lo, ka kawng zawh mek ah hian ka lut thuk tawh lutuk a kir leh ngaihna a awm tawh lo. Rinhlu min theihnghilh tawh rawh ihriat rengna atang khan min paih bo hmak la, tun a ibialnu nen hian hlim tak in awmzawk rawh u! keimah vang a miten chil anchhak rawnna tur che hi ituar chhuak thei chuang lo ang, tun atang chuan ihmelhriat ngai loh ang in minngai hmiah rawh" ka tih chuan min rawn pawt tho lawp a.






" Ka thei lo anih hi, ka bulah ka mithmuh phak ah i awmreng lai in engtin nge ka haider reng theih ang che" min thing nawk nawk chung chuan a ti khur dar dar a.




"Kal bo turin minduh tihna ami? Ka kalbo mai dawn ami?. Ka tih chuan, nazet in ka banbul ah chuan minhmer ngawt ngawt a.



" Duhtawk rawh, ka thusawi kha ihrethiam tih ka hriat loh chu ringbuai duh suh, khawiah mah ikal lo ang, minring tawp rawh ka kiang ah awmla tumah in antina tawh ngailo ang che, zorin bultan tha leh ang" dam dup chuan a rawn ti leh sup a.





"Thil ihresual ni in ka hria, keihi imihriat thin zorini kha kani tawhlo, chubak ah bul tantha leh tur pawh in nang nen hian bul kanlo tan tawh lai reng reng ka hre lo, nang te chuan englai pawh in midang te ang tho in min hmusit em em reng anih kha, ihmeichhe ten ihmuh ringawt pawh a iluak ti chhuak tu hi bultanpui theih chu I inring reng reng em ni? Nang nen hian kan inhrengai lo hrim hrim" ka tih chuan.






Ka hmui ah chuan duhthawh lutuk in min rawn fawp nghal tawn tawn a, ka theih tawp in kalo nam ve tang tang a...."zorin luhlul viau lo teh mipa hrang hrang kawp kualzut ai chuan ka kiangah awmla ka duh mai alawm" a tih chuan ka thinlung hi athusawi maltin chuan arawn deng dawt nimai in ka hria.






" A ropui kher mai, mipa hrang hrang ka kawpkual iduh loh vang in ikiang ah awm turin minduh tihna maw? Inpumpekna ropui tak anih chu, mahse imi sawmna chu ka hnawl nimai rawh se" ka tih chuan a lungawilo ngang mai.





"Huh ka thusawi ingaikawi anih kha, ingaihdan kha a diklo bialnu nei mah ila ka theihnghilh thei chuang silo che a, diktak chuan ka theihnghilh theih tak che in ka tih vang a bialnu pawhnei Kania, hetiang a inhau buai reng lo hian ka bialnu nimai rawh" beidawng fe chuan a rawn ti leh sup a.






" Ibialnu nih chu ka duh ve hleinem, nang hian mintina hnem tawk tawh! ka hua che chu chu ilak a ka rilru put vedan anih chu" Tawng leh tum in a ka a ang zuau hman tih in Rinzami arawnlut a,kan lo Indin hnaih ang reng bawksia, maktih hmel deuh chuan min rawn melh tawn zak zak a.






A hmai sen tawn tawn leh akut ahumruh nasat danah a thinrimhle ni in kahria, tih thinrim kha ka duhthusam a ni ve hrim hrim a, rei pawh awm lo in min chhuahsan nghal vat a.





"Enge thil awmzia zorin? Bawihpuia nen khan Inlo inhau ami? A thinrim hmel ropui si ka unaupa hi ka hrechiang a khatiang hmelpu khan kala hmungai lo hrim hrim, thil thlendan kimchang zep neilo in min hrilh vek rawh" Rinzam-in a tih chuan kalo thaw hak a.





Thudik tak hrilh hriat chu a pawina vak a awm in ka hrelo, Rinzami nen hi chuan pumkhat ang chiah kan ni a, kan pahnih inkar ah hian thuruk neih reng bik hi tha kati miah lo. " Rinhlua khan bultanpui turin minsawm a. A awmzia chu a bialnu nitur in min duh tihna a nih chu" ka tih chuan..."mawww chu chu thudik ani em?. Maktih hmel lutuk chuan a ti chiam a.





" Thudik chu ani tlatsia lawm, diktak chuan Rinhlua nen kan inhriatna hi chu a rei lutuk tawh" ka tih chuan mak a ti zual sauh a, "Nangni pahnih hian enge inhriat a? la inhrengai miahlo ang in inlo awmder vel a, minlo bum char char tihna ania, invan tenawm ve" lungawilo fe chuan a rawn ti chang bawl a.






khuangthing a kan intawn dan vel ka hrilh chuan "Zorin, ubawiha nen hian khuanu ruat antih ang hi inni ve ani lomaw? Ka unaupa in bultanpui a duh che chuan a sawmna che chu lo pawm hmiah rawh, itih sual karing hauh lo ania" a tih chuan ka lu Kalo thin khum leh nar nar a.






"Ka pawm velo alawm chuvang ania a thinrim em em, keimah vang a miten an nuihzat dantur zia hi ihrethiam ve tho ang chu, hun a kal anga min theihnghilh ve mai ang. Rinhlua hi kaduh ve tih chu ka pha thei hauh lo, mahse kan duh ang zawng zawng hi kan neihkher angai hlei nem, tun a ka dinhmun atang phei hi chuan ngaihzawng neih a remlo bur" ka tih chuan.






"A dik ve tho mai, mahse Bawihpuia hi rilru thlak leh mai mai chi anilo...Aaaa hun in in awmdan tur chu a rawnhril ve zel mai ang...zorin ka unaupa nupui nitur hian nang tluk a duh hi ka nei chuang miah lo ania, ipawnlam landan kha ka en velo a, kei chuan ichhungril a thatna awm kha ka hmu thei asin" a ti nawi vel ta mai mai a. Ka thusawi in a thawng ve hle tih chu a chetsek danah a hriat reng mai.






Ka mipa hmangaih em em sawmna chu kei hian ka hnawl ania. Kei zorinsangi hi keima duh dan ang a ka awm a rem tawh lo a, ka hnathawh hau tak zet hi ka mimal thil vangin ka chawlhsan athiang heklo, hun reilo te chhung chu Rinhlua ka ngaihtuah nasat luat vangin tawngtai kalo in thlah dah phah ve hial a, mahse arawng ka bawlsak thin Pathian chuan "Zorinsang tunge chawlh pe che? Tih thu chu ka thinlung ah chiang tak in minrawn zawt nimai hian ka hria.







A ngaite bawk in ka hun ka hmang chho leh tawh a, Rinhlua sawmna ka hnawl atang khan minhaw zual sauh nimai hian ka hria tawngkam na tak tak in min tawngkhum leh reng tawh a, min haw viau mahse ka haw ve tak tak ngai lo, ka thinlung chuan a sawmna kha ka lo pawm lutuk mah mah zawk, yma duty in min mantum a kan thiannu sangi nen kan inhmu fuh hlawl a, khami zan atang khan ka hmungai ta miah lo a.






" Zorin inhmuh a va khat ve hrilh tur che ka ngah lutuk ania, lo kal rawh ka treat ang che, thil eipah in kan ti ti dun thei bawk anga, kan inhmu fuh hlauh chu ka van lawm" a tih vang chuan restaurant hnai berah chuan ka zuilut ve ta nge nge a, customer anlo nei tamphian a thutna ruaklam chu kanpan nghal nalh a.






In chhung a lo awm ve ho pawh en kual lemlo chuan sangi chu ka zui ve mawp mawp a, kan kal pelh chiah dawhkan kil a lo thu te atang chuan "Heng ho lah hi zahna chang hrelo hian anvak tam em em reng a, hmuntin ah hian hmuhtur an awm thei reng a kahne ania tenawm hlawm lutuk, a hnung zawk ami phei saw chu pastor fanu anti leh nghal, hman zanlawk ah yma duty in anman a a sam an mehkawlh sak antia, samlem nen anih saw zaklo baksak a ala vah awr awr" ati ri chuan ka kal lai chu min pawtding chiang ngei mai.






Tinge min enliam ve mai mai theih miah loh le,? Kei hian anpawi ka sawi tawp silo a, chutia min lo sawizui tute hmel chu hmuh ka chak ta tlat pek a, dingmeuh chuan kava hawilet ve ngat a, Rinhlua leh a bialnu pawh anlo thu ve reng chu ni in, huat hmelzet hian minlo melh ve ngur a, zamloh hmelzet chuan ka va nuih let ve sak a, an thinrim hmel hlawm ngang mai, sang-in "Zorin enliam mai mai teh khinsawn chi annilo amualpho thlak" tih pah chuan ka kutah la in min kaisawn dawr dawr a.






Yma in min manzan a ka humdan vel khan a rilru a lo hneh lutuk a, anun asiamthat tawh dan te chu hlim hmel pu sang hian min hrilh mawlh mawlh a, kan piah lawk a mipa mitmeng thip lutuk in min melh reng vang erawh chuan a thusawi pawh kalo dawngsawng tha hleithei meuh lo, Rinhlua leh a bialnu insi rial a anthut ve reng vang chuan, kahma a thu lawmawm em em ngaihthlak nuam ka tih ber thin, sangin hlim taka a sawimek pawh chu ka ngaithla tha hleithei lo ania.







Rinhlua vang hian rilru fim pu hleithei lo hian ka awmreng mai, ka tihtur leh tih lohtur pawh thlir hrang thei lo khawp in hepa zûn hian min ti buai anih ber tawh hi.







Ni reilo te kalta ah mai khan a bialnu ni tur leh bul min tanpui aduhthu ka mit a chiangtak a enchung in asawi a, ni e a sawmna chu ka lo hnawl ngei tih ka pha hauh lo, bul min tanpui a duh tak tak chuan a bialnu nen sawn an lengkual mai mai lo tawp a, minduh tak tak anih chuan min bansan mai lo in asawmna ka pawm ngei theih nan theih tawp achhuah zawk tur ania sin.






A mi sawmna kalo pawmlo chu ka lawm hluah hluah hmeichhe dang kut vuan reng chung si in ka hnenah min duhthu zak map lo in asawingam ania, aduh hun hun ah min hmuhsitna tawngkam kha zet zet ka dawng fo a, mihring maktak alo nih dawn hi.






'Zorin enge ilo ngaihtuah veng veng a? Ka thusawi pawh ingaithla miah lo, khamite thusawi khan irilru atibuai ani tiraw? Engah mah ngaisuh ka tih kha, rawngbawltu tha leh ropui tak tak ai chuan katan hian ihlufe zawk asin, miten ichanchin ansawi thin danah ibuai chhung chuan rilru engthawl tak in i awm ngailo ang" a tih chuan zalo fe chuan ka nuita vel mai mai a.





Ka awmdan chu ka duhlo in kabuai loh natur ah ka buai tih pawh ka hrereng Rinhlua kanuna alolan leh atang hian rilru fim ka pu hleithei tawh hlawl lo.






