▨ FIFTY SHADES OF GRAY ▨ (18+) BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: ▨ FIFTY SHADES OF GRAY ▨ (18+) BY Noah Hringngen

Unread post by Ngaia » February 26th, 2017, 11:53 am

FIFTY SHADES OF GREY (18+) Chapter – 36


Postby Noah Hringngen » Wed Feb 22, 2017 8:01 pm



“Kei chuan hlim taka i awm ka duh ber. Chu i hlimna tur chahbi chu inchung lama pindan 612 na ah khian a awm ka ring tlat bawk a ni. Nakin deuh a lo haw i duh a nih pawhin kawngka bula pangpar dahna hnuaiah khan chahbi kan dah thin a, harsatna a awm lo. Nula i nih ve tawh kha. Huaisen takin aw”

“A nih chuan kan thil in lai hi in zo phawt i la”

“Ka fanu hi chu aw...,ka van chhuang tak em” ka nu chu a nui var var a.


Pindan 612 na kawtah chuan ka ding ran a. Kawngka chu kan kik karh karh a, rei vak lovah Christian-a chuan kawngkhar chu a rawn hawnga. Min han hmu deuh thut chu a lo beisei lawk lutuk bik lo ni ngei tur a ni. Min lo en deuh ha a. Kawngka chu min hawn zau sak a, ka lut a, kawngka pawh chu a ngai angina a khar tha leh a.

Pindan chhung chu kan en kual a, Heathman hotel a a rawn thlen lai a mi ang deuh tho kha a ni. Bungrua engkim mai chu a changkang em em vek a, bang a rawng an hnawih dan inpawlh sawp nuiah maite chu mawi dang dai tak a ni.

Ngawi reng chuan a ding reng a, mahse a mit erawh a la sawn lo.

“Ka zawhna kha i la chhang lo” kan ti deuh tawp ringawt a.

“Nia, ka chhang lo che” zawitein a lo ti ringawt a.

“Ka zawhna i chhang lo nge ni a, ka hmangaih lo i tihna zawk?”

Kut kuangkuah chungin bang lamah chuan a phei a, a hmuiah chuan nui hmel tlem ka hmu thei.

“Anastasia, eng nge i rawn tih a?”

“Ka hrilh tawh che kha”

Thawk an la hak a.

“Aih, hmangaih lo e” ka lam a rawn hawi a.

Chutiang em em chuan ka thawk a lo ipik hman a ni tih ka inhre chiah. Ka thaw huai mai. Ka awm dan zawng zawng thleg chuan ka hloh zo ta emaw ni

“Khawngaihin ka pindan a i awm lai hi chuan i hmui kha seh lo teh. Ni thum chhung zet i mitmeng mai tak kha ka hmu tawh lo a, chu mi hmu tur chuan hla tak atang k rawn thlawk vang vang a nih hi” a aw ki chu a inthlak dawrh mai. A nemin tisa chaknain a zem chiai chiai a.

A phone a rawn ri ral ral a, chu chuan kan inkar a boruak eng emaw awm tan mek chu a rawn ti danglam thei mahna. Christian-a chuan a phone chu a phawrh a, tuin nge rawn biak tum tih pawh en lo chuan a hmet hlum ta hmak a. Ka lo thaw hak a, boruak rawn alh chhoh dan tur chu ka hrethiam nghal mai.

Ka lamah a rawn en hnai a, a mit lah chu sexy zet mai hian a de ser ser a.

“Tunah tak hian ka mamawhna che nasat zia chu i hriatthiam nghal mai ka ring Anastasia. Nang pawhin ka rilru ang tho chu i pu a, chuvanga helaihmuna rawn kal hi i ni”

“Ka zawhna chhanna kha hriat ka duh em a” tiin ka lo pha ve hram hram a.

“A nih chuan a chhanna chu i hmu tawh a,. Tunah chuan ka lamah i ke i rawn pen ve dawn nge ni a, i rawn luhna lamah i chhuak leh dawn?”

Eng tia han chhan tur mai nge pawh ka hre lo. Ka rilru a insual but but mai.

“Ka lo kal ang” ka ti sap a

AA kut sa ham ham mai hmang chuan ka biangah dimtein a rawn chul a. A rim tui em em mai chuan ka taksa pum mai chu a zil a nghal vek a. Amah nena titi dun ka duh avanga pan ka ni na vang vangin tunah chuan ka thinphu a rang tawh lutuk tlat. Ka thisen luang engkim mai chu chakna a vangin a phu ut ut tawh a. Ka dar chu a hnarin a rawn nawk a, zawi zawiin ka nghawngah, ka beng kawm lamah a nawk chho a, a kutin ka samh a rawn tham pah bawk a. “In be lawk ang” ka ti sap a.

“Nakinah”

“Sawi duh tam tak ka nei a”

“Kei paw’n”

Ka beng chu a rawn seh ner nr a, ka samh chuan vuanin min kuai dak lawp a. Ka nghawng leh ka ir chho vel chu a rawn fawp lehnghal a.

“Ka duh lutuk che” thawk ham ham pahin zawite hian a rawn ti a.

