† R.E.B.E.L † BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

Re: † R.E.B.E.L † BY Noah Hringngen

Unread post by Ngaia » June 26th, 2016, 11:29 pm

† R.E.B.E.L † . . CHAPTER -11

"Eng nge thil thlen dan hi? Engmah min hrilh ve dawn lo em ni?"
.
Rebel-a chuan min rawn en a "Eng nge kan inremsiamna kha? Club a thil thleng zawng zawng saw ka hrilh ve vek zel dawn che tihna em ni?"
.
"I hmel en chuan Club chungchang ringawt pawh niin ka hre lo. Bakah tinge kha tia i awm vak a? Min ti hlauthawng a lawm. TV a ka thil hmuh talte kha chu min hrilhfiah ve la mawle". Zu um an rawn dah pakhat zawk chu ka va ban ve ringawt a,ani pawh chuan min lo dang bik chuang lo.
.
Kan hnim chhin a a rim chuan hnar chhung a ti kang thei mai dawn alawm le.
.
TV remote chu a la lawk a,bangah chuan a vawm darh chuai a. "ZAWNG HMELCHHE HOOO....."
.
A tei bulh bulh a,thil vawm chhiat tur a zawng ni maiin ka hria. A inhum ruh hle a.
.
"Rebel..?" Ka koh chu hre awm pawn a lang lo. "Rebel.....?"
.
"ENG NGEEE....??" a ding a,min rawn en a.
.
"Min ti hlauthawng ania"
.
.
Engtin nge min hrilh ve ka lo rin ngawtna chhan pawh chu ka hre lo. Phone ah mi a be zo choh a,a hnu lawkah thil vawm chhiatah a tuan leh a.
.
Tlem chuan a zia ta deuh e. "Phiangsen hiann.......ka tihpalh lutuk aw Soph" bang nghengin chhuatah chuan a thu a. "Nu pakhat ania.....thil engkim hi min tih el nan a chu nu tih vek chu ani... Thil eng emaw a tan a min hman a duh a vangin" . TV chu on an tum zuau a,a lu a thing leh a. "Chu nu chuan DEA pawl a mi mipakhat that turin min ti a,mahse chutiang thilah kan club inhnamhnawih ka duh loh thu ka hrilh a. Chuan tiang hian kan chungah a rawn ti ta anih hi"
.
Rebel-a chuan min rawn en a,keilah Towel nen ringawt ka la awm si. A rawn nui sak a "Anih chuan engtin nge ni zel dawn...? Police ho chuan invaiin an rawn man phiar mai dawn che u tihna em ni?"
.
"Aw..."
.
"A nih chuan jail ah intang dawn tihna ani maw?" A ruk tak chuan ka lawm ru veng veng.....mahse darkar tlemte liam taah erawh kha chuan ka ngaina ve hman viau a nih kha. Ka hre tawh bik lo.
.
"Ka hre tawh bik lo....mahse nilengin..ka tih awmzia chu inkahna thlen lai vel khan nangmah nen kan awmdun char char ani a,police ho hmaah chuan thu hretu ah i ding thei ang chu"
.
"Kei hi nangni Motorcycle gang rual ho hian min ru bo angah police te chuan an lo ngai ngei ang a,engtin nge in ai te chuan ka din theih ang ni. Mibo tiin min zawng luai luai zawk ang chu"
.
Rebel-a chuan eng emaw hi a ngaihtuah vang vang a,a hmel a tang chuan hlauhthawnna leh beiseina ka hmu thei a. "Motorcycle gang kan ni lo ania....Club a lawm kan nih. Chuan hmeichhe pakhat room pakhatah kan dah mai chauh zawk alawm".
.
Ka biang chu a sa ap ap a "Min pawngsual dawn lo ani tihpawh chiang takin i sawi thei tawp nang". Ka zu bur ken chu min rawn chhuh sak a,an tlak nghal pap pap a. Thawk hak pahin min rawn en a.
.
"Chutiangin engmah tih kan tum hleinem. I phalna kan hmute anih ngawt loh chuan"
.
"Engvang chuan nge phalna ka pek ngawt ang che u....Bialpa nei lai ka nih hi aw"
.
"Chu erawh ka vawikhat hriatna" min rawn din hnaih sauh a,a bottle ken lai chu an tlak leh pap pap a,a hmui chu a huh hlap a. Bottle chu i in ve hun ti ni awm tak hian ka lamah a rawn keng hnai a "I bialpa hming chu eng nge?"
.
"Matt.." a whiskey um chu ka lo la ve mai a,tunhmain zu ka la in ngai lo. Mahse boruak ti deuh chherh chhurh lutuk mai chu a reh deuh takin tiin kan in ve ringawt a,ka lei leh ka hrawk chu a hiar nghal pap pap a.
.
Tun ni kal ta chhung khan Matt-a chu ka ngaihtuah chhuak fo thin a,tun a takah ngah nge maw a rawn sawi chhuah kher ni...? A reng reng thuah kei pawh ka hmaah Rebel-a a awm ve reng a,thawmhnaw ha lo va ka la thut reng ni!! Ka thil in chuan ka kawchhung a ti sa hut hut a,ka thutna atang chuan tho chhuakin "Ka va inha ve ange" ka ti a.
.
"A ngai kher em ni...? Kan mu tep tawh tho a lawm" a rawn ti a,a tawng danah chuan mu dun tur ni awm tak kan ni.
.
