※ RED & WHITE ※ BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: ※ RED & WHITE ※ BY Noah Hringngen

Unread post by Ngaia » October 30th, 2016, 12:52 pm

Ka kawngah min rawn vuana,a taksa si chet chuan min pawt phei a. Kan karah min dal tu eng thil mah a awm lo. Min fawh tumin a rawn kun hnaia.
.
A hmui nem zia mai chu....
.
A kut chu ka kawng a tang ka nakah a sawn chho a, ka banah vuanin ka dar lamah a chul chho raih raih a.
.
A kut pakhatin ka nghawngah a rawn dawm a, a lehlamin ka hnungzangah a rawn dawm a,a taksa si chelh chuan min pawm bet a. Vawikhat mah ka la fawh ngai loh hmui ngei mai chuan min rawn fawp a.
.
Ka hmui chu a fawp a,a pet a,a chang leh a seh a. Chutih lai chuan ka taksa hmun tin mai chu a chul kual ruai bawk a.
.
Ka lu chu a vir a, ka lungphu a rang em em bawk a. Caleb, Caleb, Caleb...ka taksa bung tin mai chuan a hming chu an lam nawn mawlh mawlh ni mai hian ka hria.
.
Chutih lai chuan a phone a rawn ri a. Ka nam sawn dawrh a,kan thaw dun hlawp hlawp a.
.
"Red...!! "
.
"I phone kha chhang phawt rawh. Khawngaihin hun ka mamawh rih"
.
Min en reng a, eng thil dang mah tih tum hmel pawh a pu lo. Ka kutah chuan a vuan tlat reng a.
.
.
"Hello?....Bea...? Aw, i tha maw?....Aih, zaninah chuan ka hman lovang. A pawi ka ti lutuk Bea, ruah a la sur hi......ka hman veleh ka lo kal vat ang"
.
Tun minute reilo kal ta chhung khan min fawp zo chiah a ni a, tunah nula dang a chhuahpui tur a be leh mek si a
.
Eng thil nge ni ngai? A la inthlak danglam miah lo a nih hi. A hma a a nihna ngai reng kha a la ni. Ka pa in a ka nu a bum thin lai kha ka mitthlaah a rawn lang a,ka nu kha a tap a, kalsan lo hram turin a ngen thin a nih kha.
.
Chung tiang thil ka ngaihtuah chhuak bawk nen,ka thinrim thut bawk si chuan a ei a tana ka lo siam plate a ka dah chu ka la lawk a,a luaha ka leih ta mai .
.
"Eng nge i tih hi?" berh luai chungin a rawn inher a, a sam leh kawrah chuan a chaw tura ka tih chu a kai luai a.
.
"Tenawm lutuk mai" ka ti tuar a. Ka tawlh hnung a,ka pheikhawk bun lai chu phelhin amah vawm nan chuan ka hmang zui a. Mahse a lo inbum hman.
.
Ka pheikhak pakhat zawk chuan ka vawm nawn leh ngat a, chu erawh a lo dawng chat thung.
.
"Eng- Eng nge tihsual ka neih a?"
.
"Min bum a ni tiraw...?" A hmaiah tak mai chuan va hnek sawt mai ka duh.
.
Hriatthiam loh hmel zet hian a ding a, chutia a awm phei chuan a kap a pet chawrh a nia ka duh ni. Vawm leh mai ka tum a,mahse engmah chutiang anga hman chi ka bul hnaiah a awm toh bawk si lo.
.
Ka banah min rawn vuana, min kuah bet thlawp a. Chet ka tum pawh chuan ka banah a vuan bet tlat a. "Helai hmunah hian ka cheng peih tawh lo. Eng nge ka lakah hian beisei i neih reng reng a?" tah aw tuau hian ka ti a. "Bea? Ruah a la sur hi..... min fawp zo te te ang a, tichuan hmeichhe dang chhuah pui lehnghal i tum a maw? Mipa lerh leh rapthlak tak ilo ni a nih hi"
.
.
