“♤ STRIPPER ♤ BY Noah Hringngen”

Ngaia
Site Admin
Posts: 25813
Joined: April 30th, 2016, 4:07 pm

Re: “♤ STRIPPER ♤ BY Noah Hringngen”

Unread post by Ngaia » July 20th, 2016, 5:54 pm

♤ STRIPPER ♤ . . Chapter -28 (Ray)

Edit
Delete post
Report this post
Warn user
Information
Quote

Postby Noah Hringngen » Mon Jun 27, 2016 8:01 pm
Tukverh a tang a nizung rawn lut iar chuan ka mitah tak a rawn chhun a,mut a ti nuam lo ngei mai. Parda te kha ka mut hmain ka zar tha vekin ka hre sia. Nih loh pawhin college kal a hun tawh ang a,ka nu in min rawn kaitho dawnte pawh a ni mahna.
.
Kan inlet a,rum tiah tiah pah chuan ka mit kan meng dek dek a,tukverh lianpui hi a lo awm run a. Engthil nge....kan inah ka awm miah lo mai. E...ni dawn tak,Raidon-a bulah a lawm ka awm. Ka sir a pangti lum ther ther chu ka hre chhuak zawk a,chulam hawi chuan ka inher a.Awww....Raidon,a muhil hmel chu a van duhawm tak em. Ka sana kan en a 9:35AM. Khai lehhh......rang takin ka sam ka tawn a,khum atang a zuanthlak chu ka tum a. Chutih lai tak chuan ka kawngah Raidon a'n min rawn kuah a.
.
"Khawiah nge i kal dawn...?" Mutchhuak aw deuh hian a rawn ti a.
.
"College ka tlai tawh lutuk. Ka kal vat a ngai" tihpahin kan nuih seih a. A ni pawh chu tlemin a rawn meng harh ta deuh a.
.
"Kal lo mai rawh. Hetah awm ve rawh"
.
"Ka kal dawn..." a chalah ka fawp zeuh a. "I bathroom hi ka hmang thei angem"
.
"Tehreng mai"
.
Khum a tang chuan ka tho chhuak a,nizan lamah Damdawiinah hun kan hmang rei deuh hlek a,mut ka kham lo hlemai. Bathroom ah chuan lutin shower chuan ka inphuh tir seng seng a.
.
"Ohhhh......lalpa" ka hriat tham lek chuan ka ti a. A van hun lo tak em.....hei hi alawm period ka nin em em thin na chhan. Pad engmah ka keng lut der bawk si lo.
.
Towel chuan ka intuam a,bathroom kawngkhar chu hawngin ka dak de de a. "Raidonnnnn....." kan au a,mahse a ni zawng mumang ramah a cheng leh daih tawh ang. "Raidon...." khum chu a lan theih avang chuan a rawn tho tial tial lai chu ka hmu thei a.
.
"Aw...Ally...." a sam thur deuh chhap chuan a ti lang duhawm hle a,kawr a la ha lo zui. "Mamawh i nei em ni?" tihpahin a rawn phei a.
.
"Aihh....ihh" ka sawi zak ve deuh. "Eng emaw hman lawk duh ka nei a"
.
"Eng nge?"
.
"Pad hman lawk tur i kawl em?" Uiihaaa...
.
"Eng aa...?"
.
"I hriat reng kha.....ka sawi nawn duh tawh lo" hnuai lam ka melh a.
.
"Oh.....tunah....i period...khai aa..!!" Hrechhuak zawk hmel hi a pu a.
.
"Nia.."
.
"Engtin nge chutiangte ka kawl ang aa? Mipa ka nih hi"
.
"A nih chuan pawnah chhuak la va lei lawk mai teh...khawngaihtakin" Raidon-a chuan min rawn en a,a nui suk a.
.
"I tih tlatte chuan le...". Kawngka chu ka khar a,shower ah bawk chuan ka let leh a. A van hun lo tak em.
.
Minutes 25 zet nghah chu rei tak a ni ringawt. A tawp a tawpah chuan kawngka chu a rawn kik karh karh a.
.
"Ally...?"
.
"Ka lo kal e". Kawngka chu tlem te kan hawng a, Raidon-a chu bag khaiin a lo ding a.
.
"Size hrang hrang leh a chi hrang hrang kha a lo awm nual sia,ka rawn lei teuh ringawt mai" tihpahin a thil khai chu min rawn pe a.
.
"I fel e" tihpahin kawngkhar chu khar leh nghal ka tum a,mahse Raidon-a chuan min lo dang a.
.
"Min fawp phawt dawn lo amaw? Dawr a tiang thil va lei kha mipa tan chuan a zahthlak teh mai ania. Chuti chung chuan vawikhat fawh pawh ka hlawh lo chu a nia" . Ka nui hak a,va awn hnaiin a hmuiah chuan ka fawp zeuh a,kawngkhar chu ka khar nghal a.
.
Ka mipa tawn tawhah chuan a mah ang hi an la awm lova,an awm leh tawh pawh ka ring lo. A bulah hi chuan ka thla a muang ngawih ngawih a, a mah lah hi a sexy in a zei si....sex thleng pawhin. A felin mi a care thiam em em a, ka ngaihtuah zawng ringawt pawh hian ka a mai dawn. Mipa ka lo dream thin ai pawn a tha zawk. A la chhelo zui em em mai lehnghal.
.
.
> 30MINUTES HNUAH CHUAN... <
.
Tunah chuan engkim a fel fai vek tawh e. Bathroom atang chuan ka chhuak a,Raidon-a chu khumah a lo tlu zal a,ka lam a rawn hawi a.
.
Khumah chuan ka va thu ve a,Raidon-a chuan min rawn kuah nghal a. "College chu i kal dawn lo ami?"
.
"Kal dawn lo e. A tlai tawh lutuk. Mahse kal tur a min duh tlatte chuan...." Raidon-a chuan min rawn fawp a
.
"Ka bul a awm turin ka duh che" ka hmui bulah chuan zawi sapin a rawn ti a,ka hmui hnuailam chu uang ang reng tak hian a rawn liak a.
.
"Kha tin ti suh...?"
.
"Eng chu...? Tiang hi maw..?" a aia chiangin a rawn liak nawn leh a.
.
"Raidon..." khumah chuan min bawh tlu a.
.
"Ka ngaihtuahna a kal thui dawn tan tlat"
.
"Eng a...?"
.
"Ka khumah i mu a.....tumah an la awm lo zui bawk a" a darah chuan ka chum chawrh a.
.
"Chutiang sawi suh". Hmuhnawm thlir tak hian min thlir a. Doorbell chu a rawn ri ral a "Chu tuin emaw a nghak che a nih hmel". Raidon-a chu a tho kang a.
.
Kawngka lam pan chuan a phei a,keipawh khumah chuan bawk in remote ka la a,TV chu ka on a. Mahse hmuhnawm tehchiam a awm lo. Raidon-a chu box lian deuh pahnih keng hian a rawn let leh a,a kawmah chuan PIZZA tih a inziak a.
.
"Pizza....!" Ka mithmul ka kan ak a.
.
"I ril a tam tawh em?" Ka pum ri ruk ruk chuan a zawhna chu a chhang nghal.
.
"Dar 10 a ri tawh ania Raidon"
.
"Chuan.....?"
.
"Pizza hi kan tukthuan tur tihna ami?" Raidon-a hmelah chuan nuam tih lohna a rawn lang a.
.
"I duh zawng a ni vakna nge? A nih chuan thil dang-"
.
"Ka duh lutuk ringawt" tiin ka nui a. Rilru nuam lo deuh a siam chu ka duh lo. A ni pawh chu a rawn nui ve leh a.
.
Choka lamah kan phei a,rawng var leh dum a chei a ni a,a nuam takzet. A laiah tak chuan dawhkan te fel tak a awm bawk a.
.
"Zanin i hnaah i kal dawn em?" tihpahin fridge chu a hawng a.
.
"Aw..kal ang. Tinge?"
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 5:54 pm