"Eng nge maw i hriat chu le Rebel? Nichin lawk kha chuan pawl dangin in inthuam ang a inthuam a mi an kah avangin i rilru a hah em em kha ania....tunah lah engtin emaw a fiamte min tum emaw ni....!" Ka towel ven chu ka vuan nghet sauh a,a rawn ban mai lohna turin. "Nangmah leh i club ho kha ngaihtuah la,a that mai zawk ka ring"
.
Rebel-a chu a nui zuk a. Ka whiskey ken lai chu a rawn la a,a kut lehlamin ka mal chu chul a rawn tum a. Chu veleh rang takin ka tawlh hnung dawrh a,ka hnung lawkah chuan khum a awm a vangin han tawlh sawn na tur pawh a awm lutuk lo. Ka chawn chu zawite in a rawn chul a, ka zu in chu a thawk nge mawni....ka taksa chu a mur chhuak chiai chiai a "Tunah rih chuan rilru la peng thei thildang buaipui rih ila a that zawk ka ring" aw ki hniamte hian a rawn ti a.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 11:30 pm

"Min kalsan vat mai teh. Nang nen a inhnimhnaih vak hi ka duh lo ania"
.
"Eng nge ka sawi kha....nang nen a sex hman dun ka duh a nih chuan chhan pakhat chiah a awm...ka duh vang che a ni ngei ang"
.
"Min duh bawk lo aw..."
.
"Duh tehreng e le.."
.
.
A lam hawi chuan ka inher a,ka taksa lah chu a lum pup pup tawh mai si. "Hak thlak tur min ken sak em? Nge ni a ka T-shirt leh jeans ngai hi ka ha leh dawn?"
.
Min si chelh chuan a rawn kal a,khum inkarah chuan lut pheiin a bag chu an hai ri rak rak a. Kawr pakhat hi a rawn vawm phei a, kan en nak chuan 'Widow Makers President ' tih alo chuang kulh mai.
.
"Awii....hetiangte chu ka ha duh reng reng lo" ka ti a. Rebel-a lah chu a lo nui vur vur a,a kawr hak lai chu hlim chhoin a hmai a hum a,a nui tih ka hria. A dul nalh tak mai chu a lang chiang em em mai lehnghal. "Ngati maw...?" nuih za deuh hian a rawn ti a.
.
"A chhan...a chhan chu hetiang in Club thil chuanna hi ka ha duh lo hrim hrim. Tiang ha chung chuan ka muttui theih pawh ka ring ngut lo ve a"
.
"I hak mai loh chuan....hak tur dang a awm si lova. President kawrte phei chu tuman an ha pha reng reng hleinem"
.
"A van buaithlak thin tak. A nih ka ha ang. Mahse tiang khan min rawn melh suh"
.
"Engtiangin maw...?"
.
"Min ei zawh vek duh hmel i pu"
.
"Engtin nge ka tih chuan ang a..?"
.
"Ti tawp nghal rawh" tihpahin ka towel hnawng chuan a hmaiah tak vawm ka tum a,mahse a lo man hman a,chhuatah chuan a theh thla a.
.
"I thinrim khan i sexy zual" tihpahin min rawn pan hnai a,ka mal chu rawn khawih a tum leh a,rang mangkhengin a kut chu ka peihthlak sak nghal a.
.
A khabe chu an tuai rauh rauh a,khumah chuan thuin "Khawi maw Whiskey kha min rawn pas teh" a rawn ti a. "Thil thleng velte avang hian ka thluak hi ka hmang nasa lutuk ang tih ka hlau tlat. Sex hman i duh lo pawh chu ka lawm zawk hlemai"
.
Ka nui chhuak hak a. "A nih chuan sex i hman laiin i thluak i hmang rim thin tihna ani maw...?"
.
A kawr hak lai chu an hlip a,a body a pa in a nalh ropui bakah a tattoo chuan a ti lang pa hle a,tisa chakna ti chhuak rawih thei a lawm a nih le. Dawhkan a pen chu lain an tuai vir kual a. "Keite chuan sex ka hman lai hian ka ngaihtuahna ka hmang nasa thei thin a lawm. Eng tia tih nge a duh? Engtin hian nge ti ila nuam a tih ang? Engtin nge.....nuam ti tak a ka hming lam chung a a rum theih ang?" Ka lamah chuan a rawn pen hnai sauh a,a dul nalh tak lak a tang chuan ka mit ka la sawn thei lo. A taksa pa zia chu a hria a,hmeichhia in an duh a ni tihpawh a hria a ni ngei ang. "Chu mai piah lamah chu nu chuan engtiang takin nge nawmna min thlen theih ang? Engtin nge ka thuawi tak a a awm theih ang? Min rawn kuah ang a, ka taksa chuan a taksaah engtin nge nuam chi tin reng a tuh luh theih ang?" tihpahin ka sam la hnawng chap chu zawite hian a rawn zut a,a awki hniam leh thum dap mai chuan ka taksa chu a ti khawng mai dawn. Tiang feeling chu ka vawikhat neihna.
.
Ka taksa awmdan chu ka inhrethiam tawh bik lo. Whiskey um chu la in an lem khalh a,min rawn pe ve bawk a. "Matthew-a i ti em ni khah? A ni chu hmangaihna chen kawngah engtiang tak nge a nih ve ang le?"
.
"Chu zawng i lo sawi ve tur a awm lo"
.
"Chuan....i la virgin thu kha i sawiin ka hria"
.
Ka hmai chu a sa ap ap a "Ka virgin tawh lo"
.
Rebel-a chu a phur sauh emaw tih mai tur ani. "Hector-a khan chungte chu a fiah lo che em ni?"
