PASTOR FANU BY Ramdinsangi_Ralte (Completed)

[Ngaia]

Rinhlua chuan ka kut vuan reng chung chuan, ka harh chhuah leh vang a alawm zia thu chu min hrilh mawlh mawlh reng a, a tawng zawng chuan a mittui te chu a tling pam a, chumi a nih rual chuan a hmel pa zet ah chuan hlimna hlir ka hmu tel bawk. A taksa chu a cher deuh kuang a, a hmel a bawrchhawr hle bawk a mitkhur te chu a tla deuh duk a, a hnarngul zum sang vah leh, a khabe hmul buk lam mah mah chuan a ti lang pa hluah hluah hian ka hria, tun a alan dan ah hi chuan mizo mipa a ang mawlh lo, hnam dang daih a ang.












A hmel tha lutuk en reng chung chuan "Rinhlu dar engzat nge ritawh a? Khawnge ka chhung te hi? Zawi zet chuan ka ti chhuak sep a. A ban a sana lawk zet a bun chu a bih zauh a "Zing lam darthum a ri tawh anih hi, i muhil rei khawp mai iharh hun nghak in ka thureng a ilo harh mai silo a ka lo muthlu ve sek a, i chhung te chu inlam ah chawl hahdam turin ka ti a, karkhat chhung zet imuhil char char a, ilo harh tawh dawn lo emaw ka lo ti hman hial a sin" a tih chuan thei leh thei lo chuan ka nui sak a.












"Nangmah a mal leh khawhar tak a awm tur chuan ka kalsan thei lo che alawm, min kohna ri ka hriat avang khan, khapa bulah khan luipui kha ka daikai ve thei lo a, ihnen ah ka lo kir leh ta anih hi" ka tih chuan ka kut chu a rawn hum vang vang a, ka chalah chuan a hmui lum thur thur chuan a rawn fawp zauh a. "Bawihi ka hmangaih lutuk che, ka hnen a ilo kir leh vang hian ka lawm e aw, ka chan tawh dawn che emaw ka lo tia sin, he tiang a rilru mangang hian min awmtir tawh miah suh aw. Rinzami te inah khan nangmah a kal tirlo che in, keimah ngei hian thlah tur che kha ka nia, keima thiam loh vek ani" mahni in thiam loh ngawih ngawih hian arawn ti chhuak sup a.










"Accident anih kha, khatiang Khan awm lo teh, ithiam loh na pakhat mah a awm lo ania aw" ka tih chuan ka hmai ah chuan duat fe hian min rawn chul. "Zorini idam vat vat angai ania aw, nang nen hian fa tamtak kan neih angaih kha" a rawn tih chuan ka lo then sak sak a. Rinhlua kiang ah hian sawitur tam tak nei mah ila, engmah ka sawi tha thei lo, ka tawng hlek chuan ka lu hi puak darh tur ang mai in a rawn na ngut ngut a, tih mangan Ka duh loh vang chuan ka in sum hram hram mai chauh ani.











Thei leh thei lo chuan "Ka tui a hal e tui kha min lo intir leh thei a ngem?' ka tih chuan rang tak in a tho vut a, la pua bawk chuan ka ka chhung ah chuan tui chu a rawn far luh tir leh a. "In tam lutuk suh aw, idang ro lutuk tih reh nan choh in rawh aw, tunah khan ikhawilai nge na deuh ber? A tih chuan ka luna chu arawn zual leh tak ngut ngut vang chuan ka then sak a.









"Ka lu hi a na lutuk a" ka tih rual chuan ka mittui chu a rawn hnam tiam tiam a. Ka insum ve nasat teh lul nen ka insum ve na zawng zawng te chu, Rinhlua hmel min ngaihtuahna a khat mitmeng in min melhna vang chuan a keh chhe zo vek. "Shhh Bawihi inat ai hi nathei ila inatna zawng zawng hi chhawk theih che ka van duh tak em, ihnen ah hian sawitur tam tak ka nei ania aw, tlem a idam that deuh hunah ka hrilh vek ang che, ti khan lo awm la nurse ka va ko lawk ange, nachhawk na in a rawn jection che anga imuhil leh dawn ania" ka mittui a kut zungtang seithlurh a rawn hru zauh pah chuan a ti a, hman hmawh fe chuan nurse duty room lam chu min pan san nghal vut a.











Ka lu ruh na ngut ngut vang chuan ka then sak sak a, Rinhlua kalsawn chhung chuan ka lo rum chhuak hawk hawk a, ka lu chu puak darh vek tur ang mai in a na ani, Rinhlua leh nurse chu hman hmawh zet in an rawn inzui a, "Bawihi lo tuar hram hram rawh aw damdawi in a chhawk che anga tui deuh in i muhil leh dawn ania" min khawngaih tih hriat ngawih ngawih hmel pu a min melh reng chung hian a rawn ti a. Nurse chuan ka ban ah chuan min rawn vit a "I na rei tawh lo ang, lo tuar tang tang rawh aw, ituar chhel em kha" nui var var chung chuan min ti a. Nurse kal sawn hnu chuan ka hmai bul chet ah chuan a rawn kun hniam a, ka hmai chu chu duat zet hian a rawn chul a.









Ka luna lutuk vang chuan ka thlanfim chuan min bual huh vek thei. Puan ti huh in ka hmai leh ka nghawng vel chu dim te hian min rawn hruk sak a. "Bawihte lo tuar hram hram rawh aw, damdawi Khan a chhawk har tawh lo ang che. Ka hmangaih hetiang a na ituar lai thlir reng hi hre awm ka van ti tak em, engmah kei hian ka tihsak thei silo che a" ti in a phun mawlh mawlh a. Meng â ruai chung chuan Rinhlua mangang lutuk hmel chu ka melh tawk tawk a, ka mit a tang chuan mittui a rawn luang nghal zaih zaih a.









"Rinhlu engvang in nge ka lu hi anat em em a? Ka chungah hian eng thil chiah nge thleng a? He tiang a na tawrh ai chuan tinge ka lo thih mai loh? Ka ti thlawt, ka thu sawi in engang in nge Rinhlua lak ah nghawng aneih ang tih lam ka ngaihtuah thei tawh lo. "Lalpa khawngaih tak in chakna min pe hram teh, he natna hi ka do zawh theih nan khawngaih in min pui hram rawh" ti in ka phun sap a.










Ka mit chu muang chang in ka meng riai riai a, Rinhlua chuan. Rilru nat hmel lutuk hian a kuta sam tham vak chung hian min lo en ngawt ngawt a. A mitmeng te chu a sen vek thei. "Bawihi" a rawn ti tham tuak a. A lu a tang a kut chu la thla in a hmai chu a tuai pawk a. A kut chuan ka hmui chu a rawn khawih neuh neuh a. "Min kalsan ka phal miah lo ania aw, khawngaih tak in keimah vang tal hian khang inatna te kha do let rawh" a rawn ti sup, a taksa lianpui chu hlauh thawn luat vang in a khur deuh dur dur a.













Nurse in a sawi ang tak tak in reilo te ah ka lu na pawh a zia leh tan tawh a. Ka mut chhuak bawk chuan min rawn zem leh chiai chiai a, harh chiang lo ruai chuan Rinhlua chu ka en a. "Bawihi muhil leh rawh le, ibulah hian ka lo awm tlat dawn a lawm" a rawn ti sup a ka kut a vawn na chu ka theih tawp a nghet chuan ka lo hum let ve a "Min kalsan miah suh aw, keimah a awm ka duh lo ania, ka bulah hian ka lo harh leh hma chu awm in minlo nghak ang tiraw" ka tawng ri che che tak tak chauh ani. Ka taksa chu a chau hluah hluah ani ber Mai.











"Bawihte ka kalsan phal reng reng lo che, muhil tawh rawh le, ilo harh leh hma chu ikiang ah hian ka lo awm tlat dawn alawm, irawn harh leh ah chuan Pathian in a lo tidam vek tawh mai ang che" a rawn tih chuan, ka nui sek a ka mit chu ka chhing leh riai riai a.














Ka harh leh chuan khua a lo var uar tawh a. Rinhlua sawi ang tak tak in ka luna pawh a awm tawh miah lo a, ka nuam huai ni mai hian ka hria. Ka nu leh pa ka unau te Rinhlua Josepha leh Rinzami te an lo awmkim thap a. Ka harh rual chuan an hmel ah chuan an lawm hle tih ka hrethei.











"Dar engzat nge? Ka ti chhuak sap a. "Utetea chuan tlai darthum leh a chan ve ani tawh anih hi" a rawn ti vat a "ka lo muhil rei hlemai" ka tih chuan Rinzami chuan "Angel mut iduh khawp mai aw, min muthilh san char char bik a thian kawmtur pawh ka neih loh hi" titau aw deuh a a lo tih chuan ka lo nui suk a. " Ka chau lutuk a, ka meng thei lo a lawm, tinge min kaihthawh mai loh a? Ka tih chuan midang chu anlo nui dar dar a.










Rinhlua ka va en chuan min lo melh ve reng a, a hmel chu a chauh hmel hluah hluah tawh. "Zamte Rinhlua saw inlam ah va haw pui tawh rawh, a damlo ve mai ang" ka ti chhuak leh sep a. Ka u te ho pawh chuan va mu hahchawl tur chuan an lo ti ve vat a. Ka bulah chuan rawn kal hnai in ka kut chu lakang in a fawp zauh a. "Anih chuan bawihi ka va mu ve lawk anga zanah ka rawn kal leh vat ang, minlo ngai viau angem? A rawn tih chuan ka lo nui leh sek a " ka lo ngai ngawt ang che, mahse va mu hahdam ve phawt la, min enkawl turin chak tak a i awm phawt angai alawm, ka lo nghak reng ang che" ka tih chuan a hmel ah chuan min haw san a hreh tih ka hre reng, a taksa in mut hahdam a mamawh ve tawh em avang in min hnial lo mai chauh ani. Rinzami nen chuan haw tur in an in siam a, an haw tur chu Ufela chuan a zui chhuak ve nghal a.











U Tetea chuan "Matei thianpa chu a fel hle mai, khatiang tak a hmangaih tu mate-in a nei hi ka lawm em em rual in ka rilru a hahdam huai thei" a rawn tih chuan kanu pawh chuan Rinhlua a lo fak ve char char a, ka chhungte nen inhmelhriat tirna fumfe pawh ka neih hma in hetiang thil hi ka tawng leh ta si a, ka chhung te titi dan atang erawh hi chuan Rinhlua chuan an mit a tlung hle ani tih ka hre thei.












Ka pa chuan "Bawihte na inei em? Pathian in kan tawngtaina a chhang anih hi, itha leh vat mai ang" a rawn tih chuan "pa ka taksa hi a kham lutuk a ka thu thei angem? Ka lo ti chhuak sep a. Kanu chuan "Bawihte ila thu thei lo alawm itaksa chu Ka lo hmet ang aw" a rawn tih chuan "Nu tinge ka thut theih loh a?, min lo dawm mai ula ka mu ning tawh a lawm, tap teuh chuan ka ti chhuak a.












Utetea chuan "Nu khawi kalo pui ange mate keiman kan thut tir ang che aw, mahse reilo te chiah ithu dawn ania, lo tang ve miah lo la min ring tawp rawh aw" a rawn tih chuan ka lo bu nghat nghat a. "I tlak thlakna ah Khan inakruh hi a tliak a, chubak ah iluruh isawh khi bawk a, doctor te chuan ihriatna thleng a ihlauh vek theih na chance a tam thu ansawi a, mahse hei engmah harsatna awm miah lo in irawn tha chhuak leh a. Pathian thatzia Kan chhungkua hian a takin Kan hmu leh anih hi ,an zai che a i indim chuan idamleh vat mai ang" ka pa pawh chuan a lo ti ve chuar chuar bawk a.












"Tlai lamah uzohminga pawh a rawn kal a. "Mate damlo dang in min mamawh ve tho bawk sia ka rawn awmpui ve thei lo che a, ilo va tha tawh ve? Ka beisei aiin ka rawn hmu tha tlat mai che" Min tih chuan "min ngaihtuah suh min awmpui tur an awm teuh hi ka dam tha vat dawn alawm" ka lo ti sep sep a.












Thim hlim ah Rinhlua a rawn thleng leh der tawh a. Ka u te ho anlo awmkim thap bawk sia a in thlahrun hmel ngang mai, ka chhungte nen in hmelhriat tirna fumfe pawh ka neih tir hman ta silo a, thil thlen dan zawh chian ka chak tawh viau bawk.












Utetea chuan "Bawihpui irawn thleng leh der tawh elo? Mut pawh iva mu hahdam hman lo tawp ang ka ti, Matei pawh ihmuh ang hian ngaihtuah awm ani tawh lo a, karkhat chhung mutmu pawh tuah lo in i awm tawh bawk si a, itaksa Khan hah chawlh a mamawh tawh viau in ka hria, a landan hi chuan rei tak chhung matei damlo hi Kan en kawl theih hmel si lo a, kan awm lai hi chuan hahdam takin lo awm la, kan kalsan hunah min lo buai pui sak leh vek angaih hmel bawk si a, matei enkawl tur a hrisel tak a i awm angai ania" a lo ti bawrh bawrh a.












Rinhlua en chung chuan "Utete Rinhlua hi ka la ngai ve rih a lawm, a ni a awm loh chuan ka dam tha vat thei nang, ani hi chu ka damdawi mum lian tak anih hi" ka lo ti ve sap a. Ka u te ho chu an nui hawk hawk a. Ufela chuan Uzohminga leh Tetea melh pah chuan "Inlo hria em? Kan naute hi a lo puitling ve tak tak tawh anih hi, a bialpa chung chang pawh zak miah lo in kan bulah a sawi ngam tawh vel ania" a rawn tih chuan annuih a za ngang mai.












"Bawihpui irawn kal tak rau rau si ah chuan, matei hi lo awmpui la keini chu kan lo va haw phei phawt ange. A tlai tak tak hma in Fela emaw Tete-an emaw atu emaw zawk zawk matei riah pui turin an rawn kir leh ang, chumi hma chu min lo awmpui sak leh poh aniang chu, inthlahrung viau mah ila matei hian ikiang a awm a thla hlel ve viau mai bawk sia" Uzohming-an a rawn tih chuan Rinhlua chuan in thlahrung lo tur in a lo hrilh ve vat a.










Ka u te ho kal chhuah hnu chuan Rinhlua chuan ka kut a rawn hum vang vang a. "Min lo ngai tawh viau ani maw? Nui suk suk chung chuan a rawn ti a. A khabe hmul te pawh a lo tifai leh vek tawh a, a hmel hmuh a nuam leh ngang mai. "Ka bulah hian awm reng la ka duh a, mahse hotel lamah tihtur ingah viau bawk si a, keimah vang hian damlo ve miah suh aw, eitur tha ei nasa la muttam I mamawh viau bawk ania, imitkhur te kha a tla duk thei ania" ka lo ti sep sep a.











"Zorin ka thusawi tur hi hre hman lo in min kalsan ang tih ka hlauh zia hi ihria em? Tunah chuan Pathian hmel ka hmu tawh a sin, he ka thinlung ah hian chiang takin ka hmu in a awm reng thin. Rinzam-in i accident thu min rawn hrilh khan ka hlauh thawn em avang khan rilru mumal pawh ka pu thei tawh lo a, damdawiin a ihmel ka rawn hmuh chiah phei kha chuan ka chan ngei dawn che ah ngai in ka tliak hnawp thei. Khatiang a rilru beidawng leh mangang em em a ka awm lai khan. Pathian hnen ah tawng tai duhna ka nei a, Bawihi ihria em? Pawisa hian nuna lei theih nise chuan, vawi engzat pawh inunna hi leinawn ngai dawn pawh nise, idam leh natur anih chuan pawisa chu kanei, mahse pawisa hian a ti dam thei silo che a, ka hriat chian tak em em chu, mangan na tawp khawk kan tawh chiah hian. Pathian hnenah lo chuan mihring te hian tluk luh na tur reng reng kan lo nei lo tih hi.












Thinlung leh tih tak zet a Pathian la be ngai miah lo khan idam leh theih nan Pathian ka au a sin, nitin zantin Pathian hnenah inun na min pe let leh tur in ka dil thin a. Mahse ka tawngtai na te kha chhan in a awm mai silo a, ka beidawng hman lek lek ani" a rawn tih chuan ka mittui chu a rawn far koh a.









He hun hi a lo la thlen ka ring ngei a lawm, Rinhlua mipa thinlung sak tak hi. Pathian in kohchhuah nan chuan, keimah hi a hman rua atan min lo hmang reng tih ka hriat chuan, ka taksa na te hi a dam huai huai nimai hian ka hria a.









Min riahpui turin Ufela arawn thlen hnuah pawh chuan, min haw san mai lo chuan a la thu ve reng a, Ufela leh Rinzami chung chang pawh engkim a lo hre vek tawh a, eng eng emaw sawi in a awm ve ta reng a. Ufela nen chuan Pathian thu tui takin an sawi lai chu, hmuhnawm ti em em hian ka lo thlir ngawih ngawih a.










Ka accident dan chung chang engmah ka chhung ten an sawi ri ngai lo a, thil thleng palh ah ka lo ngai ve mai a, tihtur hmabak tam tak ka la neih a vang leh. Rinhlua tawngtai na vangin Pathian in ka nunna min zuah sak ni mai in ka hria.











Kalo beisei ngam miah loh min kan tu ka nei reng a. Mite min hriat dan hi a mawi teh chiam bawk si lo a, mahse Pathian hian min hmangaih tu min lo pe ve zel ani tih ka hmuh chian em em na chu, addict te, hmeichhe rahbi tleu tawh, mi in ka ui ka ar pawh an tih duh loh te, ka natna khum a ka tan Pathian hnen a anrawn tawngtai thin chu ani. Ka nu leh pa te mittui a tla ngun malh malh khawp mai, ka rawngbawl hna tlawm te in arah chhuah te, min kan tur a anrawn Kal ve diah diah chu ka phulo ka ti in ka lawm ngang mai.















Ka harh atang karkhat chuang zet damdawiin ah ka awm leh tawh a, mite min hmuhdan ah chuan hmeichhe bawlh hlawh tak ni mah ila, mi tlemte ka nih na diktak hre tu an awm tawh a, nitin hian min rawn kan tu an katnuk a. Ka awm na cabin chhung ah chuan tawngtai thawm a awm reng tih theih ani. Rinhlua pawh hotel lamah a buai thin em avang in chhun lam ah chuan keimah ka zia tak deuh hnu chuan min awmpui hman ta meuh lo a, zanlam ah erawh chuan min awmpui tur in a rawn kal ngei ngei thin.














Khatia bike a min rawn su thawi tu kha tunge tih tun thleng in anla hrechhuak thei lo a, mit a min lo hmu tu te ho chuan tihpalh thil thu anih an ring lo vek a, chubak ah a mah a tlan bo zui nghal daih bawk sia. Hmelma ka neih awm ka hrelo a, khatiang thil ka chung a ti duh tur awm ang reng reng ka hre lo, tihpalh ah ngai mai tur in ka chhung te leh Rinhlua pawh ka hrilh a. Tlangval rui sual ka tawng fuh palh anih ka ring ber.














Ufela leh Utetea pawh, kapa in anrawngbawl na hmun lamah a kir tir leh tawh a, nitin video call in Kan in be ziah thung a, ka accident vangin home lam ah pawh engmah hmalakna fumfe a awm thei rih lo a, kan ma mawh tur ang zawng zawng chu, ka ai awh in Ufela leh Rinzam-in an lo dah fel vek tawh a, ka dam that ve leh hawn theih mai tur in anlo peih fel diam tawh a, dam that ver vawr a midang te tanpui tur a ke pen chhuah ka chak tawh em em a, ka taksa lah duh ang in a dam zung zung thei bik silo a, ka rilru ahah in buai tak zet.














Nikhat chu. Awmpui-an vawiin chu ka rawn awm dawn che ti in a rawn Kal a, kanu te pawh min enkawlna ah an chau rimtawng ve tawh a, an lang tar bawih bawih ni mai hian ka hria. Awmpuia a rawn kal tak ah chuan inlam ah chawl hah dam tur in min haw san a. Awmpuia nen chuan eng eng emaw sawi in kan nui dun hawk hawk reng a, home din kan tum chung chang kan sawi kai ta zel a.










Awmpuia chuan "Zorin kei chu ihriat ang hian positive mai ka ni tawh a, Rinzami hnen a tang in home chung chang kha kalo hre ve a, huntha tlem te ka la neih lai hian midang te tan thiltha tih ve duh na lian tak ka nei a, a rem anih chuan home lamah chuan ka tih ve theih ang ang thawk tur a rawn awm ve ka duh a, he thil chung chang hi kanu leh Pa te pawh ka sawi pui tawh a, an fa mal neih chhun ka ni a, anbul a awm tur in min duh viau mahse, home a hnathawh chu Pathian rawng ka bawl ve theihna tur tha tak nidawn a ka hriat tlat vang in, ka thuthluk na apiang chu min pawmpui tih ansawi a. Accident itawh hma khan he thil chung chang hi sawipui che ka lo tum lai in, he tiang thil hi itawng leh sia" a rawn tih chuan Awmpuia thu sawi vang chuan ka lawm ngang mai.









Ka rilru in a vei leh a tih duh em em midang tanpui duhna rilru pu. Pathian in min pek belh zel avang chuan ka hlim ani, kan bullawk a chhanchhuah ngai te chhanchhuak tur a, mahni inchhung lum pawh thlahlel hleithei lo a, hreawm tam tak tuar huam a, rawn pen chhuak ngam Lalpan min pek belh zel pawh ka ring tlat.





Enteh Awmpui, chanchin tha hi, ala hrelo te hnen a hrilh mai hi alo tawk zo tawh lo asin! Chhandam tawh krista tlanchhuah hnute hi. Sual vang hian an peng asin boralna kawng ah, heng mite hian min mamawh, tunah hian chhantu ngaiin anrum mek asin, kan bullawk ah chhanchhuah ngai ngawih ngawih tamtak an awm si a. Ramthim hi kan hai mai ang tih ka hlau thin ngawt mai, ka ti sep sep a.


Pathian hian Kan tan a tha tur zelin kan chungah ro min relsak thin. Rin loh takin Rinzami a rawn lang ve hlawl bawk a, nui var var chung chuan "Angel helai a rawn kal hi ka rilru ah a awm tlat a, sawi pui duh che ka nei a" a rawn ti nghal bawrh bawrh a. Awmpuia chuan "Ka hriat ve chi loh thil anih chuan pawn lamah ka lo va chhuak dawn emni? A rawn tih chuan Rinzami chuan "I hriat ve chi loh thil chu ani hauh lo mai, chubak ah thian vek kan ni a, kha tiang khan inthlahrung tawh miah suh ang che" a lo ti nghal var a.














Rinzami en chung chuan "Enge min sawipui tur ineih chu a van pawimawh awm ve? Ka tih chuan a nui leh ver ver a. "Angel englo ani, home saw hawn mai theih tur in kan peih fel diam tawh a, mahse thil pakhat kan lo mangnghilh a, kan home sawn hming a la nei reng reng hlei nem" a rawn tih chuan, kei pawh in home hming tur kan la phuah miah lo tih ka hrechhuak ve leh chiah.













Awmpuia pawh chuan "A ni dawn teh tak e, Kan home chuan hming aneih ngei chu angai a lawm" a lo ti ve vat a. Rinzami leh awmpuia melh kual chung chuan "Kan home hming a tan chuan Rabboni-(Zirtirtu) tih vuah ila in pawm em? Ka tih chuan anlo bu nghat nghat a "Rabboni tih chu ka pawm e" Rinzami chuan a rawn ti nghal vat a, "kei pawh in ka pawm e. Rabboni home hian mitam tak. Pathian lahre ngai reng reng lo hnenah chanchin tha kan hrilh anga, kawngdik kan kawhhmuh in, nundan tha kan zirtir zel ang zorin-in kan hnen min zirtir ang hian. Rabboni home hmang hian mi tamtak in, damna tisa leh thlarau ah anla chan ngei ka ring tlat". Awmpuia pawh chuan phur tak in a rawn ti a.










"Angel engtin nge he hming hi irawn phuah chhuah theih a? Rinzam-in min rawn tih chuan "Home hming tur phuah angai itih khan ka rilru ah a rawn lang nghal" ka lo ti vat a. "Pathian pek che ani tih ka ringhlel hauh lo mai" Rinzami chuan ati sap a.









Thlakhat dawn damdawiin ah kan awm hnu ah. Doctor in hetiang zel a itha chak anih chuan, kar leh lamah chuan inlam ah ihaw thei tawh ang min tih vang chuan ka hlim kher mai, tunah chuan ka duh ang ang in ka la tei kual thei lo a, mahse nitin exer a theih ang ang in min lakpui ve zel a, ka pa chuan "ngai awh leh tur chuan hun ila duh deuh ang, mahse inlam ah theih tawp in kan in enkawl anga itha sawt sawt mai ang" atih chuan Kan inlam a haw chu ka chak zek zek tawh.













Kanu in chhunlam ah min awm pui a, zanlam ah erawh chuan Rinhlua, Josepha leh Rinzami Awmpuia te ho in min riah pui mai thin, Ngurpuii erawh a naupai a rit ve tawh a, inlam kan nghah tir chawt thung a, min ngaihtuah em avang in min rawn be awl lo a, inlam a ka haw huntur a nghah hlelh tawh zia thu min rawn hrilh reng thin, in thlahrung viau mah ila ka nu leh pa te an kum a tam ve tawh a, anni tar chak lo tan chuan mahni a ka la chet that theih loh vang in, min enkawl hi a hah thlak deuh thin a, ka thian te in pekna chu kan lo hnar thei bik lo. Chubak ah Kan tan mihrang an nilo a, chhungkua ang mai Kan ni bawk a.











