ROSEMARY BEACH BY Noah Hringngen (Complete)

Ngaia
Site Admin
Posts: 25813
Joined: April 30th, 2016, 4:07 pm

Re: ROSEMARY BEACH BY Noah Hringngen (Complete)

Unread post by Ngaia » May 21st, 2017, 2:10 pm

ROSEMARY BEACH Chapter -7

“Party na lamah va let leh la, i chhai thluk theih tur mipa mawl tak va zawng zawk rawh Laney”

Wood-a chuan ka kawnga rawn kuahin kawngka lam min panpui a.

“Ka pindana kir leh mai a tha zawkin ka hria. Helai hmunah hian lo kal ve lo tawp zawk ila a tha tur” tihpahin Woods-a min vawnna kut chu ka la thlaa. Party-na inchhunga Woods-a nena luh chu ka duh lo mai pawh ni lovin thil tha niin ka hre lo.

“Chuti, i pindan lamah chuan min hruai lut ve zawk mai la. Kei pawhin party boruak tak hi chu ka ngaina vak hleinem”

Ka lu ka thinga. “Chutianga kan pahnih lenna khawp a zau a ni lo”

Woods-a chu a nui hak a, eng emaw min hrilhruk tum hian ka beng bulah a rawn kun hniama, chutih lai tak chuan ka mit leh kan piah lawka ding Rush-a mitmeng mawi tak mai chu a intawng chata. Min en satliah pawh ni mai lovin min hmu chu a lawm lo viau zawk emaw tih mai tur a ni. Tukin khan tuipuikamah tel ve tura sawmna kha ka dawng ngei si a. Ngeni a thil hriat chian loh palh a awm zawk?

“Ka kal mai angai. Ka awm ve hi Rush-a a lawm hmel chiah loh” Woods-a chu ka en chho a, ka pen sawn nghala.

“Rin dan mai mai a nih chu. I awmdan zawng zawng rawn thlithlai tur khawp chuan a hman ka ring lo. Chubakah a farnu birthday party-ah chuan engvangin nge i tel ve a remtih loh tehlul ang..?”

A farnu chungchang bawk a ri leh ta. Engvangin nge Grant-a khan farnu dang a nei a ni tih hi min hrilh miah loh le..? Nan-i chu a farnu a nih tak tak si chuan.

“Ka,uhh...englo a nia. Chutianga chhungkaw thil tihna a lo tel ve chiam thei pawh ka ni chiah lo. Ka pa hi a nu pasal thar a ni ve mai a,chubakah kar hnih khat bak hetah hian ka awm dawn hleinem. Keimahin inluah tur ka zawng dawn alawm”. Nuih luih ka tum hram hrama, Woods-a pawh chuan hrethiamin min kaltir mai ka beisei a ni.

“I tel ve a rem lohna chhan tur hi engmah a awm lovang. Rush-a hi chutiang em em a rilru tha lo pu a ni hleinem” tihpahin Woods-a chuan min rawn pan hnai sauh a,kei erawh ka lo tawlhhnung nghal vata.

“Hetah lo kal teh Blaire” chu aw vawt raih mai ka hriat rual rual chuan Rush-a chuan ka banah rawn vuanin a lamah min pawt phei dawrha. “Zanina hetianga i lo lan hi ka lo beisei lo hrim hrim” a aw a lawm lohna ri tel atang chuan min sawmna kha a ti tak tak lova, mawi hnaiin a sawi ve mai mai a ni tih ka hrethiam nghal.

“Ka tihpalh lutuk. Mahse ka lo kal ve theih tur thu kha i sawiin ka hre sia” Woods a’n a lo hrephak hlauh vang tih hlau takin zawitein ka sawia. Amah lah chuan min lo en ve reng mai si. Hreh leh ka huaisenna zawng zawng sawmkhawmin helai hmunah hian ka inlan ve a, hetiang thil hi a thleng leh ta chu a ni si a.

“Ka tih zawk chu hethiang thawmhnaw nena i rawn inlan hi ka beisei lo ka tihna a nia” a aw chu mithikhua atanga rawn kal ang maia ngainatawm loh a ni. Woods-a chu chiang zet hian a melh zui nghala. Eng nge ka thawmhnaw hakah chuan diklohna awm..? Ka nu in a min rochun, hak pawh ka la hak zen zen loh a ni si a. $60 man a ni a, chu chu kan tan chuan to ve tak a ni. Ka kawr hak hi nalh ka ti a, ka pheikhawk bun pawh nalh ka ti.

Rush-a bula tang chuan kal sawnin choka lam ka pan nghala. Heta ka tel ve a nih chuan a thian ten min nuihzat anga, chu chu min zahpui dawn tihna a ni. Chu zawng a thleng lo tawp ang.

“Thian-a, eng nge i buaina ni a?” Woods-a chuan thinrim zet hian a ti a,mahse ka hawi let zui tawh lo. An inbakkaih hrep dawn pawh a ni mahna.

“Blaire,lo ding teh” Grant a’n min rawn au a, mahse ka hre lo der hmak a. Tunah rih chuan Grant-a chauh chu ka thiantha neih chhun a ni. Hallway a ka luh phei lai chuan Grant-a chuan min rawn nangchinga.

“Enga tinge helai chu nuam i ti ve lo em ni?” ka hnungah a rawn dinga. Ring lenglawnga nuih chhuah vak mai ka duh. Grant-a chuan eng nge thleng tih engmah a hre ve tlat lo alawm.

“Engmah ni lo ve. Lo tel ve miah lo tur zawk hi ka nia. Min sawm a, mahse a lo ti tak tak lo va. Ka pindana tawm reng saw a duh dan ber ni zawkin ka hria. Hetiang tawngkam tha awmze nei si lo ang chi hi ka man thiam ve vak lo”. Choka-ah lutin chhekin lamah ka lut phei nghala.

“A sawm che alawm. Heng thalai inti changkang tak tak ho lak atanga venhim che a duh zawk a niang”

“A nih chuan nuam ti taka hun a hman theih nan i lo va awmpui dawn nia. Chu chu unaupa tha tak tih tur ngei pawh a nih ka ring”. Pindan chhungah chuan lutin kawngkhar ka khar hmak a, thawk ka lak kawk kawk hnuah khumah chuan ka thu a.

Party hi chu ka tel ve na tur chu a ni lo a nih hi. Thil duhawm loh tak ka tawng ziah. A hma pawh khan Cain-a nena chhuak dun tur kan ni a, phur takin amah hmu turin ka va kala, mahse Jamie Kirkman-i room ah a hnute a lo fawh sak lai chiang zetin ka phawk a nih kha. A hnuah Cain-a chu kan inah lo kalin mittui nen, thingthi chungin ngaihdam min rawn dila.

Kum 13 ka nih lai atang tawha ka hmangaih leh ka mipa fawh hmasak ber a ni a, engtin mah ka haw thei lo. Mahse kan inkar thu erawh ka tih tawp a ngai ta a ni. Ka thiante bulah min la hmangaih zia thu leh kir leh tura min duh thu a lo sawi thin a ni awm e. Chungte chu tunah chuan tet lai thil mai maiah an lo chang zo ta.

Zaninah erawh tuman min bum lo. Keimah leh keimah nuihza thawhna ka insiam ta zawk a ni. Ka pheikhawk bun lai chu phelhin ka nuin a uluk taka a dahna bawmah ngei chuan ka dah let leha, ka suitcase ah ka khung tha a. Zanin zawng bun chhuah a rem lo aniang e. Ka bun chhuah leh hun tur erawh a special viau ang. Ka tana mi special tak bulah ngei a ni ang.

Ka kawr hak pawh chu ti tho. Min hmangaih tak taktu leh mawi min ti tu bulah chauh ka ha tawh ang. Ka dah that lai chuan kawngkhar a rawn inhawnga, Rush-a a rawn lang hlawl mai. Kawngka-ah chuan dingin thinrim tak hmel hi a la pu a.

Eng thu mah a sawi lo. Ka kut chu ka dahtla a,ka thawmhnaw hak chungchang chu sawi zui pawh ka duh tawh lo. Pindan chhungah chuan a rawn luta,amah a pa te zawk zawk lo nen, pindan chhung chu a khat hmuk mai hian a hriata. Khumah chuan ka thu a.

“Engtin nge Woods-a nen khan in inhriat?”. A lam ka hawia, engvanga Woods-a nena ka inhria chu lawm ta lo viau nge maw a nih? A thian a niin ka hre si a. A thiante hnaih a ka awm ve chu a duh lo zawk a ni thei angem? “Country club kha a pa ta a nia. Golf a rawn khel thin a, ka in tur zawrh min dawr thin”.

“Enga tinge khatiang kher kha i rawn hak a?” a aw chu a vawt thuk raih mai bakah a chang faka.

Thu ngaiah bawk kan let leh dawn e. Ka thutna atang chuan ding chhuakin a hma zawnah tak ka dinga. A chiang thei ang ber turin a hmai zawnah tak ka melh chho ha a. “A chhan chu maw, ka hak tura ka nu min lei sak a nih kha. Mahse chuti maia han hakna hun remchang ka nei si lo. Khatia Party naa tel ve tura min sawm takah kha chuan hun remchang tak a nih hi tiin ka thawmhnaw neih mawi ber ka rawn ha chhuak a nih kha. Nang leh i thiante sawn mawi lo in lo ti viau a nih pawhin ngaihdam ka dil ni se, chu bak sawi tur ka nei lo ve.”

A awmah chuan va namin ka thawmhnaw chungchang chu sawi zui ka duh tawh lo a ni tih hriat deuh tur hian ka melh rama.

Rush-a chu eng emaw sawi tum hian a ang zuau, chip taka a mit chhingin a lu a thing a. “Hrep tak hian” tiin a rum chhuak haka.

A mit a rawn menga, ka sam karah rawn tham chhoin ka hmui leh a hmui chu a inchuktuah nghala. Engtianga lo awm tur nge tih ngaihna reng ka hre lo. A hmui chu a nem hle a, mahse phut erawh a nei. A lei chuan ka hmui chu a rawn nawr kau a, thiam takin a fawp dek deka.

“He hmui theite hmin ang maia thlum hi ka in i rawn luh tirhni atang khan ka fawp chak tawh” a rawn ti sapa, a lei chu ka ka chhungah a rawn hawl lut nghala. Ka khupte chuan an chakna an hloh zo ta. Ka tluk mai loh nan a darah chuan ka invuan tang tanga, chutih lai chuan a fawhna chu chhanglet ve turin a lei chuan a sawm hian min sawm huam huama.

Tang rei thei tawh bik hek lo le, kei pawh chuan a hmui hnuai lamah chuan zawitein ka chhanglet ve a, a hrawk atang chuan nuam ti thawm a rawn ri chhuak ham hama. Ka hriat leh chhun chu ka mutna khum tereuhte-ah chuan min nghat riai riai a ni tih hi.

Rush-a chuan chunglam atang min rawn bawh a,ka malpui rawn nawrtu, ruh khawng tulh mai chu a tisa chakna rawn intham mek a ni tih ka hria. Chet ngaihna ka hre lo va, chhan tlak ka awm tawh lo a ni tih chu ka nuamti rum ri atang chuan a hriat theih ngei ang.

“A nuam, fawh i nuam lutuk” rawn tih thawp sat pah chuan min rawn fawpa, khum atang chuan a tho chhuak nghala. Min rawn en a, ka thawmhnaw hak pawh chu chunglamah a inhlim chho veka, ka kekawrte a lo lang huau a.

“Eng thil nge ka tih phiangsen hi le” tih pahin bang chu a chum ri dawp a, um tu nei ni mai awm a rangin pindan atang chuan a chhuak nghala.

A rawn khar zawng pawh chuan bang chu a che dawtin ka hria. Kei chu che lovin ka awmdan ngai rengin ka awma, chet pawh ka che thei lo. Ka thinphu a la pangai lo va, ka kap bawr na deuh ut ut pawh chu tisa chakna in up trang lutuk vang a ni tih ka hria.

A hmeichhe kawl thinte ang ngeiin ka chungah pawh a che ve ta a, mahse an ni ho ang kha chuan min duh ve lote pawh a ni mahna le. Ka bula tanga a kalsawn zelna chhan kha chu ka bula a awm reng chuan eng emaw a chhunglamah in tham a awm zel a ni tih chu ka ngaihruat thiam mai.

Khumah chuan kawm angreng deuh hian ka mu a, helai hmun hriat zui rengna tur tha lo tak ka neih hma ngei a ka chhuah chu tha berin ka hria. Chubakah an ni ang tlangval hmeltha leh duh duh thing thei tan chuan beisei lo tih san ve ngawt chi pawh a ni lo. Engtikah mah kan tling zo ve tak tak chuang lovang.

END OF CHAPTER -7



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:11 pm

ROSEMARY BEACH Chapter -8

A ngai te te in thawh ka hai leh ta. Rang takin ka inperh tho a, tukthuan pawh ei hman lovin ka insiam sawk sawka, ka hna chu tunah chuan ka nuna thil pawimawh ber a ni rih. Chuvang chuan ka chan thiang lo va, ka tlai thiang hek lo.

Ka pa chuan ka that leh that loh thu hre tur takngial pawhin min rawn phone lo va, Rush-a pawhin a nu leh pa te chungchang chu kam khat mahin a sawi chhuak ngai lo. Mahse chu chu ka tan chuan a nuam zawk daih. A zawh lah ka zawt ngai hek lo. A chhan chu ka pa laka a lungawi lohna chu ka lakah hrithla lo se ka duh a ni.

