† R.E.B.E.L † BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

† R.E.B.E.L † BY Noah Hringngen

Unread post by Ngaia » May 25th, 2016, 11:11 pm

† R.E.B.E.L † CHAPTER -1
(18+ Adults only) . . >

ALEXIS < .

Thihna hi i chung a rawn thleng turin i au tawh ngai em? .

Seattle khawlaiah hian engtikah emaw chuan ka la arte thih mai mai ang tih hi ngaihtuah pawh ka la ngaihtuah chhin ngai lo a,thih chak ngawih ngawih, a au a au lawm lawm khawp mihring ka la ni ang tih ka ringphak ngailo. Khawvel a mihring zawng zawng hi an thil hlauh ber zawt ta la....hmun sawm a then a hmun kua chuan 'Thih' an ti ang. Chu chu kan khawvel mai pawh ni lo,universe pumpui ami pawh hi zawt la chu thu tho chuan an chhang ang che.
.
Zankhat thil thu lekah thih chak em em,an nunna pawh hlut nachang hre tawhlo ho dinhmunah chuan ka ding a. Khawthlir hi a tawi tup mai. Chumi tum chuan thihna aia hlauh zawk ka nei a,chu chu 'nunna' ani.
.
Ka la thaw ve reng tho a,mahse ka taksa chu hmun sang chuang a chansawm ang mai ani...beisei leh tur chuang a awmlo. Thilte chu kan la ngaihtuah thei ve reng tho,mahse kan hriatna thazam zawng zawng a buai tawh avangin a thlen tawpna hmun apiang chu natna hlir ani. Beiseina te pawh kan la nei ve tho a,nitin chuan min rawn chhanchhuak tu tur an awm dah lawng maw tiin...mahse chu kan beiseina pawh chu a ni tel in a te tial tial a.
.
Seattle kawtlaiah hian ka la thi mawl tawp ang tih hi ka ngaihtuah ngailo. Thih chak in ka la rum ang tih hi ka ring pha ngai lova,a ngen in ka la ngen ang tih phei chu mang lamah pawh a man theih tihpawh ka hrelo. Ka chungah engpawh thleng se ka lawm zel ang tih te chu hla tak ani. . A tir atang kan hrilh law law ang che. Tichuan i hrethiam mai ang. . .

CHAPTER -1 .