Kanu chuan "Mate home enkawl hi iko ah a tla si a, engtin nge Rinhlua hi ni ve dawn a?, nang hian pasal te hi inei ve thei ngut dawn emaw ni le? A rawn tih chuan ka lo thaw hawk a, kanu thu rawn sawi hian vawi tam tak ka rilru a lo ti buai fo tawh thin.









"Nu, he thil chung chang hi kei pawh hian ka lo ngaihtuah fo tawh thin a sin, Rinhlua nen hian kan in hmangaih a Kan hma hun ah hian enge lo thleng dawn Kan hre hauh lo, a lan dan hi chuan pasal nei thei dinhmun ah pawh ka ding hian ka hre lo a, mahse ka nunah hian Rinhlua hi a bet nghet tlat tawh si a, he mi chung chang vang hian ka rilru tih buai vak pawh ka duh tawh lo. I awmdan tur chu Lalpa chungah nghat la amah chu ringla aman ati vek ang, tih thu ah khan ka in nghat tawp" ka tih chuan kanu pawh chuan "Mambawih ani teh tak e, Pathian remruat hi keini mihring ten Kan lo tih dang lam theih chi rual ani lo e, tawngtai in Pathian kutah innghah mai hi, keini amah ringtu te tih tur chu ani" a lo ti ve bawrh bawrh a.









Zankhat Josepha min rawn riah pui chu, a hmelah hian hlim loh na ruk riau anei hian ka hre tlat a. Nidang ang tho in fiamthu te thawh in nui hawk hawk mahse, a thinlung chhung ah hian engthil emaw riau mawlh tu anei tlat hian ka hria a. Kumkhat em pawh kan la in hrelo chung hian Kan inzui ngun a, Kan mizia chu kan in hre tawn thawkhat tawh chuan ka hre bawk. Ka awm anawm theih ngang loh a vang chuan, ka rilru in a thil vei chu josepha chu ka zawt ta nge nge a.









Thu ho deuh deuh sawi a a tawng bawrh bawrh lai chu ka lo en reng a. Muk fe in kalo en reng tih a min rawn hmuh chuan a nui lai chu a tawp riai riai a. "Enge a khatiang fakau a Chiang khan min en run run reng a? Ka hmel hi tha iti viau emni? fiamthu ti tak deuh a min rawn tih chuan ka lo then khum sak a. "Khatiang khan hlim ber awm ang ziazang khan lemchan kual kha tum lo mai teh, kei hian ichhung ril a natna thuk tak ineih kha ka hmu thiam lo ah ngai miah suh. Enge ibuai na chu min han hrilh teh le? Thutak zet a ka tih chuan min rawn melh zawk a, hnuai lam chu a en ta reng a.












"Joseph ka zawhna che chu min chhang la" ngen ngawl deuh zawk chuan ka ti leh sep a. Muang chang a rawn hawi chhuak in min rawn melh vang vang a, a hmel lan dan chu a khawngaih thlak tak zet, Kan in hriat atang khan tun ang reng reng a Josepha hmel a, lungngaih na leh natna awm hi ka la hmu ngai lo, mipa hlim thei tak ani a, fiamthu ho te te sawi in tum loh deuh hian min ti nui reng thin kha ania.










"Zorin ka thil sawi vang hian min huat loh hram ka beisei ania" a rawn ti hmasa leh te te a. "Engah chuan nge ka huat ngawt che anga?, nang te chu ka nun a mi pawimawh tak, min tihlim em em reng tu ka vitamin's tha ber kha ini reng a lawm" nui ver ver chung chuan ka lo ti vat a.










"Kei pawh hi nangmah ang bawk khan, ikiang a ka awm hian ka nun hi a famkim in ka lo hlim viau thin a sin, ilak a ka rilru puthmang chu sawi pawh ngai lo in ihriat vek tawh kha. Nang hi ka ta inih theih ring in ka tan i inpeih hun tur hi nghakhlel tak in ka lo thlir reng thin a. Mahse engtik ah mah nang hi, ka nghak chhuak ve ngai dawn lo che tih ka thian tha ber ka atang ngei a ka hriat chhuah a vang hian, ka chhungril hi na tak a hliam in a awm mek anih hi" a rawn ti zuai ruih a.









Keimah vang a Josepha thinlung a hliam na tak awm chu tuam damsak ka duh ngawih ngawih, mahse engti kawng zawng mah in kei hian Josepha natna hi ka tihdam sak thei lo, a hma ang a hlimtak a awm tir leh ka duh chuan. Rinhlua kalsan a Josepha kut hi ka vawn angai tlat, chu thil chu kei hian ka ti thei lo. A chhan chu ka thinlung a hmangaihna awm hi Rinhlua tan ka hlan tawh a, engtik ah mah ka hmangaih na hi a dai tawh ngai dawn silo a, thih hnu piah lam ram thleng pawh in Rinhlua ta chauh nih hi ka la duh fan ani.









"A pawi ka ti lutuk, theih ni se chuan kha ihliam kha tuam dam sak che ka duh a sin. Hun harsa tamtak ka tawn lai pawh in ka tan i awm reng thin a, nang hian ka banah kai in hmalam ka pan theih nan min pui reng thin. Mahse kei hian nang nen a kan in tawn hma daih a tang tawh khan, Rinhlua hi ka lo hmangaih tawh si a, Rinhlua hnen a hmangaihna ka hlan te hi ka la let thei tawh lo. Joseph min ngaidam rawh aw, kei hian tihnat che hi ka duh lo a sin. Mahse ka ti na tho bawk si che a" ka ti tham tiak a.








Lu thing nur nur chung chuan min rawn en a, min rawn nuih suk a. "Zorin nang hian thiam loh na pakhat mah inei miah lo ania, ka lak ah hian chhete mah in inthiam lo duh mah ta che, he thil ah hi chuan tumah ka puh mawh thei hauh lo ang. Bawihpuia pawh ka dem lo a ka haw hek lo. A bulber ah chuan keima thiam loh vek hi ania sin, Bawihpuia pawh hian hethil hi a intantirh phat a tang Khan min lo warning lawk tawh a, Zorini hi hnaih suh nakin ah ila inchhir ang min tih lawm lawm lai Khan, ka thiantha ber thusawi kha kalo ngai thla duh lo a. Rinhlua khan nang hi vawitam hnaih loh tur che leh nakin ah ka rilru a la nat tur thu min hrilh nawn fo thin, ka tet te atang in ka luhlul em em a, kei hian thil duh ka neih tawh chuan neih ngei tum in engpawh tih huam in ka che thin.










Mahse engthil nge lo thleng ta hi? vawiin ah hian kei hi ka tlawm ani, zorin ka hmangaih na che vang hian, hman a Josepha mipa luhlul tak, a duh a piang neih tum tlat thin ang a awm reng kha ka thei tawh lo, nang hian hun harsa leh natna mualpho na tam tak ilo tuar chhuak tawh a, tun ah hian inun ah hlimna kawl a rawn eng ve tan dawn chauh a, keimah vang a ilungngaih hi ka phal ngai lo ang, chuvang chuan kei chu min ngaihtuah lo la, ihmangaih chiah hi ngaihtuah tur in ka duh che a, itan kei chu ka lo awm reng tho ang, ithian tha tak tanpui ingaih hun a piang a pui tur che in. Bawiha nen hian hlim tak a awm hi in phu ve hliah hliah tawh" a rawn tih chuan ka mittui chu ka lo khap per sak sak a.








Tap pur chung chuan josepha chu ka en reng a, he tiang ang mipa rilru tha hi an awm leh theih pawh ka ring tawh lo, mahni hreawm pawh pawi ti lo a, midang te hlim zawk nan a mahni in hlan thei mihring, ka hma a thu mek Josepha chu ka zah in ka ngai sang hluah hluah.








"Hmangaih ten malsawmna anchan theih nan hmangaih tur a tuar a tul si thin" ti in ka phun chhuak sep a. Nui suk chung chuan min rawn en a. "Lo kal teh ka bulah hian" ka tih chuan min rawn pan vat a, Josepha chu ka lo kuah chawt a. "Ka lawm e aw, nang ang mitha ka tawng che hi, kei aia vannei hi khawvel ah hian an awm theih ka ring tawh lo. Kei hian itan tihsak theih che leh pektur che neilo mah ila. A hausak na ren rual loh nei tu Pathian khian mal a sawm mawlh ang che" tap tiau chung chuan ka ti tham tiak a.







Nitin in that lam ka pan ve hret hret a, Josepha pawh engmah thleng lo ang mai in, a hma ang tho Khan min kan tur in a rawn kal reng a, Rinhlua a nen pawh thian tha tak an la nireng tho. Nilo a hma ai mah Khan an in thianthat na a nghet zual sauh zawk.









"Kha Kan va dam that tawh hmel ve? rawn ti tu lam chu kanu nen chuan kan hawi rual thawt a. Kawngka ah chuan Rinzuali nui sang chung chuan a lo ding a, a ni ber kher hi chu ka lo beisei loh em avang chuan lo chhan mai nachang pawh ka hrelo. Kanu zawk chuan "Lo thu rawh kan beisei phak bak in kan tha chak a, mihring ten kan tih theih piah lam ah hian Pathian a che thin tih Mambawihi a tang hian kan hmu zel anih hi, iva fel ve Mambawihi kan tur te a irawn kal a" a lo ti nghal sawk sawk a.










Kanu chuan Rinzuali hi tunge anih a hre hauh lo, ka thian te zing ami anih ring in tha tak in a lo dawng sawng mai chauh ani. Ka khum sir a rawn thut thlak phah chuan, a thei rawn ken chu ka nu a pe nghal vat a. Ka nu chuan "He tiang te rawn ken angai hlei nem, nangmah irawn kal pawh hi Kan lo lawm tawh viau a sin" a lo ti nghal vat a. "Zorini accident thu ka hriat tirh khan rawn kal vat chu ka duh lutuk a, mahse kan chhungkua buai na atalang ah ka rawn lang thei lawk lo a, Zorin inhriat thiam ah kan ti aniang chu tiraw? Nui sang chung hian a rawn ti a.










Rinzuali hian engthil chiah nge rawn tih a tum ka hrethiam mai bik lo. Ani hi chuan englai pawh in min haw em em reng kha ania, ka lakah hian vawikhat te mah that a la chhuah ngai lo hrim hrim, ka tan zahna leh mual pho na bak thlen ngai lo tu khan, engtia helai hmun a minkan tur a rawn kal ve ta mai nge anih le? Ka nu melh zauh pah chuan "Nu ka thiannu Rinzuali anih hi" ka tih chuan kanu chuan a lo chibai vat a.












Kanu bula ka thiannu ti a ka hmel hriat tir mai na chhan pawh chu ka hre thiam bik lo, kanu en pah chuan Rinzuali chuan "Kapi Zorini hi thil sawipui lawk ka duh a, hun tlem min pe thei angem? a tih chuan phawk zet chuan Rinzuali chu ka lo en a, ka nu in a mitmei a min rawn rawn tak ah chuan ka lo nuih sak a. "Anih chuan pawn lamah ka lo va tei harh ange ti Khan lo inkawm rawh u" ti chung chuan kanu chuan min chhuah san nghal vat a. Kanu a kal liam ta tih ah chuan Rinzuali chuan min rawn thut hnaih sauh a, ka mitah chiang tak a min rawn en chung chuan a rawn nui sak a.











"Enteh Rinzuali enge min sawipui iduh a? Kei hian enge tih sak theih che ka neih le?, min hmuh ang hian mahni zun ek pawh thiar thei lo khawp in ka awm mek chu ania" ka ti chhuak hliai a. Ka kut a rawn vuan chung chuan "Zorin nang hian thil tamtak min tih sak thei a lawm, i hnenah hian ngaihdam dil ka duh a, ichung a ka thil lo tih sual tawh zawng zawng vang khan min ngaidam thei angem? Rinhlua ka hmangaih em vang khan kei hian khua hmu lek lo in ka lo tina fo thin che a, Kan chhungkaw chung a thil thleng zawng zawng chu sawi pawh ngai lo in hriat vek ka ring a, ka pa thil tih sual vang hian kei hian ka hmangaih ka chan mek chu anih hi.










Enteh Zorini ka pa in Rinhlua te nufa lak a apawi khawih hi a rapthlak ani tiraw? Tual that tu fanu a ka lo piang hi hreawm ka ti in a na ka ti hle bawk a, ka hmangaih ber hringtu pa kher ka pa in a lo that hi a na ka ti in hreawm ka ti takzet ani" a thu sawi pawh chhunzawm thei lo chuan a tap hlap hlap a.










Rinzuali awmdan chu ka khawngaih kher mai. Ni e Rinhlua a hmangaih vang khan kei ngei pawh hian Rinhlua ka chuhpui a hlauh vang in, ka lak ah mawi lo tak tak in a che fo thin anih kha. Ani nen hian mipakhat kan hmangaih a, hmangaihna ah chuan mi pathum nilo in pahnih chiah a awm theih bawk si a.









"Enteh Rinzual, kei hian ka haw reng reng lo che ania, I pa chung chang kha kei pawh hian pawi ka ti lutuk, in chhungkaw tan hian Kan lo tawngtai pui reng thin cheu asin, thil chu anih tur ang ani zo tawh a, hun Kal tawh vang in inti hnual mai lo la ka duh, nula hmeltha tak ini a, ifing in hna thatak inei bawk a, Rinhlua aia tha mipa ila tawn ngei pawh ka ring tlat ania" ka tih chuan mittui tling pam hian min rawn en a.










"Zorin Rinhlua a hi ka hmangaih a sin, engtin nge amah nilo mipa dang kaneih theih ang? Khawngaih tak in minpui rawh. Rinhlua hi ka neih let leh theih nan min tanpui rawh, nang hi mi thatak ini tih ka hria a, mitam tak ilo tanpui tawh thin tih pawh ka hria, kei hian ka ngen takzet che. Rinhlua hi min pe let leh hram rawh, nang in isawi phawt chuan Rinhlua hi ka bulah a rawn let leh ngei ngei ang" tap zawih zawih chung a Rinzual-in min ngenna chu chhan ngaihna reng reng ka hre lo...cont

.

[Ngaia]

Ka hma a Rinzuali lungchhe tak a tap mek chu han hnem ngaihna vak pawh ka hremai lo tlat. A mittui tla hi hmuh hreawm ka ti em em viau bawk si. midang te tanpui hi ka hnapui ber leh ka nuam tih ber ani a, ka tanpui na dil a tap mek Rinzuali hnen ah hian kei hian enge ka sawi ve tak ang?. Thildang chu min dil nise ka neih zawng zawng pawh hi phal tak in ka hlan mai tur ania. Mahse he hmeichhia hian engthil nge arawn tih tak hi, ka hmangaih Rinhlua minrawn dil mek chu anih hi.











Rinhlu-an a hmangaih ve lo tih lah ka hrechiang nasa mai bawk si a. Khang anlo inzui ve chhung zawng zawng pawh khan, Rinhlua khan a duh leh hmangaih vang a ngaizawng ani der bawk silo, phuba lak a duh vang chauh in nang hi a kawp che ka lo ti mai dawn emni? Mangang tak a ka tanpui na min rawn dil tu hnen ah hian, a thil duh ber chu ka pek theih loh tur thu hi ka lo hrilh mai zawk dawn nge?. Ka rilru chu a ti buai ngang mai, tunah hian Rinhlua nen an innei dawn emaw ka tih lai a, Rinhlua ka chan dawn ta emaw ka intih vang a, ka rilru mangan na ang chiah kha Rinzuali hian a nei ve ni in ka hria a, hmangaih ber te chan tluk a thil hreawm leh na hi khawvel ah hian thildang a awm tawh chuang dawn em ni?.










Lehlam kawng zawng a ka thlir chuan. Rinzuali meuh in hetiang a, ka khawngaihna dil tur a min rawn pan hian ka ngaih a ti tha chiah lo bawk a, midang te lungngai hmel hmuh hi, khawvel a ka thil tawrh theih loh leh en liam mai mai har ka tih ber ani lawi bawk si, tihsak theih ka neih phawt chuan tlanchhe mai lo a puih ngei duh tlat mi ka ni bawk. Rinzuali hian ka chak loh na lai hria in, hetiang hian ka lak ah lem a rawn chang mai mai zawk nge niang? Ka rilru a tibuai zual sauh a.










Rinzuali lungchhe tak a in sut hlawp hlawp chu a dar ah chuan dimte hian ka va khawih da da a. "Enteh Rinzual, kei hian puih che hi ka duh lutuk asin, mahse he thil ah hi chuan kei hian engmah tih sak theih che ka nei in ka hrelo, Rinhlua hian a pa nunna laksak tu fanu chu, engti kawng zawng pawh in nupui chu sawi loh, a hmangaih let ve theih che ka ring tawh lo. Nang hian thil thui tak in thlirla ka duh a, khawvel ah hian kan duhthusam ang diak diak hian thil a thleng vek thei bik lo a, an hmangaih ber te nei kher lo hi mi tamtak an awm ve tho a sin. Enteh Rinzual, nang hian mihring te ah hian kha inun ruak kha hnawh khah tum lo la, mihring in min pek theih loh hlimna famkim min pe thei tu Pathian ah hian tlu lut zawk la, tun a mahni in khawngaih na ineih te kha lak kian sak in i awm ngei ka ring tlat, thlirtur dik tak leh entur diktak Pathian Kan en loh a vang hian, kan nun hi beidawnna ruam ah sual hian min hnuk lut vat thin" ka tih chuan Rinzuali chuan mit sen ram chung hian min rawn en a.














Min chhan let a tum mek lai chuan nurse duty rawn lutin "Zorin inleng ilo nei ani maw? Mahse in jection ahun leh tawh a, ka lo chiu lawk mai ang che chu, khawnge inu hi a awm a? Imuhil leh daih dawn sia ithian nu hi tunge lo kawm ta anga " nui sang chung hian a rawn ti a. Rinzuali chuan a mittui hruhul sawk sawk chung chuan "Kapi lung ngai suh, a nu lo let hma chu ka lo awmpui thei a lawm" zangkhai vah hian a lo ti vat a. Tunmai kha chuan lungchhe em em in atap a, chawp leh chilh a pangai tak a nurse a lo be leh thei chu mak ka lo ti ru viau mai.











Nurse pawh chuan engmah sawi zui tawh lem lo chuan min vit mawlh mawlh a. "I haw thei teuh tawh sia iphur tawh awm mange, min haw san hunah chuan kan ngai viau che in ania ka rin ni, Kan lo inhrawn rei ve tawh ang reng bawk sia " nurse nu in min tih chuan ka lo nui ver ver a. "Damloh reng mai hi ania ka duh ni, ka dam hunah chuan duat tak in min enkawl thei tawh dawn silo a" ka lo ti ve luam a.









Nurse chhuah hnu chuan ka nu call tum chuan ka phone ka hmet nghal niap niap a. Rinzual-in ka ban a min rawn khawih vang chuan ka lo phu zawk thei. "Zorin inu lo let leh hma chu ka lo awmpui ang che, ka thusawi khan a ti buai viau che emni? Ka pa vang in ka rilru hi a mang zo vek niber hian ka hria, tih tur leh tih loh tur pawh hi ka thliar hrang thiam chiah lo a, chubak ah isawi ang Khan Rinhlua chuan engti kawng mah in min pawm theih ka ring tawh lo hulhual, nang hi Rinhlua hmeichhe hmangaih ini tih chu ka hria a lawm, engtik ah mah a rilru hi ka sawh sawn thei ngai chuang lo ang, zorin ka thil sawi te kha theih nghilh vek rawh aw, kei hian hmalam ka pan a ngai zawk in ka hria" Rinzual-in a tih lai pawh chuan ka mut a chhuak leh tan der tawh.











Tinge maw min jection hian ka mut hi a rawn chhuah nghal em em zel maile? Rinzuali chu meng siar siar chung chuan ka en a. A hmel ah chuan lungngaihna tam tak tuar hrep tawh hi a ang ka ti ber. "Rinzual nidang ah lo kal leh mai rawh aw, ka mut a chhuak lutuk a azia lo khawp mai" ka tih chuan ka kut ah rawn hum in min nuih ver ver a.










"E khai hreawm ti miah suh, tikhan muhil vang vang rawh" a rawn tih chuan ka tawng peih tawh lo. Mumang nuam tak ka nei leh tawh, ka rilru a ka thilduh kalo suangtuah fo thin te hi, mumang lam ah a tak ang mai hian ka hmu thin a, Rinhlua nen ka mumang ah kan lo innei ve ziah, ka muhil ka harh leh chiah hian ka mumang mai mahnise ka hlim phah veng veng thin.











Ka muhil lai chu ka thawk that theih loh avang chuan ka leng vak vak a, harh chiang lo ruai chuan ka meng kawk a. Rinzuali chuan ka ka leh ka hnar chu lukham hian a rawn hup a, a mitmeng te chu a sen rum thei. Ka theih tawp chuan ka tal a ka nak rawn na lutuk ah chuan che tur ka awm tawh lo. "Nang hi ka thah ngei che angai. Rinhlua ka nun mintih chhiatsak vek tu hmangaih ber inih vang in. Kan chhungkua min tih mualpho vang leh, ka pa jail ah a khung vang hian hlim tak in a nun a hmang bik tur ani lo, a hmeichhe hmangaih ber hi ithih chuan a damchhung in, mi ruang kalthei ang mai in beidawng taka a awm ve hi angai, Kan chhungkaw chung a athil tih vang hian a dam chhung nun hi hremhmun ang mai a hreawm ah ka siam sak ve ang" tih pah chuan a hma ai a na zawk chuan min rawn hup leh a.









Lo beilet tur in chakna engmah ka nei lo, keimah pawh in kala inbuaipui hleih theih loh lai hian, engting nge Rinzuali min thah ngei tum a thapui chhuah hi ka hneh teh lul ang le? rilru ngaihtuahna fim pawh ka pu hleithei tawh meuh lo. Pathian hnenah tanpuina dil in ka rilru chuan ka tawngtai mawlh mawlh a, ka mangang viau bawk, ka thih loh reng reng ka ring tawh lo. Boruak ka tlakchham vang chuan. Zawi zawi in ka zo riai riai ni mai hian ka hria.








Thawk leh khat ah Rinzuali chu ka lak a tang chuan a kat dawrh a, ka khuh chhuak nghal bawrh bawrh thei. "Bawihi itha em? Rinhlu-an mangan hmel lutuk a min rawn tih chuan ka lo thaw kawk kawk a. Ka mittui chu a luang nghal ngiai ngiai a. Ka nu chuan "Awi ka duh thei lo bawihtei chungah hian eng thil nge thleng a? Tap tiau chung chuan a rawn ti chul a.






Rinhlua chuan "Kanu Bawihi hi lo buai pui ru aw, nurse doctor rang tak in ko nghal rawh hi. He damdawiin ah hian eng thil nge thleng hi? Thinrim lutuk chuan a ti tuar tuar a.







Ka nu chuan min rawn kuah in ka mittui chu min hruksak mawlh mawlh a. "Bawihte ka tih palh kei hian lo kalsan miah lo tur che kha ka nia sin, nang hi engtin emaw lo awm ta la engtin nge inu hi ka awm ang? Bawihte min ngaindam rawh" khur hlawk hlawk chung chuan a ti a.







Rinzuali chu mipa hnih hian an rawn man bet a. Rinhlua a chuan pan phei in, a nghawng ah chuan rek in a thing nawk nawk a. Tualthat tu fanu diktak chu ilo ni e, engtin nge Zorini accident tawh chung chang ah khan nang hi ka lo ngaihtuah chhuah miah loh che, ipa in ka pa min thahsak tawh hnu ah pawh nang hian la duh tawk lo in, ka hmangaih ber hi min thahsak leh ilo tum ngam amaw? Lalrinzual nang ni pafa hi mihring pawh in nilo ramhuai dik tak in nih hi" ti tuar tuar chung chuan bang ah chuan a rek bet nawk nawk a.






Kanu chuan "Rinhlua kha khawngaih in lo dang rawh u, kha hmeichhia kha a that thei mai ang" mang ang lutuk chuan a lo ti chul a.












Rinhlua chu Rinzuali lak a tang chuan an pawt sawn thei hram a, khuh bawrh bawrh chung chuan Rinzuali chuan "Lalrinhlu nang hian kan chhungkua min ti chhe vek asin, nang hi ka en liam mai mai dawn lo che, lo ngai tak rawh! ihmangaih a piang te hian an tuar zel ang, kei hi tunge ka nih ihrelo anih hi, kei hi tualthat tu fanu ka ni, kei tualthat tu fanu hian engmah pawisak ka nei miah lo ania aw, saw hmeichhia saw ka kut a athi lo hi a vannei khawp mai" rapthlak lutuk hian a rawn au chhuak tawn tawn anih chu, Security te pawh cabin ah chuan an rawn tlan lut nghal vat a, rang tak in Rinzuali chu an kal sawn pui nghal a, zamna chhe te mah nei lo chuan Rinhlua chu ankhum in a rak vak vak a.












Ka hlau thawng lutuk chu ka mit sulh a engmah ka hre tawh lo. Ka harh leh chuan kanu leh Pa ka thian te ho an lo awm kim leh vek tawh. An hmel ah chuan an hlauh thawn zia chu a lang vek. Rinhlua ka va en chuan inthlahrun hmel em em hian hnuai lam a lo melh reng a.






