WALK OF SHAME: SLADE BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: WALK OF SHAME: SLADE BY Noah Hringngen

Unread post by Ngaia » November 6th, 2016, 5:34 pm

WALK OF SHAME : SLADE (21+ Only) . Chapter -13

Postby Noah Hringngen » Mon Oct 31, 2016 10:33 pm
.
.
> SLADE <
.
Shitt.....vawiin ni zawng ni sakei a van ni dawn chiang em.
.
Ka cigarette hip vang vang pah chuan bang chu ka ngheng a, helai pawnah hian minutes 20 vel zen zawn chu zial zu in ka thu ta. Ka thluak hi a buai nuaih nuaih mai.
.
Ka kut a khur dar dar a, ka thawkte chu a sak deuh trulh a. Ka thawk ti ziaawm turin ka awm te chu kan dawm leh ren rawn a, tukin a Aspen-i ka room a tanga ka chhuah tir a tang khan ka la pangai thei tak tak lo.
.
Eng thil nge maw ni hrep le.. ?
.
Ka inher a, bang chu ka hnek bura, ka hnek nawn mawlh mawlh a. Ka rilru tawt lutuk chu paih thawl dan ka hre lo a ni. Rei lo teah ka kut a rawn na a, ka hnek zawi tial tiala. Ka kawchhunga ramhuai te awm chuan ka thluak a tibuai zo tawh. A tawpa a tuar tu chu keimah tho.
.
Thawm ka hriatna lamah chuan ka hawi chho a, hmeichhe rual khat hi hlim hmel deuh hian an lo ri har har a. An nui a, engtin tin emaw an inbe bawk a. An thawm a rawn hnai zel a, kei erawh building hnung lama a thim chinah chuan ka phei daih a. Ka awmna lai chu mi an kal zen zen lo. Ka tan chuan birukna hmun tha tak a ni.
.
"Nangmah i ni tiraw....mipa pian nalh pa?"
.
Tawng ri rawn chhuahna lam chu ka hawi thuai a. Ka biru emaw ka inti tak nain birukna tur hmun reng a lo awm lo a nih hi. A ke a tang chuan ka en chho a, a chawn chu a sei mawi hle a, a malpuiah tlemin a vawng chho deuh a, a kawng kual pawh a dik zaih mai. A hnute lah a lian nalh tha pangai. Chu mai bakah a thawmhnaw hak a taksa rem thlap a infit mawi tak mai chuan a pian nalh zaih mai chu a tuam mawi hle a, chu nu chu ka hriat hnu a ni tlat.
.
Ka hmu fo tawh thin a lawm. A sam chu a sen tle siau a. A hmel ka han en chuan min lo nuih seih a, chutia ka hma a a in pose laia hmuhnawm ti hmel taka ka thlir dauh dauh chu nuam a tih hmel hlemai. "Sarah-i'n (bartender) helai ah hian ka hmuh tur thu che a sawi a. Tinge i buai deuh em ni?" A hmuiah chuan hnawihsen a tat sen hlar a, a awki a tang reng chuan mipa tih lawm zei tak a ni tih a hriat hliah hliah. A cigarette thuhruk chu a rawn phawrh chhuak a. "Zanin chu hun awl ka ngah a nia. Chuan nangmah zawngin ka rawn kal vang vanga"
.
Ka kut chang thi deuh ser ser chu ka kekawr hnunglamah chuan ka hru thuak a, ka hma a ding hmeichhia chu panin a chhip a tanga a ke ler thleng chuan kan thlek nawn leha. "Ka bula hun hmang turin hun i nei tam tawk takzetin i inhria a maw? Chutin ka hmanhmawh ve ngai hauh lo a nia"
.
Inher chuang si lo chuan hnunglamah an thle phei zeuh a, a thiante chu kal sawn rih turin an mitmei zauha. Ka kap zawn a rawn melh lai chuan a hmui a pet fan fan a. "Hunah zawng buai duh suh"
.
Min rawn din hnaih sauha. Ka awmah rawn vuanin building bang lamah chuan min nam phei a. A thil tih dan tur chu ka lo ngaihruat lawk thiam mai, kei lahin ka hnar thei lo, a chhan chu ka mamawh a ni.
.
Ka cigarette chu pakhat la chhuak lehin ka tran a, chutih lai chuan ka hma zawnah a lo thingthi a, ka kawnghren phelhin ka jeans chu a phelh nghal mawlh mawlh a.
.
A che rang phian mai. Ka jeans chu ka malpui thleng a pawt hlip thla rawp a, a kut pakhat chuan ka **** khawng trun tawh chu ka kekawrte hak chhan a tang chuan a rawn zut kuala.
.
"Mmmm.......a lian tha tih ka hre nghal mai. A dik tiraw..?" a rawn nui suk a, ka kekawrte pawh chu a pawt hlip nghal a. Chu veleh ka **** chu a rawn kawh chhuak nghal luaha. A meng zau kawk a, a hmui chu an liak kual a. "A va lian tha ve leh....Hemi nen hian hun nuam tak kan hmang dun dawn tih ka hre nghal mai"
.
Ka maimitchhing a, chu nu chu ka lamah ka pawt hnaih sauh a, a hmui lum ham ham leh ka **** hmawr chu a insi ta chiaha. Music muang fan raih a a ri ang mai hian zei leh hmanhmawh miah si lovin a hna chu a tan a, a tih pah chuan ka malpui chu a zut kual vel ruai a. Meizial tur chuan ka thluak a fan raih raih a, hnuai lamah lah a lo nuam ve bawk nen. Chu chu tunah rih chuan ka thil mamawh ber ani.
.
A fawp chak telh telh a, ka rum ham ham a, a tukhumah chuan thamin ka thaw halh halh a. Ka **** hmawr chuan a hrawk sa tha tak mai chu a va nawk tawn tawn a, ka mawngtamah a rawn tham a, amah zawk zawk chuan nuam a ti ngang mai.
.
A samah chuan thamin ka phawi chhuak a, ka cigarette fawh lai chu ka paih a. "Han bungbu teh le" ka ti a. A hnungzangah chuan chul in a thawmhnaw hak chu ka hlim chho a, a mawng mam mawi zel mai chu ka hma zawnah chuan a lang chiang hle a. A dar phen a tang chuan a rawn leh hawi tawk tawka.
.
A mawngtamah chuan ka beng thlawp thlawp a, nuam tih hmel deuh hian a au chhuak thawt thawt a. "Kha kha a ni lawmni i duh chu?" tihpahin a kekawrte mawngzep hak chu ka pawt hlip hrawk a, a ke a tang chuan ka pawt chhuak nghala.
.
Ka ipte chu zenin ka condom ah chu ka phawrh a, ka kheh a, ka vuah nghal mawlh mawlha.
.
A **** tui hlap leh mawm hlap tawh chu ka en a, ka **** chakin a riltam a ni tih ka hria. Mahse enga tinge...? Dik lohna ka nei tlat.
.
Ka condom vuah sa chu ka pawt phelh leh a, building karah chuan ka vawm lut thuai a. "Hrep tak hian...."
.
