WALK OF SHAME: SLADE BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: WALK OF SHAME: SLADE BY Noah Hringngen

Unread post by Ngaia » November 20th, 2016, 6:31 pm

WALK OF SHAME : SLADE (21+ Only) . Chapter -16

> ASPEN <
.
Thil thlen dan teh thut chu....a hun lo takzet.
.
Jay-a chuan min rawn pan hnai a, min pawm kang lawp pahin min rawn fawp ta mai a. Ka inring hman lo, a awmah vuanin ka nam per dawrh a, chu chu ka tih thin dan a ni lo, mahse a ni pawhin inrinlawkna hun min pe bik hleinem. "Enga tinge a bawihte?" Ka hnute a rawn en a, chhuatah chuan min hlang thla leh vat a. "Vawiin chu i lang sexy lutuk. Kar hmasa khan i rualin ka lo kal ve daih zawk lo va, ka inchhir tak tak a ni"
.
A van han mawl tak em. Chhur-a a ni ringawt...!
.
Bar piah lamah chuan thil ri rum rum ka hria a, Cale-a'n Slade-a a ko tuar ri ka hre leh bawka. Hnunglam chu ka hawi ve vata, reception counter ah Slade-a chu a lo ding a, a thisen zamte chu a puar tawn tawna, a tihrawlhte chu a hma aiin an lian zual sauha, a lan dan chuan mi thah pawh a pawisak hmel loh. A lan dan chu han sawifiah dan tur ber pawh ka hre lo. A hmaa a mah ka hriat thin ang hmel kha a pu tawh lo.
.
Jay-a pawh chuan a va melh ve zuai a, a lu thingin ka pawnfen a rawn zen chho a, ka mawng a rawn tham a. Rang takin a kut chu ka paih sawn nghal vata. Hetiang a mi hmuh tura inkhawih hi ka ngaihdan a ni lo hrim hrim. Min ti zahawm loh.
.
"Jay, naktuka rawn thleng tur ang khan i insawi sia, tinge vawiin a i rawn lan deuh teh thuta?" ka ti a.
.
Jay-a chuan ngaihnobei deuh hian min han nuih sen sen a, ka khabeah a rawn vuana, a mit uk kharh maiah chuan ka en a, Slade-a mitmeng nen chuan a indanglam hleih hlemai. "Ka thiante nen vak khawthawng turin kan rawn kal a, kei erawh ka rawn thleng hma ta deuh a nih hi. Chuan hei nang lah chu i lo chhelo ta em em a, Chicago ah hian rei lo te nuam chen zuai ila naktukah ka hruai haw dawn che nia"
.
"Ka......chutiangte chu call emaw text emaw talte pawha min rawn hrilh tur che ania. Eng eng emaw tih tur ruahmante pawh ka lo nei ve thei a". Slade-a lam chu hawi pawh ka hawi tha ngam tawh rih lo.
.
A nui vur vur a, thil dang vanga nuihza a ni lo va, min nuihsawh deuh a ang mah. Chu chu ka duh lo. "A nuihzathlak i ti ve lo em ni? Mi thawn deuh thut hi chu ka hrat ve hrim hrim a, chuan ngain tih tur ka nei maitheite i tia, chu erawh ka van awih kher lo em. Ngeiawm deuha awm tum vel kher kha a ngai lem lo a nia Aspen. Kei ka awm tawh chuan i thil lo ruahman lawkte chu tih kher a ngai tawh chuang hleinem". Min rawn fawp zeuh a. "Kan kal tawh ang e, ka thiante ho pawh an rawn thleng teo tawh ang. Cale-a thawhna hmun i sawi kha ka la hre renga, ka rawn thawng deuh thut che a nih kha. Lo inpeih sa la aw, ka rawn call ang che"
.
Nui huah huah chungin a chhuak a, ka thil ruahmanna pawh engmah min ngaihthlak sak duh lo chu a nia. Au vak mai ka duh, chutiang teh hrep mipa chu. Engmah sawi lo a a chhuak ta daih chu ka thaw huai mai.
.
