※ RED & WHITE ※ BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: ※ RED & WHITE ※ BY Noah Hringngen

Unread post by Ngaia » October 30th, 2016, 1:01 pm

※ RED & WHITE ※ . Chapter -21


Postby Noah Hringngen » Wed Oct 19, 2016 11:32 pm
.
VERONICA'S P.O.V
.
"Nizan lam i kai tha chhalh chhalh bawk a, pentrawng loh ngaina a awm lo". Caleb-a chu a khumah mu in a puan sin var chuan a inkhuh hlun a, a lukham chuan a hmai a khuh bawk a, a lu na ti chu a rum a rum a. "I rimte ngher nghur kha. Hem huam a"
.
Na tih hmel deuh hian a rawn rum leh deuh vak kher a
.
"Chuti khawpa na ti te chu tho la, nachhawkna va ei mai ta che" ka lo ti a.
.
"Eng nge maw khatia min lo vin vak vak kher a Red?" lukham chhan a tang chuan a rawn ti a.
.
"Ka vin che em ni?". Nuih loh hram ka tum nangin a har duh khawp mai.
.
"Pentawng damdawi tha deuh i hria em?" tihpahin a thaw halh a.
.
"Rui renga awm a ni mai"
.
A lukham chu tlem a la sawn a,a mitmu hring nghalh mai chuan min rawn en a. "Fiamthu thawh nan min hmang deuh elaw a...?" A aw a tang chuan min nuih zat deuh reuh a ni tih ka hre thei a.
.
Keimah zawk chu ka lai leh ta tlat pek a. Hetianga min tih hi chuan keimah zawk hi ka zak a,ka biang a sen nghal tawn tawn zel. A ri lo hian a rawn nui a,ka fiamthu thawh ni lovin keimah chu min rawn nuih a ni.
.
"Hnathawk tura ka chhuah a ngai. Nachhawkna chu lo inlak mai rawh aw" ka ti a, mahse engtin mah min chhang lo. A ngawi reng a.
.
"Caleb...?!"
.
Chhanna ka dawng chuan lo. A muhil leh tawh emawni. A banin a mit a hup a, tukverh a tanga eng rawn lut chuan a mut a ti nuam lo a nih ringin parda ka zar sak a, engmahin tibuai rih suh se.
.
Rei lote hnuah a rawn thaw ri sek sek a, ka huaisenna zawng zawng sawmkhawmin ka kal hma ka zuk kun hniama,a biangah ka zuk fawp zeuha.
.
"Lo dam thuai thuai ang che aw Caleb ka lo haw leh thuai ang". Ka inher a,kal nghal ka tum a,mahse a study table a a thil dah chuan ka mit a la riau. Bawm dum, a chhin tlema inhawng kau deuh hi a lo awm a. Pan hnaiin ka la a, dim takin ka hawng a. A chhungah chuan ka lehkhaziah, a chhiar tur a fridge kawngkhar a ka bel thin ho zawng zawng kha uluk takin a lo dahtha thlap chu niin. Ka ke ler a tanga ka chhip thlengin a hit chhuak nghal vek. Ka lehkha ziah hmasak ber a tanga a hnunhnung ber thlengin uluk takin a lo dahtha thlap a.
.
Oh...Caleb.
.
Ka kal hma ka inher a, rei vak lo ka melh vang vanga, chumi zawk chuan ka chhuak nghala.
.
Nizana Caleb-a rawn thlah haw tu Justin-a kha kan college a mi tho a ni tih ka hria. Mahse college lian tak a ni a, chutin min hmu mai mai tawh lovang. Min melh dan kha a dik tlat lo. Amah erawh tlangval hmeltha leh hmeichhe duh chi tak a ni,mahse ka rin chi a ni lo. Bakah campus chhunga mi tu pawhin Caleb-a nen kan cheng dun a ni tih hi hre lo se ka duh bawk.
.
Beth-i dawrah ka thawk a, vawiin chu Cam-i pawhin min rawn pui dawn tak e. Ka thlen veleh dawr ka hawng nghal a, Inrinni a ni bawk a, nidang zawng aia buai zual ni. Keimah chiah ka la thleng a,mahse a nuam ting. Duhtawka Caleb-a ngaihtuahna hun ka nei tihna a ni mai.
.
Caleb-a hi chuan min hmuh hi chuan engtiklai mai pawh hian a rilruah sex a ngaihtuah thei reng a nu tih ka hria a,kan intawh a, kan innawk ngat phei hi chuan. Mahse tun thleng hi chuan ka lakah vawikhatmah a chet mawi loh sawi tur ka la nei lo. Mahse eng nge hma hun ni ang? Insum zawh loh hunte hi a la awm ve mai a ngem?
.
Chu chu ka buaina ber pawh a ni. Sex hman chu ka duh lo bur. A chhan chu ka duh lo a ni tawp mai. A nih loh pawhin amah ringa, a chunga innghat thei tur hian thil beiseite pawh ka la nei a ni mahna.
.
Nilengin ka buai a, min rawn pui tura ka tih ber lah chuan min rawn pui leh hmam ta bawk si lo. Dawr kan khar tep tihah chuan customer an rawn lut leh hlawl mai.
.
.
"Hey Red...?"
.
Ka phu chiang lutuk. Dawr chhungah chuan Caleb-a a rawn lang hlawl mai.
.
"Caleb...!!". Ka thawk a buai titih nghal kher chu ka hua. "Eng nge hetah i rawn tih a?"
.
"Ka duat lai hmu turin ka rawn kal" tihpahin a rawn siai zeuh a. A lang dang(pale) deuh chui a, dark circle a nei bawk a,mahse chu chuan a la ti lang chhelo tho.
.
Engtik lai pawh a hlim hmel min put tir tu leh mi special tak ni a min inngaih tir tu a ni a, chu thil hote chuan ka thinlungah thu a sawi lian tlat thung si a.
.
Min rawn nuih suk a. "Eng nge i nuih tihzatna deuh ka nei leh tawh em ni?"
.
"Hmmm......deuh kher che hian a"
.
A nui hak a. "Han sawi teh le, inthlahrung reng reng suh. I fiamthu thawh hi ngaihthlak a nuam ka ti. A sawi tu hian a zir bawk em a ni ang"
.
"A teuh lo mai-"
.
"Hey Caleb, eng nge i rawn tih dawn a?"
.
"Dylan! Ka tha lutuk e thianpa. Eng nge i an a?"
.
Cam-i leh a unaupa Dylan-a chu an hmel leh cheziaah reng reng pawh an inchhun lo ve hle a, tu vak mahin unau an ni tih pawh an hre kher lovang. Thian inngaih tak ang maia an inkuah lai chu ka thlir reng a, keipawh chuan dawr chu ka khae nghal a, Dylan-a nena kan inthlah fel hnuin ka chhuak a.
.
"Khawiah nge kan kal ang Red?"
.
Uluk takin a hmel ka en a,a la pentrawng deuh reuh tih ka hria. Mahse tukin lakahte kha chuan zia tawh tak a ni.
.
"Zanin chu engmah ti kual lovang. I apartment lamah let leh vat zawk ang"
.
"Aww...." a mithmul kan hru pahin a awm a dawm a. "Red, min ngaihtuah lutuk a nih kha. Ka tha tawh tehmai a nia. Lu a na riai riai tih bak sawi tur dang vak a awm chuang hleinem" tihpahin a kut a rawn phar a
.
Ka lo nui haka,a kut ka lo vawn sak nghala.
..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:02 pm

