PASTOR FANU BY Ramdinsangi_Ralte (Completed)

[Ngaia]

Hriatpui-an a manbehna atang chuan rawn tal chhuak leh in min rawn pan ding leh nghal nalh a. Tui a min thehna bucket chhuat a lo let bal chu chhar in min vawm nan arawn hmang zui zat a. A chetdan chu rapthlak ti lutuk chuan kalo thlir mawl tawp.






A pasal in duh tawk tur a alo khap ve na pawh chu engah mah angai miah lo.."Lo ngawi hmak rawh ka hmel hi hmuh leh iduh anih chuan ngawi reng khan minlo en mai mai rawh, he hmeichhia hi zirtir na pek deuh hlak angai anih hi" ti in a rak chiam chiam a.







"Nang hi pastor fanu mi pasal kawp hrat deuh kha ini tiraw?. Ipa pastor chuan in thu tha a hrilh ngailo che ami? eng ang pastor nge anih a? mi nupa inkar tihbuai ching fanu neichungin pulpit tlangah Pathian thu asawi dur dur thin ami? kan nupa inkar ah hian engvang a rawn inrawlh ngam phiangsen nge inih? kei chuan hmeichhe dang ang mai mai in ka en liam ve hauh lo ang che" ka hmai a min kawk sawk sawk chung chuan a rawn ti leh sak sak a.







Hriatpui-an..."Zorin min ngaidam rawh! Keima thiam loh vek ani hetiang thil hi athleng ang tih rin ngaihna pawh kalo hre hauh lo" hreawm ti lutuk hmela min en chung chuan ati sup a, a nupui lam chu hawi in. "Lalmuanawm minrawn zui nghal rawh" a ti chang fak a.







"Nang mi bawlhhlawh pa, khatiang khan min ko miah suh, nang uire khan ka hming hi ilamrik ka duh lo, ka ten lutuk che ka hua che Lalhriatpui engtin nge he hmeichhe dukdaklo lutuk lak ah hian min phatsan theih zawk? tap pur chung chuan a ti leh chiam chiam a.






He hmeichhia hian engvang a amah in enfiah hmasa zet lo a a pasal hi dem chiam chiam ringawt nge anih?, nupa an ni a, nau a lo paithei lo anih pawh in a pasal lakah hian zep tur a ni miah lo, nupa in an sawidun anga a tul anih leh fa te pawh anla mai tur ania, a pasal in hmeichhe dang lak a fa neih mai a duh hial na chhan bulpui ber chu a mah vek hi ani reng sia.








"Bawihi titeh helai hmunah hian midang te ennawm kan siam sak ani ringawt alawm, inah haw ila tha takin kan sawi ho dawn ania, helai hmun hi thil zawng zawng sawichhuahna hmun tur ani miah lo, zorini hi ingaih ang mihring kha anilo ania, a lak a ichet dan mawilo tak vang khan ngaihdam dil ang che" dam deuh zawk chuan a rawn ti a.







"Lalhriatpui he hmeichhia ka pasal minlo tawmpui tu thla vang hi ila hauh ngam cheu a maw? He mihurnu hnenah hian ngaihdam ka dil ang maw? A teuh lo ngaihdam ka dil lo ang, engtik ah mah he hmeichhe bawlhhlawh hi ngaihdam ka dil dawn lo, he hmeichhia leh keimah ah hian iduh thlang rawh. A ni nge kei hi iduh zawk? aw rawl tawp chuan a rawn ti chiam chiam a.







Hotel chhung a awm ho leh staff ho chuan minlo thlir thup a, camera a kan thla lola tawk te pawh an awm bawk a, ka thil tawn teh nuaih vang chuan ka zak hluah hluah a, Hriatpui-an "Lalmuanawm duhtawk rawh ka sawinawn tawh dawn miah lo ania aw, ka dawhtheihna atlem tawh hle ania, vawikhat chiah ka sawi nawn leh ang! duhtawk tawh rawh" vin lutuk a arawn tih chuan Muanawmi chu a thinrim zual ting nimai hian a hriat a.







A pasal in alo khap a piang in ka lakah a rawn tuan nasa zual sauh zel a, ka hmai te chu min ham na avang in a pem nen nuan a ka mittui tla chu ka hmai khem ah lutin ala thip em em zui.






Chulai hmun a ka awm rei poh leh ka tan zahna khua a sei ting dawn a ka hriat vangin hotel chu chhuahsan vat ka tum a, ka bul lawk a Rinhlua leh a bialnu Rinzuali lo ding ve reng ka hmuh vang chuan, ka zamna an rawn belhchhah in ka khup te chu a zawi zo vek ni mai hian ka hria.







Ka kawrfual hak chu tui a min thehna vang chuan ka taksa ah a bet thlar a, Rinhlu-an ka mitah tak min ten hmel lutuk a min melhna chu ka en rei ngam thlawt lo, Rinzuali chuan min hmusit leh nuih zat tih hriat fe chuan minlo nuih sawng bawk a.





Rinhlu-an midang ho te chu thilthleng a vang a ngaihdam dil chung in kalsawn tawh tur in a ti a, nichin lawk a thil thleng kha thla lola in awm nual a khawngaih in media lam ah min theih darh sak lo hram tur in ka duh bawk che u, chubak ah mi nupa inkar buaina thil ani a khatiang thilthleng thla inlo lak kha thil tul ani chiah in ka hrelo, ngenna leh thupe aw zet a atih pawh chu ka hre reng.






Hriatpui-an muanawmi banah kai in a kalpui dawr dawr lai chu mittui tling pam chung in ka en reng a, ka lam rawn hawi leh in "Zorin ka rawn bia ang che, min hrethiam rawh, hetiang thil ichungah a thleng hi ka inthiam lo tak tak ania" a rawn ti tak ang tawk tawk a.







"Nang mihurnu kha, ka thusawi kha ilo hre reng dawn ania, ka pasal hi vawikhat te pawh ilo hnaih leh anih chuan kei aia rapthlak hi an awm lo ang, Tenawm nu ka thusawi kha lo hrereng rawh" a la rawn ti tuar tuar a. Rapthlak katih em vang chuan chechang lek lo chuan Hriatpuia te nupa hotel chhuahsan lai chu ka thlir ngawt ngawt a







Hotel chhung a rawn lut thar ho chuan "engthil nge thleng a? ti in hriatchak hmel tak chuan an in be sur sur hlawm a..."Saw nu sawn mi pasal hotel chhungah hian alo tawmpui a, a nupui in a rawn phawk anih kha, sawtiang hmeichhia saw chu damreng tlak pawh an nilo" tih thu chu ka beng ah hian a rawn ri nuaih nuaih nimai hian ka hria.






"Duhtawk rawh u! Khawngaih in duhtawk tawh rawh u"!.. Hotel chhung khawk rum rum khawp a ring chuan ka au a, ka thiltawn zawh tak chiah vang pawh khan hreawm ka ti tawk tawh. A engthil mah hrechiang hleilo a, ka bul vel ami ten ka chanchin thalo tak tak a anlo sawi chu ka beng ah hian a ri nuaih nuaih nimai hian ka hria.






"Kha hmeichhia kha ka hotel chhung atang hian thehchhuak nghal rawh u, ka hotel chhungah hian buaina ka duh hauh hlei nem, nidang ah chuan he hotel a rawn thleng tur te reng reng fimkhur leh zual in lo endik tawh ang cheu, khawlai hmeichhia mai mai vang a ka hotel a hming hliau hi ka duh miah lo" chang belbawl a ti in security ho chu Rinhlua chuan arawn vin tuar tuar a.






Aw rawn chhuah nalam chu hawi in, tun a ka chanchin hmusit lutuk a rawn sawi tu Rinhlua chu rilru na lutuk chuan ka melh tlawk tlawk, tunthleng hian ka lak a arilru put hmang a thlak danglam tak thut chhan hi kala hre lo a, a mithmuh a inlan tawh lo tur a min hrilh chian teh lul nen, a hotel ah en nawm ka va siam leh chu ania.






Khawdang hawi miah lo a rum lutuk a minlo melh run tu chu, ka huaisen na zawng zawng sawmkhawm in mittui tling pam chuan ka nuih lui sak a. "Khawlai hmeichhia maw? Keimah leh keimah chu ka inzawt sap a.





Khawdang hawi miah lo chuan rum lutuk hian min rawn melh ve run a, Rinzual-in a bengbul ah a va hrilh ruk zauh hnu lek phei chuan min rawn thah mai duh hmel hi a pu tawh a.





"Enge inla tih reng a? He hmeichhia hian ka hotel chhungah hian enge ala tih ve reng a? Vin lutuk a ka mit a en ngur chung a arawn tih nawn leh tak ah chuan, hnathawk ho pawh chu keimah ang tho in, an pu awrawl keipui thinrim hahum ang mai a ring vang chuan an phu ve dawrh hlawm a.







He pa hotel ah hian englai mah in kal ka duh ngai reng reng lo, he pa hian ka zahawm ve na te hi min dimriam sak ani, he tiang em em a ka chung a nungrawng tur hian a eng pawi mah ka sawi ka hrelo, englai pawh a rilru in thlak zut reng mihring kalo hmangaih hi keima thiam loh liau liau ani.







Hotel atang chhuah vat tum in ka kal ve ngei a mahse ka ke te hian min zo lo nimai hian ka hria, Security pahnih chuan ka zak leh zak ah rawn la in hotel chhung atang chuan min hnuk chhuak dawr dawr a.







Hotel kawt ah chuan min vawm chhuak hi ani ber mai, leiah chuan mi â ang mai in ka thu sawp nuaih a. Hmuhsitna te sawichhiatna te ka tawn chang hian, mihring vetho ka nih vang hian he ka chhungril hi ana ve ngawih ngawih thin a sin!...tun mai ah pawh khan Rinhlua tawngkam khan nasa tak in min hliam ani.







Ka rilru in Pathian ka au a, kawng a kal te chuan maktih hmel zet a min rawn enzui na pawh chu engah mah ka pawisa lo, zorinsangi hian he tiang zahna hi chu a tawng hnem tawh lutuk.





"Zorin inti chak rawh hetiang thil te lek lek a ikehchhiat mai chuan. Engtin nge midang te itanpui theih ang?! Keimah leh keimah chu ka infuih mawlh mawlh a. Reilo te hnu ah rilru fim ka pu ve leh thei hram a.






Rinzami te hotel Ka thlen chuan ngawi reng in a office lam ka pan a, inleng a lo la nei zui...Engmah ka sawi ve hma hauh chuan.







"Zorin ka room bik ah khan minlo han nghak rawh, ka rawn chho mai ang" ngaih that loh hmel fe chuan minlo ti a.





Engmah sawi chhuak lo mahse a hmel ah chuan a phawk lek nasa tih a lang reng, ka kawr huh hnuang leh ka hmai khem nuan te chu chik zet hian a rawn en vang vang a, inleng pawimawh tak a neih vang in a in control hram hram chauh ni in a lang.






Darthlalang hma a ka hmel lo lang chu ka en a, ka lung hi a awi hlawl lo...Vanneih thlak lutuk in ka sam ah min kek lo hlauh zawk a. Ka hmel hi tih chhiat vek atum niber in ka hria ka hmai ah hlir min ham dan ah. Zep loh chuan Hriatpuia nupui kha lo khinglet duh ila chuan hetiang em em hian min nghaisa bik hauh in karinglo, khatiang khawpa athinrim lai a thiamthu lo sawi khan kawngro asut teh chiam ka rin loh vangin, arilru damna anih dawn phawt chuan tiin ngawi reng a lo dawh tawp kha kani hrim hrim a.







Mahni in khawngaihna bawk chuan min hneh leh ta nge nge a, chhuat ah chuan thu sawp in ka tap char char. "Lalpa engtik hunah nge he ka rawngbawl hna hau tak zet hi ka chawlhsan ve dawn? kei hi chu eng ang pawhin minlo sawi rawhse pawi kati lo, keimah vanga ka pa hming mawilo taka arik angaifo hi ka tuar thei thlawt lo, Ka mihring pui te hma a zahna ka tawn zozai hi a nasa zozai tawh emai" ka tap a ka tawngtai bawk a.






Kawngka rawn in pawt hawng thuai ah chuan Rinzami thlabar hmel lutuk chu a rawn lang nghal zat a...."Awi ka duh theilo zorin engthil nge thleng a? I hmai kha a khem fai vek a nih kha..tunge hetiang thil hi ichungah thlen tir a?.





Zawhna hlir chu a Ka atang hian a rawn irh chhuak mawlh mawlh a. Ka hma ah chuan a rawn thu sawp ve nghal nuaih a, ka hmai pilh thip zet chu a kut nem thep chuan chul in min chhem sak hauh hauh a "I kawr pawh a huh vek a nih hi" min bia pawh ni chiah lo chuan a rawn ti chhuak sap a.







Ka rilru na lutuk vang chuan ka tawng chhuak mai thei lo, ka kawchhung ah hian min hnawh tup tup a, Rinzami ka hma a thu chu ka kuah thlawp a chhuak lutuk chuan ka tap zui hawm hawm a.






"Ka thei tawh lo, enge kei hian tih sual ka neih? An pasal ten nunkawng diklo anzawh avang in, kei hian kawngdik anzawh thei nan kawng dik ka kawh hmuh sak mai chauh ani. Kei hi mi tute mai pawh hian mi hur ti in min an khum reng zel a, mihur nitur hian tu mipa fakau nge kalo mutpui thin a?, mihring vetho ka ni a tinge tu te mai pawh hian ka na ve thei a, zahna chang ka hre ve tho tih hi min hriat thiam pui ngai miah loh?.






He thil hi ka ti thei tawh lo ang, zamte ihria em? Kei hian ruihhlo ngaite sual in a phuar beh mek te chhanchhuak a, belhtur diktak Krista anpan theih nan vakvai turin kan in chhung ka chhuah san a sin, mite chuan pastor fanu awm tha duh lo hmeichhe tenawm ber ah min ngai vek a, ka kalna hmun a piang ah min kawh rawn luai luai thin.








Mite minsawi danah ka buai ngailo, mahse vawiin ah hian ka chungah enge thleng ihre duh em? Kha hmeichhia khan tui a mintheh hnu ah ka hmai hi a tin hriam lutuk khan a ham chiam a, min khawih duh tawk lo in an chhe tinreng in mi tamtak hmuh lai ngei in min an khum a sin, mi pasal kawpching hmeichhe hur a tih hian a pasal in kawng diklo a zawh tur ka chhanchhuak tih a hre hauh lo.






Tinge kei hi buaina suamtu leh hnawk sak ka nih reng bik a?, tumah hian ka nihna diktak hriat chhuah tum lo hian ka hnunglam a tang min kawh rawn luai luai reng a? zamte vawiin hian ithiannu hi ka kehchhe ve tak meuh meuh a ni" tap hlap hlap chung chuan ka ti a.







"Zorin he rawngbawl hna ithawh mek hi ka hriatna arei tawh lutuk, engmah min hrilh loh vang hian ka zawt buai duhlo mai mai che alawm...Zorin min han enteh, keihi irawngbawlna in rah a chhuah te zing ami ka nih hi, nang hi tawnglo che ila chuan ruihhlo vang khan ka thi tawh ngei ang chu. Awmpuia te kan thian dang zawng zawng te pawh kha, anvai chuan nivek lo mahse tumah rui chung a vak rawlai mai mai an awm tawh lo. Chu ringawt pawh chu itan lawmna tham chu a tling tawh hrim hrim lo ami? Tinge hetiang a ibeidawn ringawt a? Beidawng lo in sangtak ah thlawkin i chakna kha siam thar leh rawh" Rinzam-in min rawn tih chuan ka thinglung ipik lutuk chu chhum chhah tak thlipui natak in a lenbo ta duak ang mai hian ka thawl ta hawk a.






Ka rawngbawl hna hautak zet hian rah duhawm tak a chhuah ani tih ka benghriat a Rinzam-in a sawi chiah khan, keima lam ringawt ka lo in Ngaihtuah ani tih ka hre thar ve leh chiah.
Sual hian mahni in khawngaihna hmangin minlo bei reng tih hmuhfiah tir in ka awm a, ka thutna atang chuan tho chhuak in, ka bana ka sana bun chu ka melh zawk a.






"A lo va tlai tawh ve, chaw ei a min sawmtu an awm a, ka kalvat angai in ka hria" Rinzami hnen ah chuan ka ti chhuak hliai a.





"I chiang chiah maw? khatiang hmel khem nuan chung khan chaw eichhuah ila tum a maw? Ihmai te kha kan enkawl vat loh chuan a ser hlen mai ang, chhuak rihlo mai rawh" min ngaihtuah zet a Rinzam-in mintih chuan kalo nui sak a.






"Ka hmai te chu lo ser neih nuaih mahse enge pawi vak? lanmawi duh viauna chhan tur bialpa ka nei chuang bawk silo a, tak tak in vawiin tlai ah hian ka hna thawhlai hi chinfel law law ka duh a, zanlam ah kan inlam ah ka haw bawk ang" ka tih chuan Rinzami chuan mak tih hmel lutuk chuan phawk fahran hian minlo en a.






"Ka hresual chu ani em lo maw? In inlam ah chuan haw itum takzet amaw? a rawn tih chuan tawngkam a chhang lo chuan kalo buk khum zauh a.






" Ka chhungte rilru tina reng chung a rawngbawl hna kalo thawk reng hi thil at thlak tak ani, a hma zawng kha chuan ka chhungte hian ka hnathawh hi an hriat Ka hlau em em a, midang in ka hnathawh an hriat ai chuan addict leh hmeichhe hur herh tak nih pawh ka hreh ngai lo. Naktuk atang chuan kan inchhung atang in he hna hi ka thawh chhunzawm tawh dawn ani" mahni in ring tawk lutuk chuan ka ti chhuak sap a.






"I ti takzet em? ngaihtuah na fimtak pu chungin engkim tih tum hram ang che, i chhungte kiang a ikir leh tluk a thil duh ka nei miah lo ania, engpawh chu nise ihmai pem kha damdawi kalo hnawih hmasa phawt ang nula tan hmai ser nengnung a awm a tha miah lo ania" a ti nghal bawrh bawrh a.






Hriatpuia biak ka tum lai mek in a mah zawk in min rawn call hlauh a..."Zorin zanriah irawn eitur kha ilo cancel em lo ang chu maw? a rawn ti sup a.





"A teuh lo mai, khatiang boruak mai mai in zorini hi ati buai phalo, inupui chu a la thinrim viau lo maw?" Ka lo ti let vat a.






"Engmah kala sawipui lo, hotel a tang kan kir hnu khan room ah ala inkhung char char, nangmah ngei in titi pui la a that zawk ka rin vang in engmah kala sawipui lo, ihmai vel kha pawi ka ti lutuk a nia aw! Nupui zawhte ang mai a miham ching ka nei tih kalo hre miah lo a" a rawn ti duah a.







"Amak e, zorin nichin lawk ah khatiang khawp khan anlo sawisa tawh che a, tunah an inah a mah hmutur a va kal leh chu ila duh talh a maw? Mi â let der tan loh chuan ithil tih tum kha thil tih chi ani miahlo ania aw, alo sawisa leh lo ang che tih asawi theih loh, ihmel atang khan hmeichhe rapthlak lutuk ani tih achiang reng sia, alo khawih leh mai ang che" Rinzam-in min tih chuan "At alo ngai ta anih leh ka â mai aniang chu, minring rawh, hotel a mintih ang mai mai kha chuan ka chungah kut chu a lek bik tawhlo ang" ka ti sap a.






Khang thil thleng zawng zawng te kha Rinhlua hotel chhung a thleng ani tih leh. Rinhlu-an a staff te hotel chhung atang min theh chhuah tir tih chu Rinzami kiang ah hian ka sawi ri ngam lo hrim hrim, thil thleng tur ka hre chiang sa vek.






Hriatpuia te in awmna ka hriat sa tho vang chuan minlo hruai a tum pawh chuan kalo hnial a, an in ka thlen chuan a nupui hmel hmuh tum in ka zawng rilru deuh a, Hriatpui-an room lam ah a la inkhung reng tih a mitmei hmang a min rawn hrilh chuan..."Ka va lut mai dawn asin" kalo ti vat a.





"Rawng kalo bawl ang, ka rawn luh ve kher chu angai lo tak tak maw? Engtin emaw alo ti leh palh thei che a, kha ihmeltha lutuk pawh hmuh tlak loh khawp a a ham khem nuan tawh kha" nui suk chung a arawn tih chuan.






"Hotel ah kan awm tawh loh hi, hotel ah kha chuan midang te tan en nawm kan siam tam mai mai dawn tih ka hriat vang in, innu min khawih na kha kalo dawh tawp anih kha, tunah te chuan min khawih leh han tumna teh se ichhan ngai khawp in ka sawisa ve tawh ang" ka tih chuan a nuih a zat hmel ngang mai.








"Kala hmangaih si a, ka hnenah thlamuang tak a a awm leh theih nan theih tawp min chhuah sak rawh aw zorin" a tih chuan kalo buk khum zauh a.