Min rawn en a, chuveleh a tho a, a thawmhnaw chu a siam tha nghal mawlh mawlha. Min en danah chuan a lungawi loh hmel ngang mai. "Eng nge dik lo awm a? Kan ti dawn nge dawn lo?"
.
Ka lu thing chung chuan ka jeans chu ka pawt chho a, ka thaw hak a. "Ti lo ang". Ka dinna a tang chuan ka kal sawn a, kal pahin ka kawnghren chu ka siam tha mawlh mawlha. Thil eng emaw ka tih a ngai a ni. Thil dang ngaihtuah hman lo leka ka insiam a ngai.
.
.
.
Bar ah chuan ka thu ran a, Sarah-i chu ka ko a. "Khawi maw i neih strong ber kha min han thlit teh. A thawk chak ber tur kha". Bar stool ah chuan thu in zu um leh no a la lai chu ka lo thlir renga. Ka bulah chuan a rawn thli a, min rawn en a, a rawn nui saka.
.
"Eng nge Sarah...?"
.
Lu thing chungin a nui a, ka whiskey tur a thlit chu min rawn pe a. "Nang chauh hi rilru hah vanga helai hmuna rawn kal i ni lo a nia" . Ka hnung lam chu an melh zeuh a. "Saw, Hemy-a pawn thutpui a nei chhelo khawp mai"
.
Ka no chu ka tlak pawp a, ka hnung lam hawi chuan ka inher nghal a. Ka thin a phu nghal dawt dawt mai.
.
Eng thil nge ni ngai?
.
"Eng tia rei nge saw nu saw a rawn thut tawh?" No chu dah letin ka ding chhuak nghala.
.
"Kha..., a dang hi tlak leh rawh". Sarah-i chuan min thlit lehnghal a. "I chhuah hnu deuh lawk khan a rawn thlenga. Vodkha shot thum vel chu a in tawh ang. Hemy-a bula awm saw nuam a tih hmel khawp mai". Ka no ruak chu min rawn lak sak leha. "Hmeichhiate hi chuan min ti lawm thiam tu leh kan harsatna min hriatthiam pui a, min ngaihthlak sak thin tute bula awm hi nuam kan ti ber mai"
.
Hemy chuan a zeina zawng zawng sawmkhawmin Aspen-i chu a lo kawm hlim mek a ni tih ka hria. Hemy-a chu stage lamah a lawn chho a, chuveleh hmeichhe ho chu an rak tuar tuar a, Aspen-i pawhin hmuhnawm a tih hmel khawp mai.
.
Hemy chuan a jeans kilhna chu phelhin a awm a tang tui a leih a, Aspen-i chu a la melh zui lehnghal. Aspen-i pawh chuan a dul a lo chul sak a,mahse hmuhnawm ka ti em em tho si.
.
Ka va pan phei a, Aspen-i banah chuan vuanin ka lam hawiin ka kuai herh dawrh a. "Hetah eng nge i tiha?"
.
Aspen-i chu a nui uar uar a, a kut ka vawnna chu a la thla nghal a. "Hemy-a inphelh ruak lai ka en dawn. Eng nge thil dang ti vak tur a min ngaih a?". A inher let a, Hemy-a jeans ah chuan pawtin a lamah a pawt phei a. "He lai mimawl pa vang mai mai hian tawp lul suh" a la ti zui lehnghala.
.
Hemy-a chuan nui suk chungin a mitko min rawn san khum zuk a. Aspen-i chuan a dul a tanga zut thla in a kap zawnah chuan a tawp chat a.
.
Aspen-i chuan min rawn en a. "Vawiin i mood a fuh loh a vang mai khan ka hlimna hi min rawn tih bawrhban sak tum reng reng suh". Hemy-a **** chu a chul kual ruai a, Hemy-a lah chuan nuam a tih hmel em em mai lehnghal. "Mahse Hemy-a ai chuan tlemin i neilian deuh zawk a nih hi" tihpahin a nui uar uar a. "Mahse a ni hi chuan nang aiin a hmang thiam zawk dawn hrim hrim"
.
Tlawmah ka la ta hlemai. Chutia a khawih sak lai ka hmuh reng chuan Hemy-a chungah zawk ka tuan ang tih ka hlau hlel lo ve. "Tirawh i haw ang. Tunah" tihpaha kaih ka tum a.
.
A kut chu a la sawn rang chiang hlemai. "Hemy-a bula awm hi nuam ka ti daih zawk. Stripper zei leh fel tak a ni". Hemy-a chu a din hnaih sauh a, a awm leh a dul vel chu a zut kual saka. "Bakah a neih nawm ka ring tlat. Mi in an sawi ka hre tawh. Chu chu ka tem ve chhin chak"
.
Hemy-a chuan a kawngah a kuah a, chuveleh a awmah chuan ka va nam leng dawrh a. "Kal sawn nghal rawh Zawng-a" ka mitmeng a tang chuan ka uan loh zia a hre ngei ang. "Kei nena intihbuai nan chuan hun tha tak a ni lo maithei a nia"
.
Hemy-a kalsawn tur chu a lungawi loh hmel ngang mai. Hreh tak chungin hmeichhe dang ho lam chu a pan phei hna hna a.
.
"Khatia rawn tih vak kher kha a tul em ni a?" Aspen-i chuan a bag a la a, kawngka lam a pan nghal a. "I bula awm hi ka peih tawh thlawt lo. Min mutpui a, chumi hnu lawkah i room a tang hnawmhnawk ang maiin min chhuah tira, chu mai pawh duhtawk lovin ka thil nuam tih zawng ka tih ve naah lehzel pawh min rawn la um zui a. I thluakah khan eng thil thalo nge maw awm bik reng le?" A kal chak zual sauha, a hnungah zel ka zui ve zela.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2016, 5:35 pm

"I hriat ve tur a awm lo e. Mahse tunah hian changpat cheh chhum ang maiin i tal vel mai mai a ni. Hemy-a khan kei aia hlimna pe thei zawk tur che a i ngai a nih chuan i ring sual khawp ang. Inah a hruai haw che ang a, a thian tu tu emaw a call ang a, nawmchen nan an hmang ang che. In muhil ang a, zing in thawh hunah an tih dan ngaite bawkin an sawngbawl leh ang che nga. A tawpah nangmahte in i awm bal mai ang. Hemy-a hian thil tha engmah a ti ngai lo"
.
Kawngka chu hawngin a chhuak nghal vat a. "A nih engtin nge ka tih vak chuan ang a? Tumah hian min lo duh tak tak lo a nih hi. Midang tan engmah ka lo ni lo. Bakah heng thil vel zawng zawng a vang hian ka chau zo tawh"
.
A thiannu car a hman sak lam chu a pan nghawng nghawng a, a kawngkhar a hawng tur a han pawt chu a ke a chhep sual a, a tlu thelh a. Ka va tlan phei a, a chahbi keng chu ka va chhuh vata. "Hetiang hi chuan engmah i khalh lovang" ka lo ti nghal a.
.
Chahbi chu min rawn chhuh leh tumin a rawn ban vat a,mahse a ban phak loh turin ka lek kang daiha. "Khawi maw..., min lo pe teh. Chahbi khaa..." ka awmah te chuan a rawn chum a, a rawn nam a.
