ROSEMARY BEACH BY Noah Hringngen (Complete)

Ngaia
Site Admin
Posts: 25813
Joined: April 30th, 2016, 4:07 pm

Re: ROSEMARY BEACH BY Noah Hringngen (Complete)

Unread post by Ngaia » May 21st, 2017, 2:28 pm

Pindan chhungah chuan ka lut a, bang tawp rat bulah chuan ka dinga. Rush-a pawh chuan min rawn zui lut a, chhung lamah kawngkhar a kalh a.


“Sawi vat vat rawh. Kal vat la ka duh” ka lo ti hmanhmawh a.


Ka tawng dan chu Rush-a tan chuan ngaihthlak a nuam lem lo khawp ang. Mahse engtin nge a ngaih ang? A rilru ka ti na angem tih vel ka ngaihtuah thei lo hrim hrim.



“Ka hmangaih che”


Ni lo, chutiang thil sawi thei dinhmunah a ding lo. Ka lu ka thing a, chutiang thu chu ngaithla thei ka ni rih lo. Min hmangaih lo tih ka hria. A thusawi ang chu a ni lo. Hmangaihna a daw ve ngai lo.


“Helai a rawn lang ngam tur pawh hi ka ni lo tih ka inhria, mahse khawngaihin sawifiahna hun erawh min pe rawh. Rilru na taka i awm lai hmuh kha hrehawm ka ti takzet”


Engtiang taka ka rilru chu na nge a nih tih a hrethiam lovang. Ka nu ka hmanagih zia leh ka tana a pawimawh zia erawh a hriat thar phah ngei ang le. Chung zawng zawng pawh chu hre vek mahse eng angin nge ka nu a ngaih ve tih erawh a la sawi ve lo. Kei chuan ka hmangaih ve thei lovang. Ka nu ngaitheilo tu leh mi dik lo anga ngaitu chu tu pawh ni se ka hmangaih ve thei ngai lovang.


“Eng thil pawh sawi mah la engmah a thlang danglam chuang lovang Rush. Ani kha ka nu a ni tlat. Ani kha ka nun a ka mi tawn tawh a zawngah chuan mi tha ber a ni a, ka hlimna tawn zawng zawng laimu a ni. Chuan nang....” ka mit ka chhing a. ka en thei lo. “Chuan nang....,leh anni ho kha..,in vaiin ani chu engkim ti chhe tu ang maiin inngai a”


“Hetiang kher kher a i hrechhuak hi pawi ka ti lutuk ringawt. Hrilhfiah vek kha ka duh lutuk che. Nan-i tan chuan a hun kal tawhah natna tam tak thlen saktu i lo ni tawh a, na dang a tawrh phah leh ka hlau a ni. Heti em em a min zem a a, ka nun zawng zawng khalhtu i han ti ta mai hi keimah leh keimah ka inhaw ngawt zawk mai. Kan inhmuh hmasak ber zan atang khan hnar che ka tum tawh a, mahse ka thei lo a nih kha. I nui ri te hi ka tan chuan Van tawtawrawt ri ang mai a ni a, a aia rimawi dang reng reng a awm lo. Chuta karah i nungchang a mawiin engtik lai mai pawh hian min hneh em em reng a, i thinrimin phunna reng i nei ngai si lo. Thil tam tak min zirtir a, ka nun zawng zawng i thunun zo ta. Ka hmuh che a, i bula ka awm apiang hian chu chu a zual telh telh mai bawk si” Rush-a chuan min rawn din hnaihin ka kutah a rawn vuana, a lamah min pawt hnaia.


Thawk ka la kawk a,ka tap nawn tawh tur a ni lo. Eng pawh sawiin ka tana ngaihthlak hahthlak tak pawh ni mahse. Min pawh hnaih ang ang chuan ka awm ve mai a,a chhan chu ka ta a ni ve ngai dawn lo a ni tih ka hriat vang a ni.


“Honky-tonk a hun kan hman zawh atang khan ka pum hian i ta ni tih ka hre chhuak . Nang chuan i hre ve kher lovang,mahse khata tang khan kei chu ka thinlung sawi chet rual a ni tawh lo. Ka in haw leh hnuhnawh khawp mai. Hlim taka awm tir che ka duh a, mahse ka thei si lo. Engtin nge ka farnu rilru na taka lo siam tawhtu hi heti tak mai a ka duh theih mai le...?”


