◈ THE OTHER CEO ◈ Season -2 BY Noah Hringngen

Ngaia
Site Admin
Posts: 25813
Joined: April 30th, 2016, 4:07 pm

◈ THE OTHER CEO ◈ Season -2 BY Noah Hringngen

Unread post by Ngaia » April 30th, 2016, 5:41 pm

◈ THE OTHER CEO ◈
Season -2
.
.
Chapter -1
http://storyfb.com
.
Ka taksa an rawn sawi dawt dawt takah chuan ka han meng diar diar a....khum bulah chuan mipakhat kekawr dum ha hi alo ding a.
.
"Tho tawh rawh Olive". Chu aw chu ka hriat fo tawh hnu ani....oh,Pierce-a aw anih chu. Ka mutna khum chu mut a nuam hlemai,inches khatmah in ka che sawn eih lo.
.
Min rawn sawi leh nawk nawk a,rum ham ham pah chuan ka han inlet a,"Eng nge i duh a?" tihpah in muthilh zui leh mai chu ka tum a.
.
"Midang khumah i mu tih i inhre lo ami a? Hmeichhe hmeltha tak tan khum la hmuh ngai lohva han muttui nghal em em mai chuh ava tha awmlo ve. Ti te kha chuan keipawn duhtawk in ka mutpui thei ang che chu" arawn ti a. Hmeltha min tia maw?
.
Ka han rum leh tuah tuah a "Pierce.....ka lu hi a na lutuk ania. Min mut tir mai mai teh"
.
"Um chanve lek i in a,i rui em em chu aniah" arawn tih pawh chuan men pawh ka meng duh lo. Thawh peih miau loh chuan ti hian awm tlat ila,a beidawng vat mai ang.
.
A hma aia na zawk chuan min rawn sawi leh a. "Thil eng emaw tal ei rawh. Ti te kha chuan i tamchhawl mai ang". A aw ri te chu amah ang lo tak in a nem hle a,mi dawhthei tak te pawh a ang alawm le. Ka lu chu a rit luk a,thawh ka peih loh zia mai chu.Inlet in a mitah tak chuan ka han en a. A lo inkuangkuah deuh hmuk a,lungawi loh hmel deuh hian a awm a.
.
Tawi te in ka han nui seih a "I tawng dan chu ka pa ni mai awm alawm inih le" ka han ti a,ani pawh chuan a awmdan chu thlak in arawn nui ve a. "Chutiang nih em em te chu tum love. Engpawh nise ka rawn pawh tho hma che in rawn tho vat rawh" tihpah chuan min kalsan nghal a.
.
Keipawh chu muangchang in ka tho kang a,ka chal chu ka dawm a,ka lu chu a na ut ut mai. Bathroom lamah chuan ka phei a. Ka sam kan hmu chiah mai chuh.....sava bu ang mai alawm le. Awmze mumal reng nei lo hian a phir si nuaih a,ka kawr hak te lah chu ka delh chuar nasa hlemai.
.
Ka kut chuan ka sam chu ka han chul thuak thuak a,mascara leh mit hnawih ka hmang lo hlauh chu ka vannei hlemai. Hmang phei ilang chuan ka hmelchhe awm. Ka hmai chu ka han phi a,tlem chuan ka harh deuh a.
.
Ka kawr chuar lutuk te chu ka han zut thuak thuak a,mahse beiseibo mai ani. Kawr delh chuar zawng chu ti mai a pawh mar theih ani lo. Lu na bur leh rilru nuam lo tak chung chuan ka phei a. Pierce-a chu chair ah thu in Laptop alo khawih a.
.
A hma dawhkanah chuan plate ah eitur tlem a zawng a inchhawp a,glass no ah wine a awm bawk a,a bul deuhah tui in tur inchhawp in chumi bulah chuan tablet a dah bawk a.
.
A bulah chuan ka va thu ve tawp a,chu veleh min rawn melh a,tawi te hian ahan nui seih a,a laptop pawh chu a khup nghal a,tui no leh nachhawkna min rawn pe nghal a.
.
A zia khawp ang chu...ka lu na bur pawh a reh mahna. Rang takin ka lo la a,tui vawt tha tak chuan min ti harh sawng sawng mai. "Ka lawm e" ka han ti sep a.
.
"Ei rawh" tihpah chuan tomato soup bowl a a dah chu min rawn pe a,keimah pawn ka inlak ve thei tho nangin min care zia a tih lan ve na ani. Soup rimtui tak ani...ril a ti tam veng veng thei alawm le. Ka hawp nghal bawrh bawrh a,ka zu in in a ka pum a ti na lo hlauh chu ka lawm kher mai.
.
"La pentawng si ah chuan ei i thei hlemai" tihpah chuan Pierce-a chuan min rawn nuih a,a pakhatna ah chuan ama thiam loh vek hi ania lawm. Ka rilru ah kan chuanna thlawhna hi a tla mai ang ah tih ang reng chu a awm reng a.
.
"I thiam loh vek anih hi" tihpah chuan ka han melh hrawk a.
.
"Eng nge ka thiamloh anih na?" tihpah chuan a mitko arawn san ak a. Chutah arawn nui ver ver a "Thlamuang deuh in awm rawh...kan tla dawn hleinem. Tluang deuh in kan thleng dawn alawm" arawn ti a. Mahse kan thlen hma chuan ka thla a muan tak tak pawh ka ringlo. Ka muthilh khan ka zia awm ber. Thawk hak pah chuan ka thutna nghenchhan chu ka han ngheng dar dar a.
.
"Ka awih chiah lo deuh" tihpah chuan a rawn nui ver ver a. "Tunhma pawhin thlawhna ah te chuan i chuang tawh. ani lawm ni?". A chhan pawh ka chhang peih lo...ka vawikhat chuanna ani tih ka hrilh kha a awihlo anih chuan a tawk ani mai. "A pawi ka ti khawp mai,ka ti hlau che a. I vawikhat tawnhriat neihna ah tiang hian ka awm chu ani sia" tiin ngeiawm lek lek hian thupha a rawn chawih leh hnuhnawh vel a
.
"Lo kal teh" tihpah in ka ban ah arawn vuan a,a lamah min pawt phei in a malchhungah min thut tir a. Kan tang ve viau nangin kan in chak hleih em a,lo tan vak in awmzia a awmlo. A awmah chuan min han bei tir a,ka kawngah leh ka hnungah min kuah bet a,ka nghawng ah a hmai arawn phum a,a thaw lum hem hem chu ka tan chuan a za lam hret ani. Hetia min kuah hi chuan vur chu ni ilang chuan ka ral chiang viau ang. Ka thla a muang ngawih ngawih a,thil dang reng ka ngai tawh ngai lo.
.
Chutiang chuan kan awm reng a,ka thil ei lai ka hre chang tawh lova,thlawhna ah kan chuang mek tih pawh ka hre tawh lo. Chuti a hnek in lungmuang tak in ka muhil siai siai zawk a.
.
.
.
Pierce a'n ka hming a vawihnih khat min rawn koh hnu chuan ka harh ve leh hlawl a,ka biangah dim te hian min rawn fawp a. Ka mit nuai nauh nauh chung in ka han hawi kual a,Hotel chhung a awm in,hahdam tak in ka awm tawh ang chu tih nak alai in thlawhna chhungah bawk kan lo la awm a.
.
"Kan thleng tawh ania"
.
"Oh....dar engzat nge ni tawh?" tihpah chuan min kuahna atang chuan ka thu chhuak nghal a. A malchungah ka muthlu chhar chhar ani tih ka inhriat chuan ka zak chem chem mai.
.
"London sana ah chuan zanlai ani tawh. I coat kha ha rawh....pawnlam chu a vawt teh ania". A sawi ang chuan ka ti nghal a.
.
Thlawhna kawngkhar atang a kan han chhuah a,pawn boruak fim ka han hip leh chiah mai chu ka harh nghal sawng sawng mai. Pierce-a chuan min kai a,pawnah chuan Mercedes Car silver rawng hian min lo hmuak a,chu lampan chuan kan kal nghal a.
.
Driver chuan suit dum a ha a,a palian hle lehnghal. Kan va thlen veleh chupa chuan Pierce-a chu Car chahbi alo pe nghal a,kan luggage vel te chu min hlan pui zung zung a,chumi zawh chuan Pierce-a chuan ka thutna tum lam chu min hawn sak a,Car chhung chu a lum hem hem a,airport chhuahsan in kan tlan nghal a.
.
Rei tawk fang kan tlan hnu pawh chuan khawilai nge kan pan dawn tih reng ka hre chuang lo. Khawpui a in pakhat bulah Car chu a ti ding a.
.
Chu in structure chu a mawi dangdai hle a,kum zabi 19 na lai vel a sak ni mai awm ani. A bang zawng chu rawng var a hnawih chhuah vek ani a,tukverh zawng a dum a,kawngkhar erawh rawng pawl lar tak a chei ani thung.
.
.
Pierce-a chu Car atang a chhuak a,keipawh chuan ka zui ve nghal a. Car hnung atang chuan kan luggage te chu a hlangthla zung zung a,ani erawh a samkhai hle mai. Bag dum pakhat bak a keng lo.
.
Chumi in lam chu kan pan nghal a,a ipte atang chuan chahbi pakhat,rangkachak rawng rawn phawrh in chu in kawngka chu ahan hawng nghal a. Inchhung ka hmu chiah chu mak ti in ka ka hau mai......in nalh tak ani. Inchhung pum mai chu rawng chi thum,a var,vutbuak rawng leh a dum te a chei chhuah vek an ni a. Living room thlen phei hma chuan hallway thui vaklo a awm a,living room chu thing hmang vek a siam ani a,a nalh dangdai ngei mai.
.
Bangah chuan sana lian tak pakhat a in tar a, TV hlai chi lian tak leh sound system tha tak a awm a,chubakah mei chhemna tur thuk nalh tak a awm bawk. Ding lamah chuan inchung pan chhohna tur a awm a,vei lamah choka pan na a awm bawk a.