Ka haw hunah chhuak tawh mai tur a min lo ti a nih pawhin tunah chuan ka tan hlauh tur a awm tawh lo ve. Nizana ka mutna pindan atanga a chhuak kha a lungawi loh hmel em a, chutiang thil pawh chu thleng thut ve thei reng a ni.

Kei pawhin a fawhna kha chhang letin ka lo fawp let ve chu a nia. Hrep hian...,enga tinge chutiangte chu ka ngaihtuah chhuah a? Ngaihtuah pawh ka ngaihtuah tur a ni lo. Kha thil khan buaina khurah min hnuk lut thei a ni tih hi ka lo theihnghilh ta em ni?. A rim kha a tui ngang mai.Chutih rualin a hmui pawh kha fawh a nuam takzet. Nizan zet kha chu ka inthunun zo thlawt lo a ni. A pawi lo ve. Min hnawhchhuah nana a hmang ta a nih leh motel (hotel pangai aia tlawm deuh) a riahna man tur pawisa-te chu ka kawl ve tawh alawm.

Kan hak thin kekawrbul chhing leh polo shirt chu ka inbel a, office lamah chuan ka chho a.

Darla-i pawh a awmna tur hmunah a lo thu leh diam tawh. He nu hi chu ka thlen hian a lo thu sa diam a, ka haw hmain a haw ngai bawk si lo. Helai hmunah hian a riah chilh nghal a nih ka ring hial. Chubakah a hmel te riu reu hian a hre ngai lo tan phei chuan nelawmlohna riau hi a nei reuh a, a hau che a nih vai zawngin bawkkhupin ngaihdam i dil duh hial ang. Hmeichhe pakhat, ka la hmuh ngai miah loh nen hian an lo indin chilh a, kut lek meuhin an lo invin lawng lawnga.

“Helaia members tu pawh mai hi i innel tir lutuk tur a ni lo va, ngaihzawng lam rawngkaia biak theih tur pawhin awm loh tur. Chu chu rules hmasa ber a ni. Papers pawh i sign vek tawh a, rules pawh i hriat vek kha Bethann. Tukin khan Mr Woods-a a lo kala, khang thil veng avang khan a pa a lungni vak lo a ni awm asin. Cart girls pathum chauh ka nei che u a, members dang nena mut dun ching, rin theih loh tur chhawr ai chuan hna mamawh em em hmeichhe tam tak he khawpuiah hian an awm teuh tih i hre dawn nia. Hei hi last warning ni rawh se. I hria em..?”

Chu nu chu a bu nghata. “Aw, ka nute. Ka tihpalh a ni e” zawite hian a ti sapa. A sam dum hlap, sei tha zet mai chu hnunglamah a trawn fel at a, a polo shirt hak chu a tight tha bawka, a hnute bu lian zet pawh chu a langchiang ngang mai. Chumai bakah mipa duh zawng tak bawp sei mam tha tak a nei a, a mawng lah chu mipa mit la tura siam bik emaw tih mai tur hian a pauh deuh laha. Chuta karah Darla-i vahnu a la ni zui. A phurawm viau dawn e.

Darla-i chuan lungawi lo hmel zet pu chung hian ka lam a rawn hawia, thawveng ta huai ni mai awm hian a han thaw haka. “Awihaa...,i lo awm hlauh chu ka thaw huai mai Blaire. Ka nau-i hi i lo zirtir ve deuh hlek chu a ngai dawn a ni. Hnathawh chhung na na na hi chuan members hote nen hian inhnim hnai lutuk lo se ka duha. Nawhchizawrhna hmun a ni lo va, Country club kan ni tih hi hria se ka duh. Lo kawm la, i hnen atang hian inzir se ka duh a ni. Mr.Woods-a pawhin i hnathawh dan chungchangah a fak chein a mit i tlung takzet a ni awm e. Chuvang chuan kar khatah ni hnih tal chaw eikhawmna pindan lama duty turin a duh che a. Cart girl tur dang ka lak leh mai a ngai dawn a ni.”

Bethann-i chu a sirah chuan inthiam loh hmel deuh hian a lo ding zum zuiha. Ka khawngaih angreng khawp mai.

“Tehreng mai ma’am” ka ti a. Cart chahbi ka lamah a rawn theh pheia, kan in tur zawrna Cart ah chuan thu lutin Bethann-i chu ka lo nghaka.

“Khatiang teh hrep boruak kan lo neih avang khan min hrethiam dawn nia. I lo hre hman vek a nih pawhin hriat loh der dan tal i thiam ka beisei” tih pahin min rawn pana.

Hmeichhe hmeltha leh hleitling tak a ni. “A ho lutuk. Hetiangte hi chu tu pawhin kan tawng vek alawm” ka lo ti a.

“Ka hming chu Bethy a nia, Bethann ni lovin. Ka pa in chutiang chuan min ko thina, ka nutei pawh hian ka pa min koh dan zawk chu a hmang laklawh a. I hming Blaire Wynn tih hi chu ka bengah a mikhual tawh lo khawp mai.An sawi ngun bawk che a” tih pahin a nui deuh suka.

“Khati teh vaka i nute i’n a vin che avang khan pawi ka tihpui khawp mai che” ka lo ti a.

“Ni lo ve, ka nutei chungchang ka sawi tawh hleinem. Helai a mipate ho hi a nia ka sawi zawk chu. A bik takin Woods-a phei hi chuan a sawi nasa thei khawp mai che. Nizana Nan-i party naah i che fuh vak lo tihte ka lo hre thawia. Hmeichhia ve tho ka ni a, sawi duh i neih pawhin ka bulah chuan i sawi vek thei a nia” in tur cart chhunga ka load mawlh mawlh lai chuan a ni chu ka bulah dingin a lo tawng char chara.

Chutianga thil han sawi teh vak tur awm pawhin ka hre lo. Driver seat lamah chuan ka thu luta. “Aaa...party na a ka tel ve nachhan pawh a hmingin Rush-a in-ah ka cheng ve a, chuvang chu a ni mai. Pawisa ka inkhawl ngah veleh ka chhuak leh vat dawn alawm”

Bethy pawh chu ka bul chiaha thutnaah chuan a thu ve rana. “Chu mi ringawt chu ka hriat dan a ni miah lo. Jace-a sawi dan chuan Woods a’n a kuah lai che kha Rush a’n a lo hmu a, a thinrim ta niin a sawi a’

“Jace-a chuan a hresual mai mai a nih chu. Tunge min kuah tih vel mai mai hi Rush-a hian a ngaihmawhah a la lo hrim hrim”

Golf khelhna tual lamah chuan kan inkhalh phei a. “Helaia mipa rawn kal chhelo deuh deuh ho hi chu mi hausa tak tak vek an ni a, keini ang hmeichhe naran ve mai hi chu nawmchen nan bak min melh lo a ni tih hi hriat a tha a nia. Chuti lo zawng, tukin a counselling i dawn ang kha i dawng fo mai ang”

Bethy chu a han thaw haka. “Mipa hausa deuh hi chuan mi hip theihna riau hi an nei tlat alawm. Hnar mai hi an har thin em a ni”

“Bethy, hmeichhe hmeltha tak i ni a, mipa mai mai ni lo, mipa tha tak i phu a ni. Nawmchenna ringawt en lo mipa, nangmah duh tak tak tur che zawng zawk rawh. Sex atang ni lovin, bazar dun atangin bul intan zawk dawn alawm”

“Anih chu mawle. I zunah hian ka uai dawn tlatin ka hria” tihpahin a nui uar uara. Kan inkhalh kuala, mipa la naupang lam hmuh tur an awm meuh lo. A tlangpuiin an ni hi chuan zing lam aiin tlai lam boruak hi nuam an ti zawk zel.

Darkar li hnuah chuan third hole (golf khelna muala ball an vuak luhna kua) kan thleng phei a, Woods-a ka hmu hlawl mai. Bethy chu a lo thu mar nghal awt a, Ui; a pu in a saruh a pe tur nghakhlel hmel ang mai hi a pu a. A awmdan chuan ka mit a tikham tep rualin nau awm a awm tur pawh ka ni hleinem le.

Woods-a chu kan hma zawnah tak a rawn dinga. “Enga tinge Bethy hi i phurh kuala?” kan din chian hma hma chuan a lo ti a.

“A chhan chu i thian, tawng thei leh hmelchhe tak tak ho lak atanga min chhanhim avangin. I duh leh ka nutei chu va phone la, engkim hi va hrilh vek ta che” tih pahin Bethy chuan a kut a kuangkuah hmak a. Chulaia awm ve midang ho an lo hawi thup pawh chu ka dem hran lo.

“Chutiang ti turin ka tih loh kha. In inkawm loh a that zawka ka hriat avangin Blaire-i hna tur pawh ka sawn sak alawm” tih pahin a ipte atang a phone a phawrh chhuaka. Eng nge maw tih a tum le?

“Tunge i phone dawn?” hlauthawng aw lek lek hian Bethy chuan a lo ti vata.

“Darla-i” Woods-a chuan a lo ti awlsam et a.

“Ui haa...! Khawi maw ti lo teh” Bethy chu a hlauhthawn hmel hlemai.

“Va phone kher duh suh. Ka tha e. Bethy hi ka ngainat zawng tak a nia, kan inkawmngaih viau bawk” ka lo ti vata.

Min rawn en deuh vung vunga, a phone lah chu a dah ta chuang lem hlei lo va.

“Darla, Woods-a ka nia. Ka duh dan ka thlak leha. Blaire-i hi ni thum ni lovin kar khatah ni li zawk inchhung lama khawsa tur khan ka duh leh zawk si e. I inghahna ber a ni tih pawh ka hre tho nangin a tam thei ang ber inchhung lamah thawk se ka duh zawka”. A rawn chhan lehna lam pawh ngaichang tawh lem lovin a phone chu a hmet hluma, a ak tha nghal hmaka.

Chuti a nih chuan Zirtawpni leh Inrinni tih loh chu helaiah hian ka inkhalh chhuak leh fo tawh dawn lo a nih hmel. Bethy nen chuan Woods-a te chu tlan sanin mual dang kan pan saka.

First hole awmna lamah kan let leha, chulai hmunah chuan hai rual lovin Rush-a ka hmu hlawl mai. Kekawrbul chhing leh pan tak a ha a, polo shirt pawl a ha bawk. A thawmhnaw hak chu a hnungzanga tatoo nen chuan a inhmeh tehchiam lo. Rocker fapa a ni a, chu chu a thisenah lamah a chhawm tel a nih ka ring. Golfers ho hak ang a han ha ve chu dan riauna a nei tlat.

Kan awmna lamah a rawn hawi pheia, kan la inhmu chiang em em mai lehnghal. A nui lo va, chu a hnekin min hmu lo ang maiin hmun dangah a hawisawn hmaka.

Hmeichhia dinpui a neia, chu chu Nanette-i, Nan-i an tih mai kha a ni tlatin ka hre bawk. Ka farnu a tih ang ngawt kha chu a nih hmelin ka hre lo. Chu nu chuan kekawrbul chhing fahran a ha a, Tennis khel turte pawh a ang mah zawk. Polo shirt pawl tho hain lukhum hmathlawk senno a khum tel bawka.

“Mihur a nih saw mihur” Bethy chuan a rawn ti sapa.

“Nannette-i chu i ngaina vak nange a?” tiin ka lo zawt a.

Bethy-i chu a han nui haka. “A teuh lo rapthlak. Nang pawhin i ngaina lo tih ka hria. A tan phei chuan a hmelma number 1 i nih loh nakah”

A sawi awmzia chu ka man pha chiah lo. Kan thlen phei dawn lai pawh chuan Rush-a chu en loh hram hram ka tuma.

“Helaia thawk tur hian Woods a’n a ruai a maw..? Ka awih thei lo zawk” Nan-i chuan a lo ti a.

“Chutiang sawi a ngai lo” Rush-a chuan a lo ti vata. Amah chhan nan nge keimah min chhan nan a a sawi tih pawh ka hre lo e a.

“In tur te in duh ve dawn em..?” mi dang ho bula ka tih thin dan ang thoin nuisangin ka han ti a.

“Corona ka lo duh a nge. A theih chuan ser nen aw” Rush-a chuan a rawn ti a. En loh ka tumviau nangin en ngei chu a ngai dawn a nih hi. A lam ka han hawi zeuh a, ani lah chuan min lo melh reng chu niin. Mahse chutia ka han hawi takah chuan Nan-i lam chu a hawi leh daiha.

“In ve rawh. A lum em hi” a han ti a.

Nan-i chu ngeiawm zet hian a nui suka, a kawng chu an dawm ren rawna. “Tui ka lo duh a nge”

Bethy chuan rang takin cooler atang chuan tui chu a phawrh chhuaka. Keimana ka pek chuan a lu ah ka vawm duh mai ang tih a hlau a niang.

“Nangmah hi a ni maw, hnathawh laia mipa dang laka lo indawh vel ti a an sawi kha” Nan-i chuan a rawn ti hrama.

Chutianga rawn tawng chu a tul lo takzet. Ka thinrim chu ka inseh ruh tung a, Rush-a chu Corona ka pe a, theih ni se chu chu nu hmaiah chuan va theh vek tak a nia ka nap ni.

“A tawk Nan” Rush-a chuan a lo khap vata. A tih dan vel chu thai bawih tawngkam a ang tlat hian ka hre tlat peka. Ka thinrim vang pawh a ni mahna le.

