Page 8 of 8

Re: PASTOR FANU BY Ramdinsangi_Ralte (Completed)

Posted: October 24th, 2021, 4:12 pm
by Ngaia
"I timak thei e, Rinhlua cousin maremi a nih saw, a mah sawn a lawm hotel hi enkawl dawn a, athuhrim ah, maremi nen sawn inla inhmungai miah lo emni" ka tih chuan a lu chu athing ringawt a.






"Tun hi ka vawikhat hmuhna chiah, chubak ah Bawiha hian, Rinzami tih loh hmeichhe dang cousin anei tih pawh kalo hre reng reng hleinem, a mah ber sawn engmah a sawi ngai bawk silo a" arawn ti nuah nuah a.





"I hre velo pawh chu ka dem hran lo che, maremi te saw khuangthing ah an awm char char thin a, Rinhlua nu in, unau karhla lutuk a awm chu a diklo e atih vangin aizawl ah hian pemtur in a ti a, an chhungkua in anrawn pem thla ta nge nge a, anrawn pem atang a rei vaklo ah maremi saw phai lam ah lehkha zirin a awm bo nghal daih a, aizawl a anrawn chhuk hnu ah hian keipawh hian tun hi ka vawikhat hmuh leh na chiah ani, khawbung pastor bial a kan awmlai kha chuan anla naupang ve lutuk a, tunah chuan nula puitling alo ni ve reng tawh anih saw. Rinhlu-an kan inneih dawn vang hian hotel enkawl tur hian a chah haw rum rum a" lo ti bawrh bawrh a.






"Nangpawh in ilo hresa ve tho tihna maw? Arawn tih chuan kalo nui sak a. "Rinhlua ka hmuh hmasakna ber pawh maremi te in ah hian alawm" nui var var chung chuan kalo ti sep a. "Khilai khawchhak tawp a lo han intawn teh daih chu a nghaldun thlak emai" arawn ti hluk a.







"Nangni pahnih kha, khalai ah khan engtia rei nge din intum a? Rawnphei vat teu" Rinhlu-an arawn tih chuan kan lo inmelh dun zawk a. Maremi nen thil an inhrilhfiah laklawh hmelsia va finbuai duh rihlo mai choh kan nia, min hmulo emaw kan tih laiin minlo hmuru reng sia, ka inthiam chiah lo a. Rinhlua hi athikthu a chhia tih ka hrechiang ve tawh em a, athiantha ber pawh hi thik chang anei leh thin miau a.





Maremi nen chuan kan lam pan chuan anrawn inzui phei hlawk hlawk a. Min si chet a rawn ding chung chuan "Bawihi, minrawh hmuh tur thu irawn sawi miah silo a, matei nen hian chhuah kanlo tum a. Rawn thlengtlai hret ula chuan inrawn kalthlawn dawn tihna ania" arawn ti sup a.






Nuih tlawn deuh chung chuan "Kan rawn tlai lo chiah chiah anih hi, ka phone home ah ka theihnghilh leh pek a, khawiah nge kalchhuah intum reng reng a? A pawimawh viau phei chuan kan kir ve leh nghal mai a niang chu" ka tih chuan alo nui ve suk a. Joseph-an "Kanrawn kal laklawh tawh, reilo te tal titi ho ang u, hnathawh nan chuan damchhung hun kanla nei ani lawmni" a lo ti ve sup a. Kan bula ngawireng a lo ding maremi chu panhnai in.







"Marem ilo dam thin maw? kan inhmuh loh karin ilo puitling ta khawp mai, inu te andam tha em? maremi en chung chuan ka ti bawrh bawrh a.
"Kan damtlang alawm, ka pa pawhin inchhungkua chaw ei a sawm cheu aduh a, nanglah home enkawl ilo ngai ve bawk nen, tum ang pawn kan awm theilo chu anih hi, uzorin utetea te ho andam tha reng reng em? Hmuh leh ka chak ngawt mai, kan monu initur hi mumang te pawh a ang kati rum rum ania, khuangthing inlo kal tum a kimkim-i duhthusam kha athlengdik dawn ta chu anih hi, Ubawiha nen in innei dawn tih a hriat tirh phei chuan, a helhhawlh lutuk vangin lehkha pawh azir tha theilo ani awm e" arawn tih chuan kalo nui hawk hawk a.







"Mate, hei hi ka thianpa kan inneih hunah pawh ka best tur josepha anih hi, bro hei hi ka nau maremi ania, kala inhmelhriat tir miah lo cheu a, kan hna a kanbuai theuh vang hian inhmuh khawm na hun remchang a awm thei ngang bawk silo a" arawn tih chuan josepha lam chu maremi nen chuan kan melh dun vat a.





"Farnu chhelo deuh ineih thu pawh minhrilh duh miah lo a, zorini kiangah hian kalo vui char char alawm, maremi maw inih? Lo in chibai ila" tih pah chuan maremi lamah chuan akut chu arawn lek vang a. Maremi pawh chuan zah hmel fe hian josepha kut chu alo vuan ve vat a.






