Re: PASTOR FANU BY Ramdinsangi_Ralte (Completed)
Posted: October 24th, 2021, 4:09 pm
Rinhlua chuan ka kut vuan reng chung chuan, ka harh chhuah leh vang a alawm zia thu chu min hrilh mawlh mawlh reng a, a tawng zawng chuan a mittui te chu a tling pam a, chumi a nih rual chuan a hmel pa zet ah chuan hlimna hlir ka hmu tel bawk. A taksa chu a cher deuh kuang a, a hmel a bawrchhawr hle bawk a mitkhur te chu a tla deuh duk a, a hnarngul zum sang vah leh, a khabe hmul buk lam mah mah chuan a ti lang pa hluah hluah hian ka hria, tun a alan dan ah hi chuan mizo mipa a ang mawlh lo, hnam dang daih a ang.
A hmel tha lutuk en reng chung chuan "Rinhlu dar engzat nge ritawh a? Khawnge ka chhung te hi? Zawi zet chuan ka ti chhuak sep a. A ban a sana lawk zet a bun chu a bih zauh a "Zing lam darthum a ri tawh anih hi, i muhil rei khawp mai iharh hun nghak in ka thureng a ilo harh mai silo a ka lo muthlu ve sek a, i chhung te chu inlam ah chawl hahdam turin ka ti a, karkhat chhung zet imuhil char char a, ilo harh tawh dawn lo emaw ka lo ti hman hial a sin" a tih chuan thei leh thei lo chuan ka nui sak a.
"Nangmah a mal leh khawhar tak a awm tur chuan ka kalsan thei lo che alawm, min kohna ri ka hriat avang khan, khapa bulah khan luipui kha ka daikai ve thei lo a, ihnen ah ka lo kir leh ta anih hi" ka tih chuan ka kut chu a rawn hum vang vang a, ka chalah chuan a hmui lum thur thur chuan a rawn fawp zauh a. "Bawihi ka hmangaih lutuk che, ka hnen a ilo kir leh vang hian ka lawm e aw, ka chan tawh dawn che emaw ka lo tia sin, he tiang a rilru mangang hian min awmtir tawh miah suh aw. Rinzami te inah khan nangmah a kal tirlo che in, keimah ngei hian thlah tur che kha ka nia, keima thiam loh vek ani" mahni in thiam loh ngawih ngawih hian arawn ti chhuak sup a.
"Accident anih kha, khatiang Khan awm lo teh, ithiam loh na pakhat mah a awm lo ania aw" ka tih chuan ka hmai ah chuan duat fe hian min rawn chul. "Zorini idam vat vat angai ania aw, nang nen hian fa tamtak kan neih angaih kha" a rawn tih chuan ka lo then sak sak a. Rinhlua kiang ah hian sawitur tam tak nei mah ila, engmah ka sawi tha thei lo, ka tawng hlek chuan ka lu hi puak darh tur ang mai in a rawn na ngut ngut a, tih mangan Ka duh loh vang chuan ka in sum hram hram mai chauh ani.
Thei leh thei lo chuan "Ka tui a hal e tui kha min lo intir leh thei a ngem?' ka tih chuan rang tak in a tho vut a, la pua bawk chuan ka ka chhung ah chuan tui chu a rawn far luh tir leh a. "In tam lutuk suh aw, idang ro lutuk tih reh nan choh in rawh aw, tunah khan ikhawilai nge na deuh ber? A tih chuan ka luna chu arawn zual leh tak ngut ngut vang chuan ka then sak a.
"Ka lu hi a na lutuk a" ka tih rual chuan ka mittui chu a rawn hnam tiam tiam a. Ka insum ve nasat teh lul nen ka insum ve na zawng zawng te chu, Rinhlua hmel min ngaihtuahna a khat mitmeng in min melhna vang chuan a keh chhe zo vek. "Shhh Bawihi inat ai hi nathei ila inatna zawng zawng hi chhawk theih che ka van duh tak em, ihnen ah hian sawitur tam tak ka nei ania aw, tlem a idam that deuh hunah ka hrilh vek ang che, ti khan lo awm la nurse ka va ko lawk ange, nachhawk na in a rawn jection che anga imuhil leh dawn ania" ka mittui a kut zungtang seithlurh a rawn hru zauh pah chuan a ti a, hman hmawh fe chuan nurse duty room lam chu min pan san nghal vut a.
Ka lu ruh na ngut ngut vang chuan ka then sak sak a, Rinhlua kalsawn chhung chuan ka lo rum chhuak hawk hawk a, ka lu chu puak darh vek tur ang mai in a na ani, Rinhlua leh nurse chu hman hmawh zet in an rawn inzui a, "Bawihi lo tuar hram hram rawh aw damdawi in a chhawk che anga tui deuh in i muhil leh dawn ania" min khawngaih tih hriat ngawih ngawih hmel pu a min melh reng chung hian a rawn ti a. Nurse chuan ka ban ah chuan min rawn vit a "I na rei tawh lo ang, lo tuar tang tang rawh aw, ituar chhel em kha" nui var var chung chuan min ti a. Nurse kal sawn hnu chuan ka hmai bul chet ah chuan a rawn kun hniam a, ka hmai chu chu duat zet hian a rawn chul a.
Ka luna lutuk vang chuan ka thlanfim chuan min bual huh vek thei. Puan ti huh in ka hmai leh ka nghawng vel chu dim te hian min rawn hruk sak a. "Bawihte lo tuar hram hram rawh aw, damdawi Khan a chhawk har tawh lo ang che. Ka hmangaih hetiang a na ituar lai thlir reng hi hre awm ka van ti tak em, engmah kei hian ka tihsak thei silo che a" ti in a phun mawlh mawlh a. Meng â ruai chung chuan Rinhlua mangang lutuk hmel chu ka melh tawk tawk a, ka mit a tang chuan mittui a rawn luang nghal zaih zaih a.
"Rinhlu engvang in nge ka lu hi anat em em a? Ka chungah hian eng thil chiah nge thleng a? He tiang a na tawrh ai chuan tinge ka lo thih mai loh? Ka ti thlawt, ka thu sawi in engang in nge Rinhlua lak ah nghawng aneih ang tih lam ka ngaihtuah thei tawh lo. "Lalpa khawngaih tak in chakna min pe hram teh, he natna hi ka do zawh theih nan khawngaih in min pui hram rawh" ti in ka phun sap a.
Ka mit chu muang chang in ka meng riai riai a, Rinhlua chuan. Rilru nat hmel lutuk hian a kuta sam tham vak chung hian min lo en ngawt ngawt a. A mitmeng te chu a sen vek thei. "Bawihi" a rawn ti tham tuak a. A lu a tang a kut chu la thla in a hmai chu a tuai pawk a. A kut chuan ka hmui chu a rawn khawih neuh neuh a. "Min kalsan ka phal miah lo ania aw, khawngaih tak in keimah vang tal hian khang inatna te kha do let rawh" a rawn ti sup, a taksa lianpui chu hlauh thawn luat vang in a khur deuh dur dur a.
Nurse in a sawi ang tak tak in reilo te ah ka lu na pawh a zia leh tan tawh a. Ka mut chhuak bawk chuan min rawn zem leh chiai chiai a, harh chiang lo ruai chuan Rinhlua chu ka en a. "Bawihi muhil leh rawh le, ibulah hian ka lo awm tlat dawn a lawm" a rawn ti sup a ka kut a vawn na chu ka theih tawp a nghet chuan ka lo hum let ve a "Min kalsan miah suh aw, keimah a awm ka duh lo ania, ka bulah hian ka lo harh leh hma chu awm in minlo nghak ang tiraw" ka tawng ri che che tak tak chauh ani. Ka taksa chu a chau hluah hluah ani ber Mai.
"Bawihte ka kalsan phal reng reng lo che, muhil tawh rawh le, ilo harh leh hma chu ikiang ah hian ka lo awm tlat dawn alawm, irawn harh leh ah chuan Pathian in a lo tidam vek tawh mai ang che" a rawn tih chuan, ka nui sek a ka mit chu ka chhing leh riai riai a.
Ka harh leh chuan khua a lo var uar tawh a. Rinhlua sawi ang tak tak in ka luna pawh a awm tawh miah lo a, ka nuam huai ni mai hian ka hria. Ka nu leh pa ka unau te Rinhlua Josepha leh Rinzami te an lo awmkim thap a. Ka harh rual chuan an hmel ah chuan an lawm hle tih ka hrethei.
"Dar engzat nge? Ka ti chhuak sap a. "Utetea chuan tlai darthum leh a chan ve ani tawh anih hi" a rawn ti vat a "ka lo muhil rei hlemai" ka tih chuan Rinzami chuan "Angel mut iduh khawp mai aw, min muthilh san char char bik a thian kawmtur pawh ka neih loh hi" titau aw deuh a a lo tih chuan ka lo nui suk a. " Ka chau lutuk a, ka meng thei lo a lawm, tinge min kaihthawh mai loh a? Ka tih chuan midang chu anlo nui dar dar a.
Rinhlua ka va en chuan min lo melh ve reng a, a hmel chu a chauh hmel hluah hluah tawh. "Zamte Rinhlua saw inlam ah va haw pui tawh rawh, a damlo ve mai ang" ka ti chhuak leh sep a. Ka u te ho pawh chuan va mu hahchawl tur chuan an lo ti ve vat a. Ka bulah chuan rawn kal hnai in ka kut chu lakang in a fawp zauh a. "Anih chuan bawihi ka va mu ve lawk anga zanah ka rawn kal leh vat ang, minlo ngai viau angem? A rawn tih chuan ka lo nui leh sek a " ka lo ngai ngawt ang che, mahse va mu hahdam ve phawt la, min enkawl turin chak tak a i awm phawt angai alawm, ka lo nghak reng ang che" ka tih chuan a hmel ah chuan min haw san a hreh tih ka hre reng, a taksa in mut hahdam a mamawh ve tawh em avang in min hnial lo mai chauh ani. Rinzami nen chuan haw tur in an in siam a, an haw tur chu Ufela chuan a zui chhuak ve nghal a.
