“♤ STRIPPER ♤ BY Noah Hringngen”

[Ngaia]

Chapter -21
.
.
"Engvang a min rawn um vak nge maw an nih le..!" Alex-a chuan arawn ti a.
.
"Raidon-a nu leh pa ten an tih tir ani ngei ngei ang. I tha reng reng amaw..?"
.
"Aw tha e. Mahse Raidon-a hmuh ka duh em atin ni"
.
"Lungai suh. Kawng kan ngaihtuah dawn nia. Ka tiam a che" Alex-a chuan ka kut arawn vuan a "Engkim a tha leh vek dawn alawm"
.
"Awle"
.
In kan thlen meuh chuan khua a thim tawh hle a,kawngkapui bulah chuan ka nu chu alo ding run a,a kut alo kuangkuah hmak bawk a.
.
"Alyssa-i leh Alexander Lambert -a kha..." Khai a...buaina hlir. Kan hmingpum meuh a min koh tawh chuan a thin a rim hle tihna ani mai. "Tunah inchhungah lut nghal rawh u"
.
Alex-a nen chuan kan inmelh zawk a,kan lut nghal a.
.
"Khawi hmunah nge in kal? Ka ngaihtuah zia che u hi inhre lo em ni? Ka rawn call nalamah che u ka kutzungtangte hi ana vek tawh tih hria ang che u. A tu amah mah in inla thei der bawk si lo"
.
"Nu...."
.
"Pawn a huanah sawn ka va chhuak a,thisen ka va la hmu zui. Chutah ka fate awmna chin reng ka hre bawk si lo"
.
"Kan tihpalh lutuk" Alex-a chuan hnuailam a melh ngar ngar a.
.
"Tihpalh a? Chu chauh chu maw in sawi dawn a?"
.
"Nu..i thinrim anih pawh in a awm ka ti lutuk. Mahse vawiin chu ni hahthlak tak kan hmang ani. Ka la hrilhfiah dawn che ania" ka nu chuan min rawn en nghal a.
.
"Tunah sawi fiah nghal rawh" ka nu chuan arawn ti a,chutia han sawi mai chu sawi dan tur reng ka hre lo. Ka dangte chu a ro nghal huam huam a. Vawiin lam a thil thleng te chu kan hrilh puat puat a,ka nu chuan mak a ti hlemai. Alex-a chu en in chemte chungchang chu dilchhut deuh in a zawt nghal a,kei erawh choka lamah boruak thianghlim hip tur in ka phei daih a. Tui no 3 zet ka va in hnu chuan ka zia deuh a.
.
Raidon-a ringawt ka rilruah a awm a,lo harhchhuak ta se eng rilru nge a put ang? A chhungte chuan eng chungchang vel nge an lo hrilh ang?
.
Raidon-a nu leh pa te ka ngaihtuah chhuah chuan ka inhum ruh nghal a,engtin nge maw khatiang rilru kha an put theih zawk le? An dahna tur clinic lah chu a hming takngial pawh ka hre si lo. Pawilo....Kaito-a ka va phone mai angai dawn ani. A number te kha chu ka neih ve tak kha maw.
.
Ka phone.....khai aw..Raidon-a te inah khan ka hnutchhiah daih alawm. Avan buaithlak lehzel tak em. Living room lamah chuan ka let phei leh a,ka nu leh Alex-a chu an lo la thu dun a,Alex-a mitmeng erawh a hlim lo takzet.
.
"Ally...lo kal teh" ka nu chuan min rawn ko a,Alex-a nen a an inkarah chuan ka va thu a.
.
"Ally.....i u hi ka lo hrilh a,therapy la se ka ti ani.
.
"Eng aa?" Mak tih hmel tak chuan ka en a. "Ka nu..."
.
"Ally min ngaithla rawh. Vawiin thil thleng te kha-"
.
"Khate chu accident alawm a ni. A tum reng vang ani hleinem". Ka unaupa chu humhim ka tum ve ngat ngat a.
.
"Ka hria alawm. Mahse hethil hi chu a serious ani. Tu emaw hliampui a tawrh tir ania". Hnuailam ka melh a "Mahni inthunun theihna a mamawh ani. Heti ngawt hi chuan tha ka ti lo.
.
"Mahse nu-"
.
"Ally...a pawilo" Alex-a chu alo nuisang a. "Ka thin a rim tawh hi chuan eng nge tih a tih loh tur pawh ka thliar hrang thiam thin lo. Therapy chu ka la ang e"
.
Hnial ngaihna a awm tawh lova,tihvak ngaihna pawh ka hre bik lo.
.
"Ka chau tlat. Kan lo han mu ang e" tihpah in ka nu chu a tho a,a mutna lam a pan nghal a.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

[Ngaia]

A TUKAH CHUAN....
.
"Ally..." hla deuh atanga ka hming a min rawn au ri hi ka hria a.
.
"Ally....!"
.
"Eng nge...!!" Ka tho chhuak nghal a. Lalpa leh,ka lo mutui mah mah ani.
.
"Nileng a mut i tum ami a?" tiin Alex-a chu alo nui vur vur a.
.
"Kal mai tehh..." ka lo ti a,chu tangkam chu kan tetlai a kan hman than tak ani.
