♡I NUTEI KA NIH HI♡ BY Ramdinsangi Ralte

Ngaia
Site Admin
Posts: 25813
Joined: April 30th, 2016, 4:07 pm

Re: ♡I NUTEI KA NIH HI♡ BY Ramdinsangi Ralte

Unread post by Ngaia » July 4th, 2016, 9:52 pm

7Na

khawiah nge a awm tihpawh kanla hriat loh hmun lam pan chuan mawitea nen chuan kan chhuak ta....hetiang dinhmun ah hian ka dingang tih pawh kala mangphan ngailo, kalo dream ve thin dan chuan mahni inchhung khur ngei atangin ropui takin pasal kala nei ve ang kalo tithin kha ania....mahse chu zawng dream mai chauh a lawm le, ka hmangaih em em ka pasal titawh mai ang...mawitea dar ah chuan ka lu nghatin a hmel chu nguntak in ka en a....ka hmangaih ani ka hmangaih em vang hian engkim tuar huam in ka awm chu ania....kan hma ah enge thleng dawn kan hre hauh lo hlim tak in fanau te kannei ve ang nge....buaina tamtak nen kan inthen ang

Zankhua in motor ah kan chuan hnu ah zing dar10:00 vel ah kan tumram chu kan thleng veta tawk a....ka chauin mut ka chak kher mai, ka thian nu sp in minlo hmuak a kan awm na hmun chu mak kati kher mai....in 100 pawh an tling lo a mawitea nen min hmu chu min enzuilo pawh an awmlo, thingtlang ah chuan engkim a lo danglam vek a, an khawsak phung chu a tir chuan mak kati in nundan thiam harsa ka ti em em a....mahse ani telin thingtlang nun chu nuam kan ti in mawitea nen chuan kan tlang nel ve deuh deuh a....hmangaih na vangin hei chen kan thleng tawh a, hreawm tuar pawh kan huam ve bawk tur alawm.

Thlathum dawn chu kan awm ve tareng mai, hetia mi chhungkua fin reng chu a dik in kan hre biklo a, kan chungah anthat zawh pauh leh in thlahrun ana zual ting mai bawk si....spi pa hi an khaw vcp ani a....engkim min buaipui vek a engmah inchhung khawsak ngaih tuah lo a lo khawsa thin ve ve kan nisi a....mahni ke a dingtur chuan a huphurh awm takzet.

Inte reuhte ah chuan kan nupa chuan kan han lut ve rawih a....ka mumangte pawh a ang rum rum mai, kan nupa a kan in chuan kapa inchhung a ka room pawh a tiat lo ah kan awm a....bungbel kan mamawh chinchiah kan lei ve a nunbul tan turin ke kan pen ve dawn chu ania....ka lungchhe kher mai mahse ka pasal in hreawm atih ka hlauh vang in hlim hmeltak in ka awm a....zeploh chuan ka lungaleng thlawt, ka chhungte leh ka thiante ka ngai em em a....damtak in anlo awm hlawm angem le? Keini lah chhimtawp ah thingtlang khaw tereuh te ah kan awm chu ania....min ngaihtuah ve thin angem, nge kan tlanbo vang hian min la haw reng ang.

Kan pi leh pute pawh in, hmangaih nen bahra khurlaih a thlanawm anlo tih kha maw tih chu ka in nghah na ani ringawt....rethei deuh pawh ni ila enge pawi...engmah tilo a awm reng chuan kan pawisa neih in min daih seng dawn silo a...mawitea vawikhat pawh hna la thawk ngailo chu mi hnuai ah a in hlawh ve tlauh tlauh a....a kut notak thin te chu a durh phung a....ka lainat thin ngei mai, kei mai mai neih duh vang hian heng hreawm na zawng zawng hi a tuar angai ami le kati rum rum thin...kan retheih na chuan kan nupa inkarah harsat na min thlen ka hlau thin khawp mai....kumkhat dawn kan awm veta....kan chhungte chanchin engmah kan hrelo a, nunphung mawlmang tak in kan nung ve nawk nawk reng a...mawitea duhdan chuan fa kan neih hunah aizawl ah kan kir ang ati a...mahse ka raithei der mai silo ka inthla hrung thin ngei mai....ka pasal hian min hmangaih em em a ka hlim loh mawlh hi a hlau thin....rosum tamtak hnawlin retheih pawh pawisa lo a a thlan kanih vang nge min duatin hreawm ti a ka awm hi a hlau thin khawp mai....nupa inhmeh leh hlimtak kan ni a, a chang chuan kan chhungte pawh kan theih nghilh ve rum rum thin.

