《ORPHANS》 BY Ramdinsangi Ralte

Ngaia
Site Admin
Posts: 25813
Joined: April 30th, 2016, 4:07 pm

《ORPHANS》 BY Ramdinsangi Ralte

Unread post by Ngaia » June 12th, 2016, 4:07 pm

Nitin fahrah in ah a tul tul thawk a pharbuai ve reng thin tan chuan, chulai hotel ropui leh mawizet a kal chu mumang te pawh a ang rum rum thei a lawm mawle, home mother in kawrfual ka mawngkhuh tang tang leh thil thar tlereuh enge mawzat min leisak chuan ka in thuam a....kum 12 hnu ah thawm hnawthar ka neih leh hmasak ber anih a vang in ka lawm lutuk chu fahrah ka nih theih nghilh thak khawp in ka hawisang vah a, ka nui sang reng bawk, kum16 mi chauh ni mah ila ka tisa a nalh in ka liantha hle a...tin fahrah naupang ni awmlo takin ka hmeltha hle bawk a.

Vawin ni ah hian mother hian engvang a helai hmun a min hruai tangawt nge anih ka hre hauh lo a, ka kawrthar neih ringawt chuan ka rilru luah in nuam ka ti hle...hetiang a mawi leh nalh hian kala awm ngai tlat lo....hotel chhung ah chuan mother chuan biak lawktur kanei atih avang in min kalsan hlawk hlawk a, kei erawh chuan bawp khawkherh meuh a thu in mitam tak veivak nuk nuk chu nuisang in kalo thlir vel mai mai a.....helai hmun ah hian engti tur a kal nge kanih ka in hre miah lo, min hmu a piang in hmuh nawm tizet in min enzui vawng vawng zel tih ka hai miah lo....keimah ngei pawh hian nalh ka inti ve hle.

Mother in min rawn koh chuan rangtak in kazui ve nghal a, room nuam zet ah hian min hruai lut a...hotel a hnathawk ten tlin takin an hna anthawk sang sang reng a, ei in tur tuihnai tak tak anrawn chhawp chu tuiti tak in ka ei bawrh bawrh a...fahrah in a ka unaute eive atan ka it ru hle, han eive se chuan tui anti dawn hle si a.

Puar takin eitur min chhawp chu ka ei a, chutia ka thil eizo chua ka taksa a zawi ta riai riai a, muthilh chhuak in mi zem nghal vek bawk a....khum lamah chuan mother leh hmeichhe nu chuan min zawn phei a, uluk tak a min muttir hnu chuan an chhuak ta zal zal a.

Ka mutna khumdup leh rimtui em em te chu a hahdam thlak in nuam tak ani.....fahrah inah kha chuan mutna ruhtak ah keini aia nau zawkte kan mutpui thin kha ani si a, mihring theuh theuh kan in piang vanneih hleih bik mang e....vanneih thlak tak in mother duhsak na vang liau liau in helai hmun nuam hi ka thleng vethei chu ani si a, ka lawm in ka vannei ka inti takzet.

Rilru harh vek si in ka taksa a zawi zovek a ka chethei hauh lo, eitur ah khan enge maw chu an telh chiang ani... chutia ka mut reng lai chuan room ah chuan mipa kum 34 mi awm bawr vel, liantha zeihzawih hi a rawn lut a, ka hlauthawng kher mai kakawr hak chhing tak vang chuan kamal chu khuhtu awm lo in a lang vek bawk si a....kamal khuhtur tak ngial pawn ka chethei silo, tinge hepa hi helai room ah a rawn luh ringawt chule, a mah a palian in a hmeltha kher mai...en reng reng pawn mi neinung tak ani tih a hriat ngawih ngawih.

A mitmeng rum lam deuh chuan min rawn melh run a, a chil a lem ri khalh a ka mut nalam chu a rawn pan phei thlauh thlauh a....kalo ip chawih chawih thei, chutiang anih meklai chuan ka la mawl em avang in kei hi hralh kani tih kala in hrethiam miah lo....khumtlang ah chuan a rawn thu a kamal lang mum thiang rual chu a chul thuak thuak a, chuthil zet chuan minti mang ang ve tatak zet mai....dangtur in tha reng reng ka nei silo, tilo turin ka ngen na chu engah mah a ngai miah lo.....duhthawh zetin ka hmui sen vam ham tuma la fawh na ngailoh chu a rawn fawp tawn tawn a, dangtur in tha ka neih miau loh a vang in a khawih ang ang chuan ka awm mai mai a....mahse ka rilru na lutuk chu ka mittui dan rual loh in a sur zung zung a, tun a ka thil tawn mek hi fahrah nilo ila chuan ka tawng hauh lo ang mawle....ka lo dream vedan chuan ka thiang hlim na hi chu ka hmangaih ber hnen ah ka hlan ang kalo ti ve thin a....mahse enge thleng ta hi, tunge anih tih pawh ka hriat loh leh vawikhat chiah kala hmuh chuan ka virgin ka hlut vena chu dimdawih na tel maplo in, tisa chakna hrikthlak nan a hmang ta....Anat em a vang chuan ka rak thawt a ka mittui a luang zung zung a, fahrah ni mah ila fahrah inah thlamuang leh himtak in kan awm emaw kalo tihlai in....kan in neih chhun fahrah run chuan mihring a sumdawn na(human trafficking) anlo kalpui nasa em em hi alo nia....home a ka patea min dahtirh a kanu angmai a duat leh hmangaih tak a min lo enkawl thintu usangtei kha ka mitthla ah a rawn lang zut zut a....ani pawh khan hethil tun a ka tawn ang chiah hi alo tawng vetawh a chuvang chuan tuar zolo in a nun na hlutak hlut zolo in a in awk hlum ta ani ngei ang a....A rap thlak ka ti lutuk chu awm ngaih na pawh ka hrelo, tutih pawh ka hriat loh in ka virgin min hawnsak pawh rilru nattawh naklai in...ka thil tawn ang lo tawng tawh leh la tawngtur mi tamtak an la awm vang chuan ka rilru ati na zual ani.

Saruak ngalngat chuan khumdut nuam ka lo tih em em ah chuan mittui nen ka mu kawi nuaih a, chupa chuan ka taksa englai maipawh chu hmuh nawm titak in a thlir dauh dauh a, kan van vanduai bik tak em hetiang mi hausa sum hman ngaih na hrelo ho nawm chen natur atan mai mai kan lo piang ve chu ania.

Natak in min siam tawh hnu ah lainat hmel fe a min melh chu ka hua, a taksa pa leh sek tung te chu hmangaih tak a kuah a chulvel atan chuan itawm tak ni mahse, ka rilru natna chuan min hneh em vang in engdang mah ka ngaih tuah thei tawh lo....engthil nge ka hma hun ah thleng ang, he ka taksa uluk leh duat tak a kalo enkawl thin hi mi chi hrang hrang in anla khalh chul mai mai dawn chu ani si a....kanu leh pate kangai kher mai, mithi khua atang in lokir leh in an fanu neih chhun hi min rawn chhan chhuak se kati ngawih ngawih a....hetiang dinhmun chhetak a dingtur hian tinge minlo hrin le, ka lo in nghah vena ber nu leh pa tak tak ang a kanlo neih te hi kan tan chuan hmelma hlauh awm leh rapthlak ber lek maw anlo nih...haw kavan huphurh tak em thih daih chak na chuan min tuam hlup hlup a, chupa pawh chuan min khawih leh tum na anei tawhlo.....atan chuan ks mutpui anglek kani dawn si a, mahse ka taksa a arawn luh khan a phu nasa ve hle anih kha.....hetiang a nawm chen nan a sum khawhral mipa chu mi thatak anih ka ring chiah bawk silo, he tanin rapthlak tak atang hian tunge min chhan chhuak ta ang le.....tun hi chu a vawikhat na chauh ala ni si a....A leh pek ah tunge ni leh ang ka hmahun thim lutuk chuan minti rum vawng vawng thei...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 12th, 2016, 4:07 pm

5Na..