Restaurant atang an chhuah dawn chuan mitmeng thip lutuk chuan minrawn melh leh hram a, aban a vuanrengtu a bialnu pawh chu ngaihsak awm ang pawh in a awm chuang bawk lo a.








Nitin zantin hian kiltin kiltang ah ka vak kual a, maktak in han damloh em em pawh kanei chuang lo, ka chhungte chanchin ka hrengai lo a, kanu ka ngaihzual chang apiang hian zanreh ah kan inbul ah ka kalmai thin a anmahni ka pawh ngam tawh der bawk silo a.






Zankhat chu kan inbulah chuan ka thu leh vang vang tawh a, akhattawk in kan inlam chu ka thlir leh vang vang thin a, inchhunga luh chakna hlir chuan ka khat a, kawngka bulah chuan ka ding leh renrawn thin, kan thenawm te kawngka chu a rawn inhawng rirak a kalo phu chiang ngang mai "Tunge inih? Kan thenawm pa aw in arawn tih tak ah chuan ka jumper lukum chuan ka lu khuh in hman hmawh bakleng in ka tlanchhia a.






Rukru rukru ti in a au chiam a, ka hlauthawng lutuk chu ka kalna pawh en chiang hlei lo chuan hmalamah chuan katlan mawp mawp a, thil eng emaw nalzet ka rah rual chuan ka tlu anider a step a ka lumthla bawp bawp chu kahre reiruai a.






Katla thum tawk a, ka insawhna vang chuan ka thawk asak talh thei ka ngalruhna ngut ngut vang chuan ka rum chhuak hak a, ka hmai chu arawn lum pap pap a, ka chal ka sawhkak tel bawk a, ka kut chuan thisen rawnchhuak dan tum chuan ka hup vat a, ala thi duh em em zui a chutia ruk ru ang mai a ka tlanchhe chiam mai chu mawl Ka inti takzet, khatiang hrep khan pa zama khan thawm rawn chhuah lo se chuan ka inhliam phah tawp lo tur hi ania.







ka awmna hmun chu ka hawikual thuak thuak a kan in atang hlafe ah kalo tlanthleng hman reng a "Avan chetchhiat theihngai ve" ti nung nung chung chuan thawh katum chu ka ngal chu arawn thip zawk a ka thuthla leh hnawk a, ka lumna ah khan ka insawhna themthum a, chulai hmun a awm reng lah chu atihchi bawk si loh chubak ah ka chal atang in thisen achhuak reng a ka in enkawl vat loh chuan ka chauh phah mai ka hlau hle bawk a.





Mi tu emaw ka biak ngei angai leh ta tlat. Rinzami lah a zin daih bawk si, tunge ka biak tak ang? Awmpuia ka call a pick thei bawk silo, chubak ah zinglam darthum ari tawh a a mutui viau ang chu.





Ka lumthlakna step lamah chuan muang chang in ka tawlh chho hrat hrat a, mi in minrawn hmu ang tih ka hlau ve tho bawk si....zanin atak a kan in a ka lo kal kher kher chu ka inchhir tawh ngang mai, Rinhlua chiah ka rilru ah a awm tawh a, kan boruak a tha vak silo a ka hmuh hnuhnun ber a minhuat hmel lutuk a min melhdan te kha ka mitthla ah hian achiang nasa mai sia...mahse duh thlan turdang ka neilo ani pawh midang ang tho in a lo mutui ve viau maithei a biak tum ve hrim hrim ang ti a inti huai lui in ka call ta nge nge a.







A ring hman choh tih in minrawn chhang nghal a nih chu, "zorin enge tun ang hunah minrawn biak a buaina itawk chu ani em lo maw? A rawn ti nghal vat a, a aw ah chuan hlauh thawnna ri ka hre thei.






"Buaina em em chu tawklo e, mahse step ah ka lum a ka ngalruh tliak kha ka sawh leh a ka chesawn hleithei tlat lo a, biaktur dang ka hre tawh silo a ka rilru ah ilo lang a ka rawn be tawp che' ka tih chuan.






" khawi hmun ah nge i awm? ka rawn kal ang i awmna ngai ah khan lo awm reng rawh che sawn lo khan" thupe aw lutuk chuan minrawn ti hmuk a...zep loh chuan Rinhlua puihna dilkher hi chu ka thil chak loh ber ani.






Minrawn hmuh chuan engmah minzawt buai loin min pawm kang nawlh a, a motor chhungah chuan dim zetin min dahlut a a chezia chu ngawi reng in kalo thlir ve tawp, car chhung arawn tih en chuan phawk lutuk hian min melh a







"Zorin hrep tak che hian ilu isawh tel tih tinge isawi loh a ihmai kha thisen in a bual khatvek anih kha damdawiin ah kal nghal vat ang nang hi tinge iluhlul em em mai le" a ti thawp sup a.





Thisen ka hlauh hnem deuh bawk nen ka chau riau leh nghal a Lrm hospital min panpui ta rum rum a, nurse in kachal ka sawhkak chu min thuisak in uluk deuh in min tuamsak thlap a, kan bul a mipa lianzet lo ding verun chuan ache vel chu a tikhawr zo vek nimai in ka hria.








Ka ngalruh pawh vanneih thlak lutuk in ruhtliak leh khi pawh a lo awm lo hlauh a, mahse ana tak zet damdawi in awm ngai khawp a serious ka nih loh vang in damdawi eitur te min chawhfel hnuah damdawi in chu kan chhuaksan leh nghal a.







Pawn kan chhuah rual chuan khua a lo eng uar tawh a, inthiam lo fe chuan Rinhlua chu ka melh zak zak reng a, a hmel lah chu a chauh hmel in mut akham lo tih ahriat hluah hluah.






"Rawnkal tavat che enge idin reng a? Min rawn tih hluk vang chuan chiang fahran a minlo en reng chu ka melh zawk a.






" Ka rawnzui velo mai ang che, va mu hahdam zawk rawh min buaipui vang khan ka lawm lutuk ania aw' ka tih chuan alo ner nawk a..."I lawmthu sawi ngaithla tur arawnkal Ka nilo ka chau viau ania zorin minhnial reng lo khan car ah hian lut vat mai rawh" a rawn tih leh chuan che sawn lo chuan kala ding khawng tlat a.






Ka lam pan chuan rawn pen phei pawk pawk in ka banah chuan minrawn phih sawk a, "mindim ve deuh ta che thinchhe leh lutuk" ka lo tih chuan "ka tihpalh, tha te te a ka tih lai che khan ka thu zawm ve maila, nge min tih thinur hi itum ve hrim hrim zawk? a tih chuan kalo dang der a.






Ngawireng chuan motor a khalh mawp mawp chu en in. "Khawnge min hruai itum a? Ka tih chuan "kan inah lo khawnge ka hruai chuan ang che" a rawn tih chuan kalo rak chelchul a.






"I fiamthu tiraw? In inah chuan ka kal duh miah lo ania, hetah hian dingrawh ka chhuk duh" ka tih chuan car chu a ti ding ve mai a, min chhuktir dawn emaw ti a ka lo lawm ve hman tawh teh reng nen.






"Zorin enge kan in a kal chu ihreh viau a?, kanu rawngbawl te i ei ve anga irin ai daih in nuam iti ang, chubak ah chawtha ei ngailo ang mai in idawldang in icher vek tawh kha, idamthat hma chu kan inah i awmhrih ang, Rinzami a zin bawk si, ani a awm loh chuan ka mawh phurhna ini min hnial reng lo khan ngawireng khan minzui ve mai mai rawh" thupe aw lutuk chuan a rawn ti a.






Rinhlua te inah hian Rinzam-in min hruai ve zauh zauh tawh a, anu a fel teh reng nen anu a chhunlo hi ka lo ti thin khawp a.






" In inah chuan minhruai itum tak tam em? Ka duh miah lo ania, Rinzami te hotel ah min drop mai rawh, inu leh zel tih buai ka duh lo chubak ah hetiang ber bur hi chuan min hmulo se a tha khawp ang" ka tih chuan min rawn melh zawk a.





"Kan in a kal pawh chu enge ihreh viau a tuman anlo seh lo ang che" a rawn ti deuh hluk a.






"Ka rilru ihrethiam lo anih kha, inu in kei ang hmeichhia min buaipui tih ahriat chuan alawm hauh lo ang, in nufa inkar ti buai tu nih ka duh loh vang zawk ani" thaw halh chung chuan ka ti leh hram a.






"Khalam ah kha chuan engmah buaina a awm lo, kanu chuan engang hmeichhia pawh nila alo lawm em em ang che tih ka beng ka hriatchian tluk hian ka hrechiang, engpawh chu nise kan inlam a kal iduh miau siloh chuan hotel ah ka hruai mai ang che, idam chianhma chu chhuak lo la athat ka ring" tha tak chuan arawn ti ve ta hram a, ka lo thaw huai thei.






Rinzami te hotel kan tlan pelh tak daih ah chuan..." khawnge min hruai itum? kalo ti chiam a, nui suk suk chung chuan "khawiah nge hruai che ila iduh? Kan hotel ah i awm ang chu, chubak ah ithiannu a awm silo a, a ai kalo awhrih mai angaidawn a Rinzami te hotel ah chuan rawn hmutur che in ka rawn kal reng hman dawn hauh silo a, chubak ah nizan thil thlen dan engmah minla hrilh lo bawk a" a tih chuan ka hnial buai peih rih lo ka mit chu ka chhing ta daih a ka lu ahai mep mep reng leh nghal a.







Rinhlua te hotel kan thlen lai pawh ka hremiah lo, car chhungah kalo muhil leh daih tawh, hepa motor a ka chuan hian tinge ka muthilh ve hman ziah ni,? a kiang a ka awm hian ka thlamuan phah a nih ka ring ta ber mai.






A ma private room ah minhruai lut a, ka tan tawngkam hriat nuamlo engmah asawi lo ve teh mial a, "zorin iril a tam em eitur kanchah dawn ami? A rawn tih chuan ka lu Kalo thing ringawt.





Inbual fai a muthilh vang vang ka mamawh ber hrih chubak ah vawikhat chaw nghei tih vel te chu ngaiah kanei tawh chaw ka nghei hi atam zawk vang ani.






" Ikawr kha a bal hle bawksia inthlakna tur inei silo a" min rawn tih chuan kalo nui sak a.





"I T-shirt min hawh mai aniang chu" ngaihsam hmel fe chuan kalo ti thuai a.



"Khalai ah khan a awm iduh duh kha iha thei ang" tih pah chuan thlanglama almera chu a kawk zauh a, ngawi reng chuan almera chu hawngin T-shirt thleh fel diam chu en kual in T-shirt var thazet chu ka pawt chhuak a...ka rin ang chiah ani a liantha kher mai, ka mal chanve chu a khuh theizan dawn a athat viau hi tiin ka nui var var a.