.
"Ka nu in damdawi ei i ngaihthu a sawi a. Chawhnu dar 1 ari tawh ania" tihpah chuan a chhuak lehnghal a.
.
"Eng a..?" rangtakin ka inperh tho a,bathroom lam ka pan nghal a. Tukthuan ka ei hman loh avangin ka ril a tam in ka kua aruak hle a. Darthlalangah chuan ka in en a,ka hmel te chu a danglam zo tawh. Ka mit a sen rum a,ka pawr in ka vunte chu a thim khup bawk a.
.
Ka hmai chu lang pangai deuh tur in eng eng emaw ka hnawih a,ka jeans leh t-shirt ka inthawlh a,inhnuai lampan a ka chhuk lai chuan doorbell arawn ri a,ka thin a phu nghal dawt dawt mai.
.
"Alex...lo va hawn teh. Ka buai rih" ka nu chuan choka atang arawn ti a,mahse Alex-a hmel reng hmuh tur a awm bawk si lo.
.
"Keiman kan hawng ang e" tihpah chuan kawngka lam chu ka pan phei a,muangchangin ka hawng a,ka thil hmuh chuan min ti ka nghal hau a.
.
"Eng nge i rawn tih dawn?" Kawngka bulah chuan Raidon-a nu Eva-i chu alo ding reng a.
.
"Hello Alyssa " a nelawm thei ang ber a awm ahan tum a,bag pakhat hi min pek tum in arawn khai chhuak a.
.
"Eng nge a?" ka lo ti a,he nu lak atanga chutiang ka dawnna chhan tur reng ka hre lo.
.
"Kan inah i thil eng eng emaw i theihnghilh a" tihpah in min rawn pe a,ka thawmhnaw leh ka phone vel alo ni a
.
"I lo kal tih hi Raidon a'n a hria em?" Ka han ti a.
.
"Aw.."
.
"Engtin nge ka chungchang i hrilh?"
.
"Engmah. I ban niin a sawi a"
.
"Ohh.." chutiangte chu ka lo hre leh tawh lo reng reng. "Biak ka duh ani"
.
"A theih loh ang tih ka hlauhpui ngawt mai che"
.
"Tinge min huat tlat a? In fapa hi ka hmangaih asin. Tinge kan hausak ve loh vang hi em ni?"
.
"Ka pasal nen hian chutiang mi chu kan ni hleinem"
.
"Chuan-"
.
"I hriat vek kha,tun a kan fapa in a hliampui a tawrh nachhan te hi. A pa phei chu a khauh tawh hle a,chuti mai in thil a awlsam tawh lovang"
.
"Ka hmangaih ani"
.
"Tunah hian natna khumah a mu mek a,chu pawh nangmah vang lehnghal. Chu mai piah lamah i ban a,a rilru i ti kehsawm vek bawk. I hma i sial emai. Lo kalsan tawh zawk mai rawh"
.
"Khawngaihin..."
.
"Pawi ka ti khawp mai" tihpah chuan Eva- i chu a chhuak a,an motor lamah chuan a lut nghal a.
.
Raidon-a phone ka tum nghal a,mahse a tlang thei thlawt lo. Kaito-a ka phone lehnghal a,ka thin a phu nasa ngei mai.
.
"Hello....?" a aw kan hre chiah chu hlauhthawnna chuan min rawn chhu nghal a.
.
Raidon-a phone ka tum nghal a,mahse a tlang thei thlawt lo. Kaito-a ka phone lehnghal a,ka thin a phu nasa ngei mai.
.
"Hello....?" a aw kan hre chiah chu hlauhthawnna chuan min rawn chhu nghal a.
.
"Kaito...."
.
"Hey..Ka-"
.
"Lawk....la dah suh"
.
"Ka buai rih tlat" tawngri ka hria a,chu chu Raidon-a pa aw ani tih pawh ka hria.
.
"I pate-a bulah i awm ani maw?"
.
"Aw.." a aw chu a vawt raih a.
.
"Raidon-a bulah i awm em?" Ka mittui chu a tling pam a.
.
"Aw..awm e" ka thin chu a phu dup dup a.
.
"Ka lo be lawk thei angem?"
.
"Ngawi teh...ka kal phawt angai"
.
"Lawk Kaito...khawngaihin"
.
"Pawi ka ti lutuk" phone chu a dah nghal hmak a. Ka biangah chuan mittui arawn luangthla riai riai a,ka phone pawh chu ka beng atang chuan muangchangin ka la thla a.
.
Engtia awm tur nge pawh ka hre lova,tih tur lah ka hre hek lo. Ka phone ri chuan min ti phu chiang hlemai. Rang takin ka la nghal a.
.
"Kaito...?"
.
"Err...ni lo"
.
"Tunge?"
.
"Brandon-a...nimin a thlah haw tu che kha"
.
"Oh...brandon,ka tihpalh lutuk"
.
"A pawi hlenem. Eng nge i an a?"
.
"Ka tha e. Chawchhun ka ei zo chiah a. Nang?"
.
