※ RED & WHITE ※ BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: ※ RED & WHITE ※ BY Noah Hringngen

Unread post by Ngaia » October 30th, 2016, 1:07 pm

"Ka bulah hian lo mu ve daih teh a...?"
.
"Chu zawng ka ti rih lo mai ang e"
.
"Eng a ti maw?" Ka hma zawnah tak min rawn melha. A ngawi vang vang a. "Kha nu khan ka lak a tang a la hrang ta che a nih hi."
.
"Naupang chhia viau teh suh"
.
"Ka muthilh hma tal. Ka muthilh hnuah i duh leh i kal dawn nia. Ka pa a vang ringawt pawh hian ka rilru a nat tawh vei nen. Tunah chuan hmelhriat loh en in min en tawh a, a fanu ngei pawh min hre tawh lo a nia. Chuta karah nang lehzel pawhin-'.
.
"A nih leh le....minutes reilote chauh aw. Chuan ka kal ang"
.
A bulah chuan ka mu ve a. Min rawn kuaha,ka awmah a lu a rawn nghat a. A rilru natna reilote tal ka lo chhawk ve pawh thil hlu a ni tlat.
.
Red-i ka call lo erawh ka rilruah a awm reng mai. Mahse engtiklaiin nge ka lo muthilh ka inhre bik lo.
.
.
Red-i chu a pang engkim a nem thep vek a, silk puan ang mai a ni. Min fawh zawngte chuan ka kang delh delh ni mai hian ka hria. Kei pawh chuan uar takin ka fawp let a,ka rum ham ham a, a kut in a ka taksa a tawh zawng ringawt pawh chuan ka mur chum chum mai. Ka kham thei tlawt lo. Mahse eng emaw diklo a awm, a taste a dang tlat. Chutah ka jeans hak chu a rawn tham a.
.
"Cal...."
.
Red-i chuan Cal tiin min ko ngai lo. Ka mit ka meng a. "Eng thil phiangsen nge...!!"
.
Beatrice-i chu ka chungah a lo thu run a. Ka nam sawn a, khum a tang chuan ka tho nghal a. Kawr pawh engmah a ha lo lehnghal. Red-i anga ka lo suangtuah char char chu le....
.
"Ka kal a ngai"
.
"Cal-...."
.
"Amah hlir a ni ka mang ram thleng a ka rilru luahtu chu. Mi ka kawp ngai lo. Ka rules chu i hriat kha"
.
Blanket chuan a inkhuh vata. "Cal, ka tihpalh a ni. Khawngaihin kal suh. Khawngaihin"
.
Ka kut chuan ka hmai kan tuai a,ka thaw hak a. "Hetiang thil hi a thleng nawn leh tawh ngai lo vang. A pawi khawp mai. Keima thiam loh a ni e"
.
Dar engzat nge ri tawh ka hre lo va, darah ka buai hek lo. Ka kal vat a ngai. Ka haw vat a ngai...Red-i kha...?
.
Karei lehh...!!
.
Red, eng thil nge ka tih tak mai hi le....?
.
.
END OF CHAPTER -24



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:08 pm

※ RED & WHITE ※ . Chapter -25



Unread postby Noah Hringngen » Fri Oct 28, 2016 10:57 pm
.
VERONICA'S P.O.V
.
La nghak leh deuh ang. Engtia chuti chen chen va thang nge maw a nih le? A sam a chal a rawn tla hniang chu hui chhoin ning ru tak chuan ka thutna chu ka siam rem a.
.
Beatrice-i chu Caleb-a thiannu, naupan lai a tang tawha a kawm a ni a, a mamawh hunah chuan duh duha a koh theih tur a nia lawm. Mahsw chu pawh ni se hetah ka awm ve reng a, taxi te lak sak mai tur a nia. A nih loh pawhin a thiante phone sak se, rawn lam turin hrilh mai se a fel vek a ni mai tur.
.
