“♤ STRIPPER ♤ BY Noah Hringngen”

Ngaia
Site Admin
Posts: 25813
Joined: April 30th, 2016, 4:07 pm

Re: “♤ STRIPPER ♤ BY Noah Hringngen”

Unread post by Ngaia » July 20th, 2016, 6:04 pm

♤ STRIPPER ♤ . . Chapter -37 (Anguish)

www.storyfb.com
Postby Noah Hringngen » Wed Jul 13, 2016 10:56 pm
.
.
"Ka ti thei lovang" rai leh rai loh enna kan lei chu Irony ka pe let leh a,lungawi loh hmel tak hian min thlek vang vanga.
.
"Ally.....i tih ngei ngei a ngai"
.
"Ka thei lo" nghet takin lukham chu ka pawm bet a.
.
"Ti khan ti zel suh. I rai leh rai loh kan hriat a ngai a lawm le aw...!"
.
"Shhh....." tawng zawi turin ka lo hui nghal vat a. "Khatin sawi suh. Ka nu in a hria ange aw....ka thi a ni mai"
.
"Naupang chhia pawh i ni tawh hleinem Ally. Naupang chhia ang mai a awm kha a ngai lo". Tihpahin a kawng a dawm a. "Khang thil damdawi dawr a ka lei laia ka zah ziate kha i hre lo em ni? A nghak tute lah chuan rai tur chuan i van la naupang tih melhin min melh a" . Ka lo nui ri chhuak hak a. "A ropui hle mai,ti khan nui mai mai rawh"
.
"Ka tihpalh..ka nuih a za em a lawm" tihpahin ka nui zui chiam a,Irony erawh a nuiha za ve tehchiam lo.
.
"Kha....bathroom ah va kal la,va zung rawh" tihpahin test kit chu min rawn pe a. "I zun kha tlem far la a ni mai. Va kal vat rawh"
.
"Aih"
.
"Ally...?"
.
"Ka ti thei rih lo a ni e. Lo rai ta ni ilang engtin nge Raidon a'n a ngaih ang? Min huat dan tur zia chu"
.
"A haw teuh lo che. A rilru a na a nih zawk saw" Irony chuan a rawn ti chhum hmuka. "Sawi vat rawh,i ti dawn nge dawn lo?"
.
"Ka hre lo"
.
"Ho deuha awm loh tur aw....Mi dawizep deuh ho hi ka hua ania"
.
"A tha e...khawi maw" tihpahin a test kit ken chu ka lak sak a,Irony chu a lo nui vur vura
.
Bathroom ah lutin kawngka ka khar a,.Irony khan a sawi dik chiah mai,ka dawizep takzet ani. Mahse lo rai ta ang ila engtin nge Raidon-a ka hrilh tak ang? A hmel a min huat hmel ziate,a rilru nat zia leh a office a tanga min chhuah tir dan zawng zawngte kha ka ngaihtuah a,min ngaidam thei hauh lo ang le.
.
"Ally?" Irony aw chuan min ti phu zawk a,kawngkhar pawn lamah chuan min nghakin a ding renga.
.
"Ka ti mek....lawkin". Toilet ah chuan kan thu veng vawng a,thawk kan la hak hak a. A test na tur laiah chuan ka zun chu tlem kan far a,chu veleh test kid chu toilet chhinah chuan ka dah a,ka tlan chhuak nghal a.
.
"Ka ti....ka ti tawh. Mahse ka en ngam lo"
.
"Hey....thawk la rawh" ka dara vawn pahin Irony chuan min rawn thlamuana. "Engmah a thleng lo vang"
.
"A ma thiam loh vek kha a ni" ka mittui chu a tling pam tawha. "Invenna engmah hmanna changa hre bawk si lo-..."
.
"Ally...!!"
.
"Ui ka reiii" ka chal ka dawm a.
.
"A result engmah pawh a la lan loh hi,lo phicheng suh"
.
"Ka hlauthawng a lawm"
.
"Ka hria. Mahse i mal reng reng lo-"
.
"Ally...?" Towel keng chungin ka nu chu ka roomah a rawn lut a. "Niminah Irony a lo insu a,hei i towel pawh a su fai vek. A fel tak tak a ni". Bathroom lam chu a pana.
.
"Hey...hey...hey" a lut tur chu ka va dang nghal vat a. "Khawi keiman ka lo dah lut mai ang" tihpahin a towel ken lai chu ka pawhthlak saka.
.
"Ally....i tha tiraw...?'
.
"Aw...tinge maw ka that loh ngawt ang ni" ka tawng zawngte chuan ka zam zia a hriat ngei mai. Ka nu chuan min han thlek deuh haw a.