Ka kut pahnihin ka beng ka hup a. “A tawk. Ka ngaithla duh tawh lo. Chhuah rawh. Rush. Tunah hian min chhuah san nghal rawh” ring takin ka au chhuaka. Nan-i hming chu hriat nawn leh pawh ka duh tawh lo. Ka hriat apiang hian kha a ka tur nei atanga ka nu chanchin a sawichhuah dan kha ka hrechhuak ziah. Chu chuan min ti tawt up up a, min dang theitu zawng zawng hlip kian a, ven thawn reng nei lo va au chhuah mai ka duh.


“Damdawiin atanga ka nu a rawn haw khan kum 3 mi chauh ka la ni a, a hmel awm dan atang khan eng emaw rilru hahna a nei a ni tih ka hre nghal mai. Ka nu kha a rukin a tap nasa thei hle a, Nan-i pawh chu ti tho. Mahse kei erawh ka tlangval chak phiana. Nan-i kum 3 mi a nih chuan ka nu tukthuan ei tur siam sak atanga a mu tur buaipui thlengin ka ti thei vek tawh. Chuan ka nu chuan pasal ang neiin Grant-a hi a lo piang ta a. Mahse chuti chung chuan kan dinhmun kha engmah chiang a awm chuang lo. Engtikah emaw chuan ka pa in min rawn lam anga, min rawn la hruai ang tiin ka ngaihtuah thin a. A chhan chu Nan-i bul a din a, a zawhna chhan sak kha ka ngam lo a ni. A hnu lawkah engvanga keiin pa ka neih laia pa nei ve lo nge a nih tih min zawt ta reng a”


“A TAWKK...!!” ka au chhuak tuar a. Bang lamah chuan min nawr bet a, engvanga heti hian ka chunga ti nge a nih?


“Blaire, ka thusawi hi i ngaihthlak ka duh. Hei chauh hi i hriatthiam theih dan kawng awm chhun a ni”. A aw chu a khur deuh dar dar a. “Ka nu chuan pa a neih ve loh nachhan chu mi bik a nih vang a nih thu a hrilh thin a. Mahse chu thu erawh chu hman zui reng tlak a ni lem lo. Tichuan ka nu hnenah Nan-i pa dik tak chu min hrilh turin ka ngen ta ringawta. Ka nu chuan heti hian min hrilh a. Nan-i pa chuan nupui a nei a, Nan-i ai pawha a hmangaih zawk fanu pahnih a nei a ni tiin. Nan-i aiin chu mite chu a duh zawk a ni. Engvangin nge ka farnu duat em em mai chu duh lo thei nge a nih tih hi ka hrethiam thei ngai lo. Vawikhat chu ka nu chuan a pa chhungkaw thar ho bulah chuan a va kalpui ta ringawt a, khata tang khan thla 1 zet chu zan tin a tap thawm ka hre thin”. A thusawi lai chu a tawp a, kei pawh khumah chuan ka thu thla hnawk a. A thusawi chu ka ngaihthlak ngei a duh tlat si avangin dan tumin awmzia a awm kher lovang.


“Chung hmeichhe pahnihte chu ka haw em em a, Nan-i pa in a a thlan zawk chhungkaw chu ka haw ngawih ngawih. Engtikah emawh chuan a thil tih man chu ka la thungrulh ve theih ngei ka in beisei a, Nan-i pawhin amah hringtu a pa ngei chuan eng tikah emaw a rawn la tlawh ve ngei a beisei thin. Chu chu a duhthusam a ni fo a, kumkhat chung zet chu a duhthusam chu ka ngaihthlak sak thin. Kum 19 ka tlin chuan chu pa zawng tur chuan ka chhuak a, ka va hmu ta reng bawka. Nan-i thlalak ka pe a, thlalak hnungah kan in awmna hmun ka ziang lang tel bawka. Fanu dangdai tak a neih thu leh ani chuan hmuh a, biak a duh thu ka hrilh tel nghal a”.

