ROSEMARY BEACH BY Noah Hringngen (Complete)

Ngaia
Site Admin
Posts: 25813
Joined: April 30th, 2016, 4:07 pm

Re: ROSEMARY BEACH BY Noah Hringngen (Complete)

Unread post by Ngaia » May 21st, 2017, 2:23 pm

Ka beng zawna Rush-a thaw ri halh halh thawm chu sexy tak a ni. Chung lam atang min bawh run a, chutiang ang chuan awm reng ila, a thil pawh chu phawi chhuak lo mai se ka duh.
.
A in nem kanga, phawi chhuakin thawh chhuah a tuma. A nghawngah ka lo kuah nghal vata. A rawn nui suk a, "Ka lo let leh vat dawn alawm. Nangmah aia ngaih pawimawh ka nei hleinem" tih pahin min rawn fawp zeuh a, khum atang chuan a tho chhuaka, bual pindan lam a pana.
.
Hnung lam atang chuan a hnungzang leh mawngtam nalh zet chu ka lo thlir renga. Bathroom ah chuan lutin tui a herh haw tur tur a, rei vak lovah engmah ha lo bawkin a rawn let leha. Chuveleh ka hawi sawn vata, ani erawh a nui haka. Chutia hmaichhana ruak ngal ngata han inhmachhawn chu ka zak deuh tlat.
.
"Ka bulah khatia zah vel kha a ngai em ni? " nui chungin a rawn ti a. Ka khupah a rawn dawm a." I bawp hi ka tan han kak deuh teh" zawitein a rawn ti sapa, washcloth a rawn keng tel tih ka hre chiah.
.
"Zau deuha kar pawh a ngai chuang lo" tiin ka bawp leh ka kap bawr vel chu a washcloth ken chuan a rawn hru a. "A na i ti em?" min rawn ti a, a point lai tak a hruk lai phei chuan a dim ve lutuk. Ka lu ka lo bu a. Chutia min han hru fai vel chu eng emaw ti tak hian nawmna tak a awm. Hetiang hian a hmeichhe mutpuite a ti ziah em ni le? Hei kher kher hi chu film lamah pawh ka la hmu lo.
.
A hruk laite chuan hlim hmel tak hi a pu a, mipa ngainatawm tak leh thin nem tak hi a ang ngawih ngawih. A hruk zawh chuan washcloth chu a khum bula bawm awmah chuan a vawm luta. Khumah chuan rawn lawn lehin ka sirah chiah a rawn mu a, a taksa si chelhin min kuah bet a.
.
"Hetianga mi kuah vel hi i ti ve ngai lo emaw ka lo tia Rush". Ka nghawng chu a hnar hmawrin a rawn nawr a, zawi lutuk lo hian a thaw ri haka.
.
"Ti ngai lo e. Nang tih loh. Hetianga ka kuah veng veng awmchhun i ni Blaire" zawitein a rawn ti a. Ka chhipah a khabe a rawn nghata, puan chu pawt chhoin kan sin duna. Mutchhuah pawh a hun ta hle mai. Ka hlim a, nuam ka ti a, ka thla a muang veng veng mai.
.
.
.
Ka mal chu a rawn fawp zeuh zeuh tih ka hria. Ka chawn lamah pawh a fawp thla zel a. Ka mit ka han meng a, Rush-a chu khum mawng lamah a lo thingthi a, ka mal leh chawn vel chu a lo fawpa. Min rawn hmuh chuan a rawn nui saka.
.
"A mit a rawn meng ve ta e. Rawn fawh thawh mai che kha ka duh a, mahse zan lamah sex nuam tak i hman avangin i chauh ka ring deuha, ka kaitho duh ta lo che a. Mahse i harh mai tak lovah erawh tih dan dang ka zawng ta a ni. Chutih rual erawh chuan i hna tan nan 20minutes chiah a awm tawh a nia"
.
Ka hna... ! Ui ka rei..!! Rang takin ka inperh tho vata, Rush a'n min lo vuan thuaia. "Chutin ila tlai chhe hleinem. I kal hma eitur ka lo siam ang che aw" a rawn ti a.
.
"Ka lawm e. Mahse i siam hman tawh nang. A pawi lo, staff room lamah eitur chu ka indap tawh mai ang" ka lo ti a.
.
Zing kara buai chuk chuk hi ka duh ngai lo asin le. Nizan lawkah he pa nen hian sex nuam tak kan hmang duna, tukin lah; ni a chhuak ut tawh chung pawhin a khumah ruak vekin ka la awm chu a ni sia.
.
"Hetah ngei hian ei la ka duh a ni. Khawngaihin"
.
A bula awm rih turin min ngen nia. Ka thinphu erawh a va rang si em. "A nih leh le. Ka pindan lamah ka chhuk anga, inbualte pawh ka zuk inbual ve phawt anga".

Rush-a chuan a bualin awmna lam chu a va en a, chutah ka lam a rawn hawi leha. "A ngai kher hleinem. Ka bualinah sawn va inbual la ka duh alawm. Mahse ka bualinah ngei, sahbawn hnawih phuana ruak veka i inbual tih ka hriat na zawngin ka kalsawn theih hauh dawn lo a nih hi. I bula rawn inbual ve mai ka duh hial ang".
.
Ka puan sin chuan ka awm bawr thleng ka khuh chho a, khumah chuan ka thu chhuaka. "A lan dan chuan ka hna ka tlai ngei dawn niin alang"
.
Rush-a chu a nui suk a, a bu nghat a. "Nia, a nih leh i pindan lamah chuan zuk inbual mai rawh".
.
Ka thawkhnaw awmna chu zawngin kan hawi kuala, mahse ka thawmhnaw awm reng ka hmu lo.
.
"Kha, hei hi i ha rih mai dawn nia. Vawiinah Henrietta-i a lo kal ang a, a lo su fai nghal mai dawn ang" tih pahin a t-shirt nizana a hak ngei mai chu ka lamah a rawn theh phei a. Lo dawngin ka inthawlh nghala.
.
"Han ding teh le. Ka lo en chhin che". Pajamas a ha a, khum tlangah chuan ka din chhuah hun changin a thu rana. Ka awm khuhna puan chu ka pawt thla a, khumah chuan kan dinga. A kawr chuan ka khup thlengin a khuh thla duai mai.
.
"I awm te a ti nuam lo rum rum lo maw..? "nui chungin a rawn ti a.
.
A nui ri chuan ka hnungzang thla chu a ti vawt nghal rawih rawih mai." Ka damlo lo hleinem" tiin ka lo chhanga.
.
"I chianv chiah maw... A chhan chu ka khua a sik deun se serin ka hria a" khum a tang chhukin ka awmna lamah a rawn phei a, min rawn kuaha. "Nizan kha a nuam ka ti takzet".
.
Chutianga a awm chu ka beisei lawk hauh lo. Hmeichhe dang ang bawkin khua a lo var hunah chuan min hnuchhawn leh mai ang chu ka lo ti rilru a, mahse chutiangin a awm hauh lo. A fela, ka lakah a thain min ti hlim em em thung si. Kei pawh chuan a damlohna chu ka kai ve mai dawnin ka inhria.
.
Vawiin ni chu dinning room lamah ni lovin in tur zuar a Cart ka khalh ni a lo ni ve leh thunga. Ka kal lo a nih chuan Bethy i'n amahte a a lo tih vek a ngai dawn a, chu chu thil nuam lo tak a ni.
.
"Hna a ka kal angai. Min lo beisei reng tawh ang" ka han ti a.
.
A bu nghat a, a tawlh hnung a. "A nih chuan tlan rawh. Zuk chhuk la zuk insiam vat rawh Blaire, a nih loh zawngin ka chelh khawtlai reng mai ang che"
.
Nui har har chungin inhnuai lam pan chuan ka tlan san a. Ka hlim tak zet. Tukin hi tho fuh tak ka ni.
.
.
.
Khua chu a lumin ni a sa rum ruta, sam ka trawn sang daih chu Darla i'n min hauh loh hram ka beisei. Vur bottle chu laiin ka chal leh hmai vel ka dep kual a, chu pawh chuan rei min vawng dai lem lo. Hetiang ang khawlum hnuaiahte engtin hian nge golf te hi an khelh peih zawk le.. ? An mawl deuh a ni hial ang.

Ka in tur dahna cart chu khalhin Hole 1 lam ka pana. Chutah chuan mipa sam duh hi a lo ding vanga, hai rual lovin Woods-a a ni tih pawh ka hria. Mahse inkawmna mood ah ka awm vak lem lo. Jace-a lah chuan Bethy hmuh tum reng rengin a min a lo len vah vah renga. Min rawn hmu chu Woods-a chuan min rawn nuih seiha.
.
"Cart lamah i rawn let leh ta a ni maw. Inchhung lama i chetla ai mah khan hmuh i nuamin i chhelo zawk alawm le" min rawn tifiam a.
.
A fiamthu tum nei tak si chu han chhan let vak enah ka en lo nachungin ka boss a ni tih erawh ka hai chuang lo.
.
"Tawlh hnung rawh Woods, i hnaih mah mah" ka hnung lam atang Rush-a chuan a rawn ti a. Rang takin hnung lam ka hawi leta, kekawrbul dum leh Polo shirt var a ha a. Golf a rawn khel ve dawn tihna em ni?
.
"Engtia vawiin chu kan zinga khel ve tura rawn kal ve teh tlat nge maw i nih le? "Woods-a chuan a lo ti a.
.
Rush-a chu ka en reng a, khaw dang ka hawi sawn lo. Ka hma zawnah chuan a rawn dinga. Helai hmunah hian keimah vang a lo kal a ni. Chu zawng, chiang takin ka sawi thei tlat. Tukthuan kan ei lai pawhin ka hnathawhna hmun min zawt thlap alawm.
.
Ka kawngah rawn dawmin a lamah min pawt hnaia a,ka beng bulah a rawn kuna. "I thinur deuh em ni?" min rawn ti a.
.
Khawlum lutuk hnuai a chutiang a hna ka han thawk chu thinte pawh chhe hlur turah min ngai deuh a niang." Ka tha e" tiin ka lo chhanga.
.
"Hetiang thil hi chu a la thleng dawn tih kha ka hre sa renga" ngeiawm angreng deuh hian Woods-a chuan a rawn ti a.
.
"Nan i'n a hre tawh em? "Jace-a chuan a lo ti zui ve nghala.
.
Engvangin nge Nan-i hming pawh chu a rik tel ve ziah mai le..? A chhan ka la hrechhuak angem?
.
" Ani lo buaina tur a ni hleinem. Nang pawh" Jace-a lam hawi chuan Rush-a chuan a ti a.
.
"Helai hmunah hian golf khel tura kal kan ni e. Inhnial tur ni lovin. Blaire, i in tur ken kha hole dang a mi ho pawhin an in duh ang chu". Woods-a chuan a rawn ti a.
.
Rush-a chuan min rawn en a, Woods-a chuan engtin nge kan awm tih a hmuh duh vang a ni. Rush-a awm mahse hei hi ka hna a ni a, ani tak ni lovin hnathawk tur a kal ka ni. Nizan a sex kan hmam vang ringawt khan ka hna ah inrawlh theihna a nei lo.
.
Cooler chu hawngin in tur ho chu ka la chhuaka, mi dang awm ve in tur duhte chu ka pe kuala.
.
Tips ka dawng neuh neuh a, Woods-a phei chuan $100 ngawt min pe nghe nghe. Rush-a lamah ka phei leh a, ka intur ken chu ka pe ve leha. Ka darah a rawn vuan thut a, min rawn fawp vawng vawng ta mai a. Min fawhna a thlah veleh midang ho golf khelhna lam fin tur chuan a kal nghala.
.
Cart ah ka lawn lut a, hole dang lam panin ka inkhalh nghala. Chutih lai chuan ka phone ka iptea ka dah chu a rawn nghawr dar dar a. Ka phawrh chhuak a, kan en chu Rush-a a lo ni a.
.
.
RUSH: Woods-a vang khan pawi ka ti lutuk.
.
Engah nge maw pawi a lo tih ve ngawt le? Pawi tihna chhan tur engmah a nei hleinem.
.
KEIMAH: Ka tha e. Woods-a te chu ka boss a nia. Engmah ngaih kawih tur a awm hleinem.
.
Ka phone chu ka ak tha a, hole dang lam pan chuan ka inkhalh bing ngar ngar a.
.
.
END OF CHAPTER - 18



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:24 pm

Nilengin Golf khelhna hmunah chuan Rush-a nen kan inhmu leh tawh lo hrim hrim a, khatia a message ka reply atang khan eng message mah min rawn thawn nawn tawh hek lo. Rilru erawh a nuam zan lo deuh chu a ni. Heti zawng hi kan tawpna tur chu em ni ang? Ka thianghlimna ka hlan zo chauha, hei hi em ni ka chan tur chu?


Hna atanga ka haw hnu chuan kawngsirah ka truck ka park a, truck kawngkhar ka kalh fel hnu chuan in lampanin ka phei a.


“Inchhunga i luh peih ka ring chiah lo deuh”. Thim zingah pawh ni se Grant-a aw chu ka hai lo. Ka han hawi kuala, ani pawh chu ka hmuh turin a rawn pen chhuaka.


“Helai party-ah hian hetia pawna lo awm mai mai tur ringawt hian emni a i rawn kal?” ka han ti a, tun tum hi party chhuah sana pawna a lo ding lai tum hnih ka hmuhna a ni.


“Mi zinga zial han zuk hi a nuam lo em alawm. Chuvang chuan zial zu turin pawnah ka rawn chhuak mai mai a nih hi” tiin min chhanga.