A intur ka pek pah chuan “Ka lawm e” tih pahin a thil leina man chu min pe nghala. Chuveleh Nan-i chuan Rush-a chu a rawn tinghal huam huama.

“I kal vat ang” Bethy chuan min rawn sik zauha.

Ka lu ka bu a, kan dinna atang chuan kan tlan sawn a. Rush a’n hnung lam hawia min rawn melh zauh lai chu ka lo hmu hman hrama.

“Enga tinge nichin khan a hmelma number 1 ka nih tur thu i sawi kha eng vang nge?” tiin Bethy chu ka zawta.

“Chiang fak chuan ka hre lo nangin Nan-i hian Rush-a hi ta neihin a nei tlat a ni awm e. Mi zawng zawngin an hria ang chu...”. A sawi zawng a mi pawh a en duh loh danah Bethy chuan eng emaw tak hriat a neih ka ring deuh tlat. Eng nge ka hriat ve loh chu thil chu ni ta ang?


END OF CHAPTER -8

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:12 pm

Ka hnathawk zo ka hawng chu Rush-a kawtah chuan Car a lo ding leh ran a, tawmpui a nei leh tawh tih tilang tu pakhat a ni. A enga pawh chu ni se an sex hmang lai kher chu ka va hmuh fuh tawh loh hram ka beisei. A fawh nawm ziate, a tangnema bei nawm ziate ka lo hre ve tawh ting tang si a, chutianga midang a awmpui lai ka hmu a nih chuan ka thik ang tih ka hlau a ni. Thil nuihzathlak tak a ni tih pawh ka hria. Mahse thu dik a ni miau si a.

Kawngkhar chu hawngin inchhungah chuan ka luta, rimawi sexy tak mai a lo ri riai riai a, chu thawm chuan inchhung hmun tin mai chu a fan chhuak veka. Choka lamah ka pheia, hmeichhe nuam ti thawm bawk ka hre leh ta e. Ka dulah min pet chawrh ta se, chutiang vel chu ka awmdan a ni. Ngaihthlak loh tumin kal sawn vat ka tuma, mahse ka ke ka pen sawn thei der lo.

“Awww...Rush, Bawiha. A nuam lutuk. Aw....khatiang khan han fawp tawn tawn teh. Dim reng reng suh. A aia nuamin” chu nu chu a tap chhuak lo chauh. Thikna rau chuan min tuam chhuak vek a, thinurnain ka khat bawka. Vawikhat min fawp ve tawh a ni maia, mahse hmeichhe dang nena an han awm dun tur ka mitthla chuan chuti mai maiin ka palzam thei lo a ni.

Chu thawm chu ka thil hmuh duh miah loh tur a ni tih hre reng mah ila thawm rawn chhuahna lam chu ka pan phei ta hrama. Hmuh ka duh lo va, hriat pawh ka duh hek lo. Chu erawh ka thluakah chuan a va han chiang si em.

“Mmmmmm....,aw khatiang khan. Min han chul teh” chu nu chuan a ngen hian a ngen a. Ka nghing dawta, ka pan lam erawh a la ngai reng tho. Thutkhawmna pindanah chuan ka lut phei a, thutthlengah chuan ka thil zawn chu ka va hmu ta ngei e. Chu nu chuan a kawng a chin chunglamah engmah inbel a nei lo a, a hnute hm*r chu Rush-a chuan a lo fawh sak tawn tawna, chumi pah chuan a kut lehlam chu a bawp pahnih inkarah a zep lut a, a nuai chawk chawka.

He thil hi ka en tur a ni lo. Ka kal sawn a ngai. Tunah hian ka chhuah nghal vat a ngai.

Ka inhera, kawngkapui lampan chuan thawm ka dim leh dim loh lam pawh ngaihtuah tawh lovin ka tlan chhuak nghala. Ka truck ah ka luta, kawngpui lamah chuan ka inkhalh chhuak ringawta. Tunah chuan ka thil hmuh lak atanga himna chu ka duh ber a ni. Mi a hruai luh apiangin khatiang khan ka hmu ziah ringawt mai. Haw thut thei ka ni tih pawh a hre ve reng. A nih chuan chutiang anga a awm lai chu ka hmuh a tana duh tihna em ni ang? Ka haw dawn hun awm vel kher a tawmpui tur a lo kawl thin ni?

A laka ka rilru put hmangte hi hriatthiam a mual mual a lo nei em ni zawk..? Tun atang chuan kei pawhin a laka ka rilru put dan chu ka thlak a ngai dawn a nih hi.

Khawpui chhungah ka thinrim hrikthlak nan a petrol hek zawngin ka tlan kual vak vak mai chu a ni sia. Phone ka mamawh a ni. P.C.O (man chawia phone hman theihna) ka han melh kuala, avang khawp mai. Ni e, tun ang khawvel, tu pawhin a an hum vek tawhna-ah chuan a vang khawp ang le. Keimah lahin phone ka nei si lo.

Phone pawh chu lo hmu ta pawh ni ila tunge ka biak ang tih pawh ka hre chuang lo. Cain-a chu ka be thei ngei a, mahse kar hmasa, ka chhuah san ni atang khan vawikhat mah kan la inbe leh lo. Kar khatah pangai deuhin vawi khat emaw chu kan inbe ziah thin kha a nia, mahse phone tel lo chuan inbiak reng theih ni hek lo le.

Ka bag chhungah Grant-a number ka dah tak e. Mahse engvangin nge ka va call rikngawt ang?Engmah sawi tur pawh ka nei hleinem.

Coffee dawr ka hmuh pakhat kawtah chuan ka truck chu kan park ve tawpa. Coffee in turin va lut ila, chuan magazine-te kan chhiar khaw muang anga, chumi chhung chuan Rush-a leh a thiannu pawh khan an thil tih dun kha an lo zo hman tawh anga.

Thil eng emaw min hmuh tira; chumi hmanga thu min hrilh chu a duh a ni tih ka hria. Tunah chuan a thil min hriattir tum pawh chu ka hrechiang ta khawp mai. Hrilh nawn leh kher ka mamawh tawh lovang. Tunah chuan mipa; pawisa chen tur ngah deuh ang chi type hi chu enga tan mah ka ngai tawh dawn lo. An duh leh zawn ka hrechiang tawh lutuk tlat. Chu ai chuan mipa, nitina hnathawk thin, fel tak ka thlang zawk. Ka kawrfual sen leh ka pheikhawk silver rawng nalh ti ngei tu tur.

Ka truck atang chuan chhukin Coffee dawr lam chu ka pana, a chhungah chuan Bethy leh Jace-a ka hmu hlawl mai. Jace-a hi country club members zinga mi niin Bethy mutpuitu, tukin lama a hmingchhiat phah thelhna kha a ni. A kil lam dawhkan kila in duh hmel taka an thu dun chu tukverh atang chuan ka va hmu theia.

Khati khawp khan a hmingchhe teuha, chuti chung pawhin khaw chhung coffee dawrah a la len dunpui ngam chu a ni sia. A tana tha tur ka duhpui avangin kei chuan kalsan se tih chu ka duh dan ber a nih rualin a nun lo va control turin a nu pawh ka ni hleinem le. En reng reng pawhin kei ai chuan a upa zawk hrim hrim ang. A tana tha leh tha lo tura thuthlukna leh ngaihdan siam thiam rual chu a ni tawh.

Tuipui rim chuan min rawn chem veng venga, kawng chu kanin mahni chauh a awm theihna tur tuipui kam lam chu ka pan ta zawka.

Tuifawnin a tiau lung a rawn khuh hlup hlupna bulah chuan ka kal a, hetiang hmunah hi chuan ka nu ka hrechhuak ngei ngei zel. Chutih rualin ka unaunu pawh. Zanin phei chu ka ngai zual bikin ka inhria. Mipa chelo tak, mahse nun hmel mawi lo tak vangin ka rilru a na mek chu a ni si a.

Chutia mahni a tuipui thlifim dawnga ka tei ka tei hnu chuan ka truck awmna lamah let lehin Rush-a chenna in lam pan chuan ka inkhalh haw leha.

Ka thlen phei meuh chuan zanlai a lo pel thuak tawha, kawtah pawh eng motor mah a ding tawh lo. Helaia awm ve tu emaw kha a awm ve tawh lo tihna

Ka truck chu khar thain in lam pan chuan ka phei a. In chhung erawh a lo la eng pup a, zan reh leh thim tak hnuaiah phei chuan a lang lian zual emaw tih mai tur a ni.

Kawngkhar hawn tum chuan in chu ka pan phei a, mahse kawngkharah chuan Rush-a chu a lo ding runa. Ni e, amah chhuah san tawh turin thu min pe dawn a ni ngei ang. Chu thu chu eng tikah emaw ka la dawn ngei ka rin sa vang nge ;ka inpeih sa deuh run a ni mai. Lung lovah ka la dawn lo va, thuawih takin ka suitcase ka la anga, ka chhuak mai ang.

“Khawiah nge i kala?” a aw chu a tham thuk ruiha.

Ka han melh zawk ringawta. “Enga tan nge i tih?”

A dinna kawngkhar bula tang chuan rawn chhuakin min rawn din hnaih zual sauha. “A chhan chu ka ngaihtuah vang chein”

Min ngaihtuah a maw..? Ka nui haka, thliin a ka sam chhawl leng a rawn chhem chu hui thain ka bengah ka zepa. “Chu zawng awih harsa ka tih zawng tak a ni. I buai lutuk a, thil tihlai i nei pawimawh bawk si a, ka rawn haw lai pawh i hre lo anih kha”. Ka lei hmawra khakna awm chu ka thunun zo leh ta lo hram e.

“Ka rin aiin i rawn haw hma a, Khatiang thil i rawn hmuh kha ka duh lo vei nen”

Ka lu chu kan bu nghat nghata. “Zan tin khatiang hunah khan ka rawn haw ziah thin tihte chu i hra e. Chuan, ka hmuh tur ngeiin i ti niah ka ngai bawk. Mahse eng vanga ti nge i ni tih erawh ka hre lo. Helai hmunah hian rei lote bak ka khawsa dawn lo va, nun tak tak tan tha turin i in atang hian ka chhuak thei tep tawh a nia”

Van lam hawi chuan a dak vang vanga, chumi hnuah ka lam a rawn hawi leha. “Ka chungchangah hian i hriat ve loh thil tam tak a awma, mahse i mi rin leh ngaih ang kha chu ka ni lo a nia. I pa ka hria a, a fa i ni tih ka hriat khan chhunna tak i neih ka ring a. Mahse ani nen chuan in dang hlak. Kei ang mipa tawh phawt chuan kan hnaih ngai lovang che. A chhan chu kan phuloh em vang chein”

Ka nui chhuak hawka, chutiang vel mai mai chuan emni le insawithiamna a zawn thin?

“Tak tak maw...? Chu chu emni i sawi theih tha ber ? Chenna tur pindan ka dil che a, chubak engmah ka dil hleinem che. Min hnaih tur chein ka ti lo che a, kei pawhin chu chu ka ti ngai lovang. Field hran ve ve a inkhel ang kan ni. I game-ah chuan ka rawn inrawlh vena tur engmah a awm lo va, ka pa nen kan inchhun lo i tih pawh chu a dik ta ve ang. Kawrfual sen man tlawm tak leh pheikhawk hlui tak ka rawn bunna chhan pawh kha, a chhan chu kha pheikhawk kha ka nuin an inneih ni a a bun a nih kha. Designer ka mamawh hleinem. Designer ang hrima min lo endik vel tur pawh khan ka mamawh lo che Rush”

Rush-a chuan ka kutah min rawn vuan lawka inchhung lamah min kai luta. Engmah sawi set set lovin bangah chuan min nam bera, ka sir tawn tawnah a pan pahnih chuan min dang bet tlata. “Designer ka ni ka ti lo aw Blaire. Kei hi chuan e, tawh pawh ka tawk thei lo che a nih hi. Duh tawka kuah che a, fawh che a, pawm beh tlat che hi ka chak thin lutuk, mahse ka thei lo. Ka ti bawlhhlawh thei lo che a ni. Rilru thinghlim mai piah lamah Serafim-te ang maia taksa thianghlimna nen. Ka khawih bawrhbang che a nih chuan engtikah mah, chatuan thleng pawhin min ngaidam thei tawh lovang Blaire”

Ka thinphu inrawn nasa lutuk chuan ka taksa a ti na zo vek dawn. A mitmenga thu takna leh tihtakzetna ka hmuh chu nidanga ka hmuh thin ang a ni lo. A chal a han tichuar ak mai chuan rilru na tak hmel hi a put tir a.

“I rin ang em em a thianghlim leh sual kai lo chu ka lo ni tawh kher lo maithei asin”. Rush-a mitah chuan ka en a, chutiang hmel a put chu ka duh lo. Hlim takin nui hmel pu reng se ka duh a ni. A hmel mawi tak leh hlim lo hmel a inhmeh ve lo.

Ka biangah chuan dimtein a rawn chul thla a, ka beng lamah chul chhoin ka biang chu a kutzungpui chuan an tuai rauh rauha. “Ka thusawi hi awih ang che Blaire. Hmeichhe tam tak ka lo awmpui ve tawh thina, mahse nang ang renga rilru thianghlim hi ka la tawng lo. Dik tak chuan ka duh leh ka chak ang taka i laka chet hi ka chak thin, mahse ka thei si lo”

Hmeichhia a tawmpui lai chu ka hmu nual tawh ngei e, mahse kei erawh a duh zawng ka ni ve lo a nih ka lo inring mai a, mahse min khawih ngamlohna chhan a lo awm reng a nih chu.. Mahse chutih rualin a tih nat mai mai ni turin ka inphal bik si lo.