U Tetea chuan "Matei thianpa chu a fel hle mai, khatiang tak a hmangaih tu mate-in a nei hi ka lawm em em rual in ka rilru a hahdam huai thei" a rawn tih chuan kanu pawh chuan Rinhlua a lo fak ve char char a, ka chhungte nen inhmelhriat tirna fumfe pawh ka neih hma in hetiang thil hi ka tawng leh ta si a, ka chhung te titi dan atang erawh hi chuan Rinhlua chuan an mit a tlung hle ani tih ka hre thei.
Ka pa chuan "Bawihte na inei em? Pathian in kan tawngtaina a chhang anih hi, itha leh vat mai ang" a rawn tih chuan "pa ka taksa hi a kham lutuk a ka thu thei angem? Ka lo ti chhuak sep a. Kanu chuan "Bawihte ila thu thei lo alawm itaksa chu Ka lo hmet ang aw" a rawn tih chuan "Nu tinge ka thut theih loh a?, min lo dawm mai ula ka mu ning tawh a lawm, tap teuh chuan ka ti chhuak a.
Utetea chuan "Nu khawi kalo pui ange mate keiman kan thut tir ang che aw, mahse reilo te chiah ithu dawn ania, lo tang ve miah lo la min ring tawp rawh aw" a rawn tih chuan ka lo bu nghat nghat a. "I tlak thlakna ah Khan inakruh hi a tliak a, chubak ah iluruh isawh khi bawk a, doctor te chuan ihriatna thleng a ihlauh vek theih na chance a tam thu ansawi a, mahse hei engmah harsatna awm miah lo in irawn tha chhuak leh a. Pathian thatzia Kan chhungkua hian a takin Kan hmu leh anih hi ,an zai che a i indim chuan idamleh vat mai ang" ka pa pawh chuan a lo ti ve chuar chuar bawk a.
"Tlai lamah uzohminga pawh a rawn kal a. "Mate damlo dang in min mamawh ve tho bawk sia ka rawn awmpui ve thei lo che a, ilo va tha tawh ve? Ka beisei aiin ka rawn hmu tha tlat mai che" Min tih chuan "min ngaihtuah suh min awmpui tur an awm teuh hi ka dam tha vat dawn alawm" ka lo ti sep sep a.
Thim hlim ah Rinhlua a rawn thleng leh der tawh a. Ka u te ho anlo awmkim thap bawk sia a in thlahrun hmel ngang mai, ka chhungte nen in hmelhriat tirna fumfe pawh ka neih tir hman ta silo a, thil thlen dan zawh chian ka chak tawh viau bawk.
Utetea chuan "Bawihpui irawn thleng leh der tawh elo? Mut pawh iva mu hahdam hman lo tawp ang ka ti, Matei pawh ihmuh ang hian ngaihtuah awm ani tawh lo a, karkhat chhung mutmu pawh tuah lo in i awm tawh bawk si a, itaksa Khan hah chawlh a mamawh tawh viau in ka hria, a landan hi chuan rei tak chhung matei damlo hi Kan en kawl theih hmel si lo a, kan awm lai hi chuan hahdam takin lo awm la, kan kalsan hunah min lo buai pui sak leh vek angaih hmel bawk si a, matei enkawl tur a hrisel tak a i awm angai ania" a lo ti bawrh bawrh a.
Rinhlua en chung chuan "Utete Rinhlua hi ka la ngai ve rih a lawm, a ni a awm loh chuan ka dam tha vat thei nang, ani hi chu ka damdawi mum lian tak anih hi" ka lo ti ve sap a. Ka u te ho chu an nui hawk hawk a. Ufela chuan Uzohminga leh Tetea melh pah chuan "Inlo hria em? Kan naute hi a lo puitling ve tak tak tawh anih hi, a bialpa chung chang pawh zak miah lo in kan bulah a sawi ngam tawh vel ania" a rawn tih chuan annuih a za ngang mai.
"Bawihpui irawn kal tak rau rau si ah chuan, matei hi lo awmpui la keini chu kan lo va haw phei phawt ange. A tlai tak tak hma in Fela emaw Tete-an emaw atu emaw zawk zawk matei riah pui turin an rawn kir leh ang, chumi hma chu min lo awmpui sak leh poh aniang chu, inthlahrung viau mah ila matei hian ikiang a awm a thla hlel ve viau mai bawk sia" Uzohming-an a rawn tih chuan Rinhlua chuan in thlahrung lo tur in a lo hrilh ve vat a.
Ka u te ho kal chhuah hnu chuan Rinhlua chuan ka kut a rawn hum vang vang a. "Min lo ngai tawh viau ani maw? Nui suk suk chung chuan a rawn ti a. A khabe hmul te pawh a lo tifai leh vek tawh a, a hmel hmuh a nuam leh ngang mai. "Ka bulah hian awm reng la ka duh a, mahse hotel lamah tihtur ingah viau bawk si a, keimah vang hian damlo ve miah suh aw, eitur tha ei nasa la muttam I mamawh viau bawk ania, imitkhur te kha a tla duk thei ania" ka lo ti sep sep a.
"Zorin ka thusawi tur hi hre hman lo in min kalsan ang tih ka hlauh zia hi ihria em? Tunah chuan Pathian hmel ka hmu tawh a sin, he ka thinlung ah hian chiang takin ka hmu in a awm reng thin. Rinzam-in i accident thu min rawn hrilh khan ka hlauh thawn em avang khan rilru mumal pawh ka pu thei tawh lo a, damdawiin a ihmel ka rawn hmuh chiah phei kha chuan ka chan ngei dawn che ah ngai in ka tliak hnawp thei. Khatiang a rilru beidawng leh mangang em em a ka awm lai khan. Pathian hnen ah tawng tai duhna ka nei a, Bawihi ihria em? Pawisa hian nuna lei theih nise chuan, vawi engzat pawh inunna hi leinawn ngai dawn pawh nise, idam leh natur anih chuan pawisa chu kanei, mahse pawisa hian a ti dam thei silo che a, ka hriat chian tak em em chu, mangan na tawp khawk kan tawh chiah hian. Pathian hnenah lo chuan mihring te hian tluk luh na tur reng reng kan lo nei lo tih hi.
Thinlung leh tih tak zet a Pathian la be ngai miah lo khan idam leh theih nan Pathian ka au a sin, nitin zantin Pathian hnenah inun na min pe let leh tur in ka dil thin a. Mahse ka tawngtai na te kha chhan in a awm mai silo a, ka beidawng hman lek lek ani" a rawn tih chuan ka mittui chu a rawn far koh a.
He hun hi a lo la thlen ka ring ngei a lawm, Rinhlua mipa thinlung sak tak hi. Pathian in kohchhuah nan chuan, keimah hi a hman rua atan min lo hmang reng tih ka hriat chuan, ka taksa na te hi a dam huai huai nimai hian ka hria a.
Min riahpui turin Ufela arawn thlen hnuah pawh chuan, min haw san mai lo chuan a la thu ve reng a, Ufela leh Rinzami chung chang pawh engkim a lo hre vek tawh a, eng eng emaw sawi in a awm ve ta reng a. Ufela nen chuan Pathian thu tui takin an sawi lai chu, hmuhnawm ti em em hian ka lo thlir ngawih ngawih a.
Ka accident dan chung chang engmah ka chhung ten an sawi ri ngai lo a, thil thleng palh ah ka lo ngai ve mai a, tihtur hmabak tam tak ka la neih a vang leh. Rinhlua tawngtai na vangin Pathian in ka nunna min zuah sak ni mai in ka hria.
Kalo beisei ngam miah loh min kan tu ka nei reng a. Mite min hriat dan hi a mawi teh chiam bawk si lo a, mahse Pathian hian min hmangaih tu min lo pe ve zel ani tih ka hmuh chian em em na chu, addict te, hmeichhe rahbi tleu tawh, mi in ka ui ka ar pawh an tih duh loh te, ka natna khum a ka tan Pathian hnen a anrawn tawngtai thin chu ani. Ka nu leh pa te mittui a tla ngun malh malh khawp mai, ka rawngbawl hna tlawm te in arah chhuah te, min kan tur a anrawn Kal ve diah diah chu ka phulo ka ti in ka lawm ngang mai.
Ka harh atang karkhat chuang zet damdawiin ah ka awm leh tawh a, mite min hmuhdan ah chuan hmeichhe bawlh hlawh tak ni mah ila, mi tlemte ka nih na diktak hre tu an awm tawh a, nitin hian min rawn kan tu an katnuk a. Ka awm na cabin chhung ah chuan tawngtai thawm a awm reng tih theih ani. Rinhlua pawh hotel lamah a buai thin em avang in chhun lam ah chuan keimah ka zia tak deuh hnu chuan min awmpui hman ta meuh lo a, zanlam ah erawh chuan min awmpui tur in a rawn kal ngei ngei thin.
Khatia bike a min rawn su thawi tu kha tunge tih tun thleng in anla hrechhuak thei lo a, mit a min lo hmu tu te ho chuan tihpalh thil thu anih an ring lo vek a, chubak ah a mah a tlan bo zui nghal daih bawk sia. Hmelma ka neih awm ka hrelo a, khatiang thil ka chung a ti duh tur awm ang reng reng ka hre lo, tihpalh ah ngai mai tur in ka chhung te leh Rinhlua pawh ka hrilh a. Tlangval rui sual ka tawng fuh palh anih ka ring ber.
Ufela leh Utetea pawh, kapa in anrawngbawl na hmun lamah a kir tir leh tawh a, nitin video call in Kan in be ziah thung a, ka accident vangin home lam ah pawh engmah hmalakna fumfe a awm thei rih lo a, kan ma mawh tur ang zawng zawng chu, ka ai awh in Ufela leh Rinzam-in an lo dah fel vek tawh a, ka dam that ve leh hawn theih mai tur in anlo peih fel diam tawh a, dam that ver vawr a midang te tanpui tur a ke pen chhuah ka chak tawh em em a, ka taksa lah duh ang in a dam zung zung thei bik silo a, ka rilru ahah in buai tak zet.
