◆ THE OTHER CEO ◆ Season 1 BY Noah Hmar

Ngaia
Site Admin
Posts: 25813
Joined: April 30th, 2016, 4:07 pm

Re: ◆ THE OTHER CEO ◆ Season 1 BY Noah Hmar (1)

Unread post by Ngaia » July 10th, 2016, 9:12 pm

CHAPTER -13
.
Ka hma zawn a ding Mr.Henderson-a chu ka en reng ringawt a. Kan thenawm lawk a awm ani a,ka pi nen hian thian tha tak an ni bawk. Zah hmel deuh chuan a ding reng a,rose bawr hi arawn keng bawk a,engvang a lo keng nge anih tih ka hrethiamlo hlemai.
.
"Hi Pu Henderson....ve teh mial che chuan" tihpah chuan nuih luih hram ka han tum a,mahse ka hrethiamlo hmel chu ka thup tak tak thei chuanglo.
.
A lukhum parh khum chu la thla in a awm ah ahan dah a,nelawm tak hian arawn nuih seih a. "Olivia...kan inhmu leh chu ka lawm hlemai. I pi in zanriah kil tur in min sawm a,a hrilh ve lo che anih dawn chu le"
.
"A ho lutuk...rawn lut rawh" tihpah chuan kawngka chu ka han hawng zau a. A lo kal ve ka rin loh lutuk a leiah ka lo chhawn dan pawh a nalh lo hlemai. Ka rindan chuan chhungkaw chaw eikhawm kan nei ang chu ka lo ti a,mahse kan tam belh dawn ta anih hmel.
.
Living room lamah chuan kan phei dun a,ka pi in arawn hmuh chuan a hlim ngei mai. "Ed...i lo thleng ta ani maw?" tihpah chuan a lo nui awr awr a. High school hmeichhe naupang hlim tak a an nui awr awr hi a ang ber.
.
"Rose ka lo ken che a bawihi" tihpah chuan Mr.Henderson-a chuan a rose ken chu ahan pe a,ka pi chu a lai ve ngei ni tur ani. A sen nghal tawn tawn a
.
"Ohh...tiang rawn ken kher angailo asin. A mawi hlemai...ka lawm lutuk" tihpah chuan rose bawr chu a la a,ahan hnim vang vang a.
.
"Pi...?" Ka aw ki chu a vin lek lek a,ka thil hmuh zawng zawng chu ka hrethiamlo ani. Ka pi chuan min rawn en a,engmah ka la hrelo ani tih chu a hrethiam nghal mai a. "I sawifiah ngei chu angai ang" ka han ti a.
.
Engthil avang mah chuan ka thin a rim lova,mahse ka pi leh kan thenawm pa chu an inngaizawng tihna em ni? Ka pi chuan inthiamloh hmel deuh hian min rawn en a "Nia bawihi...i birthday alo thlen hunah engkim ka hrilh ang che ka ti ania...mahse ka zep zo ta lo anih hi" ati chuai raih a. I fanu in tlangval a date lai va phawk ta la,tiang ang chiah chu ani.
.
Ka han nui hak a "Awi leh....mak ti in ka tlu mai dawn alawm. A lawmawm hlemai. I hlim chuan kei chu ka hlim ani mai" nui pah in ka han ti a
.
Pu Henderson-a chuan mak tih hmel leh lawm hmel deuh hian min rawn en a. "Ka lawm e Olivia...ka tiam a che. Tha tak in ka lo enkawl ang"
.
"Nang ai a tha an awm chuang nang" tihpah chuan ka va nuih a. Ka hria alawm Pu Henderson-a hi mitha tak ani tih. Bakah ka awm tawh loh hnu a ka pi in amah enkawltu tur mi tha tak a tawng chu ka lawm takzet.
.
"Arsa ka siam zo e" Hugh-a chuan arawn ti a.
.
Kan vai chuan dawhkan chu kan kil thap a,Hugh-a chuan arsa tui hmel zet chu dawhkan laiah tak chuan a rawn dah a,a tuihmel in a rim ringawt pawh chuan chil a tiput hle mai. Chutih lai chuan doorbell arawn ri leh a. Tu tak chu ni lehpek ang maw?
.
"Midang rawn kal tur an la awm ami?" ka han ti a,an vai chuan min rawn en thap a,a ngaihna vak an hriat hmel bik lo. Huh...Thanksgiving day ania lawm le...thenawm te atang zanriah rawn kil ve chak a rawn kal tum an awm a ni ang.
.
Kawngka hawng tur chuan ka phei nghal a,ka hawng chiah chu mak ti in ka meng phawk nghal hraw a.
.
"Pierce....?" Awi karei...ka mumang ani zawk hial em?
.
"Hey..." tihpah chuan arawn nui seih a,a pheikhawk lam chu a en lehnghal daih a. Ka zak chem chem mai...sawi tur pawh ka hre lo. Rei vaklo chu kan ngawi dun reng a,ka thluak te chu an chawl vek a,ngaihtuahna reng ka hmang theilo. Helai a lo kal ve tur hian ka sawm hauh lo a,a rawn kal tur ani lo asin.
.
Engtin nge kan in awmna te arawn hriat theih zawk? Awle....tunah chuan ka thluak ka hmang thei tan ta e. A hmasa berah chuan helai hmun atanga ka pet chhuak thei lo anih pawh in ka hnaihah a awm tur anilo. Darkar hnih ngawt a rawn thang a,chutih anih chuan Thankgiving day hmanpui tur a neilo ani ngei ang. Ngati nge midang tam tak an awm lai a kei kher min rawn pan?
.
"Pierce,i lo thleng ta elaw.." ka hnunglam atang in ka pi chuan arawn ti a. Ka phu nasa lutuk chu ka thlawk lo chauh ani. Ka pi chu ka han en nghal a,engtin nge a hriat? Vawikhatmah an la inhmu awm tawp si lova....tiang hi chuan a dik dawnlo tawp mai. Anih chuan engti tur a rawn kal nge anih?
.
"Zanriah pawh kan peih tawh e. Lo lut rawh" tihpah chuan ka pi chuan Pierce-a banah chuan a vuan a,choka lamah a hruai phei ta mai a. An hnungah chuan ka zui phei ve a,thil awmdan hi ka hrethiamlo tawp mai. Dinning table kan thlen phei chuan Hugh-a chu ka en phei nghal a,ka pi in a Pierce-a arawn hruai lut chu mak a tih hmel hlemai. Hrethiam lo tak hian min rawn melh haw a.
.
Mitmei chuan kan inbia a
.
"Eng nge hetah arawn tih dawn a?"
.
"Ka hrelo. Ka pi hi zawt mai rawh"
.
"Eng a?"
.
Hmui phun chuan "Nakinah" ka han ti a,a rawn bu hmuk a. Ka pi chuan Pierce-a chu a bulah a thut tir a,a bul leh chiah chair chu a ruak a,a piah leh ah Hugh-a a thu a. Chulai chiah chu thutna awl awmchhun ani. Chulaiah chuan ka thut ngei a ngai bawk....Lalpa lehh.
.
Ka pi leh Pierce-a chu an titi dun mawlh mawlh a,a landan chuan thian tha leh inkawmngaih tak an ang mah zawk. An bulah chuan ngawi rengin ka thu a,kawngka ka va hawn a min rawn biak bak kha min la be leh miahlo.
.
"Wine hi ka va lak belh ang e" tihpah chuan ka thutna atang chuan ka tho a.
.
"Ka va pui ange " tihpah chuan Hugh-a pawh chu arawn tho chhuak a,choka lamah chuan min rawn zui ve nghal a. Chutah chuan tuman min rawn hmu pha lova,tumah lah in kan tawng an hre pha heklo. Hugh-a chuan chhanna eng emaw a beisei ngei ang le
.
"Eng vangin nge alo kal ve a?" arawn ti nghal a.
.
"Ka hre bik lo" ka lo ti a. "Bakah ka pi nen a an inkawm dan te kha engmah ka hrethiam biklo"
.
Hugh-a chuan a hmai chu ahan tuai a,eng emaw hi a ngaihtuah vung vung a,chutah arawn nui chhuak suk a "A nuam dawn riau mai....."
.
"Hugh...Pathian hming in..engthilmah ti suh..". Chiang tak in ka en a,ka tawng pawh chu a sehchilh hlemai.
.
Lo inrawl lo se ka duh a,ngeiawm deuhin a che ang tih ka hlau ani. A chhan chu kan pahnih inkarah engmah ala awm bawk si lo. Duh chu ka duh alawm...mahse thenkhat hi chuan an duh deuh te hi an nei kher dawn tihna ani chuang lo.
.
Ngati maw?
.
A chhan chu ka zia a dang bik em alawm. Keimah hrim hrim hi boring chi ka nih avangin lo ni pawh ni ila relationship boring tak bak ka thlen lovang. Bakah ka hmeltha lova, talent engmah ka neilo bawk. Hobbies ka nei lova,mahni a awm hi nuam ka ti ber. Movies en leh blanket hnuai a tawm mai mai hi nuam ka ti a,midang nen a inpawh tak a nun hi ka ti mi velo. Keimah ka ni tawp mai..Olivia Bailey-i, Mr.Pierce Alexander-a Personal assistant
.
"Oh...hahdam rawh. Engthil mah ka ti dawn hleinem" tihpah chuan min rawn en a.
.
Wine um chu ka pe a,choka atang chuan kan inzui chhuak dun leh a. Kan thlen phei veleh kan thli dun nghal a. En loh hram ka tum nangin ka hawi zawng chuan ka va hmu fuh ta tho mai. Minlo en reng a,a mitmeng atang chuan a lungawi loh hmel khawp mai. Thinrimna riau anei aniang
.
Zanriah kan kil zawh pawh chuan hlat dan ngawt ka ngaihtuah a. Thleng chu seng khawm in ka sil nghal a.
.
Thleng chu ka nuai mawlh mawlh a,mahse ka piah lawk kawngka bulah chuan ka lamhawi in mipakhat a ding ani tih chu ka hre reng mai. Ka lampan in arawn la phei zui. A awm ve tih ka hriat ringawt pawh chuan ka ipik lutuk hi ka puak darh dawn mai in ka hria.
.
Min hnaih chat chuan arawn ding a,ka nghawng bulah chuan arawn thaw lum ham ham a,ka hnungzang thla leh ka thling zawng zawng mai chu a hit za thla nghal mur mur a. Kan taksa leh taksa a insik lohna chu inches 1 vel bak ani lovang.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
Engtinmah ka chhang lova,biak pawh ka be lo. Ka thleng sil lai chu ka chhunzawm mawlh mawlh a. Ka sam chu arawn keu a,a hnar chuan ka nghawng chu arawn si a...chu veleh ka phu zawk a,ka thleng ken lai chu ka thlauh ri bawl a. Mahse a keh lo hlauh...
.
"Ka fawh che avang khan pawi ka ti lutuk" ka beng bulah chuan arawn ti ser ser a "Mahse ka inchhir tihna ani chuang lo"
.
"Eng nge hetah i rawn tih Pierce?" ka han ti a,ka thaw a chham mai dawn in ka hria. Inhmachhawn in kan ding dun a. A kawr ban chu hlim chho in ka thleng silna tui chu arawn zen ve a,a ngaihna ka hrelo hlemai.
.
"I pi ka rawn phone a,rawn kal ve ka dil mawle" ati sam et a. A hmelah lah chuan han inthlahrunna hmel emaw hmuh tur reng a awmlo.
.
"Tinge kei kher?"
.
"Helai a ka lo kal ve chu i lawm vak nange?"
.
Ngati nge engkimah hian a ngeiawm em em zel mai le..
.
