“♤ STRIPPER ♤ BY Noah Hringngen”

Ngaia
Site Admin
Posts: 25813
Joined: April 30th, 2016, 4:07 pm

Re: “♤ STRIPPER ♤ BY Noah Hringngen”

Unread post by Ngaia » July 20th, 2016, 6:01 pm

♤ STRIPPER ♤ . . Chapter -34 (Flashes)

www.storyfb.com
Postby Noah Hringngen » Thu Jul 07, 2016 10:44 pm
Kaito-a ka fawhna chu ka la thla thei lo. A hmui chu a nemin fawh a nuam hlea, mahse chu chu ka fawh rengna chhan erawh ani chuang lo. Ka biangah chuan rawn vuanin duhthaw takin min fawp zuia,a lamah min pawt hnaih a,ka hnute leh a awm chu a insi chalh bawk. Kan thawk a pangai lo tana,mahse nuam tihna riau erawh ka nei tlat. Ka mal a rawn zut a,ka kawng lamah a rawn chul chho zel a. Ka thaw hleithei tawh lo. Chutih rualin thil thleng ta te kha ka mitthlaah an rawn lang leh zut zut a.
.
"Eng thil....." ka ding chhuak hluai a.
.
"Hey...!!" kan piaha hmeichhe la naupang hmel angreng tak lo ding lam chu Kaito-a chuan a hawi a. A sang lem lova,a sam dum tle siau mai chu thli chuan a chhem leng siau siau a. Camera in min lo tin reng a. "Engtil nge tia i inhriat a?" tihpahin Kaito chuan a pan phei a.
.
"Engmah" tihpahin a lu a thing a,mahse a Camera chu a rawn de leh chuai a.
.
"Tawp vat rawh" ka lo ti thawt a "Kan thla i lo la elaw..?"
.
"Khawi maw...Camera kha min lo pe teh" Kaito a'n a han tih chuan a tlan chhe daih a. "Hey...!!" Kaito chuan an um zet nangin thim thamah chuan a relhru bo daih a,hrilh hai takin Kaito chu a rawn let leh hna hna a.
.
"Kaito....pawi ti duh suh. Photography zirlai a nianga, kawtthler vel a mi thu lai thla a la duhte pawh a ni mahna" tiin ka lo hnem a.
.
"I chiang chiah a maw?" tihpahin chu nuin a a ID a thlauh chu a rawn lek chhuak a. "Hei hi a thlauh a"
.
Darla Mason
.
Journalist
.
P.G. Magazine
.
.
"Chanchinbumi a nia maw...?"
.
"Aw...naktuk zing phek hma berah kan chuang kalh ngei ang" tihpahin a sam chu a han tuai a.
.
"Maw...?" Mak ka ti hlemai. "Engvang ringawtin maw...?'
.
"Um...kan chhungkua hi chu company lian tak neitu kan ni a,kan chanchin hi miin an chik reng a lawm". Thil ngaihtuah rauh rauh hmel hi a pu a.
.
"A nih chuan.......Ui lehh...!!"
.
Kaito-a phone chu a rawn ri ral ral a,an en chuan a meng zau kawk mai. "Raidon-a a nih hi"
.
"Chhang suh"
.
"Ally...."
.
"Khawngaihin"
.
"A pawi ka ti lutuk" phone chu a la a. "Hey...eng nge ni ta?". A ngawi zui vang vanga. Raidon-a chuan sawi tur a ngah hle a niang.
.
"I bulah ka awm tih hi hrilh miah suh" Kaito chu ka va hrilh ru a.
.
"Ka bulah a awm". Kaito-a sual zia hi. "A ngaihtuah awm loh e. Ka hruai haw dawn mek a....kinah kan inbe dawn nia" Phone chu a daha.
.
"Sawi suh ka tih che kha". Kaito-a chu a dinga, a hmelah chuan thil hriat a nei tih ka hre nghal mai.
.
"Ally....Raidon-a hian a kawp lo che"
.
"A nih tak chu. Nang pawh a lam tang tho ilo ni a nih hi" tihpahin kan piah lawka thingkung mal ding chu ka melh ngar ngar a.
.
"Khang message te kha Raidon-a message tur a ni hleinem. Keima message tur zawk a nia"
.
"Ni vel teh se a"
.
"A thawn tu hmingte kha i la hria em? K.G tih kha? Kaito Girl tihna a nih kha. A hming chu Meredith a nia.Zan hmasa khan kan inhmu a"
.
"I dawt sawi kha tawp hmak rawh" ka aw ki a sang hlemai.
.
"Dawt ka sawi lo. Tukin khan Raidon-a phone ka hman sak a,ka phone ka tih chhiat a vangin" tihpahin a phone a rawn phawrh a,lei thar hlim tih a hriat hlemai.
.
A ngaihna ka hre ta lo hlemai. Kaito-a thusawi chu dik se ka ti a,chutih rualin ka thinrim luatah Raidon-a cousin ka lo fawp thawt thawt tawh bawk si. "He thil hi......a va nuihzathlak ve"
.
"Ka hruai haw ang che"
.
Kawng tluan chuan kan ngawi reng a,sawi tur pawh ka hre lo. Eng nge ka tih tak mai le? Kaito-a nen chuan magazine cover ah chuan kan lang a ngem? Ka bialpa ka rinawm loh san tum khatnaah kan thlalak a darh nghal a nih vaih zawngin, engtin nge khaw eng ka hmuh ngam tak ang?
.
Raidon-a
.
Ka hrethiam neih nuaih tawh lo. Min kawp lo tak tak maw....? Ka phone ri chuan min ti phu zawk a,Raidon-a a la ni zui. Mahse ka la ngam lo....lak pawh ka duh rih lo...ngaihtuah takngial pawh ka duh lo.
.
.
.
Tunkara ka la muttui ber tum a ni hial ang. Ka zing tho pawh ka zang hawkin ka hria. Tuk dang zawng zawng aiin ni chhuakte chu a mawi a,boruakah chuan rimtui a leng chem chem emaw tih mai tur ani.
.
"Ally....i tho tawh em?" Alex a'n a rawn ti a.
.
"Aw...lo lut rawh"
.
"He thil hi a ri zing tawh lutuk. Choka ah i dah daih bawk sia" tih pahin ka phone a rawn theh phei a,a lo la ri mek a,Kaito-a call ani. Rang takin ka la nghal a.
.
"Hey...."
.
"A tawp a tawpah chuan......i la thei lo hlen dawn emaw ka ti hmana" a aw a tang chuan a chauh hmel takzet.
.
"Nia...ka lo muhil daih a".
.
"Hei ka bula hi Raidon-a a awm a" a rawn ti a,ka lungphu chu a ding dawt mai. "Biak che a duha"
.
"Kaito,chutiangin-"
.
"Ally....lo ngaihthlak sak ve mai la"
.
"Chutiang ka theil-"
.
"Ally...?" Raidon-a aw ka han hria chu ka hit chhuak nghal vek. "Nakin deuhah emaw kan inbiak lawk a tulin ka hria" Nia,chute chu ka hria. Mahse hmuh pawh ka hmu ngam rih lo. "Tunah in ina rawn kal ka tum a"
.
"Aw le.." chu zawng chu phone ka dah hmaa ka sawi awm chhun a ni. Rang takin bathroom ah lutin ka inbual nghal a,ka zawh veleh ka inthlak sawk sawk a,chutih lai chuan Irony room atang eng emaw thawm ka hria a. Kawngka bulah chuan dingin kan ngaithla a.
.
"Ni lo Alex....hetiang ti suh"
.
"Shh.....bengchheng suh. I chak tih ka hria alawm" Alex-a aw chu a hur hmel takzet.
.
"Aih....ka duh lo"
.
"I vunte chu a va nem ve a"
.
"Alex...tho vat teh"
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:01 pm