Nikhat chu. Awmpui-an vawiin chu ka rawn awm dawn che ti in a rawn Kal a, kanu te pawh min enkawlna ah an chau rimtawng ve tawh a, an lang tar bawih bawih ni mai hian ka hria. Awmpuia a rawn kal tak ah chuan inlam ah chawl hah dam tur in min haw san a. Awmpuia nen chuan eng eng emaw sawi in kan nui dun hawk hawk reng a, home din kan tum chung chang kan sawi kai ta zel a.
Awmpuia chuan "Zorin kei chu ihriat ang hian positive mai ka ni tawh a, Rinzami hnen a tang in home chung chang kha kalo hre ve a, huntha tlem te ka la neih lai hian midang te tan thiltha tih ve duh na lian tak ka nei a, a rem anih chuan home lamah chuan ka tih ve theih ang ang thawk tur a rawn awm ve ka duh a, he thil chung chang hi kanu leh Pa te pawh ka sawi pui tawh a, an fa mal neih chhun ka ni a, anbul a awm tur in min duh viau mahse, home a hnathawh chu Pathian rawng ka bawl ve theihna tur tha tak nidawn a ka hriat tlat vang in, ka thuthluk na apiang chu min pawmpui tih ansawi a. Accident itawh hma khan he thil chung chang hi sawipui che ka lo tum lai in, he tiang thil hi itawng leh sia" a rawn tih chuan Awmpuia thu sawi vang chuan ka lawm ngang mai.
Ka rilru in a vei leh a tih duh em em midang tanpui duhna rilru pu. Pathian in min pek belh zel avang chuan ka hlim ani, kan bullawk a chhanchhuah ngai te chhanchhuak tur a, mahni inchhung lum pawh thlahlel hleithei lo a, hreawm tam tak tuar huam a, rawn pen chhuak ngam Lalpan min pek belh zel pawh ka ring tlat.
Enteh Awmpui, chanchin tha hi, ala hrelo te hnen a hrilh mai hi alo tawk zo tawh lo asin! Chhandam tawh krista tlanchhuah hnute hi. Sual vang hian an peng asin boralna kawng ah, heng mite hian min mamawh, tunah hian chhantu ngaiin anrum mek asin, kan bullawk ah chhanchhuah ngai ngawih ngawih tamtak an awm si a. Ramthim hi kan hai mai ang tih ka hlau thin ngawt mai, ka ti sep sep a.
Pathian hian Kan tan a tha tur zelin kan chungah ro min relsak thin. Rin loh takin Rinzami a rawn lang ve hlawl bawk a, nui var var chung chuan "Angel helai a rawn kal hi ka rilru ah a awm tlat a, sawi pui duh che ka nei a" a rawn ti nghal bawrh bawrh a. Awmpuia chuan "Ka hriat ve chi loh thil anih chuan pawn lamah ka lo va chhuak dawn emni? A rawn tih chuan Rinzami chuan "I hriat ve chi loh thil chu ani hauh lo mai, chubak ah thian vek kan ni a, kha tiang khan inthlahrung tawh miah suh ang che" a lo ti nghal var a.
Rinzami en chung chuan "Enge min sawipui tur ineih chu a van pawimawh awm ve? Ka tih chuan a nui leh ver ver a. "Angel englo ani, home saw hawn mai theih tur in kan peih fel diam tawh a, mahse thil pakhat kan lo mangnghilh a, kan home sawn hming a la nei reng reng hlei nem" a rawn tih chuan, kei pawh in home hming tur kan la phuah miah lo tih ka hrechhuak ve leh chiah.
Awmpuia pawh chuan "A ni dawn teh tak e, Kan home chuan hming aneih ngei chu angai a lawm" a lo ti ve vat a. Rinzami leh awmpuia melh kual chung chuan "Kan home hming a tan chuan Rabboni-(Zirtirtu) tih vuah ila in pawm em? Ka tih chuan anlo bu nghat nghat a "Rabboni tih chu ka pawm e" Rinzami chuan a rawn ti nghal vat a, "kei pawh in ka pawm e. Rabboni home hian mitam tak. Pathian lahre ngai reng reng lo hnenah chanchin tha kan hrilh anga, kawngdik kan kawhhmuh in, nundan tha kan zirtir zel ang zorin-in kan hnen min zirtir ang hian. Rabboni home hmang hian mi tamtak in, damna tisa leh thlarau ah anla chan ngei ka ring tlat". Awmpuia pawh chuan phur tak in a rawn ti a.
"Angel engtin nge he hming hi irawn phuah chhuah theih a? Rinzam-in min rawn tih chuan "Home hming tur phuah angai itih khan ka rilru ah a rawn lang nghal" ka lo ti vat a. "Pathian pek che ani tih ka ringhlel hauh lo mai" Rinzami chuan ati sap a.
Thlakhat dawn damdawiin ah kan awm hnu ah. Doctor in hetiang zel a itha chak anih chuan, kar leh lamah chuan inlam ah ihaw thei tawh ang min tih vang chuan ka hlim kher mai, tunah chuan ka duh ang ang in ka la tei kual thei lo a, mahse nitin exer a theih ang ang in min lakpui ve zel a, ka pa chuan "ngai awh leh tur chuan hun ila duh deuh ang, mahse inlam ah theih tawp in kan in enkawl anga itha sawt sawt mai ang" atih chuan Kan inlam a haw chu ka chak zek zek tawh.
Kanu in chhunlam ah min awm pui a, zanlam ah erawh chuan Rinhlua, Josepha leh Rinzami Awmpuia te ho in min riah pui mai thin, Ngurpuii erawh a naupai a rit ve tawh a, inlam kan nghah tir chawt thung a, min ngaihtuah em avang in min rawn be awl lo a, inlam a ka haw huntur a nghah hlelh tawh zia thu min rawn hrilh reng thin, in thlahrung viau mah ila ka nu leh pa te an kum a tam ve tawh a, anni tar chak lo tan chuan mahni a ka la chet that theih loh vang in, min enkawl hi a hah thlak deuh thin a, ka thian te in pekna chu kan lo hnar thei bik lo. Chubak ah Kan tan mihrang an nilo a, chhungkua ang mai Kan ni bawk a.
Kanu chuan "Mate home enkawl hi iko ah a tla si a, engtin nge Rinhlua hi ni ve dawn a?, nang hian pasal te hi inei ve thei ngut dawn emaw ni le? A rawn tih chuan ka lo thaw hawk a, kanu thu rawn sawi hian vawi tam tak ka rilru a lo ti buai fo tawh thin.
"Nu, he thil chung chang hi kei pawh hian ka lo ngaihtuah fo tawh thin a sin, Rinhlua nen hian kan in hmangaih a Kan hma hun ah hian enge lo thleng dawn Kan hre hauh lo, a lan dan hi chuan pasal nei thei dinhmun ah pawh ka ding hian ka hre lo a, mahse ka nunah hian Rinhlua hi a bet nghet tlat tawh si a, he mi chung chang vang hian ka rilru tih buai vak pawh ka duh tawh lo. I awmdan tur chu Lalpa chungah nghat la amah chu ringla aman ati vek ang, tih thu ah khan ka in nghat tawp" ka tih chuan kanu pawh chuan "Mambawih ani teh tak e, Pathian remruat hi keini mihring ten Kan lo tih dang lam theih chi rual ani lo e, tawngtai in Pathian kutah innghah mai hi, keini amah ringtu te tih tur chu ani" a lo ti ve bawrh bawrh a.
Zankhat Josepha min rawn riah pui chu, a hmelah hian hlim loh na ruk riau anei hian ka hre tlat a. Nidang ang tho in fiamthu te thawh in nui hawk hawk mahse, a thinlung chhung ah hian engthil emaw riau mawlh tu anei tlat hian ka hria a. Kumkhat em pawh kan la in hrelo chung hian Kan inzui ngun a, Kan mizia chu kan in hre tawn thawkhat tawh chuan ka hre bawk. Ka awm anawm theih ngang loh a vang chuan, ka rilru in a thil vei chu josepha chu ka zawt ta nge nge a.
Thu ho deuh deuh sawi a a tawng bawrh bawrh lai chu ka lo en reng a. Muk fe in kalo en reng tih a min rawn hmuh chuan a nui lai chu a tawp riai riai a. "Enge a khatiang fakau a Chiang khan min en run run reng a? Ka hmel hi tha iti viau emni? fiamthu ti tak deuh a min rawn tih chuan ka lo then khum sak a. "Khatiang khan hlim ber awm ang ziazang khan lemchan kual kha tum lo mai teh, kei hian ichhung ril a natna thuk tak ineih kha ka hmu thiam lo ah ngai miah suh. Enge ibuai na chu min han hrilh teh le? Thutak zet a ka tih chuan min rawn melh zawk a, hnuai lam chu a en ta reng a.
"Joseph ka zawhna che chu min chhang la" ngen ngawl deuh zawk chuan ka ti leh sep a. Muang chang a rawn hawi chhuak in min rawn melh vang vang a, a hmel lan dan chu a khawngaih thlak tak zet, Kan in hriat atang khan tun ang reng reng a Josepha hmel a, lungngaih na leh natna awm hi ka la hmu ngai lo, mipa hlim thei tak ani a, fiamthu ho te te sawi in tum loh deuh hian min ti nui reng thin kha ania.
"Zorin ka thil sawi vang hian min huat loh hram ka beisei ania" a rawn ti hmasa leh te te a. "Engah chuan nge ka huat ngawt che anga?, nang te chu ka nun a mi pawimawh tak, min tihlim em em reng tu ka vitamin's tha ber kha ini reng a lawm" nui ver ver chung chuan ka lo ti vat a.