Kei pawh chu ka lo rum ham ham a, a banah nghet takin ka lo vuana.

“I period em ni?” min fawhna erawh a thlah chuang lo.

Ui haa...! Chu kher kher.

“Aw”

“Tha chat i nei em ni?”

“Nei lo”

Min rawn chhuk en run a.

“I pill kha i ei em?”

“Aw”

“Ti rawh, inbual fai ang”

Ohh..?

Ka kutah min rawn kai a, min kalpui nghal a. A mutna khum lian leh nawm hmel zet kan kal pelh lai pawh chuan min dinpui lo hrim hrim. A bualin chu a zau tha in chinai lung chang chi hmang vek a siam a ni a, thawl takin mi pali pawh kan leng halh halh ang. A sir velah chuan romantic tak mai hian bati a lo inchhi thliah bawk a. Bual kuang let zetah chan tui lum a herh haw a, rei lo te ah a rawn khu chhuak ham ham a.

A bul lawka darthlalang lain tak hmaah chuan min din tir a, ka hnungah chiah ani a rawn ding a.

“Chung lamah i ban phar rawh le” a rawn tih chuan a sawi ang chiahin ka phar nghal a. Ka kawr hak lai chu min hlih sak a, kawr ha lo in ka awm ta ran mai. A mit chu ka taksaah chuan a fu char char a. Ka jeans kilhna leh a zipper pawh chu min phelh sak nghala

Ka nghawngah a rawn fawp a, chu veleh a fawh loh lam pangah chuan ka lo thle nghal huang huanga. Ka jeans leh ka kekawrte chu a hlip thla a. “I ke lo kang rawh le” a ti a, ka jeans leh kekawrte chu a dah sawn nghal a.
Darthlalang hmaah chuan ruak vekin ka ding ta ran mai. Christian-a chu ka hnung lamah a thingthi ran a, zawite leh dimte hian ka hnunglam chu a rawn fawp zeuhzeuh a, na vak lo hian a rawn seh ner ner bawka. Ka dulah a rawn kuah a, ka hnung zawnah chuan rawn ding chhuakin “I taksa nalh zia hi” a rawn ti chuak sap a.

Ka dul atang ka awmah a chul chho a, ka hnute pahnih chu a kutphah hlai zet mai hmang chuan a rawn hup chat a, an hrawm deuh tawn tawn a, chu mi pah chuan a kutzungpui hmangin ka hnute hmur chu a thai neuh neuh a.

Ka kut pahnih chu rawn la in ka hnute chu keima kut ngei hmang chuan min tham tir a. Ka mit ka chhing a, ka rum ham ham a.

Ka kut chuan ka dul lamah min chul thlak tir a, ka dul a tang a hnuai lamah min chhuk thlak tir zel a, ka **** hmul pawh ka khawih thleng ta.

“I kap tui pur tawh hi i hre thei em?” min rawn ti a, chhan pawh ka chhang thei tawh lo. Ka lu ka lo bu ringawt a.

“Hei ai a nasa a i chak hi ka la duh a ni. Nuai rawh le” a rawn ti a.

A thu pek ang chuan keimah leh keimah chu ka innuai a, mahse dik tak chuan a mah ngeiin min nuai sak se, amah ngeiin min tih sak se, chu chu ka duhthusam a ni. A nawm dan a dang bik tlat. A tel lo chuan engmah lo mai ka ni ta.

A lam ka hawi a, hmanhmawh takin a kawr ka phelh sak a,a jeans hak lai pawh chu ka pawt phelh rawk rawk a.


CUT.....CUT.....CUT.....CUT.....CUT

CUT.....CUT.....CUT.....CUT.....CUT



A bualin nuam zetah chuan kan inbul dun a, a awm a ser awm bawk chu chiang zeti ka hmu leh a, ka mit a la leh ta riau mai. Tangsehna hnuhma chu a ni lo. Ei a kan na te pawh a ang lek lek ka ti. Chu thil kan ngaihtuah chhuak chu ka pum in ka ht chhuak nghal vek. Pi Robinson-i chetna hnuhmate hi a lo ni mai lo maw? Ka ring sual ve thei tho bawk.

“Eng nge a?” ngaihtuah ka nei tih chu Christian-a pawhin a lo hre vata.

“He laia ser awm hi” ka lo ti a. “Tangsehna nuhma chu a ni miah lo”



“Nia, ni lo ve” a rawn ti ringawt a Ka en reng ringawt a. Meizial ling a dehna a nih ka ring nghet tlat bawk. “Khati teh vek khan min en suh”

“Kha nu tih kha em ni?”

Engmah sawi lo chuan a ngawi reng a, kei lah chuan ka melh ngar ngar mai bawk si.

“Kha nu a ni hleinem, ramsa a ni lo a, hming a nei. Robinson-i. Chuan a tih a ni lo. Enga tinge maw ramhuai ang maia rapthlak tura i ngaih tlat mai le?”