"Chutiang pawh anilo...." han sawi dan mai tur pawh chu ka hrelo. "Helai a i rawn lang deuh thut kha a mak em alawm" tihpah chuan ka hawi sawn a,ka thleng sil lai chu ka sil chhunzawm nghal a. A rawn ang zuau a,eng emaw tak chu sawi a tum ani ngei ang..mahse a ngawi leh daih a.
.
"Ka lo pui ang che" tihpah chuan thleng chu min silpui ve nghal a.
.
Kan sil zo thuai a. Kan hruk ro leh vek zawh chuan living room lamah kan inzui phei a. Midang ho chu Hunter-a thil sawiah chuan an lo nui dar dar a. Hugh-a chuan min lo melh ha a,eng emaw choka ah khan ti turah min ngai anih hmel.
.
Zan pawh chu pangai tak in kan hmang chho a,kan titi a,ka pi chuan kan tet lai chanchin te a sawi a,kan nui tlang dar dar a.
.
Pierce-a awm ve reng chuan ka awm a ti nuam vaklo. Ka naupan lai chanchin te lo ngaithla tu tur atan chuan ka duh tehchiam lo. Chu a hnek in ngaihnawm a la tih hmel em em mai lehnghal.
.
Min fawp kher kher lo selang chuan tiang ngaihdan hi ka nei kher lovang. Tunah lah kan in ngeiah a awm ve ta reng chu a nia...tunkar chhung ringawt pawh hian ngaihtuah zui tur min hnutchhiah tam ta hlemai. Nia....infawh kha chu thil thleng palh ve mai ani. Engmah ani lo tiin ka inhnem mawlh mawlh a.
.
Zan a rei tan ta. Hugh-a te chhung leh Pu Henderson-a te pawh chuan haw an tum hnai tan a. Kan in mangtha a,naktuk a inhmuh leh intiam chungin kan inthlah liam a,tunah chuan an haw zo ta. Mahse Pierce-a erawh chu ala haw ve ta chuang lo.
.
Zah pawh ka dawn tawh lo. "Tinge i haw ve dawnlo em ni.....Ka tih awmzia chu i apartment ah emaw?"
.
"Pi Olga in weekend chhung cham ve tur in min tia" arawn ti ta mai a. Min rawn la nuih suk zui. Ka awih lo lutuk chu ka nui ve ringawt a....engtin nge chutiang thil chu a thlen theih? Engkim mai hi a kal khawlo zo ta vek anih hi.
.
"Ka lo kal leh vat ang. Lo awm rawh" tihpah chuan inchung lamah ka tlan chho nghal a. Ka pi room chu ka han kik a,min rawn chhan hnu chuan lut in kawngka chu ka khar nghal a.
.
"I ti tak tak em ni?" Ka pi lak a ka thinrimna chu ka thup seng tawhlo. Tunah chuan kan pahnih chauh in kan awm ta bawk a...Pierce-a hi haw vat se ka duh ani.
.
"Engah chuan maw bawih-i?" tihpah chuan ka lam arawn hawi a. Ka thimrimna chu up beh hram hram ka tum a.
.
"Ngati nge Pierce-a khu heta cham ve tur in i tih a?"
.
"Olivia,he khua ah hian tumah hmelhriat anei hleinem. Hotel a man chawi a riah ai te chuan hetah mikhual pindan tha tak kan nei tho alawm. Thanksgiving day anih hi" . Ka pi hi chu mi rilru tha ngang hi ani a,sawi aia thil tih a che chi ani. Amah a awm tur in ka hnutchhiah tawp kha ani a
.
"In lo inhriat ngawt dan pawh hi ka hrelo e a" tihpah in khumah chuan ka thu thlawrh a.
.
Ka pi chu alo nui suk a "Min rawn phone a,he khua a hmelhriat a neih loh thu te,amah chu Wilson-a fa neih awmchhun anih thu te arawn sawi a. A tan London a kal a buaithlak avangin nangmah tlawh che phalsak tur in min rawn dil a. Kan inbiak fe hnuah ka phalsak ta a. A hmel a tha in a nelawm em em mai lehnghal. Engtia rei nge in nih tawh a?"
.
"Maw? A teuh lo....chutiang engmah a awmlo" rang tak in ka lo tinghal a
.
"Umm....mipa fel leh tha tak ani in ka hria. I tan a mipa tha tak tur. Tunah chuan nangmah duat tak a enkawl tu tur che hi i zawn a hun ve tawh ani" tihpah chuan ka kut arawn vuan a,ka mitah chuan chiang tak in min rawn en a.
.
"Ka pi...chutiang ngawt ani hleinem. Kei te chu a mi duh chi ka ni reng reng hleinem" tihpah chuan ka han nui a.
.
"Anih nang in i duh em?"tihpah chuan min rawn nuih a.
.
"Duh lo" tihpah chuan a chal ah ka fawp zeuh a "Mangtha le" tiin ka chhuak nghal a. Pasal neih leh fa neih chungchang a lecture min pek vak hma a chhuah daih chu ka duh.
.
Living room lam a ka va phei chuan Pierce-a chuan TV alo en a. Min hmuh ve leh chuan "TV en hi chu i ngaihdan ani lo lem lo ang chu maw" alo ti a.
.
"I duh duh kha en rawh" tihpah chuan thutthlengah chuan ka thu ve a. Mahse kan in thut hlat kher mai
.
TV chu ka melh ve reng a,mahse eng nge chhuak tih pawh ka hre lo. Ka pi thusawi chu ka rilru ah a awm reng a,min enkawl tu tur chu ka mamawh ve tak tak tawh em ni? Mahse chhungkaw tha tak ka nei a,englai pawn ka ban theih tur in an awm reng alawm le. Ka nun a mithar han lakluh chu ngaihtuah pawh ka ngaihtuah ngailo.
.
Ka nu leh pa an thih hnu atang phei kha chuan ka nun hi a danglam lehzual a,leirawhchan in hung chhung a cheng ang mai ka ni. Chu leirawhchan chu tunthleng hian Hugh-a chiah in arawn la kal tlang thei. Ani tih loh hi chu tumah hruai luh rih pawh ka tumlo. Bakah mi rin hi ka thil harsat ber te zing ami ani.
.
Ka nu leh pa te khan engkimah min enkawl tha em em a,mahse kei erawh in ka enkawl let ve hman ta si lo. An lakah khan ba ka nei a,chu chu ka tlak hman ta si lo. Khata tang phei kha chuan keimah chiah ka inngaihtuah a,ka hma hun tur chiah ka ngaihtuah thin. Mahni hmasial thlak hlemai....mahse mahni mai hi chuan kan lo kim lova,tu emaw kan lo mamawh vek chu anih hi
.
Naktuk chu an thlan va tlawh tur ani....kum khat dawn ka tlawh ta lo
.
"Olive...?" Pierce-a chuan nelawm deuh hian arawn ti a.
.
Ka ngaihtuahna khawvel atang chuan ka harhchhuak hlawl a "Mhmmm..?"
.
"TV ka off daih tawh alawm. Mahse i la melh char char bawk sia" tihpah chuan arawn nui a.
.
Khai aa...."Oh...chutia law" tihpah chuan ka tho a,mut a hun ta viau mai. Mahse ka kal tur chiah chu ka banah arawn vuan a.
.
"Khawiah nge i kal dawn?"
.
"Khumah aniang chu.."
.
"Lawk..."
.
Kan in en ran a,a hma a a thil tih ang kha tih arawn tum leh ang tih ka hlau kher mai.
.
"Pi Olga-i khan nangman ka room tur min kawhhmuh tur thu min hrilh a". Chu thu arawn sawi chuan ka thaw huai mai.
.
"Oh....inchung lamah khian ania. Min rawn zui rawh". Inchung lamah chuan kan inzui chho a.
.
Mikhual room lam chu ka pan pui a "Helai hi bathroom ania" tihpah in ka han kawhhmuh zung zung a.
.
A awmna tur ka hrilh zawh chuan ka room lampan in ka phei nghal a. Mahse Pierce-a chu lut ta mai lo chuan ala ding reng a,ka luh fel phawt a nghak aniang. Hawi let in kan nuih seih a "Mangtha le"
.
"Mangtha le Olive"
.
Kawngka chu ka khar a,thawk ka han la hak a. Hetiang em em a a awm hi chu ka lo beisei lo asin le. Khumah chuan bawk in vawiin a thil thleng te chu ka han ngaihtuah let a,ka beisei phakloh vek an ni.
.
Mahse ka rilru chhungril takah chuan tunah tak hian Pierce-a chuan min rawn kuah se,min rawn fawp leh se......chu chu ka thil chak ber erawh ani lawi si.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2016, 9:12 pm

CHAPTER -14
.
Ka zun chhuak chuan ka muttui lai chu min ti harh a,ka khum atang chuan in beng kang in ka phone chu ka han ti eng a. Zing dar 6 chauh alo la ri a,ka thawh hun atan chuan ala hma mah mah anih hi. Mahse thawh ngei ngei erawh ka ngai. Bakah ka tan chuan a hun chiah chiah zawk ani. Pierce-a pawh ala muhil ngei ang a,a rawn harh hma a ka intihfel hman chuan nileng in ka pumpelh tihna ani mai.
.
Bathroom ah lut in tuilum chuan ka inphuh tir seng seng a. Inthlak in ka leggings dum chu ka ha a,ka kawrlum fual a ha bawk a. Pawn lam chu a vawt tan tawh hle a,thlasik pawh a hnai ta hlemai. Ka boot uk chu ka bun a,thawm dim te in ka bedroom kawngkhar chu ka hawng a,ka chhuak ru ta zal zal a.
.
A reh hian a reh thuap a,ka pi leh Pierce-a te chu tih harh loh hram ka tum avang chuan rah chim hlauh hmel tak in ka kal dem dem a,inhnuai ka thlen thlak chuan ka thaw huai mai. Mahse kawngkhar piah lam a tawng ri chuan min tiphu nasa lutuk.
.
"Khawiah nge i kal dawn a?"
.
Rang lutuk in ka ding lam chu ka hawi phei nghal a. Choka kawngkhar ngheng chuan Pierce-a chu alo ding reng a,coffee no alo dawm khu hlat hlat bawk a,sweatpants vutbuak rawng a ha a,t-shirt var a ha bawk. A thawhna ala rei biklo tih hriat tak in a sam chu a la pheng ve hle a. Mahse a inhmeh phian....a lang tha daih zawk.
.
"Pawnah" ka ti chhum hmuk a.
.
A no ken chu dawhkanah a dah a,ka lampan chuan arawn phei a. Kei erawh ka din na ngaiah ka ding reng a.
.
"Vawiin chu khawpui chhung hi min fan pui la" tihpah chuan arawn nui a.
.
Chutiang a a nui lai chu ka hmu khat hlemai. A nuih pah chuan a biangsum a lang seih a,ka nalh tih chi tak lehnghal. A lan dan engkimah hian han sawisel tur lai engmah ka hrelo. A inmeh fai phei hi chuan a chhelo lehzual.
.
"I inmet fai dawnlo ami?" ka inrinlawk hma in ka tawngchhuak ta phawng mai. Ka sawi hma ka van ngai nghal em.
.
"Maw...?"
.
"Uhh....eng chu maw?"
.
A hmui chu nui tur awm deuh hian arawn che tial tial a,chutia ka inthlahrung leh lutuk chu a lawm zawk mah te pawh ani maithei.
.
"Kha ti khan min en reng lo la" a la nui reng tho a. Zahna avangin ka biang chu arawn sen nghal tawn tawn a. Chutia min rawn tih takah chuan ka lo en reng ani tih ka inhrechhuak chiah.