Ka pa chuan "Mambawih itha em, ihlauh thawn luat vangin ithidang a? Min lo ti vat a. Rinhlua en reng chung chuan ka tha a lawm pa, ka nak hi a nuam lo deuh a, abak chu engmah natna em em pawh ka neilo" ka lo ti vat a.













Rinzami chuan "Angel engmah harsat na em em inei lo chu ka lawm hle mai, I chungah hian engthil emaw a thleng ang tih ka hlau lutuk a. Damdawiin chhung ah leh nghal, kha tiang thil rapthlak lutuk kha engvang in nge Rinzuali Khan a rawn tih ngam zawk?, nang hi thah ngei tum in a rawn kal chu ani si a" thinrim hmel em em hian a ti chhuak bawrh bawrh a.










Rinhlua chu a ngawi ngul reng a, kam khat mah in a tawng chhuak lo hrim hrim, thil thlen dan vel midang in an lo sawi sap sap lai chuan, a thutna atang chuan a rawn ding chhuak hluai a, a awm dan chu mak tih hmel deuh chuan Kan lo en thap a, engmah sawi lo chuan cabin chhung chu a chhuah san nul nul.







Kanu chuan Rinzami en pah chuan "Zamte Rinhlua kha amah a awm tir chi ani miah lo ania, a thinrim Khan khua hmu lo in, thil tha lo zawk a va ti palh hlauh ange va umzui vat rawh" a tih chuan Rinzami pawh chu Rinhlua zawng tur chuan hman hmawh fe chuan a tlanchhuak ve nghal hlawk hlawk a.














"Mambawihi chung a thil thleng vel ah hian a mawh phurtu ni ah a in ngai tlat a, engmah Rinhlua Khan tih sual anei reng reng lo, ani kha ahun tak ah rawn thleng lo ni se chuan kan chung a thil thleng tur hi ka ngaihtuah ngam lo hial zawk" ka pa chuan a rawn ti nuah nuah a.








Kanu chuan "keima thiam loh vek hi a lawm, mambawihi nen inbiak an ngaihthu min hrilh lai khan Rinzuali kha lo ring miah lo tur hi ka nia, khanu kiang ah Khan lo Kal san miah lo tur hi ka nia sin mawle, khatiang thil rapthlak lutuk kha ka fanu chungah hian a ti duh ang tih ngaihtuah na chang reng reng kalo hrelo a. A hmel te kha atha in a fel hmel hle bawk sia" a lo ti ve sep sep a.













"Nu engtin mah ka awm loh hi, khathil thleng ah Khan tuma thiam loh ani lo, khathil thleng vang Khan mahni inthiam loh vak a ngai lo, min en ula ka la that vek hi. Pathian in ka thih mai a la phal hlei nem, Rinzuali lak a min chhanchhuak tur Khan a huntak ah Rinhlua a rawn tir mai alawm" ka lo tih mek lai chuan Uzohminga thlan tla phung in cabin chhung ah chuan a rawn tlan lut a.














Thaw hluam hluam chung chuan min rawn pan vat a. "Mate itha tiraw? Engvang chuan nge kha nu khan thah che atum a? A hma a I accident chung chang ah pawh khan kha hmeichhia khan in rawlh na aneih ka ring tlat. Pa lo insiam rawh u, he damdawiin ah hian reilo te chhung pawh matei hi a awm tawh lo ang, thil tihfel ngai tur ang chu ka lo va buaipui mai ang" thinrim meng sen rum chuan a rawn ti a.








Kapa chuan uzohminga chu a pan vat a. "Mama in bengdai phawt rawh, he damdawiin a hna thawk tu te hian khang thil kha a thleng ang tih an ring bik hlei nem, chu bak ah kha nula pawh kha ka ngaihtuah khawp mai, tual hial thah duh khawp a a rilru sual in a tih buai vang khan keini hian theih tawp a Kan tawngtai pui angai ania, Kan hmelma te hmangaih tur in kan Pathian thu in min hrilh vek kha. Engpawh nise damdawiin atang a kan in lak chhuah mai chu mambawihi him zawk nan a ngai in ka hria a, inlam ah kan theih ang ang in Kan in enkawl ve mai anga, nangpawh doctor ini a. A tul a nih phawt chuan inrawn insuan lut leh mai aniang chu, ithinrim na kha han bengdai phawt la pa tling tak in thil ti la ka duh" a tih chuan ka u pawh chu tlem chuan a in thlah dul ve ta deuh a.












Damdawiin lam a thu neitu te pawh an rawn lut diah diah a. An damdawiin chhung a thil thleng vang chuan, pawi an ti in ngaihdam min rawn dil mawlh mawlh a. Ka pa chuan "Inthiam lo duh reng reng suh u, mambawihi pawh a tha leh vek tawh a lawm, kan fanu chung a thil thleng vang hian nang ni lam pawhin fimkhur leh zual nan hmang ula ka duh a, damna beisei in he hospital ah hian mi tamtak an rawn kal a, damlo te himtak leh thlamuang tak a an awm theih nan nang ni hian tun ai a nasa hian hma in lak ka duh khawp mai" a lo ti ve vat a.






Ka chung a thil rapthlak tak thlen dan chung chang chu media lam ah pawh a darh chak ngang mai, a then te chuan Rinzuali pasal hual ka lo ngaihzawn ve vang a, khatiang zawng a Rinzuali kha ka chungah rawn che ta mai ang ten an lo sawi ve bawk a. Ka thil tawn in min tih hlauhthawn teh lul nen, a nundan in a zirlo lutuk a pastor fanu nun dan turin nung mawlh hek lo, khatiang thil a tawng kha chu thilmak a ni lo e. Min lo ti tawk an awm bawk a, ka chanchin mawi lo tak a ansawi na te hi chu ka lo tawn than anih tawh vang in ngai ah ka nei tawh.






Tute lak ah mah hian tawngkam tha leh min fakna ri hi hriat tur a awm ngai miau lo a, tunah pawh a tuar tu ka ni chung hian min khawngaih leh lainat a hnek in media lamah chuan min chirh theh leh luai luai tawh chu ania. Engang pawh in min lo sawi rawh se engkim hretu Pathian ka lamah a tan chuan ka lungawi tawk em em ani.







Miin keimah avanga an hau che ua, an tihduhdah che ua, dawta sual tinrenga an hek hunah che u, in eng a la thawl ang. Lawm ulangin, nasa takin hlim rawh u, vanah in lawmman a awm hnem si a. Bible ah chiang tak in min hrilh miau alawm. He lei ah hian fak leh chawimawi nih ka thlahlel lo a, vana ka lawmman tur ka hriat reng vang hian, tap chung pawhin Lalpa rawngbawl hi kala thlang fan tho ang.





Uzohminga a rawn kir leh chuan kan lo insiam peih diam tawh a, kan bungrua Awmpuia leh Uzohming-an an khai a joseph-an min paw thung a, damdawi inah kan lo awm rei ve tawh sia, chu tiang rum rum a Kan haw angai ta mai chu Kan lo beisei bik miah lo, nurse ho pawh in kan haw tur chu an khua ahar dawn thu an sawi ve liam liam a, ka chung a thil thleng vang hian pawi antih zia thu leh, an lo fimkhur tawk loh vang anih thu te an sawi ve mawlh mawlh a.











Gate a tang kan chhuak thla fel hman awrh tih ah chuan. Uhriatpuia te nupa an rawn lang ve nawlh a, uhriatpuia chuan "Zorin ichanchin kan lo hria a, rawn hmuh che kan lo tum a sin, ila dam tha silo a damdawiin chhuahsan in tum em ni? Hrilh hai hmel tak chuan min lo ti vat a. Ka nu chuan "In va fel ve aw. Mambawihi ngaihtuah in inlo kal vang vang a, inlam ah haw mai hi Mambawihi him zawk nan a that kan ring a, damdawiin a awm reng hi a tan pawh a tha chiah in kan hrelo a, athil tawn Khan a thawng in a hlauthawng viau bawk si a" a lo ti vat a.







"A zia lo khawp mai, engtin nge tunang chhun lai ah hlauhthawn na nei miah lo a khang thil te kha a rawn tih ngam zawk le?, engpawh chu ni se kan rawn Kal tawh tawh a, in inlam ah chuan kan rawn zui haw ve mai ang che u" uhriatpuia chuan a lo ti ve zat a.






Uzohminga car ah chuan Josepha chuan min hlang lut a, ka sirah chuan a rawn thu lut ve nghal vat a, Awmpuia car ah kanu leh Pa an chuang ve thung a. "Rinhlua chanchin ihre tawh em? Josepha bulah chuan ka ti sap a. Engmah chanchin a la hriat bik loh thu in min chhang vat a.







Rinhlua ka ngaihtuah takzet, khathil thleng vang Khan kei hian chhete mah in a mah dem na ka nei lo hrim hrim, engvang a khatia mahni in thiam lo ve ngawt nge maw anih le? Ka thiltawn vang Khan ka hlau thawng em em a, tunthleng hian ka tha khur pawh a la reh thei lo ania, midang zawng aiin ka kiang ah hian awm se, min thlamuan se ka duh a sin. Rinhlua min ven him sak tur in ka rilru chuan Pathian hnenah ka tawngtai mawlh mawlh reng a.










In kan thlen chuan Kan thenawm khawveng te an lo awm laih laih a, ka room lam ah Josepha chuan min pawm chho nghal daih a. Ngurpuii leh Uzohminga pawh chuan min rawn zui ve nghal vat a, keimah vang a ka chhungte hlauthawng thlabar a an awm a ngai fo mai hi hreawm ka ti viau bawk, ka chung a thil thleng te hi ka duh vang reng a thleng ani bik lo a. Vanduaina hian min kiansan lo in a um in min um niber hian ka hria.






Josepha chuan Khumah chuan min mut that tir nghal vat a, ka taksa a chauh viau lai in Rinhlua ka ngaihtuah na chuan min ti chau zual sauh ni mai hian ka hria.








Uzohminga chuan "Mate muthilh imamawh in ka hria, muthilh na in ka jection che anga thlamuang tak in muhil phawt rawh aw, engmah hlauh thawn tur a awm tawh miah lo ania" min rawn tih chuan Uzohminga chu ka melh zauh a. "U ka la muhil thei lo, Rinhlua chanchin ka hriat phawt angai, engtin nge Rinhlua a tha em tih hre hmasa phawt lo in ka mut hilh theih ang" ka ti chhuak sep a. Ka mit chu ka chhing zui nghal daih a.









Ka u in Josepha Rinhlua chungchang a zawt ri pawh chu ka hre reng a, mahse ka meng peih thlawt lo. "Zorin Bawiha chu keiman ka va ngaihven ange, lo ngaihtuah lutuk duh suh, khatiang dinhmun a arawn hmuh vang che Khan a thawng lutuk a, hun thawl a mamawh vang in a in thiar fihlim mai mai chauh ni in ka hria. Chubak ah thianpa te chu nang pawh in ihriat vek kha, engmah ngaihtuah chiang hmasa lo a che buan buan chi ani lo tih chu" joseph-an a rawn tih pawh chuan ka chhang buai peih lo.








Uzohminga chu bia in "Bawiha ngaih ven tur chuan ka va chhuak lawk ange, thil thleng a awm anih chuan min rawn be vat rawh u aw" a tih hnu ah a chhuak zui nghal daih a.










Ka sam rawn chul phah chuan Uzohminga chuan "Mate ti Khan awm lo teh, Josepha pawh in a sawi vek kha. Bawihpuia chu a ngaihtuah awm lo ang, hahdam tak a awm imamawh ania, muthilh na damdawi chuan ka jection ang che aw. I lo harh leh hun ah chuan Rinhlua pawh a rawn thleng tawh ngei ngei ang tih ka tiam a che" a rawn ti sup sup a. A phone a rawn rik tak ah chuan a lo chhang vat a.







Ufel-an "matei chu enge a chanchin a tha em? Ka rawn haw chho mai dawn em ni? A rawn tih chuan Uzohminga chuan "inlam ah kan inhruai haw a, rawn ngaihtuah lutuk duh suh u, a hlauthawng deuh tih loh ah chuan tha lutuk a lawm, lo tawngtai nasa ula a tawk mai. Tawngtai na hian nasa tak in thil a ti thei tih Kan hriat chian viau kha" a lo ti vat a. "A mah ka lo be thei angem? a rawn tih chuan ka biak theih rih loh thu in a lo chhang vat a.









Hna tamtak thawh tur in min hmuak mek a, min mamawh tu tamtak an awm mek laiin, kei lah vanduaina dang dang in min tlak buak reng a. Ka Chung a thil thleng te hi enge a chhan ni ta ngai? Kei hian Pathian pawi ka sawi zawk nge? Rinhlua nen hian awm dun tur Kan ni lo zawk em ni? Ka chhung te min biak na pawh chu ka chhang peih lo, tunah chuan Rinhlua ka mamawh ber ka kiang ah hian awm tur in ka duh em em a, engmah sawi lo a min kalsan ngawt chhan diktak kha kei hian hriat ka duh.








Ka ngaihtuah na vang chuan ka lung a rawn chhe thar leh a, ka mittui chu a rawn luang zaih zaih a, ka hlim ve dawn chauh a harsat na hian tinge kei hi min umzui bik reng mai le? Ka nun zawng zawng hi midang tanpui nan ka hlan pumhlum thak a, mite min hmuh dan pawh a diklo a. Kei hian hlim tak a awm hi ka phu ve lo zawk nge? Uzohminga chuan Muthilh na damdawi chuan minrawn chiu a "Mate hahdam tak khan muhil rawh aw" ti chung chuan ka chal ah chuan min rawn fawp zauh a.









Cabin chhung ah chuan Rinzuali leh a pa chu an a rawn in zuilut a, ka mutna khum sirah chuan ding in min lo nuih uar uar a. An hmel te chu mihring hmel pawh a ang lo, an mitmeng te chu thinrim a vang in a sen rum a. Rinzuali chuan "Nang hi idam ve chhung chuan rilru thlamuang leh zalen tak in ka awm thei ngai lo ang, ka that che anga chumi hnuah ihmangaih Rinhlua pawh ka that bawk ang" nui uar uar a ti chung chuan ka hrawk ah na zet hian min rawn rek a. Pa siama chuan ka fanu kha nu kha that vat rawh ti in a lo hrilh mawlh mawlh bawk a. Rinzuali banah chuan vuan in ka tal vak vak a. Tanpui tutur ko in ka au chiam chiam bawk a.






"Bawihi harh teh, engtin mah i awm lo ania, ikiang ah ka awm tawh alawm, tumah in an tihnat che ka phal tawh ngai lo ang" Runhlu-an nghet tak a min kuah chung a rawn tih chuan ka harh kawk thei. Ka taksa chu thlan fim in min bual huh vek a. "A ni Khan min thah a tum a sin. Rinhlua min chhan rawh, nang pawh hi an thah tur thu che asawi ania" ti chung chuan ka tap chhuak hawk a.








A awm khauh tungah chuan nghet zet in min kuah bei hlu hlu a. "Bawihi mangchhia imang anih kha, Rinzuali chuan engtik ah mah a rawn ti buai tawh ngai lo ang che, tunah chuan thah che atum vang in, hospital thuneitu lam Khan FIR an theh lut a, jail ah a tang dawn a lawm, tumah in an tihnat che ka phal tawh lo, ikiang ah hian ka awm tlat dawn a lawm" Rinhlua aw dam dup in min rawn tih chuan ka lungchhe zual sauh a.







"Khawiah nge min kalsan daih a? Ka kiang ah hian awm reng tur in ka duh che asin" tap aw tiau chuan ka chhuah chhal a. Ka chal ah a hmui a rawn chuk tuah in min rawn fawp vang vang a.







"Bawihi ka tihpalh lutuk, lo kalsan miah lo tur che kha ka nia sin, ichung a thil thleng vang Khan ka hlau thawng lutuk a. Chubak ah khangthil kha keimah vang vek a thleng a ni si a, engtin emaw lo awm ta la kei hi engtik ah mah ka in ngaidam thei ngai lo ang. Rinzuali Khan Ka chung ah phuba lak a duh chuan nang ni lo in keimah hi min hma chhawn zawk tur ania, keimah vang in engmah tihsual nei ve lo khatiang a thah a rawn tum che ka hmuh Khan ka inthiam thei lo a, ihlauthawng hmel kha ka hmu ngam thlawt lo a lawm" Rinhlu-an a rawn tih chuan nghet leh zual chuan ka lo kuah a.






"Khatiang zawng khan ngaihtuah tawh miah suh, vawiin ah khan ka nunna hi min chhanhim sak a sin, nang hi lo kal lo ni ta la tunah hian ka dam tawh miah lo ang, nang hian min chhan him tih ihre lo em ni? Ka tih chuan ka hmui ah chuan dim te in min rawn fawp vang vang a.









"Vawiin khan rawn surprice che ka tum a, ka hmel ihmuh rual a ihlim hmel tur suang tuah reng chung in phur zet in hospital kha ka rawn pan a, i awmna cabin ka rawn luh rual a ka thil rawn hmuh vang khan chet lawk na chang pawh ka hre lo hial a sin, Rinzual-in lukham a a lo hup bet lai che ka rawn hmuh khan hlauh thawn na leh thinrim na in ka khat a, tlem a tlem ah tual ka that lo chauh chu anih kha. Bawihi chan che ka hlauh luat vang khan ka in sum theih na te hi a keh chhe zo vek a sin, nang chuan kan lak a thil sual ti tu te lak a phuba lak iphal ngai lo tih ka hria a, mahse vawiin khan Rinzuali ka that lo chauh chu anih kha" a rawn ti chhuak sup a.










"Mahse ithat chuang hlei nem, kei hian ihna pawh thawk tha hman leklo in ka ti buai reng che chu anih hi, i nu sawmna pawh vawiin ni thleng hian ka la tih hlawh tlin sak ve thei lo a, kei hian ipa Chung a thil thleng vang khan in nufa hian hnem zawk tur cheu ka nih mek lai hian, keimah zawk hi buaipui ngai in ka awm reng zel bawk si. Rinhlu ilak ah hian ka in thlahrung zo zai emai" ka tih chuan a lam ah chuan min pawt hnai sauh a.










"Shhh Bawihi kha tiang zawng kha chuan thil hi thlir thin lo teh, nang hi ka thil neih zawng zawng zing a hluber ini a, hetia ilo thawk ve tek tek vang pawh hian ka thla amuang in ka nun hi a famkim phah a sin, nang nen hian Pathian in rem a tih chuan chhungkua te Kan la din ve anga, ka ta inih hunah chuan tun aia nasa hian ka duat in ka ngaih sak thei tawh bawk che anga, engpawh chu nise Bawihi, nang hi dam vat vat la kan inneih vat a ngai ania, midang mitmei ven ve reng a tul vang hian ka duh ang pawh in ka duat in ka ngaih sak thei lo che a" a rawn tih chuan dam vat vat ka chak zual phah sauh a...cont

[Ngaia]

Mahni inchhung lum a han awm tak ah chuan ka tha chak viau mai. Uzohminga te chhung pawh in ka pa ngen na ang in ka that chhuah hma loh chu min rawn fin leh rih dawn a. Rinzuali ka lak a achet dan vang khan hun enge maw chhung chu mangchhia in min ti buai reng a, mahse Pathian puihna dil in kan tawngtai nasa a, tlem tlem in ka zia chho ve zel a.






Rinhlua nen kan inkar ah harsat na sawitur a awm tawh lo a, hotel lamah a buai ve em avang in min ngaihtuah thin viau mahse, inlam ah rawn kal kher angaih loh thu ka hrilh chuan a lungawi lo lek lek thin. Sumdawn na leh anu enkawl na kawng ah a puitlin teh lul nen hian, ka bulah hi chuan naupang chhia ang hlauh ani, ho deuh a han titauh ngut ngut te hi a ching riau a. Min ti hlim thin khawp mai, min hmangaih zia ka hrechiang a. A titau han thlem vel hi nuam a ti tih ka hre ru ve kiau a.







Kanu in ka room ah Bible min chhiar sak chu ngaihnawm ti fe chuan ka lo ngaithla dauh dauh a. Ka phone a rawn rik tak vang chuan kanu chuan a tarmit vuah chu la thla in. A Bible chhiar chu a khup thak a.








"Mambawih iphone hman chhung in inhnuai lamah Ngurpuii bawnghnute in tur ka lo zuk chhuan sak lawk ange aw, a nau hrin a hnai tawh a, hrisel tak a awm hi a tan a pawimawh ber ania" a tih chuan ka lo buk khum zauh a. Ngurpuii an ngaihtuah dan leh an hmangaih zia ka hmuh hian ka lawm em em rual in ka hnuk anti ulh thin, mi tamtak chuan anril arah an fate ngei pawh an hmangaih hleithei lo anih lai in. An thisen zawm pawh ni lo hetiang tak a an hmangaih thei hi Pathian vang liau liau ani.








Rinhlu-an "Bawihi tlaiah ka rawn hruai dawn che ania aw, inu te pawh ka hrilh lawk vek tawh a nia, kanu in itan zanriah buatsaih sak che aduh a" a rawn ti thum dut dut a. Thla hnih teh meuh pawn ka chhuak tawh lo a, la dam chiang lutuk lo mah ila. Rinhlua te in a zanriah ka eitur chu ka lo phur ngang mai. Tun aia hma ah hian Rinhlua nu nen a in hmelhriat na mumal tak a nei tawh tur kan ni a. Ka accident vang in kan tum ang pawh in kan awm leh thei ta si lo a.







Kanu in "Bawihte iva hlim hmel em em ve a? Bawihpuia chuan engthu lawm awm nge a rawn hrilh che a?, khatia mahni te chauh a ilo khik vur vur mai le" Min rawn tih chuan nui var var chung hian "Nu Rinhlua nu in zanriah eitur in min sawm a, inchhung ah ka inkhung rei tawh lutuk vang hian ka â thei tak ngial dawn in ka lo hre hman tawh a. Zanriah hmun dang a ka eitur hian min ti hlim em a lawm" ka lo ti bawrh bawrh a.







" A ni dawn teh tak e. Bawihpuia khan anu in chawi ei ah a sawm thu che kha min rawn hrilh tak a sin, Rinhlua i tawng hi chu kan chhungkaw tan hian a hahdam thlak thin khawp mai, a zuan azang bawk si, ipa pawh hian a fapa te ang chiah hian a ngaina hle in ka hria" kanu chuan a rawn ti ve siam siam a.





"Nu ka chhuah dawn chuan minpuih ka ngai dawn ania, chubak ah ka sam pawh hi kan khawih tir dawn em ni? Sam lem vuah a ngai tawh in ka hre lo, tlem chuan la tawi deuh mahse a put ve nawk nawk theih tawh chuan ka hria" ka tih chuan kanu pawh chuan "A tha ngawt tak ang. I ubeti hnenah a thian nu koh sak mai tur che in tita ila atha mai lo maw? An inneih pawh khan a thiannu khan a chei a, a kutchhuak kha a nalh viau in ka hria" ka nu chuan phur tak in a lo ti sarh sarh a.







Inhnuai lamah chuan ubeti be tur chuan min chhuk san leh thuai a. Ngurpuii thei eitur chawi chung a, a rawn kal bu lak lak chu nuisang hian ka lo thlir dauh dauh a. Ka bul a rawn thlen rual chuan "Kan naute tur chuan rawn chhuah a chak tawh viau anih hmel, a lo pian hunah chuan ka sawisa rethei mai mai ang chu aw" nui hawk hawk Chung chuan ka lo ti a.





"Doctor pawh in tunthla tawp lamah inei ang min tia, ka fa lo piang tur hi hmangaih na vang a lo insiam ni lo mahse, anu hian a lo pian chhuah hma hauh a tang hian ka hmangaih hluah hluah, ka fa lo piang mai tur tan hian ka theih tawp chhuah in a tan hian nu tha tak nih ka duh a, uzorin nang hi tawng lo che ila chuan riltam vang ringawt pawh in ka dam tawh kher lo vang, kei fahrah tuma duh loh minlo tuam hlawm a hmangaih na nen a min lo enkawl hi vannei ka in ti in ka lawm a sin, he naute ka pum chhung a lo thang lian ve mek tan hian nu leh pa nih ka fawmkem a nga, ka lo tawrh tawh retheih na te kha tuar ve tur hian ka duh lo a, chak tak leh huai tak a ka naute lo piang tur tan hian ka awm angai a. Pathian hnenah pawh ka phak tawk in ka tawngtai reng thin" a rawn tih chuan a dul puar lian tak chu a chul riak riak a.






A kut chu va hum thuah in. " Ngurpui lungngai miah suh, kan naute hi a lo pian chhuah hunah chuan hmangaih na hlir a dawng dawn alawm, a pi leh pu te khawhar hnem tu tur anih hi" tih pah chuan a pum chhung a naute rawn che dat dat chu hlim zet in ka lo khawih a. "Mipa a nih ka ring irai lian bawk si, chubak ah a rawn che vel reng reng hi, a hrisel tha in a chak vak hle tih a hriat khawp mai" nui var var chung chuan ka lo ti a.







Kanu leh ubeti te nufa rawn in zui lut chuan "Kan Lal fapa tur inlo be leh tawh ani maw? Kanu chuan a rawn ti bawrh bawrh a. "Nu lo chhuah hi a chak tawh viau aniang, anu pum hi a rawn pet nasa thei khawp mai" nui sang chung chuan ka lo ti vat a. Ngurpuii naupai mek chu kan chhungkua hian mipa nihtir kan tum sa vek ani ber mai, hmeichhia alo nih vaih chuan a nuihzat thlak ngawt ang. A kawr tur pawh mipa kawr hlir kanu leh Pa hian an lo lei sak ve ziah a.