"Duh leh tian in date tur ang pawn kan chhuak daih thei a nia" a rawn ti a. "Kal chak deuhna te i neih phei chuan sawi rawh. Ka commender i ni e"
.
Ka nui hmel chu a reh mai thei lo. "A nih chuan haw ang"
.
"Hawn a duh a nih chu...."
.
.
Caleb-a apartment kan lut felh deuh tiaha chuan a phone a rawn ri ral rala, a an en chuan chhan peih loh hmel a pu nghala.
.
"Tunge aa...?"
.
"Beatrice-i a nia"
.
Caleb-a nen hian tette a tanga inkawm chho an ni a, mahse a rawn bia tih ka hriat chuan ka trek nghal phat ni mai hian ka hria. Engtinmah a awm lo angin lang lui tlat mah ila ka landan ang ngawt erawh ka ni hauh lo.
.
"Chhang ta che maw le..."
.
A mithmul a rawn san ak a.
.
"Chhang rawh. Engmah thikna ka nei lo. Ka ti tak tak"
.
A lu a bu nghauh a. "Hello..?....Aw tha e......Tunah hian maw?" min rawn melh a. "Lawkin aw.." A phone chu on hold ah a dah vat a. "Tunah hian ka apartment lampan a rawn kal a tum mek a. Chu chu i tan a nuam lo a ngem?"
.
Ka rilru a nuam lo ru tan ngei mai.
.
"A rem loh chuan a rem loh thu ka hrilh mai ang. I tih dan dan a ni mai Red. Engmah sawi hreh suh". Ka banah a rawn vuana.
.
"Aih, rawn kal tir rawh. Kei chu ka chhuak rih mai ang, hun thawl ka pe ang che u. A reng reng thu ah phurrit ka siam tam tawh reng reng che emai"
.
"Eng tin a?" Ka hma zawnah a rawn ding siah a. "Engtia kha tiang thute kha sawi ngam nge maw i nih le..?"
.
Ka lu ka lo thing a. "Rawn kal turin hrilh rawh Caleb"
.
"Aih"...a aw ah chuan a lungawilo tih a hriat reng a. "Chu chu tha berin i hria em ni a?"
.
"Engtia tha ber maw? A nghah reng che kha" a phone lam chu ka en a.
.
A ni erawh a tum deuh hmuk a.
.
"A nih leh.." ka kuangkuah a. "Ka chhuak lo ang"
.
Za lutuk lo hian a nui deuh suk a,a phone chu la kangin a beng bulah chuan a dah a. "Aw le...lo kal rawh"
.
An inbiak zawh chuan ka darah min rawn kuaha. "Engmah nuam lo tihna tur a awm lo a nia aw Red, nangmah hi i pawimawh ber". Ka mur sung sung mai. A kutzungpui chuan ka hmui hnuailam chu zawitein a rawn chul a, "Nangmah chauh...., ka tan nangmah chauh". A rawn kun hniam a, lungchim takin min rawn fawp vawng vawnga, tunah chuan ka ngaihthat lohna zawng zawngte chu thehhmeh ang hlauh ani.
.
.
END OF CHAPTER -21