Kekawr leh zel haksak chu ka tum buai peih lo ka mut chhung a ka saruak lutuk tur khuhna tur choh ani ka harh hunah chuan he hmun hi ka chhuahsan nghal vat ang.






Zawhna nei hmel deuh a minla en cheu a vang chuan bualin a lut mai lo chuan..."Enteh min ngaihtuah suh ka tha tak tak ania, ibuai in hna tamtak thawhtur inei tih ka hria, inlam ah haw in chaw te va eila inu in alo ngaihtuah viau tawh maithei che ani" ka tih chuan ka thusawi ve te chu a pawm loh hmel ngang mai.






Nizan lam a thil thlendan ka hrilh phawt loh chuan zalen tak a min awmtir a tum loh hmel em avang chuan a thutna ep sofa ah chuan ka thu leh ta nge nge a.







"Nizan khan kan in ah kava kal a, ih kanu ka ngai lutuk a". Ka nuisak a kala zam em em leh nghal a.





" Chu chauh chu maw? A rawn ti sup a.



"Nilo e, ka chhungte hmuh kachak lutuk kha ka insumzo ta ngang lo a, boorbell ka hmet tur chiah kha kan thenawm pa a rawnchhuak a, rukru emaw minti a ka beisei loh tawp thil athleng ti ila adik ber ang chu, rukru ti in a au chiam a ngaihtuahna fim pawh neihman leklo in ka tlanchhe chiam a, ka tlanchhiatna lamah step ah khan ka lum a, chu chu thil thlen dan ani a bak chu ihriat kha" ka tih chuan chik fahran hian minla en ngur a.







" Dawt ka sawi lo ania, sual viau mah ila dawt hrilh kher che chu ka duhlo...chubak ah min tanpui tu ini a dawt ka hrilh theih che iring ami? Ka tih chuan a nui huk a.





"Dawt isawi kati reng reng che ami? Zorin ichhungte kiang ah let leh la ka ti, hetiang ringawt a nula tei kual vel mai mai hi chu thil tha tak ani hauh lo ania, ichhungte lo hi khawvel ah chhungte dang inei tawh dawn lo haw leh la anlo lawm em em ang che tih ka ring tlat" thutak lutuk a atih chuan a thusawi ka pawm lo tih lantir nan ka lu ka lo thing nar nar a.






"Ka kir thei tawh lo tun a ka nundan ah hian ka lungawi tawk a, ka chhungte tan pawh a thawven thlak zawk daih" ka ti zuai raih a.





"Nangpawh kal tawh rawh, ka inbual anga muthilh vang vang ka mamawh takzet" ka tih chuan min chhuahsan veta hram a.





Rinhlua chhuah rual in inbual turin bathroom ah ka lut zui ve nghal vat a, ka thuamhnaw pawh ka su nghal vek a, Rinhlua t-shirt chu ka in thawlh nghal mawlh mawlh a, a hnuai ah engmah ka inbel loh vang chuan ka ruak deuh huai a...ka samlem chu vuah in khum zauzet ah chuan ka inthawlh ta kak a, reilo te ah ka muhil nghal vat reng a...cont





Note....In comment na like vek lo mah ila kalo chhiar dap zel ania aw, ka story minlo hlutsak vang hian ka lawm em em bawk

[Ngaia]

Ka harh leh meuh chuan room chhung chu a lo thim khup a, ka sana chu ka en vat a zan dar ruk a lo pel fe tawh, ka nâchhawkna ei khan min hneh viau ani ngei ang, khumah chuan ka zimar ar ar a ka pum rawn ri ruk ruk ah chuan ka ril a tam hle tawh tih ka hrechhuak ve chiah, ka kawr lah ka su daih sia tun a ka haklai nen hi chuan tumah ka hmachhawn thei lo, Rinzami ka ngai takzet ka phone lukham hnuai a ka dah chu la in ka call ta nge nge a.







"Tunge minrawn call hi? Itho â chu ani em lo maw? Nangmeuh in min rawn biak chuan min ngai tawh hle tihna" nui har har chung hian a rawn ti nghal zat zat a.






"Engtik nge lo haw itum? Ka ngai tawh tak tak che, itel lo chuan he khawpui hi a ruak huai ania" ka lo ti ve nghal zat a.






"Tak tak in naktuk ah ka rawn haw ang, vawiin ah ka zinchhan ber ka hna ka zo fel ve chiah a, minlo hmuak tur chuan ka beisei ngamlo che a mahse zanriah eitur in kalo beisei ang che aw" a tih chuan kalo pawm thlap...Ka lo accident ri va nen hnathawk tur a kal chhuak thei pawh ka ni hrep lo e.






Room kawngka rawn inhawng ri rak lam chu ka hawi vat a, Rinhlua aw in "I va awmthim ve? a rawn tih chuan "ka harh ve deuh chiah" a ka lo titha ve mai a, plug a hmeh rik khap rual chuan room chu a rawn eng uar a, thimtham ah kalo awm rei deuh tawh vang nge ka mit a ti vai lek lek thei.






"Mut duh reuh lutuk, nileng in harh miah loin imuhil thei ania, imu hlum mai ang tih ka lo hlau hman viau tawh a" nui vur vur chung a min rawn tih chuan ka lei ka lo chhuah khum nghek a. Ka muthilh chhung in room ah alo kal tih chu tuma hrilh hran ngailo in ka hrethiam mai.








"Lo in phih harh la, eitur a rawn thleng tep tawh ang, zing atang engmah ila ei silo a" min ngaihtuahna akhat awri chuan a rawn ti sup a, midang te ngaihsakna leh duatna aw ka dawng ngai lo ani bawk a ka lungchhe ti tih ringawt.







Khum atang chuan thochhuak in khum chuar vel chu ka siam tha nghal mawlh mawlh a, washroom ah in phih fai tur in ka lut nghal daih a.






Ka va chhuah leh chuan zanriah tur pawh dawhkan ah a lo in chhawp fel diam tawh a..."Lo thu la einghal mai ang aw, iharh hun kalo nghak a engmah kala ei bik miah lo" a tih chuan..."Ivan â mai mai tak, tinge minlo nghah duh kher a? keimah vangin riltam deuh a i awm khan nuam kati miah lo ania" lungawi lo deuh chuan ka ti nang nang a.







"Minhnial reng lo khan rawn thu vat mai teh, khatia ka hma a idin reng chuan chaw ei thulh thak in ka en char char mai ang che" a rawn tih chuan ka kawr hak thehlep lutuk chu ka hrechhuak leh hnuhnawh a, rang lutuk chuan a T-shirt ka hak chu hnuailam ah ka pawt thla vak a...."min en suh isual emai aw" hmai sen tawn tawn chung chuan ka ti chiam a, a nuih a la za em em zui a.






Thil kan ei lai chuan inbe lo in kan eidun mawp mawp a, ka riltam tawh bawk a ka eihnem kher mai, kan ei kham ah hnathawk ho in an rawn ti fel nghal zung zung a...kan pahnih chiah a room khat a awm chu nuam ka ti chiah lo, chubak ah ka duh aiin min en nasa leh nghal...nidang a a ngeiawm theih teh reng nen ka tan ngaihthlak nuam lo zawng in engthu mah a sawi lo a, hman ni a a thil sawi bultan dun tih vel pawh kha engmah a sawi ri leh tawh lo, chu ringawt pawh chu ka tan lawmna tham ani tawh hrim hrim, bialnu hmeltha tak a nei reng a, kei ve mai mai hi chu atan chuan engtihna mah ka ni dawn lo chiang sa a.







A naupan lai chanchin te sawi in inpawh tak in kan nui dun hawk hawk a, pa tello a seilian ni mahse a hun kaltawh a a nun hman dan min han hrilh tak ah chuan Rinhlua chu ka ngaisang thar ngawih ngawih, chutih rual chuan anu ka fak viau bawk...hmeichhe tam tak hi chuan an pasal te boral atang reilo te ah pasal dang an mamawh leh vat thin anih lai in, a fapa hi a tul pui thak ania nu ngaihsan awm tak ani ve hrim hrim in ka hria.








Rinhlua phone a rawn rik tak ah chuan kan titi bawrh bawrh lai chu kan ngawi dun nghal hmak a, "ka va be lawk a nge" ti sup in a phone chu a rawn lek zauh a, thlanglam balcony ah chuan a chhuak zui nghal daih a.







Rei vak lo hnu ah rawn kir leh in. "Zorin chhuah lawk ka ngai a, nangmah in ilo awm hreh em? Ikhua a lo har lutuk em lo ang chu tiraw? tv te kha lo en la, lo kalsawn miah suh idamthat hma chu he tah hian awm rih turin ka duh che ania" a rawn tih chuan ka ngawi reng a.







A bialnu in lengturin a rawn sawm tih ka hrereng, a chhuah rual a Bawihi a ti thawp sup kha ka hre pha hman tlat, ka thikthu kalo ti chhe ve ringawt chu duh lo in ka inhau ru mawlh mawlh a, ngaihtha zan lo chuan min rawn en leh zauh zauh a.








Almera chu a hawng nghal rawk rawk a, velvet jacket chu la chhuak in a ha nghal mawlh mawlh a, a inhmeh thlawt a che vel chu ngawi reng in ka lo thlir reng a, nupui a pasal in a lensan dawn a lungawilo titau ka ang riau hian ka inhre tlat pek a.






" Tv i en peih loh pawh in lo mu hahdam vang vang rawh, ka rawn kir leh vat ang" a ti leh te te a, tawngka a chhang lo chuan ka lu kalo bu ringawt, a bialnu hmutur in min kalsan dawn a kalo lawmlo ve ringawt chu zialo kati ve deuh.






Rinhlu-an min chhuahsan rual chuan ka ruak huai thei, kalak ah that achhuah a min ngaihsak viau hi ka duh dan ani chiah lo, bialnu a nei tih ka hre ve reng a, a lak atang hian beiseina neih ka duh lo, ngei awm tak leh tawngkam na tak tak a min tawngkhum fo khan ka tan chuan a thawven thlak fe zawk in ka hria.







Ni hnih thum kalta a ka mipa zui thar in min rawn biak chuan ka hmuh theih loh tur thu ka lo hrilh zung zung a, nupui a neihna kumkhat vel awrh chauh ala ni a, an inneihna ala reilo in nupa in thlakhlelh hun vanglai tur ni awm tak a alan laiin hmeichhe dang kawp duhna rilru a pu chu mak ka ti ve rêng, vawihnih chu kan lengchhuak dun tawh a, a mah a la naupang in hna zahawm tak a nei bawk a. A nupui pawh hmeichhe smart leh hmeltha tak ani nghe nghe a, enge an nupa inkar ah thleng anga chutia an kehchhiat chhan kala hratpui si se lo a, party na hmun ah kan in chhar ve nawlh ani ber mai.







Rinhlua ka lo beisei rilru deuh a a rawn let tak mai siloh ah chuan ka taksa a lo chau ve deuh bawk nen ka muhil zui leh ta daih a.