"A nih chuan chhun lam chu hahdam deuh a i awm a ngai dawn anih chu"
.
"Ni tho mai. Tinge nang pawh....i kal dawn lo a mi?"
.
"Ka dam lo ka tia" fridge atang chuan apple juice a rawn la chhuak a,ka ngainat zawng tak ani lehnghal.
.
"Engtin nge ka favorite ani tih i hriat a?"
.
"Maw...?" Ngeiawm deuh hian a rawn nui a. "Min hrilh kha"
.
"Ka hrilh che a maw?"
.
"Aw...chuan keipawh ka favorite a nia" a mit a rawn siai zeuh a. Awii....a van sexy tak.
.
Ngawi rengin kan thil ei tur chu kan ei a,tukthuan a tan a Pizza han rin tawp mai chuhh....a thatchhiat thlak angreng.
.
"Chawchhun chu pawnah kan ei chhuak dawn nia" room lam a kan let leh lai chuan Raidon-a chuan a rawn ti a. Ka kutah a rawn vuan a,tiang ang bak bak a hlimna hi tawn tur ka nei chuang lovang.
.
TV chu a en a,ramhuai film Clown rapthlak deuh awmna hi a ti chhuak a. "Hei hi en ang aw...."
.
"Aih...ka en duh lo. Clown hi chu ka rap tlat,hmuh pawh ka duh lo"
.
"Puitling i nih tawh kha" hnunglam atang chuan min rawn kuah a. A malpuiah ka thu a,a awm ka ngheng bawk a. A taksa chu a lum ther ther a,ka darah a kahbe a rawn nghat ve bawk a.
.
"French movie i ngaina ve em?"
.
"Hmuhnawm chu ka ti ve tho. Tinge? Hriatchhuah deuh zawk i nei a mi?"
.
"Aw.....mahse a rei tawh lutuk"
.
"Eng ber nge?"
.
"Jeux d'enfants"
.
"Maw...?"
.
"Eng nge a English title ka hre lo a lawm"
.
"Tiangin French lam chu ka hre tam lutuk lova."
.
Chutia titi chung chuan film chu kan en a,Raidon-a ban ngheng ngei mai a en chu a nawm dan a dang kher mai. Ka biangah a rawn fawp zeuh a,chutih lai tak chuan ka phone a rawn ri a. Khum a tang chuan chhukin coffee table a ka dah ka phone chu ka la a.
.
"Hello....?"
.
"Bawihi...khawiah nge i awm a?" Ka nu chuan a rawn ti a.
.
"Ka-" Raidon-a ka va en a,a ngaihna hriat loh hmel zet hian min rawn en a. "College ah ka awm"
.
"Chawchhun ei turin i rawn hawng dawn em?"
.
"Aih...hetah ka ei nghal ang"
.
"Awle.....a nih bawihi,a nih phawt aw.. "
.
"Nu..?"
.
"Eng nge?"
.
"I tha em? Min mamawhna i neih chuan ka rawn haw-"
.
"Aih...chutiang a ni lo Ally, min ngaihtuah suh. Ka hmangaih che"
.
"Kei pawn ka hmangaih che" phone chu ka dah a. Khum lam chu ka hawi phei a,chutih lai tak chuan ka phone chu a rawn ri leh a.
.
"Eng nge ni ta Nu...?"
.
"Ka tha e. Mahse i nu ka ni lo" A aw a tang chuan Brandon-a a ni tih ka hria. Ka khawng mai dawn. Raidon-a lah chuan min lo en reng mai si.
.
"Hey..." hul deuh chuan kan nui hak a. Raidon-a lah chuan min rawn en chik sauh a.
.
"Eng nge i tih a? Vawiin chawhnu a kan thil tih tur chungchangah khan a nia ka rawn biak che"
.
"Oh....nia"
.
"I lo theihnghil tawh e law...?"
.
"Theihnghil love" dawt ka sawi ringawt a. Raidon-a chu ka va melh zeuh a,tunge ka biak tih hriat a chak hmel hlemai.
.
"A nih chuann...?"
.
"A nih leh....dar 4 ah kan inah rawn kal la"
.
"Awle...kan inhmu dawn nia. Bye"
.
Phone chu dahin ka inher a,muangchangin Raidon-a lam chu ka pan phei a.
.
"Tunge i biak a?" A lo tinghal a.
.
"Brandon-a" ka chil ka lem khawlh a. Tinge ka nervous em em na chhan ka inhre bik lo.
.
"A nih chuan vawiinah in inhmu dawn tihna ami?"
.
"Aw..." khumah chuan ka thu a.
.
"A nih engtin nge ka thil plan ve kha?"
.
"Nimin khan a sawi tawh a,ka lo tiam tawh sia lawm Raidon"
.
"A nih tak chu..." TV lam chu a melh daih a.
.
"I thik a ni tiraw...?"
.
"Thik lo. Mahse ka bialnu ka awmpui lai reng a midangin min chhuhsak tur hi chu ka lawm tehchiam lo" a kut a kuangkuah a,mipa naupang titau a ang lutuk.
.
"Tuman an chhuhsak hleinem che. Kei ni te chu kan duh hun hunah kan inhmu thei alawm"
.
"He pa hi i hrechiang meuh maw Ally?"
.
"Ka thian a lawm"
.
"Tak tak maw...? Chutiang chuan i hmu a maw?"
.
"Min ring rawh Raidon". A rawn hawi a,ka hmuiah a rawn fawp nghal a...ka mur chhuak vek. A han nui zeuh a,min fawh chhunzawm lehnghal a. A lei chu ka ka chhungah chuan a rawn lut a,a mitah chuan tisa lam piah thil ka hmu tel tlat
.
"A vawihnih nan...ngaihtuahna a ti kal thui dawn tlat" a rawn ti leh a. In kiss lai mah nise ka nui chhuak hak a. "Eng nge...?"
.
"Rei lo te chhung Ray tiin ka ko thei che angem? Raidon tih hi chu a thui ee..."
.
"Ray..." an ti sap a. "Aw le...a nalh tho alawm." tihpahin min kuah nghet sauh a. "Ka hmangaih che Ally"
.
"Ka hmangaih che Ray"
.
.
END OF CHAPTER -28