Thlawh hmate neiin kan phak tawk in kuthna kan thawk a...hah viau mah ila hreawm tih na pawh kan nei tawhlo....chu khua ah chuan hlimtak in kan awm ve a tumah dang kan ngai ngailo, faphei chu nei ila kan hlim leh zual ngei ang chu.

Thingtlang khawte a awm kan nibawk a....kumhnih dawn kan awm na ah chuan, mikhual kanni tih tuman an hretawh lo....thingtlang nun simple tak chu nuam kanti a enge maw chang chuan lungleng viau thin mah ila...nuam kanti deuh deuh a...kanpa pawh khawtlang ah leh khathiam te alo nibawk a akul atai ah an hman ber ani tawh a

Van neihthlak takin kan awm na khua ah chuan high school anrawn din a....kanpa pawn hna a hmu ve ta hlauh mai....spi pa zar liau liau ani, nitin school ah ani athawk a keiin kan thlawh hma ka lo enkawl a...chhungkaw tang rual tak chu kan ni vereng mai...

Enge maw chang hian kanpa hmel hi a ngui thei em em a....kei minnei hi a inchhir tamai anih ka ring thin, ni e a lunglen ve tho ka ring keipawh ka lungleng in ka khua ahar thin khawp mai....kan kalsan tak te ngaih vangin....ka pasal hmel hlim lo chu ka hmu zeuh zeuh reng a, chutia a awm a chang chuan ka in thlahrun a zual thin....fa ka hrinsak thei silo a....nu leh pate malsawm na dawng miah lo in kan innei a hrem na kan chung a thleng ah ka ngai deuh....kanpa lakah ka in thla hrung thin khawp mai, inrem leh in lungrual tak a awm reng a lo harsa a...ka rin leh beisei ngai hauh loh in kan nupa in hmuh thiam loh chang a awm ta fo mai.

Mawitea ka chung a a lungawi loh chang pawh hian ka dem ngai hauh lo...kei hi min tawng lo se chuan ti hian rethei takin a awm lo anga a pa nen an inkar a chhu chatlo bawk tur hi ania...engkim hi keima thiam loh ah ngai in ka in thlahrung em em reng a....engtin pawn awm in min hau mahse lungawi loh na ah ka hmang ngailo....ka hmangaih hi hlim reng se ka duh ber ani.

Kanpa in hnate alo nei vetawh bawk a...
Lo neitawh loin awm hahdam vetawh la min tih chuan ka duh lo hle, nitin in a awm chu ni arei duh awm e zimte tal lo min neihtir rawh ka tih tlat avang in sawhthing hmun kan siam ve leh a...chutah chuan ka feh ve lauh lauh thin a....ka awm tirh a hre awm katih teh reng nen tunah chuan khawpui a awm leh chak na pawh ka neitawh hauh lo

Kum li dawn mawitea nen kan tlan bo atang in a liam veta....fanau malsawm na erawh kanla dawng chuang lo a...vawitam doctor kan rawn ve fo a...thatloh na engmah kan neilo ve ve a....tinge fa kan neih theih miah loh le....pathian hnen ah kan nupa inzawm na a ngheh zawk nan fa min pe tur in ka dil chamchi a...mahse chhan na kala hmu thei solo....ka pasal lakah ka inthlahrung khawp mai

Kan hna vangin mahni buai buai in kan buai a.....kan in hmangaih na erawh a la ngai reng emaw ka tih lai in....rd inpa hian hmei anei ania...lolam hna ringawt i buaipui a inpa hi buaipui zawk teh ti a min fiam tu ka tawng leh nawlh thin a.....ka awih loh mai bak ah ka ringlo bur...ka pasal hian min phatsan leh mai mai tur chuan hetiang chen hi min kalpui ka ring hauh lo...tin ka pasal hi rinhlelh ka duh heklo.

Nikhat chu ka nawmsam loh vang in lolam ah ka feh chhuak peih lo a....inchhung sekrek te khawih in ka tal buai hle tho a....dawrah kal tum a ka chhuak chu kanpa leh hmeichhe pakhat hlim tak a nui ka hmuh chuan ka ding chawt thei...heihi ami inpa in hmei anei antih fo chu le...ka rilru a na nghal vawng vawng a.