.
"Khalh lovang, i rui lutuk".... ka pe duh lo chu a meng tum bura. Ka kekawr ipte ah chahbi chu ka ak hmak a, a hmel tum bur hmel chuan a ti duhawm leh zawk daih bawk si.
.
A hnu deuhah phei chuan engtin tin emaw a infiam nan kan hmang a,kan nuite a za letling leh ta phian a.
.
.
*** ***
.
Engtin tin emaw in pawh chu kan thleng ve leh mai a, kan thil tih vel a vang khan a nuih a la za. A la nui kiah kiah mai.
.
Inchhungah chuan ka pu lawp a, ka kal pui a. "Hey...ka mawng a lang ania". A pawnfen chu siam that tumin a rawn ban tang tanga "Ka kekawrte, ka kekawrte"
.
"Tuman an hmu teuh lo" tihpahin a mawngah ka ben sak thlawrh a. "Kan pahnih lo tumah an awm hleinem. I mawng pawh chiang tawkin ka hmu tawh lehnghal"
.
"Chu chiah...mawng chauh lo pawh" tihpahin ka kawr tlang chu rawn vuanin a pawt hlip a, ka hnungzang chu a lang huau a. A kutzungtang hmawr chu ka jeans tlangah chuan a rawlh luta, ka mawng a zuk khawih a, a za duh em em mai lehnghal. "Hei chauh lo hi ka hmu duh" a rawn ti a, ka hnungzangte chu a chul kual ruai a.
.
A mawngtam chu ka tham sak a, a nin a bawpin min lo kherh ve bawka. Ka nghawngah a rawn seh fiam a, chumi pah chuan ka kekawr kawnghren a rawn phelh bawk a. Keipawh chuan ka pindan lam ka pan chhoh pui meka. "Han inphelh vek teh Dirty boy. I taksa hi a sexy ka ti lutuk. A liah a liah chhuah vek ka duh"
.
Ka pindanah luhpuiin khumah chuan ka nghat chawrh a, a tlanchhiat leh hmain kawngkhar pawh a chhunglamah ka kalh nghal a. Mahse he thil hi ka ti thei lo ang. Pakhatnaah chuan a rui tlat. Pahnihna, ka dan kalh a ni.
.
Tuivawt a inbual phawt ka duh. Inhnuaiah zuk chhukin ka zuk inbual zuai a, ka chho leh chuan khumah a lo muhil der tawh a. A thawmhnaw leh a pheikhawk sangte pawh chu a lo inphelh ve vek a, ka kawr nalh tih deuh a la ha zui. He kawr kher kher hi zawng a inhmeh thlawt. Vantirhkoh nen ka tehkhin ber mai.
.
Cigarette tran pah chung chuan pindanah chuan ka tei kual a, a muhil lai chu ka thlir paha. A mut dan lah chu a thla a muan hmel em em mai lehnghal. A bula zuk mut ve a, kuah hle hle chu ka chak ngei mai. Mahse ka ngaihtuahna pakhat zawk chuan chu chu tha in a hre tlat mai bawk si lo. Helena-i thlalak ka neih that ber chu ka la a, a bul lawka tukverh bulah chuan chair la in ka thu ta ringawta.
.
Helena-i thlalak chu ka en vang vang a, a thlalak ka en lohna pawh kum khat dawn a lo ni ta reng mai. A chhan chu natna min thlen fo thin a vangin.
.
Darkar 1 dawn thimtham zingah chuan ka thu a, ka rilru a a rawn thar leh miau a vangin ka thawk a hnawha,ka hui leh deuh pap pap thin. Hnung lama thawm rawn awm a vang chuan ka inher let vata. Ka va en phei a, min lo en let kara.
.
"Min han hrilh teh" a rawn ti a.
.
Hrilh tura ka han indah chhin zawng ringawt pawhin ka na nghal vawng vawng mai. Hun rei tak chhung chu thil chu ka lo up tawh a, tunah chuan sawi chhuah a hun ve tawhte pawh a ni thei tho a. Kar 2 hnu velah a ni pawh an awmna lamah a haw leh mai tawh anga, hrilh ta ni ila ka thawl hawk zawk lovang maw?
.
Ka ding a, thlalak chu khumah chuan ka thehthla a,ka mittui tla tur chu dan beh hram hram ka tum a. "A hming chu Helena Valentine ani a,ka nupui hual a ni a,ka fa a pai mek bawk"
.
.
END OF CHAPTER -13

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2016, 5:35 pm

WALK OF SHAME : SLADE (21+ Only) . Chapter -14


Unread postby Noah Hringngen » Tue Nov 01, 2016 11:02 pm
.
.
> ASPEN <
.
Ui ka rei lehh.....!!
.
Chu thu ka han hria chu ka taksa a na vawng vawnga, ka luakte lam a chhuak hnur mai. Thlalak ka la tur pawh chu ka hmu fiah lawk thei lo.
.
"He thil hi sawichhuah ka duh hauh lo. Mahse ka zep reng na hian keimah a thil awm engkim mai hi min eiral sak zel a, nakinah phei chuan engtin tak la awm ang i maw..! . Theihnghilh tumin ka bei a, hunawl pawh ka insiam ngai meuh lo. Mahse ka zep reng seng tawh bik lo a ni e"
.
Slade-a chu ka en a, a thaw hak a. A mit chu a tui hliam a, tap lo turin a insum nasa hle tih ka hria. Bakah ka hmaa tah chu a tan chuan a tlawm thlak viau ang. Kei pawh ka tawng thei bik lo. Engtin nge an awmzel tih chu ka hriat chak rual rualin hriat a hrehawm ka ti takzet.
.
"Ka zawng zawng hian ka hmangaih takzet a" a rawn ti leh a. "Amah emaw, ka fa a pai lai emaw kha engtikah mah kal san ka duh ngai lo a, ngaihtuah pawh ka ngaihtuah ngai lo. Bakah tun a mi ang hi ka ni ngai lo". Ceiling lam a melh a, a kut chuan a hmai an tuai a, a awmdan a tang chuan a beidawn hmel hlemai.
.
"High school kan kal a tang kan inngaizawng tan a, mahse kum 10 ka nih a tang vel khan kan inhre daih tawh. Ka thian tha tak a ni a, a laka ka rilru put hmang pawh ka hrilh lawk ngam lo. Chutiang chuan rei tak ka rial a, min lo duh lo ang a,kan inthianthatna thleng chuan a tuar ang tih ka hlau a ni".
.
A chawl det a, a meizial chu tanin a sawi chhunzawm leh a. "Ka tan chuan thian piah lam daih a ni a, ka tan hloh a thiang lo va, chu chu a thlen ka phal hek lo. Ngaihzawng a neih pawh ka hre fo a, a thinlung an tihnat sak ziah tih pawh ka hria. Ka lakah a rawn vuivai a, a rilru natnate a rawn thlen a, ka thiam ang tawkin ka lo hnem thin. Kei chuan a tana ka awm reng tur thu ka tiam a, ka thutiam pawh chu hlen ngei ka duh. Zankhat chu mipa pakhat hian khawih luih a lo tuma, chu pa chu ka khawih hrep phah lehnghal. A rilru na lai hmel chu ka hmuh theih tawh loh thu ka hrilha"
.