"Titeh u, helai a ding reng lo hian ka office lamah phei teh ang u" Rinhlu-an arawn tih chuan "Chhuahna tur innei ani lawmni? Kalo ti vat a.
"Kan hotu te inrawn thleng leh sia, tuntum atan chuan kan cancel nimai tehse, tak tak in, inlam ah chhungkua a sawiho tur thil a awm vangin hawhma kanlo tum mai choh ania, chhun thingpui pawh inla inlo ang tiru, mate eitur kha lo order nghal mai rawh aw" ati nghal zung zung a. Ka kut ah chuan rawn vuan in a office lam chuan min kalpui dat dat a.






"Bawiha, inau chu hotel han enkawl tur chuan iringngam tak tak meuh ang maw? joseph-an arawn tih chuan, Rinhlua chu alo kiai suk a. "Kei ai hian atha zawk maithei ani, tak tak in maremi hi kan hotel enkawl tur hian atha tawk viau chuan ka hria, chulo ah hotel hi ka thlahthlam nghal vek dawn tihna pawh anilo a, kan nitin mamawh leina tur sum leh pai kan thawhchhuah hi angai ve reng bawksia, hna rimtak a kan thawh hi angai mihring kannih chhung chuan" arawn ti sup a.






Rei pawh kan thut hma chuan maremi pawh chuan minrawn fin ve nghal a, ka bulah chuan rawn thu in "Uzorin, hetiang ang dinhmun a ka hmu leh thei che hi ka lawm ngawt mai. A nihna takah chuan, ichanchin kan lo hriat thin dan leh tuna ka hmuhdan che hi chu a inpersan ve em a, phai a lehkha ka zirlai pawh khan ichanchin hi ka chhungte ka atangin kalo hre ve reng thin a, ruihhlo bawih ah itang tak tak emaw ti khan itan leh ichhungte tan ka phaktawk khan kalo tawngtai ve thin a, thil kanlo hriat thelh nasa lutuk hian nuihte pawh ati za letling zawk alawm, kan monu ila ni dawn zui a, ubawiha hian nang kher hi chu neidawnlo nise chuan kalo haw kher in karing lo, ka zirlai hi alaklawh ve lutuk a" ka kut vuan chung chuan ati barh barh a.








"Marem, zorini kher mo a innei tur hi chu in vannei takzet, misualte hian vanneihna riau hi anlo neive ani chek anih dawn hi" nui kur kur chunga joseph-an arawn tih chuan Rinhlu-an alo run ngang mai.
"Ka sual loh zia chu a hrechiangtu ber ini ang chu, kanthudang alai chuan, Bawihi zanin ah palai rawn tirh kan tum a" arawn tih chuan kalo mengphawk nasa ngang mai. Rinhlua melh chung chuan "Tinge engmah minhrilh ve loh a? kalo ti nghal zat a.








"Bawihi, keipawh in ka hrelawk bik hleinem, inrawn thlenhma deuh khan kanu in minrawn bia a, zanin a palai rawnlen chu, papuia ho in anlo rawt leh chuk chuk a, ka rawn call che lah in phone i pick thei bawk silo, kan ruahman na hrilhhre tur che a rawnkal ka tum sa hrim hrim a, hetia inlo kal hlauh chu aremchang khawp alawm" arawn ti sup a.





"I fiamthu lo tiraw? invan ti chawpchilh chuk chuk awm ve aw! Zorini pawh iti hrilhhai alawm, a thuhrim in palai len intum te chuan inpahnih khan insawi dun ve eih lo emni? Inneihna hi thil holam mai mai anilo ania aw thiana" joseph-an arawn tih chuan arawn nui suk a.






"Kahria alawm, mahse kanu hian a fapa aihian ka nupui neih hun hi anghakhlel zawk tih kha intheihnghilh tawh emni? A thuhrim ah palai kan tir dawn choh a, inneihna tur inbuatsaih nan athlatel tehmeuh kan nghah leh te angai ve dawn asin" a tih chuan Rinhlua thusawi chu adik kati ve tho mai.







Kan eitur arawn thlen tak ah chuan, kan thil sawilai pawh sawizui tawh lemlo chuan kan eiho mawlh mawlh a, kan inhnawhpuar fel hnuah maremi chuan "Ubawih, tihtur kan neih tawh loh chuan, haw san mai cheu kalo rilruk deuh asin" arawn ti sep a. "Keipawh spot lam ah vakal zuai angai dawn a, haw ve nghal mai kaduh deuh, zorin engtia awm nge itum? thlah haw ingai dawn em" arawn tih chuan "Ka scooty nizan ah ka hnutchhiat tih kha itheihnghilh leh tawh ani maw, nangpawh hi tar ât in anangching tan tawh che anih hi" kalo fiamzui bawrh bawrh a.







