※ RED & WHITE ※ BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

※ RED & WHITE ※ BY Noah Hringngen

Unread post by Ngaia » October 30th, 2016, 12:19 pm

Chapter -1
www.storyfb.com

A link nen a share dan
http://storyfb.com/viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright ©Noah Hringngen
.
Dance floor zawng zawng mai chu chung lam a an khai light chuan rawng sen leh rawng hringin a rawn kap de zawk zawk a. Zirtawp tlai a ni a, club ah chuan thalai rual an pungkhawm a, DJ in duh tawk in music a ti tre kual a,an bu suau suau hlawm a, vur ram a Penguin rual tam zet mai,insi thup a ding khawp hi an ang hlemai.
.
"Eng nge nang pui hi chian lohna deuh i nei em ni?" ka ban puam a na lo te a rawn hnek pah hian Cameron-a chu ring zet hian ka beng bulah a rawn au a.
.
Ka beer no chu kan dawm kang a, "Tiang hi a ni zantin thin a nih chuan nin chang i nei ve tho thin ang chu maw"
.
Justin-a chu a nuih a za ngang mai. "Thian-a, saw nu chhiat loh zia saw" tihpahin a kut chu ring zet hian an ham ri a. A tih ber chu dance floor lai tak a lam nu chu a ni. A lam pawh a ni lo,a chet danah chuan a hur tih a hriat reng reng. Thawmhnaw pan tak,lang tlang thei emaw tih mai tur hi a ha a,a la chhing em em zui. Ka hmuh zawng ringawt pawh chuan ka lo zak zawk.
.
A kawng leh a mawng bawr chu a nalh hle a,a sam sen siau mai chuan a kawng a thleng thuak a, a chawn zei zet mai leh a pheikhawk sang bun chu a in chawih takzet.
.
"Van tih chi em. Saw nu ngei saw zanin hian ka hruai haw dawn" Justin-a chuan phur zet hian an ti a.
.
A tawng dan chu ka huat zawng tak. A chhan pawh Justin-a hian tunah bialnu a nei reng a,tiang a bialnu te hmuh loh laia hmeichhe dang kawp pawi tihna nei miah lo leh mipa hur deuh hi ka huat zawng tak.
.
Chu sam sen-i chuan chutiang a mipa chilthli tla lo chauh a lo thilr tu an awm tih a hriat chuan Justin-a chu rawn pan hnaiin lam puiah a rawn sawm ta nge nge a. Justin-a lah a lo phur nasa mai si. Chu nu beng bulah chuan eng emaw hi an hrilh ru sa sa a,chu veleh sam sen-i chu a nui har har a. Justin-a chu ka lam hawi chuan a rawn bu zeuh a,min chhuahsan ta a.
.
Tu emaw hian sir zawng hian hnunglam a tang chuan min rawn nek tih ka hria. A perfume rim treng ngher chu a hriat loh theih loh. Kan hawi let chu Claire Bentley-i a ni tih ka va hre nghal a. A hmel chuh.....hnek chawrh zawh hlim hi a ang berin ka hria.
.
"Ekhaii....Claire, i lo kal ve a ni maw...!" tihpah chuan za lo zet hian kan nuih lui a. Ti hi chuan ka mutpui leh duh tawh pawh ka inring lo.
.
"Urgg, engmah lah hi i hre ve mang si lo va" a mithmul sei sang mai chu an khap sexy vel a. Chutah a hnute pahnih chu khalh sak a chak tih hriat zet hian an tham kual a,ka hmaah chuan an hmet kawh kual vel a. A kawr bahna pakhat chu a dar a tang chuan a rawn tla thla a,beisei nei tak hian min rawn melh a. Mipa ni ve ta nanana chu a sexy phian. Chutiang hmel bem bum erawh pu lo se lang chuan ka phur ve deuh mahna.
.
"In tur min lei sak teh Caleb, nachin khan ka thlauh baw daih a" a lei chuan a hmui chunglam chu an liak kual a.
.
Mak ka ti tih chu thup hram hram ka duh. A inlak itawm pauh leh ka mutpui chak lo telh telh mai bawk si. Kan hawi kual a Cameron-a leh Justin-a hmel reng reng hmuh tur awm tawh bawk si lo.
.
.
"Hey...bawih-a" dance floor a hmeichhe pakhat chu ka bulah a rawn chhuk thla a, a ban sei zet mai chuan ka kawngah a rawn kuah a,chu zawng ka beisei loh lam daih a ni. A chhelo in ka mitah tak a min rawn en phei chuan thawk dan tur ka theihnghilh mai dawn a lawm le.
.
"A ni hi chu ka ta" Claire-i bulah chuan an tih khum a,a mit erawh a la sawn eih lo. A mit meng a mawiin a hmui mawlh mai chu. A len mai bakah a sen ling ham mai a. Aw Lapa.....sexy lutuk,sexy lutuk. "A ni lawm ni?" a aw chu zawite ani,mahse ka hre chiang hle thung.
.
Mipa tih lawm dan chu an ni aia thiam hi an awm kher lovang. Khawdang ka hawi thei lo va, a ni pawh chuan chu chu a hria. Zei tak hian ka nghawngah min rawn kuah a, a hnute pawng lah mai chuan ka awm a rawn si chet a. A beng bulah chuan kun hniam in ka hmui leh a bengkawm chu a in si lo chauh a. "Khawiah nge i lo awm char char a?" zawite in kan ti a. Ka hmui chu nui hmelin a rawn thlak nghal a. "Ka zawn rei tawh zia che hi"
.
Ka tan a khuanu ruat,ka chhailai D tur hmu ang mai ka ni. A bengkawm chu ka hnarin ka nawr chho a,a nghawng lam fawh tum chuan ka kun hniam a,engmah ka la ti hman lo tiah chuan chu nu chu a ding sawn ta daih a.