.
Ka luggage khai chuan inchung lam a pan a,keipawh chuan ka zui ve zel a. Room pathum dang alo awm leh a,kawngka pakhat chu hawng in min luh pui a,ka thil ho te chu a dah fel nghal a.
.
"Ka lawm lutuk. Mahse ka ngaihdan chuan kei te hi chu hotel ah lo thleng mai mai zawk ila a tha zawkin ka hria. Khua han var se hotel lamah ka insawn mai ang" ka lo ti a.
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
.
A rawn inher a,mak ti leh hriatthiam loh hmel zet hian a chal arawn tichuar a. "Ngah nge man chawi a hotel ah i thlen kher ang? Heta thlen ve mai chu i duh lo em ni?" Hmundang a thlen chungchang ka sawi chuan a hmel chu hmuh theih khawp in a hnual nghal rawih a. Tunah chuan heta awm ve tur in min duh tak tak ani tih ka hre ta....a awihawm loh hial zawk. Ka mitthla ah ka pi in Thanksgiving day a lo riak ve tur a a tih te kha arawn lang uaih uaih a.
.
"Anih hetah ka awm ang.....ka lawm e" tihpah chuan ka thaw hak a. Chuveleh a hmelah nui hmel arawn lang nghal a.
.
"A tha e. Naktuk zing dar 8 ah lo inpeih ang che,meeting neih a ngai dawn a. Mangtha le Olive" tihpah chuan a chhuak nghal a.
.
Ka phone sana chu ka han en a,mahse London sana nen chuan a in ang lo lutuk. Bang ah chuan sana alo intar hlauh a,zinglam dar 1 alo ri der tawh mai. Mut nan darkar tlem te bak hun ka nei tawhlo.
.
Ka tawnzau var leh kekawr bul ka ha a,ha nawh ka duh viau nangin ka room turah chuan bathroom a awm tlat lo. Pierce-a lah khan a awmna vel engmah min hrilh bawk si lo.
.
Ka room kawngkhar chu hawng in thawm dim tak chung in ka chhuak a,room inkalpawhna vel chu a thim hlemai. Kawngkhar pathumna ah chuan ka lut a,bathroom chu alo awm ngei e. Tile var vek a siam ani a,rawng pawl leh vutbuak rawng inpawlh an hmang tel bawk. Ka ha ka nawh zawh hnu chuan rang takin ka mu nghal a,ka muhil rang ngei mai.
.
.
.
Ka alarm ri chuan min ti harh a,mahse mut ka la khamlo lutuk. In her in ka phone chu off tum in ka han ban a,ka mit chu ka han meng zau deuh a. Room chhung chu a var vek a chei anih avangin a eng tha hlemai. Rawng pawl leh vutbuak rawng in a pawlh zeuh zeuh bawk....bathroom ami ang deuh khan
.
7am a rik chuan chhuak tur in ka inpeih ta at ta. London boruak chu a vawt hle a,chuvang chuan ka kawrchung ka ha tel bawk a. Pierce-a nghah tum in inhnuai lampan chuan ka chhukthla a,mahse nghah a hnek in coffee rim chuan ka hnar a rawn zem nghal chiai chiai a. Bakah tukthuan pawh alo peih fel vek tawh nia
.
Pierce-a chuan ka awm ve ani tih a hriat chuan min rawn en a,arawn nui ver ver a. "Good morning Olive"
.
Chair chu pawt chhuak in dawhkan bulah chuan ka thu a,ka coffee in tur chu peih sa diam hian alo inhung bawk a. Ka han in a,a sa tha bawk a,thlasik lai chuan a tui dan a dang bik hlemai.
.
"I va siam thiam ve a....i inhmeh lo tep zawk" ka han ti a,mahni boss te nen a in khat a chendun ringawt pawh chu a tihchi tawh loh tehreng nen.
.
Pierce-a chu ka piah ah chuan arawn thu ve nghal a. "Chutia mawnle.....naktuk chu i eirawngbawl kan ei ve tawh thung ang chu" tihpah in arawn nui a,a waffle ei tur chu a zei phel nghal a.
.
Karei....eirawngbawl ka thiamlo tih a hre der mai si lovah..Ka hriat tham lek chuan "Ka ti theilo ang" ka han ti sap a.
.
"Ngah nge i theih lovang? In i tih kan i hlauh ami?" tihpah chuan Pierce-a chuan min rawn en a
.
Hepa beng chak zia hi chu aw....ka kun a,nuam ka tilo ru hlemai. High school kan kal lai min ti hrechhuak rum rum mai.
.
A thil ei a hak nge mawni,a rawn khuh kharh kharh a. Rang tak in tui in tur ka laksak nghal a.
.
A hrawk chu a han thian a, "Ka sawi dik ani chiang mai? Tiang chu i thlen tir tawh ani maw?" arawn ti a.
.
"High school kan kal lai ania...Hugh a'n an in a chaw ei tur in min sawm a,chuan zanriah tur eirawngbawl pui tur in min tia. Kha ta tang khan choka a chet vel hi ka tihchi ani lo tih ka hre ta ani" Ka coffee chu ka han in a,ka sawi chhunzawm leh a. "Han sawi zung zung ila,thlai vel ka chan na lamah ka kut ka zei nghal a,an thleng hrukna puan ka ti kang bawk a,ka che chhe tawp ani mai". Khami tum a Hugh-a nu leh pa in min nuih nasat zia kha ka ngaihtuah chhuak a. An thinrim kha ka hlau ru khawp mai a,mahse min hlim pui phian. Amaherawh chu khata tang khan Choka a chet vel hi ka confi thei ta reng reng lo ani.
.
"Ta tang khan rawngbawl hi ka hreh ta hle ani" tihpah in ka breakfast chu kan ei nghal a. Pierce-a erawh a nuih a za ngang mai. Nakinah eirawngbawl dan min zirtir tur thu min hrilh nghal a.
.
Keipawh chuan rem ka lo ti a. Ka ngaihtuahna ah zing kar a Pierce-a arawn thawh veleh a eitur ka lo siam sak tur te,a hnathawh haw a eitur ka lo siam sak dan tur te chu ka ngaihtuah a,ngaihtuahna atthlak tak ani tih pawh ka hria.
.
Hetia pu ber nen a kan in pawh ta em em hi mak ka ti angreng hlemai. Kan awmdan ber pawh hi ka hrethiam tawh lo. Tian 'thian' kan ni tihna em ni ang?
.
.
British restaurant changkang tak,a chhung chei dan nalh tak mai chhungah meeting chu kan nei a,an eitur siam pawh lei lem tel mai a hlauhawm khawp mai. Ka tih thin dan angin kan meeting na minute chu ka lo note nghal char char a,report tur tul thenkhat te pawh ka lo chhinchhiah zel a. Pierce-a chuan London chhung a Hotel din a duh dan leh a ruahman na te chu fiahfai tak in a sawi zung zung a. Chulai hmun a lo kal pa pawh chuan kan ruahmanna te chu tha a tih hmel hle a,meeting hlawhtling tak ani.
.
A tukah chuan mi pawimawh dang lo kal leh in an ni nen chuan meeting kan neih chhunzawm leh a,contractor leh engineer te bakah chulai hmun a thuneitu te kan hmu nghal bawk a.
.
.
.
Urlawk ni thlen nan darkar tlem te chiah a awm ta. Mahse engtin nge Christmas ka hman ang tih pawh engmah ruahmanna ka la neilo. Khawlai leh kawtthler te chu an chei nalh tawh hle a,chumi ni chuan Pierce-a nen pawh chawlh la in hahdamna ni atan kan hmang a.
.
Zing lamah pawh ka tho hma lemlo hle. Ka thawh veleh ka mut kawr ka thlak nghal a,ka inphih harh nghal bawk a. London chhung khawlai chei han fankual vel ka chak hlemai.
.
Inhnuai lampan in ka chhukthla nghal a,Pierce-a chuan TV ah Christmas special program alo en a. Ka tho tawh ani tih a hriat veleh chuan arawn hawi phei a,a mitko arawn san ak a. Chu veleh ka ding nghal chawt a.
.
"Tinge i va hmanhmawh hmel ve a?" arawn ti a.
.
"Khawlai chei ka en dawn. Ka lo let leh har lovang" tihpah in kawngka lam ka pan nghal a.
.
"Olive...lawk" tihpah chuan arawn ding a,TV pawh chu a off nghal a. "Ka rawn kal ve ang. Ti lo chu i bo palh ang"
.
"Naupang ka nih tawh loh hi Pierce. Haw kawng te ngah nge ka hriat lovang". Ka thusawi chu hre awm pawn alang lo. A coat khai chu la in pawnah min chhuah pui nghal a.
.
"He khua awmdan pawh engmah i hre hleinem" tihpah in hlauhthawn hmel deuh hian min rawn melh a,ka nuih a tiza ru angreng hlemai.
.
Min rawn din hnaih a,min rawn kuah a. Min kuah nghet hle lehnghal.....a rim pa hrak mai chuan ka hnar a verh nghal zar a.
.
"Hey...duhtawk teh!" tihpah chuan ka han tal a,a nui ri pawh ka hria. Min thlah a hnek in min kuah nghet tial tial mai si. A ban chu vuan in ka han melh chho a.
.
Ka nui ringawt a,chutih lai a ka hmel awm dan chu angel ho hmel ang mai a nelawm anih ka ring.
.
"Tiang kha ti tawh miah suh" arawn ti a.
.
"Eng chu maw?"
.
Thawk a han la hak a "A ho lutuk....kal ang" tihpah chuan a Car kawngkhar chu min hawn sak a,ka luh hnu chuan ani pawh driver seat lamah chuan arawn thu lut ve nghal a.
.
Seat belt a hren zawh chuan min rawn en a. "Zanin chu ka nu te nen zanriah kan kil ho dawn nia"
.
.
END OF CHAPTER -1