"Keipawh ka tha e. Englo ania...vawiin chawhnu hian movie en ka tum a,i lo kal ve duh chuan ti a rawn sawm che ka tum a. Mahni chauh a kal chu ka hreh deuh a" a aw atang chuan a inthlahrun hmel hle a. "I rem tih chuan ka lawm viau ang"
.
"Oh..." thawk kan la vang vang a. "Eng nge in date tih lampang em ni? Chutiang anih chuan a pawi ka ti lutuk-"
.
"Aih...date ni love. Thian ang in mawle." Alo ti nghal vat a.
.
"Ok...ok. anih te chuan"
.
"Aw i tihna ami?"
.
"Tehreng mai. A nuam viau ang"
.
Thuthlengah chuan ka thu hnawk a,ka nu chu ka lampan in arawn phei a.
.
"Nu....?"
.
"Tunge Brandon -a chu?"
.
"I lo ngaithla vek elaw? I van ngeiawm tak" tihpah in a biangah ka piai a. "Nimin a min rawn thlah haw tupa kha"
.
"E...ni dawn tak. Chhelo deuh i tih kha maw" nui chungin ka nu chuan arawn ti a.
.
Ka phone arawn vibrate dar dar a,rang takin ka phone chu ka phawrh chhuak a,Brandon -a chuan min rawn text tawh ani ngei ang.
.
Mahse message ka han hmu chu ka phu chiang lutuk.
.
' New message
From: Raidon '
.
.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

END OF CHAPTER -21

[Ngaia]

Chapter -22
(New Friend)
.
.
' New message
From: Raidon '
.
Rang takin ka hawng nghal vat a.
.
"Hi..." chu zawng chu. Chu zawng chu maw sawi tur a neih? Nupui hual a lo nei reng a ni tih ka hriat chhuah a vangin kan inthen phah a,chuan accident rapthlak tak a tuar bawk a,chuti chung chuan chu chauh chu maw a sawi a.....!
.
Chu a message tawi lutuk vang chuan ka thinrim hluah hluah. Engtia han reply tur nge tih pawh ka hrethiam lo. Ka phone chu ka en tlawk tlawk ringawt a. A nih loh pawhin Raidon-a type a ni lo a niang. A chhung ten a phone an laksak ang a,an rawn thawn te pawh ani mahna. "Hi..." tih ringawt chu ka thawn let veleh a.
.
1
2
3
4 minutes a liam ta. Ka phi cheng tawh mai. Tinge maw a rawn reply har em em le. Ka phone chu a rawn vibrate leh dar dar a,chu veleh rang takin ka en nghal a.
.
.
New Message
From: Raidon
.
"Ka lo ngaihtuah a,tunah rih chuan kan inkar tihtawp hi kan tan a tha ber rihin ka hria. Ka rawn tibuai tawh lovang che. A nih phawt le Alyssa"
.
.
Ka thinlung chu hmun sang tam tak a hriau a vih ang vel a ni. A ti tak tak lovang. Bakah a mah a ni lo aniang. Raidon-a tak tak chuan chutiang chu a sawi dawn lo hrim hrim....tiraw?. Reply ka tum lai tak chuan ka phone chu a rawn thi ta hmak a. Khai a...a battery a low a nih hi. Rang tak in inchung lamah ka tlan chho nghal a,ka charger chu ka zawng ngal sawk sawk a.
.
Ka phone chu charge in khumah chuan ka mu zangthal a. Chu thil rawn thawntu chu Raidon-a a ni lo tawp ang tih chu ka rilru a ri ring ber a ni.
.
A mah a nih leh nih loh ka chian a ngai ani. Ka va call risk tawp mai a,vawi 5 lai ka dial nawn hnu pawh chuan a la thei chuang lo. "Chu chu i duh tak tak a maw?" tih hi ka va thawn tawp mai a.
.
Minutes 10 zet ka nghak leh ta. A rei duh kher mai. Ka phone chu a rawn ri ta hlauh mai le. Mahse a number chu ka hriat ngai a ni miah lo.
.
"Hello...?"
.
"Hello....Alyssa?" A aw a tang chuan a lung nih hmel vak loh.
.
"Irony.....Eng nge ni ta?"
.
"Marissa- i te inah kan awm a,kan ngaihtuah lutuk che a. Rawn call che kan tum thin a,a tlang thei bawk si lo"
.
"Sorry lutuk. Nimin a tang ka phone a thi daih a lawm"
.
"Eng nge i an a? I va nawm loh hmel ve..!"
.
"Sawi tur a tam lutuk. Ka nu chungchang kha kan boss i lo hrilh em? Club ah lah ka rawn lang lo rei tawh si a"
.
"Aw sawi e. Ni 5 chawlh a pe che. A bak chu a theih tawh loh"
.
"Awle...ka lawm lutuk ringawt"
.
"A ho lutuk. In in a rawn len kan tum deuh a"
.
"In van fel thin. Mahse chhuah ka lo tum a sin"
.
"Oh...." Irony chuan Marissa-i chu eng emaw hi a han hrilh ru sur sur a "Lalchhelote-a nen khan an chhuak dun dawn a ni chiang" a va ti a.
.
"Hey..chhuah dun lam engmah a awm lo. Raidon-a nen phei chuan a teuh lo lutuk"
.