A thusawi chu kum 5 kal ta a thil thleng kha a ni. Ka pum chu a inlet but but ni mai hian ka hria. Ka dam lo mai dawn. Kum 5 kal ta khan Valerie ka chan a, chutiang bawkin ka pa pawh.


“Kha thil kha ka farnu ka hmangaih em avang leh ka khawngaih em vanga ti ka ni a, eng angin nge chu mi piah a chhungkaw chungah chuan nghawng a neih ang tih reng ka ngaihtuah phak lo. Ngaihtuah pawh ni ila Nan-i chauh ka ngaithuah avangin pawi tihna ka nei kheer lovang. Ka hmelma i ni thin. Mahse kan in a i rawn pen luh atang chiah khan engkim i rawn thlak danglam ta a ni. Kha chhungkua, ka huat em em te chungah khan eng thil pawh thleng se pawi tihna reng nei lo thin kha ka ni a, mahse ka bula i nu leh i unaunu chanchin i rawn sawi meuh kha chuan ka thinlung i va ti tuiral hneh si em Blaire”. Rush-a chuan min rawn pan hnai a, han chet leh chuan ngaihna reng ka hre tawh lo.



Ka hrethiam. A thusawiah khan han demna ka nei hran lo. Mahse ka thinlung erawh lak bo a ni tawh thung. Engkim hi dawt vek a lo ni. Ka nun pumpui mai kha dawt vek. Ka thil lo chhinchhiah reng ve zawng zawngte kha. Christmas a lo thleng a, ka nuin cookies a siam a, ka pain Valerie a pawm a, christmas tree kan chei ho a. Khangte kha dawt vek a lo ni. Engmah reng kha a tak tak a awm lo. Rush-a thusawi chu ka awih a, mahse ka nu ka rin dan erawh ka thlak phah chuang lo. A thiamthu sawi turin a awm ve tawh lo a, ka hriat zawng erawh nu tha tak a ni tih hi a ni. Heng zawng zawng hi ka pa tih dik loh vek an ni bawk.


“Hun hi pawt let leh thei ni ila chu engtikah mah i pa kha ka hmuh tir ngai lovang che. Ka tihpalh a ni Blaire, pawi ka ti takzet” a aw chu a khur dar dar a, a rawn baw mai dawn emaw tih mai tur hian a mittui a tling pam a.


Ka pa hmu tur khan va kal kher lo se chu thil a danglam viau ngei ang. Mahse amah emaw kei emaw chuan hun kal tawh kan ti danglam thei tawh mang si lova. Nan-i chuan tunah a pa a nei let leh tawh a, ani te chuan a duh apiang a nei thei tawh alawm.


Kei erawh chuan engmah neih ka nei hleinem.


“Ka ngaidam che tih hi ka sawi thei rih lo a ni” ka ti a. A chhan chu ka la ngaidam tlat lo alawm. “Mahse i thil tih zawng zawngah erawh ka hrethiam hle che tih hi hrilh che ka duh a, mahse chu chuan ka khawvel zawng zawng a ti chhe ta a nih hi. Chu chuan a thlang danglam thei mang si lova”


Rush-a biangah chuan mittui a rawn luang thla riai riai a, mahse chung mittuite chu namnul hram hram ka tum tawh. “Nang chan che hi ka duh lo. Ka hmangaih che a ni Blaire. Nang ka mamawh leh ka duh ang hian eng thil mah hi duh ka la nei ngai lo. I tel lo chuan engtin nge nun ka hman tak ang tih hi ngaituah pawh ka ngaihtuah thiam tawh lo a ni Blaire”


Keimah tih loh hi chuan engtikah mah enng thil hlu mah ka nei leh tawh lovang. A chhan chu he pa hian ka thinlung min lak sak a, a ti kehsawm vek a ni. Tumah hi hmangaih turin ka ring leh thei tawh ngai lovang.



“Ka hmangaih ve lo che Rush”


A rawn tap chhuak hawka, ka malchungah chuan a lu a rawn nghata. Mahse ka hnem thei thlawt lo. Chutiang taka a rilru na hnem thei lo kan ni ngawt mai chu ka inhaw zawk hial. Mahse ka thei tlat si lo.