"Mate isam chu engtia han tih nge iduh deuh a? Ka thian nu ka va be nghal a, a lo hman remchang hlauh a, ivannei dawn khawp mai. A matawk ah sawn a buai ve viau zel ania, adawr sawn mi hriat a hlawh lak lawh ve a, hun awl a nei khat khawp asin" ubet-in a rawn tih chuan "A mah rawn thleng phawt se ka inhmeh dan tur chu a hre mai ang, a la tawi ang reng sia, nalh tak a chhuah chu a har viau chuan ka ring a" kalo ti vat a.







Ubeti thian nu a rawn thlen chuan a rawn in khai bawr ngang mai. "A bungrua rawn ken ho a phawrh chuan ka lo meng phar awk a. "Ka sam min siam sak dawn emaw ka tia, khang thil zozai kha enga tan nge? Ka lo ti chul a. Nui var var chung chuan "monu interview tur ini sia, isam chauh lo deuh pawh kan chei ang chu, ibialpa nu mittlung na zan tur a ilan a ngai a lawm" a rawn tih chuan ka lo nui suk ringawt a.










"Anitei hi nalh deuh in kan chei anga tu emaw chuan a hai maithei ani ti raw cindy" ubet-in a fanu lawm pah a arawn tih chuan kan lo nui dar dar a. Ubeti thian nu chuan ka sam chu a rawn thlek vang vang a. "Zorin isam chu a hmawr lam hi roll tawp ila i inhmeh in ilang cute ngawt ang, pawh ngil tawp ai chuan tunlai ah chuan tih kir deuh te pawh hi an uar tawh khawp ania" a tih chuan itih dan dan ani mai ka lo ti vat a.








"Ka tan nghal mai dawn em ni? Ubeti thian nu in a tih chuan ka lo bu nghat a, ka sam rual lo lai te chu tan in ka samah chuan damdawi a hnawih nghal mawlh mawlh a, a pawh ngil vek hnu ah a hran in a hmawr lam chu chhe te in a roll vial tap a. Ka nghawng thleng lek ah chuan ka sam chu a kir tawi mat a, a sawi ang tak tak in ka lang cute ngang mai.








Sam ngil tawp a pu thin ka nih vang khang, kanu pawh in mit tla lo lek in min lo en dauh dauh a. Ubeti chuan "Mate inbual phawt la ihmai vel chu kan chei leh dawn ania, I intihfai chhung in thingpui kan lo in a nga" a rawn tih chuan Ngurpuii chuan "keiman ka lo pui ang che aw" min lo ti vat a.






Ka sam kan siam zo vek tawh sia, tih huh leh a chi tawh mang bawk silo a ka inbual rei phah vek thei. Kan inbual zawh ah ka in hnawhpuar ve leh te te a, ka hmai chu makeup hmang nasa lutuk si lo in min chei sak leh a, a kawr rawn ken chu phawrh in min hak tir nghal a.









Kawrfual sweat senduk raih simple zet mai hi ania. A ban pawh tawi te chauh ani bawk a, kasam in a khuh chinbak ka nghawng chu a lang var kher mai, a kawng ah intan in a hnuailam chu parallel cut a ni bawk. A thui asimple teh reng nen kan ha chiah chu ka inhmeh zek a. "In chei vur ang a lang silo in hmuh inuam" min lo ti liam liam a. Pheikhawk flat ka kawr rawng ang chiah a rawn ken chu min bun tir leh a, kan zo chu a ni der a.ka landan chu inchei uchuak ang a lang silo in a nalh tak zet. An vai in thla min lakpui vek a. Nui ver ver chung hian "Celeb ka ang riau in ka hria" ka tih chuan ubeti thian nu chuan "celeb aiin inalh fe zawk" min lo ti vat a.







Tlailam darthum rik hma hret in Rinhlua min hruai tur in a rawn thleng a. Living room ah kan lo awm khawm laih laih a, ka inchei dan chu ka inhmeh thu ka chhung ten min lo hrilh char char a, min fak nasa bawk a ka confi sawt thei. Rinhlu-an min rawn hmuh rual chuan a mitko a san deuh awk a, a hmel ah chuan a hlim tih a lang reng , nui suk suk chung chuan. "Ngurpui khawiah nge ka bialnu hi a awm a? A rawn tih chuan midang chu an lo nui dar dar a.






Rum tawk a va melh chung chuan "Nghal lo mai teh" ka lo ti hlak a. "Uau mikhual nula innei ta emaw ka lo tia sin, ka bialnu lah lo ni reng che a. Bawihi inalh lutuk" tih pah chuan min rawn pan phei in ka chal ah chuan a rawn fawp zauh a. A mitmeng te chu anung sar a, min hmangaih hluah hluah tih hi a hriat reng.








Ka pa chuan "khatia inchhaih kual vak lo khan kal tawh rawh u, inu in alo nghakhlel tawh lutuk ang che u" a rawn tih chuan ka pa lam en chuan anui sang a. "Ka pa Zorini hi ka nei nghal daih dawn ania, a rawn haw ka phal tawh lo ang" a tih chuan an nuih alo za ngang mai. Ka kutah rawn kai in "Bawihi kal tawh ila" a rawn ti sup a.










Rinhlua te gate kan tlan luh chuan anu in veranda ah minlo hmuak a. "Bawihi ka lo beisei reng tawh cheu a, kawng lak ah te harsat na te inei em? Nui sang chung chuan minlo ti nghal bawrh bawrh a, ka that thu leh zanriah eitur a min sawm vang a ka lawm zia thu pawh ka sawi ve chul a. Rinlua-an motor a dah fel chhung in a nu chuan inchhung lam ah min kai lut a.






"Bawihi tun aia hma ah hian zanriah eitur a sawm che chu ka duh a. Kan boruak hi hetiang hi a ni leh nuaih sia, ka nufa vang in nangmah thleng a ituar phah a ngai hi pawi ka ti lutuk" in thiam loh hmel deuh chuan a rawn ti a. A kut ah chuan ka lo vuan vat a "Nu khatiang zawng khan thil ngaih tuah duh reng reng suh, min hmuh ang hian ka tha tawh lutuk a lawm" ka lo ti vat a.









Rinhlua inchhung a arawn luh rual chuan, a mit chu a mengkual ralh a, anu nen kut in vuan rial a kan lo thudun min rawn hmuh rual chuan, a hmel chu hlim vang in a eng sawt sawt thei. "Ka tel lo in eng thu nge in lo sawi vel a?, khati kha chuan nufa dik tak ang chiah inni in ka hria, kei chu ka lo va leng bo hrih mai dawn emni? Min mamawh hmel vak lo e" Nui suk suk a arawn tih chuan ka lo melh rum vak a. A ha var rual tha zet lang chuan a nui hawk hawk a.







A nu sirah chuan rawn thu thla in a rawn kuah nghal zat a. "Nu imonu tur chu enge ang itih a? Min rawn siai zauh chung chuan a rawn ti a, ka lo ner khum nghek ringawt a. "Bawiha engtin nge Zorini hian a duh theih zawk che tih ka lo ngaih tuah zawk a, nang hi dawi te hi ilo hmang a nilo maw? Engtin nge ka fapa mawl lian deuh hian, Zorini nula hmeltha leh fel em em hi i lo thlem thluk ve mai theih dan hi, inlo thlen atang khan chu thil ringawt chu ka lo ngaihtuah char char" a rawn tih chuan "Nu isual thei emai, ifapa hi minhan en ta che? ka hmelthat em hi" a lo ti nung nung a, kan pathum chuan kan nui bawk bawk a.







"Bawihi kan titi a talang in intur lam te iduh em? ka lo zawh theih nghilh daih che a" Nu zual-in a rawn tih chuan nui var var chung hian. "Kan rawn kal hma deuh khan ka lo in tawh sia, tun a kan in leh chuan chaw ka eitam thei lo ang, chubak ah Rinhlua hian irawngbawl tui theih zia a sawi ngun thei ropui si a, tam deuh ei tum in ka rawn kal anih hi" ka lo ti vat a.








Rinhlua chuan "Bawihi kanu rawng bawl thiam zia ihriat hunah chuan inneih vat iduh tawh ngei ngei ang" a rawn ti thum dut a. Fiam thu vêk chuan "ka haw duh tawh lo mai thei zawk mawle" ka tih chuan "Ka chak zawng tak" a lo ti ve vat a. Nu zuali pawh a lo nui ve hawk hawk a.










Rinhlua chuan a nu en zauh chung chuan "Nu inthlak te ka duh a, Bawihi hi ka room hmuh tir ve ka duh bawk sia, reilo te chiah chance min pe lawk la. A bak chu imonu tur hi iduh tawk in i enchhin thei tawh ang" a rawn tih chuan. "Ni teh tak e, Zorini Bawiha room chu han hmuh pui ve rawh, a hnawk viau mai thei ania, ibialpa hi a hmel en ang hi ani miah lo ania aw, sumdawnna lamah afel tehlul nen hian inchhung khur ah hian a fel vak lo a, i enkawl thiam viau angai ang" a tih chuan ka lo nui var var a.








"Enga mah hma in khatiang khan in fuihpawrh ringawt suh u, thaibawi nih ka duh miah lo ania, Bawihi nen hian fapa kan neih teuh angai ang, kan inchhung ah hian MHIP in sawrkar na in la dawn a ang riau" a rawn tih chuan nu zuali nen chuan kan lo nui char char. An nufa inpawh zia chu an inchhung a ka awm chhung reilo te ah pawh hian ka hrethei nghal vek.








Muang chang chuan living room a tang chuan Rinhlua room lam chu kan pan a, ka taksa a la chak tawk loh vang in chet vak vak ka la thei rih lo deuh a, Uzohming-an indim turin min hrilh ngun viau bawk, step a kan lawn tur chu min rawn pawm kang nawlh a. "Ka mawng a lang vek dawn ania" ka lo tih chuan a nui suk a. "I rit reuh hle mai, lo tal hlek suh ka thlauh palh ang che" nui hawk chung a min rawn tih chuan ka lo tum hmak a.






"Min pawm rawh ka tih loh tawp che kha aw, phun reng reng suh" ka lo ti hlar a. Room chhung a kan luh thleng chuan min la pawm ur reng a. "Min dah thla tawh la" ka tih chuan "Ka la pawm chak che alawm" a hmui a ka hmai rawn nawr zauh pah chuan a rawn ti a. "In thlak vat ingaih kha, kanu nen sawidun tur kan ngah a lawm" ka tih chuan. "Kanu ta ini hleinem, ka ta inih hi , kanu ringawt ingaihtuah tih sawi miah suh" a rawn ti hluk a. "Inu mikhual ka nih hi aw" ka lo tih chuan "ka ta ini ve tho a lawm" a la ti hram a. Ka lo nuih hak a a biang ah chuan ka fawp zauh a, a lo nui vur vur a.









Thuthleng lamah chuan min pawm phei in dim zetin sofa ah chuan min nghat a. Ka hma ah chuan rawn thingthi in mitmeng ti zim sun hian min melh vang vang a. "Bawihi ihmeltha takzet, hetia en reng mai che hi ka duh" thu tak zet chuan a rawn ti a.







"Ka bialpa pawh hi a hmeltha alawm, a pa em em bawk a" a hmai a chul riak riak chung chuan ka lo ti vat a. Ka hmui ah chuan min rawn fawp vang vang a, ka lo chhang let ve vat a. "I sam hi i inhmeh lutuk tih hi ihria em? Lal fanu ang mai a nalh alawm inih, anitel hian inalh telh telh mai bawk sia, nangmah ka ngaihtuah che vang hian ka muhil tha thei ngai reng reng lo, itaksa kuah chung che a tui tak a muthilh siai siai hi ka chak tawh viau ania Bawihi" ti chung chuan min rawn kuah hlu hlu a.






"Inthlak phawt la, room a kan tawm rei lutuk chuan kanu ngaih a lo tha lo ang" ka tih chuan a rawn nui nghawr dat a. "Naute kan siam ah angaih ihlau emni? Kanu in tu hmel hmuh a chak tawh zia chu hre ve la, engmah veng thawn a ngai lo tih ihrethiam mai ang" a rawn tih chuan ka lo nui ringawt. Rinhlua hian inneih a duh tawh zia hi a sawi ri zauh zauh reng a, kan awm zel dan tur hi fumfe tak a kala sawipui loh chuan thil a buai thlak zo vek ang tih ka hlau ru tlat. Tun dinhmun ah chuan pasal neih ka la inpeih chiah in ka hrelo, rawngbawl hna zauzawk neih ka tum mek lai a, pasal lo neih chu ka theih ka ring lo bawk.







A in thlak chhung chuan room chhung chu ka lo melh kual vel mai mai a. Mipa room tih tak a rawng thim lam deuh hlir a hmang a, mahse a changkang hle thung a, room chhung a bungrua awm reng reng chu a man a to tih a hriat ngawih ngawih, a lang cool ruih ni mai hian ka hria chubak a a zau em em bawk a, Rinhlua room lak ah chuan ka room chu zimtak hi ani ringawt. Inthlak mawlh mawlh pah chuan "Bawihi irawn awm ve hun ah room chhung hi chu iduh tawk in isiksawi thei ang" a rawn tih chuan ka lo nui hak a. "Tipawh hian a mawi viau in ka hria, iroom leh nang mah pawh hi i inhmeh ka lo ti viau asin" ka lo ti vat a.






T-shirt var leh kekawrbul body fit a rawn ha a, bata slipper a bun leh tawp a, a t-shirt in a khuh loh chin, aban sek phiar tha tak rawn lang te chu hmuh nawm ti zet chuan ka lo melh veng veng a. Nui suk suk chung chuan ka lam pan chuan a rawn pen phei thauh thauh a. Sofa a tang chuan dimte hian min rawn kai tho in, ka kawng ah chuan arawn kuah nghal zat a, a lamah chuan min pawt hnai zat a, ka hmui ah chuan a rawn fawp leh vang vang a. ka nihna diktak a hrechiang tawh a, a bialnu ka ni tawh chung hian ka hmui bak hi a pel ngai lo hrim hrim.







Tlangval hrisel tha ver vawr ani a, tisa chakna nei ve tho ani chung hian a insum thei viau bawk. Tunlai thalai tamtak inngaizawng zingah hian, sex hman ngei ngei tur angai tamtak kan awm a, he thil hi kan kristian na nen hian a inhmeh lo viau bawk, a hun hma a sex hman hian thil pawi nasa tak thlen in. Pathian pawi kansawi mai bak ah, nau tihtlak te, fahrah tamtak anlo awm phah thin a, a pawi takzet ani.









Inhnuai a kan chhukthlak rual chuan kanu in min rawn pan vat a. Center table ah chuan album pathum a lo dah chhuak a. Album pakhat chu a te falnalh bik a, abak pahnih chu a chhah tha khawp mai. "Bawihi thlalak hi i enduh ka ring a, album te ber atang khan en tan la, Bawihpuia naupan lai thlalak ho ka dah a kha albumah khan" a tih chuan album te ber chu kalo ban vat a.






Nu zuali sawi ang tak tak in Rinhlua naupan lai thlalak hlir a lo awm a, a nu in chawhtawlh chhung a abual lai te, chi hrang hrang chu ka enkuak zel a. A kumkhat birthday a mi te. A dang ka en leh chiah chu, khum chung a ruak vek a amu lai ka hmuh chuan ka nui hak a. A mah a chum reuh bawk sia a, a duhawm takzet, a ke chu chunglam ah a khai kang va a.








Nui ver ver chung a a senlai thlalak ka lo en lai chu "Kha chu ensuh" tih pah chuan album chu ka kut atang chuan a rawn phih thla vat a, album chhung a thlalak chu phawrh in a kekawr ip te ah chuan a ak zui hmak a. Nui vak vak chung chuan "ka hmuh vek tawh tho kha, iho emai naupan lai te chuan saruak a thlalak te chu kan nei ve vek a lawm" ka lo ti a. "Chupawh ni se ka zak a lawm" a rawn ti nung nung a. "I duhawm ka lo ti viau a sin, khawiteh ka lo en leh vawikhat chiah ka tih chuan a phal lo nasa ngang mai.






A nu va melh rawm rawm chung chuan. "Nu ka naupan lai thlalak te chu lo lakchhuah tel loh tur che ania, ka thing ropui si imonu tur hian min duh loh phah mai anga sin. A tih chuan "ka duh phah sauh che" a hnar va khawih zeuh pah chuan ka lo ti vat a. A rawn nui leh vur vur a, a kut leh lam chuan a kekawr ip chu a veng deuh tun a, a awmdan chuan ka nuih a ti za ngang mai.







Album dang kan en leh chuan an chhungkaw thlalak a ni ve thung a. Nu zuali chuan Rinhlua a pawm a, a bulah chuan a pa a ding bawk a. Tlem a thlalak a hlui deuh tawh vang chuan a pa hmel chu a fiah vak lo a. A leh lam ka keu leh chiah chu ka meng phar awk thei, ka damloh lai a huan mawi deuh a min awmpui tu pa ngei kha ani tih ka hre chiang lutuk. Hnai deuh ah chuan chu thlalak chu ka bih tha leh ngat a. Mak ka ti lutuk chu thlalak chu ka melh ngawt ngawt a. "Bawihi kha kha ka pa anih kha" Rinhlua chuan a rawn ti sup a. Zawi te chuan "ka hria a lawm, ka hmu tawh a lawm ipa hi chu" ka lo ti sep a.






Nui hawk chung chuan "I hriat sual aniang, ka pa te chu kan naupan lai in a thi daih tawh, ka pa athih te chuan nang te chu ila piang ve tawp nang, lo piang tawh pawh nila ihre pha kher lo ang" a rawn ti leh sup a. Rinhlua te nufa melh kual ruai chung chuan "Ka hmu tawh tak tak alawm, mahse ipa ani tih ka hre lo a" ka tih chuan an nufa chuan mak tih hmel deuh chuan min en a.







"Bawihi kan pa chu khawiah chuan nge ihmuh a? Ihmuh dan chu han sawi chiang deuh teh, min kalsan na pawh kum sawmhnih panga zet a liam tawh sia" nu zuali chuan a lo ti vat a. Ka thil sawi chuan a thawng hle tih a hmel landan buai nak ah chuan a hriat theih. Ka sawi loh tawp tur ka sawi chhuak ni in ka hria a, nuamlo ka ti ru ngang mai.






An nufa chuan, an zawhna ka chhan hun nghak chuan, chi ai hmel fe chuan min melh dun kar bawk sia. Rinhlua pa ka hmuh dan chu sawi loh theih pawh ani tawh lo. An pahnih a melh kual chung chuan "Ka damloh lai khan ania, a mah nen hian huan mawi em em ah khan nitin kan inkawm thin a, huan chhung a thei rah te min lawh sak in kan infiam thin bawk a. Ka harhchhuah ni khan Lui ral leh lam atang in avar vek a inthuam hi an rawn kal teuh a, luipui kan tur chuan min rawn hui lauh lauh a. A tirah chuan luiral leh lam a min rawn ko tu te chu ka lo hmu ve lo a, huan chhung a pang par phengphehlep in an bawm chu man tum in ka um kual a, ka pa hian ka tlan kual lai chu nui sang hian min lo thlir a, ka bul a kal ve tur a ka koh chuan, ka kal a ngai tawh luiral leh lam a saw min lo nghak reng tawh a, luipui hi ka daikai a ngai ati a lui lam pan chuan min kalsan a.







Minlo nghak ve rawh luipui chu irual in ka kan ve duh ti in ka au vak vak a, mahse min nghak duh miah lo, "Bawihi nang chu khawvel ah kir leh rawh, tihtur tamtak ila nei a ihun a la thleng velo , chubak ah nangmah hmangaih tu ten mangang tak in an au reng che ania a tih chuan. Ral hlatak a tang a min kohna ri chu ka hre thei a, mahse luipui daikai ve tum chuan ka zui ve zel tho a. Lui ka thlen ve meuh chuan luiral leh lam a lo thleng tep tawh a. Lui daikai ve ka tum mek lai chuan Rinhlua min koh na ri ka hria a, ka ding chawt a ral hla tak a tang chuan Rinhlua min kohna chu chiang tak in ka hria a, ka hawi let leh chuan ipa hi chuan Lui chu a lo daikai daih tawh a.




Ka tello a lui a daikai vang chuan ka tap nasa lutuk asin, minlo nghak ve tur a ka auh lawm lawm pawm hmalam a pan zel si a, min kalsan dawn chuan rawn hawilet leh in. "Bawihi ka nupui leh ka fapa te kha min lo enkawl sak rawh aw, ka hmangaih lutuk tih kha minlo hrilh sak bawk la. Luiral leh lam ah hian ka lo nghak reng ang" ti in a rawn au lauh lauh a.








Puanvar sin ho nen chuan ka mit hmuh lai reng in boruak ah chuan an thamral riai riai a. Luikam ah chuan keimah chauh chuan ka ding reng a, ka khua a har em avang chuan ka tap zawih zawih a. Ka ral leh riai riai nimai khan ka hria, ka thil hriat leh hmasak ber chu ka luna leh ka taksa na ut ut kha ani mai. Khathil kha ka mumang ah ka lo ngai a, ipa thlalak ka hmuh chiah hian ka mumang mai ani miah lo tih ka hria, kei hian luipui kha ko daikai ve ila chuan ka thi ve ngei ngei ang" ka ti chhuak sap a.





Nu zuali chuan a mittui a lo hru fap fap a. Rinhlua pa thlalak chu pawm in "Baihpuia pa, keini pawh hian kan hmangaih che a sin, nitin hian kan ngaihna che hi a zual zel chu anih hi. Luiral leh lamah chuan min lo nghak reng rawh aw, ihnen a kan rawn kal ve hun ah chuan khawhar leh mal tak in i awm tawh bik lo ang" ti in a tap hawm hawm a.







Keipawh ka insum thei bik lo. Ka mitthla ah chuan Rinhlua pa chu a rawn lang uar uar a, lui a daikai dawn a khawhar hmel tak a rawn hawi let leh te kha chiang takin ka la hre thei vek, a nupui leh afapa te hi a la theih nghilh bik miah lo anih kha, a hmangaih thu minlo hrilh sak rawh a rawn ti lawm lawm anih kha. Keilah chuan Rinhlua pa tih ka lo hre der silo a.






Nu zuali va kuah chung chuan "Nu tap tawh suh, ka pa chu angel ten an rawn hruai a sin, pa ang chhungah thlamuang tak in a chawl tawh a. chu hmun ah chuan, kan tan hun tiam a thlen hma chu min lo nghak reng dawn alawm" ka tih chuan a mittui chu a hru mawlh mawlh a.







Rinhlua pawh chuan mit sen ram chung chuan min lo en a. Nu zuali kut a album chu la in. Rinhlua pa thlalak chu ka thlir vang vang a. "Ithu min chah chu ka tih hlawhtlin sak tawh che ania aw, ka pa, thlamuang tak in chawl tawh la, inupui leh fapa hi tha tak in i aiawh in ka lo en kawl ang" ka rilru chuan ka ti mawlh mawlh a.




Zanriah kan ei chiah chu Rinhlua sawi ang tak tak in, a nu chuan rawngbawl alo thiam ngang mai, a thlai bai ngat phei chu, chawhmeh dang zawng zawng aiin ka ban ngun a. Ka pa ei ve atan ka it ru ngang mai, ka pa ka chhun a bai ka ngaina hle a. Chubak ah sa ei vak vak ai chuan kan taksa tan a tha zawk bawk sia. "Nu irawngbawl hi a tui vek hlawm a, ibai hi a tui leh zual a, home kan hawn hunah chawhlui kan buatsaih dawn a bai hi isiam thei angem? Ka pa ei ve atan ka lo awt lutuk a" ka ti chhuak hliai a.








"Teh reng mai, tamtham deuh a bai phei hi chu a hang tha duh bik a, tui deuh in bai chu ka siam ang" a rawn ti vat a. Rinhlua chuan "Bawihi Rabboni home chu engtik ah maw hawn in rilruk a? Ila dam chiang silo a hman hmawh lutuk lo ula ka duh, i lo thawk hah leh chiam anga inat leh ka hlau ania" min ngaihtuah hmel fe chuan a rawn ti sup a. "Min ngaihtuah lutuk lo la, engkim tithei Pathian kan nei alawm. A rawng ka bawlsak thin Pathian hian min awmpui reng thin a, ka nat a phal hauh lo ang" ka lo ti vat a.









Nu zuali chuan "Rinzuali khan ichungchang hi ka benghriat ah a sawi ngun khawp a, a sawidan che leh imizia lo in persan lutuk hi ka nuih te pawh a za hial zawk. Nula fel tak ah ka lo ngai a, chubak ah kohhran ah nise rawngbawl hna chi hrang hrang a thawk bawk a, tunhnu a ka ngaihtuah let hian, pianthar na tel miah lo hian Pathian rawng hi a lo bawl theih hle dawn tih hi Rinzuali a tang Khan ka hrechhuak thar a. A der mai a rawngbawl tu nih hi alo hlauawm emai, chu nilo se chuan jail bang a zut hi a ngai hauh lo ang mawle" a rawn ti bawrh bawrh a.