.
"A tha alawm" tihpah chuan ka kal pel nghal a. Mahse ka kut chu arawn vuan a,ka darah chuan rawn vuan in a lam hawi chuan min dawm bet a.
.
"Ka lak atang a tlanbo dan ngawt hi ngaihtuah lo teh" tihpah chuan a nui sang a.
.
"Chutiang ka ti lo reng reng". A sawi dik chiah...i ti chiang alawm.
.
"Vawiin chu khawiahmah i kalsawn bik lovang. Chu chu kan inremsiam na tur" tihpah chuan a aia mawi in arawn nui a. "Ka han inthlak lawk ang. Min lo nghak lawk la?"
.
"Awle...." ka aw te chu vur a hmeh khawng vek ang mai ani. A ri thei chang chang chauh a. Min vawnna chu a thlah a,inchung lamah a chho nghal a. Ka la dam em? Ka la thaw tiraw? . Boruak chu ka han hip lut vang vang a,nuih luih hram te chu ka han tum a.
.
Tlanchhuahna a awm thlawt lo. Thutthlengah chuan ka thu hnawk a. Eng emaw eitur ka duh.
.
Minutes 20 hnu velah chuan arawn pen thla ri ka hria a,ka hawiphei nghal vat a. Karei.....rangkachak lalpa ani hial ang a? Inbual zo hlim tih hriat tak hian a fai sar a. Leather jacket uk a ha a,chu mi mil chiah chuan T-shirt a ha bawk a. En reng mai chu ka duh,mahse kan kal angai si.
.
Riltam na chuan min zem riai riai reng a. "Tun hi fashion week ani lo ania. Kal ang" ka han ti deuh hmuk a,kawngka lam chu ka pan nghal a. Pierce-a pawh chuan ka hnungah min rawn zui ve nghal a.
.
"I sawi danah ka lang tha i ti ani maw?" arawn ti a,a tawng danah chuan min fiam tum a ang mah zawk.
.
"Oh....khawngaihin" chunglam chu ka han melh a,mahse nuih erawh ka insum zo ta chuanglo.
.
Vawiin chu a danglam takzet ani. A pa thlan kan tlawh tum a a mize mawi tak ang mai kha niin ka hria. A nui reng a,rawlthar hlim tak ang mai in.
.
"Breakfast kan ei dawn ami niang?" arawn ti a.
.
"Ei lam te chu ka harsat hleinem" ka lo ti a.
.
"Anih chuan....khawiah nge kan ei ang?"
.
"Sawilai deuhah sawn dawr tha deuh chu ka hria. Ka naupan lai pawn ka ngaina thei lutuk,nang pawn tui i ti ngawt ang. Vawikhat i chawl tawh anih chuan i zawngchhang dawn chiang sa" tihpah chuan ka nui a. "Mahse i duhna hmun hmun ani mai"
.
"Hnial ngam pawh i nih tawh loh chu le...i tihna hmunah chuan ani mai" tihpah chuan arawn nui a.
.
Tichuan ka restaurant ngainat ber lam chu ka pan pui ta. A bik takin an strawberry milkshake siam hi tui ka ti takzet.Waffles leh sausages bakah coffee kan chah tel bawk a. Hun reitak hnuah helai hmun a an thilsiam ngei chu ka ei leh thei dawn ta.
.
Ngawi reng chuan breakfast chu kan ei dun a,eng emaw chang chuan kan han titi leh zauh thin a,eng nge a sawi duh zawng tih ka ngaihtuah chhuak thiam tlat lo ani. Eng eng emaw zawh chak deuh deuh chu ka nei tho a,mahse mimal thil lam anih hlawm avangin min chhan that duh ka ring bawk si lo. Kan khawvel chim chin in ang loh lutuk a leiah ka bo hu mai. Eng emaw kan titi rual theih deuh tur ka sawi loh chuan
.
"A dawtah khawiah nge min hruai leh ang?" arawn ti a.
.
"Thlanmual ah" tihpah chuan ka han en chho a,a hmel awmdan chu ka hmu duh ani. Bakah thlanmual a kal chu a peih tawp lovang,a peih loh leh ka tan a tha hlei hlei."Vawiin chu ka nu leh pa te thlan tlawh ka lo tum a" ka han ti a.
.
Chu veleh ka kut chu rawn vawn pah in a nui a "Ka lo kal ve ang. Keipawn hmuh ve ka duh alawm" arawn ti a.
.
"I lo kal ve ang maw?" mak tih hmel deuh chuan ka en hu a,chulai hmunah kher kher a arawn kal duh chu ka ring lo ani. Ka kut lah chu a vuan nghet sauh a,a hum lum veng veng mai.
.
"Nichiang e...ka lo kal ve ang".
.
Thlanmual chu a hla lem lova,kan thlen phei hma in pangpar dawrah ka nu leh pa thlan a dah tur Lily kan lei phawt a. Pierce-a pawh vawiin chu a zaidam takzet.
.
Ka kut chu englai pawh in a vuan tlat reng a,tiang a ka kut vuan tu hi an la awm ngailo. Hemi phenah hian thil a awm nge niang a,ka nu leh pa thlan a ka kal tur min thlamuan zawk na ni ang?
.
.
An thlanlung bulah chuan ka pangpar ken chu ka dah a,chumi pah chuan an thlan chung a hnahthel awm te chu ka han hui kiang a. Ka mittui chu arawn hnam nghal a,mahse ka hnungah Pierce-a a din ve reng avang chuan ka insum hram hram a. Pierce-a a awm ve reng tih ka ngaihtuah chhuah chuan ka zak leh hnuhnawh hlemai. Mahse Pierce-a pawh chu ka lamah arawn phei a,ka bulah chuan arawn thingthi ve a.
.
"Hi.....Olivia nu leh pa te u. Ka hming chu Pierce-a ania,vawiinah Olivia-i rual in ka rawn kal ve a. Ka rawn hmu thei che u hi ka lawm takzet ani" tihpah chuan min rawn en a,min rawn nuih a. Ka thinlung zawng zawng hi a tuiral nghal vek ni hian ka hria. A van duhawm in avan ngaihnawm em. Oh...Pierce,eng nge i tih tak mai le?. A ngaihna hrelo deuh chuan ka en reng ringawt a,sawi tur pawh ka hrelo.
.
A sawi chhunzawm lehnghal a. "Ani hi chu rawn ngaihtuah reng reng suh ang che u. Ka bulah a awm a,tha tak in ka lo enkawl ang"
.
A tawngkam thlamuan thlak tak avang chuan ka thinlung chu a nghing dawt a,ka awm chhung zawng zawng chu a inhnawh nghal up up a. Khawi atanga rawn kal nge pawh ka hre chuang lo,mahse ka hlauthawng ani. "Pierce.....eng nge i tih hi?" ka aw chu a zawi hlemai,a ri chhuak pawh in ka hre lo.
.
A thusawi chu Wilson-a hnen a ka sawi dan nen kha chuan a in anglo takzet. Kei chuan Wilson-a hnenah khan a thih dawn a min chahna avangin a fapa kha enkawl ka intiam a. Mahse Pierce-a thusawi erawh thian inkar mai aia thuk zawk daih ani.
.
"Olivia" tihpah chuan a tho a,ka kut chu rawn vuan in min kaitho ve nghal a. "Kha thil kha sawi ka duh ani"
.
Ka hrawk chu a ro nghal huam huam mai. Chu chu vawikhat ka hming tak a min koh na ani.
.
"Nang hi i damlo em ni zawk?" tihpah in a pang chu ka han dep a,Pierce-a chu alo nui a.
.
"Eng emaw tak zawng chu inih hi" arawn ti a
.
"Chu chu eng i sawi tumna nge?"
.
Ka chalah chuan arawn fawp zeuh a,ka zawhna pawh chhang ta lo chuan "Tikhan i nu leh pa te nen khan inhmu rawh u. Chuan i zawh hunah gate pawnah sawn ka lo nghak ang che"
.
Ka lo nui suk a,a kal liam lai chu ka thlir reng a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2016, 9:13 pm

Thlan chungah chuan ka thu leh a. "Ka nu..kha pa,tun a inhmuh tak kha ka boss thar anih kha. Wilson-a chu tunah chuan hmun nuam takah a awm tawh ngei ang a,chuan nangni nen pawh in inhmuh tawh ngei ka ring. Ani chu a hai theih loh....a thawm hi a na ve hrim hrim a,mahse a ngainatawm lutuk." chu thil ka ngaihtuah chhuah zawng chuan ka nuichhuak hak a. Ka nu leh pa leh Wilson-a chu an inhmu anih vek chuan an hlim khawp ang le. Wilson-a lah a tawng duh ropui mai si.
.
"Kei chu ka tha ania..min lo ngaihtuah reng reng suh ang che u. Ka hmangaih che u...chuan nitin mai hian ka ngai thei lutuk che u ania" tihpah chuan ka maimitchhing a. Thli thaw chuan ka sam chu arawn chhem leng der der a,hnahthel te chu a chhem ri sang sang a. Chutih lai chuan ka nu leh pa in a min kuahna....lum ther ther thin chu ka ngaihtuah chhuak a. Ka hmai thlifim in a arawn chhem hauh hauh te chu min fawhna ni mai in ka hria. Chung ka ngaihtuah chuan ka nui ver ver a
.
.
Ka thutna atang chuan ka ding a,ka thawmhnaw a hnahthel kai te chu ka beng fai a. Tunah chuan rilru rit tak chung in ka nu leh pa thlan chu ka kalsan alo ngai ta. Mahse an thlan ka va tlawh tal a,chu chuan ka thawpikna zawng zawng erawh a ti veng hawk mai.
.
Thlanmual hung pawnah chuan Pierce-a chuan min lo la nghak reng a,ka va hmuh chuan eng emaw ngaihtuah nei a ang hlemai.
.
A awmdanah min hmu miah lo tih ka hria a,chu veleh va barakhaih ka duh ta. A hnunglamah chuan dim te in ka phei dem dem a,ka ding hnaih tawk ta maw tihah chuan a hnungah tak ka va nam ta thut a.
.
A ni lo ding nghet lo....kei in ka nam na bawk nen. A rawn inher a,ka kut chu arawn vuan a,chhuatah tak chuan a tlu thlawrh a. Ka kut arawn vawn avang chuan min pawtthlu tel a,hma zawng tak chuan ka bawh ta siah mai a. A intauh na deuh nge...na tih hmel deuh chuan a rum tiah tiah a.
.
Ka nui nghal ker ker a "Ka tihpalh lutuk! " ka han ti a. Ani pawh chuan min rawn en a,a nui ve mai a. "Rawn barakhaih che ka tum a....mahse a hit lo hlemai" nui chung chuan ka han ti a.
.
"I tha em? I lu kha i sawh ami?" hlauhthawn hmel deuh chuan ka ti zawm nghal a .
.
"Aih....mahse tun a kan awmdan hi a nuam ka ti" tihpah chuan arawn nui suk a. Tihvak ngaihna pawh ka hrelo....ka lai lutuk chu ka biang a sen nghal tawn tawn a. Chutia awm reng chu a zahthlak. In bengkan tum a thawh ka tum lai tak chuan ka banah rawn vuan in min pawt let leh a. "Ohh.....ni love. La tho bik lovang" nuam tih hmel deuh hian arawn ti a.
.
A mitah chuan chhiang tak in ka en a,a hma ai khan a mawi zual in ka hria. A fiah kak a,a tle ral ral bawk a.
.
"Titeh...Pierce,i kal teh ang" tihpah chuan thawh ka tum leh a,ka hrawk te chu ka nervous lutuk vang chuan a ro huam huam tawh a.
.