"Thiana, ihaw ve nghal dawn tho chuan matei hi irualin haw ve nghal maise aremchang viau ang chu, mate thianpa rual hian haw chu ihreh em? atih chuan maremi chuan "Kan tibuai mai mai ang, bus in ka phei mai ang chu" aloti ve vat a.
"Kan rual pawhin ahaw thei reng alawm, keipawh awm khawmuang thei pawh kanih loh chu, sepha maremi chu kan rual in haw mai rawhse, hna hmanhmawh thlak te ineih phei chuan ihun kan khawhral sak mai mai ang che, maremi chu kan rualin haw rawhse" kalo ti ve thuai a.







"Chutiang a hna hmanhmawhthlak pawh kanei chuang hleinem, marem keiman ka va thlah ang che, i unaupa hian a bialnu hi chance neihpui a rilruk ve anih hi" nui vur vur chung a arawn tih chuan kalo melhrum vak a.






"Thu nilo pui pui hi sawireng thin lo teh, zorini hi kalpui lawk natur kaneih vang zawk ania, chubak ah nula chhelo phurh tur ivan ve thin sia, ka nau an inthleng ithlah ka phal sak che hi lawm hle rawh" Rinhlu-an arawn tih chuan maremi chu alo sen deuh awp awp thei. "Nangpa hi nupui ineih dawn vang hian min zuam viau suh aw, nula lam ah ngat phei chuan nang ai hian ka tlana fe zawk thin anih kha tiraw" nui hawk hawk chung chuan josepha chuan alo ti ve zat a.





"Marem, bus a chuan ai chuan sepha rual chuan haw zawk mai rawh aw, keini pawh kan awmrei hman dawn lo, inlam ah papuia te nen thil sawiho tur kannei a kan rawn haw vat ang, ka thianpa nen inkawm nelna huntha tak innei ani mai a, sumdawn na line ah chuan athurawn ilak fo ala ngai dawn ania" arawn tih chuan josepha leh maremi pawh an inzui chhuak ta nge nge a.






A ban a sana melh zoh chung chuan "Bawihi, itha em? nizan lam ah ichau bawksia min hmutur a irawn kal hi kalo beisei miah lo a, hawphei chu ihmanhmawh viau em? Kapa thlan kan pahnih hian tlawh lawk ila kati deuh a" arawn ti sup a. "Zanin ah palai rawn len intum te chuan kanu leh pa te kan inlam ah an haw angaidawn sia, vawiin kher kher ah thlan a kal chu iti deuh bur emni? Kalo ti sap a.








"Tihbur pawh a awm chuanglo, palai len chungchang kha ilungnilo viau em? Engmah ka hrilhlawk silo che a, kanu leh papuia te ho thuthlukna ania, anihdan tur takah chuan josepha sawi ang khan, kan pahnih hian sawidun hmasak tur ni awmtak ania, keipawh hian zanin rawn len nghal rum rum hi tha kati bik lo a, kanu in palai kan lentur thu inu te alo va hrilh vek tawh bawksia, ka sawitawh ang khan kanu hi mo neihchak hian a za cheng tawh maisia" a rawn ti nuah nuah a.







"Rilru nawmloh nan hmangduh reng reng suh, keini pahnih inkar ah hi chuan, thil hi arawn thleng thut thut reng zel a lawm, kan intawn dan atang khan han chhui let leh la, bul kantan leh kan inneih dantur chung chang thleng hian, engkim hi arawn thleng thut thut zel alawm, chubak ah kan pahnih a ahranpa tak a han sawidun chiam tur pawh a awm chuang hleinem, nidang ah kapa thlan ah chuan kan kal zawk maidawn em niang, nangmahni ang tho khan chhungkua a han sawiho ngai thilte pawh kan nei ve dawn sia" ka tih chuan alam ah chuan min pawthnai in, ka kut chu a âwm zawnah chuan anghat a.






"Bawihi, ka lungphu hi ihrethei em? Ka nupui i ni tak tak tawhdawn tih ka hriatna hian ka thawk te hi ati danglam vek tawh asin. A hma te kha chuan ka nupui inithei tak tak angem tih kha keimah ngei pawh hian ka chiang ngam lo a, tunah hi chuan ka rilru hi ahahdam takzet tawh, nangmah chan hlau reng reng a ka awm angai tawh dawnlo ringawt pawh hi nuam kati" arawn ti sup sup a.







"Nang nen hian hun harsa tak tak kanlo paltlang dun tawh a, tunah chuan Pathian in kan pahnih tan rem min ruatsak ta anih hi. Pathian hian amah ringtu te hi min thlahthlam ngai silo a. A hmanrua atan rawhtui mei ah min chher in, zahna te mualpho na zawng zawng te kan paltlang hnu ah, nang nen hian arawngbawl dun tur leh damchhung a awmdun turin min siam ta anih hi" a dar nghen ar ar chung chuan kalo ti sep a.