.
"Eng nge intih a?" tihpahin ka nu chuan Irony lam a hawia. A ni lah chu thil thuhruk kan nei tih hmel hi a pu ngawih ngawih bawk si.
.
"Eng...-engmah" . Ka nu chuan bathroom kawngkhar lam chu a melh leh a.
.
"Bathroom ah hian ka lut dawn" tihpahin min nam kianga.
.
"Ngati maw?" tih leh ka dinna ngaia din leh ka rual a.
.
"Alyssa Lambert, min lo dang suh" a aw a tang chuan hnial chi pawh a ni tawh lo. Hreh takin ka tawlh sawn a,ka thin a phu nasa ngei mai. Kawngka chu hawngin a luta,Irony nen chuan kan inmelh ringawt a.
.
"Hei hi rai leh rai loh test na em ni?"
.
"Ka-"
.
"Ka ta a nih kha Pi Amanda" ka tawng hmain Irony chuan a rawn ti vat a,ka nu chuan test kit chu a thlek vang vanga.
.
"Ngati nge tiangte-" ka nu chuan bathroom a tang a rawn kengchhuak a.
.
"Nia...invenna kan hmang si lova" ka nu chuan an thlek vang vanga
.
"A nih chu mawle. Bialpa tha tak i neih ngei ka beisei. I rai a nih hi" tihpahin a rawn lek kang a.
.
Khawvel hi a tawp vek,ka thawk a tawp chawt a,ka che thei lo. Ka chal a tang chuan thlanfim a rawn luang nghal a,ka lungphu pawh a ri dup dup mai.
.
Ka rai....
.
Ka lute chu a rawn hai a. "Ally...?" Ka nu aw te chu hla tak a tanga rawn chhuak ang mai a ni. Ka thaw hawlh hawlha,eng nge ka vawn tih pawh ka inhre lo.
.
"Huh..?"
.
"I dang (pale) vek a nia". Ka mittui a rawn tling a,eng nge sawi tur tih pawh ka hre lo,ka ka ka hup nghal vata. Irony chuan mak tih hmel deuh hian min rawn en a, "Tinge a Ally?"
.
"Hum...engmah ni lo ve. Min thawng teh thut em a" Irony chuan lem a chan a ngai tih a inhria. A chhan chu ka nu chuan a mah zawk chu emaw rai a tih tawh a vangin.
.
"Awii Lalpa" hlauthawng hmel an pu der a. Thlamuanna thu eng eng emawte chu kan sawi der ve a,mahse ka lei hmawrah a ri ral vel mai mai a ni.
.
Raidon.....
.
A fa ngei a ni ka pai ni.
.
Tunah hian Raidon-a chuan min hmu duh lova,min be duh hek lo. Chutih laiin a fa ngei chu ka pum chhungah a thang mek chu a ni si a. Engtin nge a fa ka pai thu hi ka hrilh tak ang?
.
Ka nu a chhuah veleh Irony chuan min rawn kuah nghal a.
.
"Boruak a tha leh em em ang" tihpahin ka samah a rawn chul a. Eng vanga tap ringawt nge ka nih tih ka inhre lo. Thil thleng chuan min barakhaih em a,manganna,hlimna leh phurna in min rawn tuam nghal a.
.
.
> NI A RAL ZEL A..... <
.
Raidon-a te company building bulah ka ding leh ta vung chu a ni sia,a vawi hnihna tur a ni tawh leh nghal. Ka thawmhnaw hak tur pawh ni dang angin ka thlang uluk tawh lem lo,a chhan chu Raidon-a chuan engahmah min ngaih tawh loh vang a ni.
.
Irony in min tur nasat em a vanga he thil hi ti chauh ka ni. Clinic ah thisen kan test tir nawn leh a,tah chuan hai rual lovin ka rai ngei a ni tih chu tih chian a ni tawh a,Irony pawhin fa enkawl dan tur tih velah lecture min lo pe ve chhen reng bawk a.
.
Building chhung kan lut chu a hma a luh phal lo tu nu leh guard te tho kha an lo awm a. Rang takin elevator ah ka tlan lut nghal a,min rawn nangchin hmain kawngkhar chu a inkhar ta hlauh a. Ka pum chu ka dawm a, tunah chuan ka pum chhung ngeiah nunna rawn insiam in a thang lian mek chu a ni sia. Ka nui sak a.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:04 pm

