PASTOR FANU BY Ramdinsangi_Ralte (Completed)

Ngaia
Site Admin
Posts: 25813
Joined: April 30th, 2016, 4:07 pm

PASTOR FANU BY Ramdinsangi_Ralte (Completed)

Unread post by Ngaia » October 24th, 2021, 3:57 pm

29th2ya3.jpg
Khawpui daifem a Concrete Building awng rawp tawh tak ah chuan mi sawm nga rualzet chu engmah engto neilem lo chuan kan lam mup mup a, music ring leh tangtha tak avang chuan pawn lam a thlipui tleh mek chu ngaihven hmel pu chu sawi loh thlipui nasa tak a tleh mek tih hre awm ang pawh tumah an awm lo, music rem chuan anlam bu nghawng nghawng ani ber mai.







Ka thiannu Rinzami chu bangkil lamah chuan a taksa a ruihhlo hnathawh vang chuan a thu zawi ngiai a, tumah rawn ngaihsak hmel pu pawh an awm chuang hlei lo a. Thawchhuak halh chung chuan Rinzami rui chat thla mek buaipui tur chuan midang lam zi huai huai karah chuan ka in rawlh phei nawk nawk a.










"Ka thian harhteh, helai hmunah hian kan pahnih chiah a riah leh hi kaduh tawh miah lo ania aw, intihharh tum hram hram rawh tinge i dose hi ihriat thin miah loh le" Rinzami sawi deuh nawk nawk pah chuan ka hauzui hlak hlak a.







Rinzami tihharh tum a ka beih mek lai chuan ka jacket ip chhung a ka phone ah chu arawn nghawr dar dar a, ka ban dinglam chuan Rinzami ka kuah bawksi a rem lo zet chuan ka phone chu ka phawrh chhuak thei hram a, min rawn call tu ka hmuh rual chuan ka thinlung chhung hi ananghal rawih rawih thei, rilru tawt ru teuh chuan ka thawchhuak hawk a.







Ka aw chu ka han thian leh te te a. "Nu enge ni a tunang hun ah te min rawn call leh tak a? tunang hunah chuan muhil daih tawh tur inia sin" kalo ti nghal tawng a.






Leh lam atang chuan "Bawihte ka fanu khawnge i awm? thlipui a tleh nasa sia engtin nge ka muthilh theih teh lul ang ni? Bawihte khawihmunah nge i awm tih pawh ka hriat loh laiin inu hi tuitaka kalo muthilh theih chu iring reng reng ami? lo haw tawh rawh ipa nen kan lo nghakreng che ania " tap aw tiau chuan ka nu chuan a rawn ti khur dar dar a.






Ka nu keimah vanga atah hian ka chhungril hi ana ngut ngut thin, tunah pawh keimah vangin atap leh mek tih ka hriatna chuan minti hah hluah hluah, kanu hnenah hian eng thu nge kasawi leh tak ang? ka thiante nen daipawn ah kan party ka tidawn ami? Tuna kan awmdan hi rawn hmungatse chuan rilru nat vangin athi thei hial ta ve ang chu, sawi maitur ka hriat loh vang chuan ka ngawi vang vang a.







"Bawihte tinge engmah isawi loh a katawng ihrethei em? Ipa nen hian nangmah ngaihtuah vangin awmngaihna pawh kan hretawhlo a nih hi" kanu tawng mawlh mawlh lai chuan ring lutuk hian trek arawn tla ri dur a current pawh chu chawp leh chilh in a thimzui nghal hmuk a, kan thiante ho pawh chu anlo au ri teng tung a, kanu aw pawh ka hretha hleithei tawh lo.






"Nu ka tha alawm min ngaihtuah suh u, ka in enkawl thei ania tui deuh khan mut itum dawn ania kalo haw tep tawh minlo nghaklo khan muhil tawh rawh, trek atla nasa si a inbiak rengna hun pawh anih loh hi ka dah a nia" tih leh phone off chu ka rual a.








Tun a ka nun hman mek dan hian ka chhungte rilru a ti mangang in ka tina lutuk tih ka hria, ka nungchang bawlhhlawh tak hi pastor fanu nundan tur ani hauh lo, mahse kir leh thei kani tawh lo ka thil tihmek ah hian ka chiang tawk a, ka hlimna tur leh kan chhungkaw hlimna ringawt ngaihtuah thei ka nilo.








Current lah arawn eng leh mai bawk silo a kan hun hman nuamzet pawh arawn ti khawbo zo vek, thim tham karah chuan kanla chiar nuaih nuaih a, êng ber a awmtak miau loh vang chuan kan party nuamzet pawh chu trek tla chuan a rawn titawp ve ani ta der a.







Kan thian te ho pawh chu tlem a Thli leh ruah a han deuh hnu chuan an mahni inlam pan turin an in khalh chhuak leh sap sap tawh a, keini thiandun erawh Rinzami a harh theih miau loh avang chuan chu inlianpui thimdeuh khup chhungah chuan kan awmdun tlawk tlawk a.






Zandang zawng aiin thli leh ruah a haw vang nge ni khua chu a thimchhah mep mep kher mai, ka phone flashlight chu ti eng in ka thian nu chatthla chu ka kuah chial a. A hmel chu ngun tak in ka thlir vang vang a, a hmeltha thlawt tih bak sawi tur kahre hlawl lo, mi hausa fanu mal a ni a duh duh neithei anih lai hian engtia hetia ruihhlo bawih a tang ve ta mai hi nge anih kala hrebik hauh lo.






Kan vawikhat inhmuhna atang khan ka thinglung chhung atang hian he hmeichhia hi ka hnaih a ngai tih ka hrethei a. Vawihnih kan in hmuhna ah chuan thian inpawh tak kan ni nghal rêng bawk a, nitin zantin rui chungin kan inzui chawt a, party leh ruihtur awmna hmun ah chuan tellohna kan nei lo ang tihtur khawp ani, harhfim a khawvel hma chhawn hi Rinzami hian aduhlo ni berin ka hria.







Mihausa fanu mal anibawk a sum leh pai ah engmah buaina a neingailo a. A sum eisak duh vang hrim hrim pawh in thian a ngah hle reng a, kan inzui tak chinah hian athian dang te chu zawi zawi in athlah ta vek a kan pahnih chiah hian kan inzui deuh chawt tawh ani ber mai.







Chutia ngawi reng a Rinzami harh hun nghak a ka rilru kalo kawm melh melh lai chuan. A phone chu a rawn ri ral ral a, a chhungte bak annih karin loh vang chuan ka lo chhansak duhting lo a, mahse a rawn rik nawn taksek ah chuan a bag chhung a a phone chu hman hmawh lemlo tak chuan ka la chhuak a. Big bro tih hian a lo call lek chu ni in.




Unaupa aneih kahre bawk silo a tunge big bro chu nita ang aw?. Ka rilru chuan thil ngaihtuah kual chiam chiam lo khan chhangvat mai teh atu apawh chu lo nise itan engmah awmzia a awm lo ti chuan ka inhau mawlh mawlh a.





Phone ka pick rual chuan chang belbawl hian hello pawh lo ti mawihnai duh lo chuan.

"Tunge inih? kalo ti nghal tawng a.


Lehlam atang chuan mipa aw thum chhuk hian "Tunge inih zawk a engvang a Rinzami phone kha lo chhang ve ngawt nge inih zawk? a phone iruksak ami? a rawn ti hriam hrawk a.





Ru maw? Kei hi tunge a nih pawh ka hriat loh in rukru ah minrawn puh ve ringawt anih chu, ka thinrim ngang mai, sualhle mah ila tu thilmah kala ruksak ngai lo, enga mahma a thilru a minrawn puh ve ringawt chu ka lawmlo hul hual...vawt katih avang chuan dawh theihna ka neitlem in ka thinchhe hlur tawh a, khawvat in min hmet khawng lo choh tawh a, ka taksa alo khur nasa vei bawk nen thinrim vangin kalo insehruh teuh a.







Chimawm lutuka nuilui hawr hawr chung chuan "Pu-a he phone hi ka ruk anih vangin ka dah mai ang rawn call buai duh tawh suh aw, nangni ang mifel biak nan hun ka neilo thildang ruk tur ka zawng leh mek anih hi" tih leh phone chu off ka rual nghal a.







Mai mai chuan le, a farnu ka ngaihtuah vang hian khawpui daifem rehzetah keimah chiah in khawvawt karah ka thu a, lawm a hnek a rukru a te minla rawn puh ngam phiangsen chu le, thinrim zet chuan ka hmelhriat pawh ni hleilo thlarau chu kahau mawlh mawlh reng a.






Minute tam pawh aliam leh hma chuan chu pa bawk chuan a rawn call leh a ka pickup duh tawh thak lo, a duh chen chen rawn call sela ka luhlulzia hi han hre ve reng reng tehse, phone lam ngaihven duh tawh lo chuan thildang ka ngaihtuah ta daih a, khawvawt chuan min hmetkhawng lo choh tawh chu ani thawtanga, current lah chu a rawn eng har em em mai leh nghal a, Rinzami lah chuan min chahthlaksan nasa mai bawksi he tiang ringawt hi chuan scooty ah ka phur thei dawn bawk silo, a lo harh hun lo nghah tawp bak chu tihtheih dang engmah ka nei miau silo a.







Luhlul ka inti ve hle kha ania, chu mihring chu kei ai pawh hian alo luhlul anihhmel khawp mai, chawl miah lo chuan a la rawn call chhun zawm char char anih chu ka phone sana chu ka melh zawk a, zinglam darkhat a lo ri vang tawh a ka thian nu lah chu alaharh mai hmel bawk silo a phurlo fahran chuan a phone chu ka ban leh ta thum thum a.





Ka tawng ve hma hauh chuan "khawnge inawm? Ibulah khan Rinzami a awm ti raw? a rawn ti vin nghal hmuk hmuk a.





Ka thinrim lutuk chu phone chu ka off leh tep ani, tinge tupawh mai hian min enhniam in minsawi sep sep reng bik a? tumah hian hawihhawm tak hian min bengai reng reng lo, hepa pawh hian midang te ang tho in tawngkam tha a minbiak atum hauh lo min rawn vin vak vak ringawt a.






Nidang chu nise phone chu ka off tawh chiang viau ang chu, tun dinhmun ah chuan ka thinrimna dahtha in hepa min hmusit em em tu hi thatak a kan awmna hmun ka hrilh mai chu thil thaber tur ani rih tlat.







Ka ngawih deuh reng vang chuan dawhtheilo hmel zet hian "I beng a ngawng ami? Khawiah nge in awm? a rawn ti leh hmuk hmuk a, ka thinrim lutuk chu ka mit kalo chhingsawk thei, ka hnial zel chuan hun a kal liamzel bawk sia kan inlam ka ngaihtuah a ka chhungten min lo ngaihtuah danturzia ka hre ve kur bawk si a, tha tak chuan kan awmna hmun chu kalo hrilh ta nge nge a.







Leh lam a tang chuan thaw ri hawk chu ka hrezui a. "Enge khalai hmun daih daih ah chuan inva tih a? a rawn ti thum leh chhur chhur a, ka thin chuan a tuar ta thlawt lo.







"I farnu hi ingaihtuah ve tak tak anih chuan khatia tawng duah lo khan rawn hruai maila, keini misual tan kha khawpui chhungah khan hmun a awm lo helai daifem hi keini ang tan chuan hlim leh thlamuang tak a kan tualchai vetheihna hmun anih hi" kati veta phiar phiar a, engmah sawi tawh lo chuan phone chu ala off daihzui a.







Hreptak chuan, engang mihring ngemaw anih chiah le? khatiang khawp a min thamlo tu kha ka haw hluah hluah a, a nau hi ka hawsan zawk dawn nge kati rum rum thei.






Mi chapo pa ka biak a talang ah ka phone ri pawh kalo hre reng reng hleinem kanu missed call a lo awm leh nual tawh a, mahse ka call let duh teuh lo mai athu rawnsawi tur chu kahre lawksa vek tho a, in ka thlen hunah hauh chu ka tuar leh mai aniang chu, hmeichhe tan chuan tunang hun thleng thleng a zan khawtairek a vahchhuah chu a him hlawl lo tih pawh ka hria Ka chhungte dinhmun hreawm tak a ka awmtir ta mai hi hreawm kati ve reng mai.







Rinzami phone a rawnrik leh takah ah chuan kha misualpa kha a rawnthleng tawh tih ka hrethiam mai a.





"In chhung ah hian rawn lut nghal mai rawh" tih leh phone off ka rual a, ka phone eng in a chhun chin bak chu a thimkhup a, kan lampan a ke pen ri koh koh pawh chu hremah ila athim em avang chuan ahmel ka hmuthei lo, min tawngkhum dan ah ka lungawi loh em avang chuan a ke pen ri te chuan minti thinrim zual sauh nimai hian ka hria..!






Rinzami Ka malchung a chatthla mek bengbul ah chuan kun hniam in. "Hei thiani i unaupa in a rawn hruai dawn che a nia" ka ti sap a, ke pen ri chu a rawn hnaizel a ngaihsak lo ang tak chuan ka awmlui ve tlat a, min thamlo lutuk leh rukru a minrawn puh vang hrim hrim pawh khan ka thin ati rimsa tawh, lo ngaihsak anga lan katum bau lo.







Kan hmazawn ah tak chuan arawn dingluah a, mahse a hmel pawh chu ka en peih lo, engmah sawi lo chuan a hnar phit deuh dut dut a, inchhung chu zurim hlir in a khat miau a, chhuat ah te chuan in Chiu na a thal rem rum bawk a.






A mah kalo ngaihsak loh vang chuan a aw chu ring fahran chuan a rawn thianlui kher a, chutah zet chuan mi chapo pa chu ka en veta nge nge a. Ka hmuh sual anih ring in a hmel chu ka en nawn leh ngat a amah ngei kha ani, kum nga kalta a ka thinlung min ruksaktu ka theihnghilh theih miah loh kha.




A laka kalo thinrim ve na zawng zawng te chu thawk leh khat ah zamna chuan in a rawn thlak nghal vek, ka lungphu rang ta lutuk chu a thlawk chhuak lo choh ani.






A nau ka malchung a chatthla mek chu a en deuh vang vang phawt a. A hmelah chuan hmangaihna leh lainatna hlir chu ka hmu a, chutah rum mangkheng chuan minrawn melh ve leh a, Rinzami a endan leh kei min endan chu dang tak ani.







Ani nen hian vawikhat chiah kan inhmu a, mahse a hmel hi ka theihnghilh ngailo hrim hrim a hmel that dan chu alangai reng a, tlem in alo lang upa ve ta deuh tih mai choh ani.






jeans kekawr pawl fit thazet a ha a boot dum a bun bawk a, jacket buang ha in ahnuai ah T-shirt var thianghlim sar a hak te chu ka lo hmukim leh hman vek. A mah ka hmuh hmasak ber tum khan boxer nen chiah a awm anih kha, ataksa nalh lutuk kha a silhfen hak hian a khuhbo zo chuang lo.





A landan ah chuan hepa hian min hreve tawh hauh lo niin alang, kei chuan kan intawn dan maksak lutuk te kha chhete mah hmaih neilo in kala hrekim vek.






He tiang khawp a mipa hmeltha hi tinge a sual em em le?, nelawmna pakhat mah neilo hian min melh ngur a, min hmusit hluah hluah nimai hian ka hria.






"Khawnge midang? enge hetah hian in pahnih chiah hian intih a? ka nau chungah hian engthil nge itih? Zawhna hlir he mihring han sualdan em em hi, engtin nge hepa hi kalo atchilh reng theih zawk le? vawikhat ka hmuhna atang khan ka duh hlum lo choh a, a hriat miah lohin a tan kalo rinawm ve char char a, tunah kan inhmu leh a tawngkam chhe tak tak in minpuh reng chu ani si a.






Ka zamzia chu ka thup ve hram hram a, hepa lak ah hian ka lungphu adanglam tih leh ka zamzia tihlan hi kaduh miah lo, ka huaisenna zawng zawng sawm khawm in rumzet chuan a mit ah tak chuan ka melh let ve kal a, kan inbiak dan in a zir tawh lo a tun ataka alo biakthat leh vel chu a tulna pawh ka hre hran tawh lo.







Aw khur dar dar chung chuan "khatiang khan min tawngkhum reng reng suh aw, ifarnu hi ngaihtuah lo ila chuan heti lai khawvawtzet kar ah hian awmlo in ka khum lumnuam takah ka muhil siai siai tawh ngei ang chu, lawmna chang hrelo lutuk mihring hi ka ngaina ngailo, midang te hnuaichhiah hrat ngat phei hi chu ka ngaisang lo leh zual" ka tihkhum ve hmarh hmarh a.






Ngeiawm lutuk a nuihawk chung chuan..."Tun a ithil sawi zawh tak chiah kha ka chanchin isawi tihna emni? Enteh naui hmeichhe rui kual mai mai ngaihsan hi ka mamawh lem lo, nangni ang ngaihsan nih hi ka chak therte lo bawk. Ka nau ilo buaipui vang erawh chuan lawmthu ka thinlung takin ka hrilh a che" tih pah chuan ka mal chung a mu mek Rinzami chu zozet hian a pawm kang nawlh a, kamkhat mah a min be tawh lem lo chuan inher in a kalpui nghal thauh thauh a.







"Misualpa he tah hian keimah chiah a min hnutchhuah itum ami? Minlo nghakve ta che" inchhung khawk rum rum khawp a ring chuan ka auzui nghek a, chhete pawh in a ke pen a danglam phah eih lo hrim hrim...helai ramhnuai thim lutuk a mahni a awm te chu ka ngambik reng reng lo, min lo nghak rawh ka tih lawm lawm pawh in bengchhet biak ang mai in min kalsan lui tho anih chu.








Darkar tamtak chhung Rinzami ka mal chunga a mutna vang chuan ka ke chu a mu nasa lutuk a thawh a kal ve mai ka tum chu ka duh angin kakal tha thei hauh lo, ka ke mu nasa lutuk vang chuan ka mittui a hnam sawk thei, engtin nge khapa kha a nunrawn theih em em le?, hmeichhia ka ni a helai hmun ah hian keimah in min kalsan a hreh miah lo a nia.






Thei leh thei lo chuan pawnlam pan chuan ka paiphei nawk nawk a, a thim bawksi nen ka hlau ve takzet, ramnung hram ri chiah chiah tih loh chu thawmdang engmah hriattur a awm miahlo bawk. Rinzami chatthla nen a kan awm chhung zawng kha chuan ka hlau der silo a keimah chiah a hnutchhiah in ka awm tih ka hriat chiah khan hlauhna in ka khat nghal vek.







Harsa zet chuan inchhung chu ka chhuah san a, ka tah hi a chhuak ngawih ngawih, mahni in khawngaihna hlir chuan ka khat tawh a.






"Zorinsang he tiang thil mai mai vang hian tinge itah? hei aia nasa hi ila hmachhawn fo angai dawn a sin" ti chuan ka in hau leh mawlh mawlh a, pawn ka thlen chuan a lo tlan chhuak daih tawh a, an mawngphe pawh ka hmu hman lo hrim hrim, kha mihring khan thinglung pawh a nei velo anih ka ring hial, a farnu vang in helai hmun reh tak ah hian kalo awm a mahse a ni chuan ka laka lawm ahnek in min kalsan hmak thei ania mi mak tak ani.







Hman hmawh bakleng chuan kan inlam pan chuan ka in khalh haw ve par par a, kan inbul ka thlen dawn chuan ka chhungte tihharh ka hlauh vang chuan ka scooty chu ti thi in a nawr chuan ka nawr a, thawm dimtak chuan inchhung ah chuan ka lut tham tham a, kanu leh pa ka tihharh vaih chuan thutha min fah leh teuh mai bak ah reitawk ka lu chunga kut nghatin min tawngtai leh ngei dawn a, tun dinhmun ah chuan khang zawng zawng ngaithla leh tur chuan ka chau mah mah tawh a ni, ka mipa duh ruk ngawih ngawih nen kan in hmachhawn a kan thu a la in batsual viau vei bawk nen.