Kan ten awmpa chu leh.....A mah khawngaih a tuam hlawmtu te chung a lawmthu a sawidan chu a van mak deuh ve....i patea kha ipa nau diktak nilo in, a tet lai in apain a thihsan a...an chhungkaw khawsak a lo harsa ve nen ipi leh pute khan ipa chiah fa anlo nei vel bawk si nen, fa atan anla ta kha ania....mizoram a ka rawn haw khan in chhungkaw chhiat tawh dan hi ka hre ve chiah a, ipatea khan hein hi a zuar a, nang hi ramdang a lehkha zir a i awm thu a sawi bawk a....in chhungkaw sumdawn na zawng zawng chu a ti ral vek a...ka hmungai ta miah lo a, a chetdan ka thlir hian thil diklo chu a awm chiang ani a ti sup a.

Ka thu hriat mak tak tak te chuan minti chau takzet, ka patea khan fahrah in ah khan minlo hralh te ani mai lo maw....Andrew an engkim kalo buaipui vek ang, tun atan chuan hahdam imamawh atih chuan ka mu ta nghal a.....mumah ila ka muhil thei thlawt lo, kan chhung kaw chung a thil thleng te kha ruahman lawk vek a thleng ani lomaw.

Kan accident hmalawk khan ka pate an a rawn call ngei a, kan awm na chin kapa in a hrilh bawk kha mawle....mite chung a that chhuah leh lutuk pawh hi a lo thaber lo anih hi, mahse tlem chuan ka thla a muang ve ta deuh....Andrewa min veng tutur ka nei tawh a, ani min puih nain kan chung a thildik lo titu zawng zawng te hi an thil sual tih rah chu kan seng tir vek dawn alawm, a hmasa ber in ka awm na fahrah in atang in.

Vanduai rau rau ah keimah ang a vannei hi an awm kher lo ang, hralh ka nih hmasak ber zan a ka mitawn kha kapa thian pa alo ni hlauh a, rilru chu na hle mahse tlem chuan a zia deuh in ka hria....mite ngaihdan ah chuan fahrah chan hai te lo tuam hlawm a lainat tak a lo enkawl seilian tute an ni a...anih na takah chuan keini fahrah ho hmang hian sum tamtak an hailut ruih ruih reng chu ani si a.....A then te chuan beidawn luat vangin an nun na anla hial a....chung zing ah chuan u sangtei pawh a tel ve nghe nghe anih kha....lo ngawi tak rawh u, phuba chu lak ani ngei ang.

Ka lo muhil sek aniang ka harh chuan ni alo chhuak uar tawh a, ka mutna room ah chuan sofa ah andrewa a lo thu vang tawh a, fahrah in a let leh chu ka hreh takzet mahse ka kir leh ngei chu a ngai dawn si a....andrewa vek chuan baby sawlai hmun atang sawn ka rawn hruai chhuak vat ang che, sum engzat pawh sen ngai dawn mahse i rilru ti hah lola i hre awm rei tawh lo ang ati sep a ..ka lungte pawh a chhe rum rum mai, muang chang in ka in siam mawlh mawlh a, fahrah in a kir leh turin min rawn hruai hun kalo nghak ran a, rei vaklo hnu ah min hruai tur lo thleng in chu inchhung ka ngainat em em chu ka kalsan leh ta.

Andrew an sumlam ah ati lawm hneh bawk aniang.....mipa ti lawm turin min hruai chhuak leh ta miah lo a, kei chu him rih mah ila ka unaute chu nitin zantin nalh tak a chei in sum hailuh nan hmang in an taksa chu an hmang mek ani si a, kan khawvel nun chhiat tawh zia hi mak kati, thil awmthei lo tur a kan ngaih pawh a thleng zel chu anih hi....mi dangte vanduai na remchang a lo hmang tawk lah an bo silo.

Kazan mu chu, tumdang angbawk in boruak danglam in minrawn zem leh chiai chiai a, tunge anih ka hailo...u lo lungngai miah suh aw, kan chung a thilsual rapthlak tak titu te lak ah phuba chu kanla thuai dawn e....chumi ni a thlen hunah chuan i chawl hahdam thei tawh ang chu tiraw ka ti sep sep a...mi engzat chiah hian nge he hleilen na hi lo tuar ve tawh ang le, rapthlak hian.

A khat tawkin andrewa nen kan inhmu reng a...a rua hman na te min hrilh ve zel a, engtik ah nge kan zalen ve theih ang le....finfiah na tur kan hmuh mai theih loh avang in anla him thei mai mai chauh ani.....he sumdawn na hi kum enge mawzat anlo kalpui tawh vangin an fimkhur in an inveng thiam em em a....hei vang tak hian andrewa pawh in hun remchang a hmu maithei rihlo ani.

Zankhat chu rinloh deuh in min hruai chhuak leh ta tlat mai, ka rilru ah andrewa a rawn lang hmasa ber a...ka hlauthawng kher mai, hotel lamah min hruai leh tihpawh ka hailo....tumtum chu ka vanneih na in min kalsan ve dawn ta anih hi ti in ka rilru a hre awm kher mai....room pakhat ah chuan min namlut rawk rawk a, ka hlauh em avang chuan ka khur hlawk hlawk thei.....khumah chuan mi pakhat alo thurun a, ka rilru te te chuan in tlawm tir ka tumlo bur, a hnunglam atang chuan min khawih itum hlek anih chuan i inchhir viau ang kati ve khar khar a....a la chechang chuang miah lo.

..kalam rawn hawi phah chuan a lumkhum leh tarmit lianpui a vuah chu a phelh a....Andrewa hmel ka hmu chiah chu ka insum hman lo kava kuah chawt a, ka hlauthawng hman ani bawk a ka la khur der der thei

Nguntak in min en leh tete , baby i patea pawh an mantawh e....kha accident kha in chhungkaw rosum it vangin a lo thlentir a... mi nunna pawh ala hreh lo ania....ka mengthei thlawt lo, zingah kalo dah belh leh ang....ka pum a na char2 a minlo tawngtai pui ru.

6Na..Last

Ka patea mihring tamtak zing a ka ngaihsan leh ka ngainat em em chuan....rosum it vangin ka nu leh pate thatin kei ngeipawh fahrah inah min hnut chhiah si amaw, ka thinrim kher mai tunah hian ka patea chu ka bulah awm se tawp chin neilo a sawisak ka duh takzet....ka rilru ana ani ka mittui a tla zawih zawih a, ka thu hriat hi dawt ni hram se ti viau mah ila thudik ani tlat si a.

Andrewa vek chuan, buaina pakhat chu chinfel ani tawh a...tun ah i awm na fahrah in hi chhui mek ani a, reilo te ah thil sual ti tute chu man chhuah an ni ngei bawk ang ati leh sup a....ka rilru kam tlat tu thil pakhat a la awm cheu mai, home enkawl tute an man chuan engtin nge fahrah naupang tamtak te hi an nun khaw chhuah ve tak ang...keimah ang a van nei an nivek silo a....mahni pawh ngaih tuah ngai kanih vei nen midang kalo ngaih tuah ve leh chhawng chu ania .

Andrew an ka ngaih tuah na hria ni awm takin, i unau te i ngaih tuah tiraw midang chu lungkham buai duhsuh, heng fahrah zawng zawng te him leh thlamuang tak a an awm theih nan an chen natur engkim kan rua hman fel vek tawh ania atih chuan ka thaw huai thei.

Kapa thian pa ani a, andrewa nen hian kum 20 chuang zetin kan inthlau a, mahse a la hmeltha reng, en mai chuan kum naupang te ang mai ani...mipa ka mutpui hmasa ber ani a, ani telin ka ngaina in ka duh takzet tih pawh ka hailo...mahse a mah ber hian eng mah ati silo a, ka inthup ve tang tang chu ania.