.
"Fiah e...mahse chhuahsan vat tur khan min duh lutuk a,chuvang chuan Rafael-a bulah khan ka la virgin angin a sawi tawp mai ani" ka sawi lai chuan Hector a'n a ka virgin leh virgin loh enchhin nan a min kawm sak ngawng ngawng laite kha a rawn lang chuai chuai a.
.
Whiskey um chu ka la lawk a,ka in nghal khawlh khawlh a,ka mit chu mittui in a ti hnawng chap bawk a. Rebel-a chuan a awm dawm chung chuan min lo en reng a,vawi nga zet ka lemna a ni ta. Ka hma a ding pa chu uluk zetin ka melh a,a tattoo mawlh chu.....hmuhnawm thlir tak meuh hian ka thlir a,a taksa pa tak chu a van ti lang pa lehzual tehreng em.
.
Matt-a ka ngaihtuah chhuak nghal a. A ni chu ruak a a awmlai vawi tam tak ka hmu tawh a,sex pawh kan hmang dun tawh. Mahse vawikhatmah a vawrtawp min la thlen pui ve ngai lo.
.
Whiskey chu ka inbelh leh sak a,engmah hre lo tawp a awm ka duh. Hlauhna,thlabarna leh beiseina....chung theihnghilh rap khawp a awm chu ka duh a ni.
.
A ruangam chu ka en nawn leh thin a,Greek ho pathiante zing a mi ni awm tak ani.Rome hunlai kha chu ni se a lim nalh takin an ker ngei ang.
.
.
END OF CHAPTER -11

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 11:38 pm

† R.E.B.E.L † . . CHAPTER -12

Ka hma a ding pa chu uluk zetin ka melh a,a tattoo mawlh chu.....hmuhnawm thlir tak meuh hian ka thlir a,a taksa pa tak chu a van ti lang pa lehzual tehreng em.
.
Matt-a ka ngaihtuah chhuak nghal a. A ni chu ruak a a awmlai vawi tam tak ka hmu tawh a,sex pawh kan hmang dun tawh. Mahse vawikhatmah a vawrtawp min la thlen pui ve ngai lo.
.
Whiskey chu ka inbelh leh sak a,engmah hre lo tawp a awm ka duh. Hlauhna,thlabarna leh beiseina....chung theihnghilh rap khawp a awm chu ka duh a ni.
.
A ruangam chu ka en nawn leh thin a,Greek ho pathiante zing a mi ni awm tak ani.Rome hunlai kha chu ni se a lim nalh takin an ker ngei ang.
.
.
> REBEL <
.
Zinglam dar 2 a ri tawh. Sophia-i chuan khum chungah thuin TV a en a,whiskey pawh ka pek chuan a in duh ve mai zel. Chutiang thil lo ti tu chu Maria Rosa-i a ni ngei tih ka hria. Ka ngaihtuah nasat pauh leh ka thin a rim a,thah hmak mai chu ka duh dan ber a ni.
.
Kha DEA pa ka thah duh loh vang mai a ka chung a a thil tih let chu a nasa mah mah ka ti a,ka Club te ka ven him a ngai a,Maria Rosa-i chu kan dahtha vat a nih loh chuan midang chungah tuanin mipui in an tuar leh mai ang.
.
Zing ka thawh veleh pawh chuan Maria Rosa thah dan ringawt chu ka la ngaihtuah a. Kan hawi chhuak a khum pakhat zawkah chuan Sophia-i chu a lo ding reng a,a sam chu la khuih that loh tih hriat tak mai hian a pheng deuh nuaih bawk a. A kawng dawm vang vang chung chuan "Ka duh chuan ka tlan chhuah san thei reng che" a rawn ti a.
.
"Engtin aa...?"
.
"Ka duh chuan ka tlanchhuah san daih thei che ka ti. Hetah keimahin ka mu a,chuan kawngka saw i kalh lo bawk a..."
.
"Engtin nge kawngka ka kalh lo tih i hriat?"
.
"A chhan chu ka va hawng a lawm"
.
"Huh...!!" Kawngka ka kalh lo a maw...! "I tlanchhuah loh a vang chuan lawmthu ka hrilh dawn che tihna em ni?"
.
"Ni love....duh aiin ka lo kai deuh mah mah a niang" bathroom lam chu a pan a. "Helai hmun hi i chhuahsan vat teh ang" tihpahin kawngkhar chu a khar a.
.
.
Darkar 5 ngawt kan tlan leh hnu chuan khawkar kawng pakhatah kan ding a. Hnunglam seat a bag ka dah chu lain pawnah ka chhuak a,ka va inthlak a. Sophia-i chuan motor chhung a tang min lo thlir reng tih ka hria. Bakah ka tattoo hi a hmu duh hle a ni tih ka hre bawk. "Eng nge a?" tihpahin ka va en a.
.
"Eng ni love.." a lo ti ve mai a. "Kawngsir a han inthlak tawp mai chuh ka lo ti deuh a"
.
Kan nuih suk a "Ka pa hian dan lo angin thil kan ti thin tih hi a hria a nih vaih chuan police hnenah min thawn nghal a ni mai. Chuvang chuan businessman pakhat ve mai ang a min hmuh hi a tul tlat ani"
.
"A nih thil eng emawte min lo zawt ve awm sia. Chutih hunah chuan eng nge ka sawi ve ang a?"
.
"Lo lungngai suh. Chutiang engmah a zawt lovang che"
.