"Ka him hram e" ti sep chung chuan nui var var chuan ka roomah kalut chu. "Awi Lalpa" ka thil hmuh vang chuan ka ti chhuak thawt a, kanu leh pa chu ka room ah minlo nghak in an lola thu reng chu niin, ka lawmna te chu chawp leh chilh in a bo nghal riai riai a, sawitur reng reng ka hrehlawl lo, zurim ka nam nasa bawk si kanu chuan ngawi reng hian min en tlawk tlawk a, a mit chu a sen ram a atap nasa thawkhat tih ka hremai.







Ka pa chuan vin zet hian "Zorinsang khawiah nge ikal a?, ila rawn rui hawzui a nangmah vang hian mi hmel eng pawh kan hmutha ngam tawh hleinem, enge itan hian tihsak loh che kan neih? I lung tih awilohna kan neih chuan min hrilh la kan in siam tha ang. Bawihte ipa hian ka ngen a che hetiang hi chuan khawngaih in awm tawh teh suh" ti chung chuan ka pa chu ka hma ah chhan a rawn thingthi hnawk a, ka pa meuh pawh ka awmdan zahpui awm tak vang chuan ka mithmuh ah ngei amittui atla ve ta chu ani sia.








Kanu leh pa te mittui tla lai hmuh tluk a hreawm tih hi ka neilo, an fanu hian anlak ah thuruk liantham tak ka nei tih hi hrilh vek mai chu ka duh rum rum a, mahse engmah ka sawi chhuak thei lo tun a ka thiltih mek hi min pawmpui dawn hauh silo a.








Rilru ipik luat vang chuan boruak kham lo ang mai chuan ka thaw kawk kawk a, kanu chuan "Thiana imu phawt teh ang u naktuk ah kan sawi tha leh dawn ania ifanu hi thutha hrilh tlak pawh anih rih loh hi zurui hnena thutha hrilh tum chu vawk hnen a lunghlu tlang pek tum anglek choh ani, a harhfim hun ah kan ti ti pui mai a finthlak zawk in ka ring" a rawn tih chuan kalo thaw huai thei.








Ka mut chhuak zawng zawng te chu vawmbo ang mai chuan a reh hmak a, ka khumah chuan ka in let kualsek a.





Engtin nge kha tiang thil kha ka tawn theih zawk? darkar reilo te liamta a ka mipa hmachhawn kha kum nga liam ta a ka rilru atang a ka dah bo theih miah loh mihring ngei kha ani, khatiang teh hrep a ka tawn leh kha ka lo beisei ngai hauh lo asin le! Tun ah chuan eng tiang a nepin nge min ngaih ang a tawngkam tin mai ah kha min ngaihnep zia lah kha a ti lang chiang nasa mai si a, ka thin te chu a rim leh rum rum a.








Tunge anih a khawi ah nge a chen tih pawh ka hriat loh leh a hming tak ngial pawh ka hriat loh vawikhat ka hmuhna a ka thinglung min neihsak tu mipa, hmuh leh beisei a ka lo zawn ruk ruai thin ngei kha ka hmu a, mahse ka hlim hlawl lo! A ni kha chuan hmeichhe ho leh ruih hlo ngai a vak vel mai mai thilruk hmang ang lek ah min ngai miau bawk si a...cont






Note....ka mit a fiah tawh lo a,ka edit uluk viau pawh in diklo a lo awm zel mai. ka mit thip lutuk vang hian ka type sei thei lo a, mahse ka regu em em thung ang.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:57 pm

Ka hming chu Zorinsangi ani a, ka pa hi pastor ni in kan unau hi pali kan ni a. Unau zingah naupang ber leh hmeichhe awmchhun ka ni bawk a, kan upa ber Zohminglian chu doctor ni in a dang pahnih Lalruatfela leh Zothanmawia (tetea) te erawh chu ka pa hnung zui in pastor an ni ve ve ti ila, min chhang tu chiah u Tetea erawh hi chu pro pastor a la ni mek thung.








Ka pa pastor a nih vang hian hmun hrang hrang ah kan in sawn kual reng a ngai thin a, college kan kal tak chinah erawh chuan aizawl a kan inpui
Bawngkawn ah kanu leh pa te tel lo in kan unau li chuan kan khawsa ve ta nawk nawk a, ka u te pahnih pastor an nih tak chinah erawh chuan kan upa ber nen chauh chuan kan in ah chuan kan khawsa ve ta rak rak a.







Lehlam kawngzawng a ngaihtuah chuan a khawhar thlak duh thin ngei mai, rawngbawlna vangin chhungkua pawh kan cheng ho thei silo a.. u Zohminga hi synod hospital durtlang ah a thawk a, kei erawh J-Thankima college ah BA ka zir ve mek thung a.








Ka unau te ang lo tak in nihtum em em ka nei hran lo a, kanu ang a pasal tha tak neih a inchhung khur a fanau te tha tak a enkawl chu ka duhthusam ber ani.






Zanriah tur rawngbawl a ka pharbuai mek lai chuan ka phone rawn ri ring lutuk chuan min ti phu deuh zawk a, ka phone hi silent a dah ka hrat a pawimawh a minbiak anduh changin call ka chhan mai thin loh vang hian ka chhungten min hauh phah nasa thin hle a, U Zohming-an volume full in a lo dah tih ka hriat vang chuan ka nui deuh vur vur a.







Ka pa rawngbawlna hmun kan khua ti tawh mai ang khawbung yma predent pa mawia lek alo ni a, a ni teh daih in minrawn call chu thil thalo thleng a awm ta em ni aw ka ti rauh rauh a.






Zangkhai zet chuan... "Pamawi enge nita? nang meuhin min rawn biak ve teh mial a" nui har har pah chuan ka lo ti a, pamawia chuan "Zorin idamthaw maw? inu hnenah inumber ka dil a, a rawn be tawh che em? Ka rawn biak chhan zawk tak che chu kar leh khian Champhai sub-Hqrs yma conference khuangthing ah kan hmang dawn a, thisen pe tha chawimawina neih tur zingah khan itel ve a, inu khan tunkar ah exam an zo dawn a ti a irawn haw ngei ngei kan lo beisei dawn ania" a rawn tih chuan.







"Awi itimak e chutiang chawimawina dawn beisei a thisen pe pawh ka ni hlei nem, a mamawh tak tak te hman theih tur a thisen ka pe thei hi kalo lawm tawk viau a sin". nui vak vak chung chuan ka lo ti a.






Pa Mawia chuan " Zorin chutiang zawng in ka sawi lo thalai tamtak thisen pek kawng a la thang harh lo te en tawn atan leh midangte nunna chhan nan thisen pek hi atul tih hi thalai ten anhriat thar theih nan he thil hi rawt kan ni a, kan group huam chhungah phei chuan thisen pe tam ber i nia rawn haw ngei ngei ang che" a rawn ti leh bawrh bawrh a.





Tha tak chuan "Ani ngawt tak asin, kan thisen pek ringa lanung ve tawk tawk hi mi tamtak an awm mek asin, exam zawh hi chuan rawn haw ka lo tum lawk sa hrim hrim a khua a kan awm te chuan conference ah te chuan kan kal ve a ngai ang chu" ka ti ve ta nge nge a.







Thisen pek hi ka ngai pawimawh in damlo mamawh tak tak hmantur a ka thisen ka pe thei hi ka lawm in nuam ka ti hle thin a, taksa hrisel dan te alo inchen lo a, mi tamtak thisen pek duh ngawih ngawih antaksa fit that tawk loh vang a thisen pe theilo an awm laiin, thalai hrisel tha tak thisen pek kawnga thangharh thei miah lo tamtak an awm ve mek bawk a, thisen vawikhat kan pek hian mi nunna kan pawtsei in midangtan malsawmna tamtak athlen thei tih hi kan hriat apawimawh. Ka pa leh ka unaute angin rawngbawlin penchhuak ve lemlo mah ila, a mamawh te hman theih tur a thisen pek hi ka rawngbawlna ah ngai in atheih hram chuan thlathum danah thisen ka pe ziah thin a. U Zohminga pawh hian min chhuang ve hle thin.







Kan exam zawh tuk chuan kanu in ka thil hawn tur ho leitur min chah hnem em avang chuan nileng thakin ka bazar a, conference a ka hak tur kanu thian nu designer thiam lutuk in ka pian mil thlap tur in puan chei nen a a mix kawrfual nalh dangdai tak a min thuisak chu ka lamkual nghal bawk a, andawr a mi tho ka kawrthar nen a in miltur pheikhawk min thlansak chu ka lei tel nghal bawk a.






Tlaiah chuan ka bungraw lei tam lutuk nen chuan chau zetin kan inlam ah taxi hmang chuan ka haw ve thei ta hram a, uzohminga a rawn haw chuan ka thil lei chu tam a ti deuh aniang "Mate khawbung ah chuan dawr han hawn itum ta ami? ti a minfiam chung chuan min nuih tiah tiah a.






Tum bar bar chung chuan " President in leitur a min rawn chah vek anih hi, u heng thil ka khai kual na ah hian ka chawn te a ping zo vek tawh zanin tlai chu zanriah tur rawng minbawl chhawk tal la" pang chang fe a ka tih chuan ka u chu alo nui hawk hawk a.



"Khawimaw ichawn chu a ping nasa viau em? tih pah chuan ka chawn chu rawn en a tum a..." U i sual emai aw" tih pah chuan kalo tlan chhe ve nghal a kan unau chuan thlan tla phung in kan han in umkawi leh ang te te phawt a.







Thaw hluam hlaum chung chuan. "ka naute hi ichau bawk sia rawngbawl a idin leh lek phei chuan ichawn a ping nasa leh zual emaw te ani dawn sia chuvang chuan zanriah tur chu keiman ka bawl mai aniang chu" a tih chuan hlim zet hian "ka u hi khawvel ah ifel ber" tih pah chuan a hnung ah chuan ka va uai nawlh a.





U zohminga hnungzang hlai hlup ah chuan ka in ham tang tai a, min virkual pui chiam a, nui var var chung chuan "U irawng bawl chhung in kalo han intifai ange ka thuamhnaw hawn tur siam a ngai dawn bawk sia" ti in ka room lamah ka luh san ta vat a.






Nileng a sumo a kan tlan hnu ah zan dar sarih velah khawbung chu kan thleng ve ta hram a, motor ka chuang fuh lo a ka rui nasa em em zui leh nghal a hreawm tak hi ani ringawt.






Kanu leh pa te chuan min lo ngai ngang mai, an rawngbawl hna vang hian anfa te pawh min awplum hman ta meuh silo a, kan hmahun atan zirna kawngah khawpui lam kan pan lothei bik silo a, chhungkua pawh awm ho hleithei lo in nu leh pa awplum na hnuai ah pawh awm theilo in kan unau za in kan tal ve nawk nawk a. Pathian khawngaihna azar ah tumah nu leh pa ti hminghliau zawnga khawsa kan awm miah lo bawk, ka pa hi kumthar lam ah chuan a pension tawh dawn a chhungkua a chen ho hlan a nghah hlelh awm tawh khawp mai.







Khua a kan haw ve chang hi chuan khawtlang ah kan phak ang tawk in kan in hmang ve thin a, khawihmunah pawh awm ila, kan unau za hian kan mikhual lutuk ngai lem lo.







Ka haw zan chuan thian te ho pawh an rawn leng lut nak nak a, thisen pe tam chawimawi tur zing a ka tel ve chu min chhuan zia thu ansawi bang lo a, thisen pek theih loh ka hlauh thin em avang hian thla thum dan a thisen ka pek theih nan ka taksa ka in enkawl uluk a Pathian zar ah vawi 24 zet chu thisen ka lo pe ve reng tawh mai.






Conference hun tur pawh kan thleng ve ta der a, kan thian te chu zaipawl leh thil dang dang ah items an neih hlawm avang chuan riak tur in an kal vek tawh a.







Ka pa hian ktp tih loh yma conference vel a kal a remtih vak loh avang hian a hla lutuk lo bawk a lang in conference ah chuan kal mai ka rilruk a, kan thenawm nula Maremi leh a bialpa thurual pui tur an lo awm rem chang hlauh nen zanriah ei sa a kal chu kan rel thlu fel ta diam a.






Maremi te pahnih chu a thianpa bike in an in phur a nga, kei erawh chu ka pa in ka u te bullet a kawl chuan ka kal ve mai dawn thung a, hmeichhia e tilo hian ka unau te mipa hlir an nih vang hian bike hi ka lawm em em a, kanu hian min hauh phah fo thin a Ka pa erawh chuan "Nu-i mambawihi hi hau hau thinlo teh tunlai ah chuan hmeichhia hian mipa te ang tho in lirthei an khalh thiam vek tawh a lawm" ti in ka thlavang a lo hauh nghal vat zel.







Nidang aiin kal chhuak tur kan nih vangin tlai chaw kan ei hma a, conference a kal tur chuan ka in siam nghal mawlh mawlh a, ka in siam chhung zawng chuan kanu leh pa te chuan mi zing a awm in nunchang uluk tur in thu tha min lo hrilh pah mawlh mawlh bawk a, ka bag ah chuan ka kawr leh phei khawk leh makeup chu ka khung a, ka in peih chu a ni nghal der a.







Maremi te thiandun pawh an rawn thleng ve nghal bawk a, kanu in thingpui hang a lum leh te te a kan tum ai chuan kan chhuak tlai ta deuh a, ka pa bullet ka khalh chhuak chu Maremi te thian dun chuan ding meuh chuan min lo en vung vung a.







"Awi zorin bullet khalh kha i inhmeh lutuk tlat, kei chu scooty khalh tak ngial pawh ka thiam reng reng hlei nem" maremi chuan a lo ti chul a.






Ka tlan chhuak tur chu kanu chuan..."Bawihte fimkhur deuh khan tlan rawh aw" ti in min rawn au zui tak lawm lawm a.






Khuangthing kan thlen chuan a khua a thim vek tawh a pandal a kal tur ho kan tlan pel nuk nuk tawh a, maremi te pahnih chu lo nghak in "khawiah nge kan in thlak ang? ka lo ti thuai a.






Maremi chuan a thianpa Rinsanga ni te inlam ah inthlak antum thu a sawi chuan "ka rawn zui velo mai ang cheu aw, ka pa in upa muanpuia te inah zu in nghat rawh min ti deuh bur a alo phone lawk vek tawh bawk sia ka lan loh chuan an lo hrilh hai lutuk palh a nge" ka tih chuan "kan rei lo ang lo in siam la kan rawn sawm phei ang che" an ti a kan inthen chawpchilh nghal mai a.







Upa muanpuia te in a ka luh chuan. Min lo lawm thiam ngang mai, a nupui nu sangi phei chuan " "Zorin i va han hmeltha em em ve inu ichhun hle mai" a lo ti chul a.





"Ka in siam nghal mai dawn a sin tlai lutuk a kal chu a mawi lo" ti in ka pa bialfan a kan thlen tawh a vang chuan tlang nel tak chuan engmah sawi tawh lemlo chuan mikhual room ah chuan ka lut zui tharh a.






Ka inthlak hma in ka hmai chu Ka chei mawlh mawlh a, ka sam sei zet chu chhunlam ah Marem-in min roll sak a ka hmel a ti lang danglam khawp mai, sam han tih danglam vel hi ka pa hian a remti vak lo a. A ngil hian ka pu mawl tawp thin a Ka sam Ka roll chu nalh ka ti in ka lungawi ve khawp mai.






Room kawngka ka kalh thlap tho a ka kawr leh kekawr chu phelh in bra leh panty nen chauh chuan awm in, ka kawr hak tur chu lakchhuak in khumah chuan ka pharh diai a, ka khung naah tlem in a lo chuar deuh a nawh marna hunlah a awm tawh der si lo a, ka tawnmar vek tho a alang chuar em lo ang chu maw ka ti sep a.






Darthlalang hma a Ka in chei mawlh mawlh lai chuan bathroom kawngka chu a rawn ri rak a, ka beisei loh lutuk thil ka hmuh vang chuan chet mai nachang pawh hrelo chuan ka ding khawng reng ringawt.!!






Bathroom a tang chuan mipa lian zet hi boxer chauh ha chuan a rawn pen chhuak a, a dar ah chuan towel a bat bawk a, a taksa nalhzia chu pui tak a ni, a taksa chu a sawizawi ngun in a enkawl uluk hle tihka hre thei, ani ang reng a taksa nalh ka la hmu ngai lo hrim hrim..!






Ka u te ho hi mizo mipa ah chuan zahpuiawm lo tak vek an ni a, ka hma a mipa rawn ding lakah hi chuan nep tak an ni ringawt. A ni pawh chuan minrawn hmu thut chu a ding ve chawt a, a mitmeng pa lutuk leh a hnar ngul sang deuh vah te chu a inhmeh vel vek, mipa ah pawh a pa hluah hluah bik nimai hian ka hria. Minute reilo te chhung chu che sawn loin kan inmelh tlawk tlawk a.







A mitmeng pa lutuk in ka taksa hnuai lam a melh thlak chiah chuan kawr ka ha miah lo tih ka in hre ve chiah, ka zak lutuk chu inti bo thei ila chuan ka bo rang viau ang.






kawr Ka ha lo tih ka hriat chhuah rual chuan rang lutuk chuan khum chung a ka kawr dah chu la in..."Awi Lalpa ka duh theilo i awm tih ka hrelo a, khawngaih in bathroom ah khan lut leh vat rawh" ti in ka rak chul a, ka kawr chuan ka taksa hmalam chu ka inhliah ta ringawt a, ani pawh chu harh chhuak thut in rang mangkheng chuan a rawn chhuah na bathroom ah bawk chuan a pen lut leh a.







Ka zak lutuk chu ka thlan te chu a tla bat bat thei, hman hmawh lutuk chuan ka kawr chu ka in thawlh sawt sawt a, ka kawr Ka hak lai te chuan ka khur dar dar thei tun mai ah khan mipa chhelo lutuk hma ah kei hi saruak deuh thaw in ka awm tih ka ngaihtuahna vang ri ngawt pawh chuan zah na vang in ka khua a sik rum rum thei, phei khawk ka bun lai pawh chuan ka khurh nasat lutuk vang in ka bun tha hlei thei lo leh nghal a.





Hrep tak hian hetiang thil hi ka tawng ang tih mumang ah pawh kala mangpan chhin ngai reng reng lo, tu mipa mah hian ka taksa hi khatiang a chiang khan anla hmu ngai miah lo a sin le!...A van zahthlak chiang tak khapa khan hmeichhe hurherh deuh ah min ngai chiang viau ang.






Darthlalang hma ah chuan dingin ka in en leh thuak thuak a, khapa vang vek kha min ti confi lo zo vek ti in ka phun hlak a, hman hmawh fe chuan room chhuahsan tum chuan ka pen ta hlawk hlawk a, kawngka kalhna chu hawng in ka pen chhuak tur chiah chu ka thil ngaihtuahna vang chuan ka tawp chawt a, khapa kha ka chhuak tawh dawn tih ka hrilh reng reng hlei nem.






Chutia thil ti sual ang mai a engmah sawi lo a tlanchhiat tak daih chu a polite loh thlak ka tih vang chuan phur lo zet chuan bathroom kawngka lam chu ka pan leh ta zawk a, kawngka chu zawite a kik in "ka kal tawh dawn ilo chhuak thei tawh ang" ka ti tial ruan a.





Ka hmuh hreh em avang chuan, min rawn hmuh hma ngei a chu room chu chhuahsan hman tum chuan inher in ka pen nghal hlawk hlawk a, ka hnunglam a kawngka inhawng ri leh nui thum hak ri chu ka hrelo der hmak.







Sitting room ah chuan upa muanpuia te nupa leh patling panga vel chu an lo thu thap a, nu sangi chuan "Zorin i va han nalh em em ve ka hai thelh che a lawm" a lo ti nghal chul a.