Bedroom kawngka chu ka kik hmasa te te a, chhunglam a tang eng thawm mah a rawn awm tak mai loh vang chuan, Muanawmi (Nute ti in an ko thin) chu ka rawn lut dawn ania ka ti hmasa leh te te a....room chhung ah chuan muang chang chuan ka pen lut a.







Room chhung zawng zawng chu thuamhnaw leh thil chitin reng hian a lo hnawk khat vek, Nutei chu khumah chuan sam thur bum hian a lo mu kawm ngal a, an nupa inkar a inhmuh thiam loh na awm mek siamtha tur hian engthil chiah nge ti ila tha ang tih chu ka ngaihtuah a.







Khum lam pan chuan ka kal phei a, khum ka thleng hman tep tawh tih ah chuan " Chhuak rawh ka hmu peih lo che kati ani lawm ni" vin lutuk chuan a rawn ti a.






"Unute keimah ka nia, zorini kha khawngaih in kan inbe lawk thei angem? Ihnen ah hian sawi tur ka ngah khawp mai" ka ti sap a, ka aw a hriat rual chuan rang lutuk chuan khum atang chuan a rawn tho chhuak a.






"Nang hi engtin nge kan room ah hian irawn luh ngam zawk a? Zahna chhete tal pawh inei ve lo ami? Chhuak nghal rawh nang mihur thusawi hi ka ngaih thlak na tur chhan ka hrelo, chhunah khan ihnen ah khan enge ka sawi kha? Ka mithmuh ah leh ka pasal mit hmuh ah hian rawn inlan tawh lo tur in ka hrilh chiang viau tawh che in ka hria" thinrim aw khur hlawk hlawk chung chuan minti a.







"Chutiang mai mai a kalsan che chu ka tum bik hauh lo mai, nang hian thil ihriat sual ani, ipasal hian vawikhat mah a la uire san miah lo che, naute chung chang ah in nupa inkar ah inhmuh thiam loh na inneih thu pawh Uhriatpuia ka atang in kalo hria a, nau ipai theih loh thu a lak a izep vang khan a rilru ana em em a, zu pawh a in phah ta chiam ani kha. Nupa chu pumkhat inni tawh a, Pathian leh kohhran ho hma ah. A nuam ah leh a hreawm ah pawh hmangaih a invuan tawn tlat tur in thu Inlo tiam tawh a, nupa inkar ah reng reng thuruk a awm tawh chuan engmah hi atha tak tak thei tawh ngailo.







I pasal nen hian mipat hmeichhiat na lam hawi zawng in vawikhat mah kan la in kawm ngal lo. Anih na tak ah chuan kei hi miten min hriat dan ang hmeichhia hi ka nilo a, Ruihhlo ngai te hmeichhe humsual dai tawh te, uire na sual a tlu thin te chhanchhuak a nunkawng dik anzawh theih nan a tanpui thin tu mai kani.







Vawiin ah khan Uhriatpui-an in nupa in hauh thu leh inthen hial irawt avang khan, amang an em vang in min rawn bia a, hotel ah khan thil dang engmah kan ti lo, ipasal hian a hmangaih lutuk che a chan che hi a hlau ngawih ngawih asin, engtin emaw tal ka puih theih tak mial in ti a min rawn phone a ni a, zanriah rawn ei pah a titi pui tur chein, in inlam rawn pan kan tum lai tak in khatiang thil Kha a lo thleng ta thut sia.






Unute khawngaih in in ngaihtuah tha leh hram rawh, nangpawh hian Uhriatpuia hi ihmangaih hle tih ka mit ngei in kalo hmu tawh a, hmeichhe fingtak ini a, ipasal hi Hmangaih hle lo la chuan hotel ah khan khatiang khawp khan min rawn an khum duh ka ring miah lo, midang te hmuh lai leh nghal ngat phei chuan, ipasal ihmangaih na khan khua a hmuh tir thei lo mai zawk che ani" ka tih chuan khum ah chuan a thu thla hnawk a.






A tir ah chuan ka thusawi chu rin mai harsa ati hle a, mahse thudik a nget ve theilo anlo tih ang ngei in a tawp ah chuan ka lak a a khawsak dan mawilo zet vang in ngaihdam min dil thlap a, hmeichhe fing leh in ring tawk tak khan a pasal a chan dawn ni a a hriat avang khan, eng ngaih tuahna fim mah a neih tir thei tawh lo a, midang te ngaihdan tur ngaihtuah miah lo in kha tia rawn che chiam kha alo ni tak tak a.








"Bawihi zorini nen kan inzui thin tih hi engtin nge ihriat chhuah a?" U Hriatpui-an a rawn tih chuan sawi hreh hmel deuh chuan a kuttin chu a kheuh nauh nauh a.






"Vawiin a hotel a inlo awmna neitupa bialnu Rinzuali khan min hrilh a, a tirah chuan min fiam mai mai anih ka ring a, mahse in pahnih awmdun lai thlalak thleng a a rawn neih tak zel ah chuan ngaihzawng dang min neihsan anih chu ka ring ve tan a. Rinzuali khan a bialpa thleng a izarbuai thu leh hmeichhe hlauhawm tak inih thu min hrilh tawh a, vawiin ah khan a bialpa hotel ah ka pasal nen in awmdun thu min rawn hrilh vang in thinrim eng phiar in ka rawn kal a, ilak ah mawilo takin khatiang khan ka rawn che ta chiam anih kha, zorin min ngaidam hram rawh ka thil hriatsual vang in ihmai zawng zawng a khem phah vek a" a tih chuan.





U Hriatpui-an "Bawihi ikuttin kha tan nghal vek ang che, zorini ang a hmai khem nuan a awm ka duh ve hauh lo ania" a rawn tih chuan kan pathum chuan kan nui nghek a.








Uhriatpuia te in atang a ka chhuah chuan, zan dar riat a lo ni der tawh a. Rinzami ka be zuai a kan inlam ka pan tur thu leh minlo tawngtai pui tur in ka ngen a, zep loh chuan ka chhungte hian minlo pawm leh dawn nge inchhung a ka luh anlo remti dawnlo tih ka hriat loh vang in ka hlauthawng ani.








Ka bungraw dahna hmunah kal in, air bag ah chuan ka kawr tlem a zawng ka khung mawlh mawlh a, ka haw anlo remti lo anih pawh in ritsak lo tur tawk in ka inkhung a, ka taxi hman fo thin driver chu phone in kawngsir ah chuan thaw dep dep chung in kalo nghak a.






"Fapa tlanbo kha chu a pa in lawmtak in a lo pawm a, zorin nang ve hi ichhungte hian anlo la pawm duh che angem? Tih zawhna chu ka rilru ah chuan a ri nawn tluk tluk a.







Kan in kan thlen chuan ka khup te hi a zawi zo leh vek tawh, door bell ka hmeh lai te chuan ka zam lutuk vang chuan ka kut a khur dar dar a.





Kawngka a rawn inhawng rak a, kanu hmel ka hmuh rual rual chuan ka mittui chu ka dang zo thlawt lo, kanu hamhaih lutuk hmel pawh chu ka hmu phe ruai tawh.





"Ka fanu duat nangmah ini tak tak em?. Mama pa rawn kal vat teh, ifanu a rawn hawng a nia" tap aw tiau chuan kanu huan ati chul a. Hman hmawh lutuk a kan awmna lam pan a ka pa rawn pen phei hlawk hlawk te chu ka mittui tlak nasat em a vang chuan ka hmufiah tha thei tawh lo.





Ka chhuah san hnu a anlo tardun tawh zia chu mak kati hial zawk..."Nu pa khawngaih in min ngaidam rawh u" ka ti chhuak thei tawk tawk, kanu leh pa hma ah chuan ka thingthi hnawk a.





An pahnih chuan chhuat ah rawn thu thla ve in min rawn kuah ve ve a, kan pathum chuan kan tap zawih zawih a.






Rei tawk fang tawng lo a kan tah hnu ah chuan..."Pa inhnen ah hian inpuan na tur ka nei a, ka u te ho pawh bia ula invai a inhriat ngai thil sawitur kei hian ka nei a, ka u te ho anrawn hawnkim hunah thil awmdan zawng zawng ka hrilhfiah vek ang cheu, in rilru Ka tihnatna zawng zawng ah khan ngaihdam ka dil nawn leh cheu a, tun atang chuan keimah vang hian zahna in hma chhawn a ngai tawh lo ang" ka tih chuan.





Ka pa chuan "Bawihte Pathian in inu leh i u te nen a kan tawngtaina min chhansak tih ka hriat vang hian kavan lawm tak em, naktuk ah i u te ho chu rawn haw khawm tur in kan phone kual nghal ange", a ti nghal zung zung a.






Note...Tunlai chu ka hul tak meuh meuh ani, story ziah tur reng rengka hre lo...tih beidawn che u ka hlau ve tho bawk si a, a ngaihnawm loh in a nin awm viau ka ring...In comment na te kalo chhiar vek zel a, in mi fuihna zawng zawng te hi tangkai tak in kalo hmang thin ania, he story hi chu love story leh M&B te ang a sexy deuh deuh a han ziah theih ani chiah silo a, inlo nin chu ka ring ve tho mai.

[Ngaia]

Ka nu chuan ka kutah a chelh reng a, zawhna tamtak min zawh tur a nei tih a hmel ah chuan a lang thei. "Nu engmah min zawt rih suh, tunah rih hi chuan izawhna chhang tur in ka chau mah mah hrih tlat, naktuk ah ka u te rawn haw hunah kan chhungkua a kan awm Kim vek lai in in duh duh min zawt dawn ania" ka tih chuan tawngkam khat mah in min hnial buai eih lo reng reng.







"Mate isam kha engtin nge itih a? Khatiang kha chu ipa hian ka ngaina ngai hauh lo tih i theih nghilh tawh ani thei angem? Ka pa in a rawn tih chuan kalo inthiam lo nasa mai.







Ka pa hian ka sam han khawih danglam vel kha a remti ngailo, ka sam min mehkawlh sak hma kha chuan ka zuah sei hle thin anih kha, ka sam a tha a khawih danglam miah loh pawh kha ka mawi pui em em tho kha ania.








" Pa ka sam chungchang pawh hi thuruk ala ni rih ania, ka u te ho chu anrawn haw thei dawn hlawm em? Ka lo ti vat a.







"Haw dawn chiang e, zanin la la hian rawn haw nghal rum rum anduh a, zanthil ah hi chuan tawh sual tawh te a awlsam bik a, ka lo khap dai thei hram hram anih kha, I u zohminga te chhung pawh rawn riah thlak an tum a, anni pawh annu raipuar riva nen naktuk lamah muang mar a rawn kal zawk tur in ka ti a" ka pa in a tih chuan.







"Ubeti a rai a maw? Ka lo ti hliai a. Kanu chuan " Tunthla hi a nau hrin hun ani tawh a lawm, Remrem-an a ngaithei lutuk che a, ibula kal ngen in a nuar ngun khawp mai" a lo ti vat a.






"Ka Lal fapa chu keipawh hian ka ngai thin hle asin, ka van hmuchak tawh tak a lo thanglian tawh viau ang" kalo ti sep a.







Kanu leh pa bul a ka awm leh chiah chuan engmah sawilo a ka chhuah san ringawt kha ka mawlzia ka in hrechhuak rum rum mai, a hma kha chuan minlo pawm duh tawh pawh ka rin loh vang khan ka hlauthawng em em thin a, tunah chuan ka hlauhthawnna zawng zawng te kha lakbo in a awm vek tawh a, keimah vang a an mualpho nasat teh lul nen ka laka thinrim a hnek in minlo lawm em em chu ani sia.








Ka room ah pawh mulo in kanu leh pa te room ah an inkar ah ka mu kak a, khang kum ka hman liam tak chhung zawng ah khan zanin ang reng reng a thlamuang a ka awm hi kala hrelo.







Zing ka thanharh ve meuh chuan kanu leh pa te chuan minlo thawh san ve ve tawh a, tun ang reng a rilru engthawl a ka awm loh na chin pawh ka hrethei tawh lo, vawiin ah engthil nge ka tih anga tunge ka hmuh ang tih ngaihtuah reng reng a ka hmanhlel thin vang khan ka awm thiam lo lek lek zawk.







Room chhung a thingpui leh a hmeh kanu leh pa in an rawn chawilut lai chu nuisang hian kalo thlir ngawih ngawih a, damtak mai a vawiin thleng a minlo enkawl sak tu Pathian chungah ka rilru chuan lawmthu ka hrilh mawlh mawlh a.







"Nu tinge room ah inrawn chawiluh duh kher a? Hetiang te chuan Lal fanu ka ang emai" kalo tih chuan ka pa chuan "Bawihte kan Lal fanu chu ini sa reng a lawm, kan Lal fanu hmeltha tak mutna hmun a eitur pek hi inu nen hian kan thil chak ber ala ni reng a sin" a tih chuan kalo men puai puai a.






Kan pathum chuan thingpui chu kan in ho a, nuam kati lutuk hi sawi ngaihna pawh ka hrelo, khang hun chhung zawng khan tawngkam chhe tinreng a tawngkhum leh kawhrawn ka ni reng thin a, kanu leh pa te duatna aw ri ka hriat a piang hian ka thinglung chhung ril ber hi a hlim veng veng, chumi anih rual rual chuan ka lungchhe hle bawk.







"Bawihte zawhna min zawt hrih suh u itina in ka insum thei tawh thlawt lo, ihmai kha tinge khatiang a awm a, himdam lai reng reng a awm hlei nem? Kanu chuan a rawn ti chhuak phawng a.







Nimin lam a ka thil tawn ka ngaihtuah rual chuan ka hlimna te chu a ral riai riai nimai hian ka hria, unutei min sawisak na ai khan Rinhlua min diriamna kha na kati fe zawk a nih kha.






Min lainat hmel lutuk a kanu leh pa in min en ngawih ngawih lai chu ka melh tawn sek a..." Nu hethil ka tawn vang hian a lawm inbul ah rawn let leh duhna rilru Ka put, min hmangaih em em reng tu nu leh pa leh unau te ka neih reng lai a, midang te hmusitna dawn bik reng ka peih tawh lo a ni ber mai, nimin khan nu pakhat chuan a pasal ka tawmpui ah ngai in kut minthlak chiam pek a lawm" zalo fe a nui chung chuan ka ti a.







Kanu in ka hmuh hlau tak a, ka pa in a kut ahumruh ngawt ngawt a va ban da da chu ka mitsir chuan ka hmu ru reng a, an rilru tur awm ang chu ka hriat thiampui khawp mai.







Tukthuan eikham ah muang mar in ka inbual a, engtiang ang in nge ka chhungte kiang ah thu ka sawi ang, ka unau te hian ka thusawi tur hi anlo awih kher angem? Rinzami ka ngaihtuah chhuak zawk a, ka chhungte kiang a ka nundan diktak ka puan hunah ka bulah lo awm ve tur in ka duh takzet.







Ani chiah hi ka chanchhiat ber lai pawh a min ring a ka thlavang hauh reng thin tu ani.
Ka in bual zawh ve leh Rinzami ka call nghal vat a. "Angel minrawn biak hun kalo ngai chang reng a, engkim a tha vek em? Min ngaihtuah tih hriat lutuk chuan a rawn ti bawrh bawrh a. Thil thlendan kimchang ka hrilh vek hnu ah, kan inlam a zanriah eitur chuan ka sawm ta chauh a.







" Enteh thiani ka zam lutuk tlat, ka chhungte hma a ka awm danthin zawng zawng ka inpuan lai in nang hi ka bulah lo awm ve tur in ka duh che ania" ka tih chuan a lo phur ngang mai.






"Vawiin chu hotel lamah ka kal lo mai ang, ka in siam anga ka rawn phei nghal dawn ania, mahse in in awmna lai ka hremiah lo a minlo hmuak mai rawh aw" a rawn tih chuan kan in awmna lai vel chu ka lo hrilh vat a.







"Bawngkawn irawn thlen hunah min rawn call la gate bul ah kalo awm ang, kawng an lawk ah kan awm a lawm, irawn phei hma thei tur chu ka lawm e, thawk leh khat ah ka nundan Ka thlak thut a ka awm thiam chiah lo" ka tih chuan nui hak hak chung chuan "Ani lutuk ang" a rawn ti lang lang a.







"Mambawih tunge ilo biak a? Ivan hlim hmel ve? in inbiak chhung zawng khan kalo thlir reng che a ihmel te kha a eng sawt sawt a, bialpa te hi ilo nei ve tihna ani thei mai angem?. Ka pa in a rawn tih chuan Rinhlua ka hrechhuak zawk.








Ka pa in bialpa a rawn sawi rik vang mai a ka rilru a Kha mi sualpa a rawn lang ve ringawt chu ka duh lo viau mai, nasa tak a min diriam reng Chung pawh hian a lak a ka rilru put hmang ka thlak danglam thei chuang der silo a, tunah mai pawh khan ka mitthla ah na tak a min tawngkhum lai hmel kha ka hmu leh uar uar tawh.







" Pa bialpa ka nei reng reng lo, ka thian nu zawk ania ka biak, thian satliah mai pawh nilo ka nun a mi pawimawh tak ani...ka kalbo chhung zawng khan min lo tuam hlawm in ka mamawh a piang min tih sak vek thin tu ani, zanriah kan in a rawn eitur in ka sawm a, a rawn thleng har lo ang hetia ka rawn let leh hi min lawmpui viau bawk a sin" ka lo ti thuai a.







"Kan fanu, hmangaih a lo tuam hlawm tu chu hmuh hlan a va nghahhlelh awm ve, a lakah lawmthu sawi senloh kan ba anih chu" ka pa in a lo ti chuar chuar a.







Kanu chuan "Bawihte hman a idamloh lai a rawn tlawh tu che tlangval kha enge a chanchin?, a hming kha ka hrethei mai tawh lo a, tlangval fel tak ani in ka hria" a rawn tih chuan ka lungphu chu a rawn rang nghal zaih zaih a, kanu in a chanchin a sawi mek mihring chu Rinhlua ngei ani








"Nu ka thian nu Zamtei unaupa a lawm anih, khatih lai khan a nau vang in minrawn hmu anih kha" kalo ti vat a.






Rinzami a rawn thlen chuan kan ri chul a, kanu leh pa te pawh in an ngaina nghal hle tih Rinzami an biak vel danah chuan ka lo hrethiam mai a..."Angel hetiang khawp a nu leh pa nei tha hian engtin nge khang hun chhung zawng khan i kalsan theih zawk a? ka bengbul ah chuan a rawn ti sar sar a.







"Mawl viau lo teh ka kalsan chhan te chu ihriat vek tawh kha" ka lo ti var a.






Chawhnu lamah uzohminga te chhung an rawn thleng a, ka u in min hmuh rual chuan engmah sawi lo in min kuah vang vang a..."Mate in a irawn let leh hi thil dik tak iti ania, ilo haw hun nghak hian kanu leh pa te sawn kawngka lam hi an thlir reng thin, nikhat te pawh ilo haw leh hun beisei loh ni annei ngai lo...Enteh kanu hmel a hlimna saw ihmu thei em? Khang ikal bo chhung zawng kha chuan, kanu hmel a nui hmel saw kan hmu ngai tawh lo a sin" ti chung chuan kanu leh Rinzami nui bawk bawk chung a an inbia che a melh vang vang a.







Kan in ka haw leh a tang khan ka chhungte hian vawikhat mah ka ruihhlo tih chung chang an sawi ri lo a, anhnen a ka let leh vang hian minlo lawm em em ani tawp.







Uzohminga leh Rinzami anlo in hresa chu mak ka ti kher mai, "Doctor zorini hi inau a lo ni reng maw? A lo van inhriat loh theih tak inau ani tih lo hre lawk ila chuan tun ai hian kalo ngaihsak deuh zawk tur hi ania" a tih chuan "He tiang bak a in ngaihsakna hi a awm thei tawh lo ang" ka lo ti vat a.







Tlailam darhnih rikhma hretin U tetea a rawn thleng a, ka u te ho nen a kan han inhmu khawm leh chu Rinzami chuan uluk fe hian minlo thlir vang vang a, a hmel ah chuan khawharna ka hmu thei, pianpui unau tumah a nei velo a, Rinzami lam pan chuan ka u tetea chu ka kalsan a.






"Hei enge ilo ngaihtuah veng veng a? ihmel te kha tap mai tur hmel ipu ania" ka tih chuan a lo nui chhuak hak a.






"Enteh Angel i unaupa ten an hmangaih zia che ka hmuh hian ka lung intichhia a lawm" a rawn tih chuan kalo nuih chiam a..."Enge nuih zat tur awm a? inchhung kua ka hmuh cheu hian ka luangliam tak meuh a lawm" thutak fahran chuan a rawn ti leh chiam a.