"Pawisa pawh ka nei tho a nia. Pawisa pek kher i phut em ni?" Thinrimnain min rawn luah khata,kawngkhar chu ka su hawng rawp a. Irony chu khumah a lo bawhbeta,a pawnfen hnuai a lo zen sak mek a.
.
"Engthil nge in lo tih a?" Ring leng lawngin kan ti a. Alex-a chu a zuang tho nghal vata.
.
"Engmah " tih pahin a ban a phar a,mahse a kekawr hmalam pawng luah a tang chuan hai rual a ni lo.
.
"Engmah a?" Ka pan phei a,a hmaiah chuan ka beng hawi sawk a. Mak tih hmel taka min melh chungin a biang a dawm a.
.
"Tinge hetia min tih Ally?"
.
"Heta tang hian chhuak vat rawh. A ni hi i khawih leh a nih vaih zawngin mimal taka min hmachhawn a ngai tawh ang" ka ti phiar phiar a.
.
"Ally...chutin-"
.
"CHHUAK NGHAL RAWHH" rang takin a chhuak a. Irony lam ka hawi a "I tha maw?"
.
"Aw tha e. Ka lawm lutuk"
.
"Khatiang a a tih leh vaih che chuan au vak tawh ang che. I au ang tih min tiam rawh?"
.
"Ka tiam a che" a ti a.
.
Raidon-a....
.
"Oh shitt..." rang takin ka room ah ka tlan lut a,jeans ka ha a,kawr purple ka ha bawk a,ka sam ka khuih sawk sawk a.
.
"Ally.....inpa a lo kal a nia" inhnuai lam a tang chuan ka nuin min rawn au a. In hnuai lamah chuan ka tlan thla a,mahse living room chu a ruak huai bawk si. "Pawnah a awm. Lut turin ka tia,mahse pawnah din ka duh zawk a tia" choka atang chuan ka nu chuan a rawn ti a.
.
'Ka ti thei tur a ni' tiin ka infuih mawlh mawlh a,ka thin a phu nasa ropui bawk si. Ka chil ka lem khawlh a,kawngkhar chu ka hawnga. Pawnah chuan min hnungchhawn zawngin a ding a,a sam dum hlap leh a dar hlai tha tak chu ka hmu nghal a.
.
"Raidon....?" A rawn inher a,a van chhelo zual tak em. A sam hnawng chhapte,a mitmeng nelawm tak leh a hmel chapo lo takte. A hmui pan lam leh sen vam hiam maite chu. Suit pangai tak leh tie sen a awrh a,kan inbiak zawha hna lama kal nghal tur a nih hmel.
.
"Hey...." a rawn nui sak a,va kuah a,va fawh chawk chawk mai ka duh.
.
"I tha maw...?"
.
"Tha vak lo. Nang?"
.
"Ka pangai e"
.
"Ally...min ring la ka duh a ni. Ka hmangaih che a,ka bum ngai lovang che" a mitmeng tlawm lutuk chuan min ti na zawk,a chhan chu keimah zawkin darkar rei lote kal ta mai khan ka rinawm loh san zawk a ni si a.
.
"Ka...."
.
"A finfiahna nen lam ka hmuh ang che. Hei hi a nia Meredith-i chu". A kar a tang chuan hmeichhe pakhat,chhelo zet...sam sen leh Kaito-a an rawn chhuak duna.
.
"Hi.." tihpahin a kut arawn phar chhuak a "Hetiang thil ka thlen che u a pawi ka ti hlemai". A kut chu rang takin ka lo vuan a. "Ka phone hi check la Kaito-a message ka dawn zawng zawng pawh i en thei ang. Chuan i bialpa ka lo va thawn pawh kha ka saved nghe nghe a,pawi ka ti takzet". A phone chu ka check vek a,thudik pawh chu ka hmu ta ngei a. Kaito-a ka va en a,inthlahrun hmel deuh hian min rawn nuih a.
.
Kaito-a leh chu nu chu an kal hrang a,Raidon-a nen a chance min pek an duh avangin. Meredith -i chu a ding lawka,Kaito-a biangah chuan a beng ri sawk a.
.
"Tinge a?" ka lo ti vat a. Chu nu chuan min rawn pan hnai a,mahse kan inkarah Raidon-a a rawn ding vata.
.
"Hey...eng nge tih i tum a?" Raidon-a chuan a han ti a.
.
"He nu hi ka that dawn. Zawngi..." a rawn ti ta phiar phiar a,a ngaihna ka hre lo kher mai.
.
"Duh tawk rawh. Tiang khan ka bialnu hi ko reng reng suh" Raidon-a chu a thinrim hmel hlemai.
.
"Bialnu a? A nih chuan hei hi en teh" tihpahin a phone chu a hmuha. Chu thlalak kan en ve chu ka thi mai dawnin ka hria. PG Magazine kawmah Kaito-a nena kan infawp lai chiang tawkin a lang kuau mai. A kut pakhatin ka mal a dawm a,leh lamin ka kawng.
.
Kan vai chuan kan ngawi thap a,Raidon-a hmelah chuan mak tihna leh rilru natna ka hmu thei a.
.
Thil engkim ka ti khawlo ta vek a nih hi.
.
Ka hmangaih ber rilru ka ti na ta si.
.
Mahse min ngaihdam ngei ka beisei. A ni chan hi zawng ka zuam mawlh lo ani.
.
.
END OF CHAPTER -34