“Min hmangaih ve kher a ngai lo...,mahse min kalsan suh” ka malchunga a lu nghat chung chuan sawitein a rawn ti a.


He ka hringnun hi channa hlirin em ni a khah dawn le? Ka unaunu kha mangtha na hun takngial pawh ka nei lova, chutiang bawkin ka nupawh. A mit a chhing a, a meng leh tawh lo. Rush-a hian he pindan hi a chhuahsan ngei dawna, chu chu ka hmuh tawpna tur a ni ang. A tel ve reng chuan ka nun hi hmalam pan thei lovin ipikna in a khat reng dawn si a.


Mahse tun tumah erawh hi chuan pangai tak a ‘Mangtha’ tih thu sawi ve tawh ngei ka duh. Ka ngaihdam theih lohna chhan chu ka pa min lak sak vang kha a ni a, kha a thil tih avanga kan chhungkaw tlusawp lai kha a hmu ve tawh lo.


Eng thil mah hian Rush a’n a ka thinglung a tih kehchhiat hian a zawm leh thei tawh lovang. Chutiang bawkin ka mangtha na thu pawh a dawng ngei bawk ang.


END OF CHAPTER -24



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:28 pm

ROSEMARY BEACH...Chapter -25(Last Chapter)

“Rush”


A lu a rawn kan a, a hmai chu mittuiin a ti hnawng hlap a. Ka thutna khum atang chuan tho chhuakin ka kawr hak lai chu ka hlip a, khumah ka theh thla a. Chutiang bawkin ka bra pawh chu ka phel a, Rush-a chuan min en reng a, khaw dangn reng a hawi lo. A hmel chu mak tihnain a khata, sawifiah vak ka tum lo. Ka duh ka ti mai a ni.


Ka kekawrbul hak lai pawh chu hlip thla in ka dah sawna, ka pheikhawk ka phelh a, ka kekawrte pawh muangchangin ka hlip a. Tunah chuan ruak ngal ngatin ka awm ta. Rush-a hma zawnah chuan pheiin a ke bulah ka va dinga. Rush-a chuan min lo kuah vat a, ka dulah a hmai a rawn phum a. A mittuiin a a tih hnawn a hmaiin a ka vun an tawk chu a vawt chem chem mai.


“Eng nge tih i tum a Blaire?” Rush-a chuan min rawn melh chho ha a, mahse ka chhang thei lo.


A kawr hak lai chu ka tham lawk a, hlip turin a lu lamah ka pawt chho a, ani pawh chuan a ban chung lamah lo pharin a lu lam atang a kawr chu ka hlih saka. A malchungah ka thu a, a tukhumah vuanin ka lamah ka pawt hnai a, hmanhmawh hauh lovin ka fawp a, chu chu a tawpna ber tur a ni tawh ang. Rush-a chuan ka samah rawn tham chhoin lungchin takin min chhang let a. A hmui tih chet dan leh a lei rawn hawl luh dan zawng zawng chu a sawiin a dim em em a, a hmanhmawh hauh lo. Ani pawhin hei hi kan in mangtha na tur a ni tawh a ni tih chiang takin a hria.


Chuvang chuan hmanhmawh taka tih thawt thawt a fuh ber lo. Amah ka hriat rengna hnuhnung ber tur a nih tawh avangin. Ka duh leh neih chhun dawt thu chuan tui a ti bawlhhlawh pha chuang lo. Kan inkarah erawh dikna a lal ber thung.


“I duh tak tak ang maw...?” ka hmui si chelh chuan Rush-a chu a rawn phun sep a. A kap khawng ruh tul mai chu a jeans hak chhan atang chuan ka zuk dap a.


Ka lu ka bu a nghat a, chu zawng chu ka chhan let dan a ni.


Rush-a chuan min pawm kang nawlh a, khumah min mutin a pheikhawk a phelh a, a jeans hak lai pawh chu a hlip nghala. Ka bulah a rawn mu phei a, a hmel hlauhthawn hmel tak chuan ka awm dan a ngaichang reng a. “Ka hmeichhe hmuh tawh zawng zawngah nang aia nalh leh mawi hi an la awm lo” a rawn ti sap a, ka hmui a a rawn fawh hmain a biangah a rawn fawp zeuha, chutah ka hmuiah a rawn fawp thla leh a.