“A nih chu mawle” han hnial leh tral pawh chu trulin ka hre lo. “A nih thian tal kan ni thei angem? Min haw turin ka duh lo che a, thian angin i awm zawk ang”. Ka khawngaihthlakawm hmel hlein ka inhria. Ka thian ni turin ka ngen chu a nia.

A mit chhingin thawk a han la haka. “I thian chu ka ni anga, ka theihtawp ka chhuah bawk ang. Mahse ka fimkhur viau erawh a ngai dawn a nih hi. Mahse luh erawh ka lut thuk thei lovang. A chhan chu nang hian ka neih theih si loh awhna min neih tir dawn tlat. “

Ka va pan hnaia, ka mit ka chhinga. A thaw lum ham ham mai chuan ka beng chu a rawn chhem raih raiha. “Ni lo, kan ti thei lovang, Blaire duhawmte, thian kan ni, thian kan nih kha” ti a phun sap pahin min nam sawna, a kalsawn nghala. Bang chu ngheng lehin a kal sawn lai chu ka thlir reng ringawta

“Khalai kailawn hnuaia mu reng tur kha chuan ka phal lo che. Keimah leh keimah hi ka inhaw ngaih ngawih thin. Mahse ka pindan lama rawn mu turin ka sawm thei bawk si lo che a. I lak atanga hla taka awm hi ka duh ngai lovang.” Hawi pawh rawn hawi let lo chuan a rawn ti a.

Inchung chhohna kailawn vawnban vuan chuan a ding renga, chho ta lawk lo chuan minute 1 dawn a dinga.

Harh chhuak thut niawm tak hian a inthinga, inchung lam pan chuan min chhoh san ta a. Kawngka a khar rik ka hriat rual chuan chhuatah chuan ka thu thla hnawka.

“Oh, Rush. Eng thil nge kan tih tak mai hi le..? I laka ka rilru put hmang ti danglam thei tur ka mamawh a ni” tiin keima hriat tham lek chuan ka phun sapa. Tu emaw, ka duh deuh tur, Rush-a ngaihtuah lo a min siamtu tur ka mamawh a ni. Chu choh chu a zuna uai lohna tura kawng ka thlan theih awm chhun a ni tlat.

Ka tan chuan Rush-a te ang hi chu rilru la ti na tu tur bomb hlauhawm tak ang mai an ni tlat. Thian anga kan inkawm dawn a nih chuan ngaihzawng tur mipa dang, rang taka ka zawn hmuh vat angai a ni.


www.storyfb.com mizo story thar nitin dah ziah a ni e
END OF CHAPTER -9

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:14 pm

Woods.jpg
Woods.jpg (89.95 KiB) Viewed 13879 times

ROSEMARY BEACH Chapter -10
http://www.storyfb.com mizo story thar nitin dah ziah a ni e

Dinning room lama thawk tawh tura sawn daih ka hanni chu a ruk tak chuan Darla-i chu a lungawi lo ru hle a, a bula thawk tura min duh mai bakah a vahnu Bethy chu Jace-a laka veng turin min duh pah bawk vang a ni pakhat. Nizan lama coffee dawra ka hmu dun hlawl mai pawh kha Jace-a chuan chawhnu lam atang tawhin a lo sawm chamchi tawh a ni awm e. Bethy erawh a trang ve tlata, mahse Jace a'n ngaihdam a dil nasat em avangin a lo kal ve chauh mai zawk kha a lo ni a, ka chhuang rilru viau.
.
Naktuk hi ka day off ni a ni a, Bethy nen honky-tonk (bar/club hming pakhat) lamah va hawi thawven kan tum a, a reng reng thuah mipa pawh ka melh ve pah thei anga. Rush-a laka ka rilru puthmang min sawi dan sak thei deuh hlek tu tur.
.
Hnathawhna hmun a dan tak avangin ka la che zei lutuk lo nen, nilengin Jimmy-a nen kan inzuia, ani hian thil engkim tih dan min hrilh pah bawka. A chhelo a, kawm a nuamin mi hip theihna riau a nei a, a zei hle bawk. Mahse hmeichhia a lo kawp mualpho fo tawh a ni awm e. Tlema playboy ve deuh hlek ni a an sawi thawm ka hria.
.
"I la thiam dawn lutuk tlat Blaire. Mipate duh zawng tak i ni a, hmeichhete mit i tlung hle bawk. Nangni ang tan thil tihsual tak tak a awm thei lo. Mahse khuanu duan sambuang nalh tak mai neitu hian a nui hmel ngaihnobei em em mai hi mi tupawh a hmuh zel a nih chuan, chu chuan midang a bual a zo anga, chu chu thil tihsual pakhat awm thei tur a ni mai angem awhh.. .? "
.
A lam hawi chuan ka nui seiha." I van ti lawmawm. Thil tisual thei miah lo chu ka ni bik chuang lo a nih hmel" tih pahin ka nui hak haka.
.
Chutih lai chuan Woods-a a rawn lang hlawl mai. Mahni pute an nihna angin zah takin Jimmy-a chu a kalsawn nghal vata.
.
"I vawiin chu i hmang nuam meuh maw..? " hawihhawm takin a rawn ti a.
.
Field a nilenga intur zuar a thlan tla phunga kal kual ai chuan tuna mi hi a hna pawh a zangkhaiin a awlsam zawk bawka, nuam zawk tak a ni." Nuam tehreng mai. Helai hmuna thawh ve min phalsak avang hian ka lawm khawp a nia"
.
"Your welcome. A nih chuan i kaisan lawm nan engah nge tuipui kamah chemdam thlifim dawng paha Mexican chaw tui tak kan va ei loh ang ni? "
.
Chhuahpuiah min sawm nawn leh ta. Kal ve tawh mah ila a pawi dawm em ni? Rilru kuai pengtu tha tak pawh a ni maithei asin. Ka duh ang tak leh ka zawn ang mipa phei chu niin ka hre lo. Mahse tuin nge a nupui ka nih tur thu leh a fate nu ka nih tur thu sawi chuangni?
.
Rush-a ka mitthlaah a rawn langa, nizana a rilru hrehawm hmelte kha. Chuvang chuan Rush-a hmelhriat sa chu tupawh nise ka date a thiang lovang. Chutiang ang mi chu ka ni ve tur a ni lo.
.
"Tum dangah kan ti zawk mai dawn em ni ang? Nizanah ka mu tlemin zanin zawng ka chau deuh emai"
.
Woods-a chu eng emaw ngaituah hian an ngawi deuh vang vanga.
.
"Rush a'n zaninah party a nei dawn a ni lawmni? I hriat sa tho chu ka ringa, i mu hahdam thei chuang nang" ka hmel awm dan hriat tum chuan min rawn en chik sauha. Chu zawng engmah ka hre ve miah lo. Hrilh pawh min hrilh ve hek lo.
.
"Mut theih loh nan hmang lo ve. Kei hi chu ka ti thei zel mai" tiin dawt ka sawi ta ringawta. Dik tak chuan party zawha Rush a'n a room lama hmeichhia a kaih luh thawm ka hriat thleng chuan ka muhil ngai lo.
.
"A nih zaninah chuan lo kal ve ta ila, i mut hma chhung lekte chu kan inkawm thei ang chu tiraw? " Woods-a chuan a la ti ta hrama.
.
"Rush nen hian in close tak chu inni bik lo chuan ka hria. Duh leh tuipui kam lamah kan chhuk thla anga, a hmuh lohna turah kan inkawm mai mai dawn nia" ka ti a.
.
Woods-a chu a han bu nghata. Rei vak lo kan titi hnu chuan zan lama inhmu turin kan inthlah liama. Party an tan tak tak hma a ka haw thlen vat angai. Rush-a leh hmeichhe dang awm dun lai vel chu hmuh leh ka duh tawh lo.
.
.
Mi 20 rual bawr vel hi an lo awm tawha, choka lamah ka phei vata, chulai hmunah chuan a thenin in tur an lo siama. Ka nuih saka, chhekin lamah lutin ka pindanah chuan ka luta.
.
Tunah rih chuan a thiante ho hian a inchung chhohna kailawn hnuaiah ka mu a ni tih hi an la hre kher lovang. Inthlakin kawrfual, vur tui pawl rawng ka ha a. Nilenga ka pheikhawk bunna chuan ka ke a tih nat thum avangin kelawngin chhekin lamah chuan ka lut phei leha, Rush-a rawn luh phei tum mek nen kan innangchinga. Kan ding chawta, a kawng a dawm a, min en reng ringawta.
.
"Eng nge dik lo awm a Rush?" engmah a sawi tak si lovah chuan a tawng hmasa zawkah ka tang leh ta nge nge e.
.
"Hetah Woods-a a rawn kala"
.
"Ka zawh hnuhnun ber che kha chuan thian in ni emaw ka tia"
.
A lu a thing vata "Keimah vanga lo kal a ni lo. Helaiah hian tu emaw rawn hmuh tuma lo kal a ni"
.
Min en dang ang chiaha en let vein ka kut ka kuangkuah hmaka. "Chu pawh chu ni se a pawi em ni? I thiante tu emaw nena kan lo inkawmngaih fal deuh hlek chu i lawm vak nange?"
.
"Chutiang a ni lo. Mi tha tak a ni lo a ni. I tan lek phei chuan. A khawih phaka i awm hi a tha lo" a thinrimin a chehsilh nawk nawka. Amah pawh chu a sawi ang chiah mihring chu a lo ni ve reng mai thei bawk asin. Inkhawih tira zawngah phei chuan ka ti lo khawp ang le.
.
"Woods-a hi ka duh emaw lo ti hlek suh. Ka boss a nihna angin ka thian a ni bawk. Chu zawng chu".
.
A sam chu a ham tuai chho a, chumi pah chuan a kutzungpuia a zungbun bun tle vat vat chu ka hmu thei a. Chu thil chu ka la hmu ngai lo. Tu pek nge ni ang?
.
"A reng reng thuah kailawnah in chhuk chho renga, ka mu thei ngai chuang hleinem. Chuvang chuan pawn lamah Woods-a nen kan lo va ti ti ve mai mai ange. Thiante pawh ka mamawh ve alawm"
.
Rush-a chu ben chawrh ang mai, a tha a za zek hi a ang ber. "A teuh lo. Woods-a nena pawna a fala inkawm chu ka remti hauh lo"
.
Thil thlen dan chuan nuihte pawh a ti za rum rum alawm mawle. "Nang pawh khang hmeichhe ho kha kawi khawm dur dur reng lo la ka duh ve tho a, mahse keia dan theih i ni chuang hleinem"
.
Ka mutna pindan kawngkhar chu hawngin min pawt lut rawka, chhunglamah a khar phui nghala. A zim hle avang chuan pahnih kan ni bawk nen, kan khat hmuk mai. "Zaninah hian tu dang mah ka mamawh lo e. Hetah hian kan awm anga, kan pahnihin kan ti ti dawn nia. Thian kan ni dawn kan tih tawh kha. Thian tura Woods-a i mamawh a ngai kher tawh lo"
.
A awmah chuan ka nam rawk rawka, mahse a sawt lo hlemai. "Chhuak rawh, chhuak nghal rawh. Nang nena inkawm ka peih hleinem"
.
Rush-a chuan a lu a thinga. "Tunah rih chuan ni lo ve. Thian kan ni a, hetah hian kan inkawm ang. Ka chhuak dawn lo. Nang pawh khawngaihin awm ve ang che"
.
Pindan chhung chu ka han thlek kuala, khum pawh a leng tawk tawk a ni si a. "A zim em hi... len pawh kan leng thathum hleinem" ka han ti a.
.
"Khumah hian kan thu mai dawn alawm. Inkhawih kher angai lo va, thian ang takin"
.
Tihngaihna awm hek lo le. Chubakah a chungchang hriat chak ka nei nual bawk nen, ka remti tih lan nan ka bu zeuha, khumah chuan thuin a hnung lam bang chu ka ngheng a. "A nih chuan han inkawm ila"
.
Rush-a pawh chu khumah chuan a rawn thu a, a hnung bang chu a rawn ngheng ve a. "Awih a har khawp mai. Hmeichhe pakhat hnenah a ngenin thil ka han ngen chu ania" tih pahin a nui haka.
.
"Eng lam nge kan sawi dawn..? " a mah zawk chuan a duh chu tran hmasa se ka duh a ni. Keimah takte hi chuan zawh duh a puite chu ngah hrim hrim tak ka ni.
.
"Kum 19 i ni tawh a, engtin nge virgin a i la awm reng theih zawka?" tihpahin ka lam a rawn hawia.
.
"Tunge ka virgin ti? "
.
Rush-a chu a nui chhuak haka." Mi ka fawh atang hian an virgin leh virgin loh chu ka hre thei alawm"
.
"Hmangaih chu pakhat ka nei ve tawh. A hming chu Cain a nia. Ka bialpa hmasa ber, fawh hmasak ber leh suangtuahna khawvela ka chenpui hmasak ber a ni a, min hmangaih thu leh ka tana a awm reng tur thu min hrilh fo thin. Mahse ka nuin natna a neih atang khan in date a chhuak turin kartawpah takngial pawh hunawl ka nei thei ta lo va, mahse ani erawh chuan chu thalai nun nuam tak chu ala thlahlel renga, hmeichhe lenpuite chu nuam a tih ngaiin a la ti renga, tichuan ka kal tir ta mai a ni. Cain-a zawh atang kha chuan tumah hi ka la date leh ta lo. Kan la naupang a, inhmangaih emaw kan lo inti ve te pawh a ni mahna"
.
"Tunah pawh i la naupang reng alawm" tiin Rush-a chuan min lo chhanga.
.
"Nute damlo kum 3 chhung enkawla, pate tel lo va mahni nu thlanmual lama vuiliam tawh ngat ka nih hi. Kum 40 mi vel ni tawh awm tak ka ni"

“Nangmah chauh chuan a zuam thlak loh viau ang tih ka ring”

A sawi dik.Engtik lai mah khan ka zuam ngai lo. Mahse thlan tur dang ka nei miau si lo alawm. Ka nu kha ka hmangaih takzeta, chuvang chuan duat taka enkawl kha a phu ngawih ngawih a ni. Tun hnua ka ngaihtuah chhuah leh changa min ti hlim ber tu chu tunah chuan ka nu leh ka unaunu Valerie te chu vanramah hlim takin an awm dun tawh ang tih ka rinna hi a ni. Keima chanchin sawi belh emaw chu ka duh tawh lo. Rush-a chanchin eng emaw hriat belh ka duh zawk.