"Kei pawh hi nangmah ang bawk khan, ikiang a ka awm hian ka nun hi a famkim in ka lo hlim viau thin a sin, ilak a ka rilru puthmang chu sawi pawh ngai lo in ihriat vek tawh kha. Nang hi ka ta inih theih ring in ka tan i inpeih hun tur hi nghakhlel tak in ka lo thlir reng thin a. Mahse engtik ah mah nang hi, ka nghak chhuak ve ngai dawn lo che tih ka thian tha ber ka atang ngei a ka hriat chhuah a vang hian, ka chhungril hi na tak a hliam in a awm mek anih hi" a rawn ti zuai ruih a.
Keimah vang a Josepha thinlung a hliam na tak awm chu tuam damsak ka duh ngawih ngawih, mahse engti kawng zawng mah in kei hian Josepha natna hi ka tihdam sak thei lo, a hma ang a hlimtak a awm tir leh ka duh chuan. Rinhlua kalsan a Josepha kut hi ka vawn angai tlat, chu thil chu kei hian ka ti thei lo. A chhan chu ka thinlung a hmangaihna awm hi Rinhlua tan ka hlan tawh a, engtik ah mah ka hmangaih na hi a dai tawh ngai dawn silo a, thih hnu piah lam ram thleng pawh in Rinhlua ta chauh nih hi ka la duh fan ani.
"A pawi ka ti lutuk, theih ni se chuan kha ihliam kha tuam dam sak che ka duh a sin. Hun harsa tamtak ka tawn lai pawh in ka tan i awm reng thin a, nang hian ka banah kai in hmalam ka pan theih nan min pui reng thin. Mahse kei hian nang nen a kan in tawn hma daih a tang tawh khan, Rinhlua hi ka lo hmangaih tawh si a, Rinhlua hnen a hmangaihna ka hlan te hi ka la let thei tawh lo. Joseph min ngaidam rawh aw, kei hian tihnat che hi ka duh lo a sin. Mahse ka ti na tho bawk si che a" ka ti tham tiak a.
Lu thing nur nur chung chuan min rawn en a, min rawn nuih suk a. "Zorin nang hian thiam loh na pakhat mah inei miah lo ania, ka lak ah hian chhete mah in inthiam lo duh mah ta che, he thil ah hi chuan tumah ka puh mawh thei hauh lo ang. Bawihpuia pawh ka dem lo a ka haw hek lo. A bulber ah chuan keima thiam loh vek hi ania sin, Bawihpuia pawh hian hethil hi a intantirh phat a tang Khan min lo warning lawk tawh a, Zorini hi hnaih suh nakin ah ila inchhir ang min tih lawm lawm lai Khan, ka thiantha ber thusawi kha kalo ngai thla duh lo a. Rinhlua khan nang hi vawitam hnaih loh tur che leh nakin ah ka rilru a la nat tur thu min hrilh nawn fo thin, ka tet te atang in ka luhlul em em a, kei hian thil duh ka neih tawh chuan neih ngei tum in engpawh tih huam in ka che thin.
Mahse engthil nge lo thleng ta hi? vawiin ah hian kei hi ka tlawm ani, zorin ka hmangaih na che vang hian, hman a Josepha mipa luhlul tak, a duh a piang neih tum tlat thin ang a awm reng kha ka thei tawh lo, nang hian hun harsa leh natna mualpho na tam tak ilo tuar chhuak tawh a, tun ah hian inun ah hlimna kawl a rawn eng ve tan dawn chauh a, keimah vang a ilungngaih hi ka phal ngai lo ang, chuvang chuan kei chu min ngaihtuah lo la, ihmangaih chiah hi ngaihtuah tur in ka duh che a, itan kei chu ka lo awm reng tho ang, ithian tha tak tanpui ingaih hun a piang a pui tur che in. Bawiha nen hian hlim tak a awm hi in phu ve hliah hliah tawh" a rawn tih chuan ka mittui chu ka lo khap per sak sak a.
Tap pur chung chuan josepha chu ka en reng a, he tiang ang mipa rilru tha hi an awm leh theih pawh ka ring tawh lo, mahni hreawm pawh pawi ti lo a, midang te hlim zawk nan a mahni in hlan thei mihring, ka hma a thu mek Josepha chu ka zah in ka ngai sang hluah hluah.
"Hmangaih ten malsawmna anchan theih nan hmangaih tur a tuar a tul si thin" ti in ka phun chhuak sep a. Nui suk chung chuan min rawn en a. "Lo kal teh ka bulah hian" ka tih chuan min rawn pan vat a, Josepha chu ka lo kuah chawt a. "Ka lawm e aw, nang ang mitha ka tawng che hi, kei aia vannei hi khawvel ah hian an awm theih ka ring tawh lo. Kei hian itan tihsak theih che leh pektur che neilo mah ila. A hausak na ren rual loh nei tu Pathian khian mal a sawm mawlh ang che" tap tiau chung chuan ka ti tham tiak a.
Nitin in that lam ka pan ve hret hret a, Josepha pawh engmah thleng lo ang mai in, a hma ang tho Khan min kan tur in a rawn kal reng a, Rinhlua a nen pawh thian tha tak an la nireng tho. Nilo a hma ai mah Khan an in thianthat na a nghet zual sauh zawk.
"Kha Kan va dam that tawh hmel ve? rawn ti tu lam chu kanu nen chuan kan hawi rual thawt a. Kawngka ah chuan Rinzuali nui sang chung chuan a lo ding a, a ni ber kher hi chu ka lo beisei loh em avang chuan lo chhan mai nachang pawh ka hrelo. Kanu zawk chuan "Lo thu rawh kan beisei phak bak in kan tha chak a, mihring ten kan tih theih piah lam ah hian Pathian a che thin tih Mambawihi a tang hian kan hmu zel anih hi, iva fel ve Mambawihi kan tur te a irawn kal a" a lo ti nghal sawk sawk a.
Kanu chuan Rinzuali hi tunge anih a hre hauh lo, ka thian te zing ami anih ring in tha tak in a lo dawng sawng mai chauh ani. Ka khum sir a rawn thut thlak phah chuan, a thei rawn ken chu ka nu a pe nghal vat a. Ka nu chuan "He tiang te rawn ken angai hlei nem, nangmah irawn kal pawh hi Kan lo lawm tawh viau a sin" a lo ti nghal vat a. "Zorini accident thu ka hriat tirh khan rawn kal vat chu ka duh lutuk a, mahse kan chhungkua buai na atalang ah ka rawn lang thei lawk lo a, Zorin inhriat thiam ah kan ti aniang chu tiraw? Nui sang chung hian a rawn ti a.
Rinzuali hian engthil chiah nge rawn tih a tum ka hrethiam mai bik lo. Ani hi chuan englai pawh in min haw em em reng kha ania, ka lakah hian vawikhat te mah that a la chhuah ngai lo hrim hrim, ka tan zahna leh mual pho na bak thlen ngai lo tu khan, engtia helai hmun a minkan tur a rawn kal ve ta mai nge anih le? Ka nu melh zauh pah chuan "Nu ka thiannu Rinzuali anih hi" ka tih chuan kanu chuan a lo chibai vat a.
Kanu bula ka thiannu ti a ka hmel hriat tir mai na chhan pawh chu ka hre thiam bik lo, kanu en pah chuan Rinzuali chuan "Kapi Zorini hi thil sawipui lawk ka duh a, hun tlem min pe thei angem? a tih chuan phawk zet chuan Rinzuali chu ka lo en a, ka nu in a mitmei a min rawn rawn tak ah chuan ka lo nuih sak a. "Anih chuan pawn lamah ka lo va tei harh ange ti Khan lo inkawm rawh u" ti chung chuan kanu chuan min chhuah san nghal vat a. Kanu a kal liam ta tih ah chuan Rinzuali chuan min rawn thut hnaih sauh a, ka mitah chiang tak a min rawn en chung chuan a rawn nui sak a.
"Enteh Rinzuali enge min sawipui iduh a? Kei hian enge tih sak theih che ka neih le?, min hmuh ang hian mahni zun ek pawh thiar thei lo khawp in ka awm mek chu ania" ka ti chhuak hliai a. Ka kut a rawn vuan chung chuan "Zorin nang hian thil tamtak min tih sak thei a lawm, i hnenah hian ngaihdam dil ka duh a, ichung a ka thil lo tih sual tawh zawng zawng vang khan min ngaidam thei angem? Rinhlua ka hmangaih em vang khan kei hian khua hmu lek lo in ka lo tina fo thin che a, Kan chhungkaw chung a thil thleng zawng zawng chu sawi pawh ngai lo in hriat vek ka ring a, ka pa thil tih sual vang hian kei hian ka hmangaih ka chan mek chu anih hi.
Enteh Zorini ka pa in Rinhlua te nufa lak a apawi khawih hi a rapthlak ani tiraw? Tual that tu fanu a ka lo piang hi hreawm ka ti in a na ka ti hle bawk a, ka hmangaih ber hringtu pa kher ka pa in a lo that hi a na ka ti in hreawm ka ti takzet ani" a thu sawi pawh chhunzawm thei lo chuan a tap hlap hlap a.
Rinzuali awmdan chu ka khawngaih kher mai. Ni e Rinhlua a hmangaih vang khan kei ngei pawh hian Rinhlua ka chuhpui a hlauh vang in, ka lak ah mawi lo tak tak in a che fo thin anih kha. Ani nen hian mipakhat kan hmangaih a, hmangaihna ah chuan mi pathum nilo in pahnih chiah a awm theih bawk si a.
"Enteh Rinzual, kei hian ka haw reng reng lo che ania, I pa chung chang kha kei pawh hian pawi ka ti lutuk, in chhungkaw tan hian Kan lo tawngtai pui reng thin cheu asin, thil chu anih tur ang ani zo tawh a, hun Kal tawh vang in inti hnual mai lo la ka duh, nula hmeltha tak ini a, ifing in hna thatak inei bawk a, Rinhlua aia tha mipa ila tawn ngei pawh ka ring tlat ania" ka tih chuan mittui tling pam hian min rawn en a.