Mak tih hmel deuh hian min rawn melh a. "Zawt lo ang aa?...tunge ka nih tih leh engvang a min hruai tel ve nge i nih tih pawh min zawt lovang maw?"
.
Nuih suk pah chuan ka suit kekawr chu ka phawrh chhuak a. "Ni lo ve le.....a lo zawt lovang che tih ka hlau letling zawk khawp mai"
.
.
*******************
.
Kum 1853 daih a sak tawh,in hlui nalh ang reng tak hi a ni a,ka pu min hrilh danin ka nu pawh khan chu in chu nuam a tiin a ngaina hle ani awm a,ka naupan lai a ka hun hmanna ber a ni bawk.
.
Sophia-i chu ka bul lawk seat ah chuan a thu a. In leh a vel huante chu eng chi hrang hrang hian an lo kap eng chiai a,zan lam a thleng kan ni bawk a,mawi tak ani.
.
"Ekhai aa....ka lo beisei dan piah lam ani" Sophia-i chuan a rawn ti a. In tawn tirh a gate lian leh sang tha deuhah chuan kan inkhalh lut a. "Tah hian i sei lian a maw?"
.
"Ka sei lenna hmun a nih hi" ka lo ti a.
.
"A awih awm loh zawk a lawm le"
.
In kawtah chuan motor chu kan dah a, kawngkhar chu rawn inhawngin Carl-a chu kan lam panin a rawn chhuak a,a ni hi ka pa mi chhawr zing a thawk rei ber a ni a,tunah chuan kum 60 a tling tep tawh.
.
Kei pawh chu motor a tang chuan ka chhuak a,rawn phei in min rawn kuah a "Zanriah ei lai vel takin a ni in rawn thlen ni" a han ti a. A mah hi mi tha leh fel tak ani a,keipawhin ka ngaina hle. Ka mitah tak min en phei hi chuan ka mi thah tawhte thlarau kha ka hmu thei ni maiin ka inhre thin.
.
"Kan inhmu leh thei chu ka lawm hlemai Jay...ka lawm takzet" tihpahin nghet takin min kuah a. Passenger seat a Sophia-i thu ve reng chu a va hmu a,a hmel chu a inthak zuai a "Hei..tunge i rawn hruai hi?" tihpahin a va pan a,kawngkhar chu a va hawn sak a. A hna hi chu a van tlin thin em.
.
Sophia-i chu motor a tang chuan a kai chhuak a. "Tunge i hming ni a bawih-i ? Kan pu Jamie-a min hrilh hun ka nghah zawngin ka tar thi hman hial ang"
.
Sophia-i chuan min rawn en a,a meng phar nasa mai. Chu chu vawikhat Jamie ti a miin min koh a hriatna a ni bawk a. Ka hming dik tak a min ko tu hi an tlem reng bawk lah tak a.
.
"Sophia ka nia" a han ti a. “Sophia Letitia Marne.” tihpahin an han inchibai a. A hmingpum chu a sawi hreh hmel angreng hlemai.
.
"Carl-a ka ni e. Kan inhmu chu ka lawm hlemai bawih-i " tihpahin Sophia kut hnung lam chu a fawh sak a. "Inchhung lamah lo va lut rawh u. In bag vel hi ka rawn keng a nge"
.
Carl-a chu a hnungah kan beng thak a,hepa hi chu ka ngai chiang a lawm. Sophia-i nen chuan inchhung lam kan pan a,helai inah kher hi chuan hmeichhia ka hruai lut zen zen lo.
.
.
.
> SOPHIA <
.
Inchhung kan han lut chiah mai chuh.....a pawnlam pawh a bawn tawh tehreng nen. Carl-a chuan hma a hruai a,chhuat chu marble tha chi vek ani a,hmeichhe pahnih hian an lo tifai mek a. Ceiling ah chuan eng khai chi lian tak,lunghlu tha chi ang mai a nalh hi a inkhai bawk a,chu chuan inchhung a ti pui hle. A lum nuamin bangahte chuan lemziak nalh leh to hmel tak tak a intar thut a,furniture te reng reng chu hmanlai chhuak vek ni mahse uluk tak a enkawl an ni thung.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 26th, 2016, 11:40 pm

Rebel-a chuan hnunglamah min rawn kuah a "Carl...in fankual tih vel hi chu nakin lamah kan ti zawk dawn em ni ang? Kan chau angreng bawk si a"
.
"Ni e mawle...New York a tang inrawn chuang char char bawk si a,in ke te kha a rawl them thum a nia ka rin ni"
.
A pa leh an chhiahhlawh ho chuan New York ah a awm emaw an ti vek a nih dawn hi. New York ah sumdawnna buaipuiin apartment a luah ang a,chutiang tur chuan an ngai ngei awm si a.
.
Chuan a hming chu Jamie maw ni a? Chuan a kum zat pawh ka la zawt miah lo. 28 ai chuan a upa lo tawp ang le.
.
Carl-a chuan ka kut a rawn vuan a,nelawm tak hian a rawn nui a. "A nih leh aw Jay. I pa in a rawn hmuh hmain in motor saw ka va dahsawn vat ange. Chuan i room pawh a ngai ngaiin tha takin kan lo enkawl e" tihpahin min chhuahsan nghal a. Carl-a a chhuah hnu chuan Jay-a chu ka en reng a,thil sawi duh a nei ngei ang.
.
“Louis James Aubertin pathumna" a rawn ti a. "Ka pu hian Louis tiin min ko a,mahse ka pa chuan nalh a ti lova. Jamie emaw Jay tiin emaw min ko thin" tihpahin pot a pangpar khawi chu an khawih a. "Ka hming pu tur hian ka huaisen tawk lote pawh a ni mahna"
.