"I nu leh pa inlam ah anhaw angai dawn sia, zanah ka rawn lengphei dawn emni" arawn tih chuan "I nupui neihna turin palai itir dawn a, ipalai te thu leh hla lo ngaichang turin inah ilo awm ve angai ang chu" ka tih chuan a lu thaklo pui chu hiat ahiat nuah nuah a "Ani ve tho bawk si, bawihi aranglam a inneih ka duh ania aw" arawn ti sup a.






"Palai rawn tirh intum hi zamte-in a hretawh em? Ka tih chuan "Hretawh e, rawn biak che atum a iphone ilo keng silo a, minrawn call a arawn rak leh tengtung tawh kha, inau nimah ila ka buaipui hman dawnlo che ania, ka thiannu ka buaipui angai dawn a minlo beisei ve miah suh angche minrawn tih khum a, nang hian zamtei hi kalak atang hian min laksak fai vek tawh chu anih hi" nui suk suk chung chuan ati a.







Rinhlua te in kan thlenphei chuan, nu zual-in minlo kaihrang vat a. "Zorin, palai rawntirh kantum thu kha bawih-an ahrilh tawh ang che tiraw? Ka phurtawh lutuk hi naktuk ah hian innei nghal rum rum ula kati ngawt mai" atih chuan kalo nui ringawt a. A sawi ang tak tak in, a fapa nupui neitur hi a hlim ani tih ahmel ah alangchiang khawp mai.







"Nu, iti mah mah lo maw? Insum ve deuh thin la, engmah thuchiang kanla neih loh hi aw, mo ineih thelh leh palh ange" Rinhlu-an arawn tih chuan, nu zuali hmel ah chuan hlauhthawn na arawn awm chawpchilh nghal a. Mitmei chuan Rinhlua chu
kalo khap vat a. "Nu, i monu kani vat dawn alawm, ka chhungte bulah pawh arangthei angber a inneih kalo rawt dawn alawm" ka tih chuan arawn nui leh nghal var var a. Rinzuali kha a monu ani dawn emaw tiin a phur em em a, khatiang boruak tehnuaih kha athleng leh ta si a, Rinhlua thu rawnsawi khan ati mangang tih ka hriat vangin kathiam angtawk in kalo hnem ve ani pakhat a.






Rinhlua te inah reipawh thumuang lo in ka inkhalh haw nghal vang vang a. Khawpui ri bengchheng zet chhuahsan a home ka thlenphei meuh chuan ka hahdam sawng sawng thei. Inchhung kaluh chuan, kapa in phone ah mi alo be mawlh mawlh a, kanu pawh Alpha awi darh darh chung chuan kapa bul ah chuan alo ding ve ran a. Kanu in ka hmel a hmuh rual chuan minrawn pan vat in "Mambawih, iphone ikenglo a, zanin ah Rinhlua ten palai rawn len antum kha ihretawh em? minlo ti vat a.







"Hretawh e, Rinhlua nen kan inhmu alawm, chuvang ania hmanhmawh bakleng a ka rawn tlan haw vang vang ni, hetiang rum rum hian anrawn hmanhmawh kalo beisei lo a, ka u te ho chanchin inhrilh tawh hlawm em? Kalo ti vat a. "Hrilh tawh e, i ufela nen ipa pawh an inbiak mek saw" kapa melh chung chuan ati sep a.





"Mambawih, Rinhlua te nufa chu kan beisei aiin anrawn hmanhmawh tut tut lutuk a, inthawn lawkna pawh awm eihlo in zanin ah palai kanrawn tir dawn anrawn ti ringawt a, kan fanu neihchhun pasal neihna tur thil anih vang hian, thil tih rum rum hi chu a fuh ber dawn emni aw te kalo tia, lehlam kawng zawng a ka thlir chuan keini fanu teh lul hetiang a anlo duhder ve che hi ka lawm bawk si, feltea leh tetea pawh thil awmzia ka hrilh hretawh a, i u zohminga te chhung erawh khawhran awm annih loh vangin inlam ah zanriah rawn ei nghal turin kati a, rawngbawl ahun mai dawn sia irawn thleng choh na chu, kan palai te lo dawngsawng turin kan va hawsan rih phawt mai ang che aw" kapa in atih chuan ka lo bu zoh a.






"Mambawihi pasal neihtur chungchang hi chu kan chhungkaw tan thuthar ani tawhlo chung hian, palai hmel meuh kan han hmuh dawn takah chuan ka hnuk ati ulh deuh tlat a, khang kum chhung zawng khan kan fanu hi kan chan tawh ah kalo inngai a, mahse ka rinloh lutuk thil kan chhungkaw chungah alo thleng a, tunah pawh makpa tur mipa rintlak em em mai Pathian in min pe leh a, Pathian malsawmna hi keini chhungkua hian kanvan dawng nasa tehlul em" mittui hru fap fap chung chuan kanu chuan ati a.





Awmpuia nen kanlo titi dun mawlh mawlh laiin Rinzam-in minrawn call leh a, phone ka pick rual chuan "I van buai awm ve a? Min rawn call let hun kalo ngaichang reng a, min rawn biak itum silo a ka rawn call leh ringawt che anih hi, pasal ineih dawn vang hian min induhkhum itum tamai nge? a rawn ti leh barh barh a.