“Hnathawh i nei em?” tiin kan zawt ve deuh tawpa.

Rush-a chu a nui deuh haka, ka kut chu rawn vuanin an hmer deuh vang vanga. “College atanga an graduate hlim hian mi tu pawh hian hna an neih nghal zung zung i ring em ni?”

Chu chu ka ring tihna ni kher lo,mahse tu pawh hian eng emaw thawh tur chu kan zawngin kan dap vek chuan ka hria. Chutiang tho chuan ani pawh hian thawh chak zawng emaw tal pawh a nei dawn hrim hrim. Pawisa a mamawh ve lo te a nih bik ngawt loh chuan.

“Ka graduate tirh khan mahni inchawmna khawp pawisa engmah bank-ah ka nei der mai si lo va, hna ka nei bawk si lo nen. Mahse hei ka pa zar ka zo ta a nih hi”. A mit meng sexy tak mai leh, a mithmul sei sang, tawrh harh zet mai chuan min rawn melha. “Chutia party tih loh engmah tih tur nei lo va ka awm tak reng hnu chuan nun tak tak hi ka hriat ve tulin ka hre ta a. Stock market lamah ka inhmang chho a, ka til thenna lam tak kha a lo nia. Chubakah number han chhut zung zungte, hetiang lam khawih hrim hrim hi ka thiam ve na zawng tak a lo ni nen. Tunah phei chuan mi rethei chenna nei lote tan pawh sum tam tam kan pe chhuak ve tawh. Chuan kum khatah thla 2 vel chawlh hahdam nan ka hmang ve thina, nipui a lo thlen hian engkim dahthain, hun nuam tak leh hahdamthlak tak hmang turin helai hmunah hian ka lo kal a ni”.

Chu zawng, ka lo beisei loh lam daih a ni tlat.

“I mak ti hmel lutuk kha a ngeiawm lek lek” a rawn ti uanga.

“A chhan chu khatianga min chhan kha ka lo beisei lo lutuk alawm” ka han ti a, Rush-a chuan a dar a lo san ringawta.

“A nih kum engzat nge i nih?” ka han ti leha.

Rush-a chu a nui suka. “Helai pindan chhunga nang nena inkawm tur leh i laka hetiang ngaihtuahna mai mai pu tur hi chuan ka upa ve tawh thawkhat chuan ka hria”

Kum 20 leh tlem vel a nih ka ring. A hmel enin upa tak zawng a la ni hauh lo. “Kum 19 ka ni tih kha kan hrilh nawn leh teh ang che. Kum chanveah hian kum 20 ka tling ang. Kei pawh naupang ka ni tawh lo.”

“Ni lo ve le Blaire bawihte, naupangte chu ni tawh lo ve. Kei hi kum 24 ka nia, mi luhlul tak ka ni bawk. Ka hringnun kal dan hi a pangai lutuk lo va, a chhan chu thil tawn tam tak ka lo neih tawh vang a ni. Ka chhanchinah hian hriat loh i la nei ka tih tawh kha. Chuvang chuan alawm ka tan chuan nang khawih che hi thil thiang a ni ve lo”

Kei ai kum 5 chauhin a lawm a upat. A upat chhiat loh chu. Chubakah chenna in neilo tan chenna turte a buatsaih sak a nih chuan misual tak chu a ni lo nghal phawt. A chhan chu thinlung tha tak a nei tlat.

“I inngai hniam lutuk niin ka hria. Nangmahah hian eng emaw special tak ka hmuh tlat si”

Rush-a chuan hmui chip hmun chungin a lu a han thinga. “Keimah tak tak i la hmuh loh vang a nih chu. Engthil nge ka lo tih tawh tih i hre tlat lo alawm”

“Nih pawh a ni maithei” tih pahin kan awn hma deuha. “Mahse ka thil hriat chin tlemte erawh a tha viau thung lawia. A nih chuan lan dan tlang dang deuh i lo nei pawh a ni maithei a ni”

Rush-a chuan ka lam hawiin a mit a rawn san aka. A malchungah chuan va thuta, a mitmeng mi hip tak mai chu rei tak melh vawng vawng mai ka duh. Thil eng emaw sawi tum hian a ka a han ang zuau a, mahse a chip leha. Amaherawh chu a ka chhungah chuan eng emaw silver ka hmu tlat.

Khumah chuan thingthiin a lam hnaihah chuan ka va kuna. “Eng nge i ka chhung a mi kha?”

Rush-a chuan a lei a rawn chhuah a, leibeh (tongue bell) kual hi a lei hmawrah chuan a lo beh va va a.

“A na lovem ni?” tih pahin chik leh zualin kan thleka.

“Na lo e” tih pahin a hmui a chip daiha, a rawn nui suka.

Hmeichhe pakhat nen bathlara sex an lo hman dun tum pawh khan a hnungzangah tatoo ka hmuh tak kha maw. “A nih i hnunga tatoo ve thung kha?”

“Mu lem a nih kha. Ding leh veiah a thla a inzar pharh ve ve. Slacker Demon ho chhinchhiahna a nih kha. Kum 7 mi ka nihin Los Angeles-ah ka pa in concert naah min hruaia, chu mi zawh chuan ka tatoo hmasa ber tur chhu turin kan kal leha. An band sign chu pu ve se min duh a, a chhan chu Slacker Demon members ho zawng zawng chuan an nei veka. Mahse ka pa bula seilen chhoh chu ka duh ta lo a ni. Chutih rualin kan inhmuh chang chuan tartoo thar emaw, taksa hmun eng emaw lai verh emaw min tih sak ziah zel.”

Hmun dangah a la verh a maw? A hmel chu chiang deuhin kan en a, a biang lamte chu kan en phei leha. A rawn nui chhuak haka.

“Khalaiah kha chuan eng verh mah i hmu lovang Sweet Blaire. A dang chu ka bengah hian a awm. Kum 19 ka nih a tang verh leh tatoo chhut chu ka tih belh tawh ngai lo”

A pa in a an band vanga chutiang a tih tir ve thin chu Rush-a chuan a duh vak lo a ni thei angem? A pa chuan a nawr lui thin em ni ang?

“Kan infawh zan khan khatiang kha i leiah a awm a ni tih ka hre miah bawk si lova”

Rush-a chu a meng zim suiha, a rawn kun hniam deuh bawka. “A chhan chu ka vuah lo alawm”

“A nih leh midang i fawh hian, an hre thin em?”

Min rawn thut hnaih sauha, kan insi lo chauh tawh. “I la hre mai ang nangman. Chuan nuam i ti hle bawk ang” tih pahin ka darah a rawn fawp zeuha.

“Nang....,min fawh leh i la tum em ni?” thawk pawh ka thaw hleithei tawh lo. Ka nghawng zawnah chuan a rawn thaw lum ham hama.

“Ka la chak a ni. Ka chak lutuk ringawt. Mahse fel taka awm ka tum ve sia” ka taksa si chelh chuan a rawn phun sapa.

“Vawikhat infawh avang lekin i fel loh phah dawn hleinem. Eng nge a pawina?” tih pahin kei pawh chuan ka hnaih deuh sauha.

“Blaire bawihte, duhawm em em maite”. Ka nghawng atang ka darah a chukthla riai riaia. Hetiang a nih reng chuan a ngenin ka ngen thei hial ang.

Ka nghawngah chuan a rawn fawp ta nge nge e. Ka khabe kualah rawn fawp chhoin zawite, dim tak si hian ka hmuiah vawikhat a rawn fawp zeuha, a duhtawk nghal daiha. A awn hnung deuha, mahse kan la inhnaih viau tho.

“Blaire, mipa romantic tak ka ni lo. Ka fawpin ka kuah hmasa ngai lem lo va, ka tan chuan sex hi a ni tawp mai. Nang chuan mipa zei tak, infawh bakah duat taka chul thiamtu tur che i phu a ni. Kei ang ni lovin. Ka tan chuan i thlum lutuk. Tun tumah pawh hian ti lo tura ka inhrilh mai a ngai leh ta a nih hi”

A thusawi chuan Sodom ramah min luhpui veng veng thei mai dawn hian ka hria. A tho a, kawngkhar a hawnga, ,min chuah san ta. A ngai ang bawk khan min kalsan leh ta.

Bang ngheng chuan ka thu hnawka, enga tinge maw hetiang hi ni tlata a inhriat bik le..? Engvanga hetianga min hnutchhiah zel bik hi nge a nih? Hmeichhe dang tu pawh a fawh theih laia engvanga fawh theih ve loh ni tlat a min hre bik nge a nih?

Inchung kailawna an kal chho thawmte chu ka hre thei veka, ka muhil thei tawp lovang le. Helaia awm reng hi ka duh lo. Woods-a pawh khan min lo la nghak reng maithei a ni. Mahse inkawm mood-ah ka cheng tawh thlawt lo. Eng pawh chu ni se ka remchan leh loh thu tal ka va hrilh lohte chuan.

Choka-ah ka va chhuak phei a, a kilah chuan Grant-a leh hmeichhe pakhat hi an lo awm duna, kawngkhar hnung lama tang chuan min hmuh hman loh turin ka chuak vata.

“I lo kal dawn ta lo emaw ka lo ti hmana” thim zing atang chuan Woods-a hian a rawn ti a. “I lo chhuah takah chuan vaukam lamah khuan kan tei tla mai mai dawn em ni ang?”

Ka lu ka thinga. “Aih, ka chau lutuk. Boruak tha dawng turin leh thupha chawi turin ka rawn chhuak a ni”

Woods-a chu lungni vak lo chung hian a han nui deuh suka. “ Aw le, a tha alawm. Engah mah ka ti lui lovang che”

“I lo la awm pawh ka ring chiah tawh lo a” kan ti ringawta.

Rei vak lo chu kan han ding khaw muanga, chumi zawhah inchhung lamah kan inzui luta. Ka mutna pindan lama ka lut leh tur chu Rush-a leh hmeichhe pakhat nui ar ar nen hian kan intawk hlawla. Rush-a banah a vuana, zurui kal tha theilo ni mai awm ang hian an awm der vela. Rui chung pawhin pheikhawk 6inch zeta sang a la bun peih chu a niah.

“Mahse i sawi vek tawh kha” tih pahin chu nu chuan Rush-a banah chuan a han fawpa. Rush-a nen erawh kan mit a intawng chiang kher mai. Zanin hian chu nu nen chuan duhtawkin an infawp ngei ang tih pawh ka hria.

“I duh chuan helaiah pawh hian ka kekawrte hi phelh nghal ka pawi ti miah lo a nia” a han ti vela. An pahnih chiahin an awm lo a ni tih pawh a hre ve reng si a.

“Bawih-i, ka hrilh tawh che kha. Zanin chu ka chak lo” min en reng chung chuan a chhang leta. Chu a thil sawi chu hre ngei ila a duh a ni. “Chubakah i rui lutuk. I rimte ngher nghur hian ka lu a ti na mai dawn”

Ka hawi sawna, chhekin lam pan chuan ka kal nghal vata. Chu a Bawihte-i chuan min lo hmu fuh pek chu niin. “Saw..,sawlai nu sawn i eitur ruk a tum a nia”

Ka ding chawta, zah avangin ka sen trawn trawn mai. Engvanga chutia awm chu nge maw ka nih? Hmeichhia a kara zurui tawng mai mai lehnghal.

“Heta cheng ve hi a nia. A duh phawtte chuan eng thil pawh la ang hmiang” tiin Rush-a chuan a chhanga.

“Hetah a cheng ve i tia mi..?” chu nu chuan a melh kha a.

Rush-a chuan engtin mah a chhang tawh lo. “Kha pa kha dawt inhrilh tir reng reng suh. A mikhual lawm loh tak, a kailawn hnuaia thleng ve mai mai ka nih hi. Mamawh hote ka nei a, chu pawh chu aih tiin min chhang a nia”

Min chhanna pawh nghak tawh lovin kawngka chu ka hawnga, ka lut nghala. Point khat chu ti khan ka score zauh e.