"Bea-i te chu ka tet lai a tang a ka thian thin a lawm. Paris ah lehkhazirin a awm a,hmani khan a rawn haw chiah a. Inhmuhte a duh ve a. Ngati nge maw mi kawi deuh tura min ngaih tlat reng mai le?"
.
END OF CHAPTER -14



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:53 pm

Chapter -15

VERONICA'S P.O.V
www.storyfb.com
.
Caleb-a chuan min rawn en a. "Bea-i te chu ka tet lai a tang a ka thian thin a lawm. Paris ah lehkhazirin a awm a,hmani khan a rawn haw chiah a. Inhmuhte a duh ve a. Ngati nge maw mi kawi deuh tura min ngaih tlat reng mai le?" a rawn ti a
.
Ka rum nghut a, mi mawl deuh turah min ngai a niang. Dawt bak va sawi suh.
.
Ka darah min rawn vuana. "Huaisen takin i rilrua thil awm chu sawi tawp mai rawh Red. Hetianga intih kual vak vak hi a ngailo a nia"
.
A mitmeng chu a no nghalh a, a aw erawh a vawt raih thung. "Min duh nge duh lo?"
.
"Duh lutuk ringawt"
.
A kawr awmah chuan thamin ka lamah ka kuai kun a,ka fawp nghal a.
.
Ka fawhna chhan chu a zuna min uai tir vang a ni a, chu chu nuam ka tih em em rualin nuam lo tihna pawh ka nei.
Ka fawh chhan chu thil ni thei lo tura ka ngaihah beiseina min siam sak a, engtikah maha ka neih ve theih loh tur thil a ka ngaihah.
Ka fawhna chhan chu Caleb-a a nih a vangin.
Ka fawhna chhan chu ka Caleb-a a nih zel dawn a vangin.
.
Ka thin a phu dup dup a,ka hnungah rawn dawmin a taksa si chelh chuan min kuah a. Duhthaw taka fawpin a hmuite chu ka pet nawk nawk a.
.
Ka hnung chu zawimuangin a chul a,a tawhna lai a piang mai chu a hit nghal mum mum a. A awmah chuan dawmin kan nam sawn deuh a. Ka thawkchham luatah ka lu a hai lo chauh a ni.
.
Kan pahnih chuan kan thaw dun hlawp hlawp a. A rawn kun hniam a, a chalin ka chal chu a rawn nawr a.
.
"Tih lan ve ka duh a,ka tum a piangin keimah leh keimah ka indang hram hram thin a, a chhan chu tlawmah ka lak tlat a vangin. Mahse ka inthup zo ta lo. Nang ngei hi hlimna min pe thei tu tur chu ni a hriatna ka nei ani. Keipawn i tan ka engkim ka hlan ve ang a, ka nu in ka pa tan a a engkim a hlan ang khan. Mahse ka pa erawh.....ka pa erawhh"
.
"Lo kal teh" tih pahin min rawn pan a,a aw chu a zawiin a nem hle a. Ka biangah rawn vuanin ka mittui tling hlap mai chu a rawn fawp a.
.
"Nang hian ka thluak hi min suk a sak zo tawh a nih hi". Ka chal,ka biang leh khabeah a rawn fawp a.
.
"Ka hria a lawm. Caleb?"
.
"Hmm....?" Ka nghawngah a rawn fawp a.
.
"Lawkin, sawi lawk tur ka nei"
.
"Engmah sawi a ngai lo hmeichhia" tihpahin ka dar a rawn fawp a. "A mood ah min chen tir laklawh tawh. Min han infawh tir teh"
.
Ka nui hak a. "Aw le"
.
Ka hmui tih loh hmun dang zawng zawng chu a fawp diat diat a,ka hmui erawh a kal kan zel a.
.
"Caleb, hetah hian min lo fawp teh"
.
"Khawiah?" a thaw hak a.
.
"Helaiah hian..." kawh tur ber pawh ka hre lo. Ka nghawng chu ka kawk ringawt a. Khawiah pawh chuan min fawp se pawi ka ti lo. A nuam em em vek mai.
.
A hmui lah chu a nem a a nem zia mai chu.
.
Ka nghawng zawn chu an hnim vang vanga. "Mmmm.....i van rimtui tehreng em"
.