Chapter 2 http://storyfb.com/viewtopic.php?f=19&p=1671#p1671



Link:
BBcode:
HTML:
Hide post links
Show post links

Apuia
Posts: 1
Joined: April 30th, 2016, 5:40 pm

Unread post by Apuia » April 30th, 2016, 6:38 pm

Ngaihnawm kher mai ....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2016, 5:19 pm

Chapter -11 ✔
.
Pierce-a nen a kan inkar a fel hleihtheih tak loh avangin Hugh-a chuan ka pi te in lam a zin turin min ti a,Pierce-a hmuh phak lova awm a,hun thawveng tak hmang turin min duh ani.
.
A sawi ang chuan Connecticut a ka pi te in lam chu ka pan a,ka pi in a min han hmu chiah chu ka hriselna chungchang mawlh chu alo sawi nghal mawlh mawlh a.
.
"Awii karei...Chaw i ei ngailo ami a?" alo ti nghal a,ani lah tak a,ka taksa te chu a tla kawk kawk thei hial a. Rang takin ka eitur in rawng min bawl sak nghal vat a.
.
"Pi,a tul lo....ka ril a tam lo ania"
.
"Lo ngawi mai mai rawh. A reng reng thuah Pierce-a pawh chuan a va chawm tha lo em em che ve,hna in thawk rim lutuk aniang. A ngaihsak loh hmel che hlemai...."
.
"Pi...!!" ka lo pawtchat vat a. "Ka chau deuh mai chauh alawm". Ka thusawi chu a awih hmel loh kher mai. Thil awmdan hi a man nghal anih loh pawh in ka thlen hma in Hugh a'n engkim alo va hrilh te pawh ani maithei ani.
.
Ka pi chuan eitur min rawn chhawp lui a,ei chak lo viau mah ila ei lo a ka thawh a phal lo. Ka ei zawng te chuan ka mittui arawn tling pam a,mahse ka pi chuan a hrethiam ang tih ka hlauh avang chuan ka insum hram hram a.
.
"Hugh-a khan chawlh hman i mamawh thu min hrilh a,i duh chen chen i awm dawn nia. Ed a'n bingo khel turin min nghak a,kan chhuahsan phawt ang che". Ka pi chuan thawmhnaw senno lam,tunlai tak a ha a. Tar lam a ngaihzawng nei tha leh ani bawk a,kawng eng emaw zawng a thlir chuan a nuihzathlak letling.
.
Ka thil ei na vel chu ka silfai a,chumi zawhah living room ah mutzal pah in TV ka en a,ka lo muthil lai pawh ka hrelo. Ka han harh chu khua alo thim vek tawh a. Reilo teah ka phone arawn ri a,tunge tihpawh en chuang lo chuan kan la ringawt a.
.
"Hello....??"
.
"Olivia.." min rawn be tunu chu a inhnit hlap hlawp a. "Debbie ka nia....Pierce-a nu..." insum zo lo tih hriat tak hian an tap leh hlawk hlawk rih a. Ka ngaih a ti tha lo kher mai. Eng nge Pierce-a chungah chuan thleng ang le?
.
"Intipachang hram hram rawh. Hei ka awm ania" ka lo ti a.
.
"Oh...Olivia,nu nih tling lo tak ka lo ni anih hi. Tunah chuan a hrechhuak vek tawh...." a tap zui lehnghal chiam a. London a kan va tlawh bak kha tiang in kan inhmu leh tawhlo hrim hrim a,a ngaihna reng ka hrelo.
.
A sawi chhunzawm leh a. "London ah arawn kal a,kan inah rawn kal in min rawn an khum hrep a,tunah chuan a chhuak leh tawh. Engtia tih tur nge pawh ka hrelo,a thinrim lutuk" a tap chhunzawm lehnghal a.
.
London alo va thleng hman amaw? Thil atthlak tak te hi tih a tum ang tih ka hlau hlemai. "A pawi ka ti lutuk Deb,ka pui theilo che ani. Tunah chuan keipawn ka be thei bik lo" ka aw chu a dul raih a. Theih nise puih ngei pawh ka duh alawm,mahse Pierce chuan ka thusawi engmah a ngaithla duh lovang.
.
Deb-i nen chuan kan titi dun a,Pierce-a thinrim chhan zawng zawng te chu min hrilh a,a pa in a lehkha arawn thawn thin zawng zawng te chu Deb-i hian alo thuhruk sak zel a,engmah Pierce-a chuan alo dawng ngailo chu niin. Amah pawh khan min hrilh a,kum 10 anih tum a a birthday a a pa in card arawn thawn tih loh chu engmah apa lak atang a dawng ngailo tih kha.
.
Deb-i chuan chu thil a tih nachhan chu Pierce-a chu beiseibo a a awm a hlauh vang ani. Engtikah mah Wilson-a kha an hnen a a kir leh a ring tawh lova,chuvang chuan Pierce-a pawh chuan hrelo law law se a duh zawk ani.
.
Ka puihna arawn ngen a,Pierce-a chu lo bia a lo titi pui turin min duh ani. Mahse engtin nge chutiang chu ka tih theih ang? Kei ngei pawh Pierce-a chu ka lakah a thinrim a,ka hna atang hial a min ban bakah kir leh tawh ngailo tur in min ti bawk.
.
Thutthlengah chuan ka tlu zal a, Christmas lai a a thi min pek kha ka khal ka khal a,ka lung a leng ngei mai. Engtin nge a lung ka tih awi leh ang a,engtin nge engkim ala that vek tur thu ka hrilh ang? Nilo....ka thusawi te chu engahmah a ngai teuh lo. Min rinna zawng zawng a hloh ta vek chu ka rilru ti na tu ber ani.
.
Kar pawh chu engtin tin emaw ka hmang ral ve mai a,ka pi te bulah chuan hun hlimawm tak hmang in Hugh-a chhungte pawh ka va tlawh a,kan hlim dar dar khawp mai. Mahse Pierce-a erawh chutia theihnghilh ngawt theih ani lo. A changin ka ngai em em a,a changin ka ngaituah a,a chang lahin ka haw em em lawi thung.
.
Margaret -i ka hmuh tel ve tum a ka thinrim zia te kha. Mahse Pierce-a pawh khan dark circle te a nei a,a mu tha bik hauhlo tih erawh ka hria. Tunah chuan New York a kir leh a Hugh leh Evan te bul a hun hman leh tawh ka chak ani.
.
.
Ka let leh veleh chuan University a ka luhna tur lehkha ka tifel nghal char char a. Park a thing thutthlengah chuan keimah in ka thu a,ka apartment atanga hla lo te a awm ani. Thlifim a thaw heuh heuh a,a velah te chuan naupang an infiam nak nak reng a. Rilru natna leh helhkham reng nei lova hlim tak a an infiam hmuh te chuan ka awt ve ngawih ngawih thin.
.
Zanriah eiturin ka haw a,ka roomah ka lut a,bangah chuan Pierce-a nen a London a kan thlalak dun chu alo la intar a,khang hun nuam tak te kha ka ngaihtuah chhuak a,ka nui seih a. Hugh a'n zanriah eitur a min rawn koh avang chuan keipawh choka lampan chuan ka kal nghal a.
.
Chaw kan ei lai chuan ka phone arawn ri a,ka pi ani ngei ang le. Lak pah chuan "Eng nge ni ta pi....??" ka han ti a.
.
"Olive.....!" ka phu zawk mai. A aw chu a dul raih a,chutiang chuan mipakhat bak in min ko ngailo,Pierce-a tih loh chuan. A aw ka han hre leh chiah mai chu ka phone pawh chu ka thlauh lo chauh a,a tawng danah a ruih hmel em em mai lehnghal.
.
"Pierce....!!" A aw ka hriat lohna chu thla khat chuang ani tawh. Hugh-a chuan min lo melh nghal hrawk a.
.
"Olive....khawngaihin min lo lam teh" a aw chu a chau in a ruih hmel em em mai bawk si.
.
"Khawiah nge i awm?" ka aw chu a khur dar dar a.
.
"41th Street bul a kawtthler tereuhte ah khan" a aw chu a ri thei tawk tawk ani. Thildang ka sawi leh hma chuan line chu a thi ta daih a. Ka thutna atang chuan ka tho chhuak nghal vat a,ka va tanpui ngei angai ani.