A cigarette zuk chu a hip vang vanga, tukverhah chuan dakin a mitthlaah eng eng emaw a rawn lang chuai chuai tih pawh ka hria. A aw pawh chu a trial lek lek tawh . A thinlung a tap mek a ni. Chu mi hriat chu hrehawm ka ti.
.
"Chumi zan chuan ka huaisenna zawng zawng sawmkhawmin ka hmangaih thu ka hrilh a, ni e..ka hmangaih miau a lawm. Chu thu chuan a thawng hle a, kha mi tuma a hmel kha ka la theihnghilh thei lo. Min rawn din hnaiha, min rawn fawp nghal a, ka pian a hnu lama infawh nuam ka la tih ber tum a ni. A ni pawh chuan min lo hmangaih ve renga, hrilh ka hreh ang tho khan min lo hrilh hreh ve tho hi a lo nia. Chumi zan a tang chuan ka ta a ni a, ka engkim leh ka duat ber ani". Ka lam hawi chuan a rawn inher a. "Chubakah a rilru tina tu ka ni ngai lo. Ka khawvel a ni a, ka engkim hi a tan pek pumhlum thak pawh ka inhuam"
.
Hnuai lam a melh a, a chal a dawm a. Ka hmu chiang lutuk chuang lo nangin a mittui a farin ka hria. A cigarette chu an pak khu ham ham a. "Ram te leiin hlim takin kan cheng dun ang a ka ti thin a. Hrep tak hiannn....!!"
.
Chhuatah chuan a thu hnawk a, a khupah a kiu a nghata , a kutin a hmai a hupa. "Chu chu tih ngei pawh ka tum a sin. Kha Car anchhedawngah khan kan pahnihin kan chuang duna" A lu chu a hma leh hnung zawngin a ti che a, a tukhum chuan a hnung bang chu a khawng dawt dawt a. A mittui chu muangchangin a rawn luanga. "Khami zan khan khawiahmah kal ka duh lo. Ka bula riak ve mai turin ka ngen a, kum hlui thlah zan a ni a, zu pawh ka in lo. Mi ho lah chu an ri luai luai renga, chutiang boruak awm mup mup kara thlah hawn kha ka duh lo. Mahse ka fa thla riat mi a pai meka, a awm a tihnawm zan loh thu leh mut hah chawlh a mamawh thu min hrilha. A tawpa tawpah chuan keipawh chuan ka pawm saka". Ceiling lam chu a melh chho a. "Ka tihpalh lutuk aw Helena. Khatah khan i kal kha lo phal lo lui tlat ilang chuan maw tunah hian ka bulah ka fanu Hailey nan khan in awm dun tur. Him takin ka enkawl che u anga, ka humhim tlat tur che u hi a nia"
.
A kuna, a hmai a hup a, a taksa chu a che hlawk hlawka. A tap ve tak tak ta, tap satliah a ni, rilru kehchhia tap a ni. Keipawhin ka mittui ka dang zo bik chuang lo. Ka thinlung hi a lo na ve vawng vawnga. Mahni a natna ril tak up beh reng chu a tha lo a, amah leh amah a indem a nih leh lek phei chuan chu chu a tan leh a hriselna a tan pawh a thalo takzet.
.
Ka tho a, a bulah chuan ka ding a, a ni erawh a rawn hawi chhuak chuang lo. "Car chuan a nunna a lak sak ta a ni. A ring ruh a tliak a, keiin tih theih ka nei tawh si lo. Ambulance rawn thlen hma chu a kutah ka chelh tlat a, ambulance ka nghah chhung kha chatuan tluka rei a ni. A thaw tawh lo tih ka hria.....mahse a kutah ka chelh tlat a, tawngkamin ka thlamuan mawlh mawlh bawka. Mahse thisen chu khawi hmunah pawh mai chuan a luang sen ngeih nguiha, a thutna seat te chu thisen chuan a chiah huh veka, chuti chung si khan beiseina erawh ka la nei tho"
.
A rawn tap chhuak hawk a, a tap zui nghal hlawp hlawp a. A rawn tawng leh pawh chuan a aw chu ka hre thei chang changa. "Kha mi zan khan ka hringnun zawng zawng hi a thi ve ta a ni. An kiangah khan"
.
Engmah pawh ka ngaihtuah thei tawh lo. A hma zawnah chuan thingthiin a banah ka vuana, mahse ka ban chu min lo paihthlak sak nghal a. Ka va vuan nawn leh ngat a, a hmai a hupna chu ka lak thlak sak a, mit sen rum leh mittui tling pam chung hian min rawn melha.
.
"Chu zan rapthlak tak a vang chuan nangmah in dem reng reng suh ang che Slade. Nangmah leh nangmah chu inthiamlo lul suh. Nang chuan an tana i tih theih zawng zawng i ti a lawm"
.
A mittui chu a rawn luangthla leh riai riai a, amah a hmachhawn tur chuan a natna chu a na em a ni.
.
A biangah ka va dawm a, ka kutzungpui chuan dimte in ka chul a, keipawh chu ka mittui a rawn luang ve nghal a. Engmah a la sawi chuang lo. Min rawn en a, chutianga ka ti chu mak a tih hmel takzet.
.
"Ka bula i sawi chhuah kha a pawi reng reng lo. Ka theihtawpin ka pui zawk dawn che a lawm." A lu a thing a,a maimitchhinga, a mittui la chambang chu a rawn luang chhuak a.
.
"I ngai a ni tih ka hria a lawm. A pawi reng reng lo,zah pawh a zahthlak loh. Khawvel hian i ngaih zia an hre zawk dawn nia. I rilruah an thi thei ngai lovang, a chhan chu i sawichhuah theih miau loh a vangin"
.
A hrawk a thian kharh a,ka piah bang lam chu a rawn melh a. "Nitin mai hian ka bei a, ka chan a ni tih ka hriat chhuah a piang hian ka awmdan a dang a,ka na vawng vawng zel. Nitin kan inzui a, fate nen a kan awm hun tur kan suangtuah dun fo thin. Kha ni a rawn thlen a tang khan ka taksa chu a chawl veka, mahse tunah erawh ka zia chho ta viau mai. Heti chung hian nitin ka thi a, ka thi a, ka thi nawn awn awn mai a nih hi. Thawk lakna hun tur takngial pawh ka nei lo Aspen"
.
Ka va kuaha,ka lamah kuai pheiin nghet takin ka kuah a. Min namkiang miah lo chu mak ka ti lek lek zawk. Ka nghawngah a hmai a rawn phum a,ka lu ah min rawn kuah let a, a mittui a la tla tih ka hria.
.
Rei tawk fang kan inkuah hnu chuan min kuahna chu la thlain a ding a. "Chawlh hahdam rih i mamawh ang Aspen" min rawn en zeuh a, min pawm kang lawp a, a khum lam min pan pui a. Khumah chuan dimte in min nghat a. "Ti khan mu rawh. Cale-a pawh a lo haw tep tawh ang"
.