> ALEXIS <
. 2012
.
St. Peter damdawiin chu khaw chhip lam a awm ani a,a building chu a hniam angreng avangin ral atang a thlir phei chuan a bawk deuh rup ni hian a hriat a. Chumi zan chuan chhum leivak a zing riai a, ka ipod ah chuan Led Zeppelin hla ka play a,coffee ka in pah bawk a. Damdawiin chhungah chuan thawm chi hrang hrang,na tuar ri leh eng eng emaw hi a khat tawk a hriat tur a awm reng a,i hriatthiam mai ka ring.
.
Ruh tliak. . Thaw hah leh khuh... . Naute an piang a.
.
Thenkhat in thi in an chhuahsan bawk a . Ka thlir reng a,ka en tih pawh an hre chuang lo. Ka thu rei tawh lutuk chu vawi nga pian nawn ang vel hial a rei ni mai in ka hria. A tawp a tawpah ka phone chu arawn ri hlawl a. Ka pa ani.
.
"Bawite,ka rei deuh avangin pawi ka ti lutuk. Bus ah i chuang mek em ni?"
.
Ka nui suk a "Damdawiin pawnah ka nghak che. Darkar khat leh a chanve chuang"
.
"Ah....awle. Ka rawn chhuak thuai ang. Hmeichhe naupang pakhat Car a accident an rawn hruai a,a ke zawng zawng a sawp vek a. Hei a zai theih dawn leh dawn loh kan ngai chang mek a...--' . "Pa...."
.
"Aw bawihte"
.
"A pawilo. Keimah in ka lo va haw mai ang. A harsa hleinem" chu thu chu ka vawikhat sawina ani lova,ka sawi tawpna ber pawh ani chuang lovang. Seattle ah chuan college kal ka duh avangin kan awm a,ka unaunu Sloane-i lah chu ka pa ang a Doctor nih a duh avangin a zir mek bawk a,kei leh ka nu deuh chauh chu kan ni mai. Ka coffee in pawh chu ka in zo chiah a.
.
"Pawi i ti lo takzet maw...?"
.
"A ho lutuk pa,naupang chhia ka ni tawh bik hleinem. Ti khan i tih tur kha tha takin ti zawk rawh"
.
"Ka hmangaih che bawihte,keipawh ka lo haw har lovang. Chuan i nu kha lo hrilh la ka chaw ei tur min lo tih lum kep kher lo mai rawh se aw. Ka rawn haw hunah keimahin ka rawn insiam mai ang"
.
Chu mi awmzia chu zanriah a ei dawn lova,zanlai pelh hma chu arawn haw dawnlo tihna ani. Ka hmangaih thu ka hrilh let hnu chuan ka coffee no chu bawlhhlawh bawmah ka paih a,ka beng khuhna chu vuah in kawngpui lamah bus stand awmna lampan chuan ka kal nghal a.
.
Vur tla ho chu an tuiral tan avangin khawlai chu a hnawng chup a,a vawt em em bawk a. Ka jacket a hmaiphum ti tihin ka kal a,ka thaw khu ham ham bawk a. Kawngsir vel a in neilo kutdawh ho lo riak te chu ka kal pel zel a,an ni ho hi sik leh sa tuar thuah chuan an tuarchhel ber niin ka hria.
.
Kutdawh pakhat chu $10 ka pe a,lawm tih hriat tak hian min lo nuih a,ka kal lehnghal mai a,hla chu ka ngaithla reng pah a. Rei vaklo ah chuan lei chu arawn nghawr dar dar a, a hnu lawkah chuan bike rual hian min rawn tlan pel a. An engine ri ringawt pawh chu a pui in a ring dar dar hlawm khawp mai. Kawngah chuan ding in an tlanliam thleng chu ka thlir ta ringawt a. A hnung ber a tlan liam hnu pawh chuan an bike thawm chu second 20 chhung vel zet ka la hre thei a.
.
Ka pa in tiang a ring deuh a bike khalh thin ho hi mi laktlak tak an awm ngai loh thu min hrilh a,bakah ani chu doctor ani a,heng ho bike a zanlam a khawlai fang ho in ti palh hliam tuar na tak tak hi alo hmu hnem tawh hle a,an chanchin min hrilh fo thin. Kei phei chuan tiang ho hi chu ka ngainat loh mai bakah misual rual ni tur a ngaih hmak na ka nei a,tun a min rawn tlan pel tu te pawh chu mi 20 vel zen zawn an ni.
.
Keipawh chuan bus stand ka hnaih ta hle a,ka ipod a ka hla ngaihthlak pawh chu a dang dang ka ti kual ka ti kual a. Chumi zan chu a reh hian a reh tlawk tlawk a,mi tin mai chu pawn khawvawt lutuk tlansan in mahni in lumah an awm dar dar a,chaw tui leh sa tha tak an ei vel mek te pawh aniang. Keipawh chu chu reilo te a ka tawn ve tho tur anih avangin in thlen hlan ka nghakhlel takzet.
.
Kawng ka kan dawn lai tak chuan ka hnunglam kil thim chin atang chuan putar pakhat sam tuak vek tawh hi arawn bawkvak chhuak a.
.
Ka beng ka hnawh avangin a thawm chu ka lo hre lawk lo a,kan hmu chiah mai chu ka phut nasat lutuk avang chuan ka thlarau in min chhuahsan ta ni mai in ka hria. Ka thin chu a phu nghal dup dup a.
.
Kawngsir vurah chuan thisen a awm nuaih a,a thisen a chhuak anih ngei saw. Ka lam arawn hawi a,a ban pakhat chu arawn phar chhuak a.
.
"Min pui rawh.....khawngaihin....min tanpui rawh" . Ka tawlhhnung nghal dawrh a. Zanlaiah putar sam var vek tawh,thisen kai nuaih,tunge anih tih pawh hriat loh hmuh chuan rang tak a tlanchhiat a him ber ka ring. Mahse ka pa emaw,ka unaunu Sloane-i chu tiang hian tanpui ngai a an awm laiin tanpui duh lovin tlansan daih nise ka rilru ani viau ngei ang. Chuvang chuan keipawn ka kalsan ringawt tur ani lo.
.
"Nga....ngati nge a?" tihpah chuan ka va pan phei a,ka scarf awrh lai chu pawt hlip in a thi chhuak tawn nan a hman chu ka tum bawk a.
.
Chu putar chuan lei lam a en a,a tawlh hnung lehnghal a. "Ni lo..." a aw chu a dik lo. "Nilo...." a hmelah chuan a hlauthawng ani tih ka hria. A hnunglam a midang awm ve lam chu a hawi a. .
.
Ka film en thin atang eng nge a dawt lehah thleng dawn tih chu ka hre nghal mai. Tu emaw hian ka hmui arawn hup a,a ban thir hlawm ang mai a lian leh chak chuan ka kawngah min rawn pawm kang nawlh a. Au chhuah vak ka tum a,mahse ka thei lo. Na chuan ka hrawk arawn fan nghal raih raih a,ka hmui a hup hneh em avang chuan ka au emaw ka tap ri emaw engmah a chhuak thei lo. Hmeh hlum ang hmak ka ni. Ka lung chu arang a rang mangkheng hian a phu dawt dawt a,engmah chu pangai deuh in ka hmu tha theilo. Misual in an man che a mahni inven dan tur tih te pawh kha ka zir ve thin. Mahse hmeichhe kum 21 mi lek tan chuan hlauhawm han tawn tak tak chuan alo hman theih reng reng loh. Min man bet hneh em em mai si.
.
A kut chu ka seh sak vak a,a thisen pawh arawn chhuak zuai mai. Chu pa chu a au vak a,mahse min thlah chuang lo. Ka ti thinrim mai mai zawk ani. Ka ke chuan lei a si thei si lova,a malpui leh ke vel te chu tlawh tum in kan leng vak vak a,chu chuan engmah a hring chhuaklo tawp ang.
.
"Engthil nge maw i lo tih a Hijo? " chu pa aw chu thupe aw ani tih ka hria. A thum in a thupek chu a khauh hmel hle a "Kha nu kha hruai bo nghal vat rawh"
.
Tunah chuan nachin a putar pa pawh kha ka va hmu thei ta. Chhuatah chuan alo thingthi a,a mitmeng atang reng reng chuan beiseina a neilo takzet tih alang a,tumah amah tanpui tur an rawn kal dawn lo tih a hrechhiang bawk hle anih ka ring.
.
Rawn dak chhuak in min rawn en a. A ka arawn ang a,a lu thin pah chuan "A pawi ka ti lutuk" arawn ti a.
.
Au chhuah vak ka han tum leh a,chu veleh min man tu pa chuan nghet mangkheng,thawk hleih theih loh khawp hian min rawn kuah a,a thim chin lamah chuan min luhpui a. Chuta tang chuan chulai hmun pawh chu engtikahmah ka hmu leh tawh lo maithei ani.
.
Ka theih patawp chuan kan tal ve thin a,mahse kan in len hleih mai bakah kan in chak hlei em a,an ni tan chuan arte khen bak ani lovang. Mi pakhat dang ka va hmu leh a,a sam a ziat kawlh vek a,a mit dinglam hnuaiah chuan maimawm lem tattoo a nei bawk. Chu pa chuan putar thi hnuang mai chu a kut khat chauh hmang chuan ava pawm kang lawp a,kan pahnih chuan chulai kawm kar thim laiah chuan min dah a.
.
Chirh, bawlhhlawh leh thingphel nawi eng eng emaw a awm nuaih a,mipangai chu engtikah mah an rawn kal lo tawp ang. Min chhanchhuak tu tur lo beisei ringawt pawh van a rah ang mai ani. Boot bun pen ri thlawp thlawp ri ka hria a,kawm laiah tak chuan thir a siam gate tha tawk tak a awm bawk a. Min man tu pa chuan min theh vir phei lawp a,chutah chuan ani ka dinhmun chhiat takzia ka hmuh tak ni.
.
Palian zet zet mai pasarih,silai keng,an hmel en reng reng pawh a nelawmna reng reng nei lo, an hmai a chhinchhiahna hrang theuh awm chu ka hnunglamah chuan an lo ding khup a. An zingah chuan lan dan danglam bik pakhat a awm a,chu chu nachin a putar va man tu kha ani.
.
Chu putar chu concrete leiah chuan hmai si rat in a tlu a,a dar chu a sai hlak hlak a,Maimawm-a chuan ka lam chu arawn hawi a,chik hmel zet hian min rawn thlek a. A phur hmek phian lehnghal.
.
Ka pumpui chu chhuatah chuan a tla hi ani ringawt.
.
Min rawn pan phei a,ka hmai bul chetah chuan min rawn thlek a. "I au anih vaih chuan i hrawk hrui kha ka chhah nghal ang" tihpa in a jeans kekawr atang chuan chemte inches 6 vel a sei hi arawn lek chhuak a,a hmel a thu tak hle a,a ti duh tak tak ang tihpawh ka ring. "I hria emm..?"
.
Aw pawh ka ti thei lova,ka lu pawh ka bu theilo. Ka hlauh em avang chuan ka taksa te chu a khawng vek tawh.