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
"Kal i tum em ni?" ka tho chhuak hluai a hmuh chuan Hugh-a chuan alo ti nghal vat a.
.
"Hugh...i Car chahbi ka mamawh. Pierce-a ka hruai haw angai" . Lecture ngaithla hman ka ni rih lo,tunah chuan Pierce-a chu hmun him tak a dah ka duh ani.
.
"Engvangin nge tih leh khawiah nge tih i sawi hma chuan ka pe lovang che" Hugh-a chuan alo ti ve deuh hmak a. A awmdanah min pe mai dawnlo tih ka hria.
.
Kan thaw hak a. "A rui lutuk a,chuvang chuan ka thlah haw angai alawm" ka han ti leh a. Hugh-a pawh chuan hriatthiam hmel tak hian a lu alo bu a.
.
"Keini pawh kan lo kal ve ang" Evan-a chuan arawn ti a,Hugh-a chu a hawi let nghal vat a,an han in mitmei zauh a. Hugh-a chuan "Ni e kan lo kal ve ang. Nangmah chauh a buaipui chu a buaithlak lutuk ange" arawn ti a.
.
"Chuti ringawt te chu....nangni chu ti khan zanriah lo kil zawk rawh u" ka han ti a.
.
"Ni love Olivia,hei te chu hawn ah pawh kan ei chhunzawm leh thei tho alawm" Evan-a chuan alo ti a. An van fel thin tak em. Ni e....keimah chauh chuan va kal ila,ka inthununzo leh kher angem tih chu ngaihtuah tham tak ani. Hmanhmawh takin Car lam kan pan a,Hugh-a chuan min khalh sak nghal a.
.
"Khawilai velah tak hian nge a awm ang?" Evan-a chuan arawn ti a,chutin han rin thiam ngaihna mai ka hre biklo. Ka rindan chuan zu dawr bul hnaiah anih ka ring. "Min hrilh dan kha chuan 47th Street bul velah ania,a rui lutuk. Chuvang chuan zu dawr hnaih deuhah a awm ka ring" ka lo ti a.
.
"Hman a kan kalna Club bul vel kha va en ila?" Hugh-a chuan arawn ti a. Chulai hmun chu Pierce-a arawn thawh tirh a club a min rawn hmuhna leh hmeichhe khawlo tak emaw min tih hialna hmun kha ani.
.
Car chu kawngsirah chuan kan park a. "Tah hian lo awm ula keiman club chu ka va en ange. Helai velah in lo hmu ta anih leh min rawn call mai dawn nia" ka ti a,an ni pawh chuan thuawih tak in an lu an lo bu a.
.
Car atanga ka chhuak chiah chu thli vawt tak hian min rawn chhem sung sung a,jeans leh kawr pangai ringawt ka ha bawk si nen. Ka kawrlum lah chu apartment ah ka dah daih bawk si.
.
Club sir kawm lam chu ka va melh kual a,a thim em avang chuan engmah hmuh theih pawh ani lo. Mahse a hnu deuah chuan na tuar rum ri telh telh ri hi ka hria a.
.
"Pierce....?" ka han au vak a,engmah lah ka hmu thei si lo. Rum ri bawk chu ka hre nawn leh a. Chiang zawng a ngaihthlak tum in ka beng ka han chhi a,ka piah deuhah chuan ke rawn lang hi ka va hmu a. Leather pheikhawk a bun avang chuan kutdawh vak rawlai ani lo tih ka hre nghal mai a. Rang takin ka va pan phei a,Pierce-a chu bawlhhlawh bag karah alo mu reng chu ni in.
.
A bul ka va thlen chuan arawn in her a,a lu chu nat tih hmel tak hian a dawm vang vang a. A banah ka va vuan a,kaihthawh ka han tum a.
.
"Min khawih suhh...mi ka nghak ania" tihpah in namsawn min tum a,mahse a tlu mai tur chu a banah chelh in ka vuan tlat a.
.
"Pierce....." a hming a ka han koh takah chuan tunge ka nih tih hriat tum in min rawn melh hu a.
.
"Olive.....!" a aw ah chuan lawm ri a ri tel a,ui te bo hmuh leh ang mai hian a hawikual ruai a.
.
Chhan pawh ka chhang lem lo. Zu rim a nam huam huam a,ka hmuh lohna chin pawh a rei ta hlemai. Ka banah chuan min rawn vuan a,a lam hawi chuan min kuai her a. Ka biangah chuan a kut pahnih in arawn vuan a,keimah ka ni ngei em tih hriatchian tum ni awm tak hian min han thlek vang vang a.
.
"I lo kal ani maw....." a sawi danah chuan ka kal duh pawh alo ring chiah lo ani maithei.A sam leh thawmhnaw te chu a pawr hle a,chutah alamah min pawt phei a,nghet tak in min kuah vang vang a. Keipawh chuan ka lo kuah let ve a,chutiang a kan awmloh na chin pawh chu a rei ta hlemai. A tang a bei hi chu engtiklai mah in ka kham thei dawn lo anih hi.
.
Ka han melh chho a,tawite in ka nuih seih a. "Ka hruai haw ang che aw..." ka ti a,a lu a bu nghat a. Tunah chuan ka thusawi a ring ve ta e.
.
Car awmna lamah chuan ka hruai phei a, Hugh-a leh Evan a'n min rawn hmuh chuan motor atang an rawn chhuak a,Pierce-a chu min rawn hruai pui nghal a. A ni lah a rui zawi tawh bawk nen.
.
Pierce-a chenna apartment lamah kan tlan phei nghal a,a chahbi ah chu la in kawngka ka hawn sak a,Hugh-a te pahnih chuan an rawn kuah lut a.
.
Khum a kan han mut chiah chu an thaw dun halh mai. A pheikhawk leh coat hak lai te chu kan phelh sak a,a tie ka pawh thawl sak bawk a. Hugh-a chuan a aw arawn thian kharh a,alam chu ka va hawi a.
.
"Kan rual in i rawn haw dawn em?". A aw atang chuan awmpui chu thil dik ber niin a hrelo anih hmel.
.
Ka lu ka lo bu a "Mahse reilo te min lo nghak leh lawk ula. Han kalsan nghal tawp pawh chu"
.
"Car ah kan lo nghak ang che" an pahnih chuan an chhuak nghal a.
.
Pierce-a muhil lai chu ka en reng a. "Eng nge maw ka tih tak ang le?" ka hriat tham leh chuak ka phun sap a. A sam chu dimte in ka chul a,a biang chu duat tak in ka vuan a,a chalah chuan ka zuk fawp vang vang a. Ka la hmangaih zia hi han hria se la ka van ti em.
.
Ka kut chu la sawn in kal nghal mai ka tum a. Ka kal tur chiah chu ka banah arawn vuan a. Kan hawilet a,muhil ang mai in a maimitchhing tlat bawk si. A kut chu laksawn ka han tum a,mahse a vuan nghet telh telh mai si.
.
"Pierce...khawi maw min thlah teh"
.
"Min kalsan suh" arawn ti a.
.
Keipawn kalsan chu ka duh reng reng lo. Mahse tih luih ve angai si. Dik tak chuan khalai hmun a va hruai tu tur atan khan min duh kher lovang. Min biak theih hnaivai ber leh a thuawi tur ber ni a min rin vang mai mai aniang. Koh thei nise kei ai Margaret -i koh a duh zawk ngei ang.
.
"Muhil rawh Pierce" dam deuh hian ka ti a,min vawn na pawh chu ka phelh a,ani pawh chuan min thlah ve mai a. Ka kalsan hma chuan a khum bul dawhkanah chuan nachhawkna leh tui ka chhawp sak a. A tuk zingah a pentawng ngei ang a,chutah chuan a,mamawh ang.
.
Rilru nuam lo deuh chung chuan apartment chu ka chhuahsan ta a. Engtikah nge chu hmunah chuan ka kal leh ang a,engtikah nge Pierce-a chu ka hmuh leh ang tih pawh ka inhre lo. Mahse ka thinlung a hmun pawimawh tak chang tu ani a,chuti mai chuan ka theihnghilh tawp lovang.
.
.
END OF CHAPTER -11