"Nu Rinzuali ka ngaihtuah chhuah chang a piang hian ka ipik hluah hluah zel, kum tamtak chhung Pathian rawngbawl hna a lo thawk ve tawh thin a, khang a lo thawh rim ve na zawng zawng te kha a thlawn mai ani ang tih hi ka hlau hluah hluah, jail chhung a tang hian Pathian a hmuh theih nan nitin ka tawngtai sak ziah thin a, fakhla siamtu ten mihring siam that nan khawdur a ngai anlo tih ang khan. Rinzuali pawh hian Pathian a hmuh theih nan, heng harsat na zawng zawng hi a tawk pawh a ni ve mai thei ani" ka ti sap a.





Zanriah eikham ah chuan. Nu Zuali chu thil pawimawh ah a thian ten inhmuh khawm lawk kan ngai an rawn tih vang in min chhuah san a. Rinhlua nen chiah chuan an in chhung zau zetah chuan kan awm dun a. "Enteh Rinhlua kan hmalam hun tur hi ilo ngaihtuah ve chhin tawh ngai em? Ka rawngbawl hna vang hian kan inneih vat theih pawh hi ka ring chiah lo a, nang lah hian inneih isawi ri sek tawh sia, he thil hian ka rilru a ti buai ve khawp mai" ka tih chuan a ngawi vang vang a.





"Bawihi irilru tur chu ka hriatthiam pui che a lawm, kei pawh hian he thil hi ka lo ngaihtuah ve fo tawh thin a. Engpawh ti dawn ila. A hmasa berah Pathian hi kan dah a ngai a lawm, ka hun kaltawh zawng zawng ah khan ka pa phuba lak leh ka sumdawn na chiah hi ka lo ngaihtuah thin a, tunah hi chuan ka phak ang tawk a Pathian rawng bawl hna hi thawh ve ka duh tawh a, kan hotel pawh hi Rinzam-in enkawl zui ve mai se, irawngbawl hna hi rawn zawm ve che ka duh deuh a, kanu pawh ka lo sawi pui deuh tawh a. Min hnial lem lo a, chhungkua kan lo din duh anih pawh in kan pahnih hian home chu kan enkawl thei reng a lawm. Pakhat ai chuan pahnih chu Kan chak zawk iring ve lo maw? A rawn tih chuan ka lo kuah vat a.








"Ring teh reng mai, a lam a kan tan tlat chuan kan Pathian hian min hawisan ngai dawn lo tih hi ka chiang viau a sin, ka bialpa hi sumbawih ah chuan ilo tang bik hauh lo anih hi" nui var var chung chuan ka ti sep a.






"Bawihi Pathian in malsawm na tam tak in min vur a, ka eizawn na ah pawh ka tluang hle reng a. Heng a malsawm na ka dawn leh chan zawng zawng te hi, amah ka fak leh chawimawi na daltu a tan hman ka duh lo. Lal solomona pawh kha, a ropui na zawng zawng nen a inthuam pawh khan, tuktin par pawh tluk lo anih zia Bible ah kan hmuh kha, kan thih hnu a kan chhawm luh theih loh tur, rosum leh pai hian kanun ah hlutna leh awmzia annei lo, tunah hi chuan Lalpa rawngbawl ai a duh leh thlan hi ka neilo, sum leh pai hian hlimna tluantling min pe thei silo a" a rawn tih chuan lawm avang in ka mittui a lo far kauh kauh a...cont







Chhungkaw damloh thil ah ka buai em em reng a, story ziah na hun ka neih meuh lo a. Zanhnih em em rawn dah lo ai chuan tiin ka rawn dah ve leh nawk nawk a...A ngaih nawm ngut pawh ka ring lo ka hul viau bawk si a.in lo dawh hram hram hrih mai aniang chu.

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

[Ngaia]

Rinhlua thu sawi vang chuan ka rilru ti buai tu chu lak bo ang duak nimai hian ka inhria, luhlul hi a chhuah tlat anga inneih a rawt bur ang tih ka lo hlau thawng viau kha a nia, zep loh chuan kei pawh hian Rinhlua hi pasal atan neih chu ka duh ve tho a. Mahse mahni thu thu a awm thei ka ni lo tih ka in hrechiang a, ka chung a thu neitu Pathian duhdan a ka nun hi ka hman angai miau bawk sia. Rinhlua te inah rei thu muang lo in min thlah haw nghal vat a. Inchhung a kan in zuiluh chuan Josepha a lo thu run a, Rinhlua nen kan in zui lut chu min lo en reng a, a hmelah chuan natna a rawn lang zawk a, mahse a rei lo.






Nui var var chung hian "Damlo rawn kan tumin ka rawn kal ve em em a, ka damlo kan tum ber lah chu a lo leng chhuak daih a" a lo ti nung nung a. "Min rawn kan tha duh lo lutuk a, ilo lengdawn tih ka hria a kalo in thiarfihlim a lawm" ka tih chuan nui hawk hawk chung hian "A sual thlak emai" a lo ti hlak a. Rinhlua pawh chu josepha bulah chuan a thu thla ve nghal vat a.






Ka pa chuan "Mambawih iva eipuar thei meuh amaw? A rawn tih chuan ka dul chu ka lo khawih vat a. "Pa Rinhlua nu eisiam thiam zia chu maw, a thlai bai ka hawp apiang khan ka hrechhuak zel che a , i ei ve atan ka lo it lutuk a! han ei ve la chuan ilei kha ilem tel daih in ania ka rin ni, zah pawh dawn zolo in home hawn ni ah bai siam tur in ka ngen tawp alawm" ka tih chuan Kanu chuan "Mambawihi tak hi chu aw, chutiang thil te tih ngai ani emmaw nile? Bawihpuia nu in mak alo ti viau mai tur che asin" a rawn tih chuan Rinhlua chuan "A bai siam ngaisang tu a tawng chu a lawm mah nak lai in" a lo ti ve vat a.







Rinhlua leh Josepha en chung chuan "kan titi tui tak tak hma in ka han inthlak ve lawk ange, tikhan Ngurpuii kha lo rim rih rawh u" nui bawk bawk chung a ka tih chuan "Raipuar kan rim peih reng reng lo" josepha chuan nui vur vur chung hian a lo ti a. Ngurpui-in athu sawi chu a lo run ngang mai "min rim tum mah la ka peih bik reng reng lo aw" a lo ti bak hlar a, Josepha leh Ngurpuii in hnial buai lai chu Rinhlua chuan nui suk suk chung in a lo en reng a.






Ka in thlak zo inhnuai lam a chhuk ka tum mek lai in ka phone a rawn ri a. Inhnuai lama chhuk lo chuan Rinzami ka be leh rih a "Angel, nutei a rawn kal a, a rawn fak nasa lutuk che ania aw. Chuan thildang daih, patea nen nikhawhrelo a i awm lai khan inlo awmdun char char ni awm tak in a sawi bawk a, a rawn tap chiam a lawm" a rawn ti bawrh bawrh a.








"A dik a lawm, Rinhlua pa tih ka hrelo a thlalak ka hmuh khan ka hre ve chiah a. Kha thil kha ka chhung te pawh ka hrilh lo a, ka mumang a nih ka ring a, mahse ka mumang mai mai chu ani thei in ka hre miah lo" ka lo ti chhuak hliai a.






"Enga pawh chu ni se. Angel nutei hian a ngaina khawp mai che" a rawn ti leh sar sar a. "Nangpawh kan ngaina che alawm, Ufela nen hian innei vat rawh u, ka in ti thu chak tawh ania" ka tih chuan arawn nui vak vak a. "Naktuk ah ka rawn hmu zawk ang che, home hawn nitur vel sawi ho angai dawn a, thil hrilh tur che ka nei pah bawk a" a tih chuan "A pawimawh viau em? Ka lo ti vat a. "Pawimawh viau hran lo e, ka rawn kan khat lutuk che a, rawn kan che ka duh pah reng reng bawk a" a lo ti var a.






Inhnuai ka thlen thlak chuan Ngurpui-in thingpui a lo sem mek a. "Ngurpui tinge thingpui ilo lumsak duh a?, lo awm ve mai mai rawh kan Lal fapa kha a lo hah a nge" ka tih chuan Josepha chuan "Raipuar thingpui lum ka in peih loh teh reng nen, a nula zawk lah room ah itawm bo char char a" vui aw deuh chuan a lo ti leh zat a.






"Nang pa hi chu ivan tawng thei tak, Rinzami-in min rawn call a ka rawn chhuk hma thei lo a lawm, chubak ah damlo ka nih hi, min chettir hi tum phet thin lo teh" ka lo ti hlak hlak a. Ka beng bulah chuan Rinhlua chu rawn kun hnai in "Ngurpuii hi a sawisa asawisa anga, a la ngaizawng nulh lo ang tih a sawi theih miah loh" a rawn tih chuan ka lo nui hak a.








"Enge khatia inleng dang awm lai a in in biak ruk sur sur reng a? Nui sawng chung chuan min rawn ti nghal zat a.




"Nghal viau thin lo mai teh, tunlai i eden huan chuan tlawh tu a nei tam em? Ka lo ti vat a. "A pangai ani mai, in inneih hun ah after party chu ka spot ah kan ti ang chu" thu tak deuh zawk chuan a rawn ti a. "Party tih vel kha chu theinghilh teh, Kan inneih na ah chuan party tihvel kha chu kan mamawh ve lo ang, chubak ah thil tul ber pawh a nilo" ka tih chuan "Kan ti tho tho ang Bawiha nen inlam dun lai hi ka hmuchak" a rawn tih chuan ka lo melh rum nghek a.








Tar ho a spot a ka hruai tum a min lampui thu kha arawn sawi chhuah ka lo hlau ru ngang mai. Rinhlua hian a thik ropui bawk si a.





Nui vur vur chung chuan "zorin kati tak tak a lawm, ka thianpa hian lam a zei teh mai ania, a partner pawh a lampui tap zawih zawih thei a lawm" a rawn tih chuan Rinhlua chu ka lo melh vat a. Josepha melh ngur chung chuan "Ngawi mai mai teh" a lo ti hluk a. "Han sawi chiang deuh la hriat chak awm deuh in irawn sawi thawi a" josepha ka tih chuan alo nui kiah kiah a.







"Couple dance kan neih tumin a partner a lampui tap a lawm" a rawn tih chuan Rinhlua melh chung chuan ka mitko ka lo san khum ak a. "Ka tilui a nih kha, lam te zawng ka thiam ve reng a lawm, khanu khan min zar peih chincheng lutuk a, a mah hnawh bo nan remchan na ka lo lei a nih kha" a rawn tih chuan ka lo nui hak a, engtin tak han lampui ang maw? Chutia tap khawp khawp a han lam pui theih chu.







Rinhlu-an "I kam tam mah mah, khatiang thil te rawn sawi chhuah" ti hluk chung a Josepha banbul a ava hnek chawrh vang chuan, Ngurpuii nen chuan kan lo nui dun hawk hawk a. "Min zarbuai peih lutuk kha zirtirna han pek hlak ka tum mai kha ania" nui ruh ruh chung chuan a rawn ti leh a.





"Engtin nge ilampui a? Ngurpuii chuan a lo ti vat a. "Chutiang thleng thleng min zawt lo teh u" a rawn ti leh hluk a, Josepha zawk chuan "A theh luhai vek mawle" meng pual ralh chung a arawn tih chuan kan lo nui leh kiah kiah a. Rinhlua chu a thutna atang chuan a ding hluai a, Josepha melh ngur chung chuan "A tlai tawh haw tawh ang" a tih hmuk a. Josepha lah chuan ka la leng rih dawn ti in a lo hnial uang a, an han in pawt titih chu nuih an ti za ngang mai.





Rinhlua te haw hnu chuan inchhung Ngurpuii nen chuan muang chang in kan ti fai a. "Uzorin zanin chu ibulah ka rawn mu dawn aw, tunlai chu zan ka mu tha thei lo a, mahni a mut chu a khawhar thlak emai" min rawn tih chuan "Ngurpuii na inei emni? Tinge imut that theih loh a? itaksa hian hahdam a mamawh viau a sin. Harsat na inei anih chuan engmah min hrilh hreh miah suh aw, ihrisel na hi kan ngaih pawimawh a ngai ania, naute inei tep tawh leh nghal a, rilru hahdam tak a awm ingai bawk a" ka lo ti hliai a.







"Natna em em chu ka nei miah lo, mahse tunlai chu ka khua hi a har veng veng reng a, enteh uzorin ka kiang a in awm vek chung pawh hian ka ngai ngawih ngawih cheu nimai hian ka hria" a rawn tih chuan a bulah chuan va panhnai in a kut chu ka vawn sak a. "Naute inei tep tawh a, chu chuan a ti hlau thawng che ani mai thei. Naute ineih hunah chuan izia hawk mai ang, khang inun ruak zawng zawng te kha kan naute hian a rawn hnawh khat vek dawn alawm" ka tih chuan alo nui sak a.






Ka room lamah chuan muang chang hian kan inzui chho a, kan chakvak lo dun lutuk chu ka nuih a za ngang mai. Ka khum ah chuan kan mudun rial a, Ngurpuii chu che lo hian a mu zangthal ar ar a, saisir zawng chuan mu in Ngurpuii chu ka thlir vang vang a, a dul puar luah chung ah chuan a kut pahnih chu nghat in amit chu a khap fak fak a. Pawngsual a tawh hrep tawh hnu ah ti hian a la rai zui a, Ngurpuii huntawn harsat zia ka ngaihtuah chian poh leh ka khawngaih na azual a, hlim tak a anun a hman theih nan hian kan chhungkua hian kan tih theih leh pek theih zawng zawng pek hi ka duh ngawih ngawih.







Chutia ka lo en reng lai chuan ka lam hawi chuan a rawn in her tuah tuah a, inhmatawn ran chuan kan mu. "Uzorin kei hi lo awm lo ta ila ka naute lo piang tur hi minlo enkawl sak thei angem? A rawn tih chhuak phawng a. A thu rawnsawi vang chuan phawk zet hian ka lo en a. "Engthil nge isawi a? Khatiang thu kha fiamthu pawh a sawi chi ani lo, naute chu tha takin inei anga, nangman hmangaih na dik tak nen I enkawl angai, keini pawh in kan enkawl pui reng dawn che alawm, nang hi ka unaunu neih chhun inih hi, ifa chu ka fa ve tho ani bawk a, engmah ngaihtuah hah vak vak lo Khan hlim tak a awm tum hram hram rawh" ti chung chuan a samah chuan ka chulsak hliau hliau a.






"Uzorin ka piang vanduai bik lutuk hi hreawm ka ti ngawih ngawih, fahrah nih pawh hi ka tan a nat tawh teh lul nen pawngsual ka tawk leh a, vawikhat mai pawh ni lo. Tunah ka lak a rawng tak a che thintu fa chu ka la pai zui leh ania, ka fa hi lo thanglian zel pawh ni se engtin nge apa chanchin hi a kiang ah ka sawi ngam ang?, ipa chuan min pawngsual avang a lo piang ini ti in ka hrilh thei dawn emni? arawn tih chuan "khalam kha chu ngaihtuah buai duh suh, thil tul hlei lo ngaihtuah buai vak vak tawh suh, chubak ah ihlim loh hian ichhungte hi kan na ve thin tih hria la, Pathian rawn chung zelin kan hma hun a tihtur awm chu Kan hlen chhuak zel dawn alawm" ka tih chuan a mit chu a chhing vang vang a.







"Uzorin ka mipa duh zawng pawh beisei ngam ve lo tur khawp a ka chung a thilthleng hi hreawm ka ti a sin, kei hi chu hmeichhe tenawm ang lek ka ni tawh si a" a rawn tih chuan ka lu chu bengkang in Ngurpuii chu mak ti fe chuan ka en a. "Ngurpui nangmah i in ngaih hniam na kha dah bo vek rawh, ichung a thil thleng hi ivanduai na vang liau liau ani a, nangmah hmangaih tu mipa diktak ila tawng ngei ngei ang tih hi ka ring nghet tlat a sin" ka tih chuan a rawn nui sak a. Tunge mipa nge Ngurpuii hian a lo hmangaih tih chu zawh kher tul ka tilo, a tul atih hun ah chuan ka zawh buai pawh ngai lo in minla hrilh ngei ka beisei.






Tukthuan kan eilai in Rinzami rawn len tur thu leh, home hawn na kan neih ni tur te rel ho ila atih thu te chu kanu leh pa chu ka hrilh malh malh a. Ka pa pawh chuan "Ni e, kan beisei ang in thil a kal lo a, home hawn hun pawh a khaw baw zo vek a nih hi. Pathian in rem a tih chuan, a rang lam a kan hawn vat a tha in ka hria, nangpawh a ni telin itha chho ve zel turah ngai ila" a lo ti ve chuar chuar a.






Rinzami a rawn thlen chuan ka pa ho chuan ruahman na kan siam zung zung a, "kar leh zirtawp ni khian hawn na programme chu buat saih ta mai ila, sawm tur ang chi ho kha chu Mambawihi nen hian lo sawi dun ula a tha mai em? Ka pa in a rawn tih chuan kan lo pawm pui thlap a, Rinzami nen chuan ka room lamah in zui chho in, tu te nge kan home hawn na ah chuan kan sawm ang tih chu kan sawi dun leh a.






Rinzam-in "Angel tv lamah pawh kan home hawn tur chung chang hi chhuah tir ka duh a, he mi ni ah hian a duh a piangin min rawn telpui tur a sawm ka duh a, chubak ah inihna diktak hi mite hriat a pholan hi a hun ve tawh in ka hria, inihna lo pui a tawngkam chhe tinreng leh hmuhsit endawn na ituar fo bik hi ka hmu thei tawh lo" a rawn tih chuan Rinzami chu ka lo melh vang vang a. Arilru puthmang chu ka hriat thiam pui lutuk tlat, ka thian thaber ka mangan lai pawh a katan ding reng thin kha ani miau a.






"Zamte irilru tur chu ka hriatthiam pui che alawm, mahse thil pakhat Kan hriat reng tur chu. Pathian rawngbawl hna kathawh na kawng ah hian mahni lansarh kan duh lutuk nalam ah hian, a rawng kan bawlsaka hi kan theih nghilh phah thei a. A hnungzui tu Kan intih mek lai hian ropui na leh hmingthan Kan duh luat ah hian Pa hmel hi kan hliah thin a, chuthil ka duh loh vang chu ania tunthleng a hetiang a mite endawn na pawh ngawireng a ka tuar tlawk tlawk thin ni" ka lo ti sep a.







Thil tul leh pawimawh ang kan tih fel vek hnu ah chuan Ufela nen an chung chang thu chu ka zawt a. "Angel I unaupa tan hian kawppui tha ber ka ni lo mai thei, mahse i u nen hian kan in hmangaih tih chu ihriat ve tho kha. Kei hian Jordana nilo mipa dang ka hmangaih theih kha ka lo in ring tawh ngai lo a, maktak in Ufela nen kan inhmuh hmasak ber atang khan he ka lungphu hi a danglam a sin" atih chuan ka lo nui var var a.






"Kei pawh hian tih danglamin in awm tih te chu ka hai bik hlei nem, he thil hi chu a thlen ka lo ringlawk daih tawh. Enteh zamte ka u tan hian nang bak a hmeichhe tha hi an awm lo" ka lo ti vat a. "Mahse Angel kei chu nunhlui tawp tak nei ka ni tih ihriat kha" a rawn tih chuan ka lu ka lo thinkhum nar nar a.







"Khang inunhlui te kha chu mihring kan nih chhung hi chuan hriat reng ni mahse, kan Pathian hian a theihnghilh vek tawh ani lawm ni? chutiang bawk in inunhlui zawng zawng kha kan chhungkua hian kan hre reng tawh hauh lo ania" ka tih chuan uluk deuh hian ka thusawi ngai thla in minlo en kiau a. "Angel keimah vang a ufel-an mi dang sel na a dawng tur hi hreawm ka lo ti lawk viau a sin. Pastor Ruatfela chuan nuthlawi addict maw aneih an han ti vel tur ka ngaihtuah ngat phei chuan inthen rawt leh mai te hi ka duh rum rum zel" a rawn tih chuan ka lo kuah vat a.






"Khatiang zawng Khan ngaihtuah tawh suh aw, nang tluk a hmeichhe thiang hlim hi an awm lo, Kan Pathian hian kan pawnlam landan nilo in he kan thinglung chhungril ber hi a thlir zawk thin a sin. Pastor nupui nitur hian itling tawk a, nang aia tha an awm hek lo" ka tih chuan a mittui a parawl kuang a.





"Enteh zorin, Jordana nen khan karkhat chhung zet lo inkawl ve renrawn mah ila, kei hi ka la thiang hlim a sin. Khatih hun lai khan Jordana khan min mutpui miah lo, Pathian hriatpui na ngei a nupa a insiam kha a duh a, chumi hunah chauh chuan nupa nun kan hmang thei ang a ti a, tunhnu a ka ngaihtuah let hian, jordan-an min mutpui a lo duh loh chhan kha pastor nupui nitur a ruat ka lo nih vang anih ka ring a, addict chu ka ni thin tawh ngei a. Mahse tunah chuan Pathian tihdam na ka chang tawh a, ruihhlo khatiang khawp a ti nasa khan ka thlah fel hmak thei a. Hmeichhe thianghlim kala nih vang chauh hian Ufela pawh hi ka pawm ve ngam phah a, chutiang nilo se chuan anupui ni tlak ah ka inngai thei lo ang" a tih chuan ka lo ka hau ringawt a. Jordana ka pasal a tih vang Khan nupa nun an hmang lo ang tih rin ngaih na reng reng ka hre lo.







"I thil sawi chuan min thawng hle mai! nang hi nuthlawi virgin ilo ni reng a? engtia han sawi tur nge pawh ka hre lo. Nuthlawi pawh lo nila, ka u nupui a tan hian kan pawm em em tho che a, chutiang nilo a ilo la thiang hlim chuan min ti lawm hle bawk a. He thu hi Ufela ihrilh tawh em? Ka tih chuan "Hrilh lo, ka nihna ang ang hian Ufela hian min pawm vek a, he thil hi chu kan inneih zan a ka surprice tur anih hi" nui var var chung chuan a ti a.






"Jordana kan hmuh a ngai in ka hria, a hnenah sawi tur ka nei a" ka tih chuan a hmel chu a rawn ngui nghal rawih rawih a. "Angel keipawh hian hmuh ka duh thin lutuk, midang ka hmangaih san vang hian ka inthiam lo in ka hmu hreh a" a ti zuai raih a. "Ka hrethiam che alawm, mahse hetiang a hmalam ipan hi a lawmpui ngawt ang che, ani chu he khawvel ah hian a lo kir thei tawh dawn hlei nem. Chuvang chuan engkim theih nghilh a hmalam ipan hi itih tur dik tak ani, Jordana vang khan ilo na hnem tawk tawh a, tunah chuan hlim hi iphu ve tawh a lawm" ka tih chuan a rawn nui sak a.







Kanu in thil eitur a min rawn koh tak vang inhnuai lam ah kan inzui thla nghal vat a, thil Kan ei zawh ah Ufela video call in kan bia a kan hlim dar dar khawp mai. Ka pa in "Felte nupui neih iduh chuan enghun ah pawh palai tir turin kan inpeih tawh ania" a tih chuan Ufela hmel chu a hlim tih hriat lutuk hian a rawn eng sawt sawt nimai hian ka hria, Rinzami lah a lo lai em em bawk a. A hma kha chuan ka pa in, kumthar lamah inneih chung chang kha chu kan ngaihtuah that angai ang kha ati sia, tunah chuan a rilru a lo thlak fel der tawh anih hmel khawp mai.






Rinzami bengbul ah chuan va kun hniam in "Mo kan nei thuai dawn in ka hre hretlat" ka va tih chuan a lo sen awp awp a. Kanu chuan "Zamte palai chu rawn tir dawn ta ila ichhung te ah remloh na te a awm a ngem" a rawn tih chuan zah hmel lutuk chuan min rawn melh zawk a. "Nu chutiang inzawh chi pawh ani hlei nem, khang thu te chu Ufeltea nen ansawi dun mai dawn alawm, enta che ka thiannu hi zah vang in a hmai a sen vek tawh hi" ka lo ti vat a.






Ufela leh utetea pawh home hawn na min rawn hman pui turin an rawn thleng tawh a, ka duh ang ang a ka la chet that theih vak loh avang in thil tul buai pui in Rinzami a hah em em a, Ufela te an rawn thlen ve tak ah chuan engkim ah ka ute pahnih in Rinzami an puibawm ve thei tawh a, ka thaw veng huai thei.







Damdawiin lam ah in check-up ka ngaih avang in Ngurpuii nen Utete-an min hruai a. Ngurpuii raipuar chakvak lo zawk anih vang in utetea hnenah chuan. "U Ngurpuii hi lo awmpui la, keimah in doctor chu ka lo va hmu ange" ka tih chuan Ngurpuii chu a lo in thlahrun hmel ngang mai. Uzohming-an doctor min biak lawk sak tawh vang in, rei nghah buai ngai lo in ka lut tlang nghal mai a. Ka taksa ah engmah harsat na a awm tawh lo tih doctor in min lo hrilh vang chuan ka hlim khawp mai.








Utetea te bul a ka let leh tur chu Rinzuali nau nen Kan intawk nawlh a, min huat hmel lutuk a min rawn melh rawm rawm chung chuan min rawn pan nghal zat a, ka rilru chuan damdawiin chhung ah leh zel hi chuan min ti buai lo hram teh ka lo ti mawlh mawlh a. Ka hma ah tak chuan kawng dawm chung in a rawn ding kak tau a. "Ka unaunu jail a khung pawh duh tawk lo in a pasal hual ila chhuh sak zui a, mi chhungkua i chawhbuai vek hnuah pawh zak miah lo in ila tei kual ngam cheu a maw? ring lutuk a min rawn tih vang chuan damlo in entir tur lo thu thup ho chuan min rawn en thap a.