Ka naute.
.
Raidon-a chuan engtin pawn lo ngai se,a chungah thil tha lo engmah ka thlen tir ve lo ang. Chhungte fel tak ka nei a lawm le. Ka naute chuan hengtiang ti tur hian chakna min pe a, eng tham mah la ni lo mahse lawm takin kut a lo ben ngei ka ring.
.
Elevator chu a inhawnga,Raidon-a office lam ka pan nghal a. Thinphu dup dup chungin kawngkhar chu kan hawng a,chair lian zet maiah hian Raidon-a chu a lo thu run a. Chair pakhatah chuan a secretary ni ngei tur hmeichhe sambuang hi a lo thu a,Raidon-a thusawi chu nui sang chung hian a lo sawi pui a. Chu veleh ka thinlungah thikna rilru a rawn piang chhuak nghal a. Ka tel lo pawn a lo hlim thei hleimai. Kei ina hrehawm ti leh mittui nena hringnun ka hman laiin.
.
"Raidon..." ka aw chu a ri thei tawk tawk a. Ka lam a rawn hawi a,a mitmengah chulai a ka awm ve chu a beisei loh hmel hlemai.
.
"Hetah eng nge i rawn tih a?" A aw chu a vawt raih a.
.
"Security ka ko dawn em ni ang?" Sambuang nu chuan a lo ti vata.
.
"A ngai lo" Raidon-a chuan min enna mit chu a la sawn eih lo. Ka mittui tling pam chu ka hru hul a. "Min lo va chhuahsan rih lawk zawk mai"
.
Chu nu chuan hreh hmel angreng tak hian min chhuah san a. "Eng nge i duh a?" A aw chu a nelawm loh khawp mai.
.
"Thil hrilh tur che ka nei a,engtia han sawi chhuah tur nge pawh ka hre lo. Mahse-"
.
"Sawi vat rawh. Hun ka nei lo a nia" a tawng duh dante chu a danglam tawh hlemai le. Hei hi Raidon-a ka hriat thin kha a ni ta miah lo. Mipa fel leh duhawm tak ka hmangaih thin em em kha a ni tawh lo. Mahse chutia a awm chhan chu a phena thil thuhruk a duh vang mai mai a ni tih ka hria. Ka pan hnaia "Eng nge tih i tum a?" A dawhkan hmaah tak chuan ka ding a.
.
"Raidon...ka hre vek. Khatia awm kual vak kha a ngai lo. Min hmangaih lo ang a lan der vakte kha a tul lo". A biangah ka va dawm a,a hmuiah chuan ka fawp nghal a. Second rei vak lo chu ka fawp hman ang,ka banah a rawn vuan a,min nam sawn dawrh a. A meng phawk hle a,ka ban a vawnna erawh a la thlah lo. A thaw rang hle bawk.
.
A rawn tho a,dawhkanah chuan min nawr bet a,kan hmai chu a insi lo chauha. "Kha tin min thlem suh Alyssa" a aw chu a tham chial a.
.
"Ka-..." a kutzungpui chuan ka hmui hnuai lam chu a rawn chul a,ka bawp chu ti kak in a karah tak a rawn ding a,min pawt hnai sauh a.
.
"Mawhh....hetah eng nge i rawn tih?" Ka hmai zawn chetah chuan a thaw lum ham hama.
.
"Ka-..." kan inhnaih lutuka,engmah ka ngaihtuah thei lo.
.
"Thil tha lo tak ka tih hma hian sawi vat rawh" ka beng zawnah chuan a rawn ti sar sar a. Nam kian deuh chu kan tum a,mahse min kuah hnai sauh mai si. "Ka lak a tang hian khawiah mah i kal chhuak dawn lo" . Ka kawr chhung rawn zenin ka dul a rawn chula,zen chho zelin ka hnute a rawn tham meuh chuan ka rum chhuak hak a.
.
"Raidon....ti suh"
.
"Ka chak tawh zia hi" ka nghawng a rawn fawpa.
.
"Duh tawk rawh". Mahse ka aw chu duh angin a chhuak hlei thei lo.
.
Ka beng rawn seh pah chuan ka hnute chu a tham tawn tawn a. "He dawhkanah ngei hian ka taah ka siam dawn che. Nuam ti a rum ham ham turin ka siam dawn che. A mah aia ka zei zawk zia i hre mai ang". A thusawi chuan min ti harh zawk mai. Rang takin ka nam sawn nghal a.
.
"Eng maw i sawi kha?" Min khei zak mai.
.
"Ka sawi chu i hriat kha" tihpahin min rawn khawih a tum leh a.
.
A kut chu ka ben thlak sak a,mahse ka banah rawn vuanin a lamah min pawt phei a,ka hnute chuan a awm a va nek chalh a,ka nghawnga rawn fawh a tum nghal a.
.
"A TAWKK" ka tawng chu ngaithla awm pawn a awm lo. Ka jeans zipper chu a pawt phelha, "Ni lo"
.
A kut chu a zen lut nghal a. Dan ka tum nangin min chet ran khalh a,a tak chu a zuk khawih fuh ta . Nawmna in min rawn man nghal a.
.
"A tui pur tawh a lawm" tihpahin a kutzungtang pakhat chu a kawm luta,ka rum chhuak nghal hawk a. A kawm lut thuk tial tiala.
.
"A tight tha kher mai" ka mitah tak min rawn en a,a hmel chu tisa chakna in a khata. Mahse chu chu ka zawn ber a ni ve tlat lo.
.
"Raidon.....ka rai" kan ti thuai a.
.
www.storyfb.com
END OF CHAPTER -37

