ROSEMARY BEACH BY Noah Hringngen (Complete)

Ngaia
Site Admin
Posts: 25813
Joined: April 30th, 2016, 4:07 pm

ROSEMARY BEACH BY Noah Hringngen (Complete)

Unread post by Ngaia » May 21st, 2017, 2:06 pm

CYMERA_20170328_150122.jpg
CYMERA_20170328_150122.jpg (88.21 KiB) Viewed 53273 times
ROSEMARY BEACH . . Chapter -1
A link chiah tih loh hi chu khawiahmah copy/paste phal a ni lo.
A link share dan
https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com


Chu lai in nalh zet kawtah chuan ka truck, a ke pawh vaivutin a a tih pawt luk tawh chu ka khalh lut ve a. In kawtah chuan car nalh leh man to hmel tak tak 20 chuang a lo ding tlar thup a, chung ho karah chuan ka truck park na tur hmunawl chu kan dap ve a. Ka nu in a kum 15 chhung ngawt a lo enkawl tawh Ford truck chu ka neih ve chhun a ni mai a, chung mi hausa ho motor dip lo thei ang ber tura ka dah loh chuan.
.
A reng reng thuah ka pa pawhin party a neih dawnte chuan min hrilh lawk ve tur hi a nia. Engmah hi chiang hian min hrilh duh lo a, ni tak e, ka nu kan vui ni pawh khan a rawn lang eih lo a nih kha. Hmun dang pan tur nei chu ni ila helai hmunah hian ka kal tawp lovang.
.
Ka pi in kan rochun ve chhun lah kha ka nu damdawi man atan kan hralh mai a ngai bawk si. Ka neih chhun chu ka thawmhnaw tlem a zawng leh he truck upa tawh tak chauh hi a ni.
.
Ka nu cancer a ni tih kan hriat hnu kum 3 naah ka pa chuan min sazumeidawh san a, chumi hnu a a tanpuina va ngen chu a harsain a tlawm thlak khawp mai. Mahse a ni lo chhungte belh tur dang ka nei thlawt si lo.
.
Ka hma zawna in mawi tak mai, bawm pathum zawm khawm ni awm tak chu ka thlir reng a, Florida a Rosemary tuipuikam a sak a ni a, chu chu ka pa in thar, a chhungkaw thar nena an chenna hmun chu a ni a, keia lo va tel ve ngawtna chi pawh a ni lo.
.
Ka truck kawngkhar chu pawn lam atang tu emaw hian a rawn pawt hawng a, chuveleh ka thutna hnuaia ka dah that silai, a dawt 9milimeter zet a sei chu lek chhuakin kawngkhar rawn hawng tupa chu ka tin runa. Hmeh puah ka inring nghal at mai.
.
"Whoa.....i motor dahna hi a dik lo tih hrilh che ka tum mai a ni e. Ka puih theih ngei che ka beisei, mahse i silai kha dahthla phawt la" tihpahin a kut pahnih chu a koki zawnah a phar chho a.
.
Ka mitko chu kan chip deuh a, ka silai erawh ka hum ngaiin ka la hum renga. Chu pa chu tunge a nih ka hre lo va, chutianga hmelhriat loh motor hawn ngawt chu tih dan tur a ni lo hrim hrim. "Hmun dik lo a kal ka nih chu ka ring chiah lo. Helai hi Abraham Wynn-a in a ni lovem ni?"
.
Chu pa chuan nuam tih vak loh hmel pu chung hian a chil an lem ri khalh a. "Khatia ka hmai zawn a min tin rengte chuan mumalin engmah thil ka ngaihtuah thei lo. Min ti hlauthawng a nia bawih-i. I chetsual palh hmain dah thla vat teh"
.
Chesual aa...? Amah vang vek zawk hi a nia. "Khaw thim hnuah kal ngai lohna khua ka rawn thleng a. Tunge i nih ka hre lo a, ka ti thlabar che a nih chuan min hrethiam dawn nia. Mahse eng chetsualna mah a thleng lovang. Silaite zawng, ka hnehsawh lutuk."
.
Chu pa chuan ka thusawi chu a ring lem lo a ni tih ka hre mai. A hmel atang erawh min rawn tihbuai tum chu a ang lo. Mahse chutih rual erawh chuan ka silai dah thlak pawh chu ka tum em em hran bik lo.
.
"Abraham-a maw..?" tihpahin a lu a han thing a, chutah thil hrechhuak ni awm tak hian min rawn en a. "Abe-a chu Rush-a pahrawn thar a nia, a nupui Georgiana-i nen a Paris a zin tura an chhuah hma khan kan inhmu hman tak e"
.
Paris? Rush ? Eng nge a sawi awmzia chu? A chhanna beiseiin kan nghak deuh a, mahse chupa chu a ngawi ta daiha. Silai dawt chu a rawn en a, a thla a muang zan lo tih chu a mitmengah chuan a lang chiang hle a. Ka silai ken chu ka dah thla a,mahse ka ban phak reng turah ka dah a. Silai a awm ta lo tih a hriat chuan chu pa pawh chu a thaw huai mai.
.
"A reng reng thuah khatiang kawl theihna license kha i nei em ni?" min rawn ti a.
.
Chutiang thil tul hlei lo sawi tur khawp chuan zaidamna ka nei rih lo. Chhanna chauh a ni ka mamawh ni. "Abraham-a chu Paris ah a zin i ti em ni?" ka han ti nawn leha. Kar hmasa lawk, kan in ka hralh zawh hnu pawh khan kan inbe reng a, vawiinah amah hmu turin ka kal dawn a ni tih pawh a hre ve reng si a.
.
Chu pa chuan zawi muangin a lu a han bu a, tunah chuan a hmel hmuh pawh a hahdamthlak ta deuh e. "In inhria em ni?"
.
Ka hre chiang em em tawh lo maithei a ni. Kum 5 kalta a ka nu nena min kalsan atang khan tum 2 bak kan la inhmu leh miah lo. Soccer ka khel apiang a min hruai thintu leh thenawm ten party an neih apianga burger min lei sak ziahtu, ka phirpuinu Valarie Car accident a a thih tuma min thlamuan tlattu ka pa kha chu ka hria. Mahse tunah zawng hmana ka hriat thin kha a ni tawh kher lovang. Khami ni atang khan a inthlak danglam vek tawh. Ka nu damlo ka enkawl chhung Kha vawikhat pawh kan that leh that loh ngaihven turin min rawn call eih lo.
.
"A fanu Blaire-i ka nia"
.
Chu pa chu mak tiin a meng kawk a, vanvadak meuhin a nui ta vaka. Eng nge nuihzathlak awm reng reng le...?
.
"Lo kal rawh Blair, hmelhriat tir tur che ka nei a nia. A hmu che hi alawm ngei ka beisei" tiin ka lamah a kut a rawn phar chhuaka. A kut chu ka en a, ka purse ka thuhruk pawh chu ka phawrh chhuaka.
.
"Ekhai a..! I purse i lo thukru hman elaw..? Mi zawng zawng bulah nangmah ti hlauthawng zawnga che lo turin hrilh ila a tha ang". Min han tih el dan vel chu a ngeiawm ru riau.
.
"Kawngka pawh kik lovin i rawn pawt hawng ringawt a nih kha. Min ti hlau alawm"
.
"Miin an tih hlauhthawn chein silaiin i tin hmiah zel tihna a ni maw.. ? Karei lehh... Khawilam chhuak nge maw i nih le? Ka hmeichhe hriat thinte chu an hlauh chuan an au vak zel a ni ngaia"
.
A hmeichhe hriat thinte chuan anmahni invenna turin engmah an ti ngai lo tihna a ni mai alawm. "Alabama atang ka rawn kal". A kut pawh chu vawn sak duh lovin keimahin truck atang chuan ka chhuka.