.
"A kal tawh,tunah chuan i him tawh e" an nui seih a. "Ka chhanchhuah che manah in tur min lei sak a ngai ang"
.
Ka kekawr ipte zen chuan kan ding ngawi vang vang a, diktak chuan nuam ka van ti em. Ka kuah laite,ka tang a reilo te a bei laite kha ka ngai nghal vawng vawng mai. "A tha a lawm. A nih eng chi nge i duh?"
.
A sam chu a hnunglamah an hui kiang a, ka mit chu ka la la sawn thei chuang lo. Min hip bet tlat tawh. "Strong deuh a ni mai. Zanin hian mi tu emaw....theihnghilh duh ka nei a, ka nun a tang a theihnghilh hmak tur"
.
A hnungzangah chuan va vuanin ka lamah ka pawt phei a,kan hmai chu inches 2 vel chauhin a in si lovang. A rim chu a tui in ka hnar a zem chiai chiai a. "A nih chuan tinge hmun dang,ka theihnghilh tir hmak theihna tur che a kan kal daih mai lovang Red?"
.
A mitmeng chu a vawt nghal ruih a. Ka darah rawn vuanin a innam sawn a. "Kan inhmu chu a lawmawm e Hmel-a". Kal sawn a tum daih mai ka ti. Ka sawmna chu a duh lo tihna a ni maw?
.
Ngawi reng in mi kar a a pil bo hnu thleng chuan ka thlir reng a, ka va umzui ang a, in tur chu ka lei sak ngei ngei dawn a ni tih va hrilh mai te ka duh leh rum rum mai. Ka van han mawl tak em,sawi tur loh loh ka lo sawi a ni.
.
"Caleb..!!" Hnunglam a tang chuan hmeichhe pakhat hian min rawn au leh a, mahse a mood ah ka cheng tawh lo. Ka khum a mut vang vang ka duh. Maimitchhing in boruak chu kan hip vang vang a, club a tang chuan ka chhuak nghal a.
.
Ka car ka park na lam chu hmanhmawh takin ka pan a, thian ten min rawn hmu ang a, min pawt kir leh ang tih mawlh ka hlau.
.
Parking lot ka pan lai chuan a sir kilah hmeichhe pakhat hi a lo uak thawt thawt a,a in hnem deuh a ni ngei ang. Kal pelh mai ka tum lai chuan a piah lawkah chuan mipa ding ka hmu a,a awm danah chu nu chu sual a tum ngei niin ka hre bawk.
.
Rang takin chu nu chu ka pan phei a, ka chhanhim theih hlauh takin. Street light chuan chiang lutuk lo hian chulai hmun chu a chhun eng iar a,a hmel kan hmu chu Club chhhung a ka hmeichhe tawn ngei kha a ni tih ka hre nghal a.
.
Chu veleh ka pan chak sauh a, chu pa lo ding ve chuan chu nu chu a en uluk em a vang chuan ka pan a ni tih pawh a hmu lo. Engtin emaw a tih han tum vaih teh se. Hnar thi zawih zawihin a hawng ang a a ni mai. Min thlen khalh ta ngei e. A kawngah a va dawm a,chuveleh ka thin a sa nghal zak mai.
.
.
Min rawn hmuh chuan a ding chawt a. "Hey...bawihi,khawiah nge i lo awm daih a?" tihpahin ka va hnaih chilh a. Min han hmu chiah chu a meng phawk hlemai. "Hmun tinah ka zawng kual che alawm" kan ti zui nghal a.
.
"Nang pa kha,hetah eng nge i lo tih ve a?" rum zet hian chu pa chu ka melh a. Engmah a sawi ngam lo. "Tlawh hawn i duh lo a nih chuan kal nghal rawh"
.
Chu nu, a hming pawh ka hriat loh i chu ka kai tho a. "Khawiah nge i awm? Ka va thlah ang che aw" kan ti a. A uak leh deuh that thin a,mahse luak tur em em phei chu a neih tawh pawh ka ring lo.
.
"In- in ka nei lo" a tawng dan chuan min ti phu deuh zawk a. "Min hnawt chhuak a" . Engtia han chhan tur nge tih pawh ka hre lo. Ka thaw hak a,engtin nge ka tih ang? Hotel ah emaw dah tawp ila,duh leh a kar khat awm man vel pek sak i la. Chuta tang chuan a awmna hmun tur zawnpui ta ang ila. Mahse chu erawh tih chi niin ka hre si lo.
.
A hmel chu kan en thin a,ka hmuh hnu ni tlat a hriatna te ka nei leh thin. Ka car chhungah chuan ka kuah lut a, Hotel a dah tawp chu him tawk lo va ka hriat a vangin ka apartment a hruai luh ve tawp chu ka tum ta a.
.
Car chhungah chuan AC a full in ka on nghal a, a pentawng lutuk te pawh a zia deuh ka beisei. Zawi zet mai hian seat ah chuan a thu a,apartment lah kan la hlat ang reng si. Chutah a hmui a rawn hup a ,a ti leh ta uk uk mai.
.
Ka hlauhthawn ang ngei ngei in maw..Ni lo, luak lo hram teh. A ri ta bawrh mai le.
.
Ka car chhuat,seat leh bang hmun tinah mai chuan a per darh ta nuaih mai. Ka tap lo chauh. Ka car lei thar hlim hlawt lehnghal. A ri hrim hrim pawh kha hriat a hahthlak tehreng nen. A rim mawlh mai chu. Rang takin darthlalang zawng zawng bakah a chung thleng chuan ka hawng a,chuti lo zawng a thawk a thawk chi loh hrim hrim.
.
.
Kareii...!! A ti leh ta uk uk mai. "Ohh....shitt!! " a hma ai a tam zawk mah chuan a bun leh ta.
.