"Pa ufela hi a van rawn thleng har bik ve arawn bia che em? Ka tih chuan ka pa chuan..." Be hauh lo mai, kan call a nge tinge engmah chanchin min rawn hrilh miah loh le" a ti nuah nuah a, a hmel ah chuan ufela a ngaihtuah hle tih a hriat theih.







Gate chhung a bullet rawn tlan lut thum dut dut kan hriat rual chuan u tetea chuan michhe sawi chu koh aiin an rang a lo ti zauh a, kan vai chuan kanlo nui dar dar a.






Ka pa chuan "Felte iva rawn tlai bik ve? Min rawn be bawk silo a kanlo Ngaihtuah hman viau che a sin" a lo ti chuar chuar a....Ufel-an rawn thlen hma ber chu ka tum a lawm, kawnglak ah accident anlo awm a ka rawn tlai phah vek nih hi" ti in a rawn thlen tlai chhan a sawi fiah mawlh mawlh a.






Rinzami nen choka ah rawng kan bawl laklawh bawk sia, ufela rawn thleng pawh chu kala be lumlam hman meuh lo, choka ah chuan rawn lut in " Nangmah hmuh chakin mamit atang bak lengin ka rawn tlan haw nal nal a, minlo lawm pawh itum miah lo a" ti tau aw fe chuan a rawn ti a.







"Ka lawm lo che pawh a nilo ka zak ve a lawm" ka lo tih chuan Rinzami chu za lutuk chuan a rawn nui chhuak a....Ufel-an "E he zamte ilo awm ve reng ani maw? Kan inhmuh lai ai khan ilangtha leh zual anih kha, ka hai tep che alawm" a tih chuan Rinzami lai lutuk hmai sen tawn tawn chu kalo hmuh hmaih lo nasa mai.






"Ufelte Zamtei hi engtin nge ihriat a? Inla inhmu awm tawp silo a" ka tih chuan "Nangmah vang hian mawle ka hriat, ka farnu neihchhun, in atang a tlan bo a khawiah nge a awm? tu nge a kawm thin tih hriat te chu I ute mawh phurhna alawm" a rawn tih chuan kalo in thlahrung em em a.







"Mate ihmai kha tinge a belkang khat vek a? Khatiang te chuan i hmeltha tak kha a ti chhe vek anga sin, chubak ah isam pawh kha...kumhnih chhung lek in ka naute hi alo inthlak danglam nasa hle mai, ka naute duat kha chuan a sam tan a phal ngai lo a, a damloh vang a asam antan sak tum pawh in karkhat dawn a nuar phah hial anih kha" a rawn ti duah a.






Ka nu in "Mambawih inhman tawh chuan atlai hma in chhung inkhawm kan nei dawn ami? Feltea a rawn thleng chauh na in zanriah eikham lamah inti fai mai rawh se" a rawn ti lang lang a.







Ufela chuan "Mate inhman chuan phei ila" Rinzami nen a min melh tawn zauh chung chuan a rawn ti a...Ufela arawn thlen hnu atang a Rinzami ngawi chawi ta riau chu enge a chhan awm ang ka hrethiam mai lo.







Sitting room ah chuan kan thu thap a, ka bulah chuan Rinzami chu a thu a, ka kut khur nasa lutuk chu a kut nem thep chuan a rawn hum vang vang a...ka pa chuan bible a chhiar zawh ah hun reitak hnuah chhungkua damtlang tak a kan in hmukhawm leh thei hi Pathian vang liau liau ani, kan in rinloh lai hian sual hian chhungkaw tin te hi min rawn run thut thut thin a, kan fanu neihchhun keh thei dawm a kan dawm thin khan keini anu leh pa a chhungte ai a ruihhlo a thlang ta mai kha kan hrethiam lo in kan kehchhe tak meuh meuh a, mambawihi vang hian nikhat a kan tawngtai thin let atamin kan tawngtai reng a, vawiin ah chuan kan Pathian hian a mite tawngtaina a ti thlawn ngailo tih a takin kan chhungkua ah a rawn lantir a, mambawihi pawh dam tak in kan hmu leh thei a.






Hetiang a kan koh haw rum rum chhan cheu chu Mambawihi hian a chhungte kiang ah hian sawi duh a nei a...."Ka fanu ka bulah hian rawn kal teh, I thu sawi duh zawng zawng chu i chhungte hma ah hian in thlahrung hauh lo in isawi vek dawn ania, keini chuan engdin hmun ah pawh dingla kan phatsan hauh lo ang che" a rawn tih chuan ka lungphu chu a rang zaih zaih khawp mai.







Rinzami chuan ka kut chu a rawn hmer na zual sauh a, a mitmeng chuan inti chaktur in min duh ani tih ka hrethei.






Ka thutna a tang chuan thochhuak in, ka thusawi tur hriatchak si huphurh deuh bawk si a min lo ngai chang thap ka chhungte chu ka en kual te te a, ka dang ro lutuk tihhnawn tum chuan ka chil ka lem khalh a.






"Nu pa zahna leh mualphona tamtak ka thlensak tawh chung cheu pawh in min hawlo a hmangaih na nen a minlo pawm leh duh a vang hian lawmthu ka hrilh cheu a, Uzohming Utete, Ufel khawngaih tak in zahna tamtak ka thlen cheu vang khan min ngaidam rawh u aw...In farnu hian engmah ngaihtuah chiang hlei lo in thil kalo ti a, tul hleilo ah natna ka siamsak bawk cheu a, khatiang zozai thil a thlen hnuah pawh tha tak a minlo lawm vang hian lawmthu ka hrilh nawn leh duh bawk cheu a" ka ti hmasa te te a.








"A nihna tak ah chuan kei hi, ka landan leh miten min sawi ang mihring kha ka nilo tih sawi hmasak ka duh a, in fanu hian ruihhlo ka ngai lo a, tin hmeichhe hurherh tak ka ni chuang hek lo...BA final ka zir kum a tang khan ruihhlo ngai te hmeichhe rahbi tleu te chhanchhuah a tanpui duhna kha ka thinlung ah hian a thi thei lo a.






A tir ah kha chuan ka rilru ah a awm ve satliah ah ka ngai mai a, mahse ani hauh lo, ramthim ramro ah ringlo te hnenah chanchin tha hril turin mi tamtak an inpe a, kan bul lawk a kan hnampui ngei kan unau te chhanchhuah ngai antam si a, chu hna thawk tur chuan kei hi koh ka ni, a tir ah chuan ka hlau a ka zam ve lutuk, he hna thawh hi thil awl ai tak ani dawn lo tih pawh ka hria a, karlo ah ka chanchin mawilo tak in a thang ta nghal reng a, keimah chauh nilo Ka pa thleng a miten keimah vang a an diriam thin te kha ngaihthlak hreawm ka ti thin a sin aw.






Tunah chuan tlinglo tak a ka rawng bawlna te chuan par chhuang in rah a chhuah ve mek zel a, a rah pawh tamtak kan seng ka beisei tlat ani.








Thudik inkiang a sawilo a ka lo zep tlat kha ka tih sual liau liau ani, khang hun chhung zawng khan keimah vang in rilru na reng reng in in awm a ngai a, Mahse ka chhungte chungah hian thlamuan na hnutchhiah tur in Pathian hnen ah bang lo in ka dil thin a...A lam a rilru diktak putu te chung ah chuan a chak zia tilang tur in a kalsan ngai silo a...vawiin thleng hian hun harsa leh hlauh awm tamtak ka paltlang theih phah ani".







Ka samlem vuah chu la thla in, mak ti lutuk leh lawm a vang a mittui luang zawih zawih a minlo thlir reng ka chhungte chu ka melh kual..."Ufelte ka sam tan ka ui thin zia kha ilo la hrereng a, kasam sei zet kha ka duhthlanna a tan kani miah hlei nem...I naute hi yma duty in ks ah min ngai in min man a, Ka sam hi min melh kawlh sak a, I hria em u? Krista vang a Ka tuar ve na chu Ka sam min mehkawlh sak hi ani, mahse kantan a inpekna lak ah chuan Ka rohlu ber kasam mehkawlh te chu ala nep lutuk" nui var var chung chuan kati a.







"Awi Ka duhtheilo Ka naute. Lalpa Ka van lawm tak em! Ka fanu hi setan-an min laksak tawh ah kalo ngai thin a. Bawihte Ka van chhuang tak che em, he tiang hna ropui tak ithawk ani tih hrelo khan kanlo hau reng zel che a, itan khan alo van hreawm dawn tak em" tap chung chuan ka nu chuan min kuah ngawih ngawih a.







Kan vai chuan taplo reng reng kan awmlo, an fanu drugs addict leh mipat hmeichhiat na kawng a tlan nasa tak, chhungkua ti mualpho tu ni a anlo ngaih thin khan, an rin phak bak rawngbawl hna ka lo thawh a vang chuan an lawm bawk si chu Ka chhungte chuan awmdan tur pawh anthiam lo.







Uzohming-an "Mate I u hi minva han ti zak em em ve,? ichung a Ka thil tih a vang khan i u hian men ngaihna pawh Ka hre dawn hleinem" a rawn tih chuan...kalo kuah vat a.







"U khathil vang khan min hmangaih zia Ka hriat belh phah a sin" Ka tih chuan Ka biang tawn tawn ah a kut hlai zet chuan vuan in "Mate kavan chhuang tak che em" ti in Ka chalah chuan min fawp ngawih ngawih a.







Tlem a kan phawk lek lutuk a reh deuh hnu chuan...Rinzam-in ka nu leh pa te bul ah, thu sawi a rawn dil chuan Zamtei chu kanlo en thap a.







Hmeichhe harhvang leh confi em em thin Rinzami hmelah chuan zamna hlir ka hmu thei.





"Zorini rawngbawl hna hautak zet in rah a chhuah te zing ami kani tih hi inla hriat kher ka ring lo a, Zorini ka tawn hnu a ka chung a thil mak tak lo thleng ta hi inhnen ah hian sawilo thei ni in ka in hrelo...chu chu helai a kalo kal chhan tak pawh ani.







Zorini nen a kan in tawn hma kha chuan he khawvel ah hian damchhan neilo leh mi beidawng mai kani thin a, nitin hian thih chakna in ka khat a, ka nunna lak ka tum a piang in mak tak a chhan chhuah ka ni zel a...ka hmangaih ber ka pasal ka chan ni atang khan thi reng si a nung hmingpu ang chauh kani thin, ka mipa hmangaih em em leh anu khan ka chhungte vang in anthih phah a, khata tang khan ka chhungte ka huat em avang in ruihhlo ah ka tlan a, engtin tin emaw zorini nen hian kan inchhar nawlh a, keipawh in a tirah chuan keimah ang tho a ruihhlo ngai chhungte enkawl that theih loh ve tho ah kalo ngai a, mahse kan inzui rei tak chinah chuan kalo ngaihdan ang mihring anilo tih ka mit hian a hmuh mai bak ah ka hre bawk a, zorini vang liau liau hian ruilo a minute khat lek pawh awm thei tawhlo kha min hmuh ang hian ruihhlo tel miah lo in kalo awm thei tawh a, vawiin tlai ah hian inbul ah hian thil dil duh cheu ka nei a, min remtih sak ngei ka beisei bawk" a tih chuan.







ka pa chuan "ka fanu enge mindil iduh chu han sawila" a lo ti vat a.







"Zorini hnathawh ropui zia ka hriat a vang khan zorin-in rawngbawl hna tun aia zau zawk a athawh theih nan home din chakna ka nei a, zorini pawh hi ka hrilh vek tawh tho a. Tunah hian kan home din tur chu peih ani tep tawh a, midang te tanpui a chu home enkawl tur chuan zorini hi ka duh ani, in remtihna ka dil duh cheu a" a rawn tih chuan ka chhungte hmelah chuan mak tihna hlir ka hmu thei.







"Bawihi chung thil te chu keini phal leh phal loh theih thil anih loh chu, kan fanu hian mitam tak te tan nu nih chu a tlin ve dawn meuh em ni le?. Ka nu in a rawn tih chuan..." He hna thawk tur hian zorini hi ruat ani tih hi chiang tak in ka thinlung hian a hria asin" Rinzami chuan a lo ti vat a.







Tawngtaina te kan neih hnu ah zanriah tui tak kan kil ho a, ka unau ten min chhuan zia leh min tluk lo an intih zia min hrilh bang lo a.







Chaw bar mawlh mawlh chung chuan..."Pa naktuk a tang chuan ka rawngbawl hna chhunzawm turin ka chhuah san leh cheu angai dawn a, Lalpan chawlh min la pek miau loh avang in he hna hi kala thawh chhunzawm zel a ngai si a, tun a tang chuan mite thusawi vang mai mai in hreawm lo ti tawh lo ula, thudik chu keini sawi chhuah ngai miah lo in a lo la lang chhuak vat mai ang, fakna kan dawn hnem lutuk chuan kan chapo thuai thin a, sawi chhiatna te hian chakna thar min siam sak zawk thin si a" ka tih chuan u tete a chuan.






"Mate hetiang em em hian ilo puitling ani tih hi kan lo va hrechhuak har tak em!...I u hian pastor rawngbawl hna ka thawh mek hi nangmah vang hian ka sit ta rum rum mai" a rawn ti sap a.




Kapa in, Felte chutiang in anti ngailo, mitin hian kan phaktawk leh tlintawk ang zel hian kan tih ve theih tawk rawngbawl hna kan ko a innghat hi kan nei theuh a, rawngbawl hna ah te lua leh lian lua a awm hek lo, alo ti vat a.





Lalrinhlua---pov





Ka thianpa joseph-an picnic spot a hawng thar a, thianpa vawiin chu ka spot thar hi min rawn hmuh pui ve teh, hotel lamah i indaihlo hle tih chu ka hretho a...Ka spot tih changtlun na tur lamah hian min rawn hmuh pui la ithurawn lak te ka mamawh ve bawk a, sawrkar hnathawh ka peih tawh silo a hetiang zawng a eizawn hi ka tuipui ta ber bawk si a...min tih a vang chuan tukthuan eikham ah josepha nen chuan a spot lam chu kan pan dun a.







Josepha hian a hun tamzawk chu phai ah a hmang a company liantak hnuai ah Engineer in a awm a, kum tirlam khan a hna thawhna hmun a tanga rawn bang in Mizoram ah awm ka duh ve tawh a ti ta bur a, eizawn nan picnic spot changtlung leh nuam zet a siam ta kha ania.







Mizo te hi thilthar lawm tih takah a hmun hma ten a lo zir vei nen josepha spot pawh hi a lun angeng khawp mai. A hmun kan thlen pawh chuan ka rin phak bak in mi anlo thahnem daih a.







"Tunlai chu zirlai exam chawlh lai ani a, booking rawn ti an thahnem thei khawp mai" nui suk suk chung chuan josepha chuan a ti a...."Nang hi hetiang reng reng anih chuan ihausa harlo tawp ang" ti in kalo fiam ve bawrh bawrh a.






Spot chhung ah chuan, thlam lian vaklo a sak a awm thliah thliah a, riahna tur eitur chikim a awm vek ti ila ka sawi sual tawp lo ang, building lian zet chhungah chuan club a nei bawk a, mizo thalai te hian intih thawven na tur club mumal tak hi kan mamawh ve tawh reng reng a, nachang hria Ka ti in thalai tamtak chu he club hian a hip ngei pawh ka ring.







Tlem a hmun sang deuh lai ah chuan light house huan chhung zawng zawng lan kim vek natur a sa bawk a, light house ah chuan lawn in mihring che vel thlir phah chuan items thar a dah belh leh tur te chu min hrilh pah mawlh mawlh a, kei pawh chuan a tha tur a ka rin chu kalo hrilh ve zel a.







Kan ti ti mawlh mawlh lai chuan gate chhung a city bus a rawn tlanlut mek lam chu kan thlir dun reng a, "mihring antam tawh teh reng nen khu anrawn kal belh leh anih khu, helai hmunah hian khawpui thar idin ani ri ngawt" ti chuan ka fiam pah bawrh bawrh a.







Bus a dinfel hnu chuan bus atang a hmeichhe rawn chhuak ka hmuh rual chuan ka lungphu hi a phurang lutuk a athlawk chhuak lo chauh ani.







"Zorini te annih khu, kar hmasa khan home thenkhat a tar chaklo ho tan booking a rawn ti a, henu hi chu miten a chanchin ansawi mawihnai lo viauna in, ansawi ang mihring ani in ka hre ve hauh lo" minbia pawh ni chiah lo chuan a rawn ti chhuak sap a.







Bus kawngka bulah chuan lo ding in pitar leh putar te chu pakhat te te in nuisang hian bus a tang chuan a kai chhuak zel a, a chezia chu tawng tawh lo chuan josepha nen chuan kan thlir dun reng a.








In ka leisak ringawt chhan kha ka hre bik lo, mipa hrang hrang bul a zantin a riak kual thin kha ka phal lo a, him tak a a awm theih nan kha in kha amah ngaihtuah reng chung a lei ta kha ka nia, mahse a lo pawm duh lo nasa anih kha.







Rinzuali bul a minlo sawi danah ka thinrim em avang khan theihnghilh hmak tum in tawngkam uchuak tak in ka diriam anih kha, vawiin thleng hian ka thinlung a tang ka paih bo thei chuang lo a, keimah leh keimah ka inbum mai chauh zawk ni in ka hria, ka mithmuh a inlan tawh lo tur a ka tihna pawh a thawk tha khawp mai, ka ankhum hrep a tang khan a reh hmak a, kal bo tur a hrilh tu zawk hian hmuh chak in ka mit Ka len leh ruai lawi si a.








Ka hotel ah mi pasal a rawn awmpui a a nupui in a rawn phawk tum khan zorini lak a ka rilru put dan diktak chu ka in hrechhuak ve chiah, tumdang ah pawh hotel ah mipa hrang hrang hruai in a rawn kal zut a, khanu in a ankhum a kut a thlak lai khan kalo in humruh nasa viau anih kha, khatiang tak a midang in zorini an hmusit leh kut an thlak lai ka hmuh chiah khan ka kawchhung ah hian che a awm a, Rinzuali ka bialnu ka bul ah a awm ve reng avang khan ka insum hram hram mai chauh ani.







Hotel chhuat ah khan tui a luang huh zuih a, thil thlendan bulber va hmu ve lo mah ila tui in a leih tih a kawr huh zawr vek dan ah a hriat theih a...A hmai no sen tek thin te chu a pilh nen nuan a, thisen an rawn chhuak tiam tiam bawk a, khanu khan nasa tak a a ankhum hrep hnu ah tawngkam mawilo tak a tawngkhum in hotel staff te ka theh chhuah tir zui a nih kha.







Mipa dang in a taksa mawi lutuk duhtawk a a chen kual vel tur ka mitthla a, ka rilru na lutuk kha thinrim na in rawn thlak in khatiang thil at thlak tak kha a chungah ka lo ti leh hram anih kha...khatiang a lo titur kha kani hauh lo a sin, tanpui ngai ngawih ngawih a min rawn melh tawk tawk na te haider in a hliam ah khan chi kalo phulsak ta zawk anih kha.







Thilmak deuh mai chu, zorini ka tihnat a piang hian keimah ka na tel ve zel mai hi ani, khami ni atang khan thlakhat a liam daih tawh a tun hi ka hmuh leh hmasak na ber ani.








"Bawiha enge ilo ngaihtuah vung vung a? Ka biakna che pawh ihre miah lo a" joseph-an a rawn tih chuan zorini ringawt ka ngaihtuah vangin a thusawi engmah ka lo hre miah lo anih chu.







"Zorini hi hmeltha iti ve tho em? Kei chuan hmeltha kati takzet, anundan chu engtiang pawh lo nise nupui ah ka iai chuang miah lo tih ka chiang viau bawk" Joseph-an a rawn tih chuan kalo in hum ruh leh hle tawh.
Mipa dang ta tur ang a zorini hi ka dah chhin a piang hian mahni inthunun theihna ka hlauh ve ziah.







"Ngawi mai mai teh, a duh dawn chuang lo che tih ka sawi ngam bal" kalo tih chuan a nui leh huk a.







"Thianpa kan han fiamthu chul tak na a, zorini hi an sawi ang a hmeichhe ho anih kei chu ka ring velo tak tak...He thu hi vawikhat mah kala sawi chhuak lo a, zorini hi chu Mizoram a ka rawn haw tirh a tang khan ka hrenghal a, hriat loh theih pawh anilo, a hmelthat mai bak ah a chanchin ngaihnawm loh tak hi miten chawtui ber ang mai a an sawi thin ani miau a". a tih chuan.






" Inghal mai anih chu" kalo tu hluk a, ka thianpa hian ka hmeichhe duh em em a lo ngaihven ve hle tih ka hriat chuan ka thik anih ber chu.







"Lo uang lo teh, kati tak tak ania, zankhat chu zanlai ah ka muhil theilo pawn boruak thianghlim dawn tum in ka tho chhuak leh a, he spot siam tum na rilru Ka neih vel lai kha ania, khami zan kha kala hre chiang khawp mai, thla bial zan ani a, thla engah chuan lehkha pawh kan chhiar thei ang tihtur khawp khan thla a eng a, biak in bul mai a awm kan nih vang khan biak in lam pan a hmeichhe pakhat midang hmuh hlau tak a hawi kual zak zak chung a rawn kal Ka hmu a.