"Eng aa...!"
.
"Ka thian pakhat nen zawk a nia"
.
"Tu maw...?"
.
"Brandon -a. Nimin a tang khan kan inhre tan a"
.
"Ui thawww......i bialpa chhelo lutuk kha kawp i tum tihna ami? Haha.....i lo bawn ber mai"
.
"Irony...chutin kawp ka tum lo. Ih....arggh, vawilehkhat a sawifiah vek chu a har ve deuh." Kan thaw hak a. "Marissa-i kha lo hrilh la,naktukah college ah engkim ka lo hrilhfiah vek dawn nia. Chuan nagpawh college coffee dawrah khan lo kal bawk la. Chhuah ka ngai tlat,kan dah phawt mai ange" tihpah in phone chu ka dah nghal a,message engmah ka la dawng ta chuang lo.
.
Shower ah chuan tuivawtin rei tawk fang ka inphuh a,a hma ni lawk a duat tak a Raidon a'n min fawh lai leh min kuah laite kha ka lo ngaihtuah let leh veng veng thin. Ka nghawng zawn a a thawk lum ham ham laite,a kut lum ham ham mai ina ka taksa pumpui a chul kual laite. Saruak a a sexy zia mawlhte kha. Ka hmui chu ka pet fan fan a,tisa chakna chuan min rawn fan riai riai a,ka hnute hmur kawh lah mai chu zawi muangin ka hmet a, ka chakna lah chu a zual telh telh a. Raidon a'n zei tak a ka hnute hmur min fawh sak laite kha. Ka la kham lo a ni.....a mah ngei khan min khawih leh se ka duh ani.
.
.
Kawngka kik ri chuan ka ngaihtuahna chu a rawn ti tawp nghal chawt a.
.
"Ally, Brandon -a a rawn thleng a nia. Rawn chhukthla vat rawh" Alex-a chuan a rawnti a.
.
"Ka inpeih tep tih lo hrilh rawh" ka ti a. Shower chu ka off a,towel ka veng nghal vat a
.
Bathroom a tang chuan chhuakin ka wardrobe lam ka pan a,eng nge ka hak ang tih chu ka buaina a ni. Mahse eng nge buai vak ngai? In date tur pawh kan ni hleinem. Jeans leh kawr dum ka ha a.
.
Ka sam chu ka hmai sir lamah ka khuih a,ka sam hmawr lam kir deuh chuan min tilang mawi viau in ka hria. Makeup pawh a light lampang ka hmang a,sport shoe ka bun leh tawp a. Ka purse,chahbi leh phone ka la a, inhnuai lamah ka tlan thla nghal a.
.
Brandon -a chu thutthlengah a lo thu a,a kutzungtang a lo khal neuh neuh a,a zam hmel hlemai. Kekawr dum leh t-shirt var a ha a,a sam buang thak mai chu a tuai hnawk deuh niaih a,a mitmu dumpawl nat zet chuan ka mitah tak min rawn en a. Min hmuh ve leh a rawn ding a.
.
"Hi...." a aw chu a rukin a khur deuh dar dar a.
.
"Hi....." tihpahin ka lo nuih let a.
.
"I tha maw...? Nimin ai khan i lang chhe lo daih mai"
.
"I va tilawmawm ve. Ka tha e. Nang zawk...?"
.
"Kei pawh ka tha e. Kan kal mai dawn em ni ang?" Ka lu ka lo bu a,chhuah tum chuan kawngka lam kan pan a,Alex-a chu a rawn lut chiah bawk a.
.
"Alex...ka nu i lo hrilh mai dawn nia. Ka rawn haw har lutuk lovang"
.
"Tehreng mai" Alex-a chu choka lamah a lut nghal a.
.
Brandon -a Car ah chuan kan lut a,a engine chu start in fimkhur takin a khalh chhuak nghal a.
.
"Ummm.....Alyssa 'Ka chungchang thil 10' tih game khel i la?"
.
"Chu chu engtia khelh tur nge?"
.
"Umm....i chungchang eng pawh thil chi 10 i sawi ang a,chuan keipawn ka sawi ve ang" tihpahin Brandon -a chu a nuisang a,a hlim takzet tih ka hria. Engtiklai pawh a mi tinui reng thei hmel hi a pu a.
.
"Awle...a nih nangman ti hmasa rawh" tihpahin ka va melh a.
.
"Awle....Tomato ka ngaina lo a,music erawh chu engpawh ka ngaina. A bikin Classic leh rock. Thriller lehkhabu hi chhiar nuam ka ti a,a tawp a tualthattu ber an manchhuah dawn lai vel phei hi chuan ka lo tang thei lutuk. Ka film hmuhnawm tih ber chu Transformer ania" an nui hak hak a. "Chuan animax hi ka lawm hle bawk"
.
"Tak tak maw?" tihpahin ka lo nui a. "Sailor moon leh Dragonball Z te pawh i ngaina viau ang a....? "
.
"I en ve thin e law...? Mahse khangte kha chu an hlui tawh eee.."
.
"Kan tet laiin ka u hian a en nasa thei a lawm.Sawi zawm zel rawh"
.