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:04 pm

※ RED & WHITE ※ . Chapter -22


Postby Noah Hringngen » Fri Oct 21, 2016 10:53 pm
CALEB'S P.O.V
www.storyfb.com


Red-i phalna engkim ka lak hnuah Beatrice-i chu kan in a a rawn thlen ka phal sak a.
.
"Nangmah aia pawimawh tumah an awmlo a nia" zawitea tih pahin a biang ka vuana. Ka kutzungpui chuan a biang no chek mai chu dimtein ka chul a, a ni erawh chuan ka mitah min en kalh thung. A mitmeng pawisawi lo tak mai chuan.
.
Beatrice-i chu tun a tanga rei vak lovah a lo thleng mai tawh dawna, mahse Red-i ka fawh chakna chu chu chuan a dang zo chuang lo. Bakah tukinah kan la infawp lo hrim hrim bawk nen.
.
Ngawlvei ang mai hi ka ni. Ka thisen zam a fan kual a, a luanna hmun tih mai chu amah chakin an chiri a ni ber mai. Riltam tamchhawl ang maiin uar takin ka fawp a,ka fawp pah chuan a taksa hmun tin mai chu ka chul kual ruai a.
.
"Ti leh ang" ka phun sap a, a hmui hnuai lam chu ka fawp zui nghal a. "Kha aia uar khan Red"
.
.
Minutes a liam zel a, ka inkuah dun ral a,a hnute pawng lah mai chuan ka awm a do ran mai bawka. Ka nihna engkim ka hloh zo leh vek tawh. A hnute mawlh chuan ka suangtuahna a hruai kual leh ta. Ka tham theih tawk vel a lian vel a nih ka ring. Venthawn nei lo lekin tham tawn tawn ila, nuam ti a a tah thlengin fawh sak bawk ila.
.
Nghet taka kuah chungin bang lamah ka nawr bet a, a bawp chu la kangin ka kawngah ka inkherh tira. Ka tukhumah a rawn tham a,ka sam chu rawn vuanin na deuh hlek hian a rawn tham a, mahse chu chu nuam ka ti zawk. Chutah a rawn la rum ham ham zui.....ramsa mawl ang mai ka ni tawh.
.
Ka hmui a rawn seh a, a rawn fawh lai chuan ka lo rum hak a. Tem hlek hlek chauh kha ka duh thin a ni ngaia, tunah erawh dawlh pawp pawp mai a nia ka duh tawh ni.
.
"Ka duh zia che hi sawi ngaihna pawh ka hre lo" a beng zawnah ka phun sap a, a bengkawm chu ka seh zui nghala.
.
Ka rilruah khum a rawn lang nghal a,mahse khum thlen pui tur chuan a hla mah mah. Kan piah lawkah chuan thutthleng a awm tak e. Ka fawhna thlah miah si lo chuan ka pawm lawk a,thutthleng lam chu ka pan pui nghala.
.
Thutthlengah chuan ka nghat deuh chawrh a, ka t-shirt hak lai chu ka hlip nghala. A hmel ka en ringawt pawh chuan a zat hian ka za et et tawh.
.
A hmui chu a sen vam hiam a,a mit lah a fiah kak mai bawk si. A kiu pahnihin a indo kang a, chumi chung chuan min rawn melh kar a.
.
Inthlahrung deuh chung hian a kut mam em em mai chuan ka malpui a rawn vuan a, ka tihrawl zawng zawng chu a hit za nghal vek. Ka chil ka lem ri khawlh a. Engtin tak chet la leh ang maw...?
.
Amah ngeiin a a kawr hak a phelh lai kan hmute chu ka thi lo chauh.
.
A engkim chuan min bual a zo tawh. Ka kut a rawn vuan a, a lama min pawh hnaih pahin a biang min vawn tira, ka mit a min en reng chung chuan ka kutphah chu a fawp a.
.
"Caleb..." a aw chu a tham chel a, ka thinlung hi a rawn vaw dawp ni mai hian ka hria.
.
A kut pahnih a ka awm a rawn vawn laite chuan mak ti takin ka thlir renga, thutthlengah chuan a mah zawk zawk chuan min nam mu a,ka chungah chuan a rawn thu zui nghala.
.
Rawn kun hniamin ka nghawngah a rawn fawp a, zawimuangin ka awm leh ka dul lamah a fawp thla zela, a zat hian a za thla raih raih a, eng nen mah hian tenkhin tur ka hre lo.
.
"Khum lamah...." ka aw te chu a pangai tawh lo. A ni pawh chuan a lu a lo bu ve nghal mai a. Chuveleh tho in ka pawm lawk a, a hmui a fawp chungin bedroom lam ka panpui a.
.
Thil ri ka hriat pawh chuan ka rilru a lapeng zo tawh lo.
.
"Caleb, lawkin...ding teh"
.
Ding turin min ti mahse kan infawp tawp chuang lo.
.
A rawn ri nawn leh a. Hrep tak hian..!!
.
A lu ah chuan ka fawp zeuh a, a ni pawh a lungphu a rangin a thawk pawh chu a dik tawh lo tih ka hria.
.
"Min dah thla teh Caleb. Intercom chu va chhang rawh"
.
Ka thaw haka. "A van hun lo tak em aww...."
.
Chhuatah chuan ka dah thla a. "Hey....." a khabeah dawmin ka lam hawiin ka kuai chho a. Engmah pawh ka sawi thei chuang lo. Kan in eng reng ringawt a.
.