.
"He putar hi i hria ami?" Maimawm tattoo nei achuan arawn ti a. Ka lu ka lo thing nghal a,tih thinrim belhchhah chu ka hlau takzet. Midang ho chu an awm mai mai tawh lai in chupa erawh ala invopung dawn chauh anih hmel. . "Kha hmeichhia kha chu kal tir rawh u. Engmah keimah nen inzawmna a nei lo" putar chuan rum nghut chung hian arawn ti a. Chu veleh chu pa chuan a awmah tak a boot chuan ahan chhir pawp mai a,a thawm chu ngaihthlak hrehawm tak ani.
.
"Lo lungngai vak suh putar,chung te chu kan hre vat mai dawn alawm. Mahse chutih chhung chuan......" tihpah in min rawn en a. A kut hnunglam chuan ka biangah arawn nawk a,a lei chu rawn chhuah in a hmui chunglam chu an liak kual a. "I hrelo takzet amaw..?"
.
"Aw...." ka aw chu a ri thei tawk tawk a. "Ka hrelo"
.
Chupa chuan tiang dum hlip hlep hi arawn phawrh chhuak a,ka bekah tak mai chuan arawn hlap ri kiu vawng vawng a. A na lutukk...ka ka chu ka ang a,thawk ka tum a,mahse ka thaw theilo.
.
Min vua a,min vaw leh a,min vuak belh zel a. Nuam a tih hmel em em mai lehnghal. Min rawn en pah chuan a nui vur vur a "I thusawi chu ka awih sak tho che a,mahse ka chian phawt angai. Anih eng thil nge a hrilh che bawihte ? Engthil emaw a hrilh che tiraw....huhh??" . Ka thil tawn chu ka hrethiam thlawt lo. Ka hriat theih chinah ka naupan lai atang tawh in ka nu leh ka pa pawn min vuak awm ka la hrelo. Tunah thinrim engphiar a khawih ka tawk a,ka hlauh em avang chuan ka taksa te chu a chawmawlh zo vek tawh. "Engthil mah min hrilh lo. Ka tanpui na a dil a...chu zawng chu" zawite in ka ti a. Chu veleh maimawm-a chu a nui uar uar a.
.
"I puihna a dil amaw chhelo te...? A va a ve a" tihpah chuan a ding a. Chuveleh a hma a min man tu bawk khan ka hmui chu arawn hup leh a. Maimawm-a chuan chemte phawrh chhuak in chhuat a bawk reng putar pa lam chu a pan phei a.
.
Chu putar chuan a kut zung u ah rangkachak zungbun a bun tih ka va hmu a,chuti anih chuan khawilaiah emaw a nupui chu a mangang viau ngei ang. Zan a rei tawh in a thim em em mai bawk si. A zan hnathawk hawng lam chu heng mi te hian an lo man ani ngei ang.
.
"Chuan...eng thil nge kan tih leh tak ang?" Maimawm-a chuan ahan ti a. "Tunah chuan tlanchhe thei ila i inti awm. Chu lo pawh chu ruahmanna tha deuh i neih ka ring. I fin hmel in lehkha i zir sang ani tih a hriat ropui mai sia"
.
A mitmeng phei chu ka va hmu thei tawh lo nangin hmuh a hahthlak viau ka ring. Putar pa lah chu che theilo in leiah a bawk reng mai si a. . "Ka....ka pui theilo che ani. I hriat vek kha...engmah tihsak theih che ka neilo ka tih chu" putar chuan arawn ti a. A aw chu a hrawk atang harsa takin arawn chhuak tih a hriat thei a. "Hmeichhia saw chu kal tir rawh u....khawngaihin..."
.
Maimawm-a chu a dar phen atang a rawn hawilet in min rawn melh zawk a. "Ani saw maw....? Anih a nunna atan i nunna i hlan sak dawn tihna em ni?" tihpah in Maimawm-a chu an kun hniam a,a chemte chu a lek chhuak a "Anih engtin nge i nunna ve hi? Zuah sak tur che in min dil dawn lo em ni?" . Chu putar chu an khuh kharh kharh a,a tawng danah a hrawk a na hle ani tih a hriat a,blade a hrawkah tang ta se,chu mi chung a tawng ang vel chu ani. Thei leh theilo in min rawn melh a "Min that dawn tho tho alawm. Chuvangin in tih tur chu ti vat vat mai rawh u"
.
Maimawm-a chu za zet hian an nui a. "I nunna te chu i kutah hun rei tak a awm tawh alawm ka thian. Vawi tamtak warning kan pe che alawm. Kan nau pakhat in thil a dil che a,i tih duh loh rah anih hi. I duh phawt chuan tunah pawh i rilru i la thlak thei ania"
.
Chu putar chu a thaw hrawk hrawk a. "Chutiang tham na engmah ka la ngailo. Misual hotu,a tualthah thupsak na tur atan lek thei chuan" . "Anih chuan mi dik tak i lo ni ani maw?" Maimawm-a chuan a chem chu a hum nghet sauh a.
.
"Aw ni e. Hector -a chuan a hrethiam chuang lovang. Ani te chuan a thil tih dik lohah pawh inthiamloh na a nei ngai hleinem"
.
Maimawm-a chuan a chemte chu rawn lek kang in chu putar pa thinhnungah chuan muangchang hian a vit lut a,a la vit muang em em mai lehnghal. Putar pa chu na tiin a ang chawt chawt a,a meng pawng nghal lawng lawng a. Rei lo teah a tha a khur nghal dawt dawt a.
.
A taksa atang chuan thisen tak tha lutuk,dum kak mai chu arawn luangchhuak zawih zawih a,hmuh hrehawm tak ani. Chemah zawng zawng chuan thisen chu a kai khat vek a. . Ka theihpawtawp chuan ka au vak a,mahse engmah a ri chhuak lo,awmzia a awmlo kher mai. Ka taksa zawng zawng mai chu a na thum a,hlauh bawk nen. . Maimawm-a chuan a chemte chu a phawi chhuak a,putar pa chu ala thi lo. Mahse a taksa chu a khur dar dar a,rei a daih tawh lo tawp ang. A kut chuan thei leh theilo in a hliam chu adawm a,a ke chu a insawi dawt dawt bawk a. Maimawm-a chu tawlh hnungin ka lam arawn hawi ve thung a.
.
Chutih lai chuan khawl ri dut dut ri hi hria a,reilo teah kan awmna laiah chuan bike pakhat arawn tlan lut a,a headlight chuan kei ni ho chu min rawn en chiang hlemai. Tlan chhe dawn ila thir gate chuan min dang tlat a,lehlamah tualthah hrehna reng neilo mipa rual in min hual bawk si.
.
"Chu pa teh hrem chu eng nge maw ti a a in hriat le?" an zing a pakhat chuan alo ti a.
.
Maimawm-a chuan alo hmachhawn vat a,a kutah chuan a chemte thisen kai chu ala hum reng bawk a. . "I rawn tlai hret ani bawiha. Ka tih tur ang ang chu ka ti zo tawh,chuvang chuan let leh mai rawh" alo ti a. . A bike engine chu a ti thi a,boruak chu a reh nghal duk mai. Kum 25 bawr vel anih ka ring, a hmel a tha hle a,a sam chu a dum hlap a,a mit hmul dum fiah kak mai pawh chu alang chiang hle. Kan lampan chuan arawn phei a,kutkawr dum a bun bawk a,a pian a nalh in a palian hle a,in mal beih aralah chuan tuman an hneh kher lovang. A kekawr sir a silai dahna apai atang chuan silai arawn phawrh chhuak a.
.
"Khai aa....i fiamthu ani lo maw" tihpah in Maimawm-a chu alo nui a. "Helai hmunah hian mi pariat zet kan awm a nangmah chauh in i mal tan dawn tihna ania. Kan vai a min kah vek pawh tum la kan zing a pakhat kut hi chu i tiar hman tho ang" . Chu bikers pa chuan engmah a sawi lo. A mitmeng chu a fim kak a,kan hma lawk a putar thisen nen a tlu reng chu a en a,chutah min rawn en leh a,keilah chuan palian tak pakhat in min kuah bet a,ka hmui a hup bet tlat mai bawk si.
.
"I thil tih hi i hrechiang meuh amaw...?" chu pa chuan Maimawm-a en chung chuan arawn ti a. A silai chu la kang in a mu chu a bunruak nghal vek a,mak ka ti hlemai.
.
Maimawm-a chu alo ner sak a,a chemte ken chu gate thir ah chuan an thai ri hrak hrak a. "Ka thil tih chu ka hrechiang alawm bawiha. Ka thil tih chhan zawng zawng pawh hi chiang takin i hria tih pawh ka hria"
.
A silai a mu pakhat la awm chu ala chhuak leh a. "I chemte ka lo hawh lawk dawn em ni ang?"
.
Maimawm-a chu tenawm deuh hian an nui suk a "I duh phawt a thu le" tiin Maimawm-a chuan a chemte chu vurah chuan a thlak thla a,biker pa chu rawn kal hnai in chemte chu arawn la a,3ft vel lek a inhlatin kan ding a,a awm dinglam a 'Widows maker' tih inchhu chu ka va hmu thei a,a banah chuan luruh,rose leh silai lem vel in pawlh in tattoo a chhu bawk a.
.
Chemte chuan a silai mu sirah chuan eng emaw hi a ziak a, reilo teah chuan a silai mu chu rawn lek chhuak in "Hei hi i duh tiraw..?" Maimawm-a bulah chuan ahan ti a. Eng nge a tih dawn engmah ka hre thiam lo. "Kan pahnih a inhlan zawng a thalo ange. He nu hi ka lo pe ang e"
.
"I hmu lawm ni,a ni te chu phuarbeh tlat anih kha"
.
Widows maker-a chuan min rawn en a,a mit hmul chu an kan ak a. "He nu hi i thiannu chu ani lo tawp mai tiraw Raphael " chiang deuhin min rawn en a. "In inhmel hriat ami?" arawn ti a.
.
Engtia chhan tur nge ka hrethiam lo. Ka ka an hup tlawt bawk si nen. Ka lu pawh chu ka thing hleithei lo. Ka mittui erawh a tling pam a,Rafael-a te ang chu engtikah mah ka thian ani ngai lovang.
.
"Umm....ani hi chu a tawng duh vak lova" Rafael-a chuan alo ti a. . Biker pa chuan min rawn en a,ka chhip atanga ka ke ler thleng chuan a en chhuak vek a. "He nu hi rawn tir rawh. Ka lo pe ang e" . Rafael -a chu thil ngaihtuah ni awm tak hian ahan ngawi vang vang a,a thaw deuh halh a. "A phuarna kha phelh sak la,kal tir rawh Martin" Maimawm-a chuan arawn ti a. Silai mu ah chuan eng thu tak chu ziak ang maw....an mahni pawh a an inpek duh loh chu. .