.
Tuipui atanga thlifim rawn thaw heih heuh chuan min rawn chhem a, a thiang tawk lek hian chi al rim a nam chem chema. Vawikhatmah tuipui kam hi a takah ka la hmu miah lo. TV leh thlalakah tih loh. Ka beisei ai daihin a zun chuan min phuarna dawn tlat.
.
"Alabama nulate chanchin an sawi thin hi a lo dik dawn a nih hi" a thusawi chuan ka beng a verh zar mai. A lam chu ka hawi let thuaia.
.
"Engtin maw i tiha?"
.
Ka taksa chu an melh thla zuai a, rawn hawi chho lehin a han nui sek a. "Tawnzau ha in jeans kekawrbul chhing tak an ha a, silai an kawl fur bawk an tia. Hei, tunah chutiang chiah chiah chuan ka hmu bawk che a"
.
Thawk hak pahin chunglam ka melh a. Ka truck a ka dah ka suitcase chu ka pawt chhuaka.
.
"Khawi, keiman ka lo ti ang" tihpahin ka nu min hnutchhiah suitcase lian angreng tak chu min hlan thlak saka. Ka nu khan engtikah emaw khawthlang tuipui kam lama zin khawthawn hi a sawi thin a, mahse a tak ram a thlen hmain a damlo ta kha a nia.
.
"Ka lawm lutuk e. Engtin nge ka koh ang che? I hming pawh ka hre si lova"
.
"Silai a min tin ringawt i ngaihtuaha, ka hming min zawhna chang pawh i hre hleinem" tihpahin min rawn nuiha. "Grant-a ka nia. Aa.. Uhh... Rush-a thianpa"
.
"Tunge Rush-a chu?" a hma pawh khan chu hming chu a sawi tawh.
.
Grant-a chu a nui leh ver ver a. "Rush-a i hre lo a maw..? A pawi love. Min lo zui rawh. Ka inhmelhriat tir dawn che u nia"
.
In lam pan chuan kan inzui phei a. Kan hnaih telh telh a, music ri pawh chu a ring telh telha. Ka pa a awm lo a nih chuan tunge midang awm ang? A nupui thar chu Georgiana-i a ni tih ka hria a, chu zawng chu. Tuna in a awmte chu a fate em ni ang? Fa a nei angem? Kum engzat bawr vel nge an nih ang? Ka pa lahin chiangin engmah min hrilh si lo. Nuam ka tih viau tur thu chu a sawi nangin a chhungkaw thar chu eng chiah nge an nih tih a sawi bawk si lo.
.
"Anih chuan Rush-a chu hetah hian a cheng em ni?"
.
"Aw cheng e. Mahse nipui chhung choh. Hmun hrang hrangah in a nei a, sik leh sa inthlak dan a zirin a awm kual thin a"
.
"In dang a nei aa..!!? "
.
"I pa in nupui thar a nei tih bak engmah i hre nange Blair?"
.
Ka lu ka thing ringawta. Kawngka a kan luh hma chuan min han dinpui te te a. "Engmah hre lova luh ngawt chu a tha lo. Rush Finlay chu i unaupa tur, i nu thar fapa ania. Drummer lar zet mai Slacker Demon an tih mai Dean Finlay-a fapa neih chhun a ni. Mahse a nu nen hian an innei lo. Hei hi Rush-a in a nia, a phalsak avangin a nu pawh Rush-a inah hian a cheng ve a" a sawi zawh chuan kawngka chu a hawnga. "Heng ho hi Rush-a thiante an nih hi"
.
Nula sang tha tak, sam sen nalh tak mai, kawr pawl manto hmel tak ha hian min lo melh nghal runa.
.
"Hello Nannette" Grant-a chuan a han ti a.
.
"Khawilam hmeichhia nge i rawn hruai hi? "
.
"Kan thian thar a nih hi. Hmelthat leh khatia meng nur chur kha a inhmeh tehchiam lo ania Nan" tihpahin min rawn kai a, inchhung lamah chuan min luhpuia. Kawngka pakhat hi a hawnga, chutah chuan kan inzui luta, thutkhawmna pindan a nih ka ring. Kan in ai pawhin a lian daih. Darthlalang kawngkhar pahnih hi a inhawnga, chiang takin tuipui chu a lang ruiha.
.
"Helamah hian.. . " Grant-a chuan kawng min rawn kawhhmuha. Bar em ni.. ? Ni chiah e, inchhungah chuan Bar te a awm nia.
.
Kan kalpelh hote chuan min en duh hle lehnghal.
.
"Rush, hei hi Blair-i a nih hi. Pawnah sawn bo angreng deuhin a lo awm a. I bula rawn hruai tur niin ka hria"
.
A sawi fo Rush-a chu awn duaiin Sofa var chungah beer dawm chungin a lo thu a.
.
"Chu ti elaw..? " zawi angreng deuh hian a rawn ti a."A duhawm reuh khawp kha. Mahse ka duh aiin a la naupang. Ti rih lo phawt mai ang"
.
"Oh... Chutiang lam a ni lo thiana. A pa a rawn zawnga, i nu nen karleh thlenga cham turin Paris-ah an zin daih bawk si a. In inhmuh ve hrim hrim loh chuan ka ti mawle. I duh leh ka awmna lamah a riahna tur chu ka lo ngaihtuah sak mai ang."
.
Rush-a chuan min rawn en zeuha. "Chuvang ringawt chuan keia ngaihtuah tur a nihna a awm chuang hleinem" a lo ti duh lek chauh a.
.
A tha dawn lo tawp mai. Ka purse ah chuan $20 chiah ka ak a, ka petrol lah a zo tep tawh mai si. Kan neih zawng zawng kan hralh avangin ka pa ka va bia a, reilote atan, hna ka hmuh hma chenna tur ka mamawh thu ka hrilh a, he in hi phal takin min kawhhmuh kha a ni si a.
.
Rush-a chuan min rawn en leha. "Bawih-i, zanin chu mikhual ka ngah lutuk a, ka khum thlengin a full vek tawh" Grant-a lam chu a hawia. "Hotelah lo riak rih mai rawh se. A pa lo haw hmate chu"
.
'Pa' tih a sawi laia a hmel awmdanah ka pa chu a ngaina tehchiam lo tih ka hre mai. Ka dem hran lo. Ka pa in heta kal tur hian min ti a, ama thiam loh pawh a ni hleinem.Ka pawisa neih chhun lah Florida ka panna kawng lamah ka hmang zo vek titih tawh si. Ka pa chu engtin nge ka rin nawn leh theih ang ni?
.
Ka suitcase Grant-a la vawnlai chu ka va chhuha. "A sawi dik chiah. Ka chhuak leh mai ange. Thil atthlak tak ka ti a ni" tihpahin kawngka lam pan chuan ka kala. Mahni inkhawngaihna avangin ka mittui a rawn hnam tiam tiama.
.
Grant a'n Rush-a a hauh mawlh mawlh lai pawh chu hre mah ila ka beng ka chhu ngawng lui tlata, ka chanchin an sawi chu ka hre duh lo. Ka pa lah a ngaihtheih zawng a lo ni vak lo nen.
.
.
"I va haw leh hma dawn ve.. " nui ver ver chungin hmeichhe pakhat hian kawngka chu min lo hawn saka. Anni pawh chuan chulai hmuna ka awm ve chu an ngaithei tehchiam lo a ni tih ka hre mai.
.
Rang takin ka mittui ka hru a, heng ho hmuh laia tah chu ka chaponain a tlin lo. In atang ka chhuak fel ta maw tihah chuan ka tah chhuak lutuk chu ka inhnit hlawp hlawpa, ka truck awmna lam chu ka pana.
.
Hmanhmawh takin ka neih chhun truck chhungah chuan ka luta, chu truck chhungah chuan ka him ber. Kan in ka ngai ngei mai. Ka nu ka ngai lutuk chu ka tap chhuak hlawp hlawpa, kawngkhar pawh chu chhung lamah ka kalh hmaka.
.
.
END OF CHAPTER - 1