A rawn nuih seih a,ka hmuiah rang deuhin a rawn fawp zeuha "Intercom chu va chhang rawh. Keite chu.....ngai ka awh leh vat mai ang"
.
A kal tur chu a banah vuanin ka lamah ka pawt let a, nghet takin ka kuah veng venga. "Nang hi i lo ni Red, ka lo zawn fo thin chu"
.
Engtinmah min chhang lo. Mahse zawimuangin ka hnunglamah min rawn kuah let a, ka awmah a rawn bei a. A beng leh ka lung chu a inzawn chiah a,a tan a ka lungphu ri mawi tak chu a hre thei ngei ang. A thaw hak a, nghet takin min rawn kuah let a.
.
.
*** ***
.
VERONICA'S P.O.V
.
Hahdam deuhin awm rawh. Ka kawr var lakchhuah chu ka inthawlh a, ka purse a mi lip gloss la chhuakin ka inhnawih nghal a.
.
Ka samte lah chu a hnawk ropui. Caleb-a'n duh tawk a a tham hnu a ni bawk a. Kan infawh zawh a piang hian khuih that a ngai ngei ngei zel.
.
Bakah ka sam buaipui nan hun rei tak ka nei lo. Thaw chhuak rawh.....hip lut leh rawh. Beatrice-i chauh a lawm rawn kal dawn. Chu pawh Caleb -a tet lai thian.
.
Ngawi rengin living room lamah chuan ka phei a, Caleb-a chuan chhuatah push-up a lo ti mawlh mawlh a.
.
"Caleb...?"
.
"Yes baby?" a rawn dak chho a.
.
"Eng nge i tih a?" A kut pakhat chu a hnung lamah a dah a, a kut pakhat chauh hmangin push-up chu a tih chhunzawm lehnghal a. Thil hriat chhuah zawk ka nei. Ka second day a ruak a a awm lai ka phawk kha. A ban leh a mawngtam zawng zawng nen ka hmu vek a nih kha. Ka thil ngaihtuah chhuah a vang chuan nuih loh hram ka tuma.
.
A rawn tho a, kawr engmah a ha der si lo. Min rawn pan hnai a,ka bul chetah chuan a rawn dinga.
.
"Caleb, Beatrice-i a lo thleng tep tawh a nia" tihpahin chhuatah a t-shirt awm chu la a,a lamah ka theh phei a.
.
"Eng nge pawi vak a?". Nuih hak pahin ka kal sawn a. "Chumi a vang chuan ka fawp thei dawn lo che tihna em ni?"
.
Min rawn pan hnai a,kei ka tawlh hnung zel bawk si. Hetia min tih kual vel hi chu nuam a ti ve hrim hrim a lawm.
.
Chutih lai chuan kawngka kik thawm a rawn ri a. Caleb-a chu a thaw hak a,a kawr a ha tha nghal a. Inrinlawkna pawh awm map lovin ka kutah a rawn vuan thut a kawngkapui lam chu min pan pui a.
.
Kawngka a hawn rual rual chuan hmeichhe hmeltha tak, sambuang thliin a a chhem len siau leh perfume man to rim nam chek chek chuan min rawn zem nghal a. Rang takin Caleb-a min vawnna chu ka la thla vat a, Beatrice-i chuan Caleb-a chu rawn pan hnaiin a nghawngah a rawn kuah nghal chawta. Ka ngaih thutak loh luih tlat erawh a ngai.
.
"Cal...! Ka ngaih zia che hi" pangchang aw zet hian a han ti a, Caleb-a pawh chuan a lo kuah let ve vata. A hnu deuhah chuan a kuahna chu dah thlain an pawt hnung deuh a, a hmelah chuan en in a nuih sak a.
.
"Hey...B, eng nge i lo an a?"
.
A hmeltha in a fel hle a,.bakah ngaihnobeina deuh hi a nei, romance novel ka chhiar thin a mi ang deuh hi.
.
Ka en hmasak ber chu a sam a ni. A buang eng(light) lampang niin a,ngil siau a,a hnute tawntirh vel thlenga sei chu a ni a. Leather kekawr bul dum a ha a, a mal leh chawn vel chu a tawk hle a,a inthuamna engkim mai chu a man a to a ni tih a landan a tang hai rual a ni lo.
.
Caleb-a banah chuan vuanin na vak lo hian a hmer a. "Aw ka tha lutuk. Ka rawn rei ta deuh hlek a"
.
"A ho lutuk, a pawi lo ve. Ka bialnu Red-i nen hian han inhmelhriat teh u. Red, hei hi Beatrice-i chu a nih hi". Bialnu aa..!! Engtik lai khan nge a bialnu ka niha, engtik lai a tang khan nge ka bialpa a lo nih tak le...?
.
Beatrice-i chu a meng zau kawk a, chiang zet hian min rawn melh a. Caleb-a chuan ka kutah rawn vuanin nghet takin min kai a.
.
A mitmeng chu a dik tlat lo va hriatna ka nei. Mahse a ni pawh chuan rei vak lovah hlim hmel takin min rawn nuiha.
.
"A nih chu, a pawi ka ti lutuk. Ka rawn tibuai ang che u a...? Red, Beatrice-i ka ni e". A kut a rawn phar chhuak a. A tin erawh a tial buai lo nangin fai taka chei a ni tih a hriat hle a. A kut chu a nem hle a,kei chu in ka tihfai ngun a vang leh ka thlengsil thinna lamah ka kut chu a tham deuh hrup a, chibai pawh ka chibai rei duh tawh lo.
.
"Veronica-i ka nia, Caleb-a hian Red tiin min ko fiam thina"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:04 pm