Nge ni a amah zawk pawh hian a la duh ve zawk? Ni lo, chutiang a ni lovang. Caleb-a te hi chu tu tan pawh hian thian tha tak a ni a,bakah kei min tawn hma chuan tu lakah mah a rilru tak tak a la pe ngai lo tih min hrilh tak kha maw...!
.
Nge ni a chutiang tho chu midang ho bulah pawh a sawi thian zawk? Beatrice-i hi a first love em ni ang? Kei min hnutchhiah a, a thlah haw daih danah hian a mah pawh hian feeling ala nei a ni chiang mai.
.
Chuti a nih dawn rau rau chuan a chan chhe ber tur chu keimah ka ni a, min kalsan tak tak hmain keiman a ka kalsan hmasak zawk a ngai ani. Min tihnat tak tak hma a ka inthiarfihlim a ngai a ni. Bakah a mamawh pawh i pek theih loh mipa chuan a chenpui reng duh che i ring emawni le...?
.
Beatrice-i chu a mamawh leh a duh engkim, khumlaizawl nun thlengin a chenpui vek thei awm si a. Ngaihtuah tawh suh...!
.
Mipa zawng zawng hi bum hmang vek an ni. Mipa rinawm reng an lo awm lo a nih hi. I pa nun kha thlir let teh. I nu chan ang kha i chanah i duh ve dawn em ni? Nangmah kha han inen teh. Hmeichhe dang nena an chhuah dun laiin a in i lo tihfai sak anga maw? A mah ngaiin i la tap lo chauh zui lehnghal.
.
Mi khawngaihthlak i ni. I nu ang chiah i ni tawh.
Ni lo, ka nu ang kha chu ka ni ngai lo ang.
.
A nih chuan ka tlan chhuak mai dawn em ni?
Ni lo ni lo....Chutiang tut tut a ti lovin tha deuhin ka hrilh ve phawt ang chu. Ka rin ngam ve te pawh a ngai a. Ka pa ang kha chu a ni ve lo. Bakah min bum lovang. Chetzia leh tawngkam pawn a lantir tam tawk fu tawh lawm ni?
.
Pawnah ka chhuak a, boruak chu a vawt vur a, ruah sur tur chu van lamaj a inmung mek a, inchhung lama luh leh erawh ka chak chuang lo. Phone te chu nei ni ilang a tha tur. Engtia rei nge Beatrice-i bulah chuan awm a tum reng reng le...?
.
A nih loh leh engmah lehkha pawh hnutchhiah lovin lo chhuak daih ila, a lo haw hunah mangang deuhin awm ve reng reng se. A phu ve viau chuan ka hria.
.
Kawngpuiah chuan ka tei ka tei a, rinai takin ka lo kal chak phian mai. Phone zawrhna dawr kawtah chuan ka ding chawt a. Ka hnathawhna a tanga ka pawisa khawl a tangin pawisa tlem a zawng chu ka neih ve kha maw...
.
Tunah hian Caleb-a chu a lo haw tawh a ngem le? Phone chu ka lei a, Beatrice-i bula min kal san daih kha chu a awm lo chu ka ti ve hle a,mahse keimah leh keimah ka inti hrehawm mai mai zawk a ni.
.
Dawrah chuan keychain nalh deuh mai hi an lo zuar tel a, pancakes lem,a chunga cream leh strawberry lem chuang hi an lo zuar tela. Ka lei a, bawmah dahin ka tuam a.
.
Dawr a tang chuan pawn ruahsur hnuaiah chuan ka chhuak a. Ka phone leh ka keychain lei thar chu a huh loh nan plastic bag in ka tuam a, ka ipte ah ka ak hmak a.
.
Midangte chu ruah sur lak a ta tawm hulna zawngin inchhung lam an pan sang sanga. Caleb-a khan a tet lai chuan ruah sur hnuai a infiam nuam a tih thin zia thu kha a sawi a, keipawn ruah do chu a nawm lohna ka hre lo. Bakah ka bulah chuan awm ve tlat a hriatna ka nei bawk nen.