.
END OF CHAPTER -1

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 20th, 2016, 7:41 pm

CHAPTER -2
.
Rafael -a chu thil ngaihtuah ni awm tak hian ahan ngawi vang vang a,a thaw deuh halh a. "A phuarna kha phelh sak la,kal tir rawh Martin" Maimawm-a chuan arawn ti a. Silai mu ah chuan eng thu tak chu ziak ang maw....an mahni pawh a an inpek duh loh chu.
.
Lei chu ka rap ve ngei a,ka pen leh pen loh takngial pawh chu ka inhre hleithei tawh lo. Rafael-a chuan a silai arawn phawrh a,ka bekah chuan arawn chuktuah a. "Kal rawh...kal la va la rawh" tihpah in Rafael-a chuan a silai hmang chuang min rawn nawr a,ka hnung zelah arawn kal bawk a. Chutiang ang chu film ah ka hmu thin,mahse ka chungah a thleng ve ang tih ka ngaihtuah pha ngailo. Ka ruhchuktuah te chu an khawng vek a,thawk pawh ka thaw hleitheilo.
.
Gate piah lam a awm biker pa chu ka va en a,tawi angreng tak hian min lo nuih suk ringawt a. Ka lampan in arawn phei a,ka banrekah rawn vuan in ka kut arawn chelh a,a thil ken lai chu ka kutah arawn dah a.
.
Chuveleh Rafael -a chuan min pawt let lehnghal a. "I thil ken chu en la han chhiar teh le" ka beng bulah chuan arawn ti ru sur sur a. Ka kut lah chu a khur sai hlawk hlawk a
.
"Eng nge kha kha...?" tihpah in a silai chuan ka hnungah arawn nawr a.
.
"Silai mu anih hi!
.
"Eng nge inziak?"
.
"Inziak chu.." tihpah in kan enchiang leh deuh a "INDONA tih a inziak"
.
Ka hnunglamah chuan Rafael -a chu uar mangkheng hian arawn nui uar uar a. Silai mu chu rawn la in a thiante lamah chuan an lek a. "INDONA...ati anih chu"
.
An thian ho chuan an hlim pui phian lehnghal. Biker pa chuan min rawn melh vang vang a, arawn nui suk a. The Widow maker ho chhinchhiahna chu a kawr hnungah chuan a chuang kulh a. A bike ah chuan a lawn a, a engine chu ti nungin a tlan liam nghal a.
.
Rafael -a chuan ka darah rawn vuan in ka beng bulah chuan "Kan zo ta e" arawn ti a.
.
"Eng nge ka chungah tih in tum?" Chu thu chu inrukbona film ah pawh an mi ruk ten an sawi fo thin tih ka hria. Chu chu tunah chuan keipawh ka zawhna ani ve ta.
.
Rafael -a chu arawn nui vawt suk a,a nui hmelah chuan thihna alang thei ni mai hian ka hria. "Oh...Chiquita, kan thah mai che i hlau ani tiraw? Ni love....chutia tih mai mai atan chuan i hmel a tha mah mah ani" ka biang chu dimte in arawn chul a, nunnem hmel zet hian min rawn melh a "Tunah chuan kan bulah irawn kal ve tawh dawn ani. Ka hming chu Rafael-a ani a,tun atang chuan 'Master' tiin min ko tawh tur ani ang.
.
.
> ALEXIS <
.
Rafael -a pawl te pathum chu an kalbo a,rei lo teah chuan Van bal zet mai khalh in an rawn let leh a. A hma darthlalang te chu a bal lutuk a,engtin nge kawng pawh chu anrawn hmuh theih zawk ka ti hial ani. In a hawn ka chak takzet. Ka bul a ka nu in a a biakin thiante a rel na thu ngaihthlak leh te ka chak a,eirawngbawl te,TV en te ka chak. Ka unaunu fel tak,engkim a ka rin em em bul a awm leh te kha ka chak ani. Chutih lai chuan mi pahnih hian ka ke anrawn phuar mek a.
.
"Min kal tir ru....min kal-" ka thusawi lai chu ka tawp chawt mai. Ka tukhum a ri chawk a,ka lu a hai nghal muai muai a.
.
"Van ah khan hlang lut nghal vat rawh u" Rafael a'n a tih ri chu ka hre thei a. Mi pahnih chuan min rawn chawi kang lawp a,tunah chuan ka lu pawh a hai tawh lo. Ka khawhmuh a thim riai riai a,reilo teah a thim hlen ta.
.
Thim chauh lo chu....
.
.
.
Darkar engzat nge kan tlan tawh ka hre lo. Van chuan min sawh leh dawrh dawrh thin a,a chang lah in a bang te chu ka tauh leh chawrh thin. Ka beng chuan ka piah lamah chuan tawng ri nuah nuah an awm tih ka hria a,mahse eng nge an sawi tih erawh ka hre thei lo.
.
Engtia rei nge kan tlan a engtia hla nge kan thlen tawh tih reng ka hre lo. Ka khaw hmuh te chu a vai ruai a,ka lu ana in ka hnawng chup bawk a.
.
Ka harhchian hnu chuan ka dinhmun chu ka hrechhuak ta uai uai mai. Ka lu ana lutuk chu ka thih phah dawn emaw ka ti hial. Tah vak ka duh a,mahse tap tur pawh chuan chakna ka nei thlawt lo. Motor insawh chawrh chuan ka pum arawn nghawr dawt a,chhutah chuan ka la luak vak lehnghal.
.
"A rim chhe emai" mipa pakhat chuan arawn ti a. "Tukverh kha hawng vat teh"
.
Tunah te hian ka chhungte chu keimah zawngin an buai viau ngei ang. Ka nu chuan ka pa va phone in ka awmna ava zawt ang a,ka pa lah damdawiin a a awm daih avangin a hre dawn der si lo. Ka unaunu Sloane-i an va phone ve leh ang a, ani lah a thiante nen chaw eikhawm in an chhuak daih bawk si. Matt-a erawh an va phone kher ka ring lo, ani chu ka bialpa ani a,a awm ve tih pawh ka chhungte chuan an hre tawp nang. Ka chhungte chuan khawiah nge ka awm tih chu rin ngaihna reng an hre lo ang a,Matt-a pawh in.
.
Ka rilruah chuan zawhna pakhat a ri nawn awn awn reng a,va zawt tur erawh chuan huaisenna ka nei bawk si lo. Ngaihtuah loh hram hram ka tum a,mahse chu zawhna bawk chu ka rilruah arawn awm leh thin.
.
An pawngsual che angem?
An pawngsual che angem?
.
Chu thil chu thih hlauh tak meuh meuh in ka hlau a, achhan chu mipakhat tan chauh ka serh ve ngar ngar avangin.
.
"Veilamah khan peng rawh unaupa...kan thleng tep tawh ania" pakhat chuan ahan ti a.
.
A inher zawng chuan na angreng tak hian ka lu chuan motor bang chu ka tauh bur a,motor hnung a hmeichhe cher chhe ve tak pakhat,mahni pawh invuan thei lo a hnungkhirh tlat,Van hnung rimtuilo tak a duhtawk a motor in a sawh nawk nawk chu a hmuhnawm viau ta ve ang.
.
Ka taksa nat them thum zia chu ngaihtuah ka duh lova,eng nge ka chungah thleng dawn tih pawh ka ngaihtuah buai duh hek lo. Van chu a ding a,kan kal na hmun tur chu kan thleng ta e. Hlauhawm in min hmuak tlat ni a ka hriat avang chuan ka hlauthawng hle a,thawk chu ka la vak vak ringawt a.
.
"A hnute bu pawh a lian nalh tha teh mai ania" mipakhat in a a tih ri chu ka hria a,mak ka tih deuh chu chupa aw chu ka la hre ngai hauh lo. A tawng kauchheh atang Seattle mi ngei anih rinna ka nei a,Maxican lam thlah anih tel ka ring bawk. Min man tupa kha chu chutiang ang ani lo,ani kha chu ka hre hrang alawm
.
Hnute chungchang an sawi atanga reilo teah hnunglam atang chuan kut pakhat hian ka hnute chu arawn ban a. Ka mit men ka tum a,mahse kan mit chu an lo tuam tlat hi alo nia. Ka ke chu ka theih ang ang in kan leng ve tak na a kawngro a su tehchiam lo. Ka hnute chu arawn tham a,a sawh tawk tawk a. Tiang ang hi chuan Matt-a takngial pawh khan min la khawih ngailo hrim hrim.
.
"Nangni pahnih chu eng thil teh hrep nge maw in lo tih le...." chu chu Rafael -a aw ani tih ka hria . A aw ki ah chuan a lungawi vak lo anih hmel. "Tiang in hmeichhia lo khawih tawh reng reng suh ang che u. Anih chuan in lei kha ka tan ang in lo melh leh anih vaih chuan"
.
Chumi te chu lungawi loh hmel angreng zet hian an han rum nghut a.
.
A hma a thu pa chuan radio a han play a,Taylor Swift hla 'We are never ever' tih hla tak hi an lo play a. Chu hla chu a hma chuan ka duh thei lutuk,tun darkarah erawh chu hla chuan ka lakah mawina reng reng a neilo. Ka taksa pum chu a na sil them thum a,ka dar lah chu a kham tih piah lam ani.
.
Rafael -a chu a chhuk thla a,pawnlamah chuan an chiar nak nak a,Van kawngkhar chu an rawn khar ri bur a.
.
A hnu lawkah chuan ka awmna van hnung pawh chu an rawn hawng a. Tun emaw hian ka kerekah rawn vuan in min phih dawrh a,chhuatah chuan ka thal chawrh a van hnung atang chuan dar tauh chawrh in lei 2ft vek a sangah chuan min hnuk thla leh bawk a.
.
Ka tap chhuak a,mahse tumah chuan tawng reng an tum lo. Tu emaw chuan dim lem lo tak hian min rawn tung tho a,mipakhat lek an nilo tih ka hre thei. Ka thin chu a phu dut dut a
.
"Tunah chuan i ka kha lo chip hmak tawh ang che. I hria em?" Rafael -a chuan arawn ti a. "Thih ila duh lo anih chuan eng thu mah i lo sawi ve tur ani lo" tihpah in ka banah chuan arawn nam a,ka balance ka lo hloh bawk nen leiah chuan ka thingthi hnawk a.
.
Engmah hmuthei hek lovi....rei lo te hnuah chuan mipa pakhat arawn kal tih a rim atangin ka hre thei a. Almond leh lapawchini rim a nam chek a,parda an hawng bawk ni ngei tur ani.
.
"He thil hi eng nge a?" chu paw aw ki chu a hniam hle a,a nelawm lovin thil a tih theih hmel hle bawk,Spanish lam awphawi a ang mah. Mahse Rafael a'n a duh tawk a min vin ri ngaihthlak ai chuan ngaihthlak a nuam fe zawk.
.
"Hei chu ka ta anih hi" tiin Rafael -a chuan alo chhang a. "Ka rawn hruai vang vang ani. Tunah chuan judge pawh a thi tawh a, awih a har pawh i tih zawk hial ka ring"
.
"Awih har chu ti love. Hna ka pe che a,tha takin i hlen ngei ang tih hi ka ring. Mahse hmelhriat ngai loh midang i rawn hruai tel ang tih erawh ka lo ring lem lo"
.
A thusawi dan atang chuan min lawm lo mai pawh ni lovin min lawm lo hulhual. Ka dang lah chu a ro em em mai bawk si.
.
"Ani te hi chu a mit kan tuam sak char char alawm. Engmah a hre hleinem"
.
Thingphel chhuat chu arawn ri rak a,chu pa chu arawn pen hnai tih ka hre nghal mai a. Pen hnih,thum,li..nga...Tunah chuan kan indinhnaih ta hlemai.
.
"I hmel a hmu tawh em?"
.
"Aw"
.
"Anih ka hming a hria em?"
.
An ngawi deuh vang vang a "Aw"
.
"Ka hming a hria a maw?" chu zawhna ahan zawh nawn leh chuan ka thlan arawn hnam sawk a,tunah chuan rukbo dik tak ka ni ta.
.
"Aw.." Rafael -a chuan a ti leh a. "Hre mahse ani te hi chu engtiklai pawn ka hmuh phakah a awm reng dawn alawm. Lungngaihna tham ani lovang"
.
"He nu hi lungngaihna tur chu ani lo tehreng mai Raphi. Nangmah zawk hi ani lungngaihna tur chu. Ngaihtuah chiang miah lova thil i tih avangin,chu chu ka tan chuan buaina lian tak ani. I hrethiam em?"
.
Chupa hming tur chu ka hrethiam mai. Hector -a an tih ve fo chu ani ngei ang. Rafael -a boss kha. Rafael -a chu a ngawi reng a,engmah a sawi tawh lo. Ka banah chuan nghet takin arawn tham a,a tham na reuh em em mai lehnghal. Kan tal ve deuh tak na a tha ka seng thlawn mai mai ani.
.
"A hmaituam na kha han phelh teh" Hector -a chuan arawn ti a.
.
Reilo te ah ka hmai khuhna pawh chu an rawn phelh a. Ni eng...ni eng...Judge putar an thah tum atang khan khawvel hi ka la hmu leh ta miah lo. Ni chu vanlaizawlah tak a awm a,darkar 18 vel lai tiang chuan ka lo awm reng chu niin. Nikhawhrelo khan ka lo awm rei bawk em lah tak a.
.
Darkar 18....Washington chu kan hlat tawh viau ngei ang. Anih chuan min rawn chhanchhuak tu tur tih ang chi vel chu ngaihtuah ngam pawh ani tawh lo.
.
"Risk la a i rawn hruai nachhan chu ka hre ta e Raphi" Hector -a chuan alo ti a,tunah chuan a hmel pawh ka hmu ve ta. A sang tha in a sam a dum hlap a,a mitmu chu lunghlu tha mi ang mai in a hring nghalh a, a hmel chuan Latin lam hmel a pawl deuh a,a vun chu Olive rah ang mai a nalh ani. Kum 40 bawr mi vel anih ka ring a.
.
.
Ka kutah arawn vuan a,a mit hring nghalh mai chuan min rawn en a,eng nge ti tur a min beisei ni ang le? Mit lasawn lek lova min melh vang vang hnu chuan Rafael -a chu a melh phei a,min man tupa chuan ka kut phuarna hrui chu min rawn zai chah sak bawk a,tunah chuan ka thawl ta huai mai.
.
Ka kut dinglam chu Hector -a chuan rawn la in min malis sak a,a aw chu an thian kharh a.
.
"Ka thian-a hi ilo hrethiam hram hram dawn nia aw. Ani hi chu chet buluk vak hi a hrat thin lutuk a"
.
Rafael -a chu chutiang a a thil midangin a an han chul vel a hmuh chuan a ruk takin a lawm lo tih a hriat hle a,mahse ka tan chuan Hector -a lak atanga hawisawn miah loh chu a him ber in ka hria.
.
"Tunge i hming ni le bawihte?" nelawm tak a nuisang chung hian arawn ti a.
.
.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