A lu a thing a, a nui ta hak hak a. Thil nuihzathlak ka sawi reng reng em ni a?
.
"Cal, i la hre reng em? School kan kal ho lai khan keipawh Yellow ti a min koh thin kha". A ban bawk chu a va vawn sak leh a, a vawn dan velah a tlangnel a ni tih hai rual a awm lo.
.
Yellow
Cal
B
Yellow
.
Caleb-a chu nuih suk pahin a lo bu nghat a. Ka awm chu a nuam lo tan tlat.
.
"Ka sam vang hi a nia" tihpahin a sam lam chu a thlek a. Eng eng emaw an tet lai chanchin an sawi dun a,an hlim phian lehnghal. Beatrice-i chu lehkhazir a Paris lama a awm a vangin an inhmu ngai tawh lo va. Mahse a hawi her leh a chet dan vela tang chuan Beatrice-i chuan Caleb-a chu thian leh unaupa ang mai mai in a en lo deuh a ni tih chu ka hre thei. Bakah Caleb-a taksate chu a vuan deuh reng mai a.
.
.
"Nu ho kha, balcony lamah nge living room lamah kan phei ang?" Min rawn thlek a,mahse engtinmah ka chhang lo.
.
"Living room lamah a nuam zawk ang " Beatrice-i chuan a lo ti vata.
.
"Ka zanriah tur order pawh a lo thleng tep tawh ang" Caleb-a chuan a ti a.
.
"A ngai ang tho kha em ni?" Beatrice-i chuan a lo ti vata.
.
"Yep"
.
"Tha lutuk"
.
Vawi engzat fakau nge maw an lo khawsak dun tawh le? Eng ang inkungkaihna chiah nge an neih? A hmain an lo awm dun fo tawh em ni zawk? Enga tinge chungte chu Caleb-a pawn min hrilh miah loh le?
.
Thutthlengah chuan kan thu ho a,an pahnih chuan an titi dun deuh reng a. Beatrice-i chuan Paris chungchangte a sawi a, tuna a rawn zin chhan pawh hi a thiannu pasal neih chhim tura lo kal a nih thute a sawi a.
.
Eng nge maw kei pawh chu ka lo thut ve reng le? An titi tui dun hle a, hnawk min tih ruk viau a nia ka rin ni. Caleb-a chuan ka kut rawn vuanin a rawn hmer vang vanga, a lam ka hawi nghal vat a,a ni erawh a titi a,a nui huah huah reng tho a.
.
An titi laklawh lai chuan Beatrice-i chuan kan kut invuan chu a rawn hmu zawk a,mahse a hawisawn leh rang kher mai.
.
.
Intercom chu a rawn ri leh rat rat a, Caleb-a chu a tho vat a. "A tawp a tawpah chuan a rawn thleng ve ta e. Ka ril a tam tawh hlemai"
.
Beatrice-i chu a lo nui hak a. "I ril hi a tam reng zel a ni maw?"
.
"Aw...tam reng e". Min rawn pan hnai a,ka hmuiah a rawn fawp a. "Red-i hi ka chaw a nia"
.
www.storyfb.com
END OF CHAPTER -22