END OF CHAPTER- 10

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:15 pm

ROSEMARY BEACH Chapter -11
http://www.storyfb.com mizo story thar nitin dah ziah a ni e


Ka eitur neih ve chhun ka peanutbutter sandwich lei pawh ka lo ei zo tep tawh a nih hi. Dawrah va kal a a thar va lei leh ngei chu a ngai ang. Chubakah ka leina kha a lo rei ve deuh tawh hrim hrim bawk nen.

Vawiin chu ka day off ni a ni a, chhun lam hi engtin nge hun ka hman dawn tih ka la hre mai lo. Khumah muin nilengin Rush-a leh nizana ka thil tih atthlak zet mai kha ka suangtuah let leh mai mai dawn em ni ang? Engtin nge a thian ni tur khan min hmin theih zawk reng reng le? Min fawp turin ka duh ngai hauh lo. Mahse nizan kha chuan a ngen in ka ngen lo chauh a ni si.

Chhekin lamah lutin choka-ah ka chhuak pheia, Vawksa kan rim a lo nam veng veng mai. Thuk bulah chuan pajama kekawr chauh ha hian Rush-a chu a lo dinga, vawksa ti a lo kang meka. A rim chuan ril a ti tam nghal rawih rawih thei hial.

A dar zawn atang chuan a rawn hawi pheia, min rawn hmu chu a nui suka. “Good morning. I day off ni a ni tiraw khah..?”

Ka bu nghata, thian angin engtin nge tawngkau ka han chheh ang tih ka hre mai lo. Rules bawhchhe tu zawk nih cu ka duh bau lo. Rei ka awm a ngai tawh dawn lo bawka, chumi chung lekte chu.

“A va rimtui ve”

“Plate kha pahnih i rawn la chhuak dawn em ni ang? Vawksa ti ka kang e ka tia”

Ka peanut butter sandwich kha ka hre chhuak zawka. “Keite chuan thil ka ei tawh alawm. I ti lawmawm lutuk e”

Rush-a chuan a fork ken lai chu dahin ka lam a rawn hawia. “Engtin nge thil i ei tawh theih? I rawn tho ve chiah a nih kha”

“Ka pindanah peanut butter leh chhangthawp ka inchhawp alawm. Ka rawn chhuah phei hma khan ka ei a”

Chal chuar ak chung chuan min rawn melh vang vanga. “Enga tinge peanut butter leh chhangthawp chu i pindanah i dah kher a?”

A chhan chu a thil neih ei saktu nih ka duh lo a ni. Chutiang anga sawi mai chu ka duh. “Helai hi ka choka a ni ve tlat hleinem. Ka thil ho chu ka pindan lama ka dah vek mai loh nakah”

Ka thusawi chuan a ti thinrim lo turah ka ngai. “Helaia i awm chhung chuan peanut butter leh chhangthawp chiah rin i tum tih min hrilh i tumna emni? A ni tiraw? I leia, i pindanah i daha, nangmahin i ei bawka”

Ka bu nghauha, chutiang thil mai mai; inhnialna tlak pawh a ni lo.

Rush-a chuan a kut pahnih chu chhuar dawhkan chungah chuan a han nghata, a Vawksa kan lai chu ngawi rengin an thlek vang vanga.

“I bungrua ho chu va la la, inchung lamah han inthiar chho rawh, Hall awmna veilam panga pindan ho kha i duh ber i thlang thei ang. I peanut butter pawh chu paih la, choka a mi eng pawh, i ei chak zawng chu i duh duh i eiin i in thei tawh bawk ang”

Chet pawh ka che lo. Engtianga chutia a mizia inthlak ta thut chu nge a nih ka hre lo.

“Helaiah hian i la cheng duh a nih chuan Blaire, inchung lamah han insawn chho rawh. Chuan i rawn chhuk leh anga, thil i rawn ei dawn nia”

Ka chungah a thin a ur tihna em ni?

“Engvanga inchunga ka insawn chhoh chu duh nge i nih?” ka han ti leh te te a.

Rush-a chuan a Vawksa kan chu chawkin gas a off a, chumi zawhah ka lam a rawn hawia. “A chhan chu awm tur che a ka duh vangin. Zana muthmuna kailawn hnuaiah i mu tih ngaihtuah reng ngaite hi a ninawm ka tia. Tunah lah peanut butter ringawt chaw-ah i ring tih ngaihtuah chhuah chhen an la ngai lehzel dawn nen. Chuvang chuan hetia ka tih mai loh nakah”

Aw le, a nih chuan tlema zawnga mi ngaihtuahnate chu a lo nei ve a nih dawn hi.

Inhnial buai ka peih lo. Ka pindanah chuan letin ka khum hnuaia ka rawlh luh suitcase chu ka pawt chhuaka, a chhunga ka dah peanut butter bur ruak tep tawh chu ka phawrh chhuaka, a bulah chuan chhangthawp zai li vel hi a lo la awm ve bawka. Hei hi choka-ah ka dah anga, chuan ka pindan tur thlang turin inchungah ka chho ang. Ka thinphu a inrawn dup dup mai. Inchungah ka mu ve a nih chuan keimah maiin ka awm tawh dawn der si lo.

Choka lamah ka chhuak pheia, ka eitur neih chhun chu dawhkanah chuan ka daha, Rush-a chu melh pawh melh chhin lo chuan pindan inkalpawhna lamah ka phei nghala. Ani erawh bar-ah no dawmin a lo thu meka. Reilote-ah chhekin lamah bawk hian min chhukthlak tir leh mai angem?

“Inchung lama insawn chhoh ka duh lo. Tuna ka pindan hi nuam ka ti zawk” tihpahin a lam chu ka va hawia.

“Inchunga pindan pakhat hi chu i phu ve hrim hrim alawm. Khalai chhiahhlawh mutna a mu reng tur kha i ni hleinem”

Inchunga awm ve turin min duh. A rilru inthlak thut dan chu ka hrethiam thlawt lo.

“A nih chuan a khawi khawi khi nge ka thlan theih tih chu han sawi la. Pindan dik lovahte ka lo invawm lut chawt a nge. Ka in a nih ve loh hi”

“Vei lama pindan ho kha chu mikhual pindan vek a nih kha. Pindan pathum a awm a, a kil ber a mi kha khawthlirna a nuama i duh ber zawk ka ring. Tuipui a thlir theiha. Chuan a lai a mi kha chu rawng var leh a senno hmanga chei a ni ve leh thunga, hmeichhe duh zawng tak tur. Chuan i duh ber han thlang rawh. Nangma thu thu. Chumi zawhah i rawn chhuk anga, hei hi i rawn ei dawn nia”

Thil ei tur bawkin min ti leh ta e.

“Ka ril a tam lo. Thil ka ei tawh-“

“He peanut butter ringawt hi i ei thu i sawi leh a nih chuan bangah hian ka vawm darh nghal vek ang” a han ngawi dat a, thawk a la zui nghal haka.

“Khawngaihin Blaire, keimah vang pawhin eng emaw tal chu ei rawh”

Kan chenna khawvela tu hmeichhia pawhina an hnar theih loh tur chu ka hnar thei ta bik lo. Ka lu ka bu a, ka pindan tur thlang tur chuan inchung lampanin ka chho a.

Pindan hmasa ber chu a chhung lam rawng duma hnawih a ni a, in hma lampang chu chiang takin a thlir pah theih bawk a, mahse party thawm erawh a bengchheng phak fu ang.

A pindan pahnihna-ah chuan ka lut leha. Khum lian tha tak mai hi puan var thianghlim tak hian a lo inkhuh hlapa, a lukham erawh a senno thung. Ceilingah chuan chandelier senno a inkhai leh bawka, a sweet reuh lutuk tlat. Mahse chutiang pindan Rush-a in a han hmuh chu nuihte pawh a za lek lek mai. A nih loh pawhin a nuin riah nan a hmang thin a ni ngei ang.

A piah ber, pindan pathumnaah chuan ka lut leha. A bang lam chu chhuat atanga a chung thleng chuan darthlalang vek a ni a, kan bul lawka tuipui chu mawi em em mai hian a lang ruiha, chu zawng, hmuhnawm tak a ni. Thing tha leh manto chi a siam tih hriat tak khum lian zet mai chu puan hring leh a paw dal hmangin mawi taka chei a ni a, a bang rawng engkim mai chuan ka mit a la zar mai.

Ka suitcase chu nghatin kawngkhar dang lo awm leh chu ka han hawnga, mimal inbualna pindan hi a lo ni a. A zau tha hle a, marble var a phah chhuah vek a ni a, towel thianghlim tak hman nghal tur leh sahbawn manto tih hriat tak hi a lo inchhawp bawka.

Tub (bual kuang) lian tha tak a inhung bawka, pindan dik loah ka lut ta emaw ka inti hial. Hei zawng mikhual pindan a ni thei lovang. Chenna atan chuan duhthusam piah lam daih a ni e.

Vei lam a mi a tih chu a ni tho bawk sia, bual pindan atanga ka chhuah lai pawh chuan ka la ringhlel rum rum mai. He pindan hi ka duh thu ka sawi anga, pindan dik lo a lo ni a nih leh ka insawn leh mai ang. Ka suitcase chu hung thain inhnuai lamah chuan ka chhukthla leha.

Rush-a chu a ngai te tein dawhkan bul thutthlengah a lo la thu a, Vawksa ti kan leh artui kan a lo inchhawpa. Choka a ka va luh chuan ka lam a rawn hawi nghal vata.

“I pindan tur chu i thlang fel ta em?” min lo ti a.

Buk nghauh pahin a ep chiah stool-ah chuan ka thu ve nghala. “Aw, thlang fel chuan ka inhria. Khawthlirna nuam deuh i tih chu khum khuhna paw dal leh hring awmna kha a ni em?”

Rush-a chu a han nui seka. “Aw, kha kha”

“Khalai pindana ka awm kha i phal chiah ang maw..? A nuam ka ti khawp mai. Helaia ka awm chhung chuan kha pindan kha ka lo thlang ang e”

Rush-a chu a hma ai thui zawk chuan an nui leh haka. “Ka pindan i la hmuh ve loh vang mai mai a nih kha”

Nia, ama pindan phei chu a nuam ngawt ang. “Khami chhawngah tho khan em ni i pindan a awm?”

Rush-a chuan Vawksa ti pakhat chu a han la a. “Ni lo ve. Kei chu a chung berah”

“I sawi awmzia chu a bang darthlalang vek khi maw? Kha kha pindan pakhat tawp tihna em ni? Pawn atanga thlir phei chuan darthlalang hlang vek emaw tih mai tur a ni. Pindan a la awm hrang leh thlih thliah ka lo ringa”

A pindan chhung chu hmu chhin chak hle mah ila a sawmna lo va lo han bih ngawt thu a awm mang si lo.

“I thawmhnaw ho i phawrh chhuak vek tawh em ni?” tihpahin a vawksa ken chu a ei a.

‘Aih, ka mamawh ang zel chauhin ka phawrh chhuak ang. Tun kar hi han ral se, kar tharah chuan kei pawh ka chhuak ve thei tawh ang. Ka thawhna hi tips a tha angrenga, rin aiin ka inkhawl thei phiana”

A thil ei lai chu a tawp chawta, pawn lam chu a thlir vang vanga. A thlirna lam chu kan hawi ve a, vaukam ruak huai bak engmah ka hmu der mai si lo.

“Hetah hian i duh chen chena rei i awm thei ang Blaire”. Thla khat chauh awm tur khan kan inti si a. Mahse engtin mah ka chhang lo.

“Ka bulah hian rawn thu phei la, hei rawn ei ve rawh”. A bul a chair chu a pawt chhuaka, kei pawh chu thuawih takin ka va thu phei ve maia. Vawksa ti chu a rimtui hle mai. Peanut butter lo deuh hlek pawh ei a chakawm tawh alawm mawle.

Ka ei a, a tuiin a ram hmarh mai bawk si. A dang pawh chu min ei tir leh zela, tukin chu hepa hi dik lohna a nei a ni chiang mai.



“Eng nge vawiinah tih i tum?” min rawn ti a.

Ka dar ka chhin aka. “Ka hre lo le. In luah tur zawn nan ka hmang dawn emawnite ka lo tia”

Rush-a chuan a khabe kual chu an ti che ralh ralha. “Insawn chhuah chungchang hi sawi ri tawh suh ang che i hria em? Ka nu leh pate an lo haw leh hma chu i chhuah ka remti dawn lo hrim hrim. Chubakah i chhuaha nangmaha nun bul i tan that leh hmain i pate pawh i be ve phawt duh anga. Anih loh chuan i tan a him lo lutuk. I la naupang bawk si”

Tunah zet chuan ka insum thei tawh lo. Ka nui chhuak haka. “Ka naupang tawh lo e aw. Kan inthlauna pawh a tam em em bik loh hi a. Kum 19 lai ka ni ve tawha, hmeichhe thinlung sak tak, mahni a awm thei ngat tawh ka nih hi. Chubakah police officer tam tak hian silai kahah min tluk kher lovang. Nang ai chuan ka him zawk hrim hrim.”

Rush-a chuan a mitko a lo san aka. “Silai chu i nei tak tak em ni?”

Ka lo bu nghauha.

“Grant-a khan a tifiam mai mai emaw ka lo tia.”