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 5:55 pm

♤ STRIPPER ♤ . . Chapter -28 (Panic)

www.storyfb.com
By Noah Hringngen » Tue Jun 28, 2016 10:56 pm


Kan in kawt thleng Raidon-a chuan min thlah a,mahse kal mai a tum hauh lo. "Hmuh ve ka duh a ni"
.
"Tu maw i hmuh duh?" ka lo ti vat a.
.
"I hriat reng kha. Mr Movie boy-a chu mawle"
.
"Brandon-a a lawm" a nuihzathlak hlemai. A hming pawh chu a phuah awm ang zawk hlemai.
.
"Mawl deuh khan awm suh. Ka thik lo chu i han ti ve bawkahh" a darah chuan kan vuan a.
.
"Ka thik hleinem" tihpahin van lam a en a. A daw chiang lutuk. Dawt min hrilh hi chuan min en ngam ngai lo.
.
"Min han en teh" a biangah ka va vuan a,muangchang hian min rawn en a,a mitmeng atang a awmdan chu a hriatthiam theih vek. "Thian ringawt alawm kan nih. Ka hmangaih che...ok..?" a hmuiah ka va fawp zeuh a,mahse Raidon-a chuan ka kawngah rawn kuahin min kuah nghet sauh a,fawh zeuh ringawt chu a duhtawk lo. A piah lamah chuan khuh kherh ri ka hria a,mahse chutiang a pawimawh ber lo. Ka bialpa ka fawp mek a ni a,chu aia thlakhlelh ka nei hleinem.
.
"Hey...." Brandon-a ani. Raidon-a chuan min vawnna chu a thlah a,Brandon-a chu a lo nui sang a.
.
"Ohh....Brandon,hei hi Raidon-a ania, chuan Raidon...hei hi Brandon-a" ka han ti zung zung a. An inen a,engmah phei chu sawi lo mahse thil eng emaw a awm a ni tih erawh hai rual a ni lo.
.
"Kan inhmu chu ka lawm hlemai thianpa" tihpahin Brandon-a chuan a chibai a,Raidon-a erawh a ngawi ta tlat mai. A van hahthlak thin tak em.
.
"Eng movie ber nge kan en dawn a?"
.
"Ka la sawi duh lo"
.
"Tak tak maw...?" Ka nui sang a. "A nih chuan lut i la"
.
"Kei chu ka lo va kal ange" tihpahin Raidon-a chu Brandon-a hmaah chuan a ding a,"Kan inhmu chu ka lawm e Brandon" tihpahin a chibai a. "Chuan thil pakhat...Ally hi ka ta ania,lo ngaihmelh reng reng suh ang che. Thian angin en la,i tan a tha a ni mai". A ngaihna ka hre lo hlemai.
.
"Raidon.....!!"
.
"A ho lutuk...ka lo va kal ange" min rawn fawp zeuh a,a Car ah lutin engine a ti nung nghal a. "Kinah ka rawn call ang che Ally" tihpahin min rawn nuih zeuh a,a tlan liam nghal a.
.
"A pawi ka ti lutuk" nuam lo ka ti kher mai.
.
"A pawi lo. Ka dem hran hleinem...a chhan chu bialnu hmeltha deuh a nei miau a" a rilru tak tak a sawi pawh a ni lo tih ka hria,eng emaw hi a awm tlat.
.
"Ka hmeltha i tia maw...?"
.
"Tehreng mai" ka sam chhawl leng chu ka bengah a rawn hui a,chu veleh ka tawlh hnung nghal a.
.
"Inchhungah lut ang" tihpahin min zui turin ka hui a.
.
Thutthlengah ka thut tir a,microwave ah popcorn ka va ti lum a.
.
"Eng film nge kan en tur chu sawi tawh la" choka a tang chuan kan au a.
.
"Kinah i hre mai ang"
.
Living room lamah chuan ka let phei leh a,Brandon-a chuan min lo en reng a. Kekawr dum a ha a,kawr sen leh jacket dum a ha bawk. A sam chu a hnawng deuh chap a,a mitmu dum pawl kak mai chu nalh tak ani. "Ally...?". Ka ngaihtuahna a tang chuan ka harhchhuak zawk a. Khai a....chutiangte ngaihtuah tur ka ni reng reng hleinem le. Ka thian chauh a lawm a nih. A thutnaah chuan ka va thu ve a,mahse ka thut hnaih tehchiam lo.