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:05 pm

※ RED & WHITE ※ . Chapter -23


Unread postby Noah Hringngen » Tue Oct 25, 2016 11:33 pm
.
VERONICA'S P.O.V
.
"Red-i hi ka chaw chu a ni" ka beng bulteah chuan a rawn ti sap a, ka hmuiah a rawn fawp a, kawngka hawng turin a kal nghal a.
.
Ka biang a sen nghal vek. A sat hian a sa hut hutin ka hria. "Mipa naupang ang mai a lawm a nih le" Beatrice-i chuan min rawn en a,a nui suk a, kawngka bula Caleb-a leh delivery boy inbe lam chu a melh phei a.
.
"He pate hi chu ka ngai reuh ngawt mai aa..!" Zawite hian a phun sep a, a sawi zawi bawka ka hre thei lo lek lek zawk ani. A thusawi chu a mah leh mah chuan mak a inti leh hnuhnawh a niang. "A van mawl thlak thin tak" tih pahin a nui huah huah a. "Ka tihpalh lutuk aw Veronica, ka sawi vel mai mai anih kha" hnuailam a en a, a hmelah chuan a rilru a na a ni tih ka hmu thei.
.
A hmel a thain mihausa chhungkua a tanga seilian a ni tih a hriat renga, Caleb-a nen pawh hun tam tak an lo hmang dun tawh ngei mai. Ngaihzawngte pawh an lo inngaizawng tawh ta ve ang. Caleb-a pawh hian a lo ngaizawng ve tawh tho a ngem?
.
"Ka tan chuan a hmasak ber a nia, i hria ang a, nang pawn i tan a mi hmasa ber chu i theihnghilh theih ka ring lo. Kei pawh chutiang chiah chu ka ni mai" . A sawi zawng chuan a hmel chu a rum lek lek a, a kutte chu a dang lep a.
.
Eng nge a sawi awmzia chu? Hmangaih hmasa ber a tihna em ni ang? Ka van hrethiam lo ve. Engvanga min hrilh kher nge a nih? Ka ngaihthlak chak a ring em ni ang?
.
"Khawngaihin a kawi zawngin lo la suh aw. Kei pawhin engvanga hrilh ringawt che nge ka nih tih ka inhre bik lo..."
.
A awmdan chuan ka ngaih a ti thalo riau, thikna rilru chhungrilah a rawn awm thuai a, a ni nen a inzawmna tha an neih ang chu kan nei ve lo a nih phei chuan.....a chak zawk chu a mah tihna a ni ringawt dawna. Kei chuan inhnial ka cho at a ni nghal deuh mai. Mahse a ni erawh a ni ve lo. A aw ah chuan rilru natna a tel tlat....
.
A ti vak zawk a tan erawh ka duh bik lo.
.
"Ka ngaihdan chuan-" a ngawi leh dat a, tawng sual a hlau hle a ni tih ka hre mai. "Vawiin a nangmah nena ka han hmu dun hlawl mai che u kha chu min shock khawp mai. Vawikhatmah hetianga midang a awmpui lai hi ka la hmu ngai lo va"
.
A dang engmah ngaihthlak belh ka duh tawh lo.
.
"A pawi ka ti lutuk aw Veronica, lung lo vah la lo hram ang che" a aw chu a nemin a zawi hle a.
.
Awih leh awih lo inkarah ka ding. A hmel chu kan en thin a, dawt sawi hmel a put leh put loh erawh ka hrethiam chuang lo. A lan dan leh a tawng dan a tang chuan a rilru a nat hmelin a thutak ropui mai bawk si. Engtin nge maw ka chhan let dawn ni...?
.
"Miranda-i nen khan in inhmu tawh em?" a rawn sawi zawm leh a,min rawn nuih deuh sanga.
.
"Aih...." tunge a nih tih pawh ka zawt duh lo. A tawng tam lo zawkah han tang phawt mai ila a him ber. Ka kut a rawn vuan a,ka nuih let ringawt a. Ka kut chu ka phih sawn mai ang tih ka hlauh a vangin ka inthunun hram hram a.
.
"Choka lamah eitur ka peih fel tawh e aw....nu ho kha"
.
Ka hawi sawn thuai a, choka lam pan chuan ka phei nghal a, Beatrice-i pawh chuan ka hnunglamah min rawn zui ve a.
.
Caleb-a chuan dawhkanah eitui chi hrang hrang mai a lo chhawp hnur a, mi hausa chaw vek a ni. Caviar, truffle, goat cheese leh thei rah eng eng emaw hi a lo inhung dul a. Caleb-a chuan fridge a hawnga,a serthlum tui a la dawn tih ka hre nghal mai.
.
Glass no pahnih ka lo la vat a, kan la zo rual ve ve lehnghal. Ka no kenah chuan a rawn chhung lut a.
.
"I duh ve dawn em?" Caleb-a chuan Beatrice-i lam chu a hawi a,a ni erawh chuan beisei loh hmel deuh hian min lo en renga.
.
"Aih ka lawm. Kei chuan wine hi ka lo in zawk a nge"
.
"A tha e. Khawi maw.....i in hmasa phawt dawn nia Red". Coconut tui a la a, ka no chungah chuan a rawn chhung lut leh a, hei hi kan tih fo thin dan a ni.
.
Wine sen chi no khat a rawn la a, Beatrice-i hmaah chuan chhawp sakin a bulah a thu a. "Kha le...." . Beatrice-i chuan a changtupa ang maiin a ni a en ni.
.
Kan eitui neih ho chu kan ei ho mawlh mawlh a.
.