Ka rilru chu ana ngei alawm....mahse thinrim thei ka nilo, ka kanpa hi ka ti hlim tawk lo te pawh ania nge....keimah vangin a neih chhun a pa pawh a kalsan hial a...aruktak chuan hre awm tamtak a tuar tihpawh ka hria, mahse nupa kan nitawh a min phatsan em hi chu ka ring phal lo ani....khatiang khawp a hreawm kan lo pal tlang zozai te kha ka rilru ah arawn lang thar uar uar a....min phatsan ka ring theilo.

Ka zawt ang nge zawtlo ang ti in ka inbuk char char a....mawite an a tul anih chuan min hrilh mai ang ringhlel zawng a tih ka duhloh vang in ngawih bo pui mai tha in ka hria a....tlai lam ah kanpa pawh a rawn haw a, nidang ang thoin duat tak a min kuah in min fawp a....vawin chu nidang ka ang theilo ka chhungril hi ana ani...hmeichhe dang kiang a hlimtak a anui ka ka thik ani.

Buai na em em tawklo chuan kan awm ve zel a....mahse kan nupa kar chu a zau tial tial a...a hma ang khan min ngaihsak tawh lo, mawitea ka hre awm hlau em em thin kha a danglam tawh....min hmangaih nate kha a dai zo tawh ta ami le....hetiang anih dawn chuan ka chhungte bul lam a kir leh ka rilruk ta rum rum mai.

Ka khua aharin ka nun a nguai em em a...mawitea pawh a riak bo ta zauh zauh reng a, mite min fiam fo nathin inpa in hmei anei antih chu ka pawm ta thlap mai....chutiang chung pawh chuan min hrawk in min ti hreawm chuang lo a...mahse ka chhungril ah hian natna a awm tlat si.

A chang chuan min phatsan ka ring ngailo....hei leh chen kanlo kal tawh a, ka thinglung in dawt nise atih chu ka pasal a riah bo chang chuan dawt anilo tih ka in hrilh nawn leh thin....kanpa hmei antih huai huai chu school a a thawhpui ani a....aizawl lam mi ani nghe nghe, ka pasal ani a anupui ka nih na angin kati lawm tawk lo ania nge...hetia midang a buaipui tak hi...hlimtak a midang bul a a awm theih chuan ka lawm tho e.

Nikhat erawh ka thil hriat zet chuan minti tliak hnawp thei....kanpa bialnu chu phai a a awm chhung zawng pawh a alo kawp thin hmangaih thu alo hlan fo thin kha ngei kha ani tih ka hreta.....hmangaih hmasa te chu theih nghilh anhar sate pawh ania nge....hei leh chen kanlo innei vetawh a...fa ka hring thei bawk silo, ka hmangaih em em ka pasal hi...a hmangaih hnen ah hian ka hlan mai a tul in ka hreta....nithum lai a rawn haw tawh lo a....tunah chuan ka beisei a bo ta takzet, ka khua a sik nasa em em a....engmah ka eithei bawk silo, kanpa lah a rawn haw ngai miah lo a....hetiang leh tur si chu tinge kalo zui le.....hlimtak in ka nun ka hmang thei zawk dawn asin le...buaipui tu neilo leh chhungkhat laina tak ngial pawh awm loh na a damloh chu a hre awm takzet.

Thei leh theilo in ka damdawi eitur ka zawng a....mawitea lah hmuhtur a awm silo, khawnge maw i awm le, min hmangaih tawh lo mahla min tanpui turtal in ka kiang ah i awm loh le ti in katap zawih zawih a....thawhtan ni a school kaltur a a chhuak chu....inrin ni ah pawh a lo hawlo a....zawngtur in ka tho chhuak thei silo, tunah chuan ka beidawng veta.....ka tlun nasa em em a, ka chau tawh takzet spi lah aizawl lamah a phei tawh bawk si tanpui ka ngai ani....tap chungin pathian ka au a, kan van mangang tak em...zonunmawi nang hian ka hmangaih che iti ani lawm ni, min phatsan tak tak ta em ni.

Chawlh ni ah pawh a la rawn hawlo cheu a...nupui dang a neih ka ring ta takzet....champhai lam ah ka kir mai angai dawn anih hmel...mawitea tan lehkha ka hnutchhiah a.