Chu hmeichhia ka sawi chu zorini khu ani, addict mahni in chhung ah pawh leng tawhlo antih thawm ka hriat avang chuan khatia biak in a alut lai ka hmuh khan biak in rawk a tum anih ka ring a, ka rindan kha a sual ka ring hauh lo.






Fimkhur tak chuan ka zui ru ve nghal vat a...Chutah chuan enge kava hmuh ihria em?. Maicham hma ah chuan thingthi hian a lo tawngtai mawlh mawlh anih chu, a thil rulai man tum a zui ru ka ni a, ka beisei loh lutuk a chutia a tawngtai lai ka va phawk chu mak tih vang in ka chesawn mai thei lo.







Bawiha tawngtai ri hi kalo hrehnem ve tawh hle a, kristian ram kanni a, kan tawngtai nasa thin hle bawk a, zorini tawngtai ri ka hriat tluk a tawngtai ri ngaihnawm kha ka beng hian ala hre lo, hmaichhan a kan inbe bawrh bawrh ang mai hian Pathian nen an inbia nimai hian ka hria a, khatiang tak a urhsun khan tu addict mah hian Pathian an biak hi ka ringlo hul hual.







Khami zan a tang khan khu nula khu ka thlirdan a dang hlak tawh, amah ah khuan thuruk eng emaw tak in thup a awm ka ring tlat a, midang ten an en dan ang hian ka en ve thei miah lo" joseph-an a tih chuan.







"Rinhlu engmah hi ala danglam lo asin, min hriat chian han tum deuh la engmah ala danglam lo tih chu ihremai ang" zorin-in ka hnen a atih ri chu ka beng ah hian a rawn ri nawn tluk tluk a...cont







Note....Sunday te ani sia awl kalo tum ve rauh rauh lai in, ka story ropui lo tak min lo hlutsak tu te vang liau liau in ka rawn dah leh ta hram a, in comment te like thlip thlep thin lo mah ila kalo chhiar chhuak dap thin tih lo hria ula, thlaikung chuan tha tak a, rah a chhuah theih nan leihnuai a chawtha a zung hmang in a lalut thin ang deuh khan...in comment na te hian phurna tamtak min siam sak thin ania..

[Ngaia]

Zorin-in kha thu ka bul a asawi leh, tun a joseph-a thu sawi hian inzawmna anei thei mai angem?. A landan leh kalo hriat dan chuan zorini hi, hmeichhe vakrawlai mipa chi hrang hrang kawplawr a rui thlep mai mai thin kha ani a, chutiang mihring chuan tun a athil tih mek tar chak lo leh, chhungte pawh nei tawhlo te hlimna siamsak tum a, helai picnic spot thleng thleng a sum tamtak sen huam hi ani thei dawn em ni?.








Zorini ka hmuh dan leh Joseph-an a hmuh dan chu a inmil ta tlat lo, josepha sawi kha lo dik nita se kei hian thil sual lian tak kati tihna ani dawn a, ka rilru chu a buai ta map mai.







"Bawiha thil diklo a awm ami? I hmel landan kha a dik tawh miah lo ania" joseph-an min tihna pawh chu chhanna fumfe ka pe thei ta hauh lo, zorini ka duh zia leh ka thinlung in a hlat theih loh zia chu kei hi a hrechiang ber tu ka nia.






Kan thlang lawk a tar ho nen a annui bawk bawk lai chu ka thlir reng a, hetiang a midang te tanpui a hlimna siamsak duhna rilru putur khawp chuan mitha eltiang nih angai a, kei ngei pawh hian sum hman senloh ka neih lai in midang te tanpui duhna rilru kalo pu ngai reng reng lo, zawhna chhan sen loh keimah ah hian a awm a, chu zawhna min chhang thei tur chu Rinzami leh amah zorini chiah an ni.








"Thianpa mi hmuh tur pawi mawh ka nei tih kalo theihnghilh a, hotel lamah ka kir san leh che angai in ka hria, I sumdawnna hmun chu ka rawn hmuh pui tawh che a, a bak chu inlam ah kan sawi dun thei mai angem?" ka tih chuan josepha chuan mak tih hmel deuh chuan min en deuh hu a.






"Nangpa hi idik miah lo ania, nupui inei dawn tawh a ilo helhhawlh te hi ani mai lo maw?...nupui ineih chuan keipawh in neih tur ka melh kual ve vat angai dawn anih hi, min haw san itum rau rau chuan zorini khu kalo chhai ve chhin dawn ami? Ka chhai thluk theih hlauh chuan a chhelo nasa mai si a, tlangval vannei kani tihna ani dawn a" nui vur vur chung a arawn tih chuan.






"A theih loh, khu hmeichhia khu ihnaih hauh tur anilo" kalo ti tuar a.





Ka in thunun hman thlawt lo, joseph-an zorini neih tum a rilru asiam chu, he ka thinlung hian a pawmloh mai bak ah ka phal miah lo, midang tan a phal lo viau si hian engvang a neih tum a ke pen ngai miah loh nge ka nih?..Lalrinhlu nang hi khu hmeichhia khuan a ti â zo vek tawh che anih hi, kan inti rilru mawlh mawlh a.







"Enge ihriat a khatia i au chiam a? Zorini hnaih ka tum chu enge a sual vakna?" Joseph-an maktih hmel deuh a min rawn tih chuan chhanna fumfe ka pe mai thei lo. Ka chhanna nghak a minla en reng a vang chuan.





"Khutiang hmeichhe thalo lutuk hnaih ah ka thianpa hi a awm ka remti hauh lo, mipa chi hrang hrang kawp thin in ka thianpa hi duh duh a ahnuh kual chu ka phal teuh lo mai" ka ti hriam hrawih a, zorini chung chang ka sawi dan chu keipawh hian a dik chiah em tih pawh ka chiang ngam tawh hauh lo.







"Ka sawi vek tawh kha, kei chuan zorini in ngaihdan ang hian ka ngai ve hauh lo, kawngsir a lunghlu man to tak miten lunghlu ani tih hrelo a an rah hrual mai mai leh, chhar tin ah pawh an tin loh ah kalo ngai a sin, miten anduh loh leh an
hnawl a anrah hrual mai mai khu kei chuan a hlutna leh a mawina ka hrechiang a, engtiang kawng zawng pawh in kata anih ngei ngei theih nan ka hnaih angai alawm" a rawn tih chuan ka kut chu ka hum ruh ngawt ngawt a.







Keimah a zawhna chhan sen loh awm chhan na hretur a Rinzami biak ka duh a, leh lamah joseph-an Zorini a hnaih ka phal bawk silo, ka kalsan rual a thil thleng tur ka hrechiang ropui mai si a, hepa hian athil sawi zawng zawng te kha ati tak tak dawn tih ka beng ka hriat chian tluk hian ka hre chiang tlat.








Josepha nen hian, kan naupan tet atang a inkawm tawh kan ni a, thilduh a neih chuan a neih theihna tur anih dawn phawt chuan engthil mah hian a dang zo ngai lo, a luhlul lutuk vang hian apa pawh in room ah karkhat chuang a kalhkhum a, chuti chung pawh in a rilru chhete mah in ala sawh sawn duh eih lo anih kha.







Tun a ka dinhmun diktak chu tuilairap antih ang chiah kani, hun reilo te ah nupui ka nei tawh dawn a, mihriat ah engmah la puangzar lo mah ila chhungkua in rem kan ruat fel dimdiam tawh a, chuti chung chuan zorini mipa dang bul a kaltir chu ka thinlung hian ala phal chuang lo a, kei hi mi tenawm diktak ka ni in ka inhria.







Josepha bulah mi hmuh tur kaneih thu kalo sawi ri ve laklawh tawh si, ka rilru a buai map map khawp mai, ka chhungril hi meisa tak in akâng hluah hluah ang mai hian ka sa chhuak vek tawh.







"Thianpa ka thusawi chu pawm mai rawh, khawngaih takin khu hmeichia khu lo hnaih miah suh, chu chu ithian thaber ka nihna vang in ka ngen nawn leh che, zorini khu ihnaih tur anilo...Nilo ihnaih a thiang lo hrim hrim zawk, ka thusawi hi izawmlo anih chuan nakin ah ila inchhir zawk maithei ani, tunah rih chuan engmah kala hrilh thei rih lo che, hun remchang hmasa ber ah zorini ihnaih ka phal loh chhan chu chiang zawk in kala hrilh fiah vek ang che" ngen ngawl lutuk a ka tih chuan josepha chu a hmel a buai ve nak a.








Ka sana chu bih zawk in "ka thusawi chu izawm ang tih min tiam rawh, ka tlai dawn ania" kati leh hram a, min hriat thiam loh hmel fe chuan ban deuh charh hian "Aw le aw le isawi ang chuan ni rawh se, mahse zorini ka hnaih iremtih loh chhan chu isawi fiah hle a ngai ang, a chhan a that viau loh phei chuan leh pek awm tawh lo in khu nula khu ka buaipui dawn ania, nang pawh in min dang thei tawh hauh lo ang" a rawn tih chuan ka thaw huai thei.







Motor khalh chung chuan Rinzami kabia a...thudang sawi lo chuan "Hotelah hmutur che in ka rawn kal dawn a hun lo in siam ang che" ka ti nghal tawng a.






"Ka buai viau a sin, enge thil pawi mawh bik riau a awm ami? Zanlam ah kan sawi dun thei mai lo ami?" A rawn tih chuan.






"Thil pawimawh aia pawimawh zawk ah lo ngai rawh, ka rawn thleng har lo ang" tih leh phone dah ka rual a... Josepha hriat dan kha thudik a lo nih ngat chuan Rinzami chung ah ka lungawilo ngawt ang, zorini nen kan inkar thu hi sawilo lang lo mahse a hre vek tih ka hria a, chutiang chung a kalak a zep alo nei anih ngat chuan. A chungah engtiang a nasa in nge hremna ka pek dawn ka sawi lawk thei lo.







Rinzami te hotel ka thlen chuan, a ma room bikah kan inbiak a ngaih thu chu nelawm loh zet chuan ka hrilh a, a hmel a lawm lohna chu sawi chhuak lo mah se ka haider sak hmak, a manager chu ko in tih tur pawi mawh a neih thu leh mamawh na min neih chuan ka room ah ka awm dawn a minrawn ko mai dawn ania, tih thu a sawi zawh rual in min ngaichang eih lo chuan a pensawn nghal hlawk hlawk a.






Nidang chu nise a khawsa zia naupang chhia lutuk vang chuan ka fiam leh tawh ngei ang, mahse tun dinhmun ah chuan fiamthu na mood ah ka awmlo nasa mai si a.







Room ka luh rual rual chuan "Engthil pawimawh fakau nge awm a? Tun ang buai hun lai lai a irawn kal chuk chuk a" kawng dawm meuh chuan minlo ti nghal thawr a.






"Khatia ding reng lo khan rawn thu phawt teh, Zorini chungchang ah hian ka hriat ve loh thil zep inei em tih ka hre duh a?" Ka tih chuan a lungawi loh hmel ngang mai.







"Chuthil sawi tur chuan nang ang hna ngaipawi mawh lutuk min hmutur irawn kal vang vang tih hi ka awih theilo hial zawk" a tih chuan.






"Thudang sawi kual chiam lo khan ka zawhna che kha min chhang mai rawh,, zorini chung chang ah hian ka hriat ve loh thil zep inei em? Ka tih chu?" Chang beng bawng chuan kati nawn leh ngat a.







"Zep lo nei pawh ni ila enge chutah chuan ilo buai ve vak ngai a?, thu pawimawh sawi turin irawn kal emaw tih naklai a, ithu rawn khukpui chiam chu a va ho leh si ve" a ti duh lek chauh a.







Kalo beisei ang chhan na min pek loh vang chuan ka lawm lo tih chu thup buai pawh ka tum hran lo.."Zorini chung chang a ithil hriat zawng zawng te chu tunah hian min hrilh vek rawh" ka tih chuan rum lutuk hian min melh a.






"I van mak tak, enge tun atak a zorini chung chang chu irawn buaipui chiam a?, tunge hmusit a tawngkam na tak tak a tawngkhum reng thin tu kha itheih nghilh tawh ami? zorin chungchang ibul a sawi chu ka bat ani miah lo, hmeichhe dang buaipui chiam lo khan inupui neihna tur ah hian in buatsaih la a fuh zawk ka va ring ve" a rawn tih chuan ka thinrim hlur tawh.







"Mate min hnial reng lo khan ka thu hriat duh chu min hrilh mai rawh, zorini hi kan lo hriatthin dan ang hmeichhia kha alo ni miah lo tih hi thudik ani em?" nem deuh zawk chuan kati a.






A hmel landan rawn inthlak zawk ah chuan ka thu sawi chuan a thawng hle tih ka hre thei...."Tunge chutiang thu chu lo hrilh che a?, zorini nihna dik tak hi ihrechhuak dawn talo ah kalo ngai hmiah tawh a sin, diktak chuan zorini hi miten addict leh hmeichhe hurherh tak anga ansawi thin mihring kha anilo alawm, he a chanchin mawi hnai lo tak phen ah hian hmeichhe ropui tak, mi nazawng in an tih theih miah loh thil a awm a, chuthil chu keimah atang pawh hian ihriat chhuah ve mai kha kalo ring thin a, zorini ka tawn atang a ka nundan lo danglam tak dan zawng zawng ah te hian, nangang mifing tak chuan thil awndan tur awm ang ilo man thiam vat ka ring a, mahse ilandan ang ai hian ilo fing tawk lo deuh chu anih hi" a tih chuan .






"Khatia sawi kual duah lo khan isawi fiah thei deuh em? Ka lo ti hmuk a...." A mak e Lalrinhu min vin ve ziah suh, zorini hi ingaih ang a hmeichhe tenawm leh hurherh tak kha anilo, ruihhlo ngai te leh hmeichhe rahbi tleu tawh te, mipat hmeichhiat na lam a lo daisual tawh ten nun pangai an neih leh theih nan a kawngdik kawh hmuh a tanpui thin tu ani, keingei pawh hian zorini lak a isual thin em avang khan a lakah that chhuah ve deuh tur che in ka hrilh fo che a, nang chuan ka thu sawi ngaithla lo in a rilru tinat sak kha nuam itih thin viau khawp kha, tunah chuan itlai lutuk tawh karlo ah nupui inei tawh mai dawn a, tun hi zorini chungchang kan sawi tawpna ni rawh se" a tih chuan kalo mawl zia ka hre chhuak uar uar mai.







"Mate zorini hi ka duh tih ihria em? He hmeichhia hian minti buai takzet ani, a lak a ka rilru putdan hi kati danglam thei lo a, chumi vang tak chuan a nia a lakah khan ka sual thin em em, hmangaih tlak loh hmeichhe khawlo tak ni a ka hriat a vang khan kana em em a, duh em em chung khan ka pawm thei lo a, mipa dang ta nitur a ka dah chhin a piang in kana in ka buai vek zel, engtin nge ka tih tak ang?" hmai tuai puat puat chung chuan kati a.






"Mahni Inlo inbum rei deuh hlek ani, diktak chuan zorini hian a hmangaih hle che a sin, hmangaihna akhat mitmeng a a en reng thin lai che pawh khan nang chuan, a hmangaihna che a zahawm na thleng in idiriam sak anih Kha, tunah chuan engmah tih theih inei tawh lo, zorini hi ichan tawh ah ngai la inupui tur lemchan thiam deuh chiah kha ilo ngaihsak tawh dawn ania" a rawn ti chhuak bawrh bawrh a.






"Khatiang khan ihmeichhiat pui te chanchin mawilo tak in sawilo teh, Rinzuali chung chang ngat phei chu, nakin lawk ah I unaunu ala ni thuai dawn a, a lak ah that ichhuah ka duh viau bawk ani" ka tih chuan ka thusawi eilo tih hriat lutuk chuan min nerkhum zauh a.





"Rinzuali hi ibialnu anih vang chauh in ka enliam mai mai anih hi, hmeichhe fel ber awm ang zia zang a lem a chang kual vel hi ka ten em ani, ibulah hian engmah ka sawi duh ngailo a, mahse tuntum chu iharh chhuah hun ah minrawn chhuah chhal leh loh nan ka hrilh tawp ang che...I nupui nimai tur Rinzuali nungchang hi kei hian ka hre chiang lutuk tlat, lawithat zan in hman hunah ka thusawi dik zia chu ihre mai dawn alawm" a rawn tih chuan.





"Eng isawi tumna nge? Rinzuali tluk a hmeichhe fel leh thianghlim hi antam lo khawp a sin" ka tih chuan min hmusit hlauh hluah hmel hi a pu a.





"Khatak kha a lawm ibuai na chu, hmeichhe thiang hlim leh Angel ang mai a tha zorini mi bawlhhlawh berah ingai tlat a. Mahni nih loh na angpui a lan mawi chawp tum Rinzuali hmeichhe thianghlim ber ah ichhuah leh lawi si, mipa karkhat chhung ka luh khung a ka ruih thlek mai mai lai pawh khan ka thiang hlimna hi ka vawngtha reng thei a, kohhran leh khawtlang mithmuh a nula fel leh mite fak rawn inupui hual hi ala virgin em tih han zawt chhin teh, enge a chhanna che chu ka hrechak khawp mai" a tih chuan ka thinrim ngang mai.






"Lalrinzam nang hian enge ihriat a, khatiang khan Rinzuali chung chang mawilo tak a sawitur ini miah lo" ka tih chuan..."Zorini pawh a nihna miah lo ah mihur chhuah in in chhuah tho a lawm, Rinzuali te chu a nihna chiah a lawm, a nihna diktak ka sawi pawh in ihuatpui a, zorini anihna lopui a in diriam lai kha han ngaihtuah la, engtiang chiah in nge na a tih ve ang" a tih chuan min hnial dang chiang kher mai.







"Mate engtin nge ka tih tak ang? Nang hian minpui rawh, Rinzuali hi nupui ah nei mah ila ka hlim dawn chuang lo, engmah thil thleng a la awm em hleinem zorini nen kan inhmuh theih nan rem min ruatpui a ngai ania" ka ti chhuak phawng a.






"Atlai lutuk tawh katih kha ihrelo ami? He inneihna tur hi midang hriat ah puanzar nilo mahse chhungkaw pahnih in uluktak in bengsik in rem inruat fel vek tawh, he inneih na hi itichhia anih chuan isumdawn na pawh in a tuar nasa khawp ang, inupui tur te chhung hi anlan dan ang a mifel leh tha anni miah lo ania, kohhran kawrah hmang a lemchang mai mai annih hi" a rawn ti leh a.








Rinzami hian engthil emaw tak chu hriat anei ani khawp mai, hetiang tak mi dang chanchin mawilo tak a a sawi hi kala hre ngai miah lo, zorini chungchang in min tihbuai tawh teh lul nen Rinzuali chanchin a sawi dan khan min ti buai zual sauh a..cont

[Ngaia]

Rinzuali nen kan innei dawn tih chu puan zar ala ni em hleinem, thil liantham tak ka tisual tih chu ka pawm thlap e, ka at em vangin nupui kalo neita anih pawh in zorini laka ka thil tih sual hremna ah ka pawm hmak ang, chumi anih rual chuan keimah ngei hian hmaichhan ngei ah zorini ngaihdam kadil theih nan rem min ruatpui rawh" ka tih chuan Rinzami chu a ngawi reng a.









"Ubawih Rinzuali hi ka duhpui hauh lo che, hethil hi ka sawi loh chuan ilak ah hian ka inthiam lo reng tawh ang, Rilzuali hi idamchhung a i kawppui a tan ithlang hi zorini lak a ithil tih sual ai khan itisual nasa fe zawk, he hmeichhia in inchhung a arawn luh rual rual chuan inu hian a damchhung hun mittui nen a hmang ral tawh ang, hethu ka sawi chhan diktak chu nangmah ngei hian izawng chhuak ve dawn ania, Rinzuali nen in inzui tirh khan lo dang tur che hi kania, hetiang a thui ikal hi kalo ring phabik miah lo bawk a, zorini tihnat itum lutukna hian nangmah hi a vawlet ang che tih ka hlau khawp mai" a tih chuan Rinzami thu sawi dan kalphung chu ka man thiam hauh lo.









Kan hotel lam ka pan lai pawh chuan zorinsangi ringawt chu ka rilru ah a awm a, tinge nupui ka neih dawn ah choh he thu hi ka hriatchhuah? Nilo a nihna diktak ka hriatchhuah hma kha chuan ka hmangaih ani tih in hrereng chung khan ka pawm theilo a, thil nihna diktak ka hreta cheng a va pan leh ruak ruak chu thil tih chi ani dawn emni?