END OF CHAPTER -2

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 20th, 2016, 7:41 pm

CHAPTER -3
.
Rafael -a chu chutiang a a thil midangin a an han chul vel a hmuh chuan a ruk takin a lawm lo tih a hriat hle a,mahse ka tan chuan Hector -a lak atanga hawisawn miah loh chu a him ber in ka hria.
.
"Tunge i hming ni le bawihte?" nelawm tak a nuisang chung hian arawn ti a.
.
Reilote chhung chu ka kha a chih tlat a,ka hming leh ka nihna engpawh chu sawi chhuah atul in ka hre bik lo. Mahse ka thin erawh a phu nasa lutuk. "I tan engmah tangkaina a awm lo. Chuvang chuan ka sawi kher pawh a tul in ka hre lo" kan ti let ve sak a. Hector-a chu a nui tawi suk a,engtinmah phei chuan min ti duh biklo. Rafael -a chu va melh phei in a mithmul an kan ak a.
.
“Sophia Letitia Marne,” Rafael -a chuan alo ti a. "Kum 21, Seattle a Cornish College ah Arts a zir mek"
.
Ka mawl huih mai. Rafael -a chu confi hmel tak hian alo ding a, ani hian ka chanchin pakhatmah a hrelo. Sophia-i ka ni lova,Cornish college ah ka kal hek lo.
.
"Anih Sophia..." Hector -a chuan min rawn en a "Eng emaw i rin loh tak tak thil i tawng teuh ang tih ka hria. Rafael -a chu i boss thar ani dawn a,a lungawi thlak takzet ang chu tiraw?"
.
Lungawi aa.....! Sawi ngaihna ka hre lo zawk. Ka lu ka tauhna avangin ka luah chuan thi khar ala kai reng a, ka rim a tuilo hle bawk. Ka dinhmun pangai min laksak a,tun dinhmun a min din tir tu ani a,ka tan chuan ani aia huat lehchuan tur chu an awm dawn em ni...eng emaw sawi tum chuan ka ka ka ang zuai a mahse engmah pawh chu ka sawi thei chuang lo. Kha zan atanga ka chung a thil lo thleng chi hrang hrang te chu ka ngaihtuah a,ka ke te chu a khur dur dur a,ka tap chhuak ta ringawt a.
.
"In a hawn ka duh...Seattle a let leh ka duh ani. Ka chhungte....ka chhungte an lo mangang lutuk ang. Police ho pawh in-"
.
Ka bekah tak chuan tu emaw hian arawn pet ri chawk a,a na teng nghal chhawk mai. Tu ber in nge min rawn pet tih pawh ka hre lo. Ka hnang nghal awl awl a,ka mittui tling avang chuan engmah chiangin ka hmu thei hek lo.
.
"Helai hmunah hian vawikhatmah Police tih hming hi i lam ri leh tawh tur ani lo Sophia. Khang ho chanchin kha kan sawi duh loh ber ani" tihpah in Hector -a chu ka bulah chuan arawn ding a,a ipte chu zen in almond arawn phawrh chhuak a,ka hmai bulah chuan arawn lek a.
.
Rang takin ka lu ka lo bu a,ka hmai leh lu chu ka dawm a,a la na vawng vawng mai. "Tinge almond hi i lak lova? A tui tehmai ania. Nge tui i tih chi ani lo em ni? Rafael a'n inchhung lamah a hruai lut che ang a Ramona-i in va hmu dawn nia. A chungah hawihhawm hle ang che. Chuan thawmhnaw fai alo pe dawn che ania"
.
Hepa hi mi bawraw tak ani.
A bawraw takzet...
.
A duh loh zawng a awm chuan engmah ka chung a tih hreh a nei dawn lo. Mi thah pawh a harsat hauh lovang le. Chuvang chuan engtinmah ka chhanglet tur ani lova,a thu chu ka awih em em angai ani. A almond ken chu kut khur dur dur chung in ka la a.
.
"I fel e....Ei rawh" Hector -a chuan arawn ti a,almond chu ka hmawm nghal a.
.
"Kha ti tur kha... i ti tha lutuk e" tihpah in a tho chhuak a,ka lu a rawn vuan chung in Rafael -a lam ava hawi a.
.
"Inchhung lamah luh pui rawh. Chhimlam depah khan a room tur i kawh hmuh dawn nia" tihpah in Hector -a chu inchung lamah a chho a,a pilbo zui nghal a.
.
"I ke khan kal rawh" Rafael -a chuan arawn ti a,a hmel chu a ngaihnatawm loh lehnghal khawp mai. Tlan chhiat vak mai chu ka duh,mahse ka ke chuan engti kawng mahin min zo dawn der mai si lo. Chulai hmun a mipa ho chuan silai leh chemte an keng deuh vek a,a then in a lian deuh an keng a,thenkhat in a te deuh.
.
Ka ke chuan ka kal a.
.
Inchhungah chuan ka lut a,tunah chuan engtikah mah ka chhungte ka hmuh leh theih reng ka ring tawh lo.
.
.
> REBEL <
.
KUM 7 KAL TA KHAN....
.
"Kun hniam rawh....kun hniam rawh ka tih chu. I lu kha veng tha rawh thianpa." Min rawn pawt a,leiah chuan min pawt bawk thlawp a. A khu nghal rum rum a,ka chuap zawng zawng chu a sa nghal hut hut a,ka thi teuh ngei mai.
.
Kan hnunglamah chuan Cade-a a awm ve bawk a,ani pawh chuan vaivut khu chu alo hak ve bawrh bawrh a.
.
"Hniam deuhah kun ang che u ka naute u" Richter hollers-a chuan arawn ti bawk a. Richter-a hi kan training lai atanga kan zui ber ani a,khawiah pawh awm ila ka zui ber leh engkim min zirtirtu ani ber mai.
.
Ka jacket ah chuan rawn pawt in tho kang deuh tur in zaizirin min rawn ti a. "Nang thian-a...dinglam sirah kal ang che. Eng pawh...che thei reng reng chu kah pawp tur. I tha tiraw ka nau?"
.
"Tha mah mah zawk" tihpah in ka lu ka han bu a. Ka silai M4 Carbine chu nghet takin ka chelh a,mahse ka thinlung chhungril takah erawh ka hlau takzet ani.
.
"Aw...tah tak khan" Richter-a chuan arawn ti a. "Thawk la rawh". Engpawh lo thleng se kan zam tur ani lo a,kan chi-ai tur ani hek lo.
.
Vaivut chu ka boot chuan rap in ka tanhmun ka siam rem sauh sauh a,ka hnung lawkah chuan Cade-a chuan min lo veng bawk a,kan hma zawn ami te chu kan inveng tawn theuh a,ka hnunglamah chuan mi pasarih vel zet an awm bawk.
.
Kawtthler pathumna lamah chuan kan chhuk thla a,Car alh khu rum rum avang chuan thawk a sak hle a, building chhe tawh tak atang chuan vaivut a rawn tla chum chum reng bawk a.
.
Chutih lai chuan kan lu chung lawkah chuan silaimu arawn ri kal fuak fuak a. "Bawk ru.....bawk ru" ka au nghal tuar tuar a,kan awmna kawtthler lah chu a him lo in hnunglam atang chuan engtiklai pawn min rawn nangching thei reng ani.
.
Kan lu zawnah lawk lawk chuan silai a ri fuak fuak reng a,a hnai hlawm takzet lehnghal. Chulai hmun chu a him hmel loh em avang chuan a hma a kan awmna lamah chuan let leh kan tum a.
.
Chutihlai tak chuan kan awmna lai chu thil khu chhah tak hian arawn tuam mup mup a,reilo teah lu bul lawk lawkah chuan silai mu arawn ving leh fua fua a.
.
"Phiangsen chuan....." tlem tho chhuakin ka tanhmun kan siam rem leh a,ka silai pawh chu hmehpuah mai theih in ka peih sa diam tawh a.
.
Ka hma thil khu atang chuan sipai pakhat hi arawn lang chhuak hlawl a, AK 47 ala keng zui lehnghal. Chet alak hma a ka chet khalh angai. Ka silai chu nghet tak a chelh in ka hmet per nghal a,chupa chu ke vawr suau in a thal nghal tawp a,thawm a nei zui leh tawh lo. Ka chung lamah chuan English a thil sawi thawm ka hre bawk a.
.
Ka M4 chu ka biang a chuktuah run chung chuan ka hmalam chu ka pan phei a,a hniam thei ang ber in ka thu hniam bawk a
.
Ka mi kah pa awmna chu ka va thleng phei thuai a,a nghawngah tak ka lo kap fuh chu niin. A thisen alo hak bawrh bawrh a,a hliam chu nghet tak a vuanin min rawn en a.
.
Eng emaw hi anmahni tawng a sawi ahan tum zuai a,mahse eng nge a sawi erawh ka hre theilo. Chu pa chu ala naupangin kum 23 bawr vel lek ani a,keimah ai chuan ala upa theilo hrim hrim ang. A mittui arawn luang chhuak a,a thisen lah chu a chhuak zel mai si.
.
Anmahni tawng chuan eng emawni hi a sawi a,mahse ka hrethiam si lo. A silai alo la keng reh chu niin. Rawn lekchhuak in min rawn tin ta mai a.
.
Khai leh.....!!
.
Rang takin ka silai chuan a mitmu inkarah tak ka verh leh siah a,a thi chiang hlemai. A hmel leh a awmdan kha engtikah mah ka theihnghilh theih tawh pawh ka inring lo.
.
Mahse mak ve tak chu hetia thisen lum pap a thil ka tih hi chuan ka hormones te chu an inpechhuak chak zual sauh ani ngei ang,ka mipatna a chhuak tlat zel a,duhtawk a mutpui tur ka chak thin hle.
.
"Jay.....jamie!! Engthil nge ni ta?" ka hawi chho a,ka chhak lawkah chuan Cade-a chu alo ding reng a,a silai mawng lam chu a awmah a dah a,ka mi thah tak pa chu chik zet hian arawn en a,a hmel chu mak tihna in a khat nghal a. "Awii kareii lehh. Tunge i thah kha i hria em?"
.
Cade-a chu engtia han chhan tur nge tih pawh ka hrethiam lo.
.
"Thian-a, kha pa kha Aarash Zubair anih kha. Ahmad Zubair-a fapa"
.
Ahmad Zubair-a chu tunge anih tih ka hre chiang alawm. Helai bawr vek a Taliban ho hotu lu ber ani. Ani chu helai hmun kan thlen hma atang tawh a kan bitum ber ani sa hrim hrim bawk a Cade-a chuan a camera arawn phawrh chhuak a,thla arawn la nghal a. Ka thil tih chu ka han ngaihtuah chiang a,mak ka ti lutuk chu ka mur chum chum thei hial
.
"A thih hma in eng emaw hrilh sawite a nei em?" arawn ti a.
.
Ka lu ka lo bu a. "Aw nei e. 'enen waheen' tih vel emaw ni"
.
"Enen waheen maw...? Chu chu engtihna nge ni ang le?"
.
"Ka hre lo..ka hre bik lo"
.
Chumi hnu chuan base camp lamah kan kir leh a,Cade-a chuan thlalak chu Richter-a a hmuh a,ani ngei ani tih kan chian nghal bawk a. Ka mithah chu Aarash Zubair, Ahmad Zubair-a fapa ngei chu ani e. Chumai bakah tawng let tu in min leh sak nghal bawk a
.
'Enen waheen' tih chu 'Ka van riang tak em' tihna alo ni a.
.
.
> REBEL <
.
TUNAH CHUAN......
.
Kum thum kal ta khan ka thian tha ber chu a khuangcher bo hmiah a,kum thum kal ta atang khan ka nun zawng zawng chu a inthlak ta hlawk a. Tunah chuan mi nunrawng, hmingthatna reng nei tawh lo leh thisen a tuihal mai ka lo ni ta.
.
Chu chu engtiklai pawh a ka nih dan erawh ani reng bik chuang lova,mahse ka tha rei thei tak tak lo.
.
Motorcycle club a an president ka ni a,nitin mai hian ka sual zia hi alang chiang telh telh ni mai hian ka hria. Rukruk leh insuam chungchangah phei chuan min tluk zo an awm lovang. Kan tan a hnawksak tur chu kan that mai a,silai leh damdawi tawlh ruk lam kan ti nasa hle.
.
.
Kan club Widow Makers chu mi sawmhnih rual vel kan ni a,chung zingah chuan Cade-a hi ka kawmngaih ber ni in kan inkawm deuh chawt reng mai thin.
.
Cade-a chu Rafael -a te bul a va kal a silaimu a 'INDONA' tih inziak pe tu pa kha ani a, "Nang pawn tiang khan i ti tho ang. Thlan tur dang ka hre lo ani" a ti a. Khata vur chung a an thah tak putar kha ka patea ani.
.
Ka silai chu phawrhchhuak in nghet takin ka hum a "Engtin nge an thah a?"
.
"Ka hre bik lo" Cade-a chu an ngawi vang vang a "Mahse a thisen erawh a chhuak nasa khawp mai".
.
Ka mit ka chhing a,boruak chu hip vang vang in inbengdaih hram hram ka tum a,mahse a sawt tehchiam lo. "Aw le...." ka thaw chhuak hak a,ka lu chu kan bu a. "Aw le...." a vawihnih nan ka ti leh a. Tunah chuan ka pate-a chu a thi tawh a,engtinmah a nunna chu ka ko kir thei tawh lo. Mahse a thihna avang chuan tih tur ka nei ve ani.
.
Ka tih theih hmasak ber chu ka silai ka la ang a,ka bike ah lawn in New Mexico atang Seattle lampan in ka tlan chhuak ang a, chung ho chu thih min ngen lawm lawm thlengin ka sawisa ang.
.
"Tunah khawiah nge an awm i hria em?" Ka han ti a. "Hector -a leh a pawl te ho chu". Hector -a chu Pate Ryan-a thihna chungchang a a bul tum tu ber ani tih ka hria.
.
"An ni te chuan Seattle an chhuahsan leh daih tawh alawm" tihpah chuan Cade-a chuan a thutna chu an ngheng dar dar a. "L.A lam an pan tawh ang"
.
L.A lam an pan anih chuan Rafael -a chuan a thil tih chu a boss Hector -a ava hrilh dawn tihna anih chu. Hector -a chuan kan sumdawnna thleng chuan min chhuhsak tum in theihtawp in a bei reng a,kan silai leh kan damdawi tawlh ruk thin thleng chuan vaihma vek a duh ani. Chumi a tih theihna tur anih chuan a chakna zawng zawng pawh hman a hreh lo.
.
"I thiam loh ani reng reng lo ania" tiin Cade-a chuan min rawn hnem a.
.
Ka mittui chu ka silai ken na lam chuan kan han hru kiang a,Cade-a chu ka en a. "Min pui tur leh kan bul a ding ve tur in ka ti a,a chhan pawh ka venhim dawn thu a ka tiam avangin"
.
Cade-a chuan engmah a sawi tawh lo. Ka mitmeng atang chuan ka thinrim zia leh pawisak ka neih loh zia a hriat avang chuan. Ni e...hethil hi keima thiam loh ani meuh mai.
.
Cade-a chuan min rawn kuah a "Nia tiraw...tih theih kan nei tawh si lo ani. Mahse Rafael -a chuan hmeichhe pakhat a kawl tel asin"
.
"Eng nge hmeichhia i tih awmzia chu?"
.
"Kawtthler atang a an ruk anih ka ring. A thawmhnaw hak atang mi hausa pangai tak an nih ka ring a,pawisa avang tho in an man te pawh ani ngei ang"
.
"An pawl a mi te pawh ani maithei asin".
.
A lu a thing a "Ni love,chu nu chuan a hlau lutuk. Bakah an sawi dan atangin nula thianghlim ala ni awm e"
.
Hector -a chuan pawisa a hmuhna tur chu engmah tih hreh a neilo tih ka hria...mahse tunah chuan human trafficking ah leh zel pawh a inrawlh ta ani maw. "Chu nu chu hmuh ka duh ani"
.
"A thlalak chu ka nei alawm. Mahse a fiah lutuk lo maithei" tihpah in Cade-a chuan pendrive arawn phawrh chhuak a,rang takin ka computer ah chuan ka vit lut nghal a.
.
A pian leh a awmdan vel chu alang chiang thei viau. Kawtthler a amah a akal lai chu arawn lang a.
.
Chu nu chu a ding a,a hnunglam hawi in eng emaw hi a thlir a.
.
"A en chu keimahni kan nia" Cade-a chuan arawn ti a. "Ryan-a kha khilai hmun velah khian a awm tih kan hriat avangin engtiklai pawh in kan vil reng a".
.
Video ah chuan ka pate-a leh chu nu inhmu lai te,chu nu hlauthawng hmel zawng zawng te chu alang vek a. Tanpui tum a ava hnaih laite,Rafael-a leh a thian ten an rawn nangching lai te leh chu nu an rawn man a,kawm thim lai a an pawm lut lai te chu chiang tak in ka hmu thei a.
.
"Khi nu khian ka pate-a puih a tum ani" ka hriat tham lek chuan ka ti a. "Khi nu khian ka pate-a puih a tum ani" ka ti nawn leh a. Thawk ka han la vang vang a "Tunah chuan khi nu khi keimahni in kan va puih ve a ngai ani"
.
.
END OF CHAPTER -3