Rilru ipik lutuk zualpui pawh a zia ta deuh...fahrah naupang tamtak enkawl a sum hailuh nan a pawisak nei miah lo a nghaisa tute chu an nuamsa reitawh biklo ang, usangtei khan tinge anun na alo lak kherle, vawin ni ah hian ani chu ladam se chuan a van lawm dawn tak em....engkim hi andrewa vangvek ani, ani nen khan lo intawng kher lo ila chuan tun hunah hian usangtei ang khan beidawn luat vangin keima nunna pawh kala ve tawh hial maithei ani..

Andrewa hnen atang in an hmalak dan chanchin ka hre ve zel a, engtik ah nge kan zalen na ni chu alo chhuah ve tak ang le....chu ni chu nghak hlel takin kalo thlir ve mek chu ania....buaina dang em em tawk lo in hun leh ni kan hmang liam ve mek zel a, usangtei thlarau hahdam tir hlan mawlh ka nghak hlel.....Adamlai pawh in nun ralti reng reng in a awm a, thihhnu piah ram thleng pawn a thlarau a chawl theilo chu hre awm kati takzet ani

Nikhat chu kan awm na home ah chuan police leh chanchinbu mi te anrawn thleng khawm ta tup tup mai, mother leh father pawh an office atangin anrawn kai chhuak a....tunah zet chuan kan zalen ve ta tak tak e...ka lawm em vangin ka mittui a luang zawih zawih a....u tunah chuan kan himta e, nangpawh thlamuang takin chawl tawh rawh aw....u kanu leh pate kha minlo biak la in fanu chuan a hmangaih tak a tawng tawh tih lo hrilh la, min ngaihtuah lotur in ilo ti dawn ania ti in ka phun sep sep a, ka rin ang chiah in tleirawl tawh ek ek chu tihluih na hmang a hralh kanlo ni vek a, a rapthlak kati kher mai, uluk tak a enkawl na andawng te anih loh chuan hmeichhe tamtak chu an tha chhuak tawh kher lo maithei ani.

Andrewa hmel kala hmu miahlo...a hmel hmuh hlan nghak hlel takin kalo thlir ve tang tang a sin le, min enkawltu lu berte man an nih takah chuan chu home a enkawl na dawng mek mi 200 dawn te chu engtin nge kan awm takang ti in kan phek buai vut vut ani ber mai...andrewa khan engkim kan ruahman fel vek tawh ati si a, khawnge maw a awm daih le, mipui tamtak thinrim chuan home enkawl tute chu kutthlak tumin police lam nen an in pheknawr hi ani ber e, athen te erawh lungchhe tak in anlo tap bawk a....hmeichhe tan phei chuan kan thiang hlim na hi a pawi mawh em em a....kan thiang hlim na tihluih na hmang a laksak in kan awm a vang in a lungchhiat thlak reng ani.

A tawp atawp ah chuan andrewa pawh a rawn thleng ve ta tawk a....mipui tamtak karah chuan min rawn hmu nghal thuai a, rangtak a lo panin kan inkuah chawt a....ka hlim em avang in ka tap leh ta, duat takin ka sam chu a chul hliau hliau a....baby ka naute ka hmangaih che, vawin ni atang chuan tuman anti na tawh lo ang che....keima ta chauh ini kumkhua tawh ang, keiman ka venghim tlat ang che ati mawlh mawlh a....aurin na hmang in thu anrawn puang lauh lauh a, chu home a fahrah enkawl mek te chu sawrkar en kawl na thatak hnuai ah awm in engkim rua hman sa vek alo nitawh a...tin mother te nupa pawh an hrem na tawrh tur chu a nep zawk zawk lo khawp ang le.

Chumi ni lala chuan chu fahrah in a enkawl mek te chu....sawrkar enkawl chhunzawm tur a thiar chhuah vek kan ni a, kei erawh ka naupan lai a kanu leh pate nen a kan chen nain ah chuan ka kir ve leh thung a....andrewan kan zalen na min lawmpui nan kan in chu min pelet leh a....hetiang khawp a mipa tha ka tawng hi ka lawm takzet, chinfel tur tamtak a awm
vang in kanu leh pate thlan pawh kan tlawh lawk thei lo a.....kum enge mawzat liam hnu ah...kanu leh pate ka hmu ve thei ta...an thlan chung ah chuan ka tap hawm hawm a, nu pa intel lo a ka nun ruak zia hi in hrelo ami....kangai lutuk che u asin, eng buaina zozai nge katawh hi min hriatpui velo ami, ka tap nasa kher mai....andrewa pawh in thianpa baby-i hi lo ngaih tuah reng reng su aw...thatak in kalo engkawl ang ati ve sap a....in kai rial in thlanmual chu kan kalsan a....

(Last)

Tum loh leh beisei loh zetin...kan zalen veta, tunlai san ah kanram ah, mahni mihringpui te chung a hleilen na a hluar em em a, a biktak in hmeichhia te chungah a thleng nasa bik a.....ka nu leh pa tluk hial a ka lo ngaih usangtei ngei pawh in a nun a chan phah a.

Tihluih na hmang a mipat hmeichhiat na hmantir tamtak te zing ah khan, a then te chuan chhan chhuah theih loh khawp a nasa natna hlauh awm veite pawh an awm nuk a.....rilru ana vawng vawng thei.

Kumli milek ka nihlai a kapa thusawi kha ka bengah a la chamreng, bawihi lehkha thatakin zirla, kan company hi ikutah awm in ila enkawl dawn ania atih kha.....tundin hmun ah chuan company liantak enkawl tur khawp a thiam na ka neilo ani.....kan rosum enge mawzat chanthen tawh mah ila atamzawk chu ka hmukir leh tawh a....engkim hi andrewa min puih na vangvek ani kati lo thei lo.

Zirna chhunzawm leh in ka theih tawp tak meuh meuh ka chhuah a, englai mahin andrewan min thlah thlam ngailo, khathil thlen hnu ah kha chuan ka chungah engmah tihtum na anei tawh lo a...keiman bul katan te anih loh chuan fawh tak ngial pawh min fawp ngailo.

Ani pawhin min haw bik chuang lo a....midang tan a min hnut chhiah chu a tum hmel loh bur, kum naupang zawk zawk anih loh avang in....vawitam a nupui turin min sawm fo a....mahse kapa sulhnu chhunzawm a dinthar leh tur hian ka la thiam tawk lo ka inti bawk si....kawng leh lam ah engkim engkim a min chhawmdawl a puitu hnar reng chu dik kati bik chiah bawk silo......rilru pangkhing zet chua ka awm reng a.

Hunawl ka neih phawt chuan.....fahrah in a kumsawm chuang zet kalo chenpui ho hmutur in kakal fo a, keimah ang a vannei hi nive vekse thatur, ka rilru a lian ber chu hnuchham in changtlung tak din ve hi ani a.....duattak leh hmangaih tak a chhungte belhtur neilo lo tuam hlawm hi ka duhthusam ani .

Kumthum a liam leh meuh chuan....A hma aingawt chuan ka hriat nate a zauin mahni ke a dingthei ka ni vetawh in ka hria....andrewa min sawm na pawh ka amen ve ta e.

Inneih dar ri zawng zawng zingah andrewa ne kan in neih dar ri chu a mawi kati ber mai.....ka hlim ni ah erawh min lawmpui tur chhungte ka neive tawh silo a.....andrewa chhungte an fel em em a, engmah ka buaipui ngailo in nu leh pa chanchang tak in min tihsak vek a.....