Khum tlangah chuan a thu a, a ham bui bui a. Keipawh chu tho lehin a bulah ka va let pheia, a darah ka kuaha. "Nang pawn chawlh hahdam i mamawh a lawm. Kei chu thutthlengah ka mu zawk mai ang" a taksa lian tak chu ka hmaiin ka nawra. "Min mamawh a nih pawhin ka awm thei tho" zahtheihloh chhuah tak meuh meuhin ka ti a.
.
A rawn inher a,ka kawngah rawn kuahin khumah chuan min thal pui a. Ka nghawnga ka sam chhawl leng inzam siau chu a rawn hui kianga, a thaw lum ham ham a. "A nih chuan ka mamawh che" a aw chu a thawp sat a.
.
Chu thu a sawi lai chuan ka thinphu a lo rang nghal dawt dawt a. Va kuahin ka lamah ka pawt hnai sauha, ka taksa si thei ang berin ka kuaha. Hetiang ang hian vawikhatmah kan la mu dun ngai lo va, ka thawkte lam lam a buai thelh mai. Nuam ka tih lutuk vang a nih ngei ka ring. Hmeichhia chu a mutpui ngun tawha, mahse tuna kan awm dan ang kher kher hi chuan tumah a mutpui ngai lo tih ka hria. Chuvang chuan special bik riau hian ka inhria a,ka awmdan chu a nuam veng veng mai.
.
.
*** ***
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2016, 5:36 pm

Ka han harh chuan kan riah dun hmasak ang tho khan Slade-a hmel reng hmuh tur a awm lo. Min kuah a vang khan dam sawng sawngin ka inhria a,ka lo mutui lutuk a niang.
.
Slade-a a rawn let leh mai beiseiin khumah chuan minutes 20 vel kan thu ren rawn a, mahse rawn lan tih reng a awm chuang lo. Nizana a awmdan kha a tha vak si lo va, a rilru natna chhawk tu tur zawng hian zu hmun lamah a lo va kal leh daihte ka ring deuh rum ruma.
.
Khuma tang ka tho a, inhnuai lam panin ka chhuk a, Cale-a pawh thutthlengah a lo la muhil suk suka. Bathroom ka thlen phei chuan ka ding det a, a chhan chu kawngkhar chu tlem a a inhawng kau deuh a vangin. Mahse light erawh a in off thung. Hman tum a thil thleng kha ka la hriat reng a vangin ka lut ngawt ngam bik lo.
.
Mahse din reng thu lah a awm bik si lo. Dimte in ka hawng a,ka lut dek dek a. Slade-a chu kawr leh boxer ha chungin a lo awm a. Bang a ngheng a, inchung lam a melh ngar ngar a.
.
"Hetah daih i lo awm a....i tha a maw?" Ka thawm a hriat chuan a rawn hawi vata. A mitmeng chu a danglam tlat. Engtia danglam nge tih erawh ka sawi thei chuang lo nangin danglamna riau a nei. "Mamawhte i nei em?"
.
Muangchangin min rawn pan phei a, ka hmel ngawr ngawr chu a melh ngur ngur a, mahse a hmel landan erawh a hahdam fu mai. Chutiang hmel a put chu ka vawikhat hmuhna. Ka biangah a rawn dawm a, a rawn kun hniama. "Aw nei" a rawn phun sep a. "Nangmah"
.
"Maw-....."
.
Ka sawi zawh hma hma chuan ka tukhumah rawn vuanin a lamah min nawr phei a, a hmui leh ka hmui chu a insi nghal chata. Dim deuhin min fawp a, mahse ka lungphu erawh rang tak ani. Zawimuangin a lei a rawn hawlh lut ralh ralh a.
.
A taksa si chet chuan min pawt phei a, bang lamah min nawr let leh a. Ka kut chuan a taksa nalh leh lian tak mai chu a chul kual ruaia.
.
"I hmui hi a tui ka ti" ka hmui bul chetah chuan a rawn phun sapa. "Hetianga mi fawh chak hi ka la nei ngai lo.....hman a tang tawh khan". Ka hmui hnuailam chu a rawn seh a. "Ka bula i awm hi chuan, chim lem ka nei thei lo a nih hi"
.
Ka fawp let tawn tawn a, a hnungzangah chuan ka ham tiam tiam a. Ka bawp chu rawn la kangin min pawm nalh a,kan piah lawka shower lam chu min pan phei puia. Chhuatah chuan min nghata, ka kawngah rawn dawmin a lamah min pawt phei dawrha.
.
Min fawp reng chung si chuan shower chu a on a, kan pahnih chuan chunglam a tangin min rawn phuh seng senga, kan infawhna erawh kan thlah eih lo.
.
A t-shirt chu zawimuangin a hlip chho a,ka mal chu a kut pakhatin a rawn zut nghal a. A khawihna lai a piang mai chu a trek hit chhawk chhawk zel mai hian ka hria. A fawhna leh a khawihna lai a piang mai chu current voltage sang taka deh zawk zawk ang mai a ni.
.
Kan thil la hak chhun chhun ang chu a huh hneh tawh em a vangin kan taksaah chuan a bet thlup tawha. Ka mitah min rawn en kalh a, ka kekawrte pan tak mai chu zawimuangin ka khup lamah a pawtthla riai riai a, chhuatah chuan thingthi in ka kekawrte chu ka ke a tang a la chhuaka.
.
A darah ka lo vuana, ka kekawrte a phelh lai chu ka lo chhuk en kar a. A phelh zawh chuan rawn hawi chhoin min rawn en a,ka mal no tak mai chu rawn chulin a rawn fawp zui nghala. A rawn fawp chho zel a, ka vanvadaka a, ka thaw halh halha.
.
A fawh thlen hma tak tak chuan a rawn tho daiha. A hmai huh hlap mai chu a kut chuan an tuai a, bathroom chu a la thim rei ruai a, mahse a mit dumpawl nalh tak erawh chiang takin ka hmu thei thung. A tukhumah dawmin uar fahran hian a hmuiah ka va fawp a, ka kham thei mawlh lo.
.
A kap ruh tul mai chuan ka dul a rawn do run a, ka mawngtamah rawn vuanin a rawn tham tawn tawna. Min pawm kang lawp a, bangah bawk chuan min nawr bet a, rang takin a kawngah ka lo kherh nghala. A kap khawng pawng tulh leh ka kap a han innawk chiah mai chu ka za chuai a, ka taksa chuan a mamawh nghal ngawih ngawih mai. Ka tre thawt a, min rawn fawp nghal vata.
.
"Enga tinge a nawm bik em em le?" Ka ti thawp sat a.
.
"A chhan chu keimah ka nih a vangin" a nui suk a. "Nang ka it ang che hian midang ka it ngai pawh ka hre lo. Danglamna bik i nei a ni". A taksa si thei ang ber tur chuan ka taksa chu ka kan a, a **** ruh tul mai chuan ka kap chu a rawn nawr euh euh a. Au chhuah vak mai chu ka duh, ka kekawrte pawh a hnam titih nghal der mai. A lian tha in a ruh tul mai bawk si. Chutiang ang em em a mipa ka chak chu a vawikhatna a ni. Phelh ruah veka duhtawk a nawmchen tir ka chak.