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2016, 5:20 pm

Chapter -12 ‪#‎NewUpdate_3‬
.
Ni a liam zel a,New York University ah chuan ka lut ve thei dawn ta hlauh mai. Kei ai ai in Hugh leh Evan te chuan min lawmpui mah mah zawk a. Mahse lehkhazir pah a hnathawh ka duh thung.
.
Ni nga ngawt hnathawh tur ka zawn hnu in Cafe dawr pakhat ah hna ruak a awm hlauh mai. Ka va kal nghal a.
.
Eitur te ka chah a,dawr lo nghak tunu chuan an pu ber min kohsak tur thu min hrilh a.
.
Minutes rei vaklo ka nghah hnu chuan in hnunglam atang chuan a nei tupa chu arawn chhuak a. Pa lian lampang ani a,t-shirt var plain a ha a,ka hmuh rual chuan a ban chuan ka mit a la nghal chat a. A ban dinglamah chuan tattoo color hran hran a chei hi a chhu a. A sam chu a uk thim lam rawng ani a,a mitmu erawh a hring nghalh thung.
.
Min hmuh chuan nelawm deuh hian min rawn nuih a,a pa len bakah 6ft ai chuan a hniam hauh lovang. Ka zam hlemai
.
"Hello...." a aw chu dawizep deuh tan phei chuan zam chhiatna tham ani ngei ang.
.
"Hi...Olivia ka nia" tih pah in ka han chibai a.
.
"Johnny knight ka ni e" nui chung hian arawn ti a.
.
A office lam a inkawm tur chuan min sawm a,a office lampan chuan kan in zui phei nghal a. Chulai dawr chu a changtlung in thil reng reng chu anih dan tur ang thlap in a awm vek a tih theih.
.
Ka hna hmasa ka bansan nachhan vel te leh ka tih thin te min zawt nual a,mahse thudik tak a chhan chi pawh ani lo. New York University a admission ka hmuh vang a bansan ang in ka insawi ta ringawt a
.
Johnny -a pawh chu a la upa lem lova,kum 22 bawr vel chauh ala ni. He Cafe hi a u ta zawk mah ani a,mahse ram dang a a awm daih avangin amah hian a enkawl ta ber a. A landanah a sual hmel ang aiin kawm a nuam in a fel zek mai.
.
Kan titi tui in darkar 2 dawn kan inkawm a,chumi hnu chuan Thawhtan chawhnu dar 2 atang a zawm tan tur in min ti a,ka hlim ngei mai.
.
Car a inlam ka pan lai chuan ka phone arawn ri a,kan en chu Charlie-a alo ni a. Nikum December thla a London kan va zin tum a kan intawn atang khan Charlie nen hian kan la inbe zeuh zeuh reng a,thian tha tak kan ni. Pierce-a nen a kan inkar that vak loh thu te pawh chu alo hre ve a,keipawh hian eng emaw chang chuan ka va la be ve fo thin.
.
"Thil eng emaw hrilh tur che ka nei a. Nikum khan engtikah emaw New York ah rawn zin rawh min tih kha i la hria em? Naktukah ka rawn kal dawn ania"
.
"Kareii....chutiang in surprise na chi pawh anih loh chu" ka lo ti a.
.
"Zanriah kan kil dun dawn em ni ang? A rem thei angem?"
.
Kan inhmuh hnuhnun ber zan a kan awmdan te kha ka hrechhuak uaih uaih a,ka zak ru angreng leh hlemai. Mahse tunah chuan Pierce nen a kan inhmuh lohna chin pawh thla khat dawn a liam tawh a,midang hmuh pawh chu pawi vak in ka hrelo.
.
"Chiang e....tehreng mai" ka lo ti a.
.
"Awle...anih leh hei insiam tan ka duh tawh a. Naktukah kan inhmu dawn nia" tihpah in phone chu a dah a. Ka tawng zawng a ka aw khur der der te kha a hrelo aniang. Eng emaw thleng dawn tlat ni a rinna te ka nei hial a.
.
.
♡ VALENTINE'S DAY SPECIAL ♡
.
(NOTICE: 'Valentines day Special' tih hi bonus chapter ani a,a thawnthu kal lai nen inzawmna aneilo tih hriat tur. Hei hi chu Valentines day pual a a ziaktu in a zeh tel mai mai ani a,a story kal lai lak atang khian a hrang daih ania. Nakinah tinge in ti leh he haw ange. 'Special chapter' bik hi chu story hran hlak.)
.
Vawiin hi February Friday the 13th ni tak ani a,chumi awmzia pakhat chu naktuk hi 'Valentines day' ani tawh tihna.
.
Hugh-a nen chuan bazar ah thawmhnaw lei tur in kan chhuak dun a,thawmhnawh zawrhna lian tak chhungah chuan lut in rei tawk fang kan enkual a.
.
"Hei hi a tha lutuk. Pierce a'n a duh ngawt ang ka ring" tihpah hian bra sen,hnute hmur chiah khuhna awm hi arawn la chhuak a.
.
"Uang uang suh Hugh. Hmun dangah en leh ang"
.
"I mit a del ami? A nalh em hi"
.
"Ka fiamthu lo ania"
.
"Pierce a'n nal loh a tih malek ahh...."
.
Ka kal pel nghal a,Hugh-a erawh a lo nui vur vur a.
.
Pawnah chuan chhuak in Hugh-a chuan Car chu a khalh a. "Mecy's thawmhnaw zawrhna lamah kan va kal leh dawn em ni ang?"
.
"Ka chau tawh emai. Haw mai ka duh" tihpah in tukverha chuan ka dak a,hun ka va khawhral leh mai mai tho ang. Bakah vawiin chu Hugh-a hi lem a chang vel mai mai a ang tlat
.
Ka va hawi phei a,Radio ah hla alo ngaithla a.
.
"Hugh...."
.
"Mmmmm....!??"
.
"Acting hi chu i thiam vaklo anih hi"
.
Min rawn en a,mak a tih hmel in a hlauhthawn hmel angreng hlemai. Chutah arawn nuichhuak hak a "Eng nge maw i sawi awmzia chu le?"
.
"Engmah ania" tiin ka lo chhang let ringawt a. Sawi pui lo law law teh ang.
.
Kan apartment lampan a kan chhoh lai te chuan ka hnungah zel a kal a,kal hmasa zawk tur chuan min duh ani tih hi a hriat ngawih ngawih. Ka din lahin a ding ve zel bawk si.
.
Eng thil tak thleng ang maw....!!
.
Kan apartment kan thleng ta. Chahbi phawrh chhuak in kawngka chu ka han hawng a,inchhung ka han hmu chiah chu ka ka hau mai....mak ka ti lutuk zawk.
.
.
Living room chu baloon rawng chi hrang hrang hian alo inchei vek a. Inchhungah chuan ka han pen lut a,eng emaw hi ka rap ri rak tih ka inhria a. Kan en chu chhuatah chuan love sign candy chi hrang hrang hi alo darh nuaih a.
.
Dimte in ka phei a,ka room lamah ka lut phei a. Ka khumah chuan Pierce-a nen a hman a lawngchawlhna hlui a kan len tum a ka dawn,panda lem, 'Mr P' ka tih thin chu a lo thu a, bow tie a lo awrh ngei bawk a. Candy lian angreng tak hi alo keng tel bawk a,tah chuan fiah tha tak hian 'ME & YOU' tih a inziak a.
.
"Chuan eng nge sawi duh te i nei em?" rang takin ka inher a,kawngka bulah chuan Pierce-a alo ding reng a,a mitmengah chuan beisei a nei ani tih ka hria.Hugh a'n bazar tur a min hruai lai khan duhtawk in in hi an lo chei ani tih ka hrethiam chiah.
.
"Maw..? Engmah hi ka hrethiam lo" tihpah in ka lu ka thing a. Valentines day te chu naktuk ala ni daih si a,min surprise dan chu ka hrethiam hauhlo mai.
.
"Kei leh " tihpah in amah chu ahan inkawk a, chutah min rawn kawk veleh a "Nang hi,zaninah Florida ah kan kal ang"
.
"Florida maw...? Min hruai dawn a maw?" ka hmui ka hup a,phurna chuan min rawn chhungkhat nghal a. A lampan chuan ka tlan phei a,va zuang kang in a nghawngah ka kuah a,ka bawp pahnih chuan a kawngah ka chep bet a,chuveleh min lo fawp nghal a.
.
Muangchangin khum lam min pan phei pui a,mahse min fawhna erawh ala sawn chuang lo. Dimte in min nghat a,chutah ka taksa pum chu an en chhuak vek a.
.
"Mawi lutuk.." tihpah in arawn nui sak a.
.
Chutiang thil vel a talang chuan Hugh-a a awm ve reng ani tih ka lo theihnghilh daih mai. Room kawngkhar lah chu kan kalh der mai si lo.
.
"I tha amaw?" Pierce-a chuan min rawn ti a. Min bawh run mai si a,chet han lak vak hleihtheih pawh ani lo.
.
"Hugh kha ala awm ve reng ania. Kawngka kan kalh bawk si lova"
.
A han nui hak a. "Ani te chu arawn thlah zawh che khan a chhuak lehnghal daih alawm"
.
Eng a..?
.
"Chuan ani kha dawr a min hruai tur in i ti ani maw?"
.
"Dawrah chuan ti love. Khawiah emaw lova hruai rawh ka ti ringawt alawm. Chu mi hlan a tiang a ka lo chei theih nan" mipa naupang lawm hmel ang mai hian an nui a.
.
"Khai aw....a van chak dawnlo tak"
.
Pierce-a chuan ka chalah arawn fawp a,a mitah tak chuan ka en let ve a. "Ni love...chutia i awm ka duh hleinem. Tun kar tawp hi chu hlim takin awm la ka duh ani"
.
Min han fawp leh vang vang phawt a. "Tun weekend hi chu hlim takin awm la ka duh a,zaninah kan chhuak dawn nia. Chuvang in i mamawh tur ang kha chu duh leh kan in khung lawk dawn em ni ang?" arawn ti a
.
.
◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇◇