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:05 pm

♤ STRIPPER ♤ . . Chapter -38 (Good Friend)

www.storyfb.com
Postby Noah Hringngen » Fri Jul 15, 2016 11:42 pm
.
.
Raidon-a chu mak tiin a dingkhawng renga,a hmelah chuan hlauhthawnna a awm tih ka hria. Ngawi rengin a tawlh hnunga, a mit chu a thim kak a, a chhanna nghakin dawhkan ngheng chuan ka ding a. An thaw chhuak halh a.
.
"Raidon-"
.
"Min ko suh" a kut rawn lek chhuakin a lu a thinga. A ngaihna hre lo zetin ka sam ka chul a,a ni erawh bang lam hmachhawn chuan a ding a,lei lam a melh vang vanga. Eng emaw tal sawi se ka ti. Chutia a ngawih reng ringawt chuan ka tan a nuam lo takzet. Ka thin a phu dup dup a,ka kut a thlan huh dap bawka.
.
"Ka fa a mi?" a rawn hawi chhuaka,a hmelah chuan beiseina tlem ka hmu theia. Min zawh danah chuan Kaito fa a nih a ring mah zawkin a lang.
.
"Aw...i fa" ka lu ka bu nghat a. Bang lam bawk chu a melh leh ngar ngar a. A tie awrh te chu an pawt thawl a,ngawi rengin ka lo nghak a.
.
A chhiat loh em vanga hmangaih ka ni lo va,a mah ang tho a chhe lo chu an awm teuh tho ang. Mahse amah a nih a vanga hmangaih ka ni zawk. Dinhmun chhe bera ka din lai pawh a ka lam a tang tlat tu a ni a,ka chak loh ber lai a chakna min pe tu a ni. A ni chuan Stripper ka nihna angin min teh ve ngai lo.
.
Hlim takin awm se ka duh a,nuam takin a nun hmang se,mahse hmeichhe dang lakah ni lovin. Rilru na leh hrehawm a ti hmel hmuh reng hi hrehawm ka ti takzet.
.
"Kan kal rih phawt a nge. Hun i mamawh a nih kha" ka aw chu ka thunun hram hram a. Ka inher a,kawngka lam ka pan nghala. Dik tak chuan min rawn au ding se,phur takin leh hlim takin a fa ka pai chungchang chu sawi dun ila tih chu ka duh dan a ni. Kawngka a tanga ka chhuah hnu thleng chuan eng koh letna mah ka dawng lo.
.
Rang takin elevator lam ka pan a. "Ka hmuh nawn leh tawh loh hram che ka beisei" a secretary sam buangnu chuan a mah ka kal pelh zawng chuan min lo ti a. Engtia awm tur nge ni a khawilam nge ka pan dawn tih pawh ka inhre lo. Kawngsirah chuan keimahin ka kal a,ka malin ka van riang tehlul em. Ka phone rawn ri chuan min ti phu chiang hle a. Rang taka phawrh chhuakin phur fahranin ka en a, mahse Brandon-a a ni tih ka hriat chuan ka phurnate chu a kiam nghal dawrh a.
.
"Hello...?"
.
"Hello Alyssa?...Kan va inhmu khat ve"
.
"Nia tiraw"
.
"I tha maw?....Tinge i aw chu....i tap em ni?"
.
"Aih.....aw,ka tha e. Min ngaihtuah suh"
.
"Dawt sawi suh" a aw chu a thutak hle a. Ka chil kan lem khalh a.
.
"Brandon..ka tha".....kan ngawi det a,dawt ka sawi tih ka inhre chiang viau. "Dik tak chuan ka tha lutuk lo"
.
"Khawiah nge i awm?"
.
"River stone street ah"
.
"Ka awmna a tanga hla hleinem. Ka rawn lam ang che"
.
"Chutiang tih kher a ngai-"
.
"Lo awm rawh" phone chu a dah nghal daih a. Rang takin ka mittui ka hru hul a,chutiang anga Brandon a'n min hmuh chu ka duh lo.
.
Minutes 10 hnu velah chuan Brandon-a pawh a rawn thlenga. A car a tang chuan a rawn chhuak a,a lang tha takzet. A sam buang thak mai chu zing nichhuak ang mai a ni a, a mitmu dumpawl raih maite chu ni dang zawng zawng aiin a lang chiang zawk emaw tih mai tur a ni. Tinge tiang ngaihtuahna chu ka put ziah le...? Ka lu ka thing nawk nawk a.
.
"I tha em?" min rawn pan hnaia,ka biangah a rawn vuan a,a rim a tui em em mai lehnghal. Ka lu thin pah chuan ka kuah nghal thlawrh a. Second rei lote pawh nise ka buaina te chu theihnghilha,ka thianpa tangah ngei lungdam tak a bei chu ka duh a ni. Ka tukhumah dimte in a rawn chul a.
.
"Eng nge i chungah thleng tih chu ka hre lo. Mahse hlim takin i la awm leh em em ang" dam diai hian a rawn ti a.
.
"Ka nun hi a buai zo ta a nih hi" a awmah chuan ka bei a.
.
"Chutiangin an ti ngai lo. I kal ang,boruak thianghlim hip i mamawh a nih kha". Za lo zet hian kan nui a.
.
"Ka lang bawrchhawr viau em?" tihpahin a mah chu kan en a,a rawn nui sak a.
.
"Umm.....hmeichhe lungngai dik tak hmel a ni" a ban puamah chuan kan hnek tawlh a,a lo nui hak hak a.
.
.
Khaw pawn lam kawng reh takah chuan kan tlan a,kan kalna tur zawh ka duh viau nangin tia ngawi renga kan awm hi nuam ka ti zawk rih tlat. Zawhna zawh chi ka ni lo tih a hria a niang,a ni pawh chu a ngawi reng a. Thingkung lian tak tak kan tlan pel a,hnah hring rim thiang leh rimtui tak mai chuan min ti dam sawng sawng a, tiang chu nuam ka tih zawng tak a ni. Ka phone chu a rawng nghawr dar dar a.