Tunah chuan andrewa nupui ka ni veta.....fahrah nun hreawm tak ka hmanlai khan thil engkim harsat na hi ka tuar chhuak ve vek tawh a....tunah chuan mite tan a malsawm na nih hi ka duh vetawh ani.....ka rilu a kalo suang tuah zawng zawngte chu ka pasal duhtak andrewa ka hrilh vek a....ka lalnu in iduh phawt chuan fahrah in nuam leh changtluk tak chu kan din dawn ania ati sap a.....hlimzet in a hmui ah ka fawp zauh a.

Kanu leh pate thlan hma ah chuan kan nupa in kut insuih in ka dingdun a.....tunah chuan ka tap tawh ngailo ang, min hmangaih tu pasal thatak kanei tawh si a....tun atang chuan fahrah enkawl tu neilo mi tamtak te tan nu leh pa thatak kan nitawh anga, zirna kawng ah pawh theih tawp kan chhuah pui bawk ang kati sep sep a .....Ka pasal andrewa chu ka melh chho ha a, nang ka tawng che hi ka lawm e.....ka hmangaih reng ang che ka ti sap a.....a tangah chuan min kuah bei hle hle a, chhungkaw thar dintur in bul kan tanmek chu ania....tuman kan in hmangaih na hi tih buai ka phal ngai lo ang....

Atawp ta

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2016, 9:41 pm

2 Na

FAHRAH NUN INTAN NA CHU.....

Kumli mi lek kala ni a, kanu leh pa te hi nupa in ngeih leh lungrual tak an ni thin a....tin nupa in hmeh tak anni bawk, kum naupang te anla ni a, ka pu te hunlai ata tawh kan chhungkaw sumdawn na chu kapa leh ka patea ten an en kawl thin a....ka patea chuan nupui la neilo mahse kan bulah awmlo in, a mahin a khawsa a chutiang chu ni mahse kartin vawikhat tal kan inah chaw a rawn eithin a....Abik takin kei chu min duat em em thin a, keipawn ka ngai na thin hle.

Kanu chuan school ikal theih hunah chauh naute kan nei leh ang ati thin a, nau neih ve chu ka nghak hlel tawh hle....kapa in kan chhungkaw tan rimtak in hna athawk a, kanu in inlam fel tak in a lo enkawl ve bawk a....kan inchhung ah in hau ri hriat tur a awm ngailo, kapa chuan lehkha tha deuh in i zir anga....kan company hi ila enkawl ang min ti thin....chungthil te vang chuan pui tlin vat vat ka chak thin a sin aw.

Nikhat chu hmatak ah kanu in min kaitho a, bawihi vawin hi inu pian cham anih avang in ipa te nen kan chhungkua in hmun nuam deuh deuh ah kan kal anga, thil tui tawk tawk te kan ei teuh dawn a, tho vatla zingkar atang in in buatsaih angai ania arawn ti chul a....chhungkua a inti hlimtur a kal chu nuam ka tih thin em avang in, thawhphan nei miah loin ka tho thuai a, ka phaktawk in kanu rawng bawl chu kalo pui ve vat vat a.

Tukthuan eikham chuan kapa hnathil ah company lam ah kal lawk a tul avang in, lo in siam ula karawn lam leh vat ang che u ati a....kanu nen chuan kapa chu kanlo nghak a kan phur tawh em avang in a rei ka ti hle, a tawp atawp ah chuan kapa pawh a rawn thleng ve ta hram a....kanu fawh zauh phah chuan dear company ah buaina tenau a lo awm a, ka rawntlai ta hrat a inlo ning tawh em a ti bawrh bawrh a.

Hmun nuam tak tak ah te kalin, restaurant changkang tak ah thil tui tak tak kan ei teuh a...tin kanu tatur kapa in rangkachak thi nalh tawk a pe a....kanu hlim hmel mawlh mai kha, mitthla ah a cham reng thin....naupangte mah ni ila engkim ka hre thiam ve tawh a....nula ka nih hunah chuan kapa ang mai a min hmangaih tutur pasal ka nei ve ang kati thin.

Nuam kantih em avang in a tlaitawh hle tih pawh kan hre miah lo a, mi veivak pawh an reh tan tawh hle nghe nghe, kan inlam panin kapa in motor a khalh par par a, kanu malchung ah thuin ka rak chul a, ka pa phone a rawn ri ral ral a, ka patea alo ni a....kapa nen chuan an inbe mawlh mawlh reng a, tin inlampan in kanlo haw mek ti in kan awm na chin te chu hlim takin a sawi zung zung a...an inbiak zawh chuan dear kan hlawh tling ta, heni hi alo thlen ka ring reng a...i piancham hi kan chhungkaw tan malsawm na anih ngei hi ti in kanu chu arawn fawp zauh a....engthil ah nge an hlawhtlin chu hrelo mah ila, thil thatak anih ka ring vetawp kapa in kanu duat tak mai a afawp ka hmuh hian kalo titau ve ziah, hlim takin an pahnih chuan ka biang tawn tawn ah min fawp a....ka nui leh ver ver a, kanu in khawvel ah ka fanu hi a hmeltha ber a tih chuan kalo inti thei kher mai.

Chutia kan rikchul lai chuan, motor liantak hi kan hmazawn atang chuan chak em em in arawn tlan a, kapa in theihtawp in heltum in bei mahse a tlai zotawh....kan chuan na car chu a ribur a, kawngpui zautak ah chuan kan motor chu a lum phei bawrh bawrh nimai in ka hria, ka hlauh em avang chuan ringtak in ka tap a.....kanu hmel ka zuk en chuan thisen in alo bual nuaih a....chutiang bawk in kapa pawh, kan motor chu a inlet thawk a, kapa chuan thei leh theilo in motor a tang chuan hmun him lam ah min pawm phei a, kanu erawh a la che chuang miah lo, hlauthawng takin ka au tuar tuar a....min tanpui turin motor pakhat mah a rawn tlan bawk silo.

Motor chu alh tur angmai in a khu luai luai a.. bawihte ti khan lo awm tlat rawh aw inu saw ka lakchhuah vat loh chuan motor saw a puak thuai dawn lo chesawn miah suh a ti lawm lawm a.....kapa chu thei leh theilo in kanu chhan turin bawkvak in motor lam ah chuan a in hai phei leh tauh tauh a....khatiang tak a vanduai na kha engtin nge kan chung ah alo thlen theih le, kapa chuan theih tawp in kanu lak chhuah tum chuan a bei a...mahse motorin a chilh nghet em a vangin ani hliam natak tuar chuan ala chhuak thei silo, tinge helai kawngpui luntak ah hian minpui tur anlo kal miah loh le.

Zanreh lam ni mahse thla a eng em em a, kanu chuan thei leh theilo in minrawn en a....pa-a min kalsan rawh motor hi reilo te ah a puak dawn bawihtei enkawl turin nang tal idam a tul ati zuai raih a....kapa lah in kanu kalsan chu atum bau silo, chu zan rapthlak zet ah chuan kan chhungkaw mangang aurawl chu a khawk rum rum a....motor lam pan chuan ka tlan phei hlawk hlawk a, kapa in bawihi kir rawh tunah khan kir nghal rawh ati tuar tuar a....ka tlanlai chu ka ding chawt a, motor chu a puak ta mei alh in a khat nghal vek a....mei alh nasa tak in kanu lehpa te chu a khuh bo ta, engmah hrelo in ka tlu ta thlawrh a..

Min hmangaih em em tu nu le pa ka nei ve talo, kei naupang a mai chuan, kanu leh pa thih chhan chu engmah ka hre thiam velo a....accident vang ah ka ngai mai a....kanu leh pa ngai in nitin ka tap muhil tawp zel, ka patea chuan dawhthei leh duat takin min enkawl a....ka nu leh pa awmta lo chu kan inah rawn insawn lutin kan chhungkaw sumdawn na chu a kutah a awm ta vek a.