Upa muanpuia chuan patling lo awm ve ho bulah chuan "kan pastor fanu a nih hi zanin ah thisen petha chawimawi tur zingah khan a tel ve dawn a a" lo ti ve suam suam a, midang ho pawh chuan "kan pastor chuan hetiang khawp a fanu hmeltha hi alo nei tih pawh kan lo hre ve reng reng hlei nem" ti chul chung chuan min han chibai leh ang lawp lawp a.





Ka rilru chuan room chhung a mipa lianpui lo awm kha a rawn chhuak ang tih ka lo hlau ru zek zek tawh, van neihthlak takin Maremi te thiandun an rawn thleng ta hlauh a...Anni pahnih erawh chu pastor bial khata awm anni bawk a anlo hretha ngang mai thu khawmuang tawh lo chuan kan tlai bik lutuk a nge tiin kal Ka rawt ta vat a.






Pandal kan thlen chuan anlo zai thup thup tawh a, Karin ai tak chuan mihring anlo tam leh nghal a, ka zam ru khawp mai chawimawi tur ho a hranpa in kan thutna tur anlo siam a vang chuan Maremi te nen kan thu tlang thei dawnlo vei nen, ka thil tawn teh nuaih vang chuan a ruk tak chuan ka phur lo ru ngawih ngawih.






Maremi chuan "Zorin inhmuh a har tawh dawn sia ban hunah upa muanpuia te inah khan minlo nghak mai dawn a nia a tawp thleng a awm ipeih loh pawh in kan in phone mai a nga" a tih chuan.






"A tawp te chu kan awm thleng ve ang chu, banhma a haw tih vel hi chu mipuitling lo zia a nia kan kal tawh ta sa sa laklawh deuh a haw chu a chi loh" ka tih chuan "nang hi chu aw, pastor fanu tih tak ah irilru a puitling teh zawng e, keipawh ingaihdan kha ka pawm zawng tak a ni" a lo ti nghal bawrh bawrh a.






Thusawi leh zaipawl zai enge maw zat kan ngaihthlak hnu ah chairman chuan "Tunah chuan thisen petha te chawimawina lam kan lo hawi dawn tawh anga, zanin a kan chawimawi tur te hi an chhuan awm takzet a, damlo harsa tak tak te hnenah tanpui na pawisa kan pe thei kher lo anithei e, zanin ah hian a mamawh tu te hnenah kan thisen hlutak hi kan pe thei ani tih hrethar leh theuh ila, thisen pek hi a hlauhawm loh a kan thisen pek vang hian mihring nunna tamtak kan chhan thei tih kan rilru ah vawng theuh ila, thisen la pe ve lo kan awm anih chuan pek ve theuh tum ila a tha awm e" a ti dap dap a.





Secretary chuan kan hming leh thisen pek zat te chu puang in pandal chhung chu kut beng ri hluah hluah chuan a khat vek a. Pandal chhungah awm mah ila ka rilru chu kha room chhung a mipa sexy lutuk bulah chiah khan a awm thung, engtin nge min ngaih ve ang le?. Kan in tawn dan teh tawp kha a hrilh hai thlak lam chu a nih kha, mipa ka thinlung khawih che dawt tu ka tawn vawikhatna ani a, engang mi nge anih a khawi a awm nge anih ve ang le? Pa muanpuia fa chu a nilo tih ka hria a, conference hmang tur a lo kal a nih ka ring ta ngawt a, tunah te hian helai pandal chhungah hian awm ve in minlo thlir ve reng mai thei ani.







Pandal chhungah a awm ve tur ang a ka suang tuah ringawt pawh chuan ka sa pup pup thei, ka bul a thu in minrawn biakna pawh chu ka lo hre miah lo chu niin, in thlahrung zet chuan..." ka rilru Ka lo kawm nasa lutuk a eng maw isawi kha? nui ver ver chung chuan ka ti sa sa a.





Nui suk suk chung chuan "I va ti ropui ve thisen ipe tam tawh khawp mai ila naupan hmel bawk si a, nang ni ang kumah chuan titha tak ini, khawiah nge in thlen a? Msa ka nia champhai venglai ah kan awm a, nang chu khawbung tiraw" a rawn ti sur sur a.





Tlangval hmelchhe zawk zawk chu a ni miah lo, nula lamah pawh a luck ve fe chu ka ring mahse darkar reilo te kalta a ka mipa tawn lak chuan nepte ani, tinge mipa chhelo ve deuh nen chuan ka lo khaikhin ziah hman le?.






"Tlaiah khan kan rawn kal choh a lawm, inlam ah kan buai ve bawk sia ban hunah kan haw leh nghal mai a ngaih hmel, riak in lo kal chu ni ila rawn leng la tha tur ania" ka tih chuan ka riak velo chu pawiti tak tak hmel hi a pu reuh a.







Banah chuan Maremi te nen chuan kan in hmulo chiang kher mai, msa chuan "Zorin ithlen in thleng kalo thlah ang che hmeichhia mahni chauh a awm chu a him lo zurui an tam bawk si" a tih chuan ka hnial buai duh lemlo. A thu sawi dik zia nemngheh nan kan bul a rawlthar rual chuan minlo chhaih zawm nghal zat a.





Msa chu "hawh kal vat ang" tih sep pah chuan ka pen pui nghal hlawk hlawk a. Pa muanpuia te in kan thlen chuan ka timdai a, khapa kha a lo thu kur ang tih ka hlau hluah hluah. Hmuh leh ka chak em em rual in ka hmu zak lawi bawk si.






Ms-an "kan thlen in bul lawk a nih hi" a rawn tih chuan hawihhawm tak chuan..."A van remchang ve rawn lut kawi ve zawk la ka inthlak zawh ah kan haw nghal mai angai dawn sia " ka tih chuan ihe lo chuan inchhung ah chuan kan in zui lut nghal a, ka mit chuan khapa kha ka zawng nghal ruai a a hmel ka hmuh mai tak loh vang chuan ka lunghnur rudeuh a, mahse kan in tawndan ka ngaihtuah let chuan ahmel hmuhtur a awmlo chu ka thaw ru huai lawi a.






Pa muanpuia te mikhual ho chu an rawn lut ve nak nak a, msa chu i van che rang bik ve ti in an rawn fiam nak nak a, a landan chuan champhai lam mi an nih ka ring ve tawp a inpawh taka an inbiak dan vel atang chuan.





Mikhual room ah khan ka inthlakna tur kha a awm vek bawk sia, room chhung ah khan a lo awm leh kur angem? tih chu ka rilru a thil awm lian ber ani. Engpawh nise inthlak tur a ka luh tho tho a ngai miau bawk si.





Msa chu "Tikhan lo thu rawh aw ka va inthlak ve lawk a nge" nuih ver ver chung chuan ka ti a, mikhual room lam ah chuan hreh ru zet chuan ka phei tham tham a.






Ka rilru chuan lo awm lo hram rawn tiin ka tawngtai mawlh mawlh a, dimzet chuan kawngka chu ka nam hawng riai riai a, thilru tur ang mai chuan lut mai lo chuan room chhung chu ka bih hmasa te te phawt a, thawhuai chung chuan a lo awm lo hlauh e tiin ka pen lut ta rawk rawk a.





Ka jeans kekawr chu bag a tang phawrh in ka kawrfual hak pawh phelh lo chuan ka ha nghal mawlh mawlh a, hawi zawk zawk chung chuan ka kawr chu hlip in ka half neck chu ka ha nghal sawt sawt a, jeans jacket chu a chungah ha leh in ka sneaker's chu ka bun nghal mawlh mawlh a, ka pheikhawk leh ka kawr chu bag ah chuan ka hnawh lut mawp mawp a chu room a tang chuan hman hmawh deuh in ka pen chhuak nghal vat a.






Hmuchak viau mah ila khapa hmulo a ka inthlak zo thei chu ka thaw huai thei.
Pa muanpuia chu bia in..."Pa muanpui atlai tawh sia ka thu khawmuang tawh lo mai ang kan dam a nga kanlo la zin leh em ang chu" ka ti mawihnai ve lem luam a.





"Fimkhur deuh khan kal rawh aw ipa ten anlo ngaihtuah leh tawh ngawt ang che inban hma deuhpawh khan minrawn bia a" pa muanpui-an a tih chuan ka nui sak a..."Ka pa te hi chu anti zahthlak thei e, naupangchhe chei hian minla chei a" nui rah rah chung chuan kati a.






Maremi te an rawn thleng tawh bawk a thu khawmuang tawh lo chuan pawnlam ah chuan kan inzui chhuak a..."Uau bullet ikhalh dawn maw? Ms-an a rawn tih chuan kalo nui hak a.






"Anih hi bike khalh hi nuam ka ti hle a sin" ka ti ham ham a.



"A nih ka ring i bullet kha i inhmeh takzet" a tih chuan midang ho pawh chu anlo nui dar dar a.




Marem-in "in inmangtha fel tawh chuan kan kal mai dawn ami? a rawn tih chuan.


"Leh lawk I number min pe phal em? Ms-an in thlahrung tak a arawn tih chuan ka hawi buai deuh nak a, han hnial buai chiamna hun a nilo tih ka hriat vang chuan a kut a a phone chu ban in ka number chu ka type mawlh mawlh a. "kan kal mai ang mangtha u le" tiin Maremi te chu " ka tlan hmasa dawn aw min rawn chhawm rawh u" ka ti a.





"Ms pa muanpui anih u aw" ti a ka hawi let chu kawngka a khapa lo ding luah chu ka va hmu hman hram a, current shock ang mai chuan ka hit chuai thei, hawi let leh chak viau mah ila ka ngam tawh lo hrim hrim minrawn thlir reng tih ka lungphu rang lutuk vang chuan ka hre thei, hawilet ngam tawhlo chuan chak zet chuan ka tlan chhuak ta vuk vuk a....cont






Note...ka mit a thip thei lutuk a duh ang in ka dah sei thei thin lo a, sei viau lo mahse ka regu ve thung ang, in mi hriat thiamna ka ngen mawlh2 ania...In like comment na kha writer te ah a thawk na viau ania, phurna tamtak min pe thin..chuan click kha min ngaih pawimawh sak zel ru aw.!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:57 pm

A hming tak ngial pawh ka hriat loh vawikhat ka hmuhna a ka thinlung leh mitthla a chamreng hmuh leh chak a ka lo zawn ruk reng nen a kan intawn leh dan chu a lungawi thlak hlawl lo.





Tunah chuan chhungte ti lungngai tu leh mi zawng zawng hmuhsit leh diriam rawn ka ni tawh, tun a ka kawng zawh mek hi ka duh vang a ni bik reng reng lo a sin, mahse kawngdang thlan tur ka nei miau silo a, kum tamtak liam tawh a kha pa nen kan intawn dan chhui kir chung chuan ka tlaivar ta thak a.







Ruah a sur reng vang chuan mut a nuam takzet a, zanlam a ka mut that meuh loh vang chuan ka lu chu a na deuh luk a, tho chhuak mai duh lo chuan khumah chuan kala mu reng a, kanu leh pa te min zilhna hriat Ka peih loh vang a ni pah deuh bawk a, kha pa kha kan intawn tirh a ka vei ang chiah khan ka vei leh tluk tluk tawh.







Ka phone a rawn rik tak avang chuan ka suang tuahna khawvel a tang chuan harh chhuak "Hmeli min va rawn be ngam zawk ve" pawr fe chuan kalo ti hlak hlak a, lehlam a tang chuan nui har har chung chuan "Zorin nizan khan engthil nge thleng? Zing ka thangharh chu ka khumah ka lo mu fel than a, nang chuan min paw zo lo tih ka hre chiang viau bawk sia" a rawn tih chuan ka thinrimna te chu a rawn let leh nimai hian ka hria.







Thaw chhuak hawk chung chuan "kha ibig bro hawih hawm lo zet khan a rawn hruai che mawle, a chanchin sawi pawh ka peihlo ka thinrimna a sosang leh dawn tlat" ka lo tih khum hlak hlak a.





"Mawww Tiger-an minrawn hruai itia mi? Enge nizan ah chuan thleng a sawi nghal vat teh" rak chul chung chuan a rawn ti lawng lawng a, nizan lam a rui chatthla tih pawh a hriat tawh loh reng reng.





"Enge irawn au chiam chiam a, ka beng dar iti puak mai anga sin kha i unaupa khan a rawn phone char char che a vawt ka ti ve tawh bawk sia iphone kha ka lo pickup a enge thleng ihre duh tak zet em? Kha mi hring khan kei hi lawmthu min hrilh a hnek in rukru ah minrawn puh anih kha, ka lawmlo ka lawmlo hi a ni tawp, chuan enge thleng zel ila hre duh em? Trek in current a deng chhia a kha building thim zetah khan keimah chiah in min hnutchhiah in minla kalsan daih zui a nih kha" thinrim zet chuan ka ti nghal tawn tawn a.







"Lawk Angel phone hi ka dah a ngai tigera ka room ah a rawn lut nizan ah kan inah a riak a nih hmel khawp mai chhunah nizan chanchin kha chu kan sawi tha leh dawn a nia aw" tih leh phone off a rual a.






Kei pawh chu bengchaw dawng tur chuan peih lo zet chuan ka tho ve ta hram a.
In kiltawih ru zet chuan inhnuai lamah chuan ka penthla chhat chhat a, engtiang a rei nge hetiang a inthlahrung dek hian ka nu leh pa te ka hmachhawn hi la ngai dawn le?.





Sitting room ah chuan an pahnih chuan lungngaih hmel zet chuan anlo thu ngawi reng a, lai zet chuan "nu pa good morning" ka ti sep a, ka pa chuan mitmeng dul ruih a min en chung chuan "Mambawih he tah hian rawn thu teh" a rawn ti sup a, kanu chu a tap nasa tih hriat zet chuan a hmai leh mit chu a bui luk a, an thutna ep chiah sofa ah chuan inthlahrung fe chuan ka thu ta zal zal a.








Ka pa chuan awki ring chuang hauh lo hian "zorinsang enge i chhungte hian ilakah tih sual kan neih? Nangmah vang a mi ten min chirhtheh na zozai hi ihre ve lo nge kan lungngai hmel hi min hmu chak ve hrim hrim zawk? Kan fanu neihchhun ini a i u te ho hi enteh kohhran leh khaw tlang tan mi tangkai tak leh mi zahkai vek anni a, eng iti zo ta nge a hmeichhe awmchhun ber hi hetiang a ikhawsak tak mai le! Hetiang a i awm reng chuan inu nen hian rilru hah vangin kan thi thei mai ang, kan awm loh hunah phei chuan engtin nge ikhawsak tak ang?, kan mit a la men lai reng pawh hian mi zawng zawng hmuhsit leh nuihzat rawn ini tawh si a, i u Tetea phei chuan pastor hna a thawh mek bansan a rawn haw a duh hial a sin. Pathian rawngbawlin ke pen thei lo mah la inchhung khur ah hian tha tak a ilo awm ve mai mai hian i chhungte tan thil ropui tak iti tih hi tinge ihriat thiam theih miah loh le, inu hi han enteh nangmah vang hian mutmu pawh tuah thei lo in a tap tlaivar thak thin a sin, inu hi ikhawngaih ve lo ami? Khawnge kan fanu nula fel tak a chhungte ti hlim thin em em tu kha a awm tak? a ti khur dar dar a.







Sawitur reng reng ka hrelo, kan inchhung chu a reh tlawk tlawk a, kanu in sut ri leh hraih hraih bak chu engmah thawm hriat tur a awm lo, ka pa vek chuan "mambawih khawngaih takin zanah vakchhuak tawh suh aw, ipa hian chu chauh chu ka ngen che. Kan thu chu izawm ang tiraw" a rawn tih leh chuan, ka chhuak tawh miah lo ang tih mai chu ka chak et et. Mahse ka tih puitlin theih loh tur thil a kanu leh pa te hma a thu tiam chu ka duh miah lo, engang pawh in phallo mahse ka chhuah a ngai miau mai bawk sia.







Tukthuan ei kham chuan thleng vel ka ti fel sawk sawk a, ka room ah chho in ka in siam nghal mawlh mawlh a, kanu leh pa te hmaizah viau mah ila Rinzami nen inhmuh kan tum a vang chuan inah ka tawm reng thei lo.







"Khawiah nge kal leh itum a? Kanu in a rawn tih vang chuan kanu lam chu ka hawi zawk a, kanu beidawng lutuk hmel chu ka en rei ngam lo hrim hrim, a mittui te hian min ti â lo chauh thin si a, ka aw chu theih tawp a control in.






"Nu ka thiannu hmuh lawk ka ngai a ka reilo ang" ka tih chuan kanu chuan "Nikhat lek pawh chhuak lo hian i awm theilo a mi?, bawihte kan inchhung nuam itih thin em kha, thianpawh kawm peih lo khawp khan ichhungte kianga awm nuam ti thin ka fanu kha khawnge a awm tak, i uzohminga a rawn kal dawn a lo chhuak suh se arawn ti a, nangmah vang hian he lamah rawn awm leh a duhthu a rawn sawi nghe nghe a... vawiin chiah chu chhuak lo ang che" a tih chuan kanu hmel pawh en duh tawh lo chuan khum a ka phone chu lain room a tang chuan ka kal chhuak nghal hmawk hmawk a.






inhnuai ka thlen thlak chuan ka pa chuan "khawnge kal itum leh tak zorinsang chhuak lo tur a kan tih che chuan kan thusawi hi zawm ve mai rawh" a rawn ti ri pawh chu bengkhawn duh lo chuan pawn ah chuan ka tlan chhuak nghal daih a.







Kan in lantheih loh na lai ka thlen chuan boruak kham khawp hmulo ang mai chuan ka thaw kawk kawk a, kanu leh pa laka ka inthiam loh lutuk vang chuan hreawm tih vang in ka mittui chu a rawn luang chhuak nguai nguai a. "Zorin tap miah suh engvang in nge itah? he kawng hi ithlang tawh a ichaklohna mittui kha iti tla tur a nilo" ti in keimah leh keimah chu ka inbe pah mawlh mawlh a, taxi rawn tlan chu lo phar ding in Rinzami minlo nghah na hmun an hotel lam pan chuan ka kal ta vang vang a.







Rinzami te chhungkua hi mi hausa tawntaw an ni a, hotel leh private hospital te pawh an nei a, he tiang khawp a an hausa chung hian tinge ruih hlo bawih ah hian a tan tlat tih hi kala hrechhuak theilo cheu a, kan in hriatna a la rei lutuk lo a, han zawh tawp lah chu ka hreh ve bawk sia nakinah a mah in minla hrilh thuai ka beisei.







Hotel chhung a ka luh chuan a room bik ah minlo nghah tawh thu minlo hrilh vat a, a ngai te bawkin a lo meng si leh sep tawh, he tiang a a rui mitmeng si sap te hian a hmel thatna a ti zual sauh hian ka hre thin tiang a nun hmang mai mai tur hi chu a nilo a sin le.







Min hmuh rual chuan "ka Angel pawh a rawn thleng tawh a nih" hi nui ver ver chung chuan a lo ti a. "Angel min ti ve ziah suh vantirhkoh an sual ngai ami? Ka tih chuan za zet hian a nui vak vak a, vantirhkoh sual tha chi inia lawm ka tan chuan a ti leh hram a, ka lo ner khum chiam ringawt a.







"Enge helai hmunah te inhmuh irawt a? ka tih chuan lo thu phawt la, beer iduh em a tih chuan ka lu Ka lo thin khum vat a, nizan a Tiger-an a tih dan vang che khan ngaihdam ka dil che aw, ka hauh hrep kha ka tan ihlut zia leh ka ruih chhiat ber lai pawh a min buaipui ber tu inih thu leh ngaihdam dil tur che in ka ti bawk a, kha sakei kha a la thinrim em em zui a" a tih chuan ka lo in humruh fan fan a.







Ngaihdam chu min dil lullo ang, kha pa khan min ngaihnep leh min hmuhsit dan te ngaihtuah chuan.