.
"Chuan.....kan thil en tur chu". Brandon-a chuan a ipte atang DVD rawn phawrh chhuakin min pe a.
.
"Hei hi ania kan en tur chu..." a kawm ka han hmu chu ka phu zawk a. "Uii lalpa lehhh......Jeux d'enfants!". Ka ding chhuak hluai a.
.
"Engtin nge hei hi ka favorite movie a ni tih i hriat a?"
.
"Min hrilh kha"
.
"Ka hrilh che maw?"
.
"Aw....movie en tur a kan chhuah tum khan"
.
"I va la hre rei ve". DVD chu ka kuah vel a "Ka duh lutuk ringawt". Ka awmdan chu a atthlak ngawt mai. Mahse ka duh em a tin ni.
.
"Engtiang tak a hmuhnawm nge a nih tih chu han en ila...."
.
"Hmuhnawm i ti dawn chiang lutuk" Brandon-a bulah chuan ka thu a,a lo nui suk a.
.
.
.
Darkar 2 ngawt kan en a, a then laiah phei chuan a ri lo hian ka tap leh tawp zel. Brandon-a chu hre lo angin a awm tlat a,mahse a hria tih ka hre reng. Ka darah min rawn kuah a, keiin a dar ka lo ngheng ve thung a,a lum ham ham mai.
.
"I lo sawi dik chiah a nih hi" a tawp hnu chuan a rawn ti a. Keipawh chu thu thain ka tawlh hla nghal a,thawk kan la hak a.
.
"Ally...ka-" kan hnunglam a tang chuan ka nu a rawn lut a.
.
"Hey...nu"
.
"Hello...?" Brandon-a chu a en a.
.
"Nu...hei hi Brandon-a anih hi"
.
"Ohh...Brandon-a maw..Amanda ka ni e" ka nu chuan a pan hnai a,Brandon-a chuan a lo nuih sang a. "Eng nge in lo tih a?"
.
"Movie kan lo en a" Brandon-a chuan a lo ti a.
.
"Jeux d'enfants a rawn keng a" ka lo ti vat a.
.
"Chu bawk chu....vawi engzat nge i enchhuah tawh tih pawh ka hre lo e a"
.
"A ho emai...Brandon a'n a la en ve hleinem". Ka nu chuan a lu a lo bu a.
.
"Nichin khan Irony'n a rawn call che a". Ka hrethiam mai. Kan boss in ka chanchin a zawt a ni ngei ang. Ni 7 a liam tawh si a.
.
"Kei pawh kan hawng tawh a nge" Brandon-a chuan a ti a,kawngka thlengin ka va thlah a.
.
"Ka lawm lutuk a nia"
.
"Engvang chuan....?" an nui deuh suk a.
.
"Ka favorite movie min enpui avangin"
.
"A ho lutuk...ti khan a nuam ve alawm". Min rawn panhnai a,ka biangah a rawn fawp zeuh a. Ka hit nghal vek. "Bye..Alyssa"
.
"Bye..." kawngka chu ka khar a.
.
.
> CLUB LAMAH...<
.
Club chu kan khar tawh nangin mipa thenkhat chuan Stripper lam lai an la thlir mek a,kan boss hian mi an la awm chhung chuan show tih tawp a phal ngai lo. Light chu a dim hle a,tisa chakna chuan boruak a luahkhat a ni ringawt. A ni lah tak a...hmeichhe saruak ti tih a an awm suau suau na hmun kha a ni miau a. Dawhkan ka tihfai lai chuan ka hnungah tu emaw hi a ding a.
.
"Boo...." tu emaw hian ka kawngah a rawn piai zeuh a,k phu nasa lutuk chu ka thlawk mai dawn alawm le"
.
"Kaito...?" Min thawng chiang hlemai. A ni erawh a lo nui sang a.
.
"Min lo ngai em?" tihpahin a mithmul an kan ak a.
.
"Awii haa....i thi daih tawh emaw ka lo tia". Kan inhmuh lohna a rei tawh em ani. A sam chu an tuai a.
.
"A nuihzathlak hlemai" min rawn pan hnai sauh a.
.
"Hetah te eng nge i rawn tih?"
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 5:56 pm