Min pawm kang lawp a,ka bawpin a kawngah ka kherh a,a nghawngah ka kuah nghal a. A hmui leh ka vun chu a insi reng a.
.
"Caleb, min fawp teh.....ka hmuiah hian"
.
"Shh....zan khua hun kan nei a lawm. A nuam thei ang berin le"
.
A kut chuan ka mal a rawn zut chho a. "Hmangaihna chen dun ka duh a ni. Chubak lungkham reng ka nei thei lo"
.
Ka chhip a tang vur tuiin min rawn leih ta emaw tih mai tur a ni. Kan thil tih lai engkim mai chu chhunzawm thei tawh lo turin a banah ka vuan nghal chat a.
.
"Caleb,a tawk. Lawkin..."
.
Kan thaw dun hlawp hlawp a,chutia kan tih takah chuan a ni pawh chu a tawp ve nghal a.
.
"Caleb, duh tawk rih ang. Ka thei ve lo....ka la inpeih lo ani"
.
Ka chal chu a chalin a rawn nawr a, a maimitchhing a.
.
"Aw le...muangchangin kan ti dawn nia"
.
"Chutiang a ni lo Caleb. Engtin nge.....sawi dan tur pawh ka hre lo"
.
"Ka ti lui lovang che. Chungte chu i thu thu a lawm. Ka tiam a che"
.
"Ka la virgin a Caleb"
.
Mak tih vangin a ka hau a. "Maw...?"
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:53 pm

"Ka la virgin"
.
A hmel chu mak tihna in a khat a. A sam chu a kutin an hui pap pap a, chutah nui hmel mawi tak mai a rawn pu a. "Khai lehh....min van ti hlim tehreng em. Ka chhuang lutuk ringawt che. Ka nghak thei lutuk ang ka naute"
.
Ka hmuiah a rawn chuk keuh a. "Tih nat che hi ka duh ngai lovang Red"
.
A awmah chuan ka va bei thlawp a.
.
"Ka ti hlauthawng che tih ka hria a lawm. Ka ka hi ka lo veng zo lo leh thin a. Ka theih tawp chu ka chhuah ve a nia. Mahse mi famkim lo ka ni tih erawh min hriat sak la" min rawn en a, nelawm tak hian a rawn nui a. "Nangmah hi i pawimawh ber Red"
.
.
*** *** ***
.
Kawngka kik ri ka hriat chuan ka room ah pyjama nen chauh ka la awm a.
.
"Red....?"
.
"Lo lut rawh Caleb"
.
Kawngka chu hawngin a rawn lut a,thawk nachang pawh ka hre tawh lo. A inbual zo chiah tih hriat tak hian a lu la huh hlup mai chu towel in a rawn hru a, ke lawngin a rawn kal a,kawr pawh a ha lo. A awmah chuan tui mal a la kai nual a.
.
Ka ka te chu a ro nghal huam huam mai.
.
A dul nalh zet mai chu ka en a, a dul hnuai V-shape chu a nalh ngei mai. Mahse ka hawi sawn nghal vat a,ka biang a sa nghal ap ap thei nia. A ni pawh chu a lo nui suk tih ka hria.
.
Six packs, kawr ha lo lehnghal,pian nalh bawk si. Mipa poster dik tak.
.
"Ka ril a tam a nia" a rawn ti a. Mahse a aw ki erawh thil dang daiha riltam awki a ni. A mit a tang chuan ka hre thei. Keimah chakin a riltam tih.
.
Lalpa lehh....
.
"Eng lo-" ka aw chu a trial ti tih a. Ka hrawk ka thian nghal vat a "Eitur ka siam sak ang che aw...?"
.
A thaw hak a. "Helai hmun a tanga kan chhuah phawt hi a ngaiin ka hria....thil kan ei hma"
.
Tawng ngaihna pawh ka hre lo.
.
"Thil ei turin chhuak dun i la. Naktuk chawlh a ni tho a,tlai deuh pawn a pawi hlenem. Lo insiam rawh aw Red"...a chhuak nghal a
.