“Zial zu mah ta che, i thih phah mai anga sin” ka han ti a. Ka nu chemo treatment ka lakpui thin lai khan zial zuk vanga cancer enkawl ngai tam tak ka mit ngei a ka lo hmuh fo tawh vang a ni.


“Chute chu min hrilh fo alawm” tih pahin Grant-a chu a nui saka.


In lam chu ka hawi pheia, music a ri thum dup dup a. “Zaninah party a awm dawn tih ka lo hre lo reng reng” ka aw atang ka lungawi lohna a rawn ri chhuak ang tih hlau tak chungin ka han ti a.


Grant-a chu a han nui leh haka. “Helai hmunahte chuan zan tin party a awm reng zawk lovem ni?” a rawn ti a.

Awm reng bik lo ve. A reng reng thuah nizan atangte kha chuan Rush-a pawhin min ngai pawimawh ve deuh anga, hetiang thil a ti dawn a nihte chuan min rawn call emaw min rawn text hmasak emaw phawtte ka lo rin ve tehreng nen. “Ka lo rin lawk loh lutuk vang a niang” tiin ka chhang ta ringawta.


“Rush-a pawhin a lo beisei lawk tehchiam ka ring hran lo. Nan-i huaihawt a ni mah zawk a. Party nei turin Rush-a kha a nawr chung renga. He nu lah hian Rush-a thlem thluk dan lah hi a hre phian zel lehnghal. Rush-a hi chu ni ila a mawngah ka pet sak tawh hial ang. Hetiang ui note chiau hiar lutuk kawl hi zawng, ka theih zawng a ni ve thak lo ang e”


A dinna lamah chuan pheiin a bul deuh chiahah ka va dinga. “Nang pawh Nan-i ruala in khata seilian ve tho i ni a ni lawmni?” kut kuangkuah chungin ka han ti a. Eng emaw insawifiahna ka phut pah bawk.


Grant-a chu a hawi sawn ta daiha. “Nia, ni tho mai. Georgianna-i hi a nu a nia, a ni lo chhungte dang nei hek lo le. Chuan..” Grant-a chuan min rawn en a, a lu a thinga. “Nope, min sawi tir thelh alawm le Blaire. Ka hrilh thei lo che. Tawng thei fal bik nih zawng ka duh lo ve”


Grant-a chu in lam pan chuan a kal ta daiha.


Inchhunga a luh thleng chuan chet pawh che lovin ka thlir reng ringawta. Ka room-ah khan tumah lo awm lo hram se ka van ti em. An lo awm a nih leh kailawn hnuaia ka riahna thinah khan ka chhukthla leh mai ang. Nan-i han hmuh vel chu ka chak hlawl lo ve. Nan-i thuruk, mitinin a ka hriat an hlauh em em pawh chu ka hre chak nek lo. Rush-a pawh ka hmu peih lo.


Kawngkhar chu hawngin ka lut a. Vanneihthlak takin tumah ka lut lai min hmutu an awm lo hlauh e. Kailawnah ka chho nghala, inchhung chu music leh nui thawmin a khata.


Chhawng hnihna ka thlen chuan Rush-a mut pindan lam pan chhohna kailawn chu ka en a, a ruk tak chuan ka lungtte lam a leng veng veng mai. Nizan thilte kha thil pakhat thleng palh ve maiah a chang zo dawn chu a ni ta si a. Ka pindan kawngkhar chu hawngin light pawh ka on hma chuan ka luta.


Ka au chhuah chiam loh nan ka hmui chu ka hup rang kher mai. Ka pindanah chuan keimah chiahin ka awm lo. Rush-a a awm tel ve nia. Khumah thuin tukverh lam a lo hawia. Kawngka ka khar rik a hriat rual chuan a thutna atang rawn ding chhuakin min rawn pana.


“Hey..” zawitein a rawn ti a.


“Hey” tih ringawtin ka chhang leta. A inah inleng a nei teuh a, an awm mup mup laia helai pindana a lo awm daihna chhan hi ka hre lo a ni. “Eng nge hetah i tih?”


Za lutuk lo hian a nui haka. ‘Ele..,ka lo nghak che. Chungte chu inzawh ngaiah pawh ka ruat lova”


Kei pawh chu kan nui ve ringaawta. “Ka hre tho a, mahse inleng tam tak i nei si a”


“Ka inlengte an ni hleinem. Keite chuan tumah lo leng lo se ka tih nak laia.” Ka biang chu a kut pakhatin a rawn dawma. “ Ka rualin inchungah rawn chho ve ta che. Khawngaihin..”


Chutiang chuan min ngen kher lovin min sawm satliah mai mai pawh ni se phur takin ka zui awm si a. Khumah ka purse ka daha, a banah ka va vuana. “Anih chuan kal i la”


Rush-a chuan min rawn kaia, a pindan lam pan chuan kan chho duna.


Step tawp ber kan thleng ta maw tih veleh min kuah lawka, min fawp nghal bawrh bawrha. Ka awm dan chu a easy hmel viau tih pawh hre mah ila chutiang lam ka dawn tawh lo. Vawiin nileng khan ka ngai em a tin ni. Kei pawh chuan a nghawngah lo kuah let vein duhthaw leh lungchim takin ka lo fawp let ve nghal tawn tawna.


Kan infawh zawh meuh chuan kan thaw hlawp hlawp mai. “Inbia ang, titi hmasa phawt ang. Hlim taka i awm a, i nui hmel hmuh hi nuam ka ti a ni. Eng nge i tet laia i TV show hmuhnawm tih ber tihte ka hre chaka, tuin nge school-ah vel thin che tihte. I tleirawl tan tirhin i pindan bangah eng boy band thlalak nge i tar tihte pawh ka hre chak. Chuan ka khumah ruak veka awm dun leh ka duh bawk”


A hmel hlim leh nui sang atang chuan sex ringawt lo eng emaw duh belh a nei tih ka hria. A pindan lamah chuan pheiin tuipui; TV ang maia lan ruihna bul sofa-ah chuan ka thu a.


“I tui a hal em?” Rush-a chuan min rawn ti a, a pindan sir lama refrigerator lian leh nalh zet lam chu a pana. Nizan khan ka lo melh vek seng lo va, a pindan chhungah chuan Bar lian vak lo hi a lo awm tel reng chu niin.


“Tui vawt deuh raih in pawh a pawi lo” tiin ka lo chhang a.


Rush-a chuan intur a buaipui lai chuan kei erawhin tuipui lam chu ka lo thlir dauh dauha. “Rugrats hi ka fav TV show ania, chuan Ken Norris a’n kar khatah vawikhat tal min vel ngei ngei zel. Mahse tum khat chu Valerie a lo ti tapa, ka thinrim lutuk chuan ka sual let hrep mai mawle. Mipa ka beih dan ber chu an tilmu a pet sak nghek hi a nia. Chuan Backstreet Boys ho thlalak hi ka tar ve nasa thei lutuk”.


Rush-a chu ka hnungah a rawn dinga, glass no tung sei deuh hian tui vawt min rawn pe a, a hmela timna deuh awm chu ka hmu thei. Ka bulah chuan a rawn thu ve a. “Tunge Valerie chu?”


Dawn chiang miah lo va ka unaunu hmingte kan lam chhuah ngawt pek chu. Mahse Rush-a erawh ka ringa, min hre chiang mahse pawi tihna ka nei lo. Ka thuruk ka hrilh a nih chuan ani pawhin a thuruk hrilhna tlaka min ngaih ve ngei ka ring bawk.


“Valerie chu ka phir pui a nia, kum 5 kal ta khan Car accident-ah a thi a, ka pa khalh hi a ni nghe nghe. Tichuan a thih atanga kar 2 hnuah ka pa pawh chuan min chhuahsana, a rawn kir leh tawh lo. Ka nu chuan amah leh amah a inngaihdam theih loh vang a ni tiin a sawia, Valerie kha a ma thah ni tlatin a hria a ni tiin min hrilh bawk. Ka nu thusawi kha awih thei ila ka inti ngawt mai. Amaherawh chu ka nu vuinaah hunserh takngial pawh a a rawn lan tak lohah kha chuan harsatna hmachhawn ngamloah ka ngai ta a ni. Khati chung pawh khan ka ngaidama, a laka ngaihdan atthlak leh rilru chhia put hi ka tum ngai lo. Tichuan hetah ka lo kal a,....chuta tang chiah chuan ka nu thusawi kha a dik lo tih ka hre ta a ni”.


Rush-a chuan min rawn thut hnaih sauha, a no chu khum bul dawhkanah chuan hungin hnunglam atang min rawn kuaha. “Phir pui i nei ang tih chu ka lo la ngaihtuah ngai lo hrim hrim” a rawn ti a.


Rush-a chuan ka sam hmawr a khawih a khawiha, tuipui lam chu kan thlir dun bawka. “I nu leh i pa te chu an inneih hmain kum engzat nge an inngaihzawn?”. Chu zawhna erawh ka beisei loh lam daih a ni.


“Love at first sight an tih ang ve deuh hi a nia. Ka nu hi a thiannu tlawh turin Atlanta-ah a zina, chutih lai vek chuan ka nu thiannu chu ka pa thian ve tho hi a lo nia, ani pawh chu Atlanta-ah tho chuan a kal ve a. Zankhat chu an thian hoin apartment khatah an inkawm khawm a, chuta a vawikhat hmuhna atang chuan ka pa chuan ka nu chu a duh nghal bur a ni awm e. Ka dem hran lo. Ka nu hi zawng nu hmeltha ve tak a nia. Kan sam rawng a in ang chiah chiah a, mahse a mitmu erawh a hring no nghalh a,a bula awm nuam i ti ngawt ang. Eng thil mah hian a ti lungngai zo ve lo. Eng thil pawh ni se hlim tak hian a nuihpui zel thei thin. A tap lai ka hmuh chhun chu Valierie thih thu an hrilh lai chauh khan a ni.” Ka thusawi lai chu tawpin ka ngawi a. Kha thu kher kher kha chuan min thawng na takzet a, hun rei tak chhung pawn ka chhuah loh phah nghe nghe.


Rush-a chuan ka chhipah a chal a rawn nghata. “Pawi ka tihpui lutuk che Blaire” a rawn ti sapa.


Valierie a thih atanga a vawikhatna atan titi pui tak tak theih ka hmuh vawikhatna niin ka hria. Chu chu a ral ka phal lo. A lam ka va hawia, ka hmui leh a hmui chu a in chuktuah zui nghala. Hnaih taka ka bula a awm chu ka duh. Khang natna ka tawrh zawng zawngte kha min lak kian sak se ka duh a ni. Chu mi tur chuan a tlak tawkin ka hre bawk.



“Ka hmangaiha, ka hmangah em em reng fo ang. Mahse tunah chuan pawm dan ka thiam tawh. Anni erawh tunah chuan hlim takin an awm dun tawh alawm. Eng pawh ka chungah lo thleng se, ka paltlang vek thei tawh ang”. Rush-a chuan ka chalah a rawn fawp zeuha.

A mit a chhing vang vanga, a thaw haka. A mit a rawn menga, a mitmengah chuan eng emaw danglamna a awm tih ka hria. “Ka mamawh che. Tunah hian. Hmangaihna i han chen dun teh ang. Khawngaihin”


Ka kawr hak lai chu ka hlip a, ani pawh chuan ka lamah a ban rawn pharin a kawr hak lai chu ka hlih sak ve a. Ka bra pawh a phelh rang kher mai. Ani leh keia inkarah hi chuan engmah han thup tur reng hi a awm lo. Ka hnute chu a kut pahnihin a rawn thama, a kutzungpui chuan a hmur ve ve chu a tuai ner ner pah bawka. “Nang hi chu chhung lamah pawh pawn lamah pawh, i engkim mai hi a mawi vel vek a nih hi” a rawn ti sapa. “Engmah reng hi rei ka nghak thei tawh lo. Theih ni se chu i chhungah hian min phum zawk se ka lawm zawk hial ta ve ang”.


Ka nam sawna, chhuatah ka dinga. Ka pheikhawk ka phelha, ka kekawrbul leh ka kekawrte chu a rualin ka pawt hlip thla a. Khumah chuan thuin ka che vel chu mit tla lo chauhin min lo thlir dauh dauh a, chu chuan phurna min pe sauh lehnghal. Chutianga a hmuh lai ngeia a hma zawna saruaka din chu ka beisei leh ka mitthla piah lam thil a ni.


“Ka inphelh zo ta e” tih pahin a mipatna khawng ut maiin a a jeans kekawr kap a rawn nawr pawn trul chu ka melha.


Nuam ti deuha a rawn nuihte ka ring a nia. Mahse chutiang chuan a awm lo. A rawn dinga, a jeans chu a hlip sawk sawka, apiah thutthlengah chuan a vawm phei a, a lamah min pawt phei nghal a.


“Ka chungah hian lo thu rawh” min hrilh ang chuan ka ti nghala. “Hahdam deuhin awm rawh le”. Hnuai lam ka melh a, a z**g chu a bul ratah vuanin ka lamah a rawn koh chhoh luaha. A darah ka vuana, muangchangin kan thu hniam deuha


“Muangchangin aw bawihte...,hmanhmawh lo la.”


Ka bu zeuha, a z**g hmawr leh ka **** chu a insi chelh a, zawimuangin a chhungah chuan a lut ta riai riaia. A nuam lutuk. Nuam tak a ni. A lu chauhte chu a rawn dep lut euh euh a, a darah vuanin ka lo thaw halh halha.