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:02 pm

♤ STRIPPER ♤ . . Chapter -35 (Broken)


Postby Noah Hringngen » Sat Jul 09, 2016 8:43 pm
storyfb.com
Kan boruak chu a rit ngei mai. Raidon-a chuan Meredith-i phone chu a hum vang vang a,a thaw rang sawt hle a,tu tan pawh a thinrim a ni tih chu hai rual a ni lo. Kaito-a pawh chu ti tho, Meredith -i chuan a lo melh sala ve tun bawk si a,che lo in a ding reng ringawt a. Raidon-a chu va biak a,engkim hrilhfiah vek ka duh,mahse engmah ka sawi chhuak thei lo. Raidon-a chuan ka lam a rawn hawi a,chu zet zawng,ka tuar zo thlawt lo. A mitmeng chu thinrimnain a khat a, min haw ngawih ngawih hmel a pu bawk. Tiang ang hmel chu a put ka la hre ngai lo.
.
"Raidon...." a kut a rawn phar chhuak nghal a.
.
"Min ko suh" a aw chu vur tlang ang maiin a vawt a,a mittui a tling pam bawk.
.
"Ka sawifiah thei ang". Meredith -i chu a phone a pe let leh a,a Car lam panin a kal nghal a. "Lawkin....Raidon....lawkin" ka theih tawp chuan ka au a. Kaito-a chuan um zui nghalin a darah a va vuan a.
.
"Unaupa-"
.
"I unaupa ka ni lo" Kaito-a biangah tak Raidon-a chuan a hnek chawrh a,ka lo au thawt a. Kaito-a chu leiah chuan a thal nghal tawp a. Meredith -i chuan engtinmah a ti ngam lo.
.
Raidon-a chuan a Cousin lei a let reng chu a kawr hmaah a tham lawk a. "Raidon....ti suhhh. Duh tawk rawh" ka va tlan phei a,a banah ka va vuan vat a. "Duhtawk rawh".... Raidon-a chuan ka ban chu a vai per lawp a, Kaito-a chu leiah chuan a nawr let chawrh a.
.
"Vawikhatmah i unaupa angin min ngai leh tawh ngai suh ang che" a aw ah chuan a ti mai mai lo tih a chiang hlemai. Chu tah ka mitah tak a rawn en a "Nang pawh kha...." an chawl dat a. Thinrim tih hriat tak in a khabe chu an ti sawi a "Kal bo nghal rawh. Hei hi kan inhmuh tawp na tur a ni ang". Ka nghing dawt mai.
.
"Raidon khawng-"
.
"TAWNG SUHH...!" A rawl a ring kher mai. A lu a thing a "Engkim a tawp tawh" a inher a,a Car lam a pan a. Um zui ka tum lai tak chuan ka banah Kaito a'n a rawn vuana.
.
"Kal tir rawh. A thin a la rim rih a nih kha. Inbengdaih tir phawt rawh". A kut lehlam chuan a hnar a dawm a, a kutah chuan thisen a kai luai a.
.
"Ui kareii....i tha em?" A lu a bu nghat a,leiah chuan a mu leh a. Thisen chhuak tih tawp a duh vang tih ka hria.Meredith -i chuan min rawn kal pel a,Raidon-a Car ah chuan a lut daih a. Engtin nge ti mai khan Kaito hi a kal san theih zawk a? Raidon-a chuan a car chu ti nungin an tlan liam nghal a. Rilru natna leh lungchhiatna in min rawn nangching a,ka mittui a rawn tla zung zung a,ka hmai chu ka hup a.
.
"Ally.." Kaito chuan min rawn ko a,mahse ka hawi lo. "Thil chu a pangai leh vek mai ang. Kinah ka lo bia ang e"
.
"A ngaithla duh chuang lovang" ka lo ti a.
.
"Kan um zui nghal a nge. Chanchin ka rawn hrilh leh ang che" tihpahin a kal sawn nghal a.
.
Raidon-a chu a kal ta......khatiang em em a a rilru na mitmeng kha ka la hmu ngai lo. Engtin nge tiang thil kha a chungah ka thlen tir theih zawk a?
.
"Ally...?" Ka hnung lam a tang Irony chuan min rawn ko a,ka hmel a han hmu chu a meng phawk hlemai. "Tinge....? Engtin nge i awm a?" rawn tlan pheiin ka biangah a rawn vuan a. "Eng thil nge thleng?" . Ka lu ka thing a,engmah ka sawi thei lo. Ka mittui chuan ka khawhmuh a ti vai vek a. "Khawh....inchhungah i lut ang" tihpahin ka darah min rawn kuah a.