Ka hma zawnah chuan ruak ngal ngatin a ding reng a, kei pawhin thawmhnaw inbel pakhat mah ka nei lo. Kan ngawi renga, boruak che a reh hian a reh duk a. A hmel awm dan atang chuan eng nge a rilruah awm tih reng a hriat theih loh. Chutih lai taka ka awm dan chu a hahthlak ru khawp mai. A hnu deuha chuan a lu a rawn thing a, a rawn nui chhuaka.

“Min hringtu ka nu leh pa tak takte hi ka hre lo a, an enkawlna engmah ka dawng hek lo. A ni kha ka tan chuan k engkim a nihna chen a awm ve a, ka nihna ang ang khan min pawma, min hmangaih bawk a ni”

Eng nge a thil sawi awmzia chu ni ang?

“Pawm a..!?” zawitein ka lo ti a.

“Aw” min rawn en a. “A ni khan ka hringnun chhe vek tawh tur tang khan min hruai chhuak a ni. Mi tha tak ni ve si lo a, mi tha leh mi lian tak chhungkua a chen ve chu thil na mai a ni lo”

Ui..ni lo. Ka dang a ro nghal vek. Eng dang mah a sawi belh tawh lo a, mahse min shock vedet. Pi Robinson-i chuan a hmangaih a maw? A nih tunah pawh hian a la hmangaih reng a ngem? Ka awm dan chu mi tu emaw hian ka pumah tak min rawn pet pawp ta se, chutiang ang vel chu ka ni.

“A nih tunah hian a la hmangaih che em?”

“Ka hre tawh bik lo le. A dan a dang tawh ang” min rawn en leh a. “Hun rei tak kal ta a mi a ni tawh tih pawh ka hrilh tawh che kha. Ka tun hma thil chu ka duha ka thlak theih lah a ni hek lo. Mahse hei erawh, ani khan min chhanhim a ni”. A sum huh chhap mai chu an tham a. “He thil hi tumah ka la sawipui ngai lo, nangmah bak. A chhan chu min ring la ka duh a ni”

“Ka ring che a lawm. Mahse hei aia la hriatchian leh zual che hi ka duh a ni. Hriat duh tam tak ka nei bawk”

“Oh...,,Anastasia, eng thil chu nge i hriat duh a?”

Ka kuna, ka kut chu ka en reng ringawt a. “I nihna ang taka pawm thiam che hi ka zir mek zel chu a nih hi. Ka mi tawn tawh zawng zawngte aiin i danglam lawr lak tih pawhka hria. Chutianga ka zawhna min chhan sak tur chu ka law takzet” kan ti te te a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2017, 11:54 am

A bulah chuan ka va phei a, taksa insi chelh chuan tuilum chungah chuan kan thu dun a. “Khawngaihin ka chungah thinrim lo hram ang che”

“Ka thinrim hleinem Anastasia”

“A nih Pi Robinson-i nen chuan eng nge in la sawi dun thin?”

Ka darah min rawn kuaha. “Nunna, van thengreng zau takte, sumdawnna thilte-...,Ana, ani nen chuan eng pawh kan sawi a ni mai. Chuan nangmah ang hi tumah ka la tawng lo Anastasia?”

“Ka la tawng lo i tih chu eng e a awmzia? Hmeichhe dangte chuan thu pawh awm lovin i paper pekah chuan an sign mai anga, kei angin zawhna an zawt chiam chiam kher awm lo che sia”

A lu a lo thing a.

“Thurawn lakna hi ka mamawh ve thin alawm”

“Thurawnte chu kha pitar-i hnena tang pawh khan i la fo alawm” ka lo ti deuh hmuk a

“Anastasia, a tawk” a rawn meng deuh kawk a. “A lakah hian mipat hmeichhiatna lamah emaw inngaihzawnna lamah pawh ni se eng mah feeling ka nei tawh lo. A fel a, ka thian tha tak leh ka bussiness partner mai a ni.. Chu zawng chu. Ani nen khan nunhlui nghet tak chu kan lo nei tawh ngei mai.Khang khan a pasal nena an inkarah thleng pawi a khawih tawh a, khawng zawng zawng kha tunah chuan a tawp vek tawh”

Chumi zawh chuan pangai takin kan inkawm a, thil chi hrang hrang, kan ngainat zawng leh kan duh zawngte kan inzawt tawna, kan sawi duna. Chumi zawhah a vawrtawp nuam zet mai kan thleng dun leh a, mu turin khum lam kan pana.

END OF CHAPTER -36

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2017, 11:54 am

FIFTY SHADES OF GREY (18+) Chapter – 37 (Last Chapter)


Postby Noah Hringngen » Thu Feb 23, 2017 7:21 pm


Ka nu chuan gaspacho soup tui tak a siam a, bawngsa ti a kang a, Bob-a pawh a phur sauh sauh khawp mai. Ani chu mei lam incharge a ni a, a lo vur belh a,a lo chhawm tha sauh sauh a. Christian-a hian sa a ngaina hle a, chuvang chuan theih ang tawka tuia siam a; chawhlui lo hlui chu kan tum ber a ni.

Chutia kan buai mawp mawp lai chuan phone a rawn ri ral ral a,Christian-a a nih beisei deuhin kan en a, mahse ka number hriat ngai pawh a ni lo.