"New York a kan let leh hun a min date pui duh dawn loh chuan ka kal tir lovang che".
.
A mitmengah chuan nuihzat rukna ka hmu thei in ka hria. Ka nui hak a "Chutiang a thleng lovang"
.
"Anih chuan tun a kan awmdan hi nuam ka ti. Tiang hian kan awm ang tih ka lo ring ngai lo reng reng". A tawng danah chuan min tih thinrim tum a ang mah zawk.
.
"Kal vat anggg....!" tihpah in a awm ah chuan chum ka tum a,mahse ka banrek ah chuan nghet takin arawn vuan a.
.
"Ka thusawi kha 'Aw' ti phawt la"
.
"Chutiang uan na chi pawh ani lo...kal ang"
.
"Olive...min en teh". A mitah tak chuan ka en a,a hma a a hmel uan hmel tak chu thutak hmel deuh hian arawn inthlak nghal a. "Ka fiamthu lo...ka ti tak tak. Vawikhat date in kan chhuak ang a,chu zawng chu ani mai"
.
A hmel atang chuan a zawhna chhanna chu a nghakhlel hle tih a hriat a,keilah chuan han tih ngaihna vak ka hre tawh bik si lo. "A tha alawm. Mahse vawikhat chiah"
.
Chu veleh naupang in Christmas tuk a present an hawng hlim hmel ang mai hian arawn nui ver ver a. Kan mutna atang chuan inbeng kang in kan tho chhuak nghal a. "I lai hmel leh i nui hmel hmuh hi chu nuam ka ti tehmai ania"
.
A sawi zawh rual rual chuan ka biang chu arawn sa leh nghal hut hut a,ka hawisawn nghal vat a. Mahse ka biang chu rawn vuan in a lam chu min hawi tir a. "Hawisawn nghal kher suh....ka ti tak tak alawm" tihpah chuan a nuisang a,a kut zungpui chuan ka biang chu ahan hrut kual a.
.
Min khawihna apiang chu current a man tek chhuaih chhuaih ang mai hi ani. Ngati nge ti hian min tih le?
.
"I kal ang....kalna tur kan la ngah kha" tihpah in ka kutah chuan min rawn vuan thut a,min kalpui nghal dawr dawr a.
.
.
Nileng chuan ke in kan kal kual a,hmun mawi leh nawm hmel deuh ni a kan hriat chu kan pan zel a. Park thenkhat erawh an khar avangin kan kal thei ta lo. Eng emaw changin ice cream kan lei a,ke hlir a kal chuan a chauh thlak duh ngei mai.
.
Park pakhat chu alo inhawng hlauh a. Thingkung a tam in chawlh hahdam nan chuan duhthusam ani. Kan pahnih in thutthleng awmah chuan kan thu dun a,kan ice cream ve ve chu kan ei dun mawlh mawlh a,boruak a reh bawk a,a nuam hlemai.
.
Vawiin thil thleng zawng zawng te hi ka lo ngaihtuah phak bak ani. Ka chhungte bul a arawn awm ve ringawt pawh chu a mak hle a,inhnar ngawt theih lah ani si lo. Bakah vawiin a mizia hi chu a ngainatawm takzet. Tiang mizia hi a pu ang tih reng ka ngaihruat pha ngailo.
.
Ka va en a,ice cream ei pah chuan hla tak hi a melh a,thil ngaihtuah nei hmel pawh a pu chuang lo. Ka en tih chu arawn hre thuai a "Tinge khatia min en reng a?" tihpah chuan arawn nui a.
.
"Engmah anilo" tihpah chuan ka hawisawn nghal vat a.
.
Kan ice cream ei pawh chu kan ei zo thuai a,thlasik a hnai a khua a vawt tan viau tawh mahse ka la eichak tho. Chawhnu lam chu thlifim a tam hle a,a vawt tuk tawh lehnghal. Keimah leh keimah chu ka inkuah a,tiang chuan tlem in a ziaawm deuh.
.
Pierce-a chuan ka awmdan chu arawn hre thuai a. "Vawt i ti ami?"
.
"A reh mai ang. Ice cream vang mai mai kha alawm"
.
"Lo kal teh.." lo dan ka tum nangin ka dang hman ta lo. Ka kawngah chuan rawn vuanin alamah chuan min kuah phei a,a pangtilum ther ther chuan min rawn ur nghal ham ham a
.
"Pierce...!!"
.
"Shhhh....."
.
Ka ngawi nghal hmak a,mahse ka ngaituahna erawh a chawl chuang lo. A hmai leh ka sam chu a insi chial a,a thawlum ham ham pawh chu ka hre thei a.
.
"Thil eng emaw ka zawt thei che angem?" tihpah chuan a thaw hak a.
.
"Mhmm..?"
.
"Engtin nge ka pa khan chawlh a hman thin?"
.
Ka ngawi vang vang a,engtia chulam daih chu min zawt nge maw anih le....A mitah chuan ka han en a,a pa chanchin a sawi hi chuan a lungawi vak hmel loh ka ring a,mahse a hmelah chuan mal ngawih ngawihna ka hmu thei. Ka han inher a,a hmel khawngaihthlak tak chu en pah in ka kut vawt tak mai chuan a biang ah ka han vuan a,nelawm tak chuan ka han nui a.
.
"Office a thawk zawng zawng tan party a buatsaih thin a,kan par suau suau zel mai mawle. Mahse a hmelah hlim hmel ka hmu ngailo"
.
"Eng nge i sawi awmzia chu?"
.
"I chanchin leh i nu chanchin a sawi chang chauh hian a hlim hmel ka hmu thin. Diktak chuan a chhungkua kha a ngai takzet thin ani"
.
A lu alo thing a "Chu zawng a dik lo ang. Min ngai tak tak chu nise kan hnenah alo kir leh em em ang"
.
"A tan khan chu chu a harsa ve em ani. Kinah ila hrethiam mai ang". Theihtawp a hnem hram hram chu ka tum a,mahse a ruk tak chuan a rilru a na hle tihpawh ka hria.
.
Ni pawh chu a kal ve zel a,vawiin chu mood fuh loh vawikhatmah a nei lo. A pa chungchangah chuan a lungawilo ang tih mawlh chu ka hlau a. "A chhan chu a hlauthawng ani"
.
Pierce-a chuan a sambuang tle siau mai chu ahan hui a,a hmui pan tak chu a han seh a,a hrilhhai hmel hle a "Engmah awmzia a nei tawh chuang lo" tihpah in a hmai a hup a.
.
Kei chuan a lu ah ka lo chul a,bengdaih hram hram chu ka tum a. "A hmangaih lutuk che. I nu nen"
.
Ringlo tih hriat tak hian a lu ahan thing a,ka ti mah mah in ka hre ta deuh,a thinrim dawn tlat. Tun tum hi a pa chungchang tum hnih min zawhna ani ta. Puzzle pakhat te te a rem ang mai hi ani a,la hriatthiam hun te pawh a nei ve mahna.
.
A han insut deuh hreih a,chutah pangai deuh hian min rawn en a "A pawi ka ti lutuk...engvang a zawt che nge ka nih pawh ka inhre lo"
.
"Engtik hunah pawh...i ngaihthlak duh phawt chuan min zawt thei reng ang"
.
Ngawi reng chuan a bu nghat a. Kei chu ka thutna atang chuan tho in ka han inbeng fai a
.
"Khawiah nge i kal dawn?"
.
"Kan haw ang....Hugh-a chhungte inah zanriah kil kan tum kha" tihpah chuan ka ban chu ka han lek kang a,lawm tak in alo chelh a.
.
"Ani tak e" tihpah chuan arawn tho ve nghal a. Ani nen chuan ni pawh a tawi hma hlemai. Hun hman dun ala duh zel angem? Ka ngaihtuahna avang chuan ka han nui deuh sak a....la thleng zel se ka beisei a,ka duh bawk.
.
.
(END OF CHAPTER -14)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2016, 9:14 pm

CHAPTER -15
.
1st December:
.
Pawn boruak chu a vawt vin tuk tawh a,chhum a zing chiai reng bawk a. Jacket lian lam ka hak bakah scarf ka awrh bawk a. Thlasik alo thlen hi chuan New York khawpumah chuan vur a tla ziah thin a,vur a tlak hi chuan ka naupan lai min ti hrechhuak ziah thin. Nuam kan tih theih zia kha.
.
Thawhtan tuk ani a,office kal tur chuan ka chhuak nghal a. Office ka han lut chiah chu pawnlam boruak nen chuan a in dan hleih hlemai. A lum mai bakah Far thing rim alo nam chem chem a.
.
Ka office bik chu a bang darthlalang a siam anih avangin Elevator atang a rawn chhuak tupawh chu chiang tak in ka lo hmu thei a. Chumi tuk pawh chuan Pierce-a chu a dan ngai te in elevator atang chuan arawn chhuak phei a,ka office kawngka zawn arawn thlen phei chuan ahan ding dat a. Coat suit vutbuak rawng a ha a,a sam chu hnunglamah a khuih pial phei bawk a,a lang professional takzet. Eng tak tih tum ang maw tihpah chuan dawhkan hnuaiah chuan ka kut chu ka khal rauh rauh a.
.
"Good morning Olive...." rawn tihpah chuan a nui suk a,a office lampan chuan a phei lehnghal a. Chutiang chuan tuk dangah min la ti ngailo reng reng. Nidangah chuan a tlai chang emaw,tih tur eng emaw aneih chang in arawn lut ve zawk a ani mai. Alo kal ve chhunah lah biak ngam pawh ani ngailo.
.
Keipawh chu ka nui riai riai a,tun kar chu kar nuam tak anih ngei han beisei phawt mai teh ang.
.
Ka lo rin ang ngei chuan chu kar tluan chuan ka hlim tih mai tur ani.
.
.
.
Kar tawp Zirtawpni ani a,report ka ziah mawlh mawlh lai chuan phone arawn ti a
.
"Hello....Mr.Alexander -a office ania,Olivia-i ka ni e" nuihsang pah chuan ka han ti a.
.
"Olive...." khai aw...Pierce-a aw anih chu. "Ka office ah ka mamawh che. Tunah"
.
Phone chu a dah lehnghal daih a. Coffee a duh a ni emaw,eng emaw mamawh aneih chang chuan tiang hian arawn ti ziah zel. A office lampan chuan ka phei a. Ka han luh chuan dawhkanah a ke hlang in a lo thu awn duai a,zam na bawk chuan min rawn tham leh a.
.
"Hey...." tihpah chuan a office chhungah chuan ka lut a.
.
"Lo thu rawh" tihpah chuan a hma a chair awm chu a kawk a. A kawhna lam chu ka pan nghal a. Kan taksa chu a inhnaih hle a,ka thin lah chu a phu dup dup mai bawk si. Rilru nuam zan lo chuan ka thu ran a. Ani lah chuan min en run mai si.
.
Ka va en let ve a,a mit chu a thim ruih a,ka hlauh zawng tak ani.
.
"Ka sawi tawh tho nangin tih vat ka duh ani"
.
"Eng chu maw tih vat i duh?" fel hmel deuh hian ka lo ti a.
.
A mithmul chu arawn san ak a,thawk ahan la vang vang a. "Eng nge mamawh i nei em ni?" ka lo ti leh a.
.
"Naktukah" tihpah chuan min rawn en a,thatchhiat hmel tak hian arawn nui deuh seih a
.
Eng nge naktuk chu?
Oh......in date kha maw?
.
Hlauhthawnna chuan min rawn man nghal a,Pierce-a chungchang a hlauthawng ka ni lo. Ka hlauh zawk chu date a tih khan kan inkarah eng emaw a siam ang tih ka hlau ani. Dating ang tak tak hi a ti tihna em ni ang? Ani lovang.....mahse a ni thei tho bawk si.