"Veronica-i bulah chuan ka sawi tawh tho nangin i nu nen i inhmelhriat tir tawh em?" Caleb-a chu a en a.
.
"La hmu tir lo". Min rawn en a. "Sumdawnna chungchangah a zin bo mek a,a rawn haw veleh ka inhmelhriat tir dawn che u a nia Red"
.
Eng a?
.
Beatrice-i fork ken lai chu ka va en a, thil ka hrechhuak zawk mai. A fork tur la a ka kal khan keima hman hnu zawk kha ka pe daih hi a lo nia.
.
"Ui lehh....." ka tho a, Beatrice-i lam chu ka va ban a,dawhkana a wine dah chu a kut chuan a ko khawng palha. Chhuatah chuan a tla keh darh chhuaih a.
.
Chu veleh Beatrice-i chu a tho vat a, chhuata no kehthem ho chu a chhar khawm mawlh mawlha.
.
"Kut lawngin khawih mah ta che maw le B...! Khawih tawh suh" Caleb-a chuan a lo ti vat a.
.
A kut a ti thi ta ngei e. Mahse a chawl chuang lo.
.
"Beatrice...?". Caleb-a aw a hriat chuan a tawp chawt a,a rawn hawi chhuak a. A hmel ka hmu chiah mai chu mak tiin ka ka hau mai. A biangah chuan mittui a lo luang ngiai ngiai a.
.
Ngawi rengin Caleb-a chuan bowl ruak chu a la a, a bulah chuan a zuk thingthi a. A kut chu a la a, a darthlalang keh hum ho chu bowl ah chuan a dah tir a,a paih bo nghala.
.
"Bathroom ah i kal ang" Caleb-a chuan a ti sap a. "Ka lo silfai ang che"
.
A lu chu hreh hmel deuh hian a bu a, naute lem keh chhe tawh hi a ang ber zawk. Caleb-a chuan a darah a vuana.
.
"Red, First aid kit khan min lo lak sak dawn em ni ang? A awmna kha-"
.
"A pawi lo. A awmna ka hria a lawm, lo va silfai rawh"
.
Mawi deuh hian min rawn nuih saka. Engthil nge thleng tur hi? A tahna chhan kha a kut a zai vang kha em ni ang? Ka buai ve na tur a awm lo e.
.
Insukna pindan lama kan dah First aid box chu laiin bathroom lam ka pan a. Beatrice-i aw nem tak mai ka hriat chuan ka ding chawt a.
.
"A pawi ka ti lutuk aw ka tih keh a vang khan. Mawl min ti ngawt ang i Red-i khan"
.
"A teuh lo. Chutiang mi a ni lo"
.
"A nih eng mi nge a nih a?"
.
Caleb a'n a chhan hma chuan a rawn tawngkhalh leh a. "I engkim em ni?"
.
An ngawi dun vang vanga. "Lo che suh aw. I vuna darthlalang kehthem tang hi ka pawt chhuak dawn a nia. Eng angin nge i lo ngaih reng renga ?"
.
"Ka pa lah hi a rilru mang a zual telh telh mai si. In a haw ka duh lo a ni Cal. A hrehawm ka ti emai. Hmuh rih loh ka duh" a inhnit hlap hlap a.
.
"Shh....a tha leh mai ang"
.
"Ka mamawh che. Min kalsan suh. Nangmah chauh hi a ni min hrethiam tu awm chhun chu Caleb"
.
Chu nu chu ka haw ta viau mai. Rilru mangte chu natna chikhat a ni ve mai a. Min chhuhsak a tuk tan tlat. Caleb-a te chu keima ta a lawm.
.
Tunah chu ka ta ti te hialin ka chuh ve ngam ta a niahh...? Ka awm a ni tih hriattir nan ka aw kan thian kharh a.
.
"Red..?"
.
"Aw..., hei aw first aid kit chu. I tha maw?" Beatrice-i lam chu ka hawi a. Toilet chhin chungah a thu a, a hma zawnah Caleb-a a lo thingthi a,a kut a lo vawn saka.
.
Pawh sawn lawk mai a nia ka duh ni. Midang kut a vawn ka vawikhat hmunna a ni lehnghal. A kut chu a sil sak ngei a,mahse tun thleng thlenga la vawn thu a awm lo.
.
"Ka tha e. A pawi ka ti lutuk. Khatiang khan ka che chhe fo bik lo a nia". Ka lu ka bu nghauh ringawt a.
.
"Choka ka lo va tifai a nge"
.
An pahnih a an awm dun lai hmuh reng kha ka peih lo. Chhuat chu ka phiat durh durh a,a ni lo lam zawng a theih ngaihtuah char char ka ngai.
.
"Red...?" Ka inher a,ka hnungah chuan Caleb-a a lo ding renga.
.
Beatrice-i nen bawk an ni. A darah a kuah a, Beatrice-i chu a awmah a bei bawka. "Beatrice-i hi ka va thlah haw lawk a nge aw. Motor khalh tur em chuan a ngaihtuahawm emai. Ka lo let har lovang. Aw...?"
.
Thil kal dan chu a dik lo tan riau mai. Mahse ka ngaihtuah peih ve lo e. Eng ang pawhin game lo khel pawh ni tehreng se. A lam chu ka hawi a, "I lo dam zel dawn nia" ka ti a.
.
Min rawn en a, min rawn nuih sak a. "Kan kal mai dawn em ni ang Cal...?"
.
An kal liam tur chu ka thlir reng a,an liam dawn chiah tih chuan Caleb-a chu a rawn leh hawi zeuh a, min rawn nuih saka.
.
"Ka lo haw har dawn lo a nia aw..."
.
Chutah chuan a ni dawt chiang taka min hrilh ni.
.
Chumi zan chuan zankhuain a rawn haw lo.
.
.
END OF CHAPTER -23