“A va lo nal tha tawh em em ve. Liah duai duai a nia ka chak” a rawn rum chhuak haka.


A mitmeng ramsa koham ang mai chu ka en renga, min hre reng se ka duh a ni. Nakinah chuan min kalsan hun a la awm dawn tih ka hria, mahse kei chuan ka theihnghilh tawh ngai lo vang. Chutiang bawkin min kalsan hunah pawh min la hriat ve reng ka ring tlat. Hmeichhe dang virgin a hawn sak ang mai mai kha chu nih ka duh lo.

Zei taka ka awm ve angai. A darah chuan nghet taka vuanin ka sakawr chung chuan ta zak zaka. A thaw halh halha, eng emaw sawi tum hian a rawn ang zuau a, mahse a sawi hmain ka va fawp nghala. Fawp pah reng chung chuan ka tha ka thlah chuang lo.


Tha thlah lek lovin ka sawt ta zawt zawta, ka chhungril lama nuam rawn intham ut ut avang chuan ka au chhuak lo thei lo. Chutih laiin a hmawr lam erawh a na thip hlur mai.


Rush-a pawh chuan ka kawngah a rawn dawm a, khumah chuan thuin a lo thu tawpa, a nuam ti chu a thaw halh renga. Chutah khumah chuan a zangthala,a awmah min bawh tira, hnuai lam atang chuan rang mang khengin a rawn chho *** ta zawt zawta. A tho ri leh a nuam ti rum ri chuan min ti zauthau sawt mai lehnghal. Hei hi a ni ka lo chak em em na chhan ngei mai kha.


A vawrtawp ka thleng dawn a ni tih hriat takin chhung lamah a rawnin pump lum pup pup a. Ka au chuak thawt a, ani pawh chuan a hma ai mahin a rawn bei chak leh zual sauh a, a rualin a vawrtawp kan thleng duna.


Chumi hnu chuan thawk pangaiin ka thaw ve leh thei chauh. A nghawngah kuahin a awmah ka beia, ani pawh chuan nghet takin min rawn kuah let ve bawka. A thawk rang lutuk pawh chu zawi muangin a muang ve tial tial e. A nghawngah ka fawp zeuha.


“Hetiang hi ka la tawng ngai lo” tih pahin ka hnungzangah a chul thla a, ka mawngtam pahnih chu na lutuk lo vin a han thama. “Chu lo chu han sawi tur chuang pawh ka hre lo Blaire”


“I thusawi chu ka tan chuan thu ropui tak a ni” tih pahin ka nui haka. In nem kangin a hmelah tak ka en a.


A mitmeng no nghalh mai chuan min ti tuiral zual. “Ka hman tawh a zawnga ka la hman nawm ber tum a ni” . Ka sam chu ka beng kawmah min zeh saka. “Min tibuai...nang hian min tibuai zo tawh a nih hi” tih pahin ka biangah a rawn piai zeuha.


Rush-a chuan ka kut chu rawn vuanin ka kutzungtang chu maimitchhing diar diar chungin a fawpa. “Zanin chu Condom ka vuah miah lo. Mahse ka thianghlim a nia. Condom ka vuah ziaha, ka thisen pawh regular takin ka test tir thin”


Chutiang lam phei chu ka lo ngaihtuah hran lo. Condom a vuah nge vuah lo tih pawh ka lo ngaihven tehchiam lova.


“Ka tihpalh lutuk. I saruak hmel ka han hmu kha ka zauthau ta lutuk a, engmah ngaihtuahna chang pawh ka lo hre tawh lo a tinni”


Ka lu ka lo thinga. “A ho lutuk. Ka ring che alawm. Kei pawhin ka lo ngaihtuah bik reng reng hleinem”

A taksa si chelh chuan min pawm bet leha. “I rai theih hunlai a ni em?”


Ka lo bu zeuha, chutah a rawn rum nghata. “A nih chuan tun bak hi chu kan ti tawh rih lovang. Mahse chaw bel bulah min ti tamchhawl fo dawn chu a nih hi” tih pahin ka kap kar lam a rawn dap a, ka m*wn chu a rawn hmet relh relh a. “A van sexy tak em” a rawn ti sapa, a awmah chuan bei lehin a mi khawihna erawh nuam ti takin ka dawh heuh heuha.


“Blaire, shower-ah inbual dun ang hmiang?” thil hrechuak thut ang mai hian a rawn ti a.


“Aw le” tih pahin a lam ka hawia. Min tung tho a, a bualin lian zetah chuan min luh puia.


“Shower hnuaiah ngei tih dun ka chak a ni. Nichin a mi kha ka tawn tawh a zawnga la nuam ber a ni a, tunah erawh muangchangin , dimtein kan ti dawn nia”


END OF CHAPTER - 19

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:25 pm

Zing kara Rush-a khum chhuah san chu thil harsa ve tak pakhat a ni. Thlamuang takin a muhil sek sek a, han kaihthawh phal chi rual a ni lo. Ka kal hmain a chalah ka fawp zeuha,a hmel chu kan en leh veng venga. Harsatna leh lungngaihnain a a tihbuai ve ngai reng reng loh hi a ang ber.


Kan office-ah lutin staff room kawngkhar chu ka han hawnga, donuts rim a lo nam nghal veng venga, a tih dan thinin Jimmy-a chuan nui sangin min lo chhawna. “Good morning, Sunshine”


“Khang kha a bang a va ang ve. Ngeni a i sem chhuah tur zawk?” tih pahin a donuts bawm ken chu ka kawka.


A bawm ken chu ka lamah a rawn leka. “I ei turin pahnih ngawt ka lo chah kep che alawm. Vawin chu helaia nula hmeltha tak hian hna hahthlak tak a thawk leh dawn si a, a ka tal ka tih thlum sak lo chuan ka lo ti deuha”.


A ep chiahah chuan ka thu a, a chhang bawm min pek chu ka la a. “I bianga ka fawh hunah che chuan nuam i ti viau ngei ang” kan ti fiam vela.


Jimmy-a chuan a mitko a rawn san ak a. “Tuin nge hria ang? Nang ang nula hmelthate hi chuan tu mipa pawh in hmin thei ang chu”


Nui hak hak chungin a chhang thlum leh la lum vet vet chu ka keiha. Taksa tana tha tak ni hran lo mahse a tui dangdai ve hrim hrim.


“Ei teuh rawh. Vawiin chu kan hah dawnin ni a rei dawn teh ania. Zaninah hian Debutante ball (Hmeichhiate vantlang a mipuitling tak tak an nih tanna ni\ Vote neih tanna ang a nih chu) helai hmunah hian neih a ni dawna, keini pawh dinning room-ah hian awm lovin ballroom lamah eitur kan serve dawna, dinner lo eiturte kan lo mikhual ang”


Debutante ball maw...? “Chuvang chu a ni maw pawn lamah pangpar leh tarmawi phur truck a dinni?”


Jimmy-a chu a lo bu zeuha, chocolate donut pakhat min rawn pek belh leha. “Niang chu. Kum tin tun ang hunah hian kan nei ziah alawm. Mi neinung nu hausa tak tak ten an fanute chu rawn hruaiin vantlang hmaah inhmelhriatna an neih tir thin a. Zanin program a zawh atang chung hmeichhiate chu khawtlang hmuhah hmeichhe puitling tak tak an lo ni tawh anga, puitling tih theih chu eng pawh ni se an ti thei vek tawh ang. A bik takin Nan-i pawh kar kal ta lawk khan kum 21 a tlinga, chumi awmzia chu zaninah pawh hian a nuin a rawn tel pui ve ngei dawn tihna a ni”

Nan-i dubutante a ni tawh dawn a maw? A nu lah hetah a awm der si lova. A nih chuan nu dinhmun hial luah theitu a lo ni tawh anga, inchhungah pawh thuneihna lian tak a nei tawh ngei ang. A duh duh hunah min hnawtchhuak mai thei tawh dawn tihna a ni. Ka thin a phu ngal dup dup mai. Engvangin nge chungte chu Rush-a chuan engmah min hrilh loh le...? Lo chhuak ta ila Rush-a nen chuan kan la inhmu leh thei angem?


“Thawk la rawh Blaire. Hetiang ball lian thama lo phusak ve hi chu thil zamawm tak hi a ni ve a” Jimmy-a chuan a lo ti a. Thawk ka han la haka, ka hlauthawng a ni tih pawh ka lo hre lo zawk hial. Hei vang hian alawm inkawm nel vak kha ka duh loh ni. He hun hi a lo la thleng dawn tih hre sa lo pawh ka ni hleinem. A nih chuan ka chhuah hma ngeiin ka pa hi a rawn let leh hman hram a ngem le?


“Dar eng zatah nge kan tan dawn..?” ka aw riah a ri chhuak palh ang tih hlauin ka inthup hram hrama.


“Dar sarih-ah. Mahse zanriah tak erawh dar 5 ah kan lo peih hman vek angai tawh ang”


Ka bu zauha, ka donut ei bang chu ka dah let leha. Ei pawh ka ei zo thei lo. Vawiin ni zawng rilru nuam zan lovin ka hmang ral dawn a nih hmel. Ka ipteah ka phone ka ak reng a ni tih ka hre nachungin Rush-a erawh ka be lovang. A hnen atanga chanchin lawmawm loh tak text hmanga hriat chu ka duh lem lo ve.


“Blaire, ka office-ah ka hmu lawk duh dawn che ania” Wood-a aw chuan ka ngaihtuahna atang min rawn ti harh zawka. Nelawm takin min lo nuih sanga, a lamah chuan pheiin kawngka min lo hawn saka, hall chhung lamah chuan kan inzui luta.



“Hahdam deuha awm tum rawh Blaire, eng harsatna mah i tawk dawn hleinem. Zanin chungchang sawi dun ka duh deuha”


Oh..Whew..,ka lu ka bu ringawta, hall tawpa kawngkhar lamah chuan kan inzui pheia.


Woods-a pindanah chuan kan inzui luta, Rush-a in a ka pindan ai khan a lian zawk mah. Dawhkan tlangah chuan thuin ka lam a rawn hawia.

“Zanin hian Debutante Ball kan thleng dawna, chu chu helai velah chuan kum tina kan lawm thin a ni. Heng milian fanu lak tlak loh tak takte hi puitling ni turin kan lawm lut dawn tihna a nih chu. He club tana dollar maktaduai chuang donate tute an nih avangin kan lo hnar ngawt thei bik si lo “


A insawifiahna chuan ka awm a tih nawm phah chuang lo va, chu a hnekin ka huphurh telh telh emaw tih mai tur a ni.


“Nan-i pawh kum 21 a lo tling ve tawha, debutante a ni ve tawh dawn tihna a nih chu. Hmeichhiate chu an pate an awm tawh lo a nih chuan an mahni humhimna chu an nutate kut a ni a, chuvang chuan Nan-i thlavang hauh leh humhim hi Rush-a tan chuan tih makmawh a ni. Zanin hian nang leh Rush-a inkarah eng nge thleng dawn tih hre lo mah ila Nan-i nena in inkar erawh a tha tehchiam lo tih ka hria. Zanin hian thil hmuhnuam lo engmah thleng lo se ka duha, chumi tur chuan i tha tawk tih ka hria. Zawhna chu zanin hian pangai takin i hna i hlen chhuak thei angem tih hi a ni. A chhan chu Nan-i chuan i chekah tak amahin emaw, midang kaltlang pawhin man a tum ngei dawn che a, chu chu i haider luih hram hram angai dawn a ni. Thil pakhat leh chu Nan-i chu club member zinga mi a ni a, in lo intibuai a nih vai zawngin kan dan ding lai angin member zawk chu club chuan a tan angai ngei ngei dawn si a”.


A nih chuan eng nge a beisei le..? High school chhung pawh a ni hleinem. Puitling vek alawm kan nih tawh. Nan-i leh Rush-a chu engtin pawhin awm se ka awmdan ka hloh lovang.


“Ka ti thei ang. Engmah harsatna a awm lo ve”


Woods-a chuan a lu a bu zeuha. “A tha e. Hlawh pawh a tha a, i tan pawh experience tha tak a ni dawna”. Woods-a chu a dinga. “I ti thei tur chuan min ti hlim khawp mai. Tunah chuan tukthuan siam turin Jimmy-a lo va pui leh tawh ta che”.

Engtin tin emaw ni pawh chu kan hmang zo ve mai a, zanin thil atana inbuatsaihna kan neih avangin kan buai hle a, Nan-i chungchang emaw, ka pa rawn haw leh haw loh tur thu emaw pawh ka ngaihtuah hman lo. Rush-a pawh.


Staff dangte zingah choka chhungah chuan ka ding ve rana, thawmhnaw var leh dumin kan inthuam veka, ka sam pawh sang veh vawhin ka tawna. A vawikhatna atan ka zam thar leh ta riau mai.


Zanin hi Rush-a leh keimaha danglamna awm ka hmachhawn vawikhatna tur a ni . Chutiang bawkin Nan-i chu engtin pawn ka chungah che se ka buai tur a ni lo tiin ka infuih ve nasa hle a. Nan-i hnaih a ka kal a ngaih huna min kalpui zel turin Jimmy-a pawh ka be rawn sa veka.

“Hun a intan e. Hors d’oeuvres (cupcake ang deuh, thei chi hrang hrang chhip chhuan) leh in tur kengtute kha. In tih tur chu inhriat sa kha. Rawn kal rawh u le”. Darla-i chuan backstage atang a rawn host a. Ka martini(zu chikhat, olive rah nena an tihpawlh thin) chawina tur tray chu kengin kawngkhar lam chu ka pan a. Hall chhung chu a reh duka, mi zawng zawng chuan min lo ngaichang thup emaw tih mai tur a ni. Ka bulah zel Jimmy-a chuan min rawn zui bawka.