"I unaupa te vang vek alawm, ka hriat tirh phei chuan ka thidang lo choh alawm, kanu te pawh inlam ah antlan haw nghal chuk chuk a, chhungkua kan buai nuaih nuaih ani ber mai" kalo ti var a. "Angel ka rawn fiam mai mai che anih kha, palai tirh chungchang ah hi chuan ubawiha thiam loh pawh ani chiah lo, ka pa leh nutei remruatna ani mah zawk a, zanin chu ka rawn riakphei dawn ania, min mamawh ka ring a, home ka enkawl pui hman silo che a, tunang hun tal a rawn tawiawm loh che chu adik in ka hrelo a, i pasal neih hmachhung chu karawn insuan phei rih ang, hotel chu ka pa in alo vil leh rih mai dawn a" a rawn tih chuan kalo khek raih a.




"Minrawn awmpui theitur chu kavan lawm tak! Enteh zamte, awmdan tur pawh ka thiam lo zawk, engkim ah min buaipui vek ka ngai dawn ania aw, nang ilo awm hi chu ka thla amuang huai thei" kalo ti hliai a.





Rinzami nen kan inbiak zawh chuan Awmpuia hnenah "Rinhlua nen kan inneih hma chu Rinzami arawn insuan lut ve dawn anih chu" phur lutuk chuan ka hrilh bawrh bawrh a. "Zorini, ipasal neitur hi ka thinglung takin ka lawmpui che, chubak ah Rinhlua arawn awm chuan ka tan pawh hian ako zan thlak dawn em a, diktak chuan kan home ah hian ka mawhphurhna hi asang ve lutuk a, ka hrihrai alo tha leh leh zel nen, rawngbawlna nilo se chuan ka tlin pawh kher lo ang, kan home hi athangchak nasa mai bawk sia, thawktu kan indaih loh na hian lulam leh mawnglam pawh hrechang lo lek a kan thawhrim angai si a, i pa in minrawn uap thin te hi kalo thlamuanpui thin khawp mai" alo ti ve duah a.






Zanriah eihma deuh in Rinzami arawn thlengphei a, kan hlimtlang dar dar khawp mai, a khat tawkin Rinhlu-an msg minrawn thawn reng a, a helhhawlh tih ka hrereng. Home lamah kan buai thin em avang hian minrawn call zen zen lo a, naupang chhe inngaizawng ang mai mai kanni tawh lo a, min rawn be khat tih vel mai mai ah chuan kan inhau khat ve khawp mai..



Zanlam inkhawmna ah Rinzam-in thu asawi a, ka rin phak bak in a sawi tha a, Pathian thu sawi te hi mi mai mai tan chuan thil awl ai tak anilo a, kei ngei pawh hian ngaiah kala nei thei lo a, ka thiannu hi rinna kawng ah pawh alo puitling takzet tih athusawi dan atang chuan ka hrethei, pastor nupui nitur hian ani tluk a tha hi an awm chuan ka ringlo. A mah ahmeltha in, hmeichhe lu zo veh vawh tak ani a, min rawn tlawh khat viau chung hian Rabboni home a cheng te hi chuan kan ngaina vek tiin a sawitheih ang chu.






Inkhawm ban ah thingpui hang te kan in ho leh laih laih a, Awmpui-an huan chhung ah bethel a rawt a, hei hi chu he home a khawsa mek te tan chuan thilthar ani tawh lo, chhun zan hian huan chhung leh a chhehvel ah hian tawngtai thawm hriattur a awm reng thin. Ruihhlo ngai enkawl kan ngah avang hian, kan buai a zual em em a chutiang chung chuan Pathian in min awmpui reng thin avangin, rinna kawng ah zawi zawi in hma kan sawn ve bek bek zel bawk a.






"Angel, bethel na ah chuan kalve itum emni? Alpha kha engtia tih nge itum? Zanthim karah ramhnuai ah kalpui chi ani nang" Rinzam-in arawn tih chuan "Zorin, rawn tel ve kher duh suh u, zamtei nen khan lo han inkawm rawh u, keiman kalo ho leh mai dawn alawm, chubak ah zanin te chu palai ineih zan ania, chanchin inlo ngaihchan ve deuh angai hrim hrim a" arawn tih chuan Rinhlu-an palai arawn tir tih kalo theihnghilh leh hman pek anih chu.





"A ni dawn tak, zamtei sermon khan min hneh lutuk a, palai anrawn len tur kha kalo manghilh daih alawm. Rinhlu-an minlo biak atum tawh maithei ani, zamte keini chu Awmpuia sawi ang khan inah kan lo awm angai ang chu" ka ti chul a.