Engtin tin emaw thaw mang lo chuan apartment chu kan thleng thei ta hram a. A chatthla tawh bawk si,a hnuh a hnuh chhuah ngawt loh chu tih ngaihna a awm lo.
.
Guard pakhat chuan elevator chu min lo hmeh sak a. "I bialnu chu a in hnem deuh a ni maw?" Elevator chhunga kan inkuah luh lai chuan a lo ti a.
.
"Ngaihzawng ka neih loh zia chu i hria e Paul". A nui hak hak a.
.
Kan luh veleh rang takin mikhual pindan lamah ka hruai lut a,khumah chuan kan nghat chawrh a. Ka chhuah san dawn lai tak chuan a rawn ngik feih feih a,chuveleh ka hawi let a. "Aaa nuuuu.....!!"
.
Ka hriat tham lek chuan ka nui hak a. A thawmhnawte chu phelh sak a thawmhnaw fai hak tir te pawh tih awm tak. Mahse a lo harhchhuah hunah ka phelh sak a ni tih a hriat chuan a thinrim dawn nasa si a. Chuvang chuan zanin nanana chu ti hian awm rih phawt mai rawh se. Rei lo teah a rawn thaw ri sek sek a,tunah chuan a muhil ta e. Eng tia rei nge a muhil lai hmel chu thlir a ka din tih pawh ka inhre lo.
.
.
~~~~~~~~~~~~~~~~~~~~~~~~~~~~~~
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:20 pm

VERONICA' S P.O.V
.
Zing nichhuak chuan ka mutui lai chu min rawn chhun harh a. Bedsheed pawh ka nu in a thar min lo phah sak diam a nih hi maw le. Kan nui seih a,mahse chu chu thil theih a ni lo. Ka nu te chu a thi daih tawh a lawm. Khumah chuan ka thu chhuak hlawl a.
.
Kan hawi kual a,hlauhna in ka thauah min rawn man nghal a. Helai hi eng hmun nge ni ngai? Rim chhe deuh chu eng rim nge ni ngher nghur ni?
.
"Ka hlau tur a ni lo,rilru fim tak pu rawh" ka hmui chu ka chip leh rang kher mai. Ka ka rim chu....!! Ka thawmhnaw hak chu kan en a,luak ro tawh hi a lo khir eih uaih mai a. Chu thil ngei chu a ni rimchhe em em mai chu. Karei lehh....
.
Nimin a ka awmdan te chu ka la ngaihtuah let thei a,mahse zan lam thil thleng erawh mumal a hriat chhuah theih ka nei ta hauh lo.
.
Thla hnih chhung inluah man ka pek theih loh a vangin apartment a tang min hnawtchhuak a,a vawikhatna a tan club ah kal in ruih chhum hmawk ka tum a nih kha. Ka kutzungtang chu kan en a,a la kim vek e. Ka kezungtang te pawh ka la ti che thei vek. Tu emaw hian min ru bo ang a,ka thin emaw ka kal emaw hi min lo hralh sak daih a niang a...!
.
Room chhung chu kan en kual a,ka apartment pumpui ai pawh khan a zau daih zawk mai. Bakah furniture zawng zawngte chu a man a to tih hriat reng reng. Tukverh lian zet hi a awm a,tah chuan parda var a inzar a. Chuta tang chuan khawpui pum mai chu a langchiang hle a. Han hawi reng reng pawhin in dang ho chu a lang te hle a,ka awmna chhawng chu a sang hle tih a hriat theihnghal mai a.
.
Nizanah khan mipa ka mutpui tihna em ni ang? A nih chuan ka thianghlimna ka hloh ta tihna em ni? Ka thin a rim lo a,mahse ka hlauthawng a ni.
.
"Thawk la rawh Veronica, thawk la rawh". Khum a tang chuan tho in carpet var nalh zet mai chu rap in ka ding a. Helai hmun a min dah tupa hi tunge ni ang? Mi hausa tak chu a ni phawt ang a. Drug lalpa em ni ang? Ka thinghlimna min lak sak nge ka taksa peng min hralh ruk sak zawk?
.
Chutiang ang room chu Gossip magazine ah bak ka la hmu ngai lo. A ceiling, a bang, lemziak intar leh TV inhung zawng zawngte chu. Nun hi zawng a fair lo ngawt mai. Kei niin awmna tur in pawh kan neih loh laiin.
.
Ka awmna pindan a tang chuan ka chhuak a,a piah chiah chu choka a lo ni a,mipakhat ding ka va hmuh chuan ka phu chiang ngei mai. Kawr a ha lo va,min hnungchhawn zawngin a ding a. A vun a mam hle a,a dar a pharhin a ban puam te chu a nalh hle a, gym a kal regular tih hriat tak hian a pian zawng zawng mai chu a dik thlarh a. Chutah ka lam hawi chuan a rawn inher a,min han hmu chu a meng zau kawk a.
.
A hmel chu....ka hria. Caleb-a, Caleb Lockhart-a a ni chiang mai.
.
Min en reng chung chuan a chhawngthawp ei chu a keih a, a sam buang siau mai chu a hnawng chep a, a awm leh a dul chu chiang em em mai hian a lang bawk a.
.
A din na chu dawhkan phen a ni a, a kawng a chin hnuailam erawh a lan theih loh chiah chiah a vangin kekawr a hak leh hak loh pawh ka hre lo.
.
Lalpa, khawngaihtakin kekawrte tal chu ha hram teh se.
.
Ngun deuh hian min en a,ka chhip a tang a ka ke ler thleng mai chuan uluk takin min en tih ka hria. A rukin mawng a za chem chem mai.
.
"Bawih-i, i lan dan a tang reng khan nizan lam chu i chet fuh vak hmel loh hlemai" ban chap hian a rawn ti a.
.
Lalpa lehh....!!