Nikhat chu ka patea chuan bawihi sumdawn na thil avang in hmun hlatak ah ka zinbo dawn a, ka zin chhung zawng chu tun a ka awm mek na fahrah in ah hian ilo awm hrih anga, chu hmun ah chuan naupang tamtak an awm a....nuam iti ngawt ang feldeuh in lo awm la ka lo kir ve leh ka rawn hruai leh ang che ti in min tiam a.

Thlakhat vel kalta khan ka chhungkua ka chan a, ka khawhar thinzia kha...zantin ka mumang ah kanu leh pate nen kan infiam thin a, ka than harh chuan anlo awm ngai silo a ka tap vak vak thin..... a tir kha chuan ka awm na hmun hi fahrah in tih ka hre ngai miah lo a, mi hausa tak fanu duat em em mai kha fahrah inah chuan riltam reng reng in ka hun ka hmang ta.....ka patea minlo hruai hun chu nitin ka lo nghak thin a, mahse ka patea hmel reng reng lan tihni a awm silo, kum hial a vei veta....Ani telin ka rilru a fing ve telh telh a, helai fahrah in hi ka in chu ani ti in keimah leh keimah ka in hrilh mawlh mawlh thin.

He hmun a ka patean min hnut chhiah tirh khan ka khua a har em em a, ka pate an feltak a lo awmtur a mintih vang khan mi hriat hlau takin a rukte in ka tap thin.....chutia lungleng leh hre awm tak a ka awm lai chuan, katan nu leh pa nih fawmkem tutur usangtei nen kan intawng a....Ani chu a nula lek lek tawh a, nitin min bualfai in zanah a bulah min muttir a....ka nu leh pa ngai a ka tah chang chuan lainat hmel takin min thlem thin, chuti tak a min hmangaih leh min duattu ka tawng hi kanu leh paten keimah min enkawl tur in an rawn tir anih ka ring thin.

Usangtei chu engkim ah ka hma ah ding in ka mamawh tinreng min tih sak a, kum hial a vei hnu chuan naupang a tihtak ah ka nu leh pate pawh ka theih nghilh ve hret hret a.....chulai fahrah in ah chuan lungawi takin ka khawsa ve thei ta, khatih chhung zawng khan ka patea kha ka nu leh pa min thah sak a, kan rosum min lak sak tu tih reng ka ring pha ngailo....enge maw chang chuan min hruai tur a alokir leh kala ring fan zawk thin....beisei nasang tak nen kalo nghak a, mahse beidawn na mai ani si.

Chu fahrah inah chuan tanpui na tam tak tak, mi hausa ten an rawn pe fo a, hetia nu leh pa, chhungte belh tur pawh neilo te lo tuam hlawm a....hmangaih tak a lo en kawl tu home mother leh father te hi ka ngaisang hle thin.....damtak a kalo thanglian vethei anih chuan mite tan malsawm na nih ka tumruh hle...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2016, 9:42 pm

3Na...

Riangvai leh chanhai em em chungin ka thang lian ve zel a, usangtei chu ka ngaina takzet....ani chauh hi ka neih chhun ani a, kan pahnih chuan naupang dang puih ngaite kan tanpui ve thin....kumriat ka nih meuh chuan usangtei pawh nula puitling tak ani tawh a.

Nikhat chu mother in usangtei chu a chhuahpui a, zantlai tawh tak thlengin ka u chu alo kir lo a....ka mut chhuak tawh hle mah se ka ngaih tuah em avang chuan kalo nghak tang tang a, ka u chuan pasal a nei daih anih ngei ka ring a, ka hlau thawng ngeimai....keimah mai chuan he fahrah inah hian ka hlim ngai lo ang....ka tawngtai char char a, usangtei lo hawtir leh tur in pathian ka ngen nasa hle.

Khawvar hma deuh chuan ka chauh em avang chuan ka muhil veta a.....zing ka thawh chuan usangtei chu ka sirah a lo muhil bawrh bawrh a....ka lawm lutuk chu ka tap tawp.

Usangtei hmel chu ka en ngawih ngawih a, nu leh pa nei tawhlo kani a...ani pawh hi chutiang tho chu ani....kei chuan min enkawl tutur patea ka lanei a mahse ka patea chuan he hmun ah hian mindah in....min tlan bosan ta kha ani a, ani erawh hi chuan tumah chhungkua a neitawh lo a, helai fahrah in a rilru mang ang tak a ka awmlai khan min buaipui in vawin ni thleng hian kan in thlah ta miah lo ania....A hmai dang bem eitur tha ei lo tih hriat ngawih ngawih chu ka chul hliau hliau a, muang changin arawn meng riai riai a.

A mitmeng chu a sen ram a...tap a ang kati hle tin tukdang ah chuan baby good morning ti in min nuih ver ver thin kha a nia chauh hmel zetin a chhing leh daih a....ka hrilh hai lek lek mai, kan mutna sirah chuan thil enge maw hi alo let phung a...kawr nalh zet zet pali lai leh pheikhawk thar hlak te thi leh bengbeh tih vel a tam mai....he home a kaluh hnu hian thilthar engmah kala neilo a...ka beisei ngailo bawk, ka u chuan tunah thawmhnaw thar tamtak a neibik ania...A vannei bik kher mai, u tho tawh la ka tih chuan a rawn tal tiah tiah a....samthur bam chuan a rawn tho a.

Ka rilru a nuam miah lo...u idamlo ami ka tih chuan arawn nuisak a, anuihmel ka hmuh chuan ka hlim leh hle tawh a, u thilthar ivan ngah em em katih chuan min melh zauh a...hnuailam a bih ta daih a, ka naute nei vek rawh itatur a ka rawn hawn anih kha atih chuan hlim takin chung kawr te chu ka in thawlh sawk sawk a....ka thawl hlawm kher mai..

Khami zan atang khan, ka u chu a zia a dang vek a...min duat em em reng tho mahse a hmel ah hlim hmel a lang ngai tawh lo, duat tak a kasam a khuih lai chuan u tinge inuih ngaitawh loh a...inuih khan nuam kati thin ka tih chuan a ngawi reng a, baby nang hi chu tu man antih nat che ka phal ngailo ang.....englai pawn i kiang ah awm ka tum tlat ang, thil eng pawh thleng se ka kalsan lo ang che...nang chu ka nau duat em em inih kha atih chuan, ngaih that loh na ka nei miah lo.

Mother rualin usangtei chu a khat tawkin a chhuak vereng a....zanrei tawh tak ah chauh alo haw thin a, an lenchhuah zintak em avang chuan keipawh in ngaiah nei in....kalo mut hilh san ve ta mai thin a....Ani telin a cher telh telh a, chutiang khawp a ataksa a chaklo chung chuan min duat leh min ngaih sak chu a bang chuang lo.....kanu leh pate kha ladam pawh nise usangtei min hmangaih na ai bak hi chuan min hmangaih bik lo ang.

Thlasik lai ani a...khua avawt in usangtei nen chuan kan inpawm chial a, mi tamtak chu mahni inchhunglum ah mut bu lum nuam tak ah muin tuitak in an muhil thlurh thlurh awm sia....keini lah mut bu tha pawh neilo in vawt ti in kan khur kan khur chu ani si a....hring nun hi zawng a fair lo takzet a vawh em avang chuan ka tal ka tal a....u avawt e tiraw, ka muhil theilo reng reng ka ti sap a....ka naute helei ah hi chuan fahrah tamtak kan awm a, eitur tha pawh eipha loin rethei leh chanhai takin kan rum thin a....van ramah chuan tumah fahrah kan awm tawh dawnlo a, ka nu leh pate....inu leh pate pawh vanram ah an awm tawh a, an kiang a awm chu i chak ve tawh em arawn ti sep a....um ka nu leh pa kangai lutuk an bulah kal ve ka duh vanram ah chuan hlim tak in kan infiam leh ang tiraw u.....usangtei chu a insut hlap hlap a, u tapsuh ti chung chuan a aia chhuak chuan ka tap ve leh a....hetiang a fahrah nih hi kan duh biklo a sin, mahse kan chung a khuanu remruat dan hi kan dang zo silo....nu leh pa kar ah a thlum a al duhtawk a eithei, silhfen mawi leh tha duh duh neih ve te kan chak a sin....mi khawngaih na dawng in kan nung ve tawk tawk chu ani si a.