"Kan thu dang a lai chuan zorin lam (Dance) kha ithiam tiraw? A rawn ti chhuak phawng a.
Lam a rawn sawi takah chuan ka lam khat tawh zia ka hre chhuak ve chiah, lam hi nuam ka ti in ka tuina a ni a, college velah te khan enge maw function a awm tawh phawt chuan ka lam ngei ngei thin a nih kha, he tiang a ka nundan ka thlak a tang hian ka lam ngai tawh miah lo tih ka hre chhuak ve chiah.








"Ka lam lohna chin pawh ka hre tawh hleinem, enge lam lampang te irawn sawi kai tak hlawl a" ka tih chuan a nui var var a, "vawiin hi kanu piancham a ni a, zaninah kan hotel ah party ropui tak a awm dawn a, kanu tan liau liau nang hi present che ka duh a Angel ilam thei ang tiraw?
ngelngawl tak chuan min ti a.






Party na velah tunhma kha chuan ka kal ngailoh avang khan kala lam ngai hauh lo tih ka hre chhuak rum rum, hetia ka nundan ka thlak chinah hian party na hmun ah chuan kan lam nasa ta viau a....Rinzami nu birthday party na hmun a lam chu ka chak hlawl lo a bik tak in kha Tigera hmuhlai a lam phei chu ka chak lo leh zual, mahse idea ka nei.






"Zanin party na ah inu tan kalam dawn chuan thil pakhat min tiam thei angem? Ka tih chuan " sawila, engthil nge min tiamtir iduh a? a lo ti vat a. "Inu tan lamtur in minduh chuan nangpawh zanin chiah chu inu tan ruilo a i awm theih dawn chuan ka lam ang" ka tih chuan a ngawi ta reng a.







"Khawmaw nang pawh in itheih miah loh kha, nangmah hringtu che inu tan zankhat lek rui lo a awm ithei lo ania, kei thisen a inzawmna pawh neilo hi engtin nge lam thei se mintih reng reng a? ka tih chuan minlo pawtchat vat a.






" I lam theih dawn phawt chuan ka ruilo ang tih ka tiam a che" confi lo zet chuan a rawn ti a, "itih theih loh tur thil titur in ka nawrlui lo che ania aw, itan a harsat dantur zia chu ka hriat thiam pui che a lawm ka thian" ka tih chuan "ka ti thei mai ang theih ngei ka tum ang, chu chu ka thian thaber hnenah hian ka tiam e" a rawn tih chuan ka lo hlim ru veng veng.







"A nih chuan kan in rem tihna a ni thei mai angem?, ka lam dawn a nih chuan tlem a han practices te ka duh dawn a hla thlan duh bik riau te inei mial em? ka tih chuan a ngawi vang vang a, "hla thlan duh chu ka nei chiang a lawm he tiang a ruih hlo bawih a ka tan hma a kanu nen kan hla duh em em Sonia Twin hla ania, I kawr hak tur pawh ka thlan sak vek ang che kawrfual iha a nga cool tak leh tang deuh at si in ilam a nga kanu mittui chu a ko chhuak chiang viau ang le" phur tak chuan a ti sar sar a.







Woofer chu rawn la chhuak in a on nghal a, a phone chu a thai kual zung zung a Sonia hla ngei chu a rawn play nghal zat a, kei pawh chuan ka tihtur chu hrilh hriat ngai miah lo chuan ka thutna a tang chuan tho in ka lam nghal zat a, ka lam khat zia ngaihtuah chung chuan ka rilru zawng zawng nen chuan ka lam a, kut beng ri a rawn awm tak ah chuan hla atawp tawh tih ka hre ve chiah.







"Ropui lutuk titak a lamthiam inih ka lo beisei miah lo a, ka sawi awmzia chu lam thin satliah ah kalo ngai che a, party na hmun a ilam lai hi kalo thlir reng thin che a ilam thiam ka rin vang a sawm mai che ka nia Angel ilam thiam takzet a ni" a ti hliai a.






"Hawh teh practices vak pawh ingaih loh kha ikawr haktur a bik liau liau a order a ngai in ka hria" a tih chuan, "zanin iti tawh sia engtin nge an thui zawh hman tawh a nga? kalo ti vat a, nui rah rah chung chuan "min ring tawp rawh Rinzami tan hian thuizawh hmanloh a awmthei lo hrim hrim" aw ki sang vah hian a ti a.






A scooty chuan min phur in puanthuina dawr lian zetah min hruai a, an pi ber chuan "Zamte kan va inhmu khat ta ve min theihnghilh tawh a nih hi kalo ti hman a" a lo ti siam siam a.




"kala theihnghilh lo che chu anih hi ka thiannu tan hian kawrfual special tak zanin a ahak tur inthui zawh hman ka beisei ve ngawt a" a tih chuan, "tehreng mai nangber in itih miau chuan kan thuilo ngam nang" a lo ti var a, puanthan an dahna lamah chuan min hruai in. "Englam hi nge kan thui ang? a ti nghal bawrh bawrh a, heihi a tha ang atih chu designer nu nen chuan kan en vat a.






Puanthar senlar vawt tle sep sep chu kawk va in " "heihi Angeli hian a inhmeh dawn tih ka sawi ngamsak a mah a vun a ngo in a inkap eng pheu dawn" a tih chuan kalo nui ringawt a, puanthan Rinzami thlan chu la hrangin a thui duh dan design chu a sawizui nghal mawlh mawlh a.





Magerment minlak fel chuan puan chu a zai nghal mawp mawp a, mak ka tih deuh chu a hnuai ah mi chhawr a nei teuh a, amah in engkim a ti vek chu a ni. "A puan hi a tle sep sep a chei hranpa a ngai dawn lo a ka thui zo har lo ang tlaiah chuan inrawn lam theih turin kalo peih hman ang" a tih chuan rinzami chuan "A nih chuan pheikhawk kan va en kual leh a nge kan rawn kir leh hunah ka kawr tur chu thuisa a mi kan en mai ang chu" a tih chuan I inhmeh tur hlir ka nei tam lutuk a lo ti vat a.







Ka phone chu a ri reng a ka silent hmak uzohming-an min rawn biak a tum a asawi tur ka hre lawksa vek tawh, zanah chhuah an phal loh ka rin a vangin tlaiah pawh haw lo in ka awm tlang law law mai ang tih chu ka thuthlukna ani.






Ka kawr miltur pheikhawk bun nuam leh zangkhai zet min thlansak leh a, a man a to bawk a tha tak hi ani ringawt tlem chuan a sang ve deuh a "ilam pui thei tho tur ah kalo ngai ngawt a"tih chuan "fit khat a sang pawh nise ka lampui thei lutuk ang" ka lo ti vat a, thildang eng eng emaw min leisak nual bawk a, kalo hnial buai duh ting lo.







Nui var var chung chuan "Angel hetiang a ka bazar loh na chin pawh hi ka hre tawh lo, nang hi awmlo la chuan ka bazar leh tawh pawh hi kalo ring lo a jordana nen khan kan bazar dun nasa thin lutuk a, min kalsan atang hian engmah hi ka ti thei tawh lo a tel lo khan engmah ka ti ngai lo a, a awm loh chiah khan keipawh hi mithi ang lek ka ni tawh" khawhar hmel zet chuan a ti a.







A mittui chu a tling pam a tunge Jordan a chu nita ang? A awmdan a tang chuan zawhna lo zawh chu a finthlak ber lo tih ka hria, nui sak chung chuan "Ohhh kati hrilh hai che ani maw? ka pasal a nia remchang ah kala in hmelhriat tir ve dawn che ania a tih chuan..."awle jordana chu min hmelhriat tir vat ang che ka hmu ve chak tawh khawp mai" kalo ti thuai a. Nula amaw katih laiin pasal alo nei reng chu mak kati ru ngang mai. Ka rilru te te chuan tu pasal in nge hetiang a mahni nupui te thlahthlam ngai? tiin ka inzawt bawk a.






Rinzami chanchin hriat belh chakna hlir chuan ka khat a, hetia thawveng taka a awmna phenah hian chhungril natna nasa tak a nei tih hi ka hre thei a, engthil chiah nge atawn tih hriat chakna chuan ka khat ani ber mai.






Nileng thak chuan kan bazar a tlailam ah chuan kan kawr thuitir lam tur chuan kan kal a, alo thui zo ve chiah bawk a, minlo hmuh rual chuan "Ahuntak ah Inlo thleng anih hi ka rilru a Inlo awm lai takin han ha chhin teh engtiang chiah in nge inalh pui dawn tih hmuh a chak awm tawh a lawm" a lo ti chul a.







"Zamte ithiannu inthlak chhungin helamah hian I kawr tur chu a special a ka dah ho a awm a lo enkual ila" a nau te zing ami pakhat chu ko in lo pui rawh a tih chuan nula pakhat chuan minrawn pui vat a, a mawi ngawt ang kanpi in a bik tak a a thui hi chu sial tak a ni tawp a tih chuan a nih ka ring kalo ti ve vat a.







Ka kawr hak chu phelh in kawrfual a bik tak a min thui sak chu ka ha a, a hnunglam leh hma lam zau zawng chu a in ang reng mai, a zau lam mah mah tih tur ang vel hi ani a, ka pheikhawk thar chu bun leh in darthlalang ah chuan ka in en vang vang a, ka kawr thar chuan ka kawng fek a ti lang chiang kher mai ka kawng fek hnuai a tang in a arh thla laih a, a hma lamah chuan ka mal chan ve thleng vel hian a kak chho phak a.





"Uau ropui lutuk I inhmeh dawn ka tih reng kha, tunah chuan isam chiah khawih a ngai tawh zanin ah kanu birthday party a rawn kal ho chuan chilthli uai duah duah in an en ngei dawn che tih ka chiang" rinzam-in a tih chuan ka lo nui ringawt, hetiang kawr hi ka vawikhat hakna tur ani a ka pa in min hmu se chuan a sa ve ngawt ang le.







Hotel ah ka let leh vang vang a, "Angel isam leh hmai vel khawih turin beutician ka chah a anlo kal chhungin lo in bualfai hmasa rawh zanin ah chuan nangmah ah hian mimit a fu vek dawn sia, nalhtaka ilan hi itan a ka present ve theih chhun che anih hi" a tih chuan inbual turin ka luh san a.






ka inbual chhung in a mi rawih tur pawh chu a lo thleng fel diam tawh a "Tikhan hna chu lo tan mawlh mawlh ula keipawh kalo va inbual ve ange" ati nghal bawrh bawrh a, kan beutician koh chuan ka sam a khawih hma in ka hmai chu a chei hmasa phawt a, ka sam a khawih dawn chuan "Thiannu sam inei nalh takzet mi kalo chei ve nasa tawh hle ania nang ang reng a chei nuam tih hi kala nei miah lo ihmelthat mai bak ah isam a mawi in a tha em em bawk a, khawih danglam miah loh pawh hian imawipui takzet zanin a tan erawh ithian nu khan he isam mawi tak hi nalh tak a zial turin min ti a" ti bawrh bawrh chung chuan ka sam chu a khawih mawlh mawlh a.







Ka chalhmasam tawi lai bik chu ka hmai khuap tawk vel tur vel vel hian chhete ve ve in a roll a, a bak zawng chu pial zetin ka tukhum ah a zialin a bilh bo vek a, I inhmeh lutuk a ti lang nu hniang mai che ti kha chuan confi tak a lam chiah ihmabak ta a tih chuan lawmthu ka lo hrilh vat a.






Rinzami pawh minchei danah chuan a lungawi hmel ngang mai, min thlek leh vang vang thin, rinzami chuan pawisa te pe felin "keichu min cheilo mai rawh hun kan nei tawh tlat lo" a tih chuan min haw san ta nghal a, zanriah kan ei lai chuan a khat tawk in a phone a rawn ri reng a.







"I chhang dawnlo ami? ka tih chuan a bu nghat a, "Tigara a nia zanin party a ka awm loh hlau in minrawn call anih hi, surprise ka duh sia ka chhang lo mai ang, a tih chuan ka lo bu nghat nghat a, kan thil eina te chu hotel hnathawk ho chuan anrawn tifai nghal vek a, keini pawh party a kal tur chuan kan in siam nghal mawlh mawlh a.






Rinzami che sek chu enin a thil mamawh chu ka hre ru kiau mai, "itithei tak zet ang maw? ka tih chuan a bu zauh a, "ka tum mek chu anih hi chubak ah ka thian tha ber lak a ka thu tiam hi bawhchhe turin engthil mah a awm ka phal lo" ti a min chhanna vang chuan ka lawm kher mai.






" Enteh thiani ka inchei dan hi min enla scooty a kal a rem dawn hauh lo" ka tih chuan...Nui rah rah chung chuan "lungngai suh car ka chah tawh a lawm inhnuai lamah minlo nghak diam tawh e" a tih chuan ka thaw huai a.







Kan in peih fel chuan an party na hmun tur an hotel lam chu kan pan a. Hotel kan thlen chuan zan dar sarih a pel va tawh a mi pawh anlo awm tha hnem tawh khawp mai, rinzami nu in a fanu hmel arawn hmuh chuan lawmna vang a a mit rawn eng de sawrsawr chu ka hmu thei.







Ka mit chu zawn nei in ka lenkual ruai a, ka mizawn ber ka hmuh mai loh vang chuan ka hnual rawih rawih thei, a kal ve ka ring a nia mihring antam sia kala hmu fuhlo mai mai anih ka ring a, mihausa tih takah mihring antam kher mai, thusawi leh zaithiam zai te kan ngai thla leh a.




Host in rinzami stage lam a akohchhoh chuan kut anlo beng hluah hluah a, ka lam hun a thleng ta kalo ti sep a a mitmeng chuan lo in buatsaih rawh tiin minrawn signal zauh a, rinzami chuan "Nu ipiancham ka lawmpui a che, he khawvel a kanu nitur a ilo pian vang hian ka lawm e aw, zanin ah hian ifanu hian itan thilpek enge maw ka nei a minlo pawmsak ngei ka beisei. Angel i in peih tawh em? a rawn tih chuan kalo bu zauh a.








Mipui chu anreh duk a rinzamin anu birthday a present tur chu an hrechak tawh takzet tih a hriat mai, light chu rawn in thlak in ka chet chhuah hun a thleng tih hria in stages lam Ka pan thuai a music chu a rawn ri ruai ruai a rinzami nu chuan a hmui chu a hup chawt a, a pasal chuan nghet zetin a lo kuah vat a.






"Angel ihun a intan e" rinzam-in a rawn tih chuan ka che chhuak ve tan nghal a, mipui hma ah kalam tih lam ngaihtuah hauh lo ka thian thatak tan zawka lamah ka ingai a, ka lam zo chu kut beng ri chuan hotel chhung chu a luah khat nghal vek a, ka rilru zawng zawng sawrbing in rinzami leh anu tan chuan ka lam a, thlawk delh delh ang hi nimai hian ka inhria. Ka lam zawh meuh chuan party a kal ho chu an au hluah hluah a, rinzami chuan minlo kuah chung bawk a "Angel Ka lawm e aw surprise hlawh tling chu ani chiang a lawm kanu khu han enteh a hlim zia khu... Khu enteh tigera pawh chet nachang pawh hrelo a a din luah khu" a tih chuan ka lungphu chu thlawk chhuak tur ang mai chuan a rawn phu rang zawih zawih a...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:57 pm

Vawi thum kan inhmuhna chiah, mahse a hming tak ngial pawh ka la hrelo chu ania, Rinzam-in Tigera ti a a hming a phuahsak chu a in hmeh hluah hluah, a hmel tak run ah chuan a nui zen zen lo tih a hriat theih mai a, mipa ngeng ve tak chu a nih ka ring ka mipa duh chi mipa hi chu han pa em em phawt mai se.






"Angel kanu te saw va fin ve lawk ang hmiang" Rinzam-in a rawn tih chuan Tigera ringawt ka lo ngaih tuahna atang chuan ka harh chhuak ve leh chiah a.





Hepa ka hmuh a piang a ka nunphung ka hlauh ta ziah mai chu ka duh lo kher mai, hmeichhe confi ve tak ni thin kha hepa hma ah hian ka chenawi tlat zel, tigera hi chu hman atang tawh khan a pa in a chhelo hluah hluah em bawk ani.





Rinzami nu chuan hlimna a khat mitmeng de sawr sawr in Rinzami chu a en a, "ka fanu zanin hian min ti hlim takzet tih hi ihria em? Zanin a hlimna min pek hi chu engthil mah in a lei zo ngai lo ang, ithiannu hi min hmelhriat tir itum ve miah lo ami? A rawn tih chuan.





Nui var var chung chuan "zorinsangi ka nia zorin tiin min ko mai dawn ania" ka kut chu phar chhuak in ka chibai nghal vat a. Kan lampan a Tigera rawn pen phei thauh thauh chu ka mitsir chuan ka hmu ru reng a, ka lungphu chu alo rang leh zual sauh a, a huhang ringawt pawh hian min ti khur dar dar thei.






Kan bul a rawn thlen chuan min melh zauh a, min eiloh hmel fe chuan a ner nawk chu he ka mit fing lutuk hian a lo hmu leh hman hram a.





Rinzami bulah chuan rawn dingin... "Tinge phone i pick duh loh a?, ka zawnna lamah che ka tlai hman thelh a lawm" a rawn ti thum dut a, ner nawng chung chuan "min umzui hi bansan rang rawh ka in enkawl ve thei, hetiang a misual ang mai a min veh reng hi ka kham teh a nia" Rinzami chuan a lo ti hmarh hmarh a.





Rinzami nu in "Bawihte khatiang kha u te biak dantur ani hleinem, i u bawiha hian angaihtuah vang choh che alawm hetiang thil hi atih, tikhan lo inkawm rawh u aw, kan thiante hi kan han chibai kual ve ange" nuisang a rawn ti in an nupa chuan kan sir lawk a nu hosak hmel deuh deuh ho nen chuan an inbe mawlh mawlh a.






"Ubawih nizan a ka thil sawi kha tih na hun rem chang tak ni in ihre velo maw? nizan khan Angeli hi rukru ah te ilo puh vel ni khan kalo hria a, nang ni ang tlangval fel lutuk tan chuan mi dawt a puh ringawt chu a mawilo iti ve deuh lo maw? Rinzam-in a rawn tih chuan lungawi lo zet chuan a rum nghut a.






An pahnih inbiak lai chuan an bulah chuan ka neilo ang mai chuan kalo ngawi kar a, Rinzami lah chuan ngaihdam min dil tur chuan a lo tur ve char char a, Tigera lah in "theihnghilh rawh mi pangai chu nise ngaihdam dil chu ka hreh hauh lo mai mahse he hmeichhia hian ka ngaihdam dil a a phu hlawl lo" a tih chuan ka awm zawn chu kalo dawm vang vang a.






Ka hmaichhan ah ngei min hmuhsit zia a ti lang zo chiah anih chu, kum kha leh chen ka rilru a kalo vei thin mipa chuan ka thinlung hi chem hriam tak hmang in min vihsak zawt zawt nimai hian ka hria.






"Duhtawk teh u".


Rinzami chu ka melh kal a... " I unaupa hian a sawidik ngaihdam min dil na chhan tur pakhat mah a neilo keini ang hmeichhia mai mai hma ah iunaupa hi tlawmtaka a awm kher angailo".





Ka tum aiin kalo au ring deuh aniang Rizami leh Tiger-an makti hmel tak a phawk zet a min rawn en he haw vang chuan ka awki chu ka tihniam leh hnu hnawh a.






"Enteh Zamte min hriat chian viau kha...Kei hian tulak ah mah tawngkam tha leh fakna dawn ka beisei ngai hek lo, ka nundanah hian ka lungawi tawk mi min hmuh dan ka pawisa hek lo, ka nundan en chuan rukruk hmang a minpuh pawh kha a diklohna a awm hek lo, engtin pawn minti se sawidik loh anei lo ti khan lo inkawm rawh u, pawnlam ah boruak thianghlim ka va dawng lawk a nge" tih leh pensawn ka rual a.