Rang takin bathroom ah ka tlan lut vat a, eng nge ka hak ang? Ka thawmhnaw hak tlak neih chhun chu club a ka hak thawmhnaw sen kha a ni mai a, chu pawh a hmuh fo thin tawh lehnghal. Nula ve si thawmhnaw ngai reng hakte chu. A thar tha ve deuh hlek ka mamawh a ni.
.
www.storyfb.com
END OF CHAPTER -15

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:54 pm

※ RED & WHITE ※ . Chapter -16

Edit
Delete post
Report this post
Warn user
Information
Quote

Postby Noah Hringngen » Sun Oct 02, 2016 11:08 pm
.
VERONICA'S P.O.V
www.storyfb.com
.
Ka pindan a tanga ka chhuah hma darthlalang hmaah chuan kan ding leh ven vawn a, ka thawmhnaw sen hak chu ka vun thuah hnihna emaw tih mai tur a ni,ka taksa engkim, a riruang zawng zawng mai chu a lang kalh thei a. Chhing lutuk chu ni lo mahse ka ke lam erawh a lang thui thei hle a, pheikhawk sang ka bun bawk nen,a lang sei ve hlemai.
.
Ka phur a,ka zam em em bawk. Ka chhuah hma chuan thawk ka la hak a, pindan a tang chuan ka pen chhuak a. Inchhung a eng awm chhun chu living room lam a tanga eng rawn lut deuh chauh chu a ni. Caleb-a chu min nghakin a lo ding reng tawh a, min hmuh veleh ka chhip a tanga ka ke ler thleng chuan vawi 3 vel ngawt min en chhuakin ka hria.
.
Suit dum a ha a, a dar pharh nalh tak leh a hnungzang hlai tha tak mai chu mawi zet leh a fit tawk chiahin a khuh thla a, a mil pui turin kawr dumpawl leh tie van rawng a awrh bawk a. A sam pawh chu a tukhum lamah a khuih pial hlap a.
.
Suit a ha lai kher kher chu ka vawikhat hmuhna a ni. A inhmeh ka ti lutuk a, ka kutte hi a za mem memin ka hria.
.
"Zankhuain ka thlir thei mai dawn che a lawm le" a aw chu a pangai aiin a zawi deuha.
.
Chu thu tho chu sawi ve tur ka ni. Mahse engmah ka sawi lo.
.
"Tun tum hi in date ang tak taka kan chhuah dun vawikhatna tur a ni a, a danglam bik hlemai". Ka lampanin a rawn pen pheia,a kut pahnihin ka biang a rawn dawm a. "Tun tum chu a tak takte pawh a ang ve deuh tawh a lawm"
.
Ka pum chhungah zawng zawng chuan Phengphehlep an thlawk nuaih nuaih hi a ni ringawt.
.
A rim chu a tui veng veng a,a pangtilum chuan min rawn ur lum ham ham a,a kut lum ther ther,nem thek mai bawk si leh ka biang chu a insi a, a lak a tang chuan ka mit ka lasawn thei thlawt lo.
.
Min fawh tum ni awm tak hian a rawn kun hniam a,ka hmui bul lawkah chuan an rial vang vang a. "I rim chu a van tui tehreng em"
.
Ka tha a khur hial ta mai. He pa hian eng thiltihtheihna nge a neih bika? Hetiang hiang tu mipa bulah mah ka la awm ngai lo.
.
Ka hmui leh a hmui chu a inchuktuah nghal a. A nemin a hnawng chap a, ka duhthaw ta deuh a niang,ka lo dingdihlip awt awt a. A rawn nui suk a,mahse ka hmui erawh a thlah chuang lo.
.
"I hmui a kha ka lipstick a kai luai ania" ka ti sep a.
.
"I lipstick mai mai hian ka thil tih lai hi min dalin i ring em ni le..?" tihpahin ka hmui hnuai lam chu a rawn seh a. "Pawi i tih loh chuan ka taksa pumah hian min kai zawk ta mai che Red"
.