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 20th, 2016, 7:42 pm

CHAPTER -4
.
> ALEXIS <
.
Ramona-i chu nu sang leh pian nalh tak mai hi ani a,a siam tu
chu a themthiam viau ta ve ang. Rafael -a chuan min hruai
phei a, chu nu chu kum 30 a tling ve tep tawh maithei ani.
Rafael -a chuan thawmhnaw ka mamawh avanga chulai hmun
a min hruai anih thu a hrilh a.
.
Ramona-i chuan thawmhnaw dahna lam a pan nghal a. "Enge i
size?" arawn ti a,mahse engtin mah ka chhang lo. An meng
kual ralh a,thawmhnaw bawm atang chuan kawr eng hi arawn
phawrh chhuak a,min rawn teh a,ka lo hak tawk chiah avang
chuan min hak tir nghal a. Mahse Rafael -a thupek anih hrim
hrim avang chuan hak pawh chu ka phur teh nek lo.
.
"Engtia rei nge hetah hian i awm tawh?" ka han ti a.
.
"Kum nga" arawn ti a. "Kum 5 rei leh ninawm tak ani. Min rawn
zui teh"
.
Inchung lamah min hruai chho a,corridor thui angreng tak hi
alo awm leh a. Tah chuan min phei pui zel a,prom room kan
va pawh a. Chahbi phawrh in a hawng a,"Lut rawh" min rawn ti
a.
.
Ka lut a.
.
"Tah khan lo inbual ang che. Darkar 1 hnu velah ka rawn let leh
ang. I sam te kha i lo ti tha vek dawn nia. Chuan tukverh atang
khan emaw thil dang atang pawh nise tlanchhuah i tum tur ani
lo. A hma pawn hmeichhe pakhat a zuang chhuak a,a ke a
sawp vek ania" tiin min han sawi thaih te te a,kawngka chu
pawnlam atang arawn kalh nghal a.
.
Chulai roomah chuan khum pahnih fai tak a awm
a,thawmhnaw dahna chhuar a awm bawk.
.
Ka rilruah tlanchhuah tih ringawt chu a awm a,ka han enkual
vel a,mahse a ngaihna a awm thlawt lo. Tukverh lah chu
zuanthlak ngam na chi zia zang ani lo. Darthlalang hmaah
chuan ding in kan in en vang vang a, darthlalang chu vaw keh
ila,tichuan hmanrua atan ka hmang ang a tihte ka ngaihtuah
a,mahse darthlalang pangai reng a lo ni lo. Thir rawng
hnawih,bang a nghet tak a charh beh hi alo ni zawk a. Tih
ngaihna ka hrelo lutuk chu kan tap leh ringawt thin.
.
A hnu deuhah chuan Ramona-i pawh chu a rawn let leh a. "Ka
awih theilo zawk" tihpah in kawngka bulah chuan arawn ding
a,chuveleh tho chhuakin ka tawlhhnung nghal rawk rawk
a,mahse awmzia a awm vak lo. Min rawn pan a,ka
thawmhnaw ho chu min rawn hlih sak nghal a.
.
Kekawrte nen chauh ka awm tawh a,ka kut chuan ka hnute chu
ka hup tut tut a. Bual kuang chu tui lum in a ti khat a,chuta thu
lut tur chuan min ti a. Tui lum hmang chuan amah ngeiin min
bual a, ka kekawrte chu a tlak mai loh nan tiin ka vuan tang
tang a. Kekawrte ka la ha ani tih a hriat chuan min rawn phelh
sak a tum a,mahse ka lo tang ve tlat. Chu veleh ka kut chu min
phih sak lawp a.
.
"Min tih lungawih loh i tum em ni a?" arawn ti a. A ni chu
Rafael -a thuihhruai ani a,a ni ka ti lungawilo anih chuan Rafael
-a ka ti lungawilo tihna ani.Rafael -a lungtihawi lohte chu ka
ngam teuh lo. Mahse chuti mai a ka hmeichhiatna thil tih lan
chu ka ngam bik lo ani.
.
Hmul ngah chi chu ka ni hauh lo, "A hmul kha meh vek angai
ang" arawn ti a."La virgin ang mai...khatiang a thing lutuk"
.
A mitah chuan ka en a "Ka la virgin alawm" ka ti a
.
"Eng aa....!!" A tawlh hnung nghal dawrh a,ka beng ta emaw tih
mai tur ani. Chuveleh ka taksa pawimawh lai ho chu ka hup
lehnghal vat a.
.
"Aw..ka la Virgin. Tumahin min la mutpui lo" tiin dawt ka sawi
ta ringawt a. Diktak chuan kum 18 mi ka nih laiin Joshua lakah
ka thinghlimna chu ka hloh tawh. Ani nen chuan kum 2 kan
inzui a,kan college final year kumah ania chutiang thil chu a
thlen ni. Tunh chuan Matt-a nen kan inngaizawng tawh a,ani
nen hi chuan kan la hmang lo hrim hrim.
.
Ramona-i chuan awih loh hmel zet hian min melh a. "Tunah
kum engzat nge i nih?"
.
"Kum 21"
.
"Kum 21 mi virgin an awm ngai pawh ka hre lo e a" awih loh
hmel zet hian arawn ti leh a.
.
"Sakhaw mi tak chhungkua kan ni a,kei pawh chutiang tho chu.
Chuvang chuan pasal ka neih hma chuan sex ka hmang thei
hleinem" ka sawi zawng chuan ka biang chu a sa ap ap a. Ka
sawi zawng chuan ka thil lo tih tawhte avang chuan ka inchhhir
nghal rawih rawih a,kan khaw lamah ka let leh thei te anih
hlauh chuan Father hnenah sual puanna ka nei chiang viau ang.
.
Ramona-i chuan min rawn en haw a,mak a tih hmel hle a,kei
lah ka lo sen tawn tawn bawk nen. "Anih chuan mipa taksa i la
khawih chhin miah lo amaw?"
.
Ka lu ka lo thing ringawt a.
.
An thaw halh a,a kut chu a hru hul a, "Ti khan lo inhru hul la,lo
inha ang che. Nakin deuhah ka rawn kir leh ang" tiin min
chhuahsan nghal a
.
Kekawrte hak thlak tur pawh ka nei lo,ka hak lai lah a huh vek
si avang chuan thawmhnaw eng min phawrh chhuah sak kha a
lawngin ka ha ta ringawt a. Tunah chuan Van in min phur kual
tawh lo turah ngai ila,khatiang ai kha chuan thih pawh ka duh
zawk.
.
Minutes 20 bawr vel zet chu khum tlangah chuan thuin ka
lungphu ka chhiar hi ani ringawt. Ka hlauhna chuan min la
kiansan thei tak tak chuang lova,a chang phei chuan ka
awmah min hnawh a,a rawn na leh vawng vawng thin.
.
Rei vak loah corridor ah chuan tawng thawm ka hria
a......pakhat chu a tawng ring hlemai.....ka awmna lam pan a
mi pathum vel pen ri ka hre leh a. Kawngka bulah chuan an
ding a,chahbi an rawlh lut a,an herh zawng chuan a ri rak
a,kawngkhar chu arawn inhawng a,Hector-a,Rafael -a leh
Ramona-i te chu a mal te te in an rawn lut a.
.
"Khumah khan mu rawh..." Hector-a chuan arawn ti a.
.
Chuveleh ka bawp ka chip a,ka taksa ven nan keimah leh
keimah ka inkuah a, "Aih...." ka lo ti vat a.
.
Hector -a chu Rafael -a lam hawi chuan a han nui huah huah a
"Thlarau mak deuh deuh hi i rawn hruai lut ahh...ni lawm ni?" a
han ti a.
.
"A virgin awm lo emai Hector. Dawt a sawi a niang"
.
"Anih chuan tinge a man ka Virgin a tih si" aw nem diai hian
Hector -a chuan a han ti a. "Kan business chungchang pawh hi
engmah i la hrilh hre lo a ni ang maw...?"
.
Rafael -a hmel chu a hnim raih a. "Hrilh lo" a ti ringawt a
.
"Anih chuan chu a lo la virgin a nih hmel a" tih pah in min rawn
pan a,khumah chuan a rawn thu a,ka lu chungah a rawn vuan
a. Ka khur lo chauh a ni. Ka khabeah rawn dawm in min rawn
chhuk en a. "Khumah hian mu rawh le bawihte. Nge ni a
keiman ka mut tir zawk dawn che. Chu chu ka tih kher ngai lo
se ka ti,a chhan chu tih nat che ka duh loh avangin. I hrethiam
em?"
.
Ka mittui chu a rawn luang nghal a,min chhan tu tur reng an
awm si lo. Hreh tak chung in khumah chuan ka mu a,ka kawr
hak chu Hector- chuan a rawn pawt hlip nghal a. Ka tap ri
ngam bawk si lo,ka then tlawk tlawk a,a kut lah chu a vawt
takzet. Ka bawp chu a kuai kak a,a kutzungtang chu rawlh luh
a tum nghal a.
.
Ka tap chhuak nghal hlawp hlawp a,hetiang thil hi ka lo
ngaihtuah ve thin tawh. Mahse ka pasal ngei in a ti turah ka
ngai. Hector -a chuan rei lo teah thudik a hrechhuak thuai ang
a,a man pawh ka tel ngei ang.
.
Hector -a chuan a kutzungtang chu an thun lut pawp a,a na
lutuk chu ka te chhuak hawk a....na tak ani. Ka taksa pum chu
na chuan arawn fan chhuak nghal a. Rei lo teah 'Dawheh nu'
tiin min ko thuai dawn tih pawh ka hria a,engtin emaw min
sawisak belh ngei bawk ang. Matt-a (ka bialpa) chu lo kal
se,min rawn chhanchhuak se ka van ti em. Mahse chu erawh
beiseibo mai ani. Tumah in min rawn chhanchhuak thei lo
tawp ang.
.
"A thusawi kha a dik e" Hector -a chuan a rawn ti a. Eng aa....?
Engtin nge chu thu chu a sawi theih le....! Ka virgin tawh lo tih
chu ka hre chiang ropui bawk si. A kut zungtang chu a phawi
chhuak leh a,mahse a la thip vung vung mai. A kutzungtang
hnawng chap mai chu lakang in an fawp zui nghal a. "Mmm.....
a taste pawh a tha lutuk tlat" a rawn tizui lehnghal a.
.
Hector-a chuan Rafael -a darah chuan an beng thak a. "Dan
chu i hriat kha bawih-a,Virgin chu ka ta tur. A lehpekah chuan i
rawn hawn hma in kherawlai hmasa phawt tawh la i tifuh viau
zawng in ka ring" a han ti a,Rafael -a erawh a lungawi loh hmel
ngang mai.
.
"Hector... a ni te hi chu ka ta ania . Ka-" Hector -a chuan a ban
chu rawn lekchhuak in zawite hian Rafael -a hmaiah chuan an
beng a. Nat phei chu a na hauh lovang,Rafael -a erawh a ngawi
chiang hle
.
"Ka sawi nawn tawh lovang Raphi....I hriatthiam ka ring".
Raphael -a chu a lu alo bu a.
.
Ramona-i lam chu a hawi leh a. "A thla lo laksak la,amah rawn
lei tu turte hmuh tur in. Chuan amah kha chuan midang bulah a
ka a ang hlek tur ani lo ania. A ngam huai ber ta ani mai.
Darkar 24 chhung a tihfel vek ka duh ang" tihpah in room
atang chuan a chhuak nghal a,ka thawmhnaw chu ka pawt tha
a,ka tap khur dar dar a.
.
Tunah chuan hlutna reng ka nei ta lo. Thir leh bungrua pakhat
ang mai a hralh tur ka ni.
.
.
> ALEXIS <
.
Ramona-i chu a chhuak zuai a,rei lo te ah camera nen a rawn
lut leh a,a tih tur chu ka hre sa vek. Ka duhlo ani tih lantir nan
ka lo sapa tal chiam a,mahse hmeichhe dang ko lut in min
man beh tir a,ka hrawkah chuan eng damdawi emaw hi a thlak
lut a.
.
Tih theih ka nei tawh lo,an thu awih mai loh chu. Ka kawr eng
nen chuan thla chu min laksak a,ka thawmhnaw ho chu min
phelh sak bawk a.
.
Thutthleng a thu pah a ka bawp ti kak turte in min ti a,ka tih
that duh loh chuan chuan ka biangah min beng leh chawrh thin.
Maimitchhing chungin ka bawp chu ka kar a,thlalakna lah chu
a de chuai chuai mai bawk a. Reilo te ah chu thlalak chu miin
an hmu ngei ang a,ka taksa khawilaimah chu thup na reng a
awm der mai si lo.
.
"Lo lungngai reng reng suh" tih pah in Ramona-i chuan
kawngkhar lam chu a pan a,a hna a zawh tawh avangin. "Reilo
teah i chhuak thuai tawh dawn alawm. Midangin an rawn la ve
tawh thung ang che. An thu awih la,an tih dan ang zel che in
awm thiam la, i chungah an tha ani mai" arawn ti a. Ani pawh
hi tianglam a tawnhriat lo nei tawh anih ngei ka ring.
.
Ka thawmhnaw ngai bawk chu ha leh in khumah chuan ka mu
a,tah loh chu tih tur dang ka nei lo. Chutia awm ta reng chu
reiloteah ka lo muhil ve mai a.
.
Ka han harh leh chu ka bul lawkah Rafael -a chu alo ding reng
a. "Dawt i sawi chiang lutuk hmel-i" arawn ti a.
.
Damdawi min ei tir avang khan ka lu chu a hai bur a,khawiah
nge Hector-a leh Ramona-i? An ni an awm loh chuan Rafael -a
bulah hi zawng ka him hlawl lo. "I virgin tawh lo tih hi ka hria
ani. I rim atang khan ka hre thei" arawn ti rum chhur chhur a.
.
Min rawn pan hnai a,chuveleh tho kang in ka lo inveng nghal a.
"Ka au chhuak vak ani mai" kan ti thla ve ringawt a. Ka aw
atang chuan ka zam in ka hlau ani tih a hriatchian ropui si. "Ka
au vak ani mai aw" kan ti nawn leh a,chu erawh a hma ai
chuan a ring deuh a,ka huaisen hmel ta deuh.
.
"I duh leh i theihpatawp pawn au mah la awmzia a awm
chuang lovang. Nangmah lei tu tur che chungchang ka hriat
dan phei chuan i lo piang ve kher kher hi anchhia ila inhlawh
hial zawk ang. Tunah hian an rawn kal mek a,an rawn thleng
tep tawhin ka ring"
.
Ramona-i thil sawi kha ka hrechhuak zawk a. An thuawih la,i
chungah an tha ani mai atih kha. Mahse Rafael -a sawi dan
chuan chu mithar pa chu mi tha tak anih hmel si loh. Ka chan
chuan eklung chan pawh a tluk kher lovang le. "Min rawn zui
rawh" arawn ti a.
.
Hlau chung chung leh luhai bur chung chuan ka zui a,corridor a
kan kal lai chuan a ding thut a,bangah chuan min nam bet a.
"Hei hi hre rawh Sophia Letitia Marne. Ka thin i ti rim khawp
mai. Unaunu ila nei em? Chhungte pawh? Ka zawng chhuak
ang a i dawtsawi rah hi ka tawrh tir dawn ani. I hria em?
Tichuan i nu leh i unaunu chu ka pawngsual ang a,chumi
zawhah ka that ang. An thlalak pawh ka rawn thawn ngei ang
che. An ruang thlalak i hmuh hunah chuan nangmah vang a thi
an ni tih lo hre bawk ang che" tihpah chuan ka khabeah na zet
hian arawn vuan a. "Lo ngai reng rawh. Ka tih loh a takah..."
arawn ti zui leh a.
.
.
END OF CHAPTER -4