.
"Naktukah maw..?" ka lo tinghal vat a.
.
"Naktuk tlai dar 3 ah ka rawn lam ang che. Chuan thawmhnaw mawi hnai deuh in lo inthuam la" a aw chu a zawi viau nangin a chiang hle thung.
.
Mahse eng nge thleng dawn ka hrethiam chuang lo. Bakah khawiah nge min kalpui a tum le?
.
"Anih chuan khawiah nge kan kal dawn a?"
.
A rawn nui a "Engvangin nge tunah te ka hrilh nghal ngawt ang che? Ka surprise ve na tur che ania"
.
"Anih chu mawle"
.
A dawhkan bul a drawer chu ahan hawng a,box var arawn phawrh chhuak a. "Chuan thil pakhat....he thil hi lo en la ka duh a" tihpah chuan bawm chu min rawn pe a.
.
Dim te in ka hawng a,a chhung a lehkha awm chu ka la chhuak a,London a Alexander Corporation Hotel pakhat chungchang inziah na hi a ni a. A bul a envelope pakhat awm chu ka han la chhuak leh a,ka meng phawk nghal hru mai. Ka keu a,ka han en nawn leh thin.....mak tihna in ka khat nghal a. Chu chu London kal theihna ticket ani. Envelope kawmah lah chuan chiang kelh kawlh in ka hming a chuang kuau a
.
Pierce-a lam chu ka hawi phei nghal a "Eng nge hei hi?" mak tih hmel tak chuan ka ti hu a. Wilson-a khan tiangin sumdawnna a a zinna ah min hruai tam em em lova,min hruai na chu Alexandrite Hotel a function kan neih tum mai te kha ani. Tun ami hi ka tan chuan thil ropui leh ka la dawn ngai loh ani
.
"London fankual theihna tur ticket anih kha" tihpah chuan a lo nui sang a.
.
"Chung te chu ka hria alawm. Mahse tinge ka lo kal ve ngawt ang a?"
.
"Nia. . ka rual in i lo kal ve ang. Kei chu holiday lai pawn hnathawh tho ka duh dawn a"
.
"Eng aa??" Chu kher kher chu ka awih thei lo. Holiday lai a hnathawh maw? Engkim ruahmanna ka lo nei ve vek tawh...Christmas chawlh te chu ka chhung te bul a hman ve te ka lo tum asin. Nikumah lah Wilson-a ka buaipui angaih avangin Christmas ah takngial pawh ka haw theilo kha ani a.
.
Nikum te kha chuan Wilson-a tan a Christmas nuam tak siam sak kha ka tum ve em a,a in a awm ve midang ho pawh khan min tuipui hle bawk.
.
"Olive....?" ka hmai zawnah Pierce-a chuan a kut arawn vai a.
.
"Huh....?" ka phu deuh zawk a,amah chu ka melh lehnghal a.
.
"I tha maw?" a hmelah chuan a thutak hmel hle a.
.
"Aw....thil pakhat la hriat reng ka nei" tihpah chuan a kut chu ka han vai kiang a.
.
"Ka lo kal ang" tiin thuthlukna chu ka siam ta. Tha tak a enkawl kha a pa lakah ka lo intiam tawh si a,ka chhungte chu hundangah pawh tlawhna hun remchang ala awm em em ang.
.
Bakah ka kal ta rau rau anih chuan a nuam thei ang ber in hun ka hmang tur ani bawk ang. Khawpui mawi tak tlawh tur ka ni pah bawk a,a zia tak ala awm.
.
"A tha lutuk e" tihpah chuan arawn nui seih a.
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
"Mahse lawk.....passport ka nei miah lo ania" hlauhthawn hmel deuh chuan ka han ti a,zin dawn chuan a pawimawh ber anih avangin a tello chuan khawiahmah a kal theih si loh.
.
A lo nui suk ringawt a "Buai angai lo. I mawng lian deuh khan thlawhna seat ah i thu ang a,chu zawng chu ani mai"
.
Ka lo ang hau a...eng nge maw ka mawng kher kher pawh chu arawn sawi le? Chutiang anih te chuan ruahmanna alo siam vek tawh ani zawk aniang a...
.
"Mahse....." eng emaw sawi chu ka tum a,mahse ka sawi chhuak thei tlat lo. "Engtin.....?"
.
"Engkim a fel vek tawh alawm Pi Bailey"
.
Ka ticket ken chu ka han en nawn leh a,tunah chuan London ah ka kal dawn chiang ngei e...a van nuam dawn em. Mahse Pierce-a nen chauh a zin dun chu a him dawn em ni? Mahse sumdawnna chungchang alawm le. Ka hlauhthawnna chu tih reh hram hram ka tum a.
.
"Engtikah nge kan haw leh ang?" ka lo ti a.
.
"Ni 21 ah. Kumthar zawhah New York ah chuan kan let leh chauh ang"
.
"Kar hnih chhung maw? Pierce,chutiang em em a rei chu ka cham thei lovang"
.
Min rawn en a,a mithmul chu arawn san ak a. "Keipawn cham rei loh dan ber ka ngaihtuah ve tho alawm. Hei hi a reiloh dan ber ani. Hnathawh tur a tam em alawm"
.
Rum zet hian ka melh a,chu aia rei loh deuh dan chu a hre reng tih ka hria. Ka vin hrep loh nan ka in thunun hram hram a, engtiklai pawh hian a duh dan ang chauh hian kan kal a,kei in eng thuneihna mah ka nei ve silo.
.
"A tha alawm" tihpah chuan chair atang chuan ka tho chhuak hmuk a,ka inher nghal a.
.
A ni lah chu hnunglam atang alo nui kur kur a "Naktuk kha rawn theihnghilh suh aw" arawn ti leh hram a. Kawngka lam chu pan in ka chhuak nghal a.
.
.
.
In a ka haw chuan Hugh-a chu thutthlengah lo thu thluangin Vampire serial alo en a,min rawn hmuh chuan alo nui suk a....a mood pawh a that hmel hlemai.
.
"I va thleng hma ve" tihpah chuan a bulah chuan ka va thu a.
.
"Nia vawiin chu ka haw hma a....nileng in customers ho nen kan inbe nileng zak a,order la reng reng in ka buai a. Naktuk zan atang phei chuan puanthui khawl ka mutpui a ngai hial ang"
.
"Tun thla chu i buai cher cher dawn hlemai maw...?"
.
Hugh-a chu a rum nghat a "Niaa......tun kumtawp chawlh phei chu chhungte bul a ka hawn hman pawh ka inringlo. A pawi ka ti lutuk Vee..."
.
"Anih chuan kan pahnih in kan haw theilo ve ve dawn tihna anih chu" tihpah in lukham chu ka han pawm a. "Pierce a'n a rual in London ah sumdawnna thil a zin ve tur in min ti a. Kar hnih kan thang ang" tihpah in a darah chuan ka lu ka nghat a,rilru hahdam deuh a awm chu ka duh
.
Hugh-a chu a ngawi reng a,engmah sawilo mahse a awmdan atang min ngaihtuah ani tih ka hria. Ka dem hauh lo....mipa dang nen a ramdang a kan han zin tur chu ka ngaihtuahawm viau lah tak ang.
.
"I va hlim hmel loh ve" arawn ti a.
.
"Kar hnih chhung kan hun hman dan tur vel kan sawi a. Christmas chu nang leh ka chhungte bul a hman ka duh ber asin mawle" ka lo ti a.
.
Mahse Hugh-a chuan a hmel a a rilru nawmlohna lang chu a ti reh thuai a. "London ah i kal dawn ania,hun nuam tak i hmang ang chu mawle. Mahse i lo haw hunah British mi chhelo tawkk min rawn hawn ang che"
.
Ka lo nui a "Chhelo deuh pahnih ka rawn kidnap sak ang che"
.
Ka lu arawn tuai a,hlim tak in kan nui dun a. Zanriah kan kil zawh chuan Hugh-a pawh chuan mu tur in a khum lam a pan nghal a. Christmas a hnai tawh bawk a,a buai thei hle a,thawmhnaw nise thui sen loh a nei a,zan a mengrei thei hle bawk. Han duat vak ngaihna lah hi ka hre bawk si lo. A thil siam leh thui te nalh ti tak a lo fak sak mai loh chu.
.
.
.
Zingah pawh chuan keima tawkah ka tho hma ve hle a,Hugh-a erawh hnathawh tur a ngah avangin a chhuak hma hle thung. Apartment ah chuan keimah chauh in ka awm tlawng a,eitur lah ka insiam peih bawk si lo. Fridge a kan thil ei bang awm te chu ka tilum a,coffee nen thutthleng a TV en pah in ka ei a.
.
.
1pm ah chuan ka insiam peih vek tawh a,Pierce a'n min rawn lam nan darkar hnih ngawt ala awm a.
.
Jeans ka ha a,t-shirt plain var bakah jacket ka ha a,boot ka bun bawk. Makeup lam hi chu ka inhnawih ngai vakloh avang hian ka thiam em em hran lo.
.
Hun a kal zel a,3pm pawh chu a rawn ri ta thuai a. A thu sawi chu a zawm tha hlemai,reilo te ah doorbell arawn ri nghal a.
.
Kawngka lam chu ka pan phei a,ka zam ru hlemai. Kawngkhar chu ka han hawng a,Pierce-a chu ka hma zawnah tak chuan alo ding a. Jeans dum a ha a,t-shirt kilhna awm leh jacket a ha a,pheikhawk pum nalh zet nen. A sam rangkachak rawng chu a tle siau a,a inmet fai hle bawk. A khabe phir chu a lang chiang in a fai hle a.
.
Inmeh fai chungchang a ka thusawi kha alo la hre reng aniang....a lang tha takzet.
.
"Hey..." ka han ti ringawt a,ka awmdan te chu ka theihnghilh vek. In date in kan chhuak dawn ani a,engtia han tih tur nge ka hre lo. Ka chibai dawn em niang? Nge ni a lo lut tur in ka ti zawk dawn?
.
"Olive..." tih pah chuan tawrh har tak hian arawn nui a "I inpeih tawh em?"
.
Ka lu ka lo bu ringawt a,ka tawng ve zawng in ka confi lo emai. Ka kut chu arawn vuan a,apartment atang chuan kan chhuak dun a. Tiang hian London ah pawh kan inzui awm si a...mahse hna thil ani dawn a,keipawh in nuam thei ang ber in ka chen ve tur ani ang.
.
A car dahna kan thlen chuan a kawngkhar chu min hawnsak a,kan kalna tur pawh engmah hre lo chuan ka lut ve ta rawih a. Pierce-a chu ka rin ngam a ngai ani. Ka ring ngam leh ngam loh pawh ka hre lo. Kawngpui lampan chuan kan inkhalh chhuak nghal a.
.
"I va chhelo ve a...I lang tha lutuk" arawn ti a. Ka zak lutuk chu ka sen nghal awp awp a,engtia han chhanlet tur nge tih pawh ka hrethiamlo.
.
"I inmet fai ani maw" ka han ti ve ringawt a.
.
A rawn nui a "Niawm tak chu anih hi" arawn ti a.
.
Thildah khawmna in hluihlawn tawh bulah chuan a car chu a park a. Karei...min hruaina ber kher chuhh...ka thi dawn in ka inhria. Chulai hmun chu inthahna thlen hrep tawhna hmun ang mai ani. Pierce-a chuan min tihnat a tum em lovang chu maw. Chulai hmun chuan min rap tlat
.