Chhuat lam chu ka en a, ka thaw hak a. Engtin nge maw ka tih dawn ni...? Slade-a chuan min haw khawp ang. Insawifiahna chance min pek duh pawh ka ring lo. A thinrim zia lah ka hmu vek mai si.
.
Ka dinna ngaiah ka ding renga, Slade-a a rawn kal tih ka hria. Lo nghak tawp loh chu tih ngaihna pawh ka hre lo. Zam tak chungin ka lo en a.
.
A hmel chu a thim ruih a, a mitmeng lah a vawt raih a. "Pawnah,...tunah" chu zawng chu a sawi. A aw a tang hai rual lohin a thinrim tih ka hria a, ka tan chu chu chu chemte a inzai ang mai ani.
.
Slade-a chhuak lai chu ka en renga, kei erawh ka che thei thak lo. He tiang dinhmuna min dah tu chu Slade-a hi a ni a, sex min hman pui a, chu bak duh a nei lo. Ka thluak chu a let but but mai. Mahse ngati nge chuti si inthiamlohna hlira ka khah tho ni...?
.
Ka theihna zawng zawng sawmkhawmin Slade-a zui tur chuan ka pen ve ta. Cale a'n min lo dang vata, mahse a kut peihthlak sakin ka ti thei a ni tih ka hrilha. Ka insawifiah a ngai a ni. Slade a'n min hua tih ka hriat ringawt pawh chuan ka a thei mai dawn.
.
Pawnah ka va chhuak a, kan hawi kual deuh a, in hnunglamah chuan bang nghengin cigarette a lo pak khu hlat hlata. A melh ngai a melh ngar ngar a.
.
Ka chhuak ve tih a hriat chuan a Car lam a pan a, amah zui tur chuan min rawn mitmei zeuha.
.
Ka va phei a, Jay a chungchang chu eng emaw tal sawi tumin ma ang zuau a, mahse engmah ka sawi thei lo. Ka tan chuan han sawi mai dan tur a vanga, bakah a har bawk.
.
Amah zawk chuan ka darah rawn vuanin hnai zet sawtah min rawn melha, kan hmui leh hmui a insi lo chauh. "Bialpa i lo nei a maw? Chuan ka bulah engmah i sawi der mai si lo va". A car kawngkhar chu a tlawh ri bur a,ka phu chiang kher mai. "I tan engkimah ka inhawnga, tu bulah mah ka sawi ngai loh kha i bulah chuan ka sawia. Mi bum ching hi ka duh lo, ka mi huat berte an ni. Ka tha famkim bik hauh lo, mahse a rinawm loh hmasa zawkah ka tang ngai lo. FUCKK.... ASPEN"
.
Ka thaw hak a, tah vak mai ka duh. Mahse ka tap lo vang, tah kher kher zawng. "I ngaih ang erawh a ni vek kher lo a nia Slade. Kha pa nen khan engtin nge hun kan hman dun a, engtin nge kum kan lo chhiar liam tawh tih engmah i hre lo a,ka thusawi i ngaihthlak hma a mi tenawm ber ang ziazanga min chhuah ngawt tur pawh kha i ni lo a nia."
.
"Eng a? Eng nge sawi tur i neih chuan a? Hetiang hian awm zel i la, i bialpa lah hmun dangah daih a awm a, engtin pawn awm ila a hrechhuak teuh lo tih sawi i tum em ni? I ngaihtuah ber zawk chu kha pa nena nun nuam tak hman dun leh lam a ni zawk lo em ni?"
.
Min tih dan leh min ngaihdan chuan ka thin a ti sa ve bap bap mai. A awmah chuan ka nem deuh chawrh a,mahse a tawlh hnung eih lo. “f**k you, Slade. f**k you!”...ka theihpatawl chuan ka nam dawt dawt a.
.
"A ni khan min duh tak tak lo. Helaia ka rawn zin daih nachhante hi i hria em ni? A chhan ka hrilh ang che. Hmeichhe dang kawpa mutpui tur a duh a vangin ka rawn tlanchhiat san. Rilru tak tak pe tur chuan hun ka mamawh a ni a tih a vangin ka rawn kal san a, keipawhin theihtawp chhuah ka tum. Mahse nang ka tawng che a, engkim ka tih ngai l o thlengin ka ti ta vek a ni. Hloh ka duh ngai lo, a chhan chu ka hmaingaih em a. Mahse nang i rawn langa, i tawnah ka luangliam zo ta a ni".