“Hello..?”

“Anastasia Steele a ni em?”

“Aw, keimah hi ka nia”

“SIP atang Elizabeth Morgan ka ni e.”

Hmani a ka va interview na kha a ni tih ka hrechhuak nghal thuaia.

“Oh..- hi”

“Mr Jack Hyde-a assistant tur a tan hna rawn offer che ka duh a. Thawhtan a tang hian kan tan dawn em ni ang?”

“Wow...,a va ropui dawn ve. Ka lawm lutuk e”

“Hlawh chungchang kha chu i hre sa tawh ti raw?”

“Aw hre tawh e. In hna min pek chu lawm takin ka pawm e. Thawh ho hlan ka nghakhlel tawh hlemai”

“Kan lawm e. Thawhtan 8:30AM ah kan inhmu dawn nia” phone chu a dah a.

Ka nu lam ka va hawia, min lo melh sa reng a. “Hna chu i hmu ta elaw?”

Ka lawm lutuk chu chhan pawh ka chhang thei lo. Nui vur vur chungin ka lu ka bu a, ka va kuah nghal chawt a.

“A van lawmawm tehreng em. A lawm nan Champagne kan lei ngei a ngai a nih chu” a kut a benga, a zuang tawr tawr a. Kum 42 a ni ve tawh a, mahse tunah chun kum 12 mi ang maiin alawm a awm le.

Ka phone ka en a, Christian-a missed call a lo awm vanga, rang takin ka call back a.

“Anastasia, thil pawimawh a awm thut avangin Seattle a ka let leh a ngaia, tunah Seattle lampanin kan thlawk mek. I nu bulah khan ngaihdam min lo dil sak mai dawn nia. Zanriah ka ei sak hman dawn ta si lo a” a tawng dan chu a puitling khup a.

“Thil serious takte a ni lem lo maw?”

“Ni lo e. Zirtawpah kan inhmu leh dawn nia. Ka rawn kal hman kher ka ring lo a, rawn lam tur chein Airport ah Taylor-a ka rawn tir dawn nia” a aw chu a vawt raih a.

“Aw le, tluang takin in thlawk dawn nia”

Ka nu pawh chu thil thlen dan ka hrilh nghal zung zung a. Kan lo inbuatsaih nasa viau nangin chhungkua a ka hna thar lawm nan kan hmang tlang ta zawk a. Kan hlimin chutianga chhungkua a awm ho reng chu min ti chak hlemai.

*** *** *** ***

Ka nu chuan nghet takin min kuaha.

“Mi chuan eng tin pawhin lo sawi se thuthlukna i siam dawnah tak tak erawh chuan i thinlungin engtin nge a sawi tih uluk takin ngaithla thin ang che. Chuan.. chuan..,eng thil mah hi pawng paw ngaihtuah chiam chiam loh tur. I la naupang a, chuvang chuan hahdam leh a nuam thei ang berin i nun hman thiam tum ang che. Thil engkimah a tha ber zel i phu a ni tih hria la” ka lu-ah min rawn fawpa.

Chutia kan han inkal san mai tur chu ka lung a lengin ka tah a chhuak hle a, ka mittui ka dang zo kher angem tih pawh ka hre lo.

“Bawihte, engtin nge an sawi thin khah..? I lalfapa tur i tawn hmain Utawk tam tak i fawh hmasak phawt angai an tih kha” . Ka nui haka.

“Ka lalfapa tur tak chu ka fawp tawhin ka inhria ka nu. Utawk a a chan loh hram ka beisei”.

A tawp nan kan inkuah a, Bob-a nen kan inkuah bawk a. Ani pawh kan han inkalsan lem mai tur chu a hreh ve a niang, a mittui a tling pam a, ka nu phei chu a mit zawng zawng a sen vek tawh.

Intlawh tawn leh vat tura intiam chungin kan inmangtha a, Seattle lam pan tur thlawhna lam pan chuan ka kal phei hnak hnak a.

Seattle ka tlen chuan Airport ah Taylor a’n min lo hmuak a, ka bag ken vel ho chu motor ah min hlan luh sak zung zung a, Christian-a chenna in lam min pan dingpui nghal a.

Christian-a chuan a ma room ah min lo nghak a, ka thlen zante a ni bawk a, tha takin min lo lawm a, ka taksate chu a chauh ringin min malis a, chu bakah zan nuam tak a khumah kan hmang dun bawk a.


Ka mutui lai chu ka harh hlawl a, khua erawh a lo la thim vek a. Eng emaw hian min rawn kaitho ni mai hian ka hria. Christian-a khumah keimahin ka lo mu renga. Sana kan han en a, 5AM chauh a lo la ni a. Ni dawn tak, Georgia lam aiin helam sana chu a tlai daih zawk tak e. Georgia ah chuan 8AM vel chiah chiah a ni daih tawh ang.

Piano intum ri ral ral ka hria a, Christian-a a ni tih pawh ka hre nghal. Thawmhnaw pawh ha mumal lo khan a tum leh ngei anga. Chutianga a awm lai chu a lawm hmuhnawm ka tih thin . Thutthlenga ka bathrobe inbang chu ka ha a, Piano awmna lampan chuan ka phei a.