"Hmmm....Megan Fox hi ka star thei lutuk a, video games ka ngaina hle. Chuan ka muthilh dawnin lukham ka kham ngai lo"
.
"Khaii....mut a nuam awm lo"
.
"A nuam ka ti daih zawk a lawm" a rawn ti a. "Chuan Cupcakes leh donuts tui ka ti hle a,thlahrang film hlauhawm tawk tawk en hi a nuam ka ti bawk"
.
"Chung ho chu maw i chungchang 10 te chu?"
.
"I sawi ve hun" mall kawt a parking lot chu kan thleng chiah a.
.
"Hmmm....hla hlui deuh deuh hi ka ngaina a,ka film duh ber chu Jeux d'enfants,mahse French movie a nia. Zawhte ka ngaina lo a,ui erawh ka lawm lutuk. Lam hi nuam ka ti em em bawk"
.
"I lam lai ka la en ngei chu a ngai ang" tihpah chuan motor park na tur remchang lai a dap pah a. "Sawi zel rawh"
.
"Ka chaw duh ber chu spaghetti leh sa. Kei pawh tomato ka ei duh bik lo. Chu chu kan in anna lai" ka han ti a. "Sawi tur pawh ka hre tawh lo"
.
"A ngaihnawm hlemai. Mall chhungah sawn i lut ang hmiang" a rawn ti a,Car a tang chuan kan chhuak dun a.
.
Chawhnu pumpui chu titi nan leh comedy movie en nan kan hmang a,Brandon-a bul a awm chu a hlimawmin a fel takzet. Mipa cute tak a ni ti ila a haw lovang chu maw...
.
Cinema hall a tanga kan chhuak chu ka popcorn ei bang zawng chu chhuatah ka thlauh darh vek a.
.
"Khai aw....ka van che thing thei tak" ka ti a. Brandon -a erawh a lo nui huah huah a. Ka kawrah chuan chi a la kai teuh lehnghal. Ka beng fai nghal sawk sawk a.
.
"I kal ang le Salty Girl". A tawng dan avang chuan kan nui hak a.
.
Chutih lai chuan ka phone a rawn ri a,ka purse atang chuan ka phawrh chhuak sawk sawk a,rang takin ka phone screen chu ka en nghal a.
.
Ka khawng nghal vekk....chet pawh ka che thei tawh lo.
.
"Alyssa...!!?" Brandon-a chuan zawite hian min rawn ko a.
.
Ka phone chu ka en reng ringawt a.
.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

[Ngaia]

Incoming call
Raidon
.
Raidon a'n min rawn call a maw? Ka taksa chu a khawng zo vek tawh. Mahse ka chhan a ngai. Ka kut chu a khur dur dur a.
.
"Hello...!!?"
.
"Hey....." Uii Lalpa....Raidon-a aw ka hriat rual chuan ka taksa pum chu a mur chhuak nghal vek.
.
"Eng nge ni?" Ka tawng dan kher kher chuhh...."Ka sawi awmzia chuhh....aaaa,i tha maw?"
.
"Aw..ka ziaawm tawh lutuk"
.
"A va lawmawm ve"
.
Brandon-a chuan min lo en reng a.
.
"Khawiah nge i awm?" Raidon-a chuan a rawnti a.
.
"Ka.....ka....tinge chu chu min zawh a?"
.
"A chhan chu thawm dang ka hria a"
.
"Ohhh....errr,mall ah ka awm a"
.
"Eng nge i tih?" A aw atang chuan a zawhna chu chhang ngei ngei turin min ti hlemai.
.
"Ka...englo...movie ka en a"
.
"Nangmahin maw..?"
.
"Aih.." ka chil kan lem khalh a. "Marissa-i nen kan kal a"
.
Brandon -a chu ka hmaah a rawn ding nghal a.
.
"Lo ngaithla teh Ally,thil sawi dun kan ngai a nia" a aw atang chuan a hmanhmawh hmel hlemai.
.
"Ka hria alawm"
.
"Ni hnih khat chhung chu ka la chesawn thei dawn lova,kan la nghah hram hram a ngai a nia".
.
"Aw le..." ka aw chu a khur dar dar a.
.
"I aw hriat ka chak lutuk a" Lalpa leh...ka tuiral mai dawh.
.
"Ummm....." eng nge ka sawi tak ang?
.
"Ka kal a ngai tlat" a aw atang chuan a hmanhmawh hmel hlemai"
.
"Lawk.....nachin a message ho kha nangma min rawn thawn a mi?"
.
"Eng message maw..?"
.
"A ho lutuk....i tha tawh takzet a maw?"
.
"Aw...tha tawh. Ka hliam pawh a hil chak khawp mai". An ngawi vang vang a "Ka ngai lutuk che" . Ka thawk a tawp dawn. Ka thinphu ran zia chu.
.
"Keipawn ka ngai lutuk che"
.
"Nakinah rawn text che ka tum ang"
.
"Aw le.."
.
"Bye Ally" phone chu a dah nghal a. Ka thi ta emaw ka inti hial. Lawm tur nge tah tur tih pawh ka hre lo.
.
"Ally.....!" Ohh....Brandon -a a awm ve reng tih ka hre chiah. "Engkim a tha a maw?"