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 1:06 pm

※ RED & WHITE ※ . Chapter -24


Postby Noah Hringngen » Wed Oct 26, 2016 11:09 pm
.
CALEB'S P.O.V
.
Ka duh dan tak chuan tha taka in mangtha satliah mai kha ka duh viau nangin a lo inhliam khanglang nen,a maha haw tir ringawt kha thil mawi a ni chiah si lo. Ka lo rilruk dan chuan Red-i nen kan pahnih chiahin kan awm dun ang a, thlahrang film en dun pahin pizza te kan order ang a, kan inkuah ang a, kan infawp mai mai anga ti a ka lo suangtuah ve nasat tehreng nen.
.
Beatrice-i lam chu ka hawi a, Car tukverh chhan a tang chuan min lo en reng a, a rawn nui seiha. "I zia deuh tawh em?"
.
Mawi deuh hian a rawn nui a. "Ka tha tawh lutuk Cal, bakah hetah i rawn awm ve a,ka dam sawng sawng mai. Ka lawm lutuk". An ngawi deuh vang vanga "Ka ngai lutuk che" a rawn ti sapa.
.
Nuam lo ka ti ru tan riau mai. Chutiang a titi dun chu ka duh lo tih hrilh mai chi a ni a ngem? Chutiang ang chuan tu emawin Red-i hi lo be ta ang se.....ka thinrim dan tur zia chu. "Ka thian tha ber ka ngai a ni ve maia" tiin amah bawk chuan a rawn khuh mawi leh a.
.
Ka taksa chu a eng emaw tan thung reng ringawt mai lehnghal. Thian satliah ang mai maiin min en lo tih lah chu ma hrechiang ropui mai si. Hmeichhiate hi chuan min rawn pan a,ka nunah an rawn lut a,ka duh hunah ka chhuah tir leh mai a, mahse Beatrice-i erawh chutiang a ni ve lo. An ni ang mai mai a awm ve loh dan a thiam tlat. Keiman ka lo zir lo deuhte pawh a ni mahna.
.
Mahse tunah erawh ka danglam tawh. Red-i ang hi ka nunah hian an rawn lut ang tih ka ringphak ngai lo. Tunah chuan ka hmu a, amahah chuan ka mamawh engkim a awm vek.
.
Mahsw sawi dawn ilang chuan Beatrice-i chu hmeichhia,ka rilru hneh theitu hmasa ber a ni ka ti ang. Kan tette a tanga inkawm dun kan ni a, a movie hmuhnawm tih ber pawh Sleeping Beauty ani.
.
Chu film chu vawi engzat nge kan en dun tawh ang tih ka hre lo. A khawi lai mai pawh chu ka lo sawi pui zat zat thei ang tih theih khawpin ka bel. Hlauh a neih a piangin ka bulah himna leh chhantu beiseiin a rawn kal thin a, chu chuan huaisenna leh chakna min pe a, Hero ang maia min inngaih tir tu chu amah hi a ni a, ka tan chuan a hlu takzet.
.
Chutiang hmeichhia chu a ni ka duh thin chu. Mipa laka himna zawng a pan thin tute leh ngaisang taka an mipate en thintu hmeichhia hi.
.
Car chu ka park a. "Ka rawn lut kawi kher lo mai ang. Ka let leh vat loh chuan...Red i'n min lo nghak awm si a"
.
"Khawngaihin Cal, lo lut ve zawk la". A mitmu pawl ram mai chuan tawrh har deuh hian min rawn melha. "Khawngaihin"
.
Ka malpuiah a rawn vuana,mahse a kut chu a la sawn lehnghal vata.
.
"A nih leh le..." hla tak a tang a rawn haw vang vang a ni a,han hnial fithlak thak chu ka inthiam chiah bik lo. "Ka rei hman lo a nia, darkar chanve vel bak"
.
"Darkar 3 vel tak i rawn leng ve ang chu"
.
"A rei berah 45minutes"
.
A lu a lo thinga "A nih darkar 2 tal"
.
"Darkar 1 zawk le"
.
"Ka chau teh mai a nia Cal, ka ril a tam bawk nen. Thil kan ei zawh hma chu i time kan count lovang"
.
"Beatrice" thu tak deuh hlekin ka ti a.
.
"Caleb.." a ni erawh a nui vur vura.
.
Red-i chuan in lamah min lo nghak reng awm si a,.va phone a chanchinte ka va hrilh tak loh chuan. Ka ipte kan dap a, ka phone ka hmu miah lo mai. Ka ken theihnghilh daih a nih dawn hi. A van thin theih tak e aw...
.
"Khawimaw i phone min lo hman tir lawk mai teh. Ka lo pai theihnghilh daih a. Red-i ka haw tlai tur thu ka hrilh loh chuan"
.
"Ka battery a low lutuk a,ka charge hmasak phawt loh chuan" a lo ti a.
.
Ka lu ka bu a,.Car a tang chuan chhuakin a thutna kawngkhar lam chu ka hawn saka.
.
An in chu kil li nei a ni a, chhawng thum, a bang zawng zawng darthlalang bel vek a ni a, sangha dahna bawm (aquarium) hi a ang deuh lek lekin ka hria.
.
Pawn a tang pawh chuan inchhung chu a hmuh tlang theih a, gate a tang pawh chuan va la phei deuh hlek a ngaia.
.
Inchhung lam pawn lam a tanga a mawi ang chiah chiahin a mawi. Furniture hlui leh man to hmel tak tak a inhung thup a, lemziak man to tak tak leh mawi tak tak bakah milim ker thlengin hmuh tur a awm.
.
"Tlailam chibai ule." Chu pa chu Higgins-a ani. Ka hriat theih chin a ta an inah chuan hna a thawk tawh.
.
"E he Higgins, i dam tha maw?" Kan inchibai a.
.
"Dam tha e Ka pu. Nang ve thung?"
.
"Caleb, ka bawih-a"
.
Katherine-Rose-i, Beatrice-i nu chu inchung a tangin a rawn chhuk thla a, lalnu ang maia mawi a ni. Brandy um khat hi a rawn hum thla bawia. Ka biangah a rawn fawp a, zu rim a nam veng veng mai.
.
"Ka hmuh che a piang mai hian i san belh zel hian ka hria Caleb bawiha. I hmelte lah hi a tha telh telh mai lehnghal"
.
Betrice-i pa Liam-a pawh chu a rawn chhuk thla ve a,a ni hi rilru buai nei a nih a vangin tunge ka nih tih pawh min hre tawh lo. An in a ka kal min hmuh chuan rukru turah min ngai tlat a, engtin tin emaw amah enkawltu nurse leh a chhungte ho chuan inchung lamah an hruai let leh hram a. Betrice-i pawh chu ka hrethiam viau mai. Chutiang khawpa a pa a lo buai ta mai chu.
.
Rilru nat hmel zet hian ka bulah chuan a dinga, a mittui a tling pam a,a pa awm dan chuan a rilru a ti na a ni tih gai rual a ni lo.
.
"Heyy.....B.?" ka va kuah a,ka awmah chuan rawn beiin a rawn tap hlap hlap a. Ka pawm kanga, a room lam pan puiin a khumah ka muta.
.
A khum bula chair inhung chu la in a khum bul chetah chuan ka dah a,ka thu a.
.
"A fanu ngei pawh hi tunge ka nih min hre tawh lo Cal"
.
Kei pawh chuan hrehawm ka ti. Ka nghilh dup mai. A tap tawh lo nangin a mit erawh a la sen hnawng chup a.
.
"Cal, kal rih suh aw"
.
Ka thluak a buai zo vek tawh. Red i'n in lamah min lo nghak ve bawk si nen. Phone thei tal i la tha tur. Beatrice-i lah ti hi a ni a,han kalsan mai chu a chi ka ti bawk si lo.
.
"Ka mamawh rih che a ni khawngaihin"
.
"A nih leh le. Mahse Red-i phone phawt ang. Khawiah nge i phone i dah?"
.
A hmui an liak zeuh a. "Ka purse ah sawn"
.
Ka tho a, a charger chu phawiin ka apartment chu ka call nghal a. Red-i hian a hranpa in phone a kawl lo va, leisak dan ngaihtuah vat a ngai a ni. A la thei reng reng lo mai lehnghal. Kan ti nawn leh thin a, chhangtu an awm chuang lo. A pawi lo ve, nakin deuhah ka ti tha leh mai ang.
.
"Min chhang thei lo. A inbual mek a nih ka ring" ka thuna lamah chuan ka let leh a. "Minutes 5 hnu velah ka ti tha leh mai ang"
.
"Khawi a tangin nge in intawn a?" a rawn ti a.
.
"Red-i nen maw?" Nghenchhan chu ka ngheng dar dar a, ka nui a. "Club a tang"
.
"Oh..." a ngawi deuh dat a. "Engtia rei nge in inhriat tawh Cal?"
.
"Thla khat awrh chauh a la ni"
"A va la rei lo ve"
.
"A rei tawh em chu". Ka hmuh tir zan leh darkar a tang khan ka ta a ni tawh a lawm.
.
"Zanin chu hetah i awm ve dawn em ni?"
.
"I muthilh thleng ka awm ang" ka ti a.
.
"Ni lo Cal" a kut rawn la chhuakin ka kut a rawn vuana. "Riak ve mai rawh". Engtin mah ka chhang lo. "Khawia awm nge a nih hrim hrim a? In college luhna a in ang em ni?"
.
Kan cheng dun thu chu tuma hriat a duh lo tih ka hria a, sawi chhuah kher chu ka tum hran lo. "Aw kan college ah lut ve e. A nu leh pa te hi an thi tawh a, hun harsa tak tak a paltlang ve a, thawh hreh a nei ngai lo"
.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)