Piano hmaah chuan a lo thu ran a, khua la thim ruih bawk si nen a lan dan chu a eng emaw nalh riau mai. En mai chuan kawr a hak loh avangin ruakin a awm emaw tih mai tur a ni.Mahse payjama a ha tih ka hria. Uluk tah hian a lo tum a, tihbuai ka duh loh avangin hla deuh hlek atang chuan ka thlir reng a. A hmelah chuan lungngaihna, nuam lo tihna leh khawhar rukna ka hmu thei. A tum zo a, rei vak lo an chawl det a, hla ngai bawk chu a tum nawn leh a. Muangchangin a lampan chuan ka phei a, mahse min lo hmu nghal vata.

“Lo va mu rawh” a rawn ti a.

“Nang pawh rawn mu ve la”. A rawn hawi chhuak a, a rawn khi sak a.

“Ka muhil thei lo a”.

A hmel lan dan dik lo riau chu ka hmuh hmaih bik lo. A bulah chuan ka va thu a, a darah vuanin Piano hmehna chunga a kutzungtang zei sang mai an lek kual vel chu ka lo thlir reng a. Ka lu ah min rawn fawh zauh a.

“Tih harh che ka tum miah lo a nia”

“Ka hria alawm. Ngati nge hla lungngaihthlak lam hlir i tum a?” ka ti a, mahse min chhang lo. “Sawi dun tur kan neiin ka hria”

“Eng chungchangah nge Miss Steele?”

“Kan pahnih chungchangah”

“ Enge kan pahnih chungchangah chuan sawi dun tur awm a?”

“Contract chungchang kha. Engmah kan la rel fel lo a”

“Enge han sawi la”

“Rules chungchang kha a nia. Tih tur leh tih loh tur tih vel kha playroom a ka awm lai chauh lo pawhin ka zawm vek tur em ni?”

“Aw ni e. Playroom a tih ngei ngei tur kha a hran deuhin a awm a, a bak kha chu engtik lai pawh a i zawm vek a ngai”

“A nih rules pakhat hi bawhchhe ta ila?”

“A nih chuan hremna ka pe ang che”

“A nih ka duh lo ti ta tlat ila?”

Min rawn en a, a hmelah chuan hriatthiam lohna tlem ka hmu thei a. “I duh lo a nih chuan i duh dan kawng tur ka zawn tho tho a ngai dawn tihna a ni mai”

Ka thutna atang chuan tho chhuakin chhuatah chuan ka ding a, rei vak lo chu kan ngawi deuh vang vanga.

“A nih chuan inhremna chu i tum a ni deuh ber tihna a ni maw?”

“Aw, rules i bawhchhiat miaute chuan”

“A nih chuan chhiar that leh deuh hlek a ngai dawn a nih chu. A tam si a” ka ti a.

A thutna atang chuan a rawn tho chhuak a, choka lamah va pheiin reivak lo ah lehkha keng chungin a rawn let leh a. “Kha le” tih pahin lehkha chu min rawn pe a. Chu chu kan contract a dan chi hrang hrang inziahna kha a ni. Mut dan tur, chaw ei dan, thawmhnaw hak dan, insawizawina, taksa invawnfaina lam leh beuty lam bakah eng eng emaw a inziak nual mai.

“A nih hei bakah hian i thu sawi apiang zawm zel tur tihte kha a la tel vek tho em?”

“Aw, tel vek e” a rawn nui suk a.

Mak ti zet hian ka lu ka thing a, ka mitmu chu chung lamah ka ti tung chho a.

“Ka hma zawnah i mit i ti tung elaw Anastasia?” a thaw haka.

Khai a,..hmanah khan min vuak hrep phah tak e.

“Enge..? A pawi em ni?”

“Hman nen khan a pawi dan a la in ang reng”

“A nih chuan min vuak i duh leh tihna a ni maw?”

“Ni chiang e. Ka ti ngei bawk ang”

“A nih chuan ka ti ang Christian. A chhan chu i chak em avangin. Inhremna hi ka hlauhna chhan chu min khawihna tak tak ang tih hi ka hlau thin a”

“Khawih nat che chu alawm ka duh ber. Mahse i tlin tawk piah lama thil tih erawh ka duh chuang lo”

“Eng nge a chhan?”

A sam chu a tham a, a thaw hak a. “Chu chu ka mamawh a ni” a mit a chhing a, a lu a thing a. “Ka hrilh thei lo che” a rawn ti sap a.

“I thei lo nge i duh lo?”

“Ka duh lo. Ka duh ang tak hian ti ta i la, tap chungin helai pindan a tang hian i chhuak ang a, engtikah mah i lo let leh duh tawh kher lo ang”. Min rawn en a. “Chuvang chuan risk ka la thei lo a ni”

“A nih chuan i kianga awm ve reng turin min duh a”

“I suangtuah thei bak aia nasa in. Chan che hi ka duh lo a ni”. A lamah min pawt phei a, a ban tha chak taka min kuah chung chuan min fawp vawng vawng a. Mahse min fawh lai pawh chuan a rilru a hlauhthawnna awm chu ka hre thei.