Ka lo nui hak a “Louis James Aubertin pathumna maw...! Kei pawn Jamie tiin ka ko ve mai ang che" engvang a tiang thute chu sawi ve nge ka nih ka inhre lo. Tih lawm hi ka lo tum ve na chhan tur engmah a awm lova,a engmah ka ba lo bawk.
.
"Ka lawm e" an ti sap a. "I duh chuan Rebel ti pawhin min la ko thei tho ania"
.
"Engvangin nge Rebel ka tih ang che?"
.
A mithmul an ti kang ak a,a pangpar khawihna kut chu la thlain "Jamie chu hman a ka hming ania, mifel leh tha tak ani. Rebel..." an ngawi dat a "A ni hi chuan a hming hmasa kha a phu tawh lo ani"
.
Ka kutah rawn vuanin inchung lamah min chhoh pui a.
.
He pa hian vawikhatmah min la ti na lo.
.
Dawt pawh vawikhatman min la hrilh bawk hek lo.
.
A mood a fuh loh ber tum pawn vawikhatmah kut min la thlak ngai lo. Tunah pawh hian mifel tak chu a la ni reng tho alawm. Heng thil zawng zawng kan tih zawh hunah chuan New Mexico ah let lehin keipawh min chhuah tawh ang.
.
Inchung ber kan thlen hma chu ka kut a thlah lo. Pindan inkalpawhna lamah chuan kan phei a,bangah chuan a thlalak hlir a lo intar a. Football jersey a ha lai te,graduation gown a khum laite leh certificate eng eng emaw a keng laite ani a,a nui hmel erawh hmuh tur a awm lo.
.
Kan kal zel a,kawr phelh chung a a thlalak,a tattoo lang chung a swimming trophy a keng laite. Mahse a nui hmel erawh hmun tur a awm chuang lo. Sport lamah chuan Hero a ni ringawt alawm le. Min kal chak pui sauh a...bangah chuan sipai thuam a a ding lai thlalak a lo intar a. "Lawk....ding lawk teh" tihpahin a kut chu ka paih thla a,bang a thil intar chu uluk lehzualin kan thlek a.
.
Chu thlalak ka en zawng chuan ka thin a phu dup dup thei hial a. A la naupangin a sipai form chu a inhmeh hle a. "Tah hian kum engzat nge i nih?"
.
Thawk hak pahin "Kum 15" a rawn ti a. "Sipai school ah ka kal thin a"
.
"A nih khawi hmunah nge an ralmut tir che u?"
.
"Afghanistan ah" chu kher chu ka rin loh lam daih ani"
.
"Chuan....?" Hriat belh chak deuh hian kan ti a.
.
"Eng nge chuan....!! Kum hnih chhung kan awm a,chumi zawhah kan haw a,chu zawng chu" ka kut chu a rawn vuan a,min kalpui lehnghal a.
.
"Chutin a tawp ringawt awm lo emai. Eng emaw tak chu i nunah thil thlen a nei alawm".
.
Min chhang tawh lem lo. A room chhungah chuan kan lut a,a nuam in a zau ngei mai. A laiah tak chuan nupa khum ai pawh a lian zawk mah khum a inhung a,lehkhabu chhuar lian vak loah hian a khat tanin lehkhabu a inhung bawk a.
.
Thawmhnaw dahna chhuar hrang hrang a awm a,chumi chungah chuan snow globe 15 vel zet a awm a,ram hrang hrang lem Detroit, New York, London, Paris, Vancouver, Calgary, Switzerland, Wyoming. Niagara ram lem leh a dang dang a awm a.
.
"Hei hi eng nge ni a?" ka han ti a
.
"Ka nu hian a zinna a piangah tiang kha a lakhawm thin a,chung chu a nih kha" tihpahin tukverh chu a hawng a,a dak vang vang a.
.
"Chuan tian eng nge kan tih dawn? I pa in a min rawn koh hun kan lo nghak tawp mai dawn tihna em ni?"
.
"A ni mai ang chu"
.
"A nih leh thudang daih....tu emaw tal i ti na tawh em?"
.
"Ti na tawh e....an tam tawh mai" tihpahin min rawn en a,a mitmeng chu ka hrethiam lo. Thil dang sawi rawh min tihna nge thil eng emaw ti tur a min duhna zawk....!!
.
"A nih chuan chhan tha tak a awm ngei ang chu tiraw...?"
.
"Ni e...a awm ngei ang. Chu chu tunge endik tu tur tih erawh ka chiag chiah lo. Pathian nge nangmah?" A han maimitchhing vang vang a,chutihlai tak chuan engin nge min mawlh ka hre lo. Hlim tak a siam ka chak a,tanpui a va panhnaih ka chak a,amah si chelh a awm ka chak ani. Engvang a tiang thilte chu ngaihtuah nge ka nih...? Ka a ta em ni? "Ka hre bik lo" a rawn ti a.
.
Ka inher a,kut khur der der chungin snow globe chu pakhat kan la a,keimahah hian dik lohna a awm ani. Ka him lo tan riau in ka hria...a chhan chu Rebel-a ni lovin keimah hi ka ni.
.
Ka hnungah chuan a rawn ding a,ka nghawng zawnah chuan a rawn thaw lum ham ham a,keimah bawk chu ka dik lo leh tan ta. Chu thil chu a ni ka hlauh ber chu.
.