Chubak ah keimah ngei in chiang takin ka hmuh duh tawh loh thu ka hrilh vek tawh a, a thinlung a sernung liantak ka siam sak tawh hnu ah ngaihdam ka va dil leh ang maw? Ngaihdam dil chu ka tih ngei ngei angai tlat bawk si.








Hotel ka thlen chuan hmanni a zorin-in hotel a alo awmpui pa leh kan manager chu anlo in be mawlh mawlh a, chupa in min hmuh rual chuan "Rinhlu ilo thleng tawh maw? Haw kalo tum mek a, titi pui lawk che ka duh a ihun kalak rei saklo ang che, hmanni a ihotel a thil thleng chungchang ah khan biak duhna che ka nei a" a rawn ti vat a.








Zorini nihna diktak ka hriatchhuah hma kha chu nise hepa hi ka sawisa hrep duh hial ang chu, ka chhan mai tak loh avang chuan..."He tah hian ka sawi mai dawn ami? Kan manager melh zawk pah chuan arawn ti leh a.






ka office a kan luh rual chuan thu turin ka hrilh a. Tunah hi chuan tumah han biak vel ka chak hlawl lo, ka thuhriat hian min thawng lutuk a rilru fim ka pu thei rih tlat lo a.






"Thut kher angai lo ka thil sawi duh ka sawi anga ka kal leh nghal mai ang" a tih chuan .."Enge isawi duh chu sawila" kalo ti hmuk a.








"I bialnu khan engvang a zorini hi umzui reng nge anih a? Rinzuali khan ka nupui bulah zorini nen kan inkawp ang in alo sawi a, chumai duh tawk loin zorini nen kan thlalak te alo thawn kual a, ibialnu hian kan lakah hian enge aduh a? engvang a hetia min chhui ru hi nge anih?. He Hotel a thil thlen ni pawh khan ka nupui nen kan inhmuh thiam loh vangin zorini kan buaina min chinfel pui turin ka ko a, mahse kan beisei hauh loh thil a thleng anih kha, khapawh kha Rinzual-in ka nupui lo va bia in hotel a kan room awmna thleng in alo va hrilh leh a.






Ka sawiduh tak zawk chu ihotel a rawn thleng te mimal nun hi khatiang a inchhuizui a intih mualpho fo chuan lo ngai reng tawh, reilo te ah he hotel hian mikhual thlengtur anei lo vat mai ang, anihna tak ah chuan zorini nen hian eng inzawmna mah kan neilo a, khatiang khawp a midang hma a tih mualpho a a awm kha hreawm kati em em a, khathil thleng a meizang hlaptu ber chu ibialnu Rinzuali vek hi alo ni reng a, nangmah inven na Chang ilo hriat theih nan thil awmzia ka rawn hrilh duh che a" a tih chuan Rinzuali mizia leh chupa thu min hrilh chu a inmil thei thlawt in ka hrelo.








Khami ni a thilthleng ka ngaihtuah let a zorini khan khapa nupui tawngkam chhe tinreng leh kut hial a tuar anih kha, khatih lai a Rinzual-in thil thendan hrethiam lo leh maktih hmel lutuk a min en lai te kha kala hrechiang lutuk ringawt, engkim hresa vek chung si a khathiang khawp a hlau thawng hmel a pu thei bawk si kha, Rinzam-in lemchan thiam a lo tih nachhan chiah chu ni in ka hria.






Zorin-in ka chungchang alo sawidan min hrilh pawh kha dawt a lo phuah chawp mai mai tihna maw? Keilah chuan engmah hriat chian tum hleilo khan zorini mittui tla zawih zawih khawp in kalo an khum a, khang ka tawngkam chhe tak tak vang khan keimah bawk hi tihnat in ka awm phah leh ang tih rinngaihna reng kalo hrelo anih kha.







Ka phone chu la in Rinzuali ka call a.."Hotel ah minrawn hmu lawk teh " chang belbawl chuan ka ti hmuk thildang a rawn sawi leh hma in phone chu ka off daih a.







Reipawh ka nghah hma in ka office ah chuan a rawn lut a, ka biak a tang hun tam a la liam hman miah lo, chutiang khawp a ranga arawn thleng chu mak kati hial zawk, nge henu hian minlo chhui ru ve reng zawk..pawi sawilo hmel lutuk a minrawn nuih ver ver te chu ka ten hluah hluah.








"Bawiha thilthleng a awm ami? Tinge tunang hunah minrawn koh a? ngaihthat hmel vaklo a arawn tih chuan ankhum hrep mai chu ka duh a Ka in thunun hram hram chauh ani.







" Engvanga zorini hi umzui reng nge inih? Nang hian ithil tih pawi zia hi ihria em? Khang thu ka hnen a isawi zawng zawng te pawh kha dawt vek maw? Kha idawt sawi vang khan mi pakhat rilru chu natak in ka hliam asin. Nanghi kalo hriat thin ang hmeichhia kha ilo ni hauh lo mai" Kati hriam hrawih a.






"Bawiha enge ithil sawi awmzia chu? Kha hmeichhe hurherh lutuk kha keihian ka tibuai itihna ami?. Kha hmeichhia khan ka tan pawimawhna pakhat mah a neilo, khanu vang khan helai hmunah hian minko tih hi ka ring theilo hial zawk" engmah ti sual lo ni awm ang fahran chuan a rawn ti hliai a.







Thil thlendan engkim ka hriat vek tawh hnu ah pawh, engmah tih sual neilo ang mai a ala awm thei chuan minti thinur zual sauh a...Ka dawhkan chu na lutuk chuan ka chum ri bur a, Rinzual-in maktih hmel lutuk a minawn en chu rum lutuk hian kalo melh run a.






Zorini chungchang a sawi rikdan chuan minti lungawi hauh lo..." Hmeichhe hurherh ti a a chanchin isawi zorin ai sawn nang hian mipa ilo mutpui tam fe zawk lo ang tih tunge sawi thei, nang hi ila virgin em tih zawt ta che ila engtin nge min chhan ang tih ka hre chak khawp mai" nel awm loh lutuk chuan ka ti chang bawl a.







"Khanu khan ihnenah sawi a nei ami? Bawiha inupui nimai tur ka nih hi, kei ai hian kha hmeichhia kha iring zawk amaw? Engtin nge hetiang thil hi ka chung ah itih theih zawk? kei hian ka hmangaih lutuk che a sin", tap pur chung chuan a rawn ti a.






Rinzami thil sawi zawng zawng kha ka ngai thutak lemlo, mahse khapa in nichin lawk a ka bul a a thu rawn sawi kha dawt anih ka ring miah lo, kan hotel a rawn thleng te mimal nun hi hmundang ah kan sawi chhuah a thiang lo a, chutiang a nih mek lai chuan kha pa nupui khan zorini nen kan hotel ah an inhmu tih kha a rawn hretlat si anih kha.





Ka staff te hi ka hnuai ah hun reitak chhung lo thawk tawh te vek an ni a, hmanni a thil thleng kha a vawikhat thlenna ani, chiang tak a ka hriat chu khami ni khan Rinzuali hi tihtur em em pawh neilo in a rawn lang nawlh anih kha.




Engmah tih sual neilo ang mai a, a mittui a titla kual vel te chu ka hmu peih hlawl lo.






" Minlo va chhuahsan phawt teh, thil pakhat hman ni a he hotel a thilthleng zorini leh a mipa rawn hmuh pa te chungchang ah khan, nang hian engkim ilo hre lawk vek tih chu phat buai tum miah suh ang che, keihi min lo ngai mawl deuh mah mah in ka hria, he hotel a rawn thleng te mimal nun hi khawiah mah kan puanzar a rem hlei nem, khatiang thil kha a thleng nawn tawh tur anilo. A thleng nawn leh anih chuan kan inneihna tur pawh hi kan ngaihtuah that leh angai ang" ka tih chuan a hmel ah engmah danglamna hmuh tur a awm miahlo.






Rei pawh hotel ah awm lo in kan inlam ka pan a, kanu chuan ka nupui neihna tur thil vel ringawt chu phur em em chuan minlo la sawi khum chiam a, engkim a nihna pangai ang thlap a ka chinfel hma chuan kanu hlimna ka tih chhiatsak duh loh vang in ka insum hram hram mai chauh ani.






Zan riah eikham ah chuan Rinzami hmu turin ka in siam mawlh mawlh a, zorini a lo be tawh em tih hriat Ka duh vang ani a...Josepha khan ka ngenna kha zawmlo in zorini kha a lo hnaih angem? Chu thil ringawt pawh chuan, rilru nuam lo deuh in min awmtir reng a.







Rinzam-in minlo hmuh chuan a hmel ah chanchin lawmawm engmah hriat tur a awmlo tih ka hre thiam mai a, ka thil lo tih sual tawh ngaihtuah chuan zorin-in min hmuh a duh lo pawh chu ka hriat thiam pui tho mai. A hma pawh khan zorini bulah khan ka rilru put hmang ka puang chhuak tawh a, mahse khatih lai khan hmeichhe dang kut vuan chung in zorini kha bultanpui turin ka sawm anih kha.






Tu hmeichhe mawl in nge mi bialpa ni reng lo nihpui duh teh reng ang ni?. Rinzami lah in min hau reng a, engang pawn min ankhum mahse ka haw ngam lo hrim hrim.





Rilru mangang lutuk chuan ka hmai ka tuai leh puat thin a, Rinzami chuan min khawngaih tih ka hrereng a mahse a unaupa hi khawngaih tlak pawh ka nilo, mahni hmangaih pawh hriat chian tum miah lo a, a chhiatna lai ringawt hmuhsak a natna tamtak siamsak reng tu hian khawngaih ka phu hlawl lo.






"Zamte zorini nen kan chungchang thu ah hian ipuihna ka mamawh takzet ani, engthil emaw tal ti teh" mangang lutuk chuan kati chhuak sup a.





"Zorini hi ka thiantha tak ani tih ihriat ang tho khan, a luhlul zia leh a tihtawh loh lamah chuan a rilru sawh sawn sak mai mai theih anih loh zia hi lo hre hmasa la ka duh, kan beiseina awm chhun chu zorini hian a hmangaih em em che a, chuthil chuan a lak a ithil lo tih sual zozai lak atang khan a chhanchhuak thei che angem tih chauh hi ani" a rawn ti sep a.






Zorinsangi...POV





Ka phurrit pakhat laksak in ka awm kati lo thei lo, ka chhungte kiang ah hian hetiang hun hlimawm hi ka hmang leh thei ang tih mumang ah pawh kalo mangphan phak tawh lo a, kan inchhung chu hlimna thawm chuan a khat ani ber mai, Rinzami pawh ka nu ten riak ve turin an chelh a, alo remti ve mai bawk a.







Rinzami leh ufeltea awmdan chu mak kalo ti ru viau mai, an pahnih chuan an inzah in anlai deuh tlat a...ka hriat theih chinah Rinzami mipa vang a a awmdan a danglam ka hriat vawikhatna ani, hun rem chang ah kala ti ti pui ang ka ti rilru neuh neuh a.








Zanah mahni room lamah riak hrang loin chhuat ah mutna phah ila mu ho vek ang u, kan titi ho thei bawk anga. Utetea rawtna chu tha kanlo ti tlang ngang mai.








Thuthleng thenkhat chu hungrem in mutbu kanu leh Ufelte-an anrawn thiar chhuah chu. Rinzami leh Utetea te nen kan lo phah zel a. Rinzami hlim leh nuam ti em em a ka chhungte kiang a a awm ve thei chu kalo hlim veng veng, Uzohming-an "Mate mutna kha chu Zamtei leh tetea khan lo phah maise biak lawk che ka duh a, zingkar ah hnalam ah ka let angai dawn a, iroom lamah kan chho mai dawn ami?" A rawn tih chuan Rinzami chuan min rawn melh zawk a, ka thiltih lai kalsanin ka room lamah chuan uzohminga chu ka zuichho a.








"Mate i u hian ilak ah hian ngaihdam dilna tur che tamtak ka nei a, i lak a ka thiltih rapthlak lutuk vang kha hreawm ka ti viau bawk, mahse ka nau hi hetiang tak a hmeichhe chhuan awm ilo ni reng tih ka hriat loh vang kha ania, engpawh chu nise i u hian ka chhuang em em che ani tih hi hrilh che ka duh a. Ka sawipui duh tak zawk che chu, tlaiah khan naktuk lam ah irawngbawl hna chhunzawm tur a in hi chhuahsan leh itum thu kha isawi a, mate irawngbawl hna hi he in chhung atang hian ithawk rih mai theilo ami? Ka nu leh pa te hi ikalsan leh daih chuan ankhua ahar leh dawn lutuk a, keilah in nupui fanau neiin inhrang kalo chang ve laklawh tawh bawk si, ka duhdan chuan chhuak lo in kan in ah hian awm hrih tur a ngen che ka duh a" a tih chuan ka u thil sawi chu a dik ka ti ve tho mai.








Tunah chuan ka thiltih mek ah hian ka chhungte zawng zawng leh Rinzami hnen atang support na ka dawng reng tawh dawn tih ka hria a, chuthil ringawt pawh chuan chakna leh huaisen min siamsak hnem tawk tawh, kan inchhung atang pawh hian ka che chhuak thei reng a lawm, a hma kha chuan ka chhungte lak atang khan dodalna ka tawng nasa a, kha pawh kha thudik anlak a ka zep vang vek ani a.







"Keipawh in kalo ngaihtuah a, ka nu leh pa bulah hian han chawlh hahdam ve deuh pawh chu pawi tihna ka nei lemlo" ka tih chuan ka u chuan ka hnarah a rawn tawk zauh a, "Ka naute fel leh thu awih em em kha ila nireng anih hi" nui var var chung chuan a rawn ti a.







"U kan sawi zawh tawh chuan chhuk tawh mai ila, zamtei kha akhua alo har a nge" ka tih chuan...""A khawhar ka ring chiah lo, a bulah tlangval fel leh hmeltha pahnih an awm reng alawm, nang te chu a hrechang tawh miah lo ang che" a rawn tih chuan.







"Zamtei te chuan jordana lo mipa a ngaih ven lo" kalo ti vat a, ka sawi chu thudik tak ani reng bawk a, kan in hriatve chinah mipa a hnaih ka hrengai lo a, chuvang tak chuan ania, Ufeltea bul ah Rinzami zam leh lai hmel ka hmuh khan mak kati hle reng a nih kha.








Uzohming-an ka pensawn tur chu minlo ko ding leh a, wallet chu phawrh in ATM Cards chu rawn la chhuak in ka kutah chuan a rawn hmehbel chawt a. "Mate heihi la rawh, khami hmang khan imamawh tur ang leina tur pawisa ila chhuak dawn ania" a tih chuan ka u chu mak tih hmel deuh chuan ka en hu a,







"Hetiang a ngailo khang kum chhung zawng pawh khan vawikhat mah tlachham in ka awm ngailo, pawisa chu inupui fanau te tan hmang zawk rawh" ka tih pawh chuan nangma tan ka hlawh atang kalo khawl ve ania, ka chhungte enkawlna tur chu ka nei alawm" a tih deuh tlat bawk sia nuam lo ti deuh chuan ka laksak ta nge nge a.









Inhnuai lam kan chhukthlak chuan, ubeti te nufa leh kanu leh pa te chu anlo mu dal tawh a, uzohminga sawi ang tak in Rinzami chu ka unaupa te pahnih kiang ah chuan a lo tlei ngang mai...Utete-an minlo hmuh rual chuan.






"Mate ka nu leh pa te hian min rawn thlah ve se ka ti deuh a, ka rawngbawlna hmun hi ka awm tirh a min kalpui bak kha ahranpa in anla rawn kal leh miah lo a, a nihna tak ah chuan ilo haw palh hlauh a inah tumah anlo awm loh chuan, ihrilh hai lutuk palh ang antih vang in anzinchhuak duh miah lo a, tun chu nang ilo haw tawh bawk a, ka rual in rawn chhuk ve nghal mai se ka tia" a lo ti nghal vat a.







Ufel-an "Mate kanu leh pa te chuan Tetea thlah antum sia Zamtei nen hian minlo thlah ve daih ula, keimah lek in quarter lianpui ah khan khawhar tak in ka tei leh ruk ruk anga, Inlo awm ve chuan a nuam dawn em a sin" a rawn tih chuan Rinzami chu ka va en a alo lai leh ringawt tawh.







"Rawn thlah ve che chu chak viau mah ila, Zamtei hi a buai zia ihriat kha, apa in an hotel a kutah a dah tawp tawh a, tunlai phei chu home lamah buaipui tur atam bawk si, rem chang hmasa berah kan rawn zin ngei ngei ang" ka tih chuan zamtei lam chu hawi in.







"Zamte matei thil sawi kha ilo hria tiraw? Hun rem chang hmasa ber ah rawn zin tak tak ru aw, kalo beisei reng dawn cheu ania" a tih chuan ka thiani hmai chu alo sen tawn tawn a...hemi te pahnih inkar ah hian thil eng emaw tak chu a awm chiang lutuk ka rilru chuan ka ti nauh nauh a.







"Ahh aw awle, a chakawm khawp mai hun rem chang hmasa ber ah ngei ngei in kan rawn zin ang" Rinzami chuan a lo ti bah nak a, ka unaupa te hi tumah hmelchhia an awm lo a, tlangval hmeltha leh fel tak pasal atan chuan duhthusam anni a, pasal a neihtum a rawn hel pawh an tam thin viau bawk. Chuvang tak chuan Rinzami hetiang tak a alai chhe thin pawh hi awm ka tih pui tho.








Zingkar ah Uzohminga te chhungkua in min haw san a, tukthuan eikham ah Utetea ho in kanu leh pa te anchhuak ve leh a, kan inchhung chu a reh ruih leh tawh, Ufela erawh chuan kanu leh paten Tetea thlah anduh bawk si chuan, in tih rauh ringawt a diklo vawiin chu kala cham hrih mai ang" a tih avang chuan kalo lawm ngang mai.








Rinzami pawh hotel ah kal ngei ngei a Ngaih avang in zing chaw eikham ah min haw san ve thuai a, Ufeltea ka sawm anga Chhun lamah va surprise ka rilruk nghe nghe a.







"Kan unau lek a kan han awm leh tak rak rak ah chuan nunhlui te pawh min ti hrechhuak a lawm" kati chhuak phawng a. "Ningawt mai tiraw, kan naupan lai kha chuan chhungkua in kan awm ho dial dial a, kanhan puitling ta cheng a ti hian kan hna avang in kan awm hran vek angai a, kanu leh pa te hi ankhua a lo har thin dawn emai" Ka u chuan a lo ti ve bawrh bawrh a.







Inchhung a tihfel ngai zawng zawng kan unau chuan kan ti felfai zung zung a, "Mate iPhone a ri a nia ufel-an a rawn tih chuan ka phone rikna lamah chuan ka tlan phei vat a.






" Hey thiana I van reh ve? Tunlai enge itih thin a? Ka tih chuan Opa chu a rawn rum nghut a.






"A mak e zorin, naktuk hi lawmthu kan sawina nitur ani tawh tih itheihnghilh tih min hrilh miah suh, kan phak tawk in chhungkua kan in buatsaih ve a, irawn inkhawm lo ang tih ka nu leh pa in an hlau lutuk a betur che in min tur chhen a" a rawn ti bawrh bawrh a.







"Ka hrilh vek tawh che kha, ka rawn inkhawm ve chuan midang tan titi tur ka siamsak tam mai mai zawk, inlam ah a tul angin kalo tawiawm cheu anga ruaitheh nen" kalo ti lawng lawng a.






"Zorinsang imak emai, a tha e hetiang a min phatsan leh tur si chuan tinge khang thil zawng zawng kha kan chhungkaw tan hian itih? mahni inkhawngaihna te kha khawi atang nge ilo neih ve tak a? Ka hriat thin hmeichhe huaisen midang te thusawi mai mai in a tih buai ve phak loh, ka thiannu ka hriat thin kha chu a thi tawh ania nge" a tih duah hnuah phone a dah daih a.








Ka lak a atihtauh a piang in ti hian a ti ve ziah, tunah hian 1 2 3 4 a chhiar leh mek ang, phone a pic rual chuan ikawr tur lei kan ngaih Kha khawnge tunah I awm inah kalo nghak dawn che nge ka rawn hruai dawn che" a rawn ti nghal zung zung a.







"Ufela lam chu hawi in " Ufelte bazar lamah kan va chhuak harh ve dawn ami? Ka thianpa in min rawn call a, naktuk ah Lawmthu sawi nan kohhran ah ran anhlan dawn a, inkhawm ve tur in min phut tlat a, ka kawr haktur chen a min leisak an tum anih hmel" nuisang chung chuan kati a.








"Mai mai thin chuan, ka farnu thuamhnaw duh zawng leisakna tur hi chu keimah hian ka nei reng a lawm, chutiang thil ah midang tih buai a ngai reng reng lo han intifai la ikawr haktur lei tur chuan kan kal dawn ania" ufela chuan alo ti vat a.