.
A mitah pawh ka en ngam tawh lo. "Kum 5 chhung kan inzui tawh a, ka chan ang tih hi ka hlau hluah hluah thin. A tan chuan thil eng pawh tih ka huam a, a chhan chu ka hmangaih em a ni tih hi lan tir theih ka duh. Keimahah hlimna a hmu zo tawk lo a ni tih ka hriat khan ka na lutum hmeichhe dang lamah hlimna a zawng tlat. Zan reiah a chhuak fo a, dawt min hrilhin zan tam tak a lo haw lo fo a". Ka bianga mittui rawn luang chu ka hru hul vata.
.
Hetiang hmel ka pu lai miin an hmuh hi ka duh ngai hauh lo, tunah phei chuan Jade-a vang kher kher a la ni leh ta nghal. "Tunan erawh chuan thil engkim thlak danglamn theihna tur hun tha nei ila ka ti ber"
.
Rei tawk fang chu kan ngawi dun vang vanga, inher in kal sawn ka tuma, chuveleh min lo dang vak a. Ka tukhumah rawn vuanin a lamah min pawt hnai a,kan hmui insik lohna chu inches tlemte bak a ni lo. "Nang hi i tha tawk lo a ni a tih che chuan a mawl a ni lo va, a mit a del a ni zawk. Amah aia tha i phu a ni". A ngawi deuh dat a, chiang zetin ka mitah min rawn melha. "Min han hrilh teh a hnenah i kir leh tawh dawn lo a ni tih hi"
.
"Aw" ka phun sep a. "Kir tawh lovanh"
.
Min pawt hnai sau a, a ban lian zet mai chuan ka hnungah rawn kuahin a kut leh lamah ka tukhum sam a rawn thama. "Hetah hian awm ve mai rawh Aspen" a tawng zawnga a thaw lum hem hem chuan ka hmui chu a rawn ur lum hem hem a. "A ni bulah khan let tawh lo la, keimah vang tal pawhin hetah hian cham ve mai rawh"
.
Ka inti huaisen lui hram hram a. "Ka tan chuan chu ti maia awlsam a ni hleinem. Kum 5 ngawt kan lo inzui tawh a, sulhnu tam tak kan lo nei dun tawh. Kan cheng dun a, ka tan chuan a hmase ber a ni bawk. Ka kalsan ngawt thei lo".
.
"A nih kei hi i eng nge ka nih ve?"
.
"Min ti hlim takzet a ni Slade" ka phun sep a.
.
A car ah chuan min nawr bet a, ka beng bulah chuan "Chu chu ka zawhna chhanna a ni lo" a rawn ti a.
.
Thangah ka tang hi a ni ringawt. A biangah chuan ka beng hawi sawk a, eng vanga ti nge ka nih ka inhre lo. A zawhna chu ka chhang hlau a niang. Min dan chep dan lah hi a hre ropui si.
.
"Kha kha nuam i ti em ni? Ti khan i hlim sawt em?". Min rawn hnaih sauh a, a kap ruh tul chuan min rawn do a, ka rum hak a. "Kha aia na khan min han beng teh"
.
A aia na chuan ka beng hawi leh sawk a, ka thawl hawk chuan ka hria.
.
.
END OF CHAPTER -16

1 Post Cham Control Aspen Profile Shame Fang Logout Control Panel



Cigarette tax by state 1 Post Cham Control Aspen Profile Shame Fang



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 20th, 2016, 6:31 pm

WALK OF SHAME : SLADE (21+ Only) . Chapter -17 (Last Chapter)

by Noah Hringngen » Sun Nov 06, 2016 11:32 pm
.
.
> ASPEN <
.
Haw kawngah darkar khat zet kan thang nangin Slade-a nen chuan kan inbe lo tluan thak thung. In kan thlen veleh rang takin Cale-a room ah ka inkhar khum nghal a, Slade-a hmel chu ka hmu ngam rih lo. A hnaiha ka awm reng chuan ka rilru ka thlak leh mai ang tih ka hlau a ni.