Car atang chuan ka chhuak a,boruak ah chuan Chi rim a nam chem chem a,tuipui kan hlat vaklo ani ngei ang. Thlifim rawn thaw chuan ka taksa chu arawn hmet nghal vawng vawng a,thlasik intan tawh nen,a vawt ngei mai.
.
Mahse pangtilum in arawn luahlan thuai a. Pierce-a chuan ka darah rawn kuah in a taksa si chalh chuan min kuah bet a. A taksa chu a lum ther ther a
.
"I phur tawh em?" arawn ti sap a.
.
"Helai hmun hi ka thihna hmun tur ni in ka hria" aw khur dar dar chuan ka lo ti a.
.
"Ngeiawm lutuk lo teh" tihpah chuan arawn nui a. "Nuam i ti viau ang. Ka tiam a che"
.
.
(END OF CHAPTER -15)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2016, 9:14 pm

CHAPTER -16
.
Chulai hmunah chuan kan han kal kual a,kan piah deuhah chuan Van pakhat a ding a,a bul velah te chuan lawng a bungrua an thiarna,kahpathir atanga siam bawm lian tak tak,hlui tawh tak tak a inhung thup bawk a. Thil dah khawmna in hlui tawh tak tak a awm bawk. Chulai hmun chu rauh san tawh anih avangin a reh vawng vawng a.
.
A piah deuh hlek atanga tuifawn inchhawk ri te chu ka hre thei a,bakah vanah chuan tuipui sava chi hrang hrang an rawn thlawk kual bawk a.
.
"Pierce....nang hi tualthah hmang i ni chiang lutuk. Mahse min that pawh ni la ka rawn umzui zel ang che" tihpah chuan ka en a,ka aw pawh chu a ring tha lenglawng hlemai.
.
Pierce-a chu za em em hian alo nui a,a ha var rual tak mai chu a nalh hle a,chumi chawih tur tak chuan a biangsum a lang kalh bawk a. A nuih nasat luatah chuan a hmai te chu a sen vek a,pum dawm meuh in a nui a. Kei chuan ka kut ka lo kuangkuah a,a nuih zawh hun ka lo nghak tawp a.
.
A nuih zawh hnu chuan chunglamah a ban arawn phar chhuak a "Min ring ve tal la.....aw?" tihpah chuan a khi vur vur a.
.
Tihngaihna pawh ka hre bik lo. Lei ka chhuah khum ringawt a.
.
"Naupang chhia lutuk" tihpah chuan ka kut arawn vuan a,khawilam nge min panpui a tum pawh ka hre lo. Hla tak atang a mipui au thawm leh nui thawm te chu ka hre thei a. Min hruai phei zel a,lawng tumkai lamah min hruai phei a.Mahse hmun dang ami nen a in anglo hlemai
.
Lawng pangai emaw...lawng leng emaw takngial pawh han hmuh mai tur a awmlo a,chutih lai in a vawt hle thung. Ka veilam piah deuh a tiau vut var paw vo pawh chu ka va hmu thei a,mahse mihring erawh hmuh tur an awm lo. A vawt lah tak em a tuman saw tiang tiau vut var sur leh tui hit em em chu an dai peih hauh lovang.
.
Lawng tumkai piah deuhah chuan Ferris wheel (Marry go round) lian zet mai hi a awm a,chuta tang chuan New York khawpum chu chiang takin a thlir theih ang. Tunah chuan kan awmna chu tuipui bul lawk ani tih ka hre thei ta. Kan piah lawkah chuan thing a siam thutkhawmna a awm bawk a,function te nau deuh hlek neih na tawk vel ani. Mak ti in ka ang phuau a
.
"I nge i hmuh dan?" tihpah chuan Pierce-a chu alo nui seih a.
.
Chhan mai ngaihna pawh ka hrelo. Ka hmui chu ka han pet a,ka ngaihtuahna ah thil tam tak arawn lut nghal a. Tuman tiang hian min la surprise ngailo. Hei kher hi chu ka beisei loh lutuk thil ani. Chubakah a romantic dan hi a ril em em bawk si. Rose inkhawi a awm lova,dinner table nalh tak pawh a awmlo. Heti hi ani mawl tawp a,mahse awmzia erawh anei viau lawi si. Ka thinlung chu a tuiral a,eng emaw luahkhat tu a awm ani.
.
A mitmu tle ral ralah chuan ka han melh a,nui chung chuan "Nuam ka ti lutuk" ka han ti a,chulai boruak chu ka han hip vang vang a.
.
Inchhuan hmel deuh hian min rawn melh a "Hugh-a khan idea min pe a"
.
"Ka lawm lutuk" thinlung tak in ka han ti a. "Mahse Hugh-a nen ka hriatloh hlan a ka chanchin inlo sawi chu ava tha awmlo ve" tihpah chuan ka han nui a
.
"He ni hi ni nuam tak nise ka duh ani"
.
"Engtin nge Hugh-a chungchang kha i hriat chhuah a?" ka han ti a. Thanksgiving day kha chuan an inkawm ngei tih chu ka hria.
.
"Chutiang a pawimawh lo. Tinge nang pawn min hrilh mai lova?"
.
"Hrilh che chu ka tum fo alawm,mahse min lo pawtchat zel anih kha. Bakah i thik em em ringawt a" tihpah chuan ka nui a,a banah chuan na lo te in ka va hnek taih a.
.
Van awmna lamah chuan min kai phei a,van ah chuan min nam bet a,a kut lehlam lehlam chuan min dang bet a,kan hmai chu inches tlem te in a insi lo chang chang chauh a. Ka thin chu a phu nghal dawt dawt a,a thaw lum ham ham chuan ka timur te chu a ti za chum chum a.
.
"I sawi dik maithei ani" arawn ti sap a,a aw ah chuan nuihza insum ri alang tel in ka hria. Chutah a ding thut a,a kal leh daih a.
.
Ka thinphu ran hman zia mai chuh....leiah chuan ka luang ral lo chauh ani. A kal lai chu ka en reng ringawt a,ka hmai te chu a sa pup pup a. Khatiang khawp a hnai a min biak kha chu a awihawm loh hial zawk.
.
Pierce-a chu arawn hawi let a,ka zui lo tih a hriat chuan "Tah khan din reng i tum em ni a?" arawn ti a,mawi tak hian arawn nui a.
.
Chuveleh alam pan chuan ka tlan phei nghal a,ka va thlen veleh ka darah min lo kuah a,kan piah lam a game khelhna booth lam chu kan pan phei a. Game chu kan khel dun a,first round ah chuan ka chak nghal a,Pierce-a chuan a ruk in min chak tir ani tih pawh ka hre reng,mahse ka hlim ve em em tho.
.
"Khatia min chak tir bik zel te chuan a nuam nang" tihpah in ka va nghawk a. Kan hma zawn a Utawk lem chu kahfuh tumin ka tin lehnghal a.
.
"Chiah maw? I inchhir ange?" tihpah chuan a mit ko arawn san ak a
.
"Ka inchhir leh chhir loh chu i hre mai ang" ka lo ti ve hmak a. Ka tawng danah chuan ka hlauh bik loh zia ka tilang chiang tawk chuan ka hria.
.
Ka kut chu arawn man a,apiah a basketball game khel na lamah chuan min hruai phei a. Khawl ah chuan token ahan rawlh lut a,khawl chu arawn nung nghal a.
.
Ball chu kan la ve ve a,a chung a score na tur basket awmah chuan kan in vawm luh siak a. High school kan kal chhung pawh khan sports lam kher kher hi chu ka khawih ngailo nangin hetiang ang a khelh hi chu nuam ka ti tho mai. Ka score ve nual a,game a tawp chuan kan score zat pawh chu arawn lang nghal a,ka khel chhe lem lo. Pierce-a point hmuh chu ka va en ve a. Kareiii.....ka point hmuh let thum lawih.
.
"Trick i hai chiang!! "
.
"I inchhir ang ka tih reng kha" tihpah chuan a nui a,ka lo tum hmuk a
.
Ka kut chu rawn la in booth dangah chuan min hruai phei leh a,chulaiah ve thung chuan bangah hian ramsa lem chi hrang hrang hi alo inkhai a. Engtin nge chulai game khelhna tickets zawng zawng chu alo neih lawk tih reng ka hrelo.
.
"Sawlai ramsa lem zing a i duh ber saw i la thei ang" arawn ti a.
.
"Saw lai a mi saw ka duh lutuk" tihpah chuan a kil a Panda lem chu ka kawk a.
.
Chulai hmun a lo duty pa chuan la in min rawn pe a. Min rawn pek veleh chuan pawm in ka han kuah nghal a
.
"Okay.....game zawng zawngah i chak vek ani mai" ka han ti a.
.
A mitmeng chu a hmuhnawm hlemai. "Min cho viau khan ka hre sia"
.
"Nia...ka ngaihdan kha ka thlak leh tawh alawm"
.
Ka note thar chu a lawmawm takzet. A hming atan 'Mr. P' tih ka sa nghal a. Panda tihna emaw Pierce-a tihna pawh ani thei. A khawi emaw zawk zawk pawh chu ni tehreng se pawi ka ti lo.
.
"Eng emaw ei i duh em?"
.
Aw tih nan ka lu ka lo bu a,ka ril pawh a tam tawh viau. Eitur zawrhna in te lam chu kan pan a,order kan tih fel zawh chuan a bul a thing a siam thutthlengah chuan kan thu a,tuipui mawi tak mai chu alang chiang hle a,chung lamah chuan tuipui sava an thlawk nauh nauh bawk a. Mr. P-a pawh chu ka thil ei chhung ka bulah a thu ve a,an thil siam lah chu a tui em em lehnghal. Tiang ang reng a ni nuam hi ka la hmang ngailo. Vawiin chu Pierce-a pawh a fel hle a,a hmel atang chuan nuam a ti ve takzet tihpawh ka hria. Bakah ni nuam leh dangdai tak min siam sak ani.
.
"Vawiin kan in date chu eng nge i hmuh dan?" tihpah in Pierce-a chuan min rawn en a.
.
"Ummm......point 6 ah point 5 ka pe. Basketball ah khan chak ngat ilang chuan point 6 ah point 6 ka pe hrim hrim" ka lo ti uang a.
.
"Anih nuam i ti em?" tihpah chuan arawn nui a,a hmel ka hmuh rual chuan ka thil ei lai pawh chu ka tawp chawt a.
.
"Aw....." ka tichhuak thei hram a. Ka maimitchhing a,tuipui atang a thlifim rawn tleh chuan ka hmai leh sam chu arawn chhem thaw heuh heuh a,chumi pah a tuipui fawn inchhawk ri ngaihthlak bawk chu nuam tak ani. Vawiin a kan hun hman dan te chu a mal te te in ka ngaihtuah chhuak a.
.
Ka mit chu ka han meng riai riai a,ka hma zawn a thu Pierce-a chuan chiang zet hian min lo en reng a,chutia ka han men takah chuan amah zawk chu a lai ti tih zawk a.
.
"Eng nge?" ka han ti a.
.
"Engmah ni love" tihpah chuan a lu a thing a. "Ni pawh a tla mai dawn" tihpah chuan a sana chu ahan en a. A ding a,a kut chu arawn phar chhuak a.
.
A kut chu ka lo vuan a,tichuan khua chuan tur in Ferris wheel awmna lam chu kan pan a.
.
"Sawlamah sawn kan kal dawn em ni?" ka phur lutuk chu ka insum theilo. Pierce-a chuan a lu alo bu a. Ka za zek zek tawh.
.