"Enge nang hian ihriat a min tih buai reng a? Ipawi ka sawi anih chuan min ngaidam rawh, hetia min umzui reng hi bansan tawh teh, tunge thil ti sual tu zawk chu kan hriat chian dun viau kha mawle" ti sap chung chuan kalsan mai ka tum chu ka banah chuan min rawn phih let sawk a. "Ka sawitur ka la sawi zo reng reng lo mihurnu" teng lutuk a min rawn tih leh vang chuan ka thin rim ve phat tawh.








Nui hak chung chuan "Mihurnu a? ka ti chhuak sep a. "Mi pasal duhlai ngat kawp thin tu khan mihur tia koh chu iduh leh si na nge? Nanghi ka ngaidam ngai lo ang che, ka u chung a ithil tih vang hian engtik ah mah ka ngaidam dawn lo che. Lalrinhlua nen hian inthil tih sual hremna chu inhmu khawp ang, ihria maw mihurnu" Chiang fek fawk chuan min rawn ti leh tawn tawn a, ka thiltawn duh awm lo lutuk chuan min ti chau hluah hluah tawh.






"Enteh min biak duhna inei anih chuan helai hmun lo ah hian Kan inbe thei a ngem? Hetia mi dang ti phawk lek zawng a khawsak kher hi a tul miah lo ania" ka ti hman dek dek a. "Nang hian izak ani tih chu sawi tum buai duh teh suh, nang hian zah ihrelo tih chu mi zawng zawng hian an hre vek a ni lawm ni?, mi chhungkua ti kehdarh tu, sum duh vang a mi pasal pawh um duan duan thin tu hian zahna hi enge anih ihre hauh lo. Nang ang hmeichhe hurherh lutuk hi chu damtlak pawh inilo" a rawn tih leh chuan ka hnunglam a tang chuan. "Tunge hmeichhe hur ti a isawi kha? Mipa aw thum zet hian a rawn ti hriam hrawih a.






Keimah min rawn kalpel chuan, ka hmazawn a hmeichhe rapthlak zet ding chu a rawn phih leng lawp a. "Nula, tunah khan he hmeichhia hi, mihur mi pasal sum duh vang a kawp hrat ti in isawi tiraw? Sawlai a tang sawn ka lo thlir reng che a, nang hian nungchang mawi ihrelo khawp mai. He hmeichhia hi mihur ani lo, mi pasal kawp hmang ani hek lo, he hmeichhia muhur ti a isawi hi tunge a nih kei hian Kan hrilh ang che u. Ani hi rawngbawl tu ropui tak anih hi, a thiamthu a sawi ve ngai loh vang mai hian mihur ti a in chirh theh luai luai kha bansan tawh rawh u. Zorini tluk a hmeichhe chhuan awm hi an awm tawh dawn chuang em ni? Mahni hreawm pawh pawisa lo a anun zawng zawng midang tan a hlan fai vek tu hian fak leh chawimawi a phu a sin. Nangkha, vawikhat pawh Zorini hi ilo tibuai leh tih ka hriat chuan kei hi min hmachhawn angai tawh ang, nang tluk a hmeichhe hur hi an awm lo tih hi mi zawng zawng hriat a ka puan hma hian Kal bo vat rawh" a rawn tih chuan Rinzuali nau chu a tlan sawn hlawk hlawk a.






Min rawn chhan tu pa chu min hnungchhawn zawng a adin tlat vang chuan tunge tih ka hre mai thei tlat lo leh nghal a, buaina lian tak a tang a min rawn chhan chhuah vang chuan a lakah lawmthu sawi ka ba nasa khawp in ka hria. "Zorin itha em? Khanu tawngkhum na che kha tinge ngawi reng a ilo tawrh mai mai duh a? Thudik hi chu huai tak in sawi mai tur ania, khatia ingawih mai mai thin vang kha alawm mi in inih loh na pui pui a ansawi vut vut che" min rawn tih chuan chupa chu phawk zet in ka lo en a.





Khanu lak atang a min rawn chhan tu ber kher chu ka mihring lo beisei loh ber ani tlat. Hotel ah amah hmu tur hian ka kal a, pawisa tamtak seng a min mutpui tumin min rawn bia anih kha. Khami zan kha ka la hre chiang khawp mai, hotelah khan min lo nghak a, zurim nam rum rum Khan min rawn kuah nghal chung chung a. "I hmeltha lutuk, ka hmeichhe duhzawng tak inih hi, nang mutpui nan che chuan ka sum zawng zawng sen ral vek ngai pawh nise ka ui hauh lo" ti chung khan khumlam ah min pawt phei dawr dawr a. Hman hmawh zet in a in phelh nghal sawt sawt a. Sex hman pui tur a ahmeichhe koh Khan, a beisei miah loh thil ka tih vang Khan thinrim lutuk in kut min thlak chiam anih kha.






He pa hian min mutpui a tum lai mek in Pathian thu ka hrilh a, "inlam ah inupui leh ifaten nghak hlel takin ihaw hun an lo thlir reng thin a sin, inupui fanau te hi imawhphurh na an ni tawh a, nula kawp kual lo hian nangmah mamawh em em tu ichhungte hi ingaih sak ve angai a sin. Pathian in ichhungkaw chawm nan eizawn na thatak a pe bawk che a, tun a inun hman mek dan hi Pathian duhzawng pawh anilo, a tlai hma hian khawngaih takin inun hi siam tha tur in ka duh che a, kei hian mutpui tur che in ka rawn pan lo che, kawngdik izawh theih nan puih che ka duh vang in ka rawn pan mai chauh che ani" ka tih chuan min sawisa ta hrep anih kha.






Ka mak ti hmel a hmuh chuan min rawn nuih suk a. "Zorin khami zan kha ila hre ve reng ani tiraw? I Chung a ka chetdan zawng zawng vang khan ngaihdam dil che ka duh a. Mahse ibo ta vang vang sia, khami zan a hotel atang min chhuah san hnu khan ka in ngaihtuah nasa khawp mai. Ka nundan tawp lutuk vang a kan chhungkua a buaina atam thin zia kha, ka nupui nen tukzan tha Kan nei thei lo a, tlaiah office bang inlam pan lo in zuhmun sa hmun lam ka pan a, zanah nula chihrang hrang ka kawp kual zut a. Inchhung ah ka thinchhe hlur bawk a, ka fate pawh in min tih dek a, an tan chuan ramsa kawlh ang mai a hlauh awm ka ni ringawt a.





Khami zan khan vawikhat chiah ka nupui leh ka fa te tan pa tha tak nih ve chak na in ka khat a. Inlam ka pan lai pawh Khan ka ruih na zawng zawng te kha a reh vek tawh. Ka nupui leh ka fa te khum chung a tui tak a an lo muhil lai ka hmuh khan ka lungchhe em em a, ka hmel an hmuh rual a thlabar thin em em kha an muthilh lai chuan thlamuan hmel tak an ni, an muhil lai chu ka thlir ngawt ngawt a. Ka nun dan dikloh vang hian ka chhungte hian hreawm tamtak an lo tuar tih ka hre chhuak uar uar ni mai Khan ka hria. Khami zan khan ka nun hi a sahal nimai hian ka hria, Pathian ka au ngam lo a, ka lo nundan thin zahpui awm tak vang khan ka rum ani ber mai.






Zingah hma takah tho in ka nupui leh ka fa te tan eitur ka siam a, phur tak a choka a rawng ka lo bawl lai, ka nupui in min rawn hmuh rual a ahmel awm dan chu hmu ve la mak it ve ngawt ang. Thlahrang hmu ang mai in a meng phawk vak a, nuisang chung in ka nupui chu pan in a kutah chuan ka va vuan a, nu-i thingpui in rawh aw tukkin chu keiman rawng ka lo bawl chhawk ang che, ka tih chuan a tap chhuak ringawt anih kha.






Tlaiah office ban rualin inlam pan in ka haw nghal vang vang a, ka nupui tan pangpar ka lei haw bawk a. Inchhung ka luh rual a ka chhungte hlim hmel kha ka theih nghilh thei tawh ngai lo ang. Zorin ichung ah hian ka lawm lutuk, mawlmang taka ithu minhrilh kha keimah ah hian tihnun in a awm a, tunah chuan Kristian chhungkaw tha tak ka din tawh a, nang hi hmuh leh che beisei in ka zawng ru reng zel che a. Tv ah khan kalo hmu che a, home hial din ilo tum tawh a, puih theih na che ka neih phawt chuan min hrilh rawh aw" a ti mawlh mawlh a.







Khatiang a kut ka lo tawrh na te kha a lo thlawn reng reng lo tih ka hriat vang chuan ka lungchhe khawp mai. Pathian in ka rawngbawl hna tlawm te mal min sawmsak tih ka hriat hian ka hlim em ani. Ufela leh Ngurpuii kan lampan a rawn in zui ka hmuh chuan ka lo hui vat a. Ka lo in hmelhriat tir vat a, nui sang chung chuan ka u chu chibai in "Lawmsanga ka nia, inau hian thim a ta engah min hruai thleng a, a mah vang liau liau hian Pathian hmel ka hmuh phah a, hmuh leh ka duh em em lai in kan in tawng leh ta hlauh anih hi" a lo ti nghal bawrh bawrh a.






Utete-an "Mate iresult chu a tha em? Min rawn tih chuan pa lawma chuan "Zorin idamlo emni? Min lo ti vat a. Accident ka tawh dan leh ka that tawh thu ka lo hrilh vat a. "Hawh teh u thingpui in ho ang u hmiang, in hman hmawh viau loh chuan sawitur hi ka ngah lutuk a" a rawn tih chuan utetea chuan "Ni e ringtu te chu in chhem alh tawn tur kan ni a, kan thu dawn leh hriat te kan han sawi khawm liam liam te hian rinna kawngah hma kan sawn phah zel thin a, a hlawk thlak khawp a sin" a lo ti ve vat a.









Restaurant a kan chawlh chhung zawng chuan, kan intawn dan vel chu a Lawma chuan ka u leh Ngurpuii chu a hrilh bawrh bawrh a, Utetea hmel chu a in thlak dawrh dawrh ni mai hian ka hria, home kan hawn niah an chhungkua a min rawn tel pui ve ngei tur a ka sawm chuan a lo phur ngang mai.





Home pawh tluang takin kan hawng ve ta hram a. Kan rinphak bak in hlutsak tu kan ngah a, hlim a vang a ka mittui tla zo zai kha hruk sen pawh ani lo. Pathian thlarau thianghlim in kan home chhung hi a luah khat vek ni ber hian ka hria, Rinzami te chhungkua leh anthen rual tha te an rawn tel kim hle a. Ka rawngbawl na vang a nunkawng dik zawh ta te an rawn tel kim thaw thang bawk a. Pastor fanu awm tha duh lo ti a mi hriat thin kha tunah chuan mite min endan a lo danglam ve ta. An hmelhriat ka nih hlau em em thin tu te, min tawh ringawt pawh a lehlam min hawisan thin te khan min chibai ta nak nak mai.







Home tualzawl a ruai antheh lai chu inchung lam atang in Rinhlua leh Rinzami nen chuan kan thlir reng a, ka hlim lutuk hi ka tap reng mai. "Bawihi Pathian vang a ilo tawrh na zawng zawng te kha a thlawn miah lo tih vawiin hian ka hmu chiang hle mai, helai hmun ah hian kan nunbul hi nang nen hian tan that leh ka duh a, he home ah hian mi tamtak an la rawn tlu lut anga, chutiang mi te tanpui tur chuan kei hi ikiang ah awm ve ka duh a. He lai hmun ah hian kum tamtak liam hnuah kan in tawng leh a, he home ah hian nang nen hian chhungkua din in irawngbawl hna hi kan chhumzawm ang tiraw? A rawn tih chuan ka lo bu nghat nghat a.









Kawtzawl sir lam deuh ah chuan Ngurpuii leh Josepha chuan chaw an lo ei ve mawlh mawlh a. "Ka sawi kha ila hre reng em? Josepha sawn Ngurpuii hi a duh tak tak in ihre ve lo maw? Rinhlu-an min rawn tih chuan ka lo nui sak a. Hmangaih na hi chuan ramri a kham mawlh lo anih hi, Ngurpuii rai puar luah tawh hi tlangval ah pawh nula te star rawn in a ngaina tlat mai hi thil mak ve tak chu ani.







Rinhlu-an "Thianpa chu fa min neih khalh dawn anih hmel riau" a rawn tih leh chuan ka lo nui tawp. "Fa neih ka chak ve tawh ti tha ve mai la" ka tih chuan a nui hawk hawk a.






"Bawihi ka nghak rei thei tawh dawn hauh lo ania aw" a rawn tih chuan "Hotel enkawl ingai a lawm, kan inneih chuan isumdawn na hi engtin nge niang? Ka lo ti vat a. "Bawihi heng ro sum zawng zawng ai hian Pathian hi ka thlang tawh a sin, ka rilru ka siam fel vek tawh. Hotel hmang a sumdawn na ka la kalpui reng anih chuan engtin nge midang te tanpui nan hun ka neih theih ang? pawisa neih loh ai chuan Pathian neih loh hi ka hlau fe tawh zawk" a rawn ti sup a. "Ka chhungte nen kan la sawi ho dawn ania" nui var var chung a ka tih chuan a lo thaw huai thei.









Nu leh pa ho in min tinsan a, thalai lam erawh home ah riak tur in kan in buatsaih a. Awmpuia pawh a bungrua nen a chhungten an rawn thlah thlap a, anneih chhun liau liau midang te tanpui tur a phal tak a an rawn thlah liam chu ka hlim veng veng thei. Mipa ho chu room ah mulo in chhuat ah riah ho tumin an mutna tur phah in an ri chul a, Rinzami nen ka room turah kan mu dawn thung a. Rinzam-in "Angel pa ho mutna tur chu ka va siam pui ve lawk ange aw, ibungrua chu ka rawn let hunah kan rem tha dawn ania" a rawn tih chuan ka lo bu nghat a.










Ka thuamhnaw chu a theih ang ang phawrh in ka thlep tha nghal malh malh a, ka hnung lam a tang a min rawn kuah tu an awm vang chuan ka lo nui suk a. A hmel hmu lo mah ila arim pa lutuk atang chuan Rinhlua tih ka hriat vang ani. Ka biang a min rawn fawh zauh pah chuan "Bawihi khang thil kha chu lo dah mai mai rawh, Rinzam-in naktuk ah ti fel rawh se, lo kal teh vawiin nileng khan inbiak falna eih hun Kan nei lo a, ka ngai tawh che ania" min rawn tih chuan ka lo nui var var a.






"Ibulah ka awm reng chung pawh hian min la ngai tho amaw? Ka tih chuan a lu chu uar tawk in a lo bu nghauh nghauh a. A lamah chuan min pawt hnai min kuah hlu hlu a. "Bawihi he lai hmun reh tak ah hian nangmah a khawhar tak a i awmreng ka phal dawn miah lo ania" a rawn tih chuan a hmai ah chuan ka lo chul sak zai zai a.






"Min ngaihtuah lo la. Helai hmunah hian keimah chiah in ka awm dawn pawh ani lo a, a nikhat ni ah pawh mi sawm chuang he Rabboni home hian enkawl tur kan nei nghal chu anih hi, nakin ah phei chuan chhungkaw lian tak Kan la ni vat dawn asin, he home enkawl tur hian keima finna leh remhriat na chuan a daih seng dawn lo a. Pathian hnen ah heng sual in a tih buai mek saltang te hruai chhuak thei tur a finna leh remhriat na, dil a ka tawngtai reng a ngai dawn a. Nang pawh hian bang lo in min tawngtai pui thin rawh aw" ka tih chuan "Bawihi ka ring tawk che, nang hi chu Lalpan a kut ke ah a hmang che a, nangmah kaltlang hian mite hnenah a in puang zel chu anih hi" a lo ti ve sup sup a.






"Engtik nge ngurpuii arawn insuan luh ve ang? A tih chuan "Nau a neih fel hun law law ah aniang, tunah hi chuan hahdam a mamawh rih a" ka lo ti vat a. "Bawihi midang tan i inpek na zawng zawng hi a thlawn hauh lo ang, mi harsa leh chanhai eitur neilo te hnen a phal tak a in luan chhuah thin vang hian inchhungkua hian Pathian malsawm na tamtak in la dawn ngei ka ring nghet tlat a sin" a rawn ti duah a.






"Midang hnen ah thil kan pe duh anih chuan phut let kan va nei kher tawh ngai hlei nem, lawmthu sawi na te emaw kan va phut viau anih chuan, fak hlawh duh vang a midang hnen a thil pe ang lek kan ni dawn a sin. Mihring rilru hi a chapo hma em em a, chapo na hi Lalpa huat zawng tak ani bawk si a. Tulak atang mah hian fakna dawn hi ka beisei lo a ka duh bawk hek lo" ka lo ti bawrh bawrh a.






"A nih chuan mipa dang melh miah suh aw, mipa dang bulah inuih pawh ka phal lo" a rawn tih chuan phawk fe hian ka lo en a. Kan thu sawi lai leh a thil rawn sawi in persan lutuk chu mak ka ti em a. Nui nghawr dat chung chuan ka "Ka fiam che anih kha, ithinglung ah hian Pathian a lalber a, a dawt chu keimah tih ka hria a lawm" a rawn tih chuan ka lo kuah vat a. "Ka hmangaih che" ka lo ti sep a. "Ka engkim inia sin, keipawh hian ka nunna tluk hian Bawihi ka hmangaih che" a rawn ti ve sup a.






Kawng ka lam a aw rawn thian khak khak ri a rawn awm tak ah chuan Rinhlua min kuah na atang chuan ka in la hrang vat a. Nui var var chung hian Rinzami chu kawng ka ah alo ding a. Rinhlua melh ralh chung chuan "Hmeichhe room ah mipa luh Kan phal hleinem" a rawn tih chuan Rinhlua chu a lo ner nawk a.







"Kan nupa room ah kan siam vat angai dawn anih chu" a rawn tih chuan za fe hian Rinzami chu a rawn nui a. "Kan inneih hmasak angaih hmel, ubawih nangni te chu a hman hmawh awm vak loh. Angeli hi mi tamtak tan nu anih tawh hi" a rawn tih chuan, Rinhlua a chuan "Rabboni home hian pa pawh an mamawh ve tho a lawm" a lo ti ve khauh a. An inhnial tawk lutuk chu kalo nui kalo nui ringawt a.





Kan mut ve meuh chuan zanlai ani der tawh a. Kan mufel hman awrh tih in kanu in min rawn call a, zanlai ani tawh a thil thalo thleng a awm anih ka rin vang chuan ka lungphu chu a rang nghal dawt dawt thei. "Nu enge nita? thil thalo thleng a awm emni? Ka tih rual chuan kanu chuan mangan hmel zet hian "Mambawih Ngurpuii a pum ana vak a, a nau neih a la hun bawk silo a, I u te kha kaitho la rawn phei vat teh u" thaw hlawp hlawp chung hian a rawn ti a, a aw ah chuan tah a insum nasa tih ka hre mai.






"Angel enge thleng a? ithlan tui in a bual vek che ania" Rinzam-in a rawn tih chuan ka tap chhuak hawk a. Ngurpuii damloh thu ka hriat vang khan ka chi ai nghal vek thei, ka hnenah thu mak pui pui a sawi reng a, kanu in a pumnat thu a rawn sawi rual khan ka hlau thawng nghal em ani.








"Zamte Ngurpuii a pum ana a, rangtak a inah Kan haw angai. Ufela leh Utetea lo va kaitho mai ta che, midang chu tih harh kher pawh angai lo, Kan ti phawk lek mai mai" ka tih chuan ani pawh chu a meng buai nghal vek thei A phone chu a khawih nghal mual mual a. "Ufela a la muhil hlei nem room ah rawn phei turin ka ti mai" a rawn tih chuan ka thawmhnaw lum chu ka inbel nghal mawlh mawlh a. Ufela room a arawn luh chuan thil awmzia ka lo hrilh hre nghal vat a. "Mate Utetea chu ka va kaitho ange" tih leh room chhuah san a rual a. An rawn kir leh chuan Josepha leh Rinhlua pawh anrawn lang zui nghal zat a.







Ding khawmuang tawh lo chuan pawn lamah Kan inzui chhuak hlawk hlawk a, motor chhung a kan thufel tih ah. Awmpuia a rawn tlan chhuak ve leh a. "Zorin thil thleng a awm emni? A rawn tih chuan Ngurpuii damloh thu leh, kan let leh hma chu tha tak a home lo inkawl turin ka hrilh a, hman hmawh tak chuan kan inlam pan chuan kan tlan chhuak zui nghal a.








Ka rin phak bak in Ngurpuii chu a lo chau a, ka pa chuan "Nau a vei tidawn ila a awmdan hi nauvei a ang chiah silo a. Inu a rawn call a kan va hmuh chuan a lo chau tawh khawp mai. Felte nang ni in Ngurpuii hi car chhungah lo va hlang ula, rangtakin Durtlang hospital lo han panpui rawh u aw. Zamte a inthlak na tur leh thil tuldang kha ambawihi nen lo siam mai ula, an hnungah kan zui ve nghal dawn ania" a rawn ti zung zung a. Ka pa meuh pawh a aw a khurh danah a hlau thawng hle ani tih a hriat theih.






Josepha chuan Ngurpuii chu a chawi nawlh a. "Ngurpuii kan lo thleng tawh ania, hlau thawng miah suh aw, hospital ah kan hruai che anga itha leh vat mai ang" ti in a be mawlh mawlh a. Ngurpuii awmdan ka hmuh chuan ka insum thei ngang lo ka tap chhuak hawk a, Rinhlua chuan min rawn kuah vat a...cont







A van hahthlak bap bap thin tak em aw, tunlai phei chu ka regu thei lo leh nghal a. He story hi thawnthu dang ang in ka duh duh hun a ka ziak thei miah lo hi thil buai thlak tak ani. Ka rilru amang vek a ziah tur hre miah lo in ka awm thin a, a harsa tak zet. Ka duh dan chuan muang chang a ziah hi ka duh a...nangmah ni ven thawn in lo ngai ve tho bawk si a, a story pawh a phuai luai ta nuaih ni mai hian ka hria...tun nihnih chhung Khan in comment ka en ngam lo awebsite ah ka lut thei lo bawk nen ka biru anih ber chu.

[Ngaia]

Car chhung a ka lut tur chu Ufela chuan ka darah rawn vuan in "Mate Bawihpuia car ah rawn kal rawh u, itaksa a la chak tawk bawk silo a, hetiang a Ngurpuii awm lai hi chu hmu hrih lo la atha ang" a rawn tih chuan Rinhlua a chuan min rawn kuah nghal vat a. "Bawihi Fela thusawi kha a dik a nia, hahdam tak a awm I mamawh in ka hria" a rawn tih chuan ka mittui bawk chu a rawn far leh kauh kauh a.









Lu thing nawk nawk chung chuan. "Mahse Ngurpuii hian min mamawh a lawm, ka hnenah sawiduh te pawh a nei ang, ka awmpui angai asin" ka ti chhuak tiau a.







Ka u te tlanchhuak chu anlan theih chhug zawng chu mittui far zawih zawih chungin ka thlir reng a, Rinzami leh ka pa bawr zet a anrawn inkhai chhuak pawh chu kalo ngaihven thei ngang lo. Rinhlua chuan a motor lamah min kai phei in, kawngka chu pawt hawng nghal in min thut luh tir a, tunang em em a hlauh thawn leh beidawn hi ka la nei ngai lo. Ngurpuii hian min kalsan mai ang tih ka hlau em a tin ni, a hun lo hman tawh zawng zawng ah khan hlim ni hmel a hmu ve ngai lo a, tunah a hlim ve dawn chauh a he tiang hian a awm leh si a.






Kanu leh pa chuan min rawn pan in "Mambawih chi ai lutuk lo ula, keini chu inlam ah kan lo awm zawk ang, kan vai vai a kal vek chu a fuh leh chiah in ka hrelo a, inu nen hian inlam ah kan phak tawk in Pathian hnen ah Ngurpuii dam leh theih nan kan lo tawngtai anga, Ngurpuii chu a tha leh em em ang, i nau kha chu hmeichhe tuarchhel tak anih kha. Bawiha chanchin min rawn hrilh reng rawh u aw, ithiannu lah kha buai pui angai viau dawn ania" ka pa in a rawn tih chuan Rinhlua chuan "Lo ngaihtuah duh reng reng suh u, keiman ka lo enkawl ang" a lo ti thuai a.







Rinzami leh ka nu in thil tul pawimawh ang tur ho motor chhung ah an rawn dah lut zung zung a, kan thawm vel ah thenawm khawveng te ho pawh anrawn tlankhawm ve sap sap a, hetiang kawngah hi chuan mizo nih hi anuam thin teh zawng e.







Tul leh pawimawh Rinhlua motor ah kan hlan fel vek hnu ah, ka u te chu kan umzui ve nghal vat a. Ka rilru hi a buai in ka mangang takzet, vawiin lam ah home kan hawng fel chauh a, tunah pawh home lam ah Pathian in addict ka enkawl tur min pe a, an ni pawh ngaihsak a buaipui hman lek lo in thildang ah ka buai angai leh a, setana hian hmanraw chi hrang hrang hmang hian ringtu te hi min bei zel bawk si a, he tiang tak a ka rilru a chi ai na chhan hi chu Ngurpui-in min thihsan tur ang mai a tawngkam ka bul aneih reng thin vang kha ania.