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:07 pm

ROSEMARY BEACH . . Chapter -2

Ka mittui chu ka hruhul sawk sawka, hetiang mai mai hian ka tap tur a ni lo. Ka nu thawk tawp laia a kut ka vawn reng lai pawh khan ka tap lo va, thlan chhunga a kuang an thlak thlak lai pawh khan ka tap lo. Ka chenna neih chhun kan in kan hralh lai pawh khan lungchhiain ka tap lo va, tuna taka ka tahna chhan tur a awm lo.
.
Hotel a thlenna tur khawp pawisa ka nei tawh lo a nih pawhin truck ka la nei tho alawm. Ka truck chhungah pawh ka mu thei. Khawilai nge park nan hmunremchang leh him ni ang? tih chu ka buaina awmchhun a ni rih. Kawngsirah ding ringawt ila reiloteah Trafic police in min rawn man thuai anga, ka pawisa neih chhun $20 pawh chu petrol manah ka lo hmang daih tawh awm si a.
.
Thingpui dawr hnung remchang laite a awm mai lo maw..? Hnate pawh ka zawng nghal thei maithei a. Thingpui dawr ka ngaihtuah zawng chuan ka pum a rawn ri ruk ruka, zing atanga engmah la ei lo ka ni a, ka ril a tam tih pawh ka lo theihnghilh hman thelh alawm le. Chaw leina tur tal pawisa ka mamawh. Khua a var veleh hna ka zawn nghal vat vat angai.
.
Engtin tin emaw ka awm thei mai ang. Ka thi bik lo turah ngai ang. Ka truck chu tih nun tumin hnunglama tawlh tum chuan hnunglam ka va thlek a. Ka phu nasa lutuk chu ka auchhuak tuar lo chauh.
.
Ka hnung lawkah chuan mipa pakhat hi a lo ding renga, tudang ni lovin Rush-a a ni. Eng nge ka truck hnungah chuan rawn tih a tuma? A in atanga ka chhuah tak tak leh tak tak loh min rawn thlithlai zawk em ni? Eng pawh chu nise biak pawh ka be peih lo.
.
Ka truck chu tinunga tlan nghal mai ka tuma, mahse a engine chu a ri phurh phurh a, a thi ta hmak mai. Herh nun leh ka tum pawh chuan a nung duh ta reng reng lo. Ni lo, ni lo.. . Tunah chuan ni lul love. A hun lo lutuk. A petrol meter a chhiat avangin eng ang nge la awm tih ka hre thei lo va, chu pawh nise thui vak lo tlanna turte chu a la awmin ka hre si a. Ka thinrim tawh nen, truck a nung duh bawk si lo nen... a steering chu kan chum bur ringawta.
.
Ka tang ta der mai. Rush-a lah chuan a ram chhunga ka awm ve chu ngaithei lovin min rawn thlithlai hial a nia. A nih chuan police koin min man tir mai dawn em ni? Ngeni a motor chhe hnuktu truck lian a ko zawk ang? Pawisa chawi angai anga engmah ka nei der bawk si lo. Jail tan chu a thlanawm zawk tho mai. Chaw leh mutna tal ka la dawng thei anga.
.
Ka chil ka lem rikawlh a, truck kawngkhar chu ka hawnga.
.
"Harsatna a awm em ni?" a rawn ti a.
.
Kei thin tawt sa nen, ring leng lawnga vin nghek mai chu ka duh a. Mahse zaidawh taka buk nghat pahin "A tui a zo a" ka han ti a. Rush-a chu a thaw hak a, kei erawh ka ngawi renga. Eng pawh sawi se pawi ka ti lo. Duh leh a sawi zawh lamah ngen ngai a awm a nih leh zah pawh dawn lovin ka ngen mai aniang chu.
.
"Kum engzat nge i nih? "
.
Eng a.. ! A chiang chiah maw? Ka kal vat vat a duh laiin a compound chhungah ka tang a, chutih laiin ka kum min zawt a maw?
.
"Kum 19"
.
A mitko a rawn sana." Tak tak maw... ?"
.
A vin a vin hrep a nia ka chak ni. Amaherawh chu ka chungah zahngai lul rawh se. Ka theihna zawng zawng sawr khawmin kan nui lui a. "Aw ni e"
.
A nui saka. "Tihpalh lutuk. I lang naupang hmel lutuk a" ka taksa lam chu an melh thla zuaia. "A nih hi.. , kum 19 mi ruangam chiah. Mahse i hmel atang chuan i la naupan hmel lutuk. Make up i hmang lo zawk nge.. ?"
.
Eng zawhna nge ni ngai? Ka hmalam hun tur ngun taka ngaihtuah ka ngaih laia make up ka hman leh ka hman loh mai mai lo inzawh. Ka bialpa hlui leh ka thian ni bawk Cain-a kha chuan lang tha tura make up ka mamawh loh thu min hrilh thin.
.
"Ka petrol a zo a, pawisa lah $20 bak neih ka neih si lo. Ka pa chiah hi he khawvela a puihna ka dil theih awm chhun a ni tawh a, ani lah a lo zin bo daih bawk si. Aih, eng make up mah ka hmang lo. Lan nalh aia ngaihtuah tur dang ka ngah lutuk. Chuan police nge motor chhe hnuktu truck i koh zawk dawn? Rem i tih chuan police ko zawk la ka duh khawp mai". Ka duh aiin ka ka a kal. Ka tawng hnem mah mah.
.
Ngawi rengin min thlek vang vanga, reilote mah nise ka tan erawh a rei hman viau.
.
"I pa hi ka mi ngainat zawng tak a ni lem lova, i sawi danah nang pawhin i ngainat hmel bik chiam loh" a rawn ti a. "Pindan pakhat ruak a awm a, mahse ka nu zin chhung chauh a ruak ang. A chhiahhlawh Pi Henrietta-i riahna a nia. Ka nu a awm loh hi chuan ka haw tir daih zela, i duh leh chutah chuan i riak thei ang. A zau lo a, mahse khum chu a awm. Kailawn hnuaiah khan a nia".
.
Pindan min hawh tir thu a sawi nia. Ui.. ka tap mai dawn. Mahse tunah ni lo, duh leh nakinah ka tap zawk ang. Police in man tir kher a ngailo tihna a nih chu. Lalpa ka van lawm tak.
.
"Truck hi ka riahna neih chhun chu a ni mai a, truck chhung ai chuan a nuam zawk hrim hrim ang. Ka lawm lutuk"
.
Hmuh nuam angreng tak hian a rawn nui saka. "Khawiah nge i suitcase?"
.
Rang takin ka truck hnunglam chu ka hawng a, ka suitcase hlan chhuah ka tum lai tak chuan taksa lum ther ther leh rimtui zet mai hian ka taksa chu a rawn si chelha. Ka che lai pawh chu ka tawp chawt mai. Ka suitcase chu min rawn khai chhuah saka. A lam ka hawia, min rawn siai zeuh pah hian "Hei chu keiman kan khai ange" min rawn ti a.
.
"Ka lawm e". Ka hawisawn lawk thei lo. A mit chu a nalh mai pawh a ni lo, thiltihtheihna eng emaw a awm a ni. A mithmul buk lam mah chu make up artist in eyeliner hmanga nalh fahrana a chei ang mai hi a ni. Chutiang chu ka awt ve. Enga tinge a mithmul ang chu ka neih ve loh le.. ? "
.
"Ahh.... ! A tha e. In lo han inchelh thei maw.. ? I kal tir a nih vaih chuan rang takin ka rawn dang nghal ang che ka lo tia". Ka benga mikhual tawh lo tak Grant-a aw ka han hria chu ka hahdam sawng sawng mai.
.
"A pa lo haw hma chu Pi Henrietta-i pindanah riak mai rawh se" tihpahin a suitcase ken chu Grant-a a hlan chhawnga. "A pindan turah chuan lo va hruai mai rawh. Thiante hoin min nghak a, ka let leh vat angai"
.
Hawi pawh rawn hawi let eih lo chuan inchhung lam panin a kal nghala. Enzui lo turin ka theihtawpin ka insum a. Hnunglam atang phei chuan a jean hak chuan a ti itawm zual a. Itawm trawlh trawlh tak a ni.
.
"Ani hi zawng, a mizia hi a hre ngailo tan chuan ngeiawm deuh mai a nia" tihpahin Grant-a chuan a lu a han thing a.
.
"Khawi, a vawihnihna em emte chu keiman suitcase kha ka lo keng ve tawh ang" tihpahin ka va bana.
.
Grant-a chu ka banphak lovah a lo tawlhhnung nghal vata.
.
"Ka unaupa ang kha chu ni ve lo mah ila he ban lian tak pahnih ka neih chhung hi chuan ka khai tir lovang che"
.
"Unaupa aa.. .!!?"
.
A nui saka, mahse a hmui chauhin a nui. "Ka lo la sawi lo a nih dawn hi. Kei hi Georgiana-i leh a pasal pathumnate fa ka nia, kum thum ka nih hnuah Rush-a hi midang lakah a pai leh a. Ka pa leh ka nu chu an inthena, mahse Rush-a nen erawh unau inkawmngaih tak kan ni a, engkim kan ti duna, college thuhmunah kan lut dun bawka"
.
Oh...anih chu mawle. Ka rin loh lam daih a ni. "Georgiana-i chuan pasal engzat fakau nge a neih a?"
.
Grant-a chu a nui haka, in lampan chuan kan phei duna."I pa hi a pasal palina"
.
Ka pa chu mipa mawl tak a ni. Chu nu chuan a nawmchen nan mai a nei a ni tih hi a inhre lo a nih hi. Eng chen tak daih ang maw.
.
Choka lamah min luhpuia, dawhkan chu marble a siam niin bungbel dahna engkim chu a changkang hle a, home decorating magazine vela mi niawm tak a ni.
.
Grant-a chuan pindan dangah min luhpui leh a, chulai chu thil dahkhawmna in ni awm tak a ni. Chuta tang chuan kawngka pakhatah min luhpui leha, chuta khum awmah chuan Grant-a chuan ka suitcase chu a nghata.
.
Kailawn hnuai a nih angin a zim hle a, khum leh kawngkhar chu a insi deuh thaw a, bangah leh a chungah light a awm a, chu zawng chu a ni mai.
.
"Pindan hi a zim lutuk a, i bag hi khawiah nge kan han dah ang awhh..?" Grant-a chu a thaw haka. "I duh a nih chuan ka apartment lamah pawh i lo phei thei reng a nia. Bedroom zau tha pangai tak ka lo hman tir ang che"
.
Grant-a min sawmna chu awhawm viau mahse keimah vanga a buai belh vak chu ka duh lo. Helai pindan pawh hi a riah theih chuan a tawk mai. Hna ka hmu anga, pawisa ka neih veleh ka chhuak leh vat dawn tho alawm. Naktuk atang dawr a thawhna tur ka zawn nghal char char a ngai dawn a nih hi.
.
"Helai hi a tha khawp alawm. Bakah Rush a'n naktukah ka pa a call anga, ka tan remruatna dangte pawh a lo nei maithei asin. Min sawmna avang chuan ka lawm lutuk".
.
Grant-a chuan pindan chhung chu an enkual leha, a lung a awi hlawl lo a ni tih chu a hriat vek. Mahse ani tihbuai reng pawh chu tha ka ti bik lo a ni. Min ngaihtuah vang a ni tih erawh ka hria.
.
A sam chu an tuai chho a. "Thil pakhat min tiam la ka duh a" a rawn ti a. "Rush a'n a chhuah tir che a nih chuan rang takin min rawn call nghal ang che"
.
Ka remti tih hriat nan ka lu ka lo bu vata, mahse call turin a number pawh ka nei mang si lo.
.
"I phone lo la la, ka number ka lo save ang"
.
Chu thu chuan mahni inkhawngaihnaah bawk min hruai lut leh ta. "Phone ka nei lo".
.
"Phone i nei lo maw.. ? Silai erawh i nei sia" tihpahin min rawn nuiha. A ipte atang lehkhathem a rawn phawrha. "Pen i nei em?"
.
Rang takin ka purse a ka dah ka pen chu ka phawrh chhuak vata.
.
Ka pen chu la in a number chu an ziak a, min pek let leh pahin "Min lo call mai dawn nia" a rawn ti a.
.
Chutiang thil pawh chu thleng se ka call kher lovang. Mahse ka chunga a thatna avang erawh chuan ka lawm takzet. Eng thilah mah thutiam ka la thei lo.
.
"I mutui thei ang maw.. ?" tihpahin lungsi lo zet chung hian pindan chhung chu an enkual leh a.
.
"Mutui lutuk ang"
.
A bu zeuh a, pindan atang chuan min chhuahsan ta a. A chhuah veleh khumah chuan ka thu a, ti kha chuan ka buaina ber chu chinfel a ni ta rih e. Tunah chuan riahna tur ka nei ta.
.
.
END OF CHAPTER- 2