.
Kan ngaihtuah thin a, Slade-a chu duh viau mah ila inngaihzawnna chungchangah erawh rin tak tak ngamah ka dah thei lo va, nakin lawkah Jay a'n ka thinlung a hliam let zet a na hian min hliam ang tih ka hlau a ni. Chu chu ka tuar zo lovang. Jay-a nen hi chuan kum 5 zet kan lo inhrawn tawha, a tih dan dan te pawh a la awm deuh a, inngaihzawnna chung thuah kher chuan risk ka la ngam rih thlawt lo.
.
.
Cale-a khumah ka thu a, ka bulah chuan chhuah mai theih tur a pack fel sa diam ka suitcase chu a awm bawk a. Inchung lam ka melh vang vanga, Slade-a bula kar rei lo te ka awm chhung a ka hlimna tawn hrang hrangte chu ka ngaihtuah let a, lung zawng a van leng dawn em.
.
Pawn lamah chuan motor rum vung vung thawm ka hria a, Jay-a a ni tih pawh hrilh hran ka ngai lo. Slade-a erawh chuan hre ve lo hram se ka ti takzet. A chhan chu a rilru na hmel hmuh leh kha ka zuam tawh lo a ni. Ka chhuak a nih pawhin tuma hmuh loh laiin ka kal ang.
.
Ka suitcase chu laiin kawngkhar lam ka pan a. Cale-a room a tang chuan chhuakin kan hawi kual a, Slade-a hmel reng ka hmuh tak lovah chuan tlemin ka ngaih a ngam ta deuh e.
.
Kan ding deuh vang vang a, ke pen erawh a sak talh mai. Dik tak chuan hawn chu ka phur hlawl lo va, helaia la awm hi ka thlahlel rih a ni. Slade-a bike a awm tawh lo tih ka hmu a, a chhuak bo daih a ni tih ka hre nghal mai. A awm lo tih ka hriat rual rual chuan ka ngai nghal vawng vawnga, ka awm chhung hi a na veng veng thei hiala. Hmu leh tawh ngai miah lo tura kan indah phei chuan ka thi thei dawn hialin ka inhria. Ka thih hmain vawi khat tal chu kan la inhmu leh a ngem?
.
A motor bulah chuan Jay-a chu min nghakin a lo ding reng a, ka inkhai bawr teh lul nen, min rawn puih reng a tum lo. Nidang chu ni se ngaia ka neih tawh a vangin ka phut hauh lovang. Mahse Slade-a chu ni se min puih ngei dawn a vangin phutna rilru ka pu ve tlat. A ni chu nise min hmuh rual rualin a rawn tlan nghal awm si a. Pawn lama a lan dan ang hi a ni lo, a chhungril thatna chu ka duh a, ka duh tih piah lam a ni tawh.
.
Ka va thleng phei a, Jay-a chu ka en a. Hlim tur ka ni....mahse ka va hlim si lo em. Engmah pawh ti lo a a lo ding thluang vel mai mai chu ka ngai thei lo. A hmui a fawh aiin a hmai a hnek chawrh min ti chak a, Slade-a chu nise......huihamm.
.
Eng ngati nge Slade-a ringawt pawh chu ka la ngaihtuah le...!!
.
Kan hawi kual a, Slade-a chu a bike nen min rawn lam tura rawn kal tur anga ngaihna ka nei deuh tlat a. A ni nen hi zawng Jay-a nena kan tih dun ngai loh thil hi kan ti hnem lutuk a, ka rilruah a cham zui lo thei lo. Keimahah hian dik lo a awm ta em ni?
.
"Lo kal vat ta che" a phone bih ngur ngur chung chuan a lo ti deuh hmuk a. "Kan tlanna tur a la thui ropui mai si, bakah ka hna a ka thlen leh vat a ngai a nia"
.
Keimain motor hnungah chuan ka bungrua ka inhlan a, a ni erawh a phone a khawih tui lutuk a, va phut chi pawh a ni lo.
.