.
"Aw..tha e" ka nui sang a. "Khawh...i kal ang"
.
Kan in thleng min thlah a. Rawn kun hnaiin "Hun nuam tak min siam sak a,movie min enpui a vangin ka lawm takzet" a rawn ti a.
.
"Lawmthu sawi a ngai hleinem. Kei pawn nuam ka ti lutuk a lawm"
.
"Enteh...thil zawh duh che ka nei a?"
.
"Eng nge min zawh duh a?"
.
"Tinge a hma khan dawt min hrilh a? Phone a mi i be lai kha ka hria a,tunah chuan i bialpa nen a in inkar a lo awm ve,mi hnawksak tak ni maiin ka inhria"
.
"Aih...chutiang a ni lo. Ihh....." sawi mai ngaihna pawh ka hre lo. "Thil hi a hnawk kual vel vek a ni rih mai"
.
"Aw le...ka hrethiam e" mawi tak mai hian min rawn nuih a.
.
"Bye aw Brandon " tihpahin Car atang chuan ka chhuak a,a tlanliam thleng ka thlir hnu chuan in lampan in ka phei a. Kawngka a ka luh hma chuan ka hnungah chuan rawn kal ve dang an awm tih ka hria. Ka hawi let leh a.
.
"Good evening " police officer hi a lo ding a.
.
"Good evening. Tihsak theih che ka nei em?"
.
"Alexander Lambert-a kan rawn zawng a"
.
"A ni chu ka unaupa ania" chutih lai chuan Alex-a chu a rawn chhuak ve chiah bawk a.
.
"Ally....eng nge thil dik lo a awm em ni?" tiin a rawn phei a,police pa chuan a kutkawl ken chu a rawn la chhuak a
.
"Alexander Lambert, tunah hian tualthah tum thubuaiah man i ni e. Tunah chuan engmah sawitheihna i nei rih lo...."
.
"Eng aa?" Min thawng kher mai. Ka nu chu mak tih hmel deuh hian a rawn chhuak ve bawk a.
.
"Eng nga tinge a?"
.
"Officer, a ni te hi chu mi tha tak alawm. Engmah tihsual a nei hleinem" tiin ka lo ngen nghal a.
.
"Tualthah tum thubuaiah report an rawn thehlut miau sia"
.
"Tuin nge report a?"
.
"Raidon Kawasaki-a"
.
Karei lehh.....engtin nge Raidon a'n tiang thil hi a tih theih zawk le....!!
.
Karei lehh....!!!
.
.
END OF CHAPTER -22

[Ngaia]

Chapter -23
(Answers)
.
.
"Ka fapa hian tihsual engmah a nei hleinem" tiin ka nu chu a rawn au a,mahse rang takin ka lo chelh bet a. Alex-a erawh chu police motor ah chuan an luh pui a "Hetiang thil hi tisuh u"
.
"Nu.....nu..!!" A biangah chuan ka chelh a "Inbengdai rawh. Doctor thusawi kha i hre tawh lo em ni?" ka ti a. Doctor khan thawn thut chi a nih loh thu leh thinrim a siam reng reng lo turin min ti a.
.
"Ka hria ka hria" tihpah in ka nu chuan hnuailam a en a. "Mahse ka fapa a nia lawm"
.
"A rang thei ang ber a lakchhuah leh kan tum dawn nia" tiin nghet takin ka kuah a. "Ka tiam a che"
.
Ka nu chu a room lamah kuah lutin ka mut hahdam tir a.
.
"Keiman ka lo va buaipui a nge"
.
"Engtin...?"
.
"Ka hre bik lo" tiin dawt ka hrilh a. Diktak chuan tihdan tur chu ka hria alawm. "Mahse ka lo chingfel em em ang"
.
"Ka tihpalh lutuk aw Ally..."
.
"Ngati maw...?"
.
"Heng vel zawng zawng a vang hian. Nu ka nih angin nangmahni buaipui tu tur che u ka ni a,chu pawh ti thei lovin tian khumah ka mut reng a ngai si a....."
.
"Hey...hey.." ka nu tawng lai chu ka lo pawtchat a. "A pawi hleinem ka nu. I duh reng vang a na i ni hleinem". Ka nu chu a hawisawn a. "Min lo en teh" a rawn hawi let leh a. "Naupang ka ni tawh lova keimah pawhin ka chingfel thei em em ang"
.
"I kum phu lo in i chungah mawhphurna a tla ta si a"
.
"A ho lutuk ka nu" tihpahin ka nui a "ka kal dawn a nia"
.
"Khawiah nge i kal dawn?". Ka chahbi leh purse ka la a.
.
"Va chinfel ka va tum a nge" tihpahin kawngka lam ka pan a.
.
Pawnah chhuakin garage lam ka pan a,ka nu hmaah chuan pangai tak a awm hram hram ka tum a,mahse ka thinlung chhung takah erawh ka mang a ang a ni.
.
Car chu chak zetin ka khalh a,khawi lam nge ka pan ang?
.
Raidon-a te inah.....
.