Ka khel bawr ka lo kan ak ak a, min tih pui vat vat se ka duh a ni. Chu chu eng tik lai pawha ka chak leh ka suangtuah a ni fo a, tun tum phei hi chu a tawpna ber tawh tur a ni leh nghal. Tun a ka mamawh ang reng hian tu hian nge mamawh tawh chuang ang ni?


Rush-a chuan ka taksa a rawn zut thla a, khawi lai mai pawh chu hriat a chhinchhiah reng a tum emaw tih mai tur hian a uluk em em vek a, a kut chungah chuan lo vuan ve in ka mit ka chhinga, nuam ti taka chen ka duh a ni. “Ka hmangaih lutuk che” a rawn kun hniam a, ka dulah a rawn fawp zeuh a.


A rawn inzehna turin ka bawp ka lo kau a.


“Condom ka vuah kher dawn em?” thawh kan pahin min rawn zawt a. Vuah chu a duhthusam a ni tih ka hria alawm. Ka lu ka lo bu zeuh a.


A tho chhuak a, a jeans ipte a a ah a wallet phawrh chhuakin condom a rawn phawrh chhuak a. A thil a a vuah lai chu ka lo thlir reng a.


Ka mal a rawn vuana, a chung lamah chul lutin ka bawp pahnih chu tlemin an kuai kau deuh a. “ka ta ni reng thei se ka van ti em” a rawn ti sap a.


Chhan let ngaihna reng ka hre lo. Tun hun a ral hunah chuan engtikah mah tu ta mah a ni tawh ngai lo vang. Keima ta leh chanvo liau liau a ni kumkhua tawh ang.

Rush-a chu ka chungah a rawn bawk hniam riai riai a, a mipatna hmawr chuan ka kap kar tak chu a rawn si chelh a. “Engthil mah hi hei aia nuam leh tur chuang a awm tawh lo” tih pahin a rum nghata, a rawn nawr lut nghal a. A banah nghet takin ka vuana a, a thun full chiah tihah chuan ka tre chhuak haka.


Zawite leh dimtein a phawi chhuak leh riai riai a, chutah a rawn thun lut leh a. A mit chuan khaw dang reng a hawi sawn lo va, kei pawhin ka melh let ve char char a. A hrethiam chiah lo va, eng emaw hlauhthawn a nei tel a ni tih ka hre thei. Chu mai bakah a mitmengah chuan hmangaihna chiang takin a awm a ni tih hi ka hre thei bawk. Ka ring a, ka hmu chiang hle bawk. Mahse a tlai hret a ni. Hmangaihna chuan awmzia a nei tawh lo. Mite chuan thiltithei ber chu hmangaihna a ni tiin an sawi thin. Mahse i thlarau thleng a a keh chhiat vek tawh hnuah chuan hmangaihna pawhin awmzia reng a nei tawh lovang.


Ka bawp pahnihin a kawngah ka kherh bet a, ka kut pahnihin a nghawngah ka kuah a, nghet takin ka kuah bet a. In hnaih thei ang bera awm ka duh a ni. Ka nghawng bawr chuan a thaw lum hiam hiam chu a hre pha a, dim takin ka min rawn fawp a.Min hmangaih thu leh chu chu a vawng nung reng dawn a ni tih pawh sawi mahse ka tan awmziac reng a nei tawh lo.


Ka taksa chhung atang chuan nuam vawrtawp rawn thleng tur chu a intham leh ta up up mai. A mitah tak ka en reng a, Rush-a pawh chu rawn thaw halh halhin a rawn nawr chak tial tial a, reiloteah a rum chuak hak a, a zo ve ta.


Kan pahnih chuan kan thaw dun hlawp hlawp a, ka sawi duh zawng zawng chu thu a sawifiah kher angai lem lo. Ka mit atang a hmu thei vek. Rush-a chu a hmel a rawn danglam a.


“Hetiang hi chuan ti lul suh Blaire” tiin min rawn ngen a.