.
.
New Message
.
Ka number hriat ngai loh a tang lehnghal. Raidon-a a ni thei a ngem? Sim thar a hmangte hi a ni lo maw? Kan hawng risk pawp a.
.
.
From: 456698556
.
I rai a maw...?
.
Kaito
.
.
Kaito-a chuan a number a lo thlak a nih hi. Engtin nge a hriat? Raidon-a hrilh bak a ni lovang.
.
'I lo hria elaw...!' Ka reply nghal a.
.
Brandon-a chuan ngawi rengin a khalh a,min rawn mitsir leh zauh thin a. A ngaih a ngam zan lo deuh tih erawh a hriat theih mai. Ka phone chu a rawn ri leh a.
.
'Hria e...khawiah nge i awm?'
.
'Kaito, lo buai duh rih suh. Ka hrilh thei rih lo che' ka chhanglet nghal a.
.
"Kan thleng e....i tha a maw?" Brandon-a chuan a engine off pah chuan ka lam a rawn hawi a.
.
"Aw tha e". Kan hawi chhuak chu tuipui kamah kan lo awm reng mai. Ka naupan lai kha chuan ka kal tawh ngeia,mahse kha bak kha chu ka la kal leh ta miah lo. Tuipui a tanga thlifim rawn tleh chuan ka sam chu a chhem leng siau siau a,tuipui fawn ri hlap hlap chu ngaihthlak a hahdam thlak hlemai.
.
"Nuam i ti em?" Hnunglam a tang Brandon-a chuan a rawn ti a. Ka pheikhawk chu ka hlip nghal a.
.
"A nuam ka ti lutuk" ka pheikhawk chu motor chhungah chuan ka theh lut a,tiau vut ni in a a em lum vung vung chu ka rap a. Boruak vawt raih chu kan hip kak kak a. "Boruak tha i mamawh i tih khan tiang lam hi a ni ang tih pawh ka lo ring hleinem"
.
Tiau vut chungah chuan kan thu dun a. "Ti khan i zia deuh tawh em?" tihpahin min rawn nuih sang a.
.
"Tehreng mai. Ka lawm lutuk" ka nuih let ve a.
.
"Lawmthu sawi a ngai lo. Nangmah a kawngsir a i lo kal chha chha kha chu i hmuhnawm reuh lutuk a"
.
"Ka lang chhia i tihna a ni maw?" tihpahin hnuailam ka melh a. Chu veleh ka khabeah rawn dawmin a lam hawi chuan min han kuai dak a.
.
"I tha lutuk Alyssa...lang chhiat lai i nei ngai lo" a mitmu pawl raih mai chu a de ser ser a. Ka chil ka lem khalh a. Mahse a inthunun lehnghal vat a. A hrawk an thian khar a,a kut pawh chu a la sawn nghal vat a.
.
"Chuan eng nge thleng a?" A aw chu a cool raih a, chubakah ngaihthat lohna deuh a lang tel bawk a. "I sawi duh loh chuan sawi kher erawh a ngai lo a nia"
.
Kan nui sak phawt a. "Eng lo a nia-" ka lam hawi chuan ngun takin min rawn en a. Ka rai thu hi hrilh ila a tha ber a ngem? Tianga inngaih tak a awm hi a nuam ka ti a,ka lak a tanga awm hlat tir chu ka duh lo a ni. Ka rai tih ka hrilh chuan min hnaih ngam vak tawh pawn ka ring lo.
.
"I duh phawt chuan i sawi thei ang Alyssa" ka kut chu rawn vuanin a hmer vang vanga.
.
"Ihh...ka bialpa nen kan inthen a"
.
"Oh....chu leh bawk chu maw..!. Tinge a?"
.
"Min lo kawp a....umm,mahse chu chu ka rin dan mai mai a nia. Chuan ka thirim luatah a cousin chu ka awmpui ve leh a. Engkim a buai zo ta vek a ni" tuipui lam chu ka thlir vang vang a,Brandon-a chuan min en reng tih ka hria.
.
"Ka hria a lawm...i tum reng vanga ti i ni lo tih hi"
.
"Engtin nge i hriat ngawt a?"
.
"A chhan chu i film hmuhnawm tih ber pawh 'Jeux d'enfants a nia,ta tang pawh chuan a chiang reng a lawm". A nui ver ver a.
.
"Nang pawh tlangval sual chu i ni lo a lawm" tihpahin tiau vut chu a hmaiah ka theh a,a rawn nui hak a.
.
"Engtin nge i hriat?"
.
"I film duh ber pawh Transformer a nia,ta tang ringawt pawh chuan misual tak i ni dawn lo tih chu a chiang reng a lawm. Chimawm deuh i ni a nih pawhin i sual lo vang" nui sangin ka ti a. Brandon-a chu a nui hak hak a.
.
"Chimawm min tia maw?" tihpahin vaivut chu a tham a,ka luah a rawn phul a. Ka kut pahnih chuan ka lo indang vat a.
.
"Maithei a ni" ka va melh a,a hmui sen vam hiam mai chu a hnawng chap a,fawh chakawm tawk vel lek hian a chhah a. Mahse ka en rei duh lo. Rang takin ka hawisawn a. "Chimawmpa.." tihpahin ka tho lawk a,tuipui lamah chuan ka tlan phei nghal a.
.
"Chuti chuan min ko suh aw..." ka hnunglam a tang min rawn au a.
.
Tui ah chuan ka zuang lut a,hun harsa leh rilru natna tam tak ka tawh hnuah kar khat chhunga a vawikhat na a tan Brandon-a vangin ka nui ve ta. Lawmthu sawi tur ka van ba nasa em.
.
Ka tan a thian tha tak a nih a vangin.
.
www.storyfb.com
END OF CHAPTER -38