Mawite kan bultan dan khan a zirlo lulai em a...kan tawp napawh a ropui talo hle anih hi tiraw .....i hmangaih kiang ah chuan hlimtak in awm ang che aw....kei chu inutei ka nih kha, inutei ka ni reng bawk ang....min ngaih tuah lola chhungkaw tha tak inlo din dawn ania...mawite kan chendun chhung zawng zawng pawh khan demna che ka neilo
....khang hlim na tamtak min pek vang khan ka lawm lutuk bawk....ka hmangaih reng ang che he khawvel a ka awm chhung chuan....ipa hnenah let vela ngaihdam minlo dilsak ve bawk dawn ania mangtha maile rdi.

Ka thawm hnaw tlem chu bag ah khungin....reitak chhung kalo tlan bosan na hmun kan inlam pantur in ka in buat saih ta....enge eng buai na nge ka hma chhawn dawn ka hre hauh lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2016, 9:53 pm

8Na

Mi pakhat ka hmangaih vangin, min hmangaih tute ka tui thlar a....mahse kumli a liam meuh chuan beidawng leh rilru natak in kan inlam ka pan leh chu ani si a.....ka nu leh pa ka ute ho khan minlo lawm kher angem, ka khawsik nen motor chhung ah chuan mi hmuh hlau takin ka mittui a tla reng a, mawitea ka hmangaih zia pawh ka hria....a mah vang hian heichen hre awm pawh ka lo tuar vetawh a....mahse chhungte remti lo leh phal lo chung chung in kan tlan bo a, pathian hrem na ka tuar ah ka ngai hmiah.

Ka chau in ka khawsik lah chu a reh hleithei lo a....tlailam dar li dawn ah champhai khua kalo vawk lallen ve thin na hmun chu ka thleng ve lehta, ka tleirawl chhoh hunlai vel a ka thian te nen hlim tak a kanlo sapa tal hunlai te chu mitthla ah a lang uar uar a...ka lungleng kher mai.....mahse ka rilru a buai takzet ka chhungte khan minlo pawm kher angem pantur dang ka nei chuang silo.

Ral atangin kan in chu ka thlir a, tunhma a ka naupan deuh lai a kan kawtzawl a ka nu leh pa ten Lal fanu tetak te ti a min um kawi thin laite kha ka mitthla ah alang zut zut a....hmangaih na hian titak hian mit aloti del thei si amaw.....ka chhungte tuithlar tur khawp khawp a min siam maile...mahse mak tihdeuh ka nei, kan in chu tun hma angkha ani tawh lo....kawtzawl a pangpar te chu a parvul tawh lo a, tin kanin chhung hrim hrim pawh a reh thuap a....tukverh inhawng eih pawh a awm tawh lo, ka nu hmuh mai beisei in ka thlir reng a, mahse tumah an rawn chhuak lo reitak khawhar leh tap chung in ka thlir reng a....inchhung a luh mai chu ka ngam bik si lo a, diktak chuan ka chau in mut hahdam ka chak ngawih ngawih....ka u nupui a rawn chhuak ta alo lang upa vetawh hle mai, tunhma ai khan a cher zawk fe a....ka ngai kher mai lungchhe em em in ka tap a ka bag dahna bulah chuan ka thu hnawk a....engti zia nge hetia ka awm tak mai le....mite pawn hmangaih annei a tinge kei ve hi ka vanduai bik em em, hmangaih na hian hlimna tamtak chhiarsen rual loh min pek laiin....natna tawrh zawh rual loh khawp ana min thlen thei bawk anih hi.

Khua athim tep tawh a....kan inchhung ah lut ngam silo in ka thu reitawh hle, ka khawsik a sang telh telh a ka chau ru tawh hle....chutia lungchhetak a ka tah lai chuan mi pakhat hian ka darah a rawn khawih a, ka phu chiang kher mai ka mittui chu ka hrufai sawk sawk a.....tudang mah nilo in ka unaupa neihchhun umama ani, maktih hmel zet a min enin bawihi nang hetah maw....tinge tah hian ithut reng a ka zawng nasa che a sin....min kuah thlawp a kan unau chuan kan tap dun ta zawih zawih a...kei chu tap mah ila tinge ka u hi atah ve kher kei hian ka chhungte hi mualpho na tamtak ka hnut chhiah si a....ka lakah an thinrim velo ami le.