A lo thu hmasa berte chuan titi pahin ka intur ken chu an lo la mai a, hna harsa tak a ni hran lo. Chutiang chuan midang pawh chu kan pe zela, mipa leh hmeichhia an inpawlh nuk mai. Thenkhat chu golf khelhna hmuna ka hmelhriat sa te an ni a, min han hmu chu hmel nelawm tak puin min lo nuih seih zela.


Chutih lai chuan Zirtawpni leh Inrinni apianga golf rawn khel thin Pu Jenkins-a chuan min rawn ko a, a lama kal tur chuan min rawn hui zauha. A lam panin ka tray ken chu ka chawi phei a, putar tawh tak a ni chungin a la viak tha hle. Ka intur ken chu ka pe a, nuisang chunga ka hawi let chu Rush-a nen kan mit a intawng chat mai.


Helaiah a awm ve a ni tih hre reng chunga hmuh loh der tum reng mai chu thil harsa tak a ni. Nan-i tana zan pawimawh tak a nih avang leh a farnu a nih angin rawn telpui chu a tih makmawh a ni si.


Mahse a hmelah chuan rilru na hmel ka hmu a ni. Tawite in a rawn nui seiha, kei pawh chuan nuam lo ti tak chungin ka nuih let ve a, ka tray chawi a ruah tawh avangin ka let leh vat angai.


Darla-i chuan champagne no chawina tur tray chu min lo hlan nghal vata. “Kal rawh kal rawh, hmanhmawhin” a lo ti hlawk hlawka.


Ballroom lam chu pan lehnghalin ka in tur ken chu ka va sem lehnghal zung zunga, chutih lai chuan lehlam atanga Bethy nui ri har har chuan ka beng a verh zar mai. Kan inhmuh lohna chin pawh a rei ta hle mai. Choka lamah khan ka hmu ve miah lova, Darla i’n emaw Woods a’n emaw zanin atan bik chuan a awl tir a nih dawn hi ka lo ti maia.


Mahse kan hak ang thawmhnaw a ha ve lo. Kawrfual dum nalh zet hain a sam pawh mawi takin a ti kir a, min rawn hmuh veleh a thutna atanga rawn thoin nuisangin min rawn pana.


“Helai hmuna guest(mikhual) ka ni ve ta mai hi mak i ti viau lo maw?” tih pahin nui sangin phur setin an vir kual vela.


“Nizanah Jace-a ka apartment-ah a lo kal a, thingthi meuhin min rawn ngen a. Chuan engtin nge ka tih i hria em? Vantlang hmuhah a bialnu ka ni tih a puan chhuang angai ang ka ti a. Chuan a rem ti a, hetiang hi a lo thleng ta a ni” a hmel a phurna nasa tak awm chu lawmpui loh rual a ni lo.


Jace-a chu rin ai takin a fel phian mai. Bethy tan phei chuan a tha mah mah zawk hial maithei a ni. Kan hnung lawkah chuan Jace-a pawh chu a thu ve reng a, nui sang chungin ka pawmpui a ni tih hriattir nan a lam hawiin ka bu zeuha, ani pawh chuan min rawn nuih sanga.


“Va kal tawh rawh. Hun nuam deuh hmang ngei ang che u. I nute-i rawn kal hma a ka let vat loh chuan. Kan titi lai min rawn hmuh zawngin nakinah min hrawk hrep mai ang” .


“Aw le, nang pawhin hetiang hun hi i la tawn ve thuai ka beisei” tih pahin Rush-a thutna lam chu a melh zeuha, ani chu min hria ang pawhin a awm lo.


“Pawisa tuak vat vata, mahni a awm hranna hmun tur ngaihtuah a ni ka duh ber ni” nui chungin ka ti a. “Va kal tawh rawh”


A thiante bul a thlen thleng chuan ka thlir renga, mahse chutih rualin lehlam atang chuan Rush a’n min en reng a ni tih ka hria. Chian turin ka hawi let ngam lo. Mahse min en reng a ni tih erawh ka hre tlat.


Ka champagne ken a zawh hnu chuan let leh turin mipui karah chuan ka phei a, Nan-i leh Rush-a awmna lam erawh ka pumpelh hram hrama. A melh pawh ka melh duh loh. Hmanhmawh takin choka lam chu ka pan sawk sawka.


“I rawn let leh tawh maw? A tha e. Kha.., hemi tray hi lo la teh. Thil an in hnem lutuk hma eitur kan sem leh vat angai dawn a ni. Chuti lo chu rui buaipui tur kan ngah lutuk palh ang” Darla-i chuan a ti zung zunga. A tray min pek chu eng nge a nih ka hre lo, mahse a rimtui lem lo khawp mai. Ka ner naka, tray chu ka dah sawn nghala. Darla-i erawh a nuih a lo za em em thung.

“Escargot a nih kha. Hnapkhawn chikhat. A tui awm loh viauin alang nangin heng mite tan hi chuan chaw tui tak pakhat a ni tlat. A rimte mai mai kha chu haider rawh. Kal tawh rawh le”


Ball lam pana ka chhuah hma chuan kan ding khawmuang leh det a. Hnapkhawn sa ka sem dawn chu a ni mai sia. Chutih laiin zan hnih zet a pindana hun kan hman dun hnuah pawh Rush-a chu min hre ngai lo ang maiin a ngawi hmak mai bawk si.


“I tha maw..?” ka lut chiah tihah chuan Woods a’n min lo bia a.


“Aw tha e. Hnapkhawn sa ka sem dawn tih mai loh chu” tiin ka chhang a.


“Pakhat kha ei chhin la, a tui teh mai asin. Purunvar leh butter nen phei chuan inchawih tak a ni”


Ka uak tep a ni. Ka lu ka thing nghal vata. Woods-a erawh a lo nui chhuak haka. “Eng thil mai pawh hi hlimawm takah i chhuah zel mai a nih hi Blaire” tih pahin ka beng bulah a rawn kun hniama. “Rush-a vang hian pawi ka ti khawp mai. Min thlang zawk nilang chuan zaninahte hian hna i thawh a ngai hauh lovang. Ka ban khamin i mu der der mai tur”


Ka lai lutuk chu ka sen tawn tawn a, eng tin pawn awm mahse ka duh chu Rush-a a ni tlat si a. Eng thil pawh ka chungah thleng se vui thei ka ni hleinem le.


“Pawisa ka la intuak ngah lo deuh tih mai chauh a ni. Ka chhenna tur ka tuak chhuak ve tep tawh a nia” tiin pangai takin ka hrilh a.


Woods-a chuan nuisang chungin a lu a bu zeuha, ka thil ken chu mipui awmna lamah chuan ka chawi pheia.

Hnaih ka duh loh avangin Rush-a te awmna lam chu Jimmy a’n a chang rawta,

Ka thil ken chu ka sem phei diat diata, Bethy te thutna piah lawka thu sam sen chu ka hriat tawh hnu a ang riau. Thip zeta min rawn nuih suk takah chuan ka hre leh si e. Nan-i party na a Woods-a nena kan awm dun lai min lo hmutu kha a ni.


“I hnathawh chu a nuam bawk maw..?” mi ti-el zet hian a rawn ti a. “Woods-a khan a date dawn che emaw ka lo tia, chutiang chu ni lovin waitress-ah te a hmang leh zawk ta mai mai che a ni maw?” nui har har chungin a sam chu hnunglamah a han theih phei a. “Zanin hi ka tan zan chhinchhiah tlak tak a ni dawn khawp”. A rawn dinga, ka tray ken chu min rawn phin chhoh sak dawrha.


Hnapkhawn sa chu ka kawr hmaah chuan a kai nghal tuara, tray pawh chu ring zetin chhuatah chuan a tla ri bawla. Ka zak lutuk bawk nen, tawng chu sawi loh ,chet pawh ka che thei lo.


“Uii in lo hmu em? A chet zei loh zia kha. A thlauh baw vek nia. Woods-a hian engtin nge hetiangte a chhawr theih zawk le...?”. A aw chu rul tur nei ang mai a ni.


“Ui kareiii...!! Blaire, i tha em?” Bethy aw chuan min ti harh chhuak zawk mai.


Ka kawra Hnapkhawn kai ho chu ka thing thla nghal mawlh mawlha.

“Kiang rawh” chu aw ka han hria chu ka phu lo chauh. Chu hmeichhia za taka lo nui tlawrh tlawrh chu Rush-a chuan rum zet hian a lo melha, a thin a rim takzet. Ka banrekah min rawn vuana, ka mitah min rawn melh vang vanga. Eng nge tih a tum pawh ka hrethiam lo. “I tha em...?” zawitein a rawn ti sap a.


Ka lu ka bu ringawta.


A nghawnga a thisenzamte chu a pawng tawlh tawlh a, sehchilh zet hian hrawk bawk che ralhin a chil an lem khalh a, sam sen nu lam chu a hawia. “Ka hnaihah emaw ani hnaihah emaw hian vawi khatmah rawn inlan leh tawh suh ang che. A chiang em..?” a aw ri chu hlau a khurhna tham hial a ni.


Chu nu chu a meng bial kawk a. “Enga tinge ka chungah i thinrim ngawt? Amah kha a zei lo ve hrim hrim alawm. Tray pawh a thlauh buak vek kha”


Rush-a chuan nghet takin ka kawngah min rawn kuaha. “Eng thu pawh i sawi leh a nih vaih chuan he club tana ka contribution zawng zawng hi ka hlip nghal vek ang.Chu chu hre rawh”


Chu nu chu a nui suka. “Mahse Rush, keite chu Nan-i thiannu ka nia lawm. Hman atang tawhin. Chutiangin ka chungah i ti thei lovang. He hmeichhe pakhat mai mai vang hian” kum 21 lai ni tawhah chuan a tawng ri chu a naupang chhia mah mah a ni.


“Min han fiah la” tiin Rush-a chuan a chhanga.


Ka lam a rawn hawia. “Ka rualin rawn kal rawh”


Chhan pawh ka chhan ve hmain ka bula ding Bethy lam chu a hawia. “Keiman ka lo buaipui ang e Bethy. Amah pawh a tha e. Jace a bulah let leh tawh rawh”. Ka kawngah nghet zetin min rawn kuaha. “Fimkhur rawh a. Hnapkhawn ho kha an nal teh ania”


Chhuat tifai tu tur an rawn lut a, an rawn nawt fai nghal vata. Music ri a tawp lo va, mahse inchhung erawh a reh thuam mai. Zawi tetein mi ho chu an phun sep sepa.Tunah chuan mi zawng zawngin an hriat loh loh an hriat phah dawn ta a nih hi. Min rawn chhan dan leh min kuah chhuah danah a nula ngei ka ni tih chu mitin rin dan leh ngaihdan a ni tawh ang.


A hlat a awm ve tawh ka duh tehreng nen. Chutih rual erawh chuan ka rilru a na a, ka tah a chhuak takzet. Mi zawng zawngin min kuah chhuak lai chu min en thupa, ani suit nen nalh taka a inchei laiin kei erawh Hnapkhawn hriakin min bual mawm hlupa.


“Blaire, a pawi ka ti lutuk. Khatiang thil kha a thleng ang tih ka ring pha lo hrim hrim. Bakah ani nen khan khatiang thil in inkarah a awm ang tih ka lo ring pha lo a ni. Nan-i ka lo hrilh anga, ani pawhin eng emaw tak chu a ti ngei ang”


“Min huat nachhante chu Woods-a vang zawk alawm. Min ngaizawng emaw a lo ti aniang. Nang leh Nan i’n eng thil mah tih theih in nei hleinem”.


“Woods-a chuan a thei tawh reng reng che em ni?”


Eng a..?! Butter leh tel mawm kaia ka din mawm hmurh lai hian Woods a’n min theih tawh leh tawh loh min zawt amaw..?Ka inher a, choka lam pan lehnghal mai ka tum lai chuan ka banah a rawn vuan vata.


“Blaire, lawkin. Ka tihpalh lutuk.Khatiang thil kha zawt miah lo tur che ka ni asin. Hrehawm ti a i awm ka hlauh luat vang zawk ania”


“Ka tha, ka tha. Tunah chuan choka lama ka let leh tawh angai. Hna thawk lai ka nih hi. Woods a’n tukinah min hrilh lawk vek tawh. Ka thiam loh zawk a ni e. Chuan nang pawh va thu lut leh la, min hre ngai lo ang mai khan va thu hlun leh rawh ti nia. “ ka aw pawh a khur hlak hlak mai. A vawnna a ta ka kut ka la thla a, choka lam chu ka pan nghala.


“Hna i thawh laite chuan eng nge ti tura min beisei vaka..?” a rawn tih chuan ka kal lai chu ka ding chawta. “Rawn be vel ta luam che ila Nan-i nen in innghirngho leh emaw a ni anga. Ka venghim zawk che a nih chu”


A thusawi danah chuan engkimah Nan-i a dah hmasa ber a ni tih a chiang reng mai. Nan-i hlimna tur anih phawt chuan min hre lo ang maia awm pawh pawi tihna a nei lo. Anih chuan kei hi eng angin nge min en ve..? Awlsamte a a khum a lawnpui mai theih hmeichhia ang lekah min lo en ve rengte hi a ni lo maw...?