"Zorin Rinhlua a hi ka hmangaih a sin, engtin nge amah nilo mipa dang kaneih theih ang? Khawngaih tak in minpui rawh. Rinhlua hi ka neih let leh theih nan min tanpui rawh, nang hi mi thatak ini tih ka hria a, mitam tak ilo tanpui tawh thin tih pawh ka hria, kei hian ka ngen takzet che. Rinhlua hi min pe let leh hram rawh, nang in isawi phawt chuan Rinhlua hi ka bulah a rawn let leh ngei ngei ang" tap zawih zawih chung a Rinzual-in min ngenna chu chhan ngaihna reng reng ka hre lo...cont
.
A hmel tha lutuk en reng chung chuan "Rinhlu dar engzat nge ritawh a? Khawnge ka chhung te hi? Zawi zet chuan ka ti chhuak sep a. A ban a sana lawk zet a bun chu a bih zauh a "Zing lam darthum a ri tawh anih hi, i muhil rei khawp mai iharh hun nghak in ka thureng a ilo harh mai silo a ka lo muthlu ve sek a, i chhung te chu inlam ah chawl hahdam turin ka ti a, karkhat chhung zet imuhil char char a, ilo harh tawh dawn lo emaw ka lo ti hman hial a sin" a tih chuan thei leh thei lo chuan ka nui sak a.
"Nangmah a mal leh khawhar tak a awm tur chuan ka kalsan thei lo che alawm, min kohna ri ka hriat avang khan, khapa bulah khan luipui kha ka daikai ve thei lo a, ihnen ah ka lo kir leh ta anih hi" ka tih chuan ka kut chu a rawn hum vang vang a, ka chalah chuan a hmui lum thur thur chuan a rawn fawp zauh a. "Bawihi ka hmangaih lutuk che, ka hnen a ilo kir leh vang hian ka lawm e aw, ka chan tawh dawn che emaw ka lo tia sin, he tiang a rilru mangang hian min awmtir tawh miah suh aw. Rinzami te inah khan nangmah a kal tirlo che in, keimah ngei hian thlah tur che kha ka nia, keima thiam loh vek ani" mahni in thiam loh ngawih ngawih hian arawn ti chhuak sup a.
"Accident anih kha, khatiang Khan awm lo teh, ithiam loh na pakhat mah a awm lo ania aw" ka tih chuan ka hmai ah chuan duat fe hian min rawn chul. "Zorini idam vat vat angai ania aw, nang nen hian fa tamtak kan neih angaih kha" a rawn tih chuan ka lo then sak sak a. Rinhlua kiang ah hian sawitur tam tak nei mah ila, engmah ka sawi tha thei lo, ka tawng hlek chuan ka lu hi puak darh tur ang mai in a rawn na ngut ngut a, tih mangan Ka duh loh vang chuan ka in sum hram hram mai chauh ani.
Thei leh thei lo chuan "Ka tui a hal e tui kha min lo intir leh thei a ngem?' ka tih chuan rang tak in a tho vut a, la pua bawk chuan ka ka chhung ah chuan tui chu a rawn far luh tir leh a. "In tam lutuk suh aw, idang ro lutuk tih reh nan choh in rawh aw, tunah khan ikhawilai nge na deuh ber? A tih chuan ka luna chu arawn zual leh tak ngut ngut vang chuan ka then sak a.
"Ka lu hi a na lutuk a" ka tih rual chuan ka mittui chu a rawn hnam tiam tiam a. Ka insum ve nasat teh lul nen ka insum ve na zawng zawng te chu, Rinhlua hmel min ngaihtuahna a khat mitmeng in min melhna vang chuan a keh chhe zo vek. "Shhh Bawihi inat ai hi nathei ila inatna zawng zawng hi chhawk theih che ka van duh tak em, ihnen ah hian sawitur tam tak ka nei ania aw, tlem a idam that deuh hunah ka hrilh vek ang che, ti khan lo awm la nurse ka va ko lawk ange, nachhawk na in a rawn jection che anga imuhil leh dawn ania" ka mittui a kut zungtang seithlurh a rawn hru zauh pah chuan a ti a, hman hmawh fe chuan nurse duty room lam chu min pan san nghal vut a.
Ka lu ruh na ngut ngut vang chuan ka then sak sak a, Rinhlua kalsawn chhung chuan ka lo rum chhuak hawk hawk a, ka lu chu puak darh vek tur ang mai in a na ani, Rinhlua leh nurse chu hman hmawh zet in an rawn inzui a, "Bawihi lo tuar hram hram rawh aw damdawi in a chhawk che anga tui deuh in i muhil leh dawn ania" min khawngaih tih hriat ngawih ngawih hmel pu a min melh reng chung hian a rawn ti a. Nurse chuan ka ban ah chuan min rawn vit a "I na rei tawh lo ang, lo tuar tang tang rawh aw, ituar chhel em kha" nui var var chung chuan min ti a. Nurse kal sawn hnu chuan ka hmai bul chet ah chuan a rawn kun hniam a, ka hmai chu chu duat zet hian a rawn chul a.
Ka luna lutuk vang chuan ka thlanfim chuan min bual huh vek thei. Puan ti huh in ka hmai leh ka nghawng vel chu dim te hian min rawn hruk sak a. "Bawihte lo tuar hram hram rawh aw, damdawi Khan a chhawk har tawh lo ang che. Ka hmangaih hetiang a na ituar lai thlir reng hi hre awm ka van ti tak em, engmah kei hian ka tihsak thei silo che a" ti in a phun mawlh mawlh a. Meng â ruai chung chuan Rinhlua mangang lutuk hmel chu ka melh tawk tawk a, ka mit a tang chuan mittui a rawn luang nghal zaih zaih a.
"Rinhlu engvang in nge ka lu hi anat em em a? Ka chungah hian eng thil chiah nge thleng a? He tiang a na tawrh ai chuan tinge ka lo thih mai loh? Ka ti thlawt, ka thu sawi in engang in nge Rinhlua lak ah nghawng aneih ang tih lam ka ngaihtuah thei tawh lo. "Lalpa khawngaih tak in chakna min pe hram teh, he natna hi ka do zawh theih nan khawngaih in min pui hram rawh" ti in ka phun sap a.
Ka mit chu muang chang in ka meng riai riai a, Rinhlua chuan. Rilru nat hmel lutuk hian a kuta sam tham vak chung hian min lo en ngawt ngawt a. A mitmeng te chu a sen vek thei. "Bawihi" a rawn ti tham tuak a. A lu a tang a kut chu la thla in a hmai chu a tuai pawk a. A kut chuan ka hmui chu a rawn khawih neuh neuh a. "Min kalsan ka phal miah lo ania aw, khawngaih tak in keimah vang tal hian khang inatna te kha do let rawh" a rawn ti sup, a taksa lianpui chu hlauh thawn luat vang in a khur deuh dur dur a.
Nurse in a sawi ang tak tak in reilo te ah ka lu na pawh a zia leh tan tawh a. Ka mut chhuak bawk chuan min rawn zem leh chiai chiai a, harh chiang lo ruai chuan Rinhlua chu ka en a. "Bawihi muhil leh rawh le, ibulah hian ka lo awm tlat dawn a lawm" a rawn ti sup a ka kut a vawn na chu ka theih tawp a nghet chuan ka lo hum let ve a "Min kalsan miah suh aw, keimah a awm ka duh lo ania, ka bulah hian ka lo harh leh hma chu awm in minlo nghak ang tiraw" ka tawng ri che che tak tak chauh ani. Ka taksa chu a chau hluah hluah ani ber Mai.
"Bawihte ka kalsan phal reng reng lo che, muhil tawh rawh le, ilo harh leh hma chu ikiang ah hian ka lo awm tlat dawn alawm, irawn harh leh ah chuan Pathian in a lo tidam vek tawh mai ang che" a rawn tih chuan, ka nui sek a ka mit chu ka chhing leh riai riai a.
Ka harh leh chuan khua a lo var uar tawh a. Rinhlua sawi ang tak tak in ka luna pawh a awm tawh miah lo a, ka nuam huai ni mai hian ka hria. Ka nu leh pa ka unau te Rinhlua Josepha leh Rinzami te an lo awmkim thap a. Ka harh rual chuan an hmel ah chuan an lawm hle tih ka hrethei.
"Dar engzat nge? Ka ti chhuak sap a. "Utetea chuan tlai darthum leh a chan ve ani tawh anih hi" a rawn ti vat a "ka lo muhil rei hlemai" ka tih chuan Rinzami chuan "Angel mut iduh khawp mai aw, min muthilh san char char bik a thian kawmtur pawh ka neih loh hi" titau aw deuh a a lo tih chuan ka lo nui suk a. " Ka chau lutuk a, ka meng thei lo a lawm, tinge min kaihthawh mai loh a? Ka tih chuan midang chu anlo nui dar dar a.
Rinhlua ka va en chuan min lo melh ve reng a, a hmel chu a chauh hmel hluah hluah tawh. "Zamte Rinhlua saw inlam ah va haw pui tawh rawh, a damlo ve mai ang" ka ti chhuak leh sep a. Ka u te ho pawh chuan va mu hahchawl tur chuan an lo ti ve vat a. Ka bulah chuan rawn kal hnai in ka kut chu lakang in a fawp zauh a. "Anih chuan bawihi ka va mu ve lawk anga zanah ka rawn kal leh vat ang, minlo ngai viau angem? A rawn tih chuan ka lo nui leh sek a " ka lo ngai ngawt ang che, mahse va mu hahdam ve phawt la, min enkawl turin chak tak a i awm phawt angai alawm, ka lo nghak reng ang che" ka tih chuan a hmel ah chuan min haw san a hreh tih ka hre reng, a taksa in mut hahdam a mamawh ve tawh em avang in min hnial lo mai chauh ani. Rinzami nen chuan haw tur in an in siam a, an haw tur chu Ufela chuan a zui chhuak ve nghal a.
U Tetea chuan "Matei thianpa chu a fel hle mai, khatiang tak a hmangaih tu mate-in a nei hi ka lawm em em rual in ka rilru a hahdam huai thei" a rawn tih chuan kanu pawh chuan Rinhlua a lo fak ve char char a, ka chhungte nen inhmelhriat tirna fumfe pawh ka neih hma in hetiang thil hi ka tawng leh ta si a, ka chhung te titi dan atang erawh hi chuan Rinhlua chuan an mit a tlung hle ani tih ka hre thei.