Usangtei chu a hrisel lo chho zel a....tunah chuan min bualfai tur pawn chakna a nei tawh meuh lo thil a eithei bawk silo, mother hnen ah vawitam tak damdawi in a hruai turin ka ngen a...mahse kan kal dawn ania ti chung zelin an kalpui ngai silo.....u sangtei hetia a awm ta mai hi keimah pawh in hre awm kati in awm dantur pawh ka thiam lo zawk hle.

Ni khat kan school bang kan haw chu, mi anlo zi nuaih nuaih a....enge maw anlo tih le police te pawh an awm teuh a, police kan hmuh phei chuan kan ti dak hlawm a.....maktak mai in hlauh thawn na kanei ta tlat mai, u sangtei nen kan room ah chuan ka tlan phei dawr dawr a....ka u chu a nghawng ah hrui in a lo inkhai a...police ho chuan anlo lathla mek a.....ka hlau lutuk chu ka rak chiam chiam a, ka chhungkaw neih chhun usangtei ka chan leh ta.

Natna vang a thi chu nise ka hrethiam....tinge a in awh hlum kher, usangtei tel lo chuan ka nung thei dawn ami... engkim a ka engkim a awm tawh silo a, ka lehkha thiam loh lai min hrilh fiah tu, nitin min bualfai a ka sam min khuih sak thin tu kha a awm veta silo a....kangai ani zantin ka bul a muthin duat tak a min kuah tu kha a awm tawh silo....ka mumang ah tal hmuh ka chak thin....baby nang hi chu tuma tih nat ka phal ngailo ang che, ka venghim tlat ang che titu kha tinge a inthah tak mai le.....ka hre thiam thei lo, khati tak a nula fel leh hlimthei nithin kha...thawk leh khat a a inthlak danglam ta ringawt mai te kha, thi turin ka la phal lo mahse a thi bawk si....awm dan tur ka thiam lo ka nun ruak lutuk hi engtin nge ka tih ang, hawina lam ah piang ah hlim tak a kan nuih dun na hlir mitthla ah ka hmu thin a....tun ah chuan he fahrah in hi ka patea min hnutchhiah tirh a hre awm ka tih ang chiah khan hre awm ka ti leh tawh hle.

Usangtei kha tinge a inthah maile.....riangvai te thlan mual ah chuan ruang kiltu nu leh pa u leh nau pawh neilo in an phum ta mai si a....nitin a thlan ah kalin ka tap fo thin, vanram ah chuan a nu leh pate nen hlim takin an awm a ngem le....miten fahrah ti a min deuhsawh thin na te tuar tawh lotur in a chawl ta si a.

U sangtei a thih tak ah chuan...mother chuan min duat in min ngaih sak hle thin.....naupang dangte ei phak veloh pawh ka ei fo a....kum sawm paruk ka nih chhoh meuh chuan ka lian in ka duhawm tawh takzet....tun dinhmun a ka awm lai te hi usangtei chuan min hmu ve se kati thin hle....baby i hmeltha lutuk minti leh ngei awm sia...tunah chuan min hmupawh nise min hretawh miah lo ang mawle...Anaute kha ka lian tawh lutuk a, keimah in ka in enkawl ve thei tawh tlat a....kum sawm pariat ka tlin hunah mahni ke a dingtur in he fahrah in hi ka chhuah san anga....hetia rethei tak a nung tur a min hnut chhiah tu ka patea ka zawng chhuak ngei bawk ang ka ti thin.

Maktak mai in zantin ka mumang ah usangtei ka hmu thin a....A hmel chu a hlim lo in a thinrim hmel thin khawp mai, ka bulah thusawi duh nei ni awm takin a ka a ang zuau zuau thin a....mahse a sawi ka hrethei ngai lo

Chutia ka mumang a usangtei a inlar fo mai chu mak kati a...mahse ngaih that loh na chang ka hre miah lo....A thih atangin kum riat teh meuh a liam tawh a, chutia zantin mumang a ka hmu chu mak kati ve deuh hlek a.

Hna ka thawh laite hian min zuitu neithan in ka in hrethin a...mahse tumah ka hmungai silo, kei hi thlarau sualin min tibuai dawn ani lo maw kati hial thin....ka awm mai mai te hi, ka hmul thi a ding ur ur thin a....ka awm dan chu ka duhlo takzet.

Thlakhat chhung teh meuh usangtei ka mumang ah zantin ka hmu a...mahse enge min hrilh a tum.chu ka hre thei bawk silo.....

Zankhat chu, mother in hotel a min hruai hmazan chiah chuan.....usangtei chu ka mumang ah a rawn inlar leh a, a thilsawi ka hriat theih loh vang chuan thinrim tak hian ka thuamhnaw te chu a haithla buan buan a....thinrim hmel zet a min rawn panin ka hmai ah chuan a rawn beng thuai a.....ka muhil chu chiang lutuk in ka harh zawk thei, ka hlau lutuk chu ka khur der der a, kumriat mi kanih lai a....mother in a chhuah pui zan a thawm hnaw thar a leisak min pek te chu chhuat ah alo awm darh nuaih a......mak kati kher mai.

Tinge usangtei thlarau hian min rawn tih buai reng mai le.....keilah chuan ngaih that loh na chang ka hre miah silo a, khang hunlai khan lo fing deuh ila chuan....himdam takin ka la awm ve maithei ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2016, 9:43 pm

4Na

Se bo hnu a se kawngkhar chuan awm zia a neitawh lo....usangtei thlarau in vawitam min hrilh fiah a tum lai khan eng mah ka hrethiam lo a, tunah chuan engkim a chhe zo vek tawh.

Thawnthu lungchhiat thlak tak ang mai ani....usangtei nuihmel ka hmuh tawh ngai loh chhan te kha tuma hrilh ngai loin ka hre fiah uar uar a, engtin nge hethil hi kan chung ah antih theih, mahni mihring pui chung a hleilen na rapthlak tak hi.

Rilru natna tamtak tuar chung khan ka hlim theih nan alo nuilui tawk tawk a, keilah chuan engmah ka hrethiam der silo....usangtei leh keimah chauh lo pawh hi mitam tak chu nawhchi zawrh luih tir anlo ni ve ngei awm sia.....engtin nge he thil sual rapthlak tak kan chung a titu te hi hrem na ka pek theih ang.....An hmai thinghawng phen a sual rapthlak tak in thup hi ka hailan a ka puan chhuah chu usangtei leh mi tamtak tihluih na hmang a an zawrh te tan a tul ani.

Ka naupan lai a usangtei kalo nghah thin avang khan thil awm dantur chu ka hre fiah sa vek a....A khat tawk in hotel hrang hrang ah min hruai ta fo a, mahse thil maktak chu sex min hmanpui tum a lo kal zawng zawng te hian tuman min mutpui thei ngailo.....vengtu ka neitlat alawm, ka lak a thutiam tu ka u sangtei chuan....A thutiam ti nghet turin thlarau khawvel atang in min vengtur in ka kiang ah a awm thin....amah hmuthei lo mah ila kathla a muang in ka be mawlh mawlh thin.