Pangti lum nuam lutuk in min rawn kuah hlun a vang chuan kalo che talh talh a, kanu in ka mumang a min kuah avang chuan kanu emaw tiin harh chiang mang lo chuan 'nu' ka ti sep a.







"Muhil leh rawh" ti sup chung a ka chal a a hmui lum thur thur in a rawn sik tak ah chuan, min kuah hlun tu chu kanu a ni miah lo tih ka hre ve chiah, ka kawng ah chuan a ban chuan min kuah run a , ka taksa hnuailam chu a kut lum thur thur chuan a chul kual riak riak a, kalo khawng nghal awt thei.







"Enge itih a? Tih leh a kut chu man beh ka rual a. Chauh hmel zet hian " Awm mai mai teh engtin mah kati dawn lo che a rawn ti tham tuak a.






Engtin nge awm mai mai se mintih theih zawk, a kut in ka taksa a tawk kual reng a, lungtum ang mai a lo dawh reng te chu ka thei teuh lo.







Thawh tum a ka che tur chu min lo kuah bet in ka chungah ataksa hraw zet chuan min bawhbet nghal hmak a...ka ban pahnih chu man betin ka hmui ah chuan ramsa koham ang mai in min fawp buan buan a, engvang a an inlam a haw lo a helai hmun a rawn kir leh ngawt nge a nih hrep le.







Ka T-shirt hak chu ka awm lamah ahlim chho vek a boxer chiah a hak vang chuan kan taksa in nawk vel chu tawrh har tak ani, a kut lian zet chuan ka awmbawr a rawn hum nghal chat a.






"Rinhlu engthil nge itih hi? Tho vat rawh" kati khur dar dar a, ka aw rik chhuak dan chu ka duhlo ngang mai, min tawh velna vang in ka pangai bik miau lo a...zeplo chuan nuam kati ve reng mahse nuam ka tih vang ngawt in a lakah ka in phal ringawt thiang lo.








" Awm mai mai teh, mipa dang pawh in duhtawk a an khawih theih lai chein kalak a mithiang hlim ber ni awm tak a lemchan kual kher angai lo" a rawn tih chuan kalo ang phuau ringawt, a thil sawi zawh chiah in min den nat dan zia kha a hrelo ani ngei ang, a mah ka mamawhna leh thlak hlelh ve na zawng zawng te chu a bo nghal vek tawh, tha rum ah ka hneh ngang bawk silo a ka hmanraw neih that ber ka ha chuan a hmai ah ka seh nghek a, a rawn rum chhuak hawk a min thlah ve nghal mai bawk a.







Khumah chuan rang lutuk a thu chhuak in ka inkhuh tha nghal sawt sawt a...Hepa hian enge a hriat a hetiang a kalak ah chet a lak fo ni? min ngaihnep zia a lantir nan tawngkam nazet in min tawngkhum ziah bawk.





Lungawilo fe chuan "itenawm hle mai kei hian ka ring che a sin, kalak ah hetiang a ichet hi ka lo beisei hauh lo" kati ram hmak a.






"Thinrim lo teh inhauh buai ka peih lo a nia, chubak ah nang nen a inhau buai leh tur chuan ka chau mah mah tawh, zankhat lek ibul a ka mut chu enge iphal loh viau a? engtin mah ka ti dawn lo che rawn mu rawh" aw dam thlup chuan min rawn ti a...chauh hmel zet chuan a ham bai bai a, a lawm awm reuh tawp mipa naupang duhawm deuh a ang ka ti ber.






"Ka mu duh tawh lo min khawih leh palh ang" ka tih chuan alo nui hawk a..."Lo dawh ve mai mai la, ka eizo vek dawn che pawh ni hlei lo, engtin mah tih che ka tum lo, chu tiang em em a hmeichhe rawp anga min ngai chu ingai sual duai ania, rawn mu vat teh" min tih pawh chuan khum killam ah chuan ka thu deuh tlat a.






"Tikhan nangmah in mu mai rawh sofa ah sawn kamu mai ang, chubak ah nupa emaw inngaizawng pawh kan nilo a mutdun nachhan tur kan nei lo hrim hrim" ka tih chuan...."Zorin tinge engmah hi ihriat thiam duh miah loh le, ibul a mut ve ka chak ani mai, chhan dang a awm lo kei hian ibul a mut ve hi ka thlahlel a chuvang in tha tak khan rawn mu tha ve hle hle mai la, ka khawih dawn lo che tih ka sawi mawlh mawlh kha" a rawn tih chuan kalo mengphar awk a.






Rinhlu-an ka bul a mut a thlahlel ve tih tun mai khan a sawi a nih chu, ka thinglung hi lawmna hlir in a khat ni mai hian ka hria. Ka mut hma loh chu mut tum hmel a pu bawk silo, a hmel lah a chauh hmel viau bawk si, a bulah chuan kamu leh ta nge nge a, min chul kual reng tawh lo chuan tha tak chuan a awm ve ta hle hle a.







A ban dinglam chu min kham tir a veilam chuan nghet zet in min kuah hlun bawk a, ka mut chhuak a bo vek a lungphu ri chu ka ngaithla kar a. A muhil biklo tih a thawk danah chuan ka hre mai.







"Rinhlua, ila muhil biklo tiraw" ka tichhuak ta nge nge a.





Tham tuak chuan "muthilh leh tum rawh a rawn ti sup a, ka chhip ah chuan a hmui chuan a rawn nawr zauh a.





" Thil zawh duh che ka nei a" zawite chuan kati a.





"Min zawtla" a ti tha ve mai bawk a.



"Ih hmanni a ithil sawi kha iti tak tak em?. In thlahrung tak chuan ka ti a.





" Engthil maw? Ibulah chuan thilsawi ka ngah thin viau sia engber chu nge hriat chian iduh? a tih chuan zawh leh loh mai chu ka duh rum rum a, mahse ka sawi ve laklawh tawh sia.






"Bultan pui tur a min sawmna kha, iti mai mai tiraw, bialnu hmeltha tak inei reng a Engvang a kha thu min hrilh nge inih ka hrechak a? Ka tih chuan nghet leh zual chuan min kuah a.






" Ka ti mai mai ah ilo ngai tihna maw?...Nang te chu hman atang tawh in ka duh tawh che a, hmeichhe dang zawng zawng aiin ka rilru ah hian hmun ichang tam ber, ka bulah awm in pangai tak in nung ve tawh la ka duh a lawm" a tih chuan ka ngawi deuh vang vang a.






"Nang leh kei hi chu lei leh van a mi ang vel kan ni, ikiang ah nun pangai a nung ve tur a awm chu ka thei lo tih ihriat chian viau kha, nang hi chu mi zahawm tak mite chung a leng i ni a, ihming ti hliau tu nitur a ikiang a lo awm ve chu ka duh lo hrim hrim bawk! He ka kut ivawn rual rual chuan itan mualphona rapthlak tak ani ngei ang" ka ti sep a.







Min chhang tawh lo chuan a ngawi reng a, ka koh leh pawh chuan a thawm hriat tur a awm tawh lo, alam ka hawi chuan tui zetin a lo muhil daih tawh a.








Min kuah hlun chung a Rinhlua muhil thaw sak sak chu ka en reng a, he mihring hi ka hmangaih tak zet tih pawh ka hria, mahse alak a ka rilru put hmang hi ka lanchhuah tir a thiang lo hrim hrim, a tan zahna leh mualpho na thlen tu bak ka ni dawn chuang lo, ka kut chuan a hmai chu ka chul kual riak riak a, a hmui ah chuan ka fawp zeuh a "Rinhlu ka hmangaih che ka hmangaih lutuk che, he kawng ka zawh hma hian intawng leh ni ila chuan ikianga nunbul tan chu ka thlang ngei ang, mahse tunah chuan engkim hi a danglam tawh min ngaidam rawh aw" ka ti sep sep a.







Chhunlam ah ka muhil nasa tawh bawk a, ka kiang a mipa hmeltha lutuk mu chu ka muthilh san phal thlawt lo ka en char char a, he tiang a huntha dang hi a kiang ah hian ka neih leh theih ka ring tawh bawk hek lo.







Khua avar det det tih ah min kuahna atang chuan inla hrang in bathroom ah ka lut a, ka in phihfai hnuah ka kawr chu ka ha sawk sawk a, a T-shirt min hak tir chu ka su nghal vek a, ka chhuah leh pawh chuan a lola mutui ngang mai, khum lam chu pan in a hmui ah bawk chuan tihharh hlau zet in ka fawp leh te te a, hman hmawh tak in a room chu ka chhuah san vang vang a....kan inhmuh leh hunah lawmthu chu ka hrilh tawh mai ang ka ti zet a engmah sawi lo a ka kalsan tawp vang chuan ka inthiam lo leh deuh a, msg ka hnut chhiah ta zawk a.







Ka thuamhnaw ka dahna hmun lam ka pan phawt a, kan thian te dawr sir ah bungrua andahna thin room zimte ka bungraw neih ve ho dah natur in man tlawm te in ka luah ve a, mihring han chen theihna tur chi anilo a, ka kalna apiang ah ka thuamhnaw ka ak kawi reng thei bawk silo a. A rem chang ang reng khawp mai thawmhnaw dah nan leh han inthlak mai nan chuan.






Ka inthlak fel hnu ah ala hma tho bawk a kal chhuak nghal mai lo chuan ka thu ren rawn a. Awmpuia biak ka duh a ala thawh chiah ka rin loh vang chuan ka nghak leh deuh vang vang a.






Ka call chuan a aw atang in a la tho lo tih ka hre thiam mai a..."Zorin iva rawn bei hma ve" a rawn tih chuan "mi taima an murei ngai lo" kalo ti vat a, a rawn nui ve huk huk a.






"Tak tak in vawiin kha damdawi ilak leh hun kha tiraw? Ka kalpui ang che kalo ti deuh a chu chu rawn hrilh che ka duh vang ania, ihman hun ah min rawn be rawh aw kei pawh in entir nghal ka duh a" Ka ti nghal zung zung a ka kalpui thei tur chu a lo lawm em em leh nghal a.








Nileng in Awmpuia nen kan inzui a Rinhlua erawh a reh hmak zui, min rawn biak kalo beisei ve ngawt chu mawl ka inti viau bawk, rukru ang mai in a thawh hma in ka tlan chhuah san vang khan a lungawi lo viau anih ka ring.







"Zorin enge ilo ngaihtuah leh vung vung tawh a? I chal kha engtia i tihnat nge min hrilh chu itum lo tak tak ami? Awmpui-an min rawn tih chuan ka lo nui ringawt a.







Awmpuia nun lo danglam ta hi ka lawmpui tak zet! hman a rui chung a thle kawi ve mai mai thin kha tunah chuan midang hlak ani tawh a, an chhungkua pawh a mah ang tho in nunthar in an nung vek tawh, hlim em em a "zorin tunah chuan chhungkua tak tak kan ni ve tawh a sin! he lei a vanram awm hi kanlo hmuchhuak har lutuk a", tih thu Awmpui-an min hrilh lai hmel kha ka damchhung hian ka theihnghilh theih ka ring tawh lo.