“Ni lo ve, helaia ka lo kal hmasak ber zan, kan inhmuh hmasak ber tumin Silaiin ka lo tin alawm. “

Rush-a chu a nui hak haka. A thutna nghenchhan chu nghengin a kut a kuangkuaha. “A hmel awmdan tur vel chu ka hmu chak ngawt mai”

Thawk an la haka, ka mitah chiang zetin min rawn en a. “Blaire, helaia i awm chhung chuan i in ang chiahin en la ka duh a, eitur pawh hi i duh duh hunah i ta ang chiahin i ei bawrh bawrh dawn nia”

Ka lu ka lo thing nghal vata. Ni lo, ni lul lo ve. Ka pa anga kutdawh chaw khawn min tih ve ka duh lo. Ka thutna atang chuan ka tho chhuaka. “A ngai lo ve. Eitur zawng, ka lei anga ka ei ve mai ang... Ka pa ang kha ka ni ve lo”

Ani pawh chu a thutna atang chuan a rawn tho chhuak ve a.“I pa ang kha i ni ka ti hleinem. Ka inah ka mikhual i ni a, eiturte chu ka duh duh ka hlui thei che alawm”

Hei zawng, sawi ve deuh hlek angai dawn tlat. “A nih chuan ka eitur ka lei anga, i choka-ah hian dahin ka ei ang. Chutiang chuan a tha em?”

“A nih chuan peanut butter leh chhangthawp bak kha engmah dang i lei leh awm si lova. Pangai deuha thil i ei ka duh alawm”

Ka lu ka la thing ta hrama. Ka kutah a rawn vuana “Blaire, tha takin thil i ei tih ka hriat hian keima tan hlei hlei a nuam asin. Eiturah nanana chuan ka thu hi zawm rawh. Ka neih ang ang hi ei ve mai chu remti hram teh”

Nui chhuak lo turin ka insum hram hrama.

“Min nuih em ni?” thu tak hmel deuh hian a rawn ti a.

“Tlemte chauhin alawm ka nuih”

“A nih chuan eitur chungchangah chuan kan inrem tihna a ni ang maw?”

Ka nui seiha. “A nih chuan kar tin pawisa ka chawi ve thung ang.”. A lu a lo thing nghal vata. Ka kut a vawnna chu la thlain ka kalsawn nghala. “Khawiah nge i kal dawn?” tiin min rawn au zui nghal vata.

“Ka sawi tur chu ka sawi zo tawh. I chaw ka ei dawn a nih chuan ka ei man ka pek angai ang. Chu chiah chu sawi tur ka nei. I duh loh chuan ei loh a ni mai”

Rush-a chu a han rum chhuak haka. “Aw le, a tha e. Pawisa chu i chawi dawn nia”

A lam hawi chuan ka inher leha. “A nih chuan ka han inphawrh chhuak ve hlawm ange. Tub lian takah khan inbualte pawh ka duh ve a. Chubakah zan lam chhuah kan lo tum ve bawk nen.”

“Tu nen maw?” a lo ti nghal vata.

“Bethy”

“Bethy? Cart girl Jace-a chhass ve deuh rauh kha maw?”

“Aw ni e, i sawi dik. Mahse a harh chhuak tawha, Jace-a te ang mai mai chuan an kawp tawh lovang. Zaninah honky-tonking ah kan va kal anga, mipa dik tak leh taima tak kan va zawng dawn.”


END OF CHAPTER -11

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:16 pm

ROSEMARY BEACH . . Chapter -12
www.storyfb.com mizo story thar nitin dah ziah a ni e



Rush-a party siam angah kha chuan thawmhnaw hak tur tha ka nei thlawt lo. Mahse zanina kan kalna tur honky-tonk ang chi a thawmhnaw hak tur chu ka nei tha ve thawkhat viau e. Ka jeans kekawrbul chhing tiu teu tak mai kha ka ha anga, boot ka bun bawk ang.
.
Ka inbual hlanin Rush-a pawh a lo chhuak bo daiha, tun thlengin a rawn la let lo. Ka pindan thar chu nuam viau mahse thian ho a party an neih changin a thiante chuan helai pindanah hian an duh duh hmeichhia an pawm chho anga, inphelh ruakin nawm chen nan an lo hmang hrep tawh awm si a tih vel mai mai ka ngaihtuaha. Hriat ngai pawh ni lo tena sex an lo hman hrep tawhna khum chu ka ten thar leh deuh tlat. Amah hi tha taka zawh chi zawk em ni ang? Zawt dawn ta ila engtin nge ka sawi ang?
.
Rush-a lo haw hmain chhuak ila, duh leh haw hunah khuk khuhna zawng zawng hi ka su fai tha leh vek zawk mai ang.
.
Cowboy hmeichhia ang maiin ka inchei a, ka jeans kekawrbul chu ka hakna a lo rei ta deuh a ni ang, ka duh aiin a chhing mah mah tep a ni. Mahse a pawi lo ve. Boot ka bun a, inhnuai lampan chuan ka chhuk thla a.
.
Step-ah ka pen tawp dawn tihah chuan kawngka a rawn inhawnga, Rush-a a rawn haw hlawl mai. Min rawn hmu chu hmuhthiang lo hmu ang mai hian a ding chawta, min han thlek zui vang vanga.
.
"Vawiin chu-.. . Umm" tawng kat deuh nawk nawk pah chuan kawngkhar chu an khar phui tha a. "Khati khan emni club-ah chuan i kal dawn a?"
.
"Honky-tonking alawm. Club han tih tawp nen hi chuan a dang deuh" tiin ka chhanga. A sam chu a han tuai chho puata, a thaw deuh haka. Awm nuam chiah lo, thinrim ru deuh hi a ang ber. Ka thawmhnaw vang chu em ni ang? Chumi chungchangah chuan han phun leh vaih teh se. Ka boot hi ka phelh lawk anga, a hmai vawm nan ka hmang nghal ang.
.
"Zanin chuan inrualin ka lo kal ve thei angem? Honky-tonking-ah chuan ka la kal ngai miah lo va"
.
Eng a? A thusawi kha ka hre sual zawk em ni?
.
"I lo kal ve duh amaw..? " awih zan lo chung chuan kan zawt tha leha.
.
Rush-a chu a bu zauh a. Ka taksa chu a rawn melh thla leh thuaka."Aw.."
.
A lo kal ve chu a pawina vak a awm dawn em ni? Thian kan ni a, han chhuah thawven dun vete pawh a tha ve tho alawm.
.
"A nih leh i peiha thu le. Mahse minutes 10 hnuah chuan kan chhuah tawh angai dawn a nia. Bethy ka va lam angak dawn a"
.
"Minutes 5 chhungin ka inpeih hman ang" tih pahin kailawnah chuan inchung lam panin a tlan chho nghala.
.
Ka beisei loh lam daiha thil a thlen chu le. Minutes 7 a ral hnu chuan ani pawh chu inpeih atin a rawn chhuk thla a. Jeans kekawr pawl leh t-shirt dum tight tha tak a rawn ha a, a hnungah chuan Slacker Demom tih a chuang kalha. A kutzungpuiah chuan zungbun silver rawng bawk kha a rawn bun leha, ka hmuh vawikhatna atan bengbeh silver a rawn beh tel bawka. Tunah chuan Rocker fapa a ni tih hai rual a ni lo. A mithmul dum kalh mak chu eyeliner in a rawn line ta emaw ka ti hial.
.
Kan inpeih ve ve tawh bawka, pawn lam panin kan inzui chhuak nghala. "I thiannu kan phurh a ngaih tho si chuan ka Car hi hmang zawk mai ila. I truck ai chuan chuan a nawm zawk ka ring"
.
A lam hawi chuan ka inhera. "A ngai kher hleinem. ka truck chhungah pawh kan leng tho alawm"
.
Ka thusawi chu hre lo ang mai a ni. A ipte arang remote control tereuhte rawn phawrh chhuakin an hmet keuha, a garage pali zinga pakhat chu a rawn inhawnga, a chhungah chuan Range Rover Car dum nalh zet mai hi a lo inhung ranah. Hnial ngam pawh a ni tawh lo. A car a chuan chu a nuam zawk daih dawn a ni tih hai rual a ni lo.

"Ekhai aa.. . A va nalh ve"
.
"A nih chuan ka Car zawk chu kan keng chhuak thei tihna em ni? Bethy pawhin heta chuan hi nuam a tih zawk daih ka ring. A ni lawm ni? "
.
" Nia, a ti ngawt ang. Tlema lerh ve deuh chin hi chuan mipa car nalh deuh neite chu ngainat ruakna an nei vek alawm"
.
A mitko a rawn san aka. "Lerh tih chuan a nihna a phawk chhuak ber alawm"
.
A garage lampan chuan a pheia, keiin a hnungah ka zui ve bawka. Ka thutna tur lam chu kawngka min han hawn sak te te a. Hetiang hi a sweet ka ti, mahse in date kan ang deuh mah mah zawkin ka hria. "I thiante ho hi an thutna tur kawngkhar i hawn sak vek zel em ni?" tih pahin amah en chuan ka ding renga.
.
A nui hmel chu a bo nghal hmaka, kulmuk zet hmel hi a rawn pu a. "Hawn sak ngai lo" a rawn ti a, driver seat lamah chuan a let phei leh nghal daiha. Chutia an awm takah chuan ka tawng dan chu ka inchhir leh lek lek a ni.
.
Car chhungah chuan kan thu a, kei chu motor chhunga inbe miah lo va thut reng hi a hrehawm ka ti. "Ka tihpalh. Khatianga tawng kha ka tum dan a ni bik miah lo a nia"
.
Rush-a chu a nui haka, dar chhin ak pahin a lu a thinga. "I sawi dik reng alawm. Hmeichhia thian ka nei ngai lo va, eng nge tiha tih loh tur tih pawh ka hre vek lo va"
.
"Hmeichhia i date in kawngkhar i hawn sak thlap thin a ni maw.. ? Chu chu thil mawi tak a nia lawm" ka han ti a. Chutia hmeichhe dang a date tur ka han mitthla chuan thikna bawk chu a rawn piang lehnghal vata. Chung hmeichhe vannei takte chuan a thatna leh a mawina zawng zawng zar hi an zo bik awm chu a ni sia.
.
"Aih, chutin hawn sak ngai lem lo ve. Nang erawh chu hmeichhia zawng zawng zingah hawn sak phu ber i ni tlat alawm. Mahse i rawn sawi takah khan chuan thian leh thian inkarah erawh a lo rem teh trung lo chu a nih kha. Thian kan ni a nih si chuan tih loh tur chin chu ka neih ve alo ngak dawn a nih hi".
.
Engtin emaw tak hian a thusawi chuan min tuam veng veng ni hian ka hria.
.
"Ka lawm lutuk e. Thil sweet tak alawm i tih"
.
Dar a rawn chhin ak a, engmah a sawi zawm tawh lo. "Bethy chuan club-ah min lo nghak dawna, chulai hmunah chuan kan va lam angai ang. Vawiin a chawl ve lo va, office ah a inbual anga, a inthlak nghal vek dawn bawka.
.
Country club awmna lamah chuan a kual nghala." Engtin nge Bethy nen hian in inkawm a?"
.
"Kan hnathawhna hmun a in anga, thian mamawh ve ve kha kan lo ni bawk nen. Chubakah a felin kawm a nuam takzet. Ka neih loh zawng zawng hi a nei bik niin ka hria"
.
Rush-a chu a lo nui haka. "Bethy ang nih chu engtikah mah i duh ngai lovang".
.
A sawi dik. Amah ang nih chu ka duh kher lo, mahse kawm a nuam viau chuan ka hria. A car a tape nalh tak, man to hmel em em mai chu chu ahan hmet a, Hinder hla 'Lips of an Angel' chu a rawn play a, ka lo nui nghal seih a. Slacker Demon ho hla a play dawn emaw ka lo ti zawk maha.
.
Club pawh kan thleng ta e. Office kawtah chuan kan dinga, Car atang chuan ka chhuk thla nghala.
.
Rei loteah office kawngkhar chu rawn inhawngin Bethy pawh chu a rawn chhuak phei a. Leather kekawrbul swn chhing zet mai leh halter-top var a rawn ha a, boot vae, khup thleng khuh arawn bun bawka. Ka truck hmuh inring zawk khan chutiang Car an hmu chu a hamhaih deuh hlek a ni tih a mitmeng atang ka hre thei a.
.
"Enga tinge Rush-a te i rawn inhruai tir tak mai a?" a lo ti vat renga.
.
"Umm.. . Lo kal ve a duha. Honky-tonk a ala kal ngai loh thu a sawi a, chuan ka lo remtih sak ve tawp mai asin" tih pahin Range Rover car lamah chuan kan hawi let zuaia.
.
"Anih chuan i duh ang angin mipa i kawm kual thei dawn lo tihna anih chu" tihpahin min rawn kal pela. "A reng reng thuah i va chhelo ve. I thawmhnaw hak khan a ti sexy tawp che. Cowboy boot tak tak hi ka duh ve ngawt mai. Khawia mi nge i neih bika?"
.
Hmeichhe thian hi ka nei tawhlohna chin pawh a rei ta khawp mai. Valerie lah khan min thih san hma si a, ani lo kha chu Cain-a bak kawm ka nei ngai lo.
.
"Chutia mi..? Kum 2 liam ta a ka nu min pek a nih hi. Aman hetiang hi a neia, chuan keiin nalh ka lo ti tlat peka. Tichuan ka ta tur min lei ve a, a nat hma.. .,a dam loh hma a min pek a nih hi"
.
"I nu a damlo amaw? "
.
Chu thu chu sawi chhuak ka duh vak rih loh mai bakah a mood ah ka awm rih lo. Lu buk zeuh pahin ka nui saka," Aw, mahse thawnthu dang daih ania. Cowboy chhelo deuh deuh i va zawng tawh ang hmiang? "
.
Car hnung kawngkhar chu ka hawnga, ka luh tira, kei pawh chu ka thu lut ve nghala. Rush-a bulah chuan" Ti kha chuan kan tum ram lam kan pan thei tawh e" ka han ti a.
.
Bethy chuan Rush-a chu a honky-tonk duh ber lam kawng chu a han kawh hmuh zung zunga, Rosemary atang chuan minutes 40 tlan lai a ni nghe nghe.
.
Bar lian zet mai hi a lo awm ruaha, a chhuat leh engkim mai chu thingphel hmanga sak a ni a, pawn lamah leh chhunglamah chuan rawng lar zet mai hian Beer sign a ko eng kulh bawk a. Hetiang bar hi chu hmuh tur pawh a awm zen zen lo. Kan va luh chuan Miranda Lambert hla "Gun Powder and Lead" tih chu an lo zai tir ruai ruai bawka.
.
"Tun atang darkar chanve-ah live music in an bei chho tan dawn a, chu chu a nuam lai ber leh lam nawm lai ber a ni. Mahse chumi hma chuan tequila kan tlak phawt chu angai ang" thawm ring tak karah chuan Bethy chu a rawn au lawng lawnga.
.
Vawikhatmah tequila ka la in ngai lo va, beer pawh ka la tem chhin lo. Mahse zanin hian engkim a inthlak danglam dawn a nih hi. Zan nuam tak a ni a, hlim taka chen tur alawm ka nih le. Rush-a chu ka hnungah a rawn dinga, ka kawngah a rawn vuana. Chu zawng thian posi a niin ka hre lo.
.
Rush-a chu thawm bengchheng viau mahse eng emaw han hrilh leh hram ka duh a, mahse Bethy nen chuan lamna sir deuha Bar awlah chuan min hruai phei a, stool ah chuan min thut tir ve ve a.
.
"Eng nge i in duh ang?" ka beng bulah kun hniamin a rawn ti a.
.
"Ka hre lo" ti a chhan pahin Bethy chu ka va en a. "Eng nge kan in ang?"
.
Bethy chu a meng kawka, chu tah a nui ta vaka. "Zu ila in ngai lovemni?" a rawn ti a, ka lu ka lo thinga. "A nuam dawn riau mai. Mahni zuin tur lei thei rual chu i ni tawh ania. Rush, zanin chu han ruih chhum hmawk tir teh ang"
.
Rush-a chuan min rawn en a. "Tun hmain ila in ngai lo amaw?"
.
"Aw, mahse zanin chu in ve chhin ka duh"
.
"Anih chuan zawimuanga i tih a ngai dawn ania. I dose ala hniam dawn ropui sia". Waitress chu an ko a. "Khawngaihin menu min lo pe thei angem?"
.
Bethy chuan a kawng a lo dawm hmuka. "Enga tinge eiturte order i tum a? Helai hmunah hian zu in turin leh lam turin alawm kan kal. Thil ei tur ni lovin"
.
Rush-a chuan Bethy lam chu a hawia, a hmel awmdan erawh ka hmu thei lo. "Zu ala in ngai lova, chuvang chuan eng emaw a ei hmasak phawt angai a ni. Chuti lo chu a luak vak anga, inbuaipui nan darkar 2 chuang hun kan hman angai ngei ang"
.
Bethy chuan thawk hak pahin chunglam a han melha. Rush-a chu mi a chei tak mai hian a hmai bulah a ban a va vei a. "Chuti anih a hnu Pu-a, kei chu ka in tur ka la dawn a, a ta tur pawh ka lak kep ve dawn. Chuvang chuan eitur chu lo pe vat vat rawh".
.
A tawng zawh hma chuan waitress chu menu keng chungin a rawn leta, Rush-a chuan a lo ban vata, ka bulah keu sain a rawn daha. "I ei duh zawng han thlang teh le. Ani thusawi kha chu ngai pawimawh duh suh. An ni anga zukn thang i nih ve loh kha"
.
Ka bu nghata, luah ka duh lo.
.
"Cheesy fries hi a tui hmel ka ti"
.
Rush-a chuan waitress hnenah chuan Chessy fries plate 2 leh tui no sang veh vawh 2 kan duh thu a han hrilh a.
.
"Honky-tonk ah chuan i kal ta chu a nia, i lo beisei dan a ni em? Kei chu zep lovah chuan an music hi ka ngaina ve lo va" ka lama rawn hawi pah chuan a rawn ti a.