.
Ka room chhung kan thlen chuan engkim chu chipchiar takin ka hrilh vek a,ka han sawi zo chiah chu chhuak mang kheng hian ka tap chhuak hawk hawk a. Irony chuan a malchungah min mut tir a,ka sam chu a chul a chul ringawt a.
.
"Ally....a rawn kir leh em em ang". Chungte chu duhthusam a lawm.
.
"Min hua a ni" ka tap nasa lutuk chu Irony kekawr pawh a huh dup tawh a,mahse chulam ka ngaihtuah hman lo. Keimah leh keimah natna ka insiam a,chu chuan Raidon-a ngei pawh rilru nain a siam ta si.
.
"A haw reng reng lo che. A hmangaih lutuk che a lawm. Tunah zawng a rilru a la na ve em a tin ni". Kawngkhar chu ka melh ngar ngar a. "Tha takin in la awm leh ang tih hi ka ring tlat a ni. I tap tam tawk ta e....tho la va inphih harh rawh". Ka thu chhuak a,ka mittui chu ka hruhul a,engtia rei nge ka tah tih pawh ka inhre lo.
.
.
Bathroom darthlalangah chuan ka in en vang vang a,ka mit chu a sen in a bui luk a,ka hnar a sen hlar a,ka sam a thur em em bawk. Ka hmai chu ka phih a,mahse reilo teah ka mit atang mittui a rawn chhuak leh a, ka awm zawn chu a na ngar ngar hlemai.
.
Ka hria...hethil hi ka phu tawk chiah ani. Keimah chauh ka inngaihtuah a vangin engkim ka ti khawlo zo a, Raidon a'n min kawp emaw ka tih a vangin. He thil hi ka phu ngawih ngawih zawk a ni.
.
.
1
.
.
2
.
.
3
.
.
Ni 4 lai a liam ta. Raidon-a emaw Kaito-a hnen a tang emawin call engmah ka dawng lo va,vawi tam keimah zawkin call ka tum a,mahse ka be tlang thei lo. Khang ni ka hmanral takte kha rilru na reng rengin ka hmang zo a,college kal mah ila ka rilru erawh hmun dang daihah a awm thung. Club pawh kan la khar rih char char a,kar leh kar tawpah kan hawng ang. Mahse ka thawh peih tawh pawh ka inring lo. Ka mut a piangin ka tap hi a ni ringawr reng mai.
.
Min kalsan tih ka ngaihtuah chhuah a piangin ka rilru a na nawn a,mahse ka nu hmuhah erawh ka inthup hram hram thin.
.
.
Ka nu chu ka room ah a rawn kal a,ka awmdan a dang tih a hriat a vangin engtin tin emaw min rawn dawp a,a tawp a tawpah chuan ka inthup reng thei ta bik lo.
.
"Thurawn pek che ka duh a,nangman thil i tisual a,chuvangin nangmah ngeiin i siam tha leh tur ani. Chuti maiin i kal tir tur a ni reng reng lo. Hringnun hi hrehawm ti reng reng a hmang ral tur chuan a rei lutuk. I kal ang a,siam that leh i tum dawn nge ti khan i tap reng ringawt dawn?" Ka nu thusawi chu ka rin loh lam daih a ni.
.
"Mahse vawi tam call ka tum tawh a lawm. Biakte chu ka tum zing tawh lutuk"
.
"A nih chuan an inah tinge va kal a i va hmuh mai loh? Tah hian i tap reng ringawt tur a ni lo. I hrilhfiah loh chuan engtikah mah a hrethiam ngawt lovang"
.
"Mahse chiang lutukin magazine cover ah ka chuang kuau a lawm. A nu pawn a lo hmu ve ngei ang a,an inah te chuan ka lut thei teuh lo mai. A hma pawn min ngei sa tawh tehreng nen...tunah phei chuan sawi ngaihna pawh ka hre lo zawk"
.
Ka nu chu a nui hak a. "A nih chuan engtin nge i hmuh theih ang?" An ngawi dat a. "Khawiah nge a thawh?"
.
"Humm.....company a nei tih chu ka hria a,mahse khawiah nge a awm tih ka hre lo". Ka nu chu a nui chhuak hak a.
.
"Internet a awm a lawm le"
.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:02 pm