Eng emaw sawi tum hian ka ang zuau a, chu veleh min rawn melh chho a, ka duh em em leh a zun a min uai tir tu a nui hmel mawi lutuk tak mai chu ka hmu leh ta. "Ka ngai khawp mai che lalhmeltha"
.
"Kei pawn ka ngai che a lawm". Ka lei hmawrin ka sawi vel mai mai a ni. Motor chhungah chuan ka lut ve nghala.
.
Thuthlukna dik lo tak ka siam loh hram ka beisei.
.
.
.
*** ***
.
KAR HNIH HNUAH CHUAN.....
.
> SLADE <
.
Aspen i'n min liam san a tang khan kar hnih a liam ta reng mai. Dang tur khan theihna reng ka nei si lo. Ka nuna mi pawimawh tak pahnihna chu ka chan leh ta chu a nia, thil tih engmah reng hi a van phurawm loh em. Mahse min kalsan tak a vang hian eng kawngah mah demna pakhatmah ka nei lo thung.
.
Zirtawp zan a ni a, Walk of Shame ah chuan kei leh Sarah-i bakah Hemy leh Cale-a te nen rawn thawk thar tur Stone-a leh a thiante chu training kan pe mek a, ka thiante hi chuan a hma a ka nun dan, trawp tak, engmah zahpah nei lo leh male stripper dik tak nun angah khan let leh turin min duh em em a, mahse kha nu vang khan kar rei lo te chhungin ka lo inthlak hman viau a ni ngei ang.
.
"Slade....i tha meuh a maw?"
.
Sarah-i hmaah barah chuan ka bawk a. Ka dar chhin ak pahin "Ka that hmel vak nange?" kan ti a. "Chu thu chu nitin mai hian min zawt reng mai a"
.
Nuih hak hak pahin ka banah a rawn vuana. "Hmeichhe lam reng reng i ngaihtuah tawh ngai lo va, han fiam der vel pawh i tih lohna chhin ka hre tawh lo. Chu chu i tan chuan inthlakna nasa tak a ni. In la inbe leh miah lo-"
.
"A ni chungchang kha chu rawn sawi chhuak lo teh Sarah" ka lo pawtchat vata. "Pangai taka awm leh tur chuan hun ka duh ve deuh rih te pawh a ni mahna. Mahse hetiang hian kum khuain ka awm reng dawn tihna a ni hleinem. Ka la thatho rih lo mai chauh a ni"
.
A lo bu ve nghat a, hmeichhe pakhat min rawn nuih sen sen reng tu lam chu ka pan san daih a. Chu nu chu a hmeltha hle a, a sam uk kharh leh a mitmu dumpawl raih mai chu a inchawih mawi hle a, a pian lah mipa tan chuan itawm tak a ni. Mahse ka tan erawh engmah a ni lo. Ka engmahah a thawk tlat lo.
.
"Eng nge ka tihsak ang che....?" kan ti sap a.
.
Ka taksa engkim mai chu a melh dauh dauh a, hmuhnawm thlir tak hian a thlir a. "Eng pawh....min tihsak duh a piang a ni mai". A inring tawh a ni tih hriat tak hian a hnute chu a rawn ti pauh deuh lah a. "Bakah nang hi i tha ber tih an sawi ka hria a"
.
Ka hrawk ka thian kharh a, Hemy-a awmna lam room chu ka melh phei a. "Ka tha lutuk tho nangin ka thianpa awmna lam saw ka kawhhmuh zawk rih mai ang che. Hemy-a a nia, a ni sawn i duh leh i chak em em chu a puitlin sak ang che. Zan, i theihnghilh phal tawh ngai reng reng loh tur a siam sak ngei ang che. "
.
Ka inher a, ka kal ta ringawt a. Ka tui thlawt lo, bakah ka mit lakna reng a nei lo bawk. Cale-a lam chu ka pan a. "Kan nau tharte ho chu eng nge an an a?"
.
"An tha e. Stone-a phei saw chu nangmah siar. Slade-a te zawk a ni ringawt a lawm le. Mahse a lu a kawlh zawk a, tattoo a nei tlem zawk bawk a, a la zakzum deuh e tih mai chauh a ni. Suit i hak thin laia i awm dan ang vel kha a ni"
.