.
Florida lampan chuan Wilson private jet in kan thlawk a,darkar 2 lek thlawk ani tho a,bakah Pierce-a bul a ka thut chuan ka hlauhna te pawh a bo vek zel. Kan chuan chhung a ka kut a a chelh thin avangin
.
Pierce-a lam chu ka va hawi a,nghen chhan ngheng in a thu dar dar a,a mit a chhing bawk a. "Tinge Florida ah kher min hruai i tum a?" ka va ti a.
.
A rawn nui deuh sak a,a maimitchhing lehnghal a. "Chhan tha tak a awm a" nui chungin arawn ti a.
.
Thawk ka han la hak a,engtak chu ni ang maw...! A ban chu ngheng in keipawh chu muthilh ve ka tum a,ka va nghen veleh alamah min lo pawt phei nghal a,a awm ngheng chuan ka maimitchhing a. A rim a tui in boruak zawng zawng chu a luahkhat chek tih mai tur ani.
.
Zinglam dar 2 ah Florida chu kan thleng a,ka ril a tam ngei mai. Pierce-a chuan Car leh driver alo order lawk vek tawh a,Car chuan khualbuk lam kan pan nghal a. Kan thlenna in chu lian lutuk lo,te fel ren rawn hi ani a. A chhungah chuan engkim a kim in a bang te chu rangkachak rawng a chei ani a,a then lai lai a thing an hmang te chuan a ti romantic takzet.
.
Inchung lamah chuan mutna tur pindan a awm a,chumi lamah chuan kan chho a. Pierce-a chuan kawngkhar chu an hawng a,a lian lem lo. Khum erawh lian tha tak a awm a,T.V pawh en nuam tawk vel a inhung bawk. Dawhkan leh bathroom a awm tel bawk a.
.
"Hetah hian darkar reilo te kan awm lawk dawn nia. Naktuk zing dar 8 ah kan chhuak lehnghal ang. Muthilh tum rawh Olive" tihpah in Pierce-a chuan kan bag vel chu dawhkanah chuan a nghat a
.
Khum lamah chuan ka va zuang phei nghal a,mahse ka riltam zia chu ka hrechhuak leh thut a. "Pierce...." inthlahrung deuh hian ka han ti a.
.
"Eng nge ni ta?"
.
"Ka ril a tam"
.
An nui sak a "Hetah hi chuan room service engmah a awm lova. Mahse ti khan lo awm la,eitur chu kan ngaihtuah sak ang che" tihpah in ka biangah arawn vuan a. Ka lu ka lo bu a,ani pawh chu a chhuak nghal a.
.
Khumah chuan mu in TV ka on a,zanlai show an chhuah chu ka en a.
.
Minutes rei vaklo ah chuan Pierce-a chu thil khai chungin arawn lut a "Ka bawihte-i ta tur" tihpah in a thil ken chu min rawn pe a.
.
Ka lawm zia lantir nan a biangah ka fawp zeuh a,a thil min rawn lei chu ka hawng nghal a. Chutih lai chuan a kawr a lo hlip a,bag atang chuan kawr dang lachhuak in ka bulah chuan arawn thu a. Pierce-a chuan sandwich leh thei tui min rawn lei sak a.
.
"I ta tur i lei tel ve nghal lo nia"
.
"Kei te chuan chaw ka chak vak hleinem" tihpah in arawn nui a,engtinmah ka chhang lo. Ka hmaah chuan kawr ha lo chuan a thu reng a,ka en vung vung loh nan ka inthunun hram hram a. A mitah tak chuan ka en a,khaw dang ka hawi thei tawhlo. Chumi pah chuan Sandwich chu ka keih a. Ka han keih zo chiah chu Pierce-a chu a nui chhuak hawk hawk a.
.
"Shit! Olive....ka mood i ti danglam vek dawn alawm le" nuih huah huah pah in arawn ti a.
.
"Engah chuan maw...?"
.
"Zanin angah te hi chuan nuam ti takin hmangaihna kan chen dun ang chu ka tia nia,mahse i thil ei hmel khan min rap deuh tlat" a la nui reng tho a.
.
Kei erawh nui lo tur in ka insum hram hram a."ohh....ka tihpalh ani e. I six pack nge ka en ang a sandwich zawk hi tih ka inngaihtuah alawm" ka lo ti a.
.
" Chu....ka body leh sandwich i lo khaikhin vel ani maw?"
.
Ka chhang tawh lo...ka thil ei lai chu ka ei zawm mawlh mawlh a. Mahse Pierce-a chuan amah aia Sandwich a rilru ka pe zawk chu a ngaitheilo. A chanve chiah ka la ei tihah chuan min rawn laksak a,dawhkan kil lamah chuan a dah phei daih a.
.
"Hey......" tihpah in ka va ban lehnghal a,mahse ani chuan dimte in khumah chuan min mut a,chuveleh ka bawp pahnih chuan a kawngah ka lo kherh bet nghal a. Ka kut a a vawn tlat avang chuan ka kut ka ti che theilo a,ani lah in a ke a ti che thei hek lo. A kap zawn chu muangchang in ka dul zawnah chuan arawn pawng tial tial a,mak tih hmel tak hian ka lo mengphawk hru a
.
"I thil tih vang vek.." nui chungin arawn ti a.
.
Ka lo nui ar ar a,ka nghawngah arawn fawp zui nghal a.A kut chuan ka thawmhna hak lai chu a mal te te in a phelh a,khum bul velah chuan a vawm darh phing pheng a. A kekawr leh a boxer hak chu a rual in a hlip nghal a,a thawmhnaw ho khum pawn lam a a vawm phei hma chuan a kekawr ipte chu ahan zen leh te te a,Condom arawn phawrh chhuak a. Pindang chhung boruak chu a dan a dang ta zar mai. Ka sandwich lam reng reng chu rilruah a awm zui tawh lo.
.
A chunglam a tang chung chuan min rawn fawp pah reng a,keipawh chuan a banah nghet takin ka chelh a,a chang leh a nghawngah ka kuah bawk a. A kut dinglam chuan ka hnute hmur kawh lah mai chu a hmet hrual ner ner bawk a. Keimah zawk zawk chuan a rawn thun luh leh lam chu nghakhlel in ka taksa ka lo kan ak ak zawk a
.
.
Pierce-a chuan duhthaw takin min fawp tawn tawn a,hnuai lam a nawm em avang chuan thawk pawh ka thaw tha hleitheilo. Ka kut pahnih chuan a hnungzangah ka chul a,a mawngtam lamah chul thla in tlem in kan tham deuh a,a aia thuk zawk a ti tur chuan ka lo nam ve tawn tawn a.
.
Min fawhna chu thlah in a hma aia uar chuan a ti sauh sauh a. Ka thawk a mumal tawh lova,minute tin mai chuan ka thinphu lah chu a rang telh telh mai bawk si. Nuam tih hmel zet hian Pierce-a chu ka han melh a,ani pawh chuan min rawn nuih sak a. Ka duh chu a hria...Engmah sawilo chuan min rawn fawp lehnghal a
.
.
.
A hma ai chuan ka rum ring sauh a,Pierce-a pawh chuan a speed a ti rang ve telh telh a. A hnuzangah chuan ka tham tual tual a,a vawrtawp ka thleng dawn hnai ta.
.
"Khawngaihin...tawp lul suh.." ka aw te chu a tham tiak a
.
Pierce -a chuan ka darah a vuan a,a hma aia chak chuan an bei leh sauh sauh a. A chal chu thlan chuan a bawh hluam a,rangkachak rawng ang mai hian a tle niar niar a. A hmui lah chu kan infawhna ala reiloh vang nge a senno chek bawk a. Ka hmui chu ka seh a,a hmel ka en pah reng bawk a.
.
Reilo te ah a vawrtawp kan thleng dun ta. Kan thaw dun hlawp hlawp a,Pierce-a chuan a condom chu pawtphelh in ka sirah chuan arawn bawk nghal thlawp a,a biangah ka lo fawp a.
.
"Pierce...?"
.
"Mmmm....??" ka sam arawn chul pah a.
.
"Ka hmangaih che"
.
"Ka hmangaih che"
.
Chubak engmah ka hre zui tawh lo. A thim mup a,a ban kham chung chuan ka muhil nghal a.
.
.
Pierce-a phone alarm chu a rawn ri ral ral a,kan chhuah a hun tawh tihna ani ngei ang? Mahse khawiah nge kan chhuah ang? Ngaihdan pawh ka nei thiamlo.
.
"Olive... tho rawh" tihpah in min rawn sawi a,ka tho peihlo ngei mai. Ka mit ka han meng a,Pierce-a erawh a lo inpeih at tawh mai. Kawr dum pawl a ha a,kekawrbul nen. Ka tho tih a hmuh veleh min lo nuih nghal a.
.
"Kal teh..." ka han ti a.
.
A lo nui hak hak a "Ti teh...ka Valentine duhtak, kan kal vat loh chuan thliarkar a kan kalna tur motor kan nang hmanlo palh ange". Pakhatna ah chuan 'Valentine' ti a min han koh chuan eng emaw ti tak a lawmna ka nei nghal a,a thusawi dawt chiah phei chuan min ti phur hlemai.
.
.
.
Thliarkar chu minutes 15 hnu velah kan thleng phei a,a hmun a thengthaw nuam in sawisel bo hi ani ringawt. Signboard a 'Little Palm Island' tih inziak ka hmuh chuan resort ah kan awm ani tih ka hre nghal mai a,tiau vut ka rah zawng te chuan ka ke chu a za mer mer a.
.
Thil tam tak min tihsak tawh mai bakah tun hun ang phei hi chu ka nun a ka vawikhat tawnna ani. Kei erawh chuan hmangaihna pek mai loh chu pek tur dang reng ka neilo.
.
.
"Kan lo lawm a che u. Valentines Day nuam leh hlimawm tak in hmang dawn nia" gate vengtu nu chuan alo ti a. In tur tui leh fresh tak mai kan chah a,chulai hmunah chuan riahna tur in nuam tak tak a awm tel nghal teuh bawk a.
.
.
END OF CHAPTER 12