Ka room ah chuan Rinzami nen chuan kan inzui lut nghal a. Alpha chu ka mut nghal vat a. "Angel, i pasal nei tur hi rin harsa kala ti e, kan thian dun nun lo danglam ta lutuk hi mak kati thin, tlaiah khan i u in minrawn bia a, palai ka rawn tir ve mai dawn emni? Matei nen arual in kan innei anga arawn ti a" nui var var chung chuan ati sar sar a.





"Ti ve daih ula anuam ngawt ang chu, mahse ka ngaihtuah chiang a arem leh lo, ka pasal neihni ah pasal ineih ve ten tunge thian atan ka hman tak anga, nang tih loh thian a han hmantur hi ka ngaihtuah ngial pawhin ka hre hauh silo a, kan naupan deuh lai a ka thiannu ve ber lahin champhai ah pasal anei daih tawhsia, ka u nen in inneih hunah chuan ka buaipui ve vek ang che" kalo ti bawrh bawrh a.






"Ufela chuan arawn sawi ve mai mai alawm, keini te chu kan bultan na pawh ala rei lo a, inneih lam kha chu ala hla deuh ang. Ubawiha chuan ala rawn call miahlo che emni" arawn tih chuan "Ka phone kala khawih reng reng hleinem, lukham hnuai ah khan ka phone ka dah minrawn ban mai teh" ka tih chuan ka phawn chu arawn la a. "Kan sawilai mekin arawn call tak tak, michhe sawi chu koh aiin anhnai" ka phone lo pick pah chuan ati zat a.





"Bawihi ibuai em? Ka msg i la en miahlo a, papuia te pawh anrawn thlengfel deuh chiah a" arawn ti sup a. "Inkhawm kan bang deuh chiah a. Alpha muttir katum a ka mutpui mek, enge chanchin? I aw atang khan ivan phur loh hmel ve" ka tih chuan lehlam atang chuan alo thaw hawk a.





"Engkim chu atha a, mahse inneih ni tur anti hla lutuk a, thlakhat chuan kan nghah ala ngai dawn anih hmel" arawn tih chuan kalo nui hak a. "I lungngai anih kha, kandam te chuan thlakhat te chu areilo emai, damchhung a kan awmdun theih nan thlakhat chhung lek nghah leh te chu thil harsa pawh anih tawh loh chu, kapa in minrawn call a kan be lawk ange aw, nakin ah kalo call leh ang che" kan inbiakna chu ka ti tawp vat a.






"Thil thleng a awm emni? Ubawiha chu a lungawi vak nange? Rinzam-in atih chuan "Kan inneih ni tur an ruat hla deuh atia" kalo ti hliai a. "Avan atthlak thei tak, kapa te chuan inneih ni tur chu anlo ruat hnai zawk ngawt alawm, ubawiha chu zilh deuh angai anih chu" a lo ti ve hlak hlak a. Ka pa chu call in Rinhlua palai te nen a an inbiak dan vel min lo hrilh chuar chuar a. "Mambawih, ipasal tur te chhungkua chuan ropui taka inneihna buatsaih anduh a, kei ni lam in an duhdan ang chu kanlo pawmpui vaklo thung a, chumi tih loh ah chuan kan inrem khawp mai, naktuk ah inu nen kan rawn phei anga hmaichhan ah kan sawi ho mai dawn ania" arawn tih chuan kan in mangtha zui nghal a.





Inneihna thil vel buaipui in kan pharbuai thei khawp mai, kan in buatsaih chhung zawng in kanu leh pa in home min enkawl sak a, pasal han neih dawn meuh chuan chhunzan zawm in kan buai ti ila adik ber ang chu. A tul zualpui chu kan tifel thawkhat tawh a, inneih zungbun lei turin Rinzami leh josepha nen kan pali chuan kan kal ho a "Bawihi, thlakhat chhung kha rei katia kalo lungawilo lek lek a, isawi ang tak tak khan, thil tul leh pawimawh han buaipui tak tak chuan thlakhat in min daih lo lek lek chu anih hi" nui vur vur chung chuan arawn ti a.







"A tirah te kha chuan Angeli hi irawn tihtauh khum titih ani lawmni, tunah lem thlakhat in min daihlo iti leh lawi a, inneih hun hi sawnhlat rawt leh mai ila" nui duh miah lo chuan Rinzami chuan arawn ti a.





"Mawl mawl thin lo teh, kan sawn hla dawn lo nasa lutuk" arawn tihluk a, kan pathum chuan kanlo nuih dar dar a. "Ka fiam mai mai che anih kha lulian, inupui neih chak tawh lutuk hi hmuh ininawm deuh tlat tawh, keipawh tlailam ah ka hero arawn thleng tawh dawn a ka buaipui hman lutuk tawhlo ang cheu, kan inhmu khat ve bawk sia in inneih huntur hi chance an lo neih a, âm tak a kanlo hman ve loh ten" nui har har chung a Rinzam-in arawn tih chuan, Rinhlua chuan alu ah alo nam bu lawp a.