Matt-a.....Ni e,Matt-a chu ka bialpa ani a,a mah chauh chu ngaihtuah tur ka ni. Rebel-a te ang misual lutuk hi chu ngaihtuah chhin tur pawh ka ni lo.
.
"Tukverh a tang hian i chhuak ngam a ngem?"
.
A lam hawi chuan ka inher a "Tinge tukverh atang chuan ka chhuah ang a?"
.
"A chhan chu thil hmuh duh che ka nei a. I remti angem?" a mit chu lunghlu ang mai hian a tle ral ral a,chutih rualin a mitmeng hriam hrak erawh a pa reng tho si. Ka hmai pum chu uluk takin a endik vek emaw tih mai tur hian min melh ngawr ngawr. "Ka tiam a che. I thi miah lovang"
.
"Ka thi daih a nih chuan hman tlakna ka awm tawh dawn miah dawn lo ania" ka lo ti a.
.
"Chu chiah mai" tukverh chu hawngin a chhuak a. "Min lo zui la,chuan ka lo vuan dawn che ania" tihpah chuan a chhuak a,inchung lamah chuan a lawn chho nghal a.
.
Tukverh a ka va chhuak chiah chu lei lam chu rin ai takin a lo sang a,bang a pipe awm chu ka vuan thut a,chu veleh ka vawnna chu a pial a,ka tla teuh ngei mai. Rang takin Rebel-a chuan chunglam a tang ka banrekah a rawn vuan hman hlauh a,chuti ni lo se ka thi chiang viau ngei ang le.
.
Ka rahna a phet tawh bawk nen thei leh thei lovin inchung zawlah chuan min pawt chho a.
.
Kan thleng chho chiah chu inchung zawlah chuan mu in kan thaw dun hlawp hlawp a. "Ka rawn kai chho ang che ka tih kha...."
.
"Ka tihpalh..."
.
"Min ring lo em ni?"
.
A lam chu ka va hawi a,tlem chuan a lungawilo deuh tih ka hria. A chal tichuar in van lam a thlir a. "Ka tihpalh ka tih kha" ka han ti nawn leh a.
.
.
END OF CHAPTER -12

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 12:12 am

† R.E.B.E.L † . . CHAPTER -13

Ka rahna a phet tawh bawk nen thei leh thei lovin inchung zawlah chuan min pawt chho a.
.
Kan thleng chho chiah chu inchung zawlah chuan mu in kan thaw dun hlawp hlawp a. "Ka rawn kai chho ang che ka tih kha...."
.
"Ka tihpalh..."
.
"Min ring lo em ni?"
.
A lam chu ka va hawi a,tlem chuan a lungawilo deuh tih ka hria. A chal tichuar in van lam a thlir a. "Ka tihpalh ka tih kha" ka han ti nawn leh a.
.
.
"Thil thlen dan hi a nuihzathlak ngawt mai"
.
"Eng chu maw....?" Ka lo ti vat a.
.
"Nangmah kha mawle.....Ka pate-a an that a,ka hun pum hi ka Club te venhim nan leh humhimna a tan ka hmang tluan zak a,chutih laiin nang ka tawng leh che a". Tho in a han ding a,ka lam a rawn hawi a
.
"A pawi ka ti lutuk Soph,tiang thil hi i chungah a thleng leh tawh ngai lovang" tihpahin a kut chu ka lamah a rawn phar a. Tunah hian inchung zawlah kan awm mek a,chhuk leh duh pawh ni ila min vuan a nih ngawt loh chuan ka chhuk thei teuh lo mai. Chuvang chuan chu kut chu ka tan a pawimawh lutuk rih tlat. "Ka pate-a kha tunah hian ka bulah awm ve ni se i nep lutuk tihpahin min tlawh chawrh duh ngei ang" an thaw halh a. "Lo kal rawh le...ka hnungah zel i lo kal dawn nia."
.
A hnungah chuan kalin a rahna zel ka rap a,a chung lamah chuan lawn chho lehin tah chuan hmul zawl...8ft vel a,zau chu a lo awm a,chulai hmunah chuan kan phei leh a. Kan thlen chuan Rebel-a chu Indian ho thut danin bawp khawkherhin a han thu a. Boruak chu a han hip vang vang a. Chulai hmun chu ka hrethiam lo. Kal tur chuan tukverh a tang a lawn chhoh kha a ngai si a,tumah an kal theih pawh ka ring lo.
.
Ngawireng chuan kan awm a,kawlah chu ni tla chuan rangkachak rawngin chhum a rawn chhun eng det det a, van lam erawh a thim mup tawh. "Khawvar veleh i kal dawn nia. Khua thleng ka thlah ang che" Rebel-a chuan a rawn ti a.
.
"Maw...? Min chhuah tir dawn amaw?"
.
"Aw ni e. Kal tawh mai rawh. Hector-a leh Raphael -a dam tha tak a an awm chhung chuan eng thu pawh court ah chuan min sawi sak ni tehreng la,kawng dang an dap leh tho ang. Bakah dawrpui a khang mipui zo zaiin a an tawrh hnu phei kha chuan......" hnunglamah chuan awnin a kiu chuan a in do kang a. "Khang mipui zawng zawngte thih chhan kha keimah ka nia,chuvangin nang leh i chhungte lehzel thisen mawh hi chu ka phur duh lo ani. Tunah chuan Seattle ah lungdam takin i let leh thei tawh ang"
.