.
Ka ke chu la thla in chhuatah chuan ka thingthi a, a kap pawng ul tawh, chhuah zalen hun nghakhlel tawh tak nen chuan kan inhmachhawn runa. Ka kut chuan ka va khawih a, ka mitthlaah erawh thil thleng tur zawng zawng a lang nghal vek. Thlan tur dang a awm chuang lo. A boxer hak a tanga chhuah tir ngawt mai loh chu.
.
A kawng elastic chu ka pawt phelh a, zawimuangin a boxer chu ka pawtthla a. Chu veleh a **** chu a rawn kawh chhuak nghal luah a. Ka hmuh tawh a zawngah a la nei nalh ber. Ka hum a, a lo rum ham ham a.
.
"Ka khawih sak ringawt che pawh hian keimah hi ka a thei mai dawn" ka ti sap a. Ka kutah rawn vuanin min kai tho a, bangah chuan min nawr beta. A kuthmawr chuan ka biang a rawn khawiha, ka hmai a ka sam bet ho chu a hui fai a.
.
A kut lehlam chuan ka kap a rawn zen a, a kut hmawr tlem chu a kawm lut riai riai a, chutiang chuan muangchang leh dimte in min sawngbawl a.
.
A awm huh dap mai chu ka fawp chho a,a hnute sen hlar mai chu fawpin a nghawngah ka fawp chho a, a beng bulah chuan "I k*wm luh khan nuam ka ti lutuk" ka tisap a.
.
A hma aiin min rawn nawr bet sauh a, a kawm lut thuk sauh bawk a. A luh a piang chuan a spot a han tawk fuh zel nen, a nawm dan zia chu. "Tawp suh..khawngaihin tawp lul suh" ka aw te chu a lawi vek tawh.
.
"Ka kutzungtang ka k*wm luh hi nuam i ti tiraw bawihte? Nge ni a a dang i duh zawk?"
.
.
SENSOR.......HELAI HI CHU CUT LAWK ANG AW.....SENSOR
.
.
A thaw halh halh a, a rawn d*p rang sauh sauh bawk a. A vawrtawp ka thlen lai tak phei chuan ka au chhuak lo thei lo. Shower ka vawnna pawh chu ka kuai bung lo chauh.
.
A **** lian tak mai chuan ka kawchhungah min chenchilh run a, a kawngah nghet takin ka bawp chuan ka kherh bawka.
.
A la zawh ve loh a vangin min rawn fawp a, min fawp pah chung chuan rang mangkhengin hnuailam a tang a rawn chho dawm zawt zawta, a chhunga a tih tlak lai pawh chu ka hre thei.
.
Kan infawp a, boruak kan mamawh dun bawk a niang, kan thaw dun hlawp hlawpa. A tu amah mah chu kan tawng lo, kan mamawh ber a ni lo bawka.
.
Kan inbual dun a, duhtawk a ka taksa an zut leh chu ka la kham loh zia ka hrechhuak. Ka la chak zek zek nia.
.
Ka dar a tang fawp chho in ka nghawngah a fawp a, ka beng bulah chuan "Hemi zawh hian chhuak dun lawk ang hmiang. Thil hrilh tur che ka nei a" a rawn ti sap a.
.
Ka maimitchhing a, ka lu ka bu zeuh a. Mahse ka rilru erawh a insual buai nasa takzet.
.
.
END OF CHAPTER -14

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2016, 5:36 pm

WALK OF SHAME : SLADE (21+ Only) . Chapter -15


Unread postby Noah Hringngen » Thu Nov 03, 2016 10:49 pm
.
.
> SLADE <
.
Ka chhungrilah ka lo up rei tawh bawka, kawlpui khengthla ang hlauh ka ni. Helena-i leh kan naute thih a tang chuan kum 3 lai a liam tawha, mahse ka ngaihtuah chhuah a piang erawh chuan nimin lawka thil thleng ang mai ani.
.
Ka kawr ka phelh laiin bedroom kawngkhar a rawn inhawng a, Cale-a a rawn luta. Mut a kham loh hmel chhip chhap khawp mai.
.
"Thiana, nichin a au thawm ka hriat kha eng thawm nge a? Shower ah nula i khuaikhem a ni maw? Min ti mu thei hleinem. Aspen-i pawh a mu thei lo tawp ang. Duh aiin thawm innei hma mah mah"
.
Ka insiam mawlh mawlh a. "Aspen-i nen a lawm kan nih. Lo lungngai duh suh bawih-a, engkim a tha vek"
.
A tawlh hnunga, min rawn melh haw a. "Ekhai aa...! Thian-a, eng nge Aspen-i a ni i tih awmzia chu?" Min rawn pan hnaia, ka bulah chet chuan a rawn dinga. "Hei hi chu a fiamthuna chi vak lovang. Hmani zanah pawh i hman pui tih ka hria. Bakah i sex hmanpui tawh hnu i hman nawn pui tawh ngai lo tih ka hre bawk. Nge ni a min tih der zawk?"
.
A darah chuan vuanin ka hmer a. "Thiana, ka tihder lo che. " a hnunga ben thak pahin ka nuiha. "Bike in kan chhuah pui lawk ang e hna lama ka let leh hma". Kawngkhar lam ka pan a, ka chhuah hma chuan ka lehhawi leha. "Len chhuah nan chuan khaw awmdan lah duhthusam. Helai arbawm a inkhung reng zawng a hne awm tlat"
.
A hmai chu an chul thuaka. "Kan mu tha leh teh ang. Mahse thawm ngai bawk khan min tih harh leh tho ka ring"
.
Ka nui suk a, chahbi lain inhnuai lam ka pan thla a. Aspen-i pawh Cale-a room a tang a rawn chhuak chiah a, jeans kekawr mawi zet mai a rawn ha a, kawr var thianghlim sar nen. Ka nula ngei a ni e.
.
A kawngah va kuahin ka lamah ka pawt phei a, a hmui hnuailamah chuan ka fawp nghala. A tir chuan mak a ti deuh tep a, mahse ka tukhumah rawn vuanin min chhanglet ve nghal vata.
.
Ka hmui chu la sawnin a chhip a tanga a ke ler thleng chuan ka en a. "Khai....i van sexy tehreng em". Fawh lehnghal pahin a mawngtam chu ka tham tawn tawna.
.
"Wow...ka beisei loh lam daih. Thil thleng thei pawh a nih hmel loh. Nangni pahnih awm dan chu"
.
Cale-a tawng ri a hriat chuan Aspen-i chuan a hmui a la sawn nghal vata, a mitmeng a tang chuan a zah hmel hlemai. Keipawh chu min nam sawn nghal vata. "Ummm...., ka lo kir leh vat ang. Slade-a hian min hruai lawkna tur a nei a"
.
Cale-a chuan a mithmul a kan ak a, thutthlengah chuan a thu a. "In va ti leh dawn em ni? Vawi hnih kha a tawk tawh viau lo maw...?"
.