"Ubawih, Angeli chauh hi emni thil leisak itum a? Usepha nen hian nitin kan zui kual char char cheu a, thil engemaw ber chu min leisak ve iba ania aw" arawn tih chuan "Engmah leisak kan ngailo, mahni tawk a sumdawnna nei theuh kan nih hi" josepha chuan alo ti vat a. "Kei chuan min leisak ka phut tho tho, kan tlangval hausa pawisa hi khawhral sak ve hrim hrim ka duh alawm" arawn tih chuan.



"Mate, thi emaw bengbeh emaw iduhzawng kha thlang ve nghal rawh, thianpa nangpawh iduh duh kha thlang rawh. Pawisa chu kei ai hian inngah ani maithei, ka leisak ve duh hrim hrim cheu a" Rinhlua chuan arawn ti sup a. "A dik chiah, useph iduh kha thlang ve rawh, kei chuan to deuh ka thlang dawn" ati siam siam a, athlang to leh chuang der silo a, a unaupa han chhaihkual vel hi nuam ati niber hian ka hre thin.





Tlailam ah ufela arawn thleng a, inlam ah tumah awm kan awm loh vang chuan home lamah arawn tlang ve ta ngawt a, ka unaupa hmel ahmuh rual a ka thiannu hmel a lai lutuk hmel rawn awm thin hian minti nui lo thei lo, tleirawl inngaizawng ansawi ang chiah hian ka thiannu hi a awm thin miau a.






A awlsam thei angber a inneih keini lam in kanduh lai in , mipa lam in ropui thei angber anduh bawksi, kan inneihna min hmanpui tur pawhin, inneih sawmna card kan semchhuak nasa khawp mai. Chhungkhat laina thenrual tha, inneihna min lawmpui turin anrawn thlengkhawm tan tawh bawksia, kanu leh pa pawh inlam ah an haw phei angai tawh a, ufel-an arawn chhawk ani zawk mah a. Utetea pawh arawn thleng ve mai dawn a, "kan home chu pastor pahnih in min uap thei dawn a anuam viau ang chu" Awmpui-an atih chuan kan nui dar dar a.






Rinhlua nu khan an inlam ah lawiluh kher kan phut lo ti ve mahse, kapa in "Mambawih thlakhat chhung vel tal chu Bawihpuia te inchhung ah chuan ilawiluh ve chu angai ang, pa ber a awm tawh silo a, bawihpuia nu tan pawh mo nei vesi, inchhung khur a lutlo a hmundang a awmtir nghal daih chu thil nuam ani dawnlo, rawngbawlna mah nise thil kalphung pangai hi a awm ve bawk a, home chu Awmputea te ho nen hian kanlo enkawl anga, pasal nei ve si in mahni pasal te inchhung a han lawiluh loh ringawt chu adik lo hrim hrim" atih chuan, kapa thusawi chu ka pawm zawng tak ani.







Rinhlua chu call in, an inlam ah thlakhat chhung vel kan awm theih tur thu ka hrilh chuan, amah alo inthlahrung letling a. "Bawihi, rawngbawlna hi kan dah pawimawh hmasak angai ania. Rabboni home saw ikuthnuai a awm anih vangin, chung chen chen awmbo san chu achi loh ang, kan inlam ah chuan zanhnih khat kan riak anga atawk mai" alo ti deuh tlat a.






Ka pasal neitur chu chhungkua kan buai map map khawp mai, kan inlam ah mikhual kan neitam tawh bawksi a, utetea pawh inchhung chet ila velah kanu te an hah rimtawng dawn lutuk a kan hriat vangin bawngkawn lam ah min pheisan ve leh hnuhnawh a.





Pasal neitur in ka inpeih ta khawp mai. Alpha awih mut tum chuan tualzawl ah chuan kalo zai rat rat a, josepha leh maremi rawn inphur ka hmuh chuan ka mitko chu kalo san awk a. "Enge khatia hmuhthianglo hmu angmai a ilo men phar chiam a? Joseph-an min rawn tih chuan maremi nen chuan ka melhtawn zak zak a.





"Nangni pahnih hi" ka ti hman awrh tih ah "Ingaihang kha engthil mah a awmlo, i unaupa te hmuh ve achak a ka rawn kalpui mai choh anih hi" josepha chuan minlo ti leh zat a. "Marem, ivanfel ve keini lah kan buai atanglang ah tumah kan rawn tlawh ve hman silo cheu a, utetea chu nimin khan kan inlam ah a hawphei chiah a, sawlam anbuai ve bawk si a, ufela erawh chu inchhung lamah sawn a awm a tiru lut ang uhmiang" kalo ti nghal bawrh bawrh a.






"Josepha khan pha nasa viau mahse, maremi nen an inkar ah hian thil danglam thleng chu ala awm ngei ka beisei. Rinhlua pawh khan min hrilh tawh a, a unaunu tan hian josepha hi a iai miah lo tih kha. Ngurpuii vang khan hmalam a pan theilo ang tih mawlh ka hlau thin kha ania.