Raidon-a nu leh pate chuan min ngaithla duh emaw duh lo emaw a pawi ka ti lo,mahse Alex-a chu zankhat pawh jail ah a riak tur a ni lo. Tuin emaw i chhungte rawn bei ta se,a chhanhim nan chuan engpawh i ti duh ngei ang.
.
Alex a'n min chhuahsan tumte kha ka ngaihtuah chhuak a,a thil tih kha a diklo tih pawh ka hria,mahse tunah pawh a mah ngeiin therapy lak a duh thu a sawi a,chuti ringawtin danbawhchhia ani ngawt thei lo. Ka unaupa a ni a,jail a hun a hman ka phal dawn lo reng reng. Ka thinrim tawh nen steering wheel pawh ka hmerna hlemai. Tiang hian maw Raidon-a chuan thil a tih dawn a....! A rin ang ngawt chu ka ni lovang.
.
Ka khalh chak sauh a,ka tlanchak luat a vang chuan accident in lo thi ta pawh ni ila pawi tihna ka nei lo. Rear-view mirror ah chuan ka han inen a,ka make-up pawh a la pangai vak,mahse thinrimna in ka hmel pum pui chu a khat a. Ka nu bulah kha chuan tah ka duh lova,thinrim ang a lan pawh ka duh hek lo. Mahse tunah chuan a dan a dang daih tawh.
.
Ka nun a minutes 30 rei ber a ni hial ang. A tawp a tawpah chuan Raidon-a te gate chu ka thleng ta a. Gate pawnah chuan motor chu ka park a,Raidon-a te in ka hmuh chuan a hma lawk a chulai hmun a thil thlengte kha ka mitthlaah a rawn lang uai uai a,mahse chulam ka ngaihtuah tur a ni lo.
.
Ka car a tang chuan ka chhuak a,chu veleh guard pakhat palian zet mai hi ka lampan chuan a rawn phei a.
.
"Puih theihna che ka nei em?" a rawn ti a.
.
"Radon -a biak lawk ka duh a ni"
.
"Tunge i nih a?" a rawn ti leh a. Ka thinrim hmel chu ka thup hram hram a,ka luh theih dan tur ka ngaihtuah ve a ngai a ni.
.
"A bialnu ka nia. Nidang pawn min hmuh tawh kha...i hre tawh nange?"
.
"A nih chuan....i hming kha?"
.
"Alyssa"
.
"E....ni dawn tak. A nih chuan kan hrilh phawt a nge aw"
.
"Hrilh kher a ngai lo. Tunah hian min lo nghak tawh reng zawk a lawm. Chuvang chuan gate hi min hawnsak vat mai rawh. Ti lo chu i ngeiawm zia hi ka hrilh mai ang" tihpah chuan kan nuih seih a.
.
"Ohh...." gate chu a hawng nghal a,keipawh chu ka car nen chuan ka inkhalh lut a,tun a tanga rei lo teah an inah chuan ka lut mai tawh dawn.
.
Tunah chuan an kawngkhar bulah ka ding ta reng mai. Doorbell ka hmeh hma chuan kan tawi khawmuang leh te te a. 'Let thei i ni tawh lo. Hei chen hi i thleng tawh' keimah leh keimah chu ka inhrilh nawn mawlh mawlh a.
.
Thawk kan la hak a,tichuan door bell pawh chu ka hmet ri ta. Ka zam in ka thinphu a ring ngei mai le. An rawn hawn hun chu nghak in ka ding reng a,Raidon-a lo awm tur ka ngaihtuah phei chuan ka khur lo chauh.
.
Kawngka chu a rawn inhawng a,chhiahhlawh hmeichhe pakhat hi a rawn chhuak a. "Puih theihna che ka nei em?" nuisang chungin a rawn ti a.
.
"Ka....." ka intihuaisen hram hram a. "Raidon-a hmu tur in ka lo kal a"
.
"I hmu theilo ang tih ka va hlauhpui che ve aw....khawngaihin i hming-"
.
"Alyssa" ka lo ti nghal vat a. Inchhung lam chu ka en a,a reh hian a reh thiap a.
.
"Thupek engmah kan dawng si lova. Chuvang chuan-" chu nu chu nam kiangin inchhungah chuan ka lut nghal a. "Nula...engthil nge i tih a?"
.
Inchung lamah ka tlan chho nghal a,chu chhiahhlawh nu pawh chuan min rawn um zel a. "Nula....!!" Kan awmdan chu film te pawh a ang zawk mah mah. Corridor ah chuan ka phei a,chulai chu Raidon-a room panna ani tih chiang takin ka la hria.
.
"Nula.....!!" Karei...ka hmanhmawh a ngai. Chak takin Raidon-a room awmna lam pan chuan ka tlan phei a,ka thlen ve leh rang takin ka hawng a,ka lut a,chhunglamah ka kalh nghal hmak a. "Nula.....!!" Pawn lam a a au lauh lauh chu ka la hre thei a. A rawn kik nghal dawt dawt a, "Lo chhuak vat rawh. Tilo chu guards ka ko dawn ania" kawngkhar chu dawmin thawk kan la te te a.
.
"Ally....!!" Chu aw ka hriat rual rual chuan ka pum chhungah phengphehlep an thlawk sup sup emaw tih mai tur hian ka za nghal chum chum a. Aw rawn chhuahna lam chu ka hawi a,ka tha a khur nghal dur dur a.