"Uzorin tunlai chu ka khua ahar thei lutuk a, ka bul a in awm rêng chung pawh hian ka ngai veng veng thin cheu a sin, kei hi lo awm lo ta ila ka naute hi minlo enkawl sak thei angem? Ngurpui-in min tih lai te kha ka mitthla ah hian chiang tak in a rawn lang thar leh uar uar a. A mah pawh a mu hrang duh lo in ka kiang a riah min dil hial anih kha. A nau hrin hun a hnaih tawh avangin a hlau thawng tawngkam mai mai ah ka lo ngaihsak anih kha.







Ka rilru chuan Pathian hnenah ka tawngtai mawlh mawlh a, ka mittui a tla reng bawk a. Rinzami chuan "Angel hlau thawng lutuk lo la, thil eisual anei te pawh ani ve thei tho bawk a. Raipuar chaklo ani a, a taksa a natna awm lo do let tur in amah alo chak tawk lo te pawh ani thei bawk a, doctor in an lo enkawl anga, a tha chhuak leh vat tur ah ngai phawt ang u. Engpawh nise Pathian kan nei a, Ngurpuii pawh hi akut ah kan hlan angai ania" a lo ti ve sap sap a.








Utete-an min rawn call chu rang zetin ka lo pick-up a "Mate inlo thleng dawn tawh em? Doctor in hman hmawh tak a zai nghal a ngai dawn atia" a rawn tih chuan "A eng chu nge zai ngai a" kalo ti vat a. "Mate chi ai lutuk lo khan awm tum teh, naute hi Ngurpuii pum chhung a tang lak chhuah vat a nih loh chuan, mihring kan inchan lo ang doctor in a tia, eng pawh chu nise rawn thleng ve phawt ula" a tih chuan phone a dah a. Awm ngaihna reng reng ka hre tawh lo, Utetea thu rawn sawi ki kha kalo man thiam vek. Ngurpuii chu kan chan ngei dawn ni hian ka hria a, Rinzami kuah chung chuan ka tap chhuak nghal hawk hawk a.







"Enge chan chin? Bawihi thil thalo thleng a awm emni? Rinhlu-an min rawn tih chuan ka tap ring zual sauh a. Pathian hnenah Ngurpuii nunna min zuah sak tur in ka dil mawlh mawlh reng a. Hospital kan thlen chuan Ufela chuan "Mate emergency a zai nghal chuk chuk angai dawn a, ngurpuii awmdan hi a beidawn thlak khawp mai, Pathian ah choh lo chuan beisei tur dang kan nei ta lo e. Tunah hian naute nunna chhan tum a Ngurpuii hi zai mai tur chauh an ni tawh" a rawn tih chuan "Ngurpuii chuan min kalsan tawh tihna emni? Tap zawih zawih chung chuan kalo ti a.







Rinzami chuan min rawn kuah nghal vat a. "Mate khatiang khan awm lo hram teh, Ngurpuii chuan minla kalsan em hlei nem. Mi tuar chhel tak ania, a tuar chhuak thei em em ang" Utetea pawh chuan a rawn ti ve vat a.






"Enge a chhan? Vawin ah pawh hlim takin kan awm ho a, engmah in sawisel na eih a nei miah lo. A naupai pawh a tha a, doctor in hlauh thawn awm a awmloh thu a sawi chiang viau bawk si. Ngurpuii awm dan hi ka hrethiam thei hlawl lo, kan piah deuh ah chuan Josepha chu a lo thu kun reng a, Rinhlua chuan a pan phei nghal vat a, a mit te chu a sen rum thei. Tun ni hnih khat chhung lek a tang khan Ngurpuii nen an inkar boruak a danglam a, an inthlahlel hle reng a nih kha. Tunah hetiang dinhmun hlauh thawn awm tak mai a Ngurpuii a ding hi, Josepha tan pawh a hrilh hai thlak tak zet ani.







Mi hrisel pangai thawk leh khat a thih ngam a anat chhan dik tak hriat chakna chuan ka khat a, Ngurpuii inzai na room an an nawr luh hma deuh chuan doctor chu enge a dinhmun diktak chiang tak a hriat ka duh vangin ka va bia a. Doctor chuan "Nula inau hian thil eisual anei anih hmel" a rawn tih chuan ka lo mengphar awk a.







"Ka pu thil ei sual anih chuan, adan na in jection ula a tha chhuak leh mai thei lo emni? Tinge Ngurpuii hi zai kher angaih na chhan, anau neih hun a thleng tep tawh a. A naute tan hian nu tha tak anih angai, a dam chhuah leh ngei hi angai ania, khawngaih in min chhan him sak hram rawh aw" ti in doctor chu ka ngen ngawih ngawih a.







"Nula, thu dik tak hi hria la a tha in ka hria, inau thisen ah hian tur hlauh awm tak hmuh ani a, chuvang chuan rang tak a a pum chhung a tang hian naute hi kan lak chhuah vat angai ani. Engpawh thleng thei tur khan lo in buatsaih ula theih tawp kan lo chhuah ve bawk anga. Pathian nen chuan tih theih loh a awm lo ania, tunah hi chuan Pathian ah chauh rinna kan nghah angai, keini doctor te hmang hian Pathian hian damlo na tak tak pawh alo ti dam teuh tawh thin ania. Doctor in a rawn tih chuan ka lu chu a rawn hai chhawk thei.






Tunge Ngurpuii chungah he thil tha lo hi ti duh ang? Ngurpuii hi a thi anih ngat chuan kan chhungkaw chungah hian thil duh awm lo tak pawh a thleng ve thei reng tlat. Thei leh thei lo chuan Rinzami te lam pan chuan bang rinchhan chuan ka kal phei chhat chhat a, tunge raipuar chak lo tak chung a he thil rapthlak tak ti duh tu hi nita ang?. Cement chhuat hit thlurah chuan ka thu thla hnawk a, lungchhe lutuk chuan ka tap hlawp hlawp a.






"Lalpa khawngaih tak in Ngurpuii hi ti dam leh rawh, a hmabak ah hian tihtur tamtak ala nei asin, Ngurpuii hi a dam ala ngai, a fa leh keima tan ngei pawh hian a dam ngei ngei hi angai, khawngaih tak in ka pa Ngurpuii hi ti dam leh rawh. A ni hian tu chungah mah tih sual anei lo, naupan tet atang in vanduai na hlir in a tlak buak a, hlauthawng leh thlabar tak chungin khang a hun kal tawh zawng zawng kha alo hmang liam tawh asin. Ka pa khawngaih tak in ka tawngtai na tlawm tak hi mal ngaihthlak sak la, doctor te thiam na hmang hian Ngurpuii hi min chhanchhuah sak hram rawh" ti in tap chung in ka tawngtai mawlh mawlh a.






Ka hnung lam atang a min rawn kuah chung chuan "Bawihi intih pa chan tum hram teh, Ngurpuii in zaina room ah an nawrluh hma in ihmu ve lawk dawn lo emni? A chungah engpawh thleng thei reng ania, va hmu ve hram la" Rinhlua chuan ka bengbul ah chuan a rawn ti dam thlup a.









Rinhlua hian peh hel takin thu a sawi tih ka hrethiam ve reng, Ngurpuii hi chan ka duh lo ang bawk in a thih ka phal thei ngang lo ani, ka kawng ah chuan a ban thachak zet chuan min rawn kuah in min thawhpui a, Ngurpuii chu inzai na room ah anlo la nawr lut hman lo hram a. A hmel chu in a ka hmuh nen chuan a lo dang hlawk tawh. A mit leh a hmui te chu a duk vek a, chutiang bawk in a taksa chu a duk chhuak vek bawk a. Minung hmel a Pu tawh lo hrim hrim, a lu zawnah chuan zu kun hniam in a chal chu ka chal chuan ka zu sik tir a.




"Ngurpui in ti chak hram hram rawh, inaute lo piang tur hian a ma mawh lutuk che ania, inaute tan hian nu tha tak nih a nuam sa tak a awmtir kha iduh thusam ani lawm ni? Khawngaih tak in inaute tan hian ilo harh chhuah leh angai ania aw" a hmai duk vek tawh chu chul in a hmai ah chuan ka mittui chu a far fap fap a. Inzai tur kan in peih tawh e, an rawn tih vang chuan Ngurpuii chu a chalah ka fawp leh vang vang a. "Hetah hian ka lo nghak reng ang che, thlaphang miah suh aw, dam tak in lo let leh hram turin ka duh che ania" ka ti chhuak sap a.





Rinhlua chuan min rawn kuah in corridor sir a banch lo awm ah chuan min thut pui a. Ka mittui chu min hruk sak mawlh mawlh a. "Tunge Ngurpuii that duh tu chu ni ta ang? Kan kiang a alo awm atang khan thian dang a kawm ngai lo a, pawn ah lah a chhuak ngai hek lo, hetiang tak a ani raipuar chunga rawngtak a thil lo ti duh tu hi tu mihring chu nge anih ang? tiin ka phun chhuak sap a. Rinhlua ka bia pawh nilo in keimah ka inzawt ani ber in ka hria.






"Bawihi enge ithil sawi awmzia chu? Ngurpuii hi thil eisual vang a hetiang a awm hi ani lo emni? A rawn tih chuan ka lu chu ka lo thing nawk nawk a. "Nilo, eisual ringawt vang a khatiang a awm ani hauh lo, Ngurpuii hi tur a hrai ani, a taksa duk vek te kha ihmu em? Tur hnathawh anih kha. Tunge ka Ngurpuii hi hetiang a lo ti tu hi hriat ka duh ani, tu pawi mah a sawi ngai lo a sin, a vanduai em avang hian mi zing a awm pawh hreawm a ti in a in kiltawih em em reng a, vawiin ah pawh a la dam tha var reng a, Josepha nen pawh hlim takin ruai an theh dun anih kha" ka tih chuan Rinhlua chu a ding hluai a.





Rang zet chuan ka ding ve nghal zat a. Ka dar tawn tawnah chuan rawn dawmin "Bawihi he thil hi joseph-an a hria em? A rawn tih chuan tuman an hrelo doctor Khan min lo hrilh a. Ngurpuii hi thil eisual vang a hetiang awm ang ah hian an ngai vek a sin" ka tih chuan a kut chu ka dar atang la thla in a thaw hawk hawk a. "He thil hi khawiah mah sawi chhuak suh aw, keiman thil thlen dan hi ka chhui chhuak vek ang, chumi hma chu kan zep angai ania" Rinhlu-an min rawn tih chuan ka lo khur dar dar a.






Ufela chuan ka pa chu bia in "Pa mihring kan inchan theih hmel loh tlat mai, inchhung pawh kha atheih ang ang in lo in singsa deuh rawh u aw" a ti ri chu inhum ruh teuh chung chuan ka lo ngai thla a. Josepha chu thaw ipik hmel lutuk hian kan bulah chuan a vei kual sek a. Ngurpuii nen an inpawh zia kan hriatpui vek a, a rilru mangan dan tur chu ka hriat thiam pui khawp mai.







Darkar khat chuang kan nghah hnuah pawh engmah chanchin kan la hre thei lo a, kan vai chuan kan thu mai mai thei tawh hek lo. A chang leh ka tawngtai a ka tap thul, ka thisen zawmpui ka unau te hi Ngurpuii dinhmun angah hian ding ve ta se, tun a ka awm ang bak hian ka hlau thawng leh thei tawh chuang hian ka ring lo. Hma hun eng tak in a hmuak ve mek a, a nun a chen ve dawn chauh a he tiang vanduai na a tawk ta mai hi hriatthiam a har em ani.







Nurse in naute a rawn pawm chhuak chu ka lo pan vat a. "Ngursangzuali chhungte in awm em? A rawn tih chuan "keimah hi ka nia, Ngurpuii chu enge a dinhmun? Ka lo ti nghal zat a. Nurse chuan "Hei hi a fapa chu anih hi, a nu erawh a dinhmun a tha lo tak zet. Naute pawh hi a kan up nghal a ngai dawn a, a nu thisen ring a nung anih vang hian a dinhmun hi a tha vak bik lo a" a rawn tih chuan ka hlauh thawn na chu a rawn belh chhah sauh a.






Nurse kut atang chuan naute chu lo ban in ka lo pawm vat a. Rinzami leh Josepha chuan min rawn pan ve vat a. Mittui sur nguah nguah chung chuan Ngurpuii fapa anzai chhuah hlim hlawl chu ka en ngawih ngawih a "A hmeltha tak zet, Ngurpui ifapa hian a mamawh che ania irawn harh chhuah ngei ngei angai ania" ka ti tham tiak a. Ka awm zawn ah chuan naute hmeltha zet chu pawm in mittui tling pum chuan ka thlir leh ngawih ngawih a, a tap lo a, a che hek lo. A mit chu a chhing chial a, hmangaih na leh lainat na chuan ka khat nghal vek a.










Ufela leh Utetea Rinhlua te ho pawh chuan naute chu an rawn en a. Tumah tap lo reng reng Kan awm lo, nurse vek chuan "Naute hi kan up vat angai ania, ka pi minlo zui ula, a then khan anu lo ngaihven ula an rawn nawr chhuak har tawh lo ang ICU lamah dah luh nghal a ngai dawn a" a rawn tih chuan naute chu ka kut atang chuan dim zet hian min rawn laksak a. Rinzami nen chuan nurse chu kan zui nghal vat a.







"Aw ka Pathian, khawngaih tak in Ngurpuii te nufa hi min venhim sak hram rawh, kan chhungkua hian kan la mamawh a sin, kan hmangaih a kan enkawl hi min la phal sak hram mai rawh" ti in ka phun chhuak mawlh mawlh a. Thil tul buai pui ngai ang ang Rinzam-in a buai pui vek a, kei chu milim ang mai in ka ding khawng reng ringawt a, ka hlauhthawn na chuan ka taksa te hi milim ngmai in a pawt khawng zo vek tawh a engmah ka ti thei tawh lo.







Ngurpuii ICU a dah tur a an rawn nawr phei lai chu ka lo hmu phe ruai a. A taksa chu a zawi ngiai a, hmuh hreawm ka tih em vang chuan ka mit chu ka chhing sawk thei. A kut zawi ngiai ah chuan vuan in "Ngurpui tang fan fan rawh aw, ifapa pawh ihmu chak ve lo emni? A hmeltha tak zet ania. Kan Lal fapa chuan ilo harh hun a lo nghak ve reng ania aw, Ngurpui josepha pawh iti mangang a lawm. He tiang ringawt hi chuan min kalsan thei lo ania" an sir a kal pah chuan ka ti mawlh mawlh a. Kan bul a nurse lo awm ve te pawh chuan an mittui an hru ve fap fap a.







Khua a eng tan det det tih ah kanu leh Pa an rawn thleng phei a, an hmel ah chuan chhin khat mah an chhing bik lo tih a hriat reng. Ka nu leh pa lamah chuan tlan in an pahnih a kuah chung chuan ka tap chhuak nghal hawm hawm a. Ngurpuii tur a hrai ani tih ka hriat vang chuan ka rilru a na in ka hlauthawng zual em ani.







"Mambawih inti pachang hram hram rawh. Pathian kutah engkim nghat phawt ila Pathian remruat hi keini mihring te lo dan theih rual ani silo a" kanu a lo ti sep sep a.







Ka rilru chuan, "Ngurpuii tur a hrai hi Pathian remruat ani thei dawn emni? Tuma pawi sawi ngai lo hmeichhe nun nem lutuk tur a hrai tur hian Pathian hian tumah ati lul lo ang" ka ti mawlh mawlh a. Ka pa chuan "Mambawih inu thusawi kha a dik reng ania, keini hi chi ai mai tur kan nilo, nimin lawk ah Rabboni home kan hawng chauh a, tunah hian Pathian mamawh leh nun beidawng tak tak ten an nghak ve mek bawk che a. Ngurpuii chu Pathian kutah dah la, irawngbawl hna thawk tan tur a i intih chak a ngai ania" a rawn tih chuan ka lu chu ka lo thing leh nawk nawk a.






"Pa ka thei lo. Ngurpuii he tiang dinhmun a adin lai hian engtin nge ka kalsan theih ang? Nilo, ka kalsan thei lo ang, a chungah hian engthil emaw lo thleng ta se ka in ngaidam thei ngai lo ang, Ngurpuii hi ka hmangaih asin" ka ti chhuak bawrh bawrh a.







"Mambawih irilru tur chu ka hriat thiam pui lutuk che, mahse tunah hian rilru fim iput angai ania. I ko ah hian mawhphurh na sang tak a in nghat tawh a sin. Ka fanu Pathian ringtu kan nih na hi tunhun ah hian a tak a Kan lan chhuah tir angai asin, Ngurpuii ihmangaih zia chu kan hria alawm. Mahse Ngurpuii vang a irawngbawl hna i thlahthlam hi chunglam khian rem ati dawn emni? Ngun tak khan ngaihtuah la, ka fanu tunah hian irawngbawl hna iko a tla mek chawlh san tur hian Lalpan chawlh a pe che em ni? I hma a cho na liantak awm mek hi huaisen tak a ipaltlang angai ania" ka pa in min rawn tih leh chuan ka tap chhuak leh hawk a.









"Pa hun harsa tak kan tawh mek lai pawh hian Lalpa rawng bawl hna ka chhun zawm chu angai si amaw? Ka mangan na hian Pathian ka rin leh a rawng ka bawlsak mek hi minlo theih nghilh tir hman lek lek anih hi, isawi ang chiah khan home lamah chuan ka haw ang, Kan chungah hian engpawh lo thleng se huai sen tak a hmalam ka pan zel chu angai tho si a" ka ti chhuak sap a.






ICU chhung ah Ngurpuii hmu tur chuan ka in thuam mawlh mawlh a. A hnar leh a ka a taksa ah chuan khawl an lo vuah tuk a. A kut vawt ngiai ah chuan ka hum vang vang a. "Ngurpui ka kalsan che angai dawn si a, thlarau bo te hnen a Krista chanchin tha hril tur a koh ka nih miau avang hian engmah tilo in ka thu mai mai thei si lo a, minlo kalsan miah suh aw. Hmeichhe huaisen tak inih kha, i dam that ve leh home kan enkawl dun angaih kha, home min enkawl pui min tiam vek tawh kha kala hre reng ania, ithutiam ti puitlin tur in ilo harh chhuah vat angai ania. Ifapa pawh in ilo harh hun a lo nghak reng a, a tui hal tawh viau ang hnute ipek vat angai ania aw" ka ti sep sep a.







Khawl ri tluk tluk bak chu engmah thawm hriat tur reng reng a awm lo, hreh tak chung chuan Ngurpuii chu ka chhuah san a. Rinhlua chuan "Bawihi keiman ka va thlah ang che aw, in ti chak hram hram rawh, Pathian hnenah kan mangan na te Kan thlen vek tawh a, Pathian chet hun chiah ani ka nghah tawh ni" a rawn tih chuan ka lo then sak a.






Home kan thlen chuan an lo tho vek tawh a. Awmpui-an tualzawl ah exercise a lo lakpui tlauh tlauh a, motor chhung a tang a chhuak mai lo chuan an che vel chu ka thlir deuh vang vang a.







"Lalpa an ni ho enkawl tur hian chakna min pe lul teh" ka ti chhuak sep a. Rinhlua chuan ka malchung a ka kut dah chu a rawn hum vang vang a. "Bawihi iti thei tih ka hria a lawm, nang hi Lalpan a kut ke atan a hmang che tih ka hria a sin, an ni ho sawn entik ni ah emaw chuan Pathian hmel an la hmu anga. Chung ni alo thlen hunah chuan tap Chung a irawngbawl hna thawh vang hian, kha ihmel lungngaih na a khat ah khan hlim na vang a nui hmel a la rawn awm ngei ang" a rawn ti sup a. Cont

[Ngaia]

Awmpui-an min lo hmuh rual rual chuan min rawn pan vat a. "Zorin enge chanchin? I rawn let leh pawh ka lo beisei chiah lo a" a lo ti nghal sawt sawt a. Rinhlua zawk chuan "Kan dinhmun a tha vak lo, naute erawh tha takin an zai chhuak thei a. Ngurpuii erawh chu a dinhmun a hniam khawp mai" a lo ti sup a.







"Awmpui ilo awm lo ang tih ka van hlau tak em? Pathian hian kan tan a tha tur in kan chungah ro a rel zel chu anih hi, nang hi lo awm lo la chuan tunah pawh hian ka rawngbawl hna hi ka hlen chhuak zo lo chu a ni der dawn ania. Hna tangkai tak ithawk ani tih hi in hre reng rawh aw, iduhthusam te ti puitlin tur in Pathian in itawngtai na te a tak in a chhang che nih hi. Engpawh chu ni se ka han in tifai ve phawt anga, anni ho pawh saw lo buaipui chhun zawm rih mai la. Midang tan malsawm na nitur in ke inpen tak tak ang uhmiang, keini hian kanti a kanti tawh ta sa sa. Kawng chan ve a kir leh mai thei kan ni lo a, chhel tak a kan hmabak a tih tur awm te hi kan hlen chhuah zel a ngai in ka hria" ka ti chhuak sep a.








Inchhung a kan luh chuan ka room lamah ka tlang chho nghal daih a, khum chungah chuan thu in ka tap leh ta nge nge a. Ka hma ah chuan Rinhlua chu a rawn thu hniam a, engmah sawi lo chuan a dar hlai hlup ah chuan min kuah bei hlu hlu a, ka lo tap khur dar dar a. "Bawihi chaktak a i awm a ngai ania, huai sen tak a ihmabak a tih tur awm te hi hlen chhuak turin ka duh che" ka mittui rawn hruk pah chuan a ti sup a.









"Enteh Rinhlu, Ngurpuii chung a he tiang thil ti duh tur awm ang reng reng hi ka ngaihtuah chhuak zo lo. A nî te nupa ni se vawi khat mah Ngurpuii ngaih ven in an rawn kal lo a, a putea lah jail ah a tang a ti bawk si a, engmah hi ka hrethiam lo" ka ti chhuak hliai a. "Bawihi he thil hi chu lo ngaihtuah buai ve duh suh, keiman Ngurpuii tur a hrai tu chu ka zawng chhuak ngei ngei ang. Bawihi ihnen a ka thusawi tur hi a hunlo iti viau ang tih chu ka ring a, mahse ka ngaihtuah ngun poh leh he thil hi sawipui ngei che atul in ka hre bawk si a. Nang hian kei hi min mamawh takzet ni in ka hria, Bawihi innei mai ang" a rawn tih chuan a fiam thu emaw ka lo ti hial zawk a.







"He tiang dinhmun a kan din mek lai hian nang hian inneih ilo rawt amaw? Enteh he thil chung chang hi chu sawi ri leh tawh miah lo tur in ka duh che ania" ka tih chuan "Bawihi ka thu sawi kha ingai thla fuh lo ni in ka hria, nupa kan nih chuan thil engkim tih hi a awlsam phah sawt dawn a sin, chubak ah Ngurpuii chungah hian eng thil chiah nge thleng dawn kan hre silo a, a chhe ber thleng tur a kan in buatsaih hi ngai ania, Ngurpuii hian min lo peih loh san a nih phei chuan a fapa hi ikutah a awm ngei angai dawn a. Naute hian nu leh pa enkawl tu tur a mamawh bawk dawn a. Bawihi inneih na ropui tak a ngai kher lo ania, zingkar ah pastor hma a insuih mai kha a tawk, ropui tak a inneih na buatsaih bung bung ai chuan, a innei tur a te kan in hmangaih hi a pawimawh zawk tih I hriat ve tho kha. He tiang dinhmun a ding chung hi chuan he home ngei pawh hi i enkawl thei dawn hauh lo ania" thu tak lutuk a arawn tih leh tak ah chuan han chhan mai dan tur pawh ka hrelo.








He tiang boruak teh nuaih kar a inneih na lo buatsaih pawh chu thil tih chi ber ani in ka la hre chuang lo. Rinhlua kut chu tha khur dar dar chung chuan ka vuan a. "Rinhlua min ngaihtuah lutuk vang ani tih ka hria a lawm, mahse keimah chauh hi min ngaihtuah thei bik miah lo ania, leh lamah inu ingaihtuah tel ve angai a sin, engtin nge keimah vang hian khang hun chhung zawng a nangmah lo enkawl tu che inu hi ihlam chhiah theih ang?, chubak ah hotel i enkawl a ngai bawk a. Kei chu min ngaihtuah suh Pathian in min awmpui tih ka hria a lawm, mihring kan nih chhung hi chuan kan chungah hian thil thalo tak tak a lo thlen chang te pawh a awm ve thin ania. Tunah pawh hian keimah vang in hotel pawh ngaih sak hman lo in i awm a, inu pawh a hmai zahawm tawh lutuk a lawm, rimtak a alo thawh chhuah hotel saw kei mah vang chuan tlakchhiat tir lul teh suh" ka ti chhuak hliai a.







Bei dawn hmel lutuk chuan arawn thaw chhuak hawk a. "Zorin khawngaih tak in ka rilru put hmang hi min hriat thiam pui hram teh, kan inneih vat hi angai a lawm. Tunah hian innei lo mah ila engtik ni ah emaw chuan kanla innei dawn tho a, nang hian min mamawh a nia, irawngbawl hna hi a theih na chen chen ah chhawk zangkhai ve che ka duh a. I chhungte hnenah pawh lo sawi chhin ve hrim hrim la, anni in an lo remti lo anih chuan kan inneih hi a la tul lo ah ka ngai thei ang" luhlul zet chuan a rawn ti chhuak leh sup a.