Ka thil hriat chu ka awih lo hial zawk. Thang a ni zawng ang a tiin ka ngaihtuah zuai a,mahse Rebel-a hmel ka en chuan chutiang ni theiin ka hre si lo. Nge ni a min fiam mai mai a ni tih min hrilh leh zawk dawn! "I ti tak tak em ni?"
.
"Aw... ti tak tak e. Ka rilru ka siam fel tawh". Insum ka tum viau nangin ka thei thlawt lo. Ka mittui a rawn luang a,ka tap a,ka inhnit hlawp hlawp a. Khua a var veleh ka haw thei dawn...ka chhungte nen hlim takin kan inhmukhawm leh ang a. "Ka lawm lutuk aw....Jamie" ka han ti a.
.
Ngawi rengin kan thu dun a,van thim mupah chuan arsi te chu an lang de neuh neuh a. "Helaiah hian ngaihzawng ka neih a piangin ka hruai chho thin a,arsi ka thlir pui thin a" a rawn ti a. Mahse ni tla lai erawh tumah ka la thlir pui ngai lo. Keimahin ka tlir thin".
.
Ka suangtuah thiam mai. Tlangval la valai tak pakhat chu amah a helai a thu chung hian ni tla a thlir thin ang a,a bialnute hruaiin puan an sin dun ang a,arsi an thlir dun thin bawk ang. "An chhelo hlawm ngawtin ka ring. Chuan hmeichhe changkang tak tak an ni ngei bawk ang a" ka aw ki ah chuan tih elna deuh hi a ri tel a.
.
"Ni e....an chhelo hlawm khawp mai. Dem ngawt theih pawh an ni lo. Helai meuh thleng chho phate hi chu Golden tricket dawng ang mai a vannei an nia sin" tihpahin an nui a. "Nangpawh hei i thleng chho ve chu ania. Bakah nang phei hi chu Louis James Aubertin-a hmeichhe hruai tawh zawng zawng zing a hmeltha ber nihna nei tu i ni bawk"
.
Ka biang chu kut lum ther ther in a rawn vuan tih ka hre thei a,ka hawi chho dawn nge dawn lo tih ka chiang lo. Nghet takin ka invuan a "Tinge khatia min rawn dawm a?"
.
"Eng chu maw...?"
.
"I hriat reng kha aw..."
.
Rebel-a chu an nui hak hak a. "Ka hrilh tawh che kha bawih-i....ka duh thu che hi. Hun remchang chu nei ngat ilang chuan duh tawk a-...."
.
"Chungte chu i ti fo a ni lawm ni? Hmeichhe tam tak duh tawk a mutpui tur i nei teuh a lawm"
.
"Ni lo ve...a teuhlo mai. Chutiang a hmeichhe easy lutukte chu ka duh bik nang le..."
.
"A nih chuan easy min ti a ni maw...?"
.
"A teuh lo mai"
.
"Hriatthiam hi chu i har ve ngawt mai"
..
Rebel-a chu an nui hak a. "Hriatchian min tum duh suh. Ka taksa chhung hi thim leh hlauhawm hlir a khat a nih hi. Sex chungchangah i rilru i thlak leh anih chuan.......i duh phawt chuan kan sawi dun dawn nia"
.
.
> REBEL <
.
Tukverh a tang bawk chuan ka room lamah kan let thla leh a,tun tum chu Sophia-i pawn min ring tawh e. Pangai takin inchung a tang ka hlang thla a,ka awm zawn a a thin phu dap dapte chu ka hre thei. Mahse he nu erawh hi chu ka ta tur a ni lo. Seattle lam mi Matt-a a ti emaw ni....chumi ta tur chu a ni si.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 12:13 am

Ni a rawn chhuak ang a,khawpui lamah ka thlah ang a,chuta tang chuan kawng hran ve veah kan kal hrang tawh ang. Chu chu ka tan a tha ber angem tih erawh ka hre lo. A thil tih duh hauh loh ti tur a nawr luih chiam chu tha ka ti lova,chutiang mi chu ka ni tur a ni lo.
.
Maria Rosa-i ka dahthat hunah phei chuan thimah kawl a rawn eng ve tawh mahna.
.
Soph-i chu khumah ka mut tir a,kei chu tukverh bulah chair ah thuin ka muhil thung.
.
Kan harh leh meuh chuan khua pawh a lo eng deuh uar tawh a,kan hawi chu ka bul lawkah chuan mutkawr ha chungin ka pa a lo ding reng a.
.
"Chuan....?" a rawn ti a.
.
"Chuan.....?" Ka lo ti let ve ringawt a.
.
"I khum a mu hmeichhia pawh i mutpui ngam nange a...? Nep lutuk mai" a rawn ti a.
.
Ka lo nui sak a "Ka hmu che chu ka lawm hlemai ka pa"
.
"Tunge i khum a mu hi? Khawilai waitress emaw hi i rawn ru hawte a ni lo maw...? A rai thu chu min hrilh miah suh ang che. Chu thil i sawi ai chuan pawisa min dil la,ka pe zawk mai ang che"
.
Ka thutna atang chuan ka ding a. "Helai hmunah hian nangmahin min ko a, i pawisa kha ka mamawhin i hria em ni? Pawisa ka dil lo che"
.
.
Keima nu ngei chu ka kutah a thi a,khata tang khan ka pa nen hian tuk that kan nei ngai ta meuh lo.
.
Sophia-i pawh a lo harh ve ta. Sophia-i hmuh lai chuan chutiang thil chu engmah lang lo se ka duh.
.