Tunhma ang khan ka zalen tawh lo a... nasa tak a khuah khirh kani tawh a, Fahrah in chhung ah pawh jail tang ang chauh kani ta, a khat tawkin min phur chhuak reng a engchen nge ka u thlarau hian min hum theih ang ka hre silo, hmalak dantur pawh ka thiam lo takzet

Mite harsat na remchang a hmang a rap bettu he home dintu te nupa chetdan rapthlak tak hi puan chhuah ka chak tawh ani.....naupang te hmel chu ka enkual a, chhantu an ngai in an mamawh hle ni in ka hria, engmah lah chu an hrethiam ve der silo a.

Nikhat chu angaite bawk in min phur chhuak leh ta, tuntum chu hotel lam kan pan ta hauh lo mai.....khawpui pawnlam kan pan zel a....in lian leh ropui tak
Kawt ah chuan kan ding a, enge ka chung ah thleng dawn ka hre hauh lo...inchhung ah chuan min kailut dawr dawr a, in chhung enkawltu chuan minlo chhawn vat a...reilo te hnu ah mother chuan, ti khan zanin chu iriak anga.. naktuk ah kan rawn lam leh ang che ti in min hawsan ta nghal a.

Chu inlian leh ropui zet ah chuan tihtur ber pawh hrelo in ka thu ngawi reng a, zankhat atan min lei tih chu ka hailo....tunge ka taksa nawmchen nan a hmantum tu chu ni ang le

.

Rei tawk fang hnu ah chuan car nalh zet hi kawt ah chuan a rawn ding dat a....tukverh lam atang chuan ka enphei a ka hriat tawh hnu a ang kher mai.

Inchhung a rawn luh chuan min melh zawk a....inchung lamah a chho nghal daih a, ti khawp a hausa leh ropui chuan nupui hmeltha leh changkang tak tak tamtak aneih dawn vei nen....tinge kei fahrah rethei tak kher hi nawm chen nan chuan min thlan ziah le, ka mipa mutpui hmasa ber ani a, nidang ai chuan tlem chuan ka in thlah dul thei deuh bawk a....vawin chu usangtei thlarau ka bulah a awm miah lo, hmutheilo mah ila ka bulhnai a a awm tawh chuan ka tetlai a akapkar a ka thut a min pawm ang chiah khan thil enge maw hian min rawn zem chiai chiai thin kha ania......Atir kha chuan ka hlau takzet a mahse tunah chuan a damlai a ka ngainat ang chiah khan ka ngaina leh tawh.....he in rahbeh na rapthlak tak hi ka tih reh hma loh chu ka u thlarau hi a chawlh theih ka ringlo......vawitam mumang ah min biak atum fo a, a sawi ka hre thei bawk silo a.

Reife hnu ah chuan inhnuai lam ah chuan a rawn chhukthla thauh thauh a....mipa hmeltha tak zawng ani e, mahse a nun erawh a tha teh chiam lo ania nge.....engmah sawilo in ka banah min kai a, room lamah min hnuk chho ani deuh ber mai......min thlah teh mi tenawm pa ka ti tuar tuar a, rumtak a min melh pah chuan ngawi mai mai teh ati duh lek a.

A room chhung chu anuam kher mai, kanu leh pa damlai a kan inchhung minti hre chhuak zawk mai.. khum dup nuam tak a ka mut loh na pawh a rei ta hle mai....naupang tereuh te kanih lai kha chuan heng in nuam leh ropui ah hian ka lo cheng vetawh thin a sin le....thil zawng zawng hrekim vek lo mah ila tlem tlem chu ka la hria a....kanu leh pate nen a kan zan hnuhnung ber mai kha, ka mitthla ah chiang lutuk in arawn lang zut zut a.....chupa in minrawn dek chiah chu thlabar em em in ka rak tuar tuar a.....ka tap hlawp hlawp a.

Khatiang khawp a chiang khan kanu leh pate thilai kha ka mitthla ah kala hmu chiang ngailo....he in ka luh khan thil tamtak ka ngaih tuah chhuak reng a, he in hian thuruk enge maw tak chu anei ngei ani....in thlahrun hmel tak chuan min hlau suh tihnat che ka tum hlei nem arawn ti sup a....ka lungchhe laklawh tlat.

Chuin ah chuan zankhat chhung atan mi khual kani dawn a....awmpui ho chuan min duat leh zahtak in ka mamawh minpe zung zung reng a, tinge kei fahrah ve mai chutah pawh ks ang mai a zawrh phar mai mai hi min duat viau maile.

Duat leh ngaih sak ka hlawh ngailo kha ani si a.....ka tah a chhuak teuh reng mai, zanriah eikham chuan chupa vek chuan...ka hmingpawh kala hrilh miah lo che a andrew Vanlalrempuia kania....nang chu baby- i tiraw kha arawn ti sup a....mak kati telh telh hepa hian ka chanchin hi a chhui tir chiang mai.....mahse Andrew tih hming chu ka hretawh thin ani.

Uluk tak chuan min en leh vang vang thin a....nawmchen nalam a hmel ah alang pawh in ka hrelo....min khawngaih hmel apu zawk hepa hian enge maw a hriat ni, a khawsa zia chu ka man talo khawp mai.

Zan ah chuan room pakhat ah hian min hruailut a....chu room pawh chu ka hriat hnu a ang kati khawp mai, he in nen hian inzawm na kan neitawh chiang ani.....hman a ka room te
Nen kha chuan a inang bawk silo a....chu room ah chuan sofa nalh zet hi alo in hung a....chutah chuan athu zawi hnak a, keipawh amah ep zawng chuan ka thu ve nghal a.

Baby min ngaidam rawh aw....kei hian ka thianpa te nupa lakah thil sual lian tak kati ani....enge a awm zia tunge ithianpa chu, kalak ah tih sual ineih ka hre lo pawisa in minlei a chu chu ani mai a....engmah ka lak ah tih sual ineih ka hrelo hetiang a hmeichhe kawplawr lo hian nupui neih a tha zawk lo maw...nge nupui chu ilo nei tawh sareng, ka hmaizah natur ka hre bik tawhlo...chutiang ani lo vawitam tak kan inhmu tawh thin a sin....nang hian ipa i chhun takzet kha accident rapthlak tak kha thleng lo tur ania sin..

A thusawi dan teh nuaih chu ka hrethiam miah lo, hepa andrewa inti hian min hria ami le, enge isawi chu sawi chiang ta che kapa chu ihria ami, tu chiah chunge inih a....fahrah ngaihsak tupawh neilo kanih hi, ka patea khan minlo hruai leh intiam chung in min tlan bo san a....tumah min enkawl tutur ka nei tawhlo.

Baby khami zan vang khan min ngaidam rawh aw....i thianghlim na ka laksak vang che khan, tun a min hmuh dan hi a diklo....mi ho tak nula kawplawr tak ka ni hlei nem....khami zan khan buaina nasa tak ka tawk a ka rilru hah lutuk tih reh nan nula mutpuitur ka thianpa in min kawh hmuh a....engmah ngaih tuah chiang lo in ti khan ka khawsa a, kha zan ah khan rui viau mah ila i hmel a natuar hmel kha ka hmuh hmaih lo.

Ka rilru ah i awm tlat avang in ichanchin ka chhui tan ta nghal a, tin saw fahrah in a hmeichhia te saw tihluih na a zawrh anni tihpawh ka hmu chhuak bawk a....nangpawh vawitam tak mipa mutpui tur a hruai chhuah ini a....tuman anmut pui loh ngei che ka beisei....ihim nan hian sum tamtak ka seng tawh a...zan inah hian nang hi inhmel hriat tirtur che in pawisa tamtak hmang in he inah hian ka hruai ta che ani ati leh a.

Hepa khawsa zia hi ka hre thiam theilo reng reng....ka bo telh telh leh nghal a...A hmai chu a tuai puat a, baby hein hi ihria em a ti leh a....kalu ka thing nghar nghar a ka hre hauh lo mai, chiang takin min enkal a hein hi i in anih hi, inu leh pate nen a in chen ho nathin in kha....khang hunlai khan ila te em a engmah ihriat ka ring tawh lo reng a ati sup a.