"Um...mahni a awm reng hi chu ka ning deuh a,chuan hmu tur che in ka lo kal"
.
"A nih chu mawle..." a mitah tak chuan ka en a.
.
"I awih nange?" Ka lo nu i a. "I nu eng nge a an?"
.
"A tha e,a ni chu"
.
"A va lawmawm ve". Music pawh a tawp ta,kan inkhar thuai ang. "Lo ngaithla teh Ally,thil eng emaw hrilh tur che ka nei a" a thutak hmel hlemai.
.
"Eng nge ni a?"
.
"Umm....englo ania" eng emaw ri bur hian a thusawi chu a rawn pawtchat a.
.
"Engthil nge-" au thawmin a rawn zui a,eng nge thleng tih hre turin ka hawi chhuak nghal a.
.
"In vaiin chhuatah bawk vek rawh u" mipakhat,Clown hmaikawr vuah hi ring leng lawngin a au a, silai dum lian zet hi kengin min tin kual pawp pawp a "Bawk vek rawh u. TUNAH.." ka hlau lutuk chu ka var chhuak nghal vek a. Amah bakah midang pahnih silai keng an awm tel bawk a,pakhat zawk chuan kan body guard ber Kage-a chu leiah a nam bet a. Stripper dang ho chu chhuatah an thingthi thap a,an khur dar dar a,thenkhat an lo thidang a.
.
Kan clients ho pawh chu an tih ang chuan an awm ve zel a,pakhat erawh a rui deuh aniang,thutthlengah a thu lui tlat a. Misual pa chuan va kal chilhin a silai chuan a tin a. "Ka sawi chu i hria em?" A ruih lutuk vang a ni tih chu va hrilh ka duh a,mahse ka che ngam bik si lo. Thutthleng a tang chuan chhuatah a pet thla chawrh a,a chatthla zui nghal a.
.
"Alyssa..." ka beng bulah chuan Kaito chuan zawitein a rawn ti a. "Thingthi rawh"
.
"Ka....ka..." ka tawng hleithei lo. Ka che hleithei bawk si lo.
.
Hmaituam pakhat chu ka lamah a rawn phei a. "Tinge i la thingthit ve loh a bawih-i. Nge ni a i ke khawn tliah phawt a ngai zawk?" ka hlauh zia mai chu...
.
"A hlau lutuk a,a tha a khawng a nih kha" Kaito chuan a lo ti vat a. Chu pa chuan Kaito-a lam chu hawiin a lu ah tak a silai chuan a khawng chawrh a,Kaito-a chu chhuatah a let tawp a,thisen a chhuak nghal zur zur a,nikhawhrelo in a awm nghal a.
.
"Kaito...!!" Va bawihsawm ka tum a,mahse hmaituam a chuan min lo vuan bet a.
.
"Khawngaihin..."
.
"Thuawih deuhin awm la i him a ni mai" chu pa chuan min nam thingthi rawp a. Clown hmaikawr vuahpa chu dawhkan chungah a han ding kang a.
.
"In vaiin chhuatah bawk vek ula,chuan eng thil chimawm mah ti lo ang che u. Chuan nungdamin kan chhuah ang che u" a han ti dap dap a. "Pawisa kan duh a,chu chu a ni mai. In pawisa theuh kha dawhkanah hian rawn dah ang che u. Club pawisa zawng zawng pawh telin"
.
Stripper ho chuan an pawisa kawl lai chu an dah sap sap a,an boss ber chuan a lo chhiar zel a. Kan boss chu ko in Club pawisa zawng zawng chu la chhuak vek turin a ti a,chu kher kher chu ka awih theilo. Mangchhia a cheng ang maiin ka inhria
"Nang kha..." Clown hmaikawr vuah pa chuan min rawn kawk a. "I tih ve hun". Ka thinphu ri chu ka hre thei hial. Chu pa chuan min rawn pan a,a chhan pawh ka chet eih loh avangin. "Ka koh che chu i hre lo ami?" ka banah rawn vuanin min hnuk phei dawt dawt a.
.
"I pawisa phawrh ve rawh le" rang tak a lu bu in ka bra chu ka zen nghal a. Chu pa lah chuan hur hmel zet hian min lo en a. Pawisa chu phawrhin ka pe a.
.
Pakhat zawk chuan "He nu nen a hun chen dun hi min phal sak teh Clown?" a han ti a,ka khawng nghal vek.
.
"Aw le...mahse rei lo la" ka tawlhhnung a,mahse ka banah a rawn vuan nghal a.
.
"Nuam i chen dun ang hmiang bawihte" a silai dawt chu ka chalah a rawn chuktuah run a,ka mittui ka biangah a rawn luang nghal a.
.
"Khawngaihin..."
.
"Shhh...a na dawn hleinem"
.
"Aiihhhh...." bang si rat chuan ka tawlh hnung a.
.
"Lo che hlek suh" a aia na in a silai chuan ka chalah a rawn nawr a,ka tap khur hlawk hlawk a.
.
"Ka duh lo.." a kut pakhat zawk chu ka pawnfen chhing fen chhungah chuan a rawn zen lut a. Ka mal chu an zut kual vel a
.
"Khawngaihtakin..."
.
"Ngawi hmak rawh" ka hnute chu a rawn tham tawn tawn a. "I van itawm chiang em" ka hawi sawn a,ka tap ri ngam bawk si lo. Ka hmui chu a sai hlak hlak a.
.
"I kut kha la sawn nghal rawh..." hnunglam a tang chuan Kage-a chu a rawn au a. Chu veleh chupa chu a inher a. "Enteh Clown....hei Hero kan nei a nih hi". Clown chuan a silaiin Kage-a chu a rawn tin nghal a.
.
"Hero chung a kan thil tih thin chu i hriat kha" tihpahin an nui suk a.
.
"Ni loooo...." hlauthawng takin Irony chu a rawn au a.
.