.
Ka kal muang deuh a,ka hnungah chuan min zui tu awm tlat a hriatna ka nei a. Ka poketknife pai thin kha kan dap a, ka lo la pai lo lehnghal.
.
Inchhira inngaihtuahna hun a awm lo. Ka thinphu erawh a inrawn dawt dawta. Ka kut ka hum ruh a, eng pawh thleng se ka beilet ve tur a ni . Ka inher a,mahse ka hnunglamah erawh chutiang a min zui ru tu hmuh tur tumah an awm der si lo. Ka piah fe ah chuan kawngkal naran kawng kan tur ka hmu a, thenkhat bus a lo lawn mek hmuh tur an awm bawk a.
.
Khua lah chu a thim chak ropui lehnghal. Kawi hnih lek a nih tawh tho a vangin taxi han lak ting tang na chi lah a ni si lo. Mi tamna lai zelah chuan kal in in lam pan chuan ka pen sawk sawka.
.
Mahse ka hnung a min zui tu ka tih erawh a ke pen ri a rawn hnai telh telh mai si. Ka hnunglam chu ka hawi thut a,ka phu chiang lutuk. Ka au tuar a, thil dum hlawm hian min rawn su kat nawk a, leiah chuan ka tlu thlawrh a, kawngpuiah chuan ka kutphah ka hrut a,a la thi zui. Ka hawi chhuak vat a, chu thil dum hlawm chu hma lamah a kal char char tih ka hmu a.
.
Rang takin ka tho a, ka hlau lutuk chu ka tap put a. Ka ipte ka zen vat a, ka key chain lei chu ka tauh chhe lo hlauh e. Caleb-a ka present turte a ni sia.
.
Hmanhmawh takin Caleb-a in lam pan chuan ka tlan hlawo hlawp a, tunah chuan Caleb-a pawh inah a lo awm tawh ngei ang. A chhan chu hetia ka haw tlai chhang hi chuan min lo nghak a,a lo awm ziah zel a lawm.
.
Mahse in ka luh chiah chuan ka beiseina chu a bo nghal vek. A hmel hmuh tur reng a la awm ta chuang lo. Ka va call mai dawn em ni? Chu em em chu ni lo ve.
.
Ka insil fai a,ka pem te chu silfaiin ka tuam a. Caleb-a ka pek tur a ka lei chu ka keng rauh rauh a, ka pek chhan tur phei chu ka hre lo. A thu hrimah a lo haw tep tawh ang chu maw...?
.
Engtin nge ka pek ang? A khum bul dawhkanah khan lo dah ta ila, chuan a hnuaiah lawmthusawina lehkha dah tel bawk ta ila.
.
Thutthlengah chuan ka thu a, lo nghah pahin TV ka en a. Lawkin, key chain inpek chu a ho lam mah mah lo maw le...? Keiman ka nei zawk daih mai dawn em ni ang? Mipa hi eng thilpek mah ka la pe ngai lo va, eng nge an dawh zawng ni ang le? Key chain ringawt chu a ho a tih ka ring deuh bawk si.
.
Eng nge a tih em em le ? A rawn haw har dan em em ah hian thil fel lo chu a awm chiang mai.
.
A lo haw dawn lo. Chu te chu i hriat reng kha.
Ni e, a lo haw lovang.
.
Sana chu ka en a, zanlai a pel der tawh. Khawiah nge a awm ang le?
.
Kei pawh mutchhuakin min zem chiai chiai a, ka bu leh lawp thin. Ka muthilh hma a ka hriat hnuhnun ber chu a lo haw dawn lo tih hi a ni.
.
.
.
Ka harh zawk a, thutthlengah ka lo muhil reng chu ni in. Chhuatah chuan blanket a lo tla hnuang a, blanket ka lak lai awm ka hre der mai si lo.