.
"A nih kan......nang hian ka chungah?" Ka tawng chu a kat nak nak a. Ka awm bawr chu a thlir tlat a ka hriat a vangin rang takin ka hnute bawr chu ka hup nghal a. Ka ke lam chu kan en a,engmah reng ka bun lo. Ka pheikhawk te kha khawiah nge a nih tak daih le ?!
.
"Min han hrilh teh"
.
"Eng chu maw ka hrilh ang che?" A mitmeng ah chuan a nuih a za tih ka hria. Biangsum lang seih hian a rawn nui a, ka zawhna awmzia pawh chu a hre reng. Tiang a mi tihkual ching hi an ngeiawm ka ti tlat.
.
Ka lam pan chuan rawn phei a tum a,chu veleh "Min rawn hnaih suh" ka ti chhuak thawt a.
.
Mak tih hmel zet hian min rawn en a. "Eng a ti maw?"
.
"Engvang a heta awm hi nge ka nih?"
.
"I hre tawh nange?"
.
"Eng chu maw ka hriat ang?"
.
A hmel chu a thim deuh khup a,thil eng emaw lawmawm vak loh a ngaihtuah chhuak ni ngei tur a ni. "Mi hur deuh pakhat in a lo man che a,duh se chuan a pawngsual thei khawp ang che. Ka rawn chhan hman che vang chauh in"
.
Ka ka nghal hau a.
.
"Chu mai bakah ka car chhungah vawi hnih zet i la luak zui"
.
"Pawngsual aa!!" Ka ngawi deuh dat a. "Chupa chu nangmah pawh hi ilo ni zawk maithei a sin"
.
"Hmeichhia ka mutpui dawnin tumah ka ti lui ngai lo" a hnunglam chu nghengin a kut chu a kuangkuah a,a ban lian zet chu ka hmuh hmaih thei lo.
.
"Ka lawm e" kan ti chhuak sap a. "Mahse nizan a thil thleng kha engmah ka hrechhuak thei tawh lo"
.
"I rui em a lawm"
.
"Luak i tih lai vel chu ka hre deuh reuh"
.
"I pentawng miah nange a?"
.
Aih tih nan ka lu ka thing a.
.
"A va mak ve"
.
"Enteh,ka pheikhawk min pe let leh la,chuan he hmun hi ka chhuahsan nghal vang vang ang"
.
"I hmanhmawh lutuk a nih kha"
.
"Eng a??"
.
"Kar hmasa lawk a ka car lei thar chhungah i duhtawkin i luak a"
.
Ka hmui chu kan seh vang vang a. "In hausa tho a ni lawmni?" tihpahin kan hawikual a. "A tifai turin midang i ruai leh mai thei ang chu"
.
A mithmul chu an kan ak a "A nih chuan midangin i luak chu thianfai se i ti tihna em ni?"
.
Ka ha chang chu ka thian rap rap a. "A nih eng a tan nge min tih a?"
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:20 pm

A dinna a tang chuan a rawn pen chhuak a,tunah chuan a taksa pumpui ka hmu thei ta. Sweatpants a ha hlauh erawh ka thaw huai mai
.
"A nih heta tang hian chhuak ta ang la khawi hmun nge i pan ang a?" Dawhkanah chuan apple a inchhawp a,pum khat chu a la a. A ni zawng chenna in neih loh leh riltam tih velah buaina tur pakhatmah a nei lo.
.
"Eng nge i sawi awmzia chu? Kan inah ka haw ve ang chu mawle". In ka nei lo tih ka inhria,mahse a nin a hre ve kher chuang hleinem.
"A nih khawilaiah nge in awm?" A apple ken chu a vawr zauh zauh reng a,kei lah riltam a vangin ka pum a ri ruk ruk tawh a.
.
"I lo buai ve na tur a awm lo"
.
"I nunna ka chhanhim sak che a,bakah nizan khan chhenna tur i neih loh thu min hrilh bawk a. I lan danah kha chuan tu emaw in i neih zawng zawng a laksak vek che a nih duh hmel"
.
Mak ti in ka ka leh ta hau mai. "Eng nge chu chu i lo ngaihven ve vak a?"
.
Ka zawhna pawh chhang ta lo chuan "Hawnna tur chu i nei tak tak em?" a rawn ti leh a,a aw chu a dam in mi lainatna aw ri a ri tel tlat. Ka mittui chu a hnam sawk a, inher in fridge chu a hawng a.
.
"Kha..." tihpahin ka lamah chuan tui bottle a rawn theh phei a. Lawmthu hrilh ka duh viau a,mahse ka sawi thei lo. "I rimchhiat zia kha i inhria em?"
.
Ka nui hawk a....ka nui nghal hawk hawk a,rei lo teah ka tap zui nghal a. Mahni inkhawngaihna in ka khat a ni. Ka mawl deuh emaw a ti ngei ang.
.
"I awmna tur hmun i hmuh hma chu tinge ka apartment ah hian i rawn chen ve mai lovang?"
.
Rang takin ka hawi chho a, "I ti lawmawm hlemai. Mahse i mi khawngaihna erawh ka pawm lo mai zawk a nge"
.
"A nih khawiah nge i kal ang? Hnuchham in ah maw?" min rawn en a. "Ngaithla teh,pakhatna ah chuan hetah hian keimah chauhin ka cheng a, tumah hetiang hian ka la sawm ngailo. Pahnihna, helaiah hian i him ber ang,a chhan chu kei ka awm ve a vangin. Pathumna" an ngawi deuh dat a. "ding, ding, ding! A free in i awm thei ang"
.
Ka meng kawk mai. Kei a chan tur a tan chuan a ropui mah mah a ni. "Engvanga min tanpui nge i nih?"
.
Eng emaw sawi tum hian an ang zuau a,mahse lu thin pahin "Ka hre bik lo" a ti ta zawk a.