Chuveleh ka hmui ka la sawn a, heti reng hi chuan engmah kan ti thei dawn lo. A mita en chung a nui seih pahin ka inher a, kawngka lam panin ka phei nghal a. Ka mawng a thlir reng tih pawh ka hria.
.
Kawngka ka thleng tep tihah ka banah min rawn vuana. "Lawkin, ka bana min chelh lova kal i tum ngawt ni"
.
Ka nui sak a, ka tuiral. "A nih leh le Caleb"
.
.
A car a kan luh hnu chuan khawi lamah nge kan kal dawn tih ka zawta.
.
"Hei hi chu in surprise na tur a nia. Ka thiante ta a nia, an thil siam a tuiin a hmun pawh a fal nuam lutuk"
.
A fal tha tih a sawi rual rual chuan a hmun to zia tur pawh ka hrethiam nghal.
.
Khawpui in mawi tak tak kan tlan pelh hnu chuan in changkang deuh mai kawtah hian kan dinga. A bang chu darthlalang sen nalh tak hmanga thuam vek a ni a, eng nge a chhungah awm tih engmah a hmuh theih loh. En reng reng pawn mihausa ho awm khawmna tih hriat reng reng. Chuveleh mahni inrintawk lohnain ka khat nghal a. Mi hausa ho zing a kawr naran te mai leh pheikhawk $20 man lek han bun luh mai chuhh. Mi reithei satliah pawh ka ni lo. Mahni chenna tur hmun takngial pawh nei zo lo ka ni si.
.
"Red...?"
.
Zam tak chungin ka melh chho a,ka kutah rawn vuanin a rawn hmer a.
.
"Ka tihpalh lutuk aw. Khawi hmunah nge i kal duh tih ka lo zawt lawk hmasa miah lo che a"
.
Kei chuan engmah chutiang ngaihtuah a ngaih loh thu leh ka phur em em thu ka hrilh a.
.
"Car ah hian lut leh si teh. In date na tur chu hmun tha tawk ka hria a lawm"
.
"Maw...?"
.
Kawngka chu hawngin min nam lut nghala.
.
"Khawiah nge kan kal dawn?"
.
"I hre mai ang"
.
Walmart kawtah min din pui a,ka pheikhawk chu amah pe turin min ti a.
.
"Eng a? Engvang chuan maw?"
.
"Khawngaihin...."
.
Ka pe a, a chhuat phah chu a en a,min pe let lehnghal a.
.
"Tah hian lo awm lawk rawh"
.
.
Minutes 15 hnu velah rawn let lehin plastic bag pahnih a rawn khai a.
.
"Kha kha eng nge a?"
.
"Kan thawmhnaw tur" a nui suk a.
.
"Caleb, eng nge hei hi a awzia?" tihpahin kawr var,a hma a zawhte thau deuh lem awmna chu ka phawrh chhuak a,ka nui hak a. "Eng nge hei hi?" tihpahin cowboy hmeichhe hak thin jeans kekawrbul sen leh running shoe sen chu ka phawrh chhuak leha.
.
"Ka in a i rawn awm tuk khan hetiang chiah kawr hi i ha a, tunah a in ang chiahin kan ha dun leh ang" tihpahin a kawr hak lai chu a hlip a, zawhte thau deuh lem chuanna kawr chu a in ang chiah pahnih a rawn lei a, pakhat zawk chu a ha a. A kekawr pawh chu hlih tumin a kilhna a phelh nghal a.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:55 pm

"Caleb...!"
.
A kekawr hmalam hawng huau chung chuan a mitmu hring nalh deuh chuan min rawn en a. "I duh leh ti khan lo thlir rawh. I ta vek tur a la ni tho a lawm Red"
.
"Ui ha....!" Ka maimitchhing vat a.
.
Boxer,a hma a smiley eng chhuanna hi a ha a. Ka nuih a ti za lutuk.
.
"I ta tur kha ha ve rawh. Ka lo en lo ang che" a rawn ti a.
.
"Aw le" tihpahin ka kawr chu ka hlip a. Caleb-a hi chu a fel bakah mi hi a tihlim thiam em em a, ka nihna ang ang leh ka awm ang ang hian min pawm thiam niin ka hria.
.