Ka zawi hnawk a....engmah ka hre thei talo a, ka harh chuan ka ute nupa chuan min ngaih tuah hmel takin minlo en reng a....ka u nupui chuan ka kut ah nghet takin a vuan a, minlo nuih sen sen a tinge ka nu leh pate ka hmuh ve miah loh le....ka lakah an lungawi lo hle anih ka ring a....ka hnual rawih thei mahse ka ute nupa kala nei tal alawm tih chu ka in hnem na neih chhun ani.

Ka u nupui chuan bawihi ikhua a sik nasa lutuk a nikhaw hrelo in i awm a....tinge i in enkawl that loh viau maile....hetiang te chuan inaute tan a hlauh awm mai dawn a sin ....chuthu chu enge ka kang awk thei, u naute a eng naute maw mak ka ti em ani...kum kha leh chen mawitea nen kan innei a fa ka hrinsak theilo a...mahse enge thleng ta hi....ka pasal in midang min neihsan hnu ah ka rai leh si amaw....lawmtur nge lawm loh tur ka tap ta ringawt a.

Ka ngaih tuah na avak thui kher mai....ka chung a khuanu remruat dan hi pawm harsa kati, a hmate khan naute lo pai vat ila mawitean min kalsan kher lo tur....ka rilru ana kher mai....ka rilru hah lutuk vang khan engmah kalo hre chang lo a...chubak ah nau ka pai theih ka inring tawh lo em bawk a.....min kalsan tawh mahse mawitea ka hmangaih ber hriat reng nan naute ka neidawn tal a ka lungawi tho mai....mahse he naute hi zonunmawia fa ani ngailo ang keima fa chauh ani....ka uten mawitea chanchin min zawh pawh in engmah ka sawi tha duhlo hmeichhe dang lakah min phatsan tih ngat phei chu ka sawi ri ngai lo ang.

Kar khat zet damdawi inah min enkawl a...tunah chuan ka tha tawh viau, ka naute thlakhat lek a upa tan hian chaktak a ka awm angai ani, in kan thlen chuan ka nu leh pa hmel ka hmu miah lo a....ka ngaih teh lul nen an thu awih lo a ka tlanbo vang a ngaihdam dil ka duh a sin le.....ka hawikual ruai a u khawnge kanu leh pate ka tita nge nge a...ka ute nupa hmel chu a dik miah lo ka hlau thawng takzet ani.

Au mam khawnge kanu te chu kati leh a....ka u nupui a rawn tap ta, enge thil awmzia hi ka hrethiam miah lo....bawihi ka nu leh pa he khawvel ah hian an awm ve tawh lo, chuthu chu khawvel a ka thu hriat chak lo ber ani....anithei lo engvang nge ngaihdam pawh kala dil lo asin ka taksa chaklo sa nen ka lu ahai muai muai a....ka u in minlo dawm vat a, bawihte tuar fan fan rawh anni pawh in ngaihdam dilche anduh asin...mahse ngaihdam dil hmanlo che in he khawvel hi an chhuahsan ta si a ati zawi raih a.

Khatia mawitea nen kan tlanbo tih an hriat rual khan kapa nen taxi hmangin champhai lam anrawn pan nghal a....an hman hmawh lutuk atalang ah driver anlo nawr nasa lutuk a niang an tlan chak luat vangin motor a control zo talo a...kawngkawi ah an tlan liam ta anih chu....van duai thlak takin kanu leh driver chu a hmun ah an thi a....driver phei chu ka chhawn tur a awm tawh lo nghal a, kanu erawh chuan thei leh theilo in bawihi kha ngaihdam minlo dilsak dawn ania....ka lal fanu tetak te kha arilru ka tina si a tih a sawi hnu ah a thi ve leh nghal mai a....kapa erawh eng em tilo in a dam chhuak a.
, mahse kanu thih na leh kei a fanu duat em em tlan bo na chuan a mah nghawng thalo tak a nei chho a.....nasa tak a min zawn hnu ah pawh min hmuh tak siloh ah chuan kapa chuan rilru beidawn na nei chho in...kanu nen an room ah ama nun na hlutak chu hlut zolo in in awk hlum a hmuh ani a, ka u te nupa rilru na hmel mawlh chu hmuh harsa kati engkim hi keimah vang vek ani....kei hi damtlak pawh kani tawh lo, mahni indem na in ka khat a....mawitea thentur a mintih lai te khan lo then ila vawin ah hian ka nu leh pate pawh ka chan miah lo tur, kei hi damtlak ka ni reng em ni le.