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:07 pm

ROSEMARY BEACH . . Chapter -3

Ni a chhuak tawh em tih hre turin pindanah chuan tukverh a awm lo hrim hrima, nizan khan ka mu har hle tih erawh ka hria. Darkar 8 zet motor-ah ka chuanga, darkar khat dawn riahna turah ka buai leh bawk nen, a mut pawh ka mutui narawh e. Ka thawh veleh bang a light chu ka hmet eng a, ka zik mar zawh chuan ka mutna khum hnuaia ka dah suitcase chu ka pawt chhuaka.
.
Inbual a awm hahdam vang vang a ni ka mamawh ni. Nizan khan Grant-a khan khawiah nge bualin a awm tih min hrilh lo a, in neitupa hian bualin ka hman ve te chu a phal ang chu maw?. A nih loh pawhin tumah an la tho lo maithei a, an hriat hman loh turin ka inbual sawk sawk mai ang. Ka kekawrte fai leh tawnzau leh kekawrbul ka phawrh chhuaka.
.
Ka awmna pindan atang chuan chhuakin thil dahkhawmna chhekin ka pawh a, eitur chi hrang hrang a lo inchhek khawm tun lehnghal. Chuta tang chuan chhuakin choka ka va pawh leha. Light a lo in off thiap a, darthlalang tukverh chhah tak chhan atanga ni zung rawn lut chuan inchhung chu a kap eng iar a, pawn lama tuipui inchhawk ri siau siau pawh chu chiang takin a thlir theiha. Theih nise chu nileng pawhin ka thlir peih ang.
.
Ka awmna atang chuan ka kal sawn a, an thil ei leh inna ruak bakah thawmhnaw eng eng emaw a lo let deuh phunga, duh leh hengte pawh hi ka thenfai sak mai a niang chu.
.
Bualin ka zawnga, ka hmu lawk lo. Kawngkhar nazawng chu ka hawng ngam si lo. An mut pindante a lo nih hlauh chuan ka che chhe lutuk ang. Choka lamah chuan ka let phei leha, a bul lawka darthlalang kawngkhar awm chu ka hawng a, a thlang deuh lawkah chuan in te hi a lo awm a, tuipui kam a kal thinte inbual faina a nih ngei ka ring. Chu lamah chuan ka chhukthla a, kawngkhar pakhat lo awm leh chu hawngin a chhungah chuan life jacket, surfboards leh eng eng emaw a lo inkhai nuala. A piah leh chiahah chuan bual pindan a awm tel nghal bawka. Shampoo leh conditioner bakah sahbawn pawh a awm tel e. Towel fai thianghlim tak leh bath cloth pawh a inchhawp sa diam. A van tihchi tehreng em.
.
Helai bual pindan hi an hmang ngai lutuk lo a nih ka ring. Ka inbual zawh chuan inhru hulin bath cloth chu ka ha a. Heti hian tun kar chhung chu a ngai hi ka hmang zel mai ang. Kar tawpah ka su fai anga. Helaia ka awm chhung nanana chu.
.
Kawngkhar chu khar thain ka chhuknaah bawk khan ka chho leh a, tuipui rim nam veng veng chuan min chhawk dam vek mai ni hian ka hria. Tuifawn phul bulh maiin a tiau vut a rawn chim chho hmuk a, an let thla leh dam damte chu khawvelah a aia hmuhnawm thil dang a awm chuang lovang.
.
Tuipui lam chu kan thlir vang vanga, ka nu nen khan tuipui kam a zin hi kan rawt fo thin a, thlasik khawvawt tak maiah meilum ai pahin nipui huna kan zin khawthawn dan tur kan sawi dun thin. Mahse natnain a rawn tlakbuak takah khan kan suangtuahna chu a puitling zo ta lo a ni. Tunah erawh tuipui kamah ngei mai chawlh hmang ang hrimin ka hawi deuh deuh chu a ni si a.
.
"Thlir nin tih a awm thei tak tak lo a nia". Rush-a aw chuan min ti phu nasa lutuk. Hnunglam ka hawi vata, ka lampan chuan a rawn pheia. Kawr ha lo lehnghalin.
.
Sawi tur pawh ka hre lo. Mipa awm (chest) ka hmuh chhun chu Cain-a awm kha a ni mai a, chu pawh ka nu damloh hma, kan inngaizawn ve laiin. Tleirawl kum 16 mi lek awm (chest) te chu chutianga hlai tha leh nalh ni ve hek lo. Tun a ka hmuh nen hi chuan inpersan tak a ni. A dulte chu lungrem mawi tak ang mai hi a ni ringawt.
.
"Hmuhnawm i ti bawk em?" a awphawi zangkhai tak pawh chuan ka awmdan chu a ti danglam chuang lo. A lam hawi chuan zawi muangin ka ring ka san a, min lo nuih saka. Ka awm dan chu a hrethiam deuh emaw ni..?
.
"Ka tibuai lo mai ang che. Kei pawn ti hian ngawi rengin kan thlir ve a nge" tih pahin a coffee no dawm lai a mi chu an lem zauha.
.
Ka hmai a sa trawn trawn mai. Tuipui lam hawi chuan ka hawisawn vat a, engtin nge maw ka awm tak mai le.. ? Min chhuah tir vat lo tura ngen maite ka duh.
.
Ka hnung lama nui ri ka hriat chu keimah min nuihna a ni tih pawh ka hria. A van zahthlak tak.
.
"Ohh.. Bawiha, hetah hian i lo awm daih a ni maw.. ? Tukin chu ka ngai thar riau mai che" ka hnung lama hmeichhe aw ri chuan ka beng a dek zar mai. Rang takin ka hawi let a, hmeichhe hleitling tak, bra leh kekawrte bak silhfen dang reng inbel lo chu Rush-a bulah chuan a ding a, a kutzungtang sei sang mai chuan Rush-a dul chu a zut thla raih raiha. Ka dem hauh lo. Theih nise keipawhin chutia han zut vel chu ka chak ve reng.
.
"Haw tawh rawh" tihpahin Rush-a chuan a kut chu a peih thlak saka, kawngka lampan chuan a kalsan ta daiha.
.
"Eng aa..!?" chu nu mita mak tihna lian tak awm atang chuan a beisei loh tak thil a thleng a ni tih chu a hmuhthiam theih nghala.
.
"Helaia i lo kal chhan chu i hmu tawh alawm bawih-i. I mal pahnih inkar a cheng tur khan min duh a, i duh chu i hmuh tawh kha. Tunah chuan ka tih tur ka zo tawh".
.
A aw vawt leh dai raih mai chuan kei pawh min rawn sawi nawk mai.
.
"I fiamthu tiraw.. ? " chu nu chu an per deuh tat tata.
.
Lu thing chungin Rush-a chuan a coffee ken lai chu a insan hmaka.
.
"Chutin i ti ngawt thei lovang. Nizan kan inkar boruak nawm zia pawh i hriat ve vek kha" tih pahin a banah a va vuana, Rush-a chuan rang takin a lo paihthlak sak nghala.
.
"Nizanah pawh ka hrilh che kha. I thawmhnaw hlip chunga min sawm mawlh mawlh lai khan zankhat nawmchen nan bak ka hmang dawn lo che a ni tiin ka hrilh che kha. Kha bak engmah beisei tur i nei lo"
.
Chu nu lam chu ka en vata. A hmelah chuan thinrimna leh anchhe hlawh bawrh bawrh chakna ka hmu a, tawng tumin a ka a han ang zuau a, mahse chip leh in inchhung lampan chuan a kal tau nghawng nghawnga.
.
Ka thil hmuh chu awih har ka ti ngei mai. Engtin nge mihring hian chutiang rilru chu an put theih? . Ka ngaihzawng neih ve awm chhun chu Cain-a kha a ni a, vawikhatmah kan mu dun lo. Chuti chungin ka lakah a fela, min duat em em bawk. Tuna ka hmuh nen hi chuan in anglo tak a ni.
.
"Nang, nizan i mutui thei em?" eng thil mah thleng lo ang mai hian min rawn zawta.
.
Kha hmeichhe kal liamna kawngkhar ka thlir rengna atang chuan hawi sawnin amah chu ka en a. Engtin nge kha hmeichhia khan a taksa itawmna bak duh lo tu mipa hi mutpuiah a sawm theih zawk le? Ni e, a awm ve tho mai. Ka hma a ding mipa chuan underwear models te ho zawng zawng thik tham taksa nalh tak leh mit meng mawi tak a nei tlat alawm. Mahse chu chuan a rilru chhung ngeiawmna chu a hliah pha chuang lo.
.
"Khatiang khan em ni i tih thina? " ka inbendaih hma chuan kan ti deuh hrama.
.
"Eng chu.. ? Mi an muttui leh muttui loh zawh hi maw.. ?"
.
Ka zawhna chu a hre renga, mahse pumpelh dan a zawng a ni. Ka inrawlh vena tur a ni lo nachungin kha hmeichhia ka lainatna vang tal pawh khan ka insum zo lo a niang. "Khatiang khan hmeichhia nawmchen nan i hmanga, a hnuah i in atang hnawmhnawk ang maiin i thehchhuak leh thin em ni?". Ka hmui chu ka chip rang kher mai. Eng chu nge maw ka sawi tak mai le..? Mi khawngaihna hnuaia awm ve mai mai chauh ka nih hi.
.
Rang takin inchhungah ka lut nghal vata, a thin tihrim ka duh lo. Sawlai kailawn hnuaiah sawn a lo berah chawlhkar hnih tal ka chen ve angai. Kha nu anga min hnawhchhuah ve vaih zawngin, ka chanin maian chan pawh a tluk lovang.
.
Chhuata bur leh beer um tlu rem rumte chu ka chhar khawm a, hna ka hmuh hma chu he in hi ka tifai mai pawh aniang chu. Zantin party a throw ziah bik pawh ka ring chuang lo a, a throw ziah a nih pawhin keia lo sawisel ve tur pawh a awm lo. Mut theih ka zir angai a ni mai.
.
"Lo ti duh suh. Pi Henrietta-i naktukah a lo kal dawn alawm"
.
Ka um chhar khawm chu bawlhhlawh bawmah ka dah a, a lam chu ka han hawi chho a. Kawngka bulah chuan min en reng chungin a lo dinga.
.
"Ka tihpui ve thei tho alawm"
.
A nui suk a. "In tifaitute chu ka nei reng alawm. A dang chhawr belh ka tum hleinem. Chutiang zawnga i lo ngaihtuah a nihte chuan"
.
Ka lu ka thinga. "Aih, chutiang pawh a ni lo. I in a min awmtir ve rih chhungte hi chu ka tangkai theihna ang angah tangkai ve ka duh alawm"
.
"I ti talh dawn a nih chuan kan sawifel angai ang"
.
Karei leh.. . Min chhuah tir dawn chiang mai. Rawn pheiin ka hmaah tak a rawn dinga, chutiang a mipa nalh hmaah chuan thawk pawh ka thaw hleithei lo.
.
"I pa hi ka ngaina lo. Kutdawh mai a ni. Ka nu hian hetiang ang mipa tihlawm hi a talent dawn ve ania. Chuan nangpawhin chu chu i hriatsa tho a nih ka ring. Mahse hei hi ka hre chak deuh mai mai a, engvanga i pa hian tanpui theih che ring nge i nih, eng ang mi nge a nih tih i hre reng si a? "
.
A lo buai ve na tur a nih loh thu hrilh mai ka duh nangin puih ka ngaih laia a in a min riah tirtu chuan engvanga puih ngai nge ka nih tih chu hriat a phu ve thoin ka hria. Mahse kutdawh em chu min tih ve loh hram ka beisei.
.
"Ka nu hian Cancer vangin min thih sana, ka neih zawng chu ka pi min hnutchhiah in pakhat a ni maia. Chu pawh chu kum 3 zet ka nu treatment kan lakna medical bill a tan kan tiral leh bawk si a. Ka pa hi khang kum 5 chhung khan ka hmu leh ngai tawh lo. Mahse amah chauh chu ka thisen zawmpui neih chhun a ni si a, ani lo tanpuina dil tur ka neih loh avangin hna ka hmuh hma a bula chen ve ka dil ta ringawta. Tichuan hna ka nei anga, keimaha inluahin tumah ka tihbuai a ngai tawh lovang. Helai hmuna ka lo awm ve tur hi ani pawh kha a lungsi zan lo tih chu ka hria alawm". Tum lawk loh deuhin ring takin ka nui hawka. "Chuan ka rawn thlen hmain Paris-ah a lo zin daih ang tih hi ka ring lo hrim hrim bawk".
.
Rush-a chuan ngawi rengin min lo en renga, he thu hi tu hnenah mah ka la sawi ngai lo. Ka pa, ka unaunu leh ka nu han chan chu na tak a ni. Cain-a khan keimah mai piah lamah thil zau zawk beisei a nei a, keilah ka nu damlo enkawl reng rengin ka lo phe buai bawk nen. Cain-a pawh chu hmeichhe dang chhuahpui a, hlim taka awm turin ka hrilh ta tawp a, mahse tun hnu hian naupang inngaihzawngna mai mai a ni tih ka hre leh hnuhnawh.
.
"I nu chungchang chu pawi ka ti hlemai". A tawp a tawpah chuan a rawn tawngchhuak ta hlawl e. "Hun khirh tak a nih ngei ka ring. Kum 3 chhung i enkawl chuan kum 16 lek ila ni dawn tihna a ni maw?"
.
Ka lu ka bu ringawta, engmah sawi tur pawh ka nei lo. Min lainat vak kha ka duh ber lova, riah nan bak ka ti lo.
.
"Tuna i awmnaah sawn thla 1 chhung i awm thei ang. Chutih chhung chuan hna leh pawisa eng emaw zat i thawk chhuak hman tawh dawn a. Heta tang hian Destin khua chu hla lote a ni a, chulaiah chuan nun pawh a awlsam zawk ang. I pa a lo haw hunah remruatna tha zawkte pawh a nei maithei bawka"
.
Lawm avangin ka thaw haka. "Ka lawm lutuk e"
.
"A nih chuan tih tur ka nei a, i hna zawnnaah tluang takin hun i hmang dawn nia" tihpahin min kalsana.
.
Petrol ka nei tawh lova, mahse khum leh $20 ka la nei alawm. Rang takin ka pindanah ka luta, ka purse leh chahbi ka la a, rang taka hna zawn ka tan vat angai.
.
.
END OF CHAPTER- 3
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:08 pm