Kawr ka inthawlh laite chuan min en reng a ni tih ka hria. Mahse min en tih pawh hre lo ang maiin ka awm lui tlat a,mahse ka chhungril takah erawh ka zam hle.
.
Thawk pawh a thaw lo. Car chhung chu a reh hian a reh tlawk tlawk a.
.
.
Minutes reilote hnuah chuan khawpui pawn a hmun nuam deuh hi kan thleng a, a lan dan chuan tourist lodge te pawh a ang mah mah. Zan dar 7 a ri tawha,mahse mi te chu an la bazar a,thil an ei a,a then an nui a, thenkhat chhungkua kua a chhuak ho te pawh hmuh tur an la awm.
.
"Chuan khawi hmunah nge thil ei i duh?" Car a tang chuan kan chhuak dun a, a kawr hak chu a inhmeh reuh phian lehnghal.
.
Inkai rialin kan kal dun a,kan thil hak vang chu a niang mi te chuan min en duh hle a,an nui leh suk thin. Nupa emaw min ti vek ngei ang le.
.
"Restaurant thlan tur lah chu a tam em em mai lehnghal a" ka ti a. Zan a tlai tan tawh a,kan ril pawh a tam dun tawh hlemai.
.
Building pakhat bul ah chuan nihliap nalh deuh deuh hnuaiah thutna leh dawhkan a inhung thluah a, chumi lam chu panin kan thu dun a. Rei lo teah waitress nu upa tawh lam hi a rawn kal a, a rawn nui sang a.
.
"clam chowder kan lo duh ang aw. Kan nu hi a rai mek a" Caleb-a chuan a lo ti a.
.
Mak tiin ka meng zau kawk a, Caleb-a lah rawn kun hniamin ka dul chu a rawn fawp zeuh a.
.
"Helai hmuna chawlh rawn hman hi a duh a"
.
Chu nu chuan Caleb-a chu an melh vang vanga. "A nih nang bawiha, eng nge i thawh a?"
.
"Kei chu Stripper ka nia ka pi"
.
Ka nuih za lutuk chu ka lo insum ngat ngat a, chu nu upa lam tawh lah chuan mak hi a tih em em hmel lehnghal a. "Fa paruk ngawt kan nei a-"
.
"Pathianin mal a sawm che u a nih chu"
.
www.storyfb.com
END OF CHAPTER -16

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:55 pm

※ RED & WHITE ※ . Chapter -17


Postby Noah Hringngen » Fri Oct 07, 2016 6:34 pm
.
VERONICA'S P.O.V
.
Building pakhat bul ah chuan nihliap nalh deuh deuh hnuaiah thutna leh dawhkan a inhung thluah a, chumi lam chu panin kan thu dun a. Rei lo teah waitress nu upa tawh lam hi a rawn kal a, a rawn nui sang a.
.
"clam chowder kan lo duh ang aw. Kan nu hi a rai mek a" Caleb-a chuan a lo ti a.
.
Mak tiin ka meng zau kawk a, Caleb-a lah rawn kun hniamin ka dul chu a rawn fawp zeuh a.
.
"Helai hmuna chawlh rawn hman hi a duh a"
.
Chu nu chuan Caleb-a chu an melh vang vanga. "A nih nang bawiha, eng nge i thawh a?"
.
"Kei chu Stripper ka nia ka pi"
.
Ka nuih za lutuk chu ka lo insum ngat ngat a, chu nu upa lam tawh lah chuan mak hi a tih em em hmel lehnghal a. "Fa paruk ngawt kan nei a-"
.
"Pathianin mal a sawm che u a nih chu"
.
"-chu chiah mai. Fa mipa hlir kan nei a, phir vek an ni lehnghal. Tunah lah phir bawk ka pai leh a. Kan pa hi chuan insum ve deuh ang a ti thin a,mahse keimah zawk bawk hi a insum thei lo zawkah ka tang leh thin a" ka lo ti ve a. Caleb-a chu a nui hawk a.
.
"Karei lehh....!!" Chu pitar chu a rum nghut a. "In thil order chu ka va lam ang e" tih leh kal a rual nghala.