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:06 pm

♤ STRIPPER ♤ . . Chapter -39 (Im Lost Without you)

Postby Noah Hringngen » Sun Jul 17, 2016 4:56 pm
.
www.storyfb.com
> Irony's P.O.V <
.
Steering chu nghet zetin ka vuan a,trafic jam lo se chuan ka tlan chak viau ang. Kha pa kha ka hua ani. Misual Raidon-a kha. Engtin nge tiang thil hi a tih theih zawk? Huh hnuangin Alyssa-i chu inah a rawn haw a,a hmel a tang a thinlung a keh chhia tih hai rual a ni lo. Brandon-a khan a lo awmpui hlauh a. Zanah lah nise a tap zankhua thak bawk si.
.
Ka haw so hluah hluah...
.
Fa pai lai mek ani a,tiangte chuan a naute pawhin a tawrh phah anga sin mawle. Ally hi ka chhungkua leh ka unaunu a ni a,tiang a a awm reng hi ka hmu thei lo. Ka hmaah chuan motor chu an ding put mai bawk si. Horn chu kan hmet ri vak vak a.
.
"I mawl em ni a?" Kan hma zawna ding driver chuan min rawn ti a. Tukverh a tang ka kut phar chhuakin ka kutzunglai chu kan tih phir khum nghal a.
.
Alex a'n a car min hman hawh tir a,ka thil tih tum chu hria se chu min chhuah tir kher lo vang.
.
An company building lian zet kawtah chuan motor chu kan break ri tuar a. Keimah pawh chu ka bu lawp a.
.
Car a tanga chhuakin hmanhmawh zet hian luhna lam chu ka pan a. Guard pakhat hian min rawn dang a.
.
"Nula...helaiah hi chuan motor i park thei lo-"
.
"Lo kiang mai teh" ka kalpel nghal a.
.
"Nula...!" Min rawn auh zuina chu engah mah ka ngai lo. Reception counter lam chu ka pan a.
.
"Raidon-a hmuh ka duh"
.
"Appointment in siam em?" A lo duty nu chuan nui sang chung hian a lo ti a.
.
"Kha nu kha lo dang rawh u" guard pahnih hi an rawn tlan lut a. Chu veleh elevator lampan chuan ka tlan phei a,ka inhum ruh kher mai.
.
Guard pakhat chuan min rawn man tum in a ban a rawn phar zuaia,chu veleh a hmaiah tak chuan ka hnek siah a. Ka kut chang chu a ri thawta, a na angreng hlemai.
.
Pakhat chuan ka darah min rawn vuan a,chuveleh a kapah ka tlawh siah a,a sawp nghal rawp a.
.
Elevator chhungah chuan lutin rang takin kawngkhar chu ka khar a,a chhungah chuan pitarte pakhat hi a lo awm a,a thlabar hmel hlemai.
.
"Min chhuah tir rawh" a lo ti nghal a.
.
"Ka ti na dawn hleinem che"
.
"Ka awih hlawl lo. Tun mai khan guard pahnih pawh i beih zawh chauh kha"
.
"A chhan chu he company nei tupa hi hmuh ka duh a"
.
"Raidon-a maw..?"
.
"Aw"
.
"Khawih i tum a ni maw...? I tihnat ka phal dawn lo reng reng"
.
"Tunge i nih a?"
.
"Tunge i nih zawk a?" A pawr ve reuh hlemai.
.
"Hun ka nei lo a nia. Khawi floor ah nge a awm?"
.
"Ka hrilh awm lo che emai"
.
"A pawi lo. Sawi tawp suh"
.
"Tunge i nih?" A thusawi chu ka ngaihsak lo lui der tlat a,ka thluak hman a ngai. Company neitu ni ta ila khawi floor ah nge ka awm ang? A chhawng chung berah a ni ngei ang. Chhawng sarihna chu ka hmet a. "Ti suh" chu pitar chuan min lo dana tum a,mahse ka hmeh tur chu ka hmet hman vek tho.
.
"I khawih ka phal dawn lo reng reng" chu nu chu a nu a nih ka ring nghal deuh ringawt a.
.
"A nu em ni i nih?" Min chhan hma chuan kawngkhar chu a rawn inhawng a,ka chhuah san nghal daih a. A piah deuhah chuan kawngkhar lianpui hi a lo awm a,pawnlam a tang pawn pu ber pindan a ni tih a hai theih loh. Chu tih lai chuan hmeichhe sambuang pakhat hi file keng chungin a rawn kal a.
.
"Eng thil nge maw ti a i inhriat le..?" Ohh....a secretary a ni ang maw...! Ally khan min hrilh tak e.
.
"I tha maw Zawng-i". Ka tawng dan chu mak a ti a niang,a meng bial nghal kawk a. Eng khaw sawi set set lo chuan a biangah kan beng nghal chawrh a,mawng sawh dawtin chhuatah chuan a tlu a. Kha kha chu a na ve viau ang le. Kawngkhar chu hawngin ka lut a,chhunglam a tang ka khar lehnghal a. Dawhkan lian tak bulah chuan chair ah hahdam hmel tak hian Raidon-a chu a lo thu dar dar a.
.
"Enge he tah i rawn tih?" Vawt raih hian a rawn ti a.
.
"I lo ngaithla dawn nia mipa naupang fel em em te" kan pan hnai a. "Kha i lu um chhungah khan bawng ek khawro hlawm hlir pawh awm mahse pawi tihna chhete mah ka nei lo va,ka lo vei ve nachhan tur lah a awm lo. Mahse ka unaunu rilru i tihnat sak erawh hi chu -"
.
"I unaunu a ni lo"
.
"Ni tehreng e...thluak thawl pa" tih el zet hian kan tih khum phawng phawng a. "A nu damlo enkawl nan a a rilru hahna zawng zawng saw a tan chuan a tawk lua e. Nang in a i lo tihnat belh lehzel hi chu a chuangtlai mah mah ani"
.
"Min bum a lawm"
.
"Chu zawng chu maw...?" Ka thinrim lutuk chu ka alh lo chauh. "Nupui hual lai nei reng chunga i ngaihzawn lai khan a ngaidam lo che em ni? Kha thil a tih chhan pawh kha a hmangaih em vang chauh che a ni tih pawh hi i hrethiam duh nange? Mihring kan ni...thil tisual thin vek kan ni. Hei vang hian a lawm Pathian in mi ngaidam tur a min tih reng ni". A ngawi reng a. "Tunah sawn i fa a pai mek a,a rai tih a hriat tirha a hlauhthawn ziate kha....a chhan chu rai kha a duh bik reng reng hleinem. A ring em che a,indan na hman i duh loh lai pawh khan-"
.
"Chutiang ka ti lo hrim hrim"
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:06 pm