"Ohh....hmangaihna thawnthu lungchhiatthlak tak a nih hi mawle" Clown chuan a han ti a. Irony chu a rawn tlan phei a,chu veleh amah dang tur chuan ka tlan chhuak ve nghal a.
.
"Hero ho chu kan that mai zel" tihpahin Kage-a chu a tin hnai sauh a. Irony chu Kage-a lam pan chuan a tlan phei a,ka dang hman ta lo.
.
"Irony....! Nilooooo...!!!" Ka hriat chu silai puak ri thuai ri ani. Irony chu chhuatah a hlawm thla tawp a. Ka duh thei lo....Irony lam pan chuan ka phei a,mahse kha pa bawk khan ka kawngah a rawn man a.
.
"Khawiah nge kal i tum a duhawmte?" Ni lo Irony... a ni thei lo.
.
"Irony! Irony!" A hming chu ka lam mawlh mawlh a,mahse a ni erawh a che tawh lo. "Uiii.....ka duh lo Ironyyy...!!"
.
"Shhhh...." chupa chuan ka beng bulah chuan a rawn ti sur sur a,mahse chulam ka ngaihtuah tawh lo. Tunah hian ka thiantha ber chu kah hliamin a awm a,a thi thei lo...min kalsan thei lo ang. Kage-a chu naupang chhia ang maiin a tap chhuak hawm hawm a.
.
"Tap tawh suh lalhmeltha...i hmel a ti chhe zo vek dawn alawm"
.
Clown pa chu ka en a. "Tualthat tu.....tualthat tupa" ka au tuar tuar a. "I thah sawww...."
.
"I hmui kha chip hmak rawh hmeichhia" a rawn ti hmak a. "I kal vat ang u"
.
"He nu hi ka sawngkawlai phawt dawn lo em ni?"
.
"Hun kan nei tawh lo"
.
"Tu pawn min rawn umzui a nih chuan kan kap nghal ang che u. In hria em?" thim zingah chuan an pilbo ta a. Rang takin Irony awmna lamah chuan ka tlan phei a.
.
"Irony...?" a bulah chuan thingthi in a hmaiah ka vuan a,a hmel chu a var pap a,mahse a la thaw tih ka hria. A pumah tak a kap fuh chu niin. Ka kut chu thisenin a bual khat nghal vek a,a thisen a put chhuak hnem lutuk. "Irony....tang fan fan rawh aw....tiang ringawt hi chuan awm suh" . Ka bulah chuan Kage-a chu a rawn thingthi ve bawk a.
.
"Ka thiam loh vek ani" tihpahin Kage-a chu ri lo in a tap a.
.
"Ambulance ko vat rawh uu" tiin ka au a.
.
"Hmanhmawh angai. Ka car in kal ang....damdawiin pawh a hla lo." Kage- chuan a rawn ti a. Ni e...chu chu a tha ang. Kaito-a kha....!! Ka lu chu kan tuai a.
.
"Kage...va kal la nachin a ka bul a awm ve mipa kha va en lawk teh. A ni pawh kha Car a dah luh ve nghal a ngai ang."
.
Irony chu a rawn rum tiah tiah a,a rawn meng diar diar a.
.
"Irony....min hre thei em?" Ka mittui chu a dir zung zung a.
.
"Ka....a vawttt.."
.
"Tang fan fan rawh aw. Chu chu ka tan i ti thei ang tiraw...!"
.
"Tinge i tah a?" A rawn nui seih a. "I tah khan i hmelchhe teh ania" tap chung chuan ka han nui lui a.
.
"Ka hria a lawm. Ka tihpalh lutuk" a chalah chuan ka zuk fawp a,a vawt thlur rawh. "Han tang hram hram teh"
.
"Ka....ka mu duh"
.
"Nilo....maimitchhing suh. I intihharh hram hram angai"
.
"Hnunglamah chuan Kage-a chuan Kaito chu a rawn kuah phei a.
.
"I kal ang u" ring deuh chuan ka ti a. Kage-a chuan Irony chu a chawikang lawp a,chu tih lai chuan tu emaw hian ka darah a rawn vuan a.
.
"A tha leh em em ang" Kaito chuan a rawn ti a. A chalah chuan thisen a la kai lung a
.
Damdawiin lam kan pan nghal a,Irony lah chu a thisen a la chhuak reng mai bawk si.
.
Maimitchhin a tum a piang chuan ka sawi harh zel a.
.
"Club a kan zan hmasa ber kha i la hria em Ally?" a rawn ti a. "Pole a lam dan takngial pawh i hre lo a,an nuih dur dur che kha. Chuan ka-"
.
"Stage ah i rawn chho a,ka sirah chuan i rawn lam ve a" tah aw tuau in ka lo ti a.
.
"Eng vang a kha thil kha tinge ka nih ka inhre lo. Ka la hre ngai lo che a,mahse mi tha tak i nih ngei ka ring a,ka ring sual lo bawk"
.
"Irony..."
.
"Ka lawm e"
.
""Maw...?"
.
"Ka lawm e. Ka thian i nih avangin"
.
"Damdawiin kan thleng tep a nia"
.
"Ka chau lutuk"
.
"Tang fan fan teh. Ka nunna a tan theih tawpin ka bei ang ti a min tiam thin kha". Car chu a ding dat a,damdawin kan thleng tih ka hria.
.
"Ka tiam a che...." Kage-a chuan Irony chu a rawn pawm tho nghal a. Emergency room lamah chuan kan tlan phei a,Irony chu khumah an mut nghal a. Kei pawh chu chhuatah ka thu hnawk a.
.
A thi tur ani lo....
.
Tinge thihna hian ka hmangaih tak takte hi a man bik tlat le? Eng thil nge maw tihsual ka neih bik le?
.
Ngati nge.....?
.
Ka maimit chhing a,ka thiante tan chuan ka tawngtai nghal a. A chhan chu ka nunah hian midang chan belh leh chu ka zuam tawh lo ani.
.
.
END OF CHAPTER -29