"Haha.....i van ho tak mawng-a". Aspen-i chuan min rawn kai a, pawn lamah min chhuahpui nghala.
.
"Thian-a kan kal a nia. Ka bulah a awm hi, lo ngaihtuah reng reng suh."
.
Aspen-i chuan ka bike awmna lam chu a pan nghal a. A phone la chhuakin thil nghah eng emaw nei ni awm tak hian a melh vung vunga. A phone chu a ak a, ka lo en reng a ni tih min rawn hmuh chuan min rawn nuih seiha.
.
"I inpeih tawh maw? Khawi lamah nge kan kal dawn a?".... ka rules a hria a, ka rules ka bawhchhe mek tih pawh a hria. Bike lam chu ka pan a, ka helmet chu la in ka khum tira. Bike ah chuan kan chuanga, a kut chu lain ka kawngah ka inkuah tira, "Nghet deuhin min kuah ang che"
.
Min kuah pah chuan ka hnungah a rawn bei a, ka taksa a lum nghal pup pup mai. Engine ka ti nunga, kan tlan chhuak nghala.
.
.
Darkar khat vel kan tlan hnu chuan kan kalna hmun tur chu kan thleng ta. A hma ni lawka ka hruaina hmun tho kha ani. Khami ni a kan awmdan zawng zawng leh sex kan hman teuh ziate kha mitthlaah a rawn lang chuai chuaia. Ruah sur hnuaia kan insawngbawl dan zawng zawngte....,bakah ruah sur hnuaia tih hi kei chuan a nuam ka ti a, min deh dan pawh a dang ber.
.
Ka suangtuahna mitthla chuan ka taksa awmdan a thunun ti tih leh dawn tlat. Aspen-i chu bike a tang a chhuk a, keipawh ka chhuk veleh chuan ka kap rawn pawng chu a hmu ang tih hlau takin ka siam rem nghal sawk sawka. Ka bawihte-a lah chu a lo tho kawh ut a,ka jeans hak a lo thawl lutuk vak bik lo nen. Aspen-i chuan a rawn la hmu hman tho zui, a chil a lem khalha.
.
A la duh a a ka chak a nih phawt chuan kei chu inring reng ka ni mai.
.
"Hetah hian lo kal teh bawihte"
.
An ding deuh data,ka lamah rawn pheiin ka hma zawnah chuan a rawn ding a. Chik zet hian min rawn en a, Chutiang em em a chika min en nachhan chu ka hrechiang chak hlemai. "I duh chu min zawt rawh"
.
"Nangmah hi hriatchian che ka chak ani Slade. I chhuar a suit i khai zawng zawngte saw eng a tan nge i tih? I ha lai thlalakte kha ka lo hmu a, i lan dan pawh a dang khawp mai.....Tuna i landan nen hi chuan inanglo tak a ni"
.
A hmel lah chu a thutak em em mai lehnghal. Hmeichhia ka mimal chanchin min zawt hmasa bertu a ni bawk. Hmeichhe dangte chuan nuam taka ka siam theih dan tur bak eng dang mah ngaihtuah an nei ngai lo. An nawmna tur ang ngei chuan ka siam a, lungawi takin ka awm tir a, chu chu nuam ka tih ber pawh a ni chho tan tawha, chu chu he hringnun pamhmai tak laka ta ka chhuah theihna kawng awm chhun a ni rih.
.
Chhan tha tak a vangin hrilh ve chu ka chak tlat. "Aw le, ka hrilh dawn che nia". A kawngah chuan chawiin bike hnunglamah chuan ka dah a, a hma a helai hmun kan kal tuma kan awm dan ang chiah. Tunah chuan ka tan pawn hrilhna tlak a ni ve tawh. A chhan chu thawnthu sei tak a nih a vangin. Tumah bula ka la sawi ngai loh ngei mai chu.
.
"Ukil ka nia..." ka sawi rual rual chuan a rawn meng kawk a,mahse engmah phei chu a sawi chuang lo. "Ka pa Law firm ah ka thawk thin a, chu erawh ka chak leh phur vang em em pawh a ni lo a, nuam pawh ka ti lem lo. A tha pawl ka ni ve a, mi pawn an case khawih tur a tan kei kher min rawn pan fo mai. Kei pawn theihtawp ka chhuah a, a beih lah ka bei nasa. Mahse reiloteah ka hne a, a ninawm ka ti takzet"
.
A bawp chu la kangin ka kawngah ka kherh beh tira, a hnungzangah ka vuana. "Accident a thlen a tang khan ka khawvel chu thawk lehkhatah a thim hmuk hi a ni ber a, thla khat zet chu pawn pawh ka chhuak ngai lo. Ka nun ngai a kir leh turin chakna ka nei tawh lo va, ka pa chuan eng anga nasa pawhin min nawr mahse hmalam pan a hnekin ka hnungtawlh tial tial renga. A duh anga nun hmang leh tur chuan ka chak tawk tawh lo va, theihna pawh ka nei tawh lo. Duhthlan tur pakhat chiah ka nei, bansan mai loh chu"
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 6th, 2016, 5:37 pm

"Thla a ral a, ka account a pawisa awm sa chu ka hmang heu zel a. Thil ka eiin ka in a, ka mu leh tawpa, ka pawisa neih ang ang pawhin kiam lam a pan zel a. Zankhat chu Cale a'n Walk of Shame party a kal ve turin min rawn sawma. Chetsualna a thlen zan a tanga vawikhatmah la chhuak lo ka ni nen rilru tih thawven nana han tei harh chu ka lo hreh vak bik lo va.
.
Walk of Shame ah chuan Cale-a leh Hemy-a an lama, hmeichhe ho chuan an lawm hle a, chutih rualin keipawh chu an zinga mi ang mai ka ni. Hmeichhe ho chuan min bawr tuau tuau a, min chul vel thul. Mahse nuam ka ti ta riau mai, bakah ka rilrute pawh a harh thar sawtin ka hria.
.
Club ah thawk ve tur chuan ka inpe a,a hnu rei lo teah Cale-a nen kan cheng dun nghal bawka. A tirah chuan dancer kan nia, sex kan hmang leh tawp a, a hnu deuh a tang tatoo kan chhu tana. A tirah kha chuan a nuam ka ti a,ka thar tha leh sur ni ber hian ka hria. Mahse hlimna tluantling erawh min lo pe thei reng reng lo. Rei vak lovah zu ah ka tuan leha"
.
Ka din hnaih sauha. A biangah vuanin a mitah ka en a. "Min hrilh a vangin ka lawm takzet. I tan a a har dan tur zia chu ka hmu thiam ve rei ruai. Bakah hetiang hian tu bulah mah thil i sawi ngai zen zen lo tih ka hria a,ka tan chuan a hlu bik takzet a ni". A rawn kun hniam a, amah zawk chuan min rawn fawpa.
.
Ka kuah a, ka fawp bawk a, chu chuan min ti hahdam sawng sawngin mai. Tawlh sawn an tum deuh uk a, mahse a samah chuan vuanin ka taksa si rat chuan ka pawm bet a,tuna ka awmdan hi sawi thiam dan pawh ka hre lo. Tuma bulah ka hun kal tawh chungchang hi ka la sawi chhuak ngai lo va, a ni chu ka sawichhuah vawikhatna leh ka hrilh awm chhun a la ni. Mahse nuam lo han tihna leh inchhirna erawh engmah ka neih phah der mai si loh. Damdawi tha tak, hun rei tak a tanga ka mamawh chhar thar ang mai ka ni.