ROSEMARY BEACH . . Chapter -4

Ka truck hma darthlalangah chuan lehkhathem pakhat hi a lo inzep va va a. Va pawtthlain ka han chhiar a.
.
"I petrol ka thun khat vek tawh e, Grant"
.
Grant a'n petrol min lo thun khah sak vek a maw..? Hepa hi chu a van han fel tehreng em. Rush a'n 'kutdawh' a tih ri kha ka bengah a rawn ri nawn awn awn a, ka neih veleh Grant-a chu ka rul let leh ngei tur a ni. Ka pa anga kutdawh ti a sawi nih chu ka duh ve lo.
.
Truck chhungah chuan lutin awlsam takin ka ti nung thei mai a, kawngah chuan ka inkhalh chhuak a. Chulai velah chuan Car nalh tak tak ala ding thupa, nizana ka hmuh ai kha chuan tlemin a tlem deuh. Midang la haw ve lo an awm em ni ang? Inah lah khan Rush-a leh hmeichhe chhuak ta bak kha tumah ka hmu bawk si lo.
.
Rush-a kha mi fel tak chu a ni hauh lo nangin mi fair tak erawh a nih ka ring a, chubakah a sexy hle bawk. A nihna ang ang a en thiam mai chu a tha ber. Chubakah ka laka tha viau tur phei chuan ka beisei lo hrim hrim.
.
Ka inkhalh chhuaka, veng chhung chanchinbu a hnaruak awm ho chu ka thai bial kalh kalha. Thingpuidawr a thawk tur duh tih chu hmun hnihah ngawt a awm nangin duh angin hlawh a tha tawk lo a, tips dawn tur vak a awm dawn lo bawk nen, a hlawk tehchiam lovang. Pharmacy dawra hming ziak luttu tur duh tih chu ka va pana, mahse an lo inla fel hman tawh hi a lo nia. Naupang doctor clinic pakhata receptionist duh tihah chuan ka va kal leha, mahse tawnhriat nei tawh kher an lo ti tlat bawk si.
.
Hna ruak ka thaiah chuan pakhat chiah a bang ta. Country club a tirhkah tur hna ruak a ni a, a hahthlak dawn a ni tih ka hriat avangin ka huphurh lawk hlemai. Mahse darkar khatah $7 ka hlawh mai bakah tips a tha bawk. Golf khelhna bul a nih avangin golf khel thin ho talna hmun ber a ni a, hna erawh a tam viau maithei a ni.
.
Club sirah chuan ka truck chu ka din tir a, ka chhuah hmain darthlalangah chuan ka in en a, mascara tlem ka inhnawiha, ka sam chu ka tuai thur deuh hlek bawk a. Rush-a khan naupan hmel min ti ngang mai si a, tlema lan upat ve deuh hlek angai. Ka chhuah dawn chuan hna ka hmuh theih ngei nan rei lote ka tawngtaia.
.
Ka truck pawh chu ka lock duh lem hlei lo va. Ru duh pawh nise ruk tlak a ni tawh lo hrim hrim. Chulai vela motor ding ve ho erawh $60k man chunglam deuh vek an ni thung. Kawng atang chuan step ah tlem ka chho a, ka luh hmain thawk kan la haka.
.
Nuvalai, sam buang, a dar chen vel thlenga sei, tarmit vuah hi inchhungah chuan a lo awm a. Min hmuh veleh min lo thlek nghal vang vanga. A lama kal tur chuan min rawn mitmei zeuh a.
.
"Hna dil tura lo kal em ni i nih? "min lo ti nghal tawnga.
.
" Aw ni e ka pi, hna ruak inneih thu chanchinbuah ka lo hmu a"
.
"Golf cart (golf khelhna tual zawla an khal thin motor te) i khalh thiam angem? Beer um hawn dante i thiam em? Nang ang hmeichhe tituai nalh takte chu kan duhthusam alawm" a lo ti sam et a.
.
Ka thiam a ni tih tihlan nan kan bu zeuh a.
.
"A tha e. A nih chuan i lo thawk nghal mai dawn em ni ang? Kan indaih loh lai tak a nia. Min lo zui la, uniform hi rawn ha nghal mai ta che"
.
Ka rin ai daihin a lo awlsam. A piah pindan lamah chuan kan inzui phei a. Kekawrbul chhing angreng tak leh kawr pawl min lo pe a. "Kawr hi chu a te lam deuh pawh hak a pawi lo. A chhan chu mipa ho hian hnute pawng deuh lah hi hmuh nuam an ti zawk". Chutia hnute chungchang an sawi chu ka chhungril takah ka trim deuh chem chem mai. "Helai hmunah hi chuan thil hi kan duh classic angrenga, chuvanga kekawrbul var leh kawr pawl pawh hi thlang deuh kher kan nia. Chutih rualin kan mipate hian hmeichhe chhelo hi chu an hre teh ania. Ti khan lo inthlak la pawnah ka lo va awm ange" tiin min chhuahsana.
.
Darkar hnih a liama, golf khel ho awmna hmuna ka intur zawrh chhuah chu ka hralh zo ta der mai. An vai mai chuan mi thar ka nih thu vel chu min lo zawt liam luam a, an felin kawm an nuam khawp mai. Mipa zinga hmeichhia awm ka ni na vangin a mawi lo leh ngaihthlak hrehawm zawngin tumah an chein an tawng miah lo.
.
Min ruai tunu chu Darla Lowry a ni a, mi rawih leh ban chungchangah chuan a thuneitu ber a ni. Intur zuara ka chhuak chu darkar 4 hnu vel baka ka let leh hman a rin loh laiin darkar 2 lekah ka hralh zo ta vek mai si a.
.
Office chhungah chuan ka luta, Darla-i chu lo tho chhuakin "I rawn let leh elaw?" min lo ti a.
.
Nuisang chungin "Aw ka pi, ka hralh zo vek tawh a" ka ti a.
.
A mit ko a lo san hu a. "A vaiin maw?"
.
Ka bu zauha. "Aw, a vaiin"
.
Zawi muanga rawn nui riai riaiin a rawn nui chhuak hak a. "Ekhai aa, a va tha dawn ve. Sawng mipa ho sawn an ngaina riau che a nih chu. Chutih rual erawh chuan an lei sakna chhan che chu hetah hian thawk reng la an duh vangte pawh a ni maithei ania"
.
Chu erawh ka hre bik lo le. Khua a lumin golf khel ho lah kha an chauh hmel si a, chuvang chu a ni zawk ang.
.
"Lo kal rawh, a dang lak leh zelna tur ka kawhhmuh ang che. Nitlak hma chu kan zuar chhuah zel angai dawna, chumi zawh lamah paperwork tlem a zawng kan khawih dun leh dawn nia"
.
.
.
Rush-a in a ka let leh meuh chuan khuain min thim hnan tawha, Car man to hmel deuh deuh inhung thup mai pawh kha a lo bo zo deuh vek tawh a. Garage pathum chu a lo ruak hiai a, pakhatah erawh Car sen, nalh leh to hmel zet mai hi a lo inhunga.
.
An motor dahna dip lo thei ang ber tur chuan ka truck chu ka hunga, Rush-a chuan inleng dang a nei a ni ngei ang. An tana hnawksak nih ka duh lo. Tunah chuan ka chauin mut hahdam veng veng a ni ka duh ni.
.
Kawngka bulah chuan kan ding khawmuang leh deuha. Kawngka chu ka kik ang nge kik lovang? Rush-a khan thla khat chhung ka awm theih tur thu kha a sawi a, a nih chuan ka hawn apianga kik ziah kher chu ngai lo turah ka ngai.
.
Kawngkhar chu hawngin ka luta. Inchhung chu a reh ruiha, mahse a hma aiin a fai daih. Engmah thil hnawk hmuh tur a awm tawh lova, chhuatte chu a tle vat vat mai.
.
Inkawmkhawmna pindan lam atang chuan TV ri ka hria a, chu bak thawm bengchheng dang hriat tur a awm lo. Choka lamah ka lut pheia, khum ringawt a ni ka ngaihtuahnaah awm ni. Inbual ka duh viau nangin khawi bualin nge ka hman ve dawn tih Rush-a ka la zawt lo a, va tihbuai lah ka inthlahrung bawk si. A pawi lo ve, naktuk zingah tukina ka inbualnaah bawk khan ka inbual leh mai ang.
.
Choka ka luh phei lai chuan purunvar leh cheese rim chuan ka hnar a verh zara, ka pum chu a rawn ri nghal rawk rawka. Ka purse ah peanut butter crackers ka lei ka daha, haw kawnga ka bawnghnute lei ka la nei bawka. Vawiin khan tips ka dawng ve nuala, mahse eitur manah ka la hmang phal rih lo. Ka khawl zel rih angai.
.
Gas ah chuan thil kanna bel a awma, a bulah wine um a inhung bawk. Pasta eina thleng ruak pahnih a awm bawka. Rush-a chuan inleng a nei a ni ngei ang.
.
Pawn lam atang chuan nuam ti rum thawm ka hria a. A rawn ring telh telh lehnghal.
.
Tukverh lamah chuan ka va phei a, thla eng hnim ruih mai chuan Rush-a hnungzang, thawmhnaw engmah reng inbel neilo chu a lo chhun chiang hle a, ka kal lai pawh chu pawttu awm ang mai hian ka ding chawta. Aw... a taksa zawng a van nalh tehreng em. A hnungzangah chuan tattoo ala awm zui lehnghal. Hetiang hian mipa saruak ka la hmu ngai hauh lo. Thla eng chuan a ti nalh zual bik emawni.. Mahse chulaiah chuan a ding mai mai hauh lo.
.
A kawng bawr chu hmalam leh hnunglamah a inchet chhawk tlat. A kut lehlam lehlam chuan hmeichhe bawp a vuana, rum ri a rawn ring zual sauha, ani pawh chuan a dep rang zual sauha. Ka hmui ka hupa, ka tawlhhnung nghal rawk rawka.
.
Rush a'n pawn bathlarah sex a hmang nia. Ka hawi sawn lawk thei chuang lo. A hnungzangah chuan hmeichhe kuttin sei seng mai hian a rawn kuaha, a rawn chul kual vel a.
.
Ka en thei tawh lo. Rang takin ka mutna pindan lamah ka tlan luta, mahse amah ka suangtuahna erawh a reh chuang lo. A sexy thlawt alawm. Zep lovah chuan kha nula, nuam ti hmel taka tre kual vel kha ka thik ni berin a lang. Kum 19 ka ni ve tawha, ka la virgin chu a ni sia.
.
Khumah chuan ka mu thal diai a, puan erawh ka sin peih lo. A ruk taka hlim veng vengna erawh ka nei a, a chhan chu tunah chuan riahna tur khum leh hna ka nei tawh tlat a tin ni.
.
.
END OF CHAPTER - 4

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:09 pm

ROSEMARY BEACH Chapter -5

Khua a lumin ni a sa hle a, sam tawna zial chhoh Darla i’n a phal bawk si lo. Sam tih tlak hi mipain nalh an ti ber a ti deuh tlat bawk si a. Chutih laiin kei erawh chuan lum ka ti ropui mai si.

Zing kara ka thawh chuan tumah an lo la tho lova, nizan lama an thil ei bang pawh a ngai ngaiin a lo la awm a, a hunlaiin rimtui viau mahse eitur thing dah reng chu a rimchhiat hma avangin ka ngaithei thak lo. Ka paih fai a, thleng la sil loh pawh chu ka silfai nghal veka.

An wine inna um ruakte chu ka paih faia, thleng ka sil zawh chuan dawhkan leh thuk vel zawng zawng nen chuan ka nawt fai leh veka.

Golf khelhna mualah chuan la upa lo te te an rawn inkhel ve a, an felin tips min pe tha thei fu lehnghal. An hmel en reng reng pawhin keini ang, Golf cart khal mai mai han ngaizawng duh tur hmel an pu lo.

“Saw a lo kal e” an zinga pakhat hian a rawn ti a. Eng emaw changa min han fiamkual vel hi an nuam tih zawng tak a lo ni bawk nen. Kei pawh chuan nelawm tak hmelpuin ka lo nuih leta.

“Ahh...,ka nula chhelo tih deuh a rawn let leh ta e. A vawt pakhat ka lo duh ang aw. Pahnih pawh a pawi lo maithei a ni”

Ka cart khalh chu park remin an thil order ho chu ka phawrh chhuaka.

“Miller, nang i duh veleh dawn em?” an zinga a hming ka hriat chhun chu kan ko a.

“Tehreng mai bawihi” tih pahin min rawn siai zeuha, ka awmna lamah chuan a rawn pheia.

“Hei Jack, kei pawhin ka duh ve tho a nia. I lo dawr zo vek bik a nge” pakhat chuan uangthuang deuh hian a rawn ti a. Nui ver ver chungin a beer order chu ka pe a, a nin $20 min pe thunga. “Ti khan a kir kha chu i nei daih mai dawn nia”

“Ka lawm lutuk e” tih pahin a pawisa min pek chu ka ipte-ah ka khung luta. “Tunge la duh leh dawn?”

“Keimah” mipa sambuang, kir lam, mitmu dumpawl nalh tak mai nei hian a pawisa a rawn vai lauh lauha.

“Nang chuan Corona i duhin ka hria” . Cooler atang chuan a hma-ni a a chah ang chiah chu ka lak chhuak saka.

“Ni chiah e. He nula hmeltha-i hian ka duhzawng a lo la chhinchhiah kar nia” tihpahin a pawisa ken chu min rawn pe a. “A kir i nei dawn nia”

Golf khel chin hi chu mi hausa tak an nih vek loh pawhin mihausa fa an ni tlangpui a, pawisa pawh a hmanna turah chuan an ren lem lo ni ber hian ka hria.

“Tunge i hming?” ka bula ding sam dum, a order nghak ve mek chuan min rawn ti a.

“Blaire”. A beer order chu cooler atang ka la chhuaka, a chhin hawn sakin chupa chu ka pe a.

“Bialpa i nei em Blaire?” a beer tur rawn lak pah chuan ka kut a rawn tawk zauha.

“Umm...,nei lo ve”. Chung mipa ho bulah chuan dawt sawi kher a ngaihna ka hre lo. A thil lakna man leh tips tur keng chuan min rawn pan hnaia.

“Woods ka nia”

“Kan inhmu thei chu a lawmawm hlemai Woods” lai ru tak chung si chuan ka hawisawn vata, a chhan chu a mitmeng chuan min ti zam deuh ti tih tlat. Mi hlauhawm tak pawh a ni palh maithei a ni. Rimtui man to tak rim a nam chem chema, helaia ka hmuh tawhho zingah chuan a hmeltha pawl tak a ni nghe nghe. Min rawn chhai deuh a tum tihna emawni le...?