.
Caleb-a nen chuan kan in en a, nuih a za duh ngei mai. "A insum thei lo zawkah i tang tak tak ka ring tlat" min rawn ti a.
.
Nui chungin a banah ka chum awk a.
.
"Chuan fa pakua vel kan nei bawk anga"
.
"Chutiang ka la ngaihtuah thleng pha lo hrim hrim"
.
Ka hma zawnah chuan a rawn dinga, ka hmui ka lo seh a, tunah khan dawt ka sawi a ni. Engtikah emaw fate ka la nei ve anga tiin vawitam tak ka suangtuah fo thin a lawm. Mahse chung ka suangtuahna te chu mi pakhatin min tihchhiat sak vek ta si. Ba kan ngah em a vangin kan in a tanga thehchhuahin ka awm bawk a
.
Caleb-a chuan min lo thlek vang vanga. "Kei ka awm a lawm. Hmalam hunte mai mai chu kan paltlang thei em em ang" ka ngaihtuahna chu a lo hre thei emaw tih mai tur hian a rawn ti a. "Chuanin basketball team nei bawk i la"
.
Chutih lai chuan kan eitur order pawh chu a rawn thleng a. "Kan pumte hi a na haw reu reu mai angahh..!!" ka lo ti a.
.
"Helai hmunah hian kum 8 ka nih hma a tang tawh khan ka kal tawh thin a lawm. An eitur siam hi a tui thei teh mai a nia"
.
"A hmain i kal tawh a maw..?" tihpain ka meng phawk hru a.
.
"Aw. Ka pa leh Ben-a nen" a mitah chuan a lungleng a ni tih a hriat nghal mai. "Ka pa hi thingtlang khaw lian vak lo a sei lian a nia, mechanic a ni bawk a. Chu ta tang chuan a nia ka nu nen pawh hian an intawn". Ka kut a rawn vuan a, a kutzungpuiin ka kutphah chu zawite te hian a chul a, ka taksa chu a mur chuak nghal veka.
.
"Chung lai vel chuan ka nu chu tleirawl tan tir a nia,an thian ho in thingtlangah an zina, an haw lamin kawng an bo a, chutah chuan ka pa nen hian an intawnga. Ka nu chuan ka unaupa Ben-a hi a pai ta a, ka pi leh pute dodalna hnuaiah ka pa nen chuan an innei a" a ti a. "Pa tha tak a ni. Kan unauin thingtlang hmun hrang hrang min fanpui thin a, a chhan chu chung thingtlang mite chu a langin hausa lo mahse an nun hausak zia chu hria ila min duh a ni"
.
Kan kut invuan rial mai chu a rawn en a,na vak lo hian a rawn hmer a.
.
"Chuan engtin zel...?" ka lo ti vata.
.
"Ummm......nau hmeichhia ka nei a"
.
Mak ti bawk si, hlim deuh bawk si leh a sawi leh tur nghakhlel deuh chung siin a mitah chuan ka en kara.
.
"Mahse a ni erawh kan zingah a awm rei ve lo" a aw chu a chuai raiha.
.
"Doctor te chuan a thluak chu a nih dan tur angin a awm lo an ti a,ka nu in a hrin a tanga rei lo teah a thi nghal a"
.
A kut chu nghet takin ka lo vuan let a "Caleb...."
.
"Ka nu chuan a hma zawng aiin a hna a buaipui a, a lunglenna chhawk tur a a tih a nih ka ring. Sumdawnna thilah a zin chhuak fo reng a, chutih rualin ka pa pawh.....a hma a a mizia ang kha a nei tawh lo. Ka nu chu a rukin a lerh san fo a, ka nu khan a fa a chana, a rilru a nat sa tawh tehreng nen" a sawi laklawh lai chuan thawk an la vang vanga,muangchangin a thaw chhuak leha. "Ben-a pawhin rei lo teah University a chhuahsan ve nghala"
.
"Naupang mai ila ni awm si a" ka lo ti a.
.
"Harsatna pawh ka tawk nual reng a lawm" ka mitah chiang takin min rawn en a.
.