"Ufel tunge ka rawnhruai hi ihria em? Ka tih chuan a tukhum chu a tuai zoh a, maremi nen chuan inmelh in kan nui rah rah a. "E he maremi kha ini tiraw? arawn tih chuan mak kanlo tidun nasa mai, ufela te ho nen hi chuan an tetlai tak tak bak kha an inhmu tawh silo a, "U, ihriatna avan tha ve? Ka lo ti zat a.






"Ka hriatna that vang em em pawh anilo, ka rawn haw chhoh chang hi chuan upa muanpuia te chu ka tlawh ve ziah alawm, inchhungkaw thlalak ah khan ka hmutawh che a, ilo nula ve tak tak tawh anih hi, tunah chuan ihmeltha tawh sia min star duh tawh tawp nang" ufel-an arawn tih chuan Rinzami chuan achil a lo hak bawrh bawrh a. Rinzami awmdan vang chuan josepha nen chuan kanlo inmelh ralh a, hei pawh hi a unaupa ang chiah in athikthu achhe ve dawn avan nih hmel ve" joseph-an ka bengbul a rawn tih chuan kalo nui hak a.







Kan zik nek nek chhung in kan inneih ni pawh kanlo thleng ve der a, Rinzami pa in home ah inneihna inkhawmna a kaltur ho tan bus arawn tir phei bawk a, josepha pawh min hruaitur in arawn thleng hma khawp mai, kan home awmna hmun in alo zirloh chu thuhran nise, bawngkawn a kan inlam ah luhkawi kan duh bawk si a, ufel-an Rinzami uluk lutuk a alo thlek veng veng ka hmuh chuan ka tum bar bar a.




"Ufel, kan insiam tirh atang tawh khan zamtei hlir imelh char char tawh, inau hian ilak atang in inalh lutuk tih tawngkam kala dawng miahlo ania aw, lo va kalsawn rawh ibialnu hi vawiin atan chuan kata anih hi" ka tih chuan arawn phu zawk nimai hian ka hria, Rinzami pawh chu alo nui ve hawk hawk a. "Mate, tikhan awmlo teh, nangte chu englai pawhin inalhsa alawm" arawn tih chuan Rinzami chuan "Anih kei ve hi" alo ti zoh a. "Nangpawh inalh, khawvel a ka hmeichhe hmangaih pahnih te hi innalh dun lutuk" arawn tih chuan kan lo nuidun kar kar a.








Bawngkawn a kan inah kan lutkawi zawk a, kapa in tawngtai na hun a hman zawh ah chanmari biakin lam kan pan leh nghal vang vang a. Ka zam luat vang chuan ka kut athlan huh dep thei. Rinzami chuan ka awmdan chu hrethiam in ka kut chu arawn hum vang vang a. "Ka awih theilo" biakin leh achhehvel a mihring tam lutuk vang chuan ka ti chhuak hliai a. "Angel, vawiin hian Pathian in achawimawi che anih hi, aruk a ilo tawrhtawh natna zawng zawng lawmman ah khan ngai hmiah rawh" Rinzami chuan alo ti ve sep a.





Biakin chhung a kapa in min kaih luh lai chuan, mipui mit chu kan pafa ah chuan afu thup nimai hian ka hria, hawina lam apiang ah mit hlir antih ang deuh kha ani. Rinhlua phur lutuk in inneih thuchham kan chham laiin an tisual zauh pek a, pastor in athu zawh tur, nang Lalrinhlua hian arawn ti chiah kha. Nang Lalrinhlua hian alo ti ve pek a. Biakin chhung a thu ho chu an nui deuh huk a, josepha leh zamtei nen kan pali chuan tumah kan insum thei biklo, pastor in "Tihsual pawhin nuih loh tur" arawn tih pawh chuan nuih a za telh telh bawk si. Nuih za si, insum ngainbawksi chu hreawm tak ani.






Biakin veranda ah thlalak na te kan nei leh a, min chibai tum an thahnem bawk aniang kut akham vek thei, mipui lam in min tinsan deuh hnu ah chuan, kan lampan in Abisagi te chhungkua anrawn inkai phei ve diah diah a. "E he Abi, indammaw? inlo kaltheih pawh kalo beisei ngamlo a, Alpha leh omega chu anvan lo lian tawh em em ve" kalo ti chul a.





"Kan dam alawm, kapa rawn kan phah nibawk si in aremchang lutuk a, kan chhangchhe bawk sia in inlam ah pawh kan la rawn lang thei lo, kan la cham dawn tho a muangmar in kanrawn la leng zawk mai ang" alo ti ve bawrh bawrh a. Rinhlua bulah chuan "Bawiha chibai vela, ka thiannu Abisagi anih hi, kan in thenawm a, champhai lamah pasal anei daih a" kalo ti ve bawrh bawrh a. Abisagi te chhungkua in min kalsan hnu chuan "Bawihi, fa kan neih hun ah phir nei ve hlauh ila ka chak e" ka bengbul ah chuan arawn ti sur sur a. A tawpta.

*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/