Ka pa chuan "Bawihte na inei em? Pathian in kan tawngtaina a chhang anih hi, itha leh vat mai ang" a rawn tih chuan "pa ka taksa hi a kham lutuk a ka thu thei angem? Ka lo ti chhuak sep a. Kanu chuan "Bawihte ila thu thei lo alawm itaksa chu Ka lo hmet ang aw" a rawn tih chuan "Nu tinge ka thut theih loh a?, min lo dawm mai ula ka mu ning tawh a lawm, tap teuh chuan ka ti chhuak a.
Utetea chuan "Nu khawi kalo pui ange mate keiman kan thut tir ang che aw, mahse reilo te chiah ithu dawn ania, lo tang ve miah lo la min ring tawp rawh aw" a rawn tih chuan ka lo bu nghat nghat a. "I tlak thlakna ah Khan inakruh hi a tliak a, chubak ah iluruh isawh khi bawk a, doctor te chuan ihriatna thleng a ihlauh vek theih na chance a tam thu ansawi a, mahse hei engmah harsatna awm miah lo in irawn tha chhuak leh a. Pathian thatzia Kan chhungkua hian a takin Kan hmu leh anih hi ,an zai che a i indim chuan idamleh vat mai ang" ka pa pawh chuan a lo ti ve chuar chuar bawk a.
"Tlai lamah uzohminga pawh a rawn kal a. "Mate damlo dang in min mamawh ve tho bawk sia ka rawn awmpui ve thei lo che a, ilo va tha tawh ve? Ka beisei aiin ka rawn hmu tha tlat mai che" Min tih chuan "min ngaihtuah suh min awmpui tur an awm teuh hi ka dam tha vat dawn alawm" ka lo ti sep sep a.
Thim hlim ah Rinhlua a rawn thleng leh der tawh a. Ka u te ho anlo awmkim thap bawk sia a in thlahrun hmel ngang mai, ka chhungte nen in hmelhriat tirna fumfe pawh ka neih tir hman ta silo a, thil thlen dan zawh chian ka chak tawh viau bawk.
Utetea chuan "Bawihpui irawn thleng leh der tawh elo? Mut pawh iva mu hahdam hman lo tawp ang ka ti, Matei pawh ihmuh ang hian ngaihtuah awm ani tawh lo a, karkhat chhung mutmu pawh tuah lo in i awm tawh bawk si a, itaksa Khan hah chawlh a mamawh tawh viau in ka hria, a landan hi chuan rei tak chhung matei damlo hi Kan en kawl theih hmel si lo a, kan awm lai hi chuan hahdam takin lo awm la, kan kalsan hunah min lo buai pui sak leh vek angaih hmel bawk si a, matei enkawl tur a hrisel tak a i awm angai ania" a lo ti bawrh bawrh a.
Rinhlua en chung chuan "Utete Rinhlua hi ka la ngai ve rih a lawm, a ni a awm loh chuan ka dam tha vat thei nang, ani hi chu ka damdawi mum lian tak anih hi" ka lo ti ve sap a. Ka u te ho chu an nui hawk hawk a. Ufela chuan Uzohminga leh Tetea melh pah chuan "Inlo hria em? Kan naute hi a lo puitling ve tak tak tawh anih hi, a bialpa chung chang pawh zak miah lo in kan bulah a sawi ngam tawh vel ania" a rawn tih chuan annuih a za ngang mai.
"Bawihpui irawn kal tak rau rau si ah chuan, matei hi lo awmpui la keini chu kan lo va haw phei phawt ange. A tlai tak tak hma in Fela emaw Tete-an emaw atu emaw zawk zawk matei riah pui turin an rawn kir leh ang, chumi hma chu min lo awmpui sak leh poh aniang chu, inthlahrung viau mah ila matei hian ikiang a awm a thla hlel ve viau mai bawk sia" Uzohming-an a rawn tih chuan Rinhlua chuan in thlahrung lo tur in a lo hrilh ve vat a.
Ka u te ho kal chhuah hnu chuan Rinhlua chuan ka kut a rawn hum vang vang a. "Min lo ngai tawh viau ani maw? Nui suk suk chung chuan a rawn ti a. A khabe hmul te pawh a lo tifai leh vek tawh a, a hmel hmuh a nuam leh ngang mai. "Ka bulah hian awm reng la ka duh a, mahse hotel lamah tihtur ingah viau bawk si a, keimah vang hian damlo ve miah suh aw, eitur tha ei nasa la muttam I mamawh viau bawk ania, imitkhur te kha a tla duk thei ania" ka lo ti sep sep a.
"Zorin ka thusawi tur hi hre hman lo in min kalsan ang tih ka hlauh zia hi ihria em? Tunah chuan Pathian hmel ka hmu tawh a sin, he ka thinlung ah hian chiang takin ka hmu in a awm reng thin. Rinzam-in i accident thu min rawn hrilh khan ka hlauh thawn em avang khan rilru mumal pawh ka pu thei tawh lo a, damdawiin a ihmel ka rawn hmuh chiah phei kha chuan ka chan ngei dawn che ah ngai in ka tliak hnawp thei. Khatiang a rilru beidawng leh mangang em em a ka awm lai khan. Pathian hnen ah tawng tai duhna ka nei a, Bawihi ihria em? Pawisa hian nuna lei theih nise chuan, vawi engzat pawh inunna hi leinawn ngai dawn pawh nise, idam leh natur anih chuan pawisa chu kanei, mahse pawisa hian a ti dam thei silo che a, ka hriat chian tak em em chu, mangan na tawp khawk kan tawh chiah hian. Pathian hnenah lo chuan mihring te hian tluk luh na tur reng reng kan lo nei lo tih hi.
Thinlung leh tih tak zet a Pathian la be ngai miah lo khan idam leh theih nan Pathian ka au a sin, nitin zantin Pathian hnenah inun na min pe let leh tur in ka dil thin a. Mahse ka tawngtai na te kha chhan in a awm mai silo a, ka beidawng hman lek lek ani" a rawn tih chuan ka mittui chu a rawn far koh a.
He hun hi a lo la thlen ka ring ngei a lawm, Rinhlua mipa thinlung sak tak hi. Pathian in kohchhuah nan chuan, keimah hi a hman rua atan min lo hmang reng tih ka hriat chuan, ka taksa na te hi a dam huai huai nimai hian ka hria a.
Min riahpui turin Ufela arawn thlen hnuah pawh chuan, min haw san mai lo chuan a la thu ve reng a, Ufela leh Rinzami chung chang pawh engkim a lo hre vek tawh a, eng eng emaw sawi in a awm ve ta reng a. Ufela nen chuan Pathian thu tui takin an sawi lai chu, hmuhnawm ti em em hian ka lo thlir ngawih ngawih a.
Ka accident dan chung chang engmah ka chhung ten an sawi ri ngai lo a, thil thleng palh ah ka lo ngai ve mai a, tihtur hmabak tam tak ka la neih a vang leh. Rinhlua tawngtai na vangin Pathian in ka nunna min zuah sak ni mai in ka hria.
Kalo beisei ngam miah loh min kan tu ka nei reng a. Mite min hriat dan hi a mawi teh chiam bawk si lo a, mahse Pathian hian min hmangaih tu min lo pe ve zel ani tih ka hmuh chian em em na chu, addict te, hmeichhe rahbi tleu tawh, mi in ka ui ka ar pawh an tih duh loh te, ka natna khum a ka tan Pathian hnen a anrawn tawngtai thin chu ani. Ka nu leh pa te mittui a tla ngun malh malh khawp mai, ka rawngbawl hna tlawm te in arah chhuah te, min kan tur a anrawn Kal ve diah diah chu ka phulo ka ti in ka lawm ngang mai.
Ka harh atang karkhat chuang zet damdawiin ah ka awm leh tawh a, mite min hmuhdan ah chuan hmeichhe bawlh hlawh tak ni mah ila, mi tlemte ka nih na diktak hre tu an awm tawh a, nitin hian min rawn kan tu an katnuk a. Ka awm na cabin chhung ah chuan tawngtai thawm a awm reng tih theih ani. Rinhlua pawh hotel lamah a buai thin em avang in chhun lam ah chuan keimah ka zia tak deuh hnu chuan min awmpui hman ta meuh lo a, zanlam ah erawh chuan min awmpui tur in a rawn kal ngei ngei thin.
Khatia bike a min rawn su thawi tu kha tunge tih tun thleng in anla hrechhuak thei lo a, mit a min lo hmu tu te ho chuan tihpalh thil thu anih an ring lo vek a, chubak ah a mah a tlan bo zui nghal daih bawk sia. Hmelma ka neih awm ka hrelo a, khatiang thil ka chung a ti duh tur awm ang reng reng ka hre lo, tihpalh ah ngai mai tur in ka chhung te leh Rinhlua pawh ka hrilh a. Tlangval rui sual ka tawng fuh palh anih ka ring ber.
Ufela leh Utetea pawh, kapa in anrawngbawl na hmun lamah a kir tir leh tawh a, nitin video call in Kan in be ziah thung a, ka accident vangin home lam ah pawh engmah hmalakna fumfe a awm thei rih lo a, kan ma mawh tur ang zawng zawng chu, ka ai awh in Ufela leh Rinzam-in an lo dah fel vek tawh a, ka dam that ve leh hawn theih mai tur in anlo peih fel diam tawh a, dam that ver vawr a midang te tanpui tur a ke pen chhuah ka chak tawh em em a, ka taksa lah duh ang in a dam zung zung thei bik silo a, ka rilru ahah in buai tak zet.
Nikhat chu. Awmpui-an vawiin chu ka rawn awm dawn che ti in a rawn Kal a, kanu te pawh min enkawlna ah an chau rimtawng ve tawh a, an lang tar bawih bawih ni mai hian ka hria. Awmpuia a rawn kal tak ah chuan inlam ah chawl hah dam tur in min haw san a. Awmpuia nen chuan eng eng emaw sawi in kan nui dun hawk hawk reng a, home din kan tum chung chang kan sawi kai ta zel a.