Cale-a hi ka haw leh tep thin. Aspen i'n bialpa a nei tih min hrilh na chang engmah a hre lo kha.
.
Nitin mai chuan hmeichhe chhelo tak tak an rawn kal reng a, min rawn beisei reng bawk a, mahse ka rilru min kuai peng sak thei tu reng ka hmu lo. Engtik lai mai pawhin a hmel ka mitthlaah a cham a, ka ngai a ni. Hetiang ang em em hian a ni maw ka nun dan min lo sawi danglam sak hman ni.
.
.
Kan inkhar tep tawh a, kan piah deuhah chuan pakhat la hawng ve lo a awm a, min rawn melh deuh reng lehnghal.
.
"Thiana, saw nu sawn a rawn mitmei reng che a nia. Han chet pui lawk mai teh" Cale-a chuan min rawn hrilh ru sar sar a.
.
"I duh chuan ka kian ang che. I ta vek an ni e" ka lo ti deuh hmak a. Helai hmun chhuan san vat hi ka duh. A nih loh pawhin chhelo ve deuh hlek leh mawng nalh deuh law law sawngkawlai pui tur ka duh.
.
Chutih lai chuan kawngkhar a rawn inhawng a, hmeichhe rual khat hi an rawn pen lut chhak chhak a.
.
"Kan khar tawh" hawi pawh hawi chhuak lo chuan ka lo ti hmuk a.
.
"Kan tihpalh lutuk. A lehpekah chuan kan rawn kal hma tawh ang"
.
Chu aw ka han hre chhiah chu ka mur chhuak nghal vek. Ka tihrawl zawng zawng mai chu a mur chum chum a, ka hmul thi a ding nghal sung sung a. Kar hnih chhung zet engmah ti thei lo leh ka nihna hloh vek khawp a min siam tu lam chu ka hawi chho a. Thawmhnaw hring nalh tak ha hian a lo ding a, pheikhawk sang nalh em em mai a lo bun bawka.
.
Ka rei leh....thawkna chang pawh ka hre tawh lo.
.
Inthlahrun hmel deuh hian a lo nui sen sen a. "A nih chuan pawn lamah ka lo va awm mai ang" tiin kawngka lam hawi chuan a inher a.
.
Chet ngaihna pawh ka hre lo. Mahse Cale-a chu tho in a chhuak leh tur chu a va dang vata. "Hetah eng nge i rawn tih leh a?"
.
Aspen-i chuan min rawn melh zeuh a, Cale-a lam a hawi lehnghal vat a. "Min lo ngai tawh lutuk ang ka tia"
.
"I sawi dik chiah". Va tlan phei a, va fawh nawk nawk mai ka duh. Mahse ka inthunun ve hram hram rih a ngai. "Mahse eng ti tura rawn kal nge i nih reng reng? Kan bulah i rawn awm leh dawn em ni?"
.
"Aih..." a lo chhang let nghal vat a. "Helai a ka rawn kalna chhan chu.....englooo, ka rawn insawn a"
.
Karei lehh.....!!
.
"Jay-a bulah khan ka awm thei tawh thlawt lo. Kan haw khan inthen ka duh thu ka sawi a, chu ti a nih tak si ah chuan hnate ka zawn ve a ngai ta sia. Ka insiam a,helam hi ka rawn pan ta tawp mai a ni"
.
Ka phur lutuk chu ka insum thei tawh lo. Bar a tang chuan ka tho a, a lam chu va panin ka lamah ka kuah phei lawpa, a hmuiah chuan ka fawp nghal vawng vawng a. Ka van ngaiin ka mamawhna chu a van lo sang tak em.
.
Rei tawh fang kan infawh hnu chuan thaw hlawp hlawp chungin kan in en vang vang a. A hmelah a zam tih hai rual a ni lo, a taksa lah chu a khur der der a. A inher a, engmah sawi lovin kawngka lam chu a pan ringawt a. "Lawkin, kal bo nawn leh tawh suh"
.