“I sawi dik e Rush. Kei hi khang zan hnih liam ta i chenpui nula pakhat kha ka ni satliah ve mai a, engkim mai hian khang hmeichhia i lo mutpui tawhte zinga pakhat ve mai kha ka ni tih min hriatchhuah tir e”. Engmah a sawi leh hmain choka-ah ka tlan lut a, kawngkhar ka khar chiah tihah chuan ka mittui a rawn baw nghal zawiha.


END OF CHAPTER -20

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:26 pm

“Karei leh bawih-i....!!” Jimmy-a chuan min rawn pan pheia. “A van han nunrawn thlak tehreng em. Rush-a a lo awm ve hlauh chu a tihzia ngawt mai” tih pahin ka hnungah min rawn chula.

Chutianga ka thang tlawm lai Jimmy a’n a han hmu chu ka duh lo kher mai. Mi zawng zawng hmuh laia ka mualpho tak vanga ka mittui hi luang a ni lo a, Rush-a thuruk ka nih vang zawka mittui tla ka ni.


“Jim, lo va let rawh. Sem chhuah tur a la awm nual ania. Blaire-i chu keiman ka lo ngaihven ang e” choka a rawn luh pahin Woods-a chuan a rawn ti a.


Jimmy-a chuan min han kuah leh te te a, a kal hma Woods-a lam chu a hawia. “Ka thiannu lakah hian that lo chhuah viau ang che” a ti a, Woods-a chu a kalsan nghala.


Woods-a chuan engtin mah a chhang lo. Ngawi rengin a ding a, min en reng ringawta. ‘I thiam loh vek a ni. Bang rawh’ min ti mai dawn emaw ka ti hman hial.


“Nan-i vangin warning ka pe lawk che a, mahse hei hi chu Rush-a leh Nan-i thiam loh engmah a ni lo” Woods-a chu a rum nghuta, inthiam lo zetin a lu a thinga. “A pawi ka ti takzet Blaire. Keimah vang vek a nih kha. Khatianga a tih che kha ka rin phak bak a ni. Ka bialnu hlui ania, a chet dan mawi lo tak avang khan ngaihdam ka dil e”


Min ban dawn lo tihna em ni? Choka kilah chuan dingin thawk kan la ve te te a.


“Khang thil thleng avang khan hrehawm ti taka i awm ka duh reng reng lo ania. Pangai takin hetah hian awm la, midang ang bawkin tray i lo buaipui veleh dawn nia. A hma ang bawka tha khan i thawk leh thei a ni tih hi ka hria a ni”.


“Ka lawm e. Mahse ka inthlak phawt thei angem?” ka ti a. Heng ka thil kaite hi ka thlak vek loh chuan”.


Woods-a chu a nui saka. “Tehreng mai. Cart girl form kha a dang va ha leh mai rawh. A chuang kan dah sa thlap alawm”


Ka dinna atang chuan kal sawnin kawngkhar lam chu ka pana.


“Hmanhmawh lutuk kher lo la. Hun i mamawh deuh a nih pawhin hei i thiante fel tak tak an awm teuh tho ania” Choka atanga ka chhuah dawn lai chuan Woods-a chuan a rawn ti a.


Ka va chhuak chu hallway-ah chuan Rush-a leh Nan-i an lo ding duna, thil pawimawh takah an inhnial mek niin a lang. Nan-i chuan nelawm loh fahran mai hian min lo melh nghal kawka. Rush-a erawh a hrilhhai hmel hle. Engtin pawhin lo awm se keia lo buai ve na tur pakhat mah a awm lo. An chhungkaw thilah chuan sawi ve theih engmah ka nei hleinem.

Amaherawh chu zante han ral se, zanin a ka hlawh zawng zawng nen chuan ka mamawh khawp pawisa pawh ka lo khawl tling ve tawh ang a, naktuk atang chenna hmun tur ka dap ve tawh ang. A chhan chu Rush-a kailawn hnuai takngial pawh ka chang tawh awm si lo va. Ka inher a,ka kalna tur lam chu ka pan nghala.


“Blaire, lawkin” Rush-a chuan min rawn ko a.


“A ho lutuk, kal tir mai mai rawh” Nan-i chuan a lo ti vata.


“Chutin ka kal tir ringawt thei lo”


Kawngka chu ka khar hmaka, eng nge an sawi a engtin nge min sawi zui tih chu ka tan hriat a tul ber lem lo.


Kawngkhar chu a rawn innam hawnga, Rush-a a rawn chhuaka. “Blaire, lo ding teh. Inbe lawk ang” tiin min rawn ngena.


Ka dinga, ka dinnaah chuan ka lo nghaka. Engmah sawi tur chuang ka nei tawh lo. Ka sawi tur zawng zawng chu ka sawi zo vek tawh.


“Ka tihpalh lutuk, mahse i ngaihdan kha a dik lo a ni. Engtik lai mah khan ka hre lo der reng reng lo che. Engtik lai mai pawh khan i chungah ka mit a fu reng a, engvanga chutiang taka en che chu nge ka nih tih chu mitin zawhna a ni hial ang. I kal sawn pawh khan ka en zui zel che asin”. A thusawi lai chu a chawl det a, a sam chu chung lamah an hui chho thuaka. “Eng nge i ngaihtuah ka hre lo. Mahse i thil ngaihtuah dan erawh a dik lo a ni tih hria la ka duh a ni. Engtik lai pawhin i kianga awm reng ang ka ni a, ka kiang a awm reng turin ka duh bawk che”.


Ka kut chu a rawn vuana. “Min ngaidam thei a nih phawt chuan hetiang thil hi a thleng leh tawh ngai lovang tih ka tiam a che. Nan-i hi ka hmangaih a, mahse ani chu thil ka tihsak hnem tawk tawh alawm. Ka farnu a ni a, thil hrilhfiah angai a nih pawhin keiman ka lo hrilhfiah mai ang”. A mit a chhinga, thawk a han la haka. “Mit khap kar lek chhungin ka nun tam tak min thlak danglam saka, chuvang chuan chan che hi ka duh lo. Min kalsan tur anga ka inngaihtuah phei chuan ka a thei mai dawnin ka inhria”.


Ti khawp chuan ka bulah a rawn inphah hniam a, khang hmeichhia ang ngawt kha chu ka ni lo deuh tih ka inhre ta e. A khawvel chhungah tak tak ka leng ve tawh dawn pawh a ni ngei ang. Chutih rualin kei pawh han induh thei chuang ka ni lo. Ka thleng thui tawh lutuk. Rush Finlay-a zunah hian ka zawr vek tawh chu a nih hi.


“Aw le...” ka ti a, eng teh lua han sawi chuan tur ka hre lo.

Rush-a chuan min rawn din hnaih deuha. “Aw le tih zawng chu maw..?”


Ka lu ka bu a. “Aw le, chuti khawpa min dang a nihte chuan i thusawite chu ka pawm tih hriat nan aw le ka ti mai a nih chu”. Ka hmangaih thu erawh ka la sawi thei lo. A la hma lutuk. Ani chuan naupang min la ti a, a hunah chuan a hun ta tiin ka thinlungin min rawn la hrilh mai ang.


Tawitein a nui seka. “Ka thinlung zawng zawng ka bun ruak a, aw le tih zawng maw ka hlawh dawn?” a rawn ti a.


Ka dar ka lo chhin a. “Ka hriat duh leh chak zawng zawng chu i sawi vek tawh alawm. Tunah chuan i ta ka ni tawh a, eng nge ka chungah i tih ang?”


Rush-a chu sexy zetin a nui haka, a lamah min pawt phei a. “Anih chuan hole 16 na bula dil kamah khan sex hmang dun ta ila a nuam viau lo maw tihte ka lo ngaihtuah a”


Ngaihtuah ve ni awm takin ka lu chu ding lamah kan thle a. “Hmmm.., harsatna awm ta chu choka lamah let lehin zankhua a thawh tur hna ka nei si a”


Rush-a chu a thaw halha. ‘Shitt....”


A khabe kualah ka va fawp zeuha. “Unaunu dinpui tur i neih tho kha” ka han ti a.

Rush-a chuan nghet deuhin min rawn kuaha. “Tuna ka ngaihtuahna a awm chhun chu kan pahnihin khumah engmah inbel lovin awm dun ila, i thaw ri sexy tak leh i nuam ti rum ri ngaihthlaknawm em em mai khan ka beng hi han ti tlai leh se”


Awi lehh...a thusawi chuan thinphu a ti rang ngei mai le.


“A mawi leh mawi lo dawn nachang hre lo chu ni tehreng ila chuan in office bangah sawn nam bet chein a vawrtawp ka thlenpui ngei ang che”

A thusawi apiang mai chuan thawk a ti har nghal talh mai. “Va inthlak tawh rawh. Engti tur mahin ka thlem lo che ania. “ tih pahin min vawnna chu a thlah a.


Kal mai chu harsa ka ti. Ka kal hmain min fawp zeuha, chu chu kan inhmuh tawpna a ni rih. Chu zan ninawm zet mai chu a zo thei dawn lo emaw tih tur khawpin a rei a, a ninawm bawk si. Chung eitur chi hrang hrangte chu a lan ang aiin buaipui a hautak a, mi zawng zawng an haw hnuah an ei bang nawi leh an chet hnawkna vel kan ti felfai leh vek bawka.

Chutianga darkar 3 zet kan buai leh hnu chuan zing lam dar 4 a lo ri thuak tawh a. Haw tura ka truck ka pan laite chuan zing khawvar tur intham mek tih hriat tak hian khua a thim zual bik hle a, Rush-a in lam pan chuan ka inkhalh haw nghal vang vanga.


Zankhua a hna kan thawh avangin chhun lam erawh kan awl ve thung anga, chubakah apartment luah tur zawnga feh chhuah a ngai rih ta lo bawk nen. Ka tan chuan chawlh hahdamna tha tak a ni rih a ni mai. In ka thleng a, Rush-a room, chhawng chung ber chu a lo la eng a, pawn lam boruak thim tak atang chuan a langsar ang reng hle a.


Kawngkapui pawh a lo inkalh lo. Ka luta, chhung lamah ka kalha. Rush-a chuan min lo la nghak tihna nge ni ang a light off lovin a mu zawk..? Ka pindanah ka lut tlang ang nge a pindanah ka chho ang?


Inchung lamah ka chho a, Rush-a chu a pindan chhohna kawngkhar nghengin chhuatah a lo la thu reng hi a lo nia. Kan mit ve ve a intawng nghal chata. Eng nge tun angah te a tih?


Min hmuh veleh a ding a, min rawn pana. A mit atang chuan pawisak reng nei lo hmel hi a pu a, engvanga chutianga awm chu nge a nih phei chu ka hre lo. “Inchung lamah rawn chho turin ka duh che. Tunah” a aw chu a chang faka.


Ka thinphu erawh a pangai ta lo khawp mai. Inhliam an awm em ni? Amah hi a tha hrim hrim em?


A hnungah ka zui nghala. Kawngka a khar a, chhung lamah a kalh nghal hmak a. Tum dangin a kalh ngai hauh si lo. Inchung pawh kan thlen hma hauin min rawn vuana, ka kawr hak lai chu a hlip nghal rawk rawk a.


Kan uniform kawrte chu a kawrkilh tla hlawk hlawk khapin a pawt thla pawp pawp a, eng nge dik lo awm tih pawh ka zawt hman lo. Min rawn fawp a, a lei chuan a duhthaw ngei mai. Ka kekawrbul hak lai chu min pawh thlak sak dawrh a, ramsa riltam tawh tak ang mai hian a rum ham ham a.

Kailawn bangah min nawr bet a, ka pheikhawk hlipin ka kekawrte thleng chuan a pawt thla rawk rawka. Ka bawp pahnih chu a kuai kaka, a rawn liak nghal tawn tawn a, a lei hmawrte chu a rawn hawlh lut hlawih hlawih a. Kei lah nizan atanga chak sa lo ni tawh bawk nen a hming lam meuhin ka tap chhuak titih a. Ka malpuiah fawp thlain ka kap karah chuan a hmai zawng zawng a phum hi a ni maiin ka hria. Chu chuan min ti zauthau zuala, a dang zel duh belhnain min khah tira.


“Ka ta, a vai hian ka ta vek a nih hi” tiin a rawn rum nguta. A kut chuan a lai tak chu a rawn nuai nawk nawka, ka mitah tak min rawn en a. “I **** tui tak hi ka ta a nih hi Blaire”. A mit chu tisa chakna avangin a paw rama.


Eng pawh sawi se, eng thil pawh ti se ka pawmpui vek. Nasa deuh leh dimna tel miah lo pawhin ti se ka tan chuan chu aia nuam a awm thei chuang lovang.


“Ka ta a nih thu han sawi teh” phut nei zet hian a rawn ti a.


Ka lo bu zeuha, chutah a kutzungtang pahnih ngawt chu an kawm lut a, ka au chhuak thawta. “Han sawi teh. Hei hi ka ta a nih thu min han hrilh teh” tiin a rawn sawi nawn leha.


“I ta vek a ni. Rush.., min (SENSOR) rawh.., tunah hian. Khawngaihin Rush”


Ka tawng dan chu a rin phak bak a ni a ni ngei ang, a rawn meng zau kawka, rawn ding kangin a pyjama hak lai chu a hlip thla a, a mipatna thil pawh chapo hmel takin a rawn kawh nghal larha.


“Zanin chu condom hmang lovang. Ka phawi chhuak hman ang. I taksa a nawmna zawng zawng hi chen vek ka duh a ni” a rawn ti a. Ka khup chu tawm chhoin ani erawh ka **** nen a inrem turin a thu hniam deuh a, a dim loh ka ring viau nangin, dimtein a thun lut zal zal tho mai.