Ka u chuan lehkha them hlui tawh tak hi min rawn pe a.....kapan katan a hnut chhiah ngei ani,,,,,ka chhiar hma chuan ka awm zawn ah ka hmeh bel vawng vawng phawt a muang chang in ka chhiar tan a..

Ka fanu duat ka Lal fanu tereuh te, khawnge min tlan bo san tak maile....bawihte i hmangaih ber neitur a kan dan vang che khan min inu leh pate hi min ngaidam rawh aw, i nu leh pate hian i lungngaih na leh hreawm i tawrh zawng zawng te kha kanlo hmu thiam lo a....hre awm tak a siam chein i inchhung ah ngei kan kalh hnan bawk che a....ka lal fanu tetakte min kalsan ni atang khan kan chhungkaw malsawm na pawh a ikal liampui a...inu kanchan ta anih kha bawihte inu khan a thaw atawp dawn thleng khan ihming lamin ngaihdam dilsak tur che in min ngen a sin.....ka sawi nawn leh ang bawihte inu leh pate hi min ngaidam rawh aw....hahdam takin kan thlarau a chawlh theih nan min ngaidam hram ang che.....ipa englai pawh a hmangaih tu che.

Pa tinge ngaihdam mindil, kei hi ngaihdam diltur chu kania sin......inthu kha lo zawm ila vawin ni ah hian he khawvel ah hian in la awm vetur hi ania.....mawitea nen kan in hmangaih na khan hetiang khawp khawp a thilpawi tham hi a thlen chu ani si amaw.....mahse inchhir a sawt tawh silo, ka rilru na hian dam ni nei ve thei tak ang maw.

Inchhir leh rilru na ngawih ngawih chungin ka dam chhungni hi ka hmang liam vetawh dawn anih hi....ka vanneih ve nate khan min kiansan vek tawh, kata kalo tih ve thin te chu ka chan zo tep tawh si a.

Zonunmawia☆☆☆pov

Kanu unaunu ka hmangaih miau avang in dawihzep tak a tawp san ka tum hauh lo.....vawitam kapa pawhin thenturin min tih bak ah kut hial min thlak mahse, a tello in ka awm thei lo, engtik ah mah ka nutei nen hian kan inneih an remti ngaidawn lo tih chu chiangtak in ka hmu tlang vevek a....chumai bak ah kapa in ka nupui tur a be mek tih pawh ka hre tel bawk a, te-i lah a room chhung ah an kalh khum bur bawk si ka rilru a buai kher mai....tihtheih pakhat chiah kan neitawh chu chu kan chhungte lak a hlatak a tlanbo chu ani.

Ka putea nupui min puih na vangin kan tlanbo thei ta, vawikhat mah kanla kal ngailoh na leh a hming pawh kanla hriat ngai loh na a awmtur chuan te-i nen chuan kan tlan dun a....kapa pawh thil awmzia leh kha in engkim ka hnutchhiah a min zawng buai lotur in kati nain min zawng dawn tih chu ka hretho a....te-i hmel chu ka en a ka hmangaih ani...keimah ah rinna tamtak a ngat tih pawh a hmel ah ka hmethei....tin ka khawngaih bawk kei min hmangaih em vangin engkim kalsan in thingtlang khaw tereuh te a awm tur in kei hi minzui chu ani si a....kan hma ah engthil nge thleng dawn kan hre hauh lo a chuti chung chung pawh chuan engkim huam in kei hi min lazui duh tho ania.

Khawpui nen nundan phung in letling thawk na hmun a khawsak chu a harsa kher mai....mipa zawk mah ni ila pachan harsa kati thin khawp mai keipawn hreawm ka tih chuan ka nupui phei chuan en tin nge hreawm a tih ang le.....chung zawng zawng karah pawh chuan kan nu chuan hreawm ti hmel min hmuhtir ngai lo, heivang hi a lawm ka hmangaih ngawih ngawih reng ni.

Chukhua ah chuan tlangnel leh nuamti takin kan cheng vetawh a...kumli hnuah pawh fa erawh kannei thei chuang lo a.....kan nu in hreawm atih ka hlauh vangin nasa tak in ka hnem ve hram hram thin, kumtir atang in high school an rawn din ve a...vanneih thlak takin hna ka nei ve hlauh a, makdeuh mai in ka bialnu hlui a rawn thawk ve nawlh bawk a....khawhar a hnem in tunhma a loin zui ve hrep tawh kannih na chuan in ngainat na nasa tak minpe a....mahse kawppui kan nei ve ve tawh a thildang kan inkar ah engmah a awm ngailo, thian tih baklo chu... school banah a inluah a thingpui in ka peng fo a....hriat loh karin in ngaihzawng than in kanlo thang ta der a.....kannu erawh chuan engthu mah a sawi ngai miah lo thung a a hrelo tidawn ila a hriat ka ring vetho si a.