.
Khumah a lo thu a,kawr a ha lo. A nak chu bandage in a intuam a, a dar pharh diai leh a dul nalh tak maite chu....engtin nge a nalh zia chu ka theihnghilh theih tehlul ang ni. A hmui lah chu a sen siah a,a hnawng chep bawk a,chu lo liam a hmui fawh chakawm chu a awm lo.

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

[Ngaia]

Ka thinrimnate chu engin nge maw lo thlawh bopui hman ni.
.
Tun a ka chak ber chu va kuah a,va fawh ngawih ngawih a ni. Ka hawisawn nghal vat a,ka inthunun hram hram a ngai. Tinge maw ka thinrimnate chu a reh tak vek ni.
.
"Ally..." ka mur chhuak leh ta nghal vek mai. Ka maimitchhing ringawt a,ka thinrim thei lo. Ka hma a awm pa chu ka hmangaih em a tin ni,ka timur zawng zawng thleng hian. "Ally..."
.
"Ngawi rawh" ka tichhuak tuar a. Chutia min koh reng chuan ka va tlan ang a,ka va fawp mai palh ang.
.
"Ally...tinge? Eng nge dik lo awm?"
.
"Ngawi hmak rawh" a mitah tak chuan ka en a,a ngaihna a hriat loh hmel hlemai. Alex-a ka ngaihtuah chhuak a,Raidon-a vang a jail a tang a ni. Hmangaih em em mah ila kan chhungkaw natna min thlentu a ni tlat. Ka chhungkua ka dah hmasak zawk angai. Chu chu ka tet lai a tang a min zirtir dan a ni. "Engtin nge i tih theih zawk....?"
.
"Ally....Eng-"
.
"Engvangin nge i lo report a? Nangmah vangin tunah hian jail ah a tang a sin" ka mittui chu ka khap per sawk a. Raidon-a chu a kun hnap a,a bed sheet chu a hum vang vang a.
.
"A pawi ka ti lutuk" ka pumpui a tla ta ni maiin ka hria. Diktak chuan Raidon-a tih hi a nih tak tak pawh ka ring lo,a chhung ten a hming angin an tih tir anih ka ring a,mahse a mah ngeiin a pawi tih thu a sawi ta zawk si. Ka mittui chu a rawn luang nghal zung zung a.
.
"Engtin nge i tih theih zawk a??" Ka aw chu a sehchilh hle mai. "Ka u hi ka tan eng nge a nih tih i hria a ni lawm ni? Tunah hian harsa takin ka nu damlo thi tep kan enkawl mek a,chuti chung chung pawh chuan jail a dah duhna thinlung i la pu tho a maw...??"
.
"A pawi ka ti lutuk. Mahse-"
.
"Eng nge mahse..??" Ka rawl a ring hlemai. A lam pan chuan ka phei a "Raidon....eng nge mahse..?? Min khawngaihna chhete tal pawh i nei lo a mi a? Min hmangaih a ni tih hi rin harsa k ti ta hlemai" tihpah in ka inher a
.
"Ally...min vit a lawm. Ka thihpui tep lehnghal" a thusawi chuan ka lung ati awi pha chuang lo. "Tanpui ka tum zawk a lawm. Judge te chuan therapy an lak tir a nga,counselling nen. Tichuan engkim a tha leh vek a ni mai". Eng a?
.
"Tha leh vek aa...??"
.
"Aw ni e. Jail ah an thawn dawn reng reng hleinem. Ally....min en teh". Leh lam ka hawi lui tlat a. "Hrilh hmasa tur che ka ni tih chu ka inhria,mahse hun a awm lo a ni". Ka mittui chu rang takin ka hru hul a, ka inher let leh a. A mitmu dum kak mai chuan chiangtak hian min lo en a,ka tuiral zo dawn takngial. Thawk pawh ka thaw hleithei tawh lo.
.
"Ka......"
.
"Engkim a tha leh vek dawn a lawm" tihpah chuan mawi ka tih dan em em mai khan min rawn nuih sak a. A ban chu ka lamah a rawn phar chhuak a "Lo kal teh ....". Ka hmui chu ka pet a,luhlul chhuahin ka ding tlat a. "Thil sawi dun kan ngai ania,lo kal la...kan sawi dun dawn a lawm."
.
Muangchangin a khum lampan chuan ka phei a,a sirah chuan ka va thu a. Ka lam a rawn hawi a,ka biangah chuan rawn vuanin duat tak hian a rawn chul a. Ka maimitchhing a,chu mi hun nuam tak mai chu nuamti tak a feel ka duh ani. Ka mit chu ka meng leh a,a lu chu ka lamah a rawn thle phei a,ka hmui zawn a a thaw lum ham ham pawh ka hre thei tawh.
.
"Thil sawi dun kan ngaiin ka hria" ka hmui bulah chuan sexy tawk hian zawite in a rawn ti a.
.
Min rawn hnaih sauh a,zawite hian "Dawt ka sawi a nih kha" a rawn ti a,a hmui hnawng chap mai chu ka ta ani ta...
.
.
END OF CHAPTER -23