“A fair lo bik emai aw Woods. Helai hmun hi i pa ta a nih vang mai khan kan nula chhelo-i kha i pumbilh vek tur tihna a ni lo ania” nui huah huah chung hian nichina mipa sam buang kir khan a rawn ti a.

Chu pa thusawi ngaithla lo awm ang tak hian keimah ringawt chu min en a. “Engtikah nge in haw thin?”.

Uh-oh...Woods-a chu helai neitupa,kan boss fapa a nih thu ka hre tawha, mahni boss fapate nena inkawm ngaih viau chu ka duh hran lo va, thil tha tak ni pawhin ka hre lo.

“Kan inkhar hma a ni mai ang chu” a beer um li na tur chu ka pe a, a kut atang pawisa ka dawng nghal bawka.

“A nih chuan khawiah emaw thil eiturin kan chhuak khaw thawng dawn em ni ang?”. Min rawn din hnaih tawh hle a, min rawn si lo chauh. “Khua a lum ropui mai si a, chubakah ka chauh tawh deuh bawk nen. Shower a inbual thlan daih mai mai pawh a chakawm alawm maw le”

A tawng zawng a a thaw lum hem hem chuan ka tirilah hlauhna min rawn pe a. “Min hlau em ni? Min hlau suh. Ka hlauhawm loh a nia”.

Engtia han tih tur nge pawh ka hre lo. Chubakah mipa han CK pui tih vel hi ka tih theih zawng a ni ve lo. Cain-a nena kan inthen hnu phei kha chuan school leh ka nu chauh hi ka ngaihtuahna a awm chhun chu a ni tawh mai. Kan boss fapate a ni si a, ka ti thinrim em lovang chu maw..?

“Hlauh lo ve le. Mahse hetiang lam hi chu ka ti ve ngai lo va”. Engtin vak a han chhan ngaihna pawh ka hre lo.

“Eng thil maw..?”

“Mipa nena chhuah duna CK vel ang hi. Chu chu i sawi tum tak pawh kha niin ka hria”. Ka thil sawi dan teh tawp chu a mawl thlak ka ti angreng viau mai. A ngaihna hre lo deuh hian a rawn nuia, a nui hmel kan hmu leh phei chu Cart hnuaiah chuan luha, biruk daih mai ka duh.

“Nia, CK ang zawng pawhin a ngaihtheih tho ang. Nang ang nula hmeltha lutukin chutiangte i han sawi ve ni”.

A thusawi chu ngaithla awm pawhin ka awm duh lo. “Kei hi chu engtik lai mai pawha buai reng ang chi hi ka nia. Sawi tur pawimawh em em i neih tawh loh chuan ka kal tawh mai dawn em ni ang? Hmun danga mite saw an chhawl a hal tawh awm hlawm si a, min lo nghak rei lutuk palh ange”

Woods-a chu a bu zeuha, a han tawlh hnung deuha. “Ka la sawi zo lo asin le. Mahse ni e, i hnaah chuan let leh tawh rawh”.

Hmanhmawh takin cart-ah chuan ka lawna, hmun dang lamah ka inkhalh phei nghala.


Ka ban hnu pawh chuan Woods-a hmel hmuh tur a awm lo va, min tibuai zui lo chu ka lawm viau mai. Tips atang $200 zet ka hlawh chhuaka, eitur pangai ve deuh lei ve pawh ka phuin ka hria. McDonalds dawrah lut kawiin Cheeseburger leh fries ka leia, hlim takin Rush-a in lam pan chuan ka haw a. Tun tum chu pawnah eng Car mah hmuh tur a awm tawh lo.

Mahse khawi lam nula emaw chu hruai haw a neih leh tho ka ringa, ama Car in a phur lut pawh a ni maithei a ni. Inchhungah chuan ka lut a, TV emaw, eng thawm dang mah hriat tur a awm lo.

Vawin lam ka hnathawhna-ah ka thlan a tla nasa bawk nen, inbual ngei ngei ka ngai. Choka-ah pheiin bathlar lam chu ka va thlek dek deka, nizan a thil thleng ang kha chu a thleng tawh lo ve. A nih chuan inbual turin ka chhuak thei dawn tihna.

Ka pindanah lutin Cain-a min pek boxer hlui tawh tak leh tawnzau ka phawrh chhuaka, a lo rei ve ta hle a niang, Cain-a thil min pek ho pawh ka tawt deuh vek tawh.

Pawnah chhuakin tuipui boruak chu kan hip vang vanga, zan thum zet Rush-a in a ka chen vena a ni ta. Tuipui fawn inchhawk ri siau siau chu ka thlir a, va inchiah daih veng veng pawh a chakawm rual rualin chau takin inah ka haw a, thil dang han tih leh chu ka peih tawh lo a ni. Mahse zanin chu va tem ve chhin ka chak tlat.

Stepah chuan ka chhukthla a, ka bathroom hman thinah chuan lutin ka pajama chu hak leh mai theih turin ka dahtha a.

Ni emna avangin tiau vutte chu a la lum veng venga, thim zingah chuan pheiin tuifawn awmna lam chu ka pana. Boruak a rawn hit deuh veng venga, thawk kan la kawka, ka ke pawh tui al chuan a rawn chim ta purh a.

Ka nuin a hlim hmel tak pu chunga a nulat laia tuipui kama an infiam dan vel chungchang min hrilhte kha mitthlaah a rawn lang chuai chuai a. Van lam chu hawi chhoin vanram awmna lai vel tur ni a ka ring lam chu ka thlira, a tawp a tawpah chuan ka tawng ve ta e tiin hlim takin ka nui ver vera.

Ka vei lam atang a ka thawm ri hriat chuan ka suangtuahna kal lai chu a rawn ti tawp hmuka. Chu lam chu ka hawi phei nghal vata, thla eng hnuaiah chuan Rush-a chu pheikhawk bun chungin tuipui kamah chuan a rawn tlan auh auh a, kawr a la ha ta chuang lo.

A kekawr bul hak pawh chu a hak fual em avangin a lai hnuai lam pawh duh aia thui a langa, ka awmna lai a rawn thleng tep tawh mai si. Ti hian ka lo ding tawp dawn nge ni a, ka kal sawn dawn?

Ka zawn a rawn thlen dawn chuan a tlan muang ta deuha, a awm(chest) thlan hlap mai chu thla eng chuan a chhun tle ral rala. Hmeichhe lepchiah, zah reng hre lo chu ni ila duhtawka han zut kuala tan a itawm ngei mai. A thahrui chak hmel leh lian zet mai chuan a hmelthatna chu a chawi nung zual sauh mai si.

“I lo let leh tawh a ni maw” tih pahin a thaw deuh hlawp hlawpa.

“Aw, kan bang tawh a”. A mah en loh hram hram ka duh. A bik takin a awm(Chest).

“Chuan, hna chu i hmu ta em ni?”

“Aw, Nimin khan”

“Khawi hmunah nge?”

Hrilh tur nge hrilh loh tur tih pawh ka hrethiam chiah lo. Ka thian a ni lo a, ka chhungkaw zing a mi pawh a ni lo. A nu leh ka pa an innei a ni mai a, ka pa lah chu a la mil loh hmel em em mai lehnghal.

“Kerrington Club Country-ah” tiin ka chhanga.

Rush-a chu a meng kawk a. Min rawn din hnaih sauha,ka khabeah rawn dawmin ka lu chu a lamah an chawi kanga. “Mascara te i in hnawih elaw?”
“Aw hnawih e”. Min vawnna kut chu ka peihthlak sak nghala. A inah cheng mah ila chutia min khawih chu ka duh lo. Kei pawhin ka khawih dawn lo va, bakah min khawih kha ka duh lo hrim hrim. Suangtuahna ti danglam vek thei mipa hi hnaih ka duh lo tihna a ni mai.

“Tlemin a ti lang upa ve deuh che alawm”

A tawlh hnung deuha,ka thawmhnaw hak lai chu a malte tein an en chho diat diata. “Golf khelna mualah Cart i khalh a ni maw..?”

“Engtin nge i hriat a?”

Ka lamah a ban a rawn phara. “Kha, i kak lai kekawrbul var leh polo shirt pawl tight deuh kha an uniform a nih kha”

Thim tham hnuaiah a ni hlauh chu ka lawm ngei mai. Chu ti ni lo se chu ka biang sen trawn trawn chu a hmuh hmaih dawn hauh si lo va.

“Engvangin nge sawtiangahte i thawh a?” mak tih hmel deuh hian min rawn ti a.

Ni hnih chhung lekin tips atang ringawt pawg $500 ka hlawh chhuak a ni a, a tan chuan a ho viau pawh a ni maithei. Ka tan erawh hlu tak a ni.

Ka aw kan thian kharha. “I in hi thla khat hnuah chuan ka chhuahsan tawh dawn a ni tih hi sawi nawn leh ta ila, a chhawk huai che ka ring”.

A ngawi renga, engtin mah min chhang tawh lo. Ka inbualna tur hmun lamah khan let leh ila, va bual daih ila a tha ang.

Mahse ka kalsawn hma chuan min si lo chauh hian a rawn ding hnai a. “A ni mai thei. Min chhawk huai chu i ring a nih pawhin i rin thu lo ni tehse. Kei erawh chuan ka ring ve lo a ni. I chhuah hunah chuan chu chuan min chhawk huai tawp lovang Blair”

Ka beng bulaha rawn kun hniama. A ban puam lian tak maiah chuan lo kuah a, lo pawm vawng vawng mai ka chak.

Ka beng bulah chuan zawitein “Ka hlatah awm ang che Blaire. Nizanah pawh khan min lo hmu tih ka hria, nuam lo ka ti teh mai a nia. Chuvang chuan ka hlatah awm la, kei pawh nangmah hlat thei ang ber awm ka tum ang” a rawn ti a. A inher a, in lam pan chuan a kal nghal a. Kei erawh a ngaihna hre lo zetin tiau vut chungah chuan ka ding renga.

Eng nge a sawi awmzia kha? Engtin nge ka hmu a ni tih a hriat theih zawk le...? In a a luha, kawngka a khar thleng chuan ka thlir renga, kei pawh inbual turin bualin lam ka pan ve nghala. A thusawi erawh kha chuan zan khuain min chen chilh thung.


END OF CHAPTER -5

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:10 pm

ROSEMARY BEACH Chapter -6

In khatah kan la cheng dun tho si a, Rush-a hlata awm luih tlat tum chu thil harsa tak a ni. Han tum ve ve thin mah ila han intawn thut chang erawh a awm lo thei lo a, chutiang hun a lo thlen chuan min en lovin Rush-a chu a kaltlang mai zela. Chutia a awm atang phei chuan min aikaih zual emaw tih mai tur a ni.

Tuipui kam a kan inbiak atang khan ni hnih a liam tawh a, tukkhat chu peanut butter sandwich ka ei zawhin choka-ah ka lut pheia, chutah chuan hmeichhe pakhat,thawmhnaw dahlau tak ha hi ka va tawng leh hlawla. Khuih loh tih hriat taka a sam hnawng leh thur deuh chhap chuan a tilang sexy mah zawk. Mahse hetiang hmeichhia hi ka ngaina lo.

Chu nu chu a rawn inhera, min hmuha a hmela mak tihna lang chu nuihzatnain a rawn thlak thuaia. A mithmul uk nalh tak mai chu kan ak pahin a kawng a han dawm a. “Sawlai chhekin a riak saw em ni i nih?”