.
Caleb Lockhart nen a in thawl nuam tak mai a han chen dun chu.....chu pawh a thlawn vekin lehnghal. "Mahse nawhchizuar angah min hman i tum vaih chuan"
.
Mak tih hmel deuh hian min rawn en a. "Nawhchizuar ka mamawh reng reng lo. Ka body hi i hmu em? Hmeichhe mutpui tur hmu zo lo turah min ngai em ni? " an nui hak a. "Ka mutpui i duh a nih chuan, pawisa i chawi a ngai zawk hial ang"
.
Kan en deuh hrawk a. "A nih chu mawle....han sawi zel teh. Ngaihnawm ka tih hi chuan tian ka ham bai bai zel" kan ti a.
.
A meng zau kawk a,nuihza deuh hmel a pu a,a mitmu hring nghal mai chu a nal takzet. "Eng pawh nise va inbual phawt teh. Ti kha chuan i lang bawrchhawr tlat. Bakah tiang rim pu hmeichhe chenpui zawng a class lo emai"
.
A sawi dik chiah. Ka rim chu a class hlawl lo a lawm. Bathroom ka pan hma chuan kan hawi let leh a. "A nih eng nge ka tih sak ve ang che?"
.
"I lak a tang hian tuman engmah an beisei ka ring lo" a lo ti a.
.
"Khai....i ngaihdan a nih chu" tihpahin kan nui hak a.
.
Nitin mai a engtin nge ka nun zel ang? Eng nge naktuk tlaiah ka chhum ang tih ngaihtuah reng mai zawng, ngaihtuah thiam phak bak a hahthlak a ni.
.
"Eirawngbawl te pawh ka thiam a nia aw.."
.
"I thiam tak tak maw?" Mipa naupang a duh zawng tak leisak hmel hi a pu a. "Tha lutuk. A nih chuan vawiin tlai chu ka homework min tih sak pahin ka zanriah tur min siam sak bawk la a tha ang" a rawn ti a. "E tak a,i hming ka la hre miah lo"
.
"Veronica Strafford."
.
"Veronica" ka hming a han lam chu ka nuih a za ru deuh tlat. "Kei hi Caleb Lockhart ka nia"
.
A ni te chu ka hre chiang a lawm. Engvangin nge ka hriat lovang? Kan college ah a hming hre lo an awm tawp nang.
.
"Khawi college ah nge i kal?"
.
"Helai a ka rawn awm ve dawn a vang hian ka chungchang ka hrilh vek dawn che tihna a ni lo ania. Ni lawmni?" Ka lo ti vat a.
.
"A nih va inbual thuai teh. I duh leh ka thawmhnaw i ha mai dawn nia" an nui hak a. "Ka kekawrte pawh"
.
Ka ner sak a. Ka cheng ve ringawt dawn chu a nia,ka ti dik ber a ngem? Mahse khawiah nge ka kal chuan ang?
.
"Nizan a i mutna room kha i room a tan i hmang nghal dawn a nia. Bathroom pawh a awm nghal vek kha. Ka chhuak lawk dawn a,i in ang chiah in i ngai dawn nia" . A free tak tak ang maw? A awm loh hlan a in nghak tu tur ten engtin nge min rin nghal theih zawk le?
.
"Ka....ka lawm e"
.
"Nuam ti takin hun i hman ngei ka beisei Red"
.
"Ka lawm e." A body chu en loh hram ka tum nangin ka melh lo thei lo.
.
.
END OF CHAPTER -1

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:21 pm

Chapter 2

Copyright © Noah Hringngen
All rights reserved
www.storyfb.com
CALEB'S P.O.V

(A hnuai para hi i ti danglam anih chuan mi kutchhuak khawihdamlamtu i ni a, hremna a nem lo ang, story ruk thubuai bakah mi kutchhuak hre reng chunga ti hmelhemtu i ni ang a, i chungthu a rit hle ang.

Whatsapp group a story ruk ching ho khan lo ru tawh lo ula, induh anih chuan share on whatsapp tih atang khan a link nen share ve mai rawh u, whatsapp group atang chauh a chhiar tum ho kha chuan chhiar ve tawh lo mai teh u, a ziaktu in a post na hmun a chhiar peih lo chuan thuziak leh a ziaktute zahna leh ngaihhlutna an nei loh avangin chhiar ve lo mahse a pawi lo khawp mai.)
Ka motor chu sil turin a silna hmun lamah ka dah a,school kal nan erawh bike ka hmang rih thung a. Inrinni a ni a,ni a sa rum rut a,nghawngte chu a em ut dawn emaw tih mai tur a ni. Ka helmet sir a tang chuan ka thlan a luang zawih zawih reng a. Chuti chung chung chuan ka rilruah erawh in lam ringawt a awm thung.
.
Eng nge maw ka ngaihtuah tak mai le..? Hmelhriat loh nula lehnghal.
.
Nizan kha chuan pawisa pek a a ma apartment tur ngaihtuah ve tur a kal tir mai kha ka rilruk a, tichuan a lakah ka kut ka sil vat ang tih ka ngaihtuah a,mahse tukin khan chung ka ngaihtuahna te chu an bo zo lehnghal vek. Tukin a ka han hmu leh chiah kha chu ka hmaah khan Sazuk ram tla va nanchin thut ang vel hmel kha a pu a, inthlahrung hmel zet a a mitmu uk khar mai a min han melh kar mai kha chu, keimah zawk khan chet ngaihna reng ka hre lo.
.
Ka duh a ni.
.
Bike handle chu nghet takin ka vuan a, hmeichhia hi ka chaklohna an ni tih chu ka hria. Mahse tu hmeichhia mahin ka rules min la bawhchhiat tir ngai lo. Ka mamawh ka tih zawh tawh chuan tu hmeichhia mah hi zan ka riah pui ngai lo a, ka in a riah tir ngat phei chu a hnai lo.