.
TV pawh a lo in off thlap a, light pawh a dim chi chiah a lo inchhi a, mak ka ti angreng hlemai. Bangaj chuan nichin deuh a thil dum min rawn pel tu ka hmuh ang chiah chiah kha ka hmu leh ta.
.
"Caleb, min ti hlauthawng a nia"
.
A awmna chin chu a thim chhah hle a, eng nge a pian dik tak pawh ka hre thei lo. Tukverh a tanga eng zung rawn lut chuan a hmai chu a chhun deuh a, mahsw hnuai lamah a kun tlat thung. Chhuatah a thu a, bang a ngheng a, a khup a tawm bawka.
.
"Ka tihpalh lutuk Red..." ohh,,a rawn tawng ta e.
.
Engtik lai mahin Caleb-a chu ka hlatah a thu ngai lo a sin. Ka bul a awm a duh reng thin a nih kha. Ka kutah min vuan a,ka dar nghengin ka sam a hnim veng veng thin kha a ni sia.....ngati nge hla taka a thut tak mai ni.
.
"Ka tihpalh lutuk, ka ti hlau che a". A aw a zawi hle a. "Ka lo call che a, i la thei si lo va"
.
Chhan tumim ka au zuau a,mahse engmah ka sawi thei lo. A vawt ka ti. Chhuata blanket tla chu chharin ka inkhuh hluna. Caleb-a chuan ka muthilh hlanin min lo sin tir ngei a nih hi.
.
"Ka theih anga rangin ka rawn haw nghal a" a rawn ti leh a. A aw chu a la zawi hle a,bakah hrehawm tihna leh natna a ri tel tlat. Eng emaw thil diklo chu a awm chiang mai.
.
"Red..." a rawn hawi chhuak a, dang chu a ngheng a.
.
Hlauthawng tak si in ka thaw chhuak halh a. Ni pawh a rawn chhuak ve ta. Tukverh a tang chuan nizung a rawn lut iar a, ka hma zawn a thu tlangval hmeltha tak hmai chu a rawn chhun de ser ser a.
.
Mahse a mitmu hring nalh tak thin kha a ngui riai a, a hmui sen nalh tak kha a ro chap a,a sam chu rilru hahna a vangin a tuai ngun tih hriat takin a thur chhap bawka.
.
A thawmhnaw hak lam chu ka en a. Eng vanga chuar em em mai nge a nih?
Ni lo...ni lo, a ni thei lo vang. Ka maimitchhing a.
.
"La awm rih tura min ngen a vangin darkar khat vel ka thu rih a,mahse engtik laiin nge ka lo mutthluk ka inhre lo"
.
Ka thaw hak a. A lo muhil a ni mai a, eng nge pawi vak awm le...? Mahse thil tha lo thleng ang maiin a awm bawk si.
.
"A pa khan rilru chian lohna a nei a, a fanu tak ngial pawh a lo hre tawh lo va. A rilru a na em em a, ka bulah a tap a tap a. A tan chuan thil rapthlak tak ani". A maimitchhing a, a hmel chu a hlim mawlh lo. Ka kuah a, va hnem ka van chak tak em.
.
Mahse thil dang a la awm...., thil dang eng emaw a la awm chiang mai.
.
"Red.." A sawi dawn e. Ka van huphurh ru si tak em. Eng thu tak chu ni ang maw..!
.
"Red.." min rawn ko nawn leh a. "Min rawn en teh"
.
Inhum ruh tun chung chuan a lam ka hawi a.
.
"Min ring em?"
.
Eng ngati nge chu zawhna chu min zawh? Ka rilru ti keh chhe vek thei thil a sawi dawn em ni? Ka maimitchhing a, ka thin a na vawng vawng mai.
.
"Red..., min ring tiraw...?"
.
A sawi tum chu ka man thiam nghal mai. Mipa hi chu dawt sawi hmang vek an lo ni a nih hi. Min tih nat tak tak hmaa ka kalsan a ngai.