"Kohhran ho inkhawmna ah hian kumhnih chuang ka tel tawh lo a, ka chanchin thang mawilo lutuk vang hian biakin a Pathian be tur a kal hi a nuam chiah lo a, zanlai ah mi muthilh reh ah tawngtai tur in ka kal mai thin a" ka tih chuan ufela chuan "Mate midang ngaihdan a kanla buai chhung chuan kan la tha tawk lo tihna ania, engkim hretu Pathian rinchhan chung zel in kal tawp rawh, han inbual tawh rawh kan tlai ang" a tih chuan inbual tur in ka chhoh san a.








Ufela bullet hnung a ka thu tur chu ka helhhawlh tlat pek a, ka u hmai ah chuan ka va fawp zauh a, "Tunah chuan nu leh pa leh unaupa hmeltha deuh deuh ka nei leh tawh a ka hlim lutuk hi awmdan tur pawh ka thiam lo" ka ti bawrh bawrh a.







"Rawn lawn vat teh, vawiin ah hian ibialpa hian iduhna hmun a piang a hruai tur che in I driver ah ka inpe e" a rawn tih chuan kan unau chuan kan nui dun leh hawk hawk a.







Ufel-an bialpa a rawn sawi rik chhan Kha kala hre reng, kan unau a kan chhuah dun a piang in inngaizawng emaw min lo ti tawk hi anlo awm ve ziah a, nu pakhat phei chuan inngaizawng ka hmuh tawh ah chuan inla inhmeh ber min ti a, a thil zawrh zing ami ka u nen hian min present nghe nghe tawh anih ka.







Nui suk suk chung chuan " Ithil ngaihtuah ka hria ania aw, vawiin ah pawh hian ka naute hi ka bialnu emaw titu kan tawng leh dawn tih ka sawi lawk ngamsak, mate kal tawh teh ang" a rawn tih chuan a hnungah chuan ka thu ve nghal zat a.







Ka u bengbul ah chuan va awm hnai in bullet ri ringzet karah chuan.."U tun a I in thuamdan hi ka pa in hmu che se chuan a hau chiang ngawt ang che", ka va ti lang lang a.







Pastor ini a zahawm tak a inthuam tur kan silhfen ken duh dan atang hian kan mizia a lang thei a ti leh duah dawn a..ka unaupa chhelo lutuk vang hian mi mit kan chungah a fu niber in ka hria, nge keimah vang zawk? Ka chhungte kiang ah zanhnih khat lek ka awm a Ka chanchin mawilo tak vang a mite diriam rawn kani thin tih ka lo theihnghilh hman hial a nih chu.







"U mi hian min enduh riau nachhan hi ihria em? A bengbul ah chuan ka va ti sar sar a. " Ka naute hi ihmeltha lutuk a chuvang anih dawn chiah chu" a lo ti vat a..."Chutiang lam anilo, tuman unau kanni tih heng ho hian anhre tawp nang inau hi mite hriat danah chuan addict mipa kawplawr nasa tak kani sia, u itan a zahthlak e tinge chhuah pui tur che in ka lo sawm ve duh che le" ka tih chuan.







"Ka nau chhuah pui hi ka zak ngai hauh lo ang, lo kalhnai teh " tih pah chuan ka darah min rawn kuah thak a...kan bul vel a mite inhrilh ru leh ser ser pawh chu ka mit sir in ka va hmu reng.







Awmpuia Rinzami te hotel a kanlo nghah tur thu ka hrilh tawh a, Rinzami phone lawk lo a va thawn kan duh a vang chuan hotel lam pan chuan ka u nen chuan inkai rial in kan kal a, ka unaupa in min zahpui loh zia lantir nan a midang hmuh lai a min ngaihsak leh duatna a tilang chu ka lawm kher mai.







Ufela nen chuan Rinzam-in min hmuthut dawn sia mak ati viau ang tih vel sawi chuan kan nui dun hawk hawk reng a, hotel chhungah kan in kai lut zel a, manager hnenah chuan inpi a awm em? tia ka zawh hnu ah a office lam kan pan dun nghal a.







Rinzami office pan pheina corridor a kan kal lai chuan Rinhlua leh a bialnu kan tawk hlawl a.







Chutia min hmuthut chu a hamhaih ve tho ani tih reilo te a hmel rawn buai nak ah khan ka hrethei, chiang zet chuan mitmeng thip lutuk hian ka u chu a rawn melh nawn leh ngat a, keini lah kan lo la inkai rial lah tak bawk sia, hepa pawh hian midang te ang tho in ka u bialnu ah min ngai ve tho tih ka hre thiam mai...cont

[Ngaia]

Min hmuh a duh loh thu chiang tak in minhrilh eng ang mahse, tihpalh thilthu tak meuh meuh in kan inhmu lo thei thin silo a, vawiin ah pawh hian Rinzami te hotel ah hian hmuh ka beisei hauh lo, hmuh beisei lo mah ila kahma ah hian hmuhtur in a lo lang ve leh nawlh zel si a.









Rinhlua nen kan inkar a chhiat zual tak tak hnu atang kha chuan, tu lakah mah hian beiseina neih ka tum tawh ngailo, ka beisei ang in engthil tha mah kan pahnih in karah a thleng lo a, thlen a hnek in hmelma angah min ngai hial tawh tih ka hriat a vang hian, midang laka beisei neih hian kawng ro a sulo tih a tak ngei a ka tawn tak vang ani.








Rinzam-in min hmuthut chu kanlo rinlawk ang ngei in mak a lo ti ngang mai, a chhan pawh ka unaupa hi ala cham tur thu a benghriat a kan sawi rik miau loh vang ani, kei hi chuan englai pawh in hmutur in ka kal fo a, hetiang a hrilh lawk lo a va hmuh te chu atan chuan thil thar ani tawh miah lo. Mahse Ufela hmel a hmu tel ve chuan a ti hamhaih dawn tih ka hriat vang ani, mi â nileng lo tan chuan an pahnih inkar a boruak eng emaw riau awm hi hmuh hmaih a hriat thiam loh chi rual anilo.







Awmpuia lo nghah pah chuan, Awmpuia te chhungkua in Pathian ah lawmna anchan thar dan te chu kanlo sawi ho bawrh bawrh a. Rinzam-in ka u bulah, pu saia nen kan inzui lai a mi min sawidan vel a hrilh lai chuan kalo nui leh hak thin a. "Ufel ifarnu hi chuan hming a ngah a sin aw, Valkuahlawri tih hi a inhmeh kati deuh ber mai" nui rah rah chunga a tih chuan. "Nghal lo mai teh" kalo ti hlak a.







Awmpuia a rawn thlen chuan arawntlai avang in thupha a rawn chawi mawlh mawlh a, Rinzami kan rual a bazar ve tur a kan sawm chuan kan rual a rawn kal ve chu a hmelah a chak tih ka man thiam mai a..."Naktuk lamah Opa te lawmthu sawina lamah inkhawm ve ngei ngei a ngai dawn sia, nimin lamah in inah ka rawn len vang in vawiin chu hna ka inchhekkhawl hnem tawh lutuk a chhuak thei kani tawh ngang lo, inhaw dawn ah min rawn tlawh leh ngei ngei ru aw" a ti siam siam a.







Ufel-an phal lo viau mahse Awmpui-an puan min leisak lui talh a, kanu in ikawr leina tur min pe vek tawh engmah ka leiloh chuan an lawmlo ang a tideuh tlat a. Ufela sawi ang tak tak in kawr kan leina dawr ah, ufela bialnu emaw min lo ti leh tak tak a.







Kawr kan mitla zual kan lakhran ho chu ka ha chhin dan dan a, "mate tun a ihak lai kha I inhmeh berin ka hria" ufel-an a rawn tih chuan dawr nghak tu nu chuan..."Thian pa chu ibialnu kawr inhmeh tur ithlang thiam hle mai" nui sang chunga a rawn tih chuan insum hman leklo chuan kanlo nui chiam a.









Dawr nghak tu nu nuamlo ti hmel ufel-an a hmuh chuan "ka bialnu nilo in ka farnu neihchhun ka duat em em anih hi" ti in kan nuih chhan chu a lo hrilh fiah thuai a, chu nula zak hmel sen tawn tawn ka hmuh chuan "Thian nu nangmah choh ini hleinem, ka u nen hian inngaizawng emaw minti kan tawng thei viau ania" kalo ti ve vat a.






Kan duh ang kan leizawh fel hnuah Awmpuia te inlam ah Ufel-an len a rawt a "Mate kan pahnih choh kan nia rawngbawl a hautak chuang lo a, i buhchi theh in rah a chhuah te chu hmuh pui ve ngei che ka duh tlat" Awmpuia hriat loh chuan minrawn hrilh ru sur sur a.








Awmpuia te in kan thlen thlak chuan inleng anlo nei nual a, a then te chu khual khua a mi chawimawina rawn hmanpui turte an ni nawk bawk a, pu sai-an min lo hmuh chuan minlo be nghal bawrh bawrh a, Ufela nen ka in hmelhriat tir hnu chuan. Awmpuia nu Nu kimi pawh in minrawn chibai ve lawp lawp a.







Inchhung a lo awm ho zingah chuan Ufela lo hmel hriat an awm ve nuk mai. Pu saia chuan zanriah einghal turin min ti tlat a, Ufela hnenah chuan "Naktuk chu la haw bik lo in cham tlang ve law law rawh" anti bawk a.







Ufel-an ansawmna chu mawihnai taka lo hnarin "cham chu chak viau mah ila kan rawngbawlna kan ngaihpawimawh hi a tul ve miau sia, hunrem chang hmasa berah kala rawn tlawh leh zawk ang cheu, Matei Inlo duatzia te kalo hria a, in chhungkaw chung ah hian ka lawm khawp mai" a ti deuh duah a, ka u ani na vang vang in mi biang biak a thiam in aia upa han kawm vel a thiam bawk si a, kalo chhuang ru veng veng.







Mikhual nen kan nih deuh nuk a vang in zanriah chaw kan eihar lo hlauh a, Ufela chuan "Pu sai kanin eipuar ta cheng a, han thut khawmuan pawh thil mawi ani tih hretho mah, ila inlam ah tumah an awm silo a, ui puar koh ansawi kan ang viau dawnna in, kan va tinsan phawt ang cheu" a tih chuan anni pawh chuan "E inthlahrung duh reng reng suh u, minngaipawimawh a inrawn leng hrim hrim pawh hi kan lo lawm tawh viau ania, zorin naktuk kha irilru lo thlak in irawn inkhawm lo mai mai ange" min ti leh hram hram a.







"Mifel leh tha tak annih kha mawle, mate ihnathawh ropuizia hi ka awih theilo hial zawk, he tiang khawp a mi rilru hneh thei tur hian eng thil fakau nge ilo tih bik a? Bike khalh chung chuan a rawn ti a.





.
" Keiin tih ka nei hlei nem Pathian in an thinlungah hna a thawk mai zawk a lawm" kalo ti vat a.






Rinhlua te hotel kan thlen dawn chuan ka khur ru leh dar dar tawh, tlailam mihring tam vanglai a ni a, traffic zam vang in, duh ang in kan tlanchak thei lo a, Rinhlua te hotel zawn kan thlen lai chuan. A haw tur a rawn chhuak ve chiah a, hotel hnaih lam kawngpui sir deuh a tlan kan nih vang chuan min rawn hmu zui leh nghal a, driver in a car hotel tualzawl a arawn hun pawh chuan, car chhung a lut mai lo chuan min rawn en reng tih a hmel va hmu kher tawh lo mah ila ka hnungzang za deuh mer mer ah chuan ka hrethei.







"Mate zamtei Khan minrawn tlawh haw leh rawh u kha ati sia, chaw kan ei leh nghal bawk sia minlo beisei reng maithei ani, han phone mai teh kan tlawh leh ta hman mang silo a" ufel-an a rawn tih chuan Rinhlua kalo ngaihtuah leh veng veng na atang chuan ka in thingharh ve leh thei hram a.







Min tina viau thin mahse ka haw ngawt theilo, ka hmuh ngun leh hepa tan hian ka lungphu hi a rang ngun ting mai ani.








"Kan haw tawh a ring tho ang ka be rih lo mai ang, in kan thlen ve leh nangman ibe mai dawn ania" ka tih chuan ufela chu a rawn nui nghawr dat a.





"A number ka nei ve chuang hleinem be tur pawh in" a rawn tih chuan neitawh ah inngai rawh kalo ti hmiah a. Anihna tak ah chuan Ufela leh Rinzami hi innei dawn pawh nise pawi tihna ka neilo, Rinzami hi ka hrechiang a, nuthlawi ani emaw engmi pawh chu lo nise ka unaupa nupui ka monu a tan ka iai chhete eih lo hrim hrim. Tihtak emah chuan Nula
aruk a virgin lo pawh antam chiang tho emai.







In kan thlen ve leh Rinzami number ufela chu ka pe nghal vat a, number ber an inneih tawh chuan a bak chu puitling ve ve annia anlo in chingfel ve mai tawh tur ah ka ngai.








Zanlam ah ka teichhuak tlem ta lutuk te chu ka hahphah hluah hluah... Hnathawh tur tamtak in min hmuak mek a, engmah tilo a ka awm hian ka hah thin ani.







kan thianpa in aputea min hmelhriat tir ve a duh a. Muanzuala putea hi a sawidan hmang chuan pa harh vang ve nangang hi ania, hei vang tak hian a awm hle hle theilo ani ber mai, hmeichhe lamah hian a nghal lutuk a, kanu pawh a rilru a hah phah hle a sin, zorin ka putea chu ka hmuhtir che anga, engtin emaw tal min puih a ngai ania, hetiang anih reng chuan chhungkua an kehchhe harlo tawp ang a rawn ti a.







Mi tamtak zingah mi tlemtein ka rawngbawlhna hi hria an awm a, tunah chuan thup bo rual loh in ka rawngbawlna hian zawi zawi in mi hriat a hlawh ve bek bek zel a, home kan hawn tak tak hunah chuan ruihhlo ngaite hnen a rawngbawl hna chu ka thawk anga, tunah hi chuan nupa inkar a bik in nupui nei reng chung a nula kawp hmang te ka bitum deuh bik a...hmeichhe zingah pawh uire na sual a tlu pasal nei reng chunga mipa dang kawp hreh lo tam tak an awm mek a, a tir ah kha chuan ruihhlo lam a buai te ka buaipui ber a tunah chuan ka lut thuk telh telh a, hna thawh tur a tamzia leh ka thawh sawt si loh zia ka in hrechiang tulh tulh a.








Uirena chungchang ah hi chuan keima thlir ve dan mai mai chuan kan mobile phone khawih nasa lutuk hi ka puh ber a, mahni inchhung lum a tang in nupui pasal nei leh neilo te kan in bia in engkim kan ti thei tawh a, heng kan mobile phone hman khawlohna hian thatchhiatna ah te min hruailut a, bible han chhiar ai chuan phone khawih kan duh vek tawh a, chu thil chuan nasa tak in kan rinna kawng ah min hnuk hniam in engmah pawisak lohna kan neilian telh telh a, mitam tak ten chhungkaw kehchhiat nan anlo hman phah ta thin ani.





Nu in a fate thutha hrilh keuh keuh thin ai chuan a mobile phone hmeh a peih tawh zawk a, nundan mawi thutha dawng ngailo naupang chu a lo thanglian a, mi sual tak engmah pawisak neilo alo ni ta mai thin a, thil pawitak ani.






Thalai te zingah pawh mutna chang hrelo khawp phone khawih vang a meng rei kan tam a, zinglam ah thawh nachang kan hre leh thin bawk silo a, chhungkua ah in nghirnghona athlen phah fo bawk a, eng kan ti tange kan ram hi, he tiang tak a sual in minrun tak mai le?. Pathian malsawmna kan dawn zozai te hi amah kanfak leh chawimawina min daltu ah kan hmang leh lawi chu anih hi.








Ufela pawh in zing dar nga ah mamit lam min pansan leh a, keimah choh chuan kan in ah chuan ka awm ta ruk ruk a, utetea ka nu leh pa te ka lo thlah tir chu ka inchhir rum rum tawh, nihnih kalta kha chuan chhungkaw Kim in kan hlim tlang dar dar hle anih kha, zanlam ah keimah chiah a riah ai chuan uzohminga te inlam ah ka han riak mai dawn nge ka ti rilru neuh neuh a.








Mahni choh a awm kani bawk a rawng pawh bawl duh lo in ka tal vel mai mai a, Awmpuia te lawmthusawi inkhawmpui chu ka huphurh tih piah lam ani, kumhnih hnuah biak in ah ka inkhawm leh hmasakna ber tur ania ka zam hi ani tawp.








Rinzami samlem min leisak zing ami samlem dum ngiltha zet chu ka vuah a, ka sam thang theilo lutuk chu mak kati hial zawk...nge thang vat vat se ka tih lutuk nalam ah kalo hmu thang lo viau zawk ? Hmai tung lampang deuh kani a, ka vun a ngo hle a, samdum hluah hi chu a thing titu tam hle mahse, keimah ah chuan ka vun rawng nen a inchawih a inhmeh ka inti ber tho tho.







Hman hmawh lemlo tak chuan ka in siam mawlh mawlh a, insiam tih lemah ka hmai chhete in ka chei a, nimin lam a kawrthar ufela min leisak chu ka ha a, kekawr tluan a chung a puan bih hnan mai theih tur ka ha a, ka pheikhawk sang lutuk lo ka bun bawk a, Awmpuia puan min leisak chu ka bag ah ka khung a Ka inpeih chu ani der a.






Rinzami sawmphei ka ngaih avangin tlem in ka chhuak hma deuh a, Awmpuia te chhung hmaizah viau lo ila chuan inkhawm loh mai ka duh, mi in minsawi dantur ka hresa vek a, ruihhlo ngai leh mi sual awm tha duh lo ten kohhran hnaih ve antum chang pawh hian, tawngkam mawilo leh deuh sawh tak tak a lo tawngkhum ching kohhran huangchhung ah hian an awm thin vang hian, mitamtak chuan kohhran anhnaih ngam loh phah fo thin.






kohhran kawrah hmang a nula ngaih bansan chuang lo, tlangval ngaih bansan chuang lo a ruk a zu in reng kohhran rawngbawl tu te zingah kan neitam ta lutuk te hian, mihla te hnuhhnaih ai chuan kohhran a akul atai a inhmang te ai hian kan tha zawk tih tawngkam te alo chhuah phaha, hethil hian minti tap nasa thin khawp mai. Kohhran hi incheinan kan hmang niber hian ka hrethin.








Rinzami te in ka thlen chuan chaw anlo ei dawn chauh a, ka va biak khan ka hman ani mai a rawn ti ve em em a, tunah chaw ei anlo siam chohsia ka ngei ru khawp mai.








"Khatia lunghnur hmel pulo khan rawn kil ve nghal rawih, nangmah a I awm chuan zing chaw inghei dawn tih ka hriatsa vang ania ka hman tawh ang a ka rawn insawi, nangmah kan lo nghak che a chaw pawh kanla ei loh hi" nui vur vur chung chuan a rawn ti a.








Rinzam-in min hrechiang lutuk hi chu mak ka ti hial zawk, he tiang em em a rilru hausa mihring hi antam lo viau hian ka ring. Hnial theih ni hek lo le tumloh deuh in Rinzami te in ah zing chaw ka ei a, ka chawhhmeh ngainat em em thlaibai tui tak anlo siam bawk nen, ka eihnem lutuk a ka kawrthar pawh chu ka tawt zo vek hian ka inhre pek a .








"Angel inkhawm hun kha dar sawm pakhat daih ani tho a ihmai kha va phih la kalo chei tha ang che, kumhnih hnuah biak in a I inkhawm leh hmasakna ber tur ania nalh tak a ilan a ngai ania" a tih tlat avang chuan ka hmai chu ka phih leh ta nge nge a.







Ka hmai hnawih mawlh mawlh pah chuan. "Angel mi tamtak ruihhlo ngai leh mipat hmeichhiatna lam a tlan nasa tak tak pawh an awm a, nangmah ang em em hian tumah hi ansawi peih lo, mahse nang hi chu tute pawh hian an rel luai luai che a, hetiang khawp a mite ngaihven rawn inih chhan hi ka hria in ka hria" a rawn ti chhuak phawng a.






"Ngaih ven nilo in min hmusit mawle" kalo ti sap a.






"I chanchin a chhezawng a sawi thin tu tamzawk hi chu kan hmeichhiat pui te vek hi anni. A chhan diktak ka hmuhchhuah tak chu, nanghi ihmelthat em vang ani. Aigupta lalnu Cleopatra ang mai a hmeltha inihna hian mipa mit ila a, chuvang tak chuan nanghi a chhe thei ang ber a sawi ihlawh a, dawt thumal khat lek pawh hi a kual a kual chuan dawt thu sawm ah a lo chhuak tawh thin a, chu chiah chu ani ichung a thil thleng mek hi" a ti bawrh bawrh a.