.
Red-i nen chuan reilo te kan chauh kan la inhria a,ka rules ka bawhchhe nghal der mai. Eng hmeichhia fakau nge maw a nih le...?
.
Bike chu parking lot ah ka dah a,ka bag chu ak in ka sana ka han en a,ka tlai der tawh mai. Coach ka hmachhawn a ngai ngei dawn e.
.
.
Kan coach chuan locker room a ka inthlak chhung min zilh ngat ngat a,ninawm duh tak a ni. Mahse ka haw chuang lo. Hauh ka ngaih hunah chuan ka pa ang mai in min zilh a,chu chu pawi ka ti lo.
.
"In warm up la,chumi zawhah drill ho lo va zawm ve ang che aw Lockhart" tih pahin ka hnungah min rawn beng thak thak a.
.
"Tehreng mai Captain" tihpahin salute kan pe a.
.
Darkar 3 zet kan practice a,a chauh thlak duh hlemai. Locker room lamah ka thu hahdam a
.
"Hey bawiha, nizan kha khawiah nge i lo kal bo daih a?" thawk hlawp hlawp pahin Cameron-a chu ka bulah a rawn thu a.
.
"Ka haw daih mawle. A boring ka ti deuh a" ka jersey chu ka phelh a, ka thlan nasat em a vang chuan a huh dup a.
.
"Hmeichhe mawng nalh tawkin a club a a be lai che kha ka hmu a nia aw" tihpahin ka sir lehlam chiahah chuan Justin-a chu a rawn thu ve bawk a. "I score em?". A hmai a hnek chawrh mai chu ka duh rum rum mai. Justin-a chu ka thianpa a ni a,chutiang sawi chu a nuam tih zawng a ni. Mahse tiang zawng a kha nu chungchang a sawih erawh ka lawm vak lo.
.
"Aih"
.
Ka awmdan chu Cameron- a chuan a lo man thiam nghal mai. Tukin kher kher hi chu ka tawng peih thlawt lo.
.
"I tha maw bro?" ngaihthat loh hmel zet hian a mitmu pawl kak mai chuan min rawn en a.
.
Ka pheikhawk chu ka phelh a,thutthlengah chuan ka dah a. "Umm, hahchawlh lawk ka duh" tiin ka chhang a.
.
Locker chu hawngin kawr fai,kekawrte leh kekawr ka la chhuak a, Red-i chu ka ngaihtuah tawp thei thlawt lo. Ka thluak chu a luah tlat reng mai. Ka phone chu kan la chhuak a,message a lo awm a.
.
.
Allesandra : 'Hey bawihte, zanin chu kan ti dawn em ni ang?'
.
.
"Tunge Allesandra-i chu?" kan ti chhuak thawt a. Justin-a chuan ka message chu a rawn en vat a.
.
"Khai leh Cal, mipa dik tak i lo nih ngei hi haha. Brian-a cousin kha, nihnih liam ta a practice tur a lo kal ve kha"
.
Cameron-a chuan a kut chang a lo ham ri a. Ner deuh sak pah chuan towel ka la a,shower lam ka pan daih a.
.
.
Caleb: 'Tehreng mai biangnote. Kan tihna hmun tur rawn sawi la,kan inhmu dawn nia'
.
.
****************************************
.
Zing dar 2 bawr velah ka haw chauh a,in ka thleng chu ka chau tawh bawk nen ka pei lut deuh khat khat a. Ka bag chu chhuatah ka theh thla tawp a,living room ah chuan ka inphelh nghal mawlh mawlh a. Ka apartment chu ka kut ang mai a ka hriatchian a vangin light on vel kher pawh trul ka ti lo. Fridge awmna lam ka pan ding a, serthlum tui chu ka lachhuak a, ka nu hian tiang a chauh tawngkhawng lai a theitui in vak hi a rem ti thin lova,mahse tunah hi chuan ka thu ber rih tlat. No 3 zet ka in zawh chuan ka puar ta lung mai. No chu thil silna ah ka dah a,inher in bedroom lam pan ka tum a, mutchhuak tawh nen men pawh ka meng hleithei tawh lo.
.
"Owwww...!! What the f**k! "
.
Light chu a rawn eng pup a,ka mit a vai a,ka meng thei lawk lo.
.
"Aaaaaaa......!!" Red-i chu a rak tuar a, a mit a hup nghal a.
.
"Ruakin i awm a niaaa...."
.
Rang mangkhengin ka hma lam chu ka hup nghal vat a,ka hnungzang chu a rawn na thip nghal zawt zawt a. Kan en chu Red-i chuan ka baseball bat hlui tawh chu a lo hum a, ka hnungah chuan min rawn hlap pawp pawp a. Min thah a tum em ni? Professional killer a ni hrim hrim ang.
.
"Eng thil nge i tih hi?" Chhuatah chuan min vaw bawk thlawp a. Na lo lai reng a awm lo. Ka hnungzang,ka lu,ka ke...a na em em vek mai. Chhuatah chuan bawkin ka rum truah truah a.
.
"Ka tihpalh lutuk, rukru i ni emaw ka tia" a mit la hup reng chung chuan a rawn ti a.
.
Rukru ka ni ang maw...? Chu pawh mahni inah lehnghal..!!
.
"Bat kha dah thla vat rawh. A nih loh chuan i mawng kha ka hlap duk vek ang" kan ti ringawt a. Mahni chuan thawh pawh ka tho thei tawh lo.
.
Ka mawng lah chu a lang kung mai bawk si. Ka bulah chuan rawn thingthi in towel in min rawn khuh a, ka nghawng bulah chuan a rawn kun hniam a. "Caleb, ka tihpalh lutuk aw. Ih englo ania......hey, a na em?"