"Ka la sawi zo hleinem" ban phar meuhin ka dang a. "Mahnihmasial pa..,i chapona hian eng thil tha nge a thlen che? I fa saw lo piang se eng dinhmunah nge a din dawn tih hi ngaihtuah rawh. Chuvang chauh chuan a ni Ally kha zah pawh dawn zo lovin i hnawl tawh tih inhre chung pawha helai hmuna a rawn kal leh ni. Ngaihdam a dil che a....ni e,chu chu a tih tur a ni,thil a tihsual a vangin. A tihsual chhan erawh a rilru na lutuk in control zawh loh vang chauh a ni" thawk kan la hak a. "Helai hmunah hian Ally vang ni lovin,naute vang zawk chauh a lo kal ka ni. Ally chuan a naute saw a phu ngawih ngawih,nang erawh hi chuan tiang i nih dawn chuan ka fa pawh rawn ti hlek suh ang che....mahse naute saw ka ngaihtuah em a,fahran ni tur leh chhungkaw mumal pawh nei lo tur a tan chuan ka lainat em a ni". Hnuai lam chu kan melh vang vang a. "Fahrah ka ni a, ka tawn ang tawng ve tur kha chuan i fa saw ka phal lo. Theihtawp chhuahin kan enkawl ngei dawn a,mahse chumi piahah chuan pa a mamawh a ni. A mamawh che a ni". Chutih lai chuan Raidon-a phone chu a rawn ri a,a pick up nghal vat a.
.
"Aw....hetah a awm" min rawn melh zauh a. "A ngai lo....a tha,..a tha vek ka tih chu" phone chu a dah nghala.
.
"Chu zawng chu a ni e ka sawi duh chu. I guard te chunga ka chet danah khan thupha ka chawi a,i duh chuan jail ah pawh min thawn thei ang"
.
"Chutiang engmah a ngai lo. Lungdam deuhin awm rawh"
.
"Thil pakhat leh chiah" a mitmeng hrehawm tihna a khatah chuan ka en a. "I chan dawn ta a nih hi Raidon, thinlung hian natna tawrh theih chin a nei a nia. A hmangaihna che hi a reh hunah zawngin, hun tha i nei leh tawh ngai lovang". A office a tang chuan ka chhuak nghal a.
.
.
> Alyssa's P.O.V <
.
Ka piah lawk a ka nu eirawngbawl chu ka en reng a,Alex-a chuan sitting room ah TV a en a. Irony ka ngaihtuah a ni. Alex a'n zing karah Car a a chhuah daih thu min hrilh a,Alex-a awmdanah tih a nei tih ka hre mai. Ka nu lahin Raidon-a company building awmna a zawh thu min lo hrilh ve bawk nen. Raidon-a a va hmu a nih vaih zawngin....inrawlh ve lo turin ka hrilh mawlh mawlh sia.
.
"Ka lo haw e" Irony aw ka hriat chuan ka phu zawk a. Rang takin kawngka lam chu ka pan phei a. "Ka lawm e" tihpahin Alex-a chu Car chahbi a pe a.
.
"Irony...!!" Ka kuangkuah hmak a.
.
"Hey...."
.
"Inchunglamah inbe lawk ang. Tunah"
.
Pindan kan lut chiah chu khumah ka thut tir a,ka sermon khum nghal hrep a. Ngawi rengin a thu a,a thil va tihte kha a tul ka ti lo reng reng. Ka sawi tur ang ang ka sawi zawh hnu chuan a duh sawi ve turin ka ti a
.
"Sawi tur em em pawh ka nei lo. Mahse pawi ka ti khawp mai. I tan ni lovin naute tan a ti ka ni e"
.
"A nih leh eng nge a sawi ve?"
.
"Eng vakmah a sawi lo"
.
"Engkim min hrilh vek rawh" ka thutna ka rem tha a.
.
Irony chuan thil thlen dan vel chu a sawi a,guard ho chunga a chet dan vel chuan ka nuih a ti za hlemai. Secretary a beng erawh a phu tawk chiah niin ka hria.
.
Khumah chuan zangthalin ka mu a,ka pum ka dawm a.
.
"Irony..."
.
"Eng nge?" a rawn mu ve a.
.
"Ka lawm e" a kutah ka va vuan a.
.
"Engvangin..."
.
"Kan bula i lo awm ve a vangin. Awm lo lang chuan ka a vek thei hial ang". A nui hak a.
.
Ka phone a rawn ri rat rat a,kan en chu Brandon-a message a lo ni a.
.
From: Brandon
.
"Hey..eng nge i an? I zia deuh em?"
.
'Zia tan khawp mai' ka reply nghal a.
.
Irony hian Brandon-a hi a ngaisang khawp a,'Prince Charming' tiin hming lem a vuah sak hial a.
.
.
Zanah chuan kan chhungin TV kan en thap a. "Bawlhhlawh bawm a pregnancy test kit saw tu hman na nge a?" Alex-a chuan a rawn ti a,kan ngawi thap a. "A la positive zui lehnghal. Tu ber hi nge rai che u a?"
.
"I sawi awmzia kan va hre lo ve" ka nu chuan a lo ti vat a.
.
"Keimah" Irony chuan a rawn ti a. "Ka rai a". Alex-a hmel chu a inthlak nghal bawih mai. Mak a tih mai piah lamah a rilru a na tih ka hre nghal.
.
"Nangmah maw? Engtin.....engtikah....tu nen?" Alex-a chu a shock takzet.
.
"I lo buai ve na tur a awm lo" Irony chuan an ti hmak a,Alex-a chu a hawihai hlemai.
.
"Ni e...i sawi dik a lawm" tihpahin a tho thut a,inchung lamah a chho nghal a
.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:07 pm