" Zorin chawimawina kan neih tur kha ilo theih nghilh ange aw, biakin lamah min in khawmpui ka phut bawk che tih kha lo hria la" a tih chuan "Inkhawmna chi kawr Ka nei reng reng lo, inlam ah kalo tawi awm mai ang cheu" ka lo ti vat a.








ka thusawi chu a pawm lo ngang mai " Ikawr hak tur chu ka kutah dah rawh kalo buai pui vek ang, ihria em? A vawi khat nan ka pa in pulpit tlangah Pathian thu a sawi dawn ania, i inkhawm ve ngei ngei angai" a tih chuan ka ngawi deuh vang vang a.






"Pathian be tur a ka inkhawm loh na chen pawh ka hre tawh lo, inkhawm chu duh ve thin mah ila min en hrek hrek a, anuam lo duh lutuk ringawt, ka inkhawm ve pawhin mitan hmuhnawm ka siam hi ani ringawt zel a, ka inkhawm duhlo law law" ka tih chuan a rum nghut a.






"Ka thiannu hian engtik lai atang khan nge mi ngaih dan alo buaipui tak viau a? midang te thusawi vang mai mai a hnual chi ka nilo ti thin tu hmeichhe luhlul zet Kha khawnge a awm tak? Min rawn tih chuan a hnung zang ah chuan kalo chum awk a.






" Tak tak in zorin, kan chhungkaw tan hian mi pawi mawh tak ini a, irawn inkhawm loh chuan kan lawm hauh lo ang" thutak lutuk a a rawn tih leh chuan..."Kalo tum dawn ania" kati ve ta nge nge a.








Awmpuia nen kan inthlah fel hnu ah Rinzami te inlam ka pan nghal nal nal a, pawisa ka nei tlem tawh a inhlawhna tur ka mamawh hle tih chu ka ngaihtuah pah rauh rauh a, Rinzami te in ka thlen chuan, a nu chu Rinzami hmuak turin a lo chhuak daih tawh a.






An nula te rawngbawl te chu ka lo pui ve mai mai a, ka WhatsApp msg rawn lut chu ka en chuan ka lo beisei miah loh Rinhlu-an "khawnge i awm a? a rawn ti a nih chu, min biak duh tawh pawh ka ring lo ania ka hlim leh veng veng tawh.





Rang lutuk chuan Rinzami te in ah ka awm thu leh zanriah ka ei nghal dawn tih ka thawn let vat a...min rawn reply tak mai loh vang chuan ka phone chu ka charge ta daih a.






Rawngbawl pah chuan Rinzami te nula nen chuan kan ti ti bawrh bawrh a, kei ai chuan a la nau hret ang tih tur hi ani a, nui sang chung chuan " Uzorin ka hmuh tirh phat atang che khan ihmeltha ka ti thei lutuk a, a ruk khan ka lo en char char thin che asin, chubak ah isam Kha a nalh thei bawk si, tinge isam Kha itan daih a? isamtawi Kha I inhmeh tho a, mahse isam sei analh ropui sia itan daih chu Kha ka ui e" a tih chuan ka rilru chu ana thar leh ngang mai.






Tihtur em em a awm silo a. Rinzami te anla rawn thleng bawk si lo nen games lo khel mai mai teh ang ti in ka phone charge chu ka phawi a, Rinhlua msg a lo awm leh vang tawh a..."Zanah ka rawn kal ang lo kal sawn suh ang che thil sawi duh ka nei" thu min rawn pe leh ringawt tawh...nui sak chung chuan inla pa thei ropui si ka ti hlak a.







Rinzami te an rawn thlen tawh vang in, Rinhlua msg pawh chu reply tawh lemlo chuan pawnah ka tlanchhuak nghal daih a.






Rinzami nen kan inhmu chiah chu kan auring ngei mai, a bungrua chu car atang in driver in a rawn dah chhuak zung zung a khai luh pui ve ka tum chuan "zorin lo kal mai mai teh ka ngai tawh lutuk che" ti chung chuan inchhung lamah min kai lut dawr dawr a.






A nu hnenah chuan "nu ka room ah ka intifai nghal dawn ania ka bungrua Kha chu ka room lamah lo dahluh tir mai la" a tih chuan a room ah kan inzui lut nghal a. A room chhung kan rah rual rual chuan "zorin hman ni deuh a ka thu hrilh che ka ila hria em? Home chung chuang kha, a hmun tur ka leifel vek tawh ania aw" a rawn ti chhuak phawng a.







"Khawilai ah nge ilei a? I van che rang em em" ka lo ti thuai a, "kan home kha ka lei a lawm Rinawma te ta kha ania. A pa in lei alo phal hlauh a, a building hlui kha thiat lo in kan chei tha anga, a sirah khan a dang kan sak belh bawk anga, choka tur a hran in kan siam bawk anga thlathar atang chuan hna kan thawh tak tak angai tawh ang" atih chuan, tunge home chu enkawl ta ang tih zawh Ka tum mek lai chuan a bungrua chu an rawn thiar lut a ka zawt hman ta lem lo a.






"Zorin lo kal lawk teh, enge maw te te ka rawn hawn che ania" nui var var chung a Rinzam-in min rawn tih chuan phur zet in ka lo khek raih a, a thil min rawn hawn a phawrh chuan kalo mengphar awk a, samlem chi hrang hrang min rawn hawn teuh a. Aman to chi hlir leh nghal " Pakhat lek man pawh hi a to dawn teh reng nen heti zat zat tinge irawn lei a? pawisa iti uih awm e" ka tih chuan "Pawisa te chu kandam anga kan thawk chhuak leh zel dawn a lawm" alo ti sam et a.






" Isam kha thlak a ngai tawh a lawm, he tiang ho ihman chhiat meuh chuan isam kha a lo sei hman vek tawh ang" hlim hmel fe a atih chuan lawmthu kalo hrilh sap a.





Ka rawngbawl hna ka tan atang khan Rinzami hi ka nunah lo lang lo se chuan engtiang a nasa in nge buaina nge ka tawh ang? Rinzami hi Pathian in min pek liau liau ani tih ka pawm thlap. Ka harsat mangan niah ka tan a ding reng thin miau a.






Zanriah kan ei lai in Rinhlua a rawn lut nawlh a, tun ang hunah chuan hotel lamah a la buai viau ka ring a nia, hepa hian enge a hriat a min umzui reng chu nge anih mawle?.





Chaw ei ve nghal mai tur a antih chuan ihe lo chuan ka bul a chair ruak ah chuan a rawn thu nghal thurh a, ka chaw ei a ti tui lo vek, Rinzami zin chanchin zawt pah chuan a kut veilam chuan ka mal a rawn chul thuak thuak a, ka ngei lutuk chu rum deuh in ka melh a minla en duh thak lo leh nghal.







Midang in a chetdan maksak lutuk chu anhria ang tih ka hlau ve tho bawk si, ka thin a phu rang nasa ngang mai,,,a kut hrawpui chu ka mal ah chuan a vah kual tir reng a, ka tih ngaihna hrelo chu ka ding hluai a, mak tih hmel deuh in Rinzami te chhung chuan min lo en deuh thap a, an mit a zawhna awm chu hrethiam in "ka puar tawh mai ang, tlai ah khan thil ka lo ei tawh a" zah zel ah ka ti ta ringawt a.







Ka kut ka sil sawk sawk a khur dar dar Chung chuan sitting room ah chuan ka va thu ta ringawt a, Rinhlua sual thiam zia chu kalo hre tawh a. A lo chimawm tel tih ka lo la hre hauh lo. Ka taksa te hi a duh duh a achulkual theih ah a ngai ami mawle?.







Ka phone ah msg a rawn lut nghal zat a, "zanah kabul ah rawn riak leh ang che" Rinhlua min rawn thawn ani. Ka van riak tawh awm hlei lo tak reply pawh ka reply buai peih lo.






A hnu deuh ah "Ka rual a kal chhuah nghal ihreh chuan pawn ah kalo nghak ang che" tih a rawn thawn leh a, hepa ngeiawm zia hi chu, a duh hunah min melh rum khui khui a, aduh leh a bialnu ang mai in min cheibawl in min fawp a tinge min bansan ve mai loh le.







Chaw eikham ah rei mawi tawk a thu ve a," hotel lamah hna kala nei sia ka va phei leh ange Zamtei zin haw ka rawn tlawh zawk duh sia buai pawh sawi theilo in ka rawn lang ve zuai anih hi" tih pah chuan min rawn melh zauh a, kalo ner khum nghek ringawt.







Pawn a chhuah rual in msg a rawn lut leh a "nghah rei ngai suh aw, anih loh chuan ka rawn pawt chhuak ang che" hepa chet maksak dan hi ka thinrim hluah hluah tawh...A bul a awm nan hun ka neilo ka thian thar nen inhmuh kan ngai tawh tak zet, tinge kei min tibuai reng lo hian a bialnu a buaipui mai loh ni?. A mah vang a ka hnathawh tur tih khawtlai zel chu ka duhlo takzet.






"Ka rawn kal dawn lo, mi hmuh tur ka nei minlo nghak duh suh" tih ka thawn chuan a rawn reply rang ngang mai..."minute nga hnu ah irawn chhuah loh chuan ka rawn lut leh ang".





Min rawn vau a ni ber in ka hria ka chhuah vat loh chuan a rawn kal leh duh tak tak in ania ka rin ni...Rinzam-in "zorin zanin chu ka bulah riak rawh aw" min ti bawk si, eng chhuan lam nge ka siam tak ang...Keima tawk ah buaina ka ngah sa tawh teh reng nen hian Rinhlua leh zelin min ti buai chu ka thaw a ti chham lo choh.







A rawn lut leh duh tak tak dawn tih ka hre ve kur bawk si, rilru mangang ru zet chuan ka che sek chu Rinzami chuan "Angel buaina inei ami? Ihmel ava diklo ve? Minrawn ti chat reng a.








Reitak chhung min zin bo san a zankhat lek a bul a awm pawh hman loh chu nuam kati bik hauh lo, leh lamah Rinhlu-an minlo tur ve sek bawk si.







" Aaa buaina em em chu anilo, mi hmuh tur ka nei tih kalo theih nghilh a, minlo nghak reng tawh a...ka ngai ve bawk si che a han kalsan leh daih che chu nuam kati chiah bik lo a" ka ti nawi kual vel mai mai a.






"Nidang ah ihmu thei mai lo ami? Ka ngai ve em em che a" lawmlo zet a Rinzam-in a tih chuan nuamlo ka ti zual sauh a...dawt ka hrilh ringawt pawh chu rilru nawmloh na tham ani sa tawh hrim hrim, Rinhlua bulah ka kaldawn kati thei bawk silo a.





msg rawn lut chu ka en zawk a Rinhlua leh bawk "vawi sawm ka chhiar anga irawn chhuah loh chuan ka rawn lut dawn" a rawn ti leh a.