"Aw le, ka lo sawipui dawn ania, engpawh nise va haw ve phawt rawh, inu amah chiah in khawhar takin inlam ah a awm tih kha hrereng la, hospital ah pawh lo va kal kher duh tawh suh a. Ngurpuii awm pui tur chuan ka chhungte an awm vek tho a, engmah tih theih kan nei chuang silo a. Kan awm hmun a tang theuh hian Pathian hnen a kan tawngtai hi Ngurpuii tan a kan tih theih tawk chu ani mai tawh si a" ka tih chuan min rawn kuah vat ah a darah chuan ka lu chu nghat in ka mit chu ka chhing vang vang a. A sawi ang chiah khan kei hian Rinhlua lak ah hian ka rinna ka lo nghat nasa tawh lutuk a, a tel lo hian ka khawsa hlei thei tawh lo chu anih ber hi.










Che miah lo a adar ah ka bei reng avang chuan a rawn che deuh hrut a. "Bawihi imuhil emni? A rawn ti thum dut a. Ka taksa hian hahchawlh a mamawh tawh zia chu ka hre chiang khawp mai. Mahse mu bo mai mai thei ka ni bawk silo a, a dar atang chuan ka lu chu la sawn in ka ham zui bai bai a. Ka sam tawi te chu a kut hlai zet chuan a rawn chul mam thuak thuak a, ka hmai tawn tawn ah chuan a kut pahnih chuan rawn khuap in ka mitah chuan min en vang vang a. "Bawihi chawlh hahdam imamawh tak zet, thildang zawng zawng chu theih nghilh hrih la mu hahdam phawt rawh, he tiang chuan idamlo ve mai ang" a rawn tih chuan ka lu chu ka lo thin khum vat a.





"Va haw tawh zawk rawh, heta i awm ve reng chuan ka hun hlutak hi min khawhral tir zel ania" ka lo ti sap a. "Ka hmui ah rawn fawh zauh phah chuan "Ka ngai che alawm, ka mithmuh phak ah hian awm reng la ka duh a sin. Bawihi ka thusawi kha lo ngaihtuah nawn leh rawh aw, pakhat ai chuan pahnih chu kan tha zawk dawn tih ihriat ve tho kha, anih chuan ka va hawsan tawh ang che. Ka bialnu luhlul lutuk hian ka thusawi a ngai thla duh silo a, ka chilper te pawh hi a uihawm thei mai dawn a lawm" a rawn tih chuan ka tum loh zet in a thu rawn sawi vang chuan ka nui chhuak hak a.





Ka khabe a rawn tuai zauh pah chuan "Inui hmel hi hmuh reng ka duh lai in, kha imitmeng mawi tak a tang khan lungngaih na mittui ka hmuh fo a ngai bawk si a, Bawihi ihriat reng tur a ka duh chu mittui hi kan chakloh na lantir tu ani a, chuvang chuan tap chhuak lo tur a i in tih pachan hram hram angai ania. Ka va haw tawh ange" ti chung chuan kawngka lam chu pan in a pen thauh thauh a, kawngka pui thleng tal thlah chu duh viau mah ila ka che sawn peih tawh ngang lo.





Rinhlua min kalsan hnu chuan ka pa chu bia in. Ngurpuii leh a fapa chan chin ka zawt a. Ka pa chuan "Mambawih naute chu a tha a, mahse Ngurpuii erawh minute tin hian a hniam hret hret zel chu anih hi" a rawn ti zuai ruih a. Ka mittui bawk chu a rawn far leh kauh a. Rinhlua a thu min hrilh kha ka rilru ah a rawn awm nghal vat a. Kei hi Ngurpuii chung a thil thleng vang hian ka tap hnem tawh mah mah ani, engtin nge hetiang a ka chakloh na mittui ti tla reng chung hian midang te hi ka tanpui theih teh lul ang le?.






Chhuat lai ah chuan thingthi in ka thinlung leh tih takzet in Pathian hnenah ka tawngtai a, Ngurpuii chungah hian engpawh lo thleng se ka pawm thiam theih nan min pui turin ka dil a, tin he Rabboni home a damna beisei a rawn kal te hnen ah hian ithunung thil tithei tak hi puang chhuak thiam thei tur in minpui ang che, kei chuan heng mite thinlung chhungah hian thu ka sawi thei lo a, nangmah zawk in faktlak Pathian inih zia te, chawimawi tlak Pathian inih zia te hi rawn puang chhuak ang che" ti in ka tawng tai mawlh mawlh a.






Ka tawngtai zawh meuh chuan ka thawl deuh hawk thei, bathroom ah chuan lut in ka in ti fai sawk sawk a, ka kawr hak ka thlak fel tawh hnu ah site table chung a ka Bible dah chu la in inhnuai lamah chuan ka chhuk thla a.







Mipa ho awm na bik tur in building kan sak thar chu kan rua hman a, tun a ka awm na hi chu a hma a kan lo awm thin na building hlui kan chei that tak kha ani a, building pahnih inkar ah hian inkhawm na turin tlem a te deuh zawk in rangva hmang hmang in kan sa tel bawk a. Kawtzawl chhak lam deuh ah choka a hrang nalh in a ding bawk a, kan nikhat ni atang in harsat na ka tawk nghal pang chu ania, ka thiam na leh finna te a tlem mai bak ah hmeichhe chak lo tak ka lo ni bawk nen, addict chhungte pawh in tihngaih na an hriat tawh loh, sual in nasa tak a a bawih beh mek te chhanchhuak a, krost thu hriat tir tur chuan ka zam in ka in sit ve ngawih ngawih a.




Pathian hian a rawngbawl tur hian mifing leh mi ropui te chiah thlang dawn sela chuan, kei hian a rawngbawl hna hi ka thawk ve theih hauh lo ang le, mahse Kan Pathian hian a rawngbawl hna hi mi mawl te leh, mi chak lo tak tak te thawh ve min phal sak a vang hian, lawm tak leh tha hnem ngai tak a arawngbawl hna hi thawk mai tur kan nih zia
chu ka ngaihtuah neuh neuh a.







Choka lam ah chuan Pu saia te nupa leh kan thian then khat in rawng an lo bawl laih laih a, kan harsatna tawh te hria in, he lai hmun ah hian min pui tur in an lo kal tih ka hriat chuan ka lawm kher mai. Awmpuia chuan "zorin ka nu leh pa hi Ngurpuii chung chang kha ka va hrilh a, inlam ah engmah tih tur kan nei chuang hlei nem ti in rawng min rawn bawl sak turin kan rawn kal hlauh a. Zorama te ho hi anrawn thleng ve nawlh bawk a" a lo ti nghal bawrh bawrh a, intum chawp Pathian a nih zia a tak a min hmuh tir leh vang chuan ka chhungril hi a hlim veng veng thei.





Awmpuia hnenah chuan tukthuan ei hma in, "inkhawm na hmun ah la va ko khawm la, inhmel hriat tirna te neih phah in, home in dân leh dun kan siamte pawh kan inhriat thar tir leh anga" ka tih chuan mipa ho awm na lamah chuan a kal phei nghal vat a. Pu saia te nupa leh zorama te ho chu chibai in lawmthu ka hrilh mawlh mawlh a, puih in ngai anih phawt chuan kan tlan chhe dawn reng reng hlei nem an lo ti ve chul a.





Awmpui-an "Zorin, kan tan thei tawh ania" a rawn tih chuan inkhawm na in lam pan chuan ka kal nghal vat a, ka zam lutuk chu ka kut te hi a thlan dup thei, ka rawngbawl hna, ka ko a tla hlen chhuak tur hian Pathian rinchhan chung tak tak in hma lam ka pan ve tawk tawk ani ber mai. Biakin chhung a ka luh chuan an lo beng chheng ngang mai, mi sawm lek ni si naupang chhe awm khawm ang mai in anlo rak chul a. A then phei chu thuthleng chungah an lo ding a, kawngka ah chuan lut in, inkhawmna hruai tu thutna tur a kan dah chair ah chuan ka va thu a, an hma zawn a ka va thut tak ah chuan anngawi nghal thap a.






Lectern ah chuan ding chhuak in Bible chhiar na leh thu tlem te ka sawi a. Ka thu sawi tawp lamah chuan, he home a kan chhungkaw member Ngurpuii harsat na tawh dan chung chang te chu ka sawi kai a, kan unau nu dam leh theih nan Pathian hnen ah anvai a tawngtai tur in ka ngen bawk a. An zing a Pakhat chuan "Kei chu ka sual na atam ropui si, chhungte pawh in minduh tawh lo ania, engtin nge kei mi sual tawngtai hi Pathian te chuan min chhan duh teh lul ang le? A thut na atang chuan a rawn ti khauh a.








Chupa thu rawn sawi chuan ka thinlung hi a rawn deng dawt ni mai hian ka hria. "Thian pa, tunah khan ka sualna a tam lutuk iti tiraw? I sual tih i inhriat vang khan Pathian chu a lawm ngawt ang, misual sim te hi Pathian hian ngaihdam a chak in a lawm em em a sin, isualna kha a tam zawh pauh leh, isual isim phawt chuan kan Pathian hi, ichungah a lawm ting dawn ani tih hi lo hre reng tur in ka duh che" ka lo ti vat a.







A then in tawngtai dan ka thiam lo anlo ti bawk a. An mitah chuan en kual in "Tawngtai thiam angai reng reng lo. Lalpa tawngtai dan pawh ka thiam lo, ka nihna ang ang hian ihma ah hian ka rawn kun tawp mai ani, in thinlung leh tih tak zet a in tih chuan, mihlim tamtak ten tawngtai hlathu mawi tak tak a anchham chhuah ai hian, kan Pathian bengah hian intawngtai ri kha a mawi zawk ngei ang, thawk leh khat ah danglam nghal vek turin ka beisei lo cheu a, engtik niah emaw chuan Pathian hmangaih na ropui tak hian kha in thinglung thim tak kha a la chhun eng ngei in ka ring, he home ah hian ang khat vek kan ni a, chhungkua kan ni tih hi kan thinglung hian pawm tlang ila, in chhungten an lo hnawl cheu anih pawh in, he Rabboni home hi chuan englai pawh in a lo pawm reng cheu a, in lo dai buak tawh zawng zawng siam tha leh tur hian kei hian ka theih tawp chhuah in ka pui ang cheu" ka tih chuan anzing a pakhat chuan.







"Nula kalo hriatdan che chuan, nang hi addict ve tho ini ani lawm ni? Mitdel in mitdel vek min hruai chuan khuar khurum ah kan tla hma awm mange" a rawn tih chuan midang ho chu anlo nui vak vak a, he tiang thil hi chu ka hmachhawn a ngei angaih chu ka lo ring sa tawh a, mahse atak ngei a han tawn meuh chuan ka zam in hreawm ka ti ngei mai. A hma te kha chuan mipakhat malkhalh in an hnen ah chanchin tha thu hi huai tak in ka hrilh thin a, he tia a huho a ka hmachhawn a lo ngaih tak ah chuan, ka lo rinphak bak in a lo harsa tak zet, mi ze hrang hrang nei kan ni si a. Kan hmel a in an loh ang bawk hian kan rilru put hmang pawh a hrang vek si a.









Theih tawp a inthunun chung chuan an mitah tak chuan ka enkual vek a. "A dik a lawm, kei hi mite hmuhdan ah chuan drug addict leh hmeichhe hur herh tak, nawhchizuar ansawi thin ang hmeichhia kha ka ni a lawm. Pastor fanu ka ni a, Kan in chhuah san in zantin hotel ah mipa hrang hrang ka awmpui thin. A dang leh ah chuan drug addict ka nih vang in, khawilai daikil karah ka addict pui te nen kan fuan khawm luih luih thin. Ka sam hi han en teh u, hmeichhe Sam ah chuan a tawi mah mah ani tirawh u, yma duty in min man a ka sam seitak kha min tan kawlh sak vek asin, khang thil ka sawi na chhan chu, kei hi in tan mihrang ka ni lo a, in farnu ka ni, vawiin ah hian he Rabboni home alo din chhan tak chu, nangni ka unau te hian sual kawng inzawh bik reng hi ka phal lo a, mite endawng leh chilchhak rawn innih kha ka duh lo a, chhungte pawh in an duh loh a anhnawl thin mi vak vai innih reng bik hi ka phal hlei nem, tun a indai ang zawng zawng kha kei hian ka lo dai ve vek tawh. In nun a thil hlu tak tak inlo hlauh tawh in neih let leh theih nan chuan. Krista hi inlal leh chhandam tu ah inpawm ve phawt angai alawm" ka tih chuan an ngawi thiap a, ka hmai leh taksa ah chuan ka thlan hi a luang a ni ber in ka hria.






Awmpui-an Rabboni home in, dân leh dun kan siam te chu a rawn puang leh vek a. A mal te te in hming kan in hrilh diat diat a, a tir ang em em kha chuan kan boruak a sang tawh lo a. Zing chaw ei tur chuan kan in zui chhuak ta diah diah a.
Chhun lamah pawh inleng kan nei diah diah reng a, he lai khawpui daifem a min rawn hmu tur an anlo Kal vang vang peih te chuan min ti lawm hle a, leh lam kawng zawng a ka ngaihtuah chuan. Pathian hian a mi te min thlah thlam ngai loh zia ka hrethar leh a, kan lungngaih ni ah pawh min hnem turin, min hmangaih tu thenrual tha min la pe zel chu ka lawm tak meuh meuh ani.






A khat tawk in damdawiin lam ka phone reng a, chanchin tha lam hriat tur erawh a awm thei lo a. Pu saia te nupa in, zanlam ah kan riahpui ang cheu min ti hlauh chu ka lawm ngang mai. Tawngtai na hun te hmang in Ngurpuii te nufa tan bang lo in Pathian kan au reng a. Chhun thingpui kan lai in nula pakhat hi luggage nen a rawn thleng ve nawlh a, a hmelah chuan kum sawmthum a tlin tawh ngei chu ka ring.





Ka hmel a hmuh rual chuan min rawn pan vat a, nui var var chung chuan "Zorini ini tiraw? Kan inbe lawk thei a ngem? A rawn tih chuan, min dawr tutur te lo kawm na tur office kan siam lamah Chuan kan in zui lut nghal a, Awmpuia chuan a luggage chu a lo lak sak vat a. Thu tur a ka tih hnu chuan a rawn thu ve nghal vat a. "Ruati ka nia, in home chung chang hi tv ah ka lo hmu ve a, he home hian min mamawh ni a ka hriat tlat vang in, a tul ang ang thawk tur in ka rawn kal ve tawp a. Tv a ka lo hmuh tirh atang khan ka rilru ah a thi thei lo a, ka chhungte pawh in Lalpa kohna che a niang an ti vek a , chhungkua in Pathian rawn a kan tawngtai ngial pawh in, he Rabboni home a rawn kal hi ka rilru ah athi thei silo a, engmah hrilh lawk miah lo cheu in ka rawn pan ve chawt mai cheu anih hi, min lo pawm ngei pawh ka ring sa asin" a rawn tih chuan ka lo hamhaih let ling zawk.






Pathian hian kanduh leh mamawh te hi alo hrevek a, tunah pawh Uruati kan sawm pawh ni miah lo in kan chhungkaw member ni turin a rawn tir lut leh nawlh a. Rabboni home kaltlang hian Lalpan thil ropui tak min tihsak zel ka ring nghet tlat tawh.






Tlailam darkhat ah Ufel-an min rawn call a. Ka thil hriat duh loh ber chu phone atang chuan min rawn hrilh ta nge nge a. "Mate Ngurpuii chuan min kalsan ta, irilru kha ti hnual miah suh aw. Pathian hian a hnen a kan thil dil zawng zawng te hi min chhang vek kher lo ani tih ihria tiraw? Thihna te hi chu mitin ta ani a, keini pawh hian kan la hma chhawn vek a la ngai dawn a. Ngurpuii pawh hian mihring tan vawikhat thih ruat anih miau vang in, van kohna chhang in min lo kalsan rih angai ta anih hi" a rawn tih chuan ka mittui chu a sur nghal zung zung a.




A hnukchah dawn thleng pawh a ka awm pui theih loh vang chuan ka rilru ana vawng vawng a, Ngurpuii lakah ka inthiam lo viau bawk, min ngai nat zia leh, ka kiang a hunhman a thlak hlelh thin dan te ka chhut a, a zinkawng a zawh tawp dawn ah tal chuan a kiang ah awm in, thlamuan ka duh ve ngawih ngawih a sin le. Ka awmdan min rawn hmuh rual chuan Awmpuia chuan min rawn pan nghal vat a, ka phone ken chu min rawn laksak in Ufela nen chuan an inbe zui mawlh mawlh a, kumkhat em pawh he kan zinkawng zawh dun hman lo a Ngurpui-in mual min liamsan ta mai chu ka tuarthiam thei ngang lo ani.








Zorama chuan a motor rawn khalh chhuak in, Awmpuia nen kan Pathum chuan damdawiin lam ah kan tlan nghal vang vang a, min hnem tum sa teh mahse anthusawi te chuan pakhat mah hian ka rilru na hi min chhawk eih lo hrim hrim, Kan intawn dan te ka chhuikir a. Ngurpuii hnenah hian thil pektur tamtak ka neih te chu engmah ka ti puitlin thei dawn ta si lo a. Kan in kan thlen phei chuan mipui an lo awm luih luih tawh a, inchhungah pawh pengkawi lo in damdawiin lam ah Kan tlan tlang nghal a.







Rinhlu-an min rawn call na ka pick-up rual chuan ka lo tap chhuak hawk a. "Bawihi tuar hram hram rawh aw, hospital ah ka awm tawh a, naute pawh Kan hawpui nghal theih dawn thu doctor-in a sawi a. Rinzami nen thil tul kan va buaipui ange, itaksa a la chak tha tawk silo a indim hram hram rawh aw" a rawn ti tham tuak a. A aw atang chuan a thaw ipik ve zia chu a hriat theih.






Damdawiin kan thlen chuan Ngurpuii ruang chu mitthi dahna hmunah anlo dah lut tawh a, min hnung chhawn zawng a, kanu naute pawm chung a alo in sut hrawih hrawih ka hmuh rual chuan aw rawl chhuah meuh in ka tap chhuak hawk a. Kanu kut atang chuan naute chu laksak in ka kuah vawng vawng a, engmah hrethiam velo naute hmel ka hmuh ngat phei chuan ka kawchhung a tang hian natna hlir hian min rawn hnawh up up ni mai hian ka hria a. Rinhlua chuan minrawn kuah in "Zamte kanu kha lo buaipui rawh aw" a ti sup a Rinzami chuan kanu chu a rawn kuah nghal vat a.








Nimin lawk ah kha chuan home hawn na a kal tur in, kan chhungkua in inchei tak leh hlim em em in kan in hi kan chhuah san a, tunah lem Ngurpuii ruang kan inchhung a anzawn lut chu kan zui ani si a. Kuang chhin na anhawn rual chuan Ngurpuii hmai chu chul in ka tap chhuak hawm hawm a. "Ngurpuii tinge min kalsan? Kan chhungkua hian ka la mamawh che asin, ifapa hi ikhawngaih ve lo emni? I tuarchhel thin em kha! tinge he tia i awm tak mai le, idam leh theih nan kan tangtai nasa lutuk tih I hrelo emni? Ka tah nasat avang chuan ka nak zaina lai te chu a rawn na zawk zawk a, ka beng te hi a kiu chuah chuah ni mai hian ka hria.






Ka nu leh pa, ka u te ho pawh chu an insum thei bik lo, fahrah takin he inchhungah hian a rawn lut a, a hun Kal tawh a vanduaina atawh zozai te Khan a nun hi an vaw chau vek a, tunah chuan hmangaih tu diktak a tawng ve tawh a, hlimna in a hmuah ve mek lai in he tiang mai hian min kalsan leh ta si a, ka hma zawn chiah a thu Josepha chu ka mittui kar atang chuan ka va en a, Ngurpuii thihna a tawrhnat zia chu a hmelah chuan a hriat ngawih ngawih. Min hmangaih emaw a intih lai a min kalsan angaih tum a ana tuar hmel leh, tun a alan dan chu a dang hlawk, hmeichhia chu ni ve ngat se tahhla chham tur a ngah viau in ka ring.









Ngurpuii min kalsan atang in karkhat zet a liam ve leh tawh a, inlam ah ka chhungte khua har viau mahse home ka enkawl angai bawk si, ufela leh Utetea ni se, an rawngbawl na hmun lam anpan a ngai ve tawh bawk si a, kan chhungkaw ro a buai ngei mai. Ngurpuii min boralsan chu joseph-an a tuar thiam lo em em a, Rinhlua pawh in a duh ang pawh in min ngaihsak theih loh phah a. A thian thaber lusun hnem a lo ngai ve bawk si a. Ngurpuii thih na vang hian Josepha hian mu leh mal reng reng a nei thei tlat lo atin ni, he tiang tak hian an inkar ah hian inngainatna alo piang hman ang tih rin ngaihna pawh ka hre lo.








Leh lamah home lamah mihring kan pun belh ve zel a, he tiang tak a hun harsa hian min lo hmuak ang tih hi ka hre lawk bik hauh silo a, mihring remruat na hi chuan, sa remruatna pawh a lo tluk lo tih chu a tak ngei in kan tawng chho mek zel chu anih hi. Ngurpuii khan Rabboni home a rawngbawl hna thawh hi a chak ve em em a, mahse a thil chak leh duhthusam te chu a tham ral ta vek si a. Alpha Lalremruata Ngurpuii fapa thihsan tak tan chuan nu tha ber ka nih a lo ngai ta miau sia, nau la hring miah lo in nausen ka pawm chu a tirah chuan ka khawr ve ngang mai, nu thihsan a nih vang nge ni a tlei em em mai te chu thil mak tak ani. A nu ai awh in Alpha hi hmangaih na nen ka enkawl anga, a nu in a fapa tan tihsak a duh zawng zawng te kha kei hian tih sak a pek vek ka duh ani.








Doctor-in karhnih hnuah naute chu entir tur in rawn kal pui leh rawh u a tih vang chuan, Rinhlu-an tukthuan eikham ah min rawn lam a, kan inah ka nu kan sawm phei nghal a. Kanu in Alpha chu doctor check-up tir tur in a pawm ve ran a. Doctor hmutur a a luhpui hnu chuan Rinhlua a nen chuan, pawn lamah hawi khaw thawn phah in kan lo nghak a.












"Zorini kha ini tiaw? Ka mitvai zawk nge? Kan hma zawn a nui vur vur pa ka hmuh vang chuan ka lo meng phar awk a. "Ms nang maw? Kan va ihmu khat ve a?, doctor hial ilo ni tawh ani maw? Ka tih chuan a rawn nui hawk hawk a. "Zorin ka zawn nasat zia che hi ihria em? Inumber min pek kha adik lo emni tinge ka biak tlang theih miah loh che a? Number diklo min lo pe reng ani maw? Ti a min rawn chhuah chhal chuan ka lu ka lo thing vat a.







"Ka number diktak a lawm ka pek che, ka phone kha ka ti bo daih a" ka lo ti vat a. Msa chuan "Zorin Khawbung a kan zin tumin rawn zawn chhuah che ka tum a, ipa pension tawh thu min lo hrilh a, ichanchin tlem azawng kalo hre ve nelnual bawk a" a rawn tih chuan "A chhe lam nge atha lam? Ka lo ti vat a. "A chhelam mawle, mahse tun a ilandan hi chuan chanchin diklo ka hria ni in ka hria" nui kur kur chung chuan a rawn ti a. "A dik a lawm, thil reng reng hi a landan a teh ngawt chi anilo a, dawt phen ah hian thudik hi a lo in phum ru ve reng thei tih hi hriat a tha" ka lo ti vat a.







"Zorin duty ka ngai sia, inkawmna hun thawl deuh neih a chakawm khawp mai, pasal te ilo nei tawh em? a tih chuan "ka la nei lo chu anih hi" ka lo ti sap a, "in inlam ah te rawn len ve ka duh dawn sia, iPhone number min lo pe mai la ka rawn bia ang che" a rawn tih chuan Rinhlua chu a rawn khuh khurh khurh a. A hmel ka va en chuan a hmai chu a lo sen vek thei. Hun tam liam hnuah msa nen Kan in hmu leh nawlha kan lo phul vel hlut a Rinhlu-an a thik ang tih rin ngaihna reng reng ka lo hre miah lo.






A kut chu a cotton kekawr ip ah chuan zenlut in rum zet hian min rawn melh a, engmah sawi lo chuan a kalsawn zui nghal daih a. Ms-an "Zorin inumber chu? Nui sang chung a min rawn dil leh chuan han pek phal loh ngawt lah a chi bawk silo, leh lamah Rinhlua a lo thinrim deuh reuh bawk si. Phur lo zet chuan a kut a aphone ken chu ka ban tham tham a, kan piah lawk a tang chuan Rinhlua chuan min lo en reng chu ka va melh zawk a... Ka number ka type dawn chiah tih ah chuan kanu in "Mambawih rawn kal lawk teh, doctor nangman ihmuh angai? A rawn tih tak hlauh vang chuan ka lo thaw huai thei.





"Ahhh, ms min hrethiam rih mai teh, ka kal nghal a ngai tlat mai, hetah ithawk tih ka hre tawh tho bawk a nidang ah kan inhmu leh mai dawn ania" tih pah chuan a phone chu a kutah chuan ka hmeh bel nawk nawk a ka tlansan ta vat a. Rinhlua pawh chuan min rawn zui ve nghal vut a, engmah sawi chhuak lo mahse a chal a thisenzam a lan nasat danah a thinrim viau tih ka hre ve kar bawk si, ka awm a nuam lo ngang mai...cont