.
Ka darah chuan a rawn vuan de de a, a lam hawi chuan kan ring chu kan her a,chuveleh a kut chu a la sawn lehnghal vat a. Min rawn vawn khan ka dam sawng sawngin ka hria.
.
"A nat loh i ring a mi?" Ka duh aiin ka aw ki chu a vin hret. "Min thah i duh te chuan ka lu ah tum ta che,ka taksa ah ni lovin" a mitah tak chuan ka melh ram a.
.
"Light te kha on ve mai ni la chu tiang khan ka che miah lovang" a ti nuah nuah a.
.
Ka lu pawh chu ka kan hlei thei lo. T-shirt var,a hma a zawhte thau deuh in a bawnghnute a liak lai lem chuanna a ha a.
.
Zanin chu dik lohna ka nei tlat. Kha sambuangnu nen khan kan va inhmu ngei a,mahse zan dang angin ka phur thei lo. Sex pawh ka hman pui lo. Kan han tum ve ngial a,mahse ka hlawhtling lo. Ka pa emergency in damdawiin ah an dah tiin ka chhuak thei hlauh a. Cameron-a ka phone a,zu kan in dun a.
.
Chu nu chuan Victoria secret models ho hak ang lingerie a ha a, Red-i erawh chuan T-shirt pangai, zawhte thau deuh lem awmna a ha thung. Mahse Red-i chuan phurna min pe daih zawk thung si. Dik loh deuhna chu ka nei chiang mai.
.
"Ngati nge khatia i nuih vur vur a?" a rawn ti a. "I thluakah khan ngaihtuahna dik lo a awm chiang mai"
.
Ka nui vur vur tih pawh ka lo inhre lo reng reng. Ka lu chu a rit luk a, carpet ah chuan ka biang nghat in Red-i rim tui chek mai chu kan hip lut vang vang a. A shampoo hman strawberry rim chu a nam veng veng a.
.
Strawberry chu ka thei duh ber ang maiin ka ngaina nghal dawn in ka inhria.
.
"Ka vaw na viau che em?" zawite hian a rawn ti leh a.
.
Ka dar ah chuan rawn vuanin min kaihthawh a tum a,mahse ka la tho peih rih lo.
.
"Ka tihpalh lutuk aw Caleb" . Awii kareii...., a aw te chu a thlum ngawih ngawih. 'Min nei duh a ngem?' ti a zungbun bun tir nghal rum rum mai ka nap.
.
"Ka tha e Red. Mahse hei aia ka inlak fit deuh tawh chu a ngai dawn a nih hi. Mahse zanin a tan chuan in vuak belh tawh rih lovang aw" ka maimitchhing a.
.
Kan meng riai riai a, a ke ah chuan nail polish sen a inhnawih tih ka va hmu a. Sexy lutuk.
.
"Ngati nge Red ti a min koh a?" a aw ah chuan a hrechak hle tih ka hre nghal mai. "Ka sam a sen pawh a nih loh a". Ka han en nawn leh a,a chalah chuan a sam chhawl leng a rawn tla siau a.
.
"I hre tawh nange...kan inhmuh hmasak ber zan khan lipstick sen deuh i inhnawih kha". Ka thusawi chu hria awm ang pawn a lang duh lo.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:21 pm

"I room lamah ka kal pui dawn che em ni ang?" a tawng danah aih ti a ka chhan a beisei hle tih ka hria.
.
"Engmah ka ha lo tih i hriat ve reng hi. Towel a ka mawng i khuh a vang ringawt hian hma lam a lang thei lo tihna a ni hleinem" ka ti a.
.
A nui ta hak hak a,ka bengah chuan lasi zai ri ang mai a ni. Mahse ka inrin hmain a nui tawp ta daih mai. Ka kham lo.....engtin nge ka tih nuih leh ang tih ka ngaihtuah hman hial.
.
"A nih chuan body bag ka rawn lak mai dawn che em ni ang?" a tawng danah a nuih a za tih ka hre thei.
.
"Min that tur a rawih chu i ni em lo ang ti raw..?"
.
"Aih ti ta i la i awih a ngem?"
.
Ka mit chu chhing in kan rum hak a. "Aaaaaahhh......i rapawm reuh tlat Red"
.
"Nang ai chuan ka rapawm loh zawk ang" a nui leh hak a.
.
Kan ngawi vang vang a.
.
"Min CK pui i tum chiang mai" ka ti a, engtin nge min chhan tih pawh ka hre zui tawh lo. Bawngsa kan rim hmui rum rum chuan min ti harh hlawl a. Ka lo muhil tui hman hlemai.
.
Ka thil min lo en ruk sak em chu ka ring lo. Lukham min lo kham tir a, blanket min lo sin tir diam bawk a. Ka tho chhuak a,mahse ka thawmhnaw ho erawh ka hmu tawh lo. Ka muthilh hlanin a lo su fai a ni ngei ang.
.
Blanket chu vengin choka lamah chuan ka va phei a. Min hnungchhawn zawngin a ding a,stove hmaah chuan eirawngbawl in a lo tul hle a. Ka tukthuan tur a siam mek chu niin....a rukin ka hlim veng veng mai.
.
A sam chu sang takah a trawn a, a trawn bang ho chu a nghawngah chuan a uai siau a, kawr thawl lam leh jeans a ha a, club a ka hmuh nu nen kha chuan an in ang tawh lo riau in ka hria.
.
"Hey...mikhualnu.." ka aw chu a la chhang tuau a. A phu nasa lutuk chu a plate ken lai pawh chhuatah a thlauh tep a.
.
"Tiang khan zingah i zuang thin a ni maw?" Nui chungin kan fiam zui a.
.
Thinrim trep,thinrim ngam si lo ang type hian a nui suk a.
.