*Zamte min hrethiam mai rawh aw, kal ngei ngei angai naktuk ah nileng in ibulah ka awm mai ang, min nghak reng tawh bawk si" tih leh thawh ka rual a..."Rinzami thu sawi pawh bengkhawn tawh lemlo chuan hman hmawh bakleng in kawngka lam chu ka pan a, Rinhlua lakah ka lungawi lo takzet.






Thinrim teuh chuan a car lo din nalam chu ka pan hlawk hlawk a.






Car kawngka chu pawt hawngin thut luh pah chuan na lutuk in ka pawt khar dawt a..."I thinrim hrikthlak nan ka car hi ihman ka phal miah lo ania" a rawn ti thum dut a, tawngkam a chhang lo in car kawngka chu nam hawng leh in ahma aia na chuan ka pawt khar leh dawt a.






Zorinsang nasa viau lo teh, khatia naupang chhia lutuk a awm kha ching tawh miah suh, anih loh chuan" sawi Chhun zawm tawh lo chuan a ngawi zui daih a.





"Anih loh chuan enge? Kalo ti ve sak a.




" Kan hman chuan kal ang aw" thudang a rawn sawi daih vang chuan ka haw kher mai...Rinzami bulah awm kala thlahlel ve ngawih ngawih a, min tanpui vang mai a hetia duh duh a min pawh phar a tum hi ka hua.






An hotel ah kan kaldawn emaw ka tih lai in vaivakawn lam ah min chhukpui daih chu kalo mangang tawh ngang mai.





"Khawiah nge minhruai itum a? Enteh Rinhlu hetiang a phurh kawi mai mai turin ka zui lo che, tihtur ka ngah lutuk hetia min fiamkual reng lo hian min kaltir rawh" a beng bul a va kunhnai chung chuan ka ti a.





"Kei hian ka fiam kual hauh lo che, itan a tha ber tur a ka rin danin ka awm mek anih hi" a rawn ti sup a.





Engthil tak hria chu nimaw? hepa hnen a thusawi hian engmah awmzia anei lo, ka chilper a uihawm mai mai zawk, ngawi reng chuan ka thu ta hle hle a.




Kawngsir remchang laiah car chu a park a, che chang mailo chuan kala thu khawng lah a, "Mate rawn chhuak la" arawn tih chuan kalo ner sak a.





Ka laka a awmdan vel vang hian a bialnu ka khawngaih zawk, ka bialpa hian hetiang hian hmeichhe dang han buaipui ve ngatse chuan ka teu viau ang mawle.






Car atang ka chhuah rual rual chuan ka kutah chuan a lo hum nghal chat a, kawngthlang lam step awmthla raih ah chuan min kai chhuk a, engmah a sawi loh avang chuan enge kan tih dawn tih pawh ka zawt buai peih lo.





Step thui vaklo kan zawh hnuah, kawng kam ah hian in malding fal nalh mai nawm hmel zet lam chu min panpui a, a kekawr ipte chu zenin chahbi a phawrh a kawngka chu awlsam fe hian a hawng a.






"Rinhlu he in ah hian enge kan tih dawn? Tihtur dang ka nei a kir leh vat zawk ang" ka tih chuan mitmeng ti zim sun hian minlo melh a.






"Zorin he in hi i intur anih hi, zanin atang chuan hmun hran hran ah riah kual angai tawh lo ang, inlian leh ropui tak nilo mahse he in ah hian ihim dawn tih ka sawi ngam sak, vawiin ah ka leifel ve chiah a, he in hi anzuar tih ka hriat rual khan ka rilru ah ilo lang hmasa ber a, chenna bulbal neilo a ka hmeichhe duh ber ivak kual reng hi ka hmu thei tawh ngang lo, hethil hi ilak a ka tih theih awmchhun a ni in ka hria. Ka thilpek che hi min pawmsak ang tiraw" Thutak lutuk a rawn tih chuan ka hnuk a ulh ngawih ngawih..cont

[Ngaia]

"Enge ang itih? Rinhlu-an phur hmel fahran a arawn tih chuan, kalo in humruh ngawt ngawt a...Hepa hian enge a hriat a, heng thil te hi a tih chhan chiah hi ka hrelo.





Mitmeng de sawr sawr chung chuan ka chhan hun nghak in min melh ran a.






" Aaa eng thil nge itih hi? Hetiang te fiamthu na chi pawh ani chiah in ka hrelo" harsa fe chuan kati chhuak thei hram a.






"Zorin ka fiamthu hauh hleinem, hethil hi nangmah ngaihtuah reng chunga ti ka nia sin, khawi hmun ah nge iriah ang tih ka ngaihtuah reng thin vang in zan ah mutmu pawh ka tuah tha hleithei thin lo a, rilru hahdam tak a ka awm ve theih iduh chuan he in ah hian cheng la, nasa tak in min tanpui tihna ani mai" Rinhlu-an a tih chuan ka rilru a buai zual sauh a.






Thil thlendan teh thut hian min thawng em atin ni, hetiang khawp hian Rinhlua hian minlo ngaihtuah thin tih kalo hre ngai miah lo, minduh thu chu a sawi ngei a, hetiang thil ti tur khawp khawp hi chuan a nunah pawmawhna ka neih ka hre miah lo, riahna fumfe neilo a ka vahkual vel mai mai duh lo in he in hi katan a lo lei tih hi thil awih awm loh tak ani.





"Ka pawm theilo ang, chubak ah keimah vang a hetiang thil itih kher hi angai heklo, chubak ah hetiang in leitur hi chuan engmah pawisa ka neilo, midang lak a ba neih ka duh miah lo bawk" ka ti bah nuaih a.






Rinhlua ka hnaih a akiang a ka awm tam chuan ka thil tumah ka hnufual phah zel a, ka duhdan chuan hepa lakah hian hlatak a awm ka duh a. Setana hian kan panna lai zawn atang zel in minbei chat thin a, tunah pawh ka mipa hmangaih hmangin ka rawngbawlna mintih hnufual phah in, rilru mumal pawh pu theilo khawpin ka awm leh mek chu ania, Rinhlua hi ka tan chuan thlemtu ani tih chiang tak a ka hriat vangin ahlat thei angbera awm duh thin mah ila, kan khawvel hi a lo zim teh zawng anih hi, kan inhmuh nawn fo angai si a.






Ngaihzawng nei hman ka nilo, mipa vang a ka rawngbawl hna a thuan awp hi rem kati lo a, zakzeh nei reng chung chuan ka hnathawh mek hi tha tak in ka thawk thei dawn hauh lo, chuvang tak chuan ania Rinhlu-an a bialnu nitur a min sawmna pawh kha hnar ka ni reng bawk a.






"Zorin luhlul chhuah lo teh, he in hi iduh lo anih pawh in chawlh hahdam iduh hun a piang a ipan theih nan he in hi itan a awm reng tho ang, zanin a tang in he tah hian icheng thei reng a nia...mahse he inah hian keimah lo mipa dang ihruai luh chu ka remti hauh lo ania" a rawn tih chuan sawi tur mai pawh ka hrelo.






"Engti kawng zawng pawh in he in
a chen hi ka duh lo" chiang fekfawk chuan kati chang bawl a.






Dam deuh zawk chuan. "Enteh Rinhlu hetiang thil zozai ka lak a titur hian ka lak ah engmah bat ineilo, ikhawngaihna dawn hi ka duh bawk heklo, nang nen a inkungkaih hi engti kawng zawng mah in ka duh lo bawk, zanin hi kan inhmuh tawpna ni tawh rawh se, kei min umzui reng hi bansan tawh rawh, chu chu kan pahnih tan hian a tha ve ve bawk".





ka thusawi tawplam phei chu a ri chhuak chang chang chauh ani.







"Zorin min pawm ve theih nan hian ilakah engthil fakau nge ka tih ngai chu min hrilh la?. Khang tawngkam na tak tak a ka tawngkhum thin vang che khan kalak ah hian ila lungawi lo reng ami? Ka huat vang che a khang thu kha sawi kani miah lo, nang hi engtik ah mah ka haw thei ngai dawnlo che tih ka hriat chian em vang a heng thil hi ti kani a, kan pahnih a bultan iduh loh pawh in rilru engthawl tak a ka thlah theih nan che he in ah hian cheng la ka duh mai zawk ani" ngen ngawl lutuk chuan a rawn ti a.






"Minthlem tum miah suh, engti kawng zawng mah in he in ah hian ka cheng dawn chuang lo" ka tih chuan, "Khawngaih in zorin he inah hian awm rawh engthil pawh tila ka sawi buai lo ang, irui emaw mipa ikawp emaw pawh nise ka sawi buai lo ang, he in ah hian awmla ka duh" luhlul lutuk chuan a rawn ti nawn leh ngat a.






Engang pawh in hnar tum mah ila hepa hian min kaltir a tum miah lo tih ka chiang lutuk tlat, ka rilru chuan zanin chiah chu han awm phawt ila naktuk lamah ka kalbo leh mai ang ti in rem ka ruat a.







"A nih chuan va haw tawh rawh mut hahdam ka duh" ka tih chuan hahdam huai hmel hi a pu a.






"Ka haw dawn reng reng lo, engtin nge nangmah te chauh in khawhar takin ka kalsan theih ang che, zanin chu he tah ka riak ve mai ang" ngaihsam hmel lutuk a a rawn tih chuan kalo in sangmar leh teuh tawh.






"He in ah hian iduh dan angin ka awm dawn a, ka duh dan ang a i awm ve angai ang, helai hmun a ka awm iduh chuan nangpawh in min hawsan ve tawh rawh" ka tih chuan a lungawi loh hmel ngang mai.






Min hawsan mai chu a tum hmel loh ngang mai, kan bul a sofa single ah chuan ala thu ta deuh deuh.






"Titeh khatia ding reng lo khan rawn thu teh, thil ingaikawi anih kha, he in hi enla mi tu emaw an cheng dawn anih chuan bungrua enge maw zat lei a ngai dawn a, naktuk ah zingkar ah kan bazar angai dawn a, nge nangmah in imamawh tur ang ho chu ilolei mai ang" a rawn tih chuan kalo thinrim hluah hluah.






"Hengthil zozai hi ka kham tawh takzet, itanpuina ka mamawh lo vawikhat chiah ka ngen leh ang che ka bul hnai ah hian awmlo la ka duh, chu chu min hriat thiam sak thei mailo ami? Nuamsa tak a awm turin kan in ka chhuah sanlo, midangte khawngaihna leh tanpuina dawn ka duh heklo" ka au khum hi a ni ber in kahria.






"Ka hmeichhe duh em em lo tanpui chu enge a sualna vak ka hre ve hauh lo mai, ka khawngaih vang che a he in hi leisak che kani lo a, thlamuang tak a ichawlh hahdam theih nan he in hi leisak mai chauh che kani" a thusawi chu hre thiam se min tih hmel ngawih ngawih chuan min en a.