A TUKAH CHUAN.... <
.
"Ka ti thei tur a ni". Vawi 5 zet ka sawina ani ta. Taxi driver chu ka chhuah hun nghakin a thu reng a,mahse ka chhuak lawk thei lo. Ka dang a ro huam huam a,ka thlan fim a bawlh tawk tawk a.
.
"Miss....i tha em?"
.
"Aw..ka tha". Taxi a tang chuan ka pen chhuak ta. Ka kawr hma chu ka siam tha a,kan hawi chhuak chu driver chuan address diklo ah min hruai emaw ka ti hial. Mahse "Kawasaki International Housing company" tih a inziak kulh bawk si. A building chu a lian em em mai lehnghal. A chhawng chung ber hmu tur chuan thlir chhoh vang vang a ngai. Darthlalang dum pawl hlang vek a siam emaw tih mai tur a ni.
.
Hei hi maw Raidon a'n 'Ka company tereuhte' a lo tih thin chu?. Thawk kan la vang vang a.
.
Wow..
.
Ka pen lut ta. Darthlalang a siam kawngkhar hi a lo awm a,chu pawh electric hmang a a maha inhawng thei a ni a. A chhung chu hotel changkang tak hi a ang zawng. A faiin a nalh em em a,counter lian zetah hian hmeichhe pahnih an lo duty a,min hmuh ve leh min rawn nuih sang a.
.
"Puih theihna che ka nei em?"
.
"Aw....ummm,ka.." ka hrawk kan thian te te a. "Raidon-a hmuh lawk ka duh a"
.
"Raidon-a a..??" A meng zau kawk a. "Mr. Raidon Kawasaki... kan President hi maw?"
.
"Aw...". Min rawn nuih suk a.
.
"Tunge i nih?"
.
"Umm....Alyssa. Raidon-a...... a thian ka nia"
.
"Appointment i siam em?"
.
"Aih...ka-"
.
"I lo kal tih a hria em" a hma zawna laptop chu a hmet nghal mual mual a.
.
"Aw le...Alyssa,tiang hi chu a thleng fo reng a nia. Hmeichhe thenkhat an rawn kal a,a thiannu ka ni,a bialnu hlui ka ni te an rawn inti a,thenkhat chu a bialnu ang ten an rawn insawi thin bawk. Chuvang chuan security ka koh hmain min kalsan mai dawn em ni ang?" Ka hmuh a ngai takzet a sin le.
.
Elevator lampan chuan film a mi ang hian ka tlan phei thut mai dawn em ni ang? Mahse guard pahnih an ding tlat bawk si. Ka chhuak tur chu tu emaw nen hian kan intawk nawlh a.
.
"Martha..!!" Martha-i chu Raidon-a chhiahhlawh pakhat,a nu ang mai a enkawl tu kha ani a,min han hmu chu hrechhuak zawk hmel hi a pu a.
.
Martha-i chu Raidon-a cookies tur keng a rawn kal a ni a, luh ve min phal sak loh thute chu ka hrilh zung zung a.
.
"Ohh....a nih chuan min rawn zui rawh. Ka rualin i kal dawn nia". Elevator lam chu kan pan dun a.
.
"Hey....kha nu kha a kal ve thei lo a nia" Counter a duty nu kha a rawn au tuar a.
.
"Ka rualin a kal ang. Lo rak lo rak suh Rul thlah nu" Martha-i tawngkam chuan min ti phu zawk mai. Ka nuih a za hle bawk. Min rawn melh rum hle a,mahse engmah thil dang a sawi ngam tawh lo.
.
Elevator hmang chuan chhawng sarihna ah kan chho a,ka thinphu a rang tawh ngei mai. Inkalpawhna zau zet maiah hian kan phei leh a. Kan lampan hian hmeichhe pakhat hmanhmawh takin a rawn phei a. A form hak chu a tight in a hnute chu a pawng lah a,pheikhawk keartui sang a bun bawk a.
.
"Martha...tunge i rawn hruai hi?". Martha-i chu ngaih pawimawh loh hmel zet hian a kal tlang zel a. "A mood a off teh mai ania,a tihbuai chi rih lovang" a rawn ti leh a. "Martha...ka ti tak tak"
.
Martha-i chuan kawngkhar chu an kik karh karh a. "Lo lut rawh". A aw ka hriat rual rual chuan electric in min man ta emaw tih mai tur hian ka awm nghal a.
.
"Va lut rawh le. Chuan hei hi min lo pek sak nghal dawn nia" tihpahin a thil ken chu min pe a,a kal sawn nghal a.
.
Ka hmu dawn ta e.
.
Ni li chhung zet rilru na leh inchhir reng reng a hun ka hman hnuah ka hmu dawn ta e.
.
.
END OF CHAPTER -35