.
"In mu dun em ni?" ka ti chhuak phawnga.
.
A ngawi reng a, min en reng ringawt a. "Min chhang ta che mawle...?"
.
A hmel chu natna in a rawn inthlak a. "Aw i tihna a ni tiraw?" a rawn ti a. "Min ring miah lo"
.
In chim tur chhunga awm ang vel ka ni. Eng nge rawn thleng tur ka hria. Bang rawn khi tuar tuarte chu ka hmu a, a ban tlu tur auh thawt thawt thawm pawh ka hre vek. Mahse eng ang pawn chhuah tum mah ila ka chhuak thei lo. A chhungah chuan ka tang miau a lawm.
.
Ka lama rawn phei a tum a. Chu veleh "Lo phei suh" ka ti thawt a. Ka tho thuai a,ka pindan lamah tlan lutin ka thawmhnaw leh ka lehkhabu neih ang ang ho chu ka bag ah ka khung khawm mawlh mawlh a.
.
Ka kut chu a khur hlawk hlawk a. Engtin nge kan sawi ang? Bum tu a ni, dawt sawi hmang. I nu ang kha ni ve reng reng suh. Aw, ka hria e.
.
Rilru na tihte mai mai chu ka tuar thei tur a ni. Ka mittui tla hi a hmu tur a ni lo reng reng. A phu eih lo.
.
Ka khumah chuan ka bawk thlawp a,ka hmai hupin ka thap khur dawt dawt a.
.
Engtin nge chutiang chu a tih theih?
.
Hetianga awmna a tan hun ka nei lo. Ka kal vat a ngai. Ka inhru hul a, ka bag chu la in ka chhuak nghal a.
.
Ka pindan pawn chhuatah chuan Caleb-a chu a lo thu renga. Min rawn en chho a, a mit thim ram mai phenah chuan a hrehawm tih zia ka hmu thei. Mahse engkim mai chu bumna vek a ni.
.
Hre lo ang hmakin ka kal pel a, mahse ka hmaah rawn dingin min rawn dang vat a.
.
"Min ring miah na nge. Nge ni a min rinna chhe te mah i lo nei ngai lo hrim hrim zawk?" a rawn ti a.
.
Ka chhanna nghakin a ding reng a,mahse ka chhang lo. Engmah ka sawi thei lo.
.
"Engthil pawh hrilh che ila engmah awmzia a awm dawn lo a nih hi. A chhan chu i rilru i lo siamfel vek tawh tlata" a rawn ti leh a. A aw chu a changin a rilru na aw ngang mai.
.
Ka thawkte chu a khur dawt dawt tawh.
.
"Red..." a mitmu hring nalh tak mai chu khawngaihthlakna in a khat a, kak lo tura min duh ngawih ngawih hmel hi a pu a.
.
Mahse ka thei lo. Ka thei lo. Ka thei lo.
.
"Inrin tawnna tel lo chuan, engmah kan ni lo vang" a rawn ti leh a. Ring ta ringawt ila, dawt tinrengin min chawm dawn tihna a nia. Ni lo, chutiang tur chuan ka awm lo vang. Kawngkhar handle chu ka vuan a,ka thaw halh halh a.
.
"Red...?" a kutphah chu rawn sak hawp deuh hian a rawn phar chho a. "Kal suh"
.
Ka mittui tla tur chu ka dang hram hram a, ka thinlung erawh a van tap chiang em. "Ka thei lo. Mangtha Caleb" ka aw lawi tur erawh ka thunun thei lo.
.
Kawngka chu hawngin ka pen chhuaka, hawi let leh pawh ka duh tawh lo. He in ka luh tirh a ka ken luh ho zawng zawng chu ka chhuah pui leh vek ta.
.
Mahse chuti chung si chuan engkim chan vek angin ka inhre thung si.
.
.
♔ END OF SEASON -1 ♔

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)