Next...
viewtopic.php?f=15&t=652

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 20th, 2016, 7:43 pm

CHAPTER -5
.
Corridor lamah chuan kan chhuak phei a,a thim hle a,serthlum rawng hian eng a in kap lut riai bawk a. Hector -a chu a piah deuhah chuan a lo ding a. "Rafael, i ti tha e. Khati zawng kha ani mai" alo ti a. Rafael -a chuan chutin min kal tir mai lo. Ka nghawngah na zet in arawn hmet vak a,ka thaw hlei thei lo. Tichuan chhuah na tur kawngka lamah chuan min hruai phei a.
.
"Lo kal rawh ka rual in. Ka lo nghah pui ang che Sophie" tihpah in Hector-a chuan ka banrekah arawn vuan a,a piah a mi nghahna room lamah chuan min hruai phei a. Ka ke chu a zeng ta emaw tih mai turin pen a har em em mai bawk si. Thutna ah chuan min thut tir a,tichuan min rawn lam tu turte chu kan lo nghak a.
.
Tual a an mei chhem chu a puak ri leh thak thak thin a,chu chu ka melh tlawk tlawk a. "Dawt sawi chingte hi ka haw teh mai ania bawih-i. Engtin nge i nihna miah lo chu ni ang in i insawi ngam zawk le?"
.
A thusawi chuan ka thaw a ti tawp dawn ta emaw tih mai tur ani. Hector -a chuan ka virgin tawh lo tih chu a hrechiang alawm. "Eng nge i sawi awmzia chu?" ka han ti ringawt a. Lungawihloh hmel zet hian a lu ahan thing a.
.
"Hmeichhe chi hrang hrang ka mutpui hnem tawh lutuk. Virgin leh virgin lo awmdan te chu ka hre hrang lutuk ringawt. I virgin lo ani tih pawh ka hria"
.
Ka ngawi reng a,tawng loh chu ka tan a tha ber. Ka lam chu arawn hawi a "Duh ni ila ka that thei reng che ani tih hi hria ang che. Mahse helai hmunah hian ka thil tih engkim a finfiahna nei tu leh hmu tu hi kawl reng ka duh lo mai zawk chauh ani. Tunah hian tualthah thubuai awrh mek ka ni a,chubakah Rafael-a ten a Judge Conahue-a an thah dan i lo hmu ve nel nual bawk nen. Ka hre lo chu ti miah suh. Mi vannei tak i ni Sophie,vannei tak" arawn ti a.
.
Ka ngawi reng a,sawi tur reng ka hre ve lo. Sana chu ka han en a,zinglam dar 3 lai alo ni reng tawh mai. Hector -a chu a rawn tawng chhunzawm leh a. "Mahse hei erawh i hriat tel ve angai. Raphi-a kha mi mai mai ani lo ania. A sawi tawh chu a ti hlawhtling ngei ngei zel . Chuvang chuan hralh che hi i tan leh kan tan a tha ber. A thusawi kha ka lo hria a,i chhungte leh i unaunu chu a zawng chhuak duh tak tak ngei ang. Chu thil a dang thei tu awm chhun chu keimah chauh hi ka ni tih hre bawk la. Chuvang chuan ka chanchin emaw,ka chungchang engpawh hi i sawi chhuak tur ani lo. Tu hnenah mah.Kan awmna hmun leh kan thil tih thinte thleng in. A chiang em bawih-i?"
.
Ka dang chu thlaler ang mai a ro huam huam a,"Aw .." tiin ka chhang thei hram a.
.
"Anih chuan inremna kan nei tawh a,chu chu i bawhchhe tur ani lo. Hmun tinah hian mit leh beng ka nei ania. Rei lo teah an rawn zawng chhuak che ang a,i chhungte nen lam an rawn nuai chimit vek ang"
.
"Khawiah mah ka sawi chhuak lovang. Ka tiam a che" ka ti nghal a. Min hralh pawh chu a lawmawm mah zawk. Helai hmun a Rafael -a nen a hun hman dun ai thlawt chuan a thlan na awm zawk daih. "Ti rawh...pawnlamah va chhuak phei ang. Chung vawk tawp hnawk ho chu ka in a an rawn luh ka duh vak lo ania. Ti rawh" tihpah chuan Hector -a chu a tho chhuak a.
.
Varanda lamah min chhuah phei pui a, "Tah khan lo thu rawh. Khawiah mah lo kalsawn suh ang che" min ti a,pawn lamah chuan a chhuk thla a. Pawnlamah chuan light engmah chhit a awm loh avangin thla eng leh arsi eng chu an ring deuh tawp mai a.
.
Rei pawh ka thu hman lo. Kan awmna lampan a motor rawn tlan phei hi ka va hmu a,pahnih khat mai an ni lo. Motor panga lai ani. Hlauhna bawk chuan min rawn man leh a,thawh lawk a,tlanchhiat vak mai ka duh. Engtia thui nge ka tlan theih ang le? Saw tiang mipa rual zing a khawsak te chu....an nunrawn viau phei chuan. Mahse ka in ngaihtuah kual a talang in tlanchhiat na hun pawh ka nei leh ta lo.
.
Minutes 5 hnu velah chuan kan awmna bul tual chu an rawn tlan thleng a,a rawn khu phei rum rum a. Panga mai pawh an lo ni lo,pasarih lai an lo ni zawk a. Tinge maw an tam em em le? Rafael -a khan min rawn la tu turte chu mi tha tak an nih loh thu kha min hrilh tawh bawk si.
.
Hector-a chuan Car hmasa ber chu va pan in an han inchibai a,a mal te te in an car atang chuan an rawn chhuak a,Mexico lam mi vek an ni. An palian in tattoo an inchhu khat vek hlawm a,ralthuam an pai vek a,Hector -a naute ho ai pawh in an nelawm loh daih zawk. Car hnungber atang chuan pa thau tak, suit ha,lukhum khum a sunglass vuah bawk hi arawn chhuak a,dar 3:30 AM chiah ani.
.
Hector -a chuan a dar a ben thak pah in an inchibai a,Mexican tawng hian eng eng emaw hi an sawi a,an nui ho dar dar a.
.
Bawm pakhat hi an inhlan a,Rafael -a chuan lo la in a chhung a pawisa awm chu a chhiar nghal a,engzat nge awm tih lam phei chu ka hmu ve thei lo.
.
Hector -a ho chuan an inbia a,eng eng emaw hi an sawi ho a,chumi hnu chuan Hector-a chu ka lampan in arawn phei a. "Tunah chuan an rual hian i kal thei tawh ang" a rawn ti a. "Chuan ka sawi kha hre reng ang che. I ka kha...." sawi pawh a sawi tluan duh lo. "Kan inhmuh nawn tawh loh hram ka beisei Sophia Letitia Marne" tihpah in inchhung lamah min luhsan a.
.
Ka hma lam chu ka hawi a,pawn thim chinah chuan mipa rual 15 vel zet zawt hian min lo nghak a. A tam zawk chuan min lo ngaih melh ti tih nghal a,it hmel leh a tenawm thei ang ber hian min lo melh a. Pa thau-a kha ka lampan chuan arawn phei a. "Tirawh le...i kal ang le duhawmte. In lamah mikhual kan nei dawn sia chuvang chuan muangchang thei kan ni lo"
.
Haw ka duh a ni, Seattle a let leh ka duh takzet. Heng mite hian engtin nge min tih ang? Eng nge ka chungah thleng ang?
.
"Juan...rawn kal la he nu hi rawn hruai teh". Pathau-a chuan a naute zing a pakhat chu a ko a,chu pa chu a lian in a sang tha hle a,ka kawngah chuan min rawn kuah a,min kal pui nghal a. Lo tang tur leh lo duh lo tur in huaisenna engmah ka nei lo.
.
"Car ah khan hruai lut nghal ang che" a rawn ti leh a.
.
Car ah chuan min dah lut a,Juan-a chu driver seat ah a thu nghal a, Pa thau-a chu ka bulah a rawn thu bawk a...
.
Cigarette an han zu khu laih laih phawt a,chu mi zawhah engine chu ti nung in kan kalna tur lam pawh hre ve lo chuan min chhuah pui nghal a.
.
Pathau-a chuan ka mal chu a rawn zut a, "Mr Perez tiin min ko dawn nia" tih pah chuan a rawn nui su su a. "Thian thenkhat nangmah duh tu tur deuh ka nei nual ania"
.
.
.
> REBEL <
.
MC a president nih chu khawte deuh President nih ang mai ani. Kan inthuam dan mai bakah kan landanah chuan mi zawng zawng in min hre hrang thei tih mai tur ani. Widow Maker ah hian hnam hrang hrang mi hang,mi ngo,Asian leh hmeichhia thleng in kan nei a,street fighter te pawh kan nei. Hmanrua pawh kan nei tha tawk a,kan chhuak anih pawh in Radar in min vil reng a,chutiang ang Club chu America ah hian keini bak kan awm lo.
.
Motorcycle club satliah kan ni lova,dan bawhchhe pawl pawh min ti se an sawi sual lovang.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 20th, 2016, 7:43 pm