Ho te te ah kan in hmu thiam lo ta fo a....kan nupa nun chu a nuamlo ta kher mai
Kan nupui ka hmangaih em em mai lungngai hmel tak a a awm chu hmuh hre awm kati em em a, keimah vang in tihian thingtlang khaw kilkhawr ah a awm ani si a....ka lainat ru thin khawp mai fa kan neih theih loh nate leh ka thawhpui nu nen diklo tak a kan than nate chuan kan nupa inkar a ni telin a ti chhe zel a.

Nikhat chu, judi pasal nen kan inbe hlauh a ka chhungte chanchin ngaih ventur in ka ngen ta ringawt a....kumli teh meuh an chanchin ka hre tawh lo a, engtin nge an awm hriat ka chak takzet....ka chung ah kapa chu a thinrim viau ang tih pawh ka hria.

Kan school bang chu judi inluah ah chuan ka peng kawi leh a....anpa nen chuan kan inbe leh a, ka chhungte chanchin chu alo va ngaih ven ru ngei a...ka nu leh pa ka naute ho chu an tha a...mahse inupui nu leh pa erawh chu an thi tawh, kan tlanbo ni a thil thleng zawng zawng te chu kimchang tak in min hrilh vek a....ka thu hriat chuan min ti na ani.

Keimah vangin kan nu in anu leh pa a chantih hria se engtin nge a awm tak ang le....rdi hmel ka hmuh ngam thlawt loh vangin judi inah chuan ka riak ta ngawt a.

Ka inthiam thei ngang lo ani, rdi nen kan in hmangaih na hian nunna pahnih ala ta si a.....apa in awhhlum thu mawlh chuan minti hreawm zual ting a....ka hmangaih em em ka nupui hmel hmuh chu hreawm kati a vawitam tak in ah hawlo in ka thawhpui te inah te ka riak kual ta thin a

Tunah chuan kan nupa karpawh a chhetak zet tawh....kuah a duat tak a pawm ka chak em em a mahse ka ngam ngang lo keimah ah in thiam loh na a liam em em reng a....a hmel cher dak leh rilru hah hmel te chu ka hmu theilo ani....anu leh pa chung chang thu chu ka hrilh ang nge hrilh lo ang ka inbuk nasa hle a.....kar khatzet inah ka haw tawh lo a, hawlo in school ah ka riak tawh thin....hetiang a kan nupa inkar chhe tak a awmreng hi dik ka tilo a, engkim siam that ka duh tawh ani....karkhat hnu ah ka nupui bul a hawtur in kan in luah lam chu kapan hlawk hlawk a, kan in chu alo inkalh teh thiap a rdi thenawm vel ah aleng anih ring in kan thenawm nu kava zawt a....engmah a lo hriat siloh avangin chahbi kan dah thin na chu ka en a, kawngka ka luh chuan hlauh thawn na in ka khat nghal a....kannu in min chhuahsan ni in ka hria, a thawm hnaw pawh chhete chauh a keng a lehkha alo dah bakah kan nupa a pawisa kan khawl zawng zawng te pawh a lo dah vek a.

Katlai hret animaw....kan nupa inkar khi siamthatur in ke kapen tlai hrat anih hmel....a leh kha chu uluktak in ka chhiar a, tlangkam thu lengvel angtho in anipawn hmeichhe dang um san ah minngai hmiah anih hmel....mahse ka demlo keipawh ni ila arilru ang hi kapu vetho ang....engtin nge ka hmangaih ber hi nupuidang ka neih san phal ang...ani nen khan hre awm tamtak kan paltlang dun tawh a hlim hi kan phu ve reng a sin....hman hmawh takin ka insiam a ka nupui hruai turin ka in buatsaih a a lak a kathuruk a nu leh pa chung chang kha a lo hre hman anih chuan a tuar zolo ang.