Rinzami thusawi tum a rawn ang zuau pawh chu bengkhawn duh tawh lo in ka kalsan ve hmak, ka khawsa zia chu mak anti ve ngawt in ka ring.





Hotel chungzawl ka thlen chuan ka taksa tang lutuk pawh chu zawi zawi in ka inthlahdul ve tial tial a, may thla a ni a ruah a sur loh chuan boruak a nuam in thla lah a engtha em em zui a.






Midang in hmusit tak a min tawngkhumna ka dawng hnem lutuk tawk, "pastor fanu ve si ruih mai duhtawk lo in mipa hrang hrang kawp kual thin" ti a hmai chhan a min tawngkhum bawng bawng tu pawh ka tawnghnem tawh lutuk, khang anchhe tinreng ka tawn zawng zawng ah khan chhete mah in ka hnual phah ngailo, huat tinah pawh ka tin hek lo Tiger-an mi pangailo mintihna tawngkam mai mai kalo lana ta viau mai kha enge a chhan?.





"Zorinsang harh chhuak tawh teh kha pa kha chu nang hian iphu ve hlawl lo, nangmah natna I insiam tam mai mai kha pa kha chu theihnghilh tawh rawh itan khuanu ruat a ni lo hrim hrim" ka inti mawlh mawlh a, ka phone lah chu alo ri char char a minrawn biak tumtu chu ka chhungte bak an nilo tih ka hriat chian em avang in ka phone ri pawh chu ka ngaihsak buai peih rihlo.






Khawdurin thla eng a rawn khuhbo tak ah chuan rilru fim ka pu ve leh thei hram a, ka ke kham ngut ngut vang chuan chulai hotel chungah chuan engtiang a rei nge ka din hrelo mah ila ka ding rei thawkhat tih a hriat mai, thlifim rawn thaw chuan ka hmai leh ka taksa ka kawrin a khuh loh chin chu a rawn chhem hit vawr vawr a, inlam pan in ka haw ang nge hotel ah ka riak ang tih ah chuan ka rilru a insual buai kher mai.






Ka chhungte zilhna tawngkam dawng sawng leh tur chuan chakna pakhat mah ka nei tawh lo khapa tawngkam maltin mai khan hliam tamtak min siam sak tawh a. A rawn inlan hma kha chuan ka lo hlim ve viau a sin mahse min hmuhsitna tawngkam na tak tak khan min ti na hluah hluah.





Inah ka haw chuan ka hliamah chi min phulsak se ka tihna ang lek tur ah ka ngai, chubak ah Rinzami hlimna hi tihchhiat sak ka duh lo a a chhungte kiang a hlimtak a anui lai ka hmuh khan ka hlim ru veng veng anih kha Rinzami ti buai tawh kher lo a ka riahna tur inbuaipui chawp chu ka thinlung duhdan a ni, chubak ah zan a tlai tak tak hma a Ka riahna tur ka buaipui fel vat loh chuan ka talbuai thei tlat.





Hman hmawh tak chuan inhnuai lamah chuan ka chhuk thla a, Rinzami zawng chuan ka mit ka lenru deuh a ka hmuh mai loh vang chuan ngawi reng a inthiar fihlim mai chu tha a Ka rin vang chuan pawn ah chuan ka chhuak nghal vat a, scooty ka keng bawk silo a taxi lah hmuh tur a awm tawh mang bawk silo, engtin nge ka tih tak ang?.




Mahni in khawngaihna hlir chuan ka khat a riah na tur ka nei bawk silo "zorinsang i van khawngaih thlak tak em" ka inti leh mawlh mawlh a, panlam tur ka hriat mai loh vang chuan hotel piah kawngsir thim lai ah chuan ka ding deuh vang vang a.






Ka thian dang te biak mai chu tha a Ka rin vang chuan ka phone chu phawrh in Ruati chu ka call ta ringawt a, phone a lak rual chuan "Zorin zanin chu inhmel ka va hmulo ve khawnge in awm a? a rawn ti lawng lawng a, a tawng rindan ah an awmdan tur chu ka mitthla thiam kuar mai.





"kan home ah in awm ani tiraw? Zanin chu Rinzami nu birthday a nia chutah chuan kan kal a inbulah rawn kal ve ka duh e mahse scooty ka keng bawk silo a" ka tih chuan.





"kanpa ka rawn lam tir dawn che ami? An inah nge hotel ah a rawn ti nghal zung zung a.




" Hotelah a nia" ka awmna lai hmun chu ka sawi nghal zung zung a, lo nghak la ka rawn kal tir nghal ang" ti in phone a off daih a.





Diktak chuan chulai hmun a kal chu ka chak hlawl lo, khawi emawlai hmun fianrial deuh a tumah ti buai tu awm lo a mahni chauh a mut hahdam veng veng ka chak ngawih ngawih.





Ka bul a ngawi reng a lo ding run ka hmuh vang chuan ka au deuh that a, thinrim lutuk chuan..."thi se mintia mi enge helai ah hian irawn tih ve a? ka ti fiak that a.





"Enge hetah hian itih zawk a? ithiannu in a zawng char char che a nanglah engmah sawilo in helai ah ilo awm mai mai a, iPhone kha eng atan nge itih? a nangni ang hmeichhia buaipuina hun ka nei hleinem zan in chu ka farnu ruilo hailo a a awm ve vangin a thu zawm in ka thlah haw che a ngai dawn a nih hi" elhsen na a khat aw chuan minti a.





Ka thinrim lutuk chu au chiam chiam mai hi ka duh a, thinrim luat tuk vang a aw khur dar dar chung chuan.





"Min thlah haw a ngai miah lo, chubak ah min buaipui turin ka ti heklo che inau hnenah chuan ka thlah haw ilo timai dawn ania engmah ka sawilo ang, kal tawh rawh chuan thil pakhat kei ang hmeichhe dukdaklo bulhnai a i awm lai hi min in an rawn hmuh che chuan an ngaihdan tur che chu nang ang mifing leh fel chuan ingaihtuah thiam mai ka ring chuvang chuan min kalsan rang rawh" awki sang vah chuan ka tihkhum ve sak a.





Pangai tak a ka rilru a thu awm ka sawi chhuak thei chu ka lawm ru viau bawk, hepa huhang na lutuk vang hian ka lo ip ru chawih chawih thin kha ania, ka chhan let dan chuan a ti lawm hauh lo tih a mitmeng a rawn dur tak khup dan ah ka hre mai.






Ka phone a rawn rik takah chuan tawngtum a a ang zuau tawh chu a Ka chu a chip leh hmak a.




"Aw Ruati Awmpuia chu a rawn kal tawh a mi? kalo nghak reng ania" kalo ti nghal zat a, Tigera chu ka melh pah zauh a. A kut chu a kekawr ip ah chuan zenlut in a ding khawng luah a, ka mitah tak chuan chiang lutuk hian minlo melh ngur a, min en na avang a zam ang a lan ka tum lo bur.






Lehlam a tang chuan "Zorin Awmpuia a lo chatthla hman tawh a engtin nge niang midang rawn lam tir tur che ka zawng mai dawn a mi? Ruati chuan a rawn ti lawng lawng a.




Beidawng lutuk chuan kalo thaw hawk a...A mah vek chuan.." I awmna a hla bawk sia kan thian te ho hi rawn lamtur che chuan duh ai chuan an rui nawi hlawm mah mah tawh taxi hman maitur a awm miah lo maw? a rawn ti leh a.





Rilru ipik lutuk vang chuan ka thaw leh halh a, ka bul a lo ding ve run mipa lian zet hian minti buai tawk viau tawh a sin le... !





"Tinge Awmpuia chu a lo ruih em em a? enteh Ruat zanin chu kan inah ka haw duh lo takzet engtin emaw tihdan a awm lo ami? nge hotel a riahna tur ka zawng mai dawn? ka tih chuan lo nghak leh lawk rawh tihdan kan ngaituah leh ange" tiin a phone chu a off zui leh daih a.





"Hrep tak chuan tinge zanin a tak a chutia an lo ruih nawi hlawm em em" ti chuan ka phun chhuak hlak a.






"A landan chuan i mi nghah chuan a rawn lam thei dawn lo che ava nih hmel ve, in inah haw iduh bawk silo a zanreh lam a ni tawh bawk sia khawlai a iriah mai a van ngaihhmel ta ve" Tiger-an min deuh sawh hmel lutuk a arawn tih chuan a hmai ah chuan ka ben loh nan ka in sum char char.






Zanin chu Rinzami tih buai loh hram ka duh a sin le! a chhungte nen hun hlimawm tak hmang se ka duh pui bawk si a, kalo awm ve chuan a chhungte kiangah awm theilo in min kawm a duh leh ngei dawn bawk si, chu thil chu ka thlen tir duh bawk silo.





Inah ka haw chuan Uzohminga te chhung an rawn riak tih ka hre chiang bawk si engtin nge ka tih tak ang?, duhthlan tur pakhat chiah ka nei Tigera kan home lam a in thlah tir.






"Enteh nizan a irawn kalna hmunah khan minva hruai thei angem? Rinzam-in min thlah turin a ti tho bawk che a zawite chuan ka ti sep a.







Min chhang lo chuan a nui hawk hawk a, engmah thil nuihzat thlak ka sawi Ka hre bawk silo a chutia min nuih ringawt pawh chu ka tan chuan thinrimna tham ani, a duhtawk a anuih hnuah.






"Nichin mai kha chuan ka thlah iduh loh thu i aupui chiam chiam a tunah lem thlah tur che in min ngen leh ang lawi sia, nang te reuh hi irilru a chak ve phian reuh a nih hi" a rawn ti sup a.






Thu dang a chhang lo chuan "min thlah chu iremti tihna ah ka ngai thei mai angem? ka tih chuan ka neilo ang hmak chuan a ngawi leh ang lawi a.




He mihring khawsa zia hi ka haw hluah hluah. Pheikhawk sang ka bun vang chuan ka ke a kham tawh viau bawk si.







"Min thlah theih dawn loh chuan kal tawh rawh" tih leh keimah zawk chu pensawn ka rual a, kalna tur hrelo chuan ka hmalam ah chuan ka pen mawp mawp a, ka banrek ah man in minrawn pawt leng lawp tu an awm vang chuan ka rak that a.






"Thih iduh chuan helai hmun ah nilo hian hmundang ah va thizawk ta che, imit te kha a del tawh zawk ami? min rawn tih chiam a vang chuan
lawmloh hmel lutuk a minlo melh khui khui tu chu ka lo melh let ngawt ngawt tawp.





" Intha em? ti chung a motor a tang a rawn chhuak te lam chu melh zawk in "kan tha e kal leh rawh u kan tihpalh lutuk" a lo ti nghal zung zung a. Tunmai khan kei hi motor in min su hlum tep anih kha Tigera hian minrawn pawt let hman lo se chuan ka thi chiang viau ang, ka hlau lutuk chu ka khur nghal hlawk hlawk thei .




He pa ka nun a rawn lan leh atang hian engthil mah hi a dik thei tawh lo, keimah pawh ka in thunun hlei thei tawh lo chu anih ber hi, tunmai khan engthil chiah nge ka tih? Motor rawn tlan pawh hre miah lo in kawngpui ah khan ka inbarh lut anih kha. Tigera khan min rawn pawt let lo se chuan ka thi chiang viau ang, nilo thi thei kala nilo.






Engmah sawi tawh lo chuan hotel lam pan chuan min kai phei hlawk hlawk a, a hmel in sehruh nasat danah a thinrim hle tih a hriat theih chubak ah ka banrek chu a hmer na mah mah bawk.







"Tah hian minlo nghak rawh ka car ka va la chhuak a nge khawiah mah lo kalsawn hlek suh ilo kalsawn anih chuan ichaklo viau ang" tih leh pen sawn chu a rual a.






Ka lak a tang a inlak hran rual chiah chuan ka ruak huai thei, kei hi eng kati zo ta nge Tigera ka nun a alo lan leh a tang hian mu leh mal pawh ka nei thei tawh hlei nem, ka tih tur leh tih lohtur pawh thliar hrang hleithei lo khawp in min zem a zo vek tawh chu anih hi.






"Zorinsang tinge hetiang a i awm?.. Nangmah ngainep em em tu che vang hian he tiang a awm tur hi i nilo, harhchhuak tawh teh rilru fim iput angai a nia" ti in ka phun mawlh mawlh a, kei hi thi hman kala nilo minute reilo te kalta khan motor ka insut hlum tir lo choh a nih si kha.






Ka tahchhuak lutuk chu ka hmui chu ka pet fan fan a, ka mittui erawh ka dang zo thlawt lo, ka bul ah chuan a car chu arawn ding dat a "rawn lut rawh le" tha deuh chuan a rawn ti sup a".





Che sawn mai lo chuan ka thutna ngai ah chuan kala thu reng a, "pawm luh kher iphut ami? ngeiawm zet a rawn tih leh takah chuan muang chang chuan ka tho taih taih a, nizan lam ah mutmu ka tuah tha lo vei nen ka taksa chu a chau in kalu te hi a hai muai muai a, a hma seat ah pawh thu duh lo chuan ngawi reng in a hnung ah chuan ka thu lut a, muang chang a a tlanchhuah rual rual chuan mutchhuak chuan min rawn zem nghal chiai chiai a.






Ka harh rual chuan ka awmna hmun chu ka bang bo ngang mai, khua a lo eng uar tawh a, nizan ah khan Tigera car ah khan kan home a kal turin kan inphurchhuak anih kha mahse tun a ka mutna hi chu car chhung a ni puanlum kalo sin tawh bawk a, ka taksa te chu a na themthum a ka mutna chep lutuk vang ani tih ka hrethiam mai a.






Ka hma ah chuan Tigera chu car steering bawh in tui zet hian a lo muhil bawk a, tinge hepa hi min kaihthawh mai loh le? ka laka a sual teh reng nen a khum lum nuam tak a muthei reng anih lai in keimah vangin car chhung chep zet ah a muhil mek chu ani sia.





Kalak a a sual dan ngaihtuah chuan tun a awm dan hi a inhmeh hlawl lo, a car chhung atang a min theh chhuak lo a alo muhil ve mai chu thil ropui a tling hial in ka hria, kan awmna lai chu ka hre mai thei lo leh nghal a khat tawk a motor rawn tlan ri tih loh thawm dang hriattur a awm miah lo.






A harh hun nghak chuan tho chhuak duh lo chuan ka mutna ngai ah chuan kala mu reng a,car chhung chu a rim pa lutuk chuan aluah khat vek...keimah vang a car chhung chep zet a alo riah ve ngawt vang chuan, ka in thlahrung hluah hluah.!





Ka mipa duh em em nen car pakhat ah kan riak dun tih hi ka awih lo hial zawk, a rawn chet tak tuah tuah vang chuan muhil ang deuh chuan ka awm vat a, tham tuak chuan "muthilh der kher a ngai lo nizan kha kalna tur isawi silo a" a rawn ti nuap nuap a. Chiangtak khan kan home lama min hruaitur khan ka hrilh reng sia, nge ka thusawi kha ahrelo der zawk pawh ka hretawh nek lo e.




Ka zak lutuk chu ka sa chhuak vek thei, tinge kalo muthilh der kher kher ni, atthlak lutuk min manchhuak nasa mai bawk si, a hnunglam a tang chuan ka insiam chhiat khum hrep ringawt.





"I harh tawh chuan haw Ka duh tawh a nia" kalo ti hlak a, engmah sawi tawh lemlo chuan motor chu tinung in a tlan zui ve nghal mai bawk a.






"Rinzami te hotel ah min drop mai rawh ka kawr haklai nen hi chuan inah ka haw thei lo" ka ti sep a, "khawi zawk ah? a rawn tih chuan zarkawt ah kalo ti vat a.






Hotel kawt kan thlen chuan ka chhuk nghal tharh a, lawmthu hrilh chu duh viau mah ila Tigera lak a polite in awmzia a neilo tih ka hria, min nuihzatna tur ka insiam tam mai mai. He pa lak ah hian that chhuah in awmzia a neih loh zia ka hre chiang tawh, hawilet miah lo chuan hotel lam chu ka pan ding nal nal a.





Hotel chhungah lut in Rinzami room bik lam ka pan nghal zat a, ka kawrhak chu thlak in taxi chuan kan inlam ka pan nghal vang vang a, kan kawt a Uzohminga car lo inhung ka hmuh rual chuan ka zam luat vangin ka khur leh der der tawh.





Zorinsang engpawh hmachhawn thei turin inti chak rawh tiin ka in fuih mawlh mawlh a, inchhung ka pen luh rual chuan kanu leh pa leh uzohminga chu sitting room ah an lo thu thap a, engmah tihsual nei lemlo mah ila ka zam lutuk vang chuan ka dang te chu a ro zo vek tawh.






Ka thawm hria chuan an rawn hawi rual thawt a, "zorinsang nizanah khawnge iriah? uzohminga aw vin lutuk in min rawn tih rual chuan ka lo phu zawk thei.





Kanu chuan "mampui inbengdai teh tha te te in sawi ho ang u" a lo ti dek dek a, "kanu thu tha sawi in a daih seng tawh lo chu anih hi tha te te a sawi fel theih nise zorinsangi hi he tiang hian a awm tawh lo tawp ang, tawngkam tha in kan zilh tha theilo a nih chuan tharum kan hman mai a ngai tawh a nih hi" tih leh min rawn pan phei a rual a.






Hetiang tak a uzohminga thinrim hmel hi kala hmu ngai miah lo, kan unau zingah ka ngainat ber a ni a utetea leh ufela ai in min duat in min hmangaih em em tu a ni a, ka hmingpum hian ka hriat theih chinah minla ko ngai miah lo bawk. Mate ti hlir a min ko thin tu khan vin lutuk in ka hming pum ngat in min ko zo chiah a nih kha.






Sawitur reng reng ka hrelo, ka ding ngawi reng a, uzohming-an "zorinsang nizanah chuan khawiah maw iriah engvang a kan phone chhang duhlo nge inih? a tih chuan zawite chuan buh nuaih hian "carah ka riak" Ka ti sep a.






"Tu carah nge iriah? mipa nen in riak dun tih sawi miah suh ka duh loh tawp thil titur hian min siam palh a nge" a ti leh khur khur a, kanu leh pa te chu an tawng tawh lo hrim hrim ka u chuan ka samah ah rawn tham in ka room lam ah min hnuk chho dawr dawr a.





Kanu chuan tap chungin "mampui kut inthlak kher a ngai lo a sin" a lo tih chuan "kanu lo ngawi rawh ka tih che kha tha te te in inti hliau hliau a a sim duh chuang hlei nem kan chhungkua mintih mualpho dan zozai hi en liam mai mai theuh a ni tawh lo" a tih chuan kanu chu a ngawi zui hmak a.






Ka room kawngka chu tlawh hawng in room chhung ah chuan min hnuk lut rawk rawk a, "U ana a nia" tap zawih zawih chung chuan kati a.





Ka hmai ah chuan min beng sawk sawk a, "hei hi ana iti maw? mirawn beng nawn leh in hei ai hian nangmah vang a kan zah na leh mualphona hi a na fe zawk vawiin atang chuan kei hian ka enkawl tawh ang che khawiah mah i chhuak tawh ngai lo ang, ti khan iroom hi ikhawvel ah ingai hmak tawh dawn ania" tih leh min chhuah san a rual a, pawnlam ah chuan kawngka chu a kalh nghal hmak a.






Ka thinlung na lutuk vang chuan ka tap chhuak theilo, ka taksa chu a insep dawrh dawrh a ka u min ben na vang chuan ka hmai chu a thip tuk a, engthil nge ka chungah hian lo thleng ta mai hi an farnu neihchhun kehthei dawm a an dawm thin kha tunah chuan kut thlak hial ngai in ka awm chu ani si a...cont

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:59 pm

"Zorinsang intichak rawh hetiang a hmeichhe derdep lutuk ang mai a tap mai mai thei inilo, hetiang thil te chu alo la thleng dawn tih ihresa vek ani lawm ni? ti in ka phun chhuak sap a.