Julio’s Perez-a Compound
.
Rebel
.
.
Perez-a pawl zing ami pakhat Andreas Medina chuan bank security camera chu uluk tak in a en a. "Eng vang a tiang thil hi ti nge maw i nih le...?" min rawn ti a.
.
"A chhan chu a chhelo em a" ka lo ti a. "Hector a'n a man ngei ani tih ka hre tawh a,tunah chuan kha nute kha kawl chhawk ve rih ka duh ani"
.
Andreas-a chu ahan nui deuh hak a,ka thusawi chu a awih em em lem lo ani tih pawh ka hria. Seattle ah chuan thu a darh chak hle a, Los Oscuros pawl ho leh kei ni Widow Makers te chuan indona kan tan ani tih chu mi tin in an hre tawh. Mi zawng zawng chuan chu chhum dum inmung mek chuan engtikah tak ruahpui vanawn rawn thlen tir ang maw tiin an ngaichang thap a, Perez leh a ho te pawh chuan chu thil ka tih nachhan chu kha nu leh ka pate-a khan inkungkaihna an nei ani tih pawh a hre vek.
.
Chung motor rawn tlan mek te pawh chu an thawm a rawn hnai zel a,Andrea-a pawh chuan chu hmeichhe chungchang reng chu min zawt tawh lo. Uluk tak in camera in a thla a lak chu a en ran a,chung motor pasarihte chuan darkar 4 kal ta khan Hector-a te awmna an rawn chhuahsan tawh a,tunah an in lamah an rawn let mek a,keini lam in an inah luhkhung in kan lo chang ve thung ani.
.
“La tenemos. Abre la puerta,” Julio chuan inbiakpawhna hmangin arawn ti a, chu nu chu a awm ngei e. Gate kha hawng rawh u a tihna ani. Andrea chuan tiang chuan a ti nghal a. Gate lian tak mai chu a inhawng nghal ruak ruak a,motor pawh chu a mal te te in an rawn tlan lut a.
.
Ka thianpa Carnie-a chuan min rawn en a "Kan chet a hun chiah in ka hria" a rawn ti a.
.
Andrea-a chu min puih avangin lawmthu ka hrilh a,a lawmman tur ka pe bawk a,tichuan Carnie-a nen Julio Villa chu kan chhuahsan nghal a.
.
A thuihhruai motor dang ho an kalbo ta maw tih veleh Julio Perez-a awmna lam chu kan hnaih phei nghal a,chu pa thau pa pawh chuan min rawn hmu thuai a,chuveleh a motor a tang chuan a rawn chhuak a. "Hmel ho hrep chu" a rawn ti bul bul a. "Helai hmun a inrawn kal hma hian in thil tih tum hi in ngaihtuah chhin phawt lo aniang maw..!"
.
"A ni mahna" ka ti ringawt a. "Khawiah nge hmeichhia kha a awm?"
.
"A hrawk ka tan a,thlalerah ka paih tawh" a rawn ti a. A driver pa pawh chu a rawn chhuak ve nghal a, buaina a hnai tlat. Silai chu hmeh puah mai theih tur in nghet takin ka chelh a.
.
"Rawn kal tir vat mai rawh Perez...tichuan i khum ngei a tui tak a i mut leh ka phal sak ang che"
.
Perez-a chu a rum nghut a,a lungawi loh hmel takzet. Motor kawngkhar chu a han hawng zau a,chu nu chu a hnunglam seat a a thu ka va hmu thei a. Video a ka hmuh ngei mai kha. Ka pate-a thah ani tih evidence nei tu chu. A hlauh hmel in a thawmhnaw in bel a dawrawm hle a,a khuh tur lai a khuh hram hi a ni ber mai.
.
Julio chuan rawn chhuak turin a han hui zauh a,chu nu chu hlauh hmel zet hian a rawn chhuak a,a taksa chu a lan tam hlau in a rawn khuh hram hram a,.a eng chinah chuan a rawn chhuak ta. Ka rin aiin a hleitling a,a sang daih mai. Kei ai chhete in a hniam deuh chauh ani. Che lo chuan a din na ngaiah a ding reng a,a mitmeng a tang chuan tu nge hlauh ber tur tih pawh a hre lo niin alang. Ka va pan phei a
.
"Tunge i hming?" ka han ti a. Min rawn en a,a lu chu a thing nghal a. "Tinge....i hming min hrilh dawn lo tihna ami?"
.
A lu a thing leh a.
.
"Awle...a pawi love"
.
Perez-a chuan min rawn pan phei a "I thil tih man hi ila hmu khawp ang Rebel. .Eng ang mipa nge ka nih tih chu i hriat kha"
.
"Chuti engtikah emaw min that tur in min rawn zawng chhuak dawn i tihna ani maw..." tihpah chuan a darah ka han beng thak a. "A tha e...min rawn zawn hmuhna tur hmun pawh i hriat kha"
.
Kan bike awmna lam pan chuan kan phei a,Carnie-a chuan chu nu chu a kawngah kuah in rawn phei pui a tum a,mahse chu nu chu a tang ve tlat a. A hmel atang chuan lung tha lo nei hmel hi a pu in ka hria. Mahse Carnie chuan nghet tak in a chelh a,chu nu chu a rawn tap chhuak hawm hawm a. Carnie-a hnungah chuan kan thut tir a
.
"I tan a tha tur chu i hriat kha. Chuvang chuan rawn let leh tawh reng reng suh ang che" hnunglam atang chuan Julio pathau-a chuan min rawn au zui lawm lawm a,mahse engteh ualah kan ngai lem lo.
.
Carnie chuan a bike engine chu a han ti nung a. "Engtin nge a thawmhnaw hi kan tih ang?" a rawn ti a. A tap pawh chu tunah chuan a zia ta deuh e.
.
"Eng nge a hnuaiah khan i hak?" ka han ti a.
.
Min rawn en a,a hmel a tha hlemai. Mahse a tahna avang chuan a mascara chu a hmaiah a luang dum zuih a,mi pawh chhan a tum lo. "Ka sawi chu i hre thei em? Tun a i hak lai hnuaiah khan hak dang i nei em?"
.
"Engmah ka ha lo" arawn ti sap a. A la naupan hmel viau lehnghal.
.
"Khawi bike ah zawk nge i chuan duh?" Ka han ti leh a. Min rawn en haw a,a hriatthiam loh hmel kher mai. "Ka tih awmzia chu tu phurh nge i duh? Tu nge i rin zawk ka tihna ania"
.
A mittui chu a hru hul a. "I bike hi a lian zawk sia" tiin ka bike chu a rawn kawk a.
.
"I thlang thiam hlemai" tihpah in nelawm deuh hian kan nuih a. Ka Ducati Monster chu kan start ri vung vung a, "Lo chuang rawh le" ka han ti a.
.
.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***

END OF CHAPTER -5

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)