“Kei pawhin kal san che chu ka duh bik hleinem”. He pa hi ka duh ber chu a ni. Hlauhthawnna a nei a, thim zingah a ding mek a nih hi.. Thim zinga a dinnaah chuan va dinpui ila, zawi zawiin eng lamah ka hruai thei mial mahna.

“Min hmuh tir rawh” ka ti sap a.

“Eng chu?”

“I duh ang taka na in hremna chu min pe rawh. Eng nge a nih chiah tih hriat ka duh a ni”

Christian-a chu a tawlh hnung dawrh a, a hmel atang chuan a rilru a buai a ni tih a hriat reng mai.

“Tih chhin i duh a maw?”

“Aw, tih chhin ka duh”. Ka chhungrilah tak erawh chuan hlauhthawnnain ka khat a, mahse a tana tih ngei erawh ka duh si.

Min rawn en vang vanga.

“Ana, i ngaihtuah chiang lo a nih kha”

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2017, 11:54 am

“Ni e, i sawi dik. Mahse vawikhat na nana chu eng nge a nih a, ka tawrh zawh tur thil a nih leh nih loh ka hre duh. Kei chuan ka ngam a, nang ve-..” ka tawng lai chu ka tawp chawt a, ka lei erawh ka chhep sual tep a ni tih ka hria. A meng kawk a, a rilru erawh a buai tak zet tih hai rual a ni lo.

Min rawn kai a, inchung lamah,a playroom ah chu hremna ka cho chhuah chu dawng turin kan inzui chho a.

“Eng tiang taka na nge a nih tih chu ka hmuh tir ang che. Chu mi zawhah i rilru i siam fel dawn nia” kawngka zawn kan thlen chuan an ding deuh dat a. “I inpeih em?”

Ka lo bu zeuh a. Kawngkhar chu a hawng a, min kai lut a, banga intar kawnghren pakhat chu a la thla a, pindan kil lama savun dawhkan chu min panpui a.

“Dawhkanah hian bawk rawh le” zawi sap hian a rawn ti a.

Aw le, ka ti thei tur a ni. Chu dawhkan nem thek maiah chuan ka bawk a,ka bathrobe hak chu min rawn phelh saka. Karei leeh...,a na dawn a ni tih chu chiang takin ka hre nghal. Mahse ka chhungrila luhlulna awm chuan huaisenna nei turin min fuih sauh sauh thung a.

“Helaia hmunah hian i duhthlanna ngeiin kan awm aw Anastasia. Vawi ruk ka hlap dawn che a, ka rualin lo chhiar ve zel ang che”

A hma zawnah chuan ruak vekin ka bawk ran a, a kut lum ther ther chuan ka hnungah a rawn chul a, ka mawngtamah, ka malpuiah a chul thla a.

“He thil ka tih avang hian min kal san loh hram ka beisei. Ka lak atanga kalbo tur chuan ka duh lo che a ni”

Ka thaw haka, tunah chuan pindan chhung boruak chu a inthlak ta dawrh mai. .Ka mit ka chhing a,ka hnungah chuan kawnghren chu a rawn inhlap ri thuai a, ka hlauhna neih zawng zawng ai pawhin min vuakna chu a thip zawk ang. Ka tap chhuak hawk a, boruak ka hip lut nghal kawk a.

“Lo chhiar rawh Anastasia” thu pe aw zet hian a rawn ti a.

“Vawi khat”

A vawi hnih nan min rawn hlap leh a, a na lutuk chu a phut hian a phu dup dup ai. Kawnghren inhlap ri chu a khawk tuar a.

“Vawi hnih” a au hian ka au chhuak a ni ber tawh.

Ani pawh chu a thaw hak a. Ka taksa-ah chuan kawnghren chu a rawn ri leh pawp a.

“Vawi thum” ka mittui a rawn baw chhuak hawk a, hei zet chu ka lo beisei piah lam ai daihin a na.

“Vawi li” ka mittui chu a rawn luang zawih zawih a. Tah erawh ka duh lo. Ka tap a nih chuan chu chuan min ti thinrim mai mai. Min rawn hlap nawn leh a.

“Vawi nga” ka aw chu a tham tuak a, a thawkin ka thaw hlawp hlawp tawh. Ka haw takzet. Vawi khat chiah a ngai ta. Vawi khat chiah chu ka tuar thei tur a ni. A rawn ri leh pawp a, ka hnung chu a alh emaw tih mai tur a ni.

“Vawi ruk” ka ti chhuak sap a. Chhuata a kawnghren ken a pai thla ri ka hria a, min rawn vuana, a lamah min pawt phei a, min kuah a. Amah a tang chuan duh pakhat mah ka nei tawh lo.

“Min thlah nghal rawh. A khawih pawh min khawih suh” tih pahin ka nam sawn nghal a. A thaw halh halh a, a hmel chu lungngaihnain a khata,ka mit atang chuan thinrimna mittui a rawn luang chhuak a.