" He in hi lo pawm ta ila iduh hun hun ah rawn kalin ka chungah engthil chiah nge irawn tih leh dawn ka hre hauh hleinem, nanghian ka duh che iti tiraw? Enteh Rinhlu ihmeichhe duh em em chu engang mi nge anih chiah chu hriat chian itum ve dawn lawm ni, thil reng reng alan dan ang ngawt a kan teh chuan engmah hi kan teh tling zo ngailo ang...Zanin hi hetiang a kan inhmuh tawpna ni tawh rawh se, kan pahnih hi chuan awm dun tur kan nilo hrim hrim, zanin chu iduh ang in he in ah hian ka riak ang" tih leh bedroom lam pan chu ka rual a.






Khumah chuan muhil thei lo chuan ka let tawn sek a, engmah thawm a rawn neih zui tak loh avang chuan, a haw ta nge engtin nge a awm tih pawh ka va ngaih ven duh tawh lo, hepa hi ka hnaih zawh poh leh buaina ka in siam tam mai mai.







Zing ka than harh chuan ka kawng ah a ban lianzet chuan minlo kuah run chungin tuizet hian a lo muhil suk suk a, kalo rindan chuan min haw san daih ka ring kha a nia, ka muthilh hnuah ti hian ka bulah ngawi reng in a lo mu leh hram ania. "Engtin nge ka tih dawn che le? Tinge he tia min tihbuai reng? nangmah choh lo pawh hi buaipui tur dang ka ngah lutuk" ka ti chhuak sep a.






Ka kaitho buai peih lo, a harh hma a lo chhuahsan fel mai hi a finthlak zawk tlat, a lak atang hian engmah athlawn a dawn ka duh reng reng lo.






Thawm dim tak chuan in chu ka chhuahsan a, nizan lamah khan a thim em avang khan he in hi kalo hmu chiang vaklo a, gate bul atang chuan ka thlir vang vang a, inlian leh ropui tak chu nilo mahse a mawi takzet, thingphel hlang a sak ani a, a pawnlam pawh rawng uluk tak a hnawih thlap ani a, gate bul a tang chuan mihring kalna tur hian kawng zimte hian a kal phei raih a, a sir vel zawng zawng chu phul hring dap in a bawh khat vek bawk a, zep miah loh chuan chu in chu ka ngainat zawng tak ani..A fianrial nuam phian bawk sia.






Step tawp ber ka thlen chhoh chuan ka thaw a sa hat hat thei, step a ka lumna ah khan kalo insawh sil ve nel nual bawk si a, step chhete kal pawh ka harsat phah ta hle chu ania.







Kawngsir ah chuan kalsawn mai lo chuan ka ding vang vang a, zingkar a la ni bawk a mihring hmuh tur anla tam em em lo a, Bazar lam a chhuak chho tur chuan ke a kal turin keimah ah chakna thahrui engmah ka nei der silo a, taxi rem chang lo phar tur zawng chuan ka hawi kual pah ruai a.






Ka bul mai car atang chuan "Zorin inbe lawk ang" rawn ti tu vang chuan ka thin a rawn phu rang dawt dawt thei.





"Engmah tihsual inei miah lo henu hma ah hian engvang a zam em em nge inih? zorinsang inti chak rawh" ti in ka infuih ru nasa ngang mai.






Ka hma ah tak chuan rawn ding in rum lutuk chuan min melh a, "Nang hian engthil nge itih hi? Mipa dang pawh duh tawk lo in ka bialpa thleng in minrawn chuh pui itum ngam a maw? I thiannu laktlak loh lutuk vang khan Rinhlua hi ihnaih a ngaih phah fo a, nangni ang hmeichhe awm tha duhlo vang a ka bialpa nen kan inkar a buai hi ka duh miah lo". asawi tur asawi zawh hma chuan kalo khap vat a.







" I ngawi thei tawh em? Tu chuan nge ibialpa chu lo tawm che a?, chubak ah Rinzami chung chang kha khatiang khan sawi miah suh. Nang ni ang lemchang thiam lutuk hi kan ram thanmawh bawk inni, mahni nihna ang pawh a lang ngamlo mihring hi. A hma kha chuan hmeichhe fel leh hmeltha tak ini in kalo hria che a, tuna ka hmuh dan che ihre duh em?. I pawnlam thatna kha ichhungril khakna khan a rawn eichhe vat mai ang, nang leh ibialpa hian minti buai reng lo ula nangni lo buaipui tur dang ka ngah lutuk mah mah" a tawnglai pawt chat in kalo ti ve hmak a.






Keima tawk ah buaina ka ngah ve teh reng nen, an tawngkam chhe tinreng lo dawnsawn reng bik hi ka kham hluah hluah tawh.






A hmel ah chuan min khawih duh mai hmel hi a pu a, a landan chu a mawi teh chiam lo car chhung ah hian a thu tlaivar hial in ania ka rinni.






"Engmah ka tilo itia mi? Nizan khan khu inah khuan zankhua in Rinhlua nen khan enge intih? Khu in leitir thei tur khawp khuan a lakah vawi engzat fakau nge ilo in phelh ruah a?. arawn tih chuan mak ti lutuk in ka lo en tawp.






" Rinzual ibialpa tihlawm hi izir leh deuh chu angai in ka hria, bialnu neireng chung a hmeichhe dang a buaipui reng danah hian, keini ang hmeichhe awm tha duhlo pawh min kawp duh hial tur khawp a bialpa te siam thei chi ini in kalo hre miah lo a....Engpawh chu nise ibialpa leh nang hian ka nunah pawimawhna pakhat mah in nei bawk hek lo ka nun atang hian hlatak ah kalbo ula ka lawm ngawt ang" ka tih chuan a meng rum zual sauh a.







"Nangnu hi min zilh ve khanglang alaw? kan tih tur leh tih loh tur ah chuan thuthlukna ilo siam ve angai lo ang, Rinhlua hnaih ah ka hmu leh che anih ngat chuan ka en liam mai mai tawh hauh lo ang che, inungchang hi pastor fanu awmdan tur a tan chuan a tawp deuh mah mah ani" chiang fek fawk chuan minrawn ti nawn leh ngat a.






Chhan let chu la chak viau mah ila midang te ennawm mai mai kan ni dawn a ka hriat vang in engmah sawi tawh lo chuan ka kalsan ta ringawt a.






Keimah vang a ka pa miten mawilo taka an hmer tel ve zel hi chu thil hriat nuam tak ani hauh lo, hun a kal deuh anga thudik chuan lanchhuah hun te ala nei anih ngai chuan, hmusit tak a ka pa chanchin sawitu te hi zah avang in anla kun ve tlawk tlawk ngei in ka ring.







Bazar thleng taxi chuan natur daih pawisa ka nei tawh hauh lo, engtin emaw tal pawisa ka thawk chhuak anih loh chuan buaina nasa zawk ka tawk thei dawn tlat, hmun hrang hrang ah mi chi hrang hrang ka kawm kual a, thlakhat chhung ruihhlo ngai bulah hun ka hmang a, a leh pek ah nupui pasal lak a rinawm lo ho ka kawm kual leh a, chutiang reng reng chuan ka hun leh ni hi ka hman hlel ve a, Rinhlua vang in zanhnih ngawt tun a ka zui ber Hriatpuia ka hmu thei tawh lo a, chhunlam ah hna nei anih vangin kan in hmuh a rem chang silo, ngaihzawng han neih ve chu katan chuan thil theih loh tluk ani.







Zingkar hun chu bazar ah tar chak lo zawk puih nan ka hmangral ve mai a, han in hnawh puarna tur eih pawisa pawh ka nei tawh lo. Dar sawm rikdawn ah Rinzami te hotel lamah ka kal a, Rinzam-in minlo hmuh rual chuan nizan lam a ka kalsan vang a a lungawi loh na pawh kha pakhat mah hmuh tur a awm leh tawh lo.






"Zorin kalo beisei reng che a, lokal teh ka office lamah inkawm teh ang" minlo ti bawrh bawrh a.






Ngawi reng chuan Rinzami chu ka zui a, kalo rilruk dan chuan Rinzami te hotel ah hian ka thawh theih tawk hna eng emaw tal dil ka duh a, engtik lai pawh a athlawn a tanpuina anlak atang a dawn reng bik hi nuam kati miah lo, puitling ka ni ve tawh a ka mamawh phuhruk natur chu ka thawh chhuah ve a ngai tlat.







"Thiani hotel ah hian ka thawh ve theih tawk hna ruak a awm mial em le? Engtin emaw tal sum ka thawh chhuah ve loh chuan duh leh mamawh ka ngah ve ropui si a, diktak chuan inhlawh a pawisa ka thawh chhuah angai takzet" ka tih chuan min chhang mai lo chuan min melh vang vang a.






"Angel pawisa imamawh chuan min hrilh mairawh kati lo che ami? I tan hian engmah ui ka nei reng reng lo, chubak ah kan hotel ah hian ka thian tha ber hi staff pakhat ang lek a hna a thawh ka remti teuh lo mai" a rawn ti nghal zat a.







"Chutiang ringawt ani thei lo, ilak atang hian tanpuina dawn reng bik hi nuam kati miah lo. Ka hlawh chu engzat pawh nise pawi kati lo min in hlawh tir ve mai rawh" ngen ngawl zawk chuan ka ti leh a.






Hotel a hnathawh ka dilna chu min hnar fithla thak a, pawisa hmantur ka nei tawh lo tih lah ka sawi ngam der bawk silo.







"Angel chutia inhlawh iduh viau bawk si chuan tihdan tur ka hria, kan home din natur kha hna kan thawk tan tawh dawn a, chutah chuan nitin hnathawk te ilo vil anga chubak ah a in chei that dan tur ah pawh nangman iduh dan ang thlap in itih tir dawn ania, ka remruatna chu ipawm mai em? nuisang chuan a rawn ti a, kalo thaw huai thei.






Nitin ka in hlawh chuan ka mamawh leina tur bakah midang te ka tanpui thei bawk anga, pawisa ka thawh chhuah hunah chuan tar chak lo te intih hlimna hmun ah ka hruai thei tawh bawk anga, ka ngaih tuahna vang chuan ka nui chhuak var var a.







" Angel home kan din a bul kan tan tak tak hunah chuan engkim ikut ah ka dah tak tak dawn ania aw, diktak chuan home din ka duh na chhan lianber chu nangmah hi inia" Rinzam-in a rawn tih leh chuan kalo nui sak a.






"Thil tak tak itidawn a, engtin nge kei hian saw home saw enkawl se mintih a?.






" Angel engvang in nge ka ngainat a ka rin em em chhan che hi ila hremiah lo ami?. Nang hi ilandan ang mihring hi inilo tih ka hriat chian em che vang ani, thil engmah hi ka zawt duh lo che a tul itih hun ah chuan minla hrilh mai hun kalo nghak chauh ani" thutak fe chuan a rawn ti chhuak phawng a.