SENSOR.....SENSOR...SENSOR
SENSOR.....SENSOR.....SENSOR

Kailawna ti mai kan ni a, ka mutna pawh a dup lem lo khawp mai. Rush-a chuan ka tan a hrehawm a hlauh avangin min pawm tho nawlh a, a pindan nuam zet lam chu min panpui a. Chutiang a ruak veka in pawm chu ka vawikhat tihna a ni bawka, Rush-a awm,nem leh tawh nuam zet maia kan bei hle hel mai chu a nawm dan dangdai tak a ni.


Khumah chuan min nghat a. “Khumah khawn bawkkhup la, i ban pahnih kha i lu lamah phar chho ve ve ang che. Chuan i mawng kha rawn ti pauh deuh bawk la”


Umm, aw le. Engvang nge tih zawh kher a ngai hran lo. A sawi ang chuan ka ti nghala


SENSOR.....SENSOR...SENSOR
SENSOR.....SENSOR.....SENSOR


“Ka tih laia i mawng lang sexy zia mawlh kha” a la hah a ni tih hriat zet hian a thaw hlawi hlawia.


A awmna lam chu hawiin ka ring ka kan a” Ngati maw...?”


A rawn nui chhuak hak a. “Ka sil fai leh ngei che chu a ngai dawn a nih hi” tih pahin ka mawng chunga a tih tlak tling piau mai chu a rawn kawka. Eng nge a chhan pawh ka hre lo, ka lo lai ve ringawt nia. Ka hmai ka hup a, kan nui leh ringawta.


Bathroom a tui a va dawh lai chu khuma bawkkhup chung chuan ka lo nghak a. Rei vak lovah tui leh puan thianghlim tak kengin a rawn let leh a, ka mawng bawr a tih berh zawng zawng chu a hru fai vek a, engtik laiin nge ka lo muthilh pawh ka hre lo. Ka chau tawngkhawng ve em a tin ni.


END OF CHAPTER -21

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:26 pm

ROSEMARY BEACH Chapter -22
www.storyfb.com mizo story thar nitin dah ziah a ni e


Zing ka han tho chu keimahte chauhin khumah ka lo mu a, tukverh atanga ni zung rawn lut chuan ka mitah tak arawn chhun avangin ka mit ka hup vata. Pindan chu ka han melh kuala, mahse Rush-a hmel reng hmuh tur a awm lo. Sana ka en a, zing dar 10 a lo pel duai tawh chu niin. A awm tawh lo pawh chu a awm lo lem lo ve. Nizan khan nuam takin hmangaihna kan chen duna, tukin chu eng emaw sawi dunna nei ila a thain ka hria.


Khum atang ka tho chhuak a, ka kekawrbul pawh hak mai theih turin khum mawngah a lo awm sa diama. Nizan khan kailawnah kan inphelh ruak vek kha a ni sia, chuti a nih chuan Rush a’n min rawn dah chhoh sak a nih ngei dawn hi. Kawr hak tur ka melh kuala, ka hmuh mai loh avangin Rush-a kawr pakhat inkhai chu ka inthawlh ve tawpa, inhnuai lam pan chuan ka chhuk thla ve nghala. Tunah chuan Rush-a hmu turin ka inpeih ta e.


Kawngkapui ber lo inhawng huau mai chuan tlemin min ti tim deuh. A chhan chu ka hriat chinah helai kawngkharpui hi vawikhatmah a la inhawng lo tlat a ni. Chutah aw ka hre zui nghala. Kailawnah chuan thuin aw lo chhuahna lamah chuan ka beng ka chhi a. Hai rual lovin ka pa aw a ni tih ka hria. Inkawmkhawmna pindan atangin a ni. A lo haw tawh tihna a ni maw..?

Ka thutna atang chuan ka dinga, va fin ve mai chi a ni angem? Min lo chhuah tir nghal rawk rawk mai lo maw..? Rush-a nen kan mu dun tih hi a hria angem? Nan-i ang tho khan a nu pawh chuan min lo lawm lo viau mai ang a..?


Ka pa ina ka hming a lam rik takah chuan ka chhuk tla leh deuha, kawngka phenah dingin an thusawi pawh ka hrechiang thei ta hlemai. Eng nge an sawi tih chiang taka hriat ve ka duh tlat.


“Awih harsa ka ti khawp mai Rush. Eng ngaihtuahna nge i put reng reng a? Tunge a nih i hria em? Eng nge kan chhungkaw tan hian a nih i hre ta lo em ni?”. Chu chu a nu a ni tih ka hria. A hmel la hmu lo mah ila amah a ni tih ka hre thei.


“Eng nge a nih tihte chu hriat pawh i hre duh reng nang. Eng chiah nge anih tih pawh hi i hre pha kher lovang. I pasal a fa hi a ni miau alawm”. Rush-a chu a thinrim hmel hlemai.


Kawngkhar chu tlem ka pawt kau a, an thusawi chu ngun leh zual a hriat ka duh. An chhungkaw tan chuan eng nge ka lo nih ve reng reng a? Eng nge a thusawi awmzia chu..?


“Chutiangte chuan ti reng reng suh. Nangman a ni lawmni Blaire-i pa hi va zawng chhuaka, ka tan a rawn hawn tu kha”. A nu chu a vin hlak hlak kher mai. “Engkim hi nangma bul tan vek a nia, chuta karah ani chu i lo mutpui leh hman pek a maw...? Awi karei lehhh...,eng ngaihtuahna nge maw i neih ni? I pa ang chiah i nih hi”


Kawngkhar chu nghet takin ka vuana, eng nge an thusawi awmzia chu ka hrethiam lo kher mai. Chutih rual erawh chuak ka thawk arawn saka, hlauhthawnnnain min rawn man er er a.


“Hre reng rawh. He in hi tu ta nge ka nu...?” Rush-a vauna chu a chiang kelh kawlh khawp mai.


A nui chu a nui ri haka. “He thil hi awih chi a ni ang em..? A hmeichhe tawnthar pakhat vangin ka lakah a thnrim ta chu a nia. Abe, eng emaw chu han ti teh”


Thawm a reh vang vang hnu chuan ka pa chuan a hrawk an thian kharh a. “He in hi ama in alawm Georgie, eng ti tur mahin ka nawr lui thei lo a ni. Hei erawh ka lo beisei lawk dan ang vel a ni. A nu ang chiah kha a nia”

“Eng nge i thusawi awm zia chu..?” nu ber chu a bak hlur tawh mai.


Ka pa chuan a dar a chhin ak a. “Heng thilte chu kan tawn vek tawh kha. Ka kalsan chhan che pawh ani khan Blaire-i hi min hrin sak si a, chuvang chuan fahrah tur a kalsan ringawt kha ka thei bik si lo a ni”


“KA HRIA... Tuna rawn thar thawh leh chiam kha a ngai lo. Ani kha i duh hler hler lutuk a, kei raipuar, innei mai tura card pawh sem chhuak diam tawh kha min kalsan ta a nih kha tiraw..?”


“Ka duat, chutin an ti ngai lo. Ka hmangaih lutuk che alawm. Blaire-i hian a nu mizia ang, mi hneh theih riauna ang kha a nei ve a ni tih ka sawi tumna zawk a nia. Chubakah a nu kha eng ang nge a nih tih hi rinthiam ngaihna a hre lo hrim hrim bawk a ni”.


“ARGHH...! Khanu phiang sen khan engvangin nge min kian san theih hlawl loh le..? Ka nun zawng zawng hi min chawh buai sak vek a tum emni zawk...? Amah ber a thi ta chenga, tichuan kei pawhin ka hmangaih ber ka nei let leha, kan fanu pawhin pa a nei let veleh bawk a. Tunah hei, nang chuan chu nu chu i lo va mutpui leh hman zek zawk tawh chu a nia”


Ka taksa zawng zawng chu a chawmawlh vek. Chet nachang ka hre lo va, thawk lak nachang takngial pawh ka hre lo. Ka mumang ram lamah ka la cheng anga, ka la harh chhuak lo a nih ngei ka ring. Ka mit chip takin ka chhinga, chu mumang thinthawng zet lak a ta chu harhchhuah ka duh a ni.


“Ani chungchang kha han sawi leh vaih teh. Ka kalsan nghal ang che” Rush-a aw chu a ruhin a vawt hle a.


“Georgie, bawih-i, khawngaihin inbengdai teh. Blaire-i chu hmeichhe fel tak alawm a nih. Helaia a lo awm ve avang hian khawvel hi a tawp ta e tihna a ni lo ania. Ka hrilh vek tawh che kha, chen lawkna tur a mamawh mai chauh a ni. Rebecca-i kha i hua tih chu ka hria, mahse i thiantha ber a ni a, tet te atanga inkawmin unau ang chiahin in inen a, kei ka rawn lan ve tak atang khan in inthian thatna zawng zawng ka rawn ti chhe ta a ni. I thiannu fanu a nih hi. Lainatna tal chu lantir ve teh”


Ni lo, ni lo, ni lo, a ni thei lo. Ka thil hriat chu hriat ka duh lo. Thu dik a ni lovang. Ka nu khan tute inneihna mah a tihchhiat sak lovang. A fa pai a raipuar mek bialpa chu a fa paina kalsan turin a thlem lul lovang. Ka nu kha nu tha, rilru tluang tak a ni a, chutiang thil chu a thlen tir lo tawp ang. Chutiang thu an sawi lai chu ka ngaithla thei lo. An thu hriat zawng zawng kha thu dik lo vek a ni. An hre chiang lo a ni. Ka pa pawh hmana tlan bo tawh a ni a,chutin engmah a hre tawh tak tak lovang.


Chutianga ka nu hming an lam ri chu ka ngaithei tawh bik lo. Kawngka chu nam hawngin an awmna lam chu ka pan phei a. “HMEL HO..., in vai khan ngawi hmak rawh u” ka aw ki a sang ngei mai. Pindan chhung chu a reh thiap a. Thinrim zetin ka pa chu ka melh a, tumahin min dang thei lovang. Chutiangin ka tan a a nun pum hlantu ka nu chungchang chu an sawi tur a ni lo reng reng.


“Blaire” Rush-a aw chu hla tak atanga rawn chhuak ang mai a ni. Min rawn hnaih lo turin ka kut ka phar chhuak vata, ka bul hnaia awm turin ka duh lo.


“Nang...” ka pa chu ka kawk siaha. “Ka nu chungchang dawtin i hrilh a ni”. A au hian ka au a ni ringawt. Ka chet dan atthlak zia pawh chu ka ngaihtuah tawh lo . An vai mai hian ka haw em em vek.


“Blaire, sawifiahna hun min pe rawh-“


“NGAWI HMAK RAWH” ka aw ki ka hniam thei tawh lo. “Ka unaunu, ka taksa peng pakhat ang mai a ka ngaih kha dawr lam pana in pahniha in kalna lamah a thi a nih kha ka pa. Ka thlaurau chu a lai taka hleh chhum hmawk ang mai a ni asin.Ka pa in a min kal bo san lai kha ka thlir liama, a rawn kir leh tawh ngai lo. Tichuan i fanu leh i nupuite chuan an pahnihin chu an khawvel keh nuaih tawh mai chu Valerie tel lovin an hmachhawn dun leh a. Ka nu a damlo a, rawn biak che ka tuma, mahse min chhang lo. School ban veleh a inhlawhna tur ka zawnga, ka hlawh ang ang chu ka nu damdawi man a tan ka hmang thin. A nat tak em avangin ka senior year-ah school ka ban phah hial a lo ngaia, a chhan chu khawvela ka nu enkawltu awmchhun leh a mamawh lak sak a tanpuitu awm chhun ka nih vang a ni. A thawk tawp thlengin a kutah ka chelh a, a vuina hun ka buatsaih a, thlan khurah thleng ka thalh liama. Khati chung khan vawikhat eih pawh min rawn be lo. Tichuan kan in, ka pi min rochun ve chhun kha ka nu damdawi bill atan ka hralh leh ta ringawta”. Ka sawi sawm thei tawh lo. Ka thaw a chham avangin thawk ka la hrawk a, ka inhnit zui hlawp hlawpa.

Ka hnunglam atang kut pahnihin min rawn kuah a, “MIN KHAWIH SUH” ring taka tih pahin a kut chu ka paih thlak sak nghala. A khawih pawh ka duh lo. Dawt min hrilh a ni. Heng zawng zawng hi ani hian a hre lawk vek. Tichung chuan engmah min hrilh lo.


“Chu a karah mi chhe ber ang maia ka nu i sawi lai ka ngaihthlak a la ngai leh ta zui a, ani kha mi thianghlim ber a ni. Ka sawi chu i hria em...? Ani kha mi tha ber a ni. In vai hian mi dawheh tak vek in nih hi”


“Ni chiah e, dawheh tak a nih kha. Ka pheikhawk bal tifai tlak pawh a ni lo. Nan-i hi a fanu a ni a, mahse nang i lo piang ta sia”. Chu thil rawn sawitu Rush-a nu lam chu ka hawia. Karei
leh.., ka hria. A hmel hi ka hria. Ka tawlh hnunga, ka lu ka thing a. Ni lo, hetiang hi a ni tur a ni lo.


“Tunge i nih..?” ka zawh rual rual chuan ka mitthlaah eng emawni a rawn lang nghala.


“I chhan danah fimkhur hle angche” ka hnung lam atang Rush-a chuan a rawn ti a, min la din hnaih hlemai.