“Hei hi maw ka lak atanga i duh chu? Hetiang hian maw min tih i lo duh thin a?” chhuata ka bathrobe tla chu ka chhara, ka hnar ka hru a.

Hlauhthawn hmel tak hian min en reng ringawt a.

“Misual leh anchhe dawng mihring mai i lo ni a nih hi”

“Ana”

“Ka hming pawh khan mi ko hlek suh. Ka lak atang hian beisei tur pakhat mah i nei tawh lo Grey”. Pindan atang chuan ka chhuak nghal a.

Ka thinrim lutuk chu ka mittui a rawn luang zawih zawih a. Khawi lam nge ka pan ang? Christian-a room lamah chuan ka let leh thei tawh lovang. A tirah khan ka room tur a hranin min siam sak tak e. Chulam chu ka pan a, kawngkhar chu ka hawng a, a chhung chu a lo thim ruih a. Tunah chan amah hlat thei ang bera awm chu ka duh ber. Ka hnung chu kan khawih chhin a, a thip sa hut hut mai.

Khumah chuan ka lawn a, ka hnung chu delh ngam pawh a nih loh avangin ka saisir a, ka bathrobe chuan ka inkhuh a, lukhamah chuan hmai phumin ka tap khur hlawk hlawk .

Engtin nge khatianga min ti tur khan ka lo tih theih zawk le..? A awmna hmun thim takah chuan ka dinpui ve theih ka inring a, mahse ka tan chuan a thim mah mah a ni. Mi pangai pawh a ni lo. Ti kha chuan eng tikah mah a mamawh ber chu ka phuhruk sak ve ngai dawn lo a ni tih ka inhrechiang tawh.

Eng a tinge...? Enga tinge hetiang mihring kher kher hi ka lo hmangaih le..? Jose-a te kha lo hmangaih zawk daih ila. Paul Clayton-a te pawh an awm ve reng a. A nih loh pawhin mi dang pawh.

Tukin kher kher chu ka tan zing lungngaihthlak a van han ni tehreng em. Ka nu ka ngai ngei mai. “Mi chuan eng tin pawhin lo sawi se thuthlukna i siam dawnah tak tak erawh chuan i thinlungin engtin nge a sawi tih uluk takin ngaithla thin ang che. Chuan.. chuan..,eng thil mah hi pawng paw ngaihtuah chiam chiam loh tur. I la naupang a, chuvang chuan hahdam leh a nuam thei ang berin i nun hman thiam tum ang che. Thil engkimah a tha ber zel i phu a ni tih hria la”. Chu ka nu thu min chah chu ka rilruah a rawn thar nawn awn awn a.

Ka kal angai. Ka kalsan ngei a ngai. A tan ka tha tawk lo a, ka tan a tha tawk bik hek lo.

Kawngka chu a rawn inhawng ri khep a, a rawn lut ngei e. Dawhkanah chuan eng emaw hi a rawn daha, khumah chuan a rawn thu a ni ti hriat tak hian a hma aiin a rawn hniam sawt a.

A rawn thaw ri hak a. Tunah rih hi chuan tlawh thlak nghal a nia ka duh ni. Mahse a chet hian ka che thei lo hrim hrim. Ka sirah chuan rawn mu in min rawn kuah a, ka sam karah a hnar rawn phumin ka nghawngah a rawn fawp a.

“Khawngaihin min haw suh” a aw ah chuan a rilru a na a ni tih hai rual a ni bik lo. A hma ai mah chuan ka tah a chhuak zual sauh leh nghal. Ka taksa ah chuan dimte hian a rawn fawp a. Hahdam tak a awm a tah loh hram hram ka tum tlata.

“Nachhawkna leh a hnawih tur cream ka rawn ken che a” rei tak kan ngawih vang vang hnu chuan a rawn ti a.

A lam hawi chuan ka inher a,a ban chu khamin ka en nin theih loh a hmel ngaihnobei em em mai chu chiang takin ka en a, chutiang reng reng a mipa hmel inngaitlawm leh inthiamlohna a khat chu ka la hmu ngai lo. A biangah chuan dimtein ka chula, a khabe lamah ka chul thla a. A mit a lo chhinga.

“Ka tihpalh” zawitein ka ti sap a.

A mit a rawn meng a. “Engah chuan maw..?”

“Ka thil sawiah khan”

“Eng thil mah ka laka sawi i nei hleinem”. A mit chu inthiamlohna a vangin a de ser ser a. “Ka tih nat che avang khan pawi ka ti lutuk”

“Ti tura ka tih vang zawk che alawm. Kei hi chu i mi duh tak ka niin ka inhre lo”

“Nangmahah hian ka duh leh mamawh zawng zawng chu a awm kim vek”

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2017, 11:55 am

“Ni lo. Kei chuan khatiang thil kha a thlen nawn leh ka duh tawh dawn lo a, i thu ka awih ve thei lo ang. Chu chu i thil duh a ni tih min hrilh tawh kha”

A mit a chhing a, a hmel atang chuan a rilru a buai tak zet a ni tih a hriat a. A rawn menga, a mitmeng atang chuan thuthlukna a siam a ni tih hai rual a ni lo.