A hnungah va dingin a banah ka va man a, ka lamah ka kuai her a. Ka kut chu rang takin a paih thla a, a tawlh hnung nghal a. Kei ka pen hma sauh thung a. "Eng vangin nge ka kal bo leh chu i duh lo va?"
.
Thudik hrilh lova kal tir ka duh tawh lo va, engkim chu a nihna ang a lantir vek ka duh tawh. Chulai a awm ho chuan min lo en deuh thup a, lemchanna dawhsan a awm te pawh kan ang mah. A kal leh chu ka duh tawh lo a ni. "A chhan chu min khawih a piang hian..... ka la thaw ve a ni tih min hriat chhuah tira, ka la nung ve a ni tih.....min hriat chhuah tir a ni"
.
A sam chu hui kiangin a nghawngah ka fawp a, a lo thaw haka. "Mipa tha tak nih nangmah vangin ka chak a, duat taka enkawl che ka duh a ni" . A nghawnga ka fawhna chu ka la sawn a. "Mipa tha tak chu ka ni lo tih ka hria. Mahse ka theihtawp a that chhuah tumna rilru min put tir a, ka inah lo awm ve in, zanah te movie en dunin ni hlimawm tak hmang duh thin i la ka duh a ni. Zawhte hi ka ngaina ngai hauh lo a, mahse tun a tang chuan ka ngaina ve tawh ang. A chhan chu i ngainat em a vangin"
.
"Ka hrethiam bik lo" a rawn ti sap a. "Ka rilru i ti na dawn tlat a hriatna ka nei a, chu chu ka tuar zo lovang Slade"
.
"Kei pawn ka tuar zo bik lo chu a nih hi. Min ring rawh. Hei hi ka tan chuan thil thar a ni. Ka nun zawng zawng hi i chawk ching chi vet vek tawh. Nangmah ngai lo thei lo a min siam tak hi"
.
"Min lo ngai ve thin a maw?" Lu buk zeuh pahin a hmui chu ka khawih a. "A nih i hmeichhe mutpui thin zawng zawngte kha. Khatiang ang mipa nen a hun hman dun kha ka duh lo a ni. Ka thei ve lo". Kan hawi kual a, hmeichhe awm ho chuan min lo en deuh thup a. "Mahse i hna rawn tih chhiat sak che erawh ka duh lo. Chu mi ti tura rawn kal chu ka ni lo a nia"
.
A biang no tak chu ka dawm a. "I kal a tang khan vawikhatmah hmeichhia ka la mutpui leh miah lo. Dawt ka hrilh lo che"
.
A mittui rawn tla chu thup a tum viau nangin a thup hman ta lo. A kut chuan ka hruk hul sak a. "Ka hrethiam lo a ni Slade. I duh ang hmeichhe chhelo leh tha tak tak chu engtik lai pawhin i hmu a, enga tinge kei kher kher hi min thlan bik le...?"
.
Ka din hnaih sauh a, a hmuiah chuan ka fawp zeuh a. "Ka hre bik lo. Hetiang hian ka la awm ngai lo." Ka awmah ka kuah a. "Engtikah mah ka ti na ngai lovang che. Chu chu ka tiam a che". Thlahlel takin a hmuiah ka fawp leh vawng vawnga.
.
"A nih chuan zanin chu ka in luahah rawn riak rawh aw. Min rawn inremfel pui ang a"
.
Aspen i'n a min rintawk zia ka hriat chuan engtikah mah a rinna tih bo sak chu ka duh dawn lo va, beidawngin ka siam ngai lo vang. Ka mit min men tir a, chu chu chhin leh ka duh tawh lo.
.
He hmeichhia lakah hian mipa dik tak ka nih zia leh mipa tha tak ka ni tih ka lantir dawn a, chumai bakah mihring ka ni ve a ni tih pawh ka lan tir ngei ang.
.
.
.
♔ THE END ♔
.
(Noah Hringngen: 'Walk of Shame: Slade' bik chu a lo tawp ta reng mai. I lo chhiar ve a vangin lawmthu ka hrilh che a, kan dam zel ang a, Walk of Shame bu dang pawh kan la let leh zel turah ngai ang. Walk of Shame bu thar nen kan la inhmu leh theuh dawn nia. Ka lawm e)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)