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:03 pm

Chapter -36 (This has to be a joke)
http://storyfb.com

Zawi muangin kawngkhar chu ka hawng a. A office chhungah chuan carpet dum man to chi a inphah chhuak vek a,a bang erawh a pawl thung. A kil lamah chuan thutna dup uk,man to hmel zet hi a inhung a,tah chuan amah chu ka va hmu ta. Raidon-a ngei mai chu. A bang thlang lam chu darthlalang vek a nih a vangin pawn lam chu chiang takin a hmuh theih a. A rawn hawi a,min rawn hmu chiang hle. Mahse min ngaihsak hmel reng a pu lo. A phone a la a,midang min biak san daih a.


.
"Aw....a spare part tur kan mamawh nual ang". A aw ri ka hre leh ringawt pawh chu ka tan chuan hahdam thlak tak ani. "Aw ni e. A man lamah chuan harsatna a awm lo. Tukinah machinery department lamin min rawn bia a,a rang lama tihfel vat a ngai ang" kawngka chu dimte in ka khar a,ngawi rengin ka ding a. A hmel reng reng chu a zahawm khup mai a,a suit dum hak chu a body fit chiah chiah ani bawk nen,a fin hmel mai bakah a chhelo takzet.
.
"Aw.....hydraulic hoses sawm leh air filter pathum kan mamawh ang. Khawl a chhiat a vangin project kal lai pawh kan chawl rih a". Ka thlan chu kan hru hul a,a dawhkan lampan chuan muang changin ka phei a. "A spare i rawn ken theih hma chu rawn let suh ang che. Bye" a phone chu a dah a. A hmel a tang chuan a mood a fuh lo tih a hriat reng mai. Ka lo kal ta kher kher chu ka inchhir hial.
.
'Ka tawng dawn em?' Eng nge ka tih ang a,engtin nge ka awm ang tih pawh ka inhre lo.
.
"Kha laiah khan ngawi rengin i ding nileng dawn em ni?" A aw ka hria chu ka phu zawk a,ka awm ve tih chu a hre ngei e.
.
"Engtin nge-"
.
"Office pum hi i rimin a khat a lawm" a mitmu dum kak mai chuan chiang takin min rawn melh run a. Ka rim maw? Ka perfume rim a tihna nge? "Helaiah eng ti turin nge i lo kal Alyssa?" Ally ti hlirin min ko thin kha a ni sia.
.
"Ka-" thawk kan la hak a. "Kan inbiak a ngai ani"
.
"Aih...inbiak kan mamawh lo" vawt raih hian a rawn ti a.
.
"Khawngaihin min lo ngaithla lawk teh" tiin ka han ngen a. "Chu mi hnua i la duh lo cheu a ni chuan ka kalsan ang che"
.
"Second 20 hun i nei ang"
.
"Thil ka tisual tih ka hria,thil lian tak ka tisual ani. A chhan chu ka rilru kha a mang vek a,midang i lo kawp ni a ka rin a vangin engti kawng emaw tala rulhlet ve che kha ka duh a. Ka-"
.
"Ahhh....mit aiah mit kan ti dawn a ni maw?" mei nei zet hian a rawn ti a.
.
"Chutiang lam a ni lo....ka tap a, ka lungngai takzet a. Hrehawm ka tih dan tur ziate kha i ngaihtuah thiam lo em ni? Kaito-a zawt rawh,engkim a hrilhfiah thei ang che". Raidon-a hmel chu a hmuhnawm loh kher mai.
.
"Ka hmaah a hming kha sawi hlek suh"
.
"Min ring ve tal la"
.
"A teuh lo. In pahnih hian a hma pawn eng eng emaw chu in inkarah hian a awm tawh ka ring nghet tlat"
.
"Maw..?" Min thawng kher mai. "Nangmah bak hmangaih ka nei lo"
.
"Ka ring lo che". Ka chuap chu a thlawn ta emaw ka ti hial.
.
"Khang thil zawng zawng a thlen hnu pawh khan min rinna engmah i la nei ve lo a maw?" Ka lung ni vak bik lo.
.
"Min bum a ni Alyssa. Chuan eng nge i beisei? Lawm sak i phut a mi? Nge ni a engmah thleng lo ang maiin kan kut kan kuangkuah mai mai zawk dawn?" A thin a rim hle a.
.
"Thil ka tisual ani. Mihring ka ni a, mihring chuan tihsual chang a nei thin". Ka mittui chu tla lo turin ka insum hram hram a.
.
"Chung zawng chu em ni sawi tur i neih? Second 20 a ral tawh a,ka office hi chhuah san tawh rawh" Ka mittui chu ka hru zauh a.
.