“Aw ni e. Nang, Rush-a khum atang a rawn tho chhuak em ni i nih?”. Ka ka hi ka lo veng hman lo leh thin. Chutianga tawng tur chu ka ni lo. Rush-a pawhin a sex life-ah hi chuan inrawlh ve lo turin min hrilh mawlh mawlh tak kha le. Ngawih hle hle theihna power ka mamawh a ni.

A rin loh lam daih ka zawt a ni tih hriat zet hian a rawn meng phawk deuh hru a, chutah a rawn khi suka. “Aih, keimah takte hi chuan a bula mut ve kha ka duh em em pawh a ni chuang lo, mahse Grant-a hrilh miah suh ang che”. Tho thlawk vai kian tumni awm tak hian boruakah a ban chu a han vaia. “A ngai leh lo mai. A hre vek tawh tho”

A sawi awmzia pawh chu ka hrethiam nek lo ve. “Grant-a khum atang ka rawn tho chhuak i tihna em ni?”. Ka lo buai ve na tur a awm lo tih hre reng mah ila ka hre chak tlat ang lawia. Grant-a hetah a cheng lo tih ka hre ve tho bawk si.

A sam uk hnawng chhep mai chu a kut chuan an tham a. “A khum hlui atang pawhin a ni mahna”

“A khum hlui aa..??”

Kawngka lama thil che ka hmuh chuan ka mit a la deuh tlat. Ka va hawi pheia, Rush-a chuan nui vur vur chungin min lo en reng chu niin. A nih chuan ka thusawi zawng zawng kha a lo hre vek tihna em ni? A hmeichhe kawl chu eng thil mah zawt lo ang maia awm kan tum kual vel nangin a hmel awmdan atang chuan a hriat tur ang ang chu a hre vek tawh a, lem han chan leh hnuhnawh chuan awmzia a nei tawh lo tih a chiang ropui mai si.

“Ka lo awm ve avang khan tawp daih mah ta che Blaire. Grant-a mikhual hi i duh duh i zawt thei alawm. Aman a hre ve tawh dawn chuang hlenem” tihpahin a kuangkuaha, kawngkhar chu a ngheng dar dara.

Ka hawisawna, ka chhangthawp ei bang bawlhhlawhbawma paih tur chuan ka kal ta daiha. Rush-a hmuh laia midang biak vel chu trul pawh ka ti nek lo ve.

“Good morning Rush, nizana heta min riah tir avang khan kan lawm lutuk a nia. Grant-a kha a rui lutuka, motor han khalh thei chi ziazang a ni tawh si lova” chu hmeichhe nuin a a tih chu ka hre phaka.

Awihaa...! zahthlak lutuk. Eng nge maw ka lo dilchhut ve em em mai ringawt le..?

“A duh duh hunah Grant-a tante chuan riahna tur pindan a awm reng alawm” Rush-a chuan a ti a, chumi zawh chuan hmeichhe nu pawh chu a kal sawn a. Rush-a pawh ka piah lawk eirawngbawlna dawhkan bulah chuan a rawn pheia, min en reng a ni tih ka mitsirin ka va hmu thei. Enga ti nge maw a kalsawn ve mai loh le..? Zahna hlir zahna hlir. A rang thei ang bera ka chhuah vat a ngai a nih hi.

“Midang mutpui leh turah min ngai deuh tlat a ni maw..? Hmmm...? Zan khuaa ka bula mu ve tur anga rin luih tlat i tum mai bawk si a” zawite a rawn tih sap pahin min rawn pan hnaia.

Ka chil ka lem ri khawlh a, engmah sawi tur ka nei lo.

“Hmeichhia ka mutpui leh mutpui loh hi chu i lo ngaihven ve tawp loh tur thil a ni tih hi ka sawi tawhin ka hria. Nge ni a ka la sawi lo zawk awhh...?”

Ka lu ka bu zeuh a, tuna chinah hmeichhe dang hmu leh pawh ni ila thil ka lo zawt ve kher tawh lovang.

Ka sam karah rawn zen chhoin a kut chuan an zut thla riai riaia. “Ka chanchin hi hriat chian i chak pawh ka ring hran lo va, i hrechiang ngai lo zawk maithei a ni”

Ka tana hlauhawm leh hrehawm zawngin a che ngai lo va, a thusawi chu lo zawm ve tawp a ni mai.

“Ka lo beisei dan ang em em che chu i ni chiah lo a nih hi. Ka beisei ang kha chu ni lang chuan engkim hi a awlsam vek mai tur a nia”. A kut chu a la thla a, a kal sawn nghala. Kawngka khar thawm ka hriat chuan ka thaw huai mai.

Eng nge a thusawi awmzia kha ni ang? Eng nge a beisei chu ni ang le...?


Tlaia hna atanga ka haw chuan Rush-a hmel hmuh tur a awm lo va, a reh huai mai. Hahchawlha mut hahdam der der ka mamawh ber rih. Tunkarah ringawt $1,000 ka hlawh chhuak ta der mai. Khua lo var se ka apartment luah tur pawh ka zawng thei tawh anga, karlehah chuan keimahin thawveng taka ka awm ve theih tawh ngei ka beisei.

Zingah hma takin ka tho a, tukin chu tuipui kama va inphochhuah ve ka chak riau mai. Tun hmain vawikhat mah ka la ti ngai lo bawka, tukin chu tuipui boruak nuam tak hnuaiah nizaah va inpho ve reng reng teh ang.

Ka khum hnuaia ka dah suitcase chu pawt chhuakin ka bikini neih chhun, a senno leh a var a inpawlh chu ka phawrh chhuaka, chu chu ka rawng ngainat ber a ni a, bikini erawh keini ang tan chuan hman tangkaina a tam lo khawp mai.

Ka han ha chhin a, hak lohna a lo rei tawh bawk nen, a hma aiin ka ha mar daih tawh zawk a nih hi. Ka hak tur tawnzau pakhat leh sun block, hna ka thawh tan tirh ni a ka lei chu ka la chhuak tel a. Ka hnathawhna a lum em avangin sun block hi chu neih tel ngei ngei angai.

Bikini ka ha a, a chungah tawnzau ha lehin sun block ka pawm bawka. Pindan light ka off a, chhekinah lut pheiin chuta tang chuan choka-ah ka lut phei leh a.

“Ekhai aa...,kei hi tunge a?” Choka ka va lut phei chiah chu rawlthar pakhat, ka la hmuh ngai reng reng loh hian min rawn ti a. Chu ka hriat ngai loh tlangval chu stool-ah a lo thu a, a piah lawkah chuan Grant a’n fridge a lo hawng mek a. Min rawn hnuh chuan nelawm tak hian min rawn nuih ver vera.

“Khatiang khan zing tin i rawn chhuak ziah thin tihna em ni?” Grant-a chuan a rawn ti a.

A la hma si a, midang tumah an la thawh ka rin loh avanga chutianga chhuak chauh chu ka ni. “Umm, a teuh lo mai. Ka hnathawh thawmhnaw nen ka chhuak thin”. Rawlthar la naupangte mai chu zawite hian a rawn faifuk raih raiha. Kum 16 ai chuan a la upa lo tawp ang.

“Khalai stool a naupang thu kha chu engahmah ngai duh suh. Will-a a nih kha. A nu leh Georgiana-i hi unau an nia, ka nute-i fa a nih chu. Nizan khan an in atang a tlan chhuaka, Rush a’n rawn hruai teh min rawn tia”

Rush. Enga tinge chu hming ka hriat apiang mai chuan ka thinphu hi a ran tlat zel mai le..? A chhan chu a chhiat loh dan hi a fair lo bik em alawm. Ka ngaihtuahna atanga paih bo tumin ka lu chu ka han thinga. “Kan inhmu chu a lawmawm hlemai Will. Blaire-i ka nia. Rush-a hi a fel khawp mai. Hei, inluah tur ka hmuh hma chu a in a chen ve min phal saka”.

“A nih chuan ka rualin kan inah rawn haw ve daih la. Kei chuan kailawn hnuaiah ka riah tir ve hauh lovang che” Will-a chuan a rawn ti a. Ka nuihza chu ka insum thei thlawt lo. La naupang bawk si, rilru thianghlim tak si a lerhna rilru a han pu ve tan chu a lawmawm riau.

“Ka lawm viau nangin ka rawn zui haw ve ringawtte chuan i nu in a hau hrep mai ang che. Kailawn hnuaiah pawh hian ka mutui thei khawp a nia. Bakah helai hmun hi a nuama, silai nena mut pawh a ngai lo”

Grant-a chu a lo nui haka, Will-a erawh a meng phawk hru a.

“Silai i nei a maw...?” A aw-ah chuan rapna ri a ri tel deuh tih ka hria.

“Tirawh, a tawk tawh e, i kal ang. Nula chhelo zuna a uai hma a ka kalpui vat angai a nih hi” Grant-a chuan a rawn ti a. Dawhkana a thlit sa coffee chu lain kawngka lampan chuan a kal nghal a. ‘
“Tirawh Will, Rush-a rawn thawh hmain i kal vat ang. Chu ti a nih loh chuan i mawngah a hlap hrep duh ang che”

Will-a chuan Grant-a lam chu a va melh zawka, chutah ka lam a rawn hawi leh a. A kal hreh lutuk hmel chu duhawm reuh tak a ni.

“Lo kal vat rawh Will” a hma aia vin deuh zawk chuan Grant-a chuan a rawn au leha.

“Hey, Grant” A kal tak tak hma chuan ka ko veleh hrama.

Inherin ka lam a rawn hawia. “Yeah...?”

“Petrol avang khan ka lawm lutuk. Hlawh kan lak veleh ka rul leh ngei ang che”

Grant-a chuan a lu a thinga. “Ni lo ve, min rulh leh ten ka tan a zahthlak lutuk anga sin. I lawmthu sawina erawh lawm takin ka pawm e” tihpahin min rawn siai zeuha, Will-a chu choka chhuahsan vat turin a hma aia rum zawk chuan a melh zui nghala.

Will-a chu a chhuah hmain ka bye bye a, aman nuam lo a tih loh dan tur ang ber a rulh let dan ka ngaihtuah tho ang. Kawngkhar chu hawngin ka chhuaka, tuipui kama pangai taka ka hun hman vawikhatna tur a ni.

Tiauvut chhungah chuan ka towel ken, bualin a mi kha ka phaha,zaninah chuan ka suk fai ve tawh ngei ngei a ngai dawn a nih hi. Tiau vut a kai nuaih ngei anga, chu lo inhrukhulna dang ka nei si lo.

Tuipui kam chu a reh hle maia, kan awmna bul velah chuan in dang a awm ve vak loh avangin thawm dang han hriat tur em em a awm lo va. Ka tawnzau hak chu ka phelha, lukhamah ka hmanga, ka maimitchhing veng venga. Tuifawn ri leh tuipui sava hram thawm chuan reiloteah ka mut an ti chhuak thuaia, engtik laiin nge ka lo muthilh pawh ka hre lo.

“Khawngaihin i neih chuan i sun block ka lo hmang hawh ve mai dawn em ni le...?” chu aw chuan min ti harh zawk mai. Mipa fai rim a nam veng venga, ka ngainat zawng tak a ni.

Ka mit ka han menga, ni chuan ka mit a tihvaih a vangin ka inhup thuai a. Sir lamah ka hawi phei a, ka sir lawkah chuan Rush-a a lo thu ve reng chu niin. A thu satliah pawh a ni lo, chik deuh hian min lo en veng venga.