In line rei a ngai lem lo. Bawm awlah chuan kan lut ve thuai a. Pierce-a chuan min luh hmasak tir a,min rawn zui ve nghal a. Kan chhuanna bawm chu chunglamah a kang riai riai a. Ka mit chu ka len ruai a,Mr.P-a chu nghet deuh in ka pawm bawk a. Bawm chu a ding zeuh zeuh reng avangin duhtawk in khua pawh a thlir theih a.
.
Van boruak chu rangkachak rawng in a eng phut a, inchhawng sang tak tak karah chuan ni tla tur chu a sen ruah mai bawk a. Chu mai bakah kan piah lawk a tuipui pawl cham dulh mai pawh chu zing kar van dumpawl ang mai hian alang thiang kak a,engkim mai chu sawisawi na tur reng a awmlo.
.
Pierce-a chu ka han en a,nui hmel hi ka hmaiah chuan charh beh ang tlat ani tawh. Nitla tur chuan Pierce-a hmai pawh a chhun eng sut a,a mitmu pawh chu rangkachak ang mai ani.
.
"Hey...Olive"
.
Chutia min koh chu ka hming tak a min koh ai pawhin a inhmeh tawh zawk,keipawn huat en ah ka en tawh lem lo. Khawdang reng hawi lo chuan kan inmelh dun vang vang a,a mitmeng mawi lutuk tak mai chuan ka ruh chuktuah zawng zawng mai chu a ti khawng a,khawdang reng ka hawi thei lo.
.
"Hei hi alawm ka hmuh duh chu" arawn ti a.
.
"Eng chu maw...?"
.
"Hei hi..." tihpah chuan ka hmai chu arawn khawih a,chutih rual chiah chuan arawn kun hniam a,ka hmuiah chuan arawn fawp zui nghal a.
.
Ka tha zawng zawng chu a zawi nghal vek a,Mr.P-a...ka pawm lai pawh chu chhutah ka thlauh thla nghal a,chupa tawnah chuan chakna reng reng ka nei lo,ka tlawm chiang ngei mai.
.
Zawi te in min fawp a,a hmui hnawng chap leh nem thep mai lak atang chuan tal chhuah tumna reng ka neilo. A hma ai chuan a duhthawh tial tial a,ka kawngah chuan rawn kuah in a taksa si chelh chuan min pawm bet a.
.
A lei sa ham ham chuan ka ka chhung chu arawn hawl kual a,a tir chuan mak ka ti tep a,mahse reilo te ah a lei arawn tih chet ang zel in ka lei pawh chu ka lo ti che ve a.
.
A nghawngah kuah in a sam ah ka chul chho a,ani pawh chuan ka kawng a a kuahna chu dahthla in ka mawng lam ah a chul thla a. Ka phu deuh zawk mai....chu veleh a aia nghet chuan ka kuah bet a,a rawn rum ham ham a. A rum ri chuan min ti zauthau takzet. Talchhuah chu sawi loh....a duhtawk mai ang tih chu ka hlau hliah hliah zawk.
.
Mahse chutia awm reng thu lah a awm si lo. Kan inthlah chiah chu kan thaw dun hlawp hlawp a. A chal leh ka chal chu arawn ti si a,tiang chuan kan ding dun char char a. Ka va en a,min lo nuih seih a. Eng thu mah sawi chhuah kher angai lo....kan in en dan leh kan infawh dan khan engkim mai chu a sawi chiang vek tawh.
.
Rei lo te ah kan chuanna bawm chu arawn inhawng a,kan chhuah angai ta. Ka van khamlo tehreng em. Pierce-a chuan min kai a,lehlam in Mr.P-a ka pawm bawk a. Chulai lawng tumkai a kut inkai rial a kan han kal dun chu sawi tur reng hi ka hrelo.
.
Ni chu a tla fel tawh a,mahse hmun pakhat kal duhna ka nei. "Pierce....helai lawng tumkai piah lamah hian kal ka chak khawp mai"
.
"Helai bak hi thlenpui che pawh ka lo tum hleinem" arawn ti a.
.
A hma ai chuan kan in din hnai a,kan piah lamah chuan music a ri ruai ruai a,midang ho chu an au tuar tuar a,no sen keng in an lam a,party an nei ni ngei tur ani.
.
"Min rawn hnaih deuh rawh" tihpah chuan Pierce-a chuan min rawn kuah a,music rikna inchhung lamah chuan kan lut dun a. Mi ho chu music rem chuan an lo lam suau suau a,mahse tiang boruak hi ka ngainat zawng ani vak lo. An ri hut hut a,zu rim a nam huam huam bawk a.
.
.
Min rawn nuih a,a kut chuan min han then vir kual a. "Lam dun ang" ring lenglawng in ka beng bulah chuan arawn ti a. Music a rin em avangin awrawl tawp tawp a inbiak angai a.
.
"Ka lam ngai lo a" ka lo ti a.
.
"Lo kal rawh....kan ti dun dawn alawm" tihpah in min kuah hnai sauh a. A ngaihna ka hrelo lutuk chu ka nuih a za a,ka han nui leh chiam thin. Ka kut lehlam in Mr.P-a chu ka pawm tlat bawk a.
.
Pierce-a chuan a tihdan tur min hrilh pah zel a,midang ang chuan thiam kher lo mah ila kan hlim dun khawp mai. He khawvelah hian tudang reng kan ngai bik lo.
.
Hla pahnih zet an play zawh chuan hma ka sawn ta hlemai. Keimah pawh chuan ka lam awk awk ngam tawh a,ka lam pah chuan Pierce-a chu ka va en a,suit ha chung a office chhung a lam awt awt tur ang in ka han suangtuah a,ka nuih a ti za ngei mai.
.
Ka hmuh tirh ber ni kha chuan nelawmna reng reng neilo ang khan ka hmu a,tunah erawh ka ngaihdan letling chiah kha ani.
.
Hla a tawp chuan chau hnap in a kil lam chu kan pan a,Pierce-a chuan bar atang cold drink min rawn lak a. Ka in tur atan thei tui min pe a,mahse alcohol tlem chu a tel tho mai. Mahse a pawi thamlo turah ka ngai
.
Boruak thianghlim dawng tur in pawnlamah kan chhuak phei a,chu zan thiang tak hnuaiah chuan chulai tuipui kam a an eng chhit te chu alang mawi hle a,tuipui fawn ri hlup hlup in a thlifim vawt tak arawn ken tel chuan min ti harh sawng sawng a.
.
"A atthlak hlemai" ka hnunglam atang chuan Pierce-a chuan min rawn kuah a
.
Ka lo nui a "Tiang khan i lo lam thiam tih reng ka lo hre lo a"
.
"Keipawn i sawi a ka hre chiah" a ti a,kan nui dun bawk bawk a.
.
"Keipawh ka vawikhat lamna" ka lo ti a "Vawiin chu nuam ka ti takzet....ka lawm lutuk"
.
"Chuan...vawiin hi dated i neih tawh a zawng a nuam ber ala ni mai lo maw?" tihpah chuan min rawn nghawk a,
.
Ka sen tawn tawn a "Hei hi vawikhat mi ka date na ania"
.
"Tak tak maw...?" awih loh hmel zet hian arawn ti a. Ka huaisenna zawng zawng sawm khawm in a hmelah tak ka han en a,min lo nuih seih a. A mitmeng chu a danglam ani tih ka hre thei nghal a.
.
Min rawn din hnaih a,a kut pahnih chuan ka hmai chu arawn vuan a,a kut zungpui chuan zawi te in ka hmai chu ahan tuai a,arawn nui a. "I date hmasak ber ka ni chu ka van lawm em" arawn ti sap a.
.
Ka taksa zawng zawng chu a mur chhuak nghal vek a,ka nui ringawt a.
.
Zan nuam tak kan hmang dun a,thla in a tuipui a chhun tlet ral ral te chu kan thlir dun a,chumi pah chuan kan in kiss chungchang te pawh kha kan sawi dun mahna. Anihloh vek pawh in min kiss chungchang a zawhna ka neih hrang hrang te pawh chu ka zawt mahna. Chu zan hlu tak chu holam tak a a ral mai ka phal lova,ka hriatreng na a engtik lai pawh a cham tawh tur in ka duh ani.
.
Engtikah emaw chuan he zan nuam tak hi thim in arawn la khuh hun te pawh a awm maithei. Chu chuan kan inkarah engkim arawn thlak danglam ang a,ka la kalsan a tul hun te pawh a la awm mahna le....khuanu remruat dan hi kan sawilawk theih a awm lova,alo thleng anih chuan dan theih lah ani hek lo.
.
.
(END OF CHAPTER -16)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2016, 9:15 pm

CHAPTER -17
.
Pierce-a nen zanriah kan kil dun nghal avangin in ka thlen meuh chuan zan a rei tawh hle a. Gentleman tak in kan kawtkai thleng min thlah a,tha tak a min mangtha bakah vawiin kan hun hman dun nuam a tih thu te,hman duh leh a duh thu te min hrilh bawk a.
.
"I sawi awmzia chu date dang leh maw?" ka han tih chuan a nui seih a,a biangsum chu a lang kalh a.
.
"Ka zawngchhang lutuk ang tih ka hlau khawp mai" tihpah in a nui seih a,a Car lam chu pan in a inkhalh chhuak nghal a.
.
A tuk chu Chawlhni ani a,ka harh meuh chuan 8am alo ri der tawh a,Hugh-a pawh a tho daih tawh ang.
.
Mahse ka thawhkhalh ve tlat nia. Zing thawh ah kher kher hi chuan ka tluk ngai loh tehlul nen. A room kawngkhar chu ka va kik karh karh a,min rawn chhan mai loh avang chuan kawngka chu hawng in ka va lut a,alo la inkhuh hlun a. Chuveleh va pan hnai in ka va bawh a.
.
"Nang nu hih....thil diklo a awm em ni a" tihpah chuan arawn rum tuah tuah a,ala mutchhuah hmel hlemai.
.
"Good morning" tihpah chuan ka nui vur vur a.
.
A hmai chu lukhamah chuan ahan phum tha leh a,mahse ka lo tibuai zel a. "Ti teh....Christmas thlen nan kar khat chiah a awm tawh ania. Present tur te pawh kan lei loh chuan" ka lo ti a. A mut a la chhuak viau tih chu hre mah ila tihbuai chu ka chak reng reng
.
"Vawiinah kher angai hlenem" tihpah chuan arawn inher a,a phone ah chuan dar zat ahan en a.
.
"Dar 8 chiah ala nih hi,tunah te chuan dawr pawh an la khar vek ang chu"
.
"Chu pawh nise....tho hrim hrim teh" ka la ti hram a.
.
Muangchang chuan arawn hawi phei a,min rawn en a. Tukverh atanga nizung rawn lut chuan a hmel chu a chhun tle vat vat a. "Tukin i phur dan em em hi thil diklo a awm chiang mai"
.
"Nimin nawm dan zia mai chuhh.....Pierce-a thil ilo hrilh avang khan ka lawm lutuk ringawt.Engkim kha a nuam vek ani mai" lawm hmel deuh chuan ka han ti a.
.
Hugh-a chuan min rawn melh ha a,ka bulah chuan arawn thu a. "Engmah tiangin ka hrilh hleinem. Aman i hmun ngainat deuh ang chi te min zawt a. A reng reng thuah khawiah nge a hruai che a?"
.
"Lawng tumkai ah min hruai a. Khatiang hmunah khan tiang reng a hlimna hi ka tawngah tih ka lo ring ngai lo hrim hrim" tihpah chuan phur takin nizan a kan hun hmandan te chu ka sawi a. Hugh-a pawh chuan ngaihnawm ti tak in alo ngaithla a,a mutchhuak pawh a reh kawk in ka hria.
.