Awmpuia chuan "Zorin kei chu ihriat ang hian positive mai ka ni tawh a, Rinzami hnen a tang in home chung chang kha kalo hre ve a, huntha tlem te ka la neih lai hian midang te tan thiltha tih ve duh na lian tak ka nei a, a rem anih chuan home lamah chuan ka tih ve theih ang ang thawk tur a rawn awm ve ka duh a, he thil chung chang hi kanu leh Pa te pawh ka sawi pui tawh a, an fa mal neih chhun ka ni a, anbul a awm tur in min duh viau mahse, home a hnathawh chu Pathian rawng ka bawl ve theihna tur tha tak nidawn a ka hriat tlat vang in, ka thuthluk na apiang chu min pawmpui tih ansawi a. Accident itawh hma khan he thil chung chang hi sawipui che ka lo tum lai in, he tiang thil hi itawng leh sia" a rawn tih chuan Awmpuia thu sawi vang chuan ka lawm ngang mai.
Ka rilru in a vei leh a tih duh em em midang tanpui duhna rilru pu. Pathian in min pek belh zel avang chuan ka hlim ani, kan bullawk a chhanchhuah ngai te chhanchhuak tur a, mahni inchhung lum pawh thlahlel hleithei lo a, hreawm tam tak tuar huam a, rawn pen chhuak ngam Lalpan min pek belh zel pawh ka ring tlat.
Enteh Awmpui, chanchin tha hi, ala hrelo te hnen a hrilh mai hi alo tawk zo tawh lo asin! Chhandam tawh krista tlanchhuah hnute hi. Sual vang hian an peng asin boralna kawng ah, heng mite hian min mamawh, tunah hian chhantu ngaiin anrum mek asin, kan bullawk ah chhanchhuah ngai ngawih ngawih tamtak an awm si a. Ramthim hi kan hai mai ang tih ka hlau thin ngawt mai, ka ti sep sep a.
Pathian hian Kan tan a tha tur zelin kan chungah ro min relsak thin. Rin loh takin Rinzami a rawn lang ve hlawl bawk a, nui var var chung chuan "Angel helai a rawn kal hi ka rilru ah a awm tlat a, sawi pui duh che ka nei a" a rawn ti nghal bawrh bawrh a. Awmpuia chuan "Ka hriat ve chi loh thil anih chuan pawn lamah ka lo va chhuak dawn emni? A rawn tih chuan Rinzami chuan "I hriat ve chi loh thil chu ani hauh lo mai, chubak ah thian vek kan ni a, kha tiang khan inthlahrung tawh miah suh ang che" a lo ti nghal var a.
Rinzami en chung chuan "Enge min sawipui tur ineih chu a van pawimawh awm ve? Ka tih chuan a nui leh ver ver a. "Angel englo ani, home saw hawn mai theih tur in kan peih fel diam tawh a, mahse thil pakhat kan lo mangnghilh a, kan home sawn hming a la nei reng reng hlei nem" a rawn tih chuan, kei pawh in home hming tur kan la phuah miah lo tih ka hrechhuak ve leh chiah.
Awmpuia pawh chuan "A ni dawn teh tak e, Kan home chuan hming aneih ngei chu angai a lawm" a lo ti ve vat a. Rinzami leh awmpuia melh kual chung chuan "Kan home hming a tan chuan Rabboni-(Zirtirtu) tih vuah ila in pawm em? Ka tih chuan anlo bu nghat nghat a "Rabboni tih chu ka pawm e" Rinzami chuan a rawn ti nghal vat a, "kei pawh in ka pawm e. Rabboni home hian mitam tak. Pathian lahre ngai reng reng lo hnenah chanchin tha kan hrilh anga, kawngdik kan kawhhmuh in, nundan tha kan zirtir zel ang zorin-in kan hnen min zirtir ang hian. Rabboni home hmang hian mi tamtak in, damna tisa leh thlarau ah anla chan ngei ka ring tlat". Awmpuia pawh chuan phur tak in a rawn ti a.
"Angel engtin nge he hming hi irawn phuah chhuah theih a? Rinzam-in min rawn tih chuan "Home hming tur phuah angai itih khan ka rilru ah a rawn lang nghal" ka lo ti vat a. "Pathian pek che ani tih ka ringhlel hauh lo mai" Rinzami chuan ati sap a.
Thlakhat dawn damdawiin ah kan awm hnu ah. Doctor in hetiang zel a itha chak anih chuan, kar leh lamah chuan inlam ah ihaw thei tawh ang min tih vang chuan ka hlim kher mai, tunah chuan ka duh ang ang in ka la tei kual thei lo a, mahse nitin exer a theih ang ang in min lakpui ve zel a, ka pa chuan "ngai awh leh tur chuan hun ila duh deuh ang, mahse inlam ah theih tawp in kan in enkawl anga itha sawt sawt mai ang" atih chuan Kan inlam a haw chu ka chak zek zek tawh.
Kanu in chhunlam ah min awm pui a, zanlam ah erawh chuan Rinhlua, Josepha leh Rinzami Awmpuia te ho in min riah pui mai thin, Ngurpuii erawh a naupai a rit ve tawh a, inlam kan nghah tir chawt thung a, min ngaihtuah em avang in min rawn be awl lo a, inlam a ka haw huntur a nghah hlelh tawh zia thu min rawn hrilh reng thin, in thlahrung viau mah ila ka nu leh pa te an kum a tam ve tawh a, anni tar chak lo tan chuan mahni a ka la chet that theih loh vang in, min enkawl hi a hah thlak deuh thin a, ka thian te in pekna chu kan lo hnar thei bik lo. Chubak ah Kan tan mihrang an nilo a, chhungkua ang mai Kan ni bawk a.
Kanu chuan "Mate home enkawl hi iko ah a tla si a, engtin nge Rinhlua hi ni ve dawn a?, nang hian pasal te hi inei ve thei ngut dawn emaw ni le? A rawn tih chuan ka lo thaw hawk a, kanu thu rawn sawi hian vawi tam tak ka rilru a lo ti buai fo tawh thin.
"Nu, he thil chung chang hi kei pawh hian ka lo ngaihtuah fo tawh thin a sin, Rinhlua nen hian kan in hmangaih a Kan hma hun ah hian enge lo thleng dawn Kan hre hauh lo, a lan dan hi chuan pasal nei thei dinhmun ah pawh ka ding hian ka hre lo a, mahse ka nunah hian Rinhlua hi a bet nghet tlat tawh si a, he mi chung chang vang hian ka rilru tih buai vak pawh ka duh tawh lo. I awmdan tur chu Lalpa chungah nghat la amah chu ringla aman ati vek ang, tih thu ah khan ka in nghat tawp" ka tih chuan kanu pawh chuan "Mambawih ani teh tak e, Pathian remruat hi keini mihring ten Kan lo tih dang lam theih chi rual ani lo e, tawngtai in Pathian kutah innghah mai hi, keini amah ringtu te tih tur chu ani" a lo ti ve bawrh bawrh a.
Zankhat Josepha min rawn riah pui chu, a hmelah hian hlim loh na ruk riau anei hian ka hre tlat a. Nidang ang tho in fiamthu te thawh in nui hawk hawk mahse, a thinlung chhung ah hian engthil emaw riau mawlh tu anei tlat hian ka hria a. Kumkhat em pawh kan la in hrelo chung hian Kan inzui ngun a, Kan mizia chu kan in hre tawn thawkhat tawh chuan ka hre bawk. Ka awm anawm theih ngang loh a vang chuan, ka rilru in a thil vei chu josepha chu ka zawt ta nge nge a.
Thu ho deuh deuh sawi a a tawng bawrh bawrh lai chu ka lo en reng a. Muk fe in kalo en reng tih a min rawn hmuh chuan a nui lai chu a tawp riai riai a. "Enge a khatiang fakau a Chiang khan min en run run reng a? Ka hmel hi tha iti viau emni? fiamthu ti tak deuh a min rawn tih chuan ka lo then khum sak a. "Khatiang khan hlim ber awm ang ziazang khan lemchan kual kha tum lo mai teh, kei hian ichhung ril a natna thuk tak ineih kha ka hmu thiam lo ah ngai miah suh. Enge ibuai na chu min han hrilh teh le? Thutak zet a ka tih chuan min rawn melh zawk a, hnuai lam chu a en ta reng a.
"Joseph ka zawhna che chu min chhang la" ngen ngawl deuh zawk chuan ka ti leh sep a. Muang chang a rawn hawi chhuak in min rawn melh vang vang a, a hmel lan dan chu a khawngaih thlak tak zet, Kan in hriat atang khan tun ang reng reng a Josepha hmel a, lungngaih na leh natna awm hi ka la hmu ngai lo, mipa hlim thei tak ani a, fiamthu ho te te sawi in tum loh deuh hian min ti nui reng thin kha ania.
"Zorin ka thil sawi vang hian min huat loh hram ka beisei ania" a rawn ti hmasa leh te te a. "Engah chuan nge ka huat ngawt che anga?, nang te chu ka nun a mi pawimawh tak, min tihlim em em reng tu ka vitamin's tha ber kha ini reng a lawm" nui ver ver chung chuan ka lo ti vat a.
"Kei pawh hi nangmah ang bawk khan, ikiang a ka awm hian ka nun hi a famkim in ka lo hlim viau thin a sin, ilak a ka rilru puthmang chu sawi pawh ngai lo in ihriat vek tawh kha. Nang hi ka ta inih theih ring in ka tan i inpeih hun tur hi nghakhlel tak in ka lo thlir reng thin a. Mahse engtik ah mah nang hi, ka nghak chhuak ve ngai dawn lo che tih ka thian tha ber ka atang ngei a ka hriat chhuah a vang hian, ka chhungril hi na tak a hliam in a awm mek anih hi" a rawn ti zuai ruih a.