Ka khum a tang chuan tho chhuak in ka hmai Ka phih a, ka khum chung a ka phone ri reng pawh chu ka ngaihsak peih rih lo darthlalang hma a Ka hmel lo lang chu keimah ka nilo emaw ka inti hial thei ka tahna vang chuan ka mit chu abui in a sen rum a, ka hmai Ka u in a ben na chu a vung deuh lak a.





Mi â ang mai chuan ka hmel bawrchhawr lutuk chu en in ka nui sak, enge ka nuih chhan ber pawh ka hre chuang lo, "zorinsangi hian ben a phulo lo a sin" ka tichhuak leh sap a ka room chhungah chuan ka chhungte hmel hmuh ka duh loh vang in ka in kalh hnan ve hmak a.





Anni in ka chhuah anphal loh vangin pawnlam ah kawngka min khar khum a keiin anrawn luh ka duhlo a chhunglam ah ka kalh ve ani mai.






Khumah chuan lêt leh in ka phone chu a rawn ri ve leh chiah a, Rinzami bawk a lo ni a ka pickup rual rual chuan "Angel itha maw? tinge biak tlang iva har ve? Nizan khan ibo daih a Tigera thusawi kha chu engah mah ngai duh suh aw, a tawng hmuk hmuk a a rilru a chhe miah lo ania" a rawn ti mawlh mawlh a.




A unaupa sual lutuk sulhnu thenfai angai fo mai chu Rinzami ka khawngaih hial mai.




" Engah mah ka ngai hlei nem nizan khan ichhungte nen zalen tak a inkawmna hun inneih theih nan ka thlah fal che anih kha, kalo awm ve reng chuan ka thiannu fel lutuk hian min thlah thlam leh duh dawn tawp silo a Tigera chungchang ah kha chuan ithupek ang in himtak in kan inah min thlah thlap ania, keimah vang chuan lo hau tawh miah suh keimah vang a mifel tak ten antuar hi ka duh lo ania" kalo ti deuh luam a.






"Enteh Angel nizan vang khan ka lawm lutuk tak tak ania, ka mutna ah ka ngaihtuah char char a ka rilru pawh a in ngaihtuah nasa a zankhat lek ruilo a ka awm a Ka chhungte nen a kan hlim tlanzia ka ngaihtuah a tun a ka nun hman mek dan hi ka ning ta riau mai. Tunhma chuan ihriat thin ang mi hi ka ni ngai lo a, ka thian tha ber leh ka mihring rin tlemte zing ami i ni a he tiang a ka nun ka hman chhoh tak dan hi hriat iphu ni in ka hria chhunah ka room ah khan min rawn hmu hman a ngem? a tih chuan ka chhungten ka room ah min kalhkhum thu chu sawi mai ka duh a, mahse ka sawi lang duh ta lemlo a.






" Chhunah chuan ka rawn hmu ang che" ka ti ta nge nge a, kan in biak zawh rual chuan ka rilru a buai map map khawp mai engtin nge in a tang hian ka chhuah theih ang? he tiang a room chhung a awm mai mai thei kani in ka inhre lo.






Tun a ka kawng zawh mek lai hi laklawh deuhin ka tawpsan ringawt thei tawh lo a, kan in hi ka chhuahsan hun ala thlen Ka ring nghet tlat tawh. Kanu chuan pawnlam a tang chuan "Bawihte kawngka rawn hawng rawh eitur ka rawn ken che ania iril a tam tawh ang" a rawn tih pawh chuan khumah chuan ka mu lui tlat a, ka ril chu tam tawh tak ani.





Ka thil ngaihtuah vang chuan ka tho vat a, kawngka bulah chuan phei in "nu ila awm em? ka tih chuan "Bawihte rawn hawng rawh ithil eitur kengin ka ding reng ania" a rawn ti vat a, "uzohminga ahaw tawh ami? ka tih chuan.





" A hnaah a kal a ngai a lawm rawn hawng rawh" a rawn ti leh a kawngka chu ka hawng nghal vat a kanu in ka hmel a hmuh rual chuan a mitmeng chu a dul nghal rawih rawih a, a eitur rawn ken chu
lo ban in ka ei nghal hmawk hmawk a, mittui tling pam chuan ka thil eilai chu min en tlawk tlawk ringawt, ka thil ei hmuam tun chung chuan "nu khatiang mitmeng khan min en reng lo teh, chubak ah imittui kha keimah vang chuan titla fo lo la ka duh" ka tih chuan a mittui chu a hru sawk sawk a.






Thil ka ei zawh chuan inbual ka duh thu ka sawi a "nu kawngka chu ilo kalh leh mai dawn a nia aw" kati pah zauh a bathroom ah chuan ka lut nghal daih a inbual mai lo chuan kanu thawm chu ka ngaithla reng a, room a chhuahsan tih ka hriat rual chuan bualin a tang chuan chhuak in kawngka lam chu ka pan vat a ka rin dan chiah kanu chuan kawngka chu a kalh miah lo.






Muangchang in ka inbual a, Rinzami hmutur chuan ka insiam malh malh a, uzohminga khan chhuak lo tur in min hrilh chiang viau mahse he room chhungah hian ka inkhung bo reng thei bik lo, kanu thawm ngaichang ran chuan inhnuai lamah ka chhuk thla a, choka ah bel a nawt ri rak rak ka hriat rual chuan ka thaw huai thei.






kan in a tang thuilo te kein ka kal ah bus rawn tlan hmasa ber chu lo phar in ka lut nghal tharh a, Rinzami te hotel ka thlen chuan minlo nghak leh vang tawh a, nui ver ver chung chuan "ilo thleng thei maw? a ti sap a, ka hmel minrawn en chian chuan a nui tawp chat a, "ihmai chu leh engthil nge thleng a? a ti zui nghal zat a.





"Bonus ka dawng hlak a" ngaihsam hmel fe chuan ka ti a, engah mah ngailo ang a lan tum viau mah ila ka u ka ngainat em em lak a ka lawmman dawn chuan minti na ngawih ngawih lawi si a.





"Keimah vang a ni tiraw? inthiam lo fe chuan a ti zuai raih a, "nilul lo mai keini ang awmtha duh lo tan chuan hengthil te chu kan chan tawk a lawm inthiam lo duh reng reng suh nangmah vang ani hauh lo" ka tih chuan a thaw hak a.






A bag a tang chuan thlalak tamtham zet hi a rawn phawrh a..."Angel hei hi han en teh ka pasal ka mipa hmangaih awm chhun Jordana a nih hi" tih pah chuan chung thlalak ho chu ka lamah a rawn lek va va a rang zet in ka lo ban thuai a.





Thlalak pakhat chu la hrang in ka thlek vang vang a "Ahmel tha takzet" ka ti chhuak hliai a, "Khang thlalak kha en zo phawt la kan chanchin tlangpui chu ka hrilh ang che" a ti a, thlalak ka en chhung chuan ngawi reng in ka bulah chuan a lo thu a, an inhmeh thlawt tihbak sawitur ka hrelo chung thlalak ah chuan Rinzami hlim hmel chu ka hmuh hmaih lo chiang kher mai.





Chutiang tak a ahlim hmel chu kan inhriat ve hnuah hian ka la hmu ngai miah lo, thian ho a kan awm nikhua te hian anui bawk bawk lai pawh ka hmu fo a mahse a chhungril ah hian a nui tak tak ngailo a nuihmel lemtak phen a alungngaihna ka hmuh pui thiam vang hi a niang min ngainat em em chhan hi.






Thlalak ka en zawh chuan "jordana hi a hmeltha tiraw ka hmangaih em em bawk a, ani pawh hian min hmangaih lutuk a sin" nui sak chung hian a rawn ti a. "Khawnge tunah a awm? ka va hmu ve ngai lo ve" tih zawhna chu ka ka a tang chuan a chhuak rang mah mah.






Hnuailam melh reng chung chuan "min kalsan tawh, ka sawi awmzia chu a thi tawh a, jordana kha chu la damse chuan tun a ka nun dan ang mai mai hi chuan ka awm lullo ang, ka ngai lutuk hi thih ve daih ka duh a vawitam ka nunna hi lak kalo tum hial tawh a mak tak mai in vawiin thleng hian nungdam in kala awm chu anih hi.





jordana nen hian college ka kal tirh in kan intawng a, Hmeithai fapa ani a kan college bulah mi insa in a rawn inhlawh thin a vawikhat ka hmuhna atang in ka hmangaih nghal a sin, kei chu min hmuh ang hian chhungkaw hausa tak a tang a lo chawr chhuak ka ni a, a tir ah chuan min hnaih tha duh lo reng a mahse ka hmangaih ang tho in min hmangaih ve miau a vang chuan reitak min hnar thei biklo a kan inzui ve ta nge nge a.





Zorin jordan-an an in a min hruai luh hmasak ber ni chuan an rehtheih em avang chuan a zak em em a mahse an dinhmun vang khan iai na chhete mah ka nei hauh lo ka hmangaih zual phah sauh zawk, a nu chuan minlo lawm hle nghe nghe a khatiang tak a ka hlim ni kha ta tawn leh tawh pawh ka ring lo, ka chhungten kan in ngaizawng tih an hriatchhuah hma kha chuan kan hlim dun em em thin a sin.





Kei in nitin college ka kal lai in a ni erawh chu an nufa eitur thawk in a inhlawh tauh tauh thin a, pawisa keini in hman senloh kan neih laiin an ni erawh chuan an eikhawp an nei ve tawk ani sia, pawisa pek ka tum a piang khan thinrim takin min kalsan tawp zel, pawisa minpek leh itum chuan kan in then mai a ngai ang a tih tak a tang chuan tanpui ka tum tawh ngailo, pawisa a hlawh chhuah tam zawk theih nan kawngdang ka dap a inhlawhna tur thazawk ka ngaihtuah sak mai thin.






Ka chhungten jordana nen kan inkawp tih anhriat chuan min pawhthen antum nghal ngar ngar a, mahse ka rilru min thlak sak theih miau loh vangin jordana lak ah antuan a. A tir ah chuan kalo hre mai lo a, nikhat chu chhunlam ah hnathawk a a chhuah ziah thin vangin a nu hmutur in college a tang in ka kal a, an inluah chu a lo in kalh thiap a, an thenawm te ka zawh chuan engmah sawi lawk lo in in neitu ten an hnawtchhuak ringawt a, nu pakhat a rawn kal thin atang khan in neitu te hian an ngaitheilo nghal em em a, an nufa tluk a mihring rilru tha kha an awm pawh ka ringlo.





Enge an thu leh hla va hreve kilkel lo mah ila khanu kha a rawn ang nasa thei khawp mai, tun anglai ah inluah tur a van tehlul nen khawi ah nge an awm dawn tak ni, keini pawh hi inluah tur dang zawn mai ka duh jordana te nufa ang hian vakvai tur a min um chhuah ve hma hian an thenawm nu chuan a ti bawrh bawrh a.






Kapi lo kal thin itih nu chu heihi a ni em? ti in ka phone a kanu thlalak chu ka hmuh tir a, aw henu ngei hi anih hi a eng pawi nge anlo sawi ni khatiang reng reng a nu rapthlak kha ka hrelo a ti bawrh bawrh a, chunu in achanchin a sawi mek chu kanu a ni tih a hre hauh lo.






Ka tah chhuak lutuk chu ka insum theih loh hlau in ka in petruh fan fan a jordana ka call lah in min chhang thei der bawk silo, inluah tur zawngin khawilai ah emaw mangang takin a vak kual mek awm sia engtin emaw ka tanpui vat a ngai tih ka hriat vang chuan ka thiannu high school kan kal lai a ka kawm ve ber thin chu ka phone a.








Edenthar ah in ansamek tih ka hriat vang a call kani, dawrah a awm thu a lo sawi chuan an dawr lam ka pan nghal vang vang a pasal a neih tawh a vangin a pasal nen an in tur a ansak a ni a, andawr ka thlen chuan anpa nen an lo awm dun hlauh a thil awmzia chu lungchhe lutuk chuan ka hrilh mawlh mawlh a, jordana te nufa lak a kanu chet lak dan chu awmlo anti in jordana te nufa chu anlo khawngaih ve khawp mai, ka beisei ruk ang ngei in kan in chu luah rawh se keini chu inpuiah duh chen chen kan la awm thei a lawm ka thiannu pasal in a tih chuan kalo thaw huai thei.






An nupa chuan luahman pawh awmlo a luahtir an duhthu ansawi chuan jordan-an a duh dawn loh thu ka lo sawi vat a. Ka thiannu nen chuan jordana te inluah thin ah chuan let leh in midang hnen ah an thenawm nu number chu kan dil a ka thiannu chuan jordana te thenawm nu chu bia in inluah tur an neih thu te chu thiam takin a hrilh a.





Ka rin ang ngei in an thenawm ten inluah tur an zawnmek thu leh a rawn phone tir vat tur thu a rawn sawi a, chawhnu lamah jordana chuan a rawn be nghal reng a, jordana ka thiannu te dawr a a rawn kal lai chuan ka lo biru ringawt ka thiannu pasal nen chuan an in awmna lai inhrilh tur chuan an in phurchhuak nghal a kalo thaw huai thei, ka thiannu in a hmeltha takzet a nih kha mipa in ring tawk tak a ni tih a chezia ah khan ka hre mai dinhmun tha deuh zawk ang ding ngat se chuan tlangval to tak a ni ngei ang a ti nghe nghe a.






Nileng chuan minrawn be lo ah zan darsawm pelh ah min rawn be ve hman chauh a, a buai tih ka hriat vangin ka phunnawi lo hrim hrim an insawn thu leh kartawp lamah an inluah a lengtur in min sawm a, hresa tho mah ila an inluah ka hmuh chak tawh zia leh an nufa bul a awm ve ka chak zia chu ka lo hrilh ve sep sep a.






Khami zan atang khan kanu te laka ka thinrimna a zual sauh a jordana nen kan inhmuh leh hmasak ber ah inneih ka rawt a, ka rinlawk ang chiah in an dinhmun in a la zirlo a nupui neithei anih loh zia min hrilh nghal chat a, ka chhungte inrawlh lo se chuan englai pawh in ka tan chuan an kawngka a inhawng tih ka hre ve reng minnei mai tur chuan ka thlem ta ngat ngat a an in a min hruai leh tum ah chuan ka haw duh ta lo a, nupa kan ni chu ani ve ta der a.





kanu chu phone in jordana nen kan inneih thu leh min rawn zawnglo tur in ka hrilh a. Kalo ringlawk angchiah in a thinrim ngang mai ka biak zawh rual chuan ka phone ka off nghal daih a, jordana te nufa kiangah chuan karkhat chhung chu hlimtak in ka awm a, mahse ka chhungte chuan min rawn zawng hmu rang kher mai.





Kanu chuan min hruai kir turin police a rawn hruai hial anih chu, jordana nu in police hmel a hmuh rual a a hmel a hlauhna rawn lang chhuak te kha vawiin thleng hian kala theih nghilh thei lo.





Ka chhungte nen kan inpawh buai na lamah jordana nu lungthalo a chhuak a ni hnih hnuah a thi ta nghe nghe a jordana rilru na lutuk kha sawifiah dan ka thiam lo ka chhungten jordana nu an thahsak tih chu ka pawm nghet thlap, kan inlam àh min hnuk haw leh a jordana hmel hmuh chu chak viau mah ila ka ngam thlawt lo, ka ngai lutuk kha ka â lo choh khang hun lai khan lo huaisen deuh ni ila chuan jordana kha ka chan hauh lo tur hi ania. A nu that tu te fanu hi minlo pawm Ka ring tawh lo a. A hmel hmuh kha ka ngam nganglo a ni, ka chhungten ka room chhungah min kalh hnan reng a ka phone min laksak vangin ka be thei bawk silo, thlakhat hnuah ka thiannu kan inah a rawn lang nawlh a. A hmelah chuan thil diklo a awm tih ka hrethiam mai a.




jordana a thih thu minrawn hrilh chuan mu leh mal ka nei lo kanu chu tap chung in ka sual chiam tih chiah ka hria, thlakhat chhung lek in nufa inngeih leh hlim tak nithin kha keimah vangin an thi a nih chu.






A mittui chu a hru zauh a, jordana an vuiliam ni atang khan ka mizia ka thlak hlawk a ka tan damhian awmzia reng reng a nei tawh lo a, harhfim a khawvel hmachhawn ka duh lo aniber mai, nitin zantin ti hian ka rui ta ngat ngat a nih hi kanu leh pa pawh an inchhir a mahse an inchhir hian awmzia a nei tawh lo ka jordana khan min pelet thei tawh lo, hun leh ni aliam ve zel a sum leh pai in hlimna min pek loh zia an hrechhuak a mahse a tlai tawh lutuk, an fanu neih chhun kehthei dawm a andawm hi miruang kal thei ang lek ka ni tawh a.





Entiang pawn nung ila ka lak ah engmah an ti thei lo, vawiin hi jordan-an min kalsan atang a kum nga na chiah a ni a. Angel inhnawh puar ila jordana nen in hmelhriat tir cheu ka duh a a tih chuan ka mittui chu alo baw hawk a.






Rinzami mihausa fanu mal neihchhun he tiang a a nung hi mak ka ti lutuk ta miah lo, makpa hausa leh an chhungkaw milpui neih anduh luat ah an fanu hi anchan Ka ti lo thei lo, jordana te nufa chu an damlai hmel hmu velo mah ila ka lainat ngawih ngawih, kan inhnawh puar zawh ah jordana thlan tlawh tur chuan kan in phur chhuak a.





Pangpar zawrhna dawr ah pangpar tamtham zet a lei a... Edenthar thlanmual lam pan chuan kan kal nghal vang vang a, thlan tamtak kalpel in thlan pahnih ding thiang rial lam chu min panpui a, thlan chungah chuan pangpar chu dahin ngawi reng hian a thlir ngawih ngawih a.





Thlanlung a hming inziak ka chhiar chuan "Jordan Luikammawia hming common lo tak anih hi" ti in ka phun chhuak sap a, minrawn melh zauh in zalo fe chuan a then sak a.






"Jordan duhtak enteh tunge ka rawn hruai hi? Angeli zorini a nih hi min kalsan hnu a thinlung tak a minti nui theitu awmchhun a nibawk. A ni hian min buaipui nasa thin khawp mai ka hmuh hmasak ber ni atang khan ka tan vantirhkoh irawn tirh ni ah ka ngai a Ka ngaina takzet asin" a ti sep a.





"Hi Jordan, zorini ka nia he khawvel ah hian idamlai hmel hmu ve hman lo mah ila ka thinglung ah hian icham reng tawh ang, ihmeichhe hmangaih hi tha tak in ka lo enkawl zel ang tih ka tiam a che, rawn ngaihtuah reng reng suh aw, kalo venghim tlat ang" ka lo ti ve sep a.





Jordana thlan ah chuan tlai rak thlengin kan awm a kan tap dun char char ani mai, a damlai hmel hmu velo mah ila hmangaihna vang a nunna hial chan tu jordana chanchin ringawt chuan min vel tap lo thei lo.






Hotel kan kir leh chuan khua a thim fel tawh a hotel ah kan pahnih chuan zanriah kan eidun a.






"Angel tun a ka nun hman dan hi ka ning tawh takzet chubak ah jordana duhdan a nilo ni in ka hria nizan pawh khan ka mumang ah Ka hmu leh a, zandang ah ka mumang a ka hmuh hi chuan ka bul hnai ah a awm duh ngailo a. A hmel ah lungngaihna hlir ka hmu thin, makdeuh chu maw nizan khan ka rui miah lo a jordana chuan hlimtak in min lo kuah a, hetiang hian awm reng tawh rawh iruih reng chuan kabulah i awm ve thei dawn lo a kan awmdun theilo ang min lo ti a, ka hrethiam lo jordana hian hetiang a keima nun ngei ka ti chhe vek hi a phal lo a ni thei a ngem? a ti hliai a.