Rinzami hian ka thil tih mek hi alo hre vek ani thei angem? Hria nise tinge engmah a sawi lan ngai miah loh le? Duh leh mamawh ka neih a piang ihe lo in min pe nghal zung zung a, ka mamawh miah loh thil chen in min pe thin.







Ka pum rawn ri ruk ruk chu Rinzam-in a hria ang tih ka hlau ngang mai, zingkar atang engmah kala ei miah lo tih a hriat chuan min hau leh nasa dawn si a.







Rinhlua pawh in vawikhat mah min rawn be ta miah lo a, mahse ka hlim phah chuang miah lo, ka hmuh phak loh a a awm hian ka zawngruai thin a Ka bul hnai a a awm lah in hreawm ka ti viau zel bawk si.







Zanlam ah Hriatpuia nen inhmuh kan tum a, tunah chuan an nupa inkar kehchhiat dan tlem a zawng ka hre tawh a, keima finna leh remhriat na ringawt chuan an nupa inkar kak zau tawh tak siam that dan tur ka hre hauh lo, mahse Pathian rawn chungin ke ka pen thin a. "Lalpa solomona hnen a finna leh remhriat na ipek ang kha midang te ka tanpui theih nan finna leh remhriatna min pe ve rawh" ti in ka tawngtai fo thin.







Ka thil tih mek hi thil awlai tak ani miah lo a, mipa rui chhe tak tak khawilai hotel emaw a zankhua a han awmpui te chu kei hmeichhe chaklo tak tan hian a him hlawl lo. A chang phei chuan ka thianghlimna te hi ka hlauh ve lek lek hial thin.







Mipa ka kawm te reng reng hian ka lak ah thilduh an nei vek a, chu chu sex ani. A then te chu thu hmang in ka hneh thei lo a, kut ka tawrh phah chang pawh a tam ngang mai.







Ka rawngbawl hna thawh mek hi, mihring chakna ringawt a thawh theih rual anilo a, mahse ihma ah ka ding zel ang tih min tiamtu Pathian vang liau liau in vawiin thleng hian buaina liantham em em tawk lo in kala kal ve bek bek zel chu ania.






Chhunlam ah home siamna tur in sa in nitin ka buai nileng ve thak thak zel a, zanlam ah erawh ka hna ngai thawk in ka vak chhuak reng a, Rinhlua ka hmuh loh na chen pawh chawlhkar hnih a liam tawh a.







Kan inhmuh hnuhnung ber khan nasa tak in min ankhum chiam anih kha, khatiang khawp a ka lak a a thinrim phah na chhan tur awm ang thil tih pawi ka neih ka hrelo a, Rinzual-in kan inbiakna chungchang vel dawt phuah chawp hmang in alo hrilh anih ka ring ta ber a.







"Nang hi katan hian eng ang fakau a pawi mawh nge inih? Tun atang chuan nang hi katan mithi ini tawh, he ka nun atang hian kalbo vang vang ang che ihmel hi ka hmu peih thlawt lo, engang ah nge ilo in ngaih ve a? mihur vak rawlai mai mai ini tih hi ka hriat dan che chu ani tih hi theih nghilh miah suh" min ti thlawt anih kha.







Minduh ang ngei in, khami ni atang khan Rinhlua chu hmuh loh hram hram tum in ka pehhel ta char char ani... Ka mipa hmangaih ber in min kalsan tak tak ta tih ka hriat rual khan ka na takzet, biak inah zanlai ah kal in khawvar thak thleng in ka tawngtai a, Pathian lakah ka vui phah hial nghe nghe anih kha.






Ka mipa hmangaih ber kiang a ka awm theih loh vang hian ka chhungril hi a chau ve hluah hluah thin, a chang chuan Rinhlua lak ah hian ka thin ur hle thin bawk, min duh tak tak anih chuan tu chiah nge ka nih hi hriat chhuah tumna anei miah lo hi ka hua, a duh hun hun ah tawngkam chhe tak tak in min tawng khum reng a.







Chhunlam ah hnathawk te lo pui in cement plate ruak chu kalo lak sak ve zel a, fiamthu te thawh in kan nui ho leh dar dar thin a. Hnathawk zing a mi, min fiam peih deuh maduha chuan "Uzorin iPhone kha chhang vat teh a ri zing tawh emai" min rawn tih chuan ka phone ka dah na lam chu ka pan vat a.






Tun ang hun ah Hriatpui-an min rawn call chu mak ka ti viau bawk..."Tunang hunah min rawn biak kalo beisei hauh hlei nem, enge nita a van pawi mawh awm ve" kalo ti var a.






"A pawimawh chu ani mai ang chu, zorin vawiin chu office kan chawl a ibuai chu ka ring tho na in hmuh ngei che a tul in ka hre tlat a, minrawn hmu hman angem? In thla hrung angreng deuh chuan a rawn ti a.







Hnathawh thawmhnaw nen ka awm a, chutah khawpui daifem ah ka awm daih bawk si, ka rilru chu a buai angreng khawp mai.






" Zorin ka tawng ihrethei em? Hotel kalo book ang aw minrawn hmu hram mai rawh " a rawn tih chuan. "Minlo nghak rawh ka rawn kal ang kati ve ta nge nge a.







Hnathawk ho bulah chuan mi hmuh tur ka neih thu leh tlailam ah pawh ka kir tawh dawn loh thu chu ka hrilh hre te te a, inchhung ah chuan lutin ka in silfai thuak thuak a, ka hnathawh thuamhnaw chu thlak in Hriatpuia hmu tur chuan ka chhuak nghal a.







Ka kal hnu chuan ka hnunglam atang a hnathawk ho in ka chanchin an sawi ri chu ka hre pha reng. A hmel that teh lul nen adict mai mai a tan chuan a uih awm e, pakhat chuan a rawn ti a. Kei chu a bul a awm kha nuam kalo ti viau a sin, an sawi ang em em a hmeichhe thalo chu ani in ka hre miah lo, hna kan thawk ho rei ve ta viau a zahawm ruk na riau hi anei tlat ania a lo ti ve bawk a.







Thui fe ke a ka kal hnuah bus stop ka thleng ve hram a, bus chhungah ka thufel chiah tih in Hriatpui-an min rawn call leh a.
Rinhlua hotel berkher a inhmuh a rawn rawt chu ka phurlo ngang mai, nidang ah pawh Rinhlua hotel ah chuan kan kal fo a, tun a tak a kal Ka hreh ta viau pawh chu thilmak ani hran lo, ka hmel hmuh a duh tawh loh thu kha min hrilh Chiang viau tlat a.







Hotel chhunga ka luh chuan kalo hlauh ang thil engmah a thleng lo a, Rinhlua hmel hmuh tur a awm lo hlauh. Muang chang lo in Hriatpuia minlo nghah na lam chu ka pan ding nghal nalh a, ka hmel a hmuh rual chuan.






"ka rin ai daih in irawn thleng hma! Tun ang hun a rawn tih buai che chu ka hreh viau na in tukin khan kan nu nen kan inhau chiam a, in then hial a duh a, ka mangang in ka rawn be tawp che" minlo ti bawrh bawrh a, a hmel ah chuan a mangang tak tak hle tih a hriat theih.







"Zorin minhmuh ang hian kum sawmthum em pawh kala thling lo a, kan nu nen hian nulat tlangval kan hriat tirh a tang in kan inzui tawh a, kum kha leh chen kanlo inzui tawh a vawikhat mah inhauh buai pawh kan nei ngai miah lo, tun ah pumkhat ah in siam in kan inneih na pawh kumkhat awrh chauh ala ni a, hetiang a in then leh ringawt hi chu a dik thei thlawt in ka hrelo, engtin emaw tal minpuih ka ngai ania" rilru hah hmel zet chuan a rawn ti leh a.







"Chutiang rum rum a thil a thleng chu enge a chhan awm ang hriat inei em? Kei tih loh hmeichhe dang kala hmu miah lo iti bawk sia" hamhaih zet chuan kati a.






A lu chu a tuai thuak thuak a. " Zorin kan nu hian kan pahnih chungchang hi a lo hria a, engtia hre chhuak nge anih chu ka hre hauh lo. Kan hriat ang in kan inkar ah hian thilthleng engmah a awm lo a. A tir ah kha chuan nang hi mutpui che ka tum tih chu kapha hauh lo, mahse van neih thlak tak in nangmah kher hi ilo nih vang in uire na sual ah ka tlu lut ta lo hlauh zawk a, kan chungchang ka nupui hnen a thlen tu hian a Leila zawng in thu a sawi thiam hle anih a rinawm kha tiang em em a kan nu thinrim hmel kha kala hmu miah lo" a tih chuan.







"I nupui chu keiman ka biak angai anih chu, Pathian hmaah thu Inlo tiam tawh a, inthutiam te kha chutiang mai mai a sut leh a rem tawh hlei nem, nangpawh in idikloh na ihre vek tawh a inupui hnenah pawh ngaihdam dil la, engkim tithei Pathian neitu kan ni a, in nupa inkar chhiatna bulber faneih te chu Pathian in rem atih phawt chuan engmah tih theih loh anei reng reng lo" ka tih chuan a hmel chu a rawn eng sawt sawt nimai hian ka hria.







Tlailam dar hnih rik dawn ah hotel atang kan in zui chhuak a, Hriatpuia te inah chaw ei a anupui titi pui tum Ka ni a, hmundang ah kal tawh loin an inlam pan nghal mai kan tum avang in a nupui pawh ka chaw eitur pawh a hrilh lawk sa lo a, zinglam ah an boruak a lo tha lo deuh nen a be hreh deuh ni in ka hria.
Room atang chuan Hriatpuia nen chuan kan ti ti chhuak bawrh bawrh a, mitkhap kar leka tui vawt lutuk a min rawn theh thawt tu hmeichhia nen chuan kan in hma chhawn ran a.






"Bawihi engthil nge itih hi? Hriatpui-an a rawn tih thawt vang chuan ka in ngaihtuah harh zawk thei.





" Nangnu hi maw ka pasal minlo tawmpui tu chu?, nang hmeichhe bawlhhlawh lutuk vang hian kan nupa inkar thu hi a chhe vek tawh a sin" ti chung chuan ka hmai ah chuan min rawn ham bawrh bawrh a.






Kan thawm a rin em avang chuan hotel chhung a lo awm ho leh hnathawk te chu kan awmna lamah chuan an rawn tlan khawm tuau tuau a.






"Ka pasal hi zakmiah loin helai hmun ah hian nuam ilo chenpui ve ngam a maw?, ti chung chuan a rak chiam chiam a, Hriatpuia chuan duh tawk tur chuan a nupui chu a lo hrilh ve mawlh mawlh a, a kawng ah chuan pawm in min sawisak na lak atang chuan a pawt sawn thei hram a, ka hmai ah chuan a tin seitha zet chuan min rawn ham leh hram a...cont