“I sawi dik e. Ka kal tir mai ang che. I tan mi tha tak ka ni ve thei si lo a”

Ka taksa pum chu a hit vek a, kham sang tak a tla thla vawn vawn ang vel ka ni. Ka nghilh dup mai.

“Kal ka duh hleinem” ka mittui a rawn baw zawih a.

“Kei pawhin i kal chu ka phal bik lo” a rawn ti sap a. Ka biangah rawn dawmin ka mittui luang chu min rawn hruk hul saka. “Ka tawn che atang khan mi nung tak tak ka ni ve chauhin ka inhria” a kutzungpui chuan dimtein ka hmui chu a rawn chul riai riai a.

“Kei pawh” ka lo ti sap a. “Ka hmangaih che a ni Christian”

A rawn meng zau kawk a, a mitmengah chuan hlauhthawnna lian tak a rawn lang tel tlat.

“Ni lo. Min hmangaih thei lo ang Anastasia.Ni lo....,chu chu thil dik a ni lo”

“Dik lo a..!? Enga tinge thil dik lo a nih a?”

“Han in en mah teh. Kei chuan hlimna ka thlen ve theih loh che hi. Chubakah hetiang hi ka sim ve mai thei tawh lo a ni Ana” a aw ah chuan rilru natna ril tak a ri tel a.

“A nih chuan....,ka kal mai chu a tha ber a nih chu” khum atang chuan ka thu chhuak a.

“Ni lo, kal suh” a aw chu hlauhthawnnain a khat a.

“Hetah hian awm ve na chhan tur ka nei tawh hleinem. Kan inthlak a nge. Khawngaihin mahni a awm ka duh rih” tih pahin ka thawh sana. Kawngkhar chu hawngin inbual turin inhnuai lam ka pan a.

A hma lawk a hlim taka a dar ka nghenna, Piano awmna zawn kal pelh chu a hrehawm duh ngei mai.

Ka inbual zawh chuan ka suitcase a tang ka kawr leh jeans ka phawrh chhuak a, ka insiam sawk sawk a, inpui lamah ka chhuak phei a.

Thutthlengah chuan ngawi rengin a lo thu a. Ka phei a, a hma zawn dawhkanah chuan a thil min pek Blackberry phone leh a Car min pek chahbi chu ka daha.

“Ana, khang thil kha ka mamawh lo. I ta alawm a nih. La vek rawh”

“Ni lo e Christian. Ka mamawh lo e”

“A nih Taylor a’n a thlah hawn dawn che nia”. Taylor-a pawh suit ha in kawngka bulah chuan a lo ding sa ap a.

“Motor ka lo zuk la chhuak ange Miss Steele” tih leh chhuah a ruala.

Christian-a nen chuan 4ft vel lekin kan in din hnaih a. A rawn ding chuak a,kei ka lo tawlh hnung nghal a.

“I kal ka phal lo Ana”

“Ni lo,i bulah hian ka awm thei tawh lo. Ka duh ka hria a, min pe thei lo. Kei pawhin i duh ka tih sak thei lo che”

“Khawngaihin, hetiang thil hi chu ti suh Ana”

Ka suitcase chu ka la a, kawngka lam chu ka pan nghal a. A ni pawh chuan min rawn zui ve zel a. Elevator button chu ka hmet a, a rawn inhawnga, ka lut nghal a.

“Dam takin le Christian”

“Ana...,dam takin le” a aw chu a zawiin a tham chial a, a hmel chu rilru natnain a khat a, en a harsa takzet. Ka mittui ka hru hul vata, ka rilru ka lam let leh hma ngeia ka kal vat a ngai. Chuti a nih loh chuan let lehin ka va hnem duh mai ang.

Elevator chu a inkhar a, inhnuai lam panin ka inkhai thla nghal a.

Pawnah chuan Car kawngkhar inhawng sa diamin Taylor-a a lo ding a, rang takin car chhungah chuan ka lut a,ka mipa mutpui awm chhun leh ka mipa hmangaih awm chhun ni bawk chu kumkhua a theihnghilh tawh turin ka tlan san ta vang vanga.

Ka mittui rawn luang chu rang takin ka hru vata, min hmu ang tih ka hlauh avangin ka bag atang sunglass ka phawrh chhuak a, ka vuah ta ringawt a. Taylor-a chuan a romawl min rawn pe a, engmah thil dang a sawi lo.

“Ka lawm e” tihpahin ka la a, Car seat nghenchhan chu nghengin ka thaw halh a.

Kan apartment ka thlen chuan rang takin ka lut a, ka luh lohna a rei ta bawk a,a lo reh thiap mai. Rang takin ka pindan ka pan ding a, ka khumah chuan Helicopter baloon Charlie Tango ngei mai chu a lo la awm a. Thinrim taka la in ka dah sawn a, khumah chuan ka thal tawp a.

Chutiang reng reng a na chuan hliamin ka la awm ngai lo. Taylor-a min pek rawmawl chu la chhuakin ka in hupa, ka tap chhuak hawm hawm a.


• THE END *

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)