"He tiang a iruih reng a Pathian lam ihawi loh chuan lo boral ta pawh nila vanram ah ikal thei dawn lo a, chuvang chuan jordana a lungngai a ni thei mai lo maw? iruih lai a imumang a ihmuh chuan ibulah a awm duh lo a nizan a iruih loh a imumang a ihmuh chuan hlimtak in a lo kuah si che a, zamte thawk leh khat a ruihhlo thlah hmak chu ithei kher lo anih pawh in zawi zawi in nghei tum la kei hian ka pui ang che jordana bulah ka venghim tlat ang che tiin ka intiam tawh kha" ka tih chuan, mittui tling pam chuan min en reng a.






Ka chhungte phallo chung ka chhuak lui leh a naktuk ah ka chungah enge thleng dawn tih ka ngaihtuah lo, Rinzami ka kalsan theilo vawiin hi a hmangaih ber a chan ni champha a ni a amah chauh a kalsan Ka thei lo, kum li chhung khan khawhar takin he ni hi a lo hmang liam tawh a tunah chuan kei hian a kiang a awm a thlamuan hi ka duh ber ani.






A khum ah chuan mu in a hun lo hman tawh dan te chu min hrilh siam siam a. Tigera hming a rawn sawi rik rual chuan ka lungphu a danglam leh nghal vek.





"Angel Tigera hi nang ka tawn hma che a ka mihring rin awmchhun a ni a, kha tia jordana ka chan tak a tang khan ruihhlo ah ka tlan nghal a, khatih hun lai khan phaiah lehkha zir in a awm thin a Ka ngainat zia leh ka zah thinzia an hriat a vangin ka chhungten haw turin an ngen ta ringawt a, vawiin thleng hian min ngaihsak in min veng reng thin. A nu nen choh an awm a Ka patea fapa a nia kan naupan lai in a pa a thi tawh a, nute-in pasal neilo in a tulpui ta thak a nih hi, a tih chuan Tigera chanchin min hrilh chu uluk tak in kalo ngaithla kiau a. A unaupa hi ka mipa theihnghilh theih miah loh a ni tih hrilh mai chu ka chak kher mai.






"Tigera iti reng a hming te a nei ve lo ami?ka tih chuan a nui hak hak a, "ningawt mai tiraw Lalrinhlua a nia Bawihpui ti in an ko thin, ka tan hi chuan sakei ang chiah a ni sakeibaknei zaidam chi ania".






Tigera chanchin sawi chu nuam a ti in a hmel chu a nung sar a. " Enteh Angel tunah hian ka ti thei a ngem? diktak chuan nimin atang khan damdawi ka ti tawh miah lo ania! i awih lo maithei a mahse zu chiah ka in isawi ang khang ruihhlo hian jordana ang tho khan ka thisen zungzam ah hian bu a khuar nghet tawh lutuk a, ka bansan thei tawh lo chu anih" hi kan thusawi ki chu a rawn thlak hmak a.





Almera chu a va hai rak rak a, damdawi chu rawn phawrh in a siam rak rak a. A kut te chu a khur dar dar a, ka lo enve reng vang chuan..."Angel in vit ve nghal mai la a rawn tih chuan ka lu ka lo thing vat a "zingah khan ka ti tawh a zu a awm chuan ka duhtawk rih" ka tih chuan engmah sawitawh chuang lo in hnehsawh zet in a invit nghal mawlh mawlh a.






"Angel zanin home lamah kan kal dawn lo ami? nizan kan lang tawh silo a thiante ho in mak anlo ti viau tawh in ka ring a rawn ti sar sar a, a rui mitmeng phi chiai mai chu ka en vang vang a,, hmangaihna hian hetiang khawp hian Rinzami a tina tih ka hmuh hian hmangaih neih ve chu ka hlau zo vek a, chutiang a nih rual chuan Tigera erawh ka rilru ah a awm reng lawi si a.





Kan home kan thlen chuan kan thian te ho chu an thawm a lo na leh tawh kher mai inchhung kan luh rual chuan tu vak mah in minlo ngaihsak lem hleilo a. Rinzami chu music tangzet an play rem chuan midang lam ve ho karah chuan a inhnawh lut tawlh tawlh a, zandang a ka la hmuh ngai loh ka hmu nual bawk a, heng hi chu thil thleng reng reng a ni tho a, engmah ruihbak lungkham nei lemlo an ni bawk a mihrang hrang kawp lawr in he in ah hian an rawn hruai kur zut reng tho a.





Inchhung kil lam ah hian bar angreng deuh a awm ve a, zu in pah a han thut khawm na tur sofa hlui tawh tak pali a in hung ve thliah a, a bak chu bungrua engmah a awm lo helai hmunah hian zantin ti hian kan ri luih luih a engmah engto nei lemlo in kan lam a. A then an in chiu a a then in zu an in a, sex lo hmang mai mai te pawh hmuh tur an awm reng thin, bar lam ah chuan kal in vodka chu glass no ah chuan ka thli nghal mawlh mawlh a, sofa chung a thatchhe fe a lo thu Awmpui bulah chuan ka thu ve nghal tharh a.





"Hei. Zanin chu lamtual imawi lo ve teh mial a" ka tih chuan a khi suk a. A thut dan pawh siamtha chuang lo chuan thatchhe fe chuan a la thu reng a.





Ring deuh zawk chuan "Awmpui tikhan awm lo teh khawvel te chu a chen thiam thiam ta a lawm anih, kan va lam ve dawn ami? ka tih chuan a zu no chu ban in a thawkkhat nghal pawp a, "zorin ihria em zanin chu lam mood ah ka awm lo" tlat a ti sup a.






"Puih theihna che ka nei em?, kan thinlung a thu awm hi midang hnen a kan in bunruah hian kan thawl phah hawk thei a sin, ka hnenah hian sawiduh inei em ngaithla turin ka in peih reng a nia" ka tih chuan a hmai chu a tuai puat a, rilru hah na liantham tak a nei tih hriat fe chuan a thawchhuak leh hawk hawk a.





Music ri a ring bawk nen a lamah chuan va thle hnai deuh in. "Balcony lam ah sawn thlifim kan va dawng dawn ami? ka tih chuan chiang zet hian min en a.






" Engmah hrilh tur che ka neilo min kalsan phawt zawk rawh" a tih chuan ka hnual rawih rawih thei, ka thinlung kilkhat a tang chuan "zorin kalsan mai rawh" zawite hian a rawn ti a leh lam atang chuan "kalsan miah suh Awmpui hian ipuihna a lo mamawh maithei a sin" a lo ti bawk a.






Minute reilo te chhung chu engmah sawilo chuan kan thu ngawi reng a, a no chu lain vodka chu ka thlit khat sak leh te te a.




"Engmah sawitur ineih loh pawh in ti hian ibulah ka lo thu ve mai mai ang aw, ka thianpa hian enge maw buaina liantak a nei tih hrereng chung a lo lam chu ka thei bik lo" ka tih chuan min rawn melh run run a. A mit a Ka en chu tap zo hlim a ang riau hian ka hria a, ka hriat thin Awmpuia mipa thawveng zet kha a ni tawh miah lo, zu no khat chu a tlak leh pap a a thutna atang chuan arawn ding ta hluai a, a chezia mak ti zet a kalo en reng lai chuan "minrawn zui dawnlo ami? a ti sup a.







Rang lutuk chuan ka ding ve nghal vat a "zui dawn e" ka ti nghal vat a, thlanglam bolcony lam chu vung zetin a pan a a mah a palian angreng sia a hnung ah chuan tlan titih in ka umzui dat dat a.





Pawn kan chhuah chuan inchhung boruak nen chuan a in anglo kher mai boruak a vawt deuh var a, engmah sawilo a a awm tak reng ah chuan "tunlai chu ruah a sur peih lutuk a boruak hi a vawt ve têk reng chu a nih" hi ka ti hliai a.






"Zorin" a rawn tih chuan Awmpuia chu ka en vat a, "nang hi chu kan thian ho zing a irawn tel tirh a tang khan idanglam bik kalo ti thin a, kan thian ho tute mai pawh hi bawraw tak tak a kan chet chang te buaipui ngai khawp a kan ruih nawi chang te hian min buaipui tu ber ini reng thin, nang hi chu ka ring tawk che a ka harsatna hrilh ngamna tlak ni tur ah ka ngai che tihna a nih chu" a ti hmasa te te a.




"Chutiang a minlo ngai chu kalawm, mahse kei hi kafel bik hauh lo ania kalo ti vat a.





"Vawiin khan ka thisen ka test tir a, kei hi positive ka lo ni ve reng a kan awmdan thin chu ihriat ve vek kha, ruihhlo ka khawih nasa a sex lamah pawh ka duai lo mahse ka inveng ve nasa a, ka invih pawh in hriau midang ka tawm ngailo a chutiang bawkin hmeichhia ka mutpui pawh in condom ka hmang ngei ngei thin, ka fimkhur ve hle emaw ka ti chung pawh in he natna hi ka thisen ah hian a lo awm reng tawh a. Tunlai ka awmdan a dik thei lo a khawsik ser ser te ka nei reng a damdawiin ah ka va in entir a ka beisei loh ber thil positive ka ni tih ka hriat tirh chuan ka kehchhe zo vek. He natna hi sawi mai aiin a veitu han nih chiah chuan a lo namai lo khawp mai, engtia lo kai ta mai nge ka nih ka hrethiam thei thlawt lo ani" a ti chuai raih a.






A thil sawi zawng zawng kha ka ring thlap. Awmpuia hian midang nen hriau a hman tawm Ka hre ngai lo mihausa tak an ni a, he tiang a nuam tawl a tal vel nuam ti chi a ni bawk a amah pawh mi fel tak a ni a, engang a rilru tha leh fel pawh ni mahse midang te hmuh dan ah chuan ruihhlo ngai leh mi bawraw tak a ni ve tho.






Ka beisei loh lam thil daih a rawn sawi tak ah chuan han hnem mai dan tur pawh ka hre mailo a, ka lo rindan chuan Rinzami ang tho in hmangaihna lam in a ti buai a nih ka lo ring a mahse a lo ni miah lo, a dinhmun ang ah hian ding ila a mah ai hian ka tuar thiam lo zawk ang.







"Enteh Awmpui i hriat dan chuan i theih tawp in ifimkhur a ni mai thei kan ruih chiah hian kan ngaihtuahna te hi a mang zo vek thin a, midang nen hriau ilo hman pawlh a nih loh vek pawh in ihmeichhe mutpui te lakah inven na hman loh palh zauh inei a nih ka ring tlat, nula leh tlangval awmkhawm na ngang hi kan nia, kan ruih nawi deuh chang phei chuan mahni inlam pan lo a han riah ho mai chang te kan nei bawk a, kan hriat miah loh hian kan duhloh thil te kan ti chawk thin a sin, ruih vang a virgin hlauh lai hre miah lo te pawh ka hre teuh a sin.






Engpawh chu nise thil chu a nih tur ang ani zo vek tawh a, tunah hian ithisen ah HIV hrik a awm a ni mai a, tha tak in i in enkawl a nga reitak chhung damna chance ila neitho alawm. A nihna takah phei chuan mi zawng zawng hi kan la thi vek dawn a lawm.





Mi te pawh cancer vang te leh natna dang dang vang in an thi a, positive kher lo pawh an thi teuh tawh tih hre reng la, he natna hi inhneh tir tum miah suh naktuk ah ARC centre ah kal la damdawi tha tak a i ei phawt chuan Putar inih thleng pawh in idam dawn a lawm. Min mamawhna ineih phawt chuan kei hi ikiangah awm in ka pui zel ang che ka ti malh malh a.





"Ka beisei ang chiah ani, ka thawl ta huai mai" nui suk chung chuan a rawn ti a.





"Ka tih reng kha kan rilru hahna te kan up beh reng chuan keimah ni in kan tuar tlawk tlawk thin a, midang hnen a kan rilru hah na te kan in bunruah ve fo hi a ngai reng a sin. Awmpui kan sual tiraw Pathian ngaihsak lo in ti hian khawvel ah hlimna zawng in kan tlan a atawp chu lungngaihna mai choh a ni leh si a, Pathian hi a awm tak tak iring em? Ka tih chuan ka zawhna vang chuan phawk zet hian min en a.






"Ka lo ngaihtuah ngai hauh lo, ka tet te atang in kohhran hi kan chhungkua hian kan hnaih ka hre ngai lo kapa eiruk hmangin nuamsa takin kan awm a, kan inchhungkhur ah hian Pathian hming hi a ri ngai reng reng lo a" a tih chuan ka rilru a lo na ngawih ngawih.






"Kei chu Pathian a awm ka ring a sin, kei hi pastor fanu ka ni tih hi ihretawh reng reng em?Ka tih chuan, maktih hmel fe a min en chung chuan "ka hre hauh lo, ti hian kan rui ho a kan mimal nun hi kan inzawt ngai bawk silo a, hetiang a i awm hi ichhungte tan chuan mualphona nasa tak a nih ngei dawn chu" a ti sup a.







"Ni teh reng mai, thuruk ka hrilh ang che aw, tukkin zingah pawh khan ka u in minbeng hrep a lawm nizan khan ka riak bo leh a" ka tih chuan a nui hawk a.





"chhuak tawh lo turin anti ngei bawk che a nga" a lo ti vat a, uar zetin ka lu chu ka lo buk khum a.





"Ti chiang e mawle, mahse engmah hian min dang zolo chu anih ber hi zinglam ah kha chuan ka room ah kalhhnan ka nih ve ngei kha" tih pah chuan ka nui hak hak a.






"I kawlhrawng ve hle mai maw" a tih chuan ka lo nui tawp.





"I nundan hi ninchang inei ve thin em? ka tih chuan "ruih hi chu nuam ka ti a mahse keimah ah hian kimlo a awm thin, ka ruih loh chang hian kan inchhung buaina hian min delh rit thei lutuk a ka pa lah in nula kawp a bansan thei lo a kanu nen an inhau reng bawk si, ka rilru ipik lutuk vang hian ruih reng hi ka tan a nuam ber thin" atih chuan ka rilru a kal thui kher mai.






Mi reng reng an landan ang ngawt a teh tur anni ngailo, eng harsatna nge an neih kan hriatpui hmasak fo hi a ngai reng a sin.






"Keipawh hian ka nundan hi ka ning lutuk a mahse ka kawng zawh mek hi ka bansan theilo chu anih hi, Awmpui keini misual pahnih hian Pathian chu kan han au ve chhin dawn ami? Ka tih chuan a lu a thing ringawt a.






" Nilo nilo ka tawngtai thiam teuh lo ka hriat theih chinah ka la tawngtai lo reng reng" a tih chuan Awmpuia dinhmun chu ka hrethiam khawp mai.






" Mahse idinhmun ah hi chuan Pathian ah bak in nghahna tur inei tawh hlei nem, hun a kal a nga ithisen a natna hrik te khan itaksa mawina te hi an eichhiat vek hun a la thleng a nga engtik niah emaw chuan khawvel hi ichhuahsan ala ngai ngei dawn a, ithlarau kha khawiah nge a kal ang?, sual hle mah ila ka thianpa hi chatuan hremhmun a ikal chu ka phal hauh lo a nia, tawngtai thiam lo mah la ithiannu sual tak hian ka tawngtai che min phalsak rawh" ka tih chuan a ngawi reng a.






Chhan na beisei chuan ka en reng a. "Ka duhlo Pathian hi awm tak tak se chuan he tiang a nun ngaitur khawp a chhungkaw buaichuar ah hian ka seilian hauh lo ang, ka hlimna tur a ka hriat Ka khawvel phuah chawp ah hian ka hlim tawk a midang ka mamawh lo" a tih chuan ka beidawng kher mai.





A rilru buai vanglai ani a thu tamtak sawi pui chi ah ka ngailo, ka phone a sana chu ka melh zawk a zanlai a lo hnai kuar tawh tih ka hre chiah.






"kan bo rei tawh sia kan thiante iva fin phei ve tawh ang hmiang" ka tih chuan a lo duh ve mai bawk a, inchhung kan luh chuan a kut chu vuan in "Awmpui min mamawhna ineih phawt chuan itan ka inhawng reng ania minrawn be vat dawn ania" a bengbul ah ka va ti leh hram a.






Thildang a min chhang tawh lo chuan a nui ringawt a, "kan tha tiraw kan va lam ve tawh dawn ami? ka tih chuan kan thian te lamah chuan ka kai phei dat dat a.






Engto neilo zet chuan music rem chuan ka lamnghal nghawng nghawng a, Rinzami zawng chuan ka mit ka len ru deuh reng a, lam ho kar a ka hmuh mai loh vang chuan bar lamah a awm anih ring in ka va hawi phei a, ka thil hmuh chu ka hmu sual a nih ring in ka hawi nawi leh ngat a, sofa chung a thuin Tiger-an zu no hum run chung a minlo melh kur ka va hmuh chuan ka trek chhawk thei, sawpa sawn enge helai ah hian a rawn tih ve a?.





Oh nidawn tak a farnu a rawn zawng leh a ni ngei ang, kan home awm na ka lo hrilh ta palh palh chu ka inchhir kher mai min hmusit leh zual sauh dawn anih hi khawnge Rinzami pawh chu a bikbo daih le? ti chuan ka phun bal bal a, ka lam pawh a tui tawh nek lo kan piah lawk atang a rum lutuk a min rawn melh reng tu vang vek chuan....cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 24th, 2021, 3:59 pm

Rinhlu-an Khawdang hawi lek lo in min melh char char tih ka hriat a vang chuan ka awm anuam thei tawh lo, hepa hian minla hre ve a ngem le? Kha zan a hma a ruak deuh thaw a ka awm zan kha, nilo nilo thil theih anilo min hre tawh miah lo ang, chubak ah kum tam avei tawh tlat.








Rinzami ka hmu ta mai bawk silo a "khawnge maw alo kal hman daih dawn chu le? ti nuah nuah pah chuan ka phone chu phawrh in ka call a minla chhang thei der lo leh nghal, ka rilru chu a buai leh nghal vek tawh helai hmunah hian lo kalpui miah loh tur hi ka nia sin, a nundan hi aning ve tawh a tlaiah pawh khan insiamthat a duh thu pawh min hrilh nghe nghe tawh kha.






Muang chang chuan Tigera (Rinhlua tiin ka sawi tawh ang? lam chu ka pan phei chhat chhat a, mit la sawn eih lo chuan minla melh ngur a, a hma ah tak chuan va ding in.





"Rinzami ilo hmu em? Ka be tlang thei miah lo a" ka ti nghal thawr a. Rinhlua ka hmachhawn vang chuam ka zam lutuk hi ka kut te chu a thlan huh dap thei.






Min chhang lawk lo chuan minla melh ngur reng a, he pa han chimawm dan em em hi. A sam vikings style chuan a ti lang pa hluah hluah, a jacket ban chu a kiu ah apawttawm chho a, a lang pa hluah hluah...zam lo ang deuh chuan ka awmlui ve ngar ngar a, min chhang tawh dawnlo emaw ka tih hnuah chuan.






" Khawnge ikal a? ithiannu in a fak tehreng che nen ithiannu pawh ngaihsak lo in mipa ilo khawsak pui mai mai chu ania" ka zawhna pawh chhanglo chuan min ten hmel lutuk chuan a rawn ti hriam hrawih a.!







"Mipa ka awmpui leh awmpui loh ah chuan ilobuai ve natur a awmlo Rinzami chu ilo hmu em? ti chung chuan ka hawi kual ruai a.







"Car ah a muhil a thiannu lo nghak turin min ngen chu ania, hmeichhe tenawm lutuk mipa tawmpui nghak in he lai hmunah hian ka hun ka khawhral ang tih hi ka ring thei lo" lawm lo tih hriat lutuk a a rawn tih chuan ka lo na leh vawng vawng tawh.