Ka scooty Rinzami te inah ka hnutchhiah a, an driver in Tuikual south biak in lam pan chuan min phurchhuak ta vang vang a. Sunday dress nen kan in duang ta zaih chu mumang te pawh ang kati hial zawk, silhfen tunlai leh tawngchham tak tak kalo inbel thang tawh lutuk a, ka awm thiam lo ka lai huih hian ka hria a.











Kan thian te, kha home a zantin deuh thaw rui thle ve mai mai thin te coat suit nen in duang zaih a, biak in tual a anlo ding khawm taih ka va hmuh chuan, ka zamna te chu lak kian hian a awm ni mai hian ka hria, Rinzami nen chuan in enin kan in nuih sak a, anmah ni vafin tur chuan kan pan phei nghal ruak ruak a.







Thian te ho in minlo hmuh rual chuan kan in chibai nak nak a, "Zorin inhmuh a va khat ta ve?, hetia kan nundan thin kan bansan tak chinah hian inhmuh a har ta riau anih hi" anlo ti bawrh bawrh hlawm a.







Anni ho kiang a ka awm hian rilru thlamuang in ka awm ve thei thin a, anni hi chuan tunge kanih an hrechiang a ka lak ah hian antha em em vek sia, tute pawh hian kan laka thatchhuah reng thin te chu kan haw thei tak tak ngai miau lo a.







Rinzam-in "vawiin chu tumah kal hrang lo in kan inzui nileng ang, Angeli nen hian surprise natur cheu kan nei ania, tumah in phatsan awih loh" a tih chuan kan phur tlang hlawm ngang mai.







Inkhawm ban lamah in nghahkhawmna tur te sawi in kan kal darh ta hlawm a, Rinzam-in "Angel kan luh hmain ka va zung leh lawk ange, tah khan minlo nghak rawh" tih leh kal a rual a, biak inchhung lam ah pawh zai atui a boruak a nawm hmel em em leh nghal a.







kalo hlauhthawn ruk ang ngei in hmeichhe thenkhat chuan ka hriat phak si chuan min sawi leh sep sep tawh a, sangtei nen kan in hmuh ni a restaurant a Rinhlua te bul a lo chawl ve ka hriat tur ngei a minrel tu hmeichhia bawk kha ka hma ah chuan a rawn ding leh reng tawh.







Ka hmaah tak chuan rawn ding in ka taksa pum chu a thlek kual dan dan a, min eiloh hmel lutuk chuan a ner sak a. "Enteh u thiante u, he lai hmun a ka thilhmuh hi eng thil nge nita ngai? he hmeichhia hian a bialpa hlui a rawn tawiawm dawn anih hmel riau, a hmel te hi han en teh u a pawisa hmuhna hnar ber in a pianthar san tawh sia, a landan ah chuan a lawmlo hle anih hmel hi" nui awr awr chung chuan a rawn ti a.






He nu hian enge a hriat hrep ni, tunge anih? A hming pawh ka hre heklo, a pawi ka sawi ka hrelo a, vawikhat min hmuhna atang khan ti hian min tawng el reng ringawt hi ka hrethiam hauh lo.






Chunu nungchang mawilo lutuk chuan minti hlau thei hial zawk. "Mi thenkhat hi chuan zahna hi enge tih hi anhre miah lo anih hmel, mahni nihna pawh hrelo hian zak map lo in Pathian biakin te anla rap ngam a" chu nu chuan a rawn ti leh a, Rinzami rawn let har lutuk chu ka tah a chhuak hlur tawh. Chu mite min hmuhsitna ngaihthlak reng chu nuam kati lo a, ka kham hluah hluah tawh, haw leh mai te ka duh rum rum mai.






Ka thinlung kilkhat a tang chuan, "hetiang ho vang mai mai hian hnual phah angailo, engkim hretu Pathian neitu inih kha " minlo ti ve bawk a, Rinzami a rawn thlen chuan " Enge thleng a? Nang ni ho hian Angeli hi engtin nge Inlo tih a? Rum lutuk a melh kual chung chuan a rawn ti a, engmah sawi tawh lo chuan biak in chhungah chuan an inzui lut dawl dawl a.






Rinzami hnung ah chuan kun ngar chung hian ka kal ve mawp mawp a, hetiang em em hian biak inchhung ah hian ka che khawr ang tih hi mumang ah pawh ka la mangphan chhin ngailo a sin le.





Biakin chhung kan luh atang chuan ka hawichhuak tawhlo hrim hrim, mi mit chu keimah ah hian afu vek nimai hian kahria a, awmhmun ah kalo tang teuh ringawt a, khuangpu in Ngairawh Lalpain a grep huanah. Rahseng tur in minko. Lo buhseng tute antlem vang in. Buhte an ngui zota. Tih hla a rawn lak chiah chuan, ka taksa hi tek den ang mai chuan a rawn hit zawk a, chawp leh chilhin ka khur zui ta hlawk hlawk a.





"Nilo a nithei lo" ka phunchhuak sep a, ka taksa khur nasa lutuk chu ka thunun theih piah lam ani tawh..Rinzami kutah chuan ka va hum chawt a, chutiang a taksa chetna ka dawng ringawt chu ka duh lo takzet. Kan bul vel a thu te chuan hmuh nawm thlir chuan min thlir thup a, ka taksa chu ka thutna hmun atang chuan pawh thawh zawt ang chiah chuan ka kawng lawp a, lamtual lamah chuan ka vir phei ta zawk zawk a...cont

[Ngaia]

Ka taksa awmdan chu ka thunun zawh rual anilo, miten minngaihdan tur lam ka ngaihtuah thei tawh lo a, ka thinlung a arawn thawh dan ang ang chuan ka che chhuak tawp tawp a, taksa chetna hi vawi khat mah kala dawng ngailo a, tunhma te kha chuan biakin ah hian Pathian fak leh chawimawi in ka lam ve fo thin a. Tun a ka awm dan hi chu ka hriatthiam chin piah lam ani tlat.







Mihlim thenkhat chuan minrawn Kai a, minrawn khawih a piang hian engtin emaw tak kalo nuam huai zel a, lamtual ah chuan phehthluk in ka awm a leiah chuan ka let kual tawp tawp a, zawi zawi in ka ral riai riai nimai hian ka hria.







Ka harh leh meuh chuan ka hriat ngai loh nutling panga vel leh Rinzami chuan minlo thut bial tiau a, tui zet hian anlo tawngtai a, ka ka atang chuan halleluiah amen tih chu a rawn irh chhuak zawih zawih nimai hian ka hria, biakin chhungah midang tumah anlo awm tawh lo a....inkhawm chhung zawng khan engmah hrelo in lamtual ah kalo tlu daih hi a lo nia, ka harhchhuah leh hnu pawh chuan ka zak em em mai. Ka bul a nu ho chuan min rawn chibai liam liam a.






An zing a pakhat chu tawng hriat loh hian a rawn tawng a, a thu rawn sawi chu kalo hrethiam vek. Khanu ka hmang Khan Lalpan ka hnenah thu a rawn sawi a, chhuak lutuk chuan ka tap chhuak ta hawm hawm a, hmun thenkhat a hmeichhe hlimrui tap hawm hawm chu kalo hmu ve tawh thin a, makti deuh Khan kalo en liam ve mai mai thin anih kha, chung thil kalo hriatthiam ngai miah loh thil te chu a tak ngei a dawn tir in ka awm ve ta anih chu.








"Bawihi tho tawh rawh le, eng mah zahna tur a awmlo ania, midangte ngaihdan turah Khan buai lo in Lalpa chakna ring in ike kha hmalam pan in pen tawp rawh" anzing a pakhat chuan a rawn ti a.







Rinzami chuan pawnlam ah min kuah chhuak a, kan thian mipa thenkhat ho chuan minlo nghak ve bawk a. Awmpui-an min rawn chibai lai te chuan ka kut a la khur bauh bauh a.







"Zorin taksa chetna ilonei ve reng ani maw? Khatia irawn tul chhuak kalo hmuh Khan mak kalo ti lutuk a, thil mak dang leh chu kei ai fe in biakin a rawn inkhawm ho te Khan mak antih hmel zawk" a rawn tih chuan Rinzami chuan mitmei a va signal in thudang a rawn sawi nghal daih a.







A thil venthawn chu kei hian kalo man thiam lutuk mah mah zawk, ka thiannu hi chuan min ngaihtuah in ka hreawm tih hi a lo hlau em ani.








Miten ka chungchang an ngaihdan ka hre vek a, khatiang a beisei lawk loh lutuk thil ka chungah a thleng kha Pathian lakah ka lungawi lo lek lek mai, kei hi tih mualpho in ka awm ningei ah ka ngai a, ka zak em em bawk. Tunge khatiang teh chiam a ka hlimrui chhuak kha mak tilo angle? Mite min hmuhdan chuan Hmeichhe lerh tak mi pasal duhlai hlir kawp thin leh ruih hrat em em kha ka ni miau a lawm.







Keima tawkah ka rilru alobuai ve tawh sa teh lul nen, kan lampan a Rinhlua leh Rinzuali rawn Kal phei mek ka hmuh rual chuan ka lo in sangmar teuh a, vawiin ah hian hemi te pahnih hi helai hmunah hian hmuh kalo beisei miah lo, an inchei dan atang chuan an inkhawm ve ngei tih a hriat nasa mai sia. Engtia Awmpuia te lawmthusawina hmuna rawn inkhawm ve ngawt nge an nih chu ka rilru a zawhna lian tak awm ani.







Rinzam-in "inlo inkhawm ve reng animaw? Engmah isawi rik ka hre silo a" Rinhlua melh kar chung a atih chuan Rinhlua chu a lonui suk a, ka chetdan zawng zawng kha hepa hian alo hmu ve vek dawn sia minvan hmusit leh dawn tak em! Min tenzia thu a ka atang a achhakchhuah leh hma ngeia kalsan vat ka duh vang chuan. Rinzami banah chuan Kai in "Kal ang u" kati tham tiak a. Rinhlua hmel chu ka melh duh lo hrim hrim.








"Zorin vawiin a ichetdan zet kha chuan biak in chhung a inkhawm ho zawng zawng kha min barakhaih Chiang hle mai" Rinzual-in a rawnti ri vang chuan ka kallai chu ka ding chawt a.
Min nuihzat hmel lutuk a nuisawng a minlo en rengtu Rinzuali lam chu en in ka nuih sak ringawt a, chhan tinah pawh katin lo hrim hrim..







"Vawiin a ichetdan kha chuan mi tamtak titi tur a siam sak leh ngei dawn anih kha, itih that viau Kha, khang Khan tive dawn ila ka thiam hauh lo ang" nui sawng chung a Rinzual-in a rawn tih leh chuan Rinzami chuan "Duhtawk teh, nang hian Angeli taksa chetna dawng kha tider ah puh itum em ni? Thinrim aw khur dar dar a arawn tih chuan Rinzami chu kalo khap vat a.





"Zamte ka thusawi iman thiamlo anih kha, a tider kati hleinem, zorini te ang biakin chhung a khatiang a anrawn khawsa kha chu mak tih loh chi rual ani hleinem" nem duai chuan a rawn ti a. Rinzami a kohdan te chu ka ten hluah hluah, a awm loh lai kha chuan mitenawm ti ngat in a sawi a, tunah lem zamte an ti leh hliai a. Rinhlua erawh chu ka neilo ang hmak in alo ngawi run reng a.







"Enge zorini te ang itih awmzia chu, hmeichhe hurherh itihna em ni? Keichuan mahni nihna lanchhuah tir ngamlo a, mahni nihlohna ang pui a lanmawi tum a lemchang hohi ka ngaisang lo zawk cheu" a rawn tih chuan "Lalrinzam ngawi tawh rawh" rawn ti tu lam chu kan hawi thap a.






"Duat engmah sawi diklo ka neilo tiraw, zamtei hian ka thilsawi kha alo lakawi mai mai anih kha, zorini hian a ti â zo vek tawh anih hi, zamtei te chu hmeichhe rilru tha tak ania, hetiang thian tenghneng lutuk a kawm reng chuan mi in a chungchang hi mawilo takin anla sawi ve vat ang" a rawn tih leh chuan, Rinzami chu a lo sa leh phat a.





"Chhang buai duh teh suh, ikal vat zawk ang u" tih leh pen sawn ka rual a, ka kal laklawh lai a ka khup rawn dursuih leh vang chuan ka kal su leh zawk thin a, kan hnung lam atang a "lemchan thiam reuh lutuk" Rinzuali ti ri pawh chu hrereng mah ila ka ngaih ven peih tawh lo.







"Khanu han zahtheih loh zia kha, biakin tual chu nilo se ka insum thei hauh lo ang, amah ang Khan biakin zahawmna hrelo ni ila chuan zak ram ram tur khawp in ka siam ang mawle" lungawilo deuh a Rinzam-in a tih chuan kalo nui sak a.







Keimah vang a midang nen an inhau buai reng mai hi ka inthlahrung ve reng. "Ngai thutak lutuk duh tehsuh, Rinzuali Khan engmah tih sual a nei pawn ka hrelo, a sawi ang chiah khan midang pawn min ngaivek tih te chu ihriat chian viau tho kha, midang ngaihdan a kanla buai chhung chuan kanla tha tawk lo tihna" ufela thu min hrilh chu ka sawi chhuak sap a.








Muanzuala te inah chuan kan thiandang te chu anlo kim thap tawh a. Kan hmel anhmuh rual chuan minrawn chibai thliah thliah hlawm a.






"Zorin inrawn Kal theih pawh kanlo ring chiah lo a, biakin chhung a thil thlendan kha a mak kanlo ti tlang khawp a, kanlo sawi ho mek anih hi, irawn tulchhuah rual Khan biakin chhung boruak kha irawn thlak danglam vek, ka nun ka siamthat hnu hian Pathian fak hian kala lamchhuak miah lo a, irawn tulchhuak chiah kha ka lamchhuak lo thei lo, khatia ka lam chhuak kha ka chhungril hi a hlim veng veng, rui chung a kanlam nuam kan lo tih ve thin em em te kha chu, thinglung taka Pathian fak leh chawimawi a lam lakah chuam nep te ani...khatia ka pen chhuah rual Khan chakna thar ka nei nimai in ka hria" zo-an a rawn tih chuan kan thian dang te pawh chuan an thiltawn min rawn hrilh ve tliar tliar a.






Maktak in kan thian te ho pawh anlo lamchhuak ve vek hi alo nia, ka rilru chuan "Lalpa kei ve mai mai hi ihmarua ah min hman duh vangin ka lawm e" ka ti mawlh mawlh a



Ka hlimrui kalo thinrim rukna te chu vawm bo ang hlauh ani tawh, midang thusawi vang mai mai a Pathian biak inkhawm kalo hlamchhiah phah thinna khan midang thlarau nun tamtak kalo thut behsak tih ka hrethiam ve chiah.








Awmpuia te in zaikhawmna lamah thianten phei an rawt a, biakin chhung a ka awmdan vel vang khan hreh tak te chuan ka hreh tawh a...Rinzam-in ka rilru puthmang minlo hriat thiampui in, thiante ho hnenah chuan "kan zaikhawm velo mai ang, ruaithehna ah inhmuh kan tum dawn ania" a tih chuan min kalsan ta hlawm a.







Kan thian te ho an kalliam hnu chuan "Mintih hlauh thawnzia kha hi ihria em?, khatiang em em a hlauthawng Khan kala awm ngailo? Rinzami chuan a rawn ti chhuak phawng a.




"A engthil chuan nge lo ti hlauthawng viau che a? Kati chhuak hliai a.


"Angel irawn tulchhuak kha i inthing nasa bawk si, isam hi ithlauh ang tih kalo hlau lutuk kha ka rawn lamchhuak ve ringawt a lawm...ka thiannu tan a lam nge Pathian fak a lam ka nih pawh ka hre tawh biklo, mak ka tih tawp theih loh chu isam a tla miah lo kha ania. Pathian in a awmpui che tih ka hremai" thutak fe chuan a rawn ti chhuak halh a.






Ka phone a rawn rik tak ah chuan ka phone chu kalo chhang ta zawk a. Rinzami chu tunge min rawnbia tih ka phone chu ka entir zauh a louspeker ah ka dah nghal zat a.







"Mate ka thleng tluang e aw, ikhua alo har em? Ufel-an rawn tih chuan "ka ngai takzet che" kalo ti ve vat a.







"Ufel vawiin a Angeli chetdan pui lutuk irawn hmu velo chu ka uipui khawp mai che" ka bul a rawn thut hnaih phah chuan Rinzami chuan arawn ti lawng lawng a.







"Mate thilthleng a awm em ni? enge zamtei thil rawn sawi kha isawifiah deuh thei em? a rawn ti nghal zat a. "Thil lian tham ani hauh lo, vawiin kan inkhawmna ah taksa chetna ka dawng a, u ka zak takzet mi min hmuhdan chu ihriat ve tho kha. Khatiang teh thut a ka awm kha ka hrethiam lo amak lutuk" ka ti chhuak hliai a.







"I awmdan tur chu ka hriat thiam pui khawp mai che, keipawh theological college a Pathianthu ka zirlai Khan taksa chetna chuan nasa takin min nuai ve thin kha, khawlai kan kallai a hallelui a rawn ngai thin te kha tlangvala pumpa tan chuan thil zahthlak nih atling a, i awmdantur chu ka hriatthiam pui che a, tun aia nasa Khan lo tawngtai la keini pawh in kan tawngtai pui reng che ania" a tih chuan ka nui chhuak hak a.








Ufela hian taksa chetna a dawng nasa thin lutuk tih pawh kalo theihnghilh hman a lawm le, kan chhuah dun te khan arawn sawi ang tak tak khan mipui tamna lai ah hallelui te kha a ngai thin a. Mate lo va Kal hmasa rawh ka hallelui dawn ania, ka zahpui a hlauh vang a mintih thin lai te kha ka mitthla ah a rawn lang leh uar uar a.








Ufela nen kan inbiak zawh ah Rinzam-in kan va chhuak phei ve tawh dawn ami? Hetia helai hmun a tawm sen reng chu a dik ber lo ania atih chuan kalo hnial duh bik lo. Zah a vangin ka biru kumkhua thei dawn chuang lo, hmeichhe hurherh ang mai a ka nihlohna pui a minsawi thinna ai Khan, ka taksa chetna Chang Khan minti zak in minti hreawm fe zawk...Rinhlu-an minlo en ve reng tur te chuan minti tim sung sung thei.







Awmpui-an "khawnge in tawmbo reng a ruaitheh turin kanlo nghak reng tawh cheu ania" a rawn tih chuan "kan lo Kal mek" kalo ti vat a.







Chaw dawh tur chuan kan intlar ve nghal vat a, mi min endan vang chuan nuam ka tilo nasa mai. Ka thleng a chaw chu ka ei mawp mawp a, atui nge tuilo tih pawh ka hrelo, mite hian tinge engmah hrechiang hleilo hian thil hi ansawi peih em em mai le? Awmnawm loh rakna tur khawp a min en vung vung tawk lah bo heklo, Rinzami te ho anla eikham loh avang chuan "Awmpuia te inlam ah kalo nghak ang cheu" ti in ka kalsan a.







Ka hnung ah min rawn zuitu awm tlat a ka hriat vang chuan ka ding ta nge nge a, ka din rual a ka taksa rawn si chet deuh thaw a rawn ding ve nghal luah ka hmuh vang chuan kalo inhum ruh teuh a,
ngeiawm lutuk a min nuih suk pah chuan "I bialpa piangthar ta chuan ati buai viau tak tak che anih hmel, ka tawrh pui che! ibeisei hauh nang he tiang a Pu saia a piangthar ta hi" a rawn tih chuan ka chhang buai peih lo.







He pa hi ka chân tawh a, ahnaih a awm ka duh loh ang bawk in min diriamna ngaihthlak hi ka peih lo. A pakhat apakhat hian ka hmaah rawn langin mawilo tak tak in min tawngkhum hlawm reng a.









"Nidang a sawitur ihriat thin teh reng nen vawiin chu ti buaitu che a awm emni ingawih tak reng a?
ti chung a, Ka kut a bantha chak lutuk in minrawn man beh rual chuan ka lo rak that a.






"Minthlah rawh, minrawn hnaih tawh suh, khawnge Rinzuali? kha ibialnu nen Khan ka mithmuh phak ah hian rawn inlan tawh suh u, min thlah teh min tibuai tawh suh, khawngaih tak in ka nun a tang hian kalbo teh u" kati chhuak bawrh bawrh a.







"Zorin khawiah mah ka kaldawn lo nang hian engthil nge itih hi? Ka nun atang kalbo tur in ka ti che ani lawmni? Engvangin nge kahma ah hian ka hmuh turin hmuntin ah irawn inlan reng a?, nang hian min tih buai itum zawk nge? Nang nu hian thawchham a min thih tir itum zawk" mintih khum zek a.