.
Kam infawh vawng vawng hnu chuan a hmui la sawnin a chalin ka chal a rawn nawra, a biangah ka lo dawma.
.
"Eng e?" a rawn ti a. "Eng nge i ngaihtuah min han hrilh teh"
.
"I hmeltha zia leh mawi zia ka ngaihtuah mek a, chuan ka duh ngawih ngawih che tih hi ka ngaihtuah chhuak bawka"
.
A thaw hak a, a hawi sawn daiha. Ka va en zui a, a mitmeng a tang chuan thil eng emaw min hrilh loh, zep ruk a nei tih ka hre nghal.
.
"I kal tawh ang hmiang Slade. I hna a i kir leh a ngai bawk sia" tihpahin min rawn nuih zeuh a, ka awmah min nam kiangin bike a tang chuan a chhuka.
.
Helmet a la a, a khum nghal sawk sawk a, kal turin a inpeih nghal thlap a. Ka va din chilh a, a banah chuan vuanin ka lamah ka pawt a, a mitah tak ka en a. "I thil zep ruk chu min han hrilh teh. Ka hriat ve chi loh thil zep ruk i nei a ni tiraw?"
.
A chil a lem khalh a, hawi sawn leh a tum a, mahse ka hawi sawn tir lo. A sawi lai chuan a mita chiang taka en ka duh a ni. "Hair saloon ah kum 4 ka thawk a, chu chu nuam ka ti a, ka nun ti hlim ber tu a ni. Thla tlemte liam ta khan kum 23 ka pumhlum a, Zawhte ka vulha a hming chu Puma a nia. A dum leh vara tial a nia, ka ngaina lutuk. Chuan lui lam sa hrim hrim hi ka ngaina lo va, thil chhiar erawh nuam ka ti. Thiante nena chhuah ho tih vel hi ka ti ve vak ngai lo va". A ngawi dat a, min rawn en zauh. "Chutin han sawi tur em em a awm lem lo"
.
A khabe a ka dawmna chu ka thlah a, rei vak lo chu kan ding ngawi renga. A awmdan velah chuan sawi a hreh tih ka hre mai. A ni hreh chung chungte chu nawr lui tur ka ni bik hlei nem.
.
"A nih chu mawle..." ka inher a, bike ah chuan ka chuanga. "Tirawh, i kal ang"
.
.
*** ***
.
Nileng mai chuan Sarah-i min melh dan chu a dik lo. Eng nge a rilruah awm phei chu ka hre bik lo nangin thil tha vak a nih hmel loh.
.
"Sawi tawp mai rawh" ka ti ta ringawta.
.
Dawhkan chu a hru fai mawlh mawlha. "Eng nge ka sawi anga?"
.
Ka no dawm lai chu ka dah a, chik takin ka en a, sawi tur a nei tih chu ka hre reng mai si a. Hetia intih kual vel hi ka peih lo, mi rilru hre thei ka ni bawk si lo. "Sawi chak deuh, i rilru chhungrila inbeng muk tun chu a awm a lawm. Nge ni a tikhan i pai reng zawk dawn?"
.
A lu a thing a, kal sawnin dawhkan chu a hru mawlh mawlha. A hnu rei vak loah lo let lehin a puan ken chu a dah a,a rawn nui sanga. "A nih leh le. I rules i bawhchhe nasa ta hlemai" ka bulah rawn pheiin ka hma zawnah chuan a rawn thingthi a. "A tawp a tawpah chuan i rules bawhchhiat tir thei tu che chu i tawng ta chu a ni sia, chu hmeichhia chu ka awt ngawt mai. Pathian nu ang mai a lawm a nih le. Ka thik lo thei lo a ni Slade"
.
Ka no chu dahin ka tho a. "Cale-a mai mai chu" ka ti chhuak sapa. "Hmeichhia ang mai a ni. Tinge maw a lo tawng zawt zawt le.."
.
Bar piaha nula ding ho chuan min lo en a, beisei nei deuh hian min rawn nuih tlawn titiha.
.
Mahse a mood ah ka awm hlawl lo. Han inchai kual vel pawh chakna ka nei rih lo. Ka kal sawn deuh chiah tihah chuan Aspen-i leh a thiannu Kayla-i an rawn lang hlawl a. Min zawng tih hriat tak hian an han hawi kual deuha, bar lam an pan ding nghala. Sarah-i hma zawnah chuan an thu a, min rawn hmu ta chenga, min en loh a tum leh hram hram ang lawia.
.
Chutih lai chuan Cale-a pawh a rawn phei a, titi khawchang sawipui lawk ka duh. Hmeichhe ho awmna a va thlen phei hma chuan ka va pan chilh a. "I tawngthei hlemai maw...!?".
.
"Ekhai a, chutia huata lak chi a ni a mawni le? Tun hma pawn i sex life te chu kan sawi khawm fo thin a nih kha. I tan a pawi vak a mi a?"
.
"Pawi tehreng e. Lo sawi tawh reng reng suh ang che."
.
"Aw le...a tha alawm". Aspen-i leh a thiannu lam chu a hawi a.
.
"Kan zinga cham reng thei a ni si lo va,bakah chutin kan inkarah pawh thil han awm em em a ni lem lo. Naktuk hian a haw leh tawh dawn a, engkim a pangai leh vek mai ang"
.
"Chuvang chu a ni maw i thawk a ranga i lo inhum ruh em em ni" Cale-a chuan a rawn ti a.
.
Cale-a nen chuan Aspen-i te thutna lam chu kan va pan phei ve a,kan va thleng phei deuh chiah tihah chuan mipa pakhat hian Aspen-i chu a hmingin a rawn ko a.
.
Chu pa awmna lam chu kan hawi thap a. Kamis dum leh jeans dum a ha a, a sam chu a uk chhap a. Kei ai a tawi zawk a, a sa erawh a tha ve tel tawl hlemai.
.
Chupa hmel a han hmu chu Aspen-i awmdan a inthlak nghal dawrh a, mak tihnain a khata. "Jay...eng nge hetah i rawn tih a?"
.
Jay ti a a koh pa chuan a rawn pan hnaia, a kawngah rawn kuahin a lamah a kuah pheia.
.
Engmah pawh ka ngaihtuah hman tawh lo. Ka tho a, chu pa kut chu lak sawn sakin ka nam kianga, mahse Cale a'n min lo dang vata.
.
"Min lo thlah rawh Cale" tihpahin Cale-a kut chu ka paih thla a, mahse ka awmah kuahin min lo dang leh tho a.
.
Cale-a chuan boruak an hip lut vang vanga, a thaw chhuak leh a. "Slade, inbengdai rawh. Jay-a hi Aspen-i bialpa a nia"
.
Ka thu hriat chu eng thil nge ni ngai...!!??
.
.
END OF CHAPTER -15

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)