Hein hi kan in kha maw....ka lung arawnleng thar leh vawng vawng a, ka nu leh pate zanin ah hian kangai takzet ani....maktak mai in khawnge a awm tih pawh kalo hriat tawh lo kan chhungkaw inah chuan kalo awm reng si a....ka nun buai chuar lutuk vang chuan lawmtur nge lawm loh tur pawh ka hre tawh lo.

Andrewa hi ka hria ani....naupangte kala ni a, mizoram a alo haw hi chuan kan inah khan a awmtam ber thin, kapa nen khan anin kawm ngeih em em a...kanu pawh in a ngaina takzet anih kha, vawi tamtak kan inah riak in kan chhungkaw thian tha tak ani....chhiat kan tawh laikhan mizoram ah a awmlo a, a chanchin ka hre ngai tawhlo mai nilo in kalo theih nghilh fel der tawh zawk ani....ka patea erawh ka theih nghilh ngailo, ka lak a a chetdan ah hian ka lungawi thei thlawt lo ani...

Katan beisei na kawl a eng ve det det e....andrewa hmang hian engkim ka neih let leh theih ka ring tlat, hriat duh ka ngah lutuk vang chuan zawh hmasak tur pawh ka hre lo zawk...

Keimah ang a vannei ve kherlo tamtak an awm laiin kei erawh chu ka vannei hle in ka hria....ka mi ngaihnat leh ka hmangaih em em usangtei thih na erawh chuan keimah ah nasa tak in phuba latur in min nawr bawk a...andrewa hnen ah chuan a mal te te in ka awmna fahrahin a kaluh ni atang a vawin ni thleng a thil thleng zawng zawng chu ka sawi char char a....A thinrim hmel chu apa hliah hliah.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 4th, 2016, 11:27 pm

5Na..

Kan ten awmpa chu leh.....A mah khawngaih a tuam hlawmtu te chung a lawmthu a sawidan chu a van mak deuh ve....i patea kha ipa nau diktak nilo in, a tet lai in apain a thihsan a...an chhungkaw khawsak a lo harsa ve nen ipi leh pute khan ipa chiah fa anlo nei vel bawk si nen, fa atan anla ta kha ania....mizoram a ka rawn haw khan in chhungkaw chhiat tawh dan hi ka hre ve chiah a, ipatea khan hein hi a zuar a, nang hi ramdang a lehkha zir a i awm thu a sawi bawk a....in chhungkaw sumdawn na zawng zawng chu a ti ral vek a...ka hmungai ta miah lo a, a chetdan ka thlir hian thil diklo chu a awm chiang ani a ti sup a.

Ka thu hriat mak tak tak te chuan minti chau takzet, ka patea khan fahrah in ah khan minlo hralh te ani mai lo maw....Andrew an engkim kalo buaipui vek ang, tun atan chuan hahdam imamawh atih chuan ka mu ta nghal a.....mumah ila ka muhil thei thlawt lo, kan chhung kaw chung a thil thleng te kha ruahman lawk vek a thleng ani lomaw.

Kan accident hmalawk khan ka pate an a rawn call ngei a, kan awm na chin kapa in a hrilh bawk kha mawle....mite chung a that chhuah leh lutuk pawh hi a lo thaber lo anih hi, mahse tlem chuan ka thla a muang ve ta deuh....Andrewa min veng tutur ka nei tawh a, ani min puih nain kan chung a thildik lo titu zawng zawng te hi an thil sual tih rah chu kan seng tir vek dawn alawm, a hmasa ber in ka awm na fahrah in atang in.

Vanduai rau rau ah keimah ang a vannei hi an awm kher lo ang, hralh ka nih hmasak ber zan a ka mitawn kha kapa thian pa alo ni hlauh a, rilru chu na hle mahse tlem chuan a zia deuh in ka hria....mite ngaihdan ah chuan fahrah chan hai te lo tuam hlawm a lainat tak a lo enkawl seilian tute an ni a...anih na takah chuan keini fahrah ho hmang hian sum tamtak an hailut ruih ruih reng chu ani si a.....A then te chuan beidawn luat vangin an nun na anla hial a....chung zing ah chuan u sangtei pawh a tel ve nghe nghe anih kha....lo ngawi tak rawh u, phuba chu lak ani ngei ang.

Ka lo muhil sek aniang ka harh chuan ni alo chhuak uar tawh a, ka mutna room ah chuan sofa ah andrewa a lo thu vang tawh a, fahrah in a let leh chu ka hreh takzet mahse ka kir leh ngei chu a ngai dawn si a....andrewa vek chuan baby sawlai hmun atang sawn ka rawn hruai chhuak vat ang che, sum engzat pawh sen ngai dawn mahse i rilru ti hah lola i hre awm rei tawh lo ang ati sep a ..ka lungte pawh a chhe rum rum mai, muang chang in ka in siam mawlh mawlh a, fahrah in a kir leh turin min rawn hruai hun kalo nghak ran a, rei vaklo hnu ah min hruai tur lo thleng in chu inchhung ka ngainat em em chu ka kalsan leh ta.

Andrew an sumlam ah ati lawm hneh bawk aniang.....mipa ti lawm turin min hruai chhuak leh ta miah lo a, kei chu him rih mah ila ka unaute chu nitin zantin nalh tak a chei in sum hailuh nan hmang in an taksa chu an hmang mek ani si a, kan khawvel nun chhiat tawh zia hi mak kati, thil awmthei lo tur a kan ngaih pawh a thleng zel chu anih hi....mi dangte vanduai na remchang a lo hmang tawk lah an bo silo.

Kazan mu chu, tumdang angbawk in boruak danglam in minrawn zem leh chiai chiai a, tunge anih ka hailo...u lo lungngai miah suh aw, kan chung a thilsual rapthlak tak titu te lak ah phuba chu kanla thuai dawn e....chumi ni a thlen hunah chuan i chawl hahdam thei tawh ang chu tiraw ka ti sep sep a...mi engzat chiah hian nge he hleilen na hi lo tuar ve tawh ang le, rapthlak hian.

A khat tawkin andrewa nen kan inhmu reng a...a rua hman na te min hrilh ve zel a, engtik ah nge kan zalen ve theih ang le....finfiah na tur kan hmuh mai theih loh avang in anla him thei mai mai chauh ani.....he sumdawn na hi kum enge mawzat anlo kalpui tawh vangin an fimkhur in an inveng thiam em em a....hei vang tak hian andrewa pawh in hun remchang a hmu maithei rihlo ani.

Zankhat chu rinloh deuh in min hruai chhuak leh ta tlat mai, ka rilru ah andrewa a rawn lang hmasa ber a...ka hlauthawng kher mai, hotel lamah min hruai leh tihpawh ka hailo....tumtum chu ka vanneih na in min kalsan ve dawn ta anih hi ti in ka rilru a hre awm kher mai....room pakhat ah chuan min namlut rawk rawk a, ka hlauh em avang chuan ka khur hlawk hlawk thei.....khumah chuan mi pakhat alo thurun a, ka rilru te te chuan in tlawm tir ka tumlo bur, a hnunglam atang chuan min khawih itum hlek anih chuan i inchhir viau ang kati ve khar khar a....a la chechang chuang miah lo.

..kalam rawn hawi phah chuan a lumkhum leh tarmit lianpui a vuah chu a phelh a....Andrewa hmel ka hmu chiah chu ka insum hman lo kava kuah chawt a, ka hlauthawng hman ani bawk a ka la khur der der thei

Nguntak in min en leh tete , baby i patea pawh an mantawh e....kha accident kha in chhungkaw rosum it vangin a lo thlentir a... mi nunna pawh ala hreh lo ania....ka mengthei thlawt lo, zingah kalo dah belh leh ang....ka pum a na char2 a minlo tawngtai pui ru.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)