Nuih seih pahin ka dar ka chhin ak a, ka han hawi kuala. Mitin mai chuan Cowboy lukhum parh an khum deuh veka, hnathawk ho form ha hmuh tur an awm nual a, thenkhat chuan kawnghren buckle lian tak tak nei an hreng bawka. Kan khua a mite ho nen an inang hlawm hle.
.
"Kan thleng deuh chauha, zu kan in in lam pawh kan la lam lova. Chung ho chu han ti zo phawt ila, i zawhna chu ka chhang zawk ang che"
.
Rush-a chu a nui saka. "Lam i duh amaw?"
.
Lam chu duh ve tho e, mahse Rush-a nen ni lovin. Thian chauh kan ni tih hi ka theihnghilh palh ang tih ka hlai.
.
"Kan lam ve ang chu. Mahse chu mi hma chuan lam huaina ka mamawh ang. Chuan lama min sawmtu an awm angai bawk"
.
"Keiman ka sawm ngei ang che" a rawn ti a.
.
Dawhkanah chuan ka kiu nghatin ka khabe ka dawma. "Chu chu tih chi niin i hria em ni?". Thil tih chi a ni lo tih chu hria se ka duh
.
“Umm... Tih chi lutuk loh maithei"
.
Ka lo bu nghata.
.
Kan thil chah pawh chu a rawn thleng e. Chessy fries pahnih leh tui vawt tak no 2 a rawn chhawp a, rin ai daihin a tui hmel. Ka ril a lo tam ve tawh bawk nen. Chutih rualin pawisa ka khawhral vak ang tih ka hlau. Tun ami hi $7 man a ni a, zaninah hian $20 aia tam pawisa ka hmang tur a ni lo.
.
Kan ei lai chuan Bethy pawh no pahnih keng chungin a rawn luta. "Bawih-i, hmeichhe tan chuan tequila chu a strong deuh mah mah ang. Hei hi ser nena tih pawlh ania, a tui pawh a tui zawk ang" tih pahin no pakhat zawk chu min rawn pe a.
.
Ka thil ei lai chu ka ei sawk sawka. "Le, ti chiah ila"
.
Bethy chu a nui suka, a no ken chu an tlak nghal pawpa. A tih ang chiah chuan ka ti ve nghala. A tui loh hran loh hi. Ser rim a nam veng veng a, mahse ka hrawk erawh a sa hum hum mai. No chu ka daha, ka nui ver vera. Rush-a chuan min lo en renga.
.
"Thil hi ei leh rawh"
.
Nui loh hram ka tuma, mahse ka insum zo lo. Ka nui chhuak vaka, ka nuih a za tlat. Fries chu ka ei leh a, Bethy pawhin a rawn ei ve bawka.
.
"Bar-ah mipakhat nen kan va inchhara, chuan i awmna hi ka rawn kawhhmuh a. Thian thar siam tur chuan i inpeih tawh em? "
.
Rush-a chuan a beng a lo tun nghal hra mai. Thian zawng tura kal kha chu ka ni nameuh mai.
.
"Rush,a duh angin awm tir ve rih rawh. Kan lo let leh hunah in la awmdun dawn chauh alawm" Bethy chuan a han ti a.
.
Rush-a chuan engmah a sawi lo. A ngawi renga, a thusawi chu a hre lo der ngeni a a hre ko hrim hrim tih pawh ka hre lo. Chutah a thaw hak a, a thutna atang chuan a tho chhuaka. Eng emaw tal sawi ka duh. A nuih ver ver theihna tur sawi tur engmah ka hre bawk si lo.
.
"Va fimkhur hle ang che. Mamawhna min neih chuan hetah hian ka lo awm reng ang" tih pahin min rawn din hnaih sauha.
.
"Tirawh Blaire i kal ang le. Mipa in tur min lei sak tu tur kan zawng dawn nia. Helai zingah hian i chhelo lawr lak tih hria la. Mahse kum 19 i nih thu kha sawi suh ang che. Kum 21 i inti zel dawn nia"
.
"Aw le"
.
Bethy chuan kan piah deuha mipa pahnih, min lo en reng tute lamah chuan min pawt pheia. Pakhat chu a lianin a sang tha hle a, a sam a buanga, a sei tha hle. A inmeh faina a rei tawh tih a hmel atang a hriat theia, a awm bawr hlai tha tak chu a kawr hak tight tak chuan a phuar tenga.
.
A bul ami erawh sam dum, mitmu dumpawl raih mai nei a ni a, a taksa pawh ban rinawm tak ang mai a nghet bur hi a nih duh hmel.
.
"Thiante u, hei hi Blaire a nih hi. A unaupa bul atang ka rawn hruai hranga. In tur a mamawh teh mai ania"
.
Sam dum zawk chu a rawn tho chhuaka. "Hi Blaire, Dalton ka nia, kan inhmu chu ka lawm hle mai" tihpahin kin rawn chibaia..
.
"In tur chu ka lo leisak thei che angem? " tihpahin Dalton-a chu nalh zet hian a han nuia.
.
"Lemon drop a duh ang. A ngainat ber ania" Bethy chuan a lo ti vata
.
Sam buang zawk pawh chu a rawn tho a. "Hi Blaire, Nash-a ka ni e" tihpahin min rawn chibai ve a.
.
"Aw le a tha e thiante u. Intihbuai a tul lo ania. Hei nula pahnih kan awm hi" Bethy chuan a lo ti thuai a. "In tur min han lei la, eng anga kawm nuam nge ka nih chu i hre mai ang" Nash-a bulah chuan a han ti a. Nash-a chu a bitum deuh tlat.
.
Ka hmui ka hupa, nui chhuak lo turin ka insum hram hrama. Bethy chuan min rawn siai zeuha, Nash-a nen chuan lam tual lamah an inzui phei nghala.
.
"Helaiah hian thian i chhar nual tawh ka ring. I thiannu kha a lo kal a, mahse chutiang ka zawn loh thuin ka lo chhanga. Chutihlai chuan i thutna min rawn kawhhmuh a, hmeichhe sambuang hmeltha zet mai ka rawn hmu che kha chu ka rilru ka thlak chiang khawp mai" tih pahin Dalton-a chuan Lemon drop chu min rawn pe a.
.
"Ka lawm e. Nia, Bethy kha chu a fel reuh khawp asin. Zanin pawn aman min rawn hruai a, hetiang ang chi ah hian ka vawikhat kal vena a nia'
.
Dalton-a chuan Rush-a thutna lam chu an melh zauha. Hmeichhe pakhat hian Rush-a chu a lo lem kual vela, Rush-a pawh chuan chu nu mal chu a lo vawn saka. Ka hawi let leh rang kher mai.
.
"Saw saw i unaupa a rawn kal tel ve nachhan a nih ngei ka ring"
.
Ka no ken chu ka tlak nghal pawp a. "Eng lo kan ti... - ka sawi awmzia chu kan lam dun ve thei angem?" ka han ti a.
.
Dalton-a chu a tho a, lamna lamah chuan kan inzui pheia. Bethy pawh Nash-a awm nghengin a lo bei hnap mai. Mahse chutianga lam ve erawh ka duh lo.
.
Dalton-a chuan ka kut chu la in a nghawngah min kuah tira, a nin ka kawngah min rawn kuaha, a lamah min pawt hnai sauha. A nuam lo lem lo ve. Music chu a muangin a sexy em em mai lehnghal.
.
Dalton-a chu ka beng bulah a rawn kun hniama. "Helai vela cheng hi i ni lovem ni? Ka la hmu miah lo che a"
.
Ka lu ka thinga. "Tuna ka awmna chu heta tanga 45minutes kal ania. Kan awmn dik tak erawh Alabama lam daih"
.
Dalton-a chuan ka kawng atang chuan an vuan hnuai leh deuh hlek a. "College i la kal em ni?"
.
A kut chu a dah hnuai tial tiala. "Aih... umm.. Hna ka thawk a"
.
Kan hawi kuala Bethy reng ka hmu tawh lo. Khawiah nge maw an kal daih le? Rush-a leh hmeichhe pakhat pawh kha an awmna ngaiah an la awm renga, an awm danah an hmui pawh a insik tep tawh ka ring.
.
Dalton-a chuan a kut chu a dah hnuai zela, ka mawngtam pahnih chu a rawn tham tawka. "Chhelote, i taksa engkim mai hian ka lung a dum hluah hluah".
.
.
Red Alert! Puitu ka mamawh.
.
Dalton-a awmah chuan ka kut pahnihin ka nam dawrha."Boruak thianghlim dawn ka mamawh tlat.Chubakah hmelhriat loh lehnghalin a khatianga ka mawng an khawih kha ka ngaithei vak lo" tih pahin ka inher a, kawngkhar lampan chuan ka kal nghala.
.
Pawn thim zingah chuan dingin boruak thianghlim kan hio vang vanga. Haw nan chuan a la hma bawk si. Rush-a leh Bethy lahin awmpui an nei ve ve bawka, tunah chuan lampui tur midang ka zawng ve angai dawn a ni. Dalton-a kha zawng a tha dawn lo tlat.
.
.
END OF CHAPTER - 12

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)