Ka pa a va melh zauh a, chutah ka lam a rawn hawi a. “Tu nge ka nih tih chu i hria ang Blaire, tun hmain kan inhmuh tawh kha”


“Kan inah i lo kal a..., chuan,..chuan-ka nu i rawn ti tapa”


Chu nu chu a han thaw haka. “Nan-i khan a pa ngei hmuh ve kha a duh tlat si alawm. Chuan a pa chhungkua, nawm hmel tak chu a rawn hmu a, fanu ngo buang mai phir leh nupui fel tak a lo nei reng a. Ka fanu bula pa a neih loh thu hrilh reng mai kha ka kham ve em bawk a tin ni. Tichuan a chak em em mai chu ka hmuh tira, mahse vawikhatmah a ngen nawn leh tawh lo”.


Keimah ang rual vel hmeichhia kan in a a rawn kaih luh, kawngka a ka ding lai min thlek vang vangtu kha Nan-i hi maw lo ni a..? Ka pum a ti nghul mai. Ka pa hian eng thil phiansen nge maw a tih tak hi le...?


“Blaire, khawngaihin min en teh” ka hnunglam atang bawk chuan Rush-a chuan a rawn ti leh a, mahse ka ngaihsak duh lo. Engkim hi a hre vek. Hei hi a ni maw Nan-i thuruk a lo tih thin chu. Keimah avangin fahrahin a awm phah a, min haw lo ta se a mak zawk ngawt ang. Chuvang chu a nih hi pa chan changa a lo ngaihsak em em ni. Chutih rual chuan keimah avangin hmeichhe naupang pakhatin pa a neih loh phah a ni tih chu ka thuruk ve tho tur a ni ang chu. Kei lah chuan engmah reng ka lo hre der mai si lo. Woods a’n a “Nang leh Nan-i ah hian a tu emaw zawk zawk thlang dawn ta se Nan-i zawk hi a thlang ang” a tih kha ka bengah a rawn ri nawn awn awn a.


Woods-a pawhin a chhan a hria. He khua a mi zawng zawngte pawh hian an hre vek tihna a nia, kei lahin engmah ka lo hre ve der mai si lo.


“Georgianna-i nen hian inhual lai kan ni a, ka fa a pai mek bawk. Tichuan i nu kha Georgianna-i tlawh tur hian a rawn zina. Ani ang hmeichhia kha ka la hmu ngai lo. Min hneh nghal ngawih ngawih. Ka mit ka la sawn thei lo a ni ber ang chu. Chutih laiin Georgiana-i hian kar tawp apiangin Rush-a hi a pa, Dean-a bulah a hruai ziah thin a, engtikah emaw chuan an induh leh maite kha ka lo ring rum rum a, bakah Nan-i hi ka fa tak tak a ni lo tlatte hian ka ring a. I nu kha hmeichhe fel leh kawm nuam tak a lo ni nen, a bula awm kha nuam ka tiin min ti hlim thei hle a. Tichuan dawt ka hrilh ta a, Georgie chuan Dean-a lakah min rai san a ni tiin ka hrilh a. Pawi min tih pui em em a,tichuan eng tin tin emaw tlan dun turin ka hmin thei ta a ni”


Ka pa thusawi chu hriat chhunzawm zel ka duh tawh loh avangin ka beng ka hup ta ringawta. Haw ka duh, Alabama a let leh ka duh a ni. Khatah kha chuan heng thil hriat hrehawm tak hi hriat tur a awm ve ngai lo.


“A tawk. Sawi a ngai tawh lo. Ka bungrua ka tel anga,chhuah ka duh” tahin a zawm nghala. Pawn lamah chenna tur engmah nei lo mah ila ka nu thlana kala biak ka duh. Haw ka duh a ni.


“Khawngaihin Blaire, ka thusawi hi ngaithla teh” Rush-a chuan a rawn ti leh a. Namsawn turin chakna ka nei tawh lo. Ka kal sawn ta rinagwt a. “I lam ka hawi thei lo va, biak pawh ka be duh lo che. Ka in tel fel ang a, ka chhuak ang”


“Blaire, bawihi, khawiah mah hawna tur i neih loh kha” ka pa chuan a rawn ti a.

“Ka nu leh ka unaunu thlan kha ka in chu a ni mai.An bula awm ka duh a ni. Helai hmuna awma, ka nu kha ka lo hriat dan thin ang a ni lo tih hriat chhuah fo ai chuan . Hlim takin awm ang che Abe, anni khan an hmangaih ber zawk ang che. Chutih rualin an rilru erawh tih nat sak ve tawh suh ang che”


Ka pindanah ka lut a, ka luggage ah chuan ka ka inkhung sawk sawk a, mahse ka purse leh chahbi ka hmu mai lo. Ka zawng kual a, Min en reng chungin kawngka-ah Rush-a a lo ding reng chu niin.


A hmel a dang bel a, a mitmeng pawh a dik lo. Eng tin pawhin thinrim se ka ngaituah peih lo. Ka lakah dawt a sawi a, min bum a ni.


“Min chhuah san thei lovang” zawite, aw tham tuak hian a rawn phun sepa. Kawngkhar chu a dang tlata.


“Ka theih leh theih loh ilo en dawn nia” ka ti let ve hmaka.


“Blaire, insawifiahna hun takngial pawh min pe lo va. Vawiin hian engkim ka hrilh vek ang che ka lo ti sa a, mahse nizan khan an rawn haw leh ta thut sia. Lo hrilh lawk vek che kha ka duh a. Lo hrilh lawk ta che chu ni ilang chuan hetiang ang hian i ngai hauh lo tur”


“Hetah hian ka awm ve thei tawh lo. Ka hmu peih tawh lo che. Natna min thlen leh min bum vang ni lo vin ka nu avang liau liau zawkin”. Ka lu ka thinga. “Kan pahnih inkar chu ti hian a tawp mai ang a, darkarte hi chu an ral ve mai zel alawm. Mahse ka chhuk anga, ka khawvel lo hriat ve thin kha dawt vek a lo ni tih erawh ka hre thar reng dawn a nih hi”


Rush-a chu a thaw haka, kawngkhar a vawn tlatna kut chu la thlain a tawlh sawna, tunah chuan ka chhuahna tur kawngka pawh a inhawng ta huau mai. Tunah chuan duhthlan tur a awm tawh lo. Kan inkar chu nasa takin a hmelhem tawha, chutin a tha leh mai mai tawh ngai lovang.


END OF CHAPTER -22

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 21st, 2017, 2:27 pm

Hawi pawh hawi let lovin a pindan atang chuan ka chhuak a, ani pawhin min rawn ko bik hek lo. Ka suitcase ka keng a, inhnuai lamah ka chhuk thla a. Step tawpna ka thleng vel chiah tihah ka lam panin ka pa a rawn phei a, a in hmachhawn zawng takin kan intawng a. Ka hmuh hnuhnun ber atang khan a hmel chu kum 15 velin upat belhin ka hria. Khang kum 5 chhung lek kha atan kum nuam tak a ni lo aniang, a tar chak emai.


“Chhuak lovang Blaire. Kan sawi dawn nia. Ngaihtuahna hun inpe phawt rawh”. Heta ka la awm ve a duhna chhan chu eng vang nge? Ka nun tih chhiat vek hi nuam a ti em ni? Nge ni a Nan-i nun zawk?


Ka phone, min lei sak kha ka ipte atang ka phawrh chhuaka, ka pe a. “Kha la rawh. Ka mamawh lo ve” ka ti a.


Phone chu a en a, chutah min rawn en leh a. “Engvangin nge i phone te chu keiin ka neih rikngawt ang a?’


“A chhan chu i thil lei engmah hi kawl ka duh lo” tiin ka chhanga. Ka thinrimna chu ka kawchhungah a so bulh bulh a, a hahthlak ngei mai. Helai hmun atanga chhuah fel vat hi ka duh ber.


“He phone hi ka lei che a ni reng reng hleinem” a ngaihna a hriat loh hmel hlemai.


“Phone kha chu la rawh Blaire. Chhuah i duh a nih chuan ka dang lovang che. Mahse khawngaihin phone kha chu la rawh” Rush-a chu Step tawpah chuan a lo ding ve reng chu niin. Phone hi ama min lei a ni. Ka pa khan phone min lei sak turin a hrilh lo hrim hrim. Awm dan tur pawh ka hrethiam lo. Tumah tih lunghnur chu ka duh chuang si lo.


Ka kal sawn a, phone chu kailawn bula dawkhan te-ah chuan ka dah ta hram. “Ka la thei lovang” tih chu ka chhan dan awlsam ber a ni. Tu lam mah ka hawi let tawh lo. Chutih lai chuan Georgianna-i chhuat rah rik thlerh thlerh thawm chu ka hria a, kan awmna pindanah chuan a rawn phei a ni tih ka hria.


Kawngkhar hawnna chu vuanin ka nam hawng a, in atang chuan ka chhuaka. A tu amah chu engtikah mah ka hmu leh tawh ngai lovang.


“Amah ang chiah tho kha i ni” Georgianna-i chuan a rawn ti a. Amah a tih chu ka nu a sawina a ni. Ani hian ka nu chungchang sawi theihna dan engmah a nei lo. Ka nu chanchin dawtin a la sawi lehnghal.


“Amah ang chanve tal pawh ni thei ila ka ti” tiin ring leh fiah fai takin ka chhang let a. An zavai chuan hre pha ngei se ka duh. Ka nu kha nu fel leh tha tak a ni ngei a ni tih hi ringhlelhna nei lovin ka pawm thlap a ni tih an hriat ngei ka duh.


Ni sa chinah chuan ka chhuak a, kawngkhar ka khar zui nghala. Ka truck awmna bulah tak Silver rawng sport car a rawn tlan a, hai rual lovin Nan-i a ni tih ka hria. Tunah rih chuan hmuh pawh ka hmu peih lo.

Car kawngkhar a rawn inhawng a, mahse ka ngaihsak duh lo. Ka suitcase chu truck hnungah ka vawm lut a, kawngkhar ka hawng a.


“I hre ta maw...?” ring lenglawng nuihzat deuh hmel si hian min rawn ti a.


Ka ngaithla tur a ni lo. Ka nu chungchang dawt bak rawn phuh chhuah tur a nei lo tih ka hre sa vek.


“Engtin nge i awm? I pa awm dan dik tak han hriat chhuah chu?”


Ka mur vek. Ka rilru nat vang a ni. Ka pa chuan kum 5 kal ta khan min chhuah san tawh.


“Chapo a hawi sang ve chi i nih loh zia chu i inhre chiang tawh ngawt ang chu. I nu ve lah kha..., a phu tawk chiah a hmu a nih hi”


Ka theihna zawng zawngin ka inthunun hram hram a, mahse tumahin ka nu chungchang chu an sawi tur a ni lo. Tumahin. Ka thutna hnuaia ka dah Silai, a dawr 9mm zet a sei chu ka phawrh chhuak a, a hmui sen hiam dawhheh tak maiah chuan ka tin ta run a.


“Ka nu chhungchang thumal khat pawh i sawi leh a nih vaih zawngin i taksaah khan kaw dang ka rek belh ang” aw chang fek fawkin ka ti a.


Nan-i chu a tre tuar a, chung lamah ban a phar chho nghal a. Ka silai erawh ka dah thla eih lo. Thah ka tum hran lo. Mahse a sawi leh a nih chuan a banah ka kap ang tih chu ka tum dan a ni.


“Blaire, i silai kha dah thla rawh. Nan, lo che suh ang che. Mipa tam tak aiin silai kah a thiam daih ania” ka pa aw ka han hria chu ka kut a khur lek lek hial mai. Ka lak atangin chhanhim a tum nia. A fanu chu. A duh ber, min chhuah san phah hial nachhan kha. Ka nu nunna leh hlimna ai pawha a thlakhleh zawk.


Georgianna-i hlauthawng aw ka hre chhunzawm nghal a. “Eng thil nge he nu hian a tih a? Hetiang thil kawl phalna hi a nei em ni?”


“Permit a nei thlap” ka pa chuan a lo ti a. “Chubakah eng nge a tih hi a hrechiang bawk. Chuvang chuan lo chi-ai suh”

Ka silai chu ka dah thla a. “He truck ah hian chuangin kum khua atan in hringnun atang ka kal bo vang vang tawh ang. Ka nu chungchang sawi leh hlek tawh suh ang che u. In ka atanga hriat ka duh lo” tiin truck ah chuan ka lawna, ka silai pawh chu ka dahna ngaiah ka dah let leh a, hnung lam hawi let tawh miah lovin ka hma lam kawngah chuan ka tlan nghala.


Country club lam ka pana, ka kalbo dawn tih tal ka hrilh loh chuan. A reng reng thuah an ni ho hian thu dik chu an hre lawk sa vek a, engvanga tumahin min hrilh lo nge maw an nih le? Engvanga Nan-i chauh ngaihtuah vek nge an nih?


Truck chu office kawtah ka park a, pawnah Darla-i a lo awm a. “Bawi-i i duty hun i en nange? Vawiinte chu i day-off ni alawm” nuisang chungin a rawn ti a. Mahse min han hmu chiang chu a hmel awm dan a dang nghal vek. “I hre chhuak ta a ni maw?” a rawn ti a.


Darla-i hian a hre chiang a ni. Ka bu zeuh ringawta. “Ti ti leng vel atang chuan ka lo hre thawi ve tawh tho nangin tumah hian thu dik tak an hre chuang lo a nia. Kei pawhin hriat pawh ka duh miah lo a, mahse titi leng vel hi chuan duh vang pawh ni lo hian kan hnen a rawn thlen ve hun hi a lo awm ve leh thin sia” tih pahin min rawn pan a, a ban a rawn phara.