“Sunblock i pai mial lo maw..?”

Buk zeuh pahin thu chhuak turin ka innam tho a.

“A that hlauh chu. I vun var, mam leh thianghlim tak mai nizungin a an em sen suah tur chu a uihawm ka ti”

Ka vun chu a mam in a var thianghlim a ti a nih chu. Min rawn en vang vanga, kei lah bikini nen chauh ka awm si. A hmeichhe rawn hruai luh thinte anga pian nalh leh mawi kha ka nei ve lo tih ka hria. Chung ho nena min khaikhin dawn a nih phei chuan ka duh bau lo.

“Vawiin i hnaah i kal dawnna nge?”. zawhna pangai tak min rawn zawt ve ta hram e.

Ka lu ka thinga. “Vawiin chu ka day off a”

“I hnathawh chu eng nge a an?”

Ka chunga that chhuah a tum ve nasa lutuk. Engtin emaw taka mi aikaih theih riauna hi a nei a. Ka hlata a awm pauh leh a hnaiha awm chakna rilru ka pu tlat zel. Thlek deuh pahin ka chhanna nghak tih hriat tak hian a mithmul a rawn kan ak a.

E, ni dawn tak. Zawhna min zawt tak e. A mitmeng mawi lutuk mai chuan ka ngaihtuahna a lo hruai kawi hman vek alawm mawle. “Uhh...engtin maw i tih?” kan ti tha leh ringawta.

A rawn nui haka. Muangchang hian “I – hnathawh – chu – eng nge – a an – aa..?”

A bula awm avanga buai nghal vek ngawt zel tur a ni lo. Ka dar ka han chhin ak a. “A nuam chho tan dawn khawp mai. Ka nuam tih zawng tak a ni”

Rush-a chu a nui saka, tuipui lam chu a thlir a. “Nuam i tih chuan a lawmawm a nih chu”

Ka taksa bawk chu a rawn thlir leha, bikini chauh ka ha chu ka inchhir leh hnuhnawh viau mai. “I duhawm reuh zia hi i hria em Blaire? I nui mawi tak hmel an hmuh chuan mipa golf khel ho chu an buai vek thei ang”

A sawi tak chu tips chungchang lam a ni tih hre tho mah ila chutia min han fak der ve reng reng pawh chu a nuam ru ve tlat. Engvanga inhlata awm duh tlat nge maw a nih dawn ni..?”

Ngawi rengin eng emaw chen chu kan thu a, hla tak a thlir danah thil eng emaw ngaihtuah a nei a nih ngei ka ring. A khabe ruh kual chu a ti che ralh ralh a, a chal a rawn chuar ak bawka. Ka lo tawng dan tawh zawng zawngte kha ka ngaihtuah let leh a, mipa thinram tak erawh a ni hauh lo. Mahse a duh loh dan zawnga tawng erawh ka tum tawh lo hram hram ang.

“I nu thihna chu engtia rei nge ni tawh?” Ka lam a rawn hawia.

Ka nu chungchang hi sawi chhuah ka duh lo. A bulah lek phei chuan. Chutih rualin a zawhna chhan sak duh lo nihkha a mawi bawk si lo. “Ni 36 liam ta khan”

A khaberuh kual chet dan atang chuan thinrimna riau a neiin ka hria. “A nih, i pa chuan i nu a damlo a ni tih a hre miah lo em ni?”

Zawhna dang, ka chhan chak loh tak tho a ni.

“Hria e. A thihni pawhin ka va call a, mahse min chhang lo. Message erawh ka hnutchhiah”. Ka phone call takngial pawh min rawn chhan let loh tum kha chuan ka rilru chu a na ve reng.

“I haw viau lo maw..?” min rawn ti leha.

Huatte chu ka duh alawm. Ka unaunu a thih atanga ka nuna natna tam tak min thlentu a ni. Mahse huat han tum viau mah ila a ni lo thisen zawmpui dang ka nei si lo. “A chang zeuh zeuhin” tiin ka chhang ta ringawta.

Rush-a chu a bu zeuh a, ka lam hawi chuan a rawn saisira. Rei vak lo chhung chu engmah sawi lovin a ngawi renga, engmah sawi lo pawh ni se kan awm dan chuan a zir teh trung lo bawk nen.

“Zaninah party ka buatsaih dawn a. Ka unaunu, Nan-i birthday a nia. I thu thu chu a ni nangin i lo tel ve duh a nih phawt chuan i lo tel ve thei reng a nia”

A unaunu maw...? Fa mal emaw ka lo ti ve char chara. Nan-i a tih chu ka thlen zana hmeichhe ngeiawm deuh kha a ni tlatin ka hria”

“Farnu i nei em ni?”

A bu zeuh a. “Aw”

Grant-a khan fa mal ang khan a sawi bawk sia. A sawifiah tak mai lovah chuan ka zawt ta hram a.

“Grant a’n fa mal i ni a ti bawk sia”

Rush-a chu a bu nghata, tuipui lam chu a thlir leh daiha. “Chutiangin Grant a’n ka chanchin lo sawi ve ngawtna chhan tur a nei hleinem” tih pahin a tho a, hawi pawh rawn hawi let ta lo chuan in lam panin a kal ta daiha.

Nan-i chungchang sawi chu a fuh chiah lo a nih ka ring. Mahse engvanga chuti teh vak a duh lo nge a nih erawh rin thiam ngaihna ka hre lo. Ni a sat tan tawh avang chuan kei pawh chu ka thutna atang tho chhuakin ka kalsawn ve vata, chubakah Rush-a ka ngaihtuah reng loh nan rilru tih thawveng ve deuh hlekte pawh angai. Hetianga amah hlata awm ve ka tum apiang hian a bula awm min ti chak zual sauh zel lehnghal.

Khumah chuan muin music leh nui thawm chu ka ngaithla kar renga. Party na a ka kal ve dawn a nih chuan eng nge ka hak ang? Ka thawmhnaw mawi neih ve chhun chu kawrfual sen, awm chip deuh hmuk leh malpui zawn vela parh hi a ni a, chu pawh Senior Prom kan hman dawn tuma Cain a’n kalpuia min sawm avanga ka lei kha a ni a, a rei ve leh tawh hlemai.

Zanin a hak chhuah ve-ah tiin ka kawrfual sen chu ka phawrh chhuaka. Man tam tak a ni hran lo va, a mawi nalh ve pangai a ni mai a,la sen,nem tak hmanga thui niin han chungchuanna engmah a nei lo. Ka nu pheikhawk, silver rawng ka rochun chu ka phawrh chhuak bawka. Chu pheikhawk chu an inneihni a a bun a ni a, ka roh hle. Vawikhatmah bun nawn leh tawh lovin bawmah a khung tha a, chuvang a niang a la lang thar tha khawp mai.

Mawi ni a ka inhriat dan ber chuan ka han in ha ve thlap a. Party na hmun lamah chuan ka chhuak phei ve anga, in tur ka dawm ve ngei anga. Mahse min rawn pana min rawn khalh fal tum an awm a nih chuan chu chu thil tha lo tak a nih avangin ka pindan lamah ka let leh vat anga, ka inthlak anga, ka mu daih ang. Chu chu ka ruahmanna a ni.

Chhekin atang choka-ah ka chhuak pheia, vanneihthlak takin tumah an lo awm lo hlauh e. Inkawmkhawmna pindan atanga Grant-a tawng ri leh nui ri chu ka hre thei a, chulam pan chuan ka phei ve tawp a.

Pindan chhung chu Rose par var leh ribbon silver rawngin mawi takin an lo chei a, birthday party ai mahin inneihna hmunte pawh a ang zawkin ka hria.

Chulai hmunah chuan a hma a ka hmuh tawh ka hmu tlatin ka hria. A mitmu dum kalh mai chuan chiang zetin min rawn en a, ka hnathawhna hmun neitupa fapa Woods-a ni rengin.

“E he..Blaire” a rawn nui sanga. “Ka hmuh thin dan bak che ai kha chuan i lan sexy tawh chuan ka lo rin loh vaih nen, ka lo ring sual der a nih hi a”

“Chu chiah mai. I lang nalh daih zawk a nih hi” mipa sambuang kir, mitmu dumpawl nalh tak nei hian a rawn ti ve a. Chu pawh ka hmuh fo hnu tho. A hming erawh ka hre mai ta lo.

“Ka lawm e” tih pahin kan nui a. Dik tak chuan chutiang anga min han fak ve luam chu ka laih an ti zual mah mah zawk.

“Rush-a hian golf a khel ngai tawh lo emaw ka lo tia. Ngeni a kalpui dang i rawn nei zawk?”

Woods-a thusawi chu ka man thiam chiah lo. Ka hnathawhna hmun a mi tlangval tu emaw ka kalpui a ring tihna em mawni le...? Mipa ho tak hi chu aw.

“Tumah kalpui ka nei lo. Rush-a hi ummm, eng lo a nia. Rush-a nu leh ka pa hi an innei a” tiin ka sawifiaha.

Woods –a chu a rawn nui deuh suk a, min rawn pan hnaia. “A ni maw..? Enga tinge a farnu chu country club-a a thawhte a phalsak theih zawk le..? He pa hian ze mawi a hre miah lo a nih hi. Nang anga hmeltha farnu nei ve ngat ilang chuan ka humhalh viau ang”. A thusawi lai chu tawpin ka biangah a rawn dawm a. “A nih chuan ti hian keimah nen kan inkawm daih anga a ni mai alawm”

A ze ngai bawk a chhuah leh tan dawn e. Mipa zei tak leh mi kherhthlu thiam tak pawh a lo ni maithei. Kei erawh hetiang hi ka ngainat zawng a ni ve lo.

“A nih nang, Rush-a thian i ni nge....umm, Nannette-i zawk?”. Grant a’n ka thlen tirh zana min inhmelhriat tir khan a hming ka lo chhinchhiah kar alawm.

Woods-a chu a nui suka. “Nan-i nen hi chuan thian inkawmngaih tak kan nia, Rush-a nen phei chuan kan inhriatna a rei tawh lutuk

“Woods, i lo thleng tawh a ni maw” hmeichhe pakhat hi a rawn lut a, chu nu awmna lam chu kan hawi nghal a, A sam chu a sen tak tha hle a,a taksa zen nalh tak mai ti lang mawi zual turin Satin dum a thui kawr nalh tak a rawn ha a. Ka awm ve rengna chi pawh a ni rih lo. Tawlh hnungin choka lama phei leh daih ka tuma.

Mahse ka kal tur chiah chu Woods-a chuan ka kawngah min lo dawma. “Lancey” Woods-a chuan a han ti a. Chu nu chuan min hmuh ve chu a beisei dan a ni chiah lo ni ngei tur a ni, a mitmeng a danglam nghal vek a, chutiang boruka awm chu ka ngaina hauh lo.

“Hei hi tunge..?” tihpahin min rawn en deuh hu a.

“Blaire-i a nih hi. Rush-a farnu thar” Woods-a chuan a lo ti sam et a.

Chu nu chu a meng kawk a, chutah a nui chhuak ta vaka. “Awihawm lo lutuk. A farnu tak tak chu ni se hetiang ang thawmhnaw man tlawm lutuk leh pheikhawk hmanlai lutuk hi a rawn bun chhuak tawp lovang. Dawt a hrilh che a nih chu. Nang lah hi hmeichhe hmel keu deuh hlek i hmuh hi chuan i nep duai duai zela. Nilawmni Woods...?”

Ka pindana ka lo mu mai mai lo kha ka inchhir ta rum rum mai.

END OF CHAPTER- 6

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)