Keimah vang a Josepha thinlung a hliam na tak awm chu tuam damsak ka duh ngawih ngawih, mahse engti kawng zawng mah in kei hian Josepha natna hi ka tihdam sak thei lo, a hma ang a hlimtak a awm tir leh ka duh chuan. Rinhlua kalsan a Josepha kut hi ka vawn angai tlat, chu thil chu kei hian ka ti thei lo. A chhan chu ka thinlung a hmangaihna awm hi Rinhlua tan ka hlan tawh a, engtik ah mah ka hmangaih na hi a dai tawh ngai dawn silo a, thih hnu piah lam ram thleng pawh in Rinhlua ta chauh nih hi ka la duh fan ani.
"A pawi ka ti lutuk, theih ni se chuan kha ihliam kha tuam dam sak che ka duh a sin. Hun harsa tamtak ka tawn lai pawh in ka tan i awm reng thin a, nang hian ka banah kai in hmalam ka pan theih nan min pui reng thin. Mahse kei hian nang nen a kan in tawn hma daih a tang tawh khan, Rinhlua hi ka lo hmangaih tawh si a, Rinhlua hnen a hmangaihna ka hlan te hi ka la let thei tawh lo. Joseph min ngaidam rawh aw, kei hian tihnat che hi ka duh lo a sin. Mahse ka ti na tho bawk si che a" ka ti tham tiak a.
Lu thing nur nur chung chuan min rawn en a, min rawn nuih suk a. "Zorin nang hian thiam loh na pakhat mah inei miah lo ania, ka lak ah hian chhete mah in inthiam lo duh mah ta che, he thil ah hi chuan tumah ka puh mawh thei hauh lo ang. Bawihpuia pawh ka dem lo a ka haw hek lo. A bulber ah chuan keima thiam loh vek hi ania sin, Bawihpuia pawh hian hethil hi a intantirh phat a tang Khan min lo warning lawk tawh a, Zorini hi hnaih suh nakin ah ila inchhir ang min tih lawm lawm lai Khan, ka thiantha ber thusawi kha kalo ngai thla duh lo a. Rinhlua khan nang hi vawitam hnaih loh tur che leh nakin ah ka rilru a la nat tur thu min hrilh nawn fo thin, ka tet te atang in ka luhlul em em a, kei hian thil duh ka neih tawh chuan neih ngei tum in engpawh tih huam in ka che thin.
Mahse engthil nge lo thleng ta hi? vawiin ah hian kei hi ka tlawm ani, zorin ka hmangaih na che vang hian, hman a Josepha mipa luhlul tak, a duh a piang neih tum tlat thin ang a awm reng kha ka thei tawh lo, nang hian hun harsa leh natna mualpho na tam tak ilo tuar chhuak tawh a, tun ah hian inun ah hlimna kawl a rawn eng ve tan dawn chauh a, keimah vang a ilungngaih hi ka phal ngai lo ang, chuvang chuan kei chu min ngaihtuah lo la, ihmangaih chiah hi ngaihtuah tur in ka duh che a, itan kei chu ka lo awm reng tho ang, ithian tha tak tanpui ingaih hun a piang a pui tur che in. Bawiha nen hian hlim tak a awm hi in phu ve hliah hliah tawh" a rawn tih chuan ka mittui chu ka lo khap per sak sak a.
Tap pur chung chuan josepha chu ka en reng a, he tiang ang mipa rilru tha hi an awm leh theih pawh ka ring tawh lo, mahni hreawm pawh pawi ti lo a, midang te hlim zawk nan a mahni in hlan thei mihring, ka hma a thu mek Josepha chu ka zah in ka ngai sang hluah hluah.
"Hmangaih ten malsawmna anchan theih nan hmangaih tur a tuar a tul si thin" ti in ka phun chhuak sep a. Nui suk chung chuan min rawn en a. "Lo kal teh ka bulah hian" ka tih chuan min rawn pan vat a, Josepha chu ka lo kuah chawt a. "Ka lawm e aw, nang ang mitha ka tawng che hi, kei aia vannei hi khawvel ah hian an awm theih ka ring tawh lo. Kei hian itan tihsak theih che leh pektur che neilo mah ila. A hausak na ren rual loh nei tu Pathian khian mal a sawm mawlh ang che" tap tiau chung chuan ka ti tham tiak a.
Nitin in that lam ka pan ve hret hret a, Josepha pawh engmah thleng lo ang mai in, a hma ang tho Khan min kan tur in a rawn kal reng a, Rinhlua a nen pawh thian tha tak an la nireng tho. Nilo a hma ai mah Khan an in thianthat na a nghet zual sauh zawk.
"Kha Kan va dam that tawh hmel ve? rawn ti tu lam chu kanu nen chuan kan hawi rual thawt a. Kawngka ah chuan Rinzuali nui sang chung chuan a lo ding a, a ni ber kher hi chu ka lo beisei loh em avang chuan lo chhan mai nachang pawh ka hrelo. Kanu zawk chuan "Lo thu rawh kan beisei phak bak in kan tha chak a, mihring ten kan tih theih piah lam ah hian Pathian a che thin tih Mambawihi a tang hian kan hmu zel anih hi, iva fel ve Mambawihi kan tur te a irawn kal a" a lo ti nghal sawk sawk a.
Kanu chuan Rinzuali hi tunge anih a hre hauh lo, ka thian te zing ami anih ring in tha tak in a lo dawng sawng mai chauh ani. Ka khum sir a rawn thut thlak phah chuan, a thei rawn ken chu ka nu a pe nghal vat a. Ka nu chuan "He tiang te rawn ken angai hlei nem, nangmah irawn kal pawh hi Kan lo lawm tawh viau a sin" a lo ti nghal vat a. "Zorini accident thu ka hriat tirh khan rawn kal vat chu ka duh lutuk a, mahse kan chhungkua buai na atalang ah ka rawn lang thei lawk lo a, Zorin inhriat thiam ah kan ti aniang chu tiraw? Nui sang chung hian a rawn ti a.
Rinzuali hian engthil chiah nge rawn tih a tum ka hrethiam mai bik lo. Ani hi chuan englai pawh in min haw em em reng kha ania, ka lakah hian vawikhat te mah that a la chhuah ngai lo hrim hrim, ka tan zahna leh mual pho na bak thlen ngai lo tu khan, engtia helai hmun a minkan tur a rawn kal ve ta mai nge anih le? Ka nu melh zauh pah chuan "Nu ka thiannu Rinzuali anih hi" ka tih chuan kanu chuan a lo chibai vat a.
Kanu bula ka thiannu ti a ka hmel hriat tir mai na chhan pawh chu ka hre thiam bik lo, kanu en pah chuan Rinzuali chuan "Kapi Zorini hi thil sawipui lawk ka duh a, hun tlem min pe thei angem? a tih chuan phawk zet chuan Rinzuali chu ka lo en a, ka nu in a mitmei a min rawn rawn tak ah chuan ka lo nuih sak a. "Anih chuan pawn lamah ka lo va tei harh ange ti Khan lo inkawm rawh u" ti chung chuan kanu chuan min chhuah san nghal vat a. Kanu a kal liam ta tih ah chuan Rinzuali chuan min rawn thut hnaih sauh a, ka mitah chiang tak a min rawn en chung chuan a rawn nui sak a.
"Enteh Rinzuali enge min sawipui iduh a? Kei hian enge tih sak theih che ka neih le?, min hmuh ang hian mahni zun ek pawh thiar thei lo khawp in ka awm mek chu ania" ka ti chhuak hliai a. Ka kut a rawn vuan chung chuan "Zorin nang hian thil tamtak min tih sak thei a lawm, i hnenah hian ngaihdam dil ka duh a, ichung a ka thil lo tih sual tawh zawng zawng vang khan min ngaidam thei angem? Rinhlua ka hmangaih em vang khan kei hian khua hmu lek lo in ka lo tina fo thin che a, Kan chhungkaw chung a thil thleng zawng zawng chu sawi pawh ngai lo in hriat vek ka ring a, ka pa thil tih sual vang hian kei hian ka hmangaih ka chan mek chu anih hi.
Enteh Zorini ka pa in Rinhlua te nufa lak a apawi khawih hi a rapthlak ani tiraw? Tual that tu fanu a ka lo piang hi hreawm ka ti in a na ka ti hle bawk a, ka hmangaih ber hringtu pa kher ka pa in a lo that hi a na ka ti in hreawm ka ti takzet ani" a thu sawi pawh chhunzawm thei lo chuan a tap hlap hlap a.
Rinzuali awmdan chu ka khawngaih kher mai. Ni e Rinhlua a hmangaih vang khan kei ngei pawh hian Rinhlua ka chuhpui a hlauh vang in, ka lak ah mawi lo tak tak in a che fo thin anih kha. Ani nen hian mipakhat kan hmangaih a, hmangaihna ah chuan mi pathum nilo in pahnih chiah a awm theih bawk si a.
"Enteh Rinzual, kei hian ka haw reng reng lo che ania, I pa chung chang kha kei pawh hian pawi ka ti lutuk, in chhungkaw tan hian Kan lo tawngtai pui reng thin cheu asin, thil chu anih tur ang ani zo tawh a, hun Kal tawh vang in inti hnual mai lo la ka duh, nula hmeltha tak ini a, ifing in hna thatak inei bawk a, Rinhlua aia tha mipa ila tawn ngei pawh ka ring tlat ania" ka tih chuan mittui tling pam hian min rawn en a.
"Zorin Rinhlua a hi ka hmangaih a sin, engtin nge amah nilo mipa dang kaneih theih ang? Khawngaih tak in minpui rawh. Rinhlua hi ka neih let leh theih nan min tanpui rawh, nang hi mi thatak ini tih ka hria a, mitam tak ilo tanpui tawh thin tih pawh ka hria, kei hian ka ngen takzet che. Rinhlua hi min pe let leh hram rawh, nang in isawi phawt chuan Rinhlua hi ka bulah a rawn let leh ngei ngei ang" tap zawih zawih chung a Rinzual-in min ngenna chu chhan ngaihna reng reng ka hre lo...cont
.