"Aih...ka kal dawn lo. Min ngaidam rawh Raidon"
.
"Eng a?" a thutna a tang a rawn din pahin dawhkan chu an beng ri thuai a. "Engmah tihsak tur che ka nei lo. Chhuak rawh...!!"
.
"Aih.." ka pen hnaih sauh a. "Chutiangin-"
.
"Security koh ngaiin min siam suh Alyssa"
.
"Chutiang i ti duh lo-" Raidon-a chuan a phone a button pakhat chu a hmet zeuh a,second 4 vel lekah palian tak pahnih hian kawngkhar chu an rawn nam hawng nghal a.
.
"Nula,min rawn zui rawh" Pakhat zawk chuan ka banah a rawn chelh a. Ka mittui a rawn baw hawk a,mahse rang takin ka hru hul vat a. Raidon-a erawh bang lam hawiin a ding tlat a, min pawt chhuak lai chu a hmu duh lo a ni ngei ang.
.
"Engtiangin nge ka rilru a nat tih hi i hre ve reng em?" Guard in a min pawh kal dawr dawr lai chuan kan ti leh hram a. "Ka ngaidam che a..." Raidon-a erawh che loin a ding reng a. "Nupui hual i lo nei reng a ni tih ka hriat chhuah tum khan. Leh club a kan inhmuh hmasak ber tum a min mutpui i duh nachhan ka hriatchhuah tum khan. Ka ngaidam che a nih kha"
.
"Kha nen khan a inang lo" zawitein a rawn ti sap a.
.
"Ni e..a in ang lo. Mahse hei hian a finfiahna min pe ta a ni. I mi hmangaihna thinlung lo tet bik zia leh ka mamawhna che a lo nasat bik zia hi" ka aw chu a rawn lawi a. "Mahse a pawi lo ve. Ka kal khawp ang Raidon" Guard pa kut chu ka beng thla a. "Keimahin ka kal ve thei" Guard pa chu a nui suk a.
.
A tawp tawh....
.
Chiang takin....
.
.
Engtikah mah kan nih leh ka ring tawh lo. Ka mit chu a vai vek a,mahse chutiang lam ka ngai pawimawh lo. Pawn a ka han chhuak chu zing ni eng chuan ka hmaiah tak min rawn chhun a,tah loh hram tumin ka insum ngar ngar a,mahse a har tak zet. Mi ho chuan min en duh in eng eng emaw an sawi zup sap sap tih pawh ka hria. An duh dan danin min lo sawi mai mai teh se.
.
Ka hmangaih-a ngei khan...
.
Min kalsan ta si.
.
Engtin nge a tel lo chuan ka nun theih ang? A nui hmel mawi takte leh fel hmel taka a awm lai sexy lutukte kha hmu tawh miah loin engtin nge ka awm theih ang? Ka nunah a awm ve tawh lo a ni tih hre reng chungin engtin nge tha taka ka nu ka enkawl theih ang? Ka nunna a ni a,ka chakna hnar ber a ni a sin.
.
.
> HUN A KAL ZEL A....<
.
"Ally,tho tawh rawh" Irony chuan ka samah a rawn chul a.Ka lukham chu a huh dup a,a chhan pawh sawi hran a ngai lo. Ka lu ka thing a. "Ti teh Ally,zanriah kan peih tawh a nia. I nuin arsa tui tawkin a siam lehnghal"
.
"Ka ril a tam lo. Keimah a awm ka duh" ka aw te chu thi tur aw ang mai ani.
.
"I nu rilru tih hrehawm i duh em ni? " ka mit ka meng a,chaw ka ei lo a nih chuan ka nu chuan min ngaihtuah leh viau ngei ang. Ka inphih harh a,zanriah eitur chuan ka chhuk ve a. Ka nu chu theitui siam pahin a zai rat rat a. Ka epah chiah chuan Alex-a chu kawr ha lovin a rawn thu a.
.
"I tum ka hria a nia aw.." ka lo ti vat a.
.
"Eng chu maw i hriat?" A taksa ruak deuh kung chu ka en a.
.
"I dul leh i awm vel i show kha a tul kher lo a nia". Irony hmuha intih eng emaw vel a tum tih chu ka hre reng mai si a.
.
Irony lah chuan keawrbul leh kawr hma phel a ha a,a hnute bu chu a lang pawng lah a
.
Pangai tak a titi ho chungin zanriah kan kil tlang a,ka rilru natnate pawh chu tha takin ka sawi chhuak a,chhungkaw tha tak ka nei chu ka lawm ngei mai. Alex-a a rawn kir leh mai bakah Irony pawh kan chhungkaw member thar a ni ve ta a,an ni an lo awm ve hi ka vanneiin ka van lawm tehreng em. Ka neih chhun ngawih ngawihte an ni.
.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 20th, 2016, 6:03 pm