“Mangtha le Rush”


A lu a thing a, a thil pawh ala phawi chhuak lo. “Aih, hetiang thil hi kan chungah thlen tir lul suh”


Engmah thu dang ka sawi tawh lo. Ka kut ka dah thla a, a kawng a ka kherh behna ka bawp pahnih pawh chu ka dah thla a, ani nen a awm dun reng tulna a awm tawh lo. Inhnial a inhauh chiam kha tul ka ti ve lem lo a ni.


“Ka unaunu leh ka nu chungah khan mangtha tih thu takngial pawh sawina hman ka nei lo a, tun zet erawh mi ka mangtha na ka theihngilh tawh ngai loh tur a ni. Tunah chuan kan inkarah eng dawat thu mah a awm ta lo”

Rush-a chuan blanket chu a kut pahnihin a hmer vak a,chip takin a mit a chhinga. “Ni lo, chutin ti suh. Khawngaihin chutiangin ti lul suh”.


A lam pan a, a bianga dawm a engkim a that vek dawn thu hrilh ka van chak tehreng em. A kal ang a, a kal bo mai dawn si. Mahse chelh turin eng thu mah ka sawi thei si lo. Ka chhunglam a ruak ngawih ngawih a, chuti chung chuan eng tin nge ka tih lungawi theih ang?


Rush-a chu thoin a ding chhuak a, en pawh min en lo. Ngawi reng a a inha tha mawlh mawlh lai chu ka thlir reng ringawt a. Kawr a ha zo ta maw tihah chuan ka lam a rawn hawi leh a. Khumah chuan thuin ka saruakna khuh tur chuan ka khup ka awmah ka tawm a. Ka khurh chhiat mai ka hlau a ni.


“Min ngaidam turin ka hmin zo ta si lo che a, i ngaihdamna chang tlak ka ni lo a nih hi. Hun kal tawh ka thlak danglam thei lo. Mahse i duh leh mamawh tih hlawhtlin satu che nih hi ka duh a ni. I duh dan a nih miau si chuan i duh ang ngeiin ka kal ang. Hlim na tak min siam ngei dawn a, mahse ka kal ang”


Eng thil nge thleng ta hi? Kei hian hun kal tawh pawh ka nei lo va, chawrna bul fuk tak pawh ka nei lo chu a nih ber hi. Kei aia tha leh thianghlim zawk hi Rush-a chuan a phu a ni.


“Mangtha le Rush” ka ti nawn leh a.


A mitmeng a a rilru natna nasa tak rawn langchhuak chu hai rual a ni lo. Melh pawh ka melh rei ngam lo. Khum lam chu ka en ta ringawta.


Kawngka lam pana a pen ri chu ka ngaithla renga, kawngkhar chu hawngin thla eng chuan inchhung thim chu a rawn chhun no nghulh a. A ding dat a, eng emaw tal rawn sawi leh se ka van ti tak em. Mahse chu tih rualin a tawngkam chu ka tan thil tih min ti harsa tu mai mai a ni lawi si.


Kawngkhar a inkhar a, ka awmna motel pindan thim rup mai chu ka melh kual a, mangtha tih thumal hian thawven huaina pakhatmah min pe chuang lo a ni tih ka hrechhuak chiah.



END OF SEASON -1
SEASON 2 Start on 1th June

Link:
BBcode:
HTML:
Hide post links
Show post links

Xili
Posts: 8
Joined: April 10th, 2017, 10:19 am

Unread post by Xili » May 23rd, 2017, 10:22 am

Duh aiin angaihnawm :D

Link:
BBcode:
HTML:
Hide post links
Show post links

Sentei kawlni
Posts: 2
Joined: May 24th, 2017, 3:54 pm

Unread post by Sentei kawlni » May 24th, 2017, 6:07 pm

Season2 ghahhlelhom twh ve w

Link:
BBcode:
HTML:
Hide post links
Show post links

hriathriati
Posts: 1
Joined: June 13th, 2017, 7:47 am

Unread post by hriathriati » June 13th, 2017, 7:51 am

Seson2 ka ghak reng a nia...ka chhiar chak tawh lutuk

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)