Chawhnu lama bazar a min kalpui tur in Hugh-a chu ka hmin thei hram a. Bazar ah chuan ka kalpui hrep a,a hna ah a buai thin em avangin vawiin bak hi chu ka tibuai tawh kher lovang. Bakah London ka kal hnu chuan kan inhmu lo vang vang dawn bawk si a.
.
.
Darkar li ngawt min bazar pui a,ka present tam zawk chu ka pi pek ka duh a,Hugh-a ta tur erawh London atang a thawn mai ka duh mah zawk a. Hugh-a nu tan shawl ka lei sak bawk a. Chubakah kan living room sir a hun atan Christmas tree ka lei tel bawk a
.
A tuk chu Thawhtan ani leh der tawh a,a ngai te bawk in Pierce-a hmuh leh angai ang a,chubakah nimin thil avang khan eng emaw danglam a awm tawh ngei awm si a. Ka khum ah chuan lawn in Mr.P-a chu nghet tak in ka kuah a, ka tan chuan Panda special tak ani.
.
Thawhtan ni chuan hma takah office ka thleng a. Ka thlen veleh vawiin a board members ho meeting neihna tur lehkha pawimawh ho chu ka tifel nghal zung zung a. An rawn thlen hun a an in tur in coffee machine ka ti nung a,eitur thenkhat chu ei mai theih tur in ka lo buatsaih nghal a.
.
Ka hnunglam a Elevation chu a rawn ri teng a,board members thenkhat an rawn thleng tawh ni ngei a ngaiin hnunglam pawh ka hawi duh lem lova. Mahse reilo te ah kut hian ka kawngah min rawn kuah a,ka phu nasat lutuk a leiah ka cookies ken ho pawh chu ka thlauh darh vek tep ani.
.
Ka han hawi phei a,Pierce-a mitmeng mawi tak chu ka hmu nghal a. Chuveleh ka nam kiang a,mahse ani lah chuan min kuah hnai sauh mai si. "Pierce....a chi loh emai. Reilo te ah midang an rawn thleng thuai dawn ania"
.
Alo nui suk ringawt a,a rimtui tak mai chuan min zem chiai chiai a. "Midang rawn thlen hma in minutes 5 hun kan la nei alawm. Meeting ninawm tak kan neih hma hian fawh phawt che ka duh bawk a" tihpah chuan min rawn fawp chawpchilh nghal a.
.
Lo tan chu sawi loh....rang tak in ka lo chhang let ve nghal a,nghet tak a min kuah in a kut chuan ka taksa chu a dap kual ruai a. Ka kut chu dah kang in a nghawngah ka kuah a,chuveleh ka mawngah rawn vuan in dawhkanah chuan min hlang chho a,duhthaw zet in hian min fawp tawn tawn a.
.
"Zing hman tan nan chuan duhthusam ani" tihpah chuan tawrh har zet hian min rawn nuih a,a mitmeng a tisa chakna tlem rawn lang pawh chu ka hmu thei a. A tawp nan vawikhat min rawn fawp lehzeuh a,keipawh chu ka insiam tha nghal sawk sawk a. Reilo te ah Elevator arawn ri a,board members dang ho pawh chu an rawn thleng khawm tak tak a.
.
Ka aw chu ka han thian kharh a,Pierce-a chu arawn hawilet leh a. "Nakinah ka chhunzawm leh duh ania...." arawn ti ru sa sa a,a sawi zawng ringawt pawh chuan ka mur chuai chuai thei. ".......eitur kha nakin deuhah i rawn dah dawn nia" midang hriat theih tur chuan ahan ti chhunzawm nghal a. Min rawn nuih suk a,a kal nghal a. A awmdan chuan ka nuih a ti za in a hmuhnawm letling phian. Ka chhan ve hma chuan midang ho chu zui in Conference room lamah chuan a lui phei nghal a. Chawhma chhung meeting an nei a,
.
Chutih lai chuan London a kan kal dun tur vel chu ka lo ngaihtuah a. Pierce-a hi rin tak tak chi ani angem? A bialnu ni tur pawn min la sawm lova,nge ni a a nun hlimna pakhat atan min hman a tum mai mai zawk?. Tiang hian hmeichhe tam tak alo chhuahpui tawh ngei ang a,chung zing a pakhat ve mai chu ka ni awm si a. Ramri ka insiam deuh hlek angai dawn ani....ka lo luh thuk hman lutuk chuan a tawp a na ber tur chu keimah tho ka ni.
.
Mahse tunah pawh hian.....min fawh chuan ka fawp let ve zel a,min khawihna lai apiang lah nuam ka ti em em tawh mai si.
.
A hna lam a a buai em avang chuan chhun chawlh lai lo chuan inhmuhna hun kan nei meuh ngailo.
.
London a kan zin nan kar khat chiah a awm tawh a,Wilson-a lawyer,George Brent-a hnen atanga phone call ka dawn hma kha chuan ka phur tehlul nen.
.
"Hello...Miss Bailey. Wilson-a lawyer George Brent-a kha ka nia"
.
"Pu Brent,kan inbe leh thei chu ava lawmawm ve. Puih theihna che ka nei em?"
.
"Pierce-a ka be tlang thei lova..min lo hrilh sak mai ta che. A pa in chu lei theih tur in kan tifel tawh a,a remtihna kan nghak e"
.
"Min lo hrethiam la....Wilson-a in kha a hralh amaw?" ka lo ti nghal chul a,chu thu chuan min thawng hlemai
.
" Aw ni e....kar hmasa khan min rawn bia a,hralh a duh thu arawn sawi a. Khawngaihin min lo hrilh sak dawn nia...anih phawt le" tihpah chuan phone chu a dah nghal a. Mak ka ti lutuk chu ka phone ken lai pawh dah nachang ka hre lawk lo.
.
.
A kawngkhar pawh kik hmasa lo chuan ka lut nghal rup a. Min hmuh veleh alo ding nghal a,ka awmdan leh ka mitmeng a tang chuan ka dik zanlo ani tih chu a hrethiam nghal a.
.
"Eng nge thil diklo awm a?" tihpah chuan a chal alo chhuar ak a.
.
"Hei hi thu dik ani em?"
.
"Eng thu maw?"
.
"In kha i hralh tih hi". A office dawhkan hmaah chuan ka ding ran a. Engtikah emaw chuan la hralh chu a ngai dawn tho tih hre mah ila tunah chuan ala hma lutuk mah mah ani. Wilson-a ro leh sulhnu zawng zawng ala awm a,chuti mai a riral mai mai atan chuan ka phal lo.
.
.
"Chutia lak nat vak tur ani hleinem. In pakhat ve mai anih saw Olive". Tawng ngaihna pawh ka hrelo,ka mittui chu arawn baw zawih a. Engvang a chuti tak a la roh em em nge ka nih tih pawh ka inhre bik lo. Ka over mah mah em tih pawh ka hre chuang lo. Mahse ka thinlung erawh a na em ani. Ka tah chhuak lutuk chu ka insum zo lo....ka tap chhuak hawm hawm a.
.
Ka insut hlawp hlawp a. "Ka tan chuan a ho ve lo asin. Chutiang a hralh i tum anih te chuan ka phalna te pawh i la ve phawt tur ania"
.
"Anih chuan eng nge i duh? Saw in saw kei chuan nuai bo vek ka duh ani" sehchilh deuh hian Pierce-a chuan ahan ti a. A thinrim hle tih ka hria. A pa chungchang sawi hi chuan thinrimna bak engmah amah luah tu a awm ngailo.
.
A thusawi pawh chu ka ngaihtuah peih lo. "Mr Brent a'n min lo call a,i pa in hralh na tur chungchang chu an tifel tawh a,i rem tihna an nghak mek e" tihpah chuan ka inher a,a office chu ka chhuahsan nghal a.
.
Ka dawhkan ka thlen chuan ka thaw hawk a,ka drawer chu hawng in Wilson a'n Pierce-a pe tur a min tih envelope kha ka la chhuak a,a kawm en mai chuan eng chungchang nge anih tih reng a hriat loh.
.
Christmas present atan ka pe ang ka ti kha ania,mahse apa thil ani si a,a thinrim leh ngei ang. Nuam lo deuh a Christmas hman chu ka duhlo. Wilson-a khan a hun takah lo pe rawh kha min ti a,tun hi a hun tak chu ani thei mai angem? Mahse ka dahlet leh a,kan zin haw hun a pek ka tum leh ta zawk a.
.
Chu lehkha ah chuan an chhungkaw chanchin te leh a pa a rinhlehna zawng zawng chhanna tur chu a awm vek ani.
.
London a kan kal nan ni hnih chiah a awm ta. Wilson-a bungraw pawimawh zawng zawng, an chhungkaw thlalak atanga a lehkhabu thleng chuan ka dahkhawm vek a,chulai inchhung a kum tam tak kal ta a hlim nui ri te kha tumah rengin an rawn hrethiam pha ve tawhlo ang.
.
He in lian tak chhungah hian engtin nge Wilson-a khan mahni te chauh in hun a hman thin tih ka hre lova,a hun tam zawk erawh kha chu a office lamah a hmang thin reng a.
.
Box ah chuan Bob-a nen kan khung dun mawlh mawlh a,kan zawh chuan Bob-a bulah lawmthu ka sawi a
.
Ka hnunglamah chuan khuh rikharh ri ka hria a,ka han hawi phei chuan Pierce-a alo ni a. Chu veleh hrelo der ang mai hian ka hawilet lehnghal vat a,Bob-a bawk chu ka bia a.
.
Eng eng emaw kan sawi dun hnu chuan kan inchibai a,min kalsan ta a. Pierce-a erawh alo lungawiloh hmel hlemai.
.
"Khawiah nge i dah dawn a?" alo ti hmuk a.
.
"I pa bungraw ho ka dahkhawm dawn tih ka hrilh tawh che kha" ka lo ti a.
.
Min rawn pan hnai a,ka hlauthawng ang reng hlemai. A rim chuan min rawn zem nghal chiai chiai a. "I thin ka la tirim anih chuan ka tihpalh lutuk" tihpah chuan ka kut chu arawn la kang a,ahan fawp zeuh a. Ka mur chhuak nghal chuai a.
.
"Ngaihdam dil ngaihna engmah a awmlo" tihpah chuan ka kut chu ka lo la sawn a. "Thil inthlak danglam thut tur chuan ka inpeih ka in rin loh vang ani" tihpah chuan ka melh chho a.
.
"Ka pa chungchang a ka ngaihdan chu i hria alawm"
.
"I pa chungchang a i ngaihdan chu a dik lo ani tih hi i hrelo ami?" Ka lo ti deuh hrawk a.
.
"A chhungkua a hnungchhawn a,chu chu a thlang zawk alawm. Anih ka pa ka rindan a diklo i tih awmzia chu han sawi la?"
.
Tunah rih chuan engmah ka la sawi thei lo,ka ngawi tawp a. A kut chu vuan in ka han hmer vang vang a "Engtik ni ah emaw chuan ila ngaidam ngei ngei ang. Chutih hunah chuan ani pawh alawm khawp ang" . Ka hmelah chuan nui hmel tlem arawn lang a.
.
A ngawi reng a,tunah rih chuan chu chu atan pawh thil pawm harsa tak ala ni. A kut chu vuan in elevator lam ka pan pui a.
.
"Ice cream kan ei dawn ami niang?"
.
Elevator chu kan nghak dun a,Pierce-a chuan mak tih hmel tak hian min rawn en a. A hmeltha tak karah chuan hlim hmel ka hmu thei a. Kan inkarah chuan eng harsatna pawh lo thleng se....a eng zawng a thil thlir a,kan harsatna lai siam rem tu tur chu keimah hi ka ni.
.
.
(END OF CHAPTER -17)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)