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2016, 5:21 pm

Chapter -13
.
Charles-a pawh London atang New York arawn thleng tawh a,tun atanga darkar reilo teah Alexandria Hotel ah dinner kan ei dun ang. Chu hotel chu classic deuh anih avangin a mil thei tur ang ber in ka inchei a,keima tawkah ka in uluk ve hle.
.
Rei vak loah ka room kawngka chu arawn in kik karh karh a,Hugh-a chu arawn lut nghal a. Min rawn en a "Zanin chu tu emaw hi a chhelo hlemai a" tihpah in a mit ko arawn san ak a.
.
"Dinner ei tur in ka chhuak lawk dawn alawm" ka lo ti a.
.
"Tu nen nge...?"
.
"Charles-a nen"
.
"In in date dawn ani maw...? Bakah Charles-a chu ka la hre ngai miahlo mai"
.
"A teuhlo mai. Ani te chu ka thianpa alawm" . Thiante nen a dinner eitur a chhuah chu a sualna ka hre hran lo.
.
Ka khumah chuan Hugh-a chu a rawn thu chho a. "Kei chu thil hi a kal fuh dawn lovin ka hre tlat" tihpah in a lu an thing a.
.
"Dinner ringawt hi a ni lovang tih ka hlau khawp mai" ka sawi zawi viau nangin a chiang hle thung. Pierce-a leh Margaret-i te pawh in date in an lo chhuak ve ang a,chumi Hotelah chuan kan inhmu fuh ang a tih vel te chu ka rilruah arawn awm a.
.
"Fimkhur deuh in i va awm dawn nia" tihpah in Hugh-a chuan min chhuahsan nghal a. Pierce-a chu engvang ngawt in nge ka hmuh ang ni....,thil theih pawh va ni suh. Mahse hlauhthawnna lian tak ka nei tlat. Chutih rual in tunlai phei chu office hnalam a an buai lai ani a,tlai dar 5 aia hmaah chuan a haw lo tawp ang.
.
Ka chhuah dawn chuan Hugh-a chuan zanriah tur alo buatsaih mek a. "Ka ngaihtuah riau mai che" arawn ti a.
.
Chu veleh a bulah va kal phei in hnunglam atang chuan kan kuah a "Charles te chu nangmah ang a ka thianpa ve tho alawm anih. Evan-a nen pawh la hmu ve ula ka ti khawp mai" ka han ti a. "Naktukah khua fan pui ka tum a,in rawn kal ve dawn nia.
.
Mak tih hmel angreng deuh hian Hugh-a chuan min rawn en a "Ahh....naktuk chu hnathawh tur a tam lutuk a,duh leh dinner kan ei ho zawk ang a "
.
"Nia kan in text dawn nia" ka ti a. Tunah chuan keimah in duhthlanna ka siam ve ta. Tun nipui hi chu nuam thei ang ber in khawpui te ka fangkual ang a,hnathawh hah ngailo in nuam kan chen veng veng teh ang.
.
Hugh-a chu a biangah ka fawp zeuh a,ka Car ah lut in Hotel lampan chuan ka inkhalh chhuak nghal a.
.
Hotel ka thlen veleh tirhkah pakhat hian ka Car kawngkhar chu min rawn hawnsak a. Hotel chhung chu a pui hle a,ka kal hnuhnung ber tum chu Wilson-a damlai khan ani a,hna chungchang thil a kan chhuah dun tum kha ani mai.
.
In nghahkhawmna pindan lampan chuan ka phei a,Charles-a hmuh mai beisei chuan ka mit kan len a,ka zawng reilo khawp mai. Ka piah deuhah chuan chanchinbu thu chungin alo chhiar a. Corrine-i (Charles-a fanu) hlim nui hmel vel ka hmuh mai ka ring a,mahse chutiang hmeichhe naupang hmuh tur an awm lo. Amah chauhin alo kal ani ngei ang. A la chhiar tui em em mai lehnghal.
.
"Hey....khalai a chanchinbu chhiar kha" ka han ti a. Min rawn hmu chiah mai chu a mengphawk nghal hru a.
.
"Lalpa leh..." tihpah in a chanchinbu chhiar lai chu thutthlengah chuan a dah a. Arawn tho chhuak a,ka chhip atanga ka ke ler thleng chuan a enchhuak dap a.
.
"Eng nge a?" ka lo ti hu a.
.
"I chhelo tawlh tawlh emaw tih mai tur i ni" arawn ti a.
.
"Khai...awihawmloh lutuk" nui chungin ka lo ti a. A inchei smart hle a,a sam buang thak mai nen phei chuan inhmeh tak ani.
.
"Bakah tlem in i rihna pawh a tla deuh anih kha. Zanriah tui tak kil ang aw" nui chungin arawn ti a. A sawi dik reng....chaw ka ei that loh avangin ka biang te pawh a ki phah deuhin ka hria. Ka hnungah arawn vuan a,Hotel restaurant lampan chuan min phei pui a. Charles a'n zinglamah reservation alo tih lawk vek tawh avangin kan thutna tur tak lam chu kan pan a. Waiter lo kal nghal in menu min rawn pe a,eitur chu chi hrang hrang a kim ngei mai. Asian cuisine, Mediterranean cuisine, European cuisine......i duh eng pawh sawi rawh. Awmlo a awm kherlo ang.
.
"Charles...?"
.
"Eng nge ni ta?" arawn hawi chhuak a,ka chhanna nghak chuan min en reng a.
.
"Corrine-i alo kal ve ka ring a"
.
A nui suk a "A nu hian rampawn lam a hruai chhuah hi a remti meuh lova. Ka chetsual pui palh ang a,a hloh ang tih a hlau aniang"
.
Menu lamah chuan ka insawrbing lehthuai a. Charles-a hi chu a fanu tan hi chuan pa tha tak ani tih ka hria.Order kan pek atanga rei vaklo ah kan thil eitur pawh chu an rawn chhawp a,Charles-a chuan wine min thlit sak a tum a,mahse motor te ka la khalh dawn avangin ka hnar a.
.
Pangai deuh in thil ei pah in kan titi dun a,Pierce-a chungchang engmah arawn sawichhuah loh avang chuan ka lawm kher mai. A tuklamah Manhattan lamah lengin Statue of Liberty te kan tlawh ang a,zanlamah Time Square a an eng chhit mawi tak te en in Hugh leh Evan te nen zanriah kan kil ho ang tiin kan duang lawk vek a
.
Kan ei zawh chuan bill a pe a,keipawh kan in lampan in ka let leh a. Ka kal hma chuan min mangtha pah in "Naktuk zing dar 9 ah ka rawn lam ang che" ati a.
.
Zan a kan hun hman dan te chu ka chhui let a, thil reng reng hi a nih dan tur ni lo ang tlat a hriatna ka nei. Thawk kan la vang vang a,bakah Charles te chu ka thianpa ve mai chauh alawm anih le. Chu lo thil dang engmah kan inkarah a awm lo.
.
.
.
A tukah chuan hma takah ka tho a,vawiin lam a chhuah kan tum avangin lo inbuatsaih ve deuh hlek loh chuan. Bakah hun nuam tak hman ka tum a,chu chu ka phu reng ni pawh in ka hria. Charles-a chuan London lam a zin leh tur in min duh hle a,mahse Pierce-a a zah avangin tlang tak in min sawm ngamlo mai pawh a. Nge ni a chu lo thildang beisei anei zawk?
.
Ka insiam zawh veleh Charles-a thlenna hotel lampan in ka inkhalh chhuak a,.Hugh-a pawh message thawn in Time Square bulah dinner ei tur a min lo nghak tur in ka ti a. Hotel ka thlen phei chuan thutchawlhna pindan lampan in Charles -a ka lo nghak a.
.
Rei vakloah veilam atang chuan ka lampan a arawn kal ka hmu a,chuveleh ka lo ding a. Suit dum,tie tello in a ha a. A rawn nui phen sen sen a,keipawh chuan ka lo nuih let ve a. "Ui ha...i thawmhnaw hak ber kher chu !!" ka han ti a. "Charlie,pawnlam khaw lum zia te saw i hrelo a mawni le....sumdawnna thil a chhuak tur kan nih loh hi" ka han ti a.
.
A banah chuan vuan in elevator ah ka luh pui nghal a "Khawi chhawng berah nge?" ka han ti a,button chu rawn hmet in chhawng chungber lampan chuan kan inkhai chho a.
.
"Inchei thiamlo lutuk mai" ka han tih chuan a lo nui sun sun a. "An ti velah....suit nen a ka rawn phei lai khan i mit laksawn na chang pawh i hriat loh kha aw.." arawn ti a.
.
"Awii....mahni infak leh Sakhi ngalah engmah a bet lo an tih kha aw..." tihpah in a darah ka va chum thawr a. Mahse ka duh aiin ka chum na...a ban puam chu a dawm nghal vang vang a.
.
Chuveleh ka nui chhuak nghal hak a "Awii...khatiang em em a chum nat che kha ka tum miah lo ania"
.
A lo nui ve mai a "Arte khen pawh a tluk nang le..."
.
"Haha....arte alawm ka nih"
.
"Ka ring rengah" tihpah in arawn nui a. "A reng rengah tinge min let pui leh kher a?"
.
Ka va melh a,ka nui ringawt a. Tun ang nipui a New York a suit ha chung a len han tum mai chuh...reilo teah thlan in a bual huh nghal vek mai ang. Kei aia upa zawk daih si..... "I inthlak leh dawn. Ti te kha chuan i thlan hluam mai ang" ka han ti a. A nui hmel te chu a duhawm in a sexy ru tlat a. Khai aa....chutiang chu ka ngaihtuah tur anilo reng reng. In ben harh sawk sawk mai chu ka duh.
.
Chhawng chung ber chu kan thleng ta. Charles -a suite(room) lam chu kan pan phei a,sitting room lian vaklo a awm a,bangah chuan tukverh lianpui mai a awm bawk a,a han san em avangin chhum chung a awm ang mai kan ni. Choka fel ren rawn tak mai leh bedroom pakhat bathroom awm tel nghal a awm bawk.
.
"Tah hian ka lo nghak ang che" tiin thutkhawmna pindan a thutthleng dupah chuan ka thu a,lukham chu pawm in ka lo thu a.
.
Rei vaklo ah chuan zunchhuak in min rawn zem chiai chiai a,bathroom lah a mut pindan chhungah a awm daih si.
.
A bedroom kawngka chu ka va kik karh karh a "Charles, i bathroom ka lo hmang lawk thei angem?" tihpah in kawngkhar chhanah chuan ka beng ka va dawh a,a ke pen ri te chu ka hre thei a. Ka inrin hma in kawngkhar chu arawn hawng thut a,pindan chhungah chuan ka kat lut nawk nawk a,chutah kawr ha lo in a lo la awm zui. Ka mengphawk nghal hraw a
.
"I thil hmuh chu i duhdan ani vak nange?" a tawng dan chu a confi hmel em em mai lehnghal.
.
"Vawiin hian damloh haw ka duh miahlo ania..." ka aw chu a lawi lek lek a. A pian chu ka han en thin a,sawi tur reng ka hrelo. Ka thil hmuh chu a mawi ka ti lutuk zawk....chu erawh a hriat ve kher a ngailo. Pa ani tawh a,ka lo inrawlh ve a thianglo hul hual. Thil dang ka ngaihtuah vat angai...ka zun a chhuah tak kha mawle...
.
Bathroom ah chuan ka lut nghal a. Ka zun zawh chuan ka kut ka sil a,chutihlai chuan suite kawngka kik ri ka hria a,pindan tifai tu ani ngei ang. Ka in tihfai zawh chuan darthlalangah ka in en thuak a,ka chhuak phei nghal a. Charles -a chu bedroom ah a awm tawh lo,.a in ha fel tawh ani ngei ang.
.
"Hey...Charlie " a hming chuan ka han ko a. "I lo in ha fel tawh maw...ruak ti tih a inhmuh kha chuan min ti hlau mai dawn alawm le" tiin fiamthu ka han thawh a,ka nui vur vur a. Keipawh chu bedroom atang chuan ka chhuak phei a
.
Kawngka ka khar chiah ka han hawichhuak chu ka thil hmuh chuan min ti phu nasa ngei mai le....
.
.
END OF CHAPTER -13