Thildang sawi tawh lo chuan...."A nih chuan kal tawh rawh u. Minlo nghak duh a nih! chu itih tur ber itihfel tawh te chuan minlo nghah kher a ngai hlei nem ka in buaipui vethei reng" tih leh kalsawn ka rual a.






Ka ban ah tha chak zetin min rawn man vang chuan ka ding chiang ngang mai, engmah sawi tawh lo chuan pawnah chuan min hnuk chhuak dawr dawr a, ka ban a vawnna chu phelh ka lo tum ve ngar ngar bawk a.







"Enge ihriat a? inau chu hruai la haw ta mai che chubak ah ihmeichhe ten em em hian lo nghak turin ka ti hauh lo che" ka ti vin tuar a, a thim em avang chuan a hmel ka hmu chiang thei lo a min enreng tih erawh ka hre thei thung.





"Min hnial buai renglo khan min zui mai mai teh ithiannu bulah min kalsan ti in ilo zual ko leh vel emaw ania nga" a ti hluk a.





"Chu thil chu a thleng hauh lo ang chuvang chuan ngaihtha deuh khan inau chu hawpui rawh" ka lo ti leh vat a.






" Car ah hian lut rawh ka thlah haw ang che" nem deuh zawk hian a rawn ti sup a. A tawng chu ka hresual emaw ka ti hial zawk.






Che sawn lo a kala ding reng vang chuan "hun a kal zel a nia" dawhthei lo zet chuan a rawn ti leh hluk a, a aw pawh a hma ang thoin a changtha leh bengbawng ngang mai.






"Scooty kan keng a lawm ti khan minlo va haw san rawh u" tha tak chuan ka ti ve mai bawk a.





" Scooty inkeng a ni maithei ka khalh hawtir daih tawh helai hmun a mahni te a riah iduh a nih chuan kan haw san ang che" a tih chuan phawk zet in kalo meng kawk a, duhthlan tur dang ka neih tak siloh ah chuan a car ah chuan ka lut ve ta nge nge a.






Ngawi reng chuan motor a khalh mawp mawp a, zanlai a pel tawh a motor veivak pawh an khat pharh tawh, kan in a haw ka hreh ngawih ngawih engthil in nge minlo hmuak leh dawn tih ka hre silo a, ka rilru chuan thil tamtak a ngaihtuah kual nasa hle, hetiang a zantin hlauthawng reng reng a haw ziah ngai hi katan thil nuam anilo a kan in hi chhuahsan ta mai ila tih thleng chuan ka ngaihtuah thleng vek a.





Car a din takah chuan kan in kanlo thleng reng tawh tih ka hre ve chiah. Mahse hepa hi kan in awmna ka hrilh miah bawk silo a. Minlo chhuiru reng ani thei mai angem?.




"Engtin nge kan in hi ihriat a? Engmah ka hrilh der silo che a" meng phawk hra chung chuan kati chhuak phawng a.



" Ka hre ve tawp".


Min chhan dan te reng reng chu min thamlo in pangaitak a biak tlak ah min ngailo niber hian ka hria.






"Awle engtin nge ihriat a pawi mawh ber lo e, kan inthleng minthlah vang hian ka lawm lutuk aw" ka ti sep a.






Kan inlam chu car atang a chhuak mai lo chuan ka melh leh vang vang a, Uzohminga car gate bul a inhung ka hmuh ringawt pawh chuan ka zam lutuk chu ka dâng te hi ro vek thei, zingah khan chhuak lo tur khan warning chiang takin min pe vek tawh sia.





A hmalam glass atang chuan min rawn melh zawk in "ichhuk dawn lo a mi? car ah hian riah leh ibeisei zawk nge? a rawn tih takah chuan kalo in sangmar teuh a.






Hepa hian ka dinhmun hi a hrethiam pha ve thlawt lo, mahni inchhung ah ngei pawh thlamuang takin ka lut ngam tawh lo chu ani si a, hreh zet chuan a car atang chuan ka chhuak ta zal zal a, gate ka luh thleng chuan a la tlan chhuak hauh lo.






Inchhung ka penluh hma chuan ka sana chu ka en zawk a zinglam darkhat a lo ri vang tawh a, ka hawi let leh a alo tlanchhuak fel tawh a.






In chhung ka luh rual chuan rum lutuk a uzohming-an min melh kur chu ka hmu hmasa ber a, ka hlau lutuk chu a hmel chu ka melh nawn ngam tawh lo hrim hrim.






Kanu leh pa ka zawng ru deuh a ka hmuh mai loh a vang chuan an mutawh a nih ka ring a.





" Tunge rawn thlah tu che kha?. nelawmna tel hauh lo chuan arawn ti hmuk a.


Ka hlauhthawn em vang chuan hriat theih chang chang tur hian "Ka thiannu u" ka ti sap a.


"I thiannu u nen chuan tunang zanreh ah enge intih? tinge kan thusawi hi ihriatthiam duh miah loh a? zanin a ka thil tih tur ah hian min ngaidam ang che nangmah tan vek a ti kan ni" a tih chuan a ngaihna hrelo fe chuan ka u chu ka en reng a.





"Mate thu tha tamtak kan hrilh tawh che a, tun a inun bawlhhlawh tak vang hian kan chhungkua in mualphona kan tawn nasat zia pawh kan hrilh ngun tawh che a, in atang chhuak lo turin kan tih che pawh in ilo chhuak lui leh zel bawk si... hetia tih bak hi thlan tur dang ichhungte hian kan hre tawh lo' tih leh hrui a min phuar chu a rual a.






Ka u chetdan maksak zet chu bangbo fe hian kalo en mawl tawp, min phuar hlawm vek hnu ah chair ah chuan min thuttir a, ka ke dinglam chu site table ah chuan min kham kan sakin ka mit chu a rawn tuam nghal vek a, ka u chet dan chuan minti mangang tawh tak zet.





" U enge ka chungah hian itih dawn a? ka ti mualpho cheu tih chu ka pha lo mahse ka kawng zawh mek hi ka tawpsan theilo min hriat thiam tum zawk ta che u" tap chung chuan ka ti a.






Ka u chuan kam khat mah in min chhang tawh lo ka ngalrek nalutuk a thil rittak in a rawn delh rual chuan a ri thawt a ka thutna chair atang chuan chhuat ah ka thal thla nghal tawp a, ka u pen thawm bak inchhung ah chuan thawm hriat tur a awmlo.






Hei vang hi anih hi ka u khan ngaihdam te min dil ni, ka ngalruh tih tliahsak ngaikhawp in maw ka chhungte rilru Ka lo tih mangan?ka rilru na lutuk vang chuan ka natna chu engah mah min ngaihtir thei lo ka tahchhuakna te chu lakbo in a awm nghal hmiah a.






"Zorinsang itap tur anilo" ti in ka in fuih ngar ngar, ka kut a phuar vek avang in ka ngalruh tliak pawh ka khawih thei lo a ka mit a tuam vek bawk si, minrawn ngaihven mai lo chuan minute nga chhung vel chu chhuat ah chuan ka mu hlawm reng a, he thil hi chu kalo beisei ngai miah lo a sin ka ruih thin vang leh zan a chhuah ka hrat vangin ka chhungten ka ngalruh min khawn tliah sak hi.






Minute sawm tha zet hnu ah chuan ka u chu a rawn kir leh a min phuarna chu phelh in, "mate ichung a he thil ka tih vang hian min haw suh ang che ichhungte hian kan hmangaih che a kan farnu neih Chhun ini bawk a, heilo hi chu kawngdang kan hre tawh lo a nih hi iroom a kan kalhhnan chung che pawh in ilo chhuak zel tho bawk si" a ti mawlh mawlh a.






Ka tap lo a ka tawng hek lo chutiang bawk in ka chhungten ka chung a an thiltih vang hian ka haw miah lo bawk mahse ka rilru hi a na ngawih ngawih thung.






Uzohminga hi doctor a ni a ka ngalruh tliak te chu a man min enkawl sak zui nghal vek a, ngawireng
a min pawm kangin pawnlam ah min chhuahpui a, motor seat hnungah chuan min nghatin engmah sawilo chuan min tlanpui nghal vang vang a, engtia mintih zel nge atum pawh ka zawt buai thei tawh hek lo, motor seat hnungah chuan ka mu kawm renga ka ngal min vuak tliahsak chu ana takzet, ka tah chhuah mai loh nan ka hmui chu ka pet fan fan a ka mit chu ka chhing tlat bawk.








Motor adin hnu pawh chuan kala meng duh miahlo a, motor kawngka chu rawn pawt hawngin min pawmkang leh nawlh a, antawng thawm vel ah chuan mengchhuak lo mah ila damdawiin ah kan awm tih ka hrethei, uzohming-an min biak pawh chuan ka chhang thei lo tap lo turin ka insum nasa lutuk a ka tawng chuan ka tap chhuak dawn tih ka hre chiang si a ka ngawi char char tawp.






Zing khawvar hnuah pawh kanu leh pa hmel ka hmuh takloh ah chuan rindan ka nei thiam ta mai a, hetiang a ka chhungten ka chung a thuthlukna ansiam vang hian, kanu hmeichhe rilru nemtak hmuh a tan a thalo tih hria in min hmutur a rawn kaltir an phal lo ni ngei ang, damdawiin ka awm chhung zawng chuan uzohminga te nupa hmel bak ka chhungte hmuhtur an awm lo hrim hrim.






Ka ngalruh min vuak tliahsak a tang in karkhat a liam tawh a, khami zan atang khan vawikhat mah ka tawng chhuak tawh lo hrim hrim. Damdawiin atanga kan chhuah hnu ah pawh uzohminga te chhungkua leh home nurse pakhat in kan chhungkua minrawn fin a.





Nidang anglo takin kan inchhung ah chuan thawm a ri ve ta nak nak a, ka u fapa Pekpeka chuan a "nite a na viau em? ti in ka ngalruh tliak an cher khawng vek chu min khawngaih hmel tak a min zawh chuan ka lu ka bu ringawt thin.






Nitin kanu ka room ah rawn lut in chaw min rawn barh ziah a, chaw eitur tak ngial pawhin ka ban hian tha a nei tawh lo a, ka rilru erawh hmun dang ah a awm daih thung.







Rinzami ka ngaihtuah a thla ruk chhung choh kanla inhria a nitin zantin kan inzui thin avang in zankhat thilthu ah biaktlang theih loh in ka bo hmiah sia alo hrilh hai tawh ngawt ang le, a ruih luat vang a mahni pawh in saseng theilo khawp a awm hunah tunge lo buaipui ta ang?.






Rinhlua ka ngaihtuahna ah a lo lang a tlem chuan ka thaw veng ve deuh. Rinzami bulah awm theilo mah ila amah ngaihtuah em em tu a unaupa a awm vangin.





"Jordan min ngaidam rawh aw ilak a ka thutiam pawh ka hlen thei ta silo a" ka ti sep a.





Awmpuia ka ngaihtuah leh a kan inhmuh hnuhnun ber tum khan a positive tih min hrilh anih kha, a nun kha a beidawng em em mai si a, enge a chungah thleng zel ang? tih ka ngaihtuah a, a lo in tihlum mai ang tih mawlh chu ka hlau a, Awmpuia hnenah khan min mamawhna ineih phawt chuan ibul a ding turin ka in peih reng tih ka tiam a, mahse ka thutiam chu kei hian ka ti hlawhtling thei ta silo a.






Nurse in nitin ka ngalruh tliak chu min dressing sak ziah a. A na lutuk tur min chhawk nan na chhawkna chak takin min jection mai thin, na chhawkna in min chhawk rual chuan tui takin ka muhil nghal bawrh bawrh zel ka room ah chuan ka chhungte tawngtai ri ka hre zing hle a.







Zankhat ka muhil Ka harh chu phun sar sar ri ka hriat vang chuan chelo chuan ka mu reng a, kanu chuan tap chung hian "karhnih a liam tawh Bawihtei thatna turin kan ti a mahse enge ka fanu chungah hian thleng mek hi? khang karhnih chhung khan vawikhat mah ala tawng hhuak miahlo a atap hek lo, hetiang thil teh hrep ai chuan zantin a vakchhuak kha a tha zawk, kan fanu hi kan that ni ah ka inngai hmiah tawh Lalpa engthil nge kan chhungkaw chungah thleng ta mai hi" ti in a tap faih faih a.






"Nu hetianga in a a awm hian atan a tha ber a lawm doctor ka ni a. A nunna atan a him tur chin chu ka hria a lawm ti hian tha tak in kan enkawl a nga a dam leh thuai dawn a lawm. Matei hi mi â anilo a athatna kan duh vang ani tih hi a hrethiam em em ang, engkim tithei Pathian kan nei a kan tawngtaina te hi chhan in a la awm em em ang" u zohminga chuan alo ti ve bawk a.






Ufela leh Tetea pawh min hmutur in an rawn haw zawk a, ka u te pahnih hmel ka hmuh chuan ka tap chhuak teuh kher mai, pastor hna zahawm tak an thawk a, keilah in mualpho na hlir ka siamsak bawk si.







Rilru na tih hriat ngawih ngawih a min en na te chuan ka hnuk an ti ulh a, tawngchhuak turin ka lei tak ngial pawh hi a che thei silo.






Nachhawk na a min jection hi chuan ka muhil nghal vang vang thin a, ka bul a phun bul bul ri vang chuan chiang lo ruai hian ka harh a,.





Utetea chuan "matei chung a in thiltih dan hi chu ka lawmlo khawp mai engkim tithei Pathian kan nei a a hnenah kan mangan na te hi ka thlen reng a, kan dilna te hian rahtha a chhuah ngei pawh ka ring nghet tlat a, hetiang em em a na a Inlo sawisa hi chu ka lungawilo tunge mahni farnu te ngalruh vuaktliah sak ngai? Hetia tina kher lo hian home ah te dah zawk tur alawm! zanah chhuak in a lo rui anih pawh in Pathian hnenah veng a awmpui tlat tur a dil hi kan hna a ni. A dam deuh hunah ka bulah awm tawh se atha ang" a ti bul bul a.






Uzohminga chuan "matei hi ka khawngaih loh vang a ni bik miah lo ania, kha mi zan a alak a ka thil tih vang khan hreawm ka ti a sin, a tir ah phei chuan ka buaipui lawk thei lo nghe nghe a, khatiang tluk a thih chakna kha kala neingai lo ka farnu ka hmangaih em em lak a kutthawh fo hi nuam ka ti bik reng reng lo, mahse hetiang a kan tih mai loh chuan a vak chhuak reng a natna thalo te a kai hma a kan dan hi a ngai miau sia. A ngalruh chu ka tih tliahsak ngei a lawm mahse a ma tan vek a ti kani ve bawk asin, khathil thlen atang khan mangchhia in minti buai reng bawk a min tawngtai pui ka ngai nasa ania" a tih ri pawh chu ka hre reng a.






Ka khum bulah chuan ka u te ho chu thingthi meuh in theih tawp in ka tan thahnem ngai tak in an tawngtai lai te chuan ka mittui a lo luang zawih zawih a.






Ufela chuan "mate idam ve leh ka bulah irawn awm daih dawn ania, keimah choh in quater zau zetah ka awm a, ka khua a har thin viau a nia ka nau hmeltha em em ka bulah irawn awm chuan nuam ka ti ngawt ang" phur hmel tak a ti in min be mawlh mawlh a, ka chhang chuang lo a mitah chuan ka melh zawk a ka mittui erawh ka dang zo ta ngang lo.






Ka u te pahnih hi ka ngai takzet, ni hnih chhung chu ka room ah min tihhlim tumin an awm char char a mahse minla be tawng zo chuang lo beidawng zet chuan ni hnih hnuah an rawngbawl na hmun lam ve ve ah min haw san leh a, idam ve leh ka bulah i awm dawn a nia minti ve ve a engtin mah ka chhang lo hrim hrim.






Thlakhat a vei meuh chuan ka ngalruh tliak pawh a dam viau tawh a, ka rilru lam a hah luat vang hian ka taksa a tichau a thlakhat chhung lek in ka cher hman kher mai.






Nikhat chu kanu in "bawihte inleng inei ania" a rawn tih chuan mak ka ti khawp mai, kan thiante zingah tu emaw ber chu annih ka ring a, kanu in iroom ah ka rawn chhoh tir mai dawn a sin a tih chuan kalo bu ringawt a, rei vak lo hnuah ka room kawngka chu a rawn inhawng riai riai a, ka mihring beisei loh ber ka hmuh vang chuan ka lungphu chu arang leh vek tawh.







Ka khum bulah chuan rawn pen hnai in chik zet hian min melh ngur a. Rinhlua hmelah chuan hmuhsitna engmah ka hmu lo.





Natak tuar hmel hi a pu nimai hian ka hria Ka biak mai loh vang chuan "idamlo tih reng reng kanlo hrelo a, Rinzam-in a be tlang thei silo che a. Zorin ka nau hian a lo ngaina takzet che tih hi ihria em? I rawn lantak mai silo ah khan, nidang zawng aiin ruih hlo a ti nasa zual a kan mangang tak zet tawh ibiak tlang theih bawk siloh, ka mangang in hmu tur che in ka rawn kal ringawt anih hi, inu khan step a tang ilum thu leh ingal ruh isawh tliah thu minlo hrilh a" atih chuan ka then sak a.






Lum maw? vuak tliahsak kani tih kha lo hrilh ve mai tur ania, keimah vang a ka chhungten dawt an sawi a ngai ta mai chu pawi kati viau mai.






Ka bul a chair chu rawn pawt hnai in min hnaih zetah a rawn thu a, "zorin khawngaih in ka nau chu min biaksak teh a hmangaih ber a chhungte vangin a chan tawh a. A thian tha berin a kalsan ta niah a inngaih vangin a nun a beidawng lutuk a, a nunna in a tuar phah thei mai ang" a tih chuan ka mittui chu a luang ngiai ngai a.





Rinzami ka mitthla ah a lo lang a a khawhar dantur zia ka ngaihtuah a ka chhungte chu ka haw hluah hluah.






"Aw le kalo be dawn a nia, min va hawsan tawh rawh min hmuh ang hian inleng neitlak pawh ka ni rih lo, zamtei chu hmutur in ka kal theilo tih chu irawn hmuh ang hian ihriat kha" tih pah chuan ka ke lam chu ka melh zauh a.





"Ka dinhmun chiang tak phone a tang in kalo hrilh dawn a nia, lo ngaihtuah duh reng reng suh a tha leh mai ang" ka tih chuan a bu nghut nghut a.






" Thlakhat a liam leh meuh chuan ka ke na hi chu duh tawk in ka lam kualpui leh thei tawh ang chu, keini ang hmeichhe awmtha duh lo tan chuan zankhat lek pawh in a tawm hreawm zia hi ihrethiam pha ve hauh lo ang, zankhat hi kum sangkhat ang vel a rei a ni, thlakhat chhung chu ti hian ka khum ah hian ka mu chawrh chawrh tawh a ka hne tawh takzet a ni" ka tih chuan. A ngaihtuahna hriat thiam theih miah siloh hian min melh vang vang a, a thut loh na lam hawiin ka inlet zui hmak a.







Engmah sawilo a ka khumbul ah Rinhlua a thut run vang chuan ka thaw a ipik hluah hluah, nidang a atawng theih thin teh reng nen, tumdang anglo takin a ngawi ngur reng a.




"Haw tawh rawh ka chau ania inau chu kalo bia ang tiin" ka mit chu Ka chhing nghal daih a...cont





Note...Seitak dahtur in phone ka en rei thei lo a, in hriat thiamna ka dil mawlh mawlh cheu. Chuan in comment na te like vek lo mah ila ka lo chhiar dap zel ania, in comment hian phurna tamtak min siam sak thin.


Ka story beitham tak hi mi thuziak ka chhiar a tang a copy ka ni ngailo a, ka suang tuahna ka ziah chhuah liau liau ani, induhthu a sam lo hle tih pawh ka hai mawlh lo, mahse ka thuziak famkim lo tak minlo chhiar sak vang hian ka lawm em em bawk si. Intan theih tawp ka chhuah zel ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)