Chuveleh a lamah chuan ka tlan phei a, tunah tak hi chuan min kuah a min thlamuantu ka mamawh takzet a ni. Ka kuah rual rual chuan ka tap nghal hlawk hlawk a.

“Ka hria alawm bawihi. Engtikah emaw chuan mi ka atang pawh ni se ila hre dawn tho a ni tih hi”


Engmah ka sawi ve thei lo. Min kuah a, ka tap hlawk hlawk ringawt a.


Bethy-i pawh hrilhhai takin a rawn chhuak a, thil awmziate a hriat hnu chuan ani pawh chuan a lo hre lawk ve vek tho hi a lo nia “Chuan i kal bo dawn tihna em ni?” Bethy chuan a ti a, ka lu ka bu ringawt a.


“Khawiah nge kal i tum?” Darla-i chuan a lo ti vata.


“Alabama ah ka kir leh ang. Pawisa tlem a zawng khawl ka nei a, hnate ka zawng anga, bakah thiante neuh neuh an awm bawka. Ka nu leh ka unaunu thlan awmna a ni bawka” sawi pawh ka sawi zo hleithei lo.


“Kan van ngai dawn che em aw...” Darla-i chuan nui lui tih hriat tak hian a rawn ti a.


Kei pawhin ka ngai hlawm ngawt ang. Woods-a pawh telin. “Kei paw’n ka ngai ngawt ang che u”


Bethy chuan min rawn kuah a, a inhnit nghal hlawp hlawp a. “Nang ang thian hi ka la nei ngai lo. Kal lo la ka van ti em”


Kei pawh ka mittui a rawn tling veleh nghala. Thian tlem a zawng chu ka siam ve hman a, anni chuan min bum ve lo. “Engtikah emaw i rawn la zin ang a, kan la inhmu leh ang chu” inhnit hlawp hlawp chungin ka ti a.

“Lo zin chu i phal tak tak ang maw...?”


“Phal tehreng mai”


“A nih chuan kar lehah ka rawn kal dawn”


Kan tahnuih leh rih a. “A pawi reng reng lo. I hman hun hunah i rawn kal dawn nia”


A lu a bu zeuh a, a mit sen chui mai chu a kut chuan a han hru a.


“Woods-a pawh ka lo hrilh ang e. A hrethiam em em ang” Darla-i chuan a rawn ti a.


“Ka lawm lutuk e”


“Fimkhur takin awm la, tluang takin i haw dawn nia. Chanchin min rawn hrilh ve zel la”


“Tehreng mai” tiin ka chhang let a, dawt ka sawi maithei. Ka be leh kher angem tih chu ka chiang bik tlat lo.


Darla-i leh Bethy an ding dun a, in vaih lauh chungin kan inthlah liam ta a. Ka truck chhungah ka lut a, chu chu Rosemary khua ka chhuah sanna tur a ni.



Darkar 7 ka tlan hnu chuan Alabama pawh chu ka thleng ve ta a, chauh thlak tak a ni. Ka pa in a ka nu chanchin a sawi kha ka bengah a ri nawn awn awn a,a thi thei lo. Thlanmual lam panin ka inkhalh nghal a, riahna tur motel ka zawn hma ka nu va biak phawt ka duh a ni. Tu thusawi mah ka awih lo a ni tih hrilh ka duh a, eng ang nu nge a nih tih chu keimah ngei hian ka hrechiang alawm.


Thlanmual a motor park na chu a lo ruak vek a, chulai hmun a ka kal tawp berna pawh kan vui ni kha a ni. Ni a chawhnu ruih tawh a, leiah hlimthla a lang ralh tawh.


Truck atang chuan chhukin thlawk ka la hak a, tunah chuan ka nu awmna hmunah ngei ka awm leh ta. A thlan awmna lai chu ka pan a, ka awm loh chhung khan a thian te pawhin tlawh fo in pangpar na dah thin tih pawh ka hria. Mahse kar rei lote kal ta khan kan phum a ni tih chu rin thiam har ka la ti kher mai. Valerie thlan bul chiaha kan phum thei kha ka lawm hle a, tlawh dawn pawhin a rualin a tlawh theih nghala.


Leivung thlar lam tak kha hnim mawi takin a lo inkhuh thlap a, Pu Murphy-a min khuh sak a ni a, engmah min chawi tir lo lehnghal. Ka nau thlan nen chuan a in ang chiah a, mahse ka nau thlan a kan lung phun chu a nalh zawk a, ka nu thlan a mi erawh lungphun pangai tak a ni.


Rebecca Hanson Wynn
(April 19, 1967 – June 2, 2012)

He leiah inthen rih mah ila kan tana a thatna leh a hmangaihna chuan min chenchilh renga, Van nuam a kan intawn leh hma loh zawng kan thinlungah a cham reng ang.


Hlim taka chhungkua kan awm khawm ni rei lo mahse ka tan chuan an thlan chu ka in a ni a, anni chu ka chhungkaw neih chhun an ni.


“Hetianga i rawn let leh hma hi ka lo beisei miah lo va” chu aw ka hria chu ka phu nasa lutuk. Hawi let kher lo mah ila a aw atang tunge a nih tih ka hrechiang lutuk tlat. Kei pawhin hetianga ka awm lai hi min hmuh ka beisei bik lo. Cain-a chu tette atang ka thian a ni a, inngaizawng chho in a kum a kum hial kan lo in ngaizawng ve tawh tih ka sawi tawh kha.

“Helai hi ka tan chuan a nuam ber” tiin ka chang let a.


“Kar kal ta a i kalbo daih avang khan ka lung ni lo tep a ni” a aw ki a a fiamthuna chu ka man nghal vek. A tih fo thin dan a ni tlat alawm. Hman a mi ang tho kha a la ni a nih hi.


“Ka pa tanpuina ka mamawh niin ka inhria a, mahse a lo ni tawh si lova”


A nui suk a, ka bulah chuan a rawn kal hnaia. “A ngai ang tho kha a la ni a ni maw..?”


Ka lu ka bu ringawt. Thil zawng zawng Cain-a bula sawi tur chuan ka la inpeih lo.


“A chhungkaw thar chu i nuam tihna chi a ni ve vak nange?” a rawn ti leh a. He pa hi chu a he ti tlat zel. Zawhna hi a nei reng a, a tawp a tawpah hi chuan ka sawi duh loh thleng thleng hian a hre leh vek nge nge thin.


“Engtin nge ka rawn haw tih i hriat a?” tiin ka zawt let a. Kan thusawi lai chu thlak daih ka duh.


“Khaw chhunga i truck a rawn tlan lut lai lo hmu tu tan chuan hriat loh ngaihna a awm hleinem. Helai hmun danglam bik ziate chu i hriat kha B”


B. Chu chu kum 5 mi lek kan nih atanga min koh thin dan a ni. Valerie pawh Ree tiin kan ko thin. Lung a tileng ngei mai.


“Chu, pawn a i tei vel laiin ka rawn tlan tihna a ni maw..?”


“Aih. Dawr kawtah ka lo thu a. Callie hna bang ka nghak a”. Callie bawk a lo va hmu leh e. Thil thar a ni lem lo. An induh ve thlawt a ni mai.

Thawk ka lak hak hnuah ka en ve ngam chauh. A mitmu pawl nalh tak mai chu a hma ami ang tho khan a la pawl nalh renga, mahse him veng veng niin ka inhre tlat thung. Mahni seilenna khuaah ngei ka awm tlat alawm.


“Ka awm char char tawh ang” ka ti a.


A nui sek a, a bu zeuh a. “Ka va lawm ve. Khawiah pawh awm la i chawr chhuahna chu i ngai ngei ngei ang B”


“Mahse ka pa, awhh Abe-a chungchang chu min zawt rih suh ang che. Ka sawi peih lo ania”


“Lutuk. Ka sawi tawh ngai lovang”


Engmah sawi tur ka nei tawh lo. Ka maimitchhing a, Cain-a pawh chu hmun dang pan lovin a ding ve reng a. Chutiang chuan inbe loin ni tla tur mawi zet hnuaiah chuan kan awm dun renga.


Ni a tla a, khua a thim dawh ta maw tihah chuan Cain-a chuan a kut min rawn pe a. “Lo kal rawh B, i kal ang. Awmna tur kan zawng dawn nia”


Cain-a nen chuan ka truck awmna lamah kan inzui phei a. “Ka pi bulah i awm hreh angem? Mikhual pindan a nei a, a hmuh che chuan a lawm ngawt ang. Amah chauhin a awm a”


A pi a tih chu a nu nu a ni a, kan tet lai a kan sunday school zirtirtu thin a ni. Ka nu dam loh lai pawh khan min rawn tlawhin eitur min lo ken thin fo nghe nghe.



“Pawisa ke nei tho a, motel-ah ka riak mai ang. Va tihbuai kher angai lo”


Cain-a chu a nui haka. “Hotel-ah i thleng tih hria se chu a kawngka a lo hawng rang ngawt ang.Chuvang chuan a in a riah ve mai chu duh zawk rawh. Chubakah he khuaah hian motel pakhat chiah a awm a, engtin nge zan hun a tawp thin tih chu nang leh kei hian kan hrechiang khawp ang”


A sawi dik reng. “A nih chuan min hruai ka ngai lo ania. Keimahin ka va hmu mai ang. Callie i nghah kha”


Cain-a lahin min hruai ngei a duh bawk si. Dik tak chuan a pi in a riah ai chuan motel a riah ka la duh fan. Tumah tibuai tu leh be buaitu awm lo va awm ka duh rih. Ka truck ah chuan ka lut a.

“A nih phone i nei em? I number hluiah khan ka lo call thin che a, disconnect a inti zel a”


Rush-a. Phone a sawi rik rual chuan Rush-a, kha mi dawheh zet leh bum hmang pa hmel kha ka mitthlaah a rawn lang nghal a.


“Aih, nei lo”


Cain-a chu a rum hawka. “B, engtin nge phone nei loin i awm theih zawk a?”


“Silai ka nei alawm” ka ti ringawt a.


Eng dang a sawi leh hmain ka truck chu ka tinung a, ka tlan nghal daiha. Khaw dang pan lovin Motel aawmna lam chu ka pan ding nghala. Ka kal pel fo tawha, a chhung tak hi chu ka la lut lem lo. Zan khat riah man pekte chu thil harsa a ni hran lo. Ka chahbi lain truck atang chuan ka chhuk a.


Ka truck hnungah chiah chuan Range Rover car dum a ding a, chu Car chuan ka awm a tinuam chiah lo. Car awmna lamah chuan ka va hawi phei a, ka thinphu rang lutuk chu ka trek chhawk hian ka hria. Rush-a mit leh ka mit chu a intawng chata. Range Rover Car hma ah chuan a lo ding reng a, a kekawr ipte zenin min lo en reng chu niin.


Hetiang em em a hma a a hmel kan hmu leh ta mai chu ka lo beisei piah lam daih a ni. Engtin nge hetah a rawn kal theih? Ka awmna khaw hming ka la hrilh miah si lo va.


Car kawngkhar inkhar ri awmna lam chu ka hawi phei a. Ford truck sen atang Cain-a a rawn chhuak a, min rawn pana. “He pa hi i mi hriat zawng a nih ngei ka beisei. A chhan chu thlanmual atang tawh khan a zui ru tawh che a. Kan awm dun laite khan kan piah atang khan min thlir reng a. mahse engmah ka sawi duh lo va” ka bula rawh din pah chuan Cain-a chuan a ti a.


“Aw, ka hria alawm” ka tawng zawngte chuan ka hrawk a tawt vek.


Cain-a chuan min en deuh haw a. “A nih chuan a rawn zui haw ve che tihna em ni?”


“Aih” tih pahin ka lu ka thing a, Rush-a lam chu ka hawi leh a. Thla eng hnuaiah chuan a hmel a natna awm chu ka hmu thei.


“Eng nge hetah i rawh tih?” ka dinna ngai a ding reng chung chuan ka ti a.


“Hetah i awm sia” tiin min rawn chhang a.

“Eng thil mah thleng suh se Rush”


A rawn pen hnaia. “Eng emaw tal sawi teh Blaire, khawngaihin. Thil sawifiah duh tam tak ka nei a ni”


Ka lu ka thing a, ka tawlh hnunga. “Aih, ka thei lo”


Rush-a chuan Cain-a lam chu a hawi a. “Khawngaihin hun reilote min pe lawk thei angem?”


Cain-a chu a kuangkuaha, ka hmaah a rawn ding a. “Theih hmel loh. A chhan chu nang nena thil sawi dun a duh si lo va. Chuvang chuan nang nena inkawm turin ka ti lui thei lovang”


Ngawi rengin Cain-a chu ka kal pel a, a hma zawnah chuan ka ding a. Thu sawi a duh a nih chuan ngaithlatu an lo awm kher angai lo. “Eng kim a tha vek e Cain. Hei hi ka unaupa a nia, Rush Finlay. Tu nge i nih tih pawh a hre vek. Inbiak a duh a nih chuan kan inbe mai ang. Lo va kal tawh rawh. Kei chu ka ngaituah awm loh e”. Ka pindan tur lam chu ka pan nghala.


“Eng a? Unaupa aa..? Rush Finlay hi maw..? Ani te chu Dean Finlay-a fa neih chhun a ni a ni lawmni? Shit B....,Rock celebrity nen in lo inchhung reng a maw..?”


Cain-a chu rock fan ruhkawl a ni tih ka lo theihnghilh hman alawm le. Slacker Demon drummer fapate chu a hre lutuk ang chu.


“Kal rawh Cain” tihpahin pindan chu ka hawnga, ka lut nghala.



END OF CHAPTER -23

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)