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 13th, 2016, 5:21 pm

CHAPTER -14
.
Tun a ka awmdan tak hi movie chu nise tu emaw nen ka pindanah sex hmang dun ila,ruak a kan awm dun lai takin ka nu rawn lut ta thut se,chutiang lai ang vel chu ani. Mahse movie a ni lova,ka nun tak tak ani lehnghal.
.
Ka taksa pum chu a hit chhuak nghal vek a,ka thaw ri mai mai pawh chu a ring ngei mai. Kawngka bulah ding in a kekawr ipte a zen a. A hmui chu a chip rat a,Charles -a chu ka va melh phei a,ani pawh chu ti tho...mak a tih hmel hlemai. Chutiang a Pierce-a arawn luh thut chu alo beisei biklo ni ngei tur ani.
.
La buaithlak em em mai chu Charles -a chuan kawr alo la ha ta chuang lo. A darah a lo bat ringawt a,kan awmdan ber kher chu Pierce-a tawn thutna atan chuan ka hun duhloh ber ani.
.
Tawng lo chuan kan ngawi reng a,inches 1 pawn kan che sawn eih lo. Chumi hun reilo te chu bawm tawt tak,boruak tha hip tur mumal awmlohna hmun a awm ni mai in ka inhria.
.
A tawp a tawpah chuan Charles -a chu arawn tawng chhuak ta hram a. "Pierce....." pangai deuh a tawng erawh a tum hram hram tih a hriat hlemai.
.
Pierce-a chuan a nghawngah a vuan lawk a,a hmaiah tak a hnek siah mai a. Ka meng nghal kawk mai...chu kher kher chu ka lo beisei lemlo. Pierce-a lah chuan tha thlah miah lovin a hnek nghal pawp pawp mai si. Rang tak a tlan phei in tawp nghal vat tur in ka au thawt a.
.
Ka mittui arawn luang nghal a,engvang a rawn luang ringawt nge tih pawh ka hrelo. Pierce-a chu namkiang in chhuatah chuan ka thingthi a,Charles -a chu ka bawihsawm nghal a. A hmui alo pet fan fan a,a dul a dawm bawk a. Chulai ah pawh chuan alo khawih hman tho ani ngei ang.
.
Pierce-a lam ka hawi thuai a,a thinrim em avang chuan a taksa te chu a khur hlawk hlawk a.
.
"Eng thil nge maw ti a i inhriat le?" ka han ti a. Chuveleh ka banah arawn vuan lawk a,pawnlamah min pawt chhuak nghal a. Tang teh mah ila tha ah ka hneh si lo. Bakah chuti mai in Charles -a kha kalsan chi ani lo,bawihsawm tu a mamawh ani.
.
Chutih lai chuan hmunphiat tu nu pakhat hi bungrua eng eng emaw nawr in min tawk zawng in a rawn kal a. A zawn kan thlen veleh Pierce-a chuan "Rang takin room ruak min han kawhhmuh vat teh" ati a,chu nu chuan mak a tih hmel hlemai.
.
"He lamah hian Mr.Alexander " tihpah in room ruak lamah a hruai nghal a. Tu pawh in Pierce-a chu an hria ang,a chhan chu milar tak pakhat kha ani tawh miau a. Chu nu chuan room pakhat chu ahan hawng a,rang takin a chhuak lehnghal a. Eng nge thleng dawn tih chu hmuh loh law law zawk tha in a hria anih ka ring.
.
Ka ngawi reng a,ka thinrim vang em em pawh ani lo. Ka hlau hran lo...mahse ka hlauh ber zawk chu kut minthlak ang tih chu ani.
.
Kawngka chu a khar a,sitting room lamah min kai phei a,room chhung awmdan chu Charles -a awmna ang deuh chiah kha ani mai.
.
A vei thauh thauh reng a,eng nge maw a ngaihtuah ni. "A khawih hman che em?" tihpah in ka bulah arawn thu a. Chutiang thu kher kher chu min zawh ka ringlo.
.
"Min lo hrethiam la.....?"
.
Ka mitah tak rawn en chung chuan ka biangah arawn vuan a. "Ka sawi chu i hriat kha". A vawn chu nuam ti hle mah ila a kut chu paih sawn in ka tawlh hnung nghal a.
.
"Khang thil zawng zawng a thlen tawh hnuah pawh khan tiang rilru chu maw ila put a?" ka aw chu a khur dar dar a. A duh duh a sawi mai zel hi ka ngaithei bik lo. Engtin nge midang tan a nat ang tih lam reng hi a ngaihtuah ve ngailo. A bik takin kei phei chu.
.
.
"Tiang in mipa dang i awmpui mai mai tur ani hleinem" ka mit tak a en chung chuan Pierce-a chuan arawn ti a.
.
"I zak lo ami..? Chung te chu ka thu thu" ka lo ti let ve nghal a. Ka sa ve phat mai. Charles -a nen a kan inkar chungchang chu engmah hriat anei lo a,kut min han thlak na teh se. Min hmu leh tawh ngailo ang.
.
"Chhuak tur in min ti a,i sawi ang ngei in ka chhuak a. Chuti chung chuan tunge ka hmuh a,tunge ka awmpui tih chungchangah hian rawn inrawlh theihna i nei lo reng reng. Nang te chuan kei aiin Margaret-i i thlang daih zawk alawm" ka mittui chu ka kut in kan hru hul a.
.
A ngawi reng a,sawi tur a hrelo ani ngei ang. An bawrh bawrh chu ka duh...ka rilru natzia te hi hria se ka duh ani. Ka sawi chhunzawm lehnghal a... "Hun rei tak ka lo nghak che asin Pierce...engtikah emaw ilo kir leh ang tiin. Min hmangaih tak tak ni la chuan ka thusawi i ngaithla ang a,chhete tal pawh in min rinna i lantir ve ang. Ka beisei loh deuh in thil kha arawn thleng phut a,kei chuan hrilh hun tur che hun remchang ka zawn vang ani. i pa chungchangah ka lakah i thinrim tihpawh ka hria. Ka hrethiam lutuk che...keipawn ka nun a mi pawimawh tak ka lo chan ve tawh a,a nat dan tur zia chu ka hria. I thinrim anih pawn awm ka tihpui lutuk che..mahse i thin a rim vang mai khan midang rilru tihnat theihna tur engmah i neilo"
.
Kan thaw halh a,sawi belh tur ka la nei. "Tunah chuan thudik chu i hriat tawh ka ring. I pa chuan a hmangaih lutuk che Pierce,. Thil chu a nih ang ang ani zo tawh a,chuvang chuan ngaihdam theihna neih tum la,tichuan nangmah delh rit tu zawng zawng te chuan an kiam san mai ang che" ka han ti a. "Chubakah keipawh min ngaidam la ka duh a,natna ka thlen zawng zawng che avang khan" tihpah in hnuailam ka bih daih a,chuti chung pawh chuan engmah ala sawi chuang lo. "Chuan Charles -a nen a kan inkarah hian engmah a awmlo tih hi lo hria la,chuan nangpawh hlim deuh in lo awm reng ang che....kan kal tawh mai ange" tihpah in chhuah ka tum a.
.
A zawn ka thlen a,ka kalpelh dawn lai tak chuan ka banah arawn vuan a. Mahse en pawh ka en duh lo..tlawmah ka la ve tawh tlat.
.
"Olivia....khawngaihin min rawn en teh" a aw chu a khur dar dar a,a tap mai dawnin ka hria. A lam hawi chuan inher in a mitah tak ka en a,ngawi reng in a tawng hun ka nghak a. "Ka kal tir leh tawh ngai lovang che. Vawikhat mah". Chu ringawt chu sawi lo se ka duh. Min ngaidam tak tak dawn anih chuan thil dang pawh la sawi tel se ka duh ani.
.
Kal luih tum chuan ka pen a,mahse min lo dang tlat a. A vawikhat nan a mittui a tling pam ani tih ka han hmu a. A hmui hnuailam chu a khur dar dar a,a mittui chu tla lo tur in a inthunun hram hram ani tih ka hria.
.
"Khawmaw Pierce,min kal tir teh" ka han ti sep a.
.
"Khawiahmah min kalsan lovang.. i kalsawn ka phal lo. Khawngaih in eng emaw tal te chu han sawi ve la"
.
"Tunah engmah ka sawi thei rih lo . Pawi ka ti lutuk....ka tan chuan a na mah mah ani" thawk kan la vang vang a,kawngka lam chu ka pan nghal a
.
Tunah chuan min dang tawhlo. Ka ban a a vawnna pawh chu a thlah riai riai a. Hnunglam hawi let miah lovin kawngka lam chu ka pan nghal a."Hei hi kan inhmuh tawpna chu anilo ang tiraw Olivia" arawn ti leh a,hawilet chuanglo chuan ka lu ka bu ringawt a.
.
Tunah chuan min dang tawhlo. Ka ban a a vawnna pawh chu a thlah riai riai a. Hnunglam hawi let miah lovin kawngka lam chu ka pan nghal a."Hei hi kan inhmuh tawpna chu anilo ang tiraw Olivia" arawn ti leh a,hawilet chuanglo chuan ka lu ka bu ringawt a.
.
Pawn ka chhuak chiah chu ka maimitchhing a,thawk ka han la vang vang a. A rim pa hrak mai te khan min ti a lo chauh a,a mittui tling ka hmuh te khan ka van kuah teuh tak em. Ka mittui chu hruhul in Charles-a awmna suite lam ka pan nghal a.
.
Tunah rih chuan tu emaw titi pui tur ka duh. Charles -a nen engkim kan ruahman lawk tawh a,vawiin a khawpui fang tur in. Mahse thil arawn sukuk zo ta vek mai. Charles -a chu ngaihdam ka dil ang a,a hliam te chu ka bawihsawm ngei angai ang.
.
A kawngkhar chu kan kik a "Charlie....keimah ka nia"
.
Reilo teah kawngkhar chu arawn hawng a,a hmui chu towel in alo dawm bawk a. Tunah chuan kawr pawh alo ha ve tawh e. Ka lut a,ngawi reng chuan sitting room a thutna lam chu kan pan a.
.
Kan thut hnu pawh chuan kan la tawng ta chuang lo. Tawng hmasa zawk nih ka chuh ta ringawt a. "Vur kan mamawh in ka hria" tihpah in intercom hmang chuan room service biak ka han tum a. Minutes 5 hnu a an rawn dah tur thu in min rawn chhang a.
.
Vur an rawn dah thleng chuan kan la tawng ta chuanglo. A rawn thlen veleh chu vur chu towel a tuam in Charles -a chu ka pe a "Hei hian dep ang aw....a vung a reh mai ang". A lo la ve mai a,a hmui vungah chuan a dep nghal a. A hma zawnah chuan thu in ka lo thlir reng a.
.
"Engtia rawn kal ringawt nge anih a?" ka han ti a.
.
"Ka hre bik tawhlo. Bathroom a i awm lai kha ania....room tifaitu anih ring in ka va hawn a, nang eng nge a lo zawh kual vek che a?"
.
"Thil ho deuh deuh mawle..."
.
"Ka ring chiah lo"
.
"Thil pakhat ka zawt ang che aw...."
.
Charles chuan a lu alo bu ve mai a. "Keini hi eng nge kan nih chiah? Thian chu kan nia tiraw?"
.
"Aw ni chiang e...mahse zep thu a chenglo...nang hi chuan min ti a zo tawh anih hi" tih pah in arawn nui ver ver a.
.
"Charlie...ka uang lo ani. Bakah kei chu ka theilo-.." ka aw chu a dul raih a,chutih lai chuan ani erawh alo nui vur vur a.
.
A dul chu ka va khawih sak a, "Eng nge i pum chu a an a?" thil dang sawi pui daih ka duh.
.
A lo nui a "Engtinmah a awm hleinem. Tiang te hi chu khatiang lekah a na ve thei hleinem"
.
"Van tha thin em..." ka lu ka bu a. "Keipawh in lam ka pan mai loh chuan. Vawiin plan zawng zawng ka ti bam vek chu a nuamlo ka ti ngei mai"
.
"Haw dan a...? Plan kan siam vek tawh kha...khatiang thil thleng vang mai mai khan engtin nge kan thulh theih ang?" ka han ti a. Charles -a hi chuan danglam na riau hi a nei a,thim hnuaiah pawh a khawnvar chhit dan a thiam tlat zel.
.
.
END OF CHAPTER +-14

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)