Fur lai ani a ruahsur nasat vangin leimin in kawng a dang ping vek a....rilru pangkhing takin ka kir leh a....ka nupui mawlh chuan ka rilru a luah khat a, midang ka neihsan emaw ti a rilru natak a alo awm tur ringawt pawh chu hre awm kati hle....amah betur in a phone tak ngial pawh a keng bawk silo, te minvan ti rethei tak em

Ka zintur khawchhia vangin ka thulh zel a....thla khat a liam leh der tawh a, buaina em em awmlo in champhai ka thleng ve ta reng mai, hmundang pankawi lo in kan nu tein ka pan nghal a....ka in thlahrung takzet, pite in min loh hmuh chuan minlo lawm hle a kan nupa inkar thu engmah rd in a hrilh lo tih ka hre thiam mai....ka nupui hmangaih em em mai chu khum ah alo muhil bam a, ka lainat kher mai...thu thin thawng tak tak in a deng reng a...kei a pasal ngeipawn engmah sawi fiah loin ka tina ani si a.

Pite in ka nu leh pate thihthu in a deng na em em a...naute hi ka ngaih tuah takzet, mawite bawihi hi enkawl ngun a ngai viau ania atih chuan mak kati hle, pitei khan naute chungchang a sawi in ka hretlat....chiang leh zual a ka zawh chuan ka nupui hian kum li hnu ah nau apai veta maw...ka lawm bawk si chu kan nu muhil lai chu ka pawm nawlh a ka lawm takzet ani....chauh hmel takin a rawn meng siar siar a lungchim zetin kalo fawp ngawih ngawih a....te fa min hrinsak dawn avang in ka lawm e kati sap a....min enduh miah lo ifa pawh ani velo keima fa anih hi tiin a phun sep sep a, athinrim na chu ka hrethiam lutuk kei hian phatsan ta ah min ngai miau alawm.

Rdi.....pov

Ka pasal ka lo rinhlelh vang chuan ka in thiam lo takzet, tunah chuan engkim ka hre tawh a ka thawl huai tawh mai....ka dul pawh a thang lian sawt tawh hle, naute ka neih hlan mawlh kan nghak hlel tlang hle a, mawitea pa kapa erawh chu kan nupa chungah a la lungawi lo reng a, ka hrethiam lutuk tlat...zahna tamtak kan thlen miau alawm, engtik ni ah emaw chuan minla ngaidam ve mai ang.

Thla kua hnuah fapa duhawm tak ka nei veta....kan van hlim tak em, ka nu leh paten ka fapa hmel hi hmu vese kati kher mai, ka lunglen em vangin ka tap hial a.....buaina leh harsat na tamtak su kiang turin pathian in fapa duhawm tak min pe si a.

Keini paw champhai ah kan inah kan awm ve ta ringawt a...nakin ah muang chang in in kanla ngaih tuah ve ang chu, ka fapa hian lungngaih na tamtak hnawk boin hlim na min pe si a.

Nikhat chu, ka u nutei leh uzoa an rawn lang ve hlawl mai....tupa aneih meuh chuan uzoa pawn a thinrim na a up reng thei ta biklo...a tupa chu a pawm kual in a en vawng vawng a a hmel ah chuan hlim na ka hmuthei.

Rinloh leh beisei loh zetin mawitea nen kan inkar tawp mai tawh tur a kalo ngaih chu dinthar leh anita.....tunah chuan chhungkua inrem tak a awm in uzoa pawh in a monu ah min pawm thlap tawh, a hma te khan hetiang hian lo remti ila inu leh pate pawh an la thi hauh lotur hi ania ati ve fo thin.....engpawh nise hunkal tawh chu theih nghilh tawh ila hmalam panin hma hun kan thlir tawh zawk ang chu.

Kan fapa muthilh hnu chuan, ka pasal ka hmangaih em em chuan thla hlelzet in min rawn kuah a....te a tawp atawp ah chuan nupa tak tak kan ni ta e, ka nupui kata chauh ini reng ang ka hmangaih che ati sup a....nui ver ver chung chuan, inutei ka nih hi ka ti sap a...het khatiang sawi tawh suh tih pah in min rawn bawh nghal zat a...duhthawh fe in min fawp ta vawng vawng a....hmangaih na diktak hi chu atlo bik ani, engang buaina leh harsat na karah pawh mawite nen kan in hmangaih na kawng bumbauh tak chu a kiang ve thei ta....tunah chuan a nutei nitawh loin zonunmawia nupui chauh kani reng tawh ang.....

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

Atawp ta.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)