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 5:57 pm

♤ STRIPPER ♤ . . Chapter -30 (Life is so hard)
www.storyfb.com
Postby Noah Hringngen » Wed Jun 29, 2016 10:01 pm

Chet ngaina reng ka hre lo. Chhuatah chuan thuin bang ka ngheng a,chhuat lam chu ka melh ngawr ngawr ringawt a. Min kalsan thei lovang. Irony hlim tak a a nui laite chu mutthlaah a rawn lang a,rilru hah chang pawh hian a bulah chuan reiloteah kan hlim leh mai thin. Chung thil ka ngaihtuah chuan za lo zet hian kan nui seih a. A hringnun hi a awlai bik lova,harsatna tam tak tawn tlang a ni tih ka hria. Mahse hlim tak hian a awm reng thei a,chu mi kawngah chuan tuman kan tluk lo. Ka mit ka chhing a.
.
'A tha chhuak leh vat dawn alawm' chu thu chu ka inhrilh nawn tluk tluk reng a. Kage-a pawh ka piah deuh a thutthlengah chuan ngawi rengin a thu a, sawi tur reng kan hre lo. Chu lai a mi vei vel chuan min en leh vung vung thin tih ka hria,a chhan pawh ka awmdan teh nuaih leh ka thawmhnaw hak chuan a zir lo em atin ni. Mahse pawi tihna ka nei lo. Ka bul lawkah chuan mipakhat,pheikhawk dum bun hi a rawn ding a,ka khabe ah rawn vuanin a lam hawi tur chuan min rawn kuai a.
.
"Ally... koh sak tur che in min duh em?" Zawite hian Kaito chuan a rawn ti a,a sawi chu Raidon-a a ni tih ka hria. Ka lu ka lo bu ringawt a.
.
"I tha maw...?" A chal bandage a an tuam luk chu ka en a.
.
"Ka tha e. Min ngaihtuah suh" ka bulah chuan a rawn thingthi a, ka mitah tak rawn en in "I thiannu chu a tha leh em em ang" a rawn ti a,ka mittui a hnam sawk a.
.
"Ka lawm e" ka lo ti a. "Tun hi tum hnih damdawiin a min buaipuina a ni ta"
.
"I mamawh hun a piangah min ko thei ang ka tih kha". Ka nui seih a,ka chalah a rawn fawp zeuh a.
.
"Raidon-a kan call ang e" a ding a,a phone a la chhuak nghal a. An inbiakna lam erawh ka ngaihven peih lo.
.
Kha ti teh thut a Irony chung a thil thleng kha ka hrethiam thei lo ani. Club a thawk ve pakhat kha a ni mai a,a chung a thil thleng chu a phu lo ngawih ngawih. Khawvel hi zawng a van nunrawng tak em.
.
"Ally..." chu aw ka han hria chu ka thla a muang nghal sawng sawng mai. A rawn chhuahna lam chu ka hawi a...ka hmangaih-a mitmeng mawi tak mai chu ka hmu ta. Ka mittui a rawn hnam a,ka tawng thei lo. Ka bulah chuan rawn thingthiin ka biangah a rawn vuan a "I tha em...?" aw dam diai hian a rawn ti a. Ka lu ka lo bu a,chu veleh nghet takin min kuah bet a, ka thla a van muang tehreng em. A darah chuan ka hmai ka phum a,a ri lovin ka tap a. Zan rapthlak tak kan tawng a ni a,ka mamawh ngawih ngawih a ni. "Shhhh......engkim a tha leh vek dawn alawm" ka sam kar atang chuan Raidon-a chuan a rawn ti sap a.
.
"Ihh maw...." ka sawi chhunzawm thei lo. Aw chhuak tur reng ka nei lo.
.
"I bulah ka awm e. Tap bawrh bawrh rawh. Engkim a tha leh vek dawn ka tih kha" ka mitah tak min rawn en a.
.
"Min tiam em?" Ka mittui chu min rawn hruk hul sak a.
.
"Aw..." ka chalah a rawn fawp zeuh a. "I tha hlauh chu ka lawm ngei mai. Kaito a'n min rawn phone khan ka hlauthawng lutuk a"
.
"A pawi ka ti lutuk" tihpahin hnuai lam ka melh a,ka biangah a rawn dawm nghal a.
.
"Hey...,chutiang sawi a ngai lo"
.
"Ka rin loh lam lutuk ania"
.
"Irony chu a tha chhuak leh em em ang. Hmeichhe tuarchhel tak a lawm a nih" kan nui suk a.
.
"Chu chiah mai" a nun a a thil lo tawn tawh zawng zawngte chu ka ngaihtuah a. Raidon-a chuan min kai tho a,min kuah leh a. A rim chu a tuiin ka hnar a zam chem chem a. A jacket hak lai chu a phelh a, "Eng nge i tih dawn?" ka lo tinghal vat a.
.
"Kha..ha rawh" tihpahin min rawn hak tir nghal a. Damdawiin vawh zia pawh chu ka lo hre chang tawh lo reng reng. Ka dar chu min hmeh sak a "An khawih na che em?" a rawn ti a. Hmaikawr vuah pakhat zawkin a min khawih lai kha ka ngaihtuah chhuak zawk a,mahse theihnghilh i la a tha zawk.
.
"Aih...ka tha" tiin dawt ka sawi ta ringawt a. Tunah chuan Raidon-a a awm tawh bawk a,ka him tawh e.
.
Irony an dahna room a tang chuan Doctor a rawn chhuak a,chu veleh a lam pan chuan ka tlan phei a,Kage a'n min rawn zui ve nghal a.
.
"Eng nge a dinhmun?" ka lo tinghal vat a.
.
"A chhungte in ni em?"
.
"Aw..."
.
"Tunah chuan a la muhil rih. A kawchhung a thiput kha tih reh tumin nasa takin kan bei a,tunah chuan a ngaihtuahawm rih khawp mai. Mahse vanneih thlak takin silai mu khan a taksa peng pawimawh a khawihchhe lo hlauh thung"
.
"A nih chuan a tha chhuak leh thei a ngem?" ka lo ti vat a. Raidon-a chuan ka darah min rawn kuah a.
.
"Chu mi sawi thei tur chuan kan la nghah deuh rih a ngai ang" ka thaw hawk a. Irony chuan a theihtawp a chhuah ngei ang.
.
"Kan lawm e"
.
"Form thenkhat i fill up lawk a ngai dawn a,insurance a nei em?" Thutak deuh hian Doctor chuan a ti a.
.
"Khai aa.....a nei miah lo. Mahse a ngailo....keiman ka pek sak-"
.
"Kei man ka lo pek sak ang" ka bulah chuan Raidon-a chu a rawn ding hnai a.
.
"Raidon....chutiang a tul-"
.
"Ni love. Min hnial suh. I nu enkawlna ah engmah ka thawh ve i remti lo ta sa sa. He thil hi chu min tih tir rawh" tihpahin ka sam chu ka bengah a rawn zep a. Ka lo nui ringawt a.
.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 5:57 pm