> NI TLEMTE RAL HNUAH CHUAN..... <
.
Tukverh a tanga ni rawn lut chuan ka mitah tak a rawn chhun a,mut luih ngaihna a awm lo. Lukham chuan ka inkhuh a,Inrinni a nih a vangin class kal a ngai lo bawk a,ka tho hma peih vak lo. Mahse ka mu lui thei ta chuang lo. Rang mangkengin ka tho a,toilet ah ka va luak nghek a.
.
Rai hi zawng a van ninawm dawn tak em. Luak a chhuak reng a,taksa a na them thum reng mai bawk si.
.
Ha nawt chung chuan tukverh lam ka pan a,parda chu kan hlim a,ka thil hmuh chuan min ti phu nasa ngei mai. Ka toothbrush ken lai chu chhuatah ka thlauh nghal a.
.
Raidon-a....
.
Ka thin a phu nghal dup dup a. Suit dum a ha a,a sam chu a khuih pial hlap a,chu chuan a ti lang sexy em em mai lehnghal. A vun var sar mai chu ni eng chuan a chhun de ser ser a. Ka tap mai dawn....a rawn hawi chho a,min rawn hmuh chuan mawi zet hian an nui sak a,ka mumang em ni zawk...?
.
"Khawngaih takin min ngaidam rawh" a aw chu a dam diai a. "Ka lo sual em a ni. Min ngaidam rawh. I tello chuan ka nung zo lovang Ally". Engmah sawi tur ka hre lo,ka biangah mittui a rawn luang a. "Min ngaidam thei a ngem? Khawngaihin.....engthil pawh tih ngai se ka ti ang". Ka che thei lo a,ka tawng thei hek lo.
.
"Ka hmangaih che Ally" a sawi pah chuan a awm a dawm a. "Ka lo ngaihtuah chiang lo em ani. Ka thikthu chhiat lutuk vang a nia. Ka fa i pai tih ka hriat tir a a ruk a ka lawm zia mai chu" ka mittui chu a rawn dir zung zunga. Kan thenawm ho chu an tukverh a tang an rawn dakchhuak thup a,ka tah chhuah loh nan ka ka chu ka hup nghal vat a. "Min ngaidam duh a ngem Ally?" chutiang renga mipa inngaithlawm hmel chu ka la hmu ngai lo.
.
"Aw..." tihpahin ka lu ka bu a. "Min ngaidam thei zawk a ngem?" Kaito nen a kan thil tih kha a ni ka sawi tum ber chu. Raidon-a chu a lo nui sak a.
.
"Kei hian ngaihdamna tur che engmah ka nei hleinem". Ka lu ka lo thing a.
.
"Ka..."
.
"Min pawm leh duh a ngem?" Ka thinphu chu a inrawn dup dup a.
.
"Aw..." ka aw chu a lawi rat a.
.
"A nih chuan i rawn chhukthla thei a ngem? Ka ring a kham a nia" fiamthu deuh hian a rawn ti a. Lawm a vanga nui chungin ka lu ka bu a,rang takin ka inher a,ka room a tang chuan ka tlan chhuak nghal a.
.
Room inkalpawhna leh chhuat zawng zawng chu rose par malin a lo khat vek a. Rang takin kawngka chu ka hawng a,Raidon-a lampan chuan ka tlan a,ka va kuah nghal thlawrh a. Dan rual loh hian ka tap chhuak hawm hawm a,a rim tui em em mai chuan ka hnar a zem chiai chiai a. Ka ngaih zia hi. Ka biangah chuan a rawn dawm a "Ti hian kan inngaizawng leh tawh tihna a ni em?"
.
"Aw...tinge?" Min vawnna chu a thlah a,a tawlh hnunga.
.
"A nih chuan hethil hi ka tih ngei a ngai dawn a ni" leiah chuan a thing thi a.
.
"Oh my God....!!" Ka hmui ka hup a,Raidon-a chuan a kekawr ipte a tang bawm tereuhte hi a rawn phawrh chhuak a. Ka thawk a chham dawnin ka hria. Ka khawhmuhte chu a vai vek.
.
"Alyssa Lambert " box a hawnlai chuan ka hmui hnuailam chu a khur dar dar a. Box chu a hawng a,a chhungah chuan zungbun nalh tak,tle vat mai hi a lo awm a. "He mi mawlpa hi i nei duh a ngem?" tlemin a nui deuh a. Engmah ka sawi thei rih lo. Kan hawi kual a,thenawm ho zawng zawng chuan min lo thlir thup a, kawngka bulah chuan ka nu bakah Alex-a leh Irony an lo ding bawk a.
.
"Nei duhh...." ka aw chu a ri thei tawk tawk a,ka mittui a rawn baw nghal zawih bawk a.
.
www.storyfb.com
END OF CHAPTER -39

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)