> KAR KHAT HNUAH CHUAN.... <
.
A mah vangin vawi engzat nge ka tah tawh tih ka hre lo. Class ah pangaiin ka awm thei lo a,chaw ka ei mumal thei bawk si lo. Ka nu hmuha pangai taka lan a ngai bawk nen. Hmangaihna hi tinge maw a nunrawn em em mai le? Tinge min kalsan tawh tih hi pawm harsa ka la tih em em ni?
.
Ka khum a tang chuan ka tho a,banga Francisco Goya lemziak intar chu ka en reng ringawt a,kan nunhlui rilruah a rawn thar nghal a. A original leina man ka nei si lo. Raidon-a room a ka luh hmasak ber,ka virginity ka hloh tak tum kha ka ngaihtuah chhuak a.
.
.
~ FLASHBACK ~
.
"Francisco Goya lemziakte i lo hre ve ani maw?" Raidon-a chuan min rawn en a.
.
"Hre tehreng e le. Hei pawh hi a ziah a nih hi" tiin banga milem intar chu ka kawk a. "Engtin nge i neih theih zawka?"
.
"A man a to teh a nia. I hriat ve pawh ka lo ring lova"
.
"Goya te chu ka duh naklai a. Romantic rukna riau hi an nei zel lehnghal". Lemziak chu ngun takin ka thlira "Tianga ka hmuh theih pawh hi ka lo ring ngai lo va"
.
Ka hnung lam a tang min rawn kuah a,ka nghawngah a rawn fawp zeuh a. "Art i ngaina ang tih reng ka lo ngaihtuah ngai lo va"
.
"Ngaina tehreng mai" . Min kuai her a.
.
"Min han fawp teh" a nui sak a.
.
"Eng vangin?" A nghawngah ka kuah a.
.
"Ka bialnu i nih a vangin" ka hmui bul chetah chuan a rawn ti a.
.
"Chuan...?" Min chhang tawh lo. Min kuah nghet sauh a,min rawn fawp nghal a. A tukhumah nget takin ka lo vuan a,ka kawngah chul thlain ka mawng bawr lamah a chul phei a.
.
Kan lei chu a inbawhthuah tap tap a,ka nghawnga a fawh lai chuan ka rum chhuak ham ham a.
.
"Raidon...." zu rui hi ka ang ber mai.
.
"Ally...?" Irony aw chuan min ti harh zawk a,ka biangah ka mittui a lo luang zawih zawih a. Ka ngai takzet a ni. A rimte,a nui hmelte,a changa a ngeiawm tlat thinte,a aw te. Ka chal a a fawh nawm ziate leh a kuah nawm ziate. "College i tlai dawn a nia Ally"
.
"Ka kal peih lo" tihpahin khumah chuan ka thal leh tawp a
.
"Ally...tiang ringawt tur hi chu a ni lo. Hetia mahni a awm chawrh chawrh hi a tha lo a nia". Ka chil a rawn rial a,ka lu a rawn hai a. Rang takin bathroom lamah ka tlan lut a,ka va luak nghek a.
.
"Kareii lehh....Ally,i tha em?" Irony chu a rawn lut ve nghal a.
.
"Ka tha e". Ka lu a hai riai riai a,ka chal chu ka dawm a. "Irony...vawiin ni engzat nge?"
.
"November ni 16. Tinge?" Hlauhthawnna in min rawn man nghal a.
.
He thil hi fiamthu mai mai ni zawk se.
.
"Ally....eng thil dik lo nge awm a?"
.
"Ka period hun a pel daih tawh. Mahse tun thlengin ka la period lo"
.
http://storyfb.com
END OF CHAPTER -36

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)