"Inthlak vat la i tukthuan tur hi rawn ei rawh"
.
"A nih chuan ka puan ven hi ka phelh ang a, tukthuan a tan min hmang rawh i tihna em ni? A va nuam dawn ve" ka mithmul kan kan ak a. Hetia fiam vel hi nuam ka ti riau,mahse chin tawk ka hre lo ang ti erawh a hlauhawm viau. A lu a lo thing nasa mai a.
.
Bedroom lamah ka kir a,ka ha ka nawt a,ka inbual a, jeans ka ha bawk a. Choka lam a ka let leh chuan chhawngthawp kan leh artui kan a lo chhawp a,a siam thiam hmel hlemai.
.
Stool ah chuan ka thu a, plate leh fian bakah juice min rawn chhawp sak bawk a.
.
A inher a,choka a tang chuan a chhuak daih a. Ka bulah thu in rawn kil ve se, ei dun in titi dun ila tih chu ka chak ber a ni. Mahse Caleb Lockhart -a chu tu hmeichhia mah thil a ngen in a dil ngai lo.
.
Mahse tun a ka hmeichhe tawn hi chu a danglam tlat. Ka duhthusam rawn thleng dik ang mai a ni.
.
.
************************************************
.
VERONICA'S P.O.V
.
Choka a tanga ka chhuah hnu chuan bedroom lam panin khumah ka lawn nghal a. He khum nawm zia hi...room,bathroom, engkim mai chu a nuam vel vek. Shower te lah chu....foresh shower, steam shower, duh ang ang a adjust theih a ni a, bath tub lian lutuk erawh ka ngaina tehchiam lo.
.
Khumah chuan thatchhe zet hian ka mu a, ka mitthlaah chuan Caleb-a hmel ringawt a awm a. Ka star lo tiin keimah leh keimah chu ka inhrilh nawn mawlh mawlh a,mahse dawt ka infah mai zawk a ni.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 12:21 pm

Choka a tanga khatia ka chhuah daih khan eng nge a ngaihtuah ang le tihte ka rilruah chuan a awm a, dik tak chuan ka awm ve reng zawngin ka mit ka veng zo lo ang tih ka hlau a ni. Thawmhnaw mumalin a ha bawk si lo.
.
Ka khum bul a ka nu thlalak ka dah chu kan en a, "Ka nu...." kan nui deuh sak a.
.
Caleb a'n chhun a min chhuahsan hlan khan ka thawmhnaw leh ka laptop ka va la a,hna dang ka zawng kual nghal char char bawk a,a chhan chu tun a ka hnathawh lai hi ka hne ani.
.
Ka lehkhabu khum a ka dah let remrum chu drawer lamah dah phei ka tum a, drawer chhungah chuan Condom a lo awm nual a. Urghh.....Caleb-a hian a hrat ve viau ani maw...!
.
He khumah hian hmeichhe tam tak a lo mutpui tawh awm si a. Rang takin bed shet leh lukham kawr chu suk a tan ka hlip nghal vek a. Ka ten deuh tlat.
.
Bathroom nuam zet a ka inbual zawh hnu chuan ka yoga kekawr ka ha a,kawlum pan tak ka ha bawk a. Ka sam chu a la hnawng deuh chap a,mahse hei erawh pawnah ka chhuak ang a, a ro ve mai ang. Ka mamawh tur ang chu ka bag ah khungin chhuah ka tum chiah chu ka ke la ro chiang lo nen chhuatah chuan ka tawlhthlu zawt a.
.
"Ouchh.....!!" Ka chal chu ka dawm vang vang a.
.
"Hey..Red..!!" Caleb-a chu ka bulah a rawn tlan phei nghal a,ka bag ah chu a rawn hmu a.
.
"Chhuah i tum em ni a?"
.
Sawi tur ber pawh ka hre lo.
.
Kawr a la ha ta chuang lo. A work out zo chiah tih hriat tak hian a awm chu thlan in a ti hnawng chap a. A chet zawng a a tihrawl che vel te chu hmeichhe hur deuh tan phei chuan khurh pui tham a ni.
.
"E tak a....,ka lo hrilh theihnghilh daih che a. Vawiin chu i room ah hian lo inkalhkhum rawh aw. Ka nu a rawn kal dawn a"
.
"I nu chu i van hlau awm ve a"
.
"Hlau e, chuvang chuan la inhmu rih lo ula ka duh"
.
"Chutin ka awm reng thei lovang Caleb. Lo kal se la, i in tifaitu angah ka insawi mai dawn a lawm"
.
"A chi loh. Hmunphiah a awm bawk si lo. A rei lovang,ka chhuah tir vat ang a, chuan i rawn chhuak leh mai dawn a lawm"
.
Kan thaw hak a. "A nih leh le"
.
.
.
Pawn lama an tawng thawm te chu ka hre thei a, rei lutuk phei chu a ni lo. Kawngka chu a rawn inkik karh karh a,kei chu ka nghahna hmunah chuan ka lo thu reng a.
.
Kawngka chu tlem a rawn inhawng a "Red?"
.
"Eng nge?"
.
"Ka nu in thil tihpui lawk turin min duh a,zanah kan inhmu leh mai dawn nia" zawite in a rawn ti a.
.
"A tha a lawm" ka lo ti a. Kawngkhar phen a tangin inhmu thei si lo in naupang inhrilhru ang mai hian kan inbia a.
.
"Min lo ngai a ngem?"
.
Kan ngawi deuh dat a "Tehreng mai Caleb"
.
A hrawk an thian kharh a "Kan inhmu leh vat dawn nia aw Red" kawngka chu a khar a.
.
"Kan inhmu leh vat dawn nia Caleb" ka hriatthiam lek chuan ka ti a,ngaithlatu tur pawh an awm tawh lo.
.
www.storyfb.com
END OF CHAPTER -2

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)