Kei hian ka umzui thinah a ngai amaw? Tunge ka hmuh tur a rawn inlan reng zawk hi? tunah pawh a mah hian ani lawmni min rawn umzui hi.
Kan bul a rawn Kal te chuan min lo melh leh hrek hrek tawh, "Lo kalteh helai hmun lo ah hian inbia ang" ti chung a min rawn khawih rual chuan "Minkhawih suh" kalo ti bak hlar a.








Ka thusawi chu hrelo ang hmak chuan min Kai in min penpui hlawk hlawk a, min hmutu a piang ten mak tih hmel lutuk a min enzui zel pawh chu ngaih pawimawh na pakhat mah a nei velo, car chhung a min nam luh rual chuan na zet hian car kawngka chu a rawn khar ri bur a. Car chhung a rawn luh ve rual chuan motor chu a nghing lawih thei.








Ka lamah chuan rawn hawi in Chiang lutuk tak mai chuan min melh a. "Nang hian mipa engzat fakau a tam nge imawmawh? Nimin ah mipa nen hotel ah ka hmu cheu a, vawiin ah imipa kawp te zing ami, pu saia lawmthu sawina ah mithianghlim ber ang mai a lemchang in irawn che leh a, nang hi engtin nge ka tih dawn che tinge min tih buai reng a? nel awm na pakhat mah awmlo chuan min rawn ti a.







Ufela kha ka mipa kawplai mek ah a longai leh der tawh anih chu, hotel chhung a min hmuh vang kher Khan khawilai room emaw a nuam va chen turah minlo ngai fel leh thlap tawh anih hmel, hei tak hi a lawm Rinhlua ka huatna engmah hriat chian tum hmasa lo a duh duh a min puh chhe reng mai hi.






"Ka mipa kawp lawr vang te, ka hlimruih vang te Khan nang hi ka ti buai che tih kalo hrehauh hlei nem, khang thil nen Khan inzawmna pakhat mah ineilo, ilo buailoh na tur ah ibuai mai mai anih kha" kati ve hmak a









In sawifiah pawh ka tum buai peih lo, hepa lakah hian ka in sawifiah a ngaihna chhan pawh ka hre hek lo, ka mipa hmangaih anihna kha ala bo chuang lo a. He tia min deuh sawh reng chuan ka hmangaihna pawh hian tawp chin ala nei ve mahna le.







"Zorinsang min chhang ta che ka biak che chu, nang hi engvang a ka hmaah hian rawn inlan reng nge inih" a rawn tih leh chuan ka melh zawk a.







"Enge ka sawi tawh chuan ang, engmah sawitur ka neilo ihma a rawn inlan fo hi ka tum ani bik miah lo, min hmuh peih loh vang kher hian he khawpui hi ka chhuahsan ngawt thei bik silo a, tinge nangmah hian min en liam ve mai mai theilo ami?, kei chuan ka pan ngaimiah lo che, awmtur a min duh ang ngei chuan ka awm tawh a lawm. Tunge min rawn ti buai tu zawk chu?, helai hmun ah hian nang nen a inbiak hi ka duh miah lo, min ten em em tu titi pui hi ka chak ilo ring reng reng emni? Ka tih chuan a rum nghut a.







"Zorinsang tunge khapa kha? Hriat theih Chang Chang chuan a rawn ti sup a. "Tunge ka hmuh leh ka biak thin ah lo buai suh" ka tih chuan ka banbul ah chuan na lutuk hian a rawn tham a..."Mipa dang pawh i awmpui a nawmna ipek theih reng lai hian ka lak a mithianghlim ang mai a awm hi engtik ah nge ibansan dawn zorinsang"? ti chung chuan min thing nawk nawk a.







"Engmah hrechiang hlei lo hian minpuh chhiat vak vak hi bansan ve tawh teh, ka mipa hmuh thin leh ka kawp ah chuan enge ilo buai ve vak a?, Rinzuali nen in inkarah ka in rawlh tawh ngai ami? nimin a hotel a mipa ka hruai kha tiraw hriat iduh? Khawvel mipa zawng zawng zing a ka hmangaih leh mipa fel ber anih kha" ka tih chuan min vawnna chu thlah in min nam sawn lawp a.







Ka unaupa pawh nuam ka chenpui thinah min puh hial tawh ania, chiang lutuk a ka hmu peihlo che min titu zawk khan helai ah hian min be turin min pawt lui leh tho a, hepa hian a duh dan dan a min khalh kual a tum reng bik hi ka hua.








"Enteh Rinhlu ilak a tang a tawngkam chhe tak tak dawn reng bik hi nuam ka tih iring emni? Kei hian ka ti buai che tih ka lo hre miah lo a, kei hi hetia min tawngkhum reng lo hian Tunge ka nih tih hriat chian han tumve deuh la, mi tute pawh hian thatna lai tê kan nei vek a, kan chhiatna lai hlir kan inhmuh sak chuan engin remna mah a awm thei ngailo ang, ibialnu in a lo zawng nasa leh tawh ang che ka kalsan tawh mai ang che" ka tih chuan ka kutah chuan a rawn vuan vat a. Ala hum nghet em em zui a.







"Enge itih hi ka Kal angai ania, Rinzam-in minlo zawng nasa lutuk tawh ang" ka tih pawh chuan min thlah duh miah lo. Engmah sawi lo chuan ka kut nghet lutuk a hum chung chuan amit chu a chhing tlat a. Naupang in anu angen ang mai chuan min vuan tlat a.A khawsa zia maksak lutuk chuan minti hrilh hai letling phian a.








"Amak e Rinhlu ka kut hi thlah teh ka Kal angai ania" ka tih chuan min rawn en zawk a. A mit chu a chhing zui leh nghal daih a. "Ti hian awm rih ang, ka chau takzet ania" meng miah lo chuan a rawn ti tham tuak a.







Kan inbiak hnuhnun ber kha chuan min huat na a khat mitmeng a min melh chungin tawngkam chhe tinreng in min ankhum a, tunah ka kut vuan in thlamuan hmel em em in a awm leh lawi bawk si. Hepa hi ka hrethiam thei ngai dawn lo anih hi.
Ka phone a rawn rik tak ah chuan a rawn che hrut a.






"Ka kut ivawn hi thlah teh ka phone ka chhan angai ania" ka tih chuan bengngawng biak ang chauh ani. "Min vawnna hi thlah teh imak emai Lalrinhlu" ka tih chuan peih loh hmel zet chuan a rawn meng a, ka kut thlah duh chuang miah lo chuan ka phone chu a rawn ban vut a a ak zui nghal hmak a. Ka thin chuan a tuar tawh thlawt lo, a kut ah chuan ka seh sak vak ringawt a.







"Zorinsang min seh hi nuam iti viau ami? Thinrim hmel lutuk a min rawn tih chuan ka lo hlau kher mai. Hlau lo ang deuh chuan "ka phone kha min pe mai la ka seh miah lo ang che, ka Kal a hun tawh takzet ania" ka tih chuan " khapa bulah Khan maw? Tunah pawh a rawn phone tak che kha mawle, khapa duhdan kha chuan i awm bik hauh lo ang, tunah chuan ka mitang ini nang hi ka kidnap mek che anih hi" a rawn tih chuan a fiamthu emaw ka ti hial zawk.







"Rinhlu tinge hetiang thil hi ka lakah hian itih a? Chubak ah nang nen hian eng inzawmna mah kan neilo a, hetia awm mai mai lo hian kan kawng tur ve ve kan zawh angai tawh in ka hria" ka tih chuan a rawn mengchhuak zawk a. Min rawn melh rual chuan kalo melh let ve Kal , a mit chu alo sen rum a. A hmel te chu chau hluah hluah hmel hi apu a.







"Idamlo em ni? I mitmeng a sen vek ania" hlau thawng lutuk a ka tih chuan "katha min ngaihtuah suh, ti hian reilo te awm ila ka tha leh mai ang" a rawn ti tham tuak a. Ka hlauthawng lo ti ila chuan dawt ka sawi aniang, mintina viau thin mahse kan mipa duhtak te lakah chuan kan nem leh hma thin tih in hriat ve tho ka ring.







"Ka kut a vawn lohna lam chuan a chal chu ka va khawih de de a, a lo sa vur mai..."Rinhlu ikhua a sik anih hi, inlam ah haw vat la a that ka ring, damdawi I ei vat loh chuan ikhawsik hi a reh mai thei dawnlo a nia" ka tih chuan "ka chau ka tih tawh kha zorin, tihian min awm tir mai mai rih teh tunah hi chuan ka damdawi ini rih" a rawn tih chuan a thil sawi awmzia chu ka hrethiam lo hul hual.







Khua a thim tak ngial dawn a Rinhlua lah ka dar ngheng in a thaw sak sak reng a, ka lakah sual viau thin mahse a damloh miau avang chuan ka tibuai reng duh bik lo, a phone a rawn rik zing tak em avang chuan hreh zet chuan ka kaitho ta nge nge a.






A mit arawn men rual chuan "I phone kha ari ngun tawh mah mah, ichhan vat loh chuan thil pawimawh a awm anih ka ring" ka tih chuan a thutha nghal vat a, a taksa rit lutuk in min delh na vang chuan kalo rawl them thum a, ka taksa te chu a mu churh churh thei. A phone la ri reng chu chhang lawk lo chuan amelh ngur ngur a.







"I chhang dawn lo ami? Ka tih chuan min rawn en zawk a "A pawimawh lo, nakin ah ka be mai ang" tih leh hmeh thim a rual a. Khatiang khawp Khan a rawn ri ngun a chutia han biak duh loh leh tlat chu a Rinhlua thlak hi kalo ti khawp a.







"ka phone kha minlo petawh la ka haw san tawh ang che" ka tih chuan "khawiah nge ihaw chuan anga? nanghi khawiah mah ihaw dawn lo ka kidnap che tih ka sawi kha ilo theihnghilh tawh emni? A rawn tih chuan a thil sawi kha a ti tak tak tih ka hre ve chiah.







"Uang uang lo teh mi hmuhtur ka nei ania" ka tih chuan a rawn rum chhuak hrawih a. "Zanlam a chaw zawng thin ini tih kalo theihnghilh hman a lawm, zanin ah chuan tu mihring mah ihmu dawn lo" ti chung chuan car ti nung in a tlan chhuak zui nghal daih a.







"I mak emai Rinhlu, tinge hetiang hian i awm tlat a? Mi hmuhtur ka nei ka tih chu car hi tiding rawh" ka tih chuan ka thusawi ve te chu engah mah a ngai miah lo, "khawnge min hruai dawn ka haw duh ania " ka tih chuan tlem a car khalh muang deuh in kalam a rawn hawi phei zawk a.








"Haw natur in ineilo ang bawk in tumah ngaihtuah tutur che inei lo ani lawmni? engmah sawilo Khan thatak Khan awm mai mai rawh" a rawn tih chuan ka tah a chhuak hial zawk. Hepa hian a duh duh dan a min tawngkhum reng hi engtik ah nge a bansan ang.






Vaivakawn lam ah min tlanchhuk pui vang chuan min hruai a tumna hmun chu ka hrethiam nghal maia, "Dingvat rawh i enge kanih a? he tiang a iduh duh dan a min khalh kawi itum" thinrim vang a sehchilh deuh rap rap chuan ka ti a.







"A motor khalh chiah ngaihtuah awm ang hrim chuan hmalam a melh ngur a, "Rinhlu imak e, eng anga mihring zahawm lo pawh ni ila hetiang hian iduh duh a min tih kawi theih nadan pakhat mah ineilo ania" ka tih chuan a la ngawi run reng a.







"Rawn chhuk la" a rawn tih sup chuan che duh lawklo chuan kala thu reng a. Ka phalna la miah lo in helai hi min hruai thleng tawh a, chutiang mai mai a a in chhung a zuiluh chu ka tum bik hauh lo, kan nih nih kan nitawh mai ang, kei chuan zahawmna hlauh leh chuan tur ka neilo a, Rinhlua hi chu tlangval fel leh mite hriat hlawh tak ani a, keiang hmeichhia khawlai a min pawt buai laivel miin anlo hmu anih ngat chuan, kei nilo in amah chiah hi ani mualpho tur chu.






"Rawn chhuk vat teh, ka chau takzet ania zorin, nangnen a inhnial leh tur chuan ka chau mah mah tawh ani" rilruih a arawn tih chuan kalo nuih sak a. "I chau viau anih chuan lo zu mumai ta che, kei chu helai ah hian kalo awm ang, chubak ah ibul a ka awm hi chuan ka hah tlat" ka lo tih chuan car kawng ka chu a rawn pawt hawng zawt a.






A kutin ka banrek a rawn deh rual chuan ka phu zawk thei, a ataksa sa lutuk vang chuan minrawn awm hnaih chiah chuan a rawn lum huam huam a, a hmai velah chu thlantui in a leih tih chu ligh engin arawn chhun ah chuan ka hmu thei. "Engthil nge thleng mek hi, ikhua a sik nasa lutuk ania damdawiin ah kan Kal vat angai Rinhlu" ka tih chuan ka malchungah a rawn bawk titih tawh a.





Khur hlawk hlawk chung chuan "Khawiah mah ka Kal dawn lo, rawn chhuk la kan inlam ah min hruai vat rawh, midang tanpuina ka mamawh lo, nanghi ka damdawi ini tih ka hrilh tawh lo che ami? thatak a ka sawi lai Khan minzui nila hetiang thil hi a thleng lo ang, ka chau ka tih mawlh mawlh kha" a rawn ti tham tuak a.





"Ilo awmsawn thei deuh em, ka rawn chhuah na idal ania" ka tih chuan a che hrut a muang chang chuan a ding a. A lakah hian thinrim hle mah ila a damlo nasa lutuk a ka kalsan ringawt thei lo, step ah chuan min kuah chung chuan muang chang in kan chhuk thla a, a taksa in min rawn sik na lai chu a lum vung vung thei.





"Chahbi ka coat ipte ah hian ka ak" tham tuak a rawn tih chuan a coat ipte chu ka zen nghal rawk rawk a..ka kut khurh nasat em avang chuan, chahbi chu ka vih thelh nawk nawk thei. "Kawngka bulah khan plug a awm, a rawn tih chuan thimtham ah chuan ka dap nghal vat a, ka dapfuh lawk thei lo leh nghal, ka phone min laksak daih bawk si ka thin itirim hlur tawh.





Plug ka hmeh rik khap rual chuan inchhung chu a rawn eng uar a, engmah sawi tawh lo chuan khum lam ah chuan ka kuah phei a. "Imut hma in icoat kha kalo phelh hmasa a nge" ka tih chuan ka tih ang ang chuan a awm tawp. A coat ka phelh zawh chuan khum ah chuan ka mut tir a, puan ka sinthat tir hnuah choka lamah phei in chawhtawlh chuan tui sik ka chawiphei a, a taksa khawsik vang a sa lutuk chu ka rawmawl chuan ka dep kual a.





"Tinge i at viau mai le?, inawmsam loh te chuan inah awm ve mai mai tur ania, hetia kei minti buai tel kher lo hian i awm ve thei reng sia" a hmai vel hruk mawlh mawlh pawh chuan kati a. A khawsik a sang viau aniang min chhang tur pawh a awm tawh lo, ka khawih ang ang chuan a let kual vel mai mai ringawt a.





Tlangval hrisel tha tak tawng pawh tawng tha thei tawh lo khawpa a awm chuan minti mangang hle a, mi tu emaw tal ka koh mai loh chuan hetiang a engmah tilo a awm tir reng chu a dik a ka hriat loh vang chuan Rinzami call mai chu a finthlak zawk in ka ring a. Ka phone a kekawr ipte ah a ak daih bawk si, tim dai chuan a kekawr ipte chu ka va dap da da a. Ka phone chu laktum chuan ka pawt chhuak zal zal a, Rinzami phone tum a ka kalsawn tur ka pen chiah chu.





"Zorin" a rawn tih ri vang chuan ka ding leh dat a, engmah a rawn sawi chhunzawm tak mai loh vang chuan a tawngvai anih dawn hi ti in ka kal leh nghal mai a. "Zorin min kalsan suh" tlem a ring deuh zawk a arawn tih vang chuan khum lamah chuan ka kir phei leh ta nge nge a.






"Ka kalsan dawn hleinem che, nachhawkna engmah eilo a i awm reng chuan idam thei nang, Rinzami ka bia a nga damdawi a rawn ken hunah i tha leh mai dawn alawm" ka tih chuan muang chang hian ka kut chu a rawn vuan a. "Midang koh ka duhlo, car chhungah Khan ka damdawi a awm a han la leh mai rawh" hriat theih chang chang chuan a rawn ti a.







"Midang ka ko dawn hleinem Rinzami alawm ka biak dawn, ani te chu inau ania engmah buaina tur a awmlo" ka tih chuan "ka sawi ang chuan ti mai rawh, ka chau viau ania tawng reng ngai hian min siam lo teh" a rawn ti leh sup a.




Hetiang khawp a adamlo chung pawh hian a thu a duh in, a duh dan te a min awmtir ala tum talh anih chu, luhlul ti lutuk chuan ka en tlawk tlawk ri ngawt a. A khat tawk hian a rawn rum leh dat dat thin a.





Ka kut a humrun beh tlat chu dimte chuan ka la sawn a, thawm dim tak chuan ding chhuak in ka kal sawn them them a. "Khawnge Kal itum min kalsan suh ka tih kha" a rawn tih leh vang chuan kalo thaw halh a.






"Ka kalsan dawn lo che, idamdawi car ami kahan la lawk dawn alawm, ka reilo ang ti khan minlo nghak rawh" ti chung chuan hman hmawh tak in pawn lam pan chuan ka pen chhuak nghal hlawk hlawk a, damdawi nen ka let leh chuan ka kalsan lai a amutdan ngai chuan alo la mu reng a.






"Rinhlu iharh em? damdawi hi eirawh aw" ka tih chuan peih lo zet hian a rawn meng a, damdawi chu mumhnih ka la chhuak vat a, tui chu glass no ah chuan thli chhuak in "Lo tho lawk mai la ithu chhuak thei angem? Ka tih chuan thei leh thei lo chuan a rawn tho chhuak a, kalo pui vat a damdawi kan in ei fel tir hnu ah chuan khumah chuan ka mut that tir leh a.






Inhauh puitur a awm tak loh ah chuan a khawhar thlak lek lek mai, khum bulah chuan ka thu ngawi tlawk tlawk ringawt a, engmah sawilo a ka bo daih vangin Rinzam-in minlo ngaihtuah leh tawh viau ang chu. Min haw viau ang Khan a awm sia engvang a ka puih hi duh tlat nge anih? A damlo anih chuan a bialnu leh a nu te pawh a be thei reng bawk sia. Ka lakah hian eng rilru nge a put chiah pawh ka hrethiam tawh nuaih lo.







"Zorin ka bulah hian rawn mu ve rawh" rawnti ri vang chuan ka rilru kalo kawm melh melh chu ka harh zawk thei. "Aaa tihian ibulah hian kalo thu ang muthilh leh tum zawk rawh, imuthilh theih chuan idam tha leh var mai ang " kalo ti vat a. "A vawt ka tia lawm, ka bulah hian rawn mula ka muhil vat mai dawn alawm" ala rawn ti tak ang deuh deuh a.







Damlo zawk ani si a, han hnial tung pawh chu thil tihchi ani chiah bawk silo, engvang a abulah mutur a min duh em em chu nimaw?, kan boruak hetiang a a chhiat tak tak hma pawh khan ka bula mut kha athla hlel viau reng thin anih kha. Hnial buai bik reng duh tawh lo chuan a sirah chuan ka mu ve ta nge nge a, a bul a ka mutthlak rual chuan minlo kuah nghal zat a. A taksa chu a damdawi ei Khan ala chhawk lo tih hriat zetin a la sa tha ngang mai.






Reilo te hnuah a rawn thaw ta sak sak a, a muhil tawh ani ngei ang, Rinhlua ber a muhil tawh si a. A reh leh tlawk tlawk tawh. Kawngka rawn kiktu an awm vang chuan khum a tang chuan inbeng kang in thawm chu ka ngaithla vang vang a, ka hresual anih ka ring hman tawh tih ah kawngka chu an rawn Kik leh a. Rinhlua tih harh hlau zet chuan kawngka lam chu ka pan phei a.






Kawngka ka hawn rual a ka mihring hmuh vang chuan ka mengphawk hra a, thinrim hmel lutuk hian Rinzuali chuan minlo melh kal a. Min su her sawk pah chuan inchhung ah chuan a rawn pen lut a. "Khawnge ka pasal hual hi a awm? thinrim a vang a aw khur dar dar chuan a rawnti fiak thak a.




"Bengchheng lo khan thatak in sawi dun zawk a, Rinhlua chu a muhil a" kati hman dek dek a "Nang mihurnu hian ka pasal tur ilo mutpui ngam a maw? Bedroom a alut tur chu lo pawt dingin "Insum deuh teh ibialpa nen hian engtin mah kan awm lo, a damlo ka pui mai zawk a lawm" kati hman dek dek a ka hmai ah chuan a rawn beng ri thuai a...cont