> DARKAR 5 HNUAH CHUAN.... <
.
"Ally..." tu emaw hian ka darah a rawn sawi a,ka chauin ka mut a chhuak nasa ropui mai si. Ka mit chu men luih kan tum a,Raidon-a chu eng emaw khai hian a lo ding a. A van sexy tak.....va kuah a,pawh beh mai ka duh. Mahse ka hnungzang kham ut ut chuan kan awmna min ti hrechhuak thuai a. Damdawiin thutthleng a mut zawng a nuam lem lo khawp mai.
.
"Car ah va mu rawh ka tih ka tih che kha" tihpahin Raidon-a chuan a kawng a han dawm a.
.
"Aih...Irony'n min mamawh. Khawiahmah ka kalsan thei lo" tihpahin ka ham bui bui a.
.
"A ni te chu a muhil daih alawm Ally"
.
"A rawn harh hunah tah hian ka lo awm a ngai a lawm" ka mit chu ka nuai nauh nauh a,ka van chau tak em. Damdawiin tukverh a tang chuan nizung a rawn lut iar a.
.
"Dar engzat nge ni tawh a?"
.
"Dar 7:35" a sana en pah chuan Raidon-a chuan a han ti a. "Zing chaw ei turin a lawm ka rawn kaihthawh che"
.
"Ka ril a tam hleinem"
.
"Chutiang ka ngaihtuah lo. Eng emaw tal i ei angai" ka banah chuan rawn vuanin zawimuangin min pawt tho a.
.
"Ka duh lo"
.
"Tho vat teh. Thingpuidawr pawh sawlai lawkah sawn a awm"
.
"A nih leh le" muangchangin ka kal a. Ka mang ka thawh pui hi a ni ringawt. Nu pakhat hian min rawn kal pel a,thil hriatchhuah ka nei zawk a. "Oh...shittt". Ka nu engmah chanchin ka la hrilh reng reng.
.
"Eng nge a?" Raidon-a chuan a rawn ti a.
.
"Ka nu mawle....engmah ka hrilh lo reng reng. Min lo ngaihtuah tawh ngawt ang" Ka phone chu zawngin ka jacket ipte ka dap a,ka hre chhuak zawk mai. Ka phone chu club ah khan ka dah daih.
.
"Kha ka phone hi hmang rawh" Raidon-a chuan a phone a rawn phawrh chhuak a,rang takin ka nu number ah ka dial nghal a.
.
"Hello....?" A aw a tang chuan a mangang tih ka hria.
.
"Hello...nu..?"
.
"Uii kareii...Ally,i tha em? Khawiah nge i awm?"
.
"Ka ngaihtuah awm loh e. Tunah chuan damdawiinah kan awm mek a"
.
"Eng a? Tinge....? I inti na a mi?"
.
"Na love....inbengdai rawh. Ka hrilhfiah ang che" kan chawl deuh dat a. "I inring em?"
.
"Aw.."
.
"Nizan khan kan Club ah misual an rawn lut thut a,pawisa zawng zawng an la vek a,chuan Irony an kap fuh bawk a"
.
"Eng nga? Nang i na ve em? A tha a maw?"
.
"Kei chu ka ngaihtuahawm loh e. A ni pawh a ziaawm chho mai turah kan ngai"
.
"Khawi damdawiinah nge in awm? Ka rawn kal ange"
.
"A ngai lo. Inah khan lo awm mai mai rawh"
.
"Chutiang ringawt a ni lo"
.
"A tul lo. Hei Raidon-a a awm alawm. Ka tha lutuk"
.
"Alyssa Lambert, khawi damdawiinah nge i awm ka ti ani lawm ni? Sawi vat rawh"
.
"Saint Benito's damdawiinah. Emergency room ah kan awm"
.
"Kan lo thleng vat ang bawih-i"
.
Thil ei tur chuan kan kal a,Club a ka thawmhnaw hak ang ang kha ka la ha bawk si nen,mi ho chuan min en duh thei em em mai lehnghal. Mahse Raidon-a chuan min zahpui miah lo in ka kutah a kai a,tiang chu ka la tawng ngai lo. A ni hi chuan eng nge ka nih a,eng nge ka tih thin lam a ngaihtuah lo. Ka nihna ang ang hian min pawm tawp mai ani. Ka mittui a hnam a,ka kal thei lo. Raidon-a chu a rawn inher a.
.
"Ka lawm e" ka aw chu a lawi rut a,ka biangah ka mittui a rawn luang a.
.
"Hey...hey..tap tawh lo la". Ka mittui chu a rawn hru hul a.
.
"Ka-.." ka sawi zawm thei lo. Ka hmui chu ka pet fan fan a. "Ka chung a i thatna zawng zawngah hian ka lawm lutuk"
.
"Ally..."
.
"Ka kut a min kaih duh avangin ka lawm e. Dik tak chuan a nuamlo ang tihpawh-" a mitah chuan ka en a. "Engtiang a han sawi chhuah tur nge tih pawh ka hre lo,mahse ka tan chuan a hlu lutuk" ka biangah a rawn dawm a.
.
"Engmah lawmthu sawi a ngai lo. Ka hmangaih che a,i kut ka kaih a vang a i hlim a nih chuan ka damchhungin i kut ka vuan mai ang" a han nui sak a. "Chu chu ka tum ber ani Ally,hlim tak a siam che hi"
.
"Stripper mai ka ni chung pawh hian maw?"
.
"Ni e....hringnun hi i tan chuan a harsa ve em ani. I thil lo tawn tlang zawng zawng ngaihtuah chuan hmeichhe chak tak i ni"
.
"Hmangaihna hi ka beisei ngai lo a,nang ang a mi tha ka tawn phei hi chu ka suangtuah ngai lo" Raidon-a chu a nui hak a.
.
Ka chak loh apiangin ka bulah a awm a,chakna min pe tu ani.
.
Hei hi hmangaihna diktak chu a ni a, ka tawng bik hi ka van vannei tak em.
.
.
END OF CHAPTER -30

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)