A hmel a tang chuan hrehawm a ti tih ka hria. Dawhkan lam chu a bih a, a tawng leh hun ka lo nghak tawpa.
.
"Ka rilru put hmang rei loteah ka thlak thuai a, insual ka peih at reng a,keimah leh keimah ka inthunun thei lo. Ka nu in therapy min lak tira,mahse a sawt chuang lo. Naupang sual leh tihmawh ka ni chho ta ani"
.
A sual lai hmel tur awm ang chu ka suangtuah thiam lo. "Tichuan eng thil nge thleng zel...?"
.
"Ben a'n a lo hria a, semester laklawhah bangin keimah vangin inah a rawn haw a. In ram pakhatah min hruai a, chutah chuan ka duh tawk a che turin min ti a. Chu in ram chu keimahin a bang zawng zawng ka chhu chhe vek a, chu chu ka tan chuan therapy tha tak a nih bakah Thor-a ang mai ka ni" a rawn nui hak a. Nui mahse a nui ri phenah chuan hrehawm tihna a awm tlat. "Ka unaupa lakah khan ba ka ngah khawp mai. Ti kha chuan fel hmel min ti vak tawh lo ang a...?" tiin a rawn fiamthu zui nghala
.
A mitmeng hrehawm tihnaa khat chu ka hmuh hmaih lo a, a natna chu ka hrethiam a ni tih hi hria se ka duh a ni. A mal lo va, a bulah ka awm reng a ni tih nen hian.
.
"Ka pa pawh khan....." ka hrawk kan thian a. "Kan inah hmeichhe dang a rawn hruai lut fo thin a lawm. Ka.....hre bik lo, engtin nge ka nu khan....! Min lo hrethiam teh, sawi a nuam lo emai. Mahse ka hrethiam che tih erawh min hriat sak rawh"
.
Muangchangin ka kut chu a lamah a pawt phei a, a lam chu ka hawi nghal vat a. "Khawngaihin Red...., sawi hreh suh"
.
Kan nu leh pa te chungchang kan sawi dun a tang chuan tuna kan awmdan hi kan tet lai nun leh kan thil tawn ten a a hrin chhuah a ni tih kan inhriat tawn pui a, Caleb-a nun a tang erawh zir tur tam tak ka nei thung a ni. Ka duhna chu a zual deuh deuh mai lehnghal.
.
Kan thil chah kan ei zawh meuh chuan Caleb-a khan a lo sawi dik meuh mai,a tui takzet. Tui ka ti em a, Caleb a'n bill a pek vek tawh hnuah a dang ka la order belh ta hram a.
.
"Hei erawh keiman ka ei man ka pe ang" ka ti a
.
Chu erawh a remtilo nasa mai. Ka sawi zawh hma hmain a lu a lo thing a. "In date naah hmeichhiain bill an pe ngai lo" a lo ti vat a.
.
Chu mi zawhah Pizzeria lamah kan phei a, Caleb-a chuan ka duhna bera thu turin min ti a, pawn a thutna an dah nihliap lian hnuai bawk chu ka pan a, a ni erawh a hnu deuhah tray a kan thil order rawn chawi phei chungin a rawn kal a.
.
"Hi... ahh! Keimah chauhin zanriah ka ei a,a khawharthlak lutuk a. Ka pizza nen hian i bulah ka rawn insawn thei a ngem ka pi?" a rawn tifiam vel a.
.
"Umm....."ka hmui chu kan seh a. "Ka va hre mai lo em. Hmelhriat loh nen a zanriah ei dun chu ka phur vak lem lo a sin" ka lo ti let ve a.
.
Ka sawi zawh hma hmain a thutna turah chuan a lo thu rem dim diam tawh a, a tray ken chu dawhkanah a daha.
.
"Ahh.....chuti maw..? Mahse mi pawngsual hmang emaw tualthah hmang emaw pawh ka ni hleinem"
.
Ka lo nui hak a. "A nihte chuan a tha a lawm. A thlawnin ka ei hmel bawk si a"
.
"Min eipui duh lohna chhan kha ka hria. Chhelo min ti a ni chiang mai"
.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)