"Tukthuan inkil ve duhte a nih chuan inhnuai lamah in rawn chhukthla dawn nia. I thiannu pawh saw pangai deuhin inchei se la....Zawhte in ang mai mai a ni lo ania". A inher a,a chhuak nghal a.
.
A tawng dan kher kher chuan min khei zak mai. Ka tho chhuak phut a,chuveleh Sophia-i chuan min lo dang nghal a. Min beng daih tumin ka awmah a rawn dawm a.
.
Eng nge tih tur tih ka ngaihtuah hman tawh lo. Ka kuah thut a,a hmuiah tak chuan ka fawp vawng vawng a. A ni pawh chuan min lo hnar bik lo. Rei lo teah zawite in min rawn chhang let ve a,ka lei pawh chuan luhna tur a zawng ruai tawh a. Tunah chuan ka thin sa lutuk pawh chu a dai nghal rawih rawih mai.
.
Min rawn din hnaih sauh a,chuveleh ka lam a nghet tak a kuah chungin a samah chuan dimte in ka tham a. A ni pawh chuan ka biangah a rawn dawm a,ka nghawngah chul thlain min rawn kuah nghet sauh a.
.
Hnuai lampang pawh a rawn tho ta tual tual mai. Ka fawh pah chuan a lo rum tiah tiah a,chu chuan ka chakna a ti zual kai sauh a. Ka kekawrin a dan beh tlat vang erawh chuan a na thei tep hial. A malpui nen a insik ran a vang chuan a ni pawh chuan a hre ngei ang le.
.
A taksa lum ham ham mai chu chul thla in hnuai lamah ka zut thla zel a,tuar har tak hian a rum ham ham a,a awm danah a chak a,min mamawh a ni tih ka hria.
.
Mut nan a a hman t-shirt plain a hak lai chu muangchangin ka hlih chhoh sak a,a hnute zawn ka thlen erawh chuan kan chawl deuh dat a,a tal chhuah deih emaw,tawp tur a min tih mai tak in tiin. Mahse chutiang engmah a sawi lo.
.
Ka kut chuan ka chul pah a,a kawr hak chhanah chuan a hnute hmur chu a rawn pawng chhuak lah a, chu a hnute hmur ngei mai chu duh tawk a fawh sak ka chak a,na loh te a seh ner ner pah a fawh dek dek ka chak bawk. A kawr chu ka hlip ta.
.
Kan hawi chho chu a mittui a lo tling pam a,mak tih hmel zet hian min lo en a. Ka biang chu a thip sawk a,ka beng a kiu nghal chum chum a. Tiang chuan vawi hnih zet ka ri chawk chawk a,ka biang thip sa tuk mai chu ka dawm a.
.
Ka hmaah chuan a ding a,a hnute hmur pawh chu a la langchiang hle. "Khatiang kha....khatiang thil kha vawikhatmah ti leh tawh suh ang che" a ding khur dar dar a.
.
"Ngati maw...? Matt-a i hmangaih em avangin tih a rem lo em ni?". Ka kekawr hmalam chu a puar luah a,thup ngaihna vak a awm tawh der si lo.
.
"Kha tiang tih theihna kha i nei lo......i engmah ka ni lo Rebel"
.
"Ka hria alawm"
.
"Hria si tinge tiang khan min tih a? I duh duh a i tih kual theih hmeichhia ang lek a min cheibawl si?"
.
Bang ngheng chuan ka ding a,ka thaw rang lutuk pawh a zia ta e. "Chutiangin engtin mah ka ti ngai hleinem che Soph. I chak ve a ka hriat vang chauh ani"
.
"Chutiangin engtinmah ka awm lo"
.
Nuih suk pah chuan ka kawrkilh chu ka phelh a,ka kawr chu phelhin khum lamah ka vawm phei a. A biang no tak mai chu ka kut hmawr chuan dimte in kan zut raih raih a. A mitnote thuk raih mai a tang chuan a chak a ni tih chu hai rual ani lo. "I hnute hmur hi a mawi takzet" kan ti a.
.
A inher a,min hnungchhawn nghal a. Chu veleh hnunglam a tang ka kuah a, a taksa leh rilru chu a insual buai mek tih ka hria. A sam chu hui kiangin a nghawng nem thak mai chu kan hnim vang vang a, ka kut chuan a kawngah ka kuah phei a,zawi muangin ka chul thla raih raih a,ka kuthmawr chuan a tawk teuh tawh ngei mai. A kekawrte tlang ka khawih thleng tihah chuan ka kut chu a rawn beng a.
.
"Duhtawk teh Rebel...khawngaihin. Engthil nge thleng ta mai tih hi ka hrethiam lo"
.
Ka kekawr ipte zen in kan nui sak a. "Eng nge thleng tih chu ka hrilh thei ang che. Vawiinah eng nge thleng dawn tih lam thlengin. Mahse i ngaihthlak duh ka ring lo"
.
"Min hre chiang lo anih hi Rebel" a aw ah chuan a hlauthawng tan tih ka hria. A hma a ka thil sawi a hria a,ka thusawi chu a ring a ni tih pawh a inhria.
.
"I itawm in min hip takzet tih ka hria a,chutiang rilru chu i pu ve tho tih ka hre bawk. Kan inmamawh tawn ve ve ani Sophia. Chuvang chuan a lawm tunah pawh khan i hlauhthawn ni"
.
Room a tang chuan ka chhuak a,engmah sawi lovin a ding ngawi reng a, ka sawi chu a dik ngei ani tih pawh a pawm thlap